২.৫ গরুডপুরাণ (অধ্যায় ৪১-৪৯)

শ্রীগরুডমহাপুরাণম্-৪১
শ্রীবিষ্ণুরুবাচ |
বৃষোৎসর্গং প্রকুর্বীত বিধিপূর্বং খগেশ্বর |
কার্তিকাদিষু মাসেষু পৌর্ণমাস্যাং শুভে দিনে || ২, ৪১. ১ ||
বিবাহোৎসর্জনং শ্রাদ্ধং নান্দীমুখমুপক্রমেৎ |
কুর্যাদ্ভুবশ্চ সংস্কারানগ্নিস্থাপনমেব চ || ২, ৪১. ২ ||
বাপ্যাং কূপে গবাং গোষ্ঠে স্থাপ্যাগ্নিং বিধিবত্ততঃ |
বিবাহবিধিনা সর্বং কুর্যাদ্ব্রাহ্মণবাচনম্ || ২, ৪১. ৩ ||
পাত্রাসাদনং শ্রপণমুপয়মনকুশাদিকম্ |
পুর্যুক্ষণান্তে হোমং চ কর্যা দ্বৈ ব্রাহ্মণেন তু || ২, ৪১. ৪ ||
আঘারাবাজ্যভাগৌ চ চক্ষুষী চ প্রদা পয়েৎ |
প্রথমেঽহরিতি মন্ত্রেণ হোতব্যাশ্চ ষডাহুতীঃ (তয়ঃ) || ২, ৪১. ৫ ||
আঘারাবাজ্যভাগৌ তু পায়সেনাঙ্গদেবতাঃ |
অগ্নয়ে রুদ্রায় শর্বায় পশুপতয়ে উগ্রায় শিবায় |
ভবায় মহাদেবায়েশানায় যমায় চ || ২, ৪১. ৬ ||
পিষ্টকেন সকৃদ্ধোমং পূষাগা ইতি মন্ত্রতঃ |
উভয়োঃ স্বিষ্টিকূদ্ধোমশ্চরুণা পায়সেন চ || ২, ৪১. ৭ ||
প্রথমং ব্যাহৃতিহোমঃ প্রায়শ্চিত্তং প্রজাপতিঃ |
সংস্ত্রবপ্রাশনং কুর্যাৎপ্রণীতাপরিমোক্ষণম্ || ২, ৪১. ৮ ||
পবিত্রপ্রতিপত্তিশ্চ ব্রাহ্মণে দক্ষৈণা ততঃ |
ষডঙ্গরুদ্রজাপ্যেন প্রোতো মোক্ষমবাপ্নুয়াৎ || ২, ৪১. ৯ ||
একবর্ণং বৃষঞ্চৈব সকৃদ্বৎসতরীং খগ |
স্নাপয়িৎবা ততঃ কুর্যাৎসর্বালঙ্কারভূষিতম্ || ২, ৪১. ১০ ||
প্রতিষ্ঠাপ্য চ তদ্যুগ্মং প্রেতো মোক্ষমবাপ্নুয়াৎ |
পুচ্ছেচ তর্পণং কার্যমুচ্ছ্রিতে মন্ত্রপূর্বকম্ |
ব্রাহ্মণান্ভোজয়েৎপশ্চাদ্দক্ষিণাভিশ্চ তোষয়েৎ || ২, ৪১. ১১ ||
ততঃ শ্রাদ্ধং সমুদ্দিষ্টমেকোদ্দিষ্টং যথাবিধি |
জলমন্নং তথা দেয়ং প্রেতোদ্ধরণহেতবে || ২, ৪১. ১২ ||
দ্বাদশাহে ততঃ কুর্যান্মাসেমাসে পৃথক্পথক্ |
এবং বিধিঃ সমায়ুক্তঃ প্রেতমোক্ষে করোতি হি || ২, ৪১. ১৩ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে ধর্মকাণ্ডে প্রেতকল্পে
শ্রীকৃষ্ণগরুডসংবাদে বৃষোৎসর্গনিরূপণং নামৈ কচৎবারিংশত্তমোঽধ্যায়ঃ

শ্রীগরুডমহাপুরাণম্-৪২
শ্রীবিষ্ণুরুবাচ |
যথা ধেনুসহস্রেষু বৎসো বিন্দতি মাতরম্ |
তথা পূর্বকৃতং কর্ম কর্তারমনুগচ্ছতি || ২, ৪২. ১ ||
আদিত্যো বরুণো বিষ্ণুর্ব্রহ্মা সোমো হুতাশনঃ |
শূলপাণিশ্চ ভগবানভিনন্দতি ভূমিদম্ || ২, ৪২. ২ ||
নাস্তি ভমিসমং দানং নাস্তি ভমিসমো নিধিঃ |
নাস্তি সত্যসমো ধর্মো নানৃতাৎপাতকং পরম্ || ২, ৪২. ৩ ||
অগ্নেরপত্যং প্রথমং সুবর্ণং ভূর্বৈষ্ণবী সূর্যসুতাশ্চ গাবঃ |
লোকত্রয়ং তেন ভবেৎপ্রদত্তং যঃ কাঞ্চনং গাং চ মহীং চ দদ্যাৎ || ২, ৪২. ৪ ||
ত্রীণ্যাহুরতিদানানি গাবঃ পৃথ্বী সরস্বতী |
নরকাদুদ্ধরন্ত্যেতে জপপূজনহোমতঃ || ২, ৪২. ৫ ||
কৃৎবা বহূনি পাপানি রৌদ্রাণি বিপুলানি চ |
অপি গোচর্মমাত্রেণ ভূমিদানেন শুধ্যতি || ২, ৪২. ৬ ||
হরন্তমপি লোভেন নিরুধ্যৈনং নিবারয়েৎ |
স যাতি নরকে ঘোরে যস্তং ন পরিরক্ষতি || ২, ৪২. ৭ ||
অকর্তব্যং ন কর্তব্যং প্রাণৈঃ কণ্ঠগতৈরপি |
কর্তব্যমেব কর্তব্যমিতি ধর্মবিদো বিদুঃ || ২, ৪২. ৮ ||
আকারপ্রবর্তনে পাপং গোসহস্রবধৈঃসমম্ |
বৃত্তিচ্ছেদে তথা বৃত্তেঃ করণং লক্ষধেনুকম্ || ২, ৪২. ৯ ||
বরমেকাপ্যপহৃতা ন তু দত্তং গবাং শতম্ |
একাং হৃৎবা শতং দত্ত্বা ন তেন সমতা ভবেৎ || ২, ৪২. ১০ ||
স্বয়মেব তু যো দত্ত্বা স্বয়মেব প্রবাধতে |
স পাপী নরকং যাতি যাবদাভূতসম্প্লবম্ || ২, ৪২. ১১ ||
ন চাশ্বমেধেন তথা বিধিবদ্দক্ষিণাবতা |
অবৃত্তিকর্শিতে দীনে ব্রাহ্মণে গক্ষিতে যথা || ২, ৪২. ১২ ||
ন তদ্ভবতি বেদেষু যজ্ঞে সুবহুদক্ষিণে |
যৎপুণ্যং দুর্বলে ত্রস্তে ব্রাহ্মণে পরিরক্ষিতে || ২, ৪২. ১৩ ||
ব্রহ্মস্বৈশ্চসুপুষ্টানি বাহনানি বলানি চ |
যুদ্ধকালে বিশীর্যন্তে সৈকতাঃ সেতবো যথা || ২, ৪২. ১৪ ||
স্বদত্তাং পরদত্তাং বা যো হরেচ্চ বসুন্ধরাম্ |
ষষ্টিবর্ষসহস্রাণি বিষ্ঠায়াং জায়তে কৃমিঃ || ২, ৪২. ১৫ ||
ব্রহ্মস্বং প্রণয়াদ্ভুক্তং দহত্যাসপ্তমং কুলম্ |
তদেব চৌর্যরূপেণ দহত্যাচন্দ্রতারকম্ || ২, ৪২. ১৬ ||
লোহচূর্ণাশ্মচূর্ণানি কদাচিজ্জরয়েৎপুমান্ |
ব্রহ্মস্বন্ত্রিষু লোকেষু কঃ পুমাঞ্জরয়িষ্যতি || ২, ৪২. ১৭ ||
দেবদ্রব্যবিনাশেন ব্রহ্মস্বহরণেন চ |
কুলান্যকুলতাং যান্তি ব্রাহ্মণাতিক্রমেণ চ || ২, ৪২. ১৮ ||
ব্রাহ্মণাতি ক্রমো নাস্তি বিপ্রে বিদ্যাবিবর্জিতে |
জ্বলন্তমগ্নিমুৎসৃজ্য ন হি ভস্মনি হূয়তে || ২, ৪২. ১৯ ||
সঙ্ক্রান্তৌ যানি দানানি হব্যকব্যানি যানি চ |
সপ্তকল্পক্ষয়ং যাবদ্দদাত্যর্কঃ পুনঃ পুনঃ || ২, ৪২. ২০ ||
প্রতিগ্রহাধ্যাপনয়াজনেষু প্রতিগ্রহং স্বেষ্টতমং বদন্তি |
প্রতিগ্রহাচ্ছ্রুধ্যতি জাপ্যহোমং ন যাজনং কর্ম পুনন্তি বেদাঃ || ২, ৪২. ২১ ||
সদা জাপী সদা হোমী পরপাকবিবর্জিতঃ |
রত্নপূর্ণামপি মহীং প্রতিগৃহ্ণন্ন লিপ্যতে || ২, ৪২. ২২ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে ধর্মকাণ্ডে প্রেতকল্পে
শ্রীকৃষ্ণগরুডসংবাদে ভূদানাদিনিরূপণং নাম দ্বিচৎবারিংশতমোঽধ্যায়ঃ

শ্রীগরুডমহাপুরাণম্-৪৩
শ্রীবিষ্ণুরুবাচ |
জলাগ্নিবন্ধনভ্রষ্টা প্রব্রজ্যানাশকচ্যুতাঃ |
ঐন্দবাভ্যাং বিশুধ্যন্তি দত্ত্বা ধেনুং তথা বৃষম্ || ২, ৪৩. ১ ||
ঊনদ্বাদশবর্ষস্য চতুর্বর্ষাধিকস্য চ |
প্রায়শ্চিত্তং চরেন্মাতা পিতা বান্যোঽপি বান্ধবঃ || ২, ৪৩. ২ ||
অতো বালনরস্যাপি নাপরাধো ন পাতকম্ |
রাজদণ্ডো ন তস্যাস্তি প্রায়শ্চিত্তং ন বিদ্যতে || ২, ৪৩. ৩ ||
রক্তস্য দর্শনে দষ্টে আতুরা স্ত্রী ভবেদ্যদি |
চতুর্থেঽহ্নি পদাদীংশ্চ ত্যক্ত্বা স্নাৎবা বিশুধ্যতি || ২, ৪৩. ৪ ||
আতুরে স্নান উৎপন্নে দশকৃৎবো হ্যনাতুরঃ |
স্নাৎবাস্নাৎবাস্পৃশেদেনং ততঃ শুধ্যেৎস আতুরঃ || ২, ৪৩. ৫ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে ধর্মকাণ্ডে প্রেতকল্পে
শ্রীকৃষ্ণগরুডসংবাদে শুদ্ধিনিরূপণং নাম ত্রিচৎবারিংশোঽধ্যায়ঃ

শ্রীগরুডমহাপুরাণম্-৪৪
শ্রীবিষ্ণুরুবাচ |
স্বেচ্ছয়া তার্ক্ষ্য মরণং শৃঙ্গিদংষ্ট্রিসরীসৃপঃ |
চাণ্ডালাদ্যাত্মঘাতৈশ্চ বিষাদ্যৈস্তাডনৈস্তথা || ২, ৪৪. ১ ||
জলাগ্নিপাতবাতৈশ্চ নিরাহারাদিভিস্তথা |
যেষামেব ভবেন্মৃত্যুঃ প্রোক্তাস্তে পাপকর্মিণঃ || ২, ৪৪. ২ ||
পাষড্যনাশ্রমাশ্চৈব মহাপাতকিনস্তথা |
স্ত্রিয়শ্চ ব্যভিচারিণ্য আরূঢপতিতাস্তথা || ২, ৪৪. ৩ ||
ন তেষাং স্যান্নব শ্রাদ্ধং ন সংস্কারঃ সপিণ্ডনম্ |
শ্রাদ্ধানি ষোডশোক্তানি ন ভবন্তি চ তান্যপি || ২, ৪৪. ৪ ||
বেতনং যৎক্ষিপেদপ্সু গৃহ্যাগ্নিশ্চ চতুষ্পথে |
পাত্রাণিনির্দহেদগ্নৌ সাগ্নিকে পাপকর্মণি || ২, ৪৪. ৫ ||
