১.২৪ গরুডপুরাণ (অধ্যায় ২৩১-২৪০)

শ্রীগরুডমহাপুরাণম্-২৩১
সূত উবাচ |
নারসিংহস্তুতিং বক্ষ্যে শিবোক্তং শৌনকাধুনা |
পূর্বং মাতৃগণাঃ সর্বে শঙ্করং বাক্যমব্রুবন্ || ১, ২৩১. ১ ||
ভগবন্ভক্ষয়িষ্যামঃ সদেবাসুরমানুষম্ |
ৎবৎপ্রসাদাজ্জগৎসর্বং তদনুজ্ঞাতুমর্হসি || ১, ২৩১. ২ ||
শঙ্করৌবাচ |
ভবতীভিঃ প্রজাঃ সর্বা রক্ষণীয়া ন সংশয়ঃ |
তস্মাড্বোরতরপ্রায়ং মনঃ শীঘ্রং নিবর্ত্যতাম্ || ১, ২৩১. ৩ ||
ইত্যেবং শঙ্করেণোক্তমনাদৃত্য তু তদ্বচঃ |
ভক্ষয়ামাসুরব্যগ্রাস্ত্রৈলোক্যং সচরাচরম্ || ১, ২৩১. ৪ ||
ত্রৈলোক্যে ভক্ষ্যমাণে তু তদা মাতৃগণেন বৈ |
নৃসিংহরূপিণং দেবং প্রদধ্যৌ ভগবাঞ্ছিবঃ || ১, ২৩১. ৫ ||
অনাদিনিধনং দেবং সর্বভূতভবোদ্ভবম্ |
বিদ্যুজ্জিহ্বং মহাদংষ্ট্রং স্ফুরৎকেসরমালিনম্ || ১, ২৩১. ৬ ||
রত্নাঙ্গদং সমুকুটং হেমকেসরভূষিতম্ |
খোণিসূত্রেণ মহতা কাঞ্চনেন বিরাজিতম্ || ১, ২৩১. ৭ ||
নীলোৎপলদলশ্যামং রত্ননূপুরভূষিতম্ |
তেজসাক্রান্তসকলব্রহ্মাণ্ডোদরমণ্ডপম্ || ১, ২৩১. ৮ ||
আবর্তসদৃশাকারৈঃ সংযুক্তং দেহরোমভিঃ |
সর্বপুষ্পৈর্যোজিতাঞ্চ ধারয়ংশ্চ মহাস্ত্রজম্ || ১, ২৩১. ৯ ||
স ধ্যাতমাত্রো ভগবান্প্রদদৌ তস্য দর্শনম্ |
যাদৃশেন রূপেণ ধ্যাতো রুদ্রৈস্তু ভক্তিতঃ || ১, ২৩১. ১০ ||
তাদৃশেনৈব রূপেণ দুর্নিরীক্ষ্যেণ দৈবতৈঃ |
প্রণিপত্য তু দেবেশং তদা তুষ্টাব শঙ্করঃ || ১, ২৩১. ১১ ||
শঙ্কর উবাচ |
নমস্তেঽস্ত জগন্নাথ নরসিংহবপুর্ধর |
দৈত্যেশ্বরেন্দ্রসংহারিনখশুক্তিবিরাজিত || ১, ২৩১. ১২ ||
নখমণ্ডলসভিন্নহেমপিঙ্গলবিগ্রহ |
নমোঽস্তু পদ্মনাভায় শোভনায় জগদ্গুরো |
কল্পান্তাম্ভোদনির্ঘোষ সূর্যকোটিসমপ্রভ || ১, ২৩১. ১৩ ||
সহস্রয়মসন্ত্রাস সহস্রেন্দ্রপরাক্রম |
হসস্ত্রধনদস্ফীত সহস্রচরণাত্মক || ১, ২৩১. ১৪ ||
সহস্রচন্দপ্রতিম ! সহস্রাংশুহরিক্রম |
সহস্ররুদ্রতেজস্ক সহস্রব্রহ্মসংস্তুত || ১, ২৩১. ১৫ ||
সহস্ররুদ্রসঞ্জপ্ত সহস্রাক্ষনিরীক্ষণ |
সহস্রজন্মমথন সহস্রবন্ধনমোচন || ১, ২৩১. ১৬ ||
সহস্রবায়ুবেগাক্ষ সহস্রাজ্ঞকৃপাকর |
স্তুৎবৈবং দেবদেবেশং নৃসিংহবপুষং হরিম্ |
বিজ্ঞাপয়ামাস পুনর্বিনয়াবনতঃ শিবঃ || ১, ২৩১. ১৭ ||
অন্ধকস্য বিনাশায় যা সৃষ্টা মাতরো ময়া |
অনাদৃত্য তু মদ্বাক্যং ভক্ষ্যন্ত্বদ্ভুতাঃ প্রজাঃ || ১, ২৩১. ১৮ ||
সৃষ্ট্বা তাশ্চ ন শক্তোঽহং সংহর্তুমপরাজিতঃ |
পূর্বং কৃৎবা কথং তাসাং বিনাশমভিরোচয়ে || ১, ২৩১. ১৯ ||
এবমুক্তঃ স রুদ্রেণ নরসিহবপুর্হরিঃ |
সহস্রহেবীর্জিহ্বাগ্রাত্তদা বাগীশ্বরো হরিঃ || ১, ২৩১. ২০ ||
তথা সুরগণান্সর্বান্রৌদ্রান্মাতৃগণান্বিভুঃ |
সংহৃত্য জগতঃ শর্ম কৃৎবা চান্তর্দধে হরিঃ || ১, ২৩১. ২১ ||
নারসিংহমিদং স্তোত্রং যঃ পঠেন্নিয়তেন্দ্রিয়ঃ |
মনোরথপ্রদস্তস্য রুদ্রস্যেব ন সংশয়ঃ || ১, ২৩১. ২২ ||
ধ্যায়েন্নৃসিংহং তরুণার্কনেত্রং সিদাম্বুজাতং জ্বলিতাগ্নিবৎক্রম্ |
অনাদিমধ্যান্তমজ পুরাণং পরাপরেশং জগতাং নিধানম্ || ১, ২৩১. ২৩ ||
জপেদিদং সন্ততদুঃখজালং জহাতি নীহারমিবাংশুমালী |
সমাতৃবর্গস্য করোতি মূর্তিং যদা তদা তিষ্ঠতি তৎসমীপে || ১, ২৩১. ২৪ ||
দেবেশ্বরস্যাপি নৃসিংহমূর্তেঃ পূজাং বিধাতুং ত্রিপুরান্তকারী |
প্রসাদ্য তং দেববরং স লব্ধ্বা অব্যাজ্জগন্মাতৃগণেভ্য এব চ || ১, ২৩১. ২৫ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
নৃসিংহস্তোত্রং নামৈকত্রিংশদুত্তরদ্বিশততমোঽধ্যায়ঃ

শ্রীগরুডমহাপুরাণম্-২৩২
সূত উবাচ |
কুলামৃতং প্রবক্ষ্যামি স্তোত্রং যত্তু হরোঽব্রবীৎ |
পৃষ্টঃ শ্রীনারদেনৈব নারদায় তথা শৃণু || ১, ২৩২. ১ ||
নারদ উবাচ |
যঃ সঙ্কারে সদা দ্বন্দ্বৈঃ কামক্রোধৈঃ শুভাশুভৈঃ |
শব্দাদিবিষয়ৈর্বদ্ধঃ পীড্যমানঃ স দুর্মতিঃ || ১, ২৩২. ২ ||
ক্ষণং বিমুচ্যতে জন্তুর্মৃত্যুসংসারসাগরাৎ |
ভগবঞ্ছ্রোতুমিচ্ছামি ৎবত্তো হি ত্রিপুরান্তক || ১, ২৩২. ৩ ||
তস্য তদ্বচনং শ্রুৎবা নারদস্য ত্রিলোচনঃ |
উবাচ তমৃষিং শম্ভুঃ প্রসন্নবদনো হরঃ || ১, ২৩২. ৪ ||
মহেশ্বর উবাচ |
জ্ঞানামৃতং পরং গুহ্যং রহস্যমৃষিসত্তম |
বক্ষ্যামি শৃণু দুঃখঘ্নং ভববন্ধভয়ামহম্ || ১, ২৩২. ৫ ||
তৃণাদি চতুরাস্যান্তং ভূতগ্রামং চতুর্বিধম্ |
চরাচরং জগৎসর্বং প্রসুপ্তং যস্য মায়য়া || ১, ২৩২. ৬ ||
তস্য বিষ্ণো প্রিসাদেন যদি কশ্চিৎপ্রবুধ্যতে |
স নিস্তরতি সংসারং দেবানামপি দুস্তরম্ || ১, ২৩২. ৭ ||
ভোগৈশ্বর্যমদোন্মত্তস্ততত্ত্বজ্ঞানপরাঙ্মুখঃ |
পুত্রদারকুটুম্বেষু মত্তাঃ সীদন্তিজন্তবঃ || ১, ২৩২. ৮ ||
সর্ব একার্ণবে মগ্না জীর্ণা বনগজা ইব |
যস্ত্বাননং নিবধ্নাতি দুর্মতিঃ কোশকারবৎ || ১, ২৩২. ৯ ||
তস্য মুক্তিং ন পশ্যামি জন্মকোটিশতৈরপি |
তস্মান্নারদ সর্বেষাং দেবানাং দেবমব্যয়ম্ |
আরাধয়েৎসদা সম্যগধ্যায়েদ্বিষ্ণুং মুদান্বিতঃ || ১, ২৩২. ১০ ||
যস্তু বিশ্বমনাদ্যন্তমজমাত্মনি সংস্থিতম্ |
সর্বজ্ঞমচলং বিষ্ণুং সদা ধ্যায়েৎসমুচ্যতে || ১, ২৩২. ১১ ||
দেবং গর্ভোচিতং বিষ্ণুং সদা ধ্যায়ন্বিমুচ্যতে |
অশিরীরং বিধাতারং সর্বজ্ঞানমনোরতিম্ |
অচলং সর্বগং বিষ্ণুং সদা ধ্যায়ন্বিমুচ্যতে || ১, ২৩২. ১২ ||
নির্বিকল্পং নিরাভাসং নিষ্প্রপঞ্চং নিরাময়ম্ |
বাসুদেবং গুরুং বিষ্ণুং সদা ধ্যায়ন্বিমুচ্যতে || ১, ২৩২. ১৩ ||
সর্বাত্মকঞ্চ বৈ যাবদাত্মচৈতন্যরূপকম্ |
শুভমেকাক্ষরং বিষ্ণুং সদা ধ্যায়ন্বিমুচ্যতে || ১, ২৩২. ১৪ ||
বাক্যাতীতং ত্রিকালজ্ঞং বিশ্বেশং লোকসাক্ষিণম্ |
সর্বস্মাদুত্তমং বিষ্ণুং সদা ধ্যায়ন্বিমুচ্যতে || ১, ২৩২. ১৫ ||
ব্রহ্মাদিদেবগন্ধর্বৈর্মুনিভিঃ সিদ্ধচারণৈঃ |
যোগিভিঃ সেবিতং বিষ্ণুং সদা ধ্যায়ন্বিমুচ্যতে || ১, ২৩২. ১৬ ||
সংসারবন্ধনামুক্তিমিচ্ছংল্লোকো হ্যশেষতঃ |
স্তুৎবৈবং বরদং বিষ্ণুং সদা ধ্যায়ন্বিমুচ্যতে || ১, ২৩২. ১৭ ||
সংসারবন্ধনাৎকোঽপি মুক্তিমিচ্ছন্সমাহিতঃ |
অনন্তমব্যয়ং দেবং বিষ্ণং বিশ্বপ্রতিষ্ঠিতম্ |
বিশ্বেশ্বরমজং বিষ্ণুং সন্দা ধ্যায়ন্বিমুচ্যতে || ১, ২৩২. ১৮ ||
সূত উবাচ |
নারদেন পুরা পৃষ্ট এবং স বৃষভধ্বজঃ |
যেত্তেন তস্মৈ ব্যাখ্যাতং তন্ময়া কথিতং তব || ১, ২৩২. ১৯ ||
তমেব সততন্ধ্যায়ন্নির্ব্যয়ং ব্রহ্ম নিষ্কলম্ |
অবাপ্স্যসি ধ্রুবং তাত ! শাশ্বতং পদমব্যয়ম্ || ১, ২৩২. ২০ ||
অশ্বমেধসহস্রাণি বাজপেয়শতানি চ |
ক্ষণমেকাগ্রচিত্তস্য কলাং নার্হন্তি ষোডশীম্ || ১, ২৩২. ২১ ||
শ্রুৎবা সুরঋষির্বিষ্ণোঃ প্রাধান্যমিদমীশ্বরাৎ |
স বিষ্ণুং সম্যগারাধ্য সিদ্ধঃ পদমবাপ্তবান্ || ১, ২৩২. ২২ ||
যঃ পঠেচ্ছৃণুয়াদ্বা পি নিত্যমেব স্তবোত্তমম্ |
কোটিজন্মকৃতং পাপমপি তস্য প্রণশ্যতি || ১, ২৩২. ২৩ ||
বিষ্ণোঃ স্তবমিদং দিব্যং মহাদেবেন কীর্তিতম্ |
প্রয়ত্নাদ্যঃ পঠেন্নিত্য মমৃতৎবং স গচ্ছতি || ১, ২৩২. ২৪ ||

