১.০৭ গরুডপুরাণ (অধ্যায় ৬১-৭০)

শ্রীগরুডমহাপুরাণম্-৬১
হরিরুবাচ |
সপ্তমোপচয়াদ্যস্থশ্চন্দ্রঃ সর্বত্র শোভনঃ |
শুক্লপক্ষে দ্বিতীয়স্তু পঞ্চমো নবমস্তথা || ১, ৬১. ১ ||
সম্পূজ্যমানো লোকৈস্তু গুরুবদ্দৃশ্যতে শশী |
চন্দ্রস্য দ্বাদশাবস্থা ভবন্তি শৃণু তা অপি || ১, ৬১. ২ ||
ত্রিষুত্রিষু চ ঋক্ষেষু অশ্বিন্যাদি বদাম্যহম্ |
প্রবাসস্থং পুনর্দৃষ্টং মৃতাবস্থং জয়াবহম্ || ১, ৬১. ৩ ||
হাস্যাবস্থং নতা(ক্রীডা) বস্থং প্রমোদাবস্থমেব চ |
বিষাদাবস্থভোগস্থে জ্বরাবস্থং ব্যবস্থিতম্ || ১, ৬১. ৪ ||
কম্পা(ন্যা) বস্থং সুখাবস্থং দ্বাদশাবস্থগং ভবেৎ |
প্রবাসো হানিমৃন্যৃ চ জয়ো হাসেরতিঃ সুখম্ || ১, ৬১. ৫ ||
শোকো ভোগো জ্বরঃ কম্পঃ সুখং চেতি ক্রমাৎফলম্ |
জন্মস্থঃ কুরুতে তুষ্টিং দ্বিতীয়ে নাস্তি নির্বৃতিঃ || ১, ৬১. ৬ ||
তৃতীয়ে রাজসন্মানং চতুর্থে কলহাগমঃ |
পঞ্চমেন মৃগাঙ্কেন স্ত্রীলাভো বৈ তথা ভবেৎ || ১, ৬১. ৭ ||
ঘনধান্যাগমঃ ষষ্ঠে রতিঃ পূজা চ সপ্তমে |
অষ্টমে প্রাণসন্দেহো নবমে কোশসঞ্চয়ঃ || ১, ৬১. ৮ ||
দশমে কার্যনিষ্পত্তিধ্রুবমেকাদশে জয়ঃ |
দ্বাদশেন শশাঙ্কেন মৃত্যুরেব ন সঙ্খয়ঃ || ১, ৬১. ৯ ||
কৃত্তিকাদৌ চ পূর্বেণ সপ্তর্ক্ষাণি চ বৈ ব্রজেৎ |
মঘাদৌ দক্ষিণে গচ্ছেদনুরাধাদি পশ্চিমে || ১, ৬১. ১০ ||
প্রশস্তা চোত্তর যাত্রা ধনিষ্ঠাদিষু সপ্তসু |
অশ্বিনী রেবতী চিত্রা ধনিষ্ঠা সমলঙ্কৃতৌ || ১, ৬১. ১১ ||
মৃগাশ্বিচিত্রাপুষ্যাশ্চ মূলা হস্তা শুভাঃ সদা |
কন্যাপ্রদানে যাত্রায়াং প্রতিষ্ঠাদিষু কর্মসু || ১, ৬১. ১২ ||
শুক্রচন্দ্রৌ হি জন্মস্থৌ শুভদৌ চ দ্বিতীয়কে |
শশিজ্ঞশুক্রজীবাশ্চ রাশৌ রাশৌ চাথ তৃতীয়কে || ১, ৬১. ১৩ ||
ভৌমমন্দশশাঙ্কার্কা বুধঃ শ্রেষ্ঠশ্চতুর্থকে |
শুক্রজীবৌ পঞ্চমে চ চন্দ্রকেতুসমাহিতৌ || ১, ৬১. ১৪ ||
মন্দাকারৈ চ কুজঃ ষষ্ঠে গুরুচন্দ্রৌ চ সপ্তমে |
জ্ঞশুক্রাবষ্টমে শ্রেষ্ঠৌ নবমস্থো গুরুঃ শুভঃ || ১, ৬১. ১৫ ||
অর্কার্কিচন্দ্রা দশমে গ্রহা একাদশে খিলাঃ |
বুধোঽথ দ্বাদশে চৈব ভার্গবঃ সুখদো ভবেৎ || ১, ৬১. ১৬ ||
সিংহেন মকরঃ শ্রেষ্ঠঃ কন্যয়া মেষ উত্তমঃ |
তুলয়া সহ মীনস্তু কুম্ভেন সহকর্কটঃ || ১, ৬১. ১৭ ||
ধনুষা বৃষভঃ শ্রেষ্ঠো মিথুনেন চ বৃশ্চিকঃ |
এতৎষডষ্টকং? প্রীত্যৈ ভবত্যেব ন সংশয়ঃ || ১, ৬১. ১৮ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
জ্যোতিঃ শাস্ত্রে গ্রহাণাং শুভাশুভস্থানাদিনিরূপণং নামৈকপষ্টিতমোঽধ্যায়ঃ

শ্রীগরুডমহাপুরাণম্-৬২
MISSING
ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
জ্যোতিঃ শাস্ত্রে লগ্নঘটিকা প্রমাণাদিনিরূপণং নাম দ্বিষষ্টিতমোঽধ্যায়ঃ

শ্রীগরুডমহাপুরাণম্-৬৩
হরিরুবাচ |
নরস্ত্রীলক্ষণং বক্ষ্যে সঙ্ক্ষপাচ্ছৃণু শঙ্কর |
অস্বেদিনৌ মৃদুতলৌ কমলোদরসন্নিভৌ || ১, ৬৩. ১ ||
শ্লিষ্টাঙ্গুলী তাম্রনখৌ সুগুল্ফৌ শিরয়োজ্ঝিতৌ |
কূর্মোন্নতৌ চ চরণৌ স্যাতাং নৃপবরস্য হি || ১, ৬৩. ২ ||
বিরূক্ষপাণ্ডুরনখৌ বক্রৌ চৈব শিরানতৌ |
সূর্পাকারৌ চ চরণৌ সঙ্খুষ্কৌ বিরলাঙ্গুলী || ১, ৬৩. ৩ ||
দুঃখদারিদ্যদৌ স্যাতা নাত্র কার্যাং বিচারণা |
অল্পরোময়ুতা শ্রেষ্ঠা জঙ্ঘা হস্তিকরোপমা || ১, ৬৩. ৪ ||
রোমৈকৈকং কূপকে স্যাদ্ভূপানাং তু মহাত্মনাম্ |
দ্বেদ্বে রোম্ণী পণ্ডিতানাং শ্রোত্রিয়াণাং তথৈব চ || ১, ৬৩. ৫ ||
রোমত্রয়ং দরিদ্রাণাং রোগী নির্মাংসজানুকঃ |
অল্পলিঙ্গী চ ধনবান্স্যাচ্চ পুত্রাদিবর্জিতঃ || ১, ৬৩. ৬ ||
স্থূললিঙ্গো দরিদ্রঃ স্যাদ্দুখ্যেকবৃষ্ণী ভবেৎ |
বিষমেস্ত্রীচঞ্চলো বৈ নৃপঃ স্যাদ্বৃষণে সমে || ১, ৬৩. ৭ ||
প্রলম্ববৃষণোঽল্পায়ুর্নির্দ্রব্যঃ কুমণির্ভবেৎ |
পাণ্ডুরৈর্মলিনৈশ্চৈব মণিভিশ্চ সুখী নরঃ || ১, ৬৩. ৮ ||
নিঃ স্বাঃ সশব্দমূত্রাঃ স্যুর্নৃপা নিঃশব্দধারয়া |
ভোগাঢ্যাঃ সমজঠরা নিঃ স্বাঃ স্যুর্ঘটসন্নিভাঃ || ১, ৬৩. ৯ ||
সর্পোদরা দরিদ্রাঃ স্যূ রেখাভিশ্চায়ুরুচ্যতে |
ললাটে যস্য দৃশ্যন্তে তিস্রো রেখাঃ সমাহিতাঃ || ১, ৬৩. ১০ ||
সুখী পুত্রসমায়ুক্তঃ স ষষ্টিং জীবতে নরঃ |
চৎবারিংশচ্চ বর্ষাণি দ্বিরেখাদর্শনান্নরঃ || ১, ৬৩. ১১ ||
বিংশত্যব্দং ৎবেকরেখা আকর্ণান্তাঃ শতায়ুষঃ || ১, ৬৩. ১২ ||
সপ্তত্যায়ুর্দ্বিরেখা তু ষষ্ট্যায়ুস্তিসৃভির্ভবেৎ |
ব্যক্তাব্যক্তাভী রেখাভির্বিংশত্যায়ুর্ভবেন্নরঃ || ১, ৬৩. ১৩ ||
চৎবারিংশচ্চ বর্ষাণি হীনরেখস্তু জীবতি |
ভিন্নাভিশ্চৈব রেখাভিরপমৃত্যুর্নরস্য হি || ১, ৬৩. ১৪ ||
ত্রিশূলং পট্টিশং বাপি ললাটে যস্য দৃশ্যতে |
ধনপুত্র সমায়ুক্তঃ স জীবেচ্ছরদঃ শতম্ || ১, ৬৩. ১৫ ||
তর্জন্যা মধ্যমাঙ্গুল্যা আয়ূরেখা তু মধ্যতঃ |
সম্প্রাপ্তা যা ভবেদ্রুদ্র ! স জীবেচ্ছরদঃ শতম্ || ১, ৬৩. ১৬ ||
প্রথমা জ্ঞানরেখা তু হ্যঙ্গুষ্ঠাদনুবর্ততে |
মধ্যমামূলগা রেখা আয়ূরেখা অতঃ পরম্ || ১, ৬৩. ১৭ ||
কনিষ্ঠিকাং সমাশ্রিত্য আয়ূরেখা সমাবিশেৎ |
অচ্ছিন্না বা বিভক্তা বা স জীবেচ্ছরদঃ শতম্ || ১, ৬৩. ১৮ ||
যস্য পাণিতলে রেখা আয়ুস্তস্য প্রকাশয়েৎ |
শতবর্ষাণি জীবেচ্চ ভোগী রুদ্র ! ন সংশয়ঃ || ১, ৬৩. ১৯ ||
কনিষ্ঠিকাং সমাশ্রিত্য মধ্যমায়ামুপাগতা |
ষষ্ঠিবর্ষায়ুষং কুর্যাদায়ূরেখা তু মানবম্ || ১, ৬৩. ২০ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
জ্যোতিঃ শাস্ত্রে সামুদ্রিকে পুংল্লক্ষণনিরূপণং নাম ত্রিষষ্টিতমোঽধ্যায়ঃ

শ্রীগরুডমহাপুরাণম্-৬৪
হরিরুবাচ |
যস্যাস্তু কুঞ্চিতাঃ কেশা মুখং চ পরিমণ্ডলম্ |
নাভিশ্চ দক্ষিণাবর্তা সা কন্যা কুলবর্ধিনী || ১, ৬৪. ১ ||
যা চ কাঞ্চনবর্ণাভা রক্তহস্তসরোরুহা |
সহস্রাণাং তু নারীণাং ভবেৎসাপি পতিব্রতা || ১, ৬৪. ২ ||
বক্রকেশা চ যা কন্যা মণ্ডলাক্ষী চ যা ভবেৎ |
ভর্তা চ ম্রিয়তে তস্যা নিয়তং দুঃখভাগিনী || ১, ৬৪. ৩ ||
পূর্ণচন্দ্রমুখী কন্যা বালসূর্যসমপ্রভা |
বিশালনেত্রা বিম্বোষ্ঠী সা কন্যা লভতে সুখম্ || ১, ৬৪. ৪ ||
রেখাভির্বহুভিঃ ক্লেশং স্বল্পাভির্ধনহীনতা |
রক্তাভিঃ সুখমাপ্নোতি কৃষ্ণাভিঃ প্রেষ্যতাংব্রজেৎ || ১, ৬৪. ৫ ||
কার্যে চ মন্ত্রী সৎস্ত্রী স্যাৎসতী (খী) স্যাৎকরণেষু চ |
স্ত্রেহেষু ভার্যা মাতা স্যাদ্বেশ্যা চ শয়নে শুভা || ১, ৬৪. ৬ ||
অঙ্কুশং কুণ্ডলং চক্রং যস্যাঃ পাণিতলে ভবেৎ |
পুত্রং প্রসূয়তে নারী নরেন্দ্রং লভতে পতিম্ || ১, ৬৪. ৭ ||
যস্যাস্তু রোমশৌ পার্শ্বৌ রোমশৌ চ পয়োধরৌ |
অন্নতৌ চাধরোষ্ঠৌ চ ক্ষিপ্রং মারয়তে পতিম্ || ১, ৬৪. ৮ ||
যস্যাঃ পাণিতলে রেখা প্রাকারস্তোরণং ভবেৎ |
অপি দাসকুলে জাতা রাজ্ঞীৎবমুপগচ্ছতি || ১, ৬৪. ৯ ||
