২.১০ ব্রহ্মাণ্ডমহাপুরাণং – মধ্যভাগ (অধ্যায় ৬১-৭০)

সূত উবাচ
বিসর্গং মনুপুত্রাণাং বিস্তরেণ নিবোধত |
পৃষধ্রো হিংসয়িৎবা তু গুরোর্গাং নিশি তৎক্ষয়ে || ২. ৬১. ১||
শাপাচ্ছূদ্রৎবমাপন্নশ্চ্যবনস্য মহাত্মনঃ |
করূষস্য তু কারূষাঃ ক্ষত্ত্রিয়া যুদ্ধদুর্মদাঃ || ২. ৬১. ২||
সহস্রং ক্ষত্ত্রিয়গণো বিক্রান্তঃ সংবভূব হ |
নাভাগো দিষ্টপুত্রস্তু বিদ্বানাসীদ্ভলন্দনঃ || ২. ৬১. ৩||
ভলন্দনস্য পুত্রোঽভূৎপ্রাংশুর্নাম মহাবলঃ |
প্রাংশোরেকোঽভবৎপুত্রঃ প্রজাপতিসমো নৃপঃ || ২. ৬১. ৪||
সংবর্তেন দিবং নীতঃ সসুহৃৎসহবান্ধবঃ |
বিবাদোঽত্র মহানাসীৎসংবর্ত্তস্য বৃহস্পতেঃ || ২. ৬১. ৫||
ঋদ্ধিং দৃষ্ট্বা তু যজ্ঞস্য ক্রুদ্ধস্তস্য বৃহস্পতিঃ |
সংবর্ত্তেন ততে যজ্ঞে চুকোপ স ভৃশং তদা || ২. ৬১. ৬||
লোকানাং সহি নাশায় দৈবতৈর্হি প্রসাদিতঃ |
মরুত্তশ্চক্রবর্ত্তী স নরিষ্যন্তমবাসবান্ || ২. ৬১. ৭||
নরিষ্যন্তস্য দায়াদো রাজা দণ্ডধরো দমঃ |
তস্য পুত্রস্তু বিজ্ঞাতো রাজাসীদ্রাষ্ট্রবর্দ্ধনঃ || ২. ৬১. ৮||
সুধৃতিস্তস্য পুত্রস্তু নরঃ সুধৃতিতঃ পুনঃ |
কেবলস্য পুত্রস্তু বন্ধুমান্কেবলাত্মজঃ || ২. ৬১. ৯||
অথ বন্ধুমতঃ পুত্রোধর্মাত্মা বেগবান্নৃপ |
বুধো বেগবতঃ পুত্রস্তৃণবিন্দুর্বুধাত্মজঃ || ২. ৬১. ১০||
ত্রেতায়ুগমুখে রাজা তৃতীয়ে সংবভূব হ |
কন্যা তু তস্যেডবিডামাতা বিশ্রবসো হি সা || ২. ৬১. ১১||
পুত্রো যোঽস্য বিশালোঽভূদ্রাজা পরমধার্মিকঃ |
দাশ্বান্প্রখ্যাতবীর্য্যৌজা বিশালা যেন নির্মিতা || ২. ৬১. ১২||
বিশালস্য সুতো রাজা হেমচন্দ্রো মহাবলঃ |
সুচন্দ্র ইতি বিখ্যাতো হেমচন্দ্রাদনন্তরঃ || ২. ৬১. ১৩||
সুচন্দ্রতনয়ো রাজা ধূম্রাশ্ব ইতি বিশ্রুতঃ |
ধূম্রাশ্বতনয়ো বিদ্বান্সৃংজয়ঃ সমপদ্যত || ২. ৬১. ১৪||
সৃঞ্জয়স্য সুতঃ শ্রীমান্সহদেবঃ প্রতাপবান্ |
কৃশাশ্বঃ সহদেবস্য পুত্রঃ পরমধার্মিকঃ || ২. ৬১. ১৫||
কৃশাশ্বস্য মহাতেজা সোমদত্তঃ প্রতাপবান্ |
সোমদত্তস্য রাজর্ষেঃ সুতোঽভূজ্জনমেজয়ঃ || ২. ৬১. ১৬||
জনমেজয়াত্মজশ্চৈব প্রমতির্নাম বিশ্রুতঃ |
তৃণবিন্দুপ্রভাবেণ সর্বে বৈশালকা নৃপাঃ || ২. ৬১. ১৭||
দীর্ঘায়ুষো মহাত্মানো বীর্যবন্তঃ সুধার্মিকাঃ |
শর্যাতের্মিথুনং ৎবাসীদানর্ত্তো নাম বিশ্রুতঃ || ২. ৬১. ১৮||
পুত্রঃ সুকন্যা কন্যা চ ভার্যা যা চ্যবনস্য চ |
আনর্ত্তস্য তু দায়াদো রেবো নাম সুবীর্যবান্ || ২. ৬১. ১৯||
আনর্ত্তবিষয়ো যস্য পুরী চাপি কুশস্থলী |
রেবস্য রৈবতঃ পুত্রঃ ককুদ্মী নাম ধার্মিকঃ || ২. ৬১. ২০||
জ্যেষ্ঠো ভ্রাতৃশতস্যাসীদ্রাজ্যং প্রাপ্য কুশস্থলীম্ |
কন্যয়া সহ শ্রুৎবা চ গান্ধর্বং ব্রহ্মণোংঽতিকে || ২. ৬১. ২১||
মুহর্ত্তং দেবদেবস্য মার্ত্যং বহুয়ুগং বিভো |
আজগাম যুবা চৈব স্বাং পুরীং যাদবৈর্বৃতাম্ || ২. ৬১. ২২||
কৃতাং দ্বারবতীং নাম বহুদ্বারাং মনোরমাম্ |
ভোজবৃষ্ণ্যন্ধকৈর্গুপ্তাং বসুদেবপুরোগমৈঃ || ২. ৬১. ২৩||
তাং কথাং রেবতঃ শ্রুৎবা যথাতত্ত্বমরিন্দমঃ |
কন্যাং তু বলদেবায় সুব্রতাং নাম রেবতীম্ |
দত্ত্বা জগাম শিখরং মেরোস্তপসি সংস্থিতঃ || ২. ৬১. ২৪||
রেমে রামশ্চ ধর্মাত্মা রেবত্যা সহিতঃ কিল |
তাং কথামৃষয়ঃ শ্রুৎবা পপ্রচ্ছুক্তদনন্তরম্ || ২. ৬১. ২৫||
ঋষয় ঊচুঃ
কথং বহুয়ুগে কালে সমতীতে মহামতে |
ন জরা রেবতীং প্রাপ্তা রৈবতং বা ককুদ্মিনম্ |
এতচ্ছুশ্রূষমাণান্নো গান্ধর্বং বদ চৈব হি || ২. ৬১. ২৬||
সূত উবাচ
ন জরা ক্ষুৎপিপাসে বা ন চ মৃত্যুভয়ং ততঃ |
ন চ রোগঃ প্রভবতি ব্রহ্মলোকং গতস্য হ || ২. ৬১. ২৭||
গান্ধর্বং প্রতি যচ্চাপি পৃষ্টস্তু মুনিসত্তমাঃ |
ততোঽহং সংপ্রবক্ষ্যামি যাথাতথ্যেন সুব্রতাঃ || ২. ৬১. ২৮||
সপ্ত স্বরাস্ত্রয়ো গ্রামা মূর্ছনাস্ত্বেকবিংশতিঃ |
তানাশ্চৈকোনপঞ্চাশদিত্যেৎস্বরমণ্ডলম্ || ২. ৬১. ২৯||
ষড্জষভৌ চ গান্ধারো মধ্যমঃ পঞ্চমস্তথা |
ধৈবতশ্চাপি বিজ্ঞেয়স্তথা চাপি নিষাদকঃ || ২. ৬১. ৩০||
সৌবীরা মধ্যমা গ্রামা হরিণাশ্চ তথৈব চ || ২. ৬১. ৩১||
তস্যাঃ কালোয়নোপেতাশ্চতুর্থাশুদ্ধমধ্যমাঃ |
নগ্নিং চ পৌষা বৈ দেব দৃষ্ট্বা কাঞ্চ যথাক্রমঃ || ২. ৬১. ৩২||
মধ্যমগ্রামিকাখ্যাতা ষড্জগ্রামা নিবোধত |
উত্তরং মন্দ্রা রজনী তথা বাচোন্নরায়তাঃ || ২. ৬১. ৩৩||
মধ্যষড্জা তথা চৈব তথান্যা চাভিমুদ্গণা |
গান্ধারগ্রামিকা শ্যামা কীর্তিমানা নিবোধত || ২. ৬১. ৩৪||
অগ্নিষ্টোমং তু মাদ্যং তু দ্বিতীয়ং বাজপেয়িকম্ |
যবরাতসূয়স্তু ষষ্ঠবত্তু সুবর্মকম্ || ২. ৬১. ৩৫||
সপ্ত গৌসবনা নাম মহাবৃষ্টিকতাষ্টমাম্ |
ব্রহ্মদানং চ নবমং প্রাজাপত্যমনন্তরম্ |
নাগয়ক্ষাশ্রয়ং বিদ্বান্ তদ্গোত্তরতথৈব চ || ২. ৬১. ৩৬||
পদক্রান্তমৃগক্রান্তং বিষ্ণুক্রান্তমনোহরা |
সূর্যকান্তধরেণ্যৈব সংতকোকিলবিশ্রুতঃ || ২. ৬১. ৩৭||
তেনবানিত্যপবশপিশাচাতীবনহ্যপি |
সাবিত্রমর্ধসাবিত্রং সর্বতোভদ্রমেব চ || ২. ৬১. ৩৮||
মনোহরমধাত্র্যং চ গন্ধর্বানুপতশ্চ যঃ |
অলংবুষেসেষ্টমথো বিষ্ণুবৈণবরাবুভৌ || ২. ৬১. ৩৯||
সাগরাবিজয়ং চৈব সর্বভূতমনোহরঃ |
হতোৎসৃষ্টো বিজানীত স্কন্ধং তু প্রিয়মেব চ || ২. ৬১. ৪০||
মনোহরমধাত্র্যং চ গন্ধর্বানুপতশ্চ যঃ |
অলংবুসেষ্টস্য তথা নারদপ্রিয় এব চ || ২. ৬১. ৪১||
কথিতো ভীমসেনেন নগরাতানয়প্রিয়ঃ |
বিকলোপনীতবিনতাশ্রীরাখ্যো ভার্গবপ্রিয়ঃ || ২. ৬১. ৪২||
চতুর্দশ তথা পঞ্চদশেচ্ছন্তীহ নারদঃ |
সসৌবীরাং সুসোবীরা ব্রহ্মণো হ্যপগীয়তে || ২. ৬১. ৪৩||
উত্তরাদিস্বরশ্চৈব ব্রহ্মা বৈ দেবতাস্ত্রয়ঃ |
হরিদেশসমুৎপন্না হরিণস্যাব্যজায়ত || ২. ৬১. ৪৪||
মূর্ছনা হরিণা তে বৈ চন্দ্রস্যাস্যাধিদৈবতম্ |
করোপনীতা বিবৃতাবনুদ্রিঃ স্বরমণ্ডলে || ২. ৬১. ৪৫||
সাকলোপনতাতস্মান্মনুতস্যান্নদৈবতঃ |
মনুদেশাঃ সমুৎপন্না মূর্চ্ছনাশুদ্ধমাত্মনা || ২. ৬১. ৪৬||
তস্মাত্তস্মান্মৃগামর্গীমৃগেন্দ্রোস্যাধিদৈবতা |
সাবশ্রমসমাদ্যুম্না অনেকাপৌরুষানখান্ || ২. ৬১. ৪৭||
মূর্চ্ছনায়োজনাহ্যেষাস্যাদ্রজসারজনীততঃ |
তানি উত্তর মদ্রাংসপদ্গদৈবতকং বিদুঃ || ২. ৬১. ৪৮||
তস্মাদুত্তরতায়াবৎপ্রথমং স্বায়মং বিদুঃ |
তমোদুত্তরমৈদ্রোয়দেবতাস্যাদ্রুবেন চ || ২. ৬১. ৪৯||
অপামদুত্তরৎবাবধৈবতস্যোত্তরায়ণঃ |
স্যাদিজমূর্ছনাহ্যেচ পিতরঃ শ্রাদ্ধদেবতাঃ || ২. ৬১. ৫০||
শুদ্ধষড্জস্বর কৃৎবা যস্মাদগ্নিমহর্ষয়ঃ |
উপৈতি তস্মান্নজানী যাচ্ছুদ্ধয়চ্ছিকরাসভা || ২. ৬১. ৫১||
ইত্যেতা মূর্ছনাঃ কৃৎবা যস্যামীদৃশভাবনঃ |
পক্ষিণাং মূর্ছনাঃ শ্রুৎবা পক্ষোকা মূর্ছনাঃ স্মৃতাঃ || ২. ৬১. ৫২||
নাগাদৃষ্টিবিষাগীতানোপসর্পন্তিমূর্ছনাঃ |
নানাসাধারমশ্চৈববডবাত্রিবিদস্তথা || ২. ৬১. ৫৩||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমাভাগে তৃতীয় উপোদ্ধাতপাদে গান্ধর্বমূর্ছনালক্ষণবর্ণনং নামৈকষষ্টিতমোঽধ্যায়ঃ || ৬১||

পূর্বাচার্যমতং বুদ্ধ্বা প্রবক্ষ্যাম্যনুপূর্বশঃ |
বিখ্যাতান্বৈ অলঙ্কারাংস্তন্মে নিগদতঃ শ্রুণু || ২. ৬২. ১||
অলঙ্কারাস্তু বক্তব্যাঃ স্বৈঃ স্বৈর্বর্ণৈঃ প্রহেতবঃ |
সংস্থা নয়োগৈশ্চ তথা সদা নাঢ্যাদ্যবেক্ষয়া || ২. ৬২. ২||
বাক্যার্থপদয়োগার্থৈরলঙ্কারৈশ্চ পূরণম্ |
পদানি গীতকস্যাহুঃ পুরস্তাৎপৃষ্ঠতোঽথ বা || ২. ৬২. ৩||
স্থাতোনিত্রীনরো নীড্ডীমনঃকণ্ঠশিরস্থয়া |
এতেষু ত্রিষু স্থানেষু প্রবৃত্তো বিধিরুত্তমঃ || ২. ৬২. ৪||
চত্ত্বারঃ প্রকৃতৌ বর্ণাঃ প্রবিচারস্য নুর্বিধা |
বিকল্পমষ্টধা চৈব দেবাঃ ষোডশধা বিদুঃ || ২. ৬২. ৫||
সৃষ্টো বর্মঃ প্রসংচারী তৃতীয়মবরোহণম্ |
আরোহণং চতুর্থং তু বর্ণং বর্মবিদো বিদুঃ || ২. ৬২. ৬||
তত্রৈকঃ সংচরস্থায়ী সংচরস্তু চরোঽভবৎ |
অবরোহণবর্ণানামবরোহং বিনির্দিশেৎ || ২. ৬২. ৭||
আরোহণেন বারোহান্বর্ণান্বর্ণবিদো বিদুঃ |
এতেষামেব বর্ণানামলঙ্কারন্নিবোধত || ২. ৬২. ৮||
অলঙ্কারাস্তু চৎবারস্থাপনী ক্রমরেজনঃ |
প্রমাদস্যাপ্রমাদশ্চ তেষাং বক্ষ্যামি লক্ষণম্ || ২. ৬২. ৯||
বিস্বরোঽষ্টকলাশ্চৈব স্থানং দ্ব্যেকতরাগতঃ |
আবর্ত্তস্যাক্রমো ৎবাক্ষী বেকার্যাং পরিমাণতঃ || ২. ৬২. ১০||
কুমারং সংপরং বিদ্ধি দ্বিস্তরং বামনং গতঃ |
এষ বৈ এষ চৈবস্যকুতরেকঃ কুলাধিকঃ || ২. ৬২. ১১||
স্বেত স্বে কাতরে জাতকলামগ্নিতরৈষিতঃ |
তস্মিংশ্চৈব স্বরে বৃদ্ধির্নিষ্টপ্তে তদ্বিচক্ষণঃ || ২. ৬২. ১২||
স্যেনস্তু অপরো হস্ত উত্তরঃ কমলাকলঃ |
প্রমাণঘসবিন্দুর্না জায়তে বিদুরে পুনঃ || ২. ৬২. ১৩||
কলা কার্যা তু বর্ণানাং তদা নুঃ স্থাপিতো ভবেৎ |
বিপর্যয়স্য রোপিস্যা দ্যস্য প্রাদুর্ঘটী মম || ২. ৬২. ১৪||
একোত্তরঃ স্বরস্তু স্যাৎষড্জতঃ পরমঃ স্বরঃ |
অক্ষেপস্কন্দনাকার্যং কাকস্যোয়চপুষ্কলম্ || ২. ৬২. ১৫||
সংতারৌ তৌনুসর্বায়্যৌ কার্যং বা কারণং তথা |
আক্ষিপ্তমবরোহ্যাসীৎপ্রোক্ষমদ্যস্তথৈব চ || ২. ৬২. ১৬||
দ্বাদশে চ কলাস্থানামেকান্তরগতস্ তথা |
প্রেশোল্লিখিতমলঙ্কারমেবস্বরসমন্বিতা || ২. ৬২. ১৭||
স্বরস্বরবহুগ্রামকাপ্রয়োষ্টনুপৎকলা |
প্রক্ষিপ্তমেব কলয়াচোপাদানারয়ো ভবেৎ || ২. ৬২. ১৮||
দ্বিকথংবাবথাভূতয়ত্রভাষিতমুচ্যতে |
উচ্চরাদ্বিশ্বরারূঢাতথায়াষ্টস্বরাতথা || ২. ৬২. ১৯||
বাপঃ স্যাদবরোহেণ নারতো ভবতি ধ্রুবম্ |
একান্তরং চ হ্যেতেবৈতমেবস্বরসত্তমঃ || ২. ৬২. ২০||
সক্ষিপ্রচ্ছেদনামাচচতুষ্কলগণঃ স্মৃতঃ |
অলঙ্কারা ভবন্ত্যেতে ত্রিংশদ্দেবৈঃ প্রকীর্ত্তিতাঃ || ২. ৬২. ২১||
বর্ণাস্থানপ্রয়োগেণ কলামাত্রাপ্রমাণতঃ |
সংস্থানং চ প্রমাণং চ বিকারো লক্ষণস্তথা || ২. ৬২. ২২||
চতুর্বিধমিদং জ্ঞেয় মলঙ্কারপ্রয়োজনম্ |
যথাত্মনো হ্যলঙ্কারো বিপয়স্তো বিগর্হিতঃ || ২. ৬২. ২৩||
বর্মমেবাপ্যলঙ্কর্ত্তুং বিষমাহ্যাত্মসংভবাঃ |
নানাভরণসংযোগা যথা নার্যা বিভূষণম্ || ২. ৬২. ২৪||
বর্মস্য চৈবালঙ্কারো বিভূষা হ্যাত্মসংভবঃ |
ন পাদে কুণ্ডলং দৃষ্টং ন কণ্ঠে রসনা তথা || ২. ৬২. ২৫||
এবমেবাদ্যলঙ্কারে বিপর্যস্তো বিগর্হিতঃ |
ক্রিয়মাণোঽপ্যলঙ্কারো নাগং যশ্চৈব দর্শয়ৎ || ২. ৬২. ২৬||
যথাদৃষ্টস্য মার্গস্যকর্ত্তব্যস্যবিধীয়তে |
লক্ষণংপর্যবস্যাপিবর্ত্তিকা মপিবর্ত্ততে || ২. ৬২. ২৭||
যাথাতথ্যেন বক্ষ্যামি মাসোদ্ভবমুখোদ্ভব |
ত্রয়োবিংশতিশীতিস্তু বিজ্ঞাতপবদৈবতম্ || ২. ৬২. ২৮||
নগোনাতুপুরস্তানুমধ্যমাংশস্তু পর্যয়ঃ |
তয়োর্বিভাগো দেবানাং লাবণ্যে মার্গসংস্থিতঃ || ২. ৬২. ২৯||
অনুষঙ্গময়ো দৃষ্টং স্বসারং বস্বরাতর |
বিপর্যয়ঃ সংবর্ত্তো চ সপ্তস্বরপদক্রমম্ || ২. ৬২. ৩০||
গান্ধারসেতুগীয়ন্তে বরোমদ্ভগবানিচ |
পঞ্চমংমধ্যমঞ্চৈবধৈবতং তু নিষাদতঃ || ২. ৬২. ৩১||
ষড্জর্ষভশ্চজানীমোমদ্রকেষ্বেবনান্তরে |
দ্বেব্দ্যপরতুকিংবিদ্যাদ্দ্বয়মুষ্ণন্তিকস্যতু || ২. ৬২. ৩২||
প্রাকৃতে বৈকৃতে চৈব গান্ধারঃ স প্রয়ুজ্যতে |
পদস্যাত্যয়রূপন্তুসপ্তরূপন্তুকৌশিকীম্ || ২. ৬২. ৩৩||
গান্ধারস্যেনকার্ত্স্যেন চায়ং যস্যবিধিঃ স্মৃতঃ |
এষচৈবক্রমোদ্দিষ্টোমধ্যমাংশস্য মধ্যমঃ || ২. ৬২. ৩৪||
যানি প্রোক্তানি গীতানিবতুরূপং বিশেষতঃ |
ততঃ সপ্তস্বরঙ্কার্যংসপ্তরূপঞ্চকৌশিকী || ২. ৬২. ৩৫||
অগদর্শনমিত্যাহুর্মানুদ্বৈমমকেতথা |
দ্বিতীয়ামাসমাত্রাণাভিঃ সর্বাঃ প্রতিষ্ঠিতাঃ || ২. ৬২. ৩৬||
উত্তরেবপ্রকৃত্যেবংমাতাব্রাহ্মতলায়ত |
তথাহতানোপিডকেয়ত্রমায়াংনিবর্ত্ততে || ২. ৬২. ৩৭||
পাদেনৈকেনমায়াত্রা পাদোনামতিবারিমঃ |
সংখ্যাপনোপহূতাংবৈতত্রপানমিতি স্মৃতম্ || ২. ৬২. ৩৮||
দ্বিতীয়পাদভঙ্গঞ্চগ্রহেনামপ্রতিষ্ঠিতম্ |
পূর্বমষ্ঠতীটতী নদ্বিতীয়ং চাপরান্তিকৈঃ || ২. ৬২. ৩৯||
পাদভাগসপাদং তু প্রকৃত্যমপি সংস্থিতম্ |
চতুর্থমুত্তরং চৈবমদ্রবৎপাবমদ্রকৌ || ২. ৬২. ৪০||
মদ্রকোদক্ষিণস্যাপি যথোক্তা বর্ত্ততে কলা |
সর্বমেবানুয়োগং তু দ্বিতীয়ং বুদ্ধিমিষ্যতে || ২. ৬২. ৪১||
পাদৌবাহরণং চাস্যাৎপারং নাত্র বিধীয়তে |
একৎবং মুনুয়োগস্য দ্বয়োর্যদ্যদ্দ্বিজোত্তম || ২. ৬২. ৪২||
