১.০৫ গরুডপুরাণ (অধ্যায় ৪১-৫০)

শ্রীগরুডমহাপুরাণম্-৪১
বাসুদেব উবাচ |
ওঁ বিশ্বাবসুর্নাম গন্ধর্বঃ কন্যানামধিপতির্লভামি
তে কন্যাং সমুৎপাদ্য তস্মৈ বিশ্ববাসবে স্বাহা |
স্ত্রীলাভো মন্ত্রজাপ্যাচ্চ কালরাত্রিং বদাম্যহম্ || ১, ৪১. ১ ||
ওঁ নমো ভগবতি ঋক্ষকর্ণি চতুর্ভুজে ঊর্ধ্বকেশি ত্রিনয়নে
কালরাত্রি মানুষাণাং বসারুধিরভোজনে অমুকস্য প্রাপ্তকালস্য মৃত্যুপ্রদে হুং
ফঠনহন দহদহ মাংসরুধিরং পচপচ ঋক্ষপত্নি স্বাহা
| ন তিথির্ন চ নক্ষত্রং নোপবাসো বিধীয়তে || ১, ৪১. ২ ||
ক্রুদ্ধো রক্তেন সমার্জ্য করৌ তাভ্যাং প্রগৃহ্য চ |
প্রদোষে সঞ্জপেল্লিঙ্গমামপাত্রং চ মারয়েৎ |
ওঁ নমঃ সর্বতোয়ন্ত্রাণ্যেতদ্যথা জম্ভনি মোহনি সর্বশত্রুবিদারিণি
রক্ষরক্ষ মামমুকং সর্বভয়োপদ্রবেভ্যঃ স্বাহা |
শুক্রে নষ্টে মহাদেব বক্ষ্যেঽহং দ্বিজপাদিহ || ১, ৪১. ৩ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
বশ্যাদিসাধিকমন্ত্রনিরূপণং নামৈকচৎবারিংশোঽধ্যায়ঃ

শ্রীগরুডমহাপুরাণম্-৪২
হরিরুবাচ |
পবিত্রারোপণং বক্ষ্যে সিবস্যাশিবনাশনম্ |
আচার্যঃ সাধকঃ কুর্যাৎপুত্রকঃ সময়ী হর || ১, ৪২. ১ ||
সংবৎসরকৃতাং পূজাং বিঘ্নেশো হরতেঽন্যথা |
আষাঢে শ্রাবণে মাঘে কুর্যাদ্ভাদ্রপদেঽপি বা || ১, ৪২. ২ ||
সৌবর্ণরৌপ্যতাম্রং চ সূত্রং কার্পাসিকং ক্রমাৎ |
জ্ঞেয়ং কুজাদৌ সঙ্গ্রাহ্যং কন্যয়া কর্তিতং চ যৎ || ১, ৪২. ৩ ||
ত্রিগুণং ত্রিগুণীকৃত্য ততঃ কুর্যাৎপবিত্রকম্ |
গ্রন্থয়ো বামদেবেন সত্যেন ক্ষালয়েচ্ছিব || ১, ৪২. ৪ ||
অঘোরেণ তু সংশোধ্য বদ্ধস্তৎপুরুষাদ্ভবেৎ |
ধূপয়েদীশমন্ত্রেণ তন্তুদেবা ইতি (মে) স্মৃতাঃ || ১, ৪২. ৫ ||
ওঁ কারশ্চন্দ্রমা বহ্নির্ব্রহ্না নাগঃ শিখিধ্বজঃ |
রবির্বিষ্ণুঃ শিবঃ প্রোক্তঃ ক্রমাত্তন্তুষু দেবতাঃ || ১, ৪২. ৬ ||
অষ্টোত্তরশতং কুর্যাৎপঞ্চাশৎপঞ্চবিংশতিম্ |
রুদ্রোঽত্তমাদি বিজ্ঞেয়ং মানং চ গ্রন্থয়ো দশ || ১, ৪২. ৭ ||
চতুরঙ্গুলান্তরাঃ স্যুর্গ্রন্থিনামানি চ ক্রমাৎ |
প্রকৃতিঃ পৌরুষী বীরা চতুর্থো চাপরাজিতা || ১, ৪২. ৮ ||
জয়া চ বিজয়া রুদ্রা অজিতা চ সদাশিবা |
মনোন্মনী সর্বমুখী দ্ব্যঙ্গুলাঙ্গুলতোঽথবা || ১, ৪২. ৯ ||
রঞ্জয়েৎকুঙ্কুমাদ্যৈস্তু কুর্যাদ্রন্ধৈঃ পবিত্রকম্ |
সপ্তম্যাং বা ত্রয়োদশ্যাং শুক্লপক্ষে তথেতরে || ১, ৪২. ১০ ||
ক্ষীরাদিভিশ্চ সংস্নাপ্য লিঙ্গং গন্ধাদিভির্যজেৎ |
দদ্যাদ্রন্ধপবিত্রং তু আত্মনে ব্রহ্মণে হর || ১, ৪২. ১১ ||
পুষ্পং গন্ধয়ুতং দদ্যান্মূলেনেশানগোচরে |
পূর্বে চ দণ্ডকাষ্ঠং তু উত্তরে চামলকীফলম্ || ১, ৪২. ১২ ||
মৃত্তিকাং পশ্চিমে দদ্যাদ্দক্ষিণে ভস্ম ভূতয়ঃ |
নৈরৃতেহ্যগুরুং দদ্যাচ্ছিখামন্ত্রেণ মন্ত্রবিৎ || ১, ৪২. ১৩ ||
বায়ব্যাং সর্ষপং দদ্যাৎকবচেন বৃষধ্বজ |
গৃহং সংবেষ্ট্য সূত্রেণ দদ্যাদ্রন্ধপবিত্রকম্ || ১, ৪২. ১৪ ||
হোমং কৃৎবা গ্নেয় দত্ত্বা দদ্যাদ্ভূতবলিং তথা |
আমন্ত্রিতোঽসি দেবেশ গণৈঃ সার্ধং মহেশ্বর || ১, ৪২. ১৫ ||
প্রাতস্ত্বাং পূজয়িষ্যামি অত্র সন্নিহিতো ভব |
নিমন্ত্র্যানেন তিষ্ঠেত্তু কুর্বন্গীতাদিকং নিশি || ১, ৪২. ১৬ ||
মন্ত্রিতানি পবিত্রাণি স্থাপয়েদ্দেবপার্শ্বতঃ |
স্নাৎবাদিত্যং চতুর্দশ্যাং প্রাগ্রুদ্রং চ প্রপূজয়েৎ || ১, ৪২. ১৭ ||
ললাটস্থং বিশ্বরূপং ধ্যাৎবাত্মানং প্রপূজয়েৎ |
অস্ত্রেণ প্রোক্ষিতান্যেবং হৃদয়েনার্চিতান্যথ || ১, ৪২. ১৮ ||
সংহিতামন্ত্রিতান্যেব ধূপিতানি সমর্পয়েৎ |
শিবতত্ত্বাত্মকং চাদৌ বিদ্যাতত্ত্বাত্মকং ততঃ || ১, ৪২. ১৯ ||
আত্মতত্ত্বাত্মকং পশ্চাদ্দেবকাখ্যং ততোর্ঽচয়েৎ |
ওঁ হৌং হৌং শিবতত্ত্বায় নমঃ |
ওঁ হীং(হীঃ) বিদ্যাতত্ত্বায় নমঃ || ১, ৪২. ২০ ||
ওঁ হাং (হৌঃ) আত্মতত্ত্বায় নমঃ |
ওঁ হাং হীং হূং ক্ষৈং সর্বতত্ত্বায় নমঃ |
কালাত্মনা ৎবয়া দেব যদ্দৃষ্টং মামকে বিধৌ || ১, ৪২. ২১ ||
কৃতং ক্লিষ্টং সমুৎসৃষ্টং হুতং গুপ্ত চ যৎকৃতম্ |
সর্বাত্মনাত্মনা শম্ভো পবিত্রেণ ৎবদিচ্ছয়া || ১, ৪২. ২২ ||
পূরয়পূরয় মখব্রতং তন্নিয়মেশ্বরায় সর্বতত্ত্বাত্মকায়
সর্বকারণপালিতায় ওঁ হাং হীং হূং হৈং হৌং শিবায় নমঃ || ১, ৪২. ২৩ ||
পূর্বৈরনেন যো দদ্যাৎপবিত্রাণাং চতুষ্টয়ম্ |
দত্ত্বা বহ্নেঃ (বরে) পবিত্রং চ গুরবে দক্ষিণাং দিশেৎ || ১, ৪২. ২৪ ||
বলিং দত্ত্বা দ্বিজান্ভোজ্য চণ্ডং প্রাচ্যৈ বিসর্জয়েৎ || ১, ৪২. ২৫ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
শিবপবিত্রারোপণং নাম দ্বিচৎবারিংশোঽধ্যায়ঃ

শ্রীগরুডমহাপুরাণম্-৪৩
হরিরুবাচ |
পবিত্রারোপণং বক্ষ্যে ভুক্তিমুক্তিপ্রদং হরেঃ |
পুরা দেবাসুরে যুদ্ধে ব্রহ্মাদ্যাঃ শরণং যয়ুঃ || ১, ৪৩. ১ ||
বিষ্ণুশ্চ তেষাং দেবানাং ধ্বজং গ্রৈবেয়কং দদৌ |
এতৌ দৃষ্ট্বা বিনঙ্ক্ষ্যন্তি দানবানব্রবীদ্ধরিঃ || ১, ৪৩. ২ ||
বিষ্ণূক্তে হ্যব্রবীন্নাগো বাসুকেরনুজস্তদা |
বৃণীত চ বপিত্রাখ্যং বরং চেদং বৃষধ্বজ || ১, ৪৩. ৩ ||
গ্রৈবেয়ং হরিদত্তং তু মন্নাম্না খ্যাতিমেষ্যতি |
ইত্যুক্তে তেন তে দেবাস্তন্নাম্না তদ্বরং বিদুঃ || ১, ৪৩. ৪ ||
প্রাবৃট্কালে তু যে মর্ত্যা নার্চিষ্যন্তি পবিত্রকৈঃ |
তেষাং সাংবৎসরী পূজা বিফলা চ ভবিষ্যতি || ১, ৪৩. ৫ ||
তস্মাৎসর্বেষু দেবেষু পবিত্রারোপণং ক্রমাৎ |
প্রতিপৎপৌর্ণমাস্যান্তা যস্য যা তিথিরুচ্যতে || ১, ৪৩. ৬ ||
দ্বাদশ্যাং বিষ্ণবে কার্যং শুক্লে কৃষ্ণেঽথ বা হর |
ব্যতীপাতেঽযনে চৈব চন্দরসূর্যগ্রহে শিব || ১, ৪৩. ৭ ||
বিষ্ণবে বৃদ্ধিকার্যে চ গুরোরাগমনে তথা |
নিত্যং পবিত্রমুদ্দিষ্টং প্রাবৃট্কালে ৎববশ্যকম্ || ১, ৪৩. ৮ ||
কৌশেয়ং পট্টসূত্রং বা কার্পাসং ক্ষৌমমেব বা |
কুশসূত্র দ্বিজানাং স্যাদ্রাজ্ঞা কৌশেয়পট্টকম্ || ১, ৪৩. ৯ ||
বৈশ্যানাং চীরণং ক্ষৌমং শূদ্রাণাং শণবল্কজম্ |
কার্পাসং পদ্মজং চৈব সর্বেষাং শস্তমীশ্বর || ১, ৪৩. ১০ ||
ব্রাহ্মণ্যা কর্তিতং সূত্রং ত্রিগুণং ত্রিগুণীকৃতম্ |
ওঁ কারোঽথ শিবঃ সোমো হ্যগ্নির্ব্রহ্যা ফণী রবিঃ || ১, ৪৩. ১১ ||
বিঘ্নেশো বিষ্ণুরিত্যেতে স্থিতাস্তন্তুষু দেবতাঃ |
ব্রহ্মা বিষ্ণুশ্চ রুদ্রশ্চ ত্রিসূত্রে দেবতাঃ স্মৃতাঃ || ১, ৪৩. ১২ ||
সৌবর্ণে রাজতে তাম্রে বৈণবে মৃন্ময়ে ন্যসেৎ |
অঙ্গুষ্ঠেন চতুঃ ষষ্টিঃ শ্রেষ্ঠং মধ্যং তদর্ধতঃ || ১, ৪৩. ১৩ ||
তদর্ধা তু কনিষ্ঠা স্যাৎসূত্রমষ্টোত্তরং শতম্ |
উত্তমং মধ্যমং চৈব কন্যসং পূর্ববৎক্রমাৎ || ১, ৪৩. ১৪ ||
উত্তমোংঽগুষ্ঠমানেন মধ্যমো মধ্যমেন তু |
কন্যসে চ কনিষ্ঠেন অঙ্গুল্যা গ্রন্থয়ঃ স্মৃতাঃ || ১, ৪৩. ১৫ ||
বিমানে স্থণ্ডিলে চৈব এতৎসামান্যলক্ষণম্ |
শিবোদ্ধৃতং পবিত্রং তু প্রতিমায়াং চ কারয়েৎ || ১, ৪৩. ১৬ ||
হৃন্নাভিরূ(রু) রুমানে চ জানুভ্যামবলম্বিনী |
অষ্টোত্তরসহস্রেণ চৎবারো গ্রন্থয়ঃ স্মৃতাঃ || ১, ৪৩. ১৭ ||
ষট্ত্রিং(ড্বিং) শচ্চ চতুর্বিশদ্দ্বাদশ গ্রন্থয়োঽথবা |
উত্তমাদিষু বিজ্ঞেয়াঃ পর্বভির্বা পবিত্রকম্ || ১, ৪৩. ১৮ ||
চর্চিতং কুঙ্কুমেনৈব হরিদ্রাচন্দনেন বা |
সোপবাসঃ পবিত্রন্তু পাত্রস্থমধিবাসয়েৎ || ১, ৪৩. ১৯ ||
অশ্বত্থপত্রপুটকে অষ্টদিক্ষু নিবেশিতম্ |
দণ্ডকাষ্ঠং কুশাগ্রং চ পূর্বে সঙ্কর্ষণেন তু || ১, ৪৩. ২০ ||
রোচনাকুঙ্কুমেনব প্রদ্যুম্নেন তু দক্ষিণে |
