২.০৯ ব্রহ্মাণ্ডমহাপুরাণং – মধ্যভাগ (অধ্যায় ৫১-৬০)

সগর উবাচ
কুশলং মম সর্বত্র মহর্ষে নাত্র সংশয়ঃ |
যস্য মে ৎবমনুধ্যাতা শমং ভার্গবসত্তমঃ || ২. ৫১. ১||
যস্তথা শিক্ষিতঃ পূর্বমস্ত্রে শস্ত্রে চ সাংপ্রতম্ |
সোঽহং কথমশক্তঃ স্যাং সকলারিবিনিগ্রহে || ২. ৫১. ২||
ৎবং মে গুরুঃ সুহৃদ্দৈবং বন্ধুর্মিত্রং চ কেবলম্ |
ন হ্যন্যমভিজানামি ৎবামৃতে পিতরং চ মে || ২. ৫১. ৩||
ৎবয়োপদিষ্টেনাস্ত্রেণ সকলা ভূভৃতো ময়া |
বিজিতা যদনুস্মৃত্যা শক্তিঃ সা তপসস্তব || ২. ৫১. ৪||
তপসা ৎবং জগৎসর্বং পুনাসি পরিপাসি চ |
স্রষ্টুং সংহর্ত্তুমপি চ শক্নোষ্যেব ন সংশয়ঃ || ২. ৫১. ৫||
মহাননন্যসামান্যপ্রভাবস্তপসশ্চ তে |
ইহ তস্যৈকদেশোঽপি দৃশ্যতে বিস্ময়প্রদঃ || ২. ৫১. ৬||
পশ্যসিংহাসনে বাল্যাদুপেত্য মৃগপোতকঃ |
পিবত্যংভঃ শনৈর্ব্রহ্মন্নিঃশঙ্কং তে তপোবনে || ২. ৫১. ৭||
ধয়ত্যত্রাতিবিস্রংভাৎ কৃশাপি হরিণী স্তনম্ |
করোতি মৃগশৃঙ্গাগ্রে গণ্ডকণ্ডূয়নং রুরুঃ || ২. ৫১. ৮||
নবপ্রসূতাং হরিণীং হৎবা বৃত্ত্যৈ বনান্তরে |
ব্যাঘ্রী ৎবত্তপসাবাসে সৈব পুষ্ণাতি তচ্ছিশূন্ || ২. ৫১. ৯||
গজং দ্রুতমনুদ্রুত্য সিংহো যস্মাদিদং বনম্ |
প্রবিষ্টোঽনুসরন্তৌ ৎবদ্ভয়াদেকত্র তিষ্ঠতঃ || ২. ৫১. ১০||
নকুলস্ত্বাশুমার্জারময়ূরশশপন্নগাঃ |
বৃকসূকরশার্দূলশরভর্ক্ষপ্লবঙ্গমাঃ || ২. ৫১. ১১||
সৃগালা গবয়াগাবো হরিণা মহিষাস্তথা |
বনেঽত্র সহজং বৈরং হিৎবা মৈত্রীমুপাগতাঃ || ২. ৫১. ১২||
এবংবিধা তপঃশক্তির্লোকবিস্ময়দায়িনী |
ন ক্বাপি দৃশ্যতে ব্রহ্মংস্ত্বামৃতে ভুবি দুর্লভা || ২. ৫১. ১৩||
অহং তু ৎবৎপ্রসাদেন বিজিত্য বসুধামি মাম্ |
রিপুভিঃ সহ বিপ্রর্ষে স্বরাজ্যং সমুপাগতঃ || ২. ৫১. ১৪||
বশ্যামাত্যস্ত্রিবর্গেঽপি যথায়োগ্যকৃতাদরঃ |
ৎবয়োপদিষ্টমার্গেণ সম্যগ্রাজ্যমপালয়ম্ || ২. ৫১. ১৫||
এবং প্রবর্ত্তমানস্য মম রাজ্যেঽবতিষ্ঠতঃ |
ভবদ্দিদৃক্ষা সংজাতা সাপেক্ষা ভৃগুপুঙ্গব || ২. ৫১. ১৬||
কিং ৎবদ্য ময়ি পর্যাপ্তমনপত্যতয়ৈব মে |
পিতৃপিণ্ডপ্রদানেন সহ সংরক্ষণং ভুবঃ || ২. ৫১. ১৭||
তদিদং দুঃশমত্যর্থমনিবার্যং মনোগতম্ |
নানয়োঽপহর্ত্তাং লোকংঽস্মিন্ মমেতি ৎবামুপাগতঃ || ২. ৫১. ১৮||
ইত্যুক্তঃ সগরেণাথ স্থিৎবা সোঽতর্মনাঃ ক্ষণম্ |
উবাচ ভগবানৌর্বঃ সনিদেশমিদং বচঃ || ২. ৫১. ১৯||
নিয়ম্য সহ ভার্যাভ্যাং কিঞ্চিৎকালমিহাবস |
অবাপ্স্যতি ততোঽভীষ্টং ভবান্নাত্র বিচারমা || ২. ৫১. ২০||
স চ তত্রাবসৎপ্রীতস্তচ্ছুশ্রূষাপরায়মঃ |
পত্নীভ্যাং সহ ধর্মাত্মা ভক্তিয়ুক্তশ্চিরং তদা || ২. ৫১. ২১||
রাজপত্ন্যৌ চ তে তস্য সর্বকালমতন্দ্রিতে |
মুনেরতনুতাং প্রীতিং বিনয়াচারভক্তিভিঃ || ২. ৫১. ২২||
ভক্ত্যা শুশ্রূষয়া চৈব তয়োস্তুষ্টো মহামুনিঃ |
রাজপত্ন্যৌ সমাহূয় ইদং বচনম ব্রবীৎ || ২. ৫১. ২৩||
ভবত্যৌ বরমস্মত্তো ব্রিয়তাং কামমীপ্সিতম্ |
দাস্যামি তং ন সংদেহো যদ্যপি স্যাৎসুদুর্ল্লভম্ || ২. ৫১. ২৪||
ততঃ প্রণম্যশিরসা তেঽপ্যুভে তং মহামুনিম্ |
ঊচতুর্ভগবান্পুত্রান্কাময়াবেতি সাদরম্ || ২. ৫১. ২৫||
ততস্তে ভগবানাহ ভবতীভ্যাং ময়া পুনঃ |
রাজ্ঞশ্চপ্রিয়কামেন বরো দত্তোঽযমীপ্সিতঃ || ২. ৫১. ২৬||
পুত্রবত্যৌ মহাভাগে ভবত্যৌ মৎপ্রসাদতঃ |
ভবেতাং ধ্রুবমন্যচ্চ শ্রূয়তাং বচনং মম || ২. ৫১. ২৭||
পুত্রো ভবিষ্যত্যেকস্যামেকঃ সোঽনতিধার্মিকঃ |
তথাপি তস্য কল্পান্তং সংভূতিশ্চ ভবিষ্যতি || ২. ৫১. ২৮||
ষষ্টিঃ পুত্রসহস্রাণামপরস্যাং চ জায়তে |
অকৃতার্থাশ্চ তে সর্বে বিনঙ্ক্ষ্যন্ত্যচিরাদিব || ২. ৫১. ২৯||
এবংবিধগুণেপেতো বরৌ দত্তৌ ময়া যুবাম্ |
অভীপ্সিতং তু যদ্যস্যাঃ স্বেচ্ছয়া তৎপ্রকীর্ত্যতাম্ || ২. ৫১. ৩০||
এবমুক্তে তু মুনিনা বৈদর্ভ্যান্বয়বর্দ্ধনম্ |
বরয়ামাস তনয়ং পুত্রানন্যাস্তথা পরা || ২. ৫১. ৩১||
ইতি দত্ত্বা বরং রাজ্ঞে সগরায় মহামুনিঃ |
সভার্যামনুমান্যৈনং বিসসর্জ পুরীং প্রতি || ২. ৫১. ৩২||
মুনিনা সমনুজ্ঞাতঃ কৃত কৃত্যো মহীপতিঃ |
রথমারুহ্য বেগেন সপ্রিয়ঃ প্রয়য়ৌ পুরীম্ || ২. ৫১. ৩৩||
স প্রবিশ্য পুরীং রম্যাং ৎদৃষ্টপুষ্টজনাবৃতাম্ |
আনন্দিতঃ পৌরজনৈ রেমে পরময়া মুদা || ২. ৫১. ৩৪||
এতস্মিন্নেব কালে তু রাজপত্ন্যাবুভে নৃপ |
রাজ্ঞে প্রাবোচতাং গর্ভং মুদা পরময়া যুতে || ২. ৫১. ৩৫||
ববৃধে চ তয়োর্গর্ভঃ শুক্লপক্ষে যথোডুরাট্ |
সহ সংতোষসংপত্ত্যা পিত্রোঃ পৌরজনস্য চ || ২. ৫১. ৩৬||
সংপূর্ণে তু ততঃ কালে মুহূর্তে কেশিনীশুভে |
অসূয়তাগ্নিগর্ভাভং কুমারমমিতদ্যুতিম্ || ২. ৫১. ৩৭||
জাতকর্মাদিকং তস্য কৃৎবা চৈব যথাবিধি |
অসমঞ্চস ইত্যেব নাম তস্যা করোন্নৃপঃ || ২. ৫১. ৩৮||
সুমতিশ্চাপি তৎকালে গর্ভালাবমসূয়ত |
সংপ্রসূতং তু তং ত্যক্তং দৃষ্ট্বা রাজাকরোন্মনঃ || ২. ৫১. ৩৯||
তজ্জ্ঞাৎবা ভগবানৌর্বস্তত্রাগচ্ছদ্যদৃচ্ছয়া |
সম্যক্ সংভাবিতো রাজ্ঞা তমুবাচ ৎবরান্বিতঃ || ২. ৫১. ৪০||
গর্ভালাবুরয়ং রাজন্ন ত্যক্তুং ভবতার্হতি |
পুত্রাণাং ষষ্টিসাহস্রবীজভূতো যতস্তব || ২. ৫১. ৪১||
তস্মাত্তৎসকলীকৃত্য ঘৃতকুংভেষু যত্নতঃ |
নিঃক্ষিপ্য সপিধানেষু রক্ষণীয়ং পৃথক্পৃথক্ || ২. ৫১. ৪২||
সম্যগেবং কৃতে রাজন্ভবতো মৎপ্রসাদতঃ |
যথোক্তসংখ্যা পত্রাণাং ভবিষ্যতি ন সংশয়ঃ || ২. ৫১. ৪৩||
কালে পূর্ণে ততঃ কুম্ভান্ভিত্ত্বা নির্যান্তি তে পৃথক্ |
এবং তে ষষ্টিসাহস্রং পুত্রাণাং জায়তে নৃপ || ২. ৫১. ৪৪||
ইত্যুক্ত্বা ভগবানৌর্বস্তত্রৈবান্তরধাদ্বিভুঃ |
রাজা চ তত্তথা চক্রে যথৌর্বেণ সমীরিতম্ || ২. ৫১. ৪৫||
ততঃ সংবৎসরে পূর্ণে ঘৃতকুংভাৎক্রমেণ তে |
ভিত্ত্বাভিত্ত্বা পুনর্জজ্ঞুঃ সহসৈবানুবাসরম্ || ২. ৫১. ৪৬||
এবং ক্রমেণ সংজাতাস্তনয়াস্তে মহীপতে |
ববৃধুঃ সংঘশো রাজন্ষষ্টিসাহস্রসংখ্যায়া || ২. ৫১. ৪৭||
অপৃথগ্ধর্মচরণা মহাবলপরাক্রমাঃ |
বভূবুস্তে দুরাধর্ষাঃ ক্রূরাত্মানো বিশেষতঃ || ২. ৫১. ৪৮||
স নাতিপ্রীতিমাংস্তেষু রাজা মতিমতাং বরঃ |
কেশিনীতনয়ং ৎবেকং বহুমান সুতং প্রিয়ম্ || ২. ৫১. ৪৯||
বিবাহং বিধিবত্তস্মৈ কারয়ামাস পার্থিবঃ |
সচাপ্যানন্দয়ামাস স্বগুণৈঃ সুহৃদোঽখিলান্ || ২. ৫১. ৫০||
এবং প্রবর্ত মানস্য কেশিনীতনয়স্য তু |
অজায়ত সুতঃ শ্রীমানংশুমানিতি বিশ্রুতঃ || ২. ৫১. ৫১||
স বাল্য এব মতিমানুদারৈঃ স্বগুণৈর্ভৃশম্ |
প্রীণয়ামাস সুৎদৃদঃ স্বপিতামহমেব চ || ২. ৫১. ৫২||
এতস্মিন্নন্তরে রাজ্ঞস্তস্য পুত্রোঽসমঞ্জসঃ |
আবিষ্টো নষ্টচেষ্টোঽভূৎস পিশাচেন কেন চিৎ || ২. ৫১. ৫৩||
স তু কশ্চিদভূদ্বৈশ্যঃ পূর্বজন্মনি ধর্মবিৎ |
কস্যাচিদ্বিষয়ে রাজ্ঞঃ প্রভূতধনধান্যবান্ || ২. ৫১. ৫৪||
স কদাচিদরণ্যেষু বিচরন্নিধিমুত্তমম্ |
দৃষ্ট্বা গ্রহীতুমারেভে বণিগ্লোভবরিপ্লুতঃ || ২. ৫১. ৫৫||
ততস্তদ্রক্ষকোঽভ্যেত্য পিশাচঃ প্রাহ তং তদা |
ক্ষুধিতোঽহং চিরাদস্মিন্নিবসন্নিধিপালকঃ || ২. ৫১. ৫৬||
তস্মাত্তৎপরিহারায় মম দত্ত্বা গবামিষম্ |
কামতঃ প্রতিগৃহ্ণীষ্ব নিধিমেনং মমাজ্ঞয়া || ২. ৫১. ৫৭||
সতস্মৈ তৎপরিশ্রুত্য দাস্যামীতি গবামিষম্ |
আদত্ত চ নিধিং তং তু পিশাচেনানুমোদিতঃ || ২. ৫১. ৫৮||
ন প্রাদাচ্চ ততো মৌঢ্যাত্তস্মৈ যত্তৎপ্রতিশ্রুতম্ |
প্রতিশ্রুতাপ্রদানোত্থরোষং ন শ্রদ্দধে নৃপ || ২. ৫১. ৫৯||
তমেবং সুচিরং কালং প্রতীক্ষ্যাশনকাঙ্ক্ষয়া |
অপনীতধনঃ সোঽপি মমার ব্যথিতঃ ক্ষুধা || ২. ৫১. ৬০||
বৈশ্যোঽপি বালো মরণং সংপ্রাপ্য সগরস্য তু |
বভূব কালে কেশিন্যাং তনয়োঽন্বয়বর্দ্ধনঃ || ২. ৫১. ৬১||
অশরীরঃ পিশাচেঽপি পূর্ববৈরমনুস্মরন্ |
বায়ুভূতোঽবিশদ্দেহং রাজপুত্রস্য ভূপতে || ২. ৫১. ৬২||
তেনাবিষ্টস্ততঃ সোঽপি ক্রূরচিত্তোঽভবত্তদা |
মতিবিভ্রংশমাসাদ্য মুহুস্তেন বলাৎকৃতঃ || ২. ৫১. ৬৩||
অসমঞ্জসৎবং নগরে চক্রে সোঽপি নৃশংসবৎ |
বালাংশ্চ যূনঃ স্থবিরান্যোষিতশ্চ সদা খলঃ || ২. ৫১. ৬৪||
হৎবাহৎবা প্রচিক্ষেপ সরয়্বামতিনির্দয়ঃ |
ততঃ পৌরজনাঃ সর্বে দৃষ্ট্বা তস্য কদর্যতাম্ || ২. ৫১. ৬৫||
বহুশো নিকৃতাস্তেন গৎবা রাজ্ঞে ব্যজিজ্ঞাপন্ |
রাজা চ তদুপশ্রুত্য তমাহূয় প্রয়ত্নতঃ || ২. ৫১. ৬৬||
বারয়ামাস বহুধা দুঃখেন মহতান্বিতঃ |
বহুশঃ প্রতিষিদ্ধোঽপি পিত্রা তেন মহাত্মনা || ২. ৫১. ৬৭||
জলে তপ্তে চ সংতপ্তাঃ সংবভূবুর্যথা যবাঃ |
নাশকত্তং যদা পাপাদ্বিনিবর্ত্তয়িতুং নৃপঃ || ২. ৫১. ৬৮||
