১.০৪ গরুডপুরাণ (অধ্যায় ৩১-৪০)

শ্রী গরুডমহাপুরাণম্-৩১
রুদ্র উবাচ |
ভূয় এবং জগন্নাথ পূজাং কথয় মে প্রভো |
যয়া তরেয়ং সংসারসাগরং হ্যতিদুস্তরম্ || ১, ৩১. ১ ||
হরিরুবাচ |
অর্চনং বিষ্ণুদেবস্য বক্ষ্যামি বৃষভধ্বজ |
তচ্ছৃণুষ্ব মহাভাগ ভুক্তিমুক্তিপ্রদং শুভম্ || ১, ৩১. ২ ||
কৃৎবা স্নানং ততঃ সন্ধ্যাং ততো যাগগৃহং ব্রজেৎ |
প্রক্ষাল্য পাণী পাদৌ চ আচম্য চ বিশেষতঃ || ১, ৩১. ৩ ||
মূলমন্ত্রং সমস্তং তু হস্তয়োর্ব্যাপকং ন্যসেৎ |
মূলমন্ত্রং চ দেবস্য শৃণু রুদ্র বদামি তে || ১, ৩১. ৪ ||
ওঁ শ্রীং হ্রীং শ্রীধরায় বিষ্ণবে নমঃ |
অয়ং মন্ত্রঃ সুরেশস্য বিষ্ণোরীশস্য বাচকঃ || ১, ৩১. ৫ ||
সর্বব্যাধিহরশ্চৈব সর্বগ্রহহরস্তথা |
সর্বপাপহরশ্চৈব বুক্তিমুক্তিপ্রদায়কঃ || ১, ৩১. ৬ ||
অঙ্গন্যাসং ততঃ কুয়্যান্দেভির্মন্ত্রৌর্বিচক্ষণঃ |
ওঁ হাং হৃদয়ায় নমঃ |
ওঁ হীং শিরসে স্বাহা |
ওঁ হূং শিখায়ৈ বষট্ |
ওঁ হৈং কবচায় হুং |
ওঁ হৌং নেত্রত্রয়ায় বৌষট্ |
ওঁ হঃ অস্ত্রায় ফট্ || ১, ৩১. ৭ ||
ইতি মন্ত্রঃ সমাখ্যাতো ময়া তে প্রভবিষ্ণুনা |
ন্যাসং কৃৎবাত্মনো মুদ্রাং দর্শয়েদ্বিজিতাত্মবান্ || ১, ৩১. ৮ ||
ততো ধ্যায়েৎপরং বিষ্ণু ৎদৃৎকোটরসমাশ্রিতম্ |
শঙ্খচক্রসমায়ুক্তং কুন্দেন্দুধবলং হরিম্ || ১, ৩১. ৯ ||
শ্রীবৎসকৌস্তুভয়ুতং বনমালাসমন্বিতম্ |
রত্নহারকিরীটেন সংযুক্তং পরমেশ্বরম্ || ১, ৩১. ১০ ||
অহং বিষ্ণুরিতি ধ্যাৎবা কৃৎবা বৈ শোধনাদিকম্ |
যং ক্ষৈং রমিতি বীজৈশ্চ কঠিনী কৃত্য নামভিঃ || ১, ৩১. ১১ ||
অণ্ডমুৎপাদ্য চ ততঃ প্রণবেনৈব ভেদয়েৎ |
তত্র পূর্বোক্তরূপং তু ভাবয়িৎবা বৃষধ্বজ || ১, ৩১. ১২ ||
আত্মপূজাং ততঃ কুর্যাদ্রন্ধপুষ্পাদিভিঃ শুভৈঃ |
আবাহ্য পূজয়েৎসর্বা দেবতা আসনস্য যাঃ || ১, ৩১. ১৩ ||
মন্ত্রৈরেভির্মহাদেব তন্মন্ত্রং শৃণু শঙ্কর |
বিষ্ণবাসনদেবতা আগচ্ছত || ১, ৩১. ১৪ ||
ওঁ সমস্তপরিবারায়াচ্যুতায় নমঃ |
ওঁ ধাত্রে নমঃ |
ওঁ বিধাত্রে নমঃ |
ওঁ গঙ্গায়ৈ নমঃ |
ওঁ যমুনায়ৈ নমঃ |
ওঁ শঙ্খনিধয়ে নমঃ |
ওঁ পদ্মনিধয়ে নমঃ |
ওঁ চণ্ডায় নমঃ |
ওঁ প্রচণ্ডায় নমঃ |
ওঁ দ্বারশ্রিয়ৈ নমঃ |
ওঁ আধারশক্ত্যৈ নমঃ |
ওঁ কূর্মায় নমঃ |
ওঁ অনন্তায় নমঃ |
ওঁ শ্রিয়ৈ নমঃ |
ওঁ ধর্মায় নমঃ |
ওঁ জ্ঞানায় নমঃ |
ওঁ বৈরাগ্যায় নমঃ |
ওঁ ঐশ্বর্যায় নমঃ |
ওঁ অধর্মায় নমঃ |
ওঁ অজ্ঞানায় নমঃ |
ওঁ অবৈরাগ্যায় নমঃ |
ওঁ অনৈশ্বর্যায় নমঃ |
ওঁ সং সত্ত্বায় নমঃ |
ওঁ রং রজসে নমঃ |
ওঁ তং তমসে নমঃ |
ওঁ কং কন্দায় নমঃ |
ওঁ নং নালায় নমঃ |
ওঁ লাং পদ্মায় নমঃ |
ওঁ অং অর্কমণ্ডলায় নমঃ |
ওঁ সোং সোমমণ্ডলায় নমঃ |
ওঁ বং বহ্নিমণ্ডলায় নমঃ |
ওঁ বিমলায়ৈ নমঃ |
ওঁ উৎকর্ষিণ্যৈ নমঃ |
ওঁ জ্ঞানায়ৈ নমঃ |
ওঁ ক্রিয়ায়ৈ নমঃ |
ওঁ যোগায়ৈ নমঃ |
ওঁ প্রহ্ব্যৈ নমঃ |
ওঁ সত্যায়ৈ নমঃ |
ওঁ ঈশানায়ৈ নমঃ |
ওঁ অনুগ্রহায়ৈ নমঃ || ১, ৩১. ১৫ ||
গন্ধপুষ্পাদিভিস্ত্বেতৈর্মন্ত্রৈরেতাস্তু পূজয়েৎ |
পূজয়িৎবা ততো বিষ্ণুং সৃষ্টিসংহারকারিণম্ || ১, ৩১. ১৬ ||
আবাহ্য মণ্ডলে রুদ্র পূজয়েৎপ রমেশ্বরম্ |
অনেন বিধিনা রুদ্র সর্বপাপহরং পরম্ || ১, ৩১. ১৭ ||
যথাত্মনি তথা দেবে ন্যাসং কুর্বীত চাদিতঃ |
মুদ্রাং প্রদর্শয়েৎপশ্চাদর্ঘ্যাদীনর্পয়েত্ততঃ || ১, ৩১. ১৮ ||
স্নানাং কুর্যাত্ততো বস্ত্রং দদ্যাদাচমনং ততঃ |
গন্ধপুষ্পং তথা ধূপং দীপং দদ্যাচ্চরুং ততঃ || ১, ৩১. ১৯ ||
প্রদক্ষিণং ততো জপ্যং ততস্তস্মিন্সর্পয়েৎ |
অঙ্গাদীনাং স্বমন্ত্রৈশ্চ পূজাং কুর্বীত সাধকঃ || ১, ৩১. ২০ ||
দেবস্য মূলমন্ত্রেণেত্যেবং বিদ্ধি বৃষধ্বজ |
মন্ত্রাঞ্ছৃণু ত্রিনেত্র ৎবং কথ্যমানান্ময়াধুনা || ১, ৩১. ২১ ||
ওঁ হাং হৃদয়ায় নমঃ |
ওঁ হীং শিরসে নমঃ |
ওঁ হূং শিখায়ৈ নমঃ |
ওঁ হৈং কবচায় নমঃ |
ওঁ হৌং নেত্রত্রয়ায় নমঃ |
ওঁ হঃ অস্ত্রায় নমঃ |
ওঁ শ্রিয়ৈ নমঃ |
ওঁ শঙ্কায় নমঃ |
ওঁ পদ্মায় নমঃ |
ওঁ চক্রায় নমঃ |
ওঁ গদায়ৈনমঃ |
ওঁ শ্রীবৎসায় নমঃ |
ওঁ কৌস্তুভায় নমঃ |
ওঁ বনমালায়ৈ নমঃ |
ওঁ পীতাম্বরায় নমঃ |
ওঁ খড্গায় নমঃ |
ওঁ মুসলায় নমঃ |
ওঁ পাশায় নমঃ |
ওঁ অঙ্কুশায় নমঃ |
শার্ঙ্গায় নমঃ |
ওঁ শরায় নমঃ |
ওঁ ব্রহ্মণে নমঃ |
ওঁ নারাদায় নমঃ |
ওঁ পূর্বসিদ্ধেভ্যো নমঃ |
ওঁ ভাগবতেভ্যো নমঃ |
ওঁ গুরুভ্যো নমঃ |
ওঁ পরমগুরুভ্যো নমঃ |
ওঁ ইন্দ্রায় সুরাধিপতয়ে সবাহনপরিবারায় নমঃ |
ওঁ অগ্নয়ে তেজোঽধিপতয়ে সবাহনপরিবারায় নমঃ |
ওঁ যমায় প্রেতাধিপতয়ে সবাহনপরিবারায় নমঃ |
ওঁ নিরৃতয়ে রক্ষোঽধিপতয়ে সবাহনপরিবারায় নমঃ |
ওঁ বরুণায় জলাধিপতয়ে সবাদনপরিবারায় নমঃ |
ওঁ বায়বে প্রাণাধিপতয়ে সবাহনপরিবারায় নমঃ |
ওঁ সোমায় নক্ষত্রাধিপতয়ে সবাহনপরিবারায় নমঃ |
ওঁ ঈশানায় বিদ্যাধিপতয়ে সবাহনপরিবারায় নমঃ |
ওঁ অনন্তায় নাগাধিপতয়ে সবাহনপরিবারায় নমঃ |
ওঁ ব্রহ্মণে লোকাধিপতয়ে সবাহনপরিবারায় নমঃ |
ওঁ বজ্রায় হুং ফট্নমঃ |
ওঁ শক্ত্যৈ হুং ফট্নমঃ |
ওঁ দণ্ডায় হুং ফট্নমঃ |
ওঁ খড্গায় হুং ফট্নমঃ |
ওঁ পাশায় হুং ফট্নমঃ |
ওঁ ধ্বজায় হুং ফট্নমঃ |
ওঁ গদায়ৈ হুং ফট্নমঃ |
ওঁ ত্রিশূলায় হুং ফট্নমঃ |