পূর্ণে সংবৎসরে তেষামিত্থং কার্যং দয়ালুভিঃ |
একাদশীং সমাসাদ্য শুক্লপক্ষে চ কাশ্যপ || ২, ৪৪. ৬ ||
বিষ্ণুং যমং চ সম্পূজ্য গন্ধপুষ্পাক্ষতাদিভিঃ |
দশ পিণ্ডান্ঘৃতাক্তাংশ্চ দর্ভেষু মধুসংযুতান্ || ২, ৪৪. ৭ ||
যজ্ঞোপবীতি সতিলান্ধ্যায়ন্বিষ্ণুং যমং তথা |
দক্ষিণাভিমুখস্তূষ্ণীমেকৈকং নির্বপেত্তুতান্ || ২, ৪৪. ৮ ||
উদ্ধৃত্য মিশ্রিতান্পশ্চাত্তীর্থেঽভ্মঃ সু বিনিঃ ক্ষিপেৎ |
ক্ষিপন্সঙ্কীর্তয়েন্নাম গোত্রং চ মৃতকস্য চ || ২, ৪৪. ৯ ||
পুনরপ্যর্চয়েদ্বিষ্ণুং যমং কুসুমচন্দনৈঃ |
ধূপদীপৈঃ সনৈবেদ্যৈর্ভক্ষ্যভোজ্যসমন্বিতৈঃ || ২, ৪৪. ১০ ||
তস্মিন্নুপবসেদহ্নি বিপ্রাংশ্চেব নিমন্ত্রয়েৎ |
কুলবিদ্যাতপোয়ুক্তান্সাধুশীলসমন্বিতান্ || ২, ৪৪. ১১ ||
নব সপ্তাথবা পঞ্চ স্বসামর্থ্যানুসারতঃ |
অপরেঽহনি মধ্যাহ্নে যমং বিষ্ণুং তথার্চয়েৎ || ২, ৪৪. ১২ ||
উদঙ্মুখাংস্তথা বিপ্রাংস্তান্সম্যগুপবেশয়েৎ |
আবাহনার্ঘদানাদৌ বিষ্ণুং যমসমন্বিতম্ || ২, ৪৪. ১৩ ||
যজ্ঞোপবীতী কুর্বীত প্রেতনাম প্রকীর্তয়েৎ |
প্রেতং যমং চ বিষ্ণুং চ স্মরন্শ্রাদ্ধং সমাপয়েৎ || ২, ৪৪. ১৪ ||
অন্যেভ্যশ্চাপি সর্বেভ্যঃ পিণ্ডদানার্থমুদ্ধরেৎ |
পৃথগ্বা দশ পিণ্ডাংশ্চ পঞ্চ দদ্যাৎক্রমেণ তু || ২, ৪৪. ১৫ ||
প্রথমং বিষ্ণবে দদ্যাদ্ব্রহ্মণে চ শিবায় চ |
সভৃত্যায় শিবায়াথ প্রেতায়াপি চ পঞ্চমম্ || ২, ৪৪. ১৬ ||
নাম গোত্রং স্মরেত্তস্য বিষ্ণুশব্দং প্রকীর্তয়েৎ |
নমস্কারশিরস্কন্তু পঞ্চমং পিণ্ডমুদ্ধরেৎ || ২, ৪৪. ১৭ ||
গোভূমিপিণ্ডদানাদ্যৈঃ শক্ত্যা প্রেতং স্মরংশ্চ তম্ |
তিলৈস্তিলাংস্তু বিপ্রাণাং দর্ভয়ুক্তেষু পাণিষু || ২, ৪৪. ১৮ ||
দদ্যাদন্নং দ্বিজানাং চ তাম্বূলং দক্ষিণাং তথা |
এবং শিষ্টতমং বিপ্রং হরিণ্যেন প্রপূজয়েৎ || ২, ৪৪. ১৯ ||
নাম গোত্রং স্মরন্দদ্যাদ্বিষ্ণুপ্রীতোস্ত্বিতি ব্রুবন্ |
অনুব্রজ্য দ্বিজান্পশ্চাত্ত্যক্তাম্ভো দক্ষিণামুখঃ || ২, ৪৪. ২০ ||
কীর্তয়ন্নামগোত্রে তু ভুবি প্রীতোস্ত্বিতি ক্ষিপেৎ |
মিত্রবন্ধুজনৈঃ সার্ধং শেষং ভুঞ্জীত বাগ্যতঃ |
প্রতিসংবৎসরাদি স্যাদেকোদ্দিষ্টবিধানতঃ || ২, ৪৪. ২১ ||
এবং কৃতে গমিষ্যন্তি স্বর্লোকং পাপকর্মিণঃ |
সপিণ্ডীকরণাদৌ তু কৃতে চৈবাপ্নুবন্তিতে || ২, ৪৪. ২২ ||
অথ কশ্চিৎপ্রমাদেন ম্রিয়তে হ্যুদকাদিভিঃ |
সংসারপ্রমুখস্তস্য সর্বং কুর্যাদ্যথাবিধি || ২, ৪৪. ২৩ ||
প্রমাদাদিচ্ছয়া মর্ত্যো ন গচ্ছেৎসর্পসমুখঃ |
পক্ষয়োরুভয়োর্নাগং পঞ্চমীষু প্রপূজয়েৎ || ২, ৪৪. ২৪ ||
কুর্যাৎপিষ্টময়ীং লেখাং নাগানামাকৃতিং ভুবি |
অর্চয়েত্তাং সিতৈঃ পুষ্পৈঃ সুগন্ধৈশ্চন্দনেনচ || ২, ৪৪. ২৫ ||
প্রদদ্যাদ্ধূপদীপন্তু তণ্ডুলাংশ্চ সিতান্ক্ষিপেৎ |
আমপিষ্টং তথৈবান্নং ক্ষীরঞ্চ বিনিবেদয়েৎ || ২, ৪৪. ২৬ ||
উপস্থায় বদেদেবং মুঞ্চন্মুদ্রাংশুকানি চ |
মধুরং তদ্দিনেঽশ্রীয়াদ্দেবশ্রাদ্ধং সমাপয়েৎ || ২, ৪৪. ২৭ ||
সৌবর্ণং শক্তিতো নাগং ততো দদ্যাদ্দ্বিজোত্তমে |
ধেনুং দত্ত্বা ততো ব্রূয়াৎপ্রীয়তাং নাগরাডিতি || ২, ৪৪. ২৮ ||
যথাবিভব্যং কুর্বীত কর্মাণ্যন্যানি পূর্ববৎ |
স্বশাখোক্তবিধানেন ইত্থং কুর্যাদ্যথাতথম্ |
প্রেতৎবান্মোচয়েত্তাংস্তু স্বর্গমার্গং নয়েৎচ || ২, ৪৪. ২৯ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশাখ্যে ধর্মকাণ্ডে প্রেতকল্পে
শ্রীকৃষ্ণগরুডসংবাদে দুর্মরণে কার্যাকার্যক্রিয়াদিনিরূপণং নাম চতুশ্চৎবারিংশোঽধ্যায়ঃ

শ্রীগরুডমহাপুরাণম্-৪৫
শ্রীবিষ্ণুরুবাচ |
প্রত্যব্দং শ্রাদ্ধমেবং তে কথয়ামি খগেশ্বর |
প্রত্যব্দং পার্বণেনৈব কুর্যাতাং ক্ষেত্রজোরসৌ || ২, ৪৫. ১ ||
বিধিনাচেতরৈরেবমেকোদ্দিষ্টং ন পার্বণম্ || ২, ৪৫. ২ ||
অনগ্নেশ্চ সুতৌ স্যাতামনগ্নী ক্ষেত্রজোরসৌ |
একোদ্দিষ্টং ন কুর্যাতাং প্রত্যব্দং তৌ তু পার্বণম্ || ২, ৪৫. ৩ ||
যদা ৎবন্যতরঃ সাগ্নিঃ পুত্রো বাপ্যথবা পিতা |
প্রত্যব্দং পার্বণং তত্র কুর্যাতাং ক্ষেত্রজৌরসৌ || ২, ৪৫. ৪ ||
অনগ্নয়ঃ সাগ্নয়ো বা পুত্রা বা পিতরোঽপি বা |
একোদ্দিষ্টং সুতৈঃ কার্যং ক্ষয়াহ ইতি কেচন || ২, ৪৫. ৫ ||
দর্শকালে ক্ষয়ো যস্য প্রেতপক্ষেঽথ বা পুনঃ |
প্রত্যব্দং পার্বণং কার্যং তস্য সর্বৈঃ সুতৈরপি || ২, ৪৫. ৬ ||
একোদ্দিষ্টমপুত্রাণাং পুংসাং স্যাদ্যোপিতামপি |
একোদ্দিষ্টে কুশা গ্রাহ্যাঃ সমূলা যজ্ঞকর্মণি |
বহির্লূনাঃ সকৃল্লনাঃ শ্রাদ্ধং বৃদ্ধিমৃতে সদা || ২, ৪৫. ৭ ||
কর্তব্যে পার্বণে শ্রাদ্ধে আশৌচং যদি জায়তে |
আশৌচাবগমে কুর্যাচ্ছ্রাদ্ধং হি তদনন্তরম্ || ২, ৪৫. ৮ ||
একোদ্দিষ্টে তু সম্প্রাপ্তে যদি বিঘ্নঃ প্রজায়তে |
মাসেন্যস্মিন্তিথৌ তস্যাং কুর্যাচ্ছ্রাদ্ধং তদৈব হি || ২, ৪৫. ৯ ||
তূষ্ণীং শ্রাদ্ধান্তু শূদ্রস্য ভার্যায়াস্তৎসুতস্য চ |
কন্যায়াশ্চ দ্বিজাতীনামনুপেতদ্বিজস্য চ || ২, ৪৫. ১০ ||
এককালে গতা সূনাং বহূনামথ বা দ্বয়োঃ |
তন্ত্রেণ শ্রপণং কুর্যাচ্ছ্রাদ্ধং কুর্যাৎপৃথক্পৃথক্ || ২, ৪৫. ১১ ||
দদ্যাৎপূর্বং মৃতস্যাদৌ দ্বিতীয়স্য ততঃ পুনঃ |
তৃতীয়স্য ততঃ কুর্যাৎসংনিপাতে ৎবয়ং বিধিঃ (ক্রমঃ) || ২, ৪৫. ১২ ||
প্রত্যব্দমেবং যঃ কুর্যাদ্যথাতথমতন্দ্রিতঃ |
তারয়িৎবা পিৎৠন্সর্বান্প্রাপ্নোতি পরমাং গতিম্ || ২, ৪৫. ১৩ ||
ন জ্ঞায়তে মৃতাহশ্চেৎপ্রস্থানদিনমেব চ |
মাসশ্চেৎস্যাৎপরিজ্ঞাতস্তদ্দর্শে স্যান্মৃতাহিকম্ || ২, ৪৫. ১৪ ||
যদা মাসো ন বিজ্ঞাতো বিজ্ঞাতং দিনমেব চ |
তদা মার্গশিরে মাসি মাঘে বা তদ্দিনং ভবেৎ || ২, ৪৫. ১৫ ||
দিনমাসাববিজ্ঞাতৌ মরণস্য যদা পুনঃ |
প্রস্থানদিনমাসৌ তু গ্রাহ্যৌ শ্রাদ্ধে ময়োদিতৌ || ২, ৪৫. ১৬ ||
প্রস্থানস্যাপি ন জ্ঞাতৌ দিনমাসৌ যদা পুনঃ |
মৃতবার্তাশ্রুতৌ গ্রাহ্যৌ পূর্বপ্রোক্তক্রমেণ তু || ২, ৪৫. ১৭ ||
প্রবাসমন্তরেণাপি স্যাতাং তৌ বিস্মৃতৌ যদা |
তদানীমপি তৌ গ্রাহ্যৌ পূর্ববত্তু মৃতাহিকে || ২, ৪৫. ১৮ ||
গৃহস্থে প্রোষিতে যচ্চ কশ্চিত্তু ম্রিয়তে গৃহে |
আসৌচাপগমে যত্র প্রারব্ধে শ্রাদ্ধকর্মণি || ২, ৪৫. ১৯ ||
প্রত্যাগতশ্চেজ্জানাতি তত্র বৃত্তং গৃহী তথা |
আশৌচং গৃহিণস্তেষাং ন দ্রব্যাদেস্তদা ভবেৎ || ২, ৪৫. ২০ ||
পুত্রাদিনা যদারব্ধং শ্রাদ্ধং তত্ত্বেন বাখিলম্ |
সমাপনীয়ং তত্রাপি শ্রাদ্ধং গৃহীতু দূরতঃ || ২, ৪৫. ২১ ||
দাত্রা বোক্ত্রা চ ন জ্ঞাতং সূতকং মৃতকং তথা |
উভয়োরপি তদ্দোষং নারোপয়তি কর্হিচিৎ || ২, ৪৫. ২২ ||
যদা ৎবন্যতরজ্ঞাতং সূতকং মৃতকং তথা |
ভোক্তুরেব তদা দোষো নান্যো দাতা প্রদুষ্যতি || ২, ৪৫. ২৩ ||