ইতি শ্রীগারুডে মহাপুরাণে কুলামৃতস্তোত্রং নাম দ্বাত্রিংশদুত্তরদ্বিশততমোঽধ্যায়ঃ

শ্রীগরুডমহাপুরাণম্-২৩৩
সূত উবাচ |
স্তোত্রং তৎসং প্রবক্ষ্যামি মার্কণ্ডেয়ন ভাষিতম্ |
দামোদরং প্রপন্নোঽস্মি কিন্নো মৃত্যুঃ করিষ্যতি || ১, ২৩৩. ১ ||
শঙ্খচক্রধরং দেবং ব্যক্তরূপিণমব্যয়ম্ |
অধোঽক্ষজং প্রপন্নোস্মি কিন্নো মৃত্যুঃ করিষ্যতি || ১, ২৩৩. ২ ||
বরাহং বামনং বিষ্ণুং নারসিংহং জনার্দনম্ |
মাধবং চ প্রপন্নোঽস্মি কিন্নো মৃত্যুঃ করিষ্যতি || ১, ২৩৩. ৩ ||
পুরুষং পুষ্করক্ষেত্রবীজং পুণ্যং জগৎপতিম্ |
লোকনাথং প্রপন্নোঽস্মি কিন্নো মৃত্যুঃ করিষ্যতি || ১, ২৩৩. ৪ ||
সহস্রশিরসং দেবং ব্যক্তাব্যক্তং সনাতনম্ |
মহায়োগং প্রপন্নোঽস্মি কিন্নো মৃত্যুঃ করিষ্যতি || ১, ২৩৩. ৫ ||
ভূতাত্মানং মহাত্মানং যজ্ঞয়োনিময়োনিজম্ |
বিশ্বরূপং প্রপন্নোঽস্মি কিন্নো মূত্যুঃ করিষ্যতি || ১, ২৩৩. ৬ ||
ইত্যুদীরিতমাকর্ণ্য স্তোত্রং তস্য মহাত্মনুঃ |
অপয়াতস্ততো মৃত্যুর্বিষ্ণুদূতৈঃ প্রপীডিতঃ || ১, ২৩৩. ৭ ||
ইতি তেন জিতো মৃত্যুর্মার্কণ্ডেয়েন ধীমতা |
প্রসন্নে পুণ্ডরীকাক্ষে নৃসিংহে নাস্তিদুর্লভম্ || ১, ২৩৩. ৮ ||
মৃত্য্বষ্টকমিদং পুণ্যং মৃত্যুপ্রশমনং শুভম্ |
মার্কণ্ডেয়হিতার্থায় স্বয়ং বিষ্ণুরুবাচ হ || ১, ২৩৩. ৯ ||
ইদং যঃ পঠতে ভক্ত্যা ত্রিকালং নিয়তং শুচিঃ |
নাকালে তস্য মৃত্যুঃ স্যান্নরস্যাচ্যুতচেতসঃ || ১, ২৩৩. ১০ ||
হৃৎপদ্মমধ্যে পুরুষং পুরাণং নারায়ণং শাশ্বতমপ্রমেয়ম্ |
বিচিন্ত্য সূর্যাদতিরাজমানং মৃত্যুং স যোগি জিতবাংস্তথৈব || ১, ২৩৩. ১১ ||

ইতি শ্রীগারুডে মহাপুরাণে মার্কণ্ডেয়কৃতং মৃত্য্বষ্টকস্তোত্রং
নাম ত্রয়স্ত্রিংশদুত্তরদ্বিশততমোঽধ্যায়ঃ

