৩.১ গরুডপুরাণ (অধ্যায় ১-১০)

শ্রীগরুডমহাপুরাণম্ ৩

শ্রীগণেশায়নমঃ |
শ্রীলক্ষ্মীনৃসিংহায় নমঃ |
শ্রীদত্তাত্রেয়ায় নমঃ |
শ্রীবেদব্যাসায় নমঃ |
শ্রীহয়গ্রীবায় নমঃ |
অথ গারুডে ব্রহ্মকাণ্ডস্তৃতীয় আরভ্যতে |
ওঁ মল্লানামশনির্নৃণাং নরবরঃ স্ত্রীণাং স্মরো মূর্তিমান্গোপানাং
স্বজনোঽসতাং ক্ষিতিভৃতাং শাস্তা স্বপিত্রোঃ শিশুঃ |
মৃত্যুর্ভোজপতের্বিধাতৃবিহিত স্তত্ত্বং পরং যোগিনাং বৃষ্ণীনাং
চ পতিঃ সদৈব শুশুভে রঙ্গেঽচ্যুতঃ সাগ্রজঃ || ৩, ১. ১ ||
নমো নারায়ণায়েতি তস্মৈ বৈ মূলরূপিণে |
নমস্কৃত্য প্রবক্ষ্যামি নারায়ণকথামিমাম্ || ৩, ১. ২ ||
শৌনকাদ্যা মহাত্মানো হ্যৃষয়ো ব্রহ্মবাদিনঃ |
নৈমিষাখ্যে মহাপুণ্যে তপস্তেপুর্মহত্তরম্ || ৩, ১. ৩ ||
জিতেন্দ্রিয়া জিতাহারাঃ সন্তঃ সত্যপরায়ণাঃ |
যজন্তঃ পরয়া ভক্ত্যা বিষ্ণুমাদ্যং জগদ্গুরুম্ || ৩, ১. ৪ ||
গৃণন্তঃ পরমং ব্রহ্ম জগচ্চক্ষুর্মহৌজসঃ |
সর্বশাস্ত্রার্থতত্ত্বজ্ঞাস্তেপুর্নৈমিষ কাননে || ৩, ১. ৫ ||
যজ্ঞৈর্যজ্ঞপতিং কেচিজ্জ্ঞানৈর্জ্ঞানাত্মকং পরম্ |
কেচিৎপরময়া ভক্ত্যা নারায়ণমপূজয়ন্ || ৩, ১. ৬ ||

একদা তু মহাত্মানঃ সমাজং চক্রুরুত্তমাঃ |
ধর্মার্থকামমোক্ষাণামুপায়ং জ্ঞাতুমিচ্ছবঃ || ৩, ১. ৭ ||
ষদ্বিংশতিসহস্রাণি মুনীনামূর্ধ্বরেতসাম্ |
তেষাং শিষ্যপ্রশিষ্যাণাং সঙ্খ্যা বক্তুং ন শঙ্ক্যতে || ৩, ১. ৮ ||
মুনয়ো ভাবিতাত্মানো মিলিতাস্তে মহোজসঃ |
লোকানুগ্রহকর্তারো বীতরাগা বিমৎসরাঃ || ৩, ১. ৯ ||
কথং হরৌ মনুষ্যাণাং ভক্তিরব্যভিচারিণী |
কেন সিধ্যেত্তু সকলং কর্ম ত্রিবিধমাত্মনঃ || ৩, ১. ১০ ||
ইত্যেবং প্রষ্টুমাত্মানমুদ্যতান্প্রেক্ষ্য শৌনকঃ |
সাঞ্জ লির্বাক্যমাহ স্ম বিনয়াবনতঃ সুধীঃ || ৩, ১. ১১ ||
শৌনক উবাচ |
আস্তে সিদ্ধাশ্রমে পুণ্যে সূতঃ পৌরাণিকোত্তমঃ |
স এতদখিলং বেত্তি ব্যাসশিষ্যো যতীশ্বরঃ || ৩, ১. ১২ ||
তস্মাত্তমেব পৃচ্ছাম ইত্যেবং শৌনকো মুনিঃ |
অথ তে ঋষয়ো জগ্মুঃ পুণ্যং সিদ্ধাশ্রমং ততঃ || ৩, ১. ১৩ ||
পপ্রচ্ছুস্তে সুখাসীনং নৈমিষারণ্যবাসিনঃ |
ঋষয় ঊচুঃ |
বয়ং ৎবতিথয়ঃ প্রাপ্তাস্ত্বাতিথেয়োসি সুব্রত || ৩, ১. ১৪ ||
স্নানদানোপচারেণ পূজয়িৎবা যথাবিধি |
কেন বিষ্ণুঃ প্রসন্নঃ স্যাৎস কথং পূজ্যতে নরৈঃ || ৩, ১. ১৫ ||
মুক্তিসাধনভূতং চ ব্রূহি তত্ত্ববিনির্ণয়ম্ |
সূত উবাচ |
শৃণুধ্বমৃষ্যঃ সর্বে হরিং তত্ত্ববিনির্ণয়ম্ || ৩, ১. ১৬ ||
নৎবা বিষ্ণুং শ্রিয়ং বায়ুং ভারতীং শেষসঞ্জ্ঞকম্ |
দ্বৈপায়নং গুরুং কৃষ্ণং প্রবক্ষ্যামি যথামতি || ৩, ১. ১৭ ||
নাস্তি নারায়ণসমং ন ভূতং ন ভবিষ্যতি |
এতেন সত্যবাক্যেন সর্বার্থান্সাধয়াম্যহম্ || ৩, ১. ১৮ ||
শৌনক উবাচ |
কিমর্থং নমনং বিষ্ণোর্গ্রন্থাদৌ মুনিসত্তম |
কর্তব্যং ব্রূহি মে ব্রহ্মন্কৃপয়া মম সুব্রত || ৩, ১. ১৯ ||
ততঃ শ্রিয়ং ততো বায়ুং ভারতীং চ ততঃ পরম্ |
অন্তে ব্যাসং কিমর্থং চ ৎবং নমস্কৃতবানসি |
সূতসূত মহাভাগ ব্রূহি কারণমত্র চ || ৩, ১. ২০ ||
সূত উবাচ |
আদৌ বন্দ্যঃ সর্ববেদৈকবেদ্যো বেদে শাস্ত্রে সেতিহাসে পুরাণে |
সত্তাং প্রায়ো বিষ্ণুরেবৈক এব প্রকাশতেঽতো নম্য একো হরির্হি || ৩, ১. ২১ ||
সর্বত্র মুখ্যস্ত্বধিকোন্যতোপি স এব নম্যো ন চ শঙ্করাদ্যাঃ |
নমন্তি যেঽবিনয়াচ্ছঙ্করং তু বিনায়কং চণ্ডিকাং রেণুকাং চ || ৩, ১. ২২ ||
তথা সূর্যং ভৈরবং মাতারশ্ব তথা বাণীং গিরিজাং বৈ শ্রিয়ং চ |
সর্বেপি তে বৈষ্ণবা নৈব লোকে ন তদ্ভক্তা বেতি চার্যা বদন্তি || ৩, ১. ২৩ ||
ন পার্থিক্যান্নমনং কার্যমেব প্রীণন্তি নৈতা দেবতাঃ পূজনেন |
পূজাং গৃহীৎবা দেবতাশ্চৈব সর্বাঃ কিঞ্চিদ্দৎবা ফলদানেন তাংশ্চ || ৩, ১. ২৪ ||
সন্তর্প্য তুষ্টৈঃ স্বমনোনু সারাত্তৈঃ কারিতাং কাম্যপূজাং তথৈব |
নিবেদয়িৎবা পরদেবতায়াং বিষ্ণৌ হরৌ শ্রীপুরুষাদিবন্দ্যে || ৩, ১. ২৫ ||
ইহাপরত্রাপি সুখেতরাণি দাস্যন্তি পশ্চাদধরং বৈ তমশ্চ |
অতো হ্যেতে নৈব পূজ্যা ন নম্যা মোক্ষেচ্ছুভির্ব্রাহ্মণাদ্যৈর্দ্বিজেন্দ্র || ৩, ১. ২৬ ||
তথৈব সর্বাশ্রমিভিশ্চ নিত্যং মহাবিপত্তাবপি বিপ্রবর্যাঃ |
শ্রীকাম্য যা যে তু ভজন্তি নিত্যং শ্রীব্রহ্মরুদ্রেদ্রয়মাদিদেবান্ || ৩, ১. ২৭ ||
ইহেব ভুঞ্জন্তি মহচ্চ দুঃখং মহাপদঃ কুষ্ঠভগন্দরাদীন্ |
নমন্তি যেঽবৈষ্ণবান্ব্রহ্মরুদ্রবায়ু প্রতীকান্নৈব তে বিষ্ণুভক্তাঃ || ৩, ১. ২৮ ||
অভিপ্রায়ং ৎবত্র বক্ষ্যে মুনীন্দ্রাঃ পরং গোপ্যং হৃদি ধার্যং হি তদ্ধি |
বায়োঃ প্রতীকং পূজ্যমেবেহ বিপ্রা ন ব্রহ্মরুদ্রাদিপ্রতীকমেব || ৩, ১. ২৯ ||
পূজাকালে দেবদেবস্য বিষ্ণোর্বায়োঃ প্রতীকং যোগ্যভাগে নিধায় |
অন্তর্গতং তস্য বায়োর্হরিং চ লক্ষ্মীপতিং পূজয়িৎবা হি সম্যক্ || ৩, ১. ৩০ ||
পশ্চাদ্বায়োঃ সুপ্রতীকং চ সম্যঙ্নির্মাল্যশেষেণ হরেঃ সমর্চয়েৎ |
পৃথক্চ স্রগ্ধূপবিলেপনাদিপূজাং প্রকুর্বন্তি চ যে বিমূঢঃ || ৩, ১. ৩১ ||
তেষাং দুঃখমিহ লোকে পরত্র ভবিষ্যতে নাত্র বিচার্যমস্তি |
প্রায়শ্চিত্তং স্বস্তি বিপ্রাঃ কথঞ্চিত্তৎকুর্বন্তু স্মরণং নাম বিষ্ণোঃ || ৩, ১. ৩২ ||
পাষণ্ডরুদ্রাদিকসং প্রতিষ্ঠিতান্হরের্বায়োঃ শঙ্করস্য প্রতীকান্ |
নমন্তি যে ফলবুদ্ধ্যা বিভূঢাস্তেষাং ফলং শাশ্বতং দুঃখমেব || ৩, ১. ৩৩ ||
বায়োঃ প্রতীকং যদি বিপ্রবর্যৈঃ প্রতিষ্ঠিতং চেন্নমনং হি কার্যম্ |
নৈবেদ্যশেষেণ হরেশ্চ বিষ্ণোঃ পূজা কৃতা চেন্ন হি দোষলেশঃ || ৩, ১. ৩৪ ||
গুরুর্হি মুখ্যো হনুমজ্জনির্মহান্রামাঙ্ঘ্রিভক্তো হনুমান্সদৈব |
এবং বিদিৎবা পরমং হরিং চ পুত্রং পুনর্মুখ্যদেবস্য বায়োঃ || ৩, ১. ৩৫ ||
নমস্কারো নান্যথা বিপ্রবর্যা আধীয়তাং হৃদি সর্বৈ রহস্যমম্ |
যে বৈষ্ণবা বৈষ্ণ বদাসভৃত্যাঃ সর্বেপি তে সর্বদা বিষ্ণুমেব || ৩, ১. ৩৬ |
নমন্তি যে বৈ প্রতিপাদয়ন্তি তথৈব পুণ্যানি চ সাত্ত্বিকানি |
নমন্তি যে বাসুদেবং হরিং চ সম্যক্স্বশক্ত্যা প্রতিপাদয়ন্তি || ৩, ১. ৩৭ ||
প্রবৃত্তিমার্গেণ ন পূজয়ন্তি হ্যাপৎকালে পরদৈবং তদন্যম্ |
তে বৈষ্ণবা বৈষ্ণবদাসভৃত্যা অন্যে চ সর্বেঽবৈষ্ণবমাত্রকাঃ স্মৃতাঃ || ৩, ১. ৩৮ ||
উপক্রমৈরুপসংহারস্য লিঙ্গৈর্হরিং গুরুং হ্যন্তরেণৈব যান্তি |
তানেবাহুঃ সৎপুরাণানি বিপ্রাঃ কলৌ যুগে নাভ্যসূয়ন্তি সর্বে || ৩, ১. ৩৯ ||
যতো হিতান্যে প্রতিপাদয়ন্তি প্রবৃত্তিধর্মান্স্বস্ববর্ণানুরূপান্ |
অতো হ্যসূয়ন্তি সদা বিমূঢাঃ কলৌ হি বিপ্রাঃ প্রচুরা হি তেপি || ৩, ১. ৪০ ||
ন চাস্তি বিষ্ণোঃ সদৃশং চ দৈবতং ন চাস্তি বায়োঃ সদৃশো গুরুশ্চ |
ন চাস্তি তীর্থং সদৃশং বিষ্ণুপদ্যাঃ ন বিষ্ণুভক্তেন সমোস্তি ভক্তঃ || ৩, ১. ৪১ ||
অন্যানি বিষ্ণোঃ প্রতিপাদকানি সর্বাণি তে সাত্ত্বিকানীতি চাহুঃ |
শ্রাব্যাণি তান্যেব মনুষ্যলোকে শ্রাব্যাণি নান্যানি চ দুঃখদানি || ৩, ১. ৪২ ||
কলৌ যুগে সর্ব পুরাণমধ্যে ত্রীণ্যেব মুখ্যানি হরিপ্রিয়াণি |
মুখ্যং পুরাণং হি কলৌ নৃণাং চ শ্রেয়স্করং ভাগবতং পুরাণম্ || ৩, ১. ৪৩ ||
পূর্বং হি সৃষ্টিঃ প্রতিপাদ্যতে ত্র যতো হ্যতো ভাগবতং পরং স্মৃতম্ |
যস্মিন্পুরাণে কথয়ন্তি সৃষ্টিং হ্যাদৌ বিষ্ণোর্ব্রহ্মরুদ্রাদিকানাম্ || ৩, ১. ৪৪ ||
নানার্থমেবং কথয়ন্তি বিপ্র নীচোচ্চরূপং জ্ঞানমাহুর্মহান্তঃ |
তেনৈব সিদ্ধং প্রবদন্তি সর্বং হ্যতঃ পরং ভাগবতং পুরাণম্ || ৩, ১. ৪৫ ||
ততঃ পরং বিষ্ণুপুরাণমাহুস্ততঃ পরং গারুডসঞ্জ্ঞকং চ |
ত্রীণ্যেব মুখ্যা নি কলৌ নৃণাং তু তথা বিশেষো গারুডে কিঞ্চিদস্তি || ৩, ১. ৪৬ ||
শৃণুধ্বং বৈ তং বিশেষং চ বিপ্রাস্ত্র্যংশৈর্যুক্তং গারুডাখ্যং পুরাণম্ |
আদ্যাংশং বৈ কর্মকাণ্ডং বদন্তি দ্বিতীয়াংশং ধর্মকাণ্ডং তমাহুঃ || ৩, ১. ৪৭ ||
তৃতীয়াংশং ব্রহ্মকাণ্ডং বদন্তি তেষাং মধ্যে ৎবন্তিমোয়ং বরিষ্ঠঃ |
তৃতীয়াংশশ্রবণাৎপুণ্যমাহুস্তুল্যং পুণ্যং ভাগবতস্য বিপ্রাঃ || ৩, ১. ৪৮ ||
তৃতীয়াংশে পঠিতে বেদতুল্যং ফলং ভবেন্নাত্র বিচার্যমস্তি |
তৃতীয়াংশশ্রবণাদেব বিপ্রাঃ ফলং প্রোক্তং পঠতোপ্যর্থমেবম্ || ৩, ১. ৪৯ ||
তৃতীয়াংশশ্রবণাদর্থতশ্চ পুণ্যং চাহুঃ পঠতো বৈ দশাংশম্ |
ততো বরং মৎস্যপুরাণমাহুস্ততো বরং কূর্মপূরাণমাহুঃ || ৩, ১. ৫০ ||
তথৈব বৈ বায়ুপুরাণমাহুস্ত্রীণ্যেব চাহুঃ সাত্ত্বিকানীতি লোকে |

তত্রাপি কিঞ্চিদ্বেদিতব্যং ভবেচ্চ পুরাণষট্কে সত্ত্বরূপে মুনীন্দ্রাঃ || ৩, ১. ৫১ ||
সত্ত্বাধমে মাৎস্যকৌর্মে তথাহুর্বায়ু চাহুঃ সাত্ত্বিকং মধ্যমং চ |
বিষ্ণোঃ পুরাণং ভাগবতং পুরাণং সত্ত্বোত্তমং গারুডং চাহুরার্যাঃ || ৩, ১. ৫২ ||
স্কান্দং পাদ্মং বামনং বৈ বরাহং তথাগ্রেয়ং ভবিষ্যং পর্বসৃষ্টৌ |
এতান্যাহূ রাজসানীতি বিপ্রাস্তত্রৈকদেশঃ সাত্ত্বিকস্তামসশ্চ || ৩, ১. ৫৩ ||
রজঃ প্রাচুর্যাদ্রাজসানীতি চ হুঃ শ্রাব্যাণি নৈতানি মুমুক্ষুভিঃ সদা |
তেষাং মধ্যে সাত্ত্বিকাংশাশ্চ সন্তি তেষাং শ্রুতের্গারুডীয়ং ফলং চ || ৩, ১. ৫৪ ||
ব্রহ্মাণ্ডলৈঙ্গ্যে ব্রহ্মবৈবর্তকং বৈ মার্কংণ্ডেয়ং ব্রাহ্মমাদিত্যকং চ |
এতান্যা হুস্তামসানীতি বিপ্রাস্তত্রৈকদেশঃ সাত্ত্বিকো রাজসশ্চ || ৩, ১. ৫৫ ||
শ্রাব্যাণি নৈতানি মনুষ্যলোকে তত্ত্বেচ্ছুভিস্তামসানীত্যতো হি |
তেষু স্থিতাঃ সাত্ত্বিকাংশা মুনীন্দ্রাস্তেষাং শ্রুতির্গারুডৈকাঙ্ঘ্রিতুল্যা || ৩, ১. ৫৬ ||
অল্পান্যুপপুরাণানি বদন্ত্যষ্টাদশানি চ |
বিষ্ণুধর্মোতরং চৈব তন্ত্রং ভাগবতং তথা || ৩, ১. ৫৭ ||
তত্ত্বসারং নারসিংহং বায়ুপ্রোক্তং তথৈব চ |
তথা হংসপুরাণং চ ষডেতানি মুনীশ্বরাঃ || ৩, ১. ৫৮ ||

সাত্ত্বিকান্যেব জানীধ্বং প্রায়শো নাত্র সংশয়ঃ |
এতেষাং শ্রবণাদেব গারুডার্ধফলং শ্রুতম্ || ৩, ১. ৫৯ ||
ভবিষ্যোত্তরনামানং বৃহন্নারদমেব চ |
যমনারদসংবাদং লঘুনারদমেব চ || ৩, ১. ৬০ ||
বিনায়কপুরাণং চ বৃহদ্ব্রহ্মাণ্ডমেব চ |
এতানি রাজসান্যাহুঃ শ্রবণাদ্ভুক্তরুত্তমা || ৩, ১. ৬১ ||
গারুডাৎপাদতুল্যং চ ফলং চাহুর্মনীষিণঃ |
পুরাণং ভাগবতং শৈবং নন্দিপ্রোক্তং তথৈব চ || ৩, ১. ৬২ ||
পাশুপত্যং রৈণুকং চ ভৈরবং চ তথৈব চ |
এতানি তামসান্যাহুর্হরিতত্ত্বার্থবেদিনঃ || ৩, ১. ৬৩ ||
এতেষাং শ্রবণাদ্বিপ্রাগারুডাঙ্ঘ্যর্ধ্মেব চ |
সর্বেষ্বপি পুরাণেষু শ্রেষ্ঠং ভাগবতং স্মৃতম্ || ৩, ১. ৬৪ ||
বেদৈস্তুল্য সম পাঠে শ্রবণে চ তদর্ধকম্ |
অর্থতঃ শ্রবণে চাস্য পুণ্যং দশগুণং স্মৃতম্ || ৩, ১. ৬৫ ||
বক্তুঃ স্যাদ্দ্বিগুণং পুণ্যং ব্যাখ্যাতুশ্চ তথাধিকম্ |
অনন্তবেদৈঃসাম্যমাহুর্মহান্তঃ ভারান্মহত্ত্বাদ্ভারতস্যাপি বিপ্রাঃ || ৩, ১. ৬৬ ||
বেদোভ্যোস্য ৎবর্থতশ্চাধিকৎবং বদন্তি বৈ বিষ্ণুরহস্যবেদিনঃ || ৩, ১. ৬৭ ||
তত্র শ্রেষ্ঠাং গীতিকামাহুরার্যাস্তথৈব বিষ্ণোর্নামসাহস্রক চ |
তয়োস্তত্র শ্রবণাদ্ভারতস্য দশাধিকং ফলমাহুর্মহান্তঃ || ৩, ১. ৬৮ ||
দৈত্যাঃ সর্ব বিপ্রকুলেষু ভূৎবা কৃতে যুগে ভারতে ষট্সহস্র্যাম্ |
নিষ্কাস্য কাংশ্চিন্নবনির্মিতানাং নিবেশনং তত্র কুর্বন্তি নিত্যম্ || ৩, ১. ৬৯ ||
মৎবা হরিং ভগবান্ব্যাসরূপী চক্রে তদা ভাগবতং পুরাণম্ |
তথা সমাখ্যায় চ বৈষ্ণবং তত্ততঃ পরং গারুডাখ্যং স চক্রে || ৩, ১. ৭০ ||
অতো হি গারুডং মুখ্যং পুরাণং শাস্ত্রসমতম্ |
গারুডেন সমং নাস্তি বিষ্ণুধর্মপ্রদর্শনে || ৩, ১. ৭১ ||
যথা সুরাণাং প্রবরো জনার্দনো যথায়ুধানাং প্রবরঃ সুদর্শনম্ |
যথাশ্বমেধঃ প্রবরঃ ক্রতূনাং ছিন্নেষু ভক্তেষু তথৈব রুদ্রঃ || ৩, ১. ৭২ ||
নদীষু গঙ্গা জলজেষু পদ্মমচ্ছিন্নভক্তেষু তথৈব বায়ুঃ |
তথা পুরাণেষু চ গারুডং চ মুখ্যং তদাহুর্হরিতত্ত্বদর্শনে || ৩, ১. ৭৩ ||
গারুডাখ্যপুরাণে তু প্রতিপাদ্যো হরিঃ স্মৃতঃ |