ইত্যুক্তেন প্রকারেণ যঃ কুর্যান্মৃতবাসরম্ |
অবিজ্ঞাতমৃতাহস্য সততং তারয়ত্যসৌ || ২, ৪৫. ২৪ ||
নিত্যশ্রাদ্ধেঽথ গন্ধাদ্যৈর্দ্বিজানভ্যর্চ্য ভক্তিতঃ |
সর্বান্পিতৃগণান্সম্যক্সহৈবোদ্দিশ্য যোজয়েৎ || ২, ৪৫. ২৫ ||
আবাহনং স্বধাকারো পিণ্ডাগ্নৌকরণাদিকম্ |
ব্রহ্মচর্যাদিনিয়মা বিশ্বদেবাস্তথৈব চ || ২, ৪৫. ২৬ ||
নিত্যশ্রাদ্ধে ত্যজেদেতান্ভোজ্যমন্নং প্রকল্পয়েৎ |
দত্ত্বা তু দক্ষিণাং শক্ত্যা নমস্কারৈর্বিসর্জয়েৎ || ২, ৪৫. ২৭ ||
দেবানুদ্দিশ্য বিশ্বাদীন্যদ্দদ্যাদ্দ্বিজভোজনম্ |
তন্নিত্যশ্রাদ্ধবৎকার্যং দেবশ্রাদ্ধং তদুচ্যতে || ২, ৪৫. ২৮ ||
মাতৃশ্রাদ্ধন্তু পূর্বেণ কর্মাদৌ পৈতৃকং তথা |
উত্তরেঽহনি বৃদ্ধৌ স্যান্মাতামহগণস্য তু || ২, ৪৫. ২৯ ||
শ্রাদ্ধত্রয়ং প্রকুর্র্বীত বৈশ্বদেবন্তুতান্ত্রিকম্ || ২, ৪৫. ৩০ ||
মাতৃভ্যঃ কল্পয়েৎপূর্বং পিতৃভ্যস্তদনন্তরম্ |
মাতামহেভ্যশ্চ তথা দদ্যাদিত্থং ক্রমেণ তু || ২, ৪৫. ৩১ ||
মাতৃশ্রাদ্ধে তু বিপ্রাণামভাবে সুকুলোদ্গতাঃ |
পতিপুত্রান্বিতাঃ সাধ্ব্যো যোষিতোঽষ্টৌ চ ভাবয়েৎ || ২, ৪৫. ৩২ ||
ইষ্টাপূর্তাদিকে শ্রাদ্ধং কুর্যাদাভ্যুদয়ং তথা |
উৎপাতাদিনিমিত্তেষু নিত্য শ্রাদ্ধবদেব তু || ২, ৪৫. ৩৩ ||
নিত্যং দৈবঞ্চ বৃদ্ধিঞ্চ কাম্যং নৈমিত্তিকং তথা |
শ্রাদ্ধান্যুক্তপ্রকারেণ কুর্বন্সিদ্ধিমবাপ্নুয়াৎ |
ইতি তে কথিতং তার্ক্ষ্য কিমন্যৎপরিপৃচ্ছসি || ২, ৪৫. ৩৪ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে ধর্মকাণ্ডে প্রেতকল্পে
শ্রীকৃষ্ণগরুডসংবাদে প্রত্যাব্দিকাদিশ্রাদ্ধনিরূপণং নাম পঞ্চচৎবারিংশোঽধ্যায়ঃ

শ্রীগরুডমহাপুরাণম্-৪৬
তার্ক্ষ্য উবাচ |
সুকৃতস্য প্রভাবেণ স্বর্গো নানাবিধো নণাম্ |
ভোগাঃ সৌখ্যাতি রূপঞ্চ বলং বুদ্ধৈঃ পরাক্রমঃ || ২, ৪৬. ১ ||
সত্যং পুণ্যবতাং দেব জায়তেঽত্র পরত্র চ |
সত্যংসত্যং পুনঃ সত্যং বেদবাক্যং ন চান্যথা || ২, ৪৬. ২ ||
ধর্মো জয়তি নাধর্মঃ সত্যং জয়াতে নানৃতম্ |
ক্ষমা জয়তি ন ক্রোধো বিষ্ণুর্জয়তি নাসুরঃ || ২, ৪৬. ৩ ||
তদ্বৎসত্যং ময়া জ্ঞাতং সুকৃতাচ্ছোভনং ভবেৎ |
যতোৎকৃষ্টতমং পুণ্যং তথোৎকৃষ্টতরোনরঃ || ২, ৪৬. ৪ ||
এবন্তু শ্রোতুমিচ্ছামি জায়ন্তে পাপিনো যথা |
যেন কর্মবিপাকেন যথা নিয়মভাগ্ভবেৎ || ২, ৪৬. ৫ ||
যাংযাং যোনিমবাপ্নোতি যথারূপশ্চ জায়তে |
তন্মে বদ সুরশ্রেষ্ঠ সমাসেনাপি কাঙ্ক্ষিতম্ || ২, ৪৬. ৬ ||
শ্রীকৃষ্ণ উবাচ |
শুভাশুভফলৈস্তার্ক্ষ্য ভুক্তভোগা নরাস্ত্বিহ |
জায়ন্তে লক্ষণৈর্যৈস্তুতানি মে শৃণু কাশ্যপ || ২, ৪৬. ৭ ||
গুরুরাত্মবতাং শাস্তা রাজা শাস্তা দুরাত্মনাম্ |
ইহ প্রচ্ছন্নপাপানাং শাস্তা বৈবস্বতো যমঃ || ২, ৪৬. ৮ ||
প্রায়শ্চিত্তেষ্বচীর্ণেষু যমলোকা হ্যনেকধা |
যাতনাভির্বিমুক্তা যে যান্তি তে জীবসন্ততীম্ || ২, ৪৬. ৯ ||
গৎবা মানুষভাবে তু পাপচিহ্না ভবন্তি তে |
তান্যহং তব চিহ্নানি কথয়িষ্যে খগোত্তম || ২, ৪৬. ১০ ||
সোঢ্বা বৈ যাতনাঃ সর্বা গৎবা বৈবস্বতক্ষয়ম্ |
নিস্তীর্ণয়াতনাস্তে তু লোকমায়ান্তি চিহ্নিতাঃ || ২, ৪৬. ১১ ||
গদ্গদোঽনতবাদী স্যান্মূকশ্চৈব গবানৃতে |
ব্রহ্মহা জায়তে কুষ্ঠী শ্যাবদন্তশ্চ মদ্যপঃ || ২, ৪৬. ১২ ||
কুনখী স্বর্ণহরণাদ্দুশ্চর্মা গুরুতল্পগঃ |
সংযোগী হীনয়োনিঃ স্যাদ্দরিদ্রোঽদত্তদানতঃ || ২, ৪৬. ১৩ ||
অয়াজ্যয়াজকো যাতি গ্রাহমসূকরতাং দ্বিজঃ |
খরো বৈ বহুয়াজী স্যাৎকাকো নির্মন্ত্রভোজনাৎ || ২, ৪৬. ১৪ ||
অপরীক্ষিতভোক্তারো ব্যাঘ্রাঃ স্যুর্নির্জনে বনে |
বহুতর্জকো মার্জরঃ খদ্যোতঃ কক্ষদাহকঃ || ২, ৪৬. ১৫ ||
পাত্রে বিদ্যাপ্রদাতা যো বলীবর্দো ভবেত্তসঃ |
অন্নং পর্যুষিতং বিপ্রে প্রদদৎকুক্করো ভবেৎ || ২, ৪৬. ১৬ ||
মাৎসর্যাদপি জাত্যন্ধো জন্মান্ধঃ পুস্তকং হরন্ |
ফলান্যাহরতোঽপত্যং ম্রিয়তে নাত্র সংশয়ঃ || ২, ৪৬. ১৭ ||
মৃতো বানরতাং যাতি তন্মুখো গণ্ডবান্ভবেৎ |
অদত্ত্বা ভক্ষ্যমশ্রাতি অনপত্যো ভবেত্তু সঃ || ২, ৪৬. ১৮ ||
হরন্বস্ত্রং ভবেদ্গোধা গরদঃ পবনাশনঃ |
প্রবজ্যাগমনাদ্রাজন্ভবেন্মরুপিশাচকঃ || ২, ৪৬. ১৯ ||
চাতকো জলহর্তা স্যাদ্ধান্যহর্তা চ মূষিকঃ |
অপ্রাপ্তয়ৌবনাং সেবন্ভবেৎসর্প ইতি শ্রুতিঃ || ২, ৪৬. ২০ ||
গুরুদারাভিলাষী চ কৃকলাসো ভবেদ্ধ্রুবম্ |
জলপ্রস্ত্রবণং যস্তু ভিন্দ্যান্মৎস্যো ভবেন্নরঃ || ২, ৪৬. ২১ ||
অবিক্রেয়ক্রয়াচ্চৈব বকো গৃধ্রো ভবেন্নরঃ |
অয়োনিগো বৃকো হি স্যাদুলূকঃ ক্রয়বঞ্চনাৎ || ২, ৪৬. ২২ ||
মৃতস্যৈকাদশাহে তু ভুঞ্জানশ্চাভিজায়তে |
প্রতিশ্রুত্য দ্বিজেভ্যোর্ঽথমদদজ্জম্বুকো ভবেৎ || ২, ৪৬. ২৩ ||
রাজ্ঞরিং গৎবা ভবেদ্দংষ্ট্রী তস্করো বিঙ্বরাহকঃ |
শারিবা ফলবিক্রেতা বৃষশ্চ বৃষলীপতিঃ || ২, ৪৬. ২৪ ||
মার্জরোঽগ্নিং পদা স্পৃষ্ট্বা রোগবান্পরমাংসভুক্ |
উদক্যাগমনাৎষণ্ডো দুর্গন্ধশ্চ সুগন্ধহৃৎ || ২, ৪৬. ২৫ ||
যদ্বা তদ্বাপি পারক্যং স্বল্পং বা হরতে বহু |
হৃৎবা বৈ যোনিমাপ্নোতি তিরশ্চাং নাত্র সংশয়ঃ || ২, ৪৬. ২৬ ||
এবমাদীনি চিহ্নানি অন্যান্যপি খগেশ্বর |
স্বকর্মবিততান্যেব? দৃশ্যন্তে যৈস্তু মানবৈঃ || ২, ৪৬. ২৭ ||
এবং দুষ্কৃতকর্মা হি ভুক্ত্বা চ নরকান্ক্রমাৎ |
জায়তে কর্মশেষেণ উক্তাস্বেতাসু যোনিষু || ২, ৪৬. ২৮ ||
ততো জন্মশতং মর্ত্যে সর্বজন্তুষু কাশ্যপ |
জায়তে নাত্র সন্দেহঃ সমীভূতে শুভাশুভে || ২, ৪৬. ২৯ ||
স্ত্রীপুংসয়ো প্রসঙ্গেন নিরুদ্ধে শুক্রসোণিতে |
সমুপেতঃ পঞ্চভূতৈর্জায়তে পাঞ্চভৌতিকঃ || ২, ৪৬. ৩০ ||
ইন্দ্রিয়াণি মনঃ প্রাণা জ্ঞানমায়ুঃ সুখং ধৃতিঃ |
ধারণা প্রেরণং দুঃখং মিথ্যাহঙ্কার এব চ || ২, ৪৬. ৩১ ||
প্রয়তাকৃতিবর্ণস্তু রাগদ্বেষৌ ভবাভবৌ |
তস্যেদমাত্মনঃ সর্বমনাদেরাদিমিচ্ছতঃ || ২, ৪৬. ৩২ ||
স্বকর্ম বদ্ধস্য তদা গর্ভবৃদ্ধির্ভবেদিতি |
পুরা যথা ময়া প্রোক্তং তব জন্তোর্হি লক্ষণম্ || ২, ৪৬. ৩৩ ||
এবং প্রবর্তিতং চক্রং ভূতগ্রামে চতুর্বিধে |
সমুৎপত্তির্বিনাশশ্চ জায়তে তার্ক্ষ্য দেহিনাম্ || ২, ৪৬. ৩৪ ||
স্বধর্মেণৈবোর্ধ্বগতিরধর্মেণাপ্যধোগতিঃ |
জায়তে সর্ববর্ণানাং স্বধর্মচলনাৎখগ || ২, ৪৬. ৩৫ ||
দেবৎবে মানুষৎবে চ দানভোগাদিকাঃ ক্রিয়াঃ |
যা দৃশ্যন্তে বৈনতেয় তৎসর্বং কর্মজং ফলম্ || ২, ৪৬. ৩৬ ||
অকর্মবিহিতে ঘোরে কামক্রোধার্জিতেঽশুভে |
পতেদ্বৈ নরকে ভূয়ো তস্যোত্তারো ন বিদ্যতে || ২, ৪৬. ৩৭ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে ধর্মকাণ্ডে প্রেতকল্পে
জীবস্য শুভাশুভগতিনিরূপণং নাম ষট্চৎবারিংশোধ্যায়ঃ

