১.১৭ গরুডপুরাণ (অধ্যায় ১৬১-১৭০)

শ্রীগরুডমহাপুরাণম্-১৬১
ধন্বন্তরিরুবাচ |
উদরাণাং নিদানঞ্চ বক্ষ্যে সুশ্রুত তচ্ছৃণু |
রোগাঃ সর্বেঽপি মন্দাগ্নৌ সুতরামুদরাণি তু || ১, ১৬১. ১ ||
অনীর্ণাময়াশ্চাপ্যন্যে জায়ন্তে মলসঞ্চয়াৎ |
ঊর্ধ্বাধো বায়বো রুদ্ধ্বা ব্যাকুলাবিপ্রবাহিণী? || ১, ১৬১. ২ ||
প্রাণানপানান্সন্দূষ্য কুর্যুস্তান্মাংসসন্ধিগান্ |
আধ্মাপ্য কুক্ষিমুদরমষ্টধা তে চ ভেদতঃ || ১, ১৬১. ৩ ||
পৃথগ্দোষৈঃ সমস্তৌশ্চ প্লীহবঙ্ক্ষক্ষতোদকৈঃ |
তেনার্তাঃ শুষ্কতাল্বোষ্ঠাঃ সর্বপাদকরোদরাঃ || ১, ১৬১. ৪ ||
নষ্টচেষ্টবলাহারাঃ কৃতপ্রধ্মাৎকুক্ষয়ঃ |
পুরুষাঃ স্যুঃ প্রেতরূপা ভাবিনস্তস্য লক্ষণম্ || ১, ১৬১. ৫ ||
ক্ষুন্নাশোঽরুচিবৎসর্বং সবিদাহঞ্চ পচ্যতে |
জীর্ণান্নং যো ন জানাতি সোঽপথ্যং সেবতেনরঃ || ১, ১৬১. ৬ ||
ক্ষীয়তে বলমঙ্গস্য শ্বসিত্যল্পোঽবিচেষ্টিতঃ |
বিষয়াবৃত্তিবুদ্ধিশ্চ শোকশোষাদয়োঽপিচ || ১, ১৬১. ৭ ||
রুগ্বস্তিসন্ধৌ সততং লঘ্বল্পভোজনৈরপি |
জরাজীর্ণো বলভ্রংশো ভবেজ্জঠররোগিণঃ || ১, ১৬১. ৮ ||
স্বতন্ত্রতন্দ্রালসতা মলসর্গোঽল্পবহ্নিতা |
দাহঃ শ্বয়থুরাধ্মানমন্ত্রে সলিলসম্ভবে || ১, ১৬১. ৯ ||
সর্বত্র তোয়ে মরণং শোচনং তত্র নিষ্ফলম্ |
গবাক্ষবচ্ছিরাজালৈরুদরং গুড্গুডায়তে || ১, ১৬১. ১০ ||
নাভিমন্ত্রশ্চ বিষ্টভ্য বেগং কৃৎবা প্রণশ্যতি |
মারুতে হৃৎকটীনাভিপায়ুবঙ্ক্ষণবেদনাঃ || ১, ১৬১. ১১ ||
সশব্দো নিঃ সরেদ্বায়ুর্বহতে মূত্রমল্পকম্ |
নাতিমাত্রং ভবেল্লৌল্যং নরস্য বিরসং মুখম্ || ১, ১৬১. ১২ ||
তত্রবাতোদরে শোথঃ পাণিপান্মুখকুক্ষিষু |
কুর্ক্ষিপার্শ্বোদরকটীপৃষ্ঠরুক্পর্বভদনম্ || ১, ১৬১. ১৩ ||
শুষ্ককাসাঙ্গমর্দাধোগুরুতামলসঙ্গ্রহঃ |
শ্যামারুণৎবগাদিৎবং মুখে চ রসবদ্ধিতা || ১, ১৬১. ১৪ ||
সতোদভেদমুদরং নীলকৃষ্ণশিরাততম্ |
আধ্মাতমুদরে শব্দমদ্ভুতং বা করোতি সঃ || ১, ১৬১. ১৫ ||
বায়ুশ্চাত্র সরুক্চ্ছব্দং বিধত্তে সর্বথা গতিম্ |
পিত্তোদরে জ্বরো মূর্ছা দাহিৎবং কটুকাস্যতা || ১, ১৬১. ১৬ ||
ভ্রমোতিসারঃ পীতৎবং ৎবগাদাবুদরং হরিৎ |
পীততাম্রশিরাদিৎবং সস্বেদং সোষ্ম দহ্যতে || ১, ১৬১. ১৭ ||
ধূমায়তে মৃদুস্পর্শং ক্ষৈপ্রপাকং প্রদূয়তে |
শ্লেষ্মোদরেষু সদনং স্বেদশ্বয়থুগৌরবম্ || ১, ১৬১. ১৮ ||
নিদ্রা ক্লেশোঽরুচিঃ শ্বাসঃ কাশঃ শুক্লৎবগাদিতা |
উদরং তিমিরং স্নিগ্ধং শুক্লকৃষ্ণশিরাবৃতম্ || ১, ১৬১. ১৯ ||
নীরাতিবৃদ্ধৌ কঠিনং শীতস্পর্শং গুরু স্থিরম্ |
ত্রিদোষকোপনে তৈস্তৈস্ত্রিদোষজীনৈতর্মলৈঃ || ১, ১৬১. ২০ ||
সর্বদূষণদুষ্টাশ্চ সরক্তাঃ সঞ্চিতা মলাঃ |
কোষ্ঠং প্রাপ্য বিকুর্বাণাঃ শোষমূর্ছাভ্রমান্বিতম্ || ১, ১৬১. ২১ ||
কুর্যুস্ত্রিলিঙ্গমুদরং শীঘ্রপাকং সুদারুণম্ |
বর্ধতে তচ্চ সুতরাং শীতবাতপ্রদর্শনে || ১, ১৬১. ২২ ||
অত্যশনাচ্চ সঙ্ক্ষোভাদ্যানপানাদিচেষ্ঠিতৈঃ |
অবিহিতৈশ্চ পানাদ্যৈর্বমনব্যাধিকর্ষণৈঃ || ১, ১৬১. ২৩ ||
বামপার্শ্বাস্থিতঃ প্লীহা ত্যুতস্থানো বিবর্ধতে |
শোণিতাদ্বা রসাদিভ্যো বিবৃদ্ধো জনয়েদ্ব্যথাম্ || ১, ১৬১. ২৪ ||
সোঽষ্ঠীলা চাতিকঠিনঃ প্রোন্নতঃ কূর্মপৃষ্ঠবৎ? |
ক্রমেণ বর্ধমানশ্চ কুক্ষৌ ব্যাততিমাহরেৎ || ১, ১৬১. ২৫ ||
শ্বাসকাসপিপাসাস্যবৈরস্যাধ্মানকজ্বরৈঃ |
পাণ্ডুৎবমূর্ছাছর্দিৎবগ্দাহমোহৈশ্চ সংযুতঃ || ১, ১৬১. ২৬ ||
অরুণাভং বিচিত্রাভং নীলহারিদ্ররাজিতম্ |
উদাবর্তেন চানাহমোহতৃড্দ্গহনজ্বরৈঃ || ১, ১৬১. ২৭ ||
গৌরবারুচিকাঠিন্যৈর্বিঘাতভ্রমসঙ্ক্রমাৎ |
প্লীহবদ্দক্ষিণাৎপার্শ্বাৎকুর্যাদ্যকৃদপি চ্যুতম্ || ১, ১৬১. ২৮ ||
পক্বে ভূতে যকৃতি চ সদা বদ্ধমলো গুদে |
দুর্নামভিরুদাবর্তৈরন্যৈর্বা পীডিতো ভবেৎ || ১, ১৬১. ২৯ ||
বর্চঃ পিত্তকফান্বদ্ধান্করোতি কুপিতোঽনিলঃ |
অপানো জঠরে তেন সংরুদ্ধো জ্বররুক্করঃ || ১, ১৬১. ৩০ ||
কাশশ্বাসোরুসদ্গনং শিরোরুঙ্নাভিপার্শ্বরুক্ |
মলাসঙ্গোঽরুচিশ্ছর্দিরুদরে মলমারুতঃ || ১, ১৬১. ৩১ ||
স্থিরনীলারুণশিরাজালৈরুদরমাবৃতম্ |
নাভেরুপরি চ প্রায়ো গোপুচ্ছাকৃতি জায়তে || ১, ১৬১. ৩২ ||
অস্থ্যাদিশল্যৈ রন্যৈশ্চ বিদ্ধে চৈবোদরে তথা |
পচ্যতে যকৃতাদিশ্চ তচ্ছিদ্রৈশ্চ সরন্বহিঃ || ১, ১৬১. ৩৩ ||
আম এব গুদাহেতি ততোঽল্পাল্পঃ শকৃদ্রসঃ |
স স্যাদ্বিকৃতগন্ধোঽপি পিচ্ছিলঃ পীতলোহিতঃ || ১, ১৬১. ৩৪ ||
শেষশ্চাপূর্য জঠরং ঘোরমারভতে ততঃ |
বর্ধতে তদধো নাভেরাশু চৈতি জলাত্মতাম্ || ১, ১৬১. ৩৫ ||
উদ্রিক্তে দোষরূপে চ ব্যাপ্তে চ শ্বাসতৃট্ভ্রমৈঃ |
ছিদ্রোদরমিদং প্রাহুঃ পরিস্ত্রাবীতি চাপরে || ১, ১৬১. ৩৬ ||
প্রবৃত্তস্নেহপানাদেঃ সহসাপথ্যসেবিনঃ |
অত্যম্বুপানান্মন্দাগ্নেঃ ক্ষীণস্যাতিকৃশস্য চ || ১, ১৬১. ৩৭ ||
রুদ্ধঃ স্বমার্গাদনিলঃ কফশ্চ জলমূর্ছিতঃ |
বর্ধতে তু তদেবাম্বু তন্মাত্রাদ্বিন্দুরাশিতঃ || ১, ১৬১. ৩৮ ||
তৎকোপাদুদরং তৃষ্ণাগুদস্নুতিরুজান্বিতম্ |
কাশশ্বাসারুচিয়ুতং নানাবর্ণাশিরাততম্ || ১, ১৬১. ৩৯ ||
তোয়পূর্ণান্মৃদুস্পর্শাৎসদৃশক্ষোভবেপথু |
বকোদরং স্থিরংস্নিগ্ধং নাডীমাবৃত্য জায়তে || ১, ১৬১. ৪০ ||
উপেক্ষায়াঞ্চ সর্বেষাং স্বস্থানাং পরিচালিতাঃ |
পাকা দ্রবা দ্রবীকুর্যুঃ সন্ধিস্রোতোমুখান্যপি || ১, ১৬১. ৪১ ||
স্বেদে চৈব তু সংরুদ্ধে মূর্ছিতাশ্চান্তরস্থিতাঃ |
তদেবোদরমাপূর্য কুর্যাদুদরাময়ম্ || ১, ১৬১. ৪২ ||
গুরূদরং স্থিতং বৃত্তমাহতঞ্চ ন শব্দকৃৎ |
হীনবলং তথা ঘোরং নাড্যাং স্পৃষ্টঞ্চ সপতি || ১, ১৬১. ৪৩ ||
শিরান্তর্ধানমুদরে সর্বলক্ষণমুচ্যতে |
বাতপিত্তকফপ্লীহসন্নিপাতোদকোদরম্ || ১, ১৬১. ৪৪ ||
পক্ষাচ্চ জাতসলিলং বিষ্টম্ভোপদ্রবান্বিতম্ |
জন্মনৈবোদরং সর্বং প্রায়ঃ কৃচ্ছ্রতমং মতম্ || ১, ১৬১. ৪৫ ||

ইতি শ্রীগারুডে মহাপুরাণ্মে পূর্বখণ্ডে প্রথমাংশাখ্যে আচারকাণ্ডে
একষষ্ট্যধিকশততমোঽধ্যায়ঃ

শ্রীগরুডমহাপুরাণম্-১৬২
ধন্বন্তরিরুবাচ |
পাণ্ডুশোথনিদানঞ্চ শৃণু সুশ্রত বচ্মি তে |
পিত্তপ্রধানাঃ কুপিতা যথোক্তৈঃ কোপনৈর্মলাঃ || ১, ১৬২. ১ ||
নত্রানিলেন বলিনা ক্ষিপ্তাক্ষিপ্তং যদি স্থিতম্ |
ধমনীর্দশমীঃ প্রাপ্য ব্যাপ্নুবন্সকলাং তনুম্ || ১, ১৬২. ২ ||
ৎবগসৃক্ছ্লেষ্মমাংসানি প্রদূষ্যন্রসমাশ্রিতম্ |
ৎবঙ্মাংসয়োস্তু কুরুতে ৎবচি বর্ণান্পৃথগ্বিধান্ || ১, ১৬২. ৩ ||
স্বয়ং হরিদ্রা হারিদ্রং পাণ্ডুৎবং তেষু চাধিকম্ |
যাতোঽযং প্রহতেদুগ্রঃ স রোগস্তেন গৌরবম্ || ১, ১৬২. ৪ ||
ধাতূনাং স্পর্শশৈথিল্যমামজশ্চ গুণক্ষয়ঃ |
ততোঽল্পরক্তমেদোঽস্থিনিঃ সারঃ স্যাচ্ছ্লথেন্দ্রিয়ঃ || ১, ১৬২. ৫ ||
শীর্যমাণৈরিবাঙ্গৈস্তু দ্রবতা হৃদয়েন চ |
শূলোক্ষিকূটবদনে স্তৈমিত্যং তত্র লালয়া || ১, ১৬২. ৬ ||
হীনতৃট্শিশিরদ্বেষী শীর্ণলোভো হতানলঃ |
মন্দশক্তির্জ্বরী শ্বাসী কর্ণশূলী তথা ভ্রমী || ১, ১৬২. ৭ ||
স পঞ্চধা পৃথগ্দোষৈঃ সমস্তৈর্মৃত্তিকাদনাৎ |
প্রাগ্রূপমস্য হৃদয়স্পন্দনং রূক্ষতা ৎবচি || ১, ১৬২. ৮ ||
অরুচিঃ পীতমূত্রৎবং স্বেদাভাবোঽল্পমৃত্রতা |
মেদঃ সমানিলাত্তত্র গাঢরুক্ক্লেদগাত্রতা || ১, ১৬২. ৯ ||
কৃষ্ণেক্ষণং কৃষ্ণশিরানখবিণ্মূত্রনেত্রতা |
শোথো নাসাস্যবৈরস্যং বিট্শোষঃ পার্শ্বমূর্ছনা || ১, ১৬২. ১০ ||
পিত্তে হরিতপিত্তাভঃ শিরাদিষু জ্বরস্তমঃ |
তৃট্শোষমূর্ছাদৌর্গন্ধ্যং শীতেচ্ছা কটুবক্রতা || ১, ১৬২. ১১ ||
বিড্ভেদশ্চাম্লকো দাহঃ কফাচ্চ হৃদয়ার্দ্রতা |
তন্দ্রা লবণবক্রৎবং রোমহর্ষঃ স্বরক্ষয়ঃ || ১, ১৬২. ১২ ||
কাশশ্ছর্দিশ্চ নিচয়ান্নষ্টলিঙ্গোঽতিদুঃসহঃ |
উৎকৃষ্টেনিলপিত্তাভ্যা কটুর্বা মধুরঃ কফঃ || ১, ১৬২. ১৩ ||
দূষয়িৎবা বসাদীংশ্চ রৌক্ষ্যাদ্রক্তবিমোক্ষণম্ |
স্রোতসাং সঙ্ক্ষয়ং কুর্যাদনুরুধ্য চ পূর্ববৎ || ১, ১৬২. ১৪ ||
পাণ্ডুরোগেক্ষয়েজাতে নাভিপাদাস্যমেহনম্ |
পুরীষং কৃমিবন্মুঞ্চেদ্ভিন্নং সাস্ত্রং কফান্বিতম্ || ১, ১৬২. ১৫ ||
যঃ পিত্তরোগী সেবেত পিত্তলং তস্য কামলম্ |
