১.১৫ গরুডপুরাণ (অধ্যায় ১৪১-১৫০)

শ্রীগরুডমহাপুরাণম্-১৪১
হরিরুবাচ |
শতানীকো হ্যশ্বমেধদত্তশ্চাপ্যধিসোমকঃ |
কৃষ্ণোঽনিরুদ্ধশ্চাপ্যুষ্ণস্ততশ্চিত্ররথো নৃপঃ || ১, ১৪১. ১ ||
শুচিদ্রথো বৃষ্ণিমাংশ্চ সুপেণশ্চ সুনীথকঃ |
নৃচক্ষুশ্চ মুখাবাণঃ মেধাবী চ নৃপঞ্জয়ঃ || ১, ১৪১. ২ ||
পারিপ্লবশ্চ মুনয়ো মেধাবী চ নৃপঞ্জয়ঃ |
বৃহদ্রথো হরিস্তিগ্মো শতানীকঃ সুদানকঃ || ১, ১৪১. ৩ ||
উদানোঽহ্নিনরশ্চৈব দণ্ডপাণির্নিমিত্তকঃ |
ক্ষেমকশ্চ ততঃ শূদ্রঃ পিতা পূর্বস্ততঃ সুতঃ || ১, ১৪১. ৪ ||
বৃহদ্বলাস্তু কথয়ন্তে নৃপোশ্চৈক্ষ্বাকুবংশজাঃ |
বৃহদ্বলাদুরুক্ষয়ো বৎসব্যূহস্ততঃ পরঃ || ১, ১৪১. ৫ ||
বৎসব্যূহাত্ততঃ সূর্যঃ সহদেবস্তদাত্মজঃ |
বৃহদশ্বো ভানুরথঃ প্রতীচ্যশ্চ প্রতীতকঃ |
মনুদেবঃ সুনক্ষত্রঃ কিন্নরশ্চান্তরিক্ষকঃ || ১, ১৪১. ৬ ||
সুপর্ণঃ কৃতজিচ্চৈব বৃহদ্ভ্রাজশ্চ ধার্মিকঃ |
কৃতঞ্জয়ো ধনঞ্জয়ঃ সঞ্জয়ঃ শাক্য এব চ || ১, ১৪১. ৭ ||
শুদ্ধোদনো বাহুলশ্চ সেনজিৎক্ষুদ্রকস্তথা |
সুমিত্রঃ কুডবশ্চাতঃ সুমিত্রান্মাগধাঞ্ছণু || ১, ১৪১. ৮ ||
জরাসন্ধঃ সহদেবঃ সোমাপিশ্চ শ্রুতশ্রবাঃ |
অয়ুতায়ুর্নিরমিত্রঃ সুক্ষত্রো বহুকর্মকঃ || ১, ১৪১. ৯ ||
শ্রুতঞ্জয়ঃ সেনজিচ্চ ভূরিশ্চৈব শুচিস্তথা |
ক্ষেম্যশ্চ সুব্রতো ধর্মঃ শ্মশ্রুলো দৃঢসেনকঃ || ১, ১৪১. ১০ ||
সুমতিঃ সুবলো নীতো সত্যজিদ্বিশ্বজিত্তথা |
ইষুঞ্জয়শ্চ ইত্যেতে নৃপা বার্হদ্রথাঃ স্মৃতাঃ || ১, ১৪১. ১১ ||
অধর্মিষ্ঠাশ্চ শূদ্রাশ্চ ভবিষ্যন্তি নৃপাস্ততঃ |
স্বর্গাদিকৃদ্ধি ভগবান্সাক্ষান্নারায়ণোঽব্যয়ঃ || ১, ১৪১. ১২ ||
নৈমিত্তিকঃ প্রাকৃতিকস্তথৈবাত্যন্তিকো লয়ঃ |
যাতি ভূঃ প্রলয়ং চাপ্সু হ্যাপস্তেজসি পাবকঃ || ১, ১৪১. ১৩ ||
বায়ৌ বায়ুশ্চ বিয়তি ৎবাকাশৌ যাত্যহঙ্কৃতৌ |
অহং বুদ্ধৌ মতির্জোবে জীবোঽব্যক্তে তদাত্মনি || ১, ১৪১. ১৪ ||
আত্মা পরেশ্বরো বিষ্ণুরেকো নারায়ণো নরঃ |
অবিনাশ্যপরং সর্বং জগৎস্বর্গাদি নাশি হি || ১, ১৪১. ১৫ ||
নৃপাদয়ো গতা নাশমতঃ পাপং বিবর্জয়েৎ |
ধর্মং কুর্যাৎস্থিরং যেন পাপং হিৎবা হরিং ব্রজেৎ || ১, ১৪১. ১৬ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
ভবিষ্য রাজবংশ দৃ নামৈকচৎবারিংশদুত্তরশততমোঽধ্যায়ঃ

শ্রীগরুডমহাপুরাণম্-১৪২
ব্রহ্মোবাচ |
বিংশাদীন্পালয়ামাস হ্যবতীর্ণো হরিঃ প্রভুঃ |
দৈত্যধর্মস্য নাশার্থং বেদধর্মাদিগুপ্তয়ে || ১, ১৪২. ১ ||
মৎস্যাদিকস্বরূপেণ ৎববতারং করোত্যজঃ |
মৎস্যো ভূৎবা হয়গ্রীবং দৈত্যং হৎবাজিকণ্টকম্ || ১, ১৪২. ২ ||
বেদানানীয় মন্বাদীন্পালয়ামাস কেশবঃ |
মন্দরং ধারয়ামাস কূর্মো ভূৎবা হিতায় চ || ১, ১৪২. ৩ ||
ক্ষীরোদমথনে বৈ দ্যো দেবো ধন্বন্তরির্হ্যর্ভূৎ |
বিভ্রৎকমণ্ডলুং পূর্ণমমৃতেন সমুত্থিতঃ || ১, ১৪২. ৪ ||
আয়ুর্বেদমথাষ্টাঙ্গং সুশ্রুতায় স উক্তবান্ |
অমৃতং পায়য়ামাস স্ত্রীরূপী চ সুরান্হরিঃ || ১, ১৪২. ৫ ||
অবতীর্ণো বরাহোঽথ হিরণ্যাক্ষং জঘান হ |
পৃথিবীং ধারয়ামাস পালয়ামাস দেবতাঃ || ১, ১৪২. ৬ ||
নরসিংহোঽবর্তোর্ণোঽথ হিরণ্যকশিপুংরিপুম্ |
দৈত্যান্নিহতবান্বেদধর্মাদীনভ্যপালয়ৎ || ১, ১৪২. ৭ ||
ততঃ পরশুরামোঽভূজ্জমদগ্নের্জগৎপ্রভুঃ |
ত্রিঃ সপ্তকৃৎবঃ পৃথিবীং চক্রে নিঃ ক্ষত্ত্রিয়াং হরিঃ || ১, ১৪২. ৮ ||
কার্তবীর্যং জঘানাজৌ কশ্যপায় মহীং দদৌ |
যাগং কৃৎবা মহাবাহুর্মহেন্দ্রে পর্বতে স্থিতঃ || ১, ১৪২. ৯ ||
ততো রামো ভবিষ্ণুশ্চ চতুর্ধা দুষ্টর্মদনঃ |
পুত্রো দশরথাজ্জজ্ঞে রামশ্চ ভরতোঽনুজঃ || ১, ১৪২. ১০ ||
লক্ষ্মণশ্চাথ শত্রুঘ্নো রামভার্যা চ জানকী |
রামশ্চ পিতৃসত্যার্থং মাতৃভ্যো হিতমাচরন্ || ১, ১৪২. ১১ ||
শৃঙ্গবেরং চিত্রকূটং দণ্ডকারণ্যমাগতঃ |
নাসাং শূর্পণখায়াশ্চ চ্ছিত্ত্বাথ খরদূষণম্ || ১, ১৪২. ১২ ||
হৎবা স রাক্ষসং সীতাপহারিরজনীচরম্ |
রাবণং চানুজং তস্য লঙ্কাপুর্যাং বিভীষণম্ || ১, ১৪২. ১৩ ||
রক্ষোরাজ্যে চ সংস্থাপ্য সুগ্রীবনুমন্মুখৈঃ |
আরুহ্য পুষ্পকং সার্ধং সীতয়া পতিভক্তয়া || ১, ১৪২. ১৪ ||
লক্ষ্মণেনানুকূলেন হ্যয়োধ্যাং স্বপুরীং গতঃ |
রাজ্যং চকার দেবাদীন্পালয়ামাস স প্রজাঃ || ১, ১৪২. ১৫ ||
ধর্মসংরক্ষণং চক্রে হ্যশ্বমেধাদিকান্ক্রতূন্ |
সা মহীপতিনা রেমে রামেণৈব যথাসুখম্ || ১, ১৪২. ১৬ ||
রাবণস্য গৃহে সীতা স্থিতা ভেজে ন রাবণম্ |
কর্মণা মনসা বাচা সা গতা রাঘবং সদা || ১, ১৪২. ১৭ ||
পতিব্রতা তু সা সীতা হ্যনসূয়া যথৈব তু |
পতিব্রতায়া মাহাত্ম্যং শৃণু ৎবং কথয়াম্যহম্ || ১, ১৪২. ১৮ ||
কৌশিকো ব্রাহ্মণঃ কুষ্ঠী প্রতিষ্ঠানেঽভবৎপুরা |
তং তথা ব্যাধিতং ভার্যা পতিং দেবমিবার্চয়ৎ || ১, ১৪২. ১৯ ||
নির্ভর্ত্সিতাপি ভর্তারং তমমন্যত দৈবতম্ |
ভর্ত্রোক্তা সানয়দ্বেশ্যাং শুল্কমাদায় চাধিকম্ || ১, ১৪২. ২০ ||
পথি সূলে তদা প্রোতমচৌরং চৌরশঙ্কয়া |
মাণ্ডব্যমতিদুঃখার্তমন্ধকারেঽথ স দ্বিজঃ || ১, ১৪২. ২১ ||
পত্নীস্কন্ধসমারূঢশ্চালয়ামাস কৌশিকঃ |
পাদাবমর্শণৎক্রুদ্ধো মাণ্ডব্যস্তমুবাচ হ || ১, ১৪২. ২২ ||
সূর্যোদয়ে মৃতিস্তস্য যেনাহং চালিতঃ পদা |
তচ্ছ্রুৎবা প্রাহ তদ্ভার্যা সূর্যো নোদয়মেষ্যতি || ১, ১৪২. ২৩ ||
ততঃ সূর্যোদয়াভাবাদ ভবৎসততং নিশা |
বহূন্যব্দপ্রমাণানি ততো দেবা ভয়ং যয়ুঃ || ১, ১৪২. ২৪ ||
