২.১১ ব্রহ্মাণ্ডমহাপুরাণং – মধ্যভাগ (অধ্যায় ৭১-৭৪)

সূত উবাচ
সাত্ত্বতাজ্জজ্ঞিরে পুত্রাঃ কৌশল্যায়াং মহাবলাঃ |
ভজমানো ভজির্দ্দিব্যো বৃষ্ণির্দেবাবৃধোঽন্ধকঃ || ২. ৭১. ১||
মহাভোজশ্চ বিখ্যাতো ব্রহ্মণ্যস্সত্যসংগরঃ |
তেষাং হি সর্গাশ্চৎবারঃ শৃণুধ্বং বিস্তরেণ বৈ || ২. ৭১. ২||
ভজমানস্য সৃংজয়্যো বাহ্যকা চোপবাহ্যকা |
সৃংজ যস্য সুতে দ্বে তু বাহ্যকে তে উদাবহৎ || ২. ৭১. ৩||
তস্য ভার্যে ভগিন্যৌ তে প্রসূতে তু সুতান্বহূন্ |
নিম্লোচিঃ কিঙ্কণশ্চৈব ধৃষ্টিঃ পর পুরঞ্জয়ঃ || ২. ৭১. ৪||
তে বাহ্যকায়া সৃংজয়্যা ভজমানাদ্বিজজ্ঞিরে |
অয়ুতাজিৎসহস্রাজিচ্ছতাজিদিতি নামতঃ || ২. ৭১. ৫||
বাহ্যকায়াং ভগিন্যাং তে ভজমানাদ্বিজজ্ঞিরে |
তেষাং দেবাবৃধো রাজা চচার পরমং তপঃ |
পুত্রঃ সর্বগুণোপেতো মম ভূয়াদিতি স্ম হ || ২. ৭১. ৬||
সংযোজ্যা ত্মানমেবং স পর্ণাশজলমস্পৃশৎ || ২. ৭১. ৭||
সা চোপস্পর্শনাত্তস্য চকার প্রিয়মাপগা |
কল্যাণৎবান্নরপতেস্তস্য সা নিম্নগোত্তমা || ২. ৭১. ৮||
চিন্তয়াভিপরীতাঙ্গী জগামাথ বিনিশ্চয়ম্ |
নাভিগচ্ছামি তাং নারীং যস্যামেবংবিধঃ সুতঃ || ২. ৭১. ৯||
ভবেৎসর্বগুণোপেতো রাজ্ঞো দেবাবৃধস্য হি |
তস্মাদস্য স্বয়ং চাহং ভবাম্যদ্য সহব্রতা || ২. ৭১. ১০||
জজ্ঞে তস্যাঃ স্বয়ং হৃৎস্থো ভাবস্তস্য যথেরিতঃ |
অথ ভূৎবা কুমারী তু সা চিন্তাপরমেব চ || ২. ৭১. ১১||
বরয়ামাস রাজানং তামিয়েষ স পার্থিবঃ |
তস্যামাধত্ত গর্ভে স তেজস্বিনমুদা রধীঃ || ২. ৭১. ১২||
অথ সা নবমে মাসি সুষুবে সরিতা বরা |
পুত্রং সর্বগুণোপেতং বভ্রুং দেবাবৃধত্তদা || ২. ৭১. ১৩||
তত্র বংশে পুরাণজ্ঞা গাথাং গায়ন্তি বৈ দ্বিজাঃ |
গুণান্দেবাবৃধস্যাপি কীর্তয়ন্তো মহাত্মনঃ || ২. ৭১. ১৪||
যথৈব শৃণুমো দূরাৎসপংশ্যামস্তথান্তিকাৎ |
বভ্রুঃ শ্রেষ্ঠো মনুষ্যাণাং দেবৈর্দেবাবৃথঃ সমঃ || ২. ৭১. ১৫||
পুরুষাঃ পঞ্চষষ্টিশ্চ সহস্রাণি চ সপ্ততিঃ |
যেমৃতৎবমনুপ্রাপ্তা বব্রোর্দেবাবৃধাদপি || ২. ৭১. ১৬||
যজ্বা দানপতির্ধীরো ব্রহ্মণ্যঃ সত্যবাগ্বুধঃ |
কীর্ত্তিমাংশ্চ মহাভোজঃ সাত্ত্বতানাং মহারথঃ || ২. ৭১. ১৭||
তস্যান্ববায়ঃ সুমহান্ভোজা যে ভুবি বিশ্রুতাঃ |
গান্ধারী চৈব মাদ্রী চ ধৃষ্টৈর্ভার্যে বভূবতুঃ || ২. ৭১. ১৮||
গান্ধারী জনয়ামাস সুমিত্রং মিত্রনন্দনম্ |
সাদ্রী যুধাজিতং পুত্রং ততো মীঢ্বাংসমেব চ || ২. ৭১. ১৯||
অনমিত্রং শিনং চৈব তাবুভৌ পুরুষোত্তমৌ |
অনমিত্রসুতো নিঘ্নো নিঘ্নস্য দ্বৌ বভূবতুঃ || ২. ৭১. ২০||
প্রসেনশ্চ মহাভাগঃ সত্রাজিচ্চ সুতাবুভৌ |
তস্য সত্রাজিতঃ সূর্যঃ সখা প্রাণসমোঽভবৎ || ২. ৭১. ২১||
স কদাচিন্নিশাপায়ে রথেন রথিনাং বরঃ |
তোয়ং কূলাৎসমুদ্ধর্তুমুপস্থাতুং যয়ৌরবিম্ || ২. ৭১. ২২||
তস্যোপতিষ্ঠতঃ সূর্যং বিবস্বানগ্রতঃ স্থিতঃ |
সুস্পষ্টমূর্ত্তির্ভগবাংস্তেজোমণ্ডলবান্বিভুঃ || ২. ৭১. ২৩||
অথ রাজা বিবস্বন্তমুবাচ স্থিতমগ্রতঃ |
যথৈব ব্যোম্নি পশ্যামি ৎবামহং জ্যোতিষাং পতে || ২. ৭১. ২৪||
তেজোমণ্ডলিনং চৈব তথৈবাপ্যগ্রতঃ স্থিতম্ |
কো বিশেষো বিবস্বংস্তে সখ্যেনোপগতস্য বৈ || ২. ৭১. ২৫||
এতচ্ছ্রুৎবা স ভগবান্মণিরত্নং স্যমন্তকম্ |
স্বকণ্ঠাদবমুচ্যাথ ববন্ধ নৃপতেস্তদা || ২. ৭১. ২৬||
ততো বিগ্রহবন্তং তং দদর্শ নৃপতিস্তদা |
প্রীতিমানথ তং দৃষ্ট্বা মুহূর্ত্তং কৃতবান্কথাম্ || ২. ৭১. ২৭||
তমভিপ্রস্থিতং ভূয়ো বিবস্বন্তং স সত্রজিৎ |
প্রোবাচাগ্নিসবর্ণং ৎবাং যেন লোকঃ প্রপশ্যতি || ২. ৭১. ২৮||
তদেতন্মণিরত্নং মে ভগবন্দাতুমর্হসি |
স্যমং তকং নামমণিং দত্তবাংস্তস্য ভাস্করঃ || ২. ৭১. ২৯||
স তমামুচ্য নগরীং প্রবিবেশ মহীপতিঃ |
বিস্মাপয়িৎবাথ ততঃ পুরীমন্তঃপুরং যয়ৌ || ২. ৭১. ৩০||
স প্রসেনায় তদ্দিব্যং মণিরত্নং স্যমন্তকম্ |
দদৌ ভ্রাত্রে নরপতিঃ প্রেম্ণা সত্রাজিদুত্তমম্ || ২. ৭১. ৩১||
স্যমন্তকো নাম মণির্যস্মিন্রাষ্ট্রে স্থিতো ভবেৎ |
কামবর্ষী চ পর্জন্যো ন চ ব্যাধিভয়ং তথা || ২. ৭১. ৩২||
লিপ্সাং চক্রে প্রসেনাত্তু মণিরত্নং স্যমন্তকম্ |
গোবিন্দো ন চ তং লেভে শক্তোঽপি ন জহার চ || ২. ৭১. ৩৩||
কধাচিন্মৃগয়াং যাতঃ প্রসেনস্তেন ভূষিতঃ |
স্যমন্তককৃতে সিংহাদ্বধং প্রাপ সুদারুণম্ || ২. ৭১. ৩৪||
জাংববানৃক্ষরাজস্তু তং সিংহং নিজঘান বৈ |
আদায় চ মণিং দিব্যং স্ববিলং প্রবিবেশ হ || ২. ৭১. ৩৫||
তৎকর্ম কৃষ্ণস্য ততো বৃষ্ণ্যন্ধকমহত্তরাঃ |
মণিং গৃধ্নোস্তু মন্বানাস্তমেব বিশশঙ্কিরে || ২. ৭১. ৩৬||
মিথ্যাপবাদং তেভ্যস্তং বলবানরিসূদনঃ |
অমৃষ্যমাণো ভগবান্বনং স বিচচার হ || ২. ৭১. ৩৭||
স তু প্রোসেনো মৃগয়ামচরদ্যত্র চাপ্যথ |
প্রসেনস্য পদং গ্রাহ্যং পুরং পৌরাপ্তকারিভিঃ || ২. ৭১. ৩৮||
ঋক্ষবন্তং গিরিবরং বিন্ধ্যং চ নগমুত্তমম্ |
অন্বেষয়ৎপরিশ্রান্তঃ স দদর্শ মহামনাঃ || ২. ৭১. ৩৯||
সাশ্বং হতং প্রসেনং তং নাবিন্দত্তত্র বৈ মণিম্ |
অথ সিংহঃ প্রসেনস্য শরীরস্যাবিদূরতঃ || ২. ৭১. ৪০||
ঋক্ষেণ নিহতো দৃষ্টঃ পদৈরৃক্ষস্য সূচিতঃ |
পদৈরন্বেষয়ামাস গুহামৃক্ষস্য যাদবঃ || ২. ৭১. ৪১||
মহত্যন্তর্বিলে বাণীং শশ্রাব প্রমদেরিতাম্ |
ধাত্র্যা কুমারমাদায় সুতং জাংববতো দ্বিজাঃ |
ক্রীডয়ন্ত্যাথ মণিনা মারোদীরিত্যুদীরিতম্ || ২. ৭১. ৪২||
ধাত্র্যুবাচ
প্রসেনমবধীৎসিংহঃ সিংহো জাংববতা হতঃ || ২. ৭১. ৪৩||
সুকুমারক মারো দীস্তব হ্যেং স্যমন্তকঃ |
ব্যক্তীকৃতশ্চ শব্দঃ স তূর্ণং চাপি যয়ৌ বিলম্ || ২. ৭১. ৪৪||
অপশ্যচ্চ বিলাভ্যাশে প্রসেন মবদারিতম্ |
প্রবিশ্য চাপি ভগবান্স ঋক্ষবিলমঞ্জসা || ২. ৭১. ৪৫||
দদর্শ ঋক্ষরাজানং জাংববন্তমুদারধীঃ |
যুয়ুধে বাসুদেবস্তু বিলে জাংববতা সহ || ২. ৭১. ৪৬||
বাহুভ্যামেব গোবিন্দো দিবসানেকবিংশতিম্ |
প্রবিষ্টে চ বিলং কৃষ্ণে বসুদেবাপুরস্সরাঃ || ২. ৭১. ৪৭||
পুনর্দ্বারবতীং চৈত্য হতং কৃষ্ণং ন্যবেদয়ন্ |
বাসুদেবস্তু নির্জিত্য জাংববন্তং মহাবলম্ || ২. ৭১. ৪৮||
লেভে জাংববন্তীং কন্যামৃক্ষরাজস্য সম্মনাম্ |
ভগবত্তেজসা গ্রস্তো জাংববাংন্প্রসভং মণিম্ || ২. ৭১. ৪৯||
সুতাং জাংববতীমাশু বিষ্বক্সেনায় দত্তবান্ |
মণিং স্যমন্তকং চৈব জগ্রহাত্মবিশুদ্ধয়ে || ২. ৭১. ৫০||
অনুনীয়র্ক্ষরাজং তং নির্যয়ৌ চ তদা বিলাৎ |
এবং স মণিমাহৃত্য বিশোধ্যাত্মানমাত্মনা || ২. ৭১. ৫১||
দদৌ সত্রাজিতে রত্নং মণিং সাত্ত্বতসন্নিধৌ |
কন্যাং পুনর্জাংববতীমুবাহ মধুসূদনঃ || ২. ৭১. ৫২||
তস্মান্মিথ্যাভিশাপাত্তু ব্যশুধ্যন্মধুসূদনঃ |
ইমাং মিথ্যাভিশপ্তিং যঃ কৃষ্ণস্যেহ ব্যপোহিতাম্ || ২. ৭১. ৫৩||
বেদ মিথ্যাভিশপ্তিং স নাভিস্পৃশতি কর্হিচিৎ |
দশ ৎবাসন্সত্রজিতো ভার্যাস্তস্যায়ুতং সুতাঃ || ২. ৭১. ৫৪||
খ্যাতিমন্তস্ত্রয়স্তেষাং ভঙ্গকারস্তু পূর্বজঃ |
বীরো বাতপতিশ্চৈব তপস্বী চ বহুপ্রিয়ঃ || ২. ৭১. ৫৫||
অথ বীরমতী নাম ভঙ্গকারস্য তু প্রসূঃ |
সুষুবে সা কুমারীস্তু তিস্রো রূপগুণান্বিতাঃ || ২. ৭১. ৫৬||
সত্যভামোত্তমা স্ত্রীণাং ব্রতিনী চ দৃঢব্রতা |
তথা তপস্বিনী চৈব পিতা কৃষ্ণয় তাং দদৌ || ২. ৭১. ৫৭||
ন চ সত্রাজিতঃ কৃষ্ণো মণিরত্নং স্যমন্তকম্ |
আদত্ত তদুপশ্রুত্য ভোজেন শতধন্বনা || ২. ৭১. ৫৮||
তদা হি প্রার্থয়ামাস সত্যভামামনিন্দিতাম্ |
অক্রূরো ধনমন্বিচ্ছন্মণিং চৈব স্যমন্তকম্ || ২. ৭১. ৫৯||
সত্রাজিতং ততো ইৎবা শতধন্বা মহাবলঃ |
রাত্রৌ তং মণিমাদায় ততোঽক্রূরায় দত্তবান্ || ২. ৭১. ৬০||
অক্রূরস্তু তদা রত্নমাদায় স নরর্ষভঃ |
সময়ং কারয়াঞ্চক্রে বোধ্যো নান্যস্য চেত্যুত || ২. ৭১. ৬১||
বয়মভ্যুপয়োৎস্যামঃ কৃষ্ণেন ৎবাং প্রধর্ষিতম্ |
মম বৈ দ্বারকা সর্বা বেশে তিষ্ঠত্য সংশয়ম্ || ২. ৭১. ৬২||
হতে পিতরি দুঃখার্ত্তা সত্যভামা যশস্বিনী |
প্রয়য়ৌ রথমারুহ্য নগরং বারণাবতম্ || ২. ৭১. ৬৩||
সত্যভামা তু তদ্বৃত্তং ভোজস্য শতধন্বনঃ |
ভর্তুর্নিবেদ্য দুঃখার্ত্তা পার্শ্বস্থাশ্রূণ্যবর্ত্তয়ৎ || ২. ৭১. ৬৪||
পাণ্ডবানাং তু দগ্ধানাং হরিঃ কৃৎবোদকক্রিয়াম্ |
কল্যার্থে চৈব ভ্রাৎৠণাং ন্যয়োজয়ত সাত্যকিম্ || ২. ৭১. ৬৫||
ততস্ত্বরিতমাগত্য দ্বারকাং মধুসূদনঃ |
পূর্বজং হলিনং শ্রীমানিদং বচনমব্রবীৎ || ২. ৭১. ৬৬||
হতঃ প্রসেনঃ সিংহেন সত্রাজিচ্ছতধন্বনা |
স্যমন্তকো মার্গণীয়স্তস্য প্রভুরহং প্রভো || ২. ৭১. ৬৭||
তহারোহ রথং শীঘ্রং ভোজং হৎবা মহাবলম্ |
স্যমন্তকং মহাবাহো সামান্যং বো ভবিষ্যতি || ২. ৭১. ৬৮||
ততঃ প্রবৃত্তে যুদ্ধে তু তুমুলে ভোজকৃষ্ণয়োঃ |
শতধন্বা তমক্রূরমবৈক্ষৎসর্বতো দিশম্ || ২. ৭১. ৬৯||
অনালব্ধাবহারৌ তু কৃৎবা ভোজজনার্দ্দনৌ |
শক্তোঽপি শাঠ্যাদ্ধার্দিক্যো নাক্রূরোঽভ্যুপপদ্যত || ২. ৭১. ৭০||
অপয়োতে ততো বুদ্ধিং ভূয়শ্চক্রে ভয়ান্বিতঃ |
যোজনানাং শতং সাগ্রং হৃদয়া প্রত্যপদ্যত || ২. ৭১. ৭১||
বিখ্যাতা হৃদয়া নাম শতয়োজনগামিনী |
ভোজস্য বডবা দিব্যা যয়া কৃষ্ণময়োধয়ৎ || ২. ৭১. ৭২||
ক্ষীণাং জবেন ৎদৃদয়ামধ্বনঃ শতয়োজনে |
দৃষ্ট্বা রথস্য তাং বৃদ্ধিং শতধন্বা সমুদ্রবৎ || ২. ৭১. ৭৩||
ততস্তস্যা হয়ায়াস্তু শ্রমাৎখেদাচ্চ বৈ দ্বিজাঃ |
খমুৎপেতুরথ প্রাণাঃ কৃষ্ণো রামমথাব্রবীৎ || ২. ৭১. ৭৪||
তিষ্ঠস্বেহ মহাবাহো দৃষ্টদোষা ময়া হয়ী |
পদ্ভ্যাং গৎবা হরিষ্যামি মণিরত্নং স্যমন্তকম্ || ২. ৭১. ৭৫||
পদ্ভ্যামেব ততো গৎবা শতধন্বানমচ্যুতঃ |
মিথিলোপবনে তং বৈ জঘান পরমাস্ত্রবিৎ || ২. ৭১. ৭৬||
স্যমন্তকং ন চাপশ্যদ্ধৎবা ভোজং মহাবলম্ |
নিবৃত্তং চাব্র বীৎকৃষ্ণং রত্নং দেহীতি লাঙ্গলী || ২. ৭১. ৭৭||
নাস্তীতি কৃষ্ণশ্চোবাচ ততো রামো রুষান্বিতঃ |
ধিক্ছব্দপূর্বমসকৃৎপ্রত্যুবাচ জনার্দ্দনম্ || ২. ৭১. ৭৮||
ভাতৃৎবান্মর্ষয়াম্বেষ স্বস্তি তেঽস্তু ব্রজাম্যহম্ |
কৃত্যং ন মে দ্বারকয়া ন ৎবয়া ন চ বৃষ্ণিভিঃ || ২. ৭১. ৭৯||
প্রবিবেশ ততো রামো মিথিলামরিমর্দ্দনঃ |
সর্বকামৈরুপহৃতৈর্মৈথিলেনৈব পূজিতঃ || ২. ৭১. ৮০||
এতস্মিন্নেব কালে তু বভ্রুর্মতিমতাং বরঃ |
নানারূপান্ক্রতূন্সর্বা নাজহার নিরর্গলান্ || ২. ৭১. ৮১||
দীক্ষাময়ং সকবচং রক্ষার্থং প্রবিবেশ হ |
স্যমন্তককৃতে প্রাজ্ঞো কান্দিনীজো মহামনাঃ || ২. ৭১. ৮২||
অকূর যজ্ঞা ইতি তে খ্যাতাস্তস্য মহাত্মনঃ |
বহ্বন্নদক্ষিণাঃ সর্বে সর্বকামপ্রদায়িনঃ || ২. ৭১. ৮৩||
অথ দুর্যোধনো রাজা গৎবাথ মিথিলাং প্রভুঃ |
গদাশিক্ষাং ততো দিব্যাং বলভদ্রাদবাপ্তবান্ || ২. ৭১. ৮৪||
প্রসাদ্য তু ততো রামো বৃষ্ণ্যন্ধকমহারথৈঃ |
আনীতো দ্বারকামেব কৃষ্ণেন চ মহাত্মনা || ২. ৭১. ৮৫||
অক্রূরশ্চান্ধকৈঃ সার্দ্ধমথায়াৎপুরুষর্ষভঃ |
যুদ্ধে হৎবা তু শত্রুঘ্নং সহ বন্ধুমতা বলী || ২. ৭১. ৮৬||
সুয়জ্ঞতনয়ায়াং তু নরায়াং নরসত্তমৌ |
ভঙ্গকারস্য তনয়ৌ বিশ্রুতৌ সুমহাবলৌ || ২. ৭১. ৮৭||
জজ্ঞাতেংঽধকমুখ্যস্য শক্রঘ্নো বন্ধুমাংশ্চ তৌ |
বধে চ ভঙ্গকারস্য কৃষ্ণো ন প্রীতিমানভূৎ || ২. ৭১. ৮৮||
জ্ঞাতিভেদভয়াদ্ভীতস্তমুবেক্ষিতবানথ |
অপয়াতে ততোঽক্রূরে নাবর্ষৎপাকশাসনঃ || ২. ৭১. ৮৯||
অনাবৃষ্ট্যা হতং রাষ্ট্রমভবদ্বহুধা যতঃ |
ততঃ প্রসাদয়ামাসুরক্রূরং কুকুরান্ধকাঃ || ২. ৭১. ৯০||
পুনর্দ্বারবতীং প্রাপ্তে তদা দানপতৌ তথা |
প্রববর্ষ সহস্রাক্ষঃ কুক্ষৌ জলনিধেস্ততঃ || ২. ৭১. ৯১||
কন্যাং বৈ বাসুদেবায় স্বসারং শীলসংমতাম্ |
অক্রূরঃ প্রদদৌ শ্রীমান্প্রীত্যর্থং মুনিপুঙ্গবাঃ || ২. ৭১. ৯২||
অথ বিজ্ঞায় যোগেন কৃষ্ণো বভ্রুগতং মণিম্ |
সভামধ্যে তদা প্রাহ তমক্রূরং জনার্দ্দনঃ || ২. ৭১. ৯৩||
যত্তদ্রত্নং মণিবরং তব হস্তগতং প্রভো |
তৎপ্রয়চ্ছ স্বমানার্হ ময়ি মানার্যকং কৃথাঃ || ২. ৭১. ৯৪||
ষষ্টিবর্ষগতে কালে যদ্রোষোঽভূত্তদা মম |
সুসংরূঢোঽসকৃৎপ্রাপ্তস্তদা কালাত্যয়ো মহান্ || ২. ৭১. ৯৫||
ততঃ কৃষ্ণস্য বচনাৎসর্বসাত্ত্বতসংসদি |
প্রদদৌ তং মণিং বভ্রুরক্লেশেন মহামতিঃ || ২. ৭১. ৯৬||
ততস্তমার্জবপ্রাপ্তং বভ্রোর্হস্তাদরিন্দমঃ |
দদৌ হৃষ্টমনাস্তুষ্টস্তং মণিং বভ্রবে পুনঃ || ২. ৭১. ৯৭||
স কৃষ্ণহস্তাৎসংপ্রাপ্য মণিরত্নং স্যমন্তকম্ |
আবধ্য গান্দিনীপুত্রো বিররাজাংশুমানিব || ২. ৭১. ৯৮||
ইমাং মিথ্যাভিশাপ্তিং যো বিশুদ্ধিমপি চোত্তমাম্ |
বেদ মিথ্যাভিশপ্তিং স ন লভেত কথঞ্চন || ২. ৭১. ৯৯||
অনমিত্রাচ্ছিনির্জজ্ঞে কনিষ্ঠাদ্বৃষ্ণিনন্দনাৎ |
সত্যবান্সত্যসংপন্নঃ সত্যকস্তস্য চাত্মজঃ || ২. ৭১. ১০০||
সাত্যকির্যুয়ুধানশ্চ তস্য ভূতিঃ সুতোঽভবৎ |
ভূতের্যুগন্ধরঃ পুত্র ইতি ভৌত্যঃ প্রকীর্ত্তিতঃ || ২. ৭১. ১০১||
মাড্যাঃ সুতস্য জজ্ঞে তু সুতো বৃষ্ণির্যুধাজিতঃ |
জজ্ঞাতে তনয়ৌ বৃষ্ণেঃ শ্বফল্কশ্চিত্রকশ্চ যঃ || ২. ৭১. ১০২||
শ্বফল্কস্তু মহারাজো ধর্মাত্মা যত্র বর্ততে |
নাস্তি ব্যাধিভয়ং তত্র ন চাবৃষ্টিভয়ং তথা || ২. ৭১. ১০৩||
কাদাচিৎকাশিরাজস্য বিভোস্তু দ্বিজসত্তমাঃ |
ত্রীণি বর্ষাণি বিষয়ে নাবর্ষৎপাকশাসনঃ || ২. ৭১. ১০৪||
স তত্রবাসয়ামাস শ্বফল্কং পরমার্চিতম্ |
শ্বফল্কপরিবাসেন প্রাবর্ষৎপাকশাসনঃ || ২. ৭১. ১০৫||
শ্বফল্কঃ কাশিরাজস্য সুতাং ভার্যামবিন্দত |
গান্দিনীংনাম গাং সা হি দদৌ বিপ্রায় নিত্যশঃ || ২. ৭১. ১০৬||
সা মাতুরুদরস্থা বৈ বহূন্বর্ষশাতান্কিল |
নিবসংতী ন বৈ জজ্ঞে গর্ভস্থাং তাং পিতাব্রবীৎ || ২. ৭১. ১০৭||
জায়স্ব শীঘ্রং ভদ্রং তে কিমর্থং বাপি তিষ্ঠসি |
প্রোবাচ চৈনং গর্ভস্থা সা কন্যা গাং দিনে দিনে || ২. ৭১. ১০৮||
যদি দদ্যাস্ততো গর্ভাদ্বহিঃ স্যাং হায়নৈস্ত্রিভিঃ |
তথেত্যুবাচ তাং তস্যাঃ পিতা কামমপূরয়ৎ || ২. ৭১. ১০৯||
দাতা যজ্বা চ শুরশ্চ শ্রুতবানতিথিপ্রিয়ঃ |
তস্যাঃ পুত্রঃ স্মৃতোঽক্রূরঃ শ্বাফল্কো ভূরিদক্ষিণঃ || ২. ৭১. ১১০||
উপমঙ্গুস্তথা মঙ্গুর্মৃদুরশ্চারিমেজয়ঃ |
গিরিরক্ষস্ততো যক্ষঃ শত্রুঘ্নোঽথারিমর্দনঃ || ২. ৭১. ১১১||
