২.২ গরুডপুরাণ (অধ্যায় ১১-২০)

শ্রীগরুডমহাপুরাণম্-১১
গরুড উবাচ |
মানুষৎবং লভেৎকস্মান্মৃত্যুমাপ্নোতি তৎকথম্ |
ম্রিয়তে কঃ সুরশ্রেষ্ঠ দেহমাশ্রিত্য কুত্রচিৎ || ২, ১১. ১ ||
ইন্দ্রিয়াণি কুতো যান্তি হ্যস্পৃশ্যঃ স কথং ভবেৎ |
ক্ব কর্মাণি কৃতানীহ কথং ভুঙ্ক্তে প্রসর্পতি || ২, ১১. ২ ||
প্রসাদং কুরু মে মোহং ছেত্তুমর্হস্যশেষতঃ |
কাশ্যপোঽহং সুরশ্রেষ্ঠ বিনতাগর্ভ সম্ভবঃ |
যমলোকং কথং যান্তি বিষ্ণুলোকং চ মানবাঃ || ২, ১১. ৩ ||
শ্রীকৃষ্ণ উবাচ |
পরস্য যোষিতং হৃৎবা ব্রহ্মস্বমপহৃত্য চ || ২, ১১. ৪ ||
অরণ্যে নির্জনে দেশে জায়তে ব্রহ্মরাক্ষসঃ |
হীনজাতৌ প্রজায়েত রত্নানামপহারকঃ || ২, ১১. ৫ ||
যংযং কামমভিধ্যায়েৎস তল্লিঙ্গোঽভিজায়তে |
নৈনং ছিন্দন্তি শস্ত্রাণি নৈনং দহতি পাবকঃ || ২, ১১. ৬ ||
ন চৈনং ক্লেদয়ন্ত্যাপো ন শোষয়তি মারুতঃ |
বাক্চক্ষুর্নাসিকা কর্ণৌ গুদং মূত্রস্য সঞ্চরঃ || ২, ১১. ৭ ||
অণ্ডজাদিকজন্তূনাং ছিদ্রাণ্যেতানি সর্বশঃ |
আনাভের্মূর্ধপর্যন্তমূর্ধ্বচ্ছিদ্রাণি চাষ্ট বৈ || ২, ১১. ৮ ||
সন্তঃ সুকৃতিনো মর্ত্যা ঊর্ধ্বচ্ছিদ্রেণ যান্তি বৈ |
মৃতাহে বার্ষিকং যাবদ্যথোক্তবিধিনা খগ || ২, ১১. ৯ ||
কুর্যাৎসর্বাণি কর্মাণি নির্ধনোঽপি হি মানবঃ |
দেহে যত্র বসেজ্জন্তুস্তত্র ভুঙ্ক্তে শুভাশুভম্ || ২, ১১. ১০ ||
মনোবাক্কায়জান্দোষাংস্তথাং ভুঙ্ক্তে খগেশ্বর |
মৃতঃ স সুখমাপ্নোতি মায়াপাশৈর্ন বধ্যতে |
পাশবদ্ধো নরো যস্তু বিকর্মনিরতো ভবেৎ || ২, ১১. ১১ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে ধর্মকাণ্ডে প্রেতকল্পে
শ্রীকৃষ্ণগরুডসংবাহে ঊর্ধ্বাধোগতিজ্ঞাপকোৎক্রমণদ্বারনিরূপণং নামৈকাদশোঽধ্য্যাঃ

শ্রীগরুডমহাপুরাণম্-১২
শ্রীকৃষ্ণ উবাচ |
এবং তে কথিতস্তার্ক্ষ্য জীবিতস্য বিনর্ণয়ঃ |
মানুষাণাং হিতার্থায় প্রেতৎববিনিবৃত্তয়ে || ২, ১২. ১ ||
চতুরশীতিলক্ষাণি চতুর্ভেদাশ্চ জন্তবঃ |
অণ্ডজাঃ স্বেদজাশ্চৈব উদ্ভিজ্জাশ্চ জারায়ুজাঃ || ২, ১২. ২ ||
একবিংশতিলক্ষাণি অণ্ডজাঃ পরিকীর্তিতাঃ |
স্বেদজাশ্চ তথা প্রোক্তা উদ্ভিজ্জাশ্চ ক্রমেণ তু || ২, ১২. ৩ ||
জরায়ুজাস্তথা প্রোক্তা মনুষ্যাদ্যাস্তথা পরে |
সর্বেষামেব জন্তূনাং মানুষৎবং হি দুর্লভম্ || ২, ১২. ৪ ||
পঞ্চেন্দ্রিয়নিধানৎবং মহাপুণ্যৈরবাপ্যতে |
ব্রাহ্মণাঃ ক্ষত্ত্রিয়া বৈশ্যাঃ শূদ্রাস্তৎপরজাতয়ঃ || ২, ১২. ৫ ||
রজকশ্চর্মকারশ্চ নটো বুরুড এব চ |
কৈবর্তমেদভিল্লাশ্চ সপ্তৈতে হ্যন্ত্যজাঃ স্মৃতাঃ || ২, ১২. ৬ ||
ম্লেচ্ছতুম্ববিভেদেন জাতিভেদাস্ত্বনেকশঃ |
জন্তূনামেব সর্বেষাং জাতিভেদাঃ সহস্রশঃ || ২, ১২. ৭ ||
জন্তূনামেব সর্বেষাং ভেদাশ্চৈব সহস্রশঃ |
আহারো মৈথুনং নিদ্রা ভয়ং ক্রোধস্তথৈব চ || ২, ১২. ৮ ||
সর্বেষা মেব জন্তূনাং বিবেকো দুর্লভঃ পরঃ |
একপাদাদিরূপেণ দেহভেদাস্ত্বনেকশঃ || ২, ১২. ৯ ||
কৃষ্ণসারো মৃগো যত্র ধর্মদশঃ স উচ্যতে |
ব্রহ্মাদ্যা দেবতাঃ সর্বাস্তত্র তিষ্ঠন্তি সর্বশঃ || ২, ১২. ১০ ||
ভূতানাং প্রাণিনঃ শ্রেষ্ঠাঃ প্রাণিনাং মতিজীবিনঃ |
মতিমৎসু নরাঃ শ্রেষ্ঠা নরেষু ব্রাহ্মণাঃ স্মৃতাঃ || ২, ১২. ১১ ||
মানুষ্যং যঃ সমাসাদ্য স্বর্গমেক্ষৈকসাধকম্ |
তয়োর্ন সাধয়েদেকং তেনাত্মা বঞ্চিতো ধ্রুবম্ || ২, ১২. ১২ ||
ইচ্ছতি শতী সহস্রং সহস্রী লক্ষমীহতে কর্তুম্ |
লক্ষাধিপতী রাজ্যং রাজাপি সকলাং ধরাং লব্ধুম্ || ২, ১২. ১৩ ||
চক্রধরোঽপি সুরৎবং সুরভাবে সকলসুরপতির্ভবিতুম্ |
সুরপতিরূর্ধ্বগতিৎবং তথাপি ননিবর্ততে তৃষ্ণা || ২, ১২. ১৪ ||
তৃষ্ণয়া চাভিভূতস্তু নরকং প্রতিপদ্যতে |
তৃষ্ণামুক্তাস্তু যে কেচিৎস্বর্গবাসং লভন্তি তে || ২, ১২. ১৫ ||
আত্মাধীনঃ পুমাংল্লোকে সুখী ভবতি নিশ্চিতম্ |
শব্দঃ স্পর্শশ্চ রূপং চ রসো গন্ধশ্চ তদ্গুণাঃ || ২, ১২. ১৬ ||
তথা চ বিষয়াধীনো দুঃখী ভবতি নিশ্চিতম্ || ২, ১২. ১৭ ||
কুরঙ্গমতাঙ্গপতঙ্গভৃঙ্গমীনা হতাঃ পঞ্চভিরেব পঞ্চ |
একঃ প্রমাদী স কথং ন হন্যতে যঃ সেবতে পঞ্চভিরেব পঞ্চ || ২, ১২. ১৮ ||
পিতৃমাতৃময়ো বাল্যে যৌবনে দয়িতাময়ঃ |
পুত্রপৌত্রময়শ্চান্তে মূঢো নাত্মময়ঃ ক্বচিৎ || ২, ১২. ১৯ ||
লোহদারুময়ৈঃ পাশৈঃ পুমান্বদ্ধো বিমুচ্যতে |
পুত্রদারময়ৈঃ পাশৈর্নৈব বদ্ধো বিমুচ্যতে || ২, ১২. ২০ ||
একঃ করোতি পাপানি ফলং ভুঙ্ক্তে মহাজনঃ |
ভোক্তারো বিপ্রয়ুজ্যন্তে কর্তা দোষেণ লিপ্যতে || ২, ১২. ২১ ||
কোঽপি মৃত্যুং ন জয়তি বালো বৃদ্ধো যুবাপি বা |
সুখদুঃখাদিকো বাপি পুনরায়াতি যাতি চ || ২, ১২. ২২ ||
সর্বেষাং পশ্যতামেব মৃতঃ সর্বং পরিত্যজেৎ |
একঃ প্রজায়তে জন্তুরেক এব প্রলীয়তে || ২, ১২. ২৩ ||
একোঽপি ভুঙ্ক্তে সুকৃতমেক এব চ দুষ্কৃতম্ |
মৃতং শরীরমুৎসৃজ্য কাষ্ঠলোষ্টসমঙ্ক্ষিতৌ || ২, ১২. ২৪ ||
বান্ধবা বিমুখা যান্তি ধর্মস্তমনুগচ্ছতি |
গৃহেষ্বর্থা নিবর্তন্তে শ্মশানান্মিত্রবান্ধবাঃ || ২, ১২. ২৫ ||
শরীরং বহ্নিরাদত্তে সুকৃতং দুষ্কৃতং ব্রজেৎ |
শরীরং বহ্নিনা দগ্ধং পুণ্যং পাপং সহ স্থিতম্ || ২, ১২. ২৬ ||
শুভং বা যদি বা পাপং ভুঙ্ক্তে সর্বত্র মানবঃ |
যদনস্তমিতে সূর্যে ন দত্তং ধনমর্থিনাম্ || ২, ১২. ২৭ ||
ন জানে তস্য তদ্বিত্তং প্রাতঃ কস্য ভবিষ্যতি |
রারটীতি ধনং তস্য কো মে ভর্তা ভবিষ্যতি || ২, ১২. ২৮ ||
ন দত্তং দ্বিজমুখ্যেভ্যঃ পরোপকৃতয়ে তথা |
পূর্বজন্মকৃতাৎপুণ্যাদ্যল্লব্ধং বহু চাল্পকম্ || ২, ১২. ২৯ ||
তদীদৃশং পরিজ্ঞায় ধর্মার্থে দীয়তে ধনম্ |
ধনেন ধার্যতে ধর্মঃ শ্রদ্ধাপূতেন চেতসা || ২, ১২. ৩০ ||
শ্রদ্ধাবিরহিতো ধর্মো নেহামুত্র চ তৎফলম্ |
ধর্মাচ্চ জায়তে হ্যর্থো ধর্মাৎকামোঽপি জায়তে || ২, ১২. ৩১ ||
ধর্ম এবাপবর্গায় তস্মাদ্ধর্মং সমাচরেৎ |
শ্রদ্ধয়া সাধ্যতে ধর্মো বহুভির্নার্থরাশিভিঃ || ২, ১২. ৩২ ||
অকিঞ্চনা হি মুনয়ঃ শ্রদ্ধাবন্তো দিবং গতাঃ |
অশ্রদ্ধয়া হুতং দত্তং তপস্তপ্তং কৃতং চ যৎ |
অসদিত্যুচ্যতে পক্ষিন্প্রেত্য চেহ ন তৎফলম্ || ২, ১২. ৩৩ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে ধর্মকাদৃপ্রেতকল্পে
শ্রীকৃষ্ণগরুডসংবাদে মৃতস্য ধর্মমাত্রানুয়ায়িৎবনিরূপণং নাম দ্বাদশোঽধ্যায়ঃ

শ্রীগরুডমহাপুরাণম্-১৩
গরুড উবাচ |
কর্মণা কেন দেবেশ প্রেতৎবং নৈব জায়তে |
পৃথিব্যাং সর্বজন্তূনাং তদ্ব্রূহি পরমেশ্বর || ২, ১৩. ১ ||
শ্রীকৃষ্ণ উবাচ |
অথ বক্ষ্যামি সঙ্ক্ষেপাৎক্ষয়াহাদৌর্ধ্বদৈহিকম্ |
ক্বহস্তেনৈব কর্তব্যং মোক্ষকামৈস্তু মানবৈঃ || ২, ১৩. ২ ||
স্ত্রীণামপি বিশেষেণ পঞ্চবর্ষাধিকে শিশৌ |
বৃষোৎসর্গাদিকং কর্ম প্রেতৎববিনিবৃত্তয়ে |
বৃষোৎসর্গাদৃতে নান্যৎকিঞ্চিদস্তি মহীতলে || ২, ১৩. ৩ ||
জীবন্বাপি মৃতো বাপি বৃষোৎসর্গং করোতি যঃ |
প্রেতৎবং ন ভবেত্তস্য বিনা দানমখব্রতৈঃ || ২, ১৩. ৪ ||
গরুড উবাচ |
কস্মিন্কালে বৃষোৎসর্গং জীবন্বাপি মৃতোঽপি বা |
কুর্যাৎসুরবরশ্রেষ্ঠ ব্রূহি মে মধুসূদন || ২, ১৩. ৫ ||
কিং ফলং তু ভবেদন্তে কৃতৈঃ শ্রাদ্ধৈস্তু ষোডশৈঃ || ২, ১৩. ৬ ||
