১.১৩ গরুডপুরাণ (অধ্যায় ১২১-১৩০)

শ্রীগরুডমহাপুরাণম্-১২১
ব্রহ্মোবাচ |
চাতুর্মাস্যব্রতান্যূচে একাদশ্যাং সমাচরেৎ |
আষাঢ্যাং পৌর্ণমাস্যাং বা সর্বেণহরিমর্চ্যচ || ১, ১২১. ১ ||
ইদং ব্রতং ময়া দেব গৃহীতং পুরতস্তব |
নির্বিঘ্নং সিদ্ধিমাপ্নোতু প্রসন্নে ৎবয়ি কেশব || ১, ১২১. ২ ||
গৃহীতেঽস্মিন্ব্রতে দেব যদ্যপূর্ণে ম্রিয়াম্যহম্ |
তন্মে ভবতু সম্পূর্ণং ৎবৎপ্রসাদাজ্জনার্দন || ১, ১২১. ৩ ||
এবমভ্যর্চ্য গৃহ্ণীয়াদ্ব্রতার্চনজপাদিকম্ |
সর্বাঘং চ ক্ষয়ং যাতি চিকীর্ষেদ্যো হরের্ব্রতম্ || ১, ১২১. ৪ ||
স্নাৎবায়োভ্যচ্য গৃহ্ণীয়াদ্ব্রতার্চনজপাদিকম্ |
স্নাৎবা যচ্চতুরো মাসানেকভক্তেন পূজয়েৎ |
বিষ্ণুং স যাতি বিষ্ণোর্ব লোকং মলবিবর্জিতম্ || ১, ১২১. ৫ ||
মদ্যমাংসসুরাত্যগী বেদবিদ্ধরিপূজনাৎ |
তৈলবর্জি বিষ্ণুলোকং বিষ্ণুভাক্কৃচ্ছ্রপাদকৃৎ || ১, ১২১. ৬ ||
একরাত্রোপবাসাচ্চ দেবো বৈমানিকো ভবেৎ |
শ্বেতদ্বীপং ত্রিরাত্রাত্তু ব্রজেৎষষ্ঠান্নকৃন্নরঃ || ১, ১২১. ৭ ||
চান্দ্রায়ণাদ্ধরের্ধাম লভেন্মুক্তিময়াচিতাম্ |
প্রাজাপত্যং বিষ্ণুলোকং পরাকব্রতকৃদ্ধরিম্ || ১, ১২১. ৮ ||
সক্তুয়াবকভিক্ষাশী পয়োদধিঘৃতাশনঃ |
গোমূত্রয়াবকাহারঃ পঞ্চগব্যকৃতাশনঃ |
শাকমলফলাদ্যাশী রসবর্জো চ বিষ্ণুভাক্ || ১, ১২১. ৯ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
চাতুর্মাস্যব্রতনিরূপণং নামকাবশত্যুত্তরশততমোঽধ্যায়ঃ

শ্রীগরুডমহাপুরাণম্-১২২
ব্রহ্মোবাচ |
ব্রতং মাসোপবাসাখ্যং সর্বোৎকৃষ্টং বদামিতে |
বানপ্রস্থো যতির্নারী কুর্যান্মাসোপবাসকম্ || ১, ১২২. ১ ||
আশ্বিনস্য সিতে পক্ষে একাদশ্যামুপোষিতঃ |
ব্রতমেতত্তু গৃহ্ণীয়াদ্যাবত্ত্রিংশদ্দিনানি তু || ১, ১২২. ২ ||
অদ্যপ্রভৃত্যহং বিষ্ণো যাবদুত্থানকং তব |
অর্চয়েৎবামনশ্রংস্তু দিনানি ত্রিংশদেব তু || ১, ১২২. ৩ ||
কার্তিকাশ্বিনয়োর্বিষ্ণো দ্বাদশ্যোঃ শুক্লয়োরহম্ |
ম্রিয়েয়দ্যন্তরালে তু ব্রতভঙ্গো ন মে ভবেৎ || ১, ১২২. ৪ ||
হরিং যজোত্ত্রিষবণস্নায়ী গন্ধাদিভির্ব্রতী |
গাত্রাভ্যঙ্গং গন্ধলেপং দেবতায়তনে ত্যজেৎ || ১, ১২২. ৫ ||
দ্বাদশ্যামথ সম্পূজ্য প্রদদ্যাদ্দ্বিজভোজনম্ |
ততশ্চ পারণং কুর্যাদ্ধরের্মাসোপবাসকৃৎ || ১, ১২২. ৬ ||
দুগ্ধাদিপ্রাশনং কুর্যাদ্ব্রতস্থো মূর্ছিতোঽন্তরা |
দুগ্ধাদ্যৈর্ন ব্রতং নশ্যেদ্ভুক্তিমুক্তিমবাপ্নুয়াৎ || ১, ১২২. ৭ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
মাসোপবাসব্রতং নাম দ্বাবিংশত্যুত্তরশততমোঽধ্যায়ঃ

শ্রীগরুডমহাপুরাণম্-১২৩
ব্রহ্মোবাচ |
ব্রতানি কার্তিকে বক্ষ্যে স্নাৎবা বিষ্ণুং প্রপূজয়েৎ |