ধর্মবৃদ্ধঃ সুকর্মা চ গন্ধমাদস্তথাপরঃ |
আবাহপ্রতিবাহৌ চ বসুদেবা বরাঙ্গনা || ২. ৭১. ১১২||
অক্রূরাদৌগ্রসেন্যাং তু সুতৌ দ্বৌ কুলনন্দিনৌ |
দেববানুপদেবশ্চ জজ্ঞাতে দেবসংনিভৌ || ২. ৭১. ১১৩||
চিত্রকস্যাভবন্পুত্রাঃ পৃথুর্বিপৃথুরেব চ |
অশ্বগ্রীবোঽশ্ববাহশ্চ সুপার্শ্বকগবেষণৌ || ২. ৭১. ১১৪||
অরিষ্টনেমিরশ্বাস্যঃ সুবার্মা বর্মভৃত্তথা |
অভূমির্বহুভূমিশ্চ শ্রবিষ্ঠাশ্রবণে স্ত্রিয়ৌ || ২. ৭১. ১১৫||
সত্যকাৎকাশিদুহিতা লেভে যা চতুরঃ সুতান্ |
কুকুরং ভজমানং চ শুচিং কংবল বর্হিষম্ || ২. ৭১. ১১৬||
কুকুরস্য সুতো বৃষ্ণির্বৃষ্ণেস্তু তনয়োঽভবৎ |
কপোতরোমা তস্যাথ বিলোমাভবদাত্মজঃ || ২. ৭১. ১১৭||
তস্যাসীত্তুংবুরুসখা বিদ্বান্পুত্রোংঽধকঃ কিল |
খ্যায়তে যস্য নামান্যচ্চন্দনোদকদুন্দুভিঃ || ২. ৭১. ১১৮||
তস্যাভিজিত্ততঃ পুত্র উৎপন্নস্তু পুনর্বসুঃ |
অশ্বমেধং তু পুত্রার্থমাজহার নরোত্তমঃ || ২. ৭১. ১১৯||
তস্য মধ্যেঽতিরাত্রস্য সদোমধ্যাৎসসুচ্ছ্রিতঃ |
ততস্তু বিদ্বান্ধর্মজ্ঞো দাতা যজ্বা পুনর্বসুঃ || ২. ৭১. ১২০||
তস্যাথ পুত্রমিথুনং বভূবাভিজিতঃ কিল |
আহুকশ্চাহুকী চৈব খ্যাতৌ মতিমতাং বরৌ || ২. ৭১. ১২১||
ইমাংশ্চোদা হরন্ত্যত্র শ্লোকান্প্রতি তমাহুকম্ |
সোপাসাংগানুকর্ষাণাং সধ্বজানাং বরূথিনাম্ || ২. ৭১. ১২২||
রথানাং মেঘঘোষাণাং মহস্রাণি দশৈব তু |
নাসত্যবাদী চাসীত্তু নায়জ্ঞো নাসহস্রদঃ || ২. ৭১. ১২৩||
নাশুচির্নাপ্যধর্মাত্মা নাবিদ্বান্ন কৃশোঽভবৎ |
আর্দ্রকস্য ধৃতিঃ পুত্র ইত্যেবমনুশুশ্রুম্ || ২. ৭১. ১২৪||
স তেন পরিবারেণ কিশোরপ্রতিমান্হয়ান্ |
অশীতিমশ্বনিয়ুতান্যাহুকোঽপ্রতিমো ব্রজন্ || ২. ৭১. ১২৫||
পূর্বস্যাং দিশি নাগানাং ভোজস্য ৎবতিভাবয়ন্ |
রূপ্যকাঞ্চনকক্ষাণাং স্রহস্রাণ্যেকবিংশতিঃ || ২. ৭১. ১২৬||
তাবন্ত্যেব সহস্রাণি উত্তরস্যাং তথাদিশি |
ভূমিপালস্য ভোজস্য উত্তিষ্টেৎকিঙ্কণী কিল || ২. ৭১. ১২৭||
আহুকশ্চাপ্যবন্তীষু স্বসারং ৎবাহুকীং দদৌ |
আহুকাৎকাশ্যদুহিতুর্দ্বৈ পুত্রৌ সংবভূবতুঃ || ২. ৭১. ১২৮||
দেবকশ্চোগ্রসেনশ্চ দেবগর্ভসমাবুভৌ |
দেবকস্য সুতা বীরা জজ্ঞিরে ত্রিদশোপমাঃ || ২. ৭১. ১২৯||
দেববানুপদেবশ্চ সুদেবো দেবরক্ষিতঃ |
তেষাং স্বসারঃ সপ্তাসন্বসুদেবায় তা দদৌ || ২. ৭১. ১৩০||
ধৃতদেবোপদেবা চ তথান্যা দেবরক্ষিতা |
শ্রীদেবা শান্তিদেবা চ সহদেবা তথাপরা || ২. ৭১. ১৩১||
সপ্তমী দেবকী তাসাং সানুজা চারুদর্শনা |
নবোগ্রসেনস্য সুতাঃ কংসস্তেষাং তু পূর্বজঃ || ২. ৭১. ১৩২||
ন্যগ্রো দশ্চ সুনামা চ কঙ্কশঙ্কুসুভূময়ঃ |
সুতনূ রাষ্ট্রপালশ্চ যুদ্ধতুষ্টশ্চ তুষ্টিমান্ || ২. ৭১. ১৩৩||
তেষাং স্বসারঃ পঞ্চৈব কংসা কংসবতী তথা |
সুতনূ রাষ্ট্রপালী চ কঙ্কা চৈব বরাঙ্গনা || ২. ৭১. ১৩৪||
উগ্রসেনো মহাপত্যো ব্যাখ্যাতঃ কুকুরোদ্ভবঃ |
কুকুরাণামিমং বংশং ধারয়ন্নমিতৌজসাম্ || ২. ৭১. ১৩৫||
আত্মনোবিপুলং বংশং প্রজাবাংশ্চ ভবেন্নরঃ |
ভজমানস্য পুত্রস্তু রথিমুখ্যো বিদূরথঃ || ২. ৭১. ১৩৬||
রাজাধিদেবঃ শূরশ্চ বিদূরথসুতোঽভবৎ |
তস্য শূরস্য তু সুতা জজ্ঞিরে বলবত্তরাঃ || ২. ৭১. ১৩৭||
বাতশ্চৈব নিবাতশ্চ শোণিতঃ শ্বেতবাহনঃ |
শমী চ গদবর্মা চ নিদান্তঃ খলু শত্রুজিৎ || ২. ৭১. ১৩৮||
শমীপুত্রঃ প্রতিক্ষত্রঃ প্রতিক্ষত্রস্য চাত্মজঃ |
স্বয়ংভোজঃ স্বয়ংভোজাদ্ধৃদিকঃ সংবভূব হ || ২. ৭১. ১৩৯||
হৃদিকস্য সুতাস্ত্বাসন্দশ ভীমপরাক্রমাঃ |
কৃতবর্মাগ্রজস্তেষাং শতধন্বা তু মধ্যমঃ || ২. ৭১. ১৪০||
দেববাহুস্সুবাহুশ্চ ভিষক্ষ্বেতরথশ্চ যঃ |
সুদান্তশ্চাধিদান্তশ্চ কনকঃ কনকোদ্ভবঃ || ২. ৭১. ১৪১||
দেববাহোস্সুতো বিদ্বাঞ্জজ্ঞে কংবলবর্হিষঃ |
অসমৌজাঃ সুতস্তস্য সুসমৌজাশ্চ বিশ্রুতঃ || ২. ৭১. ১৪২||
অজাতপুত্রায় ততঃ প্রদদাবসমৌজসে |
সুচন্দ্রং বসুরূপং চ কৃষ্ণ ইত্যন্ধকাঃ স্মৃতাঃ || ২. ৭১. ১৪৩||
অন্ধকানামিমং বংশং কীর্ত্তয়েদ্যস্তু নিত্যশঃ |
আত্মনো বিপুলং বংশং লভতে নাত্র সংশয়ঃ || ২. ৭১. ১৪৪||
অশ্মক্যাং জনয়ামাস শূরং বৈ দেব মীঢুষম্ |
মারিষ্যাং জজ্ঞিরে শূরাদ্ভোজায়াং পুরুষা দশ || ২. ৭১. ১৪৫||
বসুদেবো মহাবাহুঃ পূর্বমানকদুন্দুভিঃ |
জজ্ঞে তস্য প্রসূতস্য দুন্দুভিঃ প্রাণদদ্দিবি || ২. ৭১. ১৪৬||
আনকানাং চ সংহ্নাদঃ সুমহানভবদ্দিবি |
পপাত পুষ্পবর্ষং চ শরস্য ভবনে মহৎ || ২. ৭১. ১৪৭||
মনুষ্যলোকে কৃৎস্নেঽপি রূপে নাস্তি সমো ভুবি |
যস্যাসীৎপুরুষাগ্র্যস্য কান্তিশ্চন্দ্রমসো যথা || ২. ৭১. ১৪৮||
দেবভাগস্ততো জজ্ঞে ততো দেবশ্রবাঃ পুনঃ |
অনাধৃষ্টিবৃকশ্চৈব নন্দনশ্চৈব সৃংজয়ঃ || ২. ৭১. ১৪৯||
শ্যামঃ শমীকো গণ্ডূষঃ স্বসারস্তু বরাগনাঃ |
পৃথা চ শ্রুতদেবা চ শ্রুতকীর্তিঃ শ্রুত শ্রবাঃ || ২. ৭১. ১৫০||
রাজাধিদেবী চ তথা পঞ্চৈতা বীরমাতরঃ |
পৃথাং দুহিতরং শূরঃ কুন্তিভোজায় বৈ দদৌ || ২. ৭১. ১৫১||
তস্মাৎসা তু স্মৃতা কুন্তী কুন্তিভোজাত্মজা পৃথা |
কুরুবীরঃ পাণ্ডুমুখ্যস্তস্মাদ্ভার্যামবিন্দত || ২. ৭১. ১৫২||
পুথা জজ্ঞে ততঃ পুত্রাংস্ত্রীনগ্নিসমতেজসঃ |
লোকে প্রতিরথান্বীরাঞ্ছক্রতুল্যপরাক্রমান্ || ২. ৭১. ১৫৩||
ধর্মাদ্যুধিষ্টিরং পুত্রং মারুতাচ্চ বৃকোদরম্ |
ইন্দ্রাদ্ধনঞ্জয়ং চৈব পৃথা পুত্রানজীচনৎ || ২. ৭১. ১৫৪||
মাদ্রবত্যা তু জনিতাবশ্বিনাবিতি বিশ্রুতম্ |
নকুলঃ সহদেবশ্চ রুপসত্ত্বগুণান্বিতৌ || ২. ৭১. ১৫৫||
জজ্ঞে তু শ্রুতদেবায়াং তনয়ো বৃদ্ধশর্মণঃ |
করূষাধিপতের্ংবীরো দন্তবক্রো মহাবলঃ || ২. ৭১. ১৫৬||
কৈকয়াচ্ছ্রুতিকীর্ত্যং তু জজ্ঞে সংতর্দনো বলী |
চেকিতানবৃহৎক্ষত্রৌ তথৈবান্যৌ মহাবলৌ || ২. ৭১. ১৫৭||
বিন্দানুবিন্দাবাবন্ত্যৌ ভ্রাতরৌ সুমহাবলৌ |
শ্রুতশ্রবায়াং চৈদ্যস্তু শিশুপালো বভূব হ || ২. ৭১. ১৫৮||
দমঘোষস্য রাজর্ষেঃ পুত্রো বিখ্যাতপৌরুষঃ |
যঃ পুরা সদশগ্রীবঃ সংবভূবারিমর্দনঃ || ২. ৭১. ১৫৯||
বৈশ্রবাণানুজস্তস্য কুংভকর্ণোঽনুজস্তথা পত্ন্যস্তু বসুদেবস্য ত্রয়োদশ বরাঙ্গনাঃ || ২. ৭১. ১৬০||
পৌরবী রোহিণী চৈব মদিরা চাপরা তথা |
তথৈব ভদ্রবৈশাখী সুনাম্নী পঞ্চমী তথা || ২. ৭১. ১৬১||
সহদেবা শান্তিদেবা শ্রীদেবা দেবরক্ষিতা |
ধৃতদেবোপদেবা চ দেবকী সপ্তমী তথা || ২. ৭১. ১৬২||
সুগন্ধা বনরাজী চ দ্বেচান্যে পরিচারিকে |
রোহিণী পৌরবী চৈব বাহ্লীকস্যানুজাভবৎ || ২. ৭১. ১৬৩||
জ্যেষ্ঠা পত্নী মহাভাগদয়িতাঽনকদুন্দুভেঃ |
জ্যেষ্ঠে লেভে সুতং রামং সারণং হি শঠং তথা || ২. ৭১. ১৬৪||
দুর্দমং দমনং শুভ্রং পিণ্ডারককুশীতকৌ |
চিত্রাং নাম কুমারীং চ রোহিণ্যষ্টৌ ব্যজায়ত || ২. ৭১. ১৬৫||
পুত্রৌ রামস্য জজ্ঞাতে বিজ্ঞাতৌ নিশঠোল্মুকৌ |
পার্শ্বী চ পার্শ্বমর্দী চ শিশুঃ সত্যধৃতিস্তথা || ২. ৭১. ১৬৬||
মন্দবাহ্যোঽথ রামণাঙ্গিরিকো গিরিরেব চ |
শুল্কগুল্মোঽতিগুল্মশ্চ দরিদ্রান্তক এব চ || ২. ৭১. ১৬৭||
কুমার্যশ্চাপি পঞ্জান্যা নামতস্তা নিবোধত |
অর্চিষ্মতী সুনন্দা চ সুরসা সুবচাস্তথা || ২. ৭১. ১৬৮||
তথা শতবলা চৈব সারণস্য সুতাস্ত্বিমাঃ |
ভদ্রাশ্বো ভদ্রগুপ্তিশ্চ ভদ্রবিষ্টস্তথৈব চ || ২. ৭১. ১৬৯||
ভদ্রবাহুর্ভদ্ররথো ভদ্রকল্পস্তথৈব চ |
সুপার্শ্বকঃ কীর্ত্তিমাংশ্চ রোহিতাশ্বঃ শঠাত্মজাঃ || ২. ৭১. ১৭০||
দুর্মদস্যাভিভূতশ্চ রোহিণ্যাঃ কুলজাঃ স্মৃতাঃ |
নন্দোপনন্দৌ মিত্রশ্চ কুক্ষিমিত্রস্তথা বলঃ || ২. ৭১. ১৭১||
চিত্রোপচিত্রৌ কৃতকস্তুষ্টিঃ পুষ্টিরথাপরঃ |
মদিরায়াঃ সুতা এতে বসুদেবাদ্ধিজজ্ঞিরে || ২. ৭১. ১৭২||
উপবিংবোঽথ বিংবশ্চ সত্ত্বদন্তমহৌজসৌ |
চৎবার এতে বিখ্যাতা ভদ্রাপুত্রা মহাবলাঃ || ২. ৭১. ১৭৩||
বৈশাল্যামদধাচ্ছৌরিঃ পুত্রং কৌশিকমুত্তমম্ |
দেবক্যাং জজ্ঞিরে সৌরেঃ সুষেণঃ কীর্ত্তিমানপি || ২. ৭১. ১৭৪||
উদর্ষির্ভদ্রসেনশ্চ ঋজুদায়শ্চ পঞ্চমঃ |
ষষ্ঠো হি ভদ্রদেবশ্চ কংসঃ সর্বাঞ্জঘান তান্ || ২. ৭১. ১৭৫||
অথ তস্যা মবস্থায়া আয়ুষ্মান্সংবভূব হ |
লোকনাথঃ পুনর্বিষ্ণুঃ পূর্বং কৃষ্ণঃ প্রজাপতিঃ || ২. ৭১. ১৭৬||
অনুজাতাভবকৃষ্ণাৎসুভদ্রা ভদ্রভাষিণী |
কৃষ্ণা সুভদ্রেতি পুনর্ব্যাখ্যাতা বৃষ্ণিনন্দিনী || ২. ৭১. ১৭৭||
সুভদ্রায়াং রথী পার্থাদভিমন্যুরজায়ত |
বসুদেবস্য ভার্যাসু মহাভাগাসু সপ্তসু || ২. ৭১. ১৭৮||
যে পুত্রা জজ্ঞিরে শুরা নামতস্তান্নিবোধত |
পূর্বাদ্যাঃ সহদেবায়াং শূরাদ্বৈ জজ্ঞিরে সুতাঃ || ২. ৭১. ১৭৯||
শান্তিদেবা জনস্তম্বং শৌরের্জজ্ঞে কুলোদ্বহম্ |
আগাবহো মহাত্মা চ বৃকদেব্যা মজায়ত || ২. ৭১. ১৮০||
শ্রীদেবায়াং স্বয়ং জজ্ঞে মন্দকো নাম নামতঃ |
উপাসংগং বসুং চাপি তনয়ৌ দেবরক্ষিতা || ২. ৭১. ১৮১||
এবং দশ সুতাস্তস্য কংসস্তানপ্যঘাতয়ৎ |
বিজয়ং রোচনং চৈব বর্দ্ধমানং চ দেবলম্ || ২. ৭১. ১৮২||
এতান্মহাত্মনঃ পুত্রান্সুষাব শিশিরাবতী |
সপ্তমী দেবকী পুত্রং সুনামানমসূয়ত || ২. ৭১. ১৮৩||
গবেষণং মহাভাগং সংগ্রামে চিত্রয়োধিনম্ |
শ্রাদ্ধদেব্যাং পুরোদ্যানে বনে তু বিচরন্দ্বিজাঃ || ২. ৭১. ১৮৪||
বৈশ্যায়ামদধাচ্ছৌরিঃ পুত্রং কৌশিকমব্যয়ম্ |
সুগন্ধী বনরাজী চ শৌরেরাস্তাং পরিগ্রহৌ || ২. ৭১. ১৮৫||
পুণ্ডশ্চ কপিলশ্চৈব সুগন্ধ্যাশ্চাত্মজৌ তু তৌ |
তয়ো রাজাভবৎপুণ্ড্রঃ কপিলস্তু বনং যয়ৌ || ২. ৭১. ১৮৬||
অন্যস্যামভবদ্বীরো বসুদেবাত্মজো বলী |
জরা নাম নিষাদোঽসৌ প্রথমঃ স ধনুর্দ্ধরঃ || ২. ৭১. ১৮৭||
বিখ্যাতো দেবভাগ্যস্য মহাভাগঃ সুতোঽভবৎ |
পণ্ডিতানাং মতং প্রাহুর্দেবশ্রবসমুদ্ভবম্ || ২. ৭১. ১৮৮||
অশ্মক্যাং লভতে পুত্রমনাধৃষ্টির্যশাস্বিনম্ |
নিবৃত্তশত্রুং শত্রুঘ্নং শ্রাদ্ধদেবং মহাবলম্ || ২. ৭১. ১৮৯||
ব্যজায়ত শ্রাদ্ধদেবো নৈষাদির্যঃ পারিশ্রুতঃ |
একলব্যো মহাভাগো নিষাদৈঃ পরিবর্দ্ধিতঃ || ২. ৭১. ১৯০||
গণ্ডূষায়ানপত্যায় কৃষ্ণস্তুষ্টোঽদদাৎসুতৌ |
চারুদেষ্ণং চ সাংবং চ কৃতাস্ত্রৌ শস্তলক্ষণৌ || ২. ৭১. ১৯১||
রন্তিশ্চ রন্তিপালশ্চ দ্বৌ পুত্রৌ নন্দনস্য চ |
বৃকায় বৈ ৎবপুত্রায় বসুদেবঃ প্রতাপবান্ || ২. ৭১. ১৯২||
সৌমিং দদৌ সুত বীরং শৌরিঃ কৌশিকমেব চ |
সৃংজয়স্য ধনুশ্চৈব বিরজাশ্চ সুতাবিমৌ || ২. ৭১. ১৯৩||
অনপত্যোঽভবচ্ছ্যামঃ শমীকস্তু বনং যয়ৌ |
জুগুপ্সমানো ভোজৎবং রাজর্ষিৎবমবাপ্তবান্ || ২. ৭১. ১৯৪||
য ইদং জন্ম কৃষ্ণস্য পঠতে নিয়তব্রতঃ |
শ্রাবয়েদ্ব্রাহ্মণংবাপি স মহাৎসুখমবাপ্নুয়াৎ || ২. ৭১. ১৯৫||
দেবদেবো মহাতেজাঃ পূর্বং কৃষ্ণঃ প্রজাপতিঃ |
বিহারার্থং মনুষ্যেষু জজ্ঞে নারায়ণঃ প্রভুঃ || ২. ৭১. ১৯৬||
দেবক্যাং বসুদেবেন তপসা পুষ্করেক্ষণঃ |
চতুর্বাহুস্তু সংজজ্ঞে দিব্যরূপশ্রিয়ান্বিতঃ || ২. ৭১. ১৯৭||
প্রকাশ্যো ভগবান্যোগী কৃষ্ণো মানুষতাং গতঃ |
অব্যক্তো ব্যক্তলিঙ্গশ্চ স এব ভগবান্প্রভুঃ || ২. ৭১. ১৯৮||
নারায়ণো যতশ্চক্রে ব্যয়ং চৈবাব্যয়ং হি যৎ |
দেবো নারায়ণো ভূৎবা হরিরাসীৎসনাতনঃ || ২. ৭১. ১৯৯||
যোঽবুঞ্জাচ্চাদিপুরুষং পুরা চক্রে প্রজাপতিম্ |
অদিতেরপি পুত্রৎবমেত্য যাদবনন্দনঃ || ২. ৭১. ২০০||
দেবো বিষ্ণুরিতি খ্যাতঃ শক্রাদবরজোঽভবৎ |
প্রাসাদয়ন্যং চ বিভুং হ্যদিত্যাঃ পুত্রকারণে || ২. ৭১. ২০১||
বধার্থং সুরশত্রূণাং দৈত্যদানবরক্ষসাম্ |
যয়াতিবংশজস্যাথ বসুদেবস্য ধীমতঃ || ২. ৭১. ২০২||
কুলং পুণ্যং যতো জন্ম ভেজে নারায়মঃ প্রভুঃ |
সাগরাঃ সমকংপত চেলুশ্চ ধরণীধরাঃ || ২. ৭১. ২০৩||
জজ্বলুস্ত্বগ্নিহোত্রাণি জায়মানে জনার্দ্দনে |
শিবাশ্চ প্রববুর্বাতাঃ প্রশান্তমভবদ্রজঃ || ২. ৭১. ২০৪||
জ্যোতীংষ্যভ্যধিকং রেজুর্জায়মানে জনার্দ্দনে |
অভিজিন্নাম নক্ষত্রং জয়ন্তী নাম শর্বরী || ২. ৭১. ২০৫||
মুহূর্ত্তো বিজয়ো নাম যত্র জাতো জনার্দ্দনঃ |
অব্যক্তঃ শাশ্বতঃ কৃষ্ণো হরির্নারায়ণঃ প্রভুঃ || ২. ৭১. ২০৬||
জজ্ঞে তথৈব ভগবান্মায়য়া মোহয়ন্প্রজাঃ |
আকাশাৎপুষ্পবৃষ্টিং চ ববর্ষ ত্রিদশেশ্বরঃ || ২. ৭১. ২০৭||
গীর্ভির্মঙ্গলয়ুক্তাভিস্তুবন্তো মধুসূদনম্ |
মহর্ষয়ঃ সগন্ধর্বা উপতস্থুঃ সহস্রশঃ || ২. ৭১. ২০৮||
বসুদেবস্তু তং রাত্রৌ জাতং পুত্রমধোক্ষজম্ |
শ্রীবৎসলক্ষণং দৃষ্ট্বা হৃদি দিব্যৈঃ স্বলক্ষণৈঃ || ২. ৭১. ২০৯||
উবাচ বসুদেবস্তং রূপং সংহর বৈ প্রভো |
ভীতোঽহং কংসতস্তাত তস্মাদেবং ব্রবীম্যহম্ || ২. ৭১. ২১০||
মম পুত্রা হতাস্তেন জ্যেষ্ঠাস্তেঽদ্ভুতদর্শনাঃ |
বসুদেববচঃশ্রুৎবা রূপং সংহৃতবান্প্রভুঃ || ২. ৭১. ২১১||
অনুজ্ঞাতঃ পিতা ৎবেনং নন্দগোপগৃহং নয়ৎ |
উগ্রসেনগৃহেঽতিষ্ঠদ্যশোদায়ৈ তদা দদৌ || ২. ৭১. ২১২||
তুল্যকালং তু গর্ভিণ্যৌ যশোদা দেবকী তথা |
যশোদা নন্দগোপস্য পত্নী সা নন্দগোপতেঃ || ২. ৭১. ২১৩||
যামেব রজনীং কৃষ্ণো জজ্ঞে বৃষ্ণিকুলে প্রভুঃ |
তামেব রজনীং কন্যা যশোদায়াং ব্যজায়ত || ২. ৭১. ২১৪||
তং জাত রক্ষমাণস্তু বসুদেবো মহায়শাঃ |
প্রাদাৎপুত্রং যশোদায়ৈ কন্যাং তু জগৃহে স্বয়ম্ || ২. ৭১. ২১৫||
দত্ত্বেমং নন্দগোপস্য রক্ষেমমিতি চাব্রবীৎ |
সুতস্তে সর্বকল্যাণো যাদবানাং ভবিষ্যতি || ২. ৭১. ২১৬||
অয়ং স গর্ভা দেবক্যা মম ক্লেশান্হরিষ্যতি |
উগ্রসেনাত্মজায়াথ কন্যামানকদুন্দুভিঃ || ২. ৭১. ২১৭||
নিবেদয়ামাস তদা কন্যেতি শুভলক্ষণা |
স্বসুস্তু তনয়ং কংসো জাতং নৈবাবধারয়ৎ || ২. ৭১. ২১৮||
অথ তামপি দুষ্টাত্মা হ্যুৎসসর্জ মুদান্বিতঃ |
তবৈষা হি যথা কন্যা তথা মম ন সংশয়ঃ |
ন হন্মীমাং মহাবাহো ব্রজৎবেষা যথারুচি || ২. ৭১. ২১৯||
কন্যা সা ববৃধে তত্র বৃষ্মিসদ্মনি পূজিতা |
পুত্রবৎপালয়ামাস দেবী দেবীং মুদা তদা || ২. ৭১. ২২০||
তমেবং বিধিনোৎপন্নমাহুঃ কৃষ্ণং প্রজাপতিম্ |
একাদশা তু জজ্ঞে বৈ রক্ষার্থং কেশবস্য হ || ২. ৭১. ২২১||
এতাং চৈকাগ্রমনসঃ পূজয়িষ্যন্তি যাদবাঃ |
দেবদেবো দিব্যবপুঃ কৃষ্ণঃ সংরক্ষিতোঽনয়া || ২. ৭১. ২২২||
ঋষয় ঊচুঃ
কিমর্থং বসুদেবস্য ভোজঃ কংসো নরাধিপঃ |
