৩.২ গরুডপুরাণ (অধ্যায় ১১-২০)

শ্রীগরুডমহাপুরাণম্-১১
শ্রীকৃষ্ণ উবাচ |
পুরুষাখ্যো হরিঃ সাক্ষাদ্ভগবান্পুরুষোত্তমঃ |
শিশ্যেৎবণ্ডোদক বিষ্ণুর্নৃণাং সাহস্রবৎসরম্ |
লক্ষ্মীশ্চোদকরূপেণ শয়্যারূপেণ ভোণ্ডজা || ৩, ১১. ১ ||
বিদ্যা তরঙ্গরূপেণ বায়ুরূপেণ ভোণ্ডজ || ৩, ১১. ২ ||
তমোরূপেণ সৈবাসী ন্নান্যদাসীৎকথঞ্চন |
অসীদ্গর্ভোদকে চৈব নান্যদাসীৎকথঞ্চন || ৩, ১১. ৩ ||
লক্ষ্মীস্তুষ্টাব চ হরিং গর্ভোদে পক্ষিসত্তম |
লক্ষ্মীধরাভ্যাং রূপাভ্যাং প্রকৃতির্হরিণা তথা || ৩, ১১. ৪ ||
শেত শ্রুতিস্বরূপেণ স্তৌতি গর্ভোদকে হরিম্ |
নারায়ণ নমস্তেঽস্তু শৃণু বিজ্ঞাপনং মম || ৩, ১১. ৫ ||
অজাং জহি মহাভাগ যোগ্যানাং মুক্তিমাবহ |
অজা তু প্রকৃতিঃ প্রোক্তা চাপরা প্রকৃতিঃ পরা || ৩, ১১. ৬ ||
শততোবরা তু ব্রহ্মাণী ব্রহ্মপত্নী বরাননা |
উমা শচ্যবরা তস্যা অবরাঃ সম্প্রকীর্তিতাঃ || ৩, ১১. ৭ ||
এতাসাং হননং নৈব প্রার্থয়ামঃ সদা হরে |
অস্তি প্রতিনৃষু ব্রহ্ম প্রকৃতী দ্বে ব্যবস্থিতে || ৩, ১১. ৮ ||
একা তু নিত্যসংসারা ৎবজশব্দাভিধায়িকা |
দ্বিতীয়া তু তমোঽপোহ্যা অজশব্দাভিধায়িকা || ৩, ১১. ৯ ||
অত এব ৎবজে জ্যেষ্ঠে ইতি লোকে প্রকীর্তিতে |
সুখদুঃখপ্রদা চৈব অপরা দুঃখদৈব তু || ৩, ১১. ১০ ||
মোক্ষাধিকারিণামেব জ্ঞানৈশ্বর্যাদয়ো গণাঃ |
তেষামাচ্ছাদিকা হোকা তমোঙ্গা সা প্রকীর্তিতা || ৩, ১১. ১১ ||
জীবং প্রতি মহাবিষ্ণুং পাহ্যাচ্ছাদয়তি প্রভো |
সা পরা প্রকৃতির্জ্ঞেয়া পরমাচ্ছাদিকা স্মৃতা || ৩, ১১. ১২ ||
এবং সা পরমা দুষ্টা হোকা তমোঙ্গা তু প্রকীর্তিতা |
জীববর্গেষ্বেব খগ ব্রহ্মাদের্নাস্তি সা ক্বচিৎ || ৩, ১১. ১৩ ||
পিশাচবৎসমুদ্দিষ্টা জীবস্যেত্যধিকারিণঃ |
প্রেরিকা তু তয়োর্দেব্যো স্ত্বহমাদ্যা সুখাত্মিকা || ৩, ১১. ১৪ ||
তত্র বিষ্ণো মহাভাগ সগুণাচ্ছাদকো হিতঃ |
পরমাচ্ছাদিকাং দুষ্টাং ব্যামুচ্যৈব মহাপ্রভো || ৩, ১১. ১৫ ||
মোক্ষং দেহি মহাদেব ৎবদ্ভক্তানাং মহাপ্রভো |
পরমাচ্ছাদিকা হ্যস্মান্নিত্য সংসারিণো যতঃ || ৩, ১১. ১৬ ||
অত এব চ নিত্যৎবাত্তস্মাত্তদপসারণম্ |
কুরু দেব মহাভাগ ইতি বিজ্ঞায়তাং মম || ৩, ১১. ১৭ ||
এবং স্তুতো হরিঃ কৃষ্ণো সুপ্রবুদ্ধোঽপি সর্বদা |
উদ্বুদ্ধবন্মহা বিষ্ণুরভূদজ্ঞপরীক্ষয়া || ৩, ১১. ১৮ ||
তস্য নাভেরভূৎপদ্মং সৌবর্ণং ভুবনাশ্রয়ম্ |
তৎপ্রাকৃতং চ বিজ্ঞেয়ং ভূদেবী ৎবভিমানিনী || ৩, ১১. ১৯ ||
অনন্তসূর্যবচ্চৈব প্রকাশকরমীরিতম্ |
চিদানন্দময়ো বিষ্ণুস্তস্মাদ্ভিন্নো ন সংশয়ঃ || ৩, ১১. ২০ ||
বিষ্ণোঃ স্বরূপভূতং চ যে বিজানন্তি তে নরাঃ |
তে যান্তি হ্যধরং লোকং তথা তৎসঙ্গিসঙ্গিনঃ || ৩, ১১. ২১ ||
কিরীটাদিকবচ্চৈব জ্ঞাতব্যং চ খগেশ্বর |
কিরীটাদ্যা অপি হরের্দ্বিধা সন্তি ন সংশয়ঃ || ৩, ১১. ২২ ||
স্বরূপা হ্যস্বরূপাশ্চ স্বস্বরূপনি দর্শনে |
গৃহীতা ইতি বিজ্ঞেয়া ন স্বরূপাঃ খগেশ্বর || ৩, ১১. ২৩ ||
ভ্মাণ্ডং হ্যসৃজত্তত্র সর্বলোকবিধায়কম্ |
প্রলয়ে মুক্তিহীনশ্চ সুপ্ত ইত্যুচ্যতে বুধঃ || ৩, ১১. ২৪ ||
তস্য সমিবস্ত্রিবং চ ন জ্ঞাতব্যা খগেশ্বর |
প্রলয়োপি মহাভাগ ব্রহ্মবায়্বোর্ন চাস্তি হি || ৩, ১১. ২৫ ||
বৃত্তিরূপং পরং জ্ঞানং পাদ্যার্ঘ্যং নাত্র সংশয়ঃ |
ইন্দ্রিয়াণামুপরতিঃ সুপ্তিরিত্যুচ্যতে বুধৈঃ || ৩, ১১. ২৬ ||
ব্রহ্মবায়্বোশ্চ পাসগ্নি বাস্তবং স্যাৎখগেশ্বর |
কথং তর্হি তয়োর্বর্তে হ্যবিলত্যৎবমুচ্যতে || ৩, ১১. ২৭ ||
তস্মাত্তদ্বাস্তবং নাস্তি ব্রহ্মবায়্বোঃ খগেশ্বর |
স্বপ্নাবস্থায়াঃ সদৃশী হ্যবস্থা সুপ্তিসঞ্জ্ঞিকা || ৩, ১১. ২৮ ||
ব্রহ্মণ্যমুখ্যয়া বৃত্ত্যা হ্যস্তীত্যেবং নিবোধ মে |
অতো ন বাস্তবমিদমঙ্গীকার্যং খগেশ্বর || ৩, ১১. ২৯ ||
বাস্তবং যে বিজানন্তি তেষাং নিত্যং ধনং তপঃ |
শ্রীগরুড উবাচ |
সুপ্তিস্ত্বজ্ঞানকার্যৎবাৎসুপ্তির্নাস্তীত্যুদীরিতা || ৩, ১১. ৩০ ||
যদা হি কারণং চাস্তি তদা কার্যমিতি প্রভো |
ইত্যভিপ্রায়গর্ভেণ ৎবং সমাধাস্য তে যদি || ৩, ১১. ৩১ ||
তর্হি তস্য মহাভাগ কথং ব্রূহি ভয়াদিকম্ |
ভয়াদিকং হ্যস্তু নাম কা বাস্মাকং ক্ষতির্ভবেৎ || ৩, ১১. ৩২ ||
এবমুক্তস্তু গোবিন্দোব্রবীত্তত্রাপি কারণম্ |
ভয়ং ৎবজ্ঞানকার্যং স্যাৎকার্যাকারণমত্র হি || ৩, ১১. ৩৩ ||
প্রীয়তে মৎবা ব্রহ্ম তস্মাৎসুপ্তিশ্চ তত্র হি |
অজ্ঞাদিকং যদি ব্রহ্ম তস্য ন স্যাৎকথঞ্চন || ৩, ১১. ৩৪ ||
কথং সুখী প্রদৃশ্যেত ন কথঞ্চিৎকরিষ্যতি |
কথং বা মুক্তিপর্যন্তং জ্ঞানব্যক্তির্বদস্ব মে || ৩, ১১. ৩৫ ||
যদ্যজ্ঞানং তস্য সত্যং ন স্যাত্তর্হি মহাপ্রভো |
অত্যাদরাৎকথং ব্রহ্মঞ্ছ্রবণং কুরুতে বদ || ৩, ১১. ৩৬ ||
ইতি তস্য বচঃ শ্রুৎবা কৃষ্ণো বচনমব্রবীৎ |
ভয়ং চ বাস্তবং তস্য ন জানীহি মহামতে || ৩, ১১. ৩৭ ||
দৃশ্যতে মদ্ভয়ং তস্য হরিপ্রীত্যর্থমেব চ |
ভয়াকামবতীবানমুবাস্তবমীরিতম্ || ৩, ১১. ৩৮ ||
প্রাপ্তপ্রাব্ধলেশস্ত তস্য নাস্তি খগেশ্বর |
দুঃখাজ্ঞানাদিকং কিঞ্চিৎকথং তস্মিন্ভবিষ্যতি || ৩, ১১. ৩৯ ||
বিষ্ণোরাজ্ঞানুসারেণ ভয়ায়ানুকরোত্যসৌ |
তেন প্রীণাতি চ হরিস্তস্য নাস্ত্যত্র সংশয়ঃ || ৩, ১১. ৪০ ||
শৃণোতি সততং ব্রহ্মা ন চিন্ত্যাত্তাবতাজ্ঞতা |
কদাচিদ্দৃশ্যতে ব্রহ্মা দুঃখী ন চ খগেশ্বর || ৩, ১১. ৪১ ||
যদ্ব্রহ্ম চ ন জানীয়াদ্ধরিপ্রীত্যর্থমেব চ |
দুঃখিবদ্দৃশ্যতে ব্রহ্মা আজ্ঞানাং মোহনায় চ || ৩, ১১. ৪২ ||
যোগ্যতামনতিক্রম্য যাবজ্জ্ঞানং চ তিষ্ঠতি |
ব্রহ্মণস্তাবদেবাস্তি নাত্র কার্যা বিচারণা || ৩, ১১. ৪৩ ||
জ্ঞানস্য ব্যক্ততা নাম বিদ্যমানস্য চাদরাৎ |
জ্ঞানস্যাসাদনং চৈব জ্ঞানব্যক্তিরিতি স্মৃতা || ৩, ১১. ৪৪ ||
অতো জ্ঞানাদিকং নাস্তি ব্রহ্মণঃ পরমেষ্ঠিনঃ |
পদ্মাদ্ধিরণ্ম যাজ্জাতো ব্রহ্মা তু চতুরাননঃ || ৩, ১১. ৪৫ ||
সর্বদাঽলোচনায়ুক্তস্তেন স্বালোচনং কৃতম্ |
অজ্ঞানাং মোহনার্থায় হরিপ্রীত্যর্থমেব চ || ৩, ১১. ৪৬ ||
সঙ্কল্পোপি তথৈবাস্তি ন হ্যজ্ঞানাৎকৃতস্তথা |
কো বা মাং সৃষ্টবানত্র ইতি হ্যালোচ্য স প্রভুঃ || ৩, ১১. ৪৭ ||
তং বিচারয়িতুং ব্রহ্মা পদ্মনাডীং বিবেশ হ || ৩, ১১. ৪৮ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে ধর্মকাণ্ডে
শ্রীকৃথ্ণগরুডসংবাদেঽজ্ঞানহেতুনিরূপণং নামৈকাদশোঽধ্যায়ঃ