কোষ্ঠশা খোদ্গতং পিত্তং দগ্ধ্বাসৃঙ্মাংসমাহরেৎ || ১, ১৬২. ১৬ ||
হারিদ্রমূত্রনেত্রৎবং মুখং রক্তং শকৃত্তথা |
দাহী বিপাকতৃষ্ণাবান্ভেকাভো দুর্বলেন্দ্রিয়ঃ || ১, ১৬২. ১৭ ||
ভবেৎপিত্তানুগঃ শোথঃ পাণ্ডুরোগাবৃতস্য চ |
উপেক্ষয়া চ শোথাদ্যাঃ সকৃচ্ছ্রাঃ কুম্ভকামলাঃ || ১, ১৬২. ১৮ ||
হরিতশ্যামপিত্তৎবে পাণ্ডুরোগো যদা ভবেৎ |
বাতপিত্তে ভ্রমস্তৃষ্ণা স্ত্রীষু হর্ষো মৃদুজ্বরঃ || ১, ১৬২. ১৯ ||
তন্দ্রা বা চানলভ্রংশস্তং বদন্তি হলীমকম্ |
আলস্যঞ্চাতিভবতি তেষাং পূর্বমুপদ্রবঃ || ১, ১৬২. ২০ ||
শোথঃ প্রধানঃ কথিতঃ স এবাতো নিগদ্যতে |
পিত্তরক্তকফান্বায়ুর্দুষ্টো দুষ্টান্বহিঃ শিরাঃ || ১, ১৬২. ২১ ||
নীৎবা রুদ্ধগতিস্তৈর্হি কুর্যাত্ত্বঙ্মাংসসংশ্রয়ম্ |
উৎসেধং সংহতং শোথং তমাহুর্নিচয়াদতঃ || ১, ১৬২. ২২ ||
সর্বহেতুবিশষৈস্তু রূপভেদান্নবাত্মকম্ |
দোষৈঃ পৃথগ্বিধৈঃ সর্বৈরভিঘাতাদ্বিষাদপি || ১, ১৬২. ২৩ ||
তদেব নীয়মানন্তু সর্বাঙ্গে কামজম্ভবেৎ |
পৃথূন্নতাগ্রগ্রথিতৈর্বিশেষৈশ্চ ত্রিধা বিদুঃ || ১, ১৬২. ২৪ ||
সামান্যহেতুঃ শোথানাং দোষজাতো বিশেষতঃ |
ব্যাধিঃ কর্মোপবাসাদিক্ষীণস্য ভবতি দ্রুতম্ || ১, ১৬২. ২৫ ||
অতিমাত্রং যদাসেবেদ্গুরুমত্যন্তশীতলম্ |
লবণক্ষারতীক্ষ্ণাম্লশাকাম্বুস্বপ্নজাগরম্ || ১, ১৬২. ২৬ ||
রোধো বেগস্য বল্লূরমজীর্ণশ্রমমৈথুনম্ |
পচ্যতে মার্গগমনং যানেন ক্ষোভিণাপি বা || ১, ১৬২. ২৭ ||
শ্বাসকাসাতিসারার্শোজঠরপ্রদরজ্বরাঃ |
বিষ্টম্ভালস্যকচ্ছর্দিহিক্কাপাণ্ডুবিসর্পকম্ || ১, ১৬২. ২৮ ||
ঊর্ধ্বশোথমধো বস্তৌ মধ্যে কুর্বন্তি মধ্যগাঃ |
সর্বাঙ্গগঃ সর্বগতঃ প্রত্যপ্রত্যগেতি তদাশ্রয়ঃ || ১, ১৬২. ২৯ ||
তৎপূর্বরূপং ক্ষবথুঃ শিরায়ামঙ্গগৌরবম্ |
বাতাচ্ছোথশ্চলো রূক্ষঃ খররোমারুণোঽসিতঃ || ১, ১৬২. ৩০ ||
শঙ্খবস্ত্যন্ত্রশোফর্তিমেদোভেদাঃ প্রসুপ্তিতা |
বাতোত্তানঃ ক্লমঃ শীঘ্রমুন্নমেৎপীডিতাং তনুম্ || ১, ১৬২. ৩১ ||
সিগ্ধস্তু মর্দনৈঃ শাম্যেদ্রাত্রাবল্পো দিবা মহান্ |
ৎবক্সর্ষপবিলিপ্তে চ তস্মিংশ্চিমিচিমায়তে || ১, ১৬২. ৩২ ||
পীতরক্তাসিন্তাভাসঃ পিত্তজাতশ্চ শোষকৃৎ |
শীঘ্রং নাসৌ বা প্রশমেন্মধ্যে প্রাগ্দহতে তনুম্ || ১, ১৬২. ৩৩ ||
সতৃট্দাহজ্বরস্বেদো ভ্রমক্লোদমদভ্রমাঃ |
সাভিলাষী শকৃদ্ভেদো গন্ধঃ স্পর্শসহো মৃদুঃ || ১, ১৬২. ৩৪ ||
কণ্ডূমান্পাণ্ডুরোমা ৎবক্কঠিনঃ শীতলো গুরুঃ |
স্নিগ্ধঃশ্লক্ষ্ণঃ স্থিরঃ শূলো নিদ্রাচ্ছর্দ্যগ্নিমান্দ্যকৃৎ || ১, ১৬২. ৩৫ ||
আঘাতেন চ শস্ত্রাদিচ্ছেদভেদক্ষতাদিভিঃ |
হিমানিলৈর্দধ্যনিলৈর্ভল্লাতকপিকচ্ছজৈঃ || ১, ১৬২. ৩৬ ||
রসৈঃ শুষ্কৈশ্চ সংস্পর্শাচ্ছ্বয়থুঃ স্যাদ্বিসর্পবান্ |
ভৃশোষ্মা লোহিতাভাসঃ প্রায়শঃ পিত্তলক্ষণঃ || ১, ১৬২. ৩৭ ||
বিষজঃ সবিষপ্রাণিপরিসর্পণমূত্রণাৎ |
দংষ্ট্রাদন্তনখাঘাতাদবিষপ্রাণিনামপি || ১, ১৬২. ৩৮ ||
বিণ্মূত্রশুক্রোপহতমলবদ্বস্তুসংঙ্করাৎ |
বিষবৃক্ষানিলস্পর্শাদ্গরয়োগাবচূর্ণনাৎ || ১, ১৬২. ৩৯ ||
মৃদুশ্চলোঽবলম্বী চ শীঘ্রো দাহরুজাকরঃ |
নবোঽনুপদ্রবঃ শোথঃ সাধ্যোঽসাধ্যঃ পুরেরিতঃ || ১, ১৬২. ৪০ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
পাণ্ডুসোথনিদানং নাম দ্বিষষ্ট্যধিকশততমোঽধ্যায়ঃ

শ্রীগরুডমহাপুরাণম্-১৬৩
ধন্বন্তীররুবাচ |
বিসর্পাদিনিদানন্তে বক্ষ্যে সুশ্রুত তচ্ছৃণু |
স্যাদ্বিসর্পো বিঘাতাত্তু দোষৈর্দুষ্টৈশ্চ শোথবৎ || ১, ১৬৩. ১ ||
অধিষ্ঠানঞ্চ তং প্রাহুর্বাহ্যং তত্র ভয়াচ্ছ্রমাৎ |
যথাত্তরঞ্চ দুঃসাধ্যস্তত্র দোষো যথায়থম্ || ১, ১৬৩. ২ ||
প্রকোপনৈঃ প্রকুপিতা বিশেষেণ বিদাহিভিঃ |
দেহে শীঘ্রং বিশন্তীহ তেঽন্তরে হি স্থিতা বহিঃ || ১, ১৬৩. ৩ ||
তৃষ্ণাভিয়োগাদ্বেগানাং বিষমাচ্চ প্রবর্তনাৎ |
আশু চাগ্নিবলভ্রংশাদতো বাহ্যং বিসর্পয়েৎ || ১, ১৬৩. ৪ ||
তত্র বাতাৎস বীসর্পো বাতজ্বরসমব্যথঃ |
শোথস্ফুরণনিস্তোদভেদায়াসার্তিহর্ষবান্ || ১, ১৬৩. ৫ ||
পিত্তাদ্দ্রুতগতিঃ পিত্তজ্বরলিঙ্গোঽতিলোহিতঃ |
কফাৎকণ্ডূয়ুতঃ স্নিগ্ধঃ কফজ্বরসমানরুক্ || ১, ১৬৩. ৬ ||
সন্নিপাতসমুত্থাশ্চ সর্বলিঙ্গসমন্বিতাঃ |
স্বদোষলিঙ্গৈশ্চীয়ন্তে সর্বৈঃ স্ফোটৈরুপেক্ষিতাঃ |
তেঽপি স্বেদান্বিমুঞ্চতি বিভ্রতো ব্রণলক্ষণম্ || ১, ১৬৩. ৭ ||
বাতপিত্তাজ্জ্বরচ্ছর্দিমূর্ছাতীসারতৃড্ভ্রমৈঃ |
গন্থিভেদাগ্নিসদনতমকারোচকৈর্যুতঃ || ১, ১৬৩. ৮ ||
করোতি সর্বমঙ্গঞ্চ দীপ্তাঙ্গারাবকীর্ণবৎ |
যংযং দেশং বিসর্পশ্চ বিসর্পতি ভবেৎসসঃ || ১, ১৬৩. ৯ ||
শান্তাঙ্গারাসিতো নীলো রক্তো বাসু চ চীয়তে |
অগ্নিদগ্ধ ইব স্ফোটৈঃ শীঘ্রগৎবাদ্দ্রুতং স চ || ১, ১৬৩. ১০ ||
মর্মানুসারী বীসর্পঃ স্যাদ্বাতোঽতিবলস্ততঃ |
ব্যথতেঽঙ্গং হরেৎসঞ্জ্ঞাং নিদ্রাঞ্চ শ্বাসমীরয়েৎ || ১, ১৬৩. ১১ ||
হিক্কাঞ্চ স গতোঽবস্থামীদৃশীং লভতে নরঃ |
ক্বচিন্মর্মারতিগ্রস্তো ভূমিশয়্যাসনাদিষু || ১, ১৬৩. ১২ ||
চেষ্টমানস্ততঃ ক্লিষ্টো মনোদেহপ্রমোহবান্ |
দুষ্প্রবোধোঽশ্নুতে নিদ্রাং সোঽগ্নিবীসর্প উচ্যতে || ১, ১৬৩. ১৩ ||
কফেন রুদ্ধঃ পবনো ভিত্ত্বাতং বহুধা কফম্ |
রক্তং বা বৃদ্ধরক্তস্য ৎবক্ছিরাস্নায়ুমাংসগম্ || ১, ১৬৩. ১৪ ||
দূষয়িৎবা তু দীর্ঘানুবৃত্তস্থূলখরাত্মিকাম্ |
গ্রন্থীনাং কুরুতে মালাং সরক্তান্তীব্ররুগ্জ্বরাম্ || ১, ১৬৩. ১৫ ||
শ্বাসকাসাতিসারাস্যশোষহিক্কাবমিভ্রমৈঃ |
মোহবৈবর্ণ্যমূর্ছাঙ্গভঙ্গগ্নিসদনৈর্যুতাম্ |
ইত্যয়ং গ্রন্থিবীসর্পঃ কফমারুতকোপজঃ || ১, ১৬৩. ১৬ ||
কফপিত্তাজ্জ্বরঃ স্তম্ভো নিদ্রা তন্দ্রা শিরোরুজা |
অঙ্গাবসাদবিক্ষেম্পৌ প্রলাপারোচকভ্রমাঃ || ১, ১৬৩. ১৭ ||
মূর্ছাগ্নিহানির্ভেদোঽস্থ্নাং পিপাসেন্দ্রিয়গৌরবম্ |
আমোপবেশনং লেপঃ স্রোতসাং স চ সর্পতি || ১, ১৬৩. ১৮ ||
প্রায়েণামাশয়ং গৃহ্ণন্নেকদেশং ন চাতিরুক্ |
পীডকৈরবকীর্ণোঽতিপীতলোহিতপাণ্ডুরৈঃ || ১, ১৬৩. ১৯ ||
স্নিধ্নোঽসিতো মেচকাভো মলিনঃ শোথবান্গুরুঃ |
গম্ভীরপাকঃ প্রায়োষ্মস্পৃষ্টঃ ক্লিন্নোংঽবদীর্যতে || ১, ১৬৩. ২০ ||
পক্ববচ্ছীর্ণমাংসশ্চ স্পষ্টস্নায়ুশিরাগণঃ |
সর্বগো লক্ষণৈঃ সর্বেঃ সর্বগৎবক্সমর্পণঃ |
শবগন্ধী চ বীসর্পঃ কর্দমাখ্যমুশন্তি তম্ || ১, ১৬৩. ২১ ||
বাহ্যহেতোঃ ক্ষতাৎক্রুদ্ধ্বঃ সরক্তং পিত্তমীরয়ন্ |
বীসর্পং মারুতঃ কুর্যাৎকুলত্থসদৃশৈশ্চিতম্ || ১, ১৬৩. ২২ ||
স্ফোটৈঃ শোথজ্বররুজাদাহাঢ্যং শ্যাবশোণিতম্ |
পথগ্দোষৈস্ত্রয়ঃ সাধ্যা দ্বন্দ্বজাশ্চানুপদ্রবাঃ || ১, ১৬৩. ২৩ ||
অসাধ্যাঃ কৃতসর্বোত্থাঃ সর্বে চাক্রান্তমর্মণঃ |
শীর্ণস্নায়ুশিরামাংসাঃ ক্লিন্নাশ্চশবগন্ধয়ঃ || ১, ১৬৩. ২৪ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
বীসর্পনিদানং নাম ত্রিপষ্ট্যধিকশততমোঽধ্যায়ঃ

শ্রীগরুডমহাপুরাণম্-১৬৪
ধন্বন্তরিরুবাচ |
মিথ্যাহারবিহারেণ বিশেষেণ বিরোধিনা |
সাধুনিন্দাবধাদ্যুদ্ধহরণাদ্যৈশ্চ সেবিতৈঃ || ১, ১৬৪. ১ ||
পাপ্মভিঃ কর্মভিঃ সদ্যঃ প্রাক্তনৈঃ প্রেরিতামলাঃ |
শিরাঃ প্রপদ্য তৈর্যুক্তাস্ত্বগ্বসারক্তমামিষম্ || ১, ১৬৪. ২ ||
দূষয়ন্তি চ সংশোষ্য নিশ্চরন্তস্ততো বহিঃ |
ৎবচঃ কুর্বান্তি বৈবর্ণ্যং শিষ্টাঃ কুষ্ঠমুশন্তিতম্ || ১, ১৬৪. ৩ ||
কালেনোপেক্ষিতং যৎস্যাৎসর্বং কোষ্ঠানি তদ্বপুঃ |
প্রপদ্য ধাতূন্বাহ্যান্তঃ সর্বান্সঙ্ক্লেদ্য চাবহেৎ || ১, ১৬৪. ৪ ||
সস্বেদক্লেদসঙ্কোচান্কৃমীন্সূক্ষ্মাংশ্চদারুণান্ |
লোমৎবক্স্নায়ুধমনীরাক্রামতি যথাক্রমম্ || ১, ১৬৪. ৫ ||
ভস্মাচ্ছাদিতবৎকুর্যাদ্বাহ্যং কুষ্ঠমুদাহৃতম্ |
কুষ্ঠানি সপ্তধা দোষৈঃ পৃথগ্দ্বন্দ্বৈঃ সমাগতৈঃ || ১, ১৬৪. ৬ ||
সর্বেষ্বপি ত্রিদোষেষু ব্যপদেশোঽধিকস্ততঃ |
বাতেন কুষ্ঠং কাপালং পিত্তেনৌদুম্বরং কফাৎ || ১, ১৬৪. ৭ ||
মণ্ডলাখ্যং বিচর্চো চ ঋষ্যাখ্যং বাতপিত্তজম্ |
চর্মৈককুষ্ঠং কিটিমং সিধ্মালসবিপাদিকাঃ || ১, ১৬৪. ৮ ||
বাতশ্লেষ্মোদ্ভবাঃ শ্লেষ্মপিত্তাদ্দদ্রূশতারুষী |
