১.১৮ গরুডপুরাণ (অধ্যায় ১৭১-১৮০)

শ্রীগরুডমহাপুরাণম্-১৭১
ধন্বন্তরিরুবাচ |
নাডীব্রণাদিরোগাণাং চিকিৎসাং শৃণু সুশ্রুত |
নাডীং শস্ত্রেণ সম্পাট্য নাজীনাং ব্রণবৎক্রিয়া || ১, ১৭১. ১ ||
গুগ্গুলুত্রিফলাব্যোপৈঃ সমাংশৈরাজ্যয়োজিতৈঃ |
নাডীদুষ্টব্রণং শূলং ভগন্দরমথো জয়েৎ || ১, ১৭১. ২ ||
নির্গুণ্ডীরসতস্তৈলং নাডীদুষ্টব্রণাপহম্ |
হিতং পামাময়ানাং তু পানাভ্যঞ্জননাবনৈঃ || ১, ১৭১. ৩ ||
গগ্গুত্রিফলাকৃষ্ণাত্রিপঞ্চৈকাংশয়োজিতা |
ঘুটি (গুডি) কাশোথগুল্মার্শোভগন্দরবতাং হিতা || ১, ১৭১. ৪ ||
ধ্বজমধ্যে শিরাবেধে বিশুদ্ধিরুপদংশকে |
পাকো রক্ষ্যঃ প্রয়ত্নেন শিশ্রক্ষয়করো হি সঃ || ১, ১৭১. ৫ ||
পটোলনিম্বত্রিফলাগুডূচীক্বাথমাপিবেৎ |
সগুগ্গুলুং সখদিরমুপদংশো বিনশ্যতি || ১, ১৭১. ৬ ||
দহেৎকটাহে ত্রিফলাং সামসী (ষী) মধসংযুতাম্ |
উপদংশে প্রলেপোঽয সদ্যো রোপয়তে ব্রণম্ || ১, ১৭১. ৭ ||
ত্রিফলানিম্বভূনিম্বকরঞ্জখদিরাদিভিঃ |
কল্কৈঃ ক্বাথৈর্ঘৃতং পক্বমুপদংশহরং পরম্ || ১, ১৭১. ৮ ||
আদৌ ভগ্নং বিদিৎবা তু সেচয়েচ্ছীতলাম্বুনা |
পক্বেনালেপনং কার্যং বন্ধনং চ কুশান্বিতম্ || ১, ১৭১. ৯ ||
মাষং মাংসং তথা সর্পিঃ ক্ষীরং যূষঃ সতীজলঃ |
বৃংহণং চান্নপানং স্যাৎপ্রদেয়ং ভগ্নরোগিণে || ১, ১৭১. ১০ ||
রসোনমধুনাসাজ্যসিতাকল্কং সমশ্নুতা |
ছিন্নভিন্নচ্যুতাস্থীনাং সন্ধানমচিরাদ্ভবেৎ || ১, ১৭১. ১১ ||
অশ্বত্থত্রিফলাব্যোষাঃ সবরভিঃ সমীকৃতৈঃ |
তুল্যো গুগ্গুলুনা যোজ্যো ভগ্নসন্ধিপ্রসাধ (কৃৎ) কঃ || ১, ১৭১. ১২ ||
সর্বকুষ্ঠেষু বমনং রেচনং রক্তমোক্ষণ |
বচাবাসাপটোলানাং নিম্বস্য কলিনীৎবচঃ || ১, ১৭১. ১৩ ||
কষায়ো মধুনা পীতো বাতহৃন্মদনান্বিতঃ |
বিরেচনং প্রয়োক্তব্যং ত্রিবৃৎকর্ণফলত্রিকৈঃ || ১, ১৭১. ১৪ ||
মনঃ শিলামরীচৈস্তু তৈলং কুষ্ঠবিনাশনম্ |
সর্বকুষ্ঠে বিলেপোঽযং শিবাপঞ্চগুডৌদনম্ || ১, ১৭১. ১৫ ||
করঞ্জৈলগজৈঃ কুষ্ঠং গোমূত্রেণ প্রলেপতঃ |
করবীরোদ্বর্তনং চ তৈলাক্তস্য চ কুষ্ঠহৃৎ || ১, ১৭১. ১৬ ||
হরিদ্রা মলয়ং রাস্না গুডূচ্যেডগজস্তথা |
আরগ্বধঃ করঞ্জশ্চ লেপঃ কুষ্ঠহরঃ পরঃ || ১, ১৭১. ১৭ ||
মনঃ শিলাবিডঙ্গানি বাগজী সর্ষপাস্তথা |
করঞ্জৈর্মূত্রপিষ্টোঽযং লেপঃ কুষ্টহরোর্ঽকবৎ || ১, ১৭১. ১৮ ||
বিডঙ্গৈডবচা কুষ্ঠনিশাসিন্ধূত্থসর্ষপৈঃ |
মূত্রাম্লপিষ্টো লেপোঽযং দদ্রূকুষ্টবিনাশনঃ || ১, ১৭১. ১৯ ||
প্রপুন্নাটসুবীজানি ধাত্রী সর্জরসঃ স্নুহী |
সৌবীরপিষ্টং দদ্রূণামেতদুদ্বর্তনং পরম্ || ১, ১৭১. ২০ ||
আরগ্বধস্য পত্রাণি আরনালেন পেষয়েৎ |
দদ্রূকিট্টিম (ভ) কুষ্ঠানি হন্তি সিধ্মানমেব চ || ১, ১৭১. ২১ ||
উষ্ণো পীতা বাগুজী চ কুষ্ঠজিৎক্ষীরভোজনঃ |
তিলাজ্যত্রিফলাক্ষৌদ্রব্যোষভল্লাতশর্করাঃ |
বৃষ্যাঃ সপ্ত সমা মেধ্যাঃ কষ্ঠহাঃ কামচারিণঃ || ১, ১৭১. ২২ ||
বিডঙ্গত্রিফলাকৃষ্ণাচূর্ণং লীঢং সমাক্ষিকম্ |
হন্তি কুষ্ঠক্রিমিমেহনাডীব্রণভগন্দরান্ || ১, ১৭১. ২৩ ||
যঃ খাদেদভয়ারিষ্টমরিষ্টামলকানিশাঃ |
স জয়েৎসর্বকুষ্ঠানিমাসাদূর্ধ্বং ন সংশয়ঃ || ১, ১৭১. ২৪ ||
দহ্যমানায়ুতঃ কুম্ভে মূলগে খদিরাঙ্কুরঃ |
সাক্ষধাত্রীরসঃ ক্ষৌদ্রো হন্যাৎকুষ্ঠং রসায়নম্ || ১, ১৭১. ২৫ ||
ধাত্রী খদিরয়োঃ ক্কাথং পীৎবা বাগজিসংযুতম্ |
শঙ্খেন্দুধবলং শ্বিত্রং হন্তি তূর্ণং ন সংশয়ঃ || ১, ১৭১. ২৬ ||
পীৎবা ভল্লাতকং তৈলং মাসাদ্ব্যাধিং জয়েন্নরঃ |
সেবিতং খাদিরং বারি পানাদ্যৈঃ কুষ্ঠজিদ্ভবেৎ || ১, ১৭১. ২৭ ||
ভাবিতং মলপূক্বাথৈঃ সোমরাজীফলং বহু |
কর্ষং ভক্ষেদলবণো হ্যক্ষফল্গুশৃতং পিবেৎ || ১, ১৭১. ২৮ ||
হন্তি শ্বিত্রমসাধ্যং চ লেপে যোজ্যাপরাজিতা |
বাসা শুদ্ধা চ ত্রিফলা পটোলং চ করঞ্জকম্ || ১, ১৭১. ২৯ ||
নিম্বাশনং কৃষ্ণবেত্রং ক্বাথকল্কেন যদ্ধৃতম্ |
বজ্রকং তদ্ভবেৎকুষ্ঠং শতবর্ষাণি জীবতি || ১, ১৭১. ৩০ ||
স্বরসেন চ দূর্বায়াঃ পচেত্তৈলং চতুর্গুণম্ |
কচ্ছূর্বিচর্চিকা পামা অভ্যঙ্গাদেব নশ্যতি || ১, ১৭১. ৩১ ||
দ্রুমৎবগর্ককুষ্ঠানি লবণানি চ মূত্রকম্ |
গম্ভারিকাচিত্রকৈস্তৈস্তৈলং কুষ্ঠব্রণাদিনুৎ || ১, ১৭১. ৩২ ||
(অথাম্লপিত্তচিকিৎসা) ধাত্রীনিম্বফলং তদ্বদ্গোমূত্রেণ চ চিত্রকম্ |
বাসামৃতাপর্পটিকানিম্বভূনিম্বমার্করৈঃ (বৈঃ) |
ত্রিফলাকুলত্থৈঃ ক্বাথঃ সক্ষৌদ্রশ্চাম্লপিত্তহা || ১, ১৭১. ৩৩ ||
ফলত্রিকং পটোলং চ তিক্তক্বাথঃ সিতায়ুতঃ |
পীতো যষ্টীমধুয়ুতো জ্বরচ্ছর্দ্যম্লপিত্তজিৎ || ১, ১৭১. ৩৪ ||
বাসাঘৃতং তিক্তঘৃতং পিপ্পলীঘৃতমেব চ |
অম্লপিত্তে প্রয়োক্তব্যং গুডকূষ্মাণ্ডকং তথা || ১, ১৭১. ৩৫ ||
পিপ্পলী মধুসংযুক্তা অম্লপিত্তবিনাশিনী |
শ্লেষ্মাগ্নিমান্দ্যনুৎপথ্যাপিপ্পলীগুডমোদকঃ || ১, ১৭১. ৩৬ ||
পিষ্ট্বাজাজীং সধন্যাকাং ঘৃপ্রস্থং বিপাচয়েৎ |
কফপিত্তারুচিহরং মন্দানলবমিং হরেৎ || ১, ১৭১. ৩৭ ||
(ইত্যম্লপিত্তচিকিৎসা) পিপ্পল্যমৃতভূনিম্ববাসকারিষ্টপর্পটৈঃ |
খদিরারিষ্টকৈঃ ক্বাথো বিস্ফোটার্তিজ্বরাপহঃ || ১, ১৭১. ৩৮ ||
ত্রিফলারসসংযুক্তং সর্পিস্ত্রিবৃতয়াসহ |
প্রয়োক্তব্যং বিরেকার্থং বীসর্পজ্বরশান্তয়ে || ১, ১৭১. ৩৯ ||
খাদিরাত্রিফলারিষ্টপটোলামৃতবাসকৈঃ |
ক্বাথোঽষ্টকাখ্যো জয়তি রোমান্তিকমসূরিকাম্ || ১, ১৭১. ৪০ ||
কুষ্ঠবীসর্পবিস্ফোটকণ্ড্বাদীনাং বিঘাতকঃ |
লশুনানাং তু চৃর্ণস্য ঘর্ষো মশকনাশনঃ || ১, ১৭১. ৪১ ||
চর্মকীলং জরুমণিং মশকাংস্তিলকালকান্ |
উৎকৃত্য শস্ত্রেণ দহেৎক্ষাগগ্নিভ্যামশেষতঃ || ১, ১৭১. ৪২ ||
পটোলনীলীলেপঃ স্যাজ্জাল (জ্বালা) গর্দভরোগনুৎ |
গুঞ্জাফলৈঃ শৃতং তলং ভৃঙ্গরাজরসেন তু |
কণ্ঠ (ণ্ডু) দারুণকৃৎকুষ্ঠবাতব্যাধিবিনাশনম্ || ১, ১৭১. ৪৩ ||
অর্কাস্থিমজ্জাত্রিফলানালীছা ভৃঙ্গরাজকম্ |
জীর্ণে পক্বে লৌহচূর্ণং কাঞ্জিকং কৃষ্ণকেশকৃৎ || ১, ১৭১. ৪৪ ||
ক্ষীরাৎসশর্করসাদ্দ্বিপ্রস্থো মধুকাৎপলে |
তৈলম্য কুডবং পক্বং তন্নস্যং পলিতাপহম্ || ১, ১৭১. ৪৫ ||