লোকাপবাদভীরুৎবাদ্বিষয়ানত্যজত্তদা || ২. ৫১. ৬৯||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয় উপোদ্ধাতপাদে সগরচরিতেঽসমঞ্জসত্যাগো নামৈকপঞ্চাশত্তমোঽধ্যায়ঃ || ৫১||

জৈমিনিরুবাচ
ত্যক্ত্বা পুত্রং স ধর্মাত্মা সগরঃ প্রেম তদ্গতম্ |
ধর্মশীলে তদা বালে চকারাংশুমতি প্রভুঃ || ২. ৫২. ১||
এতস্মিন্নেব কালে তু সুমত্যাস্তনয়া নৃপ |
ববৃধুঃ সঘশঃ সর্বে পরস্পরমনুব্রতাঃ || ২. ৫২. ২||
বজ্রসংহননাঃ ক্রূরা নির্দয়া নিরপত্রপাঃ |
অধর্মশীলা নিতরামেকঘর্মাণ এব চ || ২. ৫২. ৩||
এককার্যাভিনিরতাঃ ক্রোধনা মূঢচেতসঃ |
অধৃষ্যাঃ সর্বভূতানাং জনোপদ্রবকারিণঃ || ২. ৫২. ৪||
বিনয়াচা রসন্মার্গনিরপেক্ষাঃ সমন্ততঃ |
ববাধিরে জগৎসর্বমসুরা ইব কামতঃ || ২. ৫২. ৫||
বিধ্বস্তয়জ্ঞসন্মার্গং ভুবনং তৈরুপদ্রুতম্ |
নিঃস্বাধ্যায় বষট্কারং বভূবার্তং বিশেষতঃ || ২. ৫২. ৬||
বিধ্বস্যমানে সুভৃশং সাগরৈর্বরদর্পিতৈঃ |
প্রক্ষোভং পরমং জগ্মুর্দেবাসুরমহোরগাঃ || ২. ৫২. ৭||
ধরাসা সাগরাক্রান্তা ন চলাপি তদা চলা |
তপঃ সমাধিভঙ্গশ্চ প্রবভূব তপস্বিনাম্ || ২. ৫২. ৮||
হব্যকব্যপরিভ্রষ্টাস্ত্রিদশাঃ পিতৃভিঃ সহ |
দুঃশেন মহাতাবিষ্টা বিরিঞ্জভবনং যয়ুঃ || ২. ৫২. ৯||
তত্র গৎবা যথান্যায়ং দেবাঃ শর্বপুরোগমাঃ |
শশংসুঃ সকলং তস্মৈ সাগরাণাং বিচেষ্টিতম্ || ২. ৫২. ১০||
তচ্ছ্রৎবা বচনং তেষাং ব্রহ্মা লোকপিতামহঃ |
ক্ষণমন্তর্মনা ভূৎবা জগাদ সুরসত্তমঃ || ২. ৫২. ১১||
দেবাঃশৃণুত ভদ্রং বো বাণীমবহিতা মম |
বিনঙ্ক্ষ্যন্ত্যচিরেমৈব সাগরা নাত্র সংশয়ঃ || ২. ৫২. ১২||
কালং কঞ্চিৎপ্রতীক্ষধ্বং তেন সর্বং নিয়ম্যতে |
নিমিত্তমাত্রমন্যত্তু স এব সকলেশিতা || ২. ৫২. ১৩||
তস্মাদ্যুষ্মদ্ধিতার্থায় যদ্বক্ষ্যামি সুরোত্তমাঃ |
সর্বৈর্ভবদ্ভিরধুনা তৎকর্ত্তব্যমতং দ্রিতৈঃ || ২. ৫২. ১৪||
বিষ্ণোরংশেন ভগবান্কপিলো জয়তাং বরঃ |
জাতো জগদ্ধিতার্থায় যোগীন্দ্রপ্রবরো ভুবি || ২. ৫২. ১৫||
অগস্ত্যপীতসলিলে দিব্যবর্ষশতাবধি |
ধ্যায়ন্নাস্তেঽধুনাংঽভোধাবেকান্তে তত্র কুত্র চিৎ || ২. ৫২. ১৬||
গৎবা যূয়ং মমাদেশাৎকপিলং মুনিপুঙ্গবম্ |
ধ্যানাব সানমিচ্ছন্তস্তিষ্ঠধ্বং তদুপহ্বরে || ২. ৫২. ১৭||
সমাধিবিরতৌ তস্য স্বাভিপ্রায়মশেষতঃ |
নৎবা তস্মৈ বদিষ্যধ্বং স বঃ শ্রেয়ো বিধাস্যতি || ২. ৫২. ১৮||
সমাধিভঙ্গশ্চ মুনের্যথা স্যাৎসাগরৈঃ কৃতঃ |
কুরুধ্বং চ তথা যূয়ং প্রবৃত্তিং বিবুধোত্তমাঃ || ২. ৫২. ১৯||
জৈমিনিরুবাচ
ইত্যুক্তাস্তেন বিবুধাস্তং প্রণম্য বিতামহম্ |
গৎবা তং বিবুধশ্রেষ্টং তে কৃতাঞ্জলয়োঽব্রুবন্ || ২. ৫২. ২০||
দেবা ঊচুঃ
প্রসীদ নো মুনিশ্রেষ্ঠ বয়ং ৎবাং শরণং গতাঃ |
উপদ্রুতং জগৎসর্বংসাগরৈঃ সংপ্রণশ্যতি || ২. ৫২. ২১||
ৎবং কিলাখিললোকানাং স্থিতিসহারকারণঃ |
বিষ্ণোরংশেন যোগীন্দ্রস্বরূপী ভুবি সংস্থিতঃ || ২. ৫২. ২২||
পুংসাং তাপত্রয়ার্ত্তানামার্তিনাশায় কেবলম্ |
স্বেচ্ছয়া তে ধৃতো দেহো ন তু ৎবং তপতাং বরঃ || ২. ৫২. ২৩||
মনসৈব জগৎসর্বং স্রষ্টুং সংহর্তুমেব চ |
বিধাতুং স্বেচ্ছয়া ব্রহ্মন্ভবাঞ্ছক্রোত্যসংশয়ম্ || ২. ৫২. ২৪||
ৎবং নো ধাতা বিধাতা চ ৎবং গুরুস্ত্বং পরায়ণম্ |
পরিত্রাতা ৎবমস্মাকং বিনিবর্ত্তয় চাপদম্ || ২. ৫২. ২৫||
শরণং ভব বিপ্রেন্দ্র বিপ্রেদ্রাণাং বিশেষতঃ |
সাগরৈর্দহ্যমানানাং লোকত্রয়নিবাসিনাম্ || ২. ৫২. ২৬||
ননু বৈ সাত্ত্বিকী চেষ্টা ভবতীহ ভবাদৃশাম্ |
ত্রাতুমর্হসি তস্মাত্ত্বং লোকানস্মাংশ্চ সুব্রত || ২. ৫২. ২৭||
ন চেদকালে ভগবন্বিনঙ্ক্ষ্যত্যখিলং জগৎ |
জৈমিনিরুবাচ
ইত্যুক্তঃ সকলৈর্দেবৈরুন্মীল্য নয়নে শনৈঃ || ২. ৫২. ২৮||
বিলোক্য তানুবাচেদং কপিলঃ সূনৃতং বচঃ |
স্বকর্মণৈব নির্দগ্ধাঃ প্রবিনঙ্ক্ষ্যন্তি সাগরাঃ || ২. ৫২. ২৯||
কালে প্রাপ্তে তু যুষ্মাভিঃ সতাবৎপরিপাল্যতাম্ |
অহং তু কারণং তেষাং বিনাশায় দুরাত্মনাম্ || ২. ৫২. ৩০||
ভবিষ্যামি সুরশ্রেষ্ঠা ভবতামর্থসিদ্ধয়ে |
মম ক্রোধাগ্নি বিপ্লুষ্টাঃ সাগরাঃ পাপচেতসঃ || ২. ৫২. ৩১||
ভবিষ্যন্তু চিরেণৈব কালোপহতবুদ্ধয়ঃ |
তস্মাদ্গতজ্বরা দেবা লোকাশ্চৈবাকুতোভয়াঃ || ২. ৫২. ৩২||
ভবন্তু তে দুরাচারাঃ ক্ষিপ্রং যাস্যন্তি সংক্ষয়ম্ |
তদ্যূয়ং নির্ভয়া ভূৎবা ব্রজধ্বং স্বাং পুরীং প্রতি || ২. ৫২. ৩৩||
কালং কঞ্চিৎপ্রতীক্ষধ্বং ততোঽভীষ্টমবাপ্স্যথ |
কপিলেনৈবমুক্তাস্তে দেবাঃ সর্বে সবাসবাঃ || ২. ৫২. ৩৪||
তং প্রণম্য ততো জগ্মুঃ প্রতীতাগ্নিদিবং প্রতি |
এতস্মিন্নন্তরে রাজা সগরঃ পৃথিবীপতিঃ || ২. ৫২. ৩৫||
বাজিমেধং মহায়জ্ঞং কর্তুং চক্রে মনোরথম্ |
আহৃত্য সর্বসংভারান্বসিষ্ঠানুমতে তদা || ২. ৫২. ৩৬||
ঔর্বাদ্যৈঃ সহিতো বিপ্রৈর্যথাবদ্দীক্ষিতোঽভবৎ |
দীক্ষাং প্রবিষ্টো নৃপতির্হয়সংচারণায় বৈ || ২. ৫২. ৩৭||
পুত্রান্সর্বান্সমাহূয় সংদিদেশ মহয়শাঃ |
সংচারয়িৎবা তুরগং পরীত্য পৃথিবীতলে || ২. ৫২. ৩৮||
ক্ষিপ্রং মমান্তিকং পুত্রাঃ পুনরাহর্তুমর্হথ |
জৈমিনিরুবাচ
ততস্তে পিতুরাদেশাত্তমাদায় তুরঙ্গমম্ || ২. ৫২. ৩৯||
পরিচঙ্ক্রময়ামাসুঃ সকলে ক্ষিতিমণ্ডলে |
বিধিচোদনয়ৈবাশ্বঃ স ভূমৌ পরিবর্তিততঃ || ২. ৫২. ৪০||
ন তু দিগ্বিজয়ার্থায় করাদানার্থমেব চ |
পৃথিবীভূভুজা তেন পূর্বমেব বিনির্জিতা || ২. ৫২. ৪১||
নৃপাশ্চোদারবীর্যেণ করদাঃ সমরে কৃতাঃ |
ততস্তে রাজতনয়া নিস্তোয়ে লবণাংবুধৌ || ২. ৫২. ৪২||
ভূতলে বিবিশুর্হৃষ্টাঃ পরিবার্য তুরঙ্গমম্ || ২. ৫২. ৪৩||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয় উবোদ্ধাতপাদে সগরবরিতেঽশ্বমোচনং নাম দ্বিপঞ্চাশত্তমোঽধ্যায়ঃ || ৫২||

জৈমিনিরুবাচ
তেষু তত্র নিবিষ্টেষু বাসবেন প্রচোদিতঃ |
জহারং তুরগং বায়ুস্তৎক্ষণেন রসাতলম্ || ২. ৫৩. ১||
অদৃষ্টমশ্বং তৈঃ সর্বৈরপহৃত্য সদাগতিঃ |
অনয়ত্তৎপথা রাজন্কপিলস্যান্তিকং মুনেঃ || ২. ৫৩. ২||
ততঃ সমাকুলাঃ সর্বে বিনষ্টেঽশ্বে নৃপাত্মজাঃ |
পরীত্য বসুধাং সর্বাং প্রমার্গন্তস্তুরগমম্ || ২. ৫৩. ৩||
বিচিত্য পৃথিবীং তে তু স পুরাচলকাননাম্ |
অপশ্যন্তো যজ্ঞপশুং দুঃখং মহদবাপ্নুবন্ || ২. ৫৩. ৪||
ততোঽযোধ্যাং সমাসাদ্য ঋষিভিঃ পরিবারিতাম্ |
দৃষ্ট্বা প্রণম্য পিতরং তস্মৈ সর্বং ন্যবেদয়ন্ || ২. ৫৩. ৫||
পরীত্য পৃথ্বীমস্মাভির্নিবিষ্টে বরুণালয়ে |
রক্ষ্যমাণোঽপি পশ্যদ্ভিঃ কেনাপি তুরগো হৃতঃ || ২. ৫৩. ৬||
ইত্যুক্তস্তৈ রুষাবিষ্টস্তানুবাচ নৃপোত্তমঃ |
প্রয়াস্যধ্বমধর্মিষ্ঠাঃ সর্বেঽনাবৃত্তয়ে পুনঃ || ২. ৫৩. ৭||
কথং ভবদ্ভির্জীবদ্ভির্বিনষ্টো বৈ দরাত্মভিঃ |
তুরগেণ বিনা সত্যং নেহাগ মনমস্তি বঃ || ২. ৫৩. ৮||
ততঃ সমেত্য তস্মাত্তে সপ্রয়াতাঃ পরস্পরম্ |
ঊচুর্ন দৃশ্যতেঽদ্যাপি তুরগঃ কিং প্রকুমহ || ২. ৫৩. ৯||
বসুধা বিচিতাস্মাভিঃ সশৈলবনকাননা |
ন চাপি দৃশ্যতে বাজী তদ্বার্ত্তাপি ন কুত্রচিৎ || ২. ৫৩. ১০||
তস্মাদব্ধেঃ সমারভ্য পাতালাবধি মেদিনীম্ |
বিভজ্য রবাৎবা পাতালং বিবিশাম তুরঙ্গমম্ || ২. ৫৩. ১১||
ইতি কৃৎবা মতিং সর্বে সাগরাঃ ক্রূরনিশ্চয়াঃ |
নিচখ্নুর্ভূমিমংবোধেস্তটা দারভ্য সর্বতঃ || ২. ৫৩. ১২||
তৈঃ খন্যমানা বসুধা ররাস ভৃশবিহ্বলা |
চুক্রুশুশ্চাপি ভূতানি দৃষ্ট্বা তেষাং বিচেষ্টিতম্ || ২. ৫৩. ১৩||
ততস্তে ভারতং খণ্ডং খাৎবা সংক্ষিব্য ভূতলে |
ভূমের্যোজনসাহস্রং যোজয়ামাসুরংবুধৌ || ২. ৫৩. ১৪||
আপাতালতলং তে তু খনন্তো মেদিনীতলম্ |
চরন্তমশ্বং পাতালে দদৃশুর্নৃপনন্দনাঃ || ২. ৫৩. ১৫||
সংপ্রহৃষ্টাস্ততঃ সর্বে সমেত্য চ সমন্ততঃ |
সংতোষাজ্জহসুঃ কেচিন্ননৃতুশ্চ মুদান্বিতাঃ || ২. ৫৩. ১৬||
দদৃশুশ্চ মহাত্মানং কপিলং দীপ্ততেজসম্ |
বৃদ্ধং পদ্মাসনাসীনং নাসাগ্রন্যস্তলোচনম্ || ২. ৫৩. ১৭||
ঋজ্বায়তশিরোগ্রীবং পুরোবিষ্টব্ধবক্ষসম্ |
স্বতেজসাভিসরতা পরিবূর্ণেন সর্বতঃ || ২. ৫৩. ১৮||
প্রকাশ্যমানং পরিতো নিবাতস্থপ্রদীপবৎ |
স্বান্তপ্রকাশিতাশেষবিজ্ঞানময়বিগ্রহম্ || ২. ৫৩. ১৯||
সমাধিগতচিত্তন্তু নিভৃতাংভোধিসন্নিভম্ |
আরূঢয়োগং বিধিবদ্ধ্যেয়সংলীনমানসম্ || ২. ৫৩. ২০||
চ্দৃদদ্যৎদদ্বড্ঢ দ্যদৃ ডদ্ধঠ্ঠণ্থ্র্ঠ্ঠদড্ডঠ্ঠ-
থ্র্ঠ্ঠড্ডণ্ন্র্ঠ্ঠডণ্ঠ্ঠগ্ঠ্ঠ
যোগীন্দ্রপ্রবরং শান্তং জ্বালামাল মিবানলম্ |
বিলোক্য তত্র তিষ্ঠন্তং বিমৃশন্তঃ পরস্পরম্ || ২. ৫৩. ২১||
মুহূর্ত্তমিব তে রাজন্সাধ্বসং পরমং গতাঃ |
