২.০৭ ব্রহ্মাণ্ডমহাপুরাণং – মধ্যভাগ (অধ্যায় ৩১-৪০)

সগর উবাচ
ব্রহ্মপুত্র মহাভাগ বদ ভার্গবচেষ্টিতম্ |
যচ্চকার মহাবীর্য্যো রাজ্ঞঃ ক্রুদ্ধো হি কর্মণা || ২. ৩১. ১||
বসিষ্ঠ উবাচ
গতে তস্মিন্মহাভাগে ভৃগো পিতৃপরায়ণঃ |
রামঃ প্রোবাচ সংক্রুদ্ধো মুঞ্চঞ্ছ্বাসান্মুহর্মুহুঃ || ২. ৩১. ২||
পরশুরাম উবাচ
অহো পশ্যত মূঢৎবংরাজ্ঞো হ্যুৎপথগামিনঃ |
কার্ত্তবীর্যস্য যো বিদ্বাংশ্চক্রে ব্রহ্মবধোদ্যমম্ || ২. ৩১. ৩||
দৈবং হি বলবন্মন্যে যৎপ্রভাবাচ্ছরীরিণঃ |
শুভং বাপ্যশুভং সর্বে প্রকুর্বন্তি বিমোহিতাঃ || ২. ৩১. ৪||
শৃণবন্তু ঋষয়ঃ সর্বে প্রতিজ্ঞা ক্রিয়তে ময়া |
কার্ত্তবীর্যং নিহত্যাজৌ পিতুর্বৈরং প্রসাধয়ে || ২. ৩১. ৫||
যদি রাজা সুরৈঃ সর্বৈরিন্দ্রাদ্দৈর্দানবৈস্তথা |
রক্ষিষ্যতে তথাপ্যেনং সংহরিষ্যামি নান্যথা || ২. ৩১. ৬||
এবমুক্তং সমাকর্ণ্য রামেণ সমুহাত্মনা |
জমদগ্নিরুবাচেদং পুত্রং সাহসভাষিণম্ || ২. ৩১. ৭||
জমদগ্নিরুবাচ
শ্রুণু রাম প্রবক্ষ্যামি সতাং ধর্মং সনাতনম্ |
যচ্ছ্রুৎবা মানবাঃ সর্বে জায়ন্তে ধর্মকারিণঃ || ২. ৩১. ৮||
সাধবো যে মহাভাগাঃ সংসারান্মোক্ষকাঙ্ক্ষিণাঃ |
ন কস্মৈচিৎপ্রকুপ্যন্তি নিন্দিতাস্তাডিতা অপি || ২. ৩১. ৯||
ক্ষমাধনা মহাভাগা যে চ দান্তাস্তপস্বিনঃ |
তেষাং চৈবাক্ষয়া লোকাঃ সততং সাধুকারিণাম্ || ২. ৩১. ১০||
যস্তু দুষ্টৈস্তু দণ্ডাদ্যৈর্বচসাপি চ তাডিতঃ |
ন চ ক্ষোভমবাপ্নোতি স সাধুঃ পরিকীর্ত্থতে || ২. ৩১. ১১||
তাডয়েত্তাডয়ন্তং যো ন চ সাধুঃ স পাপভাক্ |
ক্ষময়ার্ঽহণতাং প্রাপ্তাঃ সাধবো ব্রাহ্মণা বয়ম্ || ২. ৩১. ১২||
নরনাথবধে তাত পাতকং সুমহদ্ভবেৎ |
তস্মান্নিবারয়ে ৎবাদ্য ক্ষমাং কুরু তপশ্চর || ২. ৩১. ১৩||
বসিষ্ঠ উবাচ
এবং পিত্রা সমাদিষ্টং বিজ্ঞায় নৃপনন্দন |
রামঃ প্রোবাচ পিতরং ক্ষমাশীলমরিন্দমম্ || ২. ৩১. ১৪||
পরশুরাম উবাচ
শৃণু তাত মহাপ্রাজ্ঞ বি৫প্তিং মম সাংপ্রতম্ |
ভবতা শম উদ্দিষ্টঃ সাধূনাং সুমহাত্মনাম্ || ২. ৩১. ১৫||
ম শমঃ সাধুদীনেষু গুরুষ্বীশ্বরভাবনৈঃ |
কর্ত্তব্যো দুষ্টচেষ্টেষু ন শমঃ সুখদো ভবেৎ || ২. ৩১. ১৬||
তস্মাদস্য বধঃ কার্যঃ কার্ত্তবীর্যস্য বৈ ময়া |
দেহ্যাজ্ঞাং মাননীয়াদ্য সাধয়ে বৈরমাত্মনঃ || ২. ৩১. ১৭||
জমদগ্নিরুবাচ
শৃণু রাম মহাভাগ বচো মম সমাহিতঃ |
করিষ্যসি যথা ভাবি তথা নৈবান্যথা ভবেৎ || ২. ৩১. ১৮||
ইতো ব্রজৎবং ব্রহ্মাণাং বৃচ্ছ তাত হিতাহিতম্ |
স যদ্বদিষ্যতি বিভুস্তৎকর্ত্তা নাত্র সংশয়ঃ || ২. ৩১. ১৯||
বসিষ্ঠ উবাচ
এবমুক্তঃ স পিতরং নমস্কৃত্য মহামতিঃ |
জগাম ব্রহ্মণো লোকমগম্যং প্রাকৃতৈর্জনৈঃ || ২. ৩১. ২০||
দদর্শ ব্রহ্মণো লোকং শাতকৈংভবিনির্মিতম্ |
স্বর্ণপ্রাকারসংযুক্তং মণিস্তংভৈর্বিমূষিতম্ || ২. ৩১. ২১||
তত্রাপশ্যৎসমাসীনং ব্রহ্মাণমমিতৌজসম্ |
রত্নসিংহাসনে রম্যে রত্নভূষণভূষিতম্ || ২. ৩১. ২২||
সিদ্ধেন্দ্রৈশ্চ মুনীন্দ্রৈশ্চ বেষ্টিতং ধ্যানতৎপরৈঃ |
বিদ্যাধরীণাং নৃত্যং চ পশ্যন্তং সস্মিতং মুদা || ২. ৩১. ২৩||
তপসা ফলদাতারং কর্ত্তারং জগতাং বিভুম্ |
পরিপূর্ণতমং ব্রহ্ম ধ্যায়তং যতমানসম্ || ২. ৩১. ২৪||
গুহ্যয়োগং প্রবোচন্তং ভক্তবৃন্দেষু সংততম্ |
দৃষ্ট্বা তমব্যয়ং ভক্ত্যা প্রণনাম ভৃগূদ্বহঃ || ২. ৩১. ২৫||
স দৃষ্ট্বা বিনতং রামমাশীর্ভিরভিনন্দ্য চ |
পপ্রচ্ছ কুশলং বৎস কথমাগমনং কৃথাঃ || ২. ৩১. ২৬||
সংপৃষ্টো বিধিনা রামঃ প্রোবাচাখিলমাদিতঃ |
বৃত্তান্তং কার্ত্তবীর্যস্য পিতুঃ স্বস্য মহাত্মনঃ || ২. ৩১. ২৭||
তচ্ছ্রুৎবা সকলং ব্রহ্মা বিজ্ঞাতার্থোঽপি মানদ |
উবাচ রামং ধর্মিষ্ঠং পরিণামসুখাবহম্ || ২. ৩১. ২৮||
প্রতিজ্ঞা দুর্লভা বৎস যাং ভবন্কৃতবান্রুষা |
সৃষ্টি রেষা ভগবতঃ সংভবেৎকৃপয়া বটো || ২. ৩১. ২৯||
জগৎসৃষ্টং ময়া তাত সংক্লেশেন তদাজ্ঞয়া |
তন্নাশকারিণী চৈব প্রতিজ্ঞা ভবতা কৃতা || ২. ৩১. ৩০||
ত্রিঃসপ্তকৃৎবো নির্ভূপাং কর্তুমিচ্ছসি মেদিনীম্ |
একস্য রাজ্ঞো দোষেণ পিতুঃ পরিভবেন চ || ২. ৩১. ৩১||
ব্রহ্মক্ষত্র্রিয়বিট্শূদ্রৈঃ সৃষ্টিরেষা সনাতনী |
আবির্ভূতা তিরোভূতা হরেরেব পুনঃ পুনঃ || ২. ৩১. ৩২||
অব্যর্থা ৎবৎপ্রতিজ্ঞা তু ভবিত্রী প্রাক্তনেন চ |
যদ্বায়াসেন তে কার্যসিদ্ধির্ভবিতুমর্হতি || ২. ৩১. ৩৩||
শিবলোকং প্রয়াহি ৎবং শিবস্যাজ্ঞামবাপ্নুহি |
পৃথিব্যাং বহবো ভূপাঃ সংতি শঙ্করকিঙ্করাঃ || ২. ৩১. ৩৪||
বিনৈবাজ্ঞাং মহেশস্য কো বা তান্হন্তুমীশ্বরঃ |
বিভ্রতঃ কবচান্যঙ্গে শক্তীশ্চাপি দুরাসদাঃ || ২. ৩১. ৩৫||
উপায়ং কুরু যত্নেন জয়বীজং শুভাবহম্ |
উপায়ে তু সমারব্ধে সর্বে সিধ্যন্ত্যুপক্রমাঃ || ২. ৩১. ৩৬||
শ্রীকৃষ্ণমন্ত্রং কবচং গৃহ্ণ বৎস গুরোর্হরাৎ |
দুর্ল্লঙ্ঘ্যং বৈষ্ণবং তেজঃ শিবশক্তির্বিজেষ্যতি || ২. ৩১. ৩৭||
ত্রৈলোক্যবিজয়ং নাম কবচং পরমাদ্ভুতম্ |
যথাকথং চ বিজ্ঞাপ্য শঙ্করং লভদুর্লভম্ || ২. ৩১. ৩৮||
প্রসন্নঃ স গুণৈস্তুভ্যং কৃপালুর্দীনবৎসলঃ |
দিব্যপাশুপতং চাপি দাস্যত্যেব ন সংশয়ঃ || ২. ৩১. ৩৯||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যভাগে তৃতীয় উপোদ্ধাতপাদে ভার্গবচরিতে একত্রিংশত্তমোঽধ্যায়ঃ || ৩১||

বসিষ্ঠ উবাচ
ব্রহ্মণো বচনং শ্রুৎবা স প্রণম্য জগদ্গুরুম্ |
প্রসন্নচেতাঃ সুভৃশং শিবলোকং জগাম হ || ২. ৩২. ১||
লক্ষয়োজনমূর্দ্ধ্বং চ ব্রহ্মলোকা দ্বিলক্ষণম্ |
অথনির্বচনীয়ং চ যোগিগম্যং পরাৎপরম্ || ২. ৩২. ২||
বৈকুণ্ঠো দক্ষিণে যস্মাদ্গৌরীলোকশ্চ বামতঃ |
যদধো ধ্রুবলোকশ্চ সর্বলোকপরস্তু সঃ || ২. ৩২. ৩||
তপোবীর্যগতী রামঃ শিবলোকং দদর্শ চ |
উপমানেন রহিতং নানাকৌতুকসংযুতম্ || ২. ৩২. ৪||
বসংতি যত্র যোগীন্দ্রাঃ সিদ্ধাঃ পাশুপতাঃ শুভাঃ |
কোটিকল্পতপঃ পুণ্যাঃ শান্তা নির্মৎসরা জনাঃ || ২. ৩২. ৫||
পারিজাতমুখৈর্বৃক্ষৈঃ শোভিতং কামধেনুভিঃ |
যোগেন যোগিনা সৃষ্টং স্বেচ্ছয়া শঙ্করেণ হি || ২. ৩২. ৬||
শিল্পিনাং গুরুণা স্বপ্নে ন দৃষ্টং নিশ্বকর্মণা |
সরোবরশতৈর্দিব্যৈঃ পদ্মরাগবিরাজিতৈঃ || ২. ৩২. ৭||
শোভিতং চাতিরম্যং চ সংযুক্তং মণিবেদিভিঃ |
সুবর্ণরত্নরচিতপ্রাকারেণ সমাবৃতম্ || ২. ৩২. ৮||
অত্যূর্দ্ধ্বমংবরস্পর্শি স্বচ্ছং ক্ষীরনিভংপরম্ |
চতুর্দ্বারসমায়ুক্তং শোভিতং মণিবেদিভিঃ || ২. ৩২. ৯||
রক্তসোপানয়ুক্তৈশ্চ রত্নস্তংভকপাটকৈঃ |
নানাচিত্রবিচিত্রৈশ্চ শোভিতৈঃ সুমনোহরৈঃ || ২. ৩২. ১০||
তন্মধয়ে ভবনং রম্যং সিংহদ্বারোপশোভিতম্ |
দদর্শরামো ধর্মাত্মা বিচিত্রমিব সংগতঃ || ২. ৩২. ১১||
তত্র স্থিতৌ দ্বার পালৌ দদর্শাতিভয়ঙ্করৌ |
মহাকরালদন্তাস্যৌ বিকৃতারক্তলোচনৌ || ২. ৩২. ১২||
দগ্ধশৈলপ্রতীকাশৌ মহাবলপরাক্রমৌ |
বিভূতিভূষিতাঙ্গৌ চ ব্যাঘ্রচর্মাংবরৌ চ তৌ || ২. ৩২. ১৩||
ত্রিশূলপট্টিশধরৌ জ্বলন্তৌ ব্রহ্মতেজসা |
তৌ দৃষ্ট্বা মনসা ভীতঃ কিঞ্চিদাহ বিনীতবৎ || ২. ৩২. ১৪||
নমস্করোমি বামীশৌ শঙ্করং দ্রষ্টুমাগতঃ |
ঈশ্বরাজ্ঞাং সমাদায় মামথাজ্ঞপ্তুমর্হথ || ২. ৩২. ১৫||
তৌতু তদ্বচনং শ্রুৎবা গৃহীৎবাজ্ঞাং শিবস্য চ |
প্রবেষ্টুমাজ্ঞাং দদতুরীশ্বরানুচরৌ চ তৌ || ২. ৩২. ১৬||
স তদাজ্ঞামনুপ্রাপ্য বিবেশান্তঃ পুরং মুদা |
তত্রাতিরম্যাং সিদ্ধৌঘৈঃ সমাকীর্ণাং সভাং দ্বিজঃ || ২. ৩২. ১৭||
দৃষ্ট্বা বিস্ময়মাপেদে সুগন্ধবহুলাং বিভোঃ |
