১.১২ গরুডপুরাণ (অধ্যায় ১১১-১২০)

শ্রীগরুডমহাপুরাণম্-১১১
সূত উবাচ |
পার্থিবস্য তু বক্ষ্যামি ভৃত্যানাঞ্চৈব লক্ষণম্ |
সর্বাণি হি মহীপালঃ সম্যঙ্নিত্যং পরীক্ষয়েৎ || ১, ১১১. ১ ||
রাজ্যং পালয়তে নিত্যং সত্যধর্মপরায়ণঃ |
নির্জিত্য পরসৈন্যানি ক্ষিতং ধর্মেণ পালয়েৎ || ১, ১১১. ২ ||
পুষ্পাৎপুষ্পং বিচিন্বীত মূলচ্ছেদং ন কারয়েৎ |
মালাকার ইবারণ্যে ন যথাঙ্গারকারকঃ || ১, ১১১. ৩ ||
দোগ্ধারঃ ক্ষীরভুঞ্জানা বিকৃতং তন্ন ভুঞ্জতে |
পররাষ্ট্রং মহীপালৈর্ভোক্তব্যং ন চ দূষয়েৎ || ১, ১১১. ৪ ||
নোধশ্ছিন্দ্যাত্তু যো ধেন্বাঃ ক্ষারার্থো লভতে পয়ঃ |
এবং রাষ্ট্রং প্রয়োগেণ পীড্যমানং ন বর্ধতে || ১, ১১১. ৫ ||
তস্মাৎসর্বপ্রয়ত্নেন পৃথিবীমনুপালয়েন্ |
পালকস্য ভবেদ্ভূমিঃ কীর্তিরায়ুর্যশো বলম্ || ১, ১১১. ৬ ||
আভ্যর্চ্য বিষ্ণুং ধর্মাত্মা গোব্রাহ্মণহিতে রতঃ |
প্রজাঃ পালয়িতুং শক্তঃ পার্থিবো বিজিতেন্দ্রিয়ঃ || ১, ১১১. ৭ ||
ঐশ্বর্যমধ্রুবং প্রাপ্য রাজা ধর্মে মতিঞ্চরেৎ |
ক্ষণেন বিভবো নশ্যেন্নাত্মায়ত্তং ধনাদিকম্ || ১, ১১১. ৮ ||
সত্যং মনোরমাঃ কামাঃ সত্যং রম্যা বিভূতয়ঃ |
কিন্তু বৈ বনিতাপাঙ্গভঙ্গিলোলং হি জীবিতম্ || ১, ১১১. ৯ ||
ব্যাঘ্রীব তিষ্ঠতি জরা পরিতর্জয়ন্তী রোগাশ্চ শত্রব ইব প্রভবন্তি গাত্রে |
আয়ুঃ পরিস্ত্রবতি ভিন্নঘটাদিবাম্ভো লোকো ন চাত্মহিতমাচরতীহ কশ্চিৎ || ১, ১১১. ১০ ||
নিঃ শঙ্কং কিং মনুষ্যাঃ কুরুত পরহিতং যুক্তমগ্রে হিতং যন্মোদধ্বং
কামিনীভির্মদনশরহতা মন্দমন্দাতিদৃষ্ট্যা |
মা পাপং সঙ্কুরুধ্বং দ্বিজহরিপরমাঃ সম্ভজধ্বং সদৈব আয়ুর্নিঃ
শেষমেতি স্খলতি জলঘটীভূতমৃত্যুচ্ছলেন || ১, ১১১. ১১ ||
মাতৃবৎপরদারেষু পরদ্রব্যেষু লোষ্টবৎ |
আত্মবৎসর্বভূতেষু যঃ পশ্যতি স পণ্ডিতঃ || ১, ১১১. ১২ ||
এতদর্থং হি বিপ্রেন্দ্রা রাজ্যমিচ্ছন্তি ভূভৃতঃ |
যদেষাং সর্বকার্যেষু বচো ন প্রতিহন্যতে || ১, ১১১. ১৩ ||
এতদর্থং হি কুর্বন্তি রাজানো ধনসঞ্চয়ম্ |
রক্ষয়িৎবা তু চাত্মানং যদ্ধনং তদ্দ্বিজাতয়ে || ১, ১১১. ১৪ ||
ওঙ্কারশব্দো বিপ্রাণাং যেন রাষ্ট্রং প্রবর্ধতে |
স রাজা বর্ধতে যোগাদ্ব্যাধিভিশ্চ ন বধ্যতে || ১, ১১১. ১৫ ||
অসমর্থাশ্চ কুর্বন্তি মুনয়ো দ্রব্যসঞ্চয়ম্ |
কিং পুনস্তু মহীপালঃ পুত্রবৎপালয়ন্প্রজাঃ || ১, ১১১. ১৬ ||
যস্যার্থাস্তস্য মিত্রাণি যস্যার্থাস্তস্য বান্ধবাঃ |
যস্যার্থাঃ স মুমাংল্লাকে যস্যার্থাঃ স চ পণ্ডিতঃ || ১, ১১১. ১৭ ||
ত্যজন্তি মিত্রাণি ধনৈর্বিহীনং পুত্রাশ্চ দারাশ্চ সুহৃজ্জনাশ্চ |
তে চার্থবন্তং পুনরাশ্রয়ন্তি হ্যর্থো হি লোকে পুরুষস্য বন্ধুঃ || ১, ১১১. ১৮ ||
অন্ধা হি রাজা ভবতি যস্তু সাস্ত্রবিবর্জিতঃ |
অন্ধঃ পশ্যতি চারেণ শাস্ত্রহীনো ন পশ্যতি || ১, ১১১. ১৯ ||
যস্য পুত্রাশ্চ ভৃত্যাশ্চ মন্ত্রিণশ্চ পুরোহিতাঃ |
ইন্দ্রিয়াণি প্রসুপ্তানি তস্য রাজ্যং চিরং ন হি || ১, ১১১. ২০ ||
যেনার্জিতাস্ত্রয়োঽপ্যোঽপ্যেতে পুত্রা ভৃত্যাশ্চ বান্ধবাঃ |
জিতা তেন সমং ভূপৈশ্চতুরব্ধির্বসুন্ধরা || ১, ১১১. ২১ ||
লঙ্ঘয়েচ্ছাস্ত্রয়ুক্তানি হেতুয়ুক্তানি যানি চ |
সহি নশ্যতি বৈ রাজা ইহ লোকে পরত্র চ || ১, ১১১. ২২ ||
মনস্তাপং ন কুর্বীত আপদং প্রাপ্য পার্থিবঃ |
সমবুদ্ধিঃ প্রসন্নাত্মা প্রসন্নাত্মা সুখদুঃখে সমো ভবেৎ || ১, ১১১. ২৩ ||
ধীরাঃ কষ্টমনুপ্রাপ্য ন ভবন্তি বিষাদিনঃ |
প্রবিশ্য বদনং রাহোঃ কিং নোদতি পুনঃ শশী || ১, ১১১. ২৪ ||
ধিগ্ধিক্ষরীরসুখলালিতমানবেষু মা খেদয়েদ্ধনকৃশং হি শরীরমেব |
সদ্দারকা হ্যধনপাণ্ডুসুতাঃ শ্রুতা হি দুঃখং বিহায় পুনরেব সুখং প্রপন্নাঃ || ১, ১১১. ২৫ ||
গন্ধর্ববিদ্যামালোক্য বাদ্যং চ গণিকাগণান্ |
ধনুর্বেদার্থশাস্ত্রাণি লোকে রক্ষেচ্চ ভূপতিঃ || ১, ১১১. ২৬ ||
কারণেন বিনা ভৃত্যে যস্তু কুপ্যতি পার্থিবঃ |
স গৃহ্ণাতি বিষোন্মাদং কৃষ্ণসর্পবিসর্জিতম্ || ১, ১১১. ২৭ ||
চাপলাদ্বারয়েদ্দৃষ্টিং মিথ্যাবাক্যঞ্চ বারয়েৎ |
মানবে শ্রোত্রিয়ে চৈব ভৃত্যবর্গে সদৈব হি || ১, ১১১. ২৮ ||
লীলাং করোতি যো রাজা ভৃত্যস্বজনগর্বিতঃ |
শাসনে সর্বদা ক্ষিপ্রং রিপুভিঃ পরিভূয়তে || ১, ১১১. ২৯ ||
হুঙ্কারে ভৃকুটীং নৈব সদা কুর্বীত পার্থিবঃ |
বিনা দোষেণ যো ভৃত্যান্রাজাধমণ শাস্তি চ |
লীলাসুখানি ভোগ্যানি ত্যজেদিহ মহীপতিঃ || ১, ১১১. ৩০ ||
সুখপ্রবৃত্তৈঃ সাধ্যন্তৈ শত্রবো বিগ্রহে স্থিতৈঃ || ১, ১১১. ৩১ ||
উদ্যোগঃ সাহসন্ধৈর্যং বুদ্ধিঃ শক্তিঃ পরাক্রমঃ |
ষড্বিধো যস্য উৎসাহস্তস্য দেবোঽপি শঙ্কতে || ১, ১১১. ৩২ ||
উদ্যোগেন কৃতে কার্যে সিদ্ধর্যস্য ন বিদ্যতে |
দৈবং তস্য প্রমাণং হি কর্তব্যং পৌরুষং সদা || ১, ১১১. ৩৩ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
বৃহদৃ নীতিসারে একাদশোত্তরশততমোঽধ্যায়ঃ

শ্রীগরুডমহাপুরাণম্-১১২
সূত উবাচ |
ভৃত্যা বহুবিধা জ্ঞেয়া উত্তমাধমমধ্যমাঃ |
নিয়োক্তব্যা যথার্হেষু ত্রিবিধেষ্বেব কর্মসু || ১, ১১২. ১ ||
ভৃত্যে পরিক্ষণং বক্ষ্যে যস্যয়স্য হি যো গুণঃ |
তমিমং সম্প্রবক্ষ্যামি যে যথাকথিতং কিল || ১, ১১২. ২ ||
যথা চতুর্ভিঃ কনকং পরীক্ষ্যতে নিঘর্ষণচ্ছেদনতাপতাডনৈঃ |
তথা চতুর্ভির্ভৃতকং পরীক্ষয়েদ্বতেন শীলেন কলেন কর্মণা || ১, ১১২. ৩ ||
কুলশীলগুণোপেতঃ সত্যধর্মপরায়ণঃ |
রূপবান্সুপ্রসন্নশ্চ কোশাধ্যক্ষো বিধীয়তে || ১, ১১২. ৪ ||
মূল্যরূপপরীক্ষাকৃদ্ভবে দ্রত্নপরীক্ষকঃ |
বলাবলপরিজ্ঞাতা সেনাধ্যক্ষো বিধীয়তে || ১, ১১২. ৫ ||
ইঙ্গিতাকারতত্ত্বজ্ঞো বলবান্প্রিয়দর্শনঃ |
অপ্রমাদী প্রমাথী চ প্রতীহারঃ স উচ্যতে || ১, ১১২. ৬ ||
মেধাবী বাক্পটুঃ প্রাজ্ঞঃ সত্যবাদী জিতেন্দ্রিয়ঃ |
সর্বশাস্ত্রসমালোকী হ্যেষ সাধুঃ স লেখকঃ || ১, ১১২. ৭ ||
