২.০২ ব্রহ্মাণ্ডমহাপুরাণং – মধ্যভাগ (অধ্যায় ৬-৭.১)

সূত উবাচ
অভবন্দনুপুত্রাস্তু বংশে খ্যাতা মহাসুরাঃ |
বিপ্রচিত্তিপ্রধা নাস্তেঽচিন্তনীয়পরাক্রমাঃ || ২. ৬. ১||
সর্বে লব্ধবরাশ্চৈব তে তপ্ততপসস্তথা |
সত্যসংধাঃ পরাক্রান্তাঃ ক্রূরা মায়াবিনশ্চ তে || ২. ৬. ২||
মহাবলাস্তে জবনা ব্রহ্মিষ্ঠা যে চ সাগ্নয়ঃ |
কীর্ত্যমানান্ময়া সর্বান্প্রাধান্যেন নিবোধত || ২. ৬. ৩||
দ্বিমূর্দ্ধা শংবরশ্চৈব তথা শঙ্কুরথো বিভুঃ |
শঙ্কুকর্ণো বিপাদশ্চ গবিষ্ঠো দুন্দুভিস্তথা || ২. ৬. ৪||
অয়োমুখস্তু মঘবান্কপিলো বামনো ময়ঃ |
মরীচিরসিপাশ্চৈব মহা মায়োঽশিরা ভৃশী || ২. ৬. ৫||
বিক্ষোভশ্চ সুকেতুশ্চ কেতুবীর্যশতাহ্বয়ৌ |
ইন্দ্রজিদ্বিবিদশ্চৈব তথা ভদ্রশ্চ দেবজিৎ || ২. ৬. ৬||
একচক্রো মহা বাহুস্তারকশ্চ মহাবলঃ |
বৈশ্বানরঃ পুলোমা চ প্রাপণোঽথ মহাশিরাঃ || ২. ৬. ৭||
স্বর্ভানুর্বৃষপর্বা চ পুরুণ্ডশ্চ মহাসুরঃ |
ধৃতরাষ্ট্রশ্চ সূর্যশ্চচন্দ্রমা ইন্দ্রতাপনঃ || ২. ৬. ৮||
সূক্ষ্মশ্চৈব নিচন্দ্রশ্চ চূর্ণনাভো মহাগিরিঃ |
অসিলোমা সুকেশশ্চ শঠশ্চ মূলকোদরঃ || ২. ৬. ৯||
জম্ভো গগনমূর্দ্ধা চকুংভমানো মহোদকঃ |
প্রমদোঽদ্মশ্চ কুপথো হ্যশ্বগ্রীবশ্চ বীর্যবান্ || ২. ৬. ১০||
বৈমৃগঃ সবিরূপাক্ষঃ সুপথশ্চ হলা হলৌ |
অক্ষো হিরণ্ময়শ্চৈব শতগ্রীবশ্চ শংবরঃ || ২. ৬. ১১||
শরভঃ শ্বলভশ্চৈব সূর্যাচন্দ্রমসাবুভৌ |
অসুরাণাং স্মৃতাবেতৌ সুরাণাং চ প্রভাবিণৌ || ২. ৬. ১২||
ইতি পুত্রা দনোর্বংশপ্রধানাঃ পরিকীর্ত্তিতাঃ |
তেষামপরিসংখ্যেয়ং পুত্রপৌত্রমনন্তকম্ || ২. ৬. ১৩||
ইত্যেত অসুরাঃ তক্রান্তা দৈতেয়া দানবাস্তথা |
সুৎবানস্তু স্মৃতা দৈত্যা অসুৎবানো দনোঃ সুতাঃ || ২. ৬. ১৪||
ইমে চ বংশানুগতা দনোঃ পুত্রান্বয়াঃ স্মৃতাঃ |
একাক্ষেশ্বপ্রভারিষ্টঃ প্রলংবনরকাবপি || ২. ৬. ১৫||
ইন্দ্রবাধনকেশী চ পুরুষঃ শেষবানুরুঃ |
গরিষ্ঠশ্চ গবাক্ষশ্চ তালকেতুশ্চ বীর্যবান্ || ২. ৬. ১৬||
এতে মনুষ্যা বধ্যাস্তু দনুপুত্রান্বয়াঃ স্মৃতাঃ |
দৈত্যদানবসংযোগে জাতা ভীমপরাক্রমাঃ || ২. ৬. ১৭||
সিংহিকায়ামথোৎপন্না বিপ্রচিত্তেঃ সুতা ইমে |
সৈংহিকেয়াঃ সমাখ্যাতাশ্চতুর্দশ মহাসুরাঃ || ২. ৬. ১৮||
শলশ্চ শলভশ্চৈব সব্যসিব্যস্তথৈব চ |
ইল্বলো নমুচিশ্চৈব বাতাপিস্তু সুপুঞ্জিকঃ || ২. ৬. ১৯||
রহকল্পঃ কালনাভো ভৌমশ্চ কনকস্তথা |
রাহুর্জ্যেষ্ঠস্তু তেষাং বৈ সূর্যচন্দ্রপ্রমর্দ্দনঃ || ২. ৬. ২০||
ইত্যোতে সিংহিকাপুত্রা দেবৈরপি দুরাসদাঃ |
দারুণাভিজনাঃ ক্রূরাঃ সর্বে ব্রহ্মহণশ্চ তে || ২. ৬. ২১||
দশ তানি সহস্রাণিসৈংহিকেয়া গণাঃ স্মৃতাঃ |
নিহতা জামদগ্ন্যেন ভার্গবেণ বলীয়সা || ২. ৬. ২২||
স্বর্ভানোস্তু প্রভা কন্যা পুলোম্নস্তু শচী সুতা |
উপদানবী সদস্যাথ শর্মিষ্ঠা বৃষপর্বণঃ || ২. ৬. ২৩||
পুলোমা কালিকা চৈব বৈশ্বানরসুতে উভে |
প্রভায়াং নহুষঃ পুত্রো জয়ন্তস্তু শচীসুতঃ || ২. ৬. ২৪||
পুরুং জজ্ঞেঽথ শর্মিষ্ঠা দুষ্যন্তসুপদানবী |
বৈশ্বানরসুতে এতে পুলোমা কালকা তথা || ২. ৬. ২৫||
বহ্বপত্যে উভে কন্যে মারীচস্য পরিগ্রহঃ |
তয়োঃ পুত্রসহস্রাণি ষষ্টির্দানবপুঙ্গবাঃ || ২. ৬. ২৬||
চতুর্দশ তথান্যানি হিরণ্যপুরবাসিনাম্ |
পৌলোমাঃ কালকেয়াশ্চ দানবাঃ সুমরা বলাঃ || ২. ৬. ২৭||
অবধ্যা দেবতানাং তে নিহতাঃ সব্যমাচিনা |
ময়স্য জাতা রংভায়াং পুত্রাঃ ষট্ চ মহাবলাঃ || ২. ৬. ২৮||
মায়াবী দুন্দুভিশ্চৈব পুত্রশ্চ মহিষস্তথা |
কালিকশ্চাজকর্ণশ্চকন্যা মন্দোদরী তথা || ২. ৬. ২৯||
দৈত্যানাং দানবানাং চ সর্গ এষ প্রকীর্ত্তিতঃ |
অনায়ুষায়াঃ পুত্রাস্তে স্মৃতাঃ পঞ্চ মহাবলাঃ || ২. ৬. ৩০||
অররুর্বলবৃত্রৌ চ বিজ্বরশ্চ বৃষস্তথা |
অররোস্তনয়ঃ ক্রূরো ধুন্ধুর্নাম মহাসুরঃ || ২. ৬. ৩১||
নিহতঃ কুবলাশ্বেন উত্তঙ্কবচনাদ্বিলে |
বলপুত্রৌ মহাবীর্যৌং তেজসাপ্রতিমাবুভৌ || ২. ৬. ৩২||
নিকুংভশ্চক্রবর্মা চ স কর্ণঃ পূর্বজন্মনি |
বিজরস্যাপি পুত্রৌ দ্বৌ কালকশ্চ খরশ্চ তৌ || ২. ৬. ৩৩||
বৃষস্য তু পুনঃ পুত্রাশ্চৎবারঃ ক্রূরকর্মণঃ |
শ্রাদ্ধাদো যজ্ঞহা চৈব ব্রহ্মহা পশুহা তথা || ২. ৬. ৩৪||
ক্রান্তা হ্যনায়ুষঃ পুত্রা বৃত্র স্যাপি নিবোধত |
জজ্ঞিরেঽসুমহাঘোরা বৃত্রস্যেন্দ্রেণ যুধ্যতা || ২. ৬. ৩৫||
বকা নাম সমাখ্যাতা রাক্ষসাঃ সুমহাবলাঃ |
শতং তানি সহস্রাণি মহেন্দ্রানুচরাঃ স্মৃতাঃ || ২. ৬. ৩৬||
সর্বে ব্রহ্মবিদঃ সৌম্যা ধার্মিকাঃ সূক্ষ্মমূর্ত্তয়ঃ |
প্রজাস্বন্তর্গতাঃ সর্বে নিবসংতি ক্রুধাবৃতাঃ || ২. ৬. ৩৭||
ক্রোধা ৎবপ্রতিমান্পুত্রান্ জজ্ঞে বৈ গায়নোত্তমান্ |
সিদ্ধঃ পূর্ণশ্চ বহ্বীচ পূর্ণাশশ্চৈব বীর্যবান্ || ২. ৬. ৩৮||
ব্রহ্মচারী শতগুণঃ সুপর্ণশ্চৈব মপ্তমঃ |
বিশ্বাবসুশ্চ ভানুশ্চ সুচন্দ্রো দশমস্তথা |