ব্রহ্মাণং শরণং জগ্মুস্তামূচে পদ্মসম্ভবঃ |
প্রশাম্যতে তেজসৈব তপস্তেজস্ত্বনেন বৈ || ১, ১৪২. ২৫ ||
পতিব্রতায়া মাহাত্ম্যান্নোদ্গচ্ছতি দিবাকরঃ |
তস্য চানুদয়াদ্ধানির্মর্ত্যানাং ভবতাং তথা || ১, ১৪২. ২৬ ||
তস্মাৎপতিব্রতামত্রেরনসূয়াং তপস্বিনীম্ |
প্রসাদয়ত বৈ পত্নীং ভানোরুদয়কাম্যয়া || ১, ১৪২. ২৭ ||
তৈঃ সা প্রসাদিতা গৎবা হ্যনসূয়া পতিব্রতা |
কৃৎবাদিত্যোদয়ং সা চ তং ভর্তারমজীবয়ৎ |
পতিব্রতানসূয়ায়াঃ সীতাভূদধিকা কিল || ১, ১৪২. ২৮ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
দশাবতারদৃ নাম দ্বিচৎবারিংশদুত্তরশততমোঽধ্যায়ঃ

শ্রীগরুডমহাপুরাণম্-১৪৩
ব্রহ্মোবাচ |
রামায়ণমতো বক্ষ্যে শ্রুতং পাপবিনাশনম্ |
বিষ্ণুনাভ্যব্জতো ব্রহ্মা মরীচিস্তৎসুতোঽভবৎ || ১, ১৪৩. ১ ||
মরীচেঃ কশ্যপস্তস্মাদ্রবিস্তস্মান্মনুঃ স্মৃতঃ |
মনোরিক্ষ্বাকুরস্যাভূদ্বংশে রাজা রঘুঃ স্মৃতঃ || ১, ১৪৩. ২ ||
রঘোরজস্ততো জাতো রাজা দশরথো বলী |
তস্য পুত্রাস্তু চৎবারো মহাবলপরাক্রমাঃ || ১, ১৪৩. ৩ ||
কৌসল্যায়াম ভূদ্রামো ভরতঃ কৈকয়ীসুতঃ |
সুতৌ লক্ষ্মণশক্ষুঘ্নৌ সুমিত্রায়াং বভূবতুঃ || ১, ১৪৩. ৪ ||
রামো ভক্তঃ পিতুর্মাতুর্বিশ্বামিত্রাদবাপ্তবান্ |
অস্ত্রগ্রামং ততো যক্ষীং তাটকাং প্রজঘান হ || ১, ১৪৩. ৫ ||
বিশাবমিত্রস্য যজ্ঞে বৈ সুবাহুং ন্যবধীদ্বলী |
জনকস্য ক্রতুং গৎবা উপয়েমেঽথ জানকীম্ || ১, ১৪৩. ৬ ||
ঊর্মিলাং লক্ষ্মণো বীরো ভরতো মাণ্ডবীং সুতাম্ |
শত্রুঘ্নো বৈ কীর্তিমতীং কুশধ্বজসুতে উভে || ১, ১৪৩. ৭ ||
পিত্রাদিভিরয়োধ্যায়াং গৎবা রামাদয়ঃ স্থিতাঃ |
যুধাজিতং মাতুলঞ্চ শত্রুঘ্নভরতৌ গতৌ || ১, ১৪৩. ৮ ||
গতয়োর্নৃপবর্যোঽসৌ রাজ্যং দাতুং সমুদ্যতঃ |
স রামায় তৎপুত্রায় কৈকেয়্যা প্রার্থিতস্তদা || ১, ১৪৩. ৯ ||
চতুর্দশসমাবাসো বনেরামস্য বাঞ্ছিতঃ |
রামঃ পিতৃহিতার্থঞ্চ লক্ষ্মণেন চ সীতয়া || ১, ১৪৩. ১০ ||
রাজ্যঞ্চ তৃণবত্ত্যক্ত্বা শৃঙ্গবেরপুরং গতঃ |
রথং ত্যক্ত্বা প্রয়াগঞ্চ চিত্রকূটগিরিং গতঃ || ১, ১৪৩. ১১ ||
রামস্য তু বিয়োগেন রাজা স্বর্গং সমাশ্রিতঃ |
সংস্কৃত্য ভরতশ্চাগাদ্রামমাহ বলান্বিতঃ || ১, ১৪৩. ১২ ||
অয়োধ্যান্তু সমাগত্য রাজ্যং কুরু মহামতে |
স নৈচ্ছৎপাদুকে দত্ত্বা রাজ্যায় ভরতায় তু || ১, ১৪৩. ১৩ ||
বিসর্জিতোঽথ ভরতো রামরাজ্যমপালয়ৎ |
নন্দিগ্রামে স্থিতো ভক্তো হ্যয়োধ্যাং নাবিশদ্ব্রতী || ১, ১৪৩. ১৪ ||
রামোঽপি চিত্রকূটাচ্চ হ্যত্রেরাশ্রমমায়য়ৌ |
নৎবা সুতীক্ষ্ণং চাগস্ত্যং দণ্ডকারণ্যমাগতঃ || ১, ১৪৩. ১৫ ||
তত্র শূর্পণখা নাম রাক্ষসী চাত্তুমাগতা |
নিকৃত্য কর্ণো নাসে চ রামেণাথাপবারিতা || ১, ১৪৩. ১৬ ||
তৎপ্রেরিতঃ খরশ্চাগাদ্দূষণস্ত্রিশিরাস্তথা |
চতুর্দশসহস্রেণ রক্ষসান্তু বলেন চ || ১, ১৪৩. ১৭ ||
রামোঽপি প্রেষয়ামাস বাণৈর্যমপুরঞ্চ তান্ |
রাক্ষস্যা প্রেরিতোঽভ্যাগাদ্রাবণো হরণায় হি || ১, ১৪৩. ১৮ ||
মৃগরূপং স মারীচং কৃৎবাগ্রেঽথ ত্রিদণ্ডধৃক্ |
সীতয়া প্রেরিতো রামো মারীচং নিজঘান হ || ১, ১৪৩. ১৯ ||
ম্রিয়মাণঃ স চ প্রাহ হা সীতে ! লক্ষ্মণোতি চ |
সীতোক্তো লক্ষ্মণোঽথাগাদ্রামশ্চানুদদর্শ তম্ || ১, ১৪৩. ২০ ||
উবাচ রাক্ষসী মায়া নূনং সীতা হৃতেতি সঃ |
রাবণোঽন্তরমাসাদ্য হ্যঙ্কেনাদায় জানকীম্ || ১, ১৪৩. ২১ ||
জটায়ুষং বিনির্ভিদ্য যয়ৌ লঙ্কাং ততো বলী |
অশোকবৃক্ষচ্ছায়ায়াং রক্ষিতাং তামধারয়ৎ || ১, ১৪৩. ২২ ||
আগত্য রামঃ সূন্যাঞ্চ পর্ণশালাং দদর্শ হ |
শোকং কৃৎবাথ জানক্যা মার্গণং কৃতবান্প্রভুঃ || ১, ১৪৩. ২৩ ||
জটায়ুষঞ্চ সংস্কৃত্য তদুক্তো দক্ষিণাং দিশম্ |
গৎবা সখ্যং ততশ্চক্রে সুগ্রীবেণ চ রাঘবঃ || ১, ১৪৩. ২৪ ||
সপ্ত তালান্বিনির্ভিদ্য শরেণানতপর্বণা |
বালিনঞ্চ বিনির্ভিদ্য কিষ্কিন্ধায়াং হরীশ্বরম্ || ১, ১৪৩. ২৫ ||
সুগ্রীবং কৃতবান্রাম ঋশ্যমূকে স্বয়ং স্থিতঃ |
সুগ্রীবঃ প্রেষয়ামাস বানরান্পর্বতোপমান্ || ১, ১৪৩. ২৬ ||
সীতায়া মার্গণং কর্তুং পূর্বাদ্যাশাসু সোৎসবান্ |
প্রতীচীমুত্তরাং প্রাচীং দিশং গৎবা সমাগতাঃ || ১, ১৪৩. ২৭ ||
দক্ষিণান্তু দিশং যে চ মার্গয়ন্তোঽথ জানকীম্ |
বনানি পর্বতান্দ্বীপান্নদীনাং পুলিনানি চ || ১, ১৪৩. ২৮ ||
জানকীন্তে হ্যপশ্যন্তো মরণে কৃতনিশ্চয়াঃ |
সম্পাতিবচনাজ্জ্ঞাৎবা হনূমান্কপিকুঞ্জরঃ || ১, ১৪৩. ২৯ ||
শতয়োজনবিস্তীর্ণং পুপ্লুবে মকরালয়ম্ |
অপশ্যজ্জানকীং তত্র হ্যশোকবনিকাস্থিতাম্ || ১, ১৪৩. ৩০ ||
ভর্ত্সিতাং রাক্ষসীভিশ্চ রাবণেন চ রক্ষসা |
ভব ভার্যেতি বদতা চিন্তয়ন্তীঞ্চ রাঘবম্ || ১, ১৪৩. ৩১ ||
অঙ্গুলীয়ং কপির্দত্ত্বা সীতাং কৌশল্যমব্রবীৎ |
রামস্য তস্য দূতোঽহং শোকং মা কুরু মৈথিলি || ১, ১৪৩. ৩২ ||
স্বাভিজ্ঞানঞ্চ মে দেহি যেন রামঃ স্মরিষ্যতি |
তচ্ছ্রুৎবা প্রদদৌ সীতা বেণীরত্নং হনূমতে || ১, ১৪৩. ৩৩ ||
যথা রামো নয়েচ্ছীঘ্রং তথা বাচ্যং ৎবয়া কপে |
তথেত্যুক্ত্বা তু হনুমান্বনং দিব্যং বভঞ্জ হ || ১, ১৪৩. ৩৪ ||
হৎবাক্ষং রাক্ষসাংশ্চান্যান্বন্ধনং স্বয়মাগতঃ |
সর্বৈরিন্দ্রজিতো বাণৈর্দৃষ্ট্বা রাবণমব্রবীৎ || ১, ১৪৩. ৩৫ ||
রামদূতোঽস্মি হনুমান্দেহি রামায় মৈথিলীম্ |
এতচ্ছ্রুৎবা প্রকুপিতো দীপয়ামাস পুচ্ছকম্ || ১, ১৪৩. ৩৬ ||
কপির্জ্বলিতলাঙ্গূলো লঙ্কাং দেহেঽ মহাবলঃ |