তত্রাপশ্যচ্ছিবং শান্তং ত্রিনেত্রং চন্দ্রশেখরম্ || ২. ৩২. ১৮||
ত্রিশূলশোভিতকরং ব্যাঘ্রচর্মবরাংবরম্ |
বিভূতিভূষিতাঙ্গং চ নাগয়জ্ঞোপবীতিনম্ || ২. ৩২. ১৯||
আত্মারামং পূর্ণকামং কোটিসূর্যসমপ্রভম্ |
পঞ্চাননং দশভুজং ভক্তানুগ্রহবিগ্রহম্ || ২. ৩২. ২০||
যোগজ্ঞানে প্রব্রুবন্তং সিদ্ধেভ্যস্তর্কমুদ্রয়া |
স্তূয়মানং চ যোকীন্দ্রৈঃ প্রমথপ্রকরৈর্মুদা || ২. ৩২. ২১||
ভৈরবৈর্যোগিনীভিশ্চ বৃতং রুদ্রগণৈস্তথা |
মূর্ধ্না নমাম তং দৃষ্ট্বা রামঃ পরময়া মুদা || ২. ৩২. ২২||
বামভাগে কার্ত্তিকেয়ং দক্ষিণে চ গণেশ্বরম্ |
নন্দীশ্বরং মহাকালং বীরভদ্রং চ তৎপুরঃ || ২. ৩২. ২৩||
ক্রোডে দুর্গাং শতভুজাং দৃষ্ট্বা নৎবাথ তামপি |
স্তোতুং প্রচক্রমে বিদ্বান্গিরা গদ্গদয়া বিভুম্ || ২. ৩২. ২৪||
নমস্যে শিবমীশানং বিভুং ব্যাপকমব্যয়ম্ |
ভুজঙ্গভূষণং চোগ্রং নৃকপালস্রগুজ্জ্বলম্ || ২. ৩২. ২৫||
যো বিভুঃ সর্বলোকানাং সৃষ্টিস্থিতিবিনাশকৃৎ |
ব্রহ্মাদিরূপধৃগ্জ্যেষ্ঠস্তং ৎবাং বেদ কৃপার্ণবম্ || ২. ৩২. ২৬||
বেদা ন শক্তা যং স্তোতু মবাঙ্মনসগোচরম্ |
জ্ঞানবুদ্ধ্যোরসাধ্যং চ নিরাকারং নমাম্যহম্ || ২. ৩২. ২৭||
শক্রাদয়ঃ সুরগণা ঋষয়ো মনবোঽসুরাঃ |
ন যং বিদুর্যথাতত্ত্বং তং নমামি পরাৎপরম্ || ২. ৩২. ২৮||
যস্যাংশাংশেন সৃজয়ন্তে লোকাঃ সর্বে চরাচরাঃ |
লীয়ন্তে চ পুনর্যস্মিংস্তং নমামি জগন্ময়ম্ || ২. ৩২. ২৯||
যস্যেষৎকোপসংভূতো হুতাশো দহতেঽখিলম্ |
সোর্দ্ধ্বলোকং সপাতালং তং নমামি হরং পরম্ || ২. ৩২. ৩০||
পৃথ্বীপবন বহ্ন্যভভোনভোয়জ্বেন্দুভাস্করাঃ |
মূর্ত্তয়োঽষ্টৌ জগৎপূজ্যাস্তং যজ্ঞং প্রণমাম্যহম্ || ২. ৩২. ৩১||
যঃ কালরূপো জগদাদিকর্ত্তা পাতা পৃথগ্রূপধরো জগন্ময়ঃ |
রর্ত্তা পুনা রুদ্রবপুস্তথান্তে তং কালরূপং শরণং প্রপদ্যে || ২. ৩২. ৩২||
ইত্যেবমুক্ত্বা স তু ভার্গবো মুদা পষাত তস্যাঙ্ঘ্রি সমীপ আতুরঃ |
উত্থাপ্য তং বামকরেণ লীলয়া দধ্রে তদা মূর্ধ্নি করং কৃপার্ণবঃ || ২. ৩২. ৩৩||
আশীর্ভিরেনং হ্যভিনন্দ্য সাদরং নিবেশয়ামাস গণেশপূর্বতঃ |
উবাচ বামামভিবীক্ষ্য চাপ্যুমাং কৃপার্দ্রদৃষ্ট্যাখিলকামপূরকঃ || ২. ৩২. ৩৪||
শিব উবাচ
কস্ত্বং বটো কস্যকুলে প্রসূতঃ কিং কার্যমুদ্দিশ্য ভবানিহাগতঃ |
বিনির্দ্দিশাহং তব ভক্তিভাবতঃ প্রীতঃ প্রদদ্যাং ভবতো মনোগতম্ || ২. ৩২. ৩৫||
ইত্যেবমুক্তঃ স ভৃগুর্মহাত্মনা হরেণ বিশ্বার্ত্তিহরেণ সাদরম্ |
পুনশ্চ নৎবা বিবুধাং পতি গুরুং কৃপাসমুদ্রং সমুবাচ সৎবরম্ || ২. ৩২. ৩৬||
পরশুরাম উবাচ
ভৃগোশ্চাহং কুলে জাতো জমদগ্নিসুতৌ বিভো |
রামো নাম জগদ্বন্দ্যং ৎবামহং শরণং গতঃ || ২. ৩২. ৩৭||
যৎকার্যার্থমহং নাথ তব সাংনিধ্যমাগতঃ |
তং প্রসাধয় বিশ্বেশ বাঞ্ছিতং কামমেব মে || ২. ৩২. ৩৮||
মৃগয়ামাগতস্যাপি কার্ত্তবীর্যস্য ভূপতেঃ |
আতিথ্যং কৃতবান্ দেব জমদগ্নিঃ পিতা মম || ২. ৩২. ৩৯||
রাজা তং স বলাল্লোভাৎপাতয়ামাস মন্দধীঃ |
সা ধেনুস্তং মৃতং দৃষ্ট্বা গবাং লোকং জগাম হ || ২. ৩২. ৪০||
রাজা ন শোচন্মরণং পিতুর্মম নিরাগসঃ |
জগাম স্বপুরং পশ্চান্মাতা মে প্রারুদদ্ভৃশম্ || ২. ৩২. ৪১||
তজ্জ্ঞাৎবা লোকবৃত্তজ্ঞো ভৃগুর্নঃ প্রপিতামহঃ |
আজগাম মহাদেব হ্যহমপ্যাগতো বনাৎ || ২. ৩২. ৪২||
ময়া মহ সুদুঃখার্ত্তান্ভ্রাৎৠন্মাত্রাসহৈব মে |
সাংৎবয়িৎবা স মন্ত্রজ্ঞোঽজীবয়ৎপিতরং মম || ২. ৩২. ৪৩||
আনাগতে ভৃগৌ মাতুর্দুঃখেনাহং প্রকোপিতঃ |
প্রতিজ্ঞাং কৃতবান্দেব সাৎবয়ন্মাতরংস্বকাম্ || ২. ৩২. ৪৪||
ত্রিঃসপ্তকৃৎবো যদুরস্তাডিতং মাতুরাত্মনঃ |
তাবৎসংখ্যমহং পৃথ্বীং করিষ্যে ক্ষত্রবর্জিতাম্ || ২. ৩২. ৪৫||
ইত্যেবং পরিপূর্ণা মে কর্ত্তা দেবো জগৎপতিঃ |
মহাদেবো হ্যতো নাথ ৎবৎসকাণমিহাগতঃ || ২. ৩২. ৪৬||
বসিষ্ঠ উবাচ
ইত্যেবং তদ্বচঃ শ্রুৎবা দৃষ্ট্বা দুর্গামুখং হরঃ |
বভূবানম্রবদনস্ছিন্তয়ানঃ ক্ষণং তদা || ২. ৩২. ৪৭||
এতস্মিন্নন্তরে দুর্গা বিস্মিতা প্রাহসদ্ভৃশম্ |
উবাচ চ মহারাজ ভার্গবং বৈরসাধকম্ || ২. ৩২. ৪৮||
তপস্বিন্দ্বিজপুত্র ক্ষ্মাং নির্ভূপাং কর্ত্তুমিচ্ছসি |
ত্রিঃ সপ্তকৃৎবঃ কোপেন সাহসস্তে মহান্বটো || ২. ৩২. ৪৯||
হন্তুমিচ্ছসি নিঃশস্ত্রঃ সহস্রার্জুনমীশ্বরম্ |
ভ্রূভঙ্গলীলয়া যেন রাবণোঽপি নিরাকৃতঃ || ২. ৩২. ৫০||
তস্মৈ প্রদত্তং দত্তেন শ্রীহরেঃ কবচং পুরা |
শক্তিরত্যর্থবীর্যা চ তং কথং হন্তুমিচ্ছসি || ২. ৩২. ৫১||
শঙ্করঃ করুণাসিদ্ধঃ কর্ত্তুং চাপ্যন্যথা বিভুঃ |
ন চান্যঃ শঙ্করাৎপুত্র সৎকার্যং কর্ত্তুমীশ্বরঃ || ২. ৩২. ৫২||
অথ দেব্যা অনুমতিং প্রাপ্য শংভুর্দ্দয়ার্ণবঃ |
অভ্যধাদ্ভদ্রয়া বায়া জমদগ্নিসুতং বিভুঃ || ২. ৩২. ৫৩||
শিব উবাচ
অদ্যপ্রভৃতি বিপ্র ৎবং মম স্কন্দসমো ভব |
দাস্যামি মন্ত্রং দিব্যং তে কবচং চ মহামতে || ২. ৩২. ৫৪||
লীলয়া যৎপ্রসাদেন কার্ত্তবীর্যং হনিষ্যসি |
ত্রিঃ সপ্তকৃৎবো নির্ভূপাং মহীং চাপি করিষ্যসি || ২. ৩২. ৫৫||
ইত্যুক্ত্বা শঙ্করস্তস্মৈ দদৌ মন্ত্রং সুদুর্লভম্ |
ত্রৈলোক্যবিজয়ং নাম কবচং পরমাদ্ভুতম্ || ২. ৩২. ৫৬||
নাগপাশং পাশুপতং ব্রহ্মাস্ত্রং চ সুদুর্ল্লভম্ |
নারায়ণাস্ত্রমাগ্নেয়ং বায়ব্যং বারুণং তথা || ২. ৩২. ৫৭||
ঘান্ধর্বং গারুডং চৈব জৃংভণাস্ত্রং মহাদ্ভুতম্ |
গদাং শক্তিং চ পরশুং শূলং দণ্ডমনুত্তমম্ || ২. ৩২. ৫৮||
শস্ত্রাস্ত্রগ্রামমখিলং প্রহৃষ্টঃ সংবভূব হ |
নমস্কৃত্য শিবং শান্তং দুর্গাং স্কন্দং গণেশ্বরম্ || ২. ৩২. ৫৯||
পরিক্রম্য যয়ৌ রামঃ পুষ্করং তীর্থমুত্তমম্ |
সিদ্ধং কৃৎবা শিবোক্তং তু মন্ত্রং কবচমুত্তমম্ || ২. ৩২. ৬০||
সাধয়ামাস নিখিলং স্বকার্যং ভৃগুনন্দনঃ |
নিহত্য কার্ত্তবীর্যং তং সসৈন্যং সকুলং মুদা |
বিনিবৃত্তো গৃহং প্রাগাৎপিতুঃ স্বস্য ভৃগূদ্বহঃ || ২. ৩২. ৬১||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যভাগে তৃতীয় উপোদ্ধাতপাদে ভার্গবচরিতে দ্বাত্রিংশত্তমোঽধ্যায়ঃ || ৩২||

সগর উবাচ
শ্রুতং সর্বং মুনিশ্রেষ্ঠ কীর্ত্যমানং ৎবয়া বিভো |
কবচং বদ সর্বত্র ত্রৈলোক্যবিজয়প্রদম্ || ২. ৩৩. ১||
বসিষ্ঠ উবাচ
শৃণু বৎস প্রবক্ষ্যামি কবচং পরমাদ্ভুতম্ |
মন্ত্র চ সিদ্ধিদ শশ্বৎসাধকানাং সুখাবহম্ || ২. ৩৩. ২||
গোপীজনপদস্যাত বল্লভায় সমুচ্চরেৎ |
স্বাহান্তোঽযং মহামন্ত্রো দশার্ণো ভুক্তিমুক্তিদঃ || ২. ৩৩. ৩||
সদাশিবস্ত্বস্য ঋষিঃ পঙ্ক্তিশ্ছন্দ উদাহৃতম্ |
দেবতা কৃষ্ণ উদিতো বিনিয়োগোঽখিলাপ্তয়ে || ২. ৩৩. ৪||
ত্রৈলোক্যবিজয়স্যাথ কবচস্য প্রজাপতিঃ |
ঋষিশ্ছন্দশ্চ জগতী দেবো রাজেশ্বরঃ স্বয়ম্ || ২. ৩৩. ৫||
ত্রৈলোক্যবিজয়প্রাপ্তৌ বিনিয়োগঃ প্রকীর্ত্তিতঃ |
প্রণবো মেশিরঃ পাতু শ্রীকৃষ্ণায় নমঃ সদা || ২. ৩৩. ৬||
পায়াৎকপালং কৃষ্ণায় স্বাহেতি সততং মম |
কৃষ্ণেতি পাতু নেত্রে মে কৃষ্ণস্বাহেতি তারকাম্ || ২. ৩৩. ৭||
হরয়ে নম ইত্যেষ ভ্রূলতাং পাতু মে সদা |
ওঁ গোবিন্দায় স্বাহেতি নাসিকাং পাতু সংততম্ || ২. ৩৩. ৮||
গোপালায় নমো গণ্ডং পাতু মে সততং মনুঃ |
ক্লীং কৃষ্ণায় নমঃ কর্ণৌং পাতু কল্পতরুর্মম || ২. ৩৩. ৯||
শ্রীং কৃষ্ণায় নমঃ পাতু নিত্যং মেঽধরয়ুগ্মকম্ |
ওঁ গোপীশায় স্বাহেতি দন্তপঙ্ক্তিং মমাবতু || ২. ৩৩. ১০||
শ্রীকৃষ্ণেতি রদচ্ছিদ্রং পাতুমে ত্র্যক্ষরো মনুঃ |