ইত্যেতে দেবগন্ধর্বাঃ ক্রোধায়াঃ পরিরীর্ত্তিতাঃ || ২. ৬. ৩৯||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয় উপোদ্ধাতপাদে দনুবংশকীর্ত্তনং নাম ষষ্ঠোঽধ্যায়
সূত উবাচ
গন্ধর্বাপ্সরসঃ পুত্রা মৌনেয়াস্তান্নিবোধত |
ভীমসেনেগ্রসেনৌ চ সুপর্ণো বরুণস্তথা || ২. ৭. ১||
ধৃতরাষ্ট্রশ্চ গোমাংশ্চ সূর্যবর্চাস্তথৈব চ||
পত্রবানর্কপর্ণশ্চ প্রয়ুতশ্চ তথৈব হি || ২. ৭. ২||
ভীমশ্চিত্ররথশ্চৈব বিখ্যাতঃ সর্বজীদ্বশী |
ত্রয়োদশঃ শালিশিরাঃ পর্জন্যশ্চ চতুর্দশঃ || ২. ৭. ৩||
কলিঃ পঞ্চ দশস্তেষাং নারদশ্চৈব ষোডশঃ |
ইত্যেতে দেবগন্ধর্বা মৌনেয়াঃ পরিকীর্ত্তিতাঃ || ২. ৭. ৪||
চতুর্বিংশাশ্চাবরজাস্তেষামপ্সরসঃ শুভাঃ |
অরুণা চানপায়া চ বিমনুষ্যা বরাংবরা || ২. ৭. ৫||
মিশ্রকেশী তথাচাসিপর্ণিনী চাপ্যলুংবুষা |
মরীচিঃ শুচিকা চৈব বিদ্যুৎপর্ণা তিলোত্তমা || ২. ৭. ৬||
অদ্রিকা লক্ষ্মণা ক্ষেমা দিব্যা রংভা মনোভবা |
অসিতা চ সুবাহূশ্চ সুপ্রিয়া সুভুজা তথা || ২. ৭. ৭||
পুণ্ডরীকাজগন্ধা চ সুদতী সুরসা তথা |
তথৈবাস্যাঃ সুবাহূশ্চ বিখ্যাতৌ চ হহাহুহূ || ২. ৭. ৮||
তুংবুরুশ্চেতি চৎবারঃ স্মৃতাগন্ধর্বসত্তমাঃ |
গন্ধর্বাপ্সরসো হ্যেতে মৌনেয়াঃ পরিকীর্ত্তিতাঃ || ২. ৭. ৯||
হংসা সরস্বতী চৈব সূতা চ কমলাভয়া |
সুমুখী হংসপাদী চ লৌকিক্যোঽপ্সরসঃ স্মৃতাঃ || ২. ৭. ১০||
হংসো জ্যোতিষ্টমো মধ্য আচারস্ত্বিহ দারুণঃ |
বরূথোঽথ বরেণ্যশ্য ততো বসুরুচিঃ স্মৃতঃ || ২. ৭. ১১||
অষ্টমঃ সুরুচিস্তেষাং ততো বিশ্বা বসুঃ স্মৃতঃ |
সুষুবে সা মহাভাগা রিষ্টা দেবর্ষিপূজিতা || ২. ৭. ১২||
অরূপাং সুভগাং ভাসীমিতি ত্রেধা ব্যজায়ত |
মনুবন্তী সুকেশী চ তুংবরোস্তু সুতে শুভে || ২. ৭. ১৩||
পঞ্চচূডাস্ত্বিমা বিদ্যাদেবমপ্সরসো দশ |
মেনকা সহজন্যা চ পর্ণিনী পুঞ্জিকস্থলা || ২. ৭. ১৪||
কৃতস্থলা দ্যৃতাচী চ বিশ্বাচী পূর্বচিত্ত্যপি |
প্রম্লোচেত্যভিবিখ্যাতানুম্লোচৈব তু তা দশ || ২. ৭. ১৫||
অনাদিনিধনস্যাথ জজ্ঞে নারায়ণস্য যা |
কুলোচিতানবদ্যাঙ্গী উর্বশ্চেকাদশী স্মৃতা || ২. ৭. ১৬||
মেনস্য মেনকা কন্যা জজ্ঞে সর্বাঙ্গসুংদরী |
সর্বাশ্চ ব্রহ্মবাদিন্যো মহাভাগাশ্চ তাঃ স্মৃতাঃ || ২. ৭. ১৭||
গণাস্ত্বপ্সরসাং খ্যাতাঃ পুণ্যাস্তে বৈ চতুর্দশ |
আহৃত্যঃ শোভবত্যশ্চ বেগবত্যস্তথৈব চ || ২. ৭. ১৮||
ঊর্জ্জাশ্চৈব যুবত্যশ্চ স্রুচস্তু কুরবস্তথাশ্চ |
বর্হয়শ্চামৃতাশ্চৈব মুদাশ্চ মৃগবো রুচঃ || ২. ৭. ১৯||
ভীরবঃ শোভয়ন্ত্যশ্চ গাণা হ্যেতে চতুর্দশ |
ব্রহ্মণো মানসাহৃত্যঃ শোভবত্যো মরুৎসুতাঃ || ২. ৭. ২০||
বেগবত্যশ্চ রিষ্টায়া ঊর্জ্জাশ্চৈবাগ্নিসংভবাঃ |
যুবত্যশ্চ তথা সূর্যরশ্মিজাতাঃ সুশোভনাঃ || ২. ৭. ২১||
গভস্তিভিশ্চ সোমস্য জজ্ঞিরে কুরবঃ শুভাঃ |
যজ্ঞোৎপন্না স্রুচো নাম কুশবত্যাং চ বর্হয়ঃ || ২. ৭. ২২||
বারিজা হ্যমৃতোৎপন্না অমৃতা নামতঃ স্মৃতাঃ |
বায়ূৎপনানা মুদা নাম ভূমিজা মৃগবস্তথা || ২. ৭. ২৩||
বিদ্যুতোঽত্র রুচো নাম মৃত্যোঃ কন্যাশ্চ ভীরবঃ |
শোভয়ন্ত্যশ্চ কামস্য গণাঃ প্রোক্তাশ্চতুর্দশ || ২. ৭. ২৪||
ইত্যেতে বহুসাহস্রা ভাস্বরা অপ্সরোগণাঃ |
দেবতানামৃষীণাং চ পত্ন্যশ্চ মাতরশ্চ হ || ২. ৭. ২৫||
সুগন্ধাশ্চাথ নিষ্পন্দা সর্বাশ্চাপ্সরসঃ সমাঃ |
সংপ্রয়োগস্তু কামেন মাদ্যং দিবি হরং বিনা || ২. ৭. ২৬||
তাসাং দেবর্ষি সংস্পর্শা জাতাঃ সাধারণা যতঃ |
পর্বতস্তত্র সংভূতো নারদশ্চৈব তাবুভৌ || ২. ৭. ২৭||
ততো যবীয়সী চৈব তৃতীয়ারুন্ধতী স্মৃতা |
দেবর্ষিভ্যস্তয়োর্জন্ম যস্মান্নারদপর্বতৌ || ২. ৭. ২৮||
তস্মাত্তৌ তৎসনামানৌ স্মৃতৌ নারদপর্বতৌ |
বিনতায়াশ্চ পুত্রৌ দ্বৌ অরুণৌ গরুডশ্চ হ || ২. ৭. ২৯||
গায়ত্র্যাদীনি ছন্দাংসি সৌপর্ণেয়ানি পক্ষিণাঃ |
ব্যবহার্যাণি সর্বাণি ঋজুসন্নিহিতানি চ || ২. ৭. ৩০||
ক্রদ্রূর্নাগসহস্রং বৈ বিজজ্ঞে ধরণীধরম্ |
অনেকশিরসাং তেষাং খেচরাণাং মহাত্মনাম্ || ২. ৭. ৩১||
বহুৎবান্নামধেয়ানাং প্রধানাংশ্চ নিবোধত |
তেষাং প্রধানা নাগানাং শেষবাসুকিতক্ষকাঃ || ২. ৭. ৩২||
অকর্ণো হস্তিকর্ণশ্চ পিজরশ্চার্যকস্তথা |
ঐরাবতো মহাপদ্মঃ কংবলাশ্বতরাবুভৌ || ২. ৭. ৩৩||
এলাপত্রশ্চ শঙ্খশ্চ কর্কেটকধনঞ্জয়ৌ |
মহাকর্ণমহানীলৌ ধৃতরাষ্ট্রবলাহকৌ || ২. ৭. ৩৪||
করবীরঃ পুষ্পদংষ্ট্রঃ সুমুখো দুর্মুখস্তথা |
সূনামুখো দধিমুখঃ কালিয়শ্চালিপিণ্ডকঃ || ২. ৭. ৩৫||
কপিলশ্চাংবরীষশ্চ অক্রূরশ্চ কপিত্থকঃ |
প্রহ্রাদস্তু ব্রহ্মণাশ্চ গন্ধর্বোঽথ মণিস্থকঃ || ২. ৭. ৩৬||
নহুষঃ কররোমা চ মণিরিত্যেবমাদয়ঃ |
কাদ্রবেয়াঃ সমাখ্যাতাঃ খশায়াস্তু নিবোধত || ২. ৭. ৩৭||
খশা বিজজ্ঞে দ্বৌ পুত্রৌ বিকৃতৌ পরুষব্রতৌ |
শ্রেষ্ঠং পশ্চিমসংধ্যায়াং পূর্বস্যাং চ কনীয়সম্ || ২. ৭. ৩৮||
