৩.১ ব্রহ্মাণ্ডমহাপুরাণং – উত্তরভাগ (অধ্যায় ১-১০)

অথোত্তরভাগপ্রারমভঃ
শ্রুৎবা পাদং তৃতীয়ং তু ক্রান্তং সূতেন ধীমতা |
ততশ্চতুর্থং পপ্রচ্ছুঃ পাদং বৈ ঋষিসত্তমাঃ || ৩. ১. ১||
পাদঃ ক্রান্তস্তৃতীয়োঽযমনুষঙ্গেণ নস্ত্বয়া |
চতুর্থং বিস্তরাৎপাদং সংহারং পারিকীর্ত্তয় || ৩. ১. ২||
মন্বন্তরাণি সর্বাণি পূর্বাণ্যেবাপরৈঃ সহ |
সপ্তর্ষীণামথৈতেষাং সাংপ্রতস্যান্তরে মনোঃ || ৩. ১. ৩||
বিস্তরাবয়বং চৈব নিসর্গস্য মহাত্মনঃ |
বিস্তরেণানুপূর্ব্যা চ সর্বমেব ব্রবীহি নঃ || ৩. ১. ৪||
সূত উবাচ
ভবতাং কথয়িষ্যামি সর্বমেতদ্যথাতথম্ |
পাদং ৎবিমং সসংহারং চতুর্থং মুনিসত্তমাঃ || ৩. ১. ৫||
মনোর্বৈবস্বতস্যেমং সাংপ্রতস্য মহাত্মংনঃ |
বিস্তরেণানুপূর্ব্যা চ নিসর্গং শৃণুত দ্বিজাঃ || ৩. ১. ৬||
মন্বন্তরাণাং সংক্ষেপং ভবিষ্যৈঃ সহ সপ্তভিঃ |
প্রলয়ং চৈব লোকানাং ব্রুবতো মে নিবোধত || ৩. ১. ৭||
এতান্যুক্তানি বৈ সম্যক্সপ্তসপ্তসু বৈ প্রজাঃ |
মন্বন্তরাণি সংক্ষেপাচ্ছৃণুতা নাগতানি মে || ৩. ১. ৮||
সাবর্ণস্য প্রবক্ষ্যামি মনোর্বৈবস্বতস্য হ |
ভবিষ্যস্য ভবিষ্যং তু সমাসাত্তন্নিবোধত || ৩. ১. ৯||
অনাগতাশ্চ সপ্তৈব স্মৃতাস্ত্বিহ মহর্ষয়ঃ |
কৌশিকো গালবশ্চৈব জামদগ্ন্যশ্চ ভার্গবঃ || ৩. ১. ১০||
দ্বৈপায়নো বশিষ্টশ্চ কৃপঃ শারদ্বতস্তথা |
আত্রেয়ো দীপ্তিমাংশ্চৈব ঋষয়শৃঙ্গস্তু কাশ্যপঃ || ৩. ১. ১১||
ভরদ্বাজস্তথা দ্রৌণিরশ্বত্থামা মহায়শাঃ |
এতে সপ্ত মহাত্মানো ভবিষ্যাঃ পরমর্ষয়ঃ |
সুতপাশ্চামিতাভাশ্চ সুখাশ্চৈব গণাস্ত্রয়ঃ || ৩. ১. ১২||
তেষাং গণস্তু দেবানামেকৈকো বিংশকঃ স্মৃতঃ |
নামতস্তু প্রবক্ষ্যামি নিবোধধ্বং সমাহিতাঃ || ৩. ১. ১৩||
ঋতুস্তপশ্চ শুক্রশ্চ কৃতির্নেমিঃ প্রভাকরঃ |
প্রভাসো মাসকৃদ্ধর্মস্তেজোরশ্মিঃ ক্রতুর্বিরাট্ || ৩. ১. ১৪||
অর্চিষ্মান্ দ্যোতনো ভানুর্যশঃ কীর্ত্তির্বুধো ধৃতিঃ || ৩. ১. ১৫||
বিংশতিঃ সুতপা হ্যেতে নামভিঃ পরিকীর্ত্তিতাঃ |
প্রভুর্বিভুর্বিভাসশ্চ জেতা হন্তা রিহা ঋতুঃ || ৩. ১. ১৬||
সুমতিঃ প্রমতির্দীপ্তিঃ সমাখ্যাতো মহো মহান্ |
দেহী মুনিরিনঃ পোষ্টা সমঃ সত্যশ্চ বিশ্রুতঃ || ৩. ১. ১৭||
ইত্যেতেহ্যমিতাভাস্তু বিংশতিঃ পরিকীর্ত্তিতাঃ |
দামো দানী ঋতঃ সোমো বিত্তং বৈদ্যো যমো নিধিঃ || ৩. ১. ১৮||
হোমো হব্যং হুতং দানং দেয়ং দাতা তপঃ শমঃ |
ধ্রুবং স্থানং বিধানং চ নিয়মশ্চেতি বিংশতিঃ || ৩. ১. ১৯||
সুখা হ্যেতে সমাখ্যাতাঃ সাবর্ণ্যে প্রথর্মেতরে |
মারীচস্যৈব তে পুত্রাঃ কশ্যপস্য মহাত্মনঃ || ৩. ১. ২০||
সাংপ্রতস্য ভবিষ্যন্তি ষষ্টির্দেবাস্তদন্তরে |
সাবর্ণস্য মনোঃ পুত্রা ভবিষ্যন্তি নবৈব তু || ৩. ১. ২১||
বিরজাশ্চার্বরীবাংশ্চ নির্মোকাদ্যাস্তথা পরে |
নব চান্যেষু বক্ষ্যামি সাবর্ণেষ্বন্তরেষু বৈ || ৩. ১. ২২||
সাবর্ণমনবশ্চান্যে ভবিষ্যা ব্রহ্মণঃ সুতাঃ |
মেরুসাবর্ণিতস্তে বৈ চৎবারো দিব্যদৃষ্টয়ঃ || ৩. ১. ২৩||
দক্ষস্য তে হি বৌহিত্রাঃ ক্রিয়ায়া দুহিতুঃ সুতাঃ |
মহতা তপসা যুক্তা মেরুপৃষ্ঠে মহৌ জসঃ || ৩. ১. ২৪||
ব্রহ্মাদিভিস্তেজনিতা দক্ষেণৈব চ ধীমতা |
মহর্লোকং গতা বৃত্তা ভবিষ্যা মেরুমাশ্রিতাঃ || ৩. ১. ২৫||
মহানুভাবাস্তে পূর্বং জজ্ঞিরে চাক্ষুষেন্তরে |
জজ্ঞিরে মনবস্তে হি ভবিষ্যানাগতান্তরে || ৩. ১. ২৬||
প্রাচেতসস্য দক্ষস্য দৌহিত্রা মনবস্তু যে |
সাবর্ণা নামতঃ পঞ্চ চৎবারঃ পরমর্ষিজাঃ || ৩. ১. ২৭||
সংজ্ঞাপুত্রস্তু সাবর্ণিরেকো বৈবস্বতস্তথা |
জ্যেষ্ঠঃ সংজ্ঞাসুতো নাম মুর্বৈবস্বতঃ প্রভুঃ || ৩. ১. ২৮||
বৈবস্বতেংঽতরে প্রাপ্তে সমুৎপত্তিস্তয়োঃ শুভা |
চতুর্দশৈতে মনবঃ কীর্তিতা কীর্তিবর্দ্ধনাঃ || ৩. ১. ২৯||
বেদে স্মৃতৌ পুরাণে চ সর্বে তে প্রভবিষ্ণবঃ |
প্রজানাং পতয়ঃ সর্বে ভূতানাং পতয়ঃ স্থিতাঃ || ৩. ১. ৩০||
তৈরিয়ং পৃথিবী সর্বা সপ্তদ্বীপা সপত্তনা |
পূর্ণং যুগসহস্রং বৈ পরিপাল্যা নরেশ্বরৈঃ || ৩. ১. ৩১||
প্রজাভিস্তপসা চৈব বিস্তরস্তেষু বক্ষ্যতে |
চতুর্দ্দশৈতে বিজ্ঞেয়াঃ সর্গাঃ স্বায়ংভুবাদয়ঃ || ৩. ১. ৩২||
মন্বন্তরাধিকারেষু বর্ত্তন্তেঽত্র সকৃৎসকৃৎ |
বিনিবৃত্তাধিকারাস্তে মহার্লোকং সমাশ্রিতাঃ || ৩. ১. ৩৩||
সমতীতাস্তু যে তেষামষ্টৌ ষট্ চ তথাপরে |
পূর্বেষু সাংপ্রতশ্চায়ং শাস্তি বৈবস্বতঃ প্রভুঃ || ৩. ১. ৩৪||
যে শিষ্টাস্তান্প্রবক্ষ্যামি সহ দেবর্ষিদানবৈঃ |
সহ প্রজা নিসর্গেণ সর্বাংস্তেঽনাগতান্দ্বিজঃ || ৩. ১. ৩৫||
বৈবস্বত নিসর্গেণ তেষাং জ্ঞেয়স্তু বিস্তরঃ |
অনূনা নাতিরিক্তাস্তে যস্মাত্মর্বে বিবস্বতঃ || ৩. ১. ৩৬||
পুনরুক্তবহুৎবাত্তু ন বক্ষ্যে তেষু বিস্তরম্ |
মন্বন্তরেষু ভাব্যেষু ভূতেষ্বপি তথৈব চ || ৩. ১. ৩৭||
কুলেকুলে নিসর্গাস্তু তস্মাজ্জ্ঞেয়া বিভাগশঃ |
তেষামেব হি সিদ্ধ্যর্থং বিস্তরেণ ক্রমেণ চ || ৩. ১. ৩৮||
দক্ষস্য কন্যা ধর্মিষ্ঠা সুব্রতা নাম বিশ্রুতা |
সর্বকন্যাবরিষ্ঠা তু জ্যেষ্ঠা যা বীরিণীসুতা || ৩. ১. ৩৯||
গৃহীৎবা তাং পিতা কন্যাং জগাম ব্রহ্মণোঽতিকে |
বৈরাজস্থমুপাসীনং ধর্মেণ চ ভবেন চ || ৩. ১. ৪০||
ভবধর্মসমীপস্থং দক্ষং ব্রহ্মাভ্যভাষত |
দক্ষ কন্যা তবেয়ং বৈ জনয়িষ্যতি সুব্রতা || ৩. ১. ৪১||
চতুরো বৈ মনূন্পুত্রাংশ্চাতুর্বর্ণ্যকরাঞ্ছুভান্ |
ব্রহ্মণো বচনং শ্রুৎবা দক্ষো ধর্মো ভবস্তদা || ৩. ১. ৪২||
তাং কন্যাং মনসা জগ্মুস্ত্রয়স্তে ব্রহ্মণা সহ |
সত্যাভিধ্যায়িনাং তেষাং সদ্যঃ কন্যা ব্যজায়ত || ৩. ১. ৪৩||
সদৃশানূপতস্তেষাং চতুরো বৈ কুমারকান্ |
সংসিদ্ধাঃ কার্যকরণে সংভূতাস্তে শ্রিয়ান্বিতাঃ || ৩. ১. ৪৪||
উপভোগাসমর্থৈশ্চ সদ্যোজাতৈঃ শরীরকৈঃ |
তে দৃষ্ট্বা তান্স্বয়ংভূতান্ব্রহ্মব্যাহারিণস্তদা || ৩. ১. ৪৫||
সরংব্ধা বৈ ব্যকর্ষন্ত মম পুত্রো মমেত্যুত |
অভিধ্যায়াত্মনোৎপন্নানূচুর্বৈ তে পরস্পরম্ || ৩. ১. ৪৬||
যো যস্য বপুষা তুল্যো ভজতাং সততং সুতম্ |
যস্য যঃ সদৃশশ্চাপি রূপে বীর্যে চ মানতঃ || ৩. ১. ৪৭||
তং গৃহ্ণাতু স ভদ্রং বো বর্ণতো যস্য যঃ সমঃ |
ধ্রুবং রূপং পিতুঃ পুত্রঃ সোঽনুরুধ্যতি সর্বদা || ৩. ১. ৪৮||
তস্মাদাত্মসমঃ পুত্রঃ পিতুর্মাতুশ্চ বীর্যতঃ |
এবং তে সময়ং কৃৎবা সর্বেষাং জগৃহঃ সুতান্ || ৩. ১. ৪৯||
চাক্ষুষস্যান্তরেঽতীতে প্রাপ্তে বৈবস্বতস্য হ |
রুচেঃ প্রজাপতেঃ পুত্রো রৌচ্যো নামাভবৎসুতঃ || ৩. ১. ৫০||
ভূত্যামুৎপাদিতো যস্তু ভৌত্যো নাম কবেঃ সুতঃ |
বৈবস্বতেংঽতরে জাতৌ দ্বৌ মনূ তু বিবস্বতঃ || ৩. ১. ৫১||
বৈবস্বতো মনুর্যশ্চ সাবর্ণো যশ্চ বৈ শ্রুতঃ |
জ্ঞেয়ঃ সংজ্ঞাসুতো বিদ্বান্মনুর্বৈবস্বতঃ প্রভুঃ || ৩. ১. ৫২||
সবর্ণায়াঃ সুতশ্চান্যঃ স্মৃতো বৈবস্বতো মনুঃ |
সাবর্ণম নবো যে চ চৎবারস্তু মহর্ষিজাঃ || ৩. ১. ৫৩||
তপসা সংভৃতাত্মানঃ স্বেষু মন্বন্তরেষু বৈ |
ভবিষ্যেষু ভবিষ্যন্তি সর্বকার্যার্থসাধকাঃ || ৩. ১. ৫৪||
প্রথমে মেরুসাবর্ণেদক্ষপুত্রস্য বৈ মনোঃ |
পরামরীচিগর্ভাশ্চ সুধর্মাণশ্চ তে ত্রয়ঃ |
সংভূতাশ্চ মহাত্মানঃ সর্বে বৈবস্বতেন্তরে || ৩. ১. ৫৫||
দক্ষপুত্রস্য পুত্রাস্তে রোহিতস্য প্রজাপতেঃ |
ভবিষ্যন্তি ভবিষ্যাস্তু একৈকো দ্বাদশো গণঃ || ৩. ১. ৫৬||
ঐশ্বরশ্চ গ্রহো রাহুর্বাকুর্বংশস্তথৈব চ |
পারা দ্বাদশ বিজ্ঞেয়া উত্তরাংস্তু নিবোধত || ৩. ১. ৫৭||
বাজিপো বাজিজিচ্চৈব প্রভূতিশ্চ ককুদ্যথ |
দধিক্রাবা বিপক্বশ্চ প্রণীতো বিজয়ো মধুঃ || ৩. ১. ৫৮||
উতথ্যোত্তমকৌ দ্বৌ তু দ্বাদশৈতে মরীচয়ঃ |
সুধর্মাণস্তু বক্ষ্যামি নামতস্তান্নিবোধত || ৩. ১. ৫৯||
বর্ণস্তথাথগর্বিশ্চ ভুরণ্যো ব্রজনোঽমিতঃ |
অমিতো দ্রবকেতুশ্চ জংভোঽথাজস্তু শক্রকঃ || ৩. ১. ৬০||
সুনেমির্দ্যুতয়শ্চৈব সুধর্মাণঃ প্রকীর্তিতাঃ |
তেষামিন্দ্রস্তদা ভাব্যো হ্যদ্ভুতো নাম নামতঃ || ৩. ১. ৬১||
স্কন্দোঽসৌ পার্বতীয়ো বৈ কার্তিকেয়স্তু পাবকিঃ |
মেধাতিথিশ্চ পৌলস্ত্যো বসুঃ কাশ্যপ এবং চ || ৩. ১. ৬২||
জ্যোতিষ্মান্ভার্গবাশ্চৈব দ্যুতিমানঙ্গিরাস্তথা |
বসিনশ্চৈব বাসিষ্ঠ আত্রেয়ো হব্যবাহনঃ || ৩. ১. ৬৩||
সুতপাঃ পৌলহশ্চৈব সপ্তৈতে রোহিতেতরে |
ধৃতিকেতুর্দীপ্তিকেতুঃ শাপহস্তনিরাময়াঃ || ৩. ১. ৬৪||
পৃথুশ্রবাস্তথানীকো ভূরিদ্যুম্নো বৃহদ্যশঃ |
প্রথমস্য তু সাবর্ণের্নব পুত্রাঃ প্রকীর্তিতাঃ || ৩. ১. ৬৫||
দশমে ৎবথ পর্যায়ে ধর্মপুত্রস্য বৈ মনোঃ |
দ্বীতীয়স্য তু সাবর্ণের্ভাব্যস্যৈবান্তরে মনোঃ || ৩. ১. ৬৬||
সুধামানো বিরুদ্ধাশ্চ দ্বাবেব তু গণৌ স্মৃতৌ |
দীপ্তিমন্তশ্চ তে সর্বে শতসংখ্যাশ্চ তে সমাঃ || ৩. ১. ৬৭||
প্রাণানাং যচ্ছতং প্রোক্তং ঋষিভিঃ পুরষেতি বৈ |
দেবাস্তে বৈ ভবিষ্যন্তি ধর্মপুত্রস্য বৈ মনোঃ || ৩. ১. ৬৮||
তেষামিন্দ্রস্তথা বিদ্বান্ভবিষ্যঃ শান্তিরুচ্যতে |
হবিষ্মান্পৌলহঃ শ্রীমান্সুকীর্তিশ্চাথ ভার্গবঃ || ৩. ১. ৬৯||
আপোমূর্তিস্তথাত্রেয়ো বসিষ্ঠশ্চাপবঃ স্মৃতঃ |
পৌলস্ত্যোঽপ্রতিমশ্চাপি নাভাগশ্চৈব কাশ্যপঃ || ৩. ১. ৭০||
অভিমন্যুশ্চাঙ্গিরসঃ সপ্তৈতে পরমর্ষয়ঃ |
সুক্ষেত্রশ্চোত্তমৌজাশ্চ ভূরিসেনশ্চ বীর্যবান্ || ৩. ১. ৭১||
শতানীকো নিরামিত্রো বৃষসেনো জয়দ্রথঃ |
ভূরিদ্যুম্নঃ সুবর্চাশ্চ দশৈতেমানবাঃ স্মৃতাঃ || ৩. ১. ৭২||
একাদশে তু পর্যায়ে সাবর্ণে বৈ তৃতীয়কে |
নির্বাণরতয়ো দেবাঃ কামগা বৈ মনোজবাঃ || ৩. ১. ৭৩||
গণাস্ত্বেতে ত্রয়ঃ খ্যাতা দেবাতানাং মহাত্মনাম্ |
একৈকস্ত্রিংশতস্তেষাং গণস্তু ত্রিদিবৌকসাম্ || ৩. ১. ৭৪||
মাসস্যাহানি ত্রিংশত্তু যানি বৈ কবয়ো বিদুঃ |
নির্বাণরতয়ো দেবা রাত্রয়স্তু বিহঙ্গমাঃ || ৩. ১. ৭৫||
গণস্তৃতীয়ো যঃ প্রোক্তে দেবতানাং ভবিষ্যতি |
মনোজবা মূরূর্ত্তাস্তু ইতি দেবাঃ প্রকীর্তিতাঃ || ৩. ১. ৭৬||
এতে হি ব্রহ্মণঃ পুত্রা ভবিষ্যা মানবাঃ স্মৃতাঃ |
তেষামিদ্রো বৃষা নাম ভবিষ্যঃ সুররাট্ ততঃ || ৩. ১. ৭৭||
তেষাং সপ্তঋষীংশ্চাপি কীর্ত্যমানান্নিবৌধত |
হবিষ্মান্কাশ্যপশ্চাপি বপুষ্মাংশ্চৈব ভার্গবঃ || ৩. ১. ৭৮||
আরুণিশ্চ তথাত্রেয়ো বসিষ্ঠো নগ এব চ |
পুষ্টিরাঙ্গিরসো জ্ঞেয়ঃ পৌলস্ত্যো নিশ্চরস্তথা || ৩. ১. ৭৯||
পৌলহো হ্যতিতেজশ্চ দেবা হ্যেকাদশেন্তরে |
সর্ববেগঃ সুধর্মা চ দেবানীকঃ পুরোবহঃ || ৩. ১. ৮০||
ক্ষেমধর্মা গ্রহেষুশ্চ আদর্শঃ পৈণ্ড্রকো মরুঃ |
সাবর্ণস্য তু তে পুত্রাঃ প্রাজাপত্যস্য বৈ নব || ৩. ১. ৮১||
দ্বাদশে ৎবথ পর্যায়ে রুদ্রপুত্রস্য বৈ মনোঃ |
চতুর্থো রুদ্রসাবর্ণো দেবাংস্তস্যান্তরে শৃণু || ৩. ১. ৮২||
পঞ্চৈব তুগণাঃ প্রোক্তা দেবতানামনাগতাঃ |
হরিতা রোহিতাশ্চৈব দেবাঃ সুমনসস্তথা || ৩. ১. ৮৩||
সুকর্মাণঃ সুতরশ্চ বিদ্বাংশ্চৈব সহস্রদঃ |
পর্বতোঽনু চরশ্চৈব অপাশুশ্চ মনোজবঃ || ৩. ১. ৮৪||
ঊর্জা স্বাহা স্বধা তারা দশেতে হরিতাঃ স্মৃতাঃ |
তপো জ্ঞানী মৃতিশ্চৈব বর্চা বন্ধুশ্চ যঃ স্মৃতঃ || ৩. ১. ৮৫||
রজশ্চৈব তু রাজশ্চ স্বর্ণপাদস্তথৈব চ |
পুষ্টির্বিধিশ্চ বৈ দেবা দশৈতে রোহিতাঃ স্মৃতাঃ || ৩. ১. ৮৬||
তুষ্তাদ্যাস্তু যে দেবাস্ত্রয় স্ত্রিংশৎপ্রকীর্তিতাঃ |
তে বৈ সুমনসো বেদ্যান্নিবোধত সুকর্মণঃ || ৩. ১. ৮৭||
সুপর্বা বৃষভঃ পৃষ্টা কপিদ্যুম্নবিপশ্চিতঃ |
বিক্রমশ্চ ক্রমশ্চৈব বিভৃতঃ কান্ত এব চ || ৩. ১. ৮৮||
এতে দেবাঃ সুকর্মাণঃ সুতরাংশ্চ নিবোধত |
বর্ষো দিব্যস্তথাঞ্জিষ্ঠো বর্চস্বী দ্যুতিমান্কবিঃ || ৩. ১. ৮৯||
শুভো হবিঃ কৃতপ্রাপ্তির্ব্যাপৃতো দশমস্তথা |
সুতারা নামতস্ত্বেতে দেবা বৈ সংপ্রকীর্তিতাঃ || ৩. ১. ৯০||
তেষামিন্দ্রস্তু বিজ্ঞেয়ো ঋতধামা মহায়শাঃ |
দ্যুতির্বসিষ্ঠপুত্রস্তু আত্রেয়ঃ সুতপাস্তথা || ৩. ১. ৯১||
তপোমূর্তিস্ত্বাঙ্গিরসস্তপস্বী কাশ্যপস্তথা |
তপোধনশ্চ পৌলস্ত্যঃ পৌলহশ্চ তপোরতিঃ || ৩. ১. ৯২||
ভার্গবঃ সপ্তমস্তেষাং বিজ্ঞেয়স্তু তপোধৃতিঃ |
এতে সপ্তর্ষয়ঃ সিদ্ধা অন্ত্যে সাবর্ণিকেংঽতরে || ৩. ১. ৯৩||
দেববানুপদেবশ্চ দেবশ্রেষ্ঠো বিদূরথঃ |
মিত্রবান্ মিত্রসেনোঽথ চিত্রসেনো হ্যমিত্রহা || ৩. ১. ৯৪||
মিত্রবাহুঃ সুবর্চাশ্চ দ্বাদশস্য মনোঃ সুতাঃ |
ত্রয়োদশেতু পর্যায়ে ভাব্যে রৌচ্যেন্তরে পুনঃ || ৩. ১. ৯৫||
ত্রয় এব গণাঃ প্রোক্তা দেবানাং তু স্বয়ংভুবা |
ব্রহ্মণো মানসাঃ পুত্রাস্তে হি সর্বে মহাত্মনঃ || ৩. ১. ৯৬||
সুত্রামাণঃ সুধর্মাণঃ সুকর্মাণশ্চ তে ত্রয়ঃ |
ত্রিদশানাং গণাঃ প্রোক্তা ভবিষ্যাঃ সোমপায়িনাম্ || ৩. ১. ৯৭||
ত্রয়স্ত্রিশদ্দেবতা যাঃ পৃথগিজ্যাস্তু যাজ্ঞিকৈঃ |
আজ্যেন পৃষদাজ্যেন গ্রহশ্রেষ্টেন চৈব হ || ৩. ১. ৯৮||
যে বৈ দেবাস্ত্রয়স্ত্রিংশৎপৃথক্ত্বেন নিবোধত |
সুত্রামাণঃ প্রয়াজ্যাস্তু আজ্যাশা যে তু সাংপ্রতম্ || ৩. ১. ৯৯||
সুকর্মাণোঽনুয়াজ্যাখ্যাঃ পৃষদাজ্যাশিনস্তু যে |
উপয়াজ্যাঃ সুধর্মাণ ইতি দেবাঃ প্রকীর্ত্তিতাঃ || ৩. ১. ১০০||
দিবস্পতির্মহাসৎবস্তেষামিন্দ্রো ভবিষ্যতি |
পুলহাত্মজপুত্রাস্তে বিজ্ঞেয়াস্তু রুচেঃ সুতাঃ || ৩. ১. ১০১||
অঙ্গিরাশ্চৈব ধৃতিমান্ পৌলস্ত্যোঽপ্যব্যয়স্তু সঃ |
পৌলহস্তত্ত্বদর্শী ছ ভার্গবশ্চ নিরুপ্সুকঃ || ৩. ১. ১০২||
নিষ্প্রকংপ্যস্তথাত্রেয়ো নির্মোহঃ কাশ্যপস্তথা |
সুতপাশ্চৈব বাসিষ্ঠঃ সপ্তৈতে তু ত্রয়োদশ || ৩. ১. ১০৩||
চিত্রসেনো বিচিত্রশ্চ নয়ো ধর্মো ধৃতো ভবঃ |
অনেকঃ ক্ষত্রবিদ্ধশ্চ সুরসো নির্ভয়ো দশ || ৩. ১. ১০৪||
রৌচ্যস্যৈতে মনোঃ পুত্রা হ্যন্তরে তু ত্রয়োদশে |
চতুর্দশে তু পর্যায়ে ভৌত্যস্যাপ্যন্তরে মনোঃ || ৩. ১. ১০৫||
দেবতানাং গণাঃ পঞ্চ প্রোক্তা যে তু ভবিষ্যতি |
চাক্ষুষাশ্চ পবিত্রাশ্চ কনিষ্ঠা ভ্রাজিতাস্তথা || ৩. ১. ১০৬||
বাচাবৃদ্ধাশ্চ ইত্যেতে পঞ্চ দেবগণাঃ স্মৃতাঃ |
নিষাদাদ্যাঃ স্বরাঃ সপ্ত সপ্ত তান্বিদ্ধি চাক্ষুষান্ || ৩. ১. ১০৭||
বৃহদাদ্যানি সামানি কনিষ্ঠান্সপ্ত তান্বিদুঃ |
সপ্ত লোকাঃ পবিত্রাস্তে ভ্রাজিতাঃ সপ্তসিংধবঃ || ৩. ১. ১০৮||
বাচাবৃদ্ধানৃষীন্বিদ্ধি মনোঃ স্বায়ভুবস্য যে |
সর্বে মন্বন্তরেদ্রাশ্চ বিজ্ঞেয়াস্তুল্যলক্ষণাঃ || ৩. ১. ১০৯||
তেজসা তপসা বুদ্ধ্যা বলশ্রুতপরাক্রমৈঃ |
ত্রৈলোক্যে যানি সত্ত্বানি গতিমন্তি ধ্রুবাণি চ || ৩. ১. ১১০||
সর্বশঃ সর্বৈর্গুণৈস্তানি ইন্দ্রাস্তেঽভিভবন্তি বৈ |
ভূতাপবাদিনো হৃষ্টা মধ্যস্থা ভূতবাদিনঃ || ৩. ১. ১১১||
ভূতাভবাদিনঃ শক্তাস্ত্রয়ো বেদাঃ প্রবাদিনাম্ |
অগ্নীধ্রঃ কাশ্যপশ্চৈব পৌলস্ত্যো মাগধশ্চ যঃ || ৩. ১. ১১২||
ভার্গবো হ্যগ্নিবাহুশ্চ শুচিরাঙ্গিরসস্তথা |
শুক্রশ্চৈব তু বাসিষ্ঠঃ পৌলহো মুক্ত এব চ || ৩. ১. ১১৩||
আত্রেয়ঃ শ্বাজিতঃ প্রোক্তো মনুপুত্রানতঃ শৃণু |
উরুর্গুরুশ্চ গংভীরো বুদ্ধঃ শুদ্ধঃ শুচিঃ কৃতী || ৩. ১. ১১৪||
ঊর্জস্বী সুবলশ্চৈব ভৌত্যস্যৈতে মনোঃ সুতাঃ |
সাবর্ণা মনবো হ্যেতে চৎবারো ব্রহ্মণঃ সুতাঃ || ৩. ১. ১১৫||
একো বৈবস্বতশ্চৈব সাবর্ণো মনুরুচ্যতে |
রৌচ্যো ভৌত্যশ্চ যৌ তৌ তু মতৌ পৌলহভার্গবৌ |
ভৌত্যস্যৈবাধিপত্যে তু তূর্ণং কল্পস্তু পূর্যতে || ৩. ১. ১১৬||
সূত উবাচ
নিঃশেষেষু তু সর্বেষু তদা মন্বন্তরেষ্বিহ || ৩. ১. ১১৭||
অন্তেঽনেকয়ুগে তস্মিন্ক্ষীণে সংহার উচ্যতে |
সপ্তৈতে ভার্গবা দেবা অন্তে মন্বন্তরে তদা || ৩. ১. ১১৮||
ভুক্ত্বা ত্রৈলোক্যম ধ্যস্থা যুগাখ্যা হ্যেকসপ্ততীঃ |
পিতৃভির্মনুভিঃ সার্দ্ধং ক্ষীণে মন্বন্তরে তদা || ৩. ১. ১১৯||
অনাধারমিদং সর্বং ত্রৈলোক্যং বৈ ভবিষ্যতি |
ততঃ স্থানা নি শুভ্রাণি স্থানিনাং তানি বৈ তদা || ৩. ১. ১২০||
প্রভ্রশয়ন্তে বিমুক্তানি তারা ঋক্ষগ্রহৈস্তথা |
ততস্তেষু ব্যতীতেষু ত্রৈলোক্যস্যেশ্বরেষ্বিহ || ৩. ১. ১২১||
সংপ্রপ্তেষু মহর্লোকং যস্মিংস্তে কল্পবাসিনঃ |
অজিতাদ্যা গণা যত্র আয়ুষ্মন্তশ্চতুর্দশ || ৩. ১. ১২২||
মন্বন্তরেষু সর্বেষু দেবাস্তে বৈ চতুর্দ্দশ |
সশরীরাশ্চ শ্রূয়ন্তে জনলোকে সহানুগাঃ || ৩. ১. ১২৩||
এবং দেবেষ্বতীতেষু মহর্লোকাজ্জনং প্রতি |
ভূতাদিষ্ববশিষ্টেষু স্থাবরাং তেষু তেষু বৈ || ৩. ১. ১২৪||
শূন্যেষু লোকস্থানেষু মহান্তেষু ভুবাদিষু |
দেবেষু চ গতেষ্বূর্দ্ধ্বং সায়ুজ্যং কল্পবাসিনাম্ || ৩. ১. ১২৫||
সংহৃত্য তাস্ততো ব্রহ্মা দেবর্ষিপিতৃদানবান্ |
সংস্থাপয়তি বৈ সর্গমহর্দৃষ্ট্বা যুগক্ষয়ে || ৩. ১. ১২৬||
চতুর্যুগসহস্রান্তমহর্যদ্ব্রহ্মণো বিদুঃ |
রাত্রিং যুগসহস্রান্তাং তেঽহোরাত্রবিদো জনাঃ || ৩. ১. ১২৭||
নৈমিত্তিকঃ প্রাকৃতিকো যশ্চৈবাত্যন্তিকোর্ঽথতঃ |
ত্রিবিধিঃ সর্বভূতানামিত্যেষ প্রতিসংচরঃ || ৩. ১. ১২৮||
ব্রাহ্মো নৈমিত্তিকস্তস্য কল্পদাহঃ প্রসংযমঃ |
প্রতিসর্গে তু ভূতানাং প্রাকৃতঃ করণক্ষয়ঃ || ৩. ১. ১২৯||
জ্ঞানাচ্চাত্যন্তিকঃ প্রোক্তঃ কারণানামসংভবঃ |
ততঃ সংহৃত্য তান্ব্রহ্মা দেবাংস্ত্রৈলোক্যবাসিনঃ || ৩. ১. ১৩০||
প্রহরতি প্রকুরুতে সর্গস্য প্রলয়ং পুনঃ |
সুষুপ্সুর্ভগবান্ব্রহ্মা প্রজাঃ সংহরতে তদা || ৩. ১. ১৩১||
ততো যুগসহস্রান্তে সংপ্রাপ্তে চ যুগক্ষয়ে |
তত্রাত্মস্থাঃ প্রজাঃ কর্তুং প্রপেদে স প্রজাপতিঃ || ৩. ১. ১৩২||
তদা ভবত্যনাবৃষ্টিঃ সংততা শতবার্ষিকী |
তয়া যান্যল্পসারাণি সত্ত্বানি বৃথিবীতলে || ৩. ১. ১৩৩||
তান্যেবাত্র প্রলীয়ন্তে ভূমিৎবমুপয়ান্তি চ |
সপ্তরশ্মিরথো ভূৎবা উদত্তিষ্ঠদ্বিভাবসুঃ || ৩. ১. ১৩৪||
অসহ্যরশ্মির্ভগবান্পিবত্যংভো গনস্তিভিঃ |
হরীতারশ্ময়স্তস্যদীপ্যমানাস্তু সপ্ততিঃ || ৩. ১. ১৩৫||
ভূয় এব বিবর্ত্তন্তে ব্যাপ্নুবন্তোংবরং শনৈঃ |
ভৌমং কাষ্ঠেন্ধনং তেজো ভৃশমদ্ভিস্তু দীপ্যতে || ৩. ১. ১৩৬||
তস্মাদুদকভৃৎসূর্যস্তপতীতি হি কথ্যতে |
নাবৃষ্ট্যা তপতে সূর্য্যো নাবৃষ্ট্যা পরিষিচ্যতে || ৩. ১. ১৩৭||
নাবৃষ্ট্যা পরিবিশ্যেত বারিণা দীপ্যতে রবিঃ |
তস্মাদপঃ পিবন্যো বৈ দীপ্যতে রবিরংবরে || ৩. ১. ১৩৮||
তস্য তে রশ্ময়ঃ সপ্ত পিবন্ত্যংভো মহার্ণবাৎ |
তেনাহারেণ সংদীপ্তাঃ সূর্যাঃ সপ্ত ভবন্ত্যুত || ৩. ১. ১৩৯||
ততস্তে রশ্ময়ঃ সপ্ত সূর্যভূতাশ্চতুর্দ্দিশম্ |
চতুর্লোকমিমং সর্বং দহন্তি শিখিনস্তদা || ৩. ১. ১৪০||
প্রাপ্নুবন্তি চ তাভিস্তু হ্যূর্দ্ধ্বং চাধশ্চ রশ্মিভিঃ |
দীপ্যন্তে ভাস্করাঃ সপ্ত যুগান্তাগ্নিপ্রতাপিনঃ || ৩. ১. ১৪১||
তে বারিণা প্রদীপ্তাশ্চ বহুসাহস্ররশ্ময়ঃ |
স্বং সমাবৃত্য তিষ্ঠন্তি নির্দহন্তো বসুংধরাম্ || ৩. ১. ১৪২||
ততস্তেষাং প্রতাপেন দহ্যমানা বসুংধরা |
সাদ্রিনদ্যর্ণবা পৃথ্বী নিস্নেহা সমপদ্যত || ৩. ১. ১৪৩||
দীপ্তাভিঃ সংততাভিশ্চ চিত্রাভিশ্চ সমন্ততঃ |
অধশ্চোর্ধ্বং চ তির্যক্ চ সংরূদ্ধা সূর্যরশ্মিভিঃ || ৩. ১. ১৪৪||
সূর্যাগ্নীনাং প্রবৃদ্ধানাং সংসৃষ্টানাং পরস্পরম্ |
একৎবমুপয়াতানামেকজ্বালা ভবত্যুত || ৩. ১. ১৪৫||
সর্বলোকপ্রণাশশ্চ সোঽগ্নির্ভূৎবানুমণ্ডলী |
চতুর্লোকমিদং সর্বং নির্দহত্যাশু তেজসা || ৩. ১. ১৪৬||