শ্রীকৃষ্ণ উবাচ |
অকৃৎবা তু বৃষোৎসর্গং কুরুতে পিণ্ডপাতনম্ |
নোপতিষ্ঠতি তচ্ছ্রেয়ো দাতুঃ প্রেতস্য নিষ্ফলম্ || ২, ১৩. ৭ ||
একাদশাহে প্রেতস্য যস্য নোৎসৃজ্যতে বৃষঃ |
প্রেতৎবং সুস্থিরং তস্য দত্তৈঃ শ্রাদ্ধশতৈরপি || ২, ১৩. ৮ ||
গরুড উবাচ |
সর্পাদ্ধি প্রাপ্তমৃত্যূনামগ্নিদাহাদি ন ক্রিয়া |
জলেন শৃঙ্গিণা বাপি শস্ত্রাদ্যৈর্ম্রিয়তে যদি || ২, ১৩. ৯ ||
অসন্মৃত্যুমৃতানাং চ কথং শুদ্ধির্ভবৎপ্রভো |
এতন্মে সংশয়ং দেব চ্ছেত্তুমর্হস্যশেষতঃ || ২, ১৩. ১০ ||
শ্রীকৃষ্ণ উবাচ |
ষণ্মাসৈর্ব্রাহ্মণঃ শুধ্যেদ্যুগ্মে সার্ধে তু বাহুজঃ |
সার্ধমাসেন বৈশ্যস্তু শূদ্রো মাসেন শুধ্যতি || ২, ১৩. ১১ ||
দত্ত্বা দানান্যশেষাণি সুতীর্থে ম্রিয়তে যদি |
ব্রহ্মচারী শুচির্ভূৎবা ন স যাতীহ দুর্গতিম্ || ২, ১৩. ১২ ||
বৃষোৎসর্গাদিকং কৃৎবা যতিধর্মং সমাচরেৎ |
যতিৎবে মৃত্যুমাপ্নোতি স গচ্ছেদ্ব্রহ্মশাখ্বতম্ || ২, ১৩. ১৩ ||
বিকর্ম কুরুতে যস্তু শিষ্টাচারবিবর্জিতঃ |
বৃষোৎসর্গাদিকং কৃৎবা ন গচ্ছেদ্যমশাসনম্ || ২, ১৩. ১৪ ||
পুত্ত্রো বা সোদরো বাপি পৌত্রো বন্ধুজনস্তথা |
গোত্রিণশ্চার্থভাগী চ মৃতে কুর্যাদ্বৃষোৎসবম্ || ২, ১৩. ১৫ ||
পুত্রাভাবে তু পত্নী স্যাদ্দৌহিত্ত্রো দুহীতাপি বা |
পুত্ত্রেষু বিদ্যমানেষু বৃষং নান্যেন কারয়েৎ || ২, ১৩. ১৬ ||
গরুড উবাচ |
পুত্ত্রা যস্য ন বিদ্যন্তে নরা নার্যঃ সুরেশ্বর |
এতন্মে সংশয়ং দেব চ্ছেতুমর্হস্যশেষতঃ || ২, ১৩. ১৭ ||
শ্রীকৃষ্ণ উবাচ |
অপুত্ত্রস্য গতির্নাস্তি স্বর্গো নৈব চ নৈব চ |
তস্মাৎকেনাপ্যুপায়েন পুত্ত্রস্য জননং চরেৎ || ২, ১৩. ১৮ ||
যানি কানি চ দানানি স্বয়ং দত্তানি মানবৈঃ |
তানিতানি চ সর্বাণি তূপতিষ্ঠন্তি চাগ্রতঃ || ২, ১৩. ১৯ ||
ব্যঞ্জনানি বিচিত্রাণি ভক্ষ্যভোজ্যানি যানি চ |
স্বহস্তেন প্রদত্তানি দেহান্তে চাক্ষয়ং ফলম্ || ২, ১৩. ২০ ||
গোভূহিরণ্যবাসাংসি ভোজনানি পাদনি চ |
যত্রয়ত্র বসেজ্জন্তুস্তত্রতত্রোপতিষ্ঠতি || ২, ১৩. ২১ ||
যাবৎস্বস্থং শরীরং হি তাবদ্ধর্মং সমাচরেৎ |
অস্বস্থঃ প্রেরিতশ্চান্যৈর্নাকিঞ্চিৎকর্তুমর্হতি || ২, ১৩. ২২ ||
জীবতোঽপি মৃতস্যেহ ন ভূতং চৌর্ধ্বদৈহিকম্ |
বায়ুভূতঃ ক্ষুধাবিষ্টো ভ্রমতে চ দিবানিশম্ || ২, ১৩. ২৩ ||
কৃমিঃ কীটঃ পতঙ্গো বা জায়তে ম্রিয়তে পুনঃ |
অসদ্গর্ভে ভবেৎসোঽপি জাতঃ সদ্যো বিনশ্যতি || ২, ১৩. ২৪ ||
যাবৎস্বস্থমিদং শরীরমরুজং যাবজ্জরা দূরতো যাবচ্চেন্দ্রিয়শক্তিরপ্রতিহতা যাবৎক্ষয়ো নায়ুষঃ |
আত্মশ্রেয়সি তাবদেব বিদুষা কার্যঃ প্রয়ত্নো মহান্সন্দীপ্তে ভবনে
তু কূপখননং প্রত্যুদ্যমঃ কীদৃশঃ || ২, ১৩. ২৫ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে ধর্মকাণ্ডে প্রেতকল্পে
শ্রীকৃষ্ণগরুডসংবাদে বৃষোৎসর্গদানধর্মপুত্রাদিপ্রশংসনং নাম ত্রয়োদশোঽধ্যায়ঃ

শ্রীগরুডমহাপুরাণম্-১৪
গরুড উবাচ |
আর্তেন ম্রিয়মাণেন যদ্দত্তং তৎফলং বদ |
স্বস্থাবস্থেন দত্তেন বিধিহীনেন বা বিভো || ২, ১৪. ১ ||
শ্রীকৃষ্ণ উবাচ |
একা গৌঃ স্বস্থচিত্তস্য হ্যাতুরস্য চ গোশতম্ |
সহস্রং ম্রিয়মাণস্য দত্তং বিত্তবিবর্জিতম্ || ২, ১৪. ২ ||
মৃতস্যৈব পুনর্লক্ষং বিধিপূতং চ তৎসমম্ |
তীর্থপাত্রসমায়োগাদেকা গৌর্লক্ষপুণ্যদা || ২, ১৪. ৩ ||
পাত্রে দত্তে খগশ্রেষ্ঠ অহন্যহনি বর্ধতে |
দাতুর্দানমপাপায় জ্ঞানিনাং চ প্রতিগ্রহঃ || ২, ১৪. ৪ ||
বিষশীতাপহো মন্ত্রবহ্নিঃ কিং দোষভাজনম্ |
দাতব্যং প্রত্যহং পাত্রে নিমিত্তেষু বিশেষতঃ || ২, ১৪. ৫ ||
নাপাত্রে বিদুষা কিঞ্চিদাত্মনঃ শ্রেয় ইচ্ছতা |
অপাত্রে জাতু গৌর্দত্তা দাতারং নরকং নয়েৎ || ২, ১৪. ৬ ||
কুলৈকবিংশতিয়ুতং গ্রহীতারং চ পাতয়েৎ |
দেহান্তরং পরিপ্রাপ্য স্বহস্তেন কৃতং চ যৎ || ২, ১৪. ৭ ||
ধনং ভূমিগতং যদ্বৎস্বহস্তেন নিবেশিতম্ |
তদ্বৎফলমবাপ্নোতি হ্যহং বচ্মি খগেশ্বর || ২, ১৪. ৮ ||
অপুত্রোঽপি বিশেষেণ ক্রিয়াং চৈবান্ধ্বদৌহিকীম্ |
প্রকুর্যান্মোক্ষকামশ্চ নির্ধনশ্চ বিশেষতঃ || ২, ১৪. ৯ ||
স্বল্পেনাপি হি বিত্তেন স্বয়ং হস্তেন যৎকৃতম্ |
অক্ষয়ং যাতি তৎসর্বং যথাজ্যং চ হুতাশনে || ২, ১৪. ১০ ||
একা চৈকস্য দাতব্যা শয়্যা কন্যা পয়স্বিনী |
সা বিক্রীতা বা দহত্যাসপ্তমং কুলম্ || ২, ১৪. ১১ ||
তস্মাৎসর্বং প্রকুর্বীত চঞ্চলে জীবিতে সতি |
গৃহীতদানপাথেয়ঃ সুখং যাতি মহাধ্বনি || ২, ১৪. ১২ ||
অন্যথা ক্লিশ্যতে জন্তুঃ পাথেয়রহিতঃ পথি |
এবং জ্ঞাৎবা খগশ্রেষ্ঠ বৃষয়জ্ঞং সমাচরেৎ || ২, ১৪. ১৩ ||
অকৃৎবা ম্রিয়তে যস্তু অপুত্রো নৈব মুক্তিভাক্ |
অপুত্রোঽপি হি যঃ কুর্যাৎসুখং যাতি মহাপথে || ২, ১৪. ১৪ ||
অগ্নিহোত্রাধিভির্যজ্ঞৈর্দানৈশ্চ বিবিধৈরপি |
ন তাং গতিমবাপ্নোতি বৃষোৎসর্গেণ যা গতিঃ || ২, ১৪. ১৫ ||
যজ্ঞানাং চৈব সর্বেষাং বৃষয়জ্ঞস্তথোত্তমঃ |
তস্মাৎসর্বপ্রয়ত্নেন বৃষয়জ্ঞং সমাচরেৎ || ২, ১৪. ১৬ ||
গরুড উবাচ |
কথয়স্ব প্রসাদেন ক্ষয়াহং চৌর্ধ্বদৈহিকম্ |
কস্মিন্কালে তিথৌ কস্যাং বিধিনা কেন তদ্ভবেৎ || ২, ১৪. ১৭ ||
কৃৎবা কিং ফলমাপ্নোতি এতন্মে বদ সাম্প্রতম্ |
ৎবৎপ্রসাদেন গোবিন্দ মুক্তে ভবতি মানবঃ || ২, ১৪. ১৮ ||
শ্রীকৃষ্ণ উবাচ |
কার্তিকাদিষু মাসেষু যাম্যায়তগতে রবৌ |
শুক্লপক্ষে তথা পক্ষিন্দ্বাদশ্যাদিতিথৌ শুভে || ২, ১৪. ১৯ ||
শুভে লগ্নে মুহূর্তে বা শুচৌ দেশে সমাহিতঃ |
ব্রাহ্মণং তু সমাহূয় বিধিজ্ঞং শুভলক্ষণম্ || ২, ১৪. ২০ ||
জপহোমৈস্তথা দানৈঃ কুর্যাদ্দহেস্য শোধনম্ |
পুণ্যেঽভিজিৎসুনক্ষত্রে গ্রহান্দেবান্সমর্চয়েৎ || ২, ১৪. ২১ ||
হোমং কুর্যাদ্যথাশক্তি মন্ত্রৈশ্চ বিবিধৈরপি |
গ্রহাণাং স্থাপনং কুর্যাৎপূর্বং চৈব খগেশ্বর || ২, ১৪. ২২ ||
মাৎৠণাং পূজনং কার্যং বসোর্ধারাং চ পাতয়েৎ |
বহ্নিং সংস্থাপ্য তত্রৈব পূর্ণং হোমং তু কারয়েৎ || ২, ১৪. ২৩ ||
শালগ্রামং চ সংস্থাপ্য বৈষ্ণবং শ্রাদ্ধমাচরেৎ |
বৃষং সম্পূজ্য তত্রৈব বস্ত্রালঙ্কারভূষণৈঃ || ২, ১৪. ২৪ ||
চতস্রো বৎসতর্যশ্চ পূর্বং সমধিবাসয়েৎ |
প্রদক্ষিণং ততঃ কুর্যাদ্ধোমান্তে চ বিসর্জনম্ || ২, ১৪. ২৫ ||
ইমং মন্ত্রং সমুচ্চার্য উত্তরাভিমুখঃ স্থিতঃ |
ধর্ম ৎবং বৃষরূপেণ ব্রহ্মণা নির্মিতঃ পুরা || ২, ১৪. ২৬ ||
তবোৎসর্গপ্রভাবান্মামুদ্ধরস্বভবার্ণাবাৎ |
অবিষিচ্য শুভৈর্মন্ত্রৈঃ পাবনৈর্বিধিপূর্বকম্ || ২, ১৪. ২৭ ||
তনক্রীডন্তিমন্ত্রেণ বৃষোৎসর্গং তু কারয়েৎ |
অভিষিঞ্চেত্ততো নীলং রুদ্রকুম্ভো দকেন তু || ২, ১৪. ২৮ ||
নাভিমূলে সমাস্থায় তদম্বু মূর্ধনি ন্যসেৎ |
অন্ন (আত্ম) শ্রাদ্ধং ততঃ কুর্যাদ্দদ্যাদ্দানং দ্বিজোত্তমে || ২, ১৪. ২৯ ||
উদকেচৈব গন্তব্যং জলং তত্র প্রদাপয়েৎ |
যদিষ্টং জীবতস্ত্বাসীত্তচ্চ দদ্যাৎস্বশক্তিতঃ || ২, ১৪. ৩০ ||
ন্যূনং সম্পূর্ণতাং যাতি বৃষোৎসর্গে কৃতে সতি |
সুতৃপ্তো দুস্তরে মার্গে মৃতো যাতি ন সংশয়ঃ || ২, ১৪. ৩১ ||
যমলোকং ন পশ্যন্তি সদা দানরতা নরাঃ |
যাবন্ন দীয়তে জন্তোঃ শ্রাদ্ধং চৈকাদশাহিকম্ || ২, ১৪. ৩২ ||