বিলোহিতৈককর্ণং চ পূর্বং সাজনয়ৎসুতম্ |
চতুর্ভুজং চতুষ্পাদং কিঞ্চিৎস্পন্দং দ্বিধাগতিম্ || ২. ৭. ৩৯||
সর্বঙ্গকেশং স্থূলাঙ্গং শুভনাসং মহোদরম্ |
স্বচ্ছশীর্ষং মহাকর্ণং মুঞ্জকেশং মহাবলম্ || ২. ৭. ৪০||
হ্রস্বাস্যং দীর্ঘজিহ্বং চ বহুদংষ্ট্রং মহাহনুম্ |
রক্তপিঙ্গাক্ষপাদং চ স্থূলভ্রূদীর্ঘনাসিকম্ || ২. ৭. ৪১||
গুহ্যকং শিতিকণ্ঠং চ মহাপাদং মহামুখম্ |
এবংবিধং খশাপুত্রং জজ্ঞেঽসাবতিভীষণম্ || ২. ৭. ৪২||
তস্যানুজং দ্বিতীয়ং সা হ্যুষস্যন্তে ব্যজায়ত |
ত্রিশীর্ষং চ ত্রিপাদং চ ত্রিহস্তং কৃষ্ণলোচনম্ || ২. ৭. ৪৩||
ঊর্দ্ধ্বকেশং হরিচ্ছ্মশ্রুং শিলাসংহননং দৃঢম্ |
হ্রস্বকায়ং প্রবাহুং চ মহাকায় মহারবম্ || ২. ৭. ৪৪||
আকর্ণদারিতাস্যং চ বলবৎসথূলনাসিকম্ |
স্থূলৌষ্ঠমষ্টদংষ্ট্র চ জিহ্মাস্যং শঙ্কুকর্ণকম্ || ২. ৭. ৪৫||
পিঙ্গলোদ্বত্তনয়নং জটিলং দ্বন্দ্বপিণ্ডকম্ |
মহাস্কন্ধং মহোরস্কং পৃথুঘোণং কৃশোদরম্ || ২. ৭. ৪৬||
অস্থূলং লোহিতং গ্রীবলংবমেঢ্রাণ্ডপিডকম্ |
এবংবিধং কুমারং সা কনিষ্ঠং সমসূয়ত || ২. ৭. ৪৭||
সদ্যঃ প্রসূতমাত্রৌ তৌ বিবৃদ্ধৌ চ প্রমাদতঃ |
উপয়ৌগসমর্থাভ্যাং শরীরাভ্যাং ব্যবস্থিতৌ || ২. ৭. ৪৮||
সদ্যোজাতৌ বিবৃদ্ধাঙ্গৌ মাতরং পর্যকর্ষতাম্ |
তয়োঃ পূর্বস্তু যঃ ক্রূরো মাতরং সোঽভ্য কর্ষত || ২. ৭. ৪৯||
ব্রুবংশ্চ মাতর্ভক্ষাব রক্ষার্থং ক্ষুধয়ার্দিতঃ |
ন্যষেধয়ৎপুনর্হ্যেনং স্বয়ং স তু কনিষ্ঠকঃ || ২. ৭. ৫০||
পূর্বেষাং ক্ষেমকৃত্ত্বং বৈ রক্ষৈতাং মাতরং স্বকাম্ |
বাহুভ্যাং পরিগৃহ্যৈনং মাতরং সোঽভ্যভাষয়ৎ || ২. ৭. ৫১||
এতস্মিন্নেব কালে তু প্রাদুর্ভূতস্তয়োঃ পিতা |
তৌ দৃষ্ট্বা বিকৃতা কারৌ খশাং তামভ্যভাষত || ২. ৭. ৫২||
তৌ সুতৌ পিতরং দৃষ্ট্বা হ্যেকভূতৌ ভয়ান্বিতৌ |
মাতুরেব পুনশ্চাঙ্গে প্রলীয়েতাং স্বমায়য়া || ২. ৭. ৫৩||
অথাব্রবীদৃষির্ভার্যাং কিমাভ্যামুক্তবত্যসি |
সর্বমাচক্ষ্ব তত্ত্বেন তবৈবায়ং ব্যতিক্রমঃ || ২. ৭. ৫৪||
মাতৃতুল্যশ্চ জননে পুত্রো ভবতি কন্যকা |
যথাশীলা ভবেন্মাতা তথাশীলো ভবেৎসুতঃ || ২. ৭. ৫৫||
যদ্বর্ণা তু ভবেদ্ভূমিস্তদ্বর্ণং সলিলং ধ্রুবম্ |
মাৎৠণাং শীলদোষেণ তথা রূপগুণৈঃ পুনঃ || ২. ৭. ৫৬||
বিভিন্নাস্তু প্রজাঃ সর্বাস্তথা খ্যাতিবশেন চ |
ইত্যেবমুক্ত্বা ভগবান্খশামপ্রতিমস্তদা || ২. ৭. ৫৭||
পুত্রাবাহূয় সাম্না বৈ চক্রে তাভ্যাং তু নামনী |
পুত্রাভ্যাং যৎকৃতং তস্যাস্তদাচষ্ট খশা তদা || ২. ৭. ৫৮||
মাতা যথা সমাখ্যাতা তর্মাভ্যাং চ পৃথক্পৃথক্ |
তেন ধাৎবর্থয়োগেন তত্তদর্থে চকার হ || ২. ৭. ৫৯||
মাতর্ভক্ষেত্যথোক্তো বৈ খাদনে ভক্ষণে চ সঃ |
ভক্ষাবেত্যুক্তবানেষ তস্মাদ্যক্ষোঽভবত্ত্বয়ম্ || ২. ৭. ৬০||
রক্ষ ইত্যেষ ধাতুর্যঃ পালনে স বিভাব্যতে |
উক্তবাংশ্চৈষ যস্মাত্তু রক্ষেমাং মাতরং স্বকাম্ || ২. ৭. ৬১||
নাম্না রক্ষোঽপরস্তস্মাদ্ভবিষ্যতি তবাত্মজঃ |
স তদা তদ্বিধাং দৃষ্ট্বা বিক্রিয়াং চ তয়োঃ পিতা || ২. ৭. ৬২||
তদা ভাবিনমর্থং চ বুদ্ধ্বা মাত্রা কৃতং তয়োঃ |
তাবৃভৌ ক্ষুধিতৌ দৃষ্ট্বা বিস্মিতঃ পরিমৃষ্টধীঃ || ২. ৭. ৬৩||
তয়োঃ প্রাদিশদাহারং খশাপতিরসৃগ্বসে |
পিতা তৌ ক্ষুধিতৌ দৃষ্ট্বা বর মেতং তয়োর্দদৌ || ২. ৭. ৬৪||
যুবয়োর্হস্তসংস্পর্শাদ্রক্তধারাশ্চ সর্বশঃ |
সৃঙ্মাংসবসাভূতা ভবিষ্যন্তীহ কামতঃ || ২. ৭. ৬৫||
নক্তাহারবিহারৌ চ দ্বিজদেবাদিভোজনৌ |
নক্তং চৈব বলীয়াংসৌ দিবা বৈ নির্বলৌ যুবাম্ || ২. ৭. ৬৬||
মাতরং রক্ষত ইমাং ধর্মশ্চৈবানুশিষ্যতে |
ইত্যুক্ত্বা কাশ্যপঃ পুত্রৌ তত্রৈবান্তরধীয়ত || ২. ৭. ৬৭||
গতে পিতরি তৌ ক্রূরৌ নিসর্গাদেব দারুণৌ |
বিপর্যয়েষু বর্ত্তেতেঽকৃতজ্ঞৌ প্রাণিহিংসকৌ || ২. ৭. ৬৮||
মহাবলৌ মহাসত্ত্বৌ মহাকায়ৌ দুরাসদৌ |
মায়াবিদাবদৃশ্যৌ তাবন্তর্ধানগতাবুভৌ || ২. ৭. ৬৯||
তৌ কামরূপিণৌ ঘোরৌ নীরুজৌ চ স্বভাবতঃ |
রূপা নুরূপৈরাচারৈঃ প্রচরন্তৌ প্রবাধকৌ || ২. ৭. ৭০||
দেবানৃষীন্পিৎৠংশ্চৈব গন্ধর্বান্কিন্নরানপি |
পিশাচাংশ্চমনুষ্যাংশ্চপন্নগান্পক্ষিণঃ পশূন্ || ২. ৭. ৭১||
ভক্ষার্থমিহ লিপ্সংতৌ চেরতুস্তৌ নিশাচরৌ |
ইন্দ্রস্যানুচরৌ চৈব ক্ষুব্ধৌ দৃষ্ট্বা হ্যতিষ্ঠতাম্ || ২. ৭. ৭২||
রাক্ষসং তং কদাচিদ্বৈ নিশীথে হ্যেক মীশ্বরম্ |
আহারং স পরীপ্সন্বৈ শব্দেনানুসসার হ || ২. ৭. ৭৩||
আসসাদ পিশাচৌ বৈ ৎবজঃ শণ্ঢশ্চ তাবুভৌ |
কপিপুত্রৌ মহাবীর্যৌং কূষ্মাডৌ পূর্বজাবুভৌ || ২. ৭. ৭৪||
পিঙ্গাক্ষাবূর্দ্ধ্বরোমাণৌ বৃত্তাক্ষৌ চ সুদারুণৌ |
কন্যাভ্যাং সহিতৌ তৌ তু তাভ্যাং ভর্তুশ্চিকীর্ষয়া || ২. ৭. ৭৫||
তে কন্যে কামরূপিণ্যৌ তদাচারমুভে চ তম্ |
আহারার্থে সমীহন্তৌ সকন্যৌ তু বুভুক্ষিতৌ || ২. ৭. ৭৬||
অপশ্যতাং রক্ষসং তৌ কামরূপিণমগ্রতঃ |
সহসা সন্নিপাতেন দৃষ্ট্বা চৈব পরস্পরম্ || ২. ৭. ৭৭||