শ্রীগরুডমহাপুরাণম্-১২
শ্রীকৃষ্ণ উবাচ |
নাডীং সমাবিশ্য মহানুভাবঃ শ্রীবিষ্ণুভক্তো ৎবথ পুষ্করস্থঃ |
বিচারয়ামাস গুরুং স্বমূলং নারায়ণং নির্গুণমদ্বিতীয়ম্ || ৩, ১২. ১ ||
এতাবতা হরিভক্তস্য তস্যাপ্যচ্ছিন্নভক্তস্য চতুর্মুখস্য |
বিচারকালে চ বিচিন্তনীয়ো হ্যজ্ঞানলেশস্তু খগেশ্বরেশ্বর || ৩, ১২. ২ ||
যথাস্তি বিষ্ণোর্মনঃ সঙ্কল্প এব তথৈব সোপি প্রকরোতি নিত্যম্ |
আলোচনে তস্য সদাস্তি ভূমন্স্বয়োগ্যতামনতিক্রম্য চৈব || ৩, ১২. ৩ ||
হরেঃ স্বরূপে চ তথা প্রপঞ্চঃ স্বস্মিন্স্বরূপে চ খগস্তি জ্ঞানম্ |
যথাপি নিত্যং পরিচারবারি চ অজ্ঞাতবদ্দৃশ্যতে বিষ্ণুনা চ || ৩, ১২. ৪ ||
হরেঃ প্রীত্যর্থং কুরুতে সৌ কদাচ্চিত্তত্রাপি কশ্চিদ্বিশেষোঽস্তি বীন্দ্র |
শৃণুষ্ব সম্যঙ্নিগৃহীতচিত্তো যথা প্রোবাচ স বিজানাতি দেবঃ || ৩, ১২. ৫ ||
সদা ৎবদোষং প্রবিশেষেশ্চ মুক্তবেদাস্তথা বা পবিজানন্তি নিত্যম্ |
তস্য স্বরূপং ন তথা হরিং চ স্বয়োগ্যতামনতিক্রম্য বেধাঃ || ৩, ১২. ৬ ||
হরেঃ স্বরূপং ন বিজানাতি সর্বং স্বয়ো গ্যরূপং সর্বদা বেত্তি বিষ্ণোঃ |
তত্রাজ্ঞানং নাস্তি কিঞ্চিদ্দ্বিজেন্দ্র যাবৎস্বরূপং চ তথৈব লক্ষ্ম্যাঃ || ৩, ১২. ৭ ||
বেধা ন জানাতি কুতস্তদন্যে তয়োঃ স্বরূপংন বিজানাতি সর্বম্ |
তথাপি বেদানেকদেশেন বেদ জানাতি লক্ষ্মীর্হরিরূপং চ যাবৎ || ৩, ১২. ৮ ||
তাবন্ন জানাতি বিধিঃ খগেন্দ্র জ্ঞানে বিধাতুশ্চ স্বয়োগ্যভূতে |
অতো বিরিঞ্চস্য ন চিন্তনীয়ো হ্যজ্ঞানলেশঃ ক্বাপি দেশে চ কালে || ৩, ১২. ৯ ||
নাডীং সমাবিশ্য তদা বিরিঞ্চো ন বেদ নারায়ণমেকবচ্চ |
তদা শৃণোত্তং কমলাসনং প্রভুস্তপস্তপ দ্ব্যক্ষরং সাদরেণ || ৩, ১২. ১০ ||
অভিপ্রায়ং তস্য সম্যগ্বিদিত্ত্বা তপঃ কুরু ৎবং হরিতুষ্ট্যর্থমেব |
তপোঽকরোদ্ধরিপাদৈক নিষ্ঠো হরেঃ প্রীত্যর্থং দিব্যসহস্রবর্ষম্ || ৩, ১২. ১১ ||
ততো হরিঃ প্রাদুরাসীৎখগেন্দ্র বরং দাতুং ভক্তবরস্য দিব্যম্ |
সদা বিষ্ণুং দেবদেবো দদর্শ চতুর্ভুজং তং জলজায়তাক্ষম্ || ৩, ১২. ১২ ||
শ্রীবৎসলক্ষ্মং গলশোভিকৌস্তুভং সম্পশ্যন্তং সুপ্রসন্নার্দ্রদৃষ্ট্যা |
দৃষ্ট্বা হরিং ব্রহ্ম নারায়ণং চ পুরঃ স্থিতং ভক্তবশ্যং দয়ালুম্ || ৩, ১২. ১৩ ||
সমর্চয়ামাস মহাবিভূত্যা ভক্ত্যা হরেঃ পাদতীর্থং দধার |
অস্তৌন্মহাভাগবতপ্রধানো হরিং গুরুং ভক্তিবিবর্ধিতাত্মা || ৩, ১২. ১৪ ||
ব্রহ্মোবাচ |
রমেশ লোকেশ জগন্নিবাস তব স্বরূপং ন বিজানাতি দেবী |
তব প্রসাদাৎসুবিজানাতি দেবী গুণান্বেদোক্তান্সর্বদা বীন্দ্র সর্বান্ || ৩, ১২. ১৫ ||
তথাপি সা ন বিজানাতি দেবী সাকল্যেনাশেষিতঃ সদ্গুণাংশ্চ |
যদ্যপ্যনুক্তং পঞ্চভির্নাস্তি বেদৈস্তথাপি দেবেঽত্র বিশেষ আস্তে || ৩, ১২. ১৬ ||
তত্ত্বেচ্ছবঃ প্রবিজানন্তি নিত্যং বেদে সূক্তান্ক্বাপ্যনুক্তাংশ্চ সর্বান্ |
আদৌ জানন্ত্যত্র বেদা মুরারে ঋগাদয়ঃ সুষ্ঠু চৎবার এব || ৩, ১২. ১৭ ||
বেদা হ্যেতে বেদয়ন্তীতি দেব তথা পুরাণং ভারতং পঞ্চরাত্রম্ |
ক্রমাদিতো বিচিন্ত্য সা বিষ্ণুগুণান্স্বয়োগ্যান্সদা বিজানাতি রমাপি দেবী || ৩, ১২. ১৮ ||
বিশেষতো হ্যুক্তগুণা নৃগাদিষু স্বয়োগ্যভূতান্সংবিজানাতি দেবী |
সামান্যতঃ প্রবিজানাতি দেবী হরের্গুণান্ন বিশেষাচ্চ নিত্যম্ || ৩, ১২. ১৯ ||
অহং বিজানামি রমাপ্র সাদাত্তব প্রসাদাচ্চ গুণান্সদৈব |
স্বয়োগ্যভূতাঞ্ছ্রুতিপূক্তান্গুণাংশ্চ কাংশ্চিদ্বিজানাতি হরের্ন কশ্চিৎ || ৩, ১২. ২০ ||
তব প্রসাদাচ্চ মম প্রসাদাৎকালান্তরে তাংশ্চ জানাতি শেষঃ |
দুষ্কর্মলেশান্ন তিরোহিতান্গুণান্যানেব পূর্বং বিদিতান্স্বয়োগ্যান্ || ৩, ১২. ২১ ||
তানেব জ্ঞাৎবা পুনরেব শেষস্তিরো হিতাংল্লব্ধগুণস্ততঃ স্মৃতঃ |
সদা স্বয়োগ্যাংশ্চ হরের্গুণাংশ্চ উমাপতিশ্চাপি তব প্রসাদাৎ || ৩, ১২. ২২ ||
যদা বিজানাতি হরে মুরারে অপ্রাপ্তলব্ধেতি তদোচ্যতে হরঃ |
মমাপি লোকং চ যদা মুরারে তদা বিজানাতি তব স্বরূপম্ || ৩, ১২. ২৩ ||
গোবিন্দ নিত্যাব্যয় চিৎসুপূর্ণ তব প্রসাদান্নাস্তি শতেষু তন্মময়েয়ে
হি দেবাশ্চ শরীরধারিণস্তে জ্ঞানহীনা বিষয়েষু নিষ্ঠাঃ || ৩, ১২. ২৪ ||
যেয়ে দেবা বিষয়েষু নিষ্ঠাস্তেতে দেবা বহিরর্থভাবাঃ |
যেয়ে দেবা বহিরর্থভাবা মোক্ষা দন্যে প্রলপন্তঃ সদৈব || ৩, ১২. ২৫ ||
তব স্বরূপে চ জগৎস্বরূপে তবাসমানং নাস্তি বিষ্ণো সদৈব |
যতস্তব প্রাকৃতো নাস্তি দেহো যতো জ্ঞানং নাস্তি নাস্ত্যে ব নিত্যম্ || ৩, ১২. ২৬ ||
পূর্ণানন্দজ্ঞানদেহোঽপি নিত্যং সদা শরীরী ভাষ্যতে ভক্তিমদ্ভিঃ |
যতস্তব প্রাকৃতো নাস্তি দেহো হ্যতোপি নিত্যমশরীরীতি চ স্মৃতঃ || ৩, ১২. ২৭ ||
নতোঽহং সর্বদাস্মিঞ্শরীরেঽহমমেত্যভিমানেন শূন্যঃ |
অত্তোঽপ্যহং ৎবশরীরী সদৈব তথৈব নিত্যং বহিরর্থৈশ্চ শূন্যঃ || ৩, ১২. ২৮ ||
স্বভোগভার্যাসত্যলোকাদিভোগঃ স্বয়োগ্যভোগো বস্ত্রমাল্যাদিভোগঃ |
এতে হি সর্বে বহিরর্থসঞ্জ্ঞকাঃ নৈসর্গকামাঃ সর্বদা মে হি বিষ্ণো || ৩, ১২. ২৯ ||
তথাপ্যহং কামহীনো হি নিত্যং রুদ্রাদয়ঃ কামবন্তো যতোতঃ |
শরীরিণস্তে বহিরর্থভাবা অজ্ঞানবন্তোঽপি চ সংস্মৃতাঃ খগ || ৩, ১২. ৩০ ||
স্বদারভোগে কেবলাং প্রীতিমেবং হরেরেবং সর্বদাহং করোতি |
স্তম্বাস্ত্রাদীন্ধারিয়িষ্যে সদৈব বিষ্ণোঃ প্রীত্যর্থং নৈব গাত্রার্থমেব || ৩, ১২. ৩১ ||
নিত্যানন্দাদন্যকামো ন মেস্তি অতঃ সদা বহিরর্থৈশ্চ শূন্যঃ |
মমাপি ভার্যা বহিরর্থশূন্যা অমূঢভাবা মূঢবতীব দৃশ্যতে || ৩, ১২. ৩২ ||
অমূঢভূতা জ্ঞানিনাং সর্বদৈব তথাজ্ঞানাং জ্ঞানহীনেতি ভাতি |
যাবজ্জ্ঞানং চাস্তি মে বাস্তুদেব তাবজ্জ্ঞানং বাসুদেবস্য চাস্তি || ৩, ১২. ৩৩ ||
যাবজ্জ্ঞানং বাসুদেবস্য চাস্তি তাবজ্জ্ঞানং জ্ঞানবতামৃজূনাম্ |
ক্রমেণৈবাজ্ঞানিনাং বানৃজূনামস্পষ্টরূপো জ্ঞানগতো বিশেষঃ || ৩, ১২. ৩৪ ||
সৌরিপ্রকাশে চ যথৈব দর্শনং তথা মম জ্ঞানগতো বিশেষঃ |
দীপপ্রকাশে চ যথৈব দর্শনং তথা জ্ঞানং বাসুদেবস্য চাস্তি || ৩, ১২. ৩৫ ||
অস্পষ্টপরূপা ন্যূনতা হ্যস্তি বায়ৌ তথা জ্ঞানং নৈব সঞ্চিন্তনীয়ম্ |
এতাদৃশী জ্ঞানশক্তির্মুরারের্বায়্বাদীনাং মোক্ষপর্যন্তমস্তি || ৩, ১২. ৩৬ ||
জ্ঞানং ৎবৃজূনাং মোক্ষকালে পিপঞ্চবায়্বাদীনাং প্রলয়েনাদ্রাদীর্ন |
বায়োর্মম প্রলয়ে সৃষ্টিকালে তথা গায়ত্র্যা নাস্তিনাস্ত্যেব মোহঃ || ৩, ১২. ৩৭ ||
গায়ত্রীবদ্ভারত্যা দেবদেব জ্ঞাতব্যমেবং হরিতত্ত্ববেদিভিঃ |
মমাজ্ঞানং দৃশ্যতে যত্র কুত্র দৈত্যাদীনাং মোহনার্থ সদৈব || ৩, ১২. ৩৮ ||
তেন প্রীতির্দেবদেবস্য বিষ্ণর্ভবিষ্যতীত্যেব বিনিশ্চিতাত্মা |
প্রশ্রাদিকং ৎবজ্ঞবৎসর্বদৈবং করিষ্যেহং মোহনায়াধমানাম্ || ৩, ১২. ৩৯ ||
সূর্যোদয়ে নাস্তি যথা তমশ্চ তথাজ্ঞানং নাস্তিনাস্ত্যেব দেব |
করোম্যহং শ্রবণং সর্বদৈব হরিপ্রীত্যর্থং নিশ্চতার্থং সতাং হি || ৩, ১২. ৪০ ||
শতজন্মগতানাং ৎবনৃজূনাং পূর্বমেব তু |
অপরোক্ষাভাব এব হ্যজ্ঞানং সমুদীরিতম্ || ৩, ১২. ৪১ ||
অপরোক্ষানন্তরং তু নাস্ত্যজ্ঞানং ন সংশয়ঃ |
শতজন্মসু দেবেশ অপরোক্ষেণ সর্বদা || ৩, ১২. ৪২ ||
পূর্ণজ্ঞানং মমাস্ত্যেব নাত্র কার্যা বিচারণা |
শতজন্মসু পূর্বং তু পরোক্ষেণ মম প্রভো || ৩, ১২. ৪৩ ||
পূর্ণং জ্ঞানং সদাপ্যস্তীত্যেবমাহুর্মহর্ষয়ঃ |
সঞ্জ্ঞাজন্মগতায়াশ্চ সরস্বত্যা মহাপ্রভো || ৩, ১২. ৪৪ ||
নাজ্ঞানং চিন্তনীয়ং হি ব্রহ্ময়্বোশ্চ দেব হি |
অত্র কশ্চিদ্বিশেষোস্তি জ্ঞাতব্যস্তৎবমিচ্ছুভিঃ || ৩, ১২. ৪৫ ||
অবতারেষু ভারত্যাঃ কদাচিজ্জ্ঞানপূর্বকম্ |
সর্বদা জ্ঞানরূপা সা সর্বদুঃখবিবর্জিতা || ৩, ১২. ৪৬ ||
দৈত্যানাং মোহনার্থায় অংশে দুঃখীব দৃশ্যতে |
তস্যা দুঃখাদিকং কিঞ্চিন্নাস্তিনাস্ত্যেব সর্বথা || ৩, ১২. ৪৭ ||
অপরোক্ষতিরোভাব ঈষৎকালে প্রদৃশ্যতে |
তাবন্মাত্রেণ বাজ্ঞানং তস্যাং নৈবাহিতং চ যৎ || ৩, ১২. ৪৮ ||
মূলরূপে তু নাস্ত্যেব ভারত্যা জ্ঞানবিস্মৃতিঃ |
ভারত্যাস্তু যথা নাস্তি সরস্বত্যাস্তু কিং পুনঃ || ৩, ১২. ৪৯ ||
অংশাবতরণং নাস্তি সরস্বত্যাঃ কদাচন |
অংশাবতরণং নাস্তি মমাপি মধুসূদন || ৩, ১২. ৫০ ||
তথৈব জ্ঞানমস্ত্যেব হরের্নারায়ণস্য চ |
বায়োরংশাবতারোস্তি যথা মূলে তথৈব চ || ৩, ১২. ৫১ ||
বলজ্ঞানা দিকং সর্বং চিন্তনীয়ং ন সংশয়ঃ |
তথাপি বায়ৌ দৃশ্যন্তে বলজ্ঞানাদিব্যক্তয়ঃ || ৩, ১২. ৫২ ||
অবতারেষু বায়োস্তু সম্যক্ষক্ত্যাত্মনাস্তি হি |
অপরোক্ষতিরোভাবৌ নাংশাবতরণেষ্বপি || ৩, ১২. ৫৩ ||
বলজ্ঞানাদিকং যাবন্মূলরূপে প্রদৃশ্যতে |
ত্রেতায়ুগস্বরূপে চ ন দর্শয়তি তাদৃশম্ || ৩, ১২. ৫৪ ||
ত্রেতায়ুগস্বরূপে চ যাদৃক্চাদর্শয়ৎপ্রভো |
দ্বাপরস্থে স্বরূপে তত্তদ্দর্শয়তি তাদৃশম্ |
ত্রেতায়ুগস্বরূপে চ যাদৃক্চাদর্শয়ৎপ্রভো || ৩, ১২. ৫৫ ||
দ্বাপরস্থে বায়ুরূপে যাদৃগ্বা দর্শয়ৎপ্রভুঃ |
বায়ুঃ কলিয়ুগে রূপে তদ্দর্শয়তি তাদৃশম্ || ৩, ১২. ৫৬ ||
তথা দর্শয়তে বায়ুর্দৈত্যানাং মোহনায় চ |
অবতারেষু বায়োশ্চ অন্তরং যে বিদুঃ প্রভো || ৩, ১২. ৫৭ ||
তেঽধং তমঃ প্রবিশন্তে তে দৈত্যা ন চ তে সুরাঃ |
বায়াবপ্যন্তরং নাস্তি হরিতত্ত্ববিনির্ণয়ে || ৩, ১২. ৫৮ ||
নিন্দাং কুর্বন্তি যে বিষ্ণোর্জিহ্বাছেদং করোম্যহম্ |
তদর্থমেব বায়োশ্চ অবতারঃ সদা ভুবি || ৩, ১২. ৫৯ ||
গুণপূর্ণস্য বিষ্ণোস্তু নির্গুণৎববিচিন্তনম্ |
জাতানন্দাদিপূর্ণাঙ্খ্যং সোহমিত্যাদিচিন্তনম্ || ৩, ১২. ৬০ ||
চিদানন্দাত্মকে দেহে উৎপত্ত্যাদিবিচিন্তনম্ |
অচ্ছেদ্যাভেদ্যগাত্রেষু চ্ছেদভেদাদিচিন্তনম্ || ৩, ১২. ৬১ ||
দেব্যা নিত্যাবিয়োগিন্যা বিয়োগাদিবিচিন্তনম্ |
ক্লেশশোকাদিশূন্যস্য হরেঃ ক্লেশাদিচিন্তনম্ || ৩, ১২. ৬২ ||
ব্যাসরামাদিরূপেষ্বনৃষিবিপ্রৎবচিন্তনম্ |
কৃষ্ণরামাদিরূপেষু অন্তরস্য বিচিন্তনম্ || ৩, ১২. ৬৩ ||
রামকৃষ্ণাদিরূপেষু অন্তরস্য বিচিন্তনম্ |
রামকৃষ্ণাদিরূপেষু পরাজয়বিচিন্তনম্ || ৩, ১২. ৬৪ ||
সন্তানার্থং তু কৃষ্ণে ন শিবপূজাদিচিন্তনম্ |
রামেণ দুঃখয়ুক্তেন লিঙ্গস্য স্থাপনং কৃতম্ || ৩, ১২. ৬৫ ||
পঞ্চধাতুময়ে কৃষ্ণে হরিরূপবিচিন্তনম্ |
স্বয়ং ব্যক্তস্থলে চাপি চিদা নন্দৎবকল্পনম্ || ৩, ১২. ৬৬ ||
পিতৃমাতৃদ্বিজাতীনাং হরিরূপৎবচিন্তনম্ |
অস্বতন্ত্রেণ রুদ্রেণ হরেরৈক্যদিচিন্তনম্ || ৩, ১২. ৬৭ ||
বিষ্ণোঃ সূর্যেণ সাকং চ অভেদা দিবিচিন্তনম্ |
সর্বোত্তমঃ সূর্য এব বিষ্ণ্বাদ্যাস্তস্য কিঙ্করাঃ || ৩, ১২. ৬৮ ||
ইত্যাদিচিন্তনং দোষো হরিনিন্দেতি চোচ্যতে |
অস্বয়ং ব্যক্তিলিঙ্গেষু অশ্বত্থতুলসীষু চ || ৩, ১২. ৬৯ ||
শালগ্রামং বিহায়ৈব নমনং যে প্রকুর্বতে |
তে সর্বে হরিনিন্দায়ামবিকারিণ এব হি || ৩, ১২. ৭০ ||
মোক্ষাধিকারিণো যে তু অজ্ঞানাৎপরমেশ্বরম্ |
পার্থক্যনয়নং যেষু কুর্বন্তি যর্হি বা প্রভো || ৩, ১২. ৭১ ||
তর্হি তেষাং হি কালেষু দুঃখং যাতি ন সংশয়ঃ |
অতঃ প্রার্থক্যনয়নং যে কুর্বন্ত্যেষু সর্বদা || ৩, ১২. ৭২ ||
তে সর্বে ৎববুধা জ্ঞেয়া নাত্র কার্যা বিচারণা |
অস্বয়ংব্যক্তলিঙ্গেষু নমনং যে প্রকুর্বতে || ৩, ১২. ৭৩ ||
তে সর্বে হ্যসুরা জ্ঞেয়া নান্যথা তু কথঞ্চন |
বিহায় শূন্যমশ্বত্থং নমনং যে প্রকুর্বতে || ৩, ১২. ৭৪ ||
দ্বিমাসহীনাং তুলসীমপ্রসূতাং চ গাং নবাম্ |
তে সর্বে হ্যসুরা জ্ঞেয়া নাত্র কার্যা বিচারণা || ৩, ১২. ৭৫ ||
গুল্মাদ্যাশ্চ মনুষ্যান্তাস্তে জ্ঞেয়া ব্রহ্মবাহবঃ |
অস্মচ্ছতায়ুঃ পর্যন্তমেক এব কলিঃ স্মৃতঃ || ৩, ১২. ৭৬ ||
কলৌ সন্তি কল্পমানং কলেরন্তে সন্তি চ |
তস্মিন্দিনে ব্রহ্মরূপে গচ্ছন্তি চ তমোন্তিকম্ || ৩, ১২. ৭৭ ||
তত্র স্থিৎবা লোকমার্গং প্রতীক্ষন্তে ন সংশয়ঃ |
সাধকৈর্বিষ্ণুকার্যাণাং বায়ুদাসৈঃ প্রপীডিতাঃ || ৩, ১২. ৭৮ ||
শতবর্ষানন্তরং চ সর্বেষাং কলিনা সহ |
বায়োর্গদাপ্রহারেণ লিঙ্গভঙ্গো ভবিষ্যতি || ৩, ১২. ৭৯ ||
তমোন্ধং প্রবিশন্ত্যেতে তারতম্যেন সর্বশঃ |
তমস্যন্ধেপি সংসারে নাত্র কার্যা বিচারণা || ৩, ১২. ৮০ ||
সর্বেষামুত্তমোন্তে যঃ কলিরেব ন সংশয়ঃ |
দূষকো বিষ্ণুভক্তানাং তৎসমো নাস্তি সর্বদা || ৩, ১২. ৮১ ||
সংসারে বান্ধতমসি সর্বত্র হরিদূষকঃ |
মিথ্যাদানে জ্ঞানবুদ্ধির্দুঃখে চ সুখবুদ্ধিমান্ || ৩, ১২. ৮২ ||
তস্মাৎকলিসমো লোকে শিবভক্তো ন কুত্রচিৎ |
দুর্যোধনঃ স এবোক্তো দুঃখানন্ত্যস্বরূপবান্ || ৩, ১২. ৮৩ ||
তস্মাচ্ছতগুণাংশেন কলিভার্যা তু সর্বদা |
অলক্ষ্মীরিতি বিখ্যাতা সা লোকে মন্থরা স্মৃতা || ৩, ১২. ৮৪ ||
তস্মাদ্দশগুণাংশোনো বিপ্রচিত্তিস্তু সর্বদা |
জরাসন্ধঃ স এবোক্তঃ কালনেমিস্ততঃ পরম্ || ৩, ১২. ৮৫ ||
তস্মাচ্ছতগুণাংশোনঃ স তু কংসেতি বিশ্রুতঃ |
তস্মাৎপঞ্চগুণৈর্হীনৌ মধুক্রৈটভসঞ্জ্ঞকৌ || ৩, ১২. ৮৬ ||
তাবেব হংসহিডম্বকৌ জ্ঞেয়ৌ তৌ চ জনার্দন |
বিপ্রচিত্তিসমো জ্ঞেয়ো ভৌমো বৈ ভূতলে স্মৃতঃ || ৩, ১২. ৮৭ ||
তস্মাদষ্ট গুণৈরুচ্যো হরিণ্যকশিষুঃ স্মৃতঃ |
তস্মাচ্চ ত্রিগুণৈর্হীনো হিরণ্যাক্ষো মহাসুরঃ || ৩, ১২. ৮৮ ||
মণিমাংস্তৎসমো জ্ঞেয়ঃ কিঞ্চিদূনো বকঃ স্মৃতঃ |
তস্মাদ্বিংশদ্গুণৈর্হীনস্তারকাখ্যো মহাসুরঃ || ৩, ১২. ৮৯ ||
তস্মাৎষড্গুণতো হীনঃ শম্বরো লোককণ্টকঃ |
শম্বরস্য সমো জ্ঞেয়ঃ শাল্বো দৈত্যেষু চাধমঃ || ৩, ১২. ৯০ ||
শম্বরাত্তু দ্বিগুণতো হিডিম্বো ন্যূন উচ্যতে |
বাণস্ততোঽধমো জ্ঞেয়ঃ স তু কীচকনামতঃ || ৩, ১২. ৯১ ||
দ্বাপারখ্যো মহাহাসোবাণাসুরসমঃ স্মৃতঃ |
তস্মাদ্দশগুণৈর্হীনো নমুচিদৈত্যসত্তমঃ || ৩, ১২. ৯২ ||
নমুচেস্তুসমৌ জ্ঞেয়ৌ পাক ইল্বল ইত্যুভৌ |
তস্মাচ্চতুর্গুণৈর্হীনো বাতাপির্দানবাধমঃ || ৩, ১২. ৯৩ ||
তস্মাৎসার্ধগুণৈর্হীনো ধেনুকো নাম দৈত্যরাট্ |
ধেনুকাদর্ধগুণতঃ কেশী দৈত্যস্তু চাবরঃ || ৩, ১২. ৯৪ ||
কেশীদৈত্যসমো জ্ঞেয়স্তৃণাবর্তো মহাসুরঃ |
তস্মাদ্দশগুণৈর্হীনো হংসো নামরমাপতে || ৩, ১২. ৯৫ ||
ত্রিরিকস্তু সমো জ্ঞেয়স্তৎসমঃ পৌরুকস্মৃতঃ |
বেতঃ স এব বিজ্ঞেয়ঃ পূর্বজন্মনি সত্তম || ৩, ১২. ৯৬ ||
তস্মাদেকগুণৈর্হীনৌ কুম্ভাণ্ডককুপর্ণকৌ |
দুঃশাসনস্তু বিজ্ঞেয়ো জরাসন্ধসমঃ প্রভো || ৩, ১২. ৯৭ ||
কংসেন তুল্যো বিজ্ঞেয়ো বিকর্ণো দৈত্যসত্তমঃ |
কুম্ভকর্ণাচ্ছতগুণৈর্হীনৌ ক্রধ্যেতি বিশ্রুতঃ || ৩, ১২. ৯৮ ||
তস্মাচ্ছতগুণৈর্হীনঃ শতধন্বা মহাসুরঃ |
সমানস্তস্য বিজ্ঞেয়ঃ কর্মারির্দৈত্যসত্তমঃ || ৩, ১২. ৯৯ ||
কালকেয়স্তু বিজ্ঞেয়ঃ সদা বেনসমো মতঃ |
অধমানাং তু দৈত্যানামুত্তমৈঃ সাম্যমুচ্যতে || ৩, ১২. ১০০ ||
তত্রাবেশাচ্চ বিজ্ঞেয়ং দেবানাং নাত্র সংশয়ঃ |
তস্মাচ্ছতগুর্ণৈহীনশ্চিত্তমানসুরো মহান্ || ৩, ১২. ১০১ ||
তচ্ছরীরাভিমানী তু তস্মাচ্ছতগুণৈর্বরঃ |
তস্মাচ্ছতগুণৈহীংনো হস্তমানসুরো মহান্ || ৩, ১২. ১০২ ||
তস্মাচ্ছতগুণৈর্হীনঃ পাদমানসুরো মহান্ |
নেত্রেন্দ্রিয়াভিমানী তু তস্মাচ্ছতগুণো বরঃ || ৩, ১২. ১০৩ ||
চক্ষুরিন্দ্রিয়মানী তু তস্মাচ্ছতগুণো বরঃ |
তস্মাচ্ছগুণৈর্হীনঃ স্পর্শমানসুরো মহান্ || ৩, ১২. ১০৪ ||
তস্মাচ্ছতগুর্ণৈহীনশ্চণ্ডমানসুরো মহান্ |
তস্মাচ্ছতগুর্ণৈর্হীনঃ শিশ্রমানসুরো মহান্ || ৩, ১২. ১০৫ ||
তস্মাচ্ছতগুণৈর্হীনঃ কর্মমানসুরঃ স্মৃতঃ |
কল্পাদ্যৈঃ প্রেরিতাঃ সর্বে রুদ্রাদ্যা অধিকারিণঃ || ৩, ১২. ১০৬ ||
কদাচিৎসুবিরুদ্ধং চ কুর্বন্তি তব সত্তম |
কদাপ্যহং চ বায়ুশ্চ বিরুদ্ধং নাচরেব ভোঃ || ৩, ১২. ১০৭ ||
মূলেষ্বংশাবতারেষু রুদ্রাদীনা মহাপ্রভো |
বুদ্ধির্বিনশ্যতে যস্মাত্তস্মাচ্ছিন্না হি তেঽখিলাঃ || ৩, ১২. ১০৮ ||
মহীপতে চ মদ্বুদ্ধিস্তস্মাদচ্ছিন্নসঞ্জ্ঞিকঃ |
এতাদৃশোপ্যহং দেব ন চ শক্তিস্তু নস্তবে || ৩, ১২. ১০৯ ||
মহ্যমচ্ছিন্নভক্তায় দয়াং কুরু মহাপ্রভো |
ইতি স্তুৎবা হরিং ব্রহ্মা স্থিতঃ প্রাঞ্জ লিরগ্রতঃ || ৩, ১২. ১১০ ||

ইতি শ্রীগারুডে মহাপুরাণে দ্বিতীয়াংশে ধর্মকাণ্ডে শ্রীকৃষ্ণগরুডসংবাদে
ব্রহ্মস্তুতিবর্ণনং নাম দ্বাদশোঽদ্যায়ঃ

