১.১৬ গরুডপুরাণ (অধ্যায় ১৫১-১৬০)

শ্রীগরুডমহাপুরাণম্-১৫১
ধন্বন্তরিরুবাচ |
হিক্রারোগনিদানঞ্চ বক্ষ্যে সুশ্রুত ! তচ্ছৃণু |
শ্বাসৈকহেতুঃ প্রাগ্রূপং সঙ্খ্যা প্রকৃতিসংশ্রয়া || ১, ১৫১. ১ ||
হিক্রা ভক্ষ্যোদ্ভবা ক্ষুদ্রা যমলা মহতীতি চ |
গম্ভীরা চ মরুত্তত্র ৎবরয়ায়ুক্তিসেবিতৈঃ || ১, ১৫১. ২ ||
রূক্ষতীক্ষ্ণখরাশান্তৈরন্নপানৈঃ প্রপীডিতঃ |
করোতি হিক্রাং শ্বসনঃ মন্দশব্দাং ক্ষুধানুগাম্ || ১, ১৫১. ৩ ||
সমং সন্ধ্যান্নপানেন যা প্রয়াতি চ সান্নজা |
আয়াসাৎপবনঃ ক্রুদ্ধঃ ক্ষুদ্রাং হিক্রাং প্রবর্তয়েৎ || ১, ১৫১. ৪ ||
জত্রুমূলাৎপরিসৃতা মন্দবেগবন্তী হি সা |
বৃদ্ধিমায়াসতো যাতি ভুক্তমাত্রে চ মার্দবম্ || ১, ১৫১. ৫ ||
চিরেণ যমলৈর্বেগৈর্যা হিক্রা সম্প্রবর্ততে |
পরিণামান্মুখে বৃদ্ধিং পরিণামে চ গচ্ছতি || ১, ১৫১. ৬ ||
কম্পয়ন্তী শিরো গ্রীবাং যমলাং তাং বিনির্দিশেৎ |
প্রলাপচ্ছর্দ্যতীসারনেত্রবিপ্লুতজৃম্ভিতা || ১, ১৫১. ৭ ||
যমলা বেগিনী হিক্রা পরিণামবতী চ সা |
ধ্বস্তভ্রূশঙ্খয়ুগ্মস্য শ্রুতিবিপ্লুতচক্ষুষঃ || ১, ১৫১. ৮ ||
স্তম্ভয়ন্তী তনুং বাচং স্মৃতিং সঞ্জ্ঞাং চ মুঞ্চতী |
তুদন্তী মার্গমাণস্য কুর্বতী মর্মঘট্টনম্ || ১, ১৫১. ৯ ||
পৃষ্ঠতো নমনং সার্ষ্যং মহাহিক্রা প্রবর্ততে |
মহাশূলা মহাশব্দা মহাবেগা মহাবলা || ১, ১৫১. ১০ ||
পক্রাশয়াচ্চ নাভের্বা পূর্ববৎসা প্রবর্ততে || ১, ১৫১. ১১ ||
তদ্রূপা সা মহৎকুর্যাঞ্জৃম্ভণাং গপ্রসারণম্ |
গম্ভীরেণ নিদানেন গম্ভীরা তু সুসাধয়েৎ || ১, ১৫১. ১২ ||
আদ্যে দ্বে বর্জয়েদন্যে সর্বলিঙ্গাং চ বেগিনীম্ |
সর্বস্য সঞ্চিতামস্য স্থবিরস্য ব্যবায়িনঃ || ১, ১৫১. ১৩ ||
ব্যাধিভিঃ ক্ষীণদেহস্য ভক্তচ্ছেদকৃশস্য চ |
সর্বেঽপি রোগা নাশায় ন ৎবেবং শাঘ্রকারিণঃ || ১, ১৫১. ১৪ ||
হিক্রাশ্বাসৌ যথা তৌ হি মৃত্যুকালে কৃতালয়ৌ || ১, ১৫১. ১৫ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
হিক্রানিদানা নামৈকপঞ্চাশদুত্তরশততমোঽধ্যায়ঃ

শ্রীগরুডমহাপুরাণম্-১৫২
ধন্বন্তরিরুবাচ |
অথাতো যক্ষ্মরোগস্য নিদানং প্রবদাম্যহম্ |
অনেকরোগানুগতো বহুরোগপুরোগমঃ || ১, ১৫২. ১ ||
রাজয়ক্ষ্মা ক্ষয়ঃ শোষো রোগরাডিতি কথ্যতে |
নক্ষত্রাণাং দ্বিজানাঞ্চ রাজ্ঞোঽভূদ্যদয়ং পুরা || ১, ১৫২. ২ ||
যচ্চ রাজা চ যক্ষ্মা চ রাজয়ক্ষ্মা ততো মতঃ |
দেহৌষধক্ষয়কৃতেঃ ক্ষয়স্তৎসম্ভবাচ্চ সঃ || ১, ১৫২. ৩ ||
রসাদিশোষণাচ্ছোষো রোগরাডিতি রাজবৎ |
সাহসং বেগসংরোধঃ শুক্রৌজঃ স্নেহসঙ্ক্ষয়ঃ || ১, ১৫২. ৪ ||
অন্নপানবিধিত্যাগশ্চৎবারস্তস্যহেতবঃ |
তৈরুদীর্ণোঽনিলঃ পিত্তং ব্যর্থং চোদীর্য সর্বতঃ || ১, ১৫২. ৫ ||
শরিরসন্ধিমাবিশ্য তাঃ শিরাঃ প্রতিপীডয়ন্ |
মুখানি স্রোতসাং রুদ্ধ্বা তথৈবাতিবিসৃজ্য বা || ১, ১৫২. ৬ ||
মধ্যমূর্ধ্বমধস্তির্যগব্যথাং সঞ্জনয়েদ্ধৃদঃ |
রূপং ভবিষ্যতস্তস্য প্রতিশ্যায়ো ভৃশং জ্বরঃ || ১, ১৫২. ৭ ||
প্রসেকো মুখমাধুর্যং মার্দবং বহ্নিদে হয়োঃ |
লৌল্যভাবোঽন্নপানাদৌ শুচাবশুচিবীক্ষণম্ || ১, ১৫২. ৮ ||
মক্ষিকাতৃণকেশাদিপাতঃ প্রায়োঽন্নপানয়োঃ |
হৃল্লাসশ্ছর্দিররুচিরস্নাতেঽপি বলক্ষয়ঃ || ১, ১৫২. ৯ ||
পাণ্যোরুবক্ষঃ পাদাস্যকুক্ষ্যক্ষ্ণোরতিশুক্লতা |
বাহ্বোঃ প্রতোদো জিহ্বায়াঃ কায়ে বৈভৎস্যদর্শনম্ || ১, ১৫২. ১০ ||
স্ত্রীমদ্যমাংসপ্রিয়তা ঘৃণিতা মূর্ধগুণ্ঠনম্ |
নখকেশাস্থিবৃদ্ধিশ্চ স্বপ্নে চাভিভবো ভবেৎ || ১, ১৫২. ১১ ||
পতনং কৃকলাসাহিকপিশ্বাপদপক্ষিভিঃ |
কেশাস্থিতুষভস্মাদিতরৌ সমধিরোহণম্ || ১, ১৫২. ১২ ||
শূন্যানাং গ্রামদেশানাং দর্শনং শুষ্যতোঽম্ভসঃ |
জ্যোতির্দিবি দবাগ্নীনাং জ্বলতাং চ মহীরুহাম্ || ১, ১৫২. ১৩ ||
পীনসশ্বাসকাসং চ স্বরমূর্ধরুজোঽরুচিঃ |
ঊর্ধ্বনিঃ শ্বাসসংশোষাবধশ্ছর্দিশ্চ কোষ্ঠগে || ১, ১৫২. ১৪ ||
স্থিতে পার্শ্বে চ রুগ্বোধে সন্ধিস্থে ভবতি জ্বরঃ |
রূপাণ্যৈকাদশৈতানি জায়ন্তে রাজয়ক্ষ্মণঃ || ১, ১৫২. ১৫ ||
তেষামুপদ্রবান্বিদ্যাৎকণ্ঠধ্বংসকরী রুজাঃ |
জৃম্ভাঙ্গমর্দনিষ্ঠীববহ্নিমান্দ্যাস্যপূতিতা || ১, ১৫২. ১৬ ||
তত্র বাতাচ্ছিরঃ পার্শ্বশূলনং সাঙ্গমর্দনম্ |
কণ্ঠরোধঃ স্বরভ্রংশঃ পিত্তাৎপাদাংসপাণিষু || ১, ১৫২. ১৭ ||
দাহোঽতিসারোঽসৃক্ছর্দির্মুখগন্ধো জ্বরো মদঃ |
কফাদরোচকচ্ছর্দিকাসা অর্ধ্বাং গগৌরবম্ || ১, ১৫২. ১৮ ||
প্রসেকঃ পীনসঃ শ্বাসঃ স্বরভেদোঽল্পবহ্নিতা |
দোষৈর্মন্দানলৎবেন শোথলেপকফোল্বণৈঃ || ১, ১৫২. ১৯ ||
স্রোতোমুখেষু রুদ্ধেষু ধাতুষু স্বল্পকেষু চ |
বিদাহো মনসঃ স্থানে ভবন্ত্যন্যে হ্যুপদ্রবাঃ || ১, ১৫২. ২০ ||
পচ্যতে কোষ্ঠ এবান্নমম্লয়ুক্তৈ রসৈর্যুতম্ |
প্রায়োঽস্য ক্ষয়ভাগানাং নৈবান্নং চাঙ্গপুষ্টয়ে || ১, ১৫২. ২১ ||
রসো হ্যস্য ন রক্তায় মাংসায় কুরুতে তু তৎ |
উপষ্টব্ধঃ সমন্তাচ্চ কেবলং বর্ততে ক্ষয়ী || ১, ১৫২. ২২ ||
লিঙ্গেষ্বল্পেষ্বতিক্ষীণং ব্যাধৌ ষট্করণক্ষয়ম্ |
বর্জয়েৎসাধয়েদেব সর্বেষ্বপি ততোঽন্যথা || ১, ১৫২. ২৩ ||
দোষৈর্ব্যস্তৈঃ সমস্তৈশ্চ ক্ষয়াৎসর্বস্য মেদসঃ |
স্বরভেদো ভবেত্তস্য ক্ষামো রূক্ষশ্চলঃ স্বরঃ || ১, ১৫২. ২৪ ||
শুকবর্ণাভকণ্ঠৎবং স্নিগ্ধোষ্ণোপশমোঽনিলাৎ |
পিত্তাত্তালুগলে দাহঃ শোষো ভবতি সন্ততম্ || ১, ১৫২. ২৫ ||
লিম্পন্নিব কফৈঃ কণ্ঠং মুখং ঘুরঘুরায়তে |
স্বয়ং বিরুদ্ধৈঃ সর্বৈস্তু সর্বালিঙ্গৈঃ ক্ষয়ো ভবেৎ || ১, ১৫২. ২৬ ||
ধূমায়তীব চাত্যর্থমুদেতি শ্লেষ্মলক্ষণম্ |
কৃচ্ছ্রসাধ্যাঃ ক্ষয়াশ্চাত্র সর্বৈরল্পঞ্চ বর্জয়েৎ || ১, ১৫২. ২৭ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