শ্রীগরুডমহাপুরাণম্-২৩৪
সূত উবাচ |
বক্ষ্যেঽহমচ্যুতস্তোত্রং শৃণু শৌনক সর্বদম্ |
ব্রহ্মা পৃষ্টো নারদায় যথোবাচ তথা পরম্ || ১, ২৩৪. ১ ||
নারদ উবাচ |
যথাক্ষয়োঽব্যয়ো বিষ্ণুঃ স্তোতব্যো বরদো ময়া |
প্রত্যহং চার্চনাকালে তথা ৎবং বক্তুমর্হসি || ১, ২৩৪. ২ ||
তে ধন্যাস্তে সুজন্মানস্তে হি সর্বসুখপ্রদাঃ |
সফলং জীবিতং তেষাং যে স্তুবন্তি সদাচ্যুতম্ || ১, ২৩৪. ৩ ||
ব্রহ্মোবাচ |
মুনে স্তোত্রং প্রবক্ষ্যামিঃ বাসুদেবস্য মুক্তিদম্ |
শৃণু যেন স্তুতঃ সম্যক্পূজাকালে প্রসীদতি || ১, ২৩৪. ৪ ||
ওঁ নমো (ভগবতেঃ বাসুদেবাচ নমঃ সর্বাপহারিণে |
নমো বিশুদ্ধদেহায় নমো জ্ঞানস্বরূপিণে || ১, ২৩৪. ৫ ||
নমঃ সর্বসুরেশায় নমঃ শ্রীবৎসধারিণে |
নমশ্চর্মাসিহস্তায় নমঃ পঙ্কজমালিনে || ১, ২৩৪. ৬ ||
নমো বিশ্বপ্রতিষ্ঠায় নমঃ পীতাম্বরায় চ |
নমো নৃসিংহরূপায় বৈকুণ্ঠায় নমোনমঃ || ১, ২৩৪. ৭ ||
নমঃ পঙ্কজনাভায় নমঃ ক্ষীরোদশায়িনে |
নমঃ সহস্রশীর্ষায় নমো নাগাঙ্গশায়িনে || ১, ২৩৪. ৮ ||
নমঃ পরশুহস্তায় নমঃ ক্ষত্ত্রান্তকারিণে |
নমঃ সত্যপ্রতিজ্ঞায় হ্যজিতায় নমোনমঃ || ১, ২৩৪. ৯ ||
নমস্ত্রৈ লোক্যনাথায় নমশ্চক্রধারয় চ |
নমঃ শিবায় সূক্ষ্মায় পুরাণায় নমোনমঃ || ১, ২৩৪. ১০ ||
নমো বামনরূপায় বলিরাজ্যাপহারিণে |
নমো যজ্ঞবরাহায় গোবিন্দায় নমোনমঃ || ১, ২৩৪. ১১ ||
নমস্তে পরমানন্দ নমস্তে পরমাক্ষর |
নমস্তে জ্ঞানসদ্ভাব নমস্তে জ্ঞানদায়ক || ১, ২৩৪. ১২ ||
নমস্তে পরমাদ্বৈত নমস্তে পুরুষোত্তম |
নমস্তে বিশ্বকৃদ্দেব নমস্তে বিশ্বভাবন || ১, ২৩৪. ১৩ ||
নমস্তে স্তাদ্বিশ্বনাথ নমস্তেঃ বিশ্বকারণ |
নমস্তে মধুদৈত্যঘ্ন নমস্তে রাবণান্তক || ১, ২৩৪. ১৪ ||
নমস্তে কংসকেশিঘ্ন নমস্তে কৈটভার্দন |
নমস্তে শতপত্রাক্ষ নমস্তে গরুডধ্বজ || ১, ২৩৪. ১৫ ||
নমস্তে কালনেমিঘ্ন নমস্তে গরুডাসন |
নমস্তে দেবকীপুত্র নমস্তে বৃষ্ণিনন্দন || ১, ২৩৪. ১৬ ||
নমস্তে রুক্মিণীকান্ত নমস্তে দিতিনন্দন |
নমস্তে গোকুলাবাস নমস্তে গোকুলপ্রিয় || ১, ২৩৪. ১৭ ||
জয় গোপবপুঃ কৃষ্ণ জয় গোপীজনপ্রিয় |
জয় গোবর্ধনাধার জয় গোকুলবর্ধন || ১, ২৩৪. ১৮ ||
জয় রাবণবীরঘ্ন জয় চাণূরনাশন |
জয় বৃষ্ণিকুলোদ্দ্যোত জয় কালীয়মর্দন || ১, ২৩৪. ১৯ ||
জয় সত্য জগৎসাক্ষিন্জয় সর্বার্থসাধক |
জয় বেদান্তবিদ্বেদ্য জয় সর্বদ মাধব || ১, ২৩৪. ২০ ||
জয় সর্বাশ্রয়াব্যক্ত জয় সর্বগ মাধব |
জয় সূক্ষ্ম চিদান্দন জয় চিত্তনিরঞ্জন || ১, ২৩৪. ২১ ||
জয়স্তেঽস্তু নিরালম্ব জয় শান্ত সনাতন |
জয় নাথ জগৎপুষ্ট (ৎপূজ্য) জয় বিষ্ণো নমোঽস্তূতে || ১, ২৩৪. ২২ ||
ৎবং গুরুস্ত্বং হরে শিষ্যস্ত্বং দীক্ষামন্ত্রমণ্ডলম্ |
ৎবং ন্যাসমুদ্রাসময়াস্ত্বং চ পুষ্পাদিসাধনম্ || ১, ২৩৪. ২৩ ||
ৎবমাধারস্ত্বং হ্যনন্তস্ত্বং কূর্মঃস্ত্বং ধরাম্বুজম্ |
ধর্মজ্ঞানাদয়স্ত্বং হি বেদিমণ্ডলশক্তয়ঃ || ১, ২৩৪. ২৪ ||
ৎবং প্রভো ছলভৃদ্রামস্ত্বং পুনঃ স খরান্তকঃ |
ৎবং ব্রহ্মর্ষিশ্চদেবস্ত্বং বিষ্ণুঃ সত্যপরাক্রমঃ || ১, ২৩৪. ২৫ ||
ৎবং নৃসিংহঃ পরানন্দো বরাহস্ত্বং ধরাধরঃ |
ৎবং সুপর্ণস্তথা চক্রং ৎবং গদা শঙ্খ এব চ || ১, ২৩৪. ২৬ ||
ৎবং শ্রীঃ প্রভো ৎবং মুষ্টিসৎবং ৎবং মালা দেব শাবতী |
শ্রীবৎসঃ কৌস্তুভস্ত্বং হি শার্ঙ্গো ৎবং চ তথেষুধিঃ || ১, ২৩৪. ২৭ ||
ৎবং খড্গচর্মণা সার্ধং ৎবং দিক্পালাস্তথা প্রভো |
ৎবং বেধাস্ত্বং বিধাতা চ ৎবং যমস্ত্বং হুতাশনঃ || ১, ২৩৪. ২৮ ||
ৎবং ধনেশস্ত্বমীশানস্ত্বমিন্দ্রস্ত্বমপাম্পতিঃ |
ৎবং রক্ষোঽধিপতিঃ সাধ্যস্ত্বং বায়ুস্ত্বং নিশাকরঃ || ১, ২৩৪. ২৯ ||
আদিত্যা বসবো রুদ্রা অশ্বিনৌ ৎবং মরুদ্গণাঃ |
ৎবং দৈত্যা দানবা নাগাস্ত্বং যক্ষা রাক্ষসাঃ খগাঃ || ১, ২৩৪. ৩০ ||
গন্ধর্বাপ্যরসঃ সিদ্ধাঃ পিতরস্ত্বং মহামরাঃ |
ভূতানি বিষয়স্ত্বং হি ৎবমব্যক্তেন্দ্রিয়াণি চ || ১, ২৩৪. ৩১ ||
মনোবুদ্ধিরহঙ্কারঃ ক্ষেত্রজ্ঞস্ত্বং হৃদীশ্বরঃ |
ৎবং যজ্ঞস্ত্বং বষট্কারস্ত্বমোঙ্কারঃ সমিৎকুশাঃ || ১, ২৩৪. ৩২ ||
ৎবং বেদী ৎবং হরে দীক্ষা ৎবং যূপস্ত্বং হুতাশনঃ |
ৎবং পত্নী ৎবং পুরোডাশস্ত্বং শালা স্ত্রুক্চ ৎবং স্তুবঃ || ১, ২৩৪. ৩৩ ||
গ্রাবাণঃ সকলং ৎবং হি সদস্যাস্ত্বং সদাক্ষিণঃ |
ৎবং সূর্পাদিস্ত্বং চ ব্রহ্মা মুসলোলূখলে ধ্রুবম্ || ১, ২৩৪. ৩৪ ||
ৎবং হোতা যজমানস্ত্বং ৎবং ধান্যং পশুয়াজকঃ |
ৎবমধ্বর্যুস্ত্বমুদ্গাতা ৎবং যজ্ঞঃ পুরুষোত্তমঃ || ১, ২৩৪. ৩৫ ||
দিক্পাতালমহি ব্যোম দ্যৌস্ত্বং নক্ষত্রকারকঃ |
দেবতির্যঙ্মনুষ্যেষু জগদেতচ্চরাচরম্ || ১, ২৩৪. ৩৬ ||
যৎকিঞ্চিদ্দৃশ্যতে দেব ব্রহ্মাণ্ডমখিলং জগৎ |
তব রূপমিদং সর্বং দৃষ্ট্যর্থং সম্প্রকাশিতম্ || ১, ২৩৪. ৩৭ ||
নাথয়ন্তে পরং ব্রহ্ম দৈবেরপি দুরাসদম্ |
কস্তঞ্জানাতি বিমলং যোগগম্যমতীন্দ্রিয়ম্ || ১, ২৩৪. ৩৮ ||
অক্ষয়ং পুরুষং নিত্যমব্যক্তমজমব্যয়ম্ |
প্রলয়োৎপত্তিরহিতং সর্বব্যাপিনমীশ্বরম্ || ১, ২৩৪. ৩৯ ||
সর্বজ্ঞং নির্গুণং শুদ্ধমানন্দমজরং পরম্ |
বোধরূপং ধ্রুবং শান্তং পূর্ণমদ্বৈতমক্ষয়ম্ || ১, ২৩৪. ৪০ ||
অবতারেষু যা মূর্তির্বিদূরে দেব দৃশ্যতে |
পরং ভাবমজানন্তস্ত্বাং ভজন্তি দিবৌকসঃ || ১, ২৩৪. ৪১ ||
কথং ৎবামীদৃশং সূক্ষ্মং শক্নোমি পুরুষোত্তম |
অরাধয়িতুমীশান মনোগম্যমগোচরম্ || ১, ২৩৪. ৪২ ||
ইহ যন্মণ্ডলে নাথ পূজ্যতে বিধিবৎক্রমৈঃ |
পুষ্পধূপাদিভির্যত্র তত্র সর্বা বিভূতয়ঃ || ১, ২৩৪. ৪৩ ||
সঙ্কর্ষণাদিভেদেন তব যৎপূজিতা ময়া |
ক্ষন্তুমর্হসি তৎসর্বং যৎকৃতং ন কৃতং ময়া || ১, ২৩৪. ৪৪ ||
ন শক্নোমি বিভো সম্যক্কর্তুং পূজাং যথোদিতাম্ |
যৎকৃতং জপহোমাদি অসাধ্যং পুরুষোত্তম || ১, ২৩৪. ৪৫ ||
বিনিষ্পাদয়িতুং ভক্ত্যা অত স্ত্বাং ক্ষময়াম্যহম্ |
দিবা রাত্রৌ চ সন্ধ্যায়াং সর্বাবস্থাসু চেষ্টতঃ || ১, ২৩৪. ৪৬ ||
অচলা তু হরে ! ভক্তিস্তবাঙ্ঘ্রিয়ুগলে মম |
শরিরে ন (ণ) তথা প্রীতির্ন চ ধর্মাদিকেষু চ || ১, ২৩৪. ৪৭ ||
যথা ৎবয়ি জগন্নাথ প্রীতিংরাত্যন্তিকী মম |
কিং তেন ন কৃতং কর্ম স্বর্গমোক্ষাদিসাধনম্ || ১, ২৩৪. ৪৮ ||
যস্য বিষ্ণৌ দৃঢা ভক্তিঃ সর্বকামফলপ্রদে |
পূজাং কর্তুং তথা স্তোত্রং কঃ শক্নোতি তবাচ্যুত || ১, ২৩৪. ৪৯ ||
স্তুতং তু পূজিতং মেঽদ্য তৎক্ষমস্ব নমোঽস্তু তে |
ইতি চক্রধারস্তোত্রং ময়া সম্যগুদাহৃতম্ |
স্তৌহি বিষ্ণুং মুনে ভক্ত্যা যদীচ্ছসি পরং পদম্ || ১, ২৩৪. ৫০ ||
স্তোত্রেণানেন যঃ স্তৌতি পূজাকালে জগদ্ঘুরুম্ || ১, ২৩৪. ৫১ ||
অচিরাল্লভতে মোক্ষং ছিৎবা সংসারবন্ধনম্ |
অন্যোঽপি যো জপেদ্ভক্ত্যা ত্রিসন্ধ্যং নিয়তঃ শুচিঃ || ১, ২৩৪. ৫২ ||
ইদং স্তোত্রং মুনে সোঽপি সর্বকামমবাপ্নুয়াৎ |
পুত্রার্থো লভতে পুত্রান্বদ্ধো মুচ্যতে বন্ধনাৎ || ১, ২৩৪. ৫৩ ||
রোগাদ্বিমুচ্যতে রাগী লভতে নির্ধনো ধনম্ |
বিদ্যার্থো লভতে বিদ্যাং ভগ্যং কীর্তি চ বিন্দতি || ১, ২৩৪. ৫৪ ||
জাতি স্মরৎবং মেধাবী যদ্যদিচ্ছতি চেতসা |
স ধন্যঃ সর্ববিৎপ্রাজ্ঞঃস সাধুঃ সর্বকর্মকৃৎ || ১, ২৩৪. ৫৫ ||
স সত্যবাকূছুচির্দাতা যঃ স্তৌতি পুরুষোত্তমম্ |
অসম্ভাষ্যা হি তে সর্বে সর্বধর্মবহিষ্কৃতাঃ || ১, ২৩৪. ৫৬ ||
যেষাং প্রবর্তনে নাস্তি হরিমুদ্দিশ্য সৎক্রিয়া |
ন শুদ্ধং বিদ্যতে তস্য মনো বাক্চ দুরাত্মনঃ || ১, ২৩৪. ৫৭ ||
যস্য সর্বার্থদে বিষ্ণৌ ভক্তির্নাব্যভিচারিণী |
আরাধ্য বিধিবদ্দেবং হরিং সর্বসুখপ্রদম্ || ১, ২৩৪. ৫৮ ||
প্রাপ্নোতি পুরুষঃ সম্যগ্যদ্যৎপ্রার্থয়তে ফলম্ |
কর্ম কামাদিকং সর্বং শ্রদ্ধধানঃ সুরোত্তমঃ |
অসুরাদিবপুঃ সিদ্ধৈর্দেয়তে যস্য নান্তরম্ || ১, ২৩৪. ৫৯ ||
সকলমুনিভিরাদ্যশ্চিন্ত্যতে যো হি শুদ্ধো নিখিলহৃদি নিবিষ্টো বেত্তি যঃ সর্বসাক্ষী |
তমজমমৃতমীশং বাসুদেবং নতোঽস্মি ভয়মরণবিহীনং নিত্যমানন্দরূপম্ || ১, ২৩৪. ৬০ ||
নিখিলভুবন নাথং শাশ্বতং সুপ্রসন্নং ৎবতিবিমলবিশুদ্ধং নির্গুণং ভবপুষ্পৈঃ |
সুখমুদিতসমস্তং পূজয়াম্যাত্মভাবং বিশতু হৃদয়পদ্মে সর্বসাক্ষী চিদাত্মা || ১, ২৩৪. ৬১ ||
এবং ময়োক্তং পরমপ্রভাবমাদ্যন্তহীনস্য পরস্য বিষ্ণোঃ |
তস্মাদ্বিচিন্ত্যঃ পরমেশ্বরোঽসৌ বিমুক্তিকামেন নরেণ সম্যক্ || ১, ২৩৪. ৬২ ||
বোধস্বরূপং পুরুষং পুরাণমাদিত্যবর্ণং বিমলং বিশুদ্ধম্ |
সঞ্চিন্ত্য বিষ্ণুং পরমদ্বিতীয়ং কস্তত্র যোগী ন লংয প্রয়াতি || ১, ২৩৪. ৬৩ ||
ইমং স্তবং যঃ সততং মনুষ্যঃ পঠেচ্চ তদ্বৎপ্রয়তঃ প্রশান্তঃ |
স ধূতপাপ্মা বিততপ্রভাবঃ প্রয়াতি লোকং বিততং মুরারেঃ || ১, ২৩৪. ৬৪ ||
যঃ প্রার্থয়ত্যর্থমশেষসৌখ্যং ধর্মং চ কামং চ তথৈব মোক্ষম্ |
স সর্বমুৎসৃজ্য পরং পুরাণং প্রয়াতি বিষ্ণুং শরণং বরেণ্যম্ || ১, ২৩৪. ৬৫ ||
বিভুং প্রভুং বিশ্বধরং বিশুদ্ধমশেষসংসারবিনাশহেতুম্ |
যো বাসুদেবং বিমলং প্রপন্নঃ স মোক্ষমাপ্নোতি বিমুক্তসঙ্গঃ || ১, ২৩৪. ৬৬ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
ঽচ্যুতস্তোত্রং নাম চতুস্ত্রিংশদুত্তরদ্বিশততমোঽধ্যায়ঃ