মুখরোগে তু ত্রিফলাগণ্ডূষপরিধারণম্ |
গৃহধূম যবক্ষারপাঠাব্যোপরসাঞ্জনম্ || ১, ১৭১. ৪৬ ||
তেজোদং ত্রিফলালোধ্রং চিত্রকং চেতি চূর্ণিতম্ |
সক্ষৌদ্রং ধারয়েদ্বক্ত্রে গ্রীবাদন্তাস্যরোগনুৎ || ১, ১৭১. ৪৭ ||
পটোল নিম্বজম্ব্বাগ্রমালতীনবপল্লবাঃ |
পঞ্চপল্লবকঃ শ্রেষ্ঠঃ কষয়ো মুখধাবনে || ১, ১৭১. ৪৮ ||
লশুনার্দ্রকশিগ্রূণাং পারুল্যা মূলকস্য চ |
রুদন্ত্যাশ্চ রসঃ শ্রেষ্ঠঃ কদুষ্ণঃ কর্ণপূরণে || ১, ১৭১. ৪৯ ||
তীব্রশূলোত্তরে কর্ণে সশব্দে ক্লেদবাহিনি |
বস্তমূত্রং ক্ষিপেৎকোষ্ণং সৈন্ধবেনাবচূর্ণিতম্ || ১, ১৭১. ৫০ ||
জাতীপত্ররসে তৈলং পক্বং পূতিককর্ণজিৎ |
শুণ্ঠীতৈলং সার্ষপং চ ক্রোষ্ণং স্যাৎকর্ণশূলনুৎ || ১, ১৭১. ৫১ ||
পঞ্চমূলিশৃতং ক্ষীরং স্যাচ্চিত্রকহরীতকী |
সর্পির্গুডঃ ষডঙ্গশ্চয়ূষঃ পীনসশান্তয়ে || ১, ১৭১. ৫২ ||
অক্ষিকুক্ষিভবা রোগাঃ প্রতিশ্যায়ব্রণজ্বরাঃ |
পঞ্চৈতে পঞ্চরাত্রেণ প্রশমং যান্তি লঙ্ঘনাৎ || ১, ১৭১. ৫৩ ||
ধাত্রীরসানাঞ্চ দৃশঃ কোপং হরতি পূরণাৎ |
সক্ষৌদ্রঃ সৈন্ধবো বাপি শিগ্রুদার্বিরসাঞ্জনম্ || ১, ১৭১. ৫৪ ||
হরিদ্রাদারুসিন্ধূত্থপথ্যাজনবগৌরিকৈঃ |
পিষ্টৈর্দত্তো বহির্লপো নেত্রব্যাধিনিবারকঃ || ১, ১৭১. ৫৫ ||
মৃতভ্রষ্টাভয়ালেপাত্ত্রিফলা ক্ষীরসংযুতা |
শুণ্ঠীনিম্বদলৈঃ পিষ্টৈঃ সুখোষ্ণৈঃ স্বল্পসৈন্ধবৈঃ |
ধার্যশ্চক্ষুষি সঙ্ক্ষেপাচ্ছোথকণ্ডূরুজাপহঃ || ১, ১৭১. ৫৬ ||
অভয়াক্ষামৃতং চৈকদ্বিচতুর্ভাগিকং যুতম্ |
মধ্বাজ্যলীঢং ক্বাথো বা সর্বনেত্ররুগর্দনম্ || ১, ১৭১. ৫৭ ||
চন্দনত্রিফলাপূগপলাশতরুমূলকৈঃ |
জলপিষ্টৈরিয়ং বির্তিরশেষতিমিরাপহা || ১, ১৭১. ৫৮ ||
দধ্নাতিঘৃষ্টং মরিচং রাত্র্যান্ধ্যাপহমঞ্জনম্ |
ত্রিফলাক্বাথকল্কাভ্যাং সপয়স্কং শৃতং ঘৃতম্ || ১, ১৭১. ৫৯ ||
তিমিরাণ্যচিরাদ্ধন্যাৎপীতমেতন্নিশামুখে |
পিপ্পলীত্রিফলা দ্রাক্ষালোহচূর্ণং সসৈন্ধবম্ || ১, ১৭১. ৬০ ||
ভৃঙ্গরাজরসৈর্ঘৃষ্টং ঘুটিকাঞ্জনমিষ্যতে |
আন্ধ্যং সতিমিরং কাচং হন্ত্যন্যান্নেত্ররোগকান্ || ১, ১৭১. ৬১ ||
ত্রিকটু ত্রিফলা নক্ত সৈন্ধবং চ মনঃ শিলা |
রুচকং শঙ্খনাভিশ্চ জাতীপুষ্পাণি নিম্বকম্ || ১, ১৭১. ৬২ ||
রসাঞ্জনং ভৃঙ্গরাজং ঘৃতং মধু পয়স্তথা |
এতৎপিষ্ট্বা চ বটিকা সর্বনেত্ররুগর্দিনী || ১, ১৭১. ৬৩ ||
দগ্ধমেরণ্ডকং মূলং লেপাৎকাকিকপেষিতম্ |
শিরোঽর্তিং নাশয়ত্যাশু পুষ্পং বা মুচুকুন্দক (জ) ম্ || ১, ১৭১. ৬৪ ||
শতমূল্যৈরণ্ডমূলচক্রাব্যাঘ্রীপলৈঃ শৃতম্ |
তৈলং নস্যমরুশ্লেষ্মতিমিরোর্ধ্বর্(দ্ধ) গদাপহম্ || ১, ১৭১. ৬৫ ||
নাচনং (লনণং) সগুডং বিশ্বং পিপ্পলী বা সসৈন্ধবা |
ভুজস্তম্ভাদিরোগেষু সর্বেষূর্ধ্বগদেষু চ || ১, ১৭১. ৬৬ ||
সূর্যাবর্তে বিধাতব্যং নস্যকর্মাদিভেষজম্ |
দশমূলীকষায়ং তু সর্পিঃ সৈন্ধবসংযুতম্ |
নস্যমঙ্গবিভেদঘ্নং সূর্যাবর্তশিরোঽর্তিনুৎ || ১, ১৭১. ৬৭ ||
দধ্না সৌবর্চলাজাজীমধূকং নীলমুৎপলম্ |
পিবেৎক্ষৌদ্রয়ুতং নারী বাতাসৃগ্দরপীডিতা || ১, ১৭১. ৬৮ ||
বাসকস্বরসং পৈত্তে গুডূচ্যা রসমেব বা |
জলেনামলকীবীজং কল্কং বাসসিতামধু || ১, ১৭১. ৬৯ ||
আমলক্যা মধুরসং মূলং কার্পাসমেব বা |
পাণ্ডুপ্রদরশান্ত্যর্থং পিবেত্তণ্ডুলবারিণা || ১, ১৭১. ৭০ ||
তণ্ডুলীয়কমূলং তু সক্ষৌদ্রে সরসাঞ্জনম্ |
তণ্ডুলোদকসম্পীতং সর্বাংশ্চাসৃক্দরাঞ্জয়েৎ |
কুশমূলং তণ্ডুলাদ্ভিঃ পীতং চাসৃক্দরং জয়েৎ || ১, ১৭১. ৭১ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
নাডীব্রণাদিচিকিৎসাবর্ণনং নামৈকসপ্তত্যুত্তরশততমোঽধ্যায়ঃ

শ্রীগরুডমহাপুরাণম্-১৭২
ধন্বন্তরিরুবাচ |
স্ত্রীরোগাদিচিকিৎসাং চ বক্ষ্যে সুশ্রুত তচ্ছৃণু |
যোনিব্যাপৎসু ভূয়িষ্টং শস্যতে কর্ম বাতজিৎ || ১, ১৭২. ১ ||
বচোপকুঞ্চিকাজাতীকৃষ্ণাবাসকসৈন্ধবম্ |
অজমোদায়বক্ষারং চিত্রকং শর্করান্বিতম্ || ১, ১৭২. ২ ||
পিষ্ট্বালোড্য জলাদ্যৈশ্চ খাদয়েদ্ধৃতভর্জিতম্ |
যোনিপার্শ্বার্তিহৃদ্রোগগুল্মার্শো বিনিবর্তয়েৎ || ১, ১৭২. ৩ ||
বদরীপত্রসংলেপাদ্যোনির্ভিন্না প্রশাম্যতি |
লোধ্রতুম্বীফলালেপাদ্যোনের্দার্ঢ্যং করোতি চ || ১, ১৭২. ৪ ||
পঞ্চপল্লবপিষ্টাহ্বমালতীকুসুমৈর্ঘৃতম্ |
রবিপক্বমসৃগ্ধারং যোনিগন্ধবিনাশনম্ || ১, ১৭২. ৫ ||
সকাঞ্জিকং জপাপুষ্পপুষ্পং জ্যোতিষ্মতীদলম্ |
দূর্বাপিষ্টং চ সম্প্রাশ্য চিত্রকং শর্করান্বিতম্ || ১, ১৭২. ৬ ||
ধাত্র্যঞ্জনাভয়াচূর্ণং তোয়পীতং রজো হরেৎ |
সদুগ্ধা লক্ষ্মণা পীতা নস্যাদ্বা পুত্রদা ঋতৌ || ১, ১৭২. ৭ ||
দুগ্ধস্যার্ধাঢকং চাজ্যমশ্বগন্ধা চ পুত্রদা |
বন্ধ্যা পুত্রং লভেৎপীৎবা ঘৃতেন ব্যোপকেসরম্ || ১, ১৭২. ৮ ||
কুশকাশোরুচৃকানাং মৃলৈর্গোক্ষুরকস্য চ |
শৃতং দুগ্ধং সিতায়ুক্তং গর্ভিণ্যাঃ শূলনুৎপরম্ || ১, ১৭২. ৯ ||
পাঠালাঙ্গলিসিংহাম্যময়ূরকূটজৈঃ পৃথক্ |
নাভিবস্তি ভগালেপাৎসুখং নারী প্রসূয়তে || ১, ১৭২. ১০ ||
সূতায়া হৃচ্ছিরোবস্তিশূলমর্কন্দ (ক্বল্ল) সঞ্জ্ঞিতম্ |
যবক্ষারং পিবেত্তত্র মস্তু কোষ্ণোদকেন বা || ১, ১৭২. ১১ ||
দশমূলীকৃতঃ ক্তাথঃ সাজ্যঃ মূতিরুজাপহঃ |
শাতিলণ্ডুলচূর্ণং তু সদুগ্ধং দুগ্ধকৃদ্ভবেৎ || ১, ১৭২. ১২ ||
বিদারী কন্দস্বরসং মূলং কার্পাসজং তথা |
ধাত্রী স্তন্যবিশুদ্ধ্যর্থং মুদ্গয়ূপরসাশিনী || ১, ১৭২. ১৩ ||
কুষ্ঠা বচাভয়া ব্রাহ্মী মধুরা ক্ষৌদ্রসর্পিষা |
বর্ণায়ুঃ কান্তিজননং লেহ্যং বালম্য দাপয়েৎ || ১, ১৭২. ১৪ ||
স্তন্যাভাবে পয়শ্ছাগং গব্যং বা তদ্গুণং পিবেৎ |
স্বেদনং নাগ্নিশোফার্তে মৃদা স্যাদগ্নিতপ্তয়া || ১, ১৭২. ১৫ ||
লেহো মুস্তবিপায়াশ্চ বমিকাসজ্বরে পিবেৎ |
সুস্তশুণ্ঠীবিষাবিল্বকূটজৈরতিসারনুত || ১, ১৭২. ১৬ ||
মধু ব্যোষং মাতুলুঙ্গং হিক্কাচ্ছর্দিনিবারণম্ |
কুষ্ঠেন্দ্রয়বসিদ্ধার্থা নিশা দূর্বা চ কুষ্ঠজিৎ || ১, ১৭২. ১৭ ||
মহামুণ্জিতিকোজীচ্যকাথৈঃ স্নানং গ্রহাপহম্ |