অনেকসমবায়স্তু পাতকা হরিণা স্মৃতাঃ |
তিসৃণাং চৈব বৃত্তীনাং বৃত্তৌ বৃত্তে চ দক্ষিণঃ || ২. ৬২. ৪৩||
অষ্টৌ তু সমবায়স্তু বীরা সংমূর্ছনা তথা |
কস্যনাসুতরাচৈব স্বরশাখা প্রকীর্ত্তিতা || ২. ৬২. ৪৪||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয় উপোদ্ধাতপাদে ভার্গবচরিতে গান্ধর্বলক্ষণং নাম দ্বিষষ্টিতমোঽধ্যায়ঃ || ৬২||

সূত উবাচ
কুকুদ্মিননস্তু তং লোকং রৈবতস্য গতস্য হ |
ৎদৃতা পুণ্যজনৈঃ সর্বা রাক্ষসৈঃ সাকুশস্থলী || ২. ৬৩. ১||
তদ্বৈ ভ্রাতৃশতং তস্য ধার্মিকস্য মহাত্মনঃ |
নিবধ্যমানং নারাচৈর্বিদিশঃ প্রাদ্রবদ্ভয়াৎ || ২. ৬৩. ২||
তেষাং তু তদ্ভয়ক্রান্তক্ষত্রিয়াণাং চ বিদ্রুতাম্ |
অন্ববায়স্তু সুমহাংস্তত্র তত্র দ্বিজোত্তমাঃ || ২. ৬৩. ৩||
শার্যাতা ইতি বিখ্যাতা দিক্ষু সর্বাসু ধর্মিকাঃ |
ধৃষ্টস্য ধর্ষ্টিকং সর্বং রণধৃষ্টং বভূব হ || ২. ৬৩. ৪||
ত্রিসাহস্রং তু স গণঃ ক্ষত্রিয়াণাং মহাত্মনাম্ |
নভগস্য চ দায়াদো নাভাদো নাম বীর্যবান্ || ২. ৬৩. ৫||
অংবরীষস্তু নাভাগির্বিরূপস্তস্য চাত্মজঃ |
পৃষদশ্বো বিরূপস্য তস্য পুত্রো রথীতরঃ || ২. ৬৩. ৬||
এতে ক্ষত্রপ্রসূতা বৈ পুনশ্চাঙ্গিরসঃ স্মৃতাঃ |
রথীতরাণাং প্রবরাঃ ক্ষেত্রোপেতা দ্বিজাতয়ঃ || ২. ৬৩. ৭||
ক্ষুবতস্তু মনোঃ পূর্বমিক্ষ্বাকুরভিনিঃসৃতঃ |
তস্য পুত্রশতং ৎবাসীদিক্ষ্বাকোর্ভূরিদক্ষিমম্ || ২. ৬৩. ৮||
তেষাং শ্রেষ্ঠো বিকুক্ষিস্তু নিমির্দণ্ডশ্চ তে ত্রয়ঃ |
শকুনিপ্রমুখাস্তস্য পুত্রাঃ পঞ্চাশতস্তু তে || ২. ৬৩. ৯||
উত্তরাপথদেশস্য রক্ষিতারো মহীক্ষিতঃ |
চৎবারিংশত্তথাষ্টৌ চ দক্ষিণস্যাং তু বৈ দিশি || ২. ৬৩. ১০||
বিরাটপ্রমুখাস্তে চ দক্ষিণাপথরক্ষিণঃ |
ইক্ষ্বাকুস্তু বিকুক্ষিং বৈ অষ্টকায়ামথা দিশৎ || ২. ৬৩. ১১||
রাজোবাচ |
মাংসমানয় শ্রাদ্ধে ৎবং মৃগান্হৎবা মহাবল |
শ্রাদ্ধং মম তু কর্ত্তব্যমষ্টকানাং ন সংশয়ঃ || ২. ৬৩. ১২||
স গতো মৃগয়াং চৈব বচনাত্তস্য ধীমতঃ |
মৃগান্সহস্রকান্হৎবা পরিশ্রান্তশ্চ বীর্যবান্ || ২. ৬৩. ১৩||
ভক্ষয়চ্ছশকং তত্র বিকুক্ষির্মৃগয়াং গতঃ |
আগতে হি বিকুক্ষৈ তু সমাংসে মহসৈনিকে || ২. ৬৩. ১৪||
বসিষ্ঠং চোদয়ামাস মাংস প্রোক্ষয়তামিতি |
তথেতি চোদিতো রাজ্ঞা বিধিবত্তদুপস্থিতম্ || ২. ৬৩. ১৫||
স দৃষ্ট্বোপহতং মাংসং ক্রুদ্ধো রাজানমব্রবীৎ |
অনেনোপহতং মাংসং পুত্রেণ তব পার্থিব || ২. ৬৩. ১৬||
শশভক্ষাদদুষ্টং বৈ নৈব মাংসং মহাদ্যুতে |
শশো দুরাত্মনা পূর্বমমনা ভক্ষিতোঽনঘ || ২. ৬৩. ১৭||
তেন মাংসমিদং দুষ্টং পিৎৠণাং নৃপসত্তম |
ইক্ষ্বাকুস্তু ততঃ ক্রুদ্ধো বিকুক্ষিমিদমব্রবীৎ || ২. ৬৩. ১৮||
পিতৃকর্মণি নির্দিষ্টো ময়া চ মৃগয়াং গতঃ |
শশং ভক্ষয়সেঽরণ্যে নির্ঘৃণঃ পূর্বমদ্য তু || ২. ৬৩. ১৯||
তস্মাৎপরিত্যজামি ৎবাং গচ্ছ ৎবং স্বেন কর্মণা |
এবমিক্ষ্বাকুণা ত্যক্তো বসিষ্ঠবচনাৎসুতঃ || ২. ৬৩. ২০||
ইক্ষ্বাকৌসংস্থিতে তস্মিঞ্ছশাদঃ পৃথিবীমিমাম্ |
প্রাপ্তঃ পরগধর্মাত্মা স চায়োধ্যাধিপোঽভবৎ || ২. ৬৩. ২১||
তদাকরোৎস রাজ্যং বৈ বসিষ্ঠপরিনোদিতঃ |
ততস্তেনৈনসা পূর্ণো রাজ্যাবস্থো মহীপতিঃ || ২. ৬৩. ২২||
কালেন গতবান্সোঽথ শকৃন্মূত্রতরঙ্গিতম্ |
জ্ঞাৎবৈবমেতদাখ্যানং না বিধির্ভক্ষয়েদ্বুধঃ || ২. ৬৩. ২৩||
মাংসভক্ষয়িতামুত্র যস্য মাংসমিহাদ্ম্যহম্ |
এতন্মাংসস্য মাংসৎবং প্রবদন্তি মনীষিণঃ || ২. ৬৩. ২৪||
শশাদস্য তু দায়াদঃ ককুৎস্থো নাম বীর্যবান্ |
ইন্দ্রস্য বৃষভূতস্য ককুৎস্থো জয়তে পুরা || ২. ৬৩. ২৫||
পূর্বমাডীবকে যুদ্ধে ককুৎস্থস্তেন সংস্মৃতঃ |
অনেনাস্তু ককুৎস্থস্য পৃথুশ্চানেন স স্মৃতঃ || ২. ৬৩. ২৬||
দৃষদশ্বঃ পৃথোঃ পুত্রস্তস্মাদন্ধ্রস্তু বীর্যবান্ |
অন্ধ্রাত্তু যুবনাশ্বস্তু শাবস্তস্তস্য চাত্মজঃ || ২. ৬৩. ২৭||
জজ্ঞে শ্রাবস্তকো রাজা শ্রাবস্তী যেন নির্মিতা |
শ্রাবস্তস্য তু দায়াদো বৃহদশ্বো মহায়শাঃ || ২. ৬৩. ২৮||
বৃহদশ্বসুতশ্চাপি কুবলাশ্ব ইতি শ্রুতঃ |
যস্তু ধুন্ধুবধাদ্রাজা ধুন্ধুমারৎবমাগতঃ || ২. ৬৩. ২৯||
ঋষয় ঊচুঃ
ধুন্ধোর্বধং মহাপ্রাজ্ঞ ঘোতুমিচ্ছাম বিস্তরাৎ |
যদর্থং কুবলাশ্বস্য ধুন্ধুমারৎবমাগতম্ || ২. ৬৩. ৩০||
সূত উবাচ
কুবলাশ্বস্য পুত্রাণাং সহস্রাণ্যেকবিংশতিঃ |
সর্বে বিদ্যাসু নিষ্ণাতা বলবন্তো দুরাসদাঃ || ২. ৬৩. ৩১||
বভূবুর্ধার্মিকাঃ সর্বে যজ্বানো ভূরিদক্ষিণাঃ |
কুবলাশ্বং মহাবীর্যং শূরমুত্তমধার্মিকম্ || ২. ৬৩. ৩২||
বৃহদশ্বো হ্যভ্যষিঞ্চত্তস্মিন্রাজ্যে নরাধিপঃ |
পুত্রসংক্রামিতশ্রীস্তু বনং রাজা বিবেশ হ || ২. ৬৩. ৩৩||
বৃহদশ্বং মহারাজং শূরমুত্তমধার্মিকম্ |
প্রয়াস্যন্তমুতঙ্কস্তু ব্রহ্মর্ষিঃ প্রত্যবারয়ৎ || ২. ৬৩. ৩৪||
উত্তঙ্ক উবাচ
ভবতা রক্ষণং কার্যং তত্তাবৎকর্ত্তুমর্হতি |
নিরুদ্বিগ্নস্তপস্ছর্তুং ন হি শক্রোঽপি পার্থিব || ২. ৬৩. ৩৫||
মমাশ্রমসমীপেষু মেরোর্হি পরিতস্তু বৈ |
সমুদ্রো বালুকাপূর্ণস্তত্র তিষ্ঠতি ভূপতে || ২. ৬৩. ৩৬||
দেবতানামবধ্যস্তু মহাকায়ো মহাবলঃ |
অন্তর্ভূমিগতস্তত্র বালুকান্তর্হিতো মহান্ || ২. ৬৩. ৩৭||
রাক্ষসস্য মধোঃ পুত্রো ধুন্ধুর্নাম মহাসুরঃ |
শেতে লোকবিনাশায় তপ আস্থায় দারুণম্ || ২. ৬৩. ৩৮||
সংবৎসরস্য পর্যন্তে স নিশ্বাসং বিমুঞ্চতি |
যদা তদা মহী তত্র চলতি স্ম সকাননা || ২. ৬৩. ৩৯||
তস্য নিশ্বাসবাতেন রজ উদ্ধূয়তে মহৎ |
আদিত্যপথমাবৃত্য সপ্তাহং ভূমিকংপনম্ || ২. ৬৩. ৪০||
সবিস্ফুলিঙ্গং সজ্বারং সধূমমতিদারুণম্ |
তেন রাজন্ন শক্নোমি তস্মিন্স্থাতুং স্ব আশ্রমে || ২. ৬৩. ৪১||
তং বারয় মহাবাহো লোকানাং হিতকাম্যয়া |
তেজস্তে সুমহদ্বিষ্মুস্তেজসাপ্যায়য়িষ্যতি || ২. ৬৩. ৪২||
লোকাঃ স্বস্থা ভবন্ত্বদ্য তস্মিন্বিনিহতে সুরে |
ৎবং হি তস্য বধার্থায় সমর্থঃ পৃথিবীপতে || ২. ৬৩. ৪৩||
বিষ্ণুনা চ বরো দত্তো মম পূর্ব যতোঽনঘ |
ন হি ধুন্ধুর্মহাবীর্যস্তেজসাল্পেন শাক্যতে || ২. ৬৩. ৪৪||
নির্দগ্ধুং পৃথিবীপালৈরপি বর্ষশতৈরপি |
বীর্যং হি সুমহত্তস্য দেবৈরপি দুরাসদম্ || ২. ৬৩. ৪৫||
এবমুক্তস্তু রাজর্ষিরুত্তঙ্কেন মহাত্মনা |
কুবলাশ্বং তু তং প্রাদাত্তস্মিন্ ধুন্ধুনিবারণে || ২. ৬৩. ৪৬||
ভগবন্ন্যস্তশস্ভোঽহময়ং তু তনয়ো মম |
ভবিষ্যতি দ্বিজশ্রেষ্ঠ ধুন্ধুমারো ন সংশয়ঃ || ২. ৬৩. ৪৭||
স তমাদিশ্য তনয়ং ধুন্ধুমাগ্ণমচ্যুতম্ |
জগাম স বনায়ৈব তপসে শংসিতব্রতঃ || ২. ৬৩. ৪৮||
কুবলাশ্বস্তু ধর্মাত্মা পিতুর্বচনমাশ্রিতঃ |
সহক্রৈরেকবিংশত্যা পুত্রাণাং সহ পার্থিবঃ || ২. ৬৩. ৪৯||
প্রায়াদুত্তঙ্কসহিতো ধুন্ধোস্তস্য নিবারণে |
তমাবিশত্ততো বিষ্ণুর্ভগবান্স্বেন তেজসা || ২. ৬৩. ৫০||
উত্তঙ্কস্য নিয়োগাত্তু লোকানাং হিতকাম্যয়া |
তস্মিন্প্রয়াতে দুর্ধর্ষে দিবি শব্দো মহানভূৎ || ২. ৬৩. ৫১||
অদ্য প্রভৃত্যেষ নৃপো ধুন্ধুমারো ভবিষ্যতি |
দিব্যৈঃ পুষ্পৈশ্চ তং দেবাঃ সংমতাৎসমবাকিরন্ || ২. ৬৩. ৫২||
দেবদুন্দুভয়শ্চৈব প্রণেদুর্হি তদা ভৃশম্ |
স গৎবা পুরুষব্যাঘ্রস্তনয়ৈঃ সহ বীর্যবান্ || ২. ৬৩. ৫৩||
সমুদ্রং খানয়ামাস বালুকাপূর্ণমব্যয়ম্ |
তস্য পুত্রৈঃ খনদ্ভিশ্চ বালুকান্তর্হিতস্তদা || ২. ৬৩. ৫৪||
ধুন্ধুরাসাদিতস্তত্র দিশমাশ্রিত্য পশ্চিমাম্ |
মুখজেনাগ্নিনা ক্রুদ্ধো লোকানুদ্বর্তয়ন্নিব || ২. ৬৩. ৫৫||
বারি সুস্রাব চোগেন মহোদধিরিবোদয়ে |
সোমস্য সোঽসুরশ্রেষ্ঠো ধারোর্মিকলিলো মহান্ || ২. ৬৩. ৫৬||
তস্য পুত্রাস্তু নির্দগ্ধাস্ত্রয় উর্বরিতা মৃধে |
ততঃ স রাজাতিবলো রাক্ষসং তং মহাবলম্ || ২. ৬৩. ৫৭||
আসসাদ মহাতেজা ধুন্ধুং বন্ধুনিবর্হণম্ |
তস্য বারিময়ং বেগমপি বৎস নরাধিপঃ || ২. ৬৩. ৫৮||
যোগী যোগেন বহ্নিং চ শময়ামাস বারিণা |
নিরস্যন্তং মহাকায়ং বলেনোদকরাক্ষসম্ || ২. ৬৩. ৫৯||
উত্তঙ্কং দর্শয়ামাস কৃতকর্মা নরাধিপঃ |
উত্তঙ্কশ্চ বরং প্রাদাত্তস্মৈ রাজ্ঞে মহাত্মনে || ২. ৬৩. ৬০||
দদতশ্চাক্ষয়ং বিত্তং শত্রুভিশ্চাপ্য ধুষ্যতাম্ |
ধর্মে রতিং চ সততং স্বর্গে বাসং তথাক্ষয়ম্ || ২. ৬৩. ৬১||
পুত্রাণাং চাক্ষয়াংল্লোকান্স্বর্গে যে রক্ষসা হতাঃ |
তস্য পুত্রাস্ত্রয়ঃ শিষ্টা দৃঢাশ্বো জ্যেষ্ঠ উচ্যতে || ২. ৬৩. ৬২||
ভদ্রাশ্বঃ কপিলাশ্বশ্চ কনীয়াংসৌ তু তৌ স্মৃতৌ |
ধৈন্ধুমারির্দৃঢাশ্বশ্চ হর্যশ্বস্তস্য চাত্মজঃ || ২. ৬৩. ৬৩||
হর্যশ্বস্য নিকুংভোঽভূৎক্ষাত্রধর্মরতঃ সদা |
সংহতাশ্বো নিকুংভস্য সুতো রণবিশারদঃ || ২. ৬৩. ৬৪||
কৃশাশ্বশ্চাকৃতাশ্বশ্চ সংহতাশ্বসুতাবুভৌ |
তস্য পত্নী হৈমবতী সতী মাতা দৃষদ্বতী || ২. ৬৩. ৬৫||
বিখ্যাতা ত্রিষু লোকেষু পুত্রশ্চাস্য প্রসেনজিৎ |
যুবনাশ্বসুতস্তস্য ত্রিষু লোকেষু বিশ্রুতঃ || ২. ৬৩. ৬৬||
অত্যন্তধার্মিকা গৌরী তস্য পত্নী পতিব্রতা |
অভিশস্তা তু সা ভর্ত্রা নদী সা বাহুদা কৃতা || ২. ৬৩. ৬৭||
তস্যাস্তু গৌরিকঃ পুত্রশ্চক্রবর্তী বভূব হ |
মান্ধাতা যৌবনাশ্বো বৈ ত্রৈলোক্যবিজয়ী নৃপঃ || ২. ৬৩. ৬৮||
অত্রাপ্যুদাহরন্তীমং শ্লোকং পৌরাণিকা দ্বিজাঃ |
যাবৎসূর্য উদয়তে যাবচ্চ প্রতিতিষ্ঠতি || ২. ৬৩. ৬৯||
সর্বং তদ্যৌবনাশ্বস্য মান্ধাতুঃ ক্ষেত্রমুচ্যতে |
তস্য চৈত্ররথী ভার্যা শশবিন্দোঃ সুতাভবৎ || ২. ৬৩. ৭০||
সাধ্বী বিন্দুমতী নাম রূপেণাপ্রতিমা ভুবি |
পতিব্রতা চ জ্যেষ্ঠা চ ভাৎৠণাময়ুতস্য সা || ২. ৬৩. ৭১||
তস্যামুৎপাদয়ামাস মান্ধাতা ত্রীন্সুতন্প্রভুঃ |
পুরুকুৎসমংবরীষং মুচুকুন্দং চ বিশ্রুতম্ || ২. ৬৩. ৭২||
অংবরীষস্য দায়াদো যুবনাশ্বোঽপরঃ স্মৃতঃ |
নর্মদায়াং সমুৎপন্নঃ সংভূতস্তস্য চাত্মজঃ || ২. ৬৩. ৭৩||
সংভূতস্যাত্মজঃ পুত্রো ঙ্যনরণ্যঃ প্রতাপবান্ |
রাবণেন হতো যেন ত্রৈলোক্যং বিজিতং পুরা || ২. ৬৩. ৭৪||
তেন দৃশ্যোনরণ্যস্য হর্যশ্বস্তস্য চাত্মজঃ |
হর্যশ্বাত্তু দৃষদ্বত্যাং জজ্ঞে চ সুমতির্নৃপঃ || ২. ৬৩. ৭৫||
তস্য পুত্রোঽভবদ্রাজা ত্রিধন্বা নাম ধার্মিকঃ |
আসীত্ত্রিধন্বনশ্চাপি বিদ্বাংস্ত্রয়্যারুণিঃ প্রভুঃ || ২. ৬৩. ৭৬||
তস্য সত্যব্রতো নাম কুমারোঽভূন্মহাবলঃ |
তেন ভার্যা বিদর্ভস্য ৎদৃতা হৎবা দিবৌকসঃ || ২. ৬৩. ৭৭||
পাণিগ্রহণমন্ত্রেষু নিষ্টানং প্রাপিতেষ্বিহ |
কামাদ্বলাচ্চ মোহাচ্চ সংহর্ষেণ বলেন চ || ২. ৬৩. ৭৮||
ভাবিনোর্ঽথস্য চ বলাত্তৎকৃতং তেন ধীমতা |
তমধর্মেণ সংযুক্তং পিতা ভয়্যারুণোঽত্যজৎ || ২. ৬৩. ৭৯||
অপধ্বংসেতি বহুশো বদন্ক্রোধসমন্বিতঃ |
পিতরং সোঽব্রবীদেকঃ ক্ব গচ্ছামীতি বৈ মুহুঃ || ২. ৬৩. ৮০||
পিতা চৈনমথোবাচ শ্বপাকৈঃ সহ বর্ত্তয় |
নাহং পুত্রেণ পুত্রার্থী ৎবয়াদ্য কুলপাংসন || ২. ৬৩. ৮১||
ইত্যুক্তঃ স নিরাক্রামন্নগরাদ্বচনা দ্বিভোঃ |
ন চৈনং বারয়ামাস বসিষ্ঠো ভগবানৃষিঃ || ২. ৬৩. ৮২||
স তু সত্যব্রতো ধীমাঞ্শ্বপাকাবসথান্তিকে |
পিত্রা ত্যক্তোঽবসদ্ধীরঃ পিতা চাস্য বনং যয়ৌ || ২. ৬৩. ৮৩||
তস্মিংস্তু বিষয়ে তস্য নাবর্ষৎপাকশাসনঃ |
সমা দ্বাদশ সংপূর্মাস্তেনাধর্মেণ বৈ তদা || ২. ৬৩. ৮৪||
দারাংস্তু তস্য বিষয়ে বিশ্বামিত্রো মহাতপাঃ |
সংন্যস্য সাগরানূপে চচার বিপুলং তপঃ || ২. ৬৩. ৮৫||
তস্য পত্নী গলে বদ্ধ্বা মধ্যমংপুত্রমৌরসম্ |
শিষ্টানাং ভরণার্থায় ব্যক্রীণাদ্গোশতেন বৈ || ২. ৬৩. ৮৬||
তং তু বদ্ধং গলে দৃষ্টবা বিক্রয়ার্থং নরোত্তমঃ |
মহর্ষিপুত্রং ধর্মাত্মা মোক্ষয়ামাস সুব্রতঃ || ২. ৬৩. ৮৭||
সত্যব্রতো মহাবুদ্ধির্ভরণং তস্য চাকরোৎ |
বিশ্বামিত্রস্য তুষ্ট্যর্থমনুকংপার্থমেব চ || ২. ৬৩. ৮৮||
সোঽভবদ্গালবো নাম গলে বদ্ধো মহাতপাঃ |
মহর্ষিঃ কৌশিকস্তাত তেন বীরেণ মোক্ষিতঃ || ২. ৬৩. ৮৯||
তস্য ব্রতেন ভক্ত্যা চ কৃপয়া চ প্রতিজ্ঞয়া |
বিশ্বামিত্রকলত্রং চ বভার বিনয়ে স্থিতঃ || ২. ৬৩. ৯০||
হৎবা মৃগান্বরাহাংশ্চ মহিষাংশ্চ জলেচরান্ |
বিশ্বামিত্রাশ্রমাভ্যাসে তন্মাংসমনয়ত্ততঃ || ২. ৬৩. ৯১||
উপাংশুব্রতমাস্থায় দীক্ষাং দ্বাদশবার্ষিকীম্ |