শ্রীগরুডমহাপুরাণম্-২৩৫
সূত উবাচ বেদান্তসাঙ্খ্যসিদ্ধান্তব্রহ্মজ্ঞানং বদাম্যহম্ |
অহং ব্রহ্ম পরং জ্যোতির্বিষ্ণুরিত্যেব চিন্তয়ন্ || ১, ২৩৫. ১ ||
সূর্যে হৃদ্ব্যোম্নি বহ্নৌ চ জ্যোতিরেকং ত্রিধা স্থিতম্ |
যথা সর্পিঃ শীরস্থং গবাং ন কুরুতে বলম্ || ১, ২৩৫. ২ ||
নির্গতং কর্মসংযুক্তং দত্তং তাসাং মহা বলম্ |
তথা বিষ্ণুঃ শরীরস্থো ন করোতি হিতং নণাম্ || ১, ২৩৫. ৩ ||
বিনারাধনয়া দেবঃ সর্বগঃ পরমেশ্বরঃ |
আরুরুক্ষুমতীনাং তু কর্মজ্ঞানমুদাহৃতম্ || ১, ২৩৫. ৪ ||
আরূঢয়োগবৃক্ষাণাং জ্ঞানং ত্যাগং পরং মতম্ |
জ্ঞাতুমিচ্ছতি শব্দাদীন্রাগো দ্বেষোঽথ জায়তে || ১, ২৩৫. ৫ ||
লোভো মোহঃ ক্রোধ এতৈর্যুক্তঃ পাপং নরশ্চরেৎ |
হস্তাবুপস্থমুদরং বাক্চতুর্থো চতুষ্টয়ম্ || ১, ২৩৫. ৬ ||
এতৎসুসংযতং যস্য স বিপ্রঃ কথ্যতে বুধৈঃ (ধঃ) |
পরবিত্তং ন গৃহ্ণাতি ন হিংসাং কুরুতে তথা || ১, ২৩৫. ৭ ||
নাক্ষক্রীডারতো যস্তু হস্তৌ তস্য সুসংযতৌ |
পরস্ত্রীবর্জনরতস্তস্যোপস্থং সুসংযতম্ || ১, ২৩৫. ৮ ||
অলোলুপমিদং ভুঙ্ক্তে জঠরং তস্য সংযতম্ |
সত্যং হিতং মিতং ব্রূতে যস্মাদ্বাক্তস্য সংযতা || ১, ২৩৫. ৯ ||
যস্য সংযতান্যেতানি তস্য কিং তপসাধ্বরৈঃ |
ঐক্যং যদ্বুদ্ধিমনসোরিন্দ্রিয়াণাং চ সর্বদা || ১, ২৩৫. ১০ ||
সবীজং বাপি নির্বোজং ধ্যানমেতৎপ্রকীর্তিতম্ |
ভ্রুবোর্মধ্যে স্থিতাং বুদ্ধিং বিষয়েষু যুনক্তি যঃ || ১, ২৩৫. ১১ ||
হন্দ্রিয়াণামুপরমে মনসি হ্যব্যবস্থিতে || ১, ২৩৫. ১২ ||
স্বপ্নান্পশ্যত্যসৌ জীবো বাহ্যানাভ্যন্তরানথ |
জীবো জাগ্রদবস্থায়ামেবমাহুর্বিপাশ্চিতঃ || ১, ২৩৫. ১৩ ||
হৃদি স্থিতঃ স তমসা মোহিতো ন স্মরত্যপি |
যদা তস্য কুতো বেতি সুষুপ্তিরিতি কথ্যতে || ১, ২৩৫. ১৪ ||
জাগ্রতো যস্য নো তন্দ্রা ন মোহো ন ভ্রমস্তথা |
উৎপদ্যতে ন জানাতি শব্দার্থবিষয়ান্বশী || ১, ২৩৫. ১৫ ||
ইন্দ্রিয়াণি সমাহৃত্য বিষয়েভ্যো মনস্তথা |
বুদ্ধ্যাহঙ্কারমপি চ প্রকৃত্যা বুদ্ধিমেব চ || ১, ২৩৫. ১৬ ||
সংযম্য প্রকৃতিং চাপি চিচ্ছক্ত্যা কেবলে স্থিতঃ |
পশ্যত্যাত্মানি চাত্মানমাত্মনাত্মপ্রকাশকম্ || ১, ২৩৫. ১৭ ||
চিদ্রূপমমৃতং শুদ্ধং নিষ্ক্রিয়ং ব্যাপকং শিবম্ |
তুরীয়ায়ামবস্থায়ামাস্থিতোঽসৌ ন সংশয়ঃ || ১, ২৩৫. ১৮ ||
শব্দাদয়ো গুণাঃ পঞ্চ সত্ত্বাদ্যাশ্চ গুণাস্ত্রয়ঃ |
পুর্যষ্টকস্য পদ্মস্য পত্রাণ্যষ্টৌ চ তানি হি || ১, ২৩৫. ১৯ ||
সাম্যাবস্থা গুণকৃতা প্রকৃতিস্তত্র কর্ণিকা |
কর্ণিকায়াং স্থিতো দেবো দেহী চিদ্রূপ এব হি || ১, ২৩৫. ২০ ||
পুর্যষ্টকং পরিত্যজ্য প্রকৃতিঞ্চ গুণাত্মিকাম্ |
যদা যাতি তদা জীবো যাতি মুক্তিং ন সংশয়ঃ || ১, ২৩৫. ২১ ||
প্রাণায়ামো জপশ্চৈব প্রত্যাহারোঽথ ধারণা |
ধ্যানং সমাধিরিত্যেতে ষড্যোগস্য প্রসাধকাঃ || ১, ২৩৫. ২২ ||
পাপক্ষয়ে দেবতানাং প্রীতিরিন্দ্রিয়সংযমঃ |
জপধ্যানয়ুতো গর্ভো বিপরীতস্ত্বগর্ভকঃ || ১, ২৩৫. ২৩ ||
ষট্ত্রিংশন্মাত্রকঃ শ্রেষ্ঠশ্চতুর্বিংশতিমাত্রকঃ |
মধ্যো দ্বাদশমাত্রস্তু ওঙ্কারং সততং জপেৎ || ১, ২৩৫. ২৪ ||
বাচকে প্রণবে জ্ঞাতে বাচ্যং ব্রহ্ম প্রসীদতি |
(ওংনমো বিষ্ণবে) .ষষ্ঠাক্ষরশ্চ জপ্তব্যো গায়ত্ত্রী দ্বাদশাক্ষরী || ১, ২৩৫. ২৫ ||
সর্বেষামিন্দ্রিয়াণাং তু প্রবৃতির্বিষয়েষু চ |
নিবৃত্তির্মনসস্তস্যাঃ প্রত্যাহারঃ প্রকীর্তিতঃ || ১, ২৩৫. ২৬ ||
ইন্দ্রিয়াণীন্দ্রিয়ার্থেভ্যঃ সমাহৃত্য হিতো হি সঃ |
সহসা সহ বুদ্ধ্যা চ প্রত্যাহারেষু সংস্থিতঃ || ১, ২৩৫. ২৭ ||
প্রাণায়ামৈর্দ্বাদশভির্যাবৎকালঃকৃতো ভবেৎ |
যস্তাবৎকালপর্যন্তং মনো ব্রহ্মণি ধারয়েৎ || ১, ২৩৫. ২৮ ||
তস্যৈব ব্রহ্মণা প্রোক্তং ধ্যানং দ্বাদশ ধারণাঃ |
তুষ্যেত নিয়তো যুক্তঃ সমাধিঃ সোঽভীধীয়তে || ১, ২৩৫. ২৮*১ ||
ধ্যায়ন্ন চলতে যস্য মনোভিধ্যায়তো ভৃশম্ || ১, ২৩৫. ২৯ ||
প্রাপ্যাবধিকৃতং কালং যাবৎসা ধারণা স্মৃতা |
ধ্যেয়ে সক্তং মনো যস্য ধ্যেয়মেবানুপশ্যতি || ১, ২৩৫. ৩০ ||
নান্যং পদার্থং জানাতি ধ্যানমেতৎপ্রকীর্তিতম্ |
ধ্যেয়ে মনো নিশ্চলতাং যাতি ধ্যেয়ং বিচিন্তয়ন্ || ১, ২৩৫. ৩১ ||
যত্তদ্ধ্যানং পরং প্রোক্তং মুনিভির্ধ্যানচিন্তকৈঃ |
ধ্যেয়মেব হি সর্বত্র ধ্যাতা তন্ময়তাং গতঃ || ১, ২৩৫. ৩২ ||
পশ্যতি দ্বৈতরহিতং সমাধিঃ সোঽভিধীয়তে |
মনঃ সঙ্কল্পরহিতমিন্দ্রিয়ার্থান্ন চিন্তয়েৎ || ১, ২৩৫. ৩৩ ||
যস্য ব্রহ্মণি সংলীনং সমাধিস্থং তদোচ্যতে |
ধ্যায়তঃ পরমাত্মানমাত্মস্থং যস্য যোগিনঃ || ১, ২৩৫. ৩৪ ||
মনস্তন্ময়তাং যাতি সমাধিস্থঃ স কীর্তিতঃ |
চিত্তস্য স্থিরতা ভ্রান্তির্দৈর্মনস্যং প্রমাদতা || ১, ২৩৫. ৩৫ ||
যোগিনাং কথিতা দোষা যোগবিঘ্নপ্রবর্তকাঃ |
স্থিত্যর্থং মনসঃ সর্বং স্থূলরূপং বিচিন্তয়েৎ || ১, ২৩৫. ৩৬ ||
তদ্ব্রতং নিশ্চলীভূতং সূয়্যস্থং স্থিরতাং ব্রজেৎ |
ন বিনা পরমাত্মানং কিঞ্চিজ্জগতি বিদ্যতে || ১, ২৩৫. ৩৭ ||
বিশ্বরূপং তমেবৈকমিতি জ্ঞাৎবা বিমুঞ্চতি |
ওঙ্কারং পরমং ব্রহ্ম ধ্যায়েদব্জস্থিতং বিভুম্ || ১, ২৩৫. ৩৮ ||
ক্ষেত্রক্ষেত্রজ্ঞরহিতং জপেন্মাত্রাত্রয়ান্বিতম্ |
হৃদি সঞ্চিন্তয়েৎপূর্বং প্রধানং তস্য চোপরি || ১, ২৩৫. ৩৯ ||
তমো রজস্তথা সত্ত্বং মণ্ডলত্রিতয়ং ক্রমাৎ |
কৃষ্ণরক্তসিতং তস্মিন্পুরুষং জীবসঞ্জ্ঞিতম্ || ১, ২৩৫. ৪০ ||
তস্যোপরি গুণৈশ্বর্যমষ্টপত্রং সরোরুহম্ |
জ্ঞানং তু কর্ণিকা তত্র বিজ্ঞানং কেসরাঃ স্মৃতাঃ || ১, ২৩৫. ৪১ ||
বৈরাগ্যনালং তৎকন্দো বৈষ্ণবো ধর্ম উত্তমঃ |
কর্ণিকায়াং স্থিতং তত্র জীববন্নিশ্চলং বিভু || ১, ২৩৫. ৪২ ||
ধ্যায়েদুরসি সংযুক্তমোঙ্কারং মুক্তিসাধকম্ |
ধ্যায়ন্যদি ত্যজেৎপ্রাণান্যাতি ব্রহ্ম স্বসন্নিধিম্ || ১, ২৩৫. ৪৩ ||
হরিং সংস্থাপ্য দেহাব্জে ধ্যায়ন্যো গী চ ভক্তিভাক্ |
আত্মানমাত্মনা কেচিৎপশ্যন্তি ধ্যানচক্ষুষঃ || ১, ২৩৫. ৪৪ ||
সাঙ্খ্যবুদ্ধ্যা তথৈবান্যে যোগেনান্যে তু যোগিনঃ |
ব্রহ্মপ্রকাশকং জ্ঞানং ভববন্ধবিভেদনম্ || ১, ২৩৫. ৪৫ ||
তত্রৈকচিত্ততায়োগো মুক্তিদো নাত্র সংশয়ঃ |
জিতেন্দ্রিয়াত্মকরণো জ্ঞানদৃপ্তো হি যো ভবেৎ || ১, ২৩৫. ৪৬ ||
স মুক্তঃ কথ্যতে যোগী পরমাত্মন্যবস্থিতঃ |
আসনস্থানবিধয়ো ন যোগস্য প্রসাধকাঃ || ১, ২৩৫. ৪৭ ||
বিলম্বজনকাঃ সর্বে বিস্তরাঃ পরিকীর্তিতাঃ |
শিশুপালঃ সিদ্ধিমাপ স্মরণাভ্যাসগৌরবাৎ || ১, ২৩৫. ৪৮ ||
যোগাভ্যাসং প্রকুর্বন্তঃ পস্যন্ত্যাত্মানমাত্মনা |
সর্বভূতেষু কারুণ্যং বিদ্বেষং বিষয়েষু চ || ১, ২৩৫. ৪৯ ||
গুপ্তশিশ্রোদরাদিশ্চ কুর্বন্যোগী বিমুচ্যতে |
ইন্দ্রিয়ৈরিন্দ্রিয়ার্থাংস্তু ন জানাতি নরো যদা || ১, ২৩৫. ৫০ ||
কাষ্ঠবদ্ব্রহ্মসংলীনো যোগী মুক্তস্তদা ভবেৎ |
সর্ববর্ণাঃ শ্রিয়ঃ সর্বাঃ কৃৎবা পাপানি ভস্মসাৎ || ১, ২৩৫. ৫১ ||
ধ্যানাগ্নিনা চ মেধাবী লভতে পরমাং গতিম্ |
মন্থনাদ্দৃশ্যতে হ্যগ্নিস্তদ্বদ্ধ্যানেন বৈ হরিঃ || ১, ২৩৫. ৫২ ||
ব্রহ্মাত্মনোর্যদৈকৎবং স যোগশ্চোত্তমোত্তমঃ |
বাহ্যরূপৈর্ন মুক্তিস্তু চান্তস্থৈঃ স্যাদ্যমাদিভিঃ || ১, ২৩৫. ৫৩ ||
সাঙ্খ্যজ্ঞানেন যোগেন বেদান্তশ্রবণেন চ |
প্রত্যক্ষতাত্মনো যা হি সা মুক্তিরভিধীয়তে |
অনাত্মন্যাত্মরূপৎবমসতঃ সৎস্বরূপতা || ১, ২৩৫. ৫৪ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
ব্রহ্মবিজ্ঞানস্বরূপণং নাম পঞ্চত্রিংশদুত্তরদ্বিশততমোঽধ্যায়ঃ

