১.১৪ গরুডপুরাণ (অধ্যায় ১৩১-১৪০)

শ্রীগরুডমহাপুরাণম্-১৩১
ব্রহ্মোবাচ |
ব্রহ্মন্ভাদ্রপদে মাসি শুক্লাষ্টম্যামুপোষিতঃ |
দূর্বাং সৌরীং গণেশং চ ফলপুষ্পৈঃ শিবং যজেৎ || ১, ১৩১. ১ ||
ফলব্রীহ্যাদিভিঃ সর্বৈঃ শম্ভবেনমঃ শিবায় চ |
ৎবং দূর্বেঽমৃজন্মাসি হ্যষ্টমী সর্বকামভাক্ || ১, ১৩১. ২ ||
অনগ্নিপক্রমশ্রীয়ান্মুচ্যতে ব্রহ্মহত্যয়া |
(ইতি দূর্বাষ্টমীব্রতম্) |
কৃষ্ণাষ্টম্যাং চ রোহিণ্যামর্ধরাত্রের্ঽচনং হরেঃ || ১, ১৩১. ৩ ||
কার্যা বিদ্ধাপি সপ্তম্যা হন্তি পাপং ত্রিজন্মনঃ |
উপোষিতোর্ঽচয়েন্মন্ত্রৈস্তিথি ভান্তে চ পারণম্ || ১, ১৩১. ৪ ||
যোগায় যোগপতয়ে যোগেশ্বরায় যোগসম্ভবায় গোবিন্দায় নমোনমঃ |
(স্নানমন্ত্রঃ(যজ্ঞায় যজ্ঞেশ্বরায় যজ্ঞপতয়ে গোবিন্দায় নমোনমঃ || ১, ১৩১. ৫ ||
(অর্চনদৃ) –বিশ্বায় বিশ্বেশ্বরায় বিশ্বপতয়ে গোবিন্দায় নমোনমঃ |
(শয়নদৃ) –সর্বায় সর্বেশ্বরায় সর্বেতায় সর্বসম্ভবায় গোবিন্দায় নমোনমঃ || ১, ১৩১. ৬ ||
স্থণ্ডিলে পূজয়েদ্দেবং সচন্দ্রাং রোহিণীং তথা |
শঙ্খে তোয়ং সমাদায় সপুষ্পফলচন্দনম্ || ১, ১৩১. ৭ ||
জানুভ্যামবনীং গৎবা চন্দ্রায়ার্ঘ্যং নিবেদয়েৎ |
ক্ষিরোদার্ণবসম্ভূত ! অত্রিনেত্রসমুদ্ভব ! || ১, ১৩১. ৮ ||
গৃহাণার্ঘ্যং শশাঙ্কেশ (মং) রোহিণ্যা সহিতো মম |
শ্রিয়ৈ চ বসুদে বায় নন্দায় চ বলায় চ || ১, ১৩১. ৯ ||
যশোদায়ৈ ততো দদ্যাদর্ঘ্যং ফলসমন্বিতম্ |
অনন্তং (ঘং) বামনং শৌরিং বৈকুষ্ঠং পুরুষোত্তমম্ || ১, ১৩১. ১০ ||
বাসুদেবং হৃষীকেশং মাধবং মধুসূদনম্ |
বরাহং পুণ্ডরীকাক্ষং নৃসিংহং দৈত্যসূদনম্ || ১, ১৩১. ১১ ||
দামোদরং পদ্মনাভং কেশবং গারুডধ্বজম্ |
গোবিন্দমচ্যুতং দেবমনন্তম পরাজিতম্ || ১, ১৩১. ১২ ||
অধোক্ষজং জগদ্বীজং সর্গস্থিত্যন্তকারণম্ |
অনাদিনিধনং বিষ্ণুং ত্রিলোকেশং ত্রিবিক্রমম্ || ১, ১৩১. ১৩ ||
নারায়ণং চতুর্বাহুং শঙ্খচক্রগদাধরম্ |
পীতম্বরধরং দিব্যং বনমালাবিভূষিতম্ || ১, ১৩১. ১৪ ||
শ্রীবৎসাঙ্কং জগদ্ধাম শ্রীপতিং শ্রীধরং হরিম্ |
যং দেবং দেবকী দেবী বসুদেবাদজীজনৎ || ১, ১৩১. ১৫ ||
ভৌমস্য ব্রহ্মণো গুপ্ত্যৈ তস্মৈ ব্রহ্মাত্মনে নমঃ |
নামান্যেতানি সঙ্কীর্ত্য গত্যর্থং প্রার্থয়েৎপুনঃ || ১, ১৩১. ১৬ ||
ত্রাহি মাং দেবদেবেশ ! হরে ! সংসারসাগরাৎ |
ত্রাহি মাং সর্বপাপঘ্ন ! দুঃখশোকার্ণবাৎপ্রভো ! || ১, ১৩১. ১৭ ||
দেবকীনন্দন ! শ্রীশ ! হরে ! সংসারসাগরাৎ |
দুর্বৃত্তাংস্ত্রায়সে বিষ্ণো ! যে স্মরন্তি সকৃৎসকৃৎ || ১, ১৩১. ১৮ ||
সোঽহং দেবাতিদুর্বৃত্তস্ত্রাহি মাং শোকসাগরাৎ |
পুষ্করাক্ষ ! নিমগ্নোঽহং মহ্তয়জ্ঞানসাগরে || ১, ১৩১. ১৯ ||
ত্রাহি মাং দেবদেবেশ ! ৎবামৃতেঽন্যো ন রক্ষিতা |
স্বজন্ম বাসুদেবাপ গোব্রাহ্মণহিতায় চ || ১, ১৩১. ২০ ||
জগদ্ধিতায় কৃষ্ণায় গোবিন্দায় নমোনমঃ |
শান্তিরস্তু শিবং চাস্তু ধনবিখ্যাতিরাজ্যভাক্ || ১, ১৩১. ২১ ||
(ইতি কৃষ্ণাষ্টমীব্রতম্) |

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
কৃষ্ণাষ্টমীব্রতনিরূপণং না মৈকত্রিংশদুত্তরশততমোঽধ্যায়ঃ

শ্রীগরুডমহাপুরাণম্-১৩২
ব্রহ্মোবাচ |
নক্তাশী ৎবষ্টমীং যাবদ্বর্ষান্তে চৈব ধেনুদঃ |
পৌরন্দরপদং যাতি সদ্গতিব্রতমুচ্যতে ! || ১, ১৩২. ১ ||
শুক্লাষ্টভ্যাং পৌষমাসে মহারুদ্রেতি সাধু বৈ |
মৎপ্রীতয়ে কৃতং দেবি শথসাহস্রিকং ফলম্ || ১, ১৩২. ২ ||
অষ্টমী বুধবারেণ পক্ষয়োরুভয়োর্যদা |
ভবিষ্যতি তদা তস্যাং ব্রতমেতৎকথা পরা || ১, ১৩২. ৩ ||
তস্যাং নিয়মকর্তারো ন স্যুঃ খণ্ডিতসম্পদঃ |
তণ্ডুলস্যাষ্টমুষ্টীনাং বর্জয়িৎবাঙ্গুলিদ্বয়ম্ || ১, ১৩২. ৪ ||
ভক্তং সদ্ভক্তিশ্রদ্ধাভ্যাং মুক্তিকামী হি মানবঃ |
আম্র পত্রপুটে কৃৎবা যো ভুড্ক্তে কুশবোষ্টিতে || ১, ১৩২. ৫ ||
কলম্বিকাম্লিকোপেতং কাম্যং তস্য ফলং ভবে (লভে) ৎ |
বুধং পঞ্চোপচারেণ পূজয়িৎবা জলাশয়ে || ১, ১৩২. ৬ ||
শক্তিতো দক্ষিণং দদ্যাৎকর্করীং তণ্ডুলান্বিতাম্ |
বুং বুধায়েতি বীজং স্যাৎস্বাহান্তঃ কমলাদিকঃ || ১, ১৩২. ৭ ||
বাণচাপধরংশ্যামং দলে চাঙ্গনি মধ্যতঃ |
বুধাষ্টমীকথা পুণ্যা শ্রোতব্যা কৃতিভির্ধ্রুবম্ || ১, ১৩২. ৮ ||
পুরে পাটলিপুত্রাখ্যে বীরো নাম দ্বিজোত্তমঃ |
রম্ভা ভার্যা তস্য চাসীৎকৌশিকঃ পুত্র উত্তমঃ || ১, ১৩২. ৯ ||
দুহিতা বিজয়ানাম্নী ব (ধ) নপালো বৃষোঽভবৎ |
গৃহীৎবা কৌশিকস্তং চ গ্রীষ্মে গঙ্গাং গতোঽরমৎ || ১, ১৩২. ১০ ||
গোপালকৈর্বৃষশ্চৌরৈঃ ক্রীডাস্থোপহৃতো বলাৎ |
গঙ্গাতঃ স চ উত্থায় বনং বভ্রাম দুঃখিতঃ || ১, ১৩২. ১১ ||
জলার্থং বিজয়া চাগাদ্ভ্রা(ন্মা) ত্রা সার্ধং চ সাপ্যগাৎ |
পিপাসিতো মৃণালার্থো আগতোঽথ সরোবরম্ || ১, ১৩২. ১২ ||
দিব্যস্ত্রীণাং চ পূজাদীন্দৃষ্ট্বা চাপ্যথ বিস্মিতঃ |
স তা গৎবা যয়াচেঽন্নং সানুজোঽহং বুভুক্ষিতঃ || ১, ১৩২. ১৩ ||
