আদিপর্ব – অধ্যায় ০০৭

আদিপর্ব – অধ্যায় ০০৭

॥ শ্রীঃ ॥

১.৭. অধ্যায়ঃ ০০৭

Mahabharata – Adi Parva – Chapter Topics

ক্রোধেনাগ্নিকৃত আত্মোপসংহারঃ॥ ১ ॥ ব্রহ্মোক্তসান্ৎববচনেনাগ্নেঃ সংতোষঃ॥ ২ ॥

Mahabharata – Adi Parva – Chapter Text

১-৭-০ (৯৫২)
সৌতিরুবাচ। ১-৭-০x (৩৭)
শপ্তস্তু ভৃগুণা বহ্নিঃ ক্রুদ্ধো বাক্যমথাব্রবীৎ।
কিমিদং সাহসং ব্রহ্মন্কৃতবানসি মাং প্রতি॥ ১-৭-১ (৯৫৩)
ধর্মে প্রয়তমানস্য সত্যং চ বদতঃ সমম্।
পৃষ্টো যদব্রবং সত্যং ব্যভিচারোঽত্র কো মম॥ ১-৭-২ (৯৫৪)
পৃষ্টো হিসাক্ষীয়ঃ সাক্ষ্যং জানানোঽপ্যন্যথা বদেৎ।
স পূর্বানাত্মনঃ সপ্ত কুলে হন্যাত্তথাঽপরান্॥ ১-৭-৩ (৯৫৫)
যশ্চ কার্যার্থতত্ৎবজ্ঞো জানানোঽপি ন ভাষতে।
সোঽপি তেনৈব পাপেন লিপ্যতে নাত্র সংশয়ঃ॥ ১-৭-৪ (৯৫৬)
শক্তোঽহমপি শপ্তুং ৎবাং মান্যাস্তু ব্রাহ্মণা মম।
জানতোঽপি চ তে ব্রহ্মন্কথয়িষ্যে নিবোধ তৎ॥ ১-৭-৫ (৯৫৭)
যোগেন বহুধাঽঽত্মানং কৃৎবা তিষ্ঠামি মূর্তিষু।
অগ্নিহোত্রেষু সত্রেষু ক্রিয়াসু চ মখেষু চ॥ ১-৭-৬ (৯৫৮)
বেদোক্তেন বিধানেন ময়ি যদ্ধূয়তে হবিঃ।
দেবতাঃ পিতরশ্চৈব তেন তৃপ্তা ভবন্তি বৈ॥ ১-৭-৭ (৯৫৯)
আপো দেবগণাঃ সর্বে আপঃ পিতৃগণাস্তথা।
দর্শশ্চ পৌর্ণমাসশ্চ দেবানাং পিতৃভিঃ সহ॥ ১-৭-৮ (৯৬০)
দেবতাঃ পিতরস্তস্মাৎপিতরশ্চাপি দেবতাঃ।
একীভূতাশ্চ দৃশ্যন্তে পৃথক্ৎবেন চ পর্বসু॥ ১-৭-৯ (৯৬১)
দেবতাঃ পিতরশ্চৈব ভুঞ্জতে ময়ি যদ্ভুতম্।
দেবতানাং পিতৄণাং চ মুখমেতদহং স্মৃতম্॥ ১-৭-১০ (৯৬২)
অমাবাস্যাং হি পিতরঃ পৌর্ণমাস্যাং হি দেবতাঃ।
মন্মুখেনৈব হূয়ন্তে ভুঞ্জতে চ হুতং হবিঃ॥ ১-৭-১১ (৯৬৩)
সর্বভক্ষঃ কথং ৎবেষাং ভবিষ্যামি মুখং ৎবহম্। ১-৭-১২ (৯৬৪)
সৌতিরুবাচ।
চিন্তয়িৎবা ততো বহ্নিশ্চকে সংহারমাত্মনঃ॥ ১-৭-১২x (৩৮)
দ্বিজানামগ্নিহোত্রেষু যজ্ঞসত্রক্রিয়াসু চ।
নিরোংকারবষট্কারাঃ স্বধাস্বাহাবিবর্জিতাঃ॥ ১-৭-১৩ (৯৬৫)
বিনাঽগ্নিনা প্রজাঃ সর্বাস্তত আসন্সুদুঃখিতাঃ।
অথর্ষয়ঃ সমুদ্বিগ্না দেবান্ গৎবাব্রুবন্বচঃ॥ ১-৭-১৪ (৯৬৬)
অগ্নিনাশাৎক্রিয়াভ্রাংশাদ্ভ্রান্তা লোকাস্ত্রয়োঽনঘাঃ।
বিধধ্বমত্র যৎকার্যং ন স্যাৎকালাত্যযো যথা॥ ১-৭-১৫ (৯৬৭)
অথর্ষয়শ্চ দেবাশ্চ ব্রহ্মাণমুপগম্য তু।
অগ্নেরাবেদয়ঞ্শাপং ক্রিয়াসংহারমেব চ॥ ১-৭-১৬ (৯৬৮)
ভৃগুণা বৈ মহাভাগ শপ্তোঽগ্নিঃ কারণান্তরে।
কথং দেবমুখো ভূৎবা যজ্ঞভাগাগ্রভুক্ তথা॥ ১-৭-১৭ (৯৬৯)
হুতভুক্সর্বলোকেষু সর্বভক্ষৎবমেষ্যতি। ১-৭-১৮ (৯৭০)
সৌতিরুবাচ।
শ্রুৎবা তু তদ্বচস্তেষামগ্নিমাহূয় বিশ্বকৃৎ॥ ১-৭-১৮x (৩৯)
উবাচ বচনং শ্লক্ষ্ণং ভূতভাবনমব্যযম্।
লোকানামিহ সর্বেষাং ৎবং কর্তা চান্ত এব চ॥ ১-৭-১৯ (৯৭১)
ৎবং ধারয়সি লোকাংস্ত্রীন্ক্রিয়াণাং চ প্রবর্তকঃ।
স তথা কুরু লোকেশ নোচ্ছিদ্যেরন্যথা ক্রিয়াঃ॥ ১-৭-২০ (৯৭২)
কস্মাদেবং বিমূঢস্ৎবমীশ্বরঃ সন্ হুতাশেন।
ৎবং পবিত্রং সদা লোকে সর্বভূতগতিশ্চ হ॥ ১-৭-২১ (৯৭৩)
ন ৎবং সর্বশরীরেণ সর্বভক্ষৎবমেষ্যসি।
অপানে হ্যর্চিষো যাস্তে সর্বং ভক্ষ্যন্তি তাঃ শিখিন্॥ ১-৭-২২ (৯৭৪)
ক্রব্যাদা চ তনুর্যা তে সা সর্বং ভক্ষয়িষ্যতি।
যথা সূর্যাংশুভিঃ স্পৃষ্টং সর্বং শুচি বিভাব্যতে॥ ১-৭-২৩ (৯৭৫)
তথা ৎবদর্চির্নির্দগ্ধং সর্বং শুচি ভবিষ্যতি।
ৎবমগ্নে পরমং তেজঃ স্বপ্রভাবাদ্বিনির্গতম্॥ ১-৭-২৪ (৯৭৬)
স্বতেজসৈব তং শাপং কুরু সত্যমৃষের্বিভো।
দেবানাং চাত্মনো ভাগং গৃহাণ ৎবং মুখে হুতম্॥ ১-৭-২৫ (৯৭৭)
সৌতিরুবাচ। ১-৭-২৬x (৪০)
এবমস্ৎবিতি তং বহ্নিঃ প্রত্যুবাচ পিতামহম্।
জগাম শাসনং কর্তুং দেবস্য পরমেষ্ঠিনঃ॥ ১-৭-২৬ (৯৭৮)
দেবর্ষয়শ্চ মুদিতাস্ততো জগ্মুর্যথাগতম্।
ঋষয়শ্চ যথা পূর্বং ক্রিয়াঃ সর্বাঃ প্রচক্রিরে॥ ১-৭-২৭ (৯৭৯)
দিবি দেবা মুমুদিরে ভূতসঙ্ঘাশ্চ লৌকিকাঃ।
অগ্নিশ্চ পরমাং প্রীতিমবাপ হতকল্মষঃ॥ ১-৭-২৮ (৯৮০)
এবং স ভগবাঞ্ছাপং লেভেঽগ্নির্ভৃগুতঃ পুরা।
এবমেষ পুরা বৃত্ত হতিহাসোঽগ্নিশাপজঃ।
পুলোম্নশ্চ বিনাশোঽয়ং চ্যবনস্য চ সংভবঃ॥ ॥ ১-৭-২৯ (৯৮১)