ঈক্ষমাণাঃ স্থিতান্যোন্যং পরস্পরজিঘৃক্ষবঃ |
পিতরাবূচতুঃ কন্যে যুবা মানয়ত দ্রুতম্ || ২. ৭. ৭৮||
জীবগ্রাহং নিগৃহ্যৈনং বিস্ফুরন্তং পদেপদে |
ততস্তমভিসৃত্যৈনং কন্যে জগৃহতুস্তদা || ২. ৭. ৭৯||
সংগৃহীৎবা তু হস্তাভ্যামানীতঃ পিতৃসংসদি |
তাভ্যাং কন্যাগৃহীতং তং পিশাচৌ বীক্ষ্য রক্ষসম্ || ২. ৭. ৮০||
অপৃচ্ছতাং চ কস্য ৎবং স চ সর্বমভাষত |
তস্য কর্মাভিজাতী চ শ্রুৎবা তৌ রক্ষসস্তদা || ২. ৭. ৮১||
অজঃ শণ্ডশ্চ তস্মৈ তে কন্যকে প্রত্যপাদয়ৎ |
তৌ তুষ্টৌ কর্মণা তস্য কন্যে তে দদতুস্তু বৈ || ২. ৭. ৮২||
পৈশাচৈন বিবাহেন রুদন্ত্যাবুদ্ববাহ সঃ |
অজঃ শণ্ডঃ সুতাভ্যাং তু তদা শ্রাবয়তাং ধনম্ || ২. ৭. ৮৩||
ইয়ং ব্রহ্মধনা নাম কন্যা যা সহিতা শুভা |
ব্রহ্ম তস্যাপরাহার ইতি শণ্ডোঽভ্যভাষত || ২. ৭. ৮৪||
ইয়ং জন্তুধনা নাম কন্যা সর্বাঙ্গজন্তিলা |
জন্তুভাব ধনাদানা ইত্যজৌঽশ্রাবয়দ্ধনম্ || ২. ৭. ৮৫||
সর্বাঙ্গকেশাপাশা চ কন্যা জন্তুধনা তু যা |
যাতুধানপ্রসূতা সা কন্যা চৈব মহারবা || ২. ৭. ৮৬||
অরুণা চাপ্যলোমা চ কন্যা ব্রহ্মধনা তু যা |
ব্রহ্মধানপ্রসূতা সা কন্যা চৈব মহারবা || ২. ৭. ৮৭||
এবং পিশাচকন্যে তে মিথুনে দ্বে প্রসূয়তাম্ |
তয়োঃ প্রজানিসর্গং চ কথয়িষ্যে নিবোধত || ২. ৭. ৮৮||
হেতিঃ প্রহেতিরুগ্রশ্চ পৌরুষেয়ৌ বধস্তথা |
বিদ্যুৎস্ফূর্জশ্চ বাতশ্চ আয়ো প্যাঘ্রস্তথৈব চ || ২. ৭. ৮৯||
সূর্যশ্চ রাক্ষসা হ্যেতে যাতুধানাত্মজা দশ |
মাল্যবাংশ্চ সুমালী চ প্রহেতিতনয়ৌ শৃণু || ২. ৭. ৯০||
প্রহেতিতনয়ঃ শ্রীমানপুলোমা নাম বিশ্রুতঃ |
মধুঃ পরো মহোগ্রস্তু লবণস্তস্য চাত্মজঃ || ২. ৭. ৯১||
মহায়োগবলোপেতো মহা দেবমুপস্থিতঃ |
উগ্রস্য পুত্রৌ বিক্রান্তো বজ্রহা নাম বিশ্রুতঃ || ২. ৭. ৯২||
পৌরুষেয়সুতাঃ পঞ্চ পুরুষাদা মহাবলাঃ |
কূরশ্চ বিকৃতশ্চৈব রুধিরাদস্তথৈব চ || ২. ৭. ৯৩||
মেদাশশ্চবপাশশ্চ নামভিঃ পরিকীর্ত্তিতাঃ |
বধপুত্রৌ দুরাচারৌ বিঘ্নশ্চ শামনশ্চ হ || ২. ৭. ৯৪||
বিদ্যুৎপুত্রো দুরাচারো রসনো নাম রাক্ষসঃ |
স্ফূর্জক্ষেত্রে নিকুংভস্তু জাতো বৈ ব্রহ্মরাক্ষসঃ || ২. ৭. ৯৫||
বাতপুত্রো বিরোধস্তু তথা যস্য জনাতকঃ |
ব্যাঘ্র পুত্রো নিরানন্দঃ ক্রতূনাং বিঘ্নকারকঃ || ২. ৭. ৯৬||
সর্বস্য চান্বয়ে জাতা পূরাঃ সর্পাশ্চ রাক্ষসাঃ |
যাতুধানাঃ পরিক্রান্তা ব্রহ্ম ধানান্নিবোধত || ২. ৭. ৯৭||
যজ্ঞাপেতো ধৃতিঃ ক্ষেমো ব্রহ্মপেতশ্চ যজ্ঞহা |
শ্বাতোংঽবুকঃ কেলিসর্পৌং ব্রহ্মধানাত্মজা নব || ২. ৭. ৯৮||
স্বসারো ব্রহ্মরাক্ষস্যস্তেষাং চেমাঃ সুদারুণাঃ |
রক্তকর্ণী মহাজিহ্বা ক্ষমা চেষ্টাপহারিণী || ২. ৭. ৯৯||
এতাসামন্বয়ে জাতাঃ পৃথিব্যাং ব্রহ্মরাক্ষসাঃ |
ইত্যেতে রাক্ষসাঃ ক্রান্তা যক্ষস্যবিনিবোধত || ২. ৭. ১০০||
চকমে সরসং যক্ষঃ পঞ্চচূডাং ক্রতুস্থলাম্ |
তল্লিপ্সুশ্চিন্তয়ানঃ স দেবোদ্যানানি মার্গতে || ২. ৭. ১০১||
বৈভ্রাজং সুরভিং চৈব তথা চৈত্ররথং চ যৎ |
বিশোকং সুমনং চৈব নন্দনং চ বনোত্তমম্ || ২. ৭. ১০২||
বহূনি রমণীয়ানি মার্গতে জাতলালসঃ |
দৃষ্ট্বা তাং নন্দনে সোঽথ অপ্সরোভিঃ সহাসিনীম্ || ২. ৭. ১০৩||
নোপায়ং বিন্দতে তত্র তস্যা লাভায় চিন্তয়ন্ |
দূষিতঃ স্বেন রূপেণ কর্মণা চৈব দূষিতঃ || ২. ৭. ১০৪||
মমোদ্বিজন্তি হিংস্রস্য তথাভূতানি সর্বশঃ |
তৎকথং নাম চার্বগীং প্রাপ্নুয়ামহমঙ্গনাম্ || ২. ৭. ১০৫||
দৃষ্ট্বোপায়ং ততঃ সোঽথ শীঘ্রকারী ব্যবর্ত্তয়ৎ |
কৃৎবা রূপং বসুরুচের্গন্ধর্বস্য চ গুহ্যকঃ || ২. ৭. ১০৬||
ততঃ সোঽপ্সরসাং মধ্যে তা জচগ্রাহ ক্রতুস্থলাম্ |
বুদ্ধ্বা বসুরুচিং তং সা ভাবেনৈবাভ্যাবর্ত্তত || ২. ৭. ১০৭||
সংভূতঃ স তয়া সার্দ্ধং দৃশ্যমানোঽপ্সরোগণৈঃ |
জগাম মৈথুনং যক্ষঃ পুত্রার্থং স তয়া সহ || ২. ৭. ১০৮||
দৃশ্যমানোঽপ্সরো লিপ্সুঃ শঙ্কাং নৈব চকার সঃ |
ততঃ সংসিদ্ধকারণঃ সদ্যো জাতঃ সুতস্তু বৈ || ২. ৭. ১০৯||
উছ্রয়াৎপরিণাহেন সদ্যো বৃদ্ধঃ শ্রিয়া জ্বলন্ |
রাজাহমিতি নাভির্হি পিতরং সোঽভ্যবাদয়ৎ || ২. ৭. ১১০||
ভবান্ রজতনাভেতি পিতা তং প্রত্যুবাচ হ |
মাত্রানুরূপো রূপেম পিতুর্বীর্যেণজায়তে || ২. ৭. ১১১||
জাতে তস্মিন্কুমারে তু স্বরুপং প্রয়পদ্যত |
স্বরূপং প্রতিপদ্যন্তে গূহন্তো যক্ষরাক্ষসাঃ || ২. ৭. ১১২||
সুপ্তা ম্রিয়ন্তঃ ক্রুদ্ধাশ্চ ভীতাস্তে হর্ষিতাস্তথা |
ততোঽব্রবীৎসোঽপ্সরসং স্ময়মানস্তু গুহ্যকঃ || ২. ৭. ১১৩||
গৃহং মে গচ্ছ ভদ্রং তে সপুত্রা ৎবং বরাননে |
ইত্যুক্ত্বা সহসা তত্র দৃষ্ট্বা স্বং রূপমাস্থিতম্ || ২. ৭. ১১৪||
বিভ্রান্তাঃ প্রদ্রুতাঃ সর্বাঃ সমেত্যাপ্সরসস্তদা |
গচ্ছন্তীমন্বগচ্ছত্তাং পুত্রস্তপ্তাং ৎবয়ন্শিরা || ২. ৭. ১১৫||
গন্ধর্বাপ্সরসাং মধ্যে নয়িৎবা স ন্যবর্ত্তত |