ওঁ চক্রায় হুং ফট্নমঃ |
ওঁ পদ্মায় হুং ফট্নমঃ |
ওঁ বৈং বিষ্বক্সেনায় নমঃ || ১, ৩১. ২২ ||
এভিমন্ত্রৈর্মহাদেব পূজ্যা অঙ্গাদয়ো নরৈঃ |
পূজয়িৎবা মহাত্মানং বিষ্ণুং ব্রহ্মস্বরূপিণম্ || ১, ৩১. ২৩ ||
স্তুবীত চানয়া স্তুত্যা পরমাত্মানমব্যয়ম্ |
বিষ্ণবে দেবদেবায় নমো বৈ প্রভবিষ্ণবে || ১, ৩১. ২৪ ||
বিষ্ণবে বাসুদেবায় নমঃ স্থিতিকরায় চ |
গ্রসিষ্ণবে নমশ্চৈব নমঃ প্রলয়শায়িনে || ১, ৩১. ২৫ ||
দেবানাং প্রভবে চৈব যজ্ঞানাং প্রভবে নমঃ |
মুনীনাং প্রভবে নিত্যং যক্ষাণাং প্রভবিষ্ণবে || ১, ৩১. ২৬ ||
জিষ্ণবে সর্বদেবানাং সর্বগায় মহাত্মনে |
ব্রহ্মেন্দ্ররুদ্রবন্দ্যায় সর্বেশায় নমোনমঃ || ১, ৩১. ২৭ ||
সর্বলোকহিতার্থায় লোকাধ্যক্ষায় বৈ নমঃ |
সর্বগোপ্ত্রে সর্বকর্ত্রে সর্বদুষ্টবিনাশিনে || ১, ৩১. ২৮ ||
বরপ্রদায় শান্তায় বরেণ্যায় নমোনমঃ |
শরণ্যায় সুরূপায় ধর্মকামার্থদায়িনে || ১, ৩১. ২৯ ||
স্তুৎবা ধ্যায়েৎস্বহৃদয়ে ব্রহ্মরূপিণমব্যয়ম্ |
এলং তু পূজয়েদ্বিষ্ণুং মূলমন্ত্রেণ শঙ্কর || ১, ৩১. ৩০ ||
মূলমন্ত্রং জপেদ্বাপি যঃ স যাতি নরো হরিম্ |
এতত্তে কথিতং রুদ্র বিষ্ণোরর্চনমুত্তমম্ || ১, ৩১. ৩১ ||
রহস্যং পরমং গুহ্যং ভুক্তিমুক্তিপ্রদং পরম্ |
এতদ্যশ্চ পঠেদ্বিদ্বান্বিষ্ণুভক্তঃ পুমান্হর |
শৃণুয়াচ্ছ্রাবয়েদ্বাপি বিষ্ণুলোকং স গচ্ছতি || ১, ৩১. ৩২ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
বিষ্ণুপূজাবিধির্নামৈকত্রিংশোধ্যায়ঃ

শ্রীগরুডমহাপুরাণম্-৩২
মহেশ্বর উবাচ |
পঞ্চতত্ত্বার্চনং ব্রূহি শঙ্খচক্রগদাধর |
যেন বিজ্ঞানমাত্রেণ নরো যাতি পরং পদম্ || ১, ৩২. ১ ||
হরিরুবাচ |
পঞ্চতত্ত্বার্চনং বক্ষ্যে তব শঙ্কর সুব্রত |
মঙ্গল্যং মঙ্গলং দিব্যং রহস্যং কামদং পরম্ || ১, ৩২. ২ ||
তচ্ছৃণুষ্ব মহাদেব পবিত্রং কলিনাশনম্ |
এক এবাব্যয়ঃ শান্তঃ পরমাত্মা সনাতনঃ || ১, ৩২. ৩ ||
বাসুদেবো ধ্রুবঃ শুদ্ধঃ সর্বব্যাপী নিরঞ্জনঃ |
স এব মায়ায়া দেব পঞ্চধা সংস্থিতো হরিঃ || ১, ৩২. ৪ ||
লোকানুগ্রহকৃদ্বিষ্ণুঃ সর্বদুষ্টবিনাশনঃ |
বাসুদেবস্বরূপেণ তথা সঙ্কর্ষণেন চ || ১, ৩২. ৫ ||
তথা প্রদ্যুম্নরূপেণানিরুদ্ধাখ্যেন চ স্থিতঃ |
নারায়ণস্বরূপেণ পঞ্চধা হ্যদ্বয়ঃ স্থিতঃ || ১, ৩২. ৬ ||
এতেষাং বাচকান্মন্ত্রানেতাঞ্ছৃণু বৃষধ্বজ ! |
ওঁ অং বাসুদেবায় নমঃ |
ওঁ আং সঙ্কর্ষণায় নমঃ |
ওঁ অং প্রদ্যুম্নায় নমঃ |
ওঁ অনিরুদ্ধায় নমঃ |
ওঁ ওঁ নারায়ণায় নমঃ || ১, ৩২. ৭ ||
পঞ্চ মন্ত্রাঃ সমাখ্যাতা দেবানাং বাচকাস্তব |
সর্বপাপহরাঃ পুণ্যাঃ সর্বরোগবিনাশনাঃ || ১, ৩২. ৮ ||
অধুনা সম্প্রবক্ষ্যামি পঞ্চতত্ত্বার্চনং শুভম্ |
বিধিনা যেন কর্তব্যং যৈর্বা মন্ত্রৈশ্চ শঙ্কর ! || ১, ৩২. ৯ ||
আদৌ স্নানং প্রকুর্বীত স্নাৎবা সন্ধ্যাং সমাচরেৎ |
অর্চনাগারমাসাদ্য প্রক্ষাল্যার্ঙ্ঘ্যাদিকং তথা || ১, ৩২. ১০ ||
আচম্যোপবিশেৎপ্রাজ্ঞো বদ্ধাসনমভীপ্সিতম্ |
শোষণাদি ততঃ কুর্যাদং ক্ষৈং রমিতি মন্ত্রকৈঃ || ১, ৩২. ১১ ||
সামান্যং কঠিনীকৃত্য চাণ্ডমুৎপাদয়েত্ততঃ |
বিভিদ্যাণ্ডং ততো হ্যণ্ডে ভাবয়েৎপরমেশ্বরম্ || ১, ৩২. ১২ ||
বাসুদেবং জগন্নাথং পীতকৌশেয়বাসসম্ |
সহস্রাদিত্যসঙ্কাশং স্ফুরন্মকরকুণ্ডলম্ || ১, ৩২. ১৩ ||
আত্মনো হৃদি পদ্মে তু ধ্যায়েত্তু পরমেশ্বরম্ |
ততঃ সঙ্কর্ষণং দেবমাত্মানং চিন্তয়েৎপ্রভুম্ || ১, ৩২. ১৪ ||
প্রদ্যুম্নমনিরুদ্ধং চ শ্রীমন্নারায়ণং ততঃ |
ইন্দ্রাদীংশ্চ সুরাংস্তস্মাদ্দেবদেবাৎসমুত্থিতান্ || ১, ৩২. ১৫ ||
চিন্তয়েচ্চ ততো ন্যাসং কয়্যান্দ্বৈ কারয়োর্দ্বয়োঃ |
ব্যাপকং মূলমন্ত্রেণ চাঙ্গন্যাসং ততঃ পরম্ || ১, ৩২. ১৬ ||
অঙ্গমন্ত্রৈর্মহাদেব ! তান্মন্ত্রাঞ্শৃণু সুব্রত ! |
ওঁ আং হৃদয়ায় নমঃ |
ওঁ ঈং শিরসে নমঃ |
ওঁ ঊং শিখায়ৈ নমঃ |
ওঁ ঐং কবচায় নমঃ |
ওঁ ঔং নেত্রত্রয়ায় নমঃ |
ওঁ অঃ অস্ত্রায় ফট্ || ১, ৩২. ১৭ ||
ওঁ সমস্তপরিবারায়াচ্যুতায় নমঃ |
ওঁ ধাত্রে নমঃ |
ওঁ বিধাত্রে নমঃ |
ওঁ আধারশক্তয়ৈ নমঃ |
ওঁ কূর্মায় নমঃ |
ওঁ অনন্তায় নমঃ |
ওঁ পৃথিব্যৈনমঃ |
ওঁ ধর্মায় নমঃ |
ওঁ ধর্মায় নমঃ |
ওঁ জ্ঞানায় নমঃ |
ওঁ বৈরাগ্যায় নমঃ |
ওঁ ঐশ্বর্যায় নমঃ |
ওঁ অজ্ঞানায় নমঃ |
ওঁ অনৈশ্বর্যায় নমঃ |
ওঁ অং অর্কমণ্ডলায় নমঃ |
ওঁ সোং সোমমণাডলায় নমঃ |
ওঁ বং বহ্নিমণ্ডলায় নমঃ |
ওঁ বং বাসুদেবায় পরব্রহ্মণে শিবায় তেজোরূপায় ব্যাপিনে সর্বদেবাধিদেবায় নমঃ |
ওঁ পাঞ্চজন্যায় নমঃ |
ওঁ সুদর্শবনায় নমঃ |
ওঁ গদায়ৈ নমঃ |
ওঁ পদ্মায় নমঃ |
ওঁ শ্রিয়ৈ নমঃ |
ওঁ হ্রিয়ৈ নমঃ |
ওঁ পুষ্ট্যৈ নমঃ |
ওঁ গীত্যৈ নমঃ |
ওঁ শক্ত্যৈ নমঃ |
ওঁ প্রীত্যৈ নমঃ |
ওঁ ইন্দ্রায় নমঃ |
ওঁ অগ্নয়ে নমঃ |
ওঁ যমায় নমঃ |
ওঁ নিরৃতয়ে নমঃ |
ওঁ বরুণায় নমঃ |
ওঁ বায়বে নমঃ |
ওঁ সোমায় নমঃ |
ওঁ ঈশানায় নমঃ |
ওঁ অনন্তায় নমঃ |
ওঁ ব্রহ্মণে নমঃ |
ওঁ বিষ্বক্সেনায় নমঃ || ১, ৩২. ১৮ ||
এতে মন্ত্রাঃ সমাখ্যাতাস্তব রুদ্র সমাসতঃ |
পূজা চৈব প্রকর্তব্যা মণ্ডলে স্বস্তিকাদিকে || ১, ৩২. ১৯ ||
ওঁ পদ্মায় নমঃ |
অঙ্গন্যাসং চ কৃৎবা তু মুদ্রাঃ সর্বাঃ প্রদশয়ৎ |