স্বদত্তং পরদত্তং বা নেহামুত্রোপতিষ্ঠতি |
ত্রয়োদশা তথা সপ্ত পঞ্চ ত্রীণী ক্রমেণ তু || ২, ১৪. ৩৩ ||
পদদানানি কুর্বীত শ্রদ্ধাভক্তিসমন্বিতঃ |
তিলপাত্রাণি কুর্বীত সপ্ত পঞ্চ যথাক্রমম্ || ২, ১৪. ৩৪ ||
ব্রাহ্মণান্ভোজয়েৎপশ্চাদেকাং গাং চ প্রদাপয়েৎ |
বৃষং হি শন্নোদেবীতি বেদোক্তবিধিনা ততঃ || ২, ১৪. ৩৫ ||
চতসৃভির্বৎসতরীভিঃ পরিণয়নমাচরেৎ |
বামে চক্রং প্রদাতব্যং ত্রিশূলং দক্ষিণে তথা || ২, ১৪. ৩৬ ||
মূল্যং দদ্যাদ্বৃষস্যাপি তং বৃষং চ বিসর্জয়েৎ |
একোদ্দিষ্টবিধানেন স্বাহাকারেণ বুদ্ধিমান্ || ২, ১৪. ৩৭ ||
কুর্যাদেকাদশাহং চ দ্বাদশাহং চ যত্নতঃ |
সপিণ্ডীকরণাদর্বাক্কুর্যাচ্ছ্রাদ্ধানি ষোডশ || ২, ১৪. ৩৮ ||
ব্রাহ্মণান্ভোজয়িৎবা তু পদদানানি দাপয়েৎ |
কাপোসোপরি সংস্থাপ্য তাম্রপাত্রে তথাচ্যুতম্ || ২, ১৪. ৩৯ ||
বস্ত্রেণাচ্ছাদ্য তত্রস্থমর্ঘং দদ্যাচ্ছুভৈঃ ফলৈঃ |
নাবমিক্ষুময়ীং কৃৎবা পট্টসূত্রেণ বেষ্টয়েৎ || ২, ১৪. ৪০ ||
কাংস্যপাত্রে ঘৃতং স্থাপ্য বৈতরণ্যা নিমিত্ততঃ |
নাবারোহণং কুর্যাৎপূজয়েদ্গরুডধ্বজম্ || ২, ১৪. ৪১ ||
আত্মবিত্তানুসারেণ তচ্চ দানমনন্তকম্ |
ভবসাগরমগ্নানাং শোকতাপার্তিদুঃখিনাম্ || ২, ১৪. ৪২ ||
ধর্মপ্লববিহীনানাং তারকো হি জনার্দনঃ |
তিলা লোহং হিরণ্যং চ কার্পাসং লবণং তথা || ২, ১৪. ৪৩ ||
সপ্তধান্যং ক্ষিতির্গাবো হ্যেকৈকং পাবনং স্মৃতম্ |
তিলপাত্রাণি কুর্বীত শয়্যাদানং চ দাপয়েৎ || ২, ১৪. ৪৪ ||
দীনানাথবিশিষ্টেভ্যো দদ্যাচ্ছক্ত্যা চ দক্ষিণাম্ |
এবং যঃ কুরুতে তার্ক্ষ্য পুত্রবানপ্যপুত্রবান্ || ২, ১৪. ৪৫ ||
স সিদ্ধিং সমবাপ্নোতি যথা তে ব্রহ্মচারিণঃ |
নিত্যং নৈমিত্তিকং কুর্যাদ্যাবজ্জীবতি মানবঃ || ২, ১৪. ৪৬ ||
যঃ কশ্চিৎক্রিয়তে ধর্মস্তৎফলং চাক্ষয়ং ভবেৎ |
তীর্থয়াত্রাব্রতাদীনাং শ্রাদ্ধং সংবৎসরস্য হি || ২, ১৪. ৪৭ ||
দেবতানাং গুরূণাং চ মাতাপিত্রোস্তথৈব চ |
পুণ্যং দেয়ং প্রয়ত্নেন প্রত্যহং বর্ধতে খগ || ২, ১৪. ৪৮ ||
অস্মিন্যজ্ঞেঃ হিয়ঃ কশ্চিদ্ভূরিদানং প্রয়চ্ছতি |
তত্তস্য চাক্ষয়ং সর্বং বেদিকায়াং যথা কিল || ২, ১৪. ৪৯ ||
যথা পূজ্যতমা লোকে যতয়ো ব্রহ্মচারিণঃ |
তথৈব প্রতিপূজ্যন্তে লোকে সর্বে চ নিত্যশঃ || ২, ১৪. ৫০ ||
বরদোঽহং সদা তস্য চতুর্বক্ত্রস্তথা হরঃ |
তে যান্তি পরমাংল্লোকানিতি সত্যং বচো মম || ২, ১৪. ৫১ ||
উৎসৃষ্টো বৃষভো যত্র পিবত্যপো জলাশয়ে |
শৃঙ্গেণালিখতে বাপি ভূমিং নিত্যং প্রহর্ষিতঃ || ২, ১৪. ৫২ ||
পিৎৠণামন্নপানং চ প্রভূতমুপতিষ্ঠতি |
পৌর্ণমাস্যামমায়াং বা তিলপাত্রাণি দাপয়েৎ || ২, ১৪. ৫৩ ||
সঙ্ক্রান্তীনাং সহস্রাণি সূর্যপর্বশতানি চ |
দত্ত্বা যৎফলমাপ্নোতি তদ্বৈ নীলবিসর্জনে || ২, ১৪. ৫৪ ||
বৎসতর্যঃ প্রদাতব্যা ব্রাহ্মণেভ্যঃ পদানি চ |
তিলপাত্রাণি দেয়ানি শিবভক্তদ্বিজেষু চ || ২, ১৪. ৫৫ ||
উমামহেশ্বরং চৈকং পরিধাপ্য প্রিদাপয়েৎ |
অতসীপুষ্পসঙ্কাশং পীতবাসসমচ্যুতম্ || ২, ১৪. ৫৬ ||
যে নমস্যন্তি গোবিন্দং ন তেষাং বিদ্যতে ভয়ম্ |
প্রেতৎবান্মোক্ষমিচ্ছন্তো যে করিষ্যন্তি সৎক্রিয়াম্ || ২, ১৪. ৫৭ ||
যাস্যন্তি তে পরাংল্লোকানিতি সত্যং বচো মম |
এতত্তে সর্বমাখ্যাতং ময়া চৈবোর্ধ্বদৈহিকম্ || ২, ১৪. ৫৮ ||
যচ্ছ্রুৎবা সর্বপাপেভ্যো মুচ্যতে নাত্র সংশয়ঃ |
শ্রুৎবা মহাত্ম্যমতুলং গরুডো হর্ষমাগতঃ |
মানুষাণাং হিতার্থায় পুনঃ প্রপচ্ছকেশবম্ || ২, ১৪. ৫৯ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে ধর্মকাণ্ডে প্রেতকল্পে
শ্রীকৃষ্ণগরুডসংবাদে গোদানবৃষোৎসর্গদশদানভূরিদানাদিনিরূপণং নাম চতুর্দশোঽধ্যায়ঃ

শ্রীগরুডমহাপুরাণম্-১৫
গরুড উবাচ |
বগবন্ব্রূহি মে সর্বং যমলোকস্য নির্ণয়ম্ |
জন্তোঃ প্রয়াণমারভ্য মাহাত্ম্যং বর্ত্মবিস্তরম্ || ২, ১৫. ১ ||
শ্রীভগবানুবাচ |
শৃণু তার্ক্ষ্য প্রবক্ষ্যামি যমমার্গস্য নির্ণয়ম্ |
প্রয়াণকানি সর্বাণি নগরাণি চ ষোডশ || ২, ১৫. ২ ||
ষাডশীতিসহস্রাণি যোজনানাং প্রমাণতঃ |
যমলোকস্য চোর্ধ্বং বৈ অন্তরা মানুষস্য চ || ২, ১৫. ৩ ||
কুকৃতং দুষ্কৃতং বাপি ভুক্ত্বা লোকে যথার্জিতম্ |
কর্ময়োগাদ্যদা কশ্চিদ্ব্যাধিরুৎপদ্যতে খগ || ২, ১৫. ৪ ||
নিমিত্তমাত্রং সর্বেষাং কৃতকর্মানুসারতঃ |
যস্য যো বিহিতো মৃত্যুঃ স তং ধ্রুবমবাপ্নুয়াৎ || ২, ১৫. ৫ ||
কর্ময়োগাদ্যদা দেহী মুঞ্চত্যত্র নিজং বপুঃ |
তদা ভূমিগতং কুর্যাদ্গোময়েনোপলিপ্য চ || ২, ১৫. ৬ ||
তিলান্দর্ভান্বিকীর্যাথ মুখে স্বর্ণং বিনিঃ ক্ষিপেৎ |
তুলসীংসন্নিধৌ কৃৎবা শালগ্রামশিলাং তথা || ২, ১৫. ৭ ||
সেতু (এবং) সামাদিসূক্তৈস্তু মরণং মুক্তিদায়কম্ |
শলাকাস্বর্ণবিক্ষপৈঃ প্রতপ্রাণিগৃহেষুচ || ২, ১৫. ৮ ||
একা বক্ত্রে তু দাতব্যা ঘ্রাণয়ুগ্মে তথা পুনঃ |
অক্ষ্ণোশ্চ কর্ণয়োশ্চৈব দ্বেদ্বে দেয়ে যথাক্রমম্ || ২, ১৫. ৯ ||
অথ লিঙ্গে তথা চৈকা ৎবেকাং ব্রহ্মাণ্ডকেক্ষিপেৎ |
করয়ুগ্মে চ কণ্ঠে চ তুলসীং চ প্রদাপয়েৎ || ২, ১৫. ১০ ||
বস্ত্রয়ুগ্মং চ দাতব্যং কঙ্কুমৈশ্চাক্ষতৈর্যজেৎ |
পুষ্পমালায়ুতং কুর্যাদন্যদ্বারেণ সন্নয়েৎ || ২, ১৫. ১১ ||
পুত্রস্তু বান্ধবৈঃ সার্ধং বিপ্রস্তু পুরবাসিভিঃ |
পিতুঃ প্রেতং স্বয়ং পুত্রঃ স্কন্ধমারোপ্য বান্ধবৈঃ || ২, ১৫. ১২ ||
গৎবা শ্মশানদেশে তু প্রাড্মুখশ্চোত্তরামুখম্ |
অদগ্ধপূর্বা যা ভূমিশ্চিতাং তত্রৈব কারয়েৎ || ২, ১৫. ১৩ ||
শ্রীখণ্ডতুলসীকাষ্ঠসমিৎপালাশসম্ভৃতাম্ |
বিকলেন্দ্রিয়সঙ্ঘাতে চৈতন্যে জডতাং গতে || ২, ১৫. ১৪ ||
প্রচলন্তি ততঃ প্রাণা যাম্যৈর্নিকটবর্তিভিঃ |
একীভূতং জগৎপশ্যেদ্দৈবী দৃষ্টিঃ প্রজায়তে || ২, ১৫. ১৫ ||
বীভৎসং দারুণং রূপং প্রণৈঃ কণ্ঠং সমাশ্রিতৈঃ |
ফেনমুদ্গিরতে কোপি মুখং লালাকুলং ভবেৎ || ২, ১৫. ১৬ ||
দুরাত্মানশ্চ তাড্যন্তে কিঙ্করৈঃ পাশবন্ধনৈঃ |
সুখেন কৃতিনস্তত্র নীয়ন্তে নাকনায়কৈঃ || ২, ১৫. ১৭ ||
দুঃখেন পাপিনো যান্তি যমমার্গে চ দুর্গমে |
যমশ্চতুর্ভুজো ভূৎবা শঙ্খচক্রগদাদিভৃৎ || ২, ১৫. ১৮ ||
পুণ্যকর্মরতান্সম্যক্ষুভান্মিত্রবদাচরেৎ |
আহূয় পাপিনঃ সর্বান্যমো দণ্ডেন রজ্জয়েৎ || ২, ১৫. ১৯ ||
প্রলয়াম্বুদনির্ঘোষস্ত্বঞ্জনাদ্রিসমপ্রভঃ |
মহিষস্থো দুরারাধ্যো বিদ্যুত্তেজঃ সমদ্যুতিঃ || ২, ১৫. ২০ ||
যোজনত্রয়বিস্তারদেহো রৌদ্রোঽতিভীষণঃ |
লোহদণ্ডধরো ভীমঃ পাশপাণির্দুরাকৃতিঃ || ২, ১৫. ২১ ||
বক্রনেত্রোঽতিভয়দো দর্শনং যাতি পাপিনাম্ |
অঙ্গুষ্ঠমাত্রঃ পুরুষো হাহা কুর্বন্কলেবরাৎ || ২, ১৫. ২২ ||
তদৈব নীয়তে দূতৈর্যাম্যৈর্বোক্ষন্স্বকং গৃহম্ |
নির্বিচেষ্টং শরীরং তু প্রাণৈর্মুক্তং জুগুপ্সিতম্ || ২, ১৫. ২৩ ||
অস্পৃশ্যং জায়তে তূর্ণং দুর্গন্ধং সর্বনিন্দিতম্ |
ত্রিধাবস্থা হি দেহস্য কৃমিবিড্মস্মসঞ্জ্ঞিতা || ২, ১৫. ২৪ ||
কো গর্বঃ ক্রিয়তে তার্ক্ষ্য ক্ষণবিধ্বংসিভির্নরৈঃ |
দানং বিত্তাদৃতা বাচঃ কীর্তিধর্মৌ তথায়ুষঃ || ২, ১৫. ২৫ ||
পরোপকরণং কায়াদসতঃ সারমুদ্ধৃতম্ |