অতো হরির্নমস্কার্যো গম্যো যোগ্যো হরিঃ স্মৃতঃ || ৩, ১. ৭৪ ||
ভাগ্যাত্মকৎবাচ্ছ্রীদেব্যা নমনং নদনু স্মৃতম্ |

পরো নরোত্তমো বা স সাধকেশোপি চ স্মৃতঃ || ৩, ১. ৭৫ ||
অতো নম্যো বায়ুরপি পুরাণাদৌ দ্বিজোত্তমাঃ |
ভারতী বাক্যরূপৎবান্নম্যা বায়োরনন্তরম্ || ৩, ১. ৭৬ ||
উপসাধকো নরঃ প্রোক্তো যতোতস্তদনন্তরম্ |
নম্য ইত্যচ্যতে সদ্ভিস্তারতম্যেন সর্বদা || ৩, ১. ৭৭ ||
অতো ব্যাসং নমস্কুর্যাদ্গ্রন্থকর্তৃৎবহেতুতঃ |
শৌনক উবাচ |
ব্যাসস্য নমনং হ্যন্তে কথং কার্যং মহাত্মনঃ || ৩, ১. ৭৮ ||
অন্তে চ বন্দনে তস্য কারণং ব্রূহি সুব্রত |
সূত উবাচ |
বিষ্ণোরনন্তরং ব্যাসনমনং মুখ্যমেব হি || ৩, ১. ৭৯ ||
হরিরেব যতো ব্যাসো বাচ্যচক্রস্বরূপকঃ |
ব্যাসো নৈব সমৎবেন প্রোক্তো ভগবতো হরেঃ || ৩, ১. ৮০ ||
তত্রাপি কারণং বক্ষ্যে সাদরেণ মুনীশ্বরাঃ |
ব্যাসস্তু কশ্চন ঋষিঃ পুরাণে তামসে স্মৃতঃ || ৩, ১. ৮১ ||
ইতি জ্ঞানা বলম্বেন দৈত্যা দৈত্যানুগৈঃ সমাঃ |
প্রবিশন্তি হ্যন্ধতম ইতি ৎবন্তে নমস্কৃতঃ || ৩, ১. ৮২ ||
যদিদং পরমং গোপ্যং হৃদি ধার্যং ন সংশয়ঃ |
পরাণাং নম্যমেবোক্তং প্রতিপাদ্যং যতোত্র হি || ৩, ১. ৮৩ ||
সমাসব্যাসভাবাদ্ধি পরাণাং তৎপ্রতীয়তে |
বাস্তবং তং ন জানীয়ুরুপজীব্যো যতো হরিঃ || ৩, ১. ৮৪ ||
হরির্ব্যাসস্ত্বেক এব ব্যাসস্তু হরিবৎস্মৃতঃ |
উপজীব্যতদীশৎবে তয়োরেব ন সংশয়ঃ || ৩, ১. ৮৫ ||
ঈশকোটিপ্রবিষ্টৎবাচ্ছ্রিয়ঃ স্বামিৎবমীরিতম্ |
ত্রয়াণামুপজীব্যৎবাৎসেব্যৎবাৎস্বামিতা স্মৃতাঃ || ৩, ১. ৮৬ ||
বায়্বাদীনাং ত্রয়াণাং চ সেব্যৎবাৎসেব্যতা স্মৃতা |
ভূভারহরণে বিষ্ণোঃ প্রধানাঙ্গং হি মারুতিঃ || ৩, ১. ৮৭ ||
বাক্যরূপা ভারতী তু দ্বিতীয়াঙ্গং হি সা স্মৃতা |
তৃতীয়াঙ্গ হরেঃ শেষো ন নম্যাঃ সাম্যতো হরেঃ || ৩, ১. ৮৮ ||
প্রতিপাদ্যা মুখ্যতয়া নম্যা এব সমীরিতাঃ |
অবান্তরাশ্চ বায়্বাদ্যা ন নম্যাস্তেন তে স্মৃতাঃ || ৩, ১. ৮৯ ||
ভীষ্মদ্রোণাদিনামানি ভীমাদিষ্বেব মুখ্যতঃ |
বাচকানি যতো নিত্যং তন্নম্যাস্তে মুনীশ্বরাঃ || ৩, ১. ৯০ ||
পরাণামেব নম্যৎবং প্রতিপাদ্যৎবমেব হি |
এতৎসর্বং ময়াখ্যাতং কিমন্যচ্ছ্রোতুমিচ্ছথ || ৩, ১. ৯১ ||
ইতি শ্রীগারুডে মহাপুরাণে সূতশৌনকসংবাদে উত্তরখণ্ডে তৃতীয়াংশে ব্রহ্মকাণ্ডে
সাত্ত্বিকাদিপুরাণবিভাগনম্যানম্যদেববিভাগাদিবিষয়নিরূপণং নাম প্রথমোঽধ্যায়ঃ

শ্রীগরুডমহাপুরাণম্-২
শ্রীশৌনক উবাচ |
কথং সসর্জ ভগবাংস্তত্তত্তত্ত্বাভিমানিনঃ |
সৃষ্টিক্রমং ন জানামি দেবানাং হ্যন্তরং মুনে || ৩, ২. ১ ||
শৌনকেনৈব মুক্তস্তু সূতো বচনমব্রবীৎ |
শূত উবাচ |
সম্যগ্ব্যবসিতা বুদ্ধিস্তব ব্রহ্মর্ষিসত্তম || ৩, ২. ২ ||
এবমেব কৃতঃ প্রশ্রো হরৌ তু গরুডেন বৈ |
যদুক্তবান্হরিস্তস্মৈতদ্বক্ষ্যামি তবানঘ |
গরুড উবাচ |
সৃষ্টিং ব্রূহি মহাভাগ সচ্চিদানন্দবিগ্রহ || ৩, ২. ৩ ||
সৃষ্টৌ জ্ঞাতে তবোৎকর্ষো জ্ঞাতপ্রায়ো ভবিষ্যতি |
ব্রহ্মাদীনাং তারতম্যজ্ঞানং মম ভবিষ্যতি || ৩, ২. ৪ ||
মোক্ষোপায়ম্যঃ স বোক্ত মিততরত্তস্য সাধনম্ |
গরুডেনৈব মুক্তস্তু কৃষ্ণো বচনমব্রবীৎ || ৩, ২. ৫ ||
শৃকৃষ্ণ উবাচ মূলরূপে হ্যতো জ্ঞেয়ো বিষ্ণুৎবাদ্বিষ্ণুরব্যয়ঃ || ৩, ২. ৬ ||
অবতারমিদং প্রোক্তং পূর্ণৎবাদেব সুব্রত |
অনেকো হ্যেকতাং প্রাপ্য সংশেতে প্রলয়ায় বৈ || ৩, ২. ৭ ||
তত্রাপি চ বিশেষোস্তি জ্ঞাতব্যং তৎবমেব সঃ || ৩, ২. ৮ ||
ভেদেন দর্শনাদ্বাপি ভেদাভেদেন দর্শনাৎ |
বিষ্ণোর্গুণানাং রূপাণাং তদঙ্গানাং সুখাদিনাম্ |
তত্রৈব দশনাদ্বাপি ক্ষিপ্রমেব তমো ব্রজেৎ || ৩, ২. ৯ ||
পুরুষান্তরমারভ্য কল্পিতা যে দ্বিজোত্তম |
হরিরূপাস্তু তে জ্ঞেয়া একীভূতা হি তেন তে || ৩, ২. ১০ ||
প্রলেয় সমনুপ্রাপ্তে জীবাঃ স যান্তি মামকাঃ |
বিরাজৃপে হরেঃ সন্তি তদা তে চ হ্যনেকধা || ৩, ২. ১১ ||
একীভাবং প্রাপ্নুবন্তি মূলেন প্রলয়ে দ্বিজ |
বিম্বেন তু স্বয়ং বিষ্ণুরেকীভাবং ব্রজেদ্যদি || ৩, ২. ১২ ||
প্রতিবিম্বঃ কথং জীবো ভবেন্নারায়ণস্য চ |
তদধীনস্তৎসদৃশো হরের্জীবো ন সংশয়ঃ || ৩, ২. ১৩ ||
প্রতিবিম্বস্য শব্দার্থো হ্যয়মেবমুদাহৃতঃ |
তস্মাচ্চ বিম্বরূপাণামেকীভাবং ন চিন্তয়েৎ || ৩, ২. ১৪ ||
কৃষ্ণরামাদিবচ্চৈব ৎবেকী ভাবো বিবক্ষিতঃ |
বিম্বানাং মূলরূপস্য ভেদো নাত্র বিবক্ষিতঃ || ৩, ২. ১৫ ||
তত্রাপি চ বিশেষোস্তি জ্ঞাতব্যস্তত্ত্বমিচ্ছুভিঃ |
একাংশেন তু বিম্বৈস্তু চৈকীভাবং ব্রজন্তি তে || ৩, ২. ১৬ ||
একাংশেন তু জীবৎবে সংস্থিতা নাত্র সংশয়ঃ |
বিম্বমূলং ন জানন্তি তে জনা হ্যসুরাঃ স্মৃতাঃ || ৩, ২. ১৭ ||
এক এব হরিঃ পূর্বং হ্যবিদ্যাবশতঃ স্বয়ম্ |
অনেকো ভবতি হ্যারাদাদর্শপ্রতির্বিববৎ || ৩, ২. ১৮ ||
এবং বদন্তি যে মূঢা স্তেপি যান্ত্যধরং তমঃ |
উপাধির্দ্বিবিধঃ প্রোক্তঃ স্বরূপো বাহ্য এব চ || ৩, ২. ১৯ ||
বাহ্যোপাধির্লয়ে যাতি মুক্তাবন্যস্য সংশ্থিতিঃ |
সর্বোপাধিবি নাশে হি প্রতিবিম্বঃ কথং ভবেৎ || ৩, ২. ২০ ||
চিদ্রূপাখ্যো হ্যুপাধিস্তু মোক্ষে যেপ্যধিকারিণঃ |
দুঃখরূপো হ্যুপাধিস্তু তমসো যেধিকারিণঃ || ৩, ২. ২১ ||
মিশ্ররূপো হ্যুপাধিস্তু নিত্যসংসারিণাং মতঃ |
বাহ্যোপাধির্লিঙ্গদেহঃ সর্বেষাং নাত্র সংশয়ঃ || ৩, ২. ২২ ||
দৈত্যাঃ দুঃখায়তে যস্মাত্তস্মাদুঃখী হরিঃ স্বয়ম্ |
তত্তদ্দুঃখস্বরূপৎবাদ্দৈত্যানাং বিম্বরূপকঃ || ৩, ২. ২৩ ||
দৈত্যস্থিতানাং বিম্বানাং মূলরূপস্য বৈ প্রভোঃ |
পরস্পরং তথা ভেদং হ্যন্তরং বা ন চিন্তয়েৎ || ৩, ২. ২৪ ||
শ্রীভূদুর্গাদিরূপাণাং তথা সীতাদিরূপিণাম্ |
অন্যোন্যং নাণুমাত্রং চ ভেদো বাহ্যান্তরেপি চ || ৩, ২. ২৫ ||
চিন্তনীয়ঃ কথমপি জ্ঞাৎবা যান্ত্যধরং তমঃ |
প্রতিবিম্বস্থিতো বিম্বঃ স্ত্রীরূপো হ্যস্তি সর্বদা || ৩, ২. ২৬ ||
প্রলয়ে সমনুপ্রাপ্তে লক্ষ্ম্যা সহ খগোত্তম |
একীভাবং নাপ্নুবন্তি বিম্বেন সহ সংস্থিতাঃ || ৩, ২. ২৭ ||
বিংবস্থিতানাং রূপাণাং লক্ষ্ম্যাশ্চ বিনতাসুত |
ভেদস্তু নাণুমাত্রং চ শঙ্কনীয়ঃ কথঞ্চন || ৩, ২. ২৮ ||
যদা হি শেতে প্রলয়ার্ণবে বিভুর্জীবাংশ্চ সর্বানুদরে নিবেশ্য |
মুক্তাংশ্চ ব্রহ্মেন্দ্রমরুদ্গণাদীন্প্রাৎপব্যমুক্তীংশ্চ সুতৌ? চ সংস্থিতান্ || ৩, ২. ২৯ ||
প্রাপ্তান্ধকূপাদিসমস্তজীবাংস্তথৈব প্রাপ্তব্যকলীনথাপরান্ |
তথৈব নিত্যং সৃতিসংস্থিতাঞ্জনানচেতনানৃক্ষরূপাদিজীবান্ || ৩, ২. ৩০ ||
এবং জনাঞ্জঠরে সংনিধায় সম্যকূশেতে হ্যম্ভসি বৈ স কল্পে |
লক্ষ্মীস্তু সা সর্ববেদাত্মিকা চ ভক্ত্যা হরৌ নিত্যসংবর্ধিতাপি || ৩, ২. ৩১ ||
অত্যাদরং দর্শয়তীব সা তু ঈডে বিষ্ণুং ভক্তিসংবর্ধিতাপি |
চেষ্টাদিরূপেণ তদা ন কিঞ্চিদাসীদ্বিনা বিষ্ণুমথ শ্রিয়ং চ || ৩, ২. ৩২ ||
পর্যঙ্করূপেণ বভূব দেবী বাসস্বরূপেণ রমা বিরেজে |
সর্বং রমা সৈব তদৈব চাসীৎসৈকা দেবী বহুরূপা বভাষে || ৩, ২. ৩৩ ||
ৎবমুৎকৃষ্টঃ সর্বদেবোত্তমৎবান্ন ৎবৎসমঃ কশ্চিদেবাধিকো বা |
ৎবং ব্রহ্ম একো ন চতুর্মুখশ্চ নাহং রুদ্রো ন বৃহস্পতিশ্চ || ৩, ২. ৩৪ ||
বিষ্ণাবেব ব্রহ্মশব্দো হি মুখ্যো হ্যন্যেষ্বমুখ্যো ব্রহ্মরুদ্রাদিকেষু |
অনন্তগুণপূর্ণৎবাদ্ব্রহ্মেতি হরিরুচ্যতে || ৩, ২. ৩৫ ||
গুণাদিপূর্ণতাভাবান্নান্যে ব্রহ্মেত্যুদাহৃতাঃ |
দেশানন্ত্যং গুণতঃ কালতো বা নাস্ত্যানন্ত্যং ক্বাপি দেশে চ কালে || ৩, ২. ৩৬ ||
যদা নন্ত্যং কিমু বক্তব্যমত্র গুণানন্ত্যং নাস্তি ব্রহ্মাদিকেষু |
যদ্যপ্যহং দেশতঃ কালতশ্চ সমস্তদা বাসুদেবেন সার্ধম্ || ৩, ২. ৩৭ ||
তথাপি মে গুণতো নাস্ত্যনন্তং ততো ধর্মা গুণতোনন্ততশ্চ |
সন্তি শ্রুতাববিরুদ্ধাশ্চ দেবে চিন্ত্যা হ্যচিন্ত্যা বহুধা তে হ্যনন্তাঃ || ৩, ২. ৩৮ ||
অতো গুণাংস্তব দেবস্য বিষ্ণো স্তোতুং সদা স্মো ন হরেঃ কদাপি |
নাহং ন কেশৌ ন চ গীর্ন রুদ্রো ন দক্ষকন্যা ন চ মেনকাসুতা || ৩, ২. ৩৯ ||
ন বৈ বিডৌজা ন চ বা পুলোমজা ন চেধ্মবাহো ন যমো ন চান্যঃ |
ন নারদো নাপি ভৃগুর্বসিষ্ঠো ন বিঘ্নপো নাপি বল্যাদয়শ্চ || ৩, ২. ৪০ ||
ন বৈ বিরাটো নাপি ভীমঃ শনিশ্চ ন পুষ্করো ন কশেরুস্তথৈব |
ন কিন্নরাঃ পিতরো নৈব দেবা গন্ধর্বমুখ্যা নাপি বা তুষ্যসঞ্জ্ঞাঃ || ৩, ২. ৪১ ||
ন বৈ ক্ষিতীশা ন চ মানুষাশ্চ বিষ্ণোর্ন জানন্তি কিমত্র চান্যে |
মত্তোধমঃ কোচিগুণেন ব্রহ্মা সমো হি তস্য ব্রহ্মণো মাতরিশ্ব || ৩, ২. ৪২ ||
তৌ বৈ বিরাগে হরিভক্তিভাবে ধৃতিস্তিতিপ্রাণবলেষুয়োগে |
বুদ্ধৌ সমানৌ সংসৃতৌ মোক্ষকালে পরস্পরাধারসমন্বিতৌ চ || ৩, ২. ৪৩ ||
অন্নাভিমানং ব্রহ্ম চাহুর্মুরারিং জীবাভিমানং বায়ুমাহুর্মহান্তঃ |
ন শক্তোসৌ ব্রহ্মদেবো বিবস্তুং বায়ুং বিনা সংসৃতাবেব নিত্যম্ || ৩, ২. ৪৪ ||
ন তং বিনা মাতরিশ্বা চ বস্তুমন্যোন্যমাপ্তিঃ কালতো ন্যূনতা চ |
যদা মহত্তত্ত্বনি যামকোভূদ্ব্রহ্মাণ্ডান্তস্থূলসৃষ্টৌ মহাত্মা || ৩, ২. ৪৫ ||
তদা বায়ুর্নাশকদ্বৈ মহাত্মা বাহ্যে সৃষ্টৌ কালভেদেন চাস্তি |
সরস্বতী ভারতী ব্রহ্মণস্তু সংবৎসরানন্তরং সম্বভূব || ৩, ২. ৪৬ ||
যদা দশাব্দাঃ সমতীতা মহাত্মা তদা বায়ুঃ সমভূল্লোকপূজ্যঃ |
কিঞ্চিন্ন্যূনৎবং স্থূলসৃষ্টৌ মহাত্মন্নৈতাবতা বানয়োঃ সৌম্যহানিঃ || ৩, ২. ৪৭ ||
সরস্বতী বৎসরাৎসম্বভূব হ্যনন্তরং ব্রহ্মণো জন্মকালাৎ |
গিরঃ সকাশাৎকালতো ন্যূনতাস্তি বায়োস্তদা হ্যধমত্ত্বে ক্ষতিঃ কা || ৩, ২. ৪৮ ||
বায়োরনন্তরং বাণী হ্যভূৎসংবৎসরাৎপরম্ |
যাবৎপশ্চাজ্জনিস্তাবৎপূর্বদেহক্ষয়ো ভবেৎ || ৩, ২. ৪৯ ||
শেষস্ত্বিন্দ্রো রুদ্র এতে ত্রয়শ্চ সমা হ্যেতে জ্ঞানবলাদিকেষ্বপি তথাপি
তেষাং কালতো ন্যূনতাস্তি কালোপি তেষাং দ্বিব্যেসহস্রবর্ষম্ || ৩, ২. ৫০ ||
অনন্তরুদ্রো ব্রহ্মবায়ূ যথা বা তথা জ্ঞেয়ো নৈব হানিঃ স্বরূপে |
স্থূলস্য সৃষ্টৌ বাহ্যসৃষ্টৌ মহাত্মন্কালান্ন্যূনৎবং স ময়া নৈব চিন্ত্যঃ || ৩, ২. ৫১ ||
তেষাং সকাশাদ্বারুণী পার্বতী চ সৌপর্ণীনাম্নী তিস্ত্র এতা মহাত্মন্ |
দশাব্দেভ্যোনন্তরং সম্বভূবুঃ সরস্বতী ভারতীবচ্চ বোধ্যা || ৩, ২. ৫২ ||
ইন্দ্রো বরো রুদ্রভার্যাদিকেভ্য এবং জ্ঞানং সর্বদা দেহ্যমন্দম্ |
এবং জ্ঞানং যস্য ভবেচ্চ লোকে স বৈ জ্ঞানী বেদবেদ্যঃ স এব || ৩, ২. ৫৩ ||
ন বৈ জ্ঞানীত্যন্তরং যো ন বেদ স বেদবাদী ন চ বেদপাঠকঃ || ৩, ২. ৫৪ ||
বেদাক্ষরাণি যাবন্তি পঠিতানি দ্বিজাতিভিঃ |
তাবন্তি হরিনামানি প্রিয়াণি চ হরেঃসদা || ৩, ২. ৫৫ ||
মম স্বামী হরির্নিত্যং দাসোহং সর্বদা হরেঃ |
ব্রহ্মাদ্যা দেবতাঃ সর্বা গুরবো মে যথাক্রমম্ || ৩, ২. ৫৬ ||
এতেষাং চ হরিঃ স্বামী বেদে সর্বত্র গীয়তে |
এবং জানংস্তু যো বেদান্সম্পঠেৎস দ্বিজোত্তমঃ || ৩, ২. ৫৭ ||
স বেদপাঠকো জ্ঞেয়স্তদন্যে বেদবাদিনঃ |
বেদভারভরাক্রান্তঃ স বৈ ব্রাহ্মণগর্দভঃ || ৩, ২. ৫৮ ||
জ্ঞানাভিমানী বেদমানী উভৌ তু পরস্পরং হ্যূচতুঃ সর্বদৈব |
জলং বেদো যত্র বাসো মুরারেরাচার্যাণাং সঙ্গদোষাদ্দ্বিজানাম্ || ৩, ২. ৫৯ ||
মহাপরাধাঃ সন্তি লোকে মহাত্মন্সহস্রশঃ শতশঃ কোটিশশ্চ |
হরিশ্চ তান্ক্ষমতে সর্বদৈব নামত্রয়স্মরণাদ্বৈ কুপালুঃ || ৩, ২. ৬০ ||
সর্বাপরাধাদ্রহিতং দানমানৈর্যুক্তং সদা তারতম্যাচ্চ হীনম্ |
দৃষ্ট্বাপরাধং তস্য বিষ্ণুর্মহাত্মা হাহাকারং কুরুতে ক্রোধবুদ্ধ্যা || ৩, ২. ৬১ ||
উত্তিষ্ঠ গোবিন্দ সুবেদবেদ্য সোব্যাৎকৃতাখ্যো ময়ি সম্যক্প্রসীদ |
ভো কেশবোত্তিষ্ঠ সুখস্বরূপ সৃষ্টৌ ব্যয়ে বর্তয়িতুং সমর্থঃ || ৩, ২. ৬২ ||
সৃষ্ট্বা ব্রহ্মাণং প্রেরয়েৎপূজ্যসৃষ্টৌ সৃষ্ট্বা রুদ্রং প্রেরয়েৎসংহৃতৌ চ |
প্রাপ্তব্যয়োগ্যান্ব্রহ্মশেষাদিদেবান্দৃষ্ট্বাদৃষ্ট্বা দেহি মোক্ষং চ সম্যক্ || ৩, ২. ৬৩ ||
হরে মুরারে স্বাপহীনাদ্য তিষ্ঠ কল্পা দিকানন্তরজ্ঞান (রং বুদ্ধি) (জান) হীনাৎ |
সম্যগ্দৃষ্ট্বা কর্মদৃষ্ট্যা মহাত্মল্লম্ব্ধং তমো দাহি দুঃখস্বরূপম্ || ৩, ২. ৬৪ ||
দৈত্যাদিকান্দুঃখমতীন্হ যস্মাত্তমস্যন্ধেসর্বদা চিৎস্বরূপী |
তস্মাদাহুর্দুঃস্বরূপী হরিস্ত্বং দুঃখস্বরূপাত্ত্বং চ দুঃখী হরে ৎবম্ || ৩, ২. ৬৫ ||
উত্তিষ্ঠ নারায়ণ বাসুদেব হ্যুত্তিষ্ঠ কৃষ্ণাচ্যুত মাধবেতি |
উত্তিষ্ঠ বৈকুণ্ঠ দয়ার্দ্রমূর্তে উত্তিষ্ঠ লক্ষ্মীশ নমোনমস্তে || ৩, ২. ৬৬ ||
উত্তিষ্ঠ মধ্বেশ সরস্বতীশ উত্তিষ্ঠ রুদ্রেশ তথাম্বিকেশ |
উত্তিষ্ঠ চন্দ্রেশ তথা শচীশ বিপ্রেশ ভক্তেশ গবেশ নিত্যম্ || ৩, ২. ৬৭ ||
শাস্ত্রপ্রিয়োত্তিষ্ঠ ঋচি প্রিয়স্ত্বং যজুঃ প্রিয়োত্তিষ্ঠ নিদানমূর্তে |
সামপ্রিয়স্ত্বং চ তথা মুরারে অথর্ববেদপ্রিয় সর্বদা ৎবম্ || ৩, ২. ৬৮ ||
গদ্যপ্রিয়স্ত্বং চ পুরাণমূর্তে স্তুতিপ্রিয়োত্তিষ্ঠ বিচিত্রমূর্তে |
সুগায়নপ্রীতিকরস্ত্বমেব হ্যুতিষ্ঠ শীঘ্রং কমলা পতিস্ত্বম্ || ৩, ২. ৬৯ ||
এবং স্তুতো বিষ্ণুরজঃ পুরাণো হ্যতিৎবরাবানুত্থিতো নিত্যবদ্ধঃ || ৩, ২. ৭০ ||