উদ্বৃত্তা কপিলা যস্য রোমরাজী নিরন্তরম্ |
অপি রাজকুলে জাতা দাসীৎবমুপগচ্ছতি || ১, ৬৪. ১০ ||
যস্যা অনামিকাঙ্গুষ্ঠৌ পৃথিব্যাং নৈব তিষ্ঠতঃ |
পতিং মারয়তে ক্ষিপ্রং স্বেচ্ছাচারেণ বর্ততে || ১, ৬৪. ১১ ||
যস্যা গমনমাত্রেণ ভূমিকম্পঃ প্রজায়তে |
পতিং মারয়তে ক্ষিপ্রং স্বেচ্ছাচারেণ বর্ততে || ১, ৬৪. ১২ ||
চক্ষুঃ স্নেহেন সৌভাগ্যং দন্তস্নেহেন ভোজনম্ |
ৎবচঃ স্নেহেন শায়্যাং চ পাদস্নেহেন বাহনম্ || ১, ৬৪. ১৩ ||
স্নিগ্ধোন্নতৌ তাম্রনখৌ নার্যাশ্চ চরণৌ শুভৌ |
মৎস্যাঙ্কুশাব্জচিহ্নৌ চ চক্রলাঙ্গললক্ষিতৌ || ১, ৬৪. ১৪ ||
অস্বেদিনৌ মূদুতলৌ প্রশস্তৌ চরণৌ স্ত্রিয়াঃ |
শুভে জঙ্ঘে বিরোমে চ ঊরূ হস্তিকরোপমৌ || ১, ৬৪. ১৫ ||
অশ্বত্থপত্রসদৃশং বিপুলং গুহ্যমুত্তমম্ |
নাভিঃ প্রশস্তা গম্ভীরা দক্ষিণাবর্তিকা শুভা |
অরোমা ত্রিবলী নার্যা হৃৎস্তনৌ রোমবর্জিতৌ || ১, ৬৪. ১৬ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
জ্যোতিঃ শাস্ত্রে সামুদ্রিকে স্ত্রীলক্ষণনিরূপণং নাম চতুঃ ষষ্টিতমোঽধ্যায়ঃ

শ্রীগরুডমহাপুরাণম্-৬৫
হরিরুবাচ |
সমুদ্রোক্তং প্রবক্ষ্যামি নরস্ত্রীলক্ষণং শুভম্ |
যেন বিজ্ঞাতমাত্রেণ অতীতানাগতাপ্রমা || ১, ৬৫. ১ ||
অস্বেদিনৌ মৃদুতলৌ কমলোদরসন্নিভৌ |
শ্লেষ্টাঙ্গুলী তাম্রনখৌ পাদাবিষ্ণৌ শিরোজ্ঝিতৌ || ১, ৬৫. ২ ||
কূর্মোন্নতৌ গূঢগুল্ফৌ সুপার্ষ্ণো নৃপতেঃ স্মৃতৌ |
শূ(সর্) পাকারৌ বিরূক্ষৌ চ বক্রৌ পাদৌ শিরালকৌ || ১, ৬৫. ৩ ||
সংশুষ্কৌ পাণ্ডুরনখৌ নিঃ স্বস্য বিরলাঙ্গুলী |
মার্গায়োৎকণ্টকৌ পাদৌ কষায়সদৃশৌ তথা || ১, ৬৫. ৪ ||
বিচ্ছিত্তিদৌ চ বংশস্য ব্রহ্মন্ঘৌ শঙ্কু (পক্র) সন্নিভৌ |
অগম্যাগমনে প্রীতৌ জঙ্ঘা বিরলরোমিকা || ১, ৬৫. ৫ ||
মৃদুরোমা সমা জঙ্ঘা তথা করিকরপ্রভা |
ঊরবো জানবস্তুল্যা নৃপস্যোপচিতাঃ স্মৃতাঃ || ১, ৬৫. ৬ ||
নিঃ স্বস্য সৃগালজঙ্ঘা রৌমৈকৈকং চকূপকে |
নৃপাণাং শ্রোত্রিয়াণাং চ দ্বেদ্বে শ্রিয়ে চ ধীমতাম্ || ১, ৬৫. ৭ ||
ত্র্যাদ্যৈর্নিঃ স্বা মানবাঃ স্যুর্দুঃস্বভাজশ্চ নিন্দিতাঃ |
কেশাশ্চ বৈ কুঞ্চিতাশ্চ প্রবাসে ম্রিয়তে নরঃ || ১, ৬৫. ৮ ||
নির্মাংসজানুঃ সৌভাগ্যমল্পৈর্নিম্নৈ রতিঃ স্ত্রিয়াঃ |
বিকটৈশ্চ দরিদ্রাঃ স্যুঃ সমাংসৈ রাজ্যমেব চ || ১, ৬৫. ৯ ||
মহদ্ভিরায়ুরাখ্যাতং হ্যল্পলিঙ্গো ধনী নরঃ |
অপত্যরহিতশ্চৈব স্থূললিঙ্গো ঘনোজ্ঝিতঃ || ১, ৬৫. ১০ ||
মেঢে বামনতে চৈব সুতার্থরহিতো ভবেৎ |
বক্রেঽন্যথা পুত্রবান্ত্স্যাদ্দারিদ্রয়ং বিনতেৎবধঃ || ১, ৬৫. ১১ ||
অল্পে ৎবতনয়ো লিঙ্গেশিরালেঽথ সুখী নরঃ |
স্থূলগ্রন্থিয়ুতে লিঙ্গে ভবেৎপুত্রাদিসংযুতঃ || ১, ৬৫. ১২ ||
কোশগূঢে দীর্ঘৈর্ভুগ্নৈশ্চ ধনবর্জিতঃ |
বলবান্যুদ্ধশীলশ্চ লঘুশেক্তঃ স এব চ || ১, ৬৫. ১৩ ||
দুর্বলস্ত্বেকবৃষণো বিষমাভ্যাঞ্চলঃ স্ত্রিয়াম্ |
সমাভ্যাং ক্ষিতিপঃ প্রোক্তঃ প্রলম্বেন শতাব্দবান্ || ১, ৬৫. ১৪ ||
উদ্বৃং (দ্ধ) তাভ্যাং চ বহ্বায়ূ রূক্ষৈর্মণিভিরীশ্বরঃ |
পাণ্ডরৈর্মণিভির্নিঃ স্বা মলিনৈঃ সুখভাগিনঃ || ১, ৬৫. ১৫ ||
সশব্দনিঃ শব্দমূত্রাঃ স্যুদংরিদ্রাশ্চ মানবাঃ |
একদ্বিত্রিচতুঃ পঞ্চষড্ভির্ধারাভিরেব চ || ১, ৬৫. ১৬ ||
দক্ষিণাবর্তচলিতমূত্রা ভিশ্চ নৃপাঃ স্মৃতাঃ |
বিকীর্ণমূত্রা নিঃ স্বাশ্চ প্রধানসুখদায়িকাঃ || ১, ৬৫. ১৭ ||
একধারাশ্চ বনিতাঃ স্নিগ্ধৈর্মণিভিরুন্নতৈঃ |
সমৈঃ স্ত্রীরত্নধনিনো মধ্যে নিম্নৈশ্চ কন্যকাঃ || ১, ৬৫. ১৮ ||
শুষ্কৈর্নিশ্বা বিশুষ্কৈশ্চ দুর্ভগাঃ পরিকীর্তিতাঃ |
পুষ্পগন্ধে নৃপাঃ শুক্রে মধুগন্ধে ধনং বহুঃ || ১, ৬৫. ১৯ ||
পুত্রাঃ শুক্রে মৎস্যগন্ধে তনুশুক্রে চ কন্যকাঃ |
মহাভোগী মাংসগন্ধে যজ্বা স্যান্মদগন্ধিনি || ১, ৬৫. ২০ ||
দরিদ্রঃ ক্ষারগন্ধে চ দীর্ঘায়ুঃ শীঘ্রমৈথুনী |
অশীঘ্রমৈথুন্যল্পায়ুঃ স্থূলস্ফিক্স্যাদ্ধনোজ্ঝিতঃ || ১, ৬৫. ২১ ||
মাংসলস্ফিক্সুখী স্যাচ্চ সিংহস্ফিক্ভূপতিঃ স্মৃতঃ |
ভবেৎসিংহকটী রাজা নিঃ স্বঃ কপিকটির্নরঃ || ১, ৬৫. ২২ ||
সর্পোদরা দরিদ্রাঃ স্যুঃ পিঠরৈশ্চ ঘটৈঃ সমৈঃ |
ধনিনো বিপুলৈঃ পার্শ্বৈর্নিঃ স্বা রক্তৈশ্চ নিম্নগৈঃ || ১, ৬৫. ২৩ ||
সমকক্ষাশ্চ ভোগাঢ্যা নিম্নকক্ষা ধনোজ্ঝিতাঃ |
নৃপাশ্চোন্নতকক্ষাঃ স্যুর্জিহ্না বিষমকক্ষকাঃ || ১, ৬৫. ২৪ ||
মৎস্যোদরা বহুধনা নাভিভিঃ সুখিনঃ স্মৃতাঃ |
বিস্তীর্ণাভির্বহুলাভির্নিম্নাভিঃ ক্লেশভাগিনঃ || ১, ৬৫. ২৫ ||
বলিমধ্যগতা নাভিঃ শূলবাধাং করোতি হি |
বামাবর্তশ্চ সাধ্যং বৈ মেধাং দক্ষিণতস্তথা || ১, ৬৫. ২৬ ||
পার্শ্বায়তা চিরায়ুর্দা তূপবিষ্টা ধনেশ্বরম্ |
অধো গবাঢ্যং কুর্যাচ্চ নৃপৎবং পদ্মকর্ণিকা || ১, ৬৫. ২৭ ||
একবলিঃ শতায়ুঃ স্যাচ্ছ্রীভোগী দ্বিবলিঃ স্মৃতঃ |
ত্রিবলিঃ ক্ষ্মাপ আচার্য ঋজুভির্বালিভিঃ সুখী || ১, ৬৫. ২৮ ||
অগম্যাগামী জিহ্মবলির্ভূপাঃ পার্শ্বৈশ্চ মাংসলৈঃ |
মৃদুভিঃ সুসমৈশ্চৈব দক্ষিণাবর্তরোমভিঃ || ১, ৬৫. ২৯ ||
বিপরীতৈঃ পরপ্রেষ্যা নির্দ্রব্যাঃ সুখবর্জিতাঃ |
অনুদ্ধতৈশ্চূচুকৈশ্চ ভবন্তি সুভগা নরাঃ || ১, ৬৫. ৩০ ||
নির্ধনা বিষমৈর্দের্ঘৈঃ পীতোপচিতকৈর্নৃপাঃ |
সমোন্নতং চ হৃদয়মকম্পং মাংসলং পৃথু || ১, ৬৫. ৩১ ||
নৃপাণামধমানাং চ খররোমশিরালকম্ |
অর্থবান্সমবক্ষাঃ স্যাৎপীনৈর্বক্ষোভিরূর্জিতঃ || ১, ৬৫. ৩২ ||
বক্ষোভির্বিষমৈর্নিঃ স্বঃ শস্ত্রেণনিধনাস্তথা |
বিষমৈর্জত্রুভির্নিঃ স্বা অস্থিনদ্ধৈশ্চ মানবাঃ || ১, ৬৫. ৩৩ ||
উন্নতৈর্ভোগিনো নিম্নৈর্নিঃ স্বাঃ পীনৈর্ধনান্বিতাঃ |
নিঃ স্বশ্চিপিটকণ্ঠঃ স্যাচ্ছিরাশুষ্কগলঃ সুখী || ১, ৬৫. ৩৪ ||
শূরঃ স্যান্মহিষগ্রীবঃ শাস্ত্রাত্তো মৃগকণ্ঠকঃ |
কম্বুগ্রীবশ্চ নৃপতির্লম্বকণ্ঠোঽতিভক্ষকঃ || ১, ৬৫. ৩৫ ||
অরোমশা ভুগ্নপৃষ্ঠং শুভং চাশুভমন্যথা |
কক্ষাশ্বত্থদলা শ্রেষ্ঠা সুগন্ধির্মৃগরোমিকা || ১, ৬৫. ৩৬ ||
অন্যথা ৎবর্থহীনানাং দারিদ্রয়স্য চ কারণম্ |
সমাসৌ চৈব ভুগ্নাল্পৌ শ্লিষ্টৌ চ বিপুলৌ শুভৌ || ১, ৬৫. ৩৭ ||
আজানুলম্বিতৌ বাহূ বৃত্তৌ পীনৌ নৃপেশ্বরে |
নিঃ স্বানাং রোমশৌ হ্রস্বৌ শ্রেষ্ঠৌ করিকর প্রভৌ || ১, ৬৫. ৩৮ ||
হস্তাঙ্গুলয় এব স্যুবায়ুদ্বারয়ুতাঃ শুভাঃ |
মেধাবিনাং চ সূক্ষ্মাঃ স্যুর্ভৃত্যানাং চিপিটাঃ স্মৃতাঃ || ১, ৬৫. ৩৯ ||
স্থূলাঙ্গুলীভির্নিঃ স্বাঃ স্যুর্নতাঃ স্যুঃ সুকৃশৈস্তদা |
কপিতুল্যকরাঃ নিঃ স্বা ব্যাঘ্রতুল্যকরৈর্বলম্ || ১, ৬৫. ৪০ ||
পিতৃবিত্তবিনাশশ্চ নিম্নাৎকরতলান্নরাঃ |
মণিবন্ধৈর্নিগূঢৈশ্চ সুশ্লিষ্টৈঃ শুভগন্ধিভিঃ || ১, ৬৫. ৪১ ||
নৃপা হীনাঃ করচ্ছৈদৈঃ সশব্দৈর্ধনবর্জিতাঃ |