তস্যৈবং নীয়মানস্য দূতাঃ সন্তর্জয়ন্তি হি || ২, ১৫. ২৬ ||
দর্শয়ন্তো ভয়ং তীব্রং নরকায় পুনঃ পুনঃ |
শীঘ্রং প্রচল দুষ্টাত্মন্গতোঽসিৎবং যমালয়ে || ২, ১৫. ২৭ ||
কুম্ভীপাকাদিনরকাংস্ত্বাং নেষ্যামশ্চ মা চিরম্ |
এবং বাচস্তদা শৃণ্বন্বন্ধূনাং রুদিতং তথা || ২, ১৫. ২৮ ||
উচ্চৈর্হাহেতি বিলপন্নীয়তে যমকিঙ্করৈঃ |
স্থানে শ্রাদ্ধং প্রকুর্বীত তথা চেকাদশেঽহনি || ২, ১৫. ২৯ ||
মৃস্যোৎক্রান্তিসময়াৎষট্পিণ্ডান্ক্রমশো দদেৎ |
মৃতস্থানে তথা দ্বারে চৎবরে তার্ক্ষ্য কারণাৎ || ২, ১৫. ৩০ ||
বিশ্রামে কাষ্ঠচয়নে তথা সঞ্চয়নে চ ষট্ |
শৃণু তৎকারণং তার্ক্ষ্য ষট্পিণ্ডপরিকল্পনে || ২, ১৫. ৩১ ||
মৃতস্থানে শবো নাম তেন নাম্না প্রদীয়তে |
তেন দত্তেন তৃপ্যন্তি গৃহবাস্ত্বধিদেবতাঃ || ২, ১৫. ৩২ ||
তেন ভূমির্ভবেত্তুষ্টাতদধিষ্ঠাতৃদেবতা |
দ্বারে তু পিণ্ডং দেয়ং চ পান্থমিত্যভিধায় তু || ২, ১৫. ৩৩ ||
দত্তেন তেন প্রীণন্তি দ্বারস্থা গৃহদেবতাঃ |
চৎবরে খেচরো নাম তমুদ্দিশ্য প্রদাপয়েৎ || ২, ১৫. ৩৪ ||
ন চোপঘাতং কুর্বন্তি ভূতাদ্যা দেবয়োনয়ঃ |
বিশ্রামে ভূতসঞ্জ্ঞোঽযং তেন তত্র প্রদাপয়েৎ || ২, ১৫. ৩৫ ||
পিশাচা রাক্ষসা যক্ষা যে চান্যে দিশি বাসিনঃ |
তস্য হোতব্যদেহস্যনৈবায়োগ্যৎবকারকাঃ || ২, ১৫. ৩৬ ||
চিতাপিণ্ঢপ্রভৃতিতঃ প্রেতৎবমুপজায়তে |
চিতায়াং সাধকং নাম বদন্ত্যেকে খগেশ্বর || ২, ১৫. ৩৭ ||
কেচিত্তং প্রেতমেবাহুর্যথা কল্পবিদো বুধাঃ |
তদাদি তত্রতত্রাপি প্রেতনাম্না প্রদীয়তে || ২, ১৫. ৩৮ ||
ইত্যেবং পঞ্চভিঃ পিণ্ডৈঃ শবস্যাহুতিয়োগ্যতা |
অন্যথা চোপঘাতায় পূর্বোক্তাস্তে ভবন্তি হি || ২, ১৫. ৩৯ ||
উৎক্রামে প্রথমং পিণ্ডং তথা চার্ধপয়েপি চ |
চিতায়াং তু তৃতীয়ং স্যাত্ত্রয়ঃ পিণ্ডাশ্চ কল্পিতাঃ || ২, ১৫. ৪০ ||
বিধাতা প্রথমে পিণ্ডে দ্বিতীয়ে গরুডধ্বজঃ |
তৃতীয়ে যমদূতাশ্চ প্রয়োগঃ পরিকীর্তিতঃ || ২, ১৫. ৪১ ||
দত্তে তৃতীয়ে পিণ্ডেঽস্মিন্দেহদোষৈঃ প্রমুচ্যতে |
আধারভূতজীবশ্চজ্বলনৈর্জ্বালয়েচ্চিতাম্ || ২, ১৫. ৪২ ||
সমৃজ্য চোপলিপ্যাথ উল্লিখ্যোদ্ধৃত্য বেদিকাম্ |
অভ্যুক্ষ্যোপসমাধায় বহ্নিং তত্রঃ বিধানতঃ || ২, ১৫. ৪৩ ||
পুষ্পাক্ষতৈশ্চ সম্পূজ্য দেবং ক্রব্যাদসঞ্জ্ঞকম্ |
ৎবং ভূতকৃজ্জগদ্যোনে ৎবং লোকপরিপালকঃ || ২, ১৫. ৪৪ ||
উপসংহারকস্তস্মাদেনং স্বর্গং মৃতং নয় |
ইতি ক্রব্যাদমভ্যর্চ্য শরীরাহুতিমাচরেৎ || ২, ১৫. ৪৫ ||
অর্ধদগ্ধে তথা দেহে দদ্যাদাজ্যাহুতিং ততঃ |
লোমভ্যঃ স্বোতিবাক্যেন কুর্যাদ্ধোমং যথাবিধি || ২, ১৫. ৪৬ ||
চিতামারোপ্য তং প্রেতং হুনেদাজ্যাহুতিং ততঃ |
যমায় চান্তকায়েতি মৃত্যবে ব্রহ্মণে তথা || ২, ১৫. ৪৭ ||
জাতবেদোমুকে দেয়া একা প্রেতমুখে তথা |
ঊর্ধ্বং তু জ্বালয়েদ্বহ্নিং পূর্বভাগে চিতাং পুনঃ || ২, ১৫. ৪৮ ||
অস্মাত্ত্বমধিজাতোসি ৎবদয়ং জায়তাং পুনঃ |
অসৌ স্বর্গায় লোকায় স্বাহা জ্বলতি পাবকঃ || ২, ১৫. ৪৯ ||
এবমাজ্যাহুতিং দত্ত্বা তিলমিশ্রাং সমন্ত্রকাম্ |
ততো দাহঃ প্রকর্তব্যঃ পুত্রেণ কিল নিশ্চিতম্ || ২, ১৫. ৫০ ||
রোদিতব্যং ততো গাঢমেবং তস্য সুখং ভবেৎ |
দাহস্যানন্তরং তত্র কৃৎবা সঞ্চয়নক্রিয়াম্ || ২, ১৫. ৫১ ||
প্রেতপিণ্ডং প্রদদ্যাচ্চ দাহার্তিশমনং খগ |
তাবদ্ভূতাঃ প্রতীক্ষন্তে তং প্রেতং বান্ধবার্থিনম্ || ২, ১৫. ৫২ ||
দাহস্যানন্তরং কার্যং পুত্রৈঃ স্নানং সচৈলকম্ |
তিলোদকং ততো দদ্যান্নামগোত্রেণ তিষ্ঠতু || ২, ১৫. ৫৩ ||
ততো জনপদৈঃ সর্বৈর্দাতব্যা করতালিকা |
বিষ্ণুর্বিষ্ণুরিতি ব্রূয়াদ্গুণৈঃ প্রেতমুদীরয়েৎ || ২, ১৫. ৫৪ ||
জনাঃ সর্বে সমাস্তস্য গৃহমাগত্য সর্বশঃ |
দ্বারস্য দক্ষিণে ভাগে গোময়ং গৌরসর্ষপান্ || ২, ১৫. ৫৫ ||
নিধায় বরুণং দেবমন্তর্ধায় স্ববেশ্মনি |
ভক্ষয়েন্নিম্বপত্রাণি ঘৃতং প্রাশ্য গৃহং ব্রজেৎ || ২, ১৫. ৫৬ ||
কেচিদ্দুগ্ধেন সিঞ্চন্তি চিতাস্থানং খগেশ্বর |
অশ্রুপাতং ন কুর্বীত দদ্যাদস্মৈ জলাঞ্জলীন্ || ২, ১৫. ৫৭ ||
শ্লেষ্মাশ্রু বান্ধবৈর্মুক্তং প্রেতো ভুঙ্ক্তে যতোঽবশঃ |
অতো ন রোদিতব্যং হি ক্রিয়াঃ কার্যাঃ স্বশক্তিতঃ || ২, ১৫. ৫৮ ||
দুগ্ধং চ মৃন্ময়ে পাত্রে তোয়ং দদ্যাদ্দিনত্রয়ম্ |
সূর্যে চাস্তং গতে তার্ক্ষ্য বলভ্যাং চৎবরেঽপি বা || ২, ১৫. ৫৯ ||
বদ্ধঃ সমূঢহৃদয়ো দেহমিচ্ছন্কৃতানুগঃ |
শ্মশানং চৎবরং গেহং বীক্ষন্যাম্যৈঃ স নীয়তে || ২, ১৫. ৬০ ||
গর্তে পিণ্ডা দশাহং চ দাতব্যাশ্চ দিনেদিনে |
জলাঞ্জলীঃ প্রদাতব্যাঃ প্রেতমুদ্দিশ্য নিত্যশঃ || ২, ১৫. ৬১ ||
তাবদ্বৃদ্ধিশ্চ কর্তব্যা যাবৎপিণ্ডং দশাহিকম্ |
পুত্ত্রেণ হি ক্রিয়া কার্যা ভার্যয়া তদভাবতঃ || ২, ১৫. ৬২ ||
তদভাবে চ শিষ্যেণ তদভাবে সহোদরঃ |
শ্মশানে চান্যতীর্থে বা জলং পিণ্ডং চ দাপয়েৎ || ২, ১৫. ৬৩ ||
ওদনানি চ সক্তূংশ্চ শাকমূলফলাদিনা |
প্রথমেঽহনি যদ্দদ্যাত্তদ্দদ্যাদুত্তরেঽহনি || ২, ১৫. ৬৪ ||
দিনানি দশ পিণ্ডাংশ্চ কুর্বন্ত্যত্র সুতাদয়ঃ |
প্রত্যহং তে বিভজ্যন্তে চতুর্ভাগাঃ খগেশ্বর || ২, ১৫. ৬৫ ||
ভাগদ্বয়ং তু দেহার্থং প্রীতিদং ভূতপঞ্চকে |
তৃতীয়ং যমদূতানাং চতুর্থং চোপজীব্যতি || ২, ১৫. ৬৬ ||
অহোরাত্রৈস্তু নবভিঃ প্রেতো নিষ্পত্তিমাপ্নুয়াৎ |
জন্তোর্নিষ্পন্নদেহস্য দশমে বলবৎক্ষুধা || ২, ১৫. ৬৭ ||
ন বিধির্নৈব মন্ত্রশ্চ ন স্বধাবাহনাশিষঃ |
নাম গোত্রং সমুচ্চার্য যদ্দত্তং তদ্দশাহিকম্ || ২, ১৫. ৬৮ ||
দগ্ধে দেহে পুনর্দেহমেবমুৎপদ্যতে খগ |
প্রথমেঽহনি যঃ পিণ্ডস্তেন মূর্ধা প্রজায়তে || ২, ১৫. ৬৯ ||
গ্রীবা স্কন্ধৌ দ্বিতীয়ে চ তৃতীয়ে হৃদয়ং ভবেৎ |
চতুর্থেন ভবেৎপৃষ্ঠং পঞ্চমে নাভিরেব চ || ২, ১৫. ৭০ ||
ষট্সপ্তমে কটী গুহ্যমৃরূ চাপ্যষ্টমে তথা |
তালূ পাদৌ চ নবমে দশমেঽহ্নি ক্ষুধা ভবেৎ || ২, ১৫. ৭১ ||
দেহং প্রাপ্তঃ ক্ষুধাবিষ্টো গৃহে দ্বারে চ তিষ্ঠতি |
দশমেঽহনি যঃ পিণ্ডস্তং দদ্যাদামিষেণ তু || ২, ১৫. ৭২ ||
যতো দেহে সমুৎপন্নে প্রেতোঽতীব ক্ষুধান্বিতঃ |
অতস্ত্বামিষবাহ্যেন ক্ষুধা তস্য ন নশ্যতি || ২, ১৫. ৭৩ ||
একাদশে দ্বাদশাহে প্রেতো ভুঙ্ক্তে দিনদ্বয়ম্ |
যোষিতঃ পুরুষাস্যাপি প্রেতশব্দং সমুচ্চরেৎ || ২, ১৫. ৭৪ ||
দীপমন্নং জলং বস্ত্রং যৎকিঞ্চিদ্বস্তু দীয়তে |
প্রেতশব্দেন তদ্দেয়ং মৃস্যানন্দদায়কম্ || ২, ১৫. ৭৫ ||
ত্রয়োদশেঽহ্নি স প্রেতো নীয়তে চ মহাপথে |
পিণ্ডজং দেহমাশ্রিত্য দিবা নক্তং বুভুক্ষিতঃ || ২, ১৫. ৭৬ ||
শীতোষ্ণশঙ্কুক্রব্যাদবহ্নিমার্গস্তু পাপিনাম্ |
ক্ষুধা তৃষ্ণাত্মিকা চৈব সব্ব সৌম্যং কৃতাত্মনাম্ || ২, ১৫. ৭৭ ||
মার্গে চৈতানি দুঃখানি অসিপত্রবনান্বিতে |
ক্ষুৎপিপাসার্দিতো নিত্যং যমদৃতৈঃ প্রপীডিতঃ || ২, ১৫. ৭৮ ||
অহন্যহনি বৈ প্রেতো যোজনানাং শতদ্বয়ম্ |
চৎবারিংশত্তথা সপ্ত অহোরাত্রেণ গচ্ছতি || ২, ১৫. ৭৯ ||
গৃহীতো যমপাশৈশ্চ হাহেতি রুদিতে তু সঃ |
স্বগৃহং তু পরিত্যজ্য যাম্যং পুরমনুব্রজেৎ || ২, ১৫. ৮০ ||
ক্রমেণ যাতি স প্রেতঃ পুরং যাম্যং শুভাশুভম্ |
