১.০৬ গরুডপুরাণ (অধ্যায় ৫১-৬০)

শ্রীগরুডমহাপুরাণম্-৫১
ব্রহ্মোবাচ |
অথাতঃ সম্প্রবক্ষ্যামি দানধর্মমনুত্তমম্ |
অর্থানামুচিতে পাত্রে শ্রদ্ধয়া প্রতিপাদনম্ || ১, ৫১. ১ ||
দানং তু কথিতং তজ্জ্ঞৈর্ভুক্তিমুক্তিফলপ্রদম্ |
ন্যায়েনোপার্জয়েদ্বিত্তং দানভোগফলং চ তৎ || ১, ৫১. ২ ||
অধ্যাপনং যাজনং চ বৃত্তমাহুঃ প্রতিগ্রহম্ |
কুসীদং কৃষিবাণিজ্যং ক্ষত্ত্রবৃত্তোঽথ বর্জয়েৎ || ১, ৫১. ৩ ||
যদ্দীয়তে তু পাত্রেভ্যস্তদ্দানং পরিকীর্তিতম্ |
নিত্যং নৈমিত্তিকং কাম্যং বিমলং দানমীরিতম্ || ১, ৫১. ৪ ||
অহন্যহনি যৎকিঞ্চিদ্দীয়তেঽনুপকারিণে |
অনুদ্দিশ্য ফলং তস্মাদ্ব্রাহ্মণায় তু নিত্যশঃ || ১, ৫১. ৫ ||
যত্তু পাপোপশান্ত্যৈ চ দীয়তে বিদুপাং করে |
নৈমিত্তিকং তদুদ্দিষ্টন্দানং সদ্ভিরনুষ্ঠিতম্ || ১, ৫১. ৬ ||
অপত্যবিজয়ৈশ্বর্যস্বর্গার্থং যৎপ্রদীয়তে |
দানং তৎকাম্যমাখ্যাতমৃষিভির্ধর্মাচিন্তকৈঃ || ১, ৫১. ৭ ||
ঈশ্বরপ্রীণনার্থায় ব্রহ্মাবিৎসুপ্রদীয়তে |
চেতসা সত্ত্বয়ুক্তেন দানং তদ্বিমলং শিবম্ || ১, ৫১. ৮ ||
ইক্ষুভিঃ সন্ততাং ভুমিং যবগোধূমশালিনীম্ |
দদাতি বেদবিদুষে স ন ভূয়োঽভিজায়তে || ১, ৫১. ৯ ||
ভূমিদানাৎপরং দানং ন ভূতং ন ভবিষ্যতি |
বিদ্যাং দত্ত্বা ব্রাহ্মণায় ব্রহ্মলোকে মহীয়তে || ১, ৫১. ১০ ||
দদ্যাদহরহস্তাস্তু শ্রদ্ধয়া ব্রহ্মচারিণে |
সর্বপাপবিনির্মুক্তো ব্রহ্মস্থানমবাপ্নুয়াৎ || ১, ৫১. ১১ ||
বৈশাখ্যাং পৌর্ণমাস্যাং তু ব্রাহ্মণান্সপ্ত পঞ্চ চ |
উপোষ্যাভ্যর্চয়েদ্বিদ্বান্মধুনা তিলসর্পিষা || ১, ৫১. ১২ ||
গন্ধাদিভিঃ সমভ্যর্চ্য বাচয়েদ্বা স্বয়ং বদেৎ |
প্রীয়তাং ধর্মরাজেতি যথা মনসি বর্ততে || ১, ৫১. ১৩ ||
যাবজ্জীবং কৃতং পাপং তৎক্ষণাদেব নশ্যতি |
কৃষ্ণাজিনে তিলান্কৃৎবা হিরণ্যমধুসর্পিষা || ১, ৫১. ১৪ ||
দদাতি যস্তু বিপ্রায় সর্বং তরতি দুষ্কৃতম্ |
ঘৃতান্নমুদকং চৈব বৈশাখ্যাং চ বিশেষতঃ || ১, ৫১. ১৫ ||
নির্দিশ্য ধর্মরাজায় বিপ্রেভ্যো মুচ্যতে ভয়াৎ |
দ্বাদশ্যামর্চয়েদ্বিষ্ণুমুপোষ্যাঘপ্রণাশনম্ || ১, ৫১. ১৬ ||
সর্বপাপবিনির্মুক্তো নরো ভবতি নিশ্চিতম্ |
যো হি যাং দেবতামিচ্ছেৎসমারাধয়িতুং নরঃ || ১, ৫১. ১৭ ||
ব্রাহ্মণান্পূজয়েদ্দত্নাদ্ভোজয়েদ্যোষিতঃ সুরান্ |
সন্তানকামঃ সততং পূজয়েদ্বৈ পুরন্দরম্ || ১, ৫১. ১৮ ||
ব্রহ্মবর্চসকামস্তু ব্রাহ্মণান্ব্রহ্মনিশ্চয়াৎ |
আরোগ্যকামোঽথ রবিং ধনকামো হুতাশনম্ || ১, ৫১. ১৯ ||
কর্মণাং সিদ্ধিকামস্তু পূজয়েদ্বৈ বিনায়কম্ |
ভোগকামো হি শশিনং বলকামঃ সমীরণম্ || ১, ৫১. ২০ ||
মুমুক্ষুঃ সর্বসংসারাৎপ্রয়ত্নেনার্চয়েদ্ধরিম্ |
অকামঃ সর্বকামো বা পূজয়েত্তু গদাধরম্ || ১, ৫১. ২১ ||
বারিদস্তৃপ্তিমাপ্নোতি সুখমক্ষয়্যমন্নদঃ |
তিলপ্রদঃ প্রজামিষ্টাং দীপদশ্চক্ষুরুত্তমম্ || ১, ৫১. ২২ ||
ভূমিদঃ সর্বমাপ্নোতি দীর্ঘমায়ুর্হিরণ্যদঃ |
গৃহদোঽগ্র্যাণি বেশ্মানি রূপ্যদো রূপমুত্তমম্ || ১, ৫১. ২৩ ||
বাসোদশ্চান্দ্রসালোক্যমশ্বিসালোক্যমশ্বদঃ |
অনডুদ্দঃ শ্রিয়ং পুষ্টাং গোদো ব্রধ্নস্য বিষ্টপম্ || ১, ৫১. ২৪ ||
যানশয়্যাপ্রদো ভার্যামৈশ্বর্যমভয়প্রদঃ |
ধান্যদঃ শাবতং সৌখ্যং ব্রহ্মদো ব্রহ্ম শাশ্বতম্ || ১, ৫১. ২৫ ||
বেদবিৎসু দদজ্জ্ঞানং স্বর্গলোকে মহীয়তে |
গবাং ঘাসপ্রদানেন সর্বপাপৈঃ প্রমুচ্যতে || ১, ৫১. ২৬ ||
ইন্ধনানাং প্রদানেন দীপ্তাগ্নির্জায়তে নরঃ |
ঔষধং স্নেহমাহারং রোগিরোগপ্রশান্তয়ে || ১, ৫১. ২৭ ||
দদানো রোগরহিতঃ সুখী দীর্ঘায়ুরেব চ |
অসিপত্রবনং মার্গং ক্ষুরধারাসমন্বিতম্ || ১, ৫১. ২৮ ||
তীক্ষ্ণা তপং চ তরতিচ্ছত্রোপানৎপ্রদো নরঃ |
যদ্যদিষ্টতমং লোকে যচ্চাস্য দয়িতং গৃহে || ১, ৫১. ২৯ ||
তত্তদ্গুণবতে দেয়ং তদেবাক্ষয়মিচ্ছতা |
অয়েন বিষুবে চৈব গ্রহণে চন্দ্রসূর্যয়োঃ || ১, ৫১. ৩০ ||
সঙ্ক্রান্ত্যাদিষু কালেষু দত্তং ভবতি চাক্ষয়ম্ |
প্রয়াগাদিষু তীর্থেষু গয়ায়াং চ বিশেষতঃ || ১, ৫১. ৩১ ||
দানধর্মাৎপরো ধর্মো ভূতানাং নহে বিদ্যতে |
স্বর্গায়ুর্ভূতিকামেন দানং পাপোপশান্তয়ে || ১, ৫১. ৩২ ||
দীয়মানং তু যো মোহাদ্গোবিপ্রাগ্নিসুরেষু চ |
