২.৪ গরুডপুরাণ (অধ্যায় ৩১-৪০)

শ্রীগরুডমহাপুরাণম্-৩১
শ্রীবিষ্ণুরুবাচ |
যে নরাঃ পাপসংযুক্তাস্তে গচ্ছন্তি যমালয়ম্ |
নৃণাং মৎসাক্ষিকং দত্তমনন্তফলদং ভবেৎ || ২, ৩১. ১ ||
যাবদ্রজঃ প্রমাণাব্দংস্বর্গে তিষ্ঠতি ভূমিদঃ |
অশ্বারূঢাশ্চ তে যান্তি দদতে যে হ্যুপানহৌ || ২, ৩১. ২ ||
আতপে শ্রময়োগেন ন দহ্যন্তে চ কুত্রচিৎ |
ছত্ত্রদানেন বৈ প্রেতা বিচরন্তি সুখং পথি || ২, ৩১. ৩ ||
যমুদ্দিশ্য দদাত্যন্নং তেন চাপ্যায়িতো ভবেৎ || ২, ৩১. ৪ ||
অন্ধকারে মহাঘোরে অমূর্তে লক্ষ্যবর্জিতে |
উদ্দ্যোতেনৈব তে যান্তি দীপদানেন মানবাঃ || ২, ৩১. ৫ ||
আশ্বিনে কর্তিকে বাপি মাঘে মৃততিথাবপি |
চতুর্দশ্যাঞ্চ দীয়েত দীপদানং সুখায় বৈ || ২, ৩১. ৬ ||
প্রত্যহঞ্চ প্রদাতব্যং মার্গে সুবিষমে নরৈঃ |
যাবৎসংবৎসরং বাপি প্রেতস্য সুখলিপ্সয়া || ২, ৩১. ৭ ||
কুলে দ্যোততি শুদ্ধাত্মা প্রকাশৎবং স গচ্ছতি |
জ্যোতির্ময়োঽসৌ পূজ্যোঽসৌ দীপদানপ্রদো নরঃ || ২, ৩১. ৮ ||
প্রাঙ্মুখোদঙ্মুখং দীপং দেবাগারে দ্বিজাতয়ে |
কুর্যাদ্যাম্যমুখং পিত্রে অদ্ভিঃ সঙ্কল্প্য সুস্থিরম্ || ২, ৩১. ৯ ||
সর্বোপহারয়ুক্তানি পদান্যত্র ত্রয়োদশ |
যো দদাতি মৃতস্যেহ জীবন্নপ্যাত্মহেতবে |
স গচ্ছতি মহামার্গে মহাকষ্টবিবর্জিতঃ || ২, ৩১. ১০ ||
আসনং ভাজনং ভোজ্যং দীয়তে যদ্দ্বিজায়তে |
সুখে ন ভুঞ্জমানস্তু দেন গচ্ছত্যলং পথি || ২, ৩১. ১১ ||
কমণ্ডলুপ্রদানেন তৃষিতঃ পিবতে জলম্ || ২, ৩১. ১২ ||
ভাজনং বস্ত্রদানঞ্চ কুসুমঞ্চাঙ্গুলীয়কম্ |
একাদশা হে দাতব্যং প্রেতোদ্ধরণহেতবে || ২, ৩১. ১৩ ||
ত্রয়োদশ পদানীত্থং প্রেতস্য শুভমিচ্ছতা |
দাতব্যানি যথাশক্ত্যা প্রেতোঽসৌ প্রীণিতো ভবেৎ || ২, ৩১. ১৪ ||
ভোজনা নি তিলাংশ্চৈব উদকুম্ভাংস্ত্রয়োদশ |
মুদ্রিকাং বস্ত্রয়ুগ্মঞ্চ তয়া যাতি পরাং গতিম্ || ২, ৩১. ১৫ ||
যোঽশ্বং নাবং গজং বাপি ব্রাহ্মণে প্রতিপাদয়েৎ |
স মহিম্নোঽনুসারেণ তত্তৎসুখমুপাশ্নুতে || ২, ৩১. ১৬ ||
নানালোকান্বিচরতি মহিষীঞ্চ দদাতি যঃ |
যমপুত্ত্রস্য যা মাতা মহিষী সুগতিপ্রদা || ২, ৩১. ১৭ ||
তাম্বূলং কুসুমং দেয়ং যাম্যানাং হর্ষবর্ধনম্ |
তেন সম্প্রীণিতাঃ সর্বে তস্মিন্ক্লেশং ন কুর্বতে || ২, ৩১. ১৮ ||
গো-ভূ-তিল-হিরণ্যানি দানান্যাহুঃ স্বশক্তিতঃ || ২, ৩১. ১৯ ||
মৃতোদ্দেশেন যো যদ্যাজ্জলপাত্রঞ্চ মৃন্ময়ম্ |
উদপাত্রসহস্রস্য ফলমাপ্নোতি মানবঃ || ২, ৩১. ২০ ||
যমদূতা মহারৌদ্রাঃ করালাঃ কৃষ্ণপিঙ্গলাঃ |
ন ভীষয়ন্তি তং যাম্যা বস্ত্রদানে কৃতে সতি || ২, ৩১. ২১ ||
মার্গে হি গচ্ছমানস্তু তৃষ্ণার্তঃ শ্রমপীডিতঃ |
ঘটান্নদানয়োগেন সুখী ভবতি নিশ্চিতম্ || ২, ৩১. ২২ ||
শয়্যা দক্ষিণয়া যুক্তা আয়ুধাম্বরসংযুতা |
হৈমশ্রীপতিনা যুক্তা দেয়া বিপ্রায় শর্মণে |
তথা প্রেতৎবমুক্তোঽসৌ মোদতে সহ দৈবতৈঃ || ২, ৩১. ২৩ ||
এতত্তে কথিতং তার্ক্ষ্য দানমন্ত্যেষ্টিকর্মজম্ |
অধুনা কথয়িষ্যেঽহমন্যদেহপ্রবেশনম্ || ২, ৩১. ২৪ ||
জাতস্য মৃত্যুলোকে বৈ প্রাণিনো মরণং ধ্রুবম্ |
মৃতিঃ কুর্যাৎস্বধর্মেণ যাস্যতশ্চ পরন্তপ || ২, ৩১. ২৫ ||
পূর্বকালে মৃতানাঞ্চ প্রাণিনাঞ্চ খগেশ্বর |
সূক্ষ্মোভূৎবা ৎবসৌ বায়ুর্নির্গচ্ছত্যাস্যমণ্ডলাৎ || ২, ৩১. ২৬ ||
নবদ্বারৈ রোমভিশ্চ জনানাং তালুরন্ধ্রকে |
পাপিষ্ঠানামপানেন জীবো নিষ্ক্রামতি ধ্রুবম্ || ২, ৩১. ২৭ ||
শরীরঞ্চ পতেৎপশ্চান্নির্গতে মরুতীশ্বরে |
বাতাহতঃ পতত্যেব নিরাধারো যথা দ্রুমঃ || ২, ৩১. ২৮ ||
পৃথিব্যাং লীয়তে পৃথ্বী আপশ্চৈব তথাপ্সু চ |
তেজস্তেজসি লীয়তে সমীরণঃ সমীরণে |
আকাশে চ তথা কাশঃ সর্বব্যাপী চ শঙ্করে || ২, ৩১. ২৯ ||
তত্র কামস্তথা ক্রোধঃ কায়ে পঞ্চেন্দ্রিয়াণি চ |
এতে তার্ক্ষ্য সমাখ্যাতা দেহে তিষ্ঠন্তি তস্করাঃ || ২, ৩১. ৩০ ||
কামঃ ক্রোধো হ্যহঙ্কারো মনস্তত্রৈব নায়কঃ |
সংহারকশ্চ কালোঽযং পুণ্যপাপসমন্বিতঃ || ২, ৩১. ৩১ ||
জগতশ্চ স্বরূপন্তু নির্মিতং স্বেন কর্মণা |
পুনর্দেহান্তরং যাতি সুকৃতৈর্দুষ্কৃতৈর্নরঃ || ২, ৩১. ৩২ ||
পঞ্চেন্দ্রিয়সমায়ুক্তং সকলৈর্বিষ্যৈঃ সহ |
প্রবিশেৎস নবং দেহং গৃহে দগ্ধে যথা গৃহী || ২, ৩১. ৩৩ ||
শরীরে যে সমাসীনা সম্ভবেৎসর্বধাতবঃ |
ষাট্কৌশিকো হ্যয়ং কায়ো মাতা পিত্রোশ্চ ধাতবঃ || ২, ৩১. ৩৪ ||
সম্ভবেয়ুস্তথা তার্ক্ষ্য সর্বে বাতাশ্চ দেহিনাম্ |
মূত্রং পুরীষং তদ্যোগা যে চান্যে ব্যাধয়স্তথা || ২, ৩১. ৩৫ ||
অস্থি শুক্রং তথা স্নায়ুঃ দেহেন সহ দহ্যতে |
এষ তে কথিতস্তার্ক্ষ্য বিনাশঃ সর্বদেহিনাম্ || ২, ৩১. ৩৬ ||
কথয়ামি পুনস্তেষাং শরীরঞ্চ যথা ভবেৎ |
একস্তম্ভং স্নায়ুবদ্ধং স্থূণাদ্বয়সমুদ্ধৃতম্ || ২, ৩১. ৩৭ ||
ইন্দ্রিয়ৈশ্চ সমায়ুক্তং নবদ্বারং শরীরকম্ |
বিষয়ৈশ্চ সমাক্রান্তং কাম-ক্রোধসমাকুলম্ || ২, ৩১. ৩৮ ||
রাগ-দ্বেষসমাকীর্ণং তৃষ্ণাদুর্গসুদুস্তরম্ |
লোভজালসমায়ুক্তং পুরং পুরুষসঞ্জ্ঞিতম্ || ২, ৩১. ৩৯ ||
এতদ্গুণসমায়ুক্তং শরীরং সর্বদেহিনাম্ |
তিষ্ঠন্তি দেবতাঃ সর্বা ভুবনানি চতুর্দশ || ২, ৩১. ৪০ ||
আত্মানং যে ন জানন্তি তে নরাঃ পশবঃ স্মৃতাঃ |
এবমেতন্ময়াখ্যাতং শরীরং তে চতুর্বিধম্ || ২, ৩১. ৪১ ||
চতুরশীতিলক্ষাণি নির্মিতা যোনয়ঃ পুরা |
উদ্ভিজ্জাঃ স্বেদজাশ্চৈব অণ্ডজাশ্চ জরায়ুজাঃ || ২, ৩১. ৪২ ||
এতত্তে সর্বমাখ্যাতং যৎপৃষ্টোহং ৎবয়ানঘ || ২, ৩১. ৪৩ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে প্রেতকল্পে শ্রীকৃষ্ণগরুডসংবাদে
দানফ লান্যদেহপ্রবেশাদিনিরূপণং নামৈ কত্রিংশোঽধ্যায়ঃ

শ্রীগরুডমহাপুরাণম্-৩২
তার্ক্ষ্য উবাচ |
কথমুৎপদ্যতে জন্তুর্ভূতগ্রামে চতুর্বিধে |
ৎবচা রক্তং তথা মাংসং মেদো মজ্জাস্থি জীবিতম্ || ২, ৩২. ১ ||
পাদৌ পাণী তথা গুহ্যং জিহ্বা-কেশ-নখাঃ শিরঃ |
সন্ধিমার্গাশ্চ বহুশো রেখা নৈকবিধাস্তথা || ২, ৩২. ২ ||
কামঃ ক্রোধো ভয়ং লজ্জা মনো হর্ষঃ সুখাসুখম্ |
চিত্রিতং ছিদ্রিতঞ্চাপি নানাজালেন বেষ্টিতম্ || ২, ৩২. ৩ ||
ইন্দ্রজালমিদং মন্যে সংসারেঽসারসাগরে |
কর্তা কোঽত্র হৃষীকেশ সংসারে দুঃখসঙ্কুলে || ২, ৩২. ৪ ||
শ্রীবিষ্ণুরুবাচ |
কথয়ামি পরং গোপ্যং কোশস্যাস্য বিনির্ণয়ম্ |
যস্য বিজ্ঞানমাত্রেণ সর্বজ্ঞৎবং প্রজ্যতে || ২, ৩২. ৫ ||
সাধু পৃষ্টং ৎবয়া লোকে সদয়ং জীবকারণম্ |
বৈনতেয় শৃণুষ্ব ৎবমেকাগ্রকৃতমানসঃ || ২, ৩২. ৬ ||
ঋতুকালে চ নারীণাং বর্জ্যং দিনচতুষ্টয়ম্ |
যতস্তস্মিন্ব্রহ্মহত্যাং পুরা বৃত্রসমুত্থিতাম্ || ২, ৩২. ৭ ||
ব্রহ্মা শক্রাৎসমুত্তার্য চতুর্থাংশেন দত্তবান্ |
তাবন্নালোক্যতে বক্ত্রং পাপং যাবদ্বপুঃ স্থিতম্ || ২, ৩২. ৮ ||
প্রথমেঽহনি চাণ্ডালী দ্বিতীয়ে ব্রহ্মঘাতিনী |
তৃতীয়ে রজকী জ্ঞেয়া চতুর্থেঽহনি শুধ্যতি || ২, ৩২. ৯ ||
সপ্তাহাৎপিতৃদেবানাং ভবেদ্যোগ্যা কৃতার্চনে |
সপ্তাহমধ্যে যো গর্ভস্তৎসম্ভূতির্মলিম্লুচা || ২, ৩২. ১০ ||
নিষকসময়ে পিত্রোর্যাদৃক্চিত্তবিকল্পনা |
তাদৃগ্গর্ভসমুৎপত্তির্জায়তে নাত্র সংশয়ঃ || ২, ৩২. ১১ ||
যুগ্মাসু পুত্ত্রা জায়ন্তে স্ত্রিয়োঽযুগ্মাসু রাত্রিষু |
পূর্বসপ্তমমুৎসৃজ্য তস্মাদ্যুগ্মাসু সংবিশেৎ || ২, ৩২. ১২ ||
ষোডশর্তুর্নিশাঃ স্ত্রীণাং সামান্যাৎসমুদাহৃতঃ |
যা চতুর্দশমী রাত্রির্গর্ভস্তিষ্ঠতি তত্র চেৎ || ২, ৩২. ১৩ ||
গুণভাগ্যনিধিঃ পুত্রস্তত্র জায়েত ধার্মিকঃ |
সা নিশা তত্র সামান্যৈর্ন লভ্যেত খগাধিপ || ২, ৩২. ১৪ ||
প্রায়শঃ সম্ভবত্যত্র গর্ভস্ত্বষ্টাহমধ্যতঃ |
পঞ্চমেঽহনি নারীণাং কার্যং মাধুর্যভোজনম্ || ২, ৩২. ১৫ ||
কটুক্ষারঞ্চ তীক্ষ্ণঞ্চ ত্যাজ্যমুষ্ণঞ্চ দূরতঃ |
তৎক্ষেত্রমোষধীপাত্রং বীজঞ্চাপ্যমৃতায়িতম্ || ২, ৩২. ১৬ ||
তস্মিন্নুপ্ত্বা নরঃ স্বামী সম্যক্ফলমবাপ্নুয়াৎ |
তস্যাশ্চৈবাতপো বর্জ্য শীতলং কেবলং চরেৎ || ২, ৩২. ১৭ ||
তাম্বূলপুষ্পশ্রীখণ্ডৈঃ সংযুক্তঃ শুচিবস্ত্রভৃৎ |
ধর্মমাদায় মনসি সুতল্পং সংবিশেৎপুমান্ || ২, ৩২. ১৮ ||
নিষেকসময়ে যাদৃঙ্নরচিত্তবিকল্পনা |
তাদৃক্স্বভাবসম্ভূতির্জন্তুর্বিশতি কুক্ষিগঃ || ২, ৩২. ১৯ ||
শুক্রসোণিতসংযোগে পিণ্ডোৎপত্তিঃ প্রজায়তে |
বর্ধতে জঠরে জন্তুস্তারাপতিরিবাম্বরে || ২, ৩২. ২০ ||
চৈতন্যং বীজরূপং হি শুক্রে নিত্যং ব্যবস্থিতম্ |
কামশ্চিত্তঞ্চ শুক্রঞ্চ যদা হ্যেকৎবমাপ্নুয়ুঃ || ২, ৩২. ২১ ||
তদা দ্রাবমবাপ্নোতি যোষাগর্ভাশয়ে নরঃ |
রক্তাধিক্যে ভবেন্নারী শুক্রাধিক্যে ভবেৎপুমান্ || ২, ৩২. ২২ ||
শুক্রসোণিতয়ো সাম্যে গর্ভাঃ ষণ্ডৎবমাপ্নুয়ুঃ |
অহোরাত্রেণ কলিলং বুদ্বদং পঞ্চভিদিনৈঃ || ২, ৩২. ২৩ ||
চতুর্দশে ভবেন্মাংসং মিশ্রধাতুসমন্বিতম্ |
ঘনং মাংসঞ্চ বিংশাহে গর্ভস্থো বর্ধতে ক্রমাৎ || ২, ৩২. ২৪ ||
পঞ্চবিংশতিমে চাহ্নি বলং পুষ্টিশ্চ জায়তে |
তথা মাসে তু সম্পূর্ণে পঞ্চতত্ত্বং নিধারয়েৎ || ২, ৩২. ২৫ ||
মাসদ্বয়ে তু সঞ্জাতে ৎবচা মেদশ্চ জায়তে |
মজ্জাস্থীনি ত্রিভির্মাসৈঃ কেশাঙ্গুল্যশ্চতুর্থকে || ২, ৩২. ২৬ ||
কর্ণৌ চ নাসিকে বক্ষো জায়েরন্মাসি পঞ্চমে |
কণ্ঠরন্ধ্রোদরং ষষ্ঠে গুহ্যাদির্মাসি সপ্তমে || ২, ৩২. ২৭ ||
অঙ্গপ্রত্যঙ্গসম্পূর্ণো গর্ভো মাসৈরথাষ্টভিঃ |
অষ্টমে চলতে জীবো ধাত্রীগর্ভে পুনঃ পুনঃ |
নবমেমাসি সম্প্রাপ্তে গর্ভস্থৌজৌ দৃঢং ভবেৎ || ২, ৩২. ২৮ ||
চিকিৎসা জায়তে তস্য গর্ভবাসপরিক্ষয়ে |
নারী বাথ নরো বাথ নপুংস্ত্বং বাভিজায়তে || ২, ৩২. ২৯ ||
শক্তিত্রয়ং বিশালাক্ষং ষাট্কৌশিকসমায়ুতম্ |
পঞ্চেন্দ্রিয়সমোপেতং দশনাডীবিভূষিতম্ || ২, ৩২. ৩০ ||
দশপ্রাণগুণোপেতং যো জানাতি স যোগবিৎ |
মজ্জাস্থিশুক্রমাংসানি রোম রক্তং বলং তথা || ২, ৩২. ৩১ ||
ষাট্কৌশিকমিদং পিণ্ডং স্যাজ্জন্তোঃ পাঞ্চভৌতিকম্ |