ততোঽযমশ্বহর্ত্তেতি সাগরা কালচোদিতাঃ || ২. ৫৩. ২২||
পরিবব্রুর্দুরাত্মানঃ কপিলং মুনিসত্তমম্ |
ততস্তং পরিবার্যোচুশ্বোরোঽযং নাত্র সংশয়ঃ || ২. ৫৩. ২৩||
অশ্বহর্ত্তা ততোঽহ্যেষ বধ্যোঽস্মাভির্দুরাশয়ঃ |
তং প্রাকৃতবদাসীনং তে সর্বে হতবুদ্ধয়ঃ || ২. ৫৩. ২৪||
আসন্নমরণাশ্চক্রুর্ধর্ষিতং মুনিমঞ্জসা |
জৈমিনিরুবাচ
ততো মুনিরদীনাত্মা ধ্যানভঙ্গপ্রধর্ষিতঃ || ২. ৫৩. ২৫||
ক্রোধেন মহতাঽবিষ্টশ্চুক্ষুভে কপিলস্তদা |
প্রচচাল দুরাধর্ষো ধর্ষিতস্তৈর্ দুরাত্মভিঃ || ২. ৫৩. ২৬||
ব্যজৃংভত চ কল্পান্তে মরুদ্ভিরিব চানলঃ |
তস্য চার্ণবগংভীরাদ্বপুষঃ কোপপাবকঃ || ২. ৫৩. ২৭||
দিধক্ষুরিব পাতালাংল্লোকান্সাংকর্ষণোঽনলঃ |
শুশুভে ধর্ষণক্রোধপরামর্শবিদীপিতঃ || ২. ৫৩. ২৮||
উন্মীলয়ত্তদা নেত্রে বহ্নিচক্রসমদ্যুতিঃ |
তদাক্ষিণী ক্ষণং রাজন্রাজেতাং সুভৃশারুণে || ২. ৫৩. ২৯||
পূর্বসংব্যাসমুদিতৌ পুষ্পবন্তাবিবাংবরে |
ততোঽপ্যুদ্বর্ত্তমানাভ্যাং নেত্রাভ্যাং নৃপনন্দনান্ || ২. ৫৩. ৩০||
অবৈক্ষত চ গংভীরঃ কৃতান্তঃ কালপর্যয়ে |
ক্রুদ্ধস্য তস্যনেত্রাভ্যাং সহসা পাবকার্চিষঃ || ২. ৫৩. ৩১||
নিশ্চেরুরভিলোদিক্ষু কালাগ্নেরিব সংততাঃ |
সধূমকবলোদগ্রাঃ স্ফুলিঙ্গৌঘমুচো মুহুঃ || ২. ৫৩. ৩২||
মুনিক্রোধানলজ্বালাঃ সমন্তাব্দ্যানশুর্দিশঃ |
ব্যালোদরৌগ্রকুহরা জ্বালা স্তন্নেত্রনির্গতাঃ || ২. ৫৩. ৩৩||
বিরেজুর্নিভৃতাংভোধের্বডবাগ্নেরিবার্চিষঃ |
ক্রোধাগ্নিঃ সুমহারাজ জ্বালাবব্যাপ্তদিগন্তরঃ || ২. ৫৩. ৩৪||
দগ্ধাংশ্চকার তান্সর্বানাবৃণ্বানো নভস্তলম্ || ২. ৫৩. ৩৫||
সশব্দমুদ্ভ্রান্তমরুৎপ্রকোপবিবর্ত্তমানানলধূমজালৈঃ |
মহীরজোভিশ্চ নিতান্তমুদ্ধতৈঃ সমাবৃতং লোক মভূদ্ভৃশাতুরম্ || ২. ৫৩. ৩৬||
ততঃ স বহ্নির্বিলিখন্নিবাভিতঃ সমীরবেগাভিহতাভিরংবরম্ |
শিখাভিরুর্বীশসুতানশেষতো দদাহ সদ্যঃ সুর বিদ্বিষস্তান্ || ২. ৫৩. ৩৭||
মিষতঃ সর্বলোকস্য ক্তোধাগ্নিস্তমৃতে হয়ম্ |
সাগরাংস্তানশেষেণ ভস্মসাদকরোৎস তান্ || ২. ৫৩. ৩৮||
এবং ক্রোধাগ্নিনা তেন সাগরাঃ পাপচেতসঃ |
জজ্বলুঃ সহসা দাবে তরবো নীরসা ইব || ২. ৫৩. ৩৯||
দৃষ্ট্বা তেষাং তু নিধনং সাগরাণান্দুরাত্মনাম্ |
অন্যোন্যমবুবন্দেবা বিস্মিতা ঋষিভিঃ সহ || ২. ৫৩. ৪০||
অহোদারুণপাপানাং বিপাকো ন চিরায়িতঃ |
দুরন্তঃ খলু লোকেঽস্মিন্নরাণামসদাত্মনাম্ || ২. ৫৩. ৪১||
যদি মে পর্বতাকারা নৃশংসাঃ ক্রূরবুদ্ধয়ঃ |
যুগপদ্বিলয়ং প্রাপ্তাঃ সহসৈব তৃণাগ্নিবৎ || ২. ৫৩. ৪২||
উদ্বেজনীয়া ভূতানাং সদ্ভিরত্যন্তগর্হিতাঃ |
আজীবান্তমিমে হর্তু দিষ্ট্যা সংক্ষয়মাগতাঃ || ২. ৫৩. ৪৩||
পরোপতাপি নিতরাং সর্বলোকজুগুপ্সিতম্ |
ইহ কৃৎবাশুভং কর্ম কঃপুমান্বিন্দতে সুখম্ || ২. ৫৩. ৪৪||
বিক্রোশ্য সর্বভূতানি সংপ্রয়াতাঃ স্বকর্মভিঃ |
ব্রহ্মদণ্ডহতাঃ পাপা নিরয়ং শাশ্বতীঃ সমাঃ || ২. ৫৩. ৪৫||
তস্মাৎসদৈব কর্ত্তব্যং কর্ম পুংসাং মনীপিণাম্ |
দুরতশ্চ পরিত্যাজ্যমিতরল্লোকনিন্দিতম্ || ২. ৫৩. ৪৬||
কর্ত্তব্যঃ শ্রেয়সে যত্নো যাবজ্জীবং বিজানতা |
নাচরেৎকস্যচিদ্দ্রোহমনিত্যং জীবনং যতঃ || ২. ৫৩. ৪৭||
অনিত্যোঽযং সদা দেহঃসপদশ্চাতিচঞ্চলাঃ |
সংসারশ্চাতিনিস্সারস্তৎকথং বিশ্বসেদ্বুধঃ || ২. ৫৩. ৪৮||
এবং সুরমুনীন্দ্রেষু কথয়ৎসু পরস্পরম্ |
মুনিক্রোধেন্ধনীভূতা বিনেশুঃ সগরাত্মজাঃ || ২. ৫৩. ৪৯||
নির্দগধদেহাঃ সহসা ভুবং বিষ্টভ্য ভস্মনা |
অবাপুর্নিরয়ং সদ্যঃ সাগরাস্তে স্বকমভিঃ || ২. ৫৩. ৫০||
সাগরাংস্তানশেষেণ দগ্ধবাতৎক্রোধজোঽনলঃ |
ক্ষণেন লোকানখিলানুদ্যতো দগ্ধুমঞ্জসা || ২. ৫৩. ৫১||
ভয়ভীতাস্ততো দেবাঃ সমেত্য দিবি সংস্থিতাঃ |
তুষ্টুবুস্তে মহাত্মানং ক্রোধাগ্নিশমনার্থিনঃ || ২. ৫৩. ৫২||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমাভাগে তৃতীয় উপোদ্ধাতপাদে সগরচরিতেসাগরাবিনাশো নাম ত্রিপঞ্চশত্তমোঽধ্যায়ঃ || ৫৩||

জৈমিনিরুবাচ
ক্রোধাগ্নিমেনং বিপ্রেন্দ্র সদ্যঃ সংহর্ত্তুমর্হসি |
নো চেদকালে লোকোঽযং সকলস্তেন দহ্যতে || ২. ৫৪. ১||
দৃষ্টস্তে মহিমানেন ব্যাপ্তমাসীচ্চরাচরম্ |
ক্ষমস্ব সংহর ক্রোধং নমস্তে বিপ্রপুঙ্গব || ২. ৫৪. ২||
এবং সংস্তূয়মানস্তু ভগবান্কপিলো মুনিঃ |
তূর্ণমেব ক্ষয়ং নিন্যে ক্রোধাগ্নিমতিভৈরবম্ || ২. ৫৪. ৩||
ততঃ প্রশান্তমভবজ্জগৎসর্বং চরাচরম্ |
দেবাস্তপস্বিনশ্চৈব বভূবুর্বিগতজ্বরাঃ || ২. ৫৪. ৪||
এতস্মিন্নেব কালে তু ভগবান্নারদো মুনিঃ |
অয়োধ্যা মগমদ্রাজন্দেবলোকাদ্যদৃচ্ছয়া || ২. ৫৪. ৫||
তমাগতমভিপ্রেক্ষ্য নারদং সগরস্তদা |
অর্ঘ্যপাদ্যাদিভিঃ সম্যক্পূজয়ামাস শাস্ত্রতঃ || ২. ৫৪. ৬||
পরিগৃহ্য চ তৎপূজামাসীনঃ পরমাসনে |
নারদো রাজশার্দূলমিদং বচনমব্রবীৎ || ২. ৫৪. ৭||
নারদ উবাচ
হয়সংচারণার্থায় সংপ্রয়াতাস্তবাত্মজাঃ |
ব্রহ্মদণ্ডহতাঃ সর্বে বিনষ্টা নৃপসত্তম || ২. ৫৪. ৮||
সংরক্ষ্যমাণস্তৈঃ সর্বৈর্হয়স্তে যজ্ঞিয়ো নৃপ |
কেনাপ্য লক্ষিতঃ ক্বাপি নীতো বিধিবশাদ্দিবি || ২. ৫৪. ৯||
ততো বিনষ্টং তুরগং বিচিন্বন্তো মহীতলে |
প্রালভন্ত ন তে ক্বাপি তৎপ্রবৃত্তিং চিরান্নৃপ || ২. ৫৪. ১০||
ততোঽবনেরধস্তেঽশ্বং বিচেতুং কৃতনিশ্চয়াঃ |
সাগরাস্তে সমারভ্য প্রচখ্নুর্বসুধাতলম্ || ২. ৫৪. ১১||
খনন্তো বসুধা মশ্বং পাতালে দদৃশুর্নৃপ |
সমীপে তস্য যোগীন্দ্রং কপিলং চমহামুনিম্ || ২. ৫৪. ১২||
তং দৃষ্ট্বা পাপকর্মাণস্তে সর্বে কালচোদিতাঃ |
কপিলং কোপয়ামাসুরশ্বহর্ত্তায়মিত্যলম্ || ২. ৫৪. ১৩||
ততস্তৎক্রোধসংভূতনেত্রাগ্নের্দহতো দিশঃ |
ইন্ধনীভূতদেহাস্তে পুত্রাঃ সংক্ষয়মাগতাঃ || ২. ৫৪. ১৪||
ক্রূরাঃ পাপসমাচারাঃ সর্বলোকোপরোধকাঃ |
যতস্তে তেন রাজেন্দ্র ন শোকং কর্তুমর্হসি || ২. ৫৪. ১৫||
স ৎবং ধৈর্যধনো ভূৎবা ভবিত ব্যতয়াত্মনঃ |
নষ্টং মৃতমতীতং চ নানুশোচন্তি পণ্ডিতাঃ || ২. ৫৪. ১৬||
তস্মাৎপৌত্রমিমং বালমংশুমন্তং মহামতিম্ |
তুরগানয়নার্থায় নিয়ুঙ্ক্ষ্ব নৃপসত্তম || ২. ৫৪. ১৭||
ইত্যক্ত্বা রাজশার্দূলং সদস্যর্ত্বিক্সমন্বিতম্ |
ক্ষণেন পশ্যতাং তেষাং নারদোঽন্তর্দধে মুনিঃ || ২. ৫৪. ১৮||
তচ্ছ্রৎবা বচন তস্য নারদস্য নৃপোত্তমঃ |
দুঃখশোকপরাতাত্মা দধ্যৌ চিরমুদারধীঃ || ২. ৫৪. ১৯||
তং ধ্যানয়ুক্তং সদসি সমাসীনমবাঙ্মুখম্ |
বসিষ্ঠঃ প্রাহ রাজানং সাংৎবয়ন্দেশকালবিৎ || ২. ৫৪. ২০||
কিমিদং ধৈর্যসারাণামবকাশং ভবদৃশাম্ |
লভতে হৃদি চেচ্ছোকঃ প্রাপ্তং ধীর তয়া ফলম্ || ২. ৫৪. ২১||
দৌর্মনস্যং শিথিলয়ন্সর্বং দিষ্টবশানুগম্ |
মন্বানোঽনন্তরং কৃত্যং কর্তুমর্হস্যসংশয়ম্ || ২. ৫৪. ২২||
বসিষ্ঠেনৈবমুক্তস্তু রাজা কার্যার্থতত্ত্ববিৎ |
ধৃতিং সত্ত্বং সমালংব্য তথেতি প্রত্যভাষত || ২. ৫৪. ২৩||
অংশুমন্তং সমাহূয় পৌত্রং বিনয়শালিনম্ |
ব্রহ্মক্ষত্ত্রসভামধ্যে শনৈরিদমভাষত || ২. ৫৪. ২৪||
ব্রহ্মদণ্ডহতাঃ সর্বে পিতরস্তব পুত্রক |
পতিতাঃ পাপকর্মাণো নিরয়ে শাশ্বতীঃ সমাঃ || ২. ৫৪. ২৫||
ৎবমেব সংততির্মহ্যং রাজ্যস্যাস্য চ রক্ষিতা |
ৎবদায়ত্তমশেষং মে শ্রেয়োঽমুত্র পরত্র চ || ২. ৫৪. ২৬||
স ৎবং গচ্ছ মমাদেশাৎপাতালে কপিলান্তিকম্ |
তুরগানয়নার্থায় যত্নেন মহাতান্বিতঃ || ২. ৫৪. ২৭||
তং প্রার্থয়িৎবা বিধিবৎপ্রসাদ্য চ বিশেষতঃ |
আদায় তুরগং বৎস শীঘ্রমাগন্তুমর্হসি || ২. ৫৪. ২৮||
জৈমিনিরুবাচ
এবমুক্তোংঽশুমাংস্তেন প্রণম্য পিতরং পিতুঃ |
তথেত্যুক্ত্বা মহাবুদ্ধিঃ প্রয়য়ৌ কপিলান্তিকম্ || ২. ৫৪. ২৯||
তমুপাগম্য বিধিবন্নমস্কৃত্য যথামতি |
প্রশ্রয়াবনতো ভূৎবা শনৈরিদমুবাচ হ || ২. ৫৪. ৩০||
প্রসীদ বিপ্রশার্দূল ৎবামহং শরণং গতঃ |
কোপং চ সংহর ক্ষিপ্রং লোকপ্রক্ষয়কারকম্ || ২. ৫৪. ৩১||
ৎবয়ি ক্রুদ্ধে জগৎসর্বং প্রণাশমুপয়াস্যতি |
প্রশান্তিমুপয়াহ্যাশুলোকাঃ সংতু গতব্যথাঃ || ২. ৫৪. ৩২||
প্রসন্নোঽস্মান্মহাভাগ পশ্য সৌম্যেন চক্ষুষা |
যে ৎবৎক্রোধাগ্নিনির্দগ্ধাস্তৎসংততিমবেহি মাম্ || ২. ৫৪. ৩৩||
নাম্নাংশুমন্তং নপ্তারং সগরস্য মহীপতেঃ |
সোঽহং তস্য নিয়োগেন ৎবৎপ্রসাদাভিকাঙ্ক্ষয়া || ২. ৫৪. ৩৪||
প্রাপ্তো দাস্যসি চেদ্ব্রহ্মংস্তুরগানয়নায় চ |
জৈমিনিরুবাচ
ইতি তদ্বচনং শ্রুৎবা যোগীন্দ্রপ্রবরো মুনিঃ || ২. ৫৪. ৩৫||
অংশুমন্তং সমালোক্য প্রসন্ন ইদমব্রবীৎ |
স্বাগতং ভবতো বৎস দিষ্ট্যা চ ৎবমিহাগতঃ || ২. ৫৪. ৩৬||