সংবৃতৈশ্চৈব নিম্নৈশ্চ ধনিনঃ পরিকীর্তিতাঃ || ১, ৬৫. ৪২ ||
প্রোত্তানক রদাতারো বিষমৈর্বিষমা নরাঃ |
করৈঃ করতলৈশ্চৈব লাক্ষাভৈরীশ্বরাস্তলৈঃ || ১, ৬৫. ৪৩ ||
পরদাররতাঃ পীতৈরূক্ষৈর্নিঃ স্বা নরা মতাঃ |
তুষতুল্যনখাঃ ক্লীবাঃ কুটিলৈঃ স্ফুটিতৈর্নরাঃ || ১, ৬৫. ৪৪ ||
নিঃ স্বাশ্চ কুনখৈস্তদ্বদ্বিবর্ণৈঃ পরতর্ককাঃ |
তাম্রৈর্ভূপা ধনাঢ্যাশ্চ অঙ্গুষ্ঠৈঃ সয়বৈস্তথা || ১, ৬৫. ৪৫ ||
অঙ্গুষ্ঠমূলজৈঃ পুত্রী স্যাদ্দীর্ঘাঙ্গুলিপর্বকঃ |
দীর্ঘায়ুঃ সুভগশ্চৈব নির্ধনো বিরলাঙ্গুলিঃ || ১, ৬৫. ৪৬ ||
ঘনাঙ্গুলিশ্চ সধনস্তিস্রো রেখাশ্চয়স্য বৈ |
নৃপতেঃ করতলগা মণিবন্ধাৎসমুত্থিতাঃ || ১, ৬৫. ৪৭ ||
যুগমীনাঙ্কিতনরো ভবেৎসত্রপ্রদো নরঃ |
বজ্রাকারাশ্চ ধনিনাং মৎস্যপুচ্ছনিভা বুধে || ১, ৬৫. ৪৮ ||
শঙ্খাতপত্রশিবিকাগজপদ্মোপমা নৃপে |
কুম্ভাঙ্কুশপতাকাভা মৃণালাভা নিধীশ্বরে || ১, ৬৫. ৪৯ ||
দামাভাশ্চ গবাঢ্যানাং স্বস্তিকাভা নৃপেশ্বরে |
চক্রাসিতোমরধনুঃ কুন্তাভা নৃপতেঃ করে || ১, ৬৫. ৫০ ||
অলূখলাভা যজ্ঞাঢ্যা বেদীভা চাগ্নিহোত্রিণি |
বাপীদেবকুল্যাভাস্ত্রিকোণাভাশ্চধার্মিকে || ১, ৬৫. ৫১ ||
অঙ্গুষ্ঠমূলগা রেখাঃ পুত্রাঃ সূক্ষ্মাশ্চ দারিকাঃ |
প্রদেশিনীগতা রেখা কনিষ্ঠামূলগামিনী || ১, ৬৫. ৫২ ||
শতায়ুষং চ কুরুতে ছিন্নয়া তরুতো ভয়ম্ |
নিঃ স্বাশ্চ বহুরেখাঃ স্যুনির্দ্রব্যাশ্চিবুকৈঃ কৃশৈঃ || ১, ৬৫. ৫৩ ||
মাংসলৈশ্চ ধনোপেতা আরক্তৈরধরৈর্নৃপাঃ |
বিম্বোপমৈশ্চ স্ফুটিতৈরোষ্ঠৈরূক্ষৈশ্চকণ্ডিতৈঃ || ১, ৬৫. ৫৪ ||
বিষমৈর্ধনহীনাশ্চ দন্তাঃ স্নিগ্ধা ঘনাঃ শুভাঃ |
তীক্ষ্ণা দন্তাঃ সমাঃ শ্রেষ্ঠা জিহ্বা রক্তা সমা শুভা || ১, ৬৫. ৫৫ ||
শ্লক্ষ্ণা দীর্ঘা চ বিজ্ঞেয়া তালূ শ্বেতে ধনক্ষয়ে |
কৃষ্ণে চ পরুষো বক্রং সমং সৌম্যং চ সংবৃতম্ || ১, ৬৫. ৫৬ ||
ভূপানামমলং শ্লক্ষ্ণং বিপরীতং চ দুঃখিনাম্ |
মহা দুঃখং দুর্ভগাণাং স্ত্রীমুখং পুত্রমাপ্নুয়াৎ || ১, ৬৫. ৫৭ ||
আঢ্যানাং বর্তুলং বক্রং নির্দ্রব্যাণাং চ দীর্ঘকম্ |
ভীরুবক্রঃ পাপকর্মা ধূর্তানাং চতুরশ্রকম্ || ১, ৬৫. ৫৮ ||
নিম্নং বক্রমপুত্রাণাং কৃপণানাং চ হ্রস্বকম্ |
সম্পূর্ণং ভোগিনাং কান্তং শ্মশ্রু স্নিগ্ধং শুভং মৃদু || ১, ৬৫. ৫৯ ||
সংহতং চাস্ফুটিতাগ্রং রক্তশ্মশ্রুশ্চ চৌরকঃ |
রক্তাল্পপরুষশ্মশ্রুকর্ণাঃ স্যুঃ পাপমৃত্যবঃ || ১, ৬৫. ৬০ ||
নির্মাংসৈশ্চিপিটৈর্ভোগাঃ কৃপণা হ্রস্বকর্ণকাঃ |
শঙ্কুকর্ণাশ্চ রাজানো রোমকর্ণা গতায়ুষঃ || ১, ৬৫. ৬১ ||
বৃহৎকর্ণাশ্চ ধনিনোরাজানঃ পরিকীর্তিতাঃ |
কর্ণৈঃ স্নিগ্ধাবনদ্ধৈশ্চ ব্যালম্বৈর্মাংসলৈর্নৃপাঃ || ১, ৬৫. ৬২ ||
ভোগী বৈ নিম্নগণ্ডঃ স্যান্মত্রী সম্পূর্ণগণ্ডকঃ |
শুকনাসঃ সুখী স্যাচ্চ শুষ্কনাসোঽতিজীবনঃ || ১, ৬৫. ৬৩ ||
ছিন্নাগ্রকূপনাসঃ স্যাদগম্যাগমনে রতঃ |
দীর্ঘনাসে চ সৌভাগ্যং চৌরশ্চাকুঞ্চিতেন্দ্রিয়ঃ || ১, ৬৫. ৬৪ ||
মৃত্যুশ্চিপিটনাসে স্যাদ্ধীনো ভাগ্যবতাং ভবেৎ |
স্বল্পচ্ছিদ্রৌ সুপুটৌ চ অবক্রৌ চ নৃপেশ্বরে || ১, ৬৫. ৬৫ ||
ক্রূরে দক্ষিণবক্রা স্যাদ্বলিনাং চ ক্ষুতং সকৃৎ |
স্যাদ্বিনিষ্পিণ্ডিতং হ্রাদি সানুনাদং চ জীবকৃৎ || ১, ৬৫. ৬৬ ||
বক্রান্তৈঃ পদ্মপত্রাভৈর্লোচনৈঃ সুখভাগিনঃ |
মার্জারলোচনৈঃ পাপ্মা দুরাত্মা মধুপিঙ্গলৈঃ || ১, ৬৫. ৬৭ ||
ক্রূরাঃ কেকরনেত্রাশ্চ হরিতাক্ষাঃ সকল্মষাঃ |
জিহ্যৈশ্চ লোচনৈঃ শূরাঃ সেনান্যো গজলোচনাঃ || ১, ৬৫. ৬৮ ||
গম্ভীরাক্ষা ঈশ্বরাঃ স্যুর্মন্ত্রিণঃ স্থূলচক্ষুষঃ |
নীলোৎপ লাক্ষা বিদ্বাংসঃ সৌভাগ্যং শ্যামচক্ষুষাম্ || ১, ৬৫. ৬৯ ||
স্যাৎকৃষ্ণতারকাক্ষাণামক্ষ্ণামুৎপাটনং কিল |
মণ্ডলাক্ষাশ্চ পাপাঃ স্যুর্নিঃ স্বাঃ স্যুর্দেনলোচনাঃ || ১, ৬৫. ৭০ ||
দৃক্স্নিগ্ধা বিপুলা ভোগে অল্পায়ুরধিকোন্নতা |
বিশালোন্নতা সুখিনী দরিদ্রা বিষমভ্রুবঃ || ১, ৬৫. ৭১ ||
ঘনদীর্ঘাসুসক্তভ্রূর্বালেন্দূন্নতসুভ্রুবঃ |
আঢ্যো নিঃ স্বশ্চ খণ্ডভ্রৃর্মধ্যে চ বিনতভ্রুবঃ || ১, ৬৫. ৭২ ||
স্ত্রীষু গম্যাসু সক্তাঃ স্যুঃ সুতার্থে পরিবর্জিতাঃ |
অন্নতৈর্বিপুলৈঃ শঙ্খৈর্ললাটৈর্বিষমৈস্তথা || ১, ৬৫. ৭৩ ||
নির্ধনা ধনবন্তশ্চ অর্ধেন্দুসদৃশৈর্নরাঃ |
আচার্যাঃ শুক্তিবিশালৈঃ শিরালৈঃ পাপকারিণঃ || ১, ৬৫. ৭৪ ||
অন্নতাভৈঃ শিরাভিশ্চ স্বস্তিকাভির্ধনেশ্বরাঃ |
নিম্নৈর্ললাটৈর্বন্ধার্হাঃ ক্রূরকর্মরতাস্তথা || ১, ৬৫. ৭৫ ||
সংবৃতৈশ্চ ললাটৈশ্চ কৃপণা উন্নতৈর্নৃপাঃ |
অনশ্রু স্নিগ্ধরুদিতমদীনং শুভদং নৃণাম্ || ১, ৬৫. ৭৬ ||
প্রচুরাশ্রুদীনং রূক্ষং চ রুদিতং চ সুখাবহম্ |
অকম্পং হসিতং শ্রেষ্ঠং মীলিতাক্ষমঘাবহম্ || ১, ৬৫. ৭৭ ||
অসকৃদ্ধসিতং দুষ্টং সোন্মাদস্য হ্যনেকধা |
ললাটোপসৃতাস্তিস্রো রেখাঃ স্যুঃ শতবর্ষিণাম্ || ১, ৬৫. ৭৮ ||
নৃপৎবং স্যাচ্চতসৃভিরায়ুঃ পঞ্চনবত্যথ |
অরেখেণায়ুর্নবতির্বিচ্ছিন্নাভিশ্চ পুংশ্ললাঃ || ১, ৬৫. ৭৯ ||
কেশান্তোপগতাভিশ্চ অশীত্যায়ুর্নরো ভবেৎ |
পঞ্চভিঃ সপ্তভিঃ ষড্ভিঃ পঞ্চাশদ্বহুভিস্তথা || ১, ৬৫. ৮০ ||
চৎবারিংশচ্চ বক্রাভিস্ত্রিংশদ্ভ্রূলগ্নগামিভিঃ |
বিংশতির্বামবক্রা ভিরায়ুঃ ক্ষুদ্রাভিরল্পকম্ || ১, ৬৫. ৮১ ||
ছত্রাকারৈঃ শিরোভিস্তু নৃপা নিম্নশিরা ধনী |
চিপিটৈশ্চ পিতুর্মৃত্যুর্গবাদ্যাঃ পরিমণ্ডলৈঃ || ১, ৬৫. ৮২ ||
ঘটমূর্ধা পাপরুচির্ধনাদ্যৈঃ পরিবর্জিতঃ |
কৃষ্ণৈরাকুঞ্চিতৈঃ কেশৈঃ স্নিগ্ধৈরেকৈকসম্ভবৈঃ || ১, ৬৫. ৮৩ ||
অভিন্নাগ্রৈশ্চ মৃদুভির্ন চাতিবহুভির্নৃপাঃ |
বহুমূলৈশ্চ বিষমৈঃ স্থূলাগ্রৈঃ কপিলৈস্তথা || ১, ৬৫. ৮৪ ||
নিঃ স্বাশ্চৈবাতিকুচিলৈর্ঘনৈরসিত (ধিক) মূর্ধজৈঃ |
যদ্যদ্গাত্রং মহারূক্ষং শিরালং মাংসবর্জিতম্ || ১, ৬৫. ৮৫ ||
তত্তৎস্যা দশুভং সর্বং ততোঽন্যথা |
বিপুলস্ত্রিষু গম্ভীরো দীর্ঘঃ সূক্ষ্মশ্চ পঞ্চসু || ১, ৬৫. ৮৬ ||
ষডুন্নতশ্চতুর্হ্রস্বো রক্তঃ সপ্তস্বসৌ নৃপঃ |
নাভিঃ স্বরশ্চ সসত্ত্বং চ ত্রয়ং গম্ভীরমীরিতম্ || ১, ৬৫. ৮৭ ||
পুংসঃ স্যাদতিবিস্তীর্ণং ললাটং বদনং হ্যুরঃ |
চক্ষুঃ কক্ষা নাসিকা চ ষট্স্যুর্নৃপকৃকাটিকাঃ || ১, ৬৫. ৮৮ ||
উন্নতানি চ হ্রস্বনি জঙ্ঘা গ্রীবা চ লিঙ্গকম্ |
পৃষ্ঠং চৎবারি রক্তানি করতাল্বধরা নখাঃ || ১, ৬৫. ৮৯ ||
নেত্রান্তপাদজিহ্বৌষ্ঠাঃ পঞ্চ সূক্ষ্মাণি সন্তি বৈ |
দশনাঙ্গুলিপর্বাণি নখকেশৎবচঃ শুভাঃ || ১, ৬৫. ৯০ ||
দীর্ঘাঃ স্তনান্তরং বাহুদন্তলোচননাসিকাঃ |
নরাণাং লক্ষণং প্রোক্তং বদামি স্ত্রীষু লক্ষণম্ || ১, ৬৫. ৯১ ||
রাজ্ঞ্যাঃ স্নিগ্ধৌ সমৌ পাদৌ তলৌ তাম্রৌ নখৌ তথা |
শ্লিষ্টাঙ্গুলী চোন্নতাগ্রৌ তাং পাপ্য নৃপতির্ভবেৎ || ১, ৬৫. ৯২ ||
