আদিপর্ব – অধ্যায় ০২৩
॥ শ্রীঃ ॥
১.২৩. অধ্যায়ঃ ০২৩
Mahabharata – Adi Parva – Chapter Topics
গরুডোৎপত্তিঃ॥ ১ ॥ দেবকৃতস্তুত্যা গরুডকৃতং স্বতেজস্সংহরণম্॥ ২ ॥
Mahabharata – Adi Parva – Chapter Text
১-২৩-০ (১৩২০)
সৌতিরুবাচ। ১-২৩-০x (৮৯)
তং সমুদ্রমতিক্রম্য কদ্রূর্বিনতয়া সহ।
ন্যপতত্তুরগাভ্যাশে ন চিরাদিব শীঘ্রগা॥ ১-২৩-১ (১৩২১)
ততস্তে তং হয়শ্রেষ্ঠং দদৃশাতে মহাজবম্।
শশাঙ্ককিরণপ্রখ্যং কালবালমুভে তদা॥ ১-২৩-২ (১৩২২)
নিশাম্য চ বহূন্বালান্কৃষ্ণান্পুচ্ছসমাশ্রিতান্।
বিষণ্ণরূপাং বিনতাং কদ্রূর্দাস্যে ন্যযোজয়ৎ॥ ১-২৩-৩ (১৩২৩)
ততঃ সা বিনতা তস্মিন্পণিতেন পরাজিতা।
অভবদ্দুঃখসংতপ্তা দাসীভাবং সমাস্থিতা॥ ১-২৩-৪ (১৩২৪)
এতস্মিন্নন্তরে চাপি গরুডঃ কাল আগতে।
বিনা মাত্রা মহাতেজা বিদার্যাণ্ডমজায়ত॥ ১-২৩-৫ (১৩২৫)
মহাসত্ৎববলোপেতঃ সর্বা বিদ্যোতয়ন্দিশঃ।
কামরূপঃ কামগমঃ কামবীর্যো বিহংগমঃ॥ ১-২৩-৬ (১৩২৬)
অগ্নিরাশিরিবোদ্ভাসন্সমিদ্ধোঽতিভয়ংকরঃ।
বিদ্যুদ্বিস্পষ্টপিঙ্গাক্ষো যুগান্তাগ্নিসমপ্রভঃ॥ ১-২৩-৭ (১৩২৭)
প্রবৃদ্ধঃ সহসা পক্ষী মহাকায়ো নভোগতঃ।
ঘোরো ঘোরস্বনো রৌদ্রো বহ্নিরৌর্ব ইবাপরঃ॥ ১-২৩-৮ (১৩২৮)
তং দৃষ্ট্বা শরণং জগ্মুর্দেবাঃ সর্বে বিভাবসুম্।
প্রমিপত্যাব্রুবংশ্চৈনমাসীনং বিশ্বরূপিণম্॥ ১-২৩-৯ (১৩২৯)
অগ্নে মা ৎবং প্রবর্ধিষ্ঠাঃ কচ্চিন্নো ন দিধক্ষসি।
অসৌ হি রাশিঃ সুমহান্সমিদ্ধস্তব সর্পতি॥ ১-২৩-১০ (১৩৩০)
অগ্নিরুবাচ। ১-২৩-১১x (৯০)
নৈতদেবং যথা যূয়ং মন্যধ্বমসুরার্দনাঃ।
গরুডো বলবানেষ মম তুল্যশ্চ তেজসা॥ ১-২৩-১১ (১৩৩১)
জাতঃ পরমতেজস্বী বিনতানন্দবর্ধনঃ।
তেজোরাশিমিমং দৃষ্ট্বা যুষ্মান্মোহঃ সমাবিশৎ॥ ১-২৩-১২ (১৩৩২)
নাগক্ষয়করশ্চৈ কাশ্যপেয়ো মহাবলঃ।
দেবানাং চ হিতে যুক্তস্ৎবহিতো দৈত্যরক্ষসাম্॥ ১-২৩-১৩ (১৩৩৩)
ন ভীঃ কার্যা কথং চাত্র পশ্যধ্বং সহিতা ময়া। ১-২৩-১৪ (১৩৩৪)
সৌতিরুবাচ।
এবমুক্তাস্তদা গৎবা গরুডং বাগ্ভিরস্তুবন্॥ ১-২৩-১৪x (৯১)
তে দূরাদভ্যুপেত্যৈনং দেবাঃ সর্ষিগণাস্তদা। ১-২৩-১৫ (১৩৩৫)
দেবা ঊচুঃ।
ৎবমৃষিস্ৎবং মহাভাগস্ৎবং দেবঃ পতগেশ্বরঃ॥ ১-২৩-১৫x (৯২)
ৎবং প্রভুস্তপনঃ সূর্যঃ পরমেষ্ঠী প্রজাপতিঃ।
ৎবমিন্দ্রস্ৎবং হয়মুখস্ৎবং শর্বস্ৎবং জগৎপতিঃ॥ ১-২৩-১৬ (১৩৩৬)
ৎবং মুখং পদ্মজী বিপ্রস্ৎবমগ্নিঃ পবনস্তথা।