তাং চ দৃষ্ট্বা সমুৎপত্তিং যক্ষস্যাপ্সরসাং গণাঃ || ২. ৭. ১১৬||
যক্ষাণাং তু জনিত্রী ৎবং ইত্যূচুস্তাং ক্রতুস্থলাম্ |
জগাম সহ পুত্রেণ ততো যক্ষঃ স্বমালয়ম্ || ২. ৭. ১১৭||
ন্যগ্রোধো রোহিণো নাম্না শেরতে তত্র গুহ্যকাঃ |
তস্মিন্নিবাসো যক্ষাণাং ন্যগ্রোধে রোহিণে স্মৃতঃ || ২. ৭. ১১৮||
যক্ষো রজতনাভশ্চ গুহ্যকানাং পিতামহঃ |
অনুহ্রাদস্য দৈত্যস্য ভদ্রাং মণিবরাং সুতাম্ || ২. ৭. ১১৯||
উপয়েমেঽনবদ্যাঙ্গীং তস্যাং মণিবরো বশী |
জজ্ঞে সা মণিভদ্রং চ শক্রতুল্যপরাক্রমমম্ || ২. ৭. ১২০||
তয়োঃ পত্ন্যৌ ভগিন্যৌ চ ক্রতুস্থস্যাত্মজে শুভে |
নাম্না পুণ্যজনী চৈব তথা দেবজনী চ যা || ২. ৭. ১২১||
বিজজ্ঞে পণিভদ্রাতু পুত্রান্পুণ্যজনী শুভা |
সিদ্ধার্থং সূর্যতেজশ্চ সুমনং নন্দনং তথা || ২. ৭. ১২২||
মণ্ডূকং রুচকং চৈব মণিমন্তং বসুং তথা |
সর্বানুভূতং শঙ্খং চ পিঙ্গাক্ষং ভীরুমেব চ || ২. ৭. ১২৩||
অসোমং দূরসোমং চ পদ্মং চন্দ্রপ্রভং তথা |
মেঘবর্ণং সুভদ্রং চ প্রদ্যোতং চ মহাদ্যুতিম্ || ২. ৭. ১২৪||
দ্যুতি মন্তং কেতুমন্তং দর্শনীয়ং সুদর্শনম্ |
চৎবারো বিংশতিশ্চৈব পুত্রাঃ পুণ্যজনীভবাঃ || ২. ৭. ১২৫||
জজ্ঞিরে মণিভদ্রস্য সর্বে তে পুণ্যলক্ষণাঃ |
তেষাং পুত্রাশ্চ পৌত্রাশ্চ যক্ষাঃ পুণ্যজনাঃ শুভাঃ || ২. ৭. ১২৬||
বিজজ্ঞে বৈ দেবজনী পুত্রান্মণিবরাঞ্ছুভা |
পূর্ণভদ্রং হৈমবন্তং মণিমন্ত্রবিবর্দ্ধনৌ || ২. ৭. ১২৭||
কুসুং চরং পিশঙ্গং চ স্থূলকর্ণং মহামুদম্ |
স্বেতং চ বিমলং চৈব পুষ্পদন্তং চয়াবহম্ || ২. ৭. ১২৮||
পদ্মবর্ণং সুচন্দ্রং চ পক্ষঞ্চ বলকং তথা |
কুমুদাক্ষং সুকমলং বর্দ্ধমানং তথা হিতম্ || ২. ৭. ১২৯||
পদ্মনাভং সুগন্ধং চ সুবীরং বিজয়ং কৃতম্ |
পূর্মমাসং হিরণ্যাক্ষং সারণং চৈব মানসম্ || ২. ৭. ১৩০||
পুত্রা মণিবরস্যৈতে যক্ষা বৈ গুহ্যকাঃ স্মৃতাঃ |
সুরুপাশ্চ সুবেষাশ্চ স্রগ্বিণঃ প্রিয়দর্শনাঃ || ২. ৭. ১৩১||
তেষাং পুত্রাশ্চ পৌত্রাশ্চ শতশোঽথ সহস্রশঃ |
খশায়াস্ত্বপরে পুত্রা রাক্ষসাঃ কামরূপিণঃ || ২. ৭. ১৩২||
তেষাং যথা প্রধানান্বৈ বর্ণ্যমা নান্নিবোধত |
লালাবিঃ ক্রথনো ভীমঃ সুমালী মধুরেব চ || ২. ৭. ১৩৩||
বিস্ফূর্জনো বৃহজ্জিহ্বো মাতঙ্গো ধূম্রিতস্তথা |
চন্দ্রার্কভীকরো বুধ্নঃ কপিলোমা প্রহাসকঃ || ২. ৭. ১৩৪||
পীডাপরস্ত্রিনাভশ্চ বক্রাক্ষশ্চ নিশাচরঃ |
ত্রিশিরাঃ শতদংষ্ট্রশ্চ তুণ্ডকোশশ্চ রাক্ষসঃ || ২. ৭. ১৩৫||
অশ্বশ্চাকংপনশ্চৈব দুর্মুখশ্চ নিশাচরঃ |
ইত্যেতে রাক্ষসবারা বিক্রান্তা গণরূপিমঃ || ২. ৭. ১৩৬||
সর্বলোকচরাস্তে তু ত্রিদশানাং সমক্রমাঃ |
সপ্ত চান্যা দুহিতরস্তাঃ শৃণুধ্বং যথাক্রমম্ || ২. ৭. ১৩৭||
যাসাং চ যঃ প্রজাসর্গো যেন চোৎপাদিতা গণাঃ |
আলংবা উৎকচোৎকৃষ্টা নিরৃতা কপিলা শিবা || ২. ৭. ১৩৮||
কেশিনী চ মহাভাগা ভগিন্যঃ সপ্ত যাঃ স্মৃতাঃ |
তাভ্যো লোকনিকায়স্য হন্তারো যুদ্ধদুর্মদাঃ || ২. ৭. ১৩৯||
উদীর্ণা রাক্ষসগণা ইমে চোৎপাদিতাঃ শুভাঃ |
আলংবেয়ো গণঃ ক্রূর ঔৎকচেয়ো গণস্তথা || ২. ৭. ১৪০||
তথৌ ৎকার্ষ্টেয়শৈবেয়ৌ রক্ষসাং হ্যুত্তমা গণাঃ |
তথৈব নৈরৃতো নাম ত্র্যংবকানুচরেণ হ || ২. ৭. ১৪১||
উৎপাদিতঃ প্রজাকর্গে গণেশ্বরবরেণ তু |
বিক্রান্তাঃ শৌর্যসংপন্না নৈরৃতা দেবরাক্ষসাঃ || ২. ৭. ১৪২||
যেষামধিপতির্যুক্তো নাম্না খ্যাতো বিরূপকঃ |
তেষাং গণশতানীকা উদ্ধতানাং মহাত্মনাম্ || ২. ৭. ১৪৩||
প্রায়েণানুচরন্ত্যেতে শঙ্করং জগতঃ প্রভুম্ |
দৈত্যরাজেন কুম্ভেন মহাকায়া মহাত্মনা || ২. ৭. ১৪৪||
উৎপাদিতা মহাবীর্যা মহাবলপরাক্রমাঃ |
কাপিলেয়া মহাবীর্যা উদীর্ণা দৈত্যরাক্ষসাঃ || ২. ৭. ১৪৫||
কপিলেন চ যক্ষেণ কেশিন্যাং হ্যপরে জনাঃ |
উৎপাদিতা বলাবতা উদীর্ণা যক্ষরাক্ষসাঃ || ২. ৭. ১৪৬||
কেশিনী দুহিতা চৈব নীলা যা শ্রুদ্ররাক্ষসী |
আলংবেয়েন জনিতা নৈকাঃ সুরসিকেন হি || ২. ৭. ১৪৭||
নৈলা ইতি সমাখ্যাতা দুর্জয়া ঘোরবিক্রমাঃ |
চরন্তি পৃথিবীং কৃৎস্নাং তত্র তে দেবলৌকিকাঃ || ২. ৭. ১৪৮||
বহুৎবাচ্চৈবসর্গস্য তেষাং বক্তুং ন শক্যতে |
তস্যাস্ত্বপি চ নীলায়া বিকচা নাম রাক্ষসী || ২. ৭. ১৪৯||
দুহিতা সুতাশ্চ বিকয়া মহা সত্ত্বপরাক্রমাঃ |
বিরূপকেন তস্যাং বৈ নৈরৃতেন ইহ প্রজাঃ || ২. ৭. ১৫০||
উৎপাদিতাঃ সুঘোরাশ্চ শৃণু তাস্ত্বনুপূর্বশঃ |
দংষ্ট্রাকরালা বিকৃতা মহাকর্ণা মহোদরাঃ || ২. ৭. ১৫১||
হারকা ভীষকাশ্চৈব তথৈব ক্লামকাঃ পরে |
রেরবাকাঃ পিশাচাশ্চ বাহকাস্ত্রাসকাঃ পরে || ২. ৭. ১৫২||
ভূমিরাক্ষসকা হ্যেতে মন্দাঃ পরুপবিক্রমাঃ |
চরন্ত্যদৃষ্টপূর্বাস্তু নানাকারা হ্যনেকশঃ || ২. ৭. ১৫৩||
উৎকৃষ্টবলসত্ত্বা যে তেষাং বৈখেচরাঃ স্মৃতাঃ |
লক্ষমাত্রেণ চাকাশং স্বল্পাৎস্বল্পং চরন্তি বৈ || ২. ৭. ১৫৪||