দগ্ধ্বা লঙ্কাং সমায়াতো রামপার্শ্বং স বানরঃ || ১, ১৪৩. ৩৭ ||
জগ্ধ্বা ফলং মধুবনে দৃষ্টা সীতত্যবেদয়ৎ |
বেণীরত্নঞ্চ রামায় রামো লঙ্কাপুর্রী যয়ৌ || ১, ১৪৩. ৩৮ ||
সসুগ্রীবঃ স হনুমান্সাঙ্গদশ্চ সলক্ষ্মণঃ |
বিভীষণোঽপি সম্প্রাপ্তঃ শরণং রাঘবং প্রতি || ১, ১৪৩. ৩৯ ||
লঙ্কৈশ্বর্যেষ্বভ্যষিঞ্চদ্রামস্তং রাবণানুজম্ |
রামো নলেন সেতুঞ্চ কৃৎবাব্ধৌ চোত্ততার তম্ || ১, ১৪৩. ৪০ ||
সুবেলাবস্থিতশ্চৈব পুরীং লঙ্কাং দদর্শহ |
অথ তে বানরা বীরা নীলাঙ্গদনলাদয়ঃ || ১, ১৪৩. ৪১ ||
ধূম্রধূম্রাক্ষবীরেন্দ্রা জাম্ববৎপ্রমুখাস্তদা |
মৈন্দদ্বিবিদমুখ্যাস্তে পুরীং লঙ্কাং বভঞ্জিরে || ১, ১৪৩. ৪২ ||
রাক্ষসাংশ্চ মহাকায়ান্কালাঞ্জনচয়োপমান্ |
রামঃ সলক্ষ্মণো হৎবা সকপিঃ সর্বরাক্ষসান্ || ১, ১৪৩. ৪৩ ||
বিদ্যুজ্জিহ্বঞ্চ ধূম্রাক্ষং দেবান্তকনরান্ত কৌ |
মহোদরমহাপার্শ্বাবতিকায়ং মহাবলম্ || ১, ১৪৩. ৪৪ ||
কুম্ভং নিকুম্ভং মত্তঞ্চ মকরাক্ষং হ্যকম্পনম্ |
প্রহস্তং বীরমুন্মত্তং কুম্ভকর্ণং মহাবলম্ || ১, ১৪৩. ৪৫ ||
রাবণিং লক্ষ্মণোঽচ্ছিন্ত হ্যস্ত্রাদ্যৈ রাঘবো বলী |
নিকৃত্য বাহুচক্রাণি রাবণন্তু ন্যপাতয়ন্ || ১, ১৪৩. ৪৬ ||
সীতাং শুদ্ধাং গৃহীৎবাথ বিমানে পুষ্পকে স্থিতঃ |
সবানরঃ সমায়াতো হ্যয়োধ্যাং প্রবরাং পুরীম্ || ১, ১৪৩. ৪৭ ||
তত্র রাজ্যং চকারাথ পুত্ত্রবৎপালয়ন্প্রজাঃ |
দশাশ্বমেধানাহৃত্য গয়াশিরসি পাতনম্ || ১, ১৪৩. ৪৮ ||
পিণ্ডানাং বিধিবৎকৃৎবা দত্ত্বা দানানি রাঘবঃ |
পুত্রৌ কুশলবৌ দৃষ্ট্বা তৌ চ রাজ্যেঽভ্যষেচয়ৎ || ১, ১৪৩. ৪৯ ||
একাদশসহস্রাণি রামো রাজ্যমকারয়ৎ |
শত্রুঘ্নো লবণং জঘ্নে শৈলূষং ভতস্ততঃ || ১, ১৪৩. ৫০ ||
অগস্ত্যাদীন্মুনীন্নৎবা শ্রুৎবোৎপত্তিঞ্চ রক্ষসাম্ |
স্বর্গং গতো জনৈঃ সার্ধময়োধ্যাস্থৈঃ কৃতার্থকঃ || ১, ১৪৩. ৫১ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
রামায়ণবর্ণনং নাম ত্রিচৎবারিংশদুত্তরশততমোঽধ্যায়ঃ

শ্রীগরুডমহাপুরাণম্-১৪৪
ব্রহ্মোবাচ |
হরিবংশং প্রবক্ষ্যামি কৃষ্ণমাহাত্ম্যমুত্তমম্ |
বসুদেবাত্তু দেবক্যাং বাসুদেবো বলোঽভবৎ || ১, ১৪৪. ১ ||
ধর্মাদিরক্ষণার্থায় হ্যধর্মাদিবিনষ্টয়ে |
কৃষ্ণঃ পীৎবা স্তনৌ গাঢং পূতনামনয়ৎক্ষয়ম্ || ১, ১৪৪. ২ ||
শকটঃ পরিবৃত্তোঽথ ভগ্নৌ চ যমলার্জুনৌ |
দমিতঃ কালিয়ো নাগো ধেনুকো বিনিপাতিতঃ || ১, ১৪৪. ৩ ||
ধৃতো গোবর্ধনঃ শৈল ইন্দ্রেণ পরিপূজিতঃ |
ভারাবতরণং চক্রে প্রতিজ্ঞাং কৃতবান্হরিঃ || ১, ১৪৪. ৪ ||
রক্ষণায়ার্জুনাদেশ্চ হ্যরিষ্টাদির্নিপাতিতঃ |
কেশী বিনিহতো দৈত্যো গোপাদ্যাঃ পরিতোষিতাঃ || ১, ১৪৪. ৫ ||
চাণূরো মুষ্টিকো মল্লঃ কংসো মঞ্চান্নিপাতিতঃ |
রুক্মিণীসত্যভামাদ্যাঃ হ্যষ্টৌ পত্ন্যো হরেঃ পরাঃ || ১, ১৪৪. ৬ ||
ষোঢশ স্ত্রীসহস্রাণি হ্যন্যান্যাস মহাত্মনঃ |
তাসাং পুত্রাশ্চ পৌত্রাদ্যাঃ শতশোঽথ সহস্রশঃ || ১, ১৪৪. ৭ ||
রুক্মিণ্যাঞ্চৈব প্রদ্যুম্নো ন্যবধীচ্ছম্বরঞ্চ যঃ |
তস্য পুত্রোঽনিরুদ্ধোঽভূদুষাবাণসুতাপতিঃ || ১, ১৪৪. ৮ ||
হরিশকরয়োর্যত্র মহায়ুদ্ধং বভূব হ |
বাণবাহুসহস্রঞ্চ চ্ছিন্নং বাহুদ্বয়ং হ্যভূৎ || ১, ১৪৪. ৯ ||
নরকো নিহতো যেন পারিজাতং জহার যঃ |
বলশ্চ শিসুপালশ্চ হতশ্চ দ্বিবিদঃ কপিঃ || ১, ১৪৪. ১০ ||
অনিরুদ্ধাদভূদ্বজ্রঃ স চ রাজা গতে হরৌ |
সন্দীপনিং গুরুঞ্চক্রে সপুত্রঞ্চ চকার সঃ |
মথুরায়াং চোগ্রসেনং পালনং চ দিবৌকসাম্ || ১, ১৪৪. ১১ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
হরিবংশবর্ণনং নাম চতুশ্চাৎবারিংশদুত্তরশততমোঽধ্যায়ঃ

শ্রীগরুডমহাপুরাণম্-১৪৫
ব্রহ্মোবাচ |
ভারতং সম্প্রবক্ষ্যামি ভারাবতরণং ভুবঃ |
চক্রে কৃষ্ণো যুধ্যমানঃ পাণ্ডবাদিনিমিত্ততঃ || ১, ১৪৫. ১ ||
বিষ্ণুনাভ্যব্জতো ব্রহ্মা ব্রহ্মপুত্রোঽত্রিরত্রিতঃ |
সোমস্ততো বুধস্তস্মাদিলায়াং চ পুরূরবাঃ || ১, ১৪৫. ২ ||
তস্যায়ুস্তত্র বংশেঽভূদ্যয়াতির্ভরতঃ কুরুঃ |
শন্তনুস্তস্য বংশেঽভূদ্গঙ্গায়াং শন্তনোঃ সুতঃ || ১, ১৪৫. ৩ ||
ভীষ্মঃ সর্বগুণৈয়ুক্তো ব্রহ্মবৈবর্তপারগঃ || ১, ১৪৫. ৪ ||
শন্তনোঃ সত্যবত্যাং চ দ্বৌ পুত্রৌ সম্বভূবতুঃ |
চিত্রাঙ্গদন্তু গন্ধর্বঃ পুত্রং চিত্রাঙ্গদোঽবধীৎ || ১, ১৪৫. ৫ ||
অন্যো বিচিত্রবীর্যোঽভূৎকাশীরাজসুতাপতিঃ |
বিচিত্রবীর্যে স্বর্যাতে ব্যাসাত্তৎক্ষেত্রতোঽভবৎ || ১, ১৪৫. ৬ ||
ধৃতরাষ্টোঽম্বিকাপুত্রঃ পাণ্ডুরাম্বালিকাসুতঃ |
ভুজিষ্যায়ান্তু বিদুরো গান্ধার্যাং ধৃতরাষ্ট্রতঃ || ১, ১৪৫. ৭ ||
দুর্যোধনপ্রধানাস্তু শতসঙ্খ্যা মহাবলাঃ |
পাণ্ডোঃ কুন্ত্যাঞ্চ মাদ্যাং চ পঞ্চ পুত্রাঃ প্রজজ্ঞিরে || ১, ১৪৫. ৮ ||
যুধিষ্ঠিরো ভীমসেনো হ্যর্জুনো নকুলস্তথা |
সহদেবশ্চ পঞ্চৈতে মহাবলপরাক্রমাঃ || ১, ১৪৫. ৯ ||
কুরুপাণ্ডবয়োর্বৈরং দৈবয়ো গাদ্বভূব হ |
দুর্যোধনেনাধীরেণ পাণ্ডবাঃ সমুপদ্রুতাঃ || ১, ১৪৫. ১০ ||
দগ্ধা জতুগৃহে বীরাস্তে মুক্তাঃ স্বধিয়ামলাঃ || ১, ১৪৫. ১১ ||
ততস্তদেকচক্রায়াং ব্রাহ্মণস্য নিবেশনে |
বিবিশুস্তে মহাত্মানো নিহত্য বকরাক্ষসম্ || ১, ১৪৫. ১২ ||
ততঃ পাঞ্চালবিষয়েদ্রৌপদ্যাস্তে স্বয়ংবরম্ |
বিজ্ঞায় বীর্যশুল্কান্তাং পাণ্ডবা উপয়েমিরে || ১, ১৪৫. ১৩ ||
দ্রোণভীষ্মানুমত্যা তু ধৃতরাষ্ট্রঃ সমানয়ৎ |