স্ত্রিয়োঽব্রুবন্ব্রতং কর্তুং দাস্যামশ্চ কুরু ব্রতম্ |
পত্ন্যর্থং ধনপানা (লার্) থং পূজয়ামাসতুর্বুধম্ || ১, ১৩২. ১৪ ||
পুটদ্বয়ং গৃহীৎবান্নং বুভুজাতে প্রদত্তকম্ |
স্ত্রিয়ো গতাস্তৌ ধনদৌ ধনপানমপশ্যতাম্ || ১, ১৩২. ১৫ ||
চৌরৈর্দত্তং গৃহীৎবাথ প্রদোষে প্রাপ্তবান্গৃহম্ |
বীরং চ দুঃখিতং নৎবা রাত্রৌ সুপ্তো যথাসুখম্ || ১, ১৩২. ১৬ ||
কন্যাং চ যুবতীং দৃষ্ট্বা কস্মৈ দেয়া সুতা ময়া |
যমায়েত্যব্রবীদ্দুঃখাৎসাচারাদ্ব্রতসৎফলাৎ || ১, ১৩২. ১৭ ||
স্বর্গং গতৌ চ পিতরৌ ব্রতং রাজ্যায় কৌ শিকঃ |
চক্রেঽযোধ্যামহারাজ্যং দত্ত্বা চ ভগিনীং যমে || ১, ১৩২. ১৮ ||
যমোঽপি বিজয়ামাহ গৃহস্থা ভব মে পুরে |
নোদ্ধাটয়ান্যত্রগতে যমে সা ন তথাকরোৎ |
অপশ্যন্মাতরং স্বাং সা পাশয়াতনয়া স্থিতাম্ || ১, ১৩২. ১৯ ||
অথোদ্বিগ্না কোশিকোক্তং জ্ঞাৎবা মুক্তিপ্রদং ব্রতম্ |
চক্রে চ সা ততো মুক্তা মাতা তস্মাচ্চরেদ্ব্রতম্ || ১, ১৩২. ২০ ||
ব্তপুণ্যপ্রভাবেণ স্বর্গং গৎবাবসৎসুখম্ || ১, ১৩২. ২১ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
বুধাষ্টমীব্রতনিরূপণং নাম দ্বাত্রিংশদুত্তরশততমোঽধ্যায়ঃ

শ্রীগরুডমহাপুরাণম্-১৩৩
ব্রহ্মোবাচ |
অশোককলিকা হ্যষ্টৌ যে পিবন্তি পুনর্বসৌ |
চৈত্রে মাসি সিতাষ্টম্যাং ন তে শোকমবাপ্নুয়ুঃ || ১, ১৩৩. ১ ||
ৎবামশোক ! হরাভীষ্ট ! মধুমাসসমুদ্ভব |
পিবামি শোকসন্তপ্তো মামশোকং সদা কুরু || ১, ১৩৩. ২ ||
(ইত্যশোকাষ্টমীব্রতম্) |
ব্রহ্মোবাচ |
শুক্লাষ্টম্যামাশ্বয়ুজে উত্তরাষাঢয়া যুতা |
সা মহানবমীত্যুক্তা স্নানদানাদি চাক্ষয়ম্ || ১, ১৩৩. ৩ ||
নবমী কেবলা চাপি দুর্গাং চৈব তু পূজয়েৎ |
মহাব্রতং মহাপুণ্যং শঙ্করাদ্যৈরনুষ্ঠিতম্ || ১, ১৩৩. ৪ ||
অয়াচিতাদি ষষ্ঠ্যাদৌ রাজা শত্রুজয়ায়া চ |
জপহোমসমায়ুক্তঃ কন্যাং বা ভোজয়েৎসদা || ১, ১৩৩. ৫ ||
দুর্গেদুর্গে রক্ষিণি স্বাহা মন্ত্রোঽযং পূজনাদিষু |
দীর্ঘাকারাদিমাত্রাভির্নব দেব্যো নমোঽন্তিকাঃ || ১, ১৩৩. ৬ ||
ষড্ভিঃ পদৈর্নমঃ স্বাহা বষডাদিহৃদাদিকম্ |
অঙ্গুষ্ঠাদিকনিষ্ঠান্তং ন্যস্য বৈ পৃজয়েচ্ছিবাম্ || ১, ১৩৩. ৭ ||
অষ্টম্যাং নব গেহানি দারুজান্যেকমেব বা |
তস্মিন্দেবী প্রকর্তব্যা হৈমী বারাজতাপি বা || ১, ১৩৩. ৮ ||
শূলে খঙ্গে পুস্তকে বা পটে বা মণ্ডলে (পে) যজেৎ |
কপালং খেটকং ঘণ্টাং দর্পণং তর্জনীং ধনঃ || ১, ১৩৩. ৯ ||
ধ্বজং ডমরুকং পাশং বামহস্তেষু বিভ্রতী |
শক্তিং চ মুদ্গরং শূলং বজ্রং খঙ্গং তথাঙ্কুশম্ || ১, ১৩৩. ১০ ||
শরং চক্রং শলাকাং চ দুর্গামায়ুধসংযুতাম্ |
শেষাঃ ষোডশহস্তাং স্যুরঞ্জনং ডমরুং বিনা || ১, ১৩৩. ১১ ||
রুদ্রচণ্ডা প্রচণ্ডা চ চণ্ডোগ্রা চণ্ডনায়িকা |
চণ্ডা চণ্ডবতী চৈব চণ্ডরূপাতিচণ্ডিকা || ১, ১৩৩. ১২ ||
নবমী চোগ্রচণ্ডা চ মধ্যমাগ্নিপ্রভাকৃতিঃ |
রোচনা ৎবরুণা কৃষ্ণা নীলং ধূম্রা চ শুক্রকা || ১, ১৩৩. ১৩ ||
পাতা চ পাণ্ডুরা প্রোক্তা আলীঢং হরিতং তথা |
ম (মা) হিষোঽস্য স খড্গাগ্রপ্রকচগ্রহমুষ্টিকঃ || ১, ১৩৩. ১৪ ||
জপ্ত্বা দশাক্ষরীং বিদ্যাং নাসৌ কেনাপি বধ্যতে |
পঞ্চ (ঞ্চা) দশাঙ্গুলং খড্গং ত্রিশূলং চ ততো যজেৎ |
লিঙ্গস্যাং পূজয়েদ্বাপি পাদুকেঽথ জলেঽপি বা || ১, ১৩৩. ১৫ ||
বিচিত্রাং রক্ষয়েৎপূজামষ্টম্যামুপবাসয়েৎ |
পঞ্চাব্দং মহিষং বস্তং রাত্রিশেষে চ ঘাতয়েৎ || ১, ১৩৩. ১৬ ||
বিধিবৎকালিকালীতি তদুত্থরুধিরাদিকম্ |
নেরৃত্যাং পূতনাং চৈব বায়ব্যাং পাপরাক্ষসীম্ || ১, ১৩৩. ১৭ ||
দদ্যাচ্চরক্যৈ চৈশান্যামাগ্নেয়্যাং চ বিদারিকাম্ || ১, ১৩৩. ১৮ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
মহানবমীব্রতং নাম ত্রয়স্ত্রিংশদুত্তরশততমোঽধ্যায়ঃ

শ্রীগরুডমহাপুরাণম্-১৩৪
ব্রহ্মোবাচ |
মহাকৌশিকমন্ত্রশ্চ কথ্যতেঽত্র মহাফলঃ || ১, ১৩৪. ১ ||
(মহাকৌশিকমন্ত্রঃ) -ওঁ মহাকৌশিকায় নমঃ |
ওঁ হূং হূং প্রস্ফুর লল লল কুল্ব কুল্ব চুল্ব চুল্ব খল্ল খল্ল
মুল্ব মুল্ব গুল্ব গুল্ব তুল্ব পুল্ল পুল্ল ধল্ব ধুল্ব ধুম ধুম
ধমধম মারয় মারয় ধকধক বজ্ঞাপয়জ্ঞাপয়
বিদারয়বিদারয় কম্পকম্প কম্পয়কম্পয় পূরয়পূরয় আবেশয়াবেশয়
ওঁ হ্রীং ওঁ হ্রীং হং বং বং হুং তটতট মদমদ হ্রীং
ওঁ হূং নৈরৃতায়া নমঃ নিরৃতয়ে দাতব্যম্ |
মহাকৌশিকমন্ত্রেণ মন্ত্রিতং বলিমর্পয়েৎ || ১, ১৩৪. ২ ||
তস্যাগ্রতো নৃপঃ স্নায়াচ্ছত্রং কৃৎবা চ পৈষ্টিকম্ |
খড্গেন ঘাতয়িৎবা তু দদ্যাৎস্কন্দবিশাখয়োঃ || ১, ১৩৪. ৩ ||
মাৎৠণাং চৈব দেবীনাং পূজা কার্যা তথা নিশি |
ব্রহ্মাণী চৈব মাহেশী কৌমারী বৈষ্ণবী তথা || ১, ১৩৪. ৪ ||
বারাহী চৈব মাহেন্দ্রী চামুণ্ডা চণ্ডিকা তথা |
জয়ন্তী মঙ্গলা কালী ভদ্রকালী কপালিনী || ১, ১৩৪. ৫ ||
দুর্গা ক্ষমা শিবা ধাত্রী স্বাহা স্বধা নমোঽস্তু তে |
ক্ষীরাদ্যৈঃ স্নাপয়েদ্দেবীং কন্যকাঃ প্রমদাস্তথা || ১, ১৩৪. ৬ ||