নিবারয়তি পাপাত্মা তির্যগ্যোনিং ব্রজেন্নরঃ || ১, ৫১. ৩৩ ||
যস্তু দুর্ভিক্ষবেলায়ামন্নাদ্যং ন প্রয়চ্ছতি |
ম্রিয়মাণেষু বিপ্রেষু ব্রহ্মহা স তু গর্হিতঃ || ১, ৫১. ৩৪ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
দানধর্মনিরূপণং নামৈকপঞ্চাশত্তমোঽধ্যায়ঃ

শ্রীগরুডমহাপুরাণম্-৫২
ব্রহ্মোবাচ |
অতঃ পরং প্রবক্ষ্যামি প্রায়শ্চিত্তবিধিং দ্বিজাঃ |
ব্রহ্মহা চ সুরাপশ্চ স্তেয়ী চ গুরুতল্পগঃ || ১, ৫২. ১ ||
পঞ্চ পাতকিনস্ত্বেতে তৎসংযোগী চ পঞ্চমঃ |
উপপাপানি গোহত্যাপ্রভৃতীনি সুরা জগুঃ || ১, ৫২. ২ ||
ব্রহ্মহা দ্বাদশাব্দানি কুটীং কৃৎবা বনে বসেৎ |
কুর্যাদনশনং বাথ ভৃগোঃ পতনমেব চ || ১, ৫২. ৩ ||
জ্বলন্তং বা বিশেদগ্নিং জলং বা প্রবিশেৎস্বয়ম্ |
ব্রাহ্মণার্থে গবার্থে বা সম্যক্প্রাণান্পরিত্যজেৎ || ১, ৫২. ৪ ||
দত্ত্বা চান্নং চ বিদুষে ব্রহ্মহত্যাং ব্যপোহতি |
অশ্বমেধাবভৃথকে স্নাৎবা বা মুচ্যতে দ্বিজঃ || ১, ৫২. ৫ ||
সর্বস্বং বা বেদবিদে ব্রাহ্মণায় প্রদাপয়েৎ |
সরস্বত্যাস্তরঙ্গিণ্যাঃ সঙ্গমে লোকবিশ্রুতে || ১, ৫২. ৬ ||
শুদ্ধে ত্রিষবণস্নাতস্ত্রিরাত্রোপোষিতো দ্বিজঃ |
সেতুবন্ধে নরঃ স্নাৎবা মুচ্যতে ব্রহ্মহত্যয়া || ১, ৫২. ৭ ||
কপালমোচনে স্নাৎবা বারাণস্যাং তথৈব চ |
সুরাপস্তু সুরাং পীৎবা অগ্নিবর্ণাং দ্বিজোত্তমঃ || ১, ৫২. ৮ ||
পয়ো ঘৃতং বা গোমূত্রং তস্মাৎপাপাৎপ্রমুচ্যতে |
সুবর্ণস্তেয়ী মুক্তঃ স্যান্মুসলেন হতো নৃপৈঃ || ১, ৫২. ৯ ||
চীরবাসা দ্বিজোঽরণ্যে চরেদ্ব্রহ্মহণব্রতম্ |
গুরুভার্যাং সমারুহ্য ব্রাহ্মণঃ কামমোহিতঃ || ১, ৫২. ১০ ||
অবগূহেৎস্ত্রিয়ং তপ্তাং দীপ্তাং কার্ষ্ণায়সীং কৃতাম্ |
গুর্বঙ্গনাগামিনশ্চ চরেয়ুর্বহ্মহব্রতম্ || ১, ৫২. ১১ ||
চান্দ্রায়ণানি বা কুর্যাৎপঞ্চ চৎবারি বা পুনঃ |
পতিতেন চ সংসর্গং কুরুতে যস্তু বৈ দ্বিজঃ || ১, ৫২. ১২ ||
স তৎপাপাপনোদার্থং তস্যৈব ব্রতমাচরেৎ |
তপ্তকৃচ্ছ্রং চরেদ্বাথ সংবৎসরমতন্দ্রিতঃ || ১, ৫২. ১৩ ||
সর্বস্বদানং বিধিবৎসর্বপাপবিশোধনম্ |
চান্দ্রায়ণং চ বিধিনা কৃতং চৈবাতিকৃচ্ছ্রকম্ || ১, ৫২. ১৪ ||
পুণ্যক্ষেত্রে গয়াদৌ চ গমনং পাপনাশনম্ |
অমাবস্যাং তিথিং প্রাপ্য যঃ সমারাধয়েদ্ভবম্ || ১, ৫২. ১৫ ||
ব্রাহ্মণান্ভোজয়িৎবা তু সর্বপাপৈঃ প্রমুচ্যতে |
উপোষিতশ্চতুর্দশ্যাং কৃষ্ণপক্ষে সমাহিতঃ || ১, ৫২. ১৬ ||
যমায় ধর্মরাজায় মৃত্যবে চান্তকায় চ |
বৈবস্বতায় কালায় সর্বভূতক্ষয়ায় চ || ১, ৫২. ১৭ ||
প্রত্যেকং তিলসংযুক্তান্দদ্যাৎসপ্ত জলাঞ্জলীন্ |
স্নাৎবা নদ্যাং তু পূর্বাহ্নে মুচ্যতে সর্বপাতকৈঃ || ১, ৫২. ১৮ ||
ব্রহ্মচর্যমধঃ শয়্যামুপবাসং দ্বিজার্চনম্ |
ব্রতেষ্বেতেষু কুর্বীত শান্তঃ সংযতমানসঃ || ১, ৫২. ১৯ ||
পষ্ঠ্যামুপোষিতো দেবং শুক্লপক্ষে সমাহিতঃ |
সপ্তম্যামর্চয়েদ্ভানুং মুচ্যতে সর্বপাতকৈঃ || ১, ৫২. ২০ ||
একাদশ্যাং নিরাহারঃ সমভ্যর্চ্য জনার্দনম্ |
দ্বাদশ্যাং শুক্লপক্ষস্য মহাপাপৈঃ প্রমুচ্যতে || ১, ৫২. ২১ ||
তপো জপস্তীর্থসেবা দেবব্রাহ্মণপূজনম্ |
গ্রহণাদিষু কালেষু মহাপাতকনাশনম্ || ১, ৫২. ২২ ||
যঃ সর্বপাপয়ুক্তোঽপি পুণ্যতীর্থেষু মানবঃ |
নিয়মেন ত্যজেৎপ্রাণান্মুচ্যতে সর্বপাতকৈঃ || ১, ৫২. ২৩ ||
ব্রহ্মঘ্নং বা কৃতঘ্নং বা মহাপাতকদূষিতম্ |
ভর্তারমুদ্ধরেন্নারী প্রবিষ্টা সহ পাবকম্ || ১, ৫২. ২৪ ||
পতিব্রতা তু যা নারী ভর্তুঃ শুশ্রূষণোৎসুকা |
ন তস্যা বিদ্যতে পাপমিহ লোকে পরত্র চ || ১, ৫২. ২৫ ||
তথা রামস্য সুভগা সীতা ত্রৈলোক্যবিশ্রুতা |
পত্নী দাশরথের্দেবী বিজিগ্যে রাক্ষসেশ্বরম্ || ১, ৫২. ২৬ ||
ফল্গুতীর্থাদিষু স্নাতঃ সর্বাচারফলং লভেৎ |
ইত্যাহ ভগবান্বিষ্ণুঃ পুরা মম যতব্রতাঃ || ১, ৫২. ২৭ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
প্রায়শ্চিত্তনিরূপণং নাম দ্বিপঞ্চাশত্তমোঽধ্যায়ঃ

শ্রীগরুডমহাপুরাণম্-৫৩
সূত উবাচ |
এবং ব্রহ্মাব্রবীচ্ছ্রুৎবা হরেরষ্টনিধীংস্তথা |
তত্র পদ্মমহাপদ্মৌ তথা মকরকচ্ছপৌ || ১, ৫৩. ১ ||
মুকুন্দকু(ন) ন্দৌ নীলশ্চ শঙ্খশ্চৈবাপরো নিধিঃ |