শ্রীগরুডমহাপুরাণম্-১৩
শ্রীকৃষ্ণ উবাচ |
ইতি স্তুতঃ স ভগবান্স্বপূত্রেণ দয়ানিধিঃ |
মেধগম্ভীরয়া বাচা প্রোবাচ মধুসূদনঃ || ৩, ১৩. ১ ||
সৃজ ব্রহ্মন্নিমান্দেবান্মৎপ্রসাদাৎক্রমেণ চ |
যথা বৈ প্রাক্ক্ষণেতদ্বৎসৃজ সর্বং মহাপ্রভো || ৩, ১৩. ২ ||
নাস্তি প্রয়োজনং তেন তব মৎপ্রীতয়ে সৃজ |
এবমুক্তস্তু হারিণা ব্রহ্মা স্তুৎবা হরিং পরম্ || ৩, ১৩. ৩ ||
সৃষ্টিং কর্তুং মনো দধ্রে প্রীণয়ন্নেব মাধবম্ |
মহত্তৎবাত্মকো ব্রহ্মা বায়ুং জীবভিমানিনম্ || ৩, ১৩. ৪ ||
আদৌ সসর্জ গরুড পুরুষাত্মা স এব চ |
ততো দক্ষিণহস্তাত্তু ব্রহ্মাণীং ভারন্তী তথা || ৩, ১৩. ৬ || ১৩. ৫
অসৃজত্তে মহাভাগে অব্যক্তস্য নিয়ামিকে |
বামহস্তাৎসত্যপুত্রো মহত্তৎবাত্মকোঽনলঃ || ৩, ১৩. ৬ ||
ব্রহ্মণো দক্ষিণাদ্ধস্তাদহঙ্কারাত্মকো হরঃ |
আদৌ শেষস্ততো জজ্ঞে গরুডতদনন্তরম্ || ৩, ১৩. ৭ ||
তদনন্তরজো রুদ্রঃ স এবং সৃষ্টবান্প্রভুঃ |
স্বোৎপত্ত্যনন্তরং ব্রহ্মা দশবর্ষান্মহাপ্রভুঃ || ৩, ১৩. ৮ ||
বায়ুমুত্ত্পাদ্রয়ামাস বৎসরানন্তরে প্রভুঃ |
গায়ত্রীং জনয়ামাস বায়োরুৎপত্ত্যনন্তরম্ || ৩, ১৩. ৯ ||
সংবৎসরানন্তরে তু ভারতীমসৃজৎপ্রভুঃ |
ভারত্যনন্তরং শেং দিব্যসাহস্রবৎসরাৎ || ৩, ১৩. ১০ ||
অনন্তরং সম্বভূব গরুডস্তু ততঃ পরম্ |
দিব্যসাহস্রবর্ষাত্তু তথা রুদ্রঞ্চ সৃষ্টবান্ || ৩, ১৩. ১১ ||
শেষস্যানন্তরং দেবীং বারুণীং চ মহাপ্রভুঃ |
দশবর্ষানন্তরং তু হ্যসৃজৎকমলাসনঃ || ৩, ১৩. ১২ ||
গরুডানন্তরং দেবীং সৌপর্ণীমসৃজৎপ্রভুঃ |
দশবর্ষানন্তরং চ পার্বতীং চ তথৈব সঃ || ৩, ১৩. ১৩ ||
পার্বত্যনন্তরং চন্দ্রং মনস্তত্ত্বনিয়ামকম্ |
দশবর্ষানন্তরং তু বাসবং হ্যসৃজত্ততঃ || ৩, ১৩. ১৪ ||
অভিমানী দক্ষিণস্য বাহোশ্চ পরমেষ্ঠিনঃ |
দশবর্ষানন্তরং তু শচী তামসৃজৎপ্রভুঃ || ৩, ১৩. ১৫ ||
ইন্দ্রস্যানন্তরং কামং ত্রিংশদ্বর্ষাদনন্তরম্ |
অসৃজদ্বামবাহোশ্চমনস্তৎবাভিমানিনম্ || ৩, ১৩. ১৬ ||
তদনন্তরজাং দেবীং দশবর্ষাদনন্তরম্ |
রতিং স জনয়ামাস কামভার্যাং মহাপ্রভুঃ || ৩, ১৩. ১৭ ||
কামস্যাপ্যভিমানী তু স এব পরিকীর্তিতঃ |
ব্রহ্মাহঙ্কারিকং প্রাণং কার্যোৎপত্তেরনন্তরম্ || ৩, ১৩. ১৮ ||
দশবর্ষানন্তরং তু নির্মমে নাসিক ততঃ |
তস্য ভার্যাং নাসিকস্যঃ পঞ্চবর্ষাদনন্তরম্ || ৩, ১৩. ১৯ ||
নির্মমে নাসিকাং বামাং ব্রহ্মা লোকপিতামহঃ |
অহঙ্কারাদনু ব্রহ্মা সজ্ঞানং চ বৃহস্পতিম্ || ৩, ১৩. ২০ ||
নির্মমে চ বর্ষয়ুগ্মপঞ্চবর্ষাদনন্তরম্ |
পঞ্চবর্ষানন্তরং তু তারাং ভার্যাং বিনির্মমে || ৩, ১৩. ২১ ||
গুরোরনন্তরং ব্রহ্মা পঞ্চবিংশাদনন্তরম্ |
স্বায়ম্ভুবং মনুং চৈব নির্মমে মনসা বিভুঃ || ৩, ১৩. ২২ ||
পঞ্চবর্ষানন্তরং তু শতরূপাং বিনির্মমে |
শতরূপানন্তরং তু বিংশদ্বর্ষদিনান্তরম্ || ৩, ১৩. ২৩ ||
দক্ষঃ শিষ্যাত্মকো জজ্ঞে দক্ষিণাঙ্গুষ্ঠতঃ প্রভোঃ |
পঞ্চবর্ষানন্তরং তু বামাঙ্গুষ্ঠাচ্চতুর্মুখঃ || ৩, ১৩. ২৪ ||
প্রসূতিমসৃজদ্ব্রহ্মা সৃষ্ট্যর্থং পরমাদরাৎ |
দক্ষস্যানন্তরং ব্রহ্মা পঞ্চবিংশাদনন্তরম্ || ৩, ১৩. ২৫ ||
নির্মমে হ্যনিরুদ্ধং চ মধ্যমাঙ্গুলিপর্বতঃ |
পঞ্চবর্ষানন্তরং তু সসর্জ ভগবানজঃ || ৩, ১৩. ২৬ ||
বিরাজসঞ্জ্ঞকাং ভার্যাং মধ্যমাঙ্গুলিপর্বতঃ |
অনিরুদ্ধানন্তর তু শতবর্ষাদনন্তরম্ || ৩, ১৩. ২৭ ||
নির্মমে প্রবহং বায়ুং কনিষ্ঠাঙ্গুলিপর্বতঃ |
দশবর্ষানন্তরং তু প্রবাহীং নির্মমে প্রভুঃ || ৩, ১৩. ২৮ ||
কনিষ্ঠাঙ্গুলিপর্বাচ্চ বামদেবং ন সংশয়ঃ |
প্রবহানন্তরং তব্রহ্মা শতবর্ষাদনন্তরম্ || ৩, ১৩. ২৯ ||
যমং বিনির্মমে পৃষ্ঠাদষ্টবর্ষাদনন্তরম্ |
তদ্ভার্যাং শামলাং দেবীং তস্মাদেব মহাপ্রভুঃ || ৩, ১৩. ৩০ ||
যমস্যানন্তরং চন্দ্রং ত্রিংশদ্বর্ষাদনন্তরম্ |
অসৃজদ্দক্ষিণাচ্ছোত্রাচ্ছোত্রতত্ত্বনিয়ামকম্ || ৩, ১৩. ৩১ ||
নববর্ষানন্তরং তু রোহিণীসমৃজৎপ্রভুঃ |
বামশ্রোত্রাচ্চ গরুডং বামশ্রোত্রাভিমানিনম্ || ৩, ১৩. ৩২ ||
চন্দ্রস্যানন্তরং সূর্যং বিংশদ্বর্ষাদনন্তরম্ |
সম্যগ্বিনির্মমে ব্রহ্মা দক্ষিণাক্ষ্ণশ্চ দেবতাম্ || ৩, ১৩. ৩৩ ||
বামাক্ষ্ণো নির্মমে সঞ্জ্ঞাং ষড্বর্ষানন্তরং প্রভুঃ |
সূর্যস্যানন্তরং ব্রহ্মা শতবর্ষাদনন্তরম্ || ৩, ১৩. ৩৪ ||
রসনেন্দ্রিয়াচ্চ বরুণং নির্মমে তস্য মানিনম্ |
বিংশদ্বর্ষানন্তরং তু তস্মাদেবেদ্রিয়াৎপ্রভুঃ || ৩, ১৩. ৩৫ ||
গঙ্গাং বিনির্মমে ব্রহ্মা রসনেন্দ্রিয়দেবতাম্ |
বরুণস্যানন্তরং তু দশবর্ষাদনন্তরম্ || ৩, ১৩. ৩৬ ||
উৎসঙ্গান্নির্মমে ব্রহ্মা নারদং ভগবৎপ্রিয়ম্ |
নারদস্যানন্তরং তু ষষ্টিবর্ষাদনন্তরম্ || ৩, ১৩. ৩৭ ||
অগ্নিং বিনির্মমে ব্রহ্মাৎবগিন্দ্রিয়তঃ প্রভুঃ |
অতো বাগভিমানী সং পঞ্চবর্ষাদনন্তরম্ || ৩, ১৩. ৩৮ ||
স্বাহাং বিনির্মমে ব্রহ্মা তামাহুর্মন্ত্রদেবতাম্ |
অগ্নেরনন্তরং বীন্দ্র ভৃগুং ব্রহ্মর্ষিসত্তমম্ || ৩, ১৩. ৩৯ ||
দশবর্ষানন্তরং তু ভ্রুবোর্মধ্যাদ্বিনির্মমে |
সংবৎসরানন্তরং তু ভৃগুভার্যাং বিনির্মমে || ৩, ১৩. ৪০ ||
ভৃগোরনন্তরং ব্রহ্মা শতবর্ষাদনন্তরম্ |
কশ্যপঞ্জনয়ামাস মনসা চ স্বয়ং প্রভুঃ || ৩, ১৩. ৪১ ||
সংবৎসরানন্তরং তু অদিতিং নির্মমে প্রভুঃ |
কশ্যপানন্তরং চাত্রিং দশবর্ষাদনন্তরম্ || ৩, ১৩. ৪২ ||
অত্রেরনন্তরং ব্রহ্মা দশবর্ষাদনন্তরম্ |
অজীজনদ্ভরদ্বাজং বসিষ্ঠ তদনতরম্ || ৩, ১৩. ৪৩ ||
দশবর্ষানন্তরং তু তেষাং ভার্যাঃ ক্রমেণ তু |
সংবৎসরানন্তরেণ অসৃজৎকমলাসনঃ || ৩, ১৩. ৪৪ ||
বসিষ্ঠস্যানন্তরং তু গৌতমং হ্যসৃজৎপ্রভুঃ |
দশবর্ষানন্তরেণ জমদগ্নিং ততোঽসৃজৎ || ৩, ১৩. ৪৫ ||
দশবর্ষানন্তরেণ মনুর্বৈবস্বতোঽভবৎ |
মনোরনন্তরং জজ্ঞে শতবর্ষাদনন্তরম্ || ৩, ১৩. ৪৬ ||
বিষ্বক্সেনো মহাভাগো বায়ুপুত্রো মহাবলঃ |
তস্মাচ্চতুর্দশে বর্ষে গণপো হ্যভবদ্বিভোঃ || ৩, ১৩. ৪৭ ||
তদনন্তরজো বীন্দ্র অষ্টবর্ষাদনন্তরম্ |
ধনপো হ্যভবত্তত্র তদ্ভার্যা বৎসরে পরে || ৩, ১৩. ৪৮ ||
বিষ্বক্সেনানন্তরং তু দশবর্ষাদনন্তরম্ |
জয়াদীন্ভ গবদ্ভক্তান্সৃষ্টবান্কমলাসনঃ || ৩, ১৩. ৪৯ ||
জয়াদ্যানন্তরং ব্রহ্মা বল্লাদ্যাঃ কর্মদেবতাঃ |
শতবর্ষানন্তরং তু সৃষ্টবাঞ্ছিববাহনম্ || ৩, ১৩. ৫০ ||
কর্মদেবানন্তরং তু ত্রিংশদ্বর্ষাদনন্তরম্ |
পর্জন্যমসৃজ্ব্রহ্মা মন্ত্রয়ন্ত্রাভিমানিনম্ || ৩, ১৩. ৫১ ||
পর্জন্যানন্তরং ব্রহ্মা দশবর্ষাদনন্তরম্ |
পুষ্করং জনয়ামাস কর্মতত্ত্বাভিমানিনম্ || ৩, ১৩. ৫২ ||
এবং বিনির্মমে ব্রহ্মা মৎপ্রসাদাৎখগেশ্বর |
এবং জ্ঞাৎবা মোক্ষমেতি নান্যথা তু কথঞ্চন || ৩, ১৩. ৫৩ ||

ইতি শ্রীগারুডে মহাপুরাণে শ্রীকৃষ্ণগরুডসংবাদে উত্তরখণ্ডে তৃতীয়াংশে ব্রহ্মকাণ্ডে
দেবোৎপত্তিনিরূপণং নাম ত্রয়োদশোঽধ্যায়ঃ

শ্রীগরুডমহাপুরাণম্-১৪
শ্রীগরুড উবাচ |
অবতারান্হরে ব্রূহি তথা লক্ষ্ম্যা দিবৌকসাম্ |
গুণানামন্তর ব্রূহি শিষ্যস্য মম সব্রত || ৩, ১৪. ১ ||
শ্রীকৃষ্ণ উবাচ |
যো মূলরূপী ভগবাননন্তো ব্রহ্মাদিভিঃ পুর্ণগুণঃ স্বতন্ত্রঃ |
পুরাতনঃ পূর্ণতনুর্মদাত্মা ন তাদৃশাঃ সন্তি কদাপি বীদ্র || ৩, ১৪. ২ ||
পাদশ্চ পূর্ণঃ পাদতলং চ পূর্ণং নখাশ্চ পূর্ণাঃ কটিকণ্ঠৌ চ পূর্ণৌ |
ঊরূ চ পূর্ণে উদরং চ পূর্ণং লব্ধ্বাপি পূর্ণাঞ্জগৃহে তথাপ্যুরঃ || ৩, ১৪. ৩ ||
স্কন্ধঃ সুপূর্ণাঃ সকলাশ্চ বাহবঃ পূর্ণাঃ কেশাঃ শ্মশ্রুদন্তাশ্চ পূর্ণাঃ |
লোমানি পূর্ণানি তথৈব রোমকূপাশ্চ পূর্ণাস্তু তথৈব শিশ্রঃ || ৩, ১৪. ৪ ||
অণ্ডশ্চ পূর্ণো হ্যণ্ডরোমাণি কক্ষাশ্চক্ষুশ্চ শ্রোত্রে সর্ব এতে চ পূর্ণাঃ |
কিং বর্ণয়ে মূলরূপং হরেশ্চ যাবদ্বলং পূর্ণং সমগ্রদেহে || ৩, ১৪. ৫ ||
তাবদ্ব্রলং হ্যেকরোমাদিকেষু সন্তিৎবিমে হি যতঃ স এব পূর্ণঃ |
স এব তু সর্বস্য কর্তা স এব হর্থা স তু সারাংশভোক্তা || ৩, ১৪. ৬ ||
অসারাংশং নৈব ভোক্তা হরিস্তু সারান্বক্ষ্যে শৃণু পক্ষীন্দ্র সম্যক্ |
দ্রাক্ষেক্ষুসারং নারিকেলস্য সারং চূতস্য সারং পনসস্যাপি সারম্ || ৩, ১৪. ৭ ||
নারঙ্গসারং ক্রমুকস্যাপি সারং খর্জূরসারং কদলীফলস্য |
নারায়ণো বীজরূপস্য সারং গৃহ্ণাতি নিত্যং ভক্তবর্যো দয়ালুঃ || ৩, ১৪. ৮ ||
তাম্বূলসারং খদিরস্য সারং পুষ্পস্য সারং চন্দনস্যাপি সারম্ |
গোধূমসারং যবানাং চ সারং মাষস্য সারং হরেণোশ্চ সারম্ || ৩, ১৪. ৯ ||
শুদ্ধং তথা ব্রীহিনীবারসারং শ্যামাকসারং শুদ্ধধান্যস্য সারম্ || ৩, ১৪. ১০ ||
নিষিদ্ধান্সর্বশাকস্য সারাংস্তথা নিপিদ্ধাল্লাংবণস্বাপি সারান্ |
গৃহ্ণাতি বিষ্ণুঃ পরমাদরেণ অন্নস্য সারং ভক্ষ্যভোজ্যস্য সারম্ || ৩, ১৪. ১১ ||
সূপস্য সারং পরমান্নস্য সারং দুগ্ধস্য সারং দধিতক্রস্য সারম্ |
ঘৃতস্য সারং রামঠস্যাপি সারং গৃহ্ণাতি বিষ্ণুঃ সর্ষপস্যাপি সারম্ || ৩, ১৪. ১২ ||
মরীচসারং জীরকস্যাপি সারং তথা হবির্ঘৃতপক্বস্য সারম্ |
তৈলেষু পক্বস্য চ ভর্জিতস্য গুডস্য সারং নবনীতস্য সারম্ || ৩, ১৪. ১৩ ||
লবঙ্গসারং শর্করায়াশ্চ সারমিত্যাদিসারান্বাসুদেবস্তু ভুক্তে |
লক্ষ্মীপতিঃ সর্বজগন্নিবা সস্তস্যাজ্ঞয়া বাসুদেবোপি নিত্যম্ || ৩, ১৪. ১৪ ||
তচ্ছেষসারানপি চাবনীশো মহাত্মনোংশাঞ্ছৃণু শিষ্যবর্য |
এবং বিমূঢা বাসুদেবস্য ভক্তাঃ কিং বক্তব্যং বিষ্ণুভক্তা হি লোকে || ৩, ১৪. ১৫ ||
কল্যাণাস্তে সারভোক্তার এব নৈষাং ভবেত্তেন দুঃখাভিবৃদ্ধিঃ |
ভুঞ্জন্তি যে বৈশ্বদেবং বিহায় দুষ্টাংস্তান্বৈ ভুক্তিচিন্ত্তাংশ্চ বিদ্ধি || ৩, ১৪. ১৬ ||
বক্ষ্যে বিশেষং বৈশ্বদেবে খগেন্দ্র গোপ্যং নো বদান্যত্র বিদ্বান্ |
সূর্যাদীনাং যে চ দানে চ দদ্যুর্বিনা বায়োরন্তরস্থং হরিং চ || ৩, ১৪. ১৭ ||
তে বৈ সদা সারভোক্তার এব জ্ঞেয়াস্ত্বতো বিষ্ণুরেকো মহাত্মা |
সারাংশভোক্তা ন তু সর্বস্য ভোক্তা ভুনক্তি সর্বং ৎববিরুদ্ধশক্তিঃ || ৩, ১৪. ১৮ ||
বক্ষ্যে হ সারান্পুনরন্যান্খগেন্দ্র শৃণুষ্ব গুহ্যং পরমাদরেণ |
দ্রাক্ষাদয়ঃ সর্ব এব ৎবসারাঃ কালাদিদুষ্টা ভাবদুষ্টাঃ পদার্থাঃ || ৩, ১৪. ১৯ ||
অতিপক্বানন্তরং তু তথা দিনচতুষ্টয়ে |
অসারাঃ কলুষা জ্ঞেয়াস্তথা জম্বূফলং স্মৃতম্ || ৩, ১৪. ২০ ||
মাসস্যানন্তরং বীন্দ্র ৎবসারং পনসং স্মৃতম্ |
ষণ্মাসানন্তরং বীন্দ্র খর্জূরং তিক্তবৎস্মৃতম্ || ৩, ১৪. ২১ ||
আর্দ্রং পূতং নারিকেলং স্ফোটনানন্তরং প্রভো |
অহোরাত্রানন্তরং তু অসারং পরিকীর্তিতম্ || ৩, ১৪. ২২ ||
শুষ্কভূতং নারিকেলং খজূরং তু যথা তথা |
পক্ষস্যানন্তরং চূতমসারং পরিকীর্তিতম্ || ৩, ১৪. ২৩ ||
বর্ষস্যানন্তরং বীন্দ্র পূগীফলমুদাহৃতম্ |
ঘটিকানন্তরং বীন্দ্র তাম্বূলং পরিকীর্তিতম্ || ৩, ১৪. ২৪ ||
যামস্যানন্তরং চান্নং সূপান্নং পায়সং তথা |
ভক্ষ্যং চ ক্বথিতং বীন্দ্র অসারং পরিকীর্তিতম্ || ৩, ১৪. ২৫ ||
ত্রিপক্ষানন্তরং বীন্দ্র তৈলপক্বং তথা স্মৃতম্ |
চতুর্যামানন্তরং চ ৎবসারং ঘৃতপক্বকম্ || ৩, ১৪. ২৬ ||
ত্রিয়ামানন্তরং শাকা নিঃ সারাঃ পরিকীর্তিতাঃ |
জম্বীরং শৃঙ্গবেরে ধাত্রী কর্পূরং চ চূতকম্ || ৩, ১৪. ২৭ ||
বৎসরানন্তরং বীন্দ্র নিঃ সারং পরিকীর্তিতম্ |
পর্পটঃ পক্ষমাত্রেণ নিঃ সারঃ পরিকীর্তিতঃ || ৩, ১৪. ২৮ ||
তুলসী সর্বদা সারা একাদশ্যামপি দ্বিজ |
আর্দ্রা বাপ্যথবা শুষ্কা সার্দ্রা সারবতী স্মৃতা || ৩, ১৪. ২৯ ||
একাদশ্যাং তু তুলসী সারা গ্রাহ্যা মনীষিভিঃ |
ৎবচা নাসেন্দ্রিয়েণাপি ন তু জিহ্বেন্দ্রিয়েণ চ || ৩, ১৪. ৩০ ||
একাদশ্যাং হরেরন্নং নিঃ সারং পরিকীর্তিতম্ |
একাদশ্যাং হরেস্তীর্থং মনুষ্যাণাং খগেশ্বর || ৩, ১৪. ৩১ ||
একবারে চ সারং স্যাদ্দ্বিবারে চ ততোধিকম্ |
একাদশ্যাং মহাভাগ তীর্থং গন্ধাদিমিশ্রিতম্ || ৩, ১৪. ৩২ ||
অসারমিতি সম্প্রোক্তং তথা স্বাদূদমিশ্রিতম্ |
একাদশ্যাং হরেঃ সারং ক্ষীরং সর্পির্মধূদকম্ || ৩, ১৪. ৩৩ ||
নিঃ সারং মনুজেন্দ্রাণামিতি বেদবিদাং মতম্ |
আষাঢমাসে গরুড শাকো নিঃ সার উচ্যতে || ৩, ১৪. ৩৪ ||
মাসি ভাদ্রপদে বীন্দ্র হ্যসারং দধি চোচ্যতে |
ক্ষীরং তু হ্যাশ্বিনে মাসে নিঃ সারং পরিকীর্তিতম্ || ৩, ১৪. ৩৫ ||
ঊর্ধ্বপুণ্ড্রগদাহীনা নার্যসারেতি গীয়তে |
হরিভক্তিবিহীনা যে হ্যসুরাঃ পরিকীর্তিতাঃ || ৩, ১৪. ৩৬ ||
হরিনামবিহীনং তু মুখং নিঃ সারমুচ্যতে |
হরিনৈবেদ্যহীনস্তু পাকো নিঃ সার উচ্যতে || ৩, ১৪. ৩৭ ||
ত্রিদিনৈশ্চাতসীপুষ্পং নিঃ সারং পরিকীর্তিতম্ |
প্রহরং মল্লিকা সারং জাতী তু প্রহরার্ধকম্ || ৩, ১৪. ৩৮ ||
ত্রিয়ামং শতপত্রং স্যাৎকরবীরমহর্নিশম্ |
ঘটিকাবধি সারং স্যাৎপারিজাতং খগেশ্বর || ৩, ১৪. ৩৯ ||
ত্রিবর্ষং কেসরং ফল্গ সারমিত্যুচ্যতে বুধৈঃ |
কস্তূরী দশবর্ষং তু কর্পূরং বর্ষমাত্রকম্ || ৩, ১৪. ৪০ ||
সসারমিতি সম্প্রোক্তং চন্দনং সর্বদা স্মৃতম্ |
শুদ্ধন্নিঃ সারভূতাংশ্চ বক্ষ্যে শৃণু খগেশ্বর || ৩, ১৪. ৪১ ||
তুষা মেধ্যা আরনালং পুণ্যকং ভিঃ সটা তথা |
উপোদ্ব্রজী অলাবূশ্চ বৃহৎকোশাতকী তথা || ৩, ১৪. ৪২ ||
বৃন্তাকং চুক্রশাকশ্চ বিল্বমৌদুংবরং তথা |
পলাঞ্জুর্লশুনং বৃন্তং কলঞ্জং চ তথা দ্বিজা || ৩, ১৪. ৪৩ ||
এতৎসর্বত্র কালে চ নিঃ সারমিতি কীর্তিতম্ |
একাদশ্যাং বৈশ্বদেবং শ্রাদ্ধং তর্পণমেব চ || ৩, ১৪. ৪৪ ||
মন্ত্রেণ প্রেতদহনমসারং পরিকীর্তিতম্ |
হবির্নারায়ণো দেবো এতাংশ্চ হ্যশুভান্র সান্ || ৩, ১৪. ৪৫ ||
ন গৃহ্ণাতি ন গৃহ্ণাতি ন গৃহ্ণাতি হরিঃ স্বয়ম্ |
তথাপি সর্বং জানাতি জীবানাং পাপকর্মণাম্ || ৩, ১৪. ৪৬ ||
আস্বাদনং কারয়তি স্বয়ং নাস্বাদতে হরিঃ |
অসারভোজনং চৈব জীবানাং কর্মজং ফলম্ || ৩, ১৪. ৪৭ ||
অমুখ্যভোজিনো জীবাঃ কুন্ত্যাদ্যা মুখ্যভোজিনঃ |
শুভানি চ পিবেদ্বিষ্ণুরশুভং নো পিবেদ্বিভুঃ || ৩, ১৪. ৪৮ ||
কো বদেত্তস্য চেষ্টাং তু পূর্ণানন্দো হরিঃ স্বয়ম্ |
ন তেন সদৃশঃ কোপি দেশে কালে চ বিদ্যতে |
তস্যাবতারান্বক্ষ্যহং শৃণু পক্ষীন্দ্রসত্তম || ৩, ১৪. ৪৯ ||