জঘান পুত্রান্বালান্বৈ তন্নো ব্যাখ্যাতুমর্হসি || ২. ৭১. ২২৩||
সূত উবাচ
শৃণুধ্বং বৈ যথা কংসঃ পুত্রানানকদুন্দুভেঃ |
জাতাঞ্জাতাস্তু তান্সর্বান্নিষ্পিপেষ বৃথামতিঃ || ২. ৭১. ২২৪||
ভয়াদ্যথা মহাবাহো জাতঃ কৃষ্ণো বিবাসিতঃ |
যথা চ গোষু গোবিন্দঃ সংবৃদ্ধঃ পুরুষোত্তমঃ || ২. ৭১. ২২৫||
উদ্বাহে কিল দেবক্যা বসুদেবস্য ধীমতঃ |
সারথ্যং কৃতবান্কংসো যুবরাজস্তদাভবৎ || ২. ৭১. ২২৬||
ততোংঽতরিক্ষে বাগাসীদ্দিব্যাভূদ্যস্য কস্যচিৎ |
কংসস্য নামমাত্রেণ পুষ্কলা লোকসাক্ষিণী || ২. ৭১. ২২৭||
যামেতং বহসে কংস রথেন প্রিয়কারণাৎ |
তস্যা যশ্চাষ্টমো গর্ভঃ স তে মৃত্যুর্ভবিষ্যতি || ২. ৭১. ২২৮||
তাং শ্রুৎবা ব্যথিতো বাণীং তদা কংসো বৃথামতিঃ |
নিষ্কৃষ্য খড্গং তাং কন্যাং হন্তুকামোঽভবত্তদা || ২. ৭১. ২২৯||
তমুবাচ মহাবাহুর্বসুদেবঃ প্রতাপবান্ |
উগ্রসেনাত্মজং কসং সৌৎদৃদাৎপ্রণয়েন বা || ২. ৭১. ২৩০||
ন স্ত্রিয়ং ক্ষত্রিয়ো জাতু হন্তুমর্হসি কশ্চন |
উপায়ঃ পরিদৃষ্টোঽত্র ময়া যাদবনন্দন || ২. ৭১. ২৩১||
যোঽস্যাঃ সংজায়তে গর্ভো হ্যষ্টমঃ পৃথিবীপতে |
তমহং তে প্রয়চ্ছামি তত্র কুর্যা যথাক্রমম্ || ২. ৭১. ২৩২||
ন ৎবিদানীং যথেষ্টং ৎবং বর্ত্তেথা ভূরিদক্ষিণ |
সর্বানপ্যথ বা গর্ভান্পৃথঙ্নেষ্যামি তে বশম্ || ২. ৭১. ২৩৩||
এবং মিথ্যা নরশ্রেষ্ঠ বাগেষা ন ভবিষ্যতি |
এবমুক্তোঽনুনীতঃ স জগ্রাহ বচনং তদা || ২. ৭১. ২৩৪||
বসুদেবশ্চ তাং ভার্যামবাপ্য মুদিতোঽভবৎ |
কংসস্তস্যাবধীৎপুত্রান্পাপকর্মা বৃথামতিঃ || ২. ৭১. ২৩৫||
ঋষয় ঊচুঃ
ক এষ বসুদেবস্তু দেবকী চ যশস্বিনী |
নন্দগোপস্তু কস্ত্বেষ যশোদা য মহায়শাঃ || ২. ৭১. ২৩৬||
যো বিষ্ণুং জনয়ামাস যং চ তাতেত্যভাষত |
যা গর্ভং জনয়ামাস যা বৈনং যাভ্যবর্দ্ধয়ৎ || ২. ৭১. ২৩৭||
সূত উবাচ
পুরুষঃ কশ্যপস্ত্বাসী দদিতিস্তৎপ্রিয়া তথা |
কশ্যপো ব্রহ্মণোংঽশশ্চ পৃথিব্যা আদিতিস্তথা || ২. ৭১. ২৩৮||
নন্দো দ্রোণঃ সমাখ্যাতো যশোদা চ ধরাভবৎ |
অথ কামান্মহাবাহুর্দেবক্যাঃ সংপ্রবর্দ্ধয়ন্ || ২. ৭১. ২৩৯||
অচরৎস মহীং দেবঃ প্রবিষ্টো মানুষীং তনুম্ |
মোহয়ন্সর্বভূতানি যোগাত্মা যোগমায়য়া || ২. ৭১. ২৪০||
নষ্টে ধর্মে তদা জজ্ঞে বিষ্ণুর্বৃষ্ণিকুলে স্বয়ম্ |
কর্ত্তুং ধর্মব্যবস্থানমসুরাণাং প্রণাশনম্ || ২. ৭১. ২৪১||
বৈদর্ভী রুক্মিণী কন্যা সত্যা নগ্নজিতস্তদা |
সত্রাজিতঃ সত্যভামা জাংববত্যপি রোহিণী || ২. ৭১. ২৪২||
শৈব্যা ধন্যানি দেবীনাং সহস্রাণি চ ষোডশ |
চতুর্দশ তু যে প্রোক্তা গণাস্ত্বপ্সরসাং দিবি || ২. ৭১. ২৪৩||
বিচার্য দেবৈঃ শক্রেণ বিশিষ্টাস্ত্বিহ প্রেষিতাঃ |
পত্ন্যর্থং বাসুদেবস্য উৎপন্না রাজবেশ্মসু || ২. ৭১. ২৪৪||
এতাঃ পত্ন্যো মহাভাগা বিষ্বক্সেনস্য বিশ্রুতাঃ |
প্রদ্যুম্নশ্চারুদেষ্ণশ্চ সুদেবঃ শরভস্তথা || ২. ৭১. ২৪৫||
চারুশ্চ চারুভদ্রশ্চ ভদ্রচারুস্তথাপরঃ |
চারুবিদ্যশ্চ রুক্মিণ্যাং কন্যা চারুমতী তথা || ২. ৭১. ২৪৬||
সানুর্ভানুস্তথাক্ষশ্চ রোহিতো মন্ত্রবিত্তথা |
জরোঽধকস্তাম্রচক্রৌ সৌভরিশ্চ জরেধরঃ || ২. ৭১. ২৪৭||
চতস্রো জজ্ঞিরে তেষাং স্বসারো গরুডধ্বজাৎ |
ভানুঃ সৌভরিকা চৈব তাম্রপর্ণী জরন্ধরঃ || ২. ৭১. ২৪৮||
সত্যভামাসুতা এতে জাংববত্যাঃ প্রজাঃ শ্রুণু |
ভদ্রশ্চ ভদ্রগুপ্তশ্চ ভদ্রচিত্রস্তথৈব চ || ২. ৭১. ২৪৯||
বধ্রবাহুশ্চ বিখ্যাতঃ কন্যা ভদ্রবতী তথা |
সংবোধনী চ বিখ্যাতা জ্ঞেয়া জাংববতীসুতাঃ || ২. ৭১. ২৫০||
সংগ্রামজিচ্চ শতজিত্তথৈব চ সহস্র জিৎ |
এতে পুত্রাঃ সুদেব্যাং চ বিষ্বক্সেনস্য কীর্ত্তিতাঃ || ২. ৭১. ২৫১||
বৃকো বৃকাশ্বো বৃকজিদ্বৃজিনী চ বরাঙ্গনা |
মিত্রবাহুঃ সুনীথশ্চ নাগ্নজিত্যা প্রজাস্ত্বিহ || ২. ৭১. ২৫২||
এবমাদীনি পুত্রাণাং সহস্রাণি নিবোধত |
প্রয়ুতং তু সমাখ্যাতং বাসুদেবস্য যে সুতাঃ || ২. ৭১. ২৫৩||
অয়ু তানি যথাষ্টৌ চ শূরা রণবিশারদাঃ |
জনার্দনস্য বংশো বঃ কীর্তিতোঽযং যথাতথম্ || ২. ৭১. ২৫৪||
বৃহতী পুরুভার্যাসীৎসুমধ্যা সুগতিস্তথা |
কন্যা সা বৃহদুক্থস্য শৈনেয়স্য মহাত্মনঃ || ২. ৭১. ২৫৫||
তস্যাঃ পুত্রাস্তু বিখ্যাতাস্ত্রয়ঃ সমিতিশোভনাঃ |
আনন্দঃ কনকঃ শ্বেতঃ কন্যা শ্বেতা তথৈব চ || ২. ৭১. ২৫৬||
অগাবহস্য চিত্রশ্চ শূরশ্চিত্ররথশ্চ যঃ |
চিত্রসেনঃ স্মৃতশ্চাস্য কন্যা চিত্রবতী তথা || ২. ৭১. ২৫৭||
তুম্বশ্চ তুম্বংবর্চাশ্চ জাতৌ তুম্বস্য তাবুভৌ |
উপাসংগসুতৌ দ্বৌ তু বজ্রারঃ ক্ষিপ্র এব চ || ২. ৭১. ২৫৮||
ভূরীন্দ্রসেনো ভূরিশ্চ গবেষণসুতাপুভৌ |
যুধিষ্টিরস্য কন্যায়াং সুধনুস্তস্য চাত্মজঃ || ২. ৭১. ২৫৯||
কাশ্যাং তু পঞ্চ তনয়াংল্লেভে সাংবাত্তরস্বিনঃ |
সত্যপ্রকৃতয়ো দেবাঃ পঞ্চ বীরাঃ প্রকীর্ত্তিতাঃ || ২. ৭১. ২৬০||
তিস্রঃ কোট্যস্তু পৌত্রাণাং যাদবানাং মহাত্মনাম্ |
সর্বমেব কুলং যচ্চ বর্ত্তন্তে চৈব যে কুলে || ২. ৭১. ২৬১||
বিষ্ণুস্তেষাং প্রমাণে চ প্রভুৎবে চ ব্যবস্থিতঃ |
নিদেশস্থায়িভিস্তস্য বধ্যন্তে সুরমানুষাঃ || ২. ৭১. ২৬২||
দেবাসুরাহবহতা অসুরা যে মহাবলাঃ |
ইহোৎপন্না মনুষ্যেষু বাধন্তে তে তু মানবান্ || ২. ৭১. ২৬৩||
তেষামুৎসাদনার্থায় উৎপন্না যাদবে কুলে |
সমুৎপন্নং কুলশতং যাদবানাং মহাত্মনাম্ || ২. ৭১. ২৬৪||
ইতি প্রসূতির্বৃষ্ণীনাং সমাসব্যাসয়োগতঃ |
কীর্ত্তিতা কীর্ত্তনীয়া স কীর্ত্তিসিদ্ধিমভীপ্সতা || ২. ৭১. ২৬৫||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয় উপোদ্ধাতপদে বৃষ্ণিবংশানুকীর্ত্তনং নামৈকসপ্ততিতমোঽধ্যায়ঃ || ৭১||

সূত উবাচ
মনুষ্যপ্রকৃতীন্দেবান্কীর্ত্যমানান্নিবোধত |
সংকর্ষণো বাসুদেবঃ প্রদ্যুম্নঃ সাংব এব চ || ২. ৭২. ১||
অনিরুদ্ধশ্চ পঞ্চৈতে বংশবীরাঃ প্রকীর্ত্তিতাঃ |
সপ্তর্ষ্যঃ কুবেরশ্চ যজ্ঞে মণিবরস্তথা || ২. ৭২. ২||
শালূকির্নারদশ্চৈব বিদ্বান্ধন্বন্তরিশ্তথা |
নন্দিনশ্চ মহাদেবঃ সালকায়ন এব চ |
আদিদেব স্তদা বিষ্ণুরেভিশ্চ সহ দৈবতৈঃ || ২. ৭২. ৩||
ঋষয় ঊচুঃ
বিষ্ণুঃ কিমর্থং সংভূতঃ স্মৃতাঃ সংভূতয়ঃ কতি |
ভবিষ্যাঃ কতি চান্যে চ প্রাদুর্ভাবা মহাত্মনঃ || ২. ৭২. ৪||
ব্রহ্মক্ষত্রেষু শস্তেষু কিমর্থমিহ জায়তে |
পুনঃ পুনর্মনুষ্যেষু তন্নঃ প্রব্রূহি পৃচ্ছতাম্ || ২. ৭২. ৫||
বিস্তরেণৈব সর্বাণি কর্মাণি রিপুঘাতিনঃ || ২. ৭২. ৬||
শ্রোতুমিচ্ছামহে সম্যগ্বদ কৃষ্ণস্য ধীমতঃ |
কর্মণামানুপূর্বীং চ প্রাদুর্ভাবাশ্চ যে প্রভো || ২. ৭২. ৭||
যা বাস্য প্রকৃতিস্তাত তাং চাস্মান্বক্তুমর্হসি |
কথং স ভগবান্বিষ্ণুঃ সুরেষ্বরিনিষূদনঃ || ২. ৭২. ৮||
বসুদেবকুলে ধীমান্বাসুদেবৎবমাগতঃ |
অমরৈরাবৃতং পুণ্যং পুণ্যকৃদ্ভিরলঙ্কৃতম্ || ২. ৭২. ৯||
দেবলোকং কিমুৎসৃজ্য মর্ত্যলোকমিহাগতঃ |
দেবমানুষয়োর্নেতা ধাতুর্যঃ প্রসবো হরিঃ || ২. ৭২. ১০||
কিমর্থং দিব্যমাত্মানং মানুষ্যে সমবেশয়ৎ |
যশ্চক্রং বর্ত্তয়ত্যেকো মনুষ্যাণাং মনোময়ম্ || ২. ৭২. ১১||
মানুষ্যে স কথং বুদ্ধিং চক্রে চক্রভৃতাং বরঃ |
গোপায়ন যঃ কুরুতে জগতঃ সর্বকালিকম্ || ২. ৭২. ১২||
স কথং গাং গতো বিষ্ণুর্গোপৎবমকরোৎপ্রভুঃ |
মহাভূতানি ভূতাত্মা যো দধার চকার হ || ২. ৭২. ১৩||
শ্রীগর্ভঃ স কথং গর্ভে স্ত্রিয়া ভূচরয়া বৃতঃ |
যেন লোকান্ক্রমৈর্জিৎবা সশ্রীকাস্ত্রিদশাঃ কৃতাঃ || ২. ৭২. ১৪||
স্থাপিতা জগতো মার্গাস্ত্রিক্রমং বপুরাহৃতম্ |
দদৌ জিতাং বসুমতীং সুরাণাং সুরসত্তমঃ || ২. ৭২. ১৫||
যেন সৈংহং বপুঃ কৃৎবা দ্বিধাকৃৎবা চ তৎপুনঃ |
পূর্বদৈত্যো মহাবীর্যো হিরণ্যকশিপুর্হতঃ || ২. ৭২. ১৬||
যঃ পুরা হ্যনলো ভূৎবা ৎবৌর্বঃ সংবর্ত্তকো বিভুঃ |
পাতালস্থোর্ঽণবগতঃ পপৌ তোয়ময়ং হবিঃ || ২. ৭২. ১৭||
সহস্রচরণং দেবং সহস্রাংশুং সহস্রশঃ |
সহস্রশিরসং দেবং যমাহুর্বৈ যুগে যুগে || ২. ৭২. ১৮||
নাভ্যরণ্যাং সমুদ্ভূতং যস্য পৈতামহং গৃহম্ |
একার্ণবগতে লোকে তৎপঙ্কজমপঙ্কজম্ || ২. ৭২. ১৯||
যেন তে নিহতা দৈত্যাঃ সংগ্রামে তারকাময়ে |
সর্বদেবময়ং কৃৎবা সর্বায়ুধধরং বপুঃ || ২. ৭২. ২০||
মহাবলেন বোৎসিক্তঃ কালনেমির্নিপাতিতঃ |
উত্তরাংশে সমুদ্রস্য ক্ষীরোদস্যামৃতোদধেঃ |
যঃ শেতেশশ্বতং যোগমাচ্ছাদ্য তিমিরং মহৎ || ২. ৭২. ২১||
সুরারণীগর্ভমধত্ত দিব্যং তপঃপ্রকর্ষাদদিতিঃ পুরায়ম্ |
শক্রং চ যো দৈত্যগণং চ রূদ্ধং গর্ভাবমানেন ভৃশং চকার হ || ২. ৭২. ২২||
পদানি যো লোকপদানি কৃৎবা চকার দৈত্যান্সলিলেশয়াংস্তান্ |
কৃৎবা চ দেবাংস্ত্রিদিবস্য দেবাংশ্চক্রে সুরেশং পুরুহূতমেব || ২. ৭২. ২৩||
গার্হপত্যেন বিধিনা অন্বাহার্যেণ কর্মণা || ২. ৭২. ২৪||
অগ্নিমাহবনীয়ং চ বেদীং চৈব কুশং স্রুবম্ |
প্রোক্ষণীয়ং শ্রুতং চৈব আবভৃথ্যং তথৈব চ || ২. ৭২. ২৫||
অথর্ষীংশ্চৈব যশ্চক্রে হব্যভাগপ্রদান্মখে |
হব্যাদাংশ্চ সুরাংশ্চক্রে কব্যাদাংশ্চ পিৎৠনপি |
ভোগার্থং যজ্ঞবিধিনা যো যজ্ঞো যজ্ঞকর্মণি || ২. ৭২. ২৬||
যূপান্সমিৎস্রুবং সোমং পবিত্রং পরিধীনপি |
যজ্ঞিয়ানি চ দ্রব্যাণি যজ্ঞিয়াংশ্চ তথানলান্ || ২. ৭২. ২৭||
সদস্যান্যজমানাংশ্চ হ্যশ্বমেধান্ক্রতুত্তমান্ |
বিচিত্রান্রাজসূয়দীন্পারমেষ্ঠ্যেন কর্মণা || ২. ৭২. ২৮||
উদ্গাত্রাদীংশ্চ যঃ কৃৎবা যজ্ঞাংল্লোকাননুক্রমম্ |
ক্ষণা নিমেষাঃ কাষ্ঠাশ্চ কলাস্ত্রৈকাল্যমেব চ || ২. ৭২. ২৯||
মুহূর্ত্তাস্তিথয়ো মাসা দিনং সংবৎসরং তথা |
ঋতবঃ কালয়োগাশ্চ প্রমাণং ত্রিবিধং ত্রিষু || ২. ৭২. ৩০||
আয়ুঃ ক্ষেত্রাণ্যথ বলং ক্ষণং যদ্রূপসৌষ্ঠবম্ |
মেধাবিৎবং চ শৌর্যং চ শাস্ত্রস্যেব চ পারণম্ || ২. ৭২. ৩১||
ত্রয়ো বর্ণাস্ত্রয়ো লোকাস্ত্রৈবিদ্যং পাবকাস্ত্রয়ঃ |
ত্রৈকাল্যং ত্রীণি কর্মাণি তিস্রো মাত্রা গুণাস্ত্রয়ঃ || ২. ৭২. ৩২||
সৃষ্টা লোকেশ্বরাশ্চৈব যেন যেন চ কর্মণা |
সর্বভূতগণাঃ সৃষ্টাঃ সর্বভূতগণাত্মনা || ২. ৭২. ৩৩||
ক্ষণং সংধায় পূর্বেণ যোগেন রমতে চ যঃ |
গতাগতানাং যো নেতা সর্বত্র বিবিধেশ্বরঃ || ২. ৭২. ৩৪||
যো গতির্দ্ধর্ময়ুক্তানামগতিঃ পাপকর্মণাম্ |
চাতুর্বর্ণ্যস্য প্রভবশ্চাতুর্বর্ণ্যস্য রক্ষিতা || ২. ৭২. ৩৫||
চাতুর্বিদ্যস্য যো বেত্তা চাতুরাশম্যসংশ্রয়ঃ |
দিগন্তরং নভো ভূমিরাপো বায়ুর্বিভাবসুঃ || ২. ৭২. ৩৬||
চন্দ্রসূর্যদ্বয়ং জ্যোতির্যুগেশাঃ ক্ষণদাচরাঃ |
যঃ পরং শ্রুয়তে দেবো যঃ পরং শ্রূয়তে তপঃ || ২. ৭২. ৩৭||
যঃ পরং তমসঃ প্রাহুর্যঃ পরং পরমাত্মবান্ |
আদিত্যাদিস্তু যো দেবো যশ্চ দৈত্যান্তকো বিভুঃ || ২. ৭২. ৩৮||
যুগান্তেষ্বন্তকো যশ্চ যশ্চ লোকান্তকান্তকঃ |
সেতুর্যো লোকসেতূনাং মেধো যো মধ্যকর্মণাম্ || ২. ৭২. ৩৯||
বেদ্যো যো বেদবিদুষাং প্রভুর্যঃ প্রভবাত্মনাম্ |
সোমভূতস্তু ভূতানামগ্নিভূতোঽগ্নিবর্চসাম্ || ২. ৭২. ৪০||
মনুষ্যাণাং মনুর্ভূতস্তপোভূতস্তপস্বিনাম্ |
বিনয়ো নয়তৃপ্তানাং তেজস্তেজস্বিনামপি || ২. ৭২. ৪১||
বিগ্রহো বিগ্রহাণাং যো গতির্গতিমতামপি |
আকাশপ্রভবো বায়ুর্বায়ুপ্রাণো হুতাশনঃ || ২. ৭২. ৪২||
দেবা হুতাশনপ্রাণাঃ প্রাণোঽগ্নের্মধুসূদনঃ |
রসাচ্ছোণিতসংভূতিঃ শোণিতান্মাসমুচ্যতে || ২. ৭২. ৪৩||
মাংসাত্ত মেদসো জন্ম মেদসোঽস্থি নিরুচ্যতে |
অস্য্নো মজ্জা সমভবন্মজ্জাতঃ শুক্রসংভবঃ || ২. ৭২. ৪৪||
শুক্রাদ্গর্ভঃ সমাভব দ্রসমূলেন কর্মণা |
তত্রাপাং প্রথমাবাপঃ স সৌম্যো রাশিরুচ্যতে || ২. ৭২. ৪৫||
গর্ভোঽশ্মসংভবো জ্ঞেয়ো দ্বিতীয়ো রাশিরুচ্যতে |
শুক্রং সোমাত্মকং বিদ্যাদার্ত্তবং পাবকাত্মকম্ || ২. ৭২. ৪৬||
ভাবৌ রসানুগাবেতৌ বীর্যে চ শশিপাবকৌ |
কফবর্গে ভবেচ্ছুক্রং পিত্তবর্গে চ শোণিতম্ || ২. ৭২. ৪৭||
কফস্য ৎদৃদয়ং স্থানং নাভ্যাং পিত্তং প্রতিষ্ঠিতম্ |
দেহস্য মধ্যে ৎদৃদয়ং স্থানং তু মনসঃ স্মৃতম্ || ২. ৭২. ৪৮||
নাভিশ্চোদর সংস্থা তু তত্র দেবো হুতাশনঃ |
মনঃ প্রজাপতির্জ্ঞেয়ঃ কফঃ সোমো বিভাব্যতে || ২. ৭২. ৪৯||
পিত্তমগ্নিঃ স্মৃতো হ্যেতদগ্নীষোমাত্মকং জগৎ |
এবং প্রবর্ত্তিতে গর্ভে বৃত্তে কর্কন্ধুসংনিভে || ২. ৭২. ৫০||
বায়ুঃ প্রবেশনং চক্রে সংগতঃ পরমাত্মনা |
স পঞ্চধা শরীরস্থো বিদ্যতে বর্দ্ধয়েৎপুনঃ || ২. ৭২. ৫১||
প্রাণাপানৌ সমানশ্চ হ্যুদানো ব্যান এব চ |
প্রাণোঽস্য পরমাত্মানং বর্দ্ধয়ন্পরিবর্ত্ততে || ২. ৭২. ৫২||
অপানঃ পশ্চিমং কায়মু দানোঽর্দ্ধং শরীরিণঃ |
ব্যানো ব্যানীয়তে যেন সমানঃ সর্বসংধিষু || ২. ৭২. ৫৩||
ভূতাবাপ্তিস্ততস্তস্য জায়তেন্দ্রিয়গোচরা |
পৃথিবী বায়ুরাকাশমাপো জ্যোতিশ্চ পঞ্চমম্ || ২. ৭২. ৫৪||
সর্বেদ্রিয়নিবিষ্টাস্তে স্বস্বয়োগং প্রচক্রিরে |
পার্থিবং দেহমাহুস্তু প্রাণাত্মানং চ মারুতম্ || ২. ৭২. ৫৫||
ছিদ্রাণ্যাকাশয়োনীনি জলাৎস্রাবঃ প্রবর্ত্ততে |
জ্যোতিশ্চক্ষুষি কোষ্ঠোঽস্মাত্তেষাং যন্নামতঃ স্মৃতম্ || ২. ৭২. ৫৬||
সংগ্রাহ্য বিষয়াংশ্চৈব যস্য বীর্যাৎপ্রবর্তিতাঃ |
ইত্যেতান্পুরুষঃ সর্বান্সৃজত্যেকঃ সনাতনঃ || ২. ৭২. ৫৭||
নৈধনেঽস্মিন্কথং লোকে নরৎবং বিষ্ণুরাগতঃ |
এষ নঃ সংশয়ো ধীমন্নেষ বৈ বিস্ময়ো মহান্ || ২. ৭২. ৫৮||
কথং গতির্গতিমতামাপন্নো মানুষীং তনুম্ |
শ্রোতুমিচ্ছামহে বিষ্ণোঃ কর্মাণি চ যথাক্রমম্ || ২. ৭২. ৫৯||
আশ্চর্যং পরমং বিষ্ণুর্বেদৈর্দেবশ্চৈ কথ্যতে |
বিষ্ণোরুৎপত্তিমাশ্চয় কথয়স্ব মহামতে || ২. ৭২. ৬০||
এতদাশ্চর্যমাখ্যাতং কথ্যতাং বৈ সুখাবহম্ |
প্রখ্যাতবলবীর্যস্য প্রাদুর্ভাবন্মহাত্মনঃ |
কর্মণাশ্চর্যভূতস্য বিষ্ণোঃ সত্ত্বমিহোচ্যতে || ২. ৭২. ৬১||
সূত উবাচ
অহং বঃ কীর্ত্তয়িষ্যামি প্রাদুর্ভাবং মহাত্মনঃ || ২. ৭২. ৬২||
যথা বভূব ভগবান্মানুষেষু মহাতপাঃ |
ভৃগুস্ত্রীবধদোষেণ ভৃগুশাপেন মানুষে || ২. ৭২. ৬৩||
জায়তে চ যুগান্তেষু দেবকার্যার্থসিদ্ধয়ে |
তস্য দিব্যাং তনুং বিষ্ণোর্গদতো মে নিবোধত || ২. ৭২. ৬৪||
যুগধর্মে পরাবৃত্তে কালে চ শিথিলে প্রভুঃ |