সত্যামৃদ্ধৌ ভবন্ত্যেতে স্বরূপং কথয়াম্যহম্ || ১, ৫৩. ২ ||
পদ্মেন লক্ষিতশ্চৈব সাত্ত্বিকো জায়তে নরঃ |
দাক্ষিণ্যসারঃ পুরুষঃ সুবর্ণাদিকসঙ্গ্রহম্ || ১, ৫৩. ৩ ||
রুপ্যাদি কুর্যাদ্দদ্যাত্তু যতিদৈবাদিয়জ্বনাম্ |
মহাপদ্মাঙ্কিতো দদ্যাদ্ধনাদ্যং ধার্মিকায় চ || ১, ৫৩. ৪ ||
নীধী পদ্মমহাপদ্মৌ সাত্ত্বিকৌ পুরুষৌ স্মৃতী |
মকরেণাঙ্কিতঃ খড্গবাণকুন্তাদিসঙ্গ্রহী || ১, ৫৩. ৫ ||
দদ্যাচ্ছ্রুতায় মৈত্রীং চ যাতি নিত্যং চ রাজভিঃ |
দ্রব্যার্থং শত্রুণা নাশং সঙ্গ্রামে চাপি সংব্রজেৎ || ১, ৫৩. ৬ ||
মকরঃ কচ্ছপশ্চৈব তামসৌ তু নিধী স্মৃতৌ |
কচ্ছপী বিশ্বসেন্নৈব ন ভুঙ্কেন (না) দদাতি চ || ১, ৫৩. ৭ ||
নিধানমুর্ব্যাং কুরুতে নিধিঃ সোপ্যেকপূরুষঃ |
রাজসেনমুকুন্দেন লক্ষিতা রাজ্যসঙ্গ্রহী || ১, ৫৩. ৮ ||
ভুক্তভোগো গায়নেভ্যো দদ্যাদ্বেশ্যাদিকাসু চ |
রজস্তমোময়ো নন্দী আধারঃ স্যাৎকুলস্য চ || ১, ৫৩. ৯ ||
স্তুতঃ প্রীতো ভবতি বৈ বহুভার্যা ভবন্তি চ |
পূর্বমিত্রেষু শৈথিল্যং প্রীতিমন্যৈঃ করোতি চ || ১, ৫৩. ১০ ||
নীলন চাঙ্কিতঃ সত্ত্বতেজসা সংযুতো ভবেৎ |
বস্ত্রধান্যাদিসঙ্গ্রাহী তডাগাদি করোতি চ || ১, ৫৩. ১১ ||
ত্রিপূ(পৌ) রুষো নিধিশ্চৈব আম্রারামাদি কারয়েৎ |
একস্য স্যান্নিধিঃ শঙ্খঃ স্বয়ং ভুঙ্ক্তে ধনাদি(ন্ত) কম্ || ১, ৫৩. ১২ ||
কদন্নভুক্পরিজনো ন চ শোভনবস্ত্রধৃক্ |
স্বপোষণপরঃ শঙ্খী দদ্যাৎপরনরে বৃথা || ১, ৫৩. ১৩ ||
মিশ্রাবলোকনান্মিশ্রস্বভাবফলদায়িনঃ |
নিধীনাং রূপমুক্তং তু হরিণাপি হরাদিকে |
হরির্ভুবনকোশাদি যথোবাচ তথা বদে || ১, ৫৩. ১৪ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
নবনিধিবর্ণনং নাম ত্রিপঞ্চাশত্তমোঽধ্যায়ঃ

শ্রীগরুডমহাপুরাণম্-৫৪
হরিরুবাচ |
অগ্নীধ্রশ্চাগ্নিবাহুশ্চ বপুষ্মান্ধ্যুতিমাংস্তথা |
মেধামেধাতিথির্ভব্যঃ শবলঃ পুত্র এব চ || ১, ৫৪. ১ ||
জ্যোতিষ্মান্দশমো জাতঃ পুত্রা হ্যেতে প্রিয়ব্রতাৎ |
মেধাগ্নিবাহুপুত্রাস্তু ত্রয়ো যোগপরায়ণাঃ || ১, ৫৪. ২ ||
জাতিস্মরা মহাভাগা নৈরাজ্যায় মমো দষুঃ |
বিভজ্য সপ্ত দ্বীপানি সপ্তানাং প্রদদৌ নৃপঃ || ১, ৫৪. ৩ ||
যোজনানাং প্রমাণেন পঞ্চাশৎকোটিরাপ্লুতা |
জলোপরি মহী যাতা মৌরিবাস্তে সরিজ্জলে || ১, ৫৪. ৪ ||
জম্বূপ্লক্ষাহ্বয়ৌ দ্বীপৌ শাল্মলশ্চাপরো হর |
কুশঃ ক্রৌঞ্চস্তথা শাকঃ পুষ্করশ্চৈব সপ্তমঃ || ১, ৫৪. ৫ ||
এতে দ্বীপাঃ সমুদ্রৈস্তু সপ্ত সপ্তভিরাবৃতাঃ |
লবণেক্ষুসুরাসর্পির্দাধিদুগ্ধজলৈঃ সমম্ || ১, ৫৪. ৬ ||
দ্বীপাত্তু দ্বিগুণো দ্বীপঃ সমুদ্রশ্চ বৃষধ্বজ |
জম্বূদ্বীপে স্থিতো মেরুর্লক্ষয়োজনবিস্তৃতঃ || ১, ৫৪. ৭ ||
চতুরশীতিসাহস্রৈর্যোজনৈরস্য চোচ্ছ্রয়ঃ |
প্রবিষ্টঃ ষোডশাধস্তাদ্দ্বত্রিংশন্মূর্ধ্নি বিস্তৃতঃ || ১, ৫৪. ৮ ||
অধঃ ষোডশসাহস্রঃ কর্ণিকাকারসংস্যিতঃ |
হিমবান্হেমকূটশ্চ নিষধশ্চাস্য দক্ষিণে || ১, ৫৪. ৯ ||
নীলঃ শ্বেতশ্চ শৃঙ্গী চ উত্তরে বর্ষপর্বতাঃ |
প্লক্ষাদিষু নরা রুদ্র যে বসন্তি সনাতনাঃ || ১, ৫৪. ১০ ||
শঙ্করাথ ন তেষ্বস্তি যুগাবস্থা কথঞ্চন |
জম্বূদ্বীপেশ্বরাৎপুত্রা হ্যগ্রীধ্নাদভবন্নব || ১, ৫৪. ১১ ||
নাভিঃ কিম্পুরুষশ্চৈব হরিবর্ষমিলা বৃতঃ |
রম্যো হিরণ্ময়াখ্যশ্চ কুরুর্ভদ্রাশ্ব এব চ || ১, ৫৪. ১২ ||
কেতুমালো নৃপস্তেভ্যস্তৎসঞ্জ্ঞান্খণ্ডকান্দদৌ |
নাভেস্তু মেরুদেব্যাং তু পুত্রোঽভূদৃষভো হর || ১, ৫৪. ১৩ ||
তৎপুত্রো ভরতো নাম শালগ্রামে স্থিতো ব্রতী |
সুমতির্ভরতস্যাভূত্তৎপুত্রস্তৈজসোঽভবৎ || ১, ৫৪. ১৪ ||
ইন্দ্রদ্যুম্নশ্চ তৎপুত্রঃ পরমেষ্ঠী ততঃ স্মৃতঃ |
প্রতীহারশ্চতৎপুত্রঃ প্রতিহর্তা তদাত্মজঃ || ১, ৫৪. ১৫ ||
সুতস্তস্মাদথৈ জাতঃ প্রস্তারস্তৎসুতো বিভুঃ |
পৃথুশ্চ তৎসুতো নক্তো নক্তস্যাপি গয়ঃ স্মৃতঃ || ১, ৫৪. ১৬ ||
নরো গয়স্য তনয়স্তৎপুত্রোভুদ্বিরাডগতঃ |
ততো ধীমান্মহাতেজা ভৌবনস্তস্য চাত্মজঃ || ১, ৫৪. ১৭ ||
ৎবষ্টা ৎবষ্টুশ্চ বিরজা রজস্তস্যাপ্যভূৎসুতঃ |
শতজিদ্রজসস্তস্য বিষ্বগ্জ্যোতিঃ সুতঃ স্মৃতঃ || ১, ৫৪. ১৮ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