পুণ্ডরীকং সবিস্ফোটং পামা চর্মদলং তথা || ১, ১৬৪. ৯ ||
সর্বেভ্যঃ কাকণং পূর্বত্রিকং দদ্রু সকাকণম্ |
পুণ্ডরীকর্যজিহ্বে চ মহাকুষ্ঠানি সপ্ত তু || ১, ১৬৪. ১০ ||
অতিশ্লক্ষ্ণখরস্পর্শস্বেদাস্বেদবিবর্ণতাঃ |
দাহঃ কণ্ডূস্ত্বচি স্বাপস্তোদঃ কোচোন্নতিস্তমঃ || ১, ১৬৪. ১১ ||
ব্রণানামধিকং শূলং শীঘ্রোৎপত্তিশ্চিরস্থিতিঃ |
রূঢানামপি রূক্ষৎবং নিমিত্তেঽল্পেঽতিকোপনম্ || ১, ১৬৪. ১২ ||
রোমহর্ষোঽসৃজঃ কার্ষ্ণ্যং কুষ্ঠলক্ষণমগ্রজম্ |
কৃষ্ণারুণকপালাভং যদ্রূক্ষং পরুষং তনু || ১, ১৬৪. ১৩ ||
বিস্তৃতাকৃতিপর্যস্তন্দূষিতৈর্লোমভিশ্চিতম্ |
কাপালং তোদবহুলং তৎকুষ্ঠং বিষমং স্মৃতম্ || ১, ১৬৪. ১৪ ||
উদুম্বরফলাভাসং কুষ্ঠমৌদুম্বরং বদেৎ |
বর্তুলং বহুলকেত্যুক্তং দাহরুজাধিকম্ || ১, ১৬৪. ১৫ ||
অসঞ্চ্ছন্নমদরণং কৃমিবৎস্যাদুদুম্বরম্ |
স্থিরং সত্যানং গুরু স্নিগ্ধং শ্বেতরক্তং মলান্বিতম্ || ১, ১৬৪. ১৬ ||
অন্যোন্যসক্তপুচ্ছূনবহুকণ্ডূস্নুতিকৃমি |
শ্লক্ষ্ণপীতাভাসংযুক্তং মণ্ডলং পরিকীর্তিতম্ || ১, ১৬৪. ১৭ ||
সকণ্ডূপিটিকা শ্যাবা সক্লেদা চ বিচর্চিকা |
পরুষন্তত্ররক্তান্তমন্তঃ শ্যামং সমুন্নতম্ || ১, ১৬৪. ১৮ ||
ঋষ্যজিহ্বাকৃতিপ্রোক্তং ঋষ্যজিহ্বং বহুক্রিমি |
হস্তিচর্মখরস্পর্শং চর্মাখ্যং কুষ্ঠমুচ্যতে || ১, ১৬৪. ১৯ ||
অস্বেদঞ্চমৎস্যশল্কসন্নিভং কিটিমং পুনঃ |
রূক্ষাগ্নিবর্ণং দুঃস্পর্শং কণ্ডূমৎপরুষাসিতম্ || ১, ১৬৪. ২০ ||
অন্তা রূক্ষং বহিঃ স্নিগ্ধমন্তর্ঘৃষ্টং রজঃ কিরেৎ |
শ্লক্ষ্ণস্পর্শং তনু স্নিগ্ধং স্বচ্ছমস্বেদপুষ্পবৎ || ১, ১৬৪. ২১ ||
প্রায়েণ চোর্ধ্বকার্শ্যঞ্চ কুণ্ডৈঃ কণ্ডূপরৈশ্চিতম্ |
রক্তৈরলংশুকা পাণিপাদে কুর্যাদ্বিপাদিকা || ১, ১৬৪. ২২ ||
তীব্রার্তিং গাঢকণ্ডূঞ্চ সরাগপিডিকাচিতম্ |
দীর্ঘপ্রতানদূর্বাবদতসীকুসুমচ্ছবি || ১, ১৬৪. ২৩ ||
উচ্ছূনমণ্ডলো দদ্রুঃ কণ্ডূমানিতি কথ্যতে |
স্থূলমূলং সদাহার্তি রক্তস্ত্রাবং বহুব্রণম্ || ১, ১৬৪. ২৪ ||
সাদহকক্লেদরুজং প্রায়শঃ সর্বজন্ম চ |
রক্তাক্তমণ্ডলং পাণ্ডু কণ্ডূদাহরুজান্বিতম্ || ১, ১৬৪. ২৫ ||
সোৎসেধমাচিতং রক্তৈঃ কঞ্জপর্ণমিবাম্বুভিঃ |
পুণ্ডরীকং ভবেত্তদ্ধি চিতং স্ফোটৈঃ সিতারুণৈঃ || ১, ১৬৪. ২৬ ||
বিস্ফোটপিটিকা পামা কণ্ডূক্লেদরুজান্বিতাঃ |
সূক্ষ্মা শ্যামারুণা রূক্ষা প্রায়ঃ স্ফিক্পাণিকূর্পরে || ১, ১৬৪. ২৭ ||
সস্ফোটসংস্পর্শসহং কণ্ডূরক্তাতিদাহবৎ |
রক্তদলং চর্মদলং কাকণং তীব্রদাহরুক্ || ১, ১৬৪. ২৮ ||
পূর্বরক্তঞ্চ কৃষ্ণঞ্চ কাকণং ত্রিফলোপমম্ |
কৃষ্ণলিঙ্গৈর্যুতৈঃ সর্বৈঃ স্বস্বকারণতো ভবেৎ || ১, ১৬৪. ২৯ ||
দোষভেদায় বিহিতৈরাদিশেল্লিঙ্গকর্মভিঃ |
কুষ্ঠস্বদোষানুগতং সর্বদোষগতং ত্যজেৎ || ১, ১৬৪. ৩০ ||
কুষ্ঠোক্তং যচ্চ যচ্চাস্থিমজ্জাশুক্রসমাশ্রয়ম্ |
কৃচ্ছ্রং মেদোমতঞ্চৈব যাপ্যং স্নাপ্বাস্থিমাংসগম্ || ১, ১৬৪. ৩১ ||
অকৃচ্ছ্রং কফবাতোত্থং ৎবগ্গতং ৎবমলঞ্চ যৎ |
তত্র ৎবচি স্থিতে কষ্ঠে কায়ে বৈবর্ণ্যরূক্ষাতা || ১, ১৬৪. ৩২ ||
স্বেদতাপশ্বয়থবঃ শোণিতে পিশিতে পুনঃ |
পাণিপাদাশ্রিতাঃ স্ফোটাঃ ক্লেশাৎসন্ধিষু চাধিকম্ || ১, ১৬৪. ৩৩ ||
দোষস্যাভীক্ষ্ণয়োগেন দলনং স্যাচ্চ মেদসি |
নাতিসঞ্জ্ঞাস্তি মজ্জাস্থিনেত্রবেগস্বরক্ষ্যঃ || ১, ১৬৪. ৩৪ ||
ক্ষতে চ ক্রিমিভিঃ শুক্রে স্বদারাপত্যবাধনম্ |
যথাপূর্বাণি সর্বাণি স্বলিঙ্গানি মৃগাদিষু || ১, ১৬৪. ৩৫ ||
কষ্ঠৈকসম্ভবং শ্বিত্রং কিলাসং দারুণং ভবেৎ |
নির্দিষ্টমপরিস্ত্রাবি ত্রিধাতূদ্ভবসংশ্রয়ম্ || ১, ১৬৪. ৩৬ ||
বাতাদ্রূক্ষারুণং পিত্তাত্তাম্রং কমলপত্রবৎ |
সদাহং রোমবিধ্বংসি কফাচ্ছ্বেতং ঘন গুরু || ১, ১৬৪. ৩৭ ||
সকণ্ডূরং ক্রমাদ্রক্তমাংসমেদঃ সু চাদিশেৎ |
বর্ণেনৈবেদৃগুভয়ং কৃচ্ছ্রং তচ্চোত্তরোত্তরম্ || ১, ১৬৪. ৩৮ ||
অশুক্লরোমবহুলমসংশ্লিষ্টং মিথো নবম্ |
অনগ্নিদগ্ধজং সাধ্যং শ্বিত্রং বর্জ্যমতোঽন্যথা || ১, ১৬৪. ৩৯ ||
গুহ্যপাণিতলৌষ্ঠেষু জাতমপ্যচিরন্তরম্ |
বর্জনীয়ং বিশেষেণ কিলাসং সিদ্ধিমিচ্ছিতা || ১, ১৬৪. ৪০ ||
স্পর্শৈকাহারসঙ্গাদিসেবনাৎপ্রায়শো গদাঃ |
একশয়্যাসনাচ্চৈব বস্ত্রমাল্যানুলেপনাৎ || ১, ১৬৪. ৪১ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
কুষ্ঠরোগনিদান নাম চতুঃ ষষ্ট্যুত্তরশততমোঽধ্যায়ঃ

শ্রীগরুডমহাপুরাণম্-১৬৫
ধন্বন্তরিরুবাচ |
ক্রিময়শ্চ দ্বিধা প্রোক্তা বাহ্যভ্যন্তরভেদতঃ |
বহির্মলকফাসৃগ্বিট্জন্মভেদাচ্চতুর্বিধাঃ || ১, ১৬৫. ১ ||
নামতো বিংশতিবিধা বাহ্যাস্তত্র মলোদ্ভবাঃ |
তিলপ্রমাণসংস্থানবর্ণাঃ কেশাম্বরাশ্রয়াঃ || ১, ১৬৫. ২ ||
বহুপাদাশ্চ সূক্ষ্মাশ্চ যূকা লিক্ষাশ্চ নামতঃ |
দ্বিধা তে কোষ্ঠপিডিকাঃ কণ্ডূগণ্ডান্প্রকুর্বতে || ১, ১৬৫. ৩ ||
কুষ্ঠৈকহেতবোঽন্তর্জাঃ শ্লেষ্মজা বাহ্যসম্ভবাঃ |
মধুরান্নগুডক্ষীরদধিমৎস্যনবৌদনৈঃ || ১, ১৬৫. ৪ ||
কফাদামাশয়ে জাতা বৃদ্ধাঃ সর্পন্তি সর্বতঃ |
পৃথুব্রধ্ননিভাঃ কেচিৎকেচিদ্গণ্ডূপদোপমাঃ || ১, ১৬৫. ৫ ||
রূঢধান্যাঙ্কুরাকারাস্তনুদীর্ঘাস্তথাণবঃ |
শ্বেতাস্তাম্রাবভাসাশ্চ নামতঃ সপ্তধা তু তে || ১, ১৬৫. ৬ ||
অন্ত্রাদা উদরাবেষ্টা হৃদয়াদা মহাগুদাঃ |
চ্যুরবো দর্ভকুসুমাঃ সুগন্ধাস্তে চ কুর্বতে || ১, ১৬৫. ৭ ||
হৃল্লাসমাস্যশ্রবণমবিপাকমরোচকম্ |
মূর্ছাচ্ছর্দিজ্বরানাহকার্শ্যক্ষবথুপীনসান্ || ১, ১৬৫. ৮ ||
রক্তবাহিশিরাস্থানরক্তজা জন্তবোঽণবঃ |
অপাদা বৃত্ততাম্রাশ্চ সৌক্ষ্ম্যাৎকেচিদদর্শনাঃ || ১, ১৬৫. ৯ ||
কেশাদা রোমবিধ্বংসা রোমদ্বীপা উদুম্বরাঃ |
ষট্তে কুষ্ঠৈককর্মাণঃ সহসৌরসমাতরঃ || ১, ১৬৫. ১০ ||
পক্বাশয়ে পুরীষোত্থা জায়ন্তেঽথোবিসর্পিণঃ |
বৃদ্ধাস্তে স্যুর্ভবেয়ুশ্চ তে যদামাশয়োন্মুখাঃ || ১, ১৬৫. ১১ ||
তদাস্যোদ্গারনিঃ শ্বামবিড্গন্ধানুবিধায়িনঃ |
পৃথুবৃত্ততনুস্থূলাঃ শ্যাবপীতসিতাসিতাঃ || ১, ১৬৫. ১২ ||
তে পঞ্চনাম্না ক্রিময়ঃ ককেরুকমকেরুকাঃ |
সৌসুরাদাঃ সশূলাখ্যা লেলিহা জনয়ন্তি হি || ১, ১৬৫. ১৩ ||
বঙ্ভেদশূলবিষ্টম্ভকার্শ্যপারুষ্যপাণ্ডুতাঃ |
রোমহর্ষাগ্নিসদনং গুদকণ্ডূংর্বিমার্গগাঃ || ১, ১৬৫. ১৪ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
ক্রিমিনিদানং নাম পঞ্চষষ্ঠ্যধিকশততমোঽধ্যায়ঃ

শ্রীগরুডমহাপুরাণম্-১৬৬
ধন্বন্তরিরুবাচ |
বাতব্যাধিনিদানং তে বক্ষ্যে সুশ্রুত তচ্ছৃণু |
সর্বথানর্থকথনে বিঘ্ন এব চ কারণম্ || ১, ১৬৬. ১ ||
অদৃষ্টদুষ্টপবনশরীরমবিশেষতঃ |
স বিশ্বকর্মা বিশ্বাত্মা বিশ্বরূপঃ প্রজাপতিঃ || ১, ১৬৬. ২ ||
স্রষ্টা ধাতা বিভুর্বিষ্ণুঃ সংহর্তা মৃত্যুরন্তকঃ |
তদ্বদুক্তং চ যত্নেন যতিতব্যমতঃ সদা || ১, ১৬৬. ৩ ||
তস্যোক্তে দোষবিজ্ঞানে কর্ম প্রাকৃতবৈকৃতম্ |
সমাসব্যাসতো দোষভেদানামবধার্য চ || ১, ১৬৬. ৪ ||
প্রত্যেকং পঞ্চধা বীরো ব্যাপারশ্চেহ বৈকৃতঃ |
তস্যোচ্যতে বিভাগেন সনিদানং সলক্ষণম্ || ১, ১৬৬. ৫ ||
ধাতুক্ষয়করৈর্বায়ুঃ ক্রুদ্ধো নাতিনিষেব্যতে |
চতুঃ স্নোতোঽবকাশেষু ভূয়স্তান্যেব পূরয়েৎ || ১, ১৬৬. ৬ ||
তেভ্যস্তু দোষপূর্ণেভ্যঃ প্রচ্ছাদ্য বিবরং ততঃ |
তব বায়ুঃ সকৃৎক্রুদ্ধঃ শূলানাহান্ত্রকূজনম্ || ১, ১৬৬. ৭ ||
মলরোধং স্বরভ্রংশং দৃষ্টিপৃষ্ঠকটিগ্রহম্ |
করোত্যেব পুনঃ কায়ে কৃচ্ছ্রানন্যানুপদ্রবান্ || ১, ১৬৬. ৮ ||
আমাশয়োত্থবমথুশ্বাসকাসবিষূচিকাঃ |
কণ্ডূপরোধঘর্মাদিব্যাধীনূর্ধ্বঞ্চ নাভিতঃ || ১, ১৬৬. ৯ ||
শ্রোত্রাদীন্দ্রিয়বাধাং চ ৎবচি স্ফোটনরূক্ষতাম্ |
চক্রেতীব্ররুজাশ্বাসগরাময়বিবর্ণতাঃ || ১, ১৬৬. ১০ ||
অন্ত্রস্যান্তঞ্চ বিষ্টম্ভমরুচিং কৃশতাং ভ্রমম্ |
মাংসমেদোগতগ্রন্থিং চর্মাদাবুপকর্কশম্ || ১, ১৬৬. ১১ ||
গুর্বঙ্গন্তুদ্যতেঽত্যর্থং দণ্ডমুষ্টিহতং যথা |
অস্থিস্থঃ সক্থিসন্ধ্যস্থিশূলং তীব্রঞ্চ লক্ষয়েৎ || ১, ১৬৬. ১২ ||
মজ্জস্থোঽস্থিষু চাস্থৈর্যমস্বপ্নং যত্তদা রুজাম্ |