দ্বিজাতী (দী) নথ পাষণ্ডানন্নদানেন পূজয়েৎ |
ধ্বজপত্রপতাকাদ্যৈ রথয়াত্রাসু বস্ত্রকৈঃ |
মহানবম্যাং পূজেয়ং জয়রাজ্যাদিদায়িকা || ১, ১৩৪. ৭ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
মহানবম্যাং মহাকৌশিকমন্ত্রকৃত্যাদিবিবরণং নাম চতুস্ত্রিংশদুত্তরশততমোঽধ্যায়ঃ

শ্রীগরুডমহাপুরাণম্-১৩৫
ব্রহ্মোবাচ |
নবম্যামাশ্বিনে শুক্লে একভক্তেন পূজয়েৎ |
দেবীং বিপ্রংল্লক্ষমেকঞ্জপেদ্বীরং ব্রতী নরঃ || ১, ১৩৫. ১ ||
(তি বীরনবমীব্রতম্) |
ব্রহ্মোবাচ |
চৈত্রে শুক্লনবম্যাং চ দেবীং দমনকৈর্যজেৎ |
আয়ুরারোগ্যসৌভাগ্যং শত্রুভিশ্চাপরাজিতঃ || ১, ১৩৫. ২ ||
(ইতি দমনকনবমীব্রতম্) |
ব্রহ্মোবাচ |
দশম্যামেকভক্তাশী সমান্তে দশধেনুদঃ |
দিশশ্চ কাঞ্চনীর্দত্ত্বা ব্রহ্মাণ্ডাধিপতির্ভবেৎ || ১, ১৩৫. ৩ ||
(ইতি দিগ্দশমীব্রতম্) ব্রহ্মোবাচ |
একাদশ্যামৃষিপূজা কার্যা সর্বোপকারিকা |
ধনবান্পুত্রবাংশ্চান্তে ঋষিলোকে মহীয়তে || ১, ১৩৫. ৪ ||
মরীচিরত্র্যং গিরসৌ পুলসত্যঃ পুলহঃ ক্রতুঃ |
প্রচেতাশ্চ বসিষ্ঠশ্চ ভৃগুর্নারদ এব চ || ১, ১৩৫. ৫ ||
চৈত্রাদৌ কারয়েৎপূজাং মাল্যৈশ্চ দমনোদ্ভবৈঃ |
অশোকাখ্যাষ্টমীপ্রোক্তা বীরাখ্যা নবমীতথা || ১, ১৩৫. ৬ ||
দমনাখ্যা দিগ্দশমী নবম্যেকাদশী তথা || ১, ১৩৫. ৭ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
ঋষ্যেকাদশীব্রতং নাম পঞ্চত্রিংশদুত্তরশততমোঽধ্যায়ঃ

শ্রীগরুডমহাপুরাণম্-১৩৬
ব্রহ্মোবাচ |
শ্রবণদ্বাদশোং বক্ষ্যে ভুক্তিমুক্তিপ্রদায়িনীম্ |
একাদশী দ্বাদশী চ শ্রবণেন চ সংযুতা || ১, ১৩৬. ১ ||
বিজয়া সা তিথিঃ প্রোক্তা হরিপূজাদি চাক্ষয়ম্ |
এক ভক্তেন নক্তেন তথৈবায়াচিতেন চ || ১, ১৩৬. ২ ||
উপবাসেন ভৈক্ষ্যেণ নৈবাদ্বাদশিকো ভবেৎ |
কাস্যং মাংসং তথা ক্ষৌদ্রং লোভং বিতথভাষণম্ || ১, ১৩৬. ৩ ||
ব্যায়ামং চ ব্যবায়ং চ দিবাস্বপ্নমথাঞ্জনম্ |
শিলাষিষ্টং মসূরং চ দ্বাদশ্যাং বর্জয়েন্নরঃ || ১, ১৩৬. ৪ ||
মাসী ভাদ্রপদে শুক্লা দ্বাদশী শ্রবণান্বিতা |
মহতী দ্বাদশী জ্ঞেয়া উপবাসে মহাফলা || ১, ১৩৬. ৫ ||
সঙ্গম সরিতাং স্নানং বুধয়ুক্তা মহাফলা |
কুম্ভে সরত্নে সজলে যজেৎস্বর্ণং তু বামনম্ || ১, ১৩৬. ৬ ||
সিতবস্ত্রয়ুগচ্ছন্নং ছত্রোপানদ্যুগান্বিতম্ |
ওঁ নমো বাসুদেবায় শিরঃ সম্পূজয়েত্ততঃ || ১, ১৩৬. ৭ ||
শ্রীধরায় মুখং তদ্বৎকণ্ঠং কৃষ্ণায় বৈ নমঃ |
নমঃ শ্রীপতয়ে বক্ষো ভুজৌ সর্বাস্ত্রধারিণে || ১, ১৩৬. ৮ ||
ব্যাপকায় নমঃ কুক্ষৌ কেশবায়োদরং বুধঃ |
ত্রৈলোক্যপতয়ে মেঢ্রং জঙ্ঘে সর্বভৃতে নমঃ || ১, ১৩৬. ৯ ||
সর্বাত্মনে নমঃ পাদৌ নৈবেদ্যং ঘৃতপায়সম্ |
কুম্ভাংশ্চ মোদকান্দদ্যাজ্জাগরং কারয়েন্নিশি || ১, ১৩৬. ১০ ||
স্নাৎবাচান্তোর্ঽচয়িৎবা তু কৃতপুষ্পাঞ্জলির্বদেৎ |
নমোনমস্তে গোবিন্দ বুধ শ্রবণসঞ্জ্ঞক ! || ১, ১৩৬. ১১ ||
অঘৌঘসঙ্ক্ষয়ং কৃৎবা সর্বসৌখ্যপ্রদো ভব |
প্রীয়তাং দেবদেবেশো বিপ্রেভ্যঃ কলশান্দদেৎ |
নদ্যস্তীরেঽযঃ বা কুর্যাৎসর্বান্কামানবাপ্নুয়াৎ || ১, ১৩৬. ১২ ||

ইতি শ্রীগারুডে মহাপুরাণে পুর্বখণ্ডে প্রথমাংশাখ্যে আচারকাণ্ডে
শ্রবণদ্বাদশীব্রতনিরূপণং নাম ষট্ত্রিংশদুত্তরশততমোঽধ্যায়ঃ

শ্রীগরুডমহাপুরাণম্-১৩৭
ব্রহ্মোবাচ |
কামদেবত্রয়োদশ্যাং পূজ্যো দমনকাদিভিঃ |
রতিপ্রীতিসমায়ুক্তো হ্যসোকো মণিভূষিতঃ || ১, ১৩৭. ১ ||
(ইতি মদনকত্রয়োদশীব্রতম্) |
চতুর্দশ্যাং তথাষ্টভ্যাং পক্ষ্যোঃ শুক্লকৃষ্ণয়োঃ |
যোঽব্দমেকং ন ভুঞ্জীত মুক্তিভাক্ষিবপূজনাৎ || ১, ১৩৭. ২ ||
(ইতি শিবচতুর্দশ্যষ্টমীব্রতম্) |
ত্রিরাত্রোপোষিতো দদ্যাৎকার্তিক্যাং ভবনং শুভম্ |
সূর্যলোকমবাপ্নোতি ধামব্রতমিদং শুভম্ || ১, ১৩৭. ৩ ||
অমাবস্যাং পিৎৠণাং চ দত্তং জলাদিতদক্ষয়ম্ |
নক্তাভ্যাশী বারনাম্না যজন্বারাণি সর্বভাক্ || ১, ১৩৭. ৪ ||
(ইতি বারব্রতানি) |
দ্বাদশর্ক্ষাণি বিপ্রর্ষে ! প্রতিমাসং তু যানি বৈ |
তন্নাম্নান্তেঽতচ্যুতং তেষু সম্যক্সম্পূজয়েন্নরঃ || ১, ১৩৭. ৫ ||
কেশবং মার্গশীর্ষে তু ইত্যাদৌ কৃতিকাদিকে (কা) |
ঘৃতহোমশ্চতুর্মাসং কৃসরঞ্চ নিবেদয়েৎ || ১, ১৩৭. ৬ ||
আষাঢাদৌ পায়সং তু বিপ্রাংস্তেনৈব ভোজয়েৎ |
পঞ্চাব্যজলস্নাননৈবেদ্যৈর্নক্তমাচরেৎ || ১, ১৩৭. ৭ ||
অর্বাগ্বিসর্জনাদ্দ্রব্যং নৈবেদ্যং সর্বমুচ্যতে |
বিসর্জিতে জগন্নাথে নির্মাল্যং ভবতি ক্ষণাৎ || ১, ১৩৭. ৮ ||
পাঞ্চরাত্রবিদো মুখ্যা নৈবেদ্যং ভুঞ্জতে স্বয়ম্ |
এবং সংবৎসরস্যান্তে বিশেষেণ প্রপূজয়েৎ || ১, ১৩৭. ৯ ||
নমোনমস্তেঽচ্যুত ! সঙ্ক্ষয়োঽস্তু পাপস্য বৃদ্ধিং সমুপৈতু পুণ্যম্ |
ঐশ্বর্যবিত্তাদি সদাক্ষয়ং মে তথাস্তু মে সন্ততিরক্ষয়ৈব || ১, ১৩৭. ১০ ||
যথাচ্যুত ! ৎবং পরতঃ পরস্মাৎস ব্রহ্মভূতঃ পরতঃ পরস্মাৎ |
তথাচ্যুতং মে কুরু বাঞ্ছিতং সদা ময়া কৃতং পাপহরাপ্রমেয় || ১, ১৩৭. ১১ ||