ইতি শ্রীগারুডে মহাপুরাণে কৃষ্ণগরুডসংবাদে উত্তরখণ্ডে তৃতীয়াংশে ব্রহ্মকাণ্ডে
ব্রহ্মাবিষ্ণুমহেশ্বরাদিদেবতাতারম্যনিরূপণং নাম দ্বিতীয়োঽধ্যায়ঃ

শ্রীগরুডমহাপুরাণম্-৩
শ্রীকৃষ্ণ উবাচ |
বভূবেচ্ছা মম দেবস্য বিষ্ণোঃ স্রষ্টুং সৃজ্যান্মোক্ষয়োগ্যাংশ্চ মোক্তুম্ |
ইচ্ছাশক্তিঃ সর্বদৈবাস্তি বিষ্ণোস্তথাপি তদ্ব্যাহরণং চ লৌকিকম্ || ৩, ৩. ১ ||
তদা হরির্জগৃহে লৌকিকং চ তমঃ পানং তেন রূপেণ চক্রে |
তদ্রূপমাহুঃ প্রাকৃতং বৈ তদজ্ঞা হ্যন্ধং তমঃ প্রবিশন্ত্যেব সর্বে || ৩, ৩. ২ ||
অবতারা মহাবিষ্ণোঃ সর্বে পূর্ণাঃ প্রকীর্তিতাঃ |
পূর্ণং চ তৎপরং রূপং পূর্ণাৎপূর্ণাঃ সমুদ্গতাঃ || ৩, ৩. ৩ ||
পরাবরৎবং তেষাং তু ব্যক্তিমাত্রবিশেষতঃ |
ন দেশকালসামর্থ্যাৎপারাবর্যং কথঞ্চন || ৩, ৩. ৪ ||
পূর্বরূপং চ পূর্ণং চ পূর্ণং পদবিতারগম্? |
রূপং তদাত্মন্যাদায় পূর্ণমেবাবশিষ্যতে || ৩, ৩. ৫ ||
লৌকিকব্যবহারোয়ং ভূভারক্ষপণাদিকঃ |
তস্য দৃর্ষ্টি বিনা নান্যো লয়ঃ কৃষ্ণাদিনা ক্বচিৎ || ৩, ৩. ৬ ||
তত্ত্বে পীডা ন কর্তব্যা তয়া দুঃখানি বিন্দতি |
অত্যন্তপীডনাত্তস্য রোগস্তস্য ন সংশয়ঃ || ৩, ৩. ৭ ||
জ্ঞাতব্যাংশে তু পীডা তু কর্তব্যা গুরুণা সহ |
তমন্তেবাসিনং চাহুঃ স এব চু গুরুঃ স্মৃতঃ || ৩, ৩. ৮ ||
যে কুর্বন্তি হরেস্তত্ত্ববিচারং তু পরস্পরম্ |
তাবেব গুরুশিষ্যৌ তু বিনতানন্দসংযুত || ৩, ৩. ৯ ||
গুরুণাপি সমং হাস্যং কর্তব্যং কুটিলং বিনা |
হর্ষামর্ষয়ুতঃ শিষ্যো গুরুঃ কৌটিল্যসংযুতঃ || ৩, ৩. ১০ ||
উভৌ তৌ নিরয়ং যাতো যাবদাচন্দ্রতারকম্ |
সাক্ষাদ্ধরিঃ পুরুষঃ পিঙ্গলাক্ষঃ স্বমায়ায়াং গুণময়্যাং মহাত্মা |
স্বপৌরুষেণৈব সুমঙ্গলেন অধাত্তু বীর্যং ভগবান্বীর্যবাংশ্চ || ৩, ৩. ১১ ||
গরুড উবাচ |
বীর্যস্বরূপং ব্রূহি মে বাসুদেব বীর্যে ৎবদীয়ে সংশয়ো মে বিভাতি |
কিং বীর্যমীশস্য স্বরূপভূতং কিং বা বিভিন্নং বদ সাধু বেৎসি || ৩, ৩. ১২ ||
শ্রীকৃষ্ণ উবাচ |
যদ্বীর্যমাধত্ত হরিঃ স্বয়ং প্রভুর্মায়াভিধায়াং বিনতাতনূজ |
তদ্বীর্যমাহুর্নৃহরেঃ স্বরূপং বিপশ্চিতো নিশ্চিততত্ত্বদর্শিনঃ || ৩, ৩. ১৩ ||
ভিন্নং তদাহুঃ প্রাকৃতমেব চাহুঃ স্বনাভিপদ্মাদিকবচ্চ বোধ্যম্ |
নৈতাবতা জ্ঞানরূপস্য বিষ্ণোর্ন বীর্যহানিরিতি চিন্তনীয়ম্ || ৩, ৩. ১৪ ||
বীর্যস্বরূপী ভগবান্বা সুদেবঃ সর্বত্র দেশেপি চ সর্বকালে |
সর্বার্থবান্যদি ন স্যাৎখগেন্দ্র তর্হীশ্বরঃ পুরুষো নৈব স স্যাৎ || ৩, ৩. ১৫ ||
অচিন্ত্যবীর্যৈশ্চিন্ত্যবীর্যৈর্দ্বিরূপঃ স্ত্রীরূপমেকং পুরুষং তথা পরম্ |
উভে রূপে বীর্যবতী খগেন্দ্র তয়োরভেদশ্চিন্তনীয়ো হি সম্যকূ || ৩, ৩. ১৬ ||
স্ত্রীরূপবান্যদি ন স্যাৎখর্গেদ্রস্ত্রীণাং কথং প্রতিবিম্বৎবমেব || ৩, ৩. ১৭ ||
স্ত্রীরূপমস্মাদ্ব্রহ্মজং (দ্বাস্তবং) চিন্তনীয়ং স্বরূপমেতন্নান্যথা চিন্তনীয়ম্ |
স্ত্রীরূপবন্নৈব বিচিন্তনীয়ং নপুংসকং ত্বস্য জন্যং হি বিদ্ধি || ৩, ৩. ১৮ ||
নপুংসকং নবৈব স্বরূপভূতমতো হরৌ নাস্তি বিচিন্তনীয়ম্ |
স্ত্রীবিম্বভূতে হরিরূপে খগেন্দ্র শ্রীরূপমস্তীতি বিচিন্তনীয়ম্ || ৩, ৩. ১৯ ||
গরুড উবাচ |
স্ত্রিয়া স্ত্রিয়শ্চ সংযোগং ব্যর্থমহুর্মনীষিণঃ |
স্ত্রীরূপভূতে বিম্বে তু স্ত্রীরূপাঃ সন্তি সর্বদা || ৩, ৩. ২০ ||
স্থিতৌ তত্র নিমিত্তং চ ব্রূহি কৃষ্ণ মম প্রভো || ৩, ৩. ২১ ||
শ্রীকৃষ্ণ উবাচ |
স্ত্রীবিম্বভূতস্ত্রীরূপে লক্ষ্মীর্ন স্যাৎখগেশ্বর |
নিত্যাবিয়োগিনী দেবী কথং স্যাৎপরমাত্মনঃ || ৩, ৩. ২২ ||
হরেরনন্তরূপাণাং স্ত্রীরূপাণাং খগেশ্বর |
অনন্তানন্তরূপেণ নিত্যং শুশ্রূষণে রতা || ৩, ৩. ২৩ ||
অতো লক্ষ্ম্যা বিয়োগস্তু শঙ্কনীয়ঃ কথঞ্চন |
নারায়ণো নাম হরিঃ স্বতন্ত্রঃ শ্রিয়া বিনা নাস্তি কদাপি তার্ক্ষ্য |
হরের্মুকুন্দস্য পদারবিন্দে শুশ্রূষমাণা পরমাদরেণ || ৩, ৩. ২৪ ||
হরিং বিনা শ্রীরপি দেশকালে নাস্তীতি মোক্ষেচ্ছুভিরেব বেদ্যম্ |
যস্যামধাদ্বীর্যমনুক্ষণং চ সা মামিকা চেন্দ্রজালা ত্মিকেতি || ৩, ৩. ২৫ ||
বদন্তি যে অসুরা মূঢরূপা অধমতঃ প্রবিশন্ত্যেব সর্বে |
মায়া নাম প্রকৃতিস্ত্বেমাহুঃ সুসূক্ষ্মরূপা ন তু চেন্দ্রজালিকা || ৩, ৩. ২৬ ||
তস্যাভিমানঃ শ্রীরিতি বেদিতব্যো বীর্যাধানং তত্র তেষাং চ মেলঃ |
কার্যোন্মুখং মেলনং চাহুরার্যা ইতো রূপং নাহুরায়্যাশ্চ বিষ্ণোঃ || ৩, ৩. ২৭ ||
সানাদি নিত্যা সত্যরূপা চ বিষ্ণোর্মিথ্যা রূপা সা কথং স্যাৎখগেন্দ্র |
সত্যা তনুঃ প্রকৃতেস্তন্নিগূঢা সত্যৎবমাহুর্ব্যবহারার্থরূপম্ || ৩, ৩. ২৮ ||
ব্যবহাররূপা সত্যতা চেৎপ্রকৃত্যাস্তদা কথং স্যাদ্যদনাদিভূতা |
অনাদিনিত্যা যদি ন স্যাৎখগেন্দ্র সুশূক্ষ্মরূপেণ ন কারণং স্যাৎ || ৩, ৩. ২৯ ||
সূক্ষ্মেণ রূপেণ চ কারণং স্যাত্তর্হি প্রপঞ্চস্য চ কারণং বদ |
অবিদ্যায়া বশতো বিষ্ণুরেব নানারূপৈর্দৃশ্যতে বিষ্ণুরেব || ৩, ৩. ৩০ ||
শাস্ত্রজ্ঞানান্নাশমেতি হ্যবিদ্যা ন সংশয়ো হরিণা চৈক্যমেতি |
এবং ব্রূষে যদি বাদৎখগেন্দ্র বক্ষ্যেহং তে তত্র যুক্তিং শৃণু ৎবম্ || ৩, ৩. ৩১ ||
সর্বজ্ঞরূপস্য হি মে মুরারেঃ কথং হরের্ঘটতে হ্যজ্ঞতা চ |
সূর্যে যথা তমো নাস্তি তথা নারায়ণে হরৌ |
অজ্ঞানং নাস্তি পক্ষীদ্র কথং তৎবং ব্রবীষ্যহো || ৩, ৩. ৩২ ||
অতো নাহং ব্রাহ্মণস্ত্বাদিকালাদুপাধিসম্বন্ধবশাদজ্ঞতাচেৎ |
সর্বজ্ঞোসৌ কুত্র পক্ষীন্দ্র বিষ্ণুরল্পজ্ঞজীবো জ্ঞানশূন্যশ্চ কুত্র || ৩, ৩. ৩৩ ||
বিরুদ্ধয়োশ্চানয়োঃ সর্বদৈব কথং চৈক্যং সংবাদিষ্যন্তি বেদাঃ |
দেশে কালে সর্বদা দ্দুঃখহীনো জগৎকর্তা পূর্ণশক্তিঃ সদৈব || ৩, ৩. ৩৪ ||
জীবঃ সদা স্বল্পকর্তাস্তি পূর্ণঃ সংসাররূপে দুঃখরূপে চ নিত্যম্ |
বিরুদ্ধয়োশ্চানয়োরৈক্যমাহুরীশস্য মায়াবশতো মায়িনশ্চ || ৩, ৩. ৩৫ ||
যে বৈষ্ণবা বৈষ্ণবদাসবশ্যাস্তেষাং দ্রোহং সর্বদা সঞ্চরেদ্যঃ |
হরিপ্রীতিস্তেন ভবেন্ন নিত্যমানন্দবৃদ্ধিস্তেন ভবেন্ন মুক্তৌ || ৩, ৩. ৩৬ ||
মায়ী সদা মায়িভৃত্যস্তথাপি ভেদজ্ঞানান্নিন্দ্যতে কার্যতে চ |
তেনাপি তেষাং দুঃখবৃদ্ধির্ভবেচ্চ হ্যধং তমঃ পুনরাবৃত্তিহীনম্ || ৩, ৩. ৩৭ ||
খগেন্দ্রাতঃ প্রকৃতিঃ সূক্ষ্মরূপা সা নিত্যা সা সত্যভূতা সদৈব |
এবং স্বয়ং কালবায়্বাদিকানাং পরা (রমা) ণবঃ সত্যরূপাশ্চ সন্তি || ৩, ৩. ৩৮ ||
পরা (মাণূ) নাং লক্ষণং বেদিতব্যং জ্ঞানেচ্ছুভির্নান্যথা বেদিতব্যম্ |
পদার্থানাং পার্থিবানাং খগেন্দ্র বিশেষাণাং চরমাখ্যো বিশেষঃ || ৩, ৩. ৩৯ ||
স এবঃ স্যাৎপরমাণুর্দ্বিজেন্দ্র যোন্ত্যোবি (ব) শেষোবয়বশ্চ স স্মৃতঃ || ৩, ৩. ৪০ ||
গরুড উবাচ |
হে কৃষ্ণ হে মাধব সাত্ত্বতাং পতে পদার্থানাং চরমাংশঃ পরাণু || ৩, ৩. ৪১ ||
ইতি প্রোক্তং তত্র মে সংশয়োস্তি যোন্ত্যো বিশেষঃ স তু নাংশয়ুক্তঃ |
যো হ্যংশয়ুক্তো ন তু সোন্ত্যো বিশেষ এবং মমাভাতি বচস্তু তথ্যম্ || ৩, ৩. ৪২ ||
শ্রীকৃষ্ণ উবাচ |
য এব লোকে সংস্থিতা মানুষাস্তু বিশেষাণাং দর্শনে শক্তিয়ুক্তাঃ |
তথাপি তে যস্য চাংশিৎবমেব বিশেষং বৈ নৈব দ্রষ্টুং সমর্থাঃ || ৩, ৩. ৪৩ ||
তমেবাহুশ্চরমাংশং বিশেষং যে চৈবমাহুর্মুনয়স্তেন চান্যে |
যে কাণাদা গৌতমাদ্যাঃ খগেন্দ্র নিরংশকং পরমাণুং বদন্তি || ৩, ৩. ৪৪ ||
অনন্তাংশৈঃ সংযুতৎবেপি তাংশ্চ নিরংশিনো ভ্রান্তিদৃষ্ট্যা বদন্তি |
তস্মাৎপরা (রমা) ণোঃ পরমাণুৎবমস্তি তদংশানাং বিনতাগর্ভজাত || ৩, ৩. ৪৫ ||
পরা (রমা) ণূনামেকদেশে খগেন্দ্র তন্নো সন্তি প্রাণিনাং রাশয়শ্চ |
প্রত্যেকশ সন্তি রূপা হরেশ্চ হ্যতশ্চ তৎপরমাণোরণীয়ঃ || ৩, ৩. ৪৬ ||
যো বা ৎবণীয়ান্পরমস্য বিষ্ণোঃ স এব রূপো মহতো মহীয়ান্ |
তেষামন্যোন্যং ন বিশেষোস্তি কশ্চিদচিন্ত্যরূপে চ বিচিন্তনীয়ঃ || ৩, ৩. ৪৭ ||
কালকোটিবিহীনৎবং কালানন্ত্যং বিদুর্বুধাঃ |
দেশকোটিবিহীনৎবং দেশানন্ত্যং বিদুর্বুধাঃ || ৩, ৩. ৪৮ ||
গুণানামপ্রমেয়ৎবে গুণানন্ত্যং বিদুর্বুধাঃ |
আনন্ত্যং ত্রিবিধং নিত্যং হরের্নান্যস্য কস্যচিৎ || ৩, ৩. ৪৯ ||
তস্য সর্বস্বরূপেষু চানন্ত্যং তু ত্রিলক্ষণম্ |
তথাপি দেশতস্তস্য পরিচ্ছেদোপি যুজ্যতে || ৩, ৩. ৫০ ||
পরিচ্ছেদস্তথা ব্যাপ্তেরেকরূপেপি যুজ্যতে |
তস্যাচিন্ত্যাদ্ভুতৈশ্বর্যং ব্যবহারার্থমেব চ || ৩, ৩. ৫১ ||
গুণতঃ কালতশ্চৈব পরিচ্ছেদো ন কুত্রচিৎ |
ব্যাপ্তৎবং দেশতো হ্যস্তি সর্বভূতেষু যদ্যাপি || ৩, ৩. ৫২ ||
ন চ ভেদঃ ক্বচিত্তস্য হ্যণুমাত্রেপি যুজ্যতে |
তথাপি বিদ্যতেণুৎবং তস্মাদৈশ্বর্যয়োগতঃ || ৩, ৩. ৫৩ ||
তস্মাদ্বিদ্ধ্যবতারার্থং ব্যাপ্তৎবং চাপি ভণ্যতে |
যত্তস্য ব্যাপকং রূপং পরং নারায়ণং বিদুঃ || ৩, ৩. ৫৪ ||
অতশ্চ পরমাণূনাং পার্থিবাঽনন্ত্যবাদিনাম্ |
ভেদঃ পরস্পরং জ্ঞেয়স্তথেশস্য মহাত্মনঃ || ৩, ৩. ৫৫ ||
জডেশয়োর্জডানাং চ জীবানাং চ পরস্পরম্ |
তথৈব জডজীবানাং নিত্যং ভেদো জডেশয়োঃ || ৩, ৩. ৫৬ ||
পঞ্চ ভেদা ইমে নিত্যং সর্বাবস্থাসু সর্বশঃ |
এতাদৃশ্যাং তু মায়ায়াং বীর্যমাধত্ত বীর্যবান্ || ৩, ৩. ৫৭ ||
পুরুষাখ্যো হরিস্তস্মাত্ত্রিগুণানসৃজৎপ্রভুঃ || ৩, ৩. ৫৮ ||