অর্দ্বরাজ্যং ততঃ প্রাপ্তা ইন্দ্রপ্রস্থে পুরোত্তমে || ১, ১৪৫. ১৪ ||
রাজসূয়ন্ততশ্চক্রুঃ সভাং কৃৎবা যতব্রতাঃ |
অর্জুনো দ্বারবত্যান্তু সুভদ্রাং প্রাপ্তবান্প্রিয়াম্ |
বাসুদেবস্য ভগিনীমনুমত্যা মুরদ্বিষঃ || ১, ১৪৫. ১৫ ||
নন্দিঘোষং রথং দিব্যমগ্নের্ঘনুরনুত্তমম্ |
গাণ্ডীবং নাম তদ্দিব্যং ত্রিষু লোকেষু বিশ্রুতম্ |
অক্ষয়ান্সায়কাংশ্চৈব তথাভেদ্যঞ্চ দংশনম্ || ১, ১৪৫. ১৬ ||
স তেন ধনুষা বীরঃ পাণ্ডবো জাতবেদসম্ |
কৃষ্ণদ্বিতীয়ো বীভৎসুরতর্পয়ত বীর্যবান্ || ১, ১৪৫. ১৭ ||
নৃপান্দিগ্বিজয়ে জিৎবা রত্নান্যাদায় বৈ দদৌ |
যুধিষ্ঠিরায় মহতে ভ্রাত্রে নীতিবিদে মুদা || ১, ১৪৫. ১৮ ||
যুধিষ্ঠিরোঽপি ধর্মাত্মা ভ্রাতৃভিঃ পরিবারিতঃ |
জিতো দুর্যোধনেনৈব মায়াদ্যূতেন পাপিনা |
কর্ণদুঃশাসনমতে স্থিতেন শকুনের্মতে || ১, ১৪৫. ১৯ ||
অথ দ্বাদশ বর্ষাণি বনে তেপুর্মহত্তপঃ |
সধৌম্যা দ্রৌপদীষষ্ঠা মুনিবৃন্দাভিসংবৃতাঃ || ১, ১৪৫. ২০ ||
যয়ুর্বিরাটনগরং গুপ্তরূপেণ সংশ্রিতাঃ |
বর্ষমেকং মহাপ্রাজ্ঞা গোগ্রহাত্তমপালয়ন্ || ১, ১৪৫. ২১ ||
ততে যাতাঃ স্বকং রাষ্ট্রং প্রার্থয়ামাসুরাদৃতাঃ |
পঞ্চগ্রামানর্ধরাজ্যাদ্বীরা দুর্যোধনং নৃপম্ || ১, ১৪৫. ২২ ||
নাপ্তবন্তঃ কুরুক্ষেত্রে যুদ্ধঞ্চক্রুর্বলান্বিতাঃ |
অক্ষৌহিণীভির্দিব্যাভিঃ সপ্তভিঃ পরিবারিতাঃ || ১, ১৪৫. ২৩ ||
একাদশভিরুদ্যুক্তা যুক্তা দুর্যোধনাদয়ঃ |
আসীদ্যুদ্ধং সঙ্কুলং চ দেবাসুররণোপমম্ || ১, ১৪৫. ২৪ ||
ভীষ্মঃ সেনাপতিরভূদাদৌ দৌর্যোধনে বলে |
পাণ্ডবানাং শিখণ্ডী চ তয়োর্যুদ্ধং বভূব হ |
শস্ত্রাশস্ত্রি মহাঘোরং ধসরাত্রং শরাশরি || ১, ১৪৫. ২৫ ||
শিখণ্ড্যর্জুনবাণৈশ্চ ভীষ্মঃ শরশতৈশ্চিতঃ |
উত্তরায়ণমাবীক্ষ্য ধ্যাৎবা দেবং গদাধরম্ || ১, ১৪৫. ২৬ ||
উক্ত্বা ধর্মান্বহুবিধাংস্তর্পয়িৎবা পিৎৠন্বহূন্ |
আনন্দে তু পদে লীনো বিমলে মুক্তকিল্বিষে || ১, ১৪৫. ২৭ ||
ততো দ্রোণো যয়ৌ যোদ্ধুং ধৃষ্টদ্যুম্নেন বীর্যবান্ |
দিনানি পঞ্চ তদ্যুদ্ধমাসীৎপরমদারুণম্ || ১, ১৪৫. ২৮ ||
যত্র তে পৃথিবীপালা হতাঃ পার্থেন সঙ্গরে |
শোকসাগরমাসাদ্য দ্রোণোঽপি স্বর্গমাপ্তবান্ || ১, ১৪৫. ২৯ ||
ততঃ কর্ণা যয়ৌ যোদ্ধুমর্জুনেন মিহাত্মনা |
দিনদ্বয়ং মহায়ুদ্ধং কৃৎবা পার্থাস্ত্রসাগরে |
নিমগ্নঃ সূর্যলোকন্তু ততঃ প্রাপ স বীর্যবান্ || ১, ১৪৫. ৩০ ||
ততঃ শল্যো যয়ৌ যোদ্ধুং ধর্মরাজেন ধীমতা |
দিনার্ধেন হতঃ শল্যো বাণৈর্জ্বলনসন্নিভৈঃ || ১, ১৪৫. ৩১ ||
দুর্যোধনোঽথ বেগেন গদামাদায় বীর্যবান্ |
অভ্যধাবত বৈ ভীভং কালান্তকয়মোপমঃ || ১, ১৪৫. ৩২ ||
অথ ভীমেন বীরেণ গদয়া বিনিপাতিতঃ |
অশ্বত্থামা গতো দ্রৌণিঃ সুপ্তসৈন্যং ততো নিশি || ১, ১৪৫. ৩৩ ||
জঘান বাহুবীর্যেণ পিতুর্বধমনুস্মরন্ |
ধৃষ্টদ্যুম্নং জঘানাথ দ্রৌপদেয়াংশ্চ বীর্যবান্ || ১, ১৪৫. ৩৪ ||
দ্রৌপদ্যাং রুদ্যমানায়ামশ্বত্থাম্নঃ শিরোমণিম্ |
ঐষিকাস্ত্রেণ তং জিৎবা জগ্রাহার্জুন উত্তমম্ || ১, ১৪৫. ৩৫ ||
যুধিষ্ঠিরঃ সমাশ্বাস্য স্ত্রীজনং শোকসঙ্কুলম্ |
স্নাৎবা সন্তর্প্য দেবাংশ্চ পিৎৠনথ পিতামহান্ || ১, ১৪৫. ৩৬ ||
আশ্বাসিতোঽথ ভীষ্মেণ রাজ্যঞ্চৈবাকরোন্মহৎ |
বিষ্ণুমীজেঽশ্বমেধেন বিধিবদ্দক্ষিণাবতা || ১, ১৪৫. ৩৭ ||
রাজ্যে পরীক্ষিতং স্থাপ্য যাদবানাং বিনাশনম্ |
শ্রুৎবা তু মৌসলে রাজা জপ্ত্বা নামসহস্রকম্ || ১, ১৪৫. ৩৮ ||
বিষ্ণোঃ স্বর্গং জগামাথ ভীমাদ্যৈর্ভ্রাতৃভির্যুতঃ |
বাসুদেবঃ পুনর্বুদ্ধ-সমোহায় সুরদ্বিষাম্ || ১, ১৪৫. ৩৯ ||
কল্কির্বিষ্ণুশ্চ ভবিতা শম্ভলগ্রামকে পুনঃ |
অশ্বারূঢোঽখিলাংল্লোকাংস্তদা ভস্মীকরিষ্যতি || ১, ১৪৫. ৪০ ||
দেবাদীনাং রক্ষণায় হ্যধর্মহারণায় চ |
দুষ্টানাঞ্চ বধার্থায় হ্যবতারং করোতি চ || ১, ১৪৫. ৪১ ||
যথা ধন্বন্তরির্বংশে জাতঃ ক্ষীরোদমন্থনে |
দেবাদীনাং জীবনায় হ্যায়ুর্বেদমুবাচ হ || ১, ১৪৫. ৪২ ||
বিশ্বামিত্রসুতায়ৈব শুশ্রুতায় মহাত্মনে |
ভারতাংশ্চাবতারাংশ্চ শ্রুৎবা স্বর্গং ব্রজেন্নরঃ || ১, ১৪৫. ৪৩ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
ভারতাদিবর্ণনং নাম পঞ্চচৎবারিংশদুত্তরশততমোঽধ্যায়ঃ

শ্রীগরুডমহাপুরাণম্-১৪৬
ধন্বন্তরিরুবাচ |
সর্বরোগনিদানঞ্চ বক্ষ্যে সুশ্রুত তত্ত্বতঃ |
আত্রেয়াদ্যৈর্মুনিবরৈর্যথা পূর্বমুদীরিতম্ || ১, ১৪৬. ১ ||
রোগঃ পাপ্মা জ্বরো ব্যাধির্বিকারো দুষ্ট আময়ঃ |
যক্ষ্মাতঙ্কগদা বাধাঃ শব্দাঃ পর্যায়বাচিনঃ || ১, ১৪৬. ২ ||
নিদানং পূর্বরূপাণি রূপাণ্যুপশয়স্তথা |
সম্প্রাপ্তিশ্চৈতি বিজ্ঞানং রোগাণাং পঞ্চধা স্মৃতম্ || ১, ১৪৬. ৩ ||
নিমিত্তহেৎবায়তনপ্রত্যয়োত্থানকারণৈঃ |
নিদানমাহুঃ পর্যায়ৈঃ প্রাগ্রূপং যেন লক্ষ্যতে || ১, ১৪৬. ৪ ||
উৎপিৎসুরাময়ো দোষবিশেষেণানধিষ্ঠিতঃ |
লিঙ্গমব্যক্তমল্পৎবাদ্ব্যাধীনাং তদ্যথায়থম্ || ১, ১৪৬. ৫ ||
তদেব ব্যক্ততাং যাতং রূপমিত্যভিধীয়তে |
সংস্থানাং ব্যঞ্জনং লিঙ্গং লক্ষণং চিহ্নমাকৃতিঃ || ১, ১৪৬. ৬ ||
হেতুব্যাধিবিপর্যস্তবিপর্যস্তার্থকারিণাম্ |
ঔষধান্নবিহারাণামুপয়োগং সুখাবহম্ || ১, ১৪৬. ৭ ||
বিদ্যাদুপশয়ং ব্যাধেঃ স হি সাত্ম্যমিতি স্মৃতঃ |
বিপরীতোঽনুপশয়ো ব্যাধ্যসাত্ম্যেতিসঞ্জ্ঞিতঃ || ১, ১৪৬. ৮ ||
যথা দুষ্টেন দোষেণ যথা চানুবিসর্পতা |
নির্বৃত্তিরাময়স্যাসৌ সম্প্রাপ্তিরভিধীয়তে || ১, ১৪৬. ৯ ||