শুক্রস্য শীঘ্রমুৎসঙ্গসর্গান্বিকৃতিমেব বা || ১, ১৬৬. ১৩ ||
তত্তদ্গর্ভস্থশুক্রস্থঃ শিরস্যাধ্মানরিক্তাতা |
তত্র স্থানস্থিতঃ কুর্যাৎক্রুদ্ধঃ শ্বয়থুকৃচ্ছ্রতাম্ || ১, ১৬৬. ১৪ ||
জলপূর্ণদৃতিস্পর্শং শোষং সন্ধিগতোঽনিলঃ |
সর্বাঙ্গসংশ্রয়স্তোদভেদস্ফুরণভঞ্জনম্ || ১, ১৬৬. ১৫ ||
স্তম্ভনাক্ষেপণং স্বপ্নঃ সন্ধিভঞ্জনকম্পনম্ |
যদা তু ধমনীঃ সর্বাঃ ক্রুদ্ধোঽভ্যেতি মুহুর্মুহুঃ |
তদাঙ্গমাক্ষিপত্যেষ ব্যাধিরাক্ষেপণঃ স্মৃতঃ || ১, ১৬৬. ১৬ ||
অধঃ প্রতিহতো বায়ুর্ব্রজেদূর্ধ্বং যদা পুনঃ |
তদাবষ্টভ্য হৃদয়ং শিরঃ শঙ্খৌ চ পীডয়েৎ || ১, ১৬৬. ১৭ ||
সক্ষিপেৎপরিতো গাত্রং হনুং বা চাস্য নাময়ৎ |
কৃচ্ছ্রাদুচ্ছ্বসিতং চাপি নিমীলন্নয়নদ্বয়ম্ || ১, ১৬৬. ১৮ ||
কপোত ইব কূজেচ্চ নিঃ সঙ্গঃ সোপতন্ত্রকঃ |
স এব বামনাসায়াং যুক্তস্তু মরুতা হৃদি || ১, ১৬৬. ১৯ ||
প্রাপ্নোতি চ মুহুঃ স্বাস্থ্যং মুহুরস্বাস্থ্যবান্ভবেৎ |
অভিঘাতসমুত্থশ্চ দুশ্চিকিৎস্যতমো মতঃ || ১, ১৬৬. ২০ ||
স্বেদস্তম্ভং তদা তস্য বায়ুশ্ছিন্নতনুর্যদা |
ব্যাপ্নোতি সকলং দেহং যত্র চায়াম্যতে পুনঃ || ১, ১৬৬. ২১ ||
অন্তর্ধান্তুগতশ্চৈব বেগস্তম্ভং চ নেত্রয়োঃ |
করোতি জৃম্ভাং সদনং দশনানাং হতোদ্যমম্ || ১, ১৬৬. ২২ ||
পার্শ্বয়োর্বেদনাং বাহ্যাং হনুপৃষ্ঠসিরোগ্রহম্ |
দেহস্য বহিরায়ামং পৃষ্ঠতো হৃদয়ে শিরঃ || ১, ১৬৬. ২৩ ||
উরশ্চোৎক্ষিপ্যতে তত্র স্কন্ধো বা নাম্যতে তদা |
দন্তেষ্বাস্যে চ বৈবর্ণ্যং হ্যস্বেদস্তত্র গাত্রতঃ || ১, ১৬৬. ২৪ ||
বাহ্যায়ামং হনুস্তম্ভং ব্রবতে বাতরোগিণম্ |
বিণ্মূত্রমসৃজং প্রাপ্য সসমীরসমীরণাঃ? || ১, ১৬৬. ২৫ ||
আয়চ্ছন্তি তনোর্দেষাঃ সর্বমাপাদমস্তকম্ |
তিষ্ঠতঃ পাণ্ডুমাত্রস্য ব্রণায়ামঃ সুবর্ধিতঃ || ১, ১৬৬. ২৬ ||
গাত্রবেগে ভবেৎস্বাস্থ্যং সর্বেষ্বাক্ষেপণেন তৎ |
জিহ্বাবিলেখনাদুষ্ণভক্ষণাদতিমানতঃ || ১, ১৬৬. ২৭ ||
কুপিতো হনুমূলস্থঃ স্তম্ভয়িৎবানিলো হনুম্ |
করোতি বিবৃতাস্যৎবমথবা সংবৃতাস্যতাম্ || ১, ১৬৬. ২৮ ||
হনস্তম্ভঃ স তেন স্যাৎকৃচ্ছ্রাচ্চর্বণভাষণম্ |
বাগ্বাদিনী শিরাস্তম্ভো জিহ্বাং স্তম্ভয়তেঽনিলঃ || ১, ১৬৬. ২৯ ||
জিহ্বাস্তম্ভঃ স তেনান্নপানবাক্যেষ্বনীশতা |
শিরসা ভারহরণাদতিহাস্যপ্রভাষণাৎ || ১, ১৬৬. ৩০ ||
বিষমাদুপধানাচ্চ কঠিনানাং চ চর্বণাৎ |
বায়ুর্বিবর্ধতে তৈশ্চ বাতূলৈরূর্ধ্বমাস্থিতঃ || ১, ১৬৬. ৩১ ||
বক্রীকরোতি বক্ত্রং চ হ্যুচ্চৈর্হসিতমীক্ষিতম্ |
ততোঽস্য কুরুতে মৃদ্বীং বাক্ষক্তিং স্তব্ধনেত্রতাম্ || ১, ১৬৬. ৩২ ||
দন্তচালং স্বরভ্রংশঃ শ্রুতিহানীক্ষিতগ্রহৌ |
গন্ধাজ্ঞানং স্মৃতিধ্বংসস্ত্রাসঃ শ্বাসশ্চ জায়তে || ১, ১৬৬. ৩৩ ||
নিষ্ঠীবঃ পার্শ্বতোদশ্চ হ্যেকস্যাক্ষ্ণো নিমীলনম্ |
জত্রোরূর্ধ্বং রুজস্তীব্রাঃ শরীরার্ধধরোঽপি বা || ১, ১৬৬. ৩৪ ||
তমাহুরর্দিতং কেচিদেকাঙ্গমথ চাপরে |
রক্তমাশ্রিত্য চ শিরাঃ কুর্যান্মূর্ধধরাঃ শিরাঃ? || ১, ১৬৬. ৩৫ ||
রূক্ষঃ সবেদনঃ কৃষ্ণঃ সোঽসাধ্যঃ স্যাচ্ছিরোগ্রহঃ |
তনুং গৃহীৎবা বায়ুশ্চ স্নায়ুস্তথৈব চ || ১, ১৬৬. ৩৬ ||
পক্ষমন্যতরং হন্তি পক্ষাঘাতঃ স উচ্যতে |
কৃৎস্নস্য কায়স্যার্ধং স্যাদকর্মণ্যমচেতনম্ || ১, ১৬৬. ৩৭ ||
একাঙ্গরোগতাং কেচিদন্যে কক্ষরুজাং বিদুঃ |
সর্বাঙ্গরোধঃ স্তম্ভশ্চ সর্বকায়াশ্রিতেঽনিলে || ১, ১৬৬. ৩৮ ||
শুদ্ধবাতকৃতঃ পক্ষঃ কৃচ্ছ্রসাধ্যতমো মতঃ |
কৃচ্ছ্রশ্চান্যেন সংসৃষ্টো বিবৃদ্ধঃ ক্ষয়হেতুকঃ || ১, ১৬৬. ৩৯ ||
আমবদ্ধায়নঃ কুর্যাৎসংস্তভ্যাঙ্গং কফান্বিতঃ |
অসাধ্য এব সর্বো হি ভবেদ্দণ্ডাপতানকঃ || ১, ১৬৬. ৪০ ||
অংসমূলোত্থিতো বায়ুঃ শিরাঃ সঙ্কুচ্য তত্রগঃ |
বহিঃ প্রস্যন্দিতহরং জনয়ত্যেব বাহুকম্ || ১, ১৬৬. ৪১ ||
তলং প্রত্যঙ্গুলীনাং যঃ কণ্ডরা বাহুপৃষ্ঠতঃ |
বাহ্বোঃ কর্মক্ষয়করী বিপূচী বেতি সোচ্যতে || ১, ১৬৬. ৪২ ||
বায়ুঃ কট্যাশ্রিতঃ সক্থ্নঃ কণ্ডরামাক্ষৈপেদ্যদা |
তদা খঞ্জো ভবেজ্জন্তুঃ পঙ্গুঃ সক্থ্নোর্দ্বয়োর্বধাৎ || ১, ১৬৬. ৪৩ ||
কম্পতে গমনারম্ভে খঞ্জন্নিব চ গচ্ছতি |
কলায়খঞ্জং তং বিদ্যান্মুক্তসন্ধিপ্রবন্ধনম্ || ১, ১৬৬. ৪৪ ||
শীতোষ্ণদ্রবসংসুষ্কগুরুস্নিগ্ধৈশ্চ সেবিতৈঃ |
জীর্ণাজীর্ণে তথায়াসক্ষোভস্নিগ্ধপ্রজাগরৈঃ || ১, ১৬৬. ৪৫ ||
শ্লেষ্মভেদঃ সময়ে পরমত্যর্থসঞ্চিতম্ |
অভিভূয়েতরং দোষং শরীরং প্রতিপদ্যতে || ১, ১৬৬. ৪৬ ||
সক্থ্যস্থীনি প্রপূর্যান্তঃ শ্লেষ্মণা স্তম্ভিতেন তৎ |
তদাস্থি স্নাতি তেনোরোস্তথা শীতানিলেন তু || ১, ১৬৬. ৪৭ ||
শ্যামাঙ্গমঙ্গস্তৈমিত্যতন্দ্রামূর্ছারুচিজ্বরৈঃ |
তমূরুস্তম্ভমিত্যাহ বাহ্যবাতমথাপরে || ১, ১৬৬. ৪৮ ||
বাতশোণিতসংশোথো জানুমধ্যে মহারুজঃ |
জ্ঞেয়ঃ ক্রোষ্টুকশীর্ষস্তু স্থূলক্রোষ্টুকশীর্ষবৎ || ১, ১৬৬. ৪৯ ||
রুক্পাদবিষমন্যস্তে শ্রমাদ্বা জায়তে যদা |
বাতেন গুল্ফমাক্ষিত্য তমাহুর্বাতকণ্টকম্ || ১, ১৬৬. ৫০ ||
পার্ষ্ণিপ্রত্যঙ্গুলীনাভৌ কণ্ঠে বা মারুতার্দিতে |
সতিক্ষেপং নিগৃহ্ণাতি গৃধ্রসীং তাং প্রচক্ষতে || ১, ১৬৬. ৫১ ||
হৃষ্যেতে চরণৌ যস্য ভবেতাং চাপি সুপ্তকৌ |
পাদহর্ষঃ স বিজ্ঞেয়ঃ কফমারুতকোপজঃ || ১, ১৬৬. ৫২ ||
পাদয়োঃ কুরুতে দাহং পিত্তাসৃক্সহিতোঽনিলঃ |
বিশেষতশ্চঙ্ক্রমতঃ পাদদাহং তমাদিশেৎ || ১, ১৬৬. ৫৩ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
বাতব্যাধিনিদানং নাম ষটূষষ্ট্যধিকশততমোঽধ্যায়ঃ

শ্রীগরুডমহাপুরাণম্-১৬৭
ধন্বন্তরীরুবাচ |
বাতরক্তনিদানং তে বক্ষ্যে সুশ্রুত তচ্ছৃণু |
বিরুদ্ধাধ্যশনক্রোধদিবাস্বপ্নপ্রজাগরৈঃ || ১, ১৬৭. ১ ||
প্রায়শঃ সুকুমারাণাং মিথ্যাহারবিহারিণাম্ |
স্থূলানাং সুখিনাং চাপি কুপ্যতে বাতশোণিতম্ || ১, ১৬৭. ২ ||
অগ্নিঘাতাদশুদ্ধেশ্চ নৃণামসৃজি দূষিতে |
বাতলৈঃ শীতলৈর্বায়ুর্বৃদ্ধঃ ক্রুদ্ধো বিমার্গগঃ || ১, ১৬৭. ৩ ||
তাদৃশৈবাসৃজা রুদ্ধঃ প্রাক্তদৈব প্রদূষয়েৎ |
তথা বাতো গুদে পীডাং বলাসং বাতশোণিতম্ || ১, ১৬৭. ৪ ||
সংস্তভ্য জনয়েৎপূর্বং পশ্চাৎসর্বত্র ধাবতি |
বিশেষাদ্বমনাদ্যৈশ্চ প্রলম্বস্তস্য লক্ষণম্ || ১, ১৬৭. ৫ ||
ভবিষ্যতঃ কুষ্ঠসমং তথা সাম্বুদসঞ্জ্ঞকম্ |
জানুজঙ্ঘোরুকট্যংসহস্তপাদাঙ্গসন্ধিষু || ১, ১৬৭. ৬ ||
কণ্ডূস্ফুরণনিস্তোদভেদগৌরবসুপ্ততাঃ |
ভূৎবা ভূৎবা প্রশাম্যন্তি মুহুরাবির্ভবন্তি চ || ১, ১৬৭. ৭ ||
পাদয়োর্মূলমাস্থায় কদাচিদ্ধস্তয়োরপি |
আখোরিব বিলং ক্রুদ্ধঃ কৃৎস্নং দেহং বিধাবতি || ১, ১৬৭. ৮ ||
ৎবঙ্মাংসাশ্রয়মত্তানং তৎপূর্বং জায়তে ততঃ |
কালান্তরেণ গম্ভীরং সর্বধাতূনভিদ্রবেৎ || ১, ১৬৭. ৯ ||
কট্যাদিসংযতস্থানে ৎবক্তাম্রশ্যাবলোহিতাঃ |
শ্বয়থুর্গ্রথিতঃ পাকঃ স বায়ুশ্চাস্থিমজ্জসু || ১, ১৬৭. ১০ ||
ছিন্দন্নিব চরত্যন্তশ্চকীকুর্বংশ্চ বেগবান্ |
করোতি খঞ্জং পঙ্গুং বা শরীরং সর্বতশ্চরন্ || ১, ১৬৭. ১১ ||
বাতাধিকেঽধিকং তত্র শূলস্ফুরণভঞ্জনম্ |
শোথস্য রৌক্ষ্যং কৃষ্ণৎবং শ্যাবতাবৃদ্ধিহানয়ঃ || ১, ১৬৭. ১২ ||
ধমন্যঙ্গুলিসন্ধীনাং সঙ্কোচোঙ্গগ্রহো তিরুক্ |
শীতদ্বেষানুপশয়ৌ স্তম্ভবেপথুসুপ্তয়ঃ || ১, ১৬৭. ১৩ ||
রক্তে শোথোঽতিরুক্তোদস্তাম্রাশ্চিমিচিমায়তে |
স্নিগ্ধরূক্ষৈঃ সমং নৈতি কণ্ডুক্লেদসমন্বিতঃ || ১, ১৬৭. ১৪ ||
পিত্তে বিদাহঃ সমোহঃ স্বাদো মূর্ছা মদস্তৃষা |
স্পর্শাসহৎবং রুগ্রাবঃ শোষঃ পাকো ভৃশোষ্মতা || ১, ১৬৭. ১৫ ||
কফে স্তৈমিত্যগুরুতা সুপ্তিস্নিগ্ধৎবশীততা |
কণ্ডূর্মন্দা চ রুগ্দ্বন্দ্বং সর্বলিঙ্গঞ্চ সঙ্করাৎ || ১, ১৬৭. ১৬ ||
একদোষঞ্চ সংসাধ্যং যাপ্যঞ্চৈব দ্বিদোষজম্ |
ত্রিদোষজন্ত্যজেদাশু রক্তপিত্তং সুদারুণম্ || ১, ১৬৭. ১৭ ||
রক্তমঙ্গে নিহন্ত্যাশু শাখাসন্ধিষু মারুতঃ |
নিবেশ্যান্যোন্যমাবার্য বেদনাভির্হরত্যসূন্ || ১, ১৬৭. ১৮ ||
বায়ৌ পঞ্চাত্মকে প্রাণে রৌক্ষ্যাচ্চাপল্যলঙ্ঘনৈঃ |
অত্যাহারাভিঘাতাচ্চ বেগোদীরণচারণৈঃ || ১, ১৬৭. ১৯ ||