বুদ্ধিমান্মতিমাংশ্চৈব পরচিত্তোপলক্ষকঃ |
ক্রূরো যথোক্তবাদী চ এষ দূতো বিধীয়তে || ১, ১১২. ৮ ||
সমস্তস্মৃতিশাস্ত্রজ্ঞঃ পণ্ডিতোঽথ জিতেন্দ্রিয়ঃ |
শৌর্যবীর্যগুণোপেতো ধর্মাধ্যক্ষো বিধীয়তে || ১, ১১২. ৯ ||
পিতৃপৈতামহো দক্ষঃ শাস্ত্রজ্ঞঃ সত্যবাচকঃ |
শুচিশ্চ কঠিনশ্চৈব সূপকারঃ স উচ্যতে || ১, ১১২. ১০ ||
আয়ুর্বেদকৃতাভ্যাসঃ সর্বেষাং প্রিয়দর্শনঃ |
আয়ুঃ শীলগুণোপেতো বৈদ্য এব বিধীয়তে || ১, ১১২. ১১ ||
বেদবেদাঙ্গতত্ত্বজ্ঞো জপহমপরায়ণঃ |
আশীর্বাদপরো নিত্যমেষ রাজপুরোহিত || ১, ১১২. ১২ ||
লেখকঃ পাঠকশ্চৈব গণকঃ প্রতিরোধকঃ |
আলস্যয়ুক্তশ্চৈদ্রাজা কর্ম সংবর্জয়েৎসদা || ১, ১১২. ১৩ ||
দ্বিজিহ্বমুদ্বেগকরং ক্রূরমেকান্তদারুণম্ |
খলস্যাহেশ্চ বদনমপকারায় কেবলম্ || ১, ১১২. ১৪ ||
দুর্জনঃ পরিহর্তব্যো বিদ্যয়ালঙ্কৃতোঽপিসন্ |
মণিনা ভূষিতঃ সর্পঃ কিমসৌ ন ভয়ঙ্করঃ || ১, ১১২. ১৫ ||
অকারণবিষ্কৃতকোপধারিণঃ খলাদ্ভয়ং কস্য ন নাম জায়তে |
বিষং মহাহের্বিষমস্য দুর্বচঃ সদুঃসহং সন্নিপতেৎসদা মুখে || ১, ১১২. ১৬ ||
তুল্যার্থং তুল্যসামর্থ্যং মর্মজ্ঞং ব্যবসায়িনম্ |
অর্ধরাজ্যহরং ভৃত্যং যো হন্যাৎস ন হন্যতে || ১, ১১২. ১৭ ||
শূরৎবয়ুক্তা মৃদুমন্দবাক্যা জিতেন্দ্রিয়াঃ সত্যপরাক্রমাশ্চ |
প্রাগেব পশ্চাদ্বিপরী তরুপা যে তে তু ভৃত্যা ন হিতা ভবন্তি || ১, ১১২. ১৮ ||
নিরালস্যাঃ সুসন্তুষ্টাঃ প্রতিবোধকাঃ |
সুখদুঃখসমা ধীরা ভৃত্যা লোকেষু দুর্লভাঃ || ১, ১১২. ১৯ ||
ক্ষান্তিস্তয়বিহীনশ্চ ক্রূরবুদ্ধিশ্চ নিন্দকঃ |
দাম্ভিকঃ কপটী চৈব শঠশ্চ স্পৃহয়ান্বিতঃ |
অশক্তো ভয়ভীতশ্চ রাজ্ঞা ত্যক্তব্য এব সঃ || ১, ১১২. ২০ ||
সুসন্ধানানি চাস্ত্রাণি শস্ত্রাণি বিবিধানি চ |
দুর্গে প্রবেশিতব্যানি ততঃ শত্রুং নিপাতয়েৎ || ১, ১১২. ২১ ||
ষণ্মাসমথ বর্ষং বা সন্ধিং কুর্যান্নরাধিপঃ |
পশ্যন্সঞ্চিতমাত্মানং পুনঃ শত্রুং নিপাতয়েৎ || ১, ১১২. ২২ ||
মূর্খান্নিয়োজয়েদ্যস্তু ত্রয়োঽপ্যেতে মহীপতেঃ |
অয়শশ্চার্থনাশশ্চ নরকে চৈব পাতনম্ || ১, ১১২. ২৩ ||
যৎকিঞ্চিৎকুরুতে কর্ম শুভং বা যাদি বাশুভম্ |
তেন স্ম বর্ধতে রাজা সূক্ষ্মতো ভৃত্যকার্যতঃ || ১, ১১২. ২৪ ||
তস্মাদ্ভূমীশ্বরঃ প্রাজ্ঞং ধর্মকামার্থসাধনে |
নিয়োজ যেদ্ধিসততং গোব্রাহ্মণহিতায় বৈ || ১, ১১২. ২৫ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
বৃহস্পত্যুক্ত নীতিপ্তারে দ্বাদশোত্তরকশততমোঽধ্যায়ঃ

শ্রীগরুডমহাপুরাণম্-১১৩
সূত উবাচ |
গুণবন্তং নিয়ুঞ্জীত গুণহীনং বিবর্জয়েৎ |
পণ্ডিতস্য গুণাঃ সর্বে মূর্বে দোষাশ্চ কেবলাঃ || ১, ১১৩. ১ ||
সদ্ভিরাসীত সততং সদ্ভিঃ কুর্বীত সঙ্গতিম্ |
সদ্ভির্বিবাদং মৈত্রীঞ্চ নাসদ্ভিঃ কিঞ্চিদাচরেৎ || ১, ১১৩. ২ ||
পণ্ডিতৈশ্চ বির্নাতৈশ্চ ধর্মশৈঃ সত্যবাদিভিঃ |
বন্ধ্স্থোঽপি তিষ্ঠেচ্চ ন তু রাজ্যে খলৈঃ সহ || ১, ১১৩. ৩ ||
সাবশেষাণি কার্যাণি কুবত্রর্থে যুজ্যতে |
তস্মাৎসর্বাণি কার্যাণি সাবশেষাণি কারয়েৎ || ১, ১১৩. ৪ ||
মধুহেব দুহেৎসারং কুসুমঞ্চ ন ঘাতয়েৎ |
বৎসাপেক্ষী দুহেৎক্ষীরং ভূমিং গাঞ্চৈব পার্থিপঃ || ১, ১১৩. ৫ ||
যথাক্রমেণ পুষ্পেভ্যশ্চিনুতে মধু ষট্পদঃ |
তথা বিত্তমু পাদায় রাজা কুর্বীত সঞ্চয়ম্ || ১, ১১৩. ৬ ||
বল্মীকং মধুজালঞ্চ শুক্লণ্ক্ষে তু চন্দ্রমাঃ |
রাজদ্রব্যঞ্চ ভৈক্ষ্যঞ্চ স্তোকংস্তোকং প্রবর্ধতে || ১, ১১৩. ৭ ||
অর্জিতস্য ক্ষয়ং দৃষ্টা সম্প্রদত্তস্য সঞ্চয়ম্ |
অবন্ধ্যং দিবসং কুর্যাদ্দানধ্যয়নকর্মসু || ১, ১১৩. ৮ ||
বনেঽপি দোষাঃ প্রভবন্তি রাগিণাং গৃহেঽপি পঞ্চেন্দ্রিয়নিগ্রহস্তপঃ |
অকুৎসিতে কর্মণি যঃ প্রবর্ততে নিবৃত্তরাগস্য গৃহং তপোবনম্ || ১, ১১৩. ৯ ||
সত্যেন রক্ষ্যতে ধর্মো বিদ্যা যোগেন রক্ষ্যতে |
মৃজয়া রক্ষ্যতে পাত্রং কুলং শলিন রক্ষ্যতে || ১, ১১৩. ১০ ||
বরং বিন্ধ্যাটব্যাং নিবসনমভুক্তস্য মরণং বরং সর্পাকীর্ণে শয়নমথ কূপে নিপতনম্ |
বরং ভ্রান্তাবর্তে সভয়জলমধ্যে প্রবিশনং ন তু স্বীয়ে পক্ষে
হি ধনমণু দেহীতি কথনম্ || ১, ১১৩. ১১ ||
ভাগ্যক্ষয়েষু ক্ষীয়ন্তে নোপভোগেন সম্পদঃ |
পূর্বার্জিতে হি সুকৃতে ন নশ্যন্তি কদাচন || ১, ১১৩. ১২ ||
বিপ্রাণাং ভূষণং বিদ্যা পৃথিব্যা ভূষণং নৃপঃ |
নভসো ভূষণং চন্দ্রঃ শীলং সর্বস্য ভূষণম্ || ১, ১১৩. ১৩ ||
এতে তে চন্দ্রতুল্যাঃ ক্ষিতিপতিতনয়া ভীমসেনার্জুনাদ্যাঃ শুরাঃ
সত্যপ্রতিজ্ঞা দিনকরবপুষঃ কেশবেনোপগূঢাঃ |
তে বৈ দুষ্টগ্রহস্থাঃ কৃপণবশগতা ভৈক্ষ্যচর্যাং প্রয়াতাঃ কো
বা কস্মিন্সমর্থো ভবতি বিধিবশাদ্ভ্রাময়েৎকর্মরেখা || ১, ১১৩. ১৪ ||
ব্রহ্মা যেন কুলালবন্নিয়মিতো ব্রহ্মাণ্ডভাণ্ডোদরে বিষ্ণুর্যেন
দশাবতারগহনে ক্ষিপ্তো মহাসঙ্কটে |
রুদ্রোয়েন কপালপাণিপুটকে ভিক্ষাটনং কারিতঃ সূর্যো ভ্রাম্যতি
নিত্যমেব গগনে তরমৈ নমঃ কর্ণণে || ১, ১১৩. ১৫ ||
দাতা বলির্যাচককো মুরারির্দানং মহী বিপ্রমুখস্য মধ্যে |
দত্ত্বা ফলং বন্ধনমেব লব্ধং নমোঽস্তু তে দৈব যথেষ্টকারিণে || ১, ১১৩. ১৬ ||
মাতা যদি ভবেল্লক্ষ্মীঃ পিতা সাক্ষাজ্জনার্দনঃ |
কুবুদ্ধৌ প্রতিপত্তিশ্চৈত্তস্মিন্দণ্ডঃ পতেৎসদা || ১, ১১৩. ১৭ ||
যেনয়েন যথা যদ্বৎপুরা কর্ম সুনিশ্চিতম্ |
তত্তদেবান্তরা ভুঙ্ক্তে স্বয়মাহিতমাত্মনা || ১, ১১৩. ১৮ ||
আত্মনা বিহিতং দুঃখমাত্মনা বিহিতং সখম্ |
গর্ভশয়্যামুপাদায় ভুঙ্ক্তে বৈ পৌর্বদৈহিকম্ || ১, ১১৩. ১৯ ||
ন চান্তরিক্ষে ন সমুদ্রমধ্যে ন পর্বতানাং বিবরপ্রবেশে |
ন মাতৃমূর্ধ্নি প্রধৃতস্তথাঙ্কে ত্যক্তুং ক্ষমঃ কর্ম কৃতং নরো হি || ১, ১১৩. ২০ ||
দুগস্ত্রিকূটঃ পরিখা সমুদ্রো রক্ষাংসি যোধাঃ পরমা চ বৃত্তিঃ |
শাস্ত্রঞ্চ বৈ তূশনসা প্রদিষ্টং স রাবণঃ কালবশাদ্বিনষ্টঃ || ১, ১১৩. ২১ ||