নবমে দশমে মাসি জায়তে পাঞ্চভৌতিকঃ || ২, ৩২. ৩২ ||
সূতিবাতৈঃ সমাকৃষ্টঃ পীডয়া বিহ্বলীকৃতঃ |
পুষ্টো নাড্যাঃ সুষুম্ণায়া যোষিদ্গর্ভস্থিতস্ত্বরন্ || ২, ৩২. ৩৩ ||
ক্ষিতির্বারি হবির্ভোক্তা পবনাকাশমেব চ |
এভির্ভূতৈঃ পীডিতস্তু নিবদ্ধঃ স্নায়ুবন্ধনৈঃ || ২, ৩২. ৩৪ ||
মূলভূতা ইমে প্রোক্তাঃ সপ্ত নাড্যন্তরে স্থিতাঃ |
ৎবচাস্থিনাড্যো রোমাণি মাংসঞ্চৈবাত্র পঞ্চমম্ || ২, ৩২. ৩৫ ||
এতে পঞ্চ গুণাঃ প্রোক্তা ময়া ভূমেঃ খগেশ্বর |
যথা পঞ্চ গুণাশ্চাপস্তথা তচ্ছৃণু কাশ্যপ || ২, ৩২. ৩৬ ||
লালা মূত্রং তথা শুক্রং মজ্জার রক্তঞ্চ পঞ্চমম্ |
আপঃ পঞ্চগুণাঃ প্রোক্তা জ্ঞাতব্যাস্তে প্রয়ত্নতঃ || ২, ৩২. ৩৭ ||
ক্ষুধা তৃষা তথা নিদ্রা আলস্যং কান্তিরেব চ |
তেজঃ পঞ্চগুণং প্রোক্তং তার্ক্ষ্য সর্বত্রয়োগিভিঃ || ২, ৩২. ৩৮ ||
রাগদ্বেষৌ তথা লজ্জা ভয়ং মোহস্তথৈব চ |
ইত্যেতৎকথিতং তার্ক্ষ্য বায়ুজং গুণপঞ্চকম্ || ২, ৩২. ৩৯ ||
আকুঞ্চনং ধাবনঞ্চ লঙ্ঘনঞ্চ প্রসারণম্ |
নিরোধঃ পঞ্চমঃ প্রোক্তো বায়োঃ পঞ্চ গুণাঃ স্মৃতাঃ || ২, ৩২. ৪০ ||
ঘোষশ্চিন্তা চ গাম্ভীর্যং শ্রবণং সত্যসঙ্ক্রমঃ |
আকাশস্য গুণাঃ পঞ্চ জ্ঞাত ব্যাস্তার্ক্ষ্য যত্নতঃ || ২, ৩২. ৪১ ||
শ্রোত্রং ৎবক্চক্ষুষী জিহ্বা নাসা বুদ্ধীন্দ্রিয়াণি চ |
পাণী পাদৌ গুদং প্রাক্চ গুহ্যং কর্মেন্দ্রিয়াণি চ || ২, ৩২. ৪২ ||
ইডাচ পিঙ্গলা চৈব সুষুম্ণা চ তৃতীয়কা |
গান্ধারী গজজিহ্বা চ পূষা চৈব যসা তথা || ২, ৩২. ৪৩ ||
অলম্বুশা কুহূশ্চৈব শঙ্খিনী দশমী স্মৃতা |
পিণ্ড মধ্যে স্থিতা হ্যেতাঃ প্রধানা দশ নাডয়ঃ || ২, ৩২. ৪৪ ||
প্রাণাপানৌ সমানশ্চ উদানো ব্যান এব চ |
নাগঃ কূর্মশ্চ কৃকরো দেবদত্তো ধনঞ্জয়ঃ || ২, ৩২. ৪৫ ||
ইত্যেতে বায়বঃ প্রোক্তা দশ দেহেষু সুস্থিতাঃ |
কেবলং ভুক্তমন্নঞ্চ পুষ্টিদং সর্বদেহিনাম্ || ২, ৩২. ৪৬ ||
নয়তে প্রাণদো বায়ুঃ শরীরে সর্বসন্ধিষু |
আহারো ভুক্তমাত্রস্তু বায়ুনা ক্রিয়তে দ্বিধা || ২, ৩২. ৪৭ ||
স প্রবিশ্য গুহে সম্যক্পৃথগন্নং পৃথগ্জলম্ |
ঊর্ধ্বমগ্নের্জলং কৃৎবা তদন্নঞ্চ জলোপরি || ২, ৩২. ৪৮ ||
অগ্নেশ্চাধঃ স্বয়ং প্রাণস্তমগ্নিঞ্চ ধমেচ্ছনৈঃ |
বায়ুনা ধম্যমানোঽগ্নিঃ পৃথক্কিট্টং পৃথগ্রসম্ || ২, ৩২. ৪৯ ||
মলৈর্দ্বাদশভিঃ কিট্টং ভিন্নং দেহাৎপৃথগ্ভবেৎ |
কর্ণাক্ষিনাসিকা জিহ্বা দন্তনাভিবপুর্গুদম্ || ২, ৩২. ৫০ ||
নখা মলাশ্রয়া হ্যেতে বিণ্মূত্রঞ্চেত্যনন্তকম্ |
শুক্রশোণিতসংযোগাদেতৎষাট্কৌশিকং স্মৃতম্ || ২, ৩২. ৫১ ||
রোম্ণাং কোট্যস্তথা তিস্রোঽপ্যর্ধকোটি সমন্বিতাঃ |
দ্বাত্রিংশদ্দশনাঃ প্রোক্তাঃ সামান্যাদ্বিনতাসুত || ২, ৩২. ৫২ ||
সপ্ত লক্ষাণি কেশাঃ স্যুর্নখাঃ প্রোক্তাস্তু বিংশতিঃ |
মাংসং পলসহস্রৈকং সামান্যাদ্দেহসংস্থিতম্ || ২, ৩২. ৫৩ ||
রক্তং পলশতং তার্ক্ষ্যং বুদ্ধমেব পুরাতনৈঃ |
পলানি দশ মেদশ্চ ৎবচা চৈব তু তৎসমা || ২, ৩২. ৫৪ ||
পলদ্বাদশকং মজ্জা মহারক্তং পলত্রয়ম্ |
শুক্রং দ্বিকুডবং জ্ঞেয়ং শোণিতং কুডবং স্মৃতম্ || ২, ৩২. ৫৫ ||
শ্লেষ্মাণশ্চ ষডূর্ধ্বঞ্চ বিণ্মূত্রং তৎপ্রমাণতঃ |
অস্থ্নাং হি হ্যধিকং প্রোক্তং ষষ্ট্যুত্তরশতত্রয়াৎ || ২, ৩২. ৫৬ ||
এবং পিণ্ডঃ সমাখ্যাতো বৈভবং সম্প্রচক্ষ্মহে |
সুখং দুঃখং ভয়ং ক্ষেমং কর্মণৈব হি প্রাপ্যতে || ২, ৩২. ৫৭ ||
অধোমুখং চোর্ধ্বপাদং গর্ভাদ্বায়ুঃ প্রকর্ষতি |
তলে তু করয়োর্ন্যস্য বর্ধতে জানুপার্শ্বয়োঃ || ২, ৩২. ৫৮ ||
অঙ্গুষ্ঠৌ চোপরি ন্যস্তৌ জান্বারেথ করাঙ্গুলী |
জানুপৃষ্ঠে তথা নেত্রে জানুমধ্যে চ নাসিকা || ২, ৩২. ৫৯ ||
এবং বৃদ্ধিং ক্রমাদ্যাতি জন্তুঃ স্ত্রীগর্ভসংস্থিতঃ |
কাঠিন্যমস্থীন্যায়ান্তি ভুক্তপীতেন জীবতি || ২, ৩২. ৬০ ||
নাডী বাপ্যায়নী নাম নাভ্যাং তত্র নিবধ্যতে |
স্ত্রীণাং তথান্ত্রসুষিরে স নিবদ্ধঃ প্রজায়তে || ২, ৩২. ৬১ ||
ক্রামন্তি ভুক্তপীতানি স্ত্রীণাং গর্ভোদরে তথা |
তৈরাপ্যায়িতদেহোঽসৌ জন্তুর্বৃদ্ধিমুপৈতি চ || ২, ৩২. ৬২ ||
স্মৃত্যস্তত্র প্রয়ান্ত্যস্য বহ্ব্যঃ সংসারভূতয়ঃ |
ততো নির্বেদমায়াতি পীড্যমান ইতস্ততঃ || ২, ৩২. ৬৩ ||
পুনর্নৈবং করিষ্যামি ভুক্তমাত্র ইহোদরাৎ |
তথাতথা যতিষ্যামি গর্ভং নাপ্নোম্যহং যথা || ২, ৩২. ৬৪ ||
ইতি সঞ্চিন্তয়ঞ্জীবো স্মৃৎবা জন্মশতানি বৈ |
যানি পূর্বানুভূতানি দেবভূতাত্মজানি বৈ || ২, ৩২. ৬৫ ||
ততঃ কালক্রমাজ্জন্তুঃ পরিবর্ত্যৎবধোমুখঃ |
নবমে দশমে বাপি মাসি সঞ্জায়তে ততঃ || ২, ৩২. ৬৬ ||
নিষ্ক্রম্যমাণো বাতেন প্রাজাপত্যেন পীড্যতে |
নিষ্ক্রমতে চ বিলপংস্তদা দুঃখনিপীডিতঃ || ২, ৩২. ৬৭ ||
নিষ্ক্রামংশ্চোদরান্মূর্ছামসহ্যাং প্রতিপদ্যতে |
প্রাপ্নোতি চেতনাং চাসৌ বায়ুস্পর্শসুখান্বিতঃ || ২, ৩২. ৬৮ ||
ততস্তং বৈষ্ণবী মায়া সমাস্কন্দতি মোহিনী |
তয়া বিমোহিতাত্মাসৌ জ্ঞানভ্রংশমবাপ্নুতে || ২, ৩২. ৬৯ ||
ভ্রষ্টজ্ঞানং বালভাবে ততো জন্তুঃ প্রপদ্যতে |
ততঃ কৌমারকাবস্থাং যৌবনং বৃদ্ধতামপি || ২, ৩২. ৭০ ||
পুনশ্চ তদ্বন্মরণং জন্ম প্রাপ্নোতি মানবঃ |
ততঃ সংসারচক্রেঽস্মিন্ভ্রাম্যতে ঘটয়ন্ত্রবৎ || ২, ৩২. ৭১ ||
কদাচিৎস্বর্গমাপ্নোতি কদাচিন্নিরয়ং নরঃ |
স্বর্গং চ নিরয়ং চৈব স্বকর্মফলমশ্নুতে || ২, ৩২. ৭২ ||
কদাচিদ্ভুক্তকর্মা চ ভুবং স্বল্পেন গচ্ছতি |
স্বর্লোকে নরকে চৈব ভুক্তপ্রায়ে দ্বিজোত্তমাঃ || ২, ৩২. ৭৩ ||
নরকেষু মহদ্দুঃখমেতদ্যৎস্বর্গবাসিনঃ |
দৃশ্যতে নাত্র মোদন্তে পাত্যমানাস্তু নারকৈঃ || ২, ৩২. ৭৪ ||
স্বর্গেঽপি দুঃখমতুলং যদারোহণকালতঃ |
প্রভৃত্যহং পতিষ্যামীত্যেতন্মনসি বর্ততে || ২, ৩২. ৭৫ ||
নার কাংশ্চৈব সম্প্রেক্ষ্য মহদ্দুঃখমবাপ্যতে |
এবং গতিমহং গন্তেত্যহর্নিশমনির্বৃতঃ || ২, ৩২. ৭৬ ||
গর্ভবাসে মহদ্দুঃখং জায়মানস্য যোনিজম্ |
জাতস্য বালভাবেঽপি বৃদ্ধৎবে দুঃখমেব চ || ২, ৩২. ৭৭ ||
কামের্ষ্যাক্রোধসম্বন্ধাদ্যৌবনেঽপি চ দুঃসহম্ |
দুঃস্বপ্নং যা বৃদ্ধতা চ মরণে দুঃখমুৎকটম্ || ২, ৩২. ৭৮ ||
কৃষ্যমাণশ্চ যাম্যৈঃ স নরকেঽপি চ যাত্যধঃ |
পুনশ্চ গর্ভাজ্জন্ম স্যান্মরণং দুষ্করং তথা || ২, ৩২. ৭৯ ||
এবং সংসারচক্রেঽস্মিজ্জন্তবো ঘটয়ন্ত্রবৎ |
ভ্রাম্যন্তে প্রাক্তনৈর্বধৈর্বদ্ধা বিধ্যন্তি চাসকৃৎ || ২, ৩২. ৮০ ||
নাস্তি পক্ষিন্সুখং কিঞ্চিৎক্ষেত্রে দুঃখশতাকুলে |
বিনতাসুত মোক্ষায় যতিতব্যং ততো নরৈঃ || ২, ৩২. ৮১ ||
এতত্তে সর্বমাখ্যাতং যথা গর্ভস্য সংস্থিতিঃ |
কথয়ামি ক্রমপ্রশ্রং পৃষ্টং বা বর্ততে স্পৃহা || ২, ৩২. ৮২ ||
গরুড উবাচ |
মধ্যে কৃতমহাপ্রশ্রদ্বয়স্যাপ্তং ময়োত্তরম্ |
প্রশ্রস্যাপি তৃতীয়স্য উত্তরং চ বিধীয়তাম্ || ২, ৩২. ৮৩ ||
শ্রীকৃষ্ণ উবাচ |
ম্রিয়মাণস্য কিং কৃত্যমিতি ৎবং পৃষ্টবানসি |
শৃণু তত্রোত্তরং তূক্তং কথয়ামি সমাসতঃ || ২, ৩২. ৮৪ ||
আসন্নমরণং জ্ঞাৎবা পুরুষং স্নাপয়েত্ততঃ |
গোমূত্রগোময়সুমৃত্তীর্থোদককুশোদকৈঃ || ২, ৩২. ৮৫ ||
বাসসী পরিধার্যাথ ধৌতে তু শুচি নী শুভে |
দর্ভাণ্যাদৌ সমাস্তীর্য দক্ষিণাগ্রান্বিকীর্য চ || ২, ৩২. ৮৬ ||
তিলান্গোময়লিপ্তায়াং ভূমৌ তত্র নিবেশয়েৎ || ২, ৩২. ৮৭ ||
প্রাগুদক্ষিরসং বাপি মুখে স্বর্ণং বিনিঃ ক্ষেপেৎ |
শালগ্রামশিলা তত্র তুলসী চ খগেশ্বর || ২, ৩২. ৮৮ ||
বিধেয়া সন্নিধৌ সর্পির্দীপং প্রজ্বালয়েৎপুনঃ |
নমো ভগবতে বাসুদেবায়েতি জপস্তথা || ২, ৩২. ৮৯ ||
আদৌ তু প্রণবং কৃৎবা পূজাদানে ততঃ স্মৃতে |
সমভ্যর্চ্য হৃষীকেশং পুষ্পধূপাদিভিস্ততঃ || ২, ৩২. ৯০ ||
প্রণিপাতৈঃ স্তবৈঃ পুণ্যৈর্ধ্যা নয়োগেন পূজয়েৎ |
দত্ত্বা দানং চ বিপ্রেভ্যো দীনানাথেভ্য এব চ || ২, ৩২. ৯১ ||
পুত্ত্রে মিত্রে কলত্রে চ ক্ষেত্রধান্যধনাদিষু |
নিবর্তয়েন্মমৎবং চ বিষ্ণোঃ পাদৌ হৃদি স্মরন্ || ২, ৩২. ৯২ ||
উচ্চৈঃ পুরুষসূক্তং চ যদি শ্রেষ্ঠাপদস্তদা |
পুত্ত্রাদ্যাঃ প্রপঠেয়ুস্তে ম্রিয়মাণে নিজে জনে || ২, ৩২. ৯৩ ||
এতত্তে সর্বমাখ্যাতং কৃত্যং মৃত্যাবুপস্থিতে |
ফলমপ্যস্য কৃৎস্নস্য সমাসাত্তে বদাম্যহম্ || ২, ৩২. ৯৪ ||
স্নানেন শুচিতাপ্রাপ্তিরপাবিত্র্যহৃতিস্ততঃ |
ততো বিষ্ণোঃ স্মৃতিস্তস্য জ্ঞানাৎসর্বফলপ্রদা || ২, ৩২. ৯৫ ||
দর্ভতূলী নয়েৎস্বর্গমাতুরং তু ন সংশয়ঃ |
তিলৈর্দর্ভৈশ্চ নিঃ ক্ষিপ্তৈঃ স্নানং ক্রতুময়ং ভবেৎ || ২, ৩২. ৯৬ ||
ব্রহ্মা বিষ্ণুশ্চ রুদ্রশ্চ শ্রীর্হুতাশস্তথৈব চ |
মণ্ডলে চোপতিষ্ঠন্তি তস্মাৎকুর্বীত মণ্ডলম্ || ২, ৩২. ৯৭ ||
প্রাগুদগ্বা কৃতেনেহ শিরসা লোকমুত্তমম্ |
ব্রজতে যদি পাপস্যাল্পৎবং পুংসো ভবেৎখগ || ২, ৩২. ৯৮ ||
পঞ্চরত্নে মুখে মুক্তে জিবে জ্ঞানং প্ররোহতি |
তুলসী ব্রাহ্মণা গাবো বিষ্ণুরেকাদশী খগ || ২, ৩২. ৯৯ ||
পঞ্চ প্রবহণান্যেব ভবাব্ধৌ মজ্জতাং নৃণাম্ |
বিষ্ণুরেকাদশী গীতা তুলসী বিপ্রধেনবঃ || ২, ৩২. ১০০ ||
অসারে দুর্গসংসারে ষট্পদী ভক্তিদায়িনী |
নমো ভগবতে বাসুদেবায়েতি জপন্নরঃ || ২, ৩২. ১০১ ||
ওঙ্কারপূর্বং সায়ুজ্যং প্রাপ্নুয়ান্নাত্র সংশয়ঃ |
পূজয়াপি চ মল্লোকপ্রাপ্তিরারাদ্দিবং ব্রজেৎ || ২, ৩২. ১০২ ||
বন্ধাভাবে মমৎবেতু জ্ঞানং পুরুষসূক্ততঃ |
যস্যয়স্যাধিকৎবং তু সাধনেষ্বেষু কাশ্যপ || ২, ৩২. ১০৩ ||
তত্তৎফলস্যাপ্যাধিক্যং ভবতীত্যবধারয় |
দাতব্যানি যথাশক্ত্যা প্রীতোঽসৌ সর্বদা ভবেৎ || ২, ৩২. ১০৪ ||
এতত্তে সর্বমাখ্যাতং স্নানাদিষু ফলং ময়া |
ব্রহ্মাণ্ডে যে গুণাঃ সন্তি শরীরে তে ব্যবস্থিতাঃ || ২, ৩২. ১০৫ ||
পাতালভূধরা লোকাস্তথান্যে দ্বীপসাগরাঃ |
আদিত্যাদিগ্রহাঃ সর্বে পিণ্ডমধ্যে ব্যবস্থিতাঃ || ২, ৩২. ১০৬ ||
পাদাধস্তু তলং জ্ঞেয়ং পাদোর্ধ্বং বিতলং তথা |
জানুভ্যাং সুতলং বিদ্ধি সক্থিদেশে মহাতলম্ || ২, ৩২. ১০৭ ||