যুদ্ধার্থো ফলসিদ্ধ্যর্থমনিরুদ্ধেন পশ্চিমে || ১, ৪৩. ২১ ||
চন্দনং নীলয়ুক্তং চ তিলভস্মাক্ষতং তথা |
আগ্নেয়াদিষু কোণেষুর্শ্যাদীনাং তু ক্রমান্ন্যসেৎ || ১, ৪৩. ২২ ||
পবিত্রং বাসুদেবেন অভিমন্ত্র্য সকৃৎসকৃৎ |
দৃষ্ট্বা পুনঃ প্রপূজ্যাথ বস্ত্রেণাচ্ছাদ্য যত্নতঃ || ১, ৪৩. ২৩ ||
দেবস্য পুরতঃ স্থাপ্যং প্রতিমামণ্ডলস্য বা |
পশ্চিমে দক্ষিণে চৈব উত্তরে পূর্ববৎক্রমাৎ || ১, ৪৩. ২৪ ||
ব্রাহ্মাদীংশ্চাপি সংস্থাপ্য কলশং চাপি পূজয়েৎ |
অস্ত্রেণ মণ্ডলং কৃৎবা নৈবেদ্যঞ্চ সমর্পয়েৎ || ১, ৪৩. ২৫ ||
অধিবাস্য পবিত্রং তু ত্রিসূত্রেণ নবেন বা (চ) |
বেদিকাং বেষ্টয়িৎবা তু আত্মানম কলশং ঘৃতম্ || ১, ৪৩. ২৬ ||
অগ্নিকুণ্ডং বিমানং চ মণ্ডপং গৃহমেব চ |
সূত্রমেকং তু সঙ্গৃহ্য দদ্যাদ্দেবস্য মৃর্ধানি || ১, ৪৩. ২৭ ||
দত্ত্বা পঠেদিমং মন্ত্রং পূজয়িৎবা মহেশ্বরম্ |
আবাহিতোঽসি দেবেশ পূজার্থং পরমেশ্বর || ১, ৪৩. ২৮ ||
তৎপ্রভাতের্ঽচয়িষ্যামি সামগ্যাঃ সন্নিধৌ ভব |
একরাত্রং ত্রিরাত্রং বা অধিবাস্য পবিত্রকম্ || ১, ৪৩. ২৯ ||
রাত্রৌ জাগরণং কৃৎবা প্রাতঃ সম্পূজ্য কেশবম্ |
আরোপয়েৎক্রমেণৈব জ্যেষ্ঠমধ্যকনীয়সম্ || ১, ৪৩. ৩০ ||
ধূপয়িৎবা পবিত্রং তু মন্ত্রেণৈবাভিমন্ত্রয়েৎ |
প্রজপ্তগ্রন্থিকং চৈব পূজয়েৎকুসুমাদিভিঃ || ১, ৪৩. ৩১ ||
গায়ত্ত্র্যা চার্চিতং তেন দেবং সম্পূজ্য দাপয়েৎ |
সমং পুত্রকলত্রাদ্যৈঃ সূত্রপুচ্ছং তু ধারয়েৎ || ১, ৪৩. ৩২ ||
বিশুদ্ধগ্রন্থিকং রম্যং মহাপাতকনাশনম্ |
সর্বপাপক্ষয়ং দেব তবাগ্রে ধারয়াম্যহম্ || ১, ৪৩. ৩৩ ||
এবং ধূপাদিনাভ্যর্চ্য মধ্যমাদীন্ত্সমর্পয়েৎ |
পবিত্রং বৈষ্ণবং তেজঃ সর্বপাতকনাশনম্ || ১, ৪৩. ৩৪ ||
ধর্মকামার্থসিদ্ধ্যর্থং স্বকণ্ঠে ধারয়াম্যহম্ |
বনমালাং সমভ্যর্চ্য স্বেন মন্ত্রেণ দাপয়েৎ || ১, ৪৩. ৩৫ ||
নৈবেদ্যং বিবিধং দত্ত্বা কুসুমাদের্বলিং হরেৎ |
অগ্নিং সন্তর্প্য তত্রাপি দ্বাদশাঙ্গুলমানতঃ || ১, ৪৩. ৩৬ ||
অষ্টোত্তরশতেনৈব দদ্যাদেকপবিত্রকম্ |
আদৌ দত্ত্বার্ঘ্যমাদিত্যে তত্র চৈকং পবিত্রকম্ || ১, ৪৩. ৩৭ ||
বিষ্বক্সেনং ততঃ প্রার্চ্য সুরুমর্ঘ্যাদিভির্হর |
দেবস্যাগ্রে পঠেন্মন্ত্রং কৃতাঞ্জলিপুটঃ স্থিতঃ || ১, ৪৩. ৩৮ ||
জ্ঞানতোঽজ্ঞানতো বাপি পূজনাদি কৃতং ময়া |
তৎসর্বং পূর্ণমেবাস্তু ৎবৎপ্রসাদাৎসুরেশ্বর || ১, ৪৩. ৩৯ ||
মণিবিদ্রুমমালভির্মন্দারকুসুমাদিভিঃ |
ইয়ং সাংবৎসরী পূজা তবাস্তু গরুডধ্বজ || ১, ৪৩. ৪০ ||
বনমালা যথা দেব কৌস্তুভং সততং হৃদি |
তদ্বৎপবিত্রং তন্তূনাং মালাং ৎবং হৃদয়ে ধর || ১, ৪৩. ৪১ ||
এবং প্রার্থ্য দ্বিজান্ভোজ্য দত্ত্বা তেভ্যশ্চ দক্ষিণাম্ |
বিসর্জয়েত্তু তেনৈব সায়াহ্নে ৎবপরেঽহনি || ১, ৪৩. ৪২ ||
সাংবৎসরীমিমাং পূজাং সম্পাদ্য বিধিবন্ময়া |
ব্রজেঃ পবিত্রকেদানীং বিষ্ণুলেকং বিসর্জিতঃ || ১, ৪৩. ৪৩ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
বিষ্ণুপবিত্রারোপণং নাম ত্রিচৎবারিংশোঽধ্যায়ঃ

শ্রীগরুডমহাপুরাণম্-৪৪
হরিরুবাচ |
পূজয়িৎবা পবিত্রাদ্যৈর্ব্রহ্ম ধ্যাৎবা হরির্ভবেৎ |
ব্রহ্মধ্যানং প্রবক্ষ্যামি মায়ায়ন্ত্রপ্রমর্দকম্ || ১, ৪৪. ১ ||
যচ্ছেদ্বাঙ্মনসং প্রাজ্ঞস্তং যজেজ্জ্ঞানমাত্মনি |
জ্ঞানং মহতি সংযচ্ছেদ্য ইচ্ছেজ্জ্ঞানমাত্মানি || ১, ৪৪. ২ ||
দেহেন্দ্রিয়মনোবুদ্ধিপ্রাণাহঙ্করাবর্জিতম্ |
বর্জিতং ভূততন্মাত্রৈর্গুণজন্মাশনাদিভিঃ || ১, ৪৪. ৩ ||
স্বপ্রকাশং নিরাকারং সদানং দমনাদি যৎ |
নিত্যং শুদ্ধং বুদ্ধমৃদ্ধং সত্যমানন্দমদ্বয়ম্ || ১, ৪৪. ৪ ||
তুরীয়মক্ষরং ব্রহ্ম অহমস্মি পরং পদম্ |
অহং ব্রহ্মেত্যবস্থানং সমাধিরপি (রিতি) গীয়তে || ১, ৪৪. ৫ ||
আত্মানং রথিনং বিদ্ধি শরীরং রথমেব তু |
বুদ্ধিং চ সারথিং বিদ্ধি মনঃ প্রগ্রহমেব চ |
ইন্দ্রিয়াণি হয়ানাহুর্বিষয়াস্তেষু গোচরাঃ || ১, ৪৪. ৬ ||
আত্মেন্দ্রিয়মনোয়ুক্তো ভোক্তেত্যার্মনীষিণঃ |
যস্তু বিজ্ঞান বাহ্মেন যুক্তেন মনসা সদা || ১, ৪৪. ৭ ||
স তু তৎপদমাপ্নোতি স হি ভূয়ো ন জায়তে |
বিজ্ঞানসারথির্যস্তু মনঃ প্রগ্রহবান্নরঃ || ১, ৪৪. ৮ ||
স্বর্ধুন্যাঃ পারমাপ্নোতি তদ্বিষ্ণোঃ পরমং পদম্ |
অহিংসাদির্যমঃ প্রোক্তঃ শৌচাদির্নিয়মঃ স্মৃতঃ || ১, ৪৪. ৯ ||
আসনং পদ্মকাদ্যুক্তং প্রাণায়ামো মরুজ্জয়ঃ |
প্রত্যাহা রো জয়ঃ প্রোক্তো ধ্যানমীশ্বরচিন্তনম্ || ১, ৪৪. ১০ ||
মনোধৃতির্ধারণা স্থাৎসমাধির্ব্রহ্মণি স্থিতিঃ |
পূর্বং চেতঃ স্থিরং ন স্যাত্ততোমূর্তিং বিচিন্তয়েৎ || ১, ৪৪. ১১ ||
হৃৎপদ্মকর্ণিকামধ্যে শঙ্খচক্রগদাব্জবান্ |
শ্রীবৎসকৌস্তুভয়ুতো বনমালাশ্রিয়া যুতঃ || ১, ৪৪. ১২ ||
নিত্যঃ শুদ্ধো ভূতিয়ুক্তঃ সত্যানন্দাহ্বয়ঃ পরঃ |
আত্মাহং পরমং ব্রহ্ম পরমং জ্যোতিরেব তু || ১, ৪৪. ১৩ ||
চতুর্বিশতিমূর্তিঃ স শালগ্রামশিলাস্থিতঃ |
দ্বারকাদিশিলাসংস্থো ধ্যেয়ঃ পূজ্যোঽপ্যহং চ সঃ || ১, ৪৪. ১৪ ||
মনসোঽভীপ্সিতং প্রাপ্য দেবো বৈমানিকো ভবেৎ |
নিষ্কামো মুক্তিমাপ্নোতি মূর্তিং ধ্যায়য়ংস্তুবঞ্জপন্ || ১, ৪৪. ১৫ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
ব্রহ্মমূর্তিধ্যাননিরূপণং নাম চতুশ্চৎবারিংশোঽধ্যায়ঃ

শ্রীগরুডমহাপুরাণম্-৪৫
হরিরুবাচ |
প্রসঙ্গাৎকথয়িষ্যামি শালগ্রামস্য লক্ষণম্ |
শালগ্রামশিলাস্পর্শাৎকোটিজন্মাঘনাশনম্ || ১, ৪৫. ১ ||
শখচক্রগদাপদ্মী (হস্তঃ) (কেশবাখ্যো) গদাধরঃ |
সব্জকৌমাদকীচক্রশঙ্খী (নারায়ণো) বিভুঃ || ১, ৪৫. ২ ||
সচক্রশঙ্খাব্জগদো (মাধবঃ) শ্রীগদাধরঃ |
গদব্জশঙ্খচক্রী বা (গোবিন্দো) ঽর্চ্যো গদাধরঃ || ১, ৪৫. ৩ ||
পদ্মশঙ্খারিগাদিনে (বিষ্ণুরূপায়) তে নমঃ |
সশঙ্খাব্জগদাচক্র (মধুসূদনমূর্তয়ে) || ১, ৪৫. ৪ ||
নমো গদারিশঙ্খাব্জয়ুক্ত(ত্রৈবিক্রমায়) চ |
সারিকৌমোদকীপদ্মশঙ্খ(বামনমূর্তয়ে) || ১, ৪৫. ৫ ||
চক্রাব্জশঙ্খগাদিনে নমঃ (শ্রীধরমূর্তয়ে) |
(হৃষীকেশায়া) ঽব্জগদাশঙ্খিনে চক্রিণে নমঃ || ১, ৪৫. ৬ ||
সাব্জচক্রগদাশঙ্খ(পদ্মনাভস্বরূপিণে) |
শঙ্খচক্রগদাপদ্মিন্(দামোদর) মনোনমঃ || ১, ৪৫. ৭ ||
সারিশঙ্খগদাব্জায় (বাসুদেবায়) বৈ নমঃ |
শঙ্খাব্জচক্রগাদিনে নমঃ (সঙ্কর্ষণায়) চ || ১, ৪৫. ৮ ||
সুশঙ্খসুগদাব্জারিধৃতে (প্রদ্যুম্নমূর্তয়ে) |
নমো(ঽনিরুদ্ধায়) গদাশঙ্খাব্জারীবিধারিণে || ১, ৪৫. ৯ ||
সাব্জশঙ্খগদাচক্র(পুরুষোত্তমমূর্তয়ে) |
নমো(ঽধোক্ষজরূপায়) গদাশঙ্খারিপদ্মিনে || ১, ৪৫. ১০ ||
(নৃসিংহমূর্তয়ে) পদ্মগদাশঙ্খারিধারিণে |
পদ্মারিশঙ্খগদিনে নমোঽ(স্ত্বচ্যুতমূর্তয়ে) || ১, ৪৫. ১১ ||
সশঙ্কচক্রাব্জগদং (জনার্দন) মিহানয়ে |
(উপেন্দ্রঃ) সগদঃ সারিঃ পদ্মশঙ্খিন্নমোনমঃ || ১, ৪৫. ১২ ||
সুচক্রাব্জগদাশঙ্খয়ুক্তায় (হরিমূর্তয়ে) |
সগদাব্জারিশঙ্খায় নমঃ (শ্রীকৃষ্ণমূর্তয়ে) || ১, ৪৫. ১৩ ||
শালগ্রামশিলাদ্বারগতলগ্নদ্বিচক্রধৃক্ |
শুক্লাভো(বাসুদেবাখ্যঃ) সোঽব্যাদ্বঃ শ্রীগদাধরঃ || ১, ৪৫. ১৪ ||
লগ্নদ্বিচক্রো রক্তাভঃ পূর্বভাগস্তুপুষ্কলঃ |
সঙ্কর্ষণোঽথ(প্রদ্যুম্নঃ) সূক্ষ্মচক্রস্তু পীতকঃ || ১, ৪৫. ১৫ ||
স দীর্ঘঃ সশিরশ্ছিদ্রো যো(ঽনিরুদ্ধস্তু) বর্তুলঃ |
নীলো দ্বারি ত্রিরেখশ্চ অথ (নারায়ণো) ঽসিতঃ || ১, ৪৫. ১৬ ||
মধ্যে গাদকৃতী রেখা নাভিচক্রো (ক্র) মহোন্নতঃ |
