৩.৩ গরুডপুরাণ (অধ্যায় ২১-৩০)

শ্রীগরুডমহাপুরাণম্-২১
শ্রীকৃষ্ণ উবাচ |
কালিন্দ্যা অপি চোৎপত্তিং প্রবক্ষ্যামি খগেশ্বর |
বিবস্বান্নাম সূর্যোভত্তস্য পুত্রী ব্যজায়ত || ৩, ২১. ১ ||
কালিন্দীসঞ্জ্ঞকা বীন্দ্র যমুনা যানুজা স্মৃতা |
কৃষ্ণপত্নীৎবকামেন চচার তপ উত্তমম্ || ৩, ২১. ২ ||
তপ আলোচনং প্রোক্তং তত্ত্বানাং চ বিনির্ণয়ঃ |
পূর্বার্জিতানাং পাপানামনুতাপস্তপঃ স্মৃতম্ || ৩, ২১. ৩ ||
প্রায়ো নাম তপঃ প্রোক্তং চিত্তনিগ্রহ উচ্যতে |
প্রায়শ্চিত্তমিতি প্রোক্তং ন তু ক্ষৌরং খগেশ্বর || ৩, ২১. ৪ ||
অনুতাপয়ুতং ভূতং তচ্ছণু ৎবং খগেশ্বর |
পূর্বং ন জপ্তং দিব্যমন্ত্রং মুকুন্দ তপ্তং সদা ক্লেশদাবানলেন || ৩, ২১. ৫ ||
ন বৈ স্মৃতং হরিনামামৃতং চ সদা স্মৃতং হরিদোষাদিকং চ |
ন তু স্মৃতং হরিতত্ত্বামৃতং চ সম্যক্ষ্রুতং লোলবার্তাদিকং চ || ৩, ২১. ৬ ||
ন পূজিতং হরিপাদারবিন্দং সুপূজিতাঃ পুত্রমিত্রাদিকাশ্চ |
ন বন্দিতং হরিপাদারবিন্দং সুবন্দিতো মিত্রপাদঃ সুঘোরঃ || ৩, ২১. ৭ ||
ন দৃষ্টং বৈ ধূপধূম্রৈরুপেতং হরের্বক্রং কুন্তলৈঃ সংবৃতং চ |
পুত্রাদিকং লালিতং বৈ মুকুন্দ ন লালিতং তব বক্রং মুরারে || ৩, ২১. ৮ ||
সুলালিতং ভূষণৈঃ পুত্রমিত্রং ন লালিতং সর্বপাপাপহারি |
ন ভুক্তং বৈ হরিনৈরবেদ্যশেষং মিত্রালয়ে ষড্রসান্নং চ ভুক্তম্ || ৩, ২১. ৯ ||
সুপুষ্পগন্ধা নার্পিতা তে মুরারে সমর্পিতাঃ পুত্রমিত্রাদিকেভ্যঃ |
সন্তপ্তোহং পুত্রমিত্রাদিকেষু কদা দ্রক্ষ্যে তব বক্ত্রং মুকুন্দ || ৩, ২১. ১০ ||
অবৈষ্ণবান্নৈঃ শিগ্রুশাকাদিকৈশ্চ হ্যনর্পিতান্নৈশ্চ তথাপ্যসংস্কৃতৈঃ |
তথাপ্যভক্ষ্যৈ রসনা চ দগ্ধা কদা দ্রক্ষ্যে তব বক্ত্রং মুকুন্দ || ৩, ২১. ১১ ||
অষ্টাক্ষরীপূজয়া দিব্যতীর্থৈর্বিষ্ণোঃ পুরা ভ্রামিতৈঃ শঙ্খতীর্থৈঃ |
ন পাবিতং মচ্ছরীরং মুরারে কদা দ্রক্ষ্যে তব ব ক্ত্রং মুকুন্দ || ৩, ২১. ১২ ||
অনর্পিতৈর্গন্ধপুষ্পাদিকৈশ্চ অনর্পিতৈর্ভূষণৈর্বস্ত্রজাতৈঃ |
অবৈষ্ণবানাং দিগ্ধগন্ধাদিদোষৈর্গাত্রং দগ্ধং কদা হ্যুদ্ধরিষ্যে মুকুন্দ || ৩, ২১. ১৩ ||
দগ্ধৌ চ পাদৌ মম বাসুদেব ন গচ্ছন্তৌ ক্ষেত্রপথং হরেশ্চ |
নেত্রে চ দগ্ধে মম সর্বদাপি নালোকিতং তব দেব প্রতীকম্ || ৩, ২১. ১৪ ||
দগ্ধৌ চ হস্তৌ মম বাসুদেব ন পূজিতং তব বিষ্ণোঃ প্রতীকম্ |
ময়া কৃতং পাপজাতং মুরারে কদা দ্রক্ষ্যে তব বক্রং মুকুন্দ || ৩, ২১. ১৫ ||
মদীয়দোষান্গণয়ন্ন পূর্ণ দয়াং কুরু ৎবং সুদ্ধদাস্যান্মুকুন্দ |
যাবন্তি লোমানি মদীয়গাত্রে সন্তি প্রভো সর্বদোর্ষর্বিদূর || ৩, ২১. ১৬ ||
তাবন্তি পাপানি মদীয়গাত্রে কদা দ্রক্ষ্যে তব বক্ত্রং মুকুন্দ |
অনন্তদেহে পতিপুত্রৈর্গৃহৈশ্চ মিত্রৈর্ধনৈঃ পশুভৃত্যাদিকৈশ্চ || ৩, ২১. ১৭ ||
সুখং নাপ্তং হ্যপুমাত্রং মুকুন্দ সেবা মুক্তা তব দেবস্য বিষ্ণোঃ |
ইতঃ পরং পুত্রমিত্রাদিকং চ যাস্যে নাহং তব দাসী ভবামি || ৩, ২১. ১৮ ||
যেয়ে ব্রূয়ুঃ পুত্রমিত্রাদিকৈশ্চ সম্যক্সুখং জায়তে মর্ত্যলোকে |
তেষামাস্যে মূত্রবিষ্ঠাদিকং চ সম্যক্সদা পতিতং চেতি জানে || ৩, ২১. ১৯ ||
মিত্রাদীনাং যৎকৃতং দ্রব্যজাতং বৃথা গতং মলরূপং চ জাতম্ |
সদ্বৈষ্ণবানাং যৎকৃতং দ্রব্যজাতং হরিপ্রাপ্তেঃ কারণং স্যাৎসদৈব || ৩, ২১. ২০ ||
এতাদৃশং তত্তু জাতং মুকুন্দ অলং হ্যলং তেন দুঃখং চ ভুক্তম্ |
সঙ্গং দত্তাৎসজ্জনানাং সদা ৎবং বিনা চ ৎবং দুর্জনানাং চ সঙ্গাৎ || ৩, ২১. ২১ ||
সঙ্গৈঃ সদা দুর্জনানাং মুরারে গাত্রং দগ্ধং ন বিরাগেণ যুক্তম্ |
এতাদৃশাহং কাং গাতিং বা মুকুন্দ যাস্যে ন জানে দয়য়া মাং চ পাহি || ৩, ২১. ২২ ||
এতাদৃশো হ্যনুতাপঃ খগেন্দ্র প্রায়শ্চিত্তং ন চ ক্ষৌরাদিকং চ |
ভানোঃ কন্যা হ্যনুতাপং চ কৃৎবা বিচারয়ামাস হরেঃ সুতত্ত্বম্ || ৩, ২১. ২৩ ||
সর্বোত্তমো হরিরেকঃ সদৈব যতঃ পূর্ণঃ সর্বগুণৈস্ততশ্চ |
সৃষ্টৌ যস্মাজ্জয়তে বিশ্বজাতমতো হরিঃ সর্বগুণৈশ্চ পূর্ণঃ || ৩, ২১. ২৪ ||
যো দেবানামাদ্য অকার এব যতো ব্রহ্মাদ্যা নৈব পূর্ণাঃ সমস্তাঃ |
লক্ষ্মীপ্রসাদাচ্চিরপুণ্যেন জাতো যথায়োগ্যং পূর্ণগুণো বিরিঞ্চঃ || ৩, ২১. ২৫ ||
ন লক্ষ্মীবদ্গুণপূর্ণো বিরিঞ্চো ন বিষ্ণুবদ্গুণপূর্ণা রমাপি |
ন বায়ুবদ্ভারতী চাপি পূর্ণা ন শেষবদ্বারুণী চাপি পূর্ণা || ৩, ২১. ২৬ ||
ন বৈ রুদ্রবৎপার্বতী পূর্ণরূপা হ্যন্যেপ্যেবং নৈব পূর্ণাঃ সদৈব |
আলোচনামেবমেষা হি কৃৎবা তপশ্চক্রে যমুনায়াশ্চ তীরে || ৩, ২১. ২৭ ||
তদাচাহং যমুনায়াশ্চ তীরং পার্থেন সাকং মৃগয়াং গতঃ খগ |
দৃষ্ট্বা চ তাং তত্র তপশ্চরন্তীং তদাব্রুবং মৎসখায়ং চ পার্থম্ || ৩, ২১. ২৮ ||
হে পার্থ শীঘ্রং ব্রজ কন্যাসমীপং ৎবং পৃচ্ছ কস্মাদত্র তপঃ করোষি |
এবং প্রোক্তস্তৎসমীপং স গৎবা পৃষ্ট্বা চৈতৎকারণং শীঘ্রমেব || ৩, ২১. ২৯ ||
আগত্য মামবদৎফাল্গুনোয়ং সর্বং বৃত্তাংন্তং ৎবসৌ মৎসমীপে |
ততস্ত্বহং সুমুহূর্তে চ তস্যাঃ পাণিগ্রহং কৃতবাংস্তত্র সম্যক্ || ৩, ২১. ৩০ ||
তস্যাশ্চ তাপাৎসন্ততং মদ্বিচারাৎপ্রসন্নোহং সততং সুপ্রসন্নঃ |
পূর্ণানন্দে রমমাণাস্য নিত্যং তয়া চ মে কিং সুখংস্যাৎখগেন্দ্র || ৩, ২১. ৩১ ||
ময়া বিবাহোনুগ্রহার্থং হি তস্যা অঙ্গীকৃতো ন তু সৌখ্যায় বীন্দ্র |
তথা বক্ষ্যে লক্ষ্মণায়াশ্চ রূপং পাণিগ্রাহে কারণং চাপি বীন্দ্রা || ৩, ২১. ৩২ ||
শৃণুষ্ব তত্তব বক্ষ্যামি গোপ্যং সচ্ছিষ্যকে নাস্তি গোপ্যং গুরোশ্চ || ৩, ২১. ৩৩ ||

ইতি শ্রীগারুডে মহাপুরাণে উত্তরখণ্ডে তৃতীয়াংশে ব্রহ্মকাণ্ডে
ভগবতঃ কালিন্দ্যা বিবাহে হেতুনিরূপণং নামৈকবিংশোঽধ্যায়ঃ

শ্রীগরুডমহাপুরাণম্-২২
শ্রীকৃষ্ণ উবাচ |
যা লক্ষ্মণা পূর্বসর্গে খগেন্দ্র পুত্রী হ্যভূদ্বহ্নিবেদস্য বেত্তুঃ |
সুলক্ষণৈঃ সংযুতৎবাদ্যতঃ সা সুলক্ষ্মণেতি প্রথিতা খগেন্দ্র || ৩, ২২. ১ ||
যথা লক্ষ্মীর্লক্ষণৈঃ সা সুপূর্ণা যথা হরির্লক্ষণৈর্বৈ সুপূর্ণঃ |
যথা বায়ুর্লক্ষণৈঃ পূর্ণ এব যথা গায়ত্রী লক্ষণৈঃ সা সুপূর্ণা || ৩, ২২. ২ ||
যথা রুদ্রাদ্যা লক্ষণৈর্বৈ প্রপূর্ণা রুদ্রাদিল্লক্ষ্মণা চৈব পূর্ণা |
গুণেনৈবং ধর্মতঃ কিঞ্চিদেব তথানুসন্ধানাদ্ব্রিয়তে নাম চাপি || ৩, ২২. ৩ ||
তস্মা দাহুর্লক্ষ্মণেত্যেব সর্বে তল্লক্ষণং শৃণু চাদৌ খগেন্দ্র |
নারায়ণে পূর্ণগুণে রমেশে দ্বাত্রিংশৎসঙ্খ্যানি সুলক্ষণানি || ৩, ২২. ৪ ||
সন্ত্যেব পক্ষীন্দ্র বদাম্যনু ক্রমান্মত্তঃ শ্রুৎবা মোক্ষমাপ্নোতি নিত্যম্ |
যঃ সপ্তপাদঃ ষণ্ণবত্যঙ্গুলোঙ্গশ্চতুর্হস্তঃ পুরুষস্তীক্ষ্ণদন্তঃ || ৩, ২২. ৫ ||
য এতৎসর্বং মিলিতং চৈকমেব হরের্বিষ্ণোর্লক্ষণং চাহুরার্যাঃ |
মুখং স্ত্রিগ্ধং বর্তুলং পুষ্টিরূপং দ্বিতীয়ং তল্লক্ষণং চাহুরার্যাঃ || ৩, ২২. ৬ ||
হনুর্যস্যানুন্নতং চাস্তি বীন্দ্র তল্লক্ষণং প্রাহুরার্যাস্তৃতীয়ম্ |
যদ্দন্তা বৈ তীক্ষ্ণসূক্ষ্মাশ্চ সন্তি তল্লক্ষণং চাহুরার্যাশ্চতুর্থম্ || ৩, ২২. ৭ ||
যস্যাধরে রক্তিমা ৎবস্তি বীন্দ্র তল্লক্ষণং পঞ্চমং চাহুরার্যাঃ |
যস্য হস্তা অতিরক্তাঃ খগেন্দ্র তল্লক্ষণং প্রাহুরার্যাশ্চ পষ্ঠম্ || ৩, ২২. ৮ ||
যস্মিন্নখাঃ সন্তি রক্তাঃ সুশোভাস্তল্লক্ষণং সপ্তমং চাহুরার্যাঃ |
যস্মিন্কপোলে রক্তিমা ৎবস্তি বীন্দ্র তল্লক্ষণং হ্যষ্টমং প্রাহুরার্যা || ৩, ২২. ৯ ||
যস্মিন্করে শঙ্খচক্রাদিরেখা বর্তন্তে তন্নবমং প্রাহুরার্যাঃ |
যস্যো দরং তন্তুরূপং সুপুষ্টং বলিত্রয়ৈরঙ্কিতং সুন্দরং চ || ৩, ২২. ১০ ||
তল্লক্ষণং দশমং প্রাহুরার্যা একাদশং নিম্ননাভিং তদাহুঃ |
ঊরুদ্বয়ং যস্য চ মাংসলং বৈ তল্লক্ষণং দ্বাদশং প্রাহুরার্যাঃ || ৩, ২২. ১১ ||
কটির্হি দীর্ঘা পৃথুলাস্তি যস্য ত্রয়োদশং লক্ষ্ম তদাহুরার্যাঃ |
যস্যাস্তি মুষ্কো সুপরিষ্ঠিতো বৈ চতুর্দশং লক্ষ্ম তদাহুরার্যাঃ || ৩, ২২. ১২ ||
সমুন্নতং শিশ্রমথো হি লক্ষ্ম যস্যাস্তি তৎপঞ্চদশং বদন্তি |
সুতাম্রকং পাদতলং খগেন্দ্র তল্লক্ষণং ষোডশং প্রাহুরার্যাঃ || ৩, ২২. ১৩ ||
নিম্নৌ চ গুল্ফৌ সপ্তদশং তদাহুর্গ্রী বারূপং প্রাহুরষ্টাদশং চ |
একোনবিংশং ৎবক্ষিপদ্মং সুরক্তং প্রাহুর্বাহুং জানু বিংশং তথৈব || ৩, ২২. ১৪ ||
বিস্তীর্ণোরশ্চৈকবিংশং তদাহুঃ সিংহাস্কন্ধং দ্ব্যুত্তরং বিংশমাহুঃ |
ত্রয়োবিংশং সূক্ষ্মমাস্যং তদাহুশ্চতুর্বিশং সুপ্রসন্নে চ দৃষ্টী || ৩, ২২. ১৫ ||
হ্রস্বং লিঙ্গং মার্দবং চাপি বীন্দ্র তল্লক্ষণং পঞ্চবিংশং বদন্তি |
সমৌ চ পাদৌ কটিজানু চোরূ ষড্বিংশমাহুশ্চ সমে চ জঙ্ঘে || ৩, ২২. ১৬ ||
সমানহস্তৌ সমকর্ণৌ মিলিৎবা দ্বাত্রিংশৎকং লক্ষণং প্রাহুরার্যাঃ |
দ্বাত্রিংশৎকং লক্ষণং বৈ মুকুন্দে দ্বাত্রিংশৎকং লক্ষণং বৈ রমায়াম্ || ৩, ২২. ১৭ ||
দ্বাত্রিংশৎকং লক্ষণং ব্রহ্মণোপি তদ্ভারত্যাঃ প্রবদন্ত্যেব সত্যম্ |
তথা চ শঙ্কা সমমেব চক্রিণেত্যেবং সদামা কুরু নির্ণয়ং ব্রুবে || ৩, ২২. ১৮ ||
একস্য বৈ লক্ষণস্যাপি বিষ্ণোর্লক্ষ্মীরন্তং নৈব সম্যক্প্রপেদে |
অতোনন্তৈর্লক্ষণৈঃ সংযুতং চ হরিং চাহুর্লক্ষণজ্ঞাঃ সদৈব || ৩, ২২. ১৯ ||
জানাতি লক্ষ্মীর্লক্ষণং বায়ুরূপে স্বাপেক্ষয়া হ্যতিরিক্তং খগেন্দ্র |
স্বলক্ষণাপেক্ষয়া ভারতী তু শতৈর্গুণৈরধিকা বেধসোপি || ৩, ২২. ২০ ||
খগেন্দ্র তস্মাল্লক্ষণে সাম্যচিত্তং বিশ্বাদীনাং সর্বদা মা কুরুষ্ব |
অষ্টাবিংশতিং প্রাহূ রুদ্রাদিকানাং ভ্রূনেত্রয়োর্লক্ষণেনৈব হীনাঃ || ৩, ২২. ২১ ||
অলক্ষণং মন্যতে যদ্ধি তস্য দুর্লক্ষণং নৈব তচ্চিন্তনীয়ম্ |
অষ্টাবিংশতিং লক্ষণং বৈ হরস্য ন ভারতীবচ্চিন্তনীয়ং খগেন্দ্র || ৩, ২২. ২২ ||
অতো হরঃ ক্রোধরূপী সদৈব তয়োরভাবাৎসত্যমুক্তং তথৈতৎ |
অতো দ্বয়ং নাস্তি রুদ্রে খগেন্দ্র শিশ্রোদরে কিঞ্চিদাধিক্যমস্তি || ৩, ২২. ২৩ ||
সপ্তাধিকৈর্বিশতিলক্ষণৈস্তু সমায়ুতাঃ স্বস্ত্রিয়ো লক্ষ্মণাদ্যাঃ |
ষড্ববিংশত্যা লক্ষণৈশ্চাপি যুক্তা বারুণ্যাদ্যা পঞ্চবিংশৈশ্চ চন্দ্রঃ || ৩, ২২. ২৪ ||
অর্থশ্চতুর্বিংশতিভিশ্চৈব যুক্তো নাসাবায়োর্দ্ব্যধিকা বিংশতিশ্চ
লক্ষণৈশ্চৈকবিংশত্যা শচী যুক্তা ন সংশয়ঃ || ৩, ২২. ২৫ ||
প্রবাহা বিংশকৈর্যুক্তা যম একোনবিংশকৈঃ |
পাশ্যষ্টাদশভির্যুক্তো দশসপ্তয়ুতোঽনলঃ || ৩, ২২. ২৬ ||
বৈবস্বতঃ ষোডশভিমিত্রঃ পঞ্চদশৈর্যুতঃ |
চত্রুর্বিংশৈস্তু ধনপঃ পাবকস্তু ত্রয়োদশৈঃ || ৩, ২২. ২৭ ||
গঙ্গা দ্বাদশভির্যুক্তা বুধ একাদশৈর্যুতঃ |
শনিস্তু দশসঙ্খ্যাকৈঃ পুষ্করো নবভির্যুতঃ || ৩, ২২. ২৮ ||
অথ ষোডশসাহস্রং ভার্যারতু মম বল্লভাঃ |
অষ্টভিশ্চৈব সংযুক্তাঃ সপ্তভিঃ পিতরস্তথা || ৩, ২২. ২৯ ||
ষড্ভিশ্চ দেবগন্ধর্বাঃ পঞ্চভিস্তদনন্তরাঃ |
চতুর্ভৈঃ ক্ষিতিপাঃ প্রোক্তাস্ত্রিভিরন্যে চ সংযুতাঃ || ৩, ২২. ৩০ ||
উদরে কিঞ্চিদাধিক্যে হ্রস্বে পাদে চ কর্ণয়োঃ |
শিখাধিক্যং বিনা বিপ্র ভার্যায়াং চ শিবস্য চ || ৩, ২২. ৩১ ||
লক্ষ্মণায়াং পঞ্চ দোষাঃ শিরোগুল্ফাদিকং বিনা |
নাভ্যাধিক্যে সহৈবাষ্টৌ দোষাঃ সন্ত্যতিবাহিকে || ৩, ২২. ৩২ ||
জঙ্ঘাধিক্যে সহৈবাষ্টৌ দোষাঃ শচ্যাঃ সদা স্মৃতাঃ |
এবমেব হি দোষাশ্চাপ্যূহনীয়াঃ খগেশ্বর || ৩, ২২. ৩৩ ||
দুর্লক্ষণৈঃ সদা বীন্দ্র সংশ্রুতৈস্তত্ত্ববিদ্ভবেৎ |
মহোদরো লম্বনাভিরীষামাত্রোগ্রদংষ্ট্রকঃ || ৩, ২২. ৩৪ ||
অন্ধকূপগভীরাক্ষো লম্বকর্ণৌষ্ঠনাসিকঃ |
লম্বগুল্ফো বক্রপাদঃ কুনখী শ্যাবদন্তকঃ || ৩, ২২. ৩৫ ||
দীর্ঘজঙ্ঘো দীর্ঘশিশ্রস্ত্বেকাণ্ডশ্চৈকনাসিকঃ |
রক্তশ্মশ্রূ রক্তরোমা বক্রাস্যঃ সম্প্রকীর্তিতঃ || ৩, ২২. ৩৬ ||
দগ্ধপর্ব তসঙ্কাশো রক্তপৃষ্ঠঃ কলিঃ স্মৃতঃ |
অলোমাংসোঽলোমশিরা রক্তগণ্ডকপোলকঃ || ৩, ২২. ৩৭ ||
ললাটে পাণ্ডুতা নিত্যং বামস্কন্ধে করে খগ |
ক্রূরদৃষ্টির্দৃষ্টিপাদস্তথা বৈ ঘর্ঘরস্বরঃ || ৩, ২২. ৩৮ ||
অত্যাশী চাতিপানশ্চ স্তনৌ শুষ্কফলোপমৌ |
ঊরৌ নবাঞ্জিকারোমঃ তথা পৃষ্ঠে চ মস্তকে || ৩, ২২. ৩৯ ||
ললাটে ত্রীণি দীর্ঘে তু সমে দ্বৌ সম্প্রকীর্তিতৌ |
সর্পাকারস্তু যো মৎস্যস্তস্য শিশ্রে প্রকীর্তিতঃ || ৩, ২২. ৪০ ||
পাদত্রাণোপমো মৎস্যো রসনাগ্রে প্রকীর্তিতঃ |
শিশ্রাকারশ্চ যো মৎস্যো গুদে তস্য প্রশস্যতে || ৩, ২২. ৪১ ||
বৃশ্চিকাকারমৎস্যস্তু পদোস্তস্য প্রশস্যতে |
শ্বাকারশ্চাপি মৎস্যো বৈ মুখে তস্য প্রকীর্তিতঃ || ৩, ২২. ৪২ ||
হস্তে তু বহুরেখাঃ স্যুর্লোম নাসাপুটে স্মৃতম্ |
অতিদীর্ঘং তু চাঙ্গুষ্ঠং কনিষ্ঠং চাতিদীর্ঘকম্ || ৩, ২২. ৪৩ ||
দুর্লক্ষণং ৎবে বমাদি কলাবস্তি হ্যনেকশঃ |
সুলক্ষণান্যনেকানি ময়ি সন্তি খগেশ্বর || ৩, ২২. ৪৪ ||
দ্বাত্রিংশল্লক্ষণং বিষ্ণোর্ব্রহ্মাদ্যাপেক্ষয়ৈব তৎ |
সহাভিপ্রায় গর্ভেণ ব্রহ্মণোক্তং তব প্রভো || ৩, ২২. ৪৫ ||
ব্রহ্মোক্তস্য ময়োক্তস্য বিরোধো নাস্তি সত্তম |
ময়োক্তস্যৈব স ব্যাসঃ কম্বুগ্রীবঃ প্রদর্শ্যতে || ৩, ২২. ৪৬ ||
রক্তাধরং রক্ত তালু চৈকীকৃত্য ময়োদিতম্ |
অতো বিরোধো নাস্ত্যেব তথা জ্ঞানাৎপ্রতীয়তে || ৩, ২২. ৪৭ ||
সপ্তাধিকৈর্বিংশতিলক্ষণৈস্তু সমায়ুতা যাঃ স্ত্রিয়ো লক্ষ্মণাদ্যাঃ || ৩, ২২. ৪৮ ||
ভগে নেত্রে চ হস্তে চ স্তনে কুক্ষৌ তথৈব চ |
ভারত্যপেক্ষয়া পঞ্চভির্ন্যূনা ৎবস্তি লক্ষণৈঃ || ৩, ২২. ৪৯ ||
ন রুদ্রবন্ন চান্যানি লক্ষণানি খগেশ্বর |
ষড্বিংশত্যা লক্ষণৈশ্চাপি যুক্তা বারুণ্যাঃ ষড্লক্ষণৈশ্চৈব হীনা || ৩, ২২. ৫০ ||
কর্ণে কুক্ষৌ নাসিকাকেশপাশে গুল্ফে ভগে কিঞ্চিদাধিক্যমস্তি |
ইন্দ্রো যুক্তঃ পঞ্চবিংশত্যা খগেন্দ্র সদা হীনো লক্ষণৈঃ সপ্তসঙ্খ্যৈঃ || ৩, ২২. ৫১ ||
হস্তে পাদে উদরে কর্ণয়োশ্চ শিশ্রে গুল্ফে ৎবধরোষ্ঠেধিকং চ |
চতুর্বিংশত্যা লক্ষণৈশ্চাপি যুক্তো নাস্তিক্যবায়ুস্তদ্বদেবাষ্টভিশ্চ || ৩, ২২. ৫২ ||
নাভ্যাং গুল্ফে হনুরর্ঙ্ঘ্যোশ্চ স্কন্ধে দ্বিজে নেত্রে ৎবধরোষ্ঠেধিকং চ |
ত্রয়োবিংশত্যা লক্ষণৈশ্চাপি যুক্তা শচী তথা নবদোষৈশ্চ যুক্তা || ৩, ২২. ৫৩ ||
ভগে কেশে হ্যধরোষ্ঠে চ কর্ণে জঙ্ঘে গণ্ডে বক্ষসি গুল্ফয়োশ্চ |
তথোত্তরোষ্ঠে কিঞ্চিদাধিক্যমস্তি এবং বিজানীহি খগেন্দ্রসত্তম || ৩, ২২. ৫৪ ||
দ্বাবিংশত্যা লক্ষণৈঃ সংযুতস্তু দশভির্দেষৈঃ প্রবহো নাম বায়ুঃ |
তথাঙ্গুষ্ঠে কিঞ্চিদাধিক্যমস্তি বিংশত্যেকাদশভির্দেষতোর্কঃ || ৩, ২২. ৫৫ ||
তদ্বিংশত্যা লক্ষণৈঃ সংযুতস্তু তদা দোষের্দ্বাদশভিশ্চ যুক্তঃ |
একোনবিংশত্যা লক্ষণৈশ্চাপি যুক্তস্ত্রয়োদশভিস্তদভাবৈর্যুতোগ্নিঃ || ৩, ২২. ৫৬ ||
অষ্টাদশভির্লক্ষণৈঃ সংযুতস্তু বৈবস্বতস্তদভাবৈশ্চতুর্দশভিঃ |
মিত্রস্তু সপ্তদশভির্লক্ষণৈঃ সংযুতঃ খগ || ৩, ২২. ৫৭ ||
সদোষৈঃ পঞ্চদশভিঃ সংযুক্তো নাত্র সংশয়ঃ |
তৈশ্চ ষোডশভির্যুক্তো ধনপো নাত্র সংশয়ঃ || ৩, ২২. ৫৮ ||
তদভাবৈঃ ষোডশভিঃ সংযুক্তঃ সম্প্রকীর্তিতঃ |
তৈঃ পঞ্চদশভিশ্চৈব যুক্তোগ্রেজ্যষ্ঠপুত্রকঃ || ৩, ২২. ৫৯ ||
তৈঃ সপ্তদশভির্দেষৈঃ সংযুক্তো নাত্র সংশয়ঃ |
তৈশ্চতুর্দশভিশ্চৈব গঙ্গা সম্পরিকীর্তিতা || ৩, ২২. ৬০ ||
তথাষ্টাদশভির্দেষৈঃ সংযুতা নাত্র সংশয়ঃ |
তৈস্ত্রয়োদশভিশ্চৈব সংযুতো বুধ এব তু || ৩, ২২. ৬১ ||
দোষৈরেকোনবিংশত্যা সংযুতো নাত্র সংশয়ঃ |
শনির্বিংশতিদোষেণ যুতো দ্বাদশলক্ষণৈঃ || ৩, ২২. ৬২ ||
লক্ষণৈশ্চৈকাদশভিঃ পুষ্করঃ পরিকীর্তিতঃ |
একবিংশতিসঙ্খ্যাকৈরসদ্ভাবৈঃ প্রকীর্তিতঃ || ৩, ২২. ৬৩ ||
দশভির্লক্ষণৈর্যুক্তাঃ পিতরো যে চিরাঃ খগ |
ত্রয়োবিংশতিদোষৈশ্চ সংযুতা নাত্র সংশয়ঃ || ৩, ২২. ৬৪ ||
অষ্টভির্লক্ষণৈর্যুক্তা দেবগন্ধর্বসত্তমাঃ |
দোষৈশ্চতুর্বিংশতিভিঃ সংযুক্তাঃ পরিকীর্তিতাঃ || ৩, ২২. ৬৫ ||
সপ্তলক্ষণসংযুক্তা গন্ধর্বা মানুষাতমকাঃ |
যৈস্তু পঞ্চবিংশতিভির্দেষৈঃ সংযুক্তাঃ প্রকীর্তিতাঃ || ৩, ২২. ৬৬ ||
ষদ্গুণৈঃ ক্ষিতিপা যুক্তা ষড্বিংশত্যা চ দোষতঃ |
তদন্যে পঞ্চভির্যুক্তাশ্চতুর্ভিঃ কেচিদেব চ || ৩, ২২. ৬৭ ||
ত্রিভিঃ কেচ্চিত্ততো হীনা ন সন্তি খগসত্তম |
যস্মিন্নরে ক্ষিতিপে বা খগেন্দ্র আধিক্যং যদ্দৃশ্যতে লক্ষণস্য || ৩, ২২. ৬৮ ||
ন তে নরা নৈব তে বৈ ক্ষিতীশাঃ সর্বে নৈব হ্যুত্তমাঃ সর্বদৈব |
যে দেবা যে চ দৈত্যাশ্চ সর্বেপ্যেবং খগাধিপ || ৩, ২২. ৬৯ ||
লক্ষণালক্ষণৈশ্চৈব ক্রমেণোক্তা ন সংশয়ঃ |
লক্ষণৈঃ সপ্তবিংশত্যালক্ষণৈঃ সংযুতাঃ খগ || ৩, ২২. ৭০ ||
অতঃ সলক্ষণা জ্ঞেয়া দ্বাত্রিংশল্লক্ষণৈর্ন হি |
পিতুর্গৃহে বর্ধমানা সদাপি স্বকুটুম্বং শ্রেষ্ঠয়িতুং খগেন্দ্র || ৩, ২২. ৭১ ||
উবাচ সা পিতরং দীয়মানমন্নাদিকং ত্রমিত্রাদিকেষু |
সদাপি যে ৎবনুসন্ধানেন যুক্তা অন্তর্গতে তত্রতত্র স্থিতে চ || ৩, ২২. ৭২ ||
অজ্ঞাতৎবে চান্নপানাদিকং চ দত্তং সন্তো ব্যর্থমেবং বদন্তি |
হরিং বক্ষ্যে তত্রতত্র স্থিতং চং তং বৈ শৃণু ৎবাদরেণাদ্য নিত্যম্ || ৩, ২২. ৭৩ ||
বালো হরির্বালরূপেণ কৃষ্ণঃ ক্ষীরাদিকং নবনীতং ঘৃতং চ |
গৃহ্ণাতি নিত্যং ভূষণং বস্ত্রজাতমেবং দদ্যাৎসর্বদা বিষ্ণুতুষ্ট্যৈ || ৩, ২২. ৭৪ ||
মিত্রৈর্হরিঃ কেশবাখ্যো মুকুন্দো ভুঙ্ক্তে দত্তং ৎবন্নপ্রানাদিকং চ |
পূর্বং দদ্যাৎসর্বদা বৈ গৃহস্থো ধন্যো ভবেদন্যথা ব্যর্থমেব || ৩, ২২. ৭৫ ||
গৃহ্ণাতি নিত্যং মাধবাখ্যো হরিশ্চেত্যেবং জ্ঞাৎবা দেয়মন্নাদিকং চ |
এবং জ্ঞাৎবা দীয়মানেন নিত্যং প্রীণাতি বিষ্ণুর্নান্যথা ব্যর্থমেব || ৩, ২২. ৭৬ ||
গৃহে নিত্যং বাসুদেবো হরিস্তু প্রীণাতি নিত্যং তত্র তিষ্ঠন্সুপর্ণ |
এবং জ্ঞাৎবা স্বগৃহং সর্বদৈব অলঙ্কুর্যাদ্ধাতুরূপৈঃ সদৈব || ৩, ২২. ৭৭ ||
গোবিন্দাখ্যস্তিষ্ঠতি বষ্ণবানাং পুত্রৈর্যুতস্তিষ্ঠতি বাসুদেবঃ |
মিত্রে মুকুন্দঃ শালকে চানিরূদ্ধো নারায়ণো দ্বিজবর্যে সদাস্তি || ৩, ২২. ৭৮ ||
গোষ্ঠে চ নিত্যং বিষ্ণুরূপী হরিস্তু অশ্বে সদা তিষ্ঠতি বামনাখ্যঃ |
সঙ্কর্ষণঃ শূদ্রবর্ণে সদাস্তি বৈশ্যে প্রদ্যুম্নস্তিষ্ঠতি সর্বদৈব || ৩, ২২. ৭৯ ||
জনার্দনঃ ক্ষত্ত্রজাতৌ সদাস্তি দাশেষু নিত্যং মহিদাসো হরিস্তু |
মহ্যাং নিত্যং তিষ্ঠতি সর্বদৈব হ্যুপেন্দ্রাখ্যো হরিরেকঃ সুপর্ণ || ৩, ২২. ৮০ ||
গজে সদা তিষ্ঠতি চক্রপাণিঃ সদান্তরে তিষ্ঠতি বিশ্বরূপঃ |
নিত্যং শুনি তিষ্ঠতি ভূতভাবনঃ পিপীলকায়ামপি সর্বদৈব || ৩, ২২. ৮১ ||
ত্রিবিক্রমো হরিরূপ্যন্তরিক্ষে সর্বজাতাবনন্তরূপী হরিশ্চ |
হরের্ন বর্ণোস্তি ন গোত্রমস্তি ন জাতিরীশে সর্বরূপে বিচিত্রে || ৩, ২২. ৮২ ||
এবং জ্ঞাৎবা সর্বদা লক্ষ্মণা তু হরিং সদা প্রীণয়ামাস দেবী |
সপর্যয়া বৈ ক্রিয়মাণয়া হরিঃ পতির্মমস্য দিতি চিন্তয়ানা || ৩, ২২. ৮৩ ||
তত্যাজ দেহং বিষ্ণুপতিৎবকামা মদ্রেষু বৈ বীন্দ্র পুত্রী প্রজাতা |
স্বয়ংবরে লক্ষ্মণায়া অহং চ ভিত্ত্বা লক্ষ্যং ভূপতীন্দ্রাবয়িৎবা || ৩, ২২. ৮৪ ||
পাণিগ্রহং লক্ষ্মণায়াশ্চ কৃৎবা গৎবা পুরীং রময়ামাস দেবী |
তথৈবাহং জাম্ববত্যা বিবাহং মৎপত্নীৎবে কারণং ৎবাং ব্রবীমি || ৩, ২২. ৮৫ ||