যক্ষ্মনিদানা নাম দ্বিপঞ্চাশদুত্তরশততমোঽধ্যায়ঃ

শ্রীগরুডমহাপুরাণম্-১৫৩
ধন্বন্তরিরুদাচ |
অরোচকনিদান্তে বক্ষ্যেঽহং সুশ্রুতাধুনা |
অরোচকো ভবেদ্দোষৈর্জিহ্বাহৃদয়সংশ্রয়ৈঃ || ১, ১৫৩. ১ ||
সন্নিপাতেন মনসঃ সন্তাপেন চ পঞ্চমঃ |
কষায়তিক্তমধুরং বাতাদিষু মুখং ক্রমাৎ || ১, ১৫৩. ২ ||
সর্বং বীতরসং শোকক্রোধাদিষু যথা মনঃ |
ছর্দিদোষৈঃ পৃথক্সর্বৈর্দুষ্টৈরন্যৈশ্চ পঞ্চমঃ || ১, ১৫৩. ৩ ||
উদানোঽধিকৃতান্দোষান্সর্বং সন্ধ্যর্হমস্যতি |
আশু ক্লেশোঽস্য লাবণ্যপ্রসেকারুচয়ঃ ক্রমাৎ || ১, ১৫৩. ৪ ||
নাভিপৃষ্ঠং রুজত্যাশু পার্শ্বে চাহারমুৎক্ষিপেৎ |
ততো বিচ্ছ্রিন্নল্পাল্পকষায়ং ফেনিলং বমেৎ || ১, ১৫৩. ৫ ||
শব্দোদ্গরয়ুতঃ কৃচ্ছ্রমনুকৃচ্ছ্রেণ বেগবৎ |
কাসাস্যশোষকং বাতাৎস্বরপীডাসমন্বিতম্ || ১, ১৫৩. ৬ ||
পিত্তাৎক্ষারোদকনিভং ধূম্রং হরিতপীতকম্ |
সাসৃগম্লং কটুতিক্তং তৃণ্মূর্ছাদাহপাকবৎ || ১, ১৫৩. ৭ ||
কফাৎস্নিগ্ধং ঘনং পীতং শ্লেষ্মতস্তু সমাক্ষিকম্ |
মধুরং লবণং ভূরি প্রসক্তং লোমহর্ষণম্ || ১, ১৫৩. ৮ ||
মখশ্বয়থুমাধুর্যতন্দ্রাহৃল্লাসকাসবান্ |
সর্বৈর্লিঙ্গৈঃ সমাপন্নস্ত্যাজ্যো ভবতি সর্বথা || ১, ১৫৩. ৯ ||
সর্বং যস্য চ বিদ্বিষ্টং দর্শনশ্রবণাদিভিঃ |
বাতাদিনৈব সঙ্ক্রুদ্ধকৃমিদুষ্টান্নজে গদে |
শূলবেপতুহৃল্লাসো বিশেষাৎকৃমিজে ভবেৎ || ১, ১৫৩. ১০ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
ঽরোচকনিদানা নাম ত্রিপঞ্চাশদুত্তরশততমোঽধ্যায়ঃ

শ্রীগরুডমহাপুরাণম্-১৫৪
ধন্বন্তরিরুবাচ |
হৃদ্রোগাদিনিদানং তে বক্ষ্যেঽহং সুশ্রুতাধুনা |
কৃমিহৃদ্রোগলিঙ্গৈশ্চ স্মৃতাঃ পঞ্চ তু হৃদ্গতাঃ || ১, ১৫৪. ১ ||
বাতেন শূন্যাতাত্যর্থং ভুজ্যতে রোরুদীতি চ |
ভিদ্যতে শুষ্যতে স্তব্ধং হৃদয়ং শূন্যতা ভ্রমঃ || ১, ১৫৪. ২ ||
অকস্মাদ্দীনতা শোকো ভয়ং শব্দেঽসৈষ্ণুতা |
বেপথুর্বেপনান্মোহঃ শ্বাসরোধোঽল্পনিদ্রতা || ১, ১৫৪. ৩ ||
পিত্তাত্তৃষ্ণা শ্রমো দাহো স্বেদোঽম্লকফজঃ ক্রমঃ |
ছর্দনং হ্যম্লপিত্তস্য ধূমকল্পিতকো জ্বরঃ || ১, ১৫৪. ৪ ||
শ্লেষ্মণা হৃদয়ং স্তব্ধং ভারিকং সাশ্মগর্ভবৎ |
কাসাস্থিসাদনিষ্ঠীবনিদ্রালস্যারুচিজ্বরাঃ || ১, ১৫৪. ৫ ||
হৃদ্রোগে হি ত্রিভির্দেষৈঃ কৃমিভিঃ শ্যাবনেত্রতা |
তমঃ প্রবেশো হৃল্লাসঃ শোথঃ কণ্ডূঃ কফস্ত্রুতিঃ || ১, ১৫৪. ৬ ||
হৃদয়ং সততং চাত্র ক্রকচেনেব দীর্যতে |
চিকিৎসদাময়ং (রং) ঘোরং তচ্ছীঘ্রং শীঘ্রমারিণম্ || ১, ১৫৪. ৭ ||
বাতাৎপিত্তাৎকফাত্তৃষ্ণা সন্নিপাতাদ্বলক্ষয়ঃ |
ষষ্ঠী স্যাদুপসর্গাচ্চ বাতপিত্তে চ কারণম্ || ১, ১৫৪. ৮ ||
সর্বেষু তৎপ্রকোপো হি সম্যগ্ধাতুপ্রশোষণাৎ |
সর্বদেহভ্রামোৎকম্পতাপহৃদ্দাহমোহকৃৎ || ১, ১৫৪. ৯ ||
জিহ্বামূলগলক্লোমতালুতোয়বহাঃ শিরাঃ |
সংশোষ্য তৃষ্ণা জায়ন্তে তাসাং সামান্যলক্ষণম্ || ১, ১৫৪. ১০ ||
মুখশোষো জলাতৃপ্তিরন্নদ্বেষঃ স্বরক্ষয়ঃ |
কণ্ঠোষ্ঠতালুকার্কশ্যাজ্জিহ্বানিষ্ক্রমণে ক্লমঃ || ১, ১৫৪. ১১ ||
প্রলাপশ্চিত্তবিভ্রংশো হ্যুদ্গরাঢ্যস্তথাময়ঃ |
মারুতাৎক্ষামতাদৈন্যং শঙ্খভে (তো) দঃ শিরৌভ্রমঃ || ১, ১৫৪. ১২ ||
গন্ধাজ্ঞানাস্যবৈরস্যশ্রুতিনিদ্রাবলক্ষয়াঃ |
শীতাম্লফেনবৃদ্ধিশ্চ পিত্তান্মূর্ছাস্যতিক্ততা || ১, ১৫৪. ১৩ ||
রক্তেক্ষণৎবং সততং শোষো দাহোঽতিধূমকঃ |
কফো রসাদ্বিকুপিতস্তোয়বাহিষু মারুতঃ || ১, ১৫৪. ১৪ ||
স্রোতস্তু সকফং তেন পঙ্কবচ্ছোষ্যতে ততঃ |
শূকৈরিবাচিতঃ কণ্ঠো নিদ্রা মধুরবক্রতা || ১, ১৫৪. ১৫ ||
আধ্মানং শিরসো জাড্যং স্তৈমিত্যচ্ছর্দ্যরোচকম্ |
আলস্যমবিপাকঞ্চ যঃ স স্যাৎসর্বলক্ষণঃ || ১, ১৫৪. ১৬ ||
আমোদ্ভবাচ্চ রক্তস্য সংরোধাদ্বাতপিত্ততা |
উষ্ণাক্রান্তস্য সহসা শীতাম্ভো ভজতস্তৃষা || ১, ১৫৪. ১৭ ||
উষ্ণাদূর্ধ্বং গতঃ কোষ্ঠং কুর্যাদ্বৈ পিত্তজৈবসা |
যা চ পানাতিপানোত্থা তীক্ষ্ণাগ্রে স্নেহপাকজা || ১, ১৫৪. ১৮ ||
স্নিগ্ধকট্বম্ললবণভোজনেন কফোদ্ভবা |
তৃষ্ণারসক্ষয়োক্তেন লক্ষণেন ক্ষয়াত্মিকা || ১, ১৫৪. ১৯ ||
শোষমোহজ্বরাদ্যন্যদীর্ঘরোগোপসর্গতঃ |
যা তৃষ্ণা জায়তে তীব্রা সোপসর্গাত্মিকা স্মৃতা || ১, ১৫৪. ২০ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
আম্লপিত্তনিদানা নাম চতুঃ পঞ্চাশদুত্তরশততমোঽধ্যায়ঃ

শ্রীগরুডমহাপুরাণম্-১৫৫
ধন্বন্তরিরুবাচ |
বক্ষ্যে মদাত্যয়াদেশ্চ নিদানং মুনিভাষিতম্ |
তীক্ষ্ণাম্লরূক্ষসূক্ষ্মাম্লব্যবায়াসুকরং লঘু || ১, ১৫৫. ১ ||
বিকাশি বিশদং মদ্যং মেদসোঽস্মাদ্বিপর্যয়ঃ |
তীক্ষ্ণোদয়াশ্চ দিব্যুক্তাশ্চিত্তোপপ্লবিনো গুণাঃ || ১, ১৫৫. ২ ||
জীবিতান্তাঃ প্রজায়ন্তে বিষেণোৎকর্ষবর্তিনা |
তীক্ষ্ণাদিভির্গুণৈর্মদ্যং মান্দ্যদীনোজসো গুণান্ || ১, ১৫৫. ৩ ||
দশভির্গুণৈঃ সঙ্ক্ষোম্যং চেতো নয়তি চাক্রিয়ম্ |
আদ্যে মদে দ্বিতীয়েঽপি প্রম (মো) দায়তনে স্থিতঃ || ১, ১৫৫. ৪ ||
দুর্বিকল্পহতো মূঢঃ সুখমিত্যভিমুচ্যতে |
মধ্যমোত্তময়োঃ সন্ধিং প্রাপ্য রাজাসনো মদঃ || ১, ১৫৫. ৫ ||
নিরঙ্কুশ ইব ব্যালো ন কিঞ্চিন্নাচরেত্ততঃ |
ইয়ং ভূমিরবাচ্যানাং দৌঃ শীলস্যেদমাস্পদম্ || ১, ১৫৫. ৬ ||
একোঽযং বহুমার্গায়াঃ দুর্গর্(ম) তের্দর্শকঃ পরম্ |
নিশ্চেষ্টঃ সন্নবাক্ষেতে তৃতীয়েঽত্র মদে স্থিতঃ || ১, ১৫৫. ৭ ||
মরণাদপি পাপাত্মা গতঃ পাপতরাং দশাম্ |
ধর্মাধর্মং সুখং দুঃখং মানানর্থং হিতাহিতম্ || ১, ১৫৫. ৮ ||
ন বেদ শীকমোহার্তং শোষ (ক) মোহাদিসংযুতঃ |
সোন্মাদভ্রমমূর্ছায়াং সাপস্মারঃ পতত্যধঃ || ১, ১৫৫. ৯ ||
নাতি মাদ্যন্তি বলিনঃ কৃতাহারা মহাশনাঃ |
বাতাৎপিত্তাৎকফাৎসর্বৈর্ভবেদ্রোগো মদাত্যয়ঃ || ১, ১৫৫. ১০ ||
