আদিপর্ব – অধ্যায় ০৫৪

আদিপর্ব – অধ্যায় ০৫৪

॥ শ্রীঃ ॥

১.৫৪. অধ্যায়ঃ ০৫৪

Mahabharata – Adi Parva – Chapter Topics

আস্তীকস্য স্বমাত্রা সবাদঃ। বাসুকেরাশ্বাসনং চ॥ ১ ॥ আস্তীকস্য সর্পসত্রং প্রতি গমনম্॥ ২ ॥

Mahabharata – Adi Parva – Chapter Text

১-৫৪-০ (২২১১)
সৌতিরুবাচ। ১-৫৪-০x (২৫৫)
তত আহূয় পুত্রং স্বং জরৎকারুর্ভুজংগমা।
বাসুকের্নাগরাজস্য বচনাদিদমব্রবীৎ॥ ১-৫৪-১ (২২১২)
অহং তব পিতুঃ পুত্র ভ্রাত্রা দত্তা নিমিত্ততঃ।
কালঃ স চায়ং সংপ্রাপ্তস্তৎকুরুষ্ব যথাতথম্॥ ১-৫৪-২ (২২১৩)
আস্তীক উবাচ। ১-৫৪-৩x (২৫৬)
কিংনিমিত্তং মম পিতুর্দত্তা ৎবং মাতুলেন মে।
তন্মমাচক্ষ্ব তত্ৎবেন শ্রুৎবা কর্তাঽস্মি তত্তথা॥ ১-৫৪-৩ (২২১৪)
সৌতিরুবাচ। ১-৫৪-৪x (২৫৭)
তত আচষ্ট সা তস্মৈ বান্ধবানাং হিতৈষিণী।
ভগিনী নাগরাজস্য জরৎকারুরবিক্লবা॥ ১-৫৪-৪ (২২১৫)
জরৎকারুরুবাচ। ১-৫৪-৫x (২৫৮)
পন্নগানামশেষাণাং মাতা কদ্রূরিতি শ্রুতা।
তয়া শপ্তা রুষিতয়া সুতা যস্মান্নিবোধ তৎ॥ ১-৫৪-৫ (২২১৬)
উচ্চৈঃ শ্রবাঃ সোঽশ্বরাজো যন্মিথ্যা ন কৃতো মম।
বিনতার্থায় পণিতে দাসভাবায় পুত্রকাঃ॥ ১-৫৪-৬ (২২১৭)
জনমেজয়স্য বো যজ্ঞে ধক্ষ্যত্যনিলসারথিঃ।
তত্র পঞ্চৎবমাপন্নাঃ প্রেতলোকং গমিষ্যথ॥ ১-৫৪-৭ (২২১৮)
তাং চ শপ্তবতীং দেবঃ সাক্ষাল্লোকপিতামহঃ।
এবমস্ৎবিতি তদ্বাক্যং প্রোবাচানু মুমোদ চ॥ ১-৫৪-৮ (২২১৯)
বাসুকিশ্চাপি তচ্ছ্রুৎবা পিতামহবচস্তদা।
অমৃতে মথিতে তাত দেবাঞ্ছরণমীয়িবান্॥ ১-৫৪-৯ (২২২০)
সিদ্ধার্থাশ্চ সুরাঃ সর্বে প্রাপ্যামৃতমনুত্তমম্।
ভ্রাতরং মে পুরস্কৃত্য পিতামহমুপাগমন্॥ ১-৫৪-১০ (২২২১)
তে তং প্রসাদয়ামাসুঃ সুরাঃ সর্বেঽব্জসংভবম্।
রাজ্ঞা বাসুকিনা সার্ধং শাপোঽসৌন ভবেদিতি॥ ১-৫৪-১১ (২২২২)
দেবা ঊচুঃ। ১-৫৪-১২x (২৫৯)
বাসুকির্নাগরাজোঽয়ং দুঃখিতো জ্ঞাতিকারণাৎ।
অভিশাপঃ স মাতুস্তু ভগবন্ন ভবেৎকথম্॥ ১-৫৪-১২ (২২২৩)
ব্রহ্মোবাচ। ১-৫৪-১৩x (২৬০)
জরৎকারুর্জরৎকারুং যাং ভার্যাং সমবাপ্স্যতি।
তত্র জাতো দ্বিজঃ শাপান্মোক্ষয়িষ্যতি পন্নগান্॥ ১-৫৪-১৩ (২২২৪)
এতচ্ছ্রুৎবা তু বচনং বাসুকিঃ পন্নগোত্তমঃ।
প্রাদান্মামমরপ্রখ্য তব পিত্রে মহাত্মনে॥ ১-৫৪-১৪ (২২২৫)
প্রাগেবানাগতে কালে তস্মাত্ৎব ময়্যজায়থাঃ।
অয়ং স কালঃ সংপ্রাপ্তো ভয়ান্নস্ত্রাতুমর্হসি॥ ১-৫৪-১৫ (২২২৬)
ভ্রাতরং চাপি মে তস্মাত্ত্রাতুমর্হসি পাবকাৎ।
ন মোঘং তু কৃতং তৎস্যাদ্যদহং তব ধীমতে।
পিত্রে দত্তা বিমোক্ষার্থং কথং বা পুত্র মন্যসে॥ ১-৫৪-১৬ (২২২৭)
সৌতিরুবাচ। ১-৫৪-১৭x (২৬১)
এবমুক্তস্তথেত্যুক্ৎবা সাস্তীকো মাতরং তদা।
অব্রবীদ্দুঃখসংতপ্তং বাসুকিং জীবয়ন্নিব॥ ১-৫৪-১৭ (২২২৮)
অহং ৎবাং মোক্ষয়িষ্যামি বাসুকে পন্নগোত্তম।
তস্মাচ্ছাপান্মহাসত্ৎব সত্যমেতদ্ব্রবীমি তে॥ ১-৫৪-১৮ (২২২৯)
ভব স্বস্থমনা নাগ ন হি তে বিদ্যতে ভয়ম্।
প্রয়তিষ্যে তথা রাজন্যথা শ্রেয়ো ভবিষ্যতি॥ ১-৫৪-১৯ (২২৩০)
ন মে বাগনৃতং প্রাহ স্বৈরেষ্বপি কুতোঽন্যথা।
তং বৈ নৃপবরং গৎবা দীক্ষিতং জনমেজয়ম্॥ ১-৫৪-২০ (২২৩১)
বাগ্ভির্মঙ্গলয়ুক্তাভিস্তোষয়িষ্যেঽদ্য মাতুল।
যথা স যজ্ঞো নৃপতের্নিবত্রিষ্যতি সত্তম॥ ১-৫৪-২১ (২২৩২)
স সংভাবয় নাগেন্দ্র ময়ি সর্বং মহামতে।
ন তে ময়ি মনো জাতু মিথ্যা ভবিতুমর্হতি॥ ১-৫৪-২২ (২২৩৩)
বাসুকিরুবাচ। ১-৫৪-২৩x (২৬২)
আস্তীক পরিঘূর্ণামি হৃদয়ং মে বিদীর্যতে।
দিশো ন প্রতিজানামি ব্রহ্মদণ্ডনিপীডিতঃ॥ ১-৫৪-২৩ (২২৩৪)
আস্তীক উবাচ। ১-৫৪-২৪x (২৬৩)
ন সন্তাপস্ৎবয়া কার্যঃ কথংচিৎপন্নগোত্তম।
প্রদীপ্তাগ্নেঃ সমুৎপন্নং নাশয়িষ্যামি তে ভয়ম্॥ ১-৫৪-২৪ (২২৩৫)
ব্রহ্মদণ্ডং মহাঘোরং কালাগ্নিসমতেজসম্।
নাশয়িষ্যামি মাঽত্র ৎবং ভয়ংকার্ষীঃ কথংচন॥ ১-৫৪-২৫ (২২৩৬)
সৌতিরুবাচ। ১-৫৪-২৬x (২৬৪)
ততঃ স বাসুকের্ঘোরমপনীয় মনোজ্বরম্।
আধায় চাত্মনোঽঙ্গেষু জগাম ৎবরিতো ভৃশম্॥ ১-৫৪-২৬ (২২৩৭)
জনমেজয়স্য তং যজ্ঞং সর্বৈঃ সমুদিতং গুণৈঃ।
মোক্ষায় ভুজগেন্দ্রাণামাস্তীকো দ্বিজসত্তমঃ॥ ১-৫৪-২৭ (২২৩৮)
স গৎবাঽপশ্যদাস্তীকো যজ্ঞায়তনমুত্তমম্।
বৃতং সদস্যৈর্বহুভিঃ সূর্যবহ্নিসমপ্রভৈঃ॥ ১-৫৪-২৮ (২২৩৯)
স তত্র বারিতো দ্বাস্থৈঃ প্রবিশন্দ্বিজসত্তমঃ।
অভিতুষ্টাব তং যজ্ঞং প্রবেশার্থী পরংতপঃ॥ ১-৫৪-২৯ (২২৪০)
স প্রাপ্য যজ্ঞায়তনং বরিষ্ঠং
দ্বিজোত্তমঃ পুণ্যকৃতাং বরিষ্ঠঃ।
তুষ্টাব রাজানমনন্তকীর্তি-
মৃৎবিক্সদস্যাংশ্চ তথৈব চাগ্নিম্॥ ॥ ১-৫৪-৩০ (২২৪১)