একভক্তেন নক্তেন মাসং বায়াচিতেন বা || ১, ১২৩. ১ ||
দুগ্ধশাকফলাদ্যৈর্বা উপবাসেন বা পুনঃ |
সর্বপাপবিনির্মুক্তঃ প্রাপ্তকামো হরিং ব্রজেৎ || ১, ১২৩. ২ ||
সদা হরের্ব্রতং শ্রেষ্ঠং ততঃ স্যাদ্দক্ষিণায়নে |
চাতুর্মাস্যে ততস্তস্মাৎকার্তিকে ভীষ্মপঞ্চকম্ || ১, ১২৩. ৩ ||
ততঃ শ্রেষ্ঠব্রতং শুক্লস্যৈকাদশ্যাং সমাচরেৎ |
স্নাৎবা ত্রিকালং পিত্রাদীন্যবাদ্যৈরর্চয়েদ্ধরিম্ || ১, ১২৩. ৪ ||
যজেন্মৌনী ঘৃতাদ্যৈশ্চ পঞ্চগব্যেন বারিভিঃ |
স্নাপয়িৎবাথ কর্পূরমুখৈশ্চৈবানুলেপয়েৎ || ১, ১২৩. ৫ ||
ঘৃতাক্তগুগ্গুলৈর্ধূপং দ্বিজঃ পঞ্চদিনং দহেৎ |
নৈবদ্যং পরমান্নং তু জপেদষ্টোত্তরং শতম্ || ১, ১২৩. ৬ ||
ওঁ নমো বাসুদেবায় ঘৃতব্রীহিতিলাদিকম্ |
অষ্টাক্ষরেণ মন্ত্রেণ স্বাহান্তেন তু হোময়েৎ || ১, ১২৩. ৭ ||
প্রথমেঽহ্নি হরেঃ পাদৌ যজেৎপদ্মৈর্দ্বিতয়িক |
বিল্বপত্রৈর্জানুদেশং নাভি গন্ধেন চাপরে || ১, ১২৩. ৮ ||
স্কন্ধা বিল্বজবাভিশ্চ পঞ্চমেঽহ্নি শিরোর্ঽচয়ৎ |
মালত্যা ভূমিশায়ী স্যাদ্গোময়ং প্রাশয়েৎক্রমাৎ || ১, ১২৩. ৯ ||
গোমূত্রং চ দধি ক্ষীরং পঞ্চমে পঞ্চগব্যকম্ |
নক্তং কুর্যাৎপঞ্চদশ্যাং ব্রতী স্যাদ্ভুক্তিমুক্তিভাক্ || ১, ১২৩. ১০ ||
একাদশীব্রতং নিত্যং তৎকুর্যাৎপক্ষয়োর্দ্বয়োঃ |
অঘৌঘনরকং হন্যাৎসর্বদং বিষ্ণুলোকদম্ || ১, ১২৩. ১১ ||
একাদশী দ্বাদশী চ নিশান্তে চ ত্রয়োদশী |
নিত্যমেকাদশী যত্র তত্র সন্নিহিতো হরিঃ || ১, ১২৩. ১২ ||
দশম্যেকাদশী যত্র তত্রস্থাশ্চাসুরাদয়ঃ |
দ্বাদশ্যাং পারণ কুর্যাৎসূতকে মৃতকে চরেৎ || ১, ১২৩. ১৩ ||
চতুর্দশীং প্রতিপদং পূর্বমিশ্রামুপাবসেৎ |
পৌর্ণমাস্যা মমাবাস্যাং প্রতিপন্মিশ্রিতাং মুনে || ১, ১২৩. ১৪ ||
দ্বিতীয়াং তৃতীয়ামিশ্রাং তৃতীয়াঞ্চাপ্যুপাবসেৎ |
চতুর্থ্যা সঙ্গতাং নিত্যং চতুর্থোঞ্চনয়া যুতাম্ |
পঞ্চমীংষষ্ঠ্যসংযুক্তাং ষষ্ঠ্যা যুক্তাঞ্চ সপ্তমীম্ || ১, ১২৩. ১৫ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
ভীষ্মপঞ্চকাদিব্রতং নাম ত্রয়োবিংশত্যুত্তরশততমোঽধ্যায়ঃ

শ্রীগরুডমহাপুরাণম্-১২৪
ব্রহ্মোবাচ |
শিবরাত্রিব্রতং বক্ষ্যে কথাং বৈ সর্বকামদাম্ |
যথা চ গৌরী ভূতেশং পৃচ্ছতি স্ম পরং ব্রতম্ || ১, ১২৪. ১ ||
ঈশ্বরৌবাচ |
মাঘফাল্গুনয়োর্মধ্যে কৃষ্ণা যা তু চতুর্দশী |
তস্যাং জাগরণাদ্রুদ্রঃ পূজিতো ভুক্তিমুক্তিদঃ || ১, ১২৪. ২ ||
কাময়ুক্তো হরঃ পূজ্যো দ্বাদশ্যামি কেশবঃ |
উপোষিতৈঃ পূজিতঃ সন্নরকাত্তরয়ত্তথা || ১, ১২৪. ৩ ||
নিষাদশ্চর্বুদে রাজা পাপী সুন্দরসেনকঃ |
স কুক্রুরৈঃ সমায়ুক্তো মৃগান্হন্তুং বনং গতঃ || ১, ১২৪. ৪ ||