পৃথুবক্ষা (নৃসিংহো) বঃ কপিলোঽব্যাত্ত্রিবিন্দুকঃ || ১, ৪৫. ১৭ ||
অথবা পঞ্চবিন্দুস্তৎপূজনং ব্রহ্মচারিণঃ |
(বরাহঃ) শক্তিলিঙ্গোঽব্যাদ্বিষমদ্বয়চক্রকঃ || ১, ৪৫. ১৮ ||
নীলস্ত্রিরেখঃ স্থূলোঽথ (কূর্মমূর্তিঃ স বিন্দুমান্ |
(কৃষ্ণঃ) স বর্তুলাবর্তঃ পাতু বো নতপৃষ্ঠকঃ || ১, ৪৫. ১৯ ||
(শ্রীধরঃ) পঞ্চরেখোঽব্যা (দ্বনমালী) গাদাঙ্কিতঃ |
(বামনো) বর্তুলো হ্রস্বো বা (রা) মচক্রঃ সুরেশ্বরঃ || ১, ৪৫. ২০ ||
নানাবর্ণোঽনেকমূর্তির্নাগভোগী (ৎবনন্তকঃ) |
স্থূলো (দামোদরো) নীলো মধ্যেবক্রঃ সুনীলকঃ || ১, ৪৫. ২১ ||
সঙ্কীর্ণদ্বারকঃ সোঽব্যাদথ ব্রহ্মা সুলোহিতঃ |
সদীর্ঘরেখঃ সুষির একচক্রাম্বুজঃ পৃথুঃ || ১, ৪৫. ২২ ||
পৃথুচ্ছিদ্রঃ স্থূলচক্রঃ(কৃষ্ণো) (বিষ্ণুশ্চ) বিল্ববৎ |
হয়গ্রীবোঽঙ্কুশাকারঃ পঞ্চরেখঃ সকৌস্তুভঃ || ১, ৪৫. ২৩ ||
(বৈকুণ্ঠো মণিরত্নাভ একচক্রাম্বুজোঽসিতঃ |
(মৎস্যো) দীর্ঘোঽম্বুজাকারো দ্বাররেখশ্চ পাতু বঃ || ১, ৪৫. ২৪ ||
রামচক্রো দক্ষরেখঃ শ্যামোবোঽব্যা (ত্ত্রিবিক্রমঃ) |
শালগ্রামে দ্বারকায়াং স্থিতায় গদিন নমঃ || ১, ৪৫. ২৫ ||
একদ্বারশ্চতুশ্চক্রো বনমালাবিভূষিতঃ |
স্বর্ণরেখাসমায়ুক্তো গোষ্পদেন বিরাজিতঃ || ১, ৪৫. ২৬ ||
কদম্বকুসুমাকারো (লক্ষ্মীনারায়ণো) ঽবতু |
একেন লক্ষিতো যোব্যাদ্রদাধারী (সুদর্শনঃ) || ১, ৪৫. ২৭ ||
(লক্ষ্মীনারায়ণো) দ্বাভ্যান্ত্রিভির্মূর্তি(স্ত্রিবিক্রমঃ) |
চতুর্ভিশ্চ (চতুর্ব্যূহো) (বাসুদেবশ্চ) পঞ্চভিঃ || ১, ৪৫. ২৮ ||
(প্রদ্যুম্নঃ) ষডূভিরেব স্যাৎ(সঙ্কর্ষণ) ইতস্ততঃ |
(পুরুষোত্তমো) ঽষ্টভিঃ স্যা(ন্নবব্যূহো) নবাঙ্কিতঃ || ১, ৪৫. ২৯ ||
(দশাবতারো) দশভিরনিরুদ্ধোঽবতাদথ |
(দ্বাদশাত্মা) দ্বাদশবিরত ঊর্ধ্ব(মনন্তকঃ) || ১, ৪৫. ৩০ ||
বিষ্ণোর্মূর্তিময়ং স্তোত্রং যঃ পঠেৎস দিবং ব্রজেৎ |
(ব্রহ্মা) চতুর্মুখো দণ্ডী কমণ্ডলুয়ুগান্বিতঃ || ১, ৪৫. ৩১ ||
(মহেশ্বরঃ) প্রঞ্চবক্রো দশবাহুর্বৃষধ্বজঃ |
যথায়ুধস্তথা গৌরী চণ্ডিকা চ সরস্বতী || ১, ৪৫. ৩২ ||
মহালক্ষ্মীর্মাতরশ্চ পদ্মহস্তো (দিবাকরঃ) |
গজাস্যশ্চ গণঃ স্কন্দঃ ষণ্মুখোনেকধা গুণাঃ || ১, ৪৫. ৩৩ ||
এতেঽর্চিতাঃ স্থাপিতাশ্চ প্রাসাদে বাস্তুপূজিতে |
ধর্মার্থকামমোক্ষাদ্যাঃ প্রাপ্যন্তে পুরুষেণ চ || ১, ৪৫. ৩৪ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
শালগ্রামমূর্তিলক্ষণং নাম পঞ্চচৎবারিংশোঽধ্যায়ঃ

শ্রীগরুডমহাপুরাণম্-৪৬
হরিরুবাচ |
বাস্তুং সঙ্ক্ষেপতো বক্ষ্যে গৃহাদৌ বিঘ্ননাশনম্ |
ঈসানকোণাদারভ্য হ্যেকাশীতিপদে যজেৎ || ১, ৪৬. ১ ||
ঈশানে চ শিরঃ পাদৌ নৈরৃতেঽগ্ন্যনিলে করৌ |
আবাসবাসবেশ্মাদৌ পুরে গ্রামে বণিক্পথে || ১, ৪৬. ২ ||
প্রাসাদারামদুর্গেষু দেবালয়মঠেষু চ |
দ্বাবিংশতি সুরান্বাহ্যে তদন্তশ্চ ত্রয়োদশ || ১, ৪৬. ৩ ||
ঈশশ্চৈবাথ পর্জন্যো জয়ন্তঃ কুলিশায়ুধঃ |
সূর্যঃ সত্যো ভৃগুশ্চৈব আকাশো বায়ুরেব চ || ১, ৪৬. ৪ ||
পূষা চ বিতথশ্চৈব গ্রহক্ষেত্রয়মাবুভৌ |
গন্ধর্বো ভৃগুরাজস্তু মৃগঃ পিতৃগণস্তথা || ১, ৪৬. ৫ ||
দৌবারিকোঽথ সুগ্রীবঃ পুষ্পদন্তো গণাধিপঃ |
অসুরঃ শেষপাপৌ (দৌ) চ রোগো | ডহিমুখ (খ্য) এব চ || ১, ৪৬. ৬ ||
ভল্লাটঃ সোমসর্পৌ চ অদিতিশ্চদিতিস্তথা |
বহির্দ্বাত্রিংশদেতে তু তদন্তশ্চতুরঃ শৃণু || ১, ৪৬. ৭ ||
ঈশানাদিচতুষ্কোণসংস্থিতান্পূজয়েদ্ধুধঃ |
আপশ্চৈবাথ সাবিত্রী জয়ো রুদ্রস্তথৈব চ || ১, ৪৬. ৮ ||
মধ্যে নবপদে ব্রহ্মা তস্যাষ্ঠৌ চ সমীপগান্ |
দেবানেকোত্তরানেতান্পূর্বাদৌ নামতঃ শৃণু || ১, ৪৬. ৯ ||
অর্যমা সবিতা চৈব বিবস্বান্বিবুধাধিপঃ |
মিত্রোঽথ রাজয়ক্ষ্মা চ তথা পৃথ্বীধরঃ ক্রমাৎ || ১, ৪৬. ১০ ||
অষ্টমশ্চাপবৎসশ্চ পরিতো ব্রহ্মণঃ স্মৃতাঃ |
ঈশানকোণাদারভ্য দুর্গে চর্(জ্ঞেয়ো) বংশ উচ্যতে || ১, ৪৬. ১১ ||
আগ্নেয়কোণাদারভ্য বংশো ভবতি দুর্ধরঃ |
অদিতিং হিমবন্তং চ জয়ন্তং চ ইদং ত্রয়ম্ || ১, ৪৬. ১২ ||
নায়িকা কালিকা নাম শক্রাদ্রন্ধর্বগাঃ পুনঃ |
বাস্তুদেবান্পূজয়িৎবা গৃহপ্রাসাদকৃদ্ভবেৎ || ১, ৪৬. ১৩ ||
সুরেজ্যঃ পুরতঃ কার্যো যস্যাগ্নেয়্যাং মহানসম্ |
কপিনির্গমনে (ণী) ? যেন পূর্বতঃ সত্রমণ্ডপম্ || ১, ৪৬. ১৪ ||
গন্ধপুষ্পগৃহং কার্যমৈশান্যাং পট্টসংযুতম্ |
ভাণ্ডাগারং চ কৌবের্যাং গোষ্ঠাগারং চ বায়বে || ১, ৪৬. ১৫ ||
উদগাশ্রয়ং চ বারুণ্যাং বাতায়নসমন্বিতম্ |
সমিৎকুশেন্ধনস্থানমায়ুধানাং চ নৈরৃতে || ১, ৪৬. ১৬ ||
অভ্যাগতালয়ং রম্যসশয়্যাসনাপদুকম্ |
তোয়াগ্নিদীপসদ্ভৃত্যৈর্যুক্তং দক্ষিণতো ভবেৎ || ১, ৪৬. ১৭ ||
গৃহান্তরাণি সর্বাণি সজলৈঃ কদলীগৃহৈঃ |
পঞ্চবর্ণৈশ্চ কুসুমৈঃ শোভিতানি প্রকল্পয়েৎ || ১, ৪৬. ১৮ ||
প্রাকারং তদ্বহির্দদ্যাৎপঞ্চহস্তপ্রমাণতঃ |
এবং বিষ্ণ্বাশ্রমং কুর্যাদ্বনৈশ্চোপবনৈর্যুতম্ || ১, ৪৬. ১৯ ||
চতুঃ ষষ্টিপদো বাস্তুঃ প্রাসাদাদৌ প্রপূজিতঃ |
মধ্যে চতুষ্পদো ব্রহ্মা দ্বিপ দাস্ত্বর্যমাদয়ঃ || ১, ৪৬. ২০ ||
কর্ণে চৈবাথ শিখ্যাদ্যাস্তথা দেবাঃ প্রকীর্তিতাঃ |
তেভ্যো হ্যুভয়তঃ সার্ধাদন্যেঽপি দ্বিপদাঃ সুরাঃ || ১, ৪৬. ২১ ||
চতুঃ ষষ্টিপদা দেবা ইত্যেবং পরিকীর্তিতাঃ |
চরকী চ বিদারী চ পূতনা পাপরাক্ষসী || ১, ৪৬. ২২ ||
ঈশানাদ্যাস্ততো বাহ্যে দেবাদ্যা হেতুকাদয়ঃ |
হৈতুকস্ত্রিপুরান্তশ্চ অগ্নিবেতালকৌ যমঃ || ১, ৪৬. ২৩ ||
অগ্নিজিহ্বঃ কালকশ্চ করালো হ্যকপাদকঃ |
ঐশান্যাং ভীমরূপস্তু পাতালে প্রেতনায়কঃ || ১, ৪৬. ২৪ ||
আকাশে গন্ধমালী স্যাৎক্ষেত্রপালাংস্ততো যজেৎ |
বিস্তারাভিহতং দৈর্ঘ্যং রাশিং বাস্তোস্তু কারয়েৎ || ১, ৪৬. ২৫ ||
কৃৎবা চ বসুভির্ভাগং শেষং বদ্ধা যমাদিশেৎ |
পুনর্গুণিতমষ্টাভিরৃভাগং তু ভাজয়েৎ || ১, ৪৬. ২৬ ||
যচ্ছেষং তদ্ভবেদৃক্ষং ভাগৈর্হৃৎবাব্যয়ং ভবেৎ |
ঋক্ষং চতুর্গুণং কৃৎবা নবভির্ভাগহারিতম্ || ১, ৪৬. ২৭ ||
শেষমংশং বিজানীয়াদ্দেবলস্য মতং যথা |
অষ্টাভির্গুণিতং পিণ্ডং ষষ্টিভির্ভাগাহরিতম্ || ১, ৪৬. ২৮ ||
যচ্ছেষং তদ্ভবেজ্জীবং মরণং ভতহারিতম্ |
বাস্তুক্রোডে গৃহং কুর্যান্ন পৃষ্ঠে মানবঃ সদা || ১, ৪৬. ২৯ ||
বামপার্শ্বেন স্বাপিতি নাত্র কার্যা বিচারণা |
সিংহকন্যাতুলায়াং চ দ্বারং শুধ্যেদথোত্তরম্ || ১, ৪৬. ৩০ ||
এবং চ বৃশ্চিকাদৌ স্যাৎপূর্বদক্ষিণপশ্চিমম্ |
দ্বারং দীর্ঘার্ধবিস্তারং দ্বারাণ্যষ্টৌ স্মৃতানি চ || ১, ৪৬. ৩১ ||
সন্তানপ্রেষ্যনীচৎবং স্বয়ানং স্বর্ণভূষণম্ |
সুতহীনং তু রৌদ্রেণ বীর্যঘ্নং দক্ষিণে তথা || ১, ৪৬. ৩২ ||
বহ্নৌ বধশ্চায়ুর্বৃদ্ধিম্পুত্ত্রলাভসুতৃপ্তিদঃ |
ধনদে নৃপপীডাদমর্থঘ্নং রোগদং জলে || ১, ৪৬. ৩৩ ||
নৃপভী তির্মৃতাপত্যং হ্যনপত্যং ন বৈরদম্ |
অর্থদং চার্থহান্যৈ চ দোষদং পুত্রমৃত্যুদম্ || ১, ৪৬. ৩৪ ||
দ্বারাণ্যুত্তরসঞ্জ্ঞানি পূর্বদ্বারাণি বচ্ম্যহম্ |
অগ্নিভীতির্বহু কন্যাধনসমানকোপদম্ || ১, ৪৬. ৩৫ ||
রাজঘ্নং কোপদং পূর্বে ফলতো দ্বারমীরিতম্ |
ঈশানাদৌ ভবেৎপূর্বমগ্নেয়্যাদৌ তু দক্ষিণম্ || ১, ৪৬. ৩৬ ||
নৈরৃত্যাদৌ পশ্চিমং স্যাদ্বায়ব্যাদৌ তু চোত্তরম্ |
অষ্টভাগে কৃতে ভাগে দ্বারাণাং চ ফলাফলম্ || ১, ৪৬. ৩৭ ||
অশ্বত্থপ্লক্ষন্যগ্রোধাঃ পূর্বাদৌ স্যাদুদুম্বরঃ |
গৃহস্য শোভনঃ প্রোক্ত ঈশানে চৈব সাল্মলিঃ |
পূজিতো বিগ্নহারী স্যাৎপ্রাসাদস্য গৃহস্য চ || ১, ৪৬. ৩৮ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