ইতি শ্রীগারুডে মহাপুরাণে তৃতীয়াংশে ব্রহ্মকাণ্ডে
ভগবদ্বীর্যস্বরূপতদাধানদ্বারকগুণত্রয় সৃষ্টিজডেশভেদাদিনিরূপণং নাম তৃতীয়োঽধ্যায়ঃ

শ্রীগরুডমহাপুরাণম্-৪
শ্রীকৃষ্ণ উবাচ |
যথা সসর্জ ভগবাংস্ত্রীন্গুণান্প্রকৃতেস্তদা |
লক্ষ্মীস্ত্রিরূপা সম্ভূতা শ্রীর্ভূর্দুর্গোতি সঞ্জ্ঞিতা || ৩, ৪. ১ ||
সত্ত্বাভিমানিনী শ্রীস্তু ভূর্দেবী রজমানিনী |
তমোভিমানিনী দুর্গা হ্যেবমাহুর্মনীষিণঃ || ৩, ৪. ২ ||
অন্তরং ন বিজানীয়াদ্রূপাণাং চ পরস্পরম্ |
গুণানাং চৈব সম্বন্ধাদ্দুর্গাদীনাং খগেশ্বর || ৩, ৪. ৩ ||
অন্তরং যে বিজানন্তি তে যান্ত্যন্ধন্তমঃ পরম্ |
পুরুষস্তু ত্রিরূপোভূদ্বিষ্ণুর্ব্রহ্মা ভবেতিসঃ || ৩, ৪. ৪ ||
সত্ত্বেন লোকান্বর্ধয়িতুং বিষ্ণুঃ সাক্ষাদ্ধরিঃ স্বয়ম্ |
সৃষ্টিং কর্তুং চ রজসা ব্রহ্মণি প্রাবিশদ্ধরিঃ || ৩, ৪. ৫ ||
আদ্যো ব্রহ্মা স বিজ্ঞেয়ো ন তু সাক্ষাদ্ধরিঃ স্বয়ম্ |
তমসাপি সমান্হন্তুং রুদ্রে চ প্রাবিশদ্ধরিঃ || ৩, ৪. ৬ ||
রুদ্রে স্থিতো রুদ্রসঞ্জ্ঞো ন রুদ্রস্তু হরিঃ স্বয়ম্ |
বিষ্ণুরেব হরিঃ সাক্ষাত্তাবুভৌন হরী স্মৃতৌ || ৩, ৪. ৭ ||
আবিষ্টরূপৌ বিজ্ঞেয়ৌ ব্রহ্মরুদ্রাভিধায়কৌ |
এবং জ্ঞাৎবা মোক্ষমেতি নান্যথা তু কথঞ্চন || ৩, ৪. ৮ ||
বিষ্ণুব্রহ্মাদিরূপাণামৈক্যং জানন্তি যে দ্বিজাঃ |
তে যান্তি নরকং ঘোরং পুনরাবৃত্তিবর্জিতম্ || ৩, ৪. ৯ ||
গুণত্রয়ং প্রবিষ্টস্তু পুরুষো হরিরব্যয়ঃ |
কার্যোন্মুখং যথা ভূয়াৎক্ষোভয়ামাস বৈ তথা || ৩, ৪. ১০ ||
জাতক্ষোভাদ্ভগবতো মহানাসীদ্গুণত্রয়াৎ |
গুণত্রয়ে বিদ্যমানাদ্ভাগাদেব ন সংশয়ঃ || ৩, ৪. ১১ ||
মহতো ব্রহ্মবায়ূ চ জজ্ঞাতে খাভিমানিনৌ |
তস্য সংবৎসরাৎপশ্চাদ্যমলৌ সম্বভূবতুঃ || ৩, ৪. ১২ ||
রজঃ প্রধানং যত্তৎবং মহত্তত্তবমিতীরিতম্ |
সর্গং ৎবিমং বিজানীয়াদ্গুণবৈষম্যনামকম্ || ৩, ৪. ১৩ ||
গরুড উবাচ |
মহত্তত্তবস্বরূপস্য জ্ঞানার্থং দেবকীসুত |
ৎবয়োক্তা গুণবৈষম্যনামিকা সৃষ্টিরুত্তমা || ৩, ৪. ১৪ ||
গুণবৈষম্যশব্দার্থং মম ব্রূহি মহাপ্রভো |
শ্রীকৃষ্ণ উবাচ |
গুণবৈষম্যশব্দার্থজ্ঞাপনায় খগেশ্বর || ৩, ৪. ১৫ ||
অপিক্ষিতং চ তত্রাদৌ গুণসাম্যং ন সংশয়ঃ |
সম্যগ্জ্ঞাপয়িতুং তত্র খাদৌ তাবৎস্বগেশ্বর || ৩, ৪. ১৬ ||
রাশিভূতং গুণানাং তু দর্শয়িষ্যে স্থিতিং চ বৈ |
রাশীভূতস্য তসমঃ সকাশাদ্বিনতাসুত || ৩, ৪. ১৭ ||
রাশীভূতং রজো জ্ঞেয়ন্দ্বিগুণং তত্তু নান্যথা |
রাশীভূতস্য রজসঃ সকাশাদ্বিনতাসুত || ৩, ৪. ১৮ ||
রাশীভূতং তথা সত্ত্বং দ্বিগুণং সমুদাহৃতম্ |
মূলপ্রকৃতিজা হ্যেতে ন মূলা প্রকৃতিঃ স্মৃতা || ৩, ৪. ১৯ ||
যতঃ প্রকৃতিরূপাণাং পরিচ্ছেদো ন বিদ্যতে |
অতঃ প্রকৃতিজা জ্ঞেয়া ন মূলাস্তে খগেশ্বর || ৩, ৪. ২০ ||
এবং তব গুণানাঞ্চ পরিমাণং খগেশ্বর |
উক্তং স্বরূপং তেষাং তু তব সম্যক্খগেশ্বর || ৩, ৪. ২১ ||
তত্র রাশিত্রয়ে সত্ত্বং কেবলং সমুদাহৃতম্ |
রজস্তমোভ্যাং গরুড হ্যবিমিশ্রং হ্যতস্তু তৎ || ৩, ৪. ২২ ||
কেবলং সত্ত্বমিত্যুক্তং ন তু শ্রেষ্ঠৎবতঃ প্রভো |
সৃষ্টিকালে কেবলং স্যাৎপ্রলয়ে মিশ্রিতং ভবেৎ || ৩, ৪. ২৩ ||
সর্বদাপ্যবিমিশ্রং চ সত্ত্বরাশিং খগেশ্বর |
সর্বদাপি বিমিশ্রং চ সত্ত্বরাশিং দ্বিজোত্তম || ৩, ৪. ২৪ ||
যে বিজানন্তি তে সর্বে বিশন্তি হ্যধরং তমঃ |
রজস্তমোগুণৌ বীন্দ্র ইতরাভ্যাং বিমিশ্রিতৌ || ৩, ৪. ২৫ ||
সৃষ্টৌ প্রলয়কালেপি মিশ্রাবেব খগেশ্বর |
রাশিভূতেপি রজসি রজোভাগাচ্ছতাধিকম্ || ৩, ৪. ২৬ ||
সত্ত্বং চ মিশ্রিতং জ্ঞেয়ং নান্যথা পক্ষিসত্তম |
রজসঃ শতভাগানাং মধ্যে তু বিনতাসুত || ৩, ৪. ২৭ ||
য একো ভাগ উদ্দিষ্টস্তাবৎপরিমিতং তমঃ |
রাশিভূতেপি রজসি মিশ্রিতং পরিকীর্তিতম্ || ৩, ৪. ২৮ ||
রজোরাশিস্থিতিস্ত্বেবং তাত ব্যাপ্তং তমোগুণৈঃ |
রাশিভূতেপি তমসি সত্ত্বং চ বিনতাসুত || ৩, ৪. ২৯ ||
তমঃ সকাশাদ্গরুড দশভাগাধিকেন চ |
মিশ্রিতং ভবতীত্যেবং জ্ঞাতব্যং নাত্র সংশয়ঃ || ৩, ৪. ৩০ ||
তমসো দশভাগানাং মধ্যে তু বিনতাসুত |
য একো ভাগ উদ্দিষ্টস্তাবৎপরিমিতং রজঃ || ৩, ৪. ৩১ ||
রাশিভূতেপি তমসি মিশ্রিতং ভবতি ধ্রুবম্ |
তমোরাশিস্থিতিস্ত্বেবং জ্ঞাতব্যা পক্ষিসত্তম || ৩, ৪. ৩২ ||
গরুড উবাচ |
রশিভূতেপি রজসি রাশিভূতে তমস্যপি |
সত্ত্বাংশা হ্যধিকাঃ সন্তীত্যেবমুক্তং ময়ানঘ || ৩, ৪. ৩৩ ||
তত্র মে সংশয়ো হ্যস্তি শৃণু ৎবং সাত্ত্বতাং পতে |
যদ্রাশ্যাং যদ্রা শিভাগা হ্যধিকাঃ সন্তি যাবতা || ৩, ৪. ৩৪ ||
তাবতা ব্যবহারঃ স্যাৎক্ষীরনীরমিব প্রভো |
শ্রুৎবা স গরুডেনোক্তং ভগবান্পুরুষোত্তমঃ || ৩, ৪. ৩৫ ||
উবাচ পর মপ্রীত্যা সংস্তুবন্গরুডং হরিঃ |
শ্রীকৃষ্ণ উবাচ |
রজোরাশ্যা তমোরাশ্যা সত্ত্বরাশ্যধিকা সদা || ৩, ৪. ৩৬ ||
মিশ্রিতং চাপি পক্ষীন্দ্র ন সত্তবমিতি কীর্ত্যতে |
রজোরাশিস্তমোরাশিরিত্যেবং বিবুধা বিদুঃ || ৩, ৪. ৩৭ ||
বিষং তু চরুদুগ্ধস্থং বিষমিত্যুচ্যতে যথা |
এবং ময়োক্তা গরুড গুণানাং নিজসংস্থিতিঃ || ৩, ৪. ৩৮ ||
সাম্যাবস্থাং গুণানাং চ শৃণ্বিদানীং খগেশ্বর |
রাশীকৃতাচ্চ রজসঃ জন্যং যচ্চ কগেশ্বর || ৩, ৪. ৩৯ ||
মহত্তত্ত্বে প্রবিষ্টং চ যদ্রজঃ পরিকীর্তিতম্ |
প্রলয়ে সমনুপ্রাপ্তে মহত্তত্ত্বে স্থিতং রজঃ || ৩, ৪. ৪০ ||
দ্বাদশাংশেন তু হ্যদ্ধা বিভক্তং ভবতিং প্রভো |
রাশীভূতে হি সত্ত্বে তু দশভাগেন মিশ্রিতম্ || ৩, ৪. ৪১ ||
সম্যক্ভবতি পক্ষীন্দ্র তথৈকাংশেন চাণ্ডজ |
তমোরাশ্যা মিশ্রিতং চ ভবত্যেব ন সংশয়ঃ || ৩, ৪. ৪২ ||
অন্যেনৈকেন ভাগেন রজোরাশ্যা খগেশ্বর |
মিশ্রিতং ভবতীত্যেবং জ্ঞাতব্যং নান্যথা ক্বচিৎ || ৩, ৪. ৪৩ ||
গুণত্রয়েপি ভগবান্মহত্তত্ত্বস্য চাণ্ডজ |
এবং লয়স্তু জ্ঞাতব্যো হৃদি তত্ত্বার্থবোদিভিঃ || ৩, ৪. ৪৪ ||
এবং গুণত্রয়াণাং চ মিশ্রিতত্ত্বাৎখগেশ্বর |
গুণসাম্যমিতি প্রাহুরেবং জানীহি বৈ খগ || ৩, ৪. ৪৫ ||
অন্যথা যে বিজানন্তি তে যান্তি হ্যধরং তমঃ |
গরুড উবাচ |
রাশীকৃতগুণানাং চ ত্রয়াণাং পরমেশ্বর || ৩, ৪. ৪৬ ||
বিশালানাং পরং ব্রহ্মন্প্রলয়ে গুণসাম্যতা |
কথং ব্রূহি মহাভাগ এতত্তত্ত্বং সমাসতঃ || ৩, ৪. ৪৭ ||
শ্রীকৃষ্ণ উবাচ |
রাশীভূতগুণানাং তু ত্রয়ণামপি সত্তম |
তদা বিমিশ্রিতৎবেন হ্যবস্থানং বিদুর্বুধাঃ || ৩, ৪. ৪৮ ||
ইদানীং গুণবৈষম্যং শৃণু সম্যঙ্মম প্রিয় |
সৃষ্টিকালে তু সম্প্রাপ্তে যৎপূর্বং প্রলয়ে খগ || ৩, ৪. ৪৯ ||
দশভাগৈশ্চ সত্ত্বে তু মিশ্রিতং যদ্র জস্তথা |
তমস্যপ্যেকভাগেন প্রবিষ্টং যত্তু তদ্রজঃ || ৩, ৪. ৫০ ||
রজস্যপ্যেকভাগেন প্রবিষ্টং যচ্চ তদ্রজঃ |
এবং দ্বাদশভাগৈশ্চ প্রবিষ্টং সর্বশো রজঃ || ৩, ৪. ৫১ ||
সত্ত্বস্তৈর্দশভাগৈশ্চ তথৈকেন রজোংশিনা |
এবমেকাদশৈর্ভাগৈস্তমস্থাংশেন বৈ ব্দিজ || ৩, ৪. ৫২ ||
মিশ্রিতং ভবতি হ্যদ্ধা মহত্তত্ত্বং তদা স্মৃতম্ |
এতদন্যো বিশেষশ্চ মন্তধ্যো বিনতাসুত || ৩, ৪. ৫৩ ||
একাংশস্তামসো জ্ঞেয়ো মহত্তত্ত্বে ন সংশয়ঃ |
এবং ত্রয়োদশৈর্ভাগৈর্মিশ্রিতং তচ্চ সত্তম || ৩, ৪. ৫৪ ||
এবমেতদ্বিজানীয়ান্নান্যথা তু কথঞ্চন |
গরুড উবাচ |
চতুর্মুখাচ্ছ্রুতং পূর্বং ভগবন্সাত্ত্বতাং পতে || ৩, ৪. ৫৫ ||
চতুর্ভাগাৎসমুৎপন্নং মহত্তত্ত্বমিতি প্রভো |
তত্রৈকাংশস্তমঃ প্রোক্তঃ ত্রিভাগো রজ এব চ || ৩, ৪. ৫৬ ||
তদাহুর্ব্রহ্মণো রূপং গুণবৈষম্যনামকম্ |
চতুর্ভাগাত্মকং প্রোক্তং মহত্তত্ত্বং শ্রুতং ময়া || ৩, ৪. ৫৭ ||
ত্রয়োদশাংশৈঃ সম্ভূতমিতি প্রোক্তং ৎবয়ানঘ |
তদেতৎসংশয়ং ছিন্ধি কৃপালো ভক্তবৎসল || ৩, ৪. ৫৮ ||
শ্রীকৃষ্ণ উবাচ |
ব্রহ্মোক্তম্য ময়োক্তস্য বিবাদো নাস্তি সর্বথা |
মূলসত্ত্বে মিশ্রিতং চ দশভাগেন যদ্রজঃ || ৩, ৪. ৫৯ ||
তৎসর্বং চ মিলিৎবৈব ৎবেকো ভাগস্তু কীর্তিতঃ |
মূলে রজসি যচ্চোক্তো রজোভাগঃ খগেশ্বর || ৩, ৪. ৬০ ||
ভাগে দ্বিতীয়ে বিজ্ঞেয়স্তদ্রজো নাত্র সংশয়ঃ |
মূলে তমসি যচ্চোক্তো রজোভাগস্তথৈব চ || ৩, ৪. ৬১ ||
তৃতীয়ভাগো বিজ্ঞেয়ো নাত্র কার্যা বিচারণা |
তথা মূলে চ তমসি হ্যেকো ভাগস্তমঃ স্মৃতঃ || ৩, ৪. ৬২ ||
এবং ত্রিভাগো রজসঃ একাংশস্তমসঃ স্মৃতঃ |
তদাহুর্ব্রহ্মণো দেহং গুণবৈষম্যনামকম্ || ৩, ৪. ৬৩ ||
গরুড উবাচ |
মহত্তত্ত্বস্য চৎবারো ভাগাস্তেষু রজস্ত্রয়ঃ |
তমসস্ত্বেক এবেতি ৎবয়োক্তং গরুডধ্বজ || ৩, ৪. ৬৪ ||
রজোভাগাত্মকো দেহোঃ ব্রহ্মণঃ পরমেষ্ঠিনঃ |
ইতি প্রতীয়তে ব্রহ্মন্বচনাত্তব মাধব || ৩, ৪. ৬৫ ||
শুদ্ধসত্ত্বাত্মকো দেহো ব্রহ্মণঃ পরমেষ্ঠিনঃ |
এবং হি শ্রূয়তে কৃষ্ণ সংশয়ো মেত্র বাধতে || ৩, ৪. ৬৬ ||
তমেবং সংশয়ং ছিন্ধি যদ্ধি তচ্ছ্রোতুমর্হতি |
শ্রীকৃষ্ণ উবাচ |
ত্রিভাগভূতে রজসি তথা দ্বাদশধাপি চ || ৩, ৪. ৬৭ ||
রজসোপেক্ষয়া সত্ত্বং দশাংশাধিকমেব চ |
প্রবিষ্টমস্তীতি খগ জ্ঞাতব্যং তচ্ছণু দ্বিজ || ৩, ৪. ৬৮ ||
তমসোপেক্ষয়া সত্ত্বং দশাংশাধিকমেব বৈ |
প্রবিষ্টমস্তীতি খগ বক্তব্যং নাত্র সংশয়ঃ || ৩, ৪. ৬৯ ||
তমসোপেক্ষয়া তত্র তম একাদশং স্মৃতম্ |
একাংশস্তু রজো জ্ঞেয়মেবমাহুর্মনীষিণঃ |
এবং চ মিলিতান্ভাগান্বক্ষ্যে শৃণু মহামতে || ৩, ৪. ৭০ ||
মহত্তত্ত্বসমুৎপত্তা উপাদানং খগেশ্বর |
ত্রয়োদশাংশা বিজ্ঞেয়া দ্বাদশাশং রজঃ স্মৃতম্ || ৩, ৪. ৭১ ||
একাংশস্তমসো জ্ঞেয়স্তত্র ভাগাঞ্ছৃণু দ্বিজা |
আদৌ তু দ্বাদশাংশেষু ভাগান্বক্ষ্যামি তচ্ছৃণু || ৩, ৪. ৭২ ||
একাংশস্তমসো জ্ঞেয়স্তদ্দশাং শাধিকং রজঃ |
তচ্ছতাংশাধিকং সত্ত্বমেবমাহুর্মনীষিণঃ || ৩, ৪. ৭৩ ||
একাংশতমসি হ্যেবং বিভাগাঞ্ছৃণু সত্তম |
একাংশস্তু রজো জ্ঞেয়স্তমো হ্যেকা দশাধিকম্ || ৩, ৪. ৭৪ ||
তমোভাগাস্তু বিজ্ঞেয়াস্তদ্দশাংশাধিকঃ স্মৃতঃ |
সত্ত্বভাগ ইতি জ্ঞেয়ো মহত্তত্ত্বে খগেশ্বর || ৩, ৪. ৭৫ ||
সত্ত্বাংশো বহুলো যস্মাচ্ছুদ্ধসত্ত্বং চতুর্মুখঃ |
উৎপত্তির্মহতশ্চোক্তা এবং চ বিনতাসুত || ৩, ৪. ৭৬ ||
তজ্জ্ঞানান্মোক্ষমাপ্নোতি নান্যথা তু কথঞ্চন || ৩, ৪. ৭৭ ||