ইতি শ্রীগারুডে মহাপুরাণে উত্তরখণ্ডে তৃতীয়াংশে ব্রহ্মকাণ্ডে
লক্ষ্মণাবিবাহহেতুনিরূপণং নাম দ্বাবিংশোধ্যায়ঃ

শ্রীগরুডমহাপুরাণম্-২৩
শ্রীকৃষ্ণ উবাচ |
সোমস্য পুত্রী পূর্বসর্গে বভূব ভার্যা মদীয়া জাম্ববতী মম প্রিয়া |
তাসাং মধ্যে হ্যধিকা বীন্দ্র কিঞ্চিদ্রুদ্রাদিভ্যঃ পঞ্চগুণৈর্বিহীনা || ৩, ২৩. ১ ||
যদাবেশো বলবান্স্যাদ্রমায়াং তদানামস প্রিয়তে কেশবোলম্ |
যদাবেশাদ্ধ্রাসমুপৈতি কালে তদা তাসাং সাম্যমাহুর্মহান্তঃ || ৩, ২৩. ২ ||
লক্ষ্ম্যাবেশঃ কিঞ্চিদস্ত্যেব নিত্যমতস্তাভ্যঃ কিঞ্চিদাধিক্যমস্তি || ৩, ২৩. ৩ ||
গরুড উবাচ |
তাসাং মধ্যে জাম্ববন্তী তু কৃষ্ণ আরাধনং কীদৃশং সা চকার |
তন্মে ব্রূহি কৃপয়া বিশ্বমূর্তে আধিক্যে বৈ কারণং তাভ্য এব || ৩, ২৩. ৪ ||
গরুডেনৈবমুক্তস্তু ভগবান্দেবকীসুতঃ |
মেঘগম্ভীরয়া বাচা উবাচ বিনতাসুতম্ || ৩, ২৩. ৫ ||
শ্রীকৃষ্ণ উবাচ |
যা পূর্বসর্গে সোমপুত্রী বভূব পিতুর্গৃহে বর্তমানাপি সাধ্বী |
জন্ম স্বকীয়ং সার্থকং বৈ চকার পিত্রা সাকং বিষ্ণুশুশ্রূষণে ন চ || ৩, ২৩. ৬ ||
শুশ্রাব নিত্যং সৎপুরাণানি চৈবং চক্রে সদা বিষ্ণুপাদপ্রণামম্ |
চক্রে সদা তারকস্যাপি বিষ্ণোঃ প্রদক্ষিণং স্মরণং কুর্বতী সা || ৩, ২৩. ৭ ||
পিত্রা সাকং সা তু কন্যা খগেন্দ্র বৈরাগ্যয়ুক্তা শ্রবণাৎসম্বভূব |
কেশং চ মিত্রং দ্বিরদাদিকং চ অনর্ঘ্যরত্নানি গৃহাদিকং চ || ৩, ২৩. ৮ ||
সর্বং হ্যেতন্নশ্বরং চৈব মেনে মমাধীনং হরিণা বৈ কৃতং চ |
যেনৈব দত্তং পুত্রমিত্রাদিকং চ তেনা হৃতং বেদনাং নৈব চক্রে || ৩, ২৩. ৯ ||
অদ্যৈব বিষ্ণুঃ পরমো দয়ালুঃ দয়াং ময়ি কৃতবাংস্তে ন সুষ্ঠু |
পিত্রা সাকং কন্যকা সা তু বীন্দ্র সদাত্মনি হ্যমলে বাসুদেবে || ৩, ২৩. ১০ ||
একান্তৎবং সুষ্ঠু ভক্ত্যা গতা সা যদৃচ্ছয়া সোপপন্নেন দেবী |
অকল্পয়ন্ত্যাত্মনো বীন্দ্র বৃত্তিং চকার যৎসাবধিরাধং প্রথৈব || ৩, ২৩. ১১ ||
সা বৈ বিত্তং বিষ্ণুপাদারবিন্দে দুঃখার্ণবাত্তরাকে সঞ্চকার |
বাগীন্দ্রিদ্রিয়ং খগ সম্যক্চকার হরের্গুণানাং বর্ণনে বা সদৈব || ৩, ২৩. ১২ ||
হস্তৌ চ বিষ্ণোর্গৃহসমার্জনাদৌ চকার দেবী গাত্রমলাপহারম্ |
শ্রোত্রং চ চক্রে হরিসৎকথোদয়ে মোক্ষাদিমার্গে হ্যমৃতোপমে চ || ৩, ২৩. ১৩ ||
নেত্রং চ চক্রে প্রতিমাদিদর্শনে অনাদিকালীনমলাপহরিণী |
সদ্বৈষ্ণবানাং স্পর্শনে চৈব সঙ্গে নির্মাল্যগন্ধানুবিলেপনে ৎবক্ || ৩, ২৩. ১৪ ||
ঘ্রার্ণেদ্রিয়ং সা হরিপাদসারে চকার সংসারবিমুক্তিদে চ |
জিহ্বেন্দ্রিয়ং হরিনৈবেদ্যশেষে শ্রীমত্তুলস্যাদিবিমিশ্রিতে চ || ৩, ২৩. ১৫ ||
পাদৌ হরেঃ ক্ষেত্রপথানুসর্পণে শিরো হৃষীকেশপদাভিবন্দনে |
কামং হৃদাস্যে তু হরিদাস্যকাম্যা তথোত্তমশ্লোকজনাশ্চরন্তি || ৩, ২৩. ১৬ ||
নিষ্কামরূপে চ মতিং চকার বাগিন্দ্রিয়ং স্তবনং স্বীচকার |
এবং সদা কার্যসমূহমাত্মনা সমর্পয়িৎবা পরমেশপাদয়োঃ || ৩, ২৩. ১৭ ||
তীর্থাটনার্থং তু জগাম পিত্রা সাকং হরেঃ প্রীণনাদ্যর্থমেব |
আরাধয়িৎবা ব্রাহ্মণান্বিষ্ণুভক্তানাদৌ গৃহে বস্ত্রসম্ভূষণাদ্যৈঃ || ৩, ২৩. ১৮ ||
পশ্চাৎকল্পং কারয়ামাস দেবী বিষ্ণোরগ্রে তীর্থয়াত্রার্থমেব |
যাবৎকালং তীর্থয়াত্রা মুকুন্দ তাবৎকালং তূর্ধ্বরেতা ভবামি || ৩, ২৩. ১৯ ||
যাবৎকালং তীর্থয়াত্রাং করিষ্যে তাবদ্দত্তাদ্বৈষ্ণবানাং চ সঙ্গম্ |
হরেঃ কথাশ্রবণং স্যান্মুকুন্দ নাবৈষ্ণবানাং সঙ্গিনামঙ্গসঙ্গম্ || ৩, ২৩. ২০ ||
সুহৃজ্জনৈঃ পুত্রমিত্রাদিকৈশ্চ দীর্থাটনং নৈব কুর্যাং মুকুন্দ |
কুর্বন্তি যে কাম্যয়া তীর্থয়াত্রাং তেষাং সঙ্গং কুরু দূরে মুকুন্দ || ৩, ২৩. ২১ ||
শালগ্রামং যে বিহায়ৈব যাত্রাং কুর্বন্তি তেষাং কিং ফলং প্রাহুরার্যাঃ |
যদা তীর্থানাং দর্শনং স্যাত্তদৈব শালগ্রামং পুরতঃ স্থাপয়িৎবা || ৩, ২৩. ২২ ||
তীর্থাটনং পাদচৈরৈঃ কৃতং চেৎপূর্ণং ফলং প্রাহুরার্যাঃ খগেন্দ্র |
পাদত্রাণং পাদরক্ষাং চ কৃৎবা তীর্থাটনং পাদহীনং তদাহুঃ || ৩, ২৩. ২৩ ||
যো বাহনে তুরগে চোপবিষ্টস্তীর্থাটনং কুরুতে চার্ধহীনম্ |
বৃষাদীনাং বাহনে পাদমাহুঃ পরান্নানাং ভোজনে ব্যর্থমাহুঃ || ৩, ২৩. ২৪ ||
মহাত্মনাং বেদবিদাং যতীনাং পরান্নানাং ভোজনে নৈব দোষঃ |
সঙ্কল্পয়িৎবা পরমাদরেণ জগাম সা তীর্থয়াত্রার্থমেব || ৩, ২৩. ২৫ ||
আদৌ স্নাৎবা হরিনির্মাত্যগন্ধং বিসর্জয়িৎবা শ্রবণং বৈ চকার |
পিত্রা সাকং ভোজনং চাপি কৃৎবা অগ্রে দিনে ক্রোশমেকং জগাম || ৩, ২৩. ২৬ ||
তত্র দ্বিজান্পূজয়িৎবান্নপান রাত্রৌ তত্ত্বং শ্রাবয়ামাস দেবী |
এবং যাত্রাং যে প্রকুর্বন্তি নিত্যং তেষাং যাত্রাং সফলাং প্রাহুরার্যাঃ || ৩, ২৩. ২৭ ||
বিনা দয়াং তীর্থয়াত্রা খগেন্দ্রব্যর্থেত্যেবং বীন্দ্র চাহুর্মহান্তঃ |
দিবা রাত্রৌ যে ন শৃণ্বন্তি দিব্যাং হরেঃ কথাং তীর্থমার্গে খগেন্দ্র || ৩, ২৩. ২৮ ||
ব্যর্থংব্যর্থং তস্য চাহুর্গতং বৈ অশ্বাদীনাং বাহনানাং চ বিদ্ধি |
অশ্বাদীনামপরাধং বদস্ব গঙ্গাদীনাং দর্শনাৎপাপনাশঃ || ৩, ২৩. ২৯ ||
ক্ষেত্রস্থবিষ্ণোর্দর্শনাৎপাপনাশো মার্জারস্যাপ্যপরাধং বদস্ব |
ক্ষেত্রস্থবিষ্ণোঃ পূজনাৎপাপনাশঃ পূজাবতামপরাধং বদস্ব || ৩, ২৩. ৩০ ||
জপাদীনাং কুর্বতাং পাপনাশো বিষ্ণোর্ধ্যানাৎসদ্য এবাধনাশঃ |
অনুসন্ধানাদ্রহিতং সর্বমেব কৃতং ব্যর্থমেবেতি চাহুঃ || ৩, ২৩. ৩১ ||
অতো হরেঃ পাপবিনাশিনীং কথাং শ্রুৎবা বিষ্ণোর্ভক্তিমান্স্যাৎবগন্দ্র |
দৃষ্ট্বাদৃষ্ট্বা হরিপাদাঙ্কিতং চ স্মৃৎবাস্মৃৎবা ভক্তিমান্স্যাৎখগেন্দ্র || ৩, ২৩. ৩২ ||
পিত্রা সাকং কন্যকা সাপি বীন্দ্র শেষাচলস্থং শ্রীনিবাসং চ দ্রষ্টুম্ |
জগাম সা মার্গমধ্যে হরিং চ সা চিন্তয়ামাস রমাপতিং চ || ৩, ২৩. ৩৩ ||
কদা দ্রক্ষ্যে শ্রীনিবাসস্য বক্ষঃ শ্রীবৎসরত্নৈর্ভূষিতং বিস্তৃতং চ |
কদা দ্রক্ষ্যে শ্রীনিবাসস্য তুন্দং বলিত্রয়েণাঙ্কিতং সুন্দরং চ || ৩, ২৩. ৩৪ ||
কদা দ্রক্ষ্যে শ্রীনিবাসস্য কণ্ঠং মহর্লোকস্যাশ্রয়ং কম্বুতুল্যম্ |
কদা দ্রক্ষ্যে শ্রীনিবাসস্য নাভিং সদান্তরিক্ষস্যাশ্রয়ং বৈ সুপূর্ণম্ || ৩, ২৩. ৩৫ ||
কদা দ্রক্ষ্যে বদনং বৈ মুরারের্জনলোকস্যাশ্রয়ং সর্বদৈব || ৩, ২৩. ৩৬ ||
শিরঃ কদা শ্রীনিবাসস্য দ্রক্ষ্যে সত্যস্য লোকস্যাশ্রয়ং সর্বদৈব |
কটিং কদা শ্রীনিবাসস্য দ্রক্ষ্যে ভূর্লোকস্যাশ্রয়ং সর্বদৈব || ৩, ২৩. ৩৭ ||
কদা দ্রক্ষ্যে শ্রীনিবাসস্য চোরু তলাতলস্যাশ্রয়ং সর্বদৈব |
কদা দ্রক্ষ্যে শ্রীনিবাসস্য জানু সুকোমলং সুতলস্যাশ্রয়ং চ || ৩, ২৩. ৩৮ ||
কদা দ্রক্ষ্যে শ্রীনিবাসস্য জঙ্ঘে রসাতলস্যাশ্রয়েঃ সর্বদৈব |
কদা দ্রক্ষ্যে পাদতলং হরেশ্চ পাতাললোকস্যাশ্রয়ং সর্বদৈব || ৩, ২৩. ৩৯ ||
ইত্থং মার্গে চিন্তয়ন্তী চ দেবী শেষাচলে শেষদেবং দদর্শ |
ফণৈঃ সহস্রৈঃ সুবিরাজমানং নানাদ্রুমৈর্বানরৈর্বানরীভিঃ || ৩, ২৩. ৪০ ||
অনন্ত জন্মার্জিতপুণ্যসঞ্চয়ান্ময়াদ্য দৃষ্টঃ পরমাচলো হি |
তদ্দর্শনাদ্বাষ্পকলাকুলেক্ষণা সদ্যঃ সমুত্থায় ননাম মূর্ধ্না || ৩, ২৩. ৪১ ||
মুখং চ দৃষ্ট্বা নমনং চ কার্যং পৃষ্ঠাদিভাগে নমনং ন কার্যম্ |
সাপি দ্বিষট্কং নমনং চ চক্রে শালগ্রামং স্থাপয়িৎবা পুরোঽস্য || ৩, ২৩. ৪২ ||
ইত্থং কার্যং বৈষ্ণবৈঃ পর্বতস্য ৎবং বৈষ্ণবৈর্বিপরীতং চ কার্যম্ |
মধ্বান্তঃস্থঃ পর্বতাগ্রেস্তি নিত্যং রমাব্রহ্মাদ্যৈঃ পূজিতঃ শ্রীনিবাসঃ || ৩, ২৩. ৪৩ ||
সুসত্তমং পরমং শ্রীনিবাসং দ্রক্ষ্যেঽথাহং হ্যারুরুক্ষেঽচলঞ্চ |
ইত্যেবমুক্ত্বা কপিলাখ্যতীর্থে স্থানং চক্রে সা স্বপিত্রা সহৈব || ৩, ২৩. ৪৪ ||
অত্রৈবাস্তে শ্রীনিবাসো হরিস্তু দ্রব্যেণ রূপেণ ন চান্যথেতি |
আদৌস্নাৎবা মুণ্ডনং তত্র কৃৎবা তীর্থশ্রাদ্ধং কারয়িৎবা সুতীর্থে || ৩, ২৩. ৪৫ ||
গোভূহিরণ্যাদিসমস্তদানং দত্ত্বা শৈলং চারুরোহাথ সাধ্বী |
শালগ্রামং স্থাপয়িৎবা স চাগ্রে পুনঃ প্রণামং সাপি চক্রে সুভক্ত্যা || ৩, ২৩. ৪৬ ||
সোপানানাং শতপর্যন্তমেবমারুহ্য সা হ্যুপবিষ্টা তু তত্র |
শুশ্রাব সা ভাগবতং পুরাণং শুশ্রাব বৈবেঙ্কটাদ্রেঃ প্রশংসাম্ || ৩, ২৩. ৪৭ ||
জৈগীষব্যাদ্গুরুপাদাৎসুভক্ত্যা সুশ্রাব তত্ত্বং বেঙ্কটাদ্রেশ্চ সর্বম্ || ৩, ২৩. ৪৮ ||

ইতি শ্রীগারুডে মহাপুরাণে উত্তরখণ্ডে তৃতীয়াংশে ব্রহ্মকাণ্ডে
বেঙ্কটেশগিরিয়াত্রাক্রমনিরূপণং নাম ত্রয়োবিংশোধ্যায়ঃ