আত্মানং বাসুদেবং চ ধ্যাৎবা চৈব পরেশ্বরম্ || ১, ৩২. ২০ ||
আসনং পূজয়েৎপশ্চাদাবাহ্য বিধিবন্নরঃ |
দ্বারে ধাতুর্বিধাতুশ্চ পূজা কার্যা বৃষধ্বজ || ১, ৩২. ২১ ||
গরুডং পূজয়েদগ্রে বাসুদেবস্য শঙ্কর |
শঙ্খাদিপদ্মপর্যন্তং মধ্যদেশে প্রপূজয়েৎ || ১, ৩২. ২২ ||
ধর্মং জ্ঞানং চ বৈরাগ্যমৈশ্বর্যং পূর্বদেশতঃ |
আগ্নেয়াদিষ্বর্চয়েদ্বৈ অধর্মাদিচতুষ্টয়ম্ || ১, ৩২. ২৩ ||
মণ্ডলত্রয়মধ্যে তু কীর্তিতা হ্যসনস্থিতিঃ |
পূর্বাদিপদ্মপত্রেষু পূজ্যাঃ সঙ্কর্ষণাদয়ঃ || ১, ৩২. ২৪ ||
কর্ণিকায়াং বাসুদেবং পূজয়েৎপরমেশ্বরম্ |
পাঞ্চজন্যাদয়ঃ পূজ্যাঃ ঐশান্যাদিষু সংস্থিতাঃ || ১, ৩২. ২৫ ||
শক্তয়শ্চৈব পূর্বাদৌ দেবদেবস্য শঙ্কর |
ইন্দ্রাদয়ো লোকপালাঃ পূজ্যাঃ পূর্বাদিষু স্থিতাঃ || ১, ৩২. ২৬ ||
অধো নাগ তদূদ্ধ্ব তু ব্রহ্মাণং পূজয়েৎসুধীঃ |
ইতি স্থানক্রমো জ্ঞেয়ো মণ্ডলে শঙ্কর ৎবয়া || ১, ৩২. ২৭ ||
আবাহ্য মণ্ডলে দেবং কৃৎবা ন্যাসং তু তস্য চ |
মুদ্রাং প্রদর্শ্য পাদ্যদীন্দদ্যান্মূলেন শঙ্কর || ১, ৩২. ২৮ ||
স্নানং বস্ত্রং তথাচামং গন্ধং পুষ্পং চ ধূপকম্ |
দীপং নৈবেদ্যমাচামং নমস্কারং প্রদক্ষিণম্ |
কুর্যাচ্ছঙ্কর মূলেন জপং চাপি সমর্পয়েৎ || ১, ৩২. ২৯ ||
দং স্তোত্রং জপেৎপশ্চাদ্বাসুদেবমনুস্মরন্ |
ওঁ নমো বাসুদেবায় নমঃ সকর্ষণায় চ || ১, ৩২. ৩০ ||
প্রদ্যুম্নায়াদিদেবায়ানিরুদ্ধায় নমোনমঃ |
নমো নারায়ণায়ৈব নরায়ণাং পতয়ে নমঃ || ১, ৩২. ৩১ ||
নরপূজ্যায় কীর্ত্যায় স্তুত্যায় বরদায় চ |
অনাদিনিধনায়ৈব পুরাণায় নমোনমঃ || ১, ৩২. ৩২ ||
সৃষ্টিসংহারকর্ত্রে চ ব্রহ্মণঃ পতয়ে নমঃ |
মনো বৈ বেদবেদ্যায় শঙ্খচক্রধরায় চ || ১, ৩২. ৩৩ ||
কলিকল্মষহর্ত্রে চ সুরেশায় নমোনমঃ |
সঙ্কারবৃক্ষচ্ছেত্রে চ মায়াভেত্রে নমোনমঃ || ১, ৩২. ৩৪ ||
বহুরূপায় তীর্থায় ত্রিগুণায়াগুণায় চ |
ব্রহ্মবিষ্ণবীশরূপয় মোক্ষদায় নমোনমঃ || ১, ৩২. ৩৫ ||
মোক্ষদ্বারায় ধর্মায় নির্মাণায় নমোনমঃ |
সর্বকামপ্রদায়ৈব পরব্রহ্মস্বরূপিণে || ১, ৩২. ৩৬ ||
সংসারসাগরে ঘোরে নিমগ্নং মাং সমুদ্ধর |
ৎবদন্যো নাস্তি দেবেশ নাস্তি ত্রাতা জগৎপ্রভো || ১, ৩২. ৩৭ ||
ৎবামব সর্বগং বিষ্ণুং গতোঽহং শরণং গতঃ |
জ্ঞানদীপপ্রদানেন তমোমুক্তং প্রকাশয় || ১, ৩২. ৩৮ ||
এবং স্তুবীত দেবেশং সর্বক্লেশবিনাশনম্ |
অন্যৈশ্চবাদকেঃ স্তাত্রৈঃ স্তুৎবা বৈ নীললোহিত || ১, ৩২. ৩৯ ||
পঞ্চতত্ত্বসমায়ুক্তং ধ্যায়োদ্বিষ্ণুং নরো হৃদি |
বিসর্জয়ত্ততা দেবমিতি পূজা প্রকীর্তিতা || ১, ৩২. ৪০ ||
সর্বকামপ্রদা শ্রেষ্ঠা বাসুদেবস্য শঙ্কর |
এতৎপূজনমাত্রেণ কৃতকৃত্যো ভবেন্নরঃ || ১, ৩২. ৪১ ||
ইদং চ যঃ পঠেদ্রুদ্র পঞ্চতত্ত্বার্চনং নরঃ |
শৃণুয়াচ্ছ্রবায়েদ্বাপি বিষ্ণুলোকং স গচ্ছতি || ১, ৩২. ৪২ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
পঞ্চতত্ত্বা(বিষ্ণবর্) চ নবিধির্নাম দ্বাত্রিংশোঽধ্যায়ঃ

শ্রীগরুডমহাপুরাণম্-৩৩
রুদ্র উবাচ |
সুদর্শনস্য পূজাং মে বদ শঙ্খগদাধর |
গ্রহরোগাদিকং সর্বং যৎকৃৎবা নাশমেতি বৈ || ১, ৩৩. ১ ||
হরিরুবাচ |
সুদর্শনস্য চক্রস্য শৃণু পূজাং বৃষধ্বজ |
স্নানমাদৌ প্রকুর্বীত পূজয়েচ্চ হরিং তত || ১, ৩৩. ২ ||
মূলমন্ত্রেণ বৈ ন্যাসং মূলমন্ত্রং শৃণুষ্বচ |
সহস্রারং হুং ফট্নমো মন্ত্রঃ প্রণবপূর্বকঃ || ১, ৩৩. ৩ ||
কথিতঃ সর্বদুষ্টানাং নাশকো মন্ত্রভেদকঃ |
ধ্যায়েত্মুদর্শনং দেবং হৃদি পদ্মেঽমলে শুভে || ১, ৩৩. ৪ ||
শঙ্কচক্রগদাপদ্মধরং সৌম্যং কিরীটিনম্ |
আবাহ্য মণ্ডলে দেবং পূর্বোক্তবিধিনা হর || ১, ৩৩. ৫ ||
পূজয়েদ্রন্ধপুষ্পাদ্যৈরুপচারৈর্মহেশ্বর |
পূজয়িৎবা জপেন্মন্ত্রং শতমষ্টোত্তরং নরঃ || ১, ৩৩. ৬ ||
এবং যঃ কুরুতে রুদ্র ! চক্রস্যার্চনমুত্তমম্ |
সর্বরোগবিনির্মুক্তো বিষ্ণুলোকং সমাপ্নুয়াৎ || ১, ৩৩. ৭ ||
এতৎস্তোত্রং জপেৎপশ্চাৎসর্বব্যাধিবিনাশনম্ |
নমঃ সুদর্শনায়ৈব সহস্রাদিত্যবর্চসে || ১, ৩৩. ৮ ||
জ্বালামালাপ্রদীপ্তায় সহস্রারায় চক্ষুষে |
সর্বদুষ্টবিনাশায় সর্বপাতকমর্দিনে || ১, ৩৩. ৯ ||
সুচক্রায় বিচক্রায় সর্বমন্ত্রবিভেদিনে |
প্রসবিত্রে জগদ্ধাত্রে জগদ্বিধ্বংসিনে নমঃ || ১, ৩৩. ১০ ||
পালনার্থায় লোকানাং দুষ্টাসুরবিনাশিনে |
উগ্রায় চৈব সৌম্যায় চণ্ডায় চ নমোনমঃ || ১, ৩৩. ১১ ||
নমশ্চক্ষুঃ ক্বরূপায় সংসারভয়ভেদিনে |
মায়াপঞ্জরভেত্রে চ শিবায় চ নমোনমঃ || ১, ৩৩. ১২ ||
গ্রহাতিগ্রহরূপায় গ্রহাণাং পতেয় নমঃ |
কালায় মৃত্যবে চৈব ভীমায় চ নমোনমঃ || ১, ৩৩. ১৩ ||
ভক্তানুগ্রহদাত্রে চ ভক্তগোপ্ত্রে নমোনমঃ |
বিষ্ণুরূপায় শান্তায় চায়ুধানাং ধরায় চ || ১, ৩৩. ১৪ ||
বিষ্ণুশস্ত্রায় চক্রায় নমো ভূয়ো নমোনমঃ |
ইতি স্তোত্রং মহাপুণ্যং চক্রস্য তব কীর্তিতম্ || ১, ৩৩. ১৫ ||
যঃ পঠেৎপরয়া ভক্ত্যা বিষ্ণুলোকং স গচ্ছতি |
চক্রপূজাবিধিং যশ্চ পঠেদ্রুদ্র জিতোন্দ্রিয়ঃ |
স পাপং ভস্মসাৎকৃৎবা বিষ্ণুলোকায় কল্পতে || ১, ৩৩. ১৬ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
সুদর্শনপূজাবিধির্নাম ত্রয়স্ত্রিংশোঽধ্যায়ঃ

শ্রীগরুডমহাপুরাণম্-৩৪
রুদ্র উবাচ |