অচ্যুতানন্ত ! গোবিন্দ ! প্রসীদ যদভীপ্সিতম্ |
তদক্ষয়মমেয়াত্মন্কুরুষ্ব পুরুষোত্তম || ১, ১৩৭. ১২ ||
কুর্যাদ্বৈ সপ্ত বর্ষাণি আয়ুঃ শ্রীসদ্গতীর্নরঃ |
উপোষ্যৈকাদশীব্দমষ্টমীং চ চতুর্দশীম্ || ১, ১৩৭. ১৩ ||
সপ্তমীং পূজয়েদ্বিষ্ণুং দুর্গাং শম্বুং রবিং ক্রমাৎ |
তেষাং লোকং সমাপ্নোতি সর্বকামাংশ্চ নির্মলঃ || ১, ১৩৭. ১৪ ||
একভক্তেন নক্তেন তথৈবায়াচিতেন চ |
উপবাসেন শাকাদ্যৈঃ পূজয়ন্তসর্বদেবতাঃ || ১, ১৩৭. ১৫ ||
সর্বঃ সর্বাসু তিথিষু ভুক্তিং মুক্তিমবাপ্নুয়াৎ |
ধনদোঽগ্নিঃ প্রতিপদি নাসত্যো দস্ত্র অর্চিতঃ || ১, ১৩৭. ১৬ ||
শ্রীর্যমশ্চ দ্বিতীয়ায়াং পঞ্চম্যা পার্বতী শ্রিয়া |
নাগাঃ ষষ্ঠ্যাং কার্তিকেয়ঃ সপ্তম্যাং ভাস্করোর্ঽথদঃ || ১, ১৩৭. ১৭ ||
দুর্গাষ্টম্যাং মাতরশ্চ নবম্যামথ তক্ষকঃ |
ইন্দ্রো দশম্যাং ধনদ একাদশ্যাং মুনীশ্বরাঃ || ১, ১৩৭. ১৮ ||
দ্বাদশ্যাং চ হরিঃ কামস্ত্রয়োদশ্যাং মহেশ্বরঃ |
চতুর্দশ্যাং পঞ্চদশ্যাং ব্রহ্মা চ পিতরোঽপরে || ১, ১৩৭. ১৯ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
তিথিবারনক্ষত্রাদিব্রতনিরূপণং নাম সপ্তত্রিংশদুত্তরশততমোঽধ্যায়ঃ

শ্রীগরুডমহাপুরাণম্-১৩৮
(ইতি ব্রতানি সমাপ্তানি) |
হরিরুবাচ |
রাজ্ঞাং বংশান্প্রবক্ষ্যামি বংশানুচরিতানি চ |
বিষ্ণুনাভ্যব্জতো ব্রহ্মা দক্ষোঽঙ্গুষ্ঠাচ্চ তস্য বৈ || ১, ১৩৮. ১ ||
ততোঽপিতর্বিবস্বাংশ্চ ততঃ সূনুর্বিবস্বতঃ মনুরিক্ষ্বাকুশর্যাতী
নৃগো ধৃষ্টঃ প্রষধ্রকঃ || ১, ১৩৮. ২ ||
নরিষ্যন্তশ্চ নাভাগো দিষ্টঃ শশক এব চ |
মনোরাসীদিলা কন্যা সুদ্যুম্নোঽস্য সুতোঽভবৎ || ১, ১৩৮. ৩ ||
ইলায়াং তু বুধাজ্জাতো রাজা রুদ্র পুরূরবাঃ |
সুতাস্ত্রয়শ্চ সুদ্যুম্নাদুৎকলো বিনতো গয়ঃ || ১, ১৩৮. ৪ ||
অভৃচ্ছ্রদ্রো গোবধাত্তু পৃষধ্রস্তু মনোঃ সুতঃ |
করূষাৎক্ষত্ত্রিয়া জাতা কারূষা ইতি বিশ্রুতাঃ || ১, ১৩৮. ৫ ||
দিষ্টপুত্রস্তু নাভাগো বৈশ্যাতামগমৎস চ |
তস্মাদ্ভলন্দনঃ পুত্রো বৎসপ্রীতির্ভলন্দনাৎ || ১, ১৩৮. ৬ ||
ততঃ পাংশুঃ খনিত্রোঽভূদ্ভূপস্তস্মাত্ততঃ ক্ষুপঃ |
ক্ষুপাদ্বিংশোঽভবৎপুত্রো বিংশাজ্জাতো বিবিংশকঃ || ১, ১৩৮. ৭ ||
বিবিংশাচ্চ খনীনেত্রো বিভূতিস্তৎসুতঃ স্মৃতঃ |
করন্ধমো বিভূতেস্তু ততো জাতোঽপ্যবিক্ষিতঃ || ১, ১৩৮. ৮ ||
মরুত্তোঽবিক্ষিতস্যাপি নরিষ্যন্তস্ততঃ স্মৃতঃ |
নরিষ্যন্তাত্তমো জাতস্ততোভূদ্রাজবর্ধনঃ || ১, ১৩৮. ৯ ||
রাজবর্ধাৎসুধৃতিশ্চ নরোঽভূৎসুধৃতেঃ সুতঃ |
নরাচ্চ কেবলঃ পুত্রঃ কেবলাদ্ধুন্ধুমানপি || ১, ১৩৮. ১০ ||
ধুন্ধুমতো বেগবাংশ্চ বুধো বেগবতঃ সুতঃ |
তৃণবিন্দুর্বুধাজ্জাতঃ কান্যা চৈলবিলা তথা || ১, ১৩৮. ১১ ||
বিশালং জনয়ামাস তৃণবিন্দোস্ত্বলম্বুসা |
বিশালাদ্ধেমচন্দ্রোঽভূদ্ধেম চন্দ্রাচ্চ চন্দ্রকঃ || ১, ১৩৮. ১২ ||
ধূম্রাশ্বশ্চৈব চন্দ্রাত্তু ধূম্রাশ্বাৎসৃঞ্জয়স্তথা |
সঞ্জয়াৎসহদেবোঽভূৎকৃশাশ্বস্তৎসুতোঽভবৎ || ১, ১৩৮. ১৩ ||
কৃশাশ্বাৎসোমদত্তস্তুততোঽভূজ্জনমেজয়ঃ |
তৎপুত্রশ্চ সুমন্তিশ্চ এতে বৈশালকা নৃপাঃ || ১, ১৩৮. ১৪ ||
শর্যাতেস্তু সুকন্যাবূৎসা ভার্যা চ্যবনস্য তু |
অনন্তো নাম শার্যতে রনন্তাদ্রেবতোঽভবৎ || ১, ১৩৮. ১৫ ||
রৈবতো রেবতস্যাপি রৈবতাদ্রেবতী সুতা |
ধৃষ্টস্য ধার্ষ্টর্(ত) কং ক্ষেত্রং বৈষ্ণবং (শ্যকং) তদ্বভূব হ || ১, ১৩৮. ১৬ ||
নাভাগপুত্রো নেষ্ঠো হ্যম্বরীষোঽপি তৎসুতঃ |
অম্বরীষাদ্বিরূপোঽভূৎপৃষদশ্বো বিরূপতঃ || ১, ১৩৮. ১৭ ||
রথীনরশ্চ তৎপুত্রো বাসুদেবপরায়ণঃ |
ইক্ষ্বাকোস্তু ত্রয়ঃ পুত্রাঃ বিকুক্ষিনিমিদণ্ডকাঃ || ১, ১৩৮. ১৮ ||
ইক্ষ্বাকুজো বিকুক্ষিস্তু শশাদঃ শশভক্ষণাৎ |
পুরঞ্জয়ঃ শশাদাচ্চ ককুৎস্থাখ্যোঽভবৎসুতঃ || ১, ১৩৮. ১৯ ||
অনেনাস্তু ককুৎসথাচ্চ পৃথুঃ পুত্রস্ত্বনেনসঃ |
বিশ্বরাতঃ পৃথোঃ পুত্র আর্দ্রেঽভূদ্বিশ্বরাততঃ || ১, ১৩৮. ২০ ||
যুবনাশ্বোঽভবচ্চার্দ্রাচ্ছাবস্তো যুবনাশ্বতঃ |
বৃহদশ্বস্তুশাবস্তাত্তৎপুত্রঃ কুবলাশ্বকঃ || ১, ১৩৮. ২১ ||
ধুন্ধুমারো হি বিক্যাতো দৃঢশ্বশ্চততোঽভবৎ |
চন্দ্রাশ্বঃ কপিলাশ্বশ্চ হর্যশ্বশ্চ দৃঢশ্বতঃ || ১, ১৩৮. ২২ ||
হর্যশ্বাচ্চ নিকুম্বোঽভূদ্ধিতাশ্বশ্চ নিকুম্ভতঃ |
পূজাশ্বশ্চ হিতাশ্বাচ্চ তৎসতো যুবনাশ্বকঃ || ১, ১৩৮. ২৩ ||
যুবনাশ্বাচ্চ মান্ধাতা বিন্দুমত্যাস্ততোঽভবৎ |
মুচুকুন্দোঽম্বরীষশ্চ পুরুকুৎসস্ত্রয়ঃ সুতাঃ || ১, ১৩৮. ২৪ ||
পঞ্চাশৎকন্যকাশ্চৈব ভার্যাস্তাঃ সৌভরের্মুনেঃ |
যুবনাশ্বোঽম্বরীষাচ্চ হরিতো যুবনাশ্বতঃ || ১, ১৩৮. ২৫ ||
পুরুকুৎসান্নর্মদায়াং ত্রসদস্যুরবূৎসুতঃ |
অনরণ্যস্ততো জাতো হর্যশ্বোঽপ্যনরণ্যতঃ || ১, ১৩৮. ২৬ ||
তৎপুত্রোঽভূদ্বসুমনাস্ত্রিধন্বা তস্য চাত্মজঃ |
ত্রয়্যারুণস্তস্য পুত্রস্তস্ত সত্যরতঃ সুতঃ || ১, ১৩৮. ২৭ ||
যস্ত্রিশঙ্কুঃ সমাখ্যাতো হরিশ্চন্দ্রোঽভবত্ততঃ |
হরিশ্চন্দ্রাদ্রোহিতাশ্বো হরিতো রোহিতাশ্বতঃ || ১, ১৩৮. ২৮ ||