মৃগাদি কমসম্প্রাপ্য ক্ষুৎপিপাসার্দিতো গিরৌ |
রাত্রৌ তডাগতীরেষু নিকুঞ্জে জাগ্রদাস্থিতঃ || ১, ১২৪. ৫ ||
তত্রাস্তি লিঙ্গং স্বং রক্ষঞ্ছরীরং চাক্ষিপত্ততঃ |
পর্ণানি চাপতন্মূর্ধ্নি লিঙ্গস্যৈব ন জানতঃ || ১, ১২৪. ৬ ||
তেন ধূলিনিরোধায় ক্ষিপ্তং নীরং চ লিঙ্গকে |
শরঃ প্রমাদেনৈকস্তু প্রচ্যুতঃ করপল্লবাৎ || ১, ১২৪. ৭ ||
জানুভ্যামবনীং গৎবা লিঙ্গং স্প্টষ্ট্বা গৃহীতবান্ |
এবং স্নানং স্পর্শনং চ পূজনং জাগরোঽভবৎ || ১, ১২৪. ৮ ||
প্রাতর্গৃহাগতো ভার্যাদত্তান্নং ভুক্তবান্স চ |
কালে মৃতো যমভটৈঃ পাশৈর্বদ্ধ্বা তু নীয়তে || ১, ১২৪. ৯ ||
তদা মম গণৈর্যুদ্ধে জিৎবা মুক্তীকৃতঃ স চ |
কুক্কুরেণ সহৈবাভূদ্গণো মৎপার্শ্বগোঽমলঃ || ১, ১২৪. ১০ ||
এবমজ্ঞানতঃ পুণ্যঞ্জ্ঞানাৎপুণ্যমথাক্ষয়ম্ |
ত্রয়োদশ্যাং শিবং পূজ্য কুর্যাত্ত নিয়মং ব্রতী || ১, ১২৪. ১১ ||
প্রাতর্দেব ! চতুর্দশ্যাং জাগরিষ্যাম্যহং নিশি |
পূজাং দানং তপো হোমং করিষ্যাম্যাত্মশক্তিতঃ || ১, ১২৪. ১২ ||
চতুর্দশ্যাং নিরাহারো ভূৎবা শম্ভো পরেঽহনি |
ভোক্ষ্যেঽহং ভুক্তিমুক্ত্যর্থং শরণং মে ভবেশ্বর || ১, ১২৪. ১৩ ||
পঞ্চগব্যামৃতৈঃ স্নাপ্য তৎকালে গুরুং শ্রিতঃ |
ওঁ নমো নমঃ শিবায় গন্ধাদ্যঃ পূজয়েদ্ধরম্ || ১, ১২৪. ১৪ ||
তিলতণ্ডুলব্রীহীংশ্চ জুহুয়াৎসঘৃতং চরুম্ |
হুৎবা পূর্ণাহুতিং দত্ত্বা শৃণুয়াদ্গীতসৎকথাম্ || ১, ১২৪. ১৫ ||
অর্ধরাত্রে ত্রিয়ামে চ চতুর্থে চ পুনয়র্জৎ |
মূলমন্ত্রং তথা জপ্ত্বা প্রভাতে তু ক্ষমাপয়েৎ || ১, ১২৪. ১৬ ||
অবিঘ্নেন ব্রতং দেব ! ৎবৎপ্রসদান্ময়ার্চিতম্ |
ক্ষমস্ব জগতাং নাথ ! ত্রৈলোক্যাধিপতে হর ! || ১, ১২৪. ১৭ ||
যন্ময়াদ্য কৃতং পুণ্যং যদ্রুদ্রস্য নিবেদিতম্ |
ৎবৎপ্রসাদান্ময়া দেব ! ব্রতমদ্য সমাপিতম্ || ১, ১২৪. ১৮ ||
প্রসন্নো ভব মে শ্রীমন্গৃহং প্রতি চ গম্যতাম্ |
ৎবদালোকনমাত্রেণ পবিত্রোঽস্মি ন সংশয়ঃ || ১, ১২৪. ১৯ ||
ভোজয়েদ্ধ্যাননিষ্ঠাংশ্চ বস্ত্রচ্ছত্রাদিকং দদেৎ |
দেবাদিদেব ভূতেশ লোকানুগ্রহকারক || ১, ১২৪. ২০ ||
যন্ময়া শ্রদ্ধয়া দত্তং প্রীয়তাং তেন মে প্রভুঃ |
ইতি ক্ষমাপ্য চ ব্রতী কুর্যাদ্বাদশবার্ষিকম্ || ১, ১২৪. ২১ ||
কীর্তিশ্রীপুত্ররাজ্যাদি প্রাপ্য শৈবং পুরং ব্রজেৎ |
দ্বাদশেষ্বপি মাসেষু প্রকুর্যাদিহ জাগরম্ || ১, ১২৪. ২২ ||
ব্রতী দ্বাদশ সম্ভোজ্য দীপদঃ স্বর্গমাপ্নুয়াৎ || ১, ১২৪. ২৩ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
শিবরাত্রিব্রতং নাম চতুর্বিংশত্যুত্তরশততমোঽধ্যায়ঃ

শ্রীগরুডমহাপুরাণম্-১২৫
পিতামহ উবাচ |
মান্ধাতা চক্রবর্ত্যাসীদুপোষ্যৈকাদশীং নৃপঃ |