সামান্যলক্ষণং তেষাং প্রমোহো হৃদয়ব্যথা |
বিভেদং প্রসভং তৃষ্ণা সৌম্যো গ্লানির্জ্বরোঽরুচিঃ || ১, ১৫৫. ১১ ||
পুরোবিবন্ধস্তিমিরং কাসঃ শ্বাসঃ প্রজাগরঃ |
স্বেদোঽতিমাত্রং বিষ্টম্ভঃ শ্বয়থুশ্চিত্তবিভ্রমঃ || ১, ১৫৫. ১২ ||
স্বপ্নেনেবাভিভবতি ন চোক্তশ্চ স ভাষতেঃ |
পিত্তাদ্দাহজ্বরঃ স্বেদো মোহো নিত্যং চ বিভ্রমঃ || ১, ১৫৫. ১৩ ||
শ্লেষ্মণশ্ছর্দির্হৃল্লাসো নিদ্রা চোদরগৌরবম্ |
সর্বজে সর্বলিঙ্গৎবং জ্ঞাৎবা মদ্যং পিবেত্তু যঃ || ১, ১৫৫. ১৪ ||
সহসা রুচিরং চান্যতরধ্বংসকশোষিণৌ |
ভবেতাং? মারুতাৎকষ্টাদ্ভবেত্ত স্য বিশেষতঃ || ১, ১৫৫. ১৫ ||
ধ্বংসকশ্লেষ্মনিষ্ঠিবাঃ কণ্ঠশোষোঽতিনিদ্রতা |
শব্দাসহৎবং তচ্চিত্তবিক্ষেপোঽঙ্গে হি বাতরুক্ || ১, ১৫৫. ১৬ ||
হৃৎকণ্ঠরোগঃ সমোহঃ শ্বাসতৃষ্ণাবমিজ্বরাঃ |
নিবর্তেদ্যস্তু মদ্যেভ্যো জিতাত্মা বুদ্ধিপূর্বকৃৎ || ১, ১৫৫. ১৭ ||
বিকারৈঃ ক্লিশ্যতে জাতু ন স শরীরমানসঃ |
রজোমোহহিতাহারপাস্য স্যুস্ত্রয়ো গদাঃ || ১, ১৫৫. ১৮ ||
বসাসৃক্ক্লেদনাবাহিস্রোতোরোধঃ সুদ্ভবাঃ |
মদমূর্ছাপসংন্যাসা যথোত্তরবলোদ্ভবাঃ || ১, ১৫৫. ১৯ ||
মদোঽত্র দোষৈঃ সর্বৈস্তু রক্তমদ্যবিষৈরপি |
শক্ত্যানন্ত্যাদ্গতাভাসশ্চলশ্ছলিতবেষ্টিতঃ || ১, ১৫৫. ২০ ||
রূক্ষশ্যামারুণতনুর্মদ্যে বাতোদ্ভবে ভবেৎ |
পিত্তেন ক্রোধনো রক্তপীতাভঃ কলহপ্রিয়ঃ || ১, ১৫৫. ২১ ||
স্বপ্নেঽসম্বদ্ধবাক্যাদিঃ কফাদ্ধ্যানপরো হি সঃ |
সর্বোত্থসন্নিপাতেন রক্তস্তম্ভাঙ্গদূষণম্ || ১, ১৫৫. ২২ ||
পিত্তলিঙ্গৎবমাদ্যেন বিকৃতেহা স্বরাজ্ঞতা |
বিসৎকম্পোতিনিদ্রা চ সর্বেভ্যোঽভ্যধিকং শ্রমঃ || ১, ১৫৫. ২৩ ||
লক্ষয়েল্লক্ষণোৎকর্ষাদ্বাতাদীঞ্ছোণিতাদিষু |
অরুণং নীলকৃষ্ণং বা সম্প্রবিশ্যন্বিশেত্তমঃ || ১, ১৫৫. ২৪ ||
শীঘ্রং চ প্রতিবুধ্যেত হৃৎপীডা বেপথুর্ভ্রমঃ |
কাসঃ শ্যাবারুণা চ্ছায়া মূর্ছায়াং মারুতাত্মকঃ || ১, ১৫৫. ২৫ ||
পিত্তেন রক্তং পীতং বা নভঃ পশ্যন্বিশেত্তমঃ |
বিবুধ্যেত চ সস্বেদো দাহতৃষ্ণোপপীডিতঃ || ১, ১৫৫. ২৬ ||
ভিন্নবৎপীতনীলাভো রক্তনীলাকুলেক্ষণঃ |
কফেন মেঘসঙ্কাশং পশ্যত্যাকাশমাবিশেৎ || ১, ১৫৫. ২৭ ||
তমশ্চিরাচ্চ বুধ্যে হৃদুরঃ সুপ্রসেকবান্ |
গুরুভিস্তিমিতৈ (রৈ) রঙ্গে রাজধর্মাববন্ধান্(বৎ) || ১, ১৫৫. ২৮ ||
সর্বাকৃতিস্ত্রিভির্দেষৈরপস্মার ইবাপরঃ |
পাতয়ত্যাশু নিশ্চেষ্টং বিনা বীভৎসচেষ্টিতৈঃ || ১, ১৫৫. ২৯ ||
দোষৈস্তু মদমূর্ছায়াং কৃতবেগেষু দেহিনাম্ |
স্বয়মেবোপশাম্যন্তি সংন্যাসেনৌষধৈর্নিবা || ১, ১৫৫. ৩০ ||
বাগ্দেহমনসাং চেষ্টামাক্ষিপ্যাতিবলাবলাঃ |
সসন্যাসং নিপতিতাঃ প্রাণাঘাতনসংশ্রয়াঃ || ১, ১৫৫. ৩১ ||
ভবন্তি তেন পুরুষাঃ কাষ্ঠভূতা মৃতোপমাঃ |
ম্রিয়েত শীঘ্রং শীঘ্রং চেচ্চিকিৎসা ন প্রয়ুজ্যতে || ১, ১৫৫. ৩২ ||
অগাধে গ্রাহবহুলে সলিলৌঘ ইবার্ণবে |
সংন্যাসে বিনিমজ্জন্তং নরমাশু নিবর্তয়েৎ || ১, ১৫৫. ৩৩ ||
মদমানরোষতোষ প্রবৃত্তিভিরিতস্ততঃ |
যুক্তায়ুক্তং চ সমং যুক্তিং যুঙ্ক্তে ন মদ্যেন || ১, ১৫৫. ৩৪ ||
বলকাসদেশপাত্রং প্রকৃতিসহতামথবা বয়াংসি? |
প্রবিভজ্জ্যাত্তনুরূপং পিবতি ততঃ পিবত্যমৃত || ১, ১৫৫. ৩৫ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
মদাত্যয়াদিনিদানং নাম পঞ্চপঞ্চাশদুত্তরশততমোঽধ্যায়ঃ

শ্রীগরুডমহাপুরাণম্-১৫৬
ধন্বন্তরিরুবাচ |
অথার্শসাং নিদানং চ ব্যাখ্যাস্যমি চ সুশ্রুত ! |
সর্বদা প্রাণিনাং মাংসে কীলকাঃ প্রভবন্তি যে || ১, ১৫৬. ১ ||
অর্শাংসি তস্মাদুচ্যন্তে গুদমার্গনিরোধনাৎ |
দোষস্ত্বঙ্মাংসমেদাংসি সন্দূষ্য বিবিধাকৃতীন্ || ১, ১৫৬. ২ ||
মাংসাঙ্কুরানপানাদৌ কুর্বন্ত্যর্শাংসি তাঞ্জগুঃ |
সহজন্মান্তরোত্থেন ভেদো দ্বেধা সমাসতঃ || ১, ১৫৬. ৩ ||
শুষ্কাগ্রাবাবিভেদাশ্চ গুদস্থানানুসংশ্রয়াঃ |
অর্ধপঞ্চাঙ্গুলিস্তস্মিংস্তিস্রোঽঘ্যর্ধাঙ্গুলিস্থিতাঃ || ১, ১৫৬. ৪ ||
বাল্যপ্রবাহিণী তাসামন্ত্রমধ্যে বিসর্জিনী |
বাহ্যাসংবরণে তস্যা গুদাদৌ বহিরঙ্গুলে || ১, ১৫৬. ৫ ||
সার্ধাঙ্গুলপ্রমাণেন রোমাণ্যত্র ততঃ পরম্ |
তত্র হেতুঃ সহোত্থানাং বাল্যে বীজোপতপ্ততা || ১, ১৫৬. ৬ ||
অর্শসাং বীজসৃষ্টিস্তু মাতাপিত্রপচারতঃ |
দেবতানাং প্রকোপে হি সান্নিপাতস্য চান্যতঃ || ১, ১৫৬. ৭ ||
অসাধ্যা এবমাখ্যাতাঃ সর্বে রোগাঃ কুলোদ্ভবাঃ |
সহজানি বিশেষেণ রূক্ষদুর্দর্শনানি তু || ১, ১৫৬. ৮ ||
অন্তর্মুখানি পাণ্ডূনি দারুণোপদ্রবাণি চ |
যোজ্যানি চ পৃথোগ্দোষসংসর্গনিচয়াৎস্বতঃ || ১, ১৫৬. ৯ ||
শুষ্কাণি বাতশ্লেষ্মভ্যামার্দ্রাণি ৎবস্য পিত্ততঃ |
দোষপ্রকোপহেতুস্তু প্রাগুক্তেবস্ত্রসাদিনি || ১, ১৫৬. ১০ ||
অগ্নৌ মলেঽতিনিচিতে পুনশ্চায়ং (তি) ব্যবায়তঃ |
পানসঙ্ক্ষোভবিষমকঠিনক্ষুদ্রকাশনাৎ || ১, ১৫৬. ১১ ||
বস্তিনেত্রগলৌষ্ঠোত্থতলভেদাদিঘট্টনাৎ |
ভৃশশীতাম্বুসংস্পর্শপ্রততাতিপ্রবাহণাৎ || ১, ১৫৬. ১২ ||
গতমূত্রশকৃদ্বেগধারণাত্তদুদীরণাৎ |
জুগুপ্সাতীসারমেব গ্রহণী সোঽপ্যুপদ্রবঃ || ১, ১৫৬. ১৩ ||
কর্ষণাদ্বিষমাদেশ্চচেষ্টাভ্যো যোষিতাং পুনঃ |
আমগর্ভপ্রপতনাদ্গর্ভবৃদ্ধিপ্রপীডনাৎ || ১, ১৫৬. ১৪ ||
ঈদৃশৈশ্চাপরৈর্বায়ুরপানঃ কুপিতো মলে |
পায়োর্বলীষু সদ্রবৃত্তিভাস্বন্নিঃ পূর্ণমূর্তিষু || ১, ১৫৬. ১৫ ||
জায়ন্তের্ঽশাংসিতু তৎপূর্বং লক্ষণং বহ্নিমন্দতা |
বিষ্টম্ভঃ সাস্থিসদনং পিণ্ডি (ষ্ট) কোদ্বেষ্টনং ভ্রমঃ || ১, ১৫৬. ১৬ ||
সান্দ্রোত্থোনেত্রয়োঃ শোথঃ শকৃদ্ভবেদোঽথ বা গ্রহঃ |
মারুতঃ পুরতো মূঢঃ প্রায়ো নাভেরধশ্চরন্ || ১, ১৫৬. ১৭ ||
সরক্তঃ পরিকৃন্তংশ্চ কৃচ্ছ্রাদাকুঞ্চতি শ্বসন্ |