সপ্তচ্ছদাময়নিশাচন্দনৈশ্চানুলেপনম্ || ১, ১৭২. ১৮ ||
শঙ্খাব্জবীজরুদ্রাক্ষবচালৌহাদিধারণম্ |
ওঁ কং টং যং গং বৈনতেয়ায় নমঃ |
ওঁ হোং হাং হঃ মন্ত্রেণ শান্তির্বালানাং মার্জনাদ্বলিদানতঃ |
ওঁ হ্রীং বালম্রহাদ্বলিং গৃহ্ণীত বালং মুঞ্চত স্বাহা || ১, ১৭২. ১৯ ||
তণ্ডুলাদ্ভিঃ শিরীপস্য পলং পীতং বিষাপহম্ |
তণ্ডুলাদ্ভিশ্চ বর্ষাভ্বাঃ শুক্লায়াঃ সর্পদংশনুৎ || ১, ১৭২. ২০ ||
দধ্যাজ্যং তণ্ডুলীয়ং চ গৃহধৃমো নিশা তথা |
পিষ্টং পানং তথা ক্ষৌদ্রং সিন্ধৃত্থস্য বিপান্তকম্ || ১, ১৭২. ২১ ||
অঙ্কোটমূলনিষ্ক্বাথঃ সাজ্যঃ পীতো বিষান্তকঃ |
যজ্জরাব্যাধিবিধ্বংসি ভেষজং তদ্রসায়নম্ || ১, ১৭২. ২২ ||
সিন্দূত্যরার্করাশুণ্ঠীকণামধুগুডৈঃ ক্রমাৎ |
বর্ষাদিষ্বভয়া সেব্যা রসায়নগুণৌষিণা || ১, ১৭২. ২৩ ||
জ্বরস্যান্তেঽভয়াং চৈকাং প্রভুঙ্ক্তে দ্বে বিভীতকে |
ভুক্ত্বা মধ্বাজ্যধাত্রীণাং চতুষ্কং শতবর্ষকৃৎ || ১, ১৭২. ২৪ ||
পীতাশ্বগন্ধা পয়সা ঘৃতেনাশেপরোগনুৎ |
মণ্ডূকপর্ণ্যাঃ স্বরসো বিদার্যাশ্চামৃতোপমঃ || ১, ১৭২. ২৫ ||
তিলধাত্রীভৃঙ্গরাজৌ জগ্ধ্বা বর্ষশতী ভবেৎ |
ত্রিকটু ত্রিফলা বহ্নির্গুডূচী চ শতাবরী || ১, ১৭২. ২৬ ||
বিডঙ্গলোহচূর্ণং তু মধুনা সহ রোগনুৎ |
ত্রিফলা চ কণা শুণ্ঠী গুডূচী চ শতাবরী || ১, ১৭২. ২৭ ||
বিডঙ্গভৃঙ্গরাজাদি ভাবিতং সর্বরোগনুৎ |
চূর্ণং বিদার্যা মধ্বাজ্যং লীঢ্বা দশ স্ত্রিয়ো ব্রজেৎ || ১, ১৭২. ২৮ ||
ঘৃতং শতাবরীকল্কৈঃ ক্ষীরৈর্দশগুণৈঃ পচেৎ |
শর্করাপিপ্পলীক্ষৌদ্রয়ুক্তং বা জারকং বিদুঃ || ১, ১৭২. ২৯ ||
প্রতিমর্ষোঽবপীডশ্চ নস্যং প্রবপনং তথা |
শিরোবিরেচনং চেতি পঞ্চকর্ম চ কথ্যতে || ১, ১৭২. ৩০ ||
মাসৈর্দ্বিসঙ্খ্যৈর্মাঘাদ্যৈঃ ক্রমাৎষডৃতবঃ স্মৃতাঃ |
অগ্নিসেবামধুক্ষীরবিকৃতীঃ পরিপেবয়েৎ || ১, ১৭২. ৩১ ||
স্ত্রীয়ুক্তঃ শিশিরে তদ্বদ্বসন্তে ন দিবা স্বপেৎ |
ত্যজেদ্বর্ষাসু স্বপ্নাদীঞ্ছরদিন্দোশ্চ রশ্ময়ঃ || ১, ১৭২. ৩২ ||
পথ্যানি শালয়ো মুদ্রা বর্ষাম্ভঃ ক্বথিতং পয়ঃ |
নিম্বাতসীকুসুম্ভানাং শিগ্রুসর্ষপয়োস্তথা || ১, ১৭২. ৩৩ ||
জ্যোতিষ্মতীমূলকানাং তৈলানি চ হরন্তি হি |
কৃমিকুষ্ঠপ্রমেহাংশ্চ বাতশ্লেষ্মশিরোরুজঃ || ১, ১৭২. ৩৪ ||
দাডিমামলকীকোলকরমর্দ্পিয়ালকম্ |
জম্বীরং নাগগ্গং চ আম্রাতককপিন্থকম্ || ১, ১৭২. ৩৫ ||
পিত্তলান্যনিলঘ্নানি কফোৎক্লেশকরাণিচ |
জলং জীমূতকেক্ষ্বাকুকুটজাকৃতবন্ধনম্ || ১, ১৭২. ৩৬ ||
ধামার্গবশ্চ সংযোজ্যাঃ সর্বথা বমনেষ্বমী |
পূর্বাহ্নে বমনায়েতে মদনেন্দ্রয়বী বচা || ১, ১৭২. ৩৭ ||
মৃদুকোষ্টশ্চ পিত্তেন খরো বাতকফাশ্রয়াৎ |
মধ্যমঃ সমদোষে স্যাত্ত্রিবৃত্তিতে বিরেচনম্ || ১, ১৭২. ৩৮ ||
শর্করামধুসংযুক্তং সৈন্ধবং নগরং ত্রিবৃৎ |
হরীতকীবিহঙ্গানি গোমূত্রেণ বিরেচনম্ || ১, ১৭২. ৩৯ ||
এরণ্ডতৈলং ত্রিফলাক্বাথশ্চ দ্বিগুণস্তথা |
বাতোল্বণেষু দোষেষু ভোজয়িৎবাথ বাময়েৎ || ১, ১৭২. ৪০ ||
বংশাদিনেত্রং কুর্বীত পডষ্টদ্বাদশাঙ্গুলম্ |
কর্কন্ধৃফলবচ্ছিদ্রং বস্তিরুত্তানশায়িনে || ১, ১৭২. ৪১ ||
নিরূহদানেঽপি বিধিরয়মেবমুদীরিতঃ |
অর্ধত্রিপট্পলে মাত্রা লঘুমধ্যোত্তমঃ ক্রমাৎ || ১, ১৭২. ৪২ ||
পথ্যাক্ষবাত্র্যোকদ্বিচতুর্ভাগ রুগর্দনাঃ |
শতবর্যসৃতাভৃঙ্গসিন্ধুবারাদিভাবিতাঃ || ১, ১৭২. ৪৩ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
স্ত্রীরোগচিকিৎসাদিকয়নং নাম দ্বিসপ্তত্যুত্তরশততমোঽধ্যায়ঃ

শ্রীগরুডমহাপুরাণম্-১৭৩
ধন্বন্তরিরুবাচ |
দ্রব্যাণি মধুরাদীনি বক্ষ্যে রাগহরাণ্যহম্ |
শালিষষ্টিকগোধৃমক্ষীরং ঘৃতং রসা মধ || ১, ১৭৩. ১ ||
মজ্জাশৃঙ্গাটকয়বকশের্বিবারুগীক্ষুরম্ |
গম্ভগী পৌষ্করং বীজং দ্রাক্ষা খর্জূরকং বলা || ১, ১৭৩. ২ ||
নারিকলেক্ষ্বাত্মণুপ্তা বিদারী চ প্রিয়ালকম্ |
মধুকং তালকষ্মাণ্ডং মুখ্যোঽযং মধুরো গণঃ || ১, ১৭৩. ৩ ||
মূর্ছাদাহপ্রশমনঃ পডিন্দ্রিয়প্রসাদনঃ |
কৃমিকৃৎকফকৃচ্চৈব একোঽত্যর্থ নিপেবিতঃ || ১, ১৭৩. ৪ ||
শ্বাসকাসাম্যমাধুর্যস্বরঘাতার্বুদানি চ |
গলগণ্ডশ্লীপদানি গুডলেপাদি কারয়েৎ || ১, ১৭৩. ৫ ||
দাডিমামলকাম্রং চ কপিত্থকরমর্দকৌ |
মাতুলুঙ্গাম্রাতকং চ বদরং তিন্তডীফলম্ || ১, ১৭৩. ৬ ||
দধি তক্রং কাঞ্জিকং চ লকুচং চাম্লবে তসম্ |
অম্লো লোণঃ শুণ্ঠীয়ুক্তো জারণঃ পাচনো রসঃ || ১, ১৭৩. ৭ ||
ক্লেদনো বাতকৃদ্ধৃপ্যো বিদাহী চানুলোমনঃ |
অম্লোঽত্যর্থং সেব্যমানঃ কুর্যাদ্ধৈ দন্তহর্ষকম্ || ১, ১৭৩. ৮ ||
শরীরস্য চ শৈতিল্যং স্বরকণ্ঠাস্যহৃদ্দহেৎ |
ছিন্নভিন্নব্রণাদীনি পাচয়িৎবাগ্নিভাবিতঃ || ১, ১৭৩. ৯ ||
লবণানি যবক্ষারসর্জিকাদিশ্চ লাবণঃ |
শোধনঃ পাচনঃ ক্লেদী বিশ্লেষসর্পণাদিকৃৎ || ১, ১৭৩. ১০ ||
মার্গরোধী মার্দবকৃৎস একঃ পরিষেবিতঃ |
গাত্রকণ্ডূকোষ্ঠশোথবৈবর্ণ্যং জনয়েদ্রসঃ |
রক্তবাতং পিত্তরক্তং পুংস্ত্বেন্দ্রিয়রুজাদিকম্ || ১, ১৭৩. ১১ ||
ব্যোষশিগ্রূমূলকং দেবদারু চ কুষ্ঠকম্ |
লশুনং বল্গুজী ফলং মুস্তাগুগ্গুলুলাঙ্গলী || ১, ১৭৩. ১২ ||
কটুকো দীপনঃ শোধী কুষ্ঠকণ্ডূকফান্তকৃৎ |
স্থৌল্যালস্যক্রিমিহরঃ শুক্রমেদোবিরোধনঃ |
একোঽত্যর্থং সেব্যমানঃ ভ্রমদাহাদিকৃদ্ভবেৎ || ১, ১৭৩. ১৩ ||
কৃতমালঃ কীরাণি হরিদ্রেন্দ্রয়বাস্তথা |
স্বাদুকণ্টকবেত্রাণি বৃহতীদ্বয়শঙ্খিনী || ১, ১৭৩. ১৪ ||
গুডূচী চদ্রবন্তী চ ত্রিবৃন্মণ্ডূকপর্ণ্যপি |
কারবেল্লকবার্তাকুকরবীরকবাসকাঃ || ১, ১৭৩. ১৫ ||
রোহিণী শঙ্খচূর্ণং চ কর্কোটো বৈ জয়ন্তিকা |
জাতীবারুণকং নিম্বো জ্যোতিষ্মতী পুনর্নবা || ১, ১৭৩. ১৬ ||
তিক্তো রসশ্ছেদনঃ স্যাদ্রোচনী দীপনস্তথা |
শোধনো জ্বরতৃষ্ণাঘ্নো মূর্ছাকণ্ঠার্তিকাদিজিৎ || ১, ১৭৩. ১৭ ||
বিণ্মূত্রক্লেদসংশোষো হ্যত্যর্থং স চ সেবিতঃ |
হনুস্তম্ভাক্ষেপকার্তিশিরঃ শূলব্রণাদিকৃৎ || ১, ১৭৩. ১৮ ||
ত্রিফলাসল্লকীজম্বু আম্রাতকবচাদিকম্ |