ততঃ প্রলীনে সর্বস্মিঞ্জঙ্গমে স্থাবরে তথা |
নির্বৃক্ষা নিস্তৃণা ভূমিঃ কূর্মপৃষ্ঠসমা ভবেৎ || ৩. ১. ১৪৭||
অংবরীষমিবাভাতি সর্বমপ্যখিলং জগৎ |
সর্বমেব তদর্চির্ভিঃ পূর্ণং জাজ্বল্যতে ঘনঃ || ৩. ১. ১৪৮||
ভূতলে যানি সত্ত্বানি মহোদধিগতানি চ |
ততস্তানি প্রলীয়ন্তে ভূমিৎবমুপয়ান্তি চ || ৩. ১. ১৪৯||
দ্বীপাশ্চ পর্বতাশ্চৈব বর্ষাণ্যথ মহোদধিঃ |
সর্বং তদ্ভস্মসাচ্চক্রে সর্বাত্মা পাবকস্তু সঃ || ৩. ১. ১৫০||
সমুদ্রেভ্যো নদীভ্যশ্চ পাতালেভ্যশ্চ সর্বশঃ |
পিবত্যপঃ সমিদ্ধোঽগ্নিঃ পৃথিবীমাশ্রিতো জ্বলন্ || ৩. ১. ১৫১||
ততঃ সংবর্দ্ধিতঃ শৈলানতি ক্রম্য গ্রহাংস্তথা |
লোকান্সংহরতে দীপ্তো ঘোরঃ সংবর্ত্তকোঽনলঃ || ৩. ১. ১৫২||
ততঃ স পৃথিবীং ভিত্ত্বা রসাতলমশোষ্যৎ |
নির্দহ্যান্তে তু পাতালং বায়ুলোকমথাদহৎ || ৩. ১. ১৫৩||
অধস্তাৎপৃথিবীং দগ্ধ্বা তূর্দ্ধ্বং স দহতো দিবম্ |
যোজনানাং সহস্রাণি প্রয়ুতান্যর্বুদানি চ || ৩. ১. ১৫৪||
উদতিষ্ঠঞ্শিখাস্তস্য বহ্ব্যঃ সংবর্ত্তকস্য তু |
গন্ধর্বাংশ্চ পিশাচাংশ্চ সমহোরগরাক্ষসান্ || ৩. ১. ১৫৫||
তদা দহতি সংদীপ্তো গোলকং চৈব সর্বশঃ |
ভূর্লোকং চ ভুবর্ল্লোকং স্বর্লোকং চ মহস্তথা || ৩. ১. ১৫৬||
ঘোরো দহতি কালাগ্নিরেবং লোকচতুষ্টয়ম্ |
ব্যাপ্তেষু তেষু লোকেষু তির্যগূর্দ্ধ্বমথাগ্নিনা || ৩. ১. ১৫৭||
তত্তেজঃ সমনুপ্রাপ্য কৃৎস্নং জগদিদং শনৈঃ |
অয়োগুডনিভং সর্বং তদা হ্যেবং প্রকাশতে || ৩. ১. ১৫৮||
ততো গজকুলাকারাস্তডিদ্ভিঃ সমলঙ্কৃতাঃ |
উত্তিষ্ঠন্তি তদা ঘোরা ব্যোম্নি সংবর্তকা ঘনাঃ || ৩. ১. ১৫৯||
কেচিন্নীলোৎপলশ্যামাঃ কেচিৎকুমুদসন্নিভাঃ |
কেচিদ্বৈডূর্যসংকাশা ইন্দ্রনীলনিভাঃ পরে || ৩. ১. ১৬০||
শঙ্খকুন্দনিভাশ্চান্যে জাত্যঞ্জননিভাস্তথা |
ধূম্রবর্ণা ঘনাঃ কেচিৎকেচিৎপীতাঃপয়োধরাঃ || ৩. ১. ১৬১||
কেচিদ্রাসভবর্ণাভা লাক্ষারসনিভাস্তথা |
মনশিলাভাস্ত্বপরে কপোতাভাস্তথাংবুদাঃ || ৩. ১. ১৬২||
ইন্দ্রগোপনিভাঃ কেচিদ্ধরিতালনিভাস্তথা |
চাষপত্রনিভাঃ কেচিদুত্তিষ্ঠন্তি ঘনা দিবি || ৩. ১. ১৬৩||
কেচিৎপুরবরাকারাঃ কেচিদ্গজকুলোপমাঃ |
কেচিৎপর্বতসংকাশাঃ কেচিৎস্থলনিভা ঘনাঃ || ৩. ১. ১৬৪||
ক্রীডাগারনিভাঃ কেচিৎকেচিন্মীনকুলোপমাঃ |
বহুরূপা ঘোররূপা ঘোরস্বরনিনাদিনঃ || ৩. ১. ১৬৫||
তদা জলধরাঃ সর্বে পূরয়ন্তি নভস্তলম্ |
ততস্তে জলদা ঘোররাবিণো ভাস্করাত্মকাঃ || ৩. ১. ১৬৬||
সপ্তধা সংবৃতাত্মানস্তমগ্নিং শময়ন্ত্যুত |
ততস্তে জলদা বর্ষং মুঞ্চন্তি চ মহৌঘবৎ || ৩. ১. ১৬৭||
সুঘোরমশিবং সর্বং নাশয়ন্তি চ পাবকম্ |
প্রবৃষ্টৈশ্চ তথাত্যর্থং বারিণা পূর্যতে জগৎ || ৩. ১. ১৬৮||
অদ্ভিস্তেজোভিভূতং চ তদাগ্নিঃ প্রবিশত্যপঃ |
নষ্টে চাগ্নৌ বর্ষগতে পয়োদাঃ পাবকোদ্ভবাঃ || ৩. ১. ১৬৯||
প্লাবয়ন্তো জগৎসর্বং বৃহজ্জলপরিস্রবৈঃ |
ধারাভিঃ পূরয়ন্তীমং চোদ্যমানাঃ স্বয়ংভুবা || ৩. ১. ১৭০||
অন্যে তু সলিলৌঘৈস্তু বেলামভিভবন্ত্যপি |
সাদ্রিদ্বীপান্তরং পীতং জলমন্নেষু তিষ্ঠতি || ৩. ১. ১৭১||
পুনঃ পততি ভূমৌ তৎপয়োধস্তান্নভস্তলে |
সংবেষ্টয়তি ঘোরাত্মা দিবি বায়ুঃ সমততঃ || ৩. ১. ১৭২||
তস্মিন্নেকার্মবে ঘোরে নষ্টে স্থাবারজঙ্গমে |
পূর্মে যুগসহস্রে বৈ নিঃশেষঃ কল্প উচ্যতে || ৩. ১. ১৭৩||
অথাংভসঽঽবৃতে লোকে প্রাহুরেকার্মবং বুধাঃ |
অথ ভূমির্জলং খং চ বায়ুশ্চৈকার্মবে তদা || ৩. ১. ১৭৪||
নষ্টেঽনলেঽন্ধভূতে তু প্রাজ্ঞায়ত ন কিঞ্চন |
পার্থিবাস্ত্বথ সামুদ্রা আপো দৈব্যাশ্চ সর্বশঃ || ৩. ১. ১৭৫||
অসরন্ত্যো ব্রজন্ত্যৈক্যং সলিলাখ্যাং ভজন্ত্যুত |
আগতাগতিকে চৈব তদা তৎসলিলং স্মৃতম্ || ৩. ১. ১৭৬||
প্রচ্ছাদ্যতি মহীমেতামর্ণবাখ্যং তু তজ্জলম্ |
আভাতি যস্মাত্তদ্ভাভির্ভাশব্দো ব্যাপ্তিদীপ্তিষু || ৩. ১. ১৭৭||
ভস্ম সর্বমনুপ্রাপ্য তস্মাদংভো নিরুচ্যতে |
নানাৎবে চৈব শীঘ্রে চ ধাতুর্বৈ অর উচ্যতে || ৩. ১. ১৭৮||
একার্মবে তদা হ্যো বৈ ন শীঘ্রস্তেন তা নরাঃ |
তস্মিন্যুগসহস্রান্তে দিবসে ব্রহ্মণো গতে || ৩. ১. ১৭৯||
তাবন্তং কালমেবং তু ভবত্যেকার্মবং জগৎ |
তদা তু সর্বে ব্যাপারা নিবর্ত্তন্তে প্রজাপতেঃ || ৩. ১. ১৮০||
একমেকার্ণবে তস্মিন্নষ্টে স্থাবরজঙ্গমে |
তদা স ভবতি ব্রহ্মা সহস্রাক্ষঃ সহস্রপাৎ || ৩. ১. ১৮১||
সহস্রশীর্ষা সুমনাঃ সহস্রপাৎসহস্রচক্ষুর্বদনঃ সহস্রবাক্ |
সহস্রবাহুঃ প্রথমঃ প্রজাপতিস্ত্রয়ী ময়ো যঃ পুরুষো নিরুচ্যতে || ৩. ১. ১৮২||
আদিত্যবর্মা ভুবনস্য গোপ্তা অপূর্ব একঃ প্রথমস্তুরাষাট্ |
হিরণ্যগর্ভঃ পুরুষো মহান্বৈ সংপঠ্যতে বৈ রজসঃ পরস্তাৎ || ৩. ১. ১৮৩||
চতুর্যুগসহস্রান্তে সর্বতঃ সলিলাপ্লুতে |
সুষুপ্সুরপ্রকাশেপ্সুঃ স রাত্রিং কুরুতে প্রভুঃ || ৩. ১. ১৮৪||
চতুর্বিধা যদা শেতে প্রজাঃ সর্বা লয়ং গতাঃ |
পশ্যন্তি তং মহাত্মানং কালং সপ্ত মহর্ষয়ঃ || ৩. ১. ১৮৫||
জনলোকং বিবর্ত্তাস্তে তপসা লব্ধচক্ষুষঃ || ৩. ১. ১৮৫||
ভৃগ্বাদয়ো মহাত্মানঃ পূর্বে ব্যাখ্যাতলক্ষণাঃ || ৩. ১. ১৮৬||
সত্যাদীন্সপ্তলোকান্বৈ তে হি পশ্যন্তি চক্ষুষা |
ব্রহ্মাণং তে তু পশ্যন্তি সদা ব্রাহ্মীষু রাত্রিষু || ৩. ১. ১৮৭||
সপ্তর্ষয়ঃ প্রপশ্যন্তি স্বপ্নং কালং স্বরাত্রিষু |
কল্পানাং পরমেষ্টি ৎবাত্তস্মাদাদ্যঃ স পঠ্যতে || ৩. ১. ১৮৮||
স স্রষ্টা সর্বভূতানাং কল্পাদিষু পুনঃ পুনঃ |
এবমেশায়িৎবা তু হ্যাত্মন্যেব প্রজাপতিঃ || ৩. ১. ১৮৯||
অথাত্মনি মহাতেজাঃ সর্বমাদায় সর্বকৃৎ |
ততঃ স বসতে রাত্রিং তমস্যেকার্ণবে জলে || ৩. ১. ১৯০||
ততো রাত্রিক্ষয়ে প্রাপ্তে প্রতি বুদ্ধঃ প্রজাপতিঃ |
মনঃ সিসৃক্ষয়া যুক্তঃ সর্গায় নিদধে পুনঃ || ৩. ১. ১৯১||
এবং স লোকে নির্বৃত্ত উপশান্তে প্রজাপতৌ |
ব্রাহ্মে নৈমিত্তিকে তস্মিন্কল্পিতে বৈ প্রসংযমে || ৩. ১. ১৯২||
দেহৈর্বিয়োগঃ সত্ত্বানাং তস্মিন্বৈ কৃৎস্নশঃ স্মৃতঃ |
ততো ধগ্ধেষু ভূতেষু সর্বেষ্বাদিত্যরশিমভিঃ || ৩. ১. ১৯৩||
দেবর্ষিমনুবর্যেষু তস্মিন্নংবুপ্লবে তদা |
গন্ধর্বাদীনি সত্ত্বানি পিশায়ান্তানি সর্বশঃ || ৩. ১. ১৯৪||
কল্পাদাবপ্রতপ্তানি জনমেবাশ্রয়ন্তি বৈ |
তির্যগ্যোনীনি নরকে যানি যানি গতান্যপি || ৩. ১. ১৯৫||
তদা তান্যাপি দগ্ধানি ধূতপাপানি সর্বশঃ |
জলে তান্যুপপদ্যন্তে যাবৎসংপ্লবতে জগৎ || ৩. ১. ১৯৬||
ব্যুষ্টায়াং চ রচন্যাং তু ব্রহ্মণোঽব্যক্তয়োনিতঃ |
জায়ন্তে হি পুনস্তানি সর্বভূতানি কৃতস্নশঃ || ৩. ১. ১৯৭||
ঋষয়ো মনবো দেবাঃ প্রজাঃ সর্বাশ্চতুর্বিধাঃ |
তেষামপি চ সিদ্ধানাং নিধনোৎপত্তিরুচ্যতে || ৩. ১. ১৯৮||
যথাসূর্যস্য লোকেঽস্মিন্নুদয়াস্তমনে স্মৃতে |
তথা জন্মনিরোধশ্চ ভূতানামিহ দৃশ্যতে || ৩. ১. ১৯৯||
আভূতসংপ্লবাত্তস্মাদ্ভবঃ সংসার উচ্যতে |
যথা সর্বাণি ভূতানাং জায়ন্তে বর্ষণেষ্বিহ || ৩. ১. ২০০||
স্থাবরাদীনি নিয়মাৎকল্পে কল্পে তথা প্রজাঃ |
যথার্ত্তাবৃতুলিঙ্গানি নানারূপাণি পর্যয়ে || ৩. ১. ২০১||
দৃশ্যন্তে তানি তান্যেব তথা ব্রহ্মদ্যুরাত্রিষু |
প্রত্যাহারে বিসর্গে চ গতিমন্তি ধ্রুবাণি চ || ৩. ১. ২০২||
নিষ্ক্রমন্তে বিশন্তে চ প্রজাঃ কালে প্রজাপতিম্ |
ব্রহ্মাণং সর্বভূতানি মহায়োগং মহেশ্বরম্ || ৩. ১. ২০৩||
স স্রষ্টা সর্বভূতানাং কল্পাদিষু পুনঃ পুনঃ |
ব্যক্তোঽব্যক্তো মহাদেবস্তস্য সর্বমিদং জগৎ || ৩. ১. ২০৪||
যেনৈব সৃষ্টাঃ প্রথমং প্রয়াতা আপো হি মার্গেণ মহীতলেঽস্মিন্ |
পূর্বং প্রয়াতেন যথাৎবথাপস্তেনৈব তেনৈব তু স্বর্ব্রজন্তি || ৩. ১. ২০৫||
যথা শূভেন ৎবশুভেন চৈব তত্রৈব তত্রৈব বিবর্ত্তমানাঃ |
মর্ত্যাস্তু দেহান্তরভাবিতৎবাদ্রবের্বশাদূর্ধ্বমধশ্চরন্তি || ৩. ১. ২০৬||
যে চাপি দেবা মনবঃ প্রজেশা অন্যেঽপি যে স্বর্গগতাশ্চ সিদ্ধাঃ |
তদ্ভাবিতাঃ খ্যাতিবশাশ্চ ধর্ম্যাঃ পুনর্বিসর্গেণ ভবন্তি সত্ত্বাঃ || ৩. ১. ২০৭||
অত ঊর্ধ্বং প্রবক্ষ্যামি কালমাভূতসংপ্লবম্ |
মন্বন্তরাণি যানি স্যুর্ব্যাখ্যাতানি ময়া দ্বিজাঃ || ৩. ১. ২০৮||
সহ প্রজানিসর্গেণ সহ দেবৈশ্চতুর্দ্দশ |
সা যুগাখ্যা সহস্রং তু সর্বাণ্যেবান্তরাণি বৈ || ৩. ১. ২০৯||
অস্যাঃ সহস্রে দ্ব পূর্ণ বিশেষঃ কল্প উচ্যতে |
এতদ্ব্রাহ্মমহর্জ্ঞেয়ং তস্য সখ্যাং নিবোধত || ৩. ১. ২১০||
নিমেষতুল্যমাত্রা হি কৃতা লব্দক্ষণেন তু |
মানুষাক্ষিনিমেষাস্তু কাষ্ঠা পঞ্চদশ স্মৃতাঃ || ৩. ১. ২১১||
নব ক্ষণস্তু পঞ্জৈব বিংশৎকাষ্ঠা তু তে ত্রয়ঃ |
প্রস্থা সপ্তো দকাশ্চৈব সাধিকাক্তু লবঃ স্মৃতঃ || ৩. ১. ২১২||
লবাস্ত্রিংশৎকলা জ্ঞেয়া মুহূর্ত্তস্ত্রিংশতঃ কলাঃ |
মুহূর্ত্তাস্তু পুনস্ত্রিংশদহোরাত্রমিতি স্থিতিঃ || ৩. ১. ২১৩||
অহোরাত্রং কলানাং তু অধিকানি শতানি ষট্ |
তাশ্চৈব সংখ্যায়া জ্ঞেয়াশ্চন্দ্রাদিত্যগতির্যথা || ৩. ১. ২১৪||
নিমেষা দশপঞ্চৈবং কাষ্ঠা স্তাস্ত্রিংশতঃ কলা |
ত্রিংশৎকলা মুহূর্ত্তং তু দশভাগং কলা স্মৃতম্ || ৩. ১. ২১৫||
চৎবারিংশৎকলাঃ পঞ্চ মুহূর্ত্ত ইতি সংজ্ঞিতঃ |
মুহূর্ত্তাশ্চ লবাশ্চাপি প্রমাণজ্ঞৈঃ প্রকল্পিতাঃ || ৩. ১. ২১৬||
তথানেনাংভসশ্চাপিং পলান্যথ ত্রয়োদশ |
মাগধেনৈব মানেন জলপ্রস্থো বিধীয়তে || ৩. ১. ২১৭||
এতে বারাপ্লুতপ্রস্থাশ্চৎবারো নালিকোচ্চয়ঃ |
হেমমাষৈঃ কৃতচ্ছিদ্রশ্চতুর্ভিশ্চতুরঙ্গুলৈঃ || ৩. ১. ২১৮||
সমাহনি চ রাত্রৌ চ মুহূর্ত্তা বৈ দ্বিনালিকাঃ |
রবের্গতিবিশেষেণ সর্বেষ্বেতেষু নিত্যশঃ || ৩. ১. ২১৯||
অধিকং ষট্শতং যচ্চ কলানাং প্রবিধীয়তে |
তদহর্মানুষং জ্ঞেয়ং নাক্ষত্রং তু দশাধিকম্ || ৩. ১. ২২০||
সাবনেন তু মানেন অব্দোঽযং মানুষঃ স্মৃতঃ |
এতদ্দিব্যমহোরাত্রমিতি শাস্ত্রবিনিশ্চয়ঃ || ৩. ১. ২২১||
অহ্লানেন তু যা সংখ্যা মাসর্ত্বয়নবার্ষিকী |
তদা বদ্ধমিদং জ্ঞানং সংজ্ঞয়া হ্যুপলক্ষিতম্ || ৩. ১. ২২২||
কলানাং তু পরিমাণং কলা ইত্যভিধীয়তে |
যদহো ব্রহ্মণঃ প্রোক্তং দিব্যা কোটী তু সা স্মৃতা || ৩. ১. ২২৩||
শতানাং চ সহস্রাণি দশদ্বিগুণিতানি চ |
নবতিং চ সহস্রাণি তথৈবান্যানি যানি তু || ৩. ১. ২২৪||
এতচ্ছ্রুৎবা তু ঋষয়ো বিস্ময়ং পরমাদ্ভুতম্ |
সংখ্যাসংভজনং জ্ঞানমপৃচ্ছন্সুতরাং তদা || ৩. ১. ২২৫||
ঋষয় ঊচুঃ
সংপ্রকালন মানং তু মানুষেণৈব সম্মতম্ |
মানেন শ্রোতুমিচ্ছামঃ সংক্ষেপার্থপাদাক্ষরম্ || ৩. ১. ২২৬||
তেষাং শ্রুৎবা স দেবস্তু বায়ুর্লোকহিতে রতঃ |
সংক্ষেপাদ্দিব্যচক্ষুষ্ট্বা ৎপ্রোবাচ বচনং প্রভুঃ || ৩. ১. ২২৭||
এতে রাত্র্যহনী পূর্বং কীর্তিতে ৎবিহ লৌকিকে |
তাসাং সংখ্যাথ বর্ষাগ্রং ব্রাহ্মে বক্ষ্যাম্যহঃক্ষয়ে || ৩. ১. ২২৮||
কোডীশতানি চৎবারি বর্ষাণি মানুষাণি তু |
দ্বাত্রিংশচ্চ তথা কোট্যঃ সংখ্যাতাঃ সংখ্যয়া দ্বিজৈঃ || ৩. ১. ২২৯||
তথা শতসহস্রাণি একোননবতিঃ পুনঃ |
অশীতিশ্চ সহস্রাণি এষ কালঃ প্লবস্য তু || ৩. ১. ২৩০||
মানুষাখ্যেন সংখ্যাতঃ কালো হ্যাভূতসং প্লবঃ |
সপ্তসূর্যপ্রদগ্ধেষু তদা লোকেষু তেষু বৈ |
মহাভূতষু লীয়ন্ত প্রজাঃ সর্বাশ্চতুর্বিধাঃ || ৩. ১. ২৩১||
সলিলেনাপ্লুতে লোকে নষ্টে স্থাবরজঙ্গমে || ৩. ১. ২৩২||
বিনিবৃত্তে চ সংহারে উপশান্তে প্রজাপতৌ |
নিরালোকে প্রদগ্ধে তু নৈশেন তমসা বৃতে || ৩. ১. ২৩৩||
ঈশ্বরাধিষ্ঠিতে ৎবস্মিং স্তদা হ্যেকার্মবে কিল |
তাবদেকার্মবে জ্ঞেয়ং যাবদাসীদহঃ প্রভোঃ || ৩. ১. ২৩৪||
রাত্রিস্তু সলিলাবস্থা নিবৃত্তৌ বাপ্যহঃ স্মৃতম্ |
অহোরাত্রস্তথৈবাস্য ক্রমেণ পরিবর্ততে || ৩. ১. ২৩৫||
আভূতসংপ্লবো হ্যেষ অহোরাত্রঃ স্মৃতঃ প্রভোঃ |
ত্রৈলোক্যে যানি সত্ত্বানি গতিমন্তিধ্রুবাণি চ || ৩. ১. ২৩৬||
আভূতেভ্যঃ প্রলীয়ন্তে তস্মাদাভূতসংপ্লবঃ |
অতীতা বর্তমানাশ্চ তথৈবানাগতাঃ প্রজাঃ || ৩. ১. ২৩৭||
দিব্যসংখ্যা প্রসংখ্যাতা অপরার্ধগুণীকৃতাঃ |
পরার্দ্ধং দ্বিগুণং চাপি পরমায়ুঃ প্রকীর্ত্ততম্ || ৩. ১. ২৩৮||
এতাবান্স্থিতিকালস্তু হ্যজস্যেহ প্রজাপতেঃ |
স্থিত্যন্তং প্রতিসর্গশ্চ ব্রহ্মণঃ পরমেষ্ঠিনঃ || ৩. ১. ২৩৯||
যথা বায়ুপ্রবেগেন দীপার্চিরুপশম্যতি |
তথৈব প্রতিসর্গেণ ব্রহ্মা সমুপশাম্যতি || ৩. ১. ২৪০||
তথা স্বপ্রতিসংসৃষ্টে মহদাদৌ মহেশ্বরে |
মহৎপ্রলীয়তে ব্যক্তে গুণসাম্যং ততো ভবেৎ || ৩. ১. ২৪১||
ইত্যেষ বঃ সমাখ্যাতো ময়া হ্যাভূতসংপ্লবঃ |
ব্রহ্মনৈমিত্তিকো হ্যেষ সংপ্রক্ষালনসংযমঃ |
সমাসেন সমাখ্যাতো ভূয়ঃ কিং বর্ময়ামি বঃ || ৩. ১. ২৪২||
য ইদং ধারয়েন্নিত্যং শৃণুয়াদ্বাপ্যভীক্ষ্ণশঃ |
কীর্ত্তয়েদ্বর্ণয়েদ্বাপি মহতীং সিদ্ধিমাপ্নুয়াৎ || ৩. ১. ২৪৩||
ইতি শ্রীব্রহ্মাণ্ডে মহাপুরাণে বায়ুপ্রোক্তে উত্তরভাগে চতুর্থ উপসংহারপাদে
আভূতসংপ্লবাখ্যবর্ণনং নাম প্রথমোঽধ্যায়ঃ || ১||

বায়ুরুবাচ
অসাধারণবৃত্তৈস্তু হুতশেষাদিভির্জনৈঃ |
ধর্মা বৈশেষিকাশ্চৈব আচীর্ণাঃ সূক্ষ্মদর্শিভিঃ || ৩. ২. ১||
তে দেবৈঃ সহ তিষ্ঠন্তি মহর্লোকনিবাসিনঃ |
চতুর্দশৈতে মনবঃ কীর্তিতাঃ কীর্তিবর্দ্ধনাঃ || ৩. ২. ২||
অতীতা বর্ত্তমানাশ্চ তথৈবানাগতাশ্চ যে |
দেবাশ্চ ঋষয়শ্চৈব মনবঃ পিতরস্তথা || ৩. ২. ৩||
সর্বে হ্যুক্তা ময়াতীত মহর্লোকং সমাশ্রিতাঃ |
ব্রাহ্মণৈঃ ক্ষত্রিয়ৈর্বৈশ্যৈর্ধার্মিকৈঃ সহিতৈঃ সরৈঃ || ৩. ২. ৪||
তৈস্তথাকারিভির্যুক্তৈঃ শ্রদ্ধাবদ্ভিরদর্পিতৈঃ |
বর্ণাশ্রমাণান্ধর্মেষু শ্রৌতস্মার্ত্তেষু সংস্থিতৈঃ |
বিনিবৃত্তাধিকারাস্তে যাবন্মন্বন্তরক্ষয়ঃ || ৩. ২. ৫||
ঋষয় ঊচুঃ
মহর্ল্লোকেতি যৎপ্রোক্তং মাতরিশ্বংস্ত্বয়া বিভোঃ || ৩. ২. ৬||
প্রতিলোকে তু কর্ত্তব্যং তত্রকিং সমধিষ্ঠিতম্ |
প্রোবাচ মধুরং বাক্যং যথা তত্ত্বেন তত্ত্ববিৎ || ৩. ২. ৭||
বায়ুরুবাচ
চতর্দশৈব স্থানানি নির্মিতানি মহর্ষিভিঃ |
লোকাখ্যানি তু যানি স্যুর্যেষাং তিষ্ঠন্তি মানবাঃ || ৩. ২. ৮||
সপ্ত তেষু কৃতান্যাহুরকৃতানি তু সপ্ত বৈ |
ভূরাদয়স্তু সত্যান্তাঃ সপ্ত লোকাঃ কৃতাস্ত্বিহ || ৩. ২. ৯||
অকৃতানি তু সপ্তৈব প্রাকৃতানি তু যানি বৈ |
স্থানানি স্থানিভিঃ সার্দ্ধং কৃতানি তু নিবন্ধনম্ || ৩. ২. ১০||
পৃথিবী চান্তরীক্ষং চ দিব্যং যচ্চ মহঃ স্মৃতম্ |
স্থানান্যেতানি চৎবারি স্মৃতান্যাবর্ণকানি চ || ৩. ২. ১১||
ক্ষয়াতিশয়য়ুক্তানি তথায়ুক্তানি চক্ষতে |
যানি নৈমিত্তিকানি স্যুস্তিষ্ঠন্ত্যাভূতসংপ্লবাৎ || ৩. ২. ১২||
জনস্তপশ্চ সত্যং চ স্থানান্যেতানি ত্রীণি তু |
একান্তিকানি তানি স্যুস্তিষ্ঠন্তীহাপ্রসংযমাৎ || ৩. ২. ১৩||
ব্যক্তানি তু প্রবক্ষ্যামি স্থানান্যেতানি সপ্ত বৈ |
ভূর্লোকঃ প্রথমস্তেষাং দ্বিতীয়স্তু ভুবঃ স্মৃতঃ || ৩. ২. ১৪||
স্বস্তৃতীয়স্তু বিজ্ঞেয়শ্চতুর্থো বৈ মহঃ স্মৃতঃ |
জনস্তু পঞ্চমো লোকস্তপঃ ষষ্ঠো বিভাব্যতে || ৩. ২. ১৫||
সত্যস্তু সপ্তমো লোকো নিরালোকস্ততঃ পরম্ |
ভূরিতি ব্যাহৃতেঃ পূর্ব ভূর্লোকশ্চ ততোঽভবৎ || ৩. ২. ১৬||
দ্বীতীয়ো ভুব ইত্যুক্ত অন্তরিক্ষং ততোঽভবৎ |
তৃতীয়ং স্বরিতীত্যুক্তো দিবং প্রাদুর্বভূব হ || ৩. ২. ১৭||
ব্যাহারৈস্ত্রিভিরেতৈস্তু ব্রহ্মা লোকমকল্পয়ৎ |
ততো ভূঃ পার্থিবো লোকো হ্যন্তরিক্ষং ভূবঃ স্মৃতম্ || ৩. ২. ১৮||
স্বর্লোকং বৈ দিবং হ্যেষ পুরাণে নিশ্চয়ো গতঃ |
ভূতস্যাধিপতিশ্চাগ্নিস্ততো ভূতপতিঃ স্মৃতঃ || ৩. ২. ১৯||
বায়ুর্ভুবশ্চাধিপতিস্তেন বায়ুর্ভুবস্পতিঃ |
দিবস্য সূর্যোঽধিপতিস্তেন সূর্যো দিবস্পতিঃ || ৩. ২. ২০||
মহেতি ব্যাৎদৃতেনৈব মহর্লোকস্ততোঽভবৎ |
বিনিবৃত্তাধিকারণাং দেবানাং তত্র বৈ ক্ষয়ঃ || ৩. ২. ২১||
জনস্তু পঞ্চমো লোকস্তস্মাজ্জায়ন্তি বৈ জনাঃ |
তাসাং স্বায়ংভুবাদ্যানাং প্রজানাং জননাজ্জনঃ || ৩. ২. ২২||
যে তে স্বায়ংভুবাদ্যা হি পুরস্তাৎপরিকীর্ত্তিতাঃ |
কল্প এতে যদা লোকে প্রতিষ্ঠন্তি তদা তপঃ || ৩. ২. ২৩||
ঋভুঃ সনৎকুমারাদ্যা যত্রাসন্নূর্দ্ধ্বরেতসঃ |
তপসা ভাবিতাত্মানস্তত্র সংতীতি বা তপঃ || ৩. ২. ২৪||
সত্যেতি ব্রহ্মণঃ শব্দঃ সত্তামাত্রস্তু স স্মৃতঃ |
ব্রহ্মলোকস্ততঃ সত্যঃ সপ্তমঃ স তু ভাস্বরঃ || ৩. ২. ২৫||
গন্ধর্বাপ্সরসো যক্ষা গুহ্যকাস্তু সরাক্ষসাঃ |
সর্বভূতপিশাচাশ্চ নাগাশ্চ সহ মানুষৈঃ || ৩. ২. ২৬||
স্বর্লোকবাসিনঃ সর্বে দেবা ভুবি নিবাসিনঃ |
মরুতো মাতরিশ্বানো রুদ্রা দেবাস্তথাশ্বিনৌ || ৩. ২. ২৭||
অনিকেতান্তরিক্ষাস্তে ভুবর্লোকা দিবৌকসঃ |
আদিত্যা ঋভবো বিশ্বে সাধ্যাশ্চ পিতরস্তথা || ৩. ২. ২৮||
ঋষয়োঙ্গির সশ্চৈব ভুবর্লোকং সমাশ্রিতাঃ |
এতে বৈমানিকা দেবাস্তারাগ্রহনিবাসিনঃ || ৩. ২. ২৯||
আরংভন্তে তু তন্মাত্রৈঃ শুদ্ধাস্তেষাং পরস্পরম্ |
শুক্রাদ্যাশ্চক্ষুষান্তাশ্চ যে ব্যতীতা ভুবং শ্রিতাঃ || ৩. ২. ৩০||
মহর্লোকশ্চতুর্থস্তু তস্মিংস্তে কল্পবাসিনঃ |
ইত্যেতে ক্রমশঃ প্রোক্তা ব্রহ্মব্যাহারসংভবাঃ || ৩. ২. ৩১||
ভূর্লোকপ্রথমা লোকা মহরন্তাশ্চ তে স্মৃতাঃ |
তান্সর্বান্সপ্তসূর্যাস্তে অর্চিভির্নির্দহন্তি বৈ || ৩. ২. ৩২||
মারীচিঃ কশ্যপো দক্ষস্তথা স্বায়ংভুবোঙ্গিরাঃ |
ভৃগুঃ পুলস্ত্যঃ পুলহঃ ক্রতুরিত্যেবমাদয়ঃ || ৩. ২. ৩৩||
প্রজানাং পতয়ঃ সর্বে বর্ত্তংন্নে তত্র তৈঃ সহ |
নিঃসত্ত্বা নির্মমাশ্চৈব তত্র তে হ্যূর্দ্বরেতসঃ || ৩. ২. ৩৪||
ঋভুঃ সনৎকুমারাদ্যা বৈরাজাস্তে তপোধনাঃ |
মন্বন্তরাণাং সর্বেষাং সাবর্ণানাং ততঃ স্মৃতাঃ || ৩. ২. ৩৫||
চতুর্দশানাং সর্বেষাং পুনরাবৃত্তিহেতবঃ |
যোগং তপশ্চ সত্ত্বং চ সমাধায় তদাত্মনি || ৩. ২. ৩৬||
ষষ্ঠে কালে নিবর্ত্ততে তদা প্রাহুর্বিপর্যয়াৎ |
সত্যস্তু সপ্তমো লোকো হ্যপুনর্মার্গগামিনাম্ || ৩. ২. ৩৭||
ব্রহ্মলোকঃ সমাখ্যাতো হ্যপ্রতীঘাতলক্ষণঃ |
পর্যাসপরিমাণেন ভূর্লোকঃ সমভিস্মৃতঃ || ৩. ২. ৩৮||
ভূম্যন্তরং যদাদিত্যাদন্তরিক্ষং ভুবঃ স্মৃতম্ |
সূর্যধ্রুবান্তরং যচ্চ স্বর্গলোকো দিবঃ স্মৃতঃ || ৩. ২. ৩৯||
ধ্রুবাজ্জনান্তরং যচ্চ মহর্লোকঃ স উচ্যতে |
ব্যাখ্যাতাঃ সপ্তলোকাস্তু তেষাং বক্ষ্যামি সিদ্ধয়ঃ || ৩. ২. ৪০||
ভূর্লোকবাসিনঃ সর্বে উন্নাদাস্তু রসাত্মকাঃ |
ভুবি স্বর্গে চ যে সর্বে সোমপা আজ্যপাশ্চ তে || ৩. ২. ৪১||
চতুর্থে যেঽপি বর্ত্তন্তে মহর্লোকং সমাশ্রিতাঃ |
বিজ্ঞেয়া মানসী তেষাং সিদ্ধির্বৈ পঞ্চলক্ষণা || ৩. ২. ৪২||
সদ্যশ্চোৎপদ্যতে তেষাং মনসা সর্বমীপ্সিতম্ |
এতে দেবা যজন্তে বৈ যজ্ঞৈঃ সর্বৈঃ পরস্পরম্ || ৩. ২. ৪৩||
অতীতা বর্ত্তমানাশ্চ তথা যে চাপ্যনাগতাঃ |
প্রথমানন্তরোদ্দিষ্টা অন্তরাঃ সাংপ্রতৈঃ পুনঃ || ৩. ২. ৪৪||
নিবর্ত্ততে হি সংবন্ধোঽতীতে দেবগণে তপঃ |
বিনিবৃত্তাধিকারাণাং সিদ্ধস্তেষাং তু মানসী || ৩. ২. ৪৫||
তষাং তু মানসী জ্ঞেয়া শুদ্ধা সিদ্ধিঃ পরস্পরাৎ |
উক্তা লোকাস্তু চৎবারো জনস্যানুবিধিস্তথা |
সমাসেন ময়া বিপ্রা ভূয়স্তং বর্ত্তয়ামি বঃ || ৩. ২. ৪৬||
বায়ুরুবাচ
মরীচিঃ কশ্যপো দক্ষো বসিষ্ঠশ্চাঙ্গিরা ভৃগুঃ || ৩. ২. ৪৭||