কর্ত্তুং ধর্মব্যবস্থানং জায়তে মানুষেষ্বিহ |
ভৃগোঃ শাপনিমিত্তেন দেবাসুরকৃতেন চ || ২. ৭২. ৬৫||
ঋষয় ঊচুঃ
কথং দেবাসুরকৃতে তদ্ব্যাহারমবাপ্তবান্ |
এতদ্বেদিতুমিচ্ছামো বৃত্তং দেবাসুরং কথম্ || ২. ৭২. ৬৬||
সূত উবাচ
দেবাসুরং যথাবৃত্তং ব্রুবতস্তন্নিবোধত || ২. ৭২. ৬৭||
হিরণ্যকশিপুর্দৈত্যস্ত্রৈলোক্যং প্রাক্প্রশাসতি |
বলিনাধিষ্ঠিতং রাজ্যং পুনর্লোকত্রয়ে ক্রমাৎ || ২. ৭২. ৬৮||
সখ্যমাসীৎপরং তেষাং দেবানামসুরৈঃ সহ |
যুগাখ্যা দশ সংপূর্ণা হ্যাসীদব্যাহতং জগৎ || ২. ৭২. ৬৯||
নিদেশস্থায়িনশ্চৈব তয়োর্দেবাসুরাভবন্ |
বদ্ধে বলৌ বিবাদোঽথ সংপ্রবৃত্তঃ সুদারুণঃ || ২. ৭২. ৭০||
দেবাসুরাণাং চ তদা ঘোরঃ ক্ষয়করো মহান্ |
তেষাং দ্বীপনিমিত্তং বৈ সংগ্রামা বহবোঽভবেন্ || ২. ৭২. ৭১||
বরাহেঽস্মিন্দশ দ্বৌ চ ষণ্ডামর্কান্তগাঃ স্মৃতাঃ |
নামতস্তু সমাসেন শৃণুধ্বং তান্বিবক্ষতঃ || ২. ৭২. ৭২||
প্রথমো নারসিংহস্তু দ্বিতীয়শ্চাপি বামনঃ |
তৃতীয়ঃ স তু বারাহশ্চতুর্থোঽমৃতমন্থনঃ || ২. ৭২. ৭৩||
সংগ্রামঃ পঞ্চমশ্চৈব সুঘোরস্তারকাময়ঃ |
ষষ্ঠো হ্যাডীবকস্তেষাং সপ্তমস্ত্রৈপুরঃ স্মৃতঃ || ২. ৭২. ৭৪||
অন্ধকারোঽষ্টমস্তেষাং ধ্বজশ্চ নবমঃ স্মৃতঃ |
বার্ত্রশ্চ দশমো ঘোরস্ততো হালাহলঃ স্মৃতঃ || ২. ৭২. ৭৫||
স্মৃতো দ্বাদশকস্তেষাং ঘোরঃ কোলাহলোঽপরঃ |
হিরণ্যকশিপুর্দৈত্যো নরসিংহেন সূদিতঃ || ২. ৭২. ৭৬||
বামনেন বলির্বদ্ধস্ত্রৈলোক্যাক্রমণে কৃতে |
হিরণ্যাক্ষো হতো দ্বন্দ্বে প্রতিবাদে চ দৈবতে || ২. ৭২. ৭৭||
মহাবলো মহাসত্ত্বঃ সংগ্রামেষ্বপরাজিতঃ |
দংষ্ট্রয়া তু বরাহেণ স দৈত্যস্তু দ্বিধাকৃতঃ || ২. ৭২. ৭৮||
প্রহ্লাদো নির্জিতো যুদ্ধে ইন্দ্রেণামৃতমন্থনে |
বিরোচনস্তু প্রাহ্লাদির্নিত্যমিন্দ্রবধোদ্যতঃ || ২. ৭২. ৭৯||
ইন্দ্রেণৈব স বিক্রম্য নিহতস্তারকাময়ে |
ভবাদবধ্যতাং প্রাপ্য বিশেষাস্ত্রাদিভিস্তু যঃ || ২. ৭২. ৮০||
স জংভো নিহতঃ ষষ্ঠে শক্রাবিষ্টেন বিষ্ণুনা |
অশক্নুবৎসু দেবেষু পরং সোঢুমদৈবতম্ || ২. ৭২. ৮১||
নিহতা দানবাঃ সর্বে ত্রিপুরে ত্র্যংবকেণ তু |
অথ দৈত্যাঃ সুরাশ্চৈব রাক্ষসাস্ত্বন্ধকারিকে || ২. ৭২. ৮২||
জিতা দেবমনুষ্যেস্তে পিতৃভিশ্চৈব সংগতাঃ |
সবৃত্রান্দানবাংশ্চৈব সংগতান্কৃৎস্নশশ্চ তান্ || ২. ৭২. ৮৩||
জঘ্নে বিষ্ণুসহায়েন মহেন্দ্রস্তেন বর্দ্ধিতঃ |
হতো ধ্বজে মহেন্দ্রেণ ময়াছত্রশ্চ যোগবিৎ || ২. ৭২. ৮৪||
ধ্বজলক্ষং সমাবিশ্য বিপ্রচিত্তিঃ মহানুজঃ |
দৈত্যাংশ্চ দানবাংশ্চৈব সংহতান্কৃৎস্নশশ্চ তান্ || ২. ৭২. ৮৫||
জয়দ্ধালাহলে সর্বৈর্দেবৈঃ পরিবৃতো বৃষা |
রজিঃ কোলাহলে সর্বান্দৈত্যান্পরিবৃতোঽজয়ৎ || ২. ৭২. ৮৬||
যজ্ঞস্যাবভৃথে জিৎবা ষণ্ডামকারৈ তু দৈবতৈঃ |
এতে দেবাসুরা বৃত্তাঃ সংগ্রামা দ্বাদশৈব তু || ২. ৭২. ৮৭||
সুরাসুরক্ষয়করাঃ প্রজানা মশিবশ্চ হ |
হিরণ্যকশিপূ রাজা বর্ষাণামর্বুদং বভৌ || ২. ৭২. ৮৮||
তথা শতসহস্রাণি হ্যধিকানি দ্বিসফতিঃ |
অশীতিশ্চ সহস্রাণি ত্রৈলোক্যস্যেশ্বরোঽভবৎ || ২. ৭২. ৮৯||
পারংপর্যেণ রাজা তু বলির্বর্ষার্বুধং পুনঃ |
ষষ্টিশ্চৈব সহস্রাণি ত্রিংশচ্চ নিয়ুতানি চ || ২. ৭২. ৯০||
বলে রাজ্যাধিকারস্তু যাবৎকালং বভূব হ |
প্রহ্লাদো নির্জিতোঽভূচ্চ তাবৎকালং সহাসুরৈঃ || ২. ৭২. ৯১||
ইন্দ্রাস্ত্রয়স্তে বিখ্যাতা হ্যসুরাণাং মহৌ জসঃ |
দৈত্যসংস্থমিদং সর্বমাসীদ্দশয়ুগং কিল || ২. ৭২. ৯২||
অশপত্তু ততঃ শুক্রো রাষ্ট্রং দশয়ুগং পুনঃ |
ত্রৈলোক্যমিদমব্যগ্রং মহেন্দ্রো হ্যভ্যয়াদ্বলেঃ || ২. ৭২. ৯৩||
প্রহ্লাদস্য হৃতে তস্মিংস্ত্রৈলোক্যে কালপর্যয়াৎ |
পর্যায়েণৈব সংপ্রাপ্তং ত্রৈলোক্যং পাকশাসনম্ || ২. ৭২. ৯৪||
ততোঽসুরান্পরিত্যজ্য যজ্ঞো দেবানুপাগমৎ |
যজ্ঞে দেবানথ গতে কাব্যং তে হ্যসুরাং ব্রুবন্ || ২. ৭২. ৯৫||
কিং তন্নো মিষতাং রাষ্ট্রং ত্যক্ত্বা যজ্ঞঃ সুরান্গতঃ |
স্থাতুং ন শক্রুমো হ্যদ্য প্রবিশাম রসাতলম্ || ২. ৭২. ৯৬||
এবমুক্তোঽব্রবীদেতান্বিষণ্ণঃ সাংৎবয়ন্গিরা |
মাভৈষ্ট ধারয়িষ্যামি তেজসা স্বেন বঃ সুরাঃ || ২. ৭২. ৯৭||
বৃষ্টিরোষধয়শ্চৈব রসা বস্তু চ যৎপরম্ |
কৃৎস্নানি হ্যপি তিষ্ঠন্তু পাপস্তেষাং সুরেষু বৈ || ২. ৭২. ৯৮||
যুষ্মদর্থং প্রদাস্যামি তৎসর্ব ধার্যতে ময়া |
ততো দেবাসুরান্দৃষ্ট্বা ধৃতান্কাব্যেন ধীমতা || ২. ৭২. ৯৯||
অমন্ত্রয়ংস্তদা তে বৈ সংবিঘ্না বিজিগীষয়া |
এষ কাব্য ইদং সর্বং ব্যাবর্ত্তয়তি নো বলাৎ || ২. ৭২. ১০০||
সাধু গচ্ছামহে তূর্ণং যাবন্নাপ্যায়য়েত্তু তান্ |
প্রসহ্য হৎবা শিষ্টাংস্তু পাতালং প্রাপয়ামহে || ২. ৭২. ১০১||
ততো দেবাস্তু সংরব্ধা দানবানভিসৃত্য বৈ |
জঘ্নুস্তৈর্বধ্যমানাস্তে কাব্যমেবাভিদুদ্রুবুঃ || ২. ৭২. ১০২||
ততঃ কাব্যস্তু তান্দৃষ্ট্বা তূর্ণং দেবৈরভিদ্রুতান্ |
সমারক্ষত সংত্রস্তান্দেবেভ্যস্তান্দিতেঃ সুতান্ || ২. ৭২. ১০৩||
কাব্যো দৃষ্ট্বা স্থিতান্দেবাংস্তত্র দৈবমচিন্তয়ৎ |
তানুবাচ ততো ধ্যাৎবা পূর্ববৃত্তমনুস্মরন্ || ২. ৭২. ১০৪||
ত্রৈলোক্যং বিজিতং সর্বং বামনেন ত্রিভিঃক্রমৈঃ |
বলির্বদ্ধো হতো জংভো নিহতশ্চ বিরোচনঃ || ২. ৭২. ১০৫||
মহাসুরা দ্বাদশসু সংগ্রামেষু সুরৈর্হতাঃ |
তৈস্তৈরুপায়ৈর্ভূয়িষ্ঠা নিহতা যে প্রধানতঃ || ২. ৭২. ১০৬||
কিঞ্চিচ্ছিষ্টাস্তু বৈ যূয়ং যুদ্ধে স্বল্পে তু বৈ স্বয়ম্ |
নীতিং বো হি বিধাস্যামি কালঃ কশ্চিৎপ্রতীক্ষ্যতাম্ || ২. ৭২. ১০৭||
যাস্যাম্যহং মহাদেবং মন্ত্রার্থে বিজয়ায় চ |
অগ্নিমাপ্যায়য়েদ্ধোতা মেত্রৈরেষ দহিষ্যতি || ২. ৭২. ১০৮||
ততো যাস্যাম্যহং দেবং মন্ত্রার্থে নীললোহিতম্ |
যুষ্মাননুগ্রহীষ্যামি পুনঃ পশ্চাদিহাগতঃ || ২. ৭২. ১০৯||
যূয়ং তপশ্চরধ্বং বৈ সংবৃতা বল্কলৈর্বনে |
ন বৈ দেবা বাধিষ্যন্তি যাবদাগমনং মম || ২. ৭২. ১১০||
অপ্রতীপাংস্ততো মন্ত্রান্দেবাৎপ্রাপ্য মহেশ্বরাৎ |
যোৎস্যামহে পুনর্দেবাংস্ততঃ প্রাপ্স্যথ বৈ জয়ম্ || ২. ৭২. ১১১||
ততস্তে কৃতসংবাদা দেবানূচুস্ততোঽসুরাঃ |
ন্যস্তশস্ত্রা বয়ং সর্বে লোকান্যূয়ং ক্রমন্তু বৈ || ২. ৭২. ১১২||
বয়ং তপশ্চরিষ্যামঃ সংবৃত্তা বল্কলৈর্বনে |
প্রহ্লাদস্য বচঃ শ্রুৎবা সত্যানুব্যাৎদৃতং তু তৎ || ২. ৭২. ১১৩||
ততো দেবা ন্যবর্ত্তন্ত বিজ্বরা মুদিতাশ্চ হ |
ন্যস্তশস্ত্রেষু দৈত্যেষু স্বান্বৈ জগ্মুর্যথাগতান্ || ২. ৭২. ১১৪||
ততস্তানব্রবীৎকাব্যঃ কঞ্চিৎকালং প্রতীক্ষ্যতাম্ |
নিরুৎসুকাস্তপোয়ুক্তাঃ কালঃ কার্যার্থসাধকঃ || ২. ৭২. ১১৫||
পিতুর্মমাশ্রমস্থা বৈ সংপ্রতীক্ষত দানবাঃ |
স সংদিশ্যসুরান্কাব্যো মহোদেবং প্রপদ্য চ || ২. ৭২. ১১৬||
প্রণম্যৈবমুবাচায়ং জগৎপ্রভবমীশ্বরম্ |
মন্ত্রানিচ্ছামি হে দেব যে ন সংতি বৃহস্পতৌ || ২. ৭২. ১১৭||
পরাভবায় দেবানামসুরেষ্বভয়াবহান্ |
এবমুক্তোঽব্রবীদ্দেবো মন্ত্রানিচ্ছসি বৈ দ্বিজ || ২. ৭২. ১১৮||
ব্রতং চর ময়োদ্দিষ্টং ব্রহ্মচারী সমাহিতঃ |
পূর্মং বর্ষসহস্রং বৈ কুণ্ডধূমমবাক্ষিরাঃ || ২. ৭২. ১১৯||
যদি পাস্যতি ভদ্রং তে মত্তো মন্ত্রমবাপ্স্যসি |
তথোক্তো দেবদেবেন স শুক্রস্তু মহাতপাঃ || ২. ৭২. ১২০||
পাদৌ সংস্পৃশ্য দেবস্য বাঢমিত্যভাষত |
ব্রতং চরাম্যহং দেব যথোদ্দিষ্টোঽস্মি বৈপ্রভো || ২. ৭২. ১২১||
ততো নিয়ুক্তো দেবেন কুণ্ডধারোঽস্য ধূমকৃৎ |
অসুরাণাং হিতার্থায় তস্মিঞ্ছুক্রে গতে তদা || ২. ৭২. ১২২||
মন্ত্রার্থং তত্র বসতি ব্রহ্ম চর্যং মহেশ্বরে |
তদ্বুদ্ধ্বা নীতিপূর্বং তু রাষ্ট্রং ন্যস্তং তদাসুরৈঃ || ২. ৭২. ১২৩||
তস্মিঞ্ছিদ্রে তদামর্ষাদ্দেবাস্তান্সমভিদ্রবন্ |
প্রগৃহীতায়ুধাঃ সর্বে বৃহস্পতিপুরোগমাঃ || ২. ৭২. ১২৪||
দৃষ্ট্বাসুরগণা দেবান্প্রগৃহীতায়ুধান্পুনঃ |
উৎপেতুঃ সহসা সর্বে সংত্রস্তাস্তে ততোঽভবন্ || ২. ৭২. ১২৫||
ন্যস্তে শস্ত্রেঽভয়ে দত্তে হ্যাচার্যে ব্রতমাস্থিতে |
সংত্যজ্য সময়ং দেবাস্তে সপত্নজিঘাংসবঃ || ২. ৭২. ১২৬||
অনাচার্যাস্তু ভদ্রং বো বিশ্বস্তাস্তপসে স্থিতাঃ |
চীরবল্কাজিনধরা নিষ্ক্রিয়া নিষ্পরিগ্রহাঃ || ২. ৭২. ১২৭||
রণে বিজেতুং দেবান্বৈ ন শক্ষ্যামঃ কথঞ্চন |
অয়ুদ্ধেন প্রপদ্যামঃ শরণং কাব্যমাতরম্ || ২. ৭২. ১২৮||
প্রাপদ্যন্ত ততো ভীতাস্তয়া চৈব তদাভয়ম্ |
দত্তং তেষাং তু ভীতানাং দৈত্যানামভয়ার্থিনাম্ || ২. ৭২. ১২৯||
তয়া চাভ্যুপপন্নাংস্তান্দৃষ্ট্বা দেবাস্তদাসুরান্ |
অভিজঘ্নুঃ প্রসহ্যৈতান্বিচার্য চ বলাবলম্ || ২. ৭২. ১৩০||
তত স্তান্বধ্যমানাংস্তু দেবৈর্দৃষ্ট্বাসুরাংস্তদা |
দেবী ক্রুদ্ধাব্রবীদেনাননিন্দ্রৎবং করোম্যহম্ || ২. ৭২. ১৩১||
সংস্তভ্য শীঘ্রং সংরংভাদিন্দ্রং সাভ্যচরত্ততঃ |
ততঃ সংস্তংভিতং দৃষ্ট্বা শক্রং দেবাস্তু মূঢবৎ || ২. ৭২. ১৩২||
ব্যদ্রবন্ত ততো ভীতা দৃষ্ট্বা শক্রং বশীকৃতম্ |
গতেষু সুরসংঘেষু বিষ্মুরিন্দ্রমভাষত || ২. ৭২. ১৩৩||
মাং ৎবং প্রবিশ ভদ্রং তে নেষ্যামি ৎবাং সুরেশ্বর |
এবমুক্তস্ততো বিষ্ণুঃ প্রবিবেশ পুরন্দরঃ || ২. ৭২. ১৩৪||
বিষ্মুনা রক্ষিতং দৃষ্ট্বা দেবী ক্রুদ্ধা বচোঽবদৎ |
এষা ৎবাং বিষ্ণুনা সার্দ্ধ দহামি মঘবন্বলাৎ || ২. ৭২. ১৩৫||
মিষতা সর্বভূতানাং দৃশ্যতাং মে তপোবলম্ |
তয়াভিভূতৌ তৌ দেবাবিন্দ্রাবিষ্ণূ জজল্পতুঃ || ২. ৭২. ১৩৬||
কথং মুচ্যেব সহিতৌ বিষ্ণুরিন্দ্রমভাষত |
ইন্দ্রোঽব্রবীজ্জহি হ্যেনাং যাবন্নো ন দহে দ্বিভো || ২. ৭২. ১৩৭||
বিশেষেণাভিভূতোঽহমিমাং তজ্জহি মাচিরম্ |
ততঃ সমীক্ষ্য তাং বিষ্ণুঃ স্ত্রীবধং কর্ত্তুমাস্থিতঃ || ২. ৭২. ১৩৮||
অভিধ্যায় ততশ্শক্রমাপন্নং সৎবরং প্রভুঃ |
তস্যাঃ সংৎবরমাণায়াঃ শীঘ্রঙ্কারী মুরারিহা || ২. ৭২. ১৩৯||
ত্রিধা বিষ্ণুস্ততো দেবঃ ক্রূরং বুদ্ধ্বা চিকীর্ষিতম্ |
ক্রুদ্ধস্তদস্ত্রমাবিধ্য শিরশ্চিচ্ছেদ মাধবঃ || ২. ৭২. ১৪০||
তং দৃষ্ট্বা স্ত্রীবধং ঘোরং চুকোপ ভৃগুরীশ্বরঃ |
ততোঽভিশপ্তো ভৃগুণা বিষ্ণুর্ভার্যাবধে তদা || ২. ৭২. ১৪১||
যস্মাত্তে জানতা ধর্মমবধ্যা স্ত্রী নিষূদিতা |
তস্মাত্ত্বং সপ্তকৃৎবো বৈ মনুষ্যেষু প্রপদ্যসে || ২. ৭২. ১৪২||
ততস্তেনাভিশাপেন নষ্টে ধর্মে পুনঃ পুনঃ |
সর্বলোক হিতার্থায় জায়তে মানুষেষ্বিহ || ২. ৭২. ১৪৩||
অনুব্যাহৃত্য বিষ্মুং স তদাদায় শিরঃ স্বয়ম্ |
সমানীয় ততঃ কায়ে সমায়োজ্যেদমব্রবীৎ || ২. ৭২. ১৪৪||
এতাং ৎবাং বিষ্ণুনা সত্যং হতাং সংজীবয়াম্যহম্ |
যদি কৃৎস্নো ময়া ধর্মশ্চরিতো জ্ঞায়তেঽপি বা || ২. ৭২. ১৪৫||
তেন সত্যেন জীবস্ব যদি সত্যং ব্রবীম্যহম্ |
সত্যাভিব্যহৃতাত্তস্য দেবী সংজীবিতা তদা || ২. ৭২. ১৪৬||
তদা তাং প্রোক্ষ্য শীতাভিরদ্ভির্জীবেতি সোঽব্রবীৎ |
ততস্তাং সর্বভূতানাং দৃষ্ট্বা সুপ্তোত্থিতামিব || ২. ৭২. ১৪৭||
সাধুসাধ্বিত্যদৃশ্যানাং বাচস্তাঃ সস্বনুর্দিশঃ |
দৃষ্ট্বা সংজীবিতামেবং দেবীং তাং ভৃগুণা তদা || ২. ৭২. ১৪৮||
মিষতাং সর্বভূতানাং তদদ্ভুতমিবাভবৎ |
অসংভ্রান্তেন ভৃগুণা পত্নী সংজীবিতাং ততঃ || ২. ৭২. ১৪৯||
দৃষ্ট্বা শক্রো ন লেভেঽথ শর্ম কাব্যভয়াত্ততঃ |
প্রজাগরে ততশ্চেন্দ্রো জয়ন্তীমাত্মনঃ সুতাম্ || ২. ৭২. ১৫০||
প্রোবাচ মতিমান্বাক্যং স্বাং কন্যাং পাকশাসনঃ |
এষ কাব্যো হ্যনিন্দ্রায় চরতে দারুণং তপঃ || ২. ৭২. ১৫১||
তেনাহং ব্যাকুলঃ পুত্রি কৃতো ধৃতিমনা দৃঢম্ |
গচ্ছ সংভাবয়স্বৈনং শ্রমাপনয়নৈঃ শুভে || ২. ৭২. ১৫২||
তৈস্তৈর্মনোঽনুকূলৈশ্চ হ্যুপচারৈরতদ্রিতা |
দেবী সারীন্দ্রদুহিতা জয়ন্তী শুভচারিণী || ২. ৭২. ১৫৩||
সুস্বরূপধরাগাত্তং দুর্বহং ব্রতমাস্থিতম্ |
পিত্রা যথোক্তং বাক্যং সা কাব্যে কৃতবতী তদা || ২. ৭২. ১৫৪||
গীর্ভিশ্চৈবানুকূলাভিঃ স্তুবন্তী বল্গুভাষিণী |
গাত্রসংবাহনৈঃ কালে সেবমানা ৎবচাসুখৈঃ || ২. ৭২. ১৫৫||
শুশ্রূষন্ত্যনুকূলা চ উবাস বহুলাঃ সমাঃ |
পূর্ণং ধূমব্রতে চাপি ঘোরে বর্ষসহস্রকে || ২. ৭২. ১৫৬||
বরেণ চ্ছন্দয়ামাস কাব্যং প্রীতোঽভবস্তদা |
এবং ব্রতং ৎবয়ৈকেন চীর্ণং নান্যেন কেন চিৎ || ২. ৭২. ১৫৭||
তস্মাত্ত্বং তপসা বুদ্ধ্যা শ্রুতেন চ বলেন চ |
তেজসা বাপি বিবুধান্সর্বানভিভবিষ্যসি || ২. ৭২. ১৫৮||
যচ্চ কিঞ্চিন্মমব্রহ্ম বিদ্যতে ভৃগুনন্দন |
সাংগ চ সরহস্যং চ যজ্ঞোপনিষদস্তথা || ২. ৭২. ১৫৯||
প্রতিভাতি তে সর্বং তদ্বাচ্যং তু ন কস্যচিৎ |
সর্বাভিভাবী তেন ৎবং দ্বিজশ্রেষ্ঠো ভবিষ্যসি || ২. ৭২. ১৬০||
এবং দত্ত্বা বরং তস্যৈ ভার্গবায় ভবঃ পুনঃ |
প্রজেশৎবং ধনেশৎবমবধ্যৎবং চ বৈ দদৌ || ২. ৭২. ১৬১||
এতাংল্লব্ধ্বা বরান্কাব্যঃ সংপ্রহৃষ্টতনূরুহঃ |
হর্ষাৎপ্রাদুর্বভৌ তস্য দিব্যং স্তোত্রং মহেশিতুঃ || ২. ৭২. ১৬২||
তদা তির্যক্স্থিতস্ত্বেবং তুষ্টুবে নীললোহিতম্ |
নমোঽস্তু শিতিকণ্ঠায় সুরাদ্যায় সুবর্চসে || ২. ৭২. ১৬৩||
লেলিহানায় লেহ্যায় বৎসরায় জগৎপতে |
কপর্দিনে হ্যূর্দ্ধ্বরোম্ণে হর্যক্ষবরদায় চ || ২. ৭২. ১৬৪||
সংস্তুতায় সুতীর্থায় দেবদেবায় রংহসে |
উষ্ণীষিণে সুবক্ত্রায় সহস্রাক্ষায় মীঢুষে || ২. ৭২. ১৬৫||
বসুরেতায় রুদ্রায় তপসে চীরবাসসে |
নিস্বায় মুক্তকেশায় সেনান্যে রোহিতায় চ || ২. ৭২. ১৬৬||
কবয়ে রাজবৃদ্ধায় তক্ষকক্রীডনায় চ |
গিরিশায়ার্কনেত্রায় যতয়ে চাজ্যপায় চ || ২. ৭২. ১৬৭||
সুবৃত্তায় সুহস্তায় ধন্বিনে ভার্গবায় চ |
সহস্রবাহবে চৈব সহস্রামলচক্ষুষে || ২. ৭২. ১৬৮||
সহস্রকুক্ষয়ে চৈব সহস্রচরণায় চ |
সহস্রশিরসে চৈব বহুরূপায় বেধসে || ২. ৭২. ১৬৯||
ভবায় বিশ্বরূপায় শ্বেতায় পুরুষায় চ |
নিষঙ্গিণে কবচিনে সূক্ষ্মায় ক্ষপণায় চ || ২. ৭২. ১৭০||
তাম্রায় চৈব ভীমায় উগ্রায় চ শিবায় চ |
মহাদেবায় সর্বায় বিশ্বরূপশিবায় চ || ২. ৭২. ১৭১||
হিরণ্যায় বসিষ্ঠায় বর্ষায় মধ্যমায় চ |
ধাম্নে চৈব পিশঙ্গায় পিঙ্গলায়ারুণায় চ || ২. ৭২. ১৭২||