একাদশ্যাং ন ভুঞ্জীত পক্ষয়োরুভয়ারপি || ১, ১২৫. ১ ||
দশম্যেকাদশীমিশ্রা গান্ধার্যা সমুপোষিতা |
তস্যাঃ পুত্রশতং নষ্টং তস্মাত্তাং পরিবর্জয়েৎ || ১, ১২৫. ২ ||
দ্বাদশ্যেকাদশী যত্র তত্র সন্নিহিতো হরিঃ |
দশম্যেকাদশী যত্র তত্র সন্নিহিতোঽসুরঃ |
বহুবাক্যবিরোধেন সন্দেহো জায়তে যদা || ১, ১২৫. ৩ ||
দ্বাদশী তু তদা গ্রাহ্যা ত্রয়োদশ্যান্তু পারণম্ |
একাদশী কলাপিস্যাদুপোষ্যা দ্বাদশী তথা || ১, ১২৫. ৪ ||
একাদশী দ্বাদশী চ বিশেষেণ ত্রয়োদশী |
ত্রিমিশ্রা সা তিথির্গ্রাহ্যা সর্বপাপহরা শুভা || ১, ১২৫. ৫ ||
একাদশীমুপোষ্যৈবদ্বাদশীম থবা দ্বিজ ! |
ত্রিমিশ্রাং চৈব কুর্বীত ন দশম্যা যুতাং ক্রচিৎ || ১, ১২৫. ৬ ||
রাত্রৌ জাগরণং কুর্বন্পুরাণশ্রবণং নৃপঃ |
গদাধরং পূজয়ংশ্চ উপোষ্যৈকা দশীদ্বয়ম্ |
রুক্মাঙ্গদো যয়ৌ মোক্ষমন্যে চৈকাদশীব্রতম্ || ১, ১২৫. ৭ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
একাদশীমাহাত্ম্যং নাম পঞ্চবিংশত্যুত্তরশততমোঽধ্যায়ঃ

শ্রীগরুডমহাপুরাণম্-১২৬
ব্রহ্মোবাচ |
যেনার্চনেন বৈ লোকো জগাম পরমাং গতিম্ |
তমর্চনং প্রবক্ষ্যামি ভুক্তিমুক্তিকরং পরম্ || ১, ১২৬. ১ ||
সামান্যমণ্ডলং ন্যস্য ধাতারং দ্বারদেশতঃ |
বিধাতারং তথা গঙ্গাং যমুনাং চ মহানদীম্ || ১, ১২৬. ২ ||
দ্বারশ্রিয়ং চ দণ্ডং চ প্রচণ্ডং বাস্তুপূরুষম্ |
মধ্যে চাধারশক্তিং চ কূর্মং চানন্তমর্চয়েৎ || ১, ১২৬. ৩ ||
ভূমিং ধর্মং তথা জ্ঞানং বৈরগ্যৈশ্বর্যমেব চ |
অধর্মাদীংশ্চ চতুরঃ কন্দং নালং চ পঙ্কজম্ || ১, ১২৬. ৪ ||
কর্ণিকাং কেসরং সত্ত্বং রাজসং তামসং গুণম্ |
সুর্যাদিমণ্ডলান্যেব বিমলাদ্যাশ্চ শক্তয়ঃ || ১, ১২৬. ৫ ||
দুর্গাং গণং সরস্বতীং ক্ষেত্রপালং চ কোণকে |
আসনং মূর্তিমভ্যর্চ্য বাসুদেবং বলং স্মরন্ || ১, ১২৬. ৬ ||
অনিরুদ্ধং মহাত্মানং নারায়ণমথার্চয়েৎ |
হৃদয়াদীনি চাঙ্গানি শঙ্খাদীন্যায়ুধানি চ || ১, ১২৬. ৭ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে

শ্রীগরুডমহাপুরাণম্-১২৭
ব্রহ্মোবাচ |
মাঘমাসে শুক্লপক্ষে সূর্যর্ক্ষেণ যুতা পুরা |
একাদশী তথা চৈকা ভীমেন সমুপোষিতা || ১, ১২৭. ১ ||
আশ্চর্য তু ব্রতং কৃৎবা পিৎৠণামনৃণোঽভবৎ |
ভীমদ্বাদশী বিখ্যাতা প্রাণিনাং পুণ্যবর্ধিনী || ১, ১২৭. ২ ||
নক্ষত্রেণ বিনাপ্যেষা ব্রহ্মহত্যাদি নাশয়েৎ |
বিনিহন্তি মহাপাপং কুনৃপো বিষয়ং যথা || ১, ১২৭. ৩ ||
কুপুত্ত্রস্তু কুলং যদ্বৎকুভার্যা চ পতিং যথা |
অধর্মং চ যথা ধর্মঃ কুমন্ত্রী চ যথা নৃপম্ || ১, ১২৭. ৪ ||
অজ্ঞানেন যথা জ্ঞানং শৌচমাশৌচকং যথা |
অশ্রদ্ধয়া যথা শ্রদ্ধা সত্যঞ্চৈবানৃতৈর্যথা || ১, ১২৭. ৫ ||