কুপিতশ্চক্ষুরাদীনামুপঘাতং প্রকল্পয়েৎ |
পীনসো দাহতৃট্কাসশ্বাসাদিশ্চৈব জায়তে || ১, ১৬৭. ২০ ||
কণ্ঠরোধোমলভ্রংশচ্ছর্দ্যরোচকপীনসান্ |
কুর্যাচ্চ গলগণ্ডদীংস্তঞ্জত্রুমূর্ধ্বসংশ্রয়ঃ || ১, ১৬৭. ২১ ||
ব্যানোঽতিগমনস্নানক্রীডাবিষয়চোষ্টিতৈঃ |
বিরুদ্ধরূক্ষভীহর্ষবিষাদাদ্যৈশ্চ দূষিতঃ || ১, ১৬৭. ২২ ||
পুংস্ত্বোৎসাহবলভ্রংশশোকচিত্তপ্লবজ্বরান্ |
সর্বাকারাদিনিস্তোদরোমহর্ষং সুষুপ্ততাম্ || ১, ১৬৭. ২৩ ||
কুষ্ঠং বিসর্পমন্যচ্চ কুর্যাৎসর্বাঙ্গসাদনম্ |
সমানো বিষমাজীর্ণশীতসঙ্কীর্ণভোজনৈঃ || ১, ১৬৭. ২৪ ||
করোত্যকালশয়নজাগরাদ্যৈশ্চ দূষিতঃ |
শূলগুল্মগ্রহণ্যাদীন্যকৃৎকামাশ্রয়ান্গদান্ || ১, ১৬৭. ২৫ ||
অপানো রূক্ষগুর্বন্নবেগাঘাতাতিবাহনৈঃ |
যানপানসমুত্থানচঙ্ক্রমৈশ্চাতিসেবিতৈঃ || ১, ১৬৭. ২৬ ||
কুপিতঃ কুরুতে রোগান্কৃৎস্নান্পক্বাশয়াশ্রয়ান্ |
মূত্রসুক্রপ্রদোষার্শোগুদভ্রংশাদিকান্বহূন্ || ১, ১৬৭. ২৭ ||
সর্বাঙ্গমাততং সামং তন্দ্রাস্তৈমিত্যগৌরবৈঃ |
স্নিগ্ধৎবাদ্বোধ কালস্য শৈত্যশোথাগ্নিহানয়ঃ || ১, ১৬৭. ২৮ ||
কণ্ডূরূক্ষাতিনাশেন তদ্বিধোপশমেন চ |
মুক্তিং বিদ্যান্নিরামং তং তন্দ্রাদীনাং বিপর্যয়াৎ || ১, ১৬৭. ২৯ ||
বায়োরাবরণং বাতো বহুভেদং প্রচক্ষতে |
পিত্তলিঙ্গাবৃতে দাহস্তৃষ্ণা শূলং ভ্রমস্তমঃ || ১, ১৬৭. ৩০ ||
কটুকোষ্ণাম্ললবণৈর্বিদাহশীতকামতা |
শৈত্যগৌরবশূলাগ্নিকট্বাজ্যপয়সোঽধিকম্ || ১, ১৬৭. ৩১ ||
লঙ্ঘনায়াসরূক্ষোষ্ণকামতা চ কফাবৃতে |
কফাবৃতেঽঙ্গমর্দঃ স্যাদ্ধৃল্লাসো গুরুতারুচিঃ || ১, ১৬৭. ৩২ ||
রক্তবৃতে সদাহার্তিস্তবঙ্মাংসাশ্রয়জা ভৃশম্ |
ভবেৎসরাগঃ শ্বয়থুর্জায়ন্তে মণ্ডলানি চ || ১, ১৬৭. ৩৩ ||
শোথো মাংসেন কঠিনো হৃল্লাসপিটিকাস্তথা |
হর্ষঃ পিপীলিকানাং চ সঞ্চার ইব জায়তে |
চললগ্রনো মৃদুঃ শীতঃ শোথো গাত্রেষু রোচকঃ || ১, ১৬৭. ৩৪ ||
আঢ্যবাত ইব জ্ঞেয়ঃ স কৃচ্ছ্রো মেদসাবতঃ |
স্পর্শ আচ্ছাদিতেত্যুষ্ণশীতলশ্চ ৎবনাবৃতে |
মজ্জাবৃতে তু বিষমং জৃম্ভণং পরিবেষ্টনম্ || ১, ১৬৭. ৩৫ ||
শূলঞ্চ পড্যিমানশ্চ পাণিভ্যাং লভতে সুখম্ |
শুক্রাবৃতে তু শোথে বৈ চাতিবেগো ন বিদ্যতে || ১, ১৬৭. ৩৬ ||
ভুক্তে কুক্ষৌ রুজা জীর্ণে নিকৃত্তির্ভবতি ধ্রুবম্ |
মূত্রাপ্রবৃত্তিরাধ্মানং বস্তের্মূত্রাবৃতে ভবেৎ || ১, ১৬৭. ৩৭ ||
ছিদ্রাবৃতে বিবন্ধোঽথ স্বস্থানং পরিকৃন্ত তি |
পতত্যাশু জ্বরাক্রান্তো মূর্ছাং চ লভতে নরঃ || ১, ১৬৭. ৩৮ ||
সকৃৎপীডিতমন্যেন দুষ্টং শুক্রং চিরাৎসৃজেৎ |
সর্বধাৎবাবৃতে বায়ৌ শ্রোণিবঙ্ক্ষণপৃষ্ঠরুক্ || ১, ১৬৭. ৩৯ ||
বিলোমে মারুতে চৈব হৃদয়ং পরিপীড্যতে |
ভ্রমো মূর্ছা রুজা দাহঃ পিত্তেন প্রাণ আবৃতে || ১, ১৬৭. ৪০ ||
রুজা তন্দ্রা স্বরভ্রংশো দাহো ব্যানে তু সর্বশঃ |
ক্রমোং গচেষ্টাভঙ্গশ্চ সন্তাপঃ সহবেদনঃ || ১, ১৬৭. ৪১ ||
সমান ঊষ্মোপহতিঃ সস্বেদোপরতিঃ সুতৃট্ |
দাহশ্চ স্যাদপানে তু মলে হারিদ্রবর্ণতা || ১, ১৬৭. ৪২ ||
রজোবৃদ্ধিস্তাপনঞ্চ তথা চানাহমেহনম্ |
শ্লেষ্মণা প্রাবৃতে প্রাণে নাদঃ স্নোতোঽবরোধনম্ || ১, ১৬৭. ৪৩ ||
ষ্ঠীবনঞ্চৈব সস্বেদশ্বাসনিঃ শ্বাসসঙ্গ্রহঃ |
উদানে গুরুগাত্রৎবমরুচির্বাক্স্বরগ্রহঃ || ১, ১৬৭. ৪৪ ||
বলবর্ণপ্রণাশশ্চা পানে পর্বাস্থিসঙ্গ্রহঃ |
গুরুতাঙ্গেষু সর্বেষু স্থূলৎবঞ্চাগতং ভৃশম্ || ১, ১৬৭. ৪৫ ||
সমানেঽতিক্রিয়াজ্ঞৎবমস্বেদো মন্দবহ্নিতা |
অপানে সকলং মূত্রং শকৃতঃ স্যাৎপ্রবর্তনম্? || ১, ১৬৭. ৪৬ ||
ইতি দ্বাবিংশতিবিধং বাতরক্তাময়ং বিদুঃ |
প্রাণাদয়স্তথান্যোঽন্যং সমাক্রান্তা যথাক্রমম্ || ১, ১৬৭. ৪৭ ||
সর্বেঽপি বিংশতিবিধং বিদ্যাদাবরণঞ্চ যৎ |
হৃল্লাসোচ্ছ্বাসসংরোধঃ প্রতিশ্যায়ঃ শিরোগ্রহঃ || ১, ১৬৭. ৪৮ ||
হৃদ্রোগো মুখশোষশ্চ প্রাণেনাপান আবৃতে |
উদানেনাবৃতে প্রাণে ভবেদ্ধৈ বলসঙ্ক্ষয়ঃ || ১, ১৬৭. ৪৯ ||
বিচারণেন বিভজেৎসর্বমাবরণং ভিষক্ |
স্থানান্যপেক্ষ্য বাতানাং বৃর্ধিহানিং চ কর্মণাম্ || ১, ১৬৭. ৫০ ||
প্রাণাদীনাঞ্চ পঞ্চানাং পিত্তমাবরণং মিথঃ |
পিত্তাদীনামাবসতির্মিশ্রাণাং মিশ্রিতৈশ্চ তৈঃ || ১, ১৬৭. ৫১ ||
মিশ্রৈঃ পিত্তাদিভিস্তদ্বন্মিশ্রাণ্যপিৎবনেকধা |
তাংল্লক্ষয়েদবহিতো যথাস্বং লক্ষণোদয়াৎ || ১, ১৬৭. ৫২ ||
শনৈঃ শনৈশ্চোপশয়ান্দৃঢানপি মুহুর্মুহুঃ |
বিশেষাজ্জীবিতং প্রাণ উদানো বলমুচ্যতে |
স্যাত্তয়োঃ পীডনাদ্ধনিরায়ুষঞ্চ বলস্য চ || ১, ১৬৭. ৫৩ ||
আবৃতা বায়বোঽজ্ঞাতা জ্ঞাতা বা স্থানবিচ্যুতাঃ |
প্রয়ত্নেনাপি দুঃসাধ্যা ভবেয়ুর্বানুপদ্রবাঃ || ১, ১৬৭. ৫৪ ||
বিদ্রধিপ্লীহহৃদ্রোগগুল্মাগ্নিসদনাদয়ঃ |
ভবন্ত্যুপদ্রবাস্তেষামাবৃতানামুপেক্ষয়া || ১, ১৬৭. ৫৫ ||
নিদানং সুশ্রুত ! ময়া আত্রেয়োক্তং সমীরিতম্ |
সর্বরোগবিবেকায় নরাদ্যায়ুঃ প্রবৃদ্ধয়ে || ১, ১৬৭. ৫৬ ||
এবং বিজ্ঞায় রোগাদীংশ্চিকিৎসামথ বৈ চরেৎ |
ত্রিফলা সর্বরোগঘ্নী মধ্বাজ্যগুডসংযুতা || ১, ১৬৭. ৫৭ ||
সব্যোষা ত্রিফলা বাপি সর্বরোগপ্রমর্দিনী |
শতাবরীগুডূচ্যগ্নিবিডঙ্গেন যুতাথবা || ১, ১৬৭. ৫৮ ||
শতাবরী গুডূচ্যগ্নিঃ শুণ্ঠীমূষলিকা বলা |
পুনর্নবা চ বৃহতী নির্গুণ্ডী নিম্বপত্রকম্ || ১, ১৬৭. ৫৯ ||
ভৃঙ্গরাজশ্চামলকং বাসকস্তদ্রসেন বা |
ভাবিতা ত্রিফলা সপ্তবারমেখমথাপিবা || ১, ১৬৭. ৬০ ||
পূর্বোক্তশ্চ যথালাভয়ুক্তৈশ্চূর্ণঞ্চ মোদকঃ |
বটিকা ঘৃততৈলং বা কষায়ো শোষরোগনুৎ |
পলং পলার্ধকং বাপি কর্ষং কর্ষার্ধমেব বা || ১, ১৬৭. ৬১ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
বাতরক্তনি সপ্তষষ্ট্যাধিকশততমোধ্যায়ঃ

শ্রীগরুডমহাপুরাণম্-১৬৮
নিদানং সমাপ্তম্ |
ধন্বন্তরিরুবাচ |
সর্বরোগহরং সিদ্ধং যোগসারং বদাম্যহম্ |
শৃণু সুশ্রুতং সঙ্ক্ষেপাৎপ্রাণিনাং জীবহেতবে || ১, ১৬৮. ১ ||
কষায়কটুতিক্তাম্লরূক্ষাহারাদিভোজনাৎ |
চিন্তাব্যবয়ব্যায়ামভয়শোকপ্রজাগরাৎ || ১, ১৬৮. ২ ||
উচ্চৈর্ভাষাতিভারাচ্চ কর্ময়োগাতিকর্ষণাৎ |
বায়ুঃ কুপ্যতি পর্জন্যে জীর্ণান্নে দিনসঙ্ক্ষয়ে || ১, ১৬৮. ৩ ||
উষ্ণাম্ল লবণক্ষারকটুকাজীর্ণভোজনাৎ |
তীক্ষ্ণাতপাগ্নিসন্তাপমদ্যক্রোধনিষেবণাৎ || ১, ১৬৮. ৪ ||
বিদাহকালে ভুক্তস্য মধ্যাহ্নে জলদাত্যয়ে |
গ্রীষ্মকালের্ঽদ্ধরাত্রেঽপি পিত্তং কুপ্যতি দেহিনঃ || ১, ১৬৮. ৫ ||
স্বাদ্বম্ললবণস্নিগ্ধগুরুশীতাতিভোজনাৎ |
নবান্নপিচ্ছিলানূপমাংসাদেঃ সেবনাদপি || ১, ১৬৮. ৬ ||
অব্যায়াম দিবাস্বপ্নশয়্যাসনসুখাদিভিঃ |
কফপ্রদোষো ভুক্তে চ বসন্তে চ প্রকুপ্যতি || ১, ১৬৮. ৭ ||
দেহপারুষ্যসঙ্কোচতোদবিষ্টম্ভকাদয়ঃ |
তথা চ সুপ্তা রোমহর্ষস্তম্ভনশোষণম্ || ১, ১৬৮. ৮ ||
শ্যামৎবমঙ্গবিশ্লেষবলমায়াসবর্ধনম্ |
বায়োর্লিঙ্গানি তৈর্যুক্তং রোগং বাতাত্মকং বদেৎ || ১, ১৬৮. ৯ ||
দাহোষ্মপাদসঙ্ক্লেদকোপরাগপরিশ্রমাঃ |
কট্বম্লশববৈগন্ধ্যস্বেদমূর্ছাতিতৃট্ভ্রমাঃ || ১, ১৬৮. ১০ ||
হারিদ্রং হরিতৎবঞ্চ পিত্তলিঙ্গান্বিতৈর্নরঃ |
দেহে স্নিগ্ধৎবমাধুর্যচিরকারিৎববন্ধনম্ || ১, ১৬৮. ১১ ||
স্তৈমিত্যতৃপ্তিসঙ্ঘাতশোথশতিলগৌরবম্ |
কণ্ডূনিদ্রাভিয়োগশ্চ লক্ষণং কফসম্ভবম্ || ১, ১৬৮. ১২ ||
হেতুলক্ষণসংসর্গাদ্বিদ্যাদ্ব্যাধিং দ্বিদোষজম্ |
সর্বহেতুসমুৎপন্নং ত্রিলিঙ্গং সান্নিপাতিকম্ || ১, ১৬৮. ১৩ ||
দোষধাতুমলাধারো দেহিনাং দেহ উচ্যতে |
তেষাং সমৎবমারোগ্যং ক্ষয়বৃদ্ধের্বিপর্যয়ঃ || ১, ১৬৮. ১৪ ||
বসাসৃঙ্মাংসমেদোঽস্থিমজ্জাশুক্রাণি ধাতবঃ |
বাতপিত্তকফা দোষা বিণ্মূত্রাদ্যা মলাঃ স্মৃতাঃ || ১, ১৬৮. ১৫ ||
বায়ুঃ শীতো লঘুঃ সূক্ষ্মঃ স্বরনাশীস্থিরো বলী |
পিত্তমম্লকটূষ্ণঞ্চাপঙ্ক্তী রোগকারণম্ || ১, ১৬৮. ১৬ ||
মধুরো লবণঃ স্নিগ্ধো গুরুঃ শ্লেষমাতিপিচ্ছিলঃ |
গুদশ্রোণ্যাশ্রয়ো বায়ুঃ পিত্তং পক্বাশয়স্থিতম্ || ১, ১৬৮. ১৭ ||
কফস্যামাশয়স্থানং কণ্ঠো বা মূর্ধসন্ধয়ঃ |
কটুতিক্তকষায়াশ্চ কোপয়ন্তি সমীরণম্ || ১, ১৬৮. ১৮ ||