নিগূঢগুল্ফোপচিতৌ পদ্মকান্তিতলৌ শুভৌ |
অস্বেদিনৌ মৃদুতলৌ মৎস্যাঙ্কুশঘ্বজাঞ্চিতৌ || ১, ৬৫. ৯৩ ||
বজ্রাব্জহলচিহ্নৌ চ দাস্যাঃ পাদৌ ততোঽন্যথা |
জঙ্ঘে চ রোমরহিতে সুবৃত্তে বিশিরে শুভে || ১, ৬৫. ৯৪ ||
অনুল্বণং সন্ধিদেশং সমং জানুদ্বয়ং শুভম্ |
ঊরূ করিকরাকারাবরোমৌ চ সমৌ শুভৌ || ১, ৬৫. ৯৫ ||
অশ্বত্থপত্রসদৃশং বিপুলং গুহ্যমুত্তমম্ |
শ্রোণীললাটকং স্ত্রীণামূরু কূর্মোন্নতং শুভম্ || ১, ৬৫. ৯৬ ||
গূঢো মণিশ্চ শুভদো নিতম্বশ্চ গুরুঃ শুভঃ |
বিস্তীর্ণমাংসোপচিতা গম্ভীরা বিপুলা শুভা || ১, ৬৫. ৯৭ ||
নাভিঃ প্রদক্ষিণাবর্তা মধ্যং ত্রিবলিশোভিতম্ |
অরোমশৌ স্তনৌ পীনৌ ঘনাববিষমৌ শুভৌ || ১, ৬৫. ৯৮ ||
কঠিনৌ রোমশা শস্তা মৃদুগ্রীবা চ কম্বুভা |
আরক্তাবধরৌ শ্রেষ্ঠৌ মাংসলং বর্তুলং মুখম্ || ১, ৬৫. ৯৯ ||
কুন্দপুষ্পসমা দন্তা ভাষিতং কোকিলাসমম্ |
দাক্ষিণ্যয়ুক্তমশঠং হংসশব্দসুখাবহম্ || ১, ৬৫. ১০০ ||
নাসা সমা সমপুটা স্ত্রীণাং তু রুচিরা শুভা |
নীলোৎপলনিভং চক্ষুর্নাসালগ্নং ন লম্বকম্ || ১, ৬৫. ১০১ ||
ন পৃথূ বালেন্দুনিভে ভ্রুবৌ চাথ ললাটকম্ |
শুভমর্ধেন্দুসংস্থানমতুঙ্গং স্যাদলোমশম্ || ১, ৬৫. ১০২ ||
সুমাংসলং কর্ণয়ুগ্মং সমং মৃদু সমাহিতম্ |
স্নিগ্ধা নীলাশ্চ মৃদবো মূর্ধজাঃ কুঞ্চিতাঃ কচাঃ || ১, ৬৫. ১০৩ ||
স্ত্রীণাং সমং শিরঃ শ্রেষ্ঠং পাদে পাণিতলেঽথ বা |
বাজিকুঞ্জরশ্রীবৃক্ষয়ূপেষুয়বতোমরৈঃ || ১, ৬৫. ১০৪ ||
ধ্বজচামরমালাভিঃ শৈলকুণ্ডলবেদিভিঃ |
শঙ্খাতপত্রপদ্মৈশ্চ মৎস্যস্বস্তিকসদ্রথৈঃ || ১, ৬৫. ১০৫ ||
লক্ষণৈরঙ্কুশাদ্যৈশ্চ স্ত্রিয়ঃ স্যূ রাজবল্লভাঃ |
নিগূঢমণিবন্ধৌ চ পদ্মগর্ভোপমৌ করৌ || ১, ৬৫. ১০৬ ||
ন নিম্নং নোন্নতং স্ত্রীণাং ভবেৎকরতলং শুভম্ |
রেখান্বিতং ৎববিধবাং কুর্যাৎসম্ভোগিনীং স্ত্রিয়ম্ |
রেখা যা মণিবন্ধোত্থা গতা মধ্যাঙ্গুলিং করে || ১, ৬৫. ১০৭ ||
গতা পাণিতলে যা চ যোর্ধ্বপাদতলে স্থিতা |
স্ত্রীণাং পুংসাং তথা সা স্যাদ্রাজ্যায় চ সুখায় চ || ১, ৬৫. ১০৮ ||
কনিষ্ঠিকামূলভবা রেখা কুর্যাচ্ছতায়ুষম্ |
প্রদেশিনীমধ্যমাভ্যামন্তরালগতা সতী || ১, ৬৫. ১০৯ ||
ঊনা ঊনায়ুষং কুর্যাদ্রেখাশ্চাঙ্গুষ্ঠমূলগাঃ |
বৃহত্যঃ পুত্রাস্তন্ব্যস্তু প্রমদাঃ পরিকীর্তিতাঃ || ১, ৬৫. ১১০ ||
স্বল্পায়ুষো বহু (লঘু) চ্ছিন্না দীর্ঘাছিন্না মহায়ুষম্ |
শুভং তু লক্ষণং স্ত্রীণাং প্রোক্তং ৎবশুভমন্যথা || ১, ৬৫. ১১১ ||
কনিষ্ঠিকানামিকা বা যস্যা ন স্পৃশতে মহীম্ |
অঙ্গুষ্ঠং বা গতাতীত্য তর্জনী কুলটা চ সা || ১, ৬৫. ১১২ ||
ঊর্ধ্বং দ্বাভ্যাং পিণ্ডিকাভ্যাং জঙ্ঘে চাতিশিরালকে |
রোমশেচাতিমাংসে চ কুম্ভাকারং তথোদরম্ || ১, ৬৫. ১১৩ ||
বামাবর্তং নিম্নমল্পং দুঃখিতানাং চ গুহ্যকম্ |
গ্রীবয়া হ্রস্বয়া নিঃ স্বা দীর্ঘয়া চ কুলক্ষয়ঃ || ১, ৬৫. ১১৪ ||
পৃথুলয়া প্রচণ্ডাশ্চ স্ত্রিয়ঃ স্যুর্নাত্র সংশয়ঃ |
কেকরে পিঙ্গলে নেত্রে শ্যামে লোলেক্ষণা সতী || ১, ৬৫. ১১৫ ||
স্মিতে কূপে গণ্ডয়োশ্চ সা ধ্রুবং ব্যভিচারিণী |
প্রলম্বিনী ললাটে তু দেবরং হন্তি চাঙ্গনা || ১, ৬৫. ১১৬ ||
উদরে শ্বশুরং হন্তি পতিং হন্তি স্ফিচোর্দ্বয়োঃ |
যা তু রোমোত্তরৌষ্ঠী স্যান্ন শুভা ভর্তুরেব হি || ১, ৬৫. ১১৭ ||
স্তনৌ সরোমাবশুভৌ কর্ণৌ চ বিষমৌ তথা |
করালা বিষমা দন্তাঃ ক্লেশায় চ ভবন্তি তে || ১, ৬৫. ১১৮ ||
চৌর্যায় কৃষ্ণমাংসাশ্চ দীর্ঘা ভুর্তুশ্চ মৃত্যবে |
ক্রব্যাদরূপৈর্হস্তৈশ্চ বৃককাকাদিসন্নিভৈঃ || ১, ৬৫. ১১৯ ||
শিরালৈর্বিষমৈঃ শুষ্কৈর্বিত্তহীনা ভবন্তি হি |
সমুন্নতোত্তরেষ্ঠী যা কলহে রূক্ষভাষিণী || ১, ৬৫. ১২০ ||
স্ত্রীষু দোষা বিরূপাসু পত্রাকারো গুণাস্ততঃ |
নরস্ত্রীলক্ষণং প্রোক্তং বক্ষ্যে তজ্জ্ঞানদায়কম্ || ১, ৬৫. ১২১ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
জ্যোতিঃ শাস্ত্রে সামুদ্রিকে স্ত্রীনরলক্ষণং নাম পঞ্চষষ্টিতমোঽধ্যায়ঃ

শ্রীগরুডমহাপুরাণম্-৬৬
হরিরুবাচ |
নির্লক্ষণা শুভা স্যাচ্চ চক্রাঙ্কিতশিলার্চনাৎ |
আদৌ সুদর্শনো মূর্তির্লক্ষ্মীনারায়ণঃ পরঃ || ১, ৬৬. ১ ||
ত্রিচক্রোঽসাবচ্যুতঃ স্যাচ্চতুশ্চক্রশ্চতুর্ভুজঃ |
বাসুদেবশ্চ প্রদ্যুম্নস্ততঃ সঙ্কর্ষণঃ স্মৃতঃ || ১, ৬৬. ২ ||
পুরুষোত্তমশ্চাষ্টমঃ স্যান্নব্যূহো দশাত্মকঃ |
একাদশোঽনিরুদ্ধঃ স্যাদ্দ্বাদশো দ্বাদশাত্মকঃ || ১, ৬৬. ৩ ||
অত ঊর্ধ্বমনন্তঃ স্যাচ্ছক্রে রেকাদিকৈঃ ক্রমাৎ |
সুদর্শনা লক্ষিতাশ্চ পূজিতাঃ সর্বকামদাঃ || ১, ৬৬. ৪ ||
শালগ্রামশিলা যত্র দেবো দ্বারবতীভবঃ |
উভয়োঃ সঙ্গমো যত্র তত্র মুক্তির্ন সংশয়ঃ || ১, ৬৬. ৫ ||
শালগ্রামো দ্বারকা চ নৈমিষং পুষ্করং গয়া |
বারাণসী প্রয়াগশ্চ কুরুক্ষেত্রং চ সূকরম্ || ১, ৬৬. ৬ ||
গঙ্গা চ নর্মদা চৈব চন্দ্রভাগা সরস্বতী |
পুরুষোত্তমো মহাকালস্তীর্থান্যেতানি শঙ্কর || ১, ৬৬. ৭ ||
সর্বপাপহরাণ্যেব ভুক্তমুক্তিপ্রদানি বৈ |
প্রভবো বিভবঃ শুক্লঃ প্রমোদোঽথ প্রজাপতিঃ || ১, ৬৬. ৮ ||
অঙ্গিরাঃ শ্রীমুখো ভাবঃ যুবা ধাতা তথৈব চ |
ঈশ্বরো বহুধান্যশ্চ প্রমাথী বিক্রমো বিষুঃ || ১, ৬৬. ৯ ||
চিত্রভানুঃ স্ববানুশ্চ তারণঃ পার্থিবো ব্যয়ঃ |
সর্বজিৎসর্বধারী চ বিরোধী বিকৃতিঃ খরঃ || ১, ৬৬. ১০ ||
নন্দনো বিজয়শ্চৈব জয়ো মন্মথদুর্মুখৌ |
হেমলম্বো বিলম্বশ্চ বিকারঃ শর্বরী প্লবঃ || ১, ৬৬. ১১ ||
শুভকৃচ্ছোভনঃ ক্রোধী বিশ্বাবমুপরাভবৌ |
প্লবঙ্গঃ কীলকঃ সৌম্যঃ সাধারণবিরোধকৃৎ || ১, ৬৬. ১২ ||
পরিধাবী প্রমাদী চ আনন্দো রাক্ষসো নলঃ |
পিঙ্গলঃ কালসিদ্ধার্থৌ রৌদ্রির্বৈ দুর্মতিস্তথা || ১, ৬৬. ১৩ ||
দুন্দুভী রুধিরোদ্গারী রক্তাক্ষঃ ক্রোধনোঽক্ষয়ঃ |
অশোভনাঃ শোভনাশ্চ নাম্নৈবৈতে হি বৎসরাঃ || ১, ৬৬. ১৪ ||
কালং বক্ষ্যামি সংসিদ্ধ্যৈ রুদ্র পঞ্চস্বরোদয়াৎ |
রাজা সা(মা) জা উদাসা চ পীডা মৃত্যুস্তথৈব চ || ১, ৬৬. ১৫ ||
আ ঈ ঊ ঐ ঔ স্বরাংশ্চ লিখেৎপঞ্চাগ্নিকোষ্ঠকে |
ঊর্ধ্বতির্যগ্গতৈ রেখৈঃ ষড্বহ্নিক্রমমাগতৈঃ || ১, ৬৬. ১৬ ||
তিথী একা গ্নিকোষ্ঠেষু ত্রয়ো রাজাথ সা (মা) জয়াঃ |
উদাসামৃত্যুপীডাশ্চ কুজঃ সোমসুতঃ ক্রমাৎ || ১, ৬৬. ১৭ ||
গুরুশুক্রৌ চ মন্দশ্চ রবিচন্দ্রৌ যথোদিতম্ |
রেবত্যাদিমৃগান্তাশ্চ ঋক্ষাণি প্রথমা কলা || ১, ৬৬. ১৮ ||
পঞ্চপঞ্চান্যত্র ভানি চৈত্রাদ্য উদয়স্তথা |
দ্বাদশাহৈর্দ্বয়োর্মাসনাম্নোরাদ্যক্ষরং তথা || ১, ৬৬. ১৯ ||
কলালিঙ্গা চ যা তিষ্ঠেৎপঞ্চমস্তস্য বৈ মৃতিঃ |
কলা তিথিস্তথা বারো নক্ষত্রং মাসমেব চ || ১, ৬৬. ২০ ||
নামোদয়স্য পূর্বং চ তথা ভবতি নান্যথা |
ওঁ ক্ষৈং (ক্ষৌঃ) শিবায় নমঃ || ১, ৬৬. ২১ ||