ইতি শ্রীগারুডে মহাপুরাণে উত্তরখণ্ডে কৃষ্ণ গরুডসংবাদে তৃতীয়াংশে ব্রহ্মকাণ্ডে
গুণবৈষম্যভেদব্রহ্মদেহস্বরূপগুণসাম্যনিরূপণং নাম চতুর্থোঽধ্যায়ঃ

শ্রীগরুডমহাপুরাণম্-৫
এতাদৃশে মহত্তত্ত্বে লক্ষ্ম্যা সহ হরিঃ স্বয়ম্ |
প্রবিবেশ মহাভাগ ক্ষোভয়ামাস বৈ হরিঃ || ৩, ৫. ১ ||
অহন্তত্ত্বমভূত্তস্মাজ্জ্ঞানদ্রব্যক্রিয়াত্মকম্ |
অহঙ্কারসমুৎপত্তাবেকাংশস্তমসি স্মৃতঃ || ৩, ৫. ২ ||
তদ্দশাংশাধিকরজস্তদ্দশাংশাধিকং প্রভো |
সত্ত্বমিত্যুচ্যতে সদ্ভির্হ্যেতদাত্মা ৎবহং স্মৃতম্ || ৩, ৫. ৩ ||
অহন্তত্ত্বাভিমানী তু আদৌ শেষো বভূবহ |
সহস্রাব্দাচ্চ পশ্চাত্তৌ জাতৌ খগহরৌ দ্বিজ || ৩, ৫. ৪ ||
অহন্তত্ত্বে খগ হ্যেষু প্রবিষ্টো হরিরব্যয়ঃ |
ক্ষোভয়ামাস ভগবাল্লঙ্ক্ষ্ম্যা সহ হরিঃ স্বয়ম্ || ৩, ৫. ৫ ||
বৈকারিকস্তামসশ্চ তৈজসশ্চেত্যহং ত্রিধা |
ত্রিধা বভূব রুদ্রোপি যতস্তেষাং নিয়ামকঃ || ৩, ৫. ৬ ||
বৈকারিকস্থিতো রুদ্রো বৈকারিক ইতি স্মৃতঃ |
তামসে তু স্থিতো রুদ্রস্তামসো হ্যভিধীয়তে || ৩, ৫. ৭ ||
তৈজসে তু স্থিতো রুদ্রো লোকে বৈ তৈজসঃ স্মৃতঃ |
তৈজসে তু হ্যহন্তত্ত্বে লক্ষ্ম্যা সহ হরিঃ স্বয়ম্ || ৩, ৫. ৮ ||
বিশিৎবা ক্ষোভয়ামাস তদাসৌ দশধা ৎবভূৎ |
শ্রোত্রং চক্ষুঃ স্পর্শনং চ রসনং ঘ্রাণমেব চ || ৩, ৫. ৯ ||
বাক্পাণিপাদং পায়ুশ্চ উপস্থেতি দশ স্মৃতাঃ |
বৈকারিকে হ্যহন্তত্ত্বে প্রবিশ্য ক্ষোভয়দ্ধরিঃ || ৩, ৫. ১০ ||
মহত্তত্ত্বাদিমা অদাবিন্দ্রিয়াণাং চ দেবতাঃ |
একাদশবিধা আসন্ক্রমেণ তু খগেশ্বর || ৩, ৫. ১১ ||
মনোভিমানি নী হ্যাদৌ বারুণী ৎবভবত্তদা |
অনন্তরং চ সৌপর্ণী গৌরোজাপি তথৈব চ || ৩, ৫. ১২ ||
শেষাদনন্তরাস্তাসাং দশবর্ষাদনংরম্ |
উৎপত্তিরিতি বিজ্ঞেয়ং ক্রমেণ তু খগেশ্বর || ৩, ৫. ১৩ ||
মনোভিমানিনাবন্যাবিন্দ্রকামৌ প্রজজ্ঞতুঃ |
তার্ক্ষ্য হ্যনন্তরৌ জ্ঞেয়ৌ মুক্তৌ সংসার এব চ || ৩, ৫. ১৪ ||
ততস্ত্বগাত্মা হ্যভবৎসোহং কারিক ঈরিতঃ |
ততঃ পাণ্যাত্মকাশ্চৈব জজ্ঞিরে পক্ষিসত্তম || ৩, ৫. ১৫ ||
শচী রতিশ্চানিরুদ্ধস্তথা স্বায়ম্ভুবো মনুঃ |
বৃহস্পতিস্তথা দক্ষ এতে পাণ্যাত্মকাঃ স্মৃতাঃ || ৩, ৫. ১৬ ||
দক্ষস্যানন্তরং জজ্ঞে প্রবাহো নাম চাণ্ডজ |
স এবোক্তশ্চাতিংবাহো যাপয়ত্যাত্মচোদিতঃ || ৩, ৫. ১৭ ||
হস্তাদনন্তরং জ্ঞেয়ো ন তু শচ্যাদিবৎস্মৃতঃ |
ততোভবন্মহাভাগ চক্ষুরিদ্রিয়মাত্মনঃ || ৩, ৫. ১৮ ||
স্বায়ম্ভুবমনোর্ভার্যা শতরূপা যমস্তথা |
চন্দ্রসূর্যৌ তু চত্ত্বারশ্চক্ষুরিন্দ্রিয়মানিনঃ || ৩, ৫. ১৯ ||
চন্দ্রঃ শ্রোত্রাভিমানীতি তথা জ্ঞেয়ঃ খগেশ্বর |
জিহ্বেন্দ্রিয়াত্মা বরুণঃ সূর্যস্যানন্তরোভবৎ || ৩, ৫. ২০ ||
বাগিন্দ্রিয়াভিমানিন্যো হ্যভবন্বরুণাদনু |
দক্ষপত্নী প্রসূতিশ্চ ভৃগুরগ্নিস্তর্থব চ || ৩, ৫. ২১ ||
তত্র বৈতে মহাত্মানো বাগিন্দ্রিয়নিয়ামকাঃ |
যে ক্রব্যাদাদয়শ্চোক্তাস্তেনন্তত্ত্বনিয়ামকাঃ || ৩, ৫. ২২ ||
সাম্যৎবাচ্চ তথৈবোক্তির্ন তু তত্ত্বাভিমানিতঃ |
উপস্থমানিনো বীন্দ্র বভূবুস্তদনন্তরম্ || ৩, ৫. ২৩ ||
বিশ্বামিত্রো বসিষ্টোত্রির্মরীচিঃ পুলহঃ ক্রতুঃ |
পুলস্ত্যোঙ্গিরসশ্চৈব তথা বৈবস্বতো মনুঃ || ৩, ৫. ২৪ ||
মন্বাদয়োনন্তসঙ্খ্যা উপস্থাত্মান ঈরিতাঃ |
পায়োশ্চ মানিনো বীন্দ্র জজ্ঞিরে তদনন্তরম্ || ৩, ৫. ২৫ ||
সূর্যেষু দ্বাদশস্বেকো মিত্রস্তারা গুরোঃ প্রিয়া |
কোণাধিপো নিরৃতিশ্চ প্রবহপ্রিয়া || ৩, ৫. ২৬ ||
চত্ত্বার এতে পক্ষীন্দ্র বায়ুতত্ত্বাভিমানিনঃ |
ঘ্রাণাভিমানিনঃ সর্বে জজ্ঞিরে দ্বিজসত্তম || ৩, ৫. ২৭ ||
বিষ্ববসেনো বায়ুপুত্রৌ হ্যশ্বিনৌ গণপস্তথা |
বিত্তপঃ সপ্ত বসব উক্তো হ্যাগ্নিস্তথাষ্টমঃ || ৩, ৫. ২৮ ||
সত্যানাং শৃণু নামানি দ্রোণঃ প্রাণো ধ্রুবস্তথা |
অর্কে দোষস্তথা বস্কঃ সপ্তমস্তু বিভাবসুঃ || ৩, ৫. ২৯ ||
দশরুদ্রাস্তথা জ্ঞেয়া মূলরুদ্রো ভবঃ স্মৃতঃ |
দশ রুদ্রস্য নামানি শৃণুষ্ব দ্বিজসত্তম || ৩, ৫. ৩০ ||
রৈবন্তেয়স্তথা ভীমো বামদেবো বৃষাকপিঃ |
অজৈকপাদহির্বুধ্ন্যো বহুরূপো মহানিতি || ৩, ৫. ৩১ ||
দশ রুদ্রা ইতি প্রোক্তাঃ ষডাদিত্যাঞ্ছৃণু দ্বিজ |
উরুক্রমস্তথা শক্রো বিবস্বান্বরুণস্তথা || ৩, ৫. ৩২ ||
পর্জন্যোতিবাহুরেত উক্তাঃ পূর্বং দ্বিজোত্তম |
পর্জন্যব্যতিরিক্তাস্তু পঞ্চৈবোক্তা ন সংশয়ঃ || ৩, ৫. ৩৩ ||
গঙ্গাসমস্তু পর্জন্য ইতি চোক্তঃ খগেশ্বর |
সবিতা হ্যর্যমা ধাতা পূষা ৎবষ্টা তথা ভগঃ || ৩, ৫. ৩৪ ||
চৎবারিংশত্তথা সপ্ত মহতঃ পরিকীর্তিতাঃ |
দ্বাবুক্তাবিতি বিজ্ঞেয়ো প্রবহোতিবহস্তথা || ৩, ৫. ৩৫ ||
তথা দশবিধা জ্ঞেয়া বিশ্বেদেবাঃ খগেশ্বর |
শৃণু নামানি তেষাং তু পুরূরবার্দ্রবসঞ্জ্ঞকৌ || ৩, ৫. ৩৬ ||
ধূরিলোচনসঞ্জ্ঞৌ দ্বৌ ক্রতুদক্ষেতিসঞ্জ্ঞকৌ |
দ্বৌ সত্যবসুসঞ্জ্ঞৌ চ কামকালকসঞ্জ্ঞকৌ || ৩, ৫. ৩৭ ||
এবং দশবিধা জ্ঞেয়া বিশ্বেদেবাঃ প্রকীর্তিতাঃ |
তথা ঋভুগণশ্চোক্তস্তথা চ পিতরস্ত্রয়ঃ || ৩, ৫. ৩৮ ||
দ্যাবা পৃথিব্যৌ বিজ্ঞেয়ৌ এতে চ ষডশীতয়ঃ |
দেবাঃ প্রজজ্ঞিরে সর্বে নাসিকদ্রিয়মানিনঃ || ৩, ৫. ৩৯ ||
আকাশস্যাভিমানী তু গণপঃ সুদাহৃতঃ |
উভয়ত্রাভি মানীতি জ্ঞেয়ং তত্ত্বার্থবেদিভিঃ || ৩, ৫. ৪০ ||
বিষ্বক্সেনং বিনা সর্বে জয়াদ্যা বিষ্ণুপার্ষদাঃ |
অভবন্সমহীনাশ্চ বিষ্বক্সেনাদনন্তরম্ || ৩, ৫. ৪১ ||
এতেপি নাসিকায়াশ্চ অবান্তরনিয়ামকাঃ |
অতস্তে তত্ত্বমানিভ্যো হ্যবরাস্তে প্রকীর্তিতাঃ || ৩, ৫. ৪২ ||
স্পর্শতত্ত্বাভিমানী তু অপানশ্চেত্যুদাহৃতঃ |
রূপাভিমানী সঞ্জজ্ঞে ব্যানো নাম মহান্প্রভো || ৩, ৫. ৪৩ ||
রসাত্মক উদানশ্চ সমানো গন্ধনামকঃ |
অপাং নাথাশ্চ চৎবারো মরুতঃ পরিকীর্তিতাঃ || ৩, ৫. ৪৪ ||
জয়াদ্যনন্তরান্বক্ষ্যে সমুৎপন্নান্খগেশ্বর |
প্রধানাগ্রে প্রথমজঃ পাবকঃ সমুদাহৃতঃ || ৩, ৫. ৪৫ ||
ভৃগোর্মহর্ষেঃ পুত্রশ্চ চ্যবনঃ সমুদাহৃতঃ |
বৃহস্পতেশ্চ পুত্রস্তু উতথ্যঃ পরিকীর্তিতঃ || ৩, ৫. ৪৬ ||
রৈবতশ্চাক্ষুষশ্চৈব তথা স্বারোচিষঃ স্মৃতঃ |
উত্তমো ব্রহ্মসাবর্ণী রুদ্রসাবর্ণিরেব চ || ৩, ৫. ৪৭ ||
দেবসাবর্ণিসাবর্ণিরিন্দ্রসাবর্ণিরেবচ |
তথৈব দক্ষসাবর্ণির্ধর্মভাবর্ণিরেব চ || ৩, ৫. ৪৮ ||
একাদশবিধা হ্যেবং মনবঃ পরিকীর্তিতাঃ |
পিৎৠণাং সপ্তকং চৈবেত্যাদ্যাঃ সঞ্জজ্ঞিরে খগ || ৩, ৫. ৪৯ ||
তদনন্তরমুৎপন্নাস্তেভ্যো নীচাঃ শৃণু দ্বিজ |
বরুণস্য পত্নী গঙ্গা পর্জন্যাখ্যো বিভাবসুঃ || ৩, ৫. ৫০ ||
যমভার্যা শ্যামলা তু হ্যনিরুদ্ধপ্রিয়া বিরাট্ |
ব্রহ্মাণ্ডমানিনী সৈব হ্যুষানাম্না সুশব্দিতা || ৩, ৫. ৫১ ||
রোহিণী চন্দ্রভার্যোক্তা সূর্যভার্যা তু সঞ্জ্ঞকা |
এতা গঙ্গাদিষটূসঙ্খ্যা জজ্ঞিরে বিনতাসুত || ৩, ৫. ৫২ ||
গঙ্গাদ্যনন্তরং জজ্ঞে স্বাহা বৈ মন্ত্রদেবতা |
স্বাহানামাগ্নিভার্যোক্তা গঙ্গাদিভ্যোধমা শ্রুতা || ৩, ৫. ৫৩ ||
স্বাহানন্তরজো জ্ঞেয়ো জ্ঞানাত্মা বুধনামকঃ |
বুধস্তু চন্দ্রপুত্রো যঃ স্বাহায়া অধমঃ স্মৃতঃ || ৩, ৫. ৫৪ ||
উষা নাম তথা জজ্ঞে বুধস্যানন্তরং খগ |
উষানামা ভিমানী তু হ্যশ্বিভার্যা প্রকীর্তিতা || ৩, ৫. ৫৫ ||
বুধাধমা সা বিজ্ঞেয়া নাত্র কার্যা বিচারণা |
ততঃ শনৈশ্চরো জজ্ঞে পৃথিব্যাত্মেতি বিশ্রুতঃ || ৩, ৫. ৫৬ ||
উষাধমস্তু বিজ্ঞেয়স্ততো জজ্ঞেথ পুষ্করঃ |
কর্মাভিমানী বিজ্ঞেয়ঃ শনৈশ্চর ইতীরিতঃ || ৩, ৫. ৫৭ ||
তত্ত্বাভিমানিনো দেবানেবং সৃষ্ট্বা হরিঃ স্বয়ম্ |
প্রবিবেশ স দেবেশস্তত্ত্বেষু রময়া সহা || ৩, ৫. ৫৮ ||
ইতি শ্রীগারুডে মহাপুরাণে তৃতীয়াংশে ব্রহ্মকাণ্ডে
তত্ত্বাভিমানি দেবতোৎপত্তিতত্তারতম্যনিরূপণং নাম পঞ্চমোঽধ্যায়ঃ