কট্বম্ললবণাঃ পিত্তং স্বাদূষ্ণলবণাঃ কফম্ |
এত এব বিপর্যস্তাঃ শমায়ৈষাং প্রয়োজিতাঃ |
ভবন্তি রোগিণাং শান্ত্যৈ স্বস্থানে সুখহেতবঃ || ১, ১৬৮. ১৯ ||
চক্ষুষ্যো মধুরো জ্ঞেয়ো রসধাতুবিবহ্দ্ধনঃ |
অম্লোত্তরো মনোহৃদ্যং তথা দীপনপাচনম্ || ১, ১৬৮. ২০ ||
দীপনোজ্বরতৃষ্ণাঘ্নস্তিক্তঃ শোধনশোষণঃ |
পিত্তলো লেখন স্তম্ভী কষায়ো গ্রাহিশোষণঃ || ১, ১৬৮. ২১ ||
রসবীর্যবিপাকানামাশ্রয়ং দ্রব্যমুত্তমম্ |
রসপাকান্তরস্থায়ি সর্বদ্রব্যাশ্রয়ং দ্রুতম্ || ১, ১৬৮. ২২ ||
শীতোষ্ণং লবণং বীর্যমথ বা শক্তিরিষ্যতে |
রসানাং দ্বিবিধঃ পাকো কটুরেব চ || ১, ১৬৮. ২৩ ||
ভিষগ্ভেষজরোগার্তপরিচারকসম্পদঃ |
চিকিৎসাঙ্গানিচৎবারি বিপরীতান্যসিদ্ধয়ে || ১, ১৬৮. ২৪ ||
দেশকালবয়োবহ্নিসাম্যপ্রকৃতিভেষজম্ |
দেহসত্ত্ববলব্যাধীন্বুদ্ধ্বা কর্ম সমাচরেৎ || ১, ১৬৮. ২৫ ||
বহূদকনগোঽনূপঃ কফমারুতকোপবান্ |
জাঙ্গলোঽপরশাখী চ রক্তপিত্তগদোত্তরঃ || ১, ১৬৮. ২৫*১ ||
সংসৃষ্টলক্ষণোপেতো দেশঃ সাধারণঃ স্মৃতঃ |
বাল আ ষোডশান্মধ্যঃ সপ্ততের্বৃদ্ধ উচ্যতে || ১, ১৬৮. ২৬ ||
কফপিত্তানিলাঃ প্রায়ো যথাক্রমমুদীরিতাঃ |
ক্ষারাগ্নিশস্ত্ররহিতা ক্ষীণে প্রবয়সি ক্রিয়াঃ || ১, ১৬৮. ২৭ ||
কৃশস্য বৃংহণং কার্যংস্থূলদেহস্য কর্ষণম্ |
রক্ষণং মধ্যকায়স্য দেহভেদাস্ত্রয়ো মতাঃ || ১, ১৬৮. ২৮ ||
স্থৈর্যব্যায়ামসন্তোষৈর্বোদ্ধব্যং যত্নতো বলম্ |
অবিকারী মহোৎসাহো মহাসাহসিকো নরঃ || ১, ১৬৮. ২৯ ||
পানাহারাদয়ো যস্য বিরুদ্ধাঃ প্রকৃতেরপি |
শ্বসুখায়োপকল্প্যন্তে তৎসাম্যমিতি কথ্যতে || ১, ১৬৮. ৩০ ||
গর্ভিণ্যাঃ শ্লৈষ্মিকৈর্ভক্ষ্যৈঃ শ্লৈষ্মিকো জায়তে নরঃ |
বাতলৈঃ পিত্তলৈস্তদ্বৎসমধাতুর্হিতাশনাৎ || ১, ১৬৮. ৩১ ||
কৃশো রূক্ষোঽল্পকেশশ্চ চলচিত্তো নরঃ স্থিতঃ |
বহুবাক্যরতঃ স্বপ্নেবাতপ্রকৃতিকো নরঃ || ১, ১৬৮. ৩২ ||
অকালপলিতো গৌরঃ প্রস্বেদী কোপনো বুধঃ |
স্বপ্নেঽপি দীপ্তিমৎপ্রেক্ষী পিত্তপ্রকৃতিরুচ্যতে || ১, ১৬৮. ৩৩ ||
স্থিরচিত্তঃ স্বরঃ সূক্ষ্মঃ প্রসন্নঃ স্নিগ্ধমূর্ধজঃ |
স্বপ্নে জলশিলালোকী শ্লেষ্ম প্রকৃতিকো নরঃ || ১, ১৬৮. ৩৪ ||
সমিশ্রলক্ষণৈর্জ্ঞেয়ো দ্বিত্রিদোষান্বয়ো নরঃ |
দোষস্যেতরসদ্ভাবেঽপ্যধিকা প্রকৃতিঃ স্মৃতাঃ || ১, ১৬৮. ৩৫ ||
মন্দস্তীক্ষ্ণোঽথ বিষমঃ সমশ্চৈতি চতুর্বিধাঃ |
কফপিত্তানিলাধিক্যাত্তৎসাম্যাজ্জাঠরোঽনলঃ || ১, ১৬৮. ৩৬ ||
সমস্য পালনং কার্যং বিষমে বাতনিগ্রহঃ |
তীক্ষ্ণে পিত্তপ্রতীকারো মন্দে শ্লেষ্মবিশোধনম্ || ১, ১৬৮. ৩৭ ||
প্রভবঃ সর্বরোগাণামজীর্ণং চাগ্নিনাশনম্ |
আমাম্লরসবিষ্টম্ভ লক্ষণন্তচ্চতুর্বিধম্ || ১, ১৬৮. ৩৮ ||
আমাদ্বিষূচিকা চৈব হৃদালস্যাদয়স্তথা |
বচালবণতোয়েন ছর্দনং তত্র কারয়েৎ || ১, ১৬৮. ৩৯ ||
শুক্রাভাবো ভ্রমো মূর্ছা তর্ষোঽম্লাৎসম্প্রবর্ততে |
অপক্বং তত্র শীতাম্বুপানং বাতনিষেবণম্ || ১, ১৬৮. ৪০ ||
গাত্রভঙ্গং শিরোজাড্যং ভক্তদোষাদয়ো গদান্ |
তস্মিন্স্বাপো দিবা কার্যোলঙ্ঘনং চ বিবর্জনম্ || ১, ১৬৮. ৪১ ||
শূলগুল্মৌ চ বিণ্মূত্রস্থানবিষ্টম্ভসূচকৌ |
বিধেয়ং স্বেদনং তত্র পানীয়ং লবণোদকম্ || ১, ১৬৮. ৪২ ||
আমমম্লং চ বিষ্টব্ধং কফপিত্তানিলৈঃ ক্রমাৎ |
আলিপ্য জঠরং প্রাজ্ঞো হিঙ্গুত্র্যূষণসৈন্ধবৈঃ || ১, ১৬৮. ৪৩ ||
দিবাস্বপ্নং প্রকুর্বীত সর্বাজীর্ণবিনাশনম্ |
অহিতান্নৈ রোগরাশিরহিতান্নং ততস্ত্যজেৎ || ১, ১৬৮. ৪৪ ||
উষ্ণাম্বু বানুপানং চ মাক্ষিকৈঃ পাচনং ভবেৎ |
করীরদধিমৎস্যৈশ্চ প্রায়ঃ ক্ষীরং বিরুধ্যতে || ১, ১৬৮. ৪৫ ||
বিল্বঃ শোণা চ গম্ভারী পাটলা গণিকারিকা |
দীপনং কফবাতঘ্নং পঞ্চমূলমিদং মহৎ || ১, ১৬৮. ৪৬ ||
শালপর্ণো পৃশ্রিপর্ণো বৃহতীদ্বয়গোক্ষুরম্ |
বাতপিত্তহরং বৃষ্যং কনীয়ঃ পঞ্চমূলকম্ || ১, ১৬৮. ৪৭ ||
উভয়ং দশসূলং স্যাৎসন্নিপাতজ্বরাপহম্ |
কাসে শ্বাসে চ তন্দ্রায়াং পার্শ্বশূলে চ শস্যতে || ১, ১৬৮. ৪৮ ||
এতৈস্তৈলানি সর্পোষি প্রলেপাদলকাং জয়েৎ |
ক্বাথাচ্চতুর্গুণং বারি পাদস্থং স্যাচ্চতুর্গুণম্ || ১, ১৬৮. ৪৯ ||
স্নেহঞ্চ তৎসমং ক্ষীরং কল্কশ্চ স্নেহপাদকঃ |
সংবর্তিতৌষধৈঃ পাকো বস্তৌ পানে ভবেৎসমঃ |
খরোঽভ্যঙ্গে মৃদুর্নস্যে পাকোঽপি সম্প্রকল্পয়েৎ || ১, ১৬৮. ৫০ ||
স্থূলদেহন্দ্রিয়াশ্চিন্ত্যা প্রকৃতির্যা ৎবধিষ্ঠিতা |
আরোগ্যমিতি তং বিদ্যাদায়ুষ্মন্তমুপাচরেৎ || ১, ১৬৮. ৫১ ||
যো গৃহ্ণাতীন্দ্রিয়ৈরর্থান্বিপরীতান্স মৃত্যুভাক্ |
ভিষঙ্মিত্রগুরুদ্বেষী প্রিয়ারাতিশ্চ যো ভবেৎ || ১, ১৬৮. ৫২ ||
গুল্ফজানুললাটং চ হনুর্গণ্ডস্তথৈব চ |
ভ্রষ্টং স্থানচ্যুতং যস্য স জহাত্যচিরাদসূন্ || ১, ১৬৮. ৫৩ ||
বামাক্ষিমজ্জনং জিহ্বা শ্যামা নাসা বিকারিণী |
কৃষ্ণৌ স্থানচ্যুতৌ চোষ্ঠৌ কৃষ্ণাস্যং যস্যতং ত্যজেৎ || ১, ১৬৮. ৫৪ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
বৈদ্যকশাস্ত্রপরিভাষা নামাষ্টষষ্ট্যধিকশততমোঽধ্যায়ঃ

শ্রীগরুডমহাপুরাণম্-১৬৯
ধন্বন্তরিরুবাচ |
হিতাহিতবিকেকায় অনুপানবিধিং ব্রুবে |
রক্তশালি ত্রিদোষঘ্নং তৃষ্ণামেদোনিবারকম্ || ১, ১৬৯. ১ ||
মহাশালি পরং বৃষ্যং কলমঃ শ্লেষ্মপিত্তহা |
শীত্তো গুরুস্ত্রিদোষঘ্নঃ প্রায়শো গৌরষষ্টিকঃ || ১, ১৬৯. ২ ||
শ্যামাকঃ শোষণো রূক্ষো বাতলঃ শ্লেষ্মপিত্তহা |
তদ্বৎপ্রিয়ঙ্গুনীবারকোরদূষাঃ প্রকীর্তিতাঃ || ১, ১৬৯. ৩ ||
বহুবারঃ সকৃচ্ছীতঃ শ্লেষ্মপিত্তহরো যবঃ |
বৃষ্যঃ শীতো গুরুঃ স্বাদুর্গোধূমো বাতনাশনঃ || ১, ১৬৯. ৪ ||
কফপিত্তাস্ত্রজিন্মুদ্গঃ কষায়ো মধুরোলঘুঃ |
মাষো বহুবলো বৃষ্যঃ পিত্তশ্লেষ্মহরো গুরুঃ || ১, ১৬৯. ৫ ||
অবৃষ্যঃ শ্লেষ্মপিত্তঘ্নো রাজমাষোঽনিলার্তিনুৎ |
কুলত্থঃ শ্বাসহিক্কাহৃৎকফগুল্মানিলাপহঃ || ১, ১৬৯. ৬ ||
রক্তপিত্তজ্বরোন্মাথো শীতো গ্রাহী মকুষ্ঠকঃ |
পুংস্ত্বাসৃক্কফপিত্তঘ্নশ্চণকো বাতলঃ স্মৃতঃ || ১, ১৬৯. ৭ ||
মসূরো মধুরঃ শীব সঙ্গ্রহী কফপিত্তহা |
তদ্বৎসর্বগুণাঢ্যশ্চ কলায়শ্চাতিবাতলঃ || ১, ১৬৯. ৮ ||
আগ্কী কফপিত্তঘ্নো শুক্রলা চ তথা স্মৃতা |
অতসী পিত্তলা জ্ঞেয়া সিদ্ধার্থঃ কফবাতজিৎ || ১, ১৬৯. ৯ ||
সক্ষারমধুরস্নিগ্ধো বলোষ্ণপিত্তকৃত্তিলঃ |
বলঘ্না রূক্ষলাঃ শীতা বিবিধাঃ সস্যজাতয়ঃ || ১, ১৬৯. ১০ ||
চিত্রকেঙ্গুদিনালীকাঃ পিপ্পলীমধুশিগ্রবঃ |
চব্যাচরণনির্গুণ্ডীতর্কারীকাশমর্দকাঃ || ১, ১৬৯. ১১ ||
সবিল্বাঃ কফপিত্তঘ্নাঃ ক্রিমিঘ্না লঘুদীপকাঃ |
বর্ষাভূমার্করৌ বাতকফঘ্নৌ দোষনাশনৌ || ১, ১৬৯. ১২ ||
তিক্তরসঃ স্যাদেরণ্ডঃ কাকমাচী ত্রিদোষহৃৎ |
চাঙ্গেরী কফবাতঘ্নী সর্ষপঃ সর্বদোষদম্ || ১, ১৬৯. ১৩ ||
তদ্বদেব চ কৌস্মসুম্ভং রাজিকা বাতপিত্তলা |
নাডীচঃ কফপিত্তঘ্নঃ চুচুর্মধুরশীতলঃ || ১, ১৬৯. ১৪ ||
দোষঘ্নং পদ্মপত্রঞ্চ ত্রিপুটং বাতকৃৎপরম্ |
সক্ষারঃ সর্বদোষঘ্নো বাস্তুকো রোচনঃ পরঃ || ১, ১৬৯. ১৫ ||
তণ্ডুকীয়োবিপহরঃ পালঙ্ক্যাশ্চ তথাপরে |
মূলকং দোষকৃচ্ছামং স্বিন্নং বাতকফাপদম্ || ১, ১৬৯. ১৬ ||
সর্বদোষহরং হ্যদ্যং কণ্ঠ্যং তৎপক্বমিষ্যতে |
কর্কোটকং সবার্তাকং পদোলং কারবেল্লকম্ || ১, ১৬৯. ১৭ ||
কুষ্ঠমেহজ্বরশ্বাসকাসপিত্তকফাপহম্ |
সর্বদোষহরং হৃদ্যং কূষ্মাণ্ডং বস্তিশোধনম্ || ১, ১৬৯. ১৮ ||
কলিঙ্গালাবুনী পিত্তনাশিনী বাতকারিণী |
ত্রপুষোর্বারুকে বাতশ্লেষ্মলে পিত্তবারণে || ১, ১৬৯. ১৯ ||
বৃক্ষাম্লং কফবাতঘ্নং জম্বীরং কফবাতনুৎ |
বাতঘ্নং দাডিমং গ্রাহি নাগরঙ্গফলং গুরু || ১, ১৬৯. ২০ ||
কেশরং মাতুলুঙ্গং চ দীপনং কফবাতনুৎ |
বাতপিত্তহরো মাষস্ত্বক্স্নিগ্ধোষ্ণানিলাপহঃ || ১, ১৬৯. ২১ ||
সরমামলকং বৃষ্যং মধুরং হৃদ্যমম্লকৃৎ |
ভুক্তপ্ররোচকা পুণ্যা হরীতক্যমৃতোপমা || ১, ১৬৯. ২২ ||
স্ত্রংসনী কফবাতঘ্নী হ্যক্ষস্তদ্বত্ত্রিদোষজিৎ |
বাতশ্লেষ্মহরং ৎবম্লং স্ত্রংসনং তিন্তিডীফলম্ || ১, ১৬৯. ২৩ ||
দোষলং লকুচং স্বাদু বকুলং কফবাতজিৎ |