হরিতস্য সুতশ্চঞ্চুশ্চঞ্চোশ্চ বিজয়ঃ সুতঃ |
বিজয়াদ্রুরুকো জজ্ঞে রুরুকাত্তু বৃকঃ সুতঃ || ১, ১৩৮. ২৯ ||
বৃকাদ্বাহুর্নৃপোঽভূচ্চ বাহোস্তু সগরঃ স্মৃতঃ |
ষষ্টিঃ পুত্র সহস্রাণি সুমত্যাং সগরাদ্ধর || ১, ১৩৮. ৩০ ||
কেশিন্যামেক এবাসাবসমঞ্জসসঞ্জ্ঞকঃ || ১, ১৩৮. ৩১ ||
তস্যাংশুমান্সুতো বিদ্বান্দিলীপস্তৎসুতোঽভবৎ |
ভগীরথো দিলীপাচ্চ যো গঙ্গামানয়দ্ভুবম্ || ১, ১৩৮. ৩২ ||
শ্রুতো ভগীরথসুতো নাভগশ্চ শ্রুতাৎকিল |
নাভাগাদম্বরীষোঽভূৎসিন্দুদ্বীপোঽম্বরীষতঃ || ১, ১৩৮. ৩৩ ||
সিন্দুদ্বীপস্যায়ুতায়ুরৃতুপর্ণস্তদাত্মজঃ |
ঋতুষর্ণাৎসর্বকামঃ সুদাসোঽভূত্তদাত্মজঃ || ১, ১৩৮. ৩৪ ||
সুদাসস্য চ সৌদাসো নাম্না মিত্রসহঃ স্মৃতঃ |
কল্মাষ পাদসঞ্জ্ঞশ্চ দময়ন্ত্যাং তদাত্মজঃ || ১, ১৩৮. ৩৫ ||
অশ্বকাখ্যোঽভবৎপুত্রো হ্যশ্বকান্মূল(ন্মৃচ্ছ) কোঽভবৎ |
ততো দশরথো রাজা তস্য চৈলবিলঃ সুতঃ || ১, ১৩৮. ৩৬ ||
তস্য বিশ্বসহঃ পুত্রঃ খট্বাঙ্গশ্চ তদাত্মজঃ |
খট্বাঙ্গদ্দীর্ঘবাহুশ্চ দীর্ঘবাহোর্হ্যজঃ সুতঃ || ১, ১৩৮. ৩৭ ||
তস্য পুত্ত্রো দশরথশ্চৎবারস্তৎসুতাঃ স্মৃতাঃ |
রামলক্ষ্মণশত্রুঘ্নভরতাশ্চ মহাবলাঃ || ১, ১৩৮. ৩৮ ||
রামাৎকুশলবৌ জাতৌ ভরতাত্তার্ক্ষপুষ্করৌ |
চিত্রাঙ্গদশ্চন্দ্রকেতুর্লক্ষ্মণাৎসম্বভূবতুঃ || ১, ১৩৮. ৩৯ ||
সুবাহুশূরসেনৌ চ শত্রুঘ্নাৎসম্বভূবতুঃ |
কুশস্য চাতিথিঃ পুত্রো নিষধো হ্যতিথেঃ সুতঃ || ১, ১৩৮. ৪০ ||
নিষধস্য নলঃ পুত্রো নলস্য চ নভাঃ স্মৃতঃ |
নভসঃ পুণ্ডরীকস্তুক্ষেমধন্বা তদাত্মজঃ || ১, ১৩৮. ৪১ ||
দেবানীকস্তস্য পুত্রো দেবানীকাদহীনকঃ |
অহীনকাদ্রুরুর্যজ্ঞে পারিয়াত্রো রুরোঃ সুতঃ || ১, ১৩৮. ৪২ ||
পারিয়াত্রাদ্দলো যজ্ঞে দল পুত্রশ্ছলঃ স্মৃতঃ |
ছলাদুক্থস্ততো হ্যুক্থাদ্বজ্রনাভস্ততো গণঃ || ১, ১৩৮. ৪৩ ||
উষিতাশ্বো গণাজ্জজ্ঞে ততো বিশ্বসহোঽভবৎ |
হিরণ্যনাভস্তৎপুত্রস্তৎপুত্রঃ পুষ্পকঃ স্মৃতঃ || ১, ১৩৮. ৪৪ ||
ধ্রুবসন্ধিরভূৎপুষ্পাদ্ধ্রুবসন্ধেঃ সুদর্শনঃ |
সুদর্শনাদগ্নিবর্ণঃ পদ্মবণোঽগ্নিবর্ণতঃ || ১, ১৩৮. ৪৫ ||
শীঘ্রস্তু পদ্মবর্ণাত্তু শীঘ্রাৎপুত্রো মরুস্ত্বভূৎ |
মরোঃ প্রসুশ্রুতঃ পুত্রস্তস্য চোদাবসুঃ সুতঃ || ১, ১৩৮. ৪৬ ||
উদাবসোর্নন্দিবর্ধনঃ সুকেতুর্নন্দিবর্ধনাৎ |
সুকেতোর্দেবরাতোঽভূদ্বৃহদুক্থস্ততঃ সুতঃ || ১, ১৩৮. ৪৭ ||
বৃহদুক্থান্মহাবীর্যঃ সুধৃতিস্তস্য চাত্মজঃ |
সুধৃতের্ধৃষ্টকেতুশ্চ হর্যশ্বো ধৃষ্টকেতুতঃ || ১, ১৩৮. ৪৮ ||
হর্যশ্বাত্তু মরুর্জাতো মরোঃ প্রতীন্ধকোঽভবৎ |
প্রতীন্ধকাৎকৃতিরথো দেবমীঢস্তদাত্মজঃ || ১, ১৩৮. ৪৯ ||
বিবুধো দেবমীঢাত্তু বিবুধাত্তু মহাধৃতিঃ |
মহাধৃতেঃ কীর্তিরাতো মহারোমা তদাত্মজঃ || ১, ১৩৮. ৫০ ||
মহারোম্ণঃ স্বর্ণরোমা হ্রস্বরোমা তদাত্মজঃ |
সীরধ্বজো হ্রস্বরোম্ণঃ তস্য সীতাভবৎসুতা || ১, ১৩৮. ৫১ ||
ভ্রাতা কুশধ্বজস্তস্য সীরধ্বজাত্তু ভানুমান্ |
শতদ্যুম্নো ভানুমতঃ শতদ্যুম্নাচ্ছুচিঃ স্মৃতঃ || ১, ১৩৮. ৫২ ||
ঊর্জনামা শুচেঃ পুত্রঃ সনদ্বাজস্তদাত্মজঃ |
সনদ্বাজাৎকুলির্জাতোঽনঞ্জনস্তু কুলেঃ সুতঃ || ১, ১৩৮. ৫৩ ||
অনঞ্জনাচ্চ কুলজিত্তস্যাপি চাধিনেমিকঃ |
শ্রুতায়ুস্তস্য পুত্রোঽভূৎসুপার্শ্বশ্চ তদাত্মজঃ || ১, ১৩৮. ৫৪ ||
সুপার্শ্বাৎসৃঞ্জয়ো জাতঃ ক্ষেমারিঃ সৃজয়াৎসমৃতঃ |
ক্ষেমারি তস্ত্বনেনাশ্চ তস্য রামরথঃ স্মৃতঃ || ১, ১৩৮. ৫৫ ||
সত্যরথো রামরথাত্তস্মাদুপগুরুঃ স্মৃতঃ |
উপগুরোরুপগুপ্তঃ স্বাগতশ্চোপগুপ্ততঃ || ১, ১৩৮. ৫৬ ||
স্বনরঃ স্বাগতাজ্জজ্ঞে সুবর্চাস্তস্য চাত্মজঃ |
সুবর্চসঃ সুপার্শ্বস্তু সুশ্রুতশ্চ সুপার্শ্বতঃ || ১, ১৩৮. ৫৭ ||
জয়স্তু সুশ্রুতাজ্জজ্ঞে জয়াত্তু বিজয়োঽভবৎ |
বিজয়স্য ঋতঃ পুত্রঃ ঋতস্য সুনয়ঃ সুতঃ || ১, ১৩৮. ৫৮ ||
সুনয়াদ্বীতহব্যস্তু বীতহব্যাদ্ধতিঃ স্মৃতঃ |
বহুলাশ্বো ধৃতেঃ পুত্রো বহুলাশ্বাৎকৃতিঃ স্মৃতঃ || ১, ১৩৮. ৫৯ ||
জনকস্য দ্বয়ে বংশে উক্তো যোগসমাশ্রয়ঃ || ১, ১৩৮. ৬০ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
সূর্যবংশবর্ণনং নামাষ্টত্রিংশদুত্তরশততমোঽধ্যায়ঃ

শ্রীগরুডমহাপুরাণম্-১৩৯
হরিরুবাচ |
সূর্যস্য কথিতো বংশঃ সোমবংশং শৃণুষ্ব মে |
নারায়ণসুতো ব্রহ্মা ব্রহ্মণোঽত্রেঃ সমুদ্ভবঃ || ১, ১৩৯. ১ ||
অত্রেঃ সোমস্তস্য ভার্যা তারা সুরগুরোঃ প্রিয়া |
সোমাত্তরা বুধং জজ্ঞে বুধপুত্রঃ পুরূরবাঃ || ১, ১৩৯. ২ ||
বুধপুত্রাদথোর্বশ্যাং ষট্পুত্রাস্তু শ্রুতাত্মকঃ |
বিশ্বাবসুঃ শতায়ুশ্চ আয়ুর্ধোমানমাবসুঃ || ১, ১৩৯. ৩ ||
অমাবসোর্ভোমনামা ভীমপুত্রশ্চ কাঞ্চনঃ |
কাঞ্চনস্য সুহোত্রোঽভূজ্জহ্রুশ্চাভূৎসুহোত্রতঃ || ১, ১৩৯. ৪ ||
জহ্নোঃ সুমন্তুরভবৎসুমন্তোরপজাপকঃ |
বলাকাশ্বস্তস্য পুত্রো বলাকাশ্বাৎকুশঃ স্মৃতঃ || ১, ১৩৯. ৫ ||
কুশাশ্বঃ কুশনাভশ্চামূর্তরয়ো বসুঃ কুশাৎ |