শ্রীগরুডমহাপুরাণম্-৬
শ্রীকৃষ্ণ উবাচ |
তত্রতত্র স্থিতাস্তত্ত্বে তত্তত্তত্ত্বাভিমানিনঃ |
স্বেস্বে হ্যায়তনে স্বাঙ্গে তদর্থং চ খগেশ্বর || ৩, ৬. ১ ||
হরিং নারায়ণং সম্যক্স্তোতুং সমুপচক্রিরে |
চিন্ত্যাচিন্ত্যগুণে বিষ্ণৌ বিরুদ্ধাঃ সন্তি সদ্গুণাঃ || ৩, ৬. ২ ||
একৈকশোহ্যনন্তাস্তে তদ্গুণানাং স্তুতৌ মম |
ক্ব শক্তিরিতি বুদ্ধ্যা সা ব্রীডয়াবনতাব্রবীৎ || ৩, ৬. ৩ ||
শ্রীরুবাচ |
নতাস্মি তে নাথ পদারবিন্দং ন বেদ চান্যচ্চরণাদৃতে তব |
ৎবয়ীশ্বরে সন্তি গুণাঃ শ্রুতাস্তু তথাশ্রুতাঃ সন্তি চ দেবদেব || ৩, ৬. ৪ ||
সম্যক্সৃষ্টং স্বায়তনং চ দৎবা গোবিন্দ দামোদর মাং চ পাহি |
স্তুত্যা মদীয়শ্চ সুখকপূর্ণঃ প্রিয়ো জনো নাস্তি তথা ৎবদন্যঃ || ৩, ৬. ৫ ||
ব্রহ্মোবাচ |
লক্ষ্মীপতে সর্বজগন্নিবাস ৎবং জ্ঞানসিন্ধুঃ ক্ব চ বিশ্বমূর্তে |
অহং ক্ব চাজ্ঞস্তব বৈ শক্তিরস্তি হ্যজ্ঞোহং বৈ হ্যল্পশক্তির্মমাস্তি || ৩, ৬. ৬ ||
লক্ষ্ম্যাশ্চৈব জ্ঞানবৈরাগ্যভক্তি হ্যত্যল্পমদ্ধা ময়ি সর্বদৈব |
তব প্রসাদাদস্তি জগন্নিবাস তত্র স্বামিৎবং নাস্তি বিষ্ণো সদৈব || ৩, ৬. ৭ ||
ন দেহি ৎবং সর্বদা মে মুরারে অহমমৎবং প্রাপ্যমেতাবদেব |
গম্যজ্ঞানং যোগ্যগুণে রমেশ প্রমাদো বা নাস্তিনাস্ত্যদ্য নিত্য || ৩, ৬. ৮ ||
তন্মে হৃষীকাণি পতন্ত্যসৎপথে পদারবিন্দে তু পতন্তু সর্বদা |
লক্ষ্ম্যা হ্যহং কোটিগুণেন হীনঃ স্তোতুং সামর্থ্যং নাস্তি মে সুপ্রসীদ || ৩, ৬. ৯ ||
ইতি স্তবং বিষ্ণুগুণান্বিধাতা তার্ক্ষ্যস্থিতঃ প্রাঞ্জলিস্তস্য চাগ্রে |
তদা বায়ুর্দেবদেবো মহাত্মা দৃষ্ট্বা বিষ্ণু ভক্তিসংবর্ধিতাত্মা || ৩, ৬. ১০ ||
স্নহোত্থরাবঃ স্খলিতাক্ষরস্তং মুঞ্চন্কণান্প্রাঞ্জলিরাবভাষে |
বায়ুরুবাচ |
এতে হি দেবাস্তব ভৃত্যভূতাঃ পদারবিন্দং পরমং সুদুর্লভম্ || ৩, ৬. ১১ ||
চতুর্বিধান্পুরুষার্থান্রমেশ সম্প্রার্থয়ে তচ্চ সদাপি দেব |
দৃষ্ট্বা হরেঃ সৈব মায়ৈব তাবৎসুকারণং কিঞ্চিদন্যন্ন চাস্তি || ৩, ৬. ১২ ||
অতো নাহং প্রদয়োপি ভূমন্ভবৎপদাম্ভোজনিষবণোৎসুকঃ |
লোকস্য কৃষ্ণাদ্বিমুখস্য কর্মণা অপুণ্যশীলস্য সুদুঃখিতস্য || ৩, ৬. ১৩ ||
অনুগ্রহার্থং চ তবাবতারো নান্যশ্চ কিঞ্চিৎপুরুষার্থস্তবেশ |
গোভূসুরাণাং চ মহীরুহাণাং তথা সুরাণাং প্রবরাবতারৈঃ || ৩, ৬. ১৪ ||
ক্ষেমোপকারাণি চ বাসুদেব ক্রীডন্বিধত্তে ন চ কিঞ্চিদন্যৎ |
মনো ন তৃপ্যত্যপি শংসতাং নঃ সুকর্মমৌলেশ্চরিতামৃতানি || ৩, ৬. ১৫ ||
অচ্ছিন্নভক্তস্য হি মে মুকুন্দ সদা ভক্তিং দেহি পাদারবিন্দে |
সদা তদেবাস্তু ন কিঞ্চিদন্যদ্যত্র ৎবমাসীঃ পুরুষে দেবদেব || ৩, ৬. ১৬ ||
অহং চ তত্রাস্মি তব প্রসাদাদ্যত্রাস্ম্যহং তত্র ভবান্মহাপ্রভো |
ব্যংসির্মমেয়ং চ শরীরমধ্যে চতুর্মুখশ্চৈব ন চৈততদন্যৈঃ || ৩, ৬. ১৭ ||
মদীয়নিদ্রা তব বন্দনং প্রভো মদীয়য়ামাচরণং প্রদক্ষিণম্ |
মদীয়ব্যাখ্যাহরণং স্তুতিঃ স্যাদেবং বিদিৎবা চ সমর্পয়ামি || ৩, ৬. ১৮ ||
মদ্ব্রৃদ্ধিয়োগ্যং চ পদার্থজাতং দৃষ্ট্বা হরেঃ প্রতিমা এব তচ্চ |
ইত্থং মৎবাহং সর্বদা দেবদেব তত্রস্থিতান্হরিরূপান্ভজিষ্যে || ৩, ৬. ১৯ ||
যচ্চন্দনং যত্তু পুষ্পং চ ধূপং বস্ত্রং চ যদ্ভক্ষ্যভোজ্যাদিকং চ |
এতৎসর্বং বিষ্ণুপ্রীত্যর্থমেবেত্যেতদ্ব্রতং সর্বদা বৈ করিষ্যে || ৩, ৬. ২০ ||
অবৈষ্ণবান্দূষয়িষ্যে সদাহং সদ্বৈষ্ণবান্পা (ল্লাং) লয়িষ্যে মুরারে |
বিষ্ণুদ্রুহাং ছেদয়িষ্যে চ জিহ্বাং তচ্ছৃণ্বতাং পূরয়িষ্যে ত্রপূল্কাঃ || ৩, ৬. ২১ ||
এতাদৃশী শক্তির্মমাস্তি দেব তব প্রসাদাদ্ব্র লিনোপি বিষ্ণো |
অথাপি নাহং স্তবনে সমর্থঃ লক্ষ্ম্যা হ্যহং কোটিগুণৈর্বিহীনঃ || ৩, ৬. ২২ ||
এতৎস্তোত্রং হ্যর্থয়েচ্চৈব যা নঃ তত্র প্রীতির্হ্যক্ষয়া মে সদা স্যাৎ |
স্তোত্রং হ্যেতৎপাঠয়ন্তীহ লোকে তে বৈষ্ণবাস্তে চ হরিপ্রিয়াশ্চ || ৩, ৬. ২৩ ||
কুর্বন্তি যে পঠনং নিত্যমেব সমর্পয়িষ্যতি সদা হরৌ চ |
তেষাং হরিঃ প্রীয়তে কেশবোলং হরৌ প্রসন্নে কিমলভ্যমস্তি || ৩, ৬. ২৪ ||
এবং স্তুৎবা বলদেবো মহাত্মা তূষ্ণীং স্থিতঃ প্রাঞ্জলিরগ্রতো হরেঃ |
সরস্বত্যুবাচ |
কো বা রসজ্ঞো ভগবন্মুরারে হরে গুণস্তবনাৎকীর্তনাদ্বা || ৩, ৬. ২৫ ||
অলম্বুদ্ধিং প্রাপ্নুয়াদ্দেবদেব ব্রহ্মাদিভিঃ সর্বদা স্তূয়মান |
যঃ কর্ণনাডীং পুরুষস্য যাতো ভবপ্রদাং দেহরতিং ছিনত্তি || ৩, ৬. ২৬ ||
ন কেবলং দেহরতিং ছিনত্ত্যসদ্গৃহক্ষেত্রভার্যাসুতেষু নিত্যম্ |
পশ্বাদিরূপেষু ধনাদিকেষু অনর্ঘ্যরত্নেষু প্রিয়ং ছিনাত্তি || ৩, ৬. ২৭ ||
অনং তবেদপ্রতিপাদিতোপি লক্ষ্মীর্ন বৈ বেদ তব স্বরূপম্ |
চতুর্মুখো নৈব বেদ ন বায়ুরসৌ ন বেত্তীতি কিমত্র চিত্রম্ || ৩, ৬. ২৮ ||
এতাদৃশস্য স্তবনে ক্বাস্তি শক্তির্মম প্রভো ব্রহ্মবায়্বোঃ সকাশাৎ |
শতৈর্গুণৈঃ সর্বদা ন্যূনতাস্তি অতো হরে দয়য়া মাং চ পাহি || ৩, ৬. ২৯ ||
এবং স্তুৎবা হরিং সা তু তূষ্ণীমাস খগশ্বর |
ভারতী তু তদা স্তোতুং হরিং সমুপচক্রমে || ৩, ৬. ৩০ ||
ভারত্যুবাচ |
ব্রহ্মেশ লক্ষ্মীশ হরে মুরারে গুণাংস্তব শ্রদ্দধানস্য নিত্যম্ |
তথা স্তুবন্তোস্য বিবর্ধমানাং মতিং চ নিত্যং বিষয়েষ্বসৎসু || ৩, ৬. ৩১ ||
কুর্বন্তি বৈরাগ্যমমুত্র লোকে ততঃ পরং ভক্তিদৃঢাং তথৈব |
ততঃ পরং চৈব হরেঃ প্রসন্নতাং কুর্বন্তি নিত্যং তব দেবদেব || ৩, ৬. ৩২ ||
তেনাপরোক্ষং চ ভবেচ্চ তস্য অতো গুণানাং স্তবনে চ মে রতিঃ |
সা তু প্রজাতা পুরুষস্য নিত্যং সংসারদুঃখং তু তদাচ্ছিনত্তি || ৩, ৬. ৩৩ ||
বিচ্ছিন্নদুঃখস্য তদাধিকারিণ আনন্দরূপাখ্যফলং দদাতি |
হরের্গুণানস্তুবতাং চ পাপং তেষাং হি পুণ্যং চ তথা ক্ষিণোতি || ৩, ৬. ৩৪ ||
এবং বিদিৎবা পরমো গুরুর্মম বায়ুর্দয়ালুর্মম বল্লভশ্চ |
হরের্গুণান্সর্বগুণপ্রসারান্মমৈব যোগ্যান্সুখমুখ্যভূতান্ || ৩, ৬. ৩৫ ||
উদ্ধৃত্য পুণ্যেভ্য ইবার্তবন্ধুঃ শিবশ্চ নো দ্রুহ্যতি পুণ্যকীর্তিম্ |
তব প্রসাদাচ্চ শ্রিয়ঃ প্রসাদাদ্বায়োঃ প্রসাদাচ্চ মমাস্তি নিত্যম্ || ৩, ৬. ৩৬ ||
যদ্যৎকরোত্যেব সদৈব বায়ুস্তত্তৎকরোত্যেব সদৈব নিত্যম্ |
বায়োর্বিরোধং ন করোতি দেবঃ স তদ্বিরোধং চ করোতি নিত্যম্ || ৩, ৬. ৩৭ ||
হরের্বিরোধং ন করোতি বায়ুর্বায়োর্বিরোধং ন করোতি বিষ্ণুঃ |
বায়োঃ প্রসাদান্মমনাস্তি কিঞ্চিদতানভাবশ্চ তব প্রসাদাৎ || ৩, ৬. ৩৮ ||
যথৈব মূলং চ তথাবতারে দুঃখাদিকং নাস্তি সমীরণস্য |
বায়ুস্তথান্যে চ উভৌ মুকুন্দস্তথাবতারেষু ন দুঃখরূপৌ || ৩, ৬. ৩৯ ||
অশক্তবদ্দৃশ্যতে বায়ুদেবঃ যুগানুসারাংল্লোকধর্মাংস্তু রক্ষন্ |
নরাবতারে তত্র দেবে মুরারে হ্যশক্ততা নেতি বিচং তনীয়ম্ || ৩, ৬. ৪০ ||
অবতাররূপে যমদুঃখাদিকং চ ন চিন্তনীয়ং জ্ঞানিভির্দেবদেব |
অহং কদাচিৎসুখনাশপ্রদেশে দৈত্যাংস্তথা মারয়িতুং গতোস্মি || ৩, ৬. ৪১ ||
নৈতাবতা মম বায়োশ্চ নিত্যং দুঃখাতনং নৈব সঞ্চিতনীয়ম্ |
এতাদৃশোহং স্তবনেনু কাস্তি শক্তির্গুণানাং মধুসূদন প্রভো |
বায়োঃ সকাশাচ্চ গুণেন হীনা সংসাররূপে মুক্তরূপে চ দেব || ৩, ৬. ৪২ ||
এবং স্তুৎবা ভারতী তু তূষ্ণীমাস খগেশ্বর |
তদনন্তরজঃ শেষঃ প্রাঞ্জলিঃ প্রাহ কেশবম্ || ৩, ৬. ৪৩ ||
শেষ উবাচ |
নাহং চ জানে তব পাদমূলং রুদ্রো ন বেত্তি গরুডো ন বেদ |
অহং বাণ্যাঃ শতগুণাংশহীনো দত্ত্বা হ্যায়তনং পাহি মাং বাসুদেব || ৩, ৬. ৪৪ ||
এবং স্তুৎবা সশেষস্তু তূষ্ণীমাস খগেশ্বর |
তদনন্তরজো বীশঃ স্তোতুং সমুপচক্রমে || ৩, ৬. ৪৫ ||
গরুড উবাচ |
তব পদোঃ স্তুতিং কিং করোম্যহং মম পদাম্বুজে হ্যর্পিতং মনঃ |
কথমহং মুখে পক্ষিয়োনিজঃ কথমেবঙ্গুণা নীডিতুং ক্ষমঃ || ৩, ৬. ৪৬ ||
এবং স্তুৎবা তু গরুডস্তূষ্ণীমাস নয়ান্বিতঃ |
তদনন্তরজো রুদ্রস্তোতুং সমুপচক্রমে || ৩, ৬. ৪৭ ||
রুদ্র উবাচ |
যা বৈ তবেশ ভগবন্ন বিদাম ভূমন্ভক্তির্মমাস্তু শিবপাদসরোজমূলে |
ছন্নাপি সা ননু সদা ন মমাস্তি দেব তেনাদ্রুহং তব বিরুদ্ধমতঃ করোমি || ৩, ৬. ৪৮ ||
সর্বান্ন বুদ্ধিসহিতস্য হরে মুরারে কা শক্তিরস্তি বচনে মম মূঢবুদ্ধেঃ |
বাণ্যা সদা শতগুণেন বিহীনমেনং মাং পাহি চেশ মম চায়তনং চ দত্ত্বা || ৩, ৬. ৪৯ ||
এবং স্তুৎবা স রুদ্রস্তু তূষ্ণীমাস দ্বিজোত্তমঃ |
শেষানন্তরজা দেবী বারুণী বাক্যমব্রবীৎ || ৩, ৬. ৫০ ||
বারুণ্যুবাচ |
লক্ষ্মীপতে ব্রহ্মপতে মনোঃ পতেগিরঃ পতে রুদ্রপতে নৃণাং পতে |
গুণাংস্তব স্তোতুমহং সমর্থা ন পার্বতী নাপি সুপর্ণপত্নী || ৩, ৬. ৫১ ||
শেষাদহং দশগুণৈর্বিহীনা মাং পাহি নিত্যং জগতামধীশ || ৩, ৬. ৫২ ||
এবং স্তুৎবা বারুণী তু তূষ্ণীমাস খগেশ্বর |
তদনন্তরজা ব্রাহ্মী সৌপর্ণী হ্যুপচক্রমে || ৩, ৬. ৫৩ ||
সৌপর্ণ্যুবাচ |
স্তোতুং গুণাংস্তব হরে জগদী শবাচা শ্রোতুং হরে তব কথাং শ্রবণে ন শক্তিঃ |
যস্তত্ত্বনুং স্মরতি দেব তব স্বরূপং কো বৈ নু বেদ ভুবি তং ভগবৎপদার্থম্ || ৩, ৬. ৫৪ ||
অতো গুণস্তবনে নাস্তি শক্তির্বীন্দ্রাহদং দশগুণৈরবরা চ নিত্যম্ || ৩, ৬. ৫৫ ||
এবং স্তুৎবা তু সৌপর্ণী তূষ্ণীমাস খগেশ্বর |
রুদ্রানন্তরজা স্তোতুং গিরিজা তূপচক্রমে || ৩, ৬. ৫৬ ||
পার্বত্যুবাচ গোবিন্দ নারায়ণ বাসুদেব ৎবয়া হি মে কিঞ্চিদপি প্রয়োজনম্ |
নাস্ত্যেব স্বামিন্ন চ নাম বাচা সৌভাগ্যরূপঃ সর্বদা এক এব || ৩, ৬. ৫৭ ||
নারায়ণেতি তব নাম চ একমেব বৈরাগ্যভক্তিবিভবে পরমং সমর্থাম্ |
অসঙ্খ্যব্রহ্মাদিকহত্যনাশানে গুর্বঙ্গনাকোটিবিনাশনে চ || ৩, ৬. ৫৮ ||
নামাধিকারিণী চাহং গুণানাং চ মহাপ্রভো |
স্তবনে নাস্তি মে শক্তী রুদ্রাদ্দশগুণৈরহম্ || ৩, ৬. ৫৯ ||
অবরা চ সদাস্ম্যেব নাত্র কার্যা বিচারণা |
এবং স্তুৎবা সা গিরিজা স্তূষ্ণীমাস খগেশ্বর || ৩, ৬. ৬০ ||

ইতি শ্রীগারুডে মহাপুরাণে শ্রীকৃষ্ণগরুডসংবাদে উত্তরখণ্ডে তৃতীয়াংশে ব্রহ্মকাণ্ডে
তত্ত্বাভিমানিতত্তদ্দেবতাকৃতবিষ্ণুস্তুতিতত্তদ্দেবতাতারতম্যনিরূপণং নাম ষষ্ঠোঽধ্যায়ঃ