ভুবনকোশবর্ণনোপয়োগিপ্রিয়ব্রতবংশনিরূপণং নাম চতুঃ পঞ্চশত্তমোঽধ্যায়ঃ

শ্রীগরুডমহাপুরাণম্-৫৫
হরিরুবাচ |
মধ্যে ৎবিলাবৃতো বর্ষো ভদ্রাশ্বঃ পূর্বতোঽদ্ভুতঃ |
পূর্বদক্ষৈণতো বর্ষো হিরণ্বান্বৃষভধ্বজ || ১, ৫৫. ১ ||
ততঃ কিম্পুরুষো বর্ষো মেরোর্দক্ষিণতঃ স্মৃতঃ |
ভারতো দক্ষিণে প্রোক্তো হরির্দক্ষিণপাশ্চিমে || ১, ৫৫. ২ ||
পশ্চিমে কেতুমালশ্চ রম্যকঃ পশ্চিমোত্তরে |
উত্তরে চ কুরোর্বর্ষঃ কল্পবৃক্ষসমাবৃতঃ || ১, ৫৫. ৩ ||
সিদ্ধিঃ স্বাভাবিকী রুদ্র ! বর্জয়িৎবা তু ভারতম্ |
ইন্দ্রদ্বীপঃ কশেরুমাংস্তাম্রবর্ণো গভস্তিতমান্ || ১, ৫৫. ৪ ||
নাগদ্বীপঃ কটাহশ্চ সিংহলো বারুণস্তথা |
অয়ং তুনবমস্তেষাং দ্বীপঃ সাগরসংবৃতঃ || ১, ৫৫. ৫ ||
পূর্বে কিরাতাস্তস্যাস্তে পশ্চিমে যবনাঃ স্থিতাঃ |
অন্ধ্রা দক্ষিণতো রুদ্র ! তুরষ্কাস্ত্বপি চোত্তরে || ১, ৫৫. ৬ ||
ব্রাহ্মণাঃ ক্ষত্ত্রিয়া বৈশ্যাঃ সূদ্রাশ্চান্তরবাসিনঃ |
মহেন্দ্রো মলয়ঃ সহ্যঃ শুক্তিমানৃক্ষপর্বতঃ || ১, ৫৫. ৭ ||
বিন্ধ্যশ্চ পারিয়াত্রশ্চ সপ্তাত্র কুলপর্বতাঃ |
বেদস্মৃতির্নর্মদা চ বরদা সুরসা শিবা || ১, ৫৫. ৮ ||
তাপী পয়োষ্ণী সরয়ূঃ কাবেরী গোমতী তথা |
গোদাবরী ভীমরথী কৃষ্ণবেণী মহানদী || ১, ৫৫. ৯ ||
কেতুমালা তাম্রপর্ণো চন্দ্রভাগা সরস্বতী |
ঋষিকুল্যা চ কাবেরী মত্তগঙ্গা পয়স্বিনী || ১, ৫৫. ১০ ||
বিদর্ভা চ শতদ্রূশ্চ নদ্যঃ পাপহরাঃ শুভাঃ |
আসাং পিবন্তি সলিলং মধ্যদেশাদয়ো জনাঃ || ১, ৫৫. ১১ ||
পাঞ্চালাঃ কুরবো মৎস্যা যৌধেয়াঃ সপটচ্চরাঃ |
কুন্তয়ঃ শূরসেনাশ্চ মধ্যদেশজনাঃ স্মৃতাঃ || ১, ৫৫. ১২ ||
বৃষধ্বজ ! জনাঃ পাদ্মাঃ সূতমাগধচেদয়ঃ |
কাশয় (ষায়া) শ্চ বিদেহাশ্চ পূর্বস্যাং কোসলাস্তথা || ১, ৫৫. ১৩ ||
কলিঙ্গবঙ্গপুণ্ড্রাঙ্গা বৈদর্ভা মূলকাস্তথা |
বিন্ধ্যান্তর্নিলয়া দেশাঃ পূর্বদক্ষিণতঃ স্মৃতাঃ || ১, ৫৫. ১৪ ||
পুলন্দাশ্মকজীমূতনয়রাষ্ট্রনিবাসিনঃ |
কর্ণার্(না) টকম্বোজঘণা দক্ষিণাপথবাসিনঃ || ১, ৫৫. ১৫ ||
অম্বষ্ঠদ্রবিডা লাটাঃ কাম্ভোজা স্ত্রীমুখাঃ শকাঃ |
আনর্তবাসিনশ্চৈব জ্ঞেয়া যক্ষিণপশ্চিমে || ১, ৫৫. ১৬ ||
স্ত্রীরাজ্যাঃ সৈন্ধবা ম্লেচ্ছা নাস্তি কা যবনাস্তথা |
পশ্চিমেন চ বিজ্ঞেয়া মাথুরা নৈষধৈঃ সহ || ১, ৫৫. ১৭ ||
মাণ্ডব্যাশ্চ তুষারাশ্চ মূলিকাশ্বমুখাঃ খশাঃ |
মহাকেশা মহানাসা দেশাস্তূত্তরপশ্চিমে || ১, ৫৫. ১৮ ||
লম্ব (ম্পা) কা স্তননাগাশ্চ মাদ্রগান্ধারবাহ্লিকাঃ |
হিমাচলালয়া ম্লেচ্ছা উদীচীং দিশমাশ্রিতাঃ || ১, ৫৫. ১৯ ||
ত্রিগর্তনীলকোলাত (ভ) ব্রহ্মপুত্রাঃ সটঙ্কণাঃ |
অভীষাহাঃ সকাশ্মীরা উদক্পর্বেণ কীর্তিতাঃ || ১, ৫৫. ২০ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
ভুবনকোশবর্ণনং নাম পঞ্চপঞ্চাশত্তমোঽধ্যায়ঃ

শ্রীগরুডমহাপুরাণম্-৫৬
হরিরুবাচ |
সপ্ত মেধাতিথেঃ পুত্রাঃ প্লক্ষদ্বীপেশ্বরস্য চ |
জ্যেষ্ঠঃ শান্তভবো নাম শিশিরস্তদন্তরঃ || ১, ৫৬. ১ ||
সুখোদয়স্তথা নন্দঃ শিবঃ ক্ষেমক এব চ |
ধ্রুবশ্চ সপ্তমস্তেষাং প্লক্ষদ্বীপেশ্বরা হি তে || ১, ৫৬. ২ ||
গোমেদশ্চৈব চন্দ্রশ্চ নারদো দুন্দুভিস্তথা |
সোমকঃ সুমনাঃ শৈলো বৈভ্রাজশ্চাত্র সপ্তমঃ || ১, ৫৬. ৩ ||
অনুতপ্তা শিখী চৈব বিপাশা ত্রিদিবা ক্রমুঃ |
অমৃতা সুকৃতা চৈব সপ্তৈতাস্তত্র নিম্নগাঃ || ১, ৫৬. ৪ ||
বপুষ্মাঞ্ছাল্মলস্যেশস্তৎসুতা বর্ষনামকাঃ |
শ্বেতোঽথ হরিতশ্চৈব জীমূতো রোহিতস্তথা || ১, ৫৬. ৫ ||
বৈদ্যুতো মানসশ্চৈব সপ্রভশাচপি সপ্তমঃ |
কুমুদশ্চোন্নতো দ্রোণো মহিষোঽথ বলাহকঃ || ১, ৫৬. ৬ ||
ক্রৌঞ্চঃ ককুদ্মান্হ্যেতে বৈ গিরয়ঃ সরিতস্ত্বিমাঃ |
যোনিতোয়া বিতৃষ্ণা চ চন্দ্রা শুক্ল বিমোচনী || ১, ৫৬. ৭ ||
বিধৃতিঃ সপ্তমী তাসাং স্মৃতাঃ পাপপ্রশান্তিদাঃ |
জ্যোতিষ্মতঃ কুশদ্বীপে সপ্ত পুত্রাঃ শৃণুষ্বতান্ || ১, ৫৬. ৮ ||
উদ্ভিদো বেণুমাংশ্চৈব দ্বৈরথো লম্বনো ধৃতিঃ |
প্রভাকরোঽথ কপিলস্তন্নামা বর্ষপদ্ধতিঃ || ১, ৫৬. ৯ ||
বিদ্রুমো হেমশৈলশ্চ দ্যুতিমান্পুষ্পবাংস্তথা |
কুশেশয়ো হরিশ্চৈব সপ্তমো মন্দরাচলঃ || ১, ৫৬. ১০ ||
ধূতপাপা শিবা চৈব পবিত্রা সন্মতিস্তথা |
বিদ্যুদভ্রা মহী চান্যা সর্বপাপহরাস্ত্বিমাঃ || ১, ৫৬. ১১ ||