গচ্ছ শীঘ্রং হয়শ্চায়ং নীয়তাং সগরান্তিকম্ |
অধিক্ষিপ্তোঽস্য যজ্ঞোঽপি প্রাগতঃ সংপ্রবর্ত্ততাম্ || ২. ৫৪. ৩৭||
ব্রিয়তাং চ বরো মত্তস্ত্বয়া যস্তে মনোগতঃ |
দাস্যে সুদুর্লভমপি ৎবদ্ভক্তিপরিতোষিতঃ || ২. ৫৪. ৩৮||
এষাং তু সংপ্রমাশং হি গৎবা বদ পিতামহম্ |
পাপানাং মরণং ৎবেষাং ন চ শোচিতুমর্হসি || ২. ৫৪. ৩৯||
ততঃ প্রণাম্য চোগীন্দ্রমংশুমানিদমব্রবীৎ |
বরং দদাসি চেন্মহ্যং বরয়ে ৎবাং মহামুনে || ২. ৫৪. ৪০||
বরমর্হামি চেত্ত্বত্তঃ প্রসন্নো দাতুমর্হসি |
ৎবদ্রোষপাবকপ্লুষ্টাঃ পিতরো যে মমাখিলাঃ || ২. ৫৪. ৪১||
সংপ্রয়াস্যন্তি তে ব্রহ্মন্নিরয়ং শাস্বতীঃ সমাঃ |
ব্রহ্মদণ্ডহতানাং তু ন হি পিণ্ডোদকক্রিয়াঃ || ২. ৫৪. ৪২||
পিণ্ডোদকবিহীনানামিহ লোকে মহামুনে |
বিদ্যতে পিতৃসালোক্যং ন খলু শ্রুতিচোদিতম্ || ২. ৫৪. ৪৩||
অক্ষয়ঃ স্বর্গবাসোঽস্তু তেষাং তু ৎবৎপ্রসাদতঃ |
বরেণানেন ভগবন্কৃতকৃত্যো ভাবাম্যহম্ || ২. ৫৪. ৪৪||
তৎপ্রসীদ ৎবমেবৈষাং স্বর্গতের্বদ কারণম্ |
যেনোদ্ধারণমেতেষাং বহ্নেঃ কোপস্য বৈ ভবেৎ || ২. ৫৪. ৪৫||
ততস্তমাহ যোগীন্দ্রঃসুপ্রসন্নেন চেতসা |
নিরয়োদ্ধারণং তেষাং ৎবয়া বৎস ন শক্যতে || ২. ৫৪. ৪৬||
তৈশ্চাপি নরকে তাবদ্বস্তব্যং পাপকর্মভিঃ |
কালঃ প্রতীক্ষ্যতাং তাবদ্যাবত্ত্বৎপৌত্রসংভবঃ || ২. ৫৪. ৪৭||
কালান্তে ভবিতা বৎস পৌত্রস্তব মহামতিঃ |
রাজা ভগীরথো নাম সর্বধর্মার্থতত্ত্ববিৎ || ২. ৫৪. ৪৮||
স তু যত্নেন মহতা পিতৃগৌরবয়ন্ত্রিতঃ |
আনেষ্যতি দিবো গঙ্গাং তপস্তপ্ত্বা মহাদ্ধ্রুবম্ || ২. ৫৪. ৪৯||
তদংভসা পাবিতেষু তেষাং গাত্রাস্থিভস্মসু |
প্রাপ্নুবন্তি গতিং স্বর্গে ভবতঃ পিতরোঽখিলাঃ || ২. ৫৪. ৫০||
তথেতি তস্যা মাহাত্ম্যং গঙ্গায়া নৃপনন্দন |
ভাগীরথীতি লোকেঽস্মিন্সা বিখ্যাতিমুপৈষ্যতি || ২. ৫৪. ৫১||
যত্তোয়প্লাবিতেষ্বস্থিভস্মলোমনখেষ্বপি |
নিরয়াদপি সংযাতি দেহী স্বর্লোকমক্ষয়ম্ || ২. ৫৪. ৫২||
তস্মাত্ত্বং গচ্ছ ভদ্রং তে নশোকং কর্ত্তুমর্হসি |
পিতামহায় চৈবৈনমশ্বং সংপ্রতিপাদয় || ২. ৫৪. ৫৩||
জৈমিনিরুবাচ
ততঃ প্রণম্য তং ভক্ত্যা তথেত্যুক্ত্বা মহামতিঃ |
যয়ৌ তেনাভ্যনুজ্ঞাতঃ সাকেতনগরং প্রতি || ২. ৫৪. ৫৪||
সগরং স সমাসাদ্য তং প্রণম্য যথাক্রমম্ |
ন্যবেদয়চ্চ বৃত্তান্তং মুনেস্তেষাং তথান্মনঃ || ২. ৫৪. ৫৫||
প্রদদৌতুরগং চাপি সমানীতং প্রয়ত্নতঃ |
অতঃ পরমনুষ্ঠেয়মব্রবীৎকিং ময়েতি চ || ২. ৫৪. ৫৬||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয় উপোদ্ধাতপাদে কপিলাশ্রমস্থাশ্বানয়নং নাম চতুষ্পঞ্চাশত্তমোঽধ্যায়ঃ || ৫৪||

অভিনন্দ্যাশিষাত্যর্থং লালয়ন্প্রশশংস হ || ২. ৫৫. ১||
অথ ঋৎবিক্সদস্যৈশ্চ সহিতো রাজসত্তমঃ |
উপাক্রমত তং যজ্ঞে বিধিবদ্বেদপারগৈঃ || ২. ৫৫. ২||
ততঃ প্রববৃতে যজ্ঞঃ সর্বসংপদ্গুণান্বিতঃ |
সম্যগৌর্ববসিষ্ঠাদ্যৈর্মুনিভিঃ সংপ্রবর্ত্তিতঃ || ২. ৫৫. ৩||
হিরণ্ময়ময়ী বেদিঃ পাত্রাণ্যুচ্চাবচানি চ |
সুসমৃদ্ধং যথাশাস্ত্রং যজ্ঞে সর্বং বভূব হ || ২. ৫৫. ৪||
এবং প্রবর্ত্তিতং যজ্ঞমৃৎবিজঃ সর্ব এব তে |
ক্রমাৎসমাপয়ামাসুর্যজমানপুরস্সরাঃ || ২. ৫৫. ৫||
সমাপয়িৎবা তং যজ্ঞং রাজা বিধিবিদাং বরঃ |
যথাবদ্দক্ষিণাং চৈব ঋৎবিজাং প্রদদৌ তদা || ২. ৫৫. ৬||
অথ ঋৎবিক্সদস্যানাং ব্রাহ্মণানাং তথার্থিনাম্ |
তৎকাঙ্ক্ষিতাদভ্যধিকং প্রদদৌ বসু সর্বশঃ || ২. ৫৫. ৭||
এবং সংতর্প্য বিপ্রাদীন্দক্ষিণাভির্যথাক্রমম্ |
ক্ষমাপয়ামাস গুরূন্সদস্যান্প্রণিপত্য চ || ২. ৫৫. ৮||
ব্রাহ্মণাদ্যৈস্ততো বর্ণৈরৃৎবিগ্ভিশ্চ সমন্বিতঃ |
বারকীয়াকদংবৈশ্চ সূতমাগধবন্দিভিঃ || ২. ৫৫. ৯||
অন্বীয়মানঃ সস্ত্রীকঃ শ্বেতচ্ছত্রবিরাজিতঃ |
দোধূয়মানচমরো বালব্যজনরাজিতঃ || ২. ৫৫. ১০||
নানাবাদিত্রনির্ঘোষৈর্বধিরীকৃতদিঙ্মুখঃ |
স গৎবা সরয়ূতীরং যথাশাশ্ত্রং যথাবিধি || ২. ৫৫. ১১||
চকারাবভৃথস্নানং মুদিতঃ সহবন্ধুভিঃ |
এবং স্নাৎবা সপত্নীকঃ সুহৃদ্ভির্ব্রাহ্মণৈঃ সহ || ২. ৫৫. ১২||
বীণাবেণুমৃদঙ্গাদিনানাবাদিত্রনিঃস্বনৈঃ |
মঙ্গল্যৈর্বেদঘোষৈশ্চ সহ বিপ্রজনেরিতৈঃ || ২. ৫৫. ১৩||
সংস্তূয়মানঃ পরিতঃ সূতমাগধবন্দিভিঃ |
প্রবিবেশ পুরীং রম্যাং হৃষ্টপুষ্টজনায়ুতম্ || ২. ৫৫. ১৪||
শ্বেতব্যজন সচ্ছত্রপতাকাধ্বজমালিনীম্ |
সিক্তসংমৃষ্টভূভাগাপণশোভাসমন্বিতাম্ || ২. ৫৫. ১৫||
কৈলাসাদ্রিপ্রকাশাভিরুজ্জ্বলাং সৌধপঙ্ক্তিভিঃ |
স তত্রাগরুধূপোত্থগন্ধামোদিতদিঙ্মুখম্ || ২. ৫৫. ১৬||
বিকীর্যমাণঃ পরিতঃ পৌরনারীজনৈর্মুহুঃ |
লাজবর্ষেণ সানন্দং বীক্ষমাণশ্চ নাগরৈঃ || ২. ৫৫. ১৭||
উপদাভিরনেকাভিস্তত্রতত্র বণিগ্জনৈঃ |
সংভাব্যমানঃ শনকৈর্জগম স্বপুরং প্রতি || ২. ৫৫. ১৮||
স প্রবিশ্য গৃহং রম্যং সর্বমণ্ডলমণ্ডিতম্ |
সম্যক্সংভাবয়ামাস সুহৃদো ব্রাহ্মণানপি || ২. ৫৫. ১৯||
সংসেব্যমানশ্চ তদা নানাদেশেশ্বরৈর্নৃপৈঃ |
সভায়াং রাজশার্দূলো রেমে শক্র ইবাপরঃ || ২. ৫৫. ২০||
এবং সুহৃদ্ভিঃ সহিতঃ পূরয়িৎবা মনোরথম্ |
সগরঃ সহ ভার্যাভ্যাং রেমে নৃপবরোত্তমঃ || ২. ৫৫. ২১||
অংশুমন্তং ততঃ পৌত্রং মুদা বিনয়শালিনম্ |
বসিষ্ঠানুমতে রাজা যৌবরাজ্যেঽভ্যষেচয়ৎ || ২. ৫৫. ২২||
পৌরজানপদানাং তু বন্ধূনাং সুহৃদামপি |
স প্রিয়োঽভবদত্যর্থমুদারৈশ্চ গুণৈর্নৃপঃ || ২. ৫৫. ২৩||
প্রজাস্তমন্বরজ্যন্ত বালমপ্যমিতৌজসম্ |
নবং চ শুক্লপক্ষাদৌশীতাংশুমচিরোদিতম্ || ২. ৫৫. ২৪||
স তেন সহিতঃ শ্রীমান্সুৎদৃদ্ভিশ্চ নৃপোত্তমঃ |
ভার্যাভ্যামনুরূপাভ্যাং রমমাণোঽবসচ্চিরম্ || ২. ৫৫. ২৫||
যুবৈব রাজশার্দূলঃ সাক্ষাদ্ধর্ম ইবাপরঃ |
পালয়ামাস বসুধাং সশৈলবনকাননাম্ || ২. ৫৫. ২৬||
এবং মহানহিমদীধিতিবংশমৌলিরত্নায় যমানবপুরুত্তরকোসলেশঃ |
পূর্ণেন্দুবৎসকললোকমনোঽভিরামঃ সার্দ্ধ প্রজাভিরখিলাভিরলং জহর্ষ || ২. ৫৫. ২৭||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমাভাগে তৃতীয় উপোদ্ধাতপাদে সাগরোপাখ্যানেশুমতো রাজ্যপ্রাপ্তির্নাম পঞ্চপঞ্চশত্তমোঽধ্যায়ঃ || ৫৫||

জৈমিনিরুবাচ
এতত্তে চরিতং সর্বং সগরস্য মহাত্মনঃ |
সংক্ষেপবিস্তরাভ্যাং তু কথিতং পাপনাশনম্ || ২. ৫৬. ১||
খণ্ডোংঽযং ভারতো নাম দক্ষিণোত্তরমায়তঃ |
নবয়োজনসাহস্রং বিস্তারপরিমণ্ডলম্ || ২. ৫৬. ২||
পুত্রৈস্তস্য নরেদ্রস্য মৃগয়দ্ভিস্তুরঙ্গমম্ |
যোজনানাং সহস্রং তু খাৎবাষ্টৌ বিনিপাতিতাঃ || ২. ৫৬. ৩||
সাগরস্য সুতৈর্যস্মাদ্বর্দ্ধিতো মকরালয়ঃ |
ততঃ প্রভৃতি লোকেষু সাগরাখ্যামবাপ্তবান্ || ২. ৫৬. ৪||
ব্রহ্মপাদাবধি মহীং সতীর্থক্ষেত্রকাননাম্ |
অব্ধিঃ সংক্রময়ামাস পরিক্ষিপ্য নিজাংভসা || ২. ৫৬. ৫||
ততস্তন্নিলয়াঃ সর্বে সদেবাসুরমানবাঃ |
ইতস্ততশ্চ সংজাতা দুঃখেন মহতান্বিতাঃ || ২. ৫৬. ৬||
গোকর্ণং নাম বিখ্যাতং ক্ষেত্রং সর্বসুরার্চিতম্ |
সার্দ্ধয়োজনবিস্তারং তীরে পশ্চিম বারিধেঃ || ২. ৫৬. ৭||
তত্রাসংখ্যানি তীর্থানি মুনিদেবালয়াশ্চ বৈ |
বসংতি সিদ্ধসংঘাশ্চ ক্ষেত্রে তস্মিন্পুরা নৃপ || ২. ৫৬. ৮||
ক্ষেত্রং তল্লোকবিখ্যাতং সর্বপাপহরং শুভম্ |
তত্তীর্থমব্ধেরপতদ্ভাগে দক্ষিণপশ্চিমে || ২. ৫৬. ৯||
যত্র সর্বে তপস্তপ্ত্বা মুনয়ঃ সংশিতব্রতাঃ |
নির্বাণং পরমং প্রাপ্তাঃ পুনরাবৃত্তিবর্জিতম্ || ২. ৫৬. ১০||
তত্ত্রেত্রস্য প্রভাবেণ প্রীত্যা ভূতগণৈঃ সহ |
দেব্যা চ সকলৈর্দেবৈর্নিত্যং বসতি শঙ্করঃ || ২. ৫৬. ১১||
এনাংসি যৎসমুদ্দিশ্য তীর্থয়াত্রাং প্রকুর্বতাম্ |
নৃণামাশু প্রণশ্যন্তি প্রবাতে শুষ্কপর্ণবৎ || ২. ৫৬. ১২||
তৎক্ষেত্রসেবনরতির্ নৈব জাৎবভিজায়তে |
সমীপে বসমানোনামপি পুংসাং দুরাত্মনাম্ || ২. ৫৬. ১৩||
মহাতা সুকৃতেনৈব তৎক্ষেত্রগমনে রতিঃ |
নৃণাং সংজায়তে রাজন্নান্যথা তু কথঞ্চন || ২. ৫৬. ১৪||
নির্বন্ধেন তু যে তস্মিন্প্রাণিনঃ স্থিরজঙ্গমাঃ |
ম্রিয়ন্তে নৃপ সদ্যস্তে স্বর্গং প্রাপ্স্যন্তি শাশ্বতম্ || ২. ৫৬. ১৫||
স্মৃত্যাপি সকলৈঃ পাপৈর্যস্য মুচ্যেত মানবঃ |
ক্ষেত্রাণামুত্তমং ক্ষেত্রং সর্বতীর্থনিকেতনম্ || ২. ৫৬. ১৬||
স্নাৎবা চৈতেষু তীর্থেষু যজন্তশ্চ সদাশিবম্ |
সিদ্ধিকামা বসংতি স্ম মুনয়স্তত্র কেচন || ২. ৫৬. ১৭||
কামক্রোধবিনির্মুক্তা যে তস্মিন্বীতমৎসরাঃ |
নিবসংত্যচিরেণৈব তৎসিদ্ধিংপ্রাপ্নুবন্তি হি || ২. ৫৬. ১৮||
জপহোমরতাঃ শান্তা নিপতা ব্রহ্মচারিণঃ |