যস্মিন্বয়সি যৎকালে যদ্দিবা যচ্চ বা নিশি |
যন্মুহূর্তে ক্ষণে বাপি তত্তথা ন তদন্যথা || ১, ১১৩. ২২ ||
গচ্ছন্তি চান্তরিক্ষে বা প্রবিশন্তি মহীতলে |
ধারয়ন্তি দিশঃ সর্বা নাদত্তমুপলভ্যতে || ১, ১১৩. ২৩ ||
পুরাধীতা চ যা বিদ্যা পুরা দত্তঞ্চ যদ্ধনম্ |
পুরা কৃতানি কর্মাণি হ্যগ্রে ধাবন্তি ধাবতঃ || ১, ১১৩. ২৪ ||
কর্মাণ্যত্র প্রধানানি সম্যগৃক্ষে শুভগ্রহে |
বসিষ্ঠকৃতলগ্নাপি জানকী দুঃখভাজনম্ || ১, ১১৩. ২৫ ||
স্থূলজঙ্ঘো যদা রামঃ শব্দগামী চ লক্ষ্মণঃ |
ঘনকেশী যদা সীতা ত্রয়স্তে দুঃখভাজনম্ || ১, ১১৩. ২৬ ||
ন পিতুঃ কর্মণা পুত্রঃ পিতা বা পুত্রকর্মণা |
স্বয়ং কৃতেন গচ্ছন্তি স্বয়ং বদ্ধাঃ স্বকর্মণা || ১, ১১৩. ২৭ ||
কর্মজন্যশরীরেষু রোগাঃ শরীরমানসাঃ |
শরা ইব পতন্তীহ বিমুক্তা দৃঢধন্বিভিঃ || ১, ১১৩. ২৮ ||
অন্যথা শাস্ত্রগার্ভিণ্যা ধিয়া ধীরোর্ঽথমীহতে |
স্বামিবৎপ্রাক্কৃতং কর্ম বিদধাতি তদন্যথা || ১, ১১৩. ২৯ ||
বালো যুবা চ বৃদ্ধশ্চ যঃ করোতি শুভাশুভম্ |
তস্যান্তস্যামবস্থায়াং ভুঙ্ক্তে জন্মনিজন্মনি || ১, ১১৩. ৩০ ||
অনীক্ষমাণোঽপি নরো বিদেশস্থোঽপি মানবঃ |
স্বকর্মপাতবাতেন নীয়তে যত্র তৎফলম্ || ১, ১১৩. ৩১ ||
প্রাপ্তব্যমর্থং লভতে মনুষ্যো দেবোঽপি তং বারয়িতুং ন শক্তঃ |
অতো ন শোচামি ন বিস্ময়ো মে ললাটলেখা ন পুনঃ প্রয়াতি
(যদস্মদীয়ং ন তু তৎপরেষাম্ || ১, ১১৩. ৩২ ||
সর্পঃ কূপে গজঃ স্কন্ধে বিল আখুশ্চ ধাবতি |
নরঃ শীঘ্রতরাদেব কর্মণঃ কঃ পলায়তে || ১, ১১৩. ৩৩ ||
নাল্পা ভবতি সদ্বিদ্যা দীয়মানাপি বর্ধতে |
কূপস্থমিব পানীয়ং ভবত্যেব বহূদকম্ || ১, ১১৩. ৩৪ ||
যের্ঽথা ধর্মেণ তে সত্যা যেঽধর্মেণ গতাঃ শ্রিয়ঃ |
ধর্মার্থো চ মহাংল্লোকে তৎস্মৃৎবা হ্যর্থকারণাৎ || ১, ১১৩. ৩৫ ||
অন্নার্থো যানি দুঃখানি করোতি কৃপণো জনঃ |
তান্যেব যদি ধর্মার্থো ন ভূয়ঃ ক্লেশভাজনম্ || ১, ১১৩. ৩৬ ||
সর্বেষামেব শৌচানামন্নশৌচং বিশিষ্যতে |
যোঽন্নার্থৈঃ শুচিঃ শৌচান্ন মৃদা বারিণা শুচিঃ || ১, ১১৩. ৩৭ ||
সত্যং শৌচং মনঃ শৌচং শৌচমিন্দ্রিয়নিগ্রহঃ |
সর্বভূতে দয়া শৌচং জলশৌচঞ্চ পঞ্চমম্ || ১, ১১৩. ৩৮ ||
যস্য সত্যঞ্চ শৌচঞ্চ তস্য স্বর্গো ন দুর্লভঃ |
সত্যং হি বচনং যস্য সোঽশ্বমেধাদ্বিশিষ্যতে || ১, ১১৩. ৩৯ ||
মৃত্তিকানাং সহস্রেণ চোদকানাং শতেন হি |
ন শুধ্যতি দুরাচারো ভাবোপহতচেতনঃ || ১, ১১৩. ৪০ ||
যস্য হস্তৌ চ পাদৌ চ মনশ্চৈব সুসংযতম্ |
বিদ্যা তপশ্চ কীর্তিশ্চ স তীর্থফলমশ্নুতে || ১, ১১৩. ৪১ ||
ন প্রহৃষ্যতি সমানৈর্নাবমানৈঃ প্রকুপ্যতি |
ন ক্রুদ্ধঃ পরুষং ব্রূয়াদেতৎসাধোস্তু লক্ষণম্ || ১, ১১৩. ৪২ ||
দরিদ্রস্য মনুষ্যস্য প্রাজ্ঞস্য মধুরস্য চ |
কালে শ্রুৎবা হিতং বাক্যং ন কশ্চিৎপরিতুষ্যতি || ১, ১১৩. ৪৩ ||
ন মন্ত্রবলবীর্যেণ প্রজ্ঞয়া পৌরুষেণ চ |
অলভ্যং লভ্যতে মর্ত্যৈস্তত্র কা পরিবেদনা || ১, ১১৩. ৪৪ ||
অয়াচিতো ময়া লব্ধো পুনর্মৎপ্রেষণাদ্গতঃ |
যত্রাগতস্তত্র গতস্তত্র কা পরিবেদনা || ১, ১১৩. ৪৫ ||
একবৃক্ষে সদা রাত্রৌ নানাপক্ষিসমাগমঃ |
প্রভাতেঽন্যদিশো যান্তি কা তত্র পরিবেদনা || ১, ১১৩. ৪৬ ||
একসার্থপ্রয়াতানা সর্বেষান্তত্র গামিনাম্ |
যস্ত্বেকস্ত্বরিতো যাতি কা তত্র পরিবেদনা || ১, ১১৩. ৪৭ ||
অব্যক্তাদীনি ভূতানি ব্যক্তমধ্যানি শৌনক |
অব্যক্তনিধনান্যেনব কা তত্র পরিবেদনা || ১, ১১৩. ৪৮ ||
নাপ্রাপ্তকালো ম্রিয়তে বিদ্ধঃ শরশতৈরপি |
কুশাগ্রেণ তু সংস্পৃষ্টং প্রাপ্তকালো ন জীবতি || ১, ১১৩. ৪৯ ||
লব্ধব্যান্যেব লভতে গন্তব্যান্যেব গচ্ছতি |
প্রাপ্তব্যান্যেব প্রাপ্নাতি দুঃখানি চ সুখানি চ || ১, ১১৩. ৫০ ||
তত্তৎপ্রাপ্নোতি পুরুষঃ কি প্রলাপৈঃ করিষ্যতি |
আচোদ্যমানানি যথা পুষ্পাণি চ ফলানি চ |
স্বকালং নাতিবর্তন্তে তথা কর্ম পুরাকৃতম্ || ১, ১১৩. ৫১ ||
শীলং কুলং নৈব ন চৈব বিদ্যা জ্ঞানং গুণা নৈব ন বীজশুদ্ধিঃ |
ভাগ্যানি পূর্বং তপসার্জিতানি কালে ফলন্ত্যস্য যথৈব বৃক্ষাঃ || ১, ১১৩. ৫২ ||
তত্র মৃত্যুর্যত্র হন্তা তত্র শ্রীর্যত্র সম্পদঃ |
তত্র তত্র স্বয়ং যাতি প্রের্যমাণঃ স্বকর্মভিঃ || ১, ১১৩. ৫৩ ||
ভূতপূর্বং কৃতং কর্ম কর্তারমনুতিষ্ঠতি |
যথা ধেনুসহস্রেষু বৎসো বিন্দন্তি মাতরম্ || ১, ১১৩. ৫৪ ||
এবং পূর্বকৃতং কর্ম কর্তারমনুতিষ্ঠাতি |
সুকৃতং ভুঙ্ক্ষ্ব চাত্মীয়ং মূঢ কিং পরিতপ্যসে || ১, ১১৩. ৫৫ ||
যথা পূর্বকৃতং কর্ম শুভং বা যদি বাশুভম্ |
তথা জন্মান্তরে তদ্বৈ কর্তা রমনুগচ্ছতি || ১, ১১৩. ৫৬ ||
নীচঃ সর্ষপমাত্রাণি পরচ্ছিদ্রাণি পশ্যতি |
আত্মনো বলিবমাত্রাণি পশ্যন্নপি ন পশ্যতি || ১, ১১৩. ৫৭ ||
রাগদ্বেষাদিয়ুক্তানাং ন সুখং কুত্রচিদ্দ্বিজ |
বিচার্য খলু পশ্যামি তৎসুখং যত্র নির্বৃতিঃ || ১, ১১৩. ৫৮ ||
যত্র স্নেহো ভয়ং তত্র স্নেহো দুঃখস্য ভাজনম্ |
স্নেহমূলানি দুঃখানি তস্মিস্ত্যক্তে মহৎসুখম্ || ১, ১১৩. ৫৯ ||
শরীরমেবায়তনং দুঃখস্য চ সুখস্য চ |
জীবিতঞ্চ শরীরঞ্চ জাত্যৈব সহ জায়তে || ১, ১১৩. ৬০ ||
সর্বং পরবশং দুঃখং সর্ব মাত্মবশং সুখম্ |
এতদ্বিদ্যাৎসমাসেন লক্ষণং সুখদুঃখয়োঃ || ১, ১১৩. ৬১ ||
সুখস্যানন্তরং দুঃখং দুঃখস্যানন্তরং সুখম্ |
শুখং দুঃখং মনুষ্যাণাং চক্রবৎপরিবর্ততে || ১, ১১৩. ৬২ ||
যদ্গতং তদতিক্রান্তং যদি স্যাত্তচ্চ দূরতঃ |
বর্তমানেন বর্তেত ন স শোকেন বাধ্যতে || ১, ১১৩. ৬৩ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
বৃহদৃ নীতিসারে ত্রয়োশোত্তরশততমোঽধ্যায়ঃ

শ্রীগরুডমহাপুরাণম্-১১৪
সূত উবাচ |
ন কশ্চিৎকস্যচিন্মিত্রং ন কশ্চিৎকস্যচিদ্রিপুঃ |
কারণাদেব জায়ন্তে মিত্রাণি রিপবস্তথা || ১, ১১৪. ১ ||
শোকত্রাণং ভয়ত্রাণং প্রীতিবিশ্বাসভাজনম্ |