পিনাকিনে চেষুমতে চিত্রায় রোহিতায় চ |
দুন্দুভ্যায়ৈকপাদায় অর্হায় বুদ্ধয়ে তথা |
মৃগব্যাধায় সর্বায় স্থাণবে ভীষণায় চ || ২. ৭২. ১৭৩||
বহুরূপায় চোগ্রায় ত্রিনেত্রায়েশ্বরায় চ |
কপিলোয়ৈকবীরায় মৃত্যবে ত্র্যংবকায় চ || ২. ৭২. ১৭৪||
বাস্তোষ্পতে পিনাকায় শঙ্করায় শিবায় চ |
আরণ্যায় গৃহস্থায় যতিনে বহ্মচারিণে || ২. ৭২. ১৭৫||
সাংখ্যায় চৈব যোগায় ধ্যানিনে দীক্ষিতায় চ |
অন্তর্হিতায় সর্বায় তপ্যায় ব্যাপিনে তথা || ২. ৭২. ১৭৬||
বুদ্ধায় চৈব শুদ্ধায় মুক্তায় কেবলায় চ |
রোধসে চৈকিতানায় ব্রহ্মিষ্ঠায় মহার্ষয়ে || ২. ৭২. ১৭৭||
চতুষ্পাদায় মেধ্যায় বর্মিণে শীঘ্রগায় চ |
শিখণ্ডিনে কপালায় দণ্ডিনে বিশ্বমেধসে || ২. ৭২. ১৭৮||
অপ্রতীতায় দীপ্তায় ভাস্করায় সুমেধসে |
ক্রূরায় বিকৃতায়ৈব বীভৎসায় শিবায় চ || ২. ৭২. ১৭৯||
শুচয়ে পরিধানায় সদ্যোজাতায় মৃত্যবে |
পিশিতাশায় শর্বায় মেঘায় বৈদ্যুতায় চ || ২. ৭২. ১৮০||
দক্ষায় চ জঘন্যায় লোকানামীশ্বরায় চ |
অনাময়ায় চেধ্মায় হিরণ্যায়ৈকচক্ষুষে || ২. ৭২. ১৮১||
শ্রেষ্ঠায় বামদেবায় ঈশানায় চ ধীমতে |
মহাকল্পায় দীপ্তায় রোদনায় হসায় চ || ২. ৭২. ১৮২||
দৃঢধন্বিনে কবচিনে রথিনে চ বরূথিনে |
ভৃগুনাথায় শুক্রায় গহ্বরিষ্ঠায় ধীমতে || ২. ৭২. ১৮৩||
অমোঘায় প্রশান্তায় সদা বিপ্রপ্রিয়ায় চ |
দিগ্বাসঃ কৃত্তিবাসায় ভগঘ্নায় নমোঽস্তু তে || ২. ৭২. ১৮৪||
পশূনাং পতয়ে চৈব ভূতানাং পতয়ে নমঃ |
প্রভবে ঋগ্যজুঃসাম্নে স্বাহায়ৈ চ সুধায় চ || ২. ৭২. ১৮৫||
বষট্কারতমায়ৈব তুভ্যং মন্ত্রাত্মনে নমঃ |
স্রষ্ট্রে ধাত্রে তথা কর্ত্রে হর্ত্রে চ ক্ষপণায় চ || ২. ৭২. ১৮৬||
ভূতভব্যভবেশায় তুভ্যং কর্মাত্মনে নমঃ |
বসবে চৈব সাধ্যায় রুদ্রাদিত্যাশ্বিনায় চ || ২. ৭২. ১৮৭||
বিশ্বায় মরুতে চৈব তুভ্যং দেবাত্মনে নমঃ |
অগ্নীষোমবিধিজ্ঞায় পশুমন্ত্রৌ ষধায় চ || ২. ৭২. ১৮৮||
দক্ষিণাবভৃথায়ৈব তুভ্যং যজ্ঞাত্মনে নমঃ |
তপসে চৈব সত্যায় ত্যাগায় চ শমায় চ || ২. ৭২. ১৮৯||
অহিংসায়াথ লোভায় সুবেষায়ানিশায় চ |
সর্বভূতাৎপ্রভূতায় তুভ্যং যোগাত্মনে নমঃ || ২. ৭২. ১৯০||
পৃথিব্যৈ চান্তরিক্ষায় মহাসে ত্রিদিবায় চ |
জনস্তপায় সত্যায় তুভ্যং লোকাত্মনে নমঃ || ২. ৭২. ১৯১||
অব্যক্তায়াথ মহতে ভূতায়ৈবেন্দ্রিয়ায় চ |
তন্মাত্রায়াথ মহতে তুভ্যং তত্ত্বাত্মনে নমঃ || ২. ৭২. ১৯২||
নিত্যায় চাপ্যলিঙ্গায় সূক্ষ্মায় চেতরায় চ |
শুদ্ধায় বিভবে চৈব তুভ্যং নিত্যাত্মনে নমঃ || ২. ৭২. ১৯৩||
নমস্তে ত্রিষু লোকেষু স্বরন্তেষু ভুবাদিষু |
সত্যান্তমহরাদ্যেষু চতুর্ষু চ নমোঽস্তু তে || ২. ৭২. ১৯৪||
নামস্তোত্রে ময়া হ্যস্মিন্যদসদ্ব্যাহৃতং প্রভো |
মদ্ভক্ত ইতিব্রহ্মণ্য সর্বং তৎক্ষন্তুমর্হসি || ২. ৭২. ১৯৫||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয় উপোদ্ধাতপাদে স্তবসমাপ্তির্নাম দ্বিসপ্ততিতমোঽধ্যায়ঃ || ৭২||

সূত উবাচ
এবমারাধ্য দেবেশমীশানং নীললোহিতম্ |
প্রহ্বোঽতিপ্রণতস্তস্মৈ প্রাঞ্জলির্বাক্যমব্রবীৎ || ২. ৭৩. ১||
কাব্যস্য গাত্রং সংস্পৃশ্য হস্তেন প্রীতিমান্ভবঃ |
নিকামং দর্শনং দত্ত্বা তত্রৈবান্তরধাদ্ধরঃ || ২. ৭৩. ২||
ততঃ সোঽতর্হিতে তাস্মিন্দেবে সানুচরে তদা |
তিষ্ঠন্তীং প্রাজলির্ভূৎবা জয়ন্তীমিদমব্রবীৎ || ২. ৭৩. ৩||
কস্য ৎবং সুভগে কা বা দুঃখিতে ময়ি দুঃখিতা |
সহতা তপসা যুক্তং কিমর্থং মাং জিগীষ্সি || ২. ৭৩. ৪||
অনয়া সততং ভক্ত্যা প্রশ্রয়েণ দমেন চ |
স্নেহেন চৈব সুশ্রোণি প্রীতোঽস্মি বরবর্ণিনি || ২. ৭৩. ৫||
কিমিচ্ছসি বরারোহে কস্তে কামঃ সমৃদ্ধ্যতাম্ |
তং তে সংপূরয়াম্যদ্য যদ্যপি স্যাৎসুদুর্লভঃ || ২. ৭৩. ৬||
এবমুক্তাব্রবীদেনং তপসা জ্ঞাতুমর্হসি |
চিকীর্ষিতং মে ব্রহ্মিষ্ঠ ৎবং হি বেত্থ যথাতথম্ || ২. ৭৩. ৭||
এবমুক্তোঽব্রবীদেনাং দৃষ্ট্বা দিব্যেন চক্ষুষা |
মাহেন্দ্রী ৎবং বরারোহে মদ্ধিতার্থমিহাগতা || ২. ৭৩. ৮||
ময়া সহ ৎবং সুশ্রোণি দশবর্ষাণি ভামিনি |
অদৃশ্যং সর্বভূতৈস্তু সংপ্রয়োগমিহেচ্ছসি || ২. ৭৩. ৯||
দেবীন্দ্রনীলবর্ণাভেবরারোহে সুলোচনে |
ইমং বৃণীষ্ব কামং ৎবং মত্তো বৈ বল্গুভাষিণি || ২. ৭৩. ১০||
এবং ভবতু গচ্ছাবো গৃহান্মত্তেভগামিনি |
ততঃ স্বগৃহমাগম্য জয়ত্যা সহিতঃ প্রভুঃ || ২. ৭৩. ১১||
স তয়া চাবসদ্দেব্যা দশ বর্ষাণি ভার্গবঃ |
অদৃশ্যঃ সর্বভূতানাং মায়য়া সংবৃতস্তদা || ২. ৭৩. ১২||
কৃতার্থমামতং জ্ঞাতবা কাব্যং সর্বে দিতেঃ সুতাঃ |
অভিজগ্সুর্গৃহং তস্য মুদিতাস্তং দিদৃক্ষবঃ || ২. ৭৩. ১৩||
গতা যদা ন পশ্যন্তি জয়ত্যা সংবৃতং গুরুম্ |
লক্ষমং তস্য তদ্ বুদ্ধ্বা প্রতিজগ্মুর্যথাগতম্ || ২. ৭৩. ১৪||
বৃহস্পতিস্তু সংরুদ্ধং জ্ঞাৎবা কাব্যং বরেণ হ |
প্রীত্যর্থে দশ বর্ষাণি জয়ন্ত্যা হিতকাম্যয়া || ২. ৭৩. ১৫||
বুদ্ধ্বা তদন্তরং সোঽথ দেবানাং মন্ত্রচোদিতঃ |
কাব্যস্য রূপমাস্থায় সোঽসুরান্সমভাষত || ২. ৭৩. ১৬||
ততঃ সোঽভ্যাগতান্দৃষ্ট্বা বৃহস্পতিরুবাচ তান্ |
স্বাগতং মম যাজ্যানাং সংপ্রাপ্তোঽস্মি হিতায় চ || ২. ৭৩. ১৭||
অহং বোঽধ্যাপয়িষ্যামি প্রাপ্তা বিদ্যা ময়া হি যাঃ |
ততস্তে হৃষ্টমনসো বিদ্যার্থমুপপেদিরে || ২. ৭৩. ১৮||
পূর্ণে কাব্যস্তদা তস্মিন্সময়ে দশবার্ষিকে |
সময়ান্তে দেবয়াজী সদ্যো জাতমতিস্তদা || ২. ৭৩. ১৯||
বুদ্ধিং চক্রে ততশ্চাপি যাজ্যানাং প্রত্যবেক্ষণে |
শুক্র উবাচ
দেবি গচ্ছাম্যহং দ্রষ্টুং তব যাজ্যাঞ্ছুচিস্মিতে || ২. ৭৩. ২০||
বিভ্রান্তপ্রেক্ষিতে সাধ্বি ত্রিবর্ণায়তলোচনে |
এবমুক্তাব্রবীদ্দেবী ভজ ভক্তাং মহাব্রত |
এষ ব্রহ্মন্সতাং ধর্মো ন ধর্মং লোপয়ামি তে || ২. ৭৩. ২১||
সূত উবাচ
ততো গৎবা সুরান্দৃষ্ট্বা দেবাচার্যেণ ধীমতা || ২. ৭৩. ২২||
বঞ্চিতান্কাব্যরূপেণ বচসা পুনরব্রবীৎ |
কাব্যং মামনুজানীধ্বমেষ হ্যাঙ্গিরসো মুনিঃ || ২. ৭৩. ২৩||
বঞ্চিতা বত যূয়ং বৈ ময়ি সক্তে তু দানবাঃ |
শ্রুৎবা তথা ব্রুবাণং তং সংভ্রান্তা দিতিজাস্ততঃ || ২. ৭৩. ২৪||
সংপ্রৈক্ষন্তাবুভৌ তত্র স্থিরাসীনৌ শুচিস্মিতৌ |
সংপ্রমূঢাঃ স্থিতাঃ সর্বে প্রাপদ্যন্ত ন কিঞ্চন || ২. ৭৩. ২৫||
ততস্তেষু প্রমূঢেষু কাব্যস্তান্পুনরব্রবীৎ |
আচার্যো যো হ্যয়ং কাব্যো দেবায়ার্যোঽযমঙ্গিরাঃ || ২. ৭৩. ২৬||
অনুগচ্ছত মাং সর্বে ত্যজতৈনং বৃহস্পতিম্ |
এবমুক্তে তু তে সর্বে তাবুভৌ সমবেক্ষ্য চ || ২. ৭৩. ২৭||
তদাসুরা বিশেষ তু ন ব্যজানংস্তয়োর্দ্বয়োঃ |
বৃহস্পতিরুবাচৈনামং ভ্রাতোঽযমঙ্গিরাঃ || ২. ৭৩. ২৮||
কাব্যোঽহং বো গুরুর্দৈত্যা মদ্রূপোঽযং বৃহস্পতিঃ |
সংমোহয়তি রূপেণ মামকেনৈষ বোঽসুরাঃ || ২. ৭৩. ২৯||
শ্রুৎবা তস্য বচস্তে বৈ সংমন্ত্র্যাথ বচোঽব্রুবন্ |
অয়ং নো দশবর্ষাণি সততং শাস্তি বৈ প্রভুঃ || ২. ৭৩. ৩০||
এষ বৈ গুরুরস্মাকমন্তরেপ্সুরয়ং দ্বিজাঃ |
ততস্তেদানবাঃ সর্বে প্রণিপত্যাভিবাদ্য চ || ২. ৭৩. ৩১||
বচনং জগৃহুস্তস্য বিদ্যাভ্যাসেন মোহিতাঃ |
ঊচুস্তমসুরাঃ সর্বে ক্রুদ্ধাঃ সংরক্তলোচনাঃ || ২. ৭৩. ৩২||
অয়ং গুরুর্হিতোঽস্মাকং গচ্ছ ৎবং নাসি নো গুরুঃ |
ভার্গবোঽগিরসো বায়ং ভবৎবেষৈব নো গুরুঃ || ২. ৭৩. ৩৩||
স্থিতা বয়ং নিদেশেঽস্য গচ্ছ ৎবং সাধু মা চিরম্ |
এবমুক্ত্বা সুরাঃ সর্বে প্রাপদ্যন্ত বৃহস্পতিম্ || ২. ৭৩. ৩৪||
যদা ন প্রতিপদ্যন্তে তেনোক্তং তন্মহদ্ধিতম্ |
চুকোপ ভার্গবস্তে ষামবলেপেন বৈ তদা || ২. ৭৩. ৩৫||
বোধিতাপি ময়া যস্মান্ন মাং ভজত দানবাঃ |
তস্মাৎপ্রণষ্টসংজ্ঞা বৈ পরাভবমবাপ্স্যথ || ২. ৭৩. ৩৬||
ইতি ব্যাহৃত্য তান্কাব্যো জগামাথ যথাগতম্ |
শপ্তাংস্তানসুরাঞ্জ্ঞাৎবা কাব্যেন তু বৃহস্পতিঃ || ২. ৭৩. ৩৭||
কৃতার্থঃ স তদা হৃষ্টঃ স্বরূপং প্রত্যপদ্যত |
বুদ্ধ্বাসুরাংস্তদা ব্রষ্টান্কৃতার্থোংঽতর্দ্ধিমাগমৎ || ২. ৭৩. ৩৮||
ততঃ প্রনষ্টে তস্মিংস্তে বিভ্রান্তা দানবাস্তদা |
অহো ধিগ্বঞ্চিতাঃ স্নেহাৎপরস্পরমথাব্রুবন্ || ২. ৭৩. ৩৯||
ধর্মতোঽবিমুখাশ্চৈব কারিতা বেধসা বয়ম্ |
দগ্ধাশ্চৈবোপধায়োগাৎস্বেস্বে কার্যে তু মায়য়া || ২. ৭৩. ৪০||
ততোঽসুরাঃ পরিত্রস্তা দেবেভ্যস্ত্বরিতা যয়ুঃ |
প্রহ্লাদমগ্রতঃ কৃৎবা কাব্যস্যানুগমং পুনঃ || ২. ৭৩. ৪১||
ততঃ কাব্যং সমাসাদ্য হ্যভিতস্থু রবাঙ্মুখাঃ |
তানাগতান্পুনর্দৃষ্ট্বা কাব্যো যাজ্যানুবাচ হ || ২. ৭৩. ৪২||
ময়া সংবোধিতাঃ কালে যতো মাং নাভ্যনন্দথ |
ততস্তেনাবলেপেন গতা যূয়ং পরাভবম্ || ২. ৭৩. ৪৩||
প্রহ্লাদস্তমথোবাচ মানস্ত্বং ত্যজ ভার্গব |
স্বান্যাজ্যান্ভজমানাংশ্চ ভক্তাংশ্চৈব বিশেষতঃ || ২. ৭৩. ৪৪||
ৎবয়্যদৃষ্টে বয়ং তেন দেবাচার্যেণ মোহিতাঃ |
ভক্তানর্হসি নস্ত্রাতুং জ্ঞাৎবা দীর্ঘেণ চক্ষুষা || ২. ৭৩. ৪৫||
যদি নস্ত্বং ন কুরুষে প্রসাদং ভৃগুনন্দন |
অপধ্যাতাস্ত্বয়া হ্যদ্য প্রবেক্ষ্যামোরসাতলম্ || ২. ৭৩. ৪৬||
সূত উবাচ
জ্ঞাৎবা কাব্যো যথাতত্ত্বং কারুণ্যেন মহীয়সা |
এবং শুক্রোঽনুনীতঃ সংস্ততঃ কোপং ন্যবর্ত্তয়ৎ || ২. ৭৩. ৪৭||
উবাচেদং ন ভেতব্যং গন্তব্যং ন রসাতলম্ |
অবশ্যংভাবীহ্যর্থোঽযং প্রাপ্তো বো ময়ি জাগ্রতি || ২. ৭৩. ৪৮||
ন শক্যমন্যথাকর্ত্তুং দিষ্টং হি বলবত্তরম্ |
সংজ্ঞা প্রনষ্টা যা চেয়ং কামং তাং প্রতিলপ্স্যথ || ২. ৭৩. ৪৯||
প্রাপ্তঃ পর্যায়কালো বা ইতি ব্রহ্মাভ্যভাষত |
মৎপ্রসাদাচ্চ যুষ্মাভির্ভুক্তং ত্রৈলোক্যমূর্জ্জিতম্ || ২. ৭৩. ৫০||
যুগাখ্যা দশ সংপূর্ণা দেবানাক্রম্য মূর্দ্ধনি |
তাবন্তমেব কালং বৈ ব্রহ্মা রাজ্যমভাষত || ২. ৭৩. ৫১||
সাবর্ণিকে পুনস্তুভ্যং রাজ্যং কিল ভবিষ্যতি |
লোকানামীশ্বরো ভাবী পৌত্রস্তব পুনর্বলিঃ || ২. ৭৩. ৫২||
এবং কালময়ং প্রোক্তঃ পৌত্রস্তে ব্রহ্মণা স্বয়ম্ |
তথাহৃতেষু লোকেষু ন শোকো ন কিলাভবৎ || ২. ৭৩. ৫৩||
যস্মাৎপ্রবৃত্তয়শ্চাস্য ন কামৈরভিসংধিতাঃ |
তস্মাদজেন প্রীতেন দত্তং সাবর্ণিকেঽন্তরে || ২. ৭৩. ৫৪||
দেবরাজ্যং বলের্ভাব্যমিতি মামীশ্বরোঽব্রবীৎ |
তস্মাদদৃশ্যো ভূতানাং কালাকাঙ্ক্ষী স তিষ্ঠতি || ২. ৭৩. ৫৫||
প্রীতেন চামরৎবং বৈ দত্তং তুভ্যং স্বয়ংভুবা |
তস্মান্নিরুৎসুকস্ত্বং বৈ পর্যায়ং সহসাকুলঃ || ২. ৭৩. ৫৬||
ন চ শক্যং ময়া তুভ্যং পুর স্তাদ্বৈ বিসর্পিতুম্ |
ব্রহ্মণা প্রতিষিদ্ধোঽস্মি ভবিষ্যং জানতা প্রভো || ২. ৭৩. ৫৭||
ইমৌ চ শিষ্যৌ দ্বৌ মহ্যং তুল্যাবেতৌ বৃহস্পতেঃ |
দৈবতৈঃ সহ সংরব্ধান্সর্বান্বো ধারয়িষ্যতঃ || ২. ৭৩. ৫৮||
সূত উবাচ
এবমুক্তাস্তু দৈতেয়া কাব্যেনাক্লিষ্টকর্মণা |
ততস্তাভ্যাং যয়ুঃ সার্দ্ধং প্রহ্লাদপ্রমুখাস্তদা || ২. ৭৩. ৫৯||
অবশ্যভাব্যমর্থং তং শ্রুৎবা দৈতেয়দানবাঃ |
সহসা শংসমানাস্তে জয়ং কাব্যেন ভাষিতম্ || ২. ৭৩. ৬০||
দংশিতাঃ সায়ুধাঃ সর্বে ততো দেবান্সমাহ্বয়ন্ |
অথ দেবাসুরান্দৃষ্ট্বা সংগ্রামে সমুপস্থিতান্ || ২. ৭৩. ৬১||
ততঃ সংবৃতসন্নাহা দেবাস্তান্সময়োধয়ন্ |
দেবাসুরে ততস্তস্মিন্বর্ত্তমানে শতং সমাঃ |
অজয়ন্তাসুরা দেবান্নগ্রা দেবা অমন্ত্রয়ন্ || ২. ৭৩. ৬২||
দেবা ঊচুঃ
শণ্ডামর্কপ্রভাবেণ জিতাঃ স্মস্ত্বসুরৈর্বয়ম্ |
তস্মাদ্যজ্ঞং সমুদ্দিশ্য কার্যং চাত্মহিতং চ যৎ || ২. ৭৩. ৬৩||
যজ্ঞেনোপাহ্বয়িষ্যামস্ততো জেষ্যামহেঽসুরান্ |
অথোপামন্ন্রয়ন্দেবাঃ শণ্ডামকারৈ তু তাবুভৌ || ২. ৭৩. ৬৪||
যজ্ঞে চাহূয় তৌ প্রোক্তৌ ত্যজন্তামসুরা দ্বিজৌ || ২. ৭৩. ৬৫||
গ্রহং তু বাং গ্রহীষ্যামো হ্যনুজিত্য তু দানবান্ |
এবং তত্যজতুস্তৌ তু ষণ্ডামকারৈ তদা সুরান্ || ২. ৭৩. ৬৬||
ততো দেবা জয়ং প্রাপ্তা দানবাশ্চ পরাভবম্ |
দেবাসুরান্পরাভাব্য শণ্ডামর্কাবুপাগমন্ || ২. ৭৩. ৬৭||
কাব্যশাপভিভূতাশ্চ অনাধারাশ্চ তে পুনঃ |
বাধ্যমানাস্তদা দেবৈর্বিবিশুস্তে রসাতলম্ || ২. ৭৩. ৬৮||
এবং নিরুদ্যমাস্তে বৈ কৃতা শক্রেণ দানবাঃ |
ততঃ প্রভৃতি শাপেন ভৃগুনৈমিত্তিকেন চ || ২. ৭৩. ৬৯||
যজ্ঞে পুনঃ পুনর্বিষ্ণুর্যজ্ঞেঽথ শিথিলে প্রভুঃ |
কর্তুং ধর্মব্যবস্থান মধর্মস্য প্রণাশনম্ || ২. ৭৩. ৭০||
প্রহ্নাদস্য নিদেশে তু যেঽসুরা ন ব্যবস্থিতাঃ |
মনুষ্যবধ্যাংস্তান্সর্বান্ব্রহ্মা ব্যাহরত প্রভুঃ || ২. ৭৩. ৭১||
ধর্মান্নারায়ণস্তস্মাৎসংভূতশ্চাক্ষুষেঽন্তরে |
যজ্ঞং প্রবর্ত্তয়ামাস বৈন্যো বৈবস্বতেঽন্তরে || ২. ৭৩. ৭২||
প্রাদুর্ভাবে তু বৈন্যস্য ব্রহ্মৈবাসীৎপুরোহিতঃ |
চতুর্থ্যাং তু যুগাখ্যায়ামাপন্নেষু সুরেষ্বথ || ২. ৭৩. ৭৩||
সংভুতঃ স সমুদ্রান্তর্হিরণ্যকশিপোর্বধে |
দ্বিতীয়ো নরসিংহোঽভূদ্রৌদ্রঃ সুতপুরস্সরঃ || ২. ৭৩. ৭৪||
যজমানং তু দৈত্যেন্দ্রমদিত্যাঃ কুলনন্দনঃ |
দ্বিজো ভূৎবা শুভে কালে বলিং বৈরোচনং জগৌ || ২. ৭৩. ৭৫||
ত্রৈলোক্যস্য ভবান্রাজা ৎবয়ি সর্বং প্রতিষ্ঠিতম্ |
দাতুমর্হসি মে রাজন্বিক্রমাংস্ত্রীনিতি প্রভুঃ || ২. ৭৩. ৭৬||
দদামীত্যেব তং রাজা বলির্বৈরোচনোঽব্রবীৎ |
বামনং তং চ বিজ্ঞায় ততোঽদান্মুদিতঃ স্বয়ম্ || ২. ৭৩. ৭৭||
স বামনো দিবং খং চ পৃথিবীং চ দ্বিজোত্তমাঃ |
ত্রিভিঃ ক্রমৈর্বিশ্বমিদং জগদাক্রামত প্রভুঃ || ২. ৭৩. ৭৮||
অত্যরিচ্যত ভূতাত্মা ভাস্করং স্বেন তেজসা |
প্রকাশয়ন্দিশঃ সর্বাঃ প্রদিশশ্চ মহায়শাঃ || ২. ৭৩. ৭৯||
শুশুভে স মহাবাহুঃ সর্বলোকান্প্রকাশয়ন্ |
আসুরীং শ্রিয়মাহৃত্য ত্রীংল্লোকাংশ্চ জনার্দ্দনঃ || ২. ৭৩. ৮০||
স পুত্রপৌত্রানসুরান্পাতালতলমানয়ন্ |
নমুচিঃ শংবরশ্চৈব প্রহ্রাদশ্চৈব বিষ্ণুনা || ২. ৭৩. ৮১||
ক্রূরা হতা বিনির্দূতা দিশঃ সংপ্রতিপেদিরে |
মহাভূতানি ভূতাত্মা সবিশেষাণি মাধবঃ || ২. ৭৩. ৮২||
বলিং চং সবলং বিপ্রাস্তত্রাদ্ভুতমদর্শয়ৎ |
তস্য গাত্রে জগৎসর্বমাত্মানমনুপশ্যতি || ২. ৭৩. ৮৩||