পিতুর্নিয়োগাদভজন্নৃপে তু বনমাস্থিতে || ২. ৬৩. ৯২||
অয়োধ্যাং চৈব রাষ্ট্রং চ তথৈবান্তঃ পুরং পুনিঃ |
যাজ্যোত্থান্যায়সংযোগাদ্বসিষ্ঠঃ পর্যরক্ষত || ২. ৬৩. ৯৩||
সত্যব্রতঃ সুবাল্যাত্তু ভাবিনোর্ঽথস্য বৈ বলাৎ |
বসিষ্ঠেঽভ্যধিকং মন্যুং ধারয়ামাস মন্যুনা || ২. ৬৩. ৯৪||
পিত্রা তু তং তদা রাষ্ট্রাৎপরিত্যক্তং স্বমাত্মজম্ |
ন বারয়ামাস মুনির্বসিষ্ঠঃ কারণেন বৈ || ২. ৬৩. ৯৫||
পাণিগ্রহমমন্ত্রাণাং নিষ্ঠা স্যাৎসপ্তমে পদে |
এবং সত্যব্রতস্তাং বৈ হৃতবান্সপ্তমে পদে || ২. ৬৩. ৯৬||
জানন্ধর্মান্বসিষ্ঠস্তু নবমন্ত্রানিহেচ্ছতি |
ইতি সত্যব্রতো রোষং বসিষ্ঠে মনসাকরোৎ || ২. ৬৩. ৯৭||
গুণবুদ্ধ্যা তু ভগবান্বসিষ্ঠঃ কৃতবাংস্তপঃ |
ন তু সত্যব্রতোঽবুধ্যদুপাংশুব্রতমস্য বৈ || ২. ৬৩. ৯৮||
তস্মিংস্তু পরমো রোষঃ পিতুরাসীন্মহাত্মনঃ |
তেন দ্বাদশ বর্ষাণি নাবর্ষৎপাকশাসনঃ || ২. ৬৩. ৯৯||
তেন ৎবিদানীং বহতা দীক্ষাং তাং দুর্বহাং ভুবি |
কুলস্য নিষ্কৃতিঃ স্বস্য সৃতেয়ং চ ভবেদিতি || ২. ৬৩. ১০০||
ততো বসিষ্ঠো ভগবান্পিত্রা ত্যক্তং ন বারয়ৎ |
অভিষেক্ষ্যাম্যহং নষ্টে পশ্চাদেনমিতি প্রভুঃ || ২. ৬৩. ১০১||
স তু দ্বাদশবর্ষাণি দীক্ষাং তামুদ্বহন্বলী |
অবিদ্যমানে মাংসে তু বসিষ্ঠস্য মহাত্মনঃ || ২. ৬৩. ১০২||
সর্বকামদুঘাং ধেনুং স দদর্শ নৃপাত্মজঃ |
তাং বৈ ক্রোধাচ্চ মোহাচ্চ শ্রমচ্চৈব ক্ষুধান্বিতঃ || ২. ৬৩. ১০৩||
দস্যুধর্মগতো দৃষ্ট্বা জঘান বলিনাং বরঃ |
সতু মাংসং স্বয়ং চৈব বিশ্বামিত্রস্য চাত্মজান্ || ২. ৬৩. ১০৪||
ভোজয়ামাস তচ্ছ্রুৎবা বসিষ্ঠস্তং তদাত্যজৎ |
প্রোবাচ চৈব ভগবান্বসিষ্ঠস্তং নৃপাত্মজম্ || ২. ৬৩. ১০৫||
পাতয়েয়মহং ক্রূর তব শঙ্কুম পোহ্য বৈ |
যদি তে ত্রীণি শঙ্কূনি ন স্যুর্হি পুরুষাধম || ২. ৬৩. ১০৬||
পিতুশ্চাপারিতোষেণ গুরোর্দেগধ্রীবধেন চ |
অপ্রোক্ষিতোপয়োগাচ্চ ত্রিবিধস্তে ব্যতিক্রমঃ || ২. ৬৩. ১০৭||
এবং স ত্রীণি শঙ্কূনি দৃষ্ট্বা তস্য মহাতপাঃ |
ত্রিশঙ্কুরিতি হোবাচ ত্রিশঙ্কুস্তেন স স্মৃতঃ || ২. ৬৩. ১০৮||
বিশ্বামিত্রস্তু দারাণামাগতো ভরণে কৃতে |
ততস্তস্মৈ বরং প্রাদাত্তদা প্রীতস্ত্রিশঙ্কবে || ২. ৬৩. ১০৯||
ছন্দ্যমানো বরেণাথ গুরুং বব্রেনৃপাত্মজঃ |
সশরীরো ব্রজে স্বর্গমিত্যেবং যাচিতো বরঃ || ২. ৬৩. ১১০||
অনাবৃষ্টিভয়ে তস্মিঞ্জাতে দ্বাদশবার্ষিকে |
অভিষিচ্য রাজ্যে পিত্র্যে যোজয়ামাস তং মুনিঃ || ২. ৬৩. ১১১||
মিষতাং দেবতানাং চ বসিষ্ঠস্য চ কৌশিকঃ |
সশরীরং তদা তং বৈ দিবমারোপয়ৎপ্রভুঃ || ২. ৬৩. ১১২||
মিষতস্তু বসিষ্ঠস্য তদদ্ভুতমিবাভবৎ |
অত্রাপ্যুদাহরন্তীমং শ্লোকং পৌরাণিকা জনাঃ || ২. ৬৩. ১১৩||
বিশ্বামিত্রপ্রসাদেন ত্রিশঙ্কুর্দিবিরাজতে |
দেবৈঃ সার্দ্ধং মহাতেজানুগ্রহাত্তস্য ধীমতঃ || ২. ৬৩. ১১৪||
তস্য সত্যরতা নাম ভার্যা কৈকয়বংশজা |
কুমারং জনয়ামাস হরিশ্চন্দ্রমকল্মষম্ || ২. ৬৩. ১১৫||
স তু রাজা হরিশ্চন্দ্রস্ত্রৈশঙ্কব ইতি শ্রুতঃ |
অহর্তা রাজসূয়স্য সম্রডিতি পরিশ্রুতঃ || ২. ৬৩. ১১৬||
হরিশ্চন্দ্রস্য তু সুতো রোহিতো নাম বীর্যবান্ |
হরিতো রোহিতস্যাথ চঞ্চুর্হরীত উচ্যতে || ২. ৬৩. ১১৭||
বিনয়শ্চ সুদেবশ্চ চঞ্চুপুত্রৌ বভূবতুঃ |
চৈতা সর্বস্য ক্ষত্রস্য বিজয়স্তেন স স্মৃতঃ || ২. ৬৩. ১১৮||
রুরুকস্তনয়স্তস্য রাজা ধর্মার্থকোবিদঃ |
রুরুকাত্তু বৃকঃ পুত্রস্তস্মাদ্বাহুর্বিজজ্ঞিবান্ || ২. ৬৩. ১১৯||
হৈহয়ৈস্তালজঙ্ঘৈশ্চ নিরস্তো ব্যসনী নৃপঃ |
শকৈর্যবনকাংবোজৈঃ পারদৈঃ পহ্লবৈস্তথা || ২. ৬৩. ১২০||
নাত্যর্থং ধার্মিকোঽভূৎস ধর্ম্যে সতি যুগে তথা |
সগরস্তু সুতো বাহোর্জজ্ঞে সহ গরেণ বৈ || ২. ৬৩. ১২১||
ভৃগোরাশ্রমমাসাদ্য হ্যৌর্বৈণ পরিরক্ষিতঃ |
অগ্নেয়মস্ত্রং লব্ধ্বা তু ভার্গবাৎসগরো নৃপঃ || ২. ৬৩. ১২২||
জঘান পৃথিবীং গৎবা তালজঙ্ঘান্সহৈহয়ান্ |
শকানাং পহ্লবানাং চ ধর্মং নিরসদচ্যুতঃ || ২. ৬৩. ১২৩||
ক্ষত্রিয়াণাং তথা তেষাং পারদানাং চ ধর্মবিৎ |
ঋষয় ঊচুঃ
কথং স সগরো রাজা গরেণ সহ জজ্ঞিবান্ || ২. ৬৩. ১২৪||
কিমর্থং বা শকাদীনাং ক্ষত্রিয়াণাং মহৌজসাম্ |
ধর্মান্কুলোচিতান্ক্রুদ্ধো রাজা নিরসদচ্যুতঃ || ২. ৬৩. ১২৫||
সুত উবাচ
বাহোর্ব্যসনিনস্তস্য ৎদৃতং রাজ্যং পুরা কিল |
হৈহয়ৈস্তালজঙ্ঘৈশ্চ শকৈঃ সার্দ্ধং সমাগতৈঃ || ২. ৬৩. ১২৬||
যবনাঃ পারদাশ্চৈব কাংবোজাঃ পহ্লবাস্তথা |
হৈহয়ার্থং পরাক্রান্তা এতে পঞ্চ গণাস্তদা || ২. ৬৩. ১২৭||
ৎদৃতরাজ্যস্তদাবাহুঃ সংন্যস্য স তদা গৃহম্ |
বনং প্রবিশ্য ধর্মাত্মা সহ পত্ন্যা তপোঽচরৎ || ২. ৬৩. ১২৮||
কদাচিদপ্যকল্পঃ স তোয়ার্থং প্রস্থিতো নৃপঃ |
বৃদ্ধৎবাদ্দুর্বলৎবাচ্চ হ্যন্তরা স মমার চ || ২. ৬৩. ১২৯||
পত্নী তু যাদবী তস্য সগর্ভা পৃষ্ঠতোঽপ্যগাৎ |
সপত্ন্যা তু গরস্তস্যৈ দত্তো গর্ভজিঘাংসয়া || ২. ৬৩. ১৩০||
সা তু ভর্তুশ্চিতাং কৃৎবা বহ্নিং তং সমারোহয়ৎ |
ঔর্বস্তং ভার্গবো দৃষ্ট্বা কারুণ্যাদ্ধি ন্যবর্ত্তয়ৎ || ২. ৬৩. ১৩১||
তস্যাশ্রমে তু গর্ভং সা গরেণ চ তদা সহ |
ব্যজায়ত মহাবাহুং সগরং নাম ধর্মিকম্ || ২. ৬৩. ১৩২||
ঔর্বস্তু জাতকর্মাদীন্কৃৎবা তস্য মহাত্মনঃ |
অধ্যাপ্য বেদাঞ্ছাস্ত্রাণি ততোঽস্ত্রং প্রত্যপাদয়ৎ || ২. ৬৩. ১৩৩||
ততঃ শকান্স যবনান্কাংবোজান্পারদাংস্তথা |
পহ্লবাংশ্চৈব নিঃশেষান্কর্তুং ব্যবসিতো নৃপঃ || ২. ৬৩. ১৩৪||
তে হন্যমানা বীরেণ সগরেণ মহাত্মনা |
বসিষ্ঠং শরণং সর্বে সংপ্রাপ্তাঃ শরণৈষিণঃ || ২. ৬৩. ১৩৫||
বসিষ্ঠো বীক্ষ্য তান্যুক্তান্বিনয়োন মহামুনিঃ |
সগরং বারয়ামাস তেষাং দত্ত্বাভয়ং তথা || ২. ৬৩. ১৩৬||
সগরঃ স্বাং প্রতিজ্ঞাং চ গুরোর্বাক্যং নিশম্য চ |
জঘান ধর্মং বৈ তেষাং বেষান্যৎবং চকার হ || ২. ৬৩. ১৩৭||
অর্দ্ধং শাকানাং শিরসো মুণ্ডয়িৎবা ব্যসর্জয়ৎ |
যবনানাং শিরঃ সর্বং কাংবোজানাং তথৈব চ || ২. ৬৩. ১৩৮||
পারদা মুক্তকেশাশ্চ পহ্লবাঃ শ্মশ্রুধারিণঃ |
নিঃস্বাধ্যায়বষট্কারাঃ কৃতাস্তেন মহাত্মনা || ২. ৬৩. ১৩৯||
শকা যবন কাংবোজাঃ পহ্লবাঃ পারদৈঃ সহ |
কলিস্পর্শা মহিষিকা দার্বস্ছোলাঃ খশাস্তথা || ২. ৬৩. ১৪০||
সর্বে তে ক্ষত্রিয়গণা ধর্মস্তেষাং নিরাকৃতঃ |
বসিষ্ঠবচনাৎপূর্বং সগরেণ মহাত্মনা || ২. ৬৩. ১৪১||
স ধর্মবিজয়ী রাজা বিজিত্যেমাং বসুন্ধরাম্ |
অশ্বং বৈ চারয়ামাস বাজিমেধায় দীক্ষিতঃ || ২. ৬৩. ১৪২||
তস্য চারয়তঃ সোঽশ্বঃ সমুদ্রে পূর্বদক্ষিণে |
বেলাসমীপেঽপহৃতো ভূমিং চৈব প্রবেশিতঃ || ২. ৬৩. ১৪৩||
স তং দেশং সুতৈঃ সর্বৈঃ খানয়ামাস পার্থিবঃ |
আসেদুশ্চ ততস্তস্মিন্খনন্তস্তে মহার্মবে || ২. ৬৩. ১৪৪||
তমাদিপুরুষং দেবং হরিং কৃষ্ণং প্রজাপতিম্ |
বিষ্ণুং কপিলরূপেণ হংসং নারায়ণং প্রভুম্ || ২. ৬৩. ১৪৫||
তস্য চক্ষুঃ সমাসাদ্য তেজস্তৎপ্রতিপদ্যতে |
দগ্ধাঃ পুত্রাস্তদা সর্বেচৎবারস্ত্ববশেষিতাঃ || ২. ৬৩. ১৪৬||
বর্হিকেতুঃ সুকেতুশ্চ তথা ধর্মরথশ্চ যঃ |
শূরঃ পঞ্চজনশ্চৈব তস্য বংশকরাঃ প্রভোঃ || ২. ৬৩. ১৪৭||
প্রাদাচ্চ তস্য ভগবান্হরির্নারায়ণো বরান্ |
অক্ষয়ৎবং স্ববংশস্য বাজিমেধশতং তথা || ২. ৬৩. ১৪৮||
বিভুঃ পুত্রং সমুদ্রং চ স্বর্গে বাসং তথাক্ষয়ম্ |
তং সমুদ্রোঽশ্বমাদায় ববন্দে সরিতাংপতিঃ || ২. ৬৩. ১৪৯||
সাগরৎবং চ লেভে স কর্মণা তেন তস্য বৈ |
তং চাশ্বমেধিকং সোঽশ্বং সমুদ্রাৎপ্রাপ্য পার্থিবঃ || ২. ৬৩. ১৫০||
আজহারাশ্বমেধানাং শতং চৈব পুনঃ পুনঃ |
ষষ্টিং পুত্রসহস্রাণি দগ্ধান্যস্য রুষা বিভো || ২. ৬৩. ১৫১||
তেষাং নারায়ণং তেজঃ প্রবিষ্টানি মহাত্মনাম্ |
পুত্রাণাং তু সহস্রাণি ষষ্টিস্তু ইতি নঃ শ্রুতম্ || ২. ৬৩. ১৫২||
ঋষয় ঊচুঃ
সগরস্যাত্মজা নানা কথং জাতা মহাবলাঃ |
বিক্রান্তাঃ ষষ্টিসাহস্রা বিধিনা কেন বা বদ || ২. ৬৩. ১৫৩||
সুত উবাচ
দ্বেপত্ন্যৌ সগরস্যাস্তাং তপসা দগধকিল্বিষে |
জ্যেষ্ঠা বিদর্ভদুহিতা কেশিনী নাম নামতঃ || ২. ৬৩. ১৫৪||
কনীয়সী তু যা তস্যপত্নী পরমধর্মিণী |
অরিষ্টনেমিদুহিতা রূপেণাপ্রতিমা ভুবি || ২. ৬৩. ১৫৫||
ঔর্বস্তাভ্যাং বরং প্রাদাত্তপসারাধিতঃ প্রভুঃ |
একা জনিষ্যতে পুত্রং বংশকর্ত্তারমীপ্সিতম্ || ২. ৬৩. ১৫৬||
ষষ্টিং পুত্রসহস্রাণি দ্বিতীয়া জনয়িষ্যতি |
মুনেস্তু বচনং শ্রুৎবা কেশিনী পুত্রমেককম্ || ২. ৬৩. ১৫৭||
বংশস্য কারণং শ্রেষ্ঠং জগ্রাহ নৃপ সংসদি |
ষষ্টিং পুত্রসহস্রাণি সুপর্ণভগিনী তথা || ২. ৬৩. ১৫৮||
মহাভাগা প্রমুদিতা জগ্রাহ সুমতিস্তথা |
অথ কালে গতে জ্যেষ্ঠা জ্যেষ্ঠং পুত্রং ব্যজায়ত || ২. ৬৩. ১৫৯||
অসমঞ্জ ইতি খ্যাতং কাকুৎস্থং সগরাত্মজম্ |
সুমতিস্ত্বপি জজ্ঞে বৈ গর্ভতুংবং যশস্বিনী || ২. ৬৩. ১৬০||
ষষ্টিঃ পুত্রসহস্রাণাং তুংবমধ্যাদ্বিনিস্সৃতাঃ |
ঘৃতপূর্ণেষু কুংভেষু তান্গর্ভান্যদধাত্ততঃ || ২. ৬৩. ১৬১||
ধাত্রীশ্চৈকৈকশঃ প্রাদাত্তাবতীঃ পোষণে নৃপঃ |
ততো নবসু মাসেষু সমুত্তস্থুর্যথাসুখম্ || ২. ৬৩. ১৬২||
কুমারাস্তে মহাভাগাঃ সগরপ্রীতিবর্দ্ধনাঃ |
কালেন মহাতা চৈব যৈবনং সমুপাশ্রিতাঃ || ২. ৬৩. ১৬৩||
কেশিন্যাস্তনয়ো যোঽন্যঃ সগরস্যাত্মসংভবঃ |
অসমঞ্জ ইতি খ্যাতো বর্হিকেতুর্মহাবলঃ || ২. ৬৩. ১৬৪||
পৌরাণামহিতে যুক্তঃ পিত্রা নির্বাসিতঃ পুরাৎ |
তস্য পুত্রোংঽশুমান্নাম অসমঞ্জস্য বীর্যবান্ || ২. ৬৩. ১৬৫||
তস্য পুত্রস্তু ধর্মাত্মা দিলীপ ইতি বিশ্রুতঃ |
দিলীপাত্তু মহাতেজা বীরো জাতো ভগীরথঃ || ২. ৬৩. ১৬৬||
যেন গঙ্গা সরিচ্ছ্রেষ্ঠা বিমানৈরুপশোভিতা |
ইহানীতা সুরেশাদ্বৈ দুহিতৃৎবে চ কল্পিতা || ২. ৬৩. ১৬৭||
অত্রাপ্যুদাহরন্তীমং শ্লোকং পৌরাণিকা জনাঃ |
ভগীরথস্তু তাং গঙ্গামানয়ামাস কর্মভিঃ || ২. ৬৩. ১৬৮||
তস্মাদ্ভাগীরথী গঙ্গা কথ্যতে বংশবিত্তমৈঃ |
ভগীরথসুতশ্চাপি শ্রুতো নাম বভূবহ || ২. ৬৩. ১৬৯||
নাভাগস্তস্য দায়াদো নিত্যং ধর্মপরায়ণঃ |
অম্বরীষঃ সুতস্তস্য সিংধুদ্বীপস্ততোঽভবৎ || ২. ৬৩. ১৭০||
পূর্বে বংশপুরাণজ্ঞা গায়ন্তীতি পরিশ্রুতম্ |
নাভাগেরংবরীষস্য ভুজাভ্যাং পরিপালিতা || ২. ৬৩. ১৭১||
বভূব বসুধাত্যর্থং তাপত্রয়বিবর্জিতা |
অয়ুতায়ুঃ সুতস্তস্য সিংধুদ্বীপস্য বীর্যবান্ || ২. ৬৩. ১৭২||
অয়ুতায়োস্তু দায়াদ ঋতুপর্ণো মহায়শাঃ |
দিব্যাক্ষহৃদয়জ্ঞোঽসৌ রাজা নলসখো বলী || ২. ৬৩. ১৭৩||
নলৌ দ্বাবিতি বিখ্যাতৌ পুরাণেষু দৃঢব্রতৌ |
বীরসেনাত্মজশ্চৈব যশ্চেক্ষ্বাকুকুলোদ্বহঃ || ২. ৬৩. ১৭৪||
ঋতুপর্ণস্য পুত্রোঽভূৎসর্বকামো জনেশ্বরঃ |
সুদাসস্তস্য তনয়ো রাজা ইন্দ্রসখোঽভবৎ || ২. ৬৩. ১৭৫||
সুদাসস্য সুতঃ প্রোক্তঃ সৌদাসো নাম পার্থিবঃ |
খ্যাতঃ কল্মাষপাদো বৈ নাম্না সিত্রসহশ্চ সঃ || ২. ৬৩. ১৭৬||
বসিষ্ঠস্তু মহাতেজাঃ ক্ষেত্রে কল্মাষপাদকে |
অশ্মকং জনয়ামাস ৎবিক্ষ্বাকুকুলবৃদ্ধয়ে || ২. ৬৩. ১৭৭||
অশ্মকস্যৌরসো যস্তু মূলকস্তৎসুতোঽভবৎ |
অত্রাপ্যুদাহরন্তীমং মূলকং বৈ নৃপং প্রতি || ২. ৬৩. ১৭৮||
স হি রামভয়াদ্রাজা স্ত্রীভিঃ পরিবৃতোঽবসৎ |
বিবস্ত্রস্ত্রাণমিচ্ছন্বৈ নারীকবচ ঈশ্বরঃ || ২. ৬৩. ১৭৯||
মূলকস্যাপি ধর্মাত্মা রাজা শতরথঃ স্মৃতঃ |
তস্মাচ্ছতরথাজ্জজ্ঞে রাজা ৎবিডবিডো বলী || ২. ৬৩. ১৮০||
আসীত্ত্বৈডবিডঃ শ্রীমান্কৃশশর্মা প্রতাপবান্ |
পুত্রো বিশ্বসহস্রস্য পুত্রীকস্যাং ব্যজায়ত || ২. ৬৩. ১৮১||
দিলীপস্তস্য পুত্রোঽভূৎখট্বাঙ্গ ইতি বিশ্রুতঃ |
যেন স্বর্গাদিহাগত্য মুহূর্ত্তং প্রাপ্য জীবিতম্ || ২. ৬৩. ১৮২||
ত্রয়োঽভিসংহিতা লোকা বুদ্ধ্যা সত্যেন চৈব হি |
দীর্ঘবাহুঃ সুতস্তস্য রঘুস্তস্মাদজায়ত || ২. ৬৩. ১৮৩||
অজঃ পুত্রো রঘোশ্চাপি তস্মাজ্জজ্ঞে স বীর্যবান্ |
রাজা দশরথো নাম ইক্ষ্বাকুকুলনন্দনঃ || ২. ৬৩. ১৮৪||
রামো দাশরথির্বীরো ধর্মজ্ঞো লোকবিশ্রুতঃ |
ভরতো লক্ষ্মণশ্চৈব শত্রুঘ্নশ্চ মহাবলঃ || ২. ৬৩. ১৮৫||
মাধবং লবণং হৎবা গৎবা মধুবনং চ তৎ |
শত্রুঘ্রেন পুরী তত্র মথুরা বিনিবেশিতা || ২. ৬৩. ১৮৬||
সুবাহুঃ শূরসে নশ্চ শত্রুঘ্নস্য সুতাবুভৌ |