কেন রত্নামদং সৃষ্টং মিত্রমিত্যক্ষরদ্বয়ম্ || ১, ১১৪. ২ ||
সকৃদুচ্চরিতং যেন হরিরিত্যক্ষরদ্বয়ম্ |
বদ্ধঃ পরিকরস্তেন মোক্ষায় গমনং প্রতি || ১, ১১৪. ৩ ||
ন মাতরি ন দারেষু ন সোদর্যে ন চাত্মজে |
বিশ্বাসস্তাদৃশঃ পুংসাং যাদৃঙ্মিত্রে স্বভাবজে || ১, ১১৪. ৪ ||
যদিচ্ছেচ্ছাশ্বতীং প্রীতিং ত্রীন্দোষান্পরিবর্জয়েৎ |
দ্যুতমর্থপ্রয়োগঞ্চ পরোক্ষে দারদর্শনম্ || ১, ১১৪. ৫ ||
মাত্রা স্বস্ত্রা দুহিত্রা বা ন বিবিক্তাসনো বসেৎ |
বলবানিন্দ্রিয়গ্রামো বিদ্বাংসমপি কর্ষতি || ১, ১১৪. ৬ ||
বিপরীতরতিঃ কামঃ স্বায়তেষু ন বিদ্যতে |
যথোপায়ো বধো দণ্ডস্তথৈব হ্যনু বর্ততে || ১, ১১৪. ৭ ||
অপি কল্পানিলস্যৈব তুরগস্য মহোদধেঃ |
শক্যতে প্রসরো বোদ্ধুং ন হ্যরক্তস্যে চতসঃ || ১, ১১৪. ৮ ||
ক্ষণো নাস্তি রহো নাস্তি ন স্তি প্রার্থয়িতা জনঃ |
তেন শৌনক নারীণাং সতীৎবমুপজায়তে || ১, ১১৪. ৯ ||
এক বৈ সেবতে নিত্যমন্যশ্চেতপি রোচতে |
পুরুষাণামলাভেন নারী চৈব পতিব্রতা || ১, ১১৪. ১০ ||
জননী যানি কুরুতে রহস্যং মদনাতুরা |
সুতৈস্তানি ন চিন্ত্যানি শীলবিপ্রতিপত্তিভিঃ || ১, ১১৪. ১১ ||
পরাধীনা নিদ্রা পরদৃদয়কৃত্যানুসরণং সদা হেলা হাস্যং নিয়তমপি শোকেন রহিতম্ |
পণে ন্যস্তঃ কায়ো বিটজনখুরৈর্দারিতগলো বহূৎকণ্ঠবৃতির্জগতি
গণিক্রায়া বহুমতঃ || ১, ১১৪. ১২ ||
অগ্নিরাপঃ স্ত্রিয়ো মূর্খাঃ সর্পা রাজকুলানি চ |
নিত্যং পরোপসেব্যানি সদ্যঃ প্রাণহরাণি ষট্ || ১, ১১৪. ১৩ ||
কিং চিত্রং যদি বেদ (শব্দ) শাস্ত্রকুশলো বিপ্রো ভবেৎপণ্ডিতঃ কিং
চিত্রং যদি দণ্ডনীতিকুশলো রাজা ভবেদ্ধার্মিকঃ |
কিং চিত্রং যদি রূপয়ৌবনবতী সাধ্বী ভবেৎকামিনী তচ্চিত্রং যদি
নির্ধনোঽপি পুরুষঃ পাপং ন কুর্যাৎক্রচিৎ || ১, ১১৪. ১৪ ||
নাত্মচ্ছিদ্রং পরে দদ্যাদ্বিদ্যাচ্ছিদ্রং পরস্য চ |
গূহেৎকূর্ম ইবাঙ্গানি পরভাবঞ্চ লক্ষয়েৎ || ১, ১১৪. ১৫ ||
পাতালতলবা সিন্য উচ্চপ্রাকারসংস্থিতাঃ |
যদি নো চিকুরোদ্ভেদাল্লভ্যন্তে কৈঃ স্ত্রিয়ো ন হি || ১, ১১৪. ১৬ ||
সমধর্মা হি মর্মজ্ঞস্তীক্ষ্ণঃ স্বজনকণ্টকঃ |
ন তথা বাধতে শত্রুঃ কৃতবৈরো বহিঃ স্থিতঃ || ১, ১১৪. ১৭ ||
স পণ্ডিতো যো হ্যনুঞ্জয়েদ্বৈ মিষ্টেন বালং বিনিয়েন শিষ্টম্ |
অর্থেন নারীং তপসা হি দেবান্সর্বাংশ্চ লোকাংশ্চ সুসঙ্গ্রহেণ || ১, ১১৪. ১৮ ||
ছলেন মিত্রং কলুষেণ ধর্মং পরোপতাপেন সমৃদ্ধিভাবনম্ |
সুখেন বিদ্যাং পুরুষেণ নারীং বাঞ্ছন্তি বৈ যে ন চ পণ্ডিতাস্তে || ১, ১১৪. ১৯ ||
ফলার্থো ফলিনং বৃক্ষং যশ্ছিন্দ্যাদ্দুর্মতির্নরঃ |
নিষ্ফলং তস্য বৈ কার্যাং মহাদোষমবাপ্নুয়াৎ || ১, ১১৪. ২০ ||
সধনো হি তপস্বী চ দূরতো বৈ কৃতশ্রমঃ |
মদ্যপ স্ত্রী সতীত্যেবং বিপ্র ন শ্রদ্দধাম্যহম্ || ১, ১১৪. ২১ ||
ন বিশ্বসেদবিশ্বস্তে মিত্রস্যাপি ন বিশ্বসেৎ |
কদাচিৎকুপিতং মিত্রং সর্বং গুহ্যং প্রকাশয়েৎ || ১, ১১৪. ২২ ||
সর্বভূতেষু বিশ্বাসঃ সর্বভূতেষু সাত্ত্বিকঃ |
স্ববাবমাত্মনা গূহেদেতৎসাধোর্হি লক্ষণম্ || ১, ১১৪. ২৩ ||
যস্মিন্কস্মিন্কৃতে কার্যে কর্তারমনুবর্ততে |
সর্বথা বর্তমানোঽপি ধৈর্যবুদ্ধিন্তু কারয়েৎ || ১, ১১৪. ২৪ ||
বৃদ্ধাঃ স্ত্রিয়ো নবং মদ্যং শুষ্কং মাংসং ত্রিমূলকম্ |
রাত্রৌ দধি দিবা স্বপ্নং বিদ্বান্ষট্পরিবর্জয়েৎ || ১, ১১৪. ২৫ ||
বিষং গোষ্ঠী দরিদ্রস্য বৃদ্ধস্য তরুণী বিষম্ |
বিষং কুশিক্ষিতা বিদ্যা অজীর্ণে ভোজনং বিষম্ || ১, ১১৪. ২৬ ||
প্রিয়ং গানমকুণ্ঠস্য নীচস্যোচ্চাসনং প্রিয়ম্ |
প্রিয়ং দানং দরিদ্রস্য ভূনশ্চতরুণী প্রিয়া || ১, ১১৪. ২৭ ||
অত্যম্বুপানং কঠিনাশনঞ্চ ধাতুক্ষয়োবেগবিধারণঞ্চ |
দিবাশয়ো জাগরণঞ্চ রাত্রৌ ষড্ভির্নরাণাং নিবসন্তি রোগাঃ || ১, ১১৪. ২৮ ||
বালাতপশ্চাপ্যতিমৈথুনঞ্চ শ্মশানধূমঃ করতাপনঞ্চ |
রজস্বলাবৎক্রনিরীক্ষণঞ্চ সুদীর্ঘমায়ুর্ননু কর্ষয়েচ্চ || ১, ১১৪. ২৯ ||
শুষ্কং মাংসং স্ত্রিয়ো বৃদ্ধা বালার্কস্তরুণং দধি |
প্রভাতে মৈথুনং নিদ্রা সদ্যঃ প্রাণহরাণি ষট্ || ১, ১১৪. ৩০ ||
সদ্যঃ পক্রঘৃতং দ্রাক্ষা বালা স্ত্রী ক্ষীরভোজনম্ |
উষ্ণোদকং তরুচ্ছায়া সদ্যঃ প্রাণহরাণি ষট্ || ১, ১১৪. ৩১ ||
কূপাদকং বটচ্ছায়া নারীণাঞ্চ পয়োধরঃ |
শীতকালে ভবেদুষ্ণমুষ্ণকালে চ শীতলম্ || ১, ১১৪. ৩২ ||
ত্রয়ো বলকরাঃ সদ্যো বালাভ্যঙ্গসুভোজনম্ |
ত্রয়ো বলহরাঃ সদ্যো হ্যধ্বা বে মৈথুনং জ্বরঃ || ১, ১১৪. ৩৩ ||
শুষ্কং মাংসং পয়ো নিত্যং ভার্যামিত্রৈঃ সহৈব তু |
ন ভাক্তব্যং নৃপৈঃ সার্ধং বিয়োগং কুরুতে ক্ষণাৎ || ১, ১১৪. ৩৪ ||
কুচেলিন দন্তমলোপধারিণং বহ্বাশিনং নিষ্ঠুরবাক্যভাষিণম্ |
সূর্যোদয়ে হ্যস্তময়েঽপি শায়িনং বিমুঞ্চতি শ্রীরপি চক্রপাণিনম্ || ১, ১১৪. ৩৫ ||
নিত্যং ছেদস্তৃণানং ধরণিবিলখনং পাদয়োশ্চাপমার্ষ্টিঃ
দন্তানামপ্যশৌচং মলিনবসনতা রূক্ষতা মূর্ধজানাম্ |
দ্বে সধ্যে চাপি নিদ্রা বিবসনশয়নং গ্রাসহাসাতিরেকঃ স্বাঙ্গে পীঠে
চ বাদ্যং নিধনমুপনয়েৎকেশবস্যাপি লক্ষ্মীম্ || ১, ১১৪. ৩৬ ||
শিরঃ সুধৌতং চরণৌ সুমার্জিতৌ বরাঙ্গনাসেবনমল্পভোজনম্ |
অনগ্নশায়িৎবমপর্বমৈথুনং চিরপ্রনষ্টাং শ্রিয়মানয়ন্তি ষট্ || ১, ১১৪. ৩৭ ||
যস্য কস্য তু পুষ্পস্য পাণাডরস্য বিশেষতঃ |
শিরসা ধার্যমাণস্য হ্যলক্ষ্মীঃ প্রতিহন্যতে || ১, ১১৪. ৩৮ ||
দীপস্য পশ্চিমা ছায়া ছায়া শয়্যাসনস্য চ |
রজকস্য তু যত্তীর্থলক্ষ্মীস্তত্র তিষ্ঠতি || ১, ১১৪. ৩৯ ||
বালাতপঃ প্রেতধূমঃ স্ত্রী বৃদ্ধা তরুণং দধি |
আয়ুষ্কামো ন সেবেত তথা সমার্জনীরজঃ || ১, ১১৪. ৪০ ||
গজাশ্বরথধান্যানাং গবাঞ্চৈব রজঃ শুভম্ |
অশুভং চ বিজানীয়াৎখরোষ্ট্রজাবিকেষু চ || ১, ১১৪. ৪১ ||
গবাং রজো ধান্যরজঃ পুত্রস্যাঙ্গভবং রজঃ |
এতদ্রজো মহাশস্তং মহাপাতকনাশনম্ || ১, ১১৪. ৪২ ||