ন কিঞ্চিদস্তি লোকেষু যদব্যাপ্তং মহাত্মনা |
তদ্বৈ রূপমুপেন্দ্রস্য দেবাদানবমানবাঃ || ২. ৭৩. ৮৪||
দৃষ্ট্বা সংমুমুহুঃ সর্বে বিষ্ণুতেজোবিমোহিতাঃ |
বলিঃ সিতো মহাপাশৈঃ সবন্ধুঃ সসুৎদৃদ্গণঃ || ২. ৭৩. ৮৫||
বিরোচনকুলং সর্বং পাতালে সন্নিবেশিতম্ |
ততঃ সর্বামরৈশ্বর্যং দত্ত্বেন্দ্রায় মহাত্মনে || ২. ৭৩. ৮৬||
মানুষেষু মহাবাহুঃ প্রাদুরাস জনার্দ্দনঃ |
এতাস্তিস্রঃ সমৃতাস্তস্য দিব্যাঃ সংভূতয়ঃ শুভাঃ || ২. ৭৩. ৮৭||
মানুষ্যঃ সপ্ত যাস্তস্য সাগ্রগাস্তা নিবোধত |
ত্রেতায়ুগে তু দশমে দত্তাত্রেয়ো বভূব হ || ২. ৭৩. ৮৮||
নষ্টে ধর্মে চতুর্থশ্চ মার্কণ্ডেয়পুঃ সরঃ |
পঞ্চমঃ পঞ্চদশ্যাং তু ত্রেতায়াং সংবভূব হ || ২. ৭৩. ৮৯||
মান্ধাতা চক্রবর্ত্তিৎবে তস্যোতথ্যঃ পুরস্সরঃ |
একোনবিংশয়াং ত্রেতায়াং সর্বক্ষত্রান্তকৃদ্বিভুঃ || ২. ৭৩. ৯০||
জামদগ্ন্যস্তদা ষষ্ঠে বিশ্পামিত্রপুরস্সরঃ |
চতুর্বিংশে যুগে রামো বসিষ্ঠেন পুরোধসা || ২. ৭৩. ৯১||
সপ্তমো রাবণস্যার্থে জজ্ঞে দশরথাত্মজঃ |
অষ্টমো দ্বাপরে বিষ্ণুরষ্টাবিংশে পরাশরাৎ || ২. ৭৩. ৯২||
বেদব্যাসস্ততো জজ্ঞে জাতূকর্ণ্যপুরস্সরঃ |
তথৈব নবমে বিষ্ণুরদিত্যাঃ কশ্যপাত্মজঃ || ২. ৭৩. ৯৩||
দেবক্যাং বসুদেবাত্তু জাতো গার্গ্যপুরস্সরঃ |
অপ্রমেয়ো নিয়োগশ্চ যতকামবরো বশী || ২. ৭৩. ৯৪||
ক্রীডতে ভগবাংল্লোকে বালঃ ক্রীডনকেরিব |
ন প্রমাতুং মহাবাহুং শক্যোঽসৌ মধুসূদনঃ || ২. ৭৩. ৯৫||
পরং হ্যবরমেতস্মাদ্বিশ্বরূপান্ন বিদ্যতে |
অষ্টাবিংশতিকে তদ্বদ্দ্বাপরস্যাথ সংক্ষয়ে || ২. ৭৩. ৯৬||
নষ্টে ধর্মে তদা জজ্ঞে বিষ্ণুর্বৃষ্ণিকুলে প্রভুঃ |
কর্তুং ধর্মব্যবস্থানমসুরাণাং প্রণাশনম্ |
মাহয়ন্সর্বভূতানি যোগাত্মা যোগমায়য়া || ২. ৭৩. ৯৭||
প্রবিষ্টো মানুষীং যোনিং প্রচ্ছন্নশ্চরতে মহীম্ || ২. ৭৩. ৯৮||
বিহারার্থং মনুষ্যেষু সাংদীপনিপুরস্সরঃ |
যত্র কংসং চ শাল্বং চ দ্বিবিদং চ মহাসুরম্ || ২. ৭৩. ৯৯||
অরিষ্ঠং বৃষভং চৈব পূতনাং কেশিনং হয়ম্ |
নাগং কুবলয়াপীডং মল্লং রাজগৃহাধিপম্ || ২. ৭৩. ১০০||
দৈত্যান্মানুষদেহস্থান্সূদয়ামাস বীর্যবান্ |
ছিন্নং বাহুসহস্রং চ বাণস্যাদ্ভুতকর্মণা || ২. ৭৩. ১০১||
নরকশ্চ হতঃ সংখ্যে যবনশ্চ মহাবলঃ |
হৃতানি চ মহীপানাং সর্বরত্নানি তেজসা || ২. ৭৩. ১০২||
কুরুবীরাশ্চ নিহতাঃ পার্থিবা যে রসাতলে |
এতে লোকহিতার্থায় প্রাদুর্ভাবা মহাত্মনঃ || ২. ৭৩. ১০৩||
অস্মিন্নেব যুগে ক্ষীণে সংধ্যাশিষ্টে ভবিষ্যতি |
কল্কির্বিষ্ণুয়শা নাম পারাশর্যঃ প্রতাপবান্ || ২. ৭৩. ১০৪||
দশমো ভাব্যসংভূতো যাজ্ঞবল্ক্যপুরস্সরঃ |
অনুকর্ষন্স বৈ সেনাং হস্ত্যশ্বরথসংকুলাম্ || ২. ৭৩. ১০৫||
প্রগৃহীতায়ুধৈর্বিপ্রৈর্বৃতঃ শতসহস্রশঃ |
নাত্যর্থং ধার্মিকা যে চ যে চ ধর্মদ্বিষঃ ক্বচিৎ || ২. ৭৩. ১০৬||
উদীচ্যান্মধ্যদেশাংশ্চ তথা বিন্ধ্যা পরান্তিকান্ |
তথৈব দাক্ষিণাত্যাংশ্চ দ্রবিডান্সিংহলৈঃ সহ || ২. ৭৩. ১০৭||
গান্ধারান্পারদাংশ্চৈব পহ্লবান্পবনাঞ্ছকান্ |
তুবরাঞ্ছবরাংশ্চৈব পুলিন্দান্বরদান্ বসান্ || ২. ৭৩. ১০৮||
লংপাকানাঙ্ঘ্রকান্পুণ্ড্রান্কিরাতাংশ্চৈব স প্রভুঃ |
প্রবৃত্তচক্রো বলবান্ম্লেচ্ছানামন্তকৃদ্বলী || ২. ৭৩. ১০৯||
অদৃশ্যঃ সর্বভূতানাং পৃথিবীং বিচরিষ্যতি |
মানবঃ স তু সংজজ্ঞে দেবসেনস্য ধীমতঃ || ২. ৭৩. ১১০||
পূর্বজন্মনি বিষ্ণুর্যঃ প্রমিতির্নাম বীর্যবান্ |
গোত্রেণ বৈ চন্দ্রমসঃ পূর্ণে কলিয়ুগেঽভবৎ || ২. ৭৩. ১১১||
ইত্যেতাস্তস্য দেবস্য দক্ষসংভূতয়ঃ স্মতাঃ |
তন্তং কালং চ কায়ং চ তত্তদুদ্দিশ্য কারণম্ || ২. ৭৩. ১১২||
অংশেন ত্রিষু লোকেষু তাস্তা যোনীঃ প্রপৎস্যতে |
পঞ্চবিংশে স্থিতঃ কল্পে পঞ্চবিংশৎস বৈ সমাঃ || ২. ৭৩. ১১৩||
বিনিঘ্নন্সর্বভূতানি মানুষানেব সর্বশঃ |
কৃৎবা বীজাবশেষাং তু মহীং ক্রূরেণ কর্মণা || ২. ৭৩. ১১৪||
শান্তয়িৎবা তু বৃষলান্প্রায়শস্তান ধার্মিকান্ |
ততঃ স বৈ তদা কল্কিশ্চরিতার্থঃ সসৈনিকঃ || ২. ৭৩. ১১৫||
কর্মণা নিহতা যে তু সিদ্ধাস্তে তু পুনঃ স্বয়ম্ |
অকস্মাৎকুপিতান্যোন্যং ভবিষ্যন্তি চ মোহিতাঃ || ২. ৭৩. ১১৬||
ক্ষপয়িৎবা তু তান্সর্বান্ভাবিনার্থেন চোদিতঃ |
গঙ্গায়মুনয়োর্মধ্যে নিষ্ঠাং প্রাপ্স্যতি সানুগঃ || ২. ৭৩. ১১৭||
ততো ব্যতীতে কল্পে তু সমাপ্তে সহসৈনিকে |
নৃপেষ্বথ বিনিষ্টেষু তদা ৎবপ্রগ্রহাঃ প্রজাঃ || ২. ৭৩. ১১৮||
রক্ষণে বিনিপৃত্তে তু হৎবা চান্যোন্যমাহবে |
পরস্পরৎদৃতস্বাশ্চ নিরানন্দাঃ সুদুঃখিতাঃ || ২. ৭৩. ১১৯||
পুরাণি হিৎবা গ্রামাংশ্চ তুল্যাস্তা নিষ্পরিগ্রহাঃ |
প্রনষ্টশ্রুতিধর্মাশ্চনষ্টধর্মাশ্রমাস্তথা || ২. ৭৩. ১২০||
হ্রস্বা অল্পায়ুষশ্চৈব ভবিষ্যন্তি বনৌকসঃ |
সরিৎপর্বতসেবিন্যঃ পত্রমূলফলাশনাঃ || ২. ৭৩. ১২১||
চীরপত্রাজিনঘরাঃ সংকরং ঘোরমাস্থিতাঃ |
অল্পায়ুষো নষ্টবার্তা বহ্বাবাধাঃ সুদুঃখিতাঃ || ২. ৭৩. ১২২||
এবং কাষ্ঠামনুপ্রাপ্তাঃ কলিসংধ্যাংশকে তদা |
প্রজাঃ ক্ষয়ং প্রয়াস্যন্তি সার্দ্ধং কলিয়ুগেন তু || ২. ৭৩. ১২৩||
ক্ষীণে কলিয়ুগে তস্মিন্প্রবৃত্তে চ কৃতে পুনঃ |
প্রপৎস্যন্তে যথান্যায়ং স্বভাবাদেব নান্যথা || ২. ৭৩. ১২৪||
ইত্যেতৎকীর্ত্তিতং সর্বং দেবাসুরবিচেষ্টিতম্ |
যদুবংশপ্রসংগেন মহদ্বো বৈষ্মবং যশঃ || ২. ৭৩. ১২৫||
তুর্বসোস্তু প্রবক্ষ্যামি পূরোর্দ্রুহ্যোরনোস্তথা || ২. ৭৩. ১২৬||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয় উপোদ্ধাতপাদে বিষ্ণুমাহাত্ম্যবর্ণনং নাম ত্রিসপ্ততিতমোঽধ্যায়ঃ || ৭৩||

সূত উবাচ
তুর্বসোস্তু সুতো বহ্নির্বহ্নের্গোভানুরাত্মজঃ |
গোভানোস্তু সুতো বীর স্ত্রিসানুরপাজিতঃ || ২. ৭৪. ১||
করন্ধমস্তু ত্রৈসানো মরুত্তস্তস্য চাত্মজঃ |
অন্যস্ত্বাবিজ্ঞিতো রাজা মরুত্তঃ কথিতঃ পুরা || ২. ৭৪. ২||
অনপত্যো মরুত্তস্তু স রাজাসীদিতি শ্রুতম্ |
দুষ্কন্তং পৌরবং চাপি স বৈ পুত্রমকল্পয়ৎ || ২. ৭৪. ৩||
এবং যয়াতিশাপেন জরাসংক্রমণে পুরা |
তুর্বসোঃ পৌরবং বংশং প্রবিবেশ পুরা কিল || ২. ৭৪. ৪||
দুষ্কন্তস্য তু দায়াদঃ সরূপ্যো নাম পার্থিবঃ |
সরূপ্যাত্তু তথাণ্ডীরশ্চৎবারস্তস্য চাত্মজাঃ || ২. ৭৪. ৫||
পাণ্ড্যশ্চ কেরলশ্চৈব চোলঃ কুল্যস্তথৈব চ |
তেষাং জনপদাঃ কুল্যাঃ পাণ্ড্যাশ্চোলাঃ সকেরলাঃ || ২. ৭৪. ৬||
দ্রুহ্যোশ্চ তনয়ৌ বীরৌ বভ্রুঃ সেতুশ্চ বিশ্রুতৌ |
অরুদ্ধঃ সেতুপুত্রস্তু বাব্রবো রিপুরুচ্যতে || ২. ৭৪. ৭||
যৌবনাশ্বেন সমিতৌ কৃচ্ছেণ নিহতো বলী |
যুদ্ধং সুমহদাসীত্তু মাসান্পরিচতুর্দশ || ২. ৭৪. ৮||
অরুদ্ধস্য তু দায়াদো গান্ধারো নাম পার্থিবঃ |
খ্যায়তে যস্য নাম্না তু গান্ধারবিষয়ো মহান্ || ২. ৭৪. ৯||
গান্ধারাদেশজাশ্চাপি তুরগা বাজিনাং বরাঃ |
গান্ধারপুত্রো ধর্মস্তু ধৃতস্তস্য সুতোঽভবৎ || ২. ৭৪. ১০||
ধৃতস্য দুর্দমো জজ্ঞে প্রচেতাস্তস্য চাত্মজঃ |
প্রচেতসঃ পুত্রশতং রাজানঃ সর্ব এব তে || ২. ৭৪. ১১||
ম্লেচ্ছরাষ্ট্রাধিপাঃ সর্বে হ্যুদীচীং দিশমাস্থিতাঃ |
অনোশ্চৈব সুতা বীরাস্ত্রয়ঃ পরমধার্মিকাঃ || ২. ৭৪. ১২||
সভানরঃ কালচক্ষুঃ পরাক্ষস্চেতি বিশ্রুতাঃ |
সভানরস্য পুত্রস্তু বিদ্বান্কালানলো নৃপঃ || ২. ৭৪. ১৩||
কালানলস্য ধর্মাত্মা সৃংজয়ো নাম বিশ্রুতঃ |
সৃংজয়স্যাভবৎপুত্রো বীরো নাম্না পুরঞ্জয়ঃ || ২. ৭৪. ১৪||
আসীদিন্দ্রসমো রাজা প্রতিষ্টিতয়শাদিবি |
মহামনাঃ সুতস্তস্য মহাশালস্য ধার্মিকঃ || ২. ৭৪. ১৫||
সপ্তদ্বীপেশ্বরো রাজা চক্রবর্ত্তী মহায়শাঃ |
মহামনাস্তু দ্বৌ পুত্রৌ জনয়ামাস বিশ্রুতৌ || ২. ৭৪. ১৬||
উশীনরং চ ধর্মজ্ঞং তিতিক্ষুং চৈব ধার্মিকম্ |
উশীনরস্য পত্ন্যস্তু পঞ্চ রাজর্ষিবংশজাঃ || ২. ৭৪. ১৭||
নৃগা কৃমী নবা দর্বা পঞ্চমী চ দৃষদ্বতী |
উশীনরস্য পুত্র্যস্তু পঞ্চ তাসু কুলোদ্বহাঃ || ২. ৭৪. ১৮||
তপস্যতঃ সুমহতো জাতা বৃদ্ধস্য ধার্মিকাঃ |
নৃগায়াস্তু নৃগঃ পুত্রো নবায়া নব এব তু || ২. ৭৪. ১৯||
কৃম্যাঃ কৃমিস্তু দর্বায়াঃ সুব্রতো নাম ধার্মিকঃ |
দৃষদ্বতী সুতশ্চাপি শিবিরৌশীনরো দ্বিজাঃ || ২. ৭৪. ২০||
শিবে শিবপুরং খ্যাতং যৌধেয়ং তু নৃগস্য চ |
নবস্য নবরাষ্ট্রং তু কৃমেস্তু কৃমিলা পুরী || ২. ৭৪. ২১||
সুব্রতস্য তথাংবষ্টা শিবিপুত্রান্নিবোধত |
শিবেস্তু শিবয়ঃ পুত্রাশ্চৎবারো লোকসংমতাঃ || ২. ৭৪. ২২||
বৃষদর্ভঃ সুবীরস্তু কেকয়ো মদ্রকস্তথা |
তেষাং জনপদাঃ স্ফীতাঃ কেকয়া মদ্রকাস্তথা || ২. ৭৪. ২৩||
বৃষদর্ভাঃ সুবীরাশ্চ তিতিক্ষোঃ শৃণুত প্রজাঃ |
তিতিক্ষুরভবদ্রাজা পূর্বস্যাং দিশি বিশ্রুতঃ || ২. ৭৪. ২৪||
উশদ্রথো মহাবাহুস্তস্য হেমঃ সুতোঽভবৎ |
হেমস্য সুতপা জজ্ঞে সুতঃ সুতপসো বলিঃ || ২. ৭৪. ২৫||
জাতো মনুষ্যয়োন্যাং বৈ ক্ষীণে বংশে প্রজেপ্সয়া |
মহায়োগী স তু বলির্বদ্ধো যঃ স মহামনাঃ || ২. ৭৪. ২৬||
পুত্রানুৎপাদয়ামাস জাতুর্বর্ণ্যকরান্ভুবি |
অঙ্গং স জনয়ামাস বঙ্গং সুহ্মং তথৈব চ || ২. ৭৪. ২৭||
যুদ্ধং কলিঙ্গং চ তথা বালেয়ং ক্ষত্রমুচ্যতে |
বালেয়া ব্রাহ্মণাশ্চৈব তস্য বংশকরাঃ প্রভোঃ || ২. ৭৪. ২৮||
বলেস্তু ব্রহ্মণা দত্তা বরাঃ প্রীতেন ধীমতঃ |
মহায়োগিৎবমায়ুশ্চ কল্পস্য পরিমাণকম্ || ২. ৭৪. ২৯||
সংগ্রামে বাপ্যজেয়ৎবং ধর্মে চৈব প্রভাবতঃ |
ত্রৈলোক্যদর্শনং চৈব প্রাধান্যং প্রসবে তথা || ২. ৭৪. ৩০||
বলেশ্চা প্রতিমৎবং বে ধর্মতত্ত্বার্থদর্শনম্ |
চতুরো নিয়তান্বর্ণাংস্ত্বং বৈ স্থাপয়িতেতি বৈ || ২. ৭৪. ৩১||
ইত্যুক্তো বিভুনা রাজা বলিঃ শান্তি পরায়য়ৌ |
কালেন মহতা বিদ্বান্স্বং চ স্থানমুপাগতঃ || ২. ৭৪. ৩২||
তেষাং জনপদাঃ স্ফীতা অঙ্গবঙ্গাশ্চ সুহ্মকাঃ |
পুণ্ড্রাঃ কলিঙ্গশ্চ তথা তেষাং বংশং নিবোধত || ২. ৭৪. ৩৩||
তস্য তে তনয়াঃ সর্বে ক্ষেত্রজা মুনিসংভবাঃ |
সংভূতা দীর্ঘতমসঃ সুদেষ্ণায়াং মহৌজসঃ || ২. ৭৪. ৩৪||
ঋষয় ঊচুঃ
কথং বলেঃ সুতাঃ পঞ্চ জনিতাঃ ক্ষেত্রজাঃ প্রভো |
ঋষিণা দীর্ঘতমসা হ্যেতৎপ্রব্রূহি পৃচ্ছতাম্ || ২. ৭৪. ৩৫||
সূত উবাচ
উশিজো নাম বিখ্যাত আসীদ্ধীমানৃষিঃ পুরা |
ভার্যা বৈ মমতা নাম বভূবাস্য মহাত্মনঃ || ২. ৭৪. ৩৬||
উশিজস্য কনীয়াংস্তু পুরোধা যো দিবৌকসাম্ |
বৃহস্পতির্বৃহত্তেজা মমতাং সোঽভ্যপদ্যত || ২. ৭৪. ৩৭||
উবাচ মমতা তং তু বৃহস্পতিমনিচ্ছতী |
অন্তর্বত্ন্যস্মি তে ভ্রাতুর্জ্যেষ্ঠস্যাস্য চ ভামিনী || ২. ৭৪. ৩৮||
অয়ং হি মে মহান্গর্ভো রোরবীতি বৃহস্পতে |
অজস্রং ব্রহ্ম চাভ্যস্য ষডঙ্গং বেদমুদ্গিরন্ || ২. ৭৪. ৩৯||
অমোঘরে তাস্ত্বং চাপি ন মাং ভজিতুমর্হসি |
অস্মিন্নেব যথাকালে যথা বা মন্যসে বিভো || ২. ৭৪. ৪০||
এবমুক্তস্তয়া সম্যগ্বৃহতেজা বৃহস্পতিঃ |
কামাত্মানং মহাত্মাপি নাত্মানং সোঽভ্যধারয়ৎ || ২. ৭৪. ৪১||
সংবভূবৈব ধর্মাত্মা তয়া সার্দ্ধং বৃহস্পতি |
উৎসৃজন্তং তদা রেতো গর্ভস্থঃ সোঽস্য ভাষত || ২. ৭৪. ৪২||
শুক্রং ত্যাক্ষীশ্চ মা জীব দ্বয়োর্নেহাস্তি সংভবঃ |
অমোঘরেতাস্ত্বং বাপি পূর্বং চাহমিহাগতঃ || ২. ৭৪. ৪৩||
শশাপ তং তদা ক্রুদ্ধ এবমুক্তো বৃহস্পতিঃ |
উশিজস্য সুতং ভ্রাতুর্গর্ভস্থং ভগবানৃষিঃ || ২. ৭৪. ৪৪||
যস্মাত্ত্বমীদৃশে কালে সর্বভূতেপ্সিতে সতি |
মামেবমুক্তবান্মোহাত্তমো দীর্ঘং গ্রবেক্ষ্যসি || ২. ৭৪. ৪৫||
ততো দীর্ঘতমা নাম শাপাদৃষিরজায়ত |
অথৌশিজো বৃহৎকীর্তির্বৃহস্পতিরিবৌজসা || ২. ৭৪. ৪৬||
ঊর্দ্ধ্বরেতাস্ততশ্চাপি ন্যবসদ্ভ্রাতুরাশ্রমে |
গোধর্মং সৌরভেয়াত্তু বৃষভাচ্ছতবান্প্রভোঃ || ২. ৭৪. ৪৭||
তস্য ভ্রাতা পিতৃব্যস্তু চকার ভবনং তদা |
তস্মিন্হি তত্র বসতি যদৃচ্ছাভ্যাগতো বৃষঃ || ২. ৭৪. ৪৮||
দর্শার্থমাস্তৃতান্দর্ভাঞ্চচার সুরভীসুতঃ |
জগ্রাহ তং দীর্ঘ তমা বিস্ফুরন্তং তু শৃঙ্গয়োঃ || ২. ৭৪. ৪৯||
স তেন নিগৃহীতস্তু ন চচাল পদাৎপদম্ |
ততোঽব্রবীদ্ বৃষস্তং বৈ সুংচ মাং বলিনাং বর || ২. ৭৪. ৫০||
ন ময়া সাদিতস্তাত বলবাংস্তদ্বিধঃ ক্বচিৎ |
ত্র্যংবকং বহতা দেবং যতো জাতোঽস্মি ভূতলে || ২. ৭৪. ৫১||
সুংচ মাং বলিনাং শ্রেষ্ঠ প্রতিস্নেহং বরং বৃণু |
এবমুক্তোঽব্রবীদেনং জীবংস্ত্বং মে ক্ব যাস্যসি || ২. ৭৪. ৫২||
তেন ৎবাহং ন মোক্ষ্যামি পরস্বাদং চতুষ্পদম্ |
ততস্তং দীর্ঘতমসং স বৃষঃ প্রত্যুবাচ হ || ২. ৭৪. ৫৩||
নাস্মাকং বিদ্যতে তাত পাতকং স্তেয়মেব চ |
ভক্ষ্যাভক্ষ্যং ন জানীমঃ পেয়াপেয়ং চ সর্বশঃ || ২. ৭৪. ৫৪||
কার্যা কার্যং চ বৈ বিপ্র গম্যগম্যং তথৈব চ |
ন পাপ্মানো বয়ং বিপ্র ধর্মো হ্যেষ গবাং শ্রুতঃ || ২. ৭৪. ৫৫||
গবাং নাম স বে শ্রুৎবা সংভ্রান্তস্ত মমুঞ্চত |
ভক্ত্যা চানুশ্রবিকয়া গোসুতং বৈ প্রসাদয়ন্ || ২. ৭৪. ৫৬||
প্রসাদতো বৃষেন্দ্রস্য গোধর্মং জগৃহেঽথ সঃ |
মনসৈব তদা দধ্রে তদ্বিধস্তৎপরায়ণঃ || ২. ৭৪. ৫৭||
ততো যবীয়সঃ পত্নীমৌতথ্যস্যাভ্যমন্যত |
বিচেষ্টমানাং রুদতীং দৈবাৎসংমূঢচেতনঃ || ২. ৭৪. ৫৮||
অবলেপং তু তংমৎবা সুরদ্বাংস্তস্য নাক্ষমৎ |
গোধর্ম বৈ বলং কৃৎবা স্নুষাং স হ্যভ্যমন্যত || ২. ৭৪. ৫৯||
বিপর্যয়ং তু তং দৃষ্ট্বা শরদ্বান্প্রবিচিন্ত্য চ |
ভবিষ্যমর্থং জ্ঞাৎবা চ মহাত্মা ৎববমত্য তম্ || ২. ৭৪. ৬০||
প্রোবাচ দীর্ঘতমসং ক্রোধাৎসংরক্তলোচনঃ |
গম্যাগম্যং ন জানীষে গোধর্মাৎপ্রার্থয়ন্স্রুষাম্ || ২. ৭৪. ৬১||
দুর্বৃত্তং ৎবাং ত্যজাম্যেষ গচ্ছ ৎবং স্বেন কর্মণা |
যস্মাত্ত্বমন্ধো বৃদ্ধশ্চ ভর্ত্তব্যো দুরনুষ্ঠিতঃ || ২. ৭৪. ৬২||
তেনাসি ৎবং পরিত্যক্তো দুরাচারোঽসি মে মতঃ |
সূত উবাচ
কর্মণ্যস্মিংস্ততঃ ক্রূরে তস্য বুদ্ধিরজায়ত || ২. ৭৪. ৬৩||
নির্ভর্ত্স্য চৈব বহুশো বাহুভ্যাং পরিগৃহ্য চ |
কোষ্টে সমুদ্রে প্রক্ষিপ্য গঙ্গাংভসি সমুৎসৃজৎ || ২. ৭৪. ৬৪||
উহ্যমানঃ সমুদ্রস্তু সপ্তাহং শ্রোতসা তদা |
তং সস্ত্রীকো বলির্নাম রাজা ধর্মার্থতত্ত্ববিৎ || ২. ৭৪. ৬৫||
