২.০৮ ব্রহ্মাণ্ডমহাপুরাণং – মধ্যভাগ (অধ্যায় ৪১-৫০)

বসিষ্ঠ উবাচ
দৃষ্ট্বা পিতুর্বধং ঘোরং তৎপুত্রাস্তে শতং ৎবরা |
বারয়ামাসুরত্যুগ্রং ভার্গবং স্ববলেঃ পৃথক্ || ২. ৪১. ১||
একৈকাক্ষৈহিণীয়ুক্তাঃ সর্বে তে যুদ্ধদুর্মদাঃ |
সংগ্রামং তুমুলং চক্রুঃ সংরব্ধাস্তু পিতুর্বধাৎ || ২. ৪১. ২||
রামস্তু দৃষ্ট্বা তৎপুত্রাঞ্ছূরান্রণবিশারদান্ |
পরশ্বধং সমাদায় যুয়ুধে তৈশ্চ সংগরে || ২. ৪১. ৩||
তাং সেনাং ভগবান্রামঃ শতাক্ষৌহিণিসংমিতাম্ |
নিজঘান ৎবরায়ুক্তো মুহুর্ত্তদ্বয়মাত্রতঃ || ২. ৪১. ৪||
নিঃশেষিতং স্বসৈন্যং তু কুঠারেণৈব লীলয়া |
দৃষ্ট্বা রামেণ তেসর্বে যুয়ুধুর্বীর্যসংমতাঃ || ২. ৪১. ৫||
নানাবিধানি দিব্যানি প্রহরন্তো মহোজসঃ |
পরিতো মণ্ডলং চক্রুর্ভার্গবস্য মহাত্মনঃ || ২. ৪১. ৬||
অথ রামোঽপি বলবাংস্তেষাং মণ্ডলমধ্যগঃ |
বিরেজে ভগবান্সাক্ষাদ্যথা নাভিস্তু চক্রগা || ২. ৪১. ৭||
নৃত্যন্নিবাচৌ বিররাজ রামঃ শতং পুনস্তে পরিতো ভ্রমন্তঃ |
রেজুশ্চ গোপী গণমধ্যসংস্থঃ কৃষ্ণো যথা তাঃ পরিতো ভ্রমন্ত্যঃ || ২. ৪১. ৮||
তদা তু সর্বে দ্রুহিণপ্রধানাঃ সমাগতাঃ স্বস্ববিমানসংস্থাঃ |
সমাকিরন্নন্দনমাল্যবর্ষৈঃ সমন্ততো রামমহীনবীর্যম্ || ২. ৪১. ৯||
যঃ শস্ত্রপাদাদুদতিষ্ঠত ধ্বনির্ হুংকারগর্ভো দিবমস্পৃশন্স বৈ |
তৌর্যত্রিকস্যেব শরক্ষতানি ভান্তীব যদ্বন্নখদন্তপাতাঃ || ২. ৪১. ১০||
ক্রন্দন্তি শস্ত্রৈঃ ক্ষতবিক্ষতাঙ্গা গায়ন্তি যদ্বৎকিল গীতবিজ্ঞাঃ |
এবং প্রবৃত্তং নৃপয়ুদ্ধমণ্ডলং পশ্যন্তি দেবা ভৃশবিস্মিতাক্ষঃ || ২. ৪১. ১১||
ততস্তু রামোঽবনিপালপুত্রাঞ্জিঘাংসুরাজৌ বিবিধাস্ত্রপূগৈঃ |
পৃথক্চকারাতিব লাংস্তু মণ্ডলদ্বিচ্ছিদ্য পঙ্ক্তিং প্রভুরাত্তচাপঃ || ২. ৪১. ১২||
একৈকশস্তান্নিজঘান বীরাঞ্ছতং তদা পঞ্চ ততঃ পলায়িতাঃ |
শূরো বৃষাস্যো বৃষশূরসেনৌ জয়ধ্বজশ্চাপি বিভিন্নধৈর্যাঃ || ২. ৪১. ১৩||
মহাভয়েনাথ পরীতচিতা হিমাদ্রিপাদান্তরকাননং চ |
পৃথগ্গতাস্তে সুপরীপ্সবো নৃপা ন কোঽপি কাংস্বিদ্দদৃশে ভৃশার্ত্তঃ || ২. ৪১. ১৪||
রামোঽপি হৎবা নৃপচক্রমাজৌ রাজ্ঞঃ সহায়র্থমুপাগতং চ |
সমন্বিতোঽসাবকৃতব্রণেন সস্নৌ মুদাগত্য চ নর্মদায়াম্ || ২. ৪১. ১৫||
স্রাৎবা নিত্যক্রিয়াং কৃৎবা সংপূজ্য বৃষভধ্বজম্ |
প্রতস্থে দ্রষ্টুমুর্বীশ শিবং কৈলাসবাসিনম্ || ২. ৪১. ১৬||
গুরুপত্নীমুমাং চাপি সুতৌ স্কন্দবিনায়কৌ |
মনোয়ায়ী মহাত্মাসাবকৃতব্রণসংযুতঃ || ২. ৪১. ১৭||
কৃতকার্যো মুদা যুক্তঃ কৈলাসং প্রাপ্য তৎক্ষণম্ |
দদর্শ তত্র নগরীং মহতীমলকাভিধম্ || ২. ৪১. ১৮||
নানামণিগণাকীর্ণভবনৈরুপশোভিতাম্ |
নানারুপধরৈর্যক্ষৈঃ শোভিতাং চিত্রভূষণৈঃ || ২. ৪১. ১৯||
নানাবৃক্ষসমাকীণৈর্বনৈশ্চোপবনৈর্যুতাম্ |
দীর্ঘিকাভিঃ সুদীর্ঘাভিস্তডাগৈশ্চোপশোভিতাম্ || ২. ৪১. ২০||
সর্বতোঽপ্যাবৃতাং বাহ্যে সীতয়ালকনন্দয়া |
তত্র দেবাঙ্গনাস্নানমুক্তকুঙ্কুমপিঞ্জরম্ || ২. ৪১. ২১||
তৃষাবির হিতাশ্চাংভঃ পিবন্তি করিণো মুদা |
যত্র সংগীতসংনাদা শ্রূয়ন্তে তত্রতত্র হ || ২. ৪১. ২২||
গন্ধর্বৈরপ্সরোভিশ্চ সততং সহকারিভিঃ |
তাং দৃষ্ট্বা ভার্গবো রাজন্মুদা পরময়া যুতঃ || ২. ৪১. ২৩||
যয়ৌ তদূর্ধ্বং শিখরং যত্র শেবপরং গৃহম্ |
ততো দদর্শ রাজেন্দ্র স্নিগ্ধচ্ছায়ং মহাবটম্ || ২. ৪১. ২৪||
তস্যাধস্তাদ্বরাবাসং সুসেব্যং সিদ্ধসংযুতম্ |
দদর্ংশ তত্র প্রাকারং শতয়োজনমণ্ডলম্ || ২. ৪১. ২৫||
নানারত্নাচিতং রম্যং চতুর্দ্বারং গণাবৃতম্ |
নন্দীশ্বরং মহাকালং রক্তাক্ষং বিকটোদরম্ || ২. ৪১. ২৬||
পিঙ্গলাক্ষং বিশালাক্ষং বিরূপাক্ষং ঘটোদরম্ |
মন্দারং ভৈরবং বাণং রুরুং ভৈরবমেব চ || ২. ৪১. ২৭||
বীরকং বীরভদ্রং চ চণ্ডং ভৃঙ্গিং রিটিং মুখম্ |
সিদ্ধেন্দ্রনাথরুদ্রাংশ্চ বিদ্যাধরমহোরগান্ || ২. ৪১. ২৮||
ভূতপ্রেতপিশাচাংশ্চ কূষ্মাণ্ডান্ব্রহ্মরাক্ষসান্ |
বেতালান্দানবেন্দ্রাংশ্চ যোগীন্দ্রাংশ্চ জটাধরান্ || ২. ৪১. ২৯||
যক্ষকিংপুরুষাংশ্চৈব ডাকিনীয়ো গিনীস্তথা |
দৃষ্ট্বা নন্দ্যা৫যা তত্র প্রবিষ্টোঽন্তর্মুদান্বিতঃ || ২. ৪১. ৩০||
দদর্শ তত্র ভুবনৈরাবৃতং শিবমন্দিরম্ |
চতুর্যোজনবিস্তীর্ণং তত্র প্রাগ্দ্বারসংস্থিতৌ || ২. ৪১. ৩১||
দৃষ্ট্বা বামে কার্ত্তিকেয় দক্ষ চৈব বিনায়কম্ |
ননাম ভার্গবস্তৌ দ্বৌ শিবতুল্যপরাক্রমৌ || ২. ৪১. ৩২||
পার্ষদপ্রবরাস্তত্র ক্ষেত্রপালাশ্চ সংস্থিতাঃ |
রত্নসিংহাসনস্থাশ্চ রত্নভূষমভূষিতাঃ || ২. ৪১. ৩৩||
ভার্গবং প্রবিশন্তং তু হ্যপৃচ্ছঞ্শিবমন্দিরম্ |
বিনায়কো মহারাজ ক্ষণং তিষ্ঠেত্যুবাচ হ || ২. ৪১. ৩৪||
নিদ্রিতো হ্যুময়া যুক্তো মহাদেবোঽধুনেতি চ |
ঈশ্বরাজ্ঞাং গৃহীৎবাহমত্রাগত্যক্ষণান্তরে || ২. ৪১. ৩৫||
ৎবয়া সার্দ্ধং প্রবেক্ষ্যামি ভ্রাতস্তিষ্ঠাত্র সাংপ্রতম্ |
বিনায়কচশ্চৈবং শ্রুৎবা ভার্গবনন্দনঃ || ২. ৪১. ৩৬||
প্রবক্তুমুপচক্রাম গণেশং ৎবরয়ান্বিতঃ |
রাম উবাচ
গৎবা হ্যন্তঃপুরং ভ্রাতঃ প্রণম্য জগদীশ্বরৌ || ২. ৪১. ৩৭||
পার্বতীশঙ্করৌ সদ্যো যাস্যামি নিজমন্দিরম্ |
কার্ত্তবীর্যঃ সুচন্দ্রশ্চ সপুত্রবলবান্ধবঃ || ২. ৪১. ৩৮||
অন্যে সহস্রশো ভূপাঃ কাংবোজাঃ পঙ্লবাঃ শাকাঃ |
কান্যকুব্জাঃ কোশলেশা মায়াবন্তো মহাবলাঃ || ২. ৪১. ৩৯||
নিহতাঃ সমরে সর্বে ময়া শংভুপ্রসাদতঃ |
তমিমং প্রণিপত্যৈব যাস্যামি স্বগৃহং প্রতি || ২. ৪১. ৪০||
ইত্যুক্ত্বা ভার্গবস্তত্র তস্থৌ গণপতেঃ পুরঃ |
প্রোবাচ মধুরং বাক্যং ভার্গবে স গণাধিপঃ || ২. ৪১. ৪১||
বিনায়ক উবাচ
জ্ঞণং তিষ্ট মহাভাগ দর্শনং তে ভবিষ্যতি |
অদ্য বিশ্বেশ্বরো ভ্রাতর্ভবান্যা সহ বর্ত্ততে || ২. ৪১. ৪২||
স্ত্রীপুংসোর্যুক্ত যোস্তাত সহৈকাসনসংস্থয়োঃ |
করোতি সুখভঙ্গং যো নরকং স ব্রজেদ্ধ্রুবম্ || ২. ৪১. ৪৩||
বিশেষতস্তু পিতরং গুরুং বা ভূপতিং দ্বিজঃ |
র৭স্যং সমুপাসিনং ন পশ্যেদিতি নিশ্চয়ঃ || ২. ৪১. ৪৪||
কামতোঽকামতো বাপি পশ্যেদ্যঃ সুরতোন্মুখম্ |
স্ত্রীবিচ্ছেদো ভবেত্তস্য ধ্রুবং সপ্রসু জন্মসু || ২. ৪১. ৪৫||
শ্রোণিং বক্ষঃ স্থলং বক্ত্রং যঃ পশ্যতি পরস্ত্রিয়ঃ |
মাতুর্বাপি ভগিন্যা বা দুহিতুঃ স নরাধমঃ || ২. ৪১. ৪৬||
ভার্গব উবাচ
অহো শ্রুতমপূর্বং কিং বচনং তব বক্ত্রতঃ |
ব্রান্ত্যা বিনির্গতং বাপি হাস্যার্থমথবোদিতম্ || ২. ৪১. ৪৭||
কামিনাং সবিকারাণামেতচ্ছাস্ত্রনিদর্শনম্ |
নির্বিকারাস্য চ শিশোর্ন দোষঃ কশ্চিদেব হি || ২. ৪১. ৪৮||
যাস্যাম্যন্তঃ পুরং ভ্রাতস্তব কিং তিষ্ঠ বালক |
যথাদৃষ্টং করিষ্যামি তত্র যৎসময়োচিতম্ || ২. ৪১. ৪৯||
তত্রৈব মাতা তাতশ্চ ৎবয়া নাম নিরূপিতৌ |
জগতাং পিতরৌ তৌ চ পার্বতীপরমেশ্বরৌ || ২. ৪১. ৫০||
ইত্যুক্ত্বা ভার্গবো রাজন্নন্তর্গন্তুং সমুদ্যতঃ |
বিনায়কস্তদোত্থায় বারয়ামাস সৎবরম্ || ২. ৪১. ৫১||
বাগ্যুদ্ধং চ তয়োরাসীন্মিথো হস্তবিকর্ষণম্ |
দৃষ্ট্বা সকন্দস্তু সংভ্রান্তো বোধয়ামাস তৌ তদা || ২. ৪১. ৫২||
বাহুভ্যাং দ্বৌ সমুদ্গৃহ্য পৃথগুৎসারিতৌ তথা |
অথ ক্রুদ্ধো গণেশায় ভার্গবঃ পরবীরহা |
পরশ্বধং সমাদায় সপ্রক্ষেপ্তুং সমুদ্যতঃ || ২. ৪১. ৫৩||
তং দৃষ্ট্বা গজাননো ভৃগুবরং ক্রোধাৎক্ষিপন্তং ৎবরা স্বাত্মার্থং পরশুং তদা নিজকরেণোদ্ধৃত্য বেগেন তু |
ভূর্লোকং ভুবঃ স্বরপি তস্যোর্ধ্বং মহর্বৈজনং লোকং চাপি তপোঽথ সত্যমপরং বৈকুণ্ঠমপ্যানয়ৎ || ২. ৪১. ৫৪||
তস্যোর্ধ্বং চ বিদর্শয়ন্ভৃগুবরং গোলোকমীশাত্মজো নিষ্পাত্যাধরলোকসপ্তক মপীত্থং দর্শয়ামাস চ |
উদ্ধৃত্যাথ ততো হি গর্ভসলিলে প্রক্ষপ্তমাত্রং ৎবরা ভীতং প্রাণপরিপ্সুমানয়দথো তত্রৈব যত্রাস্থিতঃ || ২. ৪১. ৫৫||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয় উপোদ্ধাতপাদে ভার্গবচরিতে একচৎবারিংশত্তমোঽধ্যায়ঃ || ৪১||

বসিষ্ঠ উবাচ
এবং সংভ্রামিতো রামো গণাধীশেন ভূপতে |
হর্ষশোকসমাবিষ্টো বিচিন্ত্যাত্মপরাভবম্ || ২. ৪২. ১||
গণেশং চাভিতো বীক্ষ্য নির্বিকারমবস্থিতম্ |
ক্রোধাবিষ্টো ভৃশং ভূৎবা প্রাক্ষিপৎস্বপরশ্বধম্ || ২. ৪২. ২||
গণেশস্ত্বভিবীক্ষ্যাথ পিত্রা দত্তং পরশ্বধম্ |
অমোঘং কর্ত্তুকামস্তু বামে তং দশনেঽগ্রহীৎ || ২. ৪২. ৩||
স তু দন্তঃ কুঠারেণ বিচ্ছিন্নো ভূতলেঽপতৎ |
ভুবি শোণিতসংদিগ্ধো বজ্রাহত ইবাচলঃ || ২. ৪২. ৪||
দন্তপাতেন বিদ্বস্তা সাব্ধিদ্বীপধরা ধরা |
চকংপে পৃথিবীপাল লোকাস্ত্রাসমুপাগতাঃ || ২. ৪২. ৫||
হাহাকারো মহানাসী দ্দেবানাং দিবি পশ্যতাম্ |