পালয়ামাসতুস্তৌ তু বৈদেহ্যৌ মথুরাং পুরীম্ || ২. ৬৩. ১৮৭||
অঙ্গদশ্চন্দ্রকেতুশ্চ লক্ষ্মণস্যাত্মজাবুভৌ |
হিমবৎপর্বতস্যান্তে স্ফীতৌ জনপদৌ তয়োঃ || ২. ৬৩. ১৮৮||
অঙ্গদস্যাঙ্গদাখ্যাতা দেশে কারয়তে পুরী |
চন্দ্রকেতোস্তু বিখ্যাতা চন্দ্রচক্রা পুরী শুভা || ২. ৬৩. ১৮৯||
ভরতস্যাত্মজৌ বীরৌ তক্ষঃ পুষ্কর এব চ |
গান্ধারবিষয়ে সিদ্ধে তয়োঃ পুর্যো মহাত্মনোঃ || ২. ৬৩. ১৯০||
তক্ষস্য দিক্ষু বিখ্যাতা নাম্না তক্ষশিলা পুরী |
পুষ্করস্যাপি বীরস্য বিখ্যাতা পুষ্করাবতী || ২. ৬৩. ১৯১||
গাথাং চৈবাত্র গায়ন্তি যে পুরাণ বিদো জনাঃ |
রামেণ বদ্ধাং সত্যার্থাং মহাত্ম্যাত্তস্য ধীমতঃ || ২. ৬৩. ১৯২||
শ্যামো যুবা লোহিতাক্ষো দীপ্তাস্যো মীতভাষিতঃ |
আজানুবাহুঃ সুমুখঃ সিংহস্কন্ধো মহাভুজঃ || ২. ৬৩. ১৯৩||
দশবর্ষসহস্রাণি রামো রাজ্যমকারয়ৎ |
ঋক্সাময়জুষাং ঘোষো যো ঘোষশ্চ মহাস্বনঃ || ২. ৬৩. ১৯৪||
অব্যুচ্ছিন্নোঽভবদ্রাজ্যে দীয়তাং ভুজ্যতামিতি |
জনস্থানে বসন্কার্যং ত্রিদশানাং চকার সঃ || ২. ৬৩. ১৯৫||
তমাগস্কারিণং পূর্বং পৌলস্ত্যং মনুজর্ষভঃ |
সীতায়াঃ পদমন্বিচ্ছন্নিজঘান মহায়শাঃ || ২. ৬৩. ১৯৬||
সত্ত্ববান্গুণসংপন্নো দীপ্যমানঃ স্বতেজসা |
অতিসূর্যং চ বহ্নিং চ রামো দাশরথির্বভৌ || ২. ৬৩. ১৯৭||
এবমেষ মহাবাহোস্তস্য পুত্রৌ বভূবতুঃ |
কুশো লব ইতি খ্যাতো তয়োর্দেশৌ নিবোধত || ২. ৬৩. ১৯৮||
কুশস্য কোশলা রাজ্যং পুরী চাপি কুশস্থলী |
রম্যা নিবেশিতা তেন বিন্ধ্যপর্বতসানুষু || ২. ৬৩. ১৯৯||
উত্তরাকোশলে রাজ্য লবস্য চ মহাত্মনঃ |
শ্রাবস্তির্লোকবিখ্যাতা কুশবংশং নিবোধত || ২. ৬৩. ২০০||
কুশস্য পুত্রো ধর্মাত্মা হ্যতিথিঃ সুপ্রিয়াতিথিঃ |
অতিথেরপি বিখ্যাতো নিষধো নাম পার্থিবঃ || ২. ৬৩. ২০১||
নিষধস্য নলঃ পুত্রো নলস্য তু নাভাঃ সুতঃ |
নভসঃ পুণ্ডরীকস্তু ক্ষেম ধন্বা ততঃ স্মৃতঃ || ২. ৬৩. ২০২||
ক্ষেমধন্বসুতো রাজা দেবানীকঃ প্রতাপবান্ |
আসীদহীনগুর্নাম দেবানীকাত্মজঃ প্রভুঃ || ২. ৬৩. ২০৩||
অহীন গোস্তু দায়াদঃ পারিয়াত্রো মহায়শাঃ |
দলস্তস্যাত্মজশ্চাপি তস্মাজ্জজ্ঞে বলো নৃপঃ || ২. ৬৩. ২০৪||
উলূকো নাম ধর্মাত্মা বলপুত্রো বভূব হ |
বজ্রনাভঃ সুতস্তস্য শঙ্খণস্তস্য চাত্মজঃ || ২. ৬৩. ২০৫||
শঙ্খণস্য সুতো বিদ্বান্ ব্যুষিতাশ্ব ইতি শ্রুতঃ |
ব্যুষিতাশ্বসুতশ্চাপি রাজা বিশ্বসহঃ কিল || ২. ৬৩. ২০৬||
হিরণ্যনাভঃ কৌশল্যো বরিষ্ঠস্তৎসুতোঽভবৎ |
পৌষ্যঞ্জেশ্চ স বৈ শিষ্যঃ স্মৃতঃ প্রাচ্যেষু সামসু || ২. ৬৩. ২০৭||
শতানি সংহিতানাং তু পঞ্চ যোঽধীতবাংস্ততঃ |
তস্মাদধিগতো যোগো যাজ্ঞবল্ক্যেন ধীমতা || ২. ৬৩. ২০৮||
পুষ্পস্তস্য সুতো বিদ্বান্ধ্রুবসংধিশ্চ তৎসুতঃ |
সুদর্শনস্তস্য সুতো হ্যগ্নিবর্মঃ সুদর্শনাৎ || ২. ৬৩. ২০৯||
অগ্নিবর্ণস্য শীঘ্রস্তু শীঘ্রকস্য মরুঃ স্মৃতঃ |
মরুস্তু যোগমাস্থায় কলাপগ্রামমাস্থিতঃ || ২. ৬৩. ২১০||
একোনবিংশপ্রয়ুগে ক্ষত্রপ্রাবর্ত্তকঃ প্রভুঃ |
প্রভুসুতো মরোঃ পুত্রঃ সুসংধিস্তস্য চাত্মজঃ || ২. ৬৩. ২১১||
সুসংধেশ্চ তথা মর্ষঃ সহস্বান্নাম নামতঃ |
আসীৎসহস্বতঃ পুত্রো রাজা বিশ্রুতবানিতি || ২. ৬৩. ২১২||
তস্যাসীদ্বিশ্রুতবতঃ পুত্রো রাজা বৃহদ্বলঃ |
এতে হীক্ষ্বাকুদায়াদা রাজানঃ শতশঃ স্মৃতাঃ || ২. ৬৩. ২১৩||
বংশে প্রধানা যে তস্মিন্প্রাধান্যেন তু কীর্ত্তিতাঃ |
পঠন্সম্যগিমাং সৃষ্টিমাদিত্যস্য বিবস্বতঃ || ২. ৬৩. ২১৪||
প্রজাবানেতি সায়ুজ্যং মনোর্বেবস্বতস্য সঃ |
শ্রাদ্ধদেবস্য দেবস্য প্রজানাং পুষ্টিদস্য চ || ২. ৬৩. ২১৫||
বিপাপ্মা বিরজাশ্চৈব আয়ুষ্মাঞ্জায়তেঽচ্যুতঃ || ২. ৬৩. ২১৬||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয় উপোদ্ধাত পাদে ভার্গবচরিতে ইক্ষ্বাকুবংশকীর্ত্তনং নাম ত্রিষষ্টিতমোঽধ্যায়ঃ || ৬৩||

সূত উবাচ
অনুজস্য বিকুক্ষেস্তু নিমের্বংশং নিবোঘত |
যোঽসৌ নিবেশয়ামাস পুরং দেবপুরোপমম্ || ২. ৬৪. ১||
জয়ন্তমিতি বিখ্যাতং গৌতমস্যাশ্রমান্তিকম্ |
যস্যান্ববায়ে জজ্ঞে বৈ জনকো নৃপসত্তমঃ || ২. ৬৪. ২||
নিমির্নাম সুধর্মাত্মা সর্বসত্ত্বনমস্কৃতঃ |
আসীৎপুত্রো মহারাজ চৈক্ষ্বাকোর্ভূরিতেজসঃ || ২. ৬৪. ৩||
স শাপেন বসিষ্ঠস্যবিদেহঃ সমপদ্যত |
তস্য পুত্রো মিথির্নাম জনিতঃ পর্বভিস্ত্রিভিঃ || ২. ৬৪. ৪||
অরণ্যাং মথ্যমানায়া প্রাদুর্ভূতো মহায়শাঃ |
নাম্না মিথিরিতি খ্যাতো জননাজ্জনকোঽভবৎ || ২. ৬৪. ৫||
মিথির্নাম মহাবীর্যো যেনাসৌ মিথিলাভবৎ |
রাজাসৌ নাম জনকো জনকাচ্চা প্যুদাবসুঃ || ২. ৬৪. ৬||
উদাবসোস্তু ধর্মাত্মা জাতোঽসৌ নন্দিবর্দ্ধনঃ |
নন্দিবর্ধনতঃ শূরঃ সুকেতুর্নাম ধার্মিকঃ || ২. ৬৪. ৭||
সুকেতোরপি ধর্মাত্মা দেবরাতো মহাবলঃ |
দেবরাতস্য ধর্মাত্মা বৃহদুক্থ ইতি শ্রুতঃ || ২. ৬৪. ৮||
বৃহদুক্থস্য তনয়ো মহাবীর্যঃ প্রতাপবান্ |
মহাবীর্যস্য ধৃতিমান্ সুধৃতি স্তস্য চাত্মজঃ || ২. ৬৪. ৯||
সুধৃতেরপি ধর্মাত্মা ধৃষ্টকেতুঃ পরন্তপঃ |
ধৃষ্টকেতুসুতশ্চাপি হর্যশ্বো নাম বিশ্রুতঃ || ২. ৬৪. ১০||
হর্যশ্বস্য মরুঃ পুত্রো মরোঃ পুত্রঃ প্রতিংবকঃ |
প্রতিংবকস্য ধর্মাত্মা রাজা কীর্ত্তিরথঃ স্মৃতঃ || ২. ৬৪. ১১||
পুত্রঃ কীর্ত্তিরথস্যাপি দেবমীঢ ইতি শ্রুতঃ |
দেবমীঢস্য বিবুধো বিবুধস্য মহাধৃতিঃ || ২. ৬৪. ১২||
মহাধৃতিসুতো রাজা কীর্ত্তিরাতঃ প্রতাপবান্ |
কীর্তিরাতাত্মজো বিদ্বান্ মহারোমেতি বিশ্রুতঃ || ২. ৬৪. ১৩||
মহারোম্ণস্তু বিখ্যাতঃ স্বর্ণরোমা ব্যজায়ত |
স্বর্ণরোমাত্মজশ্চাপি হ্রস্বরোমাভবন্নৃপঃ || ২. ৬৪. ১৪||
হ্রস্বরোমান্মজো বিদ্বান্ সরিদ্ধ্বজ ইতি শ্রুতঃ |
উদ্ভিন্না কর্ষতা যেন সীতা রাজ্ঞা যশস্বিনী || ২. ৬৪. ১৫||
রামস্য মহিধী সাধ্বী সুব্রতা নিয়তব্রতা |
বৈশংপায়ন উবাচ
কথং সীতা সমুৎপন্ন কৃষ্যমাণ যশস্বিনী || ২. ৬৪. ১৬||
কিমর্থং বাকৃষদ্রাজা ক্ষেত্রং যস্মিন্ বভূব হ |
সূত উবাচ
অগ্নিক্ষেত্রে কৃষ্যমাণে অশ্বমেধে মহাত্মনঃ || ২. ৬৪. ১৭||
বিধিনা সুপ্রয়ত্নেন তস্মাৎসা তু সমুত্থিতা |
সীরধ্বজানুজাতস্তু ভানুমান্নাম মৈথিলঃ || ২. ৬৪. ১৮||
ভ্রাতা কুশধ্বজস্তস্য স কাশ্যধিপতির্নৃপঃ |
তস্য ভানুমতঃ পুত্রঃ প্রদ্যুম্নশ্চ পতাপবান্ || ২. ৬৪. ১৯||
মুনিস্তস্য সুতশ্চাপি তস্মাদূর্জবহঃ স্মৃতঃ |
ঊর্জবহাৎসনদ্বাজঃ শকুনিস্তস্য চাত্মজঃ || ২. ৬৪. ২০||
স্বাগতঃ শকুনেঃ পুত্রঃ সুবর্চাস্তৎসুতঃ স্মৃতঃ |
সুতোপস্তস্য দায়াদঃ সুশ্রুতস্তস্য চাত্মজঃ || ২. ৬৪. ২১||
সুশ্রুতস্য জয়ঃ পুত্রো জয়স্য বিজয়ঃ সুতঃ |
বিজয়স্য ক্রতুঃ পুত্রক্রতোশ্চ সুনয়ঃ স্মতঃ || ২. ৬৪. ২২||
সুনয়াদ্বীতহব্যস্তু বীতহব্যাত্মজো ধৃতিঃ |
ধৃতেস্তু বহুলাশ্বোঽভূদ্বহুলাশ্বসুতঃ কৃতিঃ || ২. ৬৪. ২৩||
তস্মিন্সংতিষ্ঠতে বংশো চনকানাং মহাত্মনাম্ |
ইত্যেতে মৈথিলাঃ প্রোক্তাঃ সোমস্যাপি নিবোধত || ২. ৬৪. ২৪||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয়ে উপোদ্ধাতপাদে নিমিবংশানুকীর্তনং নাম চতুঃষষ্টিতমোঽধ্যায়ঃ || ৬৪||

সূত উবাচ
পিতা সোমস্য বৈ বিপ্রা জজ্ঞেঽত্রির্ভগবানৃষিঃ |
তত্রাত্রিঃ সর্বলোকানাং তস্থৌ স্বেনৌজসা বৃতঃ || ২. ৬৫. ১||
কর্মণা মনসা বাচা শুভান্যেব সমাচরন্ |
কাষ্ঠকুড্যশিলাভূত ঊর্দ্ধ্ববাহুর্মহাদ্যুতিঃ || ২. ৬৫. ২||
সুদুশ্চরং নাম তপো যেন তপ্তং মহাৎপুরা |
ত্রীণি বর্ষসহস্রাণি দিব্যানীতি হি নঃ শ্রুতম্ || ২. ৬৫. ৩||
তস্যোর্দ্ধ্বরেতসস্তত্র স্থিতস্যানিমিষস্য হ |
সোমৎবং তনুরাপেদে মহাবুদ্ধিঃ স বৈ দ্বিজঃ || ২. ৬৫. ৪||
ঊর্দ্ধ্বমাচক্রমে তস্য সোমৎবং ভাবিতাত্মনঃ |
নেত্রাভ্যা মস্রবৎসোমো দশধা দ্যোতয়ন্ দিশঃ || ২. ৬৫. ৫||
তং গর্ভং বিধিনা হৃষ্টা দশ দেব্যো দধুস্তদা |
সমেত্য ধারয়ামাসুর্ন চ তাঃ সমশক্নুবন্ || ২. ৬৫. ৬||
স তাভ্যঃ সহসৈবাথ দিগ্ভ্যো গর্ভঃ প্রসাধিতঃ |
পপাত ভাসয়ংল্লোকাঞ্ছীতাংশুঃ সর্বভাবনঃ || ২. ৬৫. ৭||
যদা ন ধারণে শক্তাস্তস্য গর্ভস্য তাঃ স্ত্রিয়ঃ |
ততঃ সহাভিঃ শীতাংশুর্নিপপাত বসুংধরাম্ || ২. ৬৫. ৮||
পতন্তং সোমমালোক্য ব্রহ্মা লোকপিতামহঃ |
রথমারোপয়ামাস লোকানাং হিতকাম্যয়া || ২. ৬৫. ৯||
স হি বেদময়ো বিপ্রা ধর্মাত্মা সত্যসংগরঃ |
যুক্তে বাজিসহস্রেণ রথেঽধ্যাস্তেতি নঃশ্রুতম্ || ২. ৬৫. ১০||
তস্মিন্নিপতিতে দেবাঃ পুত্রেঽত্রেঃ পরমাত্মনঃ |
তুষ্টুবুর্ব্রহ্মণঃ পুত্রা মানসাঃ সপ্ত বিশ্রুতাঃ || ২. ৬৫. ১১||
তত্রৈবাঙ্গিরসাস্তস্য ভৃগোশ্চৈবাত্মজাস্তথা |
ঋগ্ভির্যজুর্ভির্বহুভিরথর্বাঙ্গিরসৈরপি || ২. ৬৫. ১২||
ততঃ সংস্তূয়মানস্য তেজঃ সোমস্য ভাস্বতঃ |
আপ্যায়মানং লোকাংস্ত্রীন্ভাবয়ামাস সর্বশঃ || ২. ৬৫. ১৩||
স তেন রথমুখ্যেন সাগরান্তাং বসুংধরাম্ |
ত্রিঃসপ্তকৃৎবোঽতিয়শাশ্চকারাভিপ্রদক্ষিণম্ || ২. ৬৫. ১৪||
তস্য যদ্বর্দ্ধিতং তেজঃ পৃথিবীমন্বপদ্যত |
ওষধ্যস্তাঃ সমুদ্ভূতাস্তেজসা খং জ্বলত্যুত || ২. ৬৫. ১৫||
তাভিঃ পুণ্যাত্যয়ং লোকান্প্রজাশ্চাপি চতুর্বিধাঃ |
পোষ্টা হি ভগবান্সোমো জগতো হি দ্বিজোত্তমাঃ || ২. ৬৫. ১৬||
স লব্ধতেজাস্তপসা সংস্তবৈস্তৈঃ স্বকর্মভিঃ |
তবস্তেপে মহাভাগঃ সমানাং নবতীর্দশ || ২. ৬৫. ১৭||
ইরণ্যবর্ণা যা দেব্যো ধারয়ন্ত্যাত্মনা জগৎ |
বিভুস্তাসাং মুদা সোমঃ প্রখ্যাতঃস্বেন কর্মণা || ২. ৬৫. ১৮||
ততস্তস্মৈ দদৌ রাজ্যং ব্রহ্মা ব্রহ্মবিদাং বরঃ |
বীজৌষধীনাং বিপ্রাণামপাং চ দ্বিজসত্তমাঃ || ২. ৬৫. ১৯||
সোঽভিষিক্তো মহাতেজা মহারাজ্যেন রাজরাট্ |
লোকান্বৈ ভাবয়ামাস তেজস্বী তপতাং বরঃ || ২. ৬৫. ২০||
সপ্তবিংশতিরিন্দোস্তু দাক্ষায়ণ্যো মহাব্রতাঃ |
দদৌ প্রাচেতসো দক্ষো নক্ষত্রাণীতি যা বিদুঃ || ২. ৬৫. ২১||
স তৎপ্রাপ্য মহাদ্রাজ্যং সোমঃ সোমবতাং প্রভুঃ |
সমারেভে রাজসূয়ং সহস্রশতদক্ষিণম্ || ২. ৬৫. ২২||
হিরণ্যগর্ভশ্চোদ্গাতা ব্রহ্মা ব্রহ্মৎবমীয়িবান্ |
সদস্যস্তত্র ভগবান্হরির্নারায়ণঃ প্রভুঃ || ২. ৬৫. ২৩||
সনৎকুমারপ্রমুখৈরাদ্যৈর্ব্রহ্মর্ষিভির্বৃতঃ || ২. ৬৫. ২৪||
দক্ষিণামদদাৎসোমস্ত্রীংল্লোকানিতি নঃ শ্রুতম্ |
তেভ্যো ব্রহ্মর্ষিমুখ্যেভ্যঃ সদস্যেভ্যশ্চ বৈ দ্বিজাঃ || ২. ৬৫. ২৫||
তং সিনী চ কুহূশ্চৈব বপুঃ পুষ্টিঃ প্রভা বসুঃ |
কীর্ত্তির্ধৃতিশ্চ লক্ষ্মীশ্চ নব দেব্যঃ সিষেবিরে || ২. ৬৫. ২৬||
প্রাপ্যাবভৃথমব্যগ্রঃ সর্বদেবর্ষিপূজিতঃ |
অতিরেজে হি রাজেন্দ্রো দশধা ভাসয়ন্দিশঃ || ২. ৬৫. ২৭||
তস্য তৎপ্রাপ্য দুষ্প্রাপমৈশ্বর্যমৃষিসংস্তুতম্ |
বিবভ্রাম মতির্বিপ্রা বিনয়াদনয়াবৃতা || ২. ৬৫. ২৮||
বৃহস্পতেঃ সবৈ ভার্যাং তারাং নাম যশস্বিনীম্ |
জহার সহসা সর্বানবমত্যাঙ্গিরঃসুতান্ || ২. ৬৫. ২৯||
স যাচ্যমানো দেবৈশ্চ তথা দেবর্ষিভিশ্চ হ |
নৈব ব্যসর্জয়ত্তারাং তস্মা অঙ্গিরসে তদা || ২. ৬৫. ৩০||
উশনাস্তস্য জগ্রাহ পার্ষ্ণিমঙ্গিরসো ভবঃ |
স হি শিষ্যো মহাতেজাঃ পিতুঃ পূর্বং বৃহস্পতেঃ || ২. ৬৫. ৩১||
তেন স্নেহেন ভগবান্রুদ্রস্তস্য বৃহস্পতেঃ |
পার্ষ্মিগ্রাহোঽভবদ্দেবঃ প্রগৃহ্যাজগবং ধনুঃ || ২. ৬৫. ৩২||
তেন ব্রহ্মশিরো নাম পরমাস্ত্রং মহাত্মনা |
উদ্দিশ্য দেবানুৎসৃষ্টং যেনৈষাং নাশিতং যশঃ || ২. ৬৫. ৩৩||
তত্র তদ্যুদ্ধমভবৎপ্রখ্যাতং তারকাময়ম্ |
দেবানাং দানবানাং চ লোকক্ষয়করং মহৎ || ২. ৬৫. ৩৪||
তত্র শিষ্টাস্তু যে দেবাস্তুষিতাশ্চৈব তে স্মৃতাঃ |
ব্রহ্মাণং শরণং জগ্মুরাদিদেবং পিতামহম্ || ২. ৬৫. ৩৫||
ততো নিবার্যোশনসং রুদ্রং জ্যেষ্ঠং চ শঙ্করম্ |
দদাবাঙ্গিরসে তারাং স্বয়মেত্য পিতামহঃ || ২. ৬৫. ৩৬||
অন্তর্বত্নীং চ তাং দৃষ্ট্বা তারাং তারাধিপাননাম্ |
গর্ভমুৎসৃজ সদ্যস্ত্বং বিপ্রঃ প্রাহ বৃহস্পতিঃ || ২. ৬৫. ৩৭||
মদীয়ায়াং ন তে যোনৌ গর্ভো ধার্যঃ কথঞ্চন |
অথো তারাসৃজদ্গর্ভং জ্বলন্তমিব পাবকম্ || ২. ৬৫. ৩৮||
জাতমাত্রোঽথ ভগবান্দেবানামাক্ষিপদ্বপুঃ |
ততঃ সংশয়মাপন্নস্তারামকথয়ন্সুরাঃ || ২. ৬৫. ৩৯||