পুনর্দেবার্চনং ব্রূহি হৃষীকেশ গদাধর |
শৃণ্বতো নাস্তি তৃপ্তির্মে গদতস্তব পূজনম্ || ১, ৩৪. ১ ||
হরিরুবাচ |
হয়গ্রীবস্য দেবস্য পূজনং কথয়ামি তে |
তচ্ছৃণুষ্ব জগন্নাথো যেন বিষ্ণুঃ প্রতুষ্যতি || ১, ৩৪. ২ ||
মূলমন্ত্রং মহাদেব হয়গ্রীবস্য বাচকম্ |
প্রবক্ষ্যামি পরং পুণ্যং তদাদৌ শৃণু শঙ্কর || ১, ৩৪. ৩ ||
ওঁ সৈং ক্ষৈং শিরসে নমঃ ইতি প্রণবসংযুতঃ |
অয়ং নবাক্ষরোমন্ত্রঃ সর্ববিদ্যাপ্রদায়কঃ || ১, ৩৪. ৪ ||
অস্যাঙ্গানি মহাদেব তাঞ্ছৃণুষ্ব বৃষধ্বজ |
ওঁ ক্ষাং হৃদয়ায় নমঃ |
ওঁ ক্ষীং শিরসে স্বাহাশিরঃ প্রোক্তং ক্ষূং বষট্তথা || ১, ৩৪. ৫ ||
ওঁ কারয়ুক্তা দেবস্য শিখা জ্ঞেয়া বৃষধ্বজ |
ওঁ ক্ষৈং কবচায় হুং বৈ কবচং পরিকীর্তিতম্ || ১, ৩৪. ৬ ||
ওঁ ক্ষৈং নেত্রত্রয়ায় বৌষট্নেত্রং দেবস্য কীর্তিতম্ |
ওঁ হঃ অস্ত্রায় ফটস্ত্রং দেবস্য কীর্তিতম্ || ১, ৩৪. ৭ ||
পূজাবিধিং প্রবক্ষ্যামি নন্মে নিগদতঃ শৃণু আদৌ স্নাৎবা তথাচম্য
ততো যাগগৃহং ব্রজেৎ || ১, ৩৪. ৮ ||
ততঃ প্রবিশ্য বিধিবৎকুর্যাদ্বং শোষণাদিকম্ |
যং ক্ষৈং রমিতি বীজৈশ্চ কঠিনীকৃত্য লমিতি || ১, ৩৪. ৯ ||
অণ্ডমুৎপাদ্য চ ততঃ ওঁ কারেণৈব ভেদয়েৎ |
অণ্ডমধ্যে হয়গ্রীবমাত্মানং পরিচিন্তয়েৎ || ১, ৩৪. ১০ ||
শঙ্খকুন্দেন্দুধবলং মৃণালরজতপ্রভম্ |
গোক্ষীরসদৃশং তদ্বৎসূর্যকোটিসমগ্রভম্ |
শঙ্খং চক্রং গদাং পদ্মং ধারয়ন্তং চতুর্ভুজম্ || ১, ৩৪. ১১ ||
কিরীটিনং কুণ্ডলিনং বনমালাসমংন্বিতম্ |
সুচক্রং সুকপোলং চ ষীতাম্বরধরং বিভুম্ || ১, ৩৪. ১২ ||
ভাবয়িৎবা মহাত্মানং সর্বদেবৈঃ সমন্বিতম্ |
অঙ্গমন্ত্রৈস্ততো ন্যাসং মূলমন্ত্রেণ বৈ তথা || ১, ৩৪. ১৩ ||
ততশ্চ দর্শয়েন্মুদ্রাং শঙ্খপদ্মাদিকাং শুভাম্ |
ধ্যায়েদ্ধ্যাৎবার্চয়েদ্বিষ্ণুং মূলমন্ত্রেণ শঙ্কর || ১, ৩৪. ১৪ ||
ততশ্চাবাহয়েদ্রুদ্র দেবতা আসনস্য যাঃ |
ওঁ হয়গ্রীবাসনস্য আগচ্ছত চ দেবতাঃ || ১, ৩৪. ১৫ ||
আবাহ্য মণ্ডলে তাস্তু পূজয়েৎস্বস্তিকাদিকে |
দ্বারে ধাতুর্বিধাতুশ্চ পূজা কার্যা বৃষধ্বজ || ১, ৩৪. ১৬ ||
সমস্তপরিবারায় অচ্যুতায় নম ইতি |
অস্য মধ্যের্ঽচনং কার্যং দ্বারে গঙ্গাঞ্চ পূজয়েৎ || ১, ৩৪. ১৭ ||
যমুনাং চ মহাদেবীং শঙ্খপদ্মনিধী তথা |
গরুডং পূজয়েদগ্রে মধ্যে শক্তিঞ্চ পূজয়েৎ || ১, ৩৪. ১৮ ||
আধারাখ্যাং মহাদেব ততঃ কূর্মং সমর্চয়েৎ |
অনন্তং পৃথিবীং পশ্চাদ্ধর্মজ্ঞানে(নৌ) ততোঽচয়েৎ || ১, ৩৪. ১৯ ||
বৈরাগ্যমথ চৈশ্বর্যমাগ্নেয়াদিষু পূজয়েৎ |
অধর্মাজ্ঞানাবৈরাগ্যানৈশ্রর্গ্যাদীংস্তু পূর্বতঃ || ১, ৩৪. ২০ ||
সত্ত্বং রজস্তমশ্চৈব মধ্যদেশেঽথ পূজয়েৎ |
কন্দং নালং চ পদ্মং চ মধ্যে চৈব প্রপূজয়েৎ || ১, ৩৪. ২১ ||
অর্কসোমাগ্নিসঞ্জ্ঞানাং মণ্ডলানাং হি পূজনম্ |
মধ্যদেশে প্রকর্তব্যমিতি রুদ্র প্রকীর্তিতম্ || ১, ৩৪. ২২ ||
বিমলোৎকর্ষিণী জ্ঞানা ক্রিয়ায়োগে বৃষধ্বজ |
প্রহ্বী সত্যা তথেশানানুগ্রহৌ শক্তয়ো হ্যমূঃ || ১, ৩৪. ২৩ ||
পূর্বাদিষু চ পত্রেষু পূজ্যাশ্চ বিমলাদয়ঃ |
অনুগ্রহা কর্ণিকায়াং পূজ্যা শ্রেয়োঽর্থিভির্নরৈঃ || ১, ৩৪. ২৪ ||
প্রণবাদ্যৈর্নমোঽন্তৈশ্চ চতুর্থ্যন্তৈশ্চ নামভিঃ |
মন্ত্রৈরেভির্মহাদেব আসনং পরিপূজয়েৎ || ১, ৩৪. ২৫ ||
স্নানগন্ধপ্রদানেন পুষ্পধূপপ্রদানতঃ |
দীপনৈবেদ্যদানেন আসনস্যার্চনং শুভম্ || ১, ৩৪. ২৬ ||
কর্তব্যং বিধিনানেন ইতি তে হর কীর্তিতম্ |
ততশ্চাবাহয়েদ্দেবং হয়গ্রীবং সুরেশ্বরম্ || ১, ৩৪. ২৭ ||
বামনাসাপুটেনৈব আগচ্ছন্তং বিচিন্তয়েৎ |
আগচ্ছতঃ প্রয়োগেণ মূলমন্ত্রেণ শঙ্কর || ১, ৩৪. ২৮ ||
আবাহনং প্রকর্তব্যং দেবদেবস্য শঙ্খিনঃ |
আবাহ্যমণ্ডলে তস্য ন্যাসং কুর্যাদতন্দ্রিতঃ || ১, ৩৪. ২৯ ||
ন্যাসং কৃৎবা চ তত্রস্থং চিন্তয়েৎপরমেশ্বরম্ |
হয়গ্রীবং মহাদেবং সুরাসুরনমস্কৃতম্ || ১, ৩৪. ৩০ ||
ইন্দ্রাদিলোকপালৈশ্চ সংযুক্তং বিষ্ণুমব্যয়ম্ |
দ্যাৎবা প্রদর্শয়েন্মুদ্রাঃ শঙ্খচক্রাদিকাঃ শুভাঃ || ১, ৩৪. ৩১ ||
পাদ্যার্ঘ্যাচমনীয়ানি ততো দদ্যাচ্চ বিষ্ণবে |
স্নাপয়েচ্চ ততো দেবং পদ্মনাভমনাময়ম্ || ১, ৩৪. ৩২ ||
দেবং সংস্থাপ্য বিধিবদ্বস্ত্রং দদ্যাদ্বৃষধ্বজ |
ততো হ্যাচমনং দদ্যাদুপবীতং ততঃ শুভম্ || ১, ৩৪. ৩৩ ||
ততশ্চ মণ্ডলে রুদ্র ধ্যায়েদ্দেবং পরেশ্বরম্ |
ধ্যাৎবা পাদ্যাদিকং ভূয়ো দদ্যাদ্দেবায় শঙ্কর || ১, ৩৪. ৩৪ ||
দদ্যাদ্ভৈরবদেবায় মূলমন্ত্রেণ শঙ্কর |
ওঁ ক্ষাং হৃদয়ায় নমঃ অনেন হৃদয়ং যজেৎ || ১, ৩৪. ৩৫ ||
ওঁ ক্ষীং শিরসে নমশ্চ শিরসঃ পূজনং ভবেৎ |
ওঁ ক্ষূং শিখায়ৈ নমশ্চ শিখামেতেন পূজয়েৎ || ১, ৩৪. ৩৬ ||
ওঁ ক্ষৈং কবচায় নমঃ কবচং পরিপূজয়েৎ |
ওঁ ক্ষৈং নেত্রায় নমশ্চ নেত্রং চানেন পূজয়েৎ || ১, ৩৪. ৩৭ ||
ওঁ ক্ষঃ অস্ত্রায় নম ইতি অস্ত্রং চানেন পূজয়েৎ |
হৃদয়ং চ শিরশ্চৈব শিখাং চ কবচং তথা || ১, ৩৪. ৩৮ ||
পূর্বাদিষু প্রদেশেষু হ্যেতাস্তু পরিপূজয়েৎ |
কোণেষ্বস্ত্রং যজেদ্রুদ্র নেত্রং মধ্যৈ প্রপূজয়েৎ || ১, ৩৪. ৩৯ ||
পূজয়েৎপরমাং দেবীং লক্ষ্মীং লক্ষ্মীপ্রদাং শুভাম্ |
শঙ্খং পদ্মং তথা চক্রং গদাং পূর্বাদিতোর্ঽচয়েৎ || ১, ৩৪. ৪০ ||
খড্গং চ মুসলং পাশমঙ্কুশং সশরং ধনুঃ |