কার্ত্তিকেয়াদয়স্তত্র চুক্রুশুর্ভৃশমাতুরাঃ || ২. ৪২. ৬||
অথ কোলাহলং শ্রুৎবা দন্তপাতধ্বনিং তথা |
পার্বতীশঙ্করৌ তত্র সমাজগ্মতুরীশ্বরৌ || ২. ৪২. ৭||
হেরম্বং পুরতো দৃষ্ট্বা বক্রতুণ্ডৈকদন্তিনম্ |
পপ্রচ্ছ স্কন্দং পার্বতী কিমেতদিতি কারণম্ || ২. ৪২. ৮||
স তু পৃষ্টস্তদা মাত্রা সেনানীঃ সর্বমাদিতঃ |
বৃত্তান্তং কথয়ামাস মাত্রে রামস্য শৃণ্বতঃ || ২. ৪২. ৯||
সা শ্রুৎবোদন্তমখিলং জগতাং জননী নৃপ |
উবাচ শঙ্করং রুষ্টা পার্বতী প্রাণনায়কম্ || ২. ৪২. ১০||
পার্বত্যুবাচ
অয়ং তে ভার্গবঃ শংভো শিষ্যঃ পুত্রঃ সমোঽভবৎ |
ৎবত্তোলব্ধ্বা পরং তেজো বর্ম ত্রৈলোক্যজিদ্বিভো || ২. ৪২. ১১||
কার্ত্তবীর্যার্জুনং সংখ্যে জিতবানূর্জিতং নৃপম্ |
স্বকার্যং সাধয়িৎবা তু প্রাদাত্তুভ্যং চ দক্ষিণাম্ || ২. ৪২. ১২||
যত্তে সুতস্য দশন কুঠারেণ ন্যপাতয়ৎ |
অনেনৈব কৃতার্থস্ত্বং ভবিষ্যসি ন সংশয়ঃ || ২. ৪২. ১৩||
ৎবমিমং ভার্গবং শম্ভো রক্ষান্তেবাসিসত্তমম্ |
তব কার্যাণি সর্বাণি সাধয়িষ্যতি সদ্গুরোঃ || ২. ৪২. ১৪||
অহ নৈবাত্র তিষ্ঠামি যত্ত্বয়া বিমতা বিভো |
পুত্রাভ্যাং সহিতা যাস্যে পিতুঃ স্বস্য নিকেতনম্ || ২. ৪২. ১৫||
সংতো ভুজিষ্যাতনয়ং সৎকুর্বন্ত্যাত্মপুত্রবৎ |
ভবতা তু কৃতোনৈব সৎকারো বচসাপি হি || ২. ৪২. ১৬||
আত্মনস্তনয়স্যাস্য ততো যাস্যামি দুঃখিতা |
বসিষ্ঠ উবাচ
এতচ্ছ্রুৎবা তু বচনং পার্বত্যা ভগবান্ভবঃ || ২. ৪২. ১৭||
নোবাচ কিঞ্চিদ্বচনং সাধু বাসাধু ভূপতে |
সস্মার মনসা কৃষ্ণং প্রণতক্লেশনাশনম্ || ২. ৪২. ১৮||
গোলোকনাথং গোপীশং নানানুনয়কোবিদম্ |
স্মৃতমাত্রোঽথ ভগবান্ কেশবঃ প্রণতার্ত্তিহা |
আজগাম দয়াসিংধুর্ভক্তবশ্যোঽখিলেশ্বরঃ || ২. ৪২. ১৯||
মেঘশ্যামো বিশদবদনো রত্নকেয়ূরহারো বিদ্যুদ্বাসা মকরসদৃশে কুণ্ডলে সংদধানঃ |
বর্হাপীডং মণিগণয়ুতং বিভ্রদীষৎস্মিতাস্যো গোপীনাথো গদিতসুয়শাঃ কৌস্তুভোদ্ভাসিবক্ষাঃ || ২. ৪২. ২০||
রাধয়া সহিতঃ শ্রীমান্ শ্রীদাম্না চাপরাজিতঃ || ২. ৪২. ২১||
মুষ্ণংস্তেজাংসি সর্বেষাং স্বরুচা জ্ঞানবারিধিঃ |
অথৈনমাগতং দৃষ্ট্বা শিবঃ সংহৃষ্টমানসঃ || ২. ৪২. ২২||
প্রণিপত্য যথান্যায়ং পূজয়ামাস চাগতম্ |
প্রবেশ্যাভ্যন্তরে বেশ্মরাধয়া সহিতং বিভুম্ || ২. ৪২. ২৩||
রত্নসিংহাসনে নম্যে সদারং স ন্যবেশয়ৎ |
থ তত্র গতা দেবী পার্বতী তনয়ান্বিতা || ২. ৪২. ২৪||
ননাম চরণান্প্রভ্বোঃ পুত্রাভ্যাং সহিতা মুদা |
থ রামোঽপি তত্রৈব গৎবা নমিতকন্ধরঃ || ২. ৪২. ২৫||
পার্বত্যাশ্চরণোপান্তে পপাতাকুলমানসঃ |
সা যদা নাভ্যনন্দত্তং ভার্গবং প্রণতং পুরঃ || ২. ৪২. ২৬||
তদোবাচ জগন্নাথঃ পার্বতীং প্রীণয়ন্গিরা || ২. ৪২. ২৭||
শ্রীকৃষ্ম উবাচ
অয়ি নগনং দিনি নিন্দিতচন্দ্রমুখি ৎবমিমং জমদগ্নিসুতম্ |
নয় নিজহস্তসরোজসমর্পিতম্স্তকমঙ্কমনন্তগুণে || ২. ৪২. ২৮||
ভবভয়হারিণি শংভুবিহারিণি কল্মষনাশিনি কুংভিগতে |
তব চরণে পতিতং সততং কৃতকিল্বিষমপ্যব দেহি বরম্ || ২. ৪২. ২৯||
শ্রুণু দেবি মহাভাগে বেদোক্তং বচনং মম |
যচ্ছ্রুৎবা হর্ষিতা নূনং ভবিষ্যসি ন সংশয়ঃ |
বিনায়কস্তে তনয়ো মহাত্মা মহতাং মহান্ || ২. ৪২. ৩০||
যং কামঃ ক্রোধ উদ্বেগো ভয়ং নাবিশতে কদা |
বেদস্মৃতিপুরাণেষু সংহিতাসু চ ভামিনি || ২. ৪২. ৩১||
নামান্যস্যোপদিষ্টানি সুপুণ্যানি মহাত্মভিঃ |
যানি তানি প্রবক্ষ্যামি নিখিলাঘহরাণি চ || ২. ৪২. ৩২||
প্রমথানাং গণা যে চ নানারূপা মহাবলাঃ |
তেষামীশস্ত্বয়ং যস্মাদ্গণেশস্তেন কীর্ত্তিতঃ || ২. ৪২. ৩৩||
ভূতানি চ ভবিষ্যাণি বর্ত্তমানানি যানি চ |
ব্রহ্মাণ্ডান্যখিলান্যেব যস্মিংল্লংবোদরঃ স তু || ২. ৪২. ৩৪||
যঃ স্থিরো দেবয়োগেন চ্ছিন্নং সংযোজিতং পুনঃ |
গজস্য শিরসা দেবিতেন প্রোক্তো গজাননঃ || ২. ৪২. ৩৫||
চতুর্থ্যামুদিতশ্চন্দ্রো দর্ভিণা শপ্ত আতুরঃ |
অনেন বিধৃতো ভালে ভালচন্দ্রস্ততঃ স্মৃতঃ || ২. ৪২. ৩৬||
শপ্তঃ পুরা সপ্তভিস্তু মুনিভিঃ সংক্ষয়ং গতঃ |
জাতবেদা দীপিতোঽভূদ্যেনাসৌশূর্পকর্মকঃ || ২. ৪২. ৩৭||
পুরা দেবাসুরে যুদ্ধে পূজিতো দিবিষদ্গণৈঃ |
বিঘ্নং নিবারয়ামাস বিঘ্ননাশস্ততঃ স্মৃতঃ || ২. ৪২. ৩৮||
অদ্যায়ং দেবি রামেণ কুঠারেণ নিপাত্য চ |
দশনং দৈবতো ভদ্রে হ্যেকদন্তঃ কৃতোঽমুনা || ২. ৪২. ৩৯||
ভবিষ্যত্যথ পর্যায়ে ব্রহ্মণো হরবল্লভে |
বক্রীভবিষ্যত্তুণ্ডৎবাদ্বক্রতুণ্ডঃ স্মৃতো বুধৈঃ || ২. ৪২. ৪০||
এবং তবাস্য পুত্রস্য সংতি নামানি পার্বতি |
স্মরণাৎপাপহারীণি ত্রিকালানুগতান্যপি || ২. ৪২. ৪১||
অস্মাত্ত্রয়োদশীকল্পাৎপূর্বস্মিন্দশমীভবে |
ময়াস্মৈ তু বরো দত্তঃ সর্গদেবাগ্রপূজনে || ২. ৪২. ৪২||
জাতকর্মাদিসংস্কারে গর্ভাধানাদিকেঽপি চ |
যাত্রায়াং চ বণিজ্যাদৌ যুদ্ধে দেবার্চনে শুভে || ২. ৪২. ৪৩||
সংকষ্টে কাম্যসিদ্ধ্যর্থং পূজয়েদ্যো গজাননম্ |
তস্য সর্বাণি কার্যাণি সিদ্ধ্যন্ত্যেব ন সংশয়ঃ || ২. ৪২. ৪৪||
বসিষ্ঠ উবাচ
ইত্যুক্তং তু সমাকর্ণ্য কৃষ্ণেন সুমহাত্মনা |
পার্বতী জগতাং নাথা বিস্মিতাসীচ্ছুভাননা || ২. ৪২. ৪৫||
যদা নৈবোত্তরং প্রাদাৎপার্বতী শিবসন্নিধৌ |
তদা রাধাব্রবীদ্দেবীং শিবরূপা সনাতনী || ২. ৪২. ৪৬||
শ্রীরাধোবাচ |
প্রকৃতিঃ পুরুষশ্চোভাবন্যোন্যাশ্রয়বিগ্রহৌ |
দ্বিধা ভিন্নৌ প্রকাশেতে প্রপঞ্চেঽস্মিন্ যথা তথা || ২. ৪২. ৪৭||
ৎবং চাহমাবয়োর্দেবি ভেদো নৈবাস্তি কশ্চন |
বিষ্ণুস্ত্বমহমেবাস্মি শিবো দ্বিগুণতাং গতঃ || ২. ৪২. ৪৮||
শিবস্য হৃদয়ে বিষ্ণুর্ভবত্যা রূপমাস্থিতঃ |
মম রূপং সমাস্থায় বিষ্ণোশ্চ হৃদয়ে শিবঃ || ২. ৪২. ৪৯||
এষ রামো মহাভাগে বৈষ্ণবঃ শৈবতাং গতঃ |
গণেশোঽযং শিবঃ সাক্ষাদ্বৈষ্ণবৎবং সমাস্থিতঃ || ২. ৪২. ৫০||
এতয়োরোবয়োঃ প্রভবোশ্চাপি ভেদো ন দৃশ্যতে |
এবামুক্ত্বা তু সা রাধা ক্রোডে কৃৎবা গজাননম্ || ২. ৪২. ৫১||
মূর্ধ্ন্যুপাঘ্রায় পস্পর্শ স্বহস্তেন কপোলকে |
স্পৃষ্টমাত্রে কপোলে তু ক্ষতং পূর্ত্তিমুদাগতম্ || ২. ৪২. ৫২||
পার্বতী মুপ্রসন্নাভূদনুনীতাথ রাধয়া |
পাদয়োঃ পতিতং রামমুত্থাপ্য নিজপাণিনা || ২. ৪২. ৫৩||
ক্রোডীচকার সুপ্রীতা মূর্ধ্ন্যু পাঘ্রায় পার্বতী |
এবং তয়োস্তু সৎকারং দৃষ্ট্বা রামগণেশয়োঃ || ২. ৪২. ৫৪||
কৃষ্ণঃ স্কন্দমুপাকৃষ্য স্বাঙ্কে প্রেম্ণা ন্যবেশয়ৎ |
অথ শংভুরপি প্রীতঃ শ্রীদামানম্ পস্থিতম্ || ২. ৪২. ৫৫||
স্বোৎসংগে স্থাপয়ামাস প্রেম্ণা মৎকৃত্য মানদঃ || ২. ৪২. ৫৬||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যভাগে তৃতীয় উপোদ্ধাতপাদে ভার্গবচরিতে দ্বিচৎবারিংশত্তমোঽধ্যায়ঃ || ৪২||

বসিষ্ঠ উবাচ
এবং সুস্নিগ্ধচিত্তেষু তেষু তিষ্ঠৎসু ভূপতে |
ভবান্যুৎসংগতো রামঃ সমুত্থায় কৃতাজলিঃ || ২. ৪৩. ১||
তুষ্টাব প্রয়তো ভূৎবা নির্বিশেষ বিশেষবৎ |
অদ্বয়ং দ্বৈতমাপন্নং নির্গুণং সগুণাত্মকম্ || ২. ৪৩. ২||
রাম উবাচ
প্রকৃতিবিকৃতিজাতং বিশ্বমেতদ্বিধাতুং মম কিয়দনুভাতং বৈভবং তৎপ্রমাতুম্ |
অবিদিততনুনামাভীষ্টবস্ত্বেকধামাভবদথ ভব ভামা পাতু মাং পূর্ণকামা || ২. ৪৩. ৩||
প্রকটিতগুণাভানং কালসংখ্যাবিধানং সকলভবনিদানং কীর্ত্যতে যৎপ্রধানম্ |
তদিহ নিখিলতাতঃ সংবভূবোক্ষপাতঃ কৃতকৃতকনিপাতঃ পাতু মামদ্য মাতঃ || ২. ৪৩. ৪||
দনুজকুলবিনাশীলেখপাতাবিনাশী প্রথমকুলবিকাশী সর্ববিদ্যাপ্রকাশী |
প্রসভরচিতকাশী ভক্তদত্তাখিলাশীরবতু বিজিতপাশী মাংসদা ষণ্মুখাশী || ২. ৪৩. ৫||
হরনিকট নিবাসী কৃষ্ণসেবাবিলাসী প্রণতজনবিভাসী গোপকন্যাপ্রহাসী |
হরকৃতবহুমানো গোপিকেশৈকতানো বিদিতবহুবিধানো জায়তাং কীর্তিহা নৌ || ২. ৪৩. ৬||
প্রভুনিয়তমানা যো নুন্নভক্তান্তরায়ো ৎদৃতদুরিতনিকায়ো জ্ঞানদাতাপরায়োঃ |
সকলগুণগরিষ্ঠো রাধিকাঙ্কেনিবিষ্টো মম কৃতমপরাধং ক্ষন্তুমর্হৎবগাধম্ || ২. ৪৩. ৭||
যা রাধা জগদুদ্ভবস্থিতিলয়েষ্বারাধ্যতে বা জনৈঃ শব্দং বোধয়তীশবক্ত্রংবিগলৎপ্রেমামৃতাস্বাদনম্ |
রাসেশী রসিকেশ্বরী রমণৎদৃন্নিষ্ঠানিজানন্দিনী নেত্রী সা পরিপাতু মামবনতং রাধেতি য কীর্ত্যতে || ২. ৪৩. ৮||
যস্যা গর্ভসমুদ্ভবো হ্যতিবিরাড্যস্যাংশভূতো বিরাট্ যন্নাভ্যংবুরুহোদ্ভবেন বিধিনৈকান্তোপদিষ্টেন বৈ সৃষ্টং সর্বমিদং চরাচরময়ং বিশ্বং চ যদ্রোমসু ব্রহ্মাণ্ডানি বিভান্তি তস্য জননী শশ্বৎপ্রসন্নাস্তু সা || ২. ৪৩. ৯||
পায়াদ্যঃ স চরাচরস্য জগতো ব্যাপী বিভুঃ সচ্চিদানন্দাব্ধিঃ প্রকটস্থিতো বিলসতি প্রেমান্ধয়া রাধয়া |