তথা তলাতলঞ্চোরৌ গুহ্যদেশে রসাতলম্ |
পাতালং কটিসংস্থন্তু পাদাদৌ লক্ষয়েদ্বুধঃ || ২, ৩২. ১০৮ ||
ভূর্লোকং নাভিমধ্যে তু ভুবর্লোকং তদূর্ধ্বতঃ |
স্বর্গলোকং হৃদয়ে বিদ্যাৎকণ্ঠদেশে মহস্তথা || ২, ৩২. ১০৯ ||
জনলোকং বক্ত্রদেশে তপোলোকং ললাটকে |
সত্যলোকং মহারন্ধ্রে ভুবনানি চতুর্দশ || ২, ৩২. ১১০ ||
ত্রিকোণে সংস্থিতো মেরুরধঃ কোণে চ মন্দরঃ |
দক্ষিণে চেব কৈলাসো বামভাগে হিমাচলঃ || ২, ৩২. ১১১ ||
নিষধশ্চোর্ধ্বভাগে চ দক্ষিণে গন্ধমাদনঃ |
মলয়ো (রমণো) বামরেখায়াং সপ্তৈতে কুলপর্বতাঃ || ২, ৩২. ১১২ ||
অস্থিস্থানে স্থিতো জম্বূঃ শাকো মজ্জাসু সংস্থিতঃ |
কুশদ্বীপঃ স্থিতো মাংসে ক্রৌঞ্চদ্বীপঃ শিরাস্থিতঃ || ২, ৩২. ১১৩ ||
ৎবচায়াং শাল্মলিদ্বাপো প্লক্ষঃ রোম্ণাং চ সঞ্চয়ে |
নখস্থঃ পুষ্করদ্বীপঃ সাগরাস্তদনন্তরম্ || ২, ৩২. ১১৪ ||
ক্ষারোদশ্চ তথা মূত্রে ক্ষারে ক্ষীরোদসাগরঃ |
সুরোদধিশ্চ শ্লেষ্মস্থঃ মজ্জায়াং ঘৃতসাগরঃ || ২, ৩২. ১১৫ ||
রসোদধিং রসে বিদ্যাচ্ছোণিতে দধিসগরম্ |
স্বাদুলং লম্বিকাস্থানে গর্ভোদং শুক্রসংস্থিতম্ || ২, ৩২. ১১৬ ||
নাদচক্রে স্থিতঃ সূর্যো বিন্দুচক্রে চ চন্দ্রমাঃ |
লোচনস্থঃ কুজো জ্ঞেয়ো হৃদয়ে চ বুধঃ স্মৃতঃ || ২, ৩২. ১১৭ ||
বিষ্ণুস্থানে গুরুং বিদ্যাচ্ছ্রুক্রে শুক্রো ব্যবস্থিতঃ |
নাভিস্থানে স্থিতো মন্দো মুখে রাহুঃ স্থিতঃ সদা || ২, ৩২. ১১৮ ||
পায়ু (দ) স্থানে স্থিতঃ কেতুঃ শরীরে গ্রহমণ্ডলম্ |
বিভক্তঞ্চ সমাখ্যাতমাপাদতলমস্তকম্ || ২, ৩২. ১১৯ ||
উৎপন্না যে হি সংসারে ম্রিয়ন্তে তে ন সংশয়ঃ |
বুভুক্ষা চ তৃষা রৌদ্রা দাহোদ্ভূতা চ মূর্ছনা || ২, ৩২. ১২০ ||
যত্র পীডাস্ত্বিমা রৌদ্রাস্তা বৈ বৃশ্চিকদংশজাঃ |
বিনাশঃ পূর্ণকালে চ জায়তে সর্বদেহিনাম্ || ২, ৩২. ১২১ ||
অগ্রে অগ্রে হি ধাবন্তি যমলোকগতস্যবৈ |
তপ্তবালুকমধ্যেন প্রজ্বলদ্বহ্নিমধ্যতঃ || ২, ৩২. ১২২ ||
কেশগ্রাহৈঃ সমাক্রান্তা নীয়ন্তে যমকিঙ্করৈঃ |
পাপিষ্ঠাস্ত্বধমাস্তার্ক্ষ্য দয়াধর্মবিবির্জিতাঃ || ২, ৩২. ১২৩ ||
যমলোকে বসন্ত্যেতে কুট্যাং জন্ম ন বিদ্যতে |
এবং সঞ্জায়তে তার্ক্ষ্য মর্ত্যে জন্তুঃ স্বকর্মভিঃ || ২, ৩২. ১২৪ ||
উৎপন্না যে হি সংসারে ম্রিয়ন্তে তে ন সংশয়ঃ |
আয়ুঃ কর্ম চ বিত্তঞ্চ বিদ্যা নিধনমেব চ || ২, ৩২. ১২৫ ||
পঞ্চৈতানি হি সৃজ্যন্তে গর্ভস্থস্যৈব দেহিনঃ |
কর্মণা জায়তে জন্তুঃ কর্মণৈব প্রলীয়তে || ২, ৩২. ১২৬ ||
সুখং দুঃখং ভয়ং ক্ষেমং কর্মণৈবাভিপদ্যতে |
অধোমুখং চোর্ধ্বপাদং গর্ভাদ্বায়ুঃ প্রকর্ষতি || ২, ৩২. ১২৭ ||
জন্মতো বৈষ্ণবী মায়া সমোহয়তি সৎবরম্ |
স্বকর্মকৃতসম্বন্ধো জন্তুর্জন্ম প্রপদ্যতে || ২, ৩২. ১২৮ ||
সুকৃতাদুত্তমো ভোগভোগ্যবান্সুকুলে ভবেৎ |
যথায়থা দুষ্কৃতং তৎকুলে হীনে প্রজায়তে || ২, ৩২. ১২৯ ||
দরিদ্রো ব্যাধিতো মূর্খঃ পাপকৃদ্দুঃখভাজনম্ |
অতঃ পরং কিমর্থং তে কথয়ামি খগেশ্বর || ২, ৩২. ১৩০ ||

ইতি শ্রীগারুডে মহাপুরাণে উত্তরখণ্ডে দ্বিতীদৃ ধর্মদৃপ্রেতদৃশ্রীকৃষ্ণগরুডসংবাদে
জন্তূৎপত্তিতদ্গধাৎবাদিবিভাগভুবনাদিবিভাগবর্ণনং নাম দ্বাত্রিংশোঽধ্যায়ঃ

শ্রীগরুডমহাপুরাণম্-৩৩
গরুড উবাচ |
উৎপত্তিলক্ষণং জন্তোঃ কথিতং ময়ি পুত্ত্রকে |
যমলোকঃ কিয়ন্মাত্রস্ত্রৈলোক্যে সচরাচরে |
বিস্তরং তস্য মে ব্রূহি অধ্বা চৈব কিয়ান্স্মৃতঃ || ২, ৩৩. ১ ||
কৈশ্চ পাপৈঃ কৃতৈর্দেব কেন বা শুভকর্মণা |
গচ্ছন্তি মানবাস্তত্র কথয়স্ব বিশেষতঃ || ২, ৩৩. ২ ||
শ্রীভগবানুবাচ |
ষটশীতিসহস্রাণি যোজনানাং প্রমাণতঃ |
যমলোকস্য চাধ্বানমন্তরা মানুষস্য চ || ২, ৩৩. ৩ ||
ধ্মাততাম্রমিবাতপ্তো জ্বলদ্দুর্গো মহাপথঃ |
তত্র গচ্ছন্তি পাপিষ্ঠা মানবা মূঢচেতসঃ || ২, ৩৩. ৪ ||
কণ্টকাশ্চ সুতীক্ষ্ণা বৈ বিবিধা ঘোরদর্শনাঃ |
তৈস্তুবালুক্ষিতির্ব্যাপ্তা হুতাশশ্চ তথোল্বণঃ || ২, ৩৩. ৫ ||
বৃক্ষচ্ছায়া ন তত্রাস্তি যত্র বিশ্রমতে নরঃ |
গৃহীতঃ কালপাশৈশ্চ কৃতৈঃ কর্মভিরুল্বণৈঃ || ২, ৩৩. ৬ ||
তস্মিন্মার্গে ন চান্নাদ্যং যেন প্রাণান্প্রপোষয়েৎ |
ন জলং দৃশ্যতে তত্র তৃষা যেন বিলীয়তে || ২, ৩৩. ৭ ||
ক্ষুধয়া পীডিতো যাতি তৃষ্ণয়া চ মহাপথে |
শীতেন কম্পতে ক্বাপি যমমার্গেঽতিদুর্গমে || ২, ৩৩. ৮ ||
যদ্যস্য যাদৃশং পাপং স পন্থাস্তস্য তাদৃশঃ |
সুদীনাঃ কৃপণা মূঢা দুঃখৈর্ব্যাপ্তাস্তরন্তি তম্ || ২, ৩৩. ৯ ||
রুদন্তি দারুণং কেচিৎকেচিদ্দ্রোহং বদন্তি চ |
আত্মকর্মকৃতৈর্দেষৈঃ পচ্যমানা মুহুর্মুহুঃ || ২, ৩৩. ১০ ||
ঈদৃগ্বিধঃ স বৈ পন্থা বিজ্ঞেয়ো দারুণঃ খগ |
বিতৃষ্ণা যে নরা লোকে সুখং তস্মিন্ব্রজন্তি তে || ২, ৩৩. ১১ ||
যানিয়ানি চ দানানি দত্তানি ভুবি মানবৈঃ |
তানিতান্যুপতিষ্ঠন্তি যমলোকে পুরঃ পথি || ২, ৩৩. ১২ ||
পাপিনো নোপতিষ্ঠন্তি দাহশ্রাদ্ধজলাঞ্জলি |
ভ্রমন্তি বায়ুভূতাস্তে যে ক্ষুদ্রাঃ পাপকর্মিণঃ || ২, ৩৩. ১৩ ||
ঈদৃশং বর্ত্ম তদ্রৌদ্রং কথিতং তব সুব্রত |
পুনশ্চ কথয়িষ্যামি যমমার্গস্য যা স্থিতিঃ || ২, ৩৩. ১৪ ||
যাম্যনৈরৃতয়োর্মধ্যে পুরং বৈবস্বতস্য তু |
সর্বং বজ্রময়ং দিব্যমভেদ্যং তৎসুরাসুরৈঃ || ২, ৩৩. ১৫ ||
চতুরশ্রং চতুর্দ্বারং সপ্তপ্রাকারতোরণম্ |
স্বয়ং তিষ্ঠতি বৈ যস্যাং যমো দূতৈঃ সমন্বিতঃ || ২, ৩৩. ১৬ ||
যোজনানাং সহস্রং বৈ প্রমাণেন তদুচ্যতে |
সর্বরত্নময়ং দিব্যং বিদ্যুজ্জ্বালার্কতৈজসম্ || ২, ৩৩. ১৭ ||
তদ্গুহং ধর্মরাজস্য বিস্তীর্ণং কাঞ্চনপ্রভম্ |
যোজনানাং পঞ্চশতপ্রমাণেন সমুচ্ছ্রিতম্ || ২, ৩৩. ১৮ ||
বৃতং স্তম্ভসহস্রৈস্তু বৈদূর্যমণিমণ্ডিতম্ |
মুক্তাজালগবাক্ষং চ পতাকাশতভূষিতম্ || ২, ৩৩. ১৯ ||
ঘণ্টাশতনিনাদাঢ্যং তোরণানাং শতৈর্বৃতম্ |
এবমাদিভিরন্যৈশ্চ ভূষণৈর্ভূষিতং সদা || ২, ৩৩. ২০ ||
তত্রস্থো ভগবান্ধর্ম আসনে তু সমে শুভে |
দশয়ো জনবিস্তীর্ণে নীলজীমূতসন্নিভে || ২, ৩৩. ২১ ||
ধর্মজ্ঞো ধর্মশীলশ্চ ধর্ময়ুক্তো হিতো যমঃ |
ভয়দঃ পাপয়ুক্তানাং ধার্মিকাণাং সুখপ্রদঃ || ২, ৩৩. ২২ ||
মন্দমারু তসংযোগৈরুৎসবৈর্বিবিধৈস্তথা |
ব্যাখ্যানৈর্বিবিধৈর্যুক্তঃ শঙ্খবাদিত্রনিঃ স্বনৈঃ || ২, ৩৩. ২৩ ||
পুরমধ্যপ্রবেশে তু চিত্রগুপ্তস্য বৈ গৃহম্ |
পঞ্চবিংশতিসঙ্খ্যানাং যোজনানাং সুবিস্তরম্ || ২, ৩৩. ২৪ ||
দশোচ্ছ্রিতং মহাদিব্যং লোহপ্রাকারবোষ্টিতম্ |
প্রতোলীশতসঞ্চারং পততাকাশতশোভিতম্ || ২, ৩৩. ২৫ ||
দীপিকাশতসঙ্কীর্ণং গীতধ্বনিসমাকুলম্ |
বিচিত্রচিত্রকুশলৈশ্চিত্রগুপ্তস্য বৈ গৃহম্ || ২, ৩৩. ২৬ ||
মণিমুক্তাময়ে দিব্যে আসনে পরমাদ্ভুতে |
তত্রস্থো গণয়ত্যায়ুর্মানুষেষ্বিতরেষু চ || ২, ৩৩. ২৭ ||
ন মুহ্যতি কদাচিৎস সুকৃতে দুষ্কৃতেঽপি বা |
যদ্যেনোপার্জিতং যাবত্তাবদ্বৈ বেত্তি তস্য তৎ || ২, ৩৩. ২৮ ||
দশাষ্টদোষরহিতং কৃত কর্ম লিখত্যসৌ |
চিত্রগুপ্তালয়াতাচ্যাং জ্বরস্যাস্তি মহাগৃহম্ || ২, ৩৩. ২৯ ||
দক্ষিণে চাপি শূলস্য লতাবিস্ফোটকস্য চ |
পশ্চিমে কাল পাশস্য অজীর্ণস্যারুচেস্তথা || ২, ৩৩. ৩০ ||
মধ্যপীঠোত্তরে জ্ঞেয়ো তথা চান্যা বিষচিকা |
ঐশন্যাং বৈ শিরোঽর্তিশ্চ আগ্নেয়্যাঞ্চৈব মৃকতা || ২, ৩৩. ৩১ ||
অতিসারশ্চ নৈরৃত্যাং বায়ব্যাং দাহসঞ্জ্ঞকঃ |
এভিঃ পরিবৃতো নিত্যং চিত্রগুপ্তঃ স তিষ্ঠতি || ২, ৩৩. ৩২ ||
যৎকর্ম কুরুতে কশ্চিত্তৎসর্বং বিলখত্যসৌ |
ধর্মরাজগৃহদ্বারি দূতাস্তার্ক্ষ্য তথা নিশি |
তিষ্ঠন্তি পাপকর্মাণঃ পচ্যমানা নরাধমাঃ || ২, ৩৩. ৩৩ ||
যমদূতৈর্মহাপাশৈর্হন্যমানাশ্চ মুদ্গরৈঃ |
বধ্যন্তে বিবিধৈঃ পাপৈঃ পূর্বকর্মকৃতৈর্নরাঃ || ২, ৩৩. ৩৪ ||
নানাপ্রহারণাগ্রৈশ্চ নানায়ন্ত্রৈস্তথা পরে |
ছিদ্যন্তে পাপকর্মাণঃ ক্রকচৈঃ কাষ্ঠবদ্দ্বিধা || ২, ৩৩. ৩৫ ||
অন্যে জ্বলদ্ভিরঙ্গারৈর্বেষ্টিতাঃ পরিতো ভৃশম্ |
পূর্বকর্মবিপাকেন ধ্মায়ন্তে লোহপিণ্ডবৎ || ২, ৩৩. ৩৬ ||
ক্ষিপ্ত্বান্যে চ ধরাপৃষ্ঠে কুঠারেণাবকর্তিতাঃ |
ক্রন্দমানাশ্চ দৃশ্যন্তে পূর্বকর্মবিপাকতঃ || ২, ৩৩. ৩৭ ||
কেচিদ্গুডময়ৈঃ পাকৈস্তৈলপাকৈস্তথা পরে |
পীড্যন্তে যমদূতৈশ্চ পাপিষ্ঠাঃ সুভৃশং নরাঃ || ২, ৩৩. ৩৮ ||
ক্ষণাহ্নি প্রার্থয়ন্ত্যন্যে দেহিদেহীতি কোটিশঃ |
যমলোকে ময়া দৃষ্টা মমস্বং ভক্ষিতং ৎবয়া || ২, ৩৩. ৩৯ ||
ইত্যেবং বহুশস্তার্ক্ষ্য নরকাঃ পাপিনাং স্মৃতাঃ |
কর্মভির্বহুভিঃ প্রোক্তৈঃ সর্বশাস্ত্রেষু ভাষিতৈঃ |
দানোপকারং বক্ষ্যামি যথা তত্র সুখং ভবেৎ || ২, ৩৩. ৪০ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে ধর্মকাণ্ডে প্রতকল্পে
শ্রীকৃষ্ণগরুডসংবাদে যমলোকবিস্তৃতিদৃবর্ণনং নাম ত্রয়স্ত্রিংশোঽধ্যায়ঃ

শ্রীগরুডমহাপুরাণম্-৩৪
শ্রীকৃষ্ণ উবাচ |
শৃণু তার্ক্ষ্য যথান্যায়ং ধর্মাধর্ম্স্য লক্ষণম্ |
সুকৃতং দুষ্কৃতং নৄণামগ্রে ধাবতি ধাবতাম্ || ২, ৩৪. ১ ||
কৃতে তপঃ প্রশংসন্তি ত্রেতায়াং জ্ঞানসাধনম্ |
দ্বাপরে যজ্ঞদানে চ দানমেকং কলৌ যুগে || ২, ৩৪. ২ ||
গৃহস্থানাং স্মৃতো ধর্ম উত্তমানাং বিচক্ষণৈঃ |
ইষ্টাপূর্তে স্বশক্ত্যা হি কুর্বতাং নাস্তি পাতকম্ || ২, ৩৪. ৩ ||
বৃক্ষস্তু রোপিতো যেন খনিকূপজলাশয়াঃ |
যমমার্গে সুখং তস্য ব্রজতো নিতরাং ভবেৎ || ২, ৩৪. ৪ ||
অগ্নিতাপপ্রদাতারে যৈঃ শীতপীডিতে দ্বিজে |
তপ্যমানাঃ সুখং যান্তি সর্ব কামৈঃ প্রপূরিতাঃ || ২, ৩৪. ৫ ||
সুবর্ণমণিমুক্তাদি বস্ত্রাণ্যাভরণানি চ |
তেন সর্বমিদং দত্তং যেন দত্তা বসুন্ধরা || ২, ৩৪. ৬ ||
যানিয়ানি চ ভূতানি দত্তানি ভুবি মানবৈঃ |
যমলোকপথে তানি তিষ্ঠন্ত্যেষাং সমীপতঃ || ২, ৩৪. ৭ ||
ব্যঞ্জনানি বিচিত্রাণি ভক্ষ্যভোজ্যানি যানি চ |
দদাতি বিধিনা পুত্র প্রেতে তদু পতিষ্ঠতি || ২, ৩৪. ৮ ||
আত্মা বৈ পুত্রনামাস্তি পুত্রস্ত্রাতা যমালয়ে |