ওঁ শ্রীকৃষ্ণায় স্বাহেতি জিহ্বিকাং পাতু মে সদা || ২. ৩৩. ১১||
রামেশ্বরায় স্বাহেতি তালুকং পাতু মে সদা |
রাধিকেশায় স্বাহেতি কণ্ঠং মে পাতু সর্বদা || ২. ৩৩. ১২||
নমো গোপীগণেশায় গ্রীবাং মে পাতু সর্বদা |
ওঁ গোপেশায় স্বাহেতি স্কন্ধৌ পাতু সদা মম || ২. ৩৩. ১৩||
নমঃ কিশোরবেষায় স্বাহা পৃষ্ঠং মমাবতু |
উদরং পাতু মে নিত্যং মুকুন্দায় নমো মনুঃ || ২. ৩৩. ১৪||
হ্নীং শ্রীঙ্ক্লীঙ্কৃষ্ণায় স্বাহা করৌ পাতু সদা মম |
ওঁ বিষ্ণবে নমঃ স্বাহা বাহুয়ুগ্মং মমাবতু || ২. ৩৩. ১৫||
ওঁ হ্রীংভগবতে স্বাহা নখপঙ্ক্তিং মমাবতু |
নমো নারায়ণায়েতি নখরন্ধ্রং মমাবতু || ২. ৩৩. ১৬||
ওঁ হ্রীংশ্রীংপদ্মনাভায় নাভিং পাতু সদা মম |
ওঁ সর্বেশায় স্বাহেতি কেশান্মম সদাবতু || ২. ৩৩. ১৭||
নমঃ কৃষ্ণায় স্বাহেতি ব্রহ্মরন্ধ্রং সদাবতু |
ওঁ মাধবায় স্বাহেতি ভালং মে সর্বদাবতু || ২. ৩৩. ১৮||
ওঁ হ্রীংশ্রীংরসিকেশায় কটিং মম সদাবতু |
নমো গোপীজনেশায় ঊরূ পাতু সদা মম || ২. ৩৩. ১৯||
ওঁ নমো দৈত্যনাশায় স্বাহেত্যবতু জানুনী |
যশোদানন্দনায়েতি নমোতো জঙ্ঘকেঽবতু || ২. ৩৩. ২০||
রাসারংভপ্রিয়ায়েতি স্বাহান্তো হীং মমাবতু |
বৃন্দাপ্রিয়ায় স্বাহেতি সকলাঙ্গানি মেঽবতু || ২. ৩৩. ২১||
পরিবুর্ণমনাঃ কৃষ্মঃ প্রাচ্যাং মাং সর্বদাবতু |
স্বয়ং গোলোকনাথো মামাগ্নেয়্যাং দিশি রক্ষতু || ২. ৩৩. ২২||
পূর্ণব্রহ্মস্বরূপশ্চ দক্ষিণে মাং সদাবতু |
নৈরৃত্যাং পাতু মাং কৃষ্ণাঃ পশ্চিমে পাতু মাং হরিঃ || ২. ৩৩. ২৩||
গোবিন্দঃ পাতু বায়ব্যামুত্তরে রসিকেশ্বরঃ |
ঐশান্যাং মে সদা পাতু বৃন্দাবনবিহার কৃৎ || ২. ৩৩. ২৪||
বৃন্দাপ্রাণেশ্বরঃ শশ্বৎপাতু মামূর্দ্ধ্বদেশতঃ |
সদৈব মামধঃ পাতু বলিধ্বংসী মহাবলঃ || ২. ৩৩. ২৫||
জলে স্থলে চান্তরিক্ষে নৃসিংহঃ পাতু মাং সদা |
স্বপ্নে জাগরণে চৈব পাতু মাং মাধবঃ স্বয়ম্ || ২. ৩৩. ২৬||
সর্বান্তরাত্মা নির্লিপ্তঃ পাতু মাং সর্বতো বিভুঃ |
ইতি তে কথিতং ভূপ সর্বাঘৌঘবিনাশনম্ || ২. ৩৩. ২৭||
ত্রৈলোক্যবিজয়ং নাম কবচং পরমেশিতুঃ |
ময়া শ্রুতং শিবমুখাৎপ্রবক্তব্যং ন কস্যচিৎ || ২. ৩৩. ২৮||
গুরুমভ্যর্চ্য বিধিবৎকবচং ধারয়েত্তু যঃ |
কণ্ঠে বা দক্ষিণে বাহৌ সোঽপি বিষ্ণুর্ন সংশয়ঃ || ২. ৩৩. ২৯||
স সাধকোঽবসদ্যত্র তত্র বাণীরমে স্থিতে |
যদি স্যাৎসিদ্ধকবচো জীবন্মুক্তো ন সংশয়ঃ || ২. ৩৩. ৩০||
নিশ্চিতং কোটিবর্ষাণাং পূজায়াঃ ফলমাপ্নুয়াৎ |
রাজসূর্যসহস্রাণি বাজপেয়শতানি চ || ২. ৩৩. ৩১||
মহাদানানি যান্যেব ভুবশ্চাপি প্রদক্ষিণা |
ত্রৈলোক্যবিজয়স্যাস্য কলাং নার্হন্তি ষোডশীম্ || ২. ৩৩. ৩২||
ব্রতোপবাসনিয়মাঃ স্বাধ্যায়াধ্যয়নে তথা |
স্নানং চ সর্বতীর্থেষু নাস্যার্হন্তি কলামপি || ২. ৩৩. ৩৩||
সিদ্ধৎবমমরৎবং চ দাসৎবং শ্রীহরেরপি |
যদি স্যাৎসিদ্ধকবচঃ সর্বং প্রাপ্নোতি নিশ্চিতম্ || ২. ৩৩. ৩৪||
স ভবেৎসিদ্ধকবচো দশলক্ষং জপেত্তু যঃ |
যো ভবেৎসিদ্ধকবচো বিজয়ী স ভবেদ্ ধ্রুবম্ || ২. ৩৩. ৩৫||
রাজ্যং দেয়ং শিরো দেয়ং প্রাণা দেয়াশ্চ ভূপতে |
এতত্তু কবচং বৎস ন দেয়ং সংকটেঽপি চ || ২. ৩৩. ৩৬||
ময়া প্রকাশিতং যত্তে চৈতেষাং ত্রাণকারণাৎ |
মমাজ্ঞাকরণাচ্চৈব তদ্বিদ্ধি কুলভাস্কর |
ইদং ধৃৎবা তু কবচং চক্রবর্ত্তী ভবান্ভব || ২. ৩৩. ৩৭||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয় উপোদ্ধাতপাদে
ভার্গবচরিতে ত্রয়স্ত্রিংশত্তমোঽধ্যায়ঃ || ৩৩||

সগর উবাচ
ব্রহ্মপুত্র মহাভাগ মহান্মেঽনুগ্রহঃ কৃতঃ |
যদিদং কবচং মহ্যং প্রকাশিতমনাময়ম্ || ২. ৩৪. ১||
ঔর্বেণানুগৃহীতোঽহং কৃতাস্ত্রো যদনুগ্রহাৎ |
ভবতস্তু কৃপাপাত্রং জাতোঽহমধুনা বিভো || ২. ৩৪. ২||
রামেণ ভার্গবেন্দ্রেণ কার্ত্তবীর্যো নৃপো গুরো |
যথা সমাপিতো বীরস্তন্মে বিস্তরতো বদ || ২. ৩৪. ৩||
কৃপাপাত্রং স দত্তস্য রাজা রামঃ শিবস্য চ |
উভৌ তৌ সমরে বীরৌ জঘটাতে কথং গুরো || ২. ৩৪. ৪||
বসিষ্ঠ উবাচ
শৃণু রাজন্প্রবক্ষ্যামি চরিতং পাপনাশনম্ |
কার্ত্তবীর্যস্য ভূপস্য রামস্য চ মহাত্মনঃ || ২. ৩৪. ৫||
স রামঃ কবচং লব্ধ্বা মন্ত্রং চৈব গুরোর্মুখাৎ |
চকার মাধনং তস্য ভক্ত্যা পরময়া যুতঃ || ২. ৩৪. ৬||
ভূমিশাগী ত্রিষবণ স্নানসধ্যাপরায়ণঃ |
উবাসপুষ্করে রাম শতবর্ষমতন্দ্রিতঃ || ২. ৩৪. ৭||
সমিৎপুষ্পকুশাদীনি দ্রব্যাণ্যহরহর্ভৃগোঃ |
আনীয় কাননাদ্ভূপ প্রায়চ্ছদকৃতব্রণঃ || ২. ৩৪. ৮||
সততং ধ্যানসংযুক্তো রামো মতিমতাং বরঃ |
আরাধয়ামাস বিভুং কৃষ্ণং কল্মষনাশনম্ || ২. ৩৪. ৯||
তস্যৈবং যজমানস্য রামস্য জগতীপতে |
গতং বর্ষশতং তত্র ধ্যানয়ুক্তস্য নিত্যদা || ২. ৩৪. ১০||
একদা তু মহারাজ রামঃ স্নাতুং গতো মহান্ |
মধ্যমং পুষ্করং তত্র দদর্শাশ্বর্যমুত্তমম্ || ২. ৩৪. ১১||
মৃগ একঃ সমায়াতো মৃগ্য যুক্তঃ পলায়িতঃ |
ব্যাধস্য মৃগয়াং প্রাপ্তো ধর্মতপ্তোঽতিপীডিতঃ || ২. ৩৪. ১২||
পিপাসিতো মহাভাগ জলপানসমুৎসুকঃ |
রামস্য পশ্যতস্তত্র সরসস্তটমাগতঃ || ২. ৩৪. ১৩||
পশ্চান্মৃগী সমায়াতা ভীতা সা চকিতেক্ষণা |
উভো তৌ পিবতস্তত্র জলং শঙ্কিতমানসৌ || ২. ৩৪. ১৪||
তাবৎসমাগতো ব্যাধো বাণপাণির্ধনুর্দ্ধরঃ |
স দৃষ্ট্বা তত্র সংবিষ্টং রামং ভার্গবনন্দনম্ || ২. ৩৪. ১৫||
অকৃতব্রণসংযুক্তং তস্থৌ দূরকৃতেক্ষণঃ |
স চিন্তয়ামাস তদা শঙ্কিতো ভৃগুনন্দনাৎ || ২. ৩৪. ১৬||
অয়ং রামো মহাবীরো দুষ্টানামন্তকারকঃ |
কথমেতস্য হন্ম্যেতৌ পশ্যতো মৃগয়ামৃগৌ || ২. ৩৪. ১৭||
ইতি চিন্তা সমাবিষ্টো ব্যাধো রাজন্যসত্তম |
তস্থৌ তত্রৈব রামস্য ভয়াৎসংত্রস্তমানসঃ || ২. ৩৪. ১৮||
রামস্তু তৌ মৃগোং দৃষ্ট্বা পিবন্তৌ সভ্যং জলম্ |
তর্কয়ামাস মেধাবী কিমত্র ভয়কারণম্ || ২. ৩৪. ১৯||
নৈবাত্র ব্যাঘ্রসেনাদো ন চ ব্যাধো হি দৃশ্যতে |
কেনৈতৌ কারণেনাহো শঙ্কিতৌ চকিতেক্ষণৌ || ২. ৩৪. ২০||
অথ বা মৃগজাতির্হি নিসর্গাচ্চকিতেক্ষণা |
চেনৈতৌ জলপানেঽপি পশ্যতশ্চকিতেক্ষণৌ || ২. ৩৪. ২১||
নৈতাবৎকারণং চাত্র কিন্তু খেদভয়াতুরৌ |
লক্ষয়েতে খিন্নসর্বাঙ্গৌ কম্পয়ুক্তৌ যতস্ত্বিমৌ || ২. ৩৪. ২২||
এবং সংচিন্ত্য মতিমান্স তস্থৌ মধ্যপুষ্করে |
শিষ্যেণ সংযুতো রামো যাবত্তৌ চাপি সংস্থিতৌ || ২. ৩৪. ২৩||
পীৎবা জলং ততস্তৌ তু বৃক্ষচ্ছায়াসমাশ্রিতৌ |
রামং দৃষ্ট্বা মহাত্মানং কথাং তৌ চক্রতুর্মুদা || ২. ৩৪. ২৪||
মৃগ্যুবাচ
কান্ত চাত্রৈব তিষ্ঠাবো যাবদ্রামোঽত্রসংস্থিতঃ |
অস্য বীরস্য সাংনিধ্যে ভয়ং নৈবাবয়োর্ভবেৎ || ২. ৩৪. ২৫||
অত্রাপ্যাগত্য চৈব্দ্যাধৌ হ্যাবয়োঃ প্রহরিষ্যতি |
দৃষ্টমাত্রো হি মুনিনা ভস্মীভূতো ভবিষ্যতি || ২. ৩৪. ২৬||
ইত্যুক্তে বচনে মৃগ্যা রামর্ শনতুষ্টয়া |
মৃগশ্চোবাচ হর্ষেণ সমাবিষ্টঃ প্রিয়াং স্বকাম্ || ২. ৩৪. ২৭||
এবমেব মহাভাগে যদ্বৈ বদসি ভামিনি |
জানেঽহমপি রামস্য প্রভাবং সুমহাত্মনঃ || ২. ৩৪. ২৮||
যোঽযং সংদৃশ্যতে চাস্য পার্শ্বং শিষ্যোঽকৃতব্রণঃ |
সচানে ন মহাভাগস্ত্রাতো ব্যাঘ্রভয়াতুরঃ || ২. ৩৪. ২৯||
অয়ং রামো মহাভাগে জমদগ্নিসুতোঽনুজঃ |
পিতরং কার্ত্তবীর্যেণ দৃষ্ট্বা চৈব তিরস্কৃতম্ || ২. ৩৪. ৩০||
চকারাতিতরাং ক্রুদ্ধঃ প্রতিজ্ঞাং নৃপঘাতিনীম্ |
তৎপূর্তিকামো হ্যগমদ্ব্রহ্মলোকং পুরা হ্যয়ম্ || ২. ৩৪. ৩১||
স ব্রহ্মা দিষ্টবাংশ্চৈনং শিবলোকং ব্রজেতি হ |