অন্ত্রকূজনমাটোপঃ ক্ষারিতোদ্গারভূরিতা || ১, ১৫৬. ১৮ ||
প্রভূতমূত্রমল্পা বিডশ্রদ্ধা ধূম্রকোষ্ঠকঃ |
শিরঃ পৃষ্ঠোরসাং শূলমালস্যং ভিন্নবর্চসম্ || ১, ১৫৬. ১৯ ||
ইন্দ্রিয়ার্থেষু লৌল্যং চ ক্রোধো দুঃখোপচারতঃ |
আশঙ্কা গ্রহণী শোথঃ পাণ্ডুগুল্মোদরেষু চ || ১, ১৫৬. ২০ ||
এতান্যেব বিবর্ধন্তে জাতেষ্বহতনামসু |
নিবর্তমানো মানো হি তৈরধোমার্গরোধতঃ || ১, ১৫৬. ২১ ||
ক্ষোভয়েদনিলানন্যান্সর্বেন্দ্রিয়শরীগান্ |
তথা মূত্রশকৃৎপিত্তকফান্বায়ুশ্চ শোষয়ন্ || ১, ১৫৬. ২২ ||
মুষ্ণাত্যগ্নিং ততঃ সর্বে ভবন্তি প্রায়শোর্ঽশসঃ |
কৃশো ভৃশং হতোৎসাহো দীনঃ ক্ষামোঽথ নিষ্প্রভঃ || ১, ১৫৬. ২৩ ||
অসারী বিগতচ্ছায়ো জন্তুদগ্ধ ইবদ্রুম |
কৃচ্ছ্রৈরুগ্রদ্রবৈর্গ্রস্তো যক্ষ্মোক্তৈর্মর্মপীডনৈঃ || ১, ১৫৬. ২৪ ||
তথা কাশপিপাসাস্যবৈরস্যশ্বাসপীনসৈঃ |
ক্লমাঙ্গভঙ্গবমথুক্ষবথুশ্বয়থুজ্বরৈঃ || ১, ১৫৬. ২৫ ||
ক্লৈব্যবাধির্যস্তৈমিত্যশর্করাপরিপীডিতঃ |
ক্ষামো ভিন্নস্বরো ধ্যায়ন্মুহুঃ ষ্ঠীবন্নরোচকী || ১, ১৫৬. ২৬ ||
সর্বপর্বাস্থিহৃন্নাভীপায়ুবঙ্ক্ষণশূলবান্ |
গুদেনস্ত্রবতা পিত্তং বলাকোদরসন্নিভম্ || ১, ১৫৬. ২৭ ||
বিশুষ্কং চৈব মুক্তাগ্রং পক্বামং চান্তরান্তরম্ |
পাণ্ডুপিত্তং হরিদ্রাক্তং পিচ্ছিলং চোপবেশ্যতে || ১, ১৫৬. ২৮ ||
গুদাঙ্কুরা বহ্বনিলাঃ শুষ্কাশ্চিমচিমান্বিতাঃ |
পীনাঙ্গারারুণাঃ স্তব্ধা বিষমাঃ পরুষাকরাঃ || ১, ১৫৬. ২৯ ||
মিথো বিসদৃশ বক্রাস্তীক্ষ্ণা বিস্ফুটি(রি) তাননাঃ |
শিম্বীখর্জৃরকর্কন্ধূকার্পাসফলসন্নিভাঃ || ১, ১৫৬. ৩০ ||
কেচিৎকদম্বপুষ্পাভাঃ কেচিৎসিদ্ধার্থকোপমাঃ |
শিরঃ পার্শ্বাংসজঙ্ঘোরুবঙ্ক্ষণাদ্যধিকব্যথাঃ || ১, ১৫৬. ৩১ ||
ক্ষবথূদ্গারবিষ্টম্ভহৃদ্গহারোচকপ্রদাঃ |
কাসশ্বাসাগ্নিবৈষম্যকর্ণনাদভ্রমাবহাঃ || ১, ১৫৬. ৩২ ||
তৈরার্তো গ্রথিতং স্তোকং সশব্দং সপ্রবাহিকম্ |
রুক্ফেনপিচ্ছানুগতং বিবদ্ধমুপবেশ্যতে || ১, ১৫৬. ৩৩ ||
কৃষ্ণৎবগ্বদ্ধবিণ্মূত্রনেত্রবক্ত্রশ্চ জায়তে |
গুল্মপ্লীহোদরাষ্ঠীলাসম্ভবস্তস্য চৈব হি || ১, ১৫৬. ৩৪ ||
পিত্তোত্তরা নীলমুখা রক্তপীতাসিতপ্রভাঃ |
তন্বগ্রস্ত্রাবিণো বিশ্রাস্তনবো মৃদবঃ শ্লথাঃ || ১, ১৫৬. ৩৫ ||
শুকজিহ্বা যকৃৎখণ্ডজলৌকাবক্ত্রসন্নিভাঃ |
দাহশো (ষ) কজ্বরস্বেদতৃণ্মূর্ছারুচিমোহদাঃ || ১, ১৫৬. ৩৬ ||
সোষ্মাণো দ্রবনীলোষ্ণপীতরক্তামবর্চসঃ |
যবমধ্যা হরিৎপীতহারিদ্রৎবঙ্নখাদয়ঃ || ১, ১৫৬. ৩৭ ||
শ্লেষ্মোল্বণা মহামূলা ঘনা মন্দরুজঃ সিতাঃ |
উৎসন্নোপচিতস্নিগ্ধস্তব্ধবৃত্তগুরুস্থিরাঃ || ১, ১৫৬. ৩৮ ||
পিচ্ছিলাঃ স্তিমিতাঃ শ্লক্ষ্ণাঃ কণ্ড্বাঢ্যাঃ স্পর্শনপ্রিয়াঃ |
করীরপনসাস্থ্যাভাস্তথা গোস্তনসন্নিভাঃ || ১, ১৫৬. ৩৯ ||
বঙ্ক্ষণানাহিনঃ পুয়ুবস্তিনাভিবিকর্তনাঃ |
সকাশশ্বাসহৃল্লাসপ্রসেকারুচিপীনসাঃ || ১, ১৫৬. ৪০ ||
মহকৃচ্ছ্রশিরোজাড্যশিশিরক্ষারকারিণঃ |
ক্লৈব্যাগ্নিমার্দবচ্ছর্দ্যতীসারাদিবিকারদাঃ || ১, ১৫৬. ৪১ ||
বসাভসকফপ্রাজ্যপুরীষাসৃক্প্রবাহিকাঃ |
ন স্ত্রবন্তি ন ভিদ্যন্তে পাণ্ডুস্নিগ্ধৎবগাদয়ঃ || ১, ১৫৬. ৪২ ||
সংসৃষ্টলিঙ্গৎসংসর্গনিচয়াৎসর্বলক্ষণাঃ |
রক্তোল্বণা গুদে কীলাঃ পীতাকৃতিসমন্বিতাঃ || ১, ১৫৬. ৪৩ ||
বটপ্রসেহসদৃশাঃ গুঞ্জাবিদ্রুমসন্নিভাঃ |
তেঽত্যর্থং দুষ্টমুষ্ণং চ গাঢবিষ্টম্ভপীডিতাঃ || ১, ১৫৬. ৪৪ ||
স্ত্রবন্তি সহসা রক্তং তস্য চাতিপ্রবৃত্তিতঃ |
কেকাভঃ পীড্যতে দুঃখৈঃ শোণিতক্ষয়সম্ভবৈঃ || ১, ১৫৬. ৪৫ ||
হীনবর্ণবলোৎসাহো হতৌজাঃ কলুষেন্দ্রিয়ঃ |
মুদ্গকোদ্রবজম্বীরকরীরচণকাদিভিঃ || ১, ১৫৬. ৪৬ ||
রূক্ষৈঃ সঙ্গ্রাহিভির্বায়ুর্বিট্স্থানে কুপিতো বলী |
অধোবহানি স্রোতাংসি সংরুধ্যাধঃ প্রশোষয়ন্ || ১, ১৫৬. ৪৭ ||
পুরীষং বাতবিষ্ণূত্রসঙ্গং কুর্বীত দারুণম্? |
তেন তীব্রা রুজা কোষ্ঠপৃষ্ঠহৃৎপার্শ্বগা ভবেৎ || ১, ১৫৬. ৪৮ ||
আধ্মানমুদরে বিষ্ঠা হৃল্লাসপরিকর্তনে |
বস্তৌ চ সুতরাং শূলো গণ্ডশ্বয়থুসম্ভবঃ || ১, ১৫৬. ৪৯ ||
পবনস্যোর্ধ্বগামিৎবাত্ততশ্ছর্দ্যরুচিজ্বরাঃ |
হৃদ্রোগগ্রহণীদোষমূত্রসঙ্গপ্রবাহিকাঃ || ১, ১৫৬. ৫০ ||
বাধির্যাতিশিরঃ শ্বাসশিরোরুক্কাশপীনসাঃ? |
মনোবিকারস্তৃট্শ্বাসপিত্তগুল্মোদরাদয়ঃ || ১, ১৫৬. ৫১ ||
এতে চ বাতজা রোগা জায়ন্তে ভৃশদারুণাঃ |
দুর্নামামৃত্যূদাবর্তপরমোঽযমুপদ্রবঃ || ১, ১৫৬. ৫২ ||
বাতাভিভূতকোষ্ঠানাং তৈর্বিনাপি বিজায়তে |
সহজানি তু দোষাণি যানি চাভ্যন্তরে বলৌ || ১, ১৫৬. ৫৩ ||
স্থিতানি তান্যসাধ্যানি যাপ্যন্তেঽগ্নিবলাদিভিঃ |
দ্বন্দ্বজানি দ্বিতীয়ায়াং বলা যান্যাশ্রিতানি চ || ১, ১৫৬. ৫৪ ||
কৃচ্ছ্রসাধ্যানি তান্যাহুঃ পরিসংবৎসরাণি চ |
বাহ্যায়াং তু বলৌ জাতান্যেকদোষোল্বণানি চ || ১, ১৫৬. ৫৫ ||
অর্শাংসি সুখসাধ্যানি ন চিরোৎপত্তিকানি চ |
মেঢ্রাদিষ্বপি বক্ষ্যন্তে যথাস্বং নাভিজানি তু || ১, ১৫৬. ৫৬ ||
গণ্ডূপদস্য রূপাণি পিচ্ছিলানি মৃদূনি চ |
ব্যানো গৃহীৎবা শ্লেষ্মাণং করোত্যর্শস্ত্বচো বহিঃ || ১, ১৫৬. ৫৭ ||
কীলোপমং স্থিরখরং চর্মকীলং চ তদ্বিদুঃ |
বাতেন তোদঃ পারুষ্যং পিত্তাদসিতবক্ত্রতা || ১, ১৫৬. ৫৮ ||
শ্লেষ্মণঃ স্নিগ্ধতা তস্য গ্রথিতৎবং সবর্ণতা |
অর্শসাং প্রশমে যত্নমাশু কুর্বীত বুদ্ধিমান্ |
তান্যাশু হি গদন্ধা (কার্) য্য কুর্যুর্বদ্ধগুদোদরম্ || ১, ১৫৬. ৫৯ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
রশোনিদানা নাম ষট্পঞ্চাশদুত্তরশততমোঽধ্যায়ঃ

শ্রীগরুডমহাপুরাণম্-১৫৭
ধন্বন্তরিরুবাচ |
অতীসারগ্রহণ্যোশ্চ নিদানং বচ্মি সুশ্রুত |
দোষৈর্ব্যস্তৈঃ সমস্তৈশ্চ ভয়াচ্ছোকাচ্চ ষড্বিধঃ || ১, ১৫৭. ১ ||