পূজয়েৎপূর্বতো রুদ্র এভির্মন্ত্রৈঃ স্বনামকৈঃ || ১, ৩৪. ৪১ ||
শ্রীবৎসং কৌস্তুভং মালাং তথা পীতাম্বরং শুভম্ |
পূজয়েৎপূর্বতো রুদ্র শঙ্খচক্রগদাধরম্ || ১, ৩৪. ৪২ ||
ব্রহ্মাণং নারদং সিদ্ধং গুরুং পরগুরুং তথা |
গুরোশ্চ পাদুকে তদ্বৎপরমস্য গুরোস্তথা || ১, ৩৪. ৪৩ ||
ইন্দ্রং সবাহনং চাথ পরিবারয়ুতং তথা |
অগ্নিং যমং নিরৃতিং চ বরুণং বায়ুমেব চ || ১, ৩৪. ৪৪ ||
সোমমীশানমেবং বৈ ব্রহ্মাণং পরিপূজয়েৎ |
পূর্বাদিকোর্ধ্বপর্যন্তং পূজয়েদ্বৃষভধ্বজ || ১, ৩৪. ৪৫ ||
বজ্রং শক্তিং তথা দণ্ডং খঙ্গং পাশং ধ্বজং গদাম্ |
ত্রিশূলং চক্রপদ্মে চ আয়ুধান্যথ পূজয়েৎ || ১, ৩৪. ৪৬ ||
বিষ্বক্সেনং ততো দেবমৈশান্যাং দিশি পূজয়েৎ |
এভির্মন্ত্রৈর্নমোঽন্তৈশ্চ প্রণবাদ্যৈর্বৃষধ্বজ || ১, ৩৪. ৪৭ ||
পূজা কার্যা মহাদেব হ্যনন্তস্য বৃষধ্বজ |
দেবস্য মূলমন্ত্রেণ পূজা কার্যা বৃষধ্বজ || ১, ৩৪. ৪৮ ||
গন্ধং পুষ্পং তথা ধূপং দীপং নৈবেদ্যমেব চ |
প্রদক্ষিণং নমস্কারং জপ্যং তস্মৈ সমর্পয়েৎ || ১, ৩৪. ৪৯ ||
স্তুবীত চান্যা স্তুত্যা প্রণবাদ্যৈর্বৃষধ্বজ |
ওঁ নমো হয়শিরসে বিদ্যাধ্যক্ষায় বৈ নমঃ || ১, ৩৪. ৫০ ||
নমো বিদ্যাস্বরূপায় বিদ্যাদাত্রে নমোনমঃ |
নমঃ শান্তায় দেবায় ত্রিগুণায়াত্মনে নমঃ || ১, ৩৪. ৫১ ||
সুরাসুরনিহন্ত্রে চ সর্বদুষ্টবিনাশিনে |
সর্বলোকাধিপতয়ে ব্রহ্মরূপায় বৈ নমঃ || ১, ৩৪. ৫২ ||
নমশ্চেশ্বরবন্দ্যায় শঙ্কচক্রধারয় চ |
নম আদ্যায় দান্তায় সর্বসত্ত্বহিতায় চ || ১, ৩৪. ৫৩ ||
ত্রিগুণায়াগুণায়ৈব ব্রহ্মবিষ্ণুস্বরূপিণে |
কর্ত্রে হর্ত্রে সুরেশায় সর্বগায় নমোনমঃ || ১, ৩৪. ৫৪ ||
ইত্যেবং সংস্তবং কৃৎবা দেবদেবং বিচিন্তয়েৎ |
হৃৎপদ্মে বিমলে রুদ্র শঙ্খচক্রগদাধরম্ || ১, ৩৪. ৫৫ ||
সূর্যকোটিপ্রতীকাশং সর্বাবয়বসুন্দরম্ |
হয়গ্রীবোমহীশেশং পরমাত্মানমব্যয়ম্ || ১, ৩৪. ৫৬ ||
ইতি তে কথিতা পূজা হয়গ্রীবস্য শঙ্কর |
যঃ পঠেৎপরয়া ভক্ত্যা স গচ্ছেৎপরমং পদম্ || ১, ৩৪. ৫৭ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
হয়গ্রীবপূজাবিধির্নাম চতুস্ত্রিংশোঽধ্যায়ঃ

শ্রীগরুডমহাপুরাণম্-৩৫
হরিরুবাচ |
ন্যাসাদিকং প্রবক্ষ্যামি গায়ত্ত্র্যাঃ শৃণু শঙ্কর |
বিশ্বামিত্রঋষিশ্চৈব সবিতা চাথ দেবতা || ১, ৩৫. ১ ||
ব্রহ্মশীর্ষা রুদ্রশিখা বিষ্ণোর্হৃদয়সংশ্রিতা |
বিনিয়োগৈকনয়না কাত্যায়নসগোত্রজা || ১, ৩৫. ২ ||
ত্রৈলোক্যচরণা জ্ঞেয়া পৃথিবীকুক্ষিসংস্থিতা |
এবং জ্ঞাৎবা তু গায়ত্ত্রীং জপেদ্দ্বাদশলক্ষকম্ || ১, ৩৫. ৩ ||
ত্রিপদাষ্টাক্ষরা জ্ঞেয়া চতুষ্পাদা ষডক্ষরা |
জেপ চ ত্রিপদা গ্রোক্তা অর্চনে চ চতুষ্পদা || ১, ৩৫. ৪ ||
ন্যাসে জপে তথা ধ্যানে অগ্নিকার্যে তথার্চনে |
গায়ত্ত্রীং বিন্যসেন্নিত্যং সর্বপাপগ্রণাশিনীম্ || ১, ৩৫. ৫ ||
পাদাংসুষ্ঠে গুল্ফমধ্যে জঙ্ঘয়োর্বিদ্ধি জানুনোঃ |
ঊর্বোর্গুহ্যে চ বৃষণে নাড্যাং নাভৌ তনূদরে || ১, ৩৫. ৬ ||
স্তনয়োর্হৃদি কণ্ঠৌষ্ঠমুখে তালুনি চাংসয়োঃ |
নেত্রে ভুবার্ললাটে চ পূর্বস্যাং দক্ষিণোত্তরে || ১, ৩৫. ৭ ||
পশ্চমে মূর্ধ্নি চাকারং ন্যসেদ্বর্ণান্বদাম্যহম্ |
ইন্দ্রনীলং চ বহ্নিং চ পীতং শ্যামং চ কাপিলম্ || ১, ৩৫. ৮ ||
শ্বেতং বিদ্যুৎপ্রভং তারং কৃষ্ণং রক্তং ক্রমেণ তৎ |
শ্যামং শুক্লং তথা পীতং শ্বেতং বৈ পদ্মরাগবৎ || ১, ৩৫. ৯ ||
শঙ্খবর্ণং পাণ্ডুরং চ রক্তং চাসবসন্নিভম্ |
অর্কবর্ণসমং সৌম্যং শঙ্খাভং শ্বেতমেব চ || ১, ৩৫. ১০ ||
যদ্যৎস্পৃশতি হস্তেন যচ্চ পশ্যতি চক্ষুষা |
পূতং ভবতি তৎসর্বং গায়ত্ত্র্যা ন পরং বিদুঃ || ১, ৩৫. ১১ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
গায়ত্ত্রীন্যাসনিরূপণং নাম পঞ্চত্রিংশোঽধ্যায়ঃ

শ্রীগরুডমহাপুরাণম্-৩৬
হরিরুবাচ |
সন্ধ্যাবিধিং প্রবক্ষ্যামি শৃণু রুদ্রাঘনাশনম্ |
প্রাণায়ামত্রয়ং কৃৎবা সন্ধ্যাস্নানমুপক্রমেৎ || ১, ৩৬. ১ ||
সপ্রণবাং সব্যাহৃতিং গায়ত্ত্রীং শিরসা সহ |
ত্রিঃ পঠেদায়তপ্রণঃ প্রাণায়ামঃ স উচ্যতে || ১, ৩৬. ২ ||
মনোবাক্রায়জং দোষং প্রাণায়ামৈর্দহেদ্দ্বিজঃ |
তস্মাৎসর্বেষু কালেষু প্রাণায়ামপরো ভবেৎ || ১, ৩৬. ৩ ||
সায়মগ্নিশ্চ মেত্যুক্তা প্রাতঃ সূর্যেত্যপঃ পিবেৎ |
আপঃ পুনন্তু মধ্যাহ্নে উপস্পৃশ্য যথাবিধি || ১, ৩৬. ৪ ||
আপোহিষ্ঠেত্যৃচা কুর্যান্মার্জনং তু কুশোদকৈঃ |
প্রণবেন তু সংযুক্তং ক্ষিপেদ্বারি পদেপদে || ১, ৩৬. ৫ ||
রজস্তমঃ স্বমোহোত্থাঞ্জাগ্রৎস্বপ্নসুষুপ্তিজান্ |
বাঙ্মনঃ কর্মজান্দোষান্নবৈতান্নবভির্দহেৎ || ১, ৩৬. ৬ ||
সমুদ্ধৃত্যোদকং পাণৌ জপ্ত্বা চ দ্রুপদাং ক্ষিপেৎ |
ত্রিপডষ্টৌ দ্বাদশধা বর্তয়েদঘমর্পণম্ || ১, ৩৬. ৭ ||
উদুত্যঞ্চিত্রমিত্যাভ্যামুপতিষ্ঠেদ্দিবাকরম্ |
দিবা রাত্রৌ চ যৎপাপং সর্বং নশ্যতি তৎক্ষণাৎ || ১, ৩৬. ৮ ||
পূর্বসন্ধ্যাং জপংস্তিষ্ঠেৎপশ্চিমামুপবিশ্য চ |
মহাব্যাহৃতিসংযুক্তাং গায়ত্ত্রীং প্রণবান্বিতাম্ || ১, ৩৬. ৯ ||
দশভির্জন্মজনিতং শতেন তু পুরা কৃতম্ |
ত্রিয়ুগং তু সহস্রেণ গায়ত্ত্রী হন্তি দুষ্কৃতম্ || ১, ৩৬. ১০ ||
রক্তা ভবতি গায়ত্ত্রী সাবিত্রী শুক্লবর্ণিকা |
কৃষ্ণা সরস্বতী জ্ঞেয়া সন্ধ্যাত্রয়মুদাহৃতম্ || ১, ৩৬. ১১ ||