পুলস্ত্যঃ পুলহস্ছৈব ক্রতুরিত্যেবামাদয়ঃ |
পূর্বং তে সংপ্রসূয়ন্তে ব্রহ্মণো মানসা ইহ || ৩. ২. ৪৮||
ততঃ প্রজাঃ প্রতিষ্ঠাপ্য জনমেবাশ্রয়ন্তি তে |
কল্পদাহেষু তু সদা তথা কালেষু তেষু বৈ || ৩. ২. ৪৯||
ভূরাদিষু মহান্তেষু ভৃশং ব্যাপ্তে যথাগ্নিনা |
শিখাঃ সংবর্ত্তকাগ্নের্যাঃ প্রাপ্নুবন্তি সবাসনাঃ || ৩. ২. ৫০||
যামাদয়ো গণাঃ সর্বে মহর্লোকনিবাসিনঃ |
মহর্লোকেষু দীপ্তেষু জনমেবাশ্রয়ন্তি তে || ৩. ২. ৫১||
সর্বে সূক্ষ্মশরীরাস্তে তত্রস্থাশ্চ ভবন্তি তে |
তেষাং তে তুল্যসামর্থ্যা স্তুল্যমূর্ত্তিধরাস্তথা || ৩. ২. ৫২||
জনলোকে বিবর্ত্তন্তে সংবর্ত্তঃ প্লবতে জগৎ |
ব্যুষ্টায়াং তু রজন্যাং বৈ ব্রহ্মণোঽব্যক্তয়োনিতঃ || ৩. ২. ৫৩||
অহরাদৌ প্রসূয়ন্তে পূর্ববৎক্রমশস্ত্বিহ |
স্বায়ংভুবাদয়ঃ সর্বে মরীচ্যন্তাস্তু সাধকাঃ || ৩. ২. ৫৪||
দেবাস্তে বৈ পুনস্তেষাং জায়ন্তে নিধনেষ্বিহ |
যামাদয়ঃ ক্রমেণৈব কনিষ্ঠাদ্যাঃ প্রজাপতেঃ || ৩. ২. ৫৫||
পূর্বং পূর্বে প্রসূয়ন্তে পশ্চিমে পশ্চিমাস্তথা |
দেবান্বয়ে দেবতা হি সপ্ত সংভূত যঃ স্মৃতাঃ || ৩. ২. ৫৬||
ব্যতীতাঃ কল্পজাস্তেষাং তিস্রঃ শিষ্টাস্তথাপরে |
আবর্ত্তমানা দেবাস্তে ক্রমেণৈতেন সর্বশঃ || ৩. ২. ৫৭||
গৎবা জব জবীভাবং দশকৃৎবাঃ পুনঃ পুনঃ |
ততস্তে বৈ গণাঃ সর্বে দৃষ্ট্বা ভাবেষ্বনিত্যতাম্ || ৩. ২. ৫৮||
ভাবিনোর্ঽথস্য চ বলাৎপুণ্যখ্যাতিবলেন চ |
নিবৃত্তবৃত্ত্যঃ সর্বেঽত্রস্থাঃ সুমনসস্তথা || ৩. ২. ৫৯||
বৈরাজমুপপদ্যন্তে লোকানুৎসৃজ্য তং গতাঃ |
ততোঽনেনৈব কালেন নিত্যয়ুক্তাস্তপস্বিনঃ || ৩. ২. ৬০||
কথনাচ্চৈব ধর্মস্য তেষাং তে জজ্ঞিরেঽন্বয়ে |
ইহোৎপন্নাস্ততস্তে বৈ স্থানান্যাপূরয়ন্ত্যুত || ৩. ২. ৬১||
দেবৎবে চ ঋষিৎবে চ মনুষ্যৎবে চ সর্বশঃ |
এবং দেবগণাঃ সর্বে দশকৃৎবো নিবর্ত্যবৈ || ৩. ২. ৬২||
বৈরাজেষূপপন্নাস্তে দশ তিষ্ঠন্ত্যুপপ্লবান্ |
পূর্ণোপূর্ণো ততঃ কল্পেস্থিৎবা বৈরাজকে পুনঃ || ৩. ২. ৬৩||
ব্রহ্মলোকে বিবর্ত্তন্তে পূর্বপূর্বক্রমেণ তু |
এতস্মিন্ব্রহ্মলোকে তু কল্পে বৈরাজকে গতে || ৩. ২. ৬৪||
বৈরাজঃ পুনরব্যক্তে কল্পস্থানমকল্পয়ৎ |
এবং পূর্বানুপূর্ব্যেণ ব্রহ্মলোকগতেন বৈ || ৩. ২. ৬৫||
বৈরাজেষূপপদ্যন্তে দশকৃৎবো বিবর্ত্যত |
এবং দেবয়ুগানীহ ব্যতীতানি সহস্রশঃ || ৩. ২. ৬৬||
নিধনং ব্রহ্মলোকে তু গতানামৃষিভিঃ সহ |
ন শক্যমানুপূর্ব্যেণ তেষাং বক্তুং প্রবিস্তরম্ || ৩. ২. ৬৭||
অনাদিৎবাচ্চ কালস্য হ্যসংখ্যানাচ্চ সর্বশঃ |
এবমেব ন সংদেহো যথাবৎকথিতং ময়া || ৩. ২. ৬৮||
তদুপশ্রুত্য বাক্যার্থমৃষয়ঃ সংশয়ান্বিতাঃ |
সূতমাহুঃ পুরাণজ্ঞং ব্যাসশিষ্যং মহামতিম্ || ৩. ২. ৬৯||
ঋষয় ঊচুঃ
বৈরাজাস্তে যদাহারা যৎসত্ত্বাশ্চ যদাশ্রয়াঃ |
তিষ্ঠন্তি চৈব যৎকালং তন্নো ব্রূহি যথাতথম্ || ৩. ২. ৭০||
তদুক্তমৃষিভির্বাক্যং শ্রুৎবা লোকার্থতত্ত্ববিৎ |
সূতঃ পৌরাণিকো বাক্যং বিনয়েনেদম ব্রবীৎ || ৩. ২. ৭১||
ততঃ প্রাপ্য তু সর্বেশং শুদ্ধবুদ্ধিং তমাশ্রয়ৎ |
আভূতসংপ্লবাস্তত্র দশ তিষ্ঠন্তি তেঽজ্বরাঃ || ৩. ২. ৭২||
সর্বে সূক্ষ্মশরীরাস্তে বিদ্বাংসো ঘনমূর্তয়ঃ |
স্থিতলোকস্থিতৎবাচ্চ তেষাং ভূতং ন বিদ্যতে || ৩. ২. ৭৩||
ঊচুঃ সনৎকুমারাদ্যাঃ সিদ্ধাস্তে যোগধর্মিণঃ |
এবমেব মহাভাগাঃ প্রণবং সংপ্রবিশ্য হ || ৩. ২. ৭৪||
ব্রহ্মলোকে প্রবর্ত্তামস্তন্নঃ শ্রেয়ো ভবিষ্যতে |
এবমুক্ত্বা তদা সর্বে ব্রহ্মাণ্ডাধ্যবসায়ি নঃ || ৩. ২. ৭৫||
যাজয়িৎবা তদাত্মানো বর্ত্তন্তে যোগধর্মিণঃ |
তত্রৈব সংপ্রলীয়ন্তে শান্তা দীপর্চিষো যথা || ৩. ২. ৭৬||
ব্রহ্মকায়মবর্ত্তন্ত পুন রাবৃত্তিদুর্লভম্ |
লোকং তং সমনুপ্রাপ্য সর্বে তে ভাবনাময়ম্ || ৩. ২. ৭৭||
আনন্দং ব্রহ্মণঃ প্রাপ্য অমৃতৎবায় তে গতাঃ |
বৈরাজেভ্যস্তথৈবোর্দ্ধ্ব মন্তরে ষড্গুণে ততঃ || ৩. ২. ৭৮||
ব্রহ্মলোকঃ সমাখ্যাতো যত্র ব্রহ্মা পুরোহিতঃ |
তে সর্বে প্রণবাত্মানো বুদ্ধিশুদ্ধতয়া স্থিতাঃ || ৩. ২. ৭৯||
আনন্দং ব্রহ্মণঃ প্রাপ্য হ্যমৃতৎবং ভজন্ত্যুত |
দ্বন্দ্বৈস্তে নাভিভূয়ন্তে ভাবত্রয়বিবর্জিতাঃ || ৩. ২. ৮০||
আধিপত্যং বিনা তুল্যা ব্রহ্মণস্তে মহৌজসঃ |
প্রভাববিজয়ৈশ্বর্যস্থিতিবৈরাগ্যদর্শনঃ || ৩. ২. ৮১||
তে ব্রহ্মলৌকিকাঃ সর্বে গতিং প্রাপ্যানিবর্ত্তিনীম্ |
ব্রহ্মণা সহদেবৈশ্চ সংপ্রাপ্তে প্রতিসংচরে || ৩. ২. ৮২||
তপসোংঽতে ক্রিয়াত্মানো বুদ্ধাবস্থা মনীষিণঃ |
অব্যক্তে সংপ্রলীয়ন্তে সর্বে তে ক্ষণদর্শিনঃ || ৩. ২. ৮৩||
ইত্যেতদমৃতং শুক্রং নিত্যমক্ষয়ব্যয়ম্ |
দেবর্ষয়ো ব্রহ্মসত্রং সনাতনমুপাসতে || ৩. ২. ৮৪||
অপুনর্মারকাদীনাং তেষাং চৈবোদ্ধ্বরেতসাম্ |
কর্মাভ্যাসকৃতাং শ্রদ্ধাং বেদান্তেষূপলক্ষ্যতে || ৩. ২. ৮৫||
তত্র তেঽভ্যাসিনো যুক্তাঃ পরাং কাষ্ঠামুপাসতে |
হিৎবা শরীরং পাপ্মানমমৃতৎবায় তে গাতাঃ || ৩. ২. ৮৬||
বীতরাগা জিতক্রোধা নির্মোহাঃ সত্যবাদিনঃ |
শান্তাঃ প্রণিহিতাত্মানো দয়াবন্তো জিতেন্দ্রিয়াঃ || ৩. ২. ৮৭||
নিঃসংগাঃ শুচয়শ্চৈব ব্রহ্মসায়ুজ্যগাঃ স্মৃতাঃ |
অকাময়ুক্তৈর্যে বীরাস্তপোভির্দগ্ধকিল্বিষাঃ || ৩. ২. ৮৮||
তেষাংমভ্রংশিনো লোকা অপ্রমেয়সুখাঃ স্মৃতাঃ |
এতদ্ব্রহ্মপদং দিব্যং পরমে ব্যোম্নি ভাস্বরম্ |
যত্র গৎবা ন শোচন্তি হ্যমরা ব্রহ্মণা সহ || ৩. ২. ৮৯||
ঋষয় ঊচুঃ
কস্মাদেষু পরার্দ্ধংশ্চ কশ্চৈব পর উচ্যতে |
এতদ্বেদিতুমিচ্ছামস্তন্নো নিগদ সত্তম || ৩. ২. ৯০||
সূত উবাচ
শৃণুধ্বং মে পরার্দ্ধস্য পরিসংখ্যাং পরস্যচ || ৩. ২. ৯১||
একং দশশতং চৈব সহস্রং চৈব সংখ্যায়া |
বিজ্ঞেয়মাসহস্রং তু সহস্রাণি দশায়ুতম্ || ৩. ২. ৯২||
একং শতসহস্রং তু নিয়ুতং প্রোচ্যতে বুধৈঃ |
তথা শতসহস্রাণাং দশপ্রয়ুতমুচ্যতে || ৩. ২. ৯৩||
তথা দশসহস্রাণাময়ুতং কোটিরুচ্যতে |
অর্বুদং দশকোট্যস্তু হ্যব্জং কোটিশতং বিদুঃ || ৩. ২. ৯৪||
সহস্রমাপি কোটীনাং খর্বমাহুর্মনীষিণঃ |
দশকোটিসহস্রাণি নিখর্বমিতি তং বিদুঃ || ৩. ২. ৯৫||
শতং কোটি সহস্রাণাং শঙ্কুরিত্যভিধীয়তে |
সহস্রং তু সহস্রাণাং কোটীনাং পদ্মমুচ্যতে || ৩. ২. ৯৬||
সহস্রাণি সহস্রাণাং কোটীনাং দশধা পুনঃ |
গুণিতানি সমুদ্রং বৈ প্রাহুঃ সংখ্যাবিদো জনাঃ || ৩. ২. ৯৭||
কোটীসহস্রনিয়ুতমন্ত্যমিত্যভিধীয়তে |
কোটীসহস্রপ্রয়ুতং মধ্যমিত্যভিসংজ্ঞিতম্ || ৩. ২. ৯৮||
কোটিকোটিসহস্রং তু পরার্দ্ধ ইতি কীর্ত্যতে |
পরার্দ্ধং দ্বিগুণং চাপি পরমাহুর্মনীষিণঃ || ৩. ২. ৯৯||
শতমাহুঃ পরিবৃঢং সহস্রং পরিপদ্মকম্ |
বিজ্ঞেয়ময়ুতং তস্মান্নিয়ুতং প্রয়ুতং ততঃ || ৩. ২. ১০০||
অর্বুদং ন্যর্বুদং চৈব খর্বুদং চ ততঃ স্মৃতম্ |
খর্বং চৈব নিখর্বং চ শঙ্কুঃ পদ্মন্তথৈব চ || ৩. ২. ১০১||
সমুদ্রমন্ত্যং মধ্যং চ পরার্দ্ধং চ পরং ততঃ |
এবমষ্টাদশৈতানি স্থানানি গণনাবিধৌ || ৩. ২. ১০২||
শতাদীনি বিজানীয়াৎসংজ্ঞিতানি মহর্ষিভিঃ |
কল্পসংখ্যাপ্রবৃত্তস্য পরার্দ্ধো ব্রহ্মমঃ স্মৃতঃ || ৩. ২. ১০৩||
তাবচ্ছেষোঽপি কালোঽস্য তস্যান্তে প্রতিতিষ্ঠতে |
পর এব পরার্দ্ধশ্চ সংখ্যাতঃ সংখ্যায়া ময়া || ৩. ২. ১০৪||
যস্মাদস্য পরং বির্যং পরমায়ুঃ পরং তপঃ |
পরা শক্তিঃ পরো ধর্মঃ পরাবিদ্যা পরা ধৃতিঃ || ৩. ২. ১০৫||
পরং ব্রহ্ম পরং জ্ঞানং পরমৈশ্বর্যমেব চ |
তস্মাৎপরতরং ভূতং ব্রহ্মণো যন্ন বিদ্যতে || ৩. ২. ১০৬||
পরে স্থিতো হ্যেষ পরঃ সর্বার্থেবু ততঃ পরম্ |
সংখ্যাতস্তু পরো ব্রহ্মা তস্যার্দ্ধস্য পরার্দ্ধতা || ৩. ২. ১০৭||
সংখ্যেয়ং চাপ্যসংখ্যেয়ং সততং চাপি তান্ত্রিকম্ |
সংখ্যেয়ং সংখ্যয়া দৃষ্টমপরার্দ্ধাদ্বিভাষ্যতে || ৩. ২. ১০৮||
রাশৌ দৃষ্টে ন সংখ্যাস্তি তদসংখ্যাস্তু লক্ষ্ণম্ |
আনন্ত্যং সিকতা দ্যেষু হৃষ্টং চান্যং ৎবলক্ষণম্ || ৩. ২. ১০৯||
ঈশ্বরৈস্তৎপ্রসংখ্যানং শুদ্ধৎবাদ্দিব্যদৃষ্টিভিঃ |
এবং জ্ঞানপ্রতিষ্ঠৎবাৎসর্বং ব্রহ্মানুপশ্যতি || ৩. ২. ১১০||
এতচ্ছ্রুৎবা তু তে সর্বে নৈমিষেয়াস্তপস্বিনঃ |
বাষ্পপর্যাকুলাক্ষাস্তু প্রহর্ষাদ্গদ্গদস্বরাঃ || ৩. ২. ১১১||
পপ্রচ্ছুর্মাতারিশ্বানং সর্বে তে ব্রহ্মবাদিনঃ |
ব্রহ্মলোকস্তু ভগবন্যাবন্মাত্রান্তরে প্রভো || ৩. ২. ১১২||
যোজনাগ্রেণ সংখ্যাতঃ সাধনং যোজনস্য তু |
ক্রোশস্য চ পরীমাণং শ্রোতুমীচ্ছাম তত্ত্বতঃ || ৩. ২. ১১৩||
তেষাং তদ্বচনং শ্রুৎবা মাতরিশ্বা বিনীতবৎ |
উবাচ মধুরং বাক্যং যথাদৃষ্টং যথাক্রমম্ || ৩. ২. ১১৪||
বায়ুরুবাচ
এতদ্বোঽহং প্রবক্ষ্যামি শ্রুণুধ্বং মে বিবক্ষিতম্ |
অব্যক্তাদ্ব্যক্তভাগো বৈ মহান্স্থূলো বিভাষ্যতে || ৩. ২. ১১৫||
দশৈব মহতো ভাগা ভূতাদিঃ স্থূল উচ্যতে |
দশভাগাধিকং চাপি ভূতাদিপরিমাণকম্ || ৩. ২. ১১৬||
পরমাণুঃ সুসূক্ষ্মস্তু ভাবগ্রাহ্যো ন চক্ষুষা |
যদভেদ্যতমং লোকে বিজ্ঞেয়ং পরমাণুবৎ || ৩. ২. ১১৭||
জালান্তরগতে ভানৈং যৎসূক্ষ্মং দৃশ্যতে রজঃ |
প্রথমং তৎপ্রমাণানাং পরমাণুং প্রচক্ষতে || ৩. ২. ১১৮||
অষ্টানাং পরমাণূনাং সমাবায়ো যদা ভবেৎ |
ত্রসরেণুঃ সমাখ্যাতস্তৎপদ্মরজ উচ্যতে || ৩. ২. ১১৯||
ত্রসরেণবোঽথ যেঽপ্যষ্টৌ রথরেণুস্তু সস্মৃতঃ |
তেঽপ্যষ্টৌ সমবায়স্থা বালাগ্রং তৎস্মৃতং বুধৈঃ || ৩. ২. ১২০||
বালাগ্রাণ্যষ্টলিক্ষা স্যাদ্যূকালিক্ষাষ্টকং ভবেৎ |
যূকাষ্টকং যবপ্রাহুরঙ্গুলং তু যবাষ্টকম্ || ৩. ২. ১২১||
দ্বাদশাঙ্গুলপর্বাণি বিতস্তিস্থানমুচ্যতে |
রত্নিশ্চাগুলিপর্বাণি বিজ্ঞেয়ো হ্যেকবিংশতিঃ || ৩. ২. ১২২||
চৎবারো বিংশতিশ্চৈব হস্তঃ স্যাদঙ্গুলানি তু |
কিষ্কুর্দ্বিরত্নির্বিজ্ঞেয়ো দ্বিচৎবারিংশদঙ্গুলঃ || ৩. ২. ১২৩||
ষণ্ণবত্যঙ্গুলং চৈব ধনুরাহুর্মনীষিণঃ |
এতদ্গব্যূতিসংখ্যায়ামাদানং ধনুষঃ স্মৃতম্ || ৩. ২. ১২৪||
ধনুর্দণ্ডয়ুগং নালী তুল্যান্যস্তৈস্তথাঙ্গুলৈঃ |
ধনুষাং ত্রিশতং নল্বমাহুঃ সংখ্যাবিদো জনাঃ || ৩. ২. ১২৫||
ধনুঃ সহস্রে দ্বে চাপি গব্যূতিরুপদিশ্যতে |
অষ্টৌ ধনুঃ সহস্রাণি যোজনং তু বিধীয়তে || ৩. ২. ১২৬||
এতেন ধনুষা চৈব যোজনং তু সমাপ্যতে |
এতৎসহস্রং বিজ্ঞেয়ং শক্রকোশান্তরং তথা || ৩. ২. ১২৭||
যোজনানাং চ সংখ্যাতং সংখ্যাজ্ঞানবিশারদৈঃ |
এতেন যোজনাগ্রেণ শৃণুধ্বং ব্রহ্মণোংঽতরে || ৩. ২. ১২৮||
মহীতলাৎসহস্রাণাং রাতাদূর্ধ্বং দিবাকরঃ |
দিবাকরাৎসহস্রে তু শতে চৌর্দ্ধ্বং নিশাকরঃ || ৩. ২. ১২৯||
পূর্ণং শতসহস্রং তু যোজনানাং নিশাকরাৎ |
নক্ষত্রমণ্ডলং কৃৎস্নমুপরিষ্টাৎপ্রকাশত || ৩. ২. ১৩০||
শতং সহস্রং সংখ্যাতমেতদ্দ্বিগুণিতং পুনঃ |
গ্রহান্তরমথৈকৈকমূর্দ্ধ্বং নক্ষত্রমণ্ডরাৎ || ৩. ২. ১৩১||
তারাগ্রহাণাং সর্বেষামধ্যস্তাচ্চরতে বুধঃ |
তস্যোর্দ্ধ্বং চরতে শুক্রস্তস্মাদূর্দ্ধ্বং চ লোহিতঃ || ৩. ২. ১৩২||
ততো বৃহস্পতিশ্চোর্দ্ধ্বং তস্মাদূর্দ্ধ্বং শনৈশ্চরঃ |
উর্দ্ধ্বং শতসহস্রং তু যোজনানাং শনৈশ্চরাৎ || ৩. ২. ১৩৩||
সপ্তর্ষিমণ্ডলং কৃৎস্নমুপরিষ্টাৎপ্রকাশতে |
ঋষিভ্যস্তু সহস্রাণাং শতাদূর্দ্ধ্বং বিভাষ্যতে || ৩. ২. ১৩৪||
যোঽসৌ তারাময়ে দিব্যে বিমানে হ্রস্বরূপকে |
উত্তানপাদপুত্রোঽসৌ মেঢীভূতো ধ্রুবো দিবি || ৩. ২. ১৩৫||
ত্রৈলোক্যস্যৈষ উৎসেধো ব্যাখ্যাতো যোজনৈর্ময়া |
মন্বন্তরেষু দেবানামিজ্যা যত্রৈব লৌকিকী || ৩. ২. ১৩৬||
বর্ণাশ্রমেভ্য ইষ্টা তু লোকেঽস্মিন্সংপ্রবর্ত্ততে |
সর্বাসাং দেবয়োনীনাং স্থিতিহেতুঃ স বৈ স্মৃতঃ || ৩. ২. ১৩৭||
ত্রৈলোক্যমেতদ্ব্যাখ্যাতমত ঊর্দ্ধ্বং নিবোধত |
ধ্রুবাদূর্দ্ধ্বং মহর্লোকো যস্মিংস্তে কল্পবাসিনঃ || ৩. ২. ১৩৮||
একায়োজনকোটীশা ইত্যেবং নিশ্চয়োগতঃ |
দ্বীকোট্যাং তু মহর্লোকাজ্জনলোকো ব্যবস্থিতঃ || ৩. ২. ১৩৯||
যত্র তে ব্রহ্মণঃ পুত্রা দক্ষাদ্যাঃ সাধকাঃ স্মৃতাঃ || ৩. ২. ১৪০||
বৈ রাজা যত্র তে দেবা ভূতদাহবিবর্জিতাঃ |
ষড্গুণং তু তপোলোকাৎসত্যলোকান্তরং স্মৃতম্ || ৩. ২. ১৪১||
অপুনর্মারকো নাম ব্রহ্মলোকঃ স উচ্যতে |
যস্মিন্ন চ্যবতে ভূয়ো ব্রহ্মণং য উপাসতে || ৩. ২. ১৪২||
এককোটির্যোজনানাং পঞ্চাশন্নিয়ুতানি তু |
ঊর্দ্ধ্বভাগস্ততোংঽডস্য ব্রহ্মলোকাৎপরঃ স্মৃতঃ || ৩. ২. ১৪৩||
চতুর্দশৈব কোট্যস্তু নিয়ুতানি চ পঞ্চ ষট্ |
স চৌর্দ্ধ্ব সংপ্রচারোঽস্য গত্যন্তশ্চপরঃ স্মৃতঃ || ৩. ২. ১৪৪||
ধ্রুবাগ্রমেতদ্ব্যাখ্যাতং যোজনগ্রাদ্যথাশ্রুতম্ |
অধোগতীনাং বক্ষ্যামি ভূতানাং স্থানকল্পনাম্ || ৩. ২. ১৪৫||
গচ্ছন্তি ঘোরকর্মাণঃ প্রাণিনো যত্র কর্মভিঃ |
নরকো রৌরবো ঘোরঃ শূকরস্তাল এবং চ || ৩. ২. ১৪৬||
তপ্তকুম্ভো মহাজ্বালঃ শবলোঽথ বিমোহনঃ |
কৃমী চ কৃমিভক্ষশ্চ লালাভক্ষো বিশংসনঃ || ৩. ২. ১৪৭||
অধঃশিরাঃ পূয়বহো রুধিরান্ধুস্তথৈবচ |
বিষ্টাকীর্ণশ্চ নরকো মূত্রকীর্ণ স্তথৈব চ || ৩. ২. ১৪৮||
তথা বৈতরণী কৃষ্ণমসিপত্রবনং তথা |
অগ্নিজ্বালো মহাঘোরঃ সংদংশোঽথাশ্বভোজনঃ || ৩. ২. ১৪৯||
তমশ্চকৃষ্ণসূত্রশ্চ লোহশ্চাপ্যভিজস্তথা |
অপ্রতিষ্ঠোঽথ বীচিশ্চ নরকা হ্যেবমাদয়ঃ || ৩. ২. ১৫০||
তামসা নরকাঃ সর্বে যমস্য বিষয়ে স্থিতাঃ |
যেষু দুষ্কৃতকর্মাণঃ পতন্তীহ বৃথক্পৃথক্ || ৩. ২. ১৫১||
ভূমেরধস্তাত্তে সর্বে রৌরবাদ্যঃ প্রকীর্ত্তিতাঃ |
রৌরবে কূটসাক্ষে তুমিথ্যা যশ্চাভিশসতি || ৩. ২. ১৫২||
ক্রূরগ্রহ পক্ষবাদী হ্যসক্তঃ পততে নরঃ |
রাধো গোধ্রো ভ্রূণহা চ হ্যগ্নিদাতা পুরস্য চ || ৩. ২. ১৫৩||
শূকরে ব্রহ্মহা মজ্জেৎসুরাপঃ স্বর্ণতস্করঃ |
তালে পতেৎক্ষত্রিয়হা হৎবা বৈশ্যং চ মজ্জতি || ৩. ২. ১৫৪||
ব্রহ্মহত্যা চ যঃ কুর্যাদ্যশ্চ স্যাদ্গুরুতল্পগঃ |
সপ্তকুম্ভেষ্বসৌ গামী তথা রাজভটশ্চ যঃ || ৩. ২. ১৫৫||
সংতাপ্যতে বাশ্বণিক্তথাচ ধনরক্ষিতা |
সাধ্বীবিক্রয়কর্ত্তা চ যস্তু ভক্তং পরিত্যজেৎ || ৩. ২. ১৫৬||
মহাজ্বালে দুহিতরং স্নুষাং গচ্ছতি যস্তু বৈ |
বেদং বিক্রীণতেয়ে চ বেদং বৈ দূষয়ন্তি যে || ৩. ২. ১৫৭||
গুরুংশ্চৈবাবমন্যন্তে বাক্ষরৈস্তাডয়ন্তি চ |
অগম্যগামী চ নরো নরকং শবলং ব্রজেৎ || ৩. ২. ১৫৮||
বিমোহে পততে ঘোরে মর্যাদাং যোভিনত্তি বৈ |
দুরিষ্টং কুরুতে যস্তু কীডলোহং প্রপদ্যতে || ৩. ২. ১৫৯||
দেবব্রাহ্মণবিদ্বেষ্টা গুরূণাং বাপ্যপূজকঃ |
রত্নং দূষয়তে যস্তু কৃমিভক্ষে প্রপদ্যতে || ৩. ২. ১৬০||
পর্যশ্নাতি য একোঽন্নং ব্রাহ্মণান্সুহৃদো বিনা |
লালাভক্ষে স তিষ্ঠেত্তু দুর্গন্ধে নরকে গতঃ || ৩. ২. ১৬১||
কাণ্ডকর্ত্তা কুলালশ্চ নিষ্কহর্তা চিকিৎসকঃ |
আরামেঽপ্যগ্নিদাতা যঃ পততে স বিশংসনি || ৩. ২. ১৬২||
অসৎপ্রতিগ্রহী যশ্চ তথৈবায়াজ্যয়াজকঃ |
নক্ষত্রৈর্জীবতে যশ্চ নরো গচ্ছত্যধোমুখম্ || ৩. ২. ১৬৩||
ক্ষীরং সুরাং চ লবণং লাক্ষাং গন্ধং রসং তিলান্ এবমাদীনি বিক্রীণন্ঘোরে পূয়বহে পতেৎ || ৩. ২. ১৬৪||
যঃ কুক্কুটান্নিবদ্নাতি মার্জারান্সূকরাংস্তথা |
পক্ষিণশ্চ মৃগাঞ্ছাগান্সোঽপ্যেনং নরকং ব্রজেৎ || ৩. ২. ১৬৫||
অজাবিকো মাহিষিকস্তথা চক্রধ্বজী চ যঃ |
রঙ্গোপজীবকো বিপ্রঃ শাকনির্গ্রাময়াজকঃ || ৩. ২. ১৬৬||
অগারদাহী গরদঃ কুণ্ডাশী সোমবিক্রয়ী |
সুরাপো মাসভক্ষশ্চ তথা চ পশুঘাতকঃ || ৩. ২. ১৬৭||
বিশস্তা মহিষাদীনাং মৃগহন্তা তথৈব চ |
পর্বকারশ্চ মূচী চ যশ্চ স্যান্মিত্রঘাতকঃ || ৩. ২. ১৬৮||
রুধিরান্ধৌ পতন্ত্যেতে হ্যেবমাহুর্মনীষিণঃ |
উপবিষ্টং ভোক্তুমথ পঙ্ক্ত্যাং বৈ বঞ্চয়ন্তি যে || ৩. ২. ১৬৯||
পতন্তি নরকে ঘোরে বিড্ভুজে নাত্র সংশয়ঃ |
মৃষাবাদী নরো যশ্চ তথা প্রাক্রোশকোঽশুভঃ || ৩. ২. ১৭০||
পততে নরকে ঘোরে মূত্রাকীর্ণে স পাপকৃত |
মধুগ্রাহাভিহন্তারো যান্তি বৈতগ্ণীং নরাঃ || ৩. ২. ১৭১||
উন্মত্তাশ্চিত্তভগ্নাশ্চশৌচাচারবিবর্জিতাঃ |
ক্রোধনা দুঃখদা যে চ কুহকাঃ কৃষ্ণগামিনঃ || ৩. ২. ১৭২||
অসিপত্র বনচ্ছদকৃতো হ্যোরভ্রিকাশ্চ যে |
কর্ত্তনষু বিকৃত্যন্ত মৃগব্যাধঃ সুদারুণৈঃ || ৩. ২. ১৭৩||
আশ্রম প্রত্যবসিতা হ্যগ্নিজ্বালে পতন্তি বৈ |
ভক্ষ্যন্তে শ্যামশবলৈরয়স্তুডশ্ব বায়সৈঃ || ৩. ২. ১৭৪||
ইষ্টাপূর্তব্রতালোপাৎসংদংশে নরকে পতেৎ |
স্কন্দন্তে যে দিবাস্বপ্নে ব্রতিনো ব্রহ্মচারিণঃ || ৩. ২. ১৭৫||
পুত্রৈরধ্যাপিতা যে চ পুত্রৈরাক্ষাপিতাশ্চ যে |
তে সর্ব নরকং যান্তি নিয়তং তু শ্বভোজনম্ || ৩. ২. ১৭৬||
বর্ণাশ্রমবিরুদ্ধা যে ক্রোধহর্ষসমন্বিতাঃ |
কর্মাণি যে তু কুর্বন্তি সর্বে নিরয়বাসিনঃ || ৩. ২. ১৭৭||
উপরিষ্টাৎস্থিতো ঘোর উষ্ণাত্মা রৌরবো মহান্ |
সুদারুণস্তু শীতাত্মা তস্যাধস্তাত্তপঃ স্মৃতঃ || ৩. ২. ১৭৮||
এবমাদিক্রমেণৈব বর্ণ্যমানান্নিবোধত |
ভূমেরধস্তাৎসপ্তৈব নরকাঃ পরিকীর্ত্তিতাঃ || ৩. ২. ১৭৯||
অধর্মসূতয়স্তে স্যুরন্ধতামিস্রকাদয়ঃ |
রৌরবঃ প্রথমস্তেষাং মহারৌরব এব চ || ৩. ২. ১৮০||
অস্যাধঃ পুনরপ্যন্যঃ শীতস্তপ ইতি স্মৃতঃ |
তৃতীয়ঃ কালসূত্রঃ স্যান্মহাহির্বিবিধঃ স্মৃতঃ || ৩. ২. ১৮১||
অপ্রতিষ্ঠশ্চতুর্থঃ স্যাদ বীচিঃ পঞ্চমঃ স্মৃতঃ |
লোহঃ ষষ্ঠঃ স্মৃতস্তেষামবিধেয়স্তু সপ্তমঃ || ৩. ২. ১৮২||
ঘোরাৎবাদ্রৌরবঃ প্রোক্তঃ সোষ্ণকো দহনঃ স্মৃতঃ |
সুদারুণস্তু শীতাত্মা ৎস্যাধস্তাত্তপোঽধমঃ || ৩. ২. ১৮৩||
সবাং নিকৃন্তনঃ প্রোক্তো কালসূত্রোঽতিদারুণঃ |
অপ্রতিষ্ঠে স্থিতির্নাস্তি ভ্রমস্তস্মিন্সদা স্মৃতঃ || ৩. ২. ১৮৪||
অবীচির্দারুণঃ প্রোক্তো যন্ত্রসংপীডনাচ্চ সঃ |
তস্মাৎসুদারুণো লোহঃ কর্মণাং শ্রয়ণাচ্চ সঃ || ৩. ২. ১৮৫||
তথাভূতশরীৎবাদবিধেয়স্তু স স্মৃতঃ |
পীডাবন্ধবধাসংগাদপ্রতীকারলক্ষণঃ || ৩. ২. ১৮৬||
ঊর্দ্ধ্বাধঃ সংগতাস্তে তু নিরালোকাশ্চ তে স্মৃতাঃ |
দুঃখোৎকর্ষস্তু সর্বেষু হ্যধর্মস্য নিমিত্ততঃ || ৩. ২. ১৮৭||
ঊর্দ্ধ্বলোকৈঃ সমাবেতৌ নিরালোকৌ চ তাবুভৌ |
কূটাগারপ্র মাণৈশ্চ শরীরৈস্তত্র নারকাঃ || ৩. ২. ১৮৭||
উপভোগসমর্থৈস্তু সদ্যো জায়ন্তি কর্মভিঃ |
দুঃখপ্রকর্ষশ্চোগ্রস্তু তেষু সর্বেষু বৈ স্মৃতঃ || ৩. ২. ১৮৮||
উপভোগসমর্থৈস্তু সদ্যো জায়ন্তি কর্মভিঃ |
দুঃখপ্রকর্ষশ্চোগ্রস্তু তেষু সর্বেষু বৈ স্মৃতঃ || ৩. ২. ১৮৯||
যাতনাশ্চাপ্যসংখ্যেয়া নারকাণাং তথা স্মৃতাঃ |
তত্রানুভূয়তে দুঃখং ক্ষীণে কর্মণি বৈ পুনঃ || ৩. ২. ১৯০||
তির্যগ্যোনৌ প্রসূয়ন্তে কর্মশেষেণ তেংঽততঃ |
দেবাংশ্চ তারকাশ্চৈব হ্যূর্দ্ধ্বং চাধশ্চ সংস্থিতাঃ || ৩. ২. ১৯১||
ধর্মাধর্মনিমিত্তেন সদ্যো জায়ন্তি মূর্ত্তয়ঃ |
উপভোগার্থমুৎপত্তিরৌপপত্তিককর্মতঃ || ৩. ২. ১৯২||
পশ্যন্তি নারকান্দেবা হ্যধোবক্ত্রা হ্যঘোগতান্ |
নারকাংশ্চ তথা দেবান্সর্বান্পশ্যং ত্যধেমুখান্ || ৩. ২. ১৯৩||
অনয়োস্তুল্যতা যস্মাদ্ধারমাশ্চ স্বভাবতঃ |
তস্মাদূর্দ্ধ্বমধোভাবো লোকালোকে ন বিদ্যতে || ৩. ২. ১৯৪||
এষা স্বাভাবিকী সংজ্ঞা লোকালোকে প্রবর্ত্ততে |
অথাব্রুবন্পুনর্বায়ুংব্রাহ্মণাঃ সত্রিণস্তদা || ৩. ২. ১৯৫||
ঋষয় ঊচুঃ