তস্য ৎবাজ্ঞাং সমাদায় গতোঽসৌ শিবসন্নিধিম্ || ২. ৩৪. ৩২||
প্রোবাচাখিলবৃত্তান্ত রাজ্ঞশ্চপ্যাত্মনঃ পিতুঃ |
স কৃপালুর্মহাদেবঃ সভাজ্য ভৃগুনন্দনম্ || ২. ৩৪. ৩৩||
দদৌ কৃষ্ণস্য সন্মন্ত্রমভেদ্যং কবচং তথা |
স্বীয়ং পাশুপতং চাস্ত্রমন্যাস্ত্রগ্রামমেব চ || ২. ৩৪. ৩৪||
বিসর্জয়ামাস মুদা দত্ত্বা শস্ত্রাণি চাদরাৎ |
সোঽযমত্রাগতো ভদ্রে মেত্রসাধনতৎপরঃ || ২. ৩৪. ৩৫||
নিত্যং জপতি ধর্মাত্মা কৃষ্ণস্য কবচং সুধীঃ |
শতবর্ষাণি চাপ্যস্য গতানি সুমহাত্মনঃ || ২. ৩৪. ৩৬||
মন্ত্র সাধয়তো ভদ্রে ন চ তৎসিদ্ধিরেতি হি |
আত্রাস্তি কারণং ভক্তিঃ সাব বৈ ত্রিবিধা মতা || ২. ৩৪. ৩৭||
উত্তমা মধ্যমা চৈব কনিষ্ঠা তরলেক্ষণে |
শিবস্য নারদস্যাপি শুকস্য চ মহাত্মনঃ || ২. ৩৪. ৩৮||
অংবরীষ্স্য রাজর্ষে রন্তিদেবস্য মারুতেঃ |
বলের্বিভীষণস্যাপি প্রহ্লাদস্য মহাত্মনঃ || ২. ৩৪. ৩৯||
উত্তমা ভক্তিরেবাস্তি গোপীনামুদ্ধবস্য চ |
বসিষ্ঠাদিমুনীশানাং মন্বাদীনাং শুভেক্ষণে || ২. ৩৪. ৪০||
মধ্যা চ ভক্তিরেবাস্তি প্রাকৃতান্যজনেষু সা |
মধ্যভক্তিরয়ং রামো নিত্যং যমপরায়ণঃ || ২. ৩৪. ৪১||
সেবতে গোপিকাধীশং তেন সিদ্ধিং ন চাগতঃ |
বসিষ্ঠ উবাচ
ইত্যুক্তা ৎবরিতং কান্তং সা মৃগী হৃষ্টমানসা || ২. ৩৪. ৪২||
পুনঃ পপ্রচ্ছ ভক্তেস্তু লক্ষণং প্রেমদায়কম্ |
মৃগ্যুবাচ
সাধুকান্ত মহাভাগ বচস্তেঽলৌকিকং প্রিয় |
র্হদৃগ্ জ্ঞানং তব কথং সংজাতং তদ্বদাধুনা || ২. ৩৪. ৪৩||
মৃগ উবাচ
শৃণু প্রিয়ে মহাভাগে জ্ঞানং পুণ্যেন জায়তে || ২. ৩৪. ৪৪||
তৎপুণ্যমদ্য সংজাতং ভার্গবস্যাস্য দর্শনাৎ |
পুণ্যাত্মা ভার্গবশ্চায়ং কৃষ্ণাভক্তো জিতেন্দ্রিয়ঃ || ২. ৩৪. ৪৫||
গুরুশুশ্রূষকো নিত্যং নিত্যনৈমিত্তিকাদরঃ |
অতোঽস্য দর্শনাজ্জাতং জ্ঞানং মে| দ্যৈব ভামিনি || ২. ৩৪. ৪৬||
ত্রৈলোক্যস্থিতসত্ত্বানাং শুভাশুভনিদর্শকম্ |
অদ্যৈব বিদিতং মেঽভূদ্রাসস্যাস্য মহাত্মনঃ || ২. ৩৪. ৪৭||
চরিতং পুণ্যদং চৈব পাপঘ্নং শৃণ্বতামিদম্ |
যদ্যৎকরিষ্যতে চৈব তদপি জ্ঞানগোচরম্ || ২. ৩৪. ৪৮||
যোত্তমা ভক্তিরাখ্যাতা তাং বিনা নৈব সিদ্ধ্যতি |
কবচং মন্ত্রসহিতং হ্যপি বর্ষায়ুতায়ুতৈঃ || ২. ৩৪. ৪৯||
যদ্যয়ং ভার্গবো ভদ্রে হ্যগস্ত্যানুগ্রহং লভেৎ |
কৃষ্ণপ্রেমামৃতং নাম স্তোত্রমুত্তমভক্তিদম্ || ২. ৩৪. ৫০||
জ্ঞাৎবা চ লপ্স্যতে সিদ্ধিং মন্ত্রস্য কবচস্য চ |
স মুনির্জ্ঞাততত্ত্বার্থঃ সানুকংপোঽভয়প্রদঃ || ২. ৩৪. ৫১||
উপদেক্ষ্যতি চৈবৈনং তত্ত্বজ্ঞানং মুদাবহম্ |
শ্রীকৃষ্ণচারিতং সর্বং নামভির্গ্রথিতং যতঃ || ২. ৩৪. ৫২||
কৃষ্ণপ্রেমামৃতস্তোত্রাজ্জ্ঞাস্যতেঽস্য মহামতিঃ |
ততঃ সংসিদ্ধ কবচৌ রাজনং হৈহয়াধিপম্ || ২. ৩৪. ৫৩||
হৎবা সপুত্রামাত্যং চ সসুহৃদ্বলবাহনম্ |
ত্রিঃ সপ্তকৃৎবো নির্ভূপাং করিষ্যত্যবনীং প্রিয় || ২. ৩৪. ৫৪||
বসিষ্ঠ উবাচ
এবমুক্ত্বা মৃগো রাজন্বিররাম মৃগীং ততঃ |
আত্মনো মৃগভাবস্য কারণং জ্ঞাতবাংশ্চ হ || ২. ৩৪. ৫৫||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যভাগে তৃতীয়
উপোদ্ধাতপাদে ভার্গবচরিতে চতুস্ত্রিংশত্তমোঽধ্যায়ঃ || ৩৪||

সগর উবাচ
মুনে পরমতত্ত্বজ্ঞধ্যানজ্ঞানার্থকোবিদ |
ভগবদ্ভক্তিসংলীনমানসানুগ্রহঃ কুতঃ || ২. ৩৫. ১||
ৎবয়াপি হি মহাভাগ যতঃ শংসসি সৎকথাঃ |
শ্রুৎবা মৃগমুখাৎসর্বং ভার্গবস্য বিচেষ্টিতম্ || ২. ৩৫. ২||
ভূতং ভবদ্ভবিষ্যং চ নারায়ণকথান্বিতম্ |
পুনঃ প্রপচ্ছ কিং নাথ তন্মে বদ সবিস্তরম্ || ২. ৩৫. ৩||
বসিষ্ঠ উবাচ
শৃণু রাজন্প্রবক্ষ্যামি মৃগস্য চরিতং মহৎ |
যথা পৃষ্টং তয়া সোঽস্যৈ বর্ণয়ামাস তত্ত্ববিৎ || ২. ৩৫. ৪||
শ্রুৎবা তু চরিতং তস্য ভার্গবস্য মহাত্মনঃ |
ভূয়ঃ প্রপচ্ছ তং কান্তং জ্ঞানতত্ত্বার্থমাদরাৎ || ২. ৩৫. ৫||
মৃগ্যুবাচ
সাধুসাধু মহাভাগ কৃতার্থস্ত্বং ন সংশয়ঃ |
যদস্য দর্শনাত্তেঽদ্য জাতং জ্ঞানমতীদ্রিয়ম্ || ২. ৩৫. ৬||
অথাতশ্চাত্মনঃ সর্বং মমাপি বদ কারণম্ |
কর্মণা যেন সংপ্রাপ্তাবাবাং তির্যগ্জনিং প্রভো || ২. ৩৫. ৭||
ইতি বাক্যং সমাকর্ণ্য প্রিয়ায়াঃ স মৃগঃ স্বয়ম্ |
বর্ণয়ামাস চরিতং মৃগ্যশ্চৈবাত্মনস্তদা || ২. ৩৫. ৮||
মৃগ উবাচ
শৃণু প্রিয়ে মহাভাগে যথাঽবাং মৃগতাং গতৌ |
সংসারেঽস্মিন্নমহাভাগে ভাবোঽস্য ভবকারণম্ || ২. ৩৫. ৯||
জীবস্য সদসভ্দ্যাং হি কর্মভ্যামাগতঃ স্মৃতিম্ |
পুরা দ্রবিডদেশে তু নানাঋদ্ধিসমাকুলে || ২. ৩৫. ১০||
ব্রাহ্মণানাং কুলে বাহং জাতঃ কৌশিকগোত্রিণাম্ |
পিতা মে শিবদত্তোঽভূন্নাম্না শাস্ত্রবিশারদঃ || ২. ৩৫. ১১||
তস্য পুত্রা বয়ং জাতাশ্চৎবারো দ্বিজসত্তমাঃ |
জ্যেষ্ঠো রামোঽনুজস্তস্য ধমস্তস্যানু জঃ পৃথুঃ || ২. ৩৫. ১২||
চতুর্থোঽহং প্রিয়ে জাতো সূরিরিত্যভিবিশ্রুতঃ |
উপনীয় ক্রমাৎসর্বাঞ্ছিবদত্তো মহায়শাঃ || ২. ৩৫. ১৩||
বেদানধ্যাপয়ামাস সাংগাংশ্চ সরহস্যকান্ |
চৎবারোঽপি বয়ং তত্র বেদাধ্যয়নতৎপরাঃ || ২. ৩৫. ১৪||
গুরুশুশ্রূষণে যুক্তা জাতা জ্ঞানপরায়ণাঃ |
গৎবারণ্যং ফলান্যংবুসমিৎকুশমৃদোঽন্বহম্ || ২. ৩৫. ১৫||
আনীয় পিত্রে দত্ত্বাথ কুর্মোঽধ্যয়নমেব হি |
একদা তু বয়ং সর্বে সংপ্রাপ্তা পর্বতে বনে || ২. ৩৫. ১৬||
ঔদ্ভিদং নাম লোলক্ষি কৃতমালাতটে স্থিতম্ |
সর্বে স্নাৎবা মহানদ্যামুষসি প্রীতমানসাঃ || ২. ৩৫. ১৭||
দত্তার্ঘাঃ কৃতজপ্যাশ্চ সমারূঢা নাগোত্তমম্ |
শালস্তমালৈঃ প্রিয়কৈঃ পনসৈঃ কোবিদারকৈঃ || ২. ৩৫. ১৮||
সরলার্জুনপূগৈশ্চ খর্জূরৈর্নারিকেলকৈঃ |
জংবূভিঃ সহকারৈশ্চ কট্ফলৈর্বৃহতীদ্রুমৈঃ || ২. ৩৫. ১৯||
অন্যৈর্নানাবিধৈর্বৃক্ষৈঃ পরার্থপ্রতিপাদকৈঃ |
স্নিগ্ধচ্ছায়ৈঃ সমাহৃষ্টনানাপক্ষিনিনাদিতৈঃ || ২. ৩৫. ২০||
শার্দূল হরিভির্ভল্লৈর্গণ্ডকৈর্মৃগনাভিভিঃ |
গচৈন্দ্রৈঃ শারভাদ্যৈশ্চ সেবিতং কন্দরাগতৈঃ || ২. ৩৫. ২১||
মল্লিকাপাটলাকুন্দকর্ণিকারকদংবকৈঃ |
সুগন্ধিভির্বৃতং চান্যৈর্বাতোদ্ধূতপরগিভিঃ || ২. ৩৫. ২২||
নানামণিগণাকীর্ণৈর্নীলপীতসিতারুণৈঃ |
শৃঙ্গৈঃ সমুল্লিখন্তং চ ব্যোম কৌতুকসং যুতম্ || ২. ৩৫. ২৩||
অত্যুচ্চপাতধ্বনিভির্নির্ঝরৈঃ কন্দরোদ্গতৈঃ |
গর্জ্জতমিব সংসক্তং ব্যালাদ্যৈর্মৃগপক্ষিভিঃ || ২. ৩৫. ২৪||
তত্রাতিকৌতুকাহৃষ্টদৃষ্টয়োভ্রাতরো বয়ম্ |
নাস্মার্ষ্ম চাত্মনাত্মানং বিয়ুক্তাশ্চ পরস্পরম্ || ২. ৩৫. ২৫||
এতস্মিন্নন্তরে চৈকা মৃগী হ্যগাৎপিপাসিতা |
নির্ঝরাপাত শিরসি পাতুকামা জলং প্রিয়ে || ২. ৩৫. ২৬||
তস্যাঃ পিবন্ত্যাস্তু জলং শার্দূলোঽতিভয়ঙ্করঃ |
তত্র প্রাপ্তো যদৃচ্ছাতো জগৃহে তাং ভয়র্দিতাম্ || ২. ৩৫. ২৭||
অহং তদ্গ্রহণং পশ্যন্ভয়েন প্রপলায়িতঃ |
অত্যুচ্চবত্ত্বাৎপতিতো মৃতশ্চৈণীমনুস্মরন্ || ২. ৩৫. ২৮||
সা মৃতা ৎবং মৃগী জাতা মৃগ স্ত্বাহমনুস্মরন্ |
জাতো ভদ্রে ন জানে বৈ ক্ব গাতা ভ্রাতরোঽগ্রজাঃ || ২. ৩৫. ২৯||
এতন্মে স্মৃতিমাপন্নং চরিতং তব চাত্মতঃ |
ভূতং ভবিষ্যং চ তথা শৃণু ভদ্রে বদাম্যহম্ || ২. ৩৫. ৩০||
যোঽযং বা বৃষ্ঠসংলগ্নো ব্যাধো দূরস্থিতোঽভবৎ |
রামস্যাস্য ভয়াৎসোঽপি ভক্ষিতো হরিণা ধুনা || ২. ৩৫. ৩১||
প্রাণাংস্ত্যক্ত্বা বিধানেন স্বর্গলোকং গমিষ্যতি |
অবাভ্যাং তু জলং পীতং মধ্যমে পুষ্করে ৎবিহ || ২. ৩৫. ৩২||
সংদৃষ্টো ভার্গবশ্চায়ং সাক্ষাদ্বিষ্ণুস্বরূপধৃক্ |