অপশ্যন্মজ্জমানং তু স্রোতসোভ্যাসমাগতম্ |
তং গৃহীৎবা স ধর্মাত্মা বলির্বৈরোচনস্তদা || ২. ৭৪. ৬৬||
অন্তঃপুরে জুগোপৈনং ভক্ষ্যৈর্ভোজ্যৈশ্চ তর্পয়ন্ |
প্রীতঃ স বৈ বরেণাথ চ্ছন্দয়ামাস বৈ বলিম্ || ২. ৭৪. ৬৭||
স চ তস্মাদ্বরং বব্রে পুত্রার্থী দানবর্ষভঃ |
বলিরুবাচ
সংতানার্থং মহাভাগ ভার্যায়াং মম মানদ || ২. ৭৪. ৬৮||
পুত্রান্ধর্মার্থসংযুক্তানুৎপাদয়িতুমর্হসি |
এবমুক্তস্তুতেনর্ষিস্তথাস্ত্বিত্যুক্তবান্হিতম্ || ২. ৭৪. ৬৯||
সুদেষ্ণাং নাম ভার্যাং স্বাং রাজাস্মৈ প্রাহিণোত্তদা |
অন্ধং বৃদ্ধং চ তং দৃষ্ট্বা ন সা দেবী জগাম হ || ২. ৭৪. ৭০||
স্বাং চ ধাত্রেয়িকাং তস্মৈ ভূষয়িৎবা ব্যসর্জয়ৎ |
কক্ষীবচ্চক্ষুষৌ তস্যাং শূদ্রয়োন্যামৃষির্বশী || ২. ৭৪. ৭১||
জনয়া মাস ধর্মাত্মা পুত্রাবেতৌ মহৌজসৌ |
কক্ষীবচ্চক্ষুষৌ তৌ তু দৃষ্ট্বা রাজা বলিস্তদা || ২. ৭৪. ৭২||
অধীতৌ বিধিবৎসম্য গীশ্বরৌ ব্রহ্মবাদিনৌ |
সিদ্ধৌ প্রত্যক্ষধর্মাণৌ বুদ্ধৌ শ্রেষ্ঠতমাবপি || ২. ৭৪. ৭৩||
মমৈতাবিতি হোবাচ বলির্বৈরোচনস্ত্বৃষিম্ |
নেত্যুবাচ ততস্তং তু মমৈতাবিতি চাব্রবীৎ || ২. ৭৪. ৭৪||
উৎপন্নৌ শূদ্রয়োনৌ তু ভবতঃ ক্ষ্মাসুরোত্তমৌ |
অন্ধং বৃদ্ধং চ মাং মৎবা সুদেষ্ণা মহিষী তব || ২. ৭৪. ৭৫||
প্রাহিণোদবমানীয় শূদ্রীং ধাত্রেয়িকাং মম |
ততঃ প্রসাদয়ামাস পুনস্তমৃষিসত্তমম্ || ২. ৭৪. ৭৬||
বলির্ভার্যাং সুদেষ্ণা চ ভর্ত্সয়ামাস বৈ প্রভুঃ |
পুনশ্চৈনামলঙ্কৃত্য ঋষয়ে প্রত্যপাদয়ৎ || ২. ৭৪. ৭৭||
তাং স দীর্ঘতমা দেবীমব্রবীদ্যদি মাং শুভে |
দধ্না লবণমিশ্রেণ স্বভ্যক্তং নগ্নকং তথা || ২. ৭৪. ৭৮||
লেহিষ্যস্যজুগুপ্সন্তী হ্যাপাদতলমস্তকম্ |
ততস্ত্বং প্রাপ্স্যসে দেবি পুত্রাংশ্চ মনসেপ্সিতান্ || ২. ৭৪. ৭৯||
তস্য সা তদ্বচো দেবী সর্বং কৃতবতী তথা |
অপানং চ সমাসাদ্য জুগুপ্সংতী হ্যবর্জয়ৎ || ২. ৭৪. ৮০||
তমুবাচ ততঃ সর্ষির্যস্তে পরিহৃতং শুভে |
বিনাপানং কুমারং ৎবং জনয়িষ্যসি পূর্বজম্ || ২. ৭৪. ৮১||
ততস্তং দীর্ঘতমসং সা দেবী প্রত্যুবাচ হ||
নার্হসি ৎবং মহাভাগ পুত্রং দাতুং মমেদৃশম্ || ২. ৭৪. ৮২||
ঋষিরুবাচ
তবাপরধো দেব্যেষ নান্যথা ভবিতা তু বৈ |
দেবীদৃশং চ তে পৌত্রমহং দাস্যামি সুপ্রতে || ২. ৭৪. ৮৩||
তস্যাপানং বিনা চৈব যোগ্যভাবো ভবিষ্যতি |
তাং স দীর্ঘতমাশ্চৈব কুক্ষৌ স্পৃষ্ট্বদমব্রবীৎ || ২. ৭৪. ৮৪||
প্রাশিতং দধিয়ত্তেঽদ্য মমাঙ্গাদ্বৈ শুচিস্মিতে |
তেন তে পূরিতো গর্ভঃ পৌর্ণমাস্যামিবোদধিঃ || ২. ৭৪. ৮৫||
ভবিষ্যন্তি কুমারাস্তে পঞ্চ দেবসুতোপমাঃ |
তেজস্বিনঃ পরাক্রান্তা যজ্বানো ধার্মিকাস্তথা || ২. ৭৪. ৮৬||
ততোংঽগস্তু সুদেষ্ণায়া জ্যেষ্ঠপুত্রো ব্যজায়ত |
বঙ্গস্তস্মাৎকলিঙ্গস্তু পুণ্ড্রঃ সুহ্মস্তথৈব চ || ২. ৭৪. ৮৭||
বংশভাজস্তু পঞ্চৈতে বলেঃ ক্ষেত্রেঽভবংস্তদা |
ইত্যেতে দীর্ঘতমসা বলের্দত্তাঃ সুতাঃ পুরা || ২. ৭৪. ৮৮||
প্রজা হ্যুপহতাস্তস্য ব্রহ্মণা কারণং প্রতি |
অপত্যমস্য দারেষু স্বেষু মাভূন্মহাত্মনঃ || ২. ৭৪. ৮৯||
ততো মনুষ্যয়োন্যাং বৈ জনয়ামাস স প্রজাঃ |
সুরভির্দীর্ঘত মসমথ প্রীতো বচোঽব্রবীৎ || ২. ৭৪. ৯০||
বিচার্য যস্মাদ্গোধর্মং ৎবমেবং কৃতবানসি |
ভক্ত্যা চানন্যয়াস্মাসু মুনে প্রীতাস্মি তেন তে || ২. ৭৪. ৯১||
তস্মাত্তব তমো দীর্ঘং নিস্তদাম্যদ্য পশ্য বৈ |
বার্হস্পত্যং চ যত্তেঽন্যৎপাপং সংতিষ্ঠতে তনৌ || ২. ৭৪. ৯২||
জরামৃত্যুভয়ং চৈব হ্যাঘ্রায় প্রণুদামি তে |
আঘ্রাতমাত্রোঽসা পশ্যৎসদ্যস্তমসি নাশিতে || ২. ৭৪. ৯৩||
আয়ুষ্মাংশ্চ যুবা চৈব চক্ষুষ্মাংশ্চ ততোঽভবৎ |
গবা হৃততমাঃ সোঽথ গৌতমঃ সমপদ্যত || ২. ৭৪. ৯৪||
কক্ষীবাংস্তু ততো গৎবা সহ পিত্রা গিরিব্রজম্ |
যথোদ্দিষ্টং হি পিত্রাথ চচার বিপুলং তপঃ || ২. ৭৪. ৯৫||
ততঃ কালেন মহতা তপসা ভাবিতঃ স বৈ |
বিধূয় সানুজো দোষান্ব্রাহ্মণ্যং প্রাপ্তবান্প্রভুঃ || ২. ৭৪. ৯৬||
ততোঽব্রবীৎপিতা ৎবেনং পুত্রবানস্ম্যহং প্রভো |
সুপুত্রেণ ৎবয়া তাত কৃতার্থশ্চ যশস্বিনা || ২. ৭৪. ৯৭||
যুক্তাত্মানং ততঃ সোঽথ প্রাপ্তবান্ব্রহ্মণঃ ক্ষয়ম্ |
ব্রাহ্মণ্যং প্রাপ্য কক্ষীবান্সহস্রমসৃজৎসুতান্ || ২. ৭৪. ৯৮||
কূষ্মাণ্ডা গৌতমাস্তে বৈ স্মৃতাঃ কক্ষীবতঃ সুতাঃ |
ইত্যেষ দীর্ঘতমসো বলের্বৈরোচনস্য বৈ || ২. ৭৪. ৯৯||
সমাগমঃ সমাখ্যাতঃ সংতানশ্চোভয়োস্তথা |
বলিস্তানভিষিচ্যেহ পঞ্চ পুত্রানকল্মষান্ || ২. ৭৪. ১০০||
কৃতার্থঃ সোঽপি যোগাত্মা যোগমাশ্রিত্য চ প্রভুঃ |
অদৃশ্যঃ সর্বভূতানাং কালাকাক্ষী চরত্যুত || ২. ৭৪. ১০১||
তত্রাঙ্গস্য তু রাজর্ষে রাজাসীদ্দধিবাহনঃ |
সোঽপরাধাৎসুদেষ্ণায়া অনপানোঽভবন্নৃপঃ || ২. ৭৪. ১০২||
অনপানস্য পুত্রস্তু রাজা দিবিরথঃ স্মৃতঃ |
পুত্রো দিবিরথস্যাসীদ্বিদ্বান্ধর্মরথো নৃপঃ || ২. ৭৪. ১০৩||
এতে এক্ষ্বাকবঃ প্রোক্তা ভবিতারঃ কলৌ যুগে |
বৃহদ্বলান্বয়ে জাতা মহাবীর্যপরাক্রমাঃ || ২. ৭৪. ১০৪||
শূরাশ্চ কৃতবিদ্যাশ্চ সত্যসংধা জিতেন্দ্রিয়াঃ |
অত্রানুবংশশ্লোকোঽযং ভবিষ্যজ্জ্ঞৈরুদাহৃতঃ || ২. ৭৪. ১০৫||
ইক্ষ্বাকূণাময়ং বংশঃ সুমিত্রান্তো ভবিষ্যতি |
সুমিত্রং প্রাপ্য রাজানং সংস্থাং প্রাপ্স্যতি বৈ কলৌ || ২. ৭৪. ১০৬||
ইত্যেতন্মানবং ক্ষত্রমৈলং চ সমুদাৎদৃতম্ |
অত ঊর্ধ্বং প্রবক্ষ্যামি মগধো যো বৃহদ্রথঃ || ২. ৭৪. ১০৭||
জরাসংধস্য যে বংশে সহদেবান্বয়ে নৃপাঃ |
অতীতা বর্ত্তমানাশ্চ ভবিষ্যাশ্চ তথা পুনঃ || ২. ৭৪. ১০৮||
প্রাধান্যতঃ প্রবক্ষ্যামি গদতো মে নিবোধত |
সংগ্রামে ভারতে তস্মিন্সহদেবো নিপাতিতঃ || ২. ৭৪. ১০৯||
সোমাপিস্তস্য তনয়ো রাজর্ষিঃ স গিরিব্রজে |
পঞ্চাশতং তথাষ্টৌ চ সমা রাজ্যমকারয়ৎ || ২. ৭৪. ১১০||
শ্রুতশ্রবাঃ সপ্তষষ্টিঃ সমাস্তস্য সুতোঽভবৎ |
অয়ুতায়ুস্তু ষড্বিংশদ্রাজ্যং বর্ষাণ্যকারয়ৎ || ২. ৭৪. ১১১||
সমাঃ শতং নিরামিত্রো মহীং ভুক্ত্বা দিবং গতঃ |
পঞ্চাশতং সমাঃ ষট্ চ সুক্ষত্রঃ প্রাপ্তবান্মহীম্ || ২. ৭৪. ১১২||
ত্রয়োবিংশদ্বৃহৎকর্মা রাজ্যং বর্ষাণ্যকারয়ৎ |
সেনাজিৎসাংপ্রতং চাপি এতা বৈ ভোক্ষ্যতে সমাঃ || ২. ৭৪. ১১৩||
শ্রুতঞ্জয়স্তু বর্ষাণি চৎবারিংশদ্ভবিষ্যতি |
রিপুঞ্জয়ো মহাবাহুর্মহাবুদ্ধিপরাক্রমঃ || ২. ৭৪. ১১৪||
পঞ্জত্রিংশত্তু বর্ষাণি মহীং পালয়িতা নৃপঃ |
অষ্টপঞ্জাশতং জাব্দান্রাজ্যে স্থাস্যতি বৈ শুচিঃ || ২. ৭৪. ১১৫||
অষ্টাবিংশৎসমাঃ পূর্ণাঃ ক্ষেমো রাজা ভবিষ্যতি |
সুব্রতস্তু চতুঃষষ্টিং রাজ্যং প্রাপ্স্যতি বীর্যবান্ || ২. ৭৪. ১১৬||
পঞ্চ বর্ষাণি পূর্ণানি ধর্মনেত্রো ভবিষ্যতি |
ভোক্ষ্যতে নৃপতিশ্চেমা অষ্টপঞ্চাশতং সমাঃ || ২. ৭৪. ১১৭||
অষ্টত্রিংশৎসমারাষ্ট্রং সুশ্রমস্য ভবিষ্যতি |
চৎবারিংশদ্দশাষ্টৌ চ দৃঢসেনো ভবিষ্যতি || ২. ৭৪. ১১৮||
ত্রয়স্ত্রিংশত্তু বর্ষাণি সুমতিঃ প্রাপ্স্যতে ততঃ |
চৎবারিংশৎসমা রাজা সুনেত্রো ভোক্ষ্যতে ততঃ || ২. ৭৪. ১১৯||
সত্যজিৎপৃথিবী রাষ্ট্রং ত্র্যশীতিং ভোক্ষ্যতে সমাঃ |
প্রাপ্যেমং বিশ্বাজিচ্চাপি পঞ্চবিংশদ্ভবিষ্যতি || ২. ৭৪. ১২০||
অরিঞ্জয়স্তু বর্ষাণাং পঞ্চাশৎপ্রাপ্যতে মহীম্ |
দ্বাবিংশচ্চ নৃপা হ্যেতে ভবিতারো বৃহদ্রথাঃ || ২. ৭৪. ১২১||
পূর্মং বর্ষসহস্রং বৈ তেষাং রাজ্যং ভবিষ্যতি |
বৃহদ্রথেষ্বতীতেষু বীরহন্তৃষ্ববর্ত্তিষু || ২. ৭৪. ১২২||
শুনকঃ স্বামিনং হৎবা পুত্রং সমভিষেক্ষ্যতি |
মিষতাং ক্ষত্রিয়াণাং হি প্রদ্যোতিং নৃপতিং বলাৎ || ২. ৭৪. ১২৩||
স বৈ প্রণতসামন্তো ভবিষ্যেণ প্রবর্ত্তিতঃ |
ত্রয়োবিংশৎসমা রাজা ভবিতা স নরোত্তমঃ || ২. ৭৪. ১২৪||
চতুর্বিংশৎসমা রাজা পালকো ভবিতা ততঃ |
বিশাখয়ূপো ভবিতা নৃপঃ পঞ্চাশতং সমাঃ || ২. ৭৪. ১২৫||
একবিংশৎসমা রাজ্য মজকস্য ভবিষ্যতি |
ভবিষ্যতি সমা বিংশত্তৎসুতো নন্দিবর্দ্ধনঃ || ২. ৭৪. ১২৬||
অষ্টত্রিংশচ্ছতং ভাব্যাঃ প্রাদ্যোতাঃ পঞ্চ তে নৃপাঃ |
হৎবা তেষাং যশঃ কৃৎস্নং শিশুনাগো ভবিষ্যতি || ২. ৭৪. ১২৭||
বারাণস্যাং সুতস্তস্য সংযাস্যতি গিরিব্রজম্ |
শিশুনাগশ্চ বর্ষাণি চৎবারিংশদ্ভবিষ্যতি || ২. ৭৪. ১২৮||
কাকবর্ণঃ সুতস্তস্য পট্ত্রিংশচ্চ ভবিষ্যতি |
ততস্তু বিংশতিং রাজা ক্ষেমধর্মা ভবষ্যতি || ২. ৭৪. ১২৯||
চৎবারিংশৎসমা রাষ্ট্রং ক্ষত্রৌজাঃ প্রাপ্স্যতে ততঃ |
অষ্টত্রিংশৎসমা রাজাবিধিসারো ভবিষ্যতি || ২. ৭৪. ১৩০||
অজাতশত্রুর্ভবিতা পঞ্চবিংশৎসমা নৃপঃ |
পঞ্চত্রিংশৎসমা রাজা দর্ভকস্তু ভবিষ্যতি || ২. ৭৪. ১৩১||
উদয়ী ভবিতা তস্মাত্ত্রয়স্ত্রিংশৎসমা নৃপঃ |
স বৈ পুরবরং রাজা বৃথিব্যাং কুসুমাহ্বয়ম্ || ২. ৭৪. ১৩২||
গগায়া দক্ষিণে কূলে চতুর্থেঽহ্নি কারিষ্যতি |
চৎবারিশৎসমা ভাব্যো রাজা বৈ নন্দিবর্দ্ধনঃ || ২. ৭৪. ১৩৩||
চৎবারিশত্ত্রয়শ্চৈব সহানন্দির্ভবিষ্যতি |
ভবিষ্যন্তি চ বর্ষাণি ষষ্ট্যুত্তরশতত্রয়ম্ || ২. ৭৪. ১৩৪||
শিশুনাগা দশৈবৈতে রাজানঃ ক্ষত্রবন্ধবঃ |
এতৈঃ সার্দ্ধং ভবিষ্যন্তি তাবৎকালং নৃপাঃ পরে || ২. ৭৪. ১৩৫||
এক্ষ্বাকবশ্চতুর্বিংশৎপঞ্চালাঃ পঞ্চবিংশতিঃ |
কালকাস্তু চতুর্বিংশচ্চতুর্বিংশত্তু হৈহয়াঃ || ২. ৭৪. ১৩৬||
দ্বাত্রিংশদেকলিঙ্গাস্তু পঞ্চবিংশত্তথা শকাঃ |
কুরবশ্চাপি ষট্ত্রিংশদষ্টাবিংশতি মৈথিলাঃ || ২. ৭৪. ১৩৭||
শূরসেনাস্ত্রয়োবিংশদ্বীতিহোত্রাশ্চ বিংশতিঃ |
তুল্যকালং ভবিষ্যন্তি সর্বং এব মহীক্ষিতঃ || ২. ৭৪. ১৩৮||
মহানন্দিসুতশ্চাপি শূদ্রায়াঃ কালসংবৃতঃ |
উৎপৎস্যতে মহা পদ্মঃ সর্বক্ষত্রান্তকৃন্নৃপঃ || ২. ৭৪. ১৩৯||
ততঃ প্রভৃতি রাজানো ভবিষ্যঃ শূদ্রয়োনয়ঃ |
একরাট্ স মহাপদ্ম একচ্চত্রো ভবিষ্যতি || ২. ৭৪. ১৪০||
অষ্টাশীতি তু বর্ষাণি পৃথিবীং পালয়িষ্যতি |
সর্বক্ষত্রং সমুদ্ধৃত্য ভাবিনোর্ঽথস্য বৈ বলাৎ || ২. ৭৪. ১৪১||
তৎপশ্চাত্তৎসুতা হ্যষ্টৌ সমাদ্বাদশ তে নৃপাঃ |
মহাপদ্মস্য পর্যায়ে ভবিষ্যন্তি নৃপাঃ ক্রমাৎ || ২. ৭৪. ১৪২||
উদ্ধরিষ্যতি তান্সর্বান্কৌটিল্যো বৈ দ্বিজর্ষভঃ |
ভুক্ত্বা মহীং বর্ষশতং নরেদ্রঃ স ভবিষ্যতি || ২. ৭৪. ১৪৩||
চন্দ্রগুপ্তং নৃপং রাজ্যে কৌটিল্যঃ স্থাপয়িষ্যতি |
চতুর্বিংশৎসমা রাজা চন্দ্রগুপ্তো ভবিষ্যতি || ২. ৭৪. ১৪৪||
ভবিতা ভদ্রসারস্তু পঞ্চবিংশৎসমা নৃপঃ |
ষট্ত্রিংশত্তু সমা রাজা অশোকানাং চ তৃপ্তিদঃ || ২. ৭৪. ১৪৫||
তস্য পুত্রঃ কুলালস্তু বর্ষাণ্যষ্টৌ ভবিষ্যতি |
কুশালসূনুরষ্টৌ চ ভোক্তা বৈ বন্ধুপালিতঃ || ২. ৭৪. ১৪৬||
বন্ধুপালিতদায়াদো ভবিতা চেন্দ্রপালিতঃ |
ভবিতা সপ্ত বর্ষাণি দেববর্মা নরাধিপঃ || ২. ৭৪. ১৪৭||
রাজা শতধনুশ্চাপি তস্য পুত্রো ভবিষ্যতি |
বৃহদ্রথশ্চ বর্ষাণি সপ্ত বৈ ভবিতা নৃপঃ || ২. ৭৪. ১৪৮||
ইত্যেতে নব মৌর্যা বৈ ভোক্ষ্যন্তি চ বসুংধরাম্ |
সপ্তত্রিংশচ্ছতং পূর্ণং তেভ্যঃ শুঙ্গো গমিষ্যতি || ২. ৭৪. ১৪৯||
পুষ্পমিত্রস্তু সেনানীরুদ্ধৃত্যতু বৃহদ্রথম্ |
কারয়িষ্যতি বৈ রাজ্যং সমাঃ ষষ্টিং স চৈব তু || ২. ৭৪. ১৫০||
অগ্নিমিত্রো নৃপশ্চাষ্টৌ ভবিষ্যতি সমা নৃপঃ |
ভবিতা চাপি সুজ্যেষ্টঃ সপ্ত বর্ষাণি বৈ ততঃ || ২. ৭৪. ১৫১||
বসুমিত্রস্ততো ভাব্যো দশবর্ষাণি পার্থিবঃ |
ততো ভদ্রঃ সমে দ্বে তু ভবিষ্যতি নৃপশ্চ বৈ || ২. ৭৪. ১৫২||
ভবিষ্যতি সমাস্তস্মাত্তিস্র এব পুলিন্দকঃ |
রাজা ঘোষস্ততশ্চাপি বর্ষাণি ভবিতা ত্রয়ঃ || ২. ৭৪. ১৫৩||
সপ্ত বৈ বজ্র মিত্রংস্তু সমা রাজা ততঃ পুনঃ |
দ্বাত্রিংশদ্ভবিতা বাপি সমা ভাগবতো নৃপঃ || ২. ৭৪. ১৫৪||
ভবিষ্যতি সুতস্তস্য দেবভূমিঃ সমা দশ |
দশৈতে শুঙ্গরাজানো ভোক্ষ্যন্তীমাং বসুংধরাম্ || ২. ৭৪. ১৫৫||
শতং পূর্মং দশ দ্বে চ তেভ্যঃ কণ্বং গমিষ্যতি |
অমাত্যো বসুদেবস্তু বাল্যাদ্ব্যসনিনং নৃপম্ || ২. ৭৪. ১৫৬||
দেবভূমিং ততো হৎবা শুঙ্গেষু ভবিতা নৃপঃ |
ভবিষ্যতি সমা রাজা পঞ্চ কণ্বায়নস্তু সঃ || ২. ৭৪. ১৫৭||
ভূমিমিত্রঃ সুতস্তস্য চতুর্বিংশদ্ভবিষ্যতি |
ভবিতা দ্বাদশ সমাস্তস্মান্নারায়ণো নৃপঃ || ২. ৭৪. ১৫৮||
সুশর্মা তৎসুতশ্চাপি ভবিষ্যতি চতুঃসমাঃ |
কণ্বায়নাস্তু চৎবারশ্চৎবারিংশচ্চ পঞ্চ চ || ২. ৭৪. ১৫৯||
সমা ভোক্ষ্যন্তি বৃথিবীং পুনরন্ধ্রান্গমিষ্যতি |
কণ্বায়নমথোদ্ধৃত্য সুশর্মাণং প্রসহ্য তম্ || ২. ৭৪. ১৬০||
সিংধুকো হ্যন্ধ্রজাতীয়ঃ প্রাপ্স্যতীমাং বসুংধরাম্ |
ত্রয়োবিংশৎসমা রাজা সিংধুকো ভবিতা ৎবথ || ২. ৭৪. ১৬১||
কৃষ্ণো ভ্রাতাস্য বর্ষাণি সোঽস্মাদ্দশ ভবিষ্যতি |
শ্রীশান্তকর্ণির্ভবিতা তস্য পুত্রস্তু বৈ মহান্ || ২. ৭৪. ১৬২||
পঞ্চাশত্তু সমাঃ ষট্ চ শান্তকর্ণির্ ভবিষ্যতি |
আপোলবোদ্বাদশ বৈ তস্য পুত্রো ভবিষ্যতি || ২. ৭৪. ১৬৩||
চতুর্বিংশত্তু বর্ষাণি পটুমাংশ্চ ভবিষ্যতি |
ভবিতানিষ্টকর্মা তু বর্ষাণাং পঞ্চবিংশতিম্ || ২. ৭৪. ১৬৪||
ততঃ সংবৎসরং পূর্ণং হালো রাজা ভবিষ্যতি |
পঞ্চপত্তল্লকো নাম ভবিষ্যতি মহাবলঃ || ২. ৭৪. ১৬৫||
ভাব্যঃপুরীষভীরুস্তু সমাঃ সোঽপ্যেকবিংশতিম্ |
শাতকর্ণির্বর্ষমেকং ভবিষ্যতি নরাধিপঃ || ২. ৭৪. ১৬৬||
অষ্টবিংশতিবর্ষাণি শিবস্বাতির্ভবিষ্যতি |
রাজা চ গৌতমী পুত্র একবিংশৎসমা নৃপঃ || ২. ৭৪. ১৬৭||
একোনবিংশতি রাজা যজ্ঞঃ শ্রীশাতকর্ণ্যথ |
ষডেব ভবিতা ৎসমাদ্বিজয়স্তু সমানৃপঃ || ২. ৭৪. ১৬৮||
দেডশ্রীশাতকর্ণী চ তস্য পুত্রঃ সমাস্ত্রয়ঃ |
পুলোমারিঃ সমাঃ সপ্ত ততশ্চৈষাং ভবিষ্যতি || ২. ৭৪. ১৬৯||
ইত্যেতে বৈ নৃপাস্ত্রিংশদন্ধ্রা ভোক্ষ্যন্তি বৈ মহীম্ |
সমাঃ শতানি চৎবারি পঞ্চাশৎষট্ তথৈব চ || ২. ৭৪. ১৭০||
অন্ধ্রাণাং সংস্থিতাঃ পঞ্চ তেষাং বংশ্যাশ্চ যে পুনঃ |
সপ্তৈব তু ভবিষ্যন্তি দশাভীরাস্ততো নৃপাঃ || ২. ৭৪. ১৭১||
সপ্ত গর্দভিনশ্চাপি ততোঽথ দশ বৈ শকাঃ |
যবনাষ্টৌ ভবিষ্যন্তি তুষারাস্তু চতুর্দশ || ২. ৭৪. ১৭২||
ত্রয়োদশ গুরুণ্ডাশ্চ মৌনা হ্যেকাদশৈব তু |
অন্ধ্রা ভোক্ষ্যন্তি বসুধাং শতে দ্বে চ শতঞ্চ বৈ || ২. ৭৪. ১৭৩||