অতীত্য তানিতান্যেব মার্গে পুরবরাণি চ || ২, ১৫. ৮১ ||
যাম্যং সৌরিপুরং নগেন্দ্রভবনং গন্ধর্বশৈলাগমৌ |
ক্রোঞ্চং ক্রূরপুরং বিচিত্রভবনং বহ্বাপদং দুঃখদম্ || ২, ১৫. ৮২ ||
নানাক্রন্দপুরং সুতপ্রভবনং রৌদ্রং পয়োবর্ষণং শীতাঢ্যং
বহুধর্মভীতভবনং যাম্যং পুরং চাগ্রতঃ || ২, ১৫. ৮৩ ||
ত্রয়োদশেঽহ্নি স প্রেতো গৃহীতো যমকিঙ্করৈঃ |
তস্মিন্মার্গে ব্রজত্যেকো গৃহীত ইব মর্কটঃ || ২, ১৫. ৮৪ ||
তথব স ব্রজন্মার্গে পুত্রপুত্রেতি চ ব্রুবন্ |
হাহেতি ক্রন্দতে নিত্যং কীদৃশং তু ময়া কৃতম্ || ২, ১৫. ৮৫ ||
মানুষ্যং লভ্যতে কস্মাদিতি ব্রূতে প্রসর্পতি |
মহতা পুণ্যয়োগেন মানুষ্যং জন্ম লভ্যতে || ২, ১৫. ৮৬ ||
ন তৎপ্রাপ্য প্রদত্তং হি যাচকেভ্যঃ স্বকং ধনম্ |
পরাধীনং তদভবদিতি ব্রূতে (রৌতি) সগদ্গদঃ || ২, ১৫. ৮৭ ||
কিঙ্করৈঃ পীড্যতেঽত্যর্থং স্মরতে পূর্বদৈহিকম্ || ২, ১৫. ৮৮ ||
সুখস্য দুঃখস্য ন কোপি দাতা পরো দদাতীতি কুবুদ্ধিরেষা |
পুরা কৃতং কর্ম সদৈব ভুজ্যতে দেহিন্ক্বচিন্নিস্তর যত্ত্বয়া কৃতম্ || ২, ১৫. ৮৯ ||
ময়া ন দত্তং ন হুতং হুতাশনে তপো ন তপ্তং হিমশৈলগহ্বরে |
ন সেবিতং গাঙ্গমহো মহাজলং দেহিন্ক্বচিন্নিস্তর যত্ত্বয়া কৃতম্ || ২, ১৫. ৯০ ||
ন নিত্যদানং ন গাবাহ্নিকং কৃতং ন বেদদানং ন চ শাস্ত্রপুস্তকম্ |
পুরা নদৃষ্টং ন চ সেবিতোঽধ্বা দেহিন্ক্বচিন্নিস্তর যত্ত্বয়া কৃতম্ || ২, ১৫. ৯১ ||
জলাশয়ো নৈব কৃতো হি নির্জলে মনুষ্যহেতোঃ পশুপক্ষিহেতবে |
গোতৃপ্তিহেতোর্ন কৃতং হি গোচরং দেহিন্ক্বচিন্নস্তর যত্ত্বয়া কৃতম্ || ২, ১৫. ৯২ ||
ময়া ন ভুক্তং পতিসঙ্গসৌখ্যং বহ্নিপ্রবেশো ন কৃতো মৃতে সতি |
তস্মিন্মৃতে তদ্ব্রতপালনং বা দেহিন্ক্বচিন্নিস্তর যত্ত্বয়া কৃতম্ || ২, ১৫. ৯৩ ||
মাসোপবাসৈর্ন বিশোষিতং বপুশ্চান্দ্রায়ণৈর্বা নিয়মৈশ্চ সংহতৈঃ |
নারীশরীরং বহুদুঃখভাজনং লব্ধং ময়া পূর্বকৃতৈর্বিকর্মভিঃ || ২, ১৫. ৯৪ ||
উক্তানি বাচ্যানি ময়া নরাণামতঃ শৃণুষ্বাবহিতোঽপি পক্ষিন্ |
স্ত্রীণাং শরীরং প্রতিলভ্য দেহী ব্রবীতি কর্মাণি কৃতানি পূর্বম্ || ২, ১৫. ৯৫ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে ধর্মদৃপ্রেতকল্পে
শ্রীকৃষ্ণগরুডসংবাদে যমলোকবিস্তারতন্মাহাত্ম্যতদ্যাননিরূপণং নাম পঞ্চদশোঽধ্যায়ঃ

শ্রীগরুডমহাপুরাণম্-১৬
শ্রীভগবানুবাচ |
এবং বিলপতস্তস্য প্রেতস্যৈবং খগেশ্বর |
ক্রন্দমানস্য নিতরাং পীডিতস্য চ কিঙ্করৈঃ || ২, ১৬. ১ ||
সপ্তদশ দিনান্যেকো বায়ুমার্গে বিকৃষ্যতে |
অষ্টাদশে ৎবহোরাত্রে পূর্বং যাম্যপুরং ব্রজেৎ || ২, ১৬. ২ ||
তস্মিন্পুরবরে রম্যে প্রেতানাং চ গণো মহান্ |
পুষ্পভদ্রা নদী তত্রন্যগ্রোধঃ প্রিয়দর্শনঃ || ২, ১৬. ৩ ||
পুরে স তত্র বিশ্রামং প্রাপ্যতে যমকিঙ্করৈঃ |
জায়াপুত্রাদিকং সৌখ্যং স্মরেত্তত্র সুদুঃখিতঃ || ২, ১৬. ৪ ||
রুদতে করুণৈর্বাক্যৈ স্তৃষার্তঃ শ্রমপীডিতঃ |
স্বধনং স্বকলত্রাণি গৃহং পুত্রাঃ সুখানি চ || ২, ১৬. ৫ ||
ভৃত্যমিত্রাণি চান্যচ্চ সর্বং শোচতি বৈ তদা |
ক্ষুধার্তস্য পুরে তস্মিন্কিঙ্করৈস্তস্য চোচ্যতে || ২, ১৬. ৬ ||
কিঙ্করা ঊচুঃ |
ক্ব ধনং ক্ব সুতা জায়া ক্ব গৃহং ক্ব ৎবমীদৃশঃ |
স্বকর্মোপার্জিতং ভুঙ্ক্ষ্ব চিরং গচ্ছ মহাপথে || ২, ১৬. ৭ ||
জানাসি শম্বলবশং বলমধ্বগানাং নো শম্বলঃ প্রয়ততে পরলোকপান্থ |
গন্তব্যমস্তি তব নিশ্চিতমেব তেন মার্গেণ যত্র ভবতঃ ক্রয়বিক্রয়ৌ ন || ২, ১৬. ৮ ||
যমদূতোদিতং বাক্যং পক্ষিন্নৈবং ৎবয়া শ্রুতম্ |
এবমুক্তস্ততঃ সর্বৈর্হন্যমানঃ স মুদ্গরৈঃ || ২, ১৬. ৯ ||
অত্র দত্তং সুতৈঃ পাত্রে (ত্রৈঃ) স্নেহাদ্বা কৃপয়াথ বা |
মাসিকং পিণ্ডমশ্রাতি ততঃ সৌরিপুরং ব্রজেৎ || ২, ১৬. ১০ ||
তত্র নাম্না তু রাজা বৈ জঙ্গমঃ কালরূপধৃক্ |
তং দৃষ্ট্বা ভয়ভীতস্তু বিশ্রামে কুরুতে মতিম্ || ২, ১৬. ১১ ||
উদকং চান্নসংযুক্তং ভুঙ্ক্তে তস্মিন্পুরে গতঃ |
ত্রৈপক্ষিকে তু যদ্দত্তং তৎপুরং স ব্যতিক্রমেৎ || ২, ১৬. ১২ ||
নগেন্দ্রনগরে রম্যে প্রেতো যাতি দিবানিশম্ |
গচ্ছন্বনানি রৌদ্রাণি দৃষ্ট্বা ক্রন্দতি তত্র সঃ || ২, ১৬. ১৩ ||
ভীষণৈঃ ক্লিশ্যমানস্তু রুদতে চ পুনঃ পুনঃ |
মাসদ্বয়াবসানে তু তৎপুরং সোঽতিগচ্ছতি || ২, ১৬. ১৪ ||
ভুক্ত্বা চান্নং জলং পীৎবা যদ্দত্তং বান্ধবৈরিহ |
ক্লিশ্যমানস্ততঃ পাশৈর্নোয়তে যমকিঙ্করৈঃ || ২, ১৬. ১৫ ||
তৃতীয়ে মাসি সম্প্রাপ্তে গন্ধর্বনগরং শুভম্ |
তৃতীয়ং মাসিকং ভুক্ত্বা তত্র গচ্ছত্যসৌ পুরঃ || ২, ১৬. ১৬ ||
শৈলাগমং চতুর্থে স মাসে প্রাপ্নোতি বৈ পুরম্ |
পাষাণাস্তত্র বর্ষন্তি প্রেতস্যোপরি সংস্থিতাঃ || ২, ১৬. ১৭ ||
চতুর্থমাসিকে শ্রাদ্ধং ভুক্তে তত্র সুখী ভবেৎ || ২, ১৬. ১৮ ||
ততো যাতি পুরং প্রেতঃ ক্রূরং মাসে তু পঞ্চমে |
ইহ দত্তং সুতৈর্ভুঙ্ক্তে প্রেতো বৈ তৎপুরে স্থিতঃ |
ষষ্ঠে মাসি ততঃ প্রেতো যাতি ক্রৌঞ্চাবিধং পুরম্ || ২, ১৬. ১৯ ||
তত্র দত্তেন পিণ্ডেন শ্রাদ্ধেনাপ্যায়িতঃ পুরে |
মুহূর্তার্ধং তু বিশ্রম্য কম্পমানঃ সুদুঃখিতঃ || ২, ১৬. ২০ ||
তৎপুরং স ব্যতিক্রম্য তর্জিতো যমকিঙ্করৈঃ |
প্রয়াতি চিত্রনগরং বিচিত্রো যত্র পার্থিবঃ || ২, ১৬. ২১ ||
যমস্যৈবানুজঃ সৌরির্যত্র রাজ্যং প্রশাস্তি হি |
মাসৈস্তু পঞ্চভিঃ সার্ধৈরূপষাণ্মাসিকং ভবেৎ || ২, ১৬. ২২ ||
ঊনষাণ্মাসিকং তত্র ভুঙ্ক্তে যাম্যসমাহতঃ |
মার্গে পুনঃ পুনস্তস্য বুভুক্ষা পীডয়ত্যলম্ || ২, ১৬. ২৩ ||
সন্তিষ্ঠতে মৃতে কোঽপি মদীয়ঃ সুতবান্ধবঃ |
সৌখ্যং যো মে জনয়তি পততঃ শোকসাগরে || ২, ১৬. ২৪ ||
এবং মার্গে বিলপতি বার্যমাণশ্চ কিঙ্করৈঃ |
আয়ান্তি সমুখাস্তত্র কৈবর্তাস্তু সহস্রশঃ || ২, ১৬. ২৫ ||
বয়ং তে তর্তুকামায় মহাবৈতরণীং নদীম্ |
শতয়োজনবিস্তীর্ণাং পূয়শোণিতসঙ্কুলাম্ || ২, ১৬. ২৬ ||
নানাঝষসমাকীর্ণাং নানাপক্ষিগণৈর্বৃতাম্ |
বয়ং ৎবাং তারয়িষ্যামঃ সুখেনেতি বদন্তি তে || ২, ১৬. ২৭ ||
অন্তরং দেহি ভো পান্থ বহুলা চেদ্রুচিস্তব |
তেন তত্র প্রদত্তা গৌস্তয়া নাবা প্রসর্পতি |
মনুজানাং হিতং দানমন্তে বৈতরণী স্মৃতা || ২, ১৬. ২৮ ||
পরাপাপং দহেৎসর্বং বিষ্ণুলোকং চ সা নয়েৎ |
ন দত্তা চেৎখগশ্রেষ্ঠ তাং সমেত্য সমজ্জতি || ২, ১৬. ২৯ ||
স্বস্থাবস্থে শরীরেঽত্র বৈতরণ্যা ব্রতং চরেৎ |
দেয়া চ বিদুষে ধেনুস্তাং নদীং তর্তুমিচ্ছতা || ২, ১৬. ৩০ ||
অবদন্মজ্জমানস্তু নিন্দত্যাত্মানমাত্মনা |
পাথেয়ার্থং ময়া কিঞ্চিন্ন প্রদত্তং দ্বিজায়চ || ২, ১৬. ৩১ ||
ন দত্তং ন হুতং জপ্তং ন স্নাতং ন কৃতং স্তুতম্ |
যাদৃশং কর্ম চরিতং মূঢ ভুঙ্ক্ষ্বেতি তাদৃশম্ || ২, ১৬. ৩২ ||
তদৈব হৃদি সমূঢস্তাডিতো ভাষতে ভটৈঃ |
বৈতরণ্যাঃ পরতটে ভুঙ্ক্তে দত্তং ঘটাদিকম্ || ২, ১৬. ৩৩ ||
ঊনষাণ্মাসিকশ্রাদ্ধং ভুক্ত্বা গচ্ছতি চাগ্রতঃ |
তার্ক্ষ্য তত্র বিশেষেণ ভোজয়ীত দ্বিজাঞ্ছুভান্ || ২, ১৬. ৩৪ ||
চৎবারিংশত্তথা সপ্ত যোজনানি শতদ্বয়ম্ |
প্রয়াতি প্রত্যহং তার্ক্ষ্য অহোরাত্রেণ কর্শিতঃ || ২, ১৬. ৩৫ ||