ইতি শ্রীগারুডে মহাপুরাণে উত্তরখণ্ডে তৃতীয়াংশে ব্রহ্মকাণ্ডে
বৈশ্বদেবার্থকসারাসারবস্তুবিবেকো নাম চতুর্দশোধ্যায়ঃ

শ্রীগরুডমহাপুরাণম্-১৫
শ্রীকৃষ্ণ উবাচ |
অথাবতা রান্পুরুষাখ্যো হরিশ্চ গতো ধ্যানং কর্তুমীশো মহাত্মা |
প্রাদুর্বভূবাখিলসদ্গুণার্ণবঃ স এব বিষ্ণুঃ স চ বীজভূতঃ || ৩, ১৫. ১ ||
যো বীজভূতঃ পুরুষাখ্য বিষ্ণুঃ স এবাভূদ্বাসুদেবো মহাত্মা |
সৃষ্টিং কর্তুং পুরুষাখ্যস্য বায়োর্মায়াখ্যায়াং মূলরূপো যথাঽস || ৩, ১৫. ২ ||
যো বাসুদেবস্তু স এব জাতঃ সঙ্কর্ষণাখ্যো খিলসদ্গুণাত্মা |
সৃষ্টিং কর্তুং সূত্রভূতস্য বায়োর্জয়াখ্যায়ং পূর্ণসংবিৎপরাত্মা || ৩, ১৫. ৩ ||
স এবং সঙ্কর্ষণনামধেয়ঃ প্রদ্যুম্ননামা চ স এব বিশ্রুতঃ |
সরস্বতীভারতীসর্জনার্থং স এব দেব্যা মূলরূপো বভূব || ৩, ১৫. ৪ ||
সৃষ্ট্বা যুক্তং ষোডশভিঃ কলাভির্মহত্তত্ত্বং সূক্ষ্মরূপং স এব |
সাহঙ্কারং ক্রীডয়ামাস দেবঃ শৃণু ৎবং বৈ ষোডশাখ্যাঃ কলাশ্চ || ৩, ১৫. ৫ ||
ভূতানি কর্মেন্দ্রিয়পঞ্চকানি জ্ঞানেন্দ্রিয়াণীহ তথা মনশ্চ |
ততো বভূব হ্যনিরুদ্ধসঞ্জ্ঞকো জীবাংশ্চ সঙ্গৃহ্য সুপূর্ণশক্তিঃ || ৩, ১৫. ৬ ||
সোয়ং বিরিঞ্চ্যাদিসমস্তদেবান্স্থূলেন দেহেন সসর্জ নাথঃ |
তথা স বিষ্ণুঃ পুরুষাভিধস্তু সনৎকুমারৎবমবাপ বীন্দ্র || ৩, ১৫. ৭ ||
অনন্যসাধ্যং ব্রহ্মচর্যং চ কর্তুং দশেন্দ্রিয়াণাং শোষণার্থং সদৈব |
সনন্দনাদৌ পঠিতঃ কুমারস্তস্মান্নান্যো নাত্র বিচার্যমস্তি || ৩, ১৫. ৮ ||
স এব বিষ্ণুঃ সূকরৎবং হ্যবাপ ক্ষোপণীমুদ্ধর্তুং দৈত্যবপুর্নিহন্তুম্ |
হিরণ্যাক্ষং সজ্জনানাং খগেন্দ্র তথা ভূমেঃ স্থাপনার্থং চ দেবঃ || ৩, ১৫. ৯ ||
ততো হরির্মদ্বিদাসৎবমাপানৃষের্ভার্যায়াং যামিন্যাং যো মহাত্মা |
তত্রাবতারে পঞ্চরাত্রং সমগ্রমুপাদেষ্টুং নাপ দানং স্বতন্ত্রঃ || ৩, ১৫. ১০ ||
স এব বিষ্ণুঃ সমভূদ্ব্রদর্যাং নারায়ণাখ্যঃ শমলাপহশ্চ |
তপস্তপ্তুং শিক্ষয়িতুং ৎবৃষীণাং তিরস্কর্তুং হ্যপ্সরসাং সহস্রম্ || ৩, ১৫. ১১ ||
ততো হরিঃ কপিলৎবং হ্যবাপ্য তিরোহিতান্কালবলেন তত্ত্বান্ |
চতুর্বিশতিং সংশয়ং চোদ্ধরিষ্যন্নুপাদিশচ্চাসুরয়ে মহাত্মা || ৩, ১৫. ১২ ||
স এব দতঃ সমভূদ্রমেশোনসূয়ায়ামত্রিরূপঃ পরাত্মা |
আন্বীক্ষিকিং নাম সুতর্কবিদ্যামলর্কনাম্নে প্রদদাত্তাং মহাত্মা || ৩, ১৫. ১৩ ||
স এব বংশেপ্যভবদ্রবেশ্চ আকূত্যাং যঃ সচ্চিদানন্দরূপঃ |
স্বায়ম্ভুবং যত্তু মন্বন্তরং চ দেবৈঃ সাকং পালয়ামাস বীন্দ্র || ৩, ১৫. ১৪ ||
স এব বিষ্ণুঃ স উরুক্রমোভূদাগ্নীধ্রপুত্র্যাং মেরুদেব্যাং চ নাভেঃ |
বিদ্যারতানাং মানিনাং সর্বদৈবমত্যাশ্চর্যং দর্শয়িতুং চ বীন্দ্র || ৩, ১৫. ১৫ ||
ততো হরির্জগৃহে কূর্মরূপং সুরাসুরাণামুদধিং বিমথ্নতাম্ |
পৃষ্ঠে ধর্তুং মন্দরং পর্বতং চ ব্রহ্মাণ্ডং বা ধর্তুমীশো মহাত্মা || ৩, ১৫. ১৬ ||
ততো হরিঃ প্রাদুরভূন্মহাত্মা ধন্বন্তরির্নাম হরিন্মণিদ্যুতিঃ |
অপথ্যদোষান্পরিহর্তুমেব হস্তে গৃহীৎবা পূর্ণকুভং সুধাভিঃ || ৩, ১৫. ১৭ ||
ততো হরির্জগৃহে শ্রীবপুশ্চ যন্মোহিনীতি প্রবদন্তি লোকে |
উদ্বৃত্তানাং দিতিজানাং মহাত্মা সম্যক্তেষাং বঞ্চয়িতুং হরির্বলম্ || ৩, ১৫. ১৮ ||
ততো হরিঃ প্রাদুরভূন্মহাত্মা নৃসিংহনামা ভগবাননন্তঃ |
দৈত্যো হিরণ্যকশিপুশ্চ তথোরুদেশে সংস্থাপিতঃ করজৈর্দারিতশ্চ || ৩, ১৫. ১৯ ||
ততো হরির্ভগবান্বামনোভূদদিত্যাং বৈ কশ্যপাদ্দবদেবঃ |
ইন্দ্রায়েদং দাতুকামঃ খগেন্দ্র তদর্থং বৈ পাবিতুং সোবিতুং চ || ৩, ১৫. ২০ ||
ততো হরির্জমদগ্নেঃ সুতোভূল্লোকে সর্বে পর্শুরামং বদন্তি |
ব্রহ্মদ্বিষাং ক্ষত্রিয়াণাং চ বীন্দ্র ভূমিং নিঃ ক্ষত্রাং কর্তুকামো মহেশঃ || ৩, ১৫. ২১ ||
ততোভবদ্ব্যাসরূপী স বিষ্ণুশ্চতুর্বারং রাঘবাস্যাপি পূর্ণঃ |
পরাশরাৎসত্যবত্যাং বভূব পৈলাদিভির্বেদভাগাংশ্চ কর্তুম্ || ৩, ১৫. ২২ ||
ততো হরী রঘুবংশেবতীর্ণঃ কৌসল্যায়াং রাঘবঃ সূর্যবংশে |
সমুদ্রাদোর্বিগ্রহং কর্তুমীশো হং তুং ভূম্যাং রাবণাদীংশ্চ বীন্দ্র || ৩, ১৫. ২৩ ||
ততো হরির্ব্যাসরূপী বভূব অষ্টাবিংশে দ্বপরে জ্ঞানরূপী |
পরাশরাৎসত্যবত্যাং মহাত্মা স্বয়ং বেদান্সংবিভক্তুং চ দেবঃ || ৩, ১৫. ২৪ ||
ততো হরিঃ কৃষ্ণরূপী বভূব দেবক্যাং বৈ বসুদেবাৎস বিষ্ণুঃ |
কংসাদীন্বৈ নিতরাং হন্তুকামঃ সম্যক্পাতুং পাণ্ডবাংশ্চাপি বীন্দ্র || ৩, ১৫. ২৫ ||
ততঃ কলৌ সম্প্রবৃত্তে হরিস্তু সমোহনার্থং চাসুরাণাং খগেন্দ্র |
নাম্না বুদ্ধো কীকটেষু প্রজাতো বেদপ্রমাণং নিরাকর্তুমেব || ৩, ১৫. ২৬ ||
ততো হরিঃ কল্কিসঞ্জ্ঞশ্চ বীন্দ্র উৎপৎস্যতে যুগয়োর্মধ্যসন্ধৌ |
দস্যুপ্রায়ান্ভূমিপান্বৈ নিহন্তুং নাম্না হরির্বিষ্ণুগুপ্তস্য গেহে || ৩, ১৫. ২৭ ||
কেশবাদ্যাশ্চতুর্বিংশতির্বৈ সঙ্কর্ষণাদয়ঃ |
বিশ্বাদয় সহস্রং চ পরাদ্যা অমিতাঃ স্মৃতাঃ || ৩, ১৫. ২৮ ||
অবতারা হ্যসঙ্খ্যাতা বিষ্ণোর্নারায়ণস্য চ |
স্বয়ং নারায়ণাস্তে তে নাণুমাত্রং বিভিদ্যতে || ৩, ১৫. ২৯ ||
বলতোরূপতশ্চাপি গুণতশ্চ কথঞ্চন |
অনন্তোনন্তগুণতঃ পূর্ণো বিষ্ণুর্ন চান্যথা || ৩, ১৫. ৩০ ||

ইতি শ্রীগারুডে মহাপুরাণে উত্তরখণ্ডে তৃতীয়াংশে ব্রহ্মকাণ্ডে
বিষ্ণোরবতারনিরূপণং নাম পঞ্চদশোঽধ্যায়ঃ