শ্রীগরুডমহাপুরাণম্-৪৭
গরুড উবাচ |
ভগবন্দেবদেবেশ কৃপয়া পরয়া বদ |
দানং দানস্য মাহাত্ম্যং বৈতরণ্যাঃ প্রমাণকম্ || ২, ৪৭. ১ ||
শ্রীকৃষ্ণ উবাচ |
যা সা বৈতরণী নাম যমমার্গে মহাসরিৎ |
অগাধা দুস্তরা পাপৈর্দৃষ্টমাত্রা ভয়াবহা || ২, ৪৭. ২ ||
পূয়শোণিততোয়াঢ্যা মাংসকর্দমসকুংলা |
পাপিনঞ্চাগতান্দৃষ্ট্বা নানাভয়সমাবৃতা || ২, ৪৭. ৩ ||
ক্বাথ্যতে সৎবরং তোয়ং পাত্রমধ্যে ঘৃতং যথা |
ক্রিমিভিঃ সঙ্কুলং পূয়ং বজ্রতুণ্ডৈঃ সমাবৃতম্ || ২, ৪৭. ৪ ||
শিশুমারৈশ্চ মকরৈর্বজ্রকর্তরিকায়ুতৈঃ |
অন্যৈশ্চ জলজীবৈশ্চ হিংসকৈর্মাংসভেদিভিঃ || ২, ৪৭. ৫ ||
উদ্যান্তি দ্বাদশাদিত্যাঃ প্রলয়ান্তে তথা হি তে |
তপন্তি তত্র বৈ মর্ত্যাঃ ক্রন্দ মানাস্তু পাপিনঃ || ২, ৪৭. ৬ ||
হা ভ্রাতঃ পুত্র তাতেতি প্রলপন্তি মুহুর্মুহুঃ |
বিচরন্তি নিমজ্জন্তি গ্লানিং গচ্ছন্তি জন্তবঃ || ২, ৪৭. ৭ ||
চতুর্বিধৈঃ প্রাণিগণৈর্দৃষ্টা ব্যাপ্তা মহানদী |
তরন্তি গোপ্রদানেন ৎবন্যথা চ পতন্তি তে || ২, ৪৭. ৮ ||
মাং নরা যেঽবমন্যন্তে চাচার্যং গুরুমেব চ |
বৃদ্ধানন্যাংশ্চাপি মূঢাস্তেষাং বাসস্তু তত্র বৈ || ২, ৪৭. ৯ ||
পতিব্রতাং সাধুশীলামূঢাং ধর্মেষু নিশ্চলাম্ |
পরিত্যজন্তি যে মূঢাস্তেষাং বাসস্তু সন্ততম্ || ২, ৪৭. ১০ ||
বিশ্বাসপ্রতিপন্নানাং স্বামিমিত্রতপস্বিনাম্ |
স্ত্রীবালবিকলাদীনাং বধং কৃৎবা পতন্তি হি |
পচ্যন্তে তত্র মধ্যে তু ক্রন্দমানাস্তু পাপিনঃ || ২, ৪৭. ১১ ||
শান্তং বুভুক্ষিতং বিপ্রংযো বিঘ্নায়োপসর্পতি |
ক্রিমিভির্ভক্ষ্যতে তত্র যাবদাভূতসম্প্লবম্ || ২, ৪৭. ১২ ||
ব্রাহ্মণায় প্রতীশ্রুত্য যমার্থং ন দদাতি তম্ |
আহূয় নাস্তি যো ব্রূয়াত্তস্য বাসস্তু তত্র বৈ || ২, ৪৭. ১৩ ||
অগ্নিদো গরদশ্চৈব কূটসাক্ষী চ মদ্যপঃ |
যজ্ঞবিধ্বংসকশ্চৈব রাজ্ঞীগামী চ পৈশুনঃ || ২, ৪৭. ১৪ ||
কথাভঙ্গকরশ্চৈব স্বয়ন্দত্তা পহারকঃ |
ক্ষেত্রসেতুবিভেদী চ পরদারপ্রধর্ষকঃ || ২, ৪৭. ১৫ ||
ব্রাহ্মণো রসবিক্রেতা তথা যো বৃষলীপতিঃ |
গোধনস্য তৃষার্তস্য বাপ্যা ভেদং করোতি যঃ || ২, ৪৭. ১৬ ||
কন্যাবিদূষকশ্চৈব দানং দত্ত্বানুতাপকঃ |
শূবদ্রস্তু কপিলাপায়ী ব্রাহ্মণো মাংসভোজনঃ || ২, ৪৭. ১৭ ||
এতে বসন্তি সততং মা বিচারং কৃথাঃ ক্বচিৎ |
কৃপণো নাস্তিকঃ ক্ষুদ্রঃ স তস্যাং নিবসেৎখগ || ২, ৪৭. ১৮ ||
সদামর্ষো সদা ক্রোধী নিজবাক্যপ্রমাণকৃৎ |
পরোক্ত্যুচ্ছেদকো নিত্যং বৈতরণ্যা বসেচ্চিরম্ || ২, ৪৭. ১৯ ||
যস্ত্বহঙ্কারবান্পাপী স্ববিকত্থনকারকঃ |
কৃতঘ্নো গর্ভসন্তাপী বৈতরণ্যাং স মজ্জতি || ২, ৪৭. ২০ ||
কদাপি ভাগ্যয়োগেন তরণেচ্ছা ভবেদ্যদি |
সানুকূলা ভবেদ্যেন তদাকর্ণয় কাশ্যপ || ২, ৪৭. ২১ ||
অয়নে বিষুবে পুণ্যে ব্যতীপাতে দিনোদয়ে |
চন্দ্রসূর্যোপরাগে বা সঙ্ক্রান্তৌ দর্শবাসরে || ২, ৪৭. ২২ ||
অন্যেষু পুণ্যকালেষু দীয়তে দানমুত্তমম্ |
যদা তদা ভবেদ্বাপি শ্রাদ্ধা দানং প্রতি ধ্রুবম্ || ২, ৪৭. ২৩ ||
তদৈব দানকালঃ স্যাদ্যতঃ সম্পত্তিরস্থিরা |
অনিত্যানি শরীরাণি বিভবো নৈব শাশ্বতঃ || ২, ৪৭. ২৪ ||
নিত্যং সন্নিহিতো মৃত্যুঃ কর্তব্যো ধর্মসঙ্গহঃ |
কৃষ্ণাং বা পাটলাং বাপি কুর্যাদ্বৈতরণীং শুভাম্ || ২, ৪৭. ২৫ ||
স্বর্ণশৃঙ্গীং রৌপ্যখুরাং কাংস্যপাত্রোপদোহনীম্ |
কৃষ্ণবস্ত্রয়ুগাচ্ছন্নাং সপ্তধান্যসমন্বিতাম্ || ২, ৪৭. ২৬ ||
কার্পাসদ্রোণশিখরে আসীনং তাম্রভাজনে |
যমং হৈমং প্রকুর্বীত লোহদণ্ডসমন্বিতম্ |
ইক্ষুদণ্ডময়ং বদ্ধ্বা প্লবং সুদৃঢবন্ধনৈঃ || ২, ৪৭. ২৭ ||
উডুপোপরি তাং ধেনুং সূর্যদেহসমুদ্ভবাম্ |
কৃৎবা প্রকল্পয়েদ্বিপ্রশ্ছত্রোপানহসংযুতম্ || ২, ৪৭. ২৮ ||
অঙ্গুলীয়কবাসাংসি ব্রাহ্মণায় নিবেদয়েৎ |
ইমমুচ্চারয়েন্মন্ত্রং সঙ্গৃহ্য সজলান্কুশান্ || ২, ৪৭. ২৯ ||
যমদ্বারে মহাঘোরে শ্রুৎবা বৈতরণীং তদীম্ |
তর্তুকামো দদাম্যেনাং তুভ্যং বৈতরণীং নমঃ || ২, ৪৭. ৩০ ||
গাবো মে অগ্রতঃ সন্তু গাবো মে সন্তু পার্শ্বতঃ |
গাবো মে হৃদয়ে সন্তু গবাং মধ্যে বসাম্যহম্ || ২, ৪৭. ৩১ ||
বিষ্ণুরূপ দ্বিজশ্রেষ্ঠ মামুদ্ধর মহীসুর |
সদক্ষিণা ময়া দত্তা তুভ্যং বৈতরণীনমঃ || ২, ৪৭. ৩২ ||
ধর্মরাজঞ্চ সর্বেশং বৈতরণ্যাখ্যধেনুকাম্ |
সর্বং প্রদক্ষিণীকৃত্য ব্রাহ্মণায় নিবেদয়েৎ || ২, ৪৭. ৩৩ ||
পুচ্ছং সঙ্গৃহ্য ধেন্বাশ্চ অগ্রে কৃৎবা তু বৈ ব্দিজম্ |
ধেনুকে ৎবং প্রতীক্ষস্ব যমদ্বারে মহাভয়ে || ২, ৪৭. ৩৪ ||
উত্তারণায় দেবেশি বৈতরণ্যে নমোঽস্তু তে |
অনুব্রজেত্তু গচ্ছন্তং সর্বং তস্য গৃহং নয়েৎ || ২, ৪৭. ৩৫ ||
এবং কৃতে বৈনতেয় সা সরিৎসুতরা ভবেৎ |
সর্বান্কামানবাপ্নোতি যো দদ্যাদ্ভুবি মানবঃ || ২, ৪৭. ৩৬ ||
সুকৃতস্য প্রভাবেণ সুখঞ্চেহ পরত্র চ |
স্বস্থে সহস্রগুণিতমাতুরে শতসমিতম্ || ২, ৪৭. ৩৭ ||
মৃতস্যৈব তু যদ্দানং পরোক্ষে তৎসমং স্মৃতম্ |
স্বহস্তেন ততো দেয়ং মৃতে কঃ কস্য দাস্যতী || ২, ৪৭. ৩৮ ||
দানধর্মবিহীনানাং কৃপণৈর্জীবেতক্ষিতৈঃ |
অস্থিরেণ শরীরেণ স্থিরং কর্ম সমাচরেৎ || ২, ৪৭. ৩৯ ||
অবশ্যমেব যাস্যন্তি প্রাণাঃ প্রাঘুণি (ঘূর্ণি) কা ইব || ২, ৪৭. ৪০ ||
ইতীদমুক্তং তব পক্ষিরাজ বিডম্বনং জন্তুগণস্য সর্বম্ |
প্রেতস্য মোক্ষায় তদৌদ্ধ্বন্দৈহিকং হিতায় লোকস্য চরেচ্ছুভায় তু || ২, ৪৭. ৪১ ||
সূত উবাচ |
এবং বিপ্রাঃ সমাদ্দিষ্টো বিষ্ণুনা প্রভবিষ্ণুনা |
গরুড প্রেতচরিতং শ্রুৎবা সন্তুষ্টিমাগতঃ || ২, ৪৭. ৪২ ||
ব্রততীর্থাদিকং সর্বং পুনঃ পপ্রচ্ছ কেশবম্ |
ধ্যাৎবা মনসি সর্বেশং সর্বকারণকারণম্ || ২, ৪৭. ৪৩ ||
ঋষয়ঃ সর্বমেবৈতজ্জন্তূনাং প্রভবাদিকম্ |
মরণং জন্ম চ তথা প্রেতৎবঞ্চৌর্ধ্বদৈহিকম্ || ২, ৪৭. ৪৪ ||
ময়া প্রোক্তং বৈ মুক্ত্যৈ নিদানং চৈব সর্বশঃ |
লাভস্তেষাং জয়স্তেষাং কুতস্তেষাং পরাজয়ঃ |
যেষামিন্দীবরশ্যামো হৃদয়স্থো জনার্দনঃ || ২, ৪৭. ৪৫ ||
ধর্মো জয়তি নাধর্মঃ সত্যং জয়তি নানৃতম্ |
ক্ষমা জয়তি ন ক্রোধো বিষ্ণুর্জয়তি নাসুরাঃ || ২, ৪৭. ৪৬ ||
বিষ্ণুর্মাতা পিতা বিষ্ণুর্বিষ্ণুঃ স্বজনবান্ধবাঃ |
যেষামেব স্থিরা বুদ্ধির্ন তেষাং দুর্গতির্ভবেৎ || ২, ৪৭. ৪৭ ||
মঙ্গলং ভগবান্বিষ্ণুর্মঙ্গলং গরুডধ্বজঃ |
মঙ্গলং পুণ্ডরীকাক্ষো মঙ্গলায়তনং হরিঃ || ২, ৪৭. ৪৮ ||
হরির্ভাগীরথী বিপ্রা বিপ্রা ভাগীরথী হরিঃ |
ভাগীরথী হরির্বিপ্রাঃ সারমেতজ্জগত্ত্রয়ে || ২, ৪৭. ৪৯ ||
ইতি সূতমুখোদ্গীর্ণাং সর্বশাস্ত্রার্থমণ্ডিতাম্ |
বৈষ্ণবিং বাক্সুধাং পীৎবা ঋষয়স্তুষ্টিমায়য়ুঃ || ২, ৪৭. ৫০ ||