শ্রীগরুডমহাপুরাণম্-২৩৬
শ্রীভগবানুবাচ |
আত্মজ্ঞানং প্রবক্ষ্যামি শৃণু নারদ তত্ত্বতঃ |
অদ্বৈতং সাঙ্খ্যমিত্যাহুর্যোগস্তত্রৈকচিত্ততা || ১, ২৩৬. ১ ||
অদ্বৈতয়োগসম্পন্নাস্তে মুচ্যন্তেঽতিবন্ধনাৎ |
অতীতারব্ধমাগামি কর্ম নশ্যতি বোধতঃ || ১, ২৩৬. ২ ||
সদ্বিচারকুঠারেণ চ্ছিন্নসংসারপাদপঃ |
জ্ঞানবৈরাগ্যতীর্থেন লভতে বৈষ্ণবং পদম্ || ১, ২৩৬. ৩ ||
জাগ্রৎস্বপ্নসুষুপ্তং চ মায়া ত্রিপুরমুচ্যতে |
অত্রৈবান্তর্গতং সর্বং শাশ্বতে নাদ্বয়ে পদে || ১, ২৩৬. ৪ ||
নামরূপক্রিয়াহীনং সর্বং তৎপরমং পদম্ |
জগৎকৃৎবেশ্বরোঽনন্তং স্বয়মত্র প্রবিষ্টবান্ || ১, ২৩৬. ৫ ||
বেদাহমেতং পুরুষং চিদ্রূপং তমসঃ পরম্ |
সোঽহমস্মীতি মোক্ষায় নান্যঃ পন্থা বিমুক্তয়ে || ১, ২৩৬. ৬ ||
শ্রবণং মননং ধ্যানং জ্ঞানানাং চৈব সাধনম্ |
যজ্ঞদানতপস্তীর্থবেদৈর্মুক্তির্ন লভ্যতে || ১, ২৩৬. ৭ ||
ত্যাগেন কেনচিদ্ধ্যানপূজাকর্মাদিভির্যথা |
দ্বিবিধং বেদবচনং কুরু কর্ম ত্যজেতি চ || ১, ২৩৬. ৮ ||
যজ্ঞাদয়ো বিমুক্তানাং নিষ্কামানাং বিমুক্তয়ে |
অন্তঃ করণশুদ্ধ্যর্থমূচুরেবাত্র কেচন || ১, ২৩৬. ৯ ||
একেন জন্মনা জ্ঞানন্মুক্তির্ন দ্বৈতভাবিনাম্ |
যোগভ্রষ্টাঃ কুয়োগাশ্চ বিপ্রা যোগিকুলোদ্ভবাঃ || ১, ২৩৬. ১০ ||
কর্মণা বধ্যতে জন্তুর্জ্ঞানান্মুক্তো ভবাদ্ভবেৎ |
আত্মজ্ঞানন্ত্বাশ্রয়েদ্বৈ অজ্ঞানং যদতোঽন্যথা || ১, ২৩৬. ১১ ||
যদা সর্বে বিমুচ্যন্তে কামা যেস্যহৃদি স্থিতাঃ |
তদামৃতৎবমাপ্নোতি জীবন্নেব ন সংশয়ঃ || ১, ২৩৬. ১২ ||
ব্যাপকৎবাৎকথং যাতি কো যাতি ক্ব স যাতি চ |
অনন্তৎবান্নদেশোঽস্তি অমূর্তিৎবাদ্গতিঃ কুতঃ || ১, ২৩৬. ১৩ ||
অদ্বয়ৎবান্ন কোঽপ্যস্তি বোধৎবাজ্জডতা কুতঃ |
একোদ্দিষ্টং যদন্যস্য মতিবাগ্গতিসংস্থিতি (ম্) || ১, ২৩৬. ১৪ ||
কথমাকাশকল্পস্য গতিরাগতিসংস্থিতি |
জাগ্রৎস্বপ্নসুষুপ্তং চ মায়য়া পরিকল্পিতম্ || ১, ২৩৬. ১৫ ||
বস্তু তৈজসকং প্রাজ্ঞে যত্তু পুণ্যমখণ্ডকম্ |
যথা তে প্রিয়াত্মা নঃ সর্বেষাং চ তথা প্রিয়ঃ || ১, ২৩৬. ১৬ ||
বোধমার্গে যথা চিত্তং সর্বেষাং চ তথা মতে |
সর্বদা সর্বভূতানাং সর্বস্য চ মহামুনে || ১, ২৩৬. ১৭ ||
নাহমত্রাত্মবিজ্ঞানং তস্মাৎপূর্ণং নিরন্তরম্ |
জাগ্রৎস্বপ্নং তথা বৃত্তং সৌষুপ্তসুখমেব চ || ১, ২৩৬. ১৮ ||
স্মরণং বিস্মৃতার্থস্য নাস্তি চেৎকস্য জায়তে |
সত্যমস্তু তথা বাণু অশরীরং পরং তথা || ১, ২৩৬. ১৯ ||
নাস্তি চেৎসুখদুঃখানাং সর্বেষাং বেদনং কথম্ |
সদা সর্বত্র সর্বজ্ঞঃ সর্বস্য হৃদয়ে ন যেৎ || ১, ২৩৬. ২০ ||
সাক্ষিভূতঃ সমাশ্রিত্য কো জানাতি বিচেষ্টিতম্ |
সত্য জ্ঞানানন্ত ভিন্নং স্যান্নসত্যং জ্ঞানতঃ পৃথক্ || ১, ২৩৬. ২১ ||
নানন্ত্যাৎপৃথগানন্দং নাপ্যমানন্দতঃ পৃথক্ |
ৎবমেব পরমং ব্রহ্ম সত্যজ্ঞানাদিলক্ষণম্ || ১, ২৩৬. ২২ ||
অহং ব্রহ্ম পরং তত্ত্বং জ্ঞাৎবা ৎবখিলবিদ্ভবেৎ |
যথৈকমৃন্ময়ে জ্ঞাতে সর্বমেতচ্চরাচরম্ || ১, ২৩৬. ২৩ ||
যথৈকহেমমণিনা সর্বং হেমময়ং ভবেৎ |
জ্ঞানং তথৈবমীশেন জ্ঞানিনাপ্যখিলং জগৎ || ১, ২৩৬. ২৪ ||
যথান্ধকারদোষেণ রজ্জুঃ সম্যঙ্নদৃশ্যতে |
যথা সমোহদোষেণ চাত্মা সম্যঙ্নদৃশ্যতে || ১, ২৩৬. ২৫ ||
সর্পধারাদিভির্ভেদরৈন্যথা বস্তুকল্পনম্ |
ব্যোমাদিনা সরূপাদ্যৈরন্যথাত্মা প্রকল্প্যতে || ১, ২৩৬. ২৬ ||
প্রত্যক্ষমপি যদ্দ্রব্যন্দুর্দর্শমিতি ভাষতে |
ব্যোমাদিনা সরূপাদ্যৈরন্যথা কল্পিতৈস্তথা || ১, ২৩৬. ২৭ ||
তথা হি রজ্জুরুরগঃ শুক্তিঃ কারজতং যথা |
মৃগতৃষ্ণাপথায়াম্ভস্তৃপ্তিং বিষ্ণো তথা জগৎ || ১, ২৩৬. ২৮ ||
হাহিষ্ণোদ্বিজা কথি দ্ভোহমিতিদৃ |
গ্রহনাশাৎপুনর্ধ্যায়ন্ব্রাহ্মণ্যং মন্যতে যথা || ১, ২৩৬. ২৯ ||
মায়াবিষ্টস্তথা জীবো দেহোহমিতি মন্যতে |
মায়ানাশাৎপুনঃ স্বীয়রূপং ব্রহ্মাস্মি মন্যতে || ১, ২৩৬. ৩০ ||
গ্রহনাশাদ্যথা মান্যজনোক্রূরমবেক্ষতে |
স্বরূপদর্শনাচ্চায়ং মায়া নাশন্তয়া বিনা || ১, ২৩৬. ৩১ ||
অনাদিৎবং সমং দ্বাভ্যাং স্বরূপং তদ্বিলক্ষণম্ |
একঃ সত্যং তথা ভাগী বিচারেণ পরং মৃষা || ১, ২৩৬. ৩২ ||
অজোপি হি সকৃৎপ্রেত্য সম্ভবাম্যাত্মমায়য়া |
মায়েচ্ছয়া দ্বিধা স স্যাৎপতিঃ পত্নী সুখং জগৎ || ১, ২৩৬. ৩৩ ||
অষ্টাবিংশতিভেদৈস্তু ত্রৈগুণ্যং বিদ্যতে পৃথক্ |
চতুরশীতির্লক্ষ্যন্তে নরনার্যাকৃতীনি চ || ১, ২৩৬. ৩৪ ||
এষুবিশ্বং প্রভবতি খণ্ডজং মায়য়া যথা |
আদাবন্তে চ সন্ত্যেতে নামরূপক্রিয়াদয়ঃ || ১, ২৩৬. ৩৫ ||
সত্তাবকল্পনং কালে ন সন্তি পরমার্থতঃ |
যথা রথাদয়ঃ স্বপ্নে সন্তো নৈব চ সত্যতঃ || ১, ২৩৬. ৩৬ ||
তথা জাগ্রদবস্থায়াং ভূতানি ন তু সন্নিধৌ |
দ্বৈরূপ্যং মায়য়া যাতি জাগ্রৎস্বপ্নপদজ্ঞ (ক্ষ) যোঃ || ১, ২৩৬. ৩৭ ||
এবমেতৎপরং ব্রহ্ম স্বপ্নজাগ্রৎপদদ্বয়ে |
সুষুপ্তমচলং রূপমদ্বয়ং পদমুচ্যতে || ১, ২৩৬. ৩৮ ||
মায়াবিচারসিদ্ধৈব বিচারেণ বিলীয়তে |
আপাতরহিতা সাপি কল্পনা কালবর্তিনী || ১, ২৩৬. ৩৯ ||
এবং তস্যা (দাত্যা) ত্মনাদিত্যং সিদ্ধমেকস্য সত্যজা |
সতোস্তিৎবং বসাতিৎবাদস্তিৎবাসত্যতাং ততঃ || ১, ২৩৬. ৪০ ||
জ্ঞানং ততোপ্যনন্তো নঃ পূর্ণোন্তঃ শুকমাত্মনা |
ন নিত্যভাবাজ্জাতোহমকৃৎবাদমৃতোস্ম্যহম্ |
দীপবদ্ধৃদয়ে জ্যোতিরহং ব্রহ্মাস্মি মুক্তয়ে || ১, ২৩৬. ৪১ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
আত্মজ্ঞানস্বরূপবর্ণনং নাম ষট্ত্রিংশদুত্তরদ্বিশততমোঽধ্যায়ঃ