সত্যং ব্রূহি সুতঃ কস্য সোমস্যাথ বৃহস্পতেঃ |
হ্রীয়মাণা যদা দেবান্নাহ সা সাধ্বসাধু বা || ২. ৬৫. ৪০||
তদা তাং শপ্তুমারব্ধঃ কুমারো দস্যুহন্তমঃ |
তং নিবার্য তদাব্রহ্মা তারাং পপ্রচ্ছ সংশয়ম্ || ২. ৬৫. ৪১||
যদত্র তথ্যং তদ্ব্রূহি তারে কস্য সুতস্ত্বয়ম্ |
সা প্রাঞ্জলিরুবাচেদং ব্রহ্মাণং বরদং প্রভুম্ || ২. ৬৫. ৪২||
সোমস্যতি মহাত্মানং কুমারং দস্যুহন্তমম্ |
ততঃ সুতমুপাঘ্রায় সোমো রাজা প্রজাপতিঃ || ২. ৬৫. ৪৩||
বুধ ইত্যকরোন্নাম তস্য পুত্রস্য ধীমতঃ |
প্রতিঘস্রং চ গগনে সমভ্যুত্তিষ্ঠতে বুধঃ || ২. ৬৫. ৪৪||
উৎপাদয়ামাস তদা পুত্রং বে রাজপুত্রিকা |
তস্য পুত্রো মহাতেজা বভূবৈলঃ পুরূরবাঃ || ২. ৬৫. ৪৫||
উর্বশ্যাং জজ্ঞিরে তস্য পত্রাঃ ষট্ সুমহৌজসঃ |
প্রসহ্য ধর্ষিতস্তত্র বিবশো রাজয়ক্ষ্মণা || ২. ৬৫. ৪৬||
ততো যক্ষ্মাভিভূতস্তু সোমঃ প্রক্ষিণমণ্ডলঃ |
জগাম শরণায়াথ পিতরং সোঽত্রিমেব তু || ২. ৬৫. ৪৭||
তস্য তৎপাপশমনং চকারাত্রির্মহায়শাঃ |
স রাজয়ক্ষ্মণা মুক্তঃ শ্রীয়া জজবাল সর্বশঃ || ২. ৬৫. ৪৮||
এতৎসোমস্য বৈ জন্ম কীর্ত্তিতং দ্বিজসত্তমাঃ |
বংশং তস্য দ্বিজশ্রেষ্ঠা কীর্ত্যমানং নিবোধত || ২. ৬৫. ৪৯||
ধন্যমারোগ্যমায়ুষ্যং পুণ্যং কল্মষশোধনম্ |
সৌম্যস্য চন্ম শ্রুৎবৈবং সর্বপাপৈঃ প্রমুচ্যতে || ২. ৬৫. ৫০||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয় উপোদ্ধাতপাদে সোমসৌম্যয়োর্জন্মকথনং নাম পঞ্চষষ্টিতমোঽধ্যায়ঃ || ৬৫||

সূত উবাচ
সোমস্য তু বুধঃ পুত্রো বুধস্য তু পুরূরবাঃ |
তেজস্বী দানশীলশ্চ যজ্বা বিপুলদক্ষিণঃ || ২. ৬৬. ১||
ব্রহ্মবাদী পরাক্রান্তঃ শত্রুভির্যুধি দুর্জয়ঃ |
আহর্ত্তা জাগ্নিহোত্রস্য যজ্ঞানাং চ মহীপতিঃ || ২. ৬৬. ২||
সত্যবাগ্ধর্মবুদ্ধিশ্চ কান্তঃ সংবৃত্তমৈথুনঃ |
অতীব ত্রিষু লোকেষু রূপেণাপ্রতিমোঽভবৎ || ২. ৬৬. ৩||
তং ব্রহ্মবাদিনং দান্তং ধর্মজ্ঞং সত্যবাদিনম্ |
উর্বশী বরয়ামাস হিৎবা মানং যশস্বিনী || ২. ৬৬. ৪||
তয়া সহাবসদ্রাজা দশ বর্ষাণি চাষ্ট চ |
সপ্ত ষট্সপ্ত চাষ্টৌ চ দশ চাষ্টৌ চ বীর্যবান্ || ২. ৬৬. ৫||
বনে চৈত্ররথে রম্যে তথা মন্দাকিনীতটে |
অলকায়াং বিশালায়াং নন্দনে চ বনোত্তমে || ২. ৬৬. ৬||
গন্ধমাদনপাদেষু মেরুশৃঙ্গে নগোত্তমে |
উত্তরাংশ্চ কুরূন্প্রাপ্য কলাপগ্রামমেব চ || ২. ৬৬. ৭||
এতেষু বনমুখ্যেষু সুরৈরাচরিতেষু চ |
উর্বশ্যা মহিতো রাজা রেমে পরময়া মুদা || ২. ৬৬. ৮||
ঋষয় ঊচুঃ
গন্ধর্বী চোর্বশী দেবী রাজানং মানুষং কথম্ |
উৎসৃজ্য তং চ সংপ্রাপ্তা তন্নো ব্রূহি চ দুষ্কৃতম্ || ২. ৬৬. ৯||
সূত উবাচ
ব্রহ্মশাপাভিভূতা সা মানুষং সমুপস্থিতা |
আত্মনঃ শাপমোক্ষার্থং নিয়মং সা চকার তু || ২. ৬৬. ১০||
অনগ্নদর্শনং চৈব অকামাৎসহ মৈথুনম্ |
দ্বৌ মেষৌ শয়নাভ্যাশে সা তাবদ্ধ্যবতিষ্ঠতে || ২. ৬৬. ১১||
ঘৃতমাত্রং তথাঽহারঃ কালমেকং তু পার্থিব |
যদ্যেষ সময়ো রাজন্যাবৎকালশ্চ তে দৃঢঃ || ২. ৬৬. ১২||
তাবৎকালং তু বৎস্যামি এষ নঃ সময়ঃ কৃতঃ |
তস্যাস্তং সময়ং সর্বং স রাজা পর্যপালয়ৎ || ২. ৬৬. ১৩||
এবং সা চাবসত্তেন সহেলেনা ভিগামিনী |
বর্ষাণ্যথ চতুঃষষ্টিং তদ্ভক্ত্যা শাপমোহিতা || ২. ৬৬. ১৪||
উর্বশী মানুষং প্রাপ্তা গন্ধর্বাশ্চিন্তয়ান্বিতাঃ |
গন্ধর্বা ঊচুঃ
চিন্তয়ধ্বং মহাভাগা যথা সা তু বরাঙ্গনা || ২. ৬৬. ১৫||
আগচ্ছেত্তু পুনর্দেবানুর্বশী স্বর্গভূষণম্ |
ততো বিশ্বাপসুর্নাম গন্ধর্বঃ সুমহামতিঃ || ২. ৬৬. ১৬||
জহারোরণকৌ তস্যাস্তৎপশ্চাৎসা দিবং গতা |
তস্যাস্তু বিরহেণাসৌ ভ্রমমাণস্ত্বথোর্বশীম্ || ২. ৬৬. ১৭||
দদর্শ চ কুরুক্ষেত্রে তয়া সংভাষিতোঽপ্যয়ম্ |
গন্ধর্বানুপধাবেতি স তচ্চক্রেঽথ তে দদুঃ || ২. ৬৬. ১৮||
অগ্নিস্থালীং তয়া রাজা গতঃ স্বর্গং মহারথঃ |
একোঽগ্নিঃ পূর্বমাসীদ্বৈ ঐলস্তং ত্রীনকল্পয়ৎ || ২. ৬৬. ১৯||
এবংপ্রভাবো রাজাসীদৈলস্তু দ্বিজসত্তমাঃ |
দেশে পুণ্যতমে চৈব মহর্ষিভিরলঙ্কৃতে || ২. ৬৬. ২০||
রাজ্যং স কারয়ামাস প্রয়াগে পৃথিবীপতিঃ |
উত্তরে যামুনে তীরে প্রতিষ্ঠানে মহায়শাঃ || ২. ৬৬. ২১||
তস্য পুত্রা বভূবুর্হি ষডিন্দ্রোপমতেজসঃ |
গন্ধর্বলোকে বিদিতা আয়ুর্দ্ধীমানমাবসুঃ || ২. ৬৬. ২২||
বিশ্বাবসুঃ শ্রতায়ুশ্চ ঘৃতায়ুশ্চোবর্শীসুতাঃ |
অমাব সোস্তু বৈ জাতে ভীমো রাজাথ বিশ্বচিৎ || ২. ৬৬. ২৩||
শ্রীমান্ভীমস্য দায়াদো রাজাসীৎকাঞ্চনপ্রভঃ |
বিদ্বাংস্তু কাঞ্চনস্যাপি সুহোত্রোঽভূন্মহাবল || ২. ৬৬. ২৪||
সুহোত্রস্যাভবজ্জহ্নুঃ কেশিনীগর্ভসংভবঃ |
প্রতিগত্য ততো গঙ্গা বিততে য৫কর্মণি || ২. ৬৬. ২৫||
সাদয়ামাস তং দেশং ভাবিনোর্ঽথস্য দর্শনাৎ |
গঙ্গয়া প্লাবিতং দৃষ্ট্বা যজ্ঞবাটং সমন্ততঃ || ২. ৬৬. ২৬||
সৌহোত্রিরপি সংক্রুদ্ধো গঙ্গাং রাজা দ্বিজোত্তমাঃ |
তদারাজর্ষিণা পীতাং গঙ্গাং দৃষ্ট্বা সুরর্ষয়ঃ || ২. ৬৬. ২৭||
উপনিন্যুর্মহাভাগা দুহিতৃৎবেন জাহ্নবীম্ |
যৌবনাশ্বস্য পৌত্রীং তু কাবেরীং জহ্নুরাবহৎ || ২. ৬৬. ২৮||
যুবনাশ্বস্য শাপেন গঙ্গার্দ্ধেন বিনির্মমে |
কাবেরীং সরিতাং শ্রেষ্ঠ জহ্নুভার্যামনিন্দিতাম্ || ২. ৬৬. ২৯||
জহ্নুস্তু দয়িতং পুত্রং সুনহং নাম ধার্মিকম্ |
কাবের্যাং জনয়ামাস অজকস্তস্য চাত্মজঃ || ২. ৬৬. ৩০||
অজকস্য তু দায়াদো বলাকাশ্বো মহায়শাঃ |
বভূব মৃগ শীলঃ সুশস্তস্যাত্মজঃ স্মৃতঃ || ২. ৬৬. ৩১||
কুশপুত্রা বভূবুশ্চ চৎবারো দেববর্চসঃ |
কুশাংবঃ কুশানাভশ্চ অমূর্তরয়মো বসুঃ || ২. ৬৬. ৩২||
কুশিকস্তু তপস্তেপে পুত্রার্থী রাজসত্তমঃ |
পূর্ণে বর্ষসহস্রে বৈ শতক্রতুরপশ্যত || ২. ৬৬. ৩৩||
তমুগ্রতপসং দৃষ্ট্বা সহস্রাক্ষঃ পুরন্দরঃ |
সমর্থঃ পুত্রজননে স্বয়মেবাস্য শাশ্বতঃ || ২. ৬৬. ৩৪||
পুত্রৎবং কল্পয়ামাস স্বয়মেব পুরন্দরঃ |
গাধির্নামাভবৎপুত্রঃ কৌশিকঃ পাকশাসনঃ || ২. ৬৬. ৩৫||
পৌরুকুৎস্যভবদ্ভার্যা গাধেস্তস্যামজায়ত |
পূর্বং কন্যা মহাভাগা নাম্না সত্যবতী শুভা || ২. ৬৬. ৩৬||
তাং গাধিঃ পুত্রকামায় ঋচীকায় দদৌ প্রভুঃ |
তস্যাঃ প্রীতস্তু বৈ ভর্ত্তা ভার্গবো ভৃগুনন্দনঃ || ২. ৬৬. ৩৭||
পুত্রার্থে সাধয়ামাস চরুং গাধেস্তথৈব চ |
অথাবোচৎপ্রিয়াং তত্র ঋচীকো ভার্গবস্তদা || ২. ৬৬. ৩৮||
উপভোজ্যশ্চরুরয়ং ৎবয়া মাত্রা চ তে শুভা |
তস্যা জনিষ্যতে পুত্রো দীপ্তিমান্ক্ষত্ত্রিয়র্ষভঃ || ২. ৬৬. ৩৯||
অজেয়ঃ ক্ষত্ত্রিয়ৈর্যুদ্ধে ক্ষত্রিয়র্ষভসূদনঃ |
তবাপি পুত্রং কল্যাণি ধৃতিমন্তং তপোধনম্ || ২. ৬৬. ৪০||
শমাত্মকং দ্বিজশ্রেষ্ঠং চরুরেষ বিধাস্যতি |
এবমুক্ত্বা তু তাং ভার্যামৃচীকো ভৃগুনন্দনঃ || ২. ৬৬. ৪১||
তপস্যভিরতো নিত্যমরণ্যং প্রবিশেশ হ |
গাধিঃ সদারস্তু তদা ঋচীকাশ্রমমভ্যগাৎ || ২. ৬৬. ৪২||
তীর্থয়াত্রাপ্রসংগেন সুতাং দ্রষ্টুং নরেশ্বরঃ |
চরুদ্বয়ং গৃহীৎবা তু ঋষেঃ স্ত্যবতী তদা || ২. ৬৬. ৪৩||
ভর্তুর্বচনমব্যগ্রা হৃষ্টা মাত্রে ন্যবেদয়ৎ |
মাতা তু তস্যৈ দৈবৈন দুহিত্রে স্বচরুং দদৌ || ২. ৬৬. ৪৪||
তস্যাশ্চরুমথাজ্ঞানাদাত্মনঃ সা চকার হ |
অথ সত্যবতী গর্ভং ক্ষত্রিয়ান্তকরং শুভম্ || ২. ৬৬. ৪৫||
ধারয়ামাস দীপ্তেন বপুষা ঘোরদর্শনা |
তামৃচীকস্ততো দৃষ্ট্বা যোগেনাপ্যবমৃশ্য চ || ২. ৬৬. ৪৬||
তদাব্রবীদ্দ্বিজশ্রেষ্ঠঃ স্বাং ভার্যাং বরবর্ণিনীম্ |
মাত্রাসি বঞ্চিতা ভদ্রে চরুব্যত্যাসহেতুনা || ২. ৬৬. ৪৭||
জনিষ্যতি হি পুত্রস্তে ক্রূরকর্মাতিদারুমঃ |
মাতা জনিষ্যতে চাপি তথা ভূতং তপোধনম্ || ২. ৬৬. ৪৮||
বিশ্বং হি ব্রহ্মতপসা ময়া তত্র সমর্পিতম্ |
এবমুক্তা মহাভাগা ভর্ত্রা সত্যবতী তদা || ২. ৬৬. ৪৯||
প্রসাদয়ামাস পতিং সুতো মে নেদৃশো ভবেৎ |
ব্রাহ্মণাপসদস্ত্বত্ত ইত্যুক্তো মুনিমব্রবীৎ || ২. ৬৬. ৫০||
নৈব সংকল্পিতঃ কামো ময়া ভদ্রে তথা ৎবয়া |
উগ্রকর্মা ভবেৎপুত্রঃ পিতুর্মাতুশ্চ কারণাৎ || ২. ৬৬. ৫১||
পুনঃ সত্যবতী বাক্যমেবমুক্তাব্রবীদিদম্ |
ইচ্ছংল্লোকানপি মুনে সৃজেথাঃ কিং পুনঃ সুতম্ || ২. ৬৬. ৫২||
শমাত্মকমৃজুং ভর্ত্তঃ পুত্রং মে দাতুমর্হসি |
কামমেবংবিধঃ পৌত্রো মম স্যাত্তব সুব্রত || ২. ৬৬. ৫৩||
যদ্যন্যথা ন সক্যং বৈ কর্তুংমেবং দ্বিজোত্তম |
ততঃ প্রসাদমকরোৎস তস্যাস্তপসো বলাৎ || ২. ৬৬. ৫৪||
পুত্রে নাস্তি বিশেষো মে পৌত্রে বা বরবর্ণিনি |
ৎবয়া যথোক্তং বচনং তথা ভদ্রেভবিষ্যতি || ২. ৬৬. ৫৫||
তস্মাৎসত্যবতী পুত্রং জনয়ামাস ভার্গবম্ |
তপস্যভিরতং দান্তং জমদগ্নিং শমাত্মকম্ || ২. ৬৬. ৫৬||
ভৃগোশ্চরুবিপর্যাসে রৌদ্রবৈষ্ণবয়োঃ পুরা |
জমনাদ্বৈষ্ণবস্যাগ্নের্জমদগ্নিরজায়ত || ২. ৬৬. ৫৭||
বিশ্বামিত্রং তু দায়াদং গাধিঃ কুশিকনন্দনঃ |
প্রাপ্য ব্রহ্মর্ষিসমতাং জগাম ব্রহ্মণা বৃতঃ ৬৬. ৫৮||
সা হি সত্যবতী পুণ্যা সত্যব্রতপরায়ণা |
কৌশিকী তু সমাখ্যাতা প্রবৃত্তেয়ং মহানদী || ২. ৬৬. ৫৯||
পরিস্রুতা মহাভাগা কৌশিকী সরিতাং বরা |
ইক্ষ্বাকুবংশপ্রভবো রেণুকো নাম পার্থিবঃ || ২. ৬৬. ৬০||
তস্য কন্যা মহাভাগা কমলী নাম রেণুকা |
রেণুকায়াং কমল্যাং তু তপোধৃতিসমাধিনা || ২. ৬৬. ৬১||
আর্চীকো জনয়ামাম জমদগ্নিঃ সুদারুণম্ |
সর্ববিদ্যান্তগং শ্রেষ্ঠং ধনুর্বেদস্য পারগম্ || ২. ৬৬. ৬২||
রামং ক্ষত্ত্রিয়হন্তারং প্রদীপ্তমিব পাবকম্ |
ঔর্বস্যৈবমৃচীকস্য সত্যবত্যাং মহামনাঃ || ২. ৬৬. ৬৩||
জমদগ্নিস্তপোবীর্যাজ্জজ্ঞে ব্রহ্মবিদাং বরঃ |
মধ্যমশ্চ শুনঃশেফঃ শুনঃ পুচ্ছঃ কনিষ্ঠকঃ || ২. ৬৬. ৬৪||
বিশ্বামিত্রস্তু ধর্মাত্মা নাম্না বিশ্বরথঃ স্মৃতঃ |
জজ্ঞে ভৃগুপ্রসাদেন কৌশিকান্বয়বর্দ্ধনঃ || ২. ৬৬. ৬৫||
বিশ্বামিত্রস্য পুত্রস্তু শুনঃশেফোঽভবন্মুনিঃ |
হরিশ্চন্দ্রস্য যজ্ঞে তু পশুৎবে নিয়তঃ স বৈ || ২. ৬৬. ৬৬||
দেবৈর্দত্তঃ শুনঃশেফো বিশ্বামিত্রায় বৈ পুনঃ |
দেবৈর্দত্তঃ স বৈ যস্মাদ্দেবরাতস্ততোঽভবৎ || ২. ৬৬. ৬৭||
বিশ্বামিত্রস্য পুত্রাণাং শুনঃশেফোঽগ্রজঃ স্মৃতঃ |
মধুচ্ছন্দাদয়শ্চৈব কৃতদেবৌ ধ্রুবাষ্টকৌ || ২. ৬৬. ৬৮||
কচ্ছপঃ পূরণশ্চৈব বিশ্বামিত্রসুতাস্তু বৈ |
তেষাঙ্গোত্রাণি বহুধা কৌশিকানাং মহাত্মনাম্ || ২. ৬৬. ৬৯||
পার্থিবা দেবরাতাশ্চ জাজ্ঞবল্ক্যাঃ সমর্পণাঃ |
উদুংবরাশ্চ বাতড্যাস্তলকায়নচান্দ্রবাঃ || ২. ৬৬. ৭০||
লোহিণ্যো রেণবস্ছৈব তথা কারিষবঃ স্মৃতাঃ |
বভ্রবঃ পণিনস্ছৈব ধ্যানজপ্যাস্তথৈব চ || ২. ৬৬. ৭১||
শ্যামায়না হিরণ্যাক্ষাঃ সাংকৃতা গালবাঃ স্মৃতাঃ |
দেবলা যামদূতাশ্চ শালঙ্কায়নবাষ্কলাঃ || ২. ৬৬. ৭২||
লালাঢ্যা বাদরাশ্চান্যে বিশ্বামিত্রস্য ধীমতঃ |
ঋষ্যন্তরবিবাহ্যাস্তে বহবঃ কৌশিকাঃ স্মৃতাঃ || ৬৫. ৭৩||
কৌশিকাঃ সৌশ্রুতাশ্চৈব তথান্যে সৈন্ধবায়নাঃ |
যোগেশ্বরস্য পুণ্যস্য বহ্মর্ষেঃ কৌশিকস্য বৈ |
বিশ্বামিত্রস্য পুত্রাণাং শুনঃশেফোঽগ্রজঃ স্মৃতঃ || ২. ৬৬. ৭৪||
দৃষদ্বতী সুতশ্চাপি বিশ্বামিত্রাত্তথাষ্টকঃ |
অষ্টকস্য সুতো লৌহিঃ প্রোক্তো জহ্নুগণো ময়া || ২. ৬৬. ৭৫||
ঋষয় ঊচুঃ
কিংলক্ষণেন ধর্মেণ তপসেহ শ্রুতেন বা || ২. ৬৬. ৭৬||
ব্রাহ্মণ্যং সমনুপ্রাপ্তং বিশ্বামিত্রাদিভির্নৃপৈঃ |
যেনয়েনাভিধানেন ব্রাহ্মণ্যং ক্ষত্রিয়া গতাঃ || ২. ৬৬. ৭৭||
বিশেষং জ্ঞাতুমিচ্ছামি তপসো দানতস্তথা |
এবমুক্তস্ততো বাক্যমব্রবীদিদমর্থবৎ || ২. ৬৬. ৭৮||
অন্যায়োপগতৈর্দ্রব্যৈরাহূয় দ্বিজসত্তমান্ |
ধর্মাভিকাঙ্ক্ষী যজতে ন ধর্মফলমশ্নুতে || ২. ৬৬. ৭৯||
জপং কৃৎবা তথা তীব্রং ধনলোভান্নিরঙ্কুশঃ |
রাগমোহান্বিতো হ্যন্তে পাবনার্থং দদাতি যঃ || ২. ৬৬. ৮০||
তেন দত্তানি দানানি হ্যফলানি ভবন্ত্যুত |
তস্য ধর্মপ্রবৃত্তস্য হিংসকস্য দুরাত্মনঃ || ২. ৬৬. ৮১||
এবং লব্ধ্বা ধনে মোহাদ্দদতো যজতশ্চ হ |
সংক্লিষ্টং কর্মণা দানং ন তিষ্ঠতি দুরাত্মনঃ || ২. ৬৬. ৮২||
ন্যায়াগতানাং দ্রব্যাণাং তীর্থং সংপ্রতিপাদনম্ |
কামাননভি সংধায় যজতে চ দদাতি চ || ২. ৬৬. ৮৩||
স দানফলমাপ্নোতি তচ্চ দানং সুখোদয়ম্ |
দানেন ভোগানাপ্নোতি স্বর্গং সত্যেন গচ্ছতি || ২. ৬৬. ৮৪||