প্রশশংসুস্তথান্যোন্যং সূতং সর্বার্থদর্শিনম্ |
প্রহর্ষমতুলং প্রাপুর্মুনয়ঃ শৌনকাদয়ঃ || ২, ৪৭. ৫১ ||
অপবিত্রঃ পবিত্রো বা সর্বাবস্থাং গতোপি বা |
যঃ স্মরেৎপুণ্ডরীকাক্ষং স বাহ্যাভ্যন্তরং শুচিঃ || ২, ৪৭. ৫২ ||

ইতি শ্রীগারুডে মহাপুরাণে উত্তরখণ্ডে দ্বিতীদৃ ধর্মকাদৃপ্রেতদৃশ্রীকৃষ্ণগরুডসংবাদে
কর্মবিপাকাদিনিরূপণং নাম সপ্তচৎবারিংশোঽধ্যায়ঃ

শ্রীগরুডমহাপুরাণম্-৪৮
তার্ক্ষ্য উবাচ |
যে মর্ত্যলোকে নিবসন্তি মানবাস্তে সর্বজাতৌ নিধনং প্রয়ান্তি |
কালে স্বকীয়ে নিজপুণ্যসঙ্খ্যয়া বদন্তি লাক কথস্ব তন্মে || ২, ৪৮. ১ ||
গচ্ছন্তি মার্গেণ সুদুস্তরেণ বিধাতৃনিষ্পাদিতবর্ত্মনি স্থিতাঃ |
কেনৈব পুণ্যেন মুদং প্রয়ান্তি তিষ্ঠন্তি কেনৈব কুলং বলং বয়ঃ || ২, ৪৮. ২ ||
সূত উবাচ |
শ্রুৎবাথ দেবো গরুডং ৎববোচৎস্মৃৎবা বপুঃ কর্মভয়ঞ্চ রূপম্ |
সৃষ্টা ধরা যেন চরাচরং জগৎস যেন শস্তা বিহিতো যমো বিভুঃ || ২, ৪৮. ৩ ||
শ্রীভগবানুবাচ |
ধর্মার্থকামং চিরমোক্ষসঞ্চয়মন্যং দ্বিতীয়ং যমমার্গগামিনাম্ |
প্রবিশ্যচাঙ্গুষ্ঠসমে স তত্র বৈ তং প্রাপ্য দেহং স্বমন্দিরম্? || ২, ৪৮. ৪ ||
গৃহীতপাশো রুদতে পুনঃ পুনর্দেশে সুপুণ্যে দ্বিজ দেহসংস্থিতঃ |
দেবেন্দ্রপূজা পিতৃদেবতৃপ্তিদং মোহান্ন চেষ্টং ন চ পুত্ত্রসন্ততিঃ || ২, ৪৮. ৫ ||
ন মেঽস্তি বন্ধুর্যমমার্গগামিনো ময়া ন কৃত্যং দ্বিজদেহলিপ্সয়া |
সম্প্রাপ্য বিপ্রৎবমতীব দুর্লভং নাধীতবান্বেদপুরাণসংহিতাঃ |
প্রাপ্তং সুরত্নং করসংস্থিতং গতং দেহন্ক্বচিন্নিস্তর যত্ত্বয়া কৃতম্ || ২, ৪৮. ৬ ||
যঃ ক্ষত্ত্রিয়ো বাহুবলেন সংযুগে ললাটদেশাদ্রুধিরং মুখে পপৌ |
তৎসোমপানং হি কৃতং মহামখে জীবন্মৃতঃ সোঽপি হি যাতি মুক্তিক্ || ২, ৪৮. ৭ ||
স্থানান্যনেকানি কৃতানি তানি পীতান্যনেকান্যপি গর্হিতানি |
শস্ত্রং গৃহীৎবা সমরে রিপূণাং যঃ সমুখং যাতি স মুক্তপাপঃ || ২, ৪৮. ৮ ||
ক্ষত্ত্রান্বয়ো বাপি বিশোন্বয়ো বা শূদ্রান্বয়ো বাপি হি নীচবর্ণঃ |
সঙ্গ্রামদেবদ্বিজবালঘাতী স্ত্রীবৃদ্ধহা দীনতপস্বিহন্তা || ২, ৪৮. ৯ ||
উপদ্রুতেষ্বেষু পরাঙ্মুখো যঃ স্যুস্তস্য দেবাঃ সকলাঃ পরাঙ্মুখাঃ |
তিলোদকং নৈব পিবন্তি পূর্বে হুতং ন গৃহ্ণাতি হুতাশনোপি তৎ || ২, ৪৮. ১০ ||
দ্বেষাদ্ভয়াদ্বা সমরে সমাগতে শস্ত্রং গৃহীৎবা পরসৈন্যসমুখঃ |
ন যাতি পক্ষীন্দ্র মৃশ্চ পশ্চাৎক্ষাত্ত্রং বলং তস্য গতং তথৈব |
দ্বিজায় দত্ত্বা কনকং মহীমিমাং ভূয়ঃ স পশ্চাদ্ভবতীহ লোকে || ২, ৪৮. ১১ ||
দানং প্রদত্তং গ্রহণে দ্বিজেন্দ্রে স্নানং কৃতং তেন সদা সুতীর্থে |
গৎবা গয়ায়াং পিতৃপিণ্ডদানং কৃতং সদা যো ম্রিয়তে তু যুদ্ধে || ২, ৪৮. ১২ ||
যঃ ক্ষাত্ত্রদেহন্তু বিহায় শোচতে রণাঙ্গণে স্বামিবধে চ গোগ্রহে |
স্ত্রীবালঘাতে পথি সার্থহেতবে ময়া স্বকোশং ন হতং ন পাতিতম্ || ২, ৪৮. ১৩ ||
বৈশ্যঃ স্বকর্মাণি বিশোচতে তদা গৃহীতপাশো ন ময়াপি সঞ্চিতম্ |
সত্যং ন চোক্তং ক্রয় বিক্রয়েণ মোহাদ্বিমূঢেন কুটুম্বহেতবে || ২, ৪৮. ১৪ ||
শূদ্রং বপুঃ প্রাপ্য যশস্করং সদা দানং দ্বিজেভ্যো ন কৃতং দ্বিজার্চনম্ |
চ্দৃদদ্যৎদদ্বড্ঢ ঢদ্ধদৃথ্র্দদৃধ্ড্ঢথ্র্ডড্ঢদ্ধ
জলাশয়ো নৈব কৃতো ধরাতলে অসংস্কৃতো বিপ্রবরো ন সংস্কৃতঃ || ২, ৪৮. ১৫ ||
ত্যক্ত্বা স্বকর্মাণি মদেন সুস্থিতং ময়া সুতীর্থে স্ববপুর্ন চোজ্ঝিতম্ |
ধর্মোর্জিতো নৈব ন দেবপূজনং কৃতং ময়া চৈব বিমুক্তিহেতবে || ২, ৪৮. ১৬ ||
দেহং সমাসাদ্য তথৈব পিণ্ডজং বর্ণাংস্তথৈবান্ত্যজম্লেচ্ছসঞ্জ্ঞিতান্ |
মরুন্ময়ং দেহমিমে বিশন্তি নৈবেহমানাঃ পথি ধর্মসঙ্কুলে || ২, ৪৮. ১৭ ||
পরস্পরং ধর্মকৃন্তং স্বকীয়ং সম্পাদ্য লক্ষ্যং পথি সঞ্চরন্ত্স্বম্ |
পক্ষীন্দ্র বাক্যানি শৃণুষ্ব তানি মনোরমাণি প্রবদন্তি যানি || ২, ৪৮. ১৮ ||
সারা হি লোকেষু ভবেত্ত্রিলোকী দ্বীপেষু সর্বেষু চ জম্বুকাখ্যম্ |
দেশেষু সর্বেষ্বপি দেবদেশঃ জীবেষু সর্বেষু মনুষ্য এব || ২, ৪৮. ১৯ ||
বর্ণাশ্চ চৎবার ইহ প্রশস্তাঃ বর্ণেষু ধর্মিষ্ঠনরাঃ প্রশস্তাঃ |
ধর্মেণ সৌখ্যং সমুপৈতি সর্বং জ্ঞানং সমাপ্নোতি মহাপথে স্থিতঃ || ২, ৪৮. ২০ ||
দেহং পরিত্যজ্য যদা গতায়ুঃ পক্ষিন্স্থিতোঽহং কৃমিকীটসংস্থিতঃ |
সরীসৃপোঽহং মশকো বিনির্মিতশ্চতুষ্পদোঽহং বনসূকরোঽহম্ || ২, ৪৮. ২১ ||
সর্বং বিজানাতি হি গর্ভসংস্থিতো জাতশ্চ সদ্যস্তদিদঞ্চ বিস্মরেৎ |
যচ্চিন্তিতং গর্ভসমাগতেন বৈ বালো যুবা বৃদ্ধবয়া বভূব || ২, ৪৮. ২২ ||
মোহাদ্বিনাষ্টং যদি গর্ভচিন্তিতং স্মৃতং পুনর্মৃত্যুগতে চদেহে |
তস্মিন্প্রনষ্টে হৃদি চিন্তিতং গতং স্মৃতং পুনর্গর্ভগতে চ দেহে || ২, ৪৮. ২৩ ||
তস্মিন্প্রনষ্টে হৃদি চিন্তিতং পুনর্ময়া স্বকোশে পরবঞ্চনং কৃতম্ |
দ্যূতৈশ্ছলেনাপি চ চৌর্যবৃত্ত্যা ধর্মং ব্যতিক্রম্য শরীররক্ষণে || ২, ৪৮. ২৪ ||
কৃচ্ছ্রেণ লক্ষ্মীঃ সমুপার্জিতা স্বয়ং ময়া ন ভুক্তং মনসেপ্সিতং ধনম্ |
তাম্বূলমন্নং মধুরং সগোরসং দত্ত্বাগ্নিদেবাতিথিবন্ধুবর্গে || ২, ৪৮. ২৫ ||
সোমগ্রহে সূর্যসমাগমেপি বা ন সেবিতং তীর্থবরিষ্ঠমুত্তমম্ |
কোশং স্বকীয়ং মলমূত্রপূরিতং দেহিন্ক্বচিন্নিস্তর যত্ত্বয়া কৃতম্ || ২, ৪৮. ২৬ ||
ময়া ন দৃষ্টা ন নতা ন পূজিতা ত্রৈবিক্রমী মূর্তিরিহ স্থিতা ভুবি |
প্রভাসনাথো ন চ ভক্তিসংস্তুতো দেহিন্ক্বচিন্নিস্তর যত্ত্বয়া কৃতম্ || ২, ৪৮. ২৭ ||
গৎবা বরিষ্ঠে ভুবি তীর্থসন্নিধৌ ধনং ন দত্তং বিদুষাং করে ময়া |
আপ্লুত্য দেহং বিধিনা দ্বিজে গুরৌ দিহিন্ক্বচিন্নিস্তর যত্ত্বয়া কৃতম্ || ২, ৪৮. ২৮ ||
ন মাতৃপূজা ন চ বিষ্ণুশঙ্করৌ গণেশচণড্যৌ ন চ ভাস্করোঽপি বা |
যঞ্চোপচারৈর্বলিয়ুক্তচন্দনৈর্দেহিন্ক্বচিন্নিস্তর যত্ত্বয়া কৃতম্ || ২, ৪৮. ২৯ ||
লব্ধা ময়া মানবদেবতোপমা মোহাদ্গতা সর্বমিদঞ্চ পার্থিব |
গতিং ন বীক্ষেত স বৈ বিমূঢধীর্দেহিন্ক্বচিন্নিস্তর যত্ত্বয়া কৃতম্ || ২, ৪৮. ৩০ ||
এতানি পক্ষিন্মনসা বিচিন্ত্য বাক্যানি ধর্মার্থয়শস্করাণি |
মুক্তিং সমায়ান্তি মনুষ্যলোকে বসন্তি যে ধর্মরতাঃ সুদেশে || ২, ৪৮. ৩১ ||
ইতি ব্রুবাণৈর্যমধূতবর্গৈর্বিহন্যতে কালময়ৈশ্চ মুদ্গরৈঃ |
হা দৈব হা দৈব ইতি স্মরন্বৈ ধনং ন দত্তং স্বয়মর্জিতং যৎ || ২, ৪৮. ৩২ ||
ন ভূমিদানং ন চ গোপ্রদানং ন বারিদানং ন চ বস্ত্রদানম্ |
ফলং সতাম্বূলবিলেপনং বা ৎবয়া ন দত্তং ভুবি শোচসে কথম্ || ২, ৪৮. ৩৩ ||
পিতা মৃতস্তে চ পিতামহঃ সা যয়া ধৃতো বাপ্যুদরে স্বকীয়ে |
মৃতোঽপ্যসৌ বন্ধুজনঃ সমস্তো দৃষ্টং ৎবয়া সর্বমিদং গতায়ঃ || ২, ৪৮. ৩৪ ||