ওঁ ভূর্বিন্যস্য হৃদয়ে ওঁ ভুবঃ শিরসি ন্যসেৎ |
ওঁ স্বরিতি শিখায়াং চ গায়ত্ত্র্যাঃ প্রথমং পদম্ || ১, ৩৬. ১২ ||
বিন্যসেৎকবচে বিদ্বান্দ্বিতীয়ং নেত্রয়োর্ন্যসেৎ |
তৃতীয়েনাঙ্গবিন্যাসং চতুর্থং সর্বতো ন্যসেৎ || ১, ৩৬. ১৩ ||
সন্ধ্যাকালে তু বিন্যস্য জপেদ্বৈ বেদমাতরম্ |
শিবস্তস্যাস্তু সর্বাহ্নে প্রাণায়ামপরং ন্যসেৎ || ১, ৩৬. ১৪ ||
ত্রিপদা যা তু গায়ত্ত্রী ব্রহ্মবিষ্ণুমহেশ্বরী |
বিনিয়োগমৃষিচ্ছন্দো জ্ঞাৎবা তু জপমারভেৎ || ১, ৩৬. ১৫ ||
সর্বপাপবিনির্মুক্তো ব্রহ্মলোকমবাপ্নুয়াৎ |
পরোরজসি সাবদোং তুরীয়পদমীরিতম্ || ১, ৩৬. ১৬ ||
তং হন্তি সূর্যঃ সন্ধ্যায়াং নোপাস্তিং কুরুতে তু যঃ |
তুরীয়স্য পদস্যাপি ঋষির্নির্মল এব চ || ১, ৩৬. ১৭ ||
ছন্দস্তু দেবী গায়ত্ত্রী পরমাত্মা চ দেবতা || ১, ৩৬. ১৮ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
সন্ধ্যাবিধির্নাম ষট্ত্রিংশোঽধ্যায়ঃ

শ্রীগরুডমহাপুরাণম্-৩৭
হরিরুবাচ |
গায়ত্ত্রী পরমা দেবী ভুক্তিমুক্তিপ্রদা চ তাম্ |
যো জপেত্তস্য পাপানিবিনশ্যন্তি মহান্ত্যপি || ১, ৩৭. ১ ||
গায়ত্ত্রীকল্পমাখ্যাস্যে ভুক্তিমুক্তিপ্রদং চ তৎ |
অষ্টোত্তরং সহস্রং বা অথবাষ্টশতং জপেৎ || ১, ৩৭. ২ ||
ত্রিসন্ধ্যং ব্রহ্মলোকীস্যাচ্ছতং জপ্ত্বা জলং পিবেৎ |
সন্ধ্যায়াং সর্বপাপঘ্নীং দেবীমাবাহ্য পূজয়েৎ || ১, ৩৭. ৩ ||
ভূর্ভুবঃ স্বঃ স্বমন্ত্রেণ যুতাং দ্বাদশনামভিঃ |
গায়ত্র্যৈ নমঃ |
সাবিত্র্যৈ সরস্বত্যৈ নমোনমঃ || ১, ৩৭. ৪ ||
বেদমাত্রে চ সাঙ্কৃত্যৈ ব্রহ্মাণী কৌশিকী ক্রমাৎ |
সাধ্ব্যৈ সর্বার্থসাধিন্যৈ সহস্রাক্ষ্যৈ চ ভূর্ভুবঃ || ১, ৩৭. ৫ ||
স্বরেবং জুহুয়া দগ্নৌ সমিদাজ্যং হবিষ্যকম্ |
অষ্টোত্তরসহস্রং বাপ্যথবাষ্টশন্ত ঘৃতম্ || ১, ৩৭. ৬ ||
ধর্মকামাদিসিদ্ধ্যর্থং জুহুয়াৎসর্বকর্মসু |
প্রতিমাং চন্দনস্বর্ণনির্মিতাং প্রতিপূজ্য চ || ১, ৩৭. ৭ ||
যথা লক্ষং তু জপ্তব্যং পয়োমূলফলার্শনৈঃ |
অয়ুতদ্বয়হোমেন সর্বকামানবাপ্নুয়াৎ || ১, ৩৭. ৮ ||
উত্তরে শিখরে জাতা ভূম্যাং পর্বত বাসিনী |
ব্রহ্মণা সমনুজ্ঞাতা গচ্ছ দেবি যথাসুখম্ || ১, ৩৭. ৯ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
গায়ত্ত্রীকল্পনিরূপণং নাম সপ্তত্রিংশোঽধ্যায়ঃ

শ্রীগরুডমহাপুরাণম্-৩৮
হরিরুবাচ |
নবম্যাদৌ যজেদ্দুর্গাং হ্রীং দুর্গে রক্ষিণীতি চ |
মাতর্মাতর্বরে দুর্গে সর্বকামার্থসাধনি || ১, ৩৮. ১ ||
অনেন বলিদানেন সর্বকামান্প্রয়চ্ছ মে |
গৌরী কালী উমা দুর্গা ভদ্রা কান্তিঃ সরস্বতী || ১, ৩৮. ২ ||
মঙ্গলা বিজয়া লক্ষ্মীঃ শিবা নারায়ণী ক্রমাৎ |
মার্গে তৃতীয়ামারভ্য পূজয়েন্ন বিয়োগভাক্ || ১, ৩৮. ৩ ||
অষ্টাদশভুজাং খেটকং ঘণ্টাং দর্পণং তর্জনীম্ |
ধনুর্ধ্বজং ডমরুকং পরশুং পাশমেব চ || ১, ৩৮. ৪ ||
শক্তিমুদ্ররশূলানি কপালশরকাঙ্কুশান্ |
বজ্র চক্রং শলাকাং চ অষ্টাদশভুজাং স্মরেৎ || ১, ৩৮. ৫ ||
মন্ত্রঃ শ্রীভগবত্যাশ্চ প্রবক্ষ্যামি জপাদিকম্ || ১, ৩৮. ৬ ||
ওঁ নমো ভগবতি চামুণ্ডে শ্মশানবাসিনি কপালহস্তে মহাপ্রেতসমারূঢে
মহাবিমানমালাকুলে কালরাত্রি বহুগণপরিবৃতে মহামুখে বহুভুজে
সুঘণ্টাডমরুকিঙ্কিণীকে অট্টাট্টহাসে কিলিকিলি হুং
সর্বনাদশব্দবহুলে গজচর্মপ্রাবৃতশরীরে রুধিরমাংসদিগ্ধে
লোলগ্রজিহ্বে মহারাক্ষসি রৌদ্রদংষ্ট্রাকরালে ভীমাট্টাট্টহাসে
স্ফুরিতবিদ্যুৎসমপ্রভে চলচল করালনেত্রে হিলিহিলি ললজ্জিহ্বে হ্রৈং হ্রীং
ভৃকুটিমুখি ওঁ কারভদ্রাসনে কপালমালাবেষ্টিতে
জটামুকুটশশাঙ্কধারিণি অট্টাট্টহাসে কিলিকিলি হুংহুং দংষ্ট্রাঘোরান্ধকারিণি
সর্ববিঘ্নবিনাশিনি ইদং কর্ম সাধয় সাধয় শীঘ্রং কুরুকুরু
কহকহ অঙ্কুশে সমনুপ্রবেশয় বর্গংবর্গং (বঙ্গবঙ্গ)
কম্পয়কম্পয় চলচল চালয়চালয় রুধিরমাংসমদ্যপ্রিয়ে
হনহন কুট্টকুট্ট ছিন্দছিন্দ মারয়মারয় অনুবূম অনুবূম বজ্রশরীরং
সাধয়সাধয় ত্রৈলোক্যগতমপি দুষ্টমদুষ্টং বা
গৃহীতমগৃহীতমাবেশয় আবেশয় ক্রাময়ক্রময় নৃত্যনৃত্য বন্ধবন্ধ
বল্গবল্গ কোটরাক্ষি উর্ধ্বকেশি উলূকবদনে করকিঙ্কিণি
করঙ্কমালাধারিণি দহদহ পচপচ গৃহ্ণগহ্ণ মণ্ডলমধ্যে
প্রবেশয়প্রবেশয় কিং বিলম্বসি ব্রহ্মসত্যেন বিষ্ণুসত্যেন ঋষিসত্যেন
রুদ্রসত্যেন আবেশয় আবেশয় কিলিকিলি খিলিখিলি মিলিমিলি চিলিচিলি
বিকৃতরূপধারিণি কৃষ্ণভুজঙ্গ বেষ্টিতশরীর সর্বগ্রহাবেশিনি
প্রলম্ভোষ্ঠি ভ্রূমগ্ননাসিকে বিকটমুখি কপিলজটে ব্রাহ্মি
ভঞ্জভঞ্জ জ্বলজ্বল কালমুখি খলখল খরখরঃ পাতয়পা তয়
রক্তাক্ষি ধূর্ণাপয়ধূর্ণাপয় ভূমিং পাতয়পাতয় শিরো গৃহ্ণগৃহ্ণ
চক্ষুর্মোলয়মীলয় ভঞ্জভঞ্জ পাদৌ গৃহ্ণগৃহ্ণ মুদ্রাং
স্ফোটয়স্ফোটয় হুং হূং ফট্বিদারয় বিদারয় ত্রিশূলেন
ভেদয়ভেদয় বজ্রেণ হনহন দণ্ডেন তাডয়তাডয় চেক্রণ ছেদয়ছেদয়
শক্তিনা ভেদয়ভেদয় দংষ্ট্রয়া দংশয়দংশয় কীলকেন কীলয় কীলয়
কর্তারিকয়া পাটয়পাটয় অঙ্কুশেন গৃহ্ণগৃহ্ণ
ব্রহ্মাণি এহি এহি মাহেশ্বরি এহি এহি কৌমারি এহি এহি বারাহি এহি এহি
ঐন্দ্রি এহি এহি চামুণ্ডে এহি এহি বৈষ্ণাবি এহি এহি হিমবন্তচারিণি এহি এহি
কৈলাসবারীণি এহি এহি পরমন্ত্রং ছিন্ধিছিন্ধি কিলিকিলি বিম্বে অঘোরে