শ্রীগরুডমহাপুরাণম্-১৬
শ্রীকৃষ্ণ উবাচ |
মহালক্ষ্ম্যাঃ স্বরূপং চ অবতারান্খগেশ্বর |
শৃণু সম্যঙ্মহাভাগ তজ্জ্ঞানস্য বিনির্ণয়ম্ || ৩, ১৬. ১ ||
ঈশাদন্যস্য জগতো হ্যাত্মো লোচন এব তু |
বিষয়ীকুরুতে তৎস্যাজ্জ্ঞানং লক্ষ্ম্যাঃ প্রকীর্তিতম্ || ৩, ১৬. ২ ||
নিত্যাবিয়োগিনী দেবী হরিপাদৈকসংশ্রয়া |
নিত্যমুক্তা নিত্যবুদ্ধা মহালক্ষ্মীঃ প্রকীর্তিতা || ৩, ১৬. ৩ ||
মূলস্য চ হরের্ভার্যা লক্ষ্মীঃ সম্প্রকীর্তিতা |
পুংসো হিভার্যা প্রকৃতিঃ প্রকৃতেশ্চা ভিমানিনী || ৩, ১৬. ৪ ||
সৃষ্টিং কর্তুং গুণান্বীন্দ্র পুরুষেণ সহ প্রভো |
তমঃ পানং তথা কর্তুং প্রকৃত্যাখ্যা তদাভবৎ || ৩, ১৬. ৫ ||
বাসুদেবস্য ভার্যা তু মায়া নাম্নী প্রকীর্তিতা |
সঙ্কর্ষণস্য ভার্যা তু জয়েতি পরিকীর্তিতা || ৩, ১৬. ৬ ||
অনিরুদ্ধস্য ভার্যা তু শান্তা নাম্নীতি কীর্তিতা |
কৃতিঃ প্রদ্যুম্নভার্যাপিং সৃষ্টিং কর্তুং বভূবহ || ৩, ১৬. ৭ ||
বিষ্ণুপত্নী কীর্তিতা চ শ্রীদেবী সত্ত্বমানিনী |
তমোভিমানিনী দুর্গা কন্যকেতি প্রকীর্তিতা || ৩, ১৬. ৮ ||
কৃষ্ণাবতারে কন্যেব নন্দপুত্রানুজা হি সা |
রজোভিমানিভূদেবী ভার্যা সা সূকরস্য চ || ৩, ১৬. ৯ ||
বেদাভিমানিনী বীন্দ্র অন্নপূর্ণা প্রকীর্তিতা |
নারায়ণস্য ভার্যা তু লক্ষ্মীরূপা ৎবজা স্মৃতা || ৩, ১৬. ১০ ||
যজ্ঞাখ্যস্য হরের্ভার্যা দক্ষিণা সম্প্রকীর্তিতা || ৩, ১৬. ১১ ||
জয়ন্তী বৃষভস্যৈব পত্নী সম্পরিকীর্তিতা |
বিদেহপুত্রী সীতা তু রামভার্যা প্রকীর্তিতা || ৩, ১৬. ১২ ||
রুক্মিণীসত্যভামা চ ভার্যে কৃষ্ণস্য কীর্তিতে |
ইত্যাদিকা হ্যনন্তাশ্চাপ্যাবতারাঃ পৃথগ্বিধাঃ || ৩, ১৬. ১৩ ||
রমায়াঃ সন্তি বিপ্রেন্দ্র ভেদহীনাঃ পরস্পরম্ |
অনন্তানন্তগুণকাদ্বিষ্ণোর্ন্যূনাঃ প্রকীর্তিতাঃ || ৩, ১৬. ১৪ ||
অথ ব্রহ্মা চ বায়ুশ্চ শ্রিয়ঃ কোটিগুণাধমৌ |
বক্ষ্যে চ ব্রহ্মণো রূপং শৃণু পক্ষীন্দ্রসত্তম || ৩, ১৬. ১৫ ||
বাসুদেবাৎসমুৎপন্নো মায়ায়াং চ খগেশ্বর |
স এব পুরুষোনাম বিরিঞ্চ ইতি কীর্তিতঃ || ৩, ১৬. ১৬ ||
অনিরুদ্ধাত্তু শান্তায়াং মহত্তত্ত্বতনুস্ত্বভূৎ |
তদা মহান্বিরিঞ্চেতি সঞ্জ্ঞামাপ খগেশ্বর || ৩, ১৬. ১৭ ||
রজসাত্র সমুৎপন্নো মায়ায়াং বাসুদেবতঃ |
বিধিসঞ্জ্ঞো বিরিঞ্চঃ স জ্ঞাতব্যঃ পক্ষিসত্তম || ৩, ১৬. ১৮ ||
ব্রহ্মাণ্ডান্তঃ পদ্মনাভো যো জাতঃ কমলাসনঃ |
স চর্তুমুখসঞ্জ্ঞাং চাপ্যবাপ খগসত্তম || ৩, ১৬. ১৯ ||
এবং চৎবারিরূপাণি ব্রহ্মণঃ কীর্তিতানি চ |
বায়োর্নামানি বক্ষ্যেহং শৃণু পক্ষীন্দ্রসত্তম || ৩, ১৬. ২০ ||
সঙ্কর্ষণাচ্চ গরুড জয়ায়াং যো বভূব হ |
স বায়ুঃ প্রথমো জ্ঞেয়ো প্রধান ইতি কীর্তিতঃ || ৩, ১৬. ২১ ||
লোকচেষ্টাপ্রদৎবাৎস সূত্রনাম্নাপি কীর্তিতঃ |
বদরীস্থস্য বিষ্ণোশ্চ ধৈর্যেণ স্তবনায় সঃ || ৩, ১৬. ২২ ||
ধৃতিরূপং যয়ৌ বায়ুস্তস্মাদ্ধৃতিরিতি স্মৃতঃ |
যোগ্যানাং হরিভক্তানাং ধৃতিরূপেণ সংস্থিতঃ || ৩, ১৬. ২৩ ||
যতো হৃদি স্থিতো বায়ুস্ততো বৈ ধৃতিসঞ্জ্ঞকঃ |
সর্বেষাং চ দৃদি স্থিৎবা স্মরতে সর্বদা হরিম্ || ৩, ১৬. ২৪ ||
অতো বায়ুঃস্থিতির্নাম বভূব খগসত্তম |
অথবা বায়ুরেবৈকঃ শ্বেতদ্বীপগতং হরিম্ || ৩, ১৬. ২৫ ||
সদা স্মরতি বৈ বীন্দ্র অতোসৌ স্মৃতিসঞ্জ্ঞকঃ |
সর্বেষাং চ হৃদিস্থিৎবা জ্ঞাতো বিষ্ণোরুদীরণাৎ || ৩, ১৬. ২৬ ||
অতো মে মুক্তিনামাভূদ্বায়ুরেব ন সংশয়ঃ |
জ্ঞানদ্বারেণ ভক্তানাং মুক্তিদো মদনুজ্ঞয়া || ৩, ১৬. ২৭ ||
যতো সৌ বায়ুরেবৈকো মুক্তিনামা ভূবহ |
বিষ্ণৌ ভক্তিং বর্ধ্যতি ভক্তানাং হৃদি সংস্থিতঃ || ৩, ১৬. ২৮ ||
অতোসৌ বিষ্ণুভক্তশ্চ কীর্তিতো নাত্র সংশয়ঃ |
এষোসৌ সর্বজীবানাং চিত্তসঞ্জ্ঞানমেব চ || ৩, ১৬. ২৯ ||
চিত্তরূপো যতো বায়ুরতশ্চিত্তমিতি স্মৃতঃ |
প্রভুঃ প্রভূণাং গরুড সোদরাণাং চ সর্বশঃ || ৩, ১৬. ৩০ ||
অতস্তু বায়ুরেবৈকো মহাপ্রভুরিতি স্মৃতঃ |
সর্বেষাং চ হৃহি স্থিৎবা বলং পশ্যতি সত্তম || ৩, ১৬. ৩১ ||
অতো বলমিতি হ্যাখ্যামবাপ বিনতাসুত |
সর্বেষাং চ হৃদি স্থিৎবা পুত্রপৌত্রাদিকৈর্জনৈঃ || ৩, ১৬. ৩২ ||
যাজনং কুরুতে নিত্যমতোসৌ যষ্টৃসঞ্জ্ঞকঃ |
অনন্তকল্পমারভ্য বায়ুপর্যন্তমেব চ || ৩, ১৬. ৩৩ ||
বক্রৎবং নাস্তি যোগস্য ঋজুর্যোগ্য ইতি স্মৃতঃ |
যোগস্য বক্রতা নাম কাম্যতা হরিপূজনে |
ঈশরুদ্রাদিকানাং চ কাম্যেন হরিপূজনম্ || ৩, ১৬. ৩৪ ||
কস্যচিত্ত্বথ পক্ষীন্দ্র হ্যতস্ত্বনৃজবঃ স্মৃতাঃ || ৩, ১৬. ৩৫ ||
ঋষ্যাদীনাং চ মধ্যেপি কাম্যেন হরিপূজনম্ |
অতো ন ঋজবো জ্ঞেয়া মনুষ্যাণাং চ কা কথা || ৩, ১৬. ৩৬ ||
যাবৎকাম্যসপর্যাং বৈ ন জহাতি নরোত্তমঃ |
তথা ঋষ্যাদয়শ্চৈব মোক্ষস্য পরিপন্থিনীম্ || ৩, ১৬. ৩৭ ||
অনাদিকালমারভ্য কর্মজন্যা চ বাসনা |
মোক্ষাধিকারিণঃ সর্বে কুর্বতে কস্য পূজনম্ || ৩, ১৬. ৩৮ ||
নষ্টপ্রায়ং চ তৎসর্বং গুরোঃ সঞ্জ্ঞানবোধকাৎ |
প্রাপ্যয়োগং সমাচর্য অন্তে মোক্ষমবাপ্নুয়াৎ || ৩, ১৬. ৩৯ ||
কাম্যেন পূজনং বিষ্ণোরৈশ্বর্যং প্রদদাতি চ |
জ্ঞানং চ বিপরীতং স্যাত্তেন যাত্যধরং তমঃ || ৩, ১৬. ৪০ ||
তদেব বিপরীতং চেজ্জ্ঞানায় পরিকীর্তিতম্ |
শিলায়াং বিষ্ণুবুদ্ধিস্তু বিষ্ণুবুদ্ধির্দ্বিজে তথা || ৩, ১৬. ৪১ ||
সলিলে তীর্থবুদ্ধিস্তু রোণুকায়াং তথৈব চ |
শিবে সূর্যে পণ্মুখে চ বিষ্ণুবুদ্ধিঃ খগেশ্বর || ৩, ১৬. ৪২ ||
ইত্যাদ্যমখিলং জ্ঞানং বিপরীতমিতি স্মৃতম্ |
শিলাদ্যেষু চ সর্বেষু ঐক্যেনব বিচিন্তনম্ || ৩, ১৬. ৪৩ ||
বিষ্ণুবুদ্ধিরিতি প্রোক্তং ন তু তত্রস্থবেদনম্ |
অনাদ্যনন্তকালেপি কাম্যেন হরিপূজনম্ || ৩, ১৬. ৪৪ ||
যতো নাস্তি ততো বায়ুরৃজুর্যোগ্যঃ প্রকীর্তিতঃ |
অন্যেষাং সর্বদা নাস্তি অতো ন ঋজবঃ স্মৃতাঃ || ৩, ১৬. ৪৫ ||
হরিং দর্শয়তে বাপি অপরোক্ষেণ সর্বদা |
মোক্ষাধিকারিণাং কালে অতঃ প্রজ্ঞেতি কথ্যতে || ৩, ১৬. ৪৬ ||
পরোক্ষেণাপি সর্বেষাং হরিং দর্শয়তে সদা |
অতো বায়ুঃ সদা বীন্দ্র জ্ঞানমিত্যেব কীর্তিতঃ || ৩, ১৬. ৪৭ ||
হিতাহিতোপদেষ্টৃৎবাদ্ভক্তানাং হৃদয়ে স্থিতঃ |
ততশ্চ গুরুসঞ্জ্ঞাং চাপ্যবাপ স চ মারুতঃ || ৩, ১৬. ৪৮ ||
যোগিনাং হৃদয়ে স্থিৎবা সধ্যায়তি হরিং পরম্ |
পার্থক্যেনাপি তং ধ্যায়ন্মহাধ্যাতেতি স স্মৃতঃ || ৩, ১৬. ৪৯ ||
যদ্যোগ্যতানুসারেণ বিজানাতি পরং হরিম্ |
রুদ্রাদৌ বিদ্যমানাংশ্চ গুণাঞ্জানাতি সর্বদা || ৩, ১৬. ৫০ ||
অতো বৈ বিজ্ঞনামাসৌ প্রোক্তো হি খগসত্তম |
কাম্যানাং কর্মণাং ত্যাগাদ্বিরাগ ইতি স স্মৃতঃ || ৩, ১৬. ৫১ ||
অথবায়োগিনাং নিত্যং হৃদি স্থিৎবা স মারুতঃ |
বৈরাগ্যং সঞ্জনয়তি বিরাগ ইতি স স্মৃতঃ || ৩, ১৬. ৫২ ||
দেবানাং পুণ্যপাপাভ্যাং সুখমেবোত্তরোত্তরম্ |
তৎসুখং তূত্তরেষাং চ বায়ুপর্যন্তমেব চ || ৩, ১৬. ৫৩ ||
দেবানাং চ ঋষীণাং চ উত্তমানাং নৃণাং তথা |
সুখাংশং জনয়েদ্বায়ুর্যতোতঃ সুখসঞ্জ্ঞকঃ || ৩, ১৬. ৫৪ ||
ভুনক্তি সর্বদা বীদ্রং তত্র মুখ্যস্তু মারুতঃ |
দুঃখশোকাদিকং কিঞ্চিদ্দেবানাং ভবতি প্রভো || ৩, ১৬. ৫৫ ||
তচ্চাসুরাবেশবশাদিত্যবেহি ন সংশয়ঃ |
তজ্জীবস্য ভবেৎকিঞ্চিদ্দৈত্যানাং ক্রমশো ভবেৎ || ৩, ১৬. ৫৬ ||
যতঃ কলিশ্চাধিকঃ স্যাদতো দুঃখীতি স স্মৃতঃ |
দৈত্যানাং পুণ্যপাপাভ্যাং দুঃখ মেবোত্তরোত্তরম্ || ৩, ১৬. ৫৭ ||
তদ্দুঃখমুত্তরেষাং চ কলিপর্যন্তমেব চ |
ভুনক্তি সর্বদা বীন্দ্র ততঃ কলিরিতি স্মৃতঃ || ৩, ১৬. ৫৮ ||
সুখহর্ষাদিকং কিং চিদ্দৈত্যানাং ভবতি প্রভো |
দেবাবেশো ভবেত্তস্য নাত্র কার্যা বিচারণা || ৩, ১৬. ৫৯ ||
দেবানাং নিরয়ো নাস্তি দৈত্যানাং বিনতাসুত |
সুখস্বরূপং তন্নাস্তি বিষয়োত্থমপি দ্বিজ || ৩, ১৬. ৬০ ||
বিষয়োত্থং কিঞ্চিদপি দেবাবেশাদুদীরিতম্ |
তমো নাস্ত্যেব দেবানাং দুঃখং নাস্তি স্বরূপতঃ || ৩, ১৬. ৬১ ||
বিষয়োত্থং মহাদুঃখং দেবানাং নাস্তি সর্বদা |
দুঃখশোকাদিকং কিং চিদসুরাবেশতো ভবেৎ || ৩, ১৬. ৬২ ||
অতঃ কলিঃ সদা দুঃখী সুখী বায়ুস্তু সর্বদা |
মনুষ্যাণা মৃষীণাং চ সুখং দুঃখং খগেশ্বর || ৩, ১৬. ৬৩ ||
ভবেত্তৎপুণ্যিপাপাভ্যাং পুণ্যভোগী চ মারুতঃ |
কষ্টভঙ্গঃ কলিলয়ো নাত্র কার্যা বিচারণা || ৩, ১৬. ৬৪ ||
প্রাণাদিসুখপর্যন্তা অংশা একোনবিংশতিঃ |
প্রবিষ্টাঃ সন্তি লোকেষু পৃথক্সন্তি খগেশ্বর || ৩, ১৬. ৬৫ ||
মারুতরেবতারাংশ্চ শৃণু পক্ষীন্দ্রসত্তম |
চতুর্দশসু চন্দ্রেষু দ্বিতীয়ৌয়ো বিরোচনঃ || ৩, ১৬. ৬৬ ||
স বায়ুরিতি সম্প্রোক্ত ইন্দ্রাদীনাং খগেশ্বর |
হরিতত্ত্বেষু সর্বেষু স বিষ্বগ্যাব্যতেক্ষণঃ || ৩, ১৬. ৬৭ ||
অতো রোচননামাসৌ মরুদংশঃ প্রকীর্তিতঃ রামাবতারে হনুমান্রামকার্যার্থসাধকঃ |
স এব ভীমসেনস্তু জাতো ভূম্যাং মহাবলঃ || ৩, ১৬. ৬৮ ||
কৃষ্ণাবতারে বিজ্ঞেয়ো মরুদংশঃ প্রকীর্তিতঃ || ৩, ১৬. ৬৯ ||
মণিমান্নাম দৈত্যস্তু সংরাখ্যো ভবিষ্যতি |
সর্বেষাং সঙ্করং যস্তু করিষ্যতি ন সংশয়ঃ || ৩, ১৬. ৭০ ||
তেন সঙ্করনামাসৌ ভবিষ্যতি খগেশ্বর |
ধর্মান্ভাগবতান্সর্বান্বিনাশয়তি সর্বথা || ৩, ১৬. ৭১ ||
তদা ভূমৌ বাসুদেবো ভবিষ্যতি ন সংশয়ঃ |
যজ্ঞার্থৈঃ সদৃশো যস্য নাস্তি লোকে চতুর্দশে || ৩, ১৬. ৭২ ||
অতঃ স প্রজ্ঞয়া পূর্ণো ভবিষ্যতি ন সংশয়ঃ |
অবতারাস্ত্রয়ো বায়োর্মতং ভাগবতাভিধম্ || ৩, ১৬. ৭৩ ||
স্থাপনং দুষ্টদমনং দ্বয়মেব প্রয়োজনম্ |
নান্যৎপ্রয়োজনং বায়োস্তথা বৈরোচনাত্মকে || ৩, ১৬. ৭৪ ||
অবতারত্রয়ে বীন্দ্র দুঃখং গর্ভাদিসম্ভবম্ |
নাস্তি নাস্ত্যেব বায়োস্তু তথা বৈরোচনাদিকে || ৩, ১৬. ৭৫ ||
শুক্রশোণিতসম্বন্ধো হ্যবতারচতুষ্টয়ে |
নাস্তি নাস্ত্যেব পক্ষীন্দ্র যতো নাস্ত্যশুভং ততঃ || ৩, ১৬. ৭৬ ||
পূর্বং গর্ভং সমাশোষ্য সময়ে প্রভবস্য চ |
প্রাদুর্ভবতি দেবেশী হ্যবতারচতুষ্টয়ে || ৩, ১৬. ৭৭ ||
ত্রয়োবিংশতিরূপাণাং বায়োশ্চৈব খগেশ্বর |
রূপৈরৃজুস্বরূপৈশ্চ ব্রহ্মণঃ পরমেষ্ঠিনঃ || ৩, ১৬. ৭৮ ||
সত্যমেব ন সন্দেহো নিত্যানন্দসুখাদিষু |
এবমেব বিজানীয়ান্নান্যথা তু কথঞ্চন || ৩, ১৬. ৭৯ ||
এতস্য শ্রবণাদেব মোক্ষং যান্তি ন সংশয়ঃ |
তদনন্তরজান্বক্ষ্যে শৃণু পক্ষীন্দ্রসত্তম || ৩, ১৬. ৮০ ||
কৃতৌ প্রদ্যুম্নতশ্চৈব সমুৎপন্নে খগেশ্বর |
স্ত্রিয়ৌ দ্বে যমলে চৈব তয়োর্মধ্যে তু যদ্যিকা || ৩, ১৬. ৮১ ||
বাণীতিসঞ্জ্ঞকাং বীন্দ্র ব্রহ্মাণীসঞ্জ্ঞকাং বিদুঃ |
পুরুষাখ্যবিরিঞ্চস্য ভার্যা সাবিত্রিকা মতা |
চতুর্মুখস্য ভার্যা তু কীর্তিতা সা সরস্বতী || ৩, ১৬. ৮২ ||
এবং ত্রিরূপং বিজ্ঞেয়ং বাণ্যাশ্চ খগসত্তম |
বক্ষ্যেঽবতারান্ভারত্যাঃ সমাহিতমনাঃ শৃণু || ৩, ১৬. ৮৩ ||
সর্ববেদাভিমানিৎবাৎসর্ববেদাত্মিকা স্মৃতা |
মহাধ্যাতুশ্চ বায়োস্তু ভার্যাসা পরিকীর্তিতা || ৩, ১৬. ৮৪ ||
জ্ঞানরূপস্য বায়োস্তু ভার্যা সা পরিকীর্তিতা |
সদা সুখস্বরূপৎবাদ্ভারতী তু সুখাত্মিকা || ৩, ১৬. ৮৫ ||
সুখস্বরূপ বায়োস্তু ভার্যা সা পরিকীর্তিতা |
গুরুস্তু বায়ুরেবোক্তস্তস্মিন্ভক্তিয়ুতা সতী || ৩, ১৬. ৮৬ ||
ততস্তু ভারতী নিত্যা গুরুভক্তিরিতি স্মৃতা |
মহাগুরোর্হি বায়োশ্চ ভার্যা বৈ পরিকীর্তিতা || ৩, ১৬. ৮৭ ||
হরৌ স্নেহয়ুতৎবাচ্চ হরিপ্রীতিরিতি স্মৃতা |
ধৃতিরূপস্য বায়োশ্চ ভার্যা সা পরিকীর্তিতা || ৩, ১৬. ৮৮ ||
সর্বমন্ত্রাভিমানিৎবাৎসর্বমন্ত্রাত্মিকা স্মৃতা |
মহাপ্রভোশ্চ বায়োশ্চ ভার্যা বৈ সা প্রকীর্তিতা || ৩, ১৬. ৮৯ ||
ভুজ্যন্তে সর্বভোগাস্তু বিষ্ণুপ্রীত্যর্থমেবচ |
অতস্তু ভারতী জ্ঞেয়া ভুজিনাম্না প্রকীর্তিতা || ৩, ১৬. ৯০ ||
চিত্ররূপস্য বায়োস্তু ভার্যা সা পরিকীর্তিতা |
রোচনেন্দ্রস্য ভার্যা চ শ্রদ্ধাখ্যা পরিকীর্তিতা || ৩, ১৬. ৯১ ||
হনুমাংশ্চ তদা জজ্ঞে ত্রেতায়াং পক্ষিসত্তম |
তদা শিবাখ্যবিপ্রাচ্চ জজ্ঞে সা ভারতী স্মৃতা || ৩, ১৬. ৯২ ||
ন কেবলং ভারতী সাশচ্যাদ্যৈশ্চৈব সংযুতা |
তস্মিন্সঞ্জনিতাঃ সর্বাঃ প্রাপুর্যোগং স্বভর্তৃভিঃ || ৩, ১৬. ৯৩ ||
অন্যগেতি চ বিজ্ঞেয়া কন্যা তন্মতিসঞ্জ্ঞিকা |
ত্রেতান্তে সৈব পক্ষীন্দ্র শচ্যাদ্যৈশ্চৈব সংযুতা || ৩, ১৬. ৯৪ ||
দময়ন্ত্যনলাজ্জাতা ইন্দ্রসেনেতি চোচ্যতে |
নলং নন্দয়তে যস্মাত্তস্মাচ্চ নলনন্দিনী || ৩, ১৬. ৯৫ ||
তত্র স্বভর্তৃসংযোগং নৈব চাপ খগেশ্বর |
তত্রান্যগাৎবং বিজ্ঞেয়ং পুরুষস্থেন বায়ুনা || ৩, ১৬. ৯৬ ||
কিঞ্চিৎকালং তথা স্থিৎবা কন্যৈব মৃতি মাপ সা |
শচ্যাদিসংযুতা সৈব দ্রুপদস্য মহাত্মনঃ || ৩, ১৬. ৯৭ ||
বেদিমধ্যাৎসমুদ্ভূতা ভীমসেনার্থমেব চ |
তত্রান্যগাৎবং নাস্ত্যেব যোগশ্চ সহ ভর্তৃভিঃ || ৩, ১৬. ৯৮ ||
কেবলা ভারতী জ্ঞেয়া কাশিরাজস্য কন্যকা |
কালী নাম্না তু সা জ্ঞেয়া ভীমসেনপ্রিয়া সদা || ৩, ১৬. ৯৯ ||
বাচ্যাদিভিঃ সংযুতৈবদ্রৌপদী দ্রুপদাত্মজা |
দেহং ত্যক্ত্বাবিশিষ্টৈব কারটীগ্রামসঞ্জ্ঞকৈ || ৩, ১৬. ১০০ ||
সঙ্করস্য গৃহে বীন্দ্র ভবিষ্যতি কলৌ যুগে |
বায়োস্তৃতীয়রূপার্থং সা কন্যৈব মৃতিং গতা || ৩, ১৬. ১০১ ||
ইত্যাদ্যা বায়ুভার্যাশ্চ ব্রহ্মভার্যাশ্চ সতম |
স্বভর্তৃভ্যাং চ পক্ষীন্দ্র গুণৈশ্চৈব শতাধমাঃ || ৩, ১৬. ১০২ ||

ইতি শ্রীগারুডে মহাপুরাণে উত্তরখণ্ডে তৃতীয়াংশে ব্রহ্মকাণ্ডে
মহালক্ষ্ম্যবতারাদিনিরূপণং নাম ষোডশোঽধ্যায়ঃ

শ্রীগরুডমহাপুরাণম্-১৭
গরুড উবাচ |
চতুর্জন্মসু বৈ কৃষ্ণ শচ্যাদ্যৈঃ সহ ভারতী |
একদেহ বিশিষ্টৈব ভুবি জাতেতি চোক্তবান্ || ৩, ১৭. ১ ||
কারণং ব্রূহি মে ব্রহ্মন্শিষ্যায় তব সুব্রত |
গরুডেনৈবমুক্তস্তমুবাচ মধুসূদনঃ || ৩, ১৭. ২ ||
শ্রীকৃষ্ণ উবাচ |
বিশিষ্টদেহসং প্রাপ্তৌ ভারত্যাঃ পক্ষিসত্তম |
বক্ষ্যামি কারণং বীন্দ্র সাবধানমনাঃ শৃণু || ৩, ১৭. ৩ ||
পুরা কৃতয়ুগে বীন্দ্র রুদ্রভার্যা চ পার্বতী |
ইন্দ্রভার্যা শচী দেবী যম ভার্যাচ শামলা || ৩, ১৭. ৪ ||
অশ্বিভার্যা উষা দেবী ভর্তৃভিঃ সহিতা খগ |
ব্রহ্মলোকং যয়ুস্তত্র ব্রহ্মাণং দদৃশুস্তদা || ৩, ১৭. ৫ ||
হাবং ভাবং বিলাসং চ দর্শয়ামাসুরঞ্জসা |
দৃষ্ট্বা তা উদ্ধতা ব্রহ্মা শশাপ খগসত্তম || ৩, ১৭. ৬ ||
উদ্ধতাশ্চ যতো যূয়ং মানুষীং যোনিমাপ্স্যথ |
তত্র স্বভর্তৃসংযোগমবাপ্স্যথ খগেশ্বর || ৩, ১৭. ৭ ||
এবং শপ্তাস্তু তাঃ সর্বা আজগ্মুর্মেরুপর্বতম্ |
তত্রোপবিষ্টং ব্রহ্মাণং বঞ্চয়ামাসুরঞ্জসা || ৩, ১৭. ৮ ||
তূষ্ণীমেব স্থিতে বীন্দ্র বঞ্চয়ন্ত্যঃ স্থিতাঃ পুনঃ |
ততস্তূষ্ণীং স্থিতং বীন্দ্র বঞ্চয়ামাসুরঞ্জসা || ৩, ১৭. ৯ ||
ত্রিবারানন্তরং ব্রহ্মা শপ্তবাংস্তা মহাপ্রভুঃ |
ত্রিবারং বঞ্চনং যস্মাদেকবারং চ দর্শনম্ || ৩, ১৭. ১০ ||
কিং চাশ্রুৎবাতঃ পশ্চাচ্চতুর্জন্মসু ভূতলে |
একদেহান্মানুষৎবং ভবিষ্যতি ন সংশয়ঃ || ৩, ১৭. ১১ ||
দ্বিতীয়ে জন্মনি তথা অন্যগাৎবমবাপ্স্যথ |
তৃতীয়ে জন্মনি তথা ভর্তৃসংযোগ মাপ্স্যথ || ৩, ১৭. ১২ ||
জন্মন্যাদ্যে চতুর্থে চ নান্যগাৎবমবাপ্স্যথ |
তথা স্বভর্তৃসংযোগং নাবাপ্স্যথ চ সর্বশঃ || ৩, ১৭. ১৩ ||
এবং শপ্তাস্তু তাঃ সর্বা ব্রহ্মণা পক্ষিসত্তম |
তদা বিচারয়ামাসুর্মিলিৎবা মেরুমূর্ধনি || ৩, ১৭. ১৪ ||
ব্রহ্মশাপস্ত্বনির্বায় উপায়ৈঃ শতশোপি চ |
নীচৈঃ সমাগমো নিন্দ্যস্তথৈব চ বিপত্তিদঃ || ৩, ১৭. ১৫ ||
উত্তমেন চ সঙ্গেন দৈবেনাপ্যর্থদো ভবেৎ |
দেবানামুত্তমো বায়ুস্তদর্থং সঙ্গমাচরেৎ || ৩, ১৭. ১৬ ||
বিচার্যৈবমুমাদ্যা ভারত্যাঃ সেবাং তু চক্রিরে |
সহস্রবৎসরান্তে সা ভারতী তোষিতাব্রবীৎ || ৩, ১৭. ১৭ ||
মৎসেবাং চ কিমর্থং বৈ হ্যাচরিষ্যন্তি সুব্রতাঃ |
তস্যাং রক্তাশ্চ তা দেব্যস্ত্বব্রুবন্স্বচিকীর্ষিতম্ || ৩, ১৭. ১৮ ||
পুরা বয়ং তু শপ্তাঃ স্ম ব্রহ্মণা ক্রোধরূপিণা |
একদেহান্মানুষৎবমবাপ্স্যথ বরাঙ্গনাঃ || ৩, ১৭. ১৯ ||
চতুর্থজন্মন্যপ্যেবং দ্বিতীয়ে জন্মনি প্রভো |
সমাপ্স্যথান্যগাৎবং চেত্যেবং শপ্তা হ ভামিনি || ৩, ১৭. ২০ ||
অস্মাকং বায়ুনা দেবেনান্যগাৎবং ন দোষভাক্ |
অতস্ত্বয়ৈকদেহৎবমিচ্ছামো দেবি জন্মসু || ৩, ১৭. ২১ ||
হত্যুক্তা তাভিরথ চ তথৈত্যুক্ত্বা দ্বিজোত্তম |
সা পার্বত্যাদিভির্যুক্তা ভারতীত্যভবদ্ভুবি || ৩, ১৭. ২২ ||
শিবনাম্নো দ্বিজস্যৈব গৃহে সা তু কুমারিকা |
কর্মৈক্যার্থং তপশ্চক্রেঃ বিষ্ণোশ্চ শিবসঞ্জ্ঞিনঃ || ৩, ১৭. ২৩ ||
তপসা তোষিতা বিষ্ণুঃ শিব সঞ্জ্ঞো মহাপ্রভুঃ |
বরং প্রাদাত্তৃতীয়েস্মিন্কৃষ্ণজন্মনি ভো স্ত্রিয়ঃ || ৩, ১৭. ২৪ ||
সম্যক্ত্বভর্তৃসংযোগো ভবিষ্যতি বিনা ভবম্ |
যতোনয়া চ পার্বত্যা প্রেরিতা এব সর্বশঃ || ৩, ১৭. ২৫ ||
বিলাসং দর্শয়ামাস ব্রহ্মণঃ পরমেষ্ঠিনঃ |
অতঃ সা পার্বাতী শ্রেষ্ঠা ব্রহ্মদেহে ন সংশয়ঃ || ৩, ১৭. ২৬ ||
কৃষ্ণদেহেপি তস্যাস্তু ন ভবিষ্যতি সঙ্গমঃ |
অন্যগাৎবং দ্বিতীয়েস্মিন্ভবিষ্যতি ন সংশয়ঃ || ৩, ১৭. ২৭ ||
রুদ্রান্তঃ স্থো হরিশ্চৈব বহং দত্ত্বা স্ত্রিয়াং প্রভুঃ |
অন্তর্ধানং যয়ৌ শ্রীমান্স্বলোকং গতবানভূৎ || ৩, ১৭. ২৮ ||
বিসৃজ্য তাশ্চ তং দেহং বভূবুর্নলকন্যকাঃ |
ইন্দ্রসেনেতি সঞ্জ্ঞাং চ লব্ধ্বা তাশ্চ তপোবনম্ || ৩, ১৭. ২৯ ||
যয়ুস্তত্র চরন্ত্যস্তা দদৃশুর্মুদ্গলং ৎবৃষিম্ |
তস্য দর্শনমাত্রেণ বভূবুঃ কামমোহিতাঃ || ৩, ১৭. ৩০ ||
মুদ্গলস্যাভিমানং হি নাশয়িৎবা চ মারুতঃ |
রময়ামাস তত্রস্থা ভারত্যাদিবরাঙ্গনাঃ || ৩, ১৭. ৩১ ||
তদ্দেহেন বিসৃষ্টা সা বভূব দ্রৌপদীতি চ |
যস্মাৎসা দ্রুপদাজ্জাতা তস্মাৎসা দ্রৌপদী স্মৃতা || ৩, ১৭. ৩২ ||
বেদিমধ্যাৎসমুদ্ভূতা তস্মাৎসায়োনিজা স্মৃতা |
কৃষ্ণবর্ণা যতস্তস্মাৎসা কৃষ্ণা ভূতলে স্মৃতা || ৩, ১৭. ৩৩ ||
কৃষ্ণাদেহপি ভারত্যা অভিমানঃ সদা স্মৃতঃ |
শচ্যাদেরভিমানস্তু তস্মিন্দেহে কদাচন || ৩, ১৭. ৩৪ ||
যস্যাঃ স্বভর্তৃসংযোগকালে চ খগসত্তম |
অভিমানস্তদৈব স্যাত্তস্যা এব ন চান্যথা || ৩, ১৭. ৩৫ ||
এতাসাং রমণে কালে উমায়াঃ পক্ষিসত্তম |
অভিমানশ্চ নাস্ত্যেব স্বাপ এব রতাঃ সদা || ৩, ১৭. ৩৬ ||
পার্থস্য রমণে কালে দ্রৌপদ্যাশ্চ কলেবরে |
ভারত্যাশ্চ তথা শচ্যা অভিমানদ্বয়ং স্মৃতম্ || ৩, ১৭. ৩৭ ||
উমাদেঃ শ্যাম লাদেশ্চ অভিমানক্ষতিস্তদা |
সর্বাসাং স্বাপ এব স্যান্নাত্র কার্যা বিচারণা || ৩, ১৭. ৩৮ ||
অর্জুনং বীররূপেণ প্রবিষ্টো বায়ুরেব চ |
ভারতীং রমতে নিত্যং শামলাং চ যুধিষ্ঠিরঃ || ৩, ১৭. ৩৯ ||
সুন্দরেণ চ রূপেণ প্রবিষ্টো নকুলে মরুৎ |
রমতে ভারতীং নিত্যং নকুলশ্চাপ্যুষাং খগ || ৩, ১৭. ৪০ ||
নীতিরূপেণ চাবিষ্টো সহদেবে চ মারুতঃ |
দ্রৌপদীং রমতে নিত্যং সহদেবোৎপয়ুষাং খগ || ৩, ১৭. ৪১ ||
শচ্যাদ্যা দ্রৌপদীদেহে নাপুঃ সঙ্গং চ মারুতঃ |
তাসামতোন্যগামিৎবং কৃষ্ণাদেহে ন চিন্তয়েৎ || ৩, ১৭. ৪২ ||
ধর্মাদিদেহসঙ্গং চ ভারত্যা নৈব চিন্তয়েৎ |
মনুজস্য চ দেহস্য তাসাং সঙ্গং চিন্তয়েৎ || ৩, ১৭. ৪৩ ||
অপরোক্ষবতীনাং তু তাসাং লেপো ন সর্বথা |
অথবা মুদ্গলস্যেব রতিকালে খগেশ্বর || ৩, ১৭. ৪৪ ||
রমণং চক্রুরেবং তা অতো দোষো ন বিদ্যতে |
একস্মিন্দিবসে বীন্দ্র ধর্মো বায়ুশ্চ তাবুভৌ || ৩, ১৭. ৪৫ ||
রমণং চক্রতুঃ সম্যক্কৃষ্ণাদেহেঽপি মানদ |
তথাপ্যনন্যাগামিৎবং চিন্তনীয়ং ন সংশয়ঃ || ৩, ১৭. ৪৬ ||
সুরাণাং সুরভোগ্যাশ্চ ভোগং জানন্তি দেবতাঃ |
ন জানন্ত্যেব মর্ত্যাংস্তু তেষু দেহেষু তে পুনঃ || ৩, ১৭. ৪৭ ||
নীরক্ষীরবিবিকং চ হংসো বেত্তি ন চাপরঃ |
অতঃ স্বভর্তৃসংযোগং কৃষ্ণাদেহেন চিন্তয়েৎকৃষ্ণাদেহেন্যগামিৎবং
নৈব চিন্ত্যং খগেশ্বর || ৩, ১৭. ৪৮ ||