শ্রীগরুডমহাপুরাণম্-২৪
জৈগীষব্য উবাচ |
কন্যে শৃণু ৎবং বেঙ্কটাখ্যাচলস্য স্মেরাননাং পুণ্যমাংরোহণেঽস্য |
শ্রীগীতায়াঃ পঠনং চৈব কুর্বন্নারোহণং কুরুতে সর্বলোকঃ || ৩, ২৪. ১ ||
পদেপদে শ্রীনিবাসশ্চ দেবস্ত্বলং হ্যলং প্রীয়তে ভক্তবর্গঃ |
তং প্রীণয়ন্মোক্ষমায়ান্তি সর্বে হরৌ তুষ্টে কিমলভ্যং চ কন্যে || ৩, ২৪. ২ ||
সোপানদেশে যঃ পুরাণং শৃণোতি তদা কৃতা সর্বতীর্থাদিয়াত্রা |
তদা দিবা প্রস্তুবন্তীহ মার্গে সদা হরিং শ্রীনিবাসং গুরুং চ || ৩, ২৪. ৩ ||
সোপানানাং মহিমানং চ শ্রুৎবা শালগ্রামং স্থাপয়িৎবা চ তত্র |
নমস্কৃৎবা পুনরেবাপি সা তু সোপানানি ৎবারুরোহাথ সাধ্বী || ৩, ২৪. ৪ ||
সোপানানাং বীন্দ্র চারোহণেন ৎববৈষ্ণবানাং হরিতোষো ন চৈব |
তেনৈব তেষাং সাধনং ভূয় এব তমস্যন্ধে পাতয়িতুং খগেন্দ্র || ৩, ২৪. ৫ ||
স্থলেস্থলে এবমেবাপি কার্যং জৈগীষব্যং পুনরেবাহ দেবী |
কন্যোবাচ |
জৈগীষব্যঃ শ্রীনিবাসো হরিস্তু ব্রহ্মাদীনাং দৃশ্যতে শ্রীনিবাসঃ || ৩, ২৪. ৬ ||
জৈগীষব্য কৃপয়া ৎবং বদস্ব জৈগীষব্যো হ্যেবমুক্তো হরিং তু |
উবাচ কন্যাং সোমপুত্রীং সতীং চ ব্রহ্মাদীনাং দৃশ্যতে শ্রীনিবাসঃ || ৩, ২৪. ৭ ||
অনন্তরূপোধিককান্তকান্তিমান্রূদ্রাদীনাং দৃশ্যতে বেঙ্কটেশঃ |
সসূর্যলক্ষাধিককান্তকান্তিতো রুদ্রাদীনাং দৃশ্যতে শ্রীনিবাসঃ || ৩, ২৪. ৮ ||
সহস্রসূর্যাধিককান্তিকান্তঃ সবিদ্যুত্ত্বান্মানুষাণাং রমেশঃ |
ঋষ্যাদীনাং দৃশ্যতে চন্দ্রবচ্চ সন্মানুষাণামপরোক্ষো হরিস্তু || ৩, ২৪. ৯ ||
নক্ষত্রবদ্দৃশ্যতে শ্রীনিবাসঃ সদা ঋষীণামপরোক্ষো হরিস্তু |
স সূর্যবদ্দৃশ্যতে শ্রীনিবাসঃ সংসারিণাং বেঙ্কটেশঃ খগেন্দ্র || ৩, ২৪. ১০ ||
সন্দোহবদ্দৃশ্যতে বৈ প্রকাশো মিথ্যাবতাং দৃশ্যতে শ্রীনিবাসঃ |
পাষাণবন্নৈল্যরূপপ্রকাশঃ শিলামাত্রে দৃষ্যতে বৈ কলৌ চ || ৩, ২৪. ১১ ||
নৃণাং সর্বেষাং শ্রীনিবাসো হরিস্তু কলৌ স্বরূপং শ্রীনিবাসস্য দেবী |
ন মানুষাঃ প্রবিজানন্তি সর্বে যতঃ কলৌ তামসা রাজসাস্তু || ৩, ২৪. ১২ ||
তৎসঙ্গিনঃ সাত্ত্বিকাঃ কেচিদেব হ্যতো ভক্তা দুর্লভা বৈ কলৌ চ |
যে দৃশ্যন্তে ভক্তবত্তে ন ভক্তাঃ শিশ্রোদরয়োর্ভরণে চৈব সক্তাঃ || ৩, ২৪. ১৩ ||
কুর্বন্তি যাত্রাং চ তদর্থমেব ভক্তিজ্ঞানং দুর্লভং বৈ কলৌ চ |
ভক্তা যে বৈ ন বিরক্তাঃ সদৈব তেষাং হরের্দর্শনং দুর্লভং চ || ৩, ২৪. ১৪ ||
ভক্তস্বরূপং তব বক্ষ্যে খগেন্দ্র যো জ্ঞানপূর্ণঃ পরমে স্নিগ্ধ এব |
ন চ দ্বেষৈর্বন্ধুরো ভক্তিয়ুক্তস্তব দ্বেষাঞ্ছৃণু বক্ষ্যে চ সম্যক্ || ৩, ২৪. ১৫ ||
জীবাভিদা হরিণাপ্রাকৃতেন স্বতন্ত্রেণ হ্যস্বতন্ত্রস্য নিত্যম্ |
জ্ঞানানন্দৈঃ পরিপূর্ণে হরৌ চ গুণৈরপূর্ণো হরিরিত্যেব চিন্তা || ৩, ২৪. ১৬ ||
শ্রীব্রহ্মরুদ্রাদিদিবৌকসাং সদা তথা দ্বিজানাং সমানায়াশ্চ চিন্তা |
বিষ্ণোঃ সকাশাদ্ব্রহ্মরুদ্রাদিকানাং সদাধিক্যালোচনং দ্বেষ এব || ৩, ২৪. ১৭ ||
বিষ্ণোর্ভদ্রে হস্তপাদাদিকানাং ভেদজ্ঞানং দ্বেষমাহুর্মহান্তঃ |
অবতারাণা ছেদভেদাদিকং চ তথোচ্যতে মরণস্যাপি চিন্তা || ৩, ২৪. ১৮ ||
তদ্ভক্তানাং দ্বেষণং চাহুরার্যাস্তদ্বাক্যানাং দূষণং দ্বেষ এব |
নচ দ্বেষৈঃ সংযুতা যে চ লোকে কন্যে দৃশ্যন্তে ন তু ভক্তাঃ কদাচিৎ || ৩, ২৪. ১৯ ||
কন্যোবাচ |
জৈগীষব্য ব্রূহি মে কে চ ভক্তা ভক্তিং কথং দর্শয়ামাসুরেতে |
তেষাং হরিঃ শ্রীনিবাসো মহাত্মা ত্রাতা সদা ভক্তবর্গে দয়ালুঃ || ৩, ২৪. ২০ ||
জৈগীষব্যস্ত্বেবমুক্তো মহাত্মা উবাচ কন্যাং সংস্মরন্ভক্তবর্যঃ |
জৈগীষব্য উবাচ |
প্রহাদাদ্যা শ্রীনিবাসস্য ভক্তাঃ কৃৎবা নৃসিংহে চোত্তমাং ভক্তিমেব || ৩, ২৪. ২১ ||
অবাপ সাম্রাজ্যমনুত্তমং চ জ্ঞানং নৃসিংহাৎসমবাপ পশ্চাৎ |
পরাশরঃ শ্রীনিবাসস্য ভক্তো ভক্তিং কৃৎবা ব্যাসরূপং হরিং চ || ৩, ২৪. ২২ ||
স্তুৎবা তেন জ্ঞানতত্ত্বং হ্যবাপ্য জগাম মোক্ষং ভক্তিসংবর্ধিতাত্মা |
যো নারদঃ শ্রীনিবাসস্য ভক্তো ভক্তিং কৃৎবা গর্ভবাসে হরৌ চ || ৩, ২৪. ২৩ ||
তয়া ভক্ত্যা ব্রহ্মপুত্রৎবমাপ জ্ঞানপ্রাপ্ত্যা তেন মুক্তিং জগাম |
যো হ্যম্বরীষঃ শ্রীনিবাসস্য ভক্তঃ কৃৎবা ভক্তিং পরদেব হরৌ চ || ৩, ২৪. ২৪ ||
জপ্ত্বা জ্ঞানং প্রাপ্য দুর্বাসকশ্চাপ্যবাপ মোক্ষং তেন সংবর্ধিতাত্মা |
মুচুকুন্দো বৈ শ্রীনিবাসস্য ভক্তো বৈরাগ্যতো ভক্তিদার্ঢ্যং চ কৃৎবা || ৩, ২৪. ২৫ ||
তত্ত্বজ্ঞানং প্রাপ্য বিষ্ণোর্মহাত্মা হ্যবাপ মোক্ষং তেন সংবর্ধিতাত্মা |
স পুণ্ডরীকঃ শ্রীনিবাসস্য ভক্তঃ পিত্রাদিষ্টো বিষ্ণুভক্তিং চ কৃৎবা || ৩, ২৪. ২৬ ||
হরিপ্রাসাদাজ্জ্ঞানমনুত্তমং চাপ্যবাপ মোক্ষং ভক্তিসংবর্ধিতাত্মা |
ব্রহ্মা চ বায়ুশ্চ সরস্বতী চ জ্ঞাতব্যাঃ সর্বে ঋজুয়োগিনশ্চ || ৩, ২৪. ২৭ ||
অচ্ছিন্নভক্তাশ্চ সদা মুরারের্ন কাম্যরক্তাঃ শুদ্ধরূপা হি তে চ |
গিরীশনাগেশখগেশসঞ্জ্ঞা দেবাঃ শুক্রারৌ গুরুচন্দ্রেন্দুসূর্যাঃ || ৩, ২৪. ২৮ ||
জলেশোগ্নির্মনুধর্মৌ কুবেরঃ বিঘ্নেশনাসত্যমরুদ্গণাশ্চ |
পর্জন্যমিত্রাদয় এব সর্বে সদা হ্যেতে শ্রীনিবাসস্য ভক্তাঃ || ৩, ২৪. ২৯ ||
বিশ্বামিত্রো ভৃগুরৌর্বশ্চ কুৎসো মরীচিরত্রিঃ পুলহঃ ক্রতুশ্চ |
শক্তির্বসিষ্ঠো সৌতমীয়ো পুলস্ত্যো ভারদ্বাজঃ শ্রীনিবাসস্য ভক্তাঃ || ৩, ২৪. ৩০ ||
মান্ধাতা নহুষোম্বরীষসগরৌ রাজা পৃথুর্হৈহয়ো ইক্ষ্বাকুর্ভরতো যয়াতিসুতলৌ ধর্মো বিকুক্ষিস্তথা |
উত্তানশ্চ বিভীষণো দশরথো হ্যেতে মহাজ্ঞানিনঃ শ্রীমদ্বেঙ্কটনায়কস্য
চ গুরোর্ভক্তাঃ সদা সংস্মৃতাঃ || ৩, ২৪. ৩১ ||
ভাগীরথী সমুদ্রশ্চ যমুনা চ সরস্বতী |
গোদাবরী নর্মদা চ কৃষ্ণা ভীমরথী তথা || ৩, ২৪. ৩২ ||
সরয়ূফল্গুকাবেরীগণ্ডকী কপিলা স্তথা |
ইত্যেতাশ্চ হরের্ভক্তাঃ সন্তি চাত্রৈব ভামিনি || ৩, ২৪. ৩৩ ||
অভিপ্রায়ং তত্র বক্ষ্যে শৃণু কন্যে ময়া সতি |
যত্র প্রবর্ততে মার্গে কথা বিষ্ণোর্মহাত্মনঃ || ৩, ২৪. ৩৪ ||
বর্তন্তে বৈষ্ণবা যত্র হরিতত্ত্বার্থবোধকাঃ |
তত্রৈব ভক্তাঃ সর্বেপি সন্তি বিষ্ণোস্তথৈব চ || ৩, ২৪. ৩৫ ||
যে দেবয়াত্রাং পরমাত্মচিন্তয়া কুর্বন্তি তে হরিভক্তাশ্চ নান্যে |
যতো হরৌ পরমে বৈষ্ণবানাং সর্বং নিষ্ঠামেতি কৃত্যং খগেন্দ্র || ৩, ২৪. ৩৬ ||
শেষাচলং সমাসাদ্য হ্যন্নবস্ত্রাদিভূষণম্ |
যো ন দদ্যাদভক্তঃ স ততঃ কো নু পরঃ পশুঃ || ৩, ২৪. ৩৭ ||
ভক্তা হরেঃ শ্রীনিবাসাচলে চ গঙ্গাদিরূপেণ চ তত্রতত্র |
তিষ্ঠন্তি সেবার্থমুরুক্রমস্য তেষাং পূজা নৈব কার্যা চ দেবি || ৩, ২৪. ৩৮ ||
অভিপ্রায়ং তত্র বক্ষ্যে শৃণু ৎবং তত্র স্থলে বস্ত্রগন্ধাদিধূপৈঃ |
পুরাণোক্তা অপি ভেদেন পূজ্যা দৃষ্ট্বা চ তান্বন্দয়েৎপ্রাজ্ঞ এব || ৩, ২৪. ৩৯ ||
সদ্ব্রাহ্মণান্বন্দয়েৎপাদমূলে হস্তৌ চ দ্বৌ সম্পুটীকৃত্য দেবি |
সাষ্টাঙ্গরুপং বন্দনং চৈব বিষ্ণোঃ কুর্যাত্তথা গুরবে বিষ্ণুবুদ্ধ্যা || ৩, ২৪. ৪০ ||
গঙ্গাদীনাং বন্দনং কার্যমেব সাষ্টাঙ্গং বৈ তুলসীনাং তথৈব |
অশ্বত্থানাং নমনং কার্যমেব গবাদীনাং নমনং মানসেন || ৩, ২৪. ৪১ ||
পূজা সদা দেবদেবস্য বিষ্ণোঃ কার্যা ভক্ত্যা বৈষ্ণবৈরেব নান্যৈঃ |
যে নামকা জ্ঞানবন্তঃ সুভক্তাঃ সদৈব কার্যা বিষ্ণুপূজা চ কন্যে || ৩, ২৪. ৪২ ||
যে নামকা জ্ঞানবন্তঃ সুভক্তাঃ সদৈবং কার্যা বিষ্ণুপূজা চ কন্যে |
যেনামকা বিষ্ণুভক্তাঃ সদৈব পূজা বিষ্ণোর্নৈব কার্যাত্র দেবি || ৩, ২৪. ৪৩ ||
মোহাদ্যো বৈ পূজয়েদ্দেবদেবং মহাধর্মাদ্যাতি চান্ধং তমো বৈ |
ব্রহ্মাদিনামানি হরের্হি দেবীং বিষ্ণোঃ স্বনামানি দদৌ দিবৌকসাম্ || ৩, ২৪. ৪৪ ||
নাদাদ্ধীরঃ কেশবাদীনি কন্যে স্বকং পুরং প্রবিহায়ৈব রাজা |
এবং ময়োক্তং কন্যকে সর্বমেতদেতৎপরং সম্যগারোহণীয়ম্ || ৩, ২৪. ৪৫ ||
গোবিন্দ নারায়ণ মাধবেতি যূয়ং ময়া সর্বমারাধিতব্যম্ |
সর্বে মিলিৎবা পুনরেবং খগেন্দ্র সমারুহন্বৈঙ্কটাদ্রিং গৃণন্তঃ || ৩, ২৪. ৪৬ ||
হরের্নামান্যত্র পূর্বং গৃণন্তস্ত্বাস্বাদয়ন্তঃ শ্রীনিবাসস্য নাম |
দ্রষ্টুং সর্বে শ্রীনিবাসং তথৈব কুর্বন্তস্তে তলশব্দং নদন্তঃ || ৩, ২৪. ৪৭ ||
ইতি কৃষ্ণবচঃ শ্রুৎবা তার্ক্ষ্যঃ কৃষ্ণমুবাচহ কথমাস্বাদনং চক্রুরেতদ্বিস্তীর্যমে বদ |
শ্রীকৃষ্ণ উবাচ |
ভো শ্রীনিবাস তব নামৈব চৈতন্নাম স্বামী ননু নামৈব স্বামী |
যাং ব্রহ্মাদ্যা আশ্রয়ন্তীত্তি যস্মাত্তস্মাদ্রমা শ্রীরিতি নাম চাপ || ৩, ২৪. ৪৮ ||
রমাশ্রয়ৎবান্নিতরাং সর্বদা চেত্যতো হরিঃ শ্রীনিবাসাভিধানঃ |
ভো শ্রীনিবাসেতি তু নর্তয়ন্তো রোমাঞ্চমাত্রাস্তলশব্দকারিণঃ || ৩, ২৪. ৪৯ ||
অদ্যৈব পশ্যাম হরেস্তবাস্যং কদা বয়ং কৃত কৃত্যা ভবামঃ |
ভোঃ কেশবাদ্যৈব পদারবিন্দং সন্দর্শয়িৎবা সুদয়াং কুরুষ্ব || ৩, ২৪. ৫০ ||
ব্রহ্মাণমাহুশ্চ পুরাণমাহুঃ কশব্দবাচ্যং সর্বলোকেশমাহুঃ |
ঈশং চার্হং রুদ্রমিত্যেব চাহুস্তৎপ্রেরকং সৃষ্টিসংহারকার্যে || ৩, ২৪. ৫১ ||
অতো হরিঃ কেশবনামধেয়ো ভোঃ কেশবেতি চ নর্তয়ন্তঃ |
আনন্দবাপীং সংস্ত্রবন্তোভি জগ্মুর্নারায়ণেতি প্রবদন্তো হি জগ্মুঃ || ৩, ২৪. ৫২ ||
অতো দোষাস্তদ্বিরুদ্ধা গুণাশ্চ নারাশ্চ তেষামাশ্রয়ৎবান্মুরারিঃ |
নারায়ণেতি প্রবদন্তীহ লোকে নারানুবন্ধাৎসর্বমুক্তাঃ খগেন্দ্র || ৩, ২৪. ৫৩ ||
নারাঃ প্রোক্তা আশ্রয়ৎবাচ্চ তেষামতোপি নারায়ণ এব বীন্দ্র |
মুক্তাশ্চ যে তু প্রপদংনু জগ্মুরণ্ডোদকং যস্য কটাক্ষমাত্রাৎ || ৩, ২৪. ৫৪ ||
যদুৎপন্নং তেন নারাঃ খগেন্দ্র তেষাং সদাপ্যাশ্রয়ৎবাচ্চ বীন্দ্র |
নারায়ণেতি প্রবদন্তীহ লোকে হ্যনন্তব্রহ্মাণ্ডবিসর্জকৎবাৎ || ৩, ২৪. ৫৫ ||
এবং ননৃতুঃ পরিশংসয়ন্তো গোবিন্দ নান্যো হি ন চৈব দর্শনম্ |
গোশব্দবাচ্যাস্তু সমস্তবাচো গোভিশ্চ সর্বৈঃ প্রতিপাদ্যতে যতঃ || ৩, ২৪. ৫৬ ||
অতো হি গোবিন্দ ইতি স্মৃতঃ সদা ভো বেদবেদ্যেতি তথা ন ননৃতুঃ |
আনন্দবাষ্পৈশ্চ সমন্বিতা হি হরে মুরারে তব দর্শনং হি || ৩, ২৪. ৫৭ ||
দেহি প্রভো বৈ তবদাসদাসাশ্চতুর্দশে ভুবনে সর্বদাপি |
যতস্ত্বমেবং বসতীতি বাসুশ্চাত্রৈব নিত্যং ক্রীডতে সর্বদৈব || ৩, ২৪. ৫৮ ||
যতো দেবেত্যেবমাহুর্মহান্তস্ত্বতো হরিং বাসুদেবেতি চাহুঃ |
ভো বাসুদেবেতি ননৃতুঃ সর্বদৈব ভো মাধবেতি ননৃতুশ্চৈব সর্বে || ৩, ২৪. ৫৯ ||
লক্ষ্মীপতে চেতি বদন্তি সর্বে ধনীতি শব্দঃ স্বাভিবাচী যতো হি |
অতোপ্যার্যা মাধবেতি ব্রুবন্তি লক্ষ্মীপতে পাহি তথৈব ভক্তান্ || ৩, ২৪. ৬০ ||
তে বৈ ব্রুবন্তো ননৃতুশ্চ জগ্মুর্বিষ্ণো সদাস্মান্পরিপাহি নিত্যম্ |
সর্বত্র যস্মাদ্বিততোসি তস্মাদিত্যাদিনামানি গৃণন্ত এব |
জগ্মুশ্চ সর্বে দদৃশুশ্চ তীর্থং ভক্ত্যোপেতাঃ শ্রীনিবাসং স্মরন্তঃ || ৩, ২৪. ৬১ ||
কন্যোবাচ |
কিং নামকং তীর্থমিদং মুনীন্দ্র কিং কার্যমত্র প্রবদাস্মান্কৃতীশ |
কস্মৈ প্রসন্নো ভগবাঞ্ছ্রীনিবাসস্ত্বস্মিন্সুতীর্থং বদ বিস্তরেণ || ৩, ২৪. ৬২ ||
জৈগীষব্য উবাচ |
কন্যে শৃণু ৎবং হ্যভবৎসুবুদ্ধিমান্প্রহ্রাদসঞ্জ্ঞো হরিভক্তবর্যঃ |
নিষ্কামবুদ্ধ্যা তু যদা জগাম শেষাচলস্থং শ্রীনিবাসং চ দ্রষ্টুম্ || ৩, ২৪. ৬৩ ||
অস্মিংস্থলে দৈত্যকুমারকান্প্রতি হরেশ্চ তত্ত্বং পরিপৃষ্টবান্প্রভুঃ |
নৃসিংহরূপং শ্রীনিবাসং ভজস্ব সুদুর্লভং মানুষং জন্ম কন্যে || ৩, ২৪. ৬৪ ||
তত্রাপি বিষ্ণোর্নৃহরে সুতত্ত্বং সুদুর্লভং সুষ্ঠু যাত্রা তথৈব |
যস্যাং যাত্রায়াং যত্র কুত্রাপি দেশে হরেঃ কথা বর্ততে দৈত্যবর্যাঃ || ৩, ২৪. ৬৫ ||
তত্র স্থলে হরিরাস্তে সদৈব যতো ব্যাপ্তঃ সর্বতো বৈ নৃসিংহঃ |
এতচ্ছ্রুৎবা দৈত্যকুমারকাস্তে প্রহ্লাদমূচুর্ভক্তবর্যং হরেশ্চ || ৩, ২৪. ৬৬ ||
ব্যাপ্তো হরিশ্চেৎকথমত্র বৈ সখে ন দৃশ্যতে জলরূপী নৃসিংহঃ |
স এবমুক্তো দানবানাং সুতৈশ্চ তুষ্টাব বিষ্ণুং পরমাদরেণ || ৩, ২৪. ৬৭ ||
তব স্বরূপং মম দর্শয়স্ব স্বয়োগ্যরূপং দানবানাং সুতানাম্ |
ইতি স্তুতঃ শ্রীনিবাসো হরিস্তু তস্মিন্নন্তর্জলরূপং সমায়াৎ || ৩, ২৪. ৬৮ ||
অস্মিন্স্নানং যে প্রকুর্বন্তি তীর্থে তেষাং জ্ঞানং পরমং দৃঢং স্যাৎ |
অত্র স্নানে মানুষাণাং চ তাত বুদ্ধির্ন হি স্যাৎকলিকালে বিশেষাৎ || ৩, ২৪. ৬৯ ||
দত্ত্বাং বরং দৈত্যবরায় বিষ্ণুরন্তর্দধে জলপূর্ণে সুকুণ্ডে |
অদ্যাপ্যাস্তে জলমধ্যে নৃসিংহঃ প্রহ্লাদোপি দৈত্যকুমারকৈঃ সহ || ৩, ২৪. ৭০ ||
তস্মিন্সুতীর্থে পরিতস্তত্রতত্র জয়েতি শব্দঃ শ্রূয়তে চাপরাহ্নে |
ইদং তীর্থং নারসিংহাভিধং চ কন্যেস্নানং হ্যত্র কার্যং মনুষ্যৈঃ || ৩, ২৪. ৭১ ||
স্নানং কৃৎবা তত্র তীর্থে চ সম্যগ্দীপং দত্ত্বা দ্বিজবর্যায় মুখ্যম্ |
দ্রষ্টুং পুনঃ শ্রীনিবাসং প্রজগ্মুর্গোবিন্দগোবিন্দ ইতি ব্রুবন্তঃ || ৩, ২৪. ৭২ ||
মুখ্যপ্রাণাধিষ্ঠিতং স্থানমাপ্য অপাবিশত্তত্র দেবী হ্যুবাচ |
জৈগীষব্যঃ শ্রীনিবাসস্য বিষ্ণোঃ কথং কার্যং দর্শনং তদ্বদস্ব || ৩, ২৪. ৭৩ ||
জৈগীষব্যঃ প্রাহ সংহৃষ্টচিত্তো ব্রবীমি তন্ত্রং শৃণু কন্যকে ৎবম্ |
শ্রুৎবা মত্তঃ কুরু সর্বং ময়োক্তমাদ্যং দ্বারং শ্রীনিবাসস্য দৃষ্ট্বা || ৩, ২৪. ৭৪ ||
অপরাধসহস্রাণি ক্রিয়ন্তেঽহর্নিশং ময়া |
তানি সর্বাণি মে দেব ক্ষমস্ব পুরুষোত্তম || ৩, ২৪. ৭৫ ||
মানসান্বাচিকান্দোষান্কায়ি কানপি সর্বশঃ |
বৈষ্ণবদ্বেষহেতূন্মে ভস্মসাৎকুরু মাধব || ৩, ২৪. ৭৬ ||
আদ্যদ্বারং শ্রীনিবাসস্য দেবি সম্যক্স্মরেদ্বিজয়ং বৈ জয়ং চ |
দক্ষাধ্বরে শ্রীনিবাসস্য দেবি চণ্ডং প্রচণ্ডং সংস্মরেৎসম্যগেব || ৩, ২৪. ৭৭ ||
পাশ্চাত্যভাগে শ্রীনিবাসস্য দেবি নন্দং সুনন্দং সংস্মরেদেব ভক্ত্যা |
সব্যদ্বারে শ্রীনিবাসস্য কন্যে স্মরেৎকুমুদাক্ষং কুমুদন্তমেব || ৩, ২৪. ৭৮ ||
যশ্চৈব দেহং প্রবিশেদ্ভক্তিপূর্বং কদা দ্রক্ষ্যে সাদরেণৈব দেবি |
প্রদক্ষিণদ্বাদশকং চ কৃৎবা পদে পদে সংস্মরেচ্ছ্রীনিবাসম্ || ৩, ২৪. ৭৯ ||
শ্রীস্বামিতীর্থে সম্যগাচম্য নৎবা স্নাৎবা নৎবা ভূবরাহং চ দেবি |
অয়ুদ্বারং প্রিবশেদ্ভক্তিপৃর্বং গোবিন্দগোবিন্দ ইতিব্রুবন্বৈ || ৩, ২৪. ৮০ ||
পশ্চাদ্ধরের্নমনং কার্যমেব সাষ্টাঙ্গরূপং প্রবিশেদ্দেবগেহম্ |
পুনর্বিশেদ্বারতঃ সংস্থিতঃ স পীঠস্থদেবান্মানসা চিন্তয়ীত || ৩, ২৪. ৮১ ||
মধ্যে পীঠং শ্রীনিবাসং চ দেবী নারায়ণং প্রণমেৎপূর্ণমেব |
দেবস্য সব্যে পীঠভাগাদ্বহিশ্চ নমস্কার্যং গুরুদেবায় চৈব || ৩, ২৪. ৮২ ||
পীঠস্যাগ্রাচ্চাপ্যধস্তাৎপ্রদেশে আগ্নেয়কোণে প্রণমেদ্বৈ খগেন্দ্র |
নৈরৃত্যভাগে ব্যাসদেবায় দেবি নমস্কার্যো বৈষ্ণবঃ সর্বদাপি || ৩, ২৪. ৮৩ ||
বায়ব্যকোণে ভক্তিপূর্বং সুদুর্গাং নমস্কুর্যাদ্ভক্তিসংবর্ধিতাত্মা |
পীঠস্যোর্ধ্বং হ্যগ্নিকোণেষু দেবী ধর্মাধিভূতায় নমো যমায় || ৩, ২৪. ৮৪ ||
পীঠস্যোর্ধ্বং নৈরৃতস্যোর্ধ্বকোণে জ্ঞানাধিপং প্রণমেদ্বায়ুদেবম্ |
পীঠস্যোর্ধ্বং বায়ুকোণে চ সুভ্রূর্বৈরাগ্যানামধিপং চৈব রুদ্রম্ || ৩, ২৪. ৮৫ ||
পীঠস্যোর্ধ্বং ৎবীশকোণে চ দেবি ঐশ্বর্যাণামধিপং চেন্দ্রদেবম্ |
পীঠস্য পূর্বে প্রণমেন্নৈরৃতিং চ অর্যাম্ণানামধিপং চাত্র দেবি || ৩, ২৪. ৮৬ ||
দেবস্য পীঠস্য চ দক্ষিণে চ দুর্গাং নমেদুগ্ররূপাভিধাং চ |
পীঠস্য কন্যে প্রণমেৎপশ্চিমে বৈ আরোগ্যাণা মধিপং কামদেবম্ || ৩, ২৪. ৮৭ ||
দেবস্য পীঠস্যোত্তরে রুদ্রদেবমনৈশ্বর্যাণামধিপং সংস্মরেচ্চ |
পীঠস্য মধ্যে প্রণমেদ্বৈ বরাহং সদা কন্যে পরমং পূরুষাখ্যম্ || ৩, ২৪. ৮৮ ||
তস্যোপরিষ্টাচ্ছক্তিসঞ্জ্ঞাং চ লক্ষ্মীমাধাররূপাং প্রণমেচ্চৈব নিত্যম্ |
তস্যোপরিষ্টাদ্বায়ুকূর্মৌ নমেচ্চ তস্যোপরিষ্টাচ্ছেষকূর্মৌ নমেচ্চ || ৩, ২৪. ৮৯ ||
তস্যোপরিষ্টাদভিমানিনীং ভুবো ভূদেবতাং প্রণমেচ্চৈব সুভ্রূঃ |
তস্যোপরিষ্টাদ্বরুণং সংস্মরেচ্চ ক্ষীরোদধেরধিপং চৈব দেবম্ || ৩, ২৪. ৯০ ||
তস্যোপরিষ্টাৎপ্রণমেচ্চৈব লক্ষ্মীং শ্বেতদ্বীপাখ্যং কন্যকে পূজয়েচ্চ |
তস্যোপরিষ্টাৎপ্রণমেচ্চৈব লক্ষ্মীং মহাদিব্যাং মণ্ডপসঞ্জ্ঞকাং চ || ৩, ২৪. ৯১ ||
পীঠস্য মধ্যে যমসঞ্জ্ঞাং চ লক্ষ্মীং সমর্চয়েদ্যমমধ্যে চ দেবীম্ |
যমস্য দেবস্য চ দক্ষিণে চ সূর্যং নমেদ্দীপরূপং চ ভদ্রে || ৩, ২৪. ৯২ ||
যমস্য দেবস্য চ বামভাগে শ্রিয়ং নমেদ্দীপরূপাং চ দেবীম্ |
যমস্য দেবস্য তু চাগ্রভাগে হুতাশনং দীপরূপং নমেচ্চ || ৩, ২৪. ৯৩ ||
দেবস্যাগ্রে ভূমিনাম্নীং নমেচ্চ তত্ত্বাভিমানাং সংস্মরেচ্চৈব নিত্যম্ |
পর্যঙ্করূপং শ্রীনিবাসস্য বিষ্ণোস্তমোভিমানাং সন্নমেচ্চৈব দুর্গাম্ || ৩, ২৪. ৯৪ ||
পূর্বাদিগং পীঠসোপানরূপমাত্মানমেকং প্রণমেচ্চ দেবি |
দক্ষস্থদিক্পীঠসোপানরূপং জ্ঞানাত্মকং প্রণমেচ্চৈব কন্যে || ৩, ২৪. ৯৫ ||
পদ্মস্য পূর্বস্থদলে চ দেবি স্ত্রীরূপাখ্যং বিমলাখ্যামিমাং চ |
ব্রহ্মাদিদেবান্প্রণমেচ্চ দেবি আগ্নেয়কোণস্থদলে শৃণুৎবম্ || ৩, ২৪. ৯৬ ||
উৎকর্ষনাম্নীং পরমাং চ দেবীং নমেদ্রমাং ব্রহ্মবায়ূ চ শেষম্ |
দক্ষস্থপদ্মস্য দলাষ্টকে চ নারায়ণাকারশেষাদিকানাম্ || ৩, ২৪. ৯৭ ||
স্ত্রীরূপেভ্যো নমনং কার্যমেব কন্যে ময়া পশ্চিমস্থে দলে চ |
গোপাখ্যনারায়ণব্রহ্মবায়ুবিপ্রাদিকানাং শেষরূদ্রাদিকানাম্ || ৩, ২৪. ৯৮ ||
স্ত্রীরূপেভ্যো নমনং কার্যমেব ঈশান কোণস্থদলেষু চৈব |
ঈশাননারায়ণমাবিরিঞ্চবায়ুর্বিয়চ্ছেষসুরাদিকানাম্ || ৩, ২৪. ৯৯ ||
স্ত্রীরূপেভ্যো নমনং কার্যমেব তথৈব পদ্মস্য চ মধ্যভাগে |
অনুগ্রহাখ্যা বিষ্ণুলক্ষ্মীশ্চ দেবী বায়ুর্বিয়চ্ছেষরুদ্রাদিকানাম্ || ৩, ২৪. ১০০ ||
স্ত্রীরূপাণাং নমনং কার্যমেব সুয়োগপীঠস্য স্বরূপ ভূতম্ |
সদা নমেচ্ছ্রীমদনন্তসঞ্জ্ঞমেবং ন মেচ্ছ্রীনিবাসং চ দেবম্ || ৩, ২৪. ১০১ ||
শ্রীনিবাসস্য বামে তু লক্ষ্মীং চ প্রণমেদ্বুধঃ |
শ্রীনিবাসস্য সব্যে তু ধরায়ৈ প্রণমেচ্ছুভে || ৩, ২৪. ১০২ ||
পীঠাদ্বহিঃ পূর্বভাগে কৃপোল্কং প্রণমেচ্ছুভম্ |
মহোল্কং দক্ষিণে চৈব বীরোল্কং পশ্চিমে নমেৎ || ৩, ২৪. ১০৩ ||
উত্তরে চ নমঃ কুর্যাদ্যুল্কায় চ মহাত্মনে |
চতুর্ষ্বপি চ কোণেষু সহস্রোল্কং নমেৎসুধীঃ || ৩, ২৪. ১০৪ ||
পূর্বে তু বাসুদেবায় নমস্কুর্যাচ্চ দক্ষিণে |
সঙ্কর্ষণায় দেবায় প্রদ্যুম্নায় চ পশ্চিমে || ৩, ২৪. ১০৫ ||
উত্তরে হ্যনিরুদ্ধ্যা নমস্কুর্যাদতন্দ্রিতঃ |
আগ্নেয়ে চ নমস্কুর্যাৎকন্যে মায়াং সদা শুভে || ৩, ২৪. ১০৬ ||
জয়ায়ৈ চ নমস্কুর্যান্নৈরৃত্যে চাপি বায়বে |
কৃত্যে চৈব নমস্কুর্যাদীশান্যে শান্তিসঞ্জ্ঞকাম্ || ৩, ২৪. ১০৭ ||
কেশবায় নমঃ পূর্বে তথা নারায়ণায় চ |
মাধবায় নমস্কুর্যান্নৈরৃত্যে চাপি বায়বে || ৩, ২৪. ১০৮ ||
আগ্নেয়ে কন্যকে নিত্যং ভক্ত্যা তু প্রয়তঃ শুভে |
গোবিন্দায় নমস্কুর্যাদ্দক্ষিণে বিষ্ণবে তথা || ৩, ২৪. ১০৯ ||
মধুসূদনায় ভোঃ কন্যে নমস্কুর্যাত্তু নৈরৃতৌ |
পশ্চিমে ত্রিবিক্রমায় বামনায় তথৈব চ || ৩, ২৪. ১১০ ||
বিষ্ণবে শ্রীধরায়াথ নমস্কুর্যাচ্চ ভামিতি |
উত্তরে তু মহাকন্যে হৃষীকেশায় বৈ নমঃ || ৩, ২৪. ১১১ ||
তথা বৈ পদ্মনাভায় নমস্কুর্যাদতন্দ্রিতঃ |
দামোদরায় চৈশান্যে নমস্কুর্যাচ্চ ভামিনি || ৩, ২৪. ১১২ ||
চতুর্থাবরণে পূর্বে মহাকূর্মায় বৈ নমঃ |
বরাহায় নমস্কুর্যাদাগ্নেয়ে কন্যকে শুভে || ৩, ২৪. ১১৩ ||
দক্ষিণে নারসিংহায় বামনায় নমোনমঃ |
ভার্গবায় নমস্কুর্যান্নৈরৃত্যে শুদ্ধচেতসা || ৩, ২৪. ১১৪ ||
পশ্চিমে মাধবায়াথ তথা কৃষ্ণায় বৈ নমঃ |
বুদ্ধায় চ নমস্কুর্যাদ্বায়ব্যে কন্যকে শুভে || ৩, ২৪. ১১৫ ||
উত্তরে হ্যুল্করূপায় অনন্তায় নমোস্তু তে |
ঈশান্যে বিশ্বরূপায় নমস্কুর্যাদতন্দ্রিতঃ || ৩, ২৪. ১১৬ ||
আগ্নেয়ে বারুণীং চৈব গায়ত্রীং চৈব নৈরৃতে |
বায়ব্যে ভারতীং চৈব ঈশান্যে গিরিজাং নমেৎ || ৩, ২৪. ১১৭ ||
গিরিজাং বামভাগে তু সৌপর্ণৈ চৈব সংনমেৎ |
প্রাগিন্দ্রায় নমস্কুর্যাৎসায়ুধায় তথৈব চ || ৩, ২৪. ১১৮ ||
স পরিগ্রহায় শ্রীবিষ্ণোঃ পার্ষদায় নমোনমঃ |
আগ্নেয়েত্যগ্নয়ে তুভ্যং সায়ুধায়েতি পূর্ববৎ || ৩, ২৪. ১১৯ ||
দক্ষিণে তু যমায়ৈব নৈরৃত্যাং নিরৃতিং যজেৎ |
পশ্চিমে বরুণায়ৈব বায়ব্যে বায়বে নমঃ || ৩, ২৪. ১২০ ||
উত্তরে চ কুবেরায় ঈশান্যে চ শিবায় চ |
ঈশানশক্রয়োর্মধ্যে ব্রহ্মণে সায়ুধায় চ || ৩, ২৪. ১২১ ||
নিরৃত্যপ্যতিমধ্যে তু শেষায় চ নমোনমঃ |
এবং কৃৎবা নমস্কারং প্রণমেচ্চ পুনঃ পুনঃ || ৩, ২৪. ১২২ ||
ইত্যেতৎসর্বমাখ্যাতং বিধিপূর্বং তু দর্শনম্ |
ইতঃ পরন্তু গন্তব্যং দর্শনার্থং রমাপতে || ৩, ২৪. ১২৩ ||
এবমুক্ত্বা তু সা দেবী তৈঃ সার্ধং তু যয়ৌ মুদা |
যদুক্তঃ শ্রীনিবাসস্য দর্শনস্য বিধিঃ খগ |
কস্যচিন্নৈব বক্তব্যো গোপ্যৎবাচ্চ কদাচন || ৩, ২৪. ১২৪ ||
সমাগমো দুর্ঘট এব বীন্দ্র সতাং চ সত্তত্ত্ববিবোধকানাম্ |
অনেকজন্মার্জিতপুণ্যসঞ্চয়াদভূদ্গুরোঃ সঙ্গম এব তস্য || ৩, ২৪. ১২৫ ||
পয়ো বিকারং চ নিজং জহাতি শেষস্য শেষং নলিনস্য ষঙ্কজম্ |
ভাবং চলং পঙ্কজনাভয়োগাৎসৎসঙ্গয়োগাদশুভানি ন স্যুঃ || ৩, ২৪. ১২৬ ||