কোশং ৎবদীয়ং জ্বলিতঞ্চ বহ্নিনা পুত্ত্রৈর্গৃহীতো ধনধান্য সঞ্চয়ঃ |
সুভাষিতং ধর্মচয়ং কৃতঞ্চ যত্তদেব গচ্ছেত্তব পৃষ্ঠসংস্থম্ || ২, ৪৮. ৩৫ ||
ন দৃশ্যতে কোঽপি মৃতঃ সমাগতো রাজা যতির্বা দ্বিজপুঙ্গবোঽপি বা |
যো বৈ মৃতঃ সাহসিকঃ স মর্ত্যকো নাশং যোঽপি ধরাতলে স্থিতঃ || ২, ৪৮. ৩৬ ||
এবং গণাস্তে ব্রুবতে সকিন্নরা ধৈর্যং সমালম্ব্য বিপাদপূরিতঃ |
শ্রুৎবা গণানাং বচনং মহাদ্ভুতং ব্রবীতি পক্ষীন্দ্র মনুষ্যতাং গতঃ || ২, ৪৮. ৩৭ ||
দানপ্রভাবেণ বিমানসংস্থিতো ধর্মঃ পিতা মাতৃদয়ানুরূপিণী |
বাণী কলত্রং মধুরার্থভাষিণী স্নানং সুতীর্থে চ সুবন্ধবর্গঃ || ২, ৪৮. ৩৮ ||
করার্পিতং যৎসুকৃতং সমস্তং স্বর্গস্তদা স্যাত্তব কিঙ্করোপমঃ |
যো ধর্মবান্প্রাপ্স্যতি সোঽতিসৌখ্যং পাপী সমস্তং বিবিধঞ্চ দুঃখম্ || ২, ৪৮. ৩৯ ||

যো ধর্মশীলো জিতমানরোষো বিদ্যাবিনীতো ন পরোপতাপী |
স্বদারতুষ্টঃ পরদারদূরঃস বৈ নরো নো ভুবি বন্দনীয়ঃ || ২, ৪৮. ৪০ ||
মিষ্টান্নদাতা চরিতাগ্নিহোত্রো বেদান্তবিচ্চন্দ্রসহস্রজীবী |
মাসোপবাসী চ পতিব্রতা চষড্জীবলোকে মম বন্দনীয়াঃ || ২, ৪৮. ৪১ ||
এবং সমাচারয়ুতো নরোঽপি বাপীং সকূপাং সজলং তডাগম্ |
প্রপাশুভং হৃদ্গৃহদেবমন্দিরং কৃতং নরেণৈব স ধর্মৌত্তমঃ || ২, ৪৮. ৪২ ||
বর্ষাশনং বেদবিদে চ দত্তং কন্যাবিবাহস্ত্বৃণমোচনং দ্বিজে |
ভূমিঃ সুকৃষ্টাপি তৃষার্তিহেতোস্তদেবমেতং সুকৃতৎসমস্তম্ || ২, ৪৮. ৪৩ ||
অধ্যায়মেনং সুকৃতস্য সারং শৃণোতি গায়ত্যপি ভাবশুদ্ধ্যা |
স বৈ কুলীনঃ স চ ধর্ময়ুক্তো বিশ্বালয়ং যাতি পরং স নূনম্ || ২, ৪৮. ৪৪ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে ধর্মকাণ্ডে প্রেতকল্পে শ্রীকৃষ্ণগরুডসংবাদে
মনুষ্যস্য সুখদুঃখপ্রাপকধর্মাধর্মনিরূপণং নামাষ্টচৎবারিংশত্তমোঽধ্যায়ঃ

শ্রীগরুডমহাপুরাণম্-৪৯
গরুড উবাচ |
শ্রুতা ময়া দয়াসিন্ধো হ্যজ্ঞানাজ্জীবসংসৃতিঃ |

অধুনা শ্রোতুমিচ্ছামি মোক্ষোপায়ং সনাতনম্ || ২, ৪৯. ১ ||
ভগবন্দেবদেবেশ শরণাগতবৎসল |
অসারে ঘোরসংসারে সর্বদুঃখমলীমসে || ২, ৪৯. ২ ||
নানাবিধশরীরস্থা অনন্তা জীবরাশয়ঃ |
জায়ন্তে চ ম্রিয়ন্তে চ তেষামন্তো ন বিদ্যতে || ২, ৪৯. ৩ ||
সদা দুঃখাতুরা এব ন সখী বিদ্যতে ক্কচিৎ |
কেনোপায়েন মোক্ষেশ মুচ্যন্তে বদ মে প্রভো || ২, ৪৯. ৪ ||
শ্রীভগবানুবাচ |
শৃণু তার্ক্ষ্য প্রবক্ষ্যামি যন্মাং ৎবং পরিপৃচ্ছসি |
যস্য শ্রবণমাত্রেণ সংসারান্মুচ্যতে নরঃ || ২, ৪৯. ৫ ||
অস্তি দেবঃ পরব্রহ্মস্বরূপো নিষ্কলঃ শিবঃ |
সর্বজ্ঞঃ সর্বকর্তা চ সর্বেশো নির্মলোঽদ্বয়ঃ || ২, ৪৯. ৬ ||
স্বয়ঞ্জ্যোতিরনাদ্যন্তো নির্বিকারঃ পরাৎপরঃ |
নির্গুণঃ সচ্চিদানন্দস্তদংশা জীবসঞ্জ্ঞকাঃ || ২, ৪৯. ৭ ||
অনাদ্যবিদ্যোপহতা যথাগ্নৌ বিস্ফুলিঙ্গকাঃ |
দেহাদ্যুপাধিসম্ভিন্নাস্তে কর্মভিরনাদিভিঃ || ২, ৪৯. ৮ ||
সুখদুঃখপ্রদৈঃ পুণ্যপারূপৈর্নিয়ন্ত্রিতাঃ |
তত্তজ্জাতিয়ুতং দেহমায়ুর্ভোগঞ্চ কর্মজম্ || ২, ৪৯. ৯ ||
প্রতিজন্ম প্রপদ্যন্তে তেষামপি পরং পুনঃ |
সসূক্ষ্মলিঙ্গশরীরমামোক্ষাদক্ষরং খগ || ২, ৪৯. ১০ ||
স্থাবরাঃ কৃময়শ্চাজাঃ পক্ষিণঃ পশবো নগঃ |
ধার্মিকাস্ত্রিদশাস্তদ্বন্মোক্ষিণশ্চ যথাক্রমম্ || ২, ৪৯. ১১ ||
চতুর্বিধশরীরাণি ধৃৎবা মুক্ত্বা সহস্রশঃ |
সুকৃতান্মা নবো ভূৎবা জ্ঞানী চেন্মোক্ষমাপ্নুয়াৎ || ২, ৪৯. ১২ ||
চতুরশীতিলক্ষেষু শরীরেষু শরীরিণাম্ |
ন মানুষং বিনান্যত্র তত্ত্বজ্ঞানন্তু লভ্যতে || ২, ৪৯. ১৩ ||
অত্র জন্মসহস্রাণাং সহস্রৈরপি কোটিভিঃ |
কদাচিল্লভতে জন্তুর্মানুষ্যং পুণ্যসঞ্চয়াৎ || ২, ৪৯. ১৪ ||
সোপানভূতং মোক্ষস্য মানুষ্যং প্রাপ্য দুর্লভম্ |
যস্তার যতি নাত্মানং তস্মাৎপাপতরোঽত্র কঃ || ২, ৪৯. ১৫ ||
নরঃ প্রাপ্যেতরজ্জন্ম লব্ধ্বা চেন্দ্রিয়সৌষ্ঠবম্ |
ন বেত্ত্যাত্মহিতং যস্তু স ভবেদ্ব্রহ্মঘাতকঃ || ২, ৪৯. ১৬ ||
বিনা দেহেন কস্যাপি পুরুষার্থো ন বিদ্যতে |
তস্মাদ্দেহং ধনং রক্ষেৎপুণ্যকর্মাণি সাধয়েৎ || ২, ৪৯. ১৭ ||
রক্ষেচ্চসর্বদাত্মানমাত্মা সর্ব্বস্য ভাজনম্ |
রক্ষণে যত্নমাতিষ্ঠেজ্জীবন্ভদ্রাণি পশ্যতি || ২, ৪৯. ১৮ ||
পুনর্গ্রামঃ পুনঃ ক্ষেত্র পুনর্বিত্তং পুনর্গৃহম্ |
পুনঃ শুভাশুভং কর্ম ন শরীরং পুনঃ পুনঃ || ২, ৪৯. ১৯ ||
শরীররক্ষণোপায়াঃ ক্রি যন্তে সর্বদা বুধৈঃ |
নেচ্ছন্তি চ পুনস্ত্যাগমপি কুষ্ঠাদিরোগিণঃ || ২, ৪৯. ২০ ||
তদ্গোপিতং স্যাদ্ধর্মার্থং ধর্মো জ্ঞানার্থমেব চ |
জ্ঞানং তু ধ্যানয়োগার্থমচিরাৎপ্রবিমুচ্যতে || ২, ৪৯. ২১ ||
আত্মৈব যদি নাত্মানমহীতেভ্যো নিবারয়েৎ |
কোঽন্যো হিতকরস্তস্মাদাত্মানং সুখয়িষ্যতি || ২, ৪৯. ২২ ||
ইহৈব নরকব্যাধেশ্চিকিৎসাং ন করোতি যঃ |
গৎবা নিরৌষধং দেশং ব্যাধিম্থঃ কিং করিষ্যতি || ২, ৪৯. ২৩ ||
ব্যাঘ্রীবাস্তে জরা চায়ুর্যাতি ভিন্নঘটাম্বুবৎ |
নিঘ্নন্তি রিপুবদ্রোগাস্তস্মাচ্ছ্রেয়ঃ সমভ্যসেত || ২, ৪৯. ২৪ ||
যাবন্নাশ্রয়তে দুঃখং যাবন্নায়ান্তি চাপদঃ |
যাবন্নেন্দ্রিয়বৈকল্যং তাবচ্ছ্রেয়ঃ সমভ্যসেৎ || ২, ৪৯. ২৫ ||
যাবত্তিষ্ঠতি দেহোঽযং তাবত্তত্ত্বং সমভ্যসেৎ |
সন্দীপ্তকোশভবনে কূপং খনতি দুর্মতিঃ || ২, ৪৯. ২৬ ||
কালো ন জ্ঞায়তে নানাকার্যৈঃ সংসারসম্ভবৈঃ |
সুখং দুঃখং জনো হন্ত ন বেত্তি হিতমাত্মনঃ || ২, ৪৯. ২৭ ||
জাতানার্তান্মৃতানাপদ্ভষ্টান্দৃষ্ট্বা চ দুঃখিতান্ |
লোকো মোহসুরাং পীৎবা ন বিভেতি কদাচন || ২, ৪৯. ২৮ ||
সম্পদঃ স্বপ্নসঙ্কাশা যৌবনং কুসুমোপমম্ |
তডিচ্চপলমায়ুষ্যং কস্য স্যাজ্জানতো ধৃতিঃ || ২, ৪৯. ২৯ ||
শতং জীবিতমত্যল্পং নিদ্রালস্যৈস্তদর্ধকম্ |
বাল্যরোগজরাদুঃখৈরল্পং তদপি নিষ্ফলম্ || ২, ৪৯. ৩০ ||
প্রারব্ধব্যে নিরুদ্যোগী জাগর্তব্যে প্রসুপ্তকঃ |
বিশ্বস্তশ্চ ভয়স্থানে হা নরঃ কো ন হন্যতে || ২, ৪৯. ৩১ ||
তোয়ফেনসমে দেহে জীবেনাক্রম্য সংস্থিতে |
অনিত্যাপ্রয়সবাসে কথ তিষ্ঠতি নির্ভয়ঃ || ২, ৪৯. ৩২ ||
অহিতে হিতসঞ্জ্ঞঃ স্যাদধ্রুবে ধ্রুবসঞ্জ্ঞকঃ |
অনর্থে চার্থবিজ্ঞানঃ স্বমর্থং যো ন বেত্তি সঃ || ২, ৪৯. ৩৩ ||
পশ্যন্নপি প্রস্খলতি শৃণ্বন্নপি ন বুধ্যতি |
পঠন্নপি ন জানাতি দেবমায়াবিমোহিতঃ || ২, ৪৯. ৩৪ ||
তন্নিমজ্জজ্জগদিদং গম্ভীরে কালসাগরে |
মৃত্যুরোগজরাগ্রাহৈর্ন কশ্চিদপি বুধ্যতে || ২, ৪৯. ৩৫ ||
প্রতিক্ষণভয়ং কালঃ ক্ষীয়মাণো ন লক্ষ্যতে |
আমকুম্ভ ইবাম্ভঃ স্থো বিশীর্ণো ন বিভাব্যতে || ২, ৪৯. ৩৬ ||
যুজ্যতে বেষ্টনং বায়োরাকাশস্য চ খণ্ডনম্ |
গ্রথনঞ্চ তরঙ্গাণামাস্থা নায়ুষি যুজ্যতে || ২, ৪৯. ৩৭ ||