ক্রৌঞ্চদ্বীপে দ্যুতিমতঃ পুত্রাঃ সপ্ত মহাত্মনঃ |
কুশলো মন্দগশ্চোষ্ণঃ পীবরোঽথোন্ধকারকঃ || ১, ৫৬. ১২ ||
মুনিশ্চ দুন্দুভিশ্চৈব সপ্তৈতে তৎসুতা হর |
ক্রৌঞ্চশ্চ বামনশ্চৈব তৃতীয়শ্চান্ধ (থ) কারকঃ || ১, ৫৬. ১৩ ||
দিবাবৃৎপঞ্চমশ্চান্যো দুন্দুভিঃ পুণ্ডরীকবান্ |
গৌরী কুমুদ্বতী চৈব সন্ধ্যা রাত্রির্মনোজবা || ১, ৫৬. ১৪ ||
খ্যাতিশ্চ পুণ্ডরীকা চ সপ্তৈতা বর্ষনিম্নগাঃ |
শাকদ্বীপেশ্বরাদ্ভব্যাৎসপ্ত পুত্রাঃ প্রজজ্ঞিরে || ১, ৫৬. ১৫ ||
জলদ্শ্চ কুমারশ্চ সুকুমারোরুণী বকঃ |
কুসুমোদঃ সমোদার্কিঃ সপ্তমশ্চ মহাদ্রুমঃ || ১, ৫৬. ১৬ ||
সুকুমারী কুমারী চ নলিনী ধেনুকা চ যা |
ইক্ষুশ্চ বেণুকা চৈব গভস্তী সপ্তমী তথা || ১, ৫৬. ১৭ ||
শবলাৎপুষ্করেশাচ্চ মহাবীরশ্চ ধাতকিঃ |
অভূদ্বর্ষদ্বয়ং চৈব মানসোত্তরপর্বতঃ || ১, ৫৬. ১৮ ||
যোজনানাং সহস্রাণি ঊর্ধ্বং পঞ্চাশদুচ্ছ্রিতঃ |
তাবচ্চৈব চ বিস্তীর্ণঃ সর্বতঃ পরিমণ্ডলঃ || ১, ৫৬. ১৯ ||
স্বাদূদকেনোদধিনা পুষ্করঃ পরিবেষ্টিতঃ |
স্বাদূদকস্য পুরতো দৃশ্যতে লোকসংস্থিতিঃ || ১, ৫৬. ২০ ||
দ্বিগুণা কাঞ্চনী ভূমিঃ সর্বজন্তুবিবর্জিতা |
লোকালোকস্ততঃ শৈলো যোজনায়ুতাবিস্তৃতঃ |
তমসা পর্বতো ব্যাপ্তস্তমোঽপ্যণ্ডকটাহতঃ || ১, ৫৬. ২১ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
ভুবনকোশবর্ণনং নাম ষট্পঞ্চাশত্তমোঽধ্যায়ঃ

শ্রীগরুডমহাপুরাণম্-৫৭
হরিরুবাচ |
সপ্ততিস্তু সহস্রাণি ভূম্যুচ্ছ্রায়োঽপি কথ্যতে |
দশসাহস্রমেকৈকং পাতালং বৃষভধ্বজ || ১, ৫৭. ১ ||
অতলং বিতলং চৈব নিতলং চ গভস্তিমৎ |
মহাখ্যং সুতলং চাগ্র্যং পাতালং চাপি সপ্তমম্ || ১, ৫৭. ২ ||
কৃষ্ণা শুক্লারুণা পীতা শর্করা শৈলকাঞ্চনা |
ভূয়স্তত্র দৈতেয়া বসন্তি চ ভুজঙ্গমাঃ || ১, ৫৭. ৩ ||
রৌদ্রে তু পুষ্করদ্বীপে নরকাঃ সন্তি তাঞ্ছৃণু |
রৌরবঃ সূকরো রোধস্তালো বিনশনস্তথা || ১, ৫৭. ৪ ||
মহাজ্বালস্তপ্তকুম্ভো লবণোঽথি বিমোহিতঃ |
রুধিরাখ্যো বৈতরণী কৃমিশঃ কৃমিভো জনঃ || ১, ৫৭. ৫ ||
অসিপত্রবনঃ কৃষ্ণো নানাভক্ষশ্চ দারুণঃ |
তথা পূয়বহঃ পাপো বহ্নিজ্বালস্ত্বধঃ শিরাঃ || ১, ৫৭. ৬ ||
সন্দংশঃ কৃষ্ণসূত্রশ্চ তমশ্চাবীচিরেব চ |
শ্বভোজনোঽথাপ্রতিষ্ঠোষ্ণবীচির্নরকাঃ স্মৃতাঃ || ১, ৫৭. ৭ ||
পাপিনস্তেষু পচ্যন্তে বিষশস্ত্রাগ্নিদায়িনঃ |
উপর্যুপরি বৈ লোকা রুদ্র ! ভূতাদয়ঃ স্থিতাঃ || ১, ৫৭. ৮ ||
বারিবহ্ন্যনিলাকাশৈর্বৃতং ভূতাদিনা চ তৎ |
তদণ্ডং মহতা রুদ্র ! প্রধানেন চ বেষ্টিতম্ || ১, ৫৭. ৯ ||
অণ্ডং দশগুণং ব্যাপ্তং নারায়ণঃ স্থিতঃ || ১, ৫৭. ১০ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
ভুবনকোশগতাপাতলনরকাদিনিরূপণং নাম সপ্তপঞ্চাশত্তমোঽধ্যায়ঃ

মেদ্স্কিপ্

শ্রীগরুডমহাপুরাণম্-৫৮
হরিরুবাচ |
বক্ষ্যে প্রমাণসংস্থানে সূর্যাদীনাং শৃণুষ্ব মে |
যোজানানাং সহস্রাণি ভাস্করস্য রথো নব || ১, ৫৮. ১ ||
ঈষাদণ্ডস্তথৈবাস্য দ্বিগুণো বৃষভধ্বজ |
সার্ধকোটিস্তথা সপ্ত নিয়ুতান্যধিকানি চ || ১, ৫৮. ২ ||
যোজনানাং তু তস্যাক্ষস্তত্র চক্রং প্রতিষ্ঠিতম্ |
ত্রিনাভিমতি পঞ্চারে ষণ্নেমিন্যক্ষয়াত্মকে || ১, ৫৮. ৩ ||
সংবৎসরময়ে কৃৎস্নং কালচক্রং প্রতিষ্ঠিতম্ |
চৎবারিংশৎসহস্রাণি দ্বিতীয়োঽক্ষো বিবস্বতঃ || ১, ৫৮. ৪ ||
পঞ্চান্যানি তু সার্ধানি স্যন্দনস্য বৃষধ্বজ |
অক্ষপ্রমাণমুভয়োঃ প্রমাণং তু যুগার্ধয়োঃ || ১, ৫৮. ৫ ||
হ্রস্বোঽক্ষস্তদ্যুগার্ধেন ধ্রুবাধারে রথস্য বৈ |
দ্বিতীয়েঽক্ষে তু তচ্চক্রং সংস্থিতং মানসাচলে || ১, ৫৮. ৬ ||
গায়ত্ত্রী সবৃহত্যুষ্ণিগ্জগতীত্রিষ্টুবেব চ |
অনুষ্টুপ্পঙ্ক্তিরিত্যুক্তাশ্ছন্দাংসি হরয়ো রবেঃ || ১, ৫৮. ৭ ||
ধাতা ক্রতুস্থলা চৈব পুলস্ত্যো বাসুকিস্তথা |
রথকৃদ্গ্রামণীর্হেতিস্তুম্বুরুশ্চৈত্রমাসকে || ১, ৫৮. ৮ ||
অর্যমা পুলহশ্চৈব রথোজাঃ পুঞ্জিকস্থলা |
প্রহেতিঃ কচ্ছনীরশ্চ নারদশ্চৈব মাধবে || ১, ৫৮. ৯ ||
মিত্রোঽত্রিস্তক্ষকো রক্ষঃ পৌরুষেয়োঽথ মেনকা |
হাহা রথস্বনশ্চৈব জ্যেষ্ঠে ভানো রথে স্থিতাঃ || ১, ৫৮. ১০ ||
বরুণো বসিষ্ঠো রম্ভা সহজন্যা কুহূর্বুধঃ |