তারয়েৎপিতরং ঘোরাত্তেন পুত্ত্রঃ প্রবক্ষ্যতে || ২, ৩৪. ৯ ||
অতো দেয়ঞ্চ পুত্রেণ শ্রাদ্ধমাজী বিতাবধি |
অতিবাহস্তদা প্রেতো ভোগান্বৈ লভতে হি সঃ || ২, ৩৪. ১০ ||
দহ্যমানস্য প্রেতস্য স্বজনৈর্যো জলাঞ্জলিঃ |
দীয়তে প্রেতরূপোঽসৌ প্রীতো যাতি যমালয়ে || ২, ৩৪. ১১ ||
অপক্বে মৃন্ময়ে পাত্রে দুগ্ধং দত্তং দিনত্রয়ম্ |
কাষ্ঠত্রয়ং গুণৈর্বদ্ধ্বা প্রীত্যৈ রাত্রৌ চতুষ্পথে || ২, ৩৪. ১২ ||
প্রথমেঽহ্নি দ্বিতীয়ে চ তৃতীয়ে চ তথা খগ |
আকাশস্থং পিবেদ্দুগ্ধং প্রেতো বায়ুবপুর্ধরঃ || ২, ৩৪. ১৩ ||
চতুর্থে সঞ্চয়ঃ কার্যঃ চতুর্থে? বাপি সাগ্নিকে |
অস্থিসঞ্চয়নং কার্যং দদ্যাদাপাঞ্জলিং ততঃ || ২, ৩৪. ১৪ ||
ন পূর্বাহ্নে ন মধ্যাহ্নে নাপরাহ্নে ন সন্ধিষু |
যাতে প্রথময়ামে তু দদ্যাদাপজলাঞ্জংলীন্ || ২, ৩৪. ১৫ ||
পুত্ত্রেণ দত্তে তে সর্বে গোত্রিণো হিতবান্ধবাঃ |
স্বজাত্যৈঃ পরজাত্যৈশ্চ দেয়ো নদ্যাং জলাঞ্জলিঃ || ২, ৩৪. ১৬ ||
গন্তব্যং নৈব বিপ্রেণ দাতুং শীঘ্রং জলাঞ্জলিম্ |
নিবৃত্তাশ্চ যদা নার্যো লোকাচারঃ সদাভবেৎ || ২, ৩৪. ১৭ ||
পঞ্চৎবঞ্চ গতে শূদ্রে যঃ কাষ্ঠং নয়তে চিতাম্ |
অনুব্রজেদ্যদা বিপ্রস্ত্রিরাত্রমশুচির্ভবেৎ || ২, ৩৪. ১৮ ||
ত্রিরাত্রে চ ততঃ পূর্ণে নদীং গচ্ছেৎসমুদ্রগাম্ |
প্রাণায়ামশতং কৃৎবা ঘৃতং প্রাশ্য বিশুধ্যতি || ২, ৩৪. ১৯ ||
শূদ্রো গচ্ছতি সর্বত্র বৈশ্যস্ত্রিষু দ্বয়োঃ পরঃ |
গচ্ছতি স্বীয়বর্ণেষু দাতুং প্রেতে জলাঞ্জলিম্ || ২, ৩৪. ২০ ||
দত্তে জলাঞ্জলৌ পশ্চাদ্বিদধ্যাদ্দন্তধাবনম্ |
ত্যজন্তি গোত্রিণঃ সর্বে দিনানি নব কাশ্যপ || ২, ৩৪. ২১ ||
জলাঞ্জলিং তথা দাতুং গচ্ছন্তি দ্বিজসত্তমাঃ |
যত্র স্থানে মৃতো যস্তু অধ্বন্যপি গৃহেঽপি বা |
বিশ্লেষস্তু ততঃ স্থানান্ন ক্বচিদ্বিহিতো বুধৈঃ || ২, ৩৪. ২২ ||
স্ত্রীজনশ্চাগ্রতো গচ্ছেৎপৃষ্ঠতো নবসঞ্চয়ঃ |
আচমনং বিধাতব্যং পাষাণোপরি সংস্থিতৈঃ || ২, ৩৪. ২৩ ||
যবাংশ্চ সর্ষপান্দূর্বাঃ পূর্ণপাত্রে বিলোকয়েৎ |
প্রাশয়েন্নিম্বপত্রাণি স্নেহস্নানং সমাচরেৎ || ২, ৩৪. ২৪ ||
গোত্রিভির্ন চ কর্তব্যং গৃহান্নঞ্চ ন ভোজয়েৎ |
ভুঞ্জীত মৃন্ময়ে পাত্রে উত্তানঞ্চ বিবর্জয়েৎ || ২, ৩৪. ২৫ ||
মৃতকস্য গুণা গ্রাহ্যা যমগাথাং সমুদ্গিরেৎ |
শুভাশুভে চ ধ্যাতব্যে পূর্বকর্মোপসঞ্চিতে || ২, ৩৪. ২৬ ||
লব্ধেনৈব চ দেহেন ভুঙ্ক্তে সুকৃতদুষ্কৃতে |
বায়ুরূপো ভ্রমত্যেব বায়ুরূর্ধ্বং স গচ্ছতি || ২, ৩৪. ২৭ ||
দশাহকর্মক্রিয়য়া কুটী নিষ্পাদ্যতে ধ্রুবম্ |
নবকৈঃ ষোডশশ্রাদ্ধৈঃ প্রয়াতি হি কুটীং নরঃ || ২, ৩৪. ২৮ ||
তিলৈর্দর্ভৈশ্চ ভূম্যাং বৈ কুটী ধাতুময়ী ভবেৎ |
পঞ্চ রত্নানি বক্ত্রে তু যেন জীবঃ প্ররোহতি || ২, ৩৪. ২৯ ||
যদা পুষ্পং প্রনষ্টং হি তদা গর্ভং ন ধারয়েৎ |
আদরাচ্চ ততো ভূমৌ তিলদর্ভান্বিনিঃ ক্ষিপেৎ || ২, ৩৪. ৩০ ||
পশুৎবে স্থাবরৎবে চ যত্র ক্বাপি স জায়তে |
তত্রৈব জন্তুরুৎপন্নঃ শ্রাদ্ধং তত্রোপতিষ্ঠতি || ২, ৩৪. ৩১ ||
ধন্বিনা লক্ষ্যমুদ্দিশ্য মুক্তো বাণস্তদাপ্নুয়াৎ |
যথা শ্রাদ্ধং যমুদ্দিশ্য কৃতং তস্যোপতিষ্ঠতি || ২, ৩৪. ৩২ ||
যাবন্নোৎপাদিতো দেহস্তাবচ্ছ্রাদ্ধৈর্ন প্রীণনম্ |
ক্ষুধাবিভ্রমমাপন্নো দশাহেন চ তর্পিতঃ || ২, ৩৪. ৩৩ ||
পিণ্ডদানং ন যস্যাভূদাকাশে ভ্রমতে তু সঃ |
দিনত্রয়ং বসংস্তোয়ে অগ্নাবপি দিনত্রয়ম্ |
আকাশে বসতে ত্রীণি দিনমেকন্তু বাসকে || ২, ৩৪. ৩৪ ||
দগ্ধে দেহে চ বহ্নৌ চ জলেনৈব তু তর্পিতঃ |
স্নেহস্নানং জলেনৈব পূপকৈঃ কৃশরৈর্গৃহে || ২, ৩৪. ৩৫ ||
প্রথমেঽহ্নি তৃতীয়ে চ পঞ্চমে সপ্তমেঽপি বা |
নবমৈকাদশে চৈব শ্রাদ্ধং নবকমুচ্যতে || ২, ৩৪. ৩৬ ||
গৃহদ্বারে শ্মশানে বা তীর্থে দেবালয়েঽপি বা |
যত্রাদ্যো দীয়তে পিণ্ডস্তত্র সর্বান্সমাপয়েৎ || ২, ৩৪. ৩৭ ||
একাদশাহে যচ্ছ্রাদ্ধং তৎসামান্যমুদাহৃতম্ |
চতুর্ণামেকবর্ণানাং শুদ্ধ্যর্থং স্নানমুচ্যতে || ২, ৩৪. ৩৮ ||
কৃৎবা চৈকাদশাহঞ্চ পুনঃ স্নাৎবা শুচির্ভবেৎ |
দদ্যাদ্বিপ্রায় যঃ শয়্যাং যথোক্তং প্রেতমোক্ষদাম্ || ২, ৩৪. ৩৯ ||
ন ভবেত্যদা স গোত্রো পরোঽপি বিধিমাচরেৎ |
ভার্যা বা পুরুষঃ কশ্চিত্তুষ্টশ্চ কুরুতে স্ত্রিয়ঃ || ২, ৩৪. ৪০ ||
প্রথমেঽহনি যঃ পিণ্ডো দীয়তে বিধিপূর্বকম্ |
অন্নাদ্যেন চ তেনৈব সর্বশ্রাদ্ধানি কারয়েৎ || ২, ৩৪. ৪১ ||
অমন্ত্রং কারয়েচ্ছ্রাদ্ধং দশাহং নামগোত্রতঃ |
শ্রাদ্ধং কৃতন্তু যৈর্বস্ত্রৈস্তানি ত্যক্ত্বা গৃহং বিশেৎ || ২, ৩৪. ৪২ ||
অসগোত্রঃ সগোত্রো বা যদি স্ত্রী যদি বা পুমান্ |
প্রথমেঽহনি যঃ কুর্যাৎস দশাহং সমাপয়েৎ || ২, ৩৪. ৪৩ ||
জীবস্য দশভিঃ পিণ্ডৈর্দেহো নিষ্পাদ্যতে ধ্রুবম্ |
বৃদ্ধিশ্চ দশভির্মাসৈর্গর্ভস্থস্য যথা ভবেৎ || ২, ৩৪. ৪৪ ||
আশৌচং যাবদেতস্য তাবৎপিণ্ডোদকক্রিয়া |
চতুর্ণামপি বর্ণানামেষ এব বিধিঃ স্মৃতঃ || ২, ৩৪. ৪৫ ||
যত্র ত্রিরাত্রমাশৌচং তত্রাদৌ ত্রীন্প্রদাপয়েৎ |
চতুরস্তু দ্বিতীয়েঽহ্নি তৃতীয়ে ত্রীংশ্তথৈব চ || ২, ৩৪. ৪৬ ||
পৃথক্ষরাবয়োর্দদ্যাদেকাহং ক্ষীরমম্বু চ |
একোদ্দিষ্টন্তু বৈ শ্রাদ্ধং চতুর্থেঽহনি কারয়েৎ || ২, ৩৪. ৪৭ ||
প্রথমেঽহনি যঃ পিণ্ডস্তেন মূর্ধা প্রজায়তে |
চক্ষুঃ শ্রোত্রঞ্চ নাসা চ দ্বিতীয়েঽহ্নি প্রজায়তে || ২, ৩৪. ৪৮ ||
গণ্ডৌ বক্ত্রং তথা গ্রীবা তৃতীয়েঽহনি জায়তে |
হৃদয়ং কুক্ষিরুদরং চতুর্থে তদ্বদেব হি || ২, ৩৪. ৪৯ ||
কটিপৃষ্ঠং গুদঞ্চাপি পঞ্চমেঽহনি জায়তে |
ষষ্ঠে ঊরূ চ বিজ্ঞেয়ে সপ্তমে গুল্ফসম্ভবঃ || ২, ৩৪. ৫০ ||
অষ্টমে দিবসে প্রাপ্তে জঙ্ঘে চ ভবতোঽণ্ডজ |
পাদৌ চ নবমে জ্ঞেয়ৌ দশমে বলবৎক্ষুধা || ২, ৩৪. ৫১ ||
একাদশাহে যঃ পিণ্ডস্তং দদ্যাদামিষেণ তু |
সিদ্ধান্নং তস্য দাতব্যং কৃশরাঃ পূপকাঃ পয়ঃ |
প্রক্ষাল্য বিপ্রচরণাবর্ঘ্যং ধূপঞ্চ দীপক্রম্ || ২, ৩৪. ৫২ ||
দ্বাদশ প্রতিমাস্যানি শ্রাদ্ধান্যৈকাদশে তথা |
ত্রিপক্ষঞ্চাপি ষণ্মাসে দ্বে শ্রাদ্ধানি চ ষোডশ || ২, ৩৪. ৫৩ ||
প্রতি মাসং প্রদাতব্যং মৃতাহে যা তিথির্ভবেৎ |
স মাসঃ প্রথমো জ্ঞেয় ইতি বেদবিদো বিদুঃ || ২, ৩৪. ৫৪ ||
শবহস্তে চ যচ্ছ্রাদ্ধং মৃতিস্থানে দ্বিজাসনে |
তদেব প্রথমং শ্রাদ্ধং তৎস্যাদেকাদশেঽহনি || ২, ৩৪. ৫৫ ||
সা তিথির্মাসিকে শ্রাদ্ধে মৃতো যস্মিন্দিনে নরঃ |
রিক্তয়োশ্চ ত্রিপক্ষে চ সা তিথির্নাদ্রিয়েত বৈ || ২, ৩৪. ৫৬ ||
পৌর্ণমাস্যাং মৃতো যোঽসৌ চতুর্থী তস্য চোনকা |
চতুর্থ্যান্তু মৃতো যস্তু নবমী তস্য চোনকা || ২, ৩৪. ৫৭ ||
নবম্যাঞ্চ মৃতো যশ্চ রিক্তা তস্য চতুর্দশী |
এতা রিক্তাশ্চ বিজ্ঞেয়া অন্ত্যেষ্টৌ কুশলেন চ || ২, ৩৪. ৫৮ ||
একাদশাহে যচ্ছ্রাদ্ধং নবকং তৎপ্রকীর্তিতম্ |
চতুষ্পথে ত্যজেদন্নং পুনঃ স্নানং সমাচরেৎ || ২, ৩৪. ৫৯ ||
একাদশাহাদারভ্য ঘটস্যান্নং জলান্বিতম্ |
দিনেদিনে চ দাতব্যমব্দং যাবদ্দ্বিজোত্তমে || ২, ৩৪. ৬০ ||
মানুষস্য শরীরে তু বিদ্যতে হ্যস্থিসঞ্চয়ঃ |
তৎসঙ্খ্যঃ সর্বদেহেষু ষষ্ট্যধিকশতত্রয়ম্ || ২, ৩৪. ৬১ ||
উদকুম্ভেন পুষ্টানি তান্যস্থীনি ভবন্তি হি |
এতস্মাদ্দীয়তে কুম্ভঃ প্রীতিঃ প্রেতস্য জায়তে || ২, ৩৪. ৬২ ||
যস্মিন্দিনে মৃতো জন্তুরটব্যাং বিষমেঽপি বা |
যদা তদা ভবেদ্দাহঃ সূতকং মৃতবাসরাৎ || ২, ৩৪. ৬৩ ||
তিলপাত্রং তথান্নাদ্যং গন্ধধপাদিকঞ্চ যৎ |
একাদশাহে দাতব্যং তেন শূদ্ধো দ্বিজো ভবেৎ || ২, ৩৪. ৬৪ ||
ক্ষত্ত্রিয়ো দ্বাদশাহে তু বৈশ্যঃ পঞ্চদশে তথা |
শুদ্ধিঃ শূদ্রস্য মাসেন মৃতকে জাতসূতকে || ২, ৩৪. ৬৫ ||
মাসত্রয়ে ত্রিরাত্রং স্যাৎষণ্মাসেন তু পক্ষিণী |
অহঃ সংবৎসরাদর্ব্বাক্পূর্ণে দত্ত্বোদকং শুচিঃ |
অনেনৈবা নুসারেণ শুদ্ধিঃ স্যাৎসার্ববর্ণিকী || ২, ৩৪. ৬৬ ||
একাদশাহপ্রভৃতি পুরতঃ প্রতিবৎসরম্ |
বিশ্বেদেবাংস্তু সম্পূজ্য পিণ্ডমেকঞ্চ নির্বপেৎ || ২, ৩৪. ৬৭ ||
যথা তারাগণাঃ সর্বে চ্ছাদ্যন্তে রবিরশ্মিভিঃ |
এবং প্রচ্ছাদ্যতে সর্বং ন প্রেতো ভবতি ক্বচিৎ || ২, ৩৪. ৬৮ ||
শয়্যাদানং প্রশংসন্তি সর্বদৈব দ্বিজোত্তমাঃ |
অনিত্যং জীবনং য্সমাৎপশ্চাৎকো নু প্রদাস্যতি || ২, ৩৪. ৬৯ ||
তাবদ্বন্ধুঃ পিতা তাবদ্যাবজ্জীবতি মানবঃ |
মৃতে মৃত ইতি জ্ঞাৎবা ক্ষণাৎস্নেহো নিবর্ততে || ২, ৩৪. ৭০ ||
আত্মৈব হ্যাত্মনো বন্ধুরেবং জ্ঞাৎবা মুহুর্মুহুঃ |
জীবন্নপীতি সঞ্চিন্ত্য স্বীয়ং হিতমনুস্তমরেৎ || ২, ৩৪. ৭১ ||
মৃতানাং কঃ সুতো দদ্যাদ্দ্বিজেশয়্যাং সতূলিকাম্ |
এবং জানন্নিদং সর্বং স্বহস্তেনৈব দাপয়েৎ || ২, ৩৪. ৭২ ||
তস্মাচ্ছয়্যাং সমাসাদ্য সারদারুমর্যো দৃঢাম্ |
দন্তাদিরুচিরাং রম্যাং হেমপট্টৈ রলঙ্কৃতাম্ |
তস্যাং সংস্থাপ্য হৈমঞ্চ হরিং লক্ষ্ম্যা সমন্বিতম্ || ২, ৩৪. ৭৩ ||
ঘৃতপূর্ণঞ্চ কলশং পরিকল্পয়েৎ |
বিজ্ঞেয়ো গরুড প্রীত্যৈ স নিদ্রাকলশো বুধৈঃ || ২, ৩৪. ৭৪ ||
তাম্বূলকুঙ্কুমক্ষোদকর্পূরাগুরুচন্দনম্ |
দীপিকোপানহচ্ছত্রচামরাসনভাজনম্ || ২, ৩৪. ৭৫ ||
পার্শ্বেষু স্থাপয়েচ্ছক্ত্যা সপ্তধান্যানি চৈবহি |
শয়নস্থস্য ভবতি যচ্চান্যদুপকারকম্ || ২, ৩৪. ৭৬ ||
ভৃঙ্গারকরকাদর্শং পঞ্চবর্ণং বিতানকম্ |
শয়্যামেবংবিধাং কৃৎবা ব্রাহ্মণায় নিবেদয়েৎ || ২, ৩৪. ৭৭ ||
সপত্নীকায় সম্পূজ্য স্বর্লোকসুখদায়িনীম্ |
বস্ত্রৈঃ সুশোভনৈঃ পূজ্য চৈলকং পরিধাপয়েৎ || ২, ৩৪. ৭৮ ||
কর্ণকণ্ঠাঙ্গুলীবাহুভূষণৈশ্চিত্রভূষণৈঃ |
গৃহোপকরণৈর্যুক্তং গৃহং ধেন্বা সমন্বিতম্ || ২, ৩৪. ৭৯ ||
ততোর্ঽঘঃ সম্প্রদাতব্যঃ পঞ্চরত্নফলাক্ষতৈঃ || ২, ৩৪. ৮০ ||
যথা ন কৃষ্ণশয়নং শূন্যং সাগরকন্যয়া |
শয়্যা মমাপ্যশূন্যাস্তু তথা জন্মনিজন্মনি || ২, ৩৪. ৮১ ||
দত্ত্বৈবং তল্পমমলং ক্ষমাপ্য চ বিসর্জয়েৎ |