ইতি শ্রীগারুডে মহাপুরাণে উত্তরখণ্ডে তৃতীয়াংশে ব্রহ্মকাণ্ডে
ভারত্যা বিশিষ্টদেহ সম্প্রাপ্ত্যৈ কারণনিরূপণং নাম সপ্তদশোঽধ্যায়ঃ

শ্রীগরুডমহাপুরাণম্-১৮
শ্রীকৃষ্ণ উবাচ |
অথানন্তরজান্বক্ষ্যে শৃণু পক্ষীন্দ্রসত্তম |
শৃণু তান্সাবধানেন শ্রুৎবা তানবধারয় || ৩, ১৮. ১ ||
পুরুষাখ্যবিরিঞ্চানুজাতঃ শেষো মহাবলঃ |
হরে রমায়াশ্চ যস্য স্বস্মিন্নিদ্রাং প্রকুর্বতঃ || ৩, ১৮. ২ ||
শয়নার্থমভূদেষ তেন কৃত্যং হরের্ন তু |
সর্বদা হরিদাসোহং সর্বদা হরিপূজকঃ || ৩, ১৮. ৩ ||
হরে সদা নমামি ৎবাং বহু জন্মনি জন্মনি |
এবং বুদ্ধা তু গরুডো হ্যভূচ্চ শয়নং হরেঃ || ৩, ১৮. ৪ ||
সূত্রনাম্নস্তথা বায়োঃ সদায়ং বিনতাসুত |
কালনামা চ গরুডো বাহনার্থং হরেরভূৎ || ৩, ১৮. ৫ ||
ততো মহত্তত্ত্বতনোর্বিরিঞ্চাত্তু খগেশ্বর |
অহং কারাত্মকো রুদ্রঃ সমভূৎসোবিতুং হরিম্ || ৩, ১৮. ৬ ||
ত্রয় এতে মহাভাগ পরস্পরসমাঃ স্মৃতাঃ |
গায়ত্রীভারতীভ্যাং তে ত্রয়ঃ শতগুণা বরাঃ || ৩, ১৮. ৭ ||
শেষঃ স এব বিজ্ঞেয়ো ভক্তো নারায়ণস্য চ |
বিষ্ণোর্বায়োরনন্তস্য ত্রিভিরংশৈর্যুতঃ সদা || ৩, ১৮. ৮ ||
সুমিত্রাংশো দশরথাজ্জাতো যো লক্ষ্মণঃ খগ |
সোপি শেষস্তু বিজ্ঞেয়ো বায়্বনন্তাংশসংযুতঃ || ৩, ১৮. ৯ ||
রামস্য সেবাং কর্তুং সা সীতা ভূম্যাং খগাধিপ |
বলভদ্রস্তু রোহিণ্যাং বসুদেবাদভূৎখগ || ৩, ১৮. ১০ ||
সোয়মেপ তু বিজ্ঞেয়স্ত্বংশদ্বয়সমন্বিতঃ |
আবিষ্টঃ শুক্লকৃষ্ণে হরিণা রোহিণীসুতঃ || ৩, ১৮. ১১ ||
ত্রয় এতে মাহাভাগাবতারাঃ ফণিনঃ স্মৃতাঃ |
ন বীন্দ্রাস্যাবতারোস্তি ভূম্যাং চাজ্ঞা তথা হরেঃ || ৩, ১৮. ১২ ||
রুদ্রাবতারান্বক্ষ্যেহং তাঞ্ছৃণু ৎবং সমাহিতঃ |
যোহঙ্কারাত্মকো রুদ্রঃ স এবাভূৎখগেশ্বর || ৩, ১৮. ১৩ ||
সদাশিব ইতি ৎবাখ্যামবাপ স বিনাশকঃ |
তমোভিমানী স জ্ঞেয়স্ত্বশিবৎবাৎসদাশিবঃ || ৩, ১৮. ১৪ ||
কপালমালামশিবাং সদা ধারয়তে যতঃ |
অতঃ সদাশৈবো জ্ঞেয়ো ন চ ভাগবতঃ শিবঃ || ৩, ১৮. ১৫ ||
গজাজিনং চাপবিত্রং যতো ধারয়তে হরঃ |
লোকানমঙ্গলান্সর্বান্হরতে চ সদা হরঃ || ৩, ১৮. ১৬ ||
হর্যাজ্ঞয়া সদা লোকান্বিপয়াসক্তচেতসঃ |
বিমুখান্কুরুতে যস্মাদ্বিষ্ণোস্তস্মাৎসদাশিবঃ || ৩, ১৮. ১৭ ||
কদাচিদসুরাবেশাদ্বিরুদ্ধং কুরুতে হরঃ |
অতঃ সদাশিবো জ্ঞেয়ো ন চ ভাগবতঃ শিবঃ || ৩, ১৮. ১৮ ||
সোয়ং শ্মশানবসতিং কর্তুমৈচ্ছদ্যতো হরঃ |
অতঃ সদাশিবো জ্ঞেয়ো ন চ ভাগবতঃ শিবঃ || ৩, ১৮. ১৯ ||
দশবর্ষং তপঃ কর্তুং বিবেশ লবণাম্ভসি |
অতো রুদ্রস্তপঃ সঞ্জ্ঞামবাপ চ খগোত্তম || ৩, ১৮. ২০ ||
ব্যাসপুত্রঃ শুকঃ প্রোক্তো বায়োরাবেশসংযুতঃ |
রুদ্রাবতারো বিজ্ঞেয়ো জ্ঞানার্থমভবদ্ভুবি || ৩, ১৮. ২১ ||
অত্রিপত্ন্যনুসূয়ায়াং জজ্ঞে রুদ্রো মহাতপাঃ |
দুর্বাসাস্তু স বিজ্ঞেয়ো মানভঙ্গায় ভূভৃতাম্ || ৩, ১৮. ২২ ||
দ্রোণাজ্জাতো দ্রৌণিসঞ্জ্ঞো রুদ্র এব প্রকীর্তিতঃ |
প্রারব্ধং ভোক্তুকামোসৌ পরপক্ষপ্রকাশকঃ || ৩, ১৮. ২৩ ||
ঈশানকোণে সংস্থিতো যস্তু রুদ্রো হ্যবাপ বৈ বামদেবেতি সঞ্জ্ঞাম্ |
স্ববামভাগে সংস্থিতং চৈব বায়ুস্তং যোগ্যভক্তং সেবতে সর্বদৈব || ৩, ১৮. ২৪ ||
অতো রুদ্রো বামদেবেতি সঞ্জ্ঞা মবাপ শিষ্টৎবমথোত্তমৎবম্ |
কালাত্মকৎবং চ বলাত্মকৎবমবাপ রুদ্রো ন তু সুন্দরৎবতঃ || ৩, ১৮. ২৫ ||
সদা রুদ্রো ত্রিপুরস্থাংশ্চ দৈত্যান্বিষ্ণুদুহো হন্তু কামো মহাত্মা |
অঘোররূপং ধৃপবান্রুদ্র এব ততস্ত্বঘোরেতি স আপ সঞ্জ্ঞাম্ || ৩, ১৮. ২৬ ||
সেবাং কর্তুং ৎবিচ্ছতো দৈত্যসঙ্ঘান্কিঞ্চিৎকালং তপসা ক্লিশ্যমানান্ |
বরান্দাতুং সদ্য এবাভিজাতঃ সদ্যোজাতেত্যেব সঞ্জ্ঞামবাপ || ৩, ১৮. ২৭ ||
উরোঃ পুত্রস্তু ঔর্বশ্চ রুদ্র এব প্রকীর্তিতঃ |
ইত্যকৃষ্টবাচিৎবাদ্রুস্তুরোদনবাচকঃ || ৩, ১৮. ২৮ ||
উরূ রুদ্রো হ্যতঃ প্রোক্তস্তৎপুত্রশ্চৌর্বসঞ্জ্ঞকঃ |
রুদ্রমুর্বরিতং কর্তুমৌর্বোভূদ্রুদ্র এব সঃ || ৩, ১৮. ২৯ ||
গরুড উবাচ |
রোদনং কুরুতে কস্মাদুরুসঞ্জ্ঞো হরে হরঃ |
রুদমুর্বরিতং কস্মাৎকুরুতে ঔর্বাকারকঃ || ৩, ১৮. ৩০ ||
এতদ্বিস্তার্য মেব্রূহি পৌত্রায় তব সুব্রত |
ইত্যুক্তস্তেন স হরিরুবাচ করুণানিধিঃ || ৩, ১৮. ৩১ ||
শ্রীকৃষ্ণ উবাচ |
দৃষ্ট্বা স্ববিম্বং সুগুণৈস্তু পূর্ণং সঙ্কর্ষণাখ্যং নতপাদপদ্ম্ |
শ্রীব্রহ্মশেষৈর্জিষ্ণুকামৈস্তথান্যৈর্ভারত্যা বৈ স্বস্তি পৈশ্চাপি নিত্যম্ || ৩, ১৮. ৩২ ||
দৃষ্ট্বা হরিং পুলকাঙ্গস্তু রুদ্রঃ সভাষ্পচক্ষূ রুদ্ধকণ্ঠশ্চ হৃষ্টঃ |
অনাদ্যনন্তব্রহ্মকল্পেষু নৈব কৃতং যয়া স্মরণং সর্বদৈব || ৩, ১৮. ৩৩ ||
পাদারবিন্দে সুনখৈর্বিভূষিতে দৃষ্টে ময়া কেন পুণ্যেন দেব |
দৃষ্ট্বাদৃষ্ট্বা পাদপদ্মং মুরারেঃ পুনঃ পুনা রুদ্ধকণ্ঠো বভূব || ৩, ১৮. ৩৪ ||
রুরোদ রুদ্রো ভয়কম্পিতাঙ্গঃ কথং পুনর্দর্শনং মে প্রভোঃ স্যাৎ |
মুকুন্দ নারায়ণ বিশ্বমূর্তে বাগিন্দ্রিয়েণ স্তবনং মে কথং স্যাৎ || ৩, ১৮. ৩৫ ||
মদ্দর্শনং সর্বদা পাপুয়ুক্তং তথা মদ্বাক্সর্বদা পাপয়ুক্তা |
মদ্দর্শনং সর্বদা স্ত্রীষু সক্তমভূচ্চ তে দর্শনং মে হ্যসক্তম্ || ৩, ১৮. ৩৬ ||
আসক্ততা পুত্রদারাদিকানাং সম্যক্ষক্তিস্তবনে নাস্তি বিষ্ণোঃ |
বিষ্ণুস্তুতৌ নাবকাশোস্তি বাচো দৃষ্টোহং ৎবং কেন পুণ্যেন দেব || ৩, ১৮. ৩৭ ||
অনন্তকর্ণেশ সুচন্দ্রসঞ্জ্ঞ শ্রোত্রেণ নিত্যং ন কথা শ্রুতা তে |
শ্রুতা ময়া বহুধা লোকবার্তা দৃষ্টো ময়া ৎবং কেন পুণ্যেন দেব || ৩, ১৮. ৩৮ ||
দৃষ্ট্বাদৃষ্ট্বা পাদপীঠং হরেশ্চ পুনঃ পুনা রুদ্ধঙ্কঠো বভূব |
রুরোদ রুদ্রো ভয়কম্পিতাঙ্গঃ কথং পুনঃ শ্রবণং স্যাৎকথায়াঃ || ৩, ১৮. ৩৯ ||
ৎবমীশ বৈকুণ্ঠ সুবায়ুসঞ্জ্ঞস্ত্বদর্পিতং গন্ধপুষ্পাদিকং চ |
সদা ন লিপ্তং চ ভুজৈর্বিলিপ্তং তন্মূত্রবিষ্ঠাদিমকর্দমাম্বুভিঃ || ৩, ১৮. ৪০ ||
স্ত্রীণাং কুচোদৈশ্চ কচোদকৈশ্চকক্ষোদকৈর্গাত্রজলৈর্মুকুন্দ |
অনর্পিতৈর্বস্ত্রগন্ধাদিকৈশ্চ দৃষ্টো ময়া কেন পুণ্যেন দেব || ৩, ১৮. ৪১ ||
স্পৃষ্ট্বাস্পৃষ্ট্বা হরিনির্মাল্যগন্ধং পুনঃ পুনা রুদ্ধকণ্ঠো বভূব |
রুরোদ রুদ্রো ভয়কম্পিতাঙ্গঃ কথং পুনঃ স্পর্শনং স্যাৎসদা মে || ৩, ১৮. ৪২ ||
নৃসিংহ নাসাস্থিত নাসিকেশ মন্নাসয়া ক্বাপি সুপদ্মসৌরভম্ |
নাঘ্রাতমিত্থং পুনরাঘ্রাতমেব হ্যনর্পিতং গন্ধপুষ্পাদিকং চ || ৩, ১৮. ৪৩ ||
সুনাসিকং সুষ্ঠুদন্তং মুরারে দৃষ্টং মুখং কেন পুণ্যেন দেব |
ঘ্রাৎবা ঘ্রাৎবা বিষ্ণুনির্মাল্যগন্ধং পুনঃ পুনা রুদ্ধকণ্ঠো বভূব || ৩, ১৮. ৪৪ ||
রুরোদ রুদ্রো ভয়কম্পিতাঙ্গো জিঘ্রামি নির্মাল্যমিদং কথং তে |
জিহ্বাস্থিতো জিহ্ব সঞ্জ্ঞো মুরারে জিহ্বেন্দ্রিয়েণাপি তথার্পিতং চ || ৩, ১৮. ৪৫ ||
নৈবেদ্যশেষং তুলসীবিমিশ্রিতং বিশেষতঃ পাদজলেন সিক্তম্ |
যো স্নাতি নিত্যং পুরতো মুরারেঃ প্রাপ্নোতি যজ্ঞায়ুতকোটিপুণ্যম্ || ৩, ১৮. ৪৬ ||
এতাদৃশং তব নৈবেদ্যশেষং ন ভুক্তং বৈ সর্বদাদিত্যরূপম্ |
অনর্পিতং তব দেবস্য বিষ্ণোর্ভুক্তং ময়া বহুবারং মুকুন্দ || ৩, ১৮. ৪৭ ||
পাদারবিন্দে নার্পিতং ভক্ষ্যভোজ্যং দৃষ্টো ময়া কেন পুণ্যেন দেব |
ভুক্ত্বাভুক্ত্বা হরিনৈরবেদ্যজাতং সুখং ৎবদীয়ং রময়া লালিতং চ || ৩, ১৮. ৪৮ ||
দ্যুভ্বাশ্রয়ং তব মূর্ধানমাহুঃ কিরীটয়ুক্তং কুটিলৈঃ কুন্তলৈশ্চ |
অনেকজন্মার্জিতপুণ্যসঞ্চয়ৈর্দৃষ্টং ময়া সজ্জনসঙ্গমাচ্চ || ৩, ১৮. ৪৯ ||
অনেকজন্মার্জিতপাপসঞ্চয়ৈরদর্শনং যাস্যতি দেবদেব |
এবং সুভক্ত্যা চ রুরোদ রুদ্রো দৃষ্ট্বা হরিং সুর্বগুণৈঃ সম্পূর্ণম্ || ৩, ১৮. ৫০ ||
পাদারবিন্দং তব বিশ্বমূর্তে যোগীশ্বরৈর্হৃদয়ে সঙ্গৃহীতম্ |
দৃষ্টং ময়া দয়য়া বাসুদেব দ্রক্ষ্যে কথং পুনরিত্থং রুরোদ || ৩, ১৮. ৫১ ||
দৃষ্টং ময়া ৎবরিবলে ভবিনাশিশঙ্খচক্রাদিকৈস্ত্রিজগতাপি চ দেব পূর্ণম্ |
এতাদৃশং ৎবদুদরং চ কথং রমেশ দ্রক্ষ্যে পুনঃ পুনরহং ৎবিতি সংরুরোদ || ৩, ১৮. ৫২ ||
আনন্দপূর্ণ নখপূর্ণ সুকেশপূর্ণ লোমাদিপূর্ণ গুণপূর্ণ সুঘোণপূর্ণ |
বক্ষঃ স্থলং তব বিভোস্তু বিশালভূতং সদ্ভূষণং বিমলকৌস্তুভশোভি লক্ষ্ম্যা || ৩, ১৮. ৫৩ ||
সুকোমলং শ্রীতুলস্যাস্তথৈব সুপুষ্পিতং চন্দ নৈশ্চর্চিতং চ |
এতাদৃশং তব বক্ষঃ স্থলং চ দৃষ্টং ময়া তব কারুণ্যদৃষ্ট্যা || ৩, ১৮. ৫৪ ||
পুনঃ পুনর্দর্শনং মে কথং স্যাদেবং রুদ্রঃ স চ ভক্ত্যা রুরোদ |
অতস্তূরুর্নাম সম্প্রাপ্য রুদ্রস্তৎপুত্রোভূদ্দৌর্বসঞ্জ্ঞঃ স এব || ৩, ১৮. ৫৫ ||
যস্মাদ্রুদং চোর্বরিতং বৈ চকার তস্মাৎস রুদ্রস্ত্বৌর্বসঞ্জ্ঞো বভূব |
ঔর্বস্তু লোকান্মোক্ষয়োগ্যাংশ্চ দৃষ্ট্বা হ্যত্যন্তং বৈ বিষয়েষ্বেব নিষ্ঠান্ || ৩, ১৮. ৫৬ ||
স্তূদ্দৈব চৌর্বো বিষ্ণুপাদারবিদং স্মৃৎবাস্মৃৎবা রুদ্ধকণ্ঠো বভূব |
তে পাপিষ্ঠাঃ পাপরূপান্ভজন্তো দিনেদিনে দুর্বিষয়ান্কদিন্দ্রিয়ৈঃ || ৩, ১৮. ৫৭ ||
কদা চৈতান্হেয়বুদ্ধ্যা বিমুঞ্চে ন জানেহং চেতি সম্যগ্রুরোদ |
এতে হি মূর্খা বিষয়ানর্থলব্ধ্যৈ কুর্বন্তি যত্নং পরমাদরেণ || ৩, ১৮. ৫৮ ||
কদিন্দ্রিয়ার্থং হি ধনাদিকং চ ত্যজন্তি চ সর্বে বিষয়েষু নিষ্ঠাঃ |
ৎবন্মায়য়া মোহিতান্নষ্টবুদ্ধীন্কদা চৈতান্মুঞ্চসে বিশ্বমূর্তে || ৩, ১৮. ৫৯ ||
স্মৃৎবাস্মৃৎবা বাসুদেবস্য মায়াং রুরোদ চৌর্বো ভয়কম্পিতাঙ্গঃ |
অতীব কষ্টেন চ লোকবৃত্ত্যা শ্রিতা দৈন্যং স্বীয়কার্যং বিহায় || ৩, ১৮. ৬০ ||
অতীব দৈন্যেন ধনাদিকং চ সম্পাদ্য সর্বেঽপি সুপাপশীলাঃ |
কষ্টার্জিতং দ্রব্যধনাদিকং চ ত্যজন্তি সর্বে পশবো ব্যর্থমেব || ৩, ১৮. ৬১ ||
সৎপাত্রভূতে বিষ্ণুবুদ্ধ্যা কদাপি ত্যজন্তি নৈতে মায়য়া বৈ মুরারেঃ |
এষামায়ুর্ব্যর্থমাহুর্মহান্তঃ কথং নষ্টা ইতি সম্যগ্রুরোদ || ৩, ১৮. ৬২ ||
এষামায়ুর্ব্যর্থমেবং গতং চ এষাং দৃষ্ট্বা যৌবনং তু ধ্রুবং চ |
স্কন্ধস্থমৃত্যুর্হসতে কৃষ্ণ বিষ্ণো তং বৈ ন জানন্তি বিমূঢচেতসঃ || ৩, ১৮. ৬৩ ||
গৃহং মদীয়ং শতবর্ষং চ জীবেৎপুত্রা মদীয়া শবতবর্ষং তথৈব |
অহং চ জীবে শতবর্ষং সুখেন মদীয়ভার্যাপি সুলক্ষণাঽস্তে || ৩, ১৮. ৬৪ ||
গাবশ্চ মে সন্তি সদুগ্ধপূর্ণা মিত্রাণি মে সন্তি মুদা হি যুক্তাঃ |
দাস্যে সুতং বারণার্থং তু বধ্বৈ পুত্রীং বিবাহার্থমহং দদামি || ৩, ১৮. ৬৫ ||
দাস্যে চাহং সৎসু পুত্রীং ধনং বা দাস্যে চাহং ধনিকেষ্বেব নিত্যম্ |
অদৃষ্টশূন্যান্ভগবান্বাসুদেবো দৃষ্ট্বাদৃষ্ট্বা হসতে সর্বদৈব || ৩, ১৮. ৬৬ ||
নাহং করিষ্যে শ্রবণং কথায়া মদ্ভাগ্যনা শশ্চ ভবিষ্যতীতি |
নাহং হরিং পূজয়িষ্যে সদৈব পুত্রাদিনাশশ্চ ভবিষ্যতীতি || ৩, ১৮. ৬৭ ||
কালেকালে দিষ্টনামা হরিস্তু ফলপ্রদো বাসুদেবোঽখিলস্য |
এতাদৃশান্মূর্খজনাংশ্চ দৃষ্ট্বা রুরোদ চৌর্বো বাসুদেবৈকনিষ্ঠঃ || ৩, ১৮. ৬৮ ||
অতস্ত্বৌর্বো রুদ্ররূপী খগেন্দ্র জানীহি নিত্যং কৃষ্ণসুশিক্ষিতার্থঃ |
যদা সতী দক্ষপুত্রী খগেন্দ্র দক্ষাধ্বরে স্বশরীরং বিসৃজ্য || ৩, ১৮. ৬৯ ||
জজ্ঞে পুনর্মেনকায়াং হিমাদ্রেস্তদা রুদ্রস্ত্বৌর্বসঞ্জ্ঞা মবাপ |
ঊর্ধ্বরেতা ভবেত্যুক্ত্বা ঊর্ধ্বরেতা বভূব হ || ৩, ১৮. ৭০ ||
পাণিগ্রাহং রুদ্রদেবো মহাত্মা যদা হিমাদ্রেঃ কন্যকায়াশ্চকার |
তস্যাং পরং লম্পটঃ সম্বভূব অতো রুদ্রঃ পরসঞ্জ্ঞামবাপ || ৩, ১৮. ৭১ ||
সদাশিবাদ্যা দশ রুদ্রভ্রাতরঃ সৌমিত্রেয়ো হৌহিণেয়স্ত্রয়শ্চ |
সমা এতে মোক্ষকালে সৃতৌ চ শতৈর্গুণৈর্ন্যূনভূতাশ্চ তাভ্যাম্ || ৩, ১৮. ৭২ ||
গরুড উবাচ |
আনন্দনির্ণয়ং ব্রূহি কৃষ্ণ পূর্ণদয়ানিঘে |
নির্ণেতুং জ্ঞানিনাং যদ্বজ্জ্ঞাপনার্থং তথা মম || ৩, ১৮. ৭৩ ||
ব্রূহি শিষ্যায় দয়য়া উদ্ধর্তুং মাং চ সর্বদা |
পূর্ণকামস্য তে কৃষ্ণ কা স্পৃহা বিদ্যতে প্রভো || ৩, ১৮. ৭৪ ||
এবমুক্তো হৃষীকেশঃ পক্ষীশেন মহাত্মনা |
উবাচ কৃপয়া কৃষ্ণঃ প্রসন্নঃ কমলেক্ষণঃ || ৩, ১৮. ৭৫ ||
শ্রীকৃষ্ণ উবাচ |
গায়ত্র্যাশ্চ শতানন্দ একানন্দস্তু বেধসঃ এতাদৃশঃ শতানন্দো ব্রহ্মণঃ পরিকীর্তিতঃ || ৩, ১৮. ৭৬ ||
শেষাদেশ্চ শতানন্দঃ সরস্বত্যাঃ খগোত্তম |
একানন্দস্তু বিজ্ঞেয়ো ভারত্যা বিনতাসুত || ৩, ১৮. ৭৭ ||
এবং তু নির্ণয়ো জ্ঞেয় আনন্দস্য সদা খগ |
এবমুক্তং ময়া সর্বং কিমন্যচ্ছ্রোতুমিচ্ছসি || ৩, ১৮. ৭৮ ||