রথচিত্রস্তথা শুক্রো বসন্ত্যাষাঢসঞ্জ্ঞিতে | || ১, ৫৮. ১১ ||
ইন্দ্রো বিশ্বাবসুঃ স্রোত(শ্রোত্র) এলাপত্রস্তথাঙ্গিরাঃ |
প্রম্লোচা চ নভস্যেতে সর্পাশ্চার্কে তু সন্তি বৈ || ১, ৫৮. ১২ ||
বিবস্বানুগ্রসেনশ্চ ভৃগুরাপূরণস্তথা |
অনুম্লোচাশঙ্খপালৌ ব্যাঘ্রো ভাদ্রপদে ততা || ১, ৫৮. ১৩ ||
পূষা চ সুরুচির্ধাতা গৌতমোঽথ ধনঞ্জয়ঃ |
সুষেণোঽন্যো ধৃতাচী চ বসন্ত্যাশ্বয়ুজে রবৌ || ১, ৫৮. ১৪ ||
বিশ্বাবসুর্ভরদ্বাজঃ পর্জন্যৈরাবতৌ তদা |
বিশ্বাচী সেনজিচ্চাপঃ (পি) কার্তিকে চাধিকারিণঃ || ১, ৫৮. ১৫ ||
অংশুশ্চ কাশ্যপস্তার্ক্ষ্যো মহাপদ্মস্তথোর্বশী |
চিত্রসেনস্তথা বিদ্যুন্মার্গশীর্ষাধিকারিণঃ || ১, ৫৮. ১৬ ||
ক্রতুর্ভর্গস্তথোর্ণায়ুঃ স্ফূর্জঃ কর্কোটকস্তথা |
অরিষ্টনেমিশ্চৈবান্যা পূর্বচিত্তিবর্রাৎসরাঃ |
পৌষমাসে বসন্ত্যেতে সপ্ত ভাস্করমণ্ডলে || ১, ৫৮. ১৭ ||
ৎবষ্টাথ জমদগ্নিশ্চ কম্বলোঽথ তিলোত্তমা |
ব্রহ্মাপেতোঽথ ঋতজিদ্ধৃতরাষ্ট্রশ্চ সপ্তমঃ |
মাঘমাসে বসন্ত্যেতে সপ্ত ভাস্করমণ্ডলে || ১, ৫৮. ১৮ ||
বিষ্ণুরশ্বতরো রম্ভা সূর্যবর্চাশ্চ সত্যজিৎ |
বিশ্বামিত্রস্তথা রক্ষো যজ্ঞাপেতো হি ফাল্গুনে || ১, ৫৮. ১৯ ||
সবিতুর্মণ্ডলে ব্রহ্মন্বিষ্ণুশক্ত্যুপবৃংহিতাঃ |
স্তুবন্তি মুনয়ঃ সূর্যং গন্ধর্বৈর্গোয়তে পুরঃ || ১, ৫৮. ২০ ||
নৃত্যন্ত্যোঽপ্সরসো যান্তি সূর্যস্যানুনিশাচরাঃ |
বহন্তি পন্নগা যক্ষৈঃ ক্রিয়তেঽভীষুসঙ্গ্রহঃ || ১, ৫৮. ২১ ||
বালখিল্যাস্তথৈবৈনং পরিবার্য সমাসতে |
রথস্ত্রিচক্রঃ সোমস্য কুন্দাভাস্তস্য বাজিনঃ || ১, ৫৮. ২২ ||
বামদক্ষিণতো যুক্তা দশ তেন চরত্যসৌ |
বার্য (য্ব) গ্রনিদ্রব্যসম্ভূতো রথশ্চন্দ্রসুতস্যচ || ১, ৫৮. ২৩ ||
পিশঙ্গেস্তুরগৈর্যুক্তঃ সোঽষ্টাভির্বায়ুবেগিভিঃ |
সবরূথঃ সানুকর্ষো যুক্তো ভূমিভবৈর্হয়ৈঃ || ১, ৫৮. ২৪ ||
সোপাসঙ্গপতাকস্তু শুক্রস্যাপি রথো মহান্ |
রথো ভূমিসুতস্যাপি তপ্তকাঞ্চনসন্নিভঃ || ১, ৫৮. ২৫ ||
অষ্টাশ্বঃ কাঞ্চনঃ শ্রীমান্ভৌমস্যাপি রথো মহান্ || ১, ৫৮. ২৬ ||
পদ্মরাগারুণৈরশ্বৈঃ সংযুক্তো বহ্নিসম্ভবৈঃ |
অষ্টাভিঃ পাণ্ডরৈর্যুক্তৈর্বাজিভিঃ কাঞ্চনে রথে || ১, ৫৮. ২৭ ||
তিষ্ঠংস্তিষ্ঠতি বর্ষং বৈ রাশৌরাশৌ বৃহস্পতিঃ |
আকাশসম্ভবৈরশ্বৈঃ শবলৈঃ স্যন্দনং যুতম্ || ১, ৫৮. ২৮ ||
সমারুহ্য শনৈর্যাতি মন্দগামী শনৈশ্চরঃ |
স্বর্ভানোস্তুরগা হ্যষ্টৌ ভৃঙ্গাভা ধূসরং রথম্ || ১, ৫৮. ২৯ ||
সকৃদ্যক্তাস্তু ভূতেশবহন্ত্যবিরতং শিব |
তথা কেতুরথস্যাশ্বা অষ্টৌ তে বাতরংহসঃ || ১, ৫৮. ৩০ ||
পলালধূমবর্ণাভা লাক্ষারসনিভারুণাঃ |
দ্বীপনদ্যদ্রয়ুদন্বন্তো ভুবনানিহরেস্তনুঃ || ১, ৫৮. ৩১ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
ভুবনকোশনিরূপণং নামাষ্টপঞ্চাশত্তমোঽধ্যায়ঃ

শ্রীগরুডমহাপুরাণম্-৫৯
(অথ জ্যোতিঃ শাস্ত্রম্)

সূত উবাচ |
জ্যোতিশ্চক্রং ভুবো মানমুক্ত্বা প্রোবাচ কেশবঃ |
চতুর্লক্ষং জ্যোতিষস্য সারং রুদ্রায় সর্বদঃ || ১, ৫৯. ১ ||
হরিরুবাচ |
কৃত্তিকাস্ত্বগ্নিদেবত্যা রোহিণ্যো ব্রহ্মণঃ স্মৃতাঃ |
ইল্বলাঃ সোমদেবত্যা রৌদ্রং চার্দ্রমুদাহৃতম্ || ১, ৫৯. ২ ||
পুনর্বসুস্তথাদিত্যস্তিষ্যশ্চ গুরুদৈবতঃ |
অশ্লেষাঃ সর্পদেবত্যা মঘাশ্চ পিতৃদেবতাঃ || ১, ৫৯. ৩ ||
ভাগ্যাশ্চ পূর্বফল্গুন্য অর্যমা চ তথোত্তরঃ |
সাবিত্রশ্চ তথা হস্তা চিত্রা ৎবষ্টা প্রকীর্তিতঃ || ১, ৫৯. ৪ ||
স্বাতী চ বায়ুদেবত্যা নক্ষত্রং পরিকীর্তিতম্ |
ইন্দ্রাগ্নিদেবতা প্রোক্তা বিশাখা বৃষভধ্বজ || ১, ৫৯. ৫ ||
মৈত্রমৃক্ষমনূরাধা জ্যেষ্ঠা শাক্রং প্রকীর্তিতম্ |
তথা নিরৃতিদেবত্যো মূলস্তজ্জ্ঞৈরুদাহৃতঃ || ১, ৫৯. ৬ ||
আপ্যাস্ত্বাষাঠপূর্বাস্তু উত্তরা বৈশ্বদেবতাঃ |
ব্রাহ্মশ্চৈবাভিজিৎপ্রোক্তঃ শ্রবণা বৈষ্ণবঃ স্মৃতঃ || ১, ৫৯. ৭ ||
বাসবস্তু তথা ঋক্ষং ধনিষ্ঠা প্রোচ্যতে বুধৈঃ |
তথা শতভিষা প্রোক্তং নক্ষত্রং বারুণং শিব || ১, ৫৯. ৮ ||
আজং ভাদ্রপদা পূর্বা অহির্ব্রুধ্ন্যস্তথোত্তরা |
পৌষ্ণং চ রেবতী ঋক্ষমশ্বয়ুক্চাশ্বদৈবতম্ || ১, ৫৯. ৯ ||
ভরণ্যৃক্ষং তথা যাম্যং প্রোক্তাস্তে ঋক্ষদেবতাঃ |