তথা চৈকাদশাহে তু বিধিরেষ প্রকীর্তিতঃ || ২, ৩৪. ৮২ ||
দদাতি যো হি ধর্মার্থে বান্ধবো বান্ধবে মৃতে |
বিশেষমত্র পক্ষে তু কথ্যমানং ময়া শৃণু || ২, ৩৪. ৮৩ ||
উপয়ুক্তঞ্চ তস্যাসীত্যৎকিঞ্চিৎস্বগৃহে পুরা |
তস্য যদ্গাত্রসং লগ্নং বস্ত্রং ভাজনবাহনম্ |
যদভীষ্টঞ্চ তস্যাসীত্তৎসর্বং পরিকল্পয়েৎ || ২, ৩৪. ৮৪ ||
স্থাপয়েৎপুরুষং হৈমং শয়্যোপরি শুভং বুধঃ |
পূজয়িৎবা প্রদাতব্যা মৃতশয়্যা যথোদিতা || ২, ৩৪. ৮৫ ||
পুরন্দরগৃহে সর্বং সূর্যপুত্রালয়ে তথা |
উপতিষ্ঠেৎসুখং জন্তোঃ শয়্যাদানপ্রভাবতঃ || ২, ৩৪. ৮৬ ||
পীডয়ন্তি ন তং যাম্যাঃ পুরুষা ভীষণাননাঃ |
ন ঘর্মেণ ন শীতেন বাধ্যতে স নরঃ ক্বচিৎ || ২, ৩৪. ৮৭ ||
শয়্যাদানপ্রভাবেণ প্রেতো মুচ্যতে বন্ধনাৎ |
অপিঃ পাপসমায়ুক্তঃ স্বর্গলোকং স গচ্ছতি || ২, ৩৪. ৮৮ ||
বিমানবরমারূঢঃ সেব্যমানোঽপ্সরোগণৈঃ |
আভূতসম্প্লবং যাবত্তিষ্ঠেৎপাতকবর্জিতঃ || ২, ৩৪. ৮৯ ||
নবকং ষোডশশ্রাদ্ধং শয়্যা সাংবৎসরং তথা |
ভর্তুর্যা কুরুতে নারী তস্যাঃ শ্রেয়ো হ্যনন্তকম্ || ২, ৩৪. ৯০ ||
উপকারায় সা ভর্তুর্জীবন্তী ন মৃতা তথা |
উদ্ধরেজ্জীবমানা সা সতী সত্যবতী প্রিয়ম্ || ২, ৩৪. ৯১ ||
স্ত্রিয়া দধ্যন্নশয়নে হেমকুঙ্কুমমঞ্জনম্ |
বস্ত্রভূষা তথা শয়্যা সর্বমেতদ্ধি দাপয়েৎ || ২, ৩৪. ৯২ ||
উপকারকরং স্ত্রীণাং যদ্ভবোদিহ কিঞ্চন |
ভূষণং গাত্রলগ্নঞ্চ বস্তু ভোগ্যাদিকঞ্চ যৎ || ২, ৩৪. ৯৩ ||
তৎসর্বং মেলয়িৎবা তু স্বেস্বে স্থানে নিয়োজয়েৎ |
পূজয়েল্লোকপালাংশ্চ গ্রহান্দেবীং বিনায়কম্ || ২, ৩৪. ৯৪ ||
ততঃ শুক্লাম্বরধরো গৃহীতকুসুমাঞ্জলিঃ |
ইমমুচ্চারয়েন্মন্ত্রং বিপ্রস্য পুরতো বুধঃ || ২, ৩৪. ৯৫ ||
প্রেতস্য প্রতিমা হ্যেষা সর্বোপকরণৈর্যুতা |
সর্বরত্নসমায়ুক্তা তব বিপ্রনিবেদিতা || ২, ৩৪. ৯৬ ||
আত্মা শম্ভুঃ শিবা গৌরী শক্রঃ সুরগণৈঃ সহ |
তস্মাচ্ছয়্যাপ্রদানেন সৈষ আত্মা প্রসীদতু || ২, ৩৪. ৯৭ ||
আচার্যায় প্রদাতব্যা ব্রাহ্মণায় কুটুম্বিনে |
গৃহীতে ব্রাহ্মণস্তত্র কোঽদাদিতি চ কীর্তয়েৎ || ২, ৩৪. ৯৮ ||
ততঃ প্রদক্ষিণীকৃত্য প্রণিপত্য বিসর্জয়েৎ |
বিধিনানেন বৈ পক্ষিন্দানমেকস্য দাপয়েৎ || ২, ৩৪. ৯৯ ||
বহুভ্যো ন প্রদেয়ানি গৌর্গৃহং শয়নং স্ত্রিয়ঃ |
বিভক্তদক্ষিণা হ্যেতে দাতারং পাতয়ন্তি হি || ২, ৩৪. ১০০ ||
এবং যো বিতরেত্তার্ক্ষ্য শৃণু তস্য চ যৎফলম্ |
সাগ্রং বর্ষশতং দিব্যং স্বর্গলোকে মহীয়তে || ২, ৩৪. ১০১ ||
যৎপুণ্যন্তু ব্যতীপাতে কার্তিক্যাময়নদ্বয়ে |
দ্বারকায়ান্তু যৎপুণ্যং চন্দ্রসূর্যগ্রহে তথা || ২, ৩৪. ১০২ ||
প্রয়াগে নৈমিষে যচ্চ কুরুক্ষেত্রে তর্থাবুদে |
গঙ্গায়াং যমুনায়াঞ্চ সিন্ধুসাগরসঙ্গমে || ২, ৩৪. ১০৩ ||
তেষু যদ্দীয়তে দানং তস্মাদপ্যধিকন্ত্বিদম্ |
এতচ্ছয়্যাপ্রদানস্য নাপ্নোতি ষোডশীং কলাম্ || ২, ৩৪. ১০৪ ||
যত্রাসৌ জায়তে প্রাণী ভুঙ্ক্তে তত্রৈব তৎফলম্ |
কর্মক্ষয়ে ক্ষিতৌ যাতি মানুষঃ শুভদর্শনঃ || ২, ৩৪. ১০৫ ||
মহাধনী চ ধর্মজ্ঞঃ সর্বশাস্ত্রবিশারদঃ |
পুনঃ স যাতি বৈকুণ্ঠং মৃতোঽসৌ নরপুঙ্গবঃ || ২, ৩৪. ১০৬ ||
দিব্যং বিমানমারুহ্য অপ্সরোভিঃ সমাবৃতঃ |
অহোঽসৌ হব্যকব্যেষু পিতৃভিঃ সহ মোদতে || ২, ৩৪. ১০৭ ||
অষ্টকাসু কৃতং শ্রাদ্ধমমাবাস্যাদিনে তথা |
মঘাসু পিতৃপর্বাণি যানিয়ানি চ তেষু চ || ২, ৩৪. ১০৮ ||
শৃণু তার্ক্ষ্য যথান্যায়ং প্রেতৎবে পিতরো যদি |
নোপতিষ্ঠন্তি শ্রাদ্ধানি সপিণ্ডীকরণং বিনা || ২, ৩৪. ১০৯ ||
সপিণ্ডীকরণং কার্যং পূর্ণে বর্ষে ন সংশয়ঃ |
আদ্যন্তু শবশুদ্ধ্যর্থং কৃৎবা চৈবাক্ষ ষোডশীম্ || ২, ৩৪. ১১০ ||
পিতৃপাঙ্ক্তিবিশুর্ধ্যং শতার্ধেন? তু যোজয়েৎ |
বৃদ্ধিং প্রাপ্যাগ্রতঃ কুর্যাচ্ছূদ্রস্য স্বচ্ছয়ৈব হি || ২, ৩৪. ১১১ ||
সাম্প্রতং সাগ্নিকে কার্যং দ্বাদশাহে সপিণ্ডনম্ |
ন চাসৌ কুরুতে যাবৎপ্রেত এব স বহ্নিমান্ |
দ্বাদশাহে ততঃ কার্যং সাগ্নিকেন সপিণ্ডনম্ || ২, ৩৪. ১১২ ||
অস্থিপোক্ষে গয়াশ্রাদ্ধং শ্রাদ্ধঞ্চাপরপক্ষিকম্ |
অব্দমধ্যে ন কুর্বীত সপিণ্ডীকরণং বিনা || ২, ৩৪. ১১৩ ||
সপত্ন্যো যদি বহ্ব্যঃ স্যুরেকা পুত্রবতী ভবেৎ |
সর্বাস্তাঃ পুত্রবত্যঃ স্যুস্তেনৈকেনাত্মজেন হি || ২, ৩৪. ১১৪ ||
নাসপিণ্ডোগ্নিমান্পুত্রঃ পিতৃয়জ্ঞং সমাচরেৎ |
সমাচারাদ্ভবেৎপাপী পিতৃহা চাপি জায়তে || ২, ৩৪. ১১৫ ||
মৃতে ভর্তরি যা নারী প্রাণাংশ্চৈব পরিত্যজেৎ |
ভর্ত্রৈব হি সমং তস্যাঃ প্রকুর্বীত সপিণ্ডনম্ || ২, ৩৪. ১১৬ ||
অস্থানিকাপি যা ব্যূঢা বৈশ্যা বা ক্ষত্ত্রিয়াপি বা |
যাঃ পত্ন্যো বৈ পিতুঃ কশ্চিৎকুর্যাৎপুত্রঃ সপিণ্ডনম্ || ২, ৩৪. ১১৭ ||
বিপ্রেণৈব যদা শূদ্রা পরিণীতা প্রমাদতঃ |
একোদ্দিষ্টন্তু তচ্ছ্রাদ্ধ সা তু তেনৈব যুজ্যতে || ২, ৩৪. ১১৮ ||
অন্যে তু দশ যে পুত্রা জাতা বর্ণ চতুষ্টয়ে |
তে তাসুতাসু যোক্ত্বয়াঃ সপিণ্ডীকরণে সদা || ২, ৩৪. ১১৯ ||
অন্বষ্টকাসু যচ্ছ্রাদ্ধ যচ্ছ্রাদ্ধং বৃদ্ধিহেতুকম্ |
পিতুঃ পৃথক্প্রদাব্যং স্ত্রিয়াঃ পিণ্ডং সপিণ্ডনে || ২, ৩৪. ১২০ ||
পিতামহ্যা সমং মাতুঃ পিতুঃ সহপিতামহৈঃ |
সপিণ্ডীকরণং কার্যমিতি তার্ক্ষ্য মতং মম || ২, ৩৪. ১২১ ||
অপুত্রায়াং মৃতায়াং তু পতিঃ কুর্যাৎসপিণ্ডনম্ |
মাত্রাদিতিসৃভিঃ সার্ধমেবং ধর্মেণ যোজয়েৎ || ২, ৩৪. ১২২ ||
পুত্রো নাস্তি ন ভর্তা চ স্ত্রীণাং তার্ক্ষ্য সপিণ্ডনম্ |
কারয়েদ্বৃদ্ধিসময়ে ভ্রাতৃদায়াদদেবরৈঃ || ২, ৩৪. ১২৩ ||
পতিপুত্রবিহীনানাং গোত্রী নাস্তি ন দেবরঃ |
একোদ্দিষ্টেন দাতব্যং পরেণ সহ ভ্রাতৃভিঃ || ২, ৩৪. ১২৪ ||
অজ্ঞানাদ্বিঘ্নতো বাপি ন কৃতঞ্চেৎসপিণ্ডনম্ |
নবকং ষোডশশ্রাদ্ধমাব্দিকং কারয়েত্ততঃ || ২, ৩৪. ১২৫ ||
অদাহে ন চ কর্তব্যং সদাহে কারয়েদ্বুধঃ |
দর্ভপুত্তলকং কৃৎবা বহ্নিনা দাহয়েচ্ছবম্ || ২, ৩৪. ১২৬ ||
পিতুঃ পুত্রেণ কর্তব্যং ন কুর্ব্বীত পিতা সুতে |
অতিস্নেহান্ন কর্তব্যং সপিণ্ডীকরণং সতে || ২, ৩৪. ১২৭ ||
বহবোঽপি যদা পুত্রা বিধিমেকঃ সমাচরেৎ |
নবশ্রাদ্ধং সপিণ্ডৎবং শ্রাদ্ধান্যন্যানি ষোডশ || ২, ৩৪. ১২৮ ||
একেনৈব তু কার্যাংণি অবিভক্তধনেষ্বপি |
অন্ত্যেষ্টিং কুরুতে হ্যেকো মুনিভৈঃ সমুদাহৃতম্ || ২, ৩৪. ১২৯ ||
বিভক্তৈশ্চ পৃথক্কার্যা ক্রিয়া সাংবৎসরাদিকা |
একৈকেন চ কর্তব্যা পুত্রেণ চ স্বয়ংস্বয়ম্ || ২, ৩৪. ১৩০ ||
যস্যৈতানি ন দত্তানি প্রেতশ্রাদ্ধানি ষোডশ |
পিশাচৎবংস্থিরং তস্য কৃতৈঃ শ্রাদ্ধশতৈরপি || ২, ৩৪. ১৩১ ||
ভ্রাতা বা ভ্রাতৃপুত্রো বা সপিণ্ডঃ শিষ্য এব বা |
সপিণ্ডীকরণং কুর্যাৎপুত্রহীনে খগেশ্বর || ২, ৩৪. ১৩২ ||
সর্বেষাং পুত্রহীনানাং পত্রী কুর্যাৎসপিণ্ডনম্ |
ঋৎবিজং করায়েদ্বাথ পুরোহিতমথাপি বা || ২, ৩৪. ১৩৩ ||
মৃতে পিতর্যব্দমধ্যে হ্যুপরাগো যদা ভবেৎ |
পার্বণং ন সুতৈঃ কার্যং শ্রাদ্ধং নান্দীমুখং ন চ || ২, ৩৪. ১৩৪ ||
তীর্থশ্রাদ্ধং গয়াশ্রাদ্ধং শ্রাদ্ধমন্যচ্চ পৈতৃকম্ |
অব্দমধ্যে ন কুর্বীত মহাগুরুবিপত্তিষু || ২, ৩৪. ১৩৫ ||
যমকে চ গজচ্ছায়ামন্বাদিষু যুগাদিষু |
পিতৃপিণ্ডো ন দাতব্যঃ সপিণ্ডীকরণং বিনা || ২, ৩৪. ১৩৬ ||
যজ্ঞপুরুষস্য যদ্দানং দেবাদীনাঞ্চ যত্তথা |
অপূর্ণেঽপ্যব্দমধ্যেপি কর্তব্যমিতি কে চ ন || ২, ৩৪. ১৩৭ ||
পিতৃভ্যোপি হি যদ্দত্তমর্ঘপিণ্ডবিবর্জিতম্ |
কর্তব্যং তচ্চ বৈ সর্বমেষ এব বিধিঃ স্মৃতঃ || ২, ৩৪. ১৩৮ ||
দেবানাং পিতরো দেবা পিৎৠণামৃষয়স্তথা |
ঋষীণাং পিতরো দেবাঃ পিতা জয়তি তেন বৈ || ২, ৩৪. ১৩৯ ||
পিতৃদেবমনুষ্যাণাং যজ্ঞনথো বিভুর্ভবেৎ |
যজ্ঞনাথস্য যদ্দত্তং তদ্দত্তং সর্বদেহিনাম্ || ২, ৩৪. ১৪০ ||
মৃতে পিতর্যব্দমধ্যে যঃ শ্রাদ্ধং কারয়েৎসুতঃ |
সপ্তজন্মকৃতা ধর্মাথীয়তে নাত্র সংশয়ঃ || ২, ৩৪. ১৪১ ||
প্রেতীভূতাস্তু পিতরো লুপ্তপিণ্ডোদকক্রিয়াঃ |
ভ্রমন্তি বায়ুনা সর্বে ক্ষুত্তৃড্ভ্যাং পরিপীডিতাঃ || ২, ৩৪. ১৪২ ||
পিতরি প্রেততাপন্নে লুপ্যতে পৈতৃকী ক্রিয়া |
অথ মাতুর্বিপত্তিঃ স্যাৎপিতৃকার্যং ন লুপ্যতে || ২, ৩৪. ১৪৩ ||
মৃতা মাতা পিতা তিষ্ঠেজ্জীবন্তী চ পিতামহী |
সপিণ্ডনন্তু কর্তব্যং পিতামহ্যা সহৈব তু || ২, ৩৪. ১৪৪ ||
সত্যংসত্যং পুনঃ সত্যং শ্রূয়তাং বচনং মম |
ন পিণ্ডো মিলিতো যেষাং মৃতানান্তু নৃণাং ভুবি || ২, ৩৪. ১৪৫ ||
উপতিষ্ঠেন্ন বে তেষাং পুত্রৈর্দত্তমনেকধা |
হন্তকারস্তদুদ্দেশে শ্রাদ্ধং নৈব জলাঞ্জলিঃ || ২, ৩৪. ১৪৬ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে ধর্মকাণ্ডে প্রেতকল্পে
শ্রীকৃষ্ণগরুডসংবাদে ঔর্ধ্বদেহিকাদিনিরূপণং নাম চতুস্ত্রিংশোঽধ্যায়ঃ

শ্রীগরুডমহাপুরাণম্-৩৫
তর্ক্ষ্য উবাচ |
অপরং মম সন্দেহং কথয়স্ব জনার্দন |
পুরুষস্য চ কস্যাপি মতা পঞ্চৎবমাগতা || ২, ৩৫. ১ ||
পিতামহী জীবতি চ তথা চ প্রপিতামহী |
বৃদ্ধপ্রপিতামহী তদ্বন্মাতৃসক্তঃ পিতা তথা || ২, ৩৫. ২ ||
প্রমাতামহশ্চ তথা বৃদ্ধপ্রমাতামহস্তথা |
কেন সা মেল্যতে মাতা এতৎকথয় মে প্রভো || ২, ৩৫. ৩ ||
শ্রীকৃষ্ণ উবাচ |
পুনরুক্তং প্রবক্ষ্যামি সপিণ্ডীকরণং খগ |
উমা লক্ষ্মীশ্চ সাবিত্রীত্যতাভির্মেলয়েদ্ধ্রুবম্ || ২, ৩৫. ৪ ||
ত্রয়ঃ পিণ্ডভুজো জ্ঞেয়াস্ত্যজাকাশ্চ ত্রয়ঃ স্মৃতাঃ |
ত্রয়ঃ পিণ্ডানুলেপাশ্চ দশমঃ পঙ্ক্তিসংন্নিধঃ || ২, ৩৫. ৫ ||
ইত্যেতে পুরুষাঃ খ্যাতাঃ পিতৃমাতৃকুলেষু চ |
তারয়েদ্যজমানস্তু দশ পূর্বান্দশাবরান্ || ২, ৩৫. ৬ ||
সপিণ্ডঃ স ভবেদাদৌ সপিণ্ডীকরণে কৃতে |
অন্ত্যস্তু ত্যাজকো জ্ঞেয়ো যো বৃদ্ধপ্রপিতামহঃ || ২, ৩৫. ৭ ||
অন্তিমস্ত্যাজকো জ্ঞেয়ো লেপকঃ প্রথমো ভবেৎ |
লেপকস্ত্বন্তিমো যস্তু স ভবেৎপঙ্ক্তিসন্নিধঃ || ২, ৩৫. ৮ ||
যজমানো ভবেদেকো দশ পৃর্ত্বে দশাবরে |