অতীসারঃ স সুতরাং জায়তেঽত্যম্বুপানতঃ |
বিশুষ্কান্নবসাস্নেহতিলপিষ্টবিরূঢকৈঃ || ১, ১৫৭. ২ ||
মদ্যরূক্ষাতিমাত্রাদিরসাতিস্নেহবিভ্রমাৎ |
কৃমিঘোষবিরোধাচ্চ তদ্বিধেঃ কুপিতানিলঃ || ১, ১৫৭. ৩ ||
বিস্ত্রংসয়ত্যধোবাতং হৎবা তেনৈব চানলম্ |
ব্যাপার্যান্নশকৃৎকোষ্ঠপুরীষদ্রবতাদয়ঃ || ১, ১৫৭. ৪ ||
প্রকল্পতেঽতীসারস্য লক্ষণং তস্য ভাবিনঃ |
ভেদো হৃদ্গুদকোষ্ঠেষু গাত্রস্বেদো মলগ্রহঃ || ১, ১৫৭. ৫ ||
আধ্মানমবিপাকশ্চ তত্র বাতেন বিজ্বরম্ |
অল্পাল্পং শব্দশূন্যাঢ্যং বিরু (ব) দ্ধমুপবেশ্যতে || ১, ১৫৭. ৬ ||
রূক্ষং সফেনমচ্ছং চ গৃহীতং ব মুহুর্মুহুঃ |
তথাদগ্ধগদাভাসং পিচ্ছিলং পরিকর্তয়ন্ || ১, ১৫৭. ৭ ||
সশুষ্কভ্রষ্টপায়ুশ্চ হৃষ্টরোমা বিনিশ্বসন্ |
পিত্তেন পীতমশিতং হারিদ্রং শাদ্বলপ্রভম্ || ১, ১৫৭. ৮ ||
সরক্তমতিদুর্গন্ধং তৃণ্মূর্ছাস্বেদদাহবান্ |
সশূলপায়ুসন্তাপপাকবাঞ্ছ্লেষ্মণা ঘনম্ || ১, ১৫৭. ৯ ||
পিচ্ছিলং তত্রানুসারমল্পাল্পং সপ্রবাহিকম্ |
সরোমহর্পঃ সেক্লেশো গুরুবস্তিগুদোদরঃ || ১, ১৫৭. ১০ ||
কৃতেঽপ্যকৃতসঙ্গশ্চ সর্বাত্মা সর্বলক্ষণঃ |
ভয়েন ক্ষুভিতে চিত্তে শায়িতে দ্রাবয়েৎস (চ্ছ) কৃৎ || ১, ১৫৭. ১১ ||
বায়ুস্ততো নিবার্যেত ক্ষিপ্রমুষ্ণং দ্রবং প্লবম্ |
বাতপিত্তে সমং লিঙ্গমাহুস্তদ্বচ্চ শোকতঃ || ১, ১৫৭. ১২ ||
অতীসারঃ সমাসেন দ্বেধা সামো নিরামকঃ |
সাসৃগ্জাতং রসদ্রোগো গৌরবাদপ্সু মুঞ্চতি? |
শকৃদ্দুর্গন্ধমাটোপবিষ্টম্ভার্তিপ্রসেকিনঃ || ১, ১৫৭. ১৩ ||
বিপরীতো নিরামস্তু কফাৎকোঽপি ন মজ্জতি |
অতীসারেষু যো নাতি যত্নবান্গ্রহণীগদঃ || ১, ১৫৭. ১৪ ||
তস্য স্যাদগ্নিনির্বাণকার্যৈরত্যর্থসঞ্চিতৈঃ |
সামং শকৃন্নিরামং বা জীর্ণং যেনাতিসার্যতে || ১, ১৫৭. ১৫ ||
সোঽতিসারোঽতিসরণা দাশুকারীঃ স্বভাবতঃ |
সামংশীর্ণমজীর্ণেন জীর্ণে পক্বং তু নৈব চ || ১, ১৫৭. ১৬ ||
চিরকৃদ্গ্রহণীদোষঃ সঞ্চয়াংশ্চোপবেশয়েৎ |
অকস্মাদ্বারসুর্বেধমকস্মাৎসন্ধিনীমুহুঃ? |
স চতুর্ধা পৃথগ্দোষৈঃ সন্নিপাতাচ্চ জায়তে || ১, ১৫৭. ১৭ ||
প্রাগ্রূপাঙ্গস্য সদনং চিরাৎপবন অল্পকঃ |
প্রসেকো বক্ত্রবৈরস্যমরুচিস্তৃট্শ্রমোভ্রমঃ || ১, ১৫৭. ১৮ ||
আব (ন) দ্ধোদরতা ছর্দিঃ কর্ণকেঽপ্যনুকূজকম্ |
সামান্যলক্ষণং কার্শ্যং বমক স্তমকো জ্বরঃ || ১, ১৫৭. ১৯ ||
মূর্ছা শিরোরুবিষ্টম্ভঃ শ্বয়থুঃ করপাদয়োঃ |
তন্দ্রানিলাত্তালুশোষস্তিমিরং কর্ণয়োঃ স্বনঃ || ১, ১৫৭. ২০ ||
পার্শ্বোরুবঙ্ক্ষণগ্রীবারুজা তীক্ষ্ণবিষূচিকা |
রুগ্ণেষু বৃদ্ধিঃ সর্বষু ক্ষুত্তৃষ্ণাপরিহর্ত্রিকা || ১, ১৫৭. ২১ ||
জীর্ণেজীর্যতি চাধ্মানং ভুক্তে স্বাস্থ্যং সমশ্নুতে |
বাতাদ্ধৃদ্রোগগুল্মার্শঃপ্লীহপাণ্ডুরশঙ্কিতাঃ || ১, ১৫৭. ২২ ||
চিরাদ্দুঃখং দ্রবং শুষ্কং তুন্দারং শব্দফেনবৎ |
পুনঃ পুনঃ সৃজেদ্বর্চং পায়ুরুচ্ছ্বাসকাসবান্ || ১, ১৫৭. ২৩ ||
পীতেন পীতনীলাভং পীতাভং সৃজতি দ্রবম্ |
পূত্যম্লোদ্গারহৃৎকণ্ঠদাহারুচিতৃডর্দিতঃ || ১, ১৫৭. ২৪ ||
শ্লেষ্মণা পচ্যতে দুঃখে মনশ্ছর্দিররোচকঃ |
আস্যোপদাহনিষ্ঠীবকাসহৃল্লাসপীনসাঃ || ১, ১৫৭. ২৫ ||
হৃদয়ং মন্যতে স্ত্যানমুদরং স্তিমিতং গুরু |
উদ্গারো দুষ্টমধুরঃ সদনং সপ্রহর্ষণম্ || ১, ১৫৭. ২৬ ||
সম্ভিন্নশ্লেষ্মসংশ্লিষ্টগুরুচাম্লৈঃ (বর্চঃ) প্রবর্তচম্ |
অকৃশস্যাপি দৌর্বল্যং সর্বজে সর্বদর্শনম্ || ১, ১৫৭. ২৭ ||
বিভাগেঽঙ্গস্য যে প্রোক্তা পিপাসাদ্যাস্ত্রয়ো মলাঃ |
তেঽপ্যস্য গ্রহণীদোষাঃ সমন্তেষ্বস্তি কারণম্ || ১, ১৫৭. ২৮ ||
বাতব্যাধ্যশ্মরীকুষ্ঠমেহোদরভগন্দরম্ |
অর্শাংসি গ্রহণীত্যষ্টৌ মহারোগাঃ সুদুস্তরাঃ || ১, ১৫৭. ২৯ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
তিসারনিদান নাম সপ্তঞ্চাশদুত্তরশতমোঽধ্যায়ঃ

শ্রীগরুডমহাপুরাণম্-১৫৮
ধন্বন্তরিরুবাচ |
অথাতো মূত্রঘাতস্য নিদানং শৃণু সুশ্রুত |
বস্তিবস্তিশিরোমেঢ্রকটীবৃষণপায়ু চ || ১, ১৫৮. ১ ||
একসংবহনাঃ প্রোক্তা গুদাস্থিবিবরাশ্রয়াঃ |
অধোমুখোঽপি বস্তির্হি মূত্রবাহিশিরামুখৈঃ || ১, ১৫৮. ২ ||
পার্শ্বেভ্যঃ পূর্যতে শ্লক্ষ্ণৈ (সূক্ষ্মৈঃ) স্যন্দমানৈরনারতম্ |
তৈস্তৈরেব প্রবিশ্যৈবন্দোষান্কুবন্তি বিংশতিম্ || ১, ১৫৮. ৩ ||
মূত্রাঘাতঃ প্রমেহশ্চ কৃচ্ছ্রান্মর্ম সমাশ্রয়েৎ |
বস্তিবঙ্ক্ষণমেঢ্রার্তিয়ুক্তোল্পাল্পং মুহুর্মুহুঃ || ১, ১৫৮. ৪ ||
মূত্রাণ্যাবাতজে কৃচ্ছ্রপীত্তে পীতং সদাহরুক্ |
রক্তং বা কফজো বস্তিমেঢ্রগৌরবশোথবান্ || ১, ১৫৮. ৫ ||
সপিচ্ছং সনিরুদ্ধং চ সর্বৈঃ সর্বাত্মকং মলৈঃ |
যদা বায়ুর্মুখং বস্তের্ব্যাবর্ত্য পারিশোষয়ন্ || ১, ১৫৮. ৬ ||
মূত্রং সপিত্তং সকফং সশুক্রং বা তদা ক্রমাৎ |
সঞ্জায়তেঽশ্মরী ঘোরা পিত্তং গোরিব রোচনা || ১, ১৫৮. ৭ ||
শ্লেষ্মাশ্রয়া চ সর্বা স্যাদথাস্যাঃ পূর্বলক্ষণম্ |
বস্ত্যাধ্মানং তদাসন্নদেশোহি পরিতোঽতিরুক্ || ১, ১৫৮. ৮ ||
বস্তৌ চ মূত্রসঙ্গিৎবং মূত্রকৃচ্ছ্রং জ্বরোঽরুচিঃ |
সামান্যলিঙ্গং রুঙ্নাভিসীবনীবস্তিমূর্ধসু || ১, ১৫৮. ৯ ||
বিস্তীর্ণবা সং মূত্রং স্যাত্তথা মার্গনিরোধনে |
বদ্ধং বদ্ধ্বা সুখং মেহেদচ্ছং গোমেদকোপমম্ || ১, ১৫৮. ১০ ||
তৎসঙ্ক্ষোভাদ্ভবেৎসাসৃঙ্মাংসমধ্বনি রুগ্ভবেৎ |
তত্র বাতাভিসৃত্যার্তোদন্তান্খাদতি বেপতে || ১, ১৫৮. ১১ ||
গৃহ্ণাতি মেহনং নাভিং পীডয়ত্যতিলক্ষণম্ |
সানিলং মুঞ্চতি শকৃন্মুহুর্মেহতি বিন্দুশঃ || ১, ১৫৮. ১২ ||
শ্যামরূক্ষাশ্মরী চাস্য স্যাচ্চিতা কণ্টকৈরিব |
পিত্তেন দহ্যতে বস্তিঃ পচ্যমান ইবোষ্ণবান্ || ১, ১৫৮. ১৩ ||
ভল্লাতকাস্থিসংস্থানা রক্তা পীতা সিতাশ্মরা |
বস্তির্নিস্তুদ্যত ইব শ্লেষ্মণা শীতলো গুরুঃ || ১, ১৫৮. ১৪ ||