শ্রীগরুডমহাপুরাণম্-২৩৭
শ্রীবগবানুবাচ |
গীতাসারং প্রবক্ষ্যামি অর্জুনায়োদিতং পুরা |
অষ্টাঙ্গয়োগয়ুক্তাত্মা সর্ববেদান্তপারগঃ || ১, ২৩৭. ১ ||
আত্মলাভঃ পরো নান্য অত্মদেহাদিবর্জিতঃ |
হীনরূপাদিদেহান্তঃ করণৎবাদিলোচনঃ || ১, ২৩৭. ২ ||
বিজ্ঞানরহিতঃ প্রাণঃ সুষুপ্তৌ হি প্রতীয়তে |
নাহমাত্মা চ দুঃখাদিসংসারাদিসমন্বয়াৎ || ১, ২৩৭. ৩ ||
বিধূম ইব দীপ্তার্চিরাদীপ্ত (দিত্য) ইব দীপ্তিমান্ |
বৈদ্যুতোঽগ্নিরিবাকাশে হৃৎসঙ্গে আত্মনাত্মনি || ১, ২৩৭. ৪ ||
শ্রোত্রাদীনি ন পশ্যন্তি স্বংস্বমাত্মানমাত্মনা |
সর্বজ্ঞঃ সর্বদর্শো চ ক্ষেত্রজ্ঞস্তানি পশ্যন্তি || ১, ২৩৭. ৫ ||
যদা প্রকাশতে হ্যাত্মা পটে দীপো জ্বলন্নিব |
জ্ঞানমুৎপদ্যতে পুংসাং ক্ষয়াৎপাপস্য কর্মণঃ || ১, ২৩৭. ৬ ||
যথাদর্শতলপ্রখ্যে পশ্যত্যাত্মানমাত্মনি |
ইন্দ্রিয়াণীন্দ্রিয়ার্থাংশ্চ মহাভূতানি পঞ্চকম্ || ১, ২৩৭. ৭ ||
মনোবুদ্ধিরহঙ্কারমব্যক্তং পুরুষং তথা |
প্রসঙ্খ্যায় পরংব্যাপ্তো বিমুক্তো বন্ধবৈর্ভবেৎ || ১, ২৩৭. ৮ ||
ইন্দ্রিয়গ্রামমখিলং মনসাভিনিবেশ্য চ |
মনশ্চৈবাপ্যহঙ্কারে প্রতিষ্ঠাপ্য চ পাণ্ডব || ১, ২৩৭. ৯ ||
অহং কারং তথা বুদ্ধৌ বুদ্ধিং চ প্রকৃতাবপি |
প্রকৃতিং পুরুষে স্থাপ্য পুরুষং ব্রহ্মণি ন্যসেৎ || ১, ২৩৭. ১০ ||
অহং বহ্ম পরং জ্যোতিঃ প্রসঙ্খ্যায় বিমুচ্যতে |
নবদ্বারমিদং গেহং তিসৃণাং? পঞ্চসাক্ষিকম্ || ১, ২৩৭. ১১ ||
ক্ষেত্রজ্ঞাধিষ্ঠিতং বিদ্বান্যো বেদ স বরঃ কবিঃ |
অশ্বমেধসহস্রাণি বাজপেয়শতানি চ |
জ্ঞানয়জ্ঞস্য সর্বাণি কলাং নার্হন্তি ষোচ্শীম্ || ১, ২৩৭. ১২ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
শ্রীমদ্ভগবদ্গীতাসারনিরূপণং নাম সপ্তত্রিংশদুত্তরদ্বিশততমোঽধ্যায়ঃ

শ্রীগরুডমহাপুরাণম্-২৩৮
শ্রীভগবানুবাচ |
যমশ্চ নিয়ম.পার্থ আসনং প্রাণসংযমঃ |
প্রত্যাহারস্তথা ধ্যানং ধারণার্জুন সপ্তমী || ১, ২৩৮. ১ ||
সমাধিরিতি চাষ্টাঙ্গো যোগ উক্তো বিমুক্তয়ে |
কর্মণা মনসা বাচা সর্বভূতেষু সর্বদা || ১, ২৩৮. ২ ||
হিংসাবিরামকো ধর্মো হ্যাহিংসা পরমং সুখম্ |
বিধিনা যা ভবেদ্ধিংসা সা ৎবহিংসা প্রকীর্তিতা || ১, ২৩৮. ৩ ||
সত্যং ব্রূয়াৎপ্রিয়ং ব্রূয়ান্ন ব্রূয়াৎসত্যমপ্রিয়ম্ |
প্রিয়ং চ নানৃতং ব্রূয়াদেষ ধর্মঃ সনাতনঃ || ১, ২৩৮. ৪ ||
যচ্চদ্রব্যাপহরণং চৌর্যাদ্বাথ বলেন বা |
স্তেয়ং তস্যানাচরণমস্তেয়ং ধর্মসাধনম্ || ১, ২৩৮. ৫ ||
কর্মণা মনসা বাচা সর্বাবস্থাসু সর্বদা |
সর্বত্র মৈথুনত্যাগং ব্রহ্মচর্যং প্রচক্ষতে || ১, ২৩৮. ৬ ||
দ্রব্যাণামপ্যনাদানমাপৎস্বপি তথেচ্ছয়া |
অপরিগ্রহমিত্যাহুস্তং প্রয়ত্নেন বর্জয়েৎ || ১, ২৩৮. ৭ ||
দ্বিধা শৌচং মৃজ্জলাভ্যাং বাহ্য ভাবাদথান্তরাৎ |
যদৃচ্ছালাভতস্তুষ্টিঃ সন্তোষঃ সুখলক্ষণম্ || ১, ২৩৮. ৮ ||
মনসশ্চৈন্দ্রিয়াণাং চ ঐকাগ্র্যং পরমং তপঃ |
শরীরশোষণং বাপি কৃচ্ছ্রচান্দ্রায়ণাদিভিঃ || ১, ২৩৮. ৯ ||
বেদান্তশতরুদ্রীয়প্রণবাদিজপ বুধাঃ |
সত্ত্বশুদ্ধিকরং পুংসাং স্বাধ্যায়ং পরিচক্ষতে || ১, ২৩৮. ১০ ||
স্তুতিস্মরণপূজাদিবাঙ্মনঃ কায়কর্মভিঃ |
অনিশ্চলা হরৌ ভক্তিরেতদীশ্বরচিন্তনম্ |
আসনং স্বস্তিকং প্রোক্তং পদ্মমর্ধাসনং তথা || ১, ২৩৮. ১১ ||
প্রাণঃ স্বদেহজো বায়ুরায়ামস্তন্নিরোধনম্ |
ইন্দ্রিয়াণাং বিচরতাং বিষয়েষু ৎবসৎস্বিব || ১, ২৩৮. ১২ ||