এতৈর্ব্যাপ্তমিদং বিশ্বং শতশোঽথ সহস্রশঃ |
ভূমিরাক্ষসকৈঃ সর্বৈরনেকৈঃ ক্ষুদ্ররাক্ষসৈঃ || ২. ৭. ১৫৫||
নানাপ্রকারৈরাক্রান্তা নানা দেশাঃ সমন্ততঃ |
সমাসাভিহিতাশ্চৈবহ্যষ্টৌ রাক্ষসমাতরঃ || ২. ৭. ১৫৬||
অষ্টৌ বিভাগা হ্যেষাং হি ব্যাখ্যাতা অনুপূর্বশঃ |
ভদ্রকা নিকরাঃ কেচিদজ্ঞনিষ্পত্তিহেতুকাঃ || ২. ৭. ১৫৭||
সহস্রশতসংখ্যাতা মর্ত্য লোকবিচারিণঃ |
পূতরা মাতৃসামান্যাস্তথা ভূতভয়ঙ্করাঃ || ২. ৭. ১৫৮||
বালানাং মানুষে লোকে গ্রহা মরণহেতুকাঃ |
স্কন্দগ্রহাদয়ো হাস্যা আপকাস্ত্রাসকাদয়ঃ || ২. ৭. ১৫৯||
কৌমারাস্তে তু বিজ্ঞেয়া বালানাং গৃহবৃত্তয়ঃ |
স্কন্দগ্রহবিশেষাণাং মায়িকানাং তথৈব চ || ২. ৭. ১৬০||
পূতনা নাম ভূতানাং যে চ লোকবিনায়কাঃ |
এবং গণসহস্রাণি চরন্তি পৃথিবীমিমাম্ || ২. ৭. ১৬১||
যক্ষাঃ পুণ্যজনা নামপূর্ণভদ্রাশ্চ যে স্মৃতাঃ |
যক্ষাণাং রাক্ষসানাং চ পৌলস্ত্যাগস্তয়শ্চ যে || ২. ৭. ১৬২||
নৈরৃতানাং চ সর্বেষাং রাজভূদলকাধিপঃ |
যক্ষাদৃষ্ট্যা পিবন্তীহ নৄণাং মাংসমসৃগ্বসে || ২. ৭. ১৬৩||
রক্ষাংস্যনুপ্রবেশেন পিশাচৈঃ পরিপীডনৈঃ |
সর্বলক্ষণসংপন্নাঃ সমামৈশ্চাপি দৈবতৈঃ || ২. ৭. ১৬৪||
ভাস্বরা বলবন্তশ্চ ঈশ্বরাঃ কামরূপিণঃ |
অনাভিভাব্যা বিক্রান্তাঃ সর্বলোকনমস্কৃতাঃ || ২. ৭. ১৬৫||
সূক্ষ্মাশ্চৌজস্বিনোমেধ্যা বরদা যাজ্ঞিকাশ্চ বৈ |
দেবানাং লক্ষণং হ্যেতদসুরাণাং তথৈব চ || ২. ৭. ১৬৬||
হীনা দেবৈস্ত্রিভিঃ পাদৈর্গন্ধর্বাপ্সরসঃ স্মৃতাঃ |
গন্ধর্বেভ্যস্ত্রিভিঃ পাদৈর্হীনা গুহ্যকরাক্ষসাঃ || ২. ৭. ১৬৭||
ঐশ্বর্যহীনা রক্ষোভ্যঃ পিশাচাস্ত্রিগুণাং পুনঃ |
এবন্ধনেন রূপেণ আয়ুষা চ বলেন চ || ২. ৭. ১৬৮||
ধর্মৈশ্বর্যেণ বুদ্ধ্যা চ তপঃশ্রুতপরাক্রমৈঃ |
দেবাসুরেভ্যো হীয়ন্তে ত্রীংস্ত্রীন্পাদান্পরস্পরম্ || ২. ৭. ১৬৯||
গন্ধর্বাদ্যাঃ পিশাচান্তাশ্চতস্রো দেবয়োনয়ঃ |
অতঃ শৃণুত ভদ্রং বঃ প্রজাঃ ক্রোধবশান্বয়াঃ || ২. ৭. ১৭০||
ক্রোধায়াঃ কন্যকা জজ্ঞে দ্বাদশৈবাত্মসংভবাঃ |
তা ভার্যা পুলহস্যাসন্নামতো মে নিবোধত || ২. ৭. ১৭১||
মৃগী চ মৃগমন্দা চ হরিভদ্রা ৎবিরাবতী |
ভূতা চ কপিশা দংষ্ট্রা ঋষা তির্যা তথৈব চ || ২. ৭. ১৭২||
শ্বেতা চ সরমা চৈব সুরসা চেতি বিশ্রুতা |
মৃগ্যাস্তু হরিগাঃ পুত্রা মৃগশ্চান্যে শশাস্তথা || ২. ৭. ১৭৩||
ন্যঙ্কবঃশরভা যে চ রুরবঃ পৃষতাশ্চ যে |
ঋক্ষাশ্চ মৃগমন্দায়া গবয়াশ্চাপরে তথা || ২. ৭. ১৭৪||
মহিষোষ্ট্রবরাহশ্চ খড্গা গৌরমুখাস্তথা |
হর্য্যা স্তু হরয়ঃ পুত্রা গোলাঙ্গূলাস্তরক্ষবঃ || ২. ৭. ১৭৫||
বানরাঃ কিন্নরাশ্চৈব মায়ুঃ কিংপুরুষাস্তথা |
সিংহাব্যাঘ্রাশ্চ নীলাশ্চদ্বীপিনঃ ক্রোধিতাধরাঃ || ২. ৭. ১৭৬||
সর্পাশ্চাজগরা গ্রাহা মার্জারা মূষিকাঃ পরে |
মণ্ডূকা নকুলাশ্চৈব বল্ককা বনগোচরাঃ || ২. ৭. ১৭৭||
হংসং তু প্রথমং জজ্ঞে পুলহস্য বরং শুভা |
রণচন্দ্রং শতমুখং দরীমুখমথাপি চ || ২. ৭. ১৭৮||
হরিতং হরিবর্মাণং ভীষণং শুভলক্ষণম্ |
প্রথিতং মথিতং চৈব হরিণং লাঙ্গলিং তথা || ২. ৭. ১৭৯||
শ্বেতায়া জজ্ঞিরে বীরা দশ বানরপুঙ্গবাঃ |
ঊর্দ্ধ্বদৃষ্টিঃ কৃতাহারঃ সুব্রতো বিনতো বুধঃ || ২. ৭. ১৮০||
পারিজাতঃ সুজাতশ্চ হরিদাসো গুণাকরঃ |
ক্ষেমমূর্তিশ্চ বলবান্ রাজানঃ সর্ব এব তে || ২. ৭. ১৮১||
তেষাং পুত্রাশ্চ পৌত্রাশ্চ বলবন্তঃ সুদুঃসহাঃ |
অশক্যাঃ সমরেজেতুং দেবদানবমানবৈঃ || ২. ৭. ১৮২||
যক্ষভূতপিশাচৈশ্চ রাক্ষসৈঃ সুভুজঙ্গমৈঃ |
নাগ্নিশস্ত্রবিষৈরন্যৈর্মৃত্যুরেষাং বিধীয়তে || ২. ৭. ১৮৩||
অসংগগতয়ঃ সর্বে পৃথিব্যাং ব্যোম্নি চৈব হি |
পাতালে চ জলে বায়ৌ হ্যবিনাশিন এব তে || ২. ৭. ১৮৪||
দশকোটিসহস্রাণি দশার্বুদশতানি চ |
মহাপদ্মসহস্রাণি মহাপদ্মশতানি চ || ২. ৭. ১৮৫||
দশার্বুদানি কোটীনাং সহস্রাণাং শতং শতম্ |
নিয়ুতানাং সহস্রাণি নিখর্বাণাং তথৈ ব চ || ২. ৭. ১৮৬||
দশার্বুদানি কোটীনাং ষষ্টিকোটিস্তথৈব চ |
অর্বুদানাং চ লক্ষং তু কোটীশতমথাপরম্ || ২. ৭. ১৮৭||
দশ পদ্মানি চান্যানি মহাপদ্মানি বৈ নব |
সংখ্যাতানি কুলীনানাং বানরাণাং তরস্বিনাম্ || ২. ৭. ১৮৮||
সর্বে তেজস্বিনঃ শূরাঃ কামরূপা মহা বলাঃ |
দিব্যাভরণবেষাশ্চ ব্রহ্মণ্যাশ্চাহিতগ্নয়ঃ || ২. ৭. ১৮৯||
যষ্টারঃ সর্বয়জ্ঞানাং সহস্রশতদক্ষিণাঃ |
মুকুটৈঃ কুণ্ডলৈর্হারৈঃ কেয়ূরৈঃ সমলঙ্কৃতাঃ || ২. ৭. ১৯০||
বেদবেদাঙ্গবিদ্বাংসো নীতিশাস্ত্রবিচক্ষণাঃ |
অস্ত্রাণাং মোচনে চাপি তথা সংহারকর্মণি || ২. ৭. ১৯১||
দিব্যমং ত্রপুরস্কারা দিব্যমন্ত্রপুরস্কৃতাঃ |
সমর্থা বলিনঃ শূরাঃ সর্বশস্ত্রপ্রহারিণঃ || ২. ৭. ১৯২||
দিব্যরূপধরাঃ সৌম্যা জরামরণবর্জিতাঃ |
কুলানাং চ সহস্রাণি দশ তেষাং মহাত্মনাম্ || ২. ৭. ১৯৩||
চতুর্ষু মেরুপার্শ্বেষু হেমকূটে হিমাহ্বয়ে |
নীলে শ্বেতনগে চৈব নিষধে গন্ধমাদনে || ২. ৭. ১৯৪||