শ্রীগরুডমহাপুরাণম্-৭
শ্রীকৃষ্ণ উবাচ |
পার্বত্যানন্তরোৎপন্ন ইন্দ্রো বচনমব্রবীৎ |
ইন্দ্র উবাচ |
তব স্বরূপং হৃদি সংবিজানন্সমুৎসুকঃ স্যাৎস্তবনে যস্তু মূঢঃ |
অজানতঃ স্তবনং দেবদেব তদেবাহুর্হেলনং চক্রপাণে || ৩, ৭. ১ ||
তথাপি তদ্বৈ তব নাম পূর্বং ভবেত্তদা পুণ্যকরং ভবেদিতি |
রুদ্রাদি কানাং স্তবনে নাস্তি শক্তিস্তদা বক্তব্যং মম নাস্তীতি কিং বা || ৩, ৭. ২ ||
গুণাংশতো দশভী রুদ্রতো বৈ সদা ন্যূনো মৎসমঃ কামদেবঃ |
জ্ঞানে বলে সমতা সর্বদাস্তি তথাঃ কামঃ কিং চ দূতঃ সদৈব || ৩, ৭. ৩ ||
এবং স্তুৎবা দেবদেবো হরিং চ তূষ্ণীং স্থিতঃ প্রাঞ্জলির্নম্রভূর্ধা |
তদনন্তরজো ব্রহ্মা অহঙ্কারিক ঊচিবান্ || ৩, ৭. ৪ ||
অহঙ্কারিক উবাচ |
নমস্তে গণপূর্ণায় নমস্তে জ্ঞানমূর্তয়ে |
নমোঽজ্ঞানবিদূরায় ব্রহ্মণেনং তমূর্তয়ে || ৩, ৭. ৫ ||
ইন্দ্রাদহং দশগুণৈঃ সর্বদা ন্যূন উক্তো ন জনি ৎবাং সর্বদা হ্যপ্রমেয় |
তথাপি মাং পাহি জগদ্গুরো ৎবং দত্ত্বা দিব্যং হ্যায়তনং চ বিষ্ণো || ৩, ৭. ৬ ||
আহঙ্কারিক এবং তু স্তুৎবা তূষ্ণীম্বভূব হ |
তদনন্তরজা স্তোতুং শচী বচনমব্রবীৎ || ৩, ৭. ৭ ||
শচ্যুবাচ |
সঞ্চিন্তয়ামি অনিশং তব পাদপদ্মং বজ্রাঙ্কুশধ্বজসরোরুহলাঞ্ছনাঢ্যম্ |
বাগীশ্বরৈরপি সদা মনসাপি ধর্তুং নো শক্যমীশ তব পাদরজঃ স্মরামি || ৩, ৭. ৮ ||
আহঙ্কারিকপ্রাণাচ্চ গুণৈশ্চ দশভিঃ সদা |
ন্যূনভূতাং চ মাং পাহি কৃপালো ভক্তবৎসল || ৩, ৭. ৯ ||
এবং স্তুৎবা শচী দেবী তূষ্ণীং ভগবতী হ্যভূৎ |
তদনন্তরজা স্তোতুং রতিঃ সমুপচক্রমে || ৩, ৭. ১০ ||
রতিরুবাচ |
সঞ্চিন্তয়ামি নৃহরের্বদনারবিন্দং ভৃত্যানুকম্পিতধিয়া হি গৃহীতমূর্তিম্ |
যচ্ছ্রীনিকেতমজরুদ্ররমাদিকৈশ্চ সংলালিতং কুটিলঙ্কুন্তলবৃন্দজুষ্টম্ || ৩, ৭. ১১ ||
এতাদৃশং তব মুখং নুবিতুং ন শক্তিঃ শচ্যা সমাপি ভগবন্পরিপাহি নিত্যম্ |
কৃৎবা স্তুতিং রতিরিয়ং পরমাদরেণ তূষ্ণীং স্থিতা ভগবতশ্চ সমীপ এব || ৩, ৭. ১২ ||
রত্যনন্তরজো দক্ষঃ স্তোতুং সমুপচক্রমে || ৩, ৭. ১৩ ||
দক্ষ উবাচ |
সঞ্চিন্তয়ে ভগবতশ্চরণোদতীর্থং ভক্ত্যা হ্যজেন পরিষিক্তমজাদিবন্দ্যম্ |
যচ্ছৌচনিঃ সৃতমজপ্রবরাবতারং গঙ্গাখ্যতীর্থমভবৎসরিতাং বরিষ্ঠম্ || ৩, ৭. ১৪ ||
রুদ্রোপি তেনব বিধৃতেন জটাকলাপপূতেন পাদরজসা হ্যশিবঃ শিবোভূৎ |
এতাদৃশং তে চরণং করুণেশ বিষ্ণো স্তোতুং শক্তির্মম নাস্তি কৃপাবতার |
রত্যা সমঃ শ্রুতিগতো ন গতোস্মি মোক্ষমেতাদৃশং চ পরিপাহি নিদানমূর্তে || ৩, ৭. ১৫ ||
এবং স্তুৎবা স দক্ষস্তু তূষ্ণী মেব বভূব হ |
তদনন্তরজঃ স্তোতুং বৃহস্পতিরুপাক্রমীৎ || ৩, ৭. ১৬ ||
বৃহস্পতিরুবাচ |
সঞ্চিন্তয়ামি সততং তব চাননাব্জং ৎবং দেহি দুষ্টবিষয়েষু বিরক্তিমীশ || ৩, ৭. ১৭ ||
এতেষু শক্তির্যদি বৈ স জীবো কর্তা চ ভোক্তা চ সদা চ দাতা |
যোষাং চ পুত্রসুহৃদৌ চ পশূংশ্চ সর্বমেবং বিনশ্যতি যতো হি তদাশু ছিন্ধি || ৩, ৭. ১৮ ||
সংসারচক্রভ্রমণেনৈব দেব সংসারদুঃখমনুভূয়েহাগতোস্মি |
শক্তির্ন চাস্তি নবনে মম দেবদেব সত্যা সমং চ সততং পরিপাহি নিত্যম্ || ৩, ৭. ১৯ ||
এবং শ্রুৎবা চ পরমং তূষ্ণীমেব স্থিতো মুনিঃ |
তদনন্তরজস্তোতুং হ্যনিরুদ্ধোপচক্রমে || ৩, ৭. ২০ ||
অনিরুদ্ধ উবাচ |
এবং হরেস্তব কথাং রসিকাং বিহায় স্ত্রীণাং ভগে চ বদনে পরিমুহ্য নিত্যম্ |
বিষ্ঠান্ত্রপূরিতবিলে রসিকো হি নিত্যং স্থায়ী চ সূকরবদেব বিমূঢবুদ্ধিঃ || ৩, ৭. ২১ ||
মজ্জাস্থিপিত্তকফরফলাদিপূর্ণে চর্মান্ত্রবেষ্টিতমুখে পতিতং হ পীতম্ |
আস্বাদনে মম চ পাপগতের্মুরারে মায়াবলং তব বিভো পরমং নিমিত্তম্ || ৩, ৭. ২২ ||
সংসারচক্রে ভ্রমতশ্চ নিত্যং সুদুঃখরূপে সুখলেশবর্জিতে |
মলং বমন্তং নবভিশ্চ দ্বারৈঃ শরীরমারুহ্য সুমূঢবুদ্ধিঃ || ৩, ৭. ২৩ ||
নমামি নিত্যং তব তৎকথামৃতং বিহায়দেব শ্রুতিমূলনাশনম্ |
কুটুম্বপোষং চ সদা চ কুর্বন্দানাদ্যকুর্বন্নিবসন্গৃহে চ || ৩, ৭. ২৪ ||
দূরে চ সংসারমলং ৎবিদং কুরু দেহি হ্যদো দিব্যকথামৃতং সদা |
এতাদৃশোহং তব সদ্গুণৌঘং স্তোতুং সমর্থো নাস্মি শচীসমশ্চ || ৩, ৭. ২৫ ||
এবং স্তুৎবানিরুদ্ধস্তু তূষ্ণীমাস খগেশ্বর |
তদনন্তরজঃ স্তোত্রং মনঃ স্বায়ম্ভুবোব্রবীৎ || ৩, ৭. ২৬ ||
স্বায়ম্ভুব উবাচ |
স্তোতুং হ্যনুপ্রবিশতোপি ন গর্ভদুঃখং তস্মাদহং পরমপূজ্যপদং গতস্তে || ৩, ৭. ২৭ ||
মনোর্ভার্যা মানবী চ যমঃ সংযমিনীপতিঃ |
দিশাভিমানী চন্দ্রস্তু সূর্যশ্চক্ষুর্নিয়ামকঃ |
পরস্পরসমা হ্যেতে মুক্ত্বা সংসারমেব চ || ৩, ৭. ২৮ ||
প্রবাহাদ্বিগুণোনশ্চেত্যেবং জানীহি চাণ্ডজ |
সূর্যানন্তরজঃ স্তোতুং বরুণঃ সম্প্রচক্রমে || ৩, ৭. ২৯ ||
বরুণ উবাচ |
ৎবদ্বিচ্ছয়া রচিতে দেহগেহে পুত্ত্রে কলত্রেপি ধনে দ্রব্যজাতৌ |
মমাহমিত্যল্পধিয়া চ মূঢা সংসারদুঃখে বিনিমজ্জন্তি সর্বে || ৩, ৭. ৩০ ||
অতো হরে তাদৃশীং মে কুবুদ্ধিং বিনাশ্য মে দেহি তে পাদদাস্যম্ |
অহং মনোঃ পাদপাদার্ধভূতগুণেন হীনঃ সর্বদা বৈ মুরারে || ৩, ৭. ৩১ ||
এবং স্তুৎবা তু বরুণঃ প্রাঞ্জলিঃ সমুপস্থিতঃ |
বরুণানন্তরোৎপন্নো নারদো হ্যস্তুবদ্ধরিম্ || ৩, ৭. ৩২ ||
নারদ উবাচ |
যন্নামধেয়শ্রবণানুকীর্তনাৎস্বাদ্বন্যতত্ত্বং মম নাস্তি বিষ্ণো |
পুনীহ্যতশ্চৈব পরোবরায়ান্যজ্জিহ্বাগ্রে বর্ততে নাম তস্য || ৩, ৭. ৩৩ ||
যজ্জিহ্বাগ্রে হরিনামৈব নাস্তি স ব্রাহ্মণো নৈব স এব গোখরঃ |
অহং ন জানে চ তব স্বরূপং ন্যূনো হ্যহং বরুণাৎসর্বদৈব || ৩, ৭. ৩৪ ||
এবং স্তুৎবা নারদো বৈ খগেন্দ্রস্তূষ্ণীমভূদ্দেবদেবস্য চাগ্রে |
যো নারদানন্তরং সম্বভূব ভৃগুর্মহাত্মা স্তোতুমুপপ্রচক্রমে || ৩, ৭. ৩৫ ||
ভৃগুরুবাচ |
কিমাসনং তে গরুডাসনায় কিং ভূষণং কৌস্তুভভূষণায় |
লক্ষ্মীকলত্রায় কিমস্তি দেয়ং বাগীশ কিং তে বচনীয়মস্তি |
অতো ন জানে তব সদ্গুণাংশ্চ হ্যহং সদা বরুণা ৎপাদহীনঃ || ৩, ৭. ৩৬ ||
এবং স্তুৎবা হরিং দেবং ভৃগুস্তূষ্ণীং বভূব হ |
তদনন্তরজো হ্যগ্নিরস্তাবীৎপুরুষোত্তমম্ || ৩, ৭. ৩৭ ||
অগ্নিরুবাচ |
যত্তেজসাহং সুসমিদ্ধতেজা হব্যং বহাম্যধ্বরে আজ্যসিক্তম্ || ৩, ৭. ৩৮ ||
যত্তেজসাহং জঠরে সম্প্রবিশ্য পচন্নন্নং সর্বদা পূর্ণশক্তিঃ |
অতো ন জানে তব সদ্গুণাংশ্চ ভৃগোরহং সর্বদৈবং সমোস্মি || ৩, ৭. ৩৯ ||
তদনন্তরজা স্তোতুং প্রসূতিরুপচক্রমে || ৩, ৭. ৪০ ||
প্রসূতিরুবাচ |
যন্নামার্থবিচারণেপিমুনয়ো মুহ্যতি বৈ সর্বদা ৎবদ্ভীতা অপি দেবতা হ্যবিরতং স্ত্রীভিঃ সহৈব স্থিতাঃ |
মান্ধাতৃধ্রুবনারদাশ্চ ভৃগবো বৈবস্বতাদ্যাখিলাঃ প্রেম্ণা বৈ
প্রণমাম্যহং হিতকৃতে তস্মৈ নমো বিষ্ণবে || ৩, ৭. ৪১ ||
অতো ন জানে তব সদ্গুণান্সদা এবং বিধা কা মম শক্তিরস্তি |
স্তুৎবা হ্যেবং প্রসূতিস্তু তূষ্ণীমাসীৎখগেশ্বর || ৩, ৭. ৪২ ||
অগ্নির্বাগাত্মকো ব্রহ্মপুত্রো ভৃগু ঋষিস্তথা |
তদ্ভার্যা বৈ প্রসূতিস্তু ত্রয় এতে সমাঃ স্মৃতাঃ || ৩, ৭. ৪৩ ||
বরুণাৎপাদহীনাশ্চ প্রবহাদ্বিগুণাধমাঃ |
দক্ষাচ্ছতাবরা জ্ঞেয়া মিত্রাত্তু দ্বিগুণাধিকাঃ || ৩, ৭. ৪৪ ||
প্রসূত্যনন্তরং জাতো বসিষ্ঠো ব্রহ্মনন্দনঃ |
বিনয়াবনতো ভূৎবা স্তোতুং সমুপচক্রমে || ৩, ৭. ৪৫ ||
বসিষ্ঠ উবাচ |
নমোস্তু তস্মৈ পুরুষায় বেধসে নমোনমোঽসদ্বৃজিনচ্ছিদে নমঃ |
নমোনমো স্বাঙ্গভবায় নিত্যং নতোস্মি হেনাথ তবাঙ্ঘ্রিপঙ্কজম্ || ৩, ৭. ৪৬ ||
মাং পাহি নিত্যং ভগবন্বাসুদেব হ্যগ্নেরহং সর্বদা ন্যূন এব |
মিত্রাদহং সর্বদা কিঞ্চিদূনঃ স্তুৎবা দেব সোভবত্তত্র তূষ্ণীম্ || ৩, ৭. ৪৭ ||
যো বসিষ্ঠানন্তরজো মরীচির্ব্রহ্মনন্দনঃ |
হরিন্তুষ্টাব পরয়া ভক্ত্যা নারায়ণং গুরুম্ || ৩, ৭. ৪৮ ||
মরীচিরুবাচ |
দেবেন চাহং হতধীর্ভবনপ্রসঙ্গাৎসর্বাশুভোপগমনাদ্বিমুখেদ্রিয়শ্চ |
কুর্বে চ নিত্যং সুখলেশলবাদিনা ৎবদ্দরং মনস্ত্বশুভকর্ম সমাচরীষ্যে || ৩, ৭. ৪৯ ||
এতাদৃশোহং ভগবাননন্তঃ সদা বসিষ্ঠস্য সমান এব || ৩, ৭. ৫০ ||
এবং স্তুৎবা মরীচিস্তু তূষ্ণীমাস তদা খগ |
তদতন্তরজোহ্যত্রিরস্তাবীৎপ্রাঞ্জলির্হরিম্ || ৩, ৭. ৫১ ||
আবির্ভবজ্জগৎপ্রভবায়াবতীর্ণং তদ্রক্ষণার্থমনবদ্যঞ্চ তথাব্যয়ায় |
তত্ত্বার্থমূলমবিকারি তব স্বরূপং হ্যানন্দসারমত এব বিকারশূন্যম্ || ৩, ৭. ৫২ ||
ত্রৈগুণ্যশূন্যমখিলেষু চ সংবিভক্তং তত্র প্রবিশ্য ভগবন্ন হি পশ্যতীব |
অতো মরারেস্তব সদ্গুণাংশ্চ স্তোতুং ন শক্রোমি মরীচেতুল্যঃ || ৩, ৭. ৫৩ ||
এবং স্তুৎবা হ্যত্রিরপিতূষ্ণীমাস তদা খগ |
তদনন্তরজঃ স্তোতুমঙ্গিরা বাক্যমব্রবীৎ || ৩, ৭. ৫৪ ||

অঙ্গিরা উবাচ |
দ্রষ্টুং ন শক্রোমি তব স্বরূপং হ্যনন্তবাহূদরমস্তকং চ |
অনন্তসাহস্রকিরীটজুষ্টং মহার্হনানাভরণৈশ্চ শোভিতম্ |
এতাদৃশং রূপমনন্তপারং স্তোতুং হ্যশক্তস্তু সমোস্মি চাত্রেঃ || ৩, ৭. ৫৫ ||
এবং স্তুৎবা হ্যঙ্গিরাশ্চ তূষ্ণীমাস খগেশ্বর |
তদনন্তরজঃ স্তোতুং পুলস্ত্যো বাক্যমব্রবীৎ || ৩, ৭. ৫৬ ||
পুলস্ত্য উবাচ |
যো বা হরিস্তু ভগবান্স (স্ব) উপাসকানাং সন্দর্শয়েদ্ভুবনমঙ্গলমঙ্গলং চ |
(লশ্চ) যস্মৈ নমো ভগবতে পুরুপায় তুভ্যং যো বাবিতা নিরয়ভাগগমপ্রসঙ্গে || ৩, ৭. ৫৭ ||
এতাদৃশাংস্তব গুণান্নবিতুং ন শক্তং মাং পাহি ভগবন্সদৃশো হ্যঙ্গিরসা চ || ৩, ৭. ৫৮ ||
এবং স্তুৎবা পুলস্ত্যোপি স্তূষ্ণীমেব বভূব হ |
তদনন্তরজঃ স্তোতুং পুলহো বাক্যমব্রবীৎ || ৩, ৭. ৫৯ ||
পুলহ উবাচ |
নিষ্কামরূপরিহিতস্য সমর্পিতং চ স্নানাবরোত্তমপয়ঃ ফলপুষ্পভোজ্যম্ |
আরাধনং ভগবতস্তব সৎক্রিয়াশ্চ ব্যর্থং ভবেদিতি বদন্তি মহানুভাবাঃ || ৩, ৭. ৬০ ||
তস্মৈ সদা ভগবতে প্রণমামি নিত্যং নিষ্কাময়া তব সমর্পণমাত্রবুদ্ধ্যা |
বৈকুণ্ঠনাথ ভগবন্স্তবনে ন শক্তিঃ সোহং পুলসত্যসদৃশোস্মি ন সংশয়োত্র || ৩, ৭. ৬১ ||
এবং স্তুৎবা তু পুলহস্তূষ্ণীমাস তদা খগ |
তদনন্তরজঃ স্তোতুং ক্রতুঃ সমুপচক্রমে || ৩, ৭. ৬২ ||
ক্রতুরুবাচ |
প্রাণপ্রয়াণসময়ে ভগবংস্তবৈব নামানি সংসৃতিজদুঃখবিনাশকানি |
যেনৈকজন্মশমলং সহসৈব হিৎবা সংযাতি মুক্তিমমলাং তমহং প্রপদ্যে || ৩, ৭. ৬৩ ||
যে ভক্ত্যা বিবশা বিষ্ণো নামমাত্রৈকদজল্পকাঃ |
তেপি মুক্তিং প্রয়ান্ত্যাশু কিমুত ধ্যায়িনঃ সদা || ৩, ৭. ৬৪ ||
এবং স্তুৎবা ক্রতুরপি তূষ্ণীমাস খগেশ্বর |
তদনন্তরজঃ স্তোতুং মনুর্বৈবস্বতোব্রবীৎ || ৩, ৭. ৬৫ ||
বৈবলস্বত উবাচ |
সোহং হি কর্মকরণে নিরতঃ সদৈব স্ত্রীণাং ভোগে চ নিরতশ্চ গুদে প্রমত্তঃ |
জিহ্বেন্দ্রিয়ে চ নিরতস্তব দর্শনে চ সম্যগ্বিরাগসহিতঃ পরমো দরেণ || ৩, ৭. ৬৬ ||
মাংসাস্থিমজ্জরুধিরৈঃ সহিতে চ দেহে ভক্তিং সদৈব ভগবন্নপি তস্করে চ |
গুর্বগ্নিবাডবগবাদিষু সৎসু দুঃখাৎসম্যগ্বিরক্তিমুপয়ামি সহস্ব নিত্যম্ || ৩, ৭. ৬৭ ||
লোকানুবাদশ্রবণে পরমা চ শক্তির্নারায়ণস্য নমনে ন চ মেস্তি শক্তিঃ |
লোকানুয়ানকরণে পরমা চ শক্তিঃ ক্ষেত্রাদিমার্গগমনে পরমা হ্যশক্তিঃ || ৩, ৭. ৬৮ ||
বৈশ্যাদিকেষু ধনিকেষু পরা চ শক্তিঃ সদ্ব্রাহ্মণেষ্বপি ন শক্তিরহো মুরারে || ৩, ৭. ৬৯ ||
বৈবস্বতমনুর্দেবং স্তুৎবা তূষ্ণীং বভূব হ |
তদনন্তরজঃ স্তোতুং বিশ্বামিত্রোপচক্রমে || ৩, ৭. ৭০ ||
বিশ্বামিত্র উবাচ |
ন ধ্যাতে চরণাম্বুজে ভগবতো সন্ধ্যাপি নানুষ্ঠিতা জ্ঞানদ্বারকপাটপাটনপটুর্ধর্মোপিনোপার্জিতঃ |
অন্তর্ব্যাফমলাভিঘাতকরণে পট্বী শ্রুতা তে কথা নো দেব শ্রবণেন
পাহি ভগবন্মামত্রিতুল্যং সদা || ৩, ৭. ৭১ ||
বিশ্বামিত্রঋষিস্ত্বেবং স্তুৎবা তূষ্ণীং বভূব হ |
ভৃগুনারদক্ষাংশ্চ বিহায় ব্রহ্মপুত্রকাঃ || ৩, ৭. ৭২ ||
সপ্তসঙ্খ্যা বসিষ্ঠাদ্যা বিশ্বামিত্রস্তথৈব চ |
বৈবস্বতমনুস্ত্বেতে পরস্পরসমাঃ স্মৃতাঃ || ৩, ৭. ৭৩ ||
বহ্নেরপ্যবরা নিত্যং কিঞ্চিন্মিত্রাদ্গুণাধিকাঃ |
তদনন্তজস্তোত্রং বক্ষ্যে শৃণু খগেশ্বর || ৩, ৭. ৭৪ ||

ইতি শ্রীগারুডে মহাপুরাণে উত্তরখণ্ডে তৃতীয়াংশে ব্রহ্মকাণ্ডে
কৃষ্ণগরুডসংবাদে দেবাদিস্তুতিতত্তত্তারতম্যনিরূপণং নাম সপ্তমোঽধ্যায়ঃ

শ্রীগরুডমহাপুরাণম্-৮
ক্রতোরনন্তরং জাতো মিত্রো (শ্রো) নাম খগেশ্বর |
নারায়ণং জগদ্যোনিং স্তোতুং সমুপচক্রমে || ৩, ৮. ১ ||
মিত্র উবাচ |
নতোস্ম্যজ্ঞস্ত্বচ্চরণারবিন্দং ভবচ্ছিদং স্বস্ত্যয়নং ভবচ্ছিদে |
বেদ স্বয়ং ভগবান্বাসুদেবো নাহং নাগ্নির্ন ত্রিদেবা মুনীন্দ্রাঃ || ৩, ৮. ২ ||
অথাপরে ভাগবতপ্রধানা যদা ন জানীয়ুরথাপরে কুতঃ |
মাং পাহি নিত্যং পরতোপ্যধীশ বিশ্বামিত্রান্ন্যূন এবেতি নিত্যম্ |
অহং পর্জন্যার্দ্বিগুণ এব নিত্যমতো মম স্তবনে নাস্তি শক্তিঃ || ৩, ৮. ৩ ||
এবং স্তুৎবা হরিং মিত্রস্তূষ্ণীমাস তদা খগ |
তদনন্তরজা তারা স্তোতুং সমুপচক্রমে || ৩, ৮. ৪ ||
তারোবাচ
অনন্যেন তু ভাবেন ভক্তিং কুর্বন্তি যে দৃঢাম্ |
ৎবৎকৃতে ত্যক্তকর্মাণস্ত্যক্তস্বজনবান্ধবাঃ || ৩, ৮. ৫ ||
ৎবদাশ্রয়াং কথাং শ্রুৎবা (দৃষ্ট্বা) শৃণ্বন্তি কথয়ন্তি চ |
তথৈতে সাধবো বিষ্ণো সর্বসঙ্গবিবর্জিতাঃ || ৩, ৮. ৬ ||
তন্মধ্যে পতিতাং পাহি সদা মিত্রসমাং প্রভো |
তারানন্তরজঃ প্রাহ নিরৃতিশ্চ খগেশ্বর || ৩, ৮. ৭ ||
নিরৃতিরুবাচ |
যোগেন ৎবয়্যর্পিতয়া চ ভক্ত্যা সংযান্তি লোকাঃ পরমাং গতিং চ |
আসেবয়া সর্বগুণাধিকানাং জ্ঞানেন বৈরাগ্যয়ুতেনদবে || ৩, ৮. ৮ ||
চিত্তস্য নিগ্রহেণৈব বিষ্ণোর্যান্তি পরং পদম্ |
অতো মাং পাহি দয়য়া সদা তারাসমং প্রভো |
তদনন্তরজা স্তোতুং প্রাবহী তং প্রচক্রমে || ৩, ৮. ৯ ||
প্রবাহ্যুবাচ |
সুতাঃ প্রসঙ্গেন ভবন্তি বীর্যাত্তব প্রসাদাৎপরমাঃ সম্পদশ্চ |
যা হ্যুত্তমশ্লোকরসায়নাঃ কথাস্তৎসেবনাদাস্ত্বপবর্গবর্ত্মনি || ৩, ৮. ১০ ||
ভক্তির্ভবেৎসর্বদা দেবদেব সদাপ্যহং নিরৃতেঃ সাম্যমেব |
সহর্ভাষ্যকোমিত্রঃ ৎকয়ীতারঃ প্রকীর্তিতাঃ || ৩, ৮. ১১ ||

কোণাধিপো নিরৃতিশ্চ প্রাবহী প্রবহপ্রিয়া |
চৎবার এতে পর্জন্যাত্ত্রিগুণাঃ পরিকীর্তিতাঃ || ৩, ৮. ১২ ||
তদনন্তরজান্বক্ষ্যে তাঞ্ছৃণু ৎবং খগেশ্বর |
প্রবাহভার্যানন্তরজো বিষ্বক্সেনোথপার্ষদঃ |
বায়ুপুত্রো মহাভাগঃ হরিং স্তোতুং প্রচক্রমে || ৩, ৮. ১৩ ||
বিষ্বক্সেন উবাচ |
ভগবান্মোক্ষদঃ কৃষ্ণঃ পূর্ণানন্দো সদায়দি |
যদি স্যাৎপরমা ভক্তির্হ্য পরোক্ষৎবসাধনা || ৩, ৮. ১৪ ||
তথা স্বগুরুমারভ্য ব্রহ্মান্তেষু চ সাধুষু |
তদ্যোগ্যতানুসারেণ ভক্তির্নিষ্কপটা যদি || ৩, ৮. ১৫ ||
তুলস্যাদিষু জীবেষু যদি স্যাৎপ্রীতিরণ্ডজ |
সংস্মৃতিশ্চ তদা নাশী ভূয়াদেব ন সংশয়ঃ || ৩, ৮. ১৬ ||
এবং স্তুত্ত্বা মহাভাগো বিষ্বক্সে নো মহাপ্রভো |
তূষ্ণীং বভূব গরুড প্রাঞ্জলির্নম্রকন্ধরঃ |
মিত্রাদহং ন্যূন এব নাত্র কার্যা বিচারণা || ৩, ৮. ১৭ ||

ইতি শ্রীগারুডে মহাপুরাণে উত্তরখণ্ডে তৃতীয়াংশে ব্রহ্মকাণ্ডে
কৃষ্ণগরুডসংবাদে বিষ্ণুস্তুতির্দেবতারম্যাদি অষ্টমোঽধ্যায়ঃ