ব্রহ্মাণী সংস্থিতা পূর্বে প্রিতপন্নবমীতিথৌ || ১, ৫৯. ১০ ||
মাহেশ্বরী চোত্তরে চ দ্বিতীয়া দশামীতিথৌ |
পঞ্চম্যাং চ ত্রয়োদশ্যাং বারাহী দক্ষিণে স্থিতা || ১, ৫৯. ১১ ||
ষষ্ঠ্যাং চৈব চতুর্দশ্যামিন্দ্রাণী পশ্চিমে স্থিতা |
সপ্তম্যাং পৌর্ণমাস্যাং চ চামুণ্ডা বায়ুগোচরে || ১, ৫৯. ১২ ||
অষ্টম্যমাবাস্যয়োগে মহালক্ষ্মীশগোচরে |
একাদশ্যাং তৃতীয়ায়ামগ্নিকোণে তু বৈষ্ণবী || ১, ৫৯. ১৩ ||
দ্বাদশ্যাং চ চতুর্থ্যাং তু কৌমারী নৈরৃতে তথা |
যোগিনীসুমুখেনৈব গমনাদি ন কারয়েৎ || ১, ৫৯. ১৪ ||
অশ্বিনীমৈত্ররেবত্যো মৃগমূলপুনর্বসু |
পুষ্যা হস্তা তথা জ্যেষ্ঠা প্রস্থানে শ্রেষ্ঠমুচ্যতে || ১, ৫৯. ১৫ ||
হস্তাদিপঞ্চঋক্ষাণি উত্তরাত্রয়মেব চ |
অশ্বিনী রোহিণী পুষ্যা ধনিষ্ঠা চ পুনর্বসূ || ১, ৫৯. ১৬ ||
বস্ত্রপ্রাবরণে শ্রেষ্ঠো নক্ষত্রাণাং গণঃ স্মৃতঃ |
কৃত্তিকা ভরণ্যশ্লেষা মঘা মূলবিশাখয়োঃ || ১, ৫৯. ১৭ ||
ত্রীণি, পূর্বা তথা চৈব অধোবক্রাঃ প্রকীর্তিতাঃ? |
এষু বাপীতডাগাদিকূপভূমিতৃণানি চ || ১, ৫৯. ১৮ ||
দেবাগারস্য খননং নিধানখননং তথা |
গণিতং জ্যোতিষারম্ভং খনিবিলপ্রবেশনম্ || ১, ৫৯. ১৯ ||
কুর্যাদধোগতান্যেব অন্যানি চ বৃষধ্বজ |
রেবতী চাশ্বিনী চিত্রা স্বাতী হস্তা পুনর্বসূ || ১, ৫৯. ২০ ||
অনুরাধা মৃগো জ্যেষ্ঠা এতে পার্শ্বমুখাঃ স্মৃতাঃ |
গজোষ্ট্রাশ্ববলীবর্দদমনং মহিষস্য চ || ১, ৫৯. ২১ ||
বীজানাং বপনং কুর্যাদ্গমনাগমনাদিকম্ |
চক্রয়ন্ত্ররথানাং চ নাবাদীনাং প্রবাহণম্ || ১, ৫৯. ২২ ||
পার্শ্বেষু যানি কর্মাণি কুর্যাদেতেষু তান্যপি |
রোহিণ্যার্দ্রাং তথা পুষ্যা ধনিষ্ঠা চোত্তরাত্রয়ম্ || ১, ৫৯. ২৩ ||
বারুণং শ্রবণং চৈব নব চোর্ধ্বমুখাঃ স্মৃতাঃ |
এষু রাজ্যাভিষেকং চ পট্টবন্ধং চ কারয়েৎ || ১, ৫৯. ২৪ ||
ঊর্ধ্বমুখ্যান্যুচ্ছ্রিতানি সর্বাণ্যেতেষু কারয়েৎ |
চতুর্থো চাশুভা ষষ্ঠী অষ্টমী নবমী তথা || ১, ৫৯. ২৫ ||
অমাবাস্যা পূর্ণিমা চ তদ্বাদশী চ চতুর্দশী |
অশুক্লা প্রতিপচ্ছ্রেষ্ঠা দ্বিতীয়া চন্দ্র সূনুনা || ১, ৫৯. ২৬ ||
তৃতীয়া ভূমিপুত্রেণ চতুর্থো চ শনৈশ্চরে |
গুরৌ শুভা পঞ্চমী স্যাৎষষ্টীমঙ্গলশুক্রয়োঃ || ১, ৫৯. ২৭ ||
সপ্তমী সোমপুত্রেণ অষ্টমী কুজভাস্করৌ |
নবমী চন্দ্রবা(সৌ) রেণ দশমী তু গুরৌ শুভা || ১, ৫৯. ২৮ ||
একাদশ্যা গুরুশুক্রৌ দ্বাদশ্যাং চ পুনর্বুধঃ |
ত্রয়োদশী শুক্রভৌমৌ শনৌ শ্রেষ্ঠা চতুর্দশী || ১, ৫৯. ২৯ ||
পৌর্ণমাস্যপ্যমাবাস্যা শ্রেষ্ঠা স্যাচ্চ বৃহস্পতৌ |
দ্বাদশীং দহতে ভানুঃ শশী চৈকাদশীং দহেৎ || ১, ৫৯. ৩০ ||
কুজো দহেচ্চ দশামীং নবমীং চ বুধো দহেৎ |
অষ্টমীং দহতে জীবঃ সপ্তমীং ভার্গবো দহেৎ || ১, ৫৯. ৩১ ||
সূর্যপুত্রো দহেৎষষ্ঠীং গমনাদ্যাসু নাস্তি বৈ |
প্রতিপন্নবমীষ্বেব চতুর্দশ্যষ্টমীষু চ || ১, ৫৯. ৩২ ||
বুধবারেণ প্রস্থানং দূরতঃ পরিবর্জয়েৎ |
মেষে কর্কটকে ষষ্ঠী কন্যায়াং মিথুনেঽষ্টমী || ১, ৫৯. ৩৩ ||
বৃষে কুম্ভে চতুর্থো চ দ্বাদশী মকরে তুলে |
দশমী বৃশ্চিকে সিংহে ধনুর্মোনে চতুর্দশী || ১, ৫৯. ৩৪ ||
এতা দগ্ধা ন গন্তব্যং পীডাদিঃ কিল মানবৈঃ |
বিশাখাত্রয়মাদিত্যে পূর্বাষাঢাত্রয়ে শশী || ১, ৫৯. ৩৫ ||
ধনিষ্ঠাত্রিতয়ং ভৌমে বুধে বৈ রেবতীত্রয়ম্ |
রোহিণ্যাদিত্রয়ং জীবে শুক্রে পুষ্যাত্রয়ং শিব || ১, ৫৯. ৩৬ ||
শনিবারে বর্জয়েচ্চ উত্তরাফল্গুনীত্রয়ম্ |
এষু যোগেষু চোৎপাতমৃত্যুরোগাদিকং ভবেৎ || ১, ৫৯. ৩৭ ||
মূলের্ঽকঃ শ্রবণে চন্দ্রঃ প্রোষ্ঠপদ্যুত্তরে কুজঃ |
কৃত্তিকাসু বুধশ্চৈব গুরৌ রুদ্র পুনর্বসুঃ || ১, ৫৯. ৩৮ ||
পূর্বফল্গুনী শুক্রে চ স্বাতিশ্চৈব শনৈশ্বরে |
এতৈ চামৃতয়োগাঃ স্যুঃ সর্বকার্যপ্রসাধকাঃ || ১, ৫৯. ৩৯ ||
কালং প্রবধ্যন্নি? শক্তিদা? নেষ্টমন্দ? |
পর্বাদিস্তু জ্ঞেয়ঃ কালঃ কালবিশারদৈঃ || ১, ৫৯. ৪০ ||
একীকৃত্যাক্ষরান্মাত্রং নাম্নোঃ স্ত্রীপুংসয়োস্ত্রিভিঃ |
ভাগে দ্বিশেষে স্ত্রীনাশঃ পুসঃ স্যাদেকশূন্যয়োঃ || ১, ৫৯. ৪১ ||
বিষ্কম্ভে ঘটিকাঃ পঞ্চ শূলে সপ্ত প্রকীর্তিতাঃ |
ষড্গণ্ডে চাতিগণ্ডে চ নব ব্যাঘাতবজ্রয়োঃ || ১, ৫৯. ৪২ ||
ব্যতীপাতে চ পরিঘে বৈধৃতে চ দিনেদিনে |