সঙ্খ্যাবিকল্পপ্রাধান্যবলকালবিশেষতঃ |
সা ভিদ্যতে যথাত্রৈব বক্ষ্যন্তেঽষ্টৌ জ্বরা ইতি || ১, ১৪৬. ১০ ||
দোষাণাং সমবেতানাং বিকল্পোশাংশকল্পনা |
স্বাতন্ত্র্যপারতন্ত্র্যাভ্যাং ব্যাধেঃ প্রাধান্যমাদিশেৎ || ১, ১৪৬. ১১ ||
হেৎবাদিকার্ত্স্ন্যাবয়বৈর্বলাবলবিশেষষণম্ |
নক্তন্দিনার্ধভুক্তাংশৈর্ব্যাধিকালো যথামলম্ || ১, ১৪৬. ১২ ||
ইতি প্রোক্তো নিদানার্থঃ স ব্যাসেনোপদেক্ষ্যতে |
সর্বেষামেব রোগাণাং নিদানং কুপিতা মলাঃ || ১, ১৪৬. ১৩ ||
তৎপ্রকোপস্য তু প্রোক্তং বিবিধাহিতসেবনম্ |
অহিতস্ত্রিবিধো যোগস্ত্রয়াণাং প্রাগুদাহৃতঃ || ১, ১৪৬. ১৪ ||
তিক্তোষণকষায়াম্লরূক্ষাপ্রমিতয়োজনৈঃ |
ধাবনোদীরণনিশাজাগরাত্যুচ্চভাষণৈঃ || ১, ১৪৬. ১৫ ||
ক্রিয়াভিয়োগবীশোকচিন্তাব্যায়ামমৈথুনৈঃ |
গ্রীষ্মাহোরাত্রভুক্ত্যন্তে প্রকুপ্যতি সমীরণঃ || ১, ১৪৬. ১৬ ||
পিত্তং কট্বালতীক্ষ্ণোষ্ণকটুক্রোধবিদাহিভিঃ |
শরন্মধ্যাহ্নরাত্র্যর্ধবিদাহসময়েষু চ || ১, ১৪৬. ১৭ ||
স্বাদ্বম্ললবণস্নিগ্ধগুর্বভিষ্যন্দিশীতলৈঃ |
আস্যাস্বপ্নসুখাজীর্ণদিবাস্বপ্নাদিবৃংহণৈঃ || ১, ১৪৬. ১৮ ||
প্রিচ্ছর্দনাদ্যয়োগেন ভুক্তান্নস্যাপ্যজীর্ণকে |
পূর্বাহ্নে পূর্বরাত্রে চ শ্লেষ্মা বক্ষ্যামি সঙ্করান্ || ১, ১৪৬. ১৯ ||
মিশ্রীভাবাৎসমস্তানাং সন্নিপাতস্তথা পুনঃ |
সঙ্কীর্ণাজীর্ণবিষমবিরুদ্ধাদ্যশনাদিভিঃ || ১, ১৪৬. ২০ ||
ব্যাপন্নমদ্যপানীয়শুষ্কশাকামমূলকৈঃ |
পিণ্যাকমৃত্যবসরপূতিশুষ্ককৃশমিষৈঃ || ১, ১৪৬. ২১ ||
দোষত্রয়করৈস্তৈস্তৈস্তথান্নপরিবর্ততঃ |
ধাতোর্দুষ্টাৎপুরো বাতাদ্দ্বিগ্রহাবেশবিপ্লবাৎ || ১, ১৪৬. ২২ ||
দুষ্টামান্নৈরতিশ্লৈষ্মগ্রহৈর্জন্মর্ক্ষপীডনাৎ |
মিথ্যায়োগাচ্চ বিবিধাৎপাপানাঞ্চ নিষেবণাৎ |
স্ত্রীণাং প্রসববৈষম্যাত্তথা মিথ্যোপচারতঃ || ১, ১৪৬. ২৩ ||
প্রতিরোগমিতি ক্রুদ্ধা রোগবিধ্যনুগামিনঃ |
রসায়নং প্রপদ্যাশু দোষা দেহে বিকুর্বতে || ১, ১৪৬. ২৪ ||

ইতি শ্রীগারুডে মহাপুরাণে পূর্বখণ্ডে প্রথমাংশাক্যে আচারকাণ্ডে
সর্বরোগনিদানং নাম ষট্চৎবারিংশদুত্তরশততমোঽধ্যায়ঃ

শ্রীগরুডমহাপুরাণম্-১৪৭
ধন্বন্তরিরুবাচ |
বক্ষ্যে জ্বরনিদানং হি সর্বজ্বরবিবুদ্ধয়ে |
জ্বরো রোগপতিঃ পাপ্মা মৃত্যুরাজোঽশনোঽন্তকঃ |
ক্রুদ্ধদক্ষাধ্বরধ্বংসিরুদ্রোর্ধ্বনয়নোদ্ভবঃ || ১, ১৪৭. ১ ||
তৎসন্তাপো মোহময়ঃ সন্তাপাত্মাপচারজঃ |
বিবিধৈর্নামভিঃ ক্রূরো নানায়োনিষু বর্ততে || ১, ১৪৭. ২ ||
পাকলো গজেষ্বভিতাপো বাজিষ্বলর্কঃ কুক্রুরেষু |
ইন্দ্রমদো জলদেষ্বপ্সু নীলিকা জ্যোতিরোষধীষু ভূম্যামূষরো নাম || ১, ১৪৭. ৩ ||
হৃল্লাসশ্ছর্দনং কাসঃ স্তম্ভঃ শৈত্য ৎবগাদিষু |
অঙ্গেষু চ সমুদ্ভূতাঃ পিডকাশ্চ কফোদ্ভবে || ১, ১৪৭. ৪ ||
কালে যথাস্বং সর্বেষাং প্রবৃত্তির্বৃদ্ধিরেব বা |
নিদানোক্তোনুপশয়ো বিপরীতোপশায়িতা || ১, ১৪৭. ৫ ||
অরুচিশ্চাবিপাকশ্চ স্তম্ভমালস্যমেব চ |
হৃদ্দাহশ্চ বিপাকশ্চ তন্দ্রা চালস্যমেব চ |
বস্তির্বিমর্দাবনয়া দোষাণামপ্রবর্তনম্ || ১, ১৪৭. ৬ ||
লালাপ্রসেকো হৃল্লাসঃ ক্ষুন্নাশো রসদং মুখম্ |
স্বচ্ছমুষ্ণগুরুৎবঞ্চ গাত্রাণাং বহুমূত্রতা |
ন বিজীর্ণং ন চ ম্লানির্জ্বরস্যামস্য লক্ষণম্ || ১, ১৪৭. ৭ ||
ক্ষুৎক্ষামতা লঘুৎবং চ গাত্রাণাং জ্বরমার্দবম্ |
দোষপ্রবৃত্তিরষ্টাহান্নিরামজ্বরলক্ষণম্ || ১, ১৪৭. ৮ ||
যথা স্বলিঙ্গং সংসর্গে জ্বরসংসর্গজোঽপি বা |
শিরোর্তিমূর্ছাবমিদেহদাহকণ্ঠাস্যশোষারুচিপর্বভেদাঃ |
উন্নিদ্রতা সম্ভ্রমরোমহর্ষা জৃম্ভাতিবাক্ত্বং পবনাৎসপিত্তাৎ || ১, ১৪৭. ৯ ||
তাপহান্যরুচিপর্বশিরোরুক্ষ্ঠীবনশ্বসনকাসবিবর্ণাঃ |
শীতজাড্যতিমিরভ্রমিতন্দ্রাশ্লেষ্মবাতজনিতজ্বরলিঙ্গম্ || ১, ১৪৭. ১০ ||
শীতস্তম্ভস্বেদদাহাব্যবস্থাস্তৃষ্ণা কাসঃ শ্লেষ্মপিত্তপ্রবৃত্তিঃ |
মোহস্তন্দ্রালিপ্ততিক্তাস্যতা চ জ্ঞেয়ং রূপং শ্লেষ্মপিত্তজ্বরস্য || ১, ১৪৭. ১১ ||
সর্বজো লক্ষণৈঃ সর্বৈর্দাহোঽত্র চ মুহুর্মুহুঃ |
তদুচ্ছীতং মহা নিদ্রা দিবা জাগরণং নিশি || ১, ১৪৭. ১২ ||
সদা বা নৈব বা নিদ্রা মহাস্বেদো হি নৈব বা |
গীতনর্তনহাস্যাদিঃ প্রকৃতেহাপ্রবর্তনম্ || ১, ১৪৭. ১৩ ||
সাশ্রুণী কলুষে রক্তে ভুগ্নে লুলিতপক্ষ্মণী |
অক্ষিণী পিণ্ডিকাপার্শ্বশিরঃ পর্বাস্থিরুগ্ভ্রমঃ || ১, ১৪৭. ১৪ ||
সস্বনৌ সরুজৌ কর্ণৌ মহাশীতৌ হি নৈব বা |
পরিদগ্ধা খরা জিহ্বা গুরুস্ত্রস্তাঙ্গসন্ধিতা || ১, ১৪৭. ১৫ ||
ষ্ঠীবনং রক্তপিত্তস্য লোঠনং শিরসোঽতিতৃট্ |
কোষ্ঠানাং শ্যাবরক্তানাং মণ্ডলানাং চ দর্শনম্ || ১, ১৪৭. ১৬ ||
হৃদ্ব্যথা মলংসসর্গঃ প্রবৃত্তির্বাল্পশোঽতি বা |
স্নিগ্ধাস্যতা বলভ্রংশঃ স্বরসাদঃ প্রলাপিতঃ || ১, ১৪৭. ১৭ ||
দোষপাকশ্চিরং তন্দ্রা প্রততং কণ্ঠকূজনম্ |
সন্নিপাতমভিন্যাসং তং ব্রূয়াচ্চ হতৌজসম্ || ১, ১৪৭. ১৮ ||
বায়ুনা কণ্ঠরুদ্ধেন পিত্তমন্তঃ সুপীডিতম্ |
ব্যবায়িৎবাচ্চ সৌখ্যাচ্চ বহির্মর্গং প্রপদ্যতে |
তেন হারিদ্রনেত্রৎবং সন্নিপাতোদ্ভবেজ্বরে || ১, ১৪৭. ১৯ ||
দোষে বিবৃদ্ধে নষ্টেঽগ্নৌ সর্বসম্পূর্ণলক্ষণঃ |
সান্নিপাতজ্বরোঽসাধ্যঃ কৃচ্ছ্রসাধ্যস্ততোঽন্যথা || ১, ১৪৭. ২০ ||
অন্যত্র সন্নিপাতোত্থং যত্র পিত্তং পৃথক্স্থিতম্ |
ৎবচি কোষ্ঠে চ বা দাহং বিদধাতি পুরোঽনু বা || ১, ১৪৭. ২১ ||
তদ্বদ্বাতকফে শীতং দাহাদির্দুস্তরস্তয়োঃ |