সর্বেষামেব ভূতানাং লোকালোকনিবাসিনাম্ |
সংসারে সংসরন্তীহ যাবন্তঃ প্রাণিনশ্চ তে || ৩. ২. ১৯৬||
সংখ্যায়া পরিসংখ্যায় তান্নঃ প্রব্রূহি কৃৎস্নশঃ |
ঋষীণাং তদ্বচঃ শ্রুৎবা মরুতো বাক্যমব্রবীৎ || ৩. ২. ১৯৭||
বায়ুরুবাচ
ন শক্যং দিব্যয়া দৃষ্ট্যা জ্ঞাতুং জ্ঞানেন বা পুনঃ |
চক্ষুষা বৈ প্রসংখ্যাতুমতো হ্যন্তে ন চ দ্বিজাঃ || ৩. ২. ১৯৮||
অনাধ্যানাদমেয়ৎবান্নৈব প্রশ্নো বিধীয়তে |
ব্রহ্মণা সংজ্ঞিতং যত্তু সংখ্যয়া তন্নিবোধত || ৩. ২. ১৯৯||
যঃ সহস্রতমো ভাগঃ স্থাবরাণাং ভবেদিহ |
পার্থিবাঃ কৃময়স্তাবৎসংসেকাদ্যেষু সংভবঃ || ৩. ২. ২০০||
সংসেকজানাং ভাগেন সহস্রেণৈব সংমিতাঃ |
ঔদকা জন্তবঃ সর্বে নিশ্চয়াত্তন্নিধার্যতাম্ || ৩. ২. ২০১||
সহস্রেণৈব ভাগেন সত্ত্বানাং সলিলৌকসাম্ |
বিহঙ্গমাস্তু বিজ্ঞেয়া লৌকিকাস্তে চ সর্বশঃ || ৩. ২. ২০২||
যঃ সহস্রতমো ভাগস্তেষাং বৈ পক্ষিমাং ভবেৎ |
পশবস্তৎসমা জ্ঞেয়া লৌকিকাস্তু চতুষ্পদাঃ || ৩. ২. ২০৩||
চতুষ্পদানাং সর্বেষাং সহস্রেণৈব সংমিতাঃ |
দ্বিপদাস্তৎসহস্রেণ সংমিতা ধার্মিকাঃ পুনঃ || ৩. ২. ২০৪||
সহস্রেণৈব ভাগেন ধার্মিকেভ্যো দিবং গতাঃ |
যঃ সহস্রতমো ভাগো ধার্মিকাণাং ভবেদ্দিবি || ৩. ২. ২০৫||
সংমিতাস্তেন ভাগেন মোক্ষিণস্তাবদেব হি |
স্বর্গোপপাদকৈস্তুল্যা যাতনাস্থানবাসিনঃ || ৩. ২. ২০৬||
পতিতাধর্মবিদ্বেষাদ্দুরাত্মানো ম্রিয়ন্তি যে |
রৌরবে তমসি হ্যেতে শীতোষ্ণং প্রাপ্নুবন্তি তে || ৩. ২. ২০৭||
বেদনাঃ কটুকাঃ স্তব্ধা যাতনাস্থানমাগতাঃ |
উষ্ণস্তু রৌরবো জ্ঞেয়স্তেজোঘোররসাত্মকঃ || ৩. ২. ২০৮||
ততোংঽধনামকশ্চাপি শীতান্মা সততং তপঃ |
এবং সুদুর্লভাঃ সংতঃ স্বর্গে বা ধার্মিকা নরাঃ || ৩. ২. ২০৯||
এষা সংজ্ঞীকৃতা সংখ্যা চেশ্বরেণ স্বয়ংভুবা |
গণানা দিনিবৃত্তৈষা সংখ্যা ব্রাহ্মী ৎবমানুষী || ৩. ২. ২১০||
ঋষয় ঊচুঃ
মহাঞ্জনস্তপঃ সত্যো ভূতো ভব্যো ভবস্তথা |
উক্তা হ্যেতে ৎবয়া লাকা লাকানামন্তরণ চ || ৩. ২. ২১১||
লোকান্তরং চ যাদৃক্ চ তন্নো ব্রূহি যথা তথা |
তেষাং তদ্বচন শ্রুৎবা ঋষীণামূর্দ্ধ্বরেতসাম্ |
স বায়ুর্দৃষ্টতত্ত্বার্থ ইদং তত্ত্বমুবাচ হ || ৩. ২. ২১২||
বায়ুরুবাচ
ব্যক্তং তর্কেণ পশ্যন্তি যোগাৎপ্রত্যক্ষদর্শিনঃ || ৩. ২. ২১৩||
প্রত্যাহারেণ ধ্যানেন তপসা ক্ষয়মাত্মনঃ |
ঋভুঃ সনৎকুমারাদ্যাঃ সংবুদ্ধাঃ শুদ্ধবুদ্ধয়ঃ || ৩. ২. ২১৪||
ব্যপেতকোশা বিরজাঃ সংতো ব্রহ্মৈব সত্তমাঃ |
অক্ষয়াঃ প্রীতিসংযুক্তা ব্রাহ্মে তিষ্ঠন্তি যোগিনঃ || ৩. ২. ২১৫||
ঋষীণাং বালশিল্যানাং তৈর্যথাকৃতমীশ্বরৈঃ |
যথাত্রৈব সয়া দৃষ্টং সাংনিধ্যং তত্র কুর্বতা || ৩. ২. ২১৬||
অগ্রাহ্যমকৃতার্থানামালয়ং চেশ্বরস্য যৎ |
ঈশ্বরঃ পরমাণুৎবাদ্ভাবগ্রাহ্যো মনীষিণাম্ || ৩. ২. ২১৭||
জ্ঞানং বৈরাগ্যমৈশ্বর্যং তপঃ সত্যং ক্ষমা ধৃতিঃ |
দ্রষ্টৃৎবমাত্মসংবন্ধমধিষ্টাতৃৎবমেব চ || ৩. ২. ২১৮||
অব্যয়ানি দশৈতানি তস্মিস্তিংষ্ঠন্তি শঙ্করে |
বিভুৎবাৎখলু যোগাঢ্যো ব্রহ্মণোঽনুগ্রহে রতঃ || ৩. ২. ২১৯||
স লোকবিগ্রহো ভূৎবা সাহায়্যমুপতিষ্ঠতে |
অক্ষরং ধ্রুবমব্যগ্রমষ্টমং ৎবৌপসর্গিকম্ || ৩. ২. ২২০||
তস্যেশ্বরস্য চিন্মাত্রং স্থানং মায়াময়ং পরম্ |
মায়য়া কৃতমাচষ্টে মায়ী দেবো মহেশ্বরঃ || ৩. ২. ২২১||
দেবানামুপসংহারস্তৎপ্রমাণং হি কীর্ত্যতে |
বিস্তরেণানুপূর্ব্যা চ ব্রুবতো মে নিবোধত || ৩. ২. ২২২||
ত্রয়োদশৈব কোট্যস্তু নিয়ুতানি দশেষবঃ |
ভূলোকাদ্ব্রহ্মলোকো বৈ যোজনৈঃ সংপ্রকীর্ত্যতে || ৩. ২. ২২৩||
একা যোজনকোটী তু পঞ্চাশন্নিয়ুতানি চ |
ঊর্দ্ধ্ব ভাগবতোঽডং তু ব্রহ্মলোকাৎপরং স্মৃতম্ || ৩. ২. ২২৪||
এষোর্দ্ধ্বগঃ প্রচারস্তু গত্যন্তশ্চ ততঃ স্মৃতঃ |
নিত্যা হ্যপরিসংক্ষাতাঃ পরস্পরগুণাশ্রয়াৎ || ৩. ২. ২২৫||
সূক্ষ্মাঃ প্রসবধর্মিণ্যস্ততঃ প্রকৃতয়ঃ স্মৃতাঃ |
যেভ্যোঽধিকর্ত্তা সংজজ্ঞে ক্ষেত্রজ্ঞো ব্রহ্মসংজ্ঞিতঃ || ৩. ২. ২২৬||
তাসু প্রকৃতিমৎসূক্ষ্মমধিষ্ঠাতৃৎবমব্যয়ম্ |
অনুৎপাদ্যং পরং ধাম পরমাণু পরেশয়ম্ || ৩. ২. ২২৭||
অক্ষয়শ্চাপ্যনূহ্যশ্চ ৎবমূর্ত্তির্মূর্ত্তিমানসৌ |
প্রাদুর্ভাবস্তিরোভাবঃ স্থিতিশ্চৈবাপ্যনুগ্রহঃ || ৩. ২. ২২৮||
বিধিরন্যৈরনৌপম্যঃ পরমাণুমহেশ্বরঃ |
সতেজা এষ তমসো যঃ পুরস্তাৎপ্রকাশকঃ || ৩. ২. ২২৯||
যদণ্ডমাসীৎসৌবর্মং প্রথমং ৎবৌপসর্গিকম্ |
বৃহত্তু সর্বতো বৃত্তমীশ্বরাত্তদ্ব্যজায়তে || ৩. ২. ২৩০||
ঈশ্বরাদ্বীজনির্ভেদঃ ক্ষেত্রজ্ঞো বীজমিষ্যতে |
যোনিং প্রকৃতি মাচষ্টে সা চ নারায়ণাত্মিকা || ৩. ২. ২৩১||
বিভুর্লোকস্য সৃষ্ট্যর্থং লোকসংস্থানমেব চ |
সন্নিসর্গঃ সতত্ত্বাচ্চ লোকধাতুর্মহাত্মনঃ || ৩. ২. ২৩২||
পুরস্তাদ্ব্রহ্মলোকস্য হ্যণ্ডাদর্বাক্ চ ব্রহ্মণঃ |
ত্যোর্মধ্যে পুরং দিব্যং মন ময়মনাময়ম্ || ৩. ২. ২৩৩||
তদ্বিগ্রহবতঃ স্থানমীশ্বরস্যামিতৌজসঃ |
শিবং নাম পুরং তত্র শরণং জন্মভীরুণাম্ || ৩. ২. ২৩৪||
সহস্রাণাং শতং পূর্বং যোজনানাং দ্বিজোত্তমাঃ |
অভ্যন্তরং তু বিস্তীর্ণং মহীমণ্ডলসংস্থিতম্ || ৩. ২. ২৩৫||
মধ্যাহ্নার্কপ্রকাশেন পরতেজোঽভিমর্দিনা |
শাত কৈংভেন মহতা প্রাকারেণার্কবর্চসা || ৩. ২. ২৩৬||
দ্বারৈশ্চতুর্ভিঃ সৌবর্ণৈর্মুক্তাদামবিভূষিতৈঃ |
তপনীয়নিভৈঃ শুভ্রৈর্গাঢং সুকৃতবেষ্টনম্ || ৩. ২. ২৩৭||
তচ্চাকাশে পুরং রম্যং দিব্যং ঘণ্টাদিনাদিতম্ |
রম্যে পুরবরশ্রেষ্ঠে তস্মিন্বৈহায়ভূমিষু || ৩. ২. ২৩৮||
নানারত্নবিচিত্রেষু পতাকাবহুলেষু চ |
সর্বকামসমৃদ্ধেষু বনোপবনশোভিষু || ৩. ২. ২৩৯||
রাজতেষু গৃহান্তেষু শাতকৈংভময়েষু চ |
সংধ্যাভ্রসন্নিকাশেষু কৈলাসপ্রতিমেষু চ || ৩. ২. ২৪০||
হৃষ্টৈঃ শব্দাদিভির্ভোগৈর্যে ভবিষ্যানুসারিণঃ |
প্রাসাদবরপৃষ্ঠেষু তেষু মোদন্তি সুব্রতাঃ || ৩. ২. ২৪১||
ব্রহ্মঘোষৈরবিরতাঃ কথাশ্চ বিবিধাঃ শুভাঃ |
গীতবাদিত্রঘোষাশ্চ সংস্রবাশ্চ সমন্ততঃ || ৩. ২. ২৪২||
সংহতাশ্চৈবমতুলা জনাশ্রয়কৃতস্তথা |
এবমাদীনি বর্তন্তে তেষাং প্রাসাদমূর্দ্ধনি || ৩. ২. ২৪৩||
সহস্রপাদঃ প্রাসাদস্তপনীয়ময়ঃ শুভঃ |
অনৌপম্যৈর্বরৈ রত্নৈঃ সর্বতঃ সংবিভূষিতঃ || ৩. ২. ২৪৪||
স্ফাটিকৈশ্চন্দ্রসংকাশৈর্বৈডূর্যমণিসপ্রভৈঃ |
বালসুর্যময়ৈশ্চাপি সৌবর্ণৈশ্চাগ্নিসপ্রভৈঃ || ৩. ২. ২৪৫||
চুক্রুশুর্মুনয়ঃ শ্রুৎবা নৈমিষেয়াস্তপস্বিনঃ |
আপন্নসংশয়াশ্চেমং বাক্যমূচুঃ সমীরণম্ || ৩. ২. ২৪৬||
ঋষয় ঊচুঃ
কে তু তত্র মহাত্মানো যে ভবস্যানুসারিণঃ |
অনুগ্রাহ্যতমাঃ সম্যক্প্রমোদন্তে পুরোত্তমে || ৩. ২. ২৪৭||
ঋষীণাং বচনং শ্রুৎবা বায়ুর্বাক্যমুদৈরয়ৎ |
বায়ুরুবাচ
শ্রূয়তাং দেবদেবস্য ভক্তির্যৈরনুকল্পিতা || ৩. ২. ২৪৮||
হ্রীমন্তস্ফূর্জিতা দান্তাঃ শৌর্যয়ুক্তা হ্যলোলুপাঃ |
কর্মণা মনসা বাচা বিশুদ্ধেনান্তরাত্মনা || ৩. ২. ২৪৯||
অনন্যমনসো ভূৎবা প্রপন্না যে মহেশ্বরম্ |
তৈর্লব্ধং রুদ্রসালোক্যং শাশ্বতং পদমব্যয়ম্ || ৩. ২. ২৫০||
ভবস্য রূপসাদৃশ্যং গতাশ্চৈব হ্যনুত্তমম্ |
বৈশ্বানারমুখাঃ সর্বে বিশ্বরূপাঃ কপর্দিনঃ || ৩. ২. ২৫১||
নীলকণ্ঠাঃ শিতগ্রীবাস্তীক্ষ্ণদংষ্টাস্ত্রিলোচনাঃ |
অর্দ্ধচন্দ্রকৃতোষ্ণীষা জটামুকুট ধারিণঃ || ৩. ২. ২৫২||
সর্বে দশভুজা বীরাঃ পদ্মান্তরসুগন্ধিনঃ |
তরুণাদিত্যসংকাশাঃ সর্বে তে পীতবাসসঃ || ৩. ২. ২৫৩||
পিনাকপাণয়ঃ সর্বেশ্বেত গোবৃষবাহনাঃ |
শ্রিয়ান্বিতাঃ কুণ্ডলিনো মুক্তাহারবিভূষিতাঃ || ৩. ২. ২৫৪||
তেজসাভ্যধিকৈর্দহৈঃ সর্বজ্ঞাঃ সর্বদর্শিনঃ |
বিভজ্য বহুধাত্মানং জরামৃত্যুবিবর্জিতাঃ || ৩. ২. ২৫৫||
ক্রীডন্তে বিবিধৈর্ভাবৈর্ভোগান্প্রাপ্য সুদুর্লভান্ |
স্বচ্ছন্দগতয়ঃ সিদ্ধাঃ সিদ্ধৈশ্চন্যৈর্বিবোধিতাঃ || ৩. ২. ২৫৬||
একাদশানাং রুদ্রাণাং কোট্যো নৈকা মহাত্মনাম্ |
এভিঃ সহ মহাত্মা বৈ দেবদেবো মহেশ্বরঃ || ৩. ২. ২৫৭||
ভক্তানুকংপী ভগবান্মোদতে পার্বতীপ্রিয়ঃ |
নাহং তেষাং তু রুদ্রাণাং ভবস্য চ মহাত্মনঃ || ৩. ২. ২৫৮||
নানাৎবমনুপশ্যামি সত্যমেতদ্ব্রবীমি বঃ |
মাতারিশ্বাব্রবীৎপুণ্যমিত্যেতামীশ্বরাচ্ছ্রুতাম্ || ৩. ২. ২৫৯||
অথ তে ঋষয়ঃ সর্বে দিবাকরসমপ্রভাঃ |
শ্রুৎবেমাং পরমাং পুণ্যাং কথাং ত্রৈয়ংবকীন্ততঃ || ৩. ২. ২৬০||
ভৃশং চানুগ্রহং প্রাপ্য হর্ষং চৈবাপ্যনুত্তমম্ |
সংভাজয়িৎবা চাপ্যেনং বায়ুমূচুর্মহাবলম্ || ৩. ২. ২৬১||
ঋষয় ঊচুঃ
সমীরণ মহাভাগ ৎবস্মাকং চ ৎবয়া বিভো |
ঈশ্বরস্যোত্তমং পুণ্যমষ্টমং ৎবৌপসার্গিকম্ || ৩. ২. ২৬২||
তস্য স্থানং প্রমাণং চ চথাবৎপরিকীর্তিতম্ |
যোগধর্মসমৃদ্ধং বৈ পরমং পরমাত্মনঃ || ৩. ২. ২৬৩||
মহাদেবস্য মাহাত্ম্যং দুর্বিজ্ঞেয়ং সুরৈরপি |
স্বেন মাহাত্ম্যয়োগেন সহস্রস্যামিতৌজসঃ || ৩. ২. ২৬৪||
যস্য ভক্তংষু সংমোহো হ্যনুকংপার্থমেব চ |
ব্রাহ্মী লক্ষ্ম্যা স্বয়ং জুষ্টা যা সাপ্রতিমশালিনী || ৩. ২. ২৬৫||
ব্যাপ্যজ্যোৎস্নেব চন্দ্রস্য বিন্যস্তা বিশ্বরূপিণঃ |
বিভূতির্ভ্রাজতেঽত্যর্থং দেবদেবস্য বেশ্মনি || ৩. ২. ২৬৬||
মহাদেবস্য তুল্যানাং রুদ্রাণাং তু মহাত্মনাম্ |
তৎসর্বং নিখিলেনেদং বক্ত্রাদমৃতনিস্রবঃ || ৩. ২. ২৬৭||
আপীতং খলু শর্বস্য ভক্ত্যাস্মাভিস্তু সুব্রত |
নাস্তি কিঞ্চিদবিজ্ঞেয় মন্যচ্চৈবানুগামিনঃ |
প্রশ্নং দেববরপ্রাণ যথাবদ্বক্তুমর্হসি || ৩. ২. ২৬৮||
সূত উবাচ
স খলূবাচ ভগবান্কিং ভূয়ো বর্ত্তয়াম্যহম্ |
যন্ময়া চৈব বক্তব্যং তদ্বদিষ্যামি সুব্রতাঃ || ৩. ২. ২৬৯||
ঋষয় ঊচুঃ
আদিত্যাঃ পরিপার্শ্বে যে সিংহা বৈ ক্রোধবিক্রমাঃ |
বৈশ্বানরা ভূতগণ ব্যাঘ্রাস্চৈবানুগামিনঃ || ৩. ২. ২৭০||
আভুতসংপ্লবে ঘোরে সর্বপ্রাণিভৃতাং ক্ষয়ে |
কিমাবস্থা ভবন্ত্যেতে তন্নো ব্রূহি যথার্থবৎ || ৩. ২. ২৭১||
বিজ্ঞায়েশ্বরসদ্ভাবমব্যক্তং প্রভবং তথা |
বায়ুরুবাচ
যত্র পূর্বং গতাস্তে তু কুমারা ব্রহ্মণঃ সুতাঃ || ৩. ২. ২৭২||
সনন্দনশ্চ সনকস্তৃতীয়শ্চ সনাতনঃ |
বোঢুশ্চ কপিলস্তেষামাসুরিশ্চ মহায়শাঃ || ৩. ২. ২৭৩||
মুনিঃ পঞ্জশিখশ্চৈব যে চান্যেঽপ্যেবমাদয়ঃ |
ততঃ কালে ব্যতিক্রান্তে কল্পানাং পর্যয়ে গতে || ৩. ২. ২৭৪||
মহাভূতবিনাশান্তে প্রলয়ে প্রত্যুপস্থিতে |
অনেকরুদ্রকোট্যস্তু যা প্রসন্না মহেশ্বরীম্ || ৩. ২. ২৭৫||
শব্দাদীন্বিষয়ান্ভোগান্সংত্যজ্যাষ্টবিধাশ্রয়াৎ |
প্রবিশ্য সর্বভূতানি জ্ঞানয়ুক্তেন তেজসা || ৩. ২. ২৭৬||
বিহায় পদমব্যগ্রং ভূতানাম নুকংপয়া |
তত্র যান্তি মহাত্মানঃ পরমাণুং মহেশ্বরম্ || ৩. ২. ২৭৭||
তরন্তি সুমহাবর্ত্তাং জন্মমৃত্যূদকাং নদীম্ |
ততঃ পশ্যন্ত্যপর্বাণং পরং ব্রহ্মাণামেব চ || ৩. ২. ২৭৮||
দেব্যা বৈ সহিতাঃ সপ্ত যা দেব্যঃ পরিকীর্ত্তিতাঃ |
যত্তৎসহস্রং সিংহানামাদিত্যানাং তথৈব চ || ৩. ২. ২৭৯||
বৈশ্বানরা ভূতগণা ব্যাঘ্রাশ্চৈবানুগামিনঃ |
আবেশ্যাত্মনি তান্সর্বান্ সংখ্যায়োগ্যভবাংস্তথা || ৩. ২. ২৮০||
লোকান্সপ্ত ইমান্ভূয়ো মহাভূতানি পঞ্চ চ |
বিষ্ণুনা সহ সংযুক্তঃ করোতি বিকরোতি চ || ৩. ২. ২৮১||
স রুদ্রো যঃ সামময়স্তথৈব চ যজুর্ময়ঃ |
স এষ ওতঃ প্রোতশ্চ বহিরন্তশ্চ নিশ্চয়াৎ || ৩. ২. ২৮২||
একো হি ভগবান্নাথঃ প্রভবশ্চান্তকৃদ্দ্বিজাঃ |
ততস্তে ঋষয়ঃ সর্বে দিবাকরসমপ্রভাঃ || ৩. ২. ২৮৩||
সুসত্যং শ্রবসঃ সম্যগারোপ্যাগ্নিং তথাত্মনি |
কর্মণা মনসা বাচা বিশুদ্ধেনান্তরাত্মনা || ৩. ২. ২৮৪||
অনন্যমনসো ভূৎবা প্রপদ্যন্তে মহেশ্বরম্ |
ব্রতোপবাসনিরতাঃ সর্বভূতদয়াপরাঃ || ৩. ২. ২৮৫||
যোগং ৎবনুয়মং দিব্যং প্রাপ্তন্তৈশ্ছিন্নসংশয়ৈঃ |
প্রপদ্য পরয়া ভক্ত্যাজ্ঞানয়ুক্তেন তেজসা || ৩. ২. ২৮৬||
তৈর্লব্ধং রুদ্রসালোক্যং শাশ্বতং পদমব্যয়ম্ |
যঃ পঠেত্তপসা যুক্তো বায়ুপ্রোক্তামিমাং শ্রুতিম্ || ৩. ২. ২৮৭||
ব্রাহ্মণঃ ক্ষত্রিয়ো বাপিবৈশ্যো বা স্বক্রিয়াপরঃ |
লভতে রুদ্রলোকং বৈ কারণং লোককারণম্ || ৩. ২. ২৮৮||
বিনিবৃত্তে তদা সর্গে প্রকৃত্যা বস্থিতেন বৈ |
তদাত্যন্তপরোক্ষৎবাদদৃষ্টৎবাচ্চ কস্যচিৎ || ৩. ২. ২৮৯||
অনাখ্যানাদবোধ্যৎবাদজ্ঞানাজ্জ্ঞানিনামপি |
আগতাগতিকৎবাচ্চ গ্রহণং তন্ন বিদ্যতে || ৩. ২. ২৯০||
ভাবগ্রাহ্যানুমানাচ্চ চিন্তয়িৎবেদমুচ্যতে |
স্থিতে তু কারণে তস্মিন্নিত্যে সদসদাত্মকে || ৩. ২. ২৯১||
অনির্দেশ্যে প্রবৃত্তির্বৈ স্বাত্মিকাকারণেন তু |
এবং সপ্তদ্বিরভ্যস্তাঃ ক্রমাৎপ্রকৃতয়স্তু বৈ || ৩. ২. ২৯২||
প্রত্যাহারে তদা সর্গে প্রবিশন্তি পরস্পরম্ |
যেনেদমাবৃতং সর্বমণ্ডমপ্সু প্রলীয়তে || ৩. ২. ২৯৩||
সপ্তদ্বীপসমুদ্রান্তং সপ্তলোকং সপর্বতম্ |
উদকাবরণং যচ্চ জ্যোতিষ্যালীয়তে তু যৎ || ৩. ২. ২৯৪||
যত্তেজসং চাবরণং মারুতো গ্রসতে নু যৎ |
যদ্বায়ব্যং চাবরণমাকাশগ্রসতে তু তৎ || ৩. ২. ২৯৫||
আকাশাবরণং যচ্চ ভূতাদির্গ্রসতে তু তৎ |
ভূতাদিং গ্রসতে চাপি মহান্বৈ বুদ্ধিলক্ষমঃ || ৩. ২. ২৯৬||
মহান্তং গ্রসতেঽব্যক্তং গুণসাম্যং ততঃ পরম্ |
এতৌ সংহারবিস্তারৌ ব্রহ্মা ব্যক্তৌ ততঃ পুনঃ || ৩. ২. ২৯৭||
সৃজতে গ্রসতে চৈব বিকারাৎসর্গসংযমে |
সংসিদ্ধকার্যকরণাঃ সংসিদ্ধা জ্ঞানিনস্তু যে || ৩. ২. ২৯৮||
গৎবা জবং জবীভাবে স্থানে স্বেষু প্রসংযমাৎ |
প্রত্যাহারেঽধিয়ুজ্যন্তে ক্ষেত্রজ্ঞাঃ করণৈঃ পুনঃ || ৩. ২. ২৯৯||
অব্যক্তং ক্ষেত্রমিত্যাহুর্ব্রহ্মা ক্ষেত্রজ্ঞ উচ্যতে |
সাধর্ম্যবৈধর্ম্যকৃতঃ সংযোগো নাদিমাস্তয়োঃ || ৩. ২. ৩০০||
এবং সর্গেষু বিজ্ঞেয়ঃ ক্ষেত্রজ্ঞেষ্বিহ ব্রাহ্মণাঃ |
ব্রহ্মবিচ্চৈব বিজ্ঞেয়ঃ ক্ষেত্রজ্ঞানাৎপৃথক্ || ৩. ২. ৩০১||
বিষয়াবিষয়ৎবং চ ক্ষেত্রক্ষেত্রজ্ঞয়োঃ স্মৃতম্ |
ব্রহ্মা ৎববিষয়ো জ্ঞেয়ো বিষয়ঃ ক্ষেত্রমুচ্যতে || ৩. ২. ৩০২||
ক্ষেত্রজ্ঞাধিষ্ঠিতং ক্ষেত্রং ক্ষেত্রজ্ঞার্থং প্রচক্ষতে |
বহুৎবাচ্চ শরীরাণাং শরীরী বহুধা স্মৃতঃ || ৩. ২. ৩০৩||
অব্যূহাশঙ্করাচ্চৈব জ্যোতির্যচ্চ ব্যবস্থিতম্ |
যস্মাৎপ্রতিশরীরং হি সুখদুঃখো পলব্ধিতা || ৩. ২. ৩০৪||
তস্মাৎপুরুষনানাৎবং বিজ্ঞেয়ং তু বিজানতা |
যদা প্রবর্ত্ততে চৈষাং ভেদানাং চৈব সংযমঃ || ৩. ২. ৩০৫||
স্বভাবকারিতাঃ সর্বে কালেন মহতা তদা |
নিবর্ত্তন্তে তদা তস্মিন্স্থিতরাগাঃ স্বয়ংভুবঃ || ৩. ২. ৩০৬||
সহ সায়ুজ্যকৈঃ সর্বৈর্ব্রহ্মলোকনিবাসিভিঃ |
বিনিবৃত্তেস্তদা তেষাং স্থিতেরাত্মনিবাসিনাম্ || ৩. ২. ৩০৭||
তৎকালবাসিনাং তেষাং তত্র বৈ দোষদর্শিনাম্ |
উৎপদ্যতেঽথ বৈরাগ্যমাত্মবাদ প্রণাশনম্ || ৩. ২. ৩০৮||
ভোজ্যভোক্তৃৎবনানাৎবৈস্তেষাং তদ্ভাবদর্শিনাম্ |
পৃথগ্জ্ঞানেন ক্ষেত্রজ্ঞাস্ততস্তে ব্রহ্মলৌকিকাঃ || ৩. ২. ৩০৯||
প্রকৃতৌ কারণাতীতাঃ সর্বে নানাপ্রদর্শিনঃ |
স্বাত্মন্যেবাবতিষ্ঠন্তে প্রশান্তাদর্শনাত্মকাঃ || ৩. ২. ৩১০||
শুদ্ধা নিরঞ্জনাঃ সর্বে চেতনাচেতনাস্তথা |
তত্রৈব পরিনির্বাণাঃ স্মৃতানাগামিনস্তু তে || ৩. ২. ৩১১||
নির্গুণৎবাগ্নিরাত্মানঃ প্রকৃত্যন্তে ব্যতিক্রমাৎ |
ইত্যেবং প্রাকৃতঃ প্রোক্তঃ প্রতিসর্গঃ স্বয়ংভুবা || ৩. ২. ৩১২||
বর্ণাশ্রমাচারয়ুতঃ প্রতিসর্গং শৃণোতি যঃ |
স ব্রজেচ্ছিবসালোক্যং ভক্তিমান্বিগতজ্বরঃ || ৩. ২. ৩১৩||
অমদ্যপশ্চ য শূদ্রো ভবভক্তো জিতেদ্রিয়ঃ |
আভূতসংপ্লবস্থায়ী অপ্রতীঘাতলক্ষণঃ || ৩. ২. ৩১৪||
গাণপত্যং স লভতে স্থানং বা সার্বকালিকম্ |
মদ্যপো মদ্যপৈঃ সার্দ্ধং ভূতসংঘৈশ্চ মোদতে || ৩. ২. ৩১৫||
সেব্যমানো মহীপৃষ্ঠে মর্ত্যানাং বরদো ভবঃ |
ইতি হোবাচ ভগবান্বায়ুর্বাক্যমিদবরম্ || ৩. ২. ৩১৬||
ইতি শ্রীব্রহ্মাণ্ডে মহাপুরাণে বায়ুপ্রোক্তে উত্তরভাগে চতুর্থ উপসংহারপাদে
শিবপুরবর্ণনং নাম দ্বিতীয়োঽধ্যায়ঃ || ২||

সূত উবাচ
প্রত্যাহারং প্রবক্ষ্যামি পরস্যান্তে স্বয়ংভুবঃ |
ব্রহ্মণঃ স্থিতিকালে তু ক্ষীণে তস্মিংস্তদা প্রভোঃ || ৩. ৩. ১||
যথেদং কুরুতে ব্যক্তং সুসূক্ষ্মং বিশ্বমীশ্বরঃ |
অব্যক্তং গ্রসতে ব্যক্তং প্রত্যাহারে চ কৃৎস্নশঃ || ৩. ৩. ২||
পুরান্তদ্ব্যণুকাদ্যানাং সংপূর্ণে কল্পসংক্ষয়ে |
উপস্থিতে মহাঘোরে হ্যপ্রত্যক্ষে তু কস্যচিৎ || ৩. ৩. ৩||
অন্তে দ্রুমস্য সংপ্রাপ্তে পশ্চিমাস্য মনোস্তদা |
অন্তে কলিয়ুগে তস্মিন্ক্ষীণে সংহার উচ্যতে || ৩. ৩. ৪||
সংপ্রক্ষালে তদা বৃত্তে প্রত্যাহারে হ্যুপস্থিতে |
প্রত্যাহারে তদা তস্মিন্ভূততন্মাত্রসংক্ষয়ে || ৩. ৩. ৫||
মহদাদিবিকারস্য বিশেষান্তস্য সংক্ষয়ে |
স্বভাবকারিতে তস্মিন্প্রবৃত্তে প্রতিসংচরে || ৩. ৩. ৬||
আপো গ্রসংতি বৈ পূর্বং ভূমের্গন্ধাত্মকং গুমম্ |
আত্তগন্ধা ততো ভূমিঃ প্রলয়ৎবায় কল্পতে || ৩. ৩. ৭||
প্রণষ্টে গন্ধতন্মাত্রে তোয়াবস্থা ধরা ভবেৎ |
আপস্তদা প্রবিষ্টাস্তু বেগবত্যো মহাস্বনাঃ || ৩. ৩. ৮||
সর্বমাপূরয়িৎবেদং তিষ্ঠন্তি বিচরন্তি চ |
অপামপি গণো যস্তু জ্যোতিঃষ্বালীয়তে রসঃ || ৩. ৩. ৯||
নশ্যন্ত্যাপস্তদা তত্র রসতন্মাত্রসংক্ষয়াৎ |
তীব্রতেজোহৃতরসাজ্যোতিষ্ট্বং প্রাপ্নুবন্ত্যুত || ৩. ৩. ১০||
গ্রস্তে চ সলিলে তেজঃ সর্বতোমুখমীক্ষতে |
অথাগ্নিঃ সর্বতো ব্যাপ্ত আদত্তে তজ্জলং তদা || ৩. ৩. ১১||
সর্বমাপূর্যতেঽর্চির্ভিস্তদা জগদিদং শনৈঃ |
অর্চির্ভিঃ সংততে তস্মিংস্তর্যগূর্ধ্বমধস্ততঃ || ৩. ৩. ১২||
জ্যোতিষোঽপি গুণং রূপং বায়ুরত্তি প্রকাশকম্ |
প্রলীয়তে তদা তস্মিন্দীপার্চিরিব মারুতে || ৩. ৩. ১৩||
প্রনষ্টে রূপতন্মাত্রে হৃতরূপো বিভাবসুঃ |
উপশাম্যতি তেজো হিবায়ুরাধূয়তে মহান্ || ৩. ৩. ১৪||
নিরালোকে তদা লোকে বায়ুভূতে চ তেজসি |
ততস্তু মূলমাসাদ্য বায়ুঃ সংবন্ধমাত্মনঃ || ৩. ৩. ১৫||
ঊর্ধ্বঞ্চাধশ্চ তির্যক্চ দোধবীতি দিশো দশ |
বায়োরপি গুণং স্পর্শমাকাশং গ্রসতে চ তৎ || ৩. ৩. ১৬||
প্রশাম্যতি তদা বায়ুঃ খন্তু তিষ্ঠত্যনাবৃতম্ |
অরূপমরসস্পর্শমগন্ধং ন চ মূর্তিমৎ || ৩. ৩. ১৭||
সর্বমাপূরয়চ্ছব্দৈঃ সুমহত্তৎপ্রকাশতে |
তস্মিংল্লীনে তদা শিষ্টমাকাশং শব্দলক্ষণম্ || ৩. ৩. ১৮||
শব্দমাত্রং তদাকাশং সর্বমাবৃত্য তিষ্ঠতি |
তত্র শব্দং গুমং তস্য ভূতদির্গ্রসতে পুনঃ || ৩. ৩. ১৯||
ভূতেন্দ্রিয়েষু যুগপদ্ভূতাদৌ সংস্থিতেষু বৈ |
অভিমানাত্মকো হ্যেষ ভূতাদিস্তামসঃ স্মৃতঃ || ৩. ৩. ২০||
ভূতাদির্গ্রসতে চাপি মহান্বৈ বুদ্ধিলক্ষণঃ |
মহানাত্মা তু বিজ্ঞেয়ঃ সংকল্পো ব্যবসায়কঃ || ৩. ৩. ২১||
বুদ্ধির্মনশ্চ লিঙ্গং চ মহানক্ষর এব চ |
পর্যায়বাচকৈঃ শব্দৈস্তমাহুস্তত্ত্ব চিন্তকাঃ || ৩. ৩. ২২||
সংপ্রলীনেষু ভূতেষু গুণসাম্যে ততো মহান্ |
লীয়ন্তে গুণসাম্যং তু স্বাত্মন্যেবাবতিষ্ঠতে || ৩. ৩. ২৩||
লীয়ন্তে সর্বভূতানাং কারণানি প্রসংগমে |
ইত্যেষ সংযমশ্চৈব তত্ত্বানাং কারণৈঃ সহ || ৩. ৩. ২৪||
তত্ত্বপ্রসংযমো হ্যেষ স্মৃতো হ্যাবর্তকো দ্বিজাঃ |
ধর্মাধর্মৌং তপো জ্ঞানং শুভং সত্যানৃতে তথা || ৩. ৩. ২৫||
ঊর্ধ্বভাবো হ্যধোভাবঃ সুখদুঃখে প্রিয়াপ্রিয়ে |