অশ্মরী মহতী শ্লক্ষ্ণা মধুবর্ণাথ বা সিতা |
এতা ভবন্তি বালনাং তেষামেব চ ভূয়সাম্ || ১, ১৫৮. ১৫ ||
আশয়োপচয়াল্পৎবাদ্গহণাহরণে সুখী |
সুক্রাশ্মরী তু মহতী জায়তে শুক্রধারণাৎ || ১, ১৫৮. ১৬ ||
স্থানচ্যুতমভুক্তং বা অণ্ডয়োরন্তরেঽনিলঃ |
শোষয়ত্যুপসঙ্গৃহ্য শুক্রং তচ্ছুক্রমশ্মরী || ১, ১৫৮. ১৭ ||
বস্তিরুক্কৃচ্ছ্রমূত্রৎবং শুক্লা শ্বয়থুকারিণী |
তস্যামুৎপন্নমাত্রায়াং শুষ্কমেত্য বিলীয়তে || ১, ১৫৮. ১৮ ||
পীডিতে জ্বরকাসেঽস্মিন্নশ্মর্যেব চ শর্করা |
অসৌ বা বায়ুনা ভিন্না সা ৎবস্মিন্নমুলোমগে || ১, ১৫৮. ১৯ ||
নিরেতি সহ মূত্রেণ প্রতিলোমে বিপচ্যতে |
মূত্রসন্ধারণং কুর্যাৎক্রুদ্ধো বস্তের্মুখে মরুৎ || ১, ১৫৮. ২০ ||
মূত্রসঙ্গং রুজং কণ্ডূং কদাচিচ্চ সুবামতঃ |
প্রচ্ছাদ্য বস্তিমুদ্ধৃত্য গর্মান্তং স্থূলবিপ্লুতাম্ || ১, ১৫৮. ২১ ||
করোতি তত্র রুগ্দাহং স্পন্দনোদ্বেষ্টনানি চ |
বিন্দুশশ্চ প্রবর্তেত মূত্রং বস্তৌ তু পীডিতে || ১, ১৫৮. ২২ ||
ধারাবরোধশ্চাপ্যেষ বাতবস্তিরিতি স্মৃতঃ |
দুস্তরো দুস্তরতরো দ্বিতীয়ঃ প্রবলোঽনিলঃ || ১, ১৫৮. ২৩ ||
শকৃপ্মার্গস্য বস্তেশ্চ বায়ুরন্তরমাশ্রিতঃ |
অষ্ঠীলাভং ঘনং গ্রন্থিং করোত্যচ (ব) লমুন্নতম্ || ১, ১৫৮. ২৪ ||
বাতাষ্ঠীলেতি সাত্মানং বিষ্ণূত্রানিল (তি) সর্গকৃৎ |
বিগুণঃ কুণ্ডলীভূতো বস্তৌ তীব্রব্যথোনিলঃ || ১, ১৫৮. ২৫ ||
আবধ্য মূত্রং ভ্রমতি সংস্তম্ভোদ্বেষ্টগৌরবম্ |
মূত্রমল্পাল্পমথবা বিমুঞ্চতি সকৃৎসকৃৎ || ১, ১৫৮. ২৬ ||
বাতকুণ্ডলিকেত্যেব মূত্রং তু বিধৃতেঽচিরম্ |
ন নিরেতি নিরুদ্ধং বা মূত্রাতীতং তদল্পরুক্ || ১, ১৫৮. ২৭ ||
বিধারণাৎপ্রতিহতং বাতাদাবর্তিতং যদা |
নাভেরধস্তাদুদরং মূত্রমাপূরয়েত্তদা || ১, ১৫৮. ২৮ ||
কুর্যাত্তীব্ররুগাধ্মানমশক্তিং মলসঙ্গ্রহম্ |
তন্মূত্রং জাঠরচ্ছিদ্রবৈগুণ্যেনানিলেন বা || ১, ১৫৮. ২৯ ||
আক্ষিপ্তমল্পমূত্রস্য বস্তৌ নাভৌ চ বা মলে |
স্থিৎবা প্লবেচ্ছনৈঃ পশ্চাৎসরুজং বাথবারুজম্ || ১, ১৫৮. ৩০ ||
মূত্রোৎসর্গং সবিচ্ছিন্নং তচ্ছ্রেয়ো গুরুশেফসোঃ |
অন্তর্বস্তি মুখে তৃষ্ণা স্থিরাল্পং সহসা ভবেৎ || ১, ১৫৮. ৩১ ||
অশ্মরীতুল্যরুগ্গ্রন্থির্মূত্রগ্রন্থিঃ স উচ্যতে |
মূত্রিতস্য স্ত্রিয়ং যাতো বায়ুনা শুক্রমুদ্ধৃতম্ || ১, ১৫৮. ৩২ ||
স্থানাচ্চ্যুতং মূত্রয়তঃ প্রাক্পশ্চাদ্বা প্রবর্ততে |
ভস্মোদকপ্রতীকাশং মূত্রশুক্রং তদুচ্যতে || ১, ১৫৮. ৩৩ ||
রূক্ষদুর্বলয়োর্বাতেনোদাবর্তং শকৃদ্যদা |
মূত্রস্রোতোঽনুপর্যেতি সংসৃষ্টং শকৃতা তদা || ১, ১৫৮. ৩৪ ||
মূত্রবিন্দুং তুল্যগন্ধং স্যাদ্বিঘাতং তমাদিশেৎ |
পিত্তব্যায়ামতীক্ষ্ণাম্লভোজনাধ্মানকাদিভিঃ || ১, ১৫৮. ৩৫ ||
প্রবৃদ্ধবায়ুনা মূত্রে বস্তিস্থে চৈব দাহকৃৎ |
মূত্রং বর্তয়তে পূর্বং সরক্তং রক্তমেব বা || ১, ১৫৮. ৩৬ ||
উষ্ণং পুনঃ পুনঃ কৃচ্ছ্রাদুষ্ণবাতং বদন্তি তম্ |
রূক্ষস্য ক্লান্তদেহস্য বস্তিস্থৌ পিত্তমারুতৌ || ১, ১৫৮. ৩৭ ||
মূত্রক্ষয়ং সরুগ্দাহং জনয়েতাং তদাহ্বয়ম্ |
পিত্তং কফো দ্বাদপি বা সংহন্যেতেনিলেনচেৎ || ১, ১৫৮. ৩৮ ||
কৃচ্ছ্রান্মূত্রং তদা পীতং রক্তং শ্বেতং ঘনং সৃজেৎ |
সদাহং রোচনাশঙ্খচূর্ণবর্ণং ভবেচ্চ তৎ || ১, ১৫৮. ৩৯ ||
শুষ্কং সমস্তবর্ণং বা মূত্রসাদং বদন্তিতম্ |
ইতি বিস্তারতঃ প্রোক্তা রোগা মূত্রপ্রবর্তিতাঃ || ১, ১৫৮. ৪০ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
মূত্রাঘাতমূত্রাকৃচ্ছনিদান নামাষ্টপঞ্চাশদুত্তরশততমোঽধ্যায়ঃ

শ্রীগরুডমহাপুরাণম্-১৫৯
ধন্বন্বরিরুবাচ |
প্রমেহাণাং নিদানন্তে বক্ষ্যেঽহং শৃণু সুশ্রুত ! |
প্রমেহা বিংশতিস্তত্র শ্লেষ্মণো দশ পিত্ততঃ || ১, ১৫৯. ১ ||
ষট্চৎবারোঽনিলাত্তেচ মেদোমত্রকফাবহাঃ |
হারিদ্রমেহী কটুকং হরিদ্রাসন্নিভং শকৃৎ || ১, ১৫৯. ২ ||
বিস্ত্রং মাঞ্জিষ্ঠমেহেচ মঞ্জিষ্ঠা সলিলোপমম্ |
বিস্ত্রমুষ্ণং সলবণং রক্তাভ রক্তমেহতঃ || ১, ১৫৯. ৩ ||
বসামেহী বসামিশ্রং বসাভং মূত্রয়েন্মুহুঃ |
মজ্জাভং মজ্জমিশ্রং বা মজ্জমেহী মুহুর্মুহুঃ || ১, ১৫৯. ৪ ||
হস্তী মত্ত ইবাজস্ত্রং মূত্রং বেগবিবর্জিতম্ |
সলসীকং বিবদ্ধং চ হস্তিমেহী প্রমেহতি || ১, ১৫৯. ৫ ||
মধুমেহী মধুসমং জায়তে স কিল দ্বিধা |
ক্রুদ্ধে ধাতুক্ষয়াদ্বায়ৌ দোষাবৃতপথে যদা || ১, ১৫৯. ৬ ||
আবৃতো দোষলিঙ্গানি সোঽনিমিত্তং প্রদর্শয়েৎ |
ক্ষণাৎক্ষীণঃ ক্ষণাৎপূর্ণো ভজতে কৃচ্ছ্রসাঘ্যতাম্ || ১, ১৫৯. ৭ ||
কালেনোপেক্ষিতঃ সর্বোহ্যায়াতি মধুমেহতাম্ |
মধুরং যচ্চ মেহেষু প্রায়ো মধ্বিব মেহতি || ১, ১৫৯. ৮ ||
সর্বে তে মধুমেহাখ্যা মাধুর্যাচ্চ তনোর্যতঃ |
অবিপাকোঽরুচিশ্ছর্দির্নিদ্রা কাসঃ সপীনসঃ || ১, ১৫৯. ৯ ||
উপদ্রবাঃ প্রজায়ন্তে মেহানাং কফজন্মনাম্ |
বস্তিমেহনয়োস্তোদোমুষ্কাবদরণং জ্বরঃ || ১, ১৫৯. ১০ ||
দাহস্তৃষ্ণাম্লিকা মূর্ছা বিড্ভেদঃ পিত্তজন্মনাম্ |
বাতজানামুদাবর্তঃ কম্পহৃদ্গহলোলতাঃ || ১, ১৫৯. ১১ ||
শূলমুন্নিদ্রাতা শোষঃ শ্বাসঃ কাসঞ্চ জায়তে |
শরাবিকা কচ্ছপিকা জ্বালিনী বিনতালজী || ১, ১৫৯. ১২ ||
মসূরিকা সর্ষপিকা পুত্রিণী সবিদারিকা |
বিদ্রধিশ্চেতি পিডিকাঃ প্রমেহোপেক্ষয়া দশ || ১, ১৫৯. ১৩ ||
অন্নস্য কফসংশ্লেষাৎপ্রায়স্তত্র প্রবর্তনম্ |
স্বাদ্বম্ললবণস্নিগ্ধগুরুপিচ্ছিলশীতম্ || ১, ১৫৯. ১৪ ||
নবং ধান্যং সুরাসূপমাংসেক্ষুগুডগোরসম্ |
একস্থানাসনবতি শয়নং বিনিবর্তনম্ || ১, ১৫৯. ১৫ ||
বস্তিমাশ্রিত্য কুরুতে প্রমেহাদ্দূষিতঃ কফঃ |
দূষয়িৎবা বপুঃ ক্লেদং স্বেদমেদোবসামিষম্ || ১, ১৫৯. ১৬ ||