ইতি শ্রীমন্মহাভারতে আদিপর্বণি আস্তীকপর্বণি চতুঃপঞ্চাশত্তমোঽধ্যায়ঃ॥ ৫৪ ॥

Mahabharata – Adi Parva – Chapter Footnotes

১-৫৪-৪ আচষ্ট ব্যক্তং কথিতবতী। অবিক্লবা অনাকুলা॥ ১-৫৪-১২ অভিশাপঃ শাপঃ॥ ১-৫৪-১৭ আস্তীক ইতি পাদপূরণার্থঃ সুলোপঃ॥ ১-৫৪-২২ ময়ি অয়মস্মান্মোচয়িষ্যত্যেবরূপো মনঃসংকল্পো জাতু কদাপি মিথ্যাঽন্যথা ন॥ ১-৫৪-২৩ ব্রহ্ম বেদঃ মাতৃদেবো ভবেতি মাতুরাজ্ঞকরৎববিধানপরস্তদন্যথাকরণপ্রয়ুক্তো দণ্ডো মাতৃশাপরূপো ব্রহ্মদণ্ডঃ॥ ১-৫৪-২৬ বাসুকেশ্চিন্তাজ্বরং স্বয়ং গৃহীৎবেত্যর্থঃ॥ চতুঃপঞ্চাশত্তমোঽধ্যায়ঃ॥ ৫৪ ॥