বাস্তুমানলক্ষণং নাম ষট্চৎবারিংশোঽধ্যায়ঃ

শ্রীগরুডমহাপুরাণম্-৪৭
সূত উবাচ |
প্রাসাদানাং লক্ষণং চ বক্ষ্যে শৌনক তচ্ছৃণু |
চতুঃ ষষ্টিপদং কৃৎবা দিগ্বিদিক্ষূপলক্ষিতম্ || ১, ৪৭. ১ ||
চতুষ্কোণং চতুর্ভিশ্চ দ্বারাণি সূর্যসঙ্খ্যয়া |
চৎবারিংশাষ্টবিশ্চৈব ভিত্তীনাং কল্পনা ভবেৎ || ১, ৪৭. ২ ||
ঊর্ধ্বক্ষেত্রসমা জঙ্ঘা জঙ্ঘার্ধদ্বিগুণং ভবেৎ |
গর্ভবিস্তারবিস্তীর্ণঃ শুকাঙ্ঘ্রিশ্চ বিধীয়তে || ১, ৪৭. ৩ ||
তত্ত্রিভাগেন কর্তব্যঃ পঞ্চভাগেন বা পুনঃ |
নির্গমস্তু শুকাঙ্ঘ্রেশ্চ উচ্ছ্রায়ঃ শিখরার্ধগঃ || ১, ৪৭. ৪ ||
চতুর্ধা শিখরং কৃৎবা ত্রিভাগে বেদিবন্ধনম্ |
চতুর্থে পুনরস্যৈব কণ্ঠমামূলসাধনম্ || ১, ৪৭. ৫ ||
অথ বাপি সমং বাস্তুং কৃৎবা ষোডশভাগিকম্ |
তস্য মধ্যে চতুর্ভাগমাদৌ গর্ভং তু কারয়েৎ || ১, ৪৭. ৬ ||
চতুর্ভাগেন ভিত্তীনামুচ্ছ্রায়ঃ স্যাৎপ্রমাণতঃ || ১, ৪৭. ৭ ||
দ্বিগুণঃ শিখরোচ্ছ্রায়ো ভিত্ত্যুচ্ছায়াচ্চ মানতঃ |
শিখরার্ধস্য চৈর্ধেন বিধেয়াস্তু প্রদক্ষিণাঃ || ১, ৪৭. ৮ ||
চতুর্দিক্ষু তথা জ্ঞেয়ো নির্গমস্তুঃ তথা বুধৈঃ |
পঞ্চভাগেন সম্ভজ্য গর্ভমানং বিচক্ষণঃ || ১, ৪৭. ৯ ||
ভাগমেকং গৃহীৎবা তু নির্গমং ক্লপয়েৎপুনঃ |
গর্ভসূত্রসমো ভাগাদগ্রতো মুখমণ্ডপঃ || ১, ৪৭. ১০ ||
এতৎসামান্যমুদ্দিষ্টং প্রাসাদস্য হি লক্ষণম্ |
লিঙ্গমানমথো বক্ষ্যে পীঠো লিঙ্গসমো ভবেৎ || ১, ৪৭. ১১ ||
দ্বিগুণেন ভবেদ্রর্ভঃ সমন্তাচ্ছৌনক ধ্রুবম্ |
তদ্দ্বিধা চ ভবেদ্ভীতির্জঙ্ঘা তদ্বিস্তরার্ধগা || ১, ৪৭. ১২ ||
দ্বিগুণং শিখরং প্রোক্তং জঙ্ঘায়াশ্চৈব শৌনক |
পীঠগর্ভাবরং কর্ম তন্মানেন শুকাঙ্ঘ্রিকম্ || ১, ৪৭. ১৩ ||
নির্গমস্তু সমাখ্যাতঃ শেষং পূর্ববদেব তু |
লিঙ্গমানং স্মৃতং হ্যেতদ্দ্বারমানমথোচ্যতে || ১, ৪৭. ১৪ ||
করাগ্রং বেদবৎকৃৎবা দ্বারং ভাগাষ্টমং ভবেৎ |
বিস্তরেণ সমাখ্যাতং দ্বিগুণংস্বেচ্ছয়া ভবেৎ || ১, ৪৭. ১৫ ||
দ্বারবৎপীঠমধ্যে তু শেষং সুষিরকং ভবেৎ |
পাদিকং শেষিকং ভিত্তির্দ্বারার্ধেন পরিগ্রহাৎ || ১, ৪৭. ১৬ ||
তদ্বিস্তারসমা জঙ্ঘা সিখরং দ্বিগুণং ভবেৎ |
শুকাঙ্ঘ্রিঃ পূর্ববজ্জ্ঞেয়া নির্গমোচ্ছ্রায়কং ভবেৎ || ১, ৪৭. ১৭ ||
মণ্ডপে মানমেতত্তু স্বরূপং চাপরং বদে |
ত্রৈবেদং কারয়েৎক্ষেত্রং যত্র তিষ্ঠন্তি দেবতাঃ || ১, ৪৭. ১৮ ||
ইত্থং কৃতেন মানেন বাহ্যভাগবিনির্গতম্ |
নেমিঃ পাদেন বিস্তীর্ণা প্রাসাদস্য সমন্ততঃ || ১, ৪৭. ১৯ ||
গর্ভং তু দ্বিগুণং কুর্যান্নেম্যা মানং ভবেদিহ |
স এব ভিত্তেরুৎসেধো শিখরো দ্বিগুণো মতঃ || ১, ৪৭. ২০ ||
প্রাসাদানাং চ বক্ষ্যামি মানং যোনিং চ মানতঃ |
বৈরাজঃ পুষ্পকাখ্যশ্চ কৈলাসো মালিকাহ্বয়ঃ || ১, ৪৭. ২১ ||
ত্রিবিষ্টপং চ পঞ্চৈতে প্রাসাদাঃ সর্বয়োনয়ঃ |
প্রথমশ্চতুরশ্রো হি দ্বিতীয়স্তু তদায়তঃ || ১, ৪৭. ২২ ||
বৃত্তো বৃত্তায়তশ্চান্যোঽষ্টাশ্রশ্চেহ চ পঞ্চমঃ |
এতেভ্য এব সম্ভূতাঃ প্রাসাদাঃ সুমনোহরাঃ || ১, ৪৭. ২৩ ||
সর্বপ্রকৃতিভূতেভ্যশ্চৎবারিংশত্তথৈব চ |
মেরুশ্চ মন্দরশ্চৈব বিমানশ্চ তথাপরঃ || ১, ৪৭. ২৪ ||
ভদ্রকঃ সর্বতা ভদ্রো রুচকো নন্দনস্তথা |
নন্দিবর্ধনসঞ্জ্ঞশ্চ শ্রীবৎসশ্চ নবেত্যমী || ১, ৪৭. ২৫ ||
চতুরশ্রাঃ সমুদ্ভূতা বৈরাজাদিতি গম্যতাম্ |
বলভী গৃহরাজশ্চ শা লাগৃহং চ মন্দিরম্ || ১, ৪৭. ২৬ ||
বিমানং চ তথা ব্রহ্মমন্দিরং ভবনং তথা |
উত্তম্ভং শিবিকা বেশ্ম নবৈতে পুষ্পকোদ্ভবাঃ || ১, ৪৭. ২৭ ||
বলয়ো দুন্দুভিঃ পদ্মো মহাপদ্মস্তথাপরঃ |
মুকুলী চাস্য উষ্ণীষী শঙ্খশ্চ কলশস্তথা || ১, ৪৭. ২৮ ||
গুবাবৃক্ষস্তথান্যশ্চ বৃত্তাঃ কৈলাসসম্ভবাঃ |
গজোঽথ বৃষভো হংসো গরুডঃ সিংহনামকঃ || ১, ৪৭. ২৯ ||
ভূমুখো ভূধরশ্চৈব শ্রীজয়ঃ পৃথিবীধরঃ |
বৃত্তায়তাঃ সমুদ্ভূতা নবৈতে মণিকাহ্বয়াৎ || ১, ৪৭. ৩০ ||
বজ্রং চক্রং তথান্যচ্চ মুষ্টিকং বভ্রুসঞ্জ্ঞিতম্ |
বক্রঃ স্বস্তিকখড্গৌ চ গদা শ্রীবৃক্ষ এব চ || ১, ৪৭. ৩১ ||
বিজয়ো নামতঃ শ্বেতস্ত্রিবিষ্টিপসমুদ্ভবাঃ |
ত্রিকোণং পদ্মমর্ধেন্দুশ্চতুষ্কোণং দ্বিরষ্টকম্ || ১, ৪৭. ৩২ ||
যত্র তত্র বিধাতব্যং সংস্থানং মণ্ডপস্য তু |
রাজ্যং চ বিভবশ্চৈবঃ হ্যায়ুর্বর্দ্বনমেব চ || ১, ৪৭. ৩৩ ||
পুত্রলাভঃ স্ত্রিয়ঃ পুষ্টিস্ত্রিকোণাদিক্রমাদ্ভবেৎ |
কুর্যাদ্ধজাদিকং খ্যাতদ্বারি গর্ভগৃহং তথা || ১, ৪৭. ৩৪ ||
মণাডপঃ সমসঙ্খ্যাভির্গুণিতঃ সূত্রকস্তথা |
মণ্ডপস্য চতুর্থাংশাদ্ভদ্রঃ কার্যো বিজানতা || ১, ৪৭. ৩৫ ||
স্পর্ধাগবাক্ষকোপেতো নির্গবাক্ষোঽথ বা ভবেৎ |
সার্ধভিত্তিপ্রমাণেন ভিতিমানেন বা পুনঃ || ১, ৪৭. ৩৬ ||
ভিত্তের্দ্বৈগুণ্যতো বাপি কর্তব্যা মণ্ডপাঃ ক্রচিৎ |
প্রাসাদে মঞ্চরী কার্যা চিত্রা বিষমভূমিকা || ১, ৪৭. ৩৭ ||
পরিমাণবিরোধেন রেখাবৈষম্যভূষিতা |
আধারস্তু চতুর্ধারশ্চতুর্মণ্ডপশোভিতঃ || ১, ৪৭. ৩৮ ||
শতশৃঙ্গসমায়ুক্তো মেরুঃ প্রাসাদ উত্তমঃ |
মণ্ডপাস্তস্য কর্তব্যা ভদ্রৈস্ত্রিভিরলঙ্কৃতাঃ || ১, ৪৭. ৩৯ ||
ঘচনাকারমানানাং ভিন্নাভিন্না ভবন্তি তে |
কিয়ন্তো যেষু চাধারা নিরাধারাশ্চ কেচন || ১, ৪৭. ৪০ ||
প্রতিচ্ছন্দকভেদেন প্রাসাদাঃ সম্ভবন্তি তে |
অন্যোন্যাসঙ্করাস্তেষাং ঘটনানামভেদতঃ || ১, ৪৭. ৪১ ||
দেবতানাং বিশেষায় প্রাসাদা বহবঃ স্মৃতাঃ |
প্রাসাদে নিয়মো নাস্তি দেবতানাং স্বয়ম্ভুবাম্ || ১, ৪৭. ৪২ ||
তানেব দেবতানাং চ পূর্বমানেন কারয়েৎ |
চতুরশ্রায়তাস্তত্ত্র চতুষ্কোণসমন্বিতাঃ || ১, ৪৭. ৪৩ ||
চন্দ্রশালান্বিতা কার্যা ভেরীশিখরসংযুতা |
পুরতো বাহনানাং চ কর্তব্যা লগ্ন(ঘু) মণ্ডপাঃ || ১, ৪৭. ৪৪ ||
নাট্যশালা চ কর্তব্যা দ্বারদেশসমাশ্রয়া |
প্রসাদে দেবতানাং চ কার্যা দিক্ষু বিদিক্ষ্বপি || ১, ৪৭. ৪৫ ||
দ্বারপালাশ্চ কর্তব্যা মুখ্যা গৎবা পৃথক্পৃথক্ |
কিঞ্চিদদূরতঃ কার্যা মঠাস্তত্রোপজীবিনাম্ || ১, ৪৭. ৪৬ ||
প্রাবৃতা জগতী কার্যা ফলপুষ্পজলান্বিতা |
প্রসাদেষু সুরাংস্থাপ্য পূজাভিঃ পূজয়েন্নরঃ |
বাসুদেবঃ সর্বদেবঃ সর্বভাক্তদ্গৃহাদিকৃৎ || ১, ৪৭. ৪৭ ||

ইতি শ্রীগারুডে মহাপুরাণে পূর্বখণ্ডে প্রথমাংশে আচারকাণ্ডে
প্রাসাদলিঙ্গমণ্ডপাদিলক্ষণনিরূপণংনাম সপ্তচৎবারিংশোঽধ্যায়ঃ

শ্রীগরুডমহাপুরাণম্-৪৮
সূত উবাচ |
প্রতিষ্ঠাং সর্বদেবানাং সঙ্ক্ষেপেণ বদাম্যহম্ |
সুতিথ্যাদৌ সুরম্যাং চ প্রতিষ্ঠাং কারয়েদ্গুরুঃ || ১, ৪৮. ১ ||
ঋৎবিগ্ভিঃ সহ চাচার্যং বরয়েন্মধ্যদেশগম্ |
স্বশাখোক্তবিধানেন অথ বা প্রণবেন তু || ১, ৪৮. ২ ||
পঞ্চভির্বহুভির্বাথ কুর্যাৎপাদ্যার্ঘ্যমেব চ |
মুদ্রিকাভিস্তথা বস্ত্রৈর্গন্ধমাল্যানুলেপনৈঃ || ১, ৪৮. ৩ ||
মন্ত্রন্যাসং গুরুঃ কৃৎবা ততঃ কর্ম সমারভেৎ |
প্রাসাদস্যাগ্রতঃ কুর্যান্মণ্ডপং দশহস্তকম্ || ১, ৪৮. ৪ ||
কুর্যাদ্দ্বাদশহস্তং বা স্তম্ভৈঃ ষোডশভির্যুতম্ |
ধ্বজাষ্টকৈশ্চতুর্হস্তাং মধ্যে বেদিং চ কারয়েৎ || ১, ৪৮. ৫ ||
নদীসঙ্গমতীরাত্থাং বালুকাং তত্র দাপয়েৎ |
চতুরশ্রং কার্মুকাভং বর্তুলং কমলাকৃতি || ১, ৪৮. ৬ ||
পূর্বাদিতঃ সমারভ্য কর্তব্যং কুণ্ডপঞ্চকম্ |
অথবা চতুরশ্রাণি সর্বাণ্যেতানি কারয়েৎ || ১, ৪৮. ৭ ||
শান্তিকর্মিধানেন সর্বকামার্থসিদ্ধয়ে |
শিরঃ স্থানে তু দেবস্য আচার্যো হোমমাচরেৎ || ১, ৪৮. ৮ ||