বসংতি তস্মিন্যে তে হি সিদ্ধিং প্রাপ্স্যন্ত্যভীপ্সিতাম্ || ২. ৫৬. ১৯||
দানহোমজপাদ্যং বৈ পিতৃদেবদ্বিজার্চনম্ |
অন্যস্মাৎকোটিগুণিতং ভবেত্তস্মিন্ফলং নৃপ || ২. ৫৬. ২০||
অংভোধিসলিলে মগ্ন তস্মিন্ ক্ষেত্রেঽতিপাবনে |
মহতা তপসা যুক্তা মুনয়স্তন্নিবাসিনঃ || ২. ৫৬. ২১||
সহ্যং শিখরিণং শ্রেষ্ঠং নিলয়ার্থং সমারুহন্ |
বসংতস্তত্র তে সর্বে সংপ্রধার্য পরস্পরম্ || ২. ৫৬. ২২||
সহেন্দ্রাদ্রৌ তপস্যন্তং রামং গন্তুং প্রচক্রমুঃ |
রাজোবাচ |
অগস্ত্যপীততোয়েঽব্ধৌ পরিতো রাজনন্দনৈঃ || ২. ৫৬. ২৩||
খাৎবাধঃ পাতিতে ক্ষেত্রে সতীর্থাশ্রমকাননে |
ভূভাগেষু তথান্যেষু পুরগ্রমাকরাদিষু || ২. ৫৬. ২৪||
বিনাশিতেষু দেশেষু সমুদ্রোপান্তবর্ত্তিষু |
কিমকার্ষুর্মুনিশ্রেষ্ঠ জনাস্তন্নিলয়াস্ততঃ || ২. ৫৬. ২৫||
তত্রৈব চাবসন্কৃচ্ছ্রাৎপ্রস্থিতান্যত্র বা ততঃ |
কিয়তা চৈব কালেন সংপূর্ণোঽভূদপাংনিধিঃ |
কেন বাপি প্রকারেণ ব্রহ্মন্নেতদ্বদস্ব মে || ২. ৫৬. ২৬||
জৈমিনিরুবাচ
অনূপেষু প্রদেশেষু নাশিতেষু দুরাত্মভিঃ || ২. ৫৬. ২৭||
জনাস্তন্নিলয়াঃ সর্বে সংপ্রয়াতা ইতস্ততঃ |
তত্রৈব চাবসন্কৃচ্ছ্রাৎকেচিৎক্ষেত্রনিবাসিনঃ || ২. ৫৬. ২৮||
এতস্মিন্নেব কালে তু রাজন্নংশুমতঃ সুতঃ |
বভূব ভুবিধর্মাত্মা দিলীপ ইতি বিশ্রুতঃ || ২. ৫৬. ২৯||
রাজ্যেঽভিষিচ্য তং সম্যগ্ভুক্তভোগোংঽশুমান্নৃপঃ |
বনং জগাম মেধাবী তপসে ধৃতমানসঃ || ২. ৫৬. ৩০||
দিলীপস্তু ততঃশ্রীমানশেষাং পৃথিবীমিমাম্ |
পালয়ামাস ধর্মেণ বিজিত্য সকলানরীন্ || ২. ৫৬. ৩১||
ভগীরথো নাম সুতস্তস্যাসীল্লোকবিশ্রুতঃ |
সর্বধর্মার্থকুশলঃ শ্রীমানমিতবিক্রমঃ || ২. ৫৬. ৩২||
রাজ্যেঽভিষিচ্য তং রাজা দিলীপোঽপি বনং যয়ৌ |
স চাপি পালয়ন্নুর্বীং সম্যগ্বিহতকণ্টকাম্ || ২. ৫৬. ৩৩||
মুমুদে বিবিধৈর্ভোগৈর্দিবি দেবপতির্যথা |
স শুশ্রাবাত্মনঃ পূর্বং পূর্বজানাং মহীপতিঃ || ২. ৫৬. ৩৪||
নিরয়ে পতনং ঘোরং বিপ্রকোপসমুদ্ভবম্ |
ব্রহ্মদণ্ডহতান্সর্বান্পিতঞ্ছ্রুৎবাতিদুঃখিতঃ || ২. ৫৬. ৩৫||
রাজ্যে বন্ধুষু ভোগে বা নির্বেদং পরমং যয়ৌ |
স মন্ত্রিপ্রবরে রাজ্যং বিন্যস্য তপসে বনম্ || ২. ৫৬. ৩৬||
প্রয়য়ৌ স্বপিৎৠন্নাকং নিনীষুর্নৃপসত্তমঃ |
তপসা মহাতা পূর্বমায়ুষে কমলোদ্ভবম্ || ২. ৫৬. ৩৭||
আরাধ্য তস্মাল্লেভে চ যাবদায়ুর্নিজেপ্সিতম্ |
ততো গঙ্গাং মহারাজ সমারাধ্য প্রসাদ্য চ || ২. ৫৬. ৩৮||
বরমাগমনং বব্রে দিবস্তস্যা মহীংপ্রতি |
ততস্তাং শিরসা ধর্ত্তু তপসাঽরাধয়চ্ছিবম্ || ২. ৫৬. ৩৯||
স চাপি তদ্বরং তস্মৈ প্রদদৌ ভক্তবৎসলঃ |
মেরোর্মূর্ধ্নস্ততো গঙ্গাং পতং তী শিরসাত্মনঃ || ২. ৫৬. ৪০||
সগ্রাহনক্রমকরাং জগ্রাহ জগতাং পতিঃ |
সা তচ্ছিরঃ সমাসাদ্য মহাবেগপ্রবাহিনী || ২. ৫৬. ৪১||
তজ্জটামণ্ডলে শুভ্রে বিলিল্যে সাতিগহ্বরে |
চুলকোদকবচ্ছংভোর্বিলীনাং শিরসি প্রভোঃ || ২. ৫৬. ৪২||
বিলোক্য তৎপ্রমোক্ষায় পুনরারাধয়দ্ধরম্ |
স তাং শর্বপ্রসাদেন লব্ধ্বা তু ভুবমাগতাম্ || ২. ৫৬. ৪৩||
আনিন্যে সাগরা দগ্ধা যত্র তাং বৈ দিশং প্রতি |
সঽনুব্রজন্তী রাজানং রাজর্ষের্যজতঃ পথি || ২. ৫৬. ৪৪||
তদ্যজ্ঞবাটমখিলং প্লাবয়ামাস সর্বতঃ |
স তু রাজঋষিঃ ক্রুদ্ধো যজ্ঞবাটেঽখিলে তয়া || ২. ৫৬. ৪৫||
মগ্নে গণ্ডূষজলবৎস পপৌ তামশেষতঃ |
অতন্দ্রিতো বর্ষশতং শুশ্রূষিতবা স তং পুনঃ || ২. ৫৬. ৪৬||
তস্মাৎপ্রসন্নান্নৃপতির্লেমে গঙ্গাং মহাত্মনঃ |
উষিৎবা সুচিরং তস্যনিসৃতা জঠরাদ্যতঃ || ২. ৫৬. ৪৭||
প্রথিতং জাহ্নবীত্যস্যাস্ততো নামাভবদ্ভুবি |
ভগীরথানুগা ভূৎবা তৎপিৎৠণামশেষতঃ || ২. ৫৬. ৪৮||
নিজাংভসাস্থিভস্মানি সিষেচ সুরনিম্নগা |
ততস্তদংভসা সিক্তেষ্বস্থিভস্মসু তৎক্ষণাৎ || ২. ৫৬. ৪৯||
নিরয়াৎসাগরাঃ সর্বে নষ্টপাপা দিবং যয়ুঃ |
এবং সা সাগরান্সর্বান্দিবং নীৎবা মহান্দী || ২. ৫৬. ৫০||
তেনৈব মার্গেণ জবাৎপ্রয়াতা পূর্বসাগরম্ |
সেনোর্মূর্ধ্নশ্চতুর্ভেদা ভূৎবা যাতা চতুর্দ্দিশম্ || ২. ৫৬. ৫১||
চতুর্ভেদতয়া চাভূত্তস্যা নাম্নাং চতুষ্টয়ম্ |
সীতা চালকনন্দা চ সুচক্ষুর্ভদ্রবত্যপি || ২. ৫৬. ৫২||
অগস্ত্যপীতসলিলাচ্চিরং শুষ্কোদকা অপি |
গঙ্গাংভসা পুনঃ পূর্ণাশ্চৎবারোঽম্বুধয়োঽভবন্ || ২. ৫৬. ৫৩||
পূর্বমাণে সমুদ্রে তু সাগরৈঃ পরিবর্দ্ধিতে |
অন্তর্হিতাভবন্দেশা বহবস্তৎসমীপগাঃ || ২. ৫৬. ৫৪||
সমুদ্রোপান্তবর্ত্তীনি ক্ষেত্রাণি চ সমন্ততঃ |
ইতস্ততঃ প্রয়াতাশ্চ জনাস্তন্নিলয়া নৃপ || ২. ৫৬. ৫৫||
গোকর্ণমিতি চ ক্ষেত্রং পূর্বং প্রোক্তং তু যত্তব |
অর্মবোপাত্তবর্ত্তিৎবাৎসমুদ্রেঽতর্দ্ধিমাগমৎ || ২. ৫৬. ৫৬||
ততস্তন্নিলয়াঃ সর্বে তদুদ্ধারাভিকাঙ্ক্ষিণঃ |
সহ্যাদ্রের্ভৃগুশার্দূলং দ্রষ্টুকামা যয়ুর্নৃপ || ২. ৫৬. ৫৭||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমাভাগে তৃতীয় উপোদ্ধাতপাদে
গঙ্গানয়নং নাম ষট্পঞ্চশত্তমোঽধ্যায়ঃ || ৫৬||

জৈমিনিরুবাচ
ততঃ শুষ্কসুমিত্রাদ্যা মুনয়ঃ শংসিতব্রতাঃ |
যয়ুর্দিদৃক্ষবো রামং মহেন্দ্রমচলং প্রতি || ২. ৫৭. ১||
অতীত্য সুবহূন্দেশান্বনানি সরিতস্তথা |
আসেদুরচলশ্রেষ্ঠং ক্রমেণ মুনিপুঙ্গবাঃ || ২. ৫৭. ২||
তমারুহ্য শনৈস্তস্যখ্যাতমাশ্রমমণ্ডলম্ |
প্রশান্তক্রূরসত্ত্বাঢ্যং শুভং মধ্যে তপোবনম্ || ২. ৫৭. ৩||
সর্বর্ত্তুফলপুষ্পাঢ্যতরুখণ্ডমনোহরম্ |
স্নিগ্ধচ্ছায়মনৌপম্যং স্বামোদিসুখমারুতম্ || ২. ৫৭. ৪||
তং তদাশ্রমমাসাদ্য ব্রহ্মঘোষেণ নাদিতম্ |
বিবিশুর্ত্দৃষ্টমনসো যথাবৃদ্ধপুরস্সরম্ || ২. ৫৭. ৫||
ব্রহ্মাসনে সুখাসীনং মৃদুকৃষ্ণাজিনোত্তরে |
শিষ্যৈঃ পরিবৃতং শান্তং দদৃশুস্তে তপোধনাঃ || ২. ৫৭. ৬||
কালাগ্নিমিব লোকাংস্ত্রীন্দগ্ধ্বা পূর্বং নিজেচ্ছয়া |
তদ্দোষশান্ত্যৈ তপসি প্রবৃত্তমিব্ দেহিনম্ || ২. ৫৭. ৭||
তে সমেত্য ভৃগুশ্রেষ্ঠং বিনয়াচারশালিনঃ |
ববন্দিরে মহামৌনং ভক্তিপ্রণতকন্ধরাঃ || ২. ৫৭. ৮||
ততস্তানাগতান্দৃষ্ট্বা মুনীন্ভৃগুকুলোদ্বহঃ |
অর্ঘপাদ্যাদিভিঃ সম্যক্পূজয়ামাস সাদরম্ || ২. ৫৭. ৯||
তানাসীনান্কৃতাতিথ্যানৃষীন্দেশান্তরাগতান্ |
উবাচ ভৃগুশার্দূলঃ স্মিতপূর্বমিদং বচঃ || ২. ৫৭. ১০||
স্বাগতং বো মহাভাগা যূয়ং সর্বে সমাগতাঃ |
করণীয়ং কিমস্মাভির্বদধ্বমবিচারিতম্ || ২. ৫৭. ১১||
ততস্তে মুনয়ো রামং প্রণম্যেদমথাব্রুবন্ |
অবেহ্যস্মান্মুনিশ্রেষ্ঠ গোকর্ণনিলয়ান্মুনীন্ || ২. ৫৭. ১২||
খনদ্ভিঃ সাগরৈর্ভূমিং কস্মিংশ্চিৎকারণান্তরে |
সতীর্থং তন্মহাক্ষেত্রং পতিতং সাগরাংভসি || ২. ৫৭. ১৩||
উৎসারিতার্মবজলং ক্ষেত্রং তৎসর্বপাবনম্ |
উপলব্ধুমভীপ্সামো ভবতস্তু ন সংশয়ঃ || ২. ৫৭. ১৪||
বিষ্ণোরংশেন সংজাতো ভবান্ভৃগুকুলে কিল |
তস্মাৎকর্তুমশক্যং তে ত্রৈলোক্যেঽপি ন কিঞ্চন || ২. ৫৭. ১৫||
বাঞ্ছিতার্থপ্রদো লোকে ৎবমেবেত্যনুশুশ্রুম |
বয়ং ৎবামাগতাঃ সর্বে রামৈতদভিয়াচিতুম্ || ২. ৫৭. ১৬||
স ৎবমাত্মপ্রভাবেণ ক্ষেত্রপ্রবরমদ্য তৎ |
দাতুমর্হসি বিপ্রেন্দ্র সমুৎসার্যার্মবোদকম্ || ২. ৫৭. ১৭||
রাম উবাচ
এতৎসর্বমশেষণ বিদিতং মে তপোধনাঃ |
করণীয়ং চ বঃ কৃত্যং ময়া নাত্র বিচারণা || ২. ৫৭. ১৮||
কিং তু যুষ্মদভিপ্রেতং কর্ম লোকে সুদারুণম্ |
শস্ত্রসংগ্রহণাচ্ছক্যং ময়াপি ন তদন্যথা || ২. ৫৭. ১৯||
দত্তসর্বাভয়োঽহং বৈ ন্যস্তশস্ত্রঃ শমান্বিতঃ |
তপঃ সমাস্থিতশ্চর্তু প্রাগেব পিতৃ শাসনাৎ || ২. ৫৭. ২০||
ন জাতু শস্ত্রগ্রহণং করিষ্যামীত্যহং পুরা |
প্রতিশ্রুত্য সতাং মধ্যে তপঃ কর্ত্তুমিহানঘাঃ || ২. ৫৭. ২১||
শস্ত্রগ্রহণসাধ্যৎবাদ্যুষ্মদীপ্সিতবস্তুনঃ |
কিঙ্কর্ত্তব্যং ময়াত্রেতি মম ডোলায়তে মনঃ || ২. ৫৭. ২২||
শুষ্ক উপাচ |
সতাং সংরক্ষণার্থায় শস্ত্রসংগ্রহণং তু যৎ |
তন্নচ্যাবয়তে সত্যদ্যথোক্তং ব্রহ্মণা পুরা || ২. ৫৭. ২৩||
তস্মাদস্মদ্ধিতার্থায় ভবতা গ্রাহ্যমায়ুধম্ |
ধর্ম এব মহাংস্তেন চরিতস্তে ভবিষ্যতি || ২. ৫৭. ২৪||
জৈমিনিরুবাচ
এবং সংপ্রার্থ্যমানস্তু মুনিভির্ভৃগুপুঙ্গবঃ |
তমনুদ্রুত্য মেধাবী ধর্মমুদ্দিশ্য কেবলম্ || ২. ৫৭. ২৫||
স তৈঃ সহ মুনিশ্রেষ্ঠো দিশং দক্ষিণপশ্চিমাম্ |
সমুদ্দিশ্য চচৌ রাজন্দ্রষ্টুকামঃ সরিৎপতিম্ || ২. ৫৭. ২৬||
স সহ্যমচলশ্রেষ্ঠমবতীর্য ভৃগূদ্বহঃ |
তৎপরং সরিতাং পত্যুস্তীরং প্রাপ মহামনাঃ || ২. ৫৭. ২৭||
স দদর্শ মহাভাগঃ পরিতো মারুতাকুলম্ |