শীতাদৌ তত্র পিত্তেন কফে স্যান্দিতশোষিতে || ১, ১৪৭. ২২ ||
পিত্তে শান্তেঽথ বৈ মূর্ছা মদস্তৃষ্ণা চ জায়তে |
দাহাদৌ পুনরন্তেষু তন্দ্রালস্যে বমিঃ ক্রমাৎ || ১, ১৪৭. ২৩ ||
আগন্তুরভিগাতাভিষঙ্গশাপাভিচারতঃ |
চতুর্ধা তু কৃতঃ স্বেদো দাহাদ্যৈরভিঘাতজঃ || ১, ১৪৭. ২৪ ||
শ্রমাচ্চ তস্মিন্পবনঃ প্রায়ো রক্তং প্রদূষয়ন্ |
সব্যথাশোকবৈবর্ণ্যং সরুজং কুরুতে জ্বরম্ || ১, ১৪৭. ২৫ ||
গ্রহাবেশৌষধিবিষক্রোধভীশোককামজঃ || ১, ১৪৭. ২৬ ||
অভিষঙ্গগ্রহোঽপ্যস্মিন্নকস্মাদ্বাসরোদনে |
ওষধীগন্ধজে মূর্ছা শিরোরুগ্বমথুঃ ক্ষয়ঃ || ১, ১৪৭. ২৭ ||
বিষান্মূর্ছাতিসারশ্চ শ্যাবতা দাহকৃদ্ভ্রমঃ |
ক্রোধাৎকম্পঃ শিরোরুক্চ প্রলাপো ভয়শোকজে || ১, ১৪৭. ২৮ ||
কামাদ্ভ্রমোঽরুচির্দাহো হ্রীনিদ্রাধীধৃতিক্ষয়াঃ |
গ্রহাদৌ সন্নিপাতস্য রূপাদৌ মরুতস্তয়োঃ || ১, ১৪৭. ২৯ ||
কোপাৎকোপেঽপি পিত্তস্য যৌ তু শাপাভিচারজৌ |
সন্নিপাতজ্বরৌ ঘোরৌ তাবসহ্যতমৌ মতৌ || ১, ১৪৭. ৩০ ||
তন্ত্রা ভিচারিকৈর্মন্ত্রৈর্দূয়মানঞ্চ তপ্যতে |
পূর্বঞ্চৈতস্ততো দেহস্ততো বিস্ফোটদিগ্ভ্রমৈঃ || ১, ১৪৭. ৩১ ||
সদাহমূর্ছাগ্রস্তস্য প্রত্যহং বর্ধতে জ্বরঃ |
ইতি জ্বরোঽষ্টধা দৃষ্টঃ সমাসাদ্দ্বিবিধস্তু সঃ || ১, ১৪৭. ৩২ ||
শারীরো মানসঃ সৌম্যস্তীক্ষ্ণোংন্তর্বহিরাশ্রয়ঃ |
প্রাকৃতো বৈকৃতঃ সাধ্যোঽসাধ্যঃ সামো নিরামকঃ || ১, ১৪৭. ৩৩ ||
পূর্বং শরিরে শরীরে তাপো মনসি মানসে |
পবনৈর্যোগবাহিৎবাচ্ছীতং শ্লেষ্ময়ুতে ভবেৎ || ১, ১৪৭. ৩৪ ||
দাহঃ পিত্তয়ুতে মিশ্রং মিশ্রেঽন্তঃ সংশ্রয়ে পুনঃ |
জ্বরেঽধিকং বিকারাঃ স্যুরন্তঃ ক্ষোভো মলগ্রহঃ || ১, ১৪৭. ৩৫ ||
বহিরেব বহির্বেগে তাপোঽপি চ স সাধিতঃ |
বর্ষাশরদ্বসন্তেষু বাতাদ্যৈঃ প্রকৃতঃ ক্রমাৎ || ১, ১৪৭. ৩৬ ||
বৈকৃতোঽন্যঃ স দুঃসাধ্যঃ প্রায়শ্চ প্রাকৃতোঽনিলাৎ |
বর্ষাসু মারুতো দুষ্টঃ পিত্তশ্লেষ্মান্বিতং জ্বরম্ || ১, ১৪৭. ৩৭ ||
কুর্যাচ্চ পিত্তং শরদি তস্য চানুচরঃ কফঃ |
তৎপ্রকৃত্যা বিসর্গাচ্চ তত্র নানশনাদ্ভয়ম্ || ১, ১৪৭. ৩৮ ||
কফো বসন্তে তমপি বাতপিত্তং ভবেদনু |
বলবৎস্বল্পদোষেষু জ্বরঃ সাধ্যোঽনুপদ্রবঃ || ১, ১৪৭. ৩৯ ||
সর্বথা বিকৃতিজ্ঞানে প্রাগসাধ্য উদাহৃতঃ |
জ্বরোপদ্রবতীক্ষ্ণৎবং মন্দাগ্নির্বহুমূত্রতা || ১, ১৪৭. ৪০ ||
ন প্রবৃত্তির্ন বিজীর্ণা ন ক্ষুৎসামজ্বরাকৃতিঃ |
জ্বরবেগোঽধিকস্তৃষ্ণা প্রলাপঃ শ্বসনং ভ্রমঃ || ১, ১৪৭. ৪১ ||
মলপ্রবৃত্তিরুৎক্লেশঃ পচ্যমানস্য লক্ষণম্ |
জীর্ণতামবিপর্যাসাৎসপ্তরাত্রং চ লঙ্ঘনম্ || ১, ১৪৭. ৪২ ||
জ্বরঃ পঞ্চবিধঃ প্রোক্তো মলকালবলাবলাৎ |
প্রায়শঃ সন্নিপাতেন ভূয়সামুপদিশ্যতে || ১, ১৪৭. ৪৩ ||
সন্ততঃ সততোঽন্যেদ্যুস্তৃতীয়কচতুর্থকৌ |
ধাতুমূত্রশকৃদ্বাহিস্নোত সাং ব্যাপিনো মলাঃ || ১, ১৪৭. ৪৪ ||
তাপয়ন্তস্তনুং সর্বাং তুল্যদৃষ্ট্যাদিবর্ধিতাঃ |
বলিনো গুরবস্তস্যাবিশেষেণ রসাশ্রিতাঃ || ১, ১৪৭. ৪৫ ||
সততং নিষ্প্রতিদ্বন্দ্বাজ্বরং কুর্যুঃ সুদুঃসহম্ |
মলং জ্বরোষ্ণধাতূন্বা স শীঘ্রং ক্ষপয়েত্ততঃ || ১, ১৪৭. ৪৬ ||
সর্বাকারং রসাদীনাং শুদ্ধ্যাসুদ্ধ্যাপি বা ক্রমাৎ |
বাতপিত্তকফৈঃ সপ্তদ শদ্বাদশবাসরাৎ || ১, ১৪৭. ৪৭ ||
প্রায়োঽনুয়াতি মর্যাদাং মোক্ষায় চ বধায় চ |
ইত্যগ্নিবেশস্য মতং হারীতস্য পুনঃ স্মৃতিঃ || ১, ১৪৭. ৪৮ ||
দ্বিগুণা সপ্তমী যা চ নবম্যেকাদশী তথা |
এষা ত্রিদোষমর্যাদা মোক্ষায় চ বধায় চ || ১, ১৪৭. ৪৯ ||
শুদ্ধ্যাশুদ্ধ্যা জ্বরঃ কালং দীর্ঘমপ্যত্র বর্ততে |
কৃশানাং ব্যাধিয়ুক্তানাং মিথ্যাহারাদিসেবিনাম্ || ১, ১৪৭. ৫০ ||
অল্পোঽপি দোষো দুষ্ট্যাদের্লব্ধ্বান্যতমতো বলম্ |
স প্রত্যনীকো বিষমং যস্মাদ্বৃদ্ধিক্ষয়ান্বিতঃ || ১, ১৪৭. ৫১ ||
সবিক্ষেপো জ্বরং কুর্যাদ্বিষমক্ষয়বৃদ্ধিভাক্ |
দোষঃ প্রবর্ততে তেষাং স্বে কালে জ্বরয়ন্বলী || ১, ১৪৭. ৫২ ||
নিবর্ততে পুনশ্চৈব প্রত্যনীকবলাবলঃ |
ক্ষীণদোষো জ্বরঃ সূক্ষ্মো রসাদিষ্বেব লীয়তে || ১, ১৪৭. ৫৩ ||
লীনৎবাৎকার্শ্যবৈবর্ণ্যজাড্যাদীনাং দধাতি সঃ |
আসন্নবিকৃতাস্যৎবাৎস্রোতসাং রসবাহিনাম্ || ১, ১৪৭. ৫৪ ||
আশু সর্বস্য বপুষো ব্যাপ্তিদোষো ন জায়তে |
সন্তঃ সততস্তেন বিপরীতো বিপর্যয়াৎ || ১, ১৪৭. ৫৫ ||
বিষমো বিষমারম্ভঃ ক্ষপাকালেন সঙ্গবান্ |
দোষো রক্তাশ্রয়ঃ প্রায়ঃ করোতি সন্ততং জ্বরম্ || ১, ১৪৭. ৫৬ ||
অহোরাত্রস্য সন্ধৌ স্যাৎসকৃদন্যেদ্যুরাশ্রিতঃ |
তস্মিন্মাংসবহা নাডী মেদোনাডী তৃতীয়কে || ১, ১৪৭. ৫৭ ||
গ্রাহী পিত্তানিলান্মূর্ধ্নস্ত্রিকস্য কফপিত্ততঃ |
সপৃষ্ঠস্যানিলকফাৎস চৈকাহান্তরঃ স্মৃতঃ || ১, ১৪৭. ৫৮ ||
চতুর্থকো মলৈর্মেদোমজ্জাস্থ্যন্যতরে স্থিতঃ |
মজ্জাস্থ এব হ্যপরঃ প্রভাবমনুদর্শয়েৎ || ১, ১৪৭. ৫৯ ||
দ্বিধা কফোণিজঙ্ঘাভ্যাং স পূর্বং শিরসানিলাৎ |
অস্থিমজ্জোরুপগতশ্চতুর্থকবিপর্যয়ঃ || ১, ১৪৭. ৬০ ||
ত্রিধা ত্র্যহং জ্বরয়তি দিনমেকন্তু মুঞ্চতি |
বলা বলেন দোষণামন্যচেষ্টাদিজন্মনাম্ || ১, ১৪৭. ৬১ ||
পক্রানামবিপর্যাসাৎসপ্তরাত্রঞ্চ লঙ্ঘয়েৎ |
জ্বরঃ স্যান্মনসস্তদ্বৎকর্মণশ্চ তদাতদা || ১, ১৪৭. ৬২ ||
গম্ভীরধাতুচারিৎবাৎসন্নিপাতেন সম্ভবাৎ |
তুল্যোচ্ছ্রয়াচ্চ দোষাণাং দুশ্চিকিৎস্যশ্চতুর্থকঃ || ১, ১৪৭. ৬৩ ||
সূক্ষামাৎসূক্ষ্মজ্বরেষ্বেষু দূরদ্দূরতরেষু চ |