ইতি শ্রীগারুডে মহাপুরাণে উত্তরখণ্ডে তৃতীয়াংশে ব্রহ্মকাণ্ডে
রুদ্ররোদনহেৎবাননন্তানন্দতারতম্যনিরূপণং নামাষ্টাদশোধ্যায়ঃ

শ্রীগরুডমহাপুরাণম্-১৯
গরুড উবাচ |
ৎবয়োক্তং কৃষ্ণ গোবিন্দ রুদ্রাচ্ছতগুণাদপি |
ব্রহ্মাণী ভারতী চোভে অধিকে দেবসত্তম || ৩, ১৯. ১ ||
ময়া শ্রুতং বিরিঞ্চেন উমাপর্যন্তমেব চ |
অনন্তাংশৈর্বিহীনৎবং বিরিঞ্চোক্তং সুরাধিপ || ৩, ১৯. ২ ||
সহস্রাংশৈর্বিহীনৎবং ৎবয়োক্তং কৃষ্ণ মাধব |
সর্বেষাং চৈব পূর্বেষামবেক্ষ্যৈব হরে বিভো || ৩, ১৯. ৩ ||
জ্ঞানানন্দবলাদীনাং বায়ুপর্যন্তমেব চ |
সহস্রাংশৈর্বিহীনৎবং জ্ঞানাদীনাং মহেশ্বর || ৩, ১৯. ৪ ||
নির্ণয়ং ব্রৃহি গোবিন্দ সর্বজ্ঞোসি ন সংশয়ঃ |
গরুডেনৈবমুক্তস্তু বাসুদেবোব্রবীদ্ধ্রুবম্ || ৩, ১৯. ৫ ||
শ্রীকৃষ্ণ উবাচ |
আনন্দাংশৈর্বিহীনৎবমপেক্ষ্যৈব খগাধিপ |
উত্তরেষামুত্তরেষাং যোগাদেবমিতি স্ফুটম্ || ৩, ১৯. ৬ ||
পরিমাণে শতগুণে আনন্দে স্ফুটতাবশাৎ |
অনন্তগুণবত্ত্বং চ ব্রহ্মণা সমুদীরিতম্ || ৩, ১৯. ৭ ||
সহস্রগুণিতৎবং চ বায়ুনা সমুদীরিতম্ |
যথানন্দে তথা জ্ঞানে বিষ্ণৌ ভক্তৌ বলাধিকে || ৩, ১৯. ৮ ||
সর্বে গুণৈঃ শতগুণাঃ ক্রমেণোক্তা নু তেঽখিলাঃ |
ভারত্যাশ্চ শতং জ্ঞানং সুখং ভক্তিবলাধিকে || ৩, ১৯. ৯ ||
এবং জ্ঞানং সুবিজ্ঞেয়ং মারুতেস্তু বলাদিকম্ |
এবং জ্ঞানং শতং জ্ঞেয়ং মারুতে নাত্র সংশয়ঃ || ৩, ১৯. ১০ ||
ভারত্যাশ্চ শতং জ্ঞানং বলং চ সমুদাহৃতম্ |
এবমেব চ বায়োশ্চ জ্ঞানং চৈবমিতি স্ফুটম্ || ৩, ১৯. ১১ ||
যথা দীপাচ্ছতগুণা অগ্নিজ্বালা ন দীপবৎ |
স্ফুটীভবেদ্যথৈবাগ্নির্বহুলোপি ন সূর্যবৎ || ৩, ১৯. ১২ ||
যথৈব সূর্যাদ্দ্বিগুণশ্চন্দ্রো নৈব স্ফুটীভবেৎ |
আনন্দতারতম্যং চ যথোক্তং তু ময়া তব || ৩, ১৯. ১৩ ||
তথৈব জানীহি খগ নান্যথা তু কথঞ্চন |
অহং বিজানামি ময়ি স্থিতান্গুণান্সর্বৈর্বিশেষৈশ্চ খগেন্দ্র সংযুতান্ || ৩, ১৯. ১৪ ||
সুসূক্ষ্মরূপাংশ্চ সদা খগেন্দ্র ময়াপ্যদৃষ্টো নাস্তি নাস্ত্যেব কশ্চিৎ || ৩, ১৯. ১৫ ||
সর্বাবতারেষ্বপি বিদ্যমানং হরিং বিজানাতি রমাপি দেবী || ৩, ১৯. ১৬ ||
হরের্গুণান্সর্ববিশেষসংযুতানখণ্ডরূপান্সা বিজানাতি দেবী |
সুসূক্ষ্মরূপান্সা বিজানাতি দেবী ব্রহ্মাদিভ্যো মৎপ্রসাদাধিকং চ || ৩, ১৯. ১৭ ||
স্বাত্মস্বরূপং প্রবিজানাতি দেবী সুসূক্ষ্মরূপং সুবিশেষৈশ্চ যুক্তম্ |
স্বান্যং প্রপঞ্চং প্রবিজানাতি লক্ষ্মীস্তথাপ্যশেষৈঃ সুবিশেষৈশ্চ যুক্তম্ || ৩, ১৯. ১৮ ||
ব্রহ্মাপি পশ্যেৎসর্বগং বাসুদেবং বায়্বাদিভ্যো হ্যধিকান্সদ্গুণাংশ্চ |
শ্রোত্রং ন জানাতি হরের্গুণাংশ্চ সুসূক্ষ্মরূপাংশ্চ বিশেষসংযুতান্ || ৩, ১৯. ১৯ ||
স্পষ্টস্বরূপেণ যথা বিদুঃ সুরা মুক্ত্বা ব্রহ্মাণং ন তথা তেপ্যমুক্তাঃ |
স্বাত্মানমন্যচ্চ সদা বিশেষর্যুক্তং বিজানাতি বিধিশ্চ মারুতঃ || ৩, ১৯. ২০ ||
বাণী বিজানাতি হরের্গুণাংশ্চ স্বয়ম্ভুবো নৈব তাবদ্বিশেষান্ |
ত্রৈগুণ্যরূপাৎপরতঃ সদৈব পশ্যেদ্বিষ্ণুং কৃষ্ণরূপং খগেন্দ্র || ৩, ১৯. ২১ ||
শেষো রুদ্রো বীন্দ্র এতৈশ্চ সর্বে তমো মাত্রে প্রবিজানন্তি সংস্থম্ |
বাণীদৃষ্টান্সবিশেষান্গুণাংস্তে জানন্তি নো সত্যমেবোক্তমঙ্গ || ৩, ১৯. ২২ ||
উমা সুপর্ণা বারুণী চেতি তিস্রঃ সহৈব তঃ প্রবিজানন্তি সুস্থম্ |
হরের্বিশেষানরুদ্র দৃষ্টান্খগেন্দ্র জানন্তি নৈতাঃ ক্বাপি দেশে চ কালে || ৩, ১৯. ২৩ ||
ইন্দ্রাদয়ঃ প্রবিজানন্তি বীন্দ্র অহঙ্কারে ব্যাপ্তরূপং হরিং চ |
দক্ষাদ্যা বৈ বুদ্ধিতত্ত্বে স্থিতং তং জানন্তি তে সোমসূর্যাদয়শ্চ || ৩, ১৯. ২৪ ||
বিষ্ণুং হরিং ভূততত্ত্বে স্থিতং চ যে চান্যে চ প্রবিজানন্তি নিত্যম্ |
অন্যে চ পশ্যন্তি যথা স্বয়োগ্যমণ্ডান্তরস্থং হরিরূপং খগেন্দ্র || ৩, ১৯. ২৫ ||
কেচিৎপ্রপশ্যন্তি হরেশ্চ রূপং ৎবদীয়হৃৎস্থং হৃদি কেচিৎসদৈব |
এবম্প্রকারং প্রবিজানীহি বীন্দ্র হ্যথো শৃণু ৎবমম ভার্যাঃ ষডেতাঃ || ৩, ১৯. ২৬ ||
রুক্মিণ্যাদ্যাঃ ষণ্মহিষ্যো মমশ্রীর্নীলা চ যা মম ভার্যা খগেন্দ্র |
সর্গে পূর্বস্মিন্হব্যবাহস্য পুত্রী তাস্তা ভজে সদ্য এবা বিশেষাৎ || ৩, ১৯. ২৭ ||
কন্যৈব সা কৃষ্ণপত্নী চ কামাংস্তাংস্তান্ভজেন্মনসা চিন্তিতাংশ্চ |
অতীব যত্নং কব্যবাহং খগেন্দ্র পিতৃষ্বেকঃ সর্বদা বৈ চকার || ৩, ১৯. ২৮ ||
তথৈব সা নৈব ভর্তারমাপ যতস্তু সা কৃষ্ণনিষ্ঠৈকচিত্তা || ৩, ১৯. ২৯ ||
তদাব্রবীৎকব্যবাহশ্চ পুত্ররিং পতিং কিমর্থং নেচ্ছসি মূঢবুদ্ধে |
তদাব্রবীৎকব্যবাহং চ পুত্ত্রী হরিং বিনা সর্বগুণোপপন্নে |
জন্মন্যস্মিন্ভর্তৃতা নাস্তি দেব যতো ভর্তা হরিরবৈক এব || ৩, ১৯. ৩০ ||
যতো লোকে সুস্ত্রিয়ঃ সর্ব এব সন্দা জ্ঞেয়া বিধবাস্তে হি নিত্যম্ |
অনাদি নিত্যং ভুবনৈকসারং সুসুন্দরং মোক্ষদং কামদং চ || ৩, ১৯. ৩১ ||
এতাদৃশং ন বিজানন্তি যাস্তু সর্বাস্তা বৈ বিধবাঃ সর্বদৈব |
নিমিত্তভূতং ভর্তৃরূপং চ জীবং দৈবোপেতং হরিভক্ত্যা বিহীনম্ || ৩, ১৯. ৩২ ||
সুকশ্মলং নবরন্ধ্রৈঃ স্ত্রবন্তং দুর্গন্ধয়ুক্তং সর্বদা কুৎসিতং চ |
এতাঃ দৃশে ভর্তৃজীবে নু তাত প্রয়োজনং নাস্তি কৃষ্ণং বিহায় || ৩, ১৯. ৩৩ ||
দেবস্ত্রিয়ো নিজভর্ত্ৠন্বিহায়ু তত্র স্থিতং প্রীণয়ন্ত্যেব নিত্যম্ |
অতশ্চ তাঃ সধবাঃ সর্বদৈব লোকৈর্বন্দ্যা নাত্র বিচার্যমস্তি || ৩, ১৯. ৩৪ ||
ভর্তাস্তে হরিভক্তা যদি স্যুরাসাং স্ত্রীণাং জন্মসাফল্যমেব |
অনেকজন্মার্জিতপুণ্যসঞ্চয়ৈস্তদ্ভর্তারো হরিভক্তা ভবেয়ুঃ || ৩, ১৯. ৩৫ ||
যদ্ভর্তারো হরিভক্তা ন সন্তি তাভিস্ত্যাজ্যং স্বীয়গাত্রং ভৃশং হি |
স্বভর্তৃতং কৃষ্ণরূপং হরিং চ স্মৃৎবা সম্যগ্যদি গাত্রং ত্যজেয়ুঃ || ৩, ১৯. ৩৬ ||
তদা নৈব হ্যাত্মহত্যাদিদোষাঃ স্ত্রীণামেবং নির্ণয়োয়ং হি শাস্ত্রে |
যদ্ভর্তারো ন বিজানন্তি বিষ্ণুং তাসাং সঙ্গো নৈব কার্যঃ কদাপি || ৩, ১৯. ৩৭ ||
অনেক জন্মার্জিতপুণ্যসঞ্চয়াত্তদ্ভর্তারো বিষ্ণুভক্তা ভবেয়ুঃ |
কলৌ যুগে দুর্লভা বিষ্ণুভক্তা হরেভক্তির্দুর্লভা সর্বদৈব || ৩, ১৯. ৩৮ ||
হরেঃ কথা দুর্লভা মর্ত্যলোকে হরের্দীক্ষা দুর্লভা দুর্লভা চ |
হরেস্তত্ত্বে নির্ণয়ো দুর্লভো হি হরের্দাসৈঃ সঙ্গমো দুর্লভশ্চ || ৩, ১৯. ৩৯ ||
প্রদক্ষিণং দুর্লভং বৈ মুরারের্নমস্কারো দুর্লভো বৈ কলৌ চ |
তদ্ভক্তানাং পালনং দুর্লভং চ সদ্বৈষ্ণবানাং দুর্লভং হ্যন্নদানম্ || ৩, ১৯. ৪০ ||
তন্ত্রোক্তপূজা দুর্লভা বৈ মুরারের্নামগ্রহো দুর্লভশ্চব বিষ্ণোঃ |
সুবৈষ্ণবানাং পুজনং দুর্লভং হি সদ্বৈষ্ণবানাং ভাষণং দুর্লভং চ || ৩, ১৯. ৪১ ||
শালগ্রামস্পর্শনং দুর্লভং চ সদ্বৈষ্ণবানাং দর্শনং দুর্লভং হি |
গোস্পর্শনং দুর্লভং মর্ত্যলোকে সদ্গায়নং দুর্লভং সদ্গুরুঞ্চ || ৩, ১৯. ৪২ ||
সদ্ভার্যাঃ সৎপুত্রকা দুর্লভা হি শেষাচলস্থস্য হরেশ্চ দর্শনম্ |
সুদুর্লভং রঙ্গনাথস্য তীরে কাবের্যা বৈ দর্শনং বিষ্ণুপদ্যাঃ || ৩, ১৯. ৪৩ ||
কাঞ্চীক্ষেত্রে বরদরাজস্য সেবা সুদুর্লভা দর্শনং চৈব লোকে |
সুদুর্লভং দর্শনং রামসেতোঃ সুদুর্লভা মধ্বশাস্ত্রে চ শক্তিঃ || ৩, ১৯. ৪৪ ||
ভীমাতীরে সংস্থিতস্যাপি বিষ্ণোঃ সুদুর্লভং দর্শনং চাহুরার্যাঃ |
রেবাতীরে সংস্থিতস্যাপি বিষ্ণোর্গয়াক্ষেত্রে বিষ্ণুপাদস্য চৈব || ৩, ১৯. ৪৫ ||
তথা বদ্রৌ সংস্থিত স্যাপি বিষ্ণোঃ সুদুর্লভং মর্ত্যলোকে স্থিতানাম্ |
শেষাচলে শ্রীনিবাসাশ্রমে চ তপস্বিনো দুর্লভা মর্ত্যলোকে || ৩, ১৯. ৪৬ ||
প্রয়াগাখ্যে মাধবস্যাপি নিত্যং সুদর্শনং দুর্লভং বৈ নৃণাং হি || ৩, ১৯. ৪৭ ||
অতো নেচ্ছামি ভর্তারং কৃষ্ণাদন্যং কদাচন |
এবমুক্ত্বা সা পিতরং যয়ৌ শেষাচলং প্রতি || ৩, ১৯. ৪৮ ||
কপিলাখ্যমহাতীর্থে আরুরোহ মহাগিরিম্ |
তত্রস্থং শ্রীনিবাসং চ দৃষ্ট্বা নৎবা মহাসতী || ৩, ১৯. ৪৯ ||
ত্রিদিনং সমুপোষ্যাথ গৎবা পাপবিনাশনম্ |
তত্রস্নাৎবা বিবাহার্থমেকান্তং প্রয়য়াবথ || ৩, ১৯. ৫০ ||
তস্যা উত্তরদিগ্ভাগে ক্রোশয়ুগ্মে মহাতলে |
গর্তভূতে চ একান্তে চচার তপ উত্তমম্ || ৩, ১৯. ৫১ ||
ধ্যাৎবা নারায়ণং দেবং তত্রাসীচ্চ কুমারিকা |
দিব্যবর্ষসহস্রান্তে স্তোতুং সমুপচক্রমে || ৩, ১৯. ৫২ ||
কুমার্যুবাচ |
ৎবমেব মাতা চ পিতা ৎবমেব ভর্তা চ সখাৎবমেব |
ৎবমেব পুত্রশ্চ গুরুর্গরীয়ান্মিত্রং স্বসা ৎবং মম বল্লভশ্চ || ৩, ১৯. ৫৩ ||
অনাদ্যনন্তেষ্বপি জন্মসু প্রভো বিচার্যমাণা ন বিজানেপ্যহং চ |
এতৈ হি সর্বে চ নিমিত্তমাত্রতঃ পিত্রাদয়স্ত্বং হ্যনিমিত্তমাত্রতঃ || ৩, ১৯. ৫৪ ||
অতো মুরারেশ্চ তবৈব ভার্যা ভূয়াসমিত্যেব তদা ব্রতং মে |
দুঃসঙ্গমাত্রাদিসমাগমং ন সংসিদ্ধিরিত্যেব বদান্যমূর্তে || ৩, ১৯. ৫৫ ||
ৎবদ্দূষকাণাং তব দাসবর্য বিদূষকাণাং দর্শনং ছিন্ধি দেব |
গুরুদ্রুহাং দর্শনং ছিন্ধি বিষ্ণো ভক্তদ্রুহাং মিত্রতাং ছিন্ধি কৃষ্ণ || ৩, ১৯. ৫৬ ||
তব ধ্রুগ্ভির্ভাষণং ছিন্ধি দেব ৎবং সঙ্গমং দেহি পদারবিন্দে |
শ্রীশৈলবাসায় নমোনমস্তে নমোনমঃ শ্রীনিবাসায় তুভ্যম্ || ৩, ১৯. ৫৭ ||
স্বামিন্পরাবর রমেশ নিদানমূর্তে কালো মহানপি গতশ্চ নিদর্শনন্তে |
অনন্তজন্মার্জিতসাধনৈশ্চ ৎবদ্দর্শনং স্যাচ্চ চতুর্ভুজস্য || ৩, ১৯. ৫৮ ||
কথং মম স্যাত্তব দর্শনং প্রভো সর্বৈশ্চ দোষৈশ্চ সুসঙ্গতায়াঃ |
দাস্যাস্পদায়াস্তব দাসদাস্যাঃ প্রসীদ দেবেশ জগন্নিবাস || ৩, ১৯. ৫৯ ||
এবং স্তুতস্তথা বিষ্ণুঃ শ্রীনিবাসো দয়ানিধিঃ |
প্রাদুরাসীদ্বরদরাট্ভক্ত্যা তস্যা জনার্দনঃ || ৩, ১৯. ৬০ ||
বরং বরয় ভদ্রং তে বরদোহমিহাগতঃ |
হরিণোদীরিতং বাক্যং শ্রুৎবা প্রাহ স্মিতাননা || ৩, ১৯. ৬১ ||
উবাচ পরয়া ভক্ত্যা শ্রীনিবাসং জগৎপ্রভুম্ |
অহং হি ভার্যা ভূয়াসং তব মাধব সুন্দর || ৩, ১৯. ৬২ ||
ইতি তস্যা বচঃ শ্রুৎবা শ্রীনিবাসোঽব্রবীদ্বচঃ |
শ্রীভগবানুবাচ |
অহং কুমারি সুভগে কৃষ্ণজন্মনি ভূতলে || ৩, ১৯. ৬৩ ||
ভবামি তব ভর্তাহং নাত্র কার্যা বিচারণা |
এবমুক্তা সুতা কন্যা পুরণ্যরাশিং হরিং পরম্ || ৩, ১৯. ৬৪ ||
উবাচ পরমপ্রীতা হর্ষগদ্গদয়া গিরা |
কন্যোবাচ |
কৃষ্ণজন্মন্যহং পত্নী ভূয়াসং প্রথমেহনি || ৩, ১৯. ৬৫ ||
সংস্কারাৎপ্রথমং চাহমং গনাভ্যঃ সমাবৃণে |
ওমিত্যুক্তঃ পুনর্বাক্যমুবাচ মধুসূদনঃ || ৩, ১৯. ৬৬ ||
শ্রীভগবানুবাচ |
কুমার্যা বিধৃতৎবাচ্চ মৎপ্রদানাচ্চ ভামিনি |
তেষাং মনোভীষ্টসিদ্ধির্ভবিষ্যতি ন সংশয়ঃ || ৩, ১৯. ৬৭ ||
ইতি তস্যৈ বরং দত্ত্বা তত্রৈবান্তরধীয়ত |
দেহং তত্রৈব সন্ত্যজ্য কুমারী চৈব পুত্রিকা || ৩, ১৯. ৬৮ ||
কুম্ভ কস্য গৃহে জাতা নীলা নাম্না তু সা স্মৃতা |
কুম্ভকস্তু মহাভাগ নন্দশোভস্য শালকঃ || ৩, ১৯. ৬৯ ||
কল্পবাহঃ স বিজ্ঞেয়ঃ পিৎৠণাং প্রথমঃ স্মৃতঃ |
তস্য গৎবা গৃহমহং বৃষভাচলবাসিনঃ |
শিবস্য বরতশ্চৈব ৎবজেয়ঃ খগসত্তম || ৩, ১৯. ৭০ ||
দিতিজান্বিনিহত্যৈব নীলা প্রাপ্তা খগেশ্বর |
ততো নাগ্নিজিতো রাজ্ঞো গৃহে জাতা কুমারিকা || ৩, ১৯. ৭১ ||
নাগ্নিজিৎকব্যবাহোভূৎকন্যা নীলাহ্বয়াভবৎ |
তস্যাঃ স্বয়ংবরে চাহং গোবৃষান্সপ্তসঙ্খ্যকান্ || ৩, ১৯. ৭২ ||
শিবস্য বরতশ্চৈবাপ্যবধ্যান্দেবমানুষৈঃ |
বদ্ধ্বা বৃষান্নৃপাঞ্জিৎবা প্রাপ্তা নীলা মহাখগ || ৩, ১৯. ৭৩ ||
কুম্ভকস্য সুতা নীলা দেহস্থাঃ প্রাবিশন্ভৃশম্ |
একাবয়বতো যস্মাত্তস্মাত্তত্রৈব সাবিশৎ || ৩, ১৯. ৭৪ ||
ভূমৌ দ্বিধা সম্প্রজাতা কুমার্যেব ন সংশয়ঃ |
ভদ্রাজন্ম প্রবক্ষ্যামি শৃণু পক্ষীন্দ্রসত্তম || ৩, ১৯. ৭৫ ||