আকরং সর্বরত্নানাং পূর্যমাণমনারতম্ || ২. ৫৭. ২৮||
অপরিজ্ঞেয়গাংভীর্যং মহাতামিব মানসম্ |
দুষ্পারপারং সর্বস্য বিবিধগ্রহসংহতিম্ || ২. ৫৭. ২৯||
অপ্রধৃষ্য তমং লোকে ধাতারমিব কেবলম্ |
আত্মানমিব চাত্মৎবে ন্যক্কৃতাখিলমুদ্ধতম্ || ২. ৫৭. ৩০||
আশ্রয়ং সর্বসত্ত্বানামাপগানাং চ পার্থিবঃ |
অত্যর্থচপলোত্তুগতরঙ্গশতমালিনম্ || ২. ৫৭. ৩১||
উপান্তোপলসংঘাতকুহরান্তরসংশ্রয়াৎ |
বিশীর্যমাণলহরীশতফেনৌঘসোভিতম্ || ২. ৫৭. ৩২||
গংভীরঘোষং জলধিং পশ্যন্মুনিগণৈঃ সহ |
সংসেব্যমানস্তরলৈর্লহরীকণশীতলৈঃ || ২. ৫৭. ৩৩||
মুহূর্ত্তমিব রাজেন্দ্র তীরেনদনদীপতেঃ |
বিশশ্রমে মহাবাহুর্দ্রষ্টুকামঃ প্রচেতসম্ || ২. ৫৭. ৩৪||
ততো রামঃ সমুত্থায় দক্ষিণাভিমুখঃ স্থিতঃ |
মেঘগংভিরয়া বাচা বরুণং বাক্যমব্রবীৎ || ২. ৫৭. ৩৫||
অহং মুনিগণৈঃ সার্দ্ধমাগতস্ত্বদ্দিদৃক্ষয়া |
তস্মাৎস্বরূপধৃঙ্মহ্যং প্রচেতো দেহি দর্শনম্ || ২. ৫৭. ৩৬||
ইতি শ্রুৎবাপি তদ্বাক্যং বরুণো যাদসাং পতিঃ |
ন চচাল নিজস্থানান্নৃপ ধীরতরস্ত্বয়ম্ || ২. ৫৭. ৩৭||
পুনঃ পুনশ্চ রামেণ সমাহূতোঽপি তোয়রাট্ |
ন দদৌ দর্শনং তস্মৈ প্রতিবাচ্যং চ নাভ্যধাৎ || ২. ৫৭. ৩৮||
অলঙ্ঘনীয়ং তদ্বাক্যং বরুণেনাবধীরিতম্ |
অত্যন্তমিতি কার্যার্থী বিদুষা সমুপেক্ষিতম্ || ২. ৫৭. ৩৯||
ততঃ প্রচেতসা বাক্যং মন্যমানোঽবধীরিতম্ |
চুকোপ তমভিপ্রেক্ষ্য রামঃ শস্ত্রভৃতাং বরঃ || ২. ৫৭. ৪০||
সংক্ষুব্ধসাগরাকারঃ স তদা স্ববলাশ্রয়াৎ |
নিস্তোয়মর্ণবং কর্তুমিয়েষ রুষিতো ভৃশম্ || ২. ৫৭. ৪১||
ততো জলমুপস্পৃশ্য সমীপে বিজয়ং ধনুঃ |
ততঃ প্রণম্য মনসা শর্বং রামো মহাদ্ধনুঃ || ২. ৫৭. ৪২||
গৃহীৎবারোপয়ামাস ক্রোধসংরক্তলোচনঃ |
অভিমৃশ্য ধনুঃশ্রেষ্ঠং সগুণং ভৃগুসত্তমঃ || ২. ৫৭. ৪৩||
পশ্যতাং সর্বভূতানাং জ্যাঘোষমকরোত্তদা |
জ্যাঘোষঃ শুশ্রুবে তস্য দিবিস্পৃগতিনিষ্ঠুরঃ || ২. ৫৭. ৪৪||
চচাল নিখিলায়েন সপ্তদ্বীপার্মবা মহী |
ততঃ সরভসং রামশ্চাপে কালানলোপমম্ || ২. ৫৭. ৪৫||
সুবর্মপুঙ্খং বিশিখং সংদধে শরসত্তমম্ |
তস্মিন্নস্ত্রং মহাঘোরং ভার্গবং বহ্নিদৈবতম্ || ২. ৫৭. ৪৬||
যুয়োজ ভৃগুশার্দূলঃ সমন্ত্রাভ্যাসমোক্ষণম্ |
ততশ্চচাল বসুধা সশৈলবনকাননা || ২. ৫৭. ৪৭||
প্রক্ষোভং পরমং জগ্মুর্দেবাসুরমহোরগাঃ |
সংধিতাস্ত্রং ভৃগুশ্রেষ্ঠং ক্রোধসংরক্তলোচনম্ || ২. ৫৭. ৪৮||
দৃষ্ট্বা সংভ্রান্তমনসো বভূবুঃ সচরাচরাঃ |
সদিগ্দাহভ্রপটলৈরভবন্সংবৃতা দিশঃ || ২. ৫৭. ৪৯||
ববুশ্চ পরুষা বাতা রজোব্যাপ্তা মহারবাঃ |
মন্দরশ্মিরশীতাংশুরভূতসংরক্তমণ্ডলঃ || ২. ৫৭. ৫০||
সোল্কাপাতাশনির্বৃষ্টির্বভূব রুধিরোদকা |
কিমেতদিতি সংভ্রান্তা ধূমোদ্গারাতিভীষণম্ || ২. ৫৭. ৫১||
অধিরোপিতদিব্যাস্ত্রং প্রচকর্ষ মহাশরম্ |
ধনুর্বিকর্ষমাণং তং স্ফুরজ্জ্বালাগ্রসায়কম্ || ২. ৫৭. ৫২||
দদৃশুর্মুনয়ো রামং কল্পান্তানলসন্নিভম্ |
আকর্ণাকৃষ্টকোদণ্ডমণ্ডলাভ্যং তরস্থিতম্ || ২. ৫৭. ৫৩||
তস্য প্রতিভয়াকারং দুষ্প্রাপমভবদ্বপুঃ |
বিকৃষ্টধনুষস্তস্য রূপমুগ্রং রবেরিব || ২. ৫৭. ৫৪||
কল্পান্তেঽভ্যুদিতস্যেব মণ্ডলং পরিবেষিতম্ |
কল্পান্তাগ্নসমজ্বালাভীষণং স্ফুরতো বপুঃ || ২. ৫৭. ৫৫||
তস্যালক্ষ্যত চক্রম্য হরেরিব চ মণ্ডলম্ |
স্ফুরৎক্রোধানলজ্বালাপরীতস্যাতিরৌদ্রতাম্ || ২. ৫৭. ৫৬||
অবাপ বিষ্ণোঃ স তদা নরসিংহাকৃতেরিব |
বপুর্বিকৃষ্টচাপস্য ভৃকুটীকুটিলাননম্ || ২. ৫৭. ৫৭||
রামস্যাভূদ্ভবস্যেব দিধক্ষোস্ত্রিপুরং পুরা |
জাজ্বল্যমানবপুষং তং দৃষ্ট্বা সহসা ভয়াৎ || ২. ৫৭. ৫৮||
প্রসীদ জয় রামেতি তুষ্টুবুর্মুনয়োঽখিলাঃ |
ততোঽস্ত্রাগ্নিস্ফুরদ্ধূমপটলৈঃ শকলীকৃতম্ || ২. ৫৭. ৫৯||
বভূব চ্ছন্নমংভোধেরন্তঃ পুরমশৈষতঃ |
জ্বলদস্ত্রানলজ্বালাপ রিতাপপরাহতঃ || ২. ৫৭. ৬০||
অত্যরিচ্যত সংভ্রান্তসলিলৌঘ উদন্বতঃ |
তিমিঙ্গিলতিমিগ্রাহনক্রমৎস্যাহিকচ্ছপাঃ || ২. ৫৭. ৬১||
প্রজগ্মুঃ পরমামার্ত্তিং প্রাণিনঃ সলিলেশয়াঃ |
উৎপতন্নিপতত্তাম্যন্নানাসত্ত্বোদ্ধতোর্মিভিঃ || ২. ৫৭. ৬২||
প্রক্ষোভং ভৃশমংভোধিঃ সহসা সমুপাগমৎ |
ত্রাসরাসং চ বিপুলমংভসা প্লবতা সহ || ২. ৫৭. ৬৩||
উদ্বেলতামিতস্তপ্তাঃ সলিলান্তরচারিণঃ |
ততস্তস্মাচ্ছরাজ্জ্বালাঃ ফূৎকৃতাশেষ ভীষণাঃ || ২. ৫৭. ৬৪||
নিরূপিতমিব ব্যক্তং নিশ্চেরুঃ সর্বতো দিশম্ |
ততঃ প্রচণ্ডপবনৈঃ সর্বতঃ পরিবর্ত্তিতম্ || ২. ৫৭. ৬৫||
অগ্নিজ্বালাময়ং রক্তবিতানাভমলক্ষ্যত |
প্রলয়াব্ধেরিবাত্যর্থমস্ত্রাগ্নিব্যাকুলাংভসঃ || ২. ৫৭. ৬৬||
সমুদ্রিক্ততয়া তস্য তরঙ্গাস্তীরমভ্যয়ুঃ |
অস্ত্রাগ্নিবিদ্ধাকুলিতজলঘোষেণ ভূয়সা || ২. ৫৭. ৬৭||
ককুভো বধিরীকুবন্নলক্ষ্যত পয়োনিধিঃ |
পরিতোঽস্ত্রানলজ্বালাপরিবীতজলাবিলঃ || ২. ৫৭. ৬৮||
জগাম পরমামার্ত্তিং সহ্যঃ সদ্যস্তদাশ্রয়ঃ |
আকর্ণাকৃষ্টকোদণ্ডং দৃষ্ট্বা রামং পয়োনিধিঃ || ২. ৫৭. ৬৯||
বিষাদমগমত্তীব্রং যমং দৃষ্ট্বেব পাতকী |
ভয়কংপিতসর্বাঙ্গস্ততো নদনদীপতিঃ || ২. ৫৭. ৭০||
বিহায় সহজং ধৈর্যং ভীরুৎবং সমুপাগমৎ |
ততঃ স্বরূপমাস্থায় সর্বাভরণভূষিতঃ || ২. ৫৭. ৭১||
উত্তীর্যমাণঃ স্বজলং বরুণঃ প্রত্যদৃশ্যত |
কৃতাঞ্জলিঃ সার্বহস্তঃ প্রচেতা ভার্গবান্তিকম্ || ২. ৫৭. ৭২||
ৎবরয়াভ্যায়ায়ৌ শীঘ্রসায়কাদ্ভীতভীতবৎ |
অভ্যেত্যাকৃষ্টধনুষঃ স তস্য চরণাব্জয়োঃ || ২. ৫৭. ৭৩||
অব্রবীচ্চ ভৃশং ভীতঃ সংভ্রমাকুলিতাক্ষরম্ |
রক্ষ মাং ভৃগুশার্দূল কৃপয়া শরণাগতম্ || ২. ৫৭. ৭৪||
অপরাধমিমং রাম ময়া কৃতমজানতা |
স্থিতোঽস্মি তব নির্দেশেশাধি কিং করবাণি বৈ || ২. ৫৭. ৭৫||
ইতি শ্রীব্রহ্মাণ্ডে মহাপুরাণে মধ্যমভাগে তৃতীয়ে উপোদ্ধাতপাদে ভার্গবং প্রতি বরুণাগমনং নাম সপ্তপঞ্চশত্তমোঽধ্যায়ঃ || ৫৭||

জৈমিনিরুবাচ
এবং ব্রুবাণং বরুণং বিলোক্য পতিতং ভুবি |
সংজহার পুনর্ধীমানস্ত্রং মৃগুকুলোদ্বহঃ || ২. ৫৮. ১||
সংৎদৃতাস্ত্রস্ততো রামো বরুণং পুরতঃ স্থিরম্ |
বিলোক্য বিগতক্রোধস্তমুবাচ হসন্নিব || ২. ৫৮. ২||
গোকর্ণনিলয়াঃ পূর্বমিমেমাং মুনিপুঙ্গবাঃ |
সমায়াতা মহেন্দ্রাদ্রৌ নিবসংতং সরিৎপতে || ২. ৫৮. ৩||
ৎবত্তোয়ে মেদিনীং পূর্বং খনদ্ভিঃ সগরাত্মজৈঃ |
অধো নিপাতিতং ক্ষেত্রং গোকর্ণমৃষিসেবিতম্ || ২. ৫৮. ৪||
উপলব্ধুমিমে ভূয়ঃ ক্ষেত্রং তদ্ভববল্লভম্ |
অধাবন্মামুপাগম্য মুনয়স্তীর্থবাসিনঃ || ২. ৫৮. ৫||
এষামর্থে ততঃ সোঽহং মহেন্দ্রাদচলোত্তমাৎ |
ভবন্তমাগতো দ্রষ্টুং সহৈভির্মুনিপুঙ্গবৈঃ || ২. ৫৮. ৬||
তস্মান্মদর্থে সলিলং সমুৎসার্যাত্মনো ভবান্ |
দাতুমর্হতি তৎক্ষেত্রমেষাং তোয়ে চ পূর্ববৎ || ২. ৫৮. ৭||
জৈমিনিরুবাচ
ইতি তস্য বচঃ শ্রুৎবা বরুণো যাদসাং পতিঃ |
নিরূপ্য মনসা রামমিদ ভূয়োঽব্রবীদ্বচঃ || ২. ৫৮. ৮||
বরুণ উবাচ
ন শক্যমুৎসারয়িতুং মদংভঃ কেনচিদ্ভবেৎ |
তথা হি মে বরো দত্তঃ পুরানেন বিরিঞ্চিনা || ২. ৫৮. ৯||
সোঽহং ৎবত্তেজসেদারীং বিহায় সহজাং ধৃতিম্ |
কাতরং সমুপায়াতো বশতাং তব ভার্গব || ২. ৫৮. ১০||
এষামর্থে বিশেষণ ভবতা পরিচোদিতঃ |
কথং ন কুর্যাং কর্মেদমহং ক্ষত্ত্রকুলান্তক || ২. ৫৮. ১১||
তস্মাদ্যাবৎপ্রমাণং মে ভবান্সংকল্পয়িষ্যতি |
তাবৎসংঘারয়িষ্যামি ভূমৌ সলিলমাত্মনঃ || ২. ৫৮. ১২||
ইতি তস্য বচঃ শ্রুৎবা তথেত্যুক্ত্বা স সায়কম্ |
যথাগতং প্রচিক্ষেপ ধনুর্নির্ভিদ্য ভার্গবঃ || ২. ৫৮. ১৩||
ততো নিরূপ্য সীমানং দর্শয়ানো মহীপতে |
স্রুবং জগ্রাহ মতিমান্ক্ষপ্তুকামো জলাশয়ে || ২. ৫৮. ১৪||
প্রসন্নচেতসং রামং গতরোষমথাত্মনি |
অন্তর্হিতে সরিন্নাথে রামঃ সুবমুদঙ্মুখঃ || ২. ৫৮. ১৫||
ভ্রাময়িৎবাতিবেগেন চিক্ষেপ লবণার্ণবে |
ক্ষিপ্তৎবেন সমুদ্রে তু দিশমুত্তরপশ্চিমাম্ || ২. ৫৮. ১৬||
গৎবা স্রুবোপতদ্রাজন্যোজনানাং শতদ্বয়ম্ |
তীর্থং শুর্পারকং নাম সর্বপাপবিমোচনম্ || ২. ৫৮. ১৭||
বিশ্রুতং যত্ত্রিলোকেষু তীরে নদনদীপতেঃ |
তীর্থং তদন্তরীকৃত্য স্রুবো রামকরাচ্চ্যুতঃ || ২. ৫৮. ১৮||
নিপপাত মহারাজ সূচয়ন্রামবিক্রমম্ |
যত্রাভূদ্রামসৃষ্টায়া ভুবো নিষ্ঠাথ পার্থিব || ২. ৫৮. ১৯||
তীর্থং শূর্পারকং তত্তু শ্রীমল্লোকপরিশ্রুতম্ |
উৎসারয়িৎবা সলিলং সমুদ্রস্তাবদাত্মনঃ || ২. ৫৮. ২০||
অতিষ্ঠদপসৃত্যোর্বীং দত্ত্বা রামায় পার্থিব |
অনতিক্রান্তমর্যাদো যথাকালং ভৃগূদ্বহঃ || ২. ৫৮. ২১||
সময়ং স্বাপয়ামাস তস্যৈবানুমতে ভুবি |