ইতি শ্রীগারুডে মহাপুরাণে উত্তরখণ্ডে তৃতীয়াংশে ব্রহ্মকাণ্ডে
শ্রীবেঙ্কটেশগির্যারোহণক্রমতদ্ভক্ততৎপর্বতনামাদিনিরূপণং নাম চতুর্বিশোঽধ্যায়ঃ

শ্রীগরুডমহাপুরাণম্-২৫
সা দ্বারদেশে শ্রীনিবাসস্য দেবী স্বামিপুষ্করিণীং দদৃশে কৈশ্চ সার্ধম্ |
স্বামিন্হরে শ্রীনিবাসেতি সা তং ব্রহ্মাদীনাং তারকং সম্প্রদধ্যৌ || ৩, ২৫. ১ ||
দেবৈঃ সার্ধং পালনার্থং চ বিষ্ণুরস্ত্যেব নিত্যং পুষ্করিণ্যাং জলেষু |
অতঃ স্বামিপুষ্করিণীতি চাহুস্তত্র স্নানং কন্যকান্যাশ্চ চক্রুঃ || ৩, ২৫. ২ ||
শুচির্ভূৎবা শ্রীনিবাসং চ দেবাস্তুপ্তুং বিবিশুঃ শুদ্ধভক্ত্যা খগেন্দ্র |
যথোপদিষ্টং গুরুণা তথৈব চক্রে কন্যাশ্চ সর্বং খগেন্দ্র || ৩, ২৫. ৩ ||
তদা হরিং দর্শয়ামাস তস্যৈ স্বকং রূপং সুপ্রতীকে সুপূর্ণম্ |
সা কন্যকা শ্রীনিবাসস্য রূপং দদর্শ ভক্ত্যা স্বমনোভিরামম্ || ৩, ২৫. ৪ ||
সুবর্ণচিত্রং বসনং বসানং সোষ্ণীষকং কঞ্চুকং সন্দধানম্ || ৩, ২৫. ৫ ||
মৃগোত্থমদগন্ধেন সুরভীকৃতদিঙ্মুখম্ |
পুণ্ডরীকবিশালাক্ষং কম্বুগ্রীবং মহাভুজম্ || ৩, ২৫. ৬ ||
হেময়জ্ঞোপবীতাঙ্গং সাক্ষাৎকন্দর্পসন্নিভম্ |
জগন্মোহনসৈন্দর্যং কোমলাঙ্গং মনোহরম্ || ৩, ২৫. ৭ ||
দৃষ্ট্বা চ কন্যা মুমুদে রোমাঞ্চিতসুগাত্রকা || ৩, ২৫. ৮ ||
তদ্দর্শনাহ্লাদপরিপ্লুতাশয়া প্রেম্ণাথ রোমাশ্রুকুলাকুলেক্ষণা |
ননর্ত দেবী পুরতস্তস্য বিষ্ণোঃ সা ধ্বস্তদোষা পরমাদরেণ |
আনন্দ মাং পাহি সুখং চ দত্ত্বা মুকুন্দা মাং পাহি বিমুক্তিদানাৎ || ৩, ২৫. ৯ ||
মাং পাহি নিত্যং হ্যরবিন্দনেত্র প্রসন্নদৃষ্ট্যা করুণাসুধার্দ্র |
গোবিন্দ গোবিন্দ সুদুঃখিতাং মাং জ্ঞানাদিদানেন হি পাহি নিত্যম্ || ৩, ২৫. ১০ ||
জনার্দন ৎবং হি সুদুষ্টসঙ্গান্কামাদিরূপান্সততং বর্জয়িৎবা |
হরে হরে মাং সততং পাহি দৈত্যান্সমাহৃত্য প্রবলান্বিঘ্নরূপান্ || ৩, ২৫. ১১ ||
রমেশ মাং পাহি চতুর্মুখেশ বিশ্বেশ মাং পাহি সরস্বতীশ |
রমেশ মাং পাহি নিদানমূর্তে বৃন্দারবৃন্দৈর্বন্দিতপাদপদ্ম || ৩, ২৫. ১২ ||
এবং তু নৎবা পরমাদরেণ তুষ্টাব বিষ্ণুং পরমং পুরাণম্ |
লক্ষ্ম্যা সদা যেঽবিদিতা গুণাশ্চ অসঙ্খ্যাতাঃ সন্তি বিষ্ণৌ চ বীশ || ৩, ২৫. ১৩ ||
তেষাং সকাশাদতিবাহুল্যসঙ্খ্যা গুণা হরৌ তেঽবিদিতা বৈ রমায়াঃ |
অতো হরে স্তবনে ক্বাস্তি শক্তিস্তথাপি যত্নং স্তবনে তে করিষ্যে || ৩, ২৫. ১৪ ||
তব প্রসাদাচ্চ রমাপ্রসাদাদ্বিধিপ্রসাদাত্ভারতীশপ্রসাদাৎ |
রুদ্রপ্রসাদাৎস্তবনং তে করিষ্যে তথাপি বিষ্ণো ময়ি শান্তিং কুরুষ্ব || ৩, ২৫. ১৫ ||
যদি প্রসন্নোসি ময়ি ৎবমীশ ৎবৎপাদমূলে দেহি ভক্তিং সদৈব |
ৎবদ্দর্শনাদ্দেব শুভাশুভং চ নষ্টং মদীয়ং হ্যশুভং চ নিত্যম্ || ৩, ২৫. ১৬ ||
ৎবন্মায়য়া নষ্টমিমং চ লোকং মদেন মত্তং বধিরং চান্ধভূতম্ |
ঐশ্বর্যয়োগেন চ যো হি মূকো জাতঃ সদা দীনাগুর্বাদিকেষু || ৩, ২৫. ১৭ ||
মা দেহি ঐশ্বর্যমনুত্তমং ৎবৎপাদারবিন্দস্য বিরুদ্ধভূতম্ |
ৎবং দেব মে দেহি সতাং চ সঙ্গং তব স্বরূপপ্রতিপাদকানাম্ || ৩, ২৫. ১৮ ||
পুত্রাদীনামৈহিকং বাসুদেব দগ্ধ্বা চ মে দেহি পাদারবিন্দে |
সদ্বষ্ণবে ক্রিয়মাণং চ কোপং দগ্ধ্বা চ মে দেহি পাদরবিন্দে || ৩, ২৫. ১৯ ||
দ্রব্যাদিকে ক্রিয়মাণং চ লোভং দগ্ধ্বা বৈ মে দেহি পাদাব্জমূলে |
পুত্রাদিকে ক্রিয়মাণং চ মোহং দগ্ধ্বা চ মে দেহি পাদাব্জমূলে || ৩, ২৫. ২০ ||
বিদ্যাং পুত্রং দ্রব্যজাতং মদং চ দগ্ধ্বা চ মে দেহি পাদাব্জমূলে |
সদ্বৈষ্ণবাসহমানস্বরূপং দগ্ধ্বা মাৎসর্যং পাহি মাং বেঙ্কটেশ || ৩, ২৫. ২১ ||
মন্ত্রং চ মে দেহি নিদানমূর্তে যেনৈব মে স্যাত্তব সঙ্গশ্চ ভূয়ঃ |
নান্যং বৃণে তব পাদাব্জসঙ্গাত্তদেব মে দেহি মম প্রসন্নঃ || ৩, ২৫. ২২ ||
ইতীরিতঃ শ্রীনিবাসঃ প্রসন্ন উবাচ দেবো হ্যমৃতস্ত্রবং চ |
অত্রৈব কন্যে প্রজপস্ব মন্ত্রং সুগোপ্যরূপং পরমাদরেণ || ৩, ২৫. ২৩ ||
বক্ষ্যামি মন্ত্রং পরমাদরেণ শৃণ্বদ্য ভক্ত্যা পরমাদরেণ |
অন্তঃ স্থমন্ত্যং হ্যাদ্যসংযুক্তমেব সবিন্দু তদ্বৎস্পর্শকাদ্যেন যুক্তম্ || ৩, ২৫. ২৪ ||
একারয়ুক্তং প্রথমান্তঃ স্থয়ুক্তং সমত্রিকোণে চোষ্মণা সংযুতং চ |
তকারসক্তং স্বর্শমন্তঃ স্থয়ুক্তমাদ্যন্ত ওঙ্কারসমন্বিতং চ || ৩, ২৫. ২৫ ||
অনেন মন্ত্রেণ তবেপ্সিতং চ ভবেদ্ধি কন্যে নান্ত্র বিচার্যমস্তি |
এবং স উক্ত্বা শ্রীনিবাসো হরিস্তু প্রতীকবদ্দর্শয়ামাস রূপম্ || ৩, ২৫. ২৬ ||
নৎবা তু সা শ্রীনিবাসং চ দেবী উবাস হ স্বামিসরঃ সমীপে |
তস্মিন্দিনে ব্রাহ্মণাদীংশ্চ সর্বান্সন্তর্পয়ামাস চ ষড্রসান্নৈঃ || ৩, ২৫. ২৭ ||
সায়ঙ্কালে শ্রীনিবাসস্য দৃষ্ট্বা উৎসাহরূপৈঃ শ্রীনিবাসপ্রতীকৈঃ |
সাকং ভক্ত্যা সম্প্রণম্যাথ দেবী প্রদক্ষিণং শ্রীনিবাসস্য সুষ্ঠু || ৩, ২৫. ২৮ ||
ননর্ত দেবী সুপ্রতীকস্য চাগ্রে লজ্জাং ত্যক্ত্বা জয় দেবেতি চোক্ত্বা |
আনৃত্তকালে চ হরেশ্চ বক্ত্রং দৃষ্ট্বা চ দৃষ্ট্যা তু পরং ননর্ত || ৩, ২৫. ২৯ ||
মমাদ্য গাত্রং পাবিতং শ্রীনিবাস মমাদ্য নেত্রং সফলং সম্বভূব |
মমাদ্য পাদৌ সার্থকৌ চৈব জাতৌ প্রদক্ষিণং শ্রীনিবাসেশ কৃৎবা || ৩, ২৫. ৩০ ||
হস্তৌ চ মে সার্থকাবদ্য জাতৌ অগ্রে কৃৎবা হস্তশব্দং মুরারেঃ |
এবং বদন্তী প্রীণয়ন্তী চ দেবং জগামসা স্তোত্রবচঃ কদম্বৈঃ || ৩, ২৫. ৩১ ||
দেবাস্তদা দুন্দুম্ভয়ো বিনেদিরে তন্মস্তকে পুষ্পবৃষ্টিং চ চক্রুঃ |
তস্মিন্কালে উভয়োঃ পার্শ্বয়োশ্চ নৃত্যং চক্রুর্দেবতাবারনার্যঃ || ৩, ২৫. ৩২ ||
তথৈব তাস্তলশব্দং চ কৃৎবা তদা সর্বা নমনং চাপি চক্রুঃ |
আনন্দশৈলে সর্বদা ৎবিত্থমেব সা সর্বদা নর্তয়ন্তী চ বীন্দ্র || ৩, ২৫. ৩৩ ||
আনন্দমগ্না সাপি দেবী জগাম স্বমাশ্রমং জৈগিষব্যেণ সার্ধম্ |
যাত্রামেবং যে ন কুর্বন্তি বীন্দ্র তেষাং চ সর্বং নিষ্ফলং চাহুরার্যাঃ || ৩, ২৫. ৩৪ ||
গৎবাশ্রমং জৈগিষব্যেণ সার্ধং গুরুং ৎবপৃচ্ছদ্বেঙ্কটেশস্য মন্ত্রম্ |
মন্ত্রস্যার্থং ব্রূহি মে জৈগিষব্য মন্ত্রাবৃত্তিং কুর্বতাং বৈ ফলায় || ৩, ২৫. ৩৫ ||
জৈগীষ্ব্য উবাচ |
শৃণুষ্ব ভদ্রে বেঙ্কটে শস্য নাম্নস্ত্বর্থং শ্রুৎবা হৃদয়ে সংনিধৎস্ব || ৩, ২৫. ৩৬ ||
বিতি হ্যুত্তমবাচী স্যাদ্যেতি জ্ঞানমুদাহৃতম্ |
ককারঃ সুখবাচী স্যাট্টেতি চিত্তমুদাহৃতম্ || ৩, ২৫. ৩৭ ||
ঈশৎবমাত্মবাচি স্যাদেবং জ্ঞেয়ং তু কন্যকে |
পূর্ণজ্ঞানং সুখং বিত্তং ব্যাপ্তৎবাদ্ব্যঙ্কটাভিধঃ || ৩, ২৫. ৩৮ ||
ব্য (বে) মিন্দ্রিয়াদিকং প্রোক্তং ব্যঙ্গভূতং হরৌ যতঃ |
কটশ্চ সমুদায়ার্থো ব্যং (বেং) কটশ্চেন্দ্রিয়ৌঘকঃ || ৩, ২৫. ৩৯ ||
স্বস্মিন্প্রেরয়তে যস্মাত্তস্মাদ্ব্যঙ্কটনামকঃ |
বিষয়ে প্রেষয়েন্নিত্যমতো ব্যঙ্কটনামকঃ || ৩, ২৫. ৪০ ||
বিশিষ্টজ্ঞানরূপৎবাদ্ব্যেতি মুক্তাঃ সদা স্মৃতাঃ |
মুক্তানাং চ সমূহস্তু ব্যঙ্কটেতি প্রকীর্তিতঃ || ৩, ২৫. ৪১ ||
সদা মুক্তসমূহানামীশৎবাদ্ব্যঙ্কটাভিধঃ |
লিঙ্গদেহমতো জীবো ব্যঙ্কটেতি সমাহৃতঃ || ৩, ২৫. ৪২ ||
লিঙ্গানাং চৈব স্বামিৎবাদ্ব্যঙ্কটেশেতি সঞ্জ্ঞিতঃ |
দৈত্যানাং চ সমূহাস্তু জ্ঞানাদিবিধুরা যতঃ |
অতো দৈত্যসমূহস্তু ব্যঙ্কটেতি প্রকীর্তিতঃ || ৩, ২৫. ৪৩ ||
তেষাং সংহরণে ঈশস্ত্বতো ব্যঙ্কটনামকঃ |
আনন্দস্য বিরুদ্ধৎবাৎকামক্রোধাদয়ো গুণাঃ || ৩, ২৫. ৪৪ ||
ব্যঙ্কটা ইতি সম্প্রোক্তাস্তেষাং নাশয়িতা প্রভুঃ |
অতস্তু ব্যঙ্কটেশাখ্য এবং জ্ঞাৎবা জপং কুরু || ৩, ২৫. ৪৫ ||
এবং ব্যঙ্কটামাহাত্ম্যং শ্রুৎবা দেবী খগেশ্বর |
নিদ্রাং চকার তত্রৈব রাত্রৌ পিত্রা সহৈব চ |
ব্রাহ্মে মুহূর্তে চোত্থয়ি হৃদি সস্মার কন্যকা || ৩, ২৫. ৪৬ ||
(ব্যঙ্কটেশস্য প্রাতঃ স্তুতিঃ) |
শ্রীব্যঙ্কটেশশ্চ নৃসিংহমূর্তিঃ শ্রীবরদরাজশ্চ বরাহমূর্তিঃ |
শ্রীরঙ্গশায়ী চ অনন্তশায়ী কুর্বন্তু সর্বে মম সুপ্রভাতম্ || ৩, ২৫. ৪৭ ||
শ্রীকৃষ্ণমূর্তিশ্চ গদাধরশ্চ শ্রীবিষ্ণুপাদস্তু প্রয়াগবাসঃ |
নারায়ণঃ শ্রীবদরীনিবাসঃ কুর্বন্তু সর্বে মম সুপ্রভাতম্ || ৩, ২৫. ৪৮ ||
দামোদরো বৈ ত্রিজগন্নিবাসঃ শ্রীপাণ্ডুরঙ্গশ্চ নৃসিংহদেবঃ |
শ্রীরামদেবশ্চ অমোঘবাসঃ কুদৃ || ৩, ২৫. ৪৯ ||
শ্রীধর্মপুত্রশ্চ নৃসিংহমূর্তিঃ শ্রীপিপ্পলস্থশ্চ মুহল্লবাসঃ |
কোলানৃসিংহঃ শূর্পকারস্থ সিংহঃ কুর্বন্তুদৃ || ৩, ২৫. ৫০ ||
চতুর্মুখশ্চারুসরস্বতী চ স্বভারতী শর্বসুপর্ণশেষাঃ |
অমামহেদ্রশ্চ শচীমুখাস্তাঃ কুর্বন্তু দৃ || ৩, ২৫. ৫১ ||
দ্বারাবতী কাশিকাবন্তিকা চ প্রয়াগকাঞ্চ্যৌ মথুরাপুরী চ |
মায়াবতী হস্তিমতী পুরী চ কুর্বন্তু স দৃ || ৩, ২৫. ৫২ ||
ভাগীরথী চৈব সরস্বতী চ গোদাবরী সিন্ধুকৃষ্ণ চ বেণী |
কলিন্দকন্যা যমুনা চ নর্মদা কুর্ব দৃ || ৩, ২৫. ৫৩ ||
বিতস্তিকাবেরিসতুঙ্গভদ্রাঃ সুবঞ্জরা ভীমরথী বিপাশা |
সুতাম্রপর্ণী চ পিনাকিনী চ কু দৃ || ৩, ২৫. ৫৪ ||
স্বামিপুষ্করিণী চৈব সুবর্ণমুখরী তথা |
শ্রীপাণ্ডবী তৌবরুশ্চ কপিলা পাপনাশনী || ৩, ২৫. ৫৫ ||
গুরুর্বসিষ্ঠঃ ক্রতুরঙ্গিরাশ্চ মনুঃ পুলস্ত্যঃ পুলহশ্চ গৌতমঃ |
রৈভ্যো মরীচিশ্চ্যবনশ্চ দক্ষঃ কুর্বন্তু সর্বে মম সুপ্রভাতম্ || ৩, ২৫. ৫৬ ||
সপ্তার্ণবাঃ সপ্ত কুলাচলাশ্চ দ্বীপাশ্চ সপ্তোপবনানি সপ্ত |
ভূরাদিকানি ভুবনানি সপ্ত কুর্বন্তু স দৃ || ৩, ২৫. ৫৭ ||
মান্ধাত্রা নহুষোম্বরীষসগরৌ রাজা নলো ধর্মরাট্প্রহ্লাদঃ
ক্রতুরাড্বিভীষণগয়ৌ ব্যাসো হনূমানপি |
অশ্বত্থাম কৃপাবুমা দ্রুপদজা শ্রীজানকী তারকা মন্দোদর্যখিলাঃ
প্রভাতসুমহং কুর্বন্তু নিত্যং হরে || ৩, ২৫. ৫৮ ||
অশ্বত্থস্য বনানি কিং চ তুলসীধাত্রীবনানি প্রভো পুন্নাগস্য
বনানি চম্পকবনান্যন্যানি পুষ্পাণি চ |
মন্দারস্য বনানি যানি চ হরেঃ সৌগন্ধিকান্যপ্যহো নিত্যং তানি
দিশন্তু মৎপ্রমুদিতং শ্রীবেঙ্কটেশ প্রভো || ৩, ২৫. ৫৯ ||
এবং স্মৃৎবা শ্রীনিবাসস্য দেবী কৃৎবা শৌচং জৈগিষব্যেণ সাকম্ |
স্নাতুং যয়ৌ পুষ্করিণীং হরেশ্চ স্নানং সম্যক্তত্র চকার দেশে |
সম্যগ্জপ্ত্বা ব্যঙ্কটেশস্য মন্ত্রমুবাচ সা জৈগিষব্যং গুরুং চ || ৩, ২৫. ৬০ ||

ইতি শ্রীগারুডে মহাপুরাণে উত্তরখণ্ডে তৃতীয়াংশে ব্রহ্মকাণ্ডে
দেবী কৃতবেঙ্কটেশদর্শনতৎস্তুত্যাদিবর্ণনং নাম পঞ্চবিংশোধ্যায়ঃ