সপ্তষষ্টিং চ বর্ষাণি দশাভীরাস্ততো নৃপাঃ |
সপ্ত গর্দভিনশ্চৈব ভোক্ষ্যন্তীমাং দ্বিসপ্ততিম্ || ২. ৭৪. ১৭৪||
শতানি ত্রীণ্যশীতিং চ ভোক্ষ্যন্তি বসুধাং শকাঃ |
আশীতী দ্বে চ বর্ষাণি ভোক্তারো যবনা মহীম্ || ২. ৭৪. ১৭৫||
পঞ্চবর্ষশতানীহ তুষারাণাং মহী স্মৃতা |
শতান্যর্দ্ধচতুর্থানি ভবিতারস্ত্রয়োদশ || ২. ৭৪. ১৭৬||
গুরুণ্ডা বৃষলৈঃ সার্দ্ধং ভোক্ষ্যন্তে ম্লেচ্ছজাতয়ঃ |
শতানি ত্রীণি ভোক্ষ্যন্তে মৌনা একাদশৈব তু || ২. ৭৪. ১৭৭||
তেষু চ্ছিন্নেষু কালেন ততঃ কিলকিলো নৃপঃ |
ততঃ কিলকিলেভ্যশ্চ বিন্ধ্যশক্তির্ভবিষ্যতি || ২. ৭৪. ১৭৮||
সমাঃ ষণ্ণবতিং চৈব পৃথিবীং তু সমেষ্যতি |
নৃপান্বৈদিশকাংশ্চাথ ভবিষ্যাংস্তু নিবোধত || ২. ৭৪. ১৭৯||
শেষস্য নাগরাজস্য পুত্রঃ সুর পুরঞ্জয়ঃ |
ভোগী ভবিষ্যতে রাজা নৃপো নাগকুলোদ্বহঃ || ২. ৭৪. ১৮০||
সদাচন্দ্রস্তু চন্দ্রাশুর্দ্বিতীয়ো নখবাংস্তথা |
ধনধর্মা ততশ্চাপি চতুর্থো বংশজঃ স্মৃতঃ || ২. ৭৪. ১৮১||
ভূতিনন্দস্ততশ্চাপি বৈদিশে তু ভবিষ্যতি |
তস্য ভ্রাতা যবীয়াংস্তু নাম্না নন্দিয়শাঃ কিল || ২. ৭৪. ১৮২||
তস্যান্বয়ো ভবিষ্যন্তি রাজানস্তে ত্রয়স্তু বৈ |
দৈহিত্রঃ শিশিকো নাম পূরিকায়াং নৃপোঽভবৎ || ২. ৭৪. ১৮৩||
বিন্ধ্যশক্তিসুতশ্চাপি প্রবীরো নাম বীর্যবান্ |
ভোক্ষ্যতে চ সমাঃ ষষ্টিং পুরীং কাঞ্চনকাং চ বৈ || ২. ৭৪. ১৮৪||
যক্ষ্যতে বাজপেয়ৈশ্চ সমাপ্তবরদক্ষিণৈঃ |
তস্য পুত্রাস্তু চৎবারো ভবিষ্যন্তি নরাধিপাঃ || ২. ৭৪. ১৮৫||
বিন্ধ্যকানাং কুলানাং তে নৃপা বৈবাহিকাস্ত্রয়ঃ |
সুপ্রতীকো গভীরশ্চ সমা ভোক্ষ্যতি বিংশতিম্ || ২. ৭৪. ১৮৬||
শঙ্কমানোঽভবদ্রাজা মহিষীণাং মহীপতিঃ |
পুষ্পমিত্রা ভবিষ্যন্তি ষট্ স্ত্রিমিত্রাস্ত্রয়োদশ || ২. ৭৪. ১৮৭||
মেকলায়াং নৃপাঃ সপ্ত ভবিষ্যন্তি চ সপ্ততিঃ |
কোমলায়াং তু রাজানো ভবিষ্যন্তি মহাবলাঃ || ২. ৭৪. ১৮৮||
মেঘা ইতি সমাখ্যাতা বুদ্ধিমন্তো নবৈব তু |
নৈষধাঃ পার্থিবাঃ সর্বে ভবিষ্যন্ত্যামনুক্ষয়াৎ || ২. ৭৪. ১৮৯||
নলবংশপ্রসূতাস্তে বীর্যবন্তো মহাবলাঃ |
মগধানাং মহাবীর্যো বিশ্বস্ফাণির্ভবিষ্যতি || ২. ৭৪. ১৯০||
উৎসাদ্য পার্থিবান্সর্বান্সোঽন্যান্বর্ণান্করিষ্যতি |
কৈবর্ত্তান্মদ্রকাংশ্চেব পুলিন্দান্ব্রাহ্মণাংস্তথা || ২. ৭৪. ১৯১||
স্থাপয়িষ্যন্তি গজানো নানাদেশেষু তে জনান্ |
বিশ্বস্ফাণির্মহাসত্ত্বো যুদ্ধে বিষ্ণুসমপ্রভঃ || ২. ৭৪. ১৯২||
বিশ্বস্ফাণির্নরপতিঃ ক্লীবাকৃতিরিবোচ্যতে |
উৎসাদয়িৎবা ক্ষত্রং তু ক্ষত্রমন্যৎকরিষ্যতি || ২. ৭৪. ১৯৩||
নব নাগাস্তু ভোক্ষ্যতি পুরীং চংপাবতীং নৃপাঃ |
মথুরাং চ পুরা রম্যাং নাগা ভোক্ষ্যন্তি সপ্ত বৈ || ২. ৭৪. ১৯৪||
অনুগঙ্গাপ্রয়াগং চ সাকেতং মগধাংস্তথা |
এতাঞ্জনপদান্সর্বান্ভোক্ষ্যন্তে সপ্তবংশজাঃ || ২. ৭৪. ১৯৫||
নৈষ ধান্য দুকাংশ্চৈব শৈশীতান্ কালতোয়কান্ |
এতাঞ্জনপদান্সর্বান্ভোক্ষ্যন্তে মণিধান্যজান্ || ২. ৭৪. ১৯৬||
কোশলাংশ্চান্ধ্রপৈণ্ড্রাংশ্চ তাম্রলিপ্তান্সসাগরান্ |
চংপাং চৈব পুরীং রম্যাং ভোক্ষ্যন্তে দেবরক্ষিতাঃ || ২. ৭৪. ১৯৭||
কলিঙ্গা মহিষাশ্চৈব মহেন্দ্রনিলয়াশ্চ যে |
এতাঞ্জনপদান্সর্বান্ পালয়িষ্যতি বৈ গুহঃ || ২. ৭৪. ১৯৮||
স্ত্রীরাষ্ট্রভোজকাংশ্চৈব ভোক্ষ্যতে কনকাহ্বয়ঃ |
তুল্যকালং ভবিষ্যন্তি সর্বে হ্যতে মহীক্ষিতঃ || ২. ৭৪. ১৯৯||
অল্পপ্রসাদা হ্যনৃতা মহাক্রোধা হ্যধার্মিকাঃ |
ভবিষ্যন্তীহ যবনা ধর্মতঃ কামতোর্ঽথতঃ || ২. ৭৪. ২০০||
নৈব মূর্দ্ধাভিষিক্তাস্তে ভবিষ্যন্তি নরাধিপাঃ |
যুগদোষদুরাচারা ভবিষ্যন্তি নৃপাস্তু তে || ২. ৭৪. ২০১||
ভবিষ্যন্তীহ পয়ায়ে কালেন বৃথিবীক্ষিতঃ |
বিহীনাস্তু ভবিষ্যন্তি ধর্মতঃ কাম তোর্ঽথতঃ || ২. ৭৪. ২০২||
তৈর্বিমিশ্রা জনপদা ম্লেচ্ছাচারাশ্চ সর্বশঃ |
বিপর্যয়েণ বর্তন্তে নাশায়িষ্যন্তি বৈ প্রজাঃ || ২. ৭৪. ২০৩||
লুব্ধা অনৃতবাচশ্চ ভবিতারস্তদা নৃপাঃ |
তেষাং বর্ত্ততি পর্যায়ে বহুস্ত্রীকে যুগে তদা || ২. ৭৪. ২০৪||
লবাল্লবং ভ্রশ্যমানা আয়ুরূপবলশ্রুতৈঃ |
তথা গতাসু বৈ কাষ্ঠং প্রজাসু জগতীশ্বরাঃ || ২. ৭৪. ২০৫||
রাজানঃ সংপ্রণশ্যতি কালেনোপহতাস্তদা |
কল্কিনা ব্যাহতাঃ সর্বে ম্লেচ্ছা যাস্যন্তি সংক্ষয়ম্ || ২. ৭৪. ২০৬||
অধার্মিকাশ্চ যেঽত্যর্থং পাখণ্ডাশ্চৈব সর্বশঃ |
প্রনষ্টে নৃপশব্দে চ সংধ্যাশিষ্টে কলৌ যুগে || ২. ৭৪. ২০৭||
কিঞ্চিচ্ছিষ্টাঃ প্রজাস্তা বৈ ধর্মে নষ্টে পরিগ্রহাঃ |
অসাধনা হতস্বাশ্চ ব্যাধিশোকনিপীডিতাঃ || ২. ৭৪. ২০৮||
অনাবৃষ্টিহতাশ্চৈব পরস্পরবধেন চ || ২. ৭৪. ২০৯||
অনাধারাঃ পরিত্রস্তা বার্তামুৎসৃজ্য দুঃখিতাঃ |
ত্যক্ত্বা পুরাণি গ্রামাংশ্চ ভবিষ্যন্তি বনৌকসঃ || ২. ৭৪. ২১০||
এবংরূপেষু নষ্টেষু প্রজাস্ত্যক্ত্বা গৃহাণি তু |
নষ্টে স্নেহে দুরাপন্না ভ্রষ্টস্নেহাঃ সুহৃজ্জনঃ || ২. ৭৪. ২১১||
বর্ণাশ্রমপরিভ্রষ্টাঃ সংকরং ঘোরমাস্থিতাঃ |
সরিৎপর্বতসেবিন্যো ভবিষ্যন্তি প্রজাস্তদা || ২. ৭৪. ২১২||
সরিতঃ সাগরানূপান্সেবন্তে পর্বতানথ |
অঙ্গান্কলিঙ্গান্বঙ্গাংশ্চ কাশ্মীরান্কাশিকোশলান্ || ২. ৭৪. ২১৩||
ঋষিকান্তাগিরিদ্রোণীঃ সংশ্রয়িষ্যন্তি মানবাঃ |
কৃৎস্নং হিমবতঃ পৃষ্ঠং কূলং চ লবণাংভসঃ || ২. ৭৪. ২১৪||
অরণ্যমভিপৎস্যন্তে আর্যা ম্লেচ্ছজনৈঃ সহ |
মৃগৈর্মীনৈর্বিহঙ্গৈশ্চ শ্বাপদৈশ্চেক্ষুভিস্তথা || ২. ৭৪. ২১৫||
মধুশাকফলৈর্মূলৈর্বর্তয়িষ্যন্তি মানবাঃ |
চীরং পর্ণং চ বিবিধং বল্কলান্যজিনানি চ || ২. ৭৪. ২১৬||
স্বয়ং কৃৎবা পিধাস্যন্তি যথা মুনিজনস্তথা |
বীজান্নানি তথা নিম্নেষ্বী হন্তঃ কাষ্ঠশঙ্কুভিঃ || ২. ৭৪. ২১৭||
অজৈডকং খরোষ্ট্রং চ পালয়িষ্যন্তি যত্নতঃ |
নদীর্বৎস্যন্তি তোয়ার্থে নূনমাশ্রিত্য মানবাঃ || ২. ৭৪. ২১৮||
পার্থিবা ব্যবহারেণ বিবাধন্তে পরস্পরম্ |
বহুমন্যাঃ প্রজাহীনাঃ শৌচাচারবিবর্জিতাঃ || ২. ৭৪. ২১৯||
এবং ভবিষ্যন্তি নরাস্তদাধর্ম ব্যবস্থিতাঃ |
হীনান্দীনাংস্তথাধর্মান্প্রজা সমনুবর্ত্স্যতি || ২. ৭৪. ২২০||
আয়ুস্তদা ত্রয়োবিংশন্ন কশ্চিদতিবর্ততে |
দুর্বলা বিষয়গ্লানা জরায়া সংপরিপ্লুতাঃ || ২. ৭৪. ২২১||
পত্রমূলফলাহারাশ্চীরকৃষ্ণাজিনাংবরাঃ |
বৃত্ত্যর্থমভিলিপ্স্যন্তশ্চরিষ্যন্তি বসুংধরাম্ || ২. ৭৪. ২২২||
এতৎকালমনুপ্রাপ্তাঃ প্রজাঃ কলিয়ুগান্তকে |
ক্ষীণে কলিয়ুগে তস্মিন্দিব্যে বর্ষসহস্রকে || ২. ৭৪. ২২৩||
নিঃশেষাস্তু ভবিষ্যন্তি সার্দ্ধং কলিয়ুগেন তু |
স সংধ্যাংশে তু নিঃশেষে কৃতং বৈ প্রতিপৎস্যতে || ২. ৭৪. ২২৪||
যদা যন্দ্রশ্চ সূর্যশ্চ তথা তিষ্যবৃহস্পতী |
একরাশৌ ভবিষ্যন্তি তদা কৃতয়ুগং ভবেৎ || ২. ৭৪. ২২৫||
এষ বংশক্রমঃ কৃৎস্নঃ কীর্তিতো বো যথাক্রমম্ |
অতীতা বর্তমানাশ্চ তথৈবানাগতাশ্চ যে || ২. ৭৪. ২২৬||
মহানন্দাভিষেকান্ত জন্ম যাবৎপরীক্ষিতঃ |
এতদ্বর্ষসহস্রং তু জ্ঞেয়ং পঞ্চাশদুত্তরম্ || ২. ৭৪. ২২৭||
প্রমাণং বৈ তথা বক্তুং মহাপদ্মোত্তরং চ যৎ |
অন্তরং চ শতান্যষ্টৌ ষট্ত্রিংশচ্চ সমাঃ স্মৃতাঃ || ২. ৭৪. ২২৮||
এতৎকালান্তর ভাব্যমন্ধ্রান্তাদ্যাঃ প্রকীর্ত্তিতাঃ |
ভবিষ্যৈস্তত্র সংখ্যাতাঃ পুরাণজ্ঞৈঃ শ্রুতার্ষিভিঃ || ২. ৭৪. ২২৯||
সপ্তর্ষয়স্তদা প্রাপ্তাঃ পিত্র্যে পারীক্ষিতে শতম্ |
সপ্তবিংশৈঃ শতৈর্ভাব্যা অন্ধ্রাণাং তেঽন্বয়াঃ পুনঃ || ২. ৭৪. ২৩০||
সপ্তবিংশতিপর্যন্তে কৃৎস্নে নক্ষত্রমণ্ডলে |
সপ্তর্ষয়স্তু তিষ্ঠন্তি পর্যায়েণ শতংশতম্ || ২. ৭৪. ২৩১||
সপ্তর্ষীণাং যুগং ৎবেতদ্দিব্যয়া সংখ্যয়া স্মৃতম্ |
মাসা দিব্যাঃ স্মৃতাঃ ষট্চ দিব্যাব্দাশ্চৈব সপ্ত হি || ২. ৭৪. ২৩২||
তেভ্যঃ প্রবর্ততে কালো দিব্যঃ সপ্তর্ষিভিস্তু তৈঃ |
সপ্তর্ষীণাং তু যৌ পূর্বৌ দৃশ্যেতে উত্তরাদিশি || ২. ৭৪. ২৩৩||
তয়োর্মধ্যে চ নক্ষত্রং দৃশ্যতে যৎসমং দিবি |
তেন সপ্তর্ষয়ো যুক্তা জ্ঞেয়া ব্যোম্নি শতং সমাঃ || ২. ৭৪. ২৩৪||
নক্ষত্রাণামৃষীণাং চ ভোগস্যৈতন্নিদর্শনম্ |
সপ্তর্ষয়ো হ্যথায়ুক্তাঃ কালে পরীক্ষিতে শতম্ || ২. ৭৪. ২৩৫||
অন্ধ্রাংশে সচতুর্বিংশে ভবিষ্যন্তি শতং সমাঃ |
ইমাস্তদা তু প্রকৃতীর্ব্যাপৎস্যন্তে প্রজা ভৃশম্ || ২. ৭৪. ২৩৬||
অনৃতোপহতাঃ সর্বা ধর্মতঃ কামতোর্ঽথতঃ |
শ্রৌতস্মার্ত্তে প্রশিথিলে ধর্মে বর্ণাশ্রমে তদা || ২. ৭৪. ২৩৭||
সংকরং দুর্বলাত্মানঃ প্রতিয়াস্যন্তি মোহিতাঃ |
সংসক্তাশ্চ ভবিষ্যন্তি শূদ্রাঃ সার্দ্ধং দ্বিজাতিভিঃ || ২. ৭৪. ২৩৮||
ব্রাহ্মণাঃ শূদ্রয়ষ্টারঃ শূদ্রা বৈ মন্ত্রয়োনয়ঃ |
উপস্থাস্যন্তি তান্বিপ্রাংস্তদা দৌর্বৃত্ত্যলিপ্সবঃ || ২. ৭৪. ২৩৯||
লবাল্লবং ভ্রশ্যমানাঃ প্রজাঃ সর্বাঃ ক্রমেণ তু |
ক্ষয়মেব গমিষ্যন্তি ক্ষীণশেষা যুগক্ষয়ে || ২. ৭৪. ২৪০||
যস্মিন্কৃষ্ণো দিব্যং যাতস্ত স্মিন্নেব তদা দিনে |
প্রতিপন্নঃ কলিয়ুগস্তস্য সংখ্যাং নিবোধত || ২. ৭৪. ২৪১||
সহস্রাণাং শতানীহ ত্রীণি মানুষসংখ্যয়া |
ষষ্টিং চৈব সহস্রাণি বর্ষাণাং তূচ্যতে কলিঃ || ২. ৭৪. ২৪২||
দিব্যং বর্ষসহস্রং তু তৎসংধ্যাংশে হি কীর্তিতে |
নিঃশেষে চ তদা তস্মিন্কৃতং বৈ প্রতিপৎস্যতে || ২. ৭৪. ২৪৩||
এলশ্চেক্ষ্বাকুবংশশ্চ সহ ভেদৈঃ প্রকীর্তিতৌ |
ইক্ষ্বাকোস্তু সমৃতং ক্ষত্ত্রং সুমিত্রান্তং বিবস্বতঃ || ২. ৭৪. ২৪৪||
ঐলং ক্ষত্ত্রং ক্ষেমকান্তং সোম বংশবিদো বিদুঃ |
এতে বিবস্বতঃ পুত্রাঃ কীর্তিতাঃ কীর্ত্তিবর্দ্ধনাঃ || ২. ৭৪. ২৪৫||
অতীতা বর্তমানাশ্চ তথৈবানাগতাশ্চ যে |
ব্রাহ্মণাঃ ক্ষত্ত্রিয়া বৈশ্যঃ শূদ্রাশ্চৈবাত্র যে স্মৃতাঃ || ২. ৭৪. ২৪৬||
যুগেয়ুগে মহাত্মানঃ সমতীতাঃ সহস্রশঃ |
বহুৎবান্নামধেয়ানাং পরিসংখ্যা কুলেকুলে || ২. ৭৪. ২৪৭||
পুনরুক্তিবহুৎবাচ্চ ন ময়া পরিকীর্ত্তিতা |
বৈবস্বতংঽতরে হ্যস্মিন্ন নিমিবংশঃ সমাপ্যতে || ২. ৭৪. ২৪৮||
এতস্যাং তু যুগাখ্যায়াং যতঃ ক্ষত্ত্রং প্রপৎস্যতে |
তথা হি কথয়িষ্যামি গদতো মে নিবোধত || ২. ৭৪. ২৪৯||
দেবাপিঃ পৌরবো রাজা ঐক্ষ্বাকুশ্চৈব যো মরুঃ |
মাহায়োগবলোপেতৌ কলাপগ্রামমাস্থিতৌ || ২. ৭৪. ২৫০||
এতৌ ক্ষত্ত্রপ্রণেতারৌ চতুর্বিংশে চতুর্যুগে |
সুবর্চা নাম পুত্রস্তু ইক্ষ্বাকোস্তু ভবিষ্যতি || ২. ৭৪. ২৫১||
নববিংশে যুগে সোঽথ বংশস্যাদির্ভবিষ্যতি |
দেবাপেশ্চ সপৌলস্তু এলাদির্ভবিতা নৃপঃ || ২. ৭৪. ২৫২||
ক্ষত্রপ্রবর্ত্তকৌ হ্যেতৌ ভবিষ্যেতে চতুর্যুগে |
এবং সর্বত্র বিজ্ঞেয়ং সংতানার্থে তু লত্রণম্ || ২. ৭৪. ২৫৩||
ক্ষীণে কলিয়ুগে তস্মিন্ভবিষ্যে ত কৃতে যুগে |
সপ্তর্ষিভিস্তু তৈঃ সার্দ্ধমাদ্যে ত্রেতায়ুগে পুনঃ || ২. ৭৪. ২৫৪||
গোত্রাণাং ক্ষত্রিয়াণাং চ ভবিষ্যেতে প্রবর্ত্তকৌ |
দ্বাপরাংশেন তিষ্ঠন্তি ক্ষত্রিয়া ঋষিভিঃ সহ || ২. ৭৪. ২৫৫||
ভবিষ্যে তু ততঃ সর্গে কালে কৃতয়ুগে পুনঃ |
বীজার্থং তে ভবিষ্যন্তি ব্রহ্মক্ষত্রস্য বৈ পুনঃ || ২. ৭৪. ২৫৬||
এবমেব তু সর্বেষু তিষ্ঠন্তীহাসুরেষু বৈ |
সপ্তর্ষয়ো নৃপৈঃ সার্দ্ধং সংতানার্থং যুগেয়ুগে || ২. ৭৪. ২৫৭||
ক্ষত্রস্যৈব সমুচ্ছেদসংবন্ধো বৈ দ্বিজৈঃ স্মৃতঃ |
মন্বন্তরাণাং সপ্তানাং সংতানশ্চ শ্রুতশ্চ তে || ২. ৭৪. ২৫৮||
পরস্পরাদ্যুগানাং চ ব্রহ্মক্ষত্রস্য চোদ্ভবঃ |
যথা প্রবৃত্তিস্তেষাং বৈ প্রবৃত্তানাং তথা ক্ষয়ঃ || ২. ৭৪. ২৫৯||
সপ্তর্ষয়ো বিদুস্তেষাং দীর্ঘায়ুষ্ট্বাদ্ভবাভবৌ |
এতেন ক্রময়োগেন ঐলেক্ষ্বাক্বন্বয়া দ্বিজাঃ || ২. ৭৪. ২৬০||
উৎপদ্যমানাস্ত্রেতায়াং ক্ষীয়মাণাঃ কলৌ পুনঃ |
অনুয়ান্তি যুগাখ্যাং তু যাবন্মন্বন্তরক্ষয়ঃ || ২. ৭৪. ২৬১||
জামদগ্ন্যেন রামেণ ক্ষত্রে নিরবশেষিতে |
কৃতেয়ং সংকুলা সর্বা ক্ষত্রিয়ৈর্বসুধাধিপৈঃ || ২. ৭৪. ২৬২||
দ্বিপংশকারণঞ্চৈব কীর্তয়িষ্যে নিবোধত |
ঐলস্যেক্ষ্বাকুনন্দস্য প্রকৃতিঃ পরিবর্ত্ততে || ২. ৭৪. ২৬৩||
রাজানঃ শ্রেণিবদ্ধাস্তু তথান্যে ক্ষত্রিয়া নৃপাঃ |
এলবংশস্য যে খ্যাতাস্তথৈবেক্ষ্বাকবো নৃপাঃ || ২. ৭৪. ২৬৪||
তেষামেকশতং পূর্ণং কুলানামভিষেকিতম্ |
তাবদেব তু ভোজানাং বিস্তরো দ্বিগুণঃ স্মৃতঃ || ২. ৭৪. ২৬৫||
ভজতে ত্র্যংশকং ক্ষত্ত্রং চতুর্থাত্ত দ্যথা দিশম্ |
তেষ্বতীতাঃ সমানা যে ব্রুবতস্তান্নিবোধত || ২. ৭৪. ২৬৬||
শতং বৈ প্রতিবিন্ধ্যানাং শতং নাগাঃ সহৈহয়াঃ |
ধৃত রাষ্ট্রশ্চৈকশতমশীতির্জনমেজয়াঃ || ২. ৭৪. ২৬৭||
শতং চ ব্রহ্মদত্তানাং শারিণাং বিরিণাং শতম্ |
ততঃ শতং তু পৌলানাং শ্বেতকাশ্য কুশাদয়ঃ || ২. ৭৪. ২৬৮||
ততোঽপরে সহস্রং বৈ যেঽতীতাঃ শশবিন্দবঃ |
ঈজিরে চাশ্বমেধৈস্তে সর্বে নিয়ুতদক্ষিণৈঃ || ২. ৭৪. ২৬৯||
এবং রাজর্ষয়োঽতীতা শতশোঽথ সহস্রশঃ |
মনোর্বৈবস্বতস্যাস্মিন্বর্ত্তমানেংঽতরে তু যে || ২. ৭৪. ২৭০||
তেষাং নিবোধতোৎপন্না লোকে সংততয়ঃ স্মৃতাঃ||
ন শক্যেবিস্তরস্তাসাং সংততীনাং পরস্পরম্ || ২. ৭৪. ২৭১||
তৎপূর্বাপরয়োগেন বক্তুং বর্ষশতৈরপি |
অষ্টাবিংশদ্যুগাখ্যাস্তু গতা বৈবস্বতেন্তরে || ২. ৭৪. ২৭২||
এতৈ রাজর্ষিভিঃ সার্দ্ধং শষ্টায়াস্তা নিবোধত |
চৎবারিংশত্ত্রয়শ্চৈব ভবিষ্যাঃ সহ রাজভিঃ || ২. ৭৪. ২৭৩||
যুগাখ্যানাব শিষ্টাস্তু ততো বৈবস্বতক্ষয়ঃ |
এতদ্বঃ কথিতং সর্বে সমাসব্যাসয়োগতঃ || ২. ৭৪. ২৭৪||
পুনরুক্তিবহুৎবাচ্চ ন শক্য তু যুগৈঃ সহ |
এতে যয়াতিপুত্রাণাং পঞ্চ বংশা বিশাং হিতাঃ || ২. ৭৪. ২৭৫||
কীর্ত্তিতাশ্চ ব্যতীতা যে যে লোকান্ধারয়ন্ত্যুত |
লভতে চ বরান্পঞ্চ দুর্লভা নিহ লৌকিকান্ || ২. ৭৪. ২৭৬||
আয়ুঃ কীর্ত্তিং ধনং পুত্রান্স্বর্গং চানন্ত্যমশ্নুতে |
ধারণাচ্ছ্রবণাচ্চৈব পঞ্চবংশস্য ধীমতঃ || ২. ৭৪. ২৭৭||
ইত্যেষ বো ময়া পাদস্তৃতীয়ঃ কথিতো দ্বিজাঃ |
বিস্তরেণানুপূর্ব্যা চ কিং ভূয়ো বর্ণয়াম্যহম্ || ২. ৭৪. ২৭৮||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয় উপোদ্ধাতপাদে বংশানুবর্ণনং নাম চতুঃসপ্ততিতমোঽধ্যায়ঃ || ৭৪||