সপ্তমে মাসি সম্প্রাপ্তে পুরং বহ্বাপদং ব্রজেৎ |
তত্র ভুক্ত্ব প্রদত্তং যচ্ছ্রাদ্ধং সপ্তমমাসিকম্ || ২, ১৬. ৩৬ ||
অষ্টমে মাসি সম্প্রাপ্তে নানাক্রন্দপুরং ব্রজেৎ |
নানাক্রন্দগণান্দৃষ্ট্বা ক্রন্দমানান্সুদারুণম্ || ২, ১৬. ৩৭ ||
স্বয়ং চ শূন্যহৃদয়ঃ সমাক্রন্দতি দুঃখিতঃ |
তন্মাসিকং চ যচ্ছ্রাদ্ধং ভুক্ত্বা তত্র সুখী ভবেৎ || ২, ১৬. ৩৮ ||
বিহায় তৎপুরং প্রেতো যাতি তপ্তপুরং প্রতি |
সুতপ্তনগরং প্রাপ্য নবমে মাসি সোঽশ্নুতে |
দ্বিজভোজ্যং পিণ্ডদানং কৃতং শ্রাদ্ধং সুতেন যৎ || ২, ১৬. ৩৯ ||
মাসি বৈ দশমে প্রাপ্তে রৌদ্রং স্থানং স গচ্ছতি |
দশমে মাসি যদ্দত্তং তদ্ভুক্ত্বা চ প্রয়াতি সঃ || ২, ১৬. ৪০ ||
দশৈকমাসিকং ভুক্ত্বা পয়োবর্ষণমৃচ্ছতি |
মেঘাস্তত্র প্রবর্ষন্তি প্রেতানাং দুঃখদায়কাঃ || ২, ১৬. ৪১ ||
(ততঃ প্রচলিতো পোতো বহুর্ঘমতৃষার্দিতঃ) |
দ্বাদশে মাসি যচ্ছ্রাদ্ধং তত্র ভুঙ্ক্তে সুদুঃ শিতঃ || ২, ১৬. ৪২ ||
কিঞ্চিন্ন্যূনে ততো বর্ষে সার্ধে চৈকাদশেঽথ বা |
যাতি শীতপুরং তত্র শীতং যত্রাতিদুঃখদম্ || ২, ১৬. ৪৩ ||
শীতার্তঃ ক্ষুধিতঃ সোঽথ বীক্ষতে হি দিশো দশ |
তিষ্ঠেত্তু বান্ধবঃ কোঽপি যো মে দুঃখং ব্যপোহতি || ২, ১৬. ৪৪ ||
কিঙ্করাস্তং বদন্ত্যেবং ক্ব তে পুণ্যং হি তাদৃশম্ |
শ্রুৎবা তেষাং তু তদ্বাক্যং হা দৈব ইতি ভাষতে || ২, ১৬. ৪৫ ||
দৈবং হি পূর্বসুকৃতং তন্ময়া নৈব সঞ্চিতম্ |
এবং সঞ্চিন্ত্য বহুশো ধৈর্যমালম্বতে পুনঃ || ২, ১৬. ৪৬ ||
চৎবারিংশদ্যোজনানি চতুর্যুক্তানি বৈ ততঃ |
ধর্মরাজপুরং রম্যং গন্ধর্বাপ্সরাকুলম্ || ২, ১৬. ৪৭ ||
চতুরশীতিলক্ষৈশ্চ মূর্তামূর্তৈরধিষ্ঠিতম্ |
ত্রয়োদশ প্রতীহারা ধর্মরাজপুরে স্থিতাঃ || ২, ১৬. ৪৮ ||
শুভাশুভং তু যৎকর্ম তে বিচার্য পুনঃ পুনঃ |
শ্রবণা ব্রহ্মণঃ পুত্রা মনুষ্যাণাং চ চেষ্টিতম্ |
কথয়ন্তি তদা লোকে পূজিতাঃ পূজিতাঃ স্বয়ম্ || ২, ১৬. ৪৯ ||
নরৈস্তুষ্টৈশ্চ পুষ্টৈশ্চ যৎপ্রোক্তং চ কৃতং চ যৎ |
সর্বমাবেদয়ন্তি স্ম চিত্রগুপ্তে যমে চ তৎ || ২, ১৬. ৫০ ||
দূরাচ্ছ্রবণবিজ্ঞানা দূরাদ্দর্শনগোচরাঃ |
এবঞ্চেষ্টাস্তু তে হ্যষ্টৌ স্বর্ভূপাতালচারিণঃ || ২, ১৬. ৫১ ||
তেষাং পত্ন্যস্তথৈ বোগ্রা শ্রবণ্যঃ পৃথগাহ্বয়াঃ |
এবং তেষাং শক্তিরস্তি যর্ত্যে মর্ত্যাধিকারিণঃ || ২, ১৬. ৫২ ||
ব্রতৈর্দানৈস্তবৈর্যশ্চ পূজয়েদিহ মানবঃ |
জায়ন্তে তস্য তে সৌম্যাঃ সুখমৃত্যুপ্রদায়িনঃ || ২, ১৬. ৫৩ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে ধর্মকাণ্ডে প্রেতকল্পে
শ্রীকৃষ্ণগরুডসংবাদে প্রেতয়াত্রাদিনিরূপণং নাম ষোডশোঽধ্যায়ঃ

শ্রীগরুডমাহাপুরাণম্-১৭
গরুড উবাচ |
একো মে সংশয়ো দেব হৃদয়ে সম্প্রবাধতে |
শ্রমণাঃ কস্য পুত্রাশ্চ কথং যমপুরে স্থিতাঃ || ২, ১৭. ১ ||
মানুষৈশ্চ কৃতং কর্ম কস্মাজ্জানন্তি তে প্রভো |
কথং শৃণ্বন্তি তে সর্বে কস্মাজ্জ্ঞানং সমাগতম্ || ২, ১৭. ২ ||
কুত্র ভুঞ্জন্তি দেবেশ ক্রথয়স্ব প্রসাদতঃ |
পক্ষিরাজবচঃ শ্রুৎবা ভগবান্বাক্যমব্রবীৎ || ২, ১৭. ৩ ||
শ্রীকৃষ্ণ উবাচ |
শৃণুষ্ব বচনং সত্যং সর্বেষাং সৌখ্যদায়কম্ |
তদহং কথয়িষ্যামি শ্রবণানাং বিচেষ্টিতম্ || ২, ১৭. ৪ ||
একীভূতং যদা সর্বং জগৎস্থাবরজঙ্গমম্ |
ক্ষীরোদসাগরে পূর্বং ময়ি সুপ্তে জগৎপতৌ || ২, ১৭. ৫ ||
নাভিস্থোজস্তপস্তেপে বর্ষাণি সুবহূন্যপি |
একীভূতং জগৎসৃষ্টং ভূতগ্রামচতুর্বিধম্ || ২, ১৭. ৬ ||
ব্রহ্মণা নির্মিতং পূর্বং বিষ্ণুনা পালিতং তদা |
রুদ্রঃ সংহারমূর্তিশ্চ নির্মিতো ব্রহ্মণা ততঃ || ২, ১৭. ৭ ||
বায়ুঃ সর্বগতঃ সৃষ্টঃ সূর্যস্তেজোভিবৃদ্ধিমান্ |
ধর্মরাজস্ততঃ সৃষ্টশ্চিত্রগুপ্তেন সংযুত) || ২, ১৭. ৮ ||
সৃষ্ট্বৈতদাদিকং সর্বং তপস্তেপে তু পদ্মজঃ |
গতানি বহুবর্ষাণি ব্রহ্মণো নাভিপঙ্কজে || ২, ১৭. ৯ ||
যোয়ো হি নির্মিতঃ পূর্বং তত্তৎকর্ম সমাচরেৎ |
কস্মিংশ্চিৎসময়ে তত্র ব্রহ্মা লোকসমন্বিতঃ || ২, ১৭. ১০ ||
রুদ্রো বিষ্ণুস্তথা ধর্মঃ শাসয়ন্তি বসুন্ধরাম্ |
ন জানীমো বয়ং কিঞ্চিল্লোককৃত্যমিহোচ্যতাম্ || ২, ১৭. ১১ ||
ইতি চিন্তাপরাঃ সর্বে দেবা বিমমৃশুস্তদা |
সঞ্চিন্ত্য ব্রহ্মণো মন্ত্রং বিবুধৈঃ প্রেরিতস্তদা || ২, ১৭. ১২ ||
গৃহীৎবা পুষ্পপত্রাণি সোসৃজদ্দ্বাদশাত্মজান্ |
তেজোরাশীন্বিশালাক্ষান্ব্রহ্মণো বচনাত্তু তে || ২, ১৭. ১৩ ||
যোয়ং বদতি লোকেস্মিঞ্ছুভং বা যদি বাশুভম্ |
প্রাপয়ন্তি ততঃ শীঘ্রং ব্রহ্মণঃ কর্ণগোচরম্ || ২, ১৭. ১৪ ||
দূরাচ্ছ্রবণবিজ্ঞানং দূরাদ্দর্শনগোচরম্ |
সর্বে শৃণ্বন্তি যৎপক্ষিংস্তেনৈব শ্রবণা মতাঃ || ২, ১৭. ১৫ ||
স্থিৎবা চৈব তথাকাশে জন্তূনাং চেষ্টিতং চ যৎ |
তজ্জ্ঞাৎবা ধর্মরাজাগ্রে মৃত্যুকালে বদন্তি চ || ২, ১৭. ১৬ ||
ধর্মং চার্থং চ কামং চ মোক্ষং চ কথয়ন্তি তে |
একো হি ধর্মমার্গশ্চ দ্বিতীয়শ্চার্থমার্গকঃ || ২, ১৭. ১৭ ||
অপরঃ কামমার্গশ্চ মোক্ষমার্গশ্চতুর্থকঃ |
উত্তমা ধমমার্গেণ বৈনতেয় প্রয়ান্তি হি || ২, ১৭. ১৮ ||
অর্থদাতা বিমানৈস্তু অশ্বৈঃ কামপ্রদায়কঃ |
হংসয়ুক্তবিমানৈশ্চ মোক্ষাকাঙ্ক্ষী বিসর্পতি || ২, ১৭. ১৯ ||
ইতরঃ পাদচারেণ ৎবসিপত্রবনানি চ |
পাষাণৈঃ কণ্টকৈঃ ক্লিষ্টঃ পাশবদ্ধোঽথ যাতি বৈ || ২, ১৭. ২০ ||
যঃ কশ্চিন্মানুষে লোকে শ্রবণান্পূজয়েদিহ |
বর্ধন্যা জলপাত্রেম পক্বান্নপরিপূর্ণয়া || ২, ১৭. ২১ ||
শ্রবণান্পূজয়েত্তত্র ময়া সহ খগেশ্বর |
তস্যাহং তৎপ্রদাস্যামি যৎসুরৈরপি দুর্লভম্ || ২, ১৭. ২২ ||
সম্ভোজ্য ব্রাহ্মণান্ভক্ত্যা ৎবেকাদশ শুভাঞ্ছুচীন্ |
দ্বাদশং সকলত্রং চ মম প্রীত্যৈ প্রপূজয়েৎ || ২, ১৭. ২৩ ||
দেবৈঃ সর্বৈশ্চ সম্পূজ্য স্বর্গং যান্তি সুখেপ্সয়া |
তৈঃ পূজিতৈরহ তুষ্টশ্চিত্রগুপ্তেন ধর্মরাট্ || ২, ১৭. ২৪ ||
তৈস্তুষ্টৈর্মৎপুরং যান্তি লোকা ধর্মপারায়ণাঃ |
শ্রবণানাং চ মাহাত্ম্যমুৎপত্তিং চেষ্টিতং শুভম্ || ২, ১৭. ২৫ ||
শৃণোতি পক্ষিশার্দূল স চ পাপৈর্ন লিপ্যতে |
ইহ লোকে সুখং ভুক্ত্বা স্বর্গলোকে মহীয়তে || ২, ১৭. ২৬ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে ধর্মকাণ্ডে প্রেতক্লপে
শ্রবণমহাত্ম্যনিরূপণং নাম সপ্তদসোঽধ্যায়ঃ

শ্রীগরুডমহাপুরাণম্-১৮
শ্রীকৃষ্ণ উবাচ |
শ্রবণানাং বচঃ শ্রুৎবা ক্ষণং ধ্যাৎবা পুনস্ততঃ |
যৎকৃতং তু মনুষ্যৈশ্চপুণ্যং পাপমহর্নিশম্ || ২, ১৮. ১ ||
তৎসর্বং চ পরিজ্ঞায় চিত্রগুপ্তো নিবেদয়েৎ |
চিত্রগুপ্তস্ততঃ সর্বং কর্ম তস্মৈ বদত্যথ || ২, ১৮. ২ ||
বাচৈব যৎকৃতং কর্ম কৃতং চৈব তু কায়িকম্ |
মানসং চ তথা কর্ম কৃতং ভুঙ্ক্তে শুভাশুভম্ || ২, ১৮. ৩ ||
এবং তে কথিতস্তার্ক্ষ্য প্রেতমার্গস্য নির্ণয়ঃ |
বিশ্রান্তি দানি সর্বাণি স্থানানি কথিতানি তে || ২, ১৮. ৪ ||
তমুদ্দিশ্য দদাত্যন্নং সুখং যাতি মহাধ্বনি |
দিবা রাত্রৌ তমুদ্দিশ্য স্থানে দীপপ্রদো ভবেৎ || ২, ১৮. ৫ ||
অন্ধকারে মহাঘোরে শ্বপূর্ণে লক্ষ্যবর্জিতে |
দীপ্তেঽধ্বনি চ তে যান্তি দীপো দত্তশ্চ যৈর্নরৈঃ || ২, ১৮. ৬ ||