ইতি শ্রীমন্মহাভারতে আদিপর্বণি পৌলোমপর্বণি সপ্তমোঽধ্যায়ঃ॥ ৭ ॥

Mahabharata – Adi Parva – Chapter Footnotes

১-৭-২ সমং পক্ষপাতহীনাং। ব্যভিচারঃ অপরাধঃ॥ ২ ॥ ১-৭-৮ আপঃ সোমাজ্য প্রভৃতয়োগ্নৌ হূয়মানা দেবপিতৃরূপাঃ। অগ্নৌ হুতা আপ এব দেবতাশরীররূপেণ পরিণমন্ত ইত্যর্থঃ॥ ১-৭-৯ দেবাদিভাবস্যাপি কর্মপ্রাপ্যৎবাদ্দেবানাং পিতৄণাং চ মিথো ভেদো নাস্ত্যেব তুল্যহেতুকৎবাদিত্যাহ দেবতা ইতি॥ ১-৭-১১ অমাবাস্যাং অমাবাস্যায়াং। হূয়ন্তে ইজ্যন্তে॥ ১-৭-১২ সংহারং তিরোভাবং॥ ১-৭-২২ ভক্ষ্যন্তি ভক্ষয়িষ্যন্তি॥ ১-৭-২৩ ক্রব্যাদা মাংসভক্ষিণী॥ ১-৭-২৪ স্বপ্রভাবাৎ অগ্নিপ্রেরণয়া। তস্য বাগধিষ্ঠাতৃৎবাত্তৎপ্রেরণয়ৈব বিনির্গতং শাপং॥ ২৪ ॥ সপ্তমোঽধ্যায়ঃ॥ ৭ ॥