শ্রীগরুডমহাপুরাণম্-৯
শ্রীগরুড উবাচ |
অজানজস্বরূপং চ ব্রূহি কৃষ্ণ মহামতে |
তদন্যাংশ্চ ক্রমেণেব বক্তুং কৃষ্ণ ৎবমর্হসি || ৩, ৯. ১ ||
শ্রীকৃষ্ণ উবাচ |
অজানাখ্যা দেবতাস্তু তত্তদ্দেবকুলে ভবাঃ |
অজানদেবতাস্তা হি তেভ্যোগ্যাঃ কর্মদেবতাঃ || ৩, ৯. ২ ||
বিরাধশ্চারুদেষ্ণশ্চ তথা চিত্ররথস্তথা |
ধৃতরাষ্ট্রঃ কিশোরশ্চ হূহূর্হাহাস্তথৈব চ || ৩, ৯. ৩ ||
বিদ্যাধরশ্চোগ্রসেনো বিশ্বাবসুপরাবসূ |
চিত্রসেনশ্চ গোপালো বলঃ পঞ্চদশ স্মৃতাঃ || ৩, ৯. ৪ ||
এবমাদ্যশ্চ গন্ধর্বাঃ শতসঙ্খ্যাঃ খগেশ্বর |
অজানজসমা জ্ঞেয়া মুক্তৌ সংসার এব চ || ৩, ৯. ৫ ||
অজ্ঞানজাস্তু মে দেবাঃ কর্মজেভ্যঃ শতাবরাঃ |
ঘৃতাচী মেনকা রম্ভা উর্বশী চ তিলোত্তমা || ৩, ৯. ৬ ||
সুকেতুঃ শবরী চৈব মঞ্জুঘোষা চ পিঙ্গলা |
ইত্যাদিকং যক্ষরত্নং সহ সম্পরিকীর্তিতম্ || ৩, ৯. ৭ ||
অজানজসমা হ্যেতে কর্মজেভ্যঃ শতাবরাঃ |
বিশ্বামিত্রো বসিষ্ঠশ্চ নারদশ্চ্যবনস্তথা || ৩, ৯. ৮ ||
উতথ্যশ্চ মুনিশ্চৈতান্দ্রাজপিৎবা খগেশ্বর |
ঋষয়শ্চ মহাত্মানো হ্যজানজসমাঃ স্মৃতাঃ || ৩, ৯. ৯ ||
শতর্চিঃ কশ্যপো জ্ঞেয়ো মধ্যমশ্চ পরাশরঃ |
পাবমান্যঃ প্রগাথশ্চ ক্ষুদ্রসূক্তশ্চ দেবলঃ || ৩, ৯. ১০ ||
গৃৎসমদো হ্যাসুরিশ্চ ভরদ্বাজোথ মুদ্গলঃ |
উদ্দালকো হ্যৃ শৃঙ্গঃ শঙ্খঃ সত্যব্রতস্তথা || ৩, ৯. ১১ ||
সুয়জ্ঞশ্চৈব বাভ্রব্যো মাণ্ডূকশ্চৈব বাষ্কলঃ |
ধর্মাচার্যস্তথাগস্ত্যো দাল্ভ্যো দার্ঢ্যচ্যুতস্তথা || ৩, ৯. ১২ ||
কবষো হরিতঃ কণ্বো বিরূপো মুসলস্তথা |
বিষ্ণুবৃদ্ধশ্চ আত্রেয়ঃ শ্রীবৎসো বৎসলেত্যপি || ৩, ৯. ১৩ ||
ভার্গবশ্চাপ্নবানশ্চ মাণ্ডূকেয়স্তথৈব |
মণ্ড্কশ্চৈব জাবচলিঃ বীতিহব্যস্তথৈব চ || ৩, ৯. ১৪ ||
গৃৎসমদঃ শৌনকশ্চ ইত্যাদ্যা ঋষয়ঃ স্মৃতাঃ |
এতেষাং শ্রবণাদেব হরিঃ প্রীণাতি সর্বদা || ৩, ৯. ১৫ ||
ব্রুবে দ্ব্যষ্টসহস্রং চ শৃণু তার্ক্ষ্য মম স্ত্রিয়ঃ |
অগ্নিপুত্রাস্তু যদ্দ্ব্যষ্টসহস্রঞ্চ মম স্ত্রিয়ঃ |
অজানজসমা হ্যেতা (তে) নাত্র কার্যা বিচারণা || ৩, ৯. ১৬ ||
ৎবষ্টুঃ পুত্রী কশেরূশ্চ তাসাং মধ্যে গুণাধিকা |
তদনন্তরজান্বক্ষ্যে শৃণু সম্যক্খগেশ্বর || ৩, ৯. ১৭ ||
আজানেভ্যস্তু পিতরঃ সপ্তভ্যোন্যে শতাবরাঃ |
তথাধিকা হি পিতর ইতি বেদবিদাং মতম্ || ৩, ৯. ১৮ ||
তদনন্তরাজান্বক্ষ্যে শৃণু ৎবং দ্বিজসত্তম |
অষ্টাভ্যো দেবগন্ধর্বা অষ্টোত্তরশতং বিনা || ৩, ৯. ১৯ ||
তেভ্যঃ শতগুণানন্দা দেবপ্রেষ্যাস্তু মুখ্যতঃ |
স্বমুকেনেব দেবৈশ্চ আজ্ঞাপ্যাঃ সর্বদা গণাঃ || ৩, ৯. ২০ ||
আখ্যাতা দেবগন্ধর্বাস্তেভ্যস্তে চ শতাবরাঃ |
তেভ্যস্তু ক্ষিতিপা জ্ঞেয়া অবরাশ্চ শতৈর্গুণৈঃ || ৩, ৯. ২১ ||
তেভ্যঃ শতগুণাজ্ঞেয়া মানুষেষূত্তমা গণাঃ |
এবং প্রাসঙ্গিকানুক্ত্বা প্রকৃতং হ্যনুসরাম্যহম্ |
এবং ব্রহ্মাদয়ো দেবা লক্ষ্ম্যাদ্যা অপি সর্বশঃ || ৩, ৯. ২২ ||
স্তুৎবা তূষ্ণীং স্থিতাঃ সর্বে প্রাঞ্জলীকৃত্য ভো দ্বিজ || ৩, ৯. ২৩ ||
ইতি স্তুতশ্চ দেবেশো ভগবান্হরিরব্যয়ঃ |
তেষামায়তনং দাতুং মনসা সমচিন্তয়ৎ || ৩, ৯. ২৪ ||
ইদং পবিত্রমারোগ্যং পুণ্যং পাপপ্রণাশনম্ |
হরিপ্রসাদজনকং স্বরূপসুখসাধনম্ || ৩, ৯. ২৫ ||
ইদং তু স্তবনং বিপ্রা ন পঠন্তীহ মানবাঃ |
ন শৃণ্বন্তি চ যে নিত্যং তে সর্বে চৈব মায়িনঃ || ৩, ৯. ২৬ ||
নস্মরন্তোন্তরং নিত্যং যে ভুঞ্জন্তি নরাধমাঃ |
তৈর্ভুক্তা সততং বিষ্ঠা সদা ক্রিমিশতৈর্যুতা || ৩, ৯. ২৭ ||

ইতি শ্রীগারুডে মহাপুরাণে উত্তরখণ্ডে তৃতীয়াংশে ব্রহ্মকাণ্ডে
দেবকৃতবিষ্ণুস্তুতিদেবতাতারতম্যনিরূপণং নাম নবমোঽধ্যায়ঃ

শ্রীগরুডমহাপুরাণম্-১০
গরুড উবাচ |
দেবৈরেবং স্তুতো বিষ্ণুর্ভগবান্সাত্ত্বতাং পতিঃ |
কীদৃশং হ্যাশ্রয়ং দত্ত্বৈষাং বিবেশ মহাপ্রভুঃ || ৩, ১০. ১ ||
এতদ্বেদিতুমিচ্ছামি কৃষ্ণকৃষ্ণ মহাপ্রভো |
সম্যগ্ব্রূহি দয়ালো ৎবং যদি মচ্ছ্রোত্রমর্হতি || ৩, ১০. ২ ||
শ্রীকৃষ্ণ উবাচ |
তেষু তত্ত্বেষু ভগবান্স বিবেশ মহাপ্রভুঃ |
ক্ষোভয়ামাস ভগবান্সম্বন্ধবিধুরো হরিঃ || ৩, ১০. ৩ ||
অদৌ সসর্জ ভগবান্ব্রহ্মাণ্ডং কন কাত্মকম্ |
পঞ্চাশৎকোটিবিস্তীর্ণং যোজনানাং সমন্ততঃ || ৩, ১০. ৪ ||
তদূর্ধ্বমণ্ববয়বস্তাবান্কনকরূপকঃ |
বর্ততে তত ঊর্ধ্বং তু পঞ্চাশৎকোটিভূতলম্ || ৩, ১০. ৫ ||
এবং কোটিশতং তস্যাবয়বঃ পরিকীর্তিতঃ |
ততশ্চ সপ্তাবরণৈঃ সমতাৎপরিধীকৃতম্ || ৩, ১০. ৬ ||
কবন্ধাবরণং হ্যাদ্যং কোট্যা দশসহস্রকম্ |
দ্বিতীয়া বরণং জ্ঞেয়ং পাবকস্য মহাত্মনঃ || ৩, ১০. ৭ ||
অপাং দশগুণৈর্যুক্তং সমন্তাৎপরিধী (খী) কৃতম্ |
তৃতীয়াবরণং জ্ঞেয়ং হরস্যৈব মহাত্মনঃ || ৩, ১০. ৮ ||
দশাধিকং পাবকাচ্চ সমন্তাৎপরিবারিতম্ |
চতুর্থাবরণং জ্ঞেয়ং নভসোপি মহাপ্রভো || ৩, ১০. ৯ ||
হরাদ্দশগুণৈরেবং সমন্তাৎপরিবারিতম্ |
পঞ্চমাবরণং জ্ঞেয়মহঙ্কারাখ্যমেবচ || ৩, ১০. ১০ ||
ব্যোম্নো দশগুণৈরেবং সমন্তাৎপরিবারি তম্ |
ষষ্ঠমাবরণং প্রোক্তং মহত্তত্ত্বং খগেশ্বর || ৩, ১০. ১১ ||
অহঙ্কারাদ্দশগুণং সমন্তাৎপরিবারিতম্ |
সপ্তমাবরণং প্রোক্তং ত্রিগুণাবরণং প্রভো || ৩, ১০. ১২ ||
মহত্তত্ত্বাদ্দশগুণৈরধিকং পরিকীর্তিতম্ |
মহত্তত্ত্বানন্তরং চ তমো হ্যাবরণং স্মৃতম্ || ৩, ১০. ১৩ ||
মহত্তত্ত্বাৎপঞ্চগুণৈরধিকং পরিকীর্তিতম্ |
তস্মাচ্চ দ্বিগুণং জ্ঞেয়ংরজো হ্যাবরণং স্মৃতম্ || ৩, ১০. ১৪ ||
ততশ্চ দ্বিগুণং জ্ঞেয়ং সত্ত্বাবরণমুত্তমম্ |
ত্রয়শ্চৈবং মিলিৎবা তু একাবরণমীরিতম্ || ৩, ১০. ১৫ ||
অব্যাকৃতাখ্যমাকাশং তদনন্তরমীরিতম্ |
মর্যাদারহিতশ্চৈবং তত্রাস্তে হরিরব্যয়ঃ || ৩, ১০. ১৬ ||
অষ্টমাবরণং ব্যোম্নোরং তরা বিরজা নদী |
পঞ্চয়োজনবিস্তীর্ণা সমন্তাৎপরীধীকৃতা || ৩, ১০. ১৭ ||
অস্তি পুণ্যতমা জ্ঞেয়া লোকসংসারনাশিনী |
এবং চতুর্মুখেনৈব তদা হৃষ্যং তি চাণ্ডজ || ৩, ১০. ১৮ ||
তে সর্বে বিরজানদ্যাং সম্যক্স্নাৎবা বিসর্জ্য চ |
লিঙ্গদেহং ততঃ পশ্চান্মোক্ষং বিন্দন্তি তে হরেঃ || ৩, ১০. ১৯ ||
অপরোক্ষদৃশামেবং ব্রহ্মণা সহ গামিনাম্ |
বিরজাতরণং বিদ্ধি নান্যেষাং বিনতাসুত || ৩, ১০. ২০ ||
অপরোক্ষদৃশাং ব্রহ্মন্ব্যাসাদীনাং খগেশ্বর |
বিরজাতরণং নাস্তি ভোক্তব্যৎবাচ্চ কর্মণঃ || ৩, ১০. ২১ ||
বিরিঞ্চেনৈব সাকং তু কল্পেস্মিন্নধিকারিণাম্ |
তেষাং তু নিয়মেনৈব সর্বপ্রারব্ধসঙ্ক্ষয়ঃ || ৩, ১০. ২২ ||
ভবত্যেবং ন সন্দেহো নান্যেষাং সর্বসঙ্ক্ষয়ঃ |
অতস্তু বিরজাতরণং তেষামেব ভবেৎপটো || ৩, ১০. ২৩ ||
বিরজাতরণং নাস্তি তেষাং ত (তয়োস্ত) ৎসঙ্গিনাং তথা |
সর্বারব্ধক্ষয়ো নাস্তি যতস্তেষাং খগাধিপ || ৩, ১০. ২৪ ||
অতশ্চ সর্বথা নাস্তি বিরজাতরণং প্রভো |
প্রলয়ে বিরজানদ্যা লয়ো নাস্তি খগেশ্বর || ৩, ১০. ২৫ ||
লক্ষ্ম্যাত্মিকা তু সা জ্ঞেয়া লিঙ্গদেহবিদারিণী |
ব্রহ্মৎবয়োগ্যা ঋজবো নাম দেবাঃ প্রকীর্তিতাঃ || ৩, ১০. ২৬ ||
তেপি প্রত্যেকশঃ সন্তি হ্যনন্তাশ্চ পৃথগ্গণাঃ |
পৃথক্পৃথক্চ তৈঃ সাকং মোক্ষয়োগ্যাঃ খগেশ্বর || ৩, ১০. ২৭ ||
জীবাঃ সন্তি হ্যনেকে চ প্রতিকল্পে সৃজন্তি তে |
দ্বাত্রিংশল্লক্ষণৈঃ সম্যগ্যুক্তা বায়ুৎবয়োগ্যকাঃ || ৩, ১০. ২৯ || ১০. ২৮
অষ্টাবিংশল্লক্ষণৈশ্চ গিরীশপদয়োগিনঃ |
চতুর্বিংশতিমারভ্যাষোডশাচ্চ সুরাঃ স্মৃতাঃ || ৩, ১০. ২৯ ||
অষ্টকা ঋষয়ঃ প্রোক্তাস্তদূনাশ্চক্রবর্তিনঃ |
শতজন্ম সমারভ্য ব্রহ্মণঃ পরমেষ্ঠিনঃ || ৩, ১০. ৩০ ||
অপরোক্ষমিতি প্রোক্তং তথা হ্যারব্ধসঙ্ক্ষয়ঃ |
একেন শতকল্পেন বায়ুৎবং যাতি ভো দ্বিজ || ৩, ১০. ৩১ ||
শতজন্মনি ব্রহ্মৎবং যাতি পশ্চাদ্ধরেঃ পদম্ |
চৎবারিংশদ্ব্রহ্মকল্পং সমারভ্য খগেশ্বর || ৩, ১০. ৩২ ||
রুদ্রস্যাপ্যাপরোক্ষ্যং স্যাত্তথা প্রারব্ধসঙ্ক্ষয়ঃ |
একচৎবারিংশকল্পে শেষৎবং যাতি সুব্রত || ৩, ১০. ৩৩ ||
ব্রহ্মণা সহ মোক্ষং চ যাতি সম্যঙ্ন চান্যথা |
কল্পবিংশতিমারভ্য ব্রহ্মণঃ পরমেষ্ঠিনঃ || ৩, ১০. ৩৪ ||
ইন্দ্রস্যাপ্যাপরোক্ষ্যং স্যাত্তথা প্রারব্ধসঙ্ক্ষয়ঃ |
ব্রহ্মণৈব সহায়াতি হরিং নারায়ণং পরম্ || ৩, ১০. ৩৫ ||
গরুড উবাচ |
পঞ্চাশীতিব্রহ্মকল্পং সমারভ্য মহাপ্রভো |
রুদ্রস্যাপ্যাপরোক্ষ্যং স্যাত্তথা প্রারব্ধসঙ্ক্ষয়ঃ || ৩, ১০. ৩৬ ||
ইতি শ্রুতং ময়া ব্রহ্মন্ব্রহ্মণোক্তং হরেঃ প্রিয়াৎ |
ইত্থং ৎবয়োক্তং শ্রীকৃষ্ণ সংশয়োবাধতে মম || ৩, ১০. ৩৭ ||
অতো মে সংশয়ং ছিন্ধি যথা ন স্যাত্তথা পুনঃ |
ইতি তদ্বচনং শ্রুৎবা কৃষ্ণো বচনমব্রবীৎ || ৩, ১০. ৩৮ ||
শ্রীকৃষ্ণ উবাচ |
ব্রহ্মোক্তস্য ময়োক্তস্য বিবাদো নাস্তি সর্বথা |
সন্দেহস্ত্বজ্ঞদৃষ্টীনাং জ্ঞানিনাং নাস্তি সর্বথা || ৩, ১০. ৩৯ ||
অশীতিহ্যষ্টকা প্রোক্তা অষ্টপঞ্চ খগেশ্বর |
চৎবারিংশদ্ব্রহ্মকল্প এবং প্রাহ চতুর্মুখঃ || ৩, ১০. ৪০ ||
তত্ত্বানাং বহুগোপ্যৎবাত্তথোক্তং ব্রহ্মণা পুরা |
অভিপ্রায়স্ত্বেবমেব জ্ঞাতব্যো নাত্র সংশয়ঃ || ৩, ১০. ৪১ ||
পঞ্চা শীতিব্রহ্মকল্পং যে বিজানন্তি ভো দ্বিজ |
তেন্ধং তমঃ প্রবিশন্তি সত্যংসত্যং ময়োদিতম্ || ৩, ১০. ৪২ ||
বিরজানন্তরং বিপ্রং তথা ব্যাকৃতমম্বরম্ |
অনন্তপারং তদপি লক্ষ্মীস্তস্যাভিমানিনী || ৩, ১০. ৪৩ ||
সঙ্খ্যানুগণনং নাম যস্য নাস্তি মহাপ্রভো |
ন দানং জাতিপ্রোক্তং সর্বদা নাস্তি সংশয়ঃ || ৩, ১০. ৪৪ ||
অণ্ডাভিমানী ব্রহ্মা তু বিরাডাখ্যো হ্যভূত্তদা |
এবং মতং স নির্মায় ভগবান্হরিখ্যয়ঃ || ৩, ১০. ৪৫ ||
বিশেষাত্তত্র গরুড দেবৈস্তত্ত্বাভিমানিভিঃ |
অধশ্চোর্ধ্বং তদাক্রম্য হরিস্তিষ্ঠতি সর্বদা || ৩, ১০. ৪৬ ||
এবং প্রাকৃতসর্গোক্তির্বৈকৃতং শৃণু পক্ষিরাট্ || ৩, ১০. ৪৭ ||
গরুড উবাচ |
সৃষ্টিরুক্তা ৎবয়া পূর্বং শ্রুতা সম্যঙ্ময়া হরে || ৩, ১০. ৪৮ ||
কিং নাম প্রাকৃতং জ্ঞেয়ং তথা কিং বৈকৃতং প্রভো |
এতদ্বিস্তীর্য মে ব্রূহি শ্রোতুং কৌতূহলং হি মে || ৩, ১০. ৪৯ ||
শ্রীকৃষ্ণ উবাচ |
অব্যক্তাদ্যাঃ পৃথিব্যন্তা অণ্ডাচ্চ বহিরুদ্ভবাঃ |
তে সর্বে প্রাকৃতাঃ প্রোক্তাস্তেষাং জ্ঞানাদ্বিমচ্যতে || ৩, ১০. ৫০ ||
ব্রহ্মাডং বিকৃতং জ্ঞেয়ং ব্রহ্মাণ্ডান্তঃ খগেশ্বর |
যা সৃষ্টিরুচ্যতে সদ্ভিঃ সৈবোক্তা বিকৃতেতি চ || ৩, ১০. ৫১ ||
সৃষ্টিশ্চ প্রলয়শ্চৈব সংসারো ভক্তিরেব চ |
দেবতা ঋষিমুখ্যাশ্চ লোকা ভূরাদয়স্তথা || ৩, ১০. ৫২ ||
অনাদ্যনন্তকালীনাঃ সর্বদৈকপ্রকারকাঃ |
জগৎপ্রবাহঃ সত্যোঽযং নৈব মিথ্যা কথঞ্চন || ৩, ১০. ৫৩ ||
যত্ত্বেতদন্যথা ব্রূয়ুঃ সর্বহন্তার এব তে |
জগৎপ্রবাহঃ সত্যোঽযং হরিসেবেতিসাথা || ৩, ১০. ৫৪ ||
সত্যং সত্যং পুনঃ সত্যমুদ্ধত্য ভুজমুত্যতে |
বেদাচ্ছাস্ত্রং পরং নাস্তি ন দেবঃ কেশবাৎপরঃ || ৩, ১০. ৫৫ ||
সর্বোৎকৃষ্টং কেশবং চ বিহায়ান্যমুপাসতে |
তেষামন্ধং তমো জ্ঞেয়ং পিৎৠণাং গরুণামপি || ৩, ১০. ৫৬ ||
ইদানীং শৃণু পক্ষীন্দ্র বৈকৃতং সর্গমুত্তমম্ |
সম্যগ্জানাতি যো লোকে স যাতি পরমং পদম্ || ৩, ১০. ৫৭ ||

ইতি শ্রীগারুডে মহাপুরাণে শ্রীকৃষ্ণগরুডসংবাদে দ্বিতীয়াংশে ধর্মকাণ্ডে
প্রেতকল্পে ব্রহ্মাণ্ডাদিবৈকৃতৈকদেশপ্রাকৃতসৃষ্টিনিরূপণং নাম দশমোঽধ্যায়ঃ