ঘোররূপিণি চামুণ্ডে রুরুক্রোধান্ধবিনিঃ) সৃতে অসুরক্ষয়ঙ্করি
আকাশগামিনি পাশেন বন্ধবন্ধ সময়ে তিষ্ঠতিষ্ঠ মণ্ডলং
প্রবেশয়প্রবেশয় পাতয়পাতয় গৃহ্ণগৃহ্ণ মুখং বন্ধবন্ধ
চক্ষুর্বন্ধয়বন্ধয় হৃদয়ং বন্ধবন্ধ হস্তপাদৌ চ
বন্ধবন্ধ দুষ্টগ্রহান্সর্বান্বন্ধবন্ধ দিশাং বন্ধবন্ধ
বিদিশাং বন্ধবন্ধ ঊর্ধ্বং বন্ধবন্ধ অধস্তাদ্বন্ধবন্ধ ভস্মনা
পানীয়েন মৃতিকয়া সর্ষপৈর্বা আবেশয় আবেশয়
পাতয়পাতয় চামুণ্ডে কিলিকিলি বিচ্ছেহ্রীং(হুং) ফট্স্বাহ্ || ১, ৩৮. ৭ ||
অষ্টোত্তরপদানাং হি মালা মন্ত্রময়ী জপঃ |
একৈক্রপদমষ্টসহস্রধা ত্রিমধুরাক্ততিলাষ্টসহস্রহামেঃ || ১, ৩৮. ৮ ||
মহামাংসেন-ত্রিমধুরাক্তেন অষ্টোত্তরসহ্সত্রং চ একৈকং চ পদং যজেৎ |
তিলাংস্ত্রিমধুরাক্তাংশ্চ সহস্রং চাষ্ট হোময়েৎ || ১, ৩৮. ৯ ||
মহামাংসং ত্রিমধুরাদথ বা সর্বকর্মকৃৎ |
বারিসর্ষপভস্মাদিক্ষেপাদ্যুদ্ধাদিকে জয়ঃ || ১, ৩৮. ১০ ||
অষ্টাবিংশভুজা ধ্যেয়া অষ্টাদশভুজাথবা |
দ্বাদশাষ্টভুজা বাপি ধ্যেয়া বাপি চতুর্ভুজা || ১, ৩৮. ১১ ||
অসিখেটান্বিতৌ হস্তৌ গদাদণ্ডয়ুতৌ পরৌ |
শরচাপয়ুতৌ চান্যৌ খড্গমুদ্ররসংযুতৌ || ১, ৩৮. ১২ ||
খঙ্খঘণ্টান্বিতৌ চান্যৌ ধ্বজদণ্ডয়ুতৌ পরৌ |
অন্যৌ পরশুচক্রাঢ্যৌ ডমরুদর্পণান্বিতৌ || ১, ৩৮. ১৩ ||
শক্তিহস্তাশ্রিতৌ চান্যৌ রটোণী মুসলান্বিতৌ |
পাশতোমরসংযুক্তৌ ঢক্রাপণবসংযুতৌ || ১, ৩৮. ১৪ ||
তর্জয়ন্তী পরেণৈব অন্যং কলকলধ্বনিম্ |
অভয়স্বস্তিকাদ্যৌ চ মহিষঘ্নী চ সিংহগা || ১, ৩৮. ১৫ ||
জয় ৎবং কিল ভূতেশে সর্বভূতসমাবৃতে |
রক্ষ মাং নিজভূতেভ্যো বলিং গৃহ্ণ নমোঽস্তু তে || ১, ৩৮. ১৬ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
দুর্গাজপপূজাবলিমন্ত্রনিরূপণং নামাষ্টত্রিংশোঽধ্যায়ঃ

শ্রীগরুডমহাপুরাণম্-৩৯
রুদ্র উবাচ |
পুনর্দেবার্চনং ব্রূহি সঙ্ক্ষেপেণ জনার্দন |
সূর্যস্য বিষ্ণুরূপস্য ভুক্তিমুক্তিপ্রদায়কম্ || ১, ৩৯. ১ ||
বাসুদেব উবাচ |
শৃণু সূর্যস্য রুদ্র ৎবং পুনর্বক্ষ্যামি পূজনম্ |
ওঁ উচ্চৈঃ শ্রবসে নমঃ ওঁ অরুণায় নমঃ |
ওঁ দণ্ডিনে নমঃ |
ওঁ পিঙ্গলায় নমঃ |
এতে দ্বারে প্রপূজ্যা বৈ এপির্মন্ত্রৈর্বৃষধ্বজ || ১, ৩৯. ২ ||
ওঁ অং প্রভূতায় নমঃ |
ইমং তু পূজয়েন্মধ্যে প্রভূতামলসঞ্জ্ঞকম্ |
ওঁ অং বিমলায় নমঃ |
ওঁ অং সারায় নমঃ |
ওঁ অংাধারায় নমঃ |
ওঁ অং পরমমুখায় নমঃ |
ইত্যাগ্নেয়াদিকোণেষু পূজ্যা বৈ বিমলাদয়ঃ || ১, ৩৯. ৩ ||
ওঁ পদ্মায় নমঃ |
ওঁ কর্ণিকায়ৈ নমঃ |
মঘ্যে তু পূজয়েদ্রুদ্র পূর্বাদিষু তথৈব চ |
দীপ্তাদ্যাঃ পূজয়েন্মধ্যে পূজয়েৎসর্বতোমুখীঃ |
ওঁ বাং (রাং) দীপ্তায়ৈ নমঃ |
ওঁ বীং (রীং) সূক্ষ্মায়ৈ নমঃ |
ওঁ বূং (রূং ভদ্রায়ৈ নমঃ |
ওঁ বৈং (রৈং) জয়ায়ৈ নমঃ |
ওঁ বৌং (রৌং) বিবূত্যৈ নমঃ |
ওঁ বং (রং) অধোরায়ৈ নমঃ |
ওঁ বং (রং) বৈদ্যুতায়ৈ নমঃ |
ওঁ বঃ (রঃ) বিজয়ায়ৈ নমঃ |
ওঁ রো সর্বতোমুখ্যৈ নমঃ || ১, ৩৯. ৪ ||
ওঁ অর্কাসনায় নমঃ |
ওঁ হ্রাং সূর্যমূর্তয়ে নমঃ |
এতাস্তু পূজয়েন্মধ্যে হ্রন্মন্ত্রাঞ্ছৃণু শঙ্কর |
ওঁ হং সং খং খখোল্কায় ক্রাং ক্রীং সঃ স্বাহা সূর্যমূর্তয়ে নমঃ |
অনেনাবাহনং কুর্যাৎস্থাপনং সন্নিধাপনম্ |
সন্নিরোপনমন্ত্রেণ সকলীকরণং তথা || ১, ৩৯. ৫ ||
মুদ্রায়া দর্শনং রুদ্র মূলমন্ত্রেণ বা হর |
তেজোরূপং রক্তবর্ণং সিতপদ্মোপরি স্থিতম্ |
একচক্ররথারূঢং দ্বিবাহুং ধৃতপঙ্কজম্ || ১, ৩৯. ৬ ||
এবং ধ্যায়েৎসদা সূর্যং মূলমন্ত্রং শৃণুষ্ব চ |
ওঁ হ্রাং হ্রীং সঃ সূর্যায় নমঃ || ১, ৩৯. ৭ ||
বারত্রয়ং পদ্মমুদ্রাং বিম্বমুদ্রাং চ দর্শয়েৎ |
ওঁ আং হৃদয়ায় নমঃ |
ওঁ অর্কায় শিরসে স্বাহা |
ওঁ অঃ ভূর্ভুবঃ স্বঃ জ্বালিনি শিখায়ৈ বষট্ |
ওঁ হুং কবচায় হুং |
ওঁ ভাং নেত্রাভ্যাং বৌষট্ |
ওঁ বঃ অস্ত্রায় ফডিতি || ১, ৩৯. ৮ ||
আগ্নেয়্যামথবৈশান্যাং নৈরৃত্যামর্চয়েদ্ধর |
ৎদৃয়দয়াদি হি বায়ব্যাং নেত্রং চান্তঃ প্রপূজয়েৎ || ১, ৩৯. ৯ ||
দিস্বস্ত্রং পূজয়েদ্রুদ্র সোমং তু শ্বেতবর্ণকম্ |
দলে পূর্বের্ঽচয়েদ্রুদ্র বুধং চামীকরপ্রভম্ || ১, ৩৯. ১০ ||
দক্ষিণে পূজয়েদ্রুদ্র পতিবর্ণং গুরুং যজেৎ |
পশ্চিমে চৈব ভূতেশং উত্তরে ভার্গবং সিতম্ || ১, ৩৯. ১১ ||
রক্তমঙ্গারকং চৈব আগ্নেয়ে পূজয়েদ্ধর |
শনৈশ্চরং কৃষ্ণবর্ণং নৈরৃত্যাং দিশি পূজয়েৎ || ১, ৩৯. ১২ ||
রাহুং বায়ব্যদেশে তু নন্দ্যাবর্তনিভিং হর |
ঐশান্যাং ধূম্রবর্ণং তু কেতুং সং পরিপূজয়েৎ || ১, ৩৯. ১৩ ||
এভির্মন্ত্রৈর্মহাদেব তচ্ছৃণুষ্ব চ শঙ্কর || ১, ৩৯. ১৪ ||
ওঁ সোং সোমায় নমঃ |
ওঁ বুং বুধায় নমঃ |
ওঁ বৃং বৃহস্পতয়ে নমঃ |
ওঁ ভং ভার্গবায় নমঃ |
ওঁ অং অঙ্গারকায় নমঃ |
ওঁ শং শনৈশ্চরায় নমঃ |
ওঁ রং রাহবে নমঃ |
ওঁ কং কেতবে নম ইতি || ১, ৩৯. ১৫ ||
পাদ্যাদীন্মূলমন্ত্রেণ দত্ত্বা সূর্যায় শঙ্কর |
নৈবেদ্যান্তে ধেনুমুদ্রাং দর্শয়েৎসাধকোত্তমঃ || ১, ৩৯. ১৬ ||
জপ্ত্বা চাষ্টসহস্রং তু তচ্চ তস্মৈ সমর্পয়েৎ |
ঐশান্যাং দিশি ভূতেশ তেজশ্চণ্ডং তু পূজয়েৎ || ১, ৩৯. ১৭ ||
ওঁ তেজশ্চংণ্ডায় হুং ফট্স্বধা স্বাহা পৌষট্ |
নির্মাল্যং চার্পয়েত্তস্মৈ হ্যর্ঘ্যং দদ্যাত্ততো হর || ১, ৩৯. ১৮ ||