তিন্দুকং বকুলং শালং পালঙ্কীমুদ্গচিল্লকম্ || ১, ১৭৩. ১৯ ||
কষায়ো গ্রাহকো রোপী স্তম্ভনক্লেদশোষণঃ |
একোঽত্যর্থং সেব্যমানো হৃদয়ে চাথ পীডকঃ |
মুখশোষজ্বরাধ্মানমন্যাস্তম্ভাদিকারকঃ || ১, ১৭৩. ২০ ||
হরিদ্রাকুষ্ঠলবণং মেষশৃঙ্গিবলাদ্বয়ম্ |
কচ্ছুরা সল্লকী পাঠা পুনর্নবা শতাবরী || ১, ১৭৩. ২১ ||
অগ্নি মন্থো ব্রহ্মদণ্ডী শ্বদংষ্ট্রৈরণ্ডকে তথা |
যবকোলকুলত্থাদিকর্ষাশী দশমূলকম্ |
পৃথক্সমস্তো বাতাতোর্বহুপিত্তহরস্তথা || ১, ১৭৩. ২২ ||
শতাবরী বিদারী চ বালকোশীরচন্দনম্ |
দূর্বা বটঃ পিপ্পলী চ বদরী সল্লকী তথা || ১, ১৭৩. ২৩ ||
কদলী চোৎপলং পদ্মমুদুম্বরপটোলকন্ |
অথ শ্লেষ্মহরো বর্গো হরিদ্রাগুডকুষ্ঠকম্ || ১, ১৭৩. ২৪ ||
শতপুষ্পী চ জাতী চ ব্যোষারগ্বধলাঙ্গলী |
সর্পিস্তৈলবসামজ্জাঃ স্নেহেষু প্রবরং স্মৃতম্ || ১, ১৭৩. ২৫ ||
তথা ধীস্মৃতিমেধাগ্নিকাঙ্ক্ষিণাং শস্যতে ঘৃতম্ |
কেবলং পৈত্তিকে সর্পির্বাতিকে লবণান্বিতম্ || ১, ১৭৩. ২৬ ||
দেয়ং বহুকফে বাপি ব্যোষক্ষারসমায়ুতম্ |
গ্রন্থিনাডীকৃমিস্লেষ্মমেদোমারুতরোগিষু || ১, ১৭৩. ২৭ ||
তৈলং লাঘবদার্ঢ্যায় ক্রূরকোষ্ঠেষু দেহিষু |
বাতাতপাম্বুভারস্ত্রীব্যায়ামক্ষীণধাতুষু || ১, ১৭৩. ২৮ ||
রূক্ষক্লেশক্ষয়াত্যাগ্নিবাতা বৃতপথেষু |
অথ দগ্ধ্বা শিরাজালং যোনিকর্ম শিরোরুজি (জম্) || ১, ১৭৩. ২৯ ||
উত্তমস্য পলং মাত্রা ত্রিভিশ্চাক্ষৈশ্চ মধ্যমে |
জঘন্যস্য পলার্ধেন স্নেহক্বাথৌষধেষু চ || ১, ১৭৩. ৩০ ||
জলমুষ্ণং ঘৃতে দেয়ং পৃথক্তৈলে তু শস্যতে |
সেনেহে পিত্তে তু তৃষ্ণায়াং পিবেদুষ্ণোদকং নরঃ || ১, ১৭৩. ৩১ ||
বাতানুলোমং দীপ্তাগ্রর্বর্চঃ স্নিগ্ধস্য তন্মতম্ |
রূক্ষম্য স্নেদৃনং কার্যমভিস্নিগ্ধস্য রূক্ষণম্ || ১, ১৭৩. ৩২ ||
শ্যামাককোরদোষান্নতক্রপিণ্যাকসকুভিঃ |
বাতশ্লেষ্মাণি বাতে বা কফে বা স্বেদ ইষ্যতে |
ন স্বেদয়েদতিম্থূলরূক্ষদুর্বলমূর্ছিতান্ || ১, ১৭৩. ৩৩ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
যোগসমদিবর্ণনং নাম ত্রিসপ্তন্যুত্তরশততমোঽধ্যায়ঃ

শ্রীগরুডমহাপুরাণম্-১৭৪
ধন্বতরিরুবাচ |
ঘৃততৈলাদি বক্ষ্যামি শৃণু সুশ্রুত রোগনুৎ |
শঙ্খপুষ্পী বচা সোমা ব্রাহ্মী ব্রহ্মসুবর্চলা || ১, ১৭৪. ১ ||
অভয়া চ গুডূচী চ অটরূপকবাগুজী |
এতৈরক্ষসমৈর্ভাগৈর্ঘৃতপ্রস্থং বিপাচয়েৎ || ১, ১৭৪. ২ ||
কণ্টকার্যা রসপ্রস্থক্ষীরপ্রস্থমমন্বিতম্ |
এতদ্ব্রাহ্মীঘৃতং নাম শ্রুতিমেধাকরং পরম্ || ১, ১৭৪. ৩ ||
ত্রিফলাচিত্রকবলানির্গুণ্ডী নিম্ববাসকাঃ |
পুনর্নবা গুডূচী চ বৃহতী চ শতাবরী || ১, ১৭৪. ৪ ||
এতৈর্ঘৃতং যথালাভং সর্বরোগবিমর্দনম্ |
বলাশতকষায়ে তু তৈলস্যার্ধাঢকং পচেৎ |
কল্কৈর্মধূকমঞ্জিষ্ঠাচন্দনোৎপলপদ্মকৈঃ || ১, ১৭৪. ৫ ||
সূক্ষ্মৈলাপিপ্পলীকুষ্ঠৎবগেলাগুরুকেসরৈঃ |
গন্ধাশ্বজীবনীয়ৈশ্চ ক্ষীরাঢকসমাশ্রিতম্ || ১, ১৭৪. ৬ ||
এতন্মৃদ্বগ্নিনা পক্বং স্থাপয়েদ্রাজতে শুভে |
সর্ববাতবিকারাংস্তু সর্বধাৎবন্তরাশ্রয়ান্ || ১, ১৭৪. ৭ ||
তৈলমেতৎপ্রশময়েদ্বল্যাক্যং রাজবল্লভম্ |
শতাবরীরসপ্রস্থং ক্ষীরপ্রস্থং তথৈব চ || ১, ১৭৪. ৮ ||
শতপুষ্পং দেবদারু মাংসী শৈলেয়কং বলা |
চন্দনং তগরং কুষ্টং মনঃ শিলা জ্যোতিষ্মতী || ১, ১৭৪. ৯ ||
এতৈঃ কর্ষসমৈঃ কল্কৈঃ ঘৃতপ্রস্থং বিপাচয়েৎ |
কুব্জবামনপঙ্গূনাং বধিরব্যঙ্গকুষ্ঠিনাম্ || ১, ১৭৪. ১০ ||
বায়ুনা ভগ্নগাত্রাণাং যে চ সীদন্তি মৈথুনে |
জরাজর্জরগাত্রাণাং চাধ্মানমুখ শোষিণাম্ || ১, ১৭৪. ১১ ||
ৎবগ্গতাশ্চাপি যে বাতা শিরাস্নায়ুগতাশ্চ যে |
সর্বাংস্তান্নাশয়ত্যাশু তৈলং রোগকুলান্তকম্ || ১, ১৭৪. ১২ ||
নারায়ণমিদং তৈলং বিষ্ণুনোক্তং রুগর্দনম্ |
পৃথক্তৈলং ঘৃতং কুর্যাৎসমস্তৈরৌষধৈঃ পৃথক্ || ১, ১৭৪. ১৩ ||
শতাবর্যা গুডূচ্যা বা চিত্রকৈ গোচনান্বিতৈঃ |
নির্গুণ্ড্যা বা প্রসারঃ স্যাৎকণ্টকার্যা রসাদিভিঃ || ১, ১৭৪. ১৪ ||
বর্ষাভূবালয়া বাপি বাসকন ফলত্রিকৈঃ |
ব্রাহয়া চৈগ্ণ্ডকেনাপি ভৃঙ্গরাজেন কুষ্টিনা || ১, ১৭৪. ১৫ ||
মুসল্যা দশমূলেন খদিরেণ বটাদিভিঃ |
বটিকা মোদকো বাপি চূর্ণ স্যাৎসর্বরোগনুৎ || ১, ১৭৪. ১৬ ||
ঘৃতেন মধুনা বাপি অদ্ভিঃ খণ্ডগুডাদিভিঃ |
লবণৈঃ কটুকৈর্যুক্তং যথালাভং চ গেগনুৎ || ১, ১৭৪. ১৭ ||
চিত্রকার্কত্রিবৃদ্বাপি যবানীহয়মারকম্ |
সুধাং চ বালাং গণিকাং সপ্তপর্ণসুবর্চিকাম্ || ১, ১৭৪. ১৮ ||
জ্যোতিষ্মতীঞ্চ সম্ভৃত্য তৈলং ধীরো বিপাচয়েৎ |
এতন্নিষ্যন্দনং তৈলং ভৃশং দদ্যাদ্ভগন্দরে || ১, ১৭৪. ১৯ ||
শোধনং গেপণং চৈব সর্ববর্ণকরং পরম্ |
চিত্রকাদ্যং মহাতৈলং সর্বরোগপ্রভঞ্জনম্ || ১, ১৭৪. ২০ ||
অজমোদং সসিন্দূরং হরিতালং নিশাদ্বয়ম্ |
ক্ষারদ্বয়ং ফেনয়ুতমার্দ্রক সর (শবঃ লোদ্ভবম্ || ১, ১৭৪. ২১ ||
ইন্দ্রবারুণ্যপামার্গকদলৈঃ স্যন্দনৈঃ সমম্ |
এভিঃ সর্ষপজং তৈলমজামূত্রৈশ্চয়োজিতম্ || ১, ১৭৪. ২২ ||
মৃদ্বগ্নিনা পচেদেৎগব্যক্ষীরেণ সংযুতম্ |
অজমোদাদিকং তৈলং গণ্ডমালাং ব্যপোহতি || ১, ১৭৪. ২৩ ||
বিদগ্ধস্তু পচেৎপক্বং চৈব বিশোধয়েৎ |
রোপণং মৃদুভাবং চ তৈলেনানেন কারয়েৎ || ১, ১৭৪. ২৪ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
ব্রাহ্মীঘৃতাদিবর্ণনং নাম চতুঃ সপ্তত্যুত্তরশততমোঽধ্যায়ঃ

শ্রীগরুডমহাপুরাণম্-১৭৫
রুদ্র উবাচ |
এবং ধন্বন্তরির্বিষ্ণুঃ সুশ্রুতাদীনুবাচ হ |
হরিঃ পুনর্হরায়াহ নানায়োগান্রুগর্দনান্ || ১, ১৭৫. ১ ||
হরিরুবাচ |
সর্বজ্বরেষু প্রথমং কার্যং শঙ্কর লঙ্ঘনম্ |
ক্বথিতোদকপানং চ তথা নির্বাতসেবনম্ || ১, ১৭৫. ২ ||
অগ্নিস্বেদাজ্জ্বরাস্ত্বেবং নাশমায়ান্তিহীশ্বর |
বাতজ্বরহরঃ ক্বাথো গুডূচ্যা মুস্তকেন চ || ১, ১৭৫. ৩ ||
দুরালভৈশ্চৈব ঘৃতং পিত্তজ্বরহরঃ শৃণু |
শুণ্ঠীপর্পটমুস্তৈশ্চ বালকোশীরচন্দনৈঃ || ১, ১৭৫. ৪ ||
সাজ্যঃ ক্বাথঃ শ্লেষ্মজং তু সশুণ্ঠিঃ সদুরালভঃ |
সবালকঃ সর্বজ্জ্বরং সশুণ্ঠিঃ সহপর্পটঃ || ১, ১৭৫. ৫ ||