কার্তিকে চ চতুর্দশ্যাং দীপদানং সুখায় বৈ |
অথ বক্ষ্যামি সঙ্ক্ষেপাদ্যমমার্গস্য নিষ্কৃতিম্ || ২, ১৮. ৭ ||
বৃষোৎসর্গস্য পুণ্যেন পিতৃলোকং স গচ্ছতি |
একাদশাহপিণ্ডেন শুদ্ধদেহো ভবেত্ততঃ || ২, ১৮. ৮ ||
উদকুম্ভপ্রদানেন কিঙ্করাস্তৃপ্তিমাপ্নুয়ুঃ || ২, ১৮. ৯ ||
শয়্যাদানাদ্বিমানস্থো যাতি স্বর্গেষু মানবঃ |
তদহ্নি দীয়তে সর্বং দ্বাদশাহে বিশেষতঃ || ২, ১৮. ১০ ||
পদানি সর্ববস্তূনি বরিষ্ঠানি ত্রয়োদশে |
যো দদাতি মৃতস্যেহ জীবন্নপ্যাত্মহেতবে || ২, ১৮. ১১ ||
তদাশ্রিতো মহামার্গে বৈনতেয় স গচ্ছতি |
এক এবাস্তি সর্বত্রে ব্যবহারঃ খগাধিপ || ২, ১৮. ১২ ||
উত্তমাধমমধ্যানাং তত্তদাবর্জনং ভবেৎ |
যাবদ্ভাগ্যং ভবেদ্যস্য তাবন্মার্গেঽতিরিচ্যতে || ২, ১৮. ১৩ ||
স্বয়ং স্বস্যেন যদ্দত্তং তত্তত্রাধিকরোতি তম্ |
মৃতে যদ্বান্ধবৈর্দত্তং তদাশ্রিত্য সুখী ভবেৎ || ২, ১৮. ১৪ ||
গরুড উবাচ |
কস্মাৎপদানি দেয়ানি কিংবিধানি ত্রয়োদশ |
দীয়তে কস্য দেবেশ তদ্বদস্ব যথাতথম্ || ২, ১৮. ১৫ ||
শ্রীভগবানুবাচ |
ছত্ত্রোপানহবস্ত্রাণি মুদ্রিকা চ কমণ্ডলুঃ |
আসনং ভাজনং চৈব পদং সপ্তবিধং স্মৃতম্ || ২, ১৮. ১৬ ||
আতপস্তত্র যো রৌদ্রো দহ্যতে যেন মানবঃ |
ছত্রদানেন সুচ্ছায়া জায়তে প্রেততুষ্টিদা || ২, ১৮. ১৭ ||
অসিপত্রবনং ঘোরং সোঽতিক্রামতি বৈ ধ্রুবম্ |
অশ্বারূঢাশ্চ গচ্ছন্তি দদতে য উপানহৌ || ২, ১৮. ১৮ ||
আসনে স্বাগতে (ভোজনে) চৈব দত্তং তস্মৈ দ্বিজায়তে |
সুখেন ভুঙ্ক্তে স প্রেতঃ পথি গচ্ছঞ্ছনৈঃ শনৈঃ || ২, ১৮. ১৯ ||
বহুধর্মসমাকীর্ণে নির্বাতে তোয়বর্জিতে |
কমণ্ডলুপ্রদানেন সুখী ভবতি নিশ্চিতম্ || ২, ১৮. ২০ ||
মৃতোদ্দেশেন যো দদ্যাদুদপাত্রং তু তাম্রজম্ |
প্রপাদানসহস্রস্য তৎফলং সোঽশ্নুতে ধ্রুবম্ || ২, ১৮. ২১ ||
যমদূতা মহারৌদ্রাঃ করালাঃ কৃষ্ণপিঙ্গলাঃ |
ন পীডয়ন্তি দাক্ষিণ্যাদ্বস্ত্রাভারণদানতঃ || ২, ১৮. ২২ ||
সায়ুধা ধাবমানাশ্চ ন মার্গে দৃষ্টিগোচরাঃ |
প্রয়ান্তি যমদূতাস্তে মুদ্রিকায়াঃ প্রদানতঃ || ২, ১৮. ২৩ ||
ভাজনাসনদানেন আমান্নভোজনেন চ |
আজ্যয়জ্ঞোপবীতাভ্যাং পদং সম্পূর্ণতাং ব্রজেৎ || ২, ১৮. ২৪ ||
এবং মার্গে গচ্ছমানস্তৃষার্তঃ শ্রমপীডিতঃ |
মহিষীরথ (দুগ্ধ) দানাচ্চ সুখী ভবতি নিশ্চিতম্ || ২, ১৮. ২৫ ||
গরুড উবাচ |
মৃতোদ্দেশেন যৎকিঞ্চিদ্দীয়তে স্বগৃহে বিভো |
স গচ্ছতি মহামার্গে তদ্দত্তং কেন গৃহ্যতে || ২, ১৮. ২৬ ||
শ্রীভগবানুবাচ |
গৃহ্ণাতি বরুণো দানং মম হস্তে প্রয়চ্ছতি |
অহং চ ভাস্করে দেবে ভাস্করাৎসোঽশ্নুতে সুখম্ || ২, ১৮. ২৭ ||
বিকর্মণঃ প্রভাবেণ বংশচ্ছেদে ক্ষিতাবিহ |
সর্বে তে নরকং যান্তি যাবৎপাপস্য সঙ্ক্ষয়ঃ || ২, ১৮. ২৮ ||
কস্মিংশ্চিৎসময়ে পূর্ণে মহিষাসনসংস্থিতঃ |
নরকান্বীক্ষ্য ধর্মাত্মা নানাক্রন্দসমাকুলান্ || ২, ১৮. ২৯ ||
চতুরশীতিলক্ষাণাং নরকাণাং স ঈশ্বরঃ |
তেষাং মধ্যে শ্রেষ্ঠতমা ঘোরা যা একবিংশতিঃ || ২, ১৮. ৩০ ||
তামিস্ত্রং লোহশঙ্কুশ্চ মহারৌরবশাল্মলী |
রৌরবং কুড্বলং কালসূত্রকং পূতিমৃতিকা || ২, ১৮. ৩১ ||
সঙ্ঘাতং লোহতোদং চ সবিষং সম্প্রতাপনম্ |
মহানরককালোলঃ সজীবনমহাপথঃ || ২, ১৮. ৩২ ||
অবীচিরন্ধতা মিস্ত্রঃ কুম্ভোপাকস্তথৈব চ |
অসিপত্রবনং চৈব পতনশ্চৈকবিংশতিঃ || ২, ১৮. ৩৩ ||
যেষাং তু নরকে ঘোরে বহ্বব্দানি গতানি বৈ |
সন্তাতর্নৈব বিদ্যতে দূতৎবং তে তু (প্রেত্য) যান্তি হি || ২, ১৮. ৩৪ ||
যমেন প্রেষিতাস্তে বৈ মানুষস্য মৃতস্য তু |
দিনেদিনে প্রগৃহ্ণন্তি দত্তমন্নাদ্যপানকম্ || ২, ১৮. ৩৫ ||
প্রেতস্যৈব বিলুণ্ঠন্তি মধ্যে মার্গে বুভুক্ষিতাঃ |
মাসান্তে ভোজনং পিণ্ডমেকে যচ্ছন্তি তত্র বৈ || ২, ১৮. ৩৬ ||
তৃপ্তিং প্রয়ান্তি তে সর্বে প্রত্যহং চৈব বৎসরম্ |
এবমাদিকৃতৈঃ পুণ্যৈঃ ক্রমাৎসৌরিপুরং ব্রজেৎ || ২, ১৮. ৩৭ ||
ততঃ সংবৎসরস্যান্তে প্রত্যাসন্নে যমালয়ে |
বহুভীতকরে প্রেতো হস্তমাত্রং সমুৎসৃজেৎ || ২, ১৮. ৩৮ ||
দিবসৈর্দশভির্জাতং তং দেহং দশপিণ্ডজম্ |
জামদগ্ন্যস্যেব রামং দৃষ্ট্বা তেজঃ প্রসর্পতি || ২, ১৮. ৩৯ ||
কর্মজং দেহমাশ্রিত্য পূর্বদেহং সমুৎসজেৎ |
অঙ্গুষ্ঠমাত্রো বায়ুশ্চ শমীপত্রংসমারুহেৎ || ২, ১৮. ৪০ ||
ব্রজংস্তিষ্ঠন্পদৈকেন যথৈবৈকেন গচ্ছতি |
যথা তৃণজলৌকেব দেহী কর্মানুগোঽবশঃ || ২, ১৮. ৪১ ||
বাসাংসি জীর্ণানি যথা বিহায় নবানি গৃহ্ণাতি নরোঽপরাণি |
তথা শরীরাণি বিহায় জীর্ণান্যন্যানি সংযাতি নবানি দেহী || ২, ১৮. ৪২ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে
ধর্মদৃপ্রেতদৃশ্রীকৃষ্ণগরুড সংবাদে
বৃষোৎসর্গনানাদানফলয়মলোকগমনকর্মজদেহপ্রাপ্তিনিরূপণং
নামাষ্টাদশোঽধ্যায়ঃ

শ্রীগরুডমহাপুরাণম্-১৯
শ্রীভগবানুবাচ |
বায়ুভূতঃ ক্ষধাবিষ্টঃ কর্মজং দেহমাশ্রিতঃ |
তে দেহং স সমাসাদ্য যমেন সহ গচ্ছতি || ২, ১৯. ১ ||
চিত্রগুপ্তপুরং তত্র যোজনানাং তু বিংশতিঃ |
কায়স্থাস্তত্র পশ্যন্তি পাপপুণ্যানি সর্বশঃ || ২, ১৯. ২ ||
মহাদানেষুদত্তেষু গতস্তত্র সুখী ভবেৎ |
যোজনানাং চতুর্বিংশৎপুরং বৈবস্বতং শুভম্ || ২, ১৯. ৩ ||
লোহং লবণকার্পাসং তিলপাত্রং চ যৈর্নরৈঃ |
দত্তং তেনৈব তৃপ্যন্তি যমস্য পুরচারিণঃ || ২, ১৯. ৪ ||
গৎবা চ তত্র তে সর্বে প্রতীহারং বদন্তি হি |
ধর্মধ্বজপ্রতীহারস্তত্র তিষ্ঠতি সর্বদা || ২, ১৯. ৫ ||
সপ্তধান্যস্য দানেন প্রীতো ধর্মধ্বজো ভবেৎ |
তত্র গৎবা প্রতীহারো ব্রূতে তস্য শুভাশুভম্ || ২, ১৯. ৬ ||
ধর্মরাজস্য যদ্রূপং সন্তঃ সুকৃতিনো জনাঃ |
পশ্যন্তি চ দুরাত্মানো যমরূপং সুভীষণম্ || ২, ১৯. ৭ ||
তং দৃষ্ট্বা ভয়ভীতস্তু হাহেতি বদতে জনঃ |
কৃতং দানং চ যৈর্মর্ত্যৈস্তেষাং নাস্তি ভয়ং ক্বচিৎ || ২, ১৯. ৮ ||
প্রাপ্তং সুকৃতিনং দৃষ্ট্বা স্থানাচ্চ লতি সূর্যজঃ |
এষ মে মণ্ডলং ভিত্ত্বা ব্রহ্মলোকং প্রয়াস্যতি || ২, ১৯. ৯ ||
দানেন সুলভো ধর্মো যমমার্গঃ সুখাবহঃ |
এষ মার্গো বিশালোঽত্র ন কেনাপ্য নুগম্যতে |
দানপুণ্যং বিনা বৎস ন গচ্ছেদ্ধর্মমন্দিরম্ || ২, ১৯. ১০ ||
তস্মিন্মার্গে তু রৌদ্রে বৈ ভীষণা যমকিঙ্করাঃ |
একৈকস্য পুরস্যাগ্রে তিষ্ঠত্যেকসহস্রকম্ || ২, ১৯. ১১ ||
পচন্তি পাপিনং প্রাপ্য উদকে যাতনাকরাঃ |
গৃহ্ণন্তি মাসমাসান্তে পাদশেষং তু তদ্ভবেৎ || ২, ১৯. ১২ ||
ঔর্ধ্বদৈহিকদানানি যৈর্ন দত্তানি কাশ্যপ |
মহাকষ্টেন তে যান্তি তস্মাদ্দেয়ানি শক্তিতঃ |
অদত্ত্বা পশুবদ্যান্তি গৃহীতো বন্ধবন্ধনৈঃ || ২, ১৯. ১৩ ||
এবং কৃতেন সম্পশ্যেৎস নরঃ ভূতকর্মণা |
দৈবিকীং পৈতৃকীং যোনিং মানুষীং বাথ নারকীম্ || ২, ১৯. ১৪ ||
ধর্মরাজস্য বচনান্মুক্তির্ভবতি বা ততঃ |
মানুষ্যং তত্ত্বতঃ প্রাপ্য স পুত্ত্রঃ পুত্ত্রতাং ব্রজেৎ || ২, ১৯. ১৫ ||
যথায়থা কৃতং কর্ম তান্তাং যোনিং ব্রজেন্নরঃ |
তত্তথৈব চ ভুঞ্জানো বিচরেৎসর্বলোকগঃ || ২, ১৯. ১৬ ||
অশাশ্বতং পরিজ্ঞায় সর্বলোকোত্তরং সুখম্ |
যদা ভবতি মানুষ্যং তদা ধর্মং সমাচরেৎ || ২, ১৯. ১৭ ||
কৃময়ো ভস্ম বিষ্ঠা বা দেহানাং প্রকৃতিঃ সদা |