সর্বমেতৎপ্রপঞ্চস্থং গুণমাত্রাত্মকং স্মৃতম্ || ৩. ৩. ২৬||
নিরিন্দ্রিয়াণাং চ তদা জ্ঞানিনাং যচ্ছুভাশুভম্ |
প্রকৃত্যাং চৈব তৎসর্বং পুণ্যং পাপং প্রতিষ্ঠতি || ৩. ৩. ২৭||
যাত্যবস্থা তু সাচৈব দেহিনাং তু নিরুচ্যতে |
জন্তূনাং পাপপুণ্যং তু প্রকৃতৌ যৎপ্রতিষ্ঠিতম্ || ৩. ৩. ২৮||
অবস্থাস্থানি তান্যেব পুণ্যপাপানি জন্তবঃ |
যোজয়ন্তে পুনর্দেহান্পরৎবেন তথৈব চ || ৩. ৩. ২৯||
ধর্মাধর্মৌং তু জন্তূনাং গুণমাত্রাত্মকাবুভৌ |
কারণৈঃ স্বৈঃ প্রচীয়েতে কায়ৎবেনেহ জন্তুভিঃ || ৩. ৩. ৩০||
সচেতনাঃ প্রলীয়ন্তে ক্ষেত্রজ্ঞাধিষ্ঠিতা গুণাঃ |
সর্গে চ প্রতিসর্গে চ সংসারে চৈব জন্তবঃ || ৩. ৩. ৩১||
সংযুজ্যন্তে বিয়ুজ্যন্তে কারণৈঃ সংচরন্তি চ |
রাজসী তামসী চৈব সাত্ত্বিকী চৈব বৃত্তয়ঃ || ৩. ৩. ৩২||
গুণমাত্রাঃ প্রবর্তন্তে পুরুষাধিষ্ঠতা স্ত্রিধা |
উর্দ্ধ্বদেশাত্মকং সত্ত্বমধোভাগাত্মকং তমঃ || ৩. ৩. ৩৩||
তয়োঃ প্রবর্ত্তকং মধ্যে ইহৈবাবর্ত্তকং রজঃ |
ইত্যেবং পরিবর্তন্তেত্রয়শ্চেতোগুণাত্মকাঃ || ৩. ৩. ৩৪||
লোকেষু সর্বভূতানাং তন্ন কার্যং বিজানতা |
অবিদ্যাপ্রত্যয়ারংভা আরভ্যন্তে হি মানবৈঃ || ৩. ৩. ৩৫||
এতাস্তু গতয়স্তিস্রঃ শুভাৎপাপাত্মিকাঃ স্মৃতাঃ |
তমসোঽভিভবাজ্জন্তুর্যাথাতথ্যং ন বিন্দতি || ৩. ৩. ৩৬||
অতত্ত্বদর্শনাৎসোঽথ বিবিধং বধ্যতে ততঃ |
প্রাকৃতেন চ বন্ধেন তথ্যাবৈকারিকেণ চ || ৩. ৩. ৩৭||
দক্ষিণাভিস্ততীয়েন বদ্ধোঽত্যন্তং বিবর্ত্ততে |
ইত্যেতে বৈ ত্রয়ঃ প্রোক্তা বন্ধা হ্যজ্ঞানহেতুকাঃ || ৩. ৩. ৩৮||
অনিত্যে নিত্যসংজ্ঞা চ দুঃখে চ সুখদর্শনম্ |
অস্বে স্বমিতি চ জ্ঞানমশুচৌ শুচিনিশ্চয়ঃ || ৩. ৩. ৩৯||
যেষামেতে মনোদোষা জ্ঞানদোষা বিপর্যয়াৎ |
রাগদ্বেষনিবৃত্তিশ্চ তজ্জ্ঞানং সমুদাহৃতম্ || ৩. ৩. ৪০||
অজ্ঞানং তমসো মূরং কর্মদ্বয়ফলং রজঃ |
কর্ম জস্তু পুনর্দেহো মহাদুঃখং প্রবর্ত্ততে || ৩. ৩. ৪১||
শ্রোত্রজা নেত্রজা চৈব ৎবগ্জিহ্বাঘ্রাণজা তথা |
পুনর্ভবকরী দুঃখাৎকর্মণা জায়তে তৃষা || ৩. ৩. ৪২||
সতৃষ্ণোঽভিহিতো বালঃ স্বকৃতৈঃ কর্মণঃ ফলৈঃ |
তৈলবীডকবজ্জীবস্তত্রৈব পরিবর্ত্ততে || ৩. ৩. ৪৩||
তস্মান্মূলমনর্থানামজ্ঞান মুপদিশ্যতে |
তং শত্রুমবধার্যৈকং জ্ঞানে যত্নং সমাচরেৎ || ৩. ৩. ৪৪||
জ্ঞানাদ্ধি ত্যজতে সর্বং ত্যাগাদ্বুদ্ধির্বিরজ্যতে |
বৈরাগ্যাচ্ছুধ্যতে চাপি শুদ্ধঃ সত্ত্বেন মুচ্যতে || ৩. ৩. ৪৫||
অত ঊর্দ্ধ্বং প্রবক্ষ্যামি রাগং ভূতাপহারিণম্ |
অভিষ্বঙ্গায় যোগঃ স্যাদ্বিষয়েষ্ববশাত্মনঃ || ৩. ৩. ৪৬||
অনিষ্টমিষ্টমপ্রীতিপ্রীতিতাপবিষাদনম্ |
দুঃখলাভে ন তাপশ্চ সুখানুস্মরণং তথা || ৩. ৩. ৪৭||
ইত্যেষ বৈষয়ো রাগঃ সংভূত্যাঃ কারণং স্মৃতঃ |
ব্রহ্মাদৌ স্থাবরান্তে বৈ সংসারেহ্যাদিভৌতিকে || ৩. ৩. ৪৮||
অজ্ঞানপূর্বকং তস্মাদজ্ঞানং তু বিবর্জয়েৎ |
যস্য চার্ষে ন প্রমাণং শিষ্টাচারং তথৈব চ || ৩. ৩. ৪৯||
বর্ণাশ্রমবিরুদ্ধো যঃ শিষ্টশাস্ত্রবিরোধকঃ |
এষ মার্গো হি নিরয়ে তির্য্যগ্যোনৌ চ কারণম্ || ৩. ৩. ৫০||
তির্য্যগ্যো নিগতং চৈব কারণং তত্ত্ররুচ্যতে |
ত্রিবিধো যাতনাস্থানে তির্য্যগ্যোনৌ চ ষড্বিধে || ৩. ৩. ৫১||
কারণে বিষয়ে চৈব প্রতিঘাতস্তু সর্বশঃ |
অনৈশ্বর্যং তু তৎসর্বং প্রতিঘাতাত্মকং স্মৃতম্ || ৩. ৩. ৫২||
ইত্যেষা তামসী বৃত্তির্ভূতাদীনাং চতুর্বিধা |
সত্ত্বস্থমাত্রকং চিত্তং যথাসত্ত্বং প্রদর্শনাৎ || ৩. ৩. ৫৩||
তত্ত্বানাং চ যথাতত্ত্বং দৃষ্ট্বা বৈ তত্ত্বদর্শনাৎ |
সত্ত্বক্ষেত্রজ্ঞনানাৎবমেতন্নানার্থদর্শনম্ || ৩. ৩. ৫৪||
নানাৎবদর্শনং জ্ঞানং জ্ঞানাদ্বৈ যোগ উচ্যতে |
তেন বদ্ধস্য বৈ বন্ধো মোক্ষো মুক্তস্য তেন চ || ৩. ৩. ৫৫||
সংসারে বিনিবৃত্তে তু মুক্তো লিঙ্গেন মুচ্যতে |
নিঃসংবন্ধো হ্যচৈতন্যঃ স্বাত্মন্যেবাবতিষ্ঠতে || ৩. ৩. ৫৬||
স্বাত্মন্যবস্থিতশ্চাপি বিরূপাখ্যেন লিখ্যতে |
ইত্যেতল্লক্ষণং প্রোক্তং সমাসাজ্জ্ঞান মোক্ষয়োঃ || ৩. ৩. ৫৭||
স চাপি ত্রিবিধঃ প্রোক্তো মোক্ষো বৈ তত্ত্বদর্শিভিঃ |
পূর্বং বিয়োগো জ্ঞানেন দ্বিতীয়ে রাগসংক্ষয়াৎ || ৩. ৩. ৫৮||
তৃষ্ণাক্ষ যাত্তৃতীয়স্তু ব্যাখ্যাতং মোক্ষকারণম্ |
লিঙ্গাভাবাত্তু কৈবল্যং কৈবল্যাত্তু নিরঞ্জনম্ || ৩. ৩. ৫৯||
নিরঞ্জনৎবাচ্ছুদ্ধস্তু নিতান্যো নৈব বিদ্যতে |
অত ঊর্দ্ধ্বং প্রবক্ষ্যামি বৈরাগ্যং দোষদর্শনাৎ || ৩. ৩. ৬০||
দিব্যে চ মানুষে চৈব বিষয়ে পঞ্চলক্ষণে |
অপ্রদ্বেষোঽনভিষ্বঙ্গঃ কর্ত্তব্যো দোষদর্শনাৎ || ৩. ৩. ৬১||
তপপ্রীতিবিষাদানাং কার্যং তু পরিবর্জনম্ |
এবং বৈরাগ্যমাস্থায় শরীরী নির্মমো ভবেৎ || ৩. ৩. ৬২||
অনিত্যমশিবং দুঃখমিতি বুদ্ধ্যানুচিন্ত্য চ |
বিশুদ্ধং কার্যকরণং সত্ত্বস্যাতিনিষৈবয়া || ৩. ৩. ৬৩||
পরিপক্বকষায়ো হি কৃৎস্নান্দোষান্প্রপশ্যতি |
ততঃ প্রয়াণকালে হি দোষৈর্নৈমিত্তিকৈস্তথা || ৩. ৩. ৬৪||
ঊষ্মা প্রকুপিতঃ কায়ে তীব্রবায়ুসমীরিতঃ |
স শরীরমুপাশ্রিত্য কৃৎস্নান্দোষান্রুণদ্ধি বৈ || ৩. ৩. ৬৫||
প্রাণক্থানানি ভিন্দন্হি ছিন্দন্মর্মাণ্যতীত্য চ |
শৈত্যাৎপ্রকুপিতো বায়ুরূর্দ্ধ্বং তূৎক্রমতে ততঃ || ৩. ৩. ৬৬||
স চায়ং সর্বভূতানাং প্রাণস্থানেষ্ববস্থিতঃ |
সমাসাৎসংবৃতে জ্ঞানে সংচৃত্তেষু চ কর্মসু || ৩. ৩. ৬৭||
স জীবো নাভ্যধিষ্ঠানঃ কর্মভিঃ স্বৈঃ পুরাকৃতৈঃ |
অষ্টাঙ্গপ্রণবৃত্তিং বৈ স বিচ্যাবয়তে পুনঃ || ৩. ৩. ৬৮||
শরীরং প্রজহন্সোংঽতে নিরুচ্ছ্বাসস্ততো ভবেৎ |
এবং প্রাণৈঃ পরিত্যক্তো মৃত ইত্যভিধীয়তে || ৩. ৩. ৬৯||
যথেহ লোকে স্বপ্নে তং নীয়মানমিতস্ততঃ |
রঞ্জনং তদ্বিধেয়স্য তে তান্যো ন চ বিদ্যতে || ৩. ৩. ৭০||
নৃষ্ণাক্ষয়স্তৃতীয়স্তু ব্যাখ্যাতং মোক্ষলক্ষণম্ |
শব্দাদ্যে বিষয়ে দোষদৃষ্টির্বৈ পঞ্চলক্ষণে || ৩. ৩. ৭১||
অপ্রদ্বেষোঽনভিষ্বঙ্গঃ প্রীতিতাপবিবর্জনম্ |
বৈরাগ্যকারণং হ্যেতে প্রকৃতীনাং লয়স্য চ || ৩. ৩. ৭২||
অষ্টৌ প্রকৃতয়ো জ্ঞেয়াঃ পূর্বোক্তা বৈ যথাক্রমম্ |
অব্যক্তাদ্যাস্তু বিজ্ঞেয়া ভূতান্তাঃ প্রকৃতের্ভবাঃ || ৩. ৩. ৭৩||
বর্ণাশ্রমাচারয়ুক্তঃ শিষ্টঃ শাস্ত্রাবিরোধনঃ |
বর্ণাশ্রমাণাং ধর্মোঽযং দেবস্থানেষু কারণম্ || ৩. ৩. ৭৪||
ব্রহ্মাদীনি পিশাচান্তান্যষ্টৌ স্থানানি দেবতা |
ঐশ্বর্যমাণিমাদ্যং হি কারণং হ্যষ্টলক্ষণম্ || ৩. ৩. ৭৫||
নিমিত্তমপ্রতীঘাতে দৃষ্টে শব্দাদিলক্ষণে |
অষ্টাবেতানি রূপাণি প্রাকৃতানি যথাক্রমম্ || ৩. ৩. ৭৬||
ক্ষেত্রজ্ঞেষ্বনুসজ্জন্তে গুণমাত্রত্মকানি তু |
প্রাবৃট্কালে পৃথগ্মেঘং পশ্যন্তীব সচক্ষুষঃ || ৩. ৩. ৭৭||
পশ্যন্ত্যেবং বিধাঃ সিদ্ধা জীবং দিব্যেন চক্ষুষা |
খাদতশ্চান্নপানানি যোনীঃ প্রবিশতস্তথা || ৩. ৩. ৭৮||
তির্যগূর্ধ্বমধস্তাচ্চ ধাবতোঽপি যথাক্রমম্ |
জীবঃ প্রাণস্তথা লিঙ্গং করণং চ চতুষ্টয়ম্ || ৩. ৩. ৭৯||
পর্যায়বাচকৈঃ শব্দৈরেকার্থৈঃ সোঽভিলষ্যতে |
ব্যক্তাব্যক্তপ্রমাণোঽযং স বৈ ভুঙ্ক্তে তু কৃৎস্নশঃ || ৩. ৩. ৮০||
অব্যক্তানুগ্রহান্তং চ ক্ষেত্রজ্ঞাধিষ্ঠিতং চ যৎ |
এবং জ্ঞাৎবা শুচির্ভূৎবা জ্ঞানাদ্বৈ বিপ্রমুচ্যতে || ৩. ৩. ৮১||
নষ্টং চৈব যথা তত্ত্বং তত্ত্বানাং তত্ত্বদর্শনে |
যথেষ্টং পরিনির্যাতি ভিন্নে দেহে সুনির্বৃতে || ৩. ৩. ৮২||
ভিদ্যতে করণং চাপি হ্যব্যক্তজ্ঞানিনস্ততঃ |
মুক্তো গুণশরীরেণ প্রণাদ্যেন তু সর্বশঃ || ৩. ৩. ৮৩||
নান্যচ্ছরীরমাদত্তে দগ্ধে বীজে যথাঙ্কুরঃ |
জ্ঞানী চ সর্বসংসারাবিজ্ঞশারীরমানসঃ || ৩. ৩. ৮৪||
জ্ঞানাচ্চতুর্দ্দশাবুদ্ধঃ প্রকৃতিস্থো নিবর্ততে |
প্রকৃতিং সত্যমিত্যাহুর্বিকারোঽনৃতমুচ্যতে || ৩. ৩. ৮৫||
অসদ্ভাবোঽনৃতং জ্ঞেয়ং সদ্ভাবঃ সত্য মুচ্যতে |
অনামরূপং ক্ষেত্রজ্ঞনামরূপং প্রচক্ষতে || ৩. ৩. ৮৬||
যস্মাৎক্ষেত্রং বিজানাতি তত্মাৎক্ষেত্রজ্ঞ উচ্যতে |
ক্ষেত্রং প্রত্যয়তে যস্মাৎক্ষেত্রজ্ঞঃ শুভ উচ্যতে || ৩. ৩. ৮৭||
ক্ষেত্রজ্ঞঃ স্মর্যতে তস্মাৎক্ষেত্রং তজ্জ্ঞৈর্বিভাষ্যতে |
ক্ষেত্রং ৎবৎপ্রত্যয়ং দৃষ্টং ক্ষেত্রজ্ঞঃ প্রত্যয়ঃ সদা || ৩. ৩. ৮৮||
ক্ষপণাৎকারণাচ্চৈব ক্ষতত্রাণাত্তথৈব চ |
ভোজ্যৎববিষয়ৎবাচ্চ ক্ষেত্রং ক্ষেত্রবিদো বিদুঃ || ৩. ৩. ৮৯||
মহদাদ্যং বিশেষান্তং সর্বৈরূপ্যং বিলক্ষণম্ |
বিকারলক্ষণং তদ্বৈ সোঽক্ষরঃ ক্ষরমেতি চ || ৩. ৩. ৯০||
তমেবানুবিকারং তু যস্মাদ্বৈ ক্ষরতে পুনঃ |
তস্মাচ্চ কারণাচ্চৈব জ্ঞরমিত্যভিধীয়তে || ৩. ৩. ৯১||
সংসারে নরকেভ্যশ্চ ত্রায়তে পুরুষং চ যৎ |
দুঃখত্রাণাৎপুনশ্চাপি ক্ষেত্রমিত্যভিধীয়তে || ৩. ৩. ৯২||
সুখদুঃখমহংভাবাদ্ভোজ্যমিত্যভিধীয়তে |
অচেতনৎবাদ্বিষয়স্তদ্বিধর্মা বিভুঃ স্মৃতঃ || ৩. ৩. ৯৩||
ন ক্ষীয়তে ন ক্ষরতি বিকারপ্রসৃতং তু তৎ |
অক্ষরং তেন বাপ্যুক্তম ক্ষীণৎবাত্তথৈব চ || ৩. ৩. ৯৪||
যস্মাৎপূর্যনুশেতে চ তস্মাৎপুরুষ উচ্যতে |
পুরপ্রত্যয়িকো যস্মাৎপুরুষেত্যভিধীয়তে || ৩. ৩. ৯৫||
পুরুষং কথয়স্বাথ কথিতোঽজ্ঞৈর্বিভাষ্যতে |
শুদ্ধো নিরঞ্জনাভাসো জ্ঞাতা জ্ঞানবিবর্জিতঃ || ৩. ৩. ৯৬||
অস্তিনাস্তীতি সোঽন্যো বা বদ্ধো মুক্তো গতঃস্থিতঃ |
নৈর্হেতুকাত্ত্বনির্দেশ্যাদহস্তস্মিন্ন বিদ্যতে || ৩. ৩. ৯৭||
শুদ্ধৎবান্ন তু দৃশ্যো বৈ দ্রষ্টৃৎবাৎসমদর্শনঃ |
আত্মপ্রত্যয়কারিৎবাদন্যূনং বাপ্যহেতুকম্ || ৩. ৩. ৯৮||
ভাবগ্রাহ্যমনুমানাচ্চিন্তয়ন্ন প্রমুহ্যতে |
যদা পশ্যতি জ্ঞাতারং শান্তার্থং দর্শনাত্মকম্ || ৩. ৩. ৯৯||
দৃশ্যাদৃশ্যেষু নির্দেশ্যং তদা তদ্দুর্দ্ধরং বরম্ |
বিজ্ঞাতা ন চ দৃশ্যেত বৃথক্ত্বেনেহ সর্বশঃ || ৩. ৩. ১০০||
স্বেনাত্মনা তথাত্মানং কারণাত্মা নিয়চ্ছতি |
প্রকৃতৌ কারণে তত্র স্বাত্মন্যেবোপতিষ্ঠতি || ৩. ৩. ১০১||
অস্তিনাস্তীতি সোঽন্যো বা ইহামুত্রেতি বা পুনঃ |
একৎবং বা পৃথক্বং বা ক্ষেত্রজ্ঞঃ পুরুষোঽপি বা || ৩. ৩. ১০২||
আত্মা বা স নিরাত্মা বা চেতনোঽচেতনোঽপি বা |
কর্ত্তা বা সোঽপ্যকর্ত্তা বা ভোক্তা বা ভোজ্যমেব চ || ৩. ৩. ১০৩||
যদ্গৎবা ন নিবর্ত্তন্তে ক্ষেত্রজ্ঞং তু নিরঞ্জনম্ |
অবাচ্যং তদনাখ্যানাদগ্রাহ্যং বাদহেতুভিঃ || ৩. ৩. ১০৪||
অপ্রতর্ক্যমচিন্ত্যৎবাদবা যেৎবাচ্চ সর্বশঃ |
নালপ্য বচসা তত্ত্বমপ্রাপ্য মনসা সহ || ৩. ৩. ১০৫||
ক্ষেত্রজ্ঞে নির্গুণে শুদ্ধে শান্তে ক্ষীণে নিরঞ্জনে |
ব্যপেতসুখদুঃখে চ নিরুদ্ধে শান্তিমাগতে || ৩. ৩. ১০৬||
নিরাত্মকে পুনস্তস্মিন্বাচ্যাবাচ্যং ন বিদ্যতে |
এতৌ সংহারবিস্তারৌ ব্যক্তাব্যক্তৌ ততঃ পুনঃ || ৩. ৩. ১০৭||
সৃজ্যতে গ্রসতে চৈব ব্যক্তৌ পর্যবতিষ্ঠতে |
ক্ষেত্রজ্ঞাধিষ্ঠিতং সর্বং পুনঃ সর্গে প্রবর্ত্ততে || ৩. ৩. ১০৮||
অধিষ্ঠানং প্রপদ্যেত তস্যান্তে বুদ্ধিপূর্বকম্ |
সাধর্ম্যবৈধর্ম্যকৃতঃ সংযোগো বিদিতস্তয়োঃ |
অনাদিমাংশ্চ সংযোগো মহাপুরুষজঃ স্মৃতঃ || ৩. ৩. ১০৯||
যাবচ্চ সর্গপ্রতি সর্গকালস্তাবজ্জগত্তিষ্ঠতি সংনিরুধ্য |
পূর্বং হি তস্যৈব চ বুদ্ধিপূর্বং প্রবর্ত্ততে তৎপুরুষার্থংমেব || ৩. ৩. ১১০||
এষা নিসর্গপ্রতিসর্গপূর্বা প্রাধানিকী চেশ্বরকারিতা বা |
অনাদ্যনন্তা হ্যভিমানপূর্বকং বিত্রাসয়ন্তী জগদভ্যুপৈতি || ৩. ৩. ১১১||
ইত্যেষ প্রাকৃতঃ সর্গস্তৃতীয়ো হেতুলক্ষণঃ |
উক্তো হ্যস্মিংস্তদাত্যন্তং কালং জ্ঞাৎবা প্রমুচ্যতে || ৩. ৩. ১১২||
ইত্যেষ প্রতিসর্গো বস্ত্রিবিদঃ কীর্ত্তিতো ময়া |
বিস্তরেণানুপূর্ব্যাচ ভূয়ঃ কিং বর্ত্তয়াম্যহম্ || ৩. ৩. ১১৩||
ইতি শ্রী ব্রহ্মাণ্ডে মহাপুরাণে বায়ুপ্রোক্তে উত্তরভাগে চতুর্থ উপসংহারপাদে প্রতিসর্গো নাম তৃতীয়োঽধ্যায়ঃ

ঋষয় ঊচুঃ
শ্রুতং সুমহদাখ্যানং ভবতা পরিকীর্ত্তিতম্ |
প্রজানাং মনুভিঃ সার্দ্ধং দেবানামৃষিভিঃ সহ || ৩. ৪. ১||
পিতৃগন্ধর্বভূতানাং পিশাচোরগরক্ষসাম্ |
দৈত্যানাং দানবানাং চ যক্ষাণামেব পক্ষিণাম্ || ৩. ৪. ২||
অত্যদ্ভুতানি কর্মাণি বিবিধা ধর্মনিশ্চয়াঃ |
বিচিত্রাশ্চ কথায়োগা জন্ম চাগ্র্যমনুত্তমম্ || ৩. ৪. ৩||
তৎকথ্যমানমস্মাকং ভবতা শ্লক্ষ্ণয়া গিরা |
মনঃ কর্ণসুখং সৌতে প্রীণাত্যমৃতসন্নিভম্ || ৩. ৪. ৪||
এবমারাধ্য তে সূতং সৎকৃত্য চ মহর্ষয়ঃ |
পপ্রচ্ছুঃ সত্ত্রিণঃ সর্বে পুনঃ সর্গপ্রবর্ত্তনম্ || ৩. ৪. ৫||
কথং সুত মহাপ্রাজ্ঞ পুনঃ সর্গঃ প্রপৎস্যতে |
বন্ধেষু সংপ্রলীনেষু গুণসাম্যে তমোময়ে || ৩. ৪. ৬||
বিকারেষ্ববিসৃষ্টেষু হ্যব্যক্তে চাত্মনি স্থিতে |
অপ্রবৃত্তে ব্রহ্মণা তু সহসা যোজ্যগৈস্তদা || ৩. ৪. ৭||
কথং প্রপৎস্যতে সর্গস্তন্নঃ প্রব্রূহি পৃচ্ছতাম্ |
এবমুক্তস্ততঃ সূতস্তদাসৌ লোমহর্ষণঃ || ৩. ৪. ৮||
ব্যাখ্যাতুমুপচক্রাম পুনঃ সর্গপ্রবর্ত্তনম্ |
অত্র বো বর্ত্তয়িষ্যামি যথা সর্গঃ প্রপৎস্যতে || ৩. ৪. ৯||
পূর্ববৎস তু বিজ্ঞেয়ঃ সমাসাত্তন্নিবোধত |
দৃষ্টেনৈবানুমেয়ং চ তর্কং বক্ষ্যামি যুক্তিতঃ || ৩. ৪. ১০||
যস্মাদ্বাচো নিবর্ত্তন্তে ৎবপ্রাপ্য মনসা সহ |
অব্যক্ত বৎপরোক্ষৎবাদ্গহনং তদ্দুরাসদম্ || ৩. ৪. ১১||
বিকারৈঃ প্রতিসংসৃষ্টো গুণঃ সাম্যেন বর্ত্ততে |
প্রধানং পুরুষাণাং চ সাধর্ম্যেণৈব তিষ্ঠতি || ৩. ৪. ১২||
ধর্মাধর্মৌং প্রলীয়েতে হ্যব্যক্তে প্রাণিনাং সদা |
সত্ত্বমাত্রাত্মকো ধর্মো গুণে সত্ত্বে প্রতিষ্ঠিতঃ || ৩. ৪. ১৩||
তমোমাত্রাত্মকো ধর্মো গুণে তমসি তিষ্ঠতি |
অবিভাগেন তাবেতৌ গুণসাম্যে স্থিতাবুভৌ || ৩. ৪. ১৪||
সর্বং কার্যং বুদ্ধিপূর্বং প্রধানস্য প্রপৎস্যতে |
বুদ্ধিপূর্বং ক্ষেত্রজ্ঞ অধিষ্ঠাস্যতি তান্গুণান্ || ৩. ৪. ১৫||
এবং তানভিমানেন প্রপৎস্যতি পুনস্তদা |
যদা প্রবর্ত্তিতব্যং তু ক্ষেত্রক্ষেত্রজ্ঞয়োর্ দ্বয়োঃ || ৩. ৪. ১৬||
ভোজ্যভোক্তৃৎবসংবন্ধাঃ প্রপৎস্যন্তে চ তাবুভৌ |
তস্মাদক্ষরমব্যক্তং সাম্যে স্থিৎবা গুণাত্মকম্ || ৩. ৪. ১৭||
ক্ষেত্রজ্ঞাধিষ্ঠিতং তত্র বৈপম্যং ভজতে তু তৎ |
ততঃ প্রপৎস্যতে ব্যক্তং ক্ষেত্রক্ষেত্রজ্ঞয়োর্দ্বয়োঃ || ৩. ৪. ১৮||
ক্ষেত্রজ্ঞাধিষ্ঠিতং সত্ত্বং বিকারং জনয়িষ্যতি |
মহদাদ্যং বিশেষান্তং চতুর্বিংশগুণাত্মকম্ || ৩. ৪. ১৯||
ক্ষেত্রজ্ঞস্য প্রধানস্য পুরুষস্য প্রবর্ত্স্যতঃ |
আদিদেবঃ প্রধানস্যানুগ্রহায় প্রজক্ষতে || ৩. ৪. ২০||
অনাদ্যৌ বরমুৎপাদৌ উভৌ সূক্ষ্মৌ তু তৌ স্মৃতৌ |
অনাদিসংযোগয়ুতৌ সর্বং ক্ষেত্রজ্ঞমেব চ || ৩. ৪. ২১||
অবুদ্ধিপূর্বকং যুক্তমাশক্তৌ তু বরৌ তদা |
অপ্রত্যয়মমোঘং চ স্থিতাবুদকমৎস্যবৎ || ৩. ৪. ২২||
প্রবৃত্তপূর্বৌং তৌ পূর্বং পুনঃ সর্বং প্রপৎস্যতে |
অজ্ঞা গুণৈঃ প্রবর্ত্তন্তে রজঃসত্ত্বতমোঽভিধৈঃ || ৩. ৪. ২৩||
প্রবৃত্তিকালে রজসাভিপন্নো মহত্ত্বভূতাদিবিশেষতাং চ |
বিশেষতাং চেন্দ্রিয়তাং চ যাতি গুণাবসানৌষধিভির্মনুষ্যঃ || ৩. ৪. ২৪||
সত্যাভিধ্যায়িনস্তস্য ধ্যায়িনঃ সন্নিমিত্তকম্ |
রজঃ সত্ত্বতমোব্যক্তা বিধর্মাণঃ পরস্পরম্ || ৩. ৪. ২৫||
আদ্যন্তং বৈ প্রবৎস্যন্তে ক্ষেত্রমজ্ঞাম্বু সর্বশঃ |
সংসিদ্ধকার্যকরণা উৎপদ্যন্তেঽভিমানিনঃ || ৩. ৪. ২৬||
সর্বে সত্ত্বাঃ প্রপদ্যন্তে হ্যব্যক্তাৎপূর্বমেব চ |
প্রাক্সৃতৌ যে ৎবসুবহাঃ সাধকাশ্চাপ্যসাধকাঃ || ৩. ৪. ২৭||
অসংশান্তাস্তু তে সর্বে স্থানপ্রকরণৈঃ সহ |
কার্যাণি প্রতিপৎস্যন্তে উৎপৎস্যন্তে পুনঃ পুনঃ || ৩. ৪. ২৮||
গুণমাত্রাত্মকাবেব ধর্মাধর্মৌং পরস্পরম্ |
আরপ্সংতে হি চান্যোন্যং বরেণানুগ্রহেণ বা || ৩. ৪. ২৯||
শর্বস্তুল্যপ্রসৃষ্ট্যর্থ সর্গাদৌ যাতি বিক্রিয়াম্ |
গুণাস্তং প্রতিধীয়ন্তে তস্মাত্তত্তস্য রোচতে || ৩. ৪. ৩০||
গুণাস্তে যানি কর্মাণি প্রাক্সৃষ্ট্যাং প্রতিপেদিরে |
তান্যেব প্রতিপদ্যন্তে সৃজ্যমানাঃ পুনঃ পুনঃ || ৩. ৪. ৩১||
হিংস্রাহিংস্রে মৃদুকূরে ধর্মাধর্মাবৃতানৃতে |
তদ্ভাবিতাঃ প্রপদ্যন্তে তস্মাত্তত্তস্য রোচতে || ৩. ৪. ৩২||
মহাভূতেষু নানাৎবমিন্দ্রিয়ার্থেষু মূর্ত্তিষু |
বিপ্রয়োগশ্চ ভূতানাং গুণেভ্যঃ সংপ্রবর্ত্ততে || ৩. ৪. ৩৩||
ইত্যেষ বো ময়া খ্যাতঃ পুনঃ সর্গঃ সমাসতঃ |
সমাসাদেব বক্ষ্যামি ব্রহ্মণোঽথ সমুদ্ভবম্ || ৩. ৪. ৩৪||
অব্যক্তাৎকারণাত্তস্মান্নিত্যাৎসদসদাত্মকাৎ |
প্রধানপুরুষাভ্যাং তু জায়তে চ মহেশ্বরঃ || ৩. ৪. ৩৫||
স পুনঃ সংভাবয়িতা জায়তে ব্রহ্মসংজ্ঞিতঃ |
সৃজতে স পুনর্লোকানভিমান গুণাত্মকান্ || ৩. ৪. ৩৬||
অহঙ্কারস্তু মহতস্তস্মাদ্ভূতানি চাত্মনঃ |
যুগপৎসংপ্রবর্ত্তন্তে ভূতান্যেবেন্দ্রিয়াণি চ || ৩. ৪. ৩৭||
ভূতভেদাশ্চ ভূতেভ্য ইতি সর্গঃ প্রবর্ত্ততে |
বিস্তরাবয়বস্তেষাং যথাপ্রজ্ঞং যথাশ্রুতম্ |
কীর্ত্ত্যতো বো যথাপূর্বং তথৈবাপ্যুপধার্যতাম্ || ৩. ৪. ৩৮||
এতচ্ছ্রুৎবা নৈমিষেয়া স্তদানীং লোকোৎপত্তিং সুস্থিতিং চাপ্যয়ং চ |
তস্মিন্সত্রেঽবভৃথং প্রাপ্য শুদ্ধাঃ পুণ্যং লোকমৃষয়ঃ প্রাপ্নুবন্তি || ৩. ৪. ৩৯||
যথা যূয়ং বিধিনা দেবাতাদীনিষ্ট্বা চৈবাবভৃথং প্রাপ্য শুদ্ধাঃ |
ত্যক্ত্বা দেহানায়ুষোংঽতে কৃতার্থাঃ পুণ্যং লোকং প্রাপ্য মোদধ্বমেবম্ || ৩. ৪. ৪০||
এতে তে নৈমিষেয়া বৈ দৃষ্ট্বা স্পৃষ্ট্বা চ বৈ তদা |
জগ্মুশ্চাবভৃথস্নাতাঃ স্বর্গং সর্বে তু সত্রিণঃ || ৩. ৪. ৪১||
বিপ্রাস্তথা যূয়মপি ইষ্টা বহুবিধৈর্মখৈঃ |
আয়ুষোংঽতে ততঃ স্বর্গং গন্তারঃ স্থ দ্বিজোত্তমাঃ || ৩. ৪. ৪২||
প্রক্রিয়া প্রথমঃ পাদঃ কথায়াস্তু পরিগ্রহঃ |
অনুষঙ্গ উপোদ্ধাত উপসংহার এব চ || ৩. ৪. ৪৩||
এবমেব চতুঃপাদং পুরাণং লোকসম্মতম্ |
উবাচ ভাগবান্সক্ষাদ্বায়ুলোকহিতে রতঃ || ৩. ৪. ৪৪||
নৈমিষে সত্রমা সাদ্য মুনিভ্যো মুনিসত্তম |
তৎপ্রসাদং চ সংসিদ্ধং ভূতোৎপত্তিলয়ান্বিতম্ || ৩. ৪. ৪৫||
প্রাধানিকীমিমাং সৃষ্টিং তথৈবেশ্বরকারিতাম্ |
সম্যগ্বিদিৎবা মেধাবী ন মোহমধিগচ্ছতি || ৩. ৪. ৪৬||
ইদং যো ব্রাহ্মণো বিদ্বানিতিহাসং পুরাতনম্ |
শৃণুয়াচ্ছ্রাবয়েদ্বাপি তথাধ্যাপয়তেঽপি চ || ৩. ৪. ৪৭||
স্থানেষু স মহেন্দ্রস্য মোদতে শাশ্বতীঃ সমাঃ |
ব্রহ্মসায়ুজ্যগো ভূৎবা ব্রহ্মণা সহ মোদতে || ৩. ৪. ৪৮||
তেষাং কীর্তিমতাং কীর্তিং প্রজেশানাং মহাত্মনাম্ |
প্রথয়ন্পৃথিবীশানাং ব্রহ্মভূয়ায় গচ্ছতি || ৩. ৪. ৪৯||
ধন্যং যশস্যমায়ুষ্যং পুণ্যং বেদৈশ্চ সংমিতম্ |
কৃষ্ণদ্বৈপায়নেনোক্তং পুরাণ ব্রহ্মবাদিনা || ৩. ৪. ৫০||
মন্বন্তরেশ্বরাণাং চ যঃ কীর্তিং প্রথয়েদিমাম্ |
দেবতানামৃষীণাং চ ভূরিদ্রবিমতেজসাম্ || ৩. ৪. ৫১||
স সর্বৈর্মুচ্যতে পাপৈঃ পুণ্যং চ মহদাপ্নুয়াৎ |
যশ্চেদং শ্রাবয়েদ্বিদ্বান্সদা পর্বণি পর্বণি || ৩. ৪. ৫২||
ধূতপাপ্মা জিতস্বর্গো ব্রহ্মভূয়ায় কল্পতে |
যশ্চেদং শ্রাবয়েচ্ছ্রাদ্ধে ব্রাহ্মণান্ পাদমন্ততঃ || ৩. ৪. ৫৩||
অক্ষেয়ং সর্বকামীয়ং পিৎৠংস্তচ্ছোপতিষ্ঠতে |
যস্মাৎপুরা হ্যণন্তীদং পুরাণং তেন চোচ্যতে || ৩. ৪. ৫৪||
নিরুক্তমস্য যো বেদ সর্বপাপৈঃ প্রমুচ্যতে |
তথৈব ত্রিষু বর্ণেষু যে মনুষ্যা অধীয়তে || ৩. ৪. ৫৫||