দ্বীপেষু সপ্তসু তথা যা গুহা তে চ পর্বতাঃ |
নিলয়াস্তেষু তে প্রোক্তা বিশ্বকর্মকৃতা স্বয়ম্ || ২. ৭. ১৯৫||
পুরৈশ্চ বিবিধাকারৈঃ প্রকারৈশ্চ বিভূষিতাঃ |
সর্বর্তুরমণীয়াস্তে হ্যুদ্যানানি চ সর্বশঃ || ২. ৭. ১৯৬||
গৃহভূমিষু শয়্যাসু পুষ্পগন্ধসুখোদিতাঃ |
আলেপনৈশ্চ বিবিধৈর্দিব্যভক্তিকৃতৈস্তথা || ২. ৭. ১৯৭||
সর্বরত্নসমাকীর্ণা মানসীং সিদ্ধিমাস্থিতাঃ |
বানরা বানরীভিস্তে দিব্যাভরণভূষিতাঃ || ২. ৭. ১৯৮||
পিবন্তো মধু মাধ্বীকং সুধাভক্ষানুমিশ্রিতম্ |
ক্রিয়াময়াঃ সমুদিতা দিবি দেবগণা ইব || ২. ৭. ১৯৯||
দেবগন্ধর্বমুখ্যানাং পুত্রাস্তে বৈ সুখে রতাঃ |
ধার্মিকাশ্চ বরোৎসিক্তা যুদ্ধশৈণ্ডা মহাবলাঃ || ২. ৭. ২০০||
অক্ষুদ্রাঃ সর্বসত্ত্বানাং দেবদ্বিজপরায়ণাঃ |
অম্লানিনঃ সত্যসংধা নানার্থে বহুজল্পিনঃ || ২. ৭. ২০১||
মিতভাষাঃ ক্ষমাবন্তো হ্যাচারপরিনিষ্ঠিতাঃ |
বনালঙ্কারভূতো হি সৃষ্টা বৈ ব্রহ্মণা স্বয়ম্ || ২. ৭. ২০২||
ভক্ত্যা নিমিত্তং লোকেষু রামস্যার্থে গুণাকরঃ |
কপীনামবতারোঽযং সর্বপাপবিনাশনঃ || ২. ৭. ২০৩||
ধন্যঃ পুণ্যো যশস্যশ্চ রমণীয়ঃ সুখাবহঃ |
তদেব কীর্তয়িষ্যামি তচ্ছৃণুধ্বমতন্দ্রিতাঃ || ২. ৭. ২০৪||
ঊর্দ্ধ্বদৃষ্টেশ্চ তনয়ো প্যাঘ্রো নামাভবদ্ভলী |
ব্যাঘ্রস্য ভ্রাতরঃ পঞ্চ স্বসারশ্চ তথাস্য বৈ || ২. ৭. ২০৫||
তাংস্তথা স্বানুরূপেষু বানরেষু কৃতাত্মসু |
প্রতিপাদিতা স্বয়ং ভ্রাত্রা ভাতৃদারাস্তথৈব চ || ২. ৭. ২০৬||
ব্যাঘ্রস্য তু সুতো জজ্ঞে শরভোলোকবিশ্রুতঃ |
শরভস্যাপি বিদ্ধাংসো ভ্রাতরো বীর্যসংমতাঃ || ২. ৭. ২০৭||
রাজানো বানরাণাং চ সর্বধর্মপ্রতিষ্ঠিতাঃ |
শরভস্য সুতো ধীমাঞ্শুকো নাম মহাবলঃ || ২. ৭. ২০৮||
তস্যাপি পুত্রো বলবান্ব্যঘ্রী জঠরসংভবঃ |
সংমতঃ সর্বশূরাণাং চক্রবর্তি দুরাসদঃ || ২. ৭. ২০৯||
ঋক্ষোনাম মহাতেজাঃ সর্ববানরয়ূথপঃ |
ইন্তা সদৈব শত্রূণাং সর্বাস্ত্রবিধিপারগঃ || ২. ৭. ২১০||
তস্মৈ তাদৃগ্বিশিষ্টায় সুতাং গুণগণৈর্যুতাম্ |
প্রজাপতিরুপাদায় কন্যাং হেমবিভূষিতাম্ || ২. ৭. ২১১||
বিরজৌ বিরজাং তস্মৈ প্রত্যপাদয়দং জসা |
পাণিং জগ্রাহ তস্যাস্তু ঋক্ষো বানরয়ূথপঃ || ২. ৭. ২১২||
দর্শনীয়ানবদ্যাঙ্গী সা কন্যা চারুহাসিনী |
চকমে তাং মহেন্দ্রস্তু দৃষ্ট্বা বৈ প্রিয়দর্শনাম্ || ২. ৭. ২১৩||
তেন তস্যাং সুতো জাতো বালী বিক্রমপৌরুষঃ |
বিরজায়াং মহেন্দ্রেণ মহেন্দ্রসমবিক্রমঃ || ২. ৭. ২১৪||
তথা স্বাংশো ভানুনা বৈ তস্যামেব যধাবিধি |
রহস্যুৎপাদিতঃ পুত্রঃ সুগ্রীবো হরিয়ূথপঃ || ২. ৭. ২১৫||
ঋক্ষো দৃষ্ট্বা তু তনয়ৌ বলরূপশ্রিয়া যুতৌ |
হর্ষ চক্রে সুবিপুলং সর্ববানরয়ূথপঃ || ২. ৭. ২১৬||
সোঽব্যষিঞ্চৎসুতং জ্যেষ্ঠং বালিনং হেমমালিনম্ |
অভিষিক্তস্ততো বালী সুগ্রীবানুগতো বলী || ২. ৭. ২১৭||
কারয়ামাস রাজ্যং চ দিবি দেবেশ্বরো যথা |
সুষেণাস্য সুতা চাপি ভার্যা তস্য মহাত্মনঃ || ২. ৭. ২১৮||
তারা নাম মহাপ্রাজ্ঞা তারাধিপনিভাননা |
সুষুবে সাপি তনয়মঙ্গদং কনকাঙ্গদম্ || ২. ৭. ২১৯||
অঙ্গদস্যাপি তনয়ো জাতো ভীমপরা ক্রমঃ |
মৈন্দস্য চ্যেষ্ঠকন্যায়াং ধ্রুবো নাম মহায়শাঃ || ২. ৭. ২২০||
সুগ্রীবস্য রুমা ভার্যা পনসস্য সুতা শুভা |
তস্যাপি চ সুতা জাতাস্ত্রয়ঃ পরমকীর্ত্তয়ঃ || ২. ৭. ২২১||
তেষাং দারাংস্তথাসাদ্য সুস্বরূপান্বলী ততঃ |
বালিনঃ পার্শ্বতোঽতিষ্ঠৎসুগ্রীবঃ সহ বানরৈঃ || ২. ৭. ২২২||
বহূন্বর্ষগণানগ্রো ভ্রাত্রা সহ যথামরঃ |
কেসরী কুঞ্জরস্যাথ সুতাং ভার্যামবিন্দত || ২. ৭. ২২৩||
অঞ্জনা নাম সুভাগা গৎবা পুংসবনে শুচিঃ |
পর্যুপাস্তে চ তাং বায়ুর্যৌংবনাদেব গর্বিতাম্ || ২. ৭. ২২৪||
তস্যাং জাতস্তু হনুমান্বায়ুনা জগদায়ুনা |
যে হ্যন্যে কেসরিসুতা বিখ্যাতা দিবি চেহ বৈ || ২. ৭. ২২৫||
জ্যেষ্ঠস্তু হনুমাংস্তেষাং মতিমাংস্তু ততঃ স্মৃতঃ |
শ্রুতিমান্কেতুমাংশ্চৈব মতিমান্ধৃতিমানপি || ২. ৭. ২২৬||
হনুমদ্ভ্রাতরো যে বৈ তে দারৈঃ সুপ্রতিষ্ঠতাঃ |
স্বানরূপৈঃ সুতাঃ পিত্রা পুত্রপৌত্রসমন্বিতাঃ || ২. ৭. ২২৭||
ব্রহ্মচারী চ হনুমান্নাসৌদারৈশ্চ যোজিতঃ |
সর্বলোকানপি রণে যো যোদ্ধুং চ সমুৎসহেৎ || ২. ৭. ২২৮||
জবে জবে চ বিততে বৈনতেয় ইবাপরঃ |
অগ্নিপুত্রশ্চ বলবান্নলঃ পরমদুর্জ্জয়ঃ || ২. ৭. ২২৯||
ক্ষেত্রে কনকবিন্দোস্তু জাতো বানরপুঙ্গবঃ |
তথাৎবন্যে মহাভাগা বলবন্তশ্চ বানরাঃ || ২. ৭. ২৩০||
সপ্রধানাস্তু বিজ্ঞেয়া হরিয়ূথপ যূথপাঃ |
তারশ্চ কুসুমশ্চৈব পনসো গন্ধমাদনঃ || ২. ৭. ২৩১||
রূপশ্রীর্বিভবশ্চৈব গবয়ো বিকটঃ সরঃ |
সুষেণঃ সুধনুশ্চৈব সুবন্ধুঃ শতদুন্দুভিঃ || ২. ৭. ২৩২||
বিকচঃ কপিলো রৌদ্রঃ পরিয়াত্রঃ প্রভঞ্জনঃ |
কুঞ্জরঃ শরভো দংষ্ট্রী কালমূর্তির্মহাসুখঃ || ২. ৭. ২৩৩||