অন্ধকূপে মহারৌদ্রে দীপহস্তঃ পাতেত্তু বৈ || ২, ১৯. ১৮ ||
মহাপুণ্যপ্রভাবেণ মানুষ্যং জন্ম লভ্যতে |
যস্তৎপ্রাপ্য চরেদ্ধর্মং স গচ্ছেৎপরমাং গতিম্ || ২, ১৯. ১৯ ||
অপি জানন্বৃথা ধর্মং দুঃখমায়াতি যাতি চ || ২, ১৯. ২০ ||
জাতীশতেন লভতে কিল মানুষৎবং তত্রাপি দুর্লভতরং খগ ভো দ্বিজৎবম্ |
যস্তত্র পালয়তি লালয়তি ব্রতানি তস্যামৃতং ভবতি হস্তগতং প্রসাদাৎ || ২, ১৯. ২১ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে ধর্মকাণ্ডে প্রেতকল্পে
শ্রীকৃষ্ণগরুডসংবাদে যমমন্দিরপ্রবেশতদাজ্ঞালব্ধমনুষ্যাদি
দেহাংন্তরপ্রাপ্তিনিরূপণং নামৈকোনবিংশোঽধ্যায়ঃ

শ্রীগরুডমহাপুরাণম্-২০
গরুড উবাচ |
যে কেচিৎপ্রেতরূপেণ কুত্র বাসং লভন্তি তে |
প্রেতলোকাদ্বিনির্মুক্তাঃ কথং কুত্র ব্রজন্তি তে || ২, ২০. ১ ||
চতুর্যুক্তাশীতি লক্ষৈর্নরকৈঃ পর্যুপাসিতাঃ |
যমেন রক্ষিতাস্তত্র ভূতৈশ্চৈব সহস্রশঃ || ২, ২০. ২ ||
বিচরন্তি কথং লোকে নরকাচ্চ বিনির্গতাঃ |
গরুডোদীরিতং শ্রুৎবা লক্ষ্মীনাথোঽব্রবীদিদম্ || ২, ২০. ৩ ||
শ্রীকৃষ্ণ উবাচ |
পক্ষিরাজ শৃণুষ্ব ৎবং যত্র প্রেতাশ্চরন্তি বৈ |
পরার্থদারগ্রহণাচ্ছ (ব) লাদ্দ্রোহান্নিশাচরাঃ || ২, ২০. ৪ ||
তথৈব সর্বপাপিষ্ঠঃ স্বাত্মজান্বেষণে রতাঃ |
বিচরন্ত্যশরীরাস্তে ক্ষুপ্তিপাসার্দিতা ভৃশম্ || ২, ২০. ৫ ||
বন্দীগৃহবি নির্মুক্তা যেভ্যো নশ্যন্তি জন্তবঃ |
তে ব্যবস্যন্তি চ প্রেতা বধোপায়ং চ বন্ধুষু || ২, ২০. ৬ ||
পিতৃদ্বদারাণি রুন্ধন্তি তন্মার্গোচ্ছেদকাস্তথা |
পিতৃভা গান্বিগৃহ্ণন্তি পান্থেভ্যস্তস্করা ইব || ২, ২০. ৭ ||
স্বং বেশ্ম পুনরাগত্য মিত্রস্থানে বিশন্তি তে |
তত্র স্থিতা নিরীক্ষন্তে রোগশোকাদিবন্ধনাঃ || ২, ২০. ৮ ||
পীডয়ন্তি জ্বরীভূয় একান্তরমিষেণ তু |
তৃতীয়কজ্বরা ভূৎবা শীতবাতাদিপীডয়া || ২, ২০. ৯ ||
অন্যাংশ্চ বিবিধান্রোগাঞ্ছিরোঽর্তিং চ বিষূচিকাম্ |
চিন্ত যন্তি সদা তেষামুচ্ছিষ্টাদিস্থলস্থিতাঃ || ২, ২০. ১০ ||
আত্মজানাং ছলাল্লোকা ভূতসঙ্ঘৈশ্চ রক্ষিতাঃ |
পিবন্তি তে চ পানীয়ং ভোজনোচ্ছিষ্টয়োজিতম্ || ২, ২০. ১১ ||
এবং প্রেতাঃ প্রবর্তন্তে নানাদোষৈর্বিকর্মিণঃ || ২, ২০. ১২ ||
গরুড উবাচ |
কথং কুর্বন্তি তে প্রেতাঃ কেন রূপেণ কস্য কিম্ |
জ্ঞায়তে কেন বিধিনা জল্পন্তি ন বদন্তি বা || ২, ২০. ১৩ ||
এনং ছিন্ধি মনোমোহং মম চেদিচ্ছসি প্রিয়ম্ |
কলিকালে হৃষীকেশ প্রেতৎবং জায়তে বহু || ২, ২০. ১৪ ||
শ্রীবিষ্ণুরুবাচ |
স্বকুলং পীডয়েৎপেতঃ পরচ্ছিদ্রেণ পীডয়েৎ |
জীবন্স দৃশ্যতে স্নেহী মৃতো দুষ্টৎবমাপ্নুয়াৎ || ২, ২০. ১৫ ||
রুদ্রজাপী ধর্মরতো দেবতাতিথিপূজকঃ |
সত্যবাক্প্রিয়বাদী চ ন প্রেতৈঃ স হি পীড্যতে || ২, ২০. ১৬ ||
সর্বক্রিয়াপরিভ্রষ্টো নাস্তিকো ধর্মনিন্দকঃ |
অসত্যবাদনিরতো নরঃ প্রেতৈঃ স পীড্যতে |
কলৌ প্রেতৎবমাপ্নোতি তার্ক্ষ্যাশুদ্ধক্রিয়াপরঃ || ২, ২০. ১৭ ||
কৃতাদৌ দ্বাপরান্তে চ ন প্রেতো নৈব পীডনম্ |
বহূনামেকজাতানামেকঃ সৌখ্যং সমশ্নুতে || ২, ২০. ১৮ ||
একো দুষ্কৃতকর্মা চ একঃ সন্ততিমাঞ্জনঃ |
একঃ সম্পীড্যতে প্রেতৈরেকঃ সুতধনান্বিতঃ || ২, ২০. ১৯ ||
একস্য পুত্রনাশঃ স্যাদেকো দুহিতৃমান্ভবেৎ |
বিরোধো বন্ধুভিঃ সার্ধং প্রেতদোষেণ কাশ্যপ || ২, ২০. ২০ ||
সন্ততির্দৃশ্যতে নৈব সমুৎপন্না বিনশ্যতি |
পশুদ্রব্যবিনাশশ্চ সা পীডা প্রেতসম্ভবা || ২, ২০. ২১ ||
প্রকৃতেঃ পরিবর্তঃ স্যাদ্বিদ্বেষঃ সহ বন্ধুভিঃ |
অকস্মাদ্ব্যসনপ্রাপ্তিঃ সা পীডা প্রেতসম্ভবা || ২, ২০. ২২ ||
নাস্তিক্যং বৃত্তিলোপশ্চ মহালোভস্তথৈব চ |
স্যাদ্ধন্তকলহো নিত্যং সা পীডা প্রেতসম্ভবা || ২, ২০. ২৩ ||
পিতৃমাতৃনিহন্তা চ দেবব্রাহ্মণনিন্দকঃ |
ইত্যাদোষমবাপ্নোতি সা পীডা প্রেতসম্ভবা || ২, ২০. ২৪ ||
নিত্যকর্মবিনিমুক্তো জপহোমবিবর্জিতঃ |
পরদ্রব্যাণাং চ হর্তা সা পীডা প্রেতসম্ভবা || ২, ২০. ২৫ ||
সুবৃষ্টৌ কৃষিনাশশ্চ ব্যবহারো বিনশ্যতি |
লোকে কলহকারী চ সা পীডা প্রেতসম্ভবা || ২, ২০. ২৬ ||
মার্গে জঙ্গম্যমানং তং পীডয়েদ্বাতমণ্ডলী |
প্রেতপীডা তু সা জ্ঞেয়া সত্যংসত্যং খগেশ্বর || ২, ২০. ২৭ ||
হীনজাত্যা চ সম্বন্ধো হীনকর্ম করোতি যঃ |
অধর্মে রমতে নিত্যং সা পীডা প্রেতসম্ভবা || ২, ২০. ২৮ ||
ব্যসনৈর্দ্রব্যনাশঃ স্যাদুপক্রান্তং বিনশ্যতি |
চৌরাগ্নিরাজভির্হানিঃ সা পীডা প্রেতসম্ভবা || ২, ২০. ২৯ ||
মহারোগোপলব্ধিশ্চ বালকানাং চ পীডনম্ |
জায়া সম্পীঢ্যতে যচ্চ সা পীডা প্রেতসম্ভবা || ২, ২০. ৩০ ||
শ্রুতিস্মৃতিপুরাণেষু ধর্মশাস্ত্রসমুদ্ভবে |
অভাবো জায়তে ধর্মে সা পীডা প্রেতসম্ভবা || ২, ২০. ৩১ ||
দেবতীর্থদ্বিজানাং তু নিন্দাংযঃ কুরুতে নরঃ |
প্রত্যক্ষং বা পরোক্ষং বা সা পীডা প্রেতসম্ভবা || ২, ২০. ৩২ ||
স্ববৃত্তিহরণং যচ্চ স্বপ্রতিষ্ঠাহতিস্তথা |
বংশচ্ছেদঃ নদৃশ্যেত প্রেতদোষাদ্বিনান্যথা || ২, ২০. ৩৩ ||
স্ত্রীণাং গর্ভবিনাশঃ স্যান্ন পুষ্পং দৃশ্যতে তথা |
বালানাং মরণং যত্র সা পীডা প্রেতসম্ভবা || ২, ২০. ৩৪ ||
ভাবশুদ্ধ্যা ন কুরুতে শ্রাদ্ধং সাংবৎসরাদিকম্ |
স্বয়মেব ন কুর্বীত সা পীডা প্রেতসম্ভবা || ২, ২০. ৩৫ ||
তীর্থে গত্ত্বা পরাসক্তঃ স্বকৃত্যং চ পরিত্যজেৎ |
ধর্মকার্যে ন সম্পত্তিঃ সা পীডা প্রেতসম্ভবা || ২, ২০. ৩৬ ||
দম্পত্যোঃ কলহশ্চৈব ভোজনে কোপসংযুতঃ |
পরদ্রোহে মতিশ্চৈব সা পীডা প্রেতসম্ভবা || ২, ২০. ৩৭ ||
পুষ্পং যত্র ন দৃশ্যেন ফলং তথা |
বিরহো ভার্যয়া যত্র সা পীডা প্রেতসগ্ভবা || ২, ২০. ৩৮ ||
যেষাং বৈ জায়তে চিহ্নং সদোচ্চাটপরং নৃণাম্ |
স্বক্ষেত্রে নিষ্ফলং তেজঃ সা পীডা প্রেতসম্ভবা || ২, ২০. ৩৯ ||
স্বগোত্রঘাতকশ্চৈব হন্তি শত্রুমিবাত্মজম্ |
ন প্রীতির্নাপি সৌখ্যং চ সা পীডা প্রেতসম্ভবা || ২, ২০. ৪০ ||
পিতৃবাক্যং ন কুরুতে স্বপত্নীং চ ন সেবতে |
সদা ক্রূরমতির্ব্যগ্রঃ সা পীডা প্রেতসম্ভবা || ২, ২০. ৪১ ||
বিকর্মা জায়তে প্রেতো হ্যবিধিক্রিয়য়া তথা |
তৎকালদুষ্টসংসর্গাদ্বৃষোৎসর্গাদৃতে তথা || ২, ২০. ৪২ ||
দৃষ্টগৃত্যুবশাদ্বাপি অদগ্ধবপুষস্তথা |
প্রেতৎবং জায়তে তার্ক্ষ্য পীড্যন্তে যেন জন্তবঃ || ২, ২০. ৪৩ ||
এবং জ্ঞাৎবা খগশ্রেষ্ঠ প্রেতমুক্তিং সমাচরেৎ |
যো বৈ ন মন্যতে প্রেতান্মৃতঃ প্রেতৎবমাপ্নুয়াৎ || ২, ২০. ৪৪ ||
প্রেতদোষঃ কুলে যস্য সুখং তস্য ন বিদ্যতে |
মতিঃ প্রীতী রতির্বুদ্ধির্লক্ষ্মীঃ পঞ্চবিনাশনম্ || ২, ২০. ৪৫ ||
তৃতীয়ে পঞ্চমে পুংসি বংশচ্ছেদো হি জায়তে |
দরিদ্রো নির্ধনশ্চৈব পাপকর্মা ভবেভবে || ২, ২০. ৪৬ ||
যে কেচিৎপেতরূপা বিকৃতমুখদৃশো রৌদ্ররূপাঃ করালা মন্যন্তে
নৈব গোত্রং সুতদুহিতৃপিৎৠন্ভ্রাতৃজায়াং বধূং বা |
কৃৎবা কাম্যং চ রূপং সুখগতিরহিতা ভাষমাণা যথেষ্টং হা
কষ্টং ভোক্তুকামা বিধিবশপতিতাঃ সংস্মরন্তি স্বপাকম্ || ২, ২০. ৪৭ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে ধর্মকাণ্ডে প্রতকল্পে
শ্রীকৃষ্ণগরুডসংবাদে প্রেতাবাসতদ্বাধাপ্রকারনিরূপণং নাম বিংশোঽধ্যায়ঃ