ঐশান্যাং কেচিদিচ্ছন্তি উপলিপ্যাবনিং শুভাম্ |
দ্বারাণি চৈব চৎবারি কৃৎবা বৈ তোরণান্তিকে || ১, ৪৮. ৯ ||
ন্যগ্রোধোদুম্বরাশ্বত্থবৈল্বপালাশখাদিরাঃ |
তোরণাঃ পঞ্চহস্তাশ্চ বস্ত্রপুষ্পাদ্যলঙ্কৃতাঃ || ১, ৪৮. ১০ ||
নিখনেদ্ধস্তমেককং চৎবারশ্চতুরো দিশঃ |
পূর্বদ্বারে মৃগেন্দ্রং তু হয়রাজং তু দক্ষিণে || ১, ৪৮. ১১ ||
পশ্চিমে গোপতির্নাম সুরশার্দূলমুত্তরে |
অগ্নিমীলেতি হি মন্ত্রেণ প্রথমং পূর্বতো ন্যসেৎ || ১, ৪৮. ১২ ||
ঈষেৎবেতিহি মন্ত্রেণ দক্ষিণস্যাং দ্বিতীয়কম্ |
অগ্নায়াহিমন্ত্রেণ পশ্চিমস্যাং তৃতীয়কম্ || ১, ৪৮. ১৩ ||
শন্নোদেবীতি মন্ত্রেণ উত্তরস্যাং চতুর্থকম্ |
পূর্বে অম্বুদবৎকার্যা আগ্নোয়্যাং ধূমরূপিণী || ১, ৪৮. ১৪ ||
যাম্যাং বৈ কৃষ্ণরূপা তু নৈরৃত্যা শ্যামলা (ধূসরা) ভবেৎ |
বারুণ্যাং পাণ্ডুরা জ্ঞেয়া বায়ব্যাং পীতবর্ণিকা || ১, ৪৮. ১৫ ||
উত্তরে রক্তবর্ণা তু শুক্লেশী চ পতাকিকা |
বহুরূপা তথা মধ্যে ইন্দ্রবিদ্যেতি পূর্বকে || ১, ৪৮. ১৬ ||
আগ্নিং সংসুপ্তিমন্ত্রেণ যমোনাগেতি দক্ষিণে |
পূজ্যা রক্ষোহনোবেতি পশ্চিমে উত্তরেঽপি চ || ১, ৪৮. ১৭ ||
বাত ইত্যভিষিচ্যাথ আপ্যায়স্বেতি চোত্তরে |
তমীশানমতশ্চৈব বিষ্ণোর্নুকেতি মধ্যমে || ১, ৪৮. ১৮ ||
কলশৌ তু ততো দ্বৌদ্বৌ নিবেশ্যৌ তোরণান্তিকে |
বস্ত্রয়ুগ্মসমায়ুক্তাশ্চন্দনাদ্যৈঃ স্বলঙ্কৃতাঃ || ১, ৪৮. ১৯ ||
পুষ্পৈর্বিতানৈর্বহুলৈরাদিবর্ণাভিমন্ত্রিতাঃ |
দিক্পালাশ্চ ততঃ পূজ্যাঃ শাস্ত্রদৃষ্টেন কর্মণা || ১, ৪৮. ২০ ||
ত্রাতারমিন্দ্রভন্ত্রেণ অগ্নির্মূর্ধেতি চাপরে |
অস্মিন্বৃক্ষ ইতং চৈব প্রচারীতি পরা স্মৃতা || ১, ৪৮. ২১ ||
কিঞ্চেদধাতু আচৎবাভিৎবাদেতি চ সপ্তমী |
ইমারুদ্রেতি দিক্যালান্পূজয়িৎবা বিচক্ষণঃ || ১, ৪৮. ২২ ||
হোমদ্রব্যাণি বায়ব্যে কুর্যাৎসোপস্করাণি চ |
শঙ্খাঞ্ছাস্ত্রোদিতাঞ্ছ্বেতান্নেত্রাভ্যাং বিন্যসেদ্গুরুঃ || ১, ৪৮. ২৩ ||
আলোকনেন দ্রব্যাণি শুদ্ধিং যান্তি ন সংশয়ঃ |
ৎদৃদয়াদীনি চাঙ্গানি ব্যাহৃতিপ্রণবেন চ || ১, ৪৮. ২৪ ||
অস্ত্রং চৈব সমস্তানাং ন্যাসোঽযং সর্বকামিকঃ |
অক্ষতান্বিষ্টরং চৈব অস্ত্রেণৈবাভিমন্ত্রিতান্ || ১, ৪৮. ২৫ ||
বিষ্টরেণ স্পৃশেদ্দুব্যান্যাগমণ্ডপসম্ভৃতান্ |
অক্ষতান্বিকিরেৎপশ্চাদস্ত্রপূতান্সমন্ততঃ || ১, ৪৮. ২৬ ||
শক্রীং দিশমথারভ্য যাবদীশানগোচরম্ |
অবকীর্যাক্ষতার্ন্সংবাংল্লেপয়েন্মণ্ডপং ততঃ || ১, ৪৮. ২৭ ||
গন্ধাদ্যৈরর্ঘ্যপাত্রে চ মন্ত্রগ্রামং ন্যসেদ্গুরুঃ |
তেনার্ঘ্যপাত্রতোয়েন প্রোক্ষয়েদ্যাগমণ্ডপম্ || ১, ৪৮. ২৮ ||
প্রতিষ্ঠা যস্য দেবস্য তদাখ্যং কলশং ন্যসেৎ |
ঐশান্যাং পূজয়েদ্যাম্যে অস্ত্রেণৈব চ বর্ধনীম্ || ১, ৪৮. ২৯ ||
কলশং বর্ধনীং চৈব গ্রহান্বাস্ত্তোষ্পতিং তথা |
আসনেতানি সর্বাণি প্রণবাখ্যং জপেদ্গুরুঃ || ১, ৪৮. ৩০ ||
সূত্রগ্রীবং রত্নগর্ভং বস্ত্রয়ুগ্মেন বেষ্টিতম্ |
সর্বৌষধীগন্ধলিপ্তং পূজয়েৎকলশং গুরুঃ || ১, ৪৮. ৩১ ||
দেবস্তু কলশে পূজ্যো বর্ধন্যা বস্ত্রমুত্তমম্ |
বর্ধন্যা তু সমায়ুক্তং কলশং ভ্রাময়েদনু || ১, ৪৮. ৩২ ||
বর্ধনীধারয়া সিঞ্চন্নগ্রতো ধারয়েত্ততঃ |
অভ্যর্চ্য বর্ধনীকুম্ভং স্থণ্ডিলে দেবমর্চয়েৎ || ১, ৪৮. ৩৩ ||
ঘটং চাবাহ্য বায়ব্যাং গণানাং ৎবেতি সদ্গণম্ |
দেবমীশানকোণে তু জপেদ্বাস্তোষ্পতিং বুধঃ || ১, ৪৮. ৩৪ ||
বাস্তোষ্পতীতি মন্ত্রেণ বাস্তুদোষোপশান্তয়ে |
কুম্ভস্য পূর্বতো ভূতং গণদেবং বলিং হরেৎ || ১, ৪৮. ৩৫ ||
পঠেদিতি চ বিদ্যাশ্চ কুর্যাদালম্ভনং বুধঃ |
যোগেয়োগেতি মন্ত্রেণাস্তরণং শাদ্বলৈঃ কুশৈঃ || ১, ৪৮. ৩৬ ||
ঋৎবিগ্ভিঃ সার্ধমাচার্যঃ স্নানপীঠে গুরুস্তদা |
বিবিধৈর্ব্রহ্মঘোষৈশ্চ পুণ্যাহজয়মঙ্গলৈঃ || ১, ৪৮. ৩৭ ||
কৃৎবা ব্রহ্মরথে দেবং প্রতিষ্ঠন্তি ততো দ্বিজাঃ |
ঐশান্যামানয়েৎপীঠমণ্ডপে বিন্যসেদ্গুরুঃ || ১, ৪৮. ৩৮ ||
ভদ্রঙ্কর্ণেত্যথ স্নাৎবা সূত্রবল্কলজেন তু |
সংস্নাপ্য লক্ষণোদ্ধারং কুর্যাত্তূর্যাদি (দূরাভি) বাদনৈঃ || ১, ৪৮. ৩৯ ||
মধুসর্পিঃ সমায়ুক্তং কাংস্যে বা তাম্রভাজনে |
অক্ষিণী চাঞ্জয়েচ্চাস্য সুবর্ণস্য শলাকয়া || ১, ৪৮. ৪০ ||
অগ্নির্জ্যোতীতি মন্ত্রেণ নেত্রোদ্বাটং তু কারয়েৎ |
লক্ষণে ক্রিয়মাণে তু নামৈকং স্থাপকো ব(দ) দেৎ || ১, ৪৮. ৪১ ||
ইমমেগঙ্গেমন্ত্রেণ নেত্রয়োঃ শীতলক্রিয়া |
অগ্নির্মূর্ধেতি মন্ত্রেণ দদ্যাদ্বল্মী কমৃত্তিকাম্ || ১, ৪৮. ৪২ ||
বিল্বোদুম্বরমশ্বত্থং বটং পালাশমেব চ |
যজ্ঞায়জ্ঞেতি মন্ত্রেণ দদ্যাৎপঞ্চকষায়কম্ || ১, ৪৮. ৪৩ ||
পঞ্চগব্যং স্নাপয়েচ্চ সহদেব্যাদি ভিস্ততঃ |
সহদেবী বলা চৈব শতমূলী শতাবরী || ১, ৪৮. ৪৪ ||
কুমারী চ গুডূচী চ সিংহী ব্যাঘ্রী তথৈব চ |
যা ওষধীতি মন্ত্রেণ স্নানমোষধিমজ্জলৈঃ || ১, ৪৮. ৪৫ ||
যাঃ ফলিনীতি মন্ত্রেণ ফলস্নানং বিধীয়তে |
দ্রুপদাদিবেতি মন্ত্রেণ কার্যমুদ্বর্তনং বুধৈঃ || ১, ৪৮. ৪৬ ||
কলশেষু চ বিন্যস্য উত্তরাদিষ্বনুক্রমাৎ |
রত্নানি চৈব ধান্যানি ওষধীং শতপুষ্পিকাম্ || ১, ৪৮. ৪৭ ||
সমুদ্রাংশ্চৈব বিন্যস্য চতুরশ্চতুরো দিশঃ |
ক্ষীরং দধি ক্ষীরোদস্য ঘৃতোদস্যেতি বা পুনঃ || ১, ৪৮. ৪৮ ||
আপ্যায়স্ব দধিক্রাব্ণো যা ঔষধীরিতীতি চ |
তেজোঽসীতি চ মন্ত্রৈশ্চ কুম্ভং চৈবাভিমন্ত্রয়েৎ || ১, ৪৮. ৪৯ ||
সমুদ্রাখ্যৈশ্চতুর্ভিশ্চ স্নাপয়েৎকলশৈঃ পুনঃ |
স্নাতশ্চৈব সুবেষশ্চ ধূপো দেয়শ্চ গুগ্গুলুঃ || ১, ৪৮. ৫০ ||
অভিষেকায় কুম্ভেষু তত্তত্তীর্থানি বিন্যসেৎ |
পৃথিব্যাং যানি তীর্থানি সরিতঃ সাগরাস্তথা || ১, ৪৮. ৫১ ||
যা ওষধীতি মন্ত্রেণ কুম্ভং চৈবাভিমন্ত্রয়েৎ |
তেন তোয়েন যঃ স্নায়াৎস মুচ্যেৎসর্বপাতকৈঃ || ১, ৪৮. ৫২ ||
অভিষিচ্য সমুদ্রৈশ্চ ৎবর্ঘ্যং দদ্যাত্ততঃ পুনঃ |
গন্ধদ্বারেতি গন্ধং চ ন্যাসং বৈ বেদমন্ত্রকৈঃ || ১, ৪৮. ৫৩ ||
স্বশাস্ত্রবিহিতৈঃ প্রাপ্তৈর্যুবংবস্ত্রেতি বস্ত্রকম্ |
কবিহাবিতি মন্ত্রেণ আনয়েন্মণ্ডপং শুভম্ || ১, ৪৮. ৫৪ ||
শম্ভবায়েতি মন্ত্রেণ শয়্যায়াং বিনিবেশয়েৎ |
বিশ্বতশ্চক্ষুর্মন্ত্রেণ কুর্যাৎসকলনিষ্কলম্ || ১, ৪৮. ৫৫ ||
স্থিৎবা চৈব পরে তত্ত্বে মন্ত্রন্যাসং তু কারয়েৎ |
স্বশাস্ত্রবিহিতো মন্ত্রো ন্যাসস্তস্মিংস্তথোদিতঃ || ১, ৪৮. ৫৬ ||
বস্ত্রেণাচ্ছাদয়িৎবা তু পূজনীয়ঃ স্বভাবতঃ |
যথাশাস্ত্রং নিবেদ্যানি পাদমূলে তু দাপয়েৎ || ১, ৪৮. ৫৭ ||
অথ প্রণবসংযুক্তং বস্ত্রয়ুগ্মেন বেষ্টিতম্ |
কলশং সহিরণ্যং চ শিরঃ স্থানে নিবেদয়েৎ || ১, ৪৮. ৫৮ ||
স্থিৎবা কুণ্ডসমীপেঽথ অগ্নেঃ স্থাপনমাচরেৎ |
স্বশাস্ত্রবিহিতৈর্মন্ত্রৈর্বেদোক্তৈর্বাথ বা গুরুঃ || ১, ৪৮. ৫৯ ||
শ্রীসূক্তং পাবমান্যং চ বাসদাম্যসবাজিনম্ |
বৃষাকপিং চ মিত্রং বহ্বচঃ পূর্বতো জপেৎ || ১, ৪৮. ৬০ ||
রুদ্রং পুরুষসূক্তং চ শ্লোকাধ্যায়ং চ শুক্রিয়ম্ |
ব্রহ্মাণং পিতৃমৈত্রং চ অধ্বর্যুর্দক্ষিণে জপেৎ || ১, ৪৮. ৬১ ||
বেদব্রতং বামদেব্যং জ্যেষ্ঠসাম রথন্তরম্ |
ভেরুণ্ডানি চ সামানি ছন্দোগঃ পশ্চিমে জপেৎ || ১, ৪৮. ৬২ ||
অথর্বশিরসং চৈব কুম্ভসূক্তমথর্বণঃ |
নীলরুদ্রাংশ্চ মৈত্রং চ অথর্বশ্চোত্তরে জপেৎ || ১, ৪৮. ৬৩ ||
কুণ্ডং চাস্ত্রেণ সম্প্রোক্ষ্য আচার্যস্তু বিশেষতঃ |
তাম্রপাত্রে শরাবে বা যথাবিভবতোঽপি বা || ১, ৪৮. ৬৪ ||