এতৈ মৃত্যুয়ুতা হ্যেষু সর্বকর্মাণি বর্জয়েৎ || ১, ৫৯. ৪৩ ||
হস্তের্ঽকশ্চ গুরুঃ পুষ্যে অনুরাধা বুধে শুভা |
রোহিণী চ শনৌ শ্রেষ্ঠা সৌমং সোমেন বৈ শুভম্ || ১, ৫৯. ৪৪ ||
শুক্রে চ রেবতী শ্রেষ্ঠা অশ্বিনী মঙ্গলে শুভা |
এতেষু সিদ্ধিয়োগা বৈ সর্বদোষবিনাশনাঃ || ১, ৫৯. ৪৫ ||
ভার্গবে ভপরণী চৈব সোমে চিত্রা বৃষধ্বজ ! |
ভৌমে চৈ বোত্তরাষাঢা ধনিষ্ঠা চ বুধে হর ! || ১, ৫৯. ৪৬ ||
গরৌ শতভিষা রুদ্র ! শুক্রে বৈ রোহিণী তথা |
শনৌ চ রেবতী শম্ভো ! বিষয়োগাঃ প্রকীর্তিতাঃ || ১, ৫৯. ৪৭ ||
পুষ্যঃ পুনর্বসুশ্চৈব রেবতী চিত্রয়া সহ |
শ্রবণং চ ধনিষ্ঠা চ হস্তাশ্বনীমৃগাস্তথা || ১, ৫৯. ৪৮ ||
কুর্যাচ্ছতভিষায়াং চ জাতকর্মাদি মানবঃ |
বিশাখা চোত্তরাত্রীণি মঘার্দ্রা ভরণী তথা |
আশ্লেষা কৃত্তিকা রুদ্র ! প্রস্থানে মরণপ্রদাঃ || ১, ৫৯. ৪৯ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
জ্যোতিঃ শাস্ত্রে নক্ষত্রতদ্দেবতাদগ্ধয়োগাদিনিরূপণং নামৈকোনষষ্টিতমোঽধ্যায়ঃ

শ্রীগরুডমহাপুরাণম্-৬০
হরিরুবাচ |
ষডাদিত্যে দশা জ্ঞেয়া সোমে পঞ্চদশ স্মৃতাঃ |
অষ্টাবঙ্গারকে চব বুধৈ স্পতদশ স্মৃতাঃ || ১, ৬০. ১ ||
শনৈশ্চরে দশ জ্ঞেয়া গুরোরেকোনবিংশতিঃ |
রাহোর্দ্বাদশবর্ষাণি একবিংশতির্ভার্গবে || ১, ৬০. ২ ||
রবের্দশা দুঃখদা স্যাদুদ্বেগনৃপনাশকৃৎ |
বিভূতিদা সোমদশা সুখমিষ্টান্নদা তথা || ১, ৬০. ৩ ||
দুঃখপ্রদা কুজদশা রাজ্যাদেঃ স্যাদ্বিনাশিনী |
দিব্যস্ত্রীদা বুধদশা রাজ্যদা কোশবৃদ্ধিদা || ১, ৬০. ৪ ||
শনের্দশা রাজ্যনাশবন্ধুদুঃখকরী ভবেৎ |
গুরোর্দশা রাজ্যদা স্যাৎসুখধর্মাদিদায়িনী || ১, ৬০. ৫ ||
রাহোর্দশা রাজ্যনাশব্যাধিদা দুঃখদা ভবেৎ |
হস্ত্যশ্বদা শুক্রদশা রাজ্যস্ত্রীলাভদা ভবেৎ || ১, ৬০. ৬ ||
মেষ অঙ্গারকক্ষেত্রং বৃষঃ শুক্রস্য কীর্তিতঃ |
মিথুনস্য বুধো জ্ঞেয়ঃ সোমঃ কর্কটকস্য চ || ১, ৬০. ৭ ||
সূর্যক্ষেত্রং ভবেৎসিংহঃ কন্যা ক্ষেত্রং বুধস্য চ |
ভার্গবস্য তুলা ক্ষেত্রং বৃশ্চিকোঙ্গারকস্য চ || ১, ৬০. ৮ ||
ধনুঃ সুর গুরোশ্চৈব শনের্মকরকুম্ভকৌ |
মীনঃ সুরগুরোশ্চৈব গ্রহক্ষেত্রং প্রকীর্তিতম্ || ১, ৬০. ৯ ||
পৌর্ণমাস্যাদ্বয়ং তত্র পূর্বাষাঢাদ্বয়ং ভবেৎ |
দ্বিরাষাঢঃ স বিজ্ঞেয়ো বিষ্ণুঃ স্বপিতি কর্কটে || ১, ৬০. ১০ ||
অশ্বিনী রেবতী চিত্রা ধনিষ্ঠা স্যাদলঙ্কৃতৌ |
মৃগাহিকপিমার্জারশ্বানঃ সূকরপক্ষিণঃ || ১, ৬০. ১১ ||
নকুলো মূষকশ্চৈব যাত্রায়াং দক্ষিণে শুভঃ |
বিপ্রকন্যা শিবা এষাং শঙ্খভেরীবসুন্ধরাঃ || ১, ৬০. ১২ ||
বেণুস্ত্রীপূর্ণকুম্ভাশ্চ যাত্রায়াং দর্শনং শুভম্ |
জম্বূকোষ্ট্রখরাদ্যাশ্চ যাত্রায়াং বামকে শুভাঃ || ১, ৬০. ১৩ ||
কার্পাসৌষধিতৈলং চ পক্রাঙ্গারভুজঙ্গমাঃ |
মুক্তকেশী রক্তমাল্যনগ্নাদ্যশুভমীক্ষিতম্ || ১, ৬০. ১৪ ||
হক্রায় লক্ষণং বক্ষ্যে লভৎপূর্বে মহাফলম্ |
আগ্নেয়ে শোকসন্তাপৌ দক্ষিণে হানিমাপ্নুয়াৎ || ১, ৬০. ১৫ ||
নৈরৃত্য শোকসন্তাপৌ মিষ্টান্নং চৈব পশ্চিমে |
অর্থ প্রাপ্নোতি বায়ব্যে উত্তরে কলহোভবেৎ || ১, ৬০. ১৬ ||
ঈশানে মরণং প্রোক্তং হিক্কায়াশ্চফলাফলম্ |
বিলিখ্য রবিচক্রং তু ভাস্করো নরসন্নিভঃ || ১, ৬০. ১৭ ||
যস্মিন্নৃক্ষে বসদ্ভানুস্তদান্দি ত্রীণি মস্তকে |
ত্রয়ং বক্রে প্রদাতব্যমেকৈকং স্কন্ধয়োর্ন্যসেৎ || ১, ৬০. ১৮ ||
একৈকং বাহুয়ুগ্মে তু একৈক হস্তয়োর্দ্বয়োঃ |
হৃদয়ে পঞ্চ ঋক্ষাণি একং নাভৌ প্রদাপয়েৎ || ১, ৬০. ১৯ ||
ঋক্ষমেকং ন্যসেদ্গুহ্যে একৈকং জানুকে ন্যসেৎ |
নক্ষত্রাণি চ শেষাণি রবিপাদে নিয়োজয়েৎ || ১, ৬০. ২০ ||
চরণস্যেন ঋক্ষেণ অল্পায়ুর্জায়তে নরঃ |
বিদশগমনং জানৌ গুহ্যস্থে পরদারবান্ || ১, ৬০. ২১ ||
নাভিস্থেনাল্পসন্তুষ্টো হৃৎস্থেন স্যান্মহেশ্বরঃ |
পাণিস্থেন ভবেচ্চৌরঃ স্থানভ্রষ্টো ভবেদ্ধজ || ১, ৬০. ২২ ||
স্কন্ধস্থিতে ধনপতির্মুখে মিষ্টান্নমাপ্নুয়াৎ |
মস্তকে পদৃবস্ত্রং স্যান্নক্ষত্রং যদি স্থিতম্ || ১, ৬০. ২৩ ||

ইতি শ্রীগারুডে মহাপুরাণে পূর্বখণ্ডং প্রথমাংশাখ্যে আচারকাণ্ডে
জ্যোতিঃ শাস্ত্রে গ্রহদশাদিনিরূপণং নাম ষষ্টিতমোঽধ্যায়ঃ