ইতিহাসমিমং শ্রুৎবা ধর্মায় বিদধে মতিম্ |
যাবন্ত্যস্য শরীরেষু রোমকূপানি সর্বশঃ || ৩. ৪. ৫৬||
তাবৎকোটিসহস্রাণি বর্ষাণি দিবি মোদতে |
ব্রহ্মসায়ুজ্যগো ভূৎবা দৈবতৈঃ সহ মোদতে || ৩. ৪. ৫৭||
সর্বপাপহরং পুণ্যং পবিত্রং চ যশস্বি চ |
ব্রহ্মা দদৌ শাস্ত্রমিদং পুরাণং মাতরিশ্বনে || ৩. ৪. ৫৮||
তস্মাচ্চোশনসা প্রাপ্তং তস্মাচ্চাপি বৃহস্পতিঃ |
বৃহস্পতিস্তু প্রোবাচ সবিত্রে তদনন্তরম্ || ৩. ৪. ৫৯||
সবিতা মৃত্যবে প্রাহ মৃত্যুশ্চেন্দ্রায় বৈ পুনঃ |
ইন্দ্রশ্চাপি বসিষ্ঠায় সোঽপি সারস্বতায় চ || ৩. ৪. ৬০||
সারস্বতস্ত্রিধাম্নেঽথ ত্রিধামা চ শরদ্বতে |
শরদ্বাংস্তু ত্রিবিষ্টায় সোংঽতরিক্ষায় দত্তবান্ || ৩. ৪. ৬১||
চর্ষিণে চান্তরিক্ষো বৈ সোঽপি ত্রয়্যারুণায় চ |
ত্রয়্যারুণাদ্ধনঞ্জয়ঃ স বৈ প্রাদাৎকৃতঞ্জয়ে || ৩. ৪. ৬২||
কৃতঞ্জয়াত্তৃণঞ্জয়ো ভরদ্বাজায় সোঽপ্যথ |
গৌতমায় ভরদ্বাজঃ সোঽপি নির্য্যন্তরে পুনঃ || ৩. ৪. ৬৩||
নির্য্যন্তরস্তু প্রোবাচ তথা বাজশ্রবায় বৈ |
স দদৌ সোমশুষ্মায় স চাদাত্তৃণবিন্দবে || ৩. ৪. ৬৪||
তৃণবিন্দুস্তু দক্ষায় দক্ষঃ প্রোবাচ শক্তয়ে |
শক্তেঃ পরাশরশ্চাপি গর্ভস্থঃ শ্রুতবানিদম্ || ৩. ৪. ৬৫||
পরাশরাজ্জাতুকর্ণ্যস্তস্মাদ্দ্বৈপায়নঃ প্রভুঃ |
দ্বৈপায়না ৎপুনশ্চাপি ময়া প্রাপ্তং দ্বিজোত্তম || ৩. ৪. ৬৬||
ময়া চৈতৎপুনঃ প্রোক্তং পুত্রায়ামিতবুদ্ধয়ে |
ইত্যেব বাক্যং ব্রহ্মাদিগুরুণাং সমুদাৎদৃতম্ || ৩. ৪. ৬৭||
নমস্কার্যাশ্চ গুরবঃ প্রয়ত্নেন মনীষিভিঃ |
ধন্যং যশস্যমায়ুষ্যং পুণ্যং সর্বার্থসাধকম্ || ৩. ৪. ৬৮||
পাপঘ্নং নিয়মেনেদং শ্রোতব্যং ব্রাহ্মণৈঃ সদা |
নাশুচৌ নাপি পাপায় নাপ্যসংবৎসরোষিতে || ৩. ৪. ৬৯||
নাশ্রদ্দধানেঽবিদুষে নাপুত্রায় কথঞ্চন |
নাহিতায় প্রদাতব্যং পবিত্রমিদমুত্তমম্ || ৩. ৪. ৭০||
অব্যক্তং বৈ যস্য যোনিং বদন্তি ব্যক্তং দেহং কালমেতং গতিং চ |
বহ্নির্বক্ত্রং চন্দ্রসূর্যৌং চ নেত্রেদিশঃ শ্রোত্রে ঘ্রাণমাহুশ্চ বায়ুম্ || ৩. ৪. ৭১||
বাচো বেদা অন্তরিক্ষং শরীরং ক্ষিতিঃ পাদাস্তারকা রোমকূপাঃ |
সর্বাণি দ্যৌর্মস্তকানি ৎবথো বৈ বিদ্যাশ্চৈবোপনিষদ্যস্য পুচ্ছম্ || ৩. ৪. ৭২||
তং দেবদেবং জননং জনানাং যজ্ঞাত্মকং সত্যলোকপ্রতিষ্ঠম্ |
বরং বরাণাং বরদং মহেশ্বরং ব্রহ্মাণমাদিং প্রয়তো নমস্যে || ৩. ৪. ৭৩||
ইতি শ্রীব্রহ্মাণ্ডে মহাপুরাণে বায়ুপ্রোক্তে দ্বাদশসাহর্স্যাং সংহিতায়াং উত্তরভাগে চতুর্থং উপসংহারপাদে ব্রহ্মাণ্ডাবর্ত্তং নাম চতুর্থোঽধ্যায়ঃ

শ্রীগণেশায় নমঃ |
অথ শ্রীললিতোপাখ্যানং প্রারভ্যতে |
চতুর্ভুজে চন্দ্রকলাবতংসে কুচোন্নতে কুঙ্কুমরাগশোণে |
পুণ্ড্রেক্ষুপাশাঙ্কুশপুষ্পবাণহস্তে নমস্তে জগদেকমাতঃ || ৩. ৫. ১||
অস্তু নঃ শ্রেয়সে নিত্যং বস্তু বামাঙ্গসুন্দরম্ |
যতস্তৃতীয়ো বিদুষাং তৃতীয়স্তু পরং মহঃ || ৩. ৫. ২||
অগস্ত্যো নাম দেবর্ষির্বেদবেদাঙ্গপারগঃ |
সর্বসিদ্ধান্তসারজ্ঞো ব্রহ্মানন্দরসাত্মকঃ || ৩. ৫. ৩||
চচারাদ্ভুতহেতূনি তীর্থান্যায়তনানি চ |
শৈলারণ্যাপগামুখ্যান্সর্বাঞ্জনপদানপি || ৩. ৫. ৪||
তেষু তেষ্বখিলাঞ্জন্তূনজ্ঞানতিমিরাবৃতান্ |
শিশ্নোদরপরান্দৃষ্ট্বা চিন্তয়ামাস তান্প্রতি || ৩. ৫. ৫||
তস্য চিন্তয়মানস্য চরতো বসুধামিমাম্ |
প্রাপ্তমাসীন্মহাপুণ্যং কাঞ্চীনগরমুত্তমম্ || ৩. ৫. ৬||
তত্র বারণশৈলেনদ্রমেকাম্রনিলয়ং শিবম্ |
কামাক্ষীং করিদোষধ্নীমপূজয়দথাত্মবান্ || ৩. ৫. ৭||
লোকহেতোর্দয়ার্দ্রস্য ধীমতশ্চিন্তনো মুহুঃ |
চিরকালেন তপসা তোষিতোঽভূজ্জনার্দনঃ || ৩. ৫. ৮||
হয়গ্রীবাং তনুং কৃৎবা সাক্ষাচ্চিন্মাত্রবিগ্রহাম্ |
শঙ্খচক্রাক্ষবলয়পুস্তকোজ্জ্বলবাহুকাম্ || ৩. ৫. ৯||
পূরয়িত্রীং জগৎকৃৎস্নং প্রভয়া দেহজাতয়া |
প্রাদুর্বভূব পুরতো মুনেরমিততেজসা || ৩. ৫. ১০||
তং দৃষ্ট্বানন্দভরিতঃ প্রণম্য চ মুহুর্মুহুঃ |
বিনয়াবনতো ভূৎবা সন্তুষ্টাব জগৎপতিম্ || ৩. ৫. ১১||
অথোবাচ জগন্নাথস্তুষ্টোঽস্মি তপসা তব |
বরং বরয় ভদ্রং তে ভবিতা ভূসুরোত্তমঃ || ৩. ৫. ১২||
ইতি পৃষ্টো ভগবতা প্রোবাচ মুনিসত্তমঃ |
যদি তুষ্টোঽসি ভগবন্নিমে পামরজন্তবঃ || ৩. ৫. ১৩||
কেনোপায়েন মুক্তাঃ স্যুরেতন্মে বক্তুমর্হসি |
ইতি পৃষ্টো দ্বিজেনাথ দেবদেবো জনার্দনঃ || ৩. ৫. ১৪||
এষ এব পুরা প্রশ্নঃ শিবেন চরিতো মম |
অয়মেব কৃতঃ প্রশ্নো ব্রহ্মণা তু ততঃ পরম্ || ৩. ৫. ১৫||
কৃতো দুর্বাসসা পশ্চাদ্ভবতা তু ততঃ পরম্ || ৩. ৫. ১৬||
ভবদ্ভিঃ সর্বভূতানাং গুরুভূতৈর্মহাত্মভিঃ |
মমোপদেশো লোকেষু প্রথিতোঽস্তু বরো মম || ৩. ৫. ১৭||
অহমাদির্হি ভূতানামাদিকর্তা স্বয়ং প্রভুঃ |
সৃষ্টিস্থিতিলয়ানাং তু সর্বেষামপি কারকঃ || ৩. ৫. ১৮||
ত্রিমূর্তিস্ত্রিগুণাতীতো গুণহীনো গুণাশ্রয়ঃ || ৩. ৫. ১৯||
ইচ্ছাবিহারো ভূতাত্মা প্রধানপুরুষাত্মকঃ |
এবং ভূতস্য মে ব্রহ্মংস্ত্রিজগদ্রূপধারিণঃ || ৩. ৫. ২০||
দ্বিধাকৃতমভূদ্রূপং প্রধান পুরুষাত্মকম্ |
মম প্রধানং যদ্রূপং সর্বলোকগুণাত্মকম্ || ৩. ৫. ২১||
অপরং যদ্গুণাতীতং পরাৎপরতরং মহৎ |
এবমেব তয়োর্জ্ঞাৎবা মুচ্যতে তে উভে কিমু || ৩. ৫. ২২||
তপোভিশ্চিরকালোত্থৈর্যমৈশ্চ নিয়মৈরপি |
ত্যাগৈর্দুষ্কর্মনাশান্তে মুক্তিরাশ্বেব লভ্যতে || ৩. ৫. ২৩||
যদ্রূপং যদ্গুণয়ুতং তদ্গুণ্যৈক্যেন লভ্যতে |
অন্যৎসর্বজগদ্রূপং কর্মভোগপরাক্রমম্ || ৩. ৫. ২৪||
কর্মভির্লভ্যতে তচ্চ তত্ত্যাগেনাপি লভ্যতে |
দুস্তরস্তু তয়োস্ত্যাগঃ সকলৈরপি তাপস || ৩. ৫. ২৫||
অনপায়ং চ সুগমং সদসৎকর্মগোচরম্ || ৩. ৫. ২৬||
আত্মস্থেন গুণেনৈব সতা চাপ্যসতাপিবা |
আত্মৈক্যেনৈব যজ্জ্ঞানং সর্বসিদ্ধিগ্রদায়কম্ || ৩. ৫. ২৭||
বর্ণত্রয়বিহীনানাং পাপিষ্ঠানাং নৃণামপি |
যদ্রূপধ্যানমাত্রেণ দুষ্কৃতং সুকৃতায়তে || ৩. ৫. ২৮||
যের্ঽচয়ন্তি পরাং শক্তিং বিধিনাবিধিনাপি বা |
ন তে সংসারিণো নূনং মুক্তা এব ন সংশয়ঃ || ৩. ৫. ২৯||
শিবো বা যাং সমারাধ্য ধ্যানয়োগবলেন চ |
ঈশ্বরঃ সর্বসিদ্ধানামর্দ্ধনারীশ্বরোঽভবৎ || ৩. ৫. ৩০||
অন্যেঽব্জপ্রমুখা দেবাঃ সিদ্ধাস্তদ্ধ্যানবৈভবাৎ |
তস্মাদশেষলোকানাং ত্রিপুরারাধনং বিনা || ৩. ৫. ৩১||
ন স্তো ভোগাপবর্গৌং তু যৌগপদ্যেন কুত্রচিৎ |
তন্মনাস্তদ্গতপ্রাণস্তদ্যাজী তদ্গতেহকঃ || ৩. ৫. ৩২||
তাদাত্ম্যেনৈব কর্মাণি কুর্বন্মুক্তিমবাপ্স্যসি |
এতদ্রহস্যমাখ্যাতং সর্বেষাং হিতকাম্যয়া || ৩. ৫. ৩৩||
সন্তুষ্টেনৈব তপসা ভবতো মুনিসত্তম |
দেবাশ্চ মুনয়ঃ সিদ্ধা মানুষাশ্চ তথাপরে |
ৎবন্মুখাংভোজতোঽবাপ্যসিদ্ধিং যান্তু পরাৎপরাম্ || ৩. ৫. ৩৪||
ইতি তস্য বচঃ শ্রুৎবা হয়গ্রীবস্য শার্ঙ্গিণঃ |
প্রণিপত্য পুনর্বাক্যমুবাচ মধুসূদনম্ || ৩. ৫. ৩৫||
ভগবন্কীদৃশং রূপং ভবতা যৎপুরোদিতম্ |
কিংবিহারং কিংপ্রভাবমেতন্মে বক্তুমর্হসি || ৩. ৫. ৩৬||
হয়গ্রীব উবাচ
এষোংঽশভূতো দেবর্ষে হয়গ্রীবো মমাপরঃ |
শ্রোতুমিচ্ছসিয়দ্যত্ত্বং তৎসর্বং বক্তুমর্হতি || ৩. ৫. ৩৭||
ইত্যাদিশ্য জগন্নাথো হয়গ্রীবং তপোধনম্ |
পুরতঃ কুম্ভজাতস্য মুনেরন্তরধাদ্ধরিঃ || ৩. ৫. ৩৮||
ততস্তু বিস্ময়াবিষ্টো হৃষ্টরোমা তপোধনঃ |
হয়গ্রীবেণ মুনিনা স্বাশ্রমং প্রত্যপদ্যত || ৩. ৫. ৩৯||
ইতি শ্রীব্রহ্মাণ্ডে মহাপুরাণে উত্তরভাগে হয়গ্রীবাগস্ত্যসংবাদে ললিতোপাখ্যানে অগস্ত্যয়াত্রাজনার্দনাবির্ভাবো নাম পঞ্চমোঽধ্যায়ঃ

অথোপবেশ্য চৈবৈনমাসনে পরমাদ্ভুতে |
হয়াননমুপাগত্যাগস্ত্যো বাক্যং সমব্রবীৎ || ৩. ৬. ১||
ভগবন্সর্বধর্মজ্ঞ সর্বসিদ্ধান্তবিত্তম্ |
লোকাভ্যুদয়হেতুর্হি দর্শনং হি ভবাদৃশাম্ || ৩. ৬. ২||
আবির্ভাবং মহাদেব্যাস্তস্যা রূপান্তরাণি চ |
বিহারশ্চৈব মুখ্যা যে তান্নো বিস্তরতো বদ || ৩. ৬. ৩||
হয়গ্রীব উবাচ
অনাদিরখিলাধারা সদসৎকর্মরূপিণী |
ধ্যানৈকদৃশ্যা ধ্যানাঙ্গী বিদ্যাঙ্গী হৃদয়াস্পদা || ৩. ৬. ৪||
আত্মৈক্যাদ্ব্যক্তিমায়াতি চিরানুষ্ঠানগৌরবাৎ || ৩. ৬. ৫||
আদৌ প্রাদুরভূচ্ছক্তির্ব্রহ্মণো ধ্যানয়োগতঃ |
প্রকৃতির্নাম সা খ্যাতা দেবানামিষ্টসিদ্ধিদা || ৩. ৬. ৬||
দ্বিতীয়মুদভূদ্রূপং প্রবৃত্তেঽমৃতমন্থনে |
শর্বসংমোহজনকমবাঙ্মনসগোজরম্ || ৩. ৬. ৭||
যদ্দর্শনাদভূদীশঃ সর্বজ্ঞোঽপি বিমোহিতঃ |
বিসৃজ্য পার্বতীং শীঘ্রন্তয়া রুদ্ধোঽতনোদ্রতম্ || ৩. ৬. ৮||
তস্যাং বৈ জনয়ামাস শাস্তারমসুরার্দনম্ || ৩. ৬. ৯||
অগস্ত্য উবাচ
কথং বৈ সর্বভূতেশো বশী মন্মথ শাসনঃ |
অহো বিমোহিতো দেব্যা জনয়ামাস চাত্মজম্ || ৩. ৬. ১০||
হয়গ্রীব উবাচ
পুরামরপুরাধীশো বিজয়শ্রীসমৃদ্ধিমান্ |
ত্রৈলোক্যং পালয়ামাস সদেবাসুরমানুষম্ || ৩. ৬. ১১||
কৈলাসশিখরাকারং গজেন্দ্রমধিরুহ্য সঃ |
চচারাখিললোকেষু পূজ্যমানোঽখিলৈরপি |
তং প্রমত্তং বিদিৎবাথ ভবানীপতিখ্যয়ঃ || ৩. ৬. ১২||
দুর্বাসসমথাহূয় প্রজিঘায় তদন্তিকম্ |
খণ্ডাজিনধরো দণ্ডীধূরিধূসরবিগ্রহঃ |
উন্মত্তরূপধারী চ যয়ৌ বিদ্যাধরাধ্বনা || ৩. ৬. ১৩||
এতস্মিন্নন্তরে কালে কাচিদ্বিদ্যাধরাঙ্গনা |
যদৃচ্ছয়াগতা তস্য পুরশ্চারুতরাকৃতিঃ || ৩. ৬. ১৪||
চিরকালেন তপসা তোষয়িৎবা পরাংবিকাম্ |
তৎসমর্পিতমাল্যং চ লব্ধ্বা সংতুষ্টমানসা || ৩. ৬. ১৫||
তাং দৃষ্ট্বা মৃগুশাবাক্ষীমুবাচ মুনিপুঙ্গবঃ |
কুত্র বা গম্যতে ভীরু কুতো লব্ধমিদং ৎবয়া || ৩. ৬. ১৬||
প্রণম্য সা মহাত্মানমুবাচ বিনয়ান্বিতা |
চিরেণ তপসা ব্রহ্মন্দেব্যা দত্তং প্রসন্নয়া || ৩. ৬. ১৭||
তছ্রুৎবা বচনং তস্যাঃ সোঽপৃচ্ছন্মাল্যমুত্তমম্ |
পৃষ্টমাত্রেণ সা তুষ্টা দদৌ তস্মৈ মহাত্মনে || ৩. ৬. ১৮||
করাভ্যাং তৎসমাদায় কৃতার্থোঽস্মীতি সৎবরম্ |
দধৌ স্বশিরসা ভক্ত্যা তামুবাচাতির্ষিতঃ || ৩. ৬. ১৯||
ব্রহ্মাদীনামলভ্যং যত্তল্লব্ধং ভাগ্যতো ময়া |
ভক্তিরস্তু পদাংভোজে দেব্যাস্তব সমুজ্জ্বলা || ৩. ৬. ২০||
ভবিষ্যচ্ছোভনাকারে গচ্ছ সৌম্যে যথাসুখম্ |
সা তং প্রণম্য শিরসা যয়ৌ তুষ্টা যথাগতম্ || ৩. ৬. ২১||
প্রেষয়িৎবা স তাং ভূয়ো যয়ৌ বিদ্যাধরাধ্বনা |
বিদ্যাধরবধূহস্তাৎপ্রতিজগ্রাহ বল্লকীম্ || ৩. ৬. ২২||
দিব্যস্রগনুলেপাংশ্চ দিব্যান্যাভরণানি চ |
ক্বচিদ্গৃহ্ণন্ক্বচিদ্গা যন্ক্বচিদ্ধসন্ || ৩. ৬. ২৩||
স্বেচ্ছাবিহারী স মুনির্যয়ৌ যত্র পুরন্দরঃ |
স্বকরস্থাং ততো মালাং শক্রায় প্রদদৌ মুনিঃ || ৩. ৬. ২৪||
তাং গৃহীৎবা গজস্কন্ধে স্থাপয়ামাস দেবরাট্ |
গজস্তু তাং গৃহীৎবাথ প্রেষয়ামাস ভূতলে || ৩. ৬. ২৫||
তাং দৃষ্ট্বা প্রেষিতাং মালাং তদা ক্রোধেন তাপসঃ |
উবাচ ন ধৃতা মালা শিরসা তু ময়ার্পিতা || ৩. ৬. ২৬||
ত্রৈলোক্যৈশ্বর্যমত্তেন ভবতা হ্যবমানিতা |
মহাদেব্যা ধৃতা যা তু ব্রহ্মাদ্যৈঃ পূজ্যতেহি সা || ৩. ৬. ২৭||
ৎবয়া যচ্ছাসিতো লোকঃ সদেবাসুরমানুষঃ |
অশোভনো হ্যতেজস্কো মম শাপাদ্ভবিষ্যতি || ৩. ৬. ২৮||
ইতি শপ্ত্বা বিনীতেন তেন সংপূজিতোঽপি সঃ |
তূষ্ণীমেব যয়ৌ ব্রহ্মন্ভাবিকার্যমনুস্মরন্ || ৩. ৬. ২৯||
বিজয়শ্রীস্ততস্তস্য দৈত্যং তু বলিমন্বগাৎ |
নিত্যশ্রীর্নিত্যপুরুষং বাসুদেবমথান্বগাৎ || ৩. ৬. ৩০||
ইন্দ্রোঽপি স্বপুরং গৎবা সর্বদেবসমন্বিতঃ |
বিষণ্ণচেতা নিঃশ্রীকশ্চিন্তয়ামাস দেবরাট্ || ৩. ৬. ৩১||
অথামরপুরে দৃষ্ট্বা নিমিত্তান্যশুভানি চ |
বৃহস্পতিং সমাহূয় বাক্যমেতদুবাচ হ || ৩. ৬. ৩২||
ভগবন্সর্বধর্মজ্ঞ ত্রিকালজ্ঞানকোবিদ |
দৃশ্যতেঽদৃষ্টপূর্বাণি নিমিত্তান্যশুভানি চ || ৩. ৬. ৩৩||
কিংফলানি চ তানি স্যুরুপায়ো বাথ কীদৃশঃ |
ইতি তদ্বচনং শ্রুৎবা দেবেন্দ্রস্য বৃহস্পতিঃ |
প্রত্যুবাচ ততো বাক্যং ধর্মার্থসহিতং শুভম্ || ৩. ৬. ৩৪||
কৃতস্য কর্মণো রাজন্কল্পকোটিশতৈরপি |
প্রায়শ্চিত্তোপভোগাভ্যাং বিনা নাশো ন জায়তে || ৩. ৬. ৩৫||
ইন্দ্র উবাচ
কর্ম বা কীদৃশং ব্রহ্মন্প্রায়শ্চিত্তং চ কীদৃশম্ |
তৎসর্বং শ্রোতুমিচ্ছামি তন্মে বিস্তরতো বদ || ৩. ৬. ৩৬||
বৃহস্পতিরুবাচ
হননস্তেয়হিংসাশ্চ পানমন্যাঙ্গনারতিঃ |
কর্ম পঞ্চবিধং প্রাহুর্দুষ্কৃতং ধরণীপতেঃ || ৩. ৬. ৩৭||
ব্রহ্মক্ষত্রিয়বিট্শূদ্রগোতুরঙ্গখরোষ্ট্রকাঃ |
চতুষ্পদোঽণ্ডজাব্জাশ্চ তির্যচোঽনস্থিকাস্তথা || ৩. ৬. ৩৮||
অয়ুতং চ সহস্রং চ শতং দশ তথা দশ |
দশপঞ্চত্রিরেকার্ধমানুপূর্ব্যাদিদং ভবেৎ || ৩. ৬. ৩৯||
ব্রহ্মক্ষত্রবিশাং স্ত্রীণামুক্তার্থে পাপমাদিশেৎ |
পিতৃমাতৃগুরুস্বামি পুত্রাণাং চৈব নিষ্কৃতিঃ || ৩. ৬. ৪০||
গুর্বাজ্ঞয়া কৃতং পাপং তদাজ্ঞালঙ্ঘনের্ঽথকম্ |
দশব্রাহ্মণভৃত্যর্থমেকং হন্যাদ্দ্বিজং নৃপঃ || ৩. ৬. ৪১||
শতব্রাহ্মণভৃত্যর্থং ব্রাহ্মণো ব্রাহ্মণং তু বা |
পঞ্চব্রহ্মবিদামর্থে ত্রৈশ্যমেকং তু দণ্ডয়েৎ || ৩. ৬. ৪২||
বৈশ্যং দশবিশামর্থে বিশাং বা দণ্ডয়েত্তথা |
তথা শতবিশামর্থে দ্বিজমেকং তু দণ্ডয়েৎ || ৩. ৬. ৪৩||
শূদ্রাণাং তু সহস্রাণাং দণ্ডয়েদ্ব্রাহ্মণং তু বা |
তচ্ছতার্থং তু বা বৈশ্যং তদ্দশার্দ্ধং তু শূদ্রকম্ || ৩. ৬. ৪৪||
বন্ধূনাং চৈব মিত্রাণামিষ্টার্থে তু ত্রিপাদকম্ |
অর্থং কলত্রপুত্রার্থে স্বাত্মার্থে ন তু কিঞ্চন || ৩. ৬. ৪৫||
আত্মানং হন্তুমারব্ধং ব্রাহ্মণং ক্ষত্রিয়ং বিশম্ |
গাং বা তুরগমন্যং বা হৎবা দোষৈর্ন লিপ্যতে || ৩. ৬. ৪৬||
আত্মদারাত্মজভ্রাতৃবন্ধূনাং চ দ্বিজোত্তম |
ক্রমাদ্দশগুণো দোষো রক্ষণে চ তথা ফলম্ || ৩. ৬. ৪৭||
ভূপদ্বিজশ্রোত্রিয়বেদবিদ্ব্রতীবেদান্তবিদ্বেদবিদাং বিনাশে |
একদ্বিপঞ্চাশদথায়ুতং চ স্যান্নিষ্কৃতিশ্চেতি বদন্তি সংতঃ || ৩. ৬. ৪৮||
তেষাং চ রক্ষণবিধৌ হি কৃতে চ দানে পূর্বোদিতোত্তরগুণং প্রবদন্তি পুণ্যম্ |
তেষাং চ দর্শনবিধৌ নমনে চকার্যে শূশ্রূষণেঽপি চরতাং সদৃশাংশ্চ তেষাম্ || ৩. ৬. ৪৯||
সিংহব্যাঘ্রমৃগাদীনি লোকহিংসাকরাণি তু |
নৃপো হন্যাচ্চ সততং দেবার্থে ব্রাহ্মণার্থকে || ৩. ৬. ৫০||
আপৎস্বাত্মার্থকে চাপি হৎবা মেধ্যানি ভক্ষয়েৎ || ৩. ৬. ৫১||
নাত্মার্থে পাচয়েদন্ন নাত্মার্থে পাচয়েৎপশূন্ |
দেবার্থে ব্রাহ্মণার্থে বা পচমানো ন লিপ্যতে || ৩. ৬. ৫২||
পুরা ভগবতী মায়া জগদুজ্জীবনোন্মুখী |
সসর্জ সর্বদেবাংশ্চ তথৈবাসুরমানুষান্ || ৩. ৬. ৫৩||
তেষাং সংরক্ষণার্থায় পশূনপি চতুর্দশ |
যজ্ঞাশ্চ তদ্বিধানানি কৃৎবা চৈনানুবাচ হ || ৩. ৬. ৫৪||
যজধ্বং পশুভির্দেবান্বিধিনানেন মানবাঃ |
ইষ্টানি যে প্রদাস্যন্তি পুষ্টাস্তে যজ্ঞভাবিতাঃ || ৩. ৬. ৫৫||
এবং প্রবর্তিতং চক্রং নানুবর্তয়তীহ যঃ |
দরিদ্রো নারকশ্চৈব ভবেজ্জন্মনি জন্মনি || ৩. ৬. ৫৬||
দেবতার্থে চ পিত্রর্থে তথৈবাভ্যাগতে গুরৌ |
মহদাগমনে চৈব হন্যান্মেধ্যান্পশূন্দ্বিজঃ || ৩. ৬. ৫৭||
আপৎসু ব্রাহ্মণো মাংসং মেধ্যমশ্নন্ন দোষভাক্ |
বিহিতানি তু কার্যাণি প্রতিষিদ্ধানি বর্জয়েৎ || ৩. ৬. ৫৮||
পুরাভূদ্যুবনাশ্বস্য দেবতানাং মহাক্রতুঃ |
মমায়মিতি দেবানাং কলহঃ সমজায়ত || ৩. ৬. ৫৯||
তদা বিভজ্য দেবানাং মানুষাংশ্চ পশূনপি |
বিভজ্যৈকৈকশঃ প্রদাদ্ব্রহ্মা লোকপিতামহঃ || ৩. ৬. ৬০||
ততস্তু পরমা শক্তির্ভূতসংধসহায়িনী |
কুপিতাভূত্ততো ব্রহ্মা তামুবাচ নয়ান্বিতঃ || ৩. ৬. ৬১||
প্রাদুর্ভূতা সমুদ্বীক্ষ্য ভূতানন্দভয়ান্বিতঃ |
প্রাঞ্জলিঃ প্রণতস্তুৎবা প্রসীদেতি পুনঃ পুনঃ || ৩. ৬. ৬২||
প্রাদুর্ভূতা যতোঽসি ৎবং কৃতর্থোঽস্মি পুরো মম |
ৎবয়ৈতদখিলং কর্ম নির্মিতং সুশুভাশুভম্ || ৩. ৬. ৬৩||
শ্রুতয়ঃ স্মৃতয়শ্চৈব ৎবয়ৈব প্রতিপাদিতাঃ |
ৎবয়ৈব কল্পিতা যাগা মন্মুখাত্তু মহাক্রতৌ || ৩. ৬. ৬৪||
যে বিভক্তাস্তু পশবো দেবানাং পরমেশ্বরি |
তে সর্বে তাবকাঃ সংতুভূতানামপি তৃপ্তয়ে || ৩. ৬. ৬৫||
ইত্যুক্ত্বান্তর্দধে তেষাং পুর এব পিতামহঃ |
তদুক্তেনৈব বিধিনা চকার চ মহাক্রতূন্ || ৩. ৬. ৬৬||
ইয়াজ চ পরাং শক্তিং হৎবা মেধ্যান্পশূনপি |
তত্তদ্বিভাগো বেদেষু প্রোক্তৎবাদিহ নোদিতঃ || ৩. ৬. ৬৭||
স্ত্রিয়ঃ শুদ্রাস্তথা মাংসমাদদ্যুর্ব্রাহ্মণং বিনা |
আপৎসু ব্রাহ্মণো বাপি ভক্ষয়েদ্গুর্বনুজ্ঞয়া || ৩. ৬. ৬৮||
শিবোদ্ভবমিদ পিণ্ডমত্যথ শিবতাং গতম্ |
উদ্বুধ্যস্ব পশো ৎবং হি নাশিবঃ সঞ্ছিবো হ্যসি || ৩. ৬. ৬৯||
ঈশঃ সর্বজগৎকর্তা প্রভবঃ প্রলয়স্তথা |
যতো বিশ্বাধিকো রুদ্রস্তেন রুদ্রোঽসি বৈ পশো || ৩. ৬. ৭০||
অনেন তুরগং গা বা গজোষ্ট্রমহিষাদিকম্ |
আত্মার্থং বা পরার্থং বা হৎবা দোষৈর্ন লিপ্যতে || ৩. ৬. ৭১||
গৃহানিষ্টকরান্বাপি নাগাখুবলিবৃশ্চিকান্ |
এতদ্গৃহাশ্রমস্থানাং ক্রিয়াফলমভীপ্সতাম্ |
মনঃসংকল্পসিদ্ধানাং মহতাং শিববর্চসাম্ || ৩. ৬. ৭২||
পশুয়জ্ঞেন চান্যেষামিষ্টা পূর্তিকরং ভবেৎ |
জপহোমার্চনাদ্যৈস্তু তেষামিষ্টং চ সিধ্যতি || ৩. ৬. ৭৩||
ইতি শ্রীব্রহ্মাণ্ডে মহাপুরাণে উত্তরভাগে হয়গ্রীবাগস্ত্যসংবাদে ললিতোপাখ্যানে হিংসাদ্যস্বরূপকথনং নাম ষষ্ঠোঽধ্যায়ঃ

ইন্দ্র উবাচ
ভগবন্সর্বমাখ্যাতং হিংসাদ্যস্য তু লক্ষণম্ |
স্তেয়স্য লক্ষণং কিং বা তন্মে বিস্তরতো বদ || ৩. ৭. ১||
বৃহস্পতিরুবাচ
পাপানামধিকং পাপং হননং জীবজাতিনাম্ |
এতস্মাদধিকং পাপং বিশ্বস্তে শরণং গতে || ৩. ৭. ২||
বিশ্বস্য হৎবা পাপিষ্ঠং শূদ্রং বাপ্যন্ত্যজাতিজম্ |
ব্রহ্মহত্যাধিকং পাপং তস্মান্নাস্ত্যস্য নিষ্কৃতিঃ || ৩. ৭. ৩||
ব্রহ্মজ্ঞস্য দরিদ্রস্য কৃচ্ছ্রার্জিতধনস্য চ |
বহুপুত্রকলত্রস্য তেন জীবিতুমিচ্ছতঃ |
তদ্দ্রব্যস্তেয়দোষস্য প্রায়শ্চিত্তং ন বিদ্যতে || ৩. ৭. ৪||
বিশ্বস্তদ্রব্যহরণং তস্যাপ্যধিকমুচ্যতে |
বিশ্বস্তে বাপ্যবিশ্বস্তে ন দরিদ্রধনং হরেৎ || ৩. ৭. ৫||
ততো দেবদ্বিজাতীনাং হেমরত্নাপহারকম্ |
যো হন্যাদবিচারেণ সোঽশ্বমেধফলং লভেৎ || ৩. ৭. ৬||
গুরুদেবদ্বিজসুহৃৎপুত্রস্বাত্মসুখেষু চ |
স্তেয়াদধঃক্রমেণৈব দশোত্তরগুণং ৎবঘম্ || ৩. ৭. ৭||
অন্ত্যজাৎপাদজাদ্বৈশ্যাৎক্ষত্রিয়াদ্ব্রাহ্মণাদপি |
দশোত্তরগুণৈঃ পাপৈর্লিপ্যতে ধনহারকঃ || ৩. ৭. ৮||
অত্রৈবোদাহরন্তীমমিতিহাসং পুরাতনম্ |
রহস্যাতিরহস্যং চ সর্বপাপপ্রণাশনম্ || ৩. ৭. ৯||
পুরা কাঞ্চীপুরে জাতো বজ্রাখ্যো নাম চোরকঃ |
তস্মিন্পুরবরে রম্যে সর্বৈশ্বর্যসমন্বিতাঃ |
সর্বে নীরোগিণো দান্তাঃ সুখিনো দয়য়াঞ্চিতাঃ || ৩. ৭. ১০||
সর্বৈশ্বর্যসমৃদ্ধেঽস্মিন্নগরে স তু তস্করঃ |
স্তোকাস্তোকক্রমেণৈব বহুদ্রব্যমপাহরৎ || ৩. ৭. ১১||
তদরণ্যেঽবটং কৃৎবা স্থাপয়ামাস লোভতঃ |
তদ্গোপনং নিশার্ধায়াং তস্মিন্দূরং গতে সতি || ৩. ৭. ১২||
কিরাতঃ কশ্চিদাগত্য তং দৃষ্ট্বা তু দশাংশতঃ |
জহারাবিদিতস্তেন কাষ্ঠভারং বহন্যয়ৌ || ৩. ৭. ১৩||
সোঽপি তচ্ছিলয়াচ্ছাদ্য মৃদ্ভিরাপূর্যয়ত্নতঃ |
পুনশ্চ তৎপুরং প্রায়াদ্বজ্রোঽপি ধনতৃষ্ময়া || ৩. ৭. ১৪||
এবং বহুধনং ৎদৃৎবা নিশ্চিক্ষেপ মহীতলে |
কিরাতোঽপি গৃহং প্রাপ্য বভাষে মুদিতঃ প্রিয়াম্ || ৩. ৭. ১৫||
ময়া কাষ্ঠং সমাহর্তুং গচ্ছতা পথি নির্জনে |