বিজ্ঞায় পূর্বসীমান্তাং ভুবমভ্যুৎসসর্জ হ || ২. ৫৮. ২২||
ব্যস্ময়ন্ত সুরাঃ সর্বে দৃষ্ট্বা রামস্য বিক্রমম্ |
নগরগ্রমসীমানঃ কিঞ্চিৎকিঞ্চিৎক্বচিৎক্বচিৎ || ২. ৫৮. ২৩||
সহ্যে তু পূর্ববত্তস্মিন্নব্ধেরপসৃতেংঽভসি |
তত্র দৈবাত্তথা স্থানান্নিম্নৎবাৎস প্রলক্ষ্য তু || ২. ৫৮. ২৪||
ততস্তেষাং ভৃগুশ্রেষ্ঠো মুনীনাং ভাবিতাত্মনাম্ |
যথাভিলষিতং স্থানং প্রদদৌ প্রীতিপূর্বকম্ || ২. ৫৮. ২৫||
ততস্তে মুনয়ঃ সর্বে হর্ষেণ মহাতান্বিতাঃ |
কৃতকৃত্যা ভৃশং রামমাশিষা সমপূজয়ন্ || ২. ৫৮. ২৬||
অথৈতৈরভ্যনুজ্ঞাতো যয়ৌ প্রাপ্তমনোরথঃ |
গতে মুনিবরে রামে দেশাত্তস্মান্নিজাশ্রমম্ || ২. ৫৮. ২৭||
সংভূয় মুনয়ঃ সর্বে প্রজগ্মুস্তীরমংবুধেঃ |
পরিচঙ্ক্রম্য তাং ভূমিং যত্নেন মহাতান্বিতাঃ || ২. ৫৮. ২৮||
দদৃশুঃ সর্বতো রাজন্হ্যর্মবান্তঃ স্থিতাং মহীম্ |
নিত্যৎবা ৎসর্বদেবানামধিষ্ঠানতয়া তথা || ২. ৫৮. ২৯||
কাতমব্ধৌ নিপতিতং নষ্টতোয়ং চিরোষিতম্ |
অপি রুদ্রপ্রভাবেম প্রায়ান্নাত্যন্তবিপ্লবম্ || ২. ৫৮. ৩০||
তত্তেয়নিঃসৃতং ক্ষেত্রমভূৎপূর্ববদেব হি |
এতদ্ধি দেবসামর্থ্যমচিন্ত্যং নৃপসত্তম || ২. ৫৮. ৩১||
এবং রামেণ জলধেঃ পুনঃ সৃষ্টা বসুংধরা |
দক্ষিণোত্তরতো রাজনয়োজনানাং চতুঃশতম্ || ২. ৫৮. ৩২||
নাতিক্রামতি সোঽদ্যাপি সীমানং পয়সাং নিধিঃ |
কৃতং রামেণ মহতা ন তু সজ্জং মহদ্ধনুঃ || ২. ৫৮. ৩৩||
এবং প্রভাবো রামোঽসৌ সগরশ্চ মহীপতিঃ |
যস্য পুত্রৈরয়ং খণ্ডো ভারতোঽব্ধৌ নিপতিতঃ || ২. ৫৮. ৩৪||
যোজনানাং সহস্রন্তু বর্দ্ধিতশ্চ মহোদধিঃ |
রামেণাভূৎপুনঃ সৃষ্টং যোজনানাং তু ষট্শতম্ || ২. ৫৮. ৩৫||
সগরস্য সুতৈর্যস্মাদ্বর্দ্ধিতো মকরালয়ঃ |
ততঃ প্রভৃতি লোকেষু সাগরাখ্যামবাপ্তবান্ || ২. ৫৮. ৩৬||
এতত্তেঽভিহিতং সম্যঙ্মহতশ্চরিতং ময়া |
রামস্য কার্ত্তবীর্যস্য সগরস্য মহীপতেঃ || ২. ৫৮. ৩৭||
ইতি শ্রীব্রহ্মাণ্ডে মহাপুরাণে বায়ুপ্রোক্ত মধ্যমভাগে তৃতীয় উপাদ্ধাতপাদেঽষ্টপঞ্চশত্তমোঽধ্যায়ঃ || ৫৮||

বৃহস্পতিরুবাচ
ঋষয়স্ত্বেব মুক্তাস্তু পরং হর্ষমুপাগতাঃ |
পরং শুশ্রূষয়া ভূয়ঃ পপ্রচ্ছুস্তদনন্তরম্ || ২. ৫৯. ১||
ঋষয় ঊচুঃ
বংশানামানুপূর্ব্যেণ রাজ্ঞাং চামিততেজসাম্ |
স্থিতিং চৈষাং প্রভাবং চ ব্রূহি নঃ পরিপৃচ্ছতাম্ || ২. ৫৯. ২||
এবমুক্তস্ততস্তৈস্তু তদাসৌ লোমহর্ষণঃ |
শৃণ্বতামুত্তরাখ্যানে ঋষীণাং বাক্য কোবিদঃ || ২. ৫৯. ৩||
অখ্যানকুশলো ভূয়ঃ পরং বাক্যমুবাচ হ |
ব্রুবতো মে নিবোধংশ্চ ঋষিরাহ যথা মম || ২. ৫৯. ৪||
বংশানামানুপূর্ব্যেণ রাজ্ঞাং চামিততেজসাম্ |
স্থিতিং চৈষাং প্রভাবং চ ক্রমতো মে নিবোধত || ২. ৫৯. ৫||
বরুণস্য সপত্নীকান্ স্তুতা দেবী উদাহৃতা |
তস্যাঃ পুত্রৌ কলির্বৈদ্যঃ স্তুতা চ সুরসুংদরী || ২. ৫৯. ৬||
কলিপুত্রৌ মহাবীর্যৌং জয়শ্চ বিজয়শ্চ হ |
বৈদ্যপুত্রৌ ঘৃণিশ্চৈব মুনিশ্চৈব মহাবলৌ || ২. ৫৯. ৭||
প্রত্তানামনু কামানামন্যোন্যস্য প্রভক্ষিণৌ |
ভক্ষ্যিৎবা তাবন্যোন্যং বিনাশং সমবাপ্নুতঃ || ২. ৫৯. ৮||
কলিঃ সুরায়াঃ সংজ্ঞেয়স্তস্য পুত্রো মদঃ স্মৃতঃ |
স্মৃতা হিংসা কলের্ভার্যা শ্রেষ্ঠা যা নিকৃতস্মৃতিঃ || ২. ৫৯. ৯||
প্রসূতান্যে কলেঃ পুত্রাশ্চৎবারঃ পুরুষাদকাঃ |
নাকে বিঘ্নশ্চ বিখ্যাতো ভদ্রমোবিধমস্তথা || ২. ৫৯. ১০||
অশিরস্কতয়া বিঘ্নো নাকশ্চৈবাশরীরবান্ |
ভদ্রমশ্চৈকহস্তোঽভূদ্বিধমশ্চৈকপাৎস্মৃতঃ || ২. ৫৯. ১১||
ভদ্রমস্য তথাপত্নী তামসী পূতনা তথা |
রেবতী বিধমস্যাপি তয়োঃ পুত্রাঃ সহস্রশঃ || ২. ৫৯. ১২||
নাকস্য শকুনিঃ পত্নী বিঘ্নস্য চ অয়ো মুখী |
রাক্ষসাস্তু মহাবীর্যাঃ সংধ্যাদ্বয়বিচারিমঃ || ২. ৫৯. ১৩||
রেবতীপূতনাপুত্রা নৈঋতা নামতঃ স্মৃতাঃ |
গ্রহস্তে রাক্ষসাঃ সর্বে বালানাং তু বিশেষতঃ || ২. ৫৯. ১৪||
স্কন্দস্তেষামধিপতির্ব্রহ্মণোঽনুমতঃ প্রভুঃ |
বৃহস্পতের্যা ভগিনী বরস্ত্রী ব্রহ্মচারিণী || ২. ৫৯. ১৫||
যোগসিদ্ধা জগৎকৃৎস্নমসক্তা চরতে সদা |
প্রভাসস্য তু সা ভার্যা বসূনামষ্টমস্য চ || ২. ৫৯. ১৬||
বিশ্বকর্মা সুরস্তস্যা জাতঃ শিল্পিপ্রজাপতিঃ |
ৎবষ্টা বিরাজো রূপাণি ধর্মপৌত্র উদারধীঃ || ২. ৫৯. ১৭||
কর্ত্তা শিল্পিসহস্রাণাং ত্রিদশানাং তু যোগতঃ |
যঃসর্বেষাং বিমানানি দেবতানাং চকার হ || ২. ৫৯. ১৮||
মানুষাশ্চোপজীবন্তি যস্য শিল্পং মহাত্মনঃ |
প্রহ্রাদী বিশ্রুতা তস্য পত্নী ৎবষ্টুর্বিরোচনা || ২. ৫৯. ১৯||
বিরোচনস্য ভগিনী মাতা ত্রিশিরসস্তথা |
দেবাচার্যস্য মহতো বিশ্বরূপস্য ধীমতঃ || ২. ৫৯. ২০||
বিশ্বকর্মাত্মজশ্বৈব বিশ্বকর্মা ময়ঃ স্মৃতঃ |
সুরেণুরিতি বিখ্যাতা স্বসা তস্য যবীয়সী || ২. ৫৯. ২১||
ৎবাষ্ট্রী যা সবিতুর্ভার্যা পুনঃ সংজ্ঞেতি বিশ্রুতা |
প্রাসূত সা মহাভাগং মনুং জ্যেষ্ঠং বিবস্বতঃ || ২. ৫৯. ২২||
যমৌ প্রাসূত চ পুনর্যমং চ যমুনাং চ হ |
সা তু গৎবা কুরূন্দেবী বডবা রূপধারিণী || ২. ৫৯. ২৩||
সবিতুশ্চাস্য রূপস্য নাসিকাভ্যাং তু তৌ স্মৃতৌ |
প্রাসূত সা মহাভাগ ৎবন্তরিক্ষেঽশ্বিনৌ কিল || ২. ৫৯. ২৪||
নাসত্যং চৈব দস্রং চ মার্ত্তণ্ডস্যাত্মজাবুভৌ |
ঋষয় ঊচুঃ
কস্মান্মার্ত্তণ্ড ইত্যেষ বিবস্বানুদিতো বুধৈঃ || ২. ৫৯. ২৫||
কিমর্থং সাসুরূপা বৈ নাসিকাভ্যামসূয়ত |
এতদ্বেদিতুমিচ্ছামো সর্বং নো ব্রূহি পৃচ্ছতাম্ || ২. ৫৯. ২৬||
সূত উবাচ
চিরোৎপন্নমতির্ভিন্নমণ্ডং ৎবষ্ট্রা বিদারিতম্ |
গর্ভবধং ভ্রান্তঃ কশ্যপো বিদ্রুতো ভবেৎ || ২. ৫৯. ২৭||
অণ্ডে দ্বিধাকৃতে ৎবণ্ডং দৃষ্ট্বা ৎবষ্টেদমব্রবীৎ |
নৈতন্ন্যূনং ভবাদণ্ডং মার্ত্তণ্ডস্ত্বং ভবানঘ || ২. ৫৯. ২৮||
ন খল্বয়ং মৃতোংঽডস্থ ইতি স্নেহাৎপিতাব্রবীৎ |
তস্য তদ্বচনং শ্রুৎবা নামান্বর্থমুদাহরন্ || ২. ৫৯. ২৯||
যন্মার্ত্তণ্ডো ভবেত্যুক্তস্ত্বণ্ডাৎসোংডে দ্বিধাকৃতে |
তস্মাদ্বিবস্বান্মার্ত্তণ্ডঃ পুরাণজ্ঞৈর্বিভাব্যতে || ২. ৫৯. ৩০||
ততঃ প্রজাঃ প্রবক্ষ্যামি মার্ত্তণ্ডস্য বিবস্বতঃ |
বিজজ্ঞে সবিতুর্ভার্যা সংজ্ঞা পুত্রাংস্তু ত্রীন্পুনঃ || ২. ৫৯. ৩১||
মনুং যমীং যমং চৈব ছায়া সা তপতী তথা |
শনৈশ্চরং তথৈবৈতে মার্ত্তণ্ডস্যাত্মজাঃ স্মৃতাঃ || ২. ৫৯. ৩২||
বিবস্বান্কশ্যপাজ্জজ্ঞে দাক্ষায়িণ্যাং মহায়শাঃ |
তস্য সংজ্ঞাভবদ্ভার্যা ৎবাষ্ট্রী দেবী বিবস্বতঃ || ২. ৫৯. ৩৩||
সুরেণুরিতি বিখ্যাতা পুনঃ সংজ্ঞেতি বিশ্রুতা |
সা তু ভার্যা ভগবতো মার্ত্তণ্ডস্যাতিতেজসঃ || ২. ৫৯. ৩৪||
ন খল্বয়ে মৃতো হ্যণ্ডে ইতি স্নেহাত্তমব্রবীৎ |
অজানন্কশ্যপঃ স্নেহাৎ মার্ত্তণ্ড ইতি চোচ্যতে || ২. ৫৯. ৩৫||
তেজস্ত্বভ্যধিকং তস্য নিত্যমেব বিবস্বতঃ |
যেনাপি তাপয়ামাস ত্রীল্লোঙ্কান্কশ্যপাত্মজঃ || ২. ৫৯. ৩৬||
ত্রীণ্যপত্যানি সংজ্ঞায়াং জনয়ামাস বৈ রবিঃ |
দ্বৌ সুতৌ তু মহাবীর্যৌং কন্যৈকা বিদিতৈব চ || ২. ৫৯. ৩৭||
মনুর্বৈবস্বতো জ্যেষ্ঠঃ শ্রাদ্ধদেবঃ প্রজাপতিঃ |
ততো যমো যমী চৈব যমজৌ সংবভূবতুঃ || ২. ৫৯. ৩৮||
অসহ্যতেজস্তদ্রূপং দৃষ্ট্বা সংজ্ঞা বিবস্বতঃ |
অসহন্তী স্বকাং ছায়াং সবর্ণাং নির্মমে পুনঃ || ২. ৫৯. ৩৯||
মহাভাগা তু সা নারী তস্যাশ্ছায়াসমুদ্গতা |
প্রাঞ্জলিঃ প্রয়তা ভূৎবা পুনঃ সংজ্ঞামভাষত || ২. ৫৯. ৪০||
বদস্ব কিং ময়া কার্যং সা সংজ্ঞা তামথাব্রবীৎ |
অহং যাস্যাপি ভদ্রং তে স্বমেব ভবনং পিতুঃ || ২. ৫৯. ৪১||
ৎবয়েহ ভবনে মহ্যং বস্তব্যং নির্বিশঙ্কয়া |
ইমৌ চ বালকৌ মহ্যং কন্যা চ বরবর্ণিনী || ২. ৫৯. ৪২||
ভর্ত্তব্যা নৈবমাখ্যেয়মিদং ভগবতে ৎবয়া |
ইমৌ চ বালকৌ মহ্যং তথেত্যুক্তা তথা চ সা || ২. ৫৯. ৪৩||
ৎবষ্টুঃ সমীপমগমদ্ব্রীডিতেব তপস্বিনী |
পিতা তামাগতাং দৃষ্ট্বা ক্রুদ্ধঃ সংজ্ঞামথাব্রবীৎ || ২. ৫৯. ৪৪||
ভর্ত্তুঃ সমীপং গচ্ছেতি নিয়ুক্তা চ পুনঃ পুনঃ |
অগমদ্বডবা ভূৎবাচ্ছাদ্য রূপমনিন্দিতা || ২. ৫৯. ৪৫||
উত্তরান্সা কুরূন্গৎবা তৃণান্যথ চচার সা |
দ্বিতীয়ায়াং তু সংজ্ঞায়াং সংজ্ঞেয়মিতি চিন্ত্য তাম্ || ২. ৫৯. ৪৬||
আদিত্যো জনয়ামাস পুত্রাবাদিত্যবর্চসৌ |
পূর্বজস্য মনোস্তুল্যৌ সাদৃশ্যেন তু তৌ প্রভূ || ২. ৫৯. ৪৭||
শ্রুতশ্রবা মনুস্তাভ্যাং সাবর্ণির্বৈ ভবিষ্যতি || ২. ৫৯. ৪৮||
শ্রুতকর্মা তু বিজ্ঞেয়ো গ্রহো বৈ যঃ শনৈশ্চরঃ |
মনুরেবাভবৎসোঽপি সাবর্ণিরিতি চোচ্যতে || ২. ৫৯. ৪৯||
সংজ্ঞা তু পার্থিবী সা বৈ স্বস্য পুত্রস্য বৈ তদা |