অজারজঃ খররজো যত্তু সমার্জনীরজঃ |
এতদ্রজো মহাপাপং মহাকিল্বিষকারকম্ || ১, ১১৪. ৪৩ ||
শূর্পবাতো নখাগ্রাম্বু স্নানবস্ত্রমৃজোদকম্ |
কেশাম্বু মার্জনীরেণুর্হন্তি পুণ্যং পুরা কৃতম্ || ১, ১১৪. ৪৪ ||
বিপ্রয়োর্বিপ্রবহ্ন্যোশ্চ দম্পত্যোঃ স্বামিনোস্তথা |
অন্তরেণ ন গন্তব্যং হয়স্য বৃষভস্য চ || ১, ১১৪. ৪৫ ||
স্ত্রীষু রাজাগ্নিসর্পেষু স্বাধ্যায়ে শত্রুসেবনে |
ভোগাস্বাদেষু বিশ্বাসং কঃ প্রাজ্ঞঃ কর্তুমর্হতি || ১, ১১৪. ৪৬ ||
ন বিশ্বসেদবিশ্বস্তং বিশ্বস্তং বিশ্বস্তং নাতিবিশ্বসেৎ |
বিশ্বাসাদ্ভয়মুৎপন্নং মূলাদপি নিকৃন্ততি || ১, ১১৪. ৪৭ ||
বৈরিণা সহ সন্ধায় বিশ্বস্তো যদি তিষ্ঠতি |
স বৃক্ষাগ্রে প্রসুপ্তো হি পতিতঃ প্রতিবুধ্যতে || ১, ১১৪. ৪৮ ||
নাত্যন্তং মৃদুনা ভাব্যং নাত্যন্তং কূরকর্মণা |
মৃদুনৈব মৃদুং হন্তি দারুণেনৈব দারুণম্ || ১, ১১৪. ৪৯ ||
নাত্যন্তং সরলৈর্ভাব্যং নাত্যন্তং মৃদুনা তথা |
সরলাস্তত্র ছিদ্যন্তে কুব্জাস্তিষ্ঠন্তি পাদপাঃ || ১, ১১৪. ৫০ ||
নমন্তি ফলিনো বৃক্ষা নমন্তি গুণিনো জনাঃ |
শুষ্কবৃক্ষাশ্চ মূর্খাশ্চ ভিদ্যন্তে ন নমন্তি চ || ১, ১১৪. ৫১ ||
অপ্রার্থিতানি দুঃখানি যথৈবায়ান্তি যান্তি চ |
মার্জার ইব লুম্পেত তথা প্রার্থয়িতার নরঃ || ১, ১১৪. ৫২ ||
পূর্বং পশ্চাচ্চরন্ত্যার্যে সদৈব বহুসম্পদঃ |
বিপরীতমনার্যে চ যথেচ্ছসি তথা চর || ১, ১১৪. ৫৩ ||
ষট্কর্ণো ভিদ্যতে মন্ত্রশ্চতুঃ কর্ণশ্চধার্যতে |
দ্বিকর্ণস্য তু মন্ত্রস্য ব্রহ্মাপ্যন্ত ন বুধ্যতে || ১, ১১৪. ৫৪ ||
তয়া গবা কিং ক্রিয়তে যা ন দোগ্ধ্রী ন গর্ভিণী |
কোর্ঽথ পুত্রেণ জাতেন যো ন বিদ্বান্ন ধার্মিকঃ || ১, ১১৪. ৫৫ ||
একেনাপি সুপুত্রেণ বিদ্যায়ুক্তেন ধীমতা |
কুলং পুরুষসিংহেন চন্দ্রেণ গগনং যথা || ১, ১১৪. ৫৬ ||
একেনাপি সুবৃক্ষেণ পুষ্পিতেন সুগন্ধিনা |
বনং সুবাসিতং সর্বং সুপুত্রেণ কুলং যথা || ১, ১১৪. ৫৭ ||
একো হি গুণবান্পুত্রো নির্গুণেন শতেন কিম্ |
চন্দ্রো হন্তি তমাংস্যেকো ন চ জ্যোতিঃ সহস্রকম্ || ১, ১১৪. ৫৮ ||
লালয়েৎপঞ্চ বর্ষাণি দশ বর্ষাণি তাডয়েৎ |
প্রাপ্তে তু ষোডশে বর্ষে পুত্রং মিত্রবদাচরেৎ || ১, ১১৪. ৫৯ ||
জায়মানো হরেদ্দারান্বর্ধমানো হরেদ্ধনম্ |
ম্রিয়মাণো হরেৎপ্রাণান্নাস্তি পুত্রসমো রিপুঃ || ১, ১১৪. ৬০ ||
কেচিন্মৃগমুখা ব্যাঘ্রাঃ কেচিদ্ব্যাঘ্রমুখা মৃগাঃ |
তৎস্বরূপপহিজ্ঞানে হ্যবিশ্বাসঃ পদেপদে || ১, ১১৪. ৬১ ||
একঃ ক্ষমাবতাং দোষো দ্বিতীয়ো নোপপদ্যতে |
যদেনং ক্ষময়া যুক্তমশক্তং মন্যতে জনঃ || ১, ১১৪. ৬২ ||
এতদেবানুমন্যেত ভোগা হি ক্ষণভঙ্গিনঃ |
স্নিগ্ধেষু চ বিদগ্ধস্য মতয়ো বৈ হ্যনাকুলাঃ || ১, ১১৪. ৬৩ ||
জ্যেষ্ঠঃ পিতৃসমো ভ্রাতা মৃতে পিতরি শৌনক |
সর্বেষাং স পিতা হি স্যাৎসর্বেষামনুপালকঃ || ১, ১১৪. ৬৪ ||
কনিষ্ঠেষু চ সর্বেষু সমৎবেনানুবর্ততে |
সমাপভোগজীবেষু যথৈবং তনয়েষু চ || ১, ১১৪. ৬৫ ||
বহূনামল্পসারাণাং সমবায়ো হি দারুণঃ |
তৃণৈরাবেষ্টিতা রজ্জুস্তয়া নাগোঽপি বধ্যতে || ১, ১১৪. ৬৬ ||
অপহৃত্য পরস্বং হি যস্তু দানং প্রয়চ্ছতি |
স দাতা নরকং যাতি যস্যার্থাস্তস্য তৎফলম্ || ১, ১১৪. ৬৭ ||
দেবদ্রব্যবিনাশেন ব্রহ্মস্বহরণেন চ |
কুলান্যকুলতাং যান্তি ব্রাহ্মণাতিক্রমেণ চ || ১, ১১৪. ৬৮ ||
ব্রহ্মঘ্নে চ সুরাপে চ চোরে ভগ্নব্রতে তথা |
নিষ্কৃতির্বিহিতা সদ্ভিঃ কৃতঘ্নে নাস্তি নিষ্কৃতিঃ || ১, ১১৪. ৬৯ ||
নাশ্রন্তি পিতরো দেবাঃ ক্ষুদ্রস্য বৃষলীপতেঃ |
ভার্যাজিতস্য নাশ্রন্তি যস্যাশ্চোপপতির্গৃহে || ১, ১১৪. ৭০ ||
অকৃজজ্ঞমনার্যঞ্চ দীর্ধরোষমনার্জবম্ |
চতুরো বিদ্ধি চাণ্ডালাঞ্জাত্যা জায়েত পঞ্চমঃ || ১, ১১৪. ৭১ ||
নোপেক্ষিতব্যো দুর্বদ্ধি শত্রুরল্পোঽপ্যবজ্ঞয়া |
বহ্নিরল্পোঽপ্যসংহার্যঃ কুরুতে ভস্মসাজ্জগৎ || ১, ১১৪. ৭২ ||
নবে বয়সি যঃ শান্তঃ স শান্ত ইতি মে মতিঃ |
ধাতুষু ক্ষীয়মাণেষু শমঃ কস্য ন জায়তে || ১, ১১৪. ৭৩ ||
পন্থান ইব বিপ্রেন্দ্র সর্বসাধারণাঃ শ্রিয়ঃ |
মদীয়া ইতি মৎবা বৈ ন হি হর্ষয়ুতো ভবেৎ || ১, ১১৪. ৭৪ ||
চিত্তায়ত্তং ধাতুবশ্যং শরীরং চিত্তে নষ্টে ধাতবো যান্তি নাশম্ |
তস্মাচ্চিত্তং সর্বদা রক্ষণীয়ং স্বস্থে চিত্তে ধাতবঃ সম্ভবন্তি || ১, ১১৪. ৭৫ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
বৃহদৃ নীতিসারে চতুর্দশোত্তরশততমোঽধ্যায়ঃ

শ্রীগরুডমহাপুরাণম্-১১৫
সূত উবাচ |
কুমার্যাং চ কুমিত্রং চ কুরাজানং কুপুত্রকম্ |
কুকন্যাং চ কুদেশং চ দূরতঃ পরিবর্জয়েৎ || ১, ১১৫. ১ ||
ধর্মঃ প্রব্রজিতস্তপঃ প্রচলিতং সত্যং চ দূরং গতং পৃথ্বী
বন্ধ্যফলা জনাঃ কপটিনো লৌল্যে স্থিতা ব্রাহ্মণাঃ |
মর্ত্যাঃ স্ত্রীবশগাঃ স্ত্রিয়শ্চ চপলা নীচা জনা উন্নতাঃ হা কষ্টং
খলুজীবিতং কলিয়ুগে ধন্যা জনা যে মৃতাঃ || ১, ১১৫. ২ ||
ধন্যাস্তে যে ন পশ্যন্তি দেশভঙ্গং কুলক্ষয়ম্ |
পরচিত্তগতান্দারান্পুত্রং কুব্যসনে স্থিতম্ || ১, ১১৫. ৩ ||
কুপুত্রে নির্বৃতির্নাস্তি কুভার্যায়াং কুতো রতিঃ |
সুমিত্র নাস্তি বিশ্বাসঃ কুরাজ্যে নাস্তি জীবিতম্ || ১, ১১৫. ৪ ||
পরান্নং চ পরস্বং চ পরশয়্যাঃ পরস্ত্রিয়ঃ |
পরবেশ্মনি বাসশ্চ শক্রাদপি হরেচ্ছ্রিয়ম্ || ১, ১১৫. ৫ ||
আলাপাদ্গাত্রসংস্পর্শাৎসংসর্গাৎসহ ভোজনাৎ |
আসনাচ্ছয়নাদ্যানাৎপাপং সঙ্ক্রমতে নৃণাম্ || ১, ১১৫. ৬ ||
স্ত্রিয়ো নশ্যন্তি রূপেণ তপঃ ক্রোধন নশ্যতি |
গাবো দ্বরপ্রচারেণ শূদ্রান্নেন দ্বিজোত্তমঃ || ১, ১১৫. ৭ ||
আসনাদেকশয়্যায়াং বোজনাৎপঙ্ক্তিসঙ্করাৎ |
ততঃ সঙ্ক্রমতে পাপং ঘটাদ্ধট ইবোদকম্ || ১, ১১৫. ৮ ||
লালনে বহবো দোষাস্তাডনে বহবো গুণাঃ |
তস্মাচ্ছিষ্যং চ পুত্রং চ তাডয়েন্ন তু লালয়েৎ || ১, ১১৫. ৯ ||
অধ্বা জরা দেহবতাং পর্বতানাং জলং জরা |