নন্দঃ কন্দরসেনশ্চ নলো বারুণিরেব চ |
চিরবঃ করবস্তাম্রশ্চিত্রয়োধী রথীতরঃ || ২. ৭. ২৩৪||
ভীমঃ শতবলিশ্চৈব কালচক্রোঽনলো নলঃ |
যক্ষাস্যো গহনশ্চৈব ধূম্রঃ পঞ্চরথস্তথা || ২. ৭. ২৩৫||
পারিজাতো মহাদীপ্তঃ সুতপা বলসাগরঃ |
শ্রুতায়ুর্বিজয়াকাঙ্ক্ষী গুরুসেবী যথার্ থকঃ || ২. ৭. ২৩৬||
ধর্মচেতাস্সুহোত্রশ্চ শালিহোত্রোঽথ সর্পগঃ |
পুণ্ড্রশ্চাবরগাত্রশ্চ চারুরূপশ্চ শতুজিৎ || ২. ৭. ২৩৭||
বিকটঃ কবটো মৈন্দো বিন্দুকারোঽসুরান্তকঃ |
মন্ত্রী ভীমরথঃ সংগো বিভ্রান্তশ্চারুহাসবান্ || ২. ৭. ২৩৮||
ক্ষণক্ষণামতাহারী দৃঢভক্তিঃ প্রমর্দনঃ |
জাজলিঃ পঞ্চমুকুটো বলবন্ধুঃ সমাহিতঃ || ২. ৭. ২৩৯||
পয়ঃ কীর্ত্তিঃ শুভঃ ক্ষেত্রো বিন্দুকেতুঃ সহস্রপাৎ |
নবাক্ষে হরিনেত্রশ্চ জীমূতোঽথ বলাহকঃ || ২. ৭. ২৪০||
গজো গবয়নামা চ সুবাহুশ্চ গুণাকরঃ |
বীরবাহুঃ কৃতী কুণ্ডো কৃতকৃত্যঃ শুভেক্ষণঃ || ২. ৭. ২৪১||
দ্বিবিদঃ কুমুদো ভাসঃ সুমুখঃ সুরুবুর্বৃকঃ |
বিকটঃ কবকশ্চৈব জবসেনো বৃষাকৃতিঃ || ২. ৭. ২৪২||
গবাক্ষো নরদেবশ্চ সুকেতুর্বিমলাননঃ |
সহস্বারঃ শুভক্ষেত্রঃ পুষ্পধ্বংসো বিলোহিতঃ || ২. ৭. ২৪৩||
নবচন্দ্রো বহুগুণঃ সপ্তহোত্রো মরীচিমান্ |
গোধামা চ ধনেশশ্চ গোলাঙ্গূলশ্চ নেত্রবান্ || ২. ৭. ২৪৪||
ইত্যেতে হরয়ঃ ক্রান্তাঃ প্রাধান্যেন যথার্থতঃ |
বহুৎবান্নামধেয়ানাং ন শক্যমভিবর্ণিতুম্ || ২. ৭. ২৪৫||
নাগকোটীদশবলে একৈকস্য প্রতিষ্ঠিতম্ |
সর্ববানরসৈন্যস্য সপ্তদ্বীপস্থিতস্য তু || ২. ৭. ২৪৬||
কিষ্কিন্ধামাশ্রিতো বালী রাজাসীচ্ছত্রুতাপনঃ |
রণে নিগূঙ্য বামেন ভুজেন স মহাবলঃ || ২. ৭. ২৪৭||
বিষ্টভ্য পার্শ্বেসংস্থাপ্য রাবণন্ধ্যানমস্থিতঃ |
মৌহূর্তিকীং গতিং গৎবা চতুঃ পরশর্বানুপস্পৃশন্ || ২. ৭. ২৪৮||
সমুদ্রং দক্ষণং পূর্বপশ্চিমং চ তথোত্তরম্ |
মনোবায়ুগতির্ভূৎবা বালী ব্যপগতক্রমঃ || ২. ৭. ২৪৯||
স নির্জিত্য মহাবীর্যো রাবণং লোকরাবণম্ |
বালী বাহুবিনির্মুক্তং বিহ্বলং নষ্টচেতসম্ || ২. ৭. ২৫০||
বৃক্ষমূলপ্রদেশে চ স্থাপয়িৎবা বলোৎকটঃ |
সিচ্যাংভসা সুশীতেন হ্যাপাদতলমস্তকাৎ || ২. ৭. ২৫১||
স চ তং লব্ধসংজ্ঞং চ কৃৎবা বিস্ময়মাস্থিতঃ |
উবাচ রণচণ্ডং তং রাক্ষসেংদ্রং কপীশ্বরঃ || ২. ৭. ২৫২||
ভো ভো রাক্ষসাজেন্দ্র মহেন্দ্রসমবিক্রম |
অসংখ্যেয়ং বলং জিৎবা যমং সসচিবং রণে || ২. ৭. ২৫৩||
বরুণং চ কুবেরং চ শশিনং ভাস্করং তথা |
মরুদ্গণং তথা রুদ্রানাদিত্যানশ্বিনৌ বসূন্ || ২. ৭. ২৫৪||
দৈতেয়ান্কালকেয়াংশ্চ দানবান্সুমহাবলান্ |
সিদ্ধাংস্তথৈব গন্ধর্বান্যক্ষরক্ষোভুজঙ্গমান্ || ২. ৭. ২৫৫||
পক্ষিণাং প্রবরাংশ্চৈব গ্রহনক্ষত্রতারকাঃ |
তথা ভূতপিশাচাংশ্চ বিবৃদ্ধবলদর্পিতান্ || ২. ৭. ২৫৬||
মানুষাণাং নৃপাংশ্চৈব শতশোঽথ সহস্রশঃ |
কথমীদৃগ্গুণো ভূৎবা মনোবায়ুসমো জবে || ২. ৭. ২৫৭||
শক্তোঽসি চালনি মেরোঃ কৃতান্ত ইব দুর্জয়ঃ |
বিদ্রাব্য সর্বোংল্লোকেষু বীরান্পরপুরঞ্জ্যঃ || ২. ৭. ২৫৮||
বলৈরশনিকল্পৈশ্চ সমীকৃত্য চ পর্বতান্ |
বিক্ষোভ্য সাগরান্সপ্ত সপ্তকৃৎবো মহারথঃ || ২. ৭. ২৫৯||
নির্বিকারো জয়প্রেপ্সুঃ স্ময়মানো বলাদ্বলী |
দুর্বলেন ময়া ক্রান্তো বানরেণ বিশেষতঃ || ২. ৭. ২৬০||
কিমর্থমীদৃশং শপ্তো বলবানপি দুর্জয়ঃ |
প্রব্রূহি হেতুনা কেন ব্রহ্মন্রাক্ষসপুঙ্গব || ২. ৭. ২৬১||
অভয়ং তে ময়া দত্তং বিশ্বস্তো ভব তে ন ভীঃ |
বয়নং বালিনঃ শ্রুৎবা দশগ্রীবঃ প্রতাপবান্ || ২. ৭. ২৬২||
উবাচ ভয়সংবিগ্নঃ সাংৎবপূর্বমিদং বচঃ |
অসংশয়ং জিতাঃ সর্বে ময়া দেবাসুরা রণে || ২. ৭. ২৬৩||
এবং বিধস্তু বলবান্ন ময়াসাদিতঃ ক্বচিৎ |
তদিচ্ছামি ৎবয়া সার্দ্ধং সৌহৃদং ভয়বর্জিতম্ || ২. ৭. ২৬৪||
মত্তো ভবেন্ন তে বীর কদাচিদ্বৈ রণাজিরম্ |
এবমুক্তোঽব্রবীদ্বালী ভবত্যেতদ্বচস্তব || ২. ৭. ২৬৫||
সময়ে স্থাপয়িৎবা তু রাবণো বালিনং পুরা |
জগাম লঙ্কাং সগণঃ প্রহৃষ্টেনান্তরাত্মনা || ২. ৭. ২৬৬||
বালী বিজিত্য বলবান্ পুষ্করে রাক্ষসেশ্বরম্ |
আজহার বহূন্যজ্ঞানন্নপানসমাবৃতান্ || ২. ৭. ২৬৭||
দক্ষিণাভিঃ প্রবৃদ্ধাভিঃ শতশোঽথ সহস্রশঃ |
অগ্নিষ্টোমাশ্বমেধাংশ্চ রাজসূয়ান্নৃমেধকান্ || ২. ৭. ২৬৮||
সর্বমেধানপি বহূন্সর্বদানসমন্বিতান্ |
তর্পয়িৎবাথ দেবাংশ্চ দেবেন্দ্রংবহুভিস্তথা || ২. ৭. ২৬৯||
ব্রহ্মাণং তেষয়িৎবা চ হুৎবাগ্রিং বহুবার্ষিকম্ |
সুগ্রীবেণ সহ ভ্রাত্রা সুখী ভূৎবা যবীয়সা || ২. ৭. ২৭০||
রাজ্যং চ পালয়িৎবা স কপীনামকুতোভয়ঃ |
ব্রহ্মণ্যো ব্রহ্মপরমো ধর্মসেতুঃ ক্রিয়াপরঃ || ২. ৭. ২৭১||
বহূন্বর্ষগণান্রেমে সর্বশাস্ত্রবিশারদঃ |
যস্য দেবমুনির্গাথাং জগৌ যজ্ঞেষু নারদঃ || ২. ৭. ২৭২||
ন যজ্ঞহবনে দানেজবেনাপি পরাক্রমে |
তুল্যোঽস্তি ত্রিষু লোকেষু বালিনোহেমমালিনঃ || ২. ৭. ২৭৩||