কৃষ্ণঃ পূর্ণতমো মমোপরি দয়াক্লিন্নান্তরঃ স্তাৎসদা যেনাহং সুকৃতী ভবামি চ ভবাম্যানন্দলীনান্তরঃ || ২. ৪৩. ১০||
বসিষ্ঠ উবাচ
স্তুৎবৈবং জামদগ্ন্যস্তু বিররাম হ তৎপরম্ |
বিজ্ঞাতাখিলতত্ত্বার্থো হৃষ্টরোমা কৃতার্থবৎ || ২. ৪৩. ১১||
অথোবাচ প্রসন্নাত্মা কৃষ্ণঃ কমললোচনঃ |
ভার্গবং প্রণতং ভক্ত্যা কৃপাপাত্রং পুরস্থিতম্ || ২. ৪৩. ১২||
কৃষ্ম উবাচ
সিদ্ধোঽসি ভার্গবেন্দ্র ৎবং প্রসাদান্মম সংপ্রতম্ |
অদ্য প্রভৃতি বৎসাস্মিংল্লোকে শ্রেষ্ঠতমো ভব || ২. ৪৩. ১৩||
তুভ্যং বরো ময়া দত্তঃ পুরা বিষ্ণুপদাশ্রমে |
তৎসর্বং ক্রমতো ভাব্যং সমা বহ্বীস্ত্বয়া বিভো || ২. ৪৩. ১৪||
দয়া বিধেয়া দীনেষু শ্রেয় উত্তমমিচ্ছতা |
যোগশ্চ সাদনীয়ো বৈ শত্রূণাং নিগ্রহস্তথা || ২. ৪৩. ১৫||
ৎবৎসমো নাস্তি লোকেঽস্মিংস্তেজসা চ বলেন চ |
জ্ঞানেন যশসা বাপি সর্বশ্রেষ্ঠতমো ভবান্ || ২. ৪৩. ১৬||
অথ স্বগৃহমাসাদ্য পিত্রোঃ শুশ্রূষণং কুরু |
তপশ্চর যথাকালং তেন সিদ্ধিঃ করস্থিতা || ২. ৪৩. ১৭||
রাধোৎসংগাৎসমুত্থাপ্য গণেশং রাধিকেশ্বরঃ |
আলিঙ্গ্য গাঢং রাসেণ মৈত্রীং তস্য চকার হ || ২. ৪৩. ১৮||
অথোভাবপি সংপ্রীতৌ তদা রামগণেশ্বরৌ |
কৃষ্ণাজ্ঞয়া মহাভাগৌ বভূবতুররিন্দম || ২. ৪৩. ১৯||
এতস্মিন্নন্তরে দেবী রাধা কৃষ্ণপ্রিয়া সতী |
উভাভ্যাং চ বরং প্রাদাৎপ্রসন্নাস্যা মুদান্বিতা || ২. ৪৩. ২০||
রাধোবাচ |
সর্বস্য জগতো বন্দ্যৌ দুরাধর্ষৌং প্রিয়াবহৌ |
মদ্ভক্তৌ চ বিশেষেণ ভবন্তৌ ভবতাং সুতৌ || ২. ৪৩. ২১||
ভবতোর্নাম চৌচ্চার্য যৎকার্যং যঃ সমারভেৎ |
সিদ্ধিং প্রয়াতু ততসর্বং মৎপ্রসাদাদ্ধি তস্য তু || ২. ৪৩. ২২||
অথোবাচ জগন্মাতা ভবানী ভববল্লভা |
বৎস রাম প্রসন্নাহং তুভ্যং কং প্রদদে বরম্ |
তং প্রব্রূহি মহাভাগ ভয়ং ত্যক্ত্বা সুদূরতঃ |
রাম উবাচ
জন্মান্ত রসহস্রেষু যেষুয়েষু ব্রজাম্যহম্ || ২. ৪৩. ২৩||
কৃষ্ণয়োর্ভবয়োর্ভক্তো ভবিষ্যামীতি দেহি মে |
অভেদেন চ পশ্যামি কৃষ্ণৌ চাপি ভবৌ তথা || ২. ৪৩. ২৪||
পার্বত্যুবাচ
এবমস্তু মহাভাগ ভক্তোঽসি ভবকৃষ্ণয়োঃ |
চিরঞ্জীবী ভবাশু ৎবং প্রসাদান্মম সুব্রত || ২. ৪৩. ২৫||
অথোবাচ ধরাধীশঃ প্রসন্নস্তমুমাপতিঃ |
প্রণতং ভার্গবেন্দ্রং তু বরার্হং জগদীশ্বরঃ || ২. ৪৩. ২৬||
শিব উবাচ
রামভক্তোঽসি মে বৎস যস্তে দত্তো বরো ময়া |
স ভবিষ্যতি কার্ত্স্যেন সত্যমুক্তং ন চান্যথা || ২. ৪৩. ২৭||
অদ্যপ্রভৃতি লোকেঽস্মিন্ ভবতো বলবত্তরঃ |
ন কোঽপি ভবতাদ্বৎস তেজস্বী চ ভবৎপরঃ || ২. ৪৩. ২৮||
বসিষ্ঠ উবাচ
অথ কৃষ্ণোঽপ্যনুজ্ঞাপ্য শিবং চ নগনন্দিনীম্ |
গোলোকং প্রয়য়ৌ যুক্তঃ শ্রীদাম্না চাপি রাধয়া || ২. ৪৩. ২৯||
অথ রামোঽপি ধর্মাত্মা ভবানীং চ ভবং তথা |
সংপূজ্য চাভিবাদ্যাথ প্রদক্ষিণমুপা ক্রমীৎ || ২. ৪৩. ৩০||
গণেশং কার্ত্তিকেয়ং চ নৎবাপৃচ্ছ্য চ ভূপতে |
অকৃতব্রণসংযুক্তো নিশ্চক্রাম গৃহান্তরাৎ || ২. ৪৩. ৩১||
নিষ্ক্রম্যমাণো রামস্তু নন্দীশ্বরমুখৈর্গণৈঃ |
নমস্কৃতো যয়ৌ রাজন্স্বগৃহং পরয়া মুদা || ২. ৪৩. ৩২||
ইতি শ্রী ব্রহ্মাণ্ডে মহাপুরাণে বায়ুপ্রোক্তে মধ্যমাভাগে তৃতীয় উপোদ্ধাতপাদে ভার্গবচরিতে ত্রিচৎবারিংশত্তমোঽধ্যায়ঃ || ৪৩||

বসিষ্ঠ উবাচ
রাজন্নেবং ভৃগুর্বিদ্বান্পশ্যঞ্জনপদান্বহূন্ |
সমাজগাম ধর্মাত্মাকৃতব্রণসমন্বিতঃ || ২. ৪৪. ১||
নিলিল্যুঃ ক্ষত্ত্রিয়াঃ সর্বে যত্র তত্র নিরীক্ষ্য তম্ |
ব্রজন্তং ভার্গবং মার্গে প্রাণরক্ষণতৎপরাঃ || ২. ৪৪. ২||
অথাসসাদ রাজেন্দ্র রামঃ স্বপিতুরাশ্রমম্ |
শান্তসত্ত্বসমাকীর্ণং বেদধ্ত্রনিনিনাদিতম্ || ২. ৪৪. ৩||
যত্র সিংহা মৃগা গাবো নাগমার্জ্জারমূষকাঃ |
সমং চ রন্তি সংহৃষ্টা ভয়ং ত্যক্ত্বা সুদূরতঃ || ২. ৪৪. ৪||
যত্র ধূমং সমীক্ষ্যৈব হ্যগ্নিহোত্রসমুদ্ভবম্ |
উন্নদন্তি ময়ূরাশ্চ নৃত্যন্তি চ মহীপনে || ২. ৪৪. ৫||
যত্র সায়ন্তনে কালে সূর্যস্যাভিমুখং দ্বিজৈঃ |
জলাঞ্জলীন্প্রক্ষিপদ্ভিঃ ক্রিয়তে ভূর্চলাবিলা || ২. ৪৪. ৬||
যত্রান্তেবাসিভির্নিত্যং বেদাঃ শাস্ত্রাণি সংহিতাঃ |
অভ্যস্যন্তে মুদা যুক্তৈর্ব্রহ্মচর্যব্রতে স্থিতৈঃ || ২. ৪৪. ৭||
অথ রামঃ প্রসন্নাত্মা পশ্যন্নাশ্রমসংপদম্ |
প্রবিবেশ শনৈ রাজন্নকৃতব্রণসংযুতঃ || ২. ৪৪. ৮||
জয়শব্দং নমঃশব্দং প্রোচ্চরদ্ভির্দ্বিজাত্মজৈঃ |
দ্বিজৈশ্চ সৎকৃতো রামঃ পরং হর্ষমুপাগতঃ || ২. ৪৪. ৯||
আশ্রমাভ্যন্তরে তত্র সংপ্রবিশ্য নিজং গৃহম্ |
দদর্শ পিতরং রামো জমদগ্নিং তপোনিধিম্ || ২. ৪৪. ১০||
সাক্ষাদ্ভৃগুমিবাসীনং নিগ্রহানুগ্রহক্ষমম্ |
পপাত চরণোপান্তে হ্যষ্টাঙ্গালিঙ্গিতাবনিঃ || ২. ৪৪. ১১||
রামোঽহং তবা দাসোঽস্মি প্রোচ্চরন্নিতি ভূপতে |
জগ্রাহ চরণৌ চাপি বিধিবৎসজ্জনাগ্রণীঃ || ২. ৪৪. ১২||
অথ মাতুশ্চ চরণবভিবাদ্য কৃতাঞ্জলিঃ |
উবাচ প্রণতো বাক্যং তয়োঃ সংহর্ষকারণম্ || ২. ৪৪. ১৩||
রাম উবাচ
পিতস্তব প্রভাবেণ তপসোঽতিদুরাসদঃ |
কার্ত্তবীর্যো হতো যুদ্ধে সমুত্রবলবাহনঃ || ২. ৪৪. ১৪||
যস্তেঽপরাধং কৃতবান্দুষ্টমন্ত্রিপ্রচোদিতঃ |
তস্য দণ্ডো ময়া দত্তঃ প্রসহ্য মুনিপুঙ্গব || ২. ৪৪. ১৫||
ভবন্তং তু নমস্কৃত্য গতোঽহং ব্রহ্মণোংঽতিকম্ |
তং নমস্কৃত্য বিধিবৎস্বকার্যং প্রত্যবেদয়ম্ || ২. ৪৪. ১৬||
সমামুবাচ ভগবাঞ্ছ্রুৎবা বৃত্তান্তমাদিতঃ |
ব্রজ স্বকার্যসিদ্ধ্যর্থং শিবলোকং সনাতনম্ || ২. ৪৪. ১৭||
শ্রুৎবাহং তদ্বয়স্তাত নমস্কৃত্য পিতা মহম্ |
গতবাঞ্ছিবলোকং বৈ হরদর্শনকাঙ্ক্ষয়া || ২. ৪৪. ১৮||
প্রবিশ্য তত্র ভগবন্নুময়া সহিতঃ শিবঃ |
নমস্কৃতো ময়া দেবো বাঞ্ছিতার্থ প্রদায়কঃ || ২. ৪৪. ১৯||
তদগ্রে নিখিলঃ স্বীয়ো বৃত্তান্তো বিনিবেদিতঃ |
ময়া সমাহিতধিয়া স সর্বং শ্রুতবানপি || ২. ৪৪. ২০||
শ্রুৎবা বিচার্য ত ৎসর্বং দদৌ মহ্যং কৃপান্বিতঃ |
ত্রৈলোক্যবিজয়ং নাম কবচং সর্বসিদ্ধিদম্ || ২. ৪৪. ২১||
তল্লব্ধ্বা তং নমস্কৃত্য পুষ্করং সমুপাগতঃ |
তত্রাহং সাধয়িৎবা তু কবচং হৃষ্টমানসঃ || ২. ৪৪. ২২||
কার্ত্তবীর্যং নিহত্যাজৌ শিবলোকং পুনর্গতঃ |
তত্র তৌ তু ময়া দৃষ্টৌ দ্বারে স্কন্দবিনায়কৌ || ২. ৪৪. ২৩||
তৌনমস্কৃত্য ধর্মজ্ঞ প্রবেষ্টুং চোদ্যতোঽভবম্ |
স মামবেক্ষ্য গামপো বিশন্তং ৎবরয়ান্বিতম্ || ২. ৪৪. ২৪||
বারয়ামাস সহসা নাদ্যাবসর ইত্যথ |
মম তেন পিতস্তত্র বাগ্যুদ্ধং হস্তকর্ষণম্ || ২. ৪৪. ২৫||
সঞ্জাতপরশুক্ষেমমতোঽভূদ্ভৃগুনন্দন |
স তজ্জ্ঞাৎবা সমুদ্গৃহ্য মামধশ্চোর্দ্ধ্বমেব চ || ২. ৪৪. ২৬||
করেণ ভ্রাময়ামাস পুনশ্চানীতবাংস্ততঃ |
তং দৃষ্ট্বাতিক্রুধা ক্ষিপ্তঃ কুঠারো হি ময়া ততঃ || ২. ৪৪. ২৭||
দন্তো নিপতি, স্তস্য ততো দেব উপাগতঃ |
পার্বতী তত্র রুষ্টাভূত্তদা কৃষ্ণঃ সমাগতঃ || ২. ৪৪. ২৮||
রাধয়া সহিতস্তেন সানুনীতা বরং দদৌ |
মহ্যং কৃষ্মো জগামাথ তেন মৈত্রীং বিধায় চ || ২. ৪৪. ২৯||
ততঃ প্রণম্য দেবেশৌ পার্বতীপরমেশ্বরৌ |
আগতস্তব সান্নিধ্যমকৃতব্রণসংযুতঃ || ২. ৪৪. ৩০||
বসিষ্ঠ উবাচ
ইত্যক্ত্বা ভার্গবো রামো বিররাম চ ভূপতে |
জমদগ্নিরুবাচেদং রামং শত্রুনিবর্হণম্ || ২. ৪৪. ৩১||
জমদগ্নিরুবাচ
ক্ষত্রহত্যাভিভূতস্ত্বং তাবদ্দোষোপশান্তয়ে |
প্রয়শ্চিত্তং ততস্তাবদ্যথাবৎকর্তুমর্হসি || ২. ৪৪. ৩২||
ইত্যুক্তঃ প্রাহ পিতরং রামো মতিমতাং বরঃ |
প্রায়শ্চিত্তং তু তদ্যোগ্যং ৎবং মে নির্দেষ্টুমর্হসি || ২. ৪৪. ৩৩||
জমদগ্নিরুবাচ
ব্রতৈশ্চ নিয়মৈশ্চৈব কর্ষয়ন্দেহমাত্মনঃ |
শাকমূলফলাহারো দ্বাদশাব্দং তপশ্চর || ২. ৪৪. ৩৪||
বসিষ্ঠ উবাচ
ইত্যুক্তঃ প্রণিপত্যৈনং মাতরং চ ভৃগূদ্বহঃ |
প্রয়য়ৌ তপসে রাজন্নকৃতব্রণসংযুতঃ || ২. ৪৪. ৩৫||
স গৎবা পর্বত বরং মহেন্দ্রমরিকর্ষণঃ |
কৃৎবাঽশ্রমপদং তস্মিংস্তপস্তেপে সুদুশ্চরম্ || ২. ৪৪. ৩৬||
ব্রতৈস্তপোভির্নিয়মৈর্দেবতারাধনৈরপি |
নিন্যে বর্ষাণি কতি চিদ্রামস্তস্মিন্মহামনাঃ || ২. ৪৪. ৩৭||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয় উপোদ্ধাতপাদে সগরোপাখ্যানে ভার্গবচরিতে চতুশ্চৎবারিংশত্তমোঽধ্যায়ঃ || ৪৪||

বসিষ্ঠ উবাচ
ততঃ কদাচিদ্বিপিনে চতুরঙ্গবলান্বিতঃ |
মৃগয়ামগমচ্ছূরঃ শূরসেনাদিভিঃ সহ || ২. ৪৫. ১||
তে প্রবিশ্য মহারণ্যং হৎবা বহুবিধান্মৃগান্ |
জগ্মুস্তৃষার্ত্তা মধ্যাহ্নে সরিতং নর্মদামনু || ২. ৪৫. ২||
তত্র স্নাৎবা চ পীৎবা চ বারি নদ্যা গতশ্রমাঃ |
গচ্ছন্তো দদৃশুর্মার্গো জমদগ্নেরথাশ্রমম্ || ২. ৪৫. ৩||
দ্দষ্ট্বাশ্রমপদং রম্যং মুনীনাগচ্ছতঃ পথি |
কস্যেদমিতি পপ্রচ্ছুর্ভাবিকর্মপ্রচোদিতাঃ || ২. ৪৫. ৪||