ক্ষামাদ্যঙ্গশিবামীক্ষা বিষগ্রহমতির্হর |
ত্রৈলোক্যমোহনং বীজং নৃসিংহস্য তু পদ্ম(ন্ন) গম্ || ১, ৬৬. ২২ ||
মৃত্যুঞ্জয়ো গণো লক্ষ্মী রোচনাদ্যৈস্তু লেখিতঃ |
ভূর্জে তু ধারিতাঃ কণ্ঠে বাহৌ চেতি জয়াদিদাঃ || ১, ৬৬. ২৩ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
জ্যোতিঃ শাস্ত্রে শালগ্রামষষ্ট্যূব্দস্বরোদয়ানাং নিরূপণং নাম ষট্ষষ্টিতমোঽধ্যায়ঃ

শ্রীগরুডমহাপুরাণম্-৬৭
(ইতি জ্যোতিঃ শাস্ত্রং সমাপ্তম্) |
সূত উবাচ |
হরেঃ শ্রুৎবা হরো গৌরীং দেহস্থং জ্ঞানমব্রবীৎ || ১, ৬৭. ১ ||
কুজো বহ্নী রবিঃ পৃথ্বী সৌরিরাপঃ প্রকীর্তিতঃ |
বায়ুসংস্থাস্থিতো রাহুর্দক্ষরন্ধ্রাবভাসকঃ || ১, ৬৭. ২ ||
গুরুঃ শুক্রস্তথা সৌম্যশ্চন্দ্রশ্চৈব চতুর্থকঃ |
বামনাডীং তু মধ্যস্থাং কারয়েদাত্মনস্তথা || ১, ৬৭. ৩ ||
যদাচর ইলায়ুক্তস্তদা কর্মসমাচরেৎ |
স্থানসেবাং তথা ধ্যানং বাণিজ্যং রাজদর্শনম্ || ১, ৬৭. ৪ ||
অন্যানি শুভকর্মাণি কারয়েত প্রয়ত্নতঃ |
দক্ষনাডীপ্রবাহে তু শনির্ভৌমশ্চ সৈহিকঃ || ১, ৬৭. ৫ ||
ইনশ্চৈব তথাপ্যে পাপানামুদয়ো ভবেৎ |
শুভাশুভবিবেকো হি জ্ঞায়তে তু স্বরোদয়াৎ || ১, ৬৭. ৬ ||
দেহমধ্যে স্থিতা নাড্যো বহুরূপাঃ সুবিস্তরাঃ |
নাভেরধস্তাদ্যঃ কন্দস্ত্বঙ্কুরাস্তত্র নির্গতাঃ || ১, ৬৭. ৭ ||
দ্বিসপ্ততিসহস্রাণি নাভিমধ্যে ব্যবস্থিতে |
চক্রবচ্চ স্থিতাস্তাস্তু সর্বাঃ প্রাণহরাঃ স্মৃতাঃ || ১, ৬৭. ৮ ||
তাসাং মধ্যে ত্রয়ঃ শ্রেষ্ঠা বামদক্ষৈণমধ্যমাঃ |
বামা সোমাত্মিকা প্রোক্তা দক্ষিণা রবিসন্নিভা || ১, ৬৭. ৯ ||
মধ্যমা চ ভবেদগ্নিঃ ফলন্তী কালপূরিণী |
বামা হ্যমৃতরূপা চ জগদাপ্যায়নে স্থিতা || ১, ৬৭. ১০ ||
দক্ষিণা রৌদ্রভাগেন জগচ্ছোষয়তে সদা |
দ্বয়োর্বাহে তু মৃত্যুঃ স্যাৎসর্বকার্যবিনাশিনী || ১, ৬৭. ১১ ||
নির্গমে তু ভবেদ্বামা প্রবেশে দক্ষৈণা স্মৃতা |
ইডাচারে তথা সৌম্যং চন্দ্রসূর্যগতস্তথা || ১, ৬৭. ১২ ||
কারয়েৎক্রূর কর্মাণি প্রাণে পিঙ্গলসংস্থিতে |
যাত্রায়াং সর্বকার্যেষু বিষাপহারণে ইডা || ১, ৬৭. ১৩ ||
ভোজনে মৈথুনে যুদ্ধে পিঙ্গলা সিদ্ধিদায়িকা |
উচ্চাটমারণাদ্যেষু কর্মস্বেতেষু পিঙ্গলা || ১, ৬৭. ১৪ ||
মৈথুনে চৈব সঙ্গ্রামে ভোজনে সিদ্ধিদায়িকা |
শোভনেষু চ কার্যেষু যাত্রায়াং বিষকর্মণি || ১, ৬৭. ১৫ ||
শান্তিমুক্ত্যর্থসিদ্ধ্যৈ চ ইডা যোজ্যা নরাধিপৈঃ |
দ্বাভ্যাং চৈব প্রবাহে চ ক্রূরসৌম্যবিবর্জনে || ১, ৬৭. ১৬ ||
বিষবত্তং তু জানীয়াৎসংস্মরেত্তু বিচক্ষণঃ |
সৌম্যাদিশুভকার্যেষু লাভাদিজয়জীবিতে || ১, ৬৭. ১৭ ||
গমনাগমনে চৈব বামা সর্বত্র পূজিতা |
যুদ্ধাদিভোজনে ঘাতে স্ত্রীণাং চৈব তু সঙ্গমে || ১, ৬৭. ১৮ ||
প্রশস্তা দক্ষিণা নাডী প্রবেশে ক্ষুদ্রকর্মণি |
শুভাশুভানি কার্যাণি লাভালাভৌ জয়াজয়ৌ || ১, ৬৭. ১৯ ||
জীবাজীবায় যৎপৃচ্ছেন্ন সিধ্যতি চ মধ্যমা |
বামাচারেঽথবা দক্ষে প্রত্যয়ে যত্র নায়কঃ || ১, ৬৭. ২০ ||
তনুস্থঃ পৃচ্ছতে যস্তু তত্র সিদ্ধির্ন সংশয়ঃ |
বৈচ্ছন্দো বামদেবস্তু যদা বহতি চাত্মনি || ১, ৬৭. ২১ ||
তত্র ভাগে স্থিতঃ পৃচ্ছেৎসিদ্ধির্ভবতি নিষ্ফলা |
বামে বা দক্ষিণে বাপি যত্র সঙ্ক্রমতে শিবা || ১, ৬৭. ২২ ||
ঘোরে ঘোরাণি কার্যাণি সৌম্যে বৈ মধ্যমানি চ |
প্রস্থিতে ভাগতো হংসে দ্বাভ্যাং বৈ সর্ববাহিনী || ১, ৬৭. ২৩ ||
তদা মৃত্যুং বিজানীয়াদ্যোগী যোগবিশারদঃ |
যত্রয়ত্র স্থিতঃ পৃচ্ছেদ্বামদক্ষিণসমুখঃ || ১, ৬৭. ২৪ ||
তত্রতত্র সমং দিশ্যাদ্বাতস্যোদয়নং সদা |
অগ্রতো বামিকা শ্রেষ্ঠা পৃষ্ঠতো দক্ষিণা শুভা || ১, ৬৭. ২৫ ||
বামেন বামিকা প্রোক্তা দক্ষিণে দক্ষিণা শুভা |
বামে বামা শুভে চৈব দক্ষিণে দক্ষিণা শুভা || ১, ৬৭. ২৬ ||
জীবো জীবতি জীবেন যচ্ছূন্যং তস্ত্বরো ভবেৎ |
যৎকিঞ্চিৎকার্যমুদ্দিষ্টং জয়াদিশুভলক্ষণম্ || ১, ৬৭. ২৭ ||
তৎসর্বং পূর্ণনাড্যাং তু জায়তে নির্বিকল্পতঃ |
অন্যনাড্যাদিপর্যন্তং পক্ষত্রয়মুদাহৃতম্ || ১, ৬৭. ২৮ ||
যাবৎষষ্ঠী তু পৃচ্ছায়াং পূর্ণায়াং প্রথমো জয়েৎ |
রিক্তায়াং তু দ্বিতীয়স্তু কথয়েত্তদশঙ্কিতঃ || ১, ৬৭. ২৯ ||
বামাচারসমো বায়ুর্জায়তে কর্মসিদ্ধিদঃ |
প্রবৃত্তে দক্ষিণে মার্গে বিষমে বিষমাক্ষরম্ || ১, ৬৭. ৩০ ||
অন্যত্র বামবাহে তু নাম বৈ বিষমাক্ষরম্ |
তদাসৌ জয়মাপ্নোতি যোধঃ সঙ্গ্রামমধ্যতঃ || ১, ৬৭. ৩১ ||
দক্ষবাতপ্রবাহে তু যদি নাম সমাক্ষরম্ |
জা(জ) যতে নাত্র সন্দেহো নাডীমঘ্যে তু লক্ষয়েৎ || ১, ৬৭. ৩২ ||
পিঙ্গলান্তর্গতে প্রাণে শমনীয়াহবং জয়েৎ |
যাবন্নাড্যুদয়ং চারস্তাং দিশং যাবদাপয়েৎ || ১, ৬৭. ৩৩ ||
ন দাতুং জায়তে সোঽপি নাত্র কার্যা বিচারণা |
অথ সঙ্গ্রামমধ্যে তু যত্র নাডী সদা বহেৎ || ১, ৬৭. ৩৪ ||
সা দিশা জয়মাপ্নোতি শূন্যে ভঙ্গং বিনির্দিশেৎ |
জাতচারে জয়ং বিদ্যান্মৃতকে মৃতমাদিশেৎ || ১, ৬৭. ৩৫ ||
জয়ং পরাজয়ং চৈব যো জানাতি স পণ্ডিতঃ |
বামে বা দক্ষিণে বাপি যত্র সঞ্চরতে শিবম্ || ১, ৬৭. ৩৬ ||
কৃৎবা তৎপদমাপ্নোতি যাত্রা সন্ততশোভনা |
শশিসূর্যপ্রবাহে তু সতি যুদ্ধং সমাচরেৎ || ১, ৬৭. ৩৭ ||
যস্তু পৃচ্ছতি তত্রস্থঃ স সাধুর্জয়তিধ্রুবম্ |
যাং দিশং বহতে বায়ুস্তাং দিশং যাবদাজয়ঃ || ১, ৬৭. ৩৮ ||
জায়তে নাত্র সন্দেহ হন্দ্রো যদ্যগ্রতঃ স্থিতঃ |
মেষ্যাদ্যা দশ যা নাড্যো দক্ষিণা বাম সংস্থিতাঃ || ১, ৬৭. ৩৯ ||
চরেস্থিরে তদ্বিমার্গে তাদৃশেতাদৃশে ক্রমাৎ |
নির্গমে নির্গমং যাতি সঙ্গ্রহে সঙ্গ্রহং বিদুঃ || ১, ৬৭. ৪০ ||
পৃচ্ছকস্য বচঃ শ্রুৎবা ঘণ্টাকারেণ লক্ষয়েৎ |
বামে বা দক্ষিণে বাপি পঞ্চতত্ত্বস্থিতঃ শিবে || ১, ৬৭. ৪১ ||
ঊর্ধ্বেঽগ্নিরধ আপশ্চ তির্যক্সংস্থঃ প্রভঞ্জনঃ |
মধ্যে তু পৃথিবী জ্ঞেয়া নভঃ সর্বত্র সর্বদা || ১, ৬৭. ৪২ ||
ঊর্ধ্বে মৃত্যুরধঃ শান্তিস্তির্যক্চোচ্চাটয়েৎসুধীঃ |
মধ্যে স্তম্ভং বিজানীয়ান্মোক্ষঃ সর্বত্র সর্বগে || ১, ৬৭. ৪৩ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
স্বরোদয়ে শুভাশুভনিরূপণং নাম সপ্তষষ্টিতমোঽধ্যায়ঃ

শ্রীগরুডমহাপুরাণম্-৬৮
সূত উবাচ |
পরিক্ষাং বচ্মিরত্নানাং বলো নামাসুরোঽভবৎ |
ইন্দ্রাদ্যা নির্জিতাস্তেন বিজেতুং তৈর্ন শক্যতে || ১, ৬৮. ১ ||
বরব্যাজেন পশুতাং যাচিতঃ স সুরৈর্মখে |
বলো দদৌ স (স্ব) পশুতামতিসত্ত্ব সুরৈর্হতঃ || ১, ৬৮. ২ ||
পশুবৎস বিশস্তস্তৈঃ স্ববাক্যাশনিয়ন্ত্রিতঃ |
বলো লোকোপরায় দেবানাং হিতকাম্যয়া || ১, ৬৮. ৩ ||
তস্য সত্ত্ববিশুদ্ধস্য বিশুদ্ধেন চ কর্মণা |
কায়স্যাবয়বাঃ সর্বে রত্নবীজৎবমায়য়ুঃ || ১, ৬৮. ৪ ||