কিরাততিক্তৈর্নারীগুডূচীশুণ্ঠিমুস্তকৈঃ |
পিত্তজ্বরহরঃ স্যাচ্চ শৃণ্বন্যং যোগমুত্তমম্ || ১, ১৭৫. ৬ ||
বালকোশীরপাঠাভিঃ কণ্টকারিকমুস্তকৈঃ |
জ্বরনুচ্চ কৃতঃ ক্বাথস্তথা বৈ সুরদারুণা || ১, ১৭৫. ৭ ||
ধন্যাকনিম্বমুস্তানাং সমধুঃ স তু শঙ্কর |
পটোলপত্রয়ুক্তস্তু গুডূচীত্রিফলায়ুতঃ || ১, ১৭৫. ৮ ||
পীতোঽখিলজ্বরহরঃ ক্ষুধাকৃদ্বাতনুত্ত্বিদম্ |
হরীতকীপিপ্লীনামামলীচিত্রকোদ্ভবম্ || ১, ১৭৫. ৯ ||
চূর্ণং জ্বরং চ ক্বথিতং ধান্য (ধন্যা) কোশীরপপর্পটৈঃ |
আমলক্যা গুডূচ্যা চ মধুয়ুক্তং সচন্দনম্ || ১, ১৭৫. ১০ ||
সমস্তজ্বরনুচ্চ স্যাৎসন্নিপাতহরং শৃণু |
হরিদ্রানিম্বত্রিফলামুস্তকৈর্দেবদারুণা || ১, ১৭৫. ১১ ||
কষায়ং কটুরোহিণ্যা সপটোলং সপত্রকম্ |
ত্রিদোষজ্বরনুচ্চস্যাৎপীতং তু ক্বথিতং জলম্ || ১, ১৭৫. ১২ ||
কণ্টকার্যা নাগরস্য গুডূচ্যা পুষ্করেণ চ |
জগ্ধ্বা নাগবলাচূর্ণং শ্বসকাসাদিনুদ্ভবেৎ || ১, ১৭৫. ১৩ ||
কফবাতজ্বরে দেয়ং জলমুষ্ণং পিপাসিনে |
বিশ্বপর্পটকোশীরমুস্তচন্দনসাধিতম্ || ১, ১৭৫. ১৪ ||
দদ্যাৎসুশীতলং বারি তৃট্ছর্দিজ্বরদাহনুৎ |
বিল্বাদিপ পঞ্চমূলস্য ক্বাথঃ স্যাদ্বাতিকে জ্বরে || ১, ১৭৫. ১৫ ||
পাচনং পিপ্পলীমূলং গুডৃচীবিশ্বভেষজম্ |
বাতজ্বরে ৎবয়ং ক্বাথো দত্তঃ শান্তিকরঃ পরঃ || ১, ১৭৫. ১৬ ||
পিত্তজ্বরঘ্নঃ সমধুঃ ক্বাথঃ পর্পটনিম্বয়োঃ |
বিধানে ক্রিয়মাণেঽপি য্সয় সঞ্জ্ঞা ন জায়তে || ১, ১৭৫. ১৭ ||
পাদয়োস্তু ললাটে বা দহেল্লৌহশলাকয়া |
তিক্তা পাঠা পর্পটাশ্চ বিশালা ত্রিফলা ত্রিবৃৎ |
সক্ষীরো ভেদনঃ ক্বাথঃ সর্বজ্বরবিশোধনঃ || ১, ১৭৫. ১৮ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
জ্বরহরনানায়োগাদিবর্ণনং নাম পঞ্চসপ্তত্যুত্তরশততমোঽধ্যায়ঃ

শ্রীগরুডমহাপুরাণম্-১৭৬
শ্রীভগবানুবাচ |
সপ্তরাত্রাৎপ্রজায়ন্তে খল্বাটস্য কচাঃ শুভাঃ |
দগ্ধহস্তিদন্তলেপাৎসাজাক্ষীররসাঞ্জনাৎ || ১, ১৭৬. ১ ||
ভৃঙ্গরাজরসেনৈব চতুর্ভাগেন সাধিতম্ |
কেশবৃদ্ধিকরং তৈলং গুঞ্জাচূর্ণান্বিতেন চ || ১, ১৭৬. ২ ||
এলামাংসীকুষ্ঠমুরায়ুক্তমভ্যঙ্গতঃ শিবম্ |
গুঞ্জাফলং সমাদেয়ং লেপনং চন্দ্রলুপ্তনুৎ || ১, ১৭৬. ৩ ||
আম্রাস্থিচূর্ণলেপাদ্বৈ কেশাঃ সূক্ষ্মা ভবন্তি চ |
করঞ্জামলকৈলাললাক্ষালেপোঽরুণাপহঃ || ১, ১৭৬. ৪ ||
আম্রাস্থিমজ্জামলকলেপাৎকেশা ভবন্তি বৈ |
বদ্ধমূলা ঘনা দীর্ঘাঃ স্নগ্ধাঃ স্যুর্নোৎপতন্তি চ || ১, ১৭৬. ৫ ||
বিডঙ্গগন্ধপাষাণসাধিতং তৈলমুত্তমম্ |
সচতুর্গুণগোমূত্রং মনসঃ শিলমেব বা || ১, ১৭৬. ৬ ||
শিরোঽভ্যঙ্গাচ্ছিরাজন্ময়ূকালিখ্যাঃ ক্ষয়ং নয়েৎ |
নবদগ্ধং শঙ্খচূর্ণং ঘৃষ্টসীসকলেপিতম্ || ১, ১৭৬. ৭ ||
কচাঃ শ্লক্ষ্ণা মহাকৃষ্ণা ভবন্তি বৃষভধ্বজ |
ভৃঙ্গরাজং লোহচূর্ণং ত্রিফলা বীজপূরকম্ || ১, ১৭৬. ৮ ||
নীলী চ করবীরং চ গুডমেতৈঃ সমং শৃতম্ |
পলিতানীহ কৃষ্ণানি কুর্যাল্লেপান্মহৌষধম্ || ১, ১৭৬. ৯ ||
আম্রাস্থিমজ্জা ত্রিফলা নী (তা) লী চ ভৃঙ্গ রাজকম্ |
জীর্ণং পক্বং লোহচূর্ণং কাঞ্জিকং কৃষ্ণকেশকৃৎ || ১, ১৭৬. ১০ ||
চক্রমর্দকবীজানি কুষ্ঠমেরণ্ডমূলকম্ |
অত্যম্লকাঞ্জিকং পিষ্ট্বা লেপান্মস্তকরোগনুৎ || ১, ১৭৬. ১১ ||
সৈন্ধবং চ বচা হিঙ্গু কুষ্ঠং নাগেশ্বরং তথা |
শতপুষ্পা দেবদারু এভিস্তৈলং তু সাধিতম্ || ১, ১৭৬. ১২ ||
গোপুরীপরসেনৈব চতুর্ভাগেন সংযুতম্ |
তৎকণভরণাদুগ্রকর্ণশূলং ক্ষয়ং নয়েৎ || ১, ১৭৬. ১৩ ||
মেষমূত্রসৈন্ধবাভ্যাং কর্ণয়োর্ভরণাচ্ছিব |
কর্ণয়োঃ পূতিনাশঃ স্যাৎকৃমিস্ত্রাবাদিকস্য চ || ১, ১৭৬. ১৪ ||
মালতীপুপ্পদলয়ো রসেন ভরণাত্তথা |
গোজলেনৈব পূরেণ পূয়স্ত্রাবো বিনশ্যতি || ১, ১৭৬. ১৫ ||
কষ্ঠমাষমরীচানি তগরং মধু পিপ্পলী |
অপামার্গোঽশ্বগন্ধা চ বৃহতী সিতসর্ষপাঃ || ১, ১৭৬. ১৬ ||
যবাস্তিলাঃ সৈন্ধবং চ পাদিকোদ্বর্তনং শুভম্ |
লিঙ্গবাহুস্তনানাং চ কর্ণয়োর্বৃদ্ধিকৃদ্ভবেৎ |
কটুতৈলং ভল্লাতকং বৃহতী ফলদাডিমম্ || ১, ১৭৬. ১৭ ||
বল্কলৈঃ সাধিতৈর্লিপ্তং লিঙ্গং তেন বিবর্ধতে || ১, ১৭৬. ১৮ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
কেশোৎপত্ত্যাদিবর্ণনং নাম ষট্সপ্তত্যুত্তরশততমোঽধ্যায়ঃ

শ্রীগরুডমহাপুরাণম্-১৭৭
হরিরুবাচ |
সোভাঞ্জনপত্ররসং মধুয়ুক্তং হি চক্ষুষোঃ |
ভ (চ) রণাদ্রোগহরণং ভবেন্নাস্ত্যত্র সংশয়ঃ || ১, ১৭৭. ১ ||
অশীতিতিলপুষ্পাণি জাত্যাশ্চ কুসুমাপি চ |
উষানিম্বামলাশুণ্ঠীপিপ্পলীতণ্ডুলীয়কম্ || ১, ১৭৭. ২ ||
ছায়াসুষ্কাং বটীং কুর্যাৎপিষ্ট্বা তণ্ডুলবারিণা |
মধুনা সহসা চাক্ষ্ণোরঞ্জনাত্তিমিরাদিনুৎ || ১, ১৭৭. ৩ ||
বিভীতকাস্থিমজ্জা তু শঙ্খনাভির্মনঃ শিলা |
নিম্বপত্রমরীচা নি অজামূত্রেণ পেষয়েৎ || ১, ১৭৭. ৪ ||
পুষ্পং রাত্র্যন্ধতাং হন্তি তিমিরং পটলং তথা |
চতুর্ভাগানি শঙ্খস্য তদর্ধেন মনঃ শিলা || ১, ১৭৭. ৫ ||
সৈন্ধবং চ তদর্ধেনৎবেতৎপিষ্ট্বাদকেন তু |
ছায়াশুষ্কাং তু বটিকাং কৃৎবা নয়নমঞ্জয়েৎ || ১, ১৭৭. ৬ ||
তিমিরং পটলং হন্তি পিচিটং চ মহৌষধম্ |
ত্রিকটু ত্রিফলাং চৈব করং জস্য ফলানি চ || ১, ১৭৭. ৭ ||
সৈন্ধবং রজনীদ্বে ব ভৃঙ্গরাজরসেন হি |
পিষ্ট্বা তদঞ্জনাদেব তিমিরাদিবিনাশনম্ || ১, ১৭৭. ৮ ||
আটরূষকমূলং তু কাঞ্জিকাপিষ্টমেব তু |
তেনাক্ষিবূমিলেপাচ্চ চক্ষুঃ শূলং বিনশ্যতি || ১, ১৭৭. ৯ ||
সতক্রং বদরীমূলং পীতং বাক্ষিব্যথাং হরেৎ |
সৈন্ধংবং কটুতৈলং চ অপামার্গস্য মূলকম্ || ১, ১৭৭. ১০ ||
ক্ষীরকাঞ্জিকসঙ্ঘৃষ্টং তাম্রপাত্রে তু তেন চ |
অঞ্জনাৎপিঞ্জটস্যৈব নাশো ভবতি শঙ্কর || ১, ১৭৭. ১১ ||
ওঁ দদ্রু সর ক্রোং হ্রীং ঠঃ ঠঃ দদ্রু সর হ্রীং হ্রীং ওঁ উং ঊ সর ক্রীং ক্রীং ঠঃ ঠঃ |
আদ্যা হি বশামায়ান্তি মন্ত্রেণানেন চাঞ্জনাৎ || ১, ১৭৭. ১২ ||
বিল্বকনীলিকামূলং পিষ্টমভ্যঞ্জনেন চ |
অনেনাঞ্জিতমাত্রেণ নশ্যন্তি তিমিরাণি হি || ১, ১৭৭. ১৩ ||