তেনানেকভবোৎপন্নং পাতকং নাশমাগতম্ || ২. ৩৫. ৩৩||
অগস্ত্যদর্শনং লব্ধ্বা শ্রুৎবা স্তোত্রং গতিপ্রদম্ |
গমিষ্যাবঃ শুভাংল্লোকান্যেষু গৎবা ন শোচতি || ২. ৩৫. ৩৪||
ইত্যেবমুক্ত্বা স মৃগঃ প্রিয়ায়ৈ প্রিয়দর্শনঃ |
বিররাম প্রসন্নাত্মা পশ্যন্রামমনা তুরঃ || ২. ৩৫. ৩৫||
ভর্গবঃ শ্রুতবাংশ্চৈব মৃগোক্তং শিষ্যসংযুতঃ |
বিস্মিতোঽভূচ্চ রাজেন্দ্র গন্তুং কৃতমতিস্তথা || ২. ৩৫. ৩৬||
অকৃতব্রমসংযুক্তো হ্যগস্ত্যস্যাশ্রমং প্রতি |
স্নাৎবা নিত্যক্রিয়াং কৃৎবা প্রতস্থে হর্ষিতো ভৃশম্ || ২. ৩৫. ৩৭||
রামেণ গচ্ছতা মার্গে দৃষ্টো ব্যাধো মৃতস্তদা |
সিংহস্য সংপ্রহারেম বিস্মিতেন মহাত্মনা || ২. ৩৫. ৩৮||
অধ্যর্দ্ধয়োজনং গৎবা কনিষ্ঠং পুষ্করং প্রতি |
স্নাৎবা মাধ্যাহ্নিকীং সন্ধ্যাং চকা রাতিমুদান্বিতঃ || ২. ৩৫. ৩৯||
হিতং তদাত্মনঃ প্রোক্তং মৃগেণ স বিচারয়ন্ |
তাবত্তৎপৃষ্ঠসংলগ্নং মৃগয়ুগ্মমুপাগতম্ || ২. ৩৫. ৪০||
পুষ্করে তু জলং পীৎবাভিষিচ্যাত্মতনুং জলৈঃ |
পশ্যতো ভার্গবস্যাগাদগস্ত্যাশ্রমসংমুখম্ || ২. ৩৫. ৪১||
রামোঽপি সন্ধ্যাং নির্বর্ত্ত্য কুংভজস্যাশ্রমং যয়ৌ |
বিপদ্গতং পুষ্করং তু পশ্যমানো মহামনাঃ || ২. ৩৫. ৪২||
বিষ্ণোঃ পদানি নাগানাং কুণ্ডং সপ্তর্ষিসংস্থিতম্ |
গৎবোপস্পৃশ্য শুচ্যংভো জগামাগস্ত্যসংশ্রয়ম্ || ২. ৩৫. ৪৩||
যচ্চ ব্রহ্মসুতা রাজন্সমায়াতা সরস্বতী |
ত্রীন্সংপূরয়িতুং কুণ্ডানগ্নিহোত্রস্য বৈ বিধেঃ || ২. ৩৫. ৪৪||
তত্র তীরে শুভং পুণ্যং নানামুনিনিষেবিতম্ |
দদর্শ মহদাশ্চর্যং ভার্গবঃ কুংভজাশ্রমম্ || ২. ৩৫. ৪৫||
মৃগৈঃ সিংহৈঃ সহগতৈঃ সেবিতং শান্তমানসৈঃ |
কুটরৈরর্জুনৈর্নিংবৈঃ পারিভদ্রধবেগুদৈঃ || ২. ৩৫. ৪৬||
খদিরাসনখর্জূরৈঃ সংকুলং বদরীদ্রুমৈঃ |
তত্র প্রবিশ্য বৈ রামো হ্যকৃতব্রণসংযুতঃ || ২. ৩৫. ৪৭||
দদর্শ মুনিমাসীনং কুম্ভজং শান্তমানসম্ |
স্তিমিতোদসরঃ প্রখ্যং ধ্যায়ন্তং ব্রহ্ম শাশ্বতম্ || ২. ৩৫. ৪৮||
কৌশ্যাং বৃষ্যাং মার্গকৃত্তিং বসানং পল্লবোটজে |
ননাম চ মহারাজ স্বাভিধানং সমুচ্চরন্ || ২. ৩৫. ৪৯||
রামোঽস্মি জামদগ্ন্যোঽহং ভবন্তং দ্রষ্টুমাগতঃ |
তাদ্বিদ্ধি প্রণিপাতেন নমস্তে লোকভাবন || ২. ৩৫. ৫০||
ইত্যুক্তবন্তং রামং তু উন্মীল্য নয়নে শনৈঃ |
দৃষ্ট্বা স্বাগতমুচ্চার্য তস্মায়াসনমাদিশৎ || ২. ৩৫. ৫১||
মধুপর্কং সমানীয় শিষ্যেণ মুনিপুঙ্গবঃ |
দদৌ পপ্রচ্ছ কুশলং তপসশ্চ কুলস্য চ || ২. ৩৫. ৫২||
স পৃষ্টস্তেন বৈ রামো ঘটোদ্ভবমুবাচ হ |
ভবৎসংদর্শনাদীশ কুশলং মম সর্বতঃ || ২. ৩৫. ৫৩||
কিং ৎবঙ্কং সংশয়ং জাতং ছিন্ধি স্ববচনামৃতৈঃ |
মৃগশ্চৈকো ময়া দৃষ্টো মধ্যমে পুষ্করে বিভো || ২. ৩৫. ৫৪||
তেনোক্তমখিলং বৃত্তং মম ভূতমনাগতম্ |
তচ্ছূৎবা বিস্ময়াবিষ্টো ভবচ্ছরণমাগতঃ || ২. ৩৫. ৫৫||
পাহি মাং কৃপয়া নাথ সাধয়ন্ত মহামনুম্ |
শিবেন দত্তং কবচ মম সাধয়তো গুরো || ২. ৩৫. ৫৬||
কৃষ্মস্য সমতীত তু সাধিকং হি শরচ্ছতম্ |
ন চ সিদ্ধিমবাপ্তোঽহং তন্মে ৎবং কৃপয়া বদ || ২. ৩৫. ৫৭||
বসিষ্ঠ উবাচ
এবং প্রশ্নং সমাকর্ণ্য রামস্য সুমহাত্মনঃ |
ক্ষণং ধ্যাৎবা মহারাজ মৃগোক্তং জ্ঞাতবান্ হৃদা || ২. ৩৫. ৫৮||
মৃগং চাপি সমায়াতং মৃগ্যা সহ নিজাশ্রমে |
শ্রোতুং কৃষ্ণামৃতং স্তোত্রং সর্বং তৎকারণ মুনিঃ |
বিচার্যাশ্বাসয়ামাস ভার্গবঃ স্ববচোমৃতৈঃ || ২. ৩৫. ৫৯||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয়
উপোদ্ধাতপাদে ভার্গবচ রিতে পঞ্চত্রিংশত্তমোঽধ্যায়ঃ || ৩৫||

বসিষ্ঠ উবাচ
অবগত্য স বৈ সর্বং কারণং প্রীতমানসঃ |
উবাচ ভার্গবং রামমগস্ত্যঃ কুংভসংভবঃ || ২. ৩৬. ১||
অগস্ত্য উবাচ
শৃণু রাম মহাভাগ কথয়ামি হিতং তব |
মন্ত্রস্য সিদ্ধিং যেন ৎবং শীঘ্রমেব সমাপ্নুয়াঃ || ২. ৩৬. ২||
ভক্তেস্তু লক্ষণং জ্ঞাৎবা ত্রিবিধায়া মহামতে |
যো যতেত নরস্তস্য সিদ্ধির্ভবতি সৎবরম্ || ২. ৩৬. ৩||
একদাহমনুপ্রাপ্তোঽনন্তদর্শনকাঙ্ক্ষয়া |
পাতালং নাগরাচৈন্দ্রৈঃ শোভিতং পরয়া মুদা || ২. ৩৬. ৪||
তত্র দৃষ্টা মহাভাগ ময়া সিদ্ধাঃ সমন্ততঃ |
সনকাদ্যা নারদশ্চ গৌতমো জাজলিঃক্রতুঃ || ২. ৩৬. ৫||
ঋভুর্হংসোঽরুণিশ্চৈব বাল্মীকিঃ শক্তিরাসুরিঃ |
এতেঽন্যে চ মহাসিদ্ধা বাৎস্যায়নমুখা দ্বিজ || ২. ৩৬. ৬||
উপাসত হ্যুপা সীনা জ্ঞানার্থং ফণিনায়কম্ |
তং নমস্কৃত্য নাগৈন্দ্রৈঃ সহ সিদ্ধৈর্মহাত্মভিঃ || ২. ৩৬. ৭||
উপবিষ্টঃ কথাত্তত্র শৃণ্বানো বৈষ্ণবীর্মুদা |
যেয়ং ভূমির্মহাভাগ ভূতধাত্রী স্বরূপিণী || ২. ৩৬. ৮||
নিবিষ্টা পুরতস্তস্য শৃণ্বন্তী তাঃ কথাঃ সদা |
যদ্যৎপৃচ্ছতি সা ভূমিঃ শেষং সাক্ষান্মহীধরম্ || ২. ৩৬. ৯||
শৃণ্বন্তি ঋষয়ঃ সর্বে তত্রস্থা তদনুগ্রহাৎ |
ময়া তত্র শ্রুতং বৎস কৃষ্ণপ্রেমামৃতং শুভম্ || ২. ৩৬. ১০||
স্তোত্রং তত্তে প্রবক্ষ্যামি যস্যার্থং ৎবমিহাগতঃ |
বারাহাদ্যবতারাণাং চরিতং পাপনাশনম্ || ২. ৩৬. ১১||
সুখদং মোক্ষদং চৈব জ্ঞানবিজ্ঞান কারণম্ |
শ্রুৎবা সর্বং ধরা বৎস প্রৎদৃষ্টা তং ধরাধরম্ || ২. ৩৬. ১২||
উবাচ প্রণতা ভূয়ো জ্ঞাতুং কৃষ্ণবিচেষ্টিতম্ |
ধরণ্যুবাচ
অলঙ্কৃতং জন্ম পুংসামপি নন্দব্রজৌকসাম্ || ২. ৩৬. ১৩||
তস্য দেবস্য কৃষ্ণস্য লীলাবিগ্রহধারিণঃ |
জয়োপাধিনিয়ুক্তানি সংতি নামান্যনেকশঃ || ২. ৩৬. ১৪||
তেষু নামানি মুখ্যানি শ্রোতুকামা চিরাদহম্ |
তত্তানি ব্রূহি নামানি বাসুদেবস্য বাসুকে || ২. ৩৬. ১৫||
নাতঃ পরতরং পুণ্যং ত্রিষু লোকেষু বিদ্যতে |
শেষ উবাচ
বসুংধরে বরারোহে জনানামস্তি মুক্তিদম্ || ২. ৩৬. ১৬||
সর্বমঙ্গলমূর্দ্ধন্যমণিমাদ্যষ্টসিদ্ধিদম্ |
মহাপাতককোটিঘ্ন সর্বতীর্থফলপ্রদম্ || ২. ৩৬. ১৭||
সমস্তজপয়জ্ঞানাং ফলদং পাপনাশনম্ |
শৃণু দেবি প্রবক্ষ্যামি নাম্নামষ্টোতরং শতম্ || ২. ৩৬. ১৮||
মহস্রনাম্নাং পুণ্যানাং ত্রিরাবৃত্ত্যা তু যৎফলম্ |
একাবৃত্ত্যা তু কৃষ্ণস্য নামৈকং তৎপ্রয়চ্ছতি || ২. ৩৬. ১৯||
তস্মাৎপুণ্যতরং চৈতৎস্তোত্রং পাতকনাশনম্ |
নাম্নামষ্টোত্তরশতস্যাহমেব ঋষিঃ প্রিয়ে || ২. ৩৬. ২০||
ছন্দোঽনুষ্টুব্দেবতা তু যোগঃ কৃষ্ণপ্রিয়াবহঃ |
শ্রীকৃষ্ণঃ কমলানাথো বাসুদেবঃ সনাতনঃ || ২. ৩৬. ২১||
বসুদেবাত্মজঃ পুণ্যো লীলামানুষবিগ্রহঃ |
শ্রীবৎসকৌস্তভধরো যশোদাবৎসলো হরিঃ || ২. ৩৬. ২২||
চতুর্ভুজাত্তচক্রাসিগদাশঙ্খাদ্যুদায়ুধঃ |
দেবকীনন্দনঃ শ্রীশো নন্দগোপপ্রিয়াত্মজঃ || ২. ৩৬. ২৩||
যমুনাবেগসংহারী বলভদ্রপ্রিয়ানুজঃ |
পূতনাজীবিতহরঃ শকটাসুরভঞ্জনঃ || ২. ৩৬. ২৪||
নন্দপ্রজজনানন্দী সচ্চিদানন্দবিগ্রহঃ |
নবনীতবিলিপ্তাঙ্গো নবনীতনটোঽনঘঃ || ২. ৩৬. ২৫||
নবনীতলবাহারী মুচুকুন্দপ্রসাদকৃৎ |
ষোডশস্ত্রীসহস্রেশস্ত্রিভঙ্গী মধুরাকৃতিঃ || ২. ৩৬. ২৬||
শুকবাগমৃতাব্ধীন্দুর্গোবিন্দো গোবিদাংপতিঃ |
বৎসপালনসংচারী ধেনুকাসুরমর্দ্দনঃ || ২. ৩৬. ২৭||
তৃণীকৃততৃণাবর্ত্তো যমলার্জুনভঞ্জনঃ |
উত্তালতালভেত্তা চ তমালশ্যামলা কৃতিঃ || ২. ৩৬. ২৮||
গোপগোপীশ্বরো যোগী সূর্যকোটিসমপ্রভঃ |
ইলাপতিঃ পরঞ্জ্যোতির্যাদবেন্দ্রো যদূদ্বহঃ || ২. ৩৬. ২৯||
বনমালী পীতবাসাঃ পারিজাতাপহরকঃ |
গোবর্দ্ধনাচলোদ্ধর্ত্তা গোপালঃ সর্বপালকঃ || ২. ৩৬. ৩০||
অজো নিরঞ্জনঃ কামজনকঃ কঞ্জলোচনঃ |
মধুহা মথুরানাথো দ্বারকানাথকো বলী || ২. ৩৬. ৩১||
বৃন্দাবনান্তসংচারী তুলসীদামভূষণঃ |