দেবানামথ যক্ষাণাং সিদ্ধানাং পবনাশিনাম্ |
রত্নবীজংস্ব(জম) যং গ্রাহঃ সুমহানভবত্তদা || ১, ৬৮. ৫ ||
তেষাং তু পততাং বেগাদ্বিমানেন বিহায়সা |
যদ্যৎপপাত রত্নানাং বীজং ক্রচন কিঞ্চন || ১, ৬৮. ৬ ||
মহোদধৌ সরিতি বা পবর্ত কাননেঽপি বা |
তত্তদাকরতাং যাতং স্থানমাধেয়গৌরবাৎ || ১, ৬৮. ৭ ||
তেষু রক্ষোবিষব্যালব্যাধিঘ্নান্যঘহানি চ |
প্রাদুর্ভবন্তি রত্নানি তথৈব বিগুণানি চ || ১, ৬৮. ৮ ||
বজ্রং মুক্তামণয়ঃ সপদ্মরাগাঃ সমরকতাঃ প্রোক্তাঃ |
অপি চেন্দ্রনীলমণিবরবৈদূর্যাঃ পুষ্পরাগাশ্চ || ১, ৬৮. ৯ ||
কর্কেতনং সপুলকং রুধিরাখ্যসমন্বিতং তথা স্ফটিকম্ |
বিদ্রুমমণিশ্চ যত্নাদুদ্দিষ্টং সঙ্গ্রহে তজ্জ্ঞৈঃ || ১, ৬৮. ১০ ||
আকারবর্ণৌ প্রথমং গুণদোষৌ তৎফলং পরীক্ষা চ |
মূল্যং চ রত্নকুশলৈর্বিজ্ঞেয়ং সর্বশাস্ত্রাণাম্ || ১, ৬৮. ১১ ||
কুলগ্নেষূপজায়ন্তে যানি চোপহতেঽহনি |
দৌষৈস্তান্যপিয়ুজ্যন্তে হীয়ন্তে গুণসম্পদা || ১, ৬৮. ১২ ||
পরীক্ষাপরিশুদ্ধানাং রত্নানাং পৃথিবীভুজা |
ধারণং সঙ্গ্রহো বাপি কার্যঃ শ্রিয়মভীপ্সতা || ১, ৬৮. ১৩ ||
শাস্ত্রজ্ঞঃ কুশলাশ্চাপি রত্নভাজঃ পরীক্ষকাঃ |
ত এব মূল্যমাত্রায়া বেত্তারঃ পরিকীর্তিতাঃ || ১, ৬৮. ১৪ ||
মহা প্রভাবং বিবুধৈর্যস্যমাদ্বজ্রমুদাহৃতম্ |
বজ্রপূর্বা পরীক্ষেয়ং ততোঽস্মাভিঃ প্রকীর্ত্যতে || ১, ৬৮. ১৫ ||
তস্যাস্থিলেশো নিপপাত যেষু ভুবঃ প্রদেশেষু কথঞ্চিদেব |
বজ্রাণি বজ্রায়ুধনির্জিগীষোর্ভবন্তি নানাকৃতিমন্তি তেষু || ১, ৬৮. ১৬ ||
হৈমমাতঙ্গসৌরাষ্ট্রাঃ পৌণ্ড্রকালিঙ্গকোসলাঃ |
বেণ্বাতটাঃ সসৌবীরা বজ্রস্যাষ্ট বিহারকাঃ || ১, ৬৮. ১৭ ||
আতাম্রা হিমশৈলজাশ্চ শশিভা বেণ্বাতটীয়াঃ স্মৃতাঃ সৌবীরে
ৎবসিতাব্জমেঘসদৃশাস্তাভ্রাশ্চ সৌরাষ্ট্রজাঃ |
কালিঙ্গাঃ কন কাবদাতরুচিরাঃ পীতপ্রভাঃ কোসলে শ্যামাঃ পুণ্ড্রভবা
মতঙ্গবিষয়ে নাত্যন্তপীতপ্রভাঃ || ১, ৬৮. ১৮ ||
অত্যর্থং লঘু বর্ণতশ্চ গুণবৎপার্শ্বেষু
সম্যক্সমংরেখাবিন্দুকলঙ্ককাকপদকত্রাসাদিভির্বর্জিতম্ |
লোকেঽস্মিন্পরামাণুমাত্রমপি যদ্বজ্রং ক্রচিদ্দৃশ্যতে তস্মিন্দেবসমাশ্রয়ো
হ্যবিতথস্তীক্ষ্ণাগ্রধারং যদি || ১, ৬৮. ১৯ ||
বজ্রেষু বর্ণয়ুক্ত্যা দেবানামপি বিগ্রহঃ প্রোক্তঃ |
বর্ণেভ্যশ্চ বিভাগঃ কার্যো বর্ণাশ্রয়াদেব || ১, ৬৮. ২০ ||
হরিতসিতপীতপিঙ্গশ্যামাস্তাম্রাঃ স্বভাবতো রুচিরাঃ |
হরিবরুণশক্রহুতবহপিতৃপতিমরুতাং স্বকা বর্ণাঃ || ১, ৬৮. ২১ ||
বিপ্রস্য শঙ্খকুমুদস্ফটিকাবদাতঃ স্যাৎক্ষত্ত্রিয়স্য শশবভ্রুবিলোচনাভঃ |
বৈশ্যস্য কান্তকদলীদলসন্নিকাশঃ শূদ্রস্য ধৌতকরবালসমানদীপ্তিঃ || ১, ৬৮. ২২ ||
দ্বৌ বজ্রবর্ণৌ পৃথিবীপতীনাং সদ্ভিঃ প্রদিষ্টৌ ন তু সার্বজন্যৌ |
যঃ স্যাজ্জবাবিদ্রুমভঙ্গশোণো যো বা হরিদ্রারসন্নিকাশঃ || ১, ৬৮. ২৩ ||
ঈশৎবাৎসর্ববর্ণানাং গুণবৎসার্ববর্ণিকম্ |
কামতো ধারয়েদ্রাজা ন ৎবন্যোঽন্যৎকথঞ্চন || ১, ৬৮. ২৪ ||
অধরোত্তরবৃত্তয়া হি যাদৃক্স্যাদ্বর্ণসঙ্করঃ |
ততঃ কষ্টতরো বজ্রবর্ণানাং সঙ্করো মতঃ || ১, ৬৮. ২৫ ||
ন চ মার্গবিভাগমাত্রবৃত্ত্যা বিদুষা বজ্রপরিগ্রহো বিধেয়ঃ |
গুণবদ্গুণসম্পদাং বিভূতির্বিপরীতো ব্যসনোদয়স্য হেতুঃ || ১, ৬৮. ২৬ ||
একমপি যস্য শৃঙ্গং বিদলিতমবলোক্যতে বিশীর্ণং বা |
গুণবদপি তন্ন ধার্যং বজ্রং শ্রেয়োঽর্থিভির্ভবনে || ১, ৬৮. ২৭ ||
স্ফুটিতাগ্নিবি শীর্ণশৃঙ্গদেশং মলবর্ণৈঃ পৃষতৈরুপেতমধ্যম্ |
ন হি বজ্রভৃতোঽপি বজ্রমাশু শ্রিয়মপ্যাশ্রয়লালসাং ন কুর্যাৎ || ১, ৬৮. ২৮ ||
যস্যৈকদেশঃ ক্ষতজাবভাসো যদ্বা ভবেল্লোহিতবর্ণচিত্রম্ |
ন তন্ন কুর্যাদ্ধ্রিয়মাণমাশু স্বচ্ছন্দমৃত্যোরপি জীবিতান্তম্ || ১, ৬৮. ২৯ ||
কোট্যঃ পার্শ্বনি ধারাশ্চ ষডষ্টৌ দ্বাদশেতি চ |
উত্তুঙ্গসমতীক্ষ্ণাগ্রাঃ বজ্রস্যাকরজা গুণাঃ || ১, ৬৮. ৩০ ||
ষট্কোটি শুদ্বমমলং স্ফুটতীক্ষ্ণধারং বর্ণান্বিতং লঘু সুপার্শ্বমপেতদোষম্ |
ইন্দ্রায়ুধাংশুবিসৃতিচ্ছুরিতান্তরিক্ষমেবংবিধং ভুবি ভবেৎসুলভং
ন বজ্রম্ || ১, ৬৮. ৩১ ||
তীক্ষ্ণাগ্রং বিমলমপেতসর্বদোষং ধত্তে যঃ প্রয়ততনুঃ সদৈব বজ্রম্ |
বৃদ্ধিস্তং প্রতিদিনমেতি যাবদায়ুঃ স্ত্রীসম্পৎসুতধনধান্যগোদশূনাম্ || ১, ৬৮. ৩২ ||
ব্যালবহ্নিবিষব্যাঘ্রতস্করাম্বুভয়ানি চ |
দূরাত্তস্য নিবর্তন্তে কর্মাণ্যাথর্বণানি চ || ১, ৬৮. ৩৩ ||
যদি বজ্রমপেতসর্বদোষং বিভৃয়াত্তণ্ডুলবিংশতিং গুরুৎবে |
মণিশাস্ত্রবিদো বদন্তি তস্য দ্বিগুণং রূপকলক্ষমগ্রমূল্যম্ || ১, ৬৮. ৩৪ ||
ত্রিভাগহীনার্ধতদর্ধশেষং ত্রয়োদশং ত্রিংশদতোর্ঽদ্ধভাগাঃ |
অশীতিভাগোঽথ শতাংশভাগঃ সহস্রভাগোঽল্পসমানয়োগঃ || ১, ৬৮. ৩৫ ||
যত্তণ্ডুলৈর্দ্বাদশভিঃ কৃতস্য বজ্রস্য মূল্যং প্রথমং প্রদিষ্টম্ |
দ্বাভ্যাং ক্রমাদ্বানিমুপাগতস্য ৎবেকাবমানস্য বিনিশ্চয়োঽযম্ || ১, ৬৮. ৩৬ ||
ন চাপি তণ্ডুলৈরেব বজ্রাণাং ধরণক্রমঃ |
অষ্টাভিঃ সর্ষপৈর্গৈরৈস্তংণ্ডুলং পরিকল্পয়েৎ || ১, ৬৮. ৩৭ ||
যত্তু সর্বগুণৈর্যুক্তং বজ্রং তরতি বারিণি |
রত্নবর্গে সমস্তেঽপি তস্য ধারণমিষ্যতে || ১, ৬৮. ৩৮ ||
অল্পেনাপি হি দোষেণ লক্ষ্যালক্ষ্যেণ দ্বষিতম্ |
স্ব (স) মূল্যাদ্দশমং ভাগং বজ্রং লভতি মানবঃ || ১, ৬৮. ৩৯ ||
প্রকটানেকদোষস্য স্বল্পস্য মহতোঽপি বা |
স্ব (সু) মূল্যাচ্ছতশো ভাগো বজ্রস্য ন বিধীয়তে || ১, ৬৮. ৪০ ||
স্পষ্টদোষমলঙ্কারে বজ্রং যদ্যপি দৃশ্যতে |
রত্নানাং পরিকর্মার্থং মূল্যং তস্য ভবেল্লঘু || ১, ৬৮. ৪১ ||
প্রথমং গুণসম্পদাভ্যুপেতং প্রতিবদ্ধং সমুপৈতি যচ্চ দোষম্ |
অলমাভরণেন তস্য রাজ্ঞো গুণহীনোঽপি মণির্ন ভূষণায় || ১, ৬৮. ৪২ ||
নার্যা বজ্রমধার্যং গুণবদপি সুতপ্রসূতিমিচ্ছন্ত্যা |
অন্যত্র দীর্ঘাচিপিটত্র্যশ্রাদ্যগুণৈর্বিয়ুক্তাচ্চ || ১, ৬৮. ৪৩ ||
অয়সা পুষ্পরাগেণ তথা গোমেদকেন চ |
বৈদূর্যস্ফটিকাভ্যাং চ কাচৈশ্চাপি পৃথগ্বিধৈঃ || ১, ৬৮. ৪৪ ||
প্রতিরূপাণি কুর্বন্তি বজ্রস্য কুশলা জনাঃ |
পরীক্ষা তেষু কর্তব্যা বিদ্বদ্ভিঃ সুপরীক্ষকৈঃ || ১, ৬৮. ৪৫ ||
ক্ষারোল্লেখনশাণাভিস্তেষাং কার্যং পরীক্ষণম্ |
পৃথিব্যাং যানি রত্নানি যে চান্যে লোহধাতবঃ || ১, ৬৮. ৪৬ ||
সর্বাণি বিলিখেদ্বজ্রং তচ্চ তৈর্ন বিলিখ্যতে |
গুরুতা সর্বরত্নানাং গৌরবাধারকারণম্ || ১, ৬৮. ৪৭ ||
বজ্রে তাং বৈপরীত্যেন সূরয়ঃ পরিচক্ষতে |
জাতিরজাতিং বিলিখতি জাতিং বিলিখন্তি বজ্রকুরুবিন্দাঃ || ১, ৬৮. ৪৮ ||
বজ্রৈর্বজ্রং বিলিখতি নান্যেন বিলিখ্যতে বজ্রম্ |
বজ্রাণি মুক্তামণয়ো যে চ কেচন জাতয়ঃ || ১, ৬৮. ৪৯ ||
ন তেষাং প্রতিবদ্ধানাং ভা ভবত্যূর্ধ্বগামিনী |