তপসা তু সুতপ্তেন লোকান্বিষ্টভ্য তিষ্ঠতি |
সত্যং তু তপসঃ শ্রেয়স্তস্মাজ্জ্ঞানং গুরু স্মৃতম্ || ২. ৬৬. ৮৫||
শ্রূয়তে হি তপস্সিদ্ধাঃ ক্ষত্ত্রোপেতা দ্বিজাতয়ঃ |
বিশ্বামিত্রো নরপতির্মান্ধাতা সংকৃতিঃ কপিঃ || ২. ৬৬. ৮৬||
কাশ্যশ্চ পুরুকুৎসশ্চ শলো গৃৎসমদঃ প্রভুঃ |
আর্ষ্টিষেণোঽজমীঢশ্চ ভার্গব্যোমস্তথৈব চ || ২. ৬৬. ৮৭||
কক্ষীবাংশ্চৈবৌশিজশ্চ নৃপশ্চ শিশিরস্তথা |
রথান্তরঃ শৌনকশ্চ বিষ্ণুবৃদ্ধাদয়ো নৃপাঃ || ২. ৬৬. ৮৮||
ক্ষত্রোপেতাঃ স্মৃতা হ্যেতে তপসা ঋষিতাং গতাঃ |
এতে রাজর্ষয়ঃ সর্বে সিদ্ধিং তু মহতীং গতাঃ || ২. ৬৬. ৮৯||
অত জ্ঞর্ধ্বং প্রবক্ষ্যামি আয়োর্বংশং মহাত্মনঃ || ২. ৬৬. ৯০||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয় উবোদ্ধাত পাদে ভার্গবচরিতে অমাবসুবংশানুকীর্ত্তনং নাম ষট্ষষ্টিতমোঽধ্যায়ঃ || ৬৬||

আয়োঃ পুত্রা মহাত্মানঃ পঞ্চৈবাসন্মহাবলাঃ |
স্বর্ভানুত নয়ায়াং তে প্রভায়াং জজ্ঞিরে নৃপাঃ || ২. ৬৭. ১||
নহুষঃ প্রথমস্তেষাং ক্ষত্রবৃদ্ধস্ততঃ স্মৃতঃ |
রংভো রজিরনেনাশ্চ ত্রিষু লোকেষু বিশ্রুতাঃ || ২. ৬৭. ২||
ক্ষত্রবৃদ্ধাত্মজশ্চৈব সুনহোত্রো মহায়শাঃ |
সুনহোত্রস্য দায়াদাস্ত্রয়ঃ পরমধার্মিকাঃ || ২. ৬৭. ৩||
কাশঃ শলশ্চ দ্বাবেতৌ তথা গৃৎসমদঃ প্রভুঃ |
পুত্রো গৃৎসমদস্যাপি শুনকো যস্য শৌনকঃ || ২. ৬৭. ৪||
ব্রাহ্মণাঃ ক্ষত্রিয়াশ্চৈব বৈশ্যাঃ শূদ্রাস্তথৈব চ |
এতস্য বংশেসংভূতা বিচিত্রৈঃ কর্মভির্দ্বিজাঃ || ২. ৬৭. ৫||
শলাত্মজো হ্যার্ষ্টিষেণঃ শিশিরস্তস্য জাত্মজঃ |
শৌনকাশ্চার্ষ্টিষেণাশ্চ ক্ষত্রোপেতা দ্বিজাতয়ঃ || ২. ৬৭. ৬||
কাশ্যস্য কাশিপো রাজা পুত্রো দীর্ঘতপাস্তথা |
ধন্বশ্চ দীর্ঘতপসো বিদ্বান্ধন্বন্তরীস্ততঃ || ২. ৬৭. ৭||
তপসোংঽতে মহাতেজা জাতো বৃদ্ধস্য ধীমতঃ |
অথৈনমৃষয়ঃ প্রোচুঃ সূতং বাক্যমিদ পুনঃ || ২. ৬৭. ৮||
ঋষয় ঊচুঃ
কশ্চ ধন্বন্তরির্দেবো মানুষেষ্বিহ জজ্ঞিবান্ |
এতদ্বেদিতুমিচ্ছামস্তন্নোব্রূহি পরন্তপ || ২. ৬৭. ৯||
সূত উবাচ
ধন্বন্তরেঃ সংভবোঽযং শ্রূয়তামিহ বৈ দ্বিজাঃ |
স সংভূতঃ সমুদ্রান্তে মথ্যমানেঽমৃতে পুরা || ২. ৬৭. ১০||
উৎপন্নঃ কলশাৎপূর্বং সর্বতশ্চ শ্রিয়া বৃতঃ |
সদ্যঃসংসিদ্ধকার্যং তং দৃষ্ট্বা বিষ্ণুখস্থিতঃ || ২. ৬৭. ১১||
অব্জস্ত্বমিতি হোবাচ তস্মাদব্জস্তু স স্মৃতঃ |
অব্জঃ প্রোবাচ বিষ্ণুং তং তনয়োঽস্মি তব প্রভো || ২. ৬৭. ১২||
বিধৎস্ব ভাগং স্থানং চ মম লোকে সুরোত্তম |
এবমুক্তঃ স দৃষ্ট্বা তু তথ্যং প্রোবাচ স প্রভুঃ || ২. ৬৭. ১৩||
কৃতো যজ্ঞবিভাগস্তু দৈতেয়ৈর্হি সুরৈস্তথা |
বেদেষু বিধিয়ুক্তং চ বিধিহোত্রং মহর্ষিভিঃ || ২. ৬৭. ১৪||
ন সক্যমিহ হোমং বৈ তুভ্যং কর্তুং কদায়ন |
অর্বাক্সূতোঽসি হে দেব তব মন্ত্রো ন বৈ প্রভো || ২. ৬৭. ১৫||
দ্বিতীয়ায়াং তু সংভূত্যাং লোকে খ্যাতিং গমিষ্যসি |
অণিমাদিয়ুতাং সিদ্ধিং গতস্তত্র ভবিষ্যসি || ২. ৬৭. ১৬||
এতেনৈব শরীরেণ দেবৎবং প্রাপ্স্যসি প্রভো |
চা (চ) তুর্মন্ত্রৈর্ঘৃতৈর্গব্যৈর্যক্ষ্যন্তে ৎবাং দ্বিজাতয়ঃ || ২. ৬৭. ১৭||
অথ বা ৎবং পুনশ্চৈব হ্যায়ুর্বেদং বিধাস্যসি |
অবশ্যভাবীহ্যর্থোঽযং প্রাগ্দৃষ্টস্ত্বব্জয়োনিনা || ২. ৬৭. ১৮||
দ্বিতীয়ং দ্বাপর প্রাপ্য ভবিতা ৎবং ন সংশয়ঃ |
তস্মাত্তস্মৈ বরং দত্ত্বা বিষ্ণুরন্তর্দধে ততঃ || ২. ৬৭. ১৯||
দ্বিতীয়ে দ্বাপরে প্রাপ্তে সৌনহোত্রঃ স কাশিরাট্ |
পুত্রকামস্তপস্তেপে নৃপো দীর্ঘতপাস্তথা || ২. ৬৭. ২০||
অব্জং দেবং তু পুত্রার্থে হ্যারিরাধয়িষুর্নৃপঃ |
বরেণ চ্ছন্দয়ামাস ততো ধন্বন্তরির্নৃপম্ || ২. ৬৭. ২১||
নৃপ উবাচ
ভগবন্যদি তুষ্টস্ত্বং পুত্রো মে গতিমান্ভবেঃ |
তথেতি সমনুজ্ঞায় তত্রৈবান্তরধাৎপ্রভুঃ || ২. ৬৭. ২২||
তস্য গেহে সমুৎপন্নো দেবো ধন্বন্তরিস্তদা |
কাশিরাজো মহারাজঃ সর্ব রোগপ্রণাশনঃ || ২. ৬৭. ২৩||
আয়ুর্বেদং ভরদ্বাজাৎপ্রাপ্যেহ সভিষক্ক্রিয়ম্ |
তমষ্টধা পুনর্ব্যস্য শিষ্যেভ্যঃ প্রত্যপাদয়ৎ || ২. ৬৭. ২৪||
ধন্বন্তরিসুতশ্চাপি কেতুমানিতি বিশ্রুতঃ |
অথ কেতুমতঃ পুত্রো জজ্ঞে ভীমরথো নৃপঃ || ২. ৬৭. ২৫||
পুত্রো ভীমরথস্যাপি জাতো ধীমান্প্রজেশ্বরঃ |
দিবোদাস ইতি খ্যাতো বারাণস্যধিপোঽভবৎ || ২. ৬৭. ২৬||
এতস্মিন্নেব কালে তু পুরীং বারামসীং পুরা |
শূন্যাং নিবেশয়ামাস ক্ষেমকো নাম রাক্ষসঃ || ২. ৬৭. ২৭||
শপ্তা হি সা পুরী পূর্বং নিকুংভেন মহাত্মনা |
শূন্যা বর্ষসহস্রং বৈ ভবিত্রীতি পুনঃ পুনঃ || ২. ৬৭. ২৮||
তস্যাং তু শপ্তমাত্রায়াং দিবোদাসঃ প্রজেশ্বরঃ |
বিষয়ান্তে পুরীং রম্যাং গোমত্যাং সংন্যবেশয়ৎ || ২. ৬৭. ২৯||
ঋষয় ঊচুঃ
বারাণসীং কিমর্থং তাং নিকুংভঃ শপ্তবান্পুরা |
নিকুংভশ্চাপি ধর্মাত্মা সিদ্ধক্ষেত্রং শশাপ যঃ || ২. ৬৭. ৩০||
সূত উবাচ
দিবোদাসস্তু রাজর্ষির্নগরীং প্রাপ্য পার্থিবঃ |
বসতে স মহাতেজাঃ স্ফীতায়াং বৈ নরাধিপঃ || ২. ৬৭. ৩১||
এতস্মিন্নেব কালে তু কৃতদারো মহেশ্বরঃ |
দেব্যাঃ স প্রিয়কামস্তু বসন্বৈ শ্বশুরান্তিকে || ২. ৬৭. ৩২||
দেবাজ্ঞয়া পারিষদা বিশ্বরুপাস্তপোধনাঃ |
পূর্বোক্তরূপসংবেষৈস্তোষয়ন্তি মহেশ্বরীম্ || ২. ৬৭. ৩৩||
হৃষ্যতে তৈর্মহাদেবো মেনা নৈব তু তুষ্যতি |
জুগুপ্সতে সা নিত্যং বৈ দেবং দেবীং তথৈব চ || ২. ৬৭. ৩৪||
মম পার্শ্বে ৎবনাচারস্তব ভর্ত্তা মহেশ্বরঃ |
দরিদ্রঃ সর্বথৈবেহ হা কষ্টং লজ্জতে ন বৈ || ২. ৬৭. ৩৫||
মাত্রা তথোক্তা বচসা স্ত্রীস্বভাবান্ন চক্ষমে |
স্মিতং কৃৎবা তু বরদা হরপার্শ্বমথাগমৎ || ২. ৬৭. ৩৬||
বিষণ্ণবদনা দেবী মহাদেবমভাষত |
নেহ বৎস্যাম্যহং দেব নয় মাং স্বং নিবেশনম্ || ২. ৬৭. ৩৭||
তথোক্তস্তু মহাদেবঃ সর্বাংল্লোকান্নিরীক্ষ্য হ |
বাসার্থং রোচয়ামাস পৃথিব্যাং তু দ্বিজোত্তমাঃ || ২. ৬৭. ৩৮||
বারাণসীং মহাতেজাঃ সিদ্ধক্ষেত্রং মহেশ্বরঃ |
দিবোদাসেন তাং জ্ঞাৎবা নিবিষ্টাং নগরীং ভবঃ || ২. ৬৭. ৩৯||
পার্শ্বস্থং স সমাহূয় গণেশং ক্ষেমমব্রবীৎ |
গণেশ্বর পুরীং গৎবা শূন্যাং বারাণসীং কুরু || ২. ৬৭. ৪০||
মৃদুনা চাভ্যুপায়েন অতিবীর্যঃ স পার্থিবঃ |
ততো গৎবা নিকুংভস্তু পুরীং বারাণসীং পুরা || ২. ৬৭. ৪১||
স্বপ্নে সংদর্শয়ামাস মঙ্কনং নামতো দ্বিজম্ |
শ্রেয়স্তেঽহং করিষ্যামি স্থানং মে রোচয়ানঘ || ২. ৬৭. ৪২||
মদ্রূপাং প্রতিমাং কৃৎবা নগর্যন্তে নিবেশয় |
তথা স্বপ্নে যথা দৃষ্টং সর্বং কারিতবান্দ্বিজঃ || ২. ৬৭. ৪৩||
নগরীদ্বার্যনুজ্ঞাপ্য রাজানং তু যথাবিধি |
পূজা তুমহতী চৈব নিত্যমেব প্রয়ুজ্যতে || ২. ৬৭. ৪৪||
গন্ধৈর্ধূপৈশ্চ বাল্যৈশ্চ প্রেক্ষণীয়েস্তথৈব চ |
অন্নপ্রদানয়ুক্তৈশ্চ হ্যত্যদ্ভুতমিবাভবৎ || ২. ৬৭. ৪৫||
এবং সংপূজ্যতে তত্র নিত্যমেব গণেশ্বরঃ |
ততো বরসহস্রাণি নাগরাণাং প্রয়চ্ছতি || ২. ৬৭. ৪৬||
পুত্রান্হিরণ্যমায়ূংষি সর্বকামাংস্তথৈব চ |
রাজ্ঞস্তু মহিষী শ্রেষ্টা সুয়শা নাম বিশ্রুতা || ২. ৬৭. ৪৭||
পুত্রার্থমাগতা সাধ্বী রাজ্ঞা দেবী প্রচোদিতা |
পূজাং তু বিপুলাং কৃৎবা দেবী পুত্রানয়াচত || ২. ৬৭. ৪৮||
পুনঃ পুনরথাগত্য বহুশঃ পুত্রকারণাৎ |
ন প্রয়চ্ছতি পুত্রাংস্তু নিকুংভঃ কারণেন তু || ২. ৬৭. ৪৯||
ক্রুধ্যতে যদি রাজা তু তত কিঞ্চিৎপ্রবর্ত্ততে |
অথ দীর্ঘেণ কালেন ক্রোধো রাজানমাবিশৎ || ২. ৬৭. ৫০||
ভূতং ৎবিদং মংহদ্দ্বারি নাগরাণাং প্রয়চ্ছতি |
প্রীত্যা বরাংশ্চ শতশো ন কিঞ্চিন্নঃ প্রয়চ্ছতি || ২. ৬৭. ৫১||
মামকৈঃ পূজ্যতে নিত্যং নগর্যাং মম চৈব তু |
স যাচিতশ্চ বহুশো দেব্যা মে পুত্রকারণাৎ || ২. ৬৭. ৫২||
ন দদাতি চ পুত্রং মে কৃতঘ্নো বহুভোজনঃ |
অতো নার্হতি পূজা তু মৎসকাশাৎকথঞ্চন || ২. ৬৭. ৫৩||
তস্মাত্তু নাশয়িষ্যামিতস্য স্থানং দুরাত্মনঃ |
এবং তু স বিনিশ্চিত্য দুরাত্মা রাজকিল্বিষী || ২. ৬৭. ৫৪||
স্থানং গণপতেশ্তস্য নাশয়ামাস দুর্মতিঃ |
ভগ্নমায়তনং দৃষ্ট্বা রাজানমশপৎপ্রভুঃ || ২. ৬৭. ৫৫||
যস্মাদ্বিনাপরাধং মে ৎবয়া স্থানং বিনাশিতম্ |
অকস্মাত্তু পুরী শূন্যা ভবিত্রীতে নরাধিপ || ২. ৬৭. ৫৬||
ততস্তেন তু শাপেন শূন্যা বারাণসী তদা |
শপ্ত্বা পুরীং নিকুংভস্তু মহাদেবমথানয়ৎ || ২. ৬৭. ৫৭||
শূন্যাং পুরীং মহা দেবো নির্মমে পদমাত্মনঃ |
তুল্যাং দেববিভূত্যা তু দেব্যাশ্চৈব মহামনাঃ || ২. ৬৭. ৫৮||
রমতে তত্র বৈ দেবী হ্যৈশ্বর্যাৎসা তু বিস্মিতা |
দেব্যা ক্রীডার্থমীশানো দেবো বাক্যমথাব্রবীৎ || ২. ৬৭. ৫৯||
নাহং বেশ্ম বিমোক্ষ্যামি হ্যবিমুক্তং হি মে গৃহম্ |
প্রহস্যৈনামথোবাচ হ্যবিমুক্তং হি মে গৃহম্ |
নাহং দেবি গমিষ্যামি ৎবন্যত্রেদং বিহায় বৈ || ২. ৬৭. ৬০||
ময়া সহ রমস্বেহ ক্ষেত্রে ভামিন্যনুত্তমে |
তস্মাত্তদবিমুক্তং হি প্রোক্তং দেবেন বৈ স্বয়ম্ || ২. ৬৭. ৬১||
এবং বারাণসী শপ্তা হ্যবিমুক্তং চ কীর্ত্তিতা |
যস্মিন্বসেদ্ভবো দেবঃ সর্বদেবনমস্কৃতঃ || ২. ৬৭. ৬২||
যুগেষু ত্রিষু ধর্মাত্মা সহ দেব্যা মহেশ্বরঃ |
অন্তর্দ্ধানং কলৌ যাতি তৎপুরং তু মহাত্মনঃ || ২. ৬৭. ৬৩||
অন্তর্হিতে পুরে তস্মিন্পুরী সা বসতে পুনঃ |
এবং বারাণসী শপ্তা নিবেশং পুনরাগতা || ২. ৬৭. ৬৪||
ভদ্রসেনস্য পুত্রাণাং শতমুত্তমধন্বিনাম্ |
হৎবা নিবেশয়ামাস দিবোদাসো নরাধিপঃ || ২. ৬৭. ৬৫||
ভদ্রসেনস্য রাজ্যং তু হতং তেন বলীয়সা |
ভদ্রসেনস্য পুত্রস্তু দুর্মদো নাম নামতঃ || ২. ৬৭. ৬৬||
দিবোদাসেন বালেতি ঘৃণয়া স বিসর্জিতঃ |
দিবোদাসাদ্দৃষদ্বত্যাং বীরো জজ্ঞে প্রতর্দ্দনঃ || ২. ৬৭. ৬৭||
তেন পুত্রেণ বালেন প্রহৃতং তস্য বৈ পুনঃ |
বৈরস্যান্ত মহারাজ তদা তেন বিধিৎসতা || ২. ৬৭. ৬৮||
প্রতর্দনস্য পুত্রৌ দ্বৌ বৎসো গর্গশ্চ বিশ্রুতৌ |
বৎসপুত্রো হ্যলর্কস্তু সন্নতিস্তস্য চাত্মজঃ || ২. ৬৭. ৬৯||
অলর্কং প্রতি রাজর্ষিং শ্রোকোং গীতঃ পুরাতনৈঃ |
ষষ্টিবর্ষসহস্রাণি ষষ্টিবর্ষশতানি চ || ২. ৬৭. ৭০||
যুবা রূপেণ সংপন্নো হ্যলর্কঃ কাশিসত্তমঃ |
লোপামুদ্রাপ্রসাদেন পরমায়ুরবাপ্তবান্ || ২. ৬৭. ৭১||
শাপস্যান্তে মহাবাহুর্হৎবা ক্ষেমকরাক্ষসম্ |
রম্যামাবাসয়ামাস পুরীং বারাণসীং নৃপঃ || ২. ৬৭. ৭২||
সন্নতেরপি দায়াদঃ সুনীথো নাম ধার্মিকঃ |
সুনীথস্য তু দায়াদঃ ক্ষৈমাখ্যো নাম ধার্মিকঃ || ২. ৬৭. ৭৩||
ক্ষেমস্য কেতুমান্পুত্রঃ সুকেতুস্তস্য চাত্মজঃ |
সুকেতুতনয়শ্চাপি ধর্মকেতুরিতি শ্রুতঃ || ২. ৬৭. ৭৪||
ধর্মকেতোস্তু দায়াদঃ সত্যকেতুর্মহারথঃ |
সত্যকেতুসুতশ্চাপি বিভুর্নাম প্রজেশ্বরঃ || ২. ৬৭. ৭৫||
সুবিভুস্তু বিভোঃ পুত্রঃ সুকুমারস্ততঃ স্মৃতঃ |
সুকুমারস্য পুত্রস্তু ধৃষ্টকেতুঃ সুধার্মিকঃ || ২. ৬৭. ৭৬||
ধৃষ্টকেতোস্তু দায়াদো বেণুহোত্রঃ প্রজেশ্বরঃ |
বেণুহোত্রসুতশ্চাপি গার্গ্যো বৈ নাম বিশ্রুতঃ || ২. ৬৭. ৭৭||
গার্গ্যস্য গর্গভূমিস্তু বংশো বৎসস্য ধীমতঃ |
ব্রাহ্মণাঃ ক্ষত্রিয়াশ্চৈব তয়োঃ পুত্রাঃ সুধার্মিকাঃ || ২. ৬৭. ৭৮||
বিক্রান্তা বলবন্তশ্চ সিহতুল্যপরাক্রমাঃ |
ইত্যেতে কাশ্যপাঃ প্রোক্তা রজেরপি নিবোধত || ২. ৬৭. ৭৯||
রজেঃ পুত্রশতান্যাসন্পঞ্চ বীর্যবতো ভুবি |
রাজেয়মিতি বিখ্যাতং ক্ষত্র সিংদ্রভয়াবহম্ || ২. ৬৭. ৮০||
তদা দেবাসুরে যুদ্ধে সমুৎপন্নে সুদারুণে |
দেবাশ্চৈবাসুরাশ্চৈব পিতামহমথাব্রুবন্ || ২. ৬৭. ৮১||
আবয়োর্ভগবন্যুদ্ধে বিজেতা কো ভবিষ্যতি |
ব্রূহি নঃ সর্বলোকেশ শ্রোতুমিচ্ছামহে বয়ম্ || ২. ৬৭. ৮২||
ব্রহ্মোবাচ |
যেষামর্থায় সংগ্রামে রজিরাত্তায়ুধঃ প্রভুঃ |
যোৎস্যতে তে বিজষ্যন্তে ত্রীংল্লোকান্নাত্র সংশয়ঃ || ২. ৬৭. ৮৩||
রজির্যতস্ততো লক্ষ্মীর্যতো লক্ষ্মীস্ততো ধৃতিঃ |
যতো ধৃতিস্ততো ধর্মো যতো ধর্মস্ততো জয়ঃ || ২. ৬৭. ৮৪||
তে দেবা দানবাঃ সর্বে ততঃ শ্রুৎবা রজের্জয়ম্ |
অভ্যয়ুর্জয়মিচ্ছন্তঃ স্তুবন্তো রাজসত্তমম্ || ২. ৬৭. ৮৫||
তে হৃষ্টমনসঃ সর্বে রাজানং দেবদানবাঃ |
ঊচুরস্মজ্জয়ায় ৎবং গৃহাম বরকার্মুকম্ || ২. ৬৭. ৮৬||