ইত্যেতে পিতরো জ্ঞেয়া একবিংশতি সঙ্খ্যকাঃ || ২, ৩৫. ৯ ||
বিধিনা কুরুতে যস্তু সংসারে শ্রাদ্ধমুত্তমম্ |
জায়তেঽত্র ন সন্দেহঃ শৃণু তস্যাপি যৎফলম্ || ২, ৩৫. ১০ ||
পিতা দদাতি পুত্ত্রান্বৈ বিচ্ছিন্নসন্ততিঃ খগ |
হোমদাতা ভবেৎসোপি যস্তস্য প্রপিতামহঃ || ২, ৩৫. ১১ ||
কৃতে শ্রাদ্ধে গুণা হ্যেতে পিৎৠণাং তপেণে স্মৃতাঃ |
দদ্যাদ্বিপুলমন্নাদ্যং বৃদ্ধস্তু প্রপিতামহঃ || ২, ৩৫. ১২ ||
যস্য পুংসশ্চ মর্ত্যে বৈ বিচ্ছিন্না সন্ততিঃ খগ |
স বসেন্নরকে ঘোরে পঙ্কে মগ্নঃ করী যথা || ২, ৩৫. ১৩ ||
যোন্যন্তরেষু জায়তে যত্র বৃক্ষসরীসৃপাঃ |
ন সন্ততিং বিনা সোঽত্র মুচ্যতে নরকাদ্ধ্রুবম্ || ২, ৩৫. ১৪ ||
আচার্যস্তস্য শিষ্যো বা যো দূরেঽপি হি গাত্রেজঃ |
নারায়ণবলিং কুর্যাত্তস্যাদ্দেশেন ভক্তিতঃ || ২, ৩৫. ১৫ ||
বিশুদ্ধঃ সর্বপাপেভ্যো মুক্তঃ স নরকাদ্ধ্রুবম্ |
নিবসেন্নাকলোকে চ নাত্র কার্যা বিচারণা || ২, ৩৫. ১৬ ||
আদৌ কৃৎবা ধনিষ্ঠাঞ্চ এতন্নক্ষত্রপঞ্চকম্ |
রেবত্যন্তং সদা দূষ্যমশুভং সর্বদা ভবেৎ || ২, ৩৫. ১৭ ||
দাহ (বলি) স্তত্র ন কর্তব্যো বিপ্রদিসর্বজাতিষু |
দীয়তে ন জলং তত্র অশুভং জায়তে ধ্রুবম্ |
লোকয়াত্রা ন কর্তব্যা দুঃখার্তঃ স্বজনো যদি || ২, ৩৫. ১৮ ||
পঞ্চকানন্তরং তস্য কর্তব্যং সর্বমন্যথা |
পুত্রাণাং গোত্রিণাং তস্য সন্তাপোঽপ্যুপজায়তে || ২, ৩৫. ১৯ ||
গৃহে হানির্ভবেত্তস্য ঋক্ষেষ্বেষু মৃতশ্চ যঃ |
অথবা ঋক্ষমধ্যেঽপি দাহস্তস্য বিধীয়তে || ২, ৩৫. ২০ ||
ক্রিয়তে মানুষাণান্তু সদ্য আহুতিকারণাৎ |
সদ্যাহুতিকরং পুণ্যং তীর্থে তদ্দাহ উত্তমঃ || ২, ৩৫. ২১ ||
বিপ্রৈর্নিয়মতঃ কার্যঃ সমন্ত্রো বিধিপূর্বকঃ |
শবস্য চ সমীপে তু ক্ষিপ্যন্তে পুত্তলাস্ততঃ || ২, ৩৫. ২২ ||
দর্ভময়াশ্চ চৎবারো বিপ্রা মন্ত্রাভিমন্ত্রিতাঃ |
ততো দাহঃ প্রকর্তব্যঃ তৈশ্চ পুত্তলকৈঃ সহ || ২, ৩৫. ২৩ ||
সূতকান্তে ততঃ পুত্রঃ কুর্যাচ্ছান্তিকমুত্তমম্ || ২, ৩৫. ২৪ ||
পঞ্চকেষু মৃতো যোঽসৌ ন গতিং লভতে নরঃ |
তিলান্গাশ্চ সুবর্ণং চ তমুদ্দিশ্য ঘৃতং দদেৎ || ২, ৩৫. ২৫ ||
বিপ্রাণাং দীয়তে দানং সর্বোপদ্রবনাশনম্ |
সূতকান্তে চ সৎপুত্রৈঃ স প্রেতো লভতে গতিম্ || ২, ৩৫. ২৬ ||
ভাজনোপানহৌ চ্ছত্রং হেমমুদ্রাচ বাসসী |
দক্ষিণা দীয়তে বিপ্র সর্বপাতকমোচনী || ২, ৩৫. ২৭ ||
বালবৃদ্ধাতুরাণাঞ্চ মৃতানাং পঞ্চকেষু হি |
বিধানং যো ন কুর্বীত বিঘ্নস্তস্য প্রজায়তে || ২, ৩৫. ২৮ ||
অষ্টাদশৈব বস্তূনি প্রেতশ্রাদ্ধে বিবর্জয়েৎ |
আশিষো দ্বিগুণান্দর্ভান্প্রণবান্নৈকপিণ্ডতাম্ || ২, ৩৫. ২৯ ||
অগ্নৌকরণমুচ্ছিষ্টং শ্রাদ্ধং বৈ বৈশ্বদৈবিকম্ |
বিকিরং চ স্বধাকারং পিতৃশব্দং ন চোচ্চরেৎ || ২, ৩৫. ৩০ ||
অনুশব্দং ন কুর্বীত নাবাহনমথোল্মুকম্ |
আসীমান্তং ন কুর্বীত প্রদক্ষিণবিসর্জনম্ || ২, ৩৫. ৩১ ||
ন কুর্যাত্তিলহোমঞ্চ দ্বিজঃ পূর্ণাহুতিং তথা |
ন কুর্যাদ্বৈশ্বদেবং চেৎকর্তা গচ্ছত্যধোগতিম্ || ২, ৩৫. ৩২ ||
মলিনশ্রাদ্ধসঞ্জ্ঞানং পূর্বষোডশকং তথা |
স্থানে দ্বারে চার্ধমার্গে চিতায়াং শবহস্তকে || ২, ৩৫. ৩৩ ||
শ্মশানবাসিভূতেভ্যঃ পঞ্চমং প্রতিবেশ্যকম্ |
ষষ্ঠং সঞ্চয়নে প্রোক্তং দশ পিণ্ডা দশাহিকাঃ |
শ্রাদ্ধষোডষকঞ্চৈতৎপ্রথমং পরিকীর্তিতম্ || ২, ৩৫. ৩৪ ||
অন্যচ্চ ষোডশং মধ্যে দ্বিতীয়ং তার্ক্ষ্য মে শৃণু |
কর্তব্যানীহ বিধিনা শ্রাদ্ধান্যেকাদশৈব তু || ২, ৩৫. ৩৫ ||
ব্রহ্মবিষ্ণুশিবাদ্যঞ্চ তথান্যচ্ছ্রাদ্ধপঞ্চকম্ |
এবং ষোডশকং প্রাহুরেতত্তত্ত্ববিদো জনাঃ || ২, ৩৫. ৩৬ ||
দ্বাদশ প্রতিমাস্যানি শ্রাদ্ধমেকাদশে তথা |
ত্রিপক্ষসম্ভবঞ্চৈব দ্বে রিক্তে খগ ষোডশ || ২, ৩৫. ৩৭ ||
আদ্যং শববিশুদ্ধ্যর্থং কৃৎবান্যচ্চ ত্রিষোডশম্ |
পিতৃপাঙ্ক্তিবিশুদ্ধ্যর্থং শতাদ্ধৈংন তু যোজয়েৎ || ২, ৩৫. ৩৮ ||
শতার্ধেন বিহীনো যো মিলিতঃ পঙ্ক্তিভাঙ্ন হি |
চৎবারিংশত্তথৈবাষ্টশ্রাদ্ধং প্রেতৎবনাশনম্ || ২, ৩৫. ৩৯ ||
সকৃদূনশতার্ধেন সম্ভবেৎপঙ্ক্তিসন্নিধঃ |
মেলনীয়ঃ শতার্ধেন সন্ধিঃ শ্রাদ্ধেন তত্ত্বতঃ || ২, ৩৫. ৪০ ||
(অথ শবাবিধিঃ) |
শবস্য শিবিকায়াং করচরণবন্ধনং তত্র কর্তব্যম্ |
এবং চেন্ন বিধানং বিধীয়তে তৎপিশাচপরিভবনম্ || ২, ৩৫. ৪১ ||
সঞ্জায়তে রজন্যাঞ্চ শবনির্গমনে রাষ্ট্রং ভয়শূন্যম্ |
শবং ন মুঞ্চেত মুচ্যতে চেৎদুঃস্পর্শাদ্দুর্গতির্ভবেৎ || ২, ৩৫. ৪২ ||
গ্রামমধ্যে স্থিতে প্রেতে শ্রুতে ভুঙ্ক্তে যদৃচ্ছয়া |
তদন্নং মাংসবজ্জ্ঞেয়ং তত্তোয়ং রুধিরোপমম্ || ২, ৩৫. ৪৩ ||
তাম্বূলং দন্তকাষ্ঠঞ্চ ভোজনং ঋতুসেবনম্ |
গ্রামমধ্যে স্থিতে প্রেতে বর্জয়েৎপিণ্ডপাতনম্ || ২, ৩৫. ৪২ || ৩৫. ৪৪
স্নানং দানং জপো হোমস্তর্পণং সুরপূজনম্ |
গ্রামমধ্যে স্থিতে প্রেতে শুদ্ধ্যর্থং জ্ঞাতিধর্মতঃ || ২, ৩৫. ৪৩ || ৩৫. ৪৫
জ্ঞাতিসম্বন্ধিনামেবং ব্যবহারঃ খগেশ্বর |
বিলুপ্য জ্ঞাতিধর্মঞ্চ প্রেতপাপেন লিপ্যতে || ২, ৩৫. ৪৪ || ৩৫. ৪৬

ইতি শ্রীগারুডে মহাপুরাণে উত্তরখণ্ডে দ্বিতীদৃ ধদৃপ্রেতকল্পে
শ্রীকৃষ্ণগরুডসংবাদে সপিণ্ডনশববিধ্যোর্নিরূপণং নাম পঞ্চত্রিংশোঽধ্যায়ঃ

শ্রীগরুডমহাপুরাণম্-৩৬
তার্ক্ষ্যৌবাচ |
কস্মাদনশনং পুণ্যমক্ষয়্যগতিদায়কম্ |
স্বগৃহন্তু পরিত্যজ্য তীর্থে বৈ ম্রিয়তে যদি || ২, ৩৬. ১ ||
অপ্রাপ্য তীর্থং ম্রিয়তে গৃহে বা মৃত্যু মাগতঃ |
বূৎবা কুটীচরো যস্তু স কাং গতিমবাপ্নুয়াৎ || ২, ৩৬. ২ ||
সংন্যাসং কুরুতে যস্তু তীর্থে বাপি গৃহেঽপি বা |
কথং তস্য প্রকর্তব্যমপ্রাপ্তনিধনেঽপি বা || ২, ৩৬. ৩ ||
নিয়মে চেৎকৃতে দেব চিত্তভঙ্গো হি জায়তে |
কেন তস্য ভবেৎসিদ্ধিঃ কৃতেনাপ্যকৃতেন বা || ২, ৩৬. ৪ ||
শ্রীকৃষ্ণ উবাচ |
কৃৎবা নিরশনং যো বৈ মৃত্যুমাপ্নোতি কোঽপি চেৎ |
মানুপীং তনুমুৎসৃজ্য মম তুল্যো বিরাজতে || ২, ৩৬. ৫ ||
যাবন্ত্যহানি জীবেৎব্রতে নিরশনে কৃতে |
ক্রতুভিস্তানি তুল্যানি সমগ্রবদক্ষিণৈঃ || ২, ৩৬. ৬ ||
তীর্থে গৃহে বা সংন্যাসং নীৎবা চেন্ম্রিয়তে যদি |
প্রত্যহং লভতে সোঽপি পূর্বোক্তং দ্বিগুণং ফলম্ || ২, ৩৬. ৭ ||
মহারোগোপপত্তৌ চ গৃহীতেঽনশনে কৃতে |
পুনর্ন জায়তে রোগো দেববদ্ধি বিরাজতে || ২, ৩৬. ৮ ||
য আতুরঃ সন্সন্ন্যাসং গৃহ্ণাতি যদি মানবঃ |
পুনর্ন জায়তে ভূমৌ সংসারে দুঃখসাগরে || ২, ৩৬. ৯ ||
অহন্যহনি দাতব্যং ব্রাহ্মণানাঞ্চ ভোজনম্ |
তিলপাত্রং যথাশক্তি দীপদানং সুরার্চনম্ || ২, ৩৬. ১০ ||
এবং বৃত্তস্য দহ্যন্তে পাপান্যুচ্চাবচানি চ |
মৃতো মুক্তিমবাপ্নোতি যথা সর্বে মহর্ষয়ঃ || ২, ৩৬. ১১ ||
তস্মাদনশনং নৄণাং বৈকুণ্ঠপদদায়কম্ |
তস্মাৎস্বস্থে চোত্তরে বা সাধয়েন্মোক্ষলক্ষণম্ || ২, ৩৬. ১২ ||
পুত্ত্রদ্রব্যাদি সন্ত্যজ্য তীর্থং ব্রজতি যো নরঃ |
ব্রহ্মাদ্যা দেবতাস্তস্য ভবেয়ুস্তুষ্টিপুষ্টিদাঃ || ২, ৩৬. ১৩ ||
যস্তীর্থসমুখো ভূৎবা ব্রতে হ্যনশনে কৃতে |
চেন্ম্রিয়েতান্তরালেঽপি ঋষীণাং মণ্ডলে বসেৎ || ২, ৩৬. ১৪ ||
ব্রতং নিরশন কৃৎবা স্বগৃহেঽপি মৃতো যদি |
স্বকুলানি পরিত্যজ্য একাকী বিচরেদ্দিবি || ২, ৩৬. ১৫ ||
অন্নঞ্চৈব তথা তোয়ং পরিত্যজ্য নরো যদি |
পীতমৎপাদতোয়শ্চ ন পুনর্জায়তে ক্ষিতৌ || ২, ৩৬. ১৬ ||
কৃত্ত্যাসীনন্তত্তীর্থগতং রক্ষন্তি বনদেবতাঃ |
যমদূতা বিশেষেণ ন যাম্যাস্তস্য পার্শ্বগাঃ || ২, ৩৬. ১৭ ||
তীর্থসেবী নরো যস্তু সর্বকিল্বিষবর্জিতঃ |
তত্র ম্রিয়তে দহ্যেত তত্তীর্থফলভাগ্ভবেৎ || ২, ৩৬. ১৮ ||
সেবিতেঽপি সদা তথি হ্যন্যত্র ম্রিয়তে যদি |
শুভে দেশে কুলে ধীমান্স ভবেদ্বেদবিদ্দ্বিজঃ || ২, ৩৬. ১৯ ||
কৃৎবা নিরশনং তার্ক্ষ্য পুনর্জীবতি মানবঃ |
ব্রাহ্মণান্স সমাহূয় সর্বস্বং যৎপরিত্যজেৎ || ২, ৩৬. ২০ ||
চান্দ্রায়ণং চরেৎকৃৎস্নমনুজ্ঞাতশ্চ তৈর্দ্বিজৈঃ |
অনৃতং ন বদেৎপশ্চাদ্ধর্মমেব সমাচরেৎ || ২, ৩৬. ২১ ||
তীর্থে গৎবা চ যঃ কোঽপি পুনরায়াতি বৈ গৃহম্ |
অনুজ্ঞাতঃ স বৈ বিপ্রৈঃ প্রায়শ্চিত্তমথাচরেৎ || ২, ৩৬. ২২ ||
দত্ত্বা বা স্বর্ণদানানি গো-মহী-গজ-বাজিনঃ |
তীর্থং যদি লভেদ্যস্তু মৃত্যুকালে স ভাগ্যবান্ || ২, ৩৬. ২৩ ||
গৃহাৎপ্রচলিতস্তীর্থং মরণে সমুপস্থিতে |
পদেপদে তু গোদানং যদি হিংসা ন জায়তে || ২, ৩৬. ২৪ ||
গৃহে তু যৎকৃতং পাপং তীর্থস্নানেন শুধ্যতি |
কুরুতে তত্র পাপঞ্চেদ্বজ্রলেপসমং হি তৎ || ২, ৩৬. ২৫ ||
ক্লিশ্যেৎস নাত্র সন্দেহো যাবচ্চন্দ্রার্কতারকম্ |
তত্র দত্তানি দানানি জায়ন্তে চাক্ষয়াণি বৈ || ২, ৩৬. ২৬ ||
আতুরে সতি দাতব্যং নির্ধনৈরপি মানবৈঃ |
গাবস্তিলা হিরণ্যঞ্চ সপ্তধান্যং বিশেষতঃ || ২, ৩৬. ২৭ ||
দানবন্তং নরং দৃষ্ট্বা হৃষ্টাঃ সর্বে দিবৌকসঃ |
ঋষিভিঃ সহ ধর্মণ চিত্রগুপ্তেন সর্বদা || ২, ৩৬. ২৮ ||
আত্মায়ত্তং ধনং যাবত্তাবদ্বিপ্রে সমর্পয়েৎ |
পরাধীনং মৃতে সর্বং কৃপয়া কঃ প্রদাস্যতি || ২, ৩৬. ২৯ ||
পিত্রুদ্দেশেন যঃ পুত্ত্রৈর্ধনং বিপ্রকরেঽর্পিতম্ |
আত্মানং সধনং তেন চক্রে পুত্রপ্রপৌত্রকৈঃ || ২, ৩৬. ৩০ ||
পিতুঃ শতগুণং দত্তং সহস্রং মাতুরুচ্যতে |
ভগিন্যা শতসাহস্রং সোদর্যে দত্তমক্ষয়ম্ || ২, ৩৬. ৩১ ||
যদি লোভান্ন যচ্ছন্তি প্রমাদান্মোহতোঽপি বা |
মৃতাঃ শোচন্তি তে সর্বে কদর্যাঃ পাপিনস্ত্বিতি || ২, ৩৬. ৩২ ||
অতিক্লেশেন লব্ধস্য প্রকৃত্যা চঞ্চলস্য চ |
গতিরেকৈব বিত্তস্য দানমন্যা বিপত্তয়ঃ || ২, ৩৬. ৩৩ ||
মৃত্যুঃ শরীগোপ্তারং বসুরক্ষং বসুন্ধরা |
দুশ্চারিণীব হসতি স্বপতিং পুত্রবৎসলম্ || ২, ৩৬. ৩৪ ||
উদাসে ধার্মিকঃ সৌম্যঃ প্রাপ্যাপি বিপুলং ধনম্ |
তৃণবন্মন্যতে তার্ক্ষ্য আত্মানং বিত্তমপ্যথ || ২, ৩৬. ৩৫ ||
ন চৈবোপদ্রবাস্তস্য মোহজালো ন চৈব হি |
মৃত্যুকালে ন চ ভয়ং যমদূতসমুদ্ভবম্ || ২, ৩৬. ৩৬ ||
সমাঃ সহস্রাণি চ সপ্ত বৈ জলে দশৈকমগ্নৌ পবনে চ ষোডশ |