অসম্ভোগশ্চ নারীণাং বস্ত্রাণামাতপো জরা || ১, ১১৫. ১০ ||
অধমাঃ কলিমিচ্ছন্তি সন্ধিমিচ্ছতি মধ্যমাঃ |
উত্তমা মানমিচ্ছন্তি মানো হি মহতাং ধনম্ || ১, ১১৫. ১১ ||
মানো হি মূলমর্থস্য মানে সতি ধনেন কিম্ |
প্রভ্রষ্টমানদর্পস্য কিং ধনেন কিমায়ুষা || ১, ১১৫. ১২ ||
অধমা ধনমিচ্ছন্তি ধনমানৌ হি মধ্যমাঃ |
উত্তমা মানমিচ্ছন্তি মানো হি মহতাং ধনম্ || ১, ১১৫. ১৩ ||
বনেঽপি সিংহা ন নমন্তি কং চ বুভু ক্ষিতা মাংসনিরীক্ষণং চ |
ধনৈর্বিহীনাঃ সুকুলেষু জাতা ন নীচকর্মাণি সমারভন্তে || ১, ১১৫. ১৪ ||
নাভিষেকো ন সংস্কারঃ সিংহস্য ক্রিয়তে বনে |
নিত্যমূর্জিতসত্ত্বস্য স্বয়মেব মৃগেন্দ্রতা || ১, ১১৫. ১৫ ||
বণিক্প্রমাদী ভৃকশ্চ মানী ভিক্ষুর্বিলাসী হ্যধনশ্চ কামী |
বরাঙ্গনা চাপ্রিয়বাদিনী চ ন তে চ কর্মাণি সমারভন্তে || ১, ১১৫. ১৬ ||
দাতা দরিদ্রঃ কৃপণোর্ঽথয়ুক্তঃ পুত্ত্রোঽবিধেয়ঃ কুজনস্য সেবা |
পরোপকারেষু নরস্য মৃত্যুঃ প্রজায়তে দুশ্চরিতানি পঞ্চ || ১, ১১৫. ১৭ ||
কান্তাবিয়োগঃ স্বজনাপমানং ঋণস্য শেষঃ কুজনস্য সেবা |
দারিদ্রয়াভাবাদ্বিমুখাশ্চ মিত্রা বিনাগ্নিনা পঞ্চ দহন্তি তীব্রাঃ || ১, ১১৫. ১৮ ||
চিন্তাসহস্রেষু চ তেষু মধ্যে চিন্তাশ্চতস্রোঽপ্যসিধারতুল্যাঃ |
নীচাপমানং ক্ষুধিতং কলত্রং ভার্যা বিরক্তা সহজোপরোধঃ || ১, ১১৫. ১৯ ||
বশ্যশ্চ পুর্ত্রের্ঽথ করী চ বিদ্যা অরোগিতা সজ্জনসঙ্গতিশ্চ |
ইষ্টা চ ভার্যা বশবর্তিনী চ দুঃখস্য মূলোদ্ধরণানি পঞ্চ || ১, ১১৫. ২০ ||
কুরঙ্গমাতঙ্গপতঙ্গম্ভৃগ মীনা হতাঃ পঞ্চবিরেব পঞ্চ |
একঃ প্রমাথী স কথং ন ঘাত্যো যঃ সেবতে পঞ্চভিরেব পঞ্চ || ১, ১১৫. ২১ ||
অধীরঃ কর্কশঃ স্তব্ধঃ কুচেলঃ স্বয়মাগতঃ |
পঞ্চ বিপ্রা ন পূজ্যন্তে বৃহস্পতিসমা অপি || ১, ১১৫. ২২ ||
আয়ুঃ কর্ম চ বিত্তং চ বিদ্যা নিধনমেব চ |
পঞ্চৈতানি বিবিচ্যন্তে জায়মানস্য দেহিনঃ || ১, ১১৫. ২৩ ||
পর্বতারোহণে তোয়ে গোকুলে দুষ্টনিগ্রহে |
পতিতস্য সমুত্থানে শস্তাঃ পঞ্চ (হ্যেতে) গুণাঃ স্মৃতাঃ || ১, ১১৫. ২৪ ||
অভ্রচ্ছায়া খলে প্রীতিঃ পরনারীষু সঙ্গতিঃ |
পঞ্চৈতে হ্যস্থিরা ভাবা যৌবনানি ধনানি চ || ১, ১১৫. ২৫ ||
অস্থিরং জীবিতং লোকে অস্থিরং ধনয়ৌবনম্ |
অস্থিরং পুত্ত্রদারাদ্যং ধর্মঃ কীর্তির্যশঃ স্থিরম্ || ১, ১১৫. ২৬ ||
শত জীবিতমত্যল্পং রাত্রিস্তস্যার্ধহারিণী |
ব্যাধিশোকজরায়াসৈরর্ধং তদপি নিষ্ফলম্ || ১, ১১৫. ২৭ ||
আয়ুর্বর্ষশতং নৃণাং পরিমিতং রাত্রৌ তদর্ধং গতং
তস্যার্ধস্থিতকিঞ্চিদর্ধমধিকং বাল্যস্য কালে গতম্ |
কিঞ্চিদ্বন্ধুবিয়োগদুঃখমরণৈর্ভূপালসেবাগতং শেষং
বারিতরঙ্গগর্ভচপলং মানেন কিং মানিনাম্ || ১, ১১৫. ২৮ ||
অহোরাত্রময়ো লোকে জরারূপেণ সঞ্চরেৎ |
মৃত্যুর্গ্রসতি ভূতানি পবনং পন্নগো যথা || ১, ১১৫. ২৯ ||
গচ্ছতস্তিষ্ঠতো বাপি জাগ্রতঃ স্বপতো ন চেৎ |
সর্বসত্ত্বহিতার্থায় পশোরিব বিচেষ্টিতম্ || ১, ১১৫. ৩০ ||
অহিতহিতবিচারশূন্যবুদ্ধেঃ শ্রুতিসময়ে বহুভির্বিতর্কিতস্য |
উদরভরণমাত্রতুষ্টবুদ্ধেঃ পুরুষপশোশ্চ পশোশ্চ কো বিশেষঃ || ১, ১১৫. ৩১ ||
শৌর্যে তপসি দানে চ যস্য ন প্রথিতং যশঃ |
বিদ্যায়ামর্থলাভে বা মাতুরুচ্চার এব সঃ || ১, ১১৫. ৩২ ||
যজ্জীব্যতে ক্ষণমপি প্রথিতং মনুষ্যৈর্বিজ্ঞানবিক্রময়শোভিরভগ্নমানৈঃ |
তন্নাম জীবিতমিতি প্রবদন্তি তজ্জ্ঞাঃ কাকোঽপি জীবতি চিরং চ
বলিং চ ভুঙ্ক্তে || ১, ১১৫. ৩৩ ||
কিং জীবিতেন ধনমানবিবর্জিতেন মিত্রেণ কিং ভবতি ভীতিসশঙ্কিতেন |
সিংহব্রতং চরত গচ্ছত মা বিষাদং কাকোঽপি জীবতি চিরং
চ বলিং চ ভুঙ্ক্তে || ১, ১১৫. ৩৪ ||
যো বাত্মনীহ ন গুরৌ ন চ ভৃত্যবর্গে দীনে দয়াং ন কুরুতে ন চ মিত্রকার্যে |
কিং তস্য জীবিতফলেনমনুষ্যলোকে কাকোঽপি জীবতি চিরং চ
বলিং চ ভুঙ্ক্তে || ১, ১১৫. ৩৫ ||
যস্য ত্রিবর্গশূন্যানি দিনান্যায়ান্তি যান্তি চ |
স লৌহকারভস্ত্রেব শ্বসন্নপি ন জীবতি || ১, ১১৫. ৩৬ ||
স্বাধীনবৃত্তেঃ সাফল্যং ন পরাধীনবর্তিতা |
যে পরাধীনকর্মাণো জীবন্তোঽপি চ তে মৃতাঃ || ১, ১১৫. ৩৭ ||
সু(স্ব) পূরা বৈ কাপুরুষাঃ সু(স্ব) পূরো মূষিকাঞ্জলিঃ |
অসন্তুষ্টঃ কাপুরুষঃ স্বল্পকেনাপি তুষ্যতি || ১, ১১৫. ৩৮ ||
অভ্রচ্ছায়া তৃণাদগ্নির্নোচসেবা পথো জলম্ |
বেশ্যারাগঃ খলে প্রীতিঃ ষডেতে বুদ্বুদোপমাঃ || ১, ১১৫. ৩৯ ||
বাচা বিহিতসার্থেন লোকো ন চ সুখায়তে |
জীবিতং মানমূলং হি মানে ম্লানে কুতঃ সুখম্? || ১, ১১৫. ৪০ ||
অবলস্য বলং রাজা বালস্য রুদিতং বলম্ |
বলং মূর্খস্য মৌনং হি তস্করস্যানৃতং বলম্ || ১, ১১৫. ৪১ ||
যথায়থা হি পুরুষঃ শাস্ত্রং সমধিগচ্ছতি |
তথাতথাস্য মেধা স্যাদ্বিজ্ঞানং চাস্য রোচতে || ১, ১১৫. ৪২ ||
যথায়থা হি পুরুষঃ কল্যাণে কুরুতে মতিম্ |
তথাতথা হি সর্বত্র শ্লিষ্যতে লোকসুপ্রিয়ঃ || ১, ১১৫. ৪৩ ||
লোভপ্রমাদবিশ্বাসৈঃ পুরুষো নশ্যতি ত্রিভিঃ |
তস্মাল্লোভো ন কর্তব্যঃ প্রমাদো নোন বিশ্বসেৎ || ১, ১১৫. ৪৪ ||
তাবদ্ভয়স্য ভেতব্যং যাবদ্ভয়মনাগতম্ |
উৎপন্নে তু ভয়ে তীব্রে স্থাতব্যং বৈ হ্যভীতবৎ || ১, ১১৫. ৪৫ ||
ঋণশেষং চাগ্নিশেষং ব্যাধিশেষং তথৈব চ |
পুনঃ পুনঃ প্রবর্ধন্তে তস্মাচ্ছেষং ন কারয়েৎ || ১, ১১৫. ৪৬ ||
কৃতে প্রতিকৃতং কুর্যাদ্ধিংসিতে প্রতিহিংসিতম্ |
ন তত্র দোষং পশ্যামি দুষ্টে দোষং সমাচরেৎ || ১, ১১৫. ৪৭ ||
পরোক্ষে কার্যহন্তারং প্রত্যক্ষে প্রিয়বাদিনম্ |
বর্জয়েত্তাদৃশং মিত্রং মায়াময়মরিং তথা || ১, ১১৫. ৪৮ ||
দুর্জনস্য হি সঙ্গেন সুজনোঽপি বিনশ্যতি |
প্রসন্নমপি পানীয়ং কর্দমৈঃ কলুষীকৃতম্ || ১, ১১৫. ৪৯ ||
স ভুঙ্ক্তে সদ্বিজো ভুঙ্ক্তে সমশেষনিরূপণম্ |
তস্মাৎসর্বপ্রয়ত্নেন দ্বিজঃ পূজ্যঃ প্রয়ত্নতঃ || ১, ১১৫. ৫০ ||