জাতবেদসমানীয় অগ্রতস্তং নিবেশয়েৎ |
অস্ত্রেণ জ্বালয়েদ্বহ্নিং কবচেন তু বেষ্টয়েৎ || ১, ৪৮. ৬৫ ||
অমৃতীকৃত্য তং পশ্চান্মন্ত্রৈঃ সর্বৈশ্চ দেশিকঃ |
পাত্রং গৃহ্য করাভ্যাং চ কুণ্ডং ভ্রাম্য ততঃ পুনঃ || ১, ৪৮. ৬৬ ||
বৈষ্ণবেন তু যোগেন পরং তেজস্তু নিঃ ক্ষিপেৎ |
দক্ষিণে স্থাপয়েদ্ব্রহ্ম প্রণীতাঞ্চোত্তরেণ তু || ১, ৪৮. ৬৭ ||
সাধারণেন মন্ত্রেণ স্বসূত্রবিহিতেন বা |
দিক্ষুদিক্ষু ততো দদ্যাৎপরিধিং বিষ্টরৈঃ সহ || ১, ৪৮. ৬৮ ||
ব্রহ্মবিষ্ণুহরেশানাঃ পূজ্যাঃ সাধারণেন তু |
দর্ভেষু স্থাপয়েদ্বহ্নিং দর্ভৈশ্চ পরিবেষ্টিতম্ || ১, ৪৮. ৬৯ ||
দর্ভতোয়েন সংস্পৃষ্টো মন্ত্রহীনোঽপি শুধ্যতি |
প্রাগগ্রৈরুদগগ্রৈশ্চ প্রত্যগগ্রৈরখণ্ডিতৈঃ || ১, ৪৮. ৭০ ||
বিততৈর্বেষ্টিতো বহ্নিঃ স্বয়ং সান্নিধ্যমাব্রজেৎ |
অগ্নেস্তু রক্ষণার্থায় যদুক্তং কর্ম ন্ত্রবিৎ || ১, ৪৮. ৭১ ||
আচার্যাঃ কেচিদিচ্ছন্তি জাতকর্মাদ্যনন্তরম্ |
পবিত্রং তু ততঃ কৃৎবা কুর্যাদাজ্যস্য সংস্কৃতিম্ || ১, ৪৮. ৭২ ||
আচার্যোঽথ নিরীক্ষ্যাপি নীরাজ্যমভিমন্ত্রিতম্ |
আজ্যভাগাভিঘারান্তমবেক্ষেতাজ্যসিদ্ধয়ে || ১, ৪৮. ৭৩ ||
পঞ্চপঞ্চাহুতীর্হুৎবা আজ্যেন তদনন্তরম্ |
গর্ভাধানাদিতস্তাবদ্যাবদ্গৌদানিকং ভবেৎ || ১, ৪৮. ৭৪ ||
স্বশাস্ত্রবিহিতৈর্মন্ত্রৈঃ প্রণবেনাথ হোময়েৎ |
ততঃ পূর্ণাহুতিং দত্ত্বা পূর্ণাৎপূর্ণমনারেথঃ || ১, ৪৮. ৭৫ ||
এবমুৎপাদিতো বহ্নিঃ সর্বকর্মসু সিদ্ধিদঃ |
পূজয়িৎবা ততো বহ্নিং কুণ্ডেষু বিহরেত্তথা || ১, ৪৮. ৭৬ ||
ইন্দ্রাদীনাং স্বমন্ত্রৈশ্চ তথাহুতিশতংশতম্ |
পুর্ণাহুতিং শতস্যান্তে সর্বেষাং চৈব হোময়েৎ || ১, ৪৮. ৭৭ ||
স্বামাহুতিমথাজ্যেষু হোতা তৎকলশে ন্যসেৎ |
দেবতাশ্চৈব মন্ত্রাংশ্চ তথৈব জাতবেদসম্ || ১, ৪৮. ৭৮ ||
আত্মানমেকতঃ কৃৎবা ততঃ পূর্ণাং প্রদাপয়েৎ |
নিষ্কৃষ্য বহিরাচার্যো দিক্পালানাং বলিং হরেৎ || ১, ৪৮. ৭৯ ||
ভূতানাং চৈব দেবানাং নাগানাং চ প্রয়োগতঃ |
তিলাশ্চ সমিধশ্চৈব হোমদ্রব্যং দ্বয়ং স্মৃতম্ || ১, ৪৮. ৮০ ||
আজ্যং তয়োঃ সহকারি তৎপ্রধানং যদঙ্ক(ক্ষ) যোঃ |
পরুষসুক্তং পূর্বেণৈব রুদ্রচৈব তু দক্ষিণে || ১, ৪৮. ৮১ ||
জ্যেষ্ঠসাম চ ভারুণ্ডং তন্নয়ামীতি পশ্চিমে |
নীলরুদ্রো মহামন্ত্রঃ কুম্ভসূক্তমথর্বণঃ || ১, ৪৮. ৮২ ||
হুৎবা সহস্রমেকৈকং দেবং শিরসি কল্পয়েৎ |
এবং মধ্যে তথা পাদে পূর্ণাহুত্যা তথা পুনঃ || ১, ৪৮. ৮৩ ||
শিরঃ স্থানেষু জুহুয়াদাবিশেচ্চাপ্যনুক্রমাৎ |
বেদানামাদিমন্ত্রৈর্বা মন্ত্রৈর্বা দেবনামভিঃ || ১, ৪৮. ৮৪ ||
স্বশাস্ত্রবিহিতৈর্বাপি গায়ত্ত্র্যা বাথ তে দ্বিজাঃ |
গায়ত্ত্র্যা বাথবাচার্যো ব্যাহৃতিপ্রণবেন তু || ১, ৪৮. ৮৫ ||
এবং হোমবিধিং কৃৎবা ন্যসেন্মন্ত্রাংস্তু দেশিকঃ |
চরণাবগ্নিমীঌএ তু ইষেৎবো গুল্ফয়োঃ স্থিতাঃ || ১, ৪৮. ৮৬ ||
অগ্ন আয়াহি জঙ্ঘে দ্বে শন্নোদেবীতি জানুনী |
বৃহদ্রথন্তরে ঊরূ উদরেষ্বাতিলো (স্বাতিনো) ন্যসেৎ || ১, ৪৮. ৮৭ ||
দীর্ঘায়ুষ্ট্বায় হৃদয়ে শ্রীশ্চতে গলকে ন্যসেৎ |
ত্রাতারমিন্দ্রমুরসি নেত্রাভ্যাং তু ত্রিয়ম্বকম্ || ১, ৪৮. ৮৮ ||
মূর্ধাভব তথা মূর্ধ্নি আলগ্নাদ্ধোমমাচরেৎ |
উত্থা পয়েত্ততো দেবমুত্তিষ্ঠব্রহ্মণস্পতে ! || ১, ৪৮. ৮৯ ||
বেদপুণ্যাহশব্দেন প্রাসাদানাং প্রদক্ষিণম্ |
পিণ্ডিকালম্ভনং কৃৎবা দেবস্যৎবেতি মন্ত্রবিৎ || ১, ৪৮. ৯০ ||
দিক্পা লান্সহ রত্নৈশ্চ ধাতূনোষধয়স্তথা |
লৌহবীজানি সিদ্ধানি পশ্চাদ্দেবং তু বিন্যসেৎ || ১, ৪৮. ৯১ ||
ন গর্ভে স্থাপয়েদ্দেবং ন গর্ভং তু পরিত্যজেৎ |
ঈষন্মধ্যং পরিত্যজ্য ততো দোষাপহং তু তৎ || ১, ৪৮. ৯২ ||
তিলস্য তুষমাত্রং তু উত্তরং কিঞ্চিদানয়েৎ |
ওঁ স্থিরো ভব শিবো ভব প্রজাভ্যশ্চ নমোনমঃ || ১, ৪৮. ৯৩ ||
দেবস্য ৎবা সবিতুর্বঃ ষড্ভ্যো বৈ বিন্যসেদ্গুরুঃ |
তত্ত্ববর্ণকলামাত্রং প্রজানি ভুবনাত্মজে || ১, ৪৮. ৯৪ ||
ষড্ভ্যো বিন্যস্য সিদ্ধার্থং ধ্রুবার্থৈরভিমন্ত্রয়েৎ |
সম্পাতকলশেনৈব স্নাপয়েৎসুপ্রতিষ্ঠিতম্ || ১, ৪৮. ৯৫ ||
দীপধূপসুগন্ধৈশ্চ নৈবেদ্যৈশ্চ প্রপূজয়েৎ |
অর্ঘ্যং দত্ত্বা নমস্কৃত্য ততো দেবং ক্ষমাপয়েৎ || ১, ৪৮. ৯৬ ||
পাত্রং বস্ত্রয়ুগং ছত্রং তথা দিব্যাঙ্গুলীয়কম্ |
ঋত্ত্বিগ্ভ্যশ্চ প্রদাতব্যা দক্ষিণা চৈব শক্তিতঃ || ১, ৪৮. ৯৭ ||
চতুর্থৌ জুহুয়াৎপশ্চাদ্যজমানঃ সমাহিতঃ |
আহুতীনাং শতং হুৎবা ততঃ পূর্ণাং প্রদাপয়েৎ || ১, ৪৮. ৯৮ ||
নিষ্ক্রম্য বহিরাচার্যো দিক্পালানাং বলিং হরেৎ |
আচার্যঃ পুষ্পহস্তস্তু ক্ষমস্বেতি বিসর্জয়েৎ || ১, ৪৮. ৯৯ ||
যাগান্তে কপিলাং দদ্যাদাচার্যায় চ চামরম্ |
মুকুটং কুণ্ডলং ছত্রং কেয়ূরং কটিসূত্রকম্ || ১, ৪৮. ১০০ ||
ব্যজনং গ্রামবস্ত্রাদীন্সোপস্কারং সুমণ্ডপম্ |
ভোজনং চ মহাৎকুর্যাৎকৃতকৃত্যশ্চ জায়তে |
যজমানো বিমুক্তঃ স্যাৎস্থাপকস্য প্রসাদতঃ || ১, ৪৮. ১০১ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
দেবপ্রতিষ্ঠাদিনিরূপণং নামাষ্টচৎবারিংশোঽধ্যায়ঃ

শ্রীগরুডমহাপুরাণম্-৪৯
ইতি প্রতিষ্ঠাপ্রকরণং সমাপ্তম্ |
ব্রহ্মোবাচ |
সর্গাদিকৃদ্ধরিশ্চৈব পূজ্যঃ স্বায়ম্ভুবাদিভিঃ |
বিপ্রাদ্যৈঃ স্বেন ধর্মেণ তদ্ধর্মং ব্যাস ! বৈ শৃণু || ১, ৪৯. ১ ||
যজনং যাজনং দানং ব্রাহ্মণস্য প্রতিগ্রহঃ |
অধ্যাপনং চাধ্যয়নং ষট্কর্মাণিদ্বিজোত্তমে || ১, ৪৯. ২ ||
দানমধ্যয়নং যজ্ঞো ধর্মঃ ক্ষত্ত্রিয়বৈশ্যয়োঃ |
দণ্ডস্তস্য কৃষির্বৈশ্যস্য শস্যতে || ১, ৪৯. ৩ ||
শুশ্রূষৈব দ্বিজাতীনাং শূদ্রাণাং ধর্মসাধনম্ |
কারুকর্ম তথাঽজীবো পাকয়জ্ঞোঽপি ধর্মতঃ || ১, ৪৯. ৪ ||
ভিক্ষাচর্যাথ শুশ্রূষা গুরোঃ স্বাধ্যায় এব চ |
সন্ধ্যাকর্মাগ্নিকার্যঞ্চ ধর্মোঽযং ব্রহ্মচারিণঃ || ১, ৪৯. ৫ ||
সর্বেষামাশ্রমাণাং চ দ্বৈবিধ্যং তু চতুর্বিধম্ |
ব্রহ্মচার্যুপকুর্বাণো নৈষ্ঠিকো ব্রহ্মতৎপরঃ || ১, ৪৯. ৬ ||
যোঽধীত্য বিধিবদ্বেদান্গৃহস্থাশ্রমমাব্রজেৎ |
উপকুর্বাণকো জ্ঞেয়ো নৈষ্ঠিকো মরণান্তিকঃ || ১, ৪৯. ৭ ||
অগ্নয়োঽতিথিশুশ্রূষা যজ্ঞো দানং সুরার্চনম্ |
গৃহস্থস্য সমাসেন ধর্মোঽযং দ্বিজসত্তম ! || ১, ৪৯. ৮ ||
উদাসীনঃ সাধকশ্চ গৃহস্থো দ্বিবিধো ভবেৎ |
কুটুম্বভরণে যুক্তঃ সাধকোঽসৌ গৃহী ভবেৎ || ১, ৪৯. ৯ ||
ঋণানি ত্রীণ্যপাকৃত্য ত্যক্ত্বা ভার্যাধনাদিকম্ |
একাকী যস্তু বিচরেদুদাসীনঃ স মৌক্ষিকঃ || ১, ৪৯. ১০ ||
ভূমৌ মূলফলাশিৎবং স্বাধ্যায়স্তপ এব চ |
সংবিভাগো যথান্যায়ং ধর্মোঽযং বনবাসিনঃ || ১, ৪৯. ১১ ||
তপস্তপ্যতি যোঽরণ্যে যজেদ্দেবাঞ্জুহোতি চ |
স্বাধ্যায়ে চৈব নিরতো বনস্থস্তাপসোত্তমঃ || ১, ৪৯. ১২ ||
তপসা কর্শিতোঽত্যর্থং যস্তু ধ্যানপরো ভবেৎ |
সন্যাসী স হি বিজ্ঞেয়ো বানপ্রস্থাশ্রমে স্থিতঃ || ১, ৪৯. ১৩ ||
যোগাভ্যাসরতো নিত্যমারুরুক্ষুর্জিতেন্দ্রিয়ঃ |
জ্ঞানায় বর্ততে ভুক্ষুঃ প্রোচ্যতে পারমেষ্ঠিকঃ || ১, ৪৯. ১৪ ||
যস্ত্বাত্মরতিরেব স্যান্নিত্যতৃপ্তো মহামুনিঃ |
সম্যক্চ দমসম্পন্নঃ স যোগী ভিক্ষুরুচ্যতে || ১, ৪৯. ১৫ ||
ভৈক্ষ্যং শ্রুতং চ মৌনিৎবং তপো ধ্যানং বিশেষতঃ |
সম্যক্চ জ্ঞানবৈরাগ্যং ধর্মোঽযং ভিক্ষুকে মতঃ || ১, ৪৯. ১৬ ||
জ্ঞানসন্যাসিনঃ কেচিদ্বেদসন্যাসিনোঽপরে |
কর্মসন্যাসিনঃ কেচিত্ত্রিবিধঃ পারমেষ্ঠিকঃ || ১, ৪৯. ১৭ ||