স্যমন্তকমণের্হর্ত্তা নরনারায়ণাত্মকঃ || ২. ৩৬. ৩২||
কুব্জাকৃষ্টাংবরধরো মায়ী পরমপূরুষঃ |
মুষ্টিকাসুরচাণূরমল্লয়ুদ্ধবিশারদঃ || ২. ৩৬. ৩৩||
সংসারবৈরী কংসারির্মুরারির্নরকান্তকঃ |
অনাদি ব্রহ্মচারী চ কৃষ্ণাব্যসনকর্ষকঃ || ২. ৩৬. ৩৪||
শিশুপালশিরস্ছেত্তা দুর্যোধনকুলান্তকৃত |
বিদুরাক্রূরবরদো বিশ্বরূপপ্রদর্শকঃ || ২. ৩৬. ৩৫||
সত্যবাক্সত্যসংকল্পঃ সত্যভামারতো জয়ী |
সুভদ্রাপূর্বজো বিষ্ণুর্ভীষ্মমুক্তিপ্রদায়কঃ || ২. ৩৬. ৩৬||
জগদ্গুরুর্জগন্নাথো বেণুবাদ্য বিশারদঃ |
বৃষভাসুরবিধ্বংসী বকারির্বাণবাহুকৃৎ || ২. ৩৬. ৩৭||
যুধিষ্টিরপ্রতিষ্ঠাতা বর্হিবর্হাবতংসকঃ |
পার্থসারথিরব্যক্তো গীতামৃতমহোদধিঃ || ২. ৩৬. ৩৮||
কালীয়ফণিমাণিক্যরঞ্জিতঃ শ্রীপদাংবুজঃ |
দামোদরো যজ্ঞভোক্তা দানবৈদ্রবিনাশনঃ || ২. ৩৬. ৩৯||
নারায়ণঃ পরং ব্রহ্ম পন্নগাশনবাহনঃ |
জলক্রীডাসমাসক্তগোপীবস্ত্রাপহারকঃ || ২. ৩৬. ৪০||
পুণ্যশ্লোকস্তীর্থপাদো বেদবেদ্যো দয়ানিধিঃ |
সর্বতীর্থান্মকঃ সর্বগ্রহরূপী পরাৎপরঃ || ২. ৩৬. ৪১||
ইত্যেবং কৃষ্ণদেবস্য নাম্নামষ্টোত্তরং শতম্ |
কৃষ্ণোন কৃষ্ণভক্তেন শ্রুৎবা গীতামৃতং পুরা || ২. ৩৬. ৪২||
স্তোত্রং কৃষ্ণপ্রিয়করং কৃতং তস্মান্ময়া শ্রুতম্ |
কৃষ্ণপ্রেমামৃতং নাম পরমানন্দদায়কম্ || ২. ৩৬. ৪৩||
অত্যুপদ্রবদুঃ খঘ্নং পরমায়ুষ্য বর্দ্ধনম্ |
দানং ব্রতং তপস্তীর্থং যৎকৃতং ৎবিহ জন্মনি || ২. ৩৬. ৪৪||
পঠতাং শৃণ্বতাং চৈব কোটিকোটিগুণং ভবেৎ |
পুত্রপ্রদমপুত্রাণামগতী নাং গতিপ্রদম্ || ২. ৩৬. ৪৫||
ধনবাহং দরিদ্রাণাং জয়েচ্ছূনাং জয়াবহম্ |
শিশূনাং গোকুলানাং চ পুষ্টিদং পুণ্যবর্দ্ধনম্ || ২. ৩৬. ৪৬||
বালরোগগ্রহাদীনাং শমনং শান্তিকারকম্ |
অন্তে কৃষ্ণস্মরণদং ভবতাপত্রয়াপহম্ || ২. ৩৬. ৪৭||
অসিদ্ধসাধকং ভদ্রে জপাদিকরমাত্মনাম্ |
কৃষ্ণায় যাদবেন্দ্রায় জ্ঞানমুদ্রায় যোগিনে || ২. ৩৬. ৪৮||
নাথায় রুক্মিণীশায় নমো বেদান্তবেদিনে |
ইমং মন্ত্রং মহাদেবি জপন্নেব দিবা নিশম্ || ২. ৩৬. ৪৯||
সর্বগ্রহানুগ্রহভাক্সর্বপ্রিয়তমো ভবেৎ |
পুত্রপৌত্রৈঃ পরিবৃতঃ সর্বসিদ্ধিসমৃদ্ধিমান্ || ২. ৩৬. ৫০||
নিষেব্য ভোগানন্তেঽপিকৃষ্ণাসায়ুজ্যমাপ্নুয়াৎ |
অগস্ত্য উবাচ
এতাবদুক্তো ভাগবাননন্তো মূর্ত্তিস্তু সংকর্ষণসংজ্ঞিতা বিভো || ২. ৩৬. ৫১||
ধরাধরোঽলং জগতাং ধরায়ৈ নির্দিশ্য ভূয়ো বিররাম মানদঃ |
ততস্তু সর্বে সনকাদয়ো যে সমাস্থিতাস্তৎপরিতঃ কথাদৃতাঃ |
আনন্দ পূর্ণ্ণংবুনিধৌ নিমগ্নাঃ সভাজয়ামাসুরহীশ্বরং তম্ || ২. ৩৬. ৫২||
ঋষয় ঊচুঃ
নমো নমস্তেঽখিলবিশ্বাভাবন প্রপন্নভক্তার্ত্তিহরাব্যয়াত্মন্ |
ধরাধরায়াপি কৃপার্ণবায় শেষায় বিশ্বপ্রভবে নমস্তে || ২. ৩৬. ৫৩||
কৃষ্ণামৃতং নঃ পরিপায়িতং বিভো বিধূতপাপা ভবতা কৃতা বয়ম্ |
ভবাদৃশা দীনদয়ালবো বিভো সমুদ্ধরন্ত্যেব নিজান্হি সংনতান্ || ২. ৩৬. ৫৪||
এবং নমস্কৃত্য ফণীশ পাদয়োর্মনো বিধায়াখিলকামপূরয়োঃ |
প্রদক্ষিণীকৃত্য ধরাধরাধরং সর্বে বয়ং স্বাবসথানুপাগতাঃ || ২. ৩৬. ৫৫||
ইতি তেঽভিহিতং রাম স্তোত্রং প্রেমামৃতাভিধম্ |
কৃষ্ণস্য রাধাকান্তস্য সিদ্ধিদম্ || ২. ৩৬. ৫৬||
ইদং রাম মহাভাগ স্তোত্রং পরমদুর্লভম্ |
শ্রুতং সাক্ষাদ্ভগবতঃ শেষাৎকথয়তঃ কথাঃ || ২. ৩৬. ৫৭||
যাবন্তি মন্ত্রজালানি স্তোত্রাণি কবচানি চ || ২. ৩৬. ৫৮||
ত্রৈলোক্যে তানি সর্বাণি সিদ্ধ্যন্ত্যেবাস্য শীলনাৎ |
বসিষ্ঠ উবাচ
এবমুক্ত্বা মহারাজ কৃষ্ণপ্রেমামৃতং স্তবম্ |
যাবদ্ব্যরসীংৎস মুনিস্তাবৎস্বর্যানমাগতম্ || ২. ৩৬. ৫৯||
চতুর্ভিরদ্ভুতৈঃ সিদ্ধৈঃ কামরূপৈর্মনোজবৈঃ |
অনুয়াতমথোৎপ্লুত্য স্ত্রীপুংসৌ হরিণৌ তদা |
অগস্ত্যচরণৌ নৎবা সমারুরুহতুর্মুদা || ২. ৩৬. ৬০||
দিব্যদেহধরৌ ভূৎবা সংখচক্রাদিচিহ্নিতৌ |
গতৌ চ বৈষ্ণবং লোকং সর্ব দেবন মস্কৃতম্ |
পশ্যতাং সর্বভূতানাং ভার্গবাগস্ত্যয়োস্তথা || ২. ৩৬. ৬১||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যভাগে তৃতীয় উপোদ্ধাতপাদে ভার্গবচরিতে ষট্ত্রিংশত্তমোঽধ্যায়ঃ || ৩৬||

বসিষ্ঠ উবাচ
দৃষ্ট্বা পরশুরামস্তু তদাশ্চর্যং মহাদ্ভুতম্ |
জগাদ সর্ববৃত্তান্তং মৃগয়োস্তু যথাশ্রুতম্ || ২. ৩৭. ১||
তচ্ছ্রুৎবা ভগবান্সাক্ষাদগস্ত্যঃ কুংভসংভবঃ |
মোদমান উবাচেদং ভার্গবং পুরতঃ স্থিতম্ || ২. ৩৭. ২||
অগস্ত্য উবাচ
শৃণু রাম মহাভাগ কার্যাকার্বিশারদ |
হিতং বদামি যত্তেঽদ্য তৎকুরুষ্ব সমাহিতঃ || ২. ৩৭. ৩||
ইতো বিদূরে সুমহৎস্থানং বিষ্ণোঃ সুদুর্লভম্ |
পদানি যত্র দৃশ্যন্তে ন্যস্তানি সুমাহাত্মনা || ২. ৩৭. ৪||
যত্র গঙ্গা সমুদ্ভূতা বামস্য মহাত্মনঃ |
পদাগ্রাৎক্রমতো লোকাংস্তদ্বলেস্তু বিনিগ্রহে || ২. ৩৭. ৫||
তত্র গৎবা স্তবং চেদং মাসমৈকমনন্যধীঃ |
পঠস্ব নিয়মেনৈব নিয়তো নিয়তাশনঃ || ২. ৩৭. ৬||
যত্ত্বয়া কবচং পূর্বমভ্যস্তং সিদ্ধিমিচ্ছতা |
শত্রূণাং নিগ্রহার্থায় তচ্চ তে সিদ্ধিদং ভবেৎ || ২. ৩৭. ৭||
বসিষ্ঠ উবাচ
এব মুক্তো হ্যগস্ত্যেন রামঃ শত্রুনিবর্হণঃ |
নমস্কৃত্য মুনীং শান্তং নির্জগামাশ্রমাদ্বহিঃ || ২. ৩৭. ৮||
পুনস্তেনৈব মার্গেণ সংপ্রাপ্তস্তত্র সৎবরম্ |
যত্রোত্তরাৎপদন্যাসান্নির্গতা স্বর্ণদী নৃপ || ২. ৩৭. ৯||
তত্র বাসং প্রকল্প্যাসাবকৃতব্রণসংযুতঃ |
সমভ্যস্যৎস্তবং দিব্যং কৃষ্মপ্রেমামৃতাভিধম্ || ২. ৩৭. ১০||
নিত্যং ব্রজপতেস্তস্য স্তোত্রং তুষ্টোঽভবদ্ধরিঃ |
জগাম দর্শনং তস্য জামদগ্ন্যস্য ভূপতে || ২. ৩৭. ১১||
চতুর্ব্যূহাধিপঃ সাক্ষাৎকৃষ্ণঃ কমললোচনঃ |
কিরীটংনার্কবর্ণেন কুণ্ডলাভ্যাং চ রাজিতঃ || ২. ৩৭. ১২||
কৌস্তুভোদ্ভাসিতোরস্কঃ পীতবাসা ধনপ্রভঃ |
মুরলীবাদনপরঃ সাক্ষান্মোহনরূপধৃক্ || ২. ৩৭. ১৩||
তং দৃষ্ট্বা সহসোত্থায় জামদগ্ন্যো মুদান্বিতঃ |
প্রণম্য দণ্ডবদ্ভমৌ তুষ্টাব প্রয়তো বিভুম্ || ২. ৩৭. ১৪||
পরশুরাম্ উবাচ
নমো নমঃ কারণবিগ্রহায় প্রপন্নপালায় সুরার্ত্তিহারিণে |
ব্রহ্মেশবিষ্ণ্বিদ্রমুখস্তুতায় নতোঽস্মি নিত্যং পরমেশ্বরায় || ২. ৩৭. ১৫||
যং বেদবাদৈর্বিবিধপ্রকারৈর্নির্ণেতুমীশানমুখা ন শক্নুয়ুঃ |
তং ৎবামনির্দেশ্যমচং পুরামমনন্তমীডে ভব মে দয়াপরঃ || ২. ৩৭. ১৬||
যস্ত্বেক ঈশো নিজবাঞ্চ্ছিতপ্রদো ধত্তে তনূর্লোকবিহার রক্ষণে |
নানা বিধা দেবমনুষ্যতির্যগ্যাদঃ সু ভূমের্ভরবারণায় || ২. ৩৭. ১৭||
তং ৎবামহং ভক্তজনানুরক্তং বিরক্তমত্যন্তমপীন্দিরাদিষু |
স্বয়ং সমক্ষংব্যভিচারদুষ্টচিত্তাস্বপি প্রেমনিবদ্ধমানসম্ || ২. ৩৭. ১৮||
যং বৈ প্রসন্না অসুরাঃ সুরা নরাঃ সকিন্নরাস্তির্যকেয়োনয়োঽপি হি |
গতাঃ স্বরূপং নিখলং বিহায় তে দেহস্ত্র্যপত্যার্থমমৎবমীশ্বর || ২. ৩৭. ১৯||
তং দেবদেবং ভজতামভীপ্সিতপ্রদং নিরীহং গুণবর্জিতং চ |
অচিন্ত্যমব্যক্তমঘৌঘনাশনং প্রাপ্তোঽরণং প্রেমনিধানমাদরাৎ || ২. ৩৭. ২০||
তপন্তি তাপৈর্বিবিধৈঃ স্বদেহমন্যে তু যজ্ঞৈর্বিবিধৈর্যজন্তি |
স্বপ্নেঽপি তে রূপমলৌকিকংবিভো পশ্যন্তি নৈবার্থনিবদ্ধবাসনাঃ || ২. ৩৭. ২১||
যে বৈ ৎবদীয়ং চরণং ভবশ্রমান্নির্বিণ্মচিত্তা বিধিবৎস্মরন্তি |
নমন্তি ভক্ত্যাথ সমর্চয়ন্তি বৈ পরস্পরং সংসদি বর্ণয়ন্তি || ২. ৩৭. ২২||
তেনৈকজন্মোদ্ভবপঙ্কভেদনপ্রসক্তচিত্তা ভবতোংঽঘ্রিপদ্মে |
তরন্তি চান্যানপি তারয়ন্তি হি ভবৌষধং নাম সুধা তবেশ || ২. ৩৭. ২৩||