লব্ধং ধনমিদং ভীরু সমাধৎস্ব ধনার্থিনি || ৩. ৭. ১৬||
তচ্ছ্রুৎবা তৎসমাদায় নিধায়াভ্যন্তরে ততঃ |
চিন্তয়ন্তী ততো বাক্যমিদং স্বপতিমব্রবীৎ || ৩. ৭. ১৭||
নিত্যং সংচরতে বিপ্রো মামকানাং গৃহেষু যঃ |
মাং বিলোক্যৈবমচিরাদ্বহুভাগ্যবতী ভবেৎ || ৩. ৭. ১৮||
চাতুর্বর্ণ্যাসু নরীষু স্থেয়ং চেদ্রাজবল্লভা |
কিং তু ভিল্লে কিরাতে চ শৈলূষে চান্ত্যজাতিজে |
লক্ষ্মীর্ন তিষ্ঠতি চিরং শাপাদ্বল্মীকজন্মনঃ || ৩. ৭. ১৯||
তথাপি বহুভাগ্যানাং পুণ্যানামপি পাত্রিণে |
দৃষ্টপূর্বং তু তদ্বাক্যং ন কদাচিদ্বৃথা ভবেৎ || ৩. ৭. ২০||
অথ বাত্মপ্রয়াসেন কৃচ্ছ্রাদ্যল্লভ্যতে ধনম্ |
তদেব তিষ্ঠতি চিরাদন্যদ্গচ্ছতি কালতঃ || ৩. ৭. ২১||
স্বয়মাগতবিত্তং তু ধর্মার্থৈর্বিনিয়োজয়েৎ |
কুরুষ্বৈতেন তস্মাত্ত্বং বাপীকূপাদিকাঞ্ছুভান্ || ৩. ৭. ২২||
ইতি তদ্বচনং শ্রুৎবা ভাবিভাগ্যপ্রবোধিতম্ |
বহূদকসমং দেশং তত্র তত্র ব্যলোকয়ৎ || ৩. ৭. ২৩||
নির্মমেঽথ মহেন্দ্রস্য দিগ্ভাগে বিমলোদকম্ |
সুবহুদ্রব্যসং সাধ্যং তটাকং চাক্ষয়োদকম্ || ৩. ৭. ২৪||
দত্তেষু কর্মকারিভ্যো নিখিলেষু ধনেষু চ |
অসংবূর্ণং তু তৎকর্ম দৃষ্ট্বা চিন্তাকুলোঽভবৎ || ৩. ৭. ২৫||
তং চোর বজ্রনামানমজ্ঞাতোঽনুচরাম্যহম্ |
তেনৈব বহুধা ক্ষিপ্তং ধনং ভূরি মহীতলে || ৩. ৭. ২৬||
স্তোকংস্তোকং হরিষ্যামি তত্রতত্র ধনং বহু |
ইতি নিশ্চিত্য মনসা তেনাজ্ঞাতস্তমন্বগাৎ || ৩. ৭. ২৭||
তথৈবাৎদৃত্য তদ্দ্রব্যং তেন সেতুমপূরয়ৎ |
মধ্যে জলাবৃতস্তেন প্রাসাদশ্চাপি শার্ঙ্গিণঃ || ৩. ৭. ২৮||
তত্তটাকমভূদ্দিব্যমশোষিতজলং মহৎ |
সেতুমধ্যে চকারাসৌ শঙ্করায়তনং মহৎ || ৩. ৭. ২৯||
কাননং চ ক্ষয়ং নীতং বহুসত্ত্বসমাকুলম্ |
তেনাগ্র্যাণি মহার্হাণি ক্ষেত্রাণ্যপি চকার সঃ || ৩. ৭. ৩০||
দেবতাভ্যো দ্বিজেভ্যশ্চ পদত্তানি বিভজ্য বৈ |
ব্রাহ্মণাংশ্চ সমামন্ত্র্য দেবব্রাতমুখান্বহূন্ || ৩. ৭. ৩১||
সংতোষ্য হেমবস্ত্রাদ্যৈরিদং বচনমব্রবীৎ |
ক্ব চাহং বীরদত্তাখ্যঃ কিরাতঃ কাষ্ঠবিক্রয়ী || ৩. ৭. ৩২||
ক্ব বা মহাসেতুবন্ধঃ ক্ব দেবালয়কল্পনা |
ক্ব বা ক্ষেত্রাণি কৢপ্তানি ব্রাহ্মণায়তনানি চ || ৩. ৭. ৩৩||
কৃপয়ৈব কৃতং সর্বং ভবতাং ভূসুরোত্তমাঃ |
প্রতিগৃহ্য তথৈবৈতদ্দেবব্রাতমুখা দ্বিজাঃ || ৩. ৭. ৩৪||
দ্বিজবর্মেতি নামাস্মৈ তস্যৈ শীলবতীতি চ |
চক্রুঃ সংতুষ্টমনসো মহাত্মানো মহৌজসঃ || ৩. ৭. ৩৫||
তেষাং সংরক্ষণার্থায় বন্ধুমিঃ সহিতো বশী |
তত্রৈব বসতিং চক্রে মুদিতো ভার্যয়া সহ || ৩. ৭. ৩৬||
পুরোহিতাভিধানেন দেবরাতপুরন্ত্বিতি |
নাম চক্রে পুরস্যাস্য তোষ যন্নখিলান্দ্বিজান্ || ৩. ৭. ৩৭||
ততঃ কালবশং প্রাপ্তো দ্বিজবর্মা মৃতস্তদা |
যমস্য ব্রহ্মণো বিষ্ণোর্দূতা রুদ্রস্য চাগতাঃ || ৩. ৭. ৩৮||
অন্যোঽন্যমভবত্তেষাং যুদ্ধং দেবাসুরোপমম্ |
অত্রান্তরে সমাগত্য নারদো মুনিরব্রবীৎ || ৩. ৭. ৩৯||
মা কুর্বন্তু মিথো যুদ্ধং শৃণ্বন্তু বচনং মম |
অয়ং কিরাতশ্চৈর্যেণ সেতুবন্ধং পুরাকরোৎ || ৩. ৭. ৪০||
বায়ুভূতস্চরেদেকো যাবদ্দ্রব্যবতো মৃতিঃ |
স বহুভ্যো হরেদ্দ্রব্যং তেষাং যাবত্তথা মৃতিঃ || ৩. ৭. ৪১||
গতেষ্বখিলদূতেষু শ্রুৎবা নারদভাষিতম্ |
চচার দ্বাদশাব্দং তু বায়ুভূতোংঽতরিক্ষগঃ || ৩. ৭. ৪২||
ভার্যাং তস্যাহ স মুনিস্তব দোষো ন কিঞ্চন |
ৎবয়া কৃতেন পুণ্যেন ব্রহ্মলোকমিতো ব্রজ || ৩. ৭. ৪৩||
বায়ুভূতং পতিং দৃষ্ট্বা নেচ্ছতি ব্রহ্মমন্দিরম্ |
নির্বেদং পরমাপন্না মুনিমেবমভাষত || ৩. ৭. ৪৪||
বিনা পতিমহং তেন ন গচ্ছেয়ং পিতামহম্ |
হহৈবাস্তে পতির্যাবৎস্বদেহং লভতে তথা || ৩. ৭. ৪৫||
ততস্তু যা গতিস্তস্য তামেবানুচরাম্যহম্ |
পরিহারোঽথবা কিং তু ময়া কার্যস্তু তেন বা || ৩. ৭. ৪৬||
ইতি তস্যা বচঃ শ্রুৎবা প্রীতঃ প্রাহ তপোধনঃ |
ভোগাত্মকং শরীরং তু কর্ম কার্যকরং তব || ৩. ৭. ৪৭||
মম প্রভাবাদ্ভবিতা পরিহারং বদামি তে |
নিরাহারো মহাতীর্থেস্নাৎবা নিত্যং হি সাংবিকম্ || ৩. ৭. ৪৮||
পূজয়িৎবা শিবং ভক্ত্যা কন্দমূলফলাশনঃ |
ধ্যাৎবা হৃদি মহেশানং শতরুদ্রমনুং জপেৎ || ৩. ৭. ৪৯||
ব্রহ্মহা মুচ্যতে পাপৈরষ্টোত্তরসহস্রতঃ |
পাপৈরন্যৈশ্চ সকলৈর্মুচ্যতে নাত্র সংশয়ঃ || ৩. ৭. ৫০||
ইত্যাদিশ্য দদৌ তস্যৈ রুদ্রাধ্যায়ং তপোধনঃ |
অনুগৃহ্যেতি তাং নারীং তত্রৈবান্তর্দ্ধিমাগমৎ || ৩. ৭. ৫১||
ভর্তুঃ প্রিয়ার্থে সংকল্প্য জজাপ পরমং জপম্ |
বিমুক্তস্তেয়দোষেণ স্বশরীরমবাপ সঃ || ৩. ৭. ৫২||
ততো বজ্রাভিধশ্চৌরঃ কালধর্মমুপাগতঃ |
অন্যে তদ্দ্রব্যবন্তোঽপি কালধর্মমুপাগতাঃ || ৩. ৭. ৫৩||
যমস্তু তান্সমাহূয় বাক্যং চৈতদুবাচ হ || ৩. ৭. ৫৪||
ভবদ্ভিস্তু কৃতং পাপং দৈবাৎসুকৃতমপ্যুত |
কিমিচ্ছথ ফলং ভোক্তুং দুষ্কৃতস্য শুভস্য বা || ৩. ৭. ৫৫||
ইতি তস্য বচঃ শ্রুৎবা প্রোচুর্বজ্রাদিকাস্ততঃ |
সুকৃতস্য ফলং ৎবাদৌ পশ্চাৎপাপস্য ভুজ্যতে || ৩. ৭. ৫৬||
পুনরাহ যমো যূয়ং পুত্রমিত্র কলত্রকৈঃ |
এতস্যৈব বলাৎসর্বে ত্রিদিবং গচ্ছত দ্রুতম্ || ৩. ৭. ৫৭||
তেঽধিরুহ্য বিমানাগ্র্যং দ্বিজবর্মাণমাশ্রিতাঃ |
যথোচিতফলোপেতাস্ত্রিদিবং জগ্মুরঞ্জসা || ৩. ৭. ৫৮||
দ্বিজবর্মাখিলাংল্লোকানতীত্য প্রমদাসখঃ |
গাণপত্যমনুপ্রাপ্য কৈলাসেঽদ্যাপি মোদতে || ৩. ৭. ৫৯||
ইন্দ্র উবাচ
তারতম্যবিভাগং চ কথয় ৎবং মহামতে |
সেতুবন্ধাদিকানাং চ পুণ্যানাং পুণ্যবর্ধনম্ || ৩. ৭. ৬০||
বৃহস্পতিরুবাচ
পুণ্যস্যার্দ্ধফলং প্রাপ্য দ্বিজবর্মা মহায়শাঃ |
বজ্রঃ প্রাপ্য তদর্ধং তু তদর্ধেন যুতাঃ পরে || ৩. ৭. ৬১||
মনোবাক্কায়চেষ্টাভিশ্চতুর্ধাক্রিয়তে কৃতিঃ |
বিনশ্যেত্তেন তেনৈব কৃতৈস্তৎপরিহারকৈঃ || ৩. ৭. ৬২||
ইন্দ্র উবাচ
আসবস্য তু কিং রূপং কো দোষঃ কশ্চবা গুণঃ |
অন্নং দোষকরং কিং তু তন্মে বিস্তরতো বদ || ৩. ৭. ৬৩||
বৃহস্পতিরুবাচ
পৈষ্টিকং তালজং কৈরং মাধূকং গুডসংভবম্ |
ক্রমান্ন্যূনতরং পাপং তদর্দ্ধার্দ্ধার্দ্ধতস্তথা || ৩. ৭. ৬৪||
ক্ষত্রিয়াদিত্রিবর্ণানামাসবং পেয়মুচ্যতে |
স্ত্রীণামপি তৃতীয়াদি পেয়ং স্যাদ্ব্রাহ্মণীং বিনা || ৩. ৭. ৬৫||
পতিহীনা চ কন্যা চ ত্যজেদৃতুমতী তথা |
অভর্তৃসন্নিধৌ নারী মদ্যং পিবতি লোলুপা || ৩. ৭. ৬৬||
উন্মাদিনীতি সাখ্যাতা তাং ত্যজেদন্ত্যজামিব || ৩. ৭. ৬৭||
দশাষ্টষট্চতস্রস্তু দ্বিজাতীনাময়ং ভবেৎ |
স্ত্রীণাং মদ্যং তদর্দ্ধং স্যাৎপাদং স্যাদ্ভর্তৃসঙ্গমে || ৩. ৭. ৬৮||
মদ্যং পীৎবা দ্বিজো মোহাৎকৃচ্ছ্রচান্দ্রায়মং চরেৎ |
জপেচ্চায়ুতগায়ত্রীং জাতবেদসমেব বা || ৩. ৭. ৬৯||
অম্বিকা হৃদয়ং বাপি জপেচ্ছুদ্ধো ভবেন্নরঃ |
ক্ষত্রিয়োঽপি ত্রিবর্ণানাং দ্বিজাদর্ধোর্ঽধতঃ ক্রমাৎ || ৩. ৭. ৭০||
স্ত্রীণামর্ধার্ধকৢপ্তিঃ স্যাৎকারয়েদ্বা দ্বিজৈরপি |
অন্তর্জলে সহস্রং বা জপেচ্ছুদ্ধিমবাপ্নুয়াৎ || ৩. ৭. ৭১||
লক্ষ্মীঃ সরস্বতী গৌরী চণ্ডিকা ত্রিপুরাংবিকা |
ভৈরবো ভৈরবী কালী মহাশাস্ত্রী চ মাতরঃ || ৩. ৭. ৭২||
অন্যাশ্চ শক্তয়স্তাসাং পূজনে মধু শস্যতে |
ব্রাহ্মণস্তু বিনা তেন যজেদ্বেদাঙ্গপারগঃ || ৩. ৭. ৭৩||
তন্নিবেদিতমশ্নন্তস্তদনন্যাস্তদাত্মকাঃ |
তাসাং প্রবাহা গচ্ছন্তি নির্লেপাস্তে পরাং গতিম্ || ৩. ৭. ৭৪||
কৃতস্যাখিলপাপস্য জ্ঞানতোঽজ্ঞানতোঽপি বা |
প্রায়শ্চিত্তমিদং প্রোক্তং পরাশক্তেঃ পদস্মৃতিঃ || ৩. ৭. ৭৫||
অনভ্যর্চ্য পরাং শক্তিং পিবেন্মদ্যং তু যোঽধমঃ |
রৌরবে নরকেঽব্দং তু নিবসেদ্ব্রিন্দুসংখ্যয়া || ৩. ৭. ৭৬||
ভোগেচ্ছয়া তু যো মদ্যং পিবেৎস মানুষাধমঃ |
প্রায়শ্চিতং ন চৈবাস্য শিলাগ্নিপতনাদৃতে || ৩. ৭. ৭৭||
দ্বিজো মোহান্ন তু পিবেৎস্নেহাদ্বা কামতোঽপি বা |
অনুগ্রহাচ্চ মহতামনুতাপাচ্চ কর্মণঃ || ৩. ৭. ৭৮||
অর্চনাচ্চ পরাশক্তের্যমৈশ্চ নিয়মৈরপি |
চান্দ্রায়ণেন কৃচ্ছ্রেণ দিনসংখ্যাকৃতেন চ |
শুদ্ধ্যেচ্চ ব্রাহ্মণো দোষাদ্দ্বিগুণাদ্বুদ্ধিপূর্বতঃ || ৩. ৭. ৭৯||
ইতি ব্রহ্মাণ্ডমহাপুরাণে উত্তরভাগে হয়গ্রীবাগস্ত্যসংবাদে ললিতোপাখ্যানে স্তেয়পানকথনং নাম সপ্তমোঽধ্যায়ঃ

ইন্দ্র উবাচ
অগম্যাগমনং কিং বা কো দোষঃ কা চ নিষ্কৃতিঃ |
এতন্মে মুনিশার্দূল বিস্তরাদ্বক্তুমর্হসি || ৩. ৮. ১||
বৃহস্পতিরুবাচ
অগম্যাগমনং নাম মাতৃস্বসৃগুরুস্ত্রিয়ঃ |
মাতুলস্য প্রিয়া চেতি গৎবেমা নাস্তি নিষ্কৃতিঃ || ৩. ৮. ২||
মাতৃসঙ্গে তু যদঘং তদেব স্বসৃসঙ্গমে |
গুরুস্ত্রীসংগমে তদ্বদ্গুরবো বহবঃ স্মৃতাঃ || ৩. ৮. ৩||
ব্রহ্মোপদেশমারভ্য যাবদ্বেদান্তদর্শনম্ |
একেন বক্ষ্যতে যেন স মহাগুরুরুচ্যতে || ৩. ৮. ৪||
ব্রহ্মোপদেশমেকত্র বেদশাস্ত্রাণ্যথৈকতঃ |
আচার্যঃ স তু বিজ্ঞেয়স্তদেকৈকাস্তু দেশিকাঃ || ৩. ৮. ৫||
গুরোরাত্মান্তমেব স্যাদায়ার্যস্য প্রিয়াগমে |
দ্বাদশাব্দং চরেৎকৃচ্ছ৩মেকৈকং তু ষডব্দতঃ || ৩. ৮. ৬||
মাতুলস্য প্রিয়াং গৎবা ষডব্দং কৃচ্ছ্রমাচরেৎ |
ব্রাহ্মণস্তু সজাতীয়াং প্রমদাং যদি গচ্ছতি || ৩. ৮. ৭||
উপোষিতস্ত্রিরাত্রং তু প্রাণায়ামশতং চরেৎ |
কুলটাং তু সজাতীয়াং ত্রিরাত্রেণ বিশুধ্যতি || ৩. ৮. ৮||
পঞ্চাহাৎক্ষত্রিয়াঙ্গৎবা সপ্তাহা দ্বৈশ্যজামপি |
চক্রীকিরাতকৈবর্তকর্মকারাদিয়োষিতঃ || ৩. ৮. ৯||
শুদ্ধিঃ স্যাদ্দ্বাদশাহেন ধরাশক্ত্যর্চনেন চ |
অনন্ত্যজাং ব্রাহ্মণো গৎবা প্রমাদাদব্দতঃ শুচিঃ || ৩. ৮. ১০||
দেবদাসী ব্রহ্মদাসী স্বতন্ত্রাশূদ্রদাসিকা |
দাসী চতুর্বিধা প্রোক্তা দ্বে চাদ্যে ক্ষত্রিয়াসমে || ৩. ৮. ১১||
অন্যাবেশ্যাঙ্গনাতুল্যা তদন্যা হীনজাতিবৎ |
আত্মদাসীং দ্বিজো মোহাদুক্তার্থে দোষমাপ্নুয়াৎ || ৩. ৮. ১২||
স্বস্ত্রীমৃতুমতীং গৎবা প্রাজাপত্যং চরেদ্ব্রতম্ |
দ্বিগুণেন পরাং নারীং চতুর্ভিঃ ক্ষত্রিয়াঙ্গনাম্ || ৩. ৮. ১৩||
অষ্টভির্বৈশ্যনারীং চ শূদ্রাং ষৌডশভিস্তথা |
দ্বাত্রিংশতা সংকরজাং বেশ্যাং শূদ্রামিবাচরেৎ || ৩. ৮. ১৪||
রজস্বলাং তু যো ভার্যাং মোহতো গন্তুমিচ্ছতি |
স্নাৎবান্যবস্ত্রসংযুক্তমুক্তার্থেনৈব শুধ্যতি || ৩. ৮. ১৫||
উপোষ্য তচ্ছেষদিনং স্নাৎবা কর্ম সমাচরেৎ |
তথৈবান্যাঙ্গনাং গৎবা তদুক্তার্থং সমাচরেৎ || ৩. ৮. ১৬||
পিত্রোরনুজ্ঞয়া কন্যাং যো গচ্ছেদ্বিধিনা বিনা |
ত্রিরাত্রোপোষণাচ্ছুদ্ধিস্তামেবোদ্বাহয়েত্তদা || ৩. ৮. ১৭||
কন্যাং দত্ত্বা তু যোঽন্যস্মৈ দত্তা যশ্চানুয়চ্ছতি |
পিত্রোরনুজ্ঞয়া পাদদিনার্ধেন বিশুধ্যতি || ৩. ৮. ১৮||
জ্ঞাতঃ পিতৃভ্যাং যো মাসং কন্যাভাবে তু গচ্ছতি |
বৃষলঃ স তু বিজ্ঞেয়ঃ সর্বকর্মবহিষ্কৃতঃ || ৩. ৮. ১৯||
জ্ঞাতঃ পিতৃভ্যাং যো গৎবা পরোঢাং তদ্বিনাশনে |
বিধবা জায়তে নেয়ং পূর্বগন্তারমাপ্নুয়াৎ || ৩. ৮. ২০||
অনুগ্রহাদ্দ্বিজাতীনামুদ্বাহবিধিনা তথা |
ত্যাগকর্মাণি কুর্বীত শ্রৌতস্মার্তাদিকানি চ || ৩. ৮. ২১||
আদাবুদ্বাহিতা বাপি তদ্বিনাশেঽন্যদঃ পিতা |
ভোগেচ্ছোঃ সাধনং সা তু ন যেগ্যাখিলকর্মসু || ৩. ৮. ২২||
ব্রহ্মাদিপিপীলকান্তং জগৎস্থাবরজঙ্গমম্ |
পঞ্চভূতাত্মকং প্রোক্তং চতুর্বাসনয়ান্বিতম্ || ৩. ৮. ২৩||
জন্মাদ্যাহারমথননিদ্রাভীত্যশ্চ সর্বদা |
আহারেণ বিনা জন্তুর্নাহারো মদনাৎস্মৃতঃ || ৩. ৮. ২৪||
দুস্তরো মদনস্তস্মাৎসর্বেষাং প্রাণিনামপি |
পুন্নারীরূপবৎকৃৎবা মদননেনৈব বিশ্বসৃক্ || ৩. ৮. ২৫||
প্রবৃত্তিমকরোদাদৌ সৃষ্টিস্থিতিলয়াত্মিকাম্ |
তৎপ্রবৃত্ত্যা প্রবর্তন্তে তন্নিবৃত্ত্যাক্ষয়াং গতিম্ || ৩. ৮. ২৬||
প্রবৃত্ত্যৈব যথা মুক্তিং প্রাপ্নুয়ুর্যে ন ধীয়ুতাঃ |
তদ্রহস্যং তদোপায়ং শৃণু বক্ষ্যামি সাংপ্রতম্ || ৩. ৮. ২৭||
সর্বাত্মকো বাসুদেবঃ পুরুষস্তু পুরাতনঃ |
ইয়ং হি মূলপ্রকৃতির্লক্ষ্মীঃ সর্বজগৎপ্রসূঃ || ৩. ৮. ২৮||
পঞ্চাপঞ্চাত্মতৃপ্ত্যর্থং মথনং ক্রিয়তেতরাম্ |
এবং মন্ত্রানুভাবাৎস্যান্মথনং ক্রিয়তে যদি || ৩. ৮. ২৯||
তাবুভৌ মন্ত্রকর্মাণৌ ন দোষো বিদ্যতে তয়োঃ || ৩. ৮. ৩০||
তপোবলবতামেতৎকেবলানামধোগতিঃ |
স্বস্ত্রীবিষয় এবেদং তয়োরপি বিধের্বলাৎ || ৩. ৮. ৩১||
পরস্পরাত্ম্যৈক্যহৃদোর্দেব্যা ভক্ত্যার্দ্রচেতসোঃ |
তয়োরপি মনাক্চেন্ন নিষিদ্ধদিবসেষ্বঘম্ || ৩. ৮. ৩২||
ইয়মংবা জগদ্ধাত্রী পুরুষোঽযং সদাশিবঃ |
পঞ্চবিংশতিতত্ত্বানাং প্রীতয়ে মথ্যতেঽধুনা || ৩. ৮. ৩৩||
এতন্মন্ত্রানুভাবাচ্চ মথনং ক্রিয়তে যদি |
তাবুভৌ পুণ্যকর্মাণৌ ন দোষো বিদ্যতে তয়োঃ || ৩. ৮. ৩৪||
ইদং চ শৃণু দেবেন্দ্র রহস্যং পরমং মহৎ |
সর্বেষামেব পাপানাং যৌগপদ্যেন নাশনম্ || ৩. ৮. ৩৫||
ভক্তিশ্রদ্ধাসমায়ুক্তঃ স্নাৎবান্তর্জলসংস্থিতঃ |
অষ্টোত্তরসহস্রং তু জপেৎপঞ্চদশাক্ষরীম্ || ৩. ৮. ৩৬||
আরাধ্য চ পরাং শক্তিং মুচ্যতে সর্বকিল্বিষৈঃ |
তেন নশ্যন্তি পাপানি কল্পকোটিকৃতান্যপি |
সর্বাপদ্ভ্যো বিমুচ্যেত সর্বাভীষ্টং চ বিন্দতি || ৩. ৮. ৩৭||
ইন্দ্র উবাচ
ভগবন্সর্বধর্মজ্ঞ সর্বভূতহিতে রত |
সংযোগজস্য পাপস্য বিশেষং বক্তুমর্হসি || ৩. ৮. ৩৮||
বৃহস্পতিরুবাচ
সংযোগজং তু যৎপাপং তচ্চতুর্ধা নিগদ্যতে |
কর্তা প্রধানঃ সহকৃন্নিমিত্তোঽনুমতঃ ক্রমাৎ || ৩. ৮. ৩৯||
ক্রমাদ্দশাংশতোঽঘং স্যাচ্ছুদ্ধিঃ পূর্বোক্তমার্গতঃ || ৩. ৮. ৪০||
মদ্যং কলঞ্জং নির্যাসং ছত্রাকং গৃঞ্জনং তথা |
লশুনং চ কলিঙ্গং চ মহাকোশাতকীং তথা || ৩. ৮. ৪১||
বিংবীং চ কবকং চৈব হস্তিনীং শিশুলংবিকাম্ |
ঔদুংবরং চ বার্তাকং কতকং বিল্বমল্লিকা || ৩. ৮. ৪২||
ক্রমাদ্দশগুণং ন্যূনমঘমেষাং বিনির্দিশেৎ |
পুরগ্রামাঙ্গবৈশ্যাঙ্গবেশ্যোপায়নবিক্রয়ী || ৩. ৮. ৪৩||
সেবকঃ পুরসংস্থশ্চ কুগ্রামস্থোঽভিশস্তকঃ |
বৈদ্যো বৈখানসঃ শৈবো নারীজীবোঽন্নবিক্রয়ী || ৩. ৮. ৪৪||
শস্ত্রজীবী পরিব্রাট্ চ বৈদিকাচারনিন্দকঃ |
ক্রমাদ্দশগুণান্ন্যূনমেষামন্নাদনে ভবেৎ || ৩. ৮. ৪৫||
স্বতন্ত্রং তৈলকৢপ্তং তু হ্যুক্তার্থং পাপমাদিশেৎ |
তৈরেব দৃষ্টং তদ্ভুক্তমুক্তপাপং বিনির্দিশেৎ || ৩. ৮. ৪৬||
ব্রহ্মক্ষত্রবিশাং চৈব সশূদ্রাণাং যথৌদনম্ |
তৈলপক্বমদৃষ্টং চ ভুঞ্জন্পাদমঘং ভবেৎ || ৩. ৮. ৪৭||
দ্বিজাত্মদাসীকৢপ্তং চ তয়া দৃষ্টে তদর্ধকে |
বেশ্যায়াস্তু ত্রিপাদং স্যাত্তথা দৃষ্টে তদোদনে || ৩. ৮. ৪৮||
শূদ্রাবৎস্যাত্তু গোপান্নং বিনা গব্যচতুষ্টয়ম্ |
তৈলাজ্যগুডসংযুক্তং পক্বং বৈশ্যান্ন দুষ্যতি || ৩. ৮. ৪৯||
বৈশ্যাবদ্ব্রাহ্মণী ভ্রষ্টা তয়া দৃষ্টেন কিঞ্চন || ৩. ৮. ৫০||
ব্রুবস্যান্নং দ্বিজো ভুক্ত্বা প্রাণায়ামশতং চরেৎ |
অথবান্তর্জলে জপ্ত্বাদ্রুপদাং বা ত্রিবারকম্ || ৩. ৮. ৫১||
ইদং বিষ্ণুস্ত্র্যংবকং বা ত্থৈবান্তর্জলে জপেৎ |
উপোষ্য রজনীমেকাং ততঃ পাপাদ্বিশুধ্যতি || ৩. ৮. ৫২||
অথবা প্রোক্ষয়েদন্নমব্লিঙ্গৈঃ পাবমানিকৈঃ |
অন্নসূক্তং জপিৎবা তু ভৃগুর্বৈ বারুণীতি চ || ৩. ৮. ৫৩||
ব্রহ্মার্পণমিতি শ্লোকং জপ্ত্বা নিয়মমাশ্রিতঃ |
উপোষ্য রজনীমেকাং ততঃ শুদ্ধো ভবিষ্যতি || ৩. ৮. ৫৪||
স্ত্রী ভুক্ত্বা তু ব্রুবাদ্যন্নমেকাদ্যান্ভোজয়ে দ্দ্বিজান্ |
আপদি ব্রাহ্মণো হ্যেষামন্নং ভুক্ত্বা ন দোষভাক্ || ৩. ৮. ৫৫||
ইদং বিষ্ণুরিতি মন্ত্রেণ সপ্তবারাভিমন্ত্রিতম্ |
সোঽহংভাবেন তদ্ধ্যাৎবা ভুক্ত্বা দোষৈর্ন লিপ্যতে || ৩. ৮. ৫৬||
অথবা শঙ্করং ধ্যায়ঞ্জপ্ত্বা ত্রৈয়্যংবকং মনুম্ |
সোঽহংভাবেন তজ্জ্ঞানান্ন দোষৈঃ প্রবিলিপ্যতে || ৩. ৮. ৫৭||
ইদং রহস্যং দেবেন্দ্র শৃণুষ্ব বচনং মম |
ধ্যাৎবা দেবীং পরাং শক্তিং জপ্ত্বা পঞ্চদশাক্ষরীম্ || ৩. ৮. ৫৮||
তন্নিবেদিতবুদ্ধ্যাদৌ যোঽশ্নাতি প্রত্যহং দ্বিজঃ |
নাস্যান্নদোষজং কিঞ্চিন্ন দারিদ্রয়ভয়ং তথা || ৩. ৮. ৫৯||
ন ব্যাধিজং ভয়ং তস্য ন চ শত্রুভয়ং তথা |
জপতো মুক্তিরেবাস্য সদা সর্বত্র মঙ্গলম্ || ৩. ৮. ৬০||
এষ তে কথিতঃ শক্র পাপানামপি বিস্তরঃ |
প্রায়শ্চিত্তং তথা তেষাং কিমন্যচ্ছ্রোতুমিচ্ছসি || ৩. ৮. ৬১||
ইতি শ্রীব্রহ্মাণ্ডমহাপুরাণে উত্তরভাগে হয়গ্রীবাগস্ত্যসংবাদে ললিতোপাখ্যানেঽষ্টমোঽধ্যায়ঃ

ইন্দ্র উবাচ
ভগবন্সর্ব ধর্মজ্ঞ ত্রিকালজ্ঞানবিত্তম |
দুষ্কৃতং তৎপ্রতীকারো ভবতা সম্যগীরিতঃ || ৩. ৯. ১||
কেন কর্মবিপাকেন মমাপদি যমাগতা |
প্রায়শ্চিত্তং চ কিং তস্য গদস্ব বদতাং বর || ৩. ৯. ২||
বৃহস্পতিরুবাচ
কাশ্যপস্য ততো জজ্ঞে দিত্যাং দনুরিতি স্মৃতঃ |
কন্যা রূপবতী নাম ধাত্রে তাং প্রদদৌ পিতা || ৩. ৯. ৩||
তস্যাঃ পুত্রস্ততো জাতো বিশ্বরূপো মহাদ্যুতিঃ |
নারায়ণপরো নিত্যং বেদবেদাঙ্গপারগঃ || ৩. ৯. ৪||
ততো দৈত্যেশ্বরো বব্রে ভৃগুপুত্রং পুরোহিতম্ |
ভবানধিকৃতো রাজ্যে দেবানামিব বাসবঃ || ৩. ৯. ৫||
ততঃ পূর্বে চ কালে তু সুধর্মায়াং ৎবয়ি স্থিতে |
ৎবয়া কশ্চিৎকৃতঃ প্রশ্ন ঋষীণাং সন্নিধৌ তদা || ৩. ৯. ৬||
সংসারস্তীর্থয়াত্রা বা কোঽধিকোঽস্তি তয়োর্গুমঃ |
বদন্তু তদ্বিনিশ্চিত্য ভবন্তো মদনুগ্রহাৎ || ৩. ৯. ৭||
তৎপ্রশ্নস্যোত্তরং বক্তুং তে সর্ব উপচক্রিরে |
তৎপূর্বমেব কথিতং ময়া বিধিবলেন বৈ || ৩. ৯. ৮||
তীর্থ যাত্রা সমধিকা সংসারাদিতি চ দ্রুতম্ |
তচ্ছ্রুৎবা তে প্রকুপিতাঃ শেপুর্মামৃষয়োঽখিলাঃ || ৩. ৯. ৯||
কর্মভূমিং ব্রজেঃ শীঘ্রং দারির্দ্যেণ মিতৈঃ সুতৈঃ |
এবং প্রকুপিতৈঃ শপ্তঃ খিন্নঃ কাঞ্চীং সমাবিশম্ || ৩. ৯. ১০||
পুরীং পুরোধসা হীনাং বীক্ষ্য চিন্তাকুলাত্মনা |
ভবতা সহ দেবৈস্তু পৌরোহিত্যার্থমাদরাৎ || ৩. ৯. ১১||
প্রার্থিতো বিশ্বরূপস্তু বভূব তপতাং বরঃ |
স্বস্রীয়ো দানবানাং তু দেবানাং চ পুরোহিতঃ || ৩. ৯. ১২||
নাত্যর্থম করোদ্বৈরং দৈত্যেষ্বপি মহাতপাঃ |
বভূবতুস্তুল্যবলৌ তদা দেত্যেন্দ্রবাসবৌ || ৩. ৯. ১৩||
ততস্ত্বং কুপিতো রাজন্স্বক্লীয়ং দানবেশিতুঃ |
হন্তুমিচ্ছন্নগাশ্চাশু তপসঃ সাধনং বনম্ || ৩. ৯. ১৪||
তমাসনস্থং মুনিভিস্ত্রিশৃঙ্গমিব পর্বতম্ |
ত্রয়ী মুখরদিগ্ভাগং ব্রহ্মানদৈকনিষ্ঠিতম্ || ৩. ৯. ১৫||
সর্বভূতহিতং তং তু মৎবা চেশানুকূলিতঃ |
শিরাংসি যৌগপদ্যেন ছিন্নাত্যাসংস্ত্বয়ৈব তু || ৩. ৯. ১৬||
তেন পাপেন সংযুক্তঃ পীডিতশ্চ মুহুর্মুহুঃ |
ততো মেরুগুহাং নীৎবা বহূনব্দান্হি সংস্থিতঃ || ৩. ৯. ১৭||
ততস্তস্য বচঃ শ্রুৎবা জ্ঞাৎবা তু মুনিবাক্যতঃ |
পুত্র শোকেন সংতপ্তস্ত্বাং শশাপ রুষান্বিতঃ || ৩. ৯. ১৮||
নিঃশ্রীকো ভবতু ক্ষিপ্রং মম শাপেন বাসবঃ |
অনাথকাস্ততো দেবা বিষণ্ণা দৈত্যপীডিতাঃ || ৩. ৯. ১৯||
ৎবয়া ময়া চ রহিতাঃ সর্বে দেবাঃ পলায়িতাঃ |
গৎবা তু ব্রহ্মসদনং নৎবা তদ্বৃত্তমূচিরে || ৩. ৯. ২০||
ততস্তু চিন্তয়া মাস তদঘস্য প্রতিক্রিয়াম্ |
তস্য প্রতিক্রিয়াং বেত্তুং ন শশাকাত্মভূস্তদা || ৩. ৯. ২১||
ততো দেবৈঃ পরিবৃতো নারায়ণমুপাগমৎ || ৩. ৯. ২২||
নৎবা স্তুৎবা চতুর্বক্রস্তদ্বৃত্তান্তং ব্যজিজ্ঞপৎ |
বিচিন্ত্য সোঽপি বহুধা কৃপয়া লোকনায়কঃ || ৩. ৯. ২৩||
তদঘং তু ত্রিধা ভিত্ত্বা ত্রিষু স্থানেষ্বথার্পয়ৎ |