শ্রীগরুডমহাপুরাণম্-২৩৯
ব্রহ্মোবাচ |
ব্রহ্মগীতাং প্রবক্ষ্যামি যজ্জ্ঞাৎবা মুচ্যতে ভবান্ |
অহম্ব্রহ্মাস্মি বাক্যোত্থজ্ঞানান্মোক্ষো ভবেন্নণাম্ || ১, ২৩৯. ১ ||
বাক্যজ্ঞানং ভবেজ্জ্ঞানাদহম্ব্রহ্ম পদার্থয়োঃ |
পদদ্বয়ার্থৌ দ্বিবিধৌ বাচ্যৌ লক্ষ্যৌ স্মতৌ বুধৈঃ || ১, ২৩৯. ২ ||
বাক্যবাচ্যশ্চ শবলো লক্ষ্যঃ শুদ্বঃ প্রকীর্তিতঃ |
প্রাণপিণ্ডাত্মকোঃ যনচেতসামতুলং ন যতু? || ১, ২৩৯. ৩ ||
তথা বেদৈরবাগ্রূপমহংশব্দেন সেব্যতে |
প্রত্যগ্রূনং ৎবদ্বিতীয়মহংশব্দেন মন্যতে || ১, ২৩৯. ৪ ||
অব্যয়ানন্দচৈতন্যং পরোক্ষসহিতং পরম্ |
প্রাণপিণ্ডাত্মকো যোথ স দ্বিতীয়বিভাগকঃ || ১, ২৩৯. ৫ ||
পারোক্ষ্যেপ্রেক্ষণো হ্যত্র ভাগো লক্ষ্যেত বাহমা |
তথা ব্রহ্মপদেনৈব প্রাণপিণ্ডাত্মকারণাম্ || ১, ২৩৯. ৬ ||
নিষ্ঠা পরোক্ষতা চেতি পরিত্যাগেন বক্ষ্যতে |
অদ্বয়ানন্দচৈতন্যং প্রত্যগ্ব্রহ্মপদেন তু || ১, ২৩৯. ৭ ||
অদ্বয়ানন্দচৈতন্যং লক্ষয়িৎবা স্থিতস্য চ |
ব্রহ্মাহমস্ম্যহং ব্রহ্ম চাহম্ব্রহ্মপদার্থয়োঃ || ১, ২৩৯. ৮ ||
অহম্ব্রহ্মাস্মিবাক্যাচ্চ স্বনুভূতিফলার্থকম্ |
ঐক্যজ্ঞানং তু হি ভবেদ্বেদান্তাদ্দূরতো ধ্রুবম্ || ১, ২৩৯. ৯ ||
জ্ঞানাদজ্ঞানকার্যস্য নিবৃত্ত্যা মুক্তিরৈক্যতঃ || ১, ২৩৯. ১০ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
ব্রহ্মগীতাসারবর্ণনং নামৈকোনচৎবারিংশদুত্তরদ্বিশততমোঽধ্যায়ঃ

শ্রীগরুডমহাপুরাণম্-২৩৯
শ্রীভগবানুবাচ |
সন্নপি ব্রহ্ম তস্মাৎখং মরুৎখাচ্চ ততোঽনলঃ || ১, ২৩৯. ১ ||
অগ্নেরাপস্ততঃ পৃথ্বী প্রপঞ্চাকৃতিসূতিকা |
ততঃ সপ্তদশং লিঙ্গং পঞ্চকর্মেন্দ্রিয়াণি চ || ১, ২৩৯. ২ ||
বাক্পাণিপাদং পায়ুশ্চাপ্যুপস্থমথ ধীন্দ্রিয়ম্ |
শ্রোত্রং ৎবক্চক্ষুষী জিহ্বা ঘ্রাণং স্যাৎপঞ্চ বায়বঃ || ১, ২৩৯. ৩ ||
প্রাণোপানঃ সমানশ্চ ব্যানস্তূদান এব চ |
মনোন্তঃ করণং ধীশ্চ স্যান্মনঃ সংশয়াত্মকম্ || ১, ২৩৯. ৪ ||
বুদ্ধির্নিশ্চয়রূপা তু এতৎসূক্ষ্মস্বরূপকম্ |
হিরণ্যগর্ভমাত্মীয়সূত্রং তৎকার্যালিঙ্গকম্ || ১, ২৩৯. ৫ ||
পঞ্চীকৃতানি ভূতানি হ্যপঞ্চীকৃতভূততঃ |
পঞ্চীকৃতেভ্যো ভূতেভ্যো ব্রহ্মাণ্ডং সমজায়ত || ১, ২৩৯. ৬ ||
লোকপ্রসিদ্ধং স্থূলাখ্যং শরীরং চরণাদিমৎ |
পঞ্চীকৃতানি ভূতানি তৎকার্যং তৎস্থমেব চ || ১, ২৩৯. ৭ ||
সর্বং শরীরজাতং চ প্রাণিনাং স্থূলমীরিতম্ |
ত্রিধাহ্রি পরমাত্মস্থং শরীরং প্রোচ্যতে বুধৈঃ || ১, ২৩৯. ৮ ||
দেহদ্বয়াভিগামী চ ৎবমথো জীব একতঃ |
স্বভেদবাক্যাদ্ব্রহ্মৈব প্রবিষ্টং দেহয়োর্দ্বয়োঃ || ১, ২৩৯. ৯ ||
জলার্ক্ববদ্বদরবজ্জীবঃ প্রাণাদিধারণঃ |
জাগ্রৎস্বপ্নসুষুপ্তীনাং সাক্ষী জীবঃ স চ স্মৃতঃ || ১, ২৩৯. ১০ ||
জাগ্রৎস্বপ্নসুষুপ্ত্যাখ্যৈর্ব্যাতিরিক্তশ্চ নির্গুণঃ |
নির্গাতাবয়বোসঙ্গো নিত্যশুদ্ধস্বভাবকঃ || ১, ২৩৯. ১১ ||
পরমাত্মৈব যজ্জাগ্রৎস্বপ্নাদ্যৈর্যস্ত্রিধা মতঃ |
অন্তঃ করণরাশেশ্চৈবান্তঃ করণঃস্থিতঃ || ১, ২৩৯. ১২ ||
জাগ্রৎস্বপ্নসুষুপ্তীশ্চ পশ্যতো বিকৃতিঃ সদা |
ফলক্রিয়াকারকয়োর্জাগ্রদাদীন্বদাম্যহম্ || ১, ২৩৯. ১৩ ||
ইন্দ্রিয়ৈরথ বিজ্ঞানং জাগ্রৎস্থানমুদীরিতম্ |
জাগ্রৎসংস্কারসম্ভূতপ্রত্যয়ো বিষয়ার্থিনঃ || ১, ২৩৯. ১৪ ||
স্বপ্নং সুষুপ্তিঃ করণোপসঙ্ঘাতে ধিয়ঃ (প) স্থিত (তি) |
ব্রহ্মণঃ কারণাবস্থায়াং স্থিতিঃ কালকাত্মনা || ১, ২৩৯. ১৫ ||
ক্রমতোক্রমতো জীবো জাগ্রদাদি স পশ্যতি |
সমাধ্যারম্ভকালে তু পূর্বমেবাবধারয়েৎ || ১, ২৩৯. ১৬ ||
মুমুক্ষাবথ সঞ্জাতে অন্তঃ করণকেবলে |
বিলাপয়েৎক্ষেত্রজাতং তৎক্ষেত্রং পরিশেষয়েৎ || ১, ২৩৯. ১৭ ||
পঞ্চীকৃতেভ্যো ভূতেভ্যো ভাণ্ডাদি ব্যতিরিক্তকম্ |
যথা মৃদো ঘটো ভিন্নো নাস্তি তৎকার্যতস্তথা || ১, ২৩৯. ১৮ ||
পঞ্চীকৃতানি ভূতানি অপঞ্চীকৃতভূততঃ |
শংসন্তি ব্যতিরেকেণ শিষ্টাঃ সূক্ষ্মশরীরকম্ || ১, ২৩৯. ১৯ ||
অপঞ্চীকৃতভূতেভ্যো ন লিঙ্গং ব্যতিরিক্তকম্ |
পৃথ্ব্যাধারং বিনা নাস্তি বিনা নাস্তি চ তেন সা || ১, ২৩৯. ২০ ||
তেজশ্চ বায়ুনা নাস্তি বায়ুঃ খেন বিনা ন হি |
যদ্ব্রহ্মণা চ খং নাস্তি শুদ্ধ ব্রহ্ম বিনা চ খম্ || ১, ২৩৯. ২১ ||
শুদ্ধভাবস্তদা জাগ্রৎস্বপ্নাদীনামসম্ভবঃ |
জীবৎববর্জিতঃ প্রাপ্তাত্মচৈতন্যানুরূপতঃ || ১, ২৩৯. ২২ ||
নিত্যং শুদ্ধং বুদ্ধমুক্তং সত্যং ব্রহ্মাদ্বিতীয়কম্ |
তত্ত্বম্পদান্তৌ শিষ্টৌ চ তৎকারো ব্রহ্মবাচকঃ || ১, ২৩৯. ২৩ ||
উকারশ্চ অকারশ্চ মকারোয়মৃগদ্বয়ঃ |
ব্রহ্মাহমস্ম্যহং ব্রহ্মজ্ঞানমজ্ঞানবর্ধনম্ || ১, ২৩৯. ২৪ ||
অয়মাত্মা পরং জ্যোতিশ্চিন্নামানন্দরূপকঃ |
সত্যং জ্ঞানমনতং হি ৎবমসীতি শ্রুতীরিতম্ || ১, ২৩৯. ২৫ ||
অহং ব্রহ্মাস্মি নির্লেপমহং ব্রহ্মাস্মি সর্বগম্ |
যোসাবাদিত্যপুরুষসোসাবহমনাদিমৎ |
গীতাসারোর্ঽজুনায়োক্তো যেন ব্রহ্মণি বৈ লয়ঃ || ১, ২৩৯. ২৬ ||

ইতি শ্রীগারুডে মহাপুরাণে প্রথমাংশে আচারকাণ্ডে
ব্রহ্মগীতাসারো নামেকোনচৎবারিংশদুত্তরদ্বিশততমোঽধ্যায়ঃ