তিলতণ্ডুলসংযুক্তং রক্তচন্দনচর্চিতম্ |
গন্ধোদকেন সমিশ্রং পুষ্পধূপসমন্বিতম্ || ১, ৩৯. ১৯ ||
কৃৎবা শিরসি তৎপাত্রং জানুভ্যামবনিং গতঃ |
দর্ঘ্যং তু সূর্যায় ৎদৃন্মন্ত্রেণ বৃষধ্বজ || ১, ৩৯. ২০ ||
গণং গুরূন্প্রপূজ্যাথ সর্বান্দেবানন্প্রপূজয়েৎ |
ওঁ গং গণপতয়ে নমঃ |
ওঁ অং গুরুভ্যো নমঃ || ১, ৩৯. ২১ ||
সূর্যস্য কথিতা পূজা কৃৎবৈতাং বিষ্ণুলোকভাক্ || ১, ৩৯. ২২ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
সূর্যার্চনপ্রকারো নামৈকোনচৎবারিংশোঽধ্যায়ঃ

শ্রীগরুডমহাপুরাণম্-৪০
শঙ্কর উবাচ |
মাহেশ্বরীং চ মে পূজাং বদ শঙ্খগদাধর |
যাং জ্ঞাৎবা মানবাঃ সিদ্ধিং গচ্ছন্তি পরমেশ্বর || ১, ৪০. ১ ||
হরিরুবাচ |
শৃণু মাহেশ্বরীং পূজাং কথ্যমানাং বৃষধ্বজ |
আদৌ স্নাৎবা তথাচম্য হ্যাসনে চোপবিশ্য চ || ১, ৪০. ২ ||
ন্যাসং কৃৎবা মণ্ডলে বৈ পূজয়চ্চে মহেশ্বরম্ |
মন্ত্রৈরেতৈর্মহেশান পরিবারয়ুতং হরম্ || ১, ৪০. ৩ ||
ওঁ হাং শিবাসনদেবতা আগচ্ছতেতি |
অনেনাবাহয়েদ্রুদ্র দেবতা আসনস্য যাঃ || ১, ৪০. ৪ ||
ওঁ হাং গণপতয়ে নমঃ |
ওঁ হাং সরস্বত্যৈ নমঃ |
ওঁ হাং নন্দিনে নমঃ |
ওঁ হাং মহাকালায় নমঃ |
ওঁ হাং গঙ্গায়ৈ নমঃ |
ওঁ হাং লক্ষ্ম্যৈ নমঃ |
ওঁ হাং মহাকলায়ৈ নমঃ |
ওঁ হাং অস্ত্রায় নম ইতি || ১, ৪০. ৫ ||
এতে দ্বারে প্রপূজ্যা বৈ স্নানগন্ধাদিভির্হর |
ওঁ হাং ব্রহ্মণে বাস্ত্বধিপতয়ে নমঃ |
ওঁ হাং গুরুভ্যো নমঃ |
ওঁ হাং আধারশক্ত্যৈ নমঃ |
ওঁ হাং অনন্তায় নমঃ |
ওঁ হাং ধর্মায় নমঃ |
ওঁ হাং জ্ঞানায় নমঃ |
ওঁ হাং বৈরাগ্যায় নমঃ |
ওঁ হাং ঐশ্বর্যায় নমঃ |
ওঁ হাং অধর্মায় নমঃ |
ওঁ হাং অজ্ঞানায় নমঃ |
ওঁ হাং অবৈরাগ্যায় নমঃ |
ওঁ হাং অনৈশ্বর্যায় নমঃ |
ওঁ হাং উর্ধ্বচ্ছন্দায় নমঃ |
ওঁ হাং অধশ্ছন্দায় নমঃ |
ওঁ হাং পদ্মায় নমঃ |
ওঁ হাং কর্ণিকায়ৈ নমঃ |
ওঁ হাং বামায়ৈ নমঃ |
ওঁ হাং জ্যেষ্ঠায়ৈ নমঃ |
ওঁ হাং রৌদ্যৈ নমঃ |
ওঁ কাল্যৈ নমঃ |
ওঁ হাং কলবিকরণ্যৈ নমঃ |
ওঁ বলপ্রমথিন্যৈ নমঃ |
ওঁ হাং সর্বভূতদমন্যৈ নমঃ |
ওঁ হাং মনোন্মন্যৈ নমঃ |
ওঁ হাং মণ্ডলত্রিতয়ায় নমঃ |
ওঁ হাং হৌং হং শিবমূর্তয়ে নমঃ |
ওঁ হাং বিদ্যাধিপতয়ে নমঃ |
ওঁ হাং হীং হৌং শিবায় নমঃ |
ওঁ হাং হৃদয়ায় নমঃ |
ওঁ শিরসে নমঃ |
ওঁ হূং শিখায়ৈ নমঃ |
ওঁ হৈং কবচায় নমঃ |
ওঁ হৌং নেত্রত্রয়ায় নমঃ |
ওঁ হঃ অস্ত্রায় নমঃ |
ওঁ সদ্যোজাতায় নমঃ || ১, ৪০. ৬ ||
ওঁ হাং সিদ্ধ্যৈ নমঃ |
ওঁ হাং ঋদ্ধ্যৈ নমঃ |
ওঁ হাং বিদ্যুতায়ৈ নমঃ |
ওঁ হাং লক্ষ্ম্যৈ নমঃ |
ওঁ হাং বোধায়ৈ নমঃ |
ওঁ হাং কাল্যৈ নমঃ |
ওঁ হাং স্বধায়ৈ নমঃ |
ওঁ হাং প্রভায়ৈ নমঃ || ১, ৪০. ৭ ||
সত্যস্যাষ্টৌ কলা জ্ঞেয়াঃ পূজ্যাঃ পূর্বাদিষু স্থিতাঃ || ১, ৪০. ৮ ||
ওঁ হাং বামদেবায় নমঃ |
ওঁ হাং রজসে নমঃ |
ওঁ হাং রক্ষায়ৈ নমঃ |
ওঁ হাং রত্যৈ নমঃ |
ওঁ হাং কন্যায়ৈ নমঃ |
ওঁ হাং কামায়ৈ নমঃ |
ওঁ হাং জনন্যৈ নমঃ |
ওঁ হাং ক্রিয়ায়ৈ নমঃ |
ওঁ হাং বৃদ্ধ্যৈ নমঃ |
ওঁ হাং কার্যায়ৈ নমঃ |
ওঁ রা(ধা) ত্র্যৈ নমঃ |
ওঁ হাং ভ্রামণ্যৈ নমঃ |
ওঁ হাং মোহিন্যৈ নমঃ |
ওঁ হাং ক্ষ(ৎব) রায়ৈ নমঃ |
বামদেবকলা জ্ঞেয়াস্ত্রয়ো দশ বৃষধ্বজ || ১, ৪০. ৯ ||
ওঁ হাং তৎপুরুষায় নমঃ |
ওঁ হাং নিবৃত্ত্যৈ নমঃ |
ওঁ হাং প্রতিষ্ঠায়ৈ নমঃ |
ওঁ হাং বিদ্যায়ৈ নমঃ |
ওঁ হাং শান্ত্যৈ নমঃ |
জ্ঞেয়াস্তৎপুরুষস্যৈব চতস্রো বৃষভধ্বজ || ১, ৪০. ১০ ||
ওঁ হাং তৃষ্ণায়ৈ নমঃ |
কলাষট্কং হ্যখোরস্য বিজ্ঞেয়ং ভৈরবং হর || ১, ৪০. ১১ ||
ওঁ হাং ঈশানায় নমঃ |
ওঁ হাং সমিত্যৈ নমঃ |
ওঁ হাং অঙ্গদায়ৈ নমঃ |
ওঁ হাং কৃষ্ণায়ৈ নমঃ |
ওঁ হাং মরীচ্যৈ নমঃ |
ওঁ হাং জ্বালায়ৈ নমঃ |
ঈশানস্য কলাঃ পঞ্চ জানীহি বৃষভধ্বজ || ১, ৪০. ১২ ||
ওঁ হাং শিবপরিবারেভ্যো নমঃ |
ওঁ হাং ইন্দ্রায় সুরাধিপতয়ে নমঃ |
ওঁ হাং অগ্নয়ে তেজোঽধিপতয়ে নমঃ |
ওঁ হাং যমায় প্রেতাধিপতয়ে নমঃ |
ওঁ হাং নিরৃতয়ে রক্ষোঽধিপতয়ে নমঃ |
ওঁ হাং বরুণায় জলাধিপতয়ে নমঃ |
ওঁ হাং বায়বে প্রাণাধিপতয়ে নমঃ |
ওঁ হাং সোমায় নেত্রাধিপতয়ে নমঃ |
ওঁ হাং ঈশানায় সর্ববিদ্যাধিপতয়ে নমঃ |
ওঁ হাং অনন্তায় নাগাধিপতয়ে নমঃ |
ওঁ হাং ব্রহ্মণে সর্বলোকাধিপতয়ে নমঃ |
ওঁ হাং ধূলিচণ্ডেশ্বরায় নমঃ || ১, ৪০. ১৩ ||
আবাহনং স্থাপনং সন্নিধানং চ শঙ্কর |
সন্নিরোধং তথা কুর্যাৎসকলীকরণং তথা || ১, ৪০. ১৪ ||
তত্ত্বন্যাসং চ মুদ্রায়া দর্শনং দ্যানমেব চ |
পাদ্যমাচমনং হ্যর্ঘ্যং পুষ্পাণ্যভ্যঙ্গদানকম্ || ১, ৪০. ১৫ ||
তত উদ্বর্তনং স্নানং সুগন্ধং চানুলেপনম্ |
বস্ত্রালং কারভোগাংশ্চ হ্যঙ্গন্যাসং চ ধূপকম্ || ১, ৪০. ১৬ ||
দীপং নৈবেদ্যদানং চ হস্তোদ্বর্তনমেব চ |
পাদ্যার্ঘ্যাচমনং গন্ধং তাম্বূলং গীতবাদনম্ || ১, ৪০. ১৭ ||
নৃত্যং ছত্রা দিকরণং মুদ্রাণাং দর্শনং ততা |
রূপং ধ্যানং জপঞ্চাথ একবদ্ভাব এব চ || ১, ৪০. ১৮ ||
মূলমন্ত্রেণ বৈ কুর্যাজ্জপপূজাসমর্পণম্ |
মাহেশী কথিতা পূজা রুদ্র পাপবিনাসিনী || ১, ৪০. ১৯ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
মহেশ্বরপূজাবিধির্নাম চৎবারিংশোঽধ্যায়ঃ