রজিরুবাচ
অহং জেষ্যামি ভো দৈত্যা দেবাঞ্চ্ছ ক্রপুরোগমান্ |
ইন্দ্রো ভবামি ধর্মাত্মা ততো যোৎস্যে রণাজিরে || ২. ৬৭. ৮৭||
দানবা ঊচুঃ
অস্মাকমিন্দ্রঃ প্রহ্লাদস্তস্যার্থে বিজয়ামহে |
অস্মিন্তু সময়ে রাজংস্তিষ্ঠেথা দেবনোদিতে || ২. ৬৭. ৮৮||
স তথেতি ব্রুবন্নেব দেবৈরপ্যভিনোদিতঃ |
ভবিষ্যসীংদ্রো জিৎবেতি দেবৈরপি নিমন্ত্রিতঃ || ২. ৬৭. ৮৯||
জঘান দানবান্সর্বান্যেঽবধ্যা বজ্রপাণয়ঃ |
স বিপ্রনষ্টাং দেবানাং পরমশ্রীঃ শ্রিয়ং বশী || ২. ৬৭. ৯০||
নিহত্য দানবান্সর্বা নাজহার রজিঃ প্রভুঃ |
তং তথাহ রজিং তত্র দেবৈঃ সহ শতক্রতুঃ || ২. ৬৭. ৯১||
রজিপুত্রোঽহমিত্যুক্ত্বা পুনরেবাব্রহবীদ্বচঃ |
ইন্দ্রোঽসি রাজন্দেবানাং সর্বেষাং নাত্র সংশয়ঃ || ২. ৬৭. ৯২||
যস্যাহমিন্দ্রঃ পুত্রস্তে খ্যাতিং যাস্যামি শত্রুহন্ |
স তু শক্রবচঃ শ্রুৎবা বঞ্চিতস্তেন মায়য়া || ২. ৬৭. ৯৩||
তথেত্যেবাহ বৈ রাজা প্রীয়মাণঃ শতক্রতুম্ |
তস্মিংস্তু দেবসদৃশে দিবং প্রাপ্তে মহীপতৌ || ২. ৬৭. ৯৪||
দায়াদ্যমিন্দ্রাদা জহ্নুরাচার্যতনয়া রজেঃ |
তানি পুত্রশতান্যস্য তচ্চ স্থানং শচীপতেঃ || ২. ৬৭. ৯৫||
সমাক্রামন্ত বহুধা স্বর্গলোকং ত্রিবিষ্টপম্ |
ততঃ কালে বহুতিথে সমতীতে মহাবলঃ || ২. ৬৭. ৯৬||
হতরাজ্যোঽব্রবীচ্ছক্রো হতভাগো বৃহস্পতিম্ |
বদরী ফলমাত্রং বৈ পুরোডাশং বিধৎস্ব মে || ২. ৬৭. ৯৭||
ব্রহ্মর্ষে যেন তিষ্ঠেয়ং তেজসাপ্যায়িতস্ততঃ |
ব্রহ্মন্কৃশোঽহং বিমনা ৎদৃতরাজ্যো হৃতাসনঃ || ২. ৬৭. ৯৮||
হতৌজা দুর্বলো যুদ্ধে রজিপুত্রেঃ প্রসীদ মে |
বৃহস্পতিরুবাচ
যদ্যেবং চোদিতঃশক্র ৎবয়াস্যাং পূর্বমেব হি || ২. ৬৭. ৯৯||
নাভবিষ্যত্ত্বৎপ্রিয়ার্থমকর্ত্তব্যং মমানঘ |
প্রয়তিষ্যামি দেবেন্দ্র ৎবদ্ধিতার্থং মহাদ্যুতে || ২. ৬৭. ১০০||
যজ্ঞভাগং চ রাজ্যং চ অচিরাৎপ্রতিপৎস্যসে |
তথা শক্র গমিষ্যামি মা ভূত্তে বিক্লবং মনঃ || ২. ৬৭. ১০১||
ততঃ কর্ম চকারাস্য তেজঃসংবর্দ্ধনং মহৎ |
তেষাং চ বুদ্ধিসংমোহমকরোদ্বুদ্ধিসত্তমঃ || ২. ৬৭. ১০২||
তে যদা তু সুসংমূডা রাগান্মত্তো বিধর্মিণঃ |
ব্রহ্মদ্বিষশ্চ সংবৃত্তা হতবীর্যপরাক্রমাঃ || ২. ৬৭. ১০৩||
ততো লেভেঽসুরৈশ্বর্যমৈন্দ্রস্থানং তথোত্তমম্ |
হৎবা রজিসুতান্সর্বান্কামক্রোধপরায়ণান্ || ২. ৬৭. ১০৪||
য ইদং চ্যবনং স্থানাৎপ্রতিষ্ঠাং চ শতক্রতোঃ |
শৃণুয়াচ্ছ্রাবয়েদ্বাপি ন স দৌরাত্ম্যমাপ্নুয়াৎ || ২. ৬৭. ১০৫||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয় উপোদ্ধাতপাদে ধন্বন্তরিসংভবাদিবর্ণনং নাম সপ্তষষ্টিতমোঽধ্যায়ঃ || ৬৭||

ঋষয় ঊচুঃ
মরুতেন কথং কন্যা রাজ্ঞে দত্তা মহাত্মনা |
কিংবীর্যাশ্চ মহাত্মানো জাতা মরুতকন্যয়া || ২. ৬৮. ১||
সূত উবাচ
আহরৎস মরুৎসোমমন্নকামঃ প্রজেশ্বরঃ |
মাসিমাসি মহাতেজাঃ ষষ্টিসংবৎসরান্নৃপ || ২. ৬৮. ২||
তেন তে মরুতস্তস্য মরুৎসোমেন তোষিতাঃ |
অক্ষয়্যান্নং দদুঃ প্রীতাঃ সর্বকামপরিচ্ছদম্ || ২. ৬৮. ৩||
অন্নং তস্য সকৃদ্ভুক্তমহোরাত্রং ন ক্ষীয়তে |
কোটিশো দীয় মানং চ সূর্যস্যোদয়নাদপি || ২. ৬৮. ৪||
মিত্রজ্যোতেস্তু কন্যায়া মরিতস্য চ ধীমতঃ |
তস্মাজ্জাতা মহাসত্ত্বা ধর্মজ্ঞা মোক্ষদর্শিনঃ || ২. ৬৮. ৫||
সংন্যস্য গৃহধর্মাণি বৈরাগ্যং সমুপস্থিতাঃ |
যতিধর্মমবাপ্যেহ ব্রহ্মভূয়ায় তে গতাঃ || ২. ৬৮. ৬||
অনেনসঃ সুতো জাতঃ ক্ষত্রধর্মঃ প্রতাপবান্ |
ক্ষত্রধর্মসুতো জাতঃ প্রতিপক্ষো মহাতপাঃ || ২. ৬৮. ৭||
প্রতিপক্ষসুতশ্চাপি সৃংজয়ো নাম বিশ্রুতঃ |
সৃংজয়স্য জয়ঃ পুত্রো বিজয়স্তস্য জজ্ঞিবান্ || ২. ৬৮. ৮||
বিজয়স্য জয়ঃ পুত্রস্তস্য হর্যশ্বকঃ স্মৃতঃ |
ইর্যশ্বস্য সুতো রাজা সহদেবঃ প্রতাপবান্ || ২. ৬৮. ৯||
সহদেবস্য ধর্মাত্মা অহীন ইতি বিশ্রুতঃ |
অহীনস্য চয়ৎসেনস্তস্য পুত্রোঽথ সংকৃতিঃ || ২. ৬৮. ১০||
সংকৃতেরপি ধর্মাত্মা কৃতধর্মা মহায়শাঃ |
ইত্যেতে ক্ষত্রধর্মাণো নহুষস্য নিবোধত || ২. ৬৮. ১১||
নহুষস্য তু দায়াদাঃ ষডিন্দ্রোপমতেজসঃ |
যতির্যয়াতিঃ সংযাতিরায়তির্বিয়তিঃ কৃতিঃ || ২. ৬৮. ১২||
যতির্জ্যেষ্ঠস্তু তেষাং বৈ যয়াতিস্তু ততোঽবরঃ |
কাকুৎস্থকন্যাং গাং নাম লেভে পত্নীং যতিস্তদা || ২. ৬৮. ১৩||
স যতির্মোক্ষমাস্থায় ব্রহ্মভূতোঽভবন্মুনিঃ |
তেষাং মধ্যে তু পঞ্চানাং যয়াতিঃ পৃথিবীপতিঃ || ২. ৬৮. ১৪||
দেবয়ানীমুশনসঃ সুতাং ভার্যামবাপ হ |
শর্মিষ্ঠামাসুরীং চৈব তনয়াং বৃষপর্বণঃ || ২. ৬৮. ১৫||
যদুং চ তুর্বসুং চৈব দেবয়ানো ব্যজায়ত |
দ্রুহ্যুং চানুং চ পূরুং চ শর্মিষ্ঠা বার্ষপর্বণী || ২. ৬৮. ১৬||
অজীজনন্মহাবীর্যান্সুতান্দেবসুতোপমান্ |
রথং তস্মৈ দদৌ শক্রঃ প্রীতঃ পরমভাস্বরম্ || ২. ৬৮. ১৭||
অসংগং কাঞ্চনং দিব্যমক্ষয়ৌ চ মহেষুধী |
যুক্তং মনোজবৈরশ্বৈর্যেন কন্যাং সমুদ্বহৎ || ২. ৬৮. ১৮||
স তেন রথমুখ্যেন জিগায় সততং মহীম্ |
যয়াতির্যুধি দুর্দ্ধর্ষো দেবদানবমানবৈঃ || ২. ৬৮. ১৯||
পৌরবাণাং নৃপাণাং চ সর্বেষাং সোঽভবদ্রথী |
যাবৎসুদেশপ্রভবঃ কৌরবো জনমেজয়ঃ || ২. ৬৮. ২০||
কুরোঃ পৌত্রস্য রাজ্ঞরতু রাজ্ঞঃ পারীক্ষিতস্য হ |
জগাম সরথো নাশং শাপাদ্গার্গ্যস্য ধীমতঃ || ২. ৬৮. ২১||
গার্গ্যস্য হি সুতং বালং স রাজা জনমেজয়ঃ |
দুর্বুদ্ধির্হিংসয়া মাস লোহগন্ধী নরাধিপঃ || ২. ৬৮. ২২||
স লোহগন্ধী রাজর্ষিঃ পরিধাবন্নিতস্ততঃ |
পৌরজানপদৈস্ত্যক্তো ন লেভে শর্ম কর্হিচিৎ || ২. ৬৮. ২৩||
ততঃ স দুঃখসংতপ্তো নালভৎসংবিদং ক্বচিত |
স প্রায়াচ্ছৌনকমৃষিং শরণং ব্যথিতস্তদা || ২. ৬৮. ২৪||
ইন্দ্রোতোনাম বিখ্যাতো যোঽসৌ মুনি রুদারধীঃ |
যোজয়ামাস চৈন্দ্রোতঃ শৌনকো জনমেজয়ম্ || ২. ৬৮. ২৫||
অশ্বমেধেন রাজানং পাবনার্থং দ্বিজোত্তমাঃ |
স লোহগন্ধো ব্যনশত্ত স্যাবভৃথমেত্য হ || ২. ৬৮. ২৬||
স বৈ দিব্যো রথস্তস্মাদ্বসোশ্চেদিপতেস্তথা |
দত্তঃ শক্রেন তুষ্টেন লেভে তস্মাদ্বৃহদ্রথঃ || ২. ৬৮. ২৭||
ততো হৎবা জরাসংধং ভীমস্তং রথমুত্তমম্ |
প্রদদৌ বাসুদেবায় প্রীত্যা কৌরবনন্দনঃ || ২. ৬৮. ২৮||
স জরাং প্রাপ্য রাজর্ষির্যয়াতির্নহুষাত্মজঃ |
পুত্রং শ্রেষ্টং বরিষ্ঠং চ যদুমিত্যব্রবীদ্বচঃ || ২. ৬৮. ২৯||
জরাবলী চ মাং তাত পলিতানি চ পর্যয়ুঃ |
কাব্যস্যোশনসঃ শাপান্ন চ তৃপ্তোঽস্মি যৌবনে || ২. ৬৮. ৩০||
ৎবং যদো প্রতিপদ্যস্ব পাপ্মানং জরয়া সহ |
জরাং মে প্রতিগৃহ্ণীষ্ব তং যদুঃ প্রত্যুবাচ হ || ২. ৬৮. ৩১||
অনির্দিষ্টা হি মে ভিক্ষা ব্রাহ্মণস্য প্রতিশ্রুতা |
সা তু ব্যায়ামসাধ্যা বৈ ন গ্রহীষ্যামি তে জরাম্ || ২. ৬৮. ৩২||
জরায়াং বহবো দোষাঃ পানভোজনকারিতাঃ |
তস্মাজ্জরাং ন তে রাজন্গ্রহীতুমহমুৎসহে || ২. ৬৮. ৩৩||
সিতশ্মশ্রুধরো দীনো জরয়া শিথিলীকৃতঃ |
বলীসংততগাত্রশ্চ নিরাশো দুর্বলাকৃতিঃ || ২. ৬৮. ৩৪||
অশক্তঃ কার্যকরণে পরিবূতস্তু যৌবনে |
সহোপবীতিভিশ্চৈব তাং জরাং নাভিকাময়ে || ২. ৬৮. ৩৫||
সংতি তে বহবঃ পুত্রা মত্তঃ প্রিয়তরা নৃপ |
প্রতিগৃহ্ণন্তু ধর্মজ্ঞ পুত্রমন্যং বৃণীষ্ব বৈ || ২. ৬৮. ৩৬||
স এবমুক্তো যদুনা দীব্রকোপসমন্বিতঃ |
উবাচ বদতাং শ্রেষ্টো জ্যেষ্ঠং তং গর্হয়ন্সুতম্ || ২. ৬৮. ৩৭||
আশ্রমঃ কস্তবান্যোঽস্তি কো বা ধর্মবিধিস্তব |
মামনাদৃত্য দুর্বুদ্ধে যদহং তব দেশিকঃ || ২. ৬৮. ৩৮||
এবমুক্ত্বা যদুং রাজা শশাপৈনং স মন্যুমান্ |
যস্ত্বং মে ৎদৃদয়াজ্জাতো বয়ঃ স্বং ন প্রয়চ্ছসি || ২. ৬৮. ৩৯||
তস্মান্ন রাজ্যভাঙ্মূঢ প্রজা তে বৈ ভবিষ্যতি |
তুর্বসো প্রতিপদ্যস্ব পাপ্মানং জরয়া সহ || ২. ৬৮. ৪০||
তুর্বসুরুবাচ
ন কাময়ে জরাং তাত কামভোগপ্রণাশিনীম্ |
জরায়াং বহবো দোষাঃ পানভোজন কারিতাঃ || ২. ৬৮. ৪১||
তস্মাজ্জরাং ন তে রাজন্গ্রহীতুমহমুৎসহে |
যয়াতিরুবাচ
যস্ত্বং মে ৎদৃদয়াজ্জাতো বয়ঃ স্বং ন প্রয়চ্ছসি || ২. ৬৮. ৪২||
তস্মাৎপ্রজানু বিচ্ছেদং তুর্বসো তব যাস্যতি |
সংকীর্ণেষু চ ধর্মেণ প্রতিলোমনরেষু চ || ২. ৬৮. ৪৩||
পিশিতাশিষু চান্যেষু মূঢ রাজা ভবিষ্যসি |
গুরুদারপ্রসক্তেষু তির্যগ্যোনিগতেষু বা |
বাসস্তে পাপ ম্লেচ্ছেষু ভবিষ্যতি ন সংশয়ঃ || ২. ৬৮. ৪৪||
সূত উবাচ
এবং তু তুর্বসুংশপ্ত্বা যয়াতিঃ সুতমাত্মনঃ || ২. ৬৮. ৪৫||
শর্মিষ্ঠায়াঃ সুতং দ্রুহ্যুমিদং বচনমব্রবীৎ |
দ্রুহ্যো ৎবং প্রতিপদ্যস্ব বর্ণরূপবিনাশিনীম্ || ২. ৬৮. ৪৬||
জরা বর্ষসহস্রংবৈ যৌবনং স্বং দদস্ব মে |
পূর্ণে বর্ষসহস্রে তে প্রতিদাস্যামি যৌবনম্ || ২. ৬৮. ৪৭||
স্বং চাদাস্যামি ভূয়োঽহং পাপ্মানং জরয়া সহ |
দ্রুহ্যুরুবাচ
নারোহেত রথং নাশ্বং জীর্ণো ভুঙ্ক্তে ন চ স্ত্রিয়ম্ |
ন সুখং চাস্য ভবতি ন জরাং তেন কাময়ে || ২. ৬৮. ৪৮||
যয়াতিরুবাচ
যস্ত্বং মে হৃদয়াজ্জাতো বয়ঃ স্বং ন প্রয়চ্ছসি || ২. ৬৮. ৪৯||
তস্মাদ্দ্রুহ্যো প্রিয়ঃ কামো ন তে সংপৎস্যতে ক্বচিৎ |
নৌপ্লবোত্তরসংচারস্তব নিত্যং ভবিষ্যতি || ২. ৬৮. ৫০||
অরাজা রাজবংশস্ত্বং তত্র নিত্যং বসিষ্যসি |
অনো ৎবং প্রতিপাদ্যস্ব পাপ্মানং জরয়া সহ || ২. ৬৮. ৫১||
এবং বর্ষসহস্রং তু চরেয়ং যৌবনেন তে |
অনুরুবাচ
জীর্ণঃ শিশুরিবাশক্তো জরয়া হ্যশুচিঃ সদা |
ন জুহোতি স কালেঽগ্নিং তাং জরাং নাভিকাময়ে || ২. ৬৮. ৫২||
যয়াতিরূবাচ |
যস্ত্বং মে হৃদয়াজ্জাতো বয়ঃ স্বং ন প্রয়চ্ছসি || ২. ৬৮. ৫৩||
জরাদোষ স্ত্বয়োক্তোঽযং তস্মাত্ত্বং প্রতিপৎস্যসে |
প্রজা চ যৌবনং প্রাপ্তা বিনশিষ্যত্যনো তব || ২. ৬৮. ৫৪||
অগ্নিপ্রস্কন্দনপরাস্ত্বং বাপ্যেবং ভবিষ্যসি |
পূরো ৎবং প্রতিপদ্যস্ব পাপ্মানং জরয়া সহ || ২. ৬৮. ৫৫||
জরাবলী চ মাং তাত পলিতানি চ পর্যয়ুঃ |
কাব্যস্যোশনসঃ শাপান্ন চ তৃপ্তোঽস্মিয়ৌবনে || ২. ৬৮. ৫৬||
কঞ্চিৎকালং চরেয়ং বৈ বিষয়ান্বয়সা তব |
পূর্ণে বর্ষসহস্রে তে প্রতিদাস্যামি যৌবনম্ || ২. ৬৮. ৫৭||
স্বং চৈব প্রতিপৎস্যেঽহং পাপ্মানং জরয়া সহ |
সূত উবাচ
এবমুক্তঃ প্রত্যুবাচ পুত্রঃ পিতরমঞ্জসা || ২. ৬৮. ৫৮||
যথা তু মন্যসে তাত করিষ্যামি তথৈব চ |
প্রতিপৎস্যে চ তে রাজন্পাপ্মানং জরয়া সহ || ২. ৬৮. ৫৯||
গৃহাণ যৌবনং মত্তশ্চর কামান্যথেপ্সিতান্ |
জরয়াহং প্রতিচ্ছন্নো বয়োরূপধরস্তব || ২. ৬৮. ৬০||
যৌবনং ভবতে দত্ত্বা চরিষ্যামি যথার্থবৎ |
যয়াতিরুবাচ
পূরো প্রীতোঽস্মি ভদ্রং তে প্রীতশ্চেদং দদামি তে || ২. ৬৮. ৬১||
সর্বকামসমৃদ্ধা তে প্রজা রাজ্যে ভবিষ্যতি |
সূত উবাচ
পূরোরনুমতো রাজা যয়াতিঃ স্বজরাং ততঃ || ২. ৬৮. ৬২||
সংক্রাময়ামাস তদা প্রাসাদদ্ভার্গবস্য তু |
গৌরবেণাথ বয়সা যয়াতির্নহুষাত্মজঃ || ২. ৬৮. ৬৩||
প্রীতিয়ুক্তো নরশ্রেষ্ঠশ্চচার বিষয়ান্স্বকান্ |
যথাকামং যথোৎসাহং যথাকালং যথাসুখম্ || ২. ৬৮. ৬৪||
ধর্মাবিরোধী রাজেন্দ্রো যথাশক্তি স এব হি |
দেবানতর্পয়দ্যজ্ঞৈঃ পিৎৠঞ্শ্রাদ্ধৈস্তথৈব চ || ২. ৬৮. ৬৫||
দারাননুগ্রহৈরিষ্টৈঃ কামৈশ্চ দ্বিজসত্তমান্ |
অতিথীনন্নপানৈশ্চ বৈশ্যংশ্চ পরিপালনৈঃ || ২. ৬৮. ৬৬||
আনৃশংস্যেন শূদ্রাংশ্চ দস্যূন্সংনিগ্রহেণ চ |
ধর্মেণ চ প্রজাঃ সর্বা যথাবদনুরঞ্জয়ৎ || ২. ৬৮. ৬৭||
যয়াতিঃ পালয়ামাস সাক্ষাদিন্দ্র ইবাপরঃ |
স রাজা সিংহবিক্রান্তো যুবা বিষয়গোচরঃ || ২. ৬৮. ৬৮||
অবিরোধেন ধর্মস্য চচার সুখমুত্তমম্ |
স মার্গমাণঃ কামানামতদ্দোষনিদর্শনাৎ || ২. ৬৮. ৬৯||
বিশ্বাচ্যা সহিতো রেমে বৈব্রাজে নন্দনে বনে |
অপশ্যৎস যদা তান্বৈ বর্দ্ধমানান্নৃপস্তদা || ২. ৬৮. ৭০||
গৎবা পূরোঃ সকাশং বৈ স্বাং জরাং প্রত্যপদ্যত |
সংপ্রাপ্য স তু তান্কামাংস্তৃপ্তঃ খিন্নশ্চ পার্থিবঃ || ২. ৬৮. ৭১||
কালং বর্ষসহস্রং বৈ সস্মার মনুজাধিপঃ |
পরিসংখ্যায় কালে চ কলাঃ কাষ্ঠাস্তথৈব চ || ২. ৬৮. ৭২||
পূর্ণং মৎবা ততঃ কালং পূরুং পুত্রমুবাচ হ |
যথা সুখং যথোৎসাহং যথাকালমরিন্দম || ২. ৬৮. ৭৩||
সেবিতা বিষয়ঃ পুত্র যৌবনেন ময়া তব |
পূরো প্রীতোঽস্মি ভদ্রং তে গৃহাণ ৎবং স্বয়ৌবনম্ || ২. ৬৮. ৭৪||