স্ত্রীষু ভূম্যাং চ বৃক্ষেষু তেষামপি বরং দদৌ || ৩. ৯. ২৪||
তদা ভর্ত্তৃসমায়োগং পুত্রাবাপ্তিমৃতুষ্বপি |
ছেদে পুনর্ভবৎবং তু সর্বেষামপি শাখিনাম্ || ৩. ৯. ২৫||
খাতপূর্তিং ধরণ্যশ্চ প্রদদৌ মধুসূদনঃ |
তেষ্বঘং প্রবভূবাশু রজোনির্যাসমূষরম্ || ৩. ৯. ২৬||
নির্গতো গহ্বরাত্তস্মাত্ত্বমিন্দ্রো দেবনায়কঃ |
রাজ্যশ্রিয়ং চ সংপ্রাপ্তঃ প্রসাদাৎপরমেষ্ঠিনঃ || ৩. ৯. ২৭||
তেনৈব সাংৎবিতো ধাতা জগাদ চ জনার্দনম্ |
মম শাপো বৃথা ন স্যাদস্তু কালান্তরে মুনে || ৩. ৯. ২৮||
ভগবাংস্তদ্বচঃ শ্রুৎবা মুনেরমিততেজসঃ |
প্রহৃষ্টো ভাবিকার্যজ্ঞস্তূষ্ণীমেব তদা যয়ৌ || ৩. ৯. ২৯||
এতাবন্তমিমং কালং ত্রিলোকীং পালয়ন্ভবান্ |
এশ্বর্যমদমত্তৎবাৎকৈলাসাদ্রিমপীডয়ত || ৩. ৯. ৩০||
সর্বজ্ঞেন শিবেনাথ প্রেষিতো ভগবান্মুনিঃ |
দুর্বাসাস্ত্বন্মদভ্রংশং কর্ত্তুকামঃ শশাপ হ || ৩. ৯. ৩১||
একমেব ফলং জাতমুভয়োঃ শাপয়োরপি |
অধুনা পশ্যনিঃ শ্রীকন্ত্রৈলোক্যং সমজায়ত || ৩. ৯. ৩২||
ন যজ্ঞাঃ সংপ্রবর্ত্তন্তে ন দানানি চ বাসব |
ন যমা নাপি নিয়মা ন তপাসি চ কুত্রচিৎ || ৩. ৯. ৩৩||
বিপ্রাঃ সর্বেঽপি নিঃশ্রীকা লোভোপহতচেতসঃ |
নিঃস্ত্ত্বা ধৈর্যহীনাশ্চ নাস্তিকাঃ প্রায়শোঽভবন্ || ৩. ৯. ৩৪||
নিরৌষধিরসা ভূমির্নিবীর্য জায়তেতরাম্ |
ভাস্করো ধূসরাকারশ্চন্দ্রমাঃ কান্তিবর্জিতঃ || ৩. ৯. ৩৫||
নিস্তেজস্কো হবির্ভোক্তা মনুদ্ধূলিকৃতাকৃতিঃ |
ন প্রসন্না দিশাং ভাগা নভো নৈব চ নির্মলম্ || ৩. ৯. ৩৬||
দুর্বলা দেবতাঃ সর্বা বিভান্ত্যন্যাদৃশা ইব |
বিনষ্টপ্রয়মেবাস্তি ত্রৈলোক্যং সচরাচরম্ || ৩. ৯. ৩৭||
হয়গ্রীব উবাচ
ইত্থং কথয়তোরেব বৃহস্পতিপহেন্দ্রয়োঃ |
মলকাদ্যা মহাদৈত্যাঃ স্বর্গলোকং ববাধিরে || ৩. ৯. ৩৮||
নন্দনোদ্যান মখিলং চিচ্ছিদুর্বলগর্বিতাঃ |
উদ্যানপালকান্সর্বানায়ুধৈঃ সমতাডয়ন্ || ৩. ৯. ৩৯||
প্রাকারমবভিদ্যৈব প্রবিশ্য নগরান্তরম্ |
মন্দিরস্থান্সুরান্সর্বানত্যন্তং পর্যপীডয়ন্ || ৩. ৯. ৪০||
আজহুরপ্সরোরত্নান্যশেষাণি বিশেষতঃ |
ততো দেবাঃ সমস্তাশ্চ চক্রুর্ভৃশমবাধিতাঃ || ৩. ৯. ৪১||
তাদৃশং ঘোষমাকর্ম্য বাসবঃ প্রোজ্ঝিতাসনঃ |
সর্বৈরনুগতো দেবৈঃ পলায়নপরোঽভবৎ || ৩. ৯. ৪২||
ব্রাহ্মং ধাম সমভ্যেত্য বিষণ্মবদনো বৃষা |
যথাবৎকথয়ামাস নিখিলং দৈত্যচেষ্টিতম্ || ৩. ৯. ৪৩||
বিধাতাপি তদাকর্ণ্য সর্বদেবসমন্বিতম্ |
হতশ্রীকং হরিহয়মালোক্যেদমুবাচ হ || ৩. ৯. ৪৪||
ইন্দ্রৎবমখিলৈর্দ্দেবৈর্মুকুন্দং শরণং ব্রজ |
দৈত্যারাতির্জগৎকর্তা স তে শ্রেয়ো বিধাস্যতি || ৩. ৯. ৪৫||
ইত্যুক্ত্বা তেন সহিতঃ স্বয়ং ব্রহ্মা পিতামহঃ |
সমস্তদেবসহিতঃ ক্ষীরোদধিমুপায়য়ৌ || ৩. ৯. ৪৬||
অথ ব্রহ্মাদয়ো দেবা ভগবন্তং জনার্দনম্ |
তুষ্টুবুর্বাগ্বরিষ্ঠাভিঃ সর্বলোকমহেশ্বরম্ || ৩. ৯. ৪৭||
অথ প্রসন্নো ভগবান্বাসুদেবঃ সনাতনঃ |
জগাদ স কলান্দেবাঞ্জগদ্রক্ষণলংপটঃ || ৩. ৯. ৪৮||
শ্রীভগবানুবাচ
ভবতাং সুবিধাস্যামি তেজসৈবোপবৃংহমম্ |
যদুচ্যতে ময়েদানীং যুষ্মাভিস্ত দ্বিধীয়তাম্ || ৩. ৯. ৪৯||
ওষধিপ্রবরাঃ সর্বাঃ ক্ষিপত ক্ষীরসাগরে |
অসুরৈরপি সংধায় সমমেব চ তৈরিহ || ৩. ৯. ৫০||
মন্থানং মন্দরং কৃৎবা কৃৎবা যোক্ত্রং চ বাসুকিম্ |
ময়ি স্থিতে সহায়ে তু মথ্যতামমৃতং সুরাঃ || ৩. ৯. ৫১||
সমস্তদানবাশ্চাপি বক্তব্যাঃ সাংৎবপূর্বকম্ |
সামান্যমেব যুষ্মাকমস্মাকং চ ফলং ৎবিতি || ৩. ৯. ৫২||
মথ্যমানে তু দুগ্ধাব্ধৌ যা সমুৎপদ্যতে সুধা |
তৎপানাদ্বলিনো যূয়মমর্ত্যাশ্চ ভবিষ্যথ || ৩. ৯. ৫৩||
যথা দৈত্যাশ্চ পীয়ূষং নৈতৎপ্রাপ্স্যন্তি কিঞ্চন |
কেবলং ক্লেশবন্তশ্চ করিষ্যামি তথা হ্যহম্ || ৩. ৯. ৫৪||
ইতি শ্রীবাসুদেবেন কথিতা নিখিলাঃ সুরাঃ |
সংধানং ৎবতুলৈর্দৈত্যৈঃ কৃতবন্তস্তদা সুরাঃ |
নানাবিধৌষধিগণং সমানীয় সুরাসুরাঃ || ৩. ৯. ৫৫||
শ্রীরাব্ধিপয়সি ক্ষিপ্ত্বা চন্দ্রমোঽধিকনির্মলম্ |
মন্থানং মন্দরং কৃৎবা কৃৎবা যোক্ত্রং তু বাসুকিম্ |
প্রারেভিরে প্রয়ত্নেন মন্থিতুং যাদসাং পতিম্ || ৩. ৯. ৫৬||
বাসুকেঃ পুচ্ছভাগে তু সহিতাঃ সর্বদেবতাঃ |
শিরোভাগে তু দৈতেয়া নিয়ুক্তাস্তত্র শৌরিণা || ৩. ৯. ৫৭||
বলবন্তোঽপি তে দৈত্যাস্তন্মুখোচ্ছ্বাসপাবকৈঃ |
নির্দগ্ধবপুষঃ সর্বে নিস্তেজস্কাস্তদাভবন্ || ৩. ৯. ৫৮||
পুচ্ছদেশে তু কর্ষন্তো মুহুরাপ্যায়িতাঃ সুরাঃ |
অনুকূলেন বাতেন বিষ্ণুনা প্রেরিতেন তু || ৩. ৯. ৫৯||
আদিকূর্মাকৃতিঃ শ্রীমান্মধ্যে ক্ষীরপয়োনিধেঃ |
ভ্রমতো মন্দরাদ্রেস্তু তস্যা ধিষ্টানতামগাৎ || ৩. ৯. ৬০||
মধ্যে চ সর্বদেবানাং রূপেণান্যেন মাধবঃ |
চকর্ষ বাসুকিং বেগাদ্দৈত্যমধ্যে পরেণ চ || ৩. ৯. ৬১||
ব্রহ্মরূপেণ তং শৈলং বিধার্যাক্রান্তবারিধিম্ |
অপরেণ চ দেবর্ষির্মহতা তেজসা মুহুঃ || ৩. ৯. ৬২||
উপবৃংহিতবান্দেবান্যেন তে বলশালিনঃ |
তেজসা পুনরন্যেন বলাৎকারসহেন সঃ || ৩. ৯. ৬৩||
উপবৃংহিতবান্নাগং সর্বশক্তিজনার্দনঃ |
মথ্যমানে ততস্তস্মিন্ক্ষীরব্ধৌ দেবদানবৈঃ || ৩. ৯. ৬৪||
আবির্বভূব পুরতঃ সুরভিঃ সুরপূজিতা |
মুদং জগ্মুস্তদা দেবা দৈতেয়াশ্চ তপোধন || ৩. ৯. ৬৫||
মথ্যমানে পুনস্তস্মিন্ক্ষীরাব্দৌ দেবদানবৈঃ |
কিমেতদিতি সিদ্ধানাং দিবি চিন্তয়তাং তদা || ৩. ৯. ৬৬||
উত্থিতা বারুণী দেবী মদাল্লোলবিলোচনা |
অসুরাণাং পুরস্তাৎসা স্ময়মানা ব্যতিষ্ঠত || ৩. ৯. ৬৭||
জগৃহুর্নৈব তাং দৈত্যা অসুরাশ্চাভবংস্ততঃ |
সুরা ন বিদ্যতে যেষাং তেনৈবাসুরশব্দিতাঃ || ৩. ৯. ৬৮||
অথসা সর্বদেবানামগ্রতঃ সমতিষ্ঠত |
জগৃহুস্তাং মুদা দেবাঃ সূচিতাঃ পরমেষ্ঠিনা |
সুরাগ্রহণতোঽপ্যেতে সুরশব্দেন কীর্তিতাঃ || ৩. ৯. ৬৯||
মথ্যমানে ততো ভূয়ঃ পারিজাতো মহাদ্রুমঃ |
আবিরাসীৎসুংগধেন পরিতো বাসয়ঞ্জগৎ || ৩. ৯. ৭০||
অত্যর্থসুংদরাকারা ধীরাশ্চাপ্সরসাং গণাঃ |
আবির্ভূতাশ্চ দেবর্ষে সর্বলোকমনোহরাঃ || ৩. ৯. ৭১||
ততঃ শীতাংশুরুদভূত্তং জগ্রাহ মহেশ্বরঃ |
বিষজাতং তদুৎপন্নং জগৃহুর্নাগজাতয়ঃ || ৩. ৯. ৭২||
কৌস্তুভাখ্যং ততো রত্নমাদদে তজ্জনার্দনঃ |
ততঃ স্বপত্রগন্ধেন মদয়ন্তী মহৌষধীঃ |
বিজয়া নাম সংজজ্ঞে ভৈরবস্তামুপাদদে || ৩. ৯. ৭৩||
ততো দিব্যাংবরধরো দেবো ধন্বন্তরিঃ স্বয়ম্ |
উপস্থিতঃ করে বিভ্রদমৃতাঢ্যং কমণ্ডলুম্ || ৩. ৯. ৭৪||
ততঃ প্রহৃষ্টমনসো দেবা দৈত্যাশ্চ সর্বতঃ |
মুনয়শ্চাভবংস্তুষ্টাস্তদানীং তপসাং নিধে || ৩. ৯. ৭৫||
ততো বিকসিতাংভোজবাসিনী বরদায়িনী |
উত্থিতা পদ্মহস্তা শ্রীস্তস্মাৎক্ষীরমহার্মবাৎ || ৩. ৯. ৭৬||
অথ তাং মুনয়ঃ সর্বে শ্রীসুক্তেন শ্রিয়ং পরাম্ |
তুষ্টুবুস্তুষ্ট হৃদয়া গন্ধর্বাশ্চ জগুঃ পরম্ || ৩. ৯. ৭৭||
বিশ্বাজীপ্রমুখাঃ সর্বে ননৃতুশ্চাপ্সরোগণাঃ |
গঙ্গাদ্যাঃ পুণ্যনদ্যশ্চ স্নানার্থমুপতস্থিরে || ৩. ৯. ৭৮||
অষ্টৌ দিগ্দন্তিনশ্চৈব মেধ্যপাত্রস্থিতং জলম্ |
আদায় স্নাপয়াঞ্চক্রুস্তাং শ্রিয়ং পদ্মবাসিনীম্ || ৩. ৯. ৭৯||
তুলসীং চ সমুৎপন্নাং পরার্ধ্যা মৈক্যজাং হরেঃ |
পদ্মমালাং দদৌ তস্যৈ মূর্তিমান্ক্ষীরসাগরঃ || ৩. ৯. ৮০||
ভূষণানি চ দিব্যানি বিশ্বকর্মা সমর্পয়ৎ |
দিব্যমাল্যাং বরধরা দিব্যভূষণভূষিতা |
যয়ৌ বক্ষস্থলং বিষ্ণোঃ সর্বেষাং পশ্যতাং রমা || ৩. ৯. ৮১||
তুলসী তু ধৃতা তেন বিষ্ণুনা প্রভবিষ্ণুনা |
পশ্যতি স্ম চ সা দেবী বিষ্ণুবক্ষথলালয়া |
দেবান্দয়ার্দ্রয়া দৃষ্ট্যা সর্বলোকমহেশ্বরী || ৩. ৯. ৮২||
ইতি শ্রীব্রহ্মাণ্ডমহাপুরাণে উত্তরভাগে হয়গ্রীবাগস্ত্যসংবাদে ললিতোপাখ্যানে অমৃতমন্থনং নাম নবমোঽধ্যায়ঃ

হয়গ্রীব উবাচ
অথ দেবা মহেন্দ্রাদ্যা বিষ্ণুনা প্রভবিষ্মুনা |
অঙ্গীকৃতা মহাধীরাঃ প্রমোদং পরমং যয়ুঃ || ৩. ১০. ১||
মলকাদ্যাস্তু তে সর্বে দৈত্যা বিষ্ণুপরাঙ্মুখাঃ |
সংত্যক্তাশ্চ শ্রিয়া দেব্যা ভৃশমুদ্বেগমাগতাঃ || ৩. ১০. ২||
ততো জগৃহিরে দৈত্যা ধন্বন্তরিকরস্থিতম্ |
পরমামৃতসারাঢ্যং কলশং কনকোদ্ভবম্ |
অথাসুরাণাং দেবানামন্যোন্যং কলহোঽভবৎ || ৩. ১০. ৩||
এতস্মিন্নন্তরে বিষ্ণুঃ সর্বলোকৈকরক্ষকঃ |
সম্যগারাধয়ামাসললিতাং স্বৈক্যরূপিণীম্ || ৩. ১০. ৪||
সুরাণামসুরাণাং চ রণং বীক্ষ্য সুদারুণম্ |
ব্রহ্মা নিজপদং প্রাপ শংভুঃ কৈলাসমাস্থিতঃ || ৩. ১০. ৫||
মলকং যোধয়ামাস দৈত্যানামধিপং বৃষা |
অসুরৈশ্চ সুরাঃ সর্বে সাংপরায়মকুর্বত || ৩. ১০. ৬||
ভগবানপি যোগীন্দ্রঃ সমারাধ্য মহেশ্বরীম্ |
তদেকধ্যানয়োগেন তদ্রূপঃ সমজায়ত || ৩. ১০. ৭||
সর্বসংমোহিনী সা তু সাক্ষাচ্ছৃঙ্গারনায়িকা |
সর্বশৃঙ্গারবেষাঢ্যা সর্বাভরণভূষিতা || ৩. ১০. ৮||
সুরাণামসুরাণাং চ নিবার্য রণমুল্বণম্ |
মন্দস্মিতেন দৈতেয়ান্মোহয়ন্তী জগদ হ || ৩. ১০. ৯||
অলং যুদ্ধেন কিং শস্ত্রের্মর্মস্থানবিভেদিভিঃ |
নিষ্ঠুরৈঃ কিং বৃথালাপৈঃ কণ্ঠশোষণহেতুভিঃ || ৩. ১০. ১০||
অহমেবাত্র মধ্যস্থা যুষ্মাকং চ দিবৌকসাম্ |
যূয়ং তথামী নিতরামত্র হি ক্লেশভাগিনঃ || ৩. ১০. ১১||
সর্বেষাং সমমেবাদ্য দাস্যাম্যমৃতমদ্ভুতম্ |
মম হস্তে প্রদাতব্যং সুধাপাত্রমনুত্তমম্ || ৩. ১০. ১২||
ইতি তস্যা বচঃ শ্রুৎবা দৈত্যাস্তদ্বাক্যমোহিতাঃ |
পীয়ূষকলশং তস্যৈ দদুস্তে মুগ্ধচেতসঃ || ৩. ১০. ১৩||
সা তৎপাত্রং সমাদায় জগন্মোহনরূপিণী |
সুরাণামসুরাণাং চ বৃথক্পঙ্ক্তিং চকার হ || ৩. ১০. ১৪||
দ্বয়োঃ পঙ্ক্ত্যোশ্চ মধ্যস্থাস্তানুবাচ সুরাসুরান্ |
তূষ্ণীং ভবন্তু সর্বেঽপি ক্রমশো দীয়তে ময়া || ৩. ১০. ১৫||
তদ্বাক্যমুররীচক্রুস্তে সর্বে সমবায়িনঃ |
সা তু সংমোহিতাশ্লেষলোকা দাতুং প্রচক্রমে || ৩. ১০. ১৬||
ক্বণৎকনকদর্বীকা ক্বণন্মঙ্গলকঙ্কণা |
কমনীয়বিভূষাঢ্যা কলা সা পরমা বভৌ || ৩. ১০. ১৭||
বামে বামে করাংভোজে সুধাকলশমুজ্জ্বলম্ |
সুধাং তাং দেবতাপঙ্ক্তৌ পূর্বং দর্ব্যা তদাদিশৎ || ৩. ১০. ১৮||
দিশন্তী ক্রমশাস্তত্র চন্দ্রভাস্করসূচিতম্ |
দর্বীকরেণ চিচ্ছেদ সৈংহিকেয়ং তু মধ্যগম্ |
পীতামৃতশিরোমাত্রং তস্য ব্যোম জগাম চ || ৩. ১০. ১৯||
তং দৃষ্ট্বাপ্যসুরাস্তত্র তূষ্ণীমাসন্বিমোহিতাঃ |
এবং ক্রমেণ তৎসর্বং বিবুধেভ্যো বিতীর্য সা |
অসুরাণাং পুরঃ পাত্রং সানিনায় তিরোদধে || ৩. ১০. ২০||
রিক্তপাত্রং তু তং দৃষ্ট্বা সর্বে দৈতেয়দানবাঃ |
উদ্বেলং কেবলং ক্রোধং প্রাপ্তা যুদ্ধচিকীর্ষয়া || ৩. ১০. ২১||
ইন্দ্রাদয়ঃ সুরাঃ সর্বে সুধাপানাদ্বলোত্তরাঃ |
দুর্বলৈরসুরৈঃ সার্ধং সময়ুদ্ধ্যন্ত সায়ুধাঃ || ৩. ১০. ২২||
তে বিধ্যমানাঃ শতশো দানবেন্দ্রাঃ সুরোত্তমৈঃ |
দিগন্তান্কতিচিজ্জগ্মুঃ পাতালং কতিচিদ্যয়ুঃ || ৩. ১০. ২৩||
দৈত্যং মলকনামানং বিজিত্য বিবুধেশ্বরঃ |
আত্মীয়াং শ্রিয়মাজহ্রে শ্রীকটাক্ষ সমীক্ষিতঃ || ৩. ১০. ২৪||
পুনঃ সিংহাসনং প্রাপ্য মহেন্দ্রঃ সুরসেবিতঃ |
ত্রৈলোক্যং পালয়ামাস পূর্ববৎপূর্বদেবজিৎ || ৩. ১০. ২৫||
নির্ভয়া নিখিলা দেবাস্ত্রৈলোক্যে সচরাচরে |
যথাকামং চরন্তি স্ম সর্বদা হৃষ্টচেতসঃ || ৩. ১০. ২৬||
তদা তদখিলং দৃষ্ট্বা মোহিনীচরিতং মুনিঃ |
বিস্মিতঃ কামচারী তু কৈলাসং নারদো গতঃ || ৩. ১০. ২৭||
নন্দিনা চ কৃতানুজ্ঞঃ প্রণম্য পরমেশ্বরম্ |
তেন সংভাব্যমানোঽসৌ তুষ্টো বিষ্টরমাস্ত সঃ || ৩. ১০. ২৮||
আসনস্থং মহাদেবো মুনিং স্বেচ্ছাবিহারিণম্ |
পপ্রচ্ছ পার্বতীজানিঃ স্বচ্ছস্ফটিকসন্নিভঃ || ৩. ১০. ২৯||
ভগবন্সর্ববৃত্তজ্ঞ পবিত্রীকৃতবিষ্টর |
কলহপ্রিয় দেবর্ষে কিং বৃত্তং তত্র নাকিনাম্ || ৩. ১০. ৩০||
সুরাণামসুরাণাং বা বিজয়ঃ সমজায়ত |
কিং বাপ্যমৃতবৃত্তান্তং বিষ্ণুনা বাপি কিং কৃতম্ || ৩. ১০. ৩১||
ইতি পৃষ্টো মহেশেন নারদো মুনিসত্তমঃ |
উবাচ বিস্ময়াবিষ্টঃ প্রসন্নবদনেক্ষণঃ || ৩. ১০. ৩২||
সর্বং জানাসি ভগবন্সর্বজ্ঞোঽসি যতস্ততঃ |
তথাপি পরিপৃষ্টেন ময়া তদ্বক্ষ্যতেঽধুনা || ৩. ১০. ৩৩||
তাদৃশে সমরে ঘোরে সতি দৈত্যদিবৌকসাম্ |
আদিনারায়মঃ শ্রীমান্মোহিনীরূপমাদধে || ৩. ১০. ৩৪||
তামুদারবিভূষাঢ্যাং মূর্তাং শৃঙ্গারদেবতাম্ |
সুরাসুরাঃ সমালোক্য বিরতাঃ সমরোধ্যমাৎ || ৩. ১০. ৩৫||
তন্মায়ামোহিতা দৈত্যাঃ সুধাপাত্রং চ যাচিতাঃ |
কৃৎবা তামেব মধ্যস্থামর্পয়ামাসুরঞ্জসা || ৩. ১০. ৩৬||
তদা দেবী তদাদায় মন্দস্মিতমনোহরা |
দেবেভ্য এব পীয়ূষমশেষং বিততার সা || ৩. ১০. ৩৭||
তিরোহিতামদৃষ্ট্বা তাং দৃষ্ট্বা শূন্যং চ পাত্রকম্ |
জ্বলন্মন্যুমুখা দৈত্যা যুদ্ধায় পুনরুত্থিতাঃ || ৩. ১০. ৩৮||
অমরৈরমৃতাস্বাদাদত্যুল্বণপরাক্রমৈঃ |
পরাজিতা মহাদৈত্যা নষ্টাঃ পাতালমভ্যয়ুঃ || ৩. ১০. ৩৯||
ইমং বৃত্তান্তমাকর্ণ্য ভবানীপতিখ্যয়ঃ |
নারদং প্রেষয়িৎবাশু তদুক্তং সততং স্মরন্ || ৩. ১০. ৪০||
অজ্ঞাতঃ প্রমথৈঃ সর্বৈঃ স্কন্দনন্দিবিনায়কৈঃ |
পার্বতীসহিতো বিষ্ণুমাজগাম সবিস্ময়ঃ || ৩. ১০. ৪১||
ক্ষীরোদতীরগং দৃষ্ট্বা সস্ত্রীকং বৃষবাহনম্ |
ভোগিভোগাসনাদ্বিষ্ণুঃ সমুত্থায় সমাগতঃ || ৩. ১০. ৪২||
বাহনাদবরুহ্যেশঃ পার্বত্যা সহিতঃ স্থিতম্ |
তং দৃষ্ট্বা শীঘ্রমাগত্য সংপূজ্যার্ঘ্যাদিতো মুদা || ৩. ১০. ৪৩||
সস্নেহং গাঢমালিঙ্গ্য ভবানীপতিমচ্যুতঃ |
তদাগমনকার্যং চ পৃষ্টবান্বিষ্টরশ্রবাঃ || ৩. ১০. ৪৪||
তমুবাচ মহাদেবো ভগবন্পুরুষোত্তম |
মহায়োগেশ্বর শ্রীমন্সর্বসৌভাগ্যসুন্দরম্ || ৩. ১০. ৪৫||
সর্বসংমোহজনকমবাঙ্মনসগোচরম্ |
যদ্রূপং ভবতোপাত্তং তন্মহ্যং সংপ্রদর্শয় || ৩. ১০. ৪৬||
দ্রষ্টুমিচ্ছামি তে রূপং শৃঙ্গারস্যাধিদৈবতম্ |
অবশ্যং দর্শনীয়ং মে ৎবং হি প্রার্থিতকামধৃক্ || ৩. ১০. ৪৭||
ইতি সংপ্রার্থিতঃ শশ্বন্মহাদেবেন তেন সঃ |
যদ্ধ্যানবৈভবাল্লব্ধং রূপমদ্বৈতমদ্ভুতম্ || ৩. ১০. ৪৮||
তদেবানন্যমনসা ধ্যাৎবা কিঞ্চিদ্বিহস্য সঃ |
তথাস্ত্বিতি তিরোঽধত্ত মহায়োগেশ্বরো হরিঃ || ৩. ১০. ৪৯||
শর্বোঽপি সর্বতশ্চক্ষুর্মুহুর্ব্যাপারয়ন্ক্বচিৎ |
অদৃষ্টপূর্বমারামমভিরামং ব্যলোকয়ৎ || ৩. ১০. ৫০||
বিকসৎকুসুমশ্রেণীবিনোদিমধুপালিকম্ |
চংপকস্তবকামোদসুরভীকৃতদিক্তটম্ || ৩. ১০. ৫১||
মাকন্দবৃন্দমাধ্বীকমাদ্যদুল্লোলকোকিলম্ |
অশোকমণ্ডলীকাণ্ডসতাণ্ডবশিখণ্ডিকম্ || ৩. ১০. ৫২||
ভৃঙ্গালিনবঝঙ্কারজিতবল্লকিনিস্বনম্ |
পাটলোদারসৌরভ্যপাটলীকুসুমোজ্জ্বলম্ || ৩. ১০. ৫৩||
তমালতালহিন্তালকৃতমালাবিলাসিতম্ |
পর্যন্তদীর্ঘিকাদীর্ঘপঙ্কজশ্রীপরিষ্কৃতম্ || ৩. ১০. ৫৪||
বাতপাতচলচ্চারুপল্লবোৎফুল্লপুষ্পকম্ |
সন্তানপ্রসবামোদসন্তানাধিকবাসিতম্ || ৩. ১০. ৫৫||
তত্র সর্বত্র পুষ্পাঢ্যে সর্বলোকমনোহরে |
পারিজাততরোর্মূলে কান্তা কাচিদদৃশ্যত || ৩. ১০. ৫৬||
বালার্কপাটলাকারা নবয়ৌবনদর্পিতা |
আকৃষ্টপদ্মরাগাভা চরণাব্জনখচ্ছদা || ৩. ১০. ৫৭||
যাবকশ্রীবিনিক্ষেপপাদলৌহিত্যবাহিনী |
কলনিঃস্বনমঞ্জীরপদপদ্মমনোহরা || ৩. ১০. ৫৮||
অনঙ্গবীরতূণীরদর্পোন্মদনজঙ্ঘিকা |
করিশুণ্ডাকদলিকাকান্তিতুল্যোরুশোভিনী || ৩. ১০. ৫৯||
অরুণেন দুকূলেন সুস্পর্শেন তনীয়সা |
অলঙ্কৃতনিতংবাঢ্যা জঘনাভোগভাসুরা || ৩. ১০. ৬০||
নবমাণিক্যসন্নদ্ধহেমকাঞ্জীবিরাজিতা |
নতনাভিমহাবর্ত্তত্রিবল্যূর্মিপ্রভাঝরা || ৩. ১০. ৬১||
স্তনকুড্মলহিন্দোলমুক্তাদামশতাবৃতা |
অতিপীবরবক্ষোজভারভঙ্গুরমধ্যভূঃ || ৩. ১০. ৬২||
শিরীষকোমলভুজা কঙ্কণাঙ্গদশালিনী |
সোর্মিকাং গুলিমন্মৃষ্টশঙ্খসুন্দরকন্ধরা || ৩. ১০. ৬৩||
মুখদর্পণবৃত্তাভচুবুকাপাটলাঘরা |
শুচিভিঃ পঙ্ক্তিভিঃ শুদ্ধৈর্বিদ্যারূপৈর্বিভাস্বরৈঃ || ৩. ১০. ৬৪||
কুন্দকুড্মলসচ্ছায়ৈর্দন্তৈর্দর্শিতচন্দ্রিকা |
স্থূলমৌক্তিকসন্নদ্ধনাসাভরণভাসুরা || ৩. ১০. ৬৫||
কেতকান্তর্দ্দলদ্রোণিদীর্ঘদীর্ঘবিলোচনা |
অর্ধেন্দুতুলিতাফালে সম্যক্কৢপ্তালকচ্ছটা || ৩. ১০. ৬৬||
পালীবতংসমাণিক্যকুণ্ডলামণ্ডিতশ্রুতিঃ |
নবকর্পূরকস্তূরীরসামোদিতবীটিকা || ৩. ১০. ৬৭||
শরচ্চরুনিশানাথমণ্ডলীমধুরাননা |
স্ফুরৎকস্তূরিতিলকা নীলকুন্তলসংহতিঃ || ৩. ১০. ৬৮||
সীমন্তরেখাবিন্যস্তসিংদূরশ্রেণিভাসুরা || ৩. ১০. ৬৯||
স্ফরচ্চন্দ্রকলোত্তংসমদলোলবিলোচনা |
সর্বশৃঙ্গারবেষাঢ্যা সর্বাভরণমণ্ডিতা || ৩. ১০. ৭০||
তামিমাং কন্দুকক্রীডালোলামালোলভূষণাম্ |
দৃষ্ট্বা ক্ষিপ্রমুমাং ত্যক্ত্বা সোঽন্বধাবদথেশ্বরঃ || ৩. ১০. ৭১||
উমাপি তং সমোবেক্ষ্য ধাবন্তং চাত্মনঃ প্রিয়ম্ |
স্বাত্মানং স্বাত্মর্সোন্দর্যং নিন্দন্তী চাতিবিস্মিতা |
তস্থাববাঙ্মুখী তূষ্ণীং লজ্জাসূয়াসমন্বিতা || ৩. ১০. ৭২||
গৃহীৎবা কথমপ্যেনামালিলিগ মুহুর্মুহুঃ |
উদ্ধূয়োদ্ধূয় সাপ্যেবং ধাবতি স্ম সুদূরতঃ || ৩. ১০. ৭৩||
পুনর্গৃহীৎবা তামীশঃ কামং কামবশীসৃতঃ |
আশ্র্লিষ্টং চাতিবেগেন তদ্বীর্যং প্রচ্যুতং তদা || ৩. ১০. ৭৪||
ততঃ সমুত্থিতো দেবো মহাশাস্তা মহাবলঃ |
অনেককোটিদৈত্যেন্দ্রগর্বনির্বাপণক্ষমঃ || ৩. ১০. ৭৫||
তদ্বীর্যবিন্দুসংস্পর্শাৎসা ভূমিস্তত্রতত্র চ |
রজতস্বর্মবর্ণাভূল্লক্ষণাদ্বিন্ধ্যমর্দন || ৩. ১০. ৭৬||
তথৈবান্তর্দধে সাপি দেবতা বিশ্বমোহিনী |
নিবৃত্তঃ স গিরীশোঽপি গিরিং গৌরীসখো যয়ৌ || ৩. ১০. ৭৭||
অথাদ্ভুতমিদং বক্ষ্যে লোপামুদ্রাপতে শৃণু |
যন্ন কস্যচিদাখ্যাতং মমৈব ৎদৃদয়েস্থিতম্ || ৩. ১০. ৭৮||
পুরা ভণ্ডাসুরো নাম সর্বদৈত্যশিখামণিঃ |
পূর্বং দেবান্বহুবিধান্যঃ শাস্তা স্বেচ্ছয়া পটুঃ || ৩. ১০. ৭৯||
বিশুক্রং নাম দৈতেয়ং বর্গসংরক্ষণক্ষমম্ |
শুক্রতুল্যং বিচারজ্ঞং দক্ষাংসেন সসর্জ সঃ || ৩. ১০. ৮০||
বামাংসেন বিষাঙ্গং চ সৃষ্টবান্দুষ্টশেখরম্ |
ধূমিনীনামধেয়াং চ ভগিনীং ভণ্ডদানবঃ || ৩. ১০. ৮১||
ভ্রাতৃভ্যামুগ্রবীর্যাভ্যাং সহিতো নিহতাহিতঃ |
ব্রহ্মাণ্ডং খণ্ডয়ামাস শৌর্যবীর্যসমুচ্ছ্রিতঃ || ৩. ১০. ৮২||
ব্রহ্মবিষ্ণুমহেশাশ্চ তং দৃষ্ট্বা দীপ্ততেজসম্ |
পলায়নপরাঃ সদ্যঃ স্বে স্বে ধাম্নি সদাবসন্ || ৩. ১০. ৮৩||
তদানীমেব তদ্বাহুমংমর্দ্দন বিমূর্চ্ছিতাঃ |
শ্বসিতুং চাপি পটবো নাভবন্নাকিনাং গণাঃ || ৩. ১০. ৮৪||
কেচিৎপাতালগর্ভেষু কেচিদংবুধিবারিষু |
কেচিদ্দিগন্তকোণেষু কেচিৎকুঞ্জেষু ভূভৃতাম্ || ৩. ১০. ৮৫||
বিলীনা ভৃশবিত্রস্তাস্ত্যক্তদারসুতস্ত্রিয়ঃ |
ভ্রষ্টাধিকারা ঋভবো বিচেরুশ্ছন্নবেষকাঃ || ৩. ১০. ৮৬||
যক্ষান্মহোরগান্সিদ্ধান্সাধ্যান্সমরদুর্মদান্ |
ব্রহ্মাণং পদ্মনাভং চ রুদ্রং বজ্রিণমেব চ |
মৎবা তৃণায়িতান্সর্বাংল্লোকান্ভণ্ডঃ শশাসহ || ৩. ১০. ৮৭||
অথ ভণ্ডাসুরং হন্তুং ত্রৈলোক্যং চাপি রক্ষিতুম্ |
তৃতীয়মুদভূদ্রূপং মহায়াগানলান্মুনে || ৩. ১০. ৮৮||
যদ্রূপশালিনীমাহুর্ললিতা পরদেবতাম্ |
পাশাঙ্কুশধনুর্বাণপরিষ্কৃতচতুর্ভুজাম্ || ৩. ১০. ৮৯||
সা দেবী পরম শক্তিঃ পরব্রহ্মস্বরূপিণী |
জঘান ভণ্ডদৈত্যেন্দ্রং যুদ্ধে যুদ্ধবিশারদা || ৩. ১০. ৯০||
ইতি শ্রীব্রহ্মাণ্ডমহাপুরাণে উত্তরভাগে হয়গ্রীবাগস্ত্যসংবাদে ললিতোপাখ্যানে মোহিনীপ্রাদুর্ভাবমলকাসুরবধো নাম দশমোঽধ্যায়ঃ সমাপ্তশ্চোপোদ্ধাতখণ্ডঃ |