ৎবং হি ধাতা বিধাতা চ ৎবং বিষ্ণুঃ সুরসত্তমঃ॥ ১-২৩-১৭ (১৩৩৭)
ৎবং মহানভিভূঃ শশ্বদমৃতং ৎবং মহদ্যশঃ।
ৎবং প্রভাস্ৎবমভিপ্রেতং ৎবং নস্ত্রাণমনুত্তমম্॥ ১-২৩-১৮ (১৩৩৮)
`ৎবং গতিঃ সততং ৎবত্তঃ কথং নঃ প্রাপ্নুয়াদ্ভয়ম্।’
বলোর্মিমান্সাধুরদীনসত্ৎবঃ
সমৃদ্ধিমান্দুর্বিষহস্ৎবমেব।
ৎবত্তঃ সৃতং সর্বমহীনকীর্তে
হ্যনাগতং চোপগতং চ সর্বম্॥ ১-২৩-১৯ (১৩৩৯)
ৎবমুত্তমঃ সর্বমিদং চরাচরং
গভস্তিভির্ভানুরিবাবভাসসে।
সমাক্ষিপন্ভানুমতঃ প্রভাং মুহু-
স্ৎবমন্তকঃ সর্বমিদং ধ্রুবাধ্রুবম্॥ ১-২৩-২০ (১৩৪০)
দিবাকরঃ পরিকুপিতো যথা দহে-
ৎপ্রজাস্তথা দহসি হুতাশনপ্রভ।
ভয়ংকরঃ প্রলয় ইবাগ্নিরুত্থিতো
বিনাশয়ন্যুগপরিবর্তনান্তকৃৎ॥ ১-২৩-২১ (১৩৪১)
খগেশ্বরং শরণমুপাগতা বয়ং
মহৌজসং জ্বলনসমানবর্চসম্।
তডিৎপ্রভং বিতিমিরমভ্রগোচরং
মহাবলং গরুডমুপেত্য খেচরম্॥ ১-২৩-২২ (১৩৪২)
পরাবরং বরদমজয়্যবিক্রমং
তবৌজস সর্বমিদং প্রতাপিতম্।
জগৎপ্রভো তপ্তসুবর্ণবর্চসা
ৎবং পাহি সর্বাংশ্চ সুরান্মহাত্মনঃ॥ ১-২৩-২৩ (১৩৪৩)
ভয়ান্বিতা নভসি বিমানগামিনো
বিমানিতা বিপথগতিং প্রয়ান্তি তে।
ঋষেঃ সুতস্ৎবমসি দয়াবতঃ প্রভো
মহাত্মনঃ খগবর কশ্যপস্য হ॥ ১-২৩-২৪ (১৩৪৪)
স মা ক্রুধঃ কুরু জগতো দয়াং পরাং
ৎবমীশ্বরঃ প্রশমমুপৈহি পাহি নঃ।
মহাশনিস্ফুরিতসমস্বনেন তে
দিশোঽম্বরং ত্রিদিবমিয়ং চ মেদিনী॥ ১-২৩-২৫ (১৩৪৫)
চলন্তি নঃ খগ হৃদয়ানি চানিশং
নিগৃহ্যতাং বপুরিদমগ্নিসন্নিভম্।
তব দ্যুতিং কুপিতকৃতান্তসন্নিভাং
নিশাম্য নশ্চলতি মনোঽব্যবস্থিতম্।
প্রসীদ নঃ পতগতে প্রয়াচতাং
শিবশ্চ নো ভব ভগবন্সুখাবহঃ॥ ১-২৩-২৬ (১৩৪৬)
সৌতিরুবাচ। ১-২৩-২৭x (৯৩)
এবং স্তুতঃ সুপর্ণস্তু দেবৈঃ সর্ষিগণৈস্তদা।
তেজসঃ প্রতিসংহারমাত্মনঃ স চকার হ॥ ॥ ১-২৩-২৭ (১৩৪৭)
ইতি শ্রীমন্মহাভারতে আদিপর্বণি আস্তীকপর্বণি ত্রয়োবিংশোঽধ্যায়ঃ॥ ২৩ ॥
Mahabharata – Adi Parva – Chapter Footnotes
১-২৩-২ শশাঙ্ককিরণবৎপ্রখ্যা দীপ্তির্যস্য তং তাদৃশমপি কালবালং কৃষ্ণকেশম্॥ ১-২৩-৮ ঔর্বো বডবাগ্নিঃ॥ ১-২৩-৯ বিভাবসুং অগ্নিম্॥ ১-২৩-১০ অগ্নে মাৎবমিতি দেবানাং ভ্রমবর্ণনং অগ্নিগরুডয়োরতি সাদৃশ্যকথনার্থম্॥ ১-২৩-২৫ চলন্তীত্যুত্তরাদপকৃষ্যতে॥ ১-২৩-২৬ নিগৃত্যতাং সংক্ষিপ্যতাম্॥ ত্রয়োবিংশোঽধ্যায়ঃ॥ ২৩ ॥