যোগী চ ত্রিবিধো জ্ঞেয়ো ভৌতিকঃ ক্ষত্ত্র এবচ |
তৃতীয়োঽন্ত্যাশ্রমী প্রোক্তো যোগমূর্তিংসমাস্থিতঃ || ১, ৪৯. ১৮ ||
প্রথমা ভাবনা পূর্বে মোক্ষে ৎবক্ষ(দুষ্ক) রভাবনা |
তৃতীয়ে চান্তিমা প্রোক্তা ভাবনা পারমেশ্বরী || ১, ৪৯. ১৯ ||
ধর্মাৎসঞ্জায়তে মোক্ষো হ্যর্থাৎকামোঽভিজায়তে |
প্রবৃত্তিশ্চ নিবৃত্তিশ্চ দ্বিবিধং কর্ম বৈদিকম্ || ১, ৪৯. ২০ ||
জ্ঞানং পূর্বং নিবৃত্তং স্যাৎপ্রবৃত্তং চাগ্নিদেবকৃৎ |
ক্ষমা দমো দয়া দানমলোভা (ভো) ভ্যাস এব চ || ১, ৪৯. ২১ ||
আর্জবং চান্সূয়া চ তীর্থানুসরণং তথা |
সত্যং সন্তোষ আস্তিক্যং তথা চেন্দ্রিয়নিগ্রহঃ || ১, ৪৯. ২২ ||
দেবতাভ্যর্চনং পূজা ব্রাহ্মণানাং বিশেষতঃ |
অহিংসা প্রিয়বাদিৎবমপৈশুন্যমরূক্ষতা || ১, ৪৯. ২৩ ||
এতে আশ্রমিকা ধর্মাশ্চতুর্বর্ণ্যং ববীম্যতঃ |
প্রাজাপত্যং ব্রাহ্মণানাং স্মৃতং স্থানং ক্রিয়াবতাম্ || ১, ৪৯. ২৪ ||
স্থানমৈন্দ্রং ক্ষত্ত্রিয়াণাং সঙ্গ্রামেষ্বপলায়িনাম্ |
বৈশ্যানাং মারুতং স্থানং স্বধরমমনুবর্ততাম্ || ১, ৪৯. ২৫ ||
গান্ধর্বং শূদ্রজাতীনাং পরিচারে চ বর্ততাম্ |
অষ্টাশীতিসহস্রাণামৃষীণামূর্ধ্বরেতসাম্ || ১, ৪৯. ২৬ ||
স্মৃতং তেষাং তু যৎস্থানং তদেব বন (গুরু) বাসিনাম্ |
সপ্তর্ষীণাং তু যৎস্থানং স্থানং তদ্বৈ বনৌকসাম্ || ১, ৪৯. ২৭ ||
যতীনাং যতচিত্তানাং ন্যাসিনামূর্ধ্বরেতসাম্ |
আনন্দং ব্রহ্ম তৎস্থানং যস্মান্নাবর্ততে মুনিঃ || ১, ৪৯. ২৮ ||
যোগিনামমৃতস্থানং ব্যোমাখ্যং পরমাক্ষরম্ |
আনন্দমৈশ্বরং যস্মান্মুক্তো নাবর্ততে নরঃ || ১, ৪৯. ২৯ ||
মুক্তিরষ্টাঙ্গবিজ্ঞানাৎসঙ্ক্ষেপাত্তদ্বদে শৃণু |
যমাঃ পঞ্চ ৎবহিংসাদ্যা অহিংসা প্রাণ্যহিংসনম্ || ১, ৪৯. ৩০ ||
সত্যং ভূতহিতং বাক্যমস্তেয়ং স্বাগ্রহং পরম্ |
অমৈথুনং ব্রহ্মচর্যং সর্বত্যাগোঽপরিগ্রহঃ || ১, ৪৯. ৩১ ||
নিয়মাঃ পঞ্চ সত্যাদ্যা বাহ্মমাভ্যন্তরং দ্বিধা |
শৌচং তুষ্টিশ্চ সন্তোষস্তপশ্চোন্দ্রিয়নিগ্রহঃ || ১, ৪৯. ৩২ ||
স্বাধ্যায়ঃ স্যান্মন্ত্রজাপঃ প্রণিধানং হরের্যজিঃ |
আসনং পদ্মকাদ্যুক্তং প্রাণায়ামো মরুজ্জয়ঃ || ১, ৪৯. ৩৩ ||
মন্ত্রধ্যান তো গর্ভো বিপরীতো হ্যগর্ভকঃ |
এবং দ্বিধা ত্রিধাপ্যুক্তং পুরণাৎপূরকঃ স চ || ১, ৪৯. ৩৪ ||
কুম্ভকো নিশ্চলৎবাচ্চ রেচনাদ্রেচকস্ত্রিধা |
লঘুর্দ্বাদশমাত্রঃ স্যাচ্চতুর্বিংশতিকঃ পরঃ || ১, ৪৯. ৩৫ ||
ষট্ত্রিংশন্মাত্রিকঃ শ্রেষ্ঠঃ প্রত্যাহারশ্চ রোধনম্ |
ব্রহ্মাত্মচিন্তা ধ্যানং স্যাদ্ধারণা মনসো ধৃতিঃ || ১, ৪৯. ৩৬ ||
অহং ব্রহ্মেত্যবস্থানং সমাধির্ব্রহ্মণঃ স্থিতিঃ |
অহমাত্মা পরং ব্রহ্ম সত্যং জ্ঞানমনন্তকম্ || ১, ৪৯. ৩৭ ||
ব্রহ্ম বিজ্ঞানমানন্দঃ স তত্ত্বমসি কেবলম্ |
অহং ব্রহ্মাস্ম্যহং ব্রহ্ম অশরীরমানিন্দ্রিয়ম্ || ১, ৪৯. ৩৮ ||
অহমনোবুদ্ধিমহদহঙ্কারাদিবর্জিতম্ |
জাগ্রৎস্বপ্নসুষুপ্ত্যাদিয়ুক্তজ্যোতিস্তদীয়কম্ || ১, ৪৯. ৩৯ ||
নিত্যং শুদ্ধং বুদ্ধমুক্তং সত্যমানন্দমদ্বয়ম্ |
যোঽসাবাদিত্যপুরুষঃ সোঽসাবহমখণ্ডিতম্ |
ইতি ধ্যায়ন্বিমুচ্যেত্ব্রাহ্মণো ভববন্ধনাৎ || ১, ৪৯. ৪০ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
বর্ণাশ্রমধর্মনিরূপণং নামৈকোনপঞ্চাশত্তমোধ্যায়ঃ

শ্রীগরুডমহাপুরাণম্-৫০
ব্রহ্মোবাচ |
অহন্যহনি যঃ কুর্যাৎক্রিয়াং স জ্ঞানমাপ্নুয়াৎ |
ব্রাহ্মে মুহূর্তে চোত্থায় ধর্মমর্থং চ চিন্তয়েৎ || ১, ৫০. ১ ||
চিন্তয়েদ্ধৃদি পদ্মস্থমানন্দমজরং হরিম্ |
উষঃ কালে তু সম্প্রাপ্তে কৃৎবা চাবশ্যকং বুধঃ || ১, ৫০. ২ ||
স্ত্রায়ান্নদীষু শুদ্ধাসু শৌচং কৃৎবা যথাবিধি |
প্রতঃ স্নানেন পূয়ন্তে যেঽপি পাপকৃতো জনাঃ || ১, ৫০. ৩ ||
তস্মাৎসর্বপ্রয়ত্নেন প্রাতঃ স্নানং সমাচরেৎ |
প্রাতঃ স্নানং প্রশংসন্তি দৃষ্টাদৃষ্টষ্টকরং হি তৎ || ১, ৫০. ৪ ||
সুখাৎসুপ্তস্য সততং লালাদ্যাঃ সংস্ত্রবন্তি হি |
অতো নৈবাচরেৎকর্মাণ্যকৃৎবা স্নানমাদিতঃ || ১, ৫০. ৫ ||
অলক্ষ্মীঃ কালকর্ণো চ দুঃস্বপ্নং দুর্বিচিন্তিতম্ |
প্রতঃ স্নানেন পাপানি ধূয়ন্তে নাত্র সংশয়ঃ || ১, ৫০. ৬ ||
ন চ স্নানং বিনা পুংসাং প্রাশস্ত্যং কর্ম সংস্মৃতম্ |
হোমে জপ্যে বিশেষেণ তস্মাৎস্নানং সমাচরেৎ || ১, ৫০. ৭ ||
অশক্তাবশিরস্কং তু স্নানমস্য বিধীয়তে |
আর্দ্রেণ বাসসা বাপি মার্জনং কায়িকং স্মৃতম্ || ১, ৫০. ৮ ||
ব্রাহ্মমাগ্নেয়মুদ্দিষ্টং বায়ব্যং দিব্যমেব চ |
বারুণং যৌগিকং তদ্বৎষডঙ্গং স্নানমাচরেৎ || ১, ৫০. ৯ ||
ব্রাহ্মং তু মার্জনং মন্ত্রৈঃ কুশৈঃ সোদকবিন্দুভিঃ |
আগ্রেয়ং ভস্মনাঽপাদমস্তকাদ্দেহধূননম্ || ১, ৫০. ১০ ||
গবাং হি রজসা প্রোক্তং বায়ব্যং স্নানমুত্তমম্ |
যত্তু সাতপবর্ষেণ স্নানং তদ্দিব্যমুচ্যতে || ১, ৫০. ১১ ||
বারুণং চাবগাহং চ মানর্স ৎবাত্মবেদনম্ |
যৌগিকং স্নানমাখ্যাতং যোগেন হরিচিন্তনম্ || ১, ৫০. ১২ ||
আত্মতীর্থমিতি খ্যাতং সেবিতং ব্রহ্মবাদিভিঃ |
ক্ষীরবৃক্ষসমুদ্ভূতং মালতীসম্ভবং শুভম্ || ১, ৫০. ১৩ ||
অপামার্গং চ বিল্বং চ করবীরং চ ধাবনে |
উদঙ্মুখঃ প্রাঙ্মুখো বা ভক্ষয়েদ্দন্তধাবনম্ || ১, ৫০. ১৪ ||
প্রক্ষাল্য ভুক্ত্বা তজ্জহ্যাচ্ছুচৌ দেশে সমাহিতঃ |
স্নাৎবা সন্তর্পয়েদ্দেবানৃষীন্পিতৃগণাংস্তথা || ১, ৫০. ১৫ ||
আচম্য বিধিবন্নিত্যং পুনরাচম্য বাগ্যতঃ |
সমার্জ্য মন্ত্রৈ রাত্মানং কুশৈঃ সোদকবিন্দুভৈঃ || ১, ৫০. ১৬ ||
আপোহিষ্ঠাব্যাহৃতিভিঃ সাবিত্র্যা বারুণৈঃ শুভৈঃ |
ওঙ্কারব্যাহৃতিয়ুতাং গায়ত্ত্রীং বেদমাতরম্ || ১, ৫০. ১৭ ||
জপ্ত্বা জলাঞ্জলিং দদ্যাদ্ভারস্করং প্রতি তন্মনাঃ |
প্রাক্কূলেষু ততঃ স্থিৎবা দর্ভেষু সুসমাহিতঃ || ১, ৫০. ১৮ ||
প্রাণায়ামং ততঃ কৃৎবা ধ্যায়েৎসন্ধ্যামিতি শ্রুতিঃ |
যা সন্ধ্যা সা জগৎসূতির্মায়াতীতা হি নিষ্কলা || ১, ৫০. ১৯ ||
ঐশ্বরী কেবলা শক্তিস্তত্ত্বত্রয়সমুদ্ভবা |
ধ্যাৎবা রক্তাং সিতাং কৃষ্ণাং গায়ত্ত্রীং বৈ জপেদ্বুধঃ || ১, ৫০. ২০ ||
প্রাঙ্মুখঃ সততং বিপ্রঃ সন্ধ্যোপাসনমাচরেৎ |
সন্ধ্যাহীনোঽশুচির্নিত্যমনর্হঃ সর্বকর্মসু || ১, ৫০. ২১ ||
যদন্যৎকুরুতে কিঞ্চিন্ন তস্য ফলভাগ্ভবেৎ |
অনন্যচেতসঃ সন্তো ব্রাহ্মণা বেদপারগাঃ || ১, ৫০. ২২ ||
উপাস্য বিধিবৎসন্ধ্যাং প্রাপ্তাঃ পূর্বপরাং গতিম্ |
যোঽন্যত্র কুরুতে যত্নং ধর্ম কার্যে দ্বিজোত্তমঃ || ১, ৫০. ২৩ ||
বিহায় সন্ধ্যাপ্রণতিং স যাতি নরকায়ুতম্ |
তস্মাৎসর্বপ্রয়ত্নেন সন্ধ্যোপাসনমাচরেৎ || ১, ৫০. ২৪ ||
উপাসিতো ভবেত্তেন দেবো যোগতনুঃ পরঃ |
সহস্রপরমাং নিত্যাং শতমধ্যাং দশাবরাম্ || ১, ৫০. ২৫ ||
গায়ত্ত্রীং বৈ জপেদ্বিদ্বান্প্রাঙ্মুখঃ প্রয়তঃ শুচিঃ |
অথোপতিষ্ঠেদাদিত্যমুদয়স্থং সমাহিতঃ || ১, ৫০. ২৬ ||
মন্ত্রৈস্তু বিবিধৈঃ সৌরৈঃ ঋগ্যজুঃসামসঞ্জ্ঞিতৈঃ |
উপস্থায় মহায়োগং দেবদেবং দিবাকরম্ || ১, ৫০. ২৭ ||
কুর্বীত প্রণতিং ভূমৌ মূর্ধানমভিমন্ত্রিতঃ |
ওঁ খখোল্কায় শান্তায় কারণত্রয়হেতবে || ১, ৫০. ২৮ ||
নিবেদয়ামি চাত্মানং নমস্তে জ্ঞানরূপিণে |
ৎবমেব ব্রহ্ম পরমমাপো জ্যোতী রসোঽমৃতম্ || ১, ৫০. ২৯ ||
ভূর্ভুবঃ স্বস্ত্বমোঙ্কারঃ সর্বো রুদ্রঃ সনাতনঃ |
এতদ্বৈ সূর্যহৃদয়ং জপ্ত্বা স্তবনমুত্তমম্ || ১, ৫০. ৩০ ||
প্রাতঃ কালে চ মধ্যাহ্নে নমস্কুর্যাদ্দিবাকরম্ |
অথাগম্য গৃহং বিপ্রঃ (পশ্চাৎ) সমাচম্য যথাবিধি || ১, ৫০. ৩১ ||