কটুকং (পিপ্পলী) তগরং চৈব হরিদ্রামলকং বচা |
খদিরপিষ্টবাত্তশ্চ অঞ্জনান্নেত্ররোগনুৎ || ১, ১৭৭. ১৪ ||
নীরপূর্ণমুখো ধৌতি বৃহন্মানেন যোঽক্ষিণী |
প্রভাতে নেত্ররোগৈশ্চ নিত্যং সর্বৈঃ প্রমুচ্যতে || ১, ১৭৭. ১৫ ||
শুক্লৈরণ্ডস্য মূলেন পত্রেণাপি প্রসাধিতম্ |
ছগদগ্ধসেকমৌষ্ণ্যাচ্চক্ষুষোর্বাতশলনৎ || ১, ১৭৭. ১৬ ||
চন্দনং সৈন্ধবং বৃদ্ধপালাশশ্চ হরীতকী |
পটলং কুসুমং নীলী চ (ব) ক্রিকাং হরতেঽঞ্জনম্ || ১, ১৭৭. ১৭ ||
গুঞ্জামূলং ছাগমূত্রে ঘৃষ্টং তিমিরনুচ্চ তত্রৌপ্যতাম্রসুবর্ণানাং
হস্তঘৃষ্টশলাকয়া || ১, ১৭৭. ১৮ ||
ঘৃষ্টমুদ্বর্তনং রুদ্র কামলাব্যাধিনাশনম্ |
ঘোষাফলমপাঘ্রাতং পীতকামলনাশনম্ || ১, ১৭৭. ১৯ ||
দূর্বাদাডিমপুষ্পং তু অলক্তকহরীতকী |
নাসার্শবাতরক্তনুন্নস্যাদ্বৈ স্বরসেন হি || ১, ১৭৭. ২০ ||
আপিষ্ট্বা জাঙ্গলী মূ (তূ) লং তদ্রসেন বৃষধ্বজ |
নস্যাদারাদ্বিনশ্যেত নাশার্শো নীললোহিত || ১, ১৭৭. ২১ ||
গব্যং ঘৃতং সর্জরসং রুদ্র ধন্যাকসৈন্ধবম্ |
ধুত্তূরকং গৈরিকং চ এতৈঃ সাধিতসিক্থকম্ || ১, ১৭৭. ২২ ||
সতৈলং ব্রণনুৎস্যাচ্চ স্ফুটিতোদ্ধটিতাধরে |
জাতীপত্রং চ চর্বিৎবা বিধৃতং মুখরোগনুৎ || ১, ১৭৭. ২৩ ||
ভক্ষাৎকেসরবীজস্য দন্তাঃ স্যুশ্চলিতাঃস্থিরাঃ |
মুষ্টকং কুষ্ঠমেলা চ যষ্টিকং মধুবালকম্ || ১, ১৭৭. ২৪ ||
ধন্যাকমেতদদনান্মুখদুর্গন্ধনুদ্ধর |
কষায়ং কটুকং বাপি তিক্তশাকস্য ভক্ষণাৎ || ১, ১৭৭. ২৫ ||
তলয়ুক্তস্য নিত্যং স্যান্মুখদুর্গন্ধতাক্ষয়ঃ |
দন্তব্রণানি সর্বাণি ক্ষয়ং গচ্ছন্ত্যনেন তু || ১, ১৭৭. ২৬ ||
কাঞ্জিকস্য সতৈলস্য গণ্ডূষকবলাস্থিতিঃ |
তাম্বূলচূর্ণদগ্ধস্য মুখস্য ব্যাধিনুচ্ছিব ! || ১, ১৭৭. ২৭ ||
পরিত্যক্তশ্লেষ্মণশ্চ শুণ্ঠীচর্বণতো যথা |
মাতুলুঙ্গদলান্যেলা যষ্টী মধু চ পিপ্পলী || ১, ১৭৭. ২৮ ||
জাতীপত্রমথৈষাং চ চূর্ণং লীঢ্বা তথা কৃতম্ |
শেফালিকজটায়াশ্চ চর্বণং গলশুণ্ঠিনুৎ || ১, ১৭৭. ২৯ ||
নাসাশিরারক্তকর্ষান্নশ্যেচ্ছংশকর জিহ্বিকা |
রসঃ শিরীষবীজানাং হরিদ্রায়াশ্চতুর্গুণঃ || ১, ১৭৭. ৩০ ||
তেন পক্বেন ভূতেশ নস্যং মস্তকরোগনুৎ |
গলরোগা বিনশ্যন্তি নস্যমাত্রেণ তৎক্ষণাৎ || ১, ১৭৭. ৩১ ||
দন্তকীটবিনাশঃ ম্যাদ্গুঞ্জামূলস্য চর্বণাৎ |
কাকজঙ্ঘাস্নুহীনীলীকবায়ো মধুমোজিতঃ || ১, ১৭৭. ৩২ ||
দন্তাক্রান্তান্দন্তজাংশ্চ কৃমীন্নাশয়তে শিব |
ঘতং কর্কটপাদেন দুগ্ধোন্মিশ্রেণ সাধিতম্ || ১, ১৭৭. ৩৩ ||
তেন চাম্যঙ্গিতাদন্তাঃ কুর্যুঃ কটকটান্ন হি |
লিপ্ত্বা কর্কটপাদেন কেবলেনাথবাশিব || ১, ১৭৭. ৩৪ ||
ত্রিসপ্তাহং বাঃ পিষ্টানি জ্যোতিষ্মত্যাঃ ফলানি হি |
শুক্লাভয়ামজ্জলেপাদ্দন্তস্যাঙ্ককলঙ্কনুৎ || ১, ১৭৭. ৩৫ ||
লোধ্রকুঙ্কুমমঞ্জিষ্ঠালোহকা লেয়কানি চ |
যবতণ্ডুলমেতৈশ্চ যষ্টী মধুসমন্বিতৈঃ || ১, ১৭৭. ৩৬ ||
বারিপিষ্টৈর্বক্ত্রলেপঃ স্ত্রীণাং শোভনবক্ত্রকৃৎ |
দ্বিভাগং ছাগদুগ্ধেন তৈলপ্রস্থং তু সাধিতম্ || ১, ১৭৭. ৩৭ ||
রক্তবন্দনমঞ্জিষ্ঠালক্ষাণাং কর্ষকেণ বা |
যষ্টীমধুকুঙ্কুমাভ্যাং সপ্তাহান্মুখকান্তিকৃৎ || ১, ১৭৭. ৩৮ ||
শুণ্ঠীপিপ্পলিচূর্ণং তু গুডূচী কণ্টকারিকা |
এভিশ্চ ক্বথিতং বারি পীতং চাগ্নিং করোতি বৈ || ১, ১৭৭. ৩৯ ||
বাতশূলক্ষয়ং চৈব কগেতি প্রথমেশ্বর |
করঞ্জপর্পটোশীরং বহতী কটুরোহিণী || ১, ১৭৭. ৪০ ||
গোক্ষুরং ক্বথিতং ৎবভির্বারি পীতং শ্রমাপহন্ |
দাহং পিত্তং জ্বরং শোষং মূর্ছাং চৈব ক্ষয়ং নয়েৎ || ১, ১৭৭. ৪১ ||
মধ্বাজ্যপিপ্পলীচূর্ণং ক্বথিতং ক্ষীরসংযুতম্ |
পীতং হৃদ্রোগকাসস্য বিষমজ্বরনুদ্ভবেৎ || ১, ১৭৭. ৪২ ||
ক্বাথৌপধীনাং সর্বাসাং কর্ষার্ধং গ্রাহ্যমেব চ |
বয়োঽনুরূয়তো জ্ঞেয়ো বিশেষো বৃষভধ্বজ || ১, ১৭৭. ৪৩ ||
দুগ্ধং পীতং তু সংযুক্তং গোপুরীষরসেন চ |
বিষমজ্বরনুৎস্যাচ্চ কাকজন্ধারসস্তথা || ১, ১৭৭. ৪৪ ||
মশুণ্ঠি ক্বথিতং ক্ষীগ্মজায়া জ্বরনুদ্ভবেৎ |
যষ্টীমধুকমুস্তং চ সৈন্ধবং বৃহতীফলম্ || ১, ১৭৭. ৪৫ ||
এতৈর্নস্বপ্রিদানাচ্চ নিদ্রা স্যাৎপুরুপস্য চ |
মরীচপ্রধ্বশ্বলালানস্যান্নিদ্রা ভবেচ্ছিব || ১, ১৭৭. ৪৬ ||
মূলং তু কাকজঙ্ঘায়া নিদ্রাকৃৎস্যাচ্ছিরস্থিতম্ |
সিদ্ধং তৈলং কাঞ্জিকেন তথা সর্জরসেন চ || ১, ১৭৭. ৪৭ ||
শীতোদকসমায়ুক্তং লেপাৎসন্তাপনাশনম্ |
শোণিতজ্বরদাহেভ্যো জাতসন্তাপনুত্তথা || ১, ১৭৭. ৪৮ ||
শৃকশৈবালমন্থশ্চ শুণ্ঠীপাপাণভেদকম্ |
শৌবাঞ্জনং গোক্ষুরং বা বরুণচ্ছন্নমেব চ || ১, ১৭৭. ৪৯ ||
সৌভাঞ্জনস্য মূলং চ এতৈঃ ক্বথিতবারি চ |
দত্ত্বা হিঙ্গুয়বক্ষারং পীতং বাতবিনাশনম্ || ১, ১৭৭. ৫০ ||
পিপ্পলী পিপ্পলীমূলং তথা ভল্লাতকং শিব |
বার্যেতৈঃ ক্বথিতং পীতং বরশূলাপহারকৃৎ || ১, ১৭৭. ৫১ ||
অশ্বগন্ধামূলকাভ্যাং সিদ্ধা বল্মীকমৃত্তিকা |
এতয়া মর্দনাদ্রুদ্র ঊরুস্তম্ভঃ প্রশাম্যতি || ১, ১৭৭. ৫২ ||
বৃহতীকস্য বৈ মূলং সম্পিষ্টমুদকেন চ |
পীতং সঙ্ঘাতবাতস্য বিপাটনকৃদেব চ || ১, ১৭৭. ৫৩ ||
পীতং তক্রেণ মূলং চ আর্দ্রস্য তগরস্য চ |
হরেৎঝিঞ্জিনীবাতং? বৈ বৃক্ষমিন্দ্রাশনির্যথা || ১, ১৭৭. ৫৪ ||
অস্থিসংহারমেকেন ভক্তেন সহ বাদিতম্ |
পতিং মাংসরসেনাপি বাতনুচ্চাস্থিভঙ্গনুৎ || ১, ১৭৭. ৫৫ ||
ঘৃতলিপ্তং সশুষ্কং চ ছাগীক্ষীরেণ সংযুতম্ |
তল্লোপাৎপাদয়ার্নংশ্যেৎসক্ষেপ্যে চাত্র সংশয়ঃ || ১, ১৭৭. ৫৬ ||
মধ্বাজ্যসৈন্ধবং সিক্থং গুডকৈরিকগুগ্গুলৈঃ |
সসর্জরসস্ফুটিতঃ ক্লোমশুদ্ধিশ্চ লেপনাৎ || ১, ১৭৭. ৫৭ ||
কটুতৈলেন লিপ্তো বৈ বিধূমাগ্নৌ প্রতাপিতঃ |
মৃত্তিকারখাদিতঃ পাদঃ সমঃ স্যাদ্বৃষভধ্বজ || ১, ১৭৭. ৫৮ ||
সর্জরসাঃ সিক্থকং চ জীরকং চ হরীতকী |
উৎসাধিতঘৃতাভ্যঙ্গো হ্যগ্নিদগ্ধব্যথাপনুৎ || ১, ১৭৭. ৫৯ ||
তিলতৈলং চাগ্নিদগ্ধং যবভস্মসমন্বিতম্ |
অগ্নিদগ্ধব্রণং নশ্যেদ্ব্রহুশঃ কৃতলেপতঃ || ১, ১৭৭. ৬০ ||
নবনীতং মাহিষং চ দগ্ধপিষ্টতিলানি চ |
সভল্লাকং ব্রণং নশ্যেদ্ধৃচ্ছূলং নস্যলেপনাৎ || ১, ১৭৭. ৬১ ||