মহাহবে পষ্টিরশীতির্গোগৃহে অনাশকে কাশ্যপ চাক্ষয়া গতিঃ || ২, ৩৬. ৩৭ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে ধর্মকাণ্ডে প্রেতকল্পে
শ্রীকৃষ্ণগরুডসংবাদেঽনশনমৃত গতিনিরূপণং নাম ষট্ত্রিংশোঽধ্যায়ঃ

শ্রীগরুডমহাপুরাণম্-৩৭
তার্ক্ষ্য উবাচ |
উদকুম্ভপ্রদানং মে কথয়স্ব যথাতথম্ |
বিধিনা কেন কর্তব্যা কৃতিরেষা জনার্দন || ২, ৩৭. ১ ||
কিংলক্ষণাঃ কেন পূর্ণাঃ কস্য দেয়া জনার্দন |
কস্মিন্কালে প্রদাতব্যা প্রেততৃপ্তিপ্রসাধকাঃ || ২, ৩৭. ২ ||
শ্রীকৃষ্ণ উবাচ |
সত্যং পুনঃ প্রবক্ষ্যামি উদকুম্ভপ্রদানকম্ |
প্রেতোদ্দেশেন দাতব্যা অন্নপানীয়সংযুতাঃ |
বিশেষেণ মহাপক্ষিন্প্রেতমুক্তিপ্রদায়কাঃ || ২, ৩৭. ৩ ||
দ্বাদশাহে চ পণ্মাসে ত্রৈপক্ষে বাপি বৎসরে |
উদকুম্ভাঃ প্রদাতব্যা মার্গে তস্য সুখায় বৈ || ২, ৩৭. ৪ ||
অহন্যহনি দাতব্যা উদকুম্ভাস্তিলৈর্যুতাঃ |
সুলিপ্তে ভূমিভাগে তু পক্কান্নজলপূরিতাঃ || ২, ৩৭. ৫ ||
প্রেতস্য তত্র দাতব্যং ভাজনঞ্চ যদৃচ্ছয়া |
সুপ্রীতস্তেন দত্তেন প্রেতো যাম্যৈঃ স গচ্ছতি || ২, ৩৭. ৬ ||
দ্বাদশাহে বিশেষেণ উদকম্ভান্প্রদাপয়েৎ |
বিধিনা তত্র সঙ্কল্পয় ঘটান্দ্বাদশসঙ্খ্যকান্ || ২, ৩৭. ৭ ||
একাষি বর্ধনী তত্র পক্বান্নফলপূরিতা |
বিষ্ণুমুদ্দিশ্য দাতব্যা সঙ্কল্প্য ব্রাহ্মণে শুভে || ২, ৩৭. ৮ ||
একো বৈ ধর্মরাজায় তেন তুষ্টেন মুক্তিভাক্ |
চিত্রগুপ্তায় চৈকং তু গতস্তত্র সুখী ভবেৎ || ২, ৩৭. ৯ ||
ষোডশাদ্যাঃ প্রদাতব্যা মাষান্নজলপূরিতাঃ || ২, ৩৭. ১০ ||
উক্ত্রান্তিশ্রাদ্ধমারভ্য শ্রাদ্ধষোডষোডশকস্য তু |
ষোডশব্রাহ্মণানান্তু একৈকং বিনিবদয়েৎ || ২, ৩৭. ১১ ||
একাদশাহাৎপ্রভৃতি দেয়ো নিত্যং দৃঢাহ্বয়ঃ |
পক্বান্নজলপূর্ণো হি যাবৎসংবৎসরং দিনম্ || ২, ৩৭. ১২ ||
জলপাত্রাণি বৃদ্ধানি দত্তানিঘটকানি চ |
একা বৈ বর্ধনী তত্র তস্যাং পাত্রন্তু বংশজম্ || ২, ৩৭. ১৩ ||
বস্ত্রেণাচ্ছাদয়েত্তান্তু পূজয়িৎবা সুগন্ধিভিঃ |
ব্রাহ্মণেভ্যো বিশেষেণ জলপূর্ণানি দাপয়েৎ || ২, ৩৭. ১৪ ||
অহন্যহনি সঙ্কল্প্য বিধিপূর্বং খগেশ্বর |
ব্রাহ্মণায় কুলীনায় বেদবৃত্তয়ুতায় চ || ২, ৩৭. ১৫ ||
বিদ্যাবৃত্তবতে দেয়ং মূর্খে তন্ন কদাচন |
সমর্থো বেদবৃত্তাঢ্যস্তারণে তরণেঽপি চ || ২, ৩৭. ১৬ ||

ইতি শ্রীগারুডে মহাপুরাণে দ্বিতীয়াংশে প্রেতকল্পে ধর্মকাণ্ডে
সোদকুম্ভশ্রাদ্ধনিরূপণং নাম সপ্তত্রিংশোঽধ্যায়ঃ

শ্রীগরুডমহাপুরাণম্-৩৮
তার্ক্ষ্য উবাচ |
দানতীর্থার্থিতং মোক্ষং স্বর্গঞ্চ বদ মে প্রভো |
কেন মোক্ষমবাপ্নোতি কেন স্বর্গে বসেচ্চিরম্ || ২, ৩৮. ১ ||
কেন গচ্ছতি তেজস্তু স্বর্লোকাৎসত্যলোকতঃ |
মানুষ্যং কেন লভতে নরকেশু নিমজ্জতি || ২, ৩৮. ২ ||
এতন্মে বদনিশ্চিত্য ভক্তানাং মোক্ষদায়ক |
ব্রূহি কস্মিন্মৃতে স্বর্গে পুনর্জন্ম ন বিদ্যতে || ২, ৩৮. ৩ ||
শ্রীবিষ্ণুরুবাচ |
মানুষ্যং ভারতে বর্ষে ত্রয়োদশসু জাতিষু || ২, ৩৮. ৪ ||
তৎপ্রাপ্য ম্রিয়তে ক্ষেত্রে পুনর্জন্ম ন বিদ্যতে |
অয়োধ্যা মথুরা মায়া কাশী কাঞ্চী অবন্তিকা || ২, ৩৮. ৫ ||
পুরী দ্বারবতী জ্ঞেয়া সপ্তৈতা মোক্ষদায়িকাঃ |
সন্ন্যস্তমিতি যো ব্রুয়াৎপ্রাণৈঃ কণ্ঠগতৈরপি || ২, ৩৮. ৬ ||
মৃতো বিষ্ণুপুরং যাতি ন পুনর্জায়তে ক্ষিতৌ |
সকৃদুচ্চরিতং যেন হরিরিত্যক্ষরদ্বয়ম্ || ২, ৩৮. ৭ ||
বদ্ধঃ পরিকরস্তেন মোক্ষায় গমনং প্রতি |
কৃষ্ণকৃষ্ণেতি কৃষ্ণেতি যো মাং স্মরতি নিত্যশঃ || ২, ৩৮. ৮ ||
জল ভিত্ত্বা যথা পদ্মং নরকাদুদ্ধরাম্যহম্ |
শালগ্রামজিলা যত্র যত্র দ্বারবতী শিলা || ২, ৩৮. ৯ ||
উভয়োঃ সঙ্গমো যত্র মুক্তিস্তত্র ন সংশয়ঃ |
শালগ্রামশিলা যত্র পাপদোষক্ষয়াবহা || ২, ৩৮. ১০ ||
তৎসন্নিধানমরণান্মুক্তির্জন্তোঃ সুনিশ্চতা |
রোপণাৎপালনাৎসেকাদ্ধ্যানস্পর্শনকীর্তনাৎ |
তুলসী দহতে পাপং নৃণাং জন্মার্জিতং খগ || ২, ৩৮. ১১ ||
জ্ঞানহৃদে সত্যজলে রাগদ্বেষমলাপহে |
যঃ স্নাতো মানসে তীর্থে ন স লিপ্যেত পাতকৈঃ || ২, ৩৮. ১২ ||
ন কাষ্ঠে বিদ্যতে দেবো ন শিলায়াং কদাচন |
ভাবে হি বিদ্যতে দেবস্তস্মাদ্ভাবং সমাচরেৎ || ২, ৩৮. ১৩ ||
প্রাতঃ প্রাতঃ প্রপশ্যন্তি নর্মদাং মৎস্যঘাতিনঃ |
ন তে শিবপুরীং যান্তি চিত্তবৃত্তির্গরীয়সী || ২, ৩৮. ১৪ ||
যাদৃক্চিত্তপ্রতীতিঃ স্যাত্তাদৃক্কর্মফলং নৃণাম্ |
পরলোকগতিস্তাদৃক সূচীসূত্রবিচারবৎ || ২, ৩৮. ১৫ ||
ব্রাহ্মণার্থে গবার্থে চ স্ত্রীণাং বলবধেষু চ |
প্রাণত্যাগপরো যস্তু স বৈ মোক্ষমবাপ্নুয়াৎ || ২, ৩৮. ১৬ ||
অনাশকে মৃতৌ যস্তু স বৈ মোক্ষমবাপ্নুয়াৎ |
অনাশকে মৃতো যস্তু স মুক্তঃ সর্ববন্ধনৈঃ || ২, ৩৮. ১৭ ||
দত্ত্বা দানানি বিপ্রেভ্যস্ততো মোক্ষমবাপ্নুয়াৎ |
এতে বৈ মোক্ষমার্গাশ্চ স্বর্গমার্গাস্তথৈব চ || ২, ৩৮. ১৮ ||
গোগ্রহে দেশবিধ্বংসে মরণং রণতীর্থয়োঃ |
উত্তমাধমমধ্যস্য বাধ্যমানস্য দেহিনঃ |
আত্মানং তত্র সন্ত্যজ্য স্বর্গবাসং লভেচ্চিরম্ || ২, ৩৮. ১৯ ||
জীবিতং মরণঞ্চৈব দ্বয়ং শিক্ষেত পণ্ডিতঃ |
জীবিতং দানভোগাভ্যাং মরণং রণতীর্থয়োঃ || ২, ৩৮. ২০ ||
হরিক্ষেত্রে কুরুক্ষেত্রে ভৃগুক্ষেত্রে তথৈব চ |
প্রভাসে শ্রীস্থলে চৈব অর্বুদে চ ত্রিপুষ্করে || ২, ৩৮. ২১ ||
ভূতেশ্বরে মৃতো যস্তু স্বর্গে বসতি মানবঃ |
ব্রহ্মণো দিবসং যাবত্ততঃ পততি ভূতলে || ২, ৩৮. ২২ ||
বর্ষবৃত্তিন্তু যো দদ্যাদ্ব্রাহ্মণে দোষবর্জিতে |
সর্বং কলং স মুদ্ধৃত্য স্বর্গলোকে মহীয়তে || ২, ৩৮. ২৩ ||
কন্যাং বিবাহয়েদ্যস্তু ব্রাহ্মণং বেদপারগম্ |
ইন্দ্রলোকে বসেৎসোঽপি স্বকুলৈঃ পরিবেষ্টিতঃ || ২, ৩৮. ২৪ ||
মহাদানানি দৎবা চ নরস্তৎফলমামুয়াৎ || ২, ৩৮. ২৫ ||
বাপী কূপতডাগানামারামসুরসদ্মনাম্ |
জীর্ণোদ্ধারং প্রকুর্বাণঃ পূর্বকর্তুঃ ফলং লভেৎ |
জীর্ণোদ্ধারেণ বা তেষাং তৎপুণ্যং দ্বিগুণং ভবেৎ || ২, ৩৮. ২৬ ||
শীতবা তাতপহরমপি পর্ণকুটীরকম্ |
কৃৎবা বিপ্রায় বিদুষে প্রদদাতি কুটুম্বিনে || ২, ৩৮. ২৭ ||
তিস্রঃ কোট্যোর্ধকোটী চ নরঃ স্বর্গে মহীয়তে || ২, ৩৮. ২৮ ||
যা স্ত্রী সবর্ণা সংশুবা মৃতং পতিমনুব্রজেৎ |
সা মৃতা স্বর্গমাপ্নোতি বর্ষাণাং রোমসঙ্খ্যতা || ২, ৩৮. ২৯ ||
পুত্রপৌত্রাদিকং ত্যক্ত্বা স্বপতিং যানুগচ্ছতি |
স্বর্গং লভেতাং তৌ চোভৌ দিব্যস্ত্রীভিরলঙ্কৃতৌ || ২, ৩৮. ৩০ ||
কৃৎবা পাপান্যনেকানি ভর্তৃদ্রোহমতিঃ সদা |
প্রক্ষালয়তি সর্বাণি যা স্বং পতিমনুব্রজেৎ || ২, ৩৮. ৩১ ||
মহাপাপসমাচারো ভর্তা চেদ্দুষ্কৃতী ভবেৎ |
তস্যাপ্যনুব্রতা নারী নারায়েৎসর্বকিল্বিষম্ || ২, ৩৮. ৩২ ||
গ্রাসমাত্রং নিয়মতো নিত্যদানং করোতি যঃ |
চতুশ্চামরসংযুক্তবিমানেনাধিগচ্ছতি || ২, ৩৮. ৩৩ ||
যৎকৃতং হি মনুষ্যেণ পাপমামরণান্তিকম্ |
তৎসর্বং নাশমায়াতি বর্ষবৃত্তিপ্রদানতঃ || ২, ৩৮. ৩৪ ||
ভূতং ভব্যং ববিষ্যঞ্চ পাপং জন্মত্রয়ার্জিতম্ |
পক্ষালয়তি তৎসর্বং বিপ্রকন্যোপনায়নাৎ || ২, ৩৮. ৩৫ ||
দশকূপসমা বাপি দশবাপীসমং সরঃ |
সরো ভির্দশভিস্তুল্যা যা প্রপা নির্জলে বনে || ২, ৩৮. ৩৬ ||
যা বাপী নির্জলে দেশে যদ্দানং নির্ধনে দ্বিজে |
প্রাণিনাং যো দয়াং ধত্তে স ভবেন্নাকনায়কঃ || ২, ৩৮. ৩৭ ||
এবমাদিভিরন্যৈশ্চ সুকৃতৈঃ স্বর্গভাগ্ভবেৎ |
স তৎসর্বং ফলং প্রাপ্য প্রতিষ্ঠাং পরমাং লভেৎ || ২, ৩৮. ৩৮ ||
ফল্গু কার্যং পরিত্যজ্য সততং ধর্মবান্ভবেৎ |
দানং দমো দয়া চেতি সারমেতত্ত্রয়ং ভুবি || ২, ৩৮. ৩৯ ||
দানং সাধোর্দরিদ্রস্য শূন্যলিঙ্গস্য পূজনম্ |
অনাথপ্রেতসংস্কারঃ কোটিয়জ্ঞফলপ্রদঃ || ২, ৩৮. ৪০ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে ধর্মকাণ্ডে প্রেতকল্পে
শ্রীকৃষ্ণগরুডসংবাদে উত্তমলোকগত্যাগতিমোক্ষমানুষ্যহেতুনিরূপণং
নামাষ্টাত্রিংশত্তমোঽধ্যায়ঃ

শ্রীগরুডমহাপুরাণম্-৩৯
তার্ক্ষ্য উবাচ |
সূতকানাং বিধিং ব্রূহি দয়াং কৃৎবা ময়িপ্রভো |
বিবেকায় হি চিত্তস্য মানবানাং হিতায় চ || ২, ৩৯. ১ ||
শ্রীকৃষ্ণ উবাচ |
মৃতে জন্মনী পক্ষীন্দ্র সূতকং স্যাচ্চতুর্বিধম্ |
চতুর্ণামপি বর্ণানাং সামান্যতে বিবর্জিতম্ || ২, ৩৯. ২ ||
উভয়ত্র দশাহানি কুলস্যান্নং বিবর্জিয়েৎ |
দানং প্রতিগ্রহো হোমঃ স্বাধ্যায়শ্চ নিবর্ততে || ২, ৩৯. ৩ ||
দেশং কালং তথাত্মানং দ্রব্যং দ্রব্যপ্রয়াজনম্ |
উপপত্তিংব্মবস্থাঞ্চ জ্ঞাৎবাং কর্ম সমাচরেৎ || ২, ৩৯. ৪ ||
গুহাবহ্নিপ্রবেসে চ দেশান্তরমৃতেষু চ |
স্নানং সচেলং কর্তব্যং সদ্যঃ শৌচং বিধীয়তে || ২, ৩৯. ৫ ||
আমগর্ভাশ্চ যে জীবা যে চ গর্ভাদ্বিনিঃ সৃতাঃ |
ন তেষামগ্নিসংস্কারো নাশৌচং নোদকক্রিয়া || ২, ৩৯. ৬ ||
শিল্পিনঃ কারবো বৈদ্যা দাসীদাসাস্তথৈব চ |
রাজানঃ শ্রোতিয়াশ্চৈব সদ্যঃ শৌচাঃ প্রকীর্তিতাঃ || ২, ৩৯. ৭ ||
সত্রী চ (ব্রতী) মন্ত্রপূতশ্চ আহিতাগ্নির্নৃপস্তথা |
এতেষাং সূতকং নাস্তি যস্য চেচ্ছন্তি পার্থিবাঃ || ২, ৩৯. ৮ ||
প্রসবে চ সপিণ্ডানাং ন কুর্যাৎসঙ্করং দ্বিজঃ |
দশাহাচ্ছ্রুধ্যতে মাতা অবগাহ্য পিতা শুচিঃ || ২, ৩৯. ৯ ||
বিবাহোৎসবয়জ্ঞেষু অন্তরা মৃতসূতকে |
পূর্বসঙ্কল্পিতং বিত্তং ভোজ্যং তন্মনুরব্রবীৎ || ২, ৩৯. ১০ ||
সর্বেষামেবমাশৌচং মাতাপিত্রোস্তু সূতকম্ |
সূকতং মাতুরেবস্যাদুপস্পৃশ্য পিতা শুচিঃ || ২, ৩৯. ১১ ||
অন্তর্দশাহে স্যাতাঞ্চেৎপুনর্মরণজন্মনী |
তাবৎস্যাদশুচির্বিপ্রো যাবত্তৎস্যাদনির্দশম্ || ২, ৩৯. ১২ ||
উদিতে নিয়মে দানে আর্তে বিপ্রে নিবেদয়েৎ |
তথৈব ঋষিভিঃ প্রোক্তং যথাকালং ন দুষ্যতি || ২, ৩৯. ১৩ ||
মৃন্ময়েন তু পাত্রেণ তিলৈর্মিশ্রজলৈঃ সহ |
মৃত্তিকয়া তথান্তে চ নরঃ স্নাৎবা শুচির্ভবেৎ || ২, ৩৯. ১৪ ||
দানং পরিষদে দদ্যাৎসুবর্ণং গোবৃষং দ্বিজে |