দোষো রক্তাদিমার্গেষু শনৈরল্পশ্চিরেণ যৎ || ১, ১৪৭. ৬৪ ||
যাতি দেহঞ্চ নাশেষং সন্তাপাদীন্করোত্যতঃ |
ক্রমো যত্নেন বিচ্ছিন্নঃ সতাপো লক্ষ্যতে জ্বরঃ || ১, ১৪৭. ৬৫ ||
বিষমো বিষমারম্ভঃ ক্ষপাকালানুসারবান্ |
যথোত্তরং মন্দগতির্মন্দশক্তির্যথায়থম্ || ১, ১৪৭. ৬৬ ||
কালেনাপ্নোতি সদৃশান্স রসাদীংস্তথাতথা |
দোষো জ্বরয়তি ক্রুদ্ধশ্চিরাচ্চিরতরেণ চ || ১, ১৪৭. ৬৭ ||
ভূমৌ স্থিতং জলৈঃ সিক্তং কালং নৈব প্রতীক্ষতে |
অঙ্কুরায় যথা বীজং দোষবীজং ভবেত্তথা || ১, ১৪৭. ৬৮ ||
বেগং কৃৎবাবিষং যদ্বদাশয়ে নয়তে বলম্ |
কুপ্যত্যাপ্তবলং ভূয়ঃ কালদোষবিষন্তথা || ১, ১৪৭. ৬৯ ||
এবং জ্বরাঃ প্রবর্তন্তে বিষমাঃ সততাদয়ঃ |
উৎক্লেশো গৌরবং দৈন্যং ভঙ্গোঽঙ্গানাং বিজৃম্ভণম্ || ১, ১৪৭. ৭০ ||
অরোচকো বমিঃ শ্বাসঃ সর্বস্মিন্রসগে জ্বরে |
রক্তনিষ্ঠীবনং তৃষ্ণা রূক্ষোষ্ণং পীডকোদ্যমঃ || ১, ১৪৭. ৭১ ||
দাহরাগভ্রমমদপ্রলাপো রক্তসংশ্রিতে |
তৃড্গ্লানিঃ স্পৃষ্টবর্চস্কমন্তর্দাহো ভ্রমস্তমঃ || ১, ১৪৭. ৭২ ||
দৌর্গন্ধ্যং গাত্রবিক্ষেপো মাংসস্থে মেদসি স্থিতে |
স্বেদোঽতিতৃষ্ণা বমনং দৌর্গন্ধ্যং বা সহিষ্ণুতা || ১, ১৪৭. ৭৩ ||
প্রলাপো গ্লানিররুচিরস্থিগে ৎবস্থিভেদনম্ |
দোষপ্রবৃত্তিরুদ্বোধঃ শ্বাসাঙ্গক্ষেপকূজনম্ || ১, ১৪৭. ৭৪ ||
অন্তর্দাহো বহিঃ শৈত্যং শ্বাসো হিক্কা হি মজ্জমে |
তমসো দর্শনং মর্মচ্ছেদনং স্তব্ধমেঢ্রতা || ১, ১৪৭. ৭৫ ||
শুক্রপ্রবৃত্তৌ মৃত্যুস্তু জায়তে শুক্রসংশ্রয়ে |
উত্তরোত্তরদুঃসাধ্যাঃ পঞ্চান্যে তু বিপর্যয়ে || ১, ১৪৭. ৭৬ ||
প্রলিম্পন্নিব গাত্রাণি শ্লেষ্মণা গৌরবেণ চ |
মন্দজ্বরপ্রলাপস্তু সশীতঃ স্যাৎপ্রলেপকঃ || ১, ১৪৭. ৭৭ ||
নিত্যং মন্দজ্বরো রূক্ষঃ শীতকৃচ্ছ্রেণ গচ্ছতি |
স্তব্ধাঙ্গঃ শ্লেষ্মভূয়িষ্ঠো ভবেদঙ্গবলাশকঃ || ১, ১৪৭. ৭৮ ||
হরিদ্রাভেদবর্ণাভস্তদ্বল্লেপং প্রমেহতি |
স বৈ হারিদ্রকো নাম জ্বরভেদোঽন্তকঃ স্মৃতঃ || ১, ১৪৭. ৭৯ ||
কফবাতৌ সমৌ যত্র হীনপিত্তস্য দেহিনঃ |
তীক্ষ্ণোঽথ বা দিবা মন্দো জায়তে রাত্রিজো জ্বরঃ || ১, ১৪৭. ৮০ ||
দিবাকরার্পিতবলে ব্যায়ামাচ্চ বিশোষিতে |
শরীরে নিয়তং বাতাজ্জ্বরঃ স্যাৎপৌর্বরাত্রিকঃ || ১, ১৪৭. ৮১ ||
আমাশয়ে যদাত্মস্থে শ্লেষ্মপিত্তে হ্যধঃ স্থিতে |
তদর্ধং শীতলং দেহে হ্যর্ধং চোষ্ণং প্রজায়তে || ১, ১৪৭. ৮২ ||
কায়ে পিত্তং যদা ন্যস্তং শ্লেষ্মা চান্তে ব্যবস্থিতঃ |
উষ্ণৎবং তেন দেহস্য শীতৎবং করপাদয়োঃ || ১, ১৪৭. ৮৩ ||
রসরক্তাশ্রয়ঃ সাধ্যো মাংস মেদোগতশ্চ যঃ |
অস্থিমজ্জাগতঃ কৃচ্ছ্রস্তৈস্তৈঃ স্বাঙ্গৈর্হতপ্রভঃ || ১, ১৪৭. ৮৪ ||
বিসঞ্জ্ঞো জ্রবেগার্তঃ সক্রোধ ইব বীক্ষতে |
সদোষমুষ্ণঞ্চ সদা শকৃন্মুঞ্চতি বেগবৎ || ১, ১৪৭. ৮৫ ||
দেহো লঘুর্ব্যপগতক্লমমোহতাপঃ পাকো মুখে করণসৌষ্ঠবমব্যথৎবম্ |
স্বেদঃ ক্ষুবঃ প্রকৃতিয়োগিমনোঽন্নলিপ্সা কণ্ডূশ্চ মূর্ধ্নি বিগৎজ্বরলক্ষণানি || ১, ১৪৭. ৮৬ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
জ্বরনিদানাদিকং নাম সপ্তচৎবারিংশদুত্তরশততমোঽধ্যায়ঃ

শ্রীগরুডমহাপুরাণম্-১৪৮
ধন্বন্তরিরুবাচ |
অথাতো রক্তপিত্তস্য নিদানং প্রবদাম্যহম্ |
ভৃশোষ্ণতিক্তকট্বম্ললবণাদিবিদাহিভিঃ || ১, ১৪৮. ১ ||
কোদ্রবোদ্দালকৈশ্চান্যৈস্তদুক্তৈরতি সেবিতৈঃ |
কুপিতং পৈত্তিকৈঃ পিত্তং দ্রবং রক্তঞ্চ মূর্ছতি || ১, ১৪৮. ২ ||
তৈর্মিথস্তুল্যরূপৎবমাগম্য ব্যাপ্নুবংস্তনুম্ |
পিত্তরক্তস্য বিকৃতেঃ সংসর্গাদ্দষণাদপি || ১, ১৪৮. ৩ ||
গন্ধবর্ণানুবৃত্তেষু রক্তেন ব্যপদিশ্যতে |
প্রভবত্যসৃজঃ স্থানাৎপ্লীহতো যকৃতশ্চ সঃ || ১, ১৪৮. ৪ ||
শিরোগুরুৎবমরুচিঃ শীতেচ্ছা ধূমকোঽম্লকঃ |
ছর্ধিতশ্ছর্দিবৈ ভৎস্যং কাসঃ শ্বাসো ভ্রমঃ ক্লমঃ || ১, ১৪৮. ৫ ||
লোহিতো ন হিতো মৎস্যগন্ধাস্যাৎবঞ্চ বিজ্বরে |
রক্তহারিদ্রহরিতবর্ণতা নয়নাদিষু || ১, ১৪৮. ৬ ||
নীললোহিত পীতানাং বর্ণানামবিবেচনম্ |
স্বপ্নে ইন্মাদধর্মিৎবং ভবত্যস্মিন্ভবিষ্যতি || ১, ১৪৮. ৭ ||
উর্ধ্বং নাসাক্ষিকর্ণাস্যৈর্মেঢ্রয়োনিগুদৈরধঃ |
কুপিতং রোমকূপৈশ্চ সমস্তৈস্তৎপ্রবর্ততে || ১, ১৪৮. ৮ ||
ঊর্ধ্বং সাধ্যং কফাদ্যস্মাত্তদ্বিরেচনসাধিতম্ |
বহ্বৌষধানি পিত্তস্য বিরেকো হি বরৌষধম্ || ১, ১৪৮. ৯ ||
অনুবন্ধী কফো যত্র তত্র তস্যাপি শুদ্ধিকৃৎ |
কষায়াঃ স্বাদবো যস্য বিশুদ্ধৌ শ্লেষ্মলা হিতাঃ || ১, ১৪৮. ১০ ||
কটুতিক্তকষায়া বা যে নিসর্গাৎকফাবহাঃ |
অধো যাপ্যঞ্চ নায়ুষ্মাংস্তৎপ্রচ্ছর্দনসাধকম্ || ১, ১৪৮. ১১ ||
অল্পৌষধঞ্চ পিত্তস্য বমনং নাবমৌষধম্ |
অনুবন্ধি বলং যস্য শান্তপিত্তনরস্য চ || ১, ১৪৮. ১২ ||
কষায়শ্চ হিতস্তস্য মধুরা এব কেবলম্ |
কফমারুতসংস্পৃষ্টমসাধ্যমুপনামনম্ || ১, ১৪৮. ১৩ ||
অসহ্যং প্রতিলোমৎবাদসাধ্যাদৌষধস্য চ |
ন হি সংশোধনং কিঞ্চিদস্য চ প্রতিলোমিনঃ || ১, ১৪৮. ১৪ ||
শোধনং প্রতিলোমঞ্চ রক্তপিত্তেঽভিসর্জিতম্ |
এবমেবোপশমনং সংশোধনমিহেষ্যতে || ১, ১৪৮. ১৫ ||
সংসৃষ্টেষু হি দোষেষু সর্বথা ছর্দনং হিতম্ |
তত্র দোষোঽত্র গমনং শিবাস্ত্র ইব লক্ষ্যতে || ১, ১৪৮. ১৬ ||
উপদ্রবাশ্চ বিকৃতিং ফলতস্তেষু সাধিতম্ || ১, ১৪৮. ১৭ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
রক্তপিত্তনিদানং নামাষ্টচৎবারিংশদুত্তরশততমোঽধ্যায়ঃ