কর্পূরগব্যসর্পির্ভ্যাং প্রহারঃ পূরিতো হর |
শস্ত্রোদ্ভবঃ সবদ্ধশ্চ শুক্লবর্ণেন শঙ্কর ! |
পাকং চ বেদনাং চৈব সংস্পৃশেদ্বৃষভধ্বজ || ১, ১৭৭. ৬২ ||
আম্র (তস্য) মূলরসেনৈব শস্ত্রঘাতঃ প্রপূরিতঃ |
ঢৌকতে শস্ত্রঘাতাভ্যাং নির্ব্রণো ঘৃপূরিতঃ || ১, ১৭৭. ৬৩ ||
শরপুঙ্খা লজ্জালুকা পাঠা চৈষাং তু মূলকম্ |
জলপিষ্টং তস্য লেপাচ্ছস্ত্রঘাতঃ প্রশাম্যতি || ১, ১৭৭. ৬৪ ||
মূলং চ কাকজঙ্ঘায়াস্ত্রিরাত্রেণৈব শোষিতঃ |
পাকপূতিং বেদনাং চ হন্তি বৈ রোহিতো ব্রণে || ১, ১৭৭. ৬৫ ||
সজলং তিলতৈলং চ অপামার্গস্য মূলকম্ |
তৎসেকদানান্নশ্যেচ্চ প্রহারোদ্ভববেদনা || ১, ১৭৭. ৬৬ ||
অভয়াং সৈন্ধবং শুণ্ঠীমেতৎপিষ্ট্বোদকেন তু |
ভক্ষয়িৎবা হ্যজীর্ণস্য নাশো ভবতি শঙ্কর ! || ১, ১৭৭. ৬৭ ||
কটিবদ্ধং নিম্বমূলমক্ষিসূলহরং ভবেৎ |
শণমূলং সতাম্বূলং দগ্ধমিন্দ্রিয়কস্য (ল্প) হৃৎ || ১, ১৭৭. ৬৮ ||
অন্নস্বিন্নহরিদ্রা চ শ্বেতসর্ষপমূলকম্ |
বীজানি মাতুলুঙ্গস্য এষামুদ্বর্তনং সমম্ |
সপ্তরাত্রপ্রয়োগেণ শুভদেহকরং ভবেৎ || ১, ১৭৭. ৬৯ ||
শ্বেতাপরাজিতাপত্রং নিম্বপত্ররসেন তু |
নস্যদানাড্ডাকিনীনাং মাৎৠণাং ব্রহ্মরক্ষসাম্ |
মোক্ষঃ স্যান্মধুসারেণ নস্যাচ্চ বৃষভধ্বজ || ১, ১৭৭. ৭০ ||
মূলং শ্বেতজয়ন্ত্যাশ্চ পুষ্যর্ক্ষে তু সমাহৃতম্ |
শ্বেতাপরাজিতার্কস্য চিত্রকস্য চ মূলকম্ |
কৃৎবা তু বটিকাং নারী তিলকেন বশী ভবেৎ || ১, ১৭৭. ৭১ ||
পিপ্পলীলোহচূর্ণং তু শুণ্ঠীশ্চামলকানি চ |
সমানি রুদ্র জানীয়াৎসৈন্ধবং মধুশর্করা || ১, ১৭৭. ৭২ ||
উদুম্বরপ্রমাণেন সপ্তাহং ভক্ষণাৎসমম্ |
পুমাংশ্চ বলবান্স স্যাজ্জীবেদ্বর্ষশতদ্বয়ম্ |
ওঁ ঠ ঠ ঠ ইতি সর্ববশ্যপ্রয়োগেষু প্রয়ুক্তঃ সর্বকামকৃৎ || ১, ১৭৭. ৭৩ ||
সঙ্গৃহ্য বিদ্বান্কাকস্য নিলয়ং প্রদহেচ্চ তৎ |
চিতাগ্নৌ ভস্ম তচ্ছত্রোর্দত্তং শিরসি শঙ্কর || ১, ১৭৭. ৭৪ ||
তমুচ্চাটয়তে রুদ্র শৃণু তদ্যোগমুত্তমম্ |
নিঃ ক্ষিপ্তং চ পুরীষং বৈ বনমূষিকচর্মণি || ১, ১৭৭. ৭৫ ||
কটিতন্তুনিবদ্ধং বৈ কুর্যান্মলনিরোধনম্ |
কৃষ্ণকাকস্য রক্তেন যস্য নাম প্রলিপ্য চ || ১, ১৭৭. ৭৬ ||
চ্যুতদলে মধ্যমধ্যে ততো নিঃ ক্ষিপ্যতে হর ! |
স খাদ্যতে কাকবৃন্দৈর্নারী পুরুষ এব চ || ১, ১৭৭. ৭৭ ||
শর্করামধ্বজাক্ষীরং তিলগোক্ষুরকং সমম্ |
স শত্রুং নাশয়েদ্রুদ্র ! উচ্চাটিতমিদং হর ! || ১, ১৭৭. ৭৮ ||
উলূককৃষ্ণকাকস্য বিল্বস্যাথ সমিচ্ছতম্ |
রুধিরেণ সমায়ুক্তং যয়োর্নাম্না তু হূয়তে |
তয়োর্মধ্যে মহাবৈরং ভবেন্নাস্ত্যত্র সংশয়ঃ || ১, ১৭৭. ৭৯ ||
ভাবিতং ঋক্ষদুগ্ধেন মৎস্যস্য রোহিতস্য চ |
মাংসং তৎসাধিতং তৈলং তদভ্যঙ্গাচ্চ রোগনুৎ |
চন্দনোদকনস্যাত্তু রোমোত্থানং ভবেৎপুনঃ || ১, ১৭৭. ৮০ ||
হস্তে লাঙ্গলিকাকন্দং গৃহীতং তেন লেপিতম্ |
শরীরং যেন স পুমান্বৃদ্ধের্দর্পং ব্যপোহতি || ১, ১৭৭. ৮১ ||
ময়ূররুধিরেণৈব জীবং সংহরতে শিব |
জ্বলতাং তু ভুজঙ্গানাং বিলস্থানামপীশ্বর || ১, ১৭৭. ৮২ ||
দেহশ্চিতাগ্নৌ দগ্ধশ্চ সর্পস্যাজগরস্য হি |
তদ্ভস্ম সমুখে ক্ষিপ্তং শত্রণাং ভঙ্গকৃদ্ভবেৎ || ১, ১৭৭. ৮৩ ||
মন্ত্রেণানেন তৎক্ষিপ্তং মহাভঙ্গকরং রিপোঃ |
ওঁ ঠ ঠ ঠ চাহীহিচাহীহি স্বাহা |
ওঁ উদরং পাহিহি পাহিহিস্বাহা || ১, ১৭৭. ৮৪ ||
সুদর্শনায়া মলং তু পুষ্যর্ক্ষে তু সমাহৃতম্ |
নিঃ ক্ষিপ্তং গৃহমধ্যে তু ভুজঙ্গা বর্জয়ন্তি তৎ || ১, ১৭৭. ৮৫ ||
অর্কমূলেন রবিণা অর্কাগ্নিজ্বলিতা শিব |
যুক্তা সিদ্ধার্থতৈলেন বর্তির্মার্গাহিনাশিনী || ১, ১৭৭. ৮৬ ||
মার্জারপললং বিষ্ঠা হরিতালং চ ভাবিতম্ |
ছাগ মূত্রেণ তল্লিপ্তো মূষিকো মূষিকান্হরেৎ || ১, ১৭৭. ৮৭ ||
মুক্তো হি মন্দিরে রুদ্র নাত্র কার্যা বিচারণা |
বিফলার্জুনপুষ্পাণি ভল্লাতকশিরীষকম্ || ১, ১৭৭. ৮৮ ||
লাক্ষা সর্জরসশ্চৈব বিডঙ্গশ্চৈব গুগ্গুলুঃ |
এতৈর্ধূপো মক্ষিকাণাং মশকাণাং বিনাশনঃ || ১, ১৭৭. ৮৯ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
নেত্রাঞ্জনাদিনিরূপণং নাম সপ্তসপ্তত্যুত্তরশততমোঽধ্যায়ঃ

শ্রীগরুডমহাপুরাণম্-১৭৮
হরিরুবাচ |
ব্রহ্মদণ্ডীবচাকুষ্ঠং প্রিয়ঙ্গর্নাগকেশরম্ |
দদ্যাত্তাম্বূলসংযুক্তং স্ত্রীণাং মন্ত্রেণ তদ্বশম্ |
ওঁ নারায়ণ্যৈ স্বাহা || ১, ১৭৮. ১ ||
তাম্বূলং যস্য দীয়েত স বশী স্যাৎসুমন্ত্রতঃ |
ওঁ হরিঃ হরিঃ স্বাহা || ১, ১৭৮. ২ ||
গোদন্তং হরিতালঞ্চ সংযুক্তং কাকজিহ্বয়া |
চূর্ণোকৃত্য যস্য শিরে দীয়তে স বশী ভবেৎ |
শ্বেতসর্ষপনির্মাল্যং যদ্গৃহে তদ্বিনাশকৃৎ || ১, ১৭৮. ৩ ||
বৈভী তকং শাখোটকং মূলং পত্রেণ সংযুতম্ |
স্থাপ্যতে যদ্গৃহদ্বারে তত্র বৈ কলহো ভবেৎ || ১, ১৭৮. ৪ ||
খঞ্জরীটস্য মাংসং তু মধুনা সহ পেষয়েৎ |
ঋতুকালেয়োনিলেপাৎপুরুষো দাসতামিয়াৎ || ১, ১৭৮. ৫ ||
অগুরুং গুগ্গুলুং চৈব নীলোৎপলসমন্বিতম্ |
গুডেন ধূপয়িৎবা তু রাজদ্বারে প্রিয়ো ভবেৎ || ১, ১৭৮. ৬ ||
শ্বেতাপ রাজিতামূলং পিষ্টং রোচনয়া যুতম্ |
যং পশ্যেত্তিলকেনৈব বশী কর্যান্নৃপালয়ে || ১, ১৭৮. ৭ ||
কাকজঙ্ঘা বচা কুষ্ঠং নিম্বপত্রং সুকুঙ্কুমম্ |
আত্মরক্তসমায়ুক্তং বশী ভবতি মানবঃ || ১, ১৭৮. ৮ ||
আরণ্যস্য বিডালস্য গৃহিৎবা রুধিরং শুভম্ |
করঞ্জতৈলে তদ্ভাব্যং রুদ্রাগ্নৌ কজ্জলং ততঃ |
পাতয়েৎপদ্মপত্রেণ হাদৃশ্যঃ স্যাত্তদঞ্জনাৎ || ১, ১৭৮. ৯ ||
ওঁ নমঃ খড্গবজ্রপাণয়ে মহায়ক্ষসেনাপতয়ে স্বাহা |
ওঁ রুদ্রং হ্রাং হ্রীং বরশক্তা ৎবরিতাবিদ্যা |
ওঁ মাতরঃ স্তম্ভয়স্বাহা |
সহস্রং পরিজপ্যাত্তু বিদ্যেয়ং চৌরবারিণী |
মহাসুগন্ধিকামূলং শুক্রং স্তম্ভেৎকটৌ স্থিতম্ || ১, ১৭৮. ১০ ||
ওঁ নমঃ সর্বসত্ত্বেভ্যো নমঃ সিদ্ধিং কুরু কুরু স্বাহা |
সপ্তাভিমন্ত্রিতং কৃৎবা করবীরস্য পুষ্পকম্ |
স্ত্রীণামগ্রে ভ্রাময়চ্চ ক্ষণাদ্বৈ সা বশে ভবেৎ || ১, ১৭৮. ১১ ||
ব্রহ্মদণ্ডীং বচাং পত্রং মধুনা সহ পেষয়েৎ |