পৃথিবী দহ্যতে যেন মেরুশ্চাপি বিশীর্যতে |
শুষ্যতে সাগরজলং শরীরস্য চ কা কথা || ২, ৪৯. ৩৮ ||
অপত্যং মে কলত্রং মে ধনং মে বান্ধবাশ্চ মে |
জল্পন্তমিতি মর্ত্যাজং হন্তি কালবৃকো বলাৎ || ২, ৪৯. ৩৯ ||
ইদং কৃতমিদং কার্যমিদমন্যৎকৃতাকৃতম্ |
এবমীহাসমায়ুক্তং কৃতান্তঃ কুরুতে বশম্ || ২, ৪৯. ৪০ ||
শ্বঃ কার্যমদ্য কুর্বীত পূর্বাহ্নে চাপরাহ্নিকম্ |
ন হি মৃত্যুঃ প্রতীক্ষেত কৃতং বাপ্যথ বাকৃতম্ || ২, ৪৯. ৪১ ||
জরাদর্শিতপন্থানং প্রচণ্ডব্যাধিসৈনিকম্ |
অধিষ্ঠিতো মৃত্যুশত্রুং ত্রাতারং কিং ন পশ্যতি || ২, ৪৯. ৪২ ||
তৃষ্ণাসূচীবিনির্ভিন্নং সিক্তং বিষয়সর্পিষা |
রাগদ্বেষানলে পক্বং মৃত্যুরশ্রাতি মানবম্ || ২, ৪৯. ৪৩ ||
বালাংশ্চ যৌবনস্থাংশ্চ বৃদ্ধান গর্ভগতানপি |
সর্বানাবিশতে মৃত্যুরেবম্ভূমিদং জগৎ || ২, ৪৯. ৪৪ ||
স্বদেহমপি জীবোঽযং মুক্ত্বা যাতি যমালয়ম্ |
স্ত্রীমাতৃপিতৃপুত্ত্রাদিসম্বন্ধঃ কেন হেতুনা || ২, ৪৯. ৪৫ ||
দুঃখমূলং হি সংসারঃ স যস্যাস্তি স দুঃখিতঃ |
তস্য ত্যাগঃ কৃতো যেন স সুখী নাপরঃ ক্বচিৎ || ২, ৪৯. ৪৬ ||
প্রভবং সর্বদুঃখানামালয়ং সকলাপদাম্ |
আশ্রয়ং সর্বপাপানাং সংসারং বর্জয়েৎক্ষণাৎ || ২, ৪৯. ৪৭ ||
লোহদারুময়ৈঃ পাশৈঃ পুমান্বদ্ধো বিমুচ্যতে |
পুত্ত্রদারময়ৈঃ পাশৈর্মুচ্যতে ন কদাচন || ২, ৪৯. ৪৮ ||
যাবতঃ কুরুতে জন্তুঃ সম্বন্ধান্মনসঃ প্রিয়ান্ |
তাবন্তোঽস্য নিখন্যন্তে হৃদয়ে শোকশঙ্কবঃ || ২, ৪৯. ৪৯ ||
বঞ্চিতাশেষবিত্তৈস্তৈর্নিত্যং লোকো বিনাশিতঃ |
হা হন্ত বিষয়াহারৈর্দেহস্থোন্দ্রিয়তস্করৈঃ || ২, ৪৯. ৫০ ||
মাংসলুব্ধো যথা মৎস্যো লোহশঙ্কুং ন পশ্যতি |
সুখলুব্ধস্তথা দেহী যমবাধাং ন পশ্যতি || ২, ৪৯. ৫১ ||
হিতাহিতং ন জানন্তো নিত্যমুন্মার্গগামিনঃ |
কুক্ষিপূরণনিষ্ঠা যে তে নরা নারকাঃ খগ || ২, ৪৯. ৫২ ||
নিদ্রাভীমৈথুনাহারাঃ সর্বেষাং প্রাণিনাং সমাঃ |
জ্ঞানবান্মানবঃ প্রোক্তো জ্ঞানহীনঃ পশুঃ স্মৃতঃ || ২, ৪৯. ৫৩ ||
প্রভাতে মলমূত্ত্রাভ্যাং ক্ষুত্তৃড্ভ্যাং মধ্যগে রবৌ |
রাত্রৌ মদননিদ্রাভ্যাং বাধ্যন্তে মূঢমানবাঃ || ২, ৪৯. ৫৪ ||
স্বদেহধনদারাদিনিরতাঃ সর্বজন্তবঃ |
জায়ন্তে চ ম্রিয়ন্তে চ হা হন্তাজ্ঞানমোহিতাঃ || ২, ৪৯. ৫৫ ||
তস্মাৎসঙ্গঃ সদা ত্যাজ্যঃ সচেত্ত্যক্তুং ন শক্যতে |
মহদ্ভিঃ সহ কর্তব্যঃ সন্তঃ সঙ্গস্য ভেষজম্ || ২, ৪৯. ৫৬ ||
সৎসঙ্গশ্চ বিবেকশ্চ নির্মলং নয়নদ্বয়ম্ |
যস্য নাস্তি নরঃ সোঽন্ধঃ কথং ন স্যাদমার্গগঃ || ২, ৪৯. ৫৭ ||
স্বস্ববর্ণাশ্রমাচারনিরতাঃ সর্বমানবাঃ |
ন জানন্তি পরং ধর্মং বৃথা নশ্যন্তি দাম্ভিকাঃ || ২, ৪৯. ৫৮ ||
কিমায়াসপরাঃ কেচিদ্ব্রতচর্যাদিসংযুতাঃ |
অজ্ঞানসংবৃতাত্মানঃ সঞ্চরন্তি প্রচারকাঃ || ২, ৪৯. ৫৯ ||
নামমাত্রেণ সন্তুষ্টাঃ কর্মকাণ্ডরতা নরাঃ |
মন্ত্রোচ্চারণহোমাদ্যৈর্ভ্রামিতাঃ ক্রতুবিস্তরৈঃ || ২, ৪৯. ৬০ ||
একভুক্তোপবাসাদ্যৈর্নিয়মৈঃ কায়শোষণৈঃ |
মূঢাঃ পরোক্ষমিচ্ছন্তি মম মায়াবিমোহিতাঃ || ২, ৪৯. ৬১ ||
দেহদণ্ডনমাত্রেণ কা মুক্তিরবিবেকিনাম্ |
বল্মীকতাডনাদেব মৃতঃ কিন্নু মহোরগঃ || ২, ৪৯. ৬২ ||
জটাভারাজিনৈর্যুক্তা দাম্ভিকা বেষধারিণঃ |
ভ্রমন্তি জ্ঞানিবল্লোকে ভ্রাময়ন্তি জনানপি || ২, ৪৯. ৬৩ ||
সংসারজসুখাসক্তং ব্রহ্মজ্ঞোঽস্মীতিবাদিনম্ |
কর্মব্রহ্মোভয়ভ্রষ্টং তং ত্যজেদন্ত্যজং যথা || ২, ৪৯. ৬৪ ||
গৃহারণ্যসমা লোকে গতব্রীডা দিগম্বরাঃ |
চরন্তি গর্দভাদ্যাশ্চ বিরক্তাস্তে ভবন্তি কিম্ || ২, ৪৯. ৬৫ ||
মৃদ্ভস্মোদ্ধূলনাদেব মুক্তাঃ স্যুর্যদি মানবাঃ |
মৃদ্ভস্মবাসী নিত্যং শ্বা স কিং মুক্তো ভবিষ্যতি || ২, ৪৯. ৬৬ ||
তৃণপর্ণোদকাহারাঃ সততং বনবাসিনঃ |
জম্বূকাখুমৃগাদ্যাশ্চ তাপসাস্তে ভবন্তি কিম্ || ২, ৪৯. ৬৭ ||
আজন্মমরণান্তঞ্চ গঙ্গাদিতটিনীস্থিতাঃ |
মণ্ডূকমৎস্যপ্রমুখা যোগিনস্তে ভবন্তি কিম্ || ২, ৪৯. ৬৮ ||
পারাবতাঃ শিলাহারাঃ কদাচিদপি চাতকাঃ |
ন পিবন্তি মহীতোয়ং ব্রতিনস্তে ভবন্তি কিম্ || ২, ৪৯. ৬৯ ||
তস্মান্নিত্যাদিকং কর্ম লোকরঞ্জনকারকম্ |
মোক্ষস্য কারণং সাক্ষাতত্ত্বজ্ঞান খগেশ্বর || ২, ৪৯. ৭০ ||
ষর্ড্শনমহাকূপে পতিতাঃ পশবঃ খগ |
পরমার্থং ন জানন্তি পশুপাশনিয়ন্ত্রিতাঃ || ২, ৪৯. ৭১ ||
বেদশাস্ত্রার্ণবৈর্ঘেরৈরুহ্যমানা ইতস্ততঃ |
ষডূর্মিনিগ্রহগ্রস্তাস্তিষ্ঠন্তি হি কুতার্কিকাঃ || ২, ৪৯. ৭২ ||
বেদাগমপুরাণজ্ঞঃ পরমার্থং ন বেত্তি যঃ |
বিডম্বকস্য তস্যৈব তৎসর্বং কাকভাষিতম্ || ২, ৪৯. ৭৩ ||
ইদং জ্ঞানমিদং জ্ঞেয়মিতি চিন্তাসমাকুলাঃ |
পঠন্ত্যহর্নিশং শাস্ত্রং পরতত্ত্বপরাঙ্মুখাঃ || ২, ৪৯. ৭৪ ||
বাক্যচ্ছন্দোনিবন্ধেন কাব্যালঙ্কারশোভিতাঃ |
চিন্তয়া দুঃখিতা মূঢাস্তিষ্ঠন্তি ব্যাকুলেন্দ্রিয়াঃ || ২, ৪৯. ৭৫ ||
অন্যথা পরমং তত্ত্বং জনাঃ ক্লিশ্যন্তি চান্যথা |
অন্যথা শাস্ত্রসদ্ভাবো ব্যাখ্যাং কুর্বন্তি চান্যথা || ২, ৪৯. ৭৬ ||
কথয়ন্ত্যুবন্মনীভাবং স্বয়ং নানুভবন্তি চ |
অহঙ্কারস্তাঃ কেচিদুপদেশাদিবার্জিতাঃ || ২, ৪৯. ৭৭ ||
পঠন্তি বেদশাস্ত্রাণি বোধয়ন্তি পরস্পরম্ |
ন জানন্তি পরং তত্ত্বং দর্বী পাকরসং যথা || ২, ৪৯. ৭৮ ||
শিরো বহতি পুষ্পাণি গন্ধং জানাতি নাসিকা |
পঠন্তি বেদশাস্ত্রাণি দুর্লভো ভাববোধকঃ || ২, ৪৯. ৭৯ ||
তত্ত্বমাত্মস্থমজ্ঞাৎবা মূঢঃ শাস্ত্রেষু মুহ্যতি |
গোপঃ কক্ষাগতে চ্ছাগে কূপং পশ্যতি দুর্মতিঃ || ২, ৪৯. ৮০ ||
সংসারমোহনাশায় শাব্দবোধো ন হি ক্ষমঃ |
ন নিবর্তেত তিমিরং কদাচিদ্দীপবার্তয়া || ২, ৪৯. ৮১ ||
প্রজ্ঞাহীনস্য পঠনং যথান্ধস্য চ দর্পণম্ |
অতঃ প্রজ্ঞাবতাং শাস্ত্রং তত্ত্বজ্ঞানস্য লক্ষণম্ || ২, ৪৯. ৮২ ||
ইদং জ্ঞানমিদং জ্ঞেয়ং সর্বন্তু শ্রোতুমিচ্ছতি |
দিব্যবর্ষসহস্রাচ্চ শাস্ত্রান্তং নৈব গচ্ছতি || ২, ৪৯. ৮৩ ||
অনেকানি চ শাস্ত্রাণি স্বল্পায়ুর্বিঘ্নকোটয়ঃ |
তস্মাৎসারং বিজানীয়াৎক্ষীরং হংস ইবাম্ভসি || ২, ৪৯. ৮৪ ||
অভ্যস্য বেদশাস্ত্রাণি তত্ত্বং জ্ঞাৎবাথ বুদ্ভিমান্ |
পলালমিব ধান্যার্থী সর্বশাস্ত্রাণি সন্ত্যজেৎ || ২, ৪৯. ৮৫ ||
যথামৃতেন তৃপ্তস্য নাহারেণ প্রয়োজনম্ |
তত্ত্বজ্ঞস্য তথা তার্ক্ষ্য ন শাস্ত্রেণ প্রয়োজনম্ || ২, ৪৯. ৮৬ ||
ন বেদাধ্যয়নান্মুক্তির্ন শাস্ত্রপঠনাদপি |
জ্ঞানাদেব হি কৈবল্যং নান্যথা বিনতাত্মজঃ || ২, ৪৯. ৮৭ ||
নাশ্রমঃ কারণং মুক্তের্দর্শনানি ন কারণম্ |
তথৈব সর্বকর্মাণি জ্ঞানমেব হি কারণম্ || ২, ৪৯. ৮৮ ||
মুক্তিদা গুরুবাগেকা বিদ্যাঃ সর্বা বিডম্বিকাঃ |
শাস্ত্রভারসহস্রেষু হ্যেকং সঞ্জীবনং পরম্ || ২, ৪৯. ৮৯ ||