গুল্মবাতকফশ্বাসকাসঘ্নং বীজপূরকম্ || ১, ১৬৯. ২৪ ||
কপিত্থং গ্রাহি দোষঘ্নং পক্বং গুরু বিষাপহম্ |
কফপিত্তকরং বালমাপূর্ণং পিত্তবর্ধনম্ || ১, ১৬৯. ২৫ ||
পক্বাম্রং বাতকৃন্মাংসশুক্রবর্ণবলপ্রদম্ |
বাতঘ্নং কফপিত্তঘ্নং গ্রাহি বিষ্টম্ভি জাম্ববম্ || ১, ১৬৯. ২৬ ||
তিন্দুকং কফবাতঘ্নং বদরং বাতপিত্তহৃৎ |
বিষ্টম্ভি বাতলং বিল্বং প্রিয়ালং পবনাপহম্ || ১, ১৬৯. ২৭ ||
রাজাদনফলং মোচং পনসং নারিকেলজম্ |
শুক্রমাংসকরাণ্যাহুঃ স্বাদুস্নিগ্ধগুরূণি চ || ১, ১৬৯. ২৮ ||
দ্রাক্ষামধূকখর্জূরং কুঙ্কুমং বাতরক্তজিৎ |
মাগধী মধুরা পক্বা শ্বাসপিত্তহরা পরা || ১, ১৬৯. ২৯ ||
আর্দ্রকং রোচকং বৃষ্যং দীপনং কফবাতহৃৎ |
শুণ্ঠীমরিচপিপ্পল্যঃ কফবাতজিতো মতাঃ || ১, ১৬৯. ৩০ ||
অবৃষ্যং মরিচং বিদ্যাদিতি বৈদ্যকসমতম্ |
গুল্মশূলবিবন্ধঘ্নং হিঙ্গুবাতকফাপহম্ || ১, ১৬৯. ৩১ ||
যবানীধন্যকাজাজ্যঃ বাতশ্লেষ্মনুদঃ পরম্ |
চক্ষুষ্যং সৈন্ধবং বৃষ্যং ত্রিদোষশমনং স্মৃতম্ || ১, ১৬৯. ৩২ ||
সৌবর্চলং বিবন্ধঘ্নমুষ্ণং হৃচ্ছূলনাশনম্ |
উষ্ণং শূলহরং তীক্ষ্ণং বিডঙ্গং বাতনাশনম্ || ১, ১৬৯. ৩৩ ||
রোমকং বাতলং স্বাদু রোচনং ক্লেদনং গুরু |
হৃৎপাণ্ডুগলরোগঘ্নং যবক্ষারোঽগ্নিদীপনঃ || ১, ১৬৯. ৩৪ ||
দহনো দীপনস্তীক্ষ্ণঃ সর্জিক্ষারো বিদারণঃ |
দোষঘ্নং নাভসং বারিলঘু হৃদ্যং বিষাপহম্ || ১, ১৬৯. ৩৫ ||
নাদেয়ং বাতলং রূক্ষং সারসং মদুর লঘু |
বাতশ্লেষ্মহরং বার্প্যং তাডাগং বাতলং স্মৃতম্ || ১, ১৬৯. ৩৬ ||
রৌচ্যমগ্নিকরং রূক্ষং কফঘ্নংলঘু নৈর্ঝরম্ |
দীপনং পিত্তলং কৌপমৌদ্ভিদং পিত্তনাশনম্ || ১, ১৬৯. ৩৭ ||
দিবার্ককিরণৈর্জুষ্টং রাত্রৌ চৈবেন্দুরশ্মিভিঃ |
সর্বদোষবিনির্মুক্তং তত্তুল্যং গগনাম্বুনা || ১, ১৬৯. ৩৮ ||
উষ্ণং বারি জ্বরশ্বাসমেদোঽনিলকফাপহম্ |
শৃতং শীতত্রিদোষঘ্নমুষিতং তচ্চ দোষলম্ || ১, ১৬৯. ৩৯ ||
গোক্ষীরং বাতপিত্তগ্নং স্নিগ্ধং গুরুরসায়নম্ |
গব্যাদ্গুরুতরং স্নিগ্ধং মাহিষ্ বহ্নিনাশনম্ || ১, ১৬৯. ৪০ ||
ছাগং রক্তাতিসারঘ্নং কাসশ্বাসকফাপহম্ |
চক্ষুষ্যং জীবনং স্ত্রীণাং রক্তপিত্তে চনাবনম্ || ১, ১৬৯. ৪১ ||
পরং বাতহরং বৃষ্যং পিত্তশ্লেষ্মকরং দধি |
দোষঘ্নং মন্থজাতন্তু মস্তু স্রোতোবিশোধনম্ || ১, ১৬৯. ৪২ ||
গ্রহণ্যর্শোঽর্দিতার্তিঘ্নং নবনীতং নবোদ্ধৃতম্ |
বিকারাশ্চ কিলাটাদ্যা গুরবঃ কুষ্ঠহেতবঃ || ১, ১৬৯. ৪৩ ||
পরং গ্রহণীশোথার্শঃ পাণ্ড্বতীসারগুল্মনুৎ |
ত্রিদোষশমনং তক্রং কথিতং পূর্বসূরিভিঃ || ১, ১৬৯. ৪৪ ||
বৃষ্যঞ্চ মধুরং সর্পির্বাতপিত্তকফাপহম্ |
গব্যং মেধ্যঞ্চ চাক্ষুষ্যং সংস্কারাচ্চ ত্রিদোষজিৎ || ১, ১৬৯. ৪৫ ||
অপস্মারগদোন্মাদমূর্ছাঘ্নং সংস্কৃতঙ্ঘৃতম্ |
অজাদীনাঞ্চ সর্পোষি বিদ্যাদ্গোক্ষীরসদ্গুণৈঃ |
কফবাতহরং মূত্রং সর্বক্রিমিবিষাপহম্ || ১, ১৬৯. ৪৬ ||
পাণ্ডুৎবোদরকুষ্ঠার্শঃ শোথগুল্মপ্রমেহনুৎ |
বাতশ্লেষ্মহরং বল্যং তৈলং কশ্যং তিলোদ্ভবম্ || ১, ১৬৯. ৪৭ ||
সার্ষপং কৃমিপাণ্ডুঘ্নং কফমেদোঽনিলাপহম্ |
ক্ষৌমং তৈলমচক্ষুষ্যং পিত্তহৃদ্বাতনাশনম্ || ১, ১৬৯. ৪৮ ||
অক্ষজং কফপিত্তঘ্নং কেশ্যং ৎবক্ষ্রোত্রতর্পণম্ |
ত্রিদোষঘ্নং মধু প্রোক্তং বাতলঞ্চ প্রকীর্তিতম্ || ১, ১৬৯. ৪৯ ||
হিক্কাশ্বাসকৃমিচ্ছর্দিমেহতৃষ্ণাবিষামহম্ |
ইক্ষবোরক্তপিত্তঘ্নো বল্যা বৃষ্যাঃ কফপ্রদাঃ || ১, ১৬৯. ৫০ ||
ফাণিতং পিত্তলং তব্রিং সুরা মৎস্যণ্ডিকা লঘুঃ |
খণ্ডং বৃষ্যং তথা স্নিগ্ধং স্বাদ্বসৃক্পিত্তবাতজিৎ || ১, ১৬৯. ৫১ ||
বাতপিত্তহরো রূক্ষো বাতঘ্নঃ কফকৃদ্গুডঃ |
স পিত্তঘ্নঃ পরঃ পথ্যঃ পুরাণোঽসৃক্প্রসাদনঃ || ১, ১৬৯. ৫২ ||
রক্তিপিত্তহরা বৃষ্যা সস্নেহা গডশর্করা |
সর্বপিত্তকরং মদ্যমম্লৎবাৎকফবাতজিৎ || ১, ১৬৯. ৫৩ ||
রক্তপিত্তকরাস্তীক্ষ্ণাস্তথা সৌবীরজাতয়ঃ |
পাচনো দীপনঃ পথ্যো মণ্ডঃ স্যাদ্ভৃষ্টতণ্ডুলঃ || ১, ১৬৯. ৫৪ ||
বাতানুলোমনী লঘ্বী পেয়া বস্তিবিশোধনী |
সতক্রদাডিমব্যোষা সগুডা মধুপিপ্পলী || ১, ১৬৯. ৫৫ ||
ইন্তীয়ং সুকৃতা পেয়া কাসশ্বা সপ্রবাহিকাঃ |
পায়সঃ কফকৃদ্বল্যঃ কৃশরা বাতনাশিনী || ১, ১৬৯. ৫৬ ||
সুধৌতঃ প্রস্ত্রুতঃ স্নিগ্ধঃ সুখোষ্ণো লঘুরোচনঃ |
কন্দমূলফলেহৈঃ সাধিতো বৃংহণোগুরুঃ || ১, ১৬৯. ৫৭ ||
ঈষদুষ্ণসেবনাচ্চ লঘুঃ সূপঃ সুসাধিতঃ |
স্বিন্ন নিষ্পীডিতং শাকং হিতং স্নেহাদিসংস্কৃতম্ || ১, ১৬৯. ৫৮ ||
দাডিমামলকৈর্যূষো বহ্নিকৃদ্বাতপিত্তহা |
শ্বাসকাসপ্রতিশ্যায়কফঘ্নো মলকৈঃ কৃতঃ || ১, ১৬৯. ৫৯ ||
যবকোলকুলত্থানাং যূষঃ কণ্ঠ্যোঽনিলাপহঃ |
মুদ্গামলকজো গ্রাহী শ্লেষ্মপিত্তবিনাশনঃ || ১, ১৬৯. ৬০ ||
সগুডং দধি বাতঘ্নং সক্তবো রূক্ষবাতুলাঃ |
ঘৃতপূর্ণোঽগ্নিকারী স্যাদ্বৃষ্যা গুর্বো চ শষ্কুলী || ১, ১৬৯. ৬১ ||
বৃংহণাঃ সামিষা ভক্ষ্যপিষ্ট কা গুখঃ স্মৃতাঃ |
তৈলসিদ্ধাশ্চ দৃষ্টিঘ্নাস্তোয়স্বিন্নাশ্চ দুর্জরাঃ || ১, ১৬৯. ৬২ ||
অত্যুষ্ণা মণ্ডকাঃ পথ্যাঃ শীতলা গুখো মতাঃ |
অনুপানঞ্চ পানীয়ং শ্রমতৃষ্ণাদিনাশনম্ || ১, ১৬৯. ৬৩ ||
অন্নপানাদিনা রক্ষা কৃৎস্যাদ্রোগবর্জিতঃ |
অনুষ্ণঃ শিখিকণ্ঠাভো বিষঞ্চৈব বিবর্ণকৃৎ || ১, ১৬৯. ৬৪ ||
গন্ধস্পর্শরসাস্তীব্রাভোক্তুশ্চ স্যান্মনোব্যথা |
আঘ্রাণে চাক্ষিরোগঃ স্যাদসাধ্যশ্চ ভিষগ্বরৈঃ |
বেপথুর্জৃম্ভণাদ্যং স্যাদ্বিষস্যৈতত্তু লক্ষণম্ || ১, ১৬৯. ৬৫ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
অনুপানাদিবিধিকথনং নামৈকোনসপ্তত্যধিকশততমোঽধ্যায়ঃ

শ্রীগরুডমহাপুরাণম্-১৭০
ধন্বন্তরিরুবাচ |
জ্বরোঽষ্টধা পৃথগ্দ্বন্দ্বসঙ্ঘাতাগন্তুজঃ স্মৃতঃ |
মুস্তপর্পটকোশীরচন্দনোদীচ্যনাগরৈঃ |
শৃতশীতং জলং দদ্যাৎপিপাসাজ্বরশান্তয়ে || ১, ১৭০. ১ ||
নাগরং দেবকাষ্ঠঞ্চ ধান্যাকং বৃহতীদ্বয়ম্ |
দদ্যাৎপাচনকং পূর্বং জ্বরিতায় জ্বরাপহম্ || ১, ১৭০. ২ ||
আরগ্বধাভয়ামুস্তাতিক্তাগ্রন্থিকনির্মিতঃ |
কষায়ঃ পাচনঃ সামে সশূলে চ জ্বরেহিতঃ || ১, ১৭০. ৩ ||
মধূকসারসিন্ধূত্থবচোষণকণাঃ সমাঃ |
শ্লক্ষ্ণং পিষ্ট্বাম্ভসা নস্যং কুর্যাৎসঞ্জ্ঞাপ্রবোধনম্ || ১, ১৭০. ৪ ||
ত্রিবৃদ্বিশালাত্রিফলাকটুকারগ্বধৈঃ কৃতঃ |
সক্ষারো ভেদনঃ ক্বাথঃ পেয়ঃ সর্বজ্বরাপহঃ || ১, ১৭০. ৫ ||
মহৌষধামৃতামুস্তচন্দনোশীরধান্যকৈঃ |
ক্বাথস্তৃতীয়কং হন্তি শর্করামধুয়োজিতঃ || ১, ১৭০. ৬ ||
অপামগজটাকট্যাং লোহিতৈঃ সপ্ততন্তুভিঃ |
বদ্ধ্বা বারে রবের্নূনং জ্বরং হন্তি তৃতীয়কম্ || ১, ১৭০. ৭ ||
গঙ্গায়া উত্তরে কূলে অপুত্রস্তাপসো মৃতঃ |
তস্মৈ তিলোদকং দদ্যান্মুঞ্চত্যৈকাহিকো জ্বরঃ || ১, ১৭০. ৮ ||
গুডূচ্যাঃ ক্বাথকল্কাভ্যাং বিফলাবাসকস্য চ |
মৃদ্বীকায়া বলায়াশ্চ সিদ্ধাঃ স্নেহা জ্বরচ্ছিদঃ || ১, ১৭০. ৯ ||
ধাত্রীশিবাকণাবহ্নিক্বাথঃ সর্বজ্বরান্তকঃ |
জ্বরাতিসারহরণমৌষধং প্রবদাম্যথ || ১, ১৭০. ১০ ||
পৃশ্রিপর্ণোবলাবিল্বনাগরোৎপলধান্যকৈঃ |
পাঠেন্দ্রয়বভূনিম্বমুস্তপর্পটকৈঃ শৃতাঃ |
জ্যন্ত্যামমতীসারং সজ্বরং সমহৌষধাঃ || ১, ১৭০. ১১ ||
নাগরাতিবিষামুস্তভূনিম্বামৃতবৎসকৈঃ |
সর্বজ্বরহরঃ ক্বথঃ সর্বাতীসারনাশনঃ || ১, ১৭০. ১২ ||
মুস্তপর্পটকদিব্যশৃঙ্গবেরশৃতং পয়ঃ |
শালপর্ণো পৃশ্রিপর্ণো বৃহতী কণ্টকারিকা || ১, ১৭০. ১৩ ||
বলাশ্বদংষ্ট্রাবিল্বাদি পাঠানাগরধান্যকম্ |
এতদাহারসংযোগে হিতং সর্বাতিসারিণাম্ || ১, ১৭০. ১৪ ||
বিল্বচূতাস্থিক্বাথশ্চ খণ্ডং মধ্বতিসারনুৎ |
অতিসারে হিতা তদ্বৎকুটজৎবক্কণায়ুতা || ১, ১৭০. ১৫ ||
বৎসকাতিবিষাবিশ্বকণাকন্দকষায়কঃ |
প্রয়ুক্তশ্চামশূলাঢ্যে হ্যতীসারে সশোণিত || ১, ১৭০. ১৬ ||
চিকিৎসাথ গ্রহণ্যাস্তুগ্রহণী চাগ্রিনাশিনী |
চিত্রকাক্বাথক্লকাভ্যাং গ্রহণীঘ্নং ক্ষৃতং হবিঃ |
গুল্মশোথোদরপ্লীহশূলার্শোঘ্নং প্রদীপনম্ || ১, ১৭০. ১৭ ||
সৌবর্চলং সৈন্ধবঞ্চ বিডঙ্গৌদ্ভিদমেব চ |
সামুদ্রেণ সমং পঞ্চলবণান্যত্র যোজয়েৎ || ১, ১৭০. ১৮ ||