তির্যক্ক্ষতৎবাৎকেষাঞ্চিৎকথঞ্চিদ্যদি জায়তে |
তির্যগ্বিলিখ্যমানানাং সা (স) পার্শ্বেষু বিহন্যতে || ১, ৬৮. ৫০ ||
যদ্যপি বিশীর্ণকোটিঃ সবিন্দুরেখান্বিতো বিবর্ণো বা |
তদপি ধনধান্যপুত্রান্করোতি সেন্দ্রায়ুধো বজ্রঃ || ১, ৬৮. ৫১ ||
সৌদা মিনীবিস্ফুরিতাভিরামং রাজা যথোক্তং কলিশং দধানঃ |
পরাক্রমাক্রান্তপরপ্রতাপঃ সমস্তসামন্তভুবং ভুনক্তি || ১, ৬৮. ৫২ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
রত্নতদ্বিশেষবজ্রপরীক্ষণাদিবর্ণনং নামাষ্টষষ্টিতমোঽধ্যায়ঃ

শ্রীগরুডমহাপুরাণম্-৬৯
সূত উবাচ |
দ্বিপেন্দ্রজীমূতবরাহশঙ্খমৎস্যাহিশুক্ত্যুদ্ভববেণুজানি |
মুক্তাফলানি প্রথিতানি লোকে তেষাং চ শুক্ত্যুদ্ভবমেব ভূরি || ১, ৬৯. ১ ||
তত্রৈব চৈকস্য হি মূলমাত্র নিবিশ্যতে রত্নপদস্য জাতু |
বেধ্যং তু শুক্তয়ুদ্ভবমেব তেষাং শেষাণ্যবেধ্যানি বদন্তি তজ্জ্ঞাঃ || ১, ৬৯. ২ ||
ৎবক্সারনাগেন্দ্রতিমিপ্রসূতং যচ্ছঙ্খজং যচ্চ বরা হজাতম্ |
প্রায়ো বিমুক্তানি ভবন্তি ভাসা শস্তানি মাঙ্গল্যতয়া তথাপি || ১, ৬৯. ৩ ||
যা মৌক্তিকানামিহ জাতয়েঽষ্টৌ প্রকীর্তিতা রত্নবিনিশ্চয়জ্ঞৈঃ |
কম্বূদ্ভবং তেষ্বধমং প্রদিষ্টমুৎপদ্যতে যচ্চ গজেন্দ্রকুম্ভাৎ || ১, ৬৯. ৪ ||
স্বয়োনিমদ্যচ্ছবিতুল্যবর্ণং শাঙ্খং বৃহল্লোলফলপ্রমাণম্ |
উৎপদ্যতে বারণকুম্ভমধ্যাদাপীতবর্ণং প্রভয়া বিহীনম্ || ১, ৬৯. ৫ ||
যে কম্ববঃ শার্ঙ্গমুখাবমর্শপীতস্য শঙ্খপ্রবরস্য গোত্রে |
মতঙ্গজাশ্চাপি বিশুদ্ধবংশ্যাস্তে মৌক্তিকানাং প্রভবাঃ প্রদিষ্টাঃ || ১, ৬৯. ৬ ||
উৎপদ্যতে মৌক্তিকমেষু বৃত্তমাপীতবর্ণং প্রভয়া বিহীনম্ |
পাঠীনপৃষ্ঠস্য সমানবর্ণং মীনাৎসুবৃত্তং লঘু চাতিসূক্ষ্মম্ || ১, ৬৯. ৭ ||
উৎপদ্যতে বারিচরাননেষু মৎস্যাশ্চে তে মধ্যচরাঃ পয়োধেঃ |
বরাহদংষ্ট্রাপ্রভবং প্রদিষ্টং তস্যৈব দংষ্ট্রাঙ্কুরতুল্যবর্ণম্ || ১, ৬৯. ৮ ||
ক্রচিৎকথঞ্চিৎস ভুবঃ প্রদেশে প্রজায়তে সূকররাড্বিশিষ্টঃ |
বর্ষোপলানাং সমবর্ণশোভং ৎবক্সারপর্বপ্রভবং প্রদিষ্টম্ || ১, ৬৯. ৯ ||
তে বেণবো দিব্যজনোপভোগ্যে স্থানে প্ররোহন্তি ন সার্বজন্যে |
ভৌজং গমং মীনবিশুদ্ধবৃত্তং সংস্থানতোঽত্যুজ্জ্বলবর্ণশোভম্ || ১, ৬৯. ১০ ||
নিতান্তধৌতপ্রবিকল্পমাননিস্ত্রিংশধারাসমবর্ণকান্তি |
প্রাপ্যাতিরত্নানি মহাপ্রভাণি রাজ্যং শ্রিয়ং বা মহতীং দুরাপাম্ || ১, ৬৯. ১১ ||
তেজোঽন্বিতাঃ পুণ্যকৃতো ভবন্তি মুক্তাফলস্যাহিশিরোভবস্য |
জিজ্ঞাসয়া রত্নধনং বিধিজ্ঞৈঃ শুভেমুহূর্তে প্রয়তৈঃ প্রয়ত্নাৎ || ১, ৬৯. ১২ ||
রক্ষাবিধানং সুমহদ্বিধায় হর্ম্যোপরিষ্ঠং ক্রিয়তে যদা তৎ |
তদা মহাদুন্দুভিমন্দ্রঘোষৈর্বিদ্যুল্লতাবিস্ফুরিতান্তরালৈঃ || ১, ৬৯. ১৩ ||
পয়োধরাক্রান্তিবিলম্বিনম্রৈর্ঘনৈর্নবৈরাব্রিয়তেঽন্তরিক্ষম্ |
ন তং ভুজঙ্গা ন তু যাতুধানা ন ব্যাধয়ো নাপ্যুপসর্গদোষাঃ || ১, ৬৯. ১৪ ||
হিংসন্তি যস্যাহিশিরঃ সমুত্থং মুক্তাফলং তিষ্ঠতি কোশমধ্যে |
নাভ্যেতি মেঘপ্রভবং ধরিত্রীং বিপ্রদ্গতং তদ্বিবুধা হরন্তি || ১, ৬৯. ১৫ ||
অর্চিঃ প্রভানাবৃতদিগ্বিভাগমাদিত্যবহুঃ খবিভাব্যবিম্বম্ |
তেজস্তিরস্কৃত্য হুতাশনেন্দুনক্ষত্রতারাপ্রভবং সমগ্রম্ || ১, ৬৯. ১৬ ||
দিবা যথা দীর্প্তিঙ্করং তথৈব তমোঽবগাঢাস্বপি তন্নিশাসু |
বিচিত্ররত্নদ্যুতিচারুতোয়া চতুঃ সমুদ্রাভরণোপপন্না || ১, ৬৯. ১৭ ||
মূল্যং ন বা স্যাদিতি নিশ্চয়ো মে কৃৎস্না মহী তস্য মুবর্ণপূর্ণা |
হীনোঽপিয়স্তল্লভতে কদাচিদ্বিপাকয়োগান্মহতঃ শুভস্য || ১, ৬৯. ১৮ ||
সাপত্ন্যহীনাং স মহীং সমগ্রাং ভুনক্তি তত্তিষ্ঠতি যাবদেব |
ন কেবলং তচ্ছুভকৃন্নৃপস্য ভাগ্যৈঃ প্রজানামপি তস্য জন্ম || ১, ৬৯. ১৯ ||
তদ্যোজনানাং পরিতঃ সহস্রং সর্বাননর্থান্বিমুখী করোতি |
নক্ষত্রমালেব দিবো বিশীর্ণা দন্তাবলিস্তস্য মহামুরস্য || ১, ৬৯. ২০ ||
বিচিত্রবর্ণেষু বিশুদ্ধবর্ণা পয়ঃ সু পত্যুঃ পয়সাং পপাত |
সম্পূর্ণচন্দ্রাংশুকলাপকান্তের্মাণিপ্রবেকস্য মহাগুণস্য || ১, ৬৯. ২১ ||
তচ্ছুক্তিমৎসু স্থিতিমাপ বীজমাসন্পুরাপ্যন্যভবানি যানি |
যস্মিন্প্রদেশেঽম্বুনিধৌ পপাত সুচারুমুক্তামণিরত্নবীজম্ |
তস্মিন্পয়স্তোয়ধরাবকীর্ণং শুক্তৌ স্থিতং মৌক্তিকতামবাপ || ১, ৬৯. ২২ ||
সৈংহলিকপারলৌকিকসৌরাষ্ট্রিকতাম্রপর্ণপারশবাঃ |
কৌবেরপাণ্ড্যহাটকহেমকমিত্যাকরাস্ত্বষ্টৌ || ১, ৬৯. ২৩ ||
শুক্ত্যুদ্ভবং নাতিনিকৃষ্টবর্ণং প্রমাণসংস্থানগুণপ্রভাভিঃ |
উৎপদ্যতে বর্ধনপারসীকপাতাললোকান্তরসিংহলেষু || ১, ৬৯. ২৪ ||
চিন্ত্যা ন তস্যাকরজা বিশেষা রূপে প্রমাণে চ যতেত বিদ্বান্ |
ন চ ব্যবস্থাস্তি গুণাগুণেষু সর্বত্র সর্বাকৃতয়ো ভবন্তি || ১, ৬৯. ২৫ ||
এতস্য শুক্তিপ্রভস্য মুক্তাফলস্য চান্যেন সমুন্মিতস্য |
মূল্যং সহস্রাণি তু রূপকাণাং ত্রিভিঃ শতৈরপ্যাধিকানি পঞ্চ || ১, ৬৯. ২৬ ||
যন্মাষকার্ধেন ততো বিহীনং তৎপঞ্চভাগদ্বয়হীনমূল্যম্ |
যন্মাষকাংস্ত্রীন্বিভৃয়াৎসহস্রে দ্বে তস্য মূল্যং পরমং প্রদিষ্টম্ || ১, ৬৯. ২৭ ||
অর্ধাধিকৌ দ্বৌ বহতোঽস্য মূল্যং ত্রিভিঃ শতৈরপ্যধিকং সহস্রম্ |
দ্বিমাষ কোন্মানিতগৌরবস্য শতানি চাষ্টৌ কথিতানি মূল্যম্ || ১, ৬৯. ২৮ ||
অর্ধাধিকং মাষকমুন্মিতস্য সমং চ বিংশত্রিতয়ং শতানাম্ |
গুঞ্জাশ্চ ষড্ধারয়তঃ শতে দ্বে মূল্যং পরং তস্য বদন্তি তজ্জ্ঞাঃ |
অধ্যর্ধমুন্মান(প) কৃতং শতং স্যান্মূল্যং গুণৈস্তস্য সমন্বিতস্য || ১, ৬৯. ২৯ ||
যদি ষোডশভির্ভবেদনূনন্ধরণং তৎপ্রবদন্তি দার্বিকাখ্যম্ |
অধিকং দশভিঃ শতং চ মূল্যং সমবাপ্নোত্যপি বালিশস্য হস্তাৎ || ১, ৬৯. ৩০ ||
দ্বিগুণৈর্দশভির্ভবেদনূনং ধরণং তদ্ভবকং বদন্তি তজ্জ্ঞাঃ |
নবসপ্ততিমাপ্নুয়াৎস্বমূল্যং যদি ন স্যাদ্গুণসম্পদা বিহীনম্ || ১, ৬৯. ৩১ ||
ত্রিংশতা ধরণং পূর্ণং শিক্যং তস্যেতি কীর্ত্যতে |
চৎবারিংশদ্ভবেত্তস্যাঃ পরং মূল্যং বিনিশ্চয়ঃ || ১, ৬৯. ৩২ ||
চৎবারিংশদ্র ভবেত্তস্যাস্ত্রিংশন্মূল্যং লভেৎসা |
পঞ্চাশত্তু ভবেৎসোমস্তস্য মূল্যং তু বিংশতিঃ || ১, ৬৯. ৩৩ ||
ষষ্টির্নিকরশীর্ষং স্যাত্তস্যা মূল্যং চতুর্দশ |
অশীতির্নবতিশ্চৈব কূপ্যেতি পরিকীর্তিতা |
একাদশ স্যান্নব চ তয়োর্মূল্যমনুক্রমাৎ || ১, ৬৯. ৩৪ ||
আদায় তৎসকলমেব ততোঽন্নভাণ্ডং জম্বীরজাতরসয়োজনয়া বিপক্রম্ |
ঘৃষ্টং ততো মৃদুতনূকৃতপিণ্ডমূলৈঃ কুর্যাদ্যথেষ্টমনু
মৌক্তিকমাশু বিদ্ধম্ || ১, ৬৯. ৩৫ ||
মৃল্লিপ্তমৎস্যপুটমধ্যগতং তু কৃৎবা পশ্চাৎপচেত্তনু ততশ্চ বিডালপুট্যা |
দুগ্ধে ততঃ পয়সি তং বিপচেৎসুধায়াং পক্রং ততোঽপি পয়সা শুচিচিক্রণেন || ১, ৬৯. ৩৬ ||