শ্রীগরুডমহাপুরাণম্-২৬
কন্যোবাচ |
শ্রীনিবাসঃ কিমর্থং বৈ আগতোত্র বদস্ব মে |
শেষাচলোপি কুত্রা ভূৎকদায়াতশ্চ পাপহা |
স্বামিপুষ্করিণী চাত্র কিমর্থং হ্যগতা বদ || ৩, ২৬. ১ ||
জৈগীষব্য উবাচ শৃণু ভদ্রে মহাভাগে ব্যঙ্কটেশস্য চাগমম্ |
আবয়োর্দেবি পাপানি বিষমং যান্তি ভামিনি || ৩, ২৬. ২ ||
আসীৎপুরা হিরণ্যাক্ষঃ কাশ্যপো দিতিনন্দনঃ |
সনকাদেশ্চ বাগ্দণ্ডাদ্দ্বিতীয়দ্বারপালকঃ || ৩, ২৬. ৩ ||
বভূব দৈত্যয়োনৌ চ দেবানাং কণ্টকো বলী |
সঞ্জীবো বিজয়ঃ প্রোক্তো হরিভক্তো মহাপ্রভুঃ || ৩, ২৬. ৪ ||
হরিণ্যাক্ষঃ স্বয়ং দৈত্যো হরিভক্তবিদূষকঃ |
এতাদৃশো হিরণ্যাক্ষস্তপস্তপ্তুং সমুদ্যতঃ || ৩, ২৬. ৫ ||
তদা মাতা দিতির্দেবী হিরণ্যাক্ষমুবাচ সা |
দিতিরুবাচ |
বৎসলস্ত্বং মহাভাগমা তপস্বাষ্টহায়নঃ || ৩, ২৬. ৬ ||
ৎবং মা দদস্ব দুঃখং মে পালয়িষ্যতি কোবিদঃ |
ক্ষণমাত্রং ন জীবামি ৎবাং বিনা জীবনং ন হি || ৩, ২৬. ৭ ||
মা তপ ৎবং মহাভাগ মম জীবনহেতবে |
এবমুক্তস্তু মাত্রা স বিজয়োবশতোব্রবীৎ || ৩, ২৬. ৮ ||
হিরণ্যাক্ষো মাতরং প্রাহ জালং হিৎবা বিষ্ণোর্ভজনেঽলং কুরুষ্ব |
ময়িস্নেহং পুত্রহেতোর্বিরূঢং সুখদুঃখে চেহ লোকে পরত্র || ৩, ২৬. ৯ ||
যাবৎস্নেহং ময়ি মাতঃ করোষি তাবৎক্লেশং শাশ্বতং যাস্যসি ৎবম্ |
মাতশ্চ তে ময়ি পুত্রৎববুদ্ধিস্ত্বয়্যপ্যেষা মাতৃবুদ্ধির্মমাপি || ৩, ২৬. ১০ ||
তাতে পূজ্যে পিতৃবুদ্ধির্মমাস্তি তস্মিংস্তুতে ভর্তৃবুদ্ধির্হি মিথ্যা |
নির্মাতি যস্মাদ্ধরিরেব সর্বং সম্যক্পাতা নিয়তোঽসৌ মুরারিঃ || ৩, ২৬. ১১ ||
অতো হি মাতা হরিরেব সর্বদা ৎবন্যাসাং বৈ মাতৃতা চোপচারাৎ |
নির্মাতৃৎবং যদি মুখ্যং ৎবয়ি স্যাদ্দ্রোণাদীনাং জননী কা বদস্ব || ৩, ২৬. ১২ ||
মাতৃৎবং বৈ যদি মুখ্যং ৎবয়ি স্যাদ্ধাত্রাদীনাং জননী কা বদস্ব |
যতঃ সদা যাতি জগত্তত্তো হরিঃ সদা পিতা বিষ্ণুরজঃ পুরাণঃ || ৩, ২৬. ১৩ ||
সদা পিতা মুখ্যপিতা যদি স্যাদ্গর্ভস্থবালে পালকঃ কো বদস্ব |
মাতাপিত্রোঃ পালকৎবং যদি স্যাৎকূর্মাদীনাং পালকৌ কৌ বদস্ব || ৩, ২৬. ১৪ ||
মাতাপিত্রোঃ পালকৎবং যদি স্যাৎকৃপাদীনাং রক্ষকৌ কৌ বদস্ব |
পুন্নামকান্নারকাদ্দেহ ভজান্তস্মাত্ত্রাতাপুত্রবিষ্ণুঃ পুরাণঃ || ৩, ২৬. ১৫ ||
ন তারকোহং নরকাচ্চ সুভ্রূর্ন বৈ ভর্তা নাপি পিত্রাদয়শ্চ |
ন বৈ মাতা নানুজাদিশ্চ সর্বঃ সর্বত্রাতা বিষ্ণুরতো ন চান্যঃ || ৩, ২৬. ১৬ ||
মায়াং মদীয়াং জ্ঞানশস্ত্রেণ চ্ছিৎবা ভক্ত্যা হরেঃ স্মরণং ৎবং কুরুষ্ব |
যদ্ভক্তিরূপূর্বং স্মরণং নাম বিষ্ণোস্তৎসর্বথা পাপহরং চ মাতঃ || ৩, ২৬. ১৭ ||
যো বা ভক্ত্যা স্মরণং নাম বিষ্ণোঃ করোত্যসৌ পাপহরো ভবিষ্যতি |
অয়ং দেহো দুর্ল্লভঃ কর্মভূমৌ তত্রাপি মধ্যে ভজনং বিষ্ণুমূর্তেঃ || ৩, ২৬. ১৮ ||
আয়ুর্গতং ব্যর্থমেব ৎবদীয়ং শীঘ্রং ভজেঃ শ্রীনিবাসস্য পাদম্ |
উপদিশ্যৈবং মাতরং পুত্রবর্যো দৈত্যাবেশাৎসোভবদ্বৈ তপস্বী || ৩, ২৬. ১৯ ||
চতুর্মুখং প্রীণয়িৎবৈব ভক্ত্যা হ্যবধ্যৎবং প্রাপ তস্মান্মহাত্মা |
ততো ভূমিং করবদ্বেষ্টয়িৎবা নিন্যে তদা দৈত্যবর্যো মহাত্মা || ৩, ২৬. ২০ ||
শ্রীমুষ্টদেশে প্রাদুরাসীদ্ধরিস্তু বারাহবিষ্ণুস্ত্বজনঃ পুরাণঃ |
ভিত্ত্বাচাব্ধিং বিবিশে তং মহাত্মা রসাতলে সংস্থিতং ভূতলং চ || ৩, ২৬. ২১ ||
স্বদংষ্ট্রাগ্রে স্থাপয়িৎবাঽজগাম তদাগমাদাগতো দৈত্যবর্যঃ |
তং কর্ণমূলে তাডয়িৎবা জঘান প্রসাদয়ামাস চ পূর্ববদ্ভুবম্ || ৩, ২৬. ২২ ||
সুদিগ্গজান্স্থাপয়িৎবা চ বিষ্ণুঃ শ্রীমুষ্টে বৈ সংস্থিতঃ শ্রীবরাহঃ |
তদা হরিশ্চিন্তয়ামাস বিষ্ণুর্ভক্ত্যা মদীয়ং মানুষং দেহমদ্য || ৩, ২৬. ২৩ ||
আরাধয়িষ্যন্তি চ মাং ক্ব এতে তেষাং দয়াং কুত্র বাহং করিষ্যে |
এবং হরিশ্চিন্তয়িৎবা সুকন্যে বৈকুণ্ঠলোকাদচলং শেষ সঞ্জ্ঞম্ |
বীন্দ্রস্কন্ধে স্থাপয়িৎবা স্বয়ং চ সমাগতোভূদ্ভূতলং ভূতলেশঃ || ৩, ২৬. ২৪ ||
সুবর্ণমুখরীতীরমারভ্য গরুডধ্বজঃ |
শ্রীকৃষ্ণবেণীপর্যন্তং স্থাপয়া মাস তং গিরিম্ || ৩, ২৬. ২৫ ||
গিরেঃ পুচ্ছে তু শ্রীশৈলং মধ্যমেঽহোবলং স্মৃতম্ |
মুখং চ শ্রীনিবাসস্য ক্ষেত্রং চ সমুদাহৃতম্ || ৩, ২৬. ২৬ ||
অল্পেন তপসাভীষ্টং সিধ্যত্যস্মিন্নহোবলে |
গঙ্গাদিসর্বতীর্থানি পুণ্যানি হ্যত্র সন্তি বৈ || ৩, ২৬. ২৭ ||
য এনং সেবতে নিত্যং শ্রদ্ধাভক্তিসমন্বিতঃ |
জ্ঞানার্থী জ্ঞানমাপ্নোতি দ্রব্যার্থী দ্রব্যমাপ্রুয়াৎ || ৩, ২৬. ২৮ ||
পুত্রার্থী পুত্রমাপ্নোতি নৃপো রাজ্যং চ বিন্দতি |
যংযং কাময়তে মর্ত্যস্তন্তমাপ্নোতি সর্বথা || ৩, ২৬. ২৯ ||
চিন্তিতং সাধ্যতে যস্মাত্তস্মাচ্চিন্তামণিং বিদুঃ |
পুষ্করিণ্যাশ্চ বাহুল্যাদ্গিরাবস্মিন্সরঃ সু চ |
পুষ্করাদ্রিরিতি প্রাহুরেবং তত্ত্বার্থবেদিনঃ || ৩, ২৬. ৩০ ||
শাতকুম্ভস্বরূপৎবাৎকনকাদ্রিং চ তং বিদুঃ |
বৈকুণ্ঠাদাগতেনৈব বৈকুণ্ঠাদ্রিরিতি স্মৃতঃ || ৩, ২৬. ৩১ ||
অমৃতৈশ্বর্যসংযুক্তো ব্যঙ্কটাদ্রিরিতি স্মৃতঃ |
ব্যঙ্কটেশস্য শৈলস্য মাহাত্ম্যং যাবদস্তি হি || ৩, ২৬. ৩২ ||
তাবদ্বক্তুং সমগ্রেণ ন সমর্থশ্চতুর্মুখঃ |
ব্যঙ্কটাদ্রৌ পরাং ভক্তিং যে কুর্বন্তি দিনেদিনে |
পঙ্গর্জঙ্ঘাল এব স্যাদচক্ষুঃ পদ্মলোচনঃ || ৩, ২৬. ৩৩ ||
মূকো বাগ্মী ভবেদেব বধিরঃ শ্রাবকো ভবেৎ |
বন্ধ্যা স্যাদ্বহুপুত্রা চ নির্ধনঃ সধনো ভবেৎ || ৩, ২৬. ৩৪ ||
এতৎসর্বং গিরৌ ভক্তিমাত্রেণৈব ভবেদ্ধ্রুবম্ |
তত্ত্বতো ব্যঙ্কটাদ্রেস্তু স্বরূপং বেত্তি কো ভুবি || ৩, ২৬. ৩৫ ||
যস্মাদস্য গিরেঃ পুণ্যং মাহাত্ম্যং বেত্তি যঃ পুমান্ |
মায়াবী পরমানন্দং ত্যক্ত্বা বৈকুণ্ঠমুত্তমম্ |
স্বামিপুষ্করিণীতীরে রময়া সহমোদতে || ৩, ২৬. ৩৬ ||
কল্যাণাদ্ভুতগাত্রায় কামিতার্থপ্দায়িনে |
শ্রীমদ্ব্যঙ্কটনাথায় শ্রীনিবাসায় তে নমঃ || ৩, ২৬. ৩৭ ||
শ্রীস্বামিপুষ্করিণ্যাশ্চ মাহাত্ম্যং শৃণু কন্যকে |
স্বামিপুষ্করিণীমধ্যে শ্রীনিবাসোস্তি সর্বদা || ৩, ২৬. ৩৮ ||
স্নানং কুর্বন্তি যে তত্র তেষাং মুক্তিঃ করে স্থিতা |
তিস্রঃ কোট্যোর্ধকোটিশ্চ তীর্থানি ভুবনত্রয়ে |
তানি সর্বাণি তত্রৈব সন্তি তীর্থে হরেঃ সদা || ৩, ২৬. ৩৯ ||
তত্তীর্থং শ্রীনিবাসাখ্যং সর্বদেবনমস্কৃতম্ |
তদেব শ্রীনিবাসস্য মন্দিরং পরিকীর্তিতম্ || ৩, ২৬. ৪০ ||
তদ্দর্শনাদেব কন্যে যান্তি পাপানি ভস্মসাৎ |
একৈকস্নানমাত্রেণ সৎসঙ্গো ভবতি ধ্রুবম্ || ৩, ২৬. ৪১ ||
সৎসঙ্গাজ্জ্ঞানমাসাদ্য জ্ঞানান্মোক্ষং চ বিন্দতি |
অধিকারিণাং ভবেদেবং বিপরীতময়োগিনাম্ || ৩, ২৬. ৪২ ||
তীর্থানাং স্নানমাত্রেণ মোক্ষং যান্তীতি যে বিদুঃ |
তে সর্বে অসুরা জ্ঞেয়াস্তে যান্তি হ্যধমাং গতিম্ || ৩, ২৬. ৪৩ ||
শ্রীনিবাসস্য তীর্থেস্মিন্বায়ুকোণে চ কন্যকে |
আস্তে বায়ুঃ সদা বিষ্ণোঃ পূজাং কর্তুমনুত্তমাম্ || ৩, ২৬. ৪৪ ||
বায়ুতীর্থং চ তৎপ্রোক্তং হস্তদ্বাদশকান্তরম্ |
হস্তষট্কপ্রমাণং চ পশ্চিমে সমুদাহৃতম্ |
উত্তরে হস্তষট্কং তু বায়ুতীর্থমুদাহৃতম্ || ৩, ২৬. ৪৫ ||
যে বেষ্ণবা বৈষ্ণবদাসবর্যাঃ স্নানং সুর্যুস্তত্র পূর্বং সুকন্যে |
মধ্বান্তস্থাঃ শ্রীনিবাসস্তু নিত্যমত্র স্নানাৎপ্রীয়তাং মে দয়ালুঃ || ৩, ২৬. ৪৬ ||
যে মধ্বতীর্থে স্নাতুমিচ্ছন্তি দেবি রুদ্রাদয়ো বায়ুভক্তা মহান্তঃ |
সদা স্নানং তত্র কুর্বন্তি দেবি প্রাতঃ কালে চোদয়াৎপূর্বমেব || ৩, ২৬. ৪৭ ||
যে বায়ুতীর্থে বিসৃজন্তি দেহজং মলং মূত্রং বমনং শ্লেষ্মকং চ |
যেঽপানশুদ্ধিং লিঙ্গশুদ্ধিং চ কন্যে কুর্বন্তি তে হ্যসুরা রাক্ষসাশ্চ || ৩, ২৬. ৪৮ ||
শৃণ্বন্তি যে ভাগবতং পুরাণং কিং বর্ণয়ে তস্য পুণ্যং তু দেবি |
যে কৃষ্ণমন্ত্রং তু জপন্তি দেবি হ্যষ্টা ক্ষরং মন্ত্রবরং সুগোপ্যম্ || ৩, ২৬. ৪৯ ||
তেষাং হরিঃ প্রীয়তে কেশবোলং মধ্বান্তস্থো নাত্র বিচার্যমস্তি |
এবং দানং তত্র কুর্বন্তি যে বৈ দ্বিজাগ্র্যাণাং বৈষ্ণবানাং বিদাং চ || ৩, ২৬. ৫০ ||
তেষাং পুণ্যং নৈব জানন্তি দেবা জানাত্যেবং শ্রীনিবাসো হরিস্তু |
শালগ্রামং বায়ুতীর্থে দদন্তে তেষাং পুণ্যং বেত্তি স ব্যঙ্কটেশঃ || ৩, ২৬. ৫১ ||
সুদুর্লভো বায়ুতীর্থেঽভিষেকো নিষ্কামবুদ্ধ্যা বৈষ্ণবানাং চ দেবি |
তত্রাপি তীর্থে লভ্যতে ভাগ্যয়োগাদ্ভাগবতস্য শ্রবণং বিষ্ণুদাসৈঃ || ৩, ২৬. ৫২ ||
তথৈব তীর্থে দুর্লভং তত্র দেবি শালগ্রামস্য দ্বিজবর্যে চ দানম্ |
জম্বূফলাকারসুনীলবর্ণং মুখদ্বয়ং চক্রচতুষ্টয়ান্বিতম্ || ৩, ২৬. ৫৩ ||
সুকেসরৈঃ সংযুতং স্বর্ণচিহ্নধ্বজাং কুশৈর্বজ্রচিহ্নৈর্যবৈশ্চ |
জানার্দনীং মূর্তিমাহুর্মহান্তো দানং তস্যা দুর্লভং তত্র তীর্থে || ৩, ২৬. ৫৪ ||
অত্যুত্তমং মূর্তিদানং তু ভদ্রে সুদুর্ল্লভং পরমং নাত্র লোভঃ |
সুদুর্লভং বহুদোগ্ধ্যাশ্চ গৃষ্টের্দানং তথা বস্ত্ররত্নাদিকানাম্ || ৩, ২৬. ৫৫ ||
অত্যুত্তমং দ্রব্যদানং চ দেবি স্বাপেক্ষিতং দানমাহুর্মহান্তঃ |
স্বস্যানপেক্ষং ফলদানং চ বস্ত্রাদানং তস্য ব্যর্থমাহুর্মহান্তঃ || ৩, ২৬. ৫৬ ||
অত্যুত্তমং গৃষ্টিদানং চ পুণ্যং নৈবাপ্যতে দুগ্ধদোহাশ্চ গাবঃ |
অত্যুত্তমে বস্ত্রদানে সুবুদ্ধিঃ সুদুর্ঘটা পরমা বৈ জনানাম্ || ৩, ২৬. ৫৭ ||
অত্যুত্তমং ভাগবতস্য পুস্তকং সুদুর্ঘটং বায়ুতীর্থং চ কন্যে |
অত্যুত্তমং দ্রব্যদানং চ দেবি সুদুর্ঘটং বায়ুতীর্থং নৃণাং হি |
সুদুর্লভো বৈষ্ণবৈস্তত্ত্ববিদ্ভির্হরের্বিচারো বায়ুতীর্থে চ কন্যে || ৩, ২৬. ৫৮ ||
শ্রীনিবাসস্য তীর্থস্য উত্তরস্যাং দিশি স্থিতম্ |
চন্দ্রতীর্থ মিতি প্রোক্তং তত্রাস্তে চন্দ্রমাঃ সদা || ৩, ২৬. ৫৯ ||
শ্রীনিবাসস্য পূজাং চ তত্র স্থিৎবা করোত্যয়ম্ |
তত্র স্নানং প্রকুর্বন্তি পুণ্যদেশে চ কন্যকে || ৩, ২৬. ৬০ ||
গুরুতল্পাদিপাপেভ্যো মুচ্যন্তে নাত্র সংশয়ঃ |
তত্র স্নাৎবা পূর্বভাগে শালগ্রামং দদাতি যঃ || ৩, ২৬. ৬১ ||
জ্ঞানদ্বারা মোক্ষমেতি নাত্র কার্যা বিচারণা |
দধিবামনমূর্তেশ্চ দানং তত্র সুদুর্লভম্ || ৩, ২৬. ৬২ ||
বদরীফলমাত্রং তু বতুলং নীলবর্ণকম্ |
প্রসন্নবদনং সূক্ষ্মং সুস্নিগ্ধং কন্যকে শুভে || ৩, ২৬. ৬৩ ||
চক্রদ্বয়সমায়ুক্তং গৌপূরৈঃ পঞ্চভির্যুতম্ |
চাপবাণসমায়ুক্তমনতং কুণ্ডলাকৃতিম্ || ৩, ২৬. ৬৪ ||
বনমাল সুখয়ুতং মূর্ধ্নসাহস্রসংযুতম্ |
রৌপ্যবিন্দুসমায়ুক্তং সব্যে ভদ্রার্ধমাত্রকম্ || ৩, ২৬. ৬৫ ||
চন্দ্রেণ সহিতং দেবি দধিবামনমুচ্যতে |
এতাদৃশং কলৌ নৄণাং দুর্লভং বহুভাগ্যদম্ |
লক্ষ্মীনারায়ণসমাং তাং মূর্তিং বিদ্ধি ভামিনি || ৩, ২৬. ৬৬ ||
সুদুর্লভং তস্য মূর্তেশ্চ দানং তচ্চন্দ্রতীর্থে শ্রবণং দুর্ঘটং চ |
সম্যক্স্বরূপং দধিবামনস্য সুদুর্ঘটং শ্রবণং বৈষ্ণবাচ্চ || ৩, ২৬. ৬৭ ||
তত্র স্নাৎবা বামনস্য স্বরূপশ্রবণাদ্বিদুর্দানফলং সমং চ |
দশহস্তপ্রমাণং তু চন্দ্রতীর্থমুদাহৃতম্ || ৩, ২৬. ৬৮ ||
মধ্যাহ্নে দুর্লভং স্নানং নৃণাং তত্র সুমঙ্গলে |
তত্র স্থিৎবা ধন্যনরঃ সদা ভজতি বৈ হরিম্ || ৩, ২৬. ৬৯ ||
বরাহমূর্তিদানং তু শালগ্রামস্য দুর্লভম্ |
জম্বূফলপ্রমাণং তু এতদ্বৈ কুক্কুটাণ্ডবৎ || ৩, ২৬. ৭০ ||
বদনং বলয়াকারং প্রমাণং চণকাদিবৎ |
দেবস্য বামভাগে চ মধ্যদেশং বিহায় চ || ৩, ২৬. ৭১ ||
চক্রদ্বয়সমায়ুক্তমূর্ধদেশে চ ভামিনি |
সুবর্ণবিন্দুনা যুক্তং ভূবরাহাখ্যমুচ্যতে || ৩, ২৬. ৭২ ||
পূজাং কৃৎবা ভূবরাহস্য মর্তের্দানং দত্ত্বা শ্রবণং চাপি কৃৎবা |
তত্র স্থিতং ভূবরাহং চ দৃষ্ট্বা স বৈ নরঃ কৃতকৃত্যো হি লোকে || ৩, ২৬. ৭৩ ||
তত্র স্নাৎবা ভূবরাহস্য মর্তেঃ শৃণোতি যো লক্ষণং সম্যগেব |
স তেন পুণ্যং সমুপৈতি দেবি স মুক্তিভাঙ্নাত্র বিচার্যমস্তি || ৩, ২৬. ৭৪ ||
ঈশানকোণে শ্রীনিবাসস্য দেবি রৌদ্রং তীর্থং পরমং পাবনং চ |
তত্র স্থিৎবা রুদ্রদেবো মহাত্মা পূজাং করোতি শ্রীনিবাসস্য নিত্যম্ || ৩, ২৬. ৭৫ ||
হস্তাষ্টকং তৎপ্রমাণং বদন্তি তত্র স্নানং বৈষ্ণবৈঃ কার্যমেব |
তত্র স্নাৎবা প্রয়তো বৈ মুরারেঃ কথাং দিব্যাং শৃণুয়াদাদরেণ |
স্নানং পানং তত্র দানং চ কুর্যাল্লক্ষ্মীনৃসিংহপ্রীয়তে দেবি নিত্যম্৩, ২৬. ৭৬ ||
বদরীফলমাত্রং চ বর্তুলং বিন্দুসংযুতম্ || ৩, ২৬. ৭৭ ||
দেবস্য বামভাগে তু চক্রদ্বয়সমন্বিতম্ |
সুবর্ণরেখাসংযুক্তং কিঞ্চিদ্রক্তসমন্বিতম্ || ৩, ২৬. ৭৮ ||
বৈশ্যবর্ণং সবদনং পদ্মরেখাদিচিহ্নিতম্ |
লক্ষ্মীনৃসিংহং তং বিদ্ধি ভুক্তিমুক্তিপ্রদায়কম্ || ৩, ২৬. ৭৯ ||
এতা দৃশং গণ্ডিকায়াঃ শিলায়া মূর্তের্দানং দুর্ঘটং বিদ্ধি বীন্দ্র |
তত্র স্নাৎবা শ্রীনৃসিংহস্বরূপং লক্ষ্মীপতেঃ শৃণুয়াদ্ভক্তিয়ুক্তঃ || ৩, ২৬. ৮০ ||
মূর্তের্দানাৎফলমাপ্নোতি দেবি সত্যংসত্যং নাত্র বিচার্যমস্তি || ৩, ২৬. ৮১ ||
ঈশানশক্রয়োর্মধ্যে ব্রহ্মতীর্থমুদাহৃতম্ |
দুর্লভং মানুষাণাং তু স্নানং সর্বার্থসাধকম্ || ৩, ২৬. ৮২ ||
শালগ্রামস্য দানং তু দুর্লভং তত্র বৈ নৃণাম্ |
লক্ষ্মীনারায়ণস্যৈব মূর্তের্দানং সুদুর্লভম্ || ৩, ২৬. ৮৩ ||
স্থলমৌদুম্বরসমং তৎপ্রমাণমুদাহৃতম্ |
ছত্ত্রাকারং বর্তুলং চ প্রসন্নবদনং শুভম্ || ৩, ২৬. ৮৪ ||
চণকপ্রদেশমাত্রং চ বদনং সমুদাহৃতম্ |
সব্যে দক্ষিণপার্শ্বে চ সময়োঃ পুষ্কলান্বিতম্ || ৩, ২৬. ৮৫ ||
গোয়ূথবৎসবর্ণং চ চতুশ্চক্রসমন্বিতম্ |
গোখুরৈশ্চ সমায়ুক্তং সুবর্ণকিণসংযুতম্ || ৩, ২৬. ৮৬ ||
বনমালাভিসংযুক্তং বজ্রপুঙ্খৈশ্চ সংযুতম্ |
এতাদৃশীং দরের্মূর্তি লক্ষ্মীনারায়ণং বিদুঃ || ৩, ২৬. ৮৭ ||
কলৌ নৃণাং তস্য লাভো দুর্লভঃ সংস্মৃতো ভুবি |
দানং চ সুতরাং দেবি দর্লভং কিং বদামি তে || ৩, ২৬. ৮৮ ||
ব্রহ্মতীর্থে চ সংস্নায় শ্রোতব্যা বৈ হরেঃ কথা |
গণ্ডিকায়াঃ শিলায়াশ্চ লক্ষ্মীনারায়ণস্য তু || ৩, ২৬. ৮৯ ||
লক্ষণং যো বিজানাতি তদা তৎসদৃশং ফলম্ |
প্রাপ্নোত্যেব ন সন্দেহো নাত্র কার্যা বিচারণা || ৩, ২৬. ৯০ ||
শ্রীনিবাসস্য তীর্থস্য পূর্বে স্যাদিন্দ্রতীর্থকম্ |
শ্রীনিবাসস্য পূজাং তু কর্তুমাস্তে শচীপতিঃ || ৩, ২৬. ৯১ ||
শালগ্রামশিলাদানং কর্তব্যং শ্রোত্রিয়ায়বৈ |
শালগ্রামশিলাদানং হত্যাকোটিবিনাশনম্ || ৩, ২৬. ৯২ ||
তস্মিংস্তীর্থে তু যো দেবি সীতারামশিলাভিধাম্ |
দদাতি ভূতলে ভদ্রে ভূপতেঃ সদৃশো ভবেৎ || ৩, ২৬. ৯৩ ||
সীতারামশিলা দেবি দ্বিবিধা সম্প্রকীর্তিতা |
পঞ্চচক্রয়ুতা কাচিৎষট্রচক্রেণ চ সংযুতা || ৩, ২৬. ৯৪ ||
তত্রাপি ষট্রচক্রয়ুতা হ্যুত্তমা সম্প্রকীর্তিতা |
পঞ্চচক্রয়ুতায়াশ্চ ফলং দ্বিগুণমীরিতম্ || ৩, ২৬. ৯৫ ||
কুক্কুটাণ্ডপ্রমাণং চ সুসিগ্ধং নীলবর্ণকম্ |
বদনত্রয়সংযুক্তং সট্চক্রৈঃ কেসরৈর্যুতম্ || ৩, ২৬. ৯৬ ||
স্বর্ণরেখাসমায়ুক্তং ধ্বজবজ্রাঙ্কুশৈর্যুতম্ |
এতাদৃশং তু বৈ ভদ্রে সীতারামাভিধং স্মৃতম্ || ৩, ২৬. ৯৭ ||
বদনেবন্দনে দেবি সীতারামস্য কোশকম্ |
দুর্লভং তু কলৌ নৄণাং স্বসাম্রাজ্যপ্রদং শুভম্ || ৩, ২৬. ৯৮ ||
ইন্দ্রতীর্থে মহাদেবি সীতারাম ভিধাশিলা |
যা তদ্দানং দুর্লভং তন্নাল্পস্য তপসঃ ফলম্ || ৩, ২৬. ৯৯ ||
দানস্য শক্ত্যভাবে তু শ্রোতব্যং লক্ষণং হরেঃ |
শালগ্রাম শিলাদানাদ্যৎফলং তৎফলং লভেৎ || ৩, ২৬. ১০০ ||
আগ্নেয়কোণে শ্রীনিবাসস্য দেবি তীর্থং ৎবাস্তে বহ্নিসঞ্জ্ঞং সুশস্তম্ |
স বহ্নিদেবঃ শ্রীনিবাসস্য পূজাং কর্তুং হ্যাস্তে সর্বদা তীর্থমধ্যে || ৩, ২৬. ১০১ ||
যো বা তীর্থে বহ্নিসঞ্জ্ঞে চ দেবি ভক্ত্যা স্নানং কুরুতেঽজং স্মরন্হি |
জ্ঞানদ্বারা মোক্ষমাপ্নোতি দেবি তত্র স্নানং দুর্ল্লভং বৈ নৃণাং চ || ৩, ২৬. ১০২ ||
জ্ঞাৎবা স্নানং দুষ্করং তীর্থরাজে ভক্তিস্তস্মিন্দুর্ল্লভা চৈব দেবি |
শালগ্রামে তচ্ছিলায়াশ্চ দানং সুদুর্লভং বাসুদেবাভিধায়াঃ || ৩, ২৬. ১০৩ ||
হ্রস্বং তথা বর্তুলং নীলবর্ণং সূক্ষ্মং মুখং মুখচক্রং সুশুদ্ধম্ |
সুবেণুয়ুক্তং বাসুদেবাভিধেয়ং দানং কলৌ দুর্লভং তস্য ভদ্রে || ৩, ২৬. ১০৪ ||
দানে তস্যাঃ শক্ত্য ভাবে চ দেবি স্নাৎবা তীর্থে বাসুদেবাভিধস্য |
সম্যক্ষ্রাব্যং লক্ষণং বৈ শিলায়াস্তয়োস্তুল্যং ফলমাহুর্মহান্তঃ || ৩, ২৬. ১০৫ ||
দক্ষিণে শ্রীনিবাসস্য যমতীর্থং চ সংস্মৃতম্ |
তত্রাস্তে যমরাজস্তু পূজাং কর্তুং হরেঃ সদা || ৩, ২৬. ১০৬ ||
তত্র স্নানং চ দানং চাপ্যক্ষয়ং পরমং স্মৃতম্ |
শালগ্রামশিলাদানং কার্যং তত্র মহামুনে || ৩, ২৬. ১০৭ ||
পট্টাভিরামসঞ্জ্ঞায়াঃ শিলায়া দানমিষ্যতে |
তচ্চূতফলবৎস্থূলং বদনত্রয়সংযুতম্ || ৩, ২৬. ১০৮ ||
শিরশ্চক্রেণ রহিতং সপ্তচক্রৈঃ সমন্বিতম্ |
নীলবর্ণং স্বর্ণরেখং গোশুরাদ্যৈঃ সমন্বিতম্ || ৩, ২৬. ১০৯ ||
পট্টবর্ধনরামং তু দুর্লভং বহুভাগ্যদম্ |
পট্টবর্ধনরামং তু যো দদাতি চ তত্র বৈ |
পট্টাভিষিক্তো ভবতি নাত্র কার্যা বিচারণা || ৩, ২৬. ১১০ ||
শ্রীনিবাসস্য নৈরৃত্যে নৈরৃতং তীর্থমুত্তমম্ |
আস্তে হি নিরৃতিস্তত্র পূজাং কুর্তুং চ সর্বদা || ৩, ২৬. ১১১ ||
তত্র স্নানং প্রকর্তব্যং পুনর্জন্ম ন বিদ্যতে |
শালগ্রামশিলায়াশ্চঃ পুরুষোত্তমসঞ্জ্ঞিকাম্ || ৩, ২৬. ১১২ ||
মূর্তিং দদাতি যো মর্ত্যঃ স যাতি পরমাং গতিম্ |
ঔদুম্বরফলাকারং প্রসন্নবদনং শুভম্ || ৩, ২৬. ১১৩ ||
চক্রদ্ব্যসমায়ুক্তং শিরশ্চক্রসমন্বিতম্ |
সুবর্ণবিন্দুসংযুক্তং বজ্রাঙ্কুশসমান্বতম্ || ৩, ২৬. ১১৪ ||
তন্মূর্তিদানং দুর্লভং তত্র দেবঃ প্রীণাতি যস্মাচ্ছ্রীনিবাসো মহাত্মা |
যদা দানং দুর্ঘটং স্যাচ্চ দেবি তদা শ্রোতব্যং লক্ষণং তস্য মূর্তেঃ || ৩, ২৬. ১১৫ ||
পাশিনৈরৃতয়োর্মধ্যে শেষতীর্থং পরং স্মৃতম্ |
তত্র স্নাৎবা শেষমূর্তিং প্রদদাতি দ্বিজাতয়ে || ৩, ২৬. ১১৬ ||
স যাতি পরমং লোকং পুনরাবৃত্তিবর্জিতম্ |
ঔদুম্বরফলাকারং কুণ্ডলাকৃতিমেব চ || ৩, ২৬. ১১৭ ||
শেষবদ্বদনং তস্য তস্মিংশ্চক্রদ্বয়ং স্মৃতম্ |
ফলং তমেকচক্রেণ সংযুতং বল্মিকান্বিতম্ || ৩, ২৬. ১১৮ ||
কিঞ্চিদ্বর্ণসমায়ুক্তং শেষমূর্তি মতিস্ফুটম্ |
সুপ্তা প্রবুদ্ধা দ্বিবিধা শেষমূর্তিরুদাহৃতা || ৩, ২৬. ১১৯ ||
ফণোন্নতা প্রবুদ্ধা স্যাৎসপ্তলক্ষফণান্বিতা |
তত্রাপি দুর্লভা সুপ্তা মহাভাগ্যকরীস্মৃতা || ৩, ২৬. ১২০ ||
ইহ লোকে পরত্রাপি মোক্ষদা নাত্র সংশয়ঃ |
নবচক্রাদুপক্রম্য বিংশত্যন্তং চ যত্র সঃ || ৩, ২৬. ১২১ ||
অনন্ত ইতি বিজ্ঞেয়ো হ্যনন্তফলদায়কঃ |
বিশ্বম্ভরঃ স বিজ্ঞেয়ো বিংশত্যূর্ধ্বং বরাননে || ৩, ২৬. ১২২ ||
তত্রাপি কেসরৈশ্চৈক্রর্লক্ষণৈশ্চ সমন্বিতম্ |
কলৌ তু দুর্লভং নণাং তদ্দানং চাতিদুর্লভম্ || ৩, ২৬. ১২৩ ||
স্নানং কৃৎবা শেষতীর্থে বিশুদ্ধেনৈব চেতসা |
এতেষাং লক্ষণং শ্রুৎবা প্রয়াতি পরমাং গতিম্ || ৩, ২৬. ১২৪ ||
ততঃ পরং মহাভাগে বারুণং তীর্থমুত্তমম্ |
তত্রাস্তে বরুণো দেবঃ পূজাং কর্তুং হরেঃ সদা || ৩, ২৬. ১২৫ ||
তত্র স্নানং প্রকর্তব্যং দাতব্যং দানমুত্তমম্ |
শিশুমারং চ মৎস্যং চ ত্রিবিক্রমমথাপি বা |
দাতব্যং ভূতিকামেন তীর্থেস্মিন্বিরবর্ণিনি || ৩, ২৬. ১২৬ ||
জম্বূফলসমাকারা পুচ্ছে সূক্ষ্মা সবিন্দুকা |
চক্রত্রয়া চ বদনে পুচ্ছোপরি সচক্রকা || ৩, ২৬. ১২৭ ||
শ্রীবৎসবিন্দুমালাঢ্যা মৎস্যমূর্তিরুদাহৃতা |
পুচ্ছাদধশ্চক্রয়ুতং শিশুমারমুদাহৃতম্ || ৩, ২৬. ১২৮ ||
বক্রচক্রয়ুতশ্চেৎস্যাত্ত্রিবিক্রম উদাহৃতঃ |
এতেষাং লক্ষণং শ্রুৎবা বারুণে তীর্থ উত্তমে || ৩, ২৬. ১২৯ ||
এতদ্দানফলং প্রাপ্য মোদতে বিষ্ণুমন্দিরে |
পূর্বৌক্তা মূর্তয়ো যস্মিন্গৃহে তিষ্ঠন্তি ভামিনি |
ভাগীরথী তীর্থবরা সংনিধত্তে ন সংশয়ঃ || ৩, ২৬. ১৩০ ||
স্বামি পুষ্করিণীস্নানং দুর্ঘটং তু কলৌ নৃণাম্ |
তত্র স্থিতানাং তীর্থানাং স্নানং চাপ্যতিদুর্ঘটম্ || ৩, ২৬. ১৩১ ||
শালগ্রামশিলাদানং দুর্ঘটং চ তথা স্মৃতাম্ |
স্বামিপুষ্করিণীতীরে কন্যাদানং সুদুর্ঘটম্ || ৩, ২৬. ১৩২ ||
দুর্ঘটং কপিলাদানং ভক্ষ্যদানং সুদুর্ঘটম্ |
স্বামিপুষ্করিণীতীর্থে তীর্থেষ্বন্যেষু ভামিনি || ৩, ২৬. ১৩৩ ||
স্নানং কুরু যথান্যা যং শয়্যাদানং তথা কুরু |
জৈগীষব্যেন মুনিনা ৎবেবমুক্তা চ কন্যকা || ৩, ২৬. ১৩৪ ||
স্বামিপুষ্করিণীস্নানং সা চকার ধৃতব্রতা |
তীর্থেষ্বেতেষু সুস্নাতা দানং চক্রে সুভামিনী || ৩, ২৬. ১৩৫ ||
উবাস তত্র সা দবী ত্রিঃ সপ্তকন্দিনানি চ |
স্বামিপুষ্করণীতীরমহিমানং শৃণোতি যঃ |
স যাতি পরমাং ভক্তিং শ্রীনিবাসে জগন্ময়ে || ৩, ২৬. ১৩৬ ||