রাজ্যং চ ৎবং গৃহাণেদং ৎবং হি মে প্রিয়কৃৎসুতঃ |
প্রতিপেদে জরাং রাজা যয়াতির্নহুষাত্মজঃ || ২. ৬৮. ৭৫||
যৌবনং প্রতিপেদে চ পূরুঃ স্বং পুনরাত্মনঃ |
অভিষেক্তুকামং চ নৃপং পূরুং পুত্রং কনীয়সম্ || ২. ৬৮. ৭৬||
ব্রাহ্মণপ্রমুখা বর্ণা ইদং বচনমব্রুবন্ |
কথং শুক্রস্য নপ্তারং দেবয়ান্যাঃ সুতং প্রভো || ২. ৬৮. ৭৭||
জ্যেষ্ঠং যদুমতিক্রম্য রাজ্যং দাস্যসি পূরবে |
যদুর্জ্যেষ্ঠস্তব সুতো জাতস্তমনুদতুর্বসুঃ || ২. ৬৮. ৭৮||
শর্মিষ্ঠায়াঃ সুতো দ্রুহ্যুস্ততোঽনুঃ পূরুরেব চ |
কথং জ্যেষ্ঠানতিক্রম্য কনীয়ান্রাজ্যমর্হতি |
সুতঃ সংবোধয়ামস্ত্বাং ধর্মং সমনুপালয় || ২. ৬৮. ৭৯||
যয়াতিরুবাচ
ব্রাহ্মণপ্রমুখা বর্ণাঃ সর্বে শৃণ্বন্তু মে বচঃ || ২. ৬৮. ৮০||
জ্যেষ্ঠং প্রতি যথা রাজ্যং ন দেয়ং মে কথঞ্চন |
মাতাপিত্রোর্বচনকৃদ্বীরঃ পুত্রঃ প্রশস্যতে || ২. ৬৮. ৮১||
মম জ্যেষ্ঠেন যদুনা নিয়োগো নানুপালিতঃ |
প্রতিকূলঃ পিতুর্যশ্চ ন স পুত্রঃ সতাংমতঃ || ২. ৬৮. ৮২||
স পুত্রঃ পুত্রবদ্যশ্চ বর্ত্ততে পিতৃমাতৃষু |
যদুনাহমবজ্ঞাতস্তথা তুর্বসুনাপি চ || ২. ৬৮. ৮৩||
দ্রুহ্যুনা চানুনা চৈব ময়্যবজ্ঞা কৃতা ভৃশম্ |
পূরুণা তু কৃতং বাক্যং মানিতশ্চ বিশেষতঃ || ২. ৬৮. ৮৪||
কনীয়ান্মম দায়াদো জরা যেন ধৃতা মম |
সর্বে কামা মম কৃতাঃ পূরুণা পুণ্যকারিণা || ২. ৬৮. ৮৫||
শুক্রেণ চ বরো দত্তঃ কাব্যেনোশনসা স্বয়ম্ |
পুত্রো যস্ত্বানুবর্ত্তেত স রাজা তু মহামতে || ২. ৬৮. ৮৬||
প্রজা ঊচুঃ
ভবতোঽনুমতোঽপ্যেবং পূরূ রাজ্যেঽভিষিচ্যতাম্ |
যঃ পুত্রো গুণসংপন্নো মাতাপিত্রোর্হিতঃ সদা || ২. ৬৮. ৮৭||
সর্বমর্হতি কল্যাণং কনীয়ানপি স প্রভুঃ |
অর্হেঽস্য পূরূ রাজ্যস্য যঃ প্রিয়ঃ প্রিয়কৃত্তব || ২. ৬৮. ৮৮||
বরদানেন শুক্রস্য ন শক্যং বক্তুমুত্তরম্ |
পৌরজান পদৈস্তুষ্টৈরিত্যুক্তে নাহুষস্তদা || ২. ৬৮. ৮৯||
অভিষিচ্য ততঃ পূরুং স রাজ্যে সুতমাত্মনঃ |
দিশি দক্ষিণপূর্বস্যাং তুর্বসুং তু ন্যবেশয়ৎ || ২. ৬৮. ৯০||
দক্ষিণাপরতো রাজা যদুং জ্যেষ্ঠং ন্যবেশয়ৎ |
প্রতীচ্যামুত্তরস্যাং চ দ্রুহ্যুং চানুং চ তাবুভৌ || ২. ৬৮. ৯১||
সপ্তদ্বীপাং যয়াতিস্তু জিৎবা পৃথ্বীং সসাগরাম্ |
ব্যভজৎপঞ্চধা রাজা পুত্রেভ্যো নাহুষস্তদা || ২. ৬৮. ৯২||
তৈরিয়ং পৃথিবী সর্বা সপ্তদ্বীপা সপত্তনা |
যথাপ্রদেশং ধর্মজ্ঞৈর্ধর্মেণ প্রতিপান্যতে || ২. ৬৮. ৯৩||
এবং বিভজ্য পৃথিবীং পুত্রেভ্যো নাহুষস্তদা |
পুত্রসংক্রামিতশ্রীস্তু প্রীতিমা নভবন্নৃপঃ || ২. ৬৮. ৯৪||
ধনুর্ন্যস্য পৃষৎকাংশ্চ রাজ্যং চৈব সুতেষু তু |
প্রীতিমানভবদ্রাজা ভারমাবেশ্য বন্ধুষু || ২. ৬৮. ৯৫||
অত্র গাথা মহারাজ্ঞা পুরা গীতা যয়াতিনা |
যাভিঃ প্রত্যাহরেৎকামাৎকূর্মৌংঽগানীব সর্বশঃ || ২. ৬৮. ৯৬||
ন জাতু কামঃ কামানমুপভোগেন শাম্যতি |
হবিষা কৃষ্ণবর্ত্মেব ভূয় এবাভিবর্দ্ধতে || ২. ৬৮. ৯৭||
যৎপৃথিব্যাং ব্রীহিয়বং হিরণ্যং পশবঃ স্ত্রিয়ঃ |
নালমেকস্য তৎসর্বমিতি পশ্যন্ন মুহ্যতি || ২. ৬৮. ৯৮||
যদা ন কুরুতে ভাবং সর্বভূতেষ্বমঙ্গলম্ |
কর্মণা মনসা বাচা ব্রহ্ম সংপদ্যতে তদা || ২. ৬৮. ৯৯||
যদা পরান্ন বিভেতি যদান্যস্মান্ন বিভ্যতি |
যদা নেচ্ছতি ন দ্বেষ্টি ব্রহ্ম সংপদ্যতে তদা || ২. ৬৮. ১০০||
যা দুস্ত্যজা দুর্মতিভির্যা ন জীর্যতি জীর্যতঃ |
যৈষা প্রাণান্তিকো রোগস্তাং তৃষ্ণাং ত্যজতঃ সুখম্ || ২. ৬৮. ১০১||
জীর্যন্তি জীর্যতঃ কেশা দন্তা জীর্যন্তি জীর্যতঃ |
জীবিতাশা ধনাশা চ জীর্যতোঽপি ন জীর্যতি || ২. ৬৮. ১০২||
যচ্চ কামসুখং লোকে যচ্ছ দিব্যং মহৎসুখম্ |
কৃষ্ণাক্ষয়সুখস্যৈতৎকলাং নর্হন্তি ষোডশীম্ || ২. ৬৮. ১০৩||
এবমুক্ত্বা স রাজর্ষিঃ সদারঃ প্রস্থিতো বনম্ |
ভৃগুতুঙ্গে তপস্তপ্ত্বা তত্রৈব চ মহায়শাঃ || ২. ৬৮. ১০৪||
পালয়িৎবা ব্রতং চার্ষং তত্রৈব স্বর্গ মাপ্তবান্ |
তস্য বংশাস্তু পঞ্চৈতে পুণ্যা দেবর্ষিসৎকৃতাঃ || ২. ৬৮. ১০৫||
যৈর্ব্যাপ্তা পৃথিবী কৃৎস্না সূর্যস্যেব গভস্তিভিঃ |
ধন্যঃ প্রজাবা নায়ুষ্মান্কীর্ত্তিমাংশ্চ ভবেন্নরঃ || ২. ৬৮. ১০৬||
যয়াতেশ্চারিতং সর্বং পঠঞ্ছৃণ্বন্দ্বিজোত্তমাঃ || ২. ৬৮. ১০৭||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয় উপোদ্ধাতপাদে অষ্টষষ্টিতমোঽধ্যায়ঃ || ৬৮||

সূত উবাচ
যদোর্বংশং প্রবক্ষ্যামি জ্যেষ্ঠস্যোত্তমতেজসঃ |
বিস্তরেণানুপূর্ব্যা চ গদতো মে নিবোধত || ২. ৬৯. ১||
যদোঃ পুত্রা বভূবুর্হি পঞ্চ দেবসুতোপমাঃ |
সহস্রজিদথ শ্রেষ্ঠঃ ক্রোষ্টুর্নীলোঞ্জিকো লঘুঃ || ২. ৬৯. ২||
সহস্রজিৎসুতঃ শ্রীমাঞ্ছতজিন্নাম পার্থিবঃ |
শতজিত্তনয়াঃ খ্যাতস্ত্রয়ঃ পরমধার্মিকাঃ || ২. ৬৯. ৩||
হৈহয়শ্চ হয়স্ছৈব রাজা বেণু হয়স্তথা |
হৈহয়স্য তু দায়াদো ধর্মনেত্র ইতি শ্রুতঃ || ২. ৬৯. ৪||
ধর্মনেত্রস্য কুন্তিস্তু সংক্ষেয়স্তস্য চাত্মজঃ |
সংজ্ঞেয়স্য তু দায়াদো মহিষ্মান্নাম পার্থিবঃ || ২. ৬৯. ৫||
আসীন্মহিষ্মতঃ পুত্রো ভদ্রমেনঃ প্রতাপবান্ |
বারাণস্যধিপো রাজা কথিতঃ পূর্ব এব হি || ২. ৬৯. ৬||
ভদ্র সেনস্য দায়াদো দুর্মদো নাম পার্থিবঃ |
দুর্মদস্যসুতো ধীমান্কনকো নাম বিশ্রুতঃ || ২. ৬৯. ৭||
কনকস্য তু দায়াদাশ্চৎবারো লোকবিশ্রুতাঃ |
কৃতবীর্যঃ কৃতাগ্নিশ্চ কৃতবর্মা তথৈব চ || ২. ৬৯. ৮||
কৃতৌজাশ্চ চতুর্থোঽভূৎকৃতবীর্যাত্মজোর্ঽজুনঃ |
জজ্ঞে বাহুসহস্রেণ সপ্তদ্বীপেশ্বরো নৃপঃ || ২. ৬৯. ৯||
স হি বর্ষায়ুতং তপ্ত্বা তপঃ পরমদুশ্চরম্ |
দত্তমারাধয়ামাস কার্ত্তবীর্যোঽত্রিসংভবম্ || ২. ৬৯. ১০||
তস্মৈ দত্তো বরান্প্রাদাচ্চ তুরো ভূরিতেজসঃ |
পূর্বং বাহুসহস্রং তু স বব্রে প্রথমং বরম্ || ২. ৬৯. ১১||
অধর্মং ধ্যায়মানস্য সহসাস্মান্নিবারণম্ |
ধর্মেণ পৃথিবীং জিৎবা ধর্মেণৈবানুপালনম্ || ২. ৬৯. ১২||
সংগ্রামাংস্তু বহুঞ্জিৎবা হৎবা চারীন্সহস্রশঃ |
সংগ্রামে যুধ্যমানস্য বধঃ স্যাৎপ্রধনে মম || ২. ৬৯. ১৩||
তেনেয়ং পৃথিবী কৃৎস্না সপ্তদ্বীপা সপত্তনা |
সপ্তোদধিপরিক্ষিপ্তা ক্ষত্রেণ বিধিনা জিতা || ২. ৬৯. ১৪||
তস্য বাহুসহস্রং তু যুধ্যতঃ কিলয়োগতঃ |
যোগো যোগেশ্বরস্যেব প্রাদুর্ভবতি মায়য়া || ২. ৬৯. ১৫||
তেন সপ্তসু দ্বীপেষু সপ্তয়জ্ঞশতানি বৈ |
কৃতানি বিধিনা রাজ্ঞা শ্রূয়তে মুনিসত্তমাঃ || ২. ৬৯. ১৬||
সর্বে যজ্ঞা মহাবাহোস্তস্যামন্ভূরিতেজসঃ |
সর্বে কাঞ্চনবেদীকাঃ সর্বে যূপৈশ্চ কাঞ্চনৈঃ || ২. ৬৯. ১৭||
সর্বৈর্দেবৈর্মহাভাগৈ র্বিমানস্থৈরলঙ্কৃতাঃ |
গন্ধর্বৈরপ্সরোভিশ্চ নিত্যমেবোপশোভিতাঃ || ২. ৬৯. ১৮||
তস্য রাজ্ঞো জগৌ গাথাং গন্ধর্বো নারদস্তদা |
চরিতং তস্য রাজর্ষের্মহিমানং নিরীক্ষ্য চ || ২. ৬৯. ১৯||
ন নূনং কার্ত্তবীর্যস্য গতিং যাস্যন্তি মানবাঃ |
যজ্ঞৈর্দানৈস্তপোভিশ্চ বিক্রমেণ শ্রুতেন চ || ২. ৬৯. ২০||
দ্বীপেষু সপ্তসু স বৈ ধন্বী খড্গী শারাসনী |
রথী রাজা সানুচরো যোগাচ্চৈবানুদৃশ্যতে || ২. ৬৯. ২১||
অনষ্টদ্রব্যতা চাসীন্ন ক্লেশো ন চ বিভ্রমঃ |
প্রভাবেণ মহারাজ্ঞঃ প্রজা ধর্মেণ রক্ষিতঃ || ২. ৬৯. ২২||
পঞ্চাশীতিসহস্রাণি বর্ষাণাং স নরাধিপঃ |
স সর্বরত্নভাক্স ম্রাট্ চক্রবর্তী বভূব হ || ২. ৬৯. ২৩||
স এষ পশুপালোঽভূৎক্ষেত্রপালস্তথৈ ব চ |
স এব বৃষ্ট্যা পর্জন্যো যোগিৎবাদর্জুনোঽভবৎ || ২. ৬৯. ২৪||
স বে বাহুসহস্রেণ জ্যাঘাতকঠিনেন চ |
ভাতি রশ্মিসহস্রেণ শারদেনৈব ভাস্করঃ || ২. ৬৯. ২৫||
স হি নাগসহক্রেণ মাহিষ্মত্যাং নরাধিপঃ |
কর্কোটকসভাং জিৎবা পুরীং তত্র ন্যবেশয়ৎ || ২. ৬৯. ২৬||
স বৈ বেগং সমুদ্রস্য প্রাবৃট্কালেংবুজেক্ষণঃ |
ক্রীডন্নেব সুখোদ্বিগ্নঃ প্রাবৃট্কালং চকার হ || ২. ৬৯. ২৭||
লুলিতা ক্রীডতা তেন হেমস্রগ্দামমালিনী |
ঊর্মিমুক্তার্ত্তসন্নাদা শঙ্কিতাভ্যেতি নর্মদা || ২. ৬৯. ২৮||
পুরা ভুজ সহস্রেণ স জগাহে মহার্মবম্ |
চকারোদ্বৃত্তবেলং তমকালে মারুতোদ্ধতম্ || ২. ৬৯. ২৯||
তস্য বাহুসহস্রেণ ক্ষোভ্যমাণে মহোদধৌ |
ভবন্তি লীনা নিশ্চেষ্টাঃ পাতালস্থা মহাসুরাঃ || ২. ৬৯. ৩০||
চূর্ণীকৃতমহাবীচিলীনমীনমহাবিষম্ |
পতিতাবিদ্ধফেনৌঘমাবর্ত্তক্ষিপ্তদুস্সহম্ || ২. ৬৯. ৩১||
চকার ক্ষোভয়ন্রাজা দোঃসহস্রেণ সাগরম্ |
দেবাসুরপরিক্ষিপ্তং ক্ষীরোদমিব সাগরম্ || ২. ৬৯. ৩২||
মন্দরক্ষোভণভ্রান্তমমৃতোৎপত্তি হেতবে |
সহসা বিদ্রুতা ভীতা ভীমং দৃষ্ট্বা নৃপোত্তমম্ || ২. ৬৯. ৩৩||
নিশ্চিতং নতমূর্দ্ধানো বভূবুশ্চ মহোরগাঃ |
সায়াহ্নে কদলীখঞ্চ নিবাতেস্তমিতা ইব || ২. ৬৯. ৩৪||
জ্যামারোপ্য দৃঢে চাপে সায়কৈঃ পঞ্চভিঃ শতৈঃ |
লঙ্কেশং মোহয়িৎবা তু সবলং রাবণং বলাৎ || ২. ৬৯. ৩৫||
নির্জিত্য বশমানীয় মাহিষ্মত্যাং ববন্ধ তম্ |
ততো গৎবা পুলস্ত্যস্তমর্জুনং চ প্রসাধয়ৎ || ২. ৬৯. ৩৬||
মুমোচ রাজা পৌলস্ত্যং পুলস্ত্যেনা নুয়াচিতঃ |
তস্য বাহুসহস্রস্য বভূব জ্যাতলস্বনঃ || ২. ৬৯. ৩৭||
যুগান্তেংবুদবৃন্দস্য স্ফুটিতস্যাশনেরিব |
অহো মৃধে মহাবীর্যো ভার্গবস্তস্য যোঽচ্ছিনৎ || ২. ৬৯. ৩৮||
মৃধে সহস্রং বাহুনাং হেমতালবনং যথা |
তৃষিতেন কদাচিৎস ভিক্ষিতশ্চিত্রভানুনা || ২. ৬৯. ৩৯||
সপ্তদ্বীপাংশ্চিত্রভানোঃ প্রাদদ্ভিক্ষাং বিশাংপতিঃ |
পুরাণি ঘোষান্গ্রামাংশ্চ পত্তনানি চ সর্বশঃ || ২. ৬৯. ৪০||
জজ্বাল তস্য বাণেষু চিত্রাভানুর্দিধক্ষয়া |
স তস্য পুরুষেন্দ্রস্য প্রতাপেন মহায়শাঃ || ২. ৬৯. ৪১||
দদাহ কার্ত্তবীর্যস্য শৈলাংশ্চাপি বনানি চ |
স শূন্যমাশ্রমং সর্বং বরুণস্যাত্মজস্য বৈ || ২. ৬৯. ৪২||
দদাহ সবনাটোপং চিত্রভানুঃ স হৈহয়ঃ |
যং লেভে বরুণঃ পুত্রং পুরা ভাস্বন্তমুত্তমম্ || ২. ৬৯. ৪৩||
বসিষ্ঠনামা স মুনিঃ খ্যাত আপব ইত্যুত |
তত্রাপবস্তদা ক্রোধাদর্জুনং শপ্তবান্বিভুঃ || ২. ৬৯. ৪৪||
যস্মান্নবর্জিতমিদং বনং তে মম হৈহয় |
তস্মাত্তে দুষ্করং কর্ম কৃতমন্যো হনিষ্যতি || ২. ৬৯. ৪৫||
অর্জুনো নাম কৈন্তেয়ঃ স চ রাজা ভবিষ্যতি |
অর্জুনং চ মহাবীর্যো রামঃ প্রহরতাং বরঃ || ২. ৬৯. ৪৬||
ছিত্ত্বা বাহুসহস্রং বৈ প্রমথ্য তরসা বলী |
তপস্বী ব্রাহ্মণশ্চৈব বধিষ্যতি মহাবলঃ || ২. ৬৯. ৪৭||
তস্য রামস্তদা হ্যাসীন্মৃত্যুঃ শাপেন ধীমতঃ |
রাজ্ঞা তেন বরশ্চৈব স্বয়মেব বৃতঃ পুরা || ২. ৬৯. ৪৮||
তস্য পুত্রশতং ৎবাসীৎপঞ্চ তত্র মহারথাঃ |
কৃতাস্ত্রা বলিনঃ শূরা ধর্মাত্মানো যশস্বিনঃ || ২. ৬৯. ৪৯||
শূরশ্চ শূরসেনশ্চ বৃষাস্যো বৃষ এব চ |
জয়ধ্বজো বংশকর্ত্তা অবন্তিষু বিশাংপতিঃ || ২. ৬৯. ৫০||
জয়ধ্বজস্য পুত্রস্তু তালজঙ্ঘঃ প্রতাপবান্ |
তস্য পুত্রশতং ৎবেবং তালজঙ্ঘা ইতিশ্রুতম্ || ২. ৬৯. ৫১||
তেষাং পঞ্চ গণাঃ খ্যাতা হৈহয়ানাং মহাত্মনাম্ |
বীতিহোত্রাশ্চ সংজাতা ভোজাশ্চাবন্তয়স্তথা || ২. ৬৯. ৫২||
তুণ্ডিকেরাশ্চ বিক্রান্তাস্তালজঙ্ঘাস্তথৈব চ |
বীতিহোত্রসুতশ্চাপি অনন্তো নাম পার্থিবঃ || ২. ৬৯. ৫৩||
দুর্জয়স্তস্য পুত্রস্তু বভূবামিত্রকর্শনঃ |
অনষ্ট দ্রব্যতা চৈব তস্য রাজ্ঞো বভূব হ || ২. ৬৯. ৫৪||
প্রভাবেণ মহারাজঃ প্রজাস্তাঃ পর্যপালয়ৎ |
ন তস্য বিত্তনাশঃ স্যান্নষ্টং প্রতিলভেচ্চ সঃ || ২. ৬৯. ৫৫||
কার্ত্তবীর্যস্য যো জন্ম কথয়েদিহ ধীমতঃ |
বর্দ্ধন্তে বিভবাশ্শশ্বদ্ধর্মশ্চাস্য বিবর্দ্ধতে || ২. ৬৯. ৫৬||
যথা যষ্টা যথা দাতা তথা স্বর্গে মহীপতে || ২. ৬৯. ৫৭||
ইতি শ্রীব্রহ্মাণ্ডে মহোপুরাণে বায়ুপ্রোক্তে মধ্যমভাগে তৃতীয় উপোদ্ধাতপাদে ভার্গবচরিতে কার্ত্তবীর্যসংভবো নাম একোনসপ্ততিতমোঽধ্যায়ঃ || ৬৯||

ঋষয় ঊচুঃ
কিমর্থং তু বনং দগ্ধমাপবস্য মহাত্মনঃ |
কার্ত্তবীর্যেণ বিক্রম্য তন্নঃ প্রব্রূহি পৃচ্ছতাম্ || ২. ৭০. ১||
রক্ষিতা সতু রাজর্ষিঃ প্রজানামিতি নঃ শ্রুতম্ |
কথং সরক্ষিতা ভূৎবা নাশয়েত তপোবনম্ || ২. ৭০. ২||

[verses 2.70.3 to 49 not available at present]

ইতি শ্রীব্রহ্মাণ্ডে মহোপুরাণে বায়ুপ্রোক্তে মধ্যমভাগে তৃতীয় উপোদ্ধাতপাদে ভার্গবচরিতে ? ? ? ? নাম সপ্ততিতমোঽধ্যায়ঃ || ৭০||