তে প্রোচুরতিশান্তাত্মা জমদগ্নের্মহাতপাঃ |
বসত্যস্মিন্সুতো যস্য রামঃ শস্ত্রভৃতাং বরঃ || ২. ৪৫. ৫||
তছ্রুৎবা ভীরভূত্তেষাং রামনামানুকীর্ত্তনাৎ |
ক্রোধং প্রসঙ্যানৃশংস্যং পূর্ববৈরমনুস্মরন্ || ২. ৪৫. ৬||
অথ তে প্রোচুরন্যোন্যং পিতৃহন্তুর্বধাৎপিতুঃ |
বৈর নির্যাতনং কিং তু করিষ্যামো দিশাধুনা || ২. ৪৫. ৭||
ইত্যক্ত্বা খড্গহস্তাস্তে সংপ্রবিশ্য তদাশ্রমম্ |
প্রজাঘ্নিরে প্রয়াতেষু মুনিবীরেষু সর্বতঃ || ২. ৪৫. ৮||
তং হৎবাস্য শিরো হৃৎবা নিষাদা ইব নির্দয়াঃ |
প্রয়য়ুস্তে দুরাত্মানঃ সবলাঃ স্বপুরীং প্রতি || ২. ৪৫. ৯||
পুত্রাস্তস্য মহাত্মানৌ দৃষ্ট্বা স্বপিতরং হতম্ |
পরিবার্য মহারাজ রুরুদুঃ শোককর্শিতাঃ || ২. ৪৫. ১০||
ভর্ত্তারং নিহতং ভূমৌ পতিতং বীক্ষ্য রেণুকা |
পপাত মূর্চ্ছিতা সদ্যো লতেবাশনিতাডিতা || ২. ৪৫. ১১||
সা স্বচেতসি সংমূচ্ছ্য শোকপাবকদীপিতাঃ |
দূরপ্রনষ্টসংজ্ঞেব সদ্যঃ প্রাণৈর্ব্যয়ুজ্যত || ২. ৪৫. ১২||
অনালপন্ত্যাং তস্যাং তু সংজ্ঞাং যাতা হি তে পুনঃ |
ন্যপতন্মূর্চ্ছিতা ভূমৌ নিমগ্নাঃ শোকসাগরে || ২. ৪৫. ১৩||
ততস্তপোধনা যেঽন্যে তত্ত পোবনবাসিনঃ |
সমেত্যাশ্বাসয়ামাসুস্তুল্যদুঃখাঃ সুতান্মুনে || ২. ৪৫. ১৪||
সাংৎব্যমানা মুনিগণৈর্জামদগ্ন্যা যথাবিধি |
আধক্ষুর্বচসা তেষামগ্নৌ পিত্রোঃ কলেবরে || ২. ৪৫. ১৫||
চক্রুরেব তদূর্দ্ধ্বং বৈ যৎকর্ত্তব্যমনন্তরম্ |
পিত্রোর্মরণদুঃখেন পীড্যমানা দিবানিশম্ || ২. ৪৫. ১৬||
ততঃ কালে গতে রামঃ সমানাং দ্বাদশাবধৌ |
নিবৃত্তস্তপসঃ সখ্যা সহাগাদাশ্রমং পিতুঃ || ২. ৪৫. ১৭||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে সগরোপাখ্যানে ভার্গবচরিতে পঞ্চচৎবারিংশত্তমোধ্যায়ঃ || ৪৫||

বসিষ্ঠ উবাচ
সগচ্ছন্পথি শুশ্রাব মুনিভ্যস্ত ত্ত্বমাদিতঃ |
রাজপুত্রব্যবসিতং পিত্রৌঃ স্বর্গতিমেব চ || ২. ৪৬. ১||
পিতুস্তু জীবহরণং শিরোহরণমেব চ |
তন্মৃতেরেব মরণং শ্রুৎবা মাতুশ্চ কেবলম্ || ২. ৪৬. ২||
বিললাপ মহাবাহুর্দুঃখশোকসমন্বিতঃ |
তমথাশ্বাসয়ামাস তুল্যদুঃখোঽকৃতব্রণঃ || ২. ৪৬. ৩||
হেতুভিঃ শাস্ত্রনির্দিষ্টৈর্ বীর্যসামর্থ্যসূচকৈঃ |
যুক্তিলৌকিকদৃষ্টান্তৈস্তচ্ছোকং সংব্যশাময়ৎ || ২. ৪৬. ৪||
সাংৎবিতস্তেন মৈধাবী ধৃতিমালংব্য ভার্গবঃ |
প্রয়য়ৌ সহিতঃ সখ্যা ভ্রাৎৠণাং তু দিদৃক্ষয়া || ২. ৪৬. ৫||
স তান্দৃষ্ট্বাভিবাদ্যৈতান্দুঃখিতান্দুঃখকর্শিতঃ |
শোকামষয়ুতস্তৈশ্চ সহ ৎস্থৌ দিনত্রয়ম্ || ২. ৪৬. ৬||
ততোঽস্য সুমাহান্ক্রোধঃ স্মরতো নিধনং পিতুঃ |
বভূব সহসা সর্বলোকসংহরণক্ষমঃ || ২. ৪৬. ৭||
মাতুরর্থে কৃতাং পূর্বং প্রতিজ্ঞাং সত্যসংগরঃ |
দৃঢীচকার হৃদয়ে সর্বক্ষত্রবধোদ্যতঃ || ২. ৪৬. ৮||
ক্ষত্রবংশ্যানশেষেণ হৎবা তদ্দেহলোহিতৈঃ |
করিষ্যে তর্পণং পিত্রোরিতি নিশ্চিত্য ভার্গবঃ || ২. ৪৬. ৯||
ভ্রাৎৠণাং চৈব সর্বেষামাখ্যায়াত্মসমীহিতম্ |
প্রয়য়ৌ তদনুজ্ঞাতঃ কৃৎবা সংস্থাংপিতুঃ ক্রিয়াম্ || ২. ৪৬. ১০||
অকৃতব্রণসংযুক্তঃ প্রাপ্য মাহিষ্মতীং ততঃ |
তদ্বাহ্যোপবনে স্থিৎবা সস্মার স মহোদরম্ || ২. ৪৬. ১১||
স তস্মৈ রথচাপাদ্যং সহসাশ্বসমন্বিতম্ |
প্রেষয়ামাস রামায় সর্বসংহননানি চ || ২. ৪৬. ১২||
রামোঽপি রথমারুহ্য সন্নদ্ধঃ সশরং ধনুঃ |
গৃহীৎবাপূরয়চ্ছঙ্খং রুদ্রদত্তমমিত্রজিৎ || ২. ৪৬. ১৩||
জ্যাঘোষং চ চকারোচ্চৈ রোদসী কংপয়ন্নিব |
সহসাহোথ সারথ্যং চক্রে সারথিনাং বরঃ || ২. ৪৬. ১৪||
রথজ্যাশঙ্খনাদৈস্তু বধাৎপিত্রোরমর্ষিণঃ |
তস্যাভূন্নগরী সর্বা সংক্ষুব্ধাশ্চ নরদ্বিপাঃ || ২. ৪৬. ১৫||
রামং ৎবাগতমাজ্ঞায় সর্বক্ষত্রকুলান্তকম্ |
সংক্ষুব্ধাশ্চক্রুরুদ্যোগং সংগ্রামায় নৃপাত্মজাঃ || ২. ৪৬. ১৬||
অথ পঞ্চরথাঃ শুরাঃ শূরসেনাদয়ো নৃপ |
রামেণ যোদ্ধুং সহিতা রাজভিশ্চ ক্রুরুদ্যমম্ || ২. ৪৬. ১৭||
চতুরঙ্গবলোপেতাস্ততস্তে ক্ষত্রিয়র্ষভাঃ |
রামমাসাদয়ামাসুঃ পতঙ্গা ইব পাবকম্ || ২. ৪৬. ১৮||
নিবার্য তানাপততো রথেনৈকেন ভার্গবঃ |
যুয়ুধে পার্থিবৈঃ সর্বৈঃ সমরেঽমিতবিক্রমঃ || ২. ৪৬. ১৯||
ততঃ পুনরভূদ্যুদ্ধং রামস্য সহ রাজভিঃ |
জঘান যত্র সংক্রুদ্ধো রাজ্ঞাং শতমুদারধীঃ || ২. ৪৬. ২০||
ততঃ স শূরসেনাদীন্হৎবা সবলবাহনান্ |
ত্রণেন পাতয়ামাস ক্ষিতৌ ক্ষত্রিয়মণ্ডলম্ || ২. ৪৬. ২১||
ততস্তে ভগ্নসংকল্পা হতস্ববলবাহনাঃ |
হতশিষ্টা নৃপতয়ো দুদ্রুবুঃ সর্বতোদিশম্ || ২. ৪৬. ২২||
এবং বিদ্রাব্য সৈন্যানি হৎবা জিৎবাথ সংযুগে |
জঘান শতশো রাজ্ঞঃ শূরাঞ্ছরবরাগ্নিনা || ২. ৪৬. ২৩||
ততঃ ক্রোধপরীতাত্মা দগ্ধুকামোঽখিলাং পুরীম্ |
উদৈরয়দ্ভার্গবোঽস্ত্রং কালাগ্নিসদৃশপ্রভম্ || ২. ৪৬. ২৪||
জ্বালাকবলিতাশেষপুরপ্রাকারমালিনীম্ |
পুরীং সহস্ত্যশ্বনরাং স দদাহাস্ত্রপাবকঃ || ২. ৪৬. ২৫||
দহ্যমানাং পুরীং দৃষ্ট্বা প্রাণত্রাণপরায়ণঃ |
জীবনায় জগামাশু বীতিহোত্রো ভয়াতুরঃ || ২. ৪৬. ২৬||
অস্ত্রাগ্নিনা পুরীং সর্বাং দগ্ধ্বা হৎবা চ শাত্রবান্ |
প্রাশয়ানোঽখিলান্ লোকান্ সাক্ষাৎকাল ইবান্তকঃ || ২. ৪৬. ২৭||
অকৃতব্রণসংযুক্তঃ সহসাহেন চান্বিতঃ |
জগামরথঘোষেণ কংপয়ন্নিব মেদিনীম্ || ২. ৪৬. ২৮||
বিনিঘ্নন্ ক্ষত্রিয়ান্সর্বান্ সংশাম্য পৃথিবীতলে |
মহেন্দ্রাদ্রিং যয়ৌ রামস্তপসে ধতমানসঃ || ২. ৪৬. ২৯||
তস্মিন্নষ্টচতুষ্কং চ যাবৎক্ষত্রসমুদ্গমম্ |
প্রত্যেত্য ভূয়স্তদ্ধত্যৈ বদ্ধদীক্ষো ধৃতব্রতঃ || ২. ৪৬. ৩০||
ক্ষত্রক্ষেত্রেষু ভূয়শ্চ ক্ষত্রমুৎপাদিতং দ্বিজৈঃ |
নিজঘান পুনর্ভূমৌ রাজ্ঞ শতসহস্রশঃ || ২. ৪৬. ৩১||
বর্ষদ্বয়েন ভূয়োঽপি কৃৎবা নিঃক্ষত্রিয়াং মহীম্ |
ষট্চতুষ্টয়বর্ষান্তং তপস্তেপে পুনশ্চ সঃ || ২. ৪৬. ৩২||
ভূয়োঽপি রাজন্ সংবুদ্ধং ক্ষত্রমুৎপাদিতং দ্বিজৈঃ |
জঘান ভূমৌ নিঃশেষং সাক্ষাৎকাল ইবান্তকঃ || ২. ৪৬. ৩৩||
কালেন তাবতা ভূয়ঃ সমুৎপন্নং নৃপাত্ত্বয়ম্ |
নিঘ্নংশ্চচার পৃথিবীং বর্ষদ্বয়মনারতম্ || ২. ৪৬. ৩৪||
অলং রামেণ রাজেন্দ্র স্মরতা নিধনং পিতুঃ |
ত্রিঃ সপ্তকৃৎবঃ পৃথিবী তেন নিঃক্ষত্রিয়া কৃতা || ২. ৪৬. ৩৫||
ত্রিঃসপ্তকৃৎবস্তন্মাতা যদুরঃ স্বমতাডয়ৎ |
তাবদ্রামেণ তস্মাত্তু ক্ষত্রমুৎসাদিতং ভুবি || ২. ৪৬. ৩৬||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয় উপোদ্ধাতপাদে ভার্গবচরিতে ষট্চৎবারিংশত্ত মোঽধ্যায়ঃ || ৪৬||

বসিষ্ঠ উবাচ
ততো মূর্দ্ধাভিষিক্তানাং রাজ্ঞামমিততেজসাম্ |
ষট্সহস্রদ্বয়ং রামো জীবগ্রাহং গৃহীতবান্ || ২. ৪৭. ১||
ততো রাজসহস্রাণি গৃহীৎবা মুনিভিঃ সহ |
স জগাম মহাতেজাঃ কুরুক্ষেত্রং তপোময়ম্ || ২. ৪৭. ২||
সরসাং পঞ্চকং তত্র খানয়িৎবা ভৃগুদ্বহঃ |
সুখাবগাহতীর্থানি তানি চক্রে সমন্ততঃ || ২. ৪৭. ৩||
জঘান তত্র বৈ রাজ্ঞঃ শরীরপ্রভবামৃজা |
সরাংসি তানি বৈ পঞ্চ পূরয়ামাস ভার্গবঃ || ২. ৪৭. ৪||
স্নাৎবা তেষু যথান্যায়ং জামদগ্নয়ঃ প্রতাপবান্ |
পিৎৠন্সংতর্পয়ামাস যথাশাস্ত্রমতন্দ্রিতঃ || ২. ৪৭. ৫||
পিতুঃ প্রেতস্য রাজেন্দ্র শ্রাদ্ধাদিকমশেষতঃ |
ব্রাহ্মণৈঃ সহ মাতুশ্চ তত্র চক্রে যথোদিতম্ || ২. ৪৭. ৬||
এবং তীর্ণপ্রতীকঃ স কুরুক্ষেত্রে তপোময়ে |
উবাসাতন্দ্রিতঃ সম্যক্ পিতৃপূজাপরায়ণঃ || ২. ৪৭. ৭||
ততঃ প্রভৃত্যভূদ্রাজংস্তীর্থানামুত্তমোত্তমম্ |
বিহিতং জামদগ্ন্যেন কুরুক্ষেত্রে তপোবনে || ২. ৪৭. ৮||
সস্যমং তপঞ্চকমিতি স্থানং ত্রৈলোক্যবিশ্রুতম্ |
যত্র যক্রে ভৃগুশ্রেষ্ঠঃ পিৎৠণাং তৃপ্তিমক্ষয়াম্ || ২. ৪৭. ৯||
স্নানদানতপোহোমদ্বিজভোজনতর্পণৈঃ |
ভৃশমাপ্যায়িতাস্তেন যত্র তে পিতরোঽখিলাঃ || ২. ৪৭. ১০||
অবাপুরক্ষয়াং তৃপ্তিং পিতৃলোকং চ শাশ্বতম্ |
সমন্তপঞ্চকং নাম তীর্থং লোকে পরিশ্রুতম্ || ২. ৪৭. ১১||
সর্বপাপক্ষয়করং মহাপুণ্যোপবৃংহিতম্ |
মর্ত্যানাং যত্র যাতানামেনাংসি নিখিলানি তু || ২. ৪৭. ১২||
দূরাদেবাপয়াস্যন্তি প্রবাতে শুষ্কপর্ণবৎ |
তৎক্ষেত্রচর্যাগমনং মর্ত্যানামসতামিহ || ২. ৪৭. ১৩||
ন লভ্যতে মহারাজ জাতু জন্মশতৈরপি |
সমন্তপঞ্চকং তীর্থং কুরুক্ষেত্রেঽতিপাবনম্ || ২. ৪৭. ১৪||
যত্র স্নাতঃ সর্বতীর্থৈঃ স্নাতো ভবতি মানবঃ |
কৃতকৃত্যস্ততো রামঃ সম্যক্ পূর্ণমনোরথঃ || ২. ৪৭. ১৫||
উবাস তত্র নিয়তঃ কঞ্চিৎকালং মহামতিঃ |
ততঃ সংবৎসরস্যান্তে ব্রাহ্মণৈঃ সহিতো বশী || ২. ৪৭. ১৬||
পিতৃপিণ্ডপ্রদানায় জামদগ্ন্যোঽগমদ্গয়াম্ |
ততো গৎবা ততঃ শ্রাদ্ধে যথাশাস্ত্রমরিন্দমঃ || ২. ৪৭. ১৭||