হিমং যথোষ্ণমাহন্যাদনর্থং চার্থসঞ্চয়ঃ |
যথা প্রকর্তিনাদ্দানং তপো বৈ বিস্ময়াদ্যথা || ১, ১২৭. ৬ ||
অশিক্ষয়া যথা পুত্রো গাবো দূরগতৈর্যথা |
ক্রোধেন চ যথা শান্তির্যথা বিত্তমবদ্ধনাৎ || ১, ১২৭. ৭ ||
জ্ঞানেনৈয়থা বিদ্যা নিষ্কামেন যথা ফলম্ |
তথৈব পাপনাশায় প্রোক্তেয়ং দ্বাদশী শুভা || ১, ১২৭. ৮ ||
ব্রহ্মহত্যা সুরা পান স্তেয়ং গুর্বঙ্গনাগমঃ |
যুগপত্তুপ্রজাতানিহন্তি ত্রিপুষ্করম্ || ১, ১২৭. ৯ ||
ন চাপি নৈমিষং ক্ষেত্রং কুরুক্ষেত্রং প্রভাসকম্ |
কালিন্দী যমুনা গঙ্গা ন চৈব ন সরস্বতী || ১, ১২৭. ১০ ||
চৈব সর্বতীর্থানি একাদশ্যাঃ সমানি হি |
ন দানং ন জপো হোমো ন চান্যৎসুকৃতং ক্রচিৎ || ১, ১২৭. ১১ ||
একতঃ পৃথিবীদানমেকতো হরিবাসরঃ |
ততোঽপ্যেকা মহাপুণ্যা ইয়মেকাদশী বরা || ১, ১২৭. ১২ ||
অস্মিন্বরাহপুরুষং কৃৎবা দেবং তু হাটকম্ |
ঘটোপরি নবে পাত্রে কৃৎবা বৈ তাম্রভাজনে || ১, ১২৭. ১৩ ||
সর্ববীজভৃতে বিপ্রাঃ সিতবস্ত্রাবগণ্ঠিতে |
সহিরণ্যপ্রদীপাদ্যৈঃ কৃৎবা পূজাং প্রয়ত্ননঃ || ১, ১২৭. ১৪ ||
বরাহায় নমঃ পাদৌ ক্রোডাকৃতয়ে নমঃ কটিম্ |
নাভিং গম্ভীরঘোষয়া উরঃ শ্রীবৎসধারিণে || ১, ১২৭. ১৫ ||
বাহুং সহস্রশিরসে গ্রীবাং সর্বেশ্বরায় চ |
মুখং সর্বাত্মনে পূজ্যং ললাটং প্রভবায় চ || ১, ১২৭. ১৬ ||
কেশাঃ শতময়ূখায় পূজ্যা দেবস্য চক্রিণঃ |
বিধিনা পূজয়িৎবা তু কৃৎবা জাগরণং নিশি || ১, ১২৭. ১৭ ||
শ্রুৎবা পুরাণং দেবস্য মাহাত্ম্যপ্রতিপাদকম্ |
প্রাতর্বিপ্রায় দত্ত্বা চ যাচকায় শুভায় তৎ || ১, ১২৭. ১৮ ||
কনকক্রোডসহিতং সন্নিবেদ্য পরিচ্ছদম্ |
পশ্চাত্তু পারণং কুর্যান্নাতিতৃপ্তঃ সকৃদ্ব্রতঃ || ১, ১২৭. ১৯ ||
এবং কৃৎবা নরো বিদ্যান্ন ভূয় স্তনপো ভবেৎ |
উপোষ্যৈকাদশীং পুণ্যাং মুচ্যতে বৈ ঋণত্রয়াৎ |
মনোঽভিলষিতাবাপ্তিঃ কৃৎবা সর্বব্রতাদিকম্ || ১, ১২৭. ২০ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
একাদশীমাহাত্ম্যং নাম সপ্তবিংশত্যুত্তরশততমোঽধ্যায়ঃ

শ্রীগরুডমহাপুরাণম্-১২৮
ব্রহ্মোবাচ |
ব্রতানি ব্যাস বক্ষ্যামি যৈস্তুষ্টঃ সর্বদো হরিঃ |
শাস্ত্রোদিতো হি নিয়মো ব্রতং তচ্চ তপো মতম্ || ১, ১২৮. ১ ||
নিয়মাস্তু বিশেষাঃ স্যুঃ ব্রতস্যাস্য দমাদয়ঃ |
নিত্যং ত্রিষবণং স্নায়াদধঃ শয়ী জিতেন্দ্রিয়ঃ || ১, ১২৮. ২ ||
স্ত্রীশূদ্রপতিতানাং তু বর্জয়েদভিভাষণম্ |
পবিত্রাণি চ পঞ্চৈব জুহুয়াচ্চৈব শক্তিতঃ || ১, ১২৮. ৩ ||
কৃচ্ছ্রাণ্যেতানি সর্বাণি চরেৎসুকৃতবান্নরঃ |
কেশানাং রক্ষণার্থং তু দ্বিগুণং ব্রতমাচরেৎ || ১, ১২৮. ৪ ||
কাংস্যং মাষং মসূরং চচণকং কোরদূষকম্ |