শ্রীগরুডমহাপুরাণম্-২৪০
হরিরুবাচ |
পুরাণং গারুডং রুদ্র প্রোক্তং সারং ময়াতব |
ব্রহ্মাদীনাং শৃণ্বতাং চ ভুক্তিমুক্তিপ্রদায়কম্ || ১, ২৪০. ১ ||
বিদ্যাকীর্তিপ্রভালক্ষ্মীজয়ারোগ্যাদিকারকম্ |
যঃ পঠেচ্ছৃণুয়াদ্রুদ্র সর্ববিৎস দিবং ব্রজেৎ || ১, ২৪০. ২ ||
ব্রহ্মোবাচ |
ইতি ব্যাস ময়া বিষ্ণোঃ পুরাণং মুক্তিদং শ্রুতম্ |
ব্যাস উবাচ |
শ্রুৎবৈতদ্গারুডং পুণ্যং ব্রহ্মাস্মানিত্যুবাচ হ || ১, ২৪০. ৩ ||
দক্ষনারদ মুখ্যাদিন্ব্রহ্ম ধ্যান্হরিং গতঃ |
ময়াপি তুভ্যং সূতেন পুরাণং কথিতং পরম্ || ১, ২৪০. ৪ ||
যচ্ছ্রুৎবা সর্ববিৎপ্রাপ্তকামো ব্রহ্ম ফলং ভবেৎ |
বিষ্ণুঃ সারতমম্প্রাহ গরুডং গারুডং ততঃ || ১, ২৪০. ৫ ||
মহাসারং ধর্মকামধনমোক্ষাদিদায়কম্ |
সূত উবাচ |
শৌনক প্রবরং প্রোক্তং পুরাণং গারুডং তব || ১, ২৪০. ৬ ||
যদব্রবীৎপুরা ব্যাসঃ সারং মাং গারুডেরিতম্ |
ব্যাসঃ শ্রুৎবা ব্রহ্মণশ্চ পুরাণং গারুডং শুভম্ |
দেবং ধ্যায়ন্বেদমেকং চতুর্ধা ব্যভজদ্ধরিঃ || ১, ২৪০. ৭ ||
অষ্টাদশপুরাণানি তানি মাং প্রাহ বৈ শুকঃ |
ইদং তু গারুডং শ্রেষ্ঠং ময়া তে শৌনকেরিতম্ || ১, ২৪০. ৮ ||
মুনীনাং শৃণ্বতাং মধ্যে পৃচ্ছতঃ সর্ববাচকম্ |
যঃ পঠেচ্ছণুয়াদ্বাপি শ্রাবয়েদ্বা সমাহিতঃ || ১, ২৪০. ৯ ||
সংলিখেল্লেখয়েদ্বাপি ধারয়েৎপুস্তকে ননু |
ধর্মার্থো প্রাপ্নুয়াদ্ধর্মর্থার্থো চার্থমাপ্নুয়াৎ || ১, ২৪০. ১০ ||
কামা নবাপ্নুয়াৎকামী মোক্ষার্থো মোক্ষমাপ্নুয়াৎ |
যদ্যদিচ্ছতি তৎসর্বং গারুডশ্রবণাল্লভেৎ || ১, ২৪০. ১১ ||
ব্রাহ্মণো বেদপারস্য গন্তা স্যান্নাত্র সংশয়ঃ |
ক্ষত্ত্রিয়ো ক্ষত্ত্রিয়স্যাপি রক্ষিতা ভবতীহ চ || ১, ২৪০. ১২ ||
নান্যস্য শ্রবণং হি স্যাৎপুরাণং বেদসমিতম্ |
বদেদ্যদি স মূঢাত্মা কীর্তিহানিমবাপ্নুয়াৎ || ১, ২৪০. ১৩ ||
অন্যস্মৈ চ বদেদ্বিদ্বান্ব্রাহ্মণোন্তরিতো য দি |
ব্রাহ্মণান্তরিতৈ সর্বৈঃ শ্রোতব্যং গারুডং ৎবিদম || ১, ২৪০. ১৪ ||
যথা বিষ্ণুস্তথা তার্ক্ষ্যস্তার্ক্ষ্যস্তোত্রাদ্ধরিঃ স্তুতঃ |
গারুডং বসুরাজশ্চ শ্রুৎবা সর্বমবাপ হ || ১, ২৪০. ১৫ ||
বরুরুবাচ |
নমস্যামি মহাবাহুং খগেদ্র হরিবাহনম্ |
বিষ্ণোর্ধ্বসংস্থানং বিত্রাসিতমহাসুরম্ || ১, ২৪০. ১৬ ||
নমস্তে নাগদর্পঘ্ন বিনতানন্দবর্ধন |
সুপক্ষপাত নিদ্দভ দীনদৈত্যনিরীক্ষিত || ১, ২৪০. ১৭ ||
পরস্পরস্য শাপেন সুপ্রতীকবিভাবসূ |
গজকচ্ছপতাং প্রাপ্তৌ ভ্রাতরৌচৈব সংযুতৌ || ১, ২৪০. ১৮ ||
যদুচ্ছ্রিতৌ যোজনানি জস্তদ্দ্বিগুণায়তঃ |
কূর্মস্ত্রিয়োজনোৎসোধা শতয়োজনবমডলঃ || ১, ২৪০. ১৯ ||
ন খাদ্যৌ তৌ ৎবয়ানীচৌ চতুর্ভুজৌ চ পক্ষিপ? |
পরস্পরকৃতাচ্ছাপদোষাচ্চ পরিমোচিতৌ || ১, ২৪০. ২০ ||
নিষাদদেশস্বাদেন দেবং ব্রূস্মানিদিতম্? |
বিষাদীশস্ততো মুক্তস্তত্রাপি ব্রাহ্মণস্ত্বয়া || ১, ২৪০. ২১ ||
বটারোহিণবৃক্ষস্য যোজনানাং শতায়ুতা |
শাখা ভিন্না ৎবয়া যত্র বালখিল্যাঃ সমাস্থিতাঃ || ১, ২৪০. ২২ ||
ৎবয়া যত্নকৃতা কৃৎবানখস্থৌ গজকচ্ছপৌ |
নভস্পপিনিরালম্বে সর্বতঃ পরিবারিতৌ || ১, ২৪০. ২৩ ||
ৎবয়া জিতা রণে দেবাঃ সর্বে শক্রপুরোগমাঃ |
আহৃতং তৎপুরা সোমং বাহ্নিং নির্বাপ্য কাশ্যপে || ১, ২৪০. ২৪ ||
নাগৌ দৃষ্টিবিষৌ কৃৎবা রজসা তু বিচক্ষুষৌ |
তীক্ষ্ণাগ্রেণ ন সা ভঙ্ক্ত্বাবিক্রবেতৌ মনোহতঃ? || ১, ২৪০. ২৫ ||
আহৃত্যাপি ৎবয়া সোমং নীতমেব ন ভক্তিতঃ |
তেন বিষ্ণোর্ধ্বজস্থানং বাহনৎবং গতো হ্যসি || ১, ২৪০. ২৬ ||
ৎবয়া নিঃ ক্ষিপ্য দর্ভেষু সোমং নাগাশ্চ বঞ্চিতাঃ |
জহার চামৃতং পাত্রং শীঘ্রং বৈ ব্রহ্মসূদন || ১, ২৪০. ২৭ ||
যত্র জিহ্বাদ্বিধাভূতাঃ পন্নগানাং দ্বিজোত্তম |
বিনতা মোচিতা দাস্যাৎকদ্বা পূর্বজিতা রণে || ১, ২৪০. ২৮ ||
উচ্চৈঃ শ্রবাঃ স কিংবর্ণঃ শুক্ল ইত্যেব ভাষতে |
কৃষ্ণবর্ণমহং মন্যে পূর্বদৃষ্টমুবাচ হ || ১, ২৪০. ২৯ ||
ৎবয়া বজ্রপহারেণ পক্ষমুক্তং পুরা স্বতঃ? |
দধীচবজ্রশক্রাণাং মাতুরর্থায় নান্যথা || ১, ২৪০. ৩০ ||
তস্য পক্ষস্য দেবেন্দ্রো যদানীতং হি দৃষ্টবান্ |
তদা তব সুপর্ণোতি নাম স্থানং জগত্ত্রয়ে || ১, ২৪০. ৩১ ||
ধ্যানমাত্রাদ্বিনশ্যেত্তু বিষং স্থাবরজঙ্গমম্ |
পঠেদ্বা শৃণুয়াদ্যশ্চ ভুক্তিং মুক্তিমবাপ্নুয়াৎ || ১, ২৪০. ৩২ ||
সূত উবাচ |
বসুরাজো গারুডং বৈ শ্রুৎবা সর্বমবাপ্তবান্ |
গরুডো ভগবান্বিষ্ণুধ্যাংযন্সর্ববাপ্তবান্ || ১, ২৪০. ৩৩ ||
তদুক্তং গারুডং পুণ্যং পুরাণং যঃ পঠেন্নরঃ |
সর্বকামমবাপ্যাথ প্রাপ্নোতি পরমাং গতিম্ || ১, ২৪০. ৩৪ ||
শ্লোকপাদং পঠিৎবা চ সর্বপাপক্ষয়ো ভবেৎ |
যস্যেদং বর্ততে গেহ তস্য সর্বং ভবেদিহ || ১, ২৪০. ৩৫ ||
গারুডং যস্য হস্তে তু তস্য হস্তগতো নয়ঃ |
যঃ পঠেচ্ছৃণুয়াদেতদ্ভুক্তিং মুক্তিং সমাপ্নুয়াৎ || ১, ২৪০. ৩৬ ||
ধর্মার্থকামমোক্ষাংশ্চ প্রাপ্নুয়াচ্ছ্রবণাদিতঃ |
পুত্রার্থো লভতে পুত্রান্কামার্থো কামমাপ্নুয়াৎ || ১, ২৪০. ৩৭ ||
বিদ্যার্থো লভতে বিদ্যাং জয়ার্থো লভতে জয়ম্ |
ব্রহ্মহত্যাদিনা পাপী পাপশুদ্ধিমবাপ্নুয়াৎ || ১, ২৪০. ৩৮ ||
বন্ধ্যাপি লভতে পুত্ত্রং কন্যা বিন্দতি সৎপতিম্ |
ক্ষেমার্থো লভতে ক্ষেমং বোগার্থো বোগমাপ্নুয়াৎ || ১, ২৪০. ৩৯ ||
মঙ্গলার্থো মঙ্গলানি গুণার্থো গুণমাপ্নুয়াৎ |
কাব্যার্থো চ কবিৎবং চ সারার্থো সারমাপ্নুয়াৎ || ১, ২৪০. ৪০ ||
জ্ঞানার্থো লভতে জ্ঞানং সর্বসংসারমর্দনম্ |
ইদং স্বস্ত্যয়নং ধন্যং গারুডং গরুডেরিতম্ || ১, ২৪০. ৪১ ||
নাকালে মরণং তস্য শ্লোকমেকং তু যঃ পঠেৎ |
শ্লোকার্ধপঠনাদস্য দুষ্টশত্রুক্ষয়ো ধ্রুবম্ || ১, ২৪০. ৪২ ||
সূতাচ্ছ্রুৎবা শৌনকস্তুনৌমিষে মুনিভিঃ ক্রতৌ |
অহং ব্রহেতি সন্ধ্যায়ন্মুক্তোভূদ্গরুডধ্বজাৎ || ১, ২৪০. ৪৩ ||

ওঁ

ইতি শ্রীগারুডে মহাপুরাণে পূর্বখণ্ডে প্রথমাংশে আচারকাণ্ডে
গরুডপুরাণমাহাত্ম্যং নাম চৎবারিংশদুত্তরদ্বিশততমোঽধ্যায়ঃ

শুভং ভূয়াৎ |

ইতি শ্রীগারুডে প্রথমাংশ আচারকাণ্ডঃ সমাপ্তঃ |