ব্রাহ্মণাংস্তর্পয়ামাস পিৎৠনুদ্দিশ্য সৎকৃতান্ |
শৈবং তত্র পরং স্থানং চন্দ্রপাদমিতি স্মৃতম্ || ২. ৪৭. ১৮||
পিতৃতৃপ্তিকরং ক্ষেত্রং তাদৃগ্লোকে ন বিদ্যতে |
যত্রার্চিতাঃ স্বকুলজৈর্যথাশক্তি মনাগপি || ২. ৪৭. ১৯||
পিতরঃ পিণ্ডদানাদ্যৈঃ প্রাপ্স্যন্তি গতিমক্ষয়াম্ |
পিৎৠনুদ্দিশ্য তত্রাসৌ তর্প্পিতেষু দ্বিজাতিষু || ২. ৪৭. ২০||
দদৌ চ বিধিবৎপিণ্ডং পিতৃভক্তিসমন্বিতঃ |
ততস্তৎপিতরঃ সর্বে পিতৃলোকাদুপাগতাঃ || ২. ৪৭. ২১||
জগৃহুস্তৎকৃতাং পূজাং জমদগ্নিপুরোগমাঃ |
অথ সংপ্রীতমনসঃ সমেত্য ভৃগুনন্দনম্ || ২. ৪৭. ২২||
ঊচুস্তৎপিতরঃ সর্বেঽদৃশ্যা ভূৎবান্তরিক্ষগাঃ |
পিতর ঊচুঃ
মহৎকর্ম কৃতং বীর ভবতান্যৈঃ সুদুষ্করম্ || ২. ৪৭. ২৩||
অস্মানপি যথান্যায়ং সম্যক্ তর্পিতবানসি |
অস্মাকমক্ষয়াং প্রীতিং তথাপি ৎবং ন যচ্ছসি || ২. ৪৭. ২৪||
ক্ষত্রহত্যাং হি কৃৎবা তু কৃতকর্মাভবদ্যতঃ |
ক্ষেত্রস্যাস্য প্রভাবেণ ভক্ত্যা চ তব দর্শনম্ || ২. ৪৭. ২৫||
প্রাপ্তাঃস্ম পূজিতাঃ কিং তু নাক্ষয়্যফলভাগিনঃ |
ৎসমাত্ত্বং বীরহত্যাদিপাপপ্রশমনায় হি || ২. ৪৭. ২৬||
প্রায়শ্চিত্তং যথান্যায়ং কুরু ধর্মং চ শাশ্বতম্ |
বধাচ্চ বিনিবর্তস্ব ক্ষত্রিয়াণামতঃ পরম্ || ২. ৪৭. ২৭||
পিতুর্ন্ন তেঽপরাধ্যন্তে ন স্বতন্ত্রং যতো জগৎ |
তন্নিমিত্তং তু মরণং পিতুস্তে বিহিতং পুরা || ২. ৪৭. ২৮||
হন্তুং কং কঃ সমর্থঃ স্যাল্লোকে রক্ষিতুমেব বা |
নিমিত্তমাত্রমেবেহ সর্বঃ সর্বস্য চৈতয়োঃ || ২. ৪৭. ২৯||
ধ্রুবং কর্মানুরূপং তে চেষ্টন্তে সর্ব এব হি |
কালানুবৃত্তং বলবান্নৃলোকো নাত্র সংশয়ঃ || ২. ৪৭. ৩০||
বাধিতুং ভুবি ভূতানি ভূতানাং ন বিধিং বিনা |
শক্যতে বৎস সর্বোঽপি যতঃ শক্ত্যা স্বকর্মকৃৎ || ২. ৪৭. ৩১||
ক্ষত্রং প্রতি ততো রোষং বিমুচ্যাস্মৎপ্রিয়েপ্সয়া |
শমমা প্নুহি ভদ্রং তে স হ্যস্মাকং পরং বলম্ || ২. ৪৭. ৩২||
বসিষ্ঠ উবাচ
ইত্যুক্ত্বান্তর্দধুঃ সর্বে পিতরো ভৃগুনন্দনম্ |
স চাপি তদ্বচঃ সর্বং প্রতিজগ্রাহ সাদরম্ || ২. ৪৭. ৩৩||
অকৃতব্রণসংযুক্তো মুদা পরময়া যুতঃ |
প্রয়য়ৌ চ তদা রামস্তস্মাৎসিদ্ধবনাশ্রমম্ || ২. ৪৭. ৩৪||
তস্মিন্স্থিৎবা ভৃগুশ্রেষ্ঠো ব্রাহ্মণৈঃ সহিতো নৃপ |
তপসে ধৃতসংকল্পো বভূব স মহামনাঃ || ২. ৪৭. ৩৫||
সরথং সহসাহং চ ধনুঃসংহননানি চ |
পুনরাগমসংকেতং কৃৎবা প্রাস্থাপয়ত্তদা || ২. ৪৭. ৩৬||
ততঃ স সর্বতীর্থেষু চক্রে স্নানমতন্দ্রিতঃ |
পরীত্যপৃথিবীং সর্বাং পিতৃদেবাদিবূজকঃ || ২. ৪৭. ৩৭||
এবং ক্রমেণ পৃথিবীং ত্রিবারং ভুগুনন্দনঃ |
পরিচক্রাম রাজেন্দ্র লোকবৃত্তমনুব্রতঃ || ২. ৪৭. ৩৮||
ততঃ স পর্বতশ্রেষ্ঠং মহেন্দ্রং পুনরপ্যথ |
জগাম তপসে রাজন্বাহ্মণৈরভিসংবৃতঃ || ২. ৪৭. ৩৯||
স তস্মিংশ্চিররাত্রায় মুনি সিদ্ধনিষেবিতে |
নিবাসমাত্মনো রাজন্কল্পয়ামাস ধর্মবিৎ || ২. ৪৭. ৪০||
মুনয়স্তং তপস্যন্তং সর্বক্ষেত্রনিবাসিনঃ |
দ্রষ্টুকামাঃ সমাজগ্মুর্নিয়তা ব্রহ্মবাদিনঃ || ২. ৪৭. ৪১||
দদৃশুস্তে মুনিগণাস্তপস্যাসক্তমানসম্ |
ক্ষাত্রং কক্ষমশেষেণ দগ্ধ্বা শান্তমিবানলম্ || ২. ৪৭. ৪২||
অথ তানাগতান্দৃষ্ট্বা মুনীন্দিব্যাংস্তপোময়ান্ |
অর্ঘ্যাদিসমুদাচারৈঃ পূজয়ামাস ভার্গবঃ || ২. ৪৭. ৪৩||
কৃতকৌশলসংপ্রশ্নপূর্বকাঃ সুমহোদয়াঃ |
তেষাং তস্য চ সংবৃত্তাঃ কথাঃ পুণ্যা মনোহরাঃ || ২. ৪৭. ৪৪||
ততস্তেষামনুমতে মুনীনাং ভাবিতাত্মনাম্ |
হয়মেধং মহায়জ্ঞমাহর্তুমুপচক্রমে || ২. ৪৭. ৪৫||
সংভৃত্য সর্বসংভারানৌর্বাদ্যৈঃ সহিতো নৃপ |
বিশ্বামিত্রভরদ্বাজমার্কণ্ডেয়াদিভিস্তথা || ২. ৪৭. ৪৬||
তেষা মনুমতে কৃৎবা কাশ্যপং গুরুমাত্মনঃ |
বাজিমেধং ততো রাজন্নাজহার মহাক্রতুম্ || ২. ৪৭. ৪৭||
তস্যাভূৎকাশ্যপোঽধ্বর্যুরুদ্গাতা গৌতমো মুনিঃ |
বিশ্বামিত্রোঽভবদ্ধোতা রামস্য বিদিতাত্মনঃ || ২. ৪৭. ৪৮||
ব্রহ্মৎবমকরোত্তস্য মার্কণ্ডেয়ো মহামুনিঃ |
ভরদ্বাজাগ্নিবেশ্যাদ্যা বেদ বেদাঙ্গপারগাঃ || ২. ৪৭. ৪৯||
মুনয়শ্চক্রুরন্যানি কর্মাণ্যন্যে যথাক্রমম্ |
পুত্ত্রৈঃ শিষ্যৈঃ প্রশিষ্যৈশ্চ সহিতো ভগবান্ভৃগুঃ || ২. ৪৭. ৫০||
সাদস্যমকরোদ্রাজন্নন্যৈশ্চ মুনিভিঃ সহ |
স তৈঃ সহাখিলং কর্ম সমাপ্য ভৃগুপুঙ্গবঃ || ২. ৪৭. ৫১||
ব্রহ্মাণং পূজয়ামাস যথাবদ্গুরুণা সহ |
অলঙ্কৃত্য যথান্যায় কন্যাং রূপবতীং মহীম্ || ২. ৪৭. ৫২||
পুরগ্রামশতোপেতাং সমুদ্রাংবরমালিনীম্ |
আহূয় ভৃগুশার্দূলঃ সশৈলবনকাননাম্ || ২. ৪৭. ৫৩||
কাশ্যপায় দদৌ সর্বামৃতে তং শৈলমুত্তমম্ |
আত্মনঃ সন্নিবাসার্থং তং রামঃ পর্যকল্পয়ৎ || ২. ৪৭. ৫৪||
ততঃ প্রভৃতিরাজেন্দ্র পূজয়ামাস শাস্ত্রতঃ |
হিরণ্যরত্নবস্ত্রশ্বগোগজান্নাদিভিস্তথা || ২. ৪৭. ৫৫||
পুরা সমাপ্য যজ্ঞান্তে তথা চাবভৃথাপ্লুতঃ |
চক্রে দ্রব্যপরিত্যাগং তেষামনুমতে তদা || ২. ৪৭. ৫৬||
দত্ত্বা চ সর্বভূতানামভয়ং ভৃগুনন্দনঃ |
তত্রাপি পর্বতবরে তপশ্চর্তুং সমারভৎ || ২. ৪৭. ৫৭||
ততস্তং সমনুজ্ঞায় সদস্যা ঋৎবিজস্তথা |
যয়ুর্যথাগতং সর্বে মুনয়ঃ শংসিতব্রতাঃ || ২. ৪৭. ৫৮||
গতেষু তেষু ভগবানকৃতব্রণসংযুতঃ |
তপো মহৎসমাস্থায় তত্রৈব ন্যবসৎসুখী || ২. ৪৭. ৫৯||
কাশ্যপী তু ততো ভূমির্জননাথা হ্যনেকশঃ |
সর্বদুঃখপ্রশান্ত্যর্থং মারীচানুমতেন তু || ২. ৪৭. ৬০||
তত্র দীপপ্রতিষ্ঠাখ্যব্রতং বিষ্ণুমুখোদিতম্ |
চচার ধরণী সম্যক্ দুখৈরঃমুক্তাভবচ্চ সা || ২. ৪৭. ৬১||
ইত্যেষ জামদগ্ন্যস্য প্রাদুর্ভাব উদাহৃতঃ |
যস্মিঞ্শ্রুতে নরঃ সর্বপাতকৈর্বিপ্রমুচ্যতে || ২. ৪৭. ৬২||
প্রভাবঃ কার্ত্তবীর্যস্য লোকে প্রথিততেজসঃ |
প্রসংগাৎকথিতঃ সম্যঙ্নাতিসংক্ষেপবিস্তরঃ || ২. ৪৭. ৬৩||
এবংপ্রভাবঃ স নৃপঃ কার্ত্তবীর্যোঽভবদ্ভুবি |
ন তাদৃশঃ পুমাৎকশ্চিদ্ভাবী ভূতাথবা শ্রুতঃ || ২. ৪৭. ৬৪||
দত্তাত্রেয়াদ্বরং বব্রে মৃতিমুত্তমপূরুষাৎ |
যৎপুরা সোঽগমন্মুক্তিং রণে রামেণ ঘাতিতঃ || ২. ৪৭. ৬৫||
তস্যাসীৎপঞ্চমঃ পুত্রঃ পখ্যাতো যো জয়ধ্বজঃ |
পুত্রস্তস্য মহাবাহুস্তালজঙ্ঘোঽভবন্নৃপ || ২. ৪৭. ৬৬||
অভূত্তস্যাপি পুত্রাণাং শতমুত্তমধন্বিনাম্ |
তালজঙ্ঘাভিধা যেষাং বীতিহোত্রোঽগ্রজোঽভবৎ || ২. ৪৭. ৬৭||
পুত্রৈঃ সবীতিহোত্রাদ্যৈর্হৈহয়াদ্যৈশ্চ রাজভিঃ |
কালং মহান্তমবসদ্ধিমাদ্রিবানগহ্বরে || ২. ৪৭. ৬৮||
যঃ পূর্বং রাম বাণেন দ্রবন্পৃষ্ঠেঽভিতাডিতঃ |
তালজঙ্ঘোঽপতদ্ভূমৌ মূর্ছিতো গাঢবেদনঃ || ২. ৪৭. ৬৯||
দদর্শ বীতিহোত্রস্তং দ্রবন্দৈববশাদিব |
রথমারোপ্য বেগেন পলায়নপরোঽভবৎ || ২. ৪৭. ৭০||
তে তত্র ন্যবসন্সর্বে হিমাদ্রৌ ভয়পীডিতাঃ |
কৃচ্ছ্রং মহান্তমাসাদ্য শাকমূলফলাশনঃ || ২. ৪৭. ৭১||
ততঃ শান্তিং গতে রামে তপস্যাসক্তমানসে |
জালজঙ্ঘঃ স্বকং রাজ্যং সপুত্রঃ প্রত্যপদ্যত || ২. ৪৭. ৭২||
সন্নিবেশ্য পুরীং ভূয়ঃ পূর্ববন্নৃপসত্তমঃ |
বসংস্তদা নিজং রাজ্যমাপালয়দরিন্দমঃ || ২. ৪৭. ৭৩||
সুপুত্রঃ সানুগবলঃ পূর্ববৈরমনুস্মরন্ |
অভ্যায়য়ৌ মহারাজ তালজঙ্ঘঃ পুরং তব || ২. ৪৭. ৭৪||
চতুরঙ্গবলোপেতঃ কংপয়ন্নিব মেদিনীম্ |
রুরোদাভ্যেত্য নগরীময়োধ্যাং স মহীপতিঃ || ২. ৪৭. ৭৫||
ততো নিষ্ক্রম্য নগরাৎফলগুতন্ত্রোঽপি তে পিতা |
যুয়ুধে তৈর্নৃপৈঃ সর্বৈর্বৃদ্ধোঽপি তরুণো যথা || ২. ৪৭. ৭৬||
নিহতানেকমাতগতুরঙ্গরথসৈনিকঃ |
শত্রুভির্নির্জিতো বৃদ্ধঃ পলায়নপরোঽ ভবৎ || ২. ৪৭. ৭৭||
ত্যক্ত্বা স নগরং রাজ্যং সকোশবলবাহনম্ |
অন্তর্বত্ন্যা চ তে মাত্রা সহিতো বনমাবিশৎ || ২. ৪৭. ৭৮||
তত্র চৌর্বাশ্রমোপান্তে নিবসন্নচিরাদিব |
শোকামর্ষসমাবিষ্টো বৃদ্ধভাবেন চ স্বয়ম্ || ২. ৪৭. ৭৯||
বিলোক্যমানো মাত্রা তে বাষ্পগদ্গদকণ্ঠয়া |
অনাথ ইব রাজেন্দ্র স্বর্গলোকমিতো গতঃ || ২. ৪৭. ৮০||
ততস্তে জননী রাজন্দুঃখশোকসমন্বিতা |
চিতামারোপয়দ্ভর্তূ রুদতী সা কলেবরম্ || ২. ৪৭. ৮১||
অনশনাদিদুঃখেন ভর্ত্তুর্ব্যসনকর্শিতা |
চকারাগ্নিপ্রবেশায় সুদৃঢাং মতিমাত্মনঃ || ২. ৪৭. ৮২||
ঔর্বস্তদখিলং শ্রুৎবা স্বয়মেব মহামুনিঃ |
নির্গত্য চাশ্রমাত্তাং চ বারয়ন্নিদমব্রবীৎ || ২. ৪৭. ৮৩||
ন মর্ত্তব্যং ৎবয়া রাজ্ঞি সাংপ্রতং জঠরে তব |
পুত্রস্তিষ্ঠতি সর্বেষাং প্রবরশ্চবর্ত্তিনাম্ || ২. ৪৭. ৮৪||
ইতি তদ্বচনং শ্রুৎবা মাতা তব মনস্বিনী |
বিররাম মৃতেস্তাং তু মুনিঃ স্বাশ্রমমানয়ৎ |
ততঃ সা সর্বদুঃখানি নিয়ম্য ৎবন্মুখাংবুজম্ || ২. ৪৭. ৮৫||
দিদৃক্ষুরাশ্রমোপান্তে তস্যৈব ন্যবসৎসুখম্ |
সুষাব চ ততঃ কালে সা ৎবামৌর্বাশ্রমে তদা || ২. ৪৭. ৮৬||