শাকং মধু পরান্নং চ বর্জয়েদুপবাসবান্ || ১, ১২৮. ৫ ||
পুষ্পালঙ্কারবস্ত্রাণি ধূপগন্ধানুলেপনম্ |
উপবাসেন দুষ্যেত্তু দন্তধাবনমঞ্জনম্ || ১, ১২৮. ৬ ||
দন্তকাষ্ঠং পঞ্চগব্যং কৃৎবা প্রাতর্ব্রতং চরেৎ |
অসকৃজ্জলপানাচ্চ তাম্বূলস্য চ ভক্ষণাৎ || ১, ১২৮. ৭ ||
উপবাসঃ প্রদুষ্যেত দিবাস্বপ্না ক্ষমৈথুনাৎ |
ক্ষমা সত্যং দয়া দানং শৌচমিন্দ্রিয়নিগ্রহঃ || ১, ১২৮. ৮ ||
দেবপূজাগ্নিহবনে সন্তোষোস্তেয়মেব চ |
সর্বব্রতেষ্বয়ং ধর্মঃ সামান্যো দশধাস্মৃতঃ || ১, ১২৮. ৯ ||
নক্ষত্রদর্শনান্নক্তমনক্তং নিশি ভোজনম্ |
গোমূত্রং চ পল দদ্যাদর্ধাঙ্গুষ্ঠং তু গোময়ম্ || ১, ১২৮. ১০ ||
ক্ষীরং সপ্তপলং দদ্যাদ্দধ্নশ্চৈব পলত্রয়ম্ |
ঘৃতমেকফলং দদ্যাৎপলমেকং কুশোদকম্ || ১, ১২৮. ১১ ||
গায়ত্ত্র্যা চৈব গন্ধেতি আপ্যায়স্ব দৃ দধিগ্রহঃ |
তেজোঽসীতি চ দেবস্য ব্রহ্মকূর্চব্রতং চরেৎ || ১, ১২৮. ১২ ||
অগ্ন্যাধানং প্রতিষ্ঠাং তু যজ্ঞদানব্রতানি চ |
বেদব্রতবৃষোৎসর্গচূডাকরণমেখলাঃ || ১, ১২৮. ১৩ ||
মাঙ্গল্যমভিষেকং চ মলমাসে বিবর্জয়ৎ |
দর্শাদ্দর্শস্য চান্দ্রঃ স্যাত্ত্রিংশাহোভিস্তু সাবনঃ || ১, ১২৮. ১৪ ||
রবিসঙ্ক্রমণাৎসৌরো নাক্ষত্রঃ সপ্তবিংশতিঃ |
সৌরো মাসো বিবাহায় যজ্ঞাদৌ সাবনস্থিতিঃ || ১, ১২৮. ১৫ ||
যুগ্মাগ্নিয়ুগভূতানি ষণ্মুন্যোর্বসুরন্ধ্রয়োঃ |
রুদ্রেণ দ্বাদশী যুক্তা চতুর্দশ্যাথ পূর্ণিমা || ১, ১২৮. ১৬ ||
প্রতিপদ্যপ্যমাবাস্যা তিথ্যোর্মস্যং মহাফলম্ |
এতদ্ব্যস্তং মহাঘোরং হন্তি পুণ্যং পুরা কৃতম্ || ১, ১২৮. ১৭ ||
প্রারব্ধতপসা স্ত্রীণাং রজো হন্যাদ্ব্রতং ন হি |
অন্যৈর্দানাদিকং কুর্যাৎকায়িকং স্বয়মেব চ || ১, ১২৮. ১৮ ||
ক্রোধাৎপ্রমাদাল্লোভাদ্বা ব্রতভঙ্গো ভবেদ্যদি |
দিনত্রয়ং ন ভুঞ্জীত শিরসো মুণ্ডনং ভবেৎ || ১, ১২৮. ১৯ ||
অসামর্থ্যে শরীরস্য পুত্রাদীন্কারয়েদ্ব্রতম্ |
ব্রতস্থং মূর্ছিতং বিপ্রং জলাদীন্যনুপায়য়েৎ || ১, ১২৮. ২০ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
ব্রতপরিভাষা নামাষ্টাবিংশত্যুত্তরশততমোঽধ্যায়ঃ

শ্রীগরুডমহাপুরাণম্-১২৯
ব্রহ্মোবাচ |
বক্ষ্যে প্রতিপদাদীনি ব্রতানি ব্যাস শৃণ্বথ |
বাশ্বানরপদং যাতি শিখিব্রতমিদং স্মৃতম্ || ১, ১২৯. ১ ||
প্রতিপদ্যেকভক্তাশী সমাপ্তে কপিলাপ্রদঃ |
চৈত্রাদৌ কারয়েচ্চৈব ব্রহ্মপূজাং যথাবিধি |
গন্ধপুষ্পার্চনৈর্দানৈর্মাল্যাদ্যৈশ্চ মনোরমৈঃ || ১, ১২৯. ২ ||
সহোমৈঃ পূজয়েদ্দেবং সর্বান্কামানবাপ্নুয়াৎ |
কার্তিকে ত সিতেঽষ্টম্যাং পুষ্পহারী চ বৎসরম্ || ১, ১২৯. ৩ ||
পুষ্পাদিদাতা রূপেণ রূপভাগী ভবেন্নরঃ |