গাধিঃ কুশাশ্বাৎসঞ্জজ্ঞে বিশ্বামিত্রস্তদাত্মজঃ || ১, ১৩৯. ৬ ||
কন্যা সত্যবতী দত্তা ঋচীকায় দ্বিজায় সা |
ঋচীকাজ্জমদাগ্নিশ্চ রামস্তস্যাভবৎসুতঃ || ১, ১৩৯. ৭ ||
বিশ্বামিত্রাদ্দেবরাতমদুচ্ছন্দাদয়ঃ সুতাঃ |
আয়ুষো নহুষস্তস্মাদনেনা রজিরম্ভকৌ || ১, ১৩৯. ৮ ||
ক্ষত্ত্রবৃদ্ধঃ ক্ষত্ত্রবৃদ্ধাৎসুহোত্রশ্চাভবন্নৃপঃ |
কাশ্যকাশৌগৃৎসমদঃ সুহোত্রাদভবংস্ত্রয়ঃ || ১, ১৩৯. ৯ ||
গৃৎসমদাচ্ছৌন কোঽভূৎকাশ্যাদ্দীর্ঘতমাস্তথা |
বৈদ্যো ধন্বন্তরিস্তস্মাৎকেতুমাংশ্চ তদাত্মজঃ || ১, ১৩৯. ১০ ||
ভীমরথঃ কেতুমতো দিবোদাসস্তদাত্মজঃ |
দিবোদাসাৎপ্রতর্দনঃ শত্রুজিৎসোঽত্র বিশ্রুতঃ || ১, ১৩৯. ১১ ||
ঋতধ্বজস্তস্য পুত্রো হ্যলর্কশ্চ ঋতধ্বজাৎ |
অলর্কাৎসন্নতির্জজ্ঞে সুনীতঃ সন্নতেঃ সুতঃ || ১, ১৩৯. ১২ ||
সত্যকেতুঃ সুনীতস্য সত্যকেতোর্বিভুঃ সুতঃ |
বিভোস্তু সুবিভুঃ পুত্রঃ সুবিভোঃ সুকুমারকঃ || ১, ১৩৯. ১৩ ||
সুকুমারাদ্ধৃষ্টকেতুর্বোতিহোত্রস্তদাত্মজঃ |
বীতিহোত্রস্য ভর্গোঽভূদ্ভর্গভূমিস্তদাত্মজঃ || ১, ১৩৯. ১৪ ||
বৈষ্ণবাঃ স্যুর্মহাত্মান ইত্যেতে কাশয়ো নৃপাঃ |
পঞ্চপুত্রশতান্যাসন্রজেঃ শক্রেণ সংহৃতাঃ || ১, ১৩৯. ১৫ ||
প্রতিক্ষত্ত্রঃ ক্ষত্ত্রবৃদ্ধাৎসঞ্জয়শ্চ ত দাত্মজঃ |
বিজয়ঃ সঞ্জয়স্যাপি বিজয়স্য কৃতঃ সুতঃ || ১, ১৩৯. ১৬ ||
কৃতাদ্বৃষধনশ্চাভূৎসহদেবস্তদাত্মজঃ |
সহদেবাদদীনোঽভূজ্জয়ৎসেনোঽপ্যদীনতঃ || ১, ১৩৯. ১৭ ||
জয়ৎসেনাৎসঙ্কৃতিশ্চ ক্ষত্ত্রধর্মা চ সঙ্কৃতেঃ |
যতির্যয়াতিঃ সংযাতিরয়াতির্বিকৃতিঃ ক্রমাৎ || ১, ১৩৯. ১৮ ||
নহুষস্য সুতাঃ খ্যাতা যয়াতের্নৃপতেস্তথা |
যদুং চ তুর্বসুং চৈব দেবয়ানী ব্যজায়ত || ১, ১৩৯. ১৯ ||
দ্রুহ্যুং চানুং চ পূরুঞ্চ শর্মিষ্ঠা বার্ষপার্বণী |
সহস্রজীৎক্রোষ্টুমনা রঘুশ্চৈব যদোঃ সুতাঃ || ১, ১৩৯. ২০ ||
সহস্রজিতঃ শতজিত্তস্মাদ্বৈ হয়হৈহয়ৌ |
অনরণ্যো হয়াৎপুত্রো ধর্মো হৈহয়তোঽভবৎ || ১, ১৩৯. ২১ ||
ধর্মস্য ধর্মনেত্রোঽবূৎকুন্তির্বৈ ধর্মনেত্রতঃ |
কুন্তের্বভূত সাহঞ্জির্মহিষ্মাংশ্চ তদাত্মজঃ || ১, ১৩৯. ২২ ||
ভদ্রশ্রেণ্যস্তস্য পুত্ত্রো ভদ্রশ্রেণয়স্য দুর্দমঃ |
ধনকো দুর্দমাচ্চৈব কৃতবীর্যশ্চ জানকিঃ || ১, ১৩৯. ২৩ ||
কৃতাগ্নিঃ কৃতকর্মা চ কৃতৌজাঃ সুমহাবলঃ |
কৃতবীর্যাদর্জুনোঽভূদর্জুনাচ্ছূরসেনকঃ || ১, ১৩৯. ২৪ ||
জয়ধ্বজো মধুঃ শূরো বৃষণঃ পঞ্চ সব্রতাঃ |
জয়ধ্বজাত্তালজঙ্ঘো ভরতস্তালজঙ্গতঃ || ১, ১৩৯. ২৫ ||
বৃষণস্য মধুঃ পুত্ত্রো মধোর্বৃষ্ণ্যাদিবংশকঃ |
ক্রোষ্টোর্বিজজ্ঞিবান্পুত্ত্র আহিস্তস্য মহাত্মনঃ || ১, ১৩৯. ২৬ ||
আহেরুশঙ্কুঃ সঞ্জজ্ঞেতস্য চিত্ররথঃ সতঃ |
শশবিন্দুশ্চিত্ররথাৎপত্ন্যো লক্ষঞ্চ তস্য হ || ১, ১৩৯. ২৭ ||
দশলক্ষঞ্চ পুত্রাণাং পৃথুকীর্ত্যাদয়ো বরাঃ |
পৃথুকীর্তিঃ পৃথুজয়ঃ পৃথুদানঃ পৃথুশ্রবাঃ || ১, ১৩৯. ২৮ ||
পৃথুশ্রবসোঽভূত্তম উশনাস্তমসোঽভবৎ |
তৎপুত্রঃ শিতগুর্নাম শ্রীরুক্মকবচস্ততঃ || ১, ১৩৯. ২৯ ||
রুক্মশ্চ পৃথুরুক্মশ্চ জ্যামঘঃ পালিতো হরিঃ |
শ্রীরুক্মকবচস্যৈতে বিদর্ভো জ্যামঘাত্তথা || ১, ১৩৯. ৩০ ||
ভার্যায়াঞ্চৈব শৈব্যায়াং বিদর্ভাৎক্রথকৌশিকৌ |
রোমপাদো রোমপাদাদ্বভ্রুর্বভ্রোর্ধৃতিস্তথা || ১, ১৩৯. ৩১ ||
কৌশিকস্য ঋচিঃ পুত্রঃ ততশ্চৈদ্যো নৃপঃ কিল |
কুন্তিঃ কিলাস্য পুত্রোঽভূৎকুন্তের্বৃষ্ণিঃ সুতঃ স্মৃতঃ || ১, ১৩৯. ৩২ ||
বৃষ্ণেশ্চ নিবৃতিঃ পুত্রো দশার্হে নিবৃতেস্তথা |
দশার্হস্য সুতো ব্যোমা জীমূতশ্চ তদাত্মজঃ || ১, ১৩৯. ৩৩ ||
জীমূতাদ্বিকৃতির্জজ্ঞে ততো ভীমরথোঽভবৎ |
ততো মধুরথো জজ্ঞে শকুনিস্তস্য চাত্মজঃ || ১, ১৩৯. ৩৪ ||
করম্ভিঃ শকুনেঃ পুত্রস্তস্য বৈ দেববান্স্মৃতঃ |
দেবক্ষত্ত্রো দেবনতো দেবক্ষত্ত্রান্মধুঃ স্মৃতঃ || ১, ১৩৯. ৩৫ ||
কুরুবংশো মধোঃ পুত্রো হ্যনুশ্চ কুরুবংশতঃ |
পুরুহোত্রো হ্যনোঃ পুত্রো হ্যংশুশ্চ পুরুহোত্রতঃ || ১, ১৩৯. ৩৬ ||
সত্ত্বশ্রুতঃ সুতশ্চাংশোস্ততো বৈ সাত্ত্বতো নৃপঃ |
ভজিনো ভজমানশ্চ সাৎবতাদন্ধকঃ সুতঃ || ১, ১৩৯. ৩৭ ||
মহাভোজো বৃষ্ণি দিব্যাবন্যো দেবাবৃধোঽভবৎ |
নিমিবৃষ্ণী ভজমানাদয়ুতাজিত্তথৈব চ || ১, ১৩৯. ৩৮ ||
শতজিচ্চ সহস্রাজিদ্বভ্রুর্দেবো বৃহস্পতিঃ |
মহাভোজাত্তু ভোজোঽভূত্তদ্বৃষ্ণেশ্চ সুমিত্রকঃ || ১, ১৩৯. ৩৯ ||
স্বধাজিৎসঞ্জ্ঞকস্তস্মাদনমিত্রাশিনী তথা |
অনমিত্রস্য নিঘ্নোঽভূন্নিঘ্নাচ্ছত্রাজিতোঽভবৎ || ১, ১৩৯. ৪০ ||
প্রসেনশ্চাপরঃ খ্যাতো হ্যনমিত্রাচ্ছিবিস্তথা |
শিবেস্তু সত্যকঃ পুত্রঃ সত্যকাৎসাত্যকিস্তথা || ১, ১৩৯. ৪১ ||
সাত্যকেঃ সঞ্জয়ঃ পুত্রঃ কুলিশ্চৈব তদাত্মজঃ |
কুলের্যুগন্ধরঃ পুত্রস্তে শৈবেয়াঃ প্রকীর্তিতাঃ || ১, ১৩৯. ৪২ ||
অনমিত্রান্বয়ে বৃষ্ণিঃ শ্বফল্কশ্চিত্রকঃ সুতঃ |
শ্বফল্কাচ্চৈবগান্দিন্যামক্রূরো বৈষ্ণবোঽভবৎ || ১, ১৩৯. ৪৩ ||
উপমদ্গুরথাক্রূরাদ্দেবদ্যোতস্ততঃ সুতঃ |