জাতকর্মাদিকং সর্বং ভবতঃ সোঽকরোন্মুনিঃ |
ঔর্বাশ্রমে বিবৃদ্ধশ্চ ভবাংস্তেনানুকংপিতঃ || ২. ৪৭. ৮৭||
ৎবয়ৈব বিদিতং সর্বমতঃ পরমরিন্দম |
এবং প্রভাবো নৃপতিঃ কার্ত্তবীর্যোঽভবদ্ভুবি || ২. ৪৭. ৮৮||
ব্রতস্যাস্য প্রভাবেণ সর্বলোকেষু বিশ্রুতঃ |
যদ্বংশজৈর্জিতো যুদ্ধে পিতা তে বনমাদিশৎ || ২. ৪৭. ৮৯||
তদ্বৃত্তান্তমশেষেণ ময়া তে সমুদীরিতম্ |
এতচ্চ সর্বমাখ্যাতং ব্রতানামুত্তমং তব || ২. ৪৭. ৯০||
সমন্ত্রতন্ত্রং লোকেষু সর্বলোকফলপ্রদম্ |
ন হ্যস্য কর্ত্তুর্নৃপতেঃ পুরুষার্থচতুষ্টয়ে || ২. ৪৭. ৯১||
ভবত্যভীপ্সিতং কিঞ্চিদ্দর্ল্লভং ভুবনত্রয়ে |
সংক্ষেপেণ ময়াখ্যাতং ব্রতং হৈহয়ভূভুজঃ |
জামদগ্ন্যস্য চ মুনে কিমন্যৎকথয়ামি তে || ২. ৪৭. ৯২||
জৈমিনিরুবাচ
ততঃ স সগরো রাজা কৃতাঞ্জলিপুটো মুনিম্ || ২. ৪৭. ৯৩||
উবাচ ভগবন্নেতৎকর্তুমিচ্ছাম্যহং ব্রতম্ |
সম্যক্তমুপদেশেন তত্রানুজ্ঞাং প্রয়চ্ছ মে || ২. ৪৭. ৯৪||
কর্মণানেন বিপ্রর্ষে কৃতার্থোঽস্মি ন সংশয়ঃ |
ইত্যুক্তস্তেন রাজ্ঞাতু তথেত্যুক্ত্বা মহামুনিঃ || ২. ৪৭. ৯৫||
দীক্ষয়ামাস রাজানং শস্ত্রোক্তেনৈব বর্ত্মনা |
স দীক্ষিতো বসিষ্ঠেন সগরো রাজসত্তমঃ || ২. ৪৭. ৯৬||
দ্রব্যাণ্যানীয় বিধিবৎপ্রচচার শুভব্রতম্ |
পূজয়িৎবা জগন্নাথং বিধিনা তেন পার্থিবঃ || ২. ৪৭. ৯৭||
সমাপ্য চ যথায়োগ্যমনুজ্ঞায় গুরুং ততঃ |
প্রতিজ্ঞামকরোদ্রাজা ব্রতমেতদনুত্তমম্ || ২. ৪৭. ৯৮||
আজীবান্তং ধরিষ্যামি যত্নেনেতি মহামতিঃ |
অথানুজ্ঞাপ্য রাজানং বসিষ্ঠো ভগবানৃষিঃ || ২. ৪৭. ৯৯||
সন্নিবর্ত্যানুগচ্ছন্তং প্রজগাম নিজাশ্রমম্ || ২. ৪৭. ১০০||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয় উপোদ্ধাতপাদে সগরোপাখ্যানে বসিষ্ঠগমনং নাম সপ্তচৎবারিংশত্তমোঽধ্যায়ঃ || ৪৭||

জৈমিনিরুবাচ
গতে তস্মিন্মুনিবরে সগরো রাজসত্তমঃ |
অয়োধ্যায়ামধিবস্ন্পালয়ামাস মেদিনীম্ || ২. ৪৮. ১||
সর্বসংপদ্গণোপেতঃ সর্বধর্মার্থতত্ত্ববিৎ |
বয়সৈব স বালোঽভূৎকর্মণা বৃদ্ধসংমতঃ || ২. ৪৮. ২||
তথাপি ন দিবা ভুক্তেং শেতে বা নিশি সংস্মরন্ |
সুদীর্ঘং নিঃশ্বসিত্যুষ্ণমুদ্বিগ্নহৃদয়োঽনিশম্ || ২. ৪৮. ৩||
শ্রুৎবা রাজা স্বরাজ্যং নিজগুরুমবজিত্যারিভিঃ সংগৃহীতং মাত্রা সার্দ্ধং প্রয়ান্তং বনমতিগহনংস্বর্গতং তং চ তস্মিন্ |
শোকাবিষ্টঃ সরোষং সকলরিপুকুলোচ্ছিত্তয়ে সৎপ্রতিজ্ঞশ্চকে সদ্যঃ প্রতিজ্ঞাং পরিভবমনলং সোঢুমিক্ষ্বাকুবংশ্যঃ || ২. ৪৮. ৪||
স কদাচিন্মহীপালঃ কৃতকৌতুকমঙ্গলঃ |
রিপুং জেতুং মনশ্চক্রে দিশশ্চ সকলাঃ ক্রমাৎ || ২. ৪৮. ৫||
অনেকরথসাহস্রৈর্গজাশ্বরথসৈনিকৈঃ |
সর্বতঃ সংবৃতো রাজা নিশ্চক্রাম পুরোত্তমাৎ || ২. ৪৮. ৬||
শত্রূন্হন্তুং প্রতস্থে নিজবলনিবহেনোৎপতদ্ভিস্তুরঙ্গৈর্নাসত্ত্বোর্মিজালাকুলজলনিধিনিভেনাথ ষাডঙ্গিকেন |
মত্তৈর্মাতঙ্গয়ূথৈঃ সকুলগিরিকুলেনৈব ভূমণ্ডলেন শ্বেতচ্ছত্রধ্বজৌঘৈরপি শশিসুকরাভাতখেনৈব সার্দ্ধম্ || ২. ৪৮. ৭||
তস্যাগ্রেসরসৈন্যয়ূথচরণপ্রক্ষুণ্ণশৈলোচ্চয়ক্ষোদাপূরিতনিম্নভাগমবনীপালস্য সংযাস্যতঃ |
প্রত্যেকং চতুরঙ্গসৈন্যনিকরপ্রক্ষোদসংভূতভূরেণুপ্রাবৃতিরুৎস্থলী সমভবদ্ভূমিস্তু তত্রানিশম্ || ২. ৪৮. ৮||
নিঘ্নন্দৃপ্তাননেকান্দ্বিপতুরগরথব্যূহসংভিন্নবীরান্সদ্যঃ শোভাং দধানোঽসুরনিকরচমূর্নিঘ্নতশ্চন্দ্রমৌলিঃ |
দূরাদেবাভিশংসন্নরিনগরনিরোধেষু কর্মাভিষঙ্গে তেষাং শীঘ্রাপয়ানক্ষণমভিদিশতি প্রাণিধৈর্যং বিধত্তে || ২. ৪৮. ৯||
বিজিগীষুর্দিশো রাজা রাজ্ঞো যস্যাভিয়াস্যতি || ২. ৪৮. ১০||
বিষয়ং স নৃপস্তস্য সদ্যঃ প্রণতিমেষ্যতি |
বিজিত্য নৃপতীন্সর্বান্কৃৎবা চ স্বপদানুগান্ || ২. ৪৮. ১১||
সংকেত গামিনঃ কাংশ্চিৎকৃৎবা রাজ্যে ন্যবর্ত্তত |
এবং স বিসরন্দিক্ষু দক্ষিণাভিমুখো নৃপঃ || ২. ৪৮. ১২||
স্মরন্পূর্বকৃতং বৈরং হৈহয়ানভ্যবর্ত্তত |
ততস্তস্য নৃপৈঃ সার্দ্ধং সমগ্ররথকুঞ্জরৈঃ || ২. ৪৮. ১৩||
বভূব হৈহয়ৈর্বীরৈঃ সংগ্রামো রোমহর্ষণঃ |
রাজ্ঞাং যত্র সহস্রাণি স বলানি মহাহবে || ২. ৪৮. ১৪||
নিজঘান মহাবাহুঃ সংক্রুদ্ধঃ কোসলেশ্বরঃ |
জিৎবা হৈহয়ভূপালান্ভঙ্ক্ত্বা দগ্ধ্বা চ তৎপুরীম্ || ২. ৪৮. ১৫||
নিঃশেষশূন্যা মকরোদ্বৈরান্তকরণো নৃপঃ |
সমগ্রবলসংমর্দ্দপ্রমৃষ্টাশেষভূতলঃ || ২. ৪৮. ১৬||
হৈহয়ানামশেষং তু চক্রে রাজ্যং রজঃসমম্ |
রাজ্যং পুরীং চাপহায় ভ্রষ্টৈশ্বর্যা হতৎবিষঃ || ২. ৪৮. ১৭||
রাজানো হতভূয়িষ্ঠা ব্যদ্রবন্ত সমন্ততঃ |
অভিদ্রুত্য নৃপাংস্তাংস্তু দ্রবমাণান্মহীপতিঃ || ২. ৪৮. ১৮||
জঘান সানুগান্মত্তঃ প্রজাঃ ক্রুদ্ধ ইবান্তকঃ |
ততস্তান্প্রতি সক্রোধঃ সগরঃ সমরেঽরিহা || ২. ৪৮. ১৯||
মুমোচাস্ত্রং মহারৌদ্রং ভার্গবং রীপুভীষণম্ |
তেনোৎসৃষ্টাতিরৌদ্রত্রিভুবনভয়দপ্রস্ফুরদ্ভার্গবাস্ত্রজ্বালাদন্দহ্যমানাবশতনুততয়স্তে নৃপাঃ সাদ্য এব |
বায়্বস্ত্রাবৃত্তধূমোদ্গমপটলতমোমুষ্টদৃষ্টিপ্রসারা ভ্রেমুর্ভূপৃষ্টলোঠদ্বহুলতমরজোগূঢমাত্রা মুহূর্ত্তম্ || ২. ৪৮. ২০||
আগনেয়াস্ত্রপ্রতাপপ্রতিহতগতয়োঽদৃষ্টমার্গাঃ সমন্তা দ্ভূপালা নষ্টসংঘাঃ পরবশতনবো ব্যাকুলীভূতচিত্তাঃ |
ভীতাঃ সংত্যুক্তবস্ত্রায়ুধকবচবিভূষাদিকা মুক্তকেশা বিস্পষ্টোন্মত্তভাবান্ভৃশ তরমনুকুর্বন্ত্যগ্রতঃ শাত্রবাণাম্ || ২. ৪৮. ২১||
বিজিত্য হৈহয়ান্সর্বান্সমরে সগরো বলী |
সংক্ষুব্ধসাগরাকারঃ কাংবোজানভ্যবর্ত্তত || ২. ৪৮. ২২||
নানাবাদিত্রঘোষাহতপটহরবাকর্ণনধ্বস্তধৈর্যাঃ সদ্যঃ সংত্যক্তরাজ্যস্ববলপুরপুরন্ধ্রীসমূহা বিমূঢাঃ |
কাংবোজাস্তালজঙ্ঘাঃ শকয়বনকিরাতাদয়ঃ সাকমেতে ভ্রেমুর্ভূর্যস্ত্রভীত্যা দিশি দিশি রিপবো যস্য পূর্বাপরাধাঃ || ২. ৪৮. ২৩||
ভীতাস্তস্য নরেশ্বরস্য রিপবঃ কেচিৎপ্রতা পানলজ্বালামুষ্টদৃশো বিসৃজ্য বসতিং রাজ্যং চ পুত্রাদিভিঃ |
দ্বিট্সৈন্যৈঃ সমভিদ্রুতা বনভুবং সংপ্রাপ্য তত্রাপি তেঽস্তৈমিত্যং সমুপাগতা গিরিগুহাসুপ্তোত্থিতেন দ্বিষঃ || ২. ৪৮. ২৪||
তালজঙ্ঘান্নিহত্যাজৌ রাজা স বলবাহনান্ |
ক্রমেণ নাশয়ামাস তদ্রাজ্যমরিকর্ষণঃ || ২. ৪৮. ২৫||
ততো যবনকাংবোজকিরাতাদীননেকশঃ |
নিজঘান রুষাবিষ্টঃ পল্হবান্পারদানপি || ২. ৪৮. ২৬||
হন্যমানাস্তু তে সর্বে রাজানস্তেন সংযুগে |
দুদ্রুবুঃ সংঘশো ভীতা হতশিষ্টাঃ সমন্ততঃ || ২. ৪৮. ২৭||
যুষ্মাভির্যস্য রাজ্যং বহুভিরপৎদৃতং তস্য পুত্রোঽধুনাহং হন্তুং বঃ সপ্রতিজ্ঞং প্রসভমুপগতো বৈরনির্যাতনৈষী |
ইত্যুচ্চৈঃ শ্রাবয়াণো যুধি নিজচরিতং বৈরিভির্নাগবীর্যঃ ক্ষত্রৈর্বিধ্বংসিতেজাঃ সগরনরপতিঃ স্মারয়ামাস ভূপঃ || ২. ৪৮. ২৮||
তং দৃষ্ট্বা রাজবর্যং সকলরিপুকুলপ্রক্ষয়োপাত্তদীক্ষং ভীতাঃ স্ত্রীবালপূর্বং শরণমভিয়য়ুঃ স্বাসুসরক্ষণায় |
ইক্ষ্বাকূণাং বসিষ্ঠং কুলগুরুমভিতঃ সপ্ত রাজ্ঞাং কলেষু প্রখ্যাতাঃ সংপ্রসূতা নৃপবররিপবঃ পারদাঃ পল্হবাদ্যাঃ || ২. ৪৮. ২৯||
বসিষ্ঠমাশ্রমোপান্তে বসংতমৃষিভির্বৃতম্ |
উপগম্যাব্রুবন্সর্বে কৃতাঞ্জলিপুটা নৃপাঃ || ২. ৪৮. ৩০||
শরণং ভংব নো ব্রহ্মন্নার্ত্তানামভয়ৈষিণাম্ |
সগরাস্ত্রাগ্নিনির্দগ্ধশরীরাণাং মুমূর্ষতাম্ || ২. ৪৮. ৩১||
স হন্ত্যসমানশেষেণ বৈরান্তকরণোন্মুখঃ |
তস্মাদ্ভয়াদ্ধি নিষ্ক্রান্তা বয়ং জীবিতকাঙ্ক্ষিণঃ || ২. ৪৮. ৩২||
বিভিন্নরাজ্যভোগর্দ্ধিস্বদারাপত্যবান্ধবাঃ |
কেবলং প্রাণরক্ষার্থং ৎবাং ৎবয়ং শরণং গতঃ || ২. ৪৮. ৩৩||
ন হ্যন্যোঽস্তি পুমাংল্লোকে সৌহৃদেন বলেন বা |
যস্তং নিবর্ত্তয়িৎবাস্মান্পালয়েন্মহতো ভয়াৎ || ২. ৪৮. ৩৪||
ৎবং কিলার্কান্বয়ভুবাং রাজ্ঞাং কুলগুরুর্ বৃতঃ |
তদ্বংশপূর্বজৈর্ভূপৈস্ত্বতপ্রভাবশ্চ তাদৃশঃ || ২. ৪৮. ৩৫||
তেনায়ং সগরোঽপ্যদ্য গুরুগৌরবয়ন্ত্রিতঃ |
ভবন্নিদেশং নাত্যেতি বেলামিব মহোদধিঃ || ২. ৪৮. ৩৬||
ৎবং নঃ সুহৃৎপিতা মাতা লোকানাং চ গুরুর্বিভো |
তস্মাদস্মান্মহাভাগ পরিত্রাতুং ৎবমর্হসি || ২. ৪৮. ৩৭||
জৈমিনিরুবাচ
ইতি তেষাং বচঃ শ্রুৎবা বসিষ্ঠো ভগবানৃষিঃ |
শনৈর্বিলোকয়ামাস শরণং সমুপাগতান্ || ২. ৪৮. ৩৮||
বৃদ্ধস্ত্রীবালভূয়িষ্ঠান্হতশেষান্নৃপান্বয়ান্ |
দৃষ্ট্বা ৎবতপ্যদ্ভগবান্সর্বভূতানুকংপকঃ || ২. ৪৮. ৩৯||
চিরং নিরূপ্য মনসা তান্বিলোক্য চ সাদরম্ |
উজ্জীবয়ঞ্ছনৈর্বাচা মা ভৈষ্টেতি মহামতিঃ || ২. ৪৮. ৪০||
অথাবোচন্মহাভাগঃ কৃপয়া পরয়ান্বিতঃ |
সময়ে স্থাপয়ামাস রাজ্ঞস্তাঞ্জীবিতার্থিনঃ || ২. ৪৮. ৪১||
ভূপব্যা কোপদগ্ধং নৃপকুলবিহিতাশেষধর্মাদপেতং কৃৎবা তেষাং বসিষ্ঠঃ সময়মবনিপালপ্রতিজ্ঞানিবৃত্ত্যৈ |