শ্রীগরুডমহাপুরাণম্-১৪৯
ধন্বন্তরিরুবাচ |
আশুকারী যতঃ কাসঃ স এবাতঃ প্রবক্ষ্যতে |
পঞ্চ কাসাঃ স্মৃতা বাতপিত্তশ্লেষ্মক্ষতক্ষয়ৈঃ || ১, ১৪৯. ১ ||
ক্ষয়ায়োপেক্ষিতাঃ সর্বে বলিনশ্চোত্তরোত্তরম্ |
তেষাং ভবিষ্যতাং রূপং কণ্ঠে কণ্ডূররোচকঃ || ১, ১৪৯. ২ ||
শুষ্ককর্ণাস্যকণ্ঠৎবং তত্রাধোবিহিতোঽনিলঃ |
ঊর্ধ্বং প্রবৃত্তঃ প্রাপ্যো রস্তস্মিন্কণ্ঠে চ সংসৃজন্ || ১, ১৪৯. ৩ ||
শিরাস্রোতাংসি সম্পূর্য ততোঽঙ্গান্যুৎক্ষিপন্তি চ |
ক্ষিপন্নিবাক্ষিণী ক্লিষ্টস্বরঃ পার্শ্বে চ পীডয়ন্ || ১, ১৪৯. ৪ ||
প্রবর্ততে সবক্রেণ ভিন্নকাংস্যোপমধ্বনিঃ |
হৃৎপার্শ্বেরুশিরঃ শূলমোহক্ষোভস্বরক্ষয়ান্ || ১, ১৪৯. ৫ ||
করোতি শুষ্ককাসঞ্চ মহাবেগরুজাস্বনম্ |
সোঙ্গহর্ষো কফং শুষ্কং কৃছ্রান্মুক্ত্বাল্পতাং ব্রজেৎ || ১, ১৪৯. ৬ ||
পিত্তাৎপীতাক্ষিকৎবং চ তিক্তাস্যৎবং জ্বরো ভ্রমঃ |
পিত্তাসৃগ্বমনং তৃষ্ণা বৈস্বর্যং ধূমকো মদঃ || ১, ১৪৯. ৭ ||
প্রততং কাসবেগে চ জ্যোতিষামিব দর্শনম্ |
কফাদুরোঽল্পরুঙ্মূর্ধি হৃদয়ং স্তিমিতে গুরু || ১, ১৪৯. ৮ ||
কণ্ঠে প্রলেপমদজং পীনসচ্ছর্দ্যরোচকাঃ |
রোমহর্ষো ধনস্নিগ্ধংশ্লেষ্মণাঞ্চ প্রবর্তনম্ || ১, ১৪৯. ৯ ||
যুদ্ধাদ্যৈঃ সাহসৈস্তৈস্তৈঃ সেবিতৈরয়থাবলম্ |
উপস্যন্তঃ ক্ষতো বায়ুঃ পিত্তেনানুগতো বলী || ১, ১৪৯. ১০ ||
কুপিতঃ কুরুতে কাসং কফং তেন সশোণিতম্ |
পীতং শ্যাবঞ্চ শুষ্কঞ্চ গ্রথিতং কুপিতং বহু || ১, ১৪৯. ১১ ||
ষ্ঠীবেৎকণ্ঠেন রুজতা বিভিন্নেনৈব চোরসা |
সূচীভিরিব তীক্ষ্ণাভিস্তুদ্যমানেন শূলিনা || ১, ১৪৯. ১২ ||
দুঃখস্পর্শেন শূলেন ভেদপীডাহিতাপিনা |
পর্বভেদজ্বরশ্বাসতৃষ্ণাবৈস্বর্যকম্পবান্ || ১, ১৪৯. ১৩ ||
পারাবত ইবোৎকূজন্পার্শ্বশূলী ততোঽস্য চ |
কফাদ্যৈর্বমনং পক্তিবলবর্ণঞ্চ হীয়তে || ১, ১৪৯. ১৪ ||
ক্ষীণস্য সাসৃঙ্মূত্রৎবং শ্বাসপৃষ্টকটিগ্রহঃ |
ষায়ুপ্রধানাঃ কুপিতা ধাবতো রাজয়ক্ষ্মণঃ || ১, ১৪৯. ১৫ ||
কর্বন্তি যক্ষ্মায়তনে কাসং ষ্ঠীবৎকফং ততঃ |
পূতিপূয়োপমং বীতং মিশ্রং হরিতলোহিতম্ || ১, ১৪৯. ১৬ ||
সুপ্যতে তুদ্যত ইব হৃদয়ং পচতীব চ |
অকস্মাদুষ্ণশীতেচ্ছা বহ্বাশিৎবং বলক্ষয়ঃ || ১, ১৪৯. ১৭ ||
স্নিগ্ধপ্রসন্নবক্রৎবং শ্রীমদ্দর্শননেত্রতা |
ততোঽস্য ক্ষয়রূপাণি সর্বাণ্যাবির্ভবন্তি চ || ১, ১৪৯. ১৮ ||
ইত্যেষ ক্ষয়জঃ কাস ক্ষীণানাং দেহনাশনঃ |
যাপ্যৌ বা বলিনাং তদ্বৎক্ষতজোঽপি নবৌ তু তৌ || ১, ১৪৯. ১৯ ||
সিধ্যেতামপি সামর্থ্যাৎসাধ্যাদৌ চ পৃথক্ক্রমঃ |
মিশ্রা যাপ্যাশ্চ যে সর্বে জরসঃ স্থবিরস্য চ || ১, ১৪৯. ২০ ||
কাসশ্বাসক্ষয়চ্ছর্দিস্বরসাদাদয়ো গদাঃ |
ভবন্ত্যুপেক্ষয়া যস্মাত্তস্মাত্তাস্ত্বরয়া জয়েৎ || ১, ১৪৯. ২১ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
কাসনিদানা নামৈকোনপঞ্চাশদুত্তরশততমোধ্যায়ঃ

শ্রীগরুডমহাপুরাণম্-১৫০
ধন্বন্তরিরুবাচ |
অথাতঃ শ্বাসরোগস্য নিদানং প্রবদাম্যহম্ |
কাসবৃদ্ধ্যা ভবেচ্ছ্বাসঃ পূর্বৈর্বা দোষকোপনৈঃ || ১, ১৫০. ১ ||
আমাতিসারবমথুবিষপাণ্ডুজ্বরৈরপি |
রজোধূমানিলৈর্মর্মঘাতাদপি হিমাম্বুনা || ১, ১৫০. ২ ||
ক্ষুদ্রকস্তমকশ্ছিন্নো মহানূর্ধ্বশ্চ পঞ্চমঃ |
কফোপরুদ্ধগমনপবনো বিষ্বগাস্থিতঃ || ১, ১৫০. ৩ ||
প্রাণোদকান্নবাহীনি দুষ্টস্রোতাংসি দূষয়ন্ |
উরঃ স্থঃ কুরুতে শ্বাসমামাশয়সমুদ্ভবম্ || ১, ১৫০. ৪ ||
প্রাগ্রূপং তস্য হৃৎপার্শ্বশূলং প্রাণবিলোমতা |
আনাহঃ শঙ্খভেদশ্চ তত্রায়াসোঽতিভোজনৈঃ || ১, ১৫০. ৫ ||
প্রেরিতঃ প্রেরয়ন্ক্ষুদ্রং স্বয়ং স সমলং মরুৎ |
প্রতিলোমং শিরা গচ্ছেদুদীর্য পবনঃ কফম্ || ১, ১৫০. ৬ ||
পরিগৃহ্যশিরোগ্রীবমুরঃ পার্শ্বে চ পীডয়ন্ |
কাসং ঘুর্ঘুরকং মোহমরুচিম্পীনসং ভৃশম্ || ১, ১৫০. ৭ ||
করোতি তীব্রবেগঞ্চ শ্বাসং প্রাণোপতাপিনম্ |
প্রতাম্যেত্তস্য বেগেনষ্ঠীবনান্তে ক্ষণং সুখী || ১, ১৫০. ৮ ||
কৃচ্ছ্রাচ্ছয়ানঃ শ্বসিতি নিষণ্ণঃ স্বাস্থ্যমর্হতি |
উচ্ছ্রিতাক্ষো ললাটেন স্বিদ্যতা ভৃশমার্তিমান্ || ১, ১৫০. ৯ ||
বিশুষ্কাস্যো মুহুঃ শ্বাসঃ কাঙ্ক্ষত্যুষ্ণং সবেপথুঃ |
মেঘাম্বুশীতপ্রাগ্বাতৈঃ শ্লেষ্মলৈশ্চ বিবর্ধতে || ১, ১৫০. ১০ ||
স যাপ্যস্তমকঃ সাধ্যো নরস্য বলিনো ভবেৎ |
জ্বরমূর্ছাবতঃ সীতৈর্ন শাম্যেৎপ্রথমস্তু সঃ || ১, ১৫০. ১১ ||
কাসশ্বসিতবচ্ছীর্ণমর্মচ্ছেদরুজার্দিতঃ |
সস্বেদমূর্ছঃ সানাহো বস্তিদাহবিবোধবান্ || ১, ১৫০. ১২ ||
অধোদৃষ্টিঃ শুতাক্ষস্তু স্নিহ্যদ্রক্তৈকলোচনঃ |
শুষ্কাস্যঃ প্রলপন্দীনো নষ্টচ্ছায়ো বিচেতনঃ || ১, ১৫০. ১৩ ||
মহাতামহতা দীনো নাদেন শ্বসিতি ক্রথন্ |
উদ্ধূয়মানঃ সংরব্ধো মত্তর্ষভ ইবানিশম্ || ১, ১৫০. ১৪ ||
প্রনষ্টজ্ঞানবিজ্ঞানো বিভ্রান্তনয়নাননঃ |
নেত্রে সমাক্ষিপন্বদ্ধমূত্রবর্চা বিশীর্ণবাক্ || ১, ১৫০. ১৫ ||
শুষ্ককণ্ঠো মুহুশ্চৈব কর্ণশঙ্খাশিরোঽতিরুক্ |
যো দীর্ঘমুচ্ছ্বসিত্যূর্ধ্বং ন চ প্রত্যাহরত্যধঃ || ১, ১৫০. ১৬ ||
শ্লেষ্মাবৃতমুখশ্রোত্রঃ ক্রুদ্ধগন্ধবহার্দিতঃ |
ঊর্ধ্বং সমীক্ষতে ভ্রান্তমক্ষিণী পরিতঃ ক্ষিপন্ || ১, ১৫০. ১৭ ||
মর্মসু চ্ছিদ্যমানেষু পরিদেবী নিরুদ্ধবাক্ |
এতে সিধ্যেয়ুরব্যক্তাঃ ব্যক্তাঃ প্রাণহরা ধ্রুবম্ || ১, ১৫০. ১৮ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
শ্বাসনিদানা নাম পঞ্চাশদুত্তরশততমোঽধ্যায়ঃ