দেববানুপদেবশ্চ হ্যক্রূরস্য সুতৌ স্মৃতৌ || ১, ১৩৯. ৪৪ ||
পৃথুর্বিপৃথুশ্চিত্রস্য ৎবন্ধকস্য শুচিঃ স্মৃতঃ |
কুকুরো ভজমানস্য তথা কম্বলবর্হিষঃ || ১, ১৩৯. ৪৫ ||
ধৃষ্টস্তু কুকুরাজ্জজ্ঞে তস্মাৎকাপোতরোমকঃ |
তদাত্মজো বিলোমা চ বিলোম্নস্তুম্বুরুঃ সুতঃ || ১, ১৩৯. ৪৬ ||
তস্মাচ্চদুন্দুভির্জজ্ঞে পুনর্বসুরতঃ স্মৃতঃ |
তস্যাহুকশ্চাহুকী চ কন্যা চৈবাহুকস্য তু || ১, ১৩৯. ৪৭ ||
দেবকশ্চোগ্রসেনশ্চ দেবকাদ্দেবকী ৎবভূৎ |
বৃকদেবোপদেবাচ সহদেবা সুরক্ষিতা || ১, ১৩৯. ৪৮ ||
শ্রীদেবী শান্তিদেবী চ বসুদেব উবাহ তাঃ |
দেববানুপদেবশ্চ সহদেবাসুতৌ স্মৃতৌ || ১, ১৩৯. ৪৯ ||
উগ্রসেনস্য কংসোঽভূৎসুনামা চ বটাদয়ঃ |
বিদূরথো ভজমানাচ্ছূরশ্চাভূদ্বিদূরথাৎ || ১, ১৩৯. ৫০ ||
বিদূরথসুতস্যাথ সূরস্যাপি শমী সুতঃ |
প্রতিক্ষত্ত্রশ্চ শমিনঃ স্বয়ম্ভোজস্তদাত্মজঃ || ১, ১৩৯. ৫১ ||
হৃদিকশ্চ স্বয়ম্ভোজাৎকৃতবর্মা তদাত্মজঃ |
দেবঃ শতধনুশ্চৈব শূরাদ্বৈ দেবমীঢুষঃ || ১, ১৩৯. ৫২ ||
দশ পুত্রা মারিষায়াং বসুদেবাদয়োঽভবন্ |
পৃথা চ শ্রুতদেবী চ শ্রুতকীর্তিঃ শ্রুতশ্রবাঃ || ১, ১৩৯. ৫৩ ||
রাজাধিদেবো শূরাচ্চ পৃথাং কুন্তেঃ সুতামদাৎ |
সা দত্তা কুন্তিনা পাণ্ডোস্তস্যাং ধর্মানিলেন্দ্রকৈঃ || ১, ১৩৯. ৫৪ ||
যুধিষ্ঠিরো ভীমপার্থো নকুলঃ সহদেবকঃ |
মাদ্রয়াং নাসত্যদস্ত্রাভ্যাং কুন্ত্যাং কর্ণঃ পুরাভবৎ || ১, ১৩৯. ৫৫ ||
শ্রুতদেব্যাং দন্তবক্রো জজ্ঞে বৈ যুদ্ধদুর্মদঃ |
সন্তর্দনাদয়ঃ পঞ্চ শ্রুতকীর্ত্যাঞ্চ কৈকয়াৎ || ১, ১৩৯. ৫৬ ||
রাজাধিদেব্যাং জজ্ঞাতে বিন্দশ্চৈবানুবিন্দকঃ |
শ্রুতশ্রবা দমঘোষাৎপ্রজজ্ঞে শিশুপালকম্ || ১, ১৩৯. ৫৭ ||
পৌরবী রোহীণা ভার্যা মদিরানকদুন্দুভেঃ |
দেবকীপ্রমুখা ভদ্রা রোহিণ্যাং বলভদ্রকঃ || ১, ১৩৯. ৫৮ ||
সারণাদ্যাঃ শঠশ্চৈব রেবত্যাং বলভদ্রতঃ |
নিশঠশ্চোল্মুকো জাতো দেবক্যাং ষট্চ জজ্ঞিরে || ১, ১৩৯. ৫৯ ||
কীর্তিমাংশ্চ সুষেণশ্চ হ্যুদার্যো ভদ্রসেনকঃ |
ঋজুদাসো ভদ্রদেবঃ কংস এবাবধীচ্চ তান্ || ১, ১৩৯. ৬০ ||
সঙ্কর্ষণঃ সপ্তমোঽভূদষ্টমঃ কৃষ্ণ এব চ |
ষোডশস্ত্রীসহস্রাণি ভার্যাণাঞ্চাভবন্হরেঃ || ১, ১৩৯. ৬১ ||
রুক্মিণী সত্যভামা চ লক্ষ্মণা চারুহাসিনী |
শ্রেষ্ঠা জাম্ববতী চাষ্টৌ জজ্ঞিরে তাঃ সুতান্বহূন্ || ১, ১৩৯. ৬২ ||
প্রদ্যুম্নশ্চারুদেষ্ণশ্চ প্রধানাঃ সাম্ব এব চ |
প্রদ্যুম্নাদনিরুদ্ধোঽভূৎককুদ্মিন্যাং মহাবলঃ || ১, ১৩৯. ৬৩ ||
অনিরুদ্ধাৎসুভদ্রায়াং বজ্রো নাম নৃপোঽভবৎ |
প্রতিবাহুর্বজ্রসুতশ্চারুস্তস্য সুতোঽভবৎ || ১, ১৩৯. ৬৪ ||
বহ্নিস্তু তুর্বসোর্বংশে বহ্নের্ভর্গোঽভবৎসুতঃ |
ভর্গাদ্ভানুরভূৎপুত্রো ভানোঃ পুত্রঃ করন্ধমঃ || ১, ১৩৯. ৬৫ ||
করন্ধমস্য মরুতো দ্রুহ্যোর্বংশং নিবোধ মে |
দ্রহ্যোস্তু তনয়ঃ সেতুরারদ্ধশ্চ তদাত্মজঃ || ১, ১৩৯. ৬৬ ||
আরদ্ধস্যৈব গান্ধ রো ঘর্মো গান্ধারতোঽভবৎ |
ঘৃতস্তু ঘর্মপুত্রোঽভূদ্দুর্গমশ্চ ঘৃস্য তু || ১, ১৩৯. ৬৭ ||
প্রচেতা দুর্গমস্যৈব অনোর্বংশং শৃণুষ্ব মে |
অনোঃ সভানরঃ পুত্রস্তস্মা কালঞ্জয়োঽভবৎ || ১, ১৩৯. ৬৮ ||
কালঞ্জয়াৎসৃঞ্জয়োঽভূৎসৃঞ্জয়াত্তু পুরুঞ্জয়ঃ |
জনমেজয়স্তু তৎপুত্রো মহাশালস্তদাত্মজঃ || ১, ১৩৯. ৬৯ ||
মহামনা মহাশালদুশীনর ইহ স্মৃতঃ |
অশীনরাচ্ছিবির্জজ্ঞে বৃষদর্ভঃ শিবেঃ সুতঃ || ১, ১৩৯. ৭০ ||
মহামনোজাত্তিতিক্ষোঃ পুত্রোঽভূচ্চ রুষদ্রথঃ |
হেমো রুষদ্রথাজ্জজ্ঞে সুতপা হেমতোঽভবৎ || ১, ১৩৯. ৭১ ||
বলিঃ সুতপসো জজ্ঞে হ্যঙ্গবঙ্গকলিঙ্গকাঃ |
অন্ধঃ পৈণ্ড্রশ্চ বালেয়া হ্যনপানস্তথাঙ্গতঃ || ১, ১৩৯. ৭২ ||
অনপানাদ্দিবিরথস্ততো ধর্মরথোঽভবৎ |
রোমপাদো ধর্মরথাচ্চতুরঙ্গস্তদাত্মজঃ || ১, ১৩৯. ৭৩ ||
পৃথুলাক্ষস্তস্য পুত্রশ্চম্পোঽভূৎপৃথুলাক্ষতঃ |
চম্পপুত্রশ্চ হর্যঙ্গস্তস্য ভদ্ররথঃ সুতঃ || ১, ১৩৯. ৭৪ ||
বৃহৎকর্মা সুতস্তস্য বৃহদ্ভানুস্ততোঽভবৎ |
বুহন্মনা বৃহাদ্ভানোস্তস্য পুত্রো জয়দ্রথঃ || ১, ১৩৯. ৭৫ ||
জয়জ্রথস্য বিজয়ো বিজয়স্য ধৃতিঃ সুতঃ |
ধৃতের্ধৃব্রতঃ পুত্রঃ সত্যধর্মা ধৃতব্রতাৎ || ১, ১৩৯. ৭৬ ||
তস্য পুত্রস্ত্বধিরথঃ কর্ণস্তস্য সুতোঽভবৎ || ১, ১৩৯. ৭৭ ||
বৃর্ষসেনস্তু কর্ণস্য পুরুবংশ্যাঞ্ছণুষ্ব মে || ১, ১৩৯. ৭৮ ||

ইতি শ্রীগারুডে মহাপারাণে পূর্বখণ্ডে প্রথমাংশাখ্যে আচারকাণ্ডে
চন্দ্রবংশবর্ণনং নামৈকোনচৎবারিংশদুত্তরশততমোঽধ্যায়ঃ

শ্রীগরুডমহাপুরাণম্-১৪০
হরিরুবাচ |
জনমেজয়ঃ পুরোশ্চাভূন্নমস্যুর্জনমেজয়াৎ |
তস্য পুত্রশ্চাভয়দঃ সুদ্যুশ্চাভয়দাদভূৎ || ১, ১৪০. ১ ||
সুদ্যোর্বহুগতিঃ পুত্রঃ সঞ্জাতিস্তস্য চাত্মজঃ |
বৎসজাতিশ্চ সঞ্জাতেঃ রৌদ্রাশ্বশ্চ তদাত্মজঃ || ১, ১৪০. ২ ||
ঋতেয়ুঃ স্থণ্ডিলেয়ুশ্চ কক্ষেয়ুশ্চ কৃতেয়ুকঃ |
জলেয়ুঃ সন্ততেয়ুশ্চ রোদ্রাশ্বস্য সুতা বরাঃ || ১, ১৪০. ৩ ||
রতিনার ঋতেয়োশ্চ তস্য প্রতিরথঃ সুতঃ |