তদ্ভুজ্যতে যদ্দ্বিজভুক্তশেষং স বুদ্ধিমান্যো ন করোতি পাপম্ |
তৎসৌহৃদং যক্রিয়তে পরোক্ষে দম্ভৈর্বিনা যঃ ক্রিয়তে স ধর্মঃ || ১, ১১৫. ৫১ ||
ন সা সভা যত্র ন সন্তি বৃদ্ধাঃ বৃদ্ধা ন তে যে ন বদন্তি ধর্মম্ |
ধর্মঃ স নো যত্র ন সত্যমস্তি নৈতৎসত্যং যচ্ছলেনানুবিদ্ধম্ || ১, ১১৫. ৫২ ||
ব্রাহ্মণোঽপি মনুষ্যাণামাদিত্যশ্চৈব তেজসাম্ |
শিরোঽপি সর্বগাত্রাণাং ব্রতানাং সত্যমুত্তমম্ || ১, ১১৫. ৫৩ ||
তন্মঙ্গলং যত্র মনঃ প্রসন্নং তজ্জীবনং যন্ন পরস্য সেবা |
তদর্জিতং যৎস্বজনেন ভুক্তং তদ্গর্জিতং যৎসমরে রিপূণাম্ || ১, ১১৫. ৫৪ ||
সা স্ত্রীয়া ন মদং কুর্যাৎস সুখী তৃষ্ণয়োজ্ঝিতঃ |
তন্মিত্রং যত্র বিশ্বাসঃ পুরুষঃ স জিতেন্দ্রিয়ঃ || ১, ১১৫. ৫৫ ||
তত্র মুক্তাদরস্নেহো বিলুপ্তং যত্র সৌহৃদম্ |
তদেব কেবলং শ্লঘ্যং যস্যাত্মা ক্রিয়তে স্তুতৌ || ১, ১১৫. ৫৬ ||
নদীনামগ্নিহোত্রাণাং ভারতস্য কলস্য চ |
মূলান্বেষো ন কর্তব্যো মূলাদ্দোষো ন হীয়তে || ১, ১১৫. ৫৭ ||
লবণজলান্তা নদ্যঃ স্ত্রীভেদান্তং চ মৈথুনম্ |
ষৈশুন্যং জনবার্তান্তং বিত্তং দুঃখত্রয়ান্তকম্ || ১, ১১৫. ৫৮ ||
রাজ্যশ্রীর্ব্রহ্মশাপান্তা পাপান্তং ব্রহ্মবর্চসম্ |
আচান্তং ঘোষবাসান্তং কুলস্যান্তং স্ত্রিয়া প্রভো (ভুঃ) || ১, ১১৫. ৫৯ ||
সর্বে ক্ষয়ান্তা নিলয়াঃ পতনান্তাঃ সমুচ্ছ্রয়াঃ |
সংযোগা বিপ্রয়োগান্তা মরণান্তং হি জীবিতম্ || ১, ১১৫. ৬০ ||
যদীচ্ছেৎপুনরাগন্তুং নাতিদূরমনুব্রজেৎ |
উদকান্তান্নিবর্তেত স্নিগ্ধবর্ণাচ্চ পাদপাৎ || ১, ১১৫. ৬১ ||
অনায়কে ন বস্তব্যং ন চৈব বহুনায়কে |
স্ত্রীনায়কে ন বস্তব্যং বস্তব্যং বালনায়কে || ১, ১১৫. ৬২ ||
পিতা রক্ষতি কৌমারে ভত্তা রক্ষতি যৌবনে |
পুত্রস্তু স্থবিরে কালে ন স্ত্রী স্বাতন্ত্র্যমর্হতি || ১, ১১৫. ৬৩ ||
ত্যজেদ্বন্ধ্যামষ্টমেঽব্দে নবমে তু মৃতপ্রিজাম্ |
একাদশে স্ত্রীজননীং সদ্যশ্চাপ্রিয়াবাদিনীম্ || ১, ১১৫. ৬৪ ||
অনর্থিৎবান্মনুষ্যাণাং ভিয়া পরিজনস্য চ |
অর্থাদপেতমর্যাদাস্ত্রয়স্তিষ্ঠন্তি ভর্তৃষু || ১, ১১৫. ৬৫ ||
অশ্বং শ্রান্তং গজং মত্তং গাবঃ প্রথমসূতিকাঃ |
অনূদকে চ মণ্ডূকান্প্রাজ্ঞো দূরেণ বর্জয়েৎ || ১, ১১৫. ৬৬ ||
অর্থাতুরাণাং ন সুহৃন্ন বন্ধুঃ কামাতুরাণাং ন ভয়ং ন লজ্জা |
চিন্তাতুরাণাং ন সুখং ন নিদ্রা ক্ষুধাতুরাণাং ন বলং ন তেজঃ || ১, ১১৫. ৬৭ ||
কুতো নিদ্রা দরিদ্রস্য পরপ্রেষ্যবরস্য চ |
পরনারীপ্রসক্তস্য পরদ্রব্যহরস্য চ || ১, ১১৫. ৬৮ ||
সুখং স্বপিত্যনৃণবান্ব্যাধিমুক্তশ্চ যো নরঃ |
সাবকাশস্তু বৈ ভুঙ্ক্তে যস্তু দারৈর্ন সঙ্গতঃ || ১, ১১৫. ৬৯ ||
অম্ভসঃ পরিমাণে উন্নতং কমলং ভবেৎ |
স্বস্বামিনা বলবতা ভৃত্যো ভবতি গর্বিতঃ || ১, ১১৫. ৭০ ||
স্থানস্থিতস্য পদ্মস্য মিত্রে বরুণভাস্করৌ |
স্থানচ্যুতস্য তস্যৈব ক্লেদশোষণকারকৌ || ১, ১১৫. ৭১ ||
যে পদস্থস্য মিত্ত্রাণি তে তস্য রিপুতাং গতাঃ |
ভানোঃ পদ্মে জলে প্রীতিঃ স্থলোদ্ধরণশোষণঃ || ১, ১১৫. ৭২ ||
স্থানস্থিতানি পূজ্যন্তে পূজ্যন্তে চ পদে স্থিতাঃ |
স্থানভ্রষ্টা ন পূজ্যন্তে কেশা দন্তা নখা নরাঃ || ১, ১১৫. ৭৩ ||
আচারঃ কুলমাখ্যতি দেশমাখ্যাতি ভাষিতম্ |
সম্ভ্রমঃ স্নেহমাখ্যাতি বপুরাখ্যাতি ভোজনম্ || ১, ১১৫. ৭৪ ||
বৃথা বৃষ্টিঃ সমুদ্রস্য বৃথা তৃপ্তস্য ভোজনম্ |
বৃথা দানং সমৃদ্ধস্য নীচস্য সুকৃতং বথা || ১, ১১৫. ৭৫ ||
দূরস্থোঽপি সমীপস্থো যো যস্য হৃদয়ে স্থিতঃ |
হৃদয়াদপি নিষ্ক্রান্তঃ সমীপস্থোঽপি দূরতঃ || ১, ১১৫. ৭৬ ||
মুখভঙ্গঃ স্বরো দীনো গাত্রস্বেদো মহদ্ভয়ম্ |
মরণে যানি চিহ্নানি তানি চিহ্নানি যাচকে || ১, ১১৫. ৭৭ ||
কুব্জস্য কীটঘাতস্য বাতান্নিষ্কাসিতস্য চ |
শিখরে বসতস্তস্য বরং জন্ম ন যাচিতম্ || ১, ১১৫. ৭৮ ||
জগৎপতির্হি যাচিৎবা বিষ্ণুর্বামনতাং যতঃ |
কান্যোঽধিকতরস্তস্য যোর্ঽথো যাতি ন লাঘবম্ || ১, ১১৫. ৭৯ ||
মাতা শত্রুঃ পিতা বৈরী বালা যেন ন পাঠিতাঃ |
সভামধ্যে ন শোভন্তে হংসমধ্যে বকায়থা || ১, ১১৫. ৮০ ||
বিদ্যা নাম কুরূপরূপমধিকং বিদ্যাতিগুপ্তং ধনং বিদ্যা সাধুকরী
জনপ্রিয়করী বিদ্যা গুরূণাং গুরুঃ |
বিদ্যা বন্ধুজনার্তিনাশনকরী বিদ্যা পরং দৈবতং বিদ্যা রাজসু
পূজিতা হি মনুজো বিদ্যবিহীনঃ পশুঃ || ১, ১১৫. ৮১ ||
গৃহে চাভ্যন্তরে দ্রব্যং লগ্নং চৈব তু দৃশ্যতে |
অশেষং হরণীয়ং চ বিদ্যা ন হ্রিয়তে পরৈঃ || ১, ১১৫. ৮২ ||
শৌনকীয়ং নীতিসারং বিষ্ণুঃ সর্বত্রতানি চ |
কথয়ামাস বৈপূর্বং তত্র শুশ্রাব শঙ্করঃ |
শঙ্করাদশৃণোদ্ব্যাসো ব্যাসাদস্মাভিরেব চ || ১, ১১৫. ৮৩ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
শৌনকোক্তনীতিসারাদিবর্ণনং নাম পঞ্চদশোত্তরশততমোঽধ্যায়ঃ

শ্রীগরুডমহাপুরাণম্-১১৬
ব্রহ্মোবাচ |
ব্রতানি ব্যাস বক্ষ্যামি হরির্যৈঃ সর্বদো ভবেৎ |
সর্বমাসর্ক্ষতিথিষু বারেষু হরিরর্চিতঃ || ১, ১১৬. ১ ||
একভক্তেন নক্তেন উপবাসফলাদিনা |
দদাতি ধনধান্যাদি পুত্ররাজ্যজয়াদিকম্ || ১, ১১৬. ২ ||
বৈশ্বানরঃ প্রতিপদি কুবেরঃ পূজিতোর্ঽথদঃ |
পোষ্য ব্রহ্মো প্রতিপদ্যর্চিতঃ শ্রিস্তথাশ্বিনী || ১, ১১৬. ৩ ||
দ্বিতীয়ায়াং যমো লক্ষ্মীনারায়ণ ইহার্থদঃ |
তৃতীয়ায়াং ত্রিদেবাশ্চ গৌরীবিঘ্নেশশঙ্করাঃ || ১, ১১৬. ৪ ||
চতুর্থ্যাং চ চতুর্ব্যূহঃ পঞ্চম্যামর্চিতো হরিঃ |
কার্তিকেয়ো রবিঃ ষষ্ঠ্যাং সপ্তম্যাং ভাস্করোর্ঽথদঃ || ১, ১১৬. ৫ ||
দুর্গাষ্টম্যাং নবম্যাং চ মাতরোঽথ দিশোর্ঽথদাঃ |
দশম্যাং চ যমশ্চন্দ্র একাদশ্যামৃষীন্যজেৎ || ১, ১১৬. ৬ ||
দ্বাদশ্যাং চ হরিঃ কামস্ত্রয়োদশ্যাং মহেশ্বরঃ |
চতুর্দশ্যাং পঞ্চদশ্যাং ব্রহ্মা চ পিতরোর্ঽথদাঃ || ১, ১১৬. ৭ ||
অমাবাস্যাং পূজনীয়া বারা বৈ ভাস্করাদয়ঃ |
নক্ষত্রাণি চ যোগাশ্চ পূজিতাঃ সর্বদায়কাঃ || ১, ১১৬. ৮ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