কৃষ্ণপক্ষে তৃতীয়ায়াং শ্রাবণে শ্রীধরং শ্রিয়া || ১, ১২৯. ৪ ||
যজেদশূন্যশয়্যায়াং ফলং দদ্যাদ্দ্বিজাতয়ে |
শয়্যাং দত্ত্বা প্রার্থয়েচ্চ শ্রীধরায় নমঃ শ্রিয়ৈ || ১, ১২৯. ৫ ||
উমাংশিবং হুতাশং চ তৃতীয়ায়াং চ পূজয়েৎ |
হবিষ্যমন্ন নৈবেদ্য দেয় দমনকং তথা || ১, ১২৯. ৬ ||
চৈত্রাদৌ ফলমাপ্নোতি উময়া মে প্রভাষিতম্ |
ফাল্গুনাদিতৃতীয়ায়াং লবণং যস্তু বর্জয়েৎ || ১, ১২৯. ৭ ||
সমাপ্তে শয়নং দদ্যাদ্গৃহং চোপস্করান্বিতম্ |
সম্পূজ্য বিপ্রমিথনং ভবানী প্রীয়তামিতি || ১, ১২৯. ৮ ||
গৌরীলোকে বসেন্নিত্যং সৌভাগ্যকরমুত্তমম্ |
গৌরী কালী উমা ভদ্রা দুর্গা কান্তিঃ সরস্বতী || ১, ১২৯. ৯ ||
মঙ্গলা বৈষ্ণবী লক্ষ্মীঃ শিবা নারায়ণী ক্রমাৎ |
মার্গেতৃতীয়ামারভ্য অবিয়োগাদিমাপ্নুয়াৎ || ১, ১২৯. ১০ ||
চতুর্থ্যাং সিতমাঘাদৌ নিরাহারো ব্রতান্বিতঃ |
দত্ত্বা তিলাংস্তু বিপ্রায় স্বয়ং ভুঙ্ক্তে তিলোদকম্ || ১, ১২৯. ১১ ||
বর্ষদ্বয়ে সমাপ্তিশ্চ নির্বিঘ্নাদিং সমাপ্নুয়াৎ |
গঃ স্বাহা মূলমন্ত্রোঽযং প্রণবেন সমন্বিতঃ || ১, ১২৯. ১২ ||
গ্লৈং গ্লাংহৃদয়ে গাং গীং হূং হ্রীং হ্রীং শিরঃ শিখা |
গূং বর্ম গোং চ গৈং নেত্রং গোং চ আবাহনাদিষু || ১, ১২৯. ১৩ ||
আগচ্ছোল্কায় গনন্ধোল্কঃ পুষ্পোল্কো ধূপকোল্ককঃ |
দীপোল্কায় মহোল্কায় বলিশ্চাথ বিস (মার্) জনম্ || ১, ১২৯. ১৪ ||
সিদেধোল্কায় চ গায়ত্ত্রী (ত্র) ন্যাসোঙ্গুষ্ঠাদিরীরিতঃ |
ওঁ মহাকর্ণায় বিদ্মহে–বক্রতুণ্ডায় ধীমহি–তন্নো দন্তিঃ প্রচোদয়াৎ || ১, ১২৯. ১৫ ||
পূজয়োত্তিলহোমৈশ্চ এতে পূজ্যা গণাস্তথা |
গণায় গণপতয়ে স্বাহা কূষ্মাণ্ডকায় চ || ১, ১২৯. ১৬ ||
অমোঘোল্কায়ৈকদন্তায় ত্রিপুরান্তকরূপিণে |
ওঁ শ্যাম (ব) দন্তবিকরালাস্যাহবেপায় বৈ নমঃ || ১, ১২৯. ১৭ ||
পদ্মদংষ্টায় স্বাহান্তে মুদ্রা বৈ নর্তনং গণে |
হস্ততালশ্চ হসনং সৌভাগ্যাদিফলং ভবেৎ || ১, ১২৯. ১৮ ||
মার্গশীর্ষে তথা শুক্লচতুর্থ্যাং পূজয়েদ্গণ |
অব্দং প্রাপ্নোতি বিদ্যাশ্রীকীর্ত্যায়ুঃ পুত্রসন্ততিম্ || ১, ১২৯. ১৯ ||
সোমবারে চতুর্থ্যাং চ সমুপোষ্যার্চয়েদ্গণম্ |
জপঞ্জুহ্বৎস্মরন্বিদ্যা স্বর্গং নির্বাণতাং ব্রজেৎ || ১, ১২৯. ২০ ||
যজেচ্ছুক্লচতুর্থ্যাং যঃ খণ্ডলড্ডুকমোদ (মণ্ড) কৈঃ |
বিঘ্নাচনেন সর্বান্স কামান্সৌভাগ্যমাপ্নুয়াৎ || ১, ১২৯. ২১ ||
পুত্রাদিকং দমনকৈর্দমনাখ্যা চতুর্থ্যপি |
আং গণপতয়ে নমঃ চতুর্থ্যন্তং যজেদ্গণম্ || ১, ১২৯. ২২ ||
মাসে তু যস্মিন্কস্মিংশ্চিজ্জুহুয়াদ্বা জপেৎস্মরেৎ |
সর্বান্কামানবাপ্নোতি সর্ববিঘ্নবিনাশনম্ || ১, ১২৯. ২৩ ||
বিনায়কং মূর্তিকাদ্যং যজেদেভিশ্চ নামভিঃ |