তস্য মেধাতিথিঃ পুত্রস্তৎপুত্রশ্চৈনিলঃ স্মৃতঃ || ১, ১৪০. ৪ ||
ঐনিলস্য তু দুষ্যন্তো ভরতস্তস্য চাত্মজঃ |
শকুন্তলায়াং সঞ্জজ্ঞে বিতথো ভরতাদভূৎ || ১, ১৪০. ৫ ||
বিতথস্য সুতো মন্যুর্মন্যোশ্চৈব নরঃ স্মৃতঃ |
নরস্য সঙ্কৃতিঃ পুত্রো গর্গো বৈ সঙ্কৃতেঃ সুতঃ || ১, ১৪০. ৬ ||
গর্গাদমন্যুঃ পুত্রো বৈ শিনিঃ পুত্রো ব্যজায়ত |
মন্যুপুত্রান্মহাবীর্যাৎসুতোঽভবদুরুক্ষয়ঃ || ১, ১৪০. ৭ ||
উরুক্ষয়াত্ত্রয়্যারুণির্ব্যূহক্ষত্রাচ্চ মন্যুজাৎ |
সুহোত্রস্তস্য হস্তী চ অজমীঢদ্বিমীঢকৌ || ১, ১৪০. ৮ ||
হস্তিনঃ পুরুমীঢশ্চ কণ্বোঽভূদজমীঢতঃ |
কণ্বান্মেধাতিথির্জজ্ঞে যতঃ কাণ্বায়না দ্বিজাঃ || ১, ১৪০. ৯ ||
অজমীঢাদ্বৃহদিষুস্তৎপুত্রশ্চ বৃহদ্ধনুঃ |
বৃহৎকর্মা তস্য পুত্রস্তস্য পুত্রো জয়দ্রথঃ || ১, ১৪০. ১০ ||
জয়দ্রথাদ্বিশ্বজিচ্চ সেনজিচ্চ তদাত্মজঃ |
রুচিরাশ্বঃ সেনজিতঃ পৃথুসেনস্তদাত্মজঃ || ১, ১৪০. ১১ ||
পারস্তু পৃথুসেনস্য পারাদ্দ্বীপোঽভবন্নৃপঃ |
নৃপস্য সৃমরঃ পুত্রঃ সুকৃতিশ্চ পৃথোঃ সুতঃ || ১, ১৪০. ১২ ||
বিভ্রাজঃ সুকৃতেঃ পুত্রো বিভ্রাজাদশ্বহোঽভবৎ |
কৃত্যাং তস্মাদ্ব্রহ্মদত্তো বিষ্বক্সেনস্তদাত্মজঃ || ১, ১৪০. ১৩ ||
যবীনরো দ্বিমীঢস্য ধৃতিমাংশ্চ যবীনরাৎ |
ধতিমতঃ সত্যধৃতির্দৃঢনেমিস্তদাত্মজঃ || ১, ১৪০. ১৪ ||
দৃঢনেমেঃ সুপার্শ্বোঽভূৎসুপার্শ্বাৎসন্নতিস্তথা |
কৃস্তু সন্নতেঃ পুত্রঃ কৃতাদুগ্রায়ুধোঽভবৎ || ১, ১৪০. ১৫ ||
উগ্রায়ুধাচ্চ ক্ষেম্যৌঽভূৎসুধীরস্তু তদাত্মজঃ |
পুরঞ্জয়ঃ সুধীরাচ্চ তস্য পুত্রো বিদূরথঃ || ১, ১৪০. ১৬ ||
অজমীঢান্নলিন্যাঞ্চ নীলো নাম নৃপোঽভবৎ |
নীলাচ্ছান্তিরভূৎপুত্রঃ সুশান্তিস্তস্য চাত্মজঃ || ১, ১৪০. ১৭ ||
সুশান্তেশ্চ পুরুর্জাতো হ্যর্কস্তস্য সুতোঽভবৎ |
অর্কস্য চৈব হর্যশ্বো হর্যশ্বান্মুকুলোঽভবৎ || ১, ১৪০. ১৮ ||
যবীনরো বৃহদ্ভানুঃ কম্পিল্লঃ সৃঞ্জয়স্তথা |
পাঞ্চালান্মুকুলাজ্জজ্ঞে শরদ্বান্বৈষ্ণবো মহান্ || ১, ১৪০. ১৯ ||
দিবোদাসো দ্বিতীয়োঽস্য হ্যহল্যায়াং শরদ্বতঃ |
শতানন্দোঽভবৎপুত্রস্তস্য সত্যধৃতিঃ সতঃ || ১, ১৪০. ২০ ||
কৃপঃ কৃপী সত্যধৃতেরুর্বশ্যাং বীর্যহানিতঃ |
দ্রোণপত্নী কৃপী জজ্ঞে অশ্বত্থামানমুত্তমম্ || ১, ১৪০. ২১ ||
দিবোদাসান্মিত্রয়ুশ্চ মিত্রয়োশ্চ্যবনোঽভবৎ |
সুদাসশ্চ্যবনাজ্জজ্ঞে সৌদাসস্তস্য জাত্মজঃ || ১, ১৪০. ২২ ||
সহদেবস্তস্য পুত্রঃ সহদেবাত্তু সোমকঃ |
জন্তুস্তু সোমকাজ্জজ্ঞে পৃষতশ্চাপরো মহান্ || ১, ১৪০. ২৩ ||
পৃষতাদ্দ্রুপদো জজ্ঞে ধৃষ্টদ্যুম্নস্ততোঽভবৎ |
ধৃষ্টদ্যুম্নাদ্ধৃষ্টকেতুরৃক্ষোঽভূতজমীঢতঃ || ১, ১৪০. ২৪ ||
ঋক্ষাৎসংবরণো জজ্ঞে কুরুঃ সংবরণাদভূৎ |
সুধনুশ্চ পীক্ষিচ্চ জহ্নুশ্চৈব কুরোঃ সুতাঃ || ১, ১৪০. ২৫ ||
সুধনুষঃ সুহোত্রোঽভূচ্চ্যবনোঽভূৎসুহোত্রতঃ |
চ্যবনাৎকৃতকো জজ্ঞে তথোপরিচরো বসুঃ || ১, ১৪০. ২৬ ||
বৃহদ্রথশ্চ প্রত্যগ্রঃ সত্যাদ্যাশ্চ বসোঃ সুতাঃ |
বৃহদ্রথাৎকুশাগ্রশ্চ কুশাগ্রাদৃষভোঽভবৎ || ১, ১৪০. ২৭ ||
ঋষভাৎপুষ্পবাংস্তস্মাজ্জজ্ঞে সত্যহিতো নৃপঃ |
সত্যহিতাৎসুধন্বাভূজ্জহ্রুশ্চব সুধন্বনঃ || ১, ১৪০. ২৮ ||
বৃহদ্রথাজ্জরাসন্ধঃ সহদেবস্তদাত্মজঃ |
সহদেবাচ্চ চ সোমাপিঃ সোমাপেঃ শ্রুতবান্সুতঃ || ১, ১৪০. ২৯ ||
ভীমসেনোগ্রসেনৌ চ শ্রুতসেনোঽপরাজিতঃ |
জনমেজয়স্তথান্যোঽভূজ্জহ্নোস্তু সুরথোঽভবৎ || ১, ১৪০. ৩০ ||
বিদূরথস্তু সুরথাৎসার্বভৌমো বিদূরথাৎ |
জয়সেনঃ সার্বভৌমাদাবধীতস্তদাত্মজঃ || ১, ১৪০. ৩১ ||
অয়ুতায়ুস্তস্য পুত্রস্তস্য চাক্রোধনঃ সুতঃ |
অক্রোধনস্যাতিথিশ্চ ঋক্ষোঽভূদতিথেঃ সুতঃ || ১, ১৪০. ৩২ ||
ঋক্ষাচ্চ ভীমসেনোঽভূদ্দিলীপো ভীমসেনতঃ |
প্রতীপোঽভূদ্দিলীপাচ্চ দেবাপিস্তু প্রতীপতঃ || ১, ১৪০. ৩৩ ||
শন্তনুশ্চৈব বাহ্লীকস্ত্রয়স্তে ভ্রাতরো নৃপাঃ |
বাহ্লীকাৎসোমদত্তোঽভূদ্ভূরির্ভূরিশ্রবাস্ততঃ || ১, ১৪০. ৩৪ ||
শলশ্চ শন্তনোর্ভোষ্মো গঙ্গায়াং ধার্মিকো মহান্ |
চিত্রাঙ্গদবিচিত্রৌ তু সত্যবত্যান্তু শন্তনোঃ || ১, ১৪০. ৩৫ ||
ভার্যে বিচিত্রবীর্যস্য ৎবম্বিকাম্বালিকে তয়োঃ |
ধৃরাষ্ট্রং চ পাণ্ডুঞ্চ তদ্দাস্যাং বিদুরন্তথা || ১, ১৪০. ৩৬ ||
ব্যাস উৎপাদয়ামাস গান্ধাগী ধৃতরাষ্ট্রতঃ |
শতপুত্রং দুর্যোধনাদ্যং পাণ্ডোঃ পঞ্চ প্রজজ্ঞিরে || ১, ১৪০. ৩৭ ||
প্রতিবিন্ধ্যঃ শ্রুতসোমঃ শ্রুতকীর্তিস্তথার্জুনাৎ |
শতানীকঃ শ্রুতকর্মা দ্রৌপদ্যাং পঞ্চ বৈ ক্রমাৎ || ১, ১৪০. ৩৮ ||
যৌধেয়ী চ হিডিম্বা চ কৌশী চৈব সুভদ্রিকা |
বিজয়া বৈ রেণুমতী পঞ্চভ্যস্তু সুতাঃ ক্রমাৎ || ১, ১৪০. ৩৯ ||
দেবকো ঘচোৎকচশ্চ হ্যভিমন্যুশ্চ সর্বগঃ |
সুহোত্রো নিরমিত্রশ্চ পরীক্ষিদভিমন্যুজঃ || ১, ১৪০. ৪০ ||
জনমেজয়োঽস্য ততো ভবিষ্যাংশ্চ নৃপাঞ্ছৃণু || ১, ১৪০. ৪১ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
চন্দ্রবংশবর্ণনং নাম চৎবারিংশদুত্তরশততমোঽধ্যায়ঃ