অদ্বৈতং হি শিবং প্রোক্তং ক্রিয়য়াপরিবর্জিতম্ |
গুরুবক্ত্রেণ লভ্যেত নাধীতাগমকোটিভিঃ || ২, ৪৯. ৯০ ||
আগমোক্তং বিবেকোত্থং দ্বিধা জ্ঞানং প্রচক্ষতে |
শব্দব্রহ্মাগমময়ং পরং ব্রহ্ম বিবেকজম্ || ২, ৪৯. ৯১ ||
অদ্বৈতং কেচিদিচ্ছন্তি দ্বৈতমিচ্ছন্তি চাপরে |
সমং তত্ত্বং ন জানন্তি দ্বৈতাদ্দ্বৈতবিবর্জিতম্ || ২, ৪৯. ৯২ ||
দ্বে পদে বন্ধমোক্ষায় নমমেতি মমেতি চ |
মমেতি বধ্যতে জন্তুর্নমমেতি প্রমুচ্যতে || ২, ৪৯. ৯৩ ||
তৎকর্ম যন্ন বন্ধায় সা বিদ্যা যা বিমুক্তিদা |
আয়াসায়াপরং কর্ম বিদ্যান্যা শিল্পনৈপুণম্ || ২, ৪৯. ৯৪ ||
যাবৎকর্মাণি দীপ্যন্তে যাবৎসংসারবাসনা |
যাবদিন্দ্রিয়চাপল্যং তাবত্তত্ত্বকথা কুতঃ || ২, ৪৯. ৯৫ ||
যাবদ্দেহাভিমানশ্চ মমতা যাবদেব হি |
যাবৎপ্রয়ত্নবেগোঽস্তি যাবৎসঙ্কল্পকল্পনা || ২, ৪৯. ৯৬ ||
যাবন্নো মনসঃ স্থৈর্যং ন যাবচ্ছাস্ত্রচিন্তনম্ |
যাবন্ন গুরুকারুণ্যং তাবত্তত্ত্বকথা কুতঃ || ২, ৪৯. ৯৭ ||
তাবত্তপো ব্রতং তীর্থং জপহোমার্চনাদিকম্ |
বেদশাস্ত্রাগমকথা যাবত্তত্ত্বং ন বিন্দতি || ২, ৪৯. ৯৮ ||
তস্মাৎসর্বপ্রয়ত্নেন সর্বাবস্থাসু সর্বদা |
তত্ত্বনিষ্ঠো ভবেত্তার্ক্ষ্য যদীচ্ছেন্মোক্ষমাত্মনঃ || ২, ৪৯. ৯৯ ||
ধর্মজ্ঞানপ্রসূনস্য স্বর্গমোক্ষফলস্য চ |
তাপত্রয়াদিসন্তপ্তশ্ছায়াং মোক্ষতরোঃ শ্রয়েৎ || ২, ৪৯. ১০০ ||
তস্মাজ্জ্ঞানেনাত্মতত্ত্বং বিজ্ঞেয়ং শ্রীগুরোর্মুখাৎ |
সুখেন মুচ্যতে জন্তুর্ঘোরসংসারবন্ধনাৎ || ২, ৪৯. ১০১ ||
তত্ত্বজ্ঞস্যান্তিমং কৃত্যং শৃণু বক্ষ্যামি তেঽধুনা |
যেন মোক্ষমবাপ্নোতি ব্রহ্ম নির্বাণসঞ্জ্ঞকম্ || ২, ৪৯. ১০২ ||
অন্তকালে তু পুরুষ আগতে গতসাধ্বসঃ |
ছিন্দ্যাদসঙ্গশস্ত্রেণ স্পৃহাং দেহেঽনু যা চ তম্ || ২, ৪৯. ১০৩ ||
গৃহাৎপ্রব্রাজিতো ধীরঃ পুণ্যতীর্থজলাপ্লুতঃ |
শুচৌ বিবিক্ত আসীনো বিধিবৎকল্পিতাসনে || ২, ৪৯. ১০৪ ||
অভ্যসেন্মনসা শুদ্ধং ত্রিবৃদ্ব্রহ্মাক্ষরং পরম্ |
মনো যষ্ছেজ্জিতশ্বাসো ব্রহ্ম বীজমবিস্মরন্ || ২, ৪৯. ১০৫ ||
নিয়চ্ছেদ্বিষয়েভ্যোঽক্ষান্মনসা বুদ্ধি সারথিঃ |
মনঃ কর্মভিরাক্ষিপ্তং শুভার্থে ধারয়েদ্ধিয়া || ২, ৪৯. ১০৬ ||
অহং ব্রহ্ম পরং ধাম ব্রহ্মাহং পরমং পদম্ |
এবং সমীক্ষ্য চাত্মানমাত্মন্যাধায় নিষ্কলে || ২, ৪৯. ১০৭ ||
ওমিত্যেকাক্ষরং ব্রহ্ম ব্যাহরন্মামনুস্মরন্ |
যঃ প্রয়াতি ত্যজন্দেহং স যাতি পরমাং গতিম্ || ২, ৪৯. ১০৮ ||
ন যত্র দাম্ভিকা যান্তি জ্ঞানবৈরাগ্যবর্জিতাঃ |
সুধিয়স্তাং গতিং যান্তি তানহং কথয়ামি তে || ২, ৪৯. ১০৯ ||
নির্মানমোহা জিতসঙ্গদোষা অধ্যাত্মনিত্যা বিনিবৃত্তকামাঃ |
দ্বন্দ্বৈর্বিমুক্তাঃ সুখদুঃখসঞ্জ্ঞৈর্গচ্ছন্ত্যমূঢাঃ পদমব্যয়ং তৎ || ২, ৪৯. ১১০ ||
জ্ঞানহ্রদে সত্যজলে রাগদ্বেষমলাপহে |
যঃ স্নাতি মানসে তীর্থে স বৈ মোক্ষমবাপ্নুয়াৎ || ২, ৪৯. ১১১ ||
প্রৌঢবৈরাগ্যমাস্থায় ভজতে মামনন্যভাক্ |
পূর্ণদৃষ্টিঃ প্রসন্নাত্মা স বৈ মোক্ষমবাপ্নুয়াৎ || ২, ৪৯. ১১২ ||
ত্যক্ত্বা গৃহং চ যস্তীর্থে নিবসেন্মরণোৎসুকঃ |
মুক্তিক্ষেত্রেষু ম্রিয়তে স বৈ মোক্ষমবাপ্নুয়াৎ || ২, ৪৯. ১১৩ ||
অয়োধ্যা মথুরা মায়া কাশী কাঞ্চী অবন্তিক |
পুরী দ্বারবতী জ্ঞেয়াঃ সপ্তৈতা মোক্ষদায়িকাঃ || ২, ৪৯. ১১৪ ||
ইতি তে কথিতং তার্ক্ষ্য মোক্ষধর্মং সনাতনম্ |
জ্ঞানবৈরাগ্যসহিতং শ্রুৎবা মোক্ষমবাপ্নুয়াৎ || ২, ৪৯. ১১৫ ||
মোক্ষং গচ্ছন্তি তত্ত্বজ্ঞা ধার্মিকাঃ স্বর্গতিং নরাঃ |
পাপিনো দুর্গতিং যান্তি সংসরন্তি খগাদয়ঃ || ২, ৪৯. ১১৬ ||
সূত উবাচ |
স্বপ্রশ্রোত্তররাদ্ধান্তমেবং ভগবতো মুখাৎ |
শ্রুৎবা হৃষ্টতনুস্তার্ক্ষ্যো ননাম জগদীশ্বরম্ || ২, ৪৯. ১১৭ ||
সন্দেহো মে মহান্নষ্টো ভবদ্বাক্যবিরোচনাৎ |
ইত্যুক্ত্বা বিষ্ণুমামন্ত্র্য স গতঃ কশ্যপাশ্রমম্ || ২, ৪৯. ১১৮ ||
সদ্যো দেহান্তরং যাতি যথা যাতি বিলম্বতঃ |
অনয়োরুভয়োশ্চৈব ন বিরোধস্তথৈব বঃ || ২, ৪৯. ১১৯ ||
সর্বমাখ্যাতবাংস্তাত শ্রুতো ভগবতো যথা |
মারীচোঽপি মুদং লেভে শ্রুৎবা বাক্যং রমাপতেঃ || ২, ৪৯. ১২০ ||
অপাকৃতস্তু সন্দেহো ব্রাহ্মণা ভবতাং ময়া |
উক্তং সুপর্ণসঞ্জ্ঞন্তু পুরাণং পরমাদ্ভুতম্ || ২, ৪৯. ১২১ ||
ইদমাপ হরেস্তার্ক্ষ্যস্তার্ক্ষ্যাদাপ ততো ভৃগুঃ |
ভৃগোর্বসিষ্ঠঃ সম্প্রাপ বামদেবস্ততঃ পুনঃ || ২, ৪৯. ১২২ ||
পরাশরমুনিঃ প্রাপ তস্মাদ্ব্যাসস্ততো হ্যহম্ |
ময়া তু ভবতাং প্রোক্তং পরং গুহ্যং হরেরিদম্ || ২, ৪৯. ১২৩ ||
য ইদং শৃণুয়ান্মর্ত্যো যো বাপ্যভিদধাতি চ |
ইহামুত্র চ লোকে স সর্বত্র সুখমাপ্নুয়াৎ || ২, ৪৯. ১২৪ ||
ব্রজতঃ সংযমন্যাং যদ্দুঃখমত্র নিরূপিতম্ |
অস্য শ্রবণতঃ পুণ্যং তন্মুক্তো জায়তে ততঃ || ২, ৪৯. ১২৫ ||
অত্রোক্তকর্মপাকাদিশ্রবণাচ্চ নৃণামিহ |
বৈরাগ্যমাবহেদ্যস্মাত্তস্মাচ্ছ্রোতব্যমেব চ || ২, ৪৯. ১২৬ ||
ভজত জিতহৃষীকাঃ কৃষ্ণমেনং মুনীশং সমজনি বত যস্মাদ্গীঃ সুধাসারধারা |
পৃষতমপি যদীয়ং বর্ণরূপং নিপীয় শ্রুতিপুটচুলুকেন প্রাপ্নুয়াদাত্মনৈক্যম্ || ২, ৪৯. ১২৭ ||
ব্যাস উবাচ |
ইতি সূতমুখোদ্গীর্ণাংসর্বশাস্ত্রার্থমণ্ডিতাম্ |
বৈষ্ণবীং বাক্সুধাং পীৎবা ঋষয়স্তুষ্টিমায়য়ুঃ || ২, ৪৯. ১২৮ ||
প্রশশংসুস্তথান্যোন্যং সূতং সর্বার্থদর্শিনম্ |
প্রহর্ষমতুলং প্রাপুর্মুনয়ঃ শৌনকাদয়ঃ || ২, ৪৯. ১২৯ ||
ইতি হরিবচনানি সূতবাচা খগপতিসংশয়ভেদকানি যানি |
স মুনিরপি নিশম্য শৌনকেন্দ্রো বহুতরমানয়তি স্ম চাত্মনি স্বম্ || ২, ৪৯. ১৩০ ||
অপূজয়ংস্তে মুনয়স্তদানীমুদাখাগ্ভির্মুহুরেব সূতম্ |
ধন্যোঽসি সূত ৎবমিহেত্যুদৈরয়ন্ব্যসর্জয়ংস্তং চ নিবর্তিতেঽধ্বরে || ২, ৪৯. ১৩১ ||
পুরাণং গারুডং পুণ্যং পবিত্রং পাপনাশনম্ ||
শৃণ্বতাং কামনাপূরং শ্রোতব্যং সর্বদৈব হি || ২, ৪৯. ১৩২ ||
শ্রুৎবা দানানি দেয়ানি বাচকায়াখিলানি চ |
পূর্বোক্তশয়নাদীনি নান্যথা সফলং ভবেৎ || ২, ৪৯. ১৩৩ ||
পুরাণং পূজয়েৎপূর্বং বাচকং তদনন্তরম্ |
বস্ত্রালঙ্কারগোদানৈর্দক্ষিণাভিশ্চ সাদরম্ || ২, ৪৯. ১৩৪ ||
অন্নদানৈর্হেমদানৈর্ভমিদানৈশ্চ ভূরিভিঃ |
পূজয়েদ্বাচকং ভক্ত্যা বহুপুণ্যফলাপ্তয়ে || ২, ৪৯. ১৩৫ ||
যশ্চেদং শৃণুয়ান্মর্ত্যো যথাপি পরিকীর্তয়েৎ |
বিহায় যাতনাং ঘোরাং ধূতপাপো দিবং ব্রজেৎ || ২, ৪৯. ১৩৬ ||

ইতি শ্রীগারুডে মহাপুরাণে উত্তরখণ্ডে শ্রীকৃষ্ণগরুডসংবাদে দ্বিতীয়াংশে
ধর্মকাণ্ডে প্রেতকল্পে মোক্ষোপায়নিরূপণং নামৈকোনপঞ্চাশত্তমোঽধ্যায়ঃ

ইতি শ্রীগারুডে মহাপুরাণে দ্বিতীয়ো ধর্মকাণ্ডঃ সমাপ্তঃ