অহং প্রভো কামনিবদ্ধচিত্তো ভবন্তমার্যং বিবিধপ্রয়ত্নৈঃ |
আরাধয়ং নাথ ভবানভিজ্ঞঃ কিং তে হ বিজ্ঞাপ্যমিহাস্তি লোকে || ২. ৩৭. ২৪||
বসিষ্ঠ উবাচ
ইত্যেবং জামদগ্ন্যং তু স্তুবন্তং প্রণতং পুরঃ |
উবাচাগাধয়া বাচা মোহয়ন্নিব মায়য়া || ২. ৩৭. ২৫||
কৃষ্ণ উবাচ
হন্ত রাম মহাভাগ সিদ্ধং তে কার্যমুত্তমম্ |
কবচস্য স্তবস্যাপি প্রভাবাদবধারয় || ২. ৩৭. ২৬||
হৎবা তং কার্ত্তবীর্যং হি রাজানং দৃপ্তমানসম্ |
সাধয়িৎবা পিতুর্বৈরং কুরু নিঃক্ষত্রিয়াং মহীম্ || ২. ৩৭. ২৭||
মম চক্রাবতারো হি কার্ত্তবীর্যো ধরাতলে |
কৃতকার্যো দ্বিজশ্রেষ্ট তং সমাপয় মানদ || ২. ৩৭. ২৮||
অদ্য প্রভৃতি লোকেঽস্মিন্নংশাবেশেন মে ভবান্ |
চরিষ্যতি যথা কালং কর্ত্তা হর্ত্তা স্বয়ং প্রভুঃ || ২. ৩৭. ২৯||
চতুর্বিশে যুগে বৎস ত্রেতায়াং রঘুবংশজঃ |
রামো নাম ভবিষ্যামি চতুর্ব্যূহঃ সনাতনঃ || ২. ৩৭. ৩০||
কৌসল্যানন্দজনকো রাজ্ঞো দশরথাদহম্ |
তদা কৌশিকয়জ্ঞং তু সাধয়িৎবা সলক্ষ্মণঃ || ২. ৩৭. ৩১||
গমিষ্যামি মহাভাগ জনকস্য পুর মহৎ |
তত্রেশচাপং নির্ভজ্য পরিণীয় বিদেহজাম্ || ২. ৩৭. ৩২||
তদা যাস্যন্নয়োধ্যাং তে হরিষ্যে তেজ উন্মদম্ |
বসিষ্ঠ উবাচ
কৃষ্ণ এবং সমদিশ্য জামদগ্ন্যং তপোনিধিম্ |
পশ্যতোংঽতর্দধে তত্র রামস্য মুমহাত্মনঃ || ২. ৩৭. ৩৩||
ইতি শ্রীব্রহামাণ্ডে মহাপুরাণে বায়ুপ্রোক্তে মধ্যভাগে তৃতীয় উপোদ্ধাতপাদে ভর্গবচরিতে সপ্তত্রিংশত্তমোঽধ্যায়ঃ || ৩৭||

বসিষ্ঠ উবাচ
অন্তর্দ্ধানং গতে কৃষ্ণে রামস্তু সুমহায়শাঃ |
সমুদ্রিক্তমথাত্মানং মেনে কৃষ্ণানুভাবতঃ || ২. ৩৮. ১||
অকৃতব্রণসংযুক্তঃ প্রদীপ্তাগ্নিরিব জ্বলন্ |
সমায়াতো ভার্গবোঽসীপুরীং মহিষ্মতীং প্রতি || ২. ৩৮. ২||
যত্র পাপহরা পুণ্যা নর্মদা সরিতাং বরা |
পুনাতি দর্শনাদেব প্রাণিনঃ পাপিনো হ্যপি || ২. ৩৮. ৩||
পুরা ত্রয় হরেণাপি নিবিষ্টেন মহাত্মনা |
ত্রিপুরস্য বিনাশায় কৃতো যত্নো মহীপতে || ২. ৩৮. ৪||
তত্র কিং বর্ণ্যতে পুণ্যং নৃণাং দেবস্বরূপিণাম্ |
সদৃষ্ট্বা নর্মদাং ভূপ ভর্গবঃ কুলনন্দনঃ || ২. ৩৮. ৫||
নমশ্চকার সুপ্রীতঃ শত্রুসাধনতৎপরঃ |
নমোঽস্তু নর্মদে তুভ্যং হরদেহসমুদ্ভবে || ২. ৩৮. ৬||
ক্ষিপ্রং নাশয় শত্রূন্মে বরদা ভব শোভনে |
ইত্যেবং স নমস্কৃত্য নর্মদাং পাপনাশিনীম্ || ২. ৩৮. ৭||
দূতং প্রস্থাপয়ামাস কার্ত্তবীর্যার্জুনং প্রতি |
দূত রাজাৎবয়া বাচ্যো যদহং বচ্মি তেঽনঘ || ২. ৩৮. ৮||
ন সংদেহস্ত্বয়া কার্যো দূতঃ ক্বাপি ন বধ্যতে |
যদ্বলং তু সমাশ্রিত্য জমদগ্নিমুনিং নৃপঃ || ২. ৩৮. ৯||
তিরস্ত্বং কৃতবান্মূঢ তৎপুত্রো যোদ্ধুমাগতঃ |
শীঘ্রং নির্গচ্ছ মন্দাত্মন্যুদ্ধং রামায় দেহি তৎ || ২. ৩৮. ১০||
ভার্গবং ৎবং সমাসাদ্য গচ্ছ লোকান্তরং ৎবরা |
ইত্যেবমুক্ত্বা রাজানং শ্রুৎবা তস্য বচস্তথা || ২. ৩৮. ১১||
শীঘ্রমাগচ্ছ ভদ্রং তে বিলংবো নেহ শস্যতে |
তেনৈবমুক্তো দূতস্তু গতো হৈহয়ভূপতিম্ || ২. ৩৮. ১২||
রামোদিতং তৎসকলং শ্রাবয়ামাস সংসদি |
স রাজাত্রেয়ভক্তস্তু মহাবলপরাক্রমঃ || ২. ৩৮. ১৩||
চুক্রোধ শ্রুৎবা বাচ্যং তদ্দূতমুত্তরমাবহৎ |
কার্ত্তবীর্য উবাচ
ময়া ভুজবলেনৈব দত্তদত্তেন মেদিনী || ২. ৩৮. ১৪||
জিতা প্রসহ্য ভূপালান্বদ্ধ্বানীয় নিজং পুরম্ |
তদ্বলং ময়ি বর্ত্তেত যুদ্ধং দাস্যে তবাধুনা || ২. ৩৮. ১৫||
ইত্যুৎক্বা বিসসর্জ্জাশু দূতং হৈহয়ভূপতিঃ |
সেনাধ্যক্ষং সমাহূয় প্রোবাচ বদতাং বরঃ || ২. ৩৮. ১৬||
সজ্জং কুরু মহাভাগ সৈন্যং মে বীরসংমতঃ |
যোৎস্যে রামেণ ভৃগুণা বিলংবো মা ভবৎবিতি || ২. ৩৮. ১৭||
এবমুক্তো মহাবীরঃ সেনাধ্যক্ষঃ প্রতাপনঃ |
সৈন্যং সজ্জং বিধায়াশু চতুরঙ্গ ন্যবেদয়ৎ || ২. ৩৮. ১৮||
সৈন্যং সজ্জং সমাকর্ণ্য কার্ত্তবীর্যো নৃপো মুদা |
সূতোপনীতং স্বরথমারুরোহ বিশাংপতে || ২. ৩৮. ১৯||
তস্য রাজ্ঞঃ সমন্তাত্তু সামন্তা মণ্ডলেশ্বরাঃ |
অনেকাক্ষৌহিণীয়ুক্তাঃ পরিবার্যোপতস্থিরে || ২. ৩৮. ২০||
নাগাস্তু কোটিশস্তত্র হয়স্যন্দনপত্তয়ঃ |
অসংখ্যাতা মহারাজ সৈন্যে সাগরসন্নিভে || ২. ৩৮. ২১||
দৃশ্যন্তে তত্র ভূপালা নানাবংশসমুদ্ভবাঃ |
মহাবীরা মহাকায়া নানায়ুদ্ধবিশারদাঃ || ২. ৩৮. ২২||
নানাশস্ত্রাস্ত্রকুশলা নানাবাহগতা নৃপাঃ |
নানালঙ্কারসংযুক্তা মত্তা দানবিভূষিতাঃ || ২. ৩৮. ২৩||
মহামাত্রকৃতেদ্দেশা ভান্তি নাগা হ্যনেকশঃ |
নানাজ্ঞাতিসমুৎপন্না হয়াঃ পবনরংহসঃ || ২. ৩৮. ২৪||
প্লবন্তো ভান্তি ভূপাল সাদিভিঃ কৃতশিক্ষণাঃ |
স্যন্দনানি সুদীর্ঘাণি জবনাশ্বয়ুতানি চ || ২. ৩৮. ২৫||
চক্রনির্ঘোষয়ুক্তানি প্রাবৃণ্মেঘোপমানি চ |
পদাতয়স্তু রাজন্তে খড্গচর্মধরা নৃপ || ২. ৩৮. ২৬||
অহংপূর্বমহংপূর্বমিত্যহংপূর্বকান্বিতাঃ |
যদা প্রচলিতং সৈন্যং কার্ত্তবীর্যার্জুনস্য বৈ || ২. ৩৮. ২৭||
তদা প্রাচ্ছাদিতং ব্যোম রজসা চ দিশো দশ |
নানাবাদিত্রনির্ঘোষৈর্হয়ানাং হ্রেষিতৈস্তথা || ২. ৩৮. ২৮||
গজানাং বৃংহিতৈ রাজন্ব্যাপ্তং গগনমণ্ডলম্ |
মার্গে দদর্শ রাজেন্দ্রো বিপরীতানি ভূপতে || ২. ৩৮. ২৯||
শকুনানি রণে তস্য মৃত্যুদৌত্যকরাণি চ |
মুক্তকেশাং ছিন্ননাসাং রুদতীং চ দিগংবরাম্ || ২. ৩৮. ৩০||
কৃষ্ণবস্ত্রপরীধানাং বনিতাং স দদর্শ হ |
কুচৈলং পতিতং ভগ্নং নগ্নং কাষায়বাসসম্ || ২. ৩৮. ৩১||
অঙ্গহীনং দদর্শাসৌ নরং দুঃশিতমানসম্ |
গোধাং চ শশকং শল্যং রিক্তকুম্ভং সরীমৃপম্ || ২. ৩৮. ৩২||
কার্পাসং কচ্ছপং তৈলং লবণং চাস্থিখণ্ডকম্ |
স্বদক্ষিণে শৃগালং চ কুর্বন্তং ভৈর্বং রবম্ || ২. ৩৮. ৩৩||
রোগিণং পুংল্কসং চৈব বৃষং চ শ্যেনভল্লুকৌ |
দৃষ্ট্বাপি প্রয়য়ৌ যোদ্ধুং কালপাশাবৃতো হঝাৎ || ২. ৩৮. ৩৪||
নর্মদোত্তরতীরস্থো হ্যকৃতব্রণসংযুতঃ |
বটচ্ছায়াসমাসীনো রামোঽপশ্যদুপাগতম্ || ২. ৩৮. ৩৫||
কার্ত্তবীর্যং নৃপবরং শতকোটিনৃপান্বিতম্ |
সহস্রাক্ষৌহিণীয়ুক্তং দৃষ্ট্বা বভূব হ || ২. ৩৮. ৩৬||
অদ্য মে সিদ্ধিমায়াতং কার্যং চিরসমীহিতম্ |
যদ্দৃষ্টিগোচরো জাতঃ কার্তবীর্যো নৃপাধমঃ || ২. ৩৮. ৩৭||
ইত্যেবমুক্ত্বা চোত্থায় ধৃৎবা পরশুমায়ুধম্ |
ব্যঞ্জৃভতারিনাশায়সিংহঃ ক্রুদ্ধো যথা তথা || ২. ৩৮. ৩৮||
দৃষ্ট্বা সমুদ্যতং রামং সৈনিকানাং বধায় চ |
চকংপিরে ভৃশং সর্বে মৃত্যোরিব শরীরিণঃ || ২. ৩৮. ৩৯||
স যত্র যত্রানিলরংহসং ভৃগুশ্চিক্ষেপ রোষেণ যুতঃ পরশ্বধম্ |
ততস্ততশ্ছিন্নভুজোরুকঙ্ঘরা নাগা হয়াঃ শূরনরা নিপেতুঃ || ২. ৩৮. ৪০||
যথা গজেন্দ্রো মদয়ুক্সমন্ততো নালং বনং ভর্দ্দয়তি প্রধাবন্ |
তথৈব রামোঽপি মনোনিলৌজা বিমর্দ্দয়ামাস নৃপস্য সেনাম্ || ২. ৩৮. ৪১||
দৃষ্ট্বা তমিত্থং প্রহরন্তমোজসা রামং রণে শস্ত্রভৃতাং বরিষ্ঠম্ |
উদ্যম্য চাপং মহদাস্থিতো রথং সৃজ্যং চ কৃৎবা কিলমন্স্যরাজঃ || ২. ৩৮. ৪২||
আকৃষ্য বাণাননলোগ্রতেজসঃ সমাকিরন্ভার্গবমাসসাদ |
দৃষ্ট্বা তমায়ান্তমথো মহাত্মা রামো গৃহীৎবা ধনুষং মহোগ্রম্ || ২. ৩৮. ৪৩||
বায়ব্যমস্ত্রং বিদধে রুষাপ্লুতো নিবারয়ন্মঙ্গলবাণবর্ষম্ |
স চাপি রাজাতিবলো মনস্বী সসর্জ রামায় তু পর্বতাস্ত্রম্ || ২. ৩৮. ৪৪||
তস্তংভ তেনাতিবলং তদস্ত্রং বায়ব্যমিষ্বস্ত্রবিধানদক্ষঃ |
রামোঽপি তত্রাতিবলং বিদিৎবা তং মৎস্যরাজং বিবিধাস্ত্রপূগৈঃ || ২. ৩৮. ৪৫||
কিরন্তমাজৌ প্রসভং সুমোচ নারায়ণাস্ত্রং বিধিমন্ত্রয়ুক্তম্ |