পিত্তং রক্তমতিক্ষীণে কফাদৌ মূত্রসংশ্রয়ম্ |
ধাতুং বস্তিমুপানীয় তৎক্ষয়েচ্চৈব মারুতঃ || ১, ১৫৯. ১৭ ||
সাধ্যাসাধ্যপ্রতীত্যাদ্যাঃ মেহাস্তেনৈব তদ্ভবাঃ |
সমে সমকৃতা দোষে পরমৎবাত্তথাপি চ || ১, ১৫৯. ১৮ ||
সামান্য লক্ষণন্তেষাং প্রভূতাবিলমূত্রতা |
দোষদূষ্যা বিশেষেঽপি তৎসংযোগবিশেষতঃ || ১, ১৫৯. ১৯ ||
মূত্রবর্ণাদিভেদেন ভেদো মেহেষু কল্প্যতে |
অচ্ছং বহুসিতং শীতং নির্গন্ধমুদকোপমম্ || ১, ১৫৯. ২০ ||
মেহত্যুদকমেহেন কিঞ্চিদাবিলপিচ্ছিলম্ |
ইক্ষো রসমিবাত্যর্থং মধুরং চেক্ষুমেহতঃ || ১, ১৫৯. ২১ ||
সান্দ্রী ভবেৎপর্যুষিতং সান্দ্রমেহেন মেহতি |
সুরামেহী সুরাতুল্যমুপর্যচ্ছমধোঘনম্ || ১, ১৫৯. ২২ ||
সহৃষ্টরোমা পিষ্টেন পিষ্টবদ্বহুলং সিতম্ |
শুক্রাভং শুক্রমিশ্রং বা শুক্রমেহী প্রমেহতি || ১, ১৫৯. ২৩ ||
মূত্রয়েৎসিকতামেহী সিকতারূপিণো মলান্ |
শীতমেহী সুবহুশো মধুরং ভৃশশীতলম্ || ১, ১৫৯. ২৪ ||
শনৈঃ শনৈঃ শনৈর্মেহী মন্দং মন্দম্প্রমেহতি |
লালাতন্তুয়ুতং মূত্রং লালামেহেন পিচ্ছিলম্ || ১, ১৫৯. ২৫ ||
গন্ধবর্ণরসস্পর্শেঃ ক্ষারেণ ক্ষারতোয়বৎ |
নীলমেহন নীলাভং কালমেহী মসীনিভম্ || ১, ১৫৯. ২৬ ||
সন্ধিমর্মসু জায়ন্তে মাংসলেষু চ ধামসু |
অন্তোন্নতা মধ্যনিন্মা অক্লেদসুরুজান্বিতা || ১, ১৫৯. ২৭ ||
শরাবমানসংস্থানা পিডিকা স্যাচ্ছরাবিকা |
সদাহা কূর্মসংস্থানা জ্ঞেয়া কচ্ছপিকা বুধৈঃ || ১, ১৫৯. ২৮ ||
মহতী পিডিকা নীলা বিনতা নাম সা স্মৃতা |
দহতি ৎবচমুত্থানে জ্বালিনী কষ্টদায়িনী || ১, ১৫৯. ২৯ ||
রক্তা সিতা স্ফোটচিতা দারুণা ৎবলজী ভবেৎ |
মসূরাকৃতি সংস্থানা বিজ্ঞেয়া তু মসূরিকা || ১, ১৫৯. ৩০ ||
সর্ষপোপমসংস্থানা জিহ্বাপাকমহারুজা |
পুত্রিণী মহতী চাল্পা সুসূক্ষ্মা পিডিকা স্মৃতা || ১, ১৫৯. ৩১ ||
বিদারীকন্দবদ্বৃত্তা কঠিনা চ বিদারিকা |
বিদ্রধের্লক্ষণৈর্যুক্তা জ্ঞেয়া বিদ্রধিকা তু সা || ১, ১৫৯. ৩২ ||
পুত্রিণী চ বিদারী চ দুঃসহা বহুমেদসঃ |
সদ্যঃ পিত্তোল্বণাস্ত্বন্যাঃ সম্ভবন্ত্যল্পমেদসঃ || ১, ১৫৯. ৩৩ ||
পিডিকাস্তা ভবেয়ুঃ স্যাদ্দোষোদ্রেকো যথায়থম্ |
প্রমেহেণ বিনাপ্যেতা জায়ন্তে দুষ্টমেদসঃ || ১, ১৫৯. ৩৪ ||
তাবচ্চ নোপলক্ষ্যন্তে যাবদ্বর্ণঞ্চ বর্জিতম্ |
হারিদ্রং রক্তবর্ণং বা মেহপ্রাগ্রূপবর্জিতম্ || ১, ১৫৯. ৩৫ ||
যো মূত্রয়েত তন্মহেং রক্তপিত্তন্তু তদ্বিদুঃ |
স্বেদোঽঙ্গগান্ধঃ শিথিলৎবমঙ্গে শ্য্যাশনস্বপ্নসুখাভিষঙ্গঃ |
হৃন্নেত্রজিহ্বাশ্রবণোপদাহা ঘনোগ্রতা কেশনখাভিবৃদ্ধিঃ || ১, ১৫৯. ৩৬ ||
শীতপ্রিয়ৎবং গলতালুশোষো মাধুর্য মাস্যে করপাদদাহঃ |
ভবিষ্যতো মেহগণস্য রূপং মূত্রেঽপি ধাবন্তি পিপীলিকাশ্চ || ১, ১৫৯. ৩৭ ||
তৃষ্ণা প্রমেহে মধুরং প্রপিচ্ছং মধ্বাময়ে স্যাদ্বিবিধোবিকারঃ |
সম্পূরণাদ্বা কফসম্ভবঃ স্যাৎক্ষীণেষু দোষেষ্বনিলাত্মকো বা || ১, ১৫৯. ৩৮ ||
সম্পূর্ণরূপাঃ কফপিত্তমেহাঃ ক্রমেণ যে বৈ রতিসম্ভবাশ্চ |
সক্রামতে পিত্তকৃতাস্তু যাপ্যাঃ সাধ্যোঽস্তি মেহো যদি নাস্তি দিষ্টম্ || ১, ১৫৯. ৩৯ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
প্রমেহনিদান নামৈকোনষষ্ট্যুত্তরশততমোঽধ্যায়ঃ

শ্রীগরুডমহাপুরাণম্-১৬০
ধন্বন্তরিরুবাচ |
নিদানং বিদ্রধের্বক্ষ্যে গুল্মস্য শৃণু শুশ্রুত ! |
ভুক্তৈঃ পর্যুষিতাত্যুষ্ণশুষ্করূক্ষবিদাহিভিঃ || ১, ১৬০. ১ ||
জিহ্মশয়্যাবিচেষ্টাভিস্তৈস্তৈশ্চাসৃক্প্রদূষণৈঃ |
দুষ্টসৎবঙ্মাংসমেদোঽস্থিমদামৃষ্টোদরাশ্রয়ঃ || ১, ১৬০. ২ ||
যঃ শোথো বহিরন্তশ্চ মহাশূলো মহারুজঃ |
বৃত্তঃ স্যাদায়তো যো বা স্মৃতো রোগঃ স বিদ্রধিঃ || ১, ১৬০. ৩ ||
দোষৈঃ পৃথক্সমুদিতৈঃ শোণিতেন স্ত্রতেন চ |
বহতে তত্র তত্রাঙ্গে দারুণে গ্রথিতোঽস্ত্রুতঃ || ১, ১৬০. ৪ ||
অন্তরা দারুণশ্চৈব গম্ভীরো গুল্মবর্ধনঃ |
বল্মীকবৎসমুৎস্ত্রাবী হ্যগ্নিমান্দ্যঞ্চ জায়তে || ১, ১৬০. ৫ ||
নাভিবস্তিয়কৃৎপ্লীহক্লোমহৃৎকুক্ষিবঙ্ক্ষণি |
হৃদয়ে বেপমানে তু তত্রতত্রাতিতীব্ররুক্ || ১, ১৬০. ৬ ||
শ্যামারুণশিরোত্থানপাকো বিষমসংস্থিতিঃ |
সঞ্জ্ঞাচ্ছেদভ্রমানাহস্যন্দসর্পণশব্দবান্ || ১, ১৬০. ৭ ||
রক্ততাম্রাসিতঃ পিত্তাত্তৃণ্মোহজ্বরদাহবান্ |
ক্ষিপ্তোত্থানপ্রপাকশ্চ পাণ্ডুঃ কণ্ডূয়ুতঃ কফাৎ || ১, ১৬০. ৮ ||
সঙ্ক্লেশশীতকস্তম্ভজৃম্ভারোচকগৌরবাঃ |
চিরোত্থানোঽবিপাকশ্চ সঙ্কীর্ণঃ সন্নিপাতজঃ || ১, ১৬০. ৯ ||
সামর্থ্যাচ্চাত্র বিড্ভেদো বাহ্যাভ্যন্তরলক্ষণম্ |
কৃষ্ণস্ফোটাবৃতশ্যামস্তীব্রদাহরুজাজ্বরঃ || ১, ১৬০. ১০ ||
পিত্তলিঙ্গোঽসৃজা বাহ্যে স্ত্রীণামেব তথান্তরম্ |
শস্ত্রাদ্যৈরভিঘাতোত্থরক্তৈশ্চ রোগকারণম্ || ১, ১৬০. ১১ ||
ক্ষতোত্থো বায়ুনা ক্ষিপ্তঃ স রক্তঃ পিত্তমীরয়ন্ |
পিত্তাসৃগ্লক্ষণং কুর্যাদ্বিদ্রধিং ভূর্যুপদ্রবম্ || ১, ১৬০. ১২ ||
তেনোপদ্রবভেদশ্চ স্মৃতোঽধিষ্ঠানভেদতঃ |
নাভৌ হি ধ্মাতং চেদ্বস্তৌ মূত্রকৃচ্ছ্রঞ্চজায়তে || ১, ১৬০. ১৩ ||
শ্বাসপ্রশ্বাসরোধশ্চ প্লীহায়ামতিতৃট্পরম্ |
গলরোধশ্চ ক্লোম্নি স্যাৎসর্বাঙ্গপ্ররুজা হৃদি || ১, ১৬০. ১৪ ||
প্রমোহস্তমকঃ কাসৌ হৃদয়োদ্ধট্টনন্তথা |
কুক্ষিপার্শ্বান্তরে চৈব কুক্ষৌ দোষোপজন্ম চ || ১, ১৬০. ১৫ ||
তথা চেদূরুসন্ধৌ চ বঙ্ক্ষণে কটিপৃষ্ঠয়োঃ |
পার্শ্বয়োশ্চ ব্যথা পায়ৌ পবনস্য নিরোধনম্ || ১, ১৬০. ১৬ ||
আমপক্ববিদগ্ধৎবং তেষাং শোথবদাদিশেৎ |
নাভেরূর্ধ্বমুখাৎপক্বাৎপ্রদ্রবন্ত্যপরে গুদাৎ || ১, ১৬০. ১৭ ||
গুদাস্তনাভিজে বিদ্যাদ্দোষক্লেদোচ্চবিদ্রধৌ |
কুরুতে স্বাধিষ্ঠানস্য বিবর্তং সন্নিপাতজঃ || ১, ১৬০. ১৮ ||
পক্বো হি নাভিবস্তিস্থো ভিন্নোঽন্তর্বহিরেব বা |