শুদ্ধং ততো বিমলবস্ত্রনিঘর্ষণেন স্যান্মৌক্তিকং বিপুলসদ্গুণকান্তিয়ুক্তম্ |
ব্যাডির্জগাদ জগতাং হি মহাপ্রভাবঃ সিদ্ধো বিদগ্ধহিততৎপরয়া দয়ালুঃ || ১, ৬৯. ৩৭ ||
শ্বেতকাচসমং তারং হেমাংশশতয়োজিতম্ |
রসমধ্যে প্রধার্যেত মৌক্তিকং দেহভূষণম্ || ১, ৬৯. ৩৮ ||
এবং হি সিংহলে দেশে কুর্বন্তি কুশলা জনাঃ |
যস্মিন্কৃত্রৈমসন্দেহঃ ক্রচিদ্ভবতি মৌক্তিকে || ১, ৬৯. ৩৯ ||
উষ্ণে সলবণে স্নেহে নিশাং তদ্বাসয়েজ্জলে |
ব্রীহিভির্মর্দনীয়ং বা শুষ্কবস্ত্রোপবেষ্টিতম্ || ১, ৬৯. ৪০ ||
যত্তু নায়াতি বৈবর্ণ্যং বিজ্ঞেয়ং তদকৃত্রিমম্ |
সিতং প্রমাণবৎস্নিগ্ধং গুরু স্বচ্ছং সুনির্মলম্ || ১, ৬৯. ৪১ ||
তেজোঽধিকং সুবৃত্তং চ মৌক্তিকং গুণবৎস্মৃতম্ || ১, ৬৯. ৪২ ||
প্রমাণবদ্গৌরবরশ্মিয়ুক্তং সিতং সুবৃত্তং সমসূক্ষ্মবেধম্ |
অক্রেতুরপ্যাবহতি প্রমোদং যন্মৌক্তিকং তদ্গুণবৎপ্রদিষ্টম্ || ১, ৬৯. ৪৩ ||
এবং সমস্তেন গুণোদয়েন যন্মৌক্তিকং যোগমুপাগতং স্যাৎ |
ন তস্য ভর্তারমনর্থজাত একোঽপি কশ্চিৎসমুপৈতি দোষঃ || ১, ৬৯. ৪৪ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
মুক্তাফলপ্রমাণাদিবর্ণনং নাম মুক্তাফলপরীক্ষা নামৈকোনসপ্ততিতমোঽধ্যায়ঃ

শ্রীগরুডমহাপুরাণম্-৭০
সূত উবাচ |
দিবাকরস্তস্য মহামহিম্নো মহাসুরস্যোত্তমরত্নবীজম্ |
অসৃগ্গৃহীৎবা চরিতুং প্রতস্থে নিস্ত্রিংশনীলেন নভঃ স্থলেন || ১, ৭০. ১ ||
জেত্ত্রা সুরাণাং সমরেষ্বজস্ত্রং বীর্যাবলেপোদ্ধতমানসেন |
লঙ্কাধিপেনার্ধপথে সমেত্য স্বর্ভানুনেব প্রসভং নিরুদ্ধঃ || ১, ৭০. ২ ||
তৎসিংহলীচারুনিতম্ববিম্ববিক্ষো ভিতাগাধমহাহ্রদায়াম্ |
পূগদ্রুমাবদ্ধতটদ্বয়ায়াং মুমোচ সূর্যঃ সরিদুত্তমায়াম্ || ১, ৭০. ৩ ||
ততঃ প্রভৃতি সা গঙ্গা তুল্যপুণ্যফলোদয়া |
নাম্না রাবণগঙ্গেতি প্রথিমানমুপাগতা || ১, ৭০. ৪ ||
ততঃ প্রভৃত্যেব চ শর্বরীষু কূলানি রত্নৈর্নিচিতানি তস্যাঃ |
সুবর্ণনারাচশতৈরিবান্তর্বহিঃ প্রদীপ্তৈর্নিশিতানি ভান্তি || ১, ৭০. ৫ ||
তস্যাস্তটেপূজ্জ্বচারুরাগা ভবন্তি তোয়েষু চ পদ্মরাগাঃ |
সৌগন্ধিকোত্থাঃ কুরুবিন্দজাশ্চ মহাগুণাঃ স্ফাটিকসম্প্রসূতাঃ || ১, ৭০. ৬ ||
বন্ধূ কগুঞ্জাসকলেন্দ্রগোপজবাসমাসৃক্সমবর্ণশোভাঃ |
ভ্রাজিষ্ণবো দাডিমবীজবর্ণাস্তথাপরে কিশুকপুষ্পভাসঃ || ১, ৭০. ৭ ||
খিন্দুরপদ্মোৎপলকুঙ্কুমানাং লাক্ষারসস্যাপি সমানবর্ণঃ |
সান্দ্রেঽপি রাগে প্রভয়া স্বয়ৈব ভান্তি স্বলক্ষ্যাঃ স্ফুটমধ্যশোভাঃ || ১, ৭০. ৮ ||
ভানোশ্চ ভাসামনুবেধয়োগামাসাদ্য রশমি প্রকরেণ দূরম্ |
পার্শ্বানি সর্বাণ্যনুরঞ্জয়ন্তি গুণাপপন্নাঃ স্ফটিকপ্রসূতাঃ || ১, ৭০. ৯ ||
কুসুম্ভনীলব্যতিমিশ্ররাগপ্রত্যুগ্ররক্তাবুজতুল্যভাসঃ |
তথাপরেঽরুষ্করকণ্টকারিপুষ্পৎবিষো হিঙ্গুলবত্ত্বিষোঽন্যে || ১, ৭০. ১০ ||
চকোরপুংস্কোকিলসারসানাং নেত্রাবভাসশ্চ ভবন্তি কেচিৎ |
অন্যে পুনঃ সন্তি চ পুষ্পিতানাং তুল্যৎবিষা কোকনদোত্তমানাম্ || ১, ৭০. ১১ ||
প্রভাবকাঠিন্যগুরুৎবয়োগৈঃ প্রায়ঃ সমানাঃ স্ফটিকোদ্ভবানাম্ |
আনীলরক্তোৎপলচারুভাসঃ সৌগন্ধিকোত্থা মণয়ো ভবন্তি || ১, ৭০. ১২ ||
কামং তু রাগঃ কুরুবিন্দজেষু স নৈব যাদৃক্স্ফটিকোদ্ভবেষু |
নিরর্চিষোঽন্তর্বহুলা ভবন্তি প্রভাববন্তোঽপি নতৈঃ সমস্তৈঃ || ১, ৭০. ১৩ ||
যে তু রাবণগঙ্গায়াং জায়ন্তে কুরুবিন্দকাঃ |
পদ্মরাগঘনং রাগং বিভ্রাণাঃ স্ফটিকার্চিষঃ || ১, ৭০. ১৪ ||
বর্ণানুয়ায়িনস্তেষা মান্ধ্রদেশে তথা পরে |
ন জায়ন্তে হি যে কেচিন্মূল্যলেশমবাপ্নুয়ুঃ || ১, ৭০. ১৫ ||
তথৈব স্ফাটিকোত্থানাং দেশে তুম্বুরুসঞ্জ্ঞকে |
সধর্মাণঃ প্রজায়ন্তে স্বল্পমূল্যা হি তে স্মৃতাঃ || ১, ৭০. ১৬ ||
বর্ণাধিক্যং গুরুৎবং চ স্নিগ্ধতা সমতাচ্ছতা |
অর্চিষ্মত্তা মহত্তা চ মণীনাং গুণসঙ্গ্রহঃ || ১, ৭০. ১৭ ||
যে কর্করচ্ছিদ্রমলোপদিগ্ধাঃ প্রভাবিমুক্তাঃ পরুষা বিবর্ণাঃ |
ন তে প্রশস্তা মণয়ো ভবন্তি সমানতো জাতিগুণৈঃ সমস্তৈঃ || ১, ৭০. ১৮ ||
দোষোপসৃষ্টং মণিমপ্রবোধাদ্বিভর্তি যঃ কশ্চন কঞ্চিদেব |
তং শোকচিন্তাময়মৃত্যুবিত্তনাশাদয়ো দোষগণা ভজন্তে || ১, ৭০. ১৯ ||
কামং চারুতরাঃ পঞ্চ জাতীনা প্রতিরূপকাঃ |
বিজা তয়ঃ প্রয়ত্নেন বিদ্বাংস্তনুপলক্ষয়েৎ || ১, ৭০. ২০ ||
কলশপুরোদ্ভবসিংহলতুম্বুরুদেশোত্থমুক্তপাণীয়াঃ |
শ্রীপূর্ণকাশ্চ সদৃশা বিজাতয়ঃ পদ্মরাগাণাম্ || ১, ৭০. ২১ ||
তুষোপসর্গাৎকলশাভিধানমাতাম্রভাবাদপি তুম্বুরূত্থম্ |
কার্ষ্ণ্যাত্তথা সিংহলদেশজাতং মুক্তাভিধানং নভসঃ স্বভাবাৎ || ১, ৭০. ২২ ||
শ্রীপূর্ণকং দীপ্তিবিনাকৃতৎবাদ্বিজাতিলিঙ্গাশ্রয় এব ভেদঃ |
যস্তাম্রিকাং পুষ্যতি পদ্মরাগো যোগাত্তুষাণামিব পূর্ণমধ্যঃ || ১, ৭০. ২৩ ||
স্ত্রেহপ্রদিগ্ধঃ প্রতিভাতি যশ্চ যো বা প্রঘৃষ্টঃ প্রজহাতি দীপ্তিম্ |
আক্রান্তমূর্ধা চ তথাঙ্গুলিভ্যাং যঃ কালিকাং পার্শ্বগতাং বিভর্তি || ১, ৭০. ২৪ ||
সম্প্রাপ্য চোৎক্ষিপ্য যথানুবৃত্তিং বিভর্তিয়ঃ সর্বগুণানতীব |
তুল্যপ্রমাণস্য চ তুল্যজাতের্যো বা গুরুৎবেন ভবেত্তু তুল্যঃ |
প্রাপ্যাপি রত্নাকরজা স্বজাতিং লক্ষেদ্গুরুৎবেন গুণেন বিদ্বান্ || ১, ৭০. ২৫ ||
অপ্রণশ্যতি সন্দেহে শাণে তু পরিলেখয়েৎ |
সু(স্ব) জাতকসমুত্থেন লিখিৎবাপি পরস্পরম্ || ১, ৭০. ২৬ ||
বজ্রং বা কুরুবিন্দং বা বিমুচ্যানেন কেনচিৎ |
নাশক্যং লেখনং কর্তুং পদ্মরাগেন্দ্রনীলয়োঃ || ১, ৭০. ২৭ ||
জাত্যস্য সর্বেঽপি মণের্ন জাতু বিজাতয়ঃ সন্তি সমানবর্ণাঃ |
তথাপি নানাকরণার্থমেব ভেদপ্রকারঃ পরমঃ প্রদিষ্টঃ || ১, ৭০. ২৮ ||
গুণোপপন্নেন সহাববদ্ধোমেণির্ন ধার্যো বিগুণো হি জাত্যা |
ন কৌস্তুভেনাপি সহাববদ্ধং বিদ্বান্বিজাতিং বিভৃয়াৎকদাচিৎ || ১, ৭০. ২৯ ||
চাণ্ডাল একোঽপি যথা দ্বিজাতীন্সমেত্য ভূরীনপি হন্ত্যয়ত্নাৎ |
অথো মণীন্ভূরিগুণোপপন্নাঞ্ছক্রোতি বিপ্লাবয়িতুং বিজাত্যঃ || ১, ৭০. ৩০ ||
সপত্নমধ্যেঽপি কৃতাধিবাসং প্রমাদবৃত্তাবপি বর্তমানম্ |
ন পদ্মরাগস্য মহাগুণস্য ভর্তারমাপৎস্পৃশতীহ কাচিৎ || ১, ৭০. ৩১ ||
দোষোপসর্গপ্রভবাশ্চ যে তে নোপদ্রবাস্তং সমভিদ্রবন্তি |
গুণৈঃ সমুত্তেজিতচারুরাগং যঃ পদ্মরাগং প্রয়তো বিভর্তি || ১, ৭০. ৩২ ||
বজ্রস্য যত্তণ্ডুলসঙ্খ্যয়োক্তং মূল্যং সমুৎপাদিতগৌরবস্য |
তৎপদ্মরাগস্য মহাগুণস্য তন্মাষকল্পাকলিতস্য মূল্যম্ || ১, ৭০. ৩৩ ||
বর্ণদাপ্ত্যপপন্নং হি মণিরত্নং প্রশস্যতে |
তাভ্যামীষদপি ভ্রষ্টং মণিমূল্যাৎপ্রহীয়তে || ১, ৭০. ৩৪ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
পদ্মরাগপরীক্ষণং নাম সপ্ততিতমোঽধ্যায়ঃ