ইতি শ্রীগারুডে মহাপুরাণে উত্তরখণ্ডে তৃতীয়াংশে ব্রহ্মকাণ্ডে
ব্যঙ্কটগিরিমাহাত্ম্যে স্বামিপুষ্করিণ্যাদিতীর্থতত্রত্যদেবতদীয়শালগ্রামলক্ষণ
তদ্দানাদিবর্ণনং নাম ষড্বিংশোধ্যায়ঃ

শ্রীগরুডমহাপুরাণম্-২৭
শ্রীকৃষ্ণ উবাচ |
সা গতা স্নাতুকামাথ নন্দাং পাপনিবারিণীম্ |
পপ্রচ্ছ তং গুরুং বিপ্রং বিনয়াবনতা সুধীঃ || ৩, ২৭. ১ ||
কিন্নামেয়ং নদী বিপ্র কিং কার্যং চাত্র মে বদ |
জৈগীষব্যস্ত্বেবমুক্তো বাক্যমেতদুবাচ হ || ৩, ২৭. ২ ||
জৈগীষব্য উবাচ |
শৃণু ভদ্রে প্রবক্ষ্যামি মাহাত্ম্যং পাপনাশনম্ |
ইয়ং নদী মহাভাগে সদা পাপবিনাশিনী || ৩, ২৭. ৩ ||
ব্রহ্মহত্যাদিপাপৌঘো যত্র স্নানেন নশ্যতি |
প্রত্যক্ষং দৃশ্যতে হ্যত্র স্নানং কর্তুং সমুদ্যতৈঃ || ৩, ২৭. ৪ ||
জলং চাশুভ্ররূপেণ পাপৈশ্চ পরিদৃশ্যতে |
যাবচ্ছুভ্রোদকং দেবি তাবৎসনানং চ কারয়েৎ || ৩, ২৭. ৫ ||
যাবচ্ছুভ্রোদকং নৈব তাবৎপাপং ন নশ্যতি |
শুদ্ধোদকে সমায়াতে পাপং নষ্টমিতি ধ্রুবম্ || ৩, ২৭. ৬ ||
কলাবিত্থং বিশালাক্ষি মহিমা দৃশ্যতে ভুবি |
অত্র স্নানং প্রকর্তব্যং দাতব্যং দান মুত্তমম্ |
ততশ্চ জ্ঞানমাসাদ্য বিবিষ্ণুলোকং স গচ্ছতি || ৩, ২৭. ৭ ||
গুরুস্ত্রীগমনাচ্চন্দ্র অহল্যায়াং গতো হরিঃ |
সুরাপানাচ্চ শুক্রস্তু সুবর্ণহরণাদ্বলিঃ || ৩, ২৭. ৮ ||
ব্রহ্মহত্যায়াশ্চ রুদ্রো নাগো দত্তাপহারকঃ |
সূতস্য হননাদ্রামো নির্মুক্তো হ্যত্র ভামিনি || ৩, ২৭. ৯ ||
নানেন সদৃশং তীর্থং ন ভূতং ন ভবিষ্যতি |
স্নানং কুরু মহাভাগে তেন সিদ্ধিং হ্যবাপ্স্যসি || ৩, ২৭. ১০ ||
জৈগীষব্যেণ মুনিনা পিত্রা সহ চ কন্যকা |
স্নানং চকার বিধিবদুদতিষ্ঠচ্চ ভামিনি || ৩, ২৭. ১১ ||
যাবচ্চ পৌরুষং সূক্তং তাবৎকালং হি তিষ্ঠতি |
পশ্চাজ্জপ্ত্বা মহামন্ত্রং বেঙ্কটেশাভিধং পরম্ || ৩, ২৭. ১২ ||
দ্বিজাতীন্প্রীণয়িৎবা সা বস্ত্রদ্রব্যাদিভূষণৈঃ |
তস্মাচ্চ প্রয়য়ৌ দেবী কমারীতীর্থমুত্তমম্ || ৩, ২৭. ১৩ ||
কুমারীমহিমানং চ শ্রুৎবা স্নানং চকার সা |
পুনরাবৃত্য সা দেবী হ্যন্তরা বিরজানদীম্ || ৩, ২৭. ১৪ ||
দৃষ্ট্বা পপ্রচ্ছ সা দেবী জৈগীষব্যং গুরুং প্রভুম্ |
কিং সঞ্জ্ঞিকেয়ং বিপ্রেন্দ্র কিং কার্যং হ্যত্র মে বদ || ৩, ২৭. ১৫ ||
জৈগীষব্যঃ পৃষ্ট এব মুবাচ করুণানিধিঃ |
ইয়ং ভাগীরথী কন্যে আয়াতি হ্যন্তরেণ তু || ৩, ২৭. ১৬ ||
অতঃ সা প্রোচ্যতে হ্যন্তর্গঙ্গেতি পরমর্ষিভিঃ |
কন্যে ৎবস্যাস্তু সলিলং শ্রীনিনিবাসপ্রিয়ং সদা || ৩, ২৭. ১৭ ||
অত্র স্নানং যঃ করোতি স যাতি পরমাং গতিম্ |
স্নানং চকার সা কন্যা জলে পরমপাবনে || ৩, ২৭. ১৮ ||
দানাদিকং তথা জ্ঞাৎবা জজাপ পরমং মনুম্ |
শ্রীনিবাসসমীপং তু পুনরাগত্য ভামিনী || ৩, ২৭. ১৯ ||
অঙ্গপ্রদক্ষিণং চক্রে ভক্ত্যা বেঙ্কটনায়কম্ |
ব্রাহ্মণাদীন্প্রীণয়িৎবা বস্ত্রগন্ধাদিভূষণৈঃ || ৩, ২৭. ২০ ||
পুনঃ পরদিনে প্রাতঃ স্বামিপুষ্করিণীজলে |
স্নানং কৃৎবা মহাভাগা যয়ৌ তুম্বুরুসঞ্জ্ঞিকাম্ || ৩, ২৭. ২১ ||
পপ্রচ্ছ তং গুরুং দেবী নাথং কিন্নামিকা ৎবয়ম্ |
জৈগীষব্য উবাচ |
ইয়ং তুম্বরুকাভিজ্ঞা নারী বৈ বরবর্ণিনী || ৩, ২৭. ২২ ||
পুরা তুং বুরুণা সাকং নারদস্তপসি স্থিতঃ |
অত্র প্রাদুরভূদ্বিষ্ণুর্নারদস্য হিতায় চ || ৩, ২৭. ২৩ ||
স্নানং যঃ কুরুতে হ্যত্র স যাতি পরমাং গতিম্ |
অত্র স্নানং মনুষ্যাণাং সর্বেষাং দুর্লভং কলৌ || ৩, ২৭. ২৪ ||
অত্র স্নানং মনুষ্যাণাং নাল্পস্য তপসঃ ফলম্ |
তত্র স্নাৎবা চ পীৎবা চ দত্ত্বা দানান্যকেশঃ || ৩, ২৭. ২৫ ||
পুনরাগত্য সা দেবী শ্রীনিবাসং ননাম হ |
তস্মিমন্দিনে ব্রাহ্মণাংশ্চ তর্পয়ামাস ভমিনি || ৩, ২৭. ২৬ ||
স্বামিপুষ্করিণীং প্রাপ্য দীপান্প্রাজ্বালয়ৎসতী |
সোপানেষু মহাভাগা দীপাবলিভিরঞ্জসা |
প্রীণয়ামাস দেবেশং শ্রীনিবাসং জগদ্গুরুম্ || ৩, ২৭. ২৭ ||
পুনঃ পরদিনে প্রাপ্তে শক্রতীর্থমনুত্তমম্ |
কপিলাখ্যোর্ধ্বদেশে তু তত্তীর্থং পাবনং স্মৃতম্ || ৩, ২৭. ২৮ ||
তত্র স্নাৎবা মহাভাগা তদূর্ধ্বং স্নাপয়েৎস্বয়ম্ |
বিষ্বসেনসরস্তত্র সর্বপাপবিনাশনম্ || ৩, ২৭. ২৯ ||
তত ঊর্ধ্বং মহাভাগা যয়ৌ তত্র দদর্শ সা |
পঞ্চায়ুধানাং তীর্থানি তেষু স্নানং চকার সা || ৩, ২৭. ৩০ ||
তদূর্ধ্বং চাগ্নিকুণ্ডং স্যাদ্দুরারোহং ততোগ্রতঃ |
তস্যোপরি ব্রহ্মতীর্থং ব্রহ্মহত্যাবিমোচনম্ || ৩, ২৭. ৩১ ||
সপ্তর্ষীণাং তদূর্ধ্বং তু পুণ্যতীর্থং চ সৎফলম্ |
দশাধিকফলং তেষা তীর্থানামুত্তরোত্তরম্ || ৩, ২৭. ৩২ ||
এতেষাং চৈব মাহাত্ম্যং কো বা বক্তুমিহার্হতি |
ঋষিতীর্থেষু সা কন্যা চচার তপ উত্তমম্ || ৩, ২৭. ৩৩ ||
মমাবতারপর্যন্তং চরিৎবা তপ উত্তমম্ |
যোগধারণ যা দেহং ত্যক্ত্বা জাম্ববতো গৃহে || ৩, ২৭. ৩৪ ||
জাতা জাম্ববতী নাম ববৃধে তস্য বেশ্মনি |
তস্যাঃ পিতা জাম্ববান্স সমাদাৎকন্যকাং তদা |
রুক্ম্যা অনং তরা সৈষা মম ভার্যা খগেশ্বর || ৩, ২৭. ৩৫ ||
ইদং হি পরমাখ্যানং বেঙ্কটাদ্রের্মহাগিরেঃ |
কো বা বর্ণয়িতুং শক্তো মদন্যঃ পুরুষো ভুবি || ৩, ২৭. ৩৬ ||
বেঙ্কটেশস্য নৈবেদ্যং সদা লক্ষ্মীঃ করোতি বৈ |
ব্রহ্মা পূজয়তে নিত্যমেবং শাস্ত্রস্য নির্ণয়ঃ || ৩, ২৭. ৩৭ ||
নৈবেদ্যভক্ষিণাং পুংসামুপহাসং ন কারয়েৎ |
স্বস্য প্রাশস্ত্যভাবে তু নৈবেদ্যাদি গুডাদিকম্ |
গ্রাহ্যমেব ন সন্দেহো অন্যথা নারকী ভবেৎ || ৩, ২৭. ৩৮ ||
শ্রীনিবাসাৎপরো দেবো ন ভূতো ন ভবিষ্যতি |
স্বয়ং চ পাচয়িৎবাৎবং ঘৃতপক্বাদিকং তথা |
শ্রীনিবাসস্য নৈবেদ্যং দত্ত্বা ভোজনমাচরেৎ || ৩, ২৭. ৩৯ ||
ইদং তু পরমং গোপ্যং তবোক্তং চ খগেশ্বর |
ন কস্যাপি চ বক্তব্যং গোপ্যৎবাৎখগসত্তম |
ইতঃ পরং প্রবক্ষ্যামি তারতম্যং শৃণু প্রভো || ৩, ২৭. ৪০ ||

ইতি শ্রীগারুডে মহাপুরাণে উত্ত দৃ তৃ দৃ ব্রহ্ম দৃ
কন্যাকৃতনানাতীর্থয়াত্রাদিনিরূপণং নাম সপ্তবিংশোঽধ্যায়ঃ