চকারাভ্যধিকং স্নেহং ত তথা পূর্বজেষু বৈ || ২. ৫৯. ৫০||
মনুস্তচ্ছাক্ষমৎসর্বং যমস্তদ্বৈ ন চাক্ষমৎ |
বহুশো জল্পমানস্তু সাপত্ন্যাদতিদুঃখিতঃ || ২. ৫৯. ৫১||
তাং বৈ রোষাচ্চ বালাচ্চ ভাবিনোর্ঽথস্য বৈ বলাৎ |
যদা সংতর্জয়ামাস চ্ছায়াং বৈবস্বতো যমঃ || ২. ৫৯. ৫২||
সা শশাপ ততঃ ক্রোধাৎসার্ণিজননী যমম্ |
যদা তর্জয়সেঽকস্মাৎপিতৃভার্যাং যশস্বিনীম্ || ২. ৫৯. ৫৩||
তস্মাত্তবৈষ চরমঃ পতিষ্যতি ন সংশয়ঃ |
যমস্তু তেন শাপেন ভৃশং পীডিতমানসঃ || ২. ৫৯. ৫৪||
মনুনা সহ ধর্মাত্মা পিতুঃ সর্বং ন্যবেদয়ৎ |
ভৃশং শাপভয়োদ্বিগ্নঃ সংজ্ঞাবাক্যৈর্বিনির্জিতঃ || ২. ৫৯. ৫৫||
তস্যাং ময়োদ্যতঃ পাদো ন তু দেহে নিপাতিতঃ |
বাল্যাদ্বা যদি বা মোহাত্তদ্ভবান্ক্ষন্তুমর্হতি || ২. ৫৯. ৫৬||
শপ্তোঽহমস্মি লোকেশ জনন্যা তপতাং বর |
তব প্রসাদো নস্ত্রাতুমেতস্মান্মহতো ভয়াৎ || ২. ৫৯. ৫৭||
বিবস্বানেবমুক্তস্তু যমং প্রোবাচ বৈ প্রভুঃ |
অসংশয়ং পুত্র মহদ্ভবিষ্যত্যত্র কারণম্ || ২. ৫৯. ৫৮||
যেন ৎবামাবিশৎক্রোধো ধর্মজ্ঞং সত্যবাদিনম্ |
ন শক্যমেতন্মিথ্য তু কর্ত্তুং মাতুর্বচস্তব || ২. ৫৯. ৫৯||
কৃময়ো মাংসমাদায় যাস্যন্তি চ মহীং তব |
ততঃ পাদং মহাপ্রাজ্ঞ পুনঃ সাংপ্রাপ্স্যসে সুখম্ || ২. ৫৯. ৬০||
কৃতমেবং বচঃ সত্যং মাতুস্তব ভবিষ্যতি |
শাপস্য পরিহারেণ ৎবং চ ত্রাতো ভবিষ্যসি || ২. ৫৯. ৬১||
আদিত্যস্ত্বব্রবীৎসংজ্ঞাং কিমর্থং তনয়েষু তু |
তুল্যেষ্বভ্যধিকস্নেহ একস্মিন্ক্রিয়তে ৎবয়া || ২. ৫৯. ৬২||
সা তৎপরিহরন্তী বৈ নাচচক্ষে বিবস্বতঃ |
আত্মনা স সমাধায় যোগাত্তত্ত্বমপশ্যত || ২. ৫৯. ৬৩||
তাং শপ্তুকামো ভগবান্নাশায় কুপিতঃ প্রভুঃ |
সা তৎসর্বং যথা তত্ত্বমাচচক্ষে বিবস্বতঃ || ২. ৫৯. ৬৪||
বিবস্বাংস্তু যথা শ্রুৎবা ক্রুদ্ধস্ত্বষ্টারমভ্যয়াৎ |
ৎবষ্টা তু তং যথান্যায়মর্চয়িৎবা বিভাবসুম্ || ২. ৫৯. ৬৫||
নির্দগ্ধুকামং রোষেণ সাংৎবয়ামাস বৈ শনৈঃ |
তবাতিতেজসা যুক্তমিদং রূপং ন শোভতে || ২. ৫৯. ৬৬||
অসহন্তী তু তৎসংজ্ঞা বনে চরতি শাদ্বলে |
দ্রক্ষ্যতে তাং ভবনদ্য স্বাং ভার্যাং শুভচারিণীম্ || ২. ৫৯. ৬৭||
শ্লাঘ্যয়ৌবনসংপন্নাং যোগমাস্থায় গোপতে |
অনুকূলং ভবেদেবং যদি স্যাৎসময়ো মতঃ || ২. ৫৯. ৬৮||
রূপং নিবর্ত্তয়েয়ং তে হ্যাদ্যং শ্রেষ্ঠমরিন্দম |
রূপং বিবস্বতস্ত্বাসীত্তির্যগূর্দ্ধ্বমধস্তথা || ২. ৫৯. ৬৯||
তেনাসৌ পীডিতা দেবী রূপেণ তু দিবস্পতেঃ |
তস্মাত্তে সমচক্রং তু বর্ততে রূপমদ্ভুতম্ || ২. ৫৯. ৭০||
অনুজ্ঞাতস্ততস্ত্বষ্ট্রা রূপনির্বর্ত্তনায় বৈ |
ততোঽভ্যুপাগমত্ত্বষ্টা মার্ত্তণ্ডস্য বিবস্বতঃ || ২. ৫৯. ৭১||
ভ্রমিমারোপ্য তত্তেজঃ শাতয়ামাস তস্য বৈ |
তং নির্মূলিত তেজস্কং তেজসাপহৃতেন তু || ২. ৫৯. ৭২||
কান্তাং প্রভাকরো দ্রষ্টুমিয়েষ শুভদর্শনঃ |
দদর্শ যোগমাস্থায় স্বাং ভার্যাং বডবাং তথা || ২. ৫৯. ৭৩||
অদৃশ্যাং সর্বভূতানাং তেজসা নিয়মেন চ |
অশ্বরূপেণ মার্ত্তণ্ডস্তাং মুখে সমভাবয়ৎ || ২. ৫৯. ৭৪||
মৈথুনান্তনিবিষ্টা চ পরপুংসোঽভিশঙ্কয়া |
সা তং নিঃসারয়ামাস নোভ্যাং শুক্রং বিবস্বতঃ || ২. ৫৯. ৭৫||
দেবৌ তস্মাদজায়েতামশ্বিনৌ ভিষজাং বরৌ |
নাসত্যশ্চৈব দস্রশ্চ স্মৃতৌ দ্বাদশমূর্তিতঃ || ২. ৫৯. ৭৬||
মার্ত্তণ্ডস্য সুতাবেতাবষ্টমস্য প্রজাপতেঃ |
তাং তু রূপেণ কান্তেন দর্শয়ামাস ভাস্করঃ || ২. ৫৯. ৭৭||
স তাং দৃষ্ট্বা তদা ভার্যাং তুতো ষৈতামুবাচ হ |
যমস্তু তেন শাপেন ভৃশং পীডিতমানসঃ || ২. ৫৯. ৭৮||
ধর্মেণ রঞ্জয়ামাস ধর্মরাজস্ততস্তু সঃ |
সোঽলভৎকর্মণাং তেন শুভেন পরমাং দ্যুতিম্ || ২. ৫৯. ৭৯||
পিৎৠণামাধিপত্যং চ লোকপালৎবমেব চ |
মনুঃ প্রজাপতিস্ত্বেষ সাবর্ণিঃ স মহায়শাঃ || ২. ৫৯. ৮০||
ভাব্যঃ সোঽনাগতে তস্মিন্মনুঃ সাবর্ণিকেন্তরে |
মেরুপৃষ্ঠে তপো ঘোরমদ্যাপি চরতে প্রভুঃ || ২. ৫৯. ৮১||
ভ্রাতা শনৈশ্চরস্তত্রগ্রহৎবং স তু লব্ধবান্ |
ৎবষ্টা তু তেন রূপেণ বিষ্ণোশ্চক্রমকল্পয়ৎ || ২. ৫৯. ৮২||
মহামহোঽপ্রতিহতং দানবান্প্রতিবারণম্ |
যবীয়সী তয়োর্যা তু যমুনাচ যশস্বিনী || ২. ৫৯. ৮৩||
অভবৎসা সরিচ্ছ্রেষ্ঠা যমুনা লোকপাবনী |
যস্তু জ্যেষ্ঠো মহাতেজাঃ সর্গো যস্যেতি সাংপ্রতম্ || ২. ৫৯. ৮৪||
বিস্তরং তস্য বক্ষ্যামি মনোর্বৈবস্বতস্য হ |
ইদং তু জন্ম দেবানাং শৃণুয়াদ্বা পঠেচ্চ বা || ২. ৫৯. ৮৫||
বৈবস্বতস্য পুত্রাণাং সপ্তানাং তু মহৌজসাম্ |
আপদং প্রাপ্য মুচ্যেত প্রাপ্নুয়াচ্চ মহদ্যশঃ || ২. ৫৯. ৮৬||
ইতি শ্রীব্রহ্মাণ্ডে মহাপুরাণে বায়ুপ্রোক্তে তৃতীয় উপোদ্ধাতপাদে বৈবস্বতোৎপত্তির্নামৈকোনষষ্টিতমোধ্যায়ঃ || ৫৯||

সূত উবাচ
ততো মন্বন্তরেঽতীতে চাক্ষুষে দৈবতৈঃ সহ |
বৈবস্বতায় মহতে পৃথিবীরাজ্যমাদিশৎ || ২. ৬০. ১||
তস্মাদ্বৈবস্বতাৎপুত্রা জজ্ঞিরে দশ তৎসমাঃ |
ইক্ষ্বাকুশ্চ নৃগশ্চৈব ধৃষ্টঃ শর্যাতিরেবচ || ২. ৬০. ২||
নরিষ্যন্তস্তথা প্রাংশুর্নাভাগো দিষ্ট এব চ |
করূষশ্চ পৃষধ্রশ্চ নবৈতে মানবাঃ স্মৃতাঃ || ২. ৬০. ৩||
ব্রহ্মণা তু মনুঃ পূর্বং চোদিতস্তু প্রবোধিতম্ |
যষ্টুং প্রজক্রমে কামং হয়মেধেন ভূপতিঃ || ২. ৬০. ৪||
অথাকরোৎপুত্রকামঃ পরামিষ্টিং প্রজাপতিঃ |
মিত্রাবরুণয়োরংশে অনলাহুতিমেব যৎ || ২. ৬০. ৫||
তত্র দিব্যাংবরধরা দিব্যাভরণভূষিতা |
দিব্যাসংহননা চৈব ইলা জজ্ঞ ইতি শ্রুতম্ || ২. ৬০. ৬||
তামিলেত্যথ হোবাচ মনুর্দণ্ডধরস্ততঃ |
অনুগচ্ছস্ব ভদ্রং তে তমিলা প্রত্যুবাচ হ || ২. ৬০. ৭||
ধর্ময়ুক্তমিদং বাক্যং পুত্রকামং প্রজাপতিম্ |
মিত্রাবরুণয়োরংশে জাতাস্মি বদতাং বর || ২. ৬০. ৮||
তয়োঃ সকাশং যাস্যামি মাতো ধর্মো হতো বধীৎ |
এবমুক্ত্বা পুনর্দেবী তয়োরন্তিকমাগমৎ || ২. ৬০. ৯||
গৎবান্তিকং বরারোহা প্রাঞ্জলির্বাক্যমব্রবীৎ |
অংশেঽস্মিন্যুবয়োর্জাতা দেবৌ কিং করবাণি বাম্ || ২. ৬০. ১০||
মনুনৈবাহমুক্তাস্মি অনুগচ্ছস্ব মামিতি |
তথা তু ব্রুবতীং সাধ্বীমিডামাশ্রিত্য তাবুভৌ || ২. ৬০. ১১||
দেবৌ চ মিত্রাবরুণাবিদং বচনমূচতুঃ |
অনেন তব ধর্মজ্ঞে প্রশ্রয়োণ দমেন চ || ২. ৬০. ১২||
সত্যেন চৈব সুশ্রোণি প্রীতৌ স্বৌ বরবর্ণিনি |
আবয়োস্ত্বং মহাভাগে খ্যাতিং কন্যে প্রয়াস্যসি || ২. ৬০. ১৩||
সুদ্যুম্ন ইতি বিখ্যাতস্ত্রিষু লোকেষু পূজিতঃ |
জগৎপ্রিয়ো ধর্মশীলো মনোর্বংশবিবর্দ্ধনঃ || ২. ৬০. ১৪||
মানবঃ স তু সুদ্যুম্নঃ স্ত্রীভাবমগমৎপ্রভুঃ |
সা তু দেবী বরং লব্ধ্বা নিবৃত্তা পিতরং প্রতি || ২. ৬০. ১৫||
বুধেনোত্তরমাসাদ্য মৈথুনায়োপমন্ত্রিতা |
সোমপুত্রাদ্বুধাচ্চাস্যামৈলো জজ্ঞে পুরূখাঃ || ২. ৬০. ১৬||
বুধাৎসা জনয়িৎবা তু সুদ্যুম্নৎবং পুনর্গতাঃ |
সুদ্যুম্নস্য তু দায়াদাস্ত্রয়ঃ পরমধার্মিকাঃ || ২. ৬০. ১৭||
উৎকলশ্চ গয়শ্চৈব বিনতশ্চ তথৈব চ |
উৎকলস্যোৎকলং রাষ্ট্রং বিনতস্যাপি পশ্চিমম্ || ২. ৬০. ১৮||
দিক্পূর্বা তস্য রাজর্ষের্গয়স্য তু গয়া পুরী |
প্রবিষ্টেতু মনৌ তস্মিন্প্রজাঃ সৃষ্ট্বা দিবাকরম্ || ২. ৬০. ১৯||
দশধা তদধাৎক্ষত্ত্রমকরোৎপৃথিবীমিমাম্ |
ইক্ষ্বাকুরেব দায়াদো ভাগং দশমমাপ্তবান্ || ২. ৬০. ২০||
কন্যাভাবত্তু সুদ্যুম্নো নৈব ভাগমবাপ্তবান্ |
বসিষ্ঠবচনাচ্চাসীৎপ্রতিষ্ঠানে মহাদ্যুতিঃ || ২. ৬০. ২১||
প্রতিষ্ঠাং ধর্মরাজস্য সুদ্যুম্নস্য মহাত্মনঃ |
এতচ্ছ্রুৎবা তু ঋষয়ঃ পপ্রচ্ছুঃ সূতজং প্রতি |
মানবঃ স তু সুদ্যম্নঃ স্ত্রীভাবমগমৎকথম্ || ২. ৬০. ২২||
সূত উবাচ
পুরা মহেশ্বরং দ্রষ্টুং কুমারাস্সনকাদয়ঃ |
ইলাবৃতং সমাজগ্মুর্দদৃশুর্বৃষভধ্বজম্ || ২. ৬০. ২৩||
উময়া রমমাণং তং বিলোক্য পিহিতেস্থলে |
প্রতিজগ্মুস্ততঃ সর্বে ব্রীডিতাভূচ্ছিবাপ্যথ || ২. ৬০. ২৪||
প্রোবাচ বচনং দেবী প্রিয়হেতোঃ প্রিয়ং প্রিয়া |
ইমং মমাশ্রমং দেব যঃ পুমান্সং প্রবেক্ষ্যতি || ২. ৬০. ২৫||
ভবিষ্যতি ধ্রুবং নারী স তুল্যাপ্সরসাং শুভা |
তত্র সর্বাণি ভূতানি পিশাচাঃ পশবশ্চ যে || ২. ৬০. ২৬||
স্ত্রীভূতাঃ সহরুদ্রেণ ক্রোডন্ত্যপ্সরসো যথা |
উমাবনং প্রবিষ্টস্তু স রাজা মৃগয়াং গতঃ || ২. ৬০. ২৭||
পিশাচৈঃ সহ ভূতৈস্তু রুদ্রে স্ত্রীভাবমাস্থিতে |
তস্মাৎসরাজা সুদ্যুম্নঃ স্ত্রীভাবং লব্ধবান্পুনঃ |
মহাদেবপ্রসাদাচ্চ মানবৎবমবাপ্তবান্ || ২. ৬০. ২৮||
ইতি শ্রীব্রহ্মাণ্ডে মহাপুরাণে মধ্যমভাগে বায়ুপ্রোক্তে বৈবস্বতমনোঃ সৃষ্টির্নাম ষষ্টিতমোঽধ্যায়ঃ || ৬০||