প্রজ্বাল্য বহ্নিং বিধিবজ্জুহুয়াজ্জাতবেদসম্ |
ঋৎবিক্পুত্রোঽথ পত্নী বা শিষ্যো বাপি সহোদরঃ || ১, ৫০. ৩২ ||
প্রাপ্যানুজ্ঞাং বিশেষেণ জুহুয়াদ্বা যথাবিধি |
বিনা ম (ত) ন্ত্রেণ যৎকর্ম নামুত্রেহ ফলপ্রদম্ || ১, ৫০. ৩৩ ||
দৈবতানি নমস্কুর্যাদুপহারান্নিবেদয়েৎ |
গুরুং চৈবাপ্যুপাসীত হিতং চাস্য সমাচরেৎ || ১, ৫০. ৩৪ ||
বেদাভ্যাসং ততঃ কুর্যাৎপ্রয়ত্নাচ্ছক্তিতো দ্বিজঃ |
জপেদ্বাধ্যাপয়েচ্ছিষ্যান্ধারয়েদ্বৈ বিচারয়েৎ || ১, ৫০. ৩৫ ||
অবেক্ষেত চ শাস্ত্রাণি ধর্মাদীনি দ্বিজোত্তমঃ |
বৈদিকাংশ্চৈব নিগমান্বেদাঙ্গানি চ সর্বশঃ || ১, ৫০. ৩৬ ||
উপয়াদীশ্বরং চৈব যোগক্ষেমপ্রাসিদ্ধয়ে |
সাধয়েদ্বিবিধানর্থান্কুটুম্বার্থং ততো দ্বিজঃ || ১, ৫০. ৩৭ ||
ততো মধ্যাহ্নসময়ে স্নানার্থং মৃদমাহরেৎ |
পুষ্পাক্ষতাংস্তিলকুশান্গোময়ং শুদ্ধমেব চ || ১, ৫০. ৩৮ ||
নদীষু দেবখাতেষু তডাগেষু সরঃ সু চ |
স্নানং সমাচরেন্নৈব পরকীয়ে কদাচন || ১, ৫০. ৩৯ ||
পঞ্চ পিণ্ডাননুদ্ধৃত্য স্নানং দুষ্যন্তি নিত্যশঃ |
মৃদৈকয়া শিরঃ ক্ষাল্যং দ্বাভ্যাং নাভেস্তথোপরি || ১, ৫০. ৪০ ||
অধশ্চ তিসৃভিঃ ক্ষাল্যং পাদৌ ষট্ভিস্তথৈব চ |
মৃত্তিকা চ সমুদ্দিষ্টা বৃদ্ধামলকমাত্নিকা || ১, ৫০. ৪১ ||
গোময়স্য প্রমাণং তু তেনাঙ্গং লেপয়েত্ততঃ |
প্রক্ষাল্যাচম্য বিধিবত্ততঃ স্নায়াৎসমাহিতঃ || ১, ৫০. ৪২ ||
লেপয়িৎবা তু তীরস্থস্তল্লিঙ্গৈরেব মন্ত্রতঃ |
অভিমন্ত্র্য জলং মন্ত্রৈরালিঙ্গৈর্বারুণৈঃ শুভৈঃ || ১, ৫০. ৪৩ ||
ত্নানকালে স্মরেদ্বিষ্ণমাপো নারায়ণো যতঃ |
প্রেক্ষ্য ওঙ্কারমাদিত্যং ত্রির্নিমজ্জেজ্জলাশয়ে || ১, ৫০. ৪৪ ||
আচান্তঃ পুনরাচামেন্মন্ত্রেণানেন মন্ত্রবিৎ |
অন্তশ্চরসি ভূতেষু গুহায়াং বিশ্বতোমুখঃ || ১, ৫০. ৪৫ ||
ৎবং যজ্ঞস্ত্বং বষট্কার আপো জ্যোতী রসোঽমৃতম্ |
দ্রুপদাং বা ত্রিরভ্যস্যেব্দ্যাহৃতিপ্রণবান্বিতাম্ || ১, ৫০. ৪৬ ||
সাবিত্রীং বা জপে দ্বিদ্বাংস্তথা চৈবাঘমর্ষণম্ |
ততঃ সমার্জনং কুর্যাদাপোহিষ্ঠাময়োভুবঃ || ১, ৫০. ৪৭ ||
ইদমাপঃ প্রবহতব্যাহৃতিভিস্তথৈব চ |
ততোঽভিমন্ত্রিতং তোপমাপো হিষ্ঠাদিমন্ত্রকৈঃ || ১, ৫০. ৪৮ ||
অন্তর্জলমবাঙ্মগ্নো জপেত্ত্রিরঘমর্ষণম্ |
দ্রুপদাং বাথ সাবিত্ররিং তদ্বিষ্ণোঃ পরমং পদম্ || ১, ৫০. ৪৯ ||
আবর্তয়েদ্বা প্রণবং দেবদেবং রমরেদ্ধরিম্ |
অপঃ পাণৌ সমাদায় জপ্ত্বা বৈ মার্জনে কৃতে || ১, ৫০. ৫০ ||
বিন্যস্য মূর্ধ্নি তত্তোয়ং মুচ্যতে সর্বপাতকৈঃ |
সন্ধ্যামুপাস্য চাচম্য সংস্মরেন্নিত্যমীশ্বরম্ || ১, ৫০. ৫১ ||
অথোপতিষ্ঠেদাদিত্যমূর্ধ্বপুষ্পান্বিতাঞ্জলিম্ |
প্রক্ষিপ্যালোকয়েদ্দেবমুদয়ন্তং ন শক্যতে || ১, ৫০. ৫২ ||
উদুত্যং চিত্রমিত্যেবং তচ্চক্ষুরিতি মন্ত্রতঃ |
হংসঃ শুচিষদেতেন সাবিত্র্যা চ বিশেষতঃ || ১, ৫০. ৫৩ ||
অন্যৈঃ সৌরৈর্বৈদিকৈশ্চ গায়ত্ত্রীং চ ততো জপেৎ |
মন্ত্রাংশ্চ বিবিধান্পশ্চাৎপ্রাক্কূলে চ কশাসনে || ১, ৫০. ৫৪ ||
তিষ্ঠংশ্চ বীক্ষ্যমাণোর্ঽকং জপং কুর্যাৎসমাহিতঃ |
স্ফটিকাব্জাক্ষরুদ্রাক্ষৈঃ পুত্রজীবসমুদ্ভবৈঃ || ১, ৫০. ৫৫ ||
কর্তব্যা ৎবক্ষালা স্যাদন্তরা তত্র সা স্মৃতা |
যদি স্যাৎক্লিন্নবাসা বৈ বারিমধ্যগতশ্চরেৎ || ১, ৫০. ৫৬ ||
অন্যথা চ শুচৌ ভূম্যাং দর্ভেষু চ সমাহিতঃ |
প্রদক্ষিণং সমাবৃত্য নমস্কৃত্য ততঃ ক্ষিতৌ || ১, ৫০. ৫৭ ||
আচম্য চ যথাশাস্ত্রং শক্ত্যা স্বাধ্যায়মাচরেৎ |
ততঃ সন্তর্পয়েদ্দেবানৃষীন্পিতৃগণাংস্তথা || ১, ৫০. ৫৮ ||
আদাবোঙ্কারমুচ্চার্য নমোঽন্তে তর্পয়ামি চ |
দেবান্ব্রহ্মঋষীংশ্চৈব তর্পয়েদক্ষতোদকৈঃ || ১, ৫০. ৫৯ ||
পিৎৠন্দেবান্মুনীন্ভক্ত্যা স্বসূত্রোক্তবিধানতঃ || ১, ৫০. ৬০ ||
দেবর্ষোংস্তর্পয়েদ্ধীমানুদকাঞ্জলিভিঃ পিৎৠৎ |
যজ্ঞোপবীতী দেবানাং নিবীতী ঋষিতর্পণে || ১, ৫০. ৬১ ||
প্রাচীনাবীতী পিত্র্যে তু তেন তীর্থেন ভারত |
নিষ্পীড্য স্নানবস্ত্রং বৈ সমাচম্য চ বাগ্যতঃ || ১, ৫০. ৬২ ||
স্বৈর্মন্ত্রৈরর্চয়েদ্দেবান্পুষ্পৈঃ পত্রৈস্তথাম্বুভিঃ |
ব্রহ্মাণং শঙ্করং সূর্যং তথৈব মধুসূদনম্ || ১, ৫০. ৬৩ ||
অন্যাংশ্চাভিমতান্দেবান্ভক্ত্যা চাক্রোধনো হর ! |
প্রদদ্যাদ্বাথ পুষ্পাদি সূক্তেন পুরুষেণ তু || ১, ৫০. ৬৪ ||
আপো বা দেবতাঃ সর্বাস্তেন সম্যক্সমর্চিতাঃ |
ধ্যাৎবা প্রণবপূর্বং বৈ দেবং বারিসমাহিতঃ || ১, ৫০. ৬৫ ||
নমস্কারেণ পুষাপাণি বিন্যসেদ্বৈ পৃথক্পৃথক্ |
নর্তে হ্যারাধনাৎপুণ্যং বিদ্যতে কর্ম বৈদিকম্ || ১, ৫০. ৬৬ ||
তস্মাত্তত্রাদিমধ্যান্তে চেতসা ধারয়েদ্ধরিম্ |
তদ্বিষ্ণোরিতি মন্ত্রেণ সূক্তেন পুরুষেণ তু || ১, ৫০. ৬৭ ||
নিবেদয়েচ্চ আত্মানং বিষ্ণবেঽমলতেজসে |
তদাধ্যাত্মমনাঃ শান্তস্তদ্বিষ্ণোরিতি মন্ত্রতঃ || ১, ৫০. ৬৮ ||
অপ্রেতে সশিরা বেতিয়জেৎবা পুষ্পকে হরিম্ |
দেবয়জ্ঞং পিতৃয়জ্ঞং তথৈব চ |
মানুষং ব্রহ্ময়জ্ঞং চ পঞ্চ যজ্ঞান্সমাচরেৎ || ১, ৫০. ৬৯ ||
যদি স্যাত্তর্পণাদর্বাগ্ব্রয়জ্ঞং কুতো ভবেৎ |
কৃৎবা মনুষ্যয়জ্ঞং বৈ ততঃ স্বাধ্যায়মাচরেৎ || ১, ৫০. ৭০ ||
বৈশ্বদেবস্তু কর্তব্যো দেবয়জ্ঞঃ স তু স্মৃতঃ |
ভূতয়জ্ঞঃৃ স বৈ জ্ঞেয়ো ভূতেভ্যো যস্ত্বয়ং বলিঃ || ১, ৫০. ৭১ ||
শ্বভ্যশ্চ শ্বপচেভ্যশ্চ পতিতাদিভ্য এব চ |
দদ্যাদ্ভূমৌ বহিস্ত্বন্নং পক্ষিভ্যশ্চ দ্বিজোত্তমঃ || ১, ৫০. ৭২ ||
একং তু ভোজয়েদ্বিপ্রং পিৎৠনুদ্দিশ্য সত্তমাঃ |
নিত্যশ্রাদ্ধং তদুদ্দিশ্য পিতৃয়জ্ঞো গতিপ্রদঃ || ১, ৫০. ৭৩ ||
উদ্ধৃত্য বা যথাশক্তি কিঞ্চিদন্নং সমাহিতঃ |
বেদতত্ত্বার্থবিদুষে দ্বিজায়ৈবোপপাদয়েৎ || ১, ৫০. ৭৪ ||
পূজয়েদতিথিং নিত্যং নমস্যেদর্চয়োদ্দ্বিজম্ |
মনোবাক্কর্মভিঃ শান্তং স্বাগতৈঃ স্বগৃহং ততঃ || ১, ৫০. ৭৫ ||
ভিক্ষামাহুর্গ্রাসমাত্রমন্নং তৎস্যাচ্চতুর্গুণম্ |
পুষ্কলং হন্তকারং তু তচ্চতুর্গুণমুচ্যতে || ১, ৫০. ৭৬ ||
গোদোহমাত্রকালং বৈ প্রতীক্ষ্যো হ্যতিথিঃ স্বয়ম্ |
অভ্যাগতান্যথাশক্তি পূজয়েদতিথিং তথা || ১, ৫০. ৭৭ ||
ভিক্ষাং বৈ ভিক্ষবে দদ্যাদ্বিধিবদ্ব্রহ্যচারিণে |
দদ্যাদন্নং যথাশক্তি অর্থিভ্যো লোভবর্জিতঃ || ১, ৫০. ৭৮ ||
ভুঞ্জতি বন্ধুভিঃ সার্ধং বাগ্যতোঽন্নমকুৎসয়ন্ |
অকৃৎবা তু দ্বিজঃ পঞ্চ মহায়জ্ঞান্দ্বিজোত্তমঃ || ১, ৫০. ৭৯ ||
ভুঞ্জতে চেৎস মূঢাত্মা তির্যগ্যোনিং চ গচ্ছতি |
বেদাভ্যাসোঽন্বহং শক্ত্যা মহায়জ্ঞক্রিয়াক্ষমাঃ || ১, ৫০. ৮০ ||
নাশয়ন্ত্যাশু পাপানি দেবানামর্চনং তথা |
যো মোহাদথ বালস্যাদকৃৎবা দেবতার্চনম্ || ১, ৫০. ৮১ ||
ভুঙ্ক্তে স যাতি নরকান্ত্সূঙ্করেষ্বেব জায়তে |
অশৌচং সম্প্রবক্ষ্যামি অশুচিঃ পাতকী সদা || ১, ৫০. ৮২ ||
অশৌচং চৈব সংসর্গাচ্ছুদ্ধিঃ সংসর্গবর্জনাৎ |
দশাহং প্রাহুরাশৌচং সর্বেবিপ্রা বিপশ্চিতঃ || ১, ৫০. ৮৩ ||
মৃতেষু বাথ জাতেষু ব্রাহ্মণানাং দ্বিজোত্তম |
আদন্তজননাৎসদ্য আচূডাদেকরাত্রকম্ || ১, ৫০. ৮৪ ||
ত্রিরাত্রমৌপনয়নাদ্দশরাত্রমতঃ পরম্ |
ক্ষত্ত্রিয়ো দ্বাদশহেন দশভিঃ পঞ্চভির্বিশঃ || ১, ৫০. ৮৫ ||
শুধ্যেন্মাসেন বৈ শূদ্রো যতীনাং নাস্তি পাতকম্ |
রাত্রিভির্মাসতুল্যাভির্গর্ভস্ত্রাবেষু শৌচকম্ || ১, ৫০. ৮৬ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
নিত্যকর্মাশৌচয়োর্নিরূপণং নাম পঞ্চাশত্তমোঽধ্যায়ঃ