ভেষজং শস্ত্রক্ষারাগ্ন্যস্ত্রিধা বৈ চার্শসাং হরম্ |
বিদ্ধি তচ্চার্শসোঘ্নন্তু যদ্ধি তক্রং নবোদ্ধৃতম্ || ১, ১৭০. ১৯ ||
গুডূটীং পিপ্পলীয়ুক্তামভয়াং ঘৃতভর্জিতাম্ |
ত্রিবৃদর্শোবিনাশার্থং ভক্ষয়েদম্ললোণিকাম্ || ১, ১৭০. ২০ ||
তিলেক্ষুরসসংযোগশ্চার্শঃ কুষ্ঠ বিনাশনঃ |
পঞ্চকোলং সমরিচং সত্র্যূষণমথাগ্নিকৃৎ || ১, ১৭০. ২১ ||
হরীতকী ভক্ষ্যমাণা নাগেরণ গুডেন বা |
সৈন্ধবোপহিতা বাপি সাতত্যেনাগ্নিদীপনী || ১, ১৭০. ২২ ||
ফলত্রিকামৃতাসাতিক্তাভূনিম্বনিম্বজঃ |
ক্বাথঃ ক্ষৌদ্রয়ুতো হন্যাৎপাণ্ডুরোগং সকামলম্ || ১, ১৭০. ২৩ ||
ত্রিবৃচ্চ ত্রিফলা শ্যামা পিপ্পলী শর্কগ মধু |
মোদকঃ সন্নিপাতান্তো রক্তপিত্তজ্বরাপহঃ || ১, ১৭০. ২৪ ||
বাসায়াং বিদ্যমানায়ামাশায়াং জীবিতস্য চ |
রক্তপিত্তী ক্ষয়ী কাসী কিমর্থমবসীদতি || ১, ১৭০. ২৫ ||
আটরূপকমৃদ্বীকাপথ্যাক্বাথঃ সশর্করঃ |
ক্ষৌদ্রাঢ্যঃ কাসনিঃ শ্বাসরক্তপিত্তনিবর্হণঃ || ১, ১৭০. ২৬ ||
বাসারসঃ খণ্ডমধুয়ুতঃ পীতোঽথরক্তজিৎ |
সল্লকীবদরীজম্বুপ্রিয়ালাম্রার্জুনং ধবঃ |
পীতং ক্ষীরঞ্চ মধ্বাঢ্যং পৃথক্ছোণিতবারণম্ || ১, ১৭০. ২৭ ||
সমূলফলপত্রায়া নির্গুণ্ড্যাঃ স্বরসৈর্ঘৃতম্ |
সিদ্ধং পীৎবা ক্ষয়ক্ষীণী নির্ব্যাদির্ভাতি দেববৎ || ১, ১৭০. ২৮ ||
হরীতকী কণা শুণ্ঠী মরিচং গুডসংযুতম্ |
কাসঘ্নো মোদকঃ প্রোক্তস্তৃষ্ণারোচকনাশনঃ || ১, ১৭০. ২৯ ||
কণ্টকারিগুডূচীভ্যাং পৃথক্ত্রিংশৎপলে রসে |
প্রস্থং সিদ্ধং ঘৃতং স্যাচ্চ কাসনুদ্বহ্নিদাপনম্ || ১, ১৭০. ৩০ ||
কৃষ্ণা ধাত্রী শিতা শুণ্ঠী হক্কাঘ্নী মধুসংযুতা |
হিক্কাশ্বাসী পিবেদ্ভার্ঙ্গো সবিশ্বামুষ্ণবারিণা || ১, ১৭০. ৩১ ||
তৈলাক্তং স্বরভেদে বা খাদিরং ধারয়েন্মুখে |
পথ্যাং পিপ্পলিকায়ুক্তাং সংযুক্তাং নাগরেণ বা || ১, ১৭০. ৩২ ||
বিডঙ্গত্রিলাচূর্ণং ছর্দিহৃন্মধুনা সহ |
আম্রজম্বূকষায়ং বা পিবোন্মাক্ষিকসংযুতম্ || ১, ১৭০. ৩৩ ||
ছর্দি সর্বাং প্রণুদতি তৃষ্ণাঞ্চৈবাপকর্ষতি |
ত্রিফলা ভ্রমমূর্ছাহৃৎপীতা সা মধুনাপি বা || ১, ১৭০. ৩৪ ||
পঞ্চগব্যং হিতং পানাদপস্মারগ্রহাদিনুৎ |
কূষ্মাণ্ডকরসো বাজ্যং সয়ষ্টিকং তদর্থকৃৎ || ১, ১৭০. ৩৫ ||
ব্রাহ্মীরসবচাকুষ্ঠশঙ্খপুষ্পীভিরেব চ |
পুরাণং সেব্যমুন্মাদগ্রহাপস্মারদ্ঘৃনুতম্ || ১, ১৭০. ৩৬ ||
অশ্বগন্ধাকষায়ে চ কল্কে ক্ষীরে চতুর্গুণে |
ঘৃতপক্বন্তু বাতঘ্নং বৃষ্যং মাং সায় পুত্রকৃৎ || ১, ১৭০. ৩৭ ||
নীলীমুণ্ডীরিকাচূর্ণং মধুসর্পিঃ সমন্বিতম্ |
ছিন্নাক্বাথং পিবন্হন্তি বাতরক্তং সুদুস্তরম্ || ১, ১৭০. ৩৮ ||
সগুডাঃ পঞ্চ পথ্যাশ্চ কুষ্টার্শোবাতসাদনাঃ |
গডচীস্বরসং কল্কং চূর্ণং বা ক্বাথমেব বা || ১, ১৭০. ৩৯ ||
বাতরক্তান্তকং কালাগুডূচীক্বাথকল্কতঃ |
কুষ্ঠব্রণাদিশমনং শৃতমাজ্যং সদুগ্ধকম্ || ১, ১৭০. ৪০ ||
ত্রিফলাগুগ্গুলুর্বাতরক্তমূর্ছাপহারকঃ |
ঊরুস্তম্ভবিনাশায় গোমূত্রেণ চ গুগ্গুলুঃ || ১, ১৭০. ৪১ ||
শুণ্ঠীগোক্ষুরকক্বাথঃ সামবাতার্তিশূলনুৎ |
দশমূলামৃতৈরণ্ডরাস্নানাগরদারুভিঃ || ১, ১৭০. ৪২ ||
ক্বাথো হন্তি মাহশোথং মরীচগুডসংযুতঃ |
কাসঘ্নো মোদকঃ প্রোক্তস্তৃষ্ণারোচকনাশনঃ || ১, ১৭০. ৪৩ ||
কণ্টকারিগুডূচীভ্যাং পৃথক্ত্রিংশৎপলে রসে |
প্রস্থসিদ্ধং ঘৃতঞ্চৈব কাসনুদ্ধৃদি দীপনঃ || ১, ১৭০. ৪৪ ||
কৃষ্ণাধাত্রীসিতাশুণ্ঠীমরীচসৈন্ধবান্বিতঃ |
ক্বাথ এরণ্ডতৈলেন সামং হন্ত্যনিলং গুরুম্ || ১, ১৭০. ৪৫ ||
বলা পুনর্নবৈরণ্ডবৃহতীদ্বয়গোক্ষুরৈঃ |
সহিঙ্গুলবর্ণ পীতং বাতশূলবিমর্দনম্ || ১, ১৭০. ৪৬ ||
ত্রিফলানিম্বয়ষ্টীককটুকারগ্বধৈঃ শৃতম্ |
পায়য়েন্মধুনা মিশ্রং দাহশূলোপশান্তয়ে || ১, ১৭০. ৪৭ ||
ত্রিফলাপঃ সয়ষ্টীকাঃ পরিণামার্তিনাশনাঃ |
গোমূত্রশুদ্ধমণ্ডূরং ত্রিফলাচূর্ণসংযুতম্ |
বিলিহন্মধুসর্পির্ভ্যাং শূলং হন্তি ত্রিদোষজম্ || ১, ১৭০. ৪৮ ||
ত্রিবৃৎকৃষ্ণাহরীতক্যো দ্বিচতুষ্পঞ্চভাগিকাঃ |
গুটিকা গুডতুল্যাস্তা বিড্বিবন্ধগদাপহাঃ || ১, ১৭০. ৪৯ ||
হরীতকীয়বক্ষারপিপ্পলীত্রিবৃতস্তথা |
ঘৃতৈশ্চূর্ণমিদং পেয়মুদাবর্তাবিনাশনম্ || ১, ১৭০. ৫০ ||
ত্রিবৃদ্ধরীতকীশ্যামাঃ স্নুহীক্ষীরেণ ভাবিতাঃ |
বটিকা মূত্রপীতাস্তাঃ শ্রেষ্টাশ্চানাহভেদিকাঃ || ১, ১৭০. ৫১ ||
ত্র্যূষণত্রিফলাধন্যবিডঙ্গচব্যচিত্রকৈঃ |
কল্কীকৃতৈর্ঘৃতং সিদ্ধং সংস্কারং বাতগুল্মনুৎ || ১, ১৭০. ৫২ ||
মূলং নাগরমানীতং সক্ষীরং হৃদয়ার্তিনুৎ |
সৌবচলং তদর্ধন্তু শিবানাঞ্চ ঘৃতং পিবেৎ || ১, ১৭০. ৫৩ ||
কণাপাষাণভেদৈর্বা শিলাজতুকচূর্ণকম্ |
তণ্ডুলীভির্গুডেনাপি মূত্রকৃচ্ছ্রীতি জীবতি || ১, ১৭০. ৫৪ ||
অমৃতানাগরীধাত্রীবাজিগন্ধাত্রিকণ্টকাম্ |
প্রপিবেদ্বাতরেগার্তঃ সশূলো মূত্রকৃচ্ছ্রবান্ || ১, ১৭০. ৫৫ ||
সিতাতুল্যো যবক্ষারঃ সর্বকৃচ্ছ্রনিবারণঃ |
নিদিগ্ধিকারসো বাপি সক্ষৌদ্রঃ কৃচ্ছ্রনাশনঃ || ১, ১৭০. ৫৬ ||
লবণং ত্রিফলাকল্কৈর্মূত্রাঘাতহরং স্মৃতম্ |
মূত্রে বিরুদ্ধে কর্পূরচূর্ণং লিঙ্গে প্রবেশয়েৎ || ১, ১৭০. ৫৭ ||
ক্বাথশ্চ শিগ্রুমূলোত্থঃ কটূষ্ণোশ্মানিপাতনঃ |
সর্বমেহহরোধাত্র্যা রসঃক্ষৌদ্রনিশায়ুতঃ |
ত্রিফলাদারুদার্ব্যষ্টক্বাথঃ ক্ষৌদ্রেণ মেহহা || ১, ১৭০. ৫৮ ||
অস্বপ্নং চ ব্যবায়ং চ ব্যায়ামাশ্চিন্তনানি চ |
স্থৌল্যমিচ্ছন্পপরিত্যক্তং ক্রমেণাভিপ্রবর্ধয়েৎ || ১, ১৭০. ৫৯ ||
যবশ্যামাকভোজী স্যাস্থৌল্যকৃন্মধুবারিণা |
উষ্ণমন্নং সমণ্ডং বা পিবন্কৃশতনুর্ভবেৎ || ১, ১৭০. ৬০ ||
সচব্যজীরকং ব্যোষা হিঙ্গুসৌবর্চলামলাঃ |
মধুনা রক্তবঃ পীতা মেধোঘ্না সর্বদীপনাঃ || ১, ১৭০. ৬১ ||
চতুর্গুণে জলে মূত্রে দ্বিগুণে চিত্রকাণি চ |
কল্কৈঃ সিদ্ধ ঘৃত প্রস্থং সক্ষীরং জঠরী পিবেৎ || ১, ১৭০. ৬২ ||
ক্রমবৃদ্ধ্যা দশাহানি দশ পৈপ্পালিকং দিনম্ |
বর্ধয়েৎপয়সা সার্ধং তথৈবাপানয়েৎপুনঃ || ১, ১৭০. ৬৩ ||
ক্ষীরষষ্টিকভোজীস্যাদেবং কৃষ্ণসহস্রকম্ |
বৃংহণং মুদ্গমায়ুষ্যং প্লীহোদরবিনাশনম্ || ১, ১৭০. ৬৪ ||
পুনর্নবাক্বাথকল্কৈঃ সিদ্ধং শোথহরং ঘৃতম্ |
গাবা মত্রেণ সংসেব্যং পিপ্পলী বা পয়োঽন্বিতাঃ |
গুডন বাভয়াং তুল্যাং বিশ্বং বা শোথরোগিণা || ১, ১৭০. ৬৫ ||
তৈলমেরণ্ডজং পীৎবা বলাসিদ্ধং পয়োঽন্বিতম্ |
আধ্মানশূলোপচিতামন্ত্রবৃদ্ধিঞ্জয়েন্নরঃ || ১, ১৭০. ৬৬ ||
ভ্রষ্টোরুচকতৈলেন কল্কঃ পথ্যাসমুদ্ভবঃ |
কৃষ্ণসৈন্ধবসংযুক্তো বদ্ধিরোগহরঃ পরঃ || ১, ১৭০. ৬৭ ||
নির্গুণ্ডীমূলনস্যেন গণ্ডমালা বিনশ্যতি |
স্মুহীগণ্ডীরিকাস্বেদো নাশয়েদর্বুদানি চ || ১, ১৭০. ৬৮ ||
হস্তিকর্ণপলাশস্য গলগণ্ডং তু লেপতঃ |
ধত্তূরৈরণ্ডনির্গুণ্ডীবর্ষাভূশিগ্রুসর্ষপৈঃ || ১, ১৭০. ৬৯ ||
প্রলেপঃশ্লীপদং হন্তি চিরোত্থমতিদারুণম্ |
শোভাঞ্জনকসিন্ধৃত্থহিঙ্গুং বিদ্রধিনাশনম্ || ১, ১৭০. ৭০ ||
শরপুঙ্খা মধুয়ুতা যাৎসর্স্বব্রণগেপণী |
নিম্বপত্রস্য বালেপঃ শ্বয়থুব্রণগেপণঃ || ১, ১৭০. ৭১ ||
ত্রিফলা খদিরো দার্বো ন্যগ্রোধো ব্রণশোধনঃ |
সদ্যঃ ক্ষতং ব্রণং বৈদ্যঃ সশূলং পরিষেচয়েৎ || ১, ১৭০. ৭২ ||
যষ্টীমধুকয়ুক্তেন কিঞ্চিদুষ্ণেন সর্পিষা |
বুদ্ধ্বাগন্তুব্রণান্বৈদ্যো ঘৃতক্ষৌদ্রসমন্বিতাম্ || ১, ১৭০. ৭৩ ||
শীতাং ক্রিয়াং প্রয়ুঞ্জীত পিত্তরক্তোষ্মনাশিনীম্ |
ক্বাথো বংশৎবগেরণ্ডশ্বদংষ্ট্রবনিদাকৃতঃ || ১, ১৭০. ৭৪ ||
সহিঙ্গুসৈন্ধবঃ পীতঃ কোষ্ঠস্থং স্ত্রাবয়েদসৃক্ |
যবকোলকুলত্থানাং নিঃস্নেহেন রসেন বা || ১, ১৭০. ৭৫ ||
ভুঞ্জীতান্নং যবাগ্বা বা পিবেৎসৈন্ধবসংযুতম্ |
করঞ্জারিষ্টনির্গুণ্ডীরসো হন্যাদ্ব্রণক্রিমীন্ || ১, ১৭০. ৭৬ ||
ত্রিফলাচূর্ণসংযুক্তো গুগ্গুলুর্বটকীকৃতঃ |
নির্যন্ত্রণো বিবন্ধঘ্নো ব্রধনগেপণঃ || ১, ১৭০. ৭৭ ||
দূর্বাস্বরসসিদ্ধং বা তলং কম্পিল্লকেন বা |
দার্বোৎবচশ্চ কল্কেন প্রধানং ব্রণরোপণম্ || ১, ১৭০. ৭৮ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
জ্বরাদিচিকিৎসানিরূপণং নাম সপ্তত্যুত্তরশততমোঽধ্যায়ঃ