শ্রীগরুডমহাপুরাণম্-২৮
যা পূর্বসর্গে দক্ষপুত্রী সতী তু রুদ্রস্য পত্নী দক্ষয়জ্ঞে স্বদেহম্ |
বিসৃজ্য সা মেনকায়াং চ জজ্ঞে ধরাধরাদ্ধেমবতো বৈ সকাশাৎ || ৩, ২৮. ১ ||
সা পার্বতা রুদ্রপত্নী খগেন্দ্র যা শেষপত্নী বারুণী নাম পূর্বা |
সৈবাগতা বলভদ্রেণ রন্তুং দ্বিরূপমাস্থায় মহাপতিব্রতা || ৩, ২৮. ২ ||
শ্রীরিত্যাখ্যা ইন্দিরাবেশয়ুক্তা তস্যা দ্বিতীয়া প্রতিমা মেঘরূপা |
শেষণ রূপেণ যদা হি বীন্দ্র তপশ্চচার বিষ্ণুনা সার্ধমেব || ৩, ২৮. ৩ ||
তদৈব দেবী বারুণী শেষপত্নী তপশ্চ ক্রে ইন্দিরাপ্রীতয়ে চ |
তদা প্রীতা ইন্দিরা সুপ্রসন্না উবাচ তাং বারুণীং শেষপত্নীম্ || ৩, ২৮. ৪ ||
যদা রামো বৈষ্ণবাংশেন যুক্তঃ সম্পৎস্যতে ভূতলে রৌহিণেয়ঃ |
ময়্যাবেশাৎসংযুতা ৎবং তু ভদ্রে শ্রীরিত্যাখ্যা বলভদ্রস্য রন্তুম্ || ৩, ২৮. ৫ ||
সম্পৎস্যসে নাত্র বিচার্যমস্তীত্যুক্ত্বা সা বৈ প্রয়য়ৌ বিষ্ণুলোকে |
শ্রীলক্ষ্ম্যংশাচ্ছ্রীরিতীড্যাং সমাখ্যাং লব্ধ্বা লোকে শেষপত্নী বভূব || ৩, ২৮. ৬ ||
যদাহীশো বিপুলামুদ্ধরেচ্চ তদা রামঃ শ্রীভিদাসঙ্গমে চ |
করোতি তোষৎসর্বদা বৈ রমায়াস্তস্যাপ্যাবেশো ব্যংস্ত্রিতমোনসঙ্গম্ || ৩, ২৮. ৭ ||
যা রেবতী রৈবতস্যৈব পুত্রী সা বারুণী বলভদ্রস্য পত্নী |
সৌপর্ণনাম্নী বলপত্নী খগেন্দ্র যাস্তাস্তিস্রঃ ষড্বিষ্ণোশ্চ স্ত্রীভ্যঃ |
দ্বিগুণাধমা রুদ্রশেষাদিকেভ্যো দশাধমা ৎবং বিজানীহি পৌত্র || ৩, ২৮. ৮ ||
গরুড উবাচ |
রামেণ রন্তুং সর্বদা বারুণী তু পুত্রীৎবমাপে রেবতস্যৈব সুভ্রূঃ |
এবং ত্রিরূপা বারুণী শেষপত্নী দ্বিরূপভূতা পার্বতী রুদ্রপত্নী || ৩, ২৮. ৯ ||
নীচায়া জাম্ববত্যাশ্চ শেষসাম্যং চ কুত্রচিৎ |
শ্রূয়তে চ ময়া কৃষ্ণ নিমিত্তং ব্রূহি মে প্রভো || ৩, ২৮. ১০ ||
উমায়াশ্চ তথা রুদ্রঃ সদা বহুগুণাধিকঃ |
এবং ৎবয়োক্তং ভগবন্নিশ্চয়ার্থং মম প্রভো || ৩, ২৮. ১১ ||
রেবতী শ্রীয়ুতা শ্রীশ্চ শেষরূপা চ বারুণী |
সৌপর্ণি পার্বতী চৈব তিস্রঃ শেষাশতো বরাঃ || ৩, ২৮. ১২ ||
ইত্যপি শ্রূয়তে কৃষ্ণ কুত্রচিন্মধুসূদন |
নিমিত্তং ব্রূহি মে কৃষ্ণ তবশিষ্যায় সুব্রত || ৩, ২৮. ১৩ ||
শ্রীকৃষ্ণ উবাচ |
বিজ্ঞায় জাম্ববত্যাশ্চ তদন্যেষাং খগাধিপ |
উত্তমানাং চ সাম্যং তু উত্তমাবেশতো ভবেৎ || ৩, ২৮. ১৪ ||
অবরাণাং গুণস্যাপি হ্যুত্তমানামধীনতা |
অস্তীতি দ্যোতনায়ৈব শতাংশাধিকমুচ্যতে || ৩, ২৮. ১৫ ||
যথা ময়োচ্যতে বীন্দ্র তথা জানীহি নান্যথা |
তদনন্তরজান্বক্ষ্যে শৃণু কাশ্যপজোত্তম || ৩, ২৮. ১৬ ||
চতুর্দশসু চেন্দ্রেষু সপ্তমো যঃ পুরন্দরঃ |
বৃত্রাদীনাং শরীরং তু পুরমিত্যুচ্যতে বুধৈঃ || ৩, ২৮. ১৭ ||
তং দারয়তি বজ্রেণ যস্মাত্তস্মাৎপুরন্দরঃ |
চতুর্দশসু চেন্দ্রেষু মন্ত্রদ্যুম্নস্তু ষষ্ঠকঃ || ৩, ২৮. ১৮ ||
মন্ত্রানষ্ট মহাবীন্দ্র দেবো দ্যোতয়তে যতঃ |
মন্ত্রদ্যুম্নস্ততো লোকে উভাবপ্যেক এব তু || ৩, ২৮. ১৯ ||
মন্ত্রদ্যুম্নাবতারোভূৎকুন্তীপুত্রোর্জুনো ভুবি |
বিষ্ণোর্বায়োরনন্তস্য চেন্দ্রস্য খগসত্তম || ৩, ২৮. ২০ ||
পার্থশ্চতুর্ভিঃ সংযুক্ত ইন্দ্র এব প্রকীর্তিতঃ |
চতুর্থেপি চ বায়োশ্চ বিশেষোস্তি সদার্জুন || ৩, ২৮. ২১ ||
বালির্নামা বানরস্তু পুরন্দর ইতি স্মৃতঃ |
চন্দ্রবংশে সমুৎপন্নো গাধিরাজো বিচক্ষণঃ || ৩, ২৮. ২২ ||
মন্ত্রদ্যুম্নাবতারঃ স বিশ্বামিত্রপিতা স্মৃতঃ |
বেদোক্তমন্ত্রা গাঃ প্রোক্তা ধিয়া সন্ধারয়েদ্যতঃ || ৩, ২৮. ২৩ ||
অতো গাধিরিতি প্রোক্তস্তদর্থং ভূতলে হ্যভূৎ |
ইক্ষ্বাকুপুত্রো বীন্দ্র বিকুক্ষিরিতি বিশ্রুতঃ || ৩, ২৮. ২৪ ||
স এবেন্দ্রাবতারোভূদ্ধরিসেবার্থমেব চ |
বিশেষেণ হরিং কুক্ষৌ বিজ্ঞানাচ্চ হরিঃ সদা || ৩, ২৮. ২৫ ||
অতো বিকুক্ষিনামাসৌ ভূলোকে বিশ্রুতঃ সদা |
রামপুত্রঃ কুশঃ প্রোক্ত ইন্দ্র এব প্রকীর্তিতঃ || ৩, ২৮. ২৬ ||
বাল্মীকিঋষিণা যস্মাৎকুশেনৈব বিনির্মিতঃ |
অতঃ কুশ ইতি প্রোক্তো জানকীনন্দনঃ প্রভুঃ || ৩, ২৮. ২৭ ||
ইন্দ্রদ্যুম্নঃ পুরেদ্রস্তু গাধী বালী তথার্জুনঃ |
বিকুক্ষিঃ কুশ এবৈতে সপ্ত চেন্দ্রাঃ প্রকীর্তিতাঃ || ৩, ২৮. ২৮ ||
যঃ কৃষ্ণপুত্ত্রঃ প্রদ্যুম্নঃ কাম এব প্রকীর্তিতঃ |
প্রকৃষ্টপ্রকাশরূপৎবাৎপ্রদ্যুম্ন ইতি নামবান্ || ৩, ২৮. ২৯ ||
যা রামভ্রাতা ভরতঃ কাম এবাভবদ্ভুবি |
রামাজ্ঞাং ভরতে যস্মাত্তস্মাদ্ভরতনামকঃ || ৩, ২৮. ৩০ ||
চক্রাভিমানি কামস্তু সুদর্শন ইতি স্মৃতঃ |
ব্রহ্মৈব কৃষ্ণপুত্রস্তু সাম্বো জাম্ববতীসুতঃ || ৩, ২৮. ৩১ ||
কামাবতারো বিজ্ঞেয়ঃ সন্দেহো নাত্র বিদ্যতে |
যো রুদ্রপুত্রঃ স্কন্দস্তু কাম এব প্রকীর্তিতঃ || ৩, ২৮. ৩২ ||
রিপূনাস্কং দতে নিত্যমতঃ স্কন্দ ইতি স্মৃতঃ |
যো বা সনৎকুমারস্তু ব্রহ্মপুত্রঃ খগাধিপ |
কামাবতারো বিজ্ঞেয়ো নাত্র কার্যা বিচারণা || ৩, ২৮. ৩৩ ||
সুদর্শনশ্চ পরমঃ প্রদ্যুম্নঃ সাম্ব এব চ |
সনৎকুমারঃ সাম্বশ্চষডেতে কামরূপকাঃ || ৩, ২৮. ৩৪ ||
ততশ্চ ইন্দ্রকামাবপ্যুমাদিভ্যো দশাবরৌ |
তয়োর্মধ্যে তু গরুড কাম ইন্দ্রাধমঃ স্মৃতঃ || ৩, ২৮. ৩৫ ||
প্রাণস্ত্বহঙ্কার এব অহঙ্কারকসঞ্জ্ঞকঃ |
গরুত্মদংশো বিজ্ঞেয়ঃ কামেন্দ্রাভ্যাং দশাধমঃ || ৩, ২৮. ৩৬ ||
তদনন্তরজান্বক্ষ্যে শৃণু বীন্দ্র সমাহিতঃ |
শ্রবণান্মোক্ষমাপ্নোতি মহাপাপাদ্বিমুচ্যতে || ৩, ২৮. ৩৭ ||
কামপুত্রোনিরুদ্ধোঽপি হরেরন্যঃ প্রকীর্তিতঃ |
স এবাভূদ্ধরেঃ সেবাং কর্তুং রামানুজো ভুবি || ৩, ২৮. ৩৮ ||
শত্রুঘ্ন ইতি বিখ্যাতঃ শত্রূন্সূদয়তে যতঃ |
অনিরুদ্ধঃ কৃষ্ণপুত্রো প্রদ্যুম্নাদ্যোঽজনিষ্ট হ || ৩, ২৮. ৩৯ ||
সঙ্কর্ষণাদিরূপৈস্তু ত্রিভিরাবিষ্ট এব সঃ |
এবং দ্বিরূপো বিজ্ঞেয়ো হ্যনিরুদ্ধো মহামতিঃ || ৩, ২৮. ৪০ ||
কামভার্যা রতির্যা তু দ্বিরূপা সম্প্রকীর্তিতা |
রুগ্মপুত্রী রুগ্মবতী কামভার্যা প্রকীর্তিতা || ৩, ২৮. ৪১ ||
অতিপ্রকাশয়ুক্তৎবাত্তস্মাদ্রুগ্মবতী স্মৃতা |
দুর্যোধনস্য যা পুত্রী লক্ষণা সা রতিঃ স্মৃতা || ৩, ২৮. ৪২ ||
কাষ্ঠা সাম্বস্য ভার্যা সা লক্ষণং সংযুনক্ত্যতঃ |
লক্ষণাভিধয়াভূমৌ দুষ্ট বীর্যোদ্ভবা হ্যপি || ৩, ২৮. ৪৩ ||
এবং দ্বিরূপা বিজ্ঞেয়া কামভার্যা রতিঃ স্মৃতা |
স্বায়ম্ভুবো ব্রহ্মপুত্রো মনুস্ত্বাদ্যো গুরৌ সমঃ |
রাজধর্মেণ বিষ্ণোশ্চ জাতঃ প্রীণয়িতুং হরেঃ || ৩, ২৮. ৪৪ ||
বৃহস্পতির্দেবাগুরুর্মহাত্মা তস্যাবতারাস্ত্রয় আসন্খগেন্দ্র |
রামাবতারে ভরতাখ্যো বভূব হ্যম্ভোজজাবেশয়ুতো বৃহস্পতিঃ || ৩, ২৮. ৪৫ ||
দেবাবতারান্বানরাংস্তারয়িৎবা শ্রীরামদিব্যাঽচরিতান্যবাদীৎ |
অতো হ্যসৌ নারনামা বভূব হ্যঙ্গৎবমাপ্তুং রামদেবস্য ভূম্যাম্ || ৩, ২৮. ৪৬ ||
কৃষ্ণাবতারে দ্রোণনামা বভূব অম্ভোজজাবেশয়ুতো বৃহস্যপতিঃ |
যস্মাদ্দোণাৎসম্ভভূব গুরুশ্চ তস্মাদসৌ দ্রোণসঞ্জ্ঞো বভূব || ৩, ২৮. ৪৭ ||
ভূভারভূতাদ্যুদ্ধৃতৌ হ্যঙ্গভূতো বিষ্ণোঃ সেবাং কর্তুমেবাস ভূমৌ |
বৃহস্পতিঃ পবনাবেশপুক্তা স উদ্ধবশ্চেত্যমিধানমাপ || ৩, ২৮. ৪৮ ||
যস্মাদুৎকৃষ্টো হরিরত্র সম্যগতো হ্যসৌ বুধবন্নাম চাপ |
সখা হ্যভূৎকৃষ্ণদেবস্য নিত্যং মহামতিঃ সর্বলোকেষু পুজ্বঃ || ৩, ২৮. ৪৯ ||
দক্ষিণাঙ্গুষ্ঠজো দক্ষো ব্রহ্মপুত্রো মহামতিঃ |
কন্যাং সৃষ্ট্বা হরেঃ প্রীণন্নাস ভূমা প্রজাপতিঃ |
পুত্রানুদপাদয়দ্দক্ষস্ত্বতো দক্ষ ইতি স্মৃতঃ || ৩, ২৮. ৫০ ||
শচীং ভর্যাং দেবরাজস্য বিদ্ধি তস্যা হ্যবতারং শৃণু সম্যক্খগেন্দ্র |
রামাবতারে নাম তারা বভূব সা বালিপত্নী শচীসজকা চ || ৩, ২৮. ৫১ ||
রামান্মৃতে বালিসঞ্জ্ঞে পতৌ হি সুগ্রীবসঙ্গং সা চকারাথ তারা |
অতো নাগাৎস্বর্গলোকং চ তারা ক্ব বা যায়াদন্তরিক্ষে ন পাপা || ৩, ২৮. ৫২ ||
কৃষ্ণাবতারে সৈব তারা চ বীন্দ্র বভূব ভূমৌ বিজয়স্য পত্নী |
পিশঙ্গদেতি হ্যভিধা স্যাচ্চ তস্যাঃ সামীপ্যমস্যাস্ত্বজুংনবেব চাসীৎ || ৩, ২৮. ৫৩ ||
উৎপাদয়িৎবা বভ্রুবাহং চ পুত্রং তস্যাং ত্যক্ত্বা হ্যর্জুনো বৈ মহাত্মা |
অতশ্চোভে বারচিত্রাঙ্গদে চ শচীরূপে নাত্র বিবার্যমস্তি || ৩, ২৮. ৫৪ ||
পুলোমজা মন্ত্রদ্যুম্নস্য ভার্যা যা কাশিকা গাধিরাজস্য ভার্যা |
বিকুক্ষিভার্যা সুমতিশ্চেতি সঞ্জ্ঞা কুশস্য পত্নী কান্তিমতীতি সঞ্জ্ঞা || ৩, ২৮. ৫৫ ||
এতা হি সপ্ত হ্যবরাশ্চ শচ্যা জানীহি বৈ নাস্তি বিচারণাত্র |
শচী রতিশ্চানিরুদ্ধো মনুর্দক্ষো বৃহস্পতিঃ |
ষডন্যোন্যসমাঃ প্রোক্তা অহঙ্কারাদ্দশাধমাঃ || ৩, ২৮. ৫৬ ||
অথ যঃ প্রবহো বায়ুর্মুখ্যবায়োঃ সুতো বলী |
স বায়ুষু মহানদ্য স বৈ কোণাধিপস্তথা || ৩, ২৮. ৫৭ ||
নাসিকাসু স এবোক্তো ভৌতিকস্তুল্য এব চ |
অতিবাহঃ স এবোক্তঃ যতো গম্যো মুমুক্ষুভিঃ || ৩, ২৮. ৫৮ ||
দক্ষাদিভ্যঃ পঞ্চগুণাদধমঃ সম্প্রকীর্তিতঃ |
গরুড উবাচ |
প্রবহশ্চেতি সঞ্জ্ঞাং স কিমর্থং প্রাপ তদ্বদ || ৩, ২৮. ৫৯ ||
অর্থঃ কশ্চাস্তি তন্নাম্নঃ প্রতীতস্তং বদস্ব মে |
গরুডেনৈবমুক্তস্তু ভগবান্দেবকীসুতঃ |
উবাচ পরমপ্রীতঃ সংস্তূয় গরুডং হরিঃ || ৩, ২৮. ৬০ ||
কৃষ্ণ উবাচ |
প্রহর্ষেণ হরেস্তুল্যান্সর্বদা বহতে যতঃ |
অতঃ প্রবহনামাসৌ কীর্তিতঃ পক্ষিসত্তম || ৩, ২৮. ৬১ ||
সর্বোত্তমো বিষ্ণুরেবাস্তি নাম্না ব্রহ্মাদয়স্তদধীনাঃ সদাপি |
ময়োক্তমেতত্তু সত্যং ন মিথ্যা গৃহ্ণামি হস্তেনোরগং কোপয়ুক্তম্ || ৩, ২৮. ৬২ ||
সর্বং নু সত্যং যদি মিথ্যা ভবেত্তু তদা ৎবসৌ মাং দশতুহ্যহীন্দ্রঃ |
এবং ব্রুবন্নুরগং কোপয়ুক্তং সমগ্রহীন্নাদশৎসোপ্যুরঙ্গঃ || ৩, ২৮. ৬৩ ||
এতস্য সন্ধারণাদেব বীন্দ্র স বায়ুপুত্রঃ প্রবহেত্যাপ সঞ্জ্ঞাম্ |
যো বা লোকে বিষ্ণুমূর্তিং বিহায় দৈত্যস্বরূপা রেণুকাদ্যাঃ কুদেবাঃ || ৩, ২৮. ৬৪ ||
তেষাং তথা মৎপিৎৠণাং চ পূজা ব্যর্থা সত্যং সত্যমেতদ্ব্রবীমি |
এতৎসর্বং যদি মিথ্যা ভবেত্তু তদা ৎবসৌ মাং দশতু হ্যহীন্দ্রঃ || ৩, ২৮. ৬৫ ||
পিত্র্যং নয়ামি প্রবিহায়ৈব যে তু পিত্রুদ্দেশাৎকেবলং যঃ করোতি |
স পাপাত্মা নরকান্বৈ প্রয়াতীত্যেতদ্বাক্যং সত্যমেতদ্ব্রবীমি || ৩, ২৮. ৬৬ ||
ন শ্রীঃ স্বতন্ত্রা নাপি বিধিঃ স্বতন্ত্রো ন বায়ুদেবো নাপি শিবঃ স্বতন্ত্রঃ |
তদন্যে নো গৌরিপুলোম জাদ্যাঃ কিং বক্তব্যং নাত্র লোকে স্বতন্ত্রঃ || ৩, ২৮. ৬৭ ||
ব্রবীমি সত্যং পুরুষো বিষ্ণুরেব সত্যং সত্য ভুজমুদ্ধৃত্য সত্যম্ |
এতৎসর্বং যদি মিথ্যা ভবেত্তু তদা ৎবসৌ মাং দশতু হ্যহীন্দ্র || ৩, ২৮. ৬৮ ||
জীবশ্চ সত্যঃ পরমাত্মা চ সত্যস্তয়োর্ভেদঃ সত্যে এ তৎসদাপি |
জডশ্চসত্যো জীবজডয়োশ্চ ভেদো ভেদঃ সত্যঃ কিং চ জডৈশয়োর্ভিদা || ৩, ২৮. ৬৯ ||
ভেদঃ সত্যঃ সর্বজীবেষু নিত্যং সত্যা জডানাং চ ভেদা সদাপি |
এতৎসর্বং যদি মিথ্যা ভবেত্তু তদা ৎবসৌ দশতু মাং হ্যহীন্দ্রঃ || ৩, ২৮. ৭০ ||
এবং ব্রুবন্নুরগং কোপয়ুক্তং সমগ্রহীন্নাদশৎসোপ্যুরঙ্গঃ |
এতস্য সন্ধারণাদেববীদ্রে সা বায়ুপুত্রঃ প্রবহেত্যাপ সঞ্জ্ঞাম্ || ৩, ২৮. ৭১ ||
দ্বয়ং স্বরূপং প্রবিদিৎবৈব পূর্বং ৎবং স্বীকুরুষ্ব দ্বয়মেব নিত্যম্ |
স্নানাদিকং চ প্রকরোতি নিত্যং পাপী স আত্মা নৈব মোক্ষং প্রয়াতি || ৩, ২৮. ৭২ ||
তস্মাদ্দ্বয়ং প্রবিচার্যৈব নিত্যং সুখী ভবেন্নাত্র বিচার্যমস্তি |
এতৎসর্বং যদি মিথ্যা ভবেত্তু তদা ৎবসৌ মাং দশতু হ্যহীন্দ্রঃ || ৩, ২৮. ৭৩ ||
গরুড উবাচ |
কিং তদ্দ্বয়ং দেবদেবেশ কিং বা তৎকারণং কীদৃশং মে বদস্ব |
দ্বয়োস্ত্যাগং কীদৃশং মে বদস্ব ত্যাগাৎসুখং কীদৃশং মে বদস্ব || ৩, ২৮. ৭৪ ||
শ্রীকৃষ্ণ উবাচ |
দ্বয়ং চাহুস্ত্বিন্দ্রিয়ে দ্বে বলিষ্ঠে দেহে হ্যস্মিঞ্শ্রোত্রনেত্রে সুসৃষ্টে |
অবান্তরে শ্রোত্রনেত্রে খগেন্দ্র দ্বয়ং চাহুস্তৎস্বরূপং চ বক্ষ্যে || ৩, ২৮. ৭৫ ||
শ্রোত্রস্বভাবো লোক বার্তাশ্রুতৌ চ হ্যতীব মোদস্ত্বাদরাস্বাদনেন |
হরের্বার্তাশ্রবণে দুঃখজালং শ্রোত্রস্বভাবো জডতা দমশ্চ || ৩, ২৮. ৭৬ ||
নেত্রস্বভাবো দর্শনে স্ত্রীনরাণাং হ্যত্যাদরান্নাস্তি নিদ্রাদিকং চ |
হরের্ভক্তানাং দর্শনে দুঃখরূপো বিষ্ণোঃ পূজাদর্শনে দুঃখজালম্ || ৩, ২৮. ৭৭ ||
তয়োঃ স্বরূপং প্রবিদিৎবৈব পূর্বং পুনঃ পুনঃ স্বীকরোত্যেব মূঢঃ |
শিশ্রং মৌর্খ্যাচ্চৈব কুত্রাপি যোনৌ প্রবেশয়েৎসর্বদা হ্যাদরেণ || ৩, ২৮. ৭৮ ||
ভয়ং চ লজ্জা নৈব চাস্তে বধূনাং তথা নৃণাং বনিতানাং যতীনাম্ |
স্বসারং তে হ্যবিদিৎবা দিনেপি সুবাম যজ্ঞেন স্বাভাবশ্চ বীন্দ্র || ৩, ২৮. ৭৯ ||
রসাস্বভাবো ভক্ষণে সর্বদাপি হ্যনর্পিতস্যান্নভক্ষ্যস্য বিষ্ণোঃ |
তথো পহারস্য চ তৎস্বভাবঃ অভক্ষ্যাণাং ভক্ষণে তৎস্বভাবঃ || ৩, ২৮. ৮০ ||
অলেহ্যলেহস্য চ তৎস্বভাবঃ পাতুং ৎবপেয়স্য চ তৎস্বভাবঃ |
দ্বয়োঃ স্বরূপং চ বিহায় মূঢঃ পুনঃ পুনঃ স্বীকরোত্যেব নিত্যম্ || ৩, ২৮. ৮১ ||
তস্য স্নানং ব্যর্থমাহুশ্চ যস্মাত্তস্মাত্ত্যাজ্যং ন দ্বয়োঃ কার্যমেব |
অভিপ্রায়ং হ্যেতমেবং খগেন্দ্র জানীহি ৎবং প্রহস্যৈব নিত্যম্ || ৩, ২৮. ৮২ ||
ভার্যাদ্বয়ং হ্যবিদিৎবা স্বরূপং স্বীকৃত্য চৈকাং প্রবিহায়ৈব চৈকাম্ |
স্নানাদিকং কুরুতে মূঢবূদ্ধিঃ ব্যর্থং চাহুর্মোক্ষভোগৌ চ নৈব |
এতৎসর্বং যদি মিথ্যা ভবেত্তু তদা ৎবসৌ মাং দশতু হ্যহীন্দ্রঃ || ৩, ২৮. ৮৩ ||
গরুড উবাচ |
ভার্যাদ্বয়ং কিং বদ ৎবং মমাপি তয়োঃ স্বরূপং কিং বদ ৎবং মুরারে |
তয়োর্মধ্যে গ্রাহ্যভার্যাং বদ ৎবমগ্রাহ্যভার্যাং চাপি সম্যগ্বদ ৎবম্ || ৩, ২৮. ৮৪ ||
শ্রীকৃষ্ণ উবাচ |
বুদ্ধিঃ পত্নী সা দ্বিরূপা খগেন্দ্র দুষ্টা চৈকা ৎবপরা সুষ্ঠুরূপা |
তয়োর্মধ্যে দুষ্টরূপা কনিষ্ঠা জ্যেষ্ঠা তু যা সুষ্ঠুবুদ্ধিস্বরূপা || ৩, ২৮. ৮৫ ||
কনিষ্ঠয়া নষ্টতাং যাতি জীবঃ সুতিষ্ঠন্ত্যা যাতি যোগ্যাং প্রতিষ্ঠাম্ |
কনিষ্ঠায়াঃ শৃণু বক্ষ্যে স্বরূপং শ্রুৎবা তস্যাস্ত্যাগবুদ্ধিং কুরুষ্ব || ৩, ২৮. ৮৬ ||
জীবং যং বৈ প্রেরয়ন্তী কনিষ্ঠা কাম্যং ধর্মং কুরুতে সর্বদাপি |
ক্ব ব্রাহ্মণাঃ ক্ব চ বিষ্ণুর্মহাত্মা ক্ব বৈ কথা ক্ব চ যজ্ঞাঃ ক্বগাবঃ || ৩, ২৮. ৮৭ ||
ক্ব চাশ্বত্থঃ ক্ব চ স্নানং ক্ব শৌচমেতৎসর্বং নাম নাশং করোতি |
মূঢং পতিং রেণুকাং পূজয়স্ব মায়াদেব্যা দীপদানং কুরুষ্ব || ৩, ২৮. ৮৮ ||
সুভৈরবাদীন্ভজ মূঢ ৎবমন্ধ হারিদ্রচূর্ণন্ধারয়েঃ সর্বদাপি |
জ্যেষ্ঠাষ্টম্যাং জ্যেষ্ঠদেবীং ভজস্ব ভক্ত্যা সূত্রং গলবন্ধং কুরুষ্ব || ৩, ২৮. ৮৯ ||
মরিগন্ধাষ্টম্যাং মরিগন্ধং ভজস্ব তথা সূত্রং স্বগলে ধারয়স্ব |
দীপস্তম্ভং সুদিনে পূজয়স্ব তৎসূত্রমেব স্বগলে ধারয়স্ব || ৩, ২৮. ৯০ ||
মহালক্ষ্মীং চাদ্যলক্ষ্মীং চ সম্যক্পূজাং কুরু ৎবং হি ভক্ত্যাথ জীব |
লক্ষ্মীসূত্রং স্বাগলে ধারয়স্ব মহালক্ষ্মীবান্ভবসীত্যুত্তরত্র || ৩, ২৮. ৯১ ||
বিহায় মৌঞ্জীদিবসে ভাগ্যকামঃ সুগুগ্গুলান্ধারয়স্বাতিভক্ত্যা |
সুবাসিনীঃ পূজয়স্বাশু ভক্ত্যা গন্ধৈঃ পুষ্পৈর্ধূপদীপৈঃ প্রতোষ্য || ৩, ২৮. ৯২ ||
বরার্তিক্যং কাংস্যপাত্রে নিধায় কুর্বার্তিক্যং দেবতাদেবতানাম্ |
পিচুমন্দপত্রাণি বিতত্য ভূমৌ নমস্ব ৎবং ক্ষম্যতাং চেতি চোক্ত্বা || ৩, ২৮. ৯৩ ||
মহাদেবীং পূজয়স্বাদ্য ভক্ত্যা সদ্বৈষ্ণবানাং মা দদস্বাপ্যথান্নম্ |
সদ্বৈষ্ণবানাং যদি বান্নং দদাসি ভাগ্যং চ তে পশ্যতো নাশমেতি || ৩, ২৮. ৯৪ ||
স্ববামহস্তে বেণুপাত্রে নিধায় দীপং ধৃৎবা সব্যহস্তে পতে ৎবম্ |
উত্তিষ্ঠ ভোঃ পঞ্চগৃহেষু ভিক্ষাং কুরুষ্ব সম্যক্প্রবিহায়ৈব লজ্জাম্ || ৩, ২৮. ৯৫ ||
আদৌ গৃহে ষড্রসান্নং চ কুৎবা জগদ্গোপ্যং ভোজনং ৎবং কুরুষ্ব |
তচ্ছেষান্নং ভোজয়িৎবা পতে ৎবং তাসাং চ রে শরণং ৎবং কুরুষ্ব || ৩, ২৮. ৯৬ ||
তাসং হস্তং পুস্তকে স্তাপয়িৎবা ত্রাহিত্যেবং তন্মুখৈর্বাচয়স্ব |
ৎবং খড্গদেবং পূজয়স্বাদ্যভর্তস্তৎসেবকান্পূজয়স্বাদ্য সম্যক্ || ৩, ২৮. ৯৭ ||
তৈঃ সার্ধং ৎবং শ্বানশব্দং কুরুষ্ব হরিদ্রাচূর্ণংসর্বদা ৎবং দধস্ব |
কুরুষ্ব ৎবং ভীমসেনস্য পূজাং পঞ্চামৃতৈঃ ষোডশভিশ্চোপচারৈঃ || ৩, ২৮. ৯৮ ||
তৎকৌপীনং রৌপ্যজং কারয়িৎবা সমর্পয়িৎবা দীপমালাং কুরুষ্ব |
তদ্দাসবর্যান্ভোজয়স্বাদ্য ভক্ত্যা গর্জস্ব ৎবং ভীমভীমেতি সুষ্ঠু || ৩, ২৮. ৯৯ ||
তদ্দাসবর্যান্মোদয়স্ব স্ববস্ত্রৈর্মদ্যৈর্মাংসদ্রব্যজালেন নিত্যম্ |
মহাদেবং পূজয়স্বাদ্য সম্যগ্মহারুদ্রৈরতিরুদ্রৈশ্চ সম্যক্ || ৩, ২৮. ১০০ ||
হরেত্যুক্ত্বা জঙ্গমান্পূজয়স্বশৈবাগমে নিপুণাঞ্ছূদ্রজাতান্ |
শাকম্ভরীং বিবিসঃ সর্বশাকান্সুপাচয়িৎবা চ গৃহে গৃহে চ || ৩, ২৮. ১০১ ||
দদস্ব ভক্ত্যা পরমাদরেণ স্বলঙ্কৃত্য প্রাস্তুবংস্তদ্গুণাংশ্চ |
কুলাদেবং পূজয়স্বাদ্য ভক্ত্যা ৎবং দৃগ্ভ্যাং বৈ তদ্দিনে শম্ভুবুদ্ধ্যা || ৩, ২৮. ১০২ ||
তদ্ভক্তবর্যান্পূজয়স্বাদ্য সম্যক্তৎপাদমূলে বন্দনং ৎবং কুরুষ্ব |
সুপঞ্চম্যাং মৃন্ময়ীং শেষমূর্তিং পূজাং কুরুষ্ব ক্ষীরলাজাদিকৈশ্চ || ৩, ২৮. ১০৩ ||
সুনাগপাশং হি গলে চ বদ্ধ্বা তচ্ছেষান্নং ভোজয়ের্ভোঃ পুনস্ত্বম্ |
দিনে চতুর্থে ভোজ যস্বাদ্য ভক্ত্যা নৈবেদ্যান্নং ভোজয়স্বাদ্য সুষ্ঠু || ৩, ২৮. ১০৪ ||
ইত্যাদিকং প্রেরয়িৎবা পতিং সা জীবেন নষ্টং প্রিকরোত্যেব নিত্যম্ |
তস্যাঃ সঙ্গাজ্জীবরূপঃ পতিস্ত্বাং সম্যগ্দষ্টামিহলোকে পরত্র || ৩, ২৮. ১০৫ ||
তস্যাঃ সঙ্গং সুবিদূরং বিসৃজ্যচেষ্ট্বা সমগ্রং কুরু সর্বদা ৎবম্ |
সুবুদ্ধিরূপা ৎবীরয়ন্তী জগাদ ভজস্ব বিষ্ণুং পরমাদরেণ || ৩, ২৮. ১০৬ ||
হরিং বিনান্যং ন ভজস্ব নিত্যং সা রেণুকা ৎবাং তু ন পালয়িষ্যতি |
অদৃষ্টনামা হরিরিবে হি নিত্যং ফলপ্রদো যদি ন স্যাৎখগেন্দ্র || ৩, ২৮. ১০৭ ||
জুগুপ্সিতাং শ্রুত্যনুক্তাং চ দেবীং পতিদ্রুহাং সর্বদা সেবয়িৎবা |
তস্যাঃ প্রসাদাৎকুষ্ঠভগন্দরাদ্যৈর্ভুক্ত্বা দুঃখং সংযমিনীং প্রয়াহি || ৩, ২৮. ১০৮ ||
তদা কুদবী কুত্র গতা বদস্বমে হ্যতঃ পতে ৎবং ন ভজস্ব দেবীম্ |
পতে ভজ ৎবং ব্রাহ্মণান্বৈষ্ণবাংশ্চ সংসারদুঃখাত্তারন্সুষ্ঠুরূপান্ || ৩, ২৮. ১০৯ ||
সেবাদিকং প্রবীহায়ৈব স্বচ্ছং মায়াদেব্যা ভজনাৎকিং বদস্ব |
জ্যেষ্ঠাষ্টম্যাং জ্যেষ্ঠদেবীং হ্যলক্ষ্মীং লক্ষ্মীতি বুদ্ধ্যা পূজয়িৎবা চ সম্যক্ || ৩, ২৮. ১১০ ||
তস্যাঃ সূত্রং গলবদ্ধং চ কৃৎবা নানাদুঃখং হ্যনুভূয়াঃ পতে ৎবম্ |
যদা পতে যমাদূতৈশ্চ পাশৈর্বদ্ধ্বা চ সম্যক্তাড্যমানৈঃ কশাভিঃ || ৩, ২৮. ১১১ ||
তদা হ্যলক্ষ্মীঃ কুত্র পলায়তেঽসাবতো মূলং বিষ্ণুপাদং ভজস্ব |
পতে ভজ ৎবং সর্বদা বায়ুতত্ত্বং ন চাশ্রয়েস্ত্বং সূক্ষ্মস্কন্দং চ মূঢ || ৩, ২৮. ১১২ ||
তদ্বত্তং ৎবং নবনীতং চ ভক্ত্যা তদুচ্ছিষ্টং ভক্ষয়িৎবা পতে হি |
তস্যাশ্চ সূত্রং গলবদ্ধং চ কৃৎবা ইহৈব দুঃখান্যনুভূয়াঃ পতে ৎবম্ || ৩, ২৮. ১১৩ ||
যদা পতে যমদূতৈশ্চ পাশৈর্বদ্ধ্বা চ সম্যক্তাড্যমানঃ কশাভিঃ |
তদা স্কন্দঃ কুত্র পলায়তেঽসাবতো মূলং বিষ্ণুপাদং ভজস্ব || ৩, ২৮. ১১৪ ||
দীপস্তম্ভং দাপয়িৎবা পতে ৎবং সূত্রং চ বদ্ধ্বা স্বগলে চ ভক্ত্যা |
তদা বদ্ধ্বা যমদূতৈশ্চ পাশৈর্দীপস্তম্ভৈস্তাড্যমানস্তু সম্যক্ || ৩, ২৮. ১১৫ ||
দীপস্তম্ভঃ কুত্র পলায়িতোভূদতো মূলং বিষ্ণুপাদং ভজস্ব |
লক্ষ্মীদিনে পূজয়িৎবা চ লক্ষ্মীং সূত্রং তস্যাঃ স্বগলে ধারয় ৎবম্ || ৩, ২৮. ১১৬ ||
যদা পতে যমদূতৈশ্চ পাশৈর্বধ্বা সম্যক্তাড্যমানঃ কশাভিঃ |
তদা লক্ষ্মীঃ কুত্র পলায়তেঽসাবতো মূলং বিষ্ণুপাদং ভজস্ব || ৩, ২৮. ১১৭ ||
বিবাহমৈঞ্জীদিবসে মূঢবুদ্ধে জুগুসিতান্ধারয়িৎবা সুভক্ত্যা |
বরারার্তিকং কাংস্যপাত্রে নিধায় কৃৎবার্তিক্যং উদৌদৈতি শব্দম্ || ৩, ২৮. ১১৮ ||
তথৈব দষ্ট্বা পিচুমন্দস্য পত্রং সুনর্তয়িৎবা পরমাদরেণ |
যদা তদা যমদূতৈশ্চ পাশৈর্বদ্ধ্বাবদ্ধ্বা তাড্যমানশ্চ সম্যক্ || ৩, ২৮. ১১৯ ||
তব স্বামিন্কুলদেবো মহাত্মন্পলায়িতঃ কুত্র মে তদ্বদস্ব |
স্বদেহানাং পূজয়িৎবা চ সম্যক্কণ্ঠাভরণৈর্বিধুরাণাং চ কেশৈঃ || ৩, ২৮. ১২০ ||
সন্তিষ্ঠমানে যমদূতা বলিষ্ঠা সন্তাড্যমানে মুসলৈর্ভিন্দিপালৈঃ |
যদা তদা কুত্র পলায়িতা সা কেশৈর্বিহীনা লম্বকর্ণং চ কৃৎবা || ৩, ২৮. ১২১ ||
স্ববামহস্তে বেণুপাত্রং নিধায় দীপং ধৃৎবা সব্যহস্তে চ মূঢঃ |
গৃহেগৃহে ভৈক্ষচর্যাং চ কৃৎবা সন্তিষ্ঠমানে স্বগৃহং চৈব দেবী || ৩, ২৮. ১২২ ||
যদা তদা যমদূতৈশ্চ মূঢ দীপৈঃ সহস্রৈর্দহ্যমানশ্চ সম্যক্ |
নির্নাসিকা রেণুকা মূঢবুদ্ধে পলায়িতা কুত্র সা মে বদস্ব || ৩, ২৮. ১২৩ ||
সদা মূঢং খড্গদেবং চ ভক্ত্যা তং ভক্তবৎপূজয়িৎবা চ সম্যক্ |
তৈঃ সার্ধং ৎবং শ্বানবদ্গর্জয়িৎবা সন্তিষ্ঠমানে স্বগৃহে চৈব নিত্যম্ || ৩, ২৮. ১২৪ ||
যদা তদা যমদূতৈশ্চ সম্যক্সন্তাড্যমানস্তত্র শব্দং প্রকুর্বন্ |
সন্তিষ্ঠমানে ভক্তবর্যং বিহায় তদা দেবঃ কুত্র পলায়িতোভূৎ || ৩, ২৮. ১২৫ ||
স পার্থক্যাদ্ভীমসেনপ্রতীকং পঞ্চামৃতৈঃ পূজয়িৎবা চ সম্যক্ |
সুব্যঞ্জনে চান্নকৌপীনমেব দত্ত্বা মূঢস্তিষ্ঠমানে স্বগেহে || ৩, ২৮. ১২৬ ||
যদা তদা যমদূতৈশ্চ সম্যক্সন্তাড্যমানে যমমার্গে চ মূঢঃ |
ভীমঃ স বৈ কুত্র পলায়িতোভূতো মূলং বিষ্ণুপাদং ভজস্ব || ৩, ২৮. ১২৭ ||
মহাদেবং পূজয়িৎবা চ সম্যখরেত্যুক্ত্বা স্বগৃহে বিদ্যমানে |
যদা গৃহং দহ্যতে বহ্নিনা তু তদা হরঃ কুত্র পলায়িতোভূৎ || ৩, ২৮. ১২৮ ||
শাকং ভরীদিবসে সর্বমেব শাকম্ভরী সা চ দেবী মহাত্মন্ |
পলায়িতা কুত্র মে ৎবং বদস্ব কুলালদেবং পূজয়িৎবা চ ভক্ত্যা || ৩, ২৮. ১২৯ ||
কার্পাসং বৈ তেন দত্তং গৃহীৎবা সন্তিষ্ঠমানে যমদূতৈশ্চ সম্যক্ |
সংহন্যমানস্তীক্ষণধারৈঃ কুঠারৈঃ কুলালদেবং চ সুদংষ্ট্রনেত্রম্ |
বিহায় বৈ কুত্র পলায়িতোভূন্ন জ্ঞায়তেঽন্বেষণাচ্চাপি কেন || ৩, ২৮. ১১৩০ ||
যদা পঞ্চম্যাং মৃন্ময়ীং শেষমূর্তিং সম্পূজ্য ভক্ত্যা বিদ্যমানে স্বগেহে |
তদা বদ্ধ্বা যমদূতাশ্চ সম্যক্সংনহ্যমানে নাগপাশৈশ্চবদ্ধ্বা || ৩, ২৮. ১৩১ ||
স্বভক্তবর্যং প্রবিহায় নাগঃ পলায়িতঃ কুত্র বৈ সংবদ ৎবম্ |
দূর্বাঙ্কুরৈর্মোদকৈঃ পূজয়িৎবা বিনায়কং পঞ্চখাদ্যৈস্তথৈব || ৩, ২৮. ১৩২ ||
সন্তিষ্ঠমানে যমদূতৈশ্চ সম্যক্সন্তাড্যমানে তপ্তদণ্ডৈশ্চ মূঢ |
দন্তং বিহায়ৈব চ বিঘ্নরাজঃ পলায়িতঃ কুত্র মে তং বদৎবম্ || ৩, ২৮. ১৩৩ ||
বিবাহকালে পিষ্টদেবীং সুভক্ত্যা সম্পূজয়িৎবা বিদ্যমানো গৃহে স্বে |
যদা তদা যমদূতৈশ্চ বদ্ধ্বা সম্পীড্যমানো যমমার্গে স মূঢঃ || ৩, ২৮. ১৩৪ ||
বিষ্ঠাদেবী পীড্যমানং চ ভক্তং বিহায় সা কুত্র পলায়িতাভূৎ |
বিবাহকালে রজকস্য গেহং গৎবা সম্যক্প্রার্থয়িৎবা চ মূঢঃ || ৩, ২৮. ১৩৫ ||
যস্তম্ভসূত্রং কলশে পরীত্য পূজাং কৃৎবা বিদ্যমানো গৃহে স্বে |
যদা তদা যমদূতশ্চ সম্যক্তং স্তম্ভসূত্রং তস্য মুখে নিধায় || ৩, ২৮. ১৩৬ ||
সন্তাড্যমানে সন্তভসূত্রস্থদেবী পলায়িতা কুত্র মে সংবদস্ব |
বিবাহকালে পূজয়িৎবা চ সম্যক্চণ্ডালদেবীং ভক্তবশ্যাং চ তস্যাঃ || ৩, ২৮. ১৩৭ ||
তদ্ভক্তবর্যৈঃ শূর্পমধ্যে চ তীরে সংসেবয়িৎবা বিদ্যমানো গৃহেস্বে |
যদা তদা যমদূতৈশ্চ বদ্ধ্বা সন্তাড্যমানো যমমার্গে মহদ্ভিঃ || ৩, ২৮. ১৩৮ ||
চূলেদবী ক্ব পলায়িতাভূৎসুমূঢবুদ্ধে বিষ্ণুপাদং ভজস্ব |
জ্বরাদিভিঃ পীড্যমানে স্বপুত্রে গৃহে স্থিতং ব্রহ্মদেবং চ সম্যক্ || ৩, ২৮. ১৩৯ ||
ধূর্পৈর্দীপৈর্ভক্ষ্যভোজ্যৈশ্চ পুষ্পৈঃ পূজাং কৃৎবা বিদ্যমানশ্চ গেহে |
যদা তদা যমদূতৈশ্চ বদ্ধ্বা সন্তাড্যমানে বেণুপাশাদিভিশ্চ || ৩, ২৮. ১৪০ ||
স ব্রহ্মদেবঃ ক্ব পলায়িতোভূৎসুমূঢবুদ্ধে বিষ্ণুপাদং ভজস্ব |
সন্তানার্থং বৃহতীং পূজয়িৎবা গলেন বদ্ধ্বা বৃহতীং বৈ ফলং চ || ৩, ২৮. ১৪১ ||
সন্তিষ্ঠমানে যমদূতৈশ্চ বদ্ধ্বা সন্তাড্যমানে বৃহতীকণ্টকৈশ্চ |
তদা দেবী বৃহতী মূঢবুদ্ধে পলায়িতা কুত্র মে তদ্বদ ৎবম্ || ৩, ২৮. ১৪২ ||
ভজস্ব মূঢ পরদৈবতং চ নারায়ণং তারকং সর্বদুঃখাৎ |
সুক্ষুদ্রদেবেষু মতিং চ মা কুরু ন চ শৃণু ৎবং ফল্গুবাক্যং তথৈব || ৩, ২৮. ১৪৩ ||
সুক্ষুদ্রদেবান্ভিন্দিপালে নিধায় বিসর্জয়িৎবা দূরদেশে মহাত্মন্ |
সন্ধার্য ৎবং স্বকুলাচারধর্মং সম্পাতনে নরকং হেতুভূতম্ || ৩, ২৮. ১৪৪ ||
পুনীহি গাত্রং সর্বদা মূঢবুদ্ধে মন্ত্রাষ্টকৈর্জন্মতীর্থে পবিত্রে |
হৃদি স্থিতামারৈর্ব্যমুদ্রাং বিহায় কৃৎবাভূষাং বিষ্ণুমুদ্রাভিরগ্র্যাম্ || ৩, ২৮. ১৪৫ ||
সদা মূঢো হরিবার্তাং ভজস্ব হ্যায়ুর্গতং ব্যর্থমেবং কুবুদ্ধ্যা |
সদ্বৈষ্ণবানাং সঙ্গমো দুর্লভশ্চ ক্ষুব্ধং জ্ঞানং তারতম্যস্বরূপম্ || ৩, ২৮. ১৪৬ ||
হরিং গুরুং হ্যনুসৃত্যৈব সত্যং গতিং স্বকীয়াং তেন জানীহি মূঢ |
দগ্ধ্বা দুষ্টাং বুদ্ধিমেবং চ মূঢ সুবুদ্ধিরূপং মা ভজস্বৈব নিত্যম্ || ৩, ২৮. ১৪৭ ||
ময়া সার্ধং সদ্গুরুং প্রাপ্য সম্যগ্বৈরাগ্যপূর্বং তত্ত্বমাত্রং বিদিৎবা |
তেনৈব মোক্ষং প্রাপ্নুমো নার্জবৈর্যত্তার্যা বিষ্ণোঃ সম্প্রসাদাচ্চ লক্ষ্ম্যাঃ || ৩, ২৮. ১৪৮ ||
ইত্যাশয়ং মনসা সন্নিধায় তথা চোক্তং ভক্তবর্যো মদীয়ঃ |
অতো ভক্তঃ প্রবহেত্যেব সঞ্জ্ঞামবাপ বীন্দ্র প্রকৃতং তং শৃণু ৎবম্ || ৩, ২৮. ১৪৯ ||