অঙ্গলেপাচ্চ বনিতা নান্যং ভর্তারমিচ্ছতি || ১, ১৭৮. ১২ ||
ব্রহ্মদণ্ডীশিখা বক্ত্রে ক্ষিপ্তা শুক্রস্য স্তম্ভনম্ |
মূলং জয়ন্ত্যা বক্ত্রস্থং ব্যবহারে জয়প্রদম্ || ১, ১৭৮. ১৩ ||
ভৃঙ্গরাজস্য মূলং তু পিষ্টং শুক্রেণ সংযুতম্ |
অক্ষিণী চাঞ্জয়িৎবা তু বশী কর্যান্নরং কিল || ১, ১৭৮. ১৪ ||
অপরাজিতাশিখান্তু নীলোৎপলসমন্বিতাম্ |
তাম্বূলেন প্র (দানা) দদ্যাচ্চ বশীকরণমুত্তমম্ || ১, ১৭৮. ১৫ ||
অঙ্গুষ্ঠে চ পদে গুল্ফে জানৌ চ জঘনে তথা |
নাভৌ বক্ষসি কুক্ষৌ চ কক্ষে কণ্ঠে কপোলকে || ১, ১৭৮. ১৬ ||
ওষ্ঠে নেত্রে ললাটে চ মূর্ধ্নি চন্দ্রকলাঃ স্থিতাঃ |
স্ত্রীণাং পক্ষে সিতে কৃষ্ণে ঊর্ধ্বাধঃ সংস্থিতা নৃণাম্ || ১, ১৭৮. ১৭ ||
বামাঙ্গে দক্ষিণাঙ্গে চ ক্রমাদ্রুদ্র দ্রবাদিকৃৎ |
চতুঃ ষষ্টি কলাঃ প্রোক্তাঃ কামশাস্ত্রে বশীকরাঃ |
আলিঙ্গনাদ্যা নারীণাং কমারীণাং বশীকরাঃ || ১, ১৭৮. ১৮ ||
রোচনাগন্ধুপুষ্পাণি নিম্বপুষ্পং প্রিয়ঙ্গবঃ |
কুঙ্কমং চন্দনঞ্চৈব তিলকেন জগদ্বশেৎ || ১, ১৭৮. ১৯ ||
ওঁ হ্রীং গৌরি দেবি সৌভাগ্যং পুত্রবশাদি দেহি মে |
ওঁ হ্রীং লক্ষ্মি ! দেবি সৌভাগ্যং সর্বং ত্রৈলোক্যমোহনম্ || ১, ১৭৮. ২০ ||
সগন্ধস্য হরিদ্রায়াঃ কুঙ্কমানাং চ লেপতঃ |
বশয়েদ্রুদ্র ধূপশ্চ তথাপুষ্পসুগন্ধয়োঃ || ১, ১৭৮. ২১ ||
দুরালভা বচা কুষ্ঠং কুঙ্কুমঞ্চ শতাবরী |
তিলতৈলেন সংযুক্তং যোনিলেপাদ্বশী নরঃ || ১, ১৭৮. ২২ ||
নিম্বকাষ্ঠস্য ধূমেন ধূপয়িৎবা ভগং বধূঃ |
সুভগাস্যাৎসাতি রুদ্র পতির্দাসো ভবিষ্যতি || ১, ১৭৮. ২৩ ||
মাহিষং নবনীতঞ্চ কষ্টঞ্চ মধুয়ষ্টিকা |
সৌভাগ্যং ভগলেপাৎস্যাৎপতির্দাসো ভবেত্তথা || ১, ১৭৮. ২৪ ||
মধুয়ষ্টিশ্চ গোক্ষীরং তথা চ কণ্টকারিকা |
এতানি সমভাগানি পিবেদুষ্ণেন বারিণা |
চতুর্ভাগাবশেষেণ গর্ভসম্ভবমুত্তমম্ || ১, ১৭৮. ২৫ ||
মাতুলুঙ্গস্য বীজানি ক্ষীরেণ সহ ভাবয়েৎ |
তৎপীৎবা লভতে গর্ভং নাত্র কার্যা বিচারণা || ১, ১৭৮. ২৬ ||
মাতুলুঙ্গস্য বীজানি মূলান্যেরণ্ডকস্য চ |
ঘৃতেন সহ সংযোজ্য পায়য়েৎপুত্রকাক্ষিণী || ১, ১৭৮. ২৭ ||
পশ্বগন্ধা মৃত দুগ্ধ ক্বথিতং মুত্রকারকম্ |
পলাশস্য তু বীজানি ক্ষৌদ্রেণ সহ পেষয়েৎ |
রজস্বলা তু পীৎবা স্যাত্মুষ্পগর্ভবিবর্জিতা || ১, ১৭৮. ২৮ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
হ্যষ্টসপ্তত্যধিকশততমোঽধ্যায়ঃ

শ্রীগরুডমহাপুরাণম্-১৭৯
হরিরুবাচ |
হরিতালং যবক্ষাংরং পত্রাঙ্গং রক্তচন্দনম্ |
জাতিহিঙ্গুলকং লাক্ষাং পক্ত্বা দন্তান্প্রলেপয়েৎ || ১, ১৭৯. ১ ||
হরীতকীকষায়েণ মৃষ্ট্বা দন্তান্প্রলেপয়েৎ |
দন্তাঃ স্যুর্লোহিতাঃ পুংসঃ শ্বেতা রুদ্র ন সংশয়ঃ || ১, ১৭৯. ২ ||
মূলকং স্বিদ্য মন্দাগ্নৌ রসং তস্য প্রপূরয়েৎ |
কর্ণয়োঃ পূরণাত্তেন কর্ণস্ত্রাবো বিনশ্যতি || ১, ১৭৯. ৩ ||
অর্কপত্রং গৃহীৎবা তু মন্দাগ্নৌ তাপয়েচ্ছনৈঃ |
নিষ্পীড্য পূরয়েৎকর্ণৌ কর্ণশূলং বিনশ্যতি || ১, ১৭৯. ৪ ||
প্রিয়ঙ্গুমধুকা চৈব ধাতক্যুৎপলপাঙ্ক্তিভিঃ |
মঞ্জিষ্ঠা লোধ্রলাক্ষাভিঃ কপিত্থস্বরসেন চ |
পচেত্তৈলং তথা স্ত্রীণাং নশ্যেৎক্লেদঃ প্রপূরণাৎ || ১, ১৭৯. ৫ ||
শুষ্কমূলকশুণ্ঠীনাং ক্ষারো হিঙ্গুমহৌষধম্ |
সতপুষ্পাবচা কুষ্ঠং দারু শিগ্র রসাঞ্জনম্ || ১, ১৭৯. ৬ ||
সৌবর্চলং যবক্ষারং তথা সর্জকসৈন্ধবম্ |
তথা গ্রন্থির্বিডং মুস্তং মধুয়ুক্তং চতুর্গুণম্ || ১, ১৭৯. ৭ ||
মাতুলুং গরসস্তদ্বৎকদল্যাশ্চ রসো হি তৈঃ |
পক্বতৈলং হরেদাশু স্ত্রাবাদীংশ্চ ন সংশয়ঃ || ১, ১৭৯. ৮ ||
কর্ণয়োঃ কৃমিনাশঃ স্যাৎকটুতৈলস্য পূরণাৎ |
হরিদ্রা নিম্বপত্রাণি পিপ্পল্যো মরিচানি চ || ১, ১৭৯. ৯ ||
বিডঙ্গভদ্রং মুস্তঞ্চ সপ্তমং বিশ্বভেষজম্ |
গোমূত্রেণ চ পিষ্ট্বৈব কৃৎবা চ বটিকাং হর ! |
অজীর্ণহৃদ্ভবেচ্চৈকং দ্বয়ং বিষূচিকাপহম্ || ১, ১৭৯. ১০ ||
পটোলং মধুনা হন্তি গোমূত্রেণ তথাবুদম্ |
এষা চ শঙ্করী বর্তিঃ সর্বনেত্রাময়া পহা || ১, ১৭৯. ১১ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
একোনাশীত্যধিকশততমোঽধ্যায়ঃ

শ্রীগরুডমহাপুরাণম্-১৮০
হরিরুবাচ |
বচা মাংসী চ বিল্বঞ্চ তগরং পদ্মকেসরম্ |
নাগপুষ্পং প্রিয়ঙ্গুঞ্চ সমভাগানি চূর্ণয়েৎ |
অনেন ধূপিতো মর্ত্যঃ কামবদ্বিচরেন্মহীম্ || ১, ১৮০. ১ ||
কর্পূরং দেবদারুঞ্চ মধুনা সহ যোজয়েৎ |
লিঙ্গলেপাচ্চ তেনৈব বশীকুর্যাৎস্ত্রিয়ং কিল || ১, ১৮০. ২ ||
মৈথুনং পুরুষো গচ্ছেদ্গৃহ্ণীয়াৎস্বকমিন্দ্রিয়ম্ |
বামহস্তেন বামঞ্চ হস্তং লিম্পেত্তু যৎস্ত্রিয়াঃ |
আলিপ্তা স্ত্রী বশং যাতি নান্যং পুরুষমিচ্ছতি || ১, ১৮০. ৩ ||
ওঁ রক্তচামুণ্ডে অমুকং মে বশমানয় আনয় ওঁ হ্রীং হ্রৈং হ্রঃ ফট্ |
ইমং জপ্ত্বায়ুতং মন্ত্রং তিলকেন চ শঙ্কর ! |
গোরোচনাসংযুতেন স্বরক্তেন বশী ভবেৎ || ১, ১৮০. ৪ ||
সৈন্ধবং কৃষ্ণলবণং সৌবীরং মৎস্যপিত্তকম্ |
মধু সর্পিঃ সিতায়ুক্তং স্ত্রীণাং তদ্ভগলেপনাৎ || ১, ১৮০. ৫ ||
যঃ পুমান্মৈথুনং গচ্ছেন্নান্যাং নারীং গমিষ্যতি |
শঙ্কপুষ্পী বচা মাংসী সোম রাজী চ ফল্গুকম্ || ১, ১৮০. ৬ ||
মাহিষং নবনীতঞ্চ ৎবকীকৃত্য ভিষগ্বরঃ |
সমূলানি স পত্রাণি ক্ষীরেণাজ্যেন পেষয়েৎ || ১, ১৮০. ৭ ||
গুটিকাং শোধিতাং কৃৎবা নারীয়োন্যা প্রবেশয়েৎ |
দশবারং প্রসূতাপি পুনঃ কন্যা ভবিষ্যতি || ১, ১৮০. ৮ ||
সর্ষপাশ্চ বচা চৈব মদনস্য ফলানি চ |
মার্জারবিষ্ঠা ধত্তুর স্ত্রীকেশেন সমন্বিতঃ || ১, ১৮০. ৯ ||
চাতুর্থিকহরো ধূপো ডাকিনীজ্বরনাশকঃ |
অর্জুনস্য চ পুষ্পাণি ভল্লাতকবিডঙ্গকে || ১, ১৮০. ১০ ||
বলা চৈব সর্জরসং সৌবীরসর্ষপাস্তথা |
সর্পয়ূকামক্ষিকাণাং ধূমো মশকনাশনঃ || ১, ১৮০. ১১ ||
ভূতলায়াশ্চ চূর্ণেন স্তম্ভঃ স্যাদ্যোনিপূরণাৎ |
তেন লেপনতো যোনৌ ভগস্তম্ভস্তু জায়তে || ১, ১৮০. ১২ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
অশীত্যধিকশততমোঽধ্যায়ঃ