পাকশ্চান্তঃ প্রবৃদ্ধস্য ক্ষীণস্যোপদ্রবার্দিতঃ || ১, ১৬০. ১৯ ||
বিদ্রধিশ্চ ভবেত্তত্র পাপানাং পাপয়োষিতাম্ |
মৃতে তু গর্ভগে চৈব সম্ভবেচ্ছ্বয়থর্ঘনঃ || ১, ১৬০. ২০ ||
স্তনে সমত্থে দুঃখং বা বাহ্যবিদ্রধিলক্ষণম্ |
নারীণাং সূক্ষ্মরক্তৎবাৎকন্যায়ান্তু ন জায়তে || ১, ১৬০. ২১ ||
ক্রুদ্ধো রুদ্ধগতির্বায়ুঃ শেফমূলকরো? হি সঃ |
মুষ্কবঙ্ক্ষণতঃ প্রাপ্য ফলকোষাতিবাহিনীম্ || ১, ১৬০. ২২ ||
আপীড্য ধমনীবৃদ্ধিং করোতি ফলকোষয়োঃ |
দোষো মেদঃসু তত্রাস্তে সবৃদ্ধিঃ সপ্তধা গদঃ || ১, ১৬০. ২৩ ||
মূত্রন্তয়োরপ্যনিলাদ্বাহ্যে বাভ্যন্তরে তথা |
বাতপূর্ণঃ খরস্পর্শো রূক্ষো বাতাচ্চ দাহকৃৎ || ১, ১৬০. ২৪ ||
পক্বোদুম্বরসঙ্কাশঃ পিত্তাদ্দাহোষ্মপাকবান্ |
কফাত্তীব্রো গুরুঃ স্নিগ্ধঃ কণ্ডূমান্কঠিনোঽল্পরুক্ || ১, ১৬০. ২৫ ||
কৃষ্ণঃ স্ফোটাবৃতঃ পিণ্ডোং বৃদ্ধিলিঙ্গশ্চ রক্ততঃ |
কফবন্মেদসাং বৃদ্ধির্মৃদুতালফলোপমঃ || ১, ১৬০. ২৬ ||
মূত্রধারণশীলস্য মূত্রজস্তত্র গচ্ছতঃ |
অলোভঃ পূর্ণধৃতিমান্ক্ষোভং যাতি সরন্মৃদু || ১, ১৬০. ২৭ ||
মূত্রকৃচ্ছ্রমধস্তাচ্চ বলয়ঃ ফলকোষয়োঃ |
বাতকোপিভিসহারৈঃ শীততোয়াবগাহনৈঃ || ১, ১৬০. ২৮ ||
বিণ্মূত্রধারণাচ্চৈব বিষমাঙ্গবিচেষ্টনৈঃ |
ক্ষোভিতৈঃ ক্ষোভিতৌজাশ্চ ক্ষীণান্তর্দেহিনো যদা || ১, ১৬০. ২৯ ||
পবনো বিগুণীভূয় শোণিতং তদধোনয়েৎ |
কুর্যাত্তৎক্ষণসন্ধিস্থো গ্রন্থ্যাভঃ শ্বয়থুস্তদা || ১, ১৬০. ৩০ ||
উপেক্ষ্যমাণস্য চ গুল্মবৃদ্ধিমাধ্মানরুগ্বৈ বিবিধাশ্চ রোগাঃ |
সুপীডিতোঽন্তঃ স্বনবান্প্রয়াতি প্রধ্মাপয়ন্নেতি পুনশ্চ মূর্ধ্নি || ১, ১৬০. ৩১ ||
রক্তবৃদ্ধিরসাধ্যেঽযং বাতবৃদ্ধিসমাকৃতিঃ |
রূক্ষকৃষ্ণারুণশিরা ঊর্ণাবৃতগবাক্ষবৎ || ১, ১৬০. ৩২ ||
বাতোঽষ্টধা পৃথদৌষৈঃ সংস্পৃষ্টৈর্নিচয়ং গতঃ |
আর্তবস্য চ দোষেণ নারীণাং জায়তেঽষ্টমঃ || ১, ১৬০. ৩৩ ||
জ্বরমূর্ছাতিসারৈশ্চ বমনাদ্যৈশ্চ কর্মভিঃ |
কর্শিতো বলবান্যাতি শীতার্তশ্চ বুভুক্ষিতঃ || ১, ১৬০. ৩৪ ||
যঃ পিবত্যন্নপানানি লঙ্ঘনপ্লাবনাদিকম্ |
সেবতে হীনসঞ্জ্ঞাভিরর্দিতঃ সমুদীরয়ন্ || ১, ১৬০. ৩৫ ||
স্নেহস্বেদাবনভ্যস্য শোষণং বা নিষেবয়েৎ |
শুদ্ধো বা সুদ্ধিহানির্বা ভজেত স্পন্দনানি বা || ১, ১৬০. ৩৬ ||
বাতোল্বণাস্তস্য মলাঃ পৃথক্চৈব হি তেঽথবা |
সর্বো রক্তয়ুতো বাতাদ্দেহস্নোতোঽনুসারিণঃ || ১, ১৬০. ৩৭ ||
ঊর্ধ্বাধোমার্গমাবৃত্য বায়ুঃ শূলং করোতি বৈ |
স্পর্শোপলভ্যং গুল্মোত্থমুষ্ণং গ্রন্থিস্বরূপিণম্ || ১, ১৬০. ৩৮ ||
কর্ষণাৎকফবিড্ঘাতৈর্মার্গস্যাবরণেন বা |
বায়ুঃ কৃতাশ্রয়ঃ কোষ্ঠে রৌক্ষ্যাৎকাঠিন্যমাগতঃ || ১, ১৬০. ৩৯ ||
স্বতন্ত্রঃ স্বাশ্রয়ে দুষ্টঃ পরতন্ত্রঃ পরাশ্রয়ে |
ততঃ পিণ্ডকবচ্ছ্লেষ্মা মলসংসৃষ্ট এব চ || ১, ১৬০. ৪০ ||
গুলম ইত্যুচ্যতে বস্তিনাভিহৃৎপার্শ্বসংশ্রয়ঃ |
বাতজন্যে শিরঃ শূলজ্বর প্লীহান্ত্রকূজনম্ || ১, ১৬০. ৪১ ||
বেধঃ সূচ্যেব বিড্ভ্রংশঃ কৃচ্ছ্রে মূত্রং প্রবর্ততে |
গাত্রে মুখে পদে শোথঃ হ্যগ্নিমান্দ্যং তথৈব চ || ১, ১৬০. ৪২ ||
রূক্ষকৃষ্ণৎবগাদিৎবং চলৎবাদনিলস্যচ |
অনিরূপিতসংস্থানো বিবিধাঞ্জনয়েদ্ব্যথাম্ || ১, ১৬০. ৪৩ ||
পিপীলিকাব্যাপ্ত ইব গুল্মঃ স্ফুরতি নুদ্যতে |
পিত্তাদ্দাহাম্লকৌ মূর্ছা বিড্ভেদঃ স্বেদতৃড্জ্বরাঃ || ১, ১৬০. ৪৪ ||
হারিদ্রয়ং সর্বগাত্রেষু গুল্মাচ্ছোথস্য দর্শনম্ |
হীয়তে দীপ্যতে শ্লেষ্মা স্বস্থানং দহতীবচ || ১, ১৬০. ৪৫ ||
কফাৎস্তৈমিত্যমরুচিঃ সদনং শিরসি জ্বরঃ |
পীনসালস্যহৃল্লাসৌ শুক্লকৃষ্ণৎবগাদিতা || ১, ১৬০. ৪৬ ||
গুল্মো গভীরঃ কঠিনো গুরুর্গর্ভস্থবালবৎ |
স্বস্থানস্থা অধাবন্তস্তত এবাত্র মারকাঃ || ১, ১৬০. ৪৭ ||
প্রায়স্তু যত্তদ্দ্বন্দ্বোত্থা গুল্মাঃ সংসৃষ্টমৈথুনাঃ |
সর্বজস্তীব্ররুগ্দাহঃ শীঘ্রপাকী ঘনোন্নতঃ || ১, ১৬০. ৪৮ ||
সোঽসাধ্যো রক্তগুল্মস্তু স্ত্রিয়া এব প্রজায়তে |
ঋতৌ যা চৈব শূলার্তা যতি বা যোনিরোগিণী || ১, ১৬০. ৪৯ ||
সেবতে বানিলাংশ্চ স্ত্রী ক্রুদ্ধস্তস্যাঃ সমীরণঃ |
নিরুধ্যাত্যার্তবং যোন্যাং প্রতিমাসং ব্যবস্থিতম্ || ১, ১৬০. ৫০ ||
সুক্ষৌ করোতি তদ্গর্ভে লিঙ্গমাবিষ্করোতি চ |
হৃল্লাসদৌহৃদস্তন্যদর্শনং কামচারিতা || ১, ১৬০. ৫১ ||
ক্রমেণ বায়োঃ সংসর্গাৎপিত্তং যোনিষু সঞ্চয়ম্ |
রক্তস্য কুরুতে তস্যা বাতপিত্তোক্তগুল্মজান্ || ১, ১৬০. ৫২ ||
গর্ভাশয়ে চ সুতরাং শূলাংশ্চৈবাসৃগাশ্রয়ে |
যোনিস্ত্রাবশ্চ দৌর্গন্ধ্যং ভূয়ঃ স্যন্দনবেদনে || ১, ১৬০. ৫৩ ||
কদাপি গর্ভবদ্গুল্মঃ সর্বে তে রতিসম্ভবাঃ |
পাকঞ্চিরেণ ভজতে নৈধতে বিদ্রধিঃ পুনঃ || ১, ১৬০. ৫৪ ||
পচ্যতে শীঘ্রমত্যর্থং দুষ্টরক্তাশ্রয়স্তু সঃ |
অতঃ শীঘ্রং বিদাহিৎবাদ্বদ্রধিঃ সোঽভীধীয়তে || ১, ১৬০. ৫৫ ||
গুল্মান্তারশ্রয়ে বস্তিদাহশ্চ প্লীহবেদনা |
অগ্নিবর্ণবলভ্রংশো বেগানাং বা প্রবর্তনম্ || ১, ১৬০. ৫৬ ||
অতো বিপর্যয়ে বাহ্যকোষ্ঠাঙ্গেষু চ নাতিরুক্ |
বৈবর্ণ্যমথ বা কাসো বহিরুন্নততাধিকম্ || ১, ১৬০. ৫৭ ||
সাটোপমত্যুগ্ররুজমাধ্মানমুদরে ভৃশম্ |
ঊর্ধ্বাধো বাতরোধেন তমানাহং প্রচক্ষতে || ১, ১৬০. ৫৮ ||
ধনশ্চাষ্ঠ্যুপমো গ্রন্থিলোঽষ্ঠীলাতু সমুন্নতা |
সমস্তালিঙ্গসংযুক্তঃ প্রত্যষ্ঠীলা তদাকৃতিঃ || ১, ১৬০. ৫৯ ||
পক্বশয়োদ্ভবোঽপ্যেবং বায়ুস্তীব্ররুজাশ্রয়াৎ |
উদ্গারবাহুল্যপুরীষবন্ধতৃপ্ত্যক্ষমৎবান্ত্রবিকূজনানি || ১, ১৬০. ৬০ ||
আচোপমাধ্মানমপক্তিশক্তিঃ আসন্নগুল্মস্য ভবেচ্চ চিহ্নম্ || ১, ১৬০. ৬১ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
বিদ্রধিগুল্মনিদান নাম ষষ্ট্যুত্তরশততমোধ্যায়ঃ