ইতি শ্রীগারুডে মহাপুরাণে উত্তরখণ্ডে তৃতীয়াংশে ব্রহ্মকাণ্ডে
তারতম্যনিরূপণদ্বারা বিষ্ণোরেবোপাস্যৎবমিত্যর্থনিরূপণং নামাষ্টাবিংশতমোধ্যায়ঃ

শ্রীগরুডমহাপুরাণম্-২৯
প্রবহানন্তরান্বক্ষ্যে শৃণু পক্ষীন্দ্রসত্তম |
যো ধর্মো ব্রহ্মণঃ পুত্রো হ্যাদিসৃষ্টৌ ৎবগুদ্ভবঃ || ৩, ২৯. ১ ||
সজ্জনান্সৌম্যরূপেণ ধারণাদ্ধর্মনামকঃ |
স এব সূর্যপুত্রোভূদ্যমসঞ্জ্ঞামবাপ সঃ |
পাপিনাং শিক্ষকত্ত্বাৎস যম ইত্যুচ্যতে বুধৈঃ || ৩, ২৯. ২ ||
শ্রীকৃষ্ণ উবাচ |
প্রহ্লাদানন্তরং গঙ্গা ভার্যা বৈ বরুণস্য চ |
প্রহ্লাদাদধমা জ্ঞেয়া মহিম্না বরুণাধিকা || ৩, ২৯. ৩ ||
স্বরূপাদধমা জ্ঞেয়া নাত্র কার্যা বিচারণা |
জ্ঞানস্বরূপদং বিষ্ণুং যমো জানাতি সর্বদা || ৩, ২৯. ৪ ||
অতো গঙ্গেতি সা জ্ঞেয়া সর্বদা লোকপাবনী |
ভক্ত্যা বিষ্ণুপদীত্যেব কীর্তিতা নাত্র সংশয়ঃ || ৩, ২৯. ৫ ||
যা পূর্বকালে যজ্ঞলিঙ্গস্য বিষ্ণোঃ সাক্ষাদ্ধরের্বিক্রমতঃ খগেন্দ্র |
বামস্য পাদস্য নখাগ্রতশ্চ নির্ভিদ্য চোর্ধ্বাণ্ডকটাহখণ্ডম্ || ৩, ২৯. ৬ ||
তদুদরমতিবেগাৎসম্প্রবিশ্যাবহন্তীং জগদঘততিহন্তুঃ পাদকিঞ্জল্কশুদ্ধাম্ |
নিখিলমলনিহন্ত্রীং দর্শনাৎস্পর্শনাচ্চ সকৃদবগহনাদ্বা ভক্তিদাং বিষ্ণুপাদে |
শশিকরবরগৌরাং মীননেত্রাং সুপূজ্যাং স্মরতি হরিপদোত্থাং মোক্ষমেতি ক্রমেণ || ৩, ২৯. ৭ ||
ইন্দ্রোপি বায়ুকরমর্দিতবায়ুকূটবিন্দুং চ প্রাশ্য শিরসি হ্যসহিষ্ণুমানঃ |
ভাগীরথী হরিপদাঙ্কমিতি স্ম নিত্যং জানন্মহাপরমভাগবতপ্রধানঃ |
ভক্ত্যা চ খিন্নহৃদয়ঃ পরমাদরেণ ধৃৎবা স্বমূর্ধ্নি পরমো হ্যশিবঃ শিবোঽভূৎ || ৩, ২৯. ৮ ||
ভাগীরথ্যাশ্চ চৎবারি রূপাণ্যাসন্খগেশ্বর |
মহাভিষগ্জনেন্দ্রস্য ভার্যা তু হ্যভিষেচনী || ৩, ২৯. ৯ ||
দ্বিতীয়েনৈব রূপেণ গঙ্গা ভার্যা চ শন্তনোঃ |
সুষেণা বৈ সুষেণস্য ভার্যা সা বানরী স্মৃতা || ৩, ২৯. ১০ ||
মণ্ডূকভার্যা গঙ্গা তু সৈব মণ্ডূকিনী স্মৃতা |
এবং চৎবারী রূপাণি গঙ্গায়া ইতি কির্তিতমম্ || ৩, ২৯. ১১ ||
আদিত্যাচ্চৈব গঙ্গাতঃ পর্জন্যঃ সমুদাহৃতঃ |
প্রবর্ষতি সুবৈরাগ্যং হ্যতঃ পর্জন্যনামকম্ || ৩, ২৯. ১২ ||
শরংবরায় পঞ্চজন্যাচ্চ পঞ্চ হিৎবা জগ্ধ্বা গর্বকং ষট্ক্রমেণ |
স্ববাণস্য স্বহৃদি সংস্থিতস্য ভজেৎসদা নৈব ভক্তিং বিষং চ || ৩, ২৯. ১৩ ||
লিঙ্গং পুষ্টং নৈব কার্যং সদৈব লিঙ্গং পুষ্টং কার্যমেবং সদাপি |
যোনৌ সক্তির্নৈব কার্যা সদাপি যোনৌ মুক্তেঽসঙ্গতো যাতি মুক্তিম্ || ৩, ২৯. ১৪ ||
বৈরাগ্যমেবং প্রকারোত্যেব নিত্যমতঃ পর্জন্যস্ত্বন্তকঃ পক্ষিবর্য |
এতাবতা শরভাখ্যো মহাত্মা স চান্তরো স তু পর্জন্য এব || ৩, ২৯. ১৫ ||
শশ্বৎকেশা যস্য গাত্রে খগেন্দ্র প্রভাস্যন্তে শরভাখ্যো পয়োতঃ |
যমস্য ভার্যা শ্যামলা যা খগেন্দ্র যস্মাৎসদা কলিভার্যাপিয়া চ || ৩, ২৯. ১৬ ||
মৎবা সম্যক্মানসং যা করোতি হ্যতশ্চ সা শ্যামলাসঞ্জ্ঞকাভূৎ |
মলং বক্ষ্যে হরিভক্তের্বিরোধী সুলোহপাত্রে সন্নিধানং চ তস্য || ৩, ২৯. ১৭ ||
তদ্বৈষ্ণবৈস্ত্যাজ্যমেবং সদৈব বস্ত্রং দগ্ধং সন্ধিজং চৈব জন্যম্ || ৩, ২৯. ১৮ ||
চিকিৎসিতং পরদুঃখং খগেন্দ্র দরের্ভক্তৈস্ত্যাজ্যমেবং সদৈব || ৩, ২৯. ১৮ ||
নোচ্চাশ্চ তে হরিভক্তের্বিহীনাস্তেষাং সঙ্গো নৈব কার্যঃ সদাপি |
পুরাণসম্পর্কবিসর্জিনং চ পুরাণতালং চ পুরাণবস্ত্রম্ || ৩, ২৯. ১৯ ||
সুজীর্ণকন্থাজিনমেখলং চ যজ্ঞোপবীতং চ কলিপ্রিয়ং চ |
প্রিয়ং গৃহং চোর্ণবিতা নকং চ সমিৎকুশৈঃ পূরিতং কুৎসিতং চ || ৩, ২৯. ২০ ||
সর্বং চেৎকলিভার্যাপ্রিয়ং চ নৈব প্রিয়ং শার্ঙ্গপাণেঃ কদাচিৎ |
কাংস্যে সুপক্বং যাবনালস্য চান্নং তুষঃ পিণ্যাকং তুম্ববিল্বে পলাণ্ডুঃ || ৩, ২৯. ২১ ||
দীর্ঘং তক্রং স্বাদুহীনং কডূষ্টণমেতে সর্বে কলিভার্যাপ্রিয়াশ্চ |
সুদুর্মুখং নিন্দনং চার্যজানাং সতোবমত্যাত্মজানাং প্রসহ্য || ৩, ২৯. ২২ ||
সুপীডনং সর্বদা ভর্তৃবর্গে গৃহস্থিতব্রীহিবস্ত্রাদিচৌর্যাৎ |
প্রকীর্ণভূতান্মূর্ধজান্সন্দধানং করৈর্যুতং দেবকলিপ্রিয়ং চ || ৩, ২৯. ২৩ ||
ইত্যাদি সর্বং কলিভার্যাপ্রিয়ঞ্চ সুনির্মলং প্রিকরোত্যেব সর্বম্ |
অতশ্চ সা শ্যামলেতি স্বসঞ্জ্ঞামবাপ সা দেবকী সম্বভূব || ৩, ২৯. ২৪ ||
যুধিষ্ঠিরস্যৈব বভূব পত্নীসম্ভাবিতা তত্র চ দেবকী সা |
চন্দ্রস্য ভার্যা রোহিণী বৈ তদেয়মশ্বিন্যাদিভ্যোঽহ্যধিকা সর্বদৈব || ৩, ২৯. ২৫ ||
রোণীং ধৃৎবা রোহতি যোগ্যস্থানং তস্মাচ্চ সা রোহিণীতি প্রসিদ্ধা |
আদিত্যভার্যা নাম সঞ্জ্ঞা খগেন্দ্র জ্ঞেয়া সা নারায়ণস্য স্বরূপা || ৩, ২৯. ২৬ ||
সঞ্জানাতীত্যেব সঞ্জ্ঞামবাপ সঞ্জ্ঞেতি লোকে সূর্য ভার্যা খগেন্দ্র |
ব্রহ্মণ্ডস্য হ্যভিমানী তু দেবো বিরাডিতি হ্যভিধামাপ তেন || ৩, ২৯. ২৭ ||
গঙ্গাদিষট্কং সমমেব নিত্যং পরস্পরং নোত্তমং নাধমং চ |
প্রধানাগ্নেঃ পাবিকান্যৈব গঙ্গা সদা শুভা নাত্র বিচার্যমস্তি || ৩, ২৯. ২৮ ||
আসাং জ্ঞানৎপুণ্যমাপ্নোতি নিত্যং সদা হরিঃ প্রীয়তে কেশবোলম্ |
গঙ্গাদিভ্যো হ্যবরাহ্যগ্নিজায়া স্বাহাসঞ্জ্ঞাধিগুণা নৈব হীনা || ৩, ২৯. ২৯ ||
স্বাহাকারো মন্ত্ররূপাভিমানী স্বাহেতি সঞ্জ্ঞামাপ সদৈব বীন্দ্র |
অগ্নের্ভার্যাতো বুদ্ধিমান্সম্বভূব ব্রহ্মাভিমানী চন্দ্রপুত্রো বুধশ্চ || ৩, ২৯. ৩০ ||
বুদ্ধ্যাহরদ্বৈ রাষ্ট্রজাতং চ সর্বং ধৃতং ৎবতো বুধসঞ্জ্ঞামবাপ |
এবং চাভূদভিমন্যুর্মহাত্মা সুভদ্রায়া জঠরে হ্যর্জুনাচ্চ || ৩, ২৯. ৩১ ||
কৃষ্ণস্য চন্দ্রস্য যমস্য চাংশৈঃ স সংযুতস্ত্বশ্বিনোর্বৈ হরস্য |
স্বাহাধমশ্চন্দ্রপুত্রো বুধস্তু পাদারবিন্দে বিষ্ণুদেবস্য ভক্তঃ || ৩, ২৯. ৩২ ||
নামাত্মিকা ৎবশ্বিভার্যা উষা নাম প্রকীর্তিতা |
বুধাধমা সা বিজ্ঞেয়া স্বাহা দশগুণাধমা || ৩, ২৯. ৩৩ ||
নকুলস্য ভার্যা মাগধস্যৈব পুত্রী শল্যাত্মজা সহদেবস্য ভার্যা |
উভে হ্যেতে অশ্বিভার্যা হ্যুষাপি উপাসতে ষড্গুণং বিষ্ণুমাদ্যম্ |
অতোঽপ্যুষাসঞ্জ্ঞকা সা খগেন্দ্র অনন্তরাঞ্ছৃণু বক্ষ্যে মহাত্মন্ || ৩, ২৯. ৩৪ ||
ততঃ শক্তিঃ পৃথিব্যাত্মা শনৈশ্চরতি সর্বদা |
অতঃ শনৈশ্চরো নাম উষায়াশ্চ দশাধমাঃ || ৩, ২৯. ৩৫ ||
কর্মাত্মা পুষ্করো জ্ঞেয়ঃ শনরথ যমো মতঃ |
নয়াভিমানী পুরুষঃ কিঞ্চিন্নম্নো দশাবরঃ || ৩, ২৯. ৩৬ ||
হরিপ্রীতিকরো নিত্যং পুষ্করে ক্রীডতে যতঃ |
অতস্তু পুষ্কলো নাম লোকে স পরিকীর্তিতঃ || ৩, ২৯. ৩৭ ||
হরি প্রীতিকরান্ধর্মান্বক্ষ্যে শৃণু খগাধিপ |
প্রাতঃ কালে সমুত্থায় স্মরেন্নারায়ণং হরিম্ || ৩, ২৯. ৩৮ ||
তুলসীবন্দনং কুর্যাচ্ছ্রীবিষ্ণুং সংস্মরেৎখগ |
বিণ্মূত্রোৎসর্গকালে চ হ্যপানাত্মককেশবম্ || ৩, ২৯. ৩৯ ||
ত্রিবিক্রমং শৌচকালে গঙ্গাপানকরং হরিম্ |
দন্তধাবনকালে তু চন্দ্রান্তর্যামিণং হরিম্ || ৩, ২৯. ৪০ ||
মুখপ্রক্ষালনে কালে মাধবং সংস্মরেৎখগ |
গবাং কণ্ডূয়নে চৈব স্মরেদ্গোবর্ধনং হরিম্ || ৩, ২৯. ৪১ ||
সদা গোদোহনে কালে স্মরেদ্গোপালবল্লভম্ |
অনন্তপুণ্যার্জিতজন্মকর্মণাং সুপক্বকালে চ খগেন্দ্রসত্তম || ৩, ২৯. ৪২ ||
স্পর্শে গবাং চৈব সদা নৃণাং বৈ ভবত্যতো নাত্র বিচার্যমস্তি |
যস্মিন্গৃহে নাস্তি সদোত্তমা চ গৌর্যঙ্গণে শ্রীতুলসী চ নাস্তি || ৩, ২৯. ৪৩ ||
যস্মিন্গৃহে দেবমহোৎসবশ্চ যস্মিন্গৃহে শ্রবণং নাস্তি বিষ্ণোঃ |
তৎসংসর্গাদ্যাতি দুঃখাদিকং চ তস্য স্পর্শো নৈব কার্যঃ কদাপি || ৩, ২৯. ৪৪ ||
গোস্পর্শনবিহীনস্য গোদোহনমজানতঃ |
গোপোষণবিহীনস্য প্রাহুর্জন্ম নিরর্থকম্ || ৩, ২৯. ৪৫ ||
গোগ্রাসমপ্রদাতুশ্চ গোপুষ্টিং চাপ্যকুর্বতঃ |
গতির্নাস্ত্যেব নাস্ত্যেব গ্রামচাণ্ডালবৎস্মৃতঃ || ৩, ২৯. ৪৬ ||
বৎস্যস্য স্তনপানে চ বালকৃষ্ণং তু সংস্মরেৎ |
দধিনির্মন্থনে চৈব মন্থাধারং স্মরেদ্ধরিম্ || ৩, ২৯. ৪৭ ||
মৃত্তিকাস্নান কালে তু বরাহং সংস্মরেদ্ধরিম্ |
পুণ্ড্রাণাং ধারণে চৈব কেশবাদীংশ্চ দ্বাদশ || ৩, ২৯. ৪৮ ||
মুদ্রাণাং ধারণে চৈব শঙ্খচক্রগদাধরম্ |
পদ্মং নারায়ণীং মুদ্রাং ক্রুদ্ধোল্কাদীংশ্চ সংস্মরেৎ || ৩, ২৯. ৪৯ ||
শ্রীরামসংস্মৃতিং চৈব সন্ধ্যাকালে খগোত্তম |
অচ্যুতানন্তগোবিন্দাঞ্ছ্রাদ্ধকালে চ সংস্মরেৎ || ৩, ২৯. ৫০ ||
প্রাণাদিকপঞ্চহোমেচানিরূদ্ধাদীংশ্চ সংস্মরেৎ |
অন্নাদ্যর্পণকালে তু বাসুদেবং চ সংস্মরেৎ || ৩, ২৯. ৫১ ||
অপোশনস্য কালে তু বায়োরন্তর্গতং হরিম্ |
বস্ত্রধারণকাকালে তু উপেন্দ্রং সংস্মরেদ্ধরিম্ || ৩, ২৯. ৫২ ||
যজ্ঞোপবীতস্য চ ধারণে তু নারায়ণং বামনাখ্যং স্মরেত্তু |
আর্তিক্যকালে চ তথৈব বিষ্ণোঃ সম্যক্স্মরেৎপর্শুরামাখ্যবিষ্ণুম্ || ৩, ২৯. ৫৩ ||
অপোশনেবৈশ্বদেবস্য কালে তদন্যহোমাদিষু ভস্মধারণে |
স্মরেত্তু ভক্ত্যা পরমাদরেণ নারায়ণং জামদগ্ন্যাখ্যরামম্ || ৩, ২৯. ৫৪ ||
ত্রিবারতীর্থগ্রহণস্য কালে কৃষ্ণং রামং ব্যাসদেবং ক্রমেণ |
শঙ্খোদকস্যোদ্ধরণে চৈব কালে মুকুন্দরূপং সংস্মরেৎসর্বদৈব || ৩, ২৯. ৫৫ ||
গ্রাসেগ্রাসে স্মরণং চৈব কার্যং গোবিন্দসঞ্জ্ঞস্য বিশুদ্ধমন্নম্ |
একৈকভক্ষ্যগ্রহণস্য কালে সম্যক্স্মরেদচ্যুতং বৈ খগেন্দ্র || ৩, ২৯. ৫৬ ||
শাকাদীনাং ভক্ষণে চৈব কালে ধন্বন্তরিং স্মরেচ্চৈব নিত্যম্ |
তথা পরান্নস্য চ ভোগকালে স্মরেচ্চ সম্যক্পাণ্ডুরঙ্গং চ বিষ্ণুম্ || ৩, ২৯. ৫৭ ||
হৈয়ঙ্গবীনস্য চ ভক্ষণে বৈ সম্যক্স্মরেত্তাণ্ডবাখ্যং চ কৃষ্ণম্ |
দধ্যন্নভক্ষে পরমং পুরাণং গোপালকৃষ্ণং সংস্মরেচ্চৈব নিত্যম্ || ৩, ২৯. ৫৮ ||
দুগ্ধান্নভোগে চ তথৈব কালে সম্যক্স্মরেচ্ছ্রীনিবাসং হরিং চ |
সুতৈলসর্পিঃ ষু বিপক্বভক্ষসম্ভোজনে সংস্মরেদ্ব্যঙ্কটেশম্ || ৩, ২৯. ৫৯ ||
দ্রাক্ষাসুজম্বূকদলীরসালনারিঙ্গদাডিম্বফলানি চারু |
স্মরেত্তু রম্ভোত্তমনারিকেলধাত্রীসুভোগে খলু বালকৃষ্ণম্ || ৩, ২৯. ৬০ ||
সুপানকস্যৈব চ পানকালে সম্যক্স্মরেন্নারসিংহাখ্যবিষ্ণুম্ |
গঙ্গামৃতস্যৈব চ পানকালে গঙ্গাতাতং সংস্মরেদ্বিষ্ণুমেব || ৩, ২৯. ৬১ ||
প্রয়াণকালে সংস্মরেত্তার্ক্ষ্যবাহং নারায়ণং নির্গুণং বিশ্বমূর্তিম্ |
পুত্রাদীনাং চুম্বনে চৈব কালে সুবেণুহস্তং সংস্মরেৎকৃষ্ণমেব || ৩, ২৯. ৬২ ||
সুখঙ্গকালে স্বস্ত্রিয়শ্চৈব নিত্যং গোপি কুচদ্বন্দ্ববিলাসিনং হরিম্ |
তাম্বূলকালে সংস্মরৈচ্চৈব নিত্যং প্রদ্যুম্নাখ্যং বাসুদেবং হরিং চ || ৩, ২৯. ৬৩ ||
শয়্যাকালে সংস্মরেচ্চৈব নিত্যং সঙ্কর্ষণাখ্যং বিষ্ণুরূপং হরিং চ |
নিদ্রাকালে সংস্মরেৎপদ্মনামং কথাকালে ব্যাসরূপং হরিং চ || ৩, ২৯. ৬৪ ||
সুগানকালে সংস্মরেদ্বেণুগীতং হরিং হরিং প্রবদেৎসর্বদৈব |
শ্রীমত্তুলস্যাশ্ছেদনে চৈব কালে শ্রীরামরামেতি চ সংস্মরেত্তু || ৩, ২৯. ৬৫ ||
পুষ্পাদীনাং ছেদনে চৈব কালে সম্যক স্মরেদেৎকপিলাখ্যং হরিং চ |
প্রদক্ষিণেগারুডান্তর্গতং চ হরিং স্মরেৎসর্বদা বৈ খগেন্দ্র || ৩, ২৯. ৬৬ ||
প্রণমকালে দেবদেবস্য বিষ্ণোঃ শেষান্তস্থং সংস্মরেচ্চৈব বিষ্ণুম্ |
সুনীতিকালে সংস্মরেন্নারসিংহং নারায়ণং সংসমরেৎসর্বদাপি || ৩, ২৯. ৬৭ ||
পূর্তির্যদা ক্রিয়তে কর্মণাং চ সম্যক্স্মরেদ্বাসুদেবং হরিং চ |
এবং কৃতানি কর্মাণি হরিপ্রীতিকরাণি চ || ৩, ২৯. ৬৮ ||
সম্যক্প্রকুর্বন্নেতানি পুষ্করো হরিবল্লভঃ || ৩, ২৯. ৬৯ ||
এতস্মাদেব পক্ষীশ কর্ম যৎসমুদাহৃতম্পুষ্করাখ্যানমতুলং শৃণোতি শ্রদ্ধয়ান্বিতঃ |
হরিপ্রীতিকরে ধর্মে প্রীতিয়ুক্তো ভবেৎসদা || ৩, ২৯. ৭০ ||

ইতি শ্রীগারুডে মহাপুরাণে উত্তরখণ্ডে তৃতীয়াংশে ব্রহ্মকাণ্ডে
কৃষ্ণগরুডসংবাদে তত্ত্বরহস্যং নামৈকোনত্রিংশোধ্যায়ঃ

সমাপ্তমিদং গরুডমহাপুরাণম্ |

ইতি শ্রীগরুডমহাপুরাণং সমাপ্তম্ |