গৎবা তং রাজবর্যং স্বয়মথ শনকৈঃ সাংৎবয়িৎবা যথাবৎসপ্রাণানামরীণামপগমনবিধাবভ্যনুজ্ঞাং যয়াচে || ২. ৪৮. ৪২||
সক্রোধোঽপি মহীপতির্গুরুবচঃ সংভাবয়ংস্তানরীন্ধর্মস্য স্বকুলোচিতস্য চ তথা বেষস্য সংত্যাগতঃ |
শ্রৌতস্মার্ত্তবিভিন্নকর্মনিরতান্বিপ্রৈশ্চ দূরোঞ্ঝিতান্সাসূন্কেবলমত্যজন্মৃতসমানেকৈকশঃ পার্থিবান্ || ২. ৪৮. ৪৩||
অর্দ্ধমুণ্ডাঞ্ছকাংশ্চক্রে পল্হবান্ শ্মশ্রুধারিণঃ |
যবনান্বিগতশ্মশ্রূন্কাংবোজাংশ্চবুকান্বিতান্ || ২. ৪৮. ৪৪||
এবং বিরূপানন্যাংশ্চ স চকার নৃপান্বয়ান্ |
বেদোক্তকর্মনির্মুক্তান্বিপ্রৈশ্চ পরিবর্জিতান্ || ২. ৪৮. ৪৫||
কৃৎবা সংস্থাপ্য সময়ে জীবতস্তান্ব্য সর্জয়ৎ |
ততস্তে রিপবস্তস্য ত্যক্তস্বাচারলক্ষণাঃ || ২. ৪৮. ৪৬||
ব্রাত্যতাং সমনুপ্রাপ্তাঃ সর্ববর্ণবিনিন্তিতাঃ |
ধিক্কৃতা সততং সর্বেনৃশংসা নিরপত্রপাঃ || ২. ৪৮. ৪৭||
ক্রূরাশ্চ সংঘশো লোকে বভূবুর্ম্লেছজাতয়ঃ || ২. ৪৮. ৪৮||
মুক্তাস্তেনাথ রাজ্ঞা শকয়বনকিরাতাদয়ঃ সদ্য এব ত্যক্তস্বাচারবেষা গিরিগহনগুহাদ্যাশয়াঃ সংবভূবুঃ |
এতা অদ্যাপি সদ্ভিঃ সততমবমতা জাতয়োঽসৎপ্রবৃত্ত্যা বর্ত্তন্তে দুষ্টচেষ্টা জগতি নরপতেঃ পালয়ন্তঃ প্রতিজ্ঞাম্ || ২. ৪৮. ৪৯||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয় উপোদ্ধাতপাদে সগরোপাখ্যানে সগরপ্রতিজ্ঞাপালনং নামাষ্টাচৎবারিংশত্তমোঽধ্যায়ঃ || ৪৮||

জৈমিনিরুবাচ
অথানুজ্ঞায় সগরো বসিষ্ঠমৃষিসত্তমম্ |
বলেন মহতা যুক্তো বিদর্ভানভ্যবর্ত্তত || ২. ৪৯. ১||
ততো বিদর্ভরাট্ তস্মৈ স্বসুতাং প্রীতিপূর্বকম্ |
কেশিন্যাখ্যামনুপমামনুরূপাং ন্যবেদয়ৎ || ২. ৪৯. ২||
স তস্যা রাজশার্দূলো বিধিবদ্বহ্নিসাক্ষিকম্ |
শুভে মুহূর্তে কেশিন্যাঃ পার্ণিং জগ্রাহ ভূমিপঃ || ২. ৪৯. ৩||
স্থিৎবা দিনানি কতিচিদ্গৃহে তস্যাতিসৎকৃতঃ |
বিদর্ভরাজ্ঞা সংমন্ত্র্য ততো গন্তুং প্রজক্রমে || ২. ৪৯. ৪||
অনুজ্ঞাতস্ততস্তেন পারিবর্হৈশ্চ সৎকৃতঃ |
নিষ্ক্রম্য তৎপুরাদ্রাজা শূরসেনানুপেয়িবান্ || ২. ৪৯. ৫||
সংভাবিতস্ততশ্চৈব যাদবৈর্মাতৃসোদরৈঃ |
ধনৌঘৈস্তর্পিতস্তৈশ্চ মধুরায়া বিনির্যয়ৌ || ২. ৪৯. ৬||
এবং স সগরো রাজা বিজিত্য বসুধামিমাম্ |
করৈশ্চ স নৃপান্সর্বাংশ্চক্রে সংকেতগানপি || ২. ৪৯. ৭||
ততোঽনুমান্য নৃপতীন্নিজরাজ্যায় সানুগান্ |
অনুজজ্ঞে নরপতিঃ সমস্তাননুয়ায়িনঃ || ২. ৪৯. ৮||
ততো বলেন মহাতা স্কন্ধাবারসমন্বিতঃ |
শনৈরপীডয়ন্দেশান্স্বরাজ্যমুপজগ্মিবান্ || ২. ৪৯. ৯||
সংভাব্যমানশ্চ মুহুরুপদাভিরনেকশঃ |
নানাজনপদৈস্তূর্মময়োধ্যাং সমুপাগমৎ || ২. ৪৯. ১০||
তদাগমনমাজ্ঞায় নাগরঃ সকলো জনঃ |
নগরীং তামলঞ্চক্রে মহোৎসবসমুৎসুকঃ || ২. ৪৯. ১১||
ততঃ সা নগরী সর্বা কৃতকৌতুকমঙ্গলা |
সিক্তসংমৃষ্টভূভাগা পূর্ণকুম্ভশতাবৃতা || ২. ৪৯. ১২||
সমুচ্ছ্রিতধ্বজশতা পতাকাভিরংলকৃতা |
সর্বত্রাগরুধূপাঞঢ্যা বিচিত্রকুসুমোজ্জ্বলা || ২. ৪৯. ১৩||
সদ্রত্নতোরণোত্তুঙ্গগোপুরাট্টলভূষিতা |
প্রসূনলাজবর্ষৈশ্চ স্বলঙ্কৃতমহাপথা || ২. ৪৯. ১৪||
মহোৎসবসমায়ুক্তা প্রতিগেহমভূৎপুরী |
সংবূজিতাশেষবাস্তুদেবতাগৃহমালিনী || ২. ৪৯. ১৫||
দিক্চক্রজয়িনো রাজ্ঞঃ সংদর্শনমুদান্বিতৈঃ |
পৌরজানপদৈর্ত্দৃষ্টৈঃ সর্বতঃ সমলঙ্কৃতা || ২. ৪৯. ১৬||
ততঃ প্রকৃতয়ঃ সর্বে তথান্তঃ পুরবাসিনঃ |
বারকাতাকদবৈশ্চ নগরীভিশ্চ সবৃতাঃ || ২. ৪৯. ১৭||
অভ্যায়য়ুস্ততঃ সর্বে সমত্য পুরবাসিনঃ |
স তৈঃ সমেত্য নৃপতির্লব্ধাশীর্বাদ সক্ত্ক্রিয়ঃ || ২. ৪৯. ১৮||
বধিরীকৃতদিক্চক্রো জয়শব্দেন ভূরিণা |
নানাবাদিত্রসংঘোষমিশ্রেণ মধুরেণ চ || ২. ৪৯. ১৯||
সৎকৃত্য তান্যথা যোগং সহিতস্তৈর্মুদান্বিতৈঃ |
আনন্দয়ন্প্রজাঃ সর্বাঃ প্রবিবেশ পুরোত্তমম্ || ২. ৪৯. ২০||
বেদঘোষৈঃ সুমধুরৈর্ব্রাহ্মণৈরভিনন্দিতঃ |
সংস্তূয়মানঃ সুভৃশং সূতমাগধবন্দিভিঃ || ২. ৪৯. ২১||
জয়শব্দৈশ্চ পরিতো নানাজনপদেরিতৈঃ |
কলতালরবোন্মিশ্রবীণাবেণুতলস্বনৈঃ || ২. ৪৯. ২২||
গায়দ্ভির্গায়কজনৈর্নৃত্যদ্ভির্গণিকাজনৈঃ |
অন্বীয়মানো বিলসচ্ছ্বেতচ্ছত্রবিরাজিতঃ || ২. ৪৯. ২৩||
বিকীর্যমাণঃ পরিতঃ সল্লাজকুসুমোৎকরৈঃ |
পুরীময়োধ্যামবিশৎস্বপুরীমিব বাসবঃ || ২. ৪৯. ২৪||
দৃষ্টিপূতেন গন্ধেন ব্রাহ্মণানাং চ বর্ত্মনা |
জগাম মধ্যেনগরং গৃহং শ্রীমদলঙ্কৃতম্ || ২. ৪৯. ২৫||
অবরুহ্য ততো যানাদ্ভার্যাভ্যাং সহিতো মুদা |
প্রবিবেশ গৃহং মাতুর্হৃষ্টপুষ্টজনায়ুতম্ || ২. ৪৯. ২৬||
পর্যঙ্কস্থামুপাগম্য মাতরং বিনয়ান্বিতঃ |
তৎপাদৌ সংস্পৃশন্মূর্ধ্না প্রণামমকরোত্তদা || ২. ৪৯. ২৭||
সাভিনন্দ্য তমাশীর্ভির্হর্ষগদ্গদয়া গিরা |
সসংভ্রমং সমুত্থায় পর্যষ্বজত চাত্মজম্ || ২. ৪৯. ২৮||
সহর্ষং বহুধাশীর্ভিরভ্যনন্দদুভে স্নুষে |
স তাং সংভাব্য কথয়া তত্র স্থিৎবা চিরাদিব || ২. ৪৯. ২৯||
অনুজ্ঞাতস্তয়া রাজা নিশ্চক্রাম তদালয়াৎ |
ততঃ সানুচরো রাজা শ্বেতব্যজনবীজিতঃ || ২. ৪৯. ৩০||
সুররাজ ইব শ্রীমান্সভাং সমগমচ্ছনৈঃ |
সংপ্রবিশ্য সভাং দিব্যামনেকনৃপসেবিতাম্ || ২. ৪৯. ৩১||
নৎবা গুরুজনং সর্বমাশীর্ভিশ্চাভিনন্দিতঃ |
সিংহাসনে শুভে দিব্যে নিষসাদ নরেশ্বরঃ || ২. ৪৯. ৩২||
সংসেব্যমানশ্চ নৃপৈর্নানাজনপদেশ্বরৈঃ |
নানাবিধাঃ কথাঃ কুর্বন্স তত্র নৃপসত্তমঃ || ২. ৪৯. ৩৩||
সংপ্রীয়মামঃ সুতরামুবাস সহ বন্ধুভিঃ |
প্রতিজ্ঞাং পালয়িৎবৈবং জিতদিঙ্মণ্ডলো নৃপঃ || ২. ৪৯. ৩৪||
অন্বতিষ্ঠদ্যন্থান্যায় মর্থত্রয়মুদারধীঃ |
স্বপ্রভাবজিতাশেষবৈরির্দিঙ্মণ্ডলাধিপঃ || ২. ৪৯. ৩৫||
একাতপত্রাং পৃথিবীমন্বশাসদ্বৃষো যথা |
স্বর্যাতস্য পিতুঃ পূর্বং পরিভাবমমর্ষিতঃ || ২. ৪৯. ৩৬||
স যাং প্রতিজ্ঞামারূঢস্তাং সম্যক্পরিপূর্য চ |
সপ্তদ্বীপাব্ধিনগরগ্রামায়তনমালিনীম্ || ২. ৪৯. ৩৭||
জিৎবা শত্রূনশেষেণ পালয়ামাস মেদিনীম |
এবং গচ্ছতি কালে চ বসিষ্ঠো ভগবানৃষিঃ || ২. ৪৯. ৩৮||
অভ্যজগাম তং ভূয়ো দ্রষ্টুকামো জরেশ্বরম্ |
তমায়ান্তমতিপ্রেক্ষ্য মুনিবর্যং সসংভ্রমঃ || ২. ৪৯. ৩৯||
প্রত্যুজ্জগামার্ঘহস্তঃ সহিতস্তৈর্নপৈর্নৃপঃ |
অর্ধ্যপাদ্যাদিভিঃ সম্যক্পূজয়িৎবা মহামতিঃ || ২. ৪৯. ৪০||
প্রণামমকরোত্তস্মৈ গুরুভক্তিসমন্বিতঃ |
আশীর্ভির্বর্দ্ধয়িৎবা তং বসিষ্ঠঃ সগরং তদা || ২. ৪৯. ৪১||
আস্যতামিতি হোবাচ সহ সর্বৈর্নরেশ্বরৈঃ |
উপাবিশত্ততো রাজা কাঞ্চনে পরমাসনে || ২. ৪৯. ৪২||
মুনিনা সমনুজ্ঞাতঃ সভার্যঃ সহ রাজভিঃ |
আপবস্তুনৃপশ্রেষ্ঠমুপাসীনমুপহ্বরে || ২. ৪৯. ৪৩||
উবাচ শৃণ্বতাং রাজ্ঞাং শনৈর্মৃদ্বক্ষরং বচঃ |
বসিষ্ঠ উবাচ
কুশলং ননু তে রাজন্বাহ্যেষ্বাভ্যন্তরেষু চ || ২. ৪৯. ৪৪||
মন্ত্রিষ্বমাত্যবর্গেষু রাজ্যে বা সকলেঽধুনা |
দিষ্ট্যা চ বিজিতাঃ সর্বে সমগ্রবলবাহনাঃ || ২. ৪৯. ৪৫||
অয়ত্নেনৈব যুদ্ধেষু ভবতা রিপবো হি যৎ |
দিষ্ট্যারূঢপ্রতিজ্ঞেন মম মানয়তা বচঃ || ২. ৪৯. ৪৬||
অরয়স্ত্যক্তধর্মাণস্ত্বয়া জীববিসর্জিতাঃ |
তান্বিজিত্যেতরাঞ্জেতুং পুনর্দিগ্বিজয়েচ্ছয়া || ২. ৪৯. ৪৭||
গতস্সবাহনবলস্ত্বমিত্যশৃণবং বচঃ |
জিতদিঙ্মণ্ডলং ভূয়ঃ শ্রুৎবা ৎবাং নগরস্থিতম্ || ২. ৪৯. ৪৮||
প্রীত্যাহমাগতো দ্রষ্টুমিদানীং রাজসত্তম |
জৈমিনিরুবাচ
বসিষ্ঠেনৈবমুক্তস্তু সগরস্তালজঙ্ঘজিৎ || ২. ৪৯. ৪৯||
কৃতাঞ্জলিপুটো ভূৎবা প্রত্যুবাচ মহামুনিম্ |
সগর উবাচ
কুশলং ননু সর্বত্র মহর্ষে নাত্র সংশয়ঃ || ২. ৪৯. ৫০||
কল্যাণাভিমুখাঃ সর্বে দেবতাশ্চ মুনেঽনিশম্ |
ভবান্ধ্যায়তি কল্যাণং মনসা যস্য সংততম্ || ২. ৪৯. ৫১||
তস্য মে চোপসর্গাশ্চ সংভবন্তি কথং মুনে |
ভবতানুগৃহীতোঽস্মি কৃতার্থশ্চাধুনা কৃতঃ || ২. ৪৯. ৫২||
যন্মাং দ্রষ্টুমিহায়াতঃ স্বয়মেব ভবান্গুরো |
যন্মহ্যমাহ ভগবান্বিপক্ষবিজয়াদিকম্ || ২. ৪৯. ৫৩||
তত্তথানুষ্ঠিতং কিং তু সর্বং ভবদনুগ্রহাৎ |
ভবৎপ্রসাদতঃ সর্বং মন্যে প্রাপ্তং মহীক্ষিতাম্ || ২. ৪৯. ৫৪||
অন্যথা মম কা শক্তিঃ শত্রূন্হন্তুং তথাবিধান্ |
অনল্পী কুরুতে ফল্যং যন্মে ব্যবসিতং ভবান্ || ২. ৪৯. ৫৫||
ফলমল্পমপি প্রীত্যৈ স্যাদগস্যাধিরোপিতুঃ |
জৈমিনিরুবাচ
এবং সংভাবিতঃ সম্যক্সগেরণ মহামুনিঃ || ২. ৪৯. ৫৬||
অভ্যনুজ্ঞায় তং ভূয়ঃ প্রজাগাম নিজাশ্রমম্ |
বসিষ্টে তু গতে রাজা সগরঃপ্রীতমানসঃ || ২. ৪৯. ৫৭||
অয়োধ্যায়ামভিবসন্প্রশশাসাখিলাং ভুবম্ |
ভার্যাভ্যাং সমুপেতাভ্যাং রূপশীলগুণাদিভিঃ || ২. ৪৯. ৫৮||
বুভুজে বিষয়ান্রম্যান্যথাকামং যথাসুখম্ |