ক্ষত্ত্রিয়ো দ্বিগুণং চৈব বৈশ্যস্তু ত্রিগুণং তথা || ২, ৩৯. ১৫ ||
চতুর্গুণন্তু শূদ্রেণ দাতব্যং ব্রাহ্মণে ধনম্ |
এব মনুক্রমেণৈব চাতুর্বর্ণ্যং বিশুধ্যতি || ২, ৩৯. ১৬ ||
সপ্তাষ্টমান্তরৈ শীর্ণে গৃহ্যসংস্কারবর্জিতে |
অহস্তু সূতকং তস্য ৎবব্দানাং সঙ্খ্যয়া স্মৃতম্ || ২, ৩৯. ১৭ ||
ব্রাহ্মণার্থে বিপন্না যে নারীণাং গোগ্রহেষু চ |
আহবেষু বিপন্নানামেকরাত্ত্রমশৌচকম্ || ২, ৩৯. ১৮ ||
ন তেষামশুভং কিঞ্চিদ্বিপ্রাণাং শুভকর্মণি |
অনাথপ্রেতসংস্কারং যে কুর্বন্তু নরোত্তমঃ || ২, ৩৯. ১৯ ||
ন তেষামশুভঙ্কিঞ্চিদ্বিপ্রেণ সহকারিণা |
জলাবগাহনাত্তেষাং সদ্যঃ শুদ্ধিরুদাহৃতা || ২, ৩৯. ২০ ||
বিনিবৃত্তা যদা শূদ্রা উদকান্তমুপস্থিতাঃ |
তদাবিপ্রেণদ্রষ্টব্যা ইতি বেদবিদোবিদুঃ || ২, ৩৯. ২১ ||

ইতি শ্রীগারুডে মহাপুরাণে উত্তরখণ্ডে দ্বিতীদৃ ধদৃপ্রেতকল্পে
শ্রীকৃষ্ণগরুডসংবাদে সূতককালাদিনিরূপণং নামৈ কোনচৎবারিংশোঽধ্যায়ঃ

শ্রীগরুডমহাপুরাণম্-৪০
তার্ক্ষ্য উবাচ |
ভগবন্ব্রাহ্মণাঃ কেচিদপমৃত্যুবশং গতাঃ |
কথং তেষাং ভবেন্মার্গঃ কিং স্থানং কা গতির্ভবেৎ || ২, ৪০. ১ ||
কিঞ্চ যুক্তং ভবেত্তেষাং বিধানং বাপি কীদৃশম্ |
তদহং শ্রোতুমিচ্ছামি ব্রূহি মে মধুসূদন || ২, ৪০. ২ ||
শ্রীকৃষ্ণ উবাচ |
প্রেতীভূতাদ্বিজাতীনাং সম্ভূতে মৃত্যুবৈকৃতে |
তেষাং মার্গগতিস্থানং বিধানং কথয়াম্যহম্ || ২, ৪০. ৩ ||
শৃণু তার্ক্ষ্য পরং গোপ্যং জাতে দুর্মরণে সতি |
লঙ্ঘনৈর্যে মৃতা বিপ্রা দংষ্ট্রিভিশ্চাভিঘাতিতাঃ || ২, ৪০. ৪ ||
কণ্ঠগ্রাহ বিমগ্নানাং ক্ষীণানাং তুণ্ডঘাতিনাম্ |
বিষাগ্নিবৃষবিপ্রেভ্যো বিষূচ্যা চাত্মঘাতকাঃ || ২, ৪০. ৫ ||
পতনোদ্বন্ধনজলৈর্মৃতানাং শৃণু সংস্থিতিম্ |
যান্তি তে নরকেঘোরে যে চ ম্লেচ্ছাদিভির্হতাঃ || ২, ৪০. ৬ ||
শ্বশৃগালাদিসংস্পৃষ্টা অদগ্ধাঃ কৃমিসংঙ্কুলাঃ |
উল্লঙ্ঘিতা মৃতা যে চ মহারোগৈশ্চ পীডিতাঃ || ২, ৪০. ৭ ||
অভিসস্তাস্তথাব্যঙ্গা যে চ পাপান্নপোষিতাঃ |
চণ্ডালাদুদকাৎসর্পাদ্ব্রাহ্মণাদ্বৈদ্যুতাগ্নিতঃ || ২, ৪০. ৮ ||
দষ্ট্রিভ্যশ্চ পশুভ্যশ্চ বৃক্ষাদিপতনান্মৃতাঃ |
উদক্যামূতকীশূদ্রারজকীসঙ্গদূষিতাঃ || ২, ৪০. ৯ ||
তেন পাপেন নরকান্মুক্তাঃ প্রেতৎবভাগিনঃ |
ন তেষাং কারয়েদ্দাহং সূতকং নোদকক্রিয়াম্ || ২, ৪০. ১০ ||
ন বিধানং মৃতাদ্যং চ ন কুর্যাদৌর্ধ্বদৈহিকম্ |
তেষাং তার্ক্ষ্য প্রকুর্বীত নারায়ণবলিক্রিয়াম্ || ২, ৪০. ১১ ||
সর্বলোকহিতার্থায় শৃণু পাপভয়াপহাম্ |
ষণ্মাসং ব্রাহ্মণে দাহস্ত্রিমাসং ক্ষত্ত্রিয়ে মতঃ || ২, ৪০. ১২ ||
সার্ধ মাসং তু বৈশ্যস্য সদ্যঃ শূদ্রে বিধীয়তে |
গঙ্গায়াং যমুনায়াঞ্চ নৈমিষে পুষ্করেঽথ চ || ২, ৪০. ১৩ ||
তডাগে জলূপূর্ণে বা হ্রদে বা বিমলোদকে |
বাপ্যাং কূপে গবাং গোষ্ঠে গৃহে বা প্রতিমালয়ে || ২, ৪০. ১৪ ||
কৃষ্ণাগ্রে কারয়েদ্বিপ্র বলিং নারায়ণাহ্বয়ম্ |
প্রেতায় তর্পণং কার্যং মন্ত্রৈঃ পৌরাণবৈদিকৈঃ || ২, ৪০. ১৫ ||
সর্বৌষধ্যক্ষতৈর্মিশ্রৈর্বিষ্ণুমুদ্দিশ্য তর্পয়েৎ |
কার্যং পুরুষসূক্তেন মন্ত্রৈর্বা বৈষ্ণবৈরপি || ২, ৪০. ১৬ ||
দক্ষিণাভিমুখো ভূৎবা প্রেতং বিষ্ণুরিতি স্মরেৎ |
অনাদিনিধনো দেবঃ শঙ্খচক্রগদাধরঃ || ২, ৪০. ১৭ ||
অব্যয়ঃ পুণ্ডরীকাক্ষঃ প্রেতমোক্ষপ্রদো ভবেৎ |
তর্পণস্যাবসানে চ বীতরাগো বিমৎসরঃ || ২, ৪০. ১৮ ||
জিতেন্দ্রিয়মনা ভূৎবা শুচিপ্মান্ধর্মতৎপরঃ |
দানধর্মরতঃ শান্তঃ প্রণম্য বাগ্যতঃ শুচিঃ || ২, ৪০. ১৯ ||
যজমানো ভবেত্তত্র শুচির্বন্ধুসমন্বিতঃ |
ভক্ত্যা তত্র প্রকুর্বীত শ্রাদ্ধত্যেকাদশৈব তু || ২, ৪০. ২০ ||
সর্বকর্মবিপাকেন একৈকাগ্রে সমাহিতঃ |
তোয়ব্রীহিয়বান্ষষ্ট্যা গোধূমাংশ্চ প্রিয়ঙ্গুকান্ || ২, ৪০. ২১ ||
হবিষ্যান্নং শুভং মুদ্রাং ছত্রোষ্ণীষে চ চলেকম্ |
দাপয়েৎসর্বসস্যানি ক্ষীরক্ষৌদ্রয়ুতানি চ || ২, ৪০. ২২ ||
বস্ত্রোপানহসংযুক্তং দদ্যাদষ্টবিধং পদম্ |
দাপয়েৎসর্ববিপ্রেভ্যো ন কুর্যাৎপঙ্ক্তিবন্ধনম্ || ২, ৪০. ২৩ ||
ভূমৌ স্থিতেষু পিণ্ডেষু গন্ধপুষ্পাক্ষতান্বিতম্ |
শঙ্খপাত্রে তথা তাম্রে তর্পণঞ্চ পৃথক্পৃথক্ || ২, ৪০. ২৪ ||
ধ্যানধারণসংযুক্তো জানুভ্যামবনিং গতঃ |
দাতব্যং সর্ববিপ্রেভ্যো বেদশাস্ত্রবিধানতঃ || ২, ৪০. ২৫ ||
ঋচা বৈ দাপয়েদর্ঘ্যমেকোদ্দিষ্টে পৃথক্পৃথক্ |
আপোদেবীর্মধুমতীরাদিপীঠে প্রকল্পিতম্ || ২, ৪০. ২৬ ||
উপয়ামগৃহীতোঽসি দ্বিতীয়ের্ঽঘং নিবেদয়েৎ |
যেনাপাবকচক্ষুষা তৃতীয়ে চ কসল্পিতম্ || ২, ৪০. ২৭ ||
যে দেবাসশ্চতুর্থে তু সমুদ্রং গচ্ছ পঞ্চমে |
অগ্নির্জ্যোতি স্তথা ষষ্ঠে হিরণ্যগর্ভঃ সপ্তমে || ২, ৪০. ২৮ ||
যমায় ৎবাষ্টমে জ্ঞেয়ং যজ্জগ্রন্নবমে তথা |
তশমে যাঃ ফলিনীতি পিণ্ডে চৈকাদশে ততঃ || ২, ৪০. ২৯ ||
ভদ্রং কর্ণেভিরিতি চ কুর্যাৎপিণ্ডবিসর্জনম্ |
কৃৎবৈকাদশদেবত্যং শ্রাদ্ধং কুর্যাৎপরেঽহনি || ২, ৪০. ৩০ ||
বিপ্রানাবাহয়েৎপঞ্চ চতুর্বেদবিশারদান্ |
বিদ্যাশীলগুণোপেতান্স্ব কীয়াঞ্ছীলসত্তমান্ |
অব্যঙ্গান্সপ্রশস্তাংশ্চ ন ৎবর্জ্যান্কদাচন || ২, ৪০. ৩১ ||
বিষ্ণুঃ স্বর্ণময়ঃ কার্যো রুদস্তাম্রময়স্তথা |
ব্রহ্মা রূপ্যময়স্তদ্বদ্যমো লোহময়ো ভবেৎ || ২, ৪০. ৩২ ||
সীসকং তু ভবেৎপ্রেতং ৎবথ বা দর্ভকং তথা |
শন্নোদেবীতি মন্ত্রেণ গোবিন্দং পশ্চিমে ন্যসেৎ || ২, ৪০. ৩৩ ||
অগ্ন আয়াহীতি রুদ্রমুত্তরত্রৈব বিন্যসেৎ |
অগ্নিমীঌএতি মন্ত্রেণ পূর্বেণৈব প্রজাপতিম্ || ২, ৪০. ৩৪ ||
ইষেৎবোর্জোতি মন্ত্রেণ দক্ষিণে স্থাপয়েদ্যমম্ |
মধ্যে মণ্ডলকং কৃৎবা স্থাপ্যো দর্ভময়ো নরঃ || ২, ৪০. ৩৫ ||
ব্রহ্মা বিষ্ণুস্তথা রুদ্রো যমঃ প্রেতশ্চ পঞ্চমঃ |
পৃথক্কুম্ভে ততঃ স্থাপ্যাঃ পঞ্চরত্নসমন্বিতাঃ || ২, ৪০. ৩৬ ||
বস্ত্রয়জ্ঞোপবীতানি পৃথঙ্মুদ্রাপরাণি চ |
জপং কর্যাৎপৃথক্তত্র ব্রহ্মাদৌ দেবতাসু চ || ২, ৪০. ৩৭ ||
পঞ্চ শ্রাদ্ধানি কুর্বীত দেবতানাং যথাবিধি |
জলধারাং ততো দদ্যৎপীঠেপীঠে পৃথক্পৃথক্ || ২, ৪০. ৩৮ ||
শঙ্খে বা তাম্রপাত্রে বা অলাভে মৃন্ময়েঽপি বা |
তিলোদকং সমাদায় সর্বৌষধিসমন্বিতম্ || ২, ৪০. ৩৯ ||
আসনোপানহৌ চ্ছত্রং মুদ্রিকা চ কমণ্ডলুঃ |
ভাজনং ভাজনাধারং বস্ত্রাণ্যষ্টবিধং পদম্ || ২, ৪০. ৪০ ||
তাম্রপাত্রং তিলৈঃ পূর্ণং সহিরণ্যং সদক্ষিণম্ |
দদ্যাদ্ব্রাহ্মণমুখ্যায় বিধিয়ুক্তং খগেশ্বর || ২, ৪০. ৪১ ||
ঋগ্বেদপারগে দদ্যাজ্জাতসস্যাং বসুন্ধরাম্ |
যজুর্বেদময়ে বিপ্রে গাঞ্চ দদ্যাৎপয়স্বিনীম্ || ২, ৪০. ৪২ ||
সামগায় শিবোদ্দেশাৎপ্রদদ্যাৎকলধৌতকম্ |
যমোদ্দেশাত্তিলাংল্লোহং ততো দদ্যাচ্চ দক্ষিণাম্ || ২, ৪০. ৪৩ ||
পশ্চাৎপুত্তলকং কার্যং সর্বৌষধিসমন্বিতম্ |
পলাশস্য চ বৃন্তানাং বিভাগং শৃণু কাশ্যপ || ২, ৪০. ৪৪ ||
কৃষ্ণাজিনং সমাস্তীর্য কুশৈশ্চ পুরুষাকৃতিম্ |
শতত্রয়েণ ষষ্ট্যা চ বৃন্তৈঃ প্রোক্তোঽস্থিসঞ্চয়ঃ || ২, ৪০. ৪৫ ||
বিন্যস্য তানি বৃন্তানি অঙ্গেষ্বেষু পৃথক্পৃথক্ |
চৎবারিংশচ্ছিরোদেশে গ্রীবায়াং দশ বিন্যসেৎ || ২, ৪০. ৪৬ ||
বিংশত্যুরঃ স্থলে দদ্যাদ্বিংশতিং জঠরেঽপি চ |
বাহুয়ুগ্মে শতং দদ্যাৎকটি দেশে চ বিংশতিম্ || ২, ৪০. ৪৭ ||
ঊরুদ্বয়ে শতঞ্চাপি ত্রিংশজ্জঙ্ঘাদ্বয়ে ন্যসেৎ |
দদ্যাচ্চতুষ্টয়ং শিশ্রে ষড্দদ্যাদ্বৃষণদ্বয়ে |
দশ পাদাঙ্গুলীভাগে এবমস্থীনি বিন্যসেৎ || ২, ৪০. ৪৮ ||
নারিকেলং শিরঃ স্থানে তুম্বং দদ্যাচ্চ তালুকে |
পঞ্চরত্নং মুখে দদ্যাজ্জিহ্বায়াং কদলীফলম্ || ২, ৪০. ৪৯ ||
অন্ত্রেষু নালকং দদ্যাদ্বালকং প্রাণ এব চ |
বসায়ীং মেদকং দদ্যাদ্গোমূত্রেণ তু মূত্রকম্ || ২, ৪০. ৫০ ||
গন্ধকং ধাতবো দেয়ো হরিতালং মনঃ শিলা |
রেতঃ স্থানে পারদঞ্চ পুরীষে পিত্তলং তথা || ২, ৪০. ৫১ ||
মনঃ শিলাং তথা গাত্রে তিলকল্কঞ্চ সন্ধিষু |
যবপিষ্টং তথা মাংসে মধু বৈ ক্ষৌদ্রমেব চ || ২, ৪০. ৫২ ||
কেশেষু বৈ বটজটাৎবচি দদ্যান্মৃগৎবচম্ |
কর্ণয়োস্তালপত্ত্রঞ্চ স্তনয়োশ্চৈব গুঞ্জিকাঃ || ২, ৪০. ৫৩ ||
নাসায়াং শতপত্ত্রং চ কমলং নাভিমণ্ডলে |
বৃন্তাকং বৃষণদ্বন্দ্বে লিঙ্গে স্যাদ্গৃঞ্জনং শুভম্ || ২, ৪০. ৫৪ ||
ঘৃতং নাভ্যাং প্রদেয়ং স্যাৎকৌপীনে চ ত্রপু স্মৃতম্ |
মৌক্তিকং স্তনয়োর্মূর্ধ্নি কুঙ্কুমেন বিলেপনম্ || ২, ৪০. ৫৫ ||
কর্পূরাগুরুধূপৈশ্চ শুভৈর্মাল্যৈঃ সুগন্ধিভিঃ |
পরিধানং পট্টসূত্রং হৃদয়ে রুক্মকং ন্যসেৎ || ২, ৪০. ৫৬ ||
ঋদ্ধিবৃদ্ধী ভুজৌ দ্বৌ চ চক্ষুষোশ্চ কপর্দকৌ |
সিন্দূরং নেত্রকোণে চ তাম্বূলাদ্যুপহারকৈঃ || ২, ৪০. ৫৭ ||
সর্বৌষধিয়ুতং প্রেতং কৃৎবা পূজা যথোদিতা |
সাগ্নিকে (কৈশ্চা) চাপি বিধিনা যজ্ঞপাত্রং ন্যসেৎক্রমাৎ || ২, ৪০. ৫৮ ||
শিরোমে শ্রীরিতি ঋচা পুনন্তু বরুণেতি চ |
প্রেতস্য পাবনং কৃৎবা শালিশালশিলোদকৈঃ || ২, ৪০. ৫৯ ||
বিষ্ণুমুদ্দিশ্য দাতব্যা সুশীলাগৌঃ পয়স্বিনী || ২, ৪০. ৬০ ||
(তিলা লোহং হিরণ্যং চ কার্পাসং লবণং তথা |
সপ্তধান্যং ক্ষিতির্গাব একৈকং পানং সমৃতম্ || ২, ৪০. ৬১ ||
তিলপাত্রং ততো দত্ত্বা পদদানং তথৈব চ || ২, ৪০. ৬১*১ ||
মহাদানানি দেয়ানি তিলপাত্রং তথেতি চ |
ততো বৈতরণী দেয়া সর্বাভরণভূষিতা || ২, ৪০. ৬২ ||
কর্তব্যং বৈষ্ণবং শ্রাদ্ধং প্রেতমুক্ত্যর্থ মাত্মবান্ |
প্রেতমোক্ষং ততঃ কুর্যাদ্ধৃদি বিষ্ণুং প্রকল্প্য চ || ২, ৪০. ৬৩ ||
ওঁ বিষ্ণুরিতি সংস্মৃত্য প্রেতং তন্মৃত্যুমেব চ |
অগ্নিদাহং ততঃ কুর্যাৎসূতকন্তু দিনত্রয়ম্ || ২, ৪০. ৬৪ ||
দশাহকর্ত্রা পিণ্ডাশ্চ কর্তব্যাঃ প্রেতভুক্তয়ে |
সর্বং বর্ষবিধিং কুর্যাদেবং প্রেতশ্চ মুক্তিভাক্ || ২, ৪০. ৬৫ ||
ইতি শ্রীগারুডে মহাপুরাণে উত্তরখণ্ডে দ্বিতীয়াংশে ধর্মকাণ্ডে প্রেতকল্পে
শ্রীকৃষ্ণগরুডসংবাদেঽপমৃত্যৌ সুখদুঃখলাভালাভনিরূপণং
নাম চৎবারিংশত্তমোঽধ্যায়ঃ