সোঽপি সদ্গতিমাপ্নোতি স্বর্গমোক্ষসুখানি চ || ১, ১২৯. ২৪ ||
গণপূজ্যো বক্রতুণ্ড একদংষ্ট্রী ত্রিয়ম্বকঃ |
নীলগ্রীবো লম্বোদরো বিকটো বিঘ্নরাজকঃ || ১, ১২৯. ২৫ ||
ধূম্রবর্ণো ভালচন্দ্রো দশমস্ত বিনায়কঃ |
গণপতির্হস্তিমুখো দ্বাদশারে যজেদ্গণম্ || ১, ১২৯. ২৬ ||
পৃথক্সমস্তং মধাবী সর্বান্কামান বাপ্নুয়াৎ |
শ্রাবণে চাশ্বিনে ভাদ্রে পঞ্চম্যাং কাত্তিক শুভে || ১, ১২৯. ২৭ ||
বাসুকিস্তক্ষকশ্চৈব কালীয়ো মণিভদ্রকঃ |
ঐরাবতো ধৃতরাষ্টঃ কর্কোটকধনঞ্জয়ৌ || ১, ১২৯. ২৮ ||
ঘৃতাদ্যৈঃ স্নাপিতা হ্যেতে আয়ুরারোগ্যসম্পদঃ |
অনন্তং বাসুকিং শঙ্খং পদ্মং কম্বলমেব চ || ১, ১২৯. ২৯ ||
তথা কর্কাটকং নাগং ধৃতরাষ্ট্রং চ শঙ্খকম্ |
কালীয়ং তক্ষকং চৈব পিঙ্গলং মাসিমাসি চ || ১, ১২৯. ৩০ ||
যজেদ্ভাদ্রসিতে নাগানষ্টৌ মুক্তিং দিবং ব্রজেৎ |
দ্বারস্যোভয়তো লেখ্যাঃ শ্রাবণে তু সিতে যজেৎ || ১, ১২৯. ৩১ ||
পঞ্চম্যাং পূজয়েন্নাগাননন্তান্দ্যান্মহোরগান্ |
ক্ষীরং সর্পিশ্চ নৈবেদ্যং দেয়ং সর্ববিষাপহম্ |
নাগা অভয়হস্তাশ্চ দষ্টোদ্ধারাতু পঞ্চমী || ১, ১২৯. ৩২ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
দষ্টোদ্ধারপঞ্চমব্রিতং নামৈকোনত্রিংশোত্তরশততমোঽধ্যায়ঃ

শ্রীগরুডমহাপুরাণম্-১৩০
ব্রহ্মোবাচ |
এবং ভাদ্রপদে মাসি কার্তিকেয়ং প্রপূয়েৎ |
স্নানদানাদিকং সর্বমস্যামক্ষয়্যমুচ্যতে || ১, ১৩০. ১ ||
সপ্তম্যাং প্রাশয়েচ্চপি ভোজ্যং বিপ্রান্রবিং যজেৎ |
ওঁ খখোল্কায়মৃতৎবং (তন্তং) প্রিয়সঙ্গমো ভব সদ স্বাহা || ১, ১৩০. ২ ||

অষ্টম্যাং পারণং কুর্যান্মরীচং প্রাশ্য স্বর্গভাক্
সপ্তম্যাং নিয়তঃ স্নাৎবা পূজয়িৎবা দিবাকরম্ || ১, ১৩০. ৩ ||
দদ্যাৎফলানি বিপ্রেভ্যো মার্তণ্ডঃ প্রীয়তামিতি |
খর্জূরং নারিকেলং বা প্রাশয়েন্মাতুলুঙ্গকম্ || ১, ১৩০. ৪ ||
সর্বে ভবন্তু সফলা মম কামাঃ সমন্ততঃ |
(ইতি ফলসপ্তমী)
সম্পূজ্য দেবং সপ্তম্যাং পায়সেনাথ ভোজয়েৎ || ১, ১৩০. ৫ ||
বিপ্রাংশ্চ দক্ষিণাং দত্ত্বা স্বয়ং চাথ পয়ঃ পিবেৎ |
ভক্ষ্যং চোষ্যং তথা লেহ্যং ওদনং চেতি কীর্তিতম্ || ১, ১৩০. ৬ ||

ধনপুত্রাদিকামস্তু ত্যজেদেতদনোদনঃ
বায়্বাশী বিজয়েৎক্ষুচ্চ কুর্যাদ্বিজয়সপ্তমীম্ |
অদ্যাদর্কং চ কামেচ্ছুরুপবাসে তরেন্মদম্ || ১, ১৩০. ৭ ||
গোধূমমাষয়বষষ্টিককাংস্যপাত্রং পাষাণপিষ্টমধুমৈষুনমদ্যমাংসম্ |
অভ্যঞ্জনাঞ্জনতিলাংশ্চ বিবর্জয়েদ্যঃ তস্যেষিতং ভবতি সপ্তসু সপ্তমীষু || ১, ১৩০. ৮ ||
(ইতি বিজয়সপ্তমীব্রতম্) |

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
সপ্তমীব্রতনিরূপণং নাম ত্রিংশোত্তরশততমোঽধ্যায়ঃ