সুমতিঃ কেশিনী চোভে বিকসদ্বদনাংবুজে || ২. ৪৯. ৫৯||
রূপৌদার্যগুণোপেতে পীনবৃত্তপয়োধরে |
নীলকুঞ্চিতকেশাঢ্যে সর্বাভরণভূষিতে || ২. ৪৯. ৬০||
সর্বলক্ষণসংপন্নে নবয়ৌবনগোচরে |
প্রিয়ে সন্নিহিতে তস্য নিত্যং প্রিয়হিতে রতে || ২. ৪৯. ৬১||
স্বাচারভাবচেষ্টাভির্জহ্রতুস্তন্মনোঽনিশম্ |
স চাপি ভরণোৎকর্ষপ্রতীতাত্মা মহীপতিঃ || ২. ৪৯. ৬২||
রমমাণো যথাকামং সহ তাভ্যাং পুরেঽবসৎ |
অন্যেষাং ভুবি রাজ্ঞাং তু রাজশব্দো ন চাপ্যভূৎ || ২. ৪৯. ৬৩||
গুণেন চাভবত্তস্য সগরস্য মহাত্মনঃ |
অল্পোঽপি ধর্মঃ সততং যথা ভবতি মানসে || ২. ৪৯. ৬৪||
রা৫স্তস্যার্থকামৌ তু ন তথা বিপুলাবপি |
অলুব্ধমানসোর্ঽথং চ ভেজে ধর্মমপীডয়ন্ || ২. ৪৯. ৬৫||
তদর্থমেব রাজেন্দ্র কামং চাপীডয়ংস্তয়োঃ || ২. ৪৯. ৬৬||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয় উপোদ্ধাতপাদে সগরদিগ্বিজয়ো নামৈকোনপঞ্চাশত্তমোঽধ্যায়ঃ || ৪৯||

জৈমিনিরুবাচ
এবং স রাজা বিধিবৎপালয়ামাস মেদিনীম্ |
সপ্তদ্বীপবতীং সম্যক্সাক্ষাদ্ধর্ম ইবাপরঃ || ২. ৫০. ১||
ব্রাহ্মণাদীংস্তথা বর্ণান্স্বেস্বে ধর্মে পৃথক্পৃথক্ |
স্থাপয়িৎবা যথান্যায়ং ররক্ষাব্যাহতেন্দ্রিয়ঃ || ২. ৫০. ২||
প্রজাশ্চ সর্ববর্ণেষু যথাশ্রেষ্ঠানুবর্ত্তিনঃ |
বর্ণাশ্চৈবানুলোম্যেন তদ্বদর্থেষু চ ক্রমাৎ || ২. ৫০. ৩||
ন সতি স্থবিরে বালং মৃত্যুরভয়ুপগচ্ছতি |
সর্ববর্ণেষু ভূপালে মহীং তস্মিন্প্রশাসতি || ২. ৫০. ৪||
স্ফীতান্যপেতবাধানি তদা রাষ্ট্রাণি কৃৎস্নশঃ |
তেষ্বসংখ্যা জনপদাশ্চাতুর্বর্ণ্যজনাবৃতাঃ || ২. ৫০. ৫||
তে চাসংখ্যাগৃহগ্রামশতোপেতা বিভাগশঃ |
দেশাশ্চাবাসভুয়িষ্টা নৃপে তস্মিন্প্রশাসতি || ২. ৫০. ৬||
অনাশ্রমী দ্বিজঃ কশ্চিন্ন বভূব তদাভুবি |
প্রজানাং সর্ববর্ণেষু প্রারংভাঃ ফলদায়িনঃ || ২. ৫০. ৭||
স্বোচিতান্যেব কর্মাণি প্রারভন্তে চ মানবাঃ |
পুরুষার্থোপপন্নানি কর্মাণি চ তদা নৃণাম্ || ২. ৫০. ৮||
মহোৎসবসমুদ্যুক্তাঃ পুরগ্রামব্রজাকরাঃ |
অন্যোন্যপ্রিয়কামাশ্চ রাজভক্তিসমন্বিতাঃ || ২. ৫০. ৯||
ননিন্দিতোঽভিশস্তো বা দরিদ্রো ব্যাধিতোঽপি বা |
প্রজাসু কশ্চিল্লুব্ধো বা কৃপণো বাপি নাভবৎ || ২. ৫০. ১০||
জনাঃ পরগুণপ্রীতাঃ স্বসংপর্কাভিকাঙ্ক্ষিণাঃ |
গুরুষু প্রণতা নিত্যং সদ্বিদ্যাব্যসনাদৃতাঃ || ২. ৫০. ১১||
পরাপবাদভীতাশ্চ স্বদাররতয়োঽনিশম্ |
নিসর্গাৎখলসংসর্গবিরতা ধর্মতৎপরাঃ || ২. ৫০. ১২||
আস্তিকাঃ সর্বশোঽভূবন্ প্রজাস্তস্মিন্প্রশাসতি |
এবং সুবাহুতন্যে স্বপ্রতাপার্জিতাং মহীম্ || ২. ৫০. ১৩||
ঋতবশ্চ মহাভাগ যথাকালানুবর্তিনঃ |
শালিভূয়িষ্ঠসস্যাঢ্যা সদৈব সকলা মহী || ২. ৫০. ১৪||
বভূব নৃপশার্দূলে তস্মিন্ রাজ্যানি শাসতি || ২. ৫০. ১৫||
যস্যাষ্টাদশমণ্ডলাধিপতিভিঃ সেবার্থমভ্যাগতৈঃ প্রখ্যাতোরুপরাক্রমৈর্নৃপশতৈর্মূর্দ্ধাভিষিক্তৈঃ পৃথক্ |
সংবিষ্টৈর্মণিবিষ্টরেষু নিতরামধ্যাস্যমানামরৈঃ শক্রস্যেব বিরাজতে দিবি সভা রত্নপ্রভোদ্ভাসিতা || ২. ৫০. ১৬||
সংকেতাবিষয়ান্তরাভ্যুপগমাঃ সর্বেঽপি সোপায়নাঃ কৃৎবা সৈন্যনিবেশনানি পরিতঃ পুর্যাঃ পৃথক্ পার্থিবাঃ |
দ্রষ্টুং কাঙ্ক্ষিতরাজকাঃ সতনয়াবিজ্ঞাপয়ন্তো মুহুর্দ্বাস্থৈরেব নরেশ্বরায় সুচিরং বৎস্যন্তমন্তঃপুরে || ২. ৫০. ১৭||
নমন্নরেদ্রমুকুটশ্রেণীনামতিঘর্ষণাৎ |
কিণীকৃতৌ বিরাজেতে চরণৌ তস্য ভূভুজঃ || ২. ৫০. ১৮||
সেবাগতনরেদ্রৌঘবিনিকীর্ণৈঃ সমন্ততঃ |
রত্নৈর্ভাতি সভা তস্য গুহা সোমে রবী যথা || ২. ৫০. ১৯||
এবং স রাজা ধর্মেণ ভানুবংশশিখামণিঃ |
অনন্যশাসনামুর্বীমন্বশাসদরিন্দমঃ || ২. ৫০. ২০||
ইত্থং পালয়তঃ পৃথ্বীং সগরস্য মহীপতেঃ |
ন চাপপাত মুৎ পুত্রমুখালোকনজৃংভিতা || ২. ৫০. ২১||
বিনা তাং দুঃখিতোঽত্যর্থং চিতয়ামাস নৈকধা |
অহো কষ্টমপুত্রোঽহমস্মিন্বংশে ধ্রুবং তু যৎ || ২. ৫০. ২২||
প্রয়ান্তি নূনমস্মাকং পিতরঃ পিণ্ডবিপ্লবম্ |
নিরয়াদপি সৎপুত্রে সংজাতে পিতরঃ কিল || ২. ৫০. ২৩||
প্রীত্যা প্রয়ান্তি তদ্গেহং জাতকর্মক্রিয়োৎসুকাঃ |
মহতা সুকৃতেনাপি সংপ্রাপ্তস্য দিবং কিল || ২. ৫০. ২৪||
অপুত্রস্যামরাঃ স্বর্গে দ্বারং নোদ্ধাটয়ন্তি হি |
পিতা তু লোকমুভয়োঃ স্বর্লোকং তৎপিতামহাঃ || ২. ৫০. ২৫||
জেষ্যন্তি কিল সৎপুত্রে জাতে বংশদ্বয়েঽপি চ |
অনপত্যতয়াহং তু পুত্রিণাং যা ভবেদ্গতিঃ || ২. ৫০. ২৬||
ন তাং প্রাপ্ক্যামি বৈ নূনং সুদুর্লভতরা হি সা |
পদাদৈন্দ্রাৎকিলাভিন্নমৃদ্ধং রাজ্যমখণ্ডিতম্ || ২. ৫০. ২৭||
মম যত্তদপুণ্যস্য যাতি নিষ্ফলতামিহ |
ইদং মৎপূর্বজৈরেব সিংহাসনমধিষ্ঠিতম্ || ২. ৫০. ২৮||
অপুত্রৎবেন রাজ্যং চ পরাধীনৎবমেষ্যতি |
তস্মাদৌর্বাশ্রমমহং গৎবা তং মুনিপুঙ্গবম্ || ২. ৫০. ২৯||
প্রসাদয়িষ্যে পুত্রার্থং ভার্যাভ্যাং সহিতোঽধুনা |
গৎবা তস্মৈ ৎবপুত্রৎবং বিনিবেদ্য মহাত্মনে || ২. ৫০. ৩০||
স যদ্বক্ষ্যতি তৎসর্বং করিষ্যে নাত্র সংশয়ঃ |
ইতি সঞ্চিন্ত্য মনসা সগরোরাজসত্তমঃ || ২. ৫০. ৩১||
ইত্যেষ কৃত্যবিদ্রাজন্গন্তুমৌর্বাশ্রমং প্রতি |
স মন্ত্রিপ্রবরে রাজ্যং প্রতিষ্ঠাপ্য ততো বনম্ || ২. ৫০. ৩২||
প্রয়য়ৌ রথমারুহ্য ভার্যাভ্যাং সহিতো মুদা |
জগাম রথঘোষেণ মেঘনাদাতিশঙ্কিভিঃ || ২. ৫০. ৩৩||
স্তব্ধেক্ষণৈর্লক্ষ্যমাণো মার্গোপান্তে শিখণ্ডিভিঃ |
প্রিয়াভ্যাং দর্শয়ন্রাজন্সারঙ্গাংস্তিমিতেক্ষণান্ || ২. ৫০. ৩৪||
ক্ষমমূর্ধ্বমুখান্সদ্যঃ পলায়নপরান্পুনঃ |
বৃক্ষান্পুষ্পফলোপেতান্বিলোক্য মুদিতোঽভবৎ || ২. ৫০. ৩৫||
অম্লানকুসুমৈঃ স্বাদুফলৈঃ শাদ্বলভূমিকৈঃ |
সুস্নিগ্ধপল্লবচ্ছায়ৈরভিতঃ সংভৃতং নগৈঃ || ২. ৫০. ৩৬||
চূতাগ্রপল্লবাস্বাদস্নিগ্ধকণ্ঠপিকারবৈঃ |
শ্রোত্রাভিরামজনকৈস্সংঘুষ্টং সর্বতোদিশম্ || ২. ৫০. ৩৭||
সর্বর্তুকুসুমোপেতং ভ্রমদ্ভ্রমরমণ্ডিতম্ |
প্রসূনস্তবকানম্রবল্লরীবেল্লিতদ্রুমম্ || ২. ৫০. ৩৮||
কপিয়ূথসমাক্রান্তব নস্পতিশতাবৃতম্ |
উন্মত্তশিখিসারঙ্গকূজৎপক্ষিগণান্বিতম্ || ২. ৫০. ৩৯||
গায়দ্বিদ্যাধরবধূগীতিকাসুমনোহরম্ |
সংচরৎকিন্নরীদ্বন্দ্ববিরাজদ্বনগহ্বরম্ || ২. ৫০. ৪০||
হংসসারসচক্রাহ্বকারণ্ডবশুকাদিভিঃ |
সুস্বরৈরাবৃতোপান্তৈঃ সরোভিঃ পরিবারিতম্ || ২. ৫০. ৪১||
সরঃ স্বংবুজ কহ্লারকুমুদোৎপলরাশিষু |
শনৈঃ পরিবহন্মন্দমারুতাপূর্ণদিঙ্মুখম্ || ২. ৫০. ৪২||
এবংবিধগুণোপেতমধিগাহ্য তপোবনম্ |
গচ্ছন্রথেনাথ নৃপঃ প্রহর্ষং পরমং যয়ৌ || ২. ৫০. ৪৩||
উপশান্তাশয়ঃ সোঽথ সংপ্রাপ্যাশ্রমমণ্ডলম্ |
ভার্যাভ্যাং সহিতঃ শ্রীমান্বাহাদবরুরোহ বৈ || ২. ৫০. ৪৪||
ধুর্যান্বিশ্রাময়েত্যুক্ত্বা যন্তারমবনীপতিঃ |
আসসাদাশ্রমোপান্তং মহর্ষের্ভাবিতাত্মনঃ || ২. ৫০. ৪৫||
স শ্রুৎবা মুনিশিষ্যেভ্যঃ কৃতনিত্যক্রিয়াদরম্ |
মুনিং দ্রষ্টুং বিনীতাত্মা প্রবিবেশাশ্রমং তদা || ২. ৫০. ৪৬||
মুনিমধ্যে সমাসীনমৃষিবৃন্দৈঃ সমন্বিতম্ |
ননাম শিরসা রাজা ভার্যাভ্যাং সহিতো মুদা || ২. ৫০. ৪৭||
কৃতপ্রণামং নৃপতিমৃষিরৌর্বঃ প্রতাপবান্ |
উপবিশেতি প্রেম্ণা বৈ সহ তাভ্যাং সমাদিশৎ || ২. ৫০. ৪৮||
অর্ঘ্যপাদ্যাদিভিঃ সম্যক্পূজয়িৎবা মহামুনিঃ |
আতিথ্যেন চ বন্যেন সভার্যং তমতোষয়ৎ || ২. ৫০. ৪৯||
অথাতিথ্যোপবিশ্রান্তং প্রণম্যা সীনমগ্রতঃ |
রাজানমব্রবীদৌর্বঃ শনৈর্মৃদ্বক্ষরং বচঃ || ২. ৫০. ৫০||
কুশলং ননু তে রাজ্যে বাহ্যেষ্বাভ্যন্তরেষু চ |
অপিধর্মেণ সকলাঃ প্রজাস্ত্বং পরিরক্ষসি || ২. ৫০. ৫১||
অপি জেতুং ত্রিবর্গং ৎবমুপায়ৈঃ সম্যগীহসে |
ফলন্তি হি গুণাস্তুভ্যং ৎবয়া সম্যক্প্রচোদিতাঃ || ২. ৫০. ৫২||
দিষ্ট্যাৎবয়া জিতাঃ সর্বে রিপবো নৃপসত্তম |
দিষ্ট্যা চ সকলং রাজ্যং ৎবয়া ধর্মেণ রক্ষ্যতে || ২. ৫০. ৫৩||
ধর্ম এব স্থিতির্যেষাং তেষাং নাস্ত্যত্রবিপ্লবঃ |
ন তং রক্ষতি কিং ধর্মঃ স্বয়ং যেনাভিরক্ষিতঃ || ২. ৫০. ৫৪||
পূর্বমেবাহমশ্রৌষং বিজিত্য সকলাং মহীম্ |
সবলোনগরীং প্রাপ্তঃ কৃতদারো ভবানিতি || ২. ৫০. ৫৫||
রাজ্ঞাং তু প্রবরো ধর্মো যৎপ্রজাপরিপালনম্ |
ভবন্তি সুখিনো নূনং তেনৈবেহ পরত্র চ || ২. ৫০. ৫৬||
স ভবান্রাজ্য ভরণং পরিত্যজ্য মদন্তিকম্ |
ভার্যাভ্যাং সহিতো রাজন্সমায়াতোঽসি মে বদ || ২. ৫০. ৫৭||
জৈমিনিরুবাচ
এবমুক্তস্তু মুনিনা সগরো রাজসত্তমঃ |
কৃতাঞ্জলিপুটো ভূৎবা প্রাহ তং মধুরং বচঃ || ২. ৫০. ৫৮||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয় উপোদ্ধাতপাদে সগরস্যৌর্বাশ্রমগমনং নাম পঞ্চশত্তমোঽধ্যায়ঃ || ৫০||