ইতি শ্রীগারুডে মহাপুরাণে উত্তরখণ্ডে তৃতীয়াংশে ব্রহ্মকাণ্ডে
নীলাবিবাহনির্ণয়ো নামৈকোনবিংশোঽধ্যায়ঃ

শ্রীগরুডমহাপুরাণম্-২০
শ্রীকৃষ্ণ উবাচ |
যা পূর্বসর্গে নলসঞ্জ্ঞস্য বীন্দ্র পুত্রী ভূৎবা বিষ্ণুপত্নী সকামা |
প্রদক্ষিণং ভ্রমণং বৈ চকার গুণেন ভদ্রা ভদ্রসঞ্জ্ঞা বভূব || ৩, ২০. ১ ||
কন্যাভাবে সংস্থিতাং ভদ্রসঞ্জ্ঞাং পিতা নলস্ত্বব্রবীত্তাং স পশ্যন্ |
ভদ্রে কিমর্থং গাত্রপীডাং করোষি ফলং হি তন্নন্দিনি মে বদস্ব || ৩, ২০. ২ ||
ভদ্রোবাচ |
শৃণুৎবং মে তাত নমস্ক্রিয়াদেঃ ফলং বক্তুং কা সমর্থা ভবেচ্চ || ৩, ২০. ৩ ||
তথাপ্যহং তব বক্ষ্যামি তাত যথাশক্ত্যা শৃণু সম্যগ্ঘিতায় |
সদা হরিমর্ম নাথো দয়ালুরহং হরেস্তব দাসানুদাসী |
মাং পাহি বিষ্ণোস্তব বন্দে পদে ইত্যুক্ত্বা প্রণামং চাকরোদ্দণ্ডরূপম্ || ৩, ২০. ৪ ||
হরেঃ প্রণামং ৎবিতি কর্তব্যশূন্যং ব্যর্থং তমাহুর্জ্ঞানিনস্তচ্ছৃণু ৎবম্ |
রমেশ মধ্বেশ সরস্বতীশেত্যেবং বদন্প্রণমেদ্বিষ্ণুদেবম্ || ৩, ২০. ৫ ||
যথা প্রসন্নো বন্দনাদ্দেবদ্দেব স্তথা ন তুষ্টঃ পূজনাৎকর্মতশ্চ |
যথা নামস্মরণাদ্বন্দনাদ্বা পাপান্নিয়চ্ছেতু তথা ন চান্যৈঃ || ৩, ২০. ৬ ||
দেহং তু যে পোষয়ন্ত্যেব তাত হরেঃ প্রণামৈঃ শূন্যভূতং চ পুষ্টম্ |
তদেবমাহুর্ব্যর্থমেবেতি তাত তৎপোষকাণাং নরকে দুঃখমাহুঃ || ৩, ২০. ৭ ||
যমোঽপি তং তত্র উলূখলে তু নিধায় পিষ্টং সুখলৈঃ করোতি |
যো বা পরং ন করোত্যেব তাত প্রদক্ষিণং দেবদেবস্য বিষ্ণোঃ || ৩, ২০. ৮ ||
তস্যৈব পাদৌ তলয়ন্ত্রে নিধায় যমশ্চ নিত্যং প্রকরোতি পিষ্টম্ |
এষাং জিহ্বা হরিকৃষ্ণেতি নাম ন বক্তি নিত্যং ব্যর্থভূতাং বদন্তি || ৩, ২০. ৯ ||
তেষাং জিহ্বা যমলোকে যমস্তু নিষ্কাস্য পিষ্টং প্রকরোতি নিত্যম্ |
কাশীনিবাসেন চ কিং প্রয়োজনং কিং বা প্রয়াগে মরণেন তাত || ৩, ২০. ১০ ||
কিং বারণাগ্রে মরণেন সৌখ্যং কিং বা মখাদেঃ সমনুষ্ঠিতেন |
সমস্ততীর্থেষ্বটনেন কিং কিমধীতশাস্ত্রেণ সুতীক্ষ্ণবুদ্ধ্যা || ৩, ২০. ১১ ||
যেষাং জিহ্বাগ্রে হরিনামৈব নাস্তি যেষাং গাত্রৈর্নমনং নাপি বিষ্ণোঃ |
যেষাং পদ্ভ্যাং নাস্তি হরেঃ প্রদক্ষিণং তেষাং সর্বং ব্যর্থমাহুর্মহান্তঃ || ৩, ২০. ১২ ||
হর্যর্পণাদ্রিহিতং নাম কস্মাৎপ্রদক্ষিণং নমনং চাহুরর্ঘ্যম্ |
অতো বিষ্ণোর্নমনং কার্যমেব হরের্নামস্মরণং তাত কার্যম্ || ৩, ২০. ১৩ ||
জন্ম হ্যেতদ্দুর্লভং নশ্বরং তু যথা জলস্থং তত্তথৈব |
নো বিস্বাসং কুরু গাত্রে ৎবদীয়ে জীবেষ্বপি স্বঃ পরশ্চেতি তাত || ৩, ২০. ১৪ ||
সদ্যঃ কৃতং নমনং ন ৎবদীয়ং সদ্যঃ কৃতং স্মরণং ন ৎবদীয়ম্ |
কদা প্রাপ্স্যে মরণং তন্ন জানে ন বিশ্বাসং কুরু গাত্রে মহাত্মন্ || ৩, ২০. ১৫ ||
এতচ্ছ্রুৎবা নলো বীন্দ্র পুত্রীবাক্যং সুনির্মলম্ |
নমস্কারং চ কৃতবান্যথাশক্ত্যা প্রদক্ষিণম্ || ৩, ২০. ১৬ ||
সাপি প্রদক্ষিণং চক্রে নমস্কারং সদা হরেঃ |
এবং বহুদিনং কৃৎবা ধ্যাৎবা নারায়ণং পরম্ || ৩, ২০. ১৭ ||
কলেবরং চ তত্যাজ মরণে হরিচিন্তয়া |
মৎপিতুর্বসুদেবস্য ভগিন্যা উদরে খগ || ৩, ২০. ১৮ ||
কৈকেয়ীতি চ নাম্না সা ৎবভবদ্ভদ্রসঞ্জ্ঞকা |
যস্মাদ্ভদ্রগুণৈর্যুক্তা ভদ্রা সা ভদ্রনামিকা || ৩, ২০. ১৯ ||
তস্যাত্মজৈশ্চ কৈকেয়ৈঃ পঞ্চভিঃ খগসত্তম |
প্রত্যাহৃতামিমাং ভদ্রাং প্রাপ্তবান্খগসত্তম || ৩, ২০. ২০ ||
বক্ষ্যেহং মিত্রবিন্দায়াঃ পাণিগ্রহণকারণম্ |
সাবধানমনা ভূৎবা শৃণু পক্ষীন্দ্র সত্তম || ৩, ২০. ২১ ||
মিত্রবিন্দোবাচ |
যান্পূর্বসর্গেপ্যবৃণোন্নিকামতো হ্যগ্নীষোমান্নামিকা মিত্রবিন্দা |
মিত্রং হরিং প্রাপ্তুকামা সদৈক তত্রোপায়ং চিন্তয়ামাসদেবী || ৩, ২০. ২২ ||
হরিপ্রাপ্তৌ সাধনাঃ সন্তি তেষু মুখ্যং কচিচ্চিন্তয়ামাস দেবী |
তেষাং মধ্যে শ্রবণং শ্রেষ্ঠমাহুঃ পুরাণানাং সাত্ত্বিকানাং সদাপি || ৩, ২০. ২৩ ||
বিষ্ণোরুৎকর্ষো বর্ততে যত্র বায়োস্তথোৎকর্ষঃ সজ্জনানাং পুরাণে |
শ্রাদ্ধং সদা বিষ্ণুবুদ্ধ্যা সদৈব নান্যচ্ছ্রাব্যং সাধনং তত্র চৈব || ৩, ২০. ২৪ ||
যস্মিন্দিনে শ্রবণং নাস্তি বিষ্ণোস্তেষাং জন্ম ব্যর্থমাহুঃ কথায়াম্ |
স্নান জপঃ পঞ্চয়জ্ঞং ব্রতং চ ইষ্টাপূর্তে কৃচ্ছ্রচান্দ্রো চ দত্তম্ || ৩, ২০. ২৫ ||
সর্বং ব্যর্থং বৈষ্ণবানাং চ দীক্ষা কথাং বিনা সম্যগনুষ্ঠিতাং বৈ |
যৈর্ন শ্রুতং ভাগবতং পুরাণং সসম্প্রদায়ৈর্গুরুভিঃ সংযুতৈশ্চ || ৩, ২০. ২৬ ||
যৈর্ন শ্রুতং ভাগবতং পুরাণং যৈর্ন শ্রুতং ব্রহ্মকাণ্ডং পুরাণম্ |
তেষাং জন্ম ব্যর্থমাহুর্মমহান্তস্তস্মাচ্ছ্রাব্যা হরিবার্তা সদৈব || ৩, ২০. ২৭ ||
ন যত্র গোবিন্দকথামহানদী ন যত্র নারায়ণপাদসংশ্রয়ঃ |
ন যত্র বিষ্ণোঃ সততং বচোস্তি ন সংবসেত্তৎক্ষণমাত্রং কথঞ্চিৎ || ৩, ২০. ২৮ ||
যস্মিন্গ্রামে ভাগবতং ন শাস্ত্রং ন বর্ততে ভাগবতা রসজ্ঞাঃ |
যস্মিন্গৃহে নাস্তি গীতার্থসারঃ যস্মিন্গ্রামে নাম সহস্রকং বা || ৩, ২০. ২৯ ||
তয়ো রসজ্ঞা যত্র ন সন্তি তত্র ন সংবসেৎক্ষণমাত্রং কথঞ্চিৎ |
যস্মিন্দিনে দিব্যকথা চ বিষ্ণোর্ন বাস্তি জন্তোস্তস্য চায়ুর্বৃথৈব || ৩, ২০. ৩০ ||
গর্ভে গতে নাত্র বিচার্যমস্তি তন্মন্যতে দুর্লভং মর্ত্যলোকে |
কর্ণং কল্পৈর্ভূষিতং সুন্দরং চ ন সুন্দরং চাহুরার্যা রসজ্ঞাঃ || ৩, ২০. ৩১ ||
বিষ্ণোঃ কথাখ্যাভরণৈশ্চ যুক্তং তদেব কর্ণং সুন্দরং চাহুরার্যাঃ |
তস্মাৎসদা ভাগবতার্থসারং শৃণ্বন্তি যে সততং বাচয়ন্তি || ৩, ২০. ৩২ ||
তেষাং জন্ম স্বস্থমাহুর্মহান্তো মহৎফলং চাস্তি তথৈব তেষাম্ |
সোষ্ণীষকঞ্চুকয়ুতাশ্চ হরেঃ কথাং বৈ শৃণ্বন্তি যেপি চ পঠন্তি সদৈব মর্ত্যাঃ || ৩, ২০. ৩৩ ||
সর্বেপি তে পূজনীয়া হি লোকে ন বৈ শিশ্রে চোদরে চৈব সক্তাঃ |
যে দাক্ষিণ্যাদর্থলোভাদ্বদন্তি সদা পুরাণং ভগবত্তত্ত্বসারম্ || ৩, ২০. ৩৪ ||
প্রচ্ছাদয়ন্তে তত্ত্বগোপ্যানি যে তু তেষাং গতিঃ সূর্যসূনুঃ সদৈব |
যে ধর্মকাণ্ডে কর্মকাণ্ডে সদৈব উৎপাদয়ন্তে সুরুচিং তত্র নিত্যম্ || ৩, ২০. ৩৫ ||
মৌল্যেন যে কথয়েয়ুঃ পুরাণং তেষাং গতিঃ সূর্য সুনঃ সদৈব |
মৌল্যেন যে ভাগবতং পুরাণং শৃণ্বন্তি বৈ হরিশাস্ত্রার্থতত্ত্বম্ || ৩, ২০. ৩৬ ||
মৌল্যেন বেদাধ্যয়নং প্রকুর্বতে তেষাং গতিঃ সূর্যসূনুঃ সদৈব |
যদৃচ্ছয়া প্রাপ্তধনেন যে তু সন্তুষ্টাস্তে হ্যত্র যোগ্যাঃ সদৈব || ৩, ২০. ৩৭ ||
ধনার্জনে যে ৎবতিতৃষ্ণাভিয়ুক্তাস্তেষাং ন বৈ ভাগবতেধিকারঃ |
মৎবা লোকে হরিরেবতি নিত্যমন্তর্যামী নাস্তি তদন্য ঈশঃ || ৩, ২০. ৩৮ ||
এবং সদা যে প্রবিচিন্তয়ন্তি যোগক্ষেমং বিভৃয়াদ্বিষ্ণুরেষাম্ |
সদ্বৈষ্ণবানামশুভং নাস্তি নাস্তি প্রদৃশ্যতে সংশয়জ্ঞানরূপাৎ || ৩, ২০. ৩৯ ||
কর্মানুসারেণ হরির্দদাতি ফলং শুভানামশুভস্য চৈব |
অতস্তদর্থং নৈব যত্নং চ কুর্যাদ্ধনার্থং বৈ হরিতত্ত্বে চ কুর্যাৎ || ৩, ২০. ৪০ ||
অতঃ স্নাৎবা দিব্যমন্ত্রং জপিৎবা বিসর্জয়িৎবা বিষ্ণুনির্মাল্যগন্ধম্ |
শুচির্ভূৎবা ভাগবতং পুরাণং সংশ্রাবয়েৎসর্ববেত্তাপি নিত্যম্ || ৩, ২০. ৪১ ||
কর্মানুসারেণ ধনার্জনং চ বেদার্জনং শাস্ত্রসমার্জনং চ |
ভবিষ্যতি শ্রবণং চাপি বিষ্ণোরত্যাদরাচ্ছ্রবণং দুর্ঘটং চ || ৩, ২০. ৪২ ||
অত্যাদরাদ্ভাগবতস্য সারমাস্বাদয়েদ্দুর্ঘটং মর্ত্যলোকে |
আস্বাদ্য তদ্ভাগবতং পুরাণমানন্দবাষ্পৈর্যুক্ততা দুর্ঘটা চ || ৩, ২০. ৪৩ ||
শ্রুৎবা তত্ত্বা নাং নির্ণয়ং ধারণং চ সুদুর্ঘটং চাহুরার্যাঃ সমস্তম্ |
শ্রুৎবা তত্ত্বানাং ধারণানন্তরং চ কামক্রুধোর্জারণং দুর্ঘটং চ || ৩, ২০. ৪৪ ||
শ্রুৎবা তত্ত্বানাং ধারণানং তরং ত তথা যোগে দুর্ঘটং সঙ্গতং চ || ৩, ২০. ৪৫ ||
শ্রুৎবা তত্ত্বানাং ধারণানন্তরং চ কামক্রুধোর্জারণং দুর্ঘটং চ |
এতে দোষা জ্ঞানপূতানপীহ কুর্বন্তি সন্দেহয়ুতান্সদৈব || ৩, ২০. ৪৬ ||
অতো হ্যহং শ্রবণং সৎকথায়াঃ সদা করিষ্যে নাত্র বিচার্যমস্তি |
তেনাপ্যহং হরিনামাভিবাঞ্ছা নিশ্চিত্য চিত্তং শ্রবণে বৈ চকার |
আদেহমেবং শ্রবণং চ কৃৎবা ত্যক্ত্বা দেহং ভূতলে সম্প্রজাতা || ৩, ২০. ৪৭ ||
নিবস্তুং বসুদেবস্য ভগিন্যা উদরে খগ |
সুমিত্রা সঞ্জ্ঞকায়াং চ জাতা বৈ মিত্রবিন্দিকা || ৩, ২০. ৪৮ ||
শ্রবণেন হরিং মিত্রং প্রাপ্তা সা মিত্রবিন্দিকা |
অতঃ সা মিত্রবিন্দেতি সঞ্জ্ঞয়া সম্বভূব হ || ৩, ২০. ৪৯ ||
স্বয়ংবরে মিত্রবিন্দা রাজ্ঞাং মধ্যে তু ভামিনী |
মমাংসে ব্যসৃজন্মালাং তাং গৃহীৎবা খগেশ্বর |
বিধূয় নৃপতীন্সর্বান্পুরীং প্রাপ্তাঃ খগেশ্বর || ৩, ২০. ৫০ || || ৫১ ||

ইতি শ্রীগারুডে মহাপুরাণে উত্তরখণ্ডে তৃতীয়াংশে ব্রহ্মকাণ্ডে
ভদ্রাকৃতভগবৎপতিৎবপ্রাপকতপশ্চর্যাদিনিরূপণং নাম বিংশোধ্যায়ঃ