তিথ্যাদিব্রতবর্ণনং নাম ষোডশোত্তরশততমোঽধ্যায়ঃ

শ্রীগরুডমহাপুরাণম্-১১৭
ব্রহ্মোবাচ |
মার্গশীর্ষে সিতে পক্ষে ব্যাসাংনঙ্গত্রয়োদশী |
মল্লিকাজং দন্তকাষ্ঠং ধুতূরৈঃ পূজয়েচ্ছিবম্ || ১, ১১৭. ১ ||
অনঙ্গায়েতি নৈবেদ্যং মধপ্রাশ্যাথ পৌষকে |
যোগেশ্বরং পূজয়েচ্চ বিল্বপত্রৈঃ কদম্বজম্ |
দন্তকাষ্ঠং চন্দনাদি নৈবেদ্যং কৃসরাদিকম্ || ১, ১১৭. ২ ||
মাঘে নটেশ্বরায়ার্চ্য কুন্দৈর্মৌক্তিকমালয়া |
প্লক্ষেণ দন্তকাষ্ঠং চ নৈবেদ্যং পূরিকা মুনে || ১, ১১৭. ৩ ||
বীরেশ্বরং ফাল্গুনে তু পূজয়েত্তু মরূবকৈঃ |
শর্করাশাকমণ্ডাশ্চ চূতজং দন্তধাবনম্ || ১, ১১৭. ৪ ||
চৈত্রে যজেৎসু রূপায় কর্পূরং প্রাশয়েন্নিশি |
দন্তধাবনাটজং নৈবেদ্যং শষ্কুলীং দদেৎ || ১, ১১৭. ৫ ||
পূজা দমনকঃ শম্ভোর্বেশাখেঽশোক্রপুষ্পকৈঃ |
মহারূপায় নৈবেদ্যং গুডভক্তং পুট্টবরম্ || ১, ১১৭. ৬ ||
দন্তকাষ্ঠং প্রাশয়েচ্চ দদেজ্জতীফলং তথা |
প্রদ্যুম্নং পূজয়েজ্জ্যেষ্ঠে চম্পকৈর্বিল্বজং দশেৎ || ১, ১১৭. ৭ ||
লবগারা তথা ষঢি উমামদতি শাসনঃ? |
অগুরুং দন্তকাষ্ঠং চ তমপামার্গকৈর্যজেৎ || ১, ১১৭. ৮ ||
শ্রাবণে করবীরং চ শম্ভবে শূলপাণয়ে |
গন্ধাশনো ঘৃতাদ্যৈশ্চ করবীরজশোধনম্ || ১, ১১৭. ৯ ||
সদ্যোজাতং ভাদ্রপদে বকুলৈঃ পূপকৈর্যজেৎ |
গন্ধর্বাশো মদনকমাশ্বিনে চ সুরাধিপম্ || ১, ১১৭. ১০ ||
চম্পকৈঃ স্বর্ণবা (ধার্) যাদো জিন্মোদকসম্প্রদঃ |
খাদিরং দন্তকাষ্ঠং চ কার্তিকে রুদ্রমর্চয়েৎ || ১, ১১৭. ১১ ||
বদর্যা দন্তকাষ্ঠং চ মদনো দশমাশনঃ |
ক্ষীরশাকপ্রদঃ পদ্মৈরব্দন্তে শিবমর্চয়েৎ || ১, ১১৭. ১২ ||
রতিমুক্তমনঙ্গং চ স্বর্ণমণ্ডলসংস্থিতম্ |
গন্ধাদ্যৈর্দশসাহস্রং তিলব্রীহ্যাদি হোময়েৎ || ১, ১১৭. ১৩ ||
জাগরং গীতবদিত্রং প্রভিতঽভ্যার্চ্য বেদয়েৎ |
দ্বিজায় শয়্যাং পাত্রং চ ছত্রং বস্ত্রমুপানহৌ || ১, ১১৭. ১৪ ||
গাং দ্বিজং ভোজয়েদ্ভক্ত্যা কৃতকৃত্যো ভবেন্নরঃ |
এতদুদ্যাপনং সর্বং ব্রতেষু ধ্যেপমীদৃশম্ |
ফলঞ্চ শ্রীসুতারোগ্যসৌভাগ্যস্বর্গতং ভবেৎ || ১, ১১৭. ১৫ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
ঽনঙ্গত্রয়োদশীব্রতং নাম সপ্তদশোত্তরশততমোঽধ্যায়ঃ

শ্রীগরুডমহাপুরাণম্-১১৮
ব্রহ্মোবাচ |
ব্রতং কৈবল্যশমনমখণ্ডদ্বাদশীং বদে |
মাগশীর্ষে সিতে পক্ষে গব্যাশী সমুপোষিতঃ || ১, ১১৮. ১ ||
দ্বাদশ্যাং পূজয়ে দ্বিষ্ণুং দদ্যান্মাসচতুষ্টয়ম্ |
পঞ্চব্রীহিয়ুতং পাত্রং বিপ্রায়েদমুদাহরেৎ || ১, ১১৮. ২ ||
সপ্তজন্মনি হে বিষ্ণো যন্ময়া হি ব্রতং কৃতম্ |
ভগবংস্ত্বৎপ্রসাদেন তদখণ্ডমিহাস্তু মে || ১, ১১৮. ৩ ||
যথাখণ্ডং জগৎসর্বং ৎবমেব পুরুষোত্তম |
তথাখিলান্যখণ্ডানি ব্রিতানি মম সন্তি বৈ || ১, ১১৮. ৪ ||
সক্তুপাত্রাণি চৈত্রাদৌ শ্রাবণাদৌ ঘৃতান্বিতান্ |
ব্রতকৃদ্বতপূর্ণস্তু স্ত্রীপুত্রস্বর্গভাগ্ভবেৎ || ১, ১১৮. ৫ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
ঽখণ্ডদ্বাদশীব্রতকথনংনামাষ্টাদশোত্তর শততমোঽধ্যায়ঃ

শ্রীগরুডমহাপুরাণম্-১১৯
ব্রহ্মোবাচ |
অগস্ত্যার্ঘ্যব্রতং বক্ষ্যে ভুক্তিমুক্তিপ্রদায়কম্ |
অপ্রাপ্তে ভাস্করে কন্যাং সতি ভাগে ত্রিভির্দিনৈঃ || ১, ১১৯. ১ ||
অর্ঘ্যং দদ্যাদগস্ত্যায় মূর্তিং সম্পূজ্য বৈ মুনে ! |
কাশপুষ্পময়ীং কুম্ভে প্রদোষে কৃতজাগরঃ || ১, ১১৯. ২ ||
দধ্যক্ষতাদ্যৈঃ সম্পূজ্য উপোষ্য ফলপুষ্পকৈঃ |
পঞ্চবর্ণসমায়ুক্তং হেমরৌপ্যসমন্বিতম্ || ১, ১১৯. ৩ ||
সপ্তধান্যয়ুতং পাত্রং দধিচন্দনচর্চিতম্ |
অগস্ত্যঃ খনমানেতি মন্ত্রেণার্ঘ্যং প্রিদাপয়েৎ || ১, ১১৯. ৪ ||
খাসপুষ্পপ্রতীকাশ অগ্নিমারুতসম্ভব ! |
মিত্রাবারুণয়োঃ পুত্ত্রো কুম্ভয়োনে নমোঽস্তু তে || ১, ১১৯. ৫ ||
শূদ্রস্ত্র্যাদিরনেনৈব ত্যজেদ্ধান্যং ফলং রসম্ |
দদ্যাদ্দ্বিজাতয়ে কুম্ভং সহিরণ্যং সদক্ষিণম্ |
ভোজয়েচ্চ দ্বিজান্সপ্ত বর্ষং কৃৎবা তু সর্বভাক্ || ১, ১১৯. ৬ ||

ইতি শ্রীগারুডে মহাপুরাণে প্রথমাংশাখ্যে আচারকাণ্ডে
ঽগস্ত্যার্ঘ্যব্রতং নামকোনবিংশত্যুত্তরশততমোঽধ্যায়ঃ

শ্রীগরুডমহাপুরাণম্-১২০
ব্রহ্মোবাচ |
রম্ভাতৃতীয়াং বক্ষ্য চ সৌভগ্যশ্রীসুতাদিদাম্ |
মার্গশীর্ষেসিতে পক্ষে তৃতীয়ায়ামুপোষিতঃ || ১, ১২০. ১ ||
গৌরীং যজেদ্বিল্বপত্রৈঃ কুশোদককরস্ততঃ |
কদম্বাদৌ গিরিসুতাং পৌষে মরুবকৈর্যজেৎ || ১, ১২০. ২ ||
কর্পূরাদঃ কৃসরদো মল্লিকাদন্তকাষ্ঠকৃৎ |
মাঘেসুভদ্রাং কল্হারৈর্ঘৃতাশো মণ্ডকপ্রদঃ || ১, ১২০. ৩ ||
গীতীময়ং তন্তকাষ্ঠং ফাল্গুনে গোমতীং যজেৎ |
কুন্দৈঃ কৃৎবা দন্তকাষ্ঠং জীবাশঃ শষ্কুলীপ্রদঃ || ১, ১২০. ৪ ||
বিশালাক্ষীং দমনকৈশ্চৈত্রে চ কৃসরপ্রদঃ |
দধিপ্রাশো দন্তকাষ্ঠং তগরং শ্রীমুখীং যজেৎ || ১, ১২০. ৫ ||
বৈশাখে কর্ণিকারৈশ্চ অশোকাশো বটপ্রদঃ |
জ্যেষ্ঠে নারায়ণীমর্চেচ্ছতপত্রৈশ্চ খণ্ডদঃ |
লবঙ্গাশো ভবেদেব আষাঢে মাধবীং যজেৎ || ১, ১২০. ৬ ||
তিলাশো বিল্বপত্রৈশ্চ ক্ষীরান্নবটকপ্রদঃ |
ঔদুম্বরং দন্তকাষ্ঠং তগর্যাঃ শ্রাবণে শ্রিয়ম্ || ১, ১২০. ৭ ||
দন্তকাষ্ঠং মল্লিকায়া ক্ষীরদো হ্যুত্তমাং যজেৎ |
পদ্মৈর্যজেদ্ভাদ্রপদে শৃঙ্গদাশো গৃডাদিদঃ || ১, ১২০. ৮ ||
রাজপুত্রীং চাশ্বয়ুজে জপাপুষ্পৈশ্চ জীরকম্ |
প্রাশয়েন্নিশি নৈবেদ্যৈঃ কৃসরৈঃ কার্তিকে যজেৎ || ১, ১২০. ৯ ||
জাতীপুষ্পৈঃ পদ্মজাং চ পঞ্চগব্যাশনো যজেৎ |
ঘৃতোদনং চ বর্ষান্তে সপত্নীকান্দ্বিজান্যজেৎ || ১, ১২০. ১০ ||
উমামহেশ্বরং পূজ্য প্রদদ্যাচ্চ গুডাদিকম্ |
বস্ত্রচ্ছত্রসুবর্ণাদ্যৈঃ রাত্রৌ চ কৃতজাগরঃ |
গীতবাদ্যৈর্দদৎপ্রতর্গবাদ্যং সর্বমান্পুয়াৎ || ১, ১২০. ১১ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
রম্ভাতৃতীয়াব্রতং নাম বিংশত্যুত্তরশততমোঽধ্যায়ঃ