নারায়ণাস্ত্রে ভৃগুণা প্রয়ুক্তে রামেণ রাজন্নৃপতের্বধায় || ২. ৩৮. ৪৬||
দিশস্তু সর্বাঃ সুভৃশং হি তেজসা প্রজজ্বলুর্মৎস্যপতিশ্চকংপে |
রামস্তু তস্যাথ বিলক্ষ্য কম্পং বাণৈশ্চতুর্ভির্নিজঘান বাহান্ || ২. ৩৮. ৪৭||
শরেণ চৈকেন ধ্বজং মহাত্মা চিচ্ছেদ চাপং চ শরদ্বয়েন |
বাণেন চৈকেন প্রসহ্য সারথিং নিপাত্য ভূমৌ রথমার্দ্দয়ত্ত্রিভিঃ || ২. ৩৮. ৪৮||
ত্যক্ত্বা রথং ভূমিগতং চ মঙ্গলং পরশ্বধেনাশু জঘান মূর্দ্ধনি |
স ভিন্নশীর্ষো রুধিরং বমন্মুহুর্মর্চ্ছামবাপ্যাথ মমার চ ক্ষণাৎ || ২. ৩৮. ৪৯||
তৎসৈন্যমস্ত্রেণ চ সংপ্রদগ্ধং বিনাশমায়াদথ ভস্মসাৎক্ষণাৎ |
তস্মিন্নিপতিতে রাজ্ঞি চন্দ্রবংশসমুদ্ভবে || ২. ৩৮. ৫০||
মঙ্গলে নৃপতিশ্রেষ্ঠে রামো হর্ষমুপাগতঃ || ২. ৩৮. ৫১||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যম ভাগে তৃতীয় উপোদ্ধাতপাদে ভার্গবচরিতে অষ্টাত্রিংশত্তমোঽধ্যায়ঃ || ৩৮||

বসিষ্ঠ উবাচ
মৎস্যরাজে নিপতিতে রাজা যুদ্ধবিশারদঃ |
রাজেন্দ্রান্প্রেরয়ামাস কার্ত্তবীর্যো মহাবলঃ || ২. ৩৯. ১||
বৃহদ্বলঃ সোমদত্তো বিদর্ভো মিথিলেশ্বরঃ |
নিষধাধিপতিশ্চৈব মগধাধিপতিস্তথা || ২. ৩৯. ২||
আয়য়ুঃ সমরে যোদ্ধং ভার্গবেদ্রেণ ভূপতে |
বর্ষন্তঃ শরজালানি নানায়ুদ্ধবিশারদাঃ || ২. ৩৯. ৩||
বীরাভিমানিনঃ সর্বে হৈহয়স্যাজ্ঞয়া তদা |
পিনাকহস্তঃ স ভৃগুর্জ্বলদগ্নিশিখোপমঃ || ২. ৩৯. ৪||
চিক্ষেপ নাগপাশং চ আভিমন্ত্র্য শরোত্তমম্ |
তদস্ত্রং ভার্গবে দ্রেণ ক্ষিপ্তং সংগ্রামমূর্দ্ধনি || ২. ৩৯. ৫||
চকর্ত্ত গারুডাস্ত্রেণ সোমদত্তো মহাবলঃ |
ততঃ ক্রুদ্ধো মহাভাগো রামঃ শত্রুবিদারণঃ || ২. ৩৯. ৬||
রুদ্রদত্তেন শূলেন সোমদত্তং জঘান হ |
বৃহদ্বলং চ গদয়া বিদর্ভং মুষ্টিনা তথা || ২. ৩৯. ৭||
মৈথিলং মুদ্গরেণৈব শক্ত্যা চ নিষধাধিপম্ |
মাগধঞ্চরণাঘাতৈরস্ত্রজালেন সৈনিকান্ || ২. ৩৯. ৮||
নিহত্য নিখিলাং সেনাং সংহারাগ্নিসমীরণে |
দুদ্রাব কার্ত্তবীর্যং চ জামদগ্ন্যো মহাবলঃ || ২. ৩৯. ৯||
দৃষ্ট্বা তং যোদ্ধুমায়ান্তং রাজানোঽন্যে মহারথাঃ |
কার্য্যাকার্যবিধানজ্ঞাঃ পৃষ্টে কৃৎবা চ হৈহয়ম্ || ২. ৩৯. ১০||
রামেণ যুয়ুধুশ্চৈব দর্শয়ন্তশ্চ সৌহৃদম্ |
কান্যকুব্জাশ্চ শতশঃ সৌরাষ্ট্রাবন্তয়স্তথা || ২. ৩৯. ১১||
চক্রুশ্চ শরজালানি রামস্য চ সমন্ততঃ |
শরজালাবৃতস্তেষাং রামঃ সংগ্রামমূর্দ্ধনি || ২. ৩৯. ১২||
ন চাদৃশ্যত রাজেন্দ্র তদা স ৎবকৃতব্রণঃ |
সস্মার রামচরিতং যদুক্তং হরিণেন বৈ || ২. ৩৯. ১৩||
কুশলং ভার্গবেন্দ্রস্য যাচমানো হরিং মুনিঃ |
এতস্মিন্নেব কালে তু রামঃ শস্ত্রাস্ত্রকোবিদঃ || ২. ৩৯. ১৪||
বিধূয় শরজালানি বায়ব্যাস্ত্রেণ মন্ত্রবিৎ |
উদতিষ্ঠদ্রণাকাঙ্ক্ষী নীহারাদিব ভাস্করঃ || ২. ৩৯. ১৫||
ত্রিরাত্রং সমরে রামস্তৈঃ সার্দ্ধং যুয়ুধে বলী |
দ্বাদশাক্ষৌহিণীস্তত্র চিচ্ছেদ লঘুবিক্রমঃ || ২. ৩৯. ১৬||
রম্ভাস্তম্ভবনং যদ্বৎ পরশ্বধবরায়ুধঃ |
সর্বাংস্তান্ভূপবর্গাংশ্চ তদীয়শ্চ মহাচমূঃ || ২. ৩৯. ১৭||
দৃষ্ট্বা বিনিহতাং তেন রামেণ সুমহাত্মনা |
আজগাম মহাবীর্যঃ সুচন্দ্রঃ সূর্যবংশজঃ || ২. ৩৯. ১৮||
লক্ষরাজন্যসংযুক্তঃ সপ্তাক্ষৌহিণিসংযুতঃ |
তত্রানেকমহাবীরা গর্জন্তস্তোয়দা ইব || ২. ৩৯. ১৯||
কংপয়ন্তো ভুবং রাজন্ যুয়ুধুর্ভার্গবেণ চ |
তেঃ প্রয়ুক্তানি শস্ত্রাণি মহাস্ত্রাণি চ ভূপতে || ২. ৩৯. ২০||
ক্ষণেন নাশয়ামাস ভার্গবেন্দ্রঃ প্রতাপবান্ |
গৃহীৎবা পরশুং দিব্যং কালাতকয়মোপমম্ || ২. ৩৯. ২১||
কালয়ন্সকলা সেনাং চিচ্ছেদ ভুগুনন্দনঃ |
কর্ষকস্তু যথা ক্ষেত্রে পক্বং ধান্যং তথা তৃণম্ || ২. ৩৯. ২২||
নিশেষয়তি দাত্রেণ তথা রামেণ তৎকৃতম্ |
লক্ষরাজন্যসৈন্যং তদদৃষ্ট্বা রামেণ দারিতম্ || ২. ৩৯. ২৩||
সুচন্দ্রঃ পৃথিবীপালো যুয়ুধে সংগরে নৃপ |
তাবুভৌ তত্র সংক্ষুব্ধৌ নানাশস্ত্রাস্ত্রকোবিদৌ || ২. ৩৯. ২৪||
যুয়ুধাতে মহাবীরৌ মুনীশনৃপতীশ্বরৌ |
রামোঽস্মৈ যানি শস্ত্রাণি চিক্ষেপাস্ত্রাণি চাপি হি || ২. ৩৯. ২৫||
তানি সর্বাণি চিচ্ছেদ সুচন্দ্রো যুদ্ধ পণ্ডিতঃ |
ততঃ ক্রুদ্ধো রণে রামঃ সুচন্দ্রং পৃথিবীশ্বরম্ || ২. ৩৯. ২৬||
কৃতপ্রতিকৃতাভিজ্ঞং জ্ঞাৎবোপস্পৃশ্য বার্যথ |
নারায়ণাস্ত্রং বিশিখে সংদধে চানিবারিতম্ || ২. ৩৯. ২৭||
তদস্ত্রং শতসূর্যাভং ক্ষিপ্তং রামেণ ধীমতা |
হৃষ্টোত্তীর্য রথাৎসদ্যঃ সুচন্দ্রঃ প্রণনাম হ || ২. ৩৯. ২৮||
সর্বাস্ত্রপূজ্যং তচ্চাপি নারায়ণবিনির্মিতম্ |
তমেবং প্রণতং ত্যক্ত্বা যথৌ নারায়মন্তিকম্ || ২. ৩৯. ২৯||
বিস্মিতোঽভূত্তদা রামঃ সমরে শত্রসূদনঃ |
দৃষ্ট্বা ব্যর্থং মহাস্ত্রং তদ্ভূপং স্বস্থং বিলোক্য চ || ২. ৩৯. ৩০||
রামঃ শক্তিং চ মুসলং তোমরং পট্টিশং তথা |
গদাং চ পরশুং কোপাচ্ছিক্ষেপ নৃপমূর্দ্ধনি || ২. ৩৯. ৩১||
জগ্রাহ তানি সর্বাণি সুচন্দ্রো লীলয়ৈব হি |
চিক্ষেপ শিবশূলং চ রামো নৃপতয়ে যদা || ২. ৩৯. ৩২||
বভূব পুষ্পমালাং চ তচ্ছূলং নৃপতের্গলে |
দদর্শ চ পুরস্তস্য ভদ্রকালীং জগৎপ্রসূম্ || ২. ৩৯. ৩৩||
বহন্তীং মুণ্ডমালাং চ বিকটাস্যাং ভয়ঙ্করীম্ |
সিংহস্থাং চ ত্রিনেত্রাং চ ত্রিশূলবরধারিণীম্ || ২. ৩৯. ৩৪||
দৃষ্ট্বা বিহায় শস্ত্রাস্ত্রং নমস্কৃত্য সমৈডত |
রাম উবাচ
নমোস্তু তে শঙ্করবল্লভায়ৈ জগৎসবিত্র্যৈ সমলঙ্কৃতায়ৈ || ২. ৩৯. ৩৫||
নানাবিভূষাভিরিভারিগায়ৈ প্রপন্নরক্ষাবিহিতোদ্যমায়ৈ |
দক্ষপ্রসূত্যৈ হিমবদ্ভবায়ৈ মহেশ্বরার্দ্ধঙ্গসমাস্থিতায়ৈ || ২. ৩৯. ৩৬||
কাল্যৈ কলানাথকলাধরায়ৈ ভক্তপ্রিয়ায়ৈ ভুবনাধিপায়ৈ |
তারাভিধায়ৈ শিবতৎপরায়ৈ গণেশ্বরারাধিতপাদুকায়ৈ || ২. ৩৯. ৩৭||
পরাৎপরায়ৈ পরমেষ্ঠিদায়ৈ তাপত্রয়োন্মূলনচিন্তনায়ৈ |
জগদ্ধিতায়াস্তপুরত্রয়ায়ৈ বালাদিকায়ৈ ত্রিপুরাভিধায়ৈ || ২. ৩৯. ৩৮||
সমস্তবিদ্যাসুবিলাসদায়ৈ জগজ্জনন্যৈ নিহিতাহিতায়ৈ |
বকাননায়ৈ বহুসাখ্যদায়ৈ বিধ্বস্তনানাসুরদান্বায়ৈ || ২. ৩৯. ৩৯||
বরাভয়ালঙ্কৃতদোর্লতায়ৈ সমস্তগীর্বাণনমস্কৃতায়ৈ |
পীতাংবরায়ৈ পবনাশুগায়ৈ শুভপ্রদায়ৈ শিবসংস্তুতায়ৈ || ২. ৩৯. ৪০||
নাগারিগায়ৈ নবখণ্ডপায়ৈ নীলাচলাভাং গলসৎপ্রভায়ৈ |
লঘুক্রমায়ৈ ললিতাভিধায়ৈ লেখাধিপায়ৈ লবণাকরায়ৈ || ২. ৩৯. ৪১||
লোলেক্ষণায়ৈ লয়বর্জিতায়ৈ লাক্ষারসালঙ্কৃতপঙ্কজায়ৈ |
রমাভিধায়ৈ রতিসুপ্রিয়ায়ৈ রোগাপহায়ৈ রচিতাখিলায়ৈ || ২. ৩৯. ৪২||
রাজ্যপ্রদায়ৈ রমণোৎসুকায়ৈ রত্নপ্রভায়ৈ রুচিরাংবরায়ৈ |
নমো নমস্তে পরতঃ পুরস্তাৎ পার্শ্বাধরোর্ধ্বং চ নমো নমস্তে || ২. ৩৯. ৪৩||
সদা চ সর্বত্র নমো নমস্তে নমো নমস্তেঽখিলবিগ্রহায়ৈ |
প্রসীদ দেবেশি মম প্রতিজ্ঞাং পুরা কৃতাং পালয় ভদ্রকালি || ২. ৩৯. ৪৪||
ৎবমেব মাতা চ পিতা ৎবমেব জগত্ত্রয়স্যাপি নমো নমস্তে |
বসিষ্ঠ উবাচ
এবং স্তুতা তদা দেবী ভদ্রকালী তরস্বিনী || ২. ৩৯. ৪৫||
উবাচ ভার্গবং প্রীতা বরদানকৃতোৎসবা |
ভদ্রকাল্যুবাচ
বৎস রাম মহাভাগ প্রীতাস্মি তব সাংপ্রতম্ || ২. ৩৯. ৪৬||
বরং বরয় মত্তো যস্ত্বয়া চাভ্যর্থিতা হৃদি |
রাম উবাচ
মাতর্যদি বরো দেয়স্ত্বয়া মে ভক্তব ৎসলে || ২. ৩৯. ৪৭||
তৎসুচন্দ্রং জয়ে যুদ্ধে তবানুগ্রহভাজনম্ |
ইতি মেঽভিহিতং দেবি কুরু প্রীতেন চেতসা || ২. ৩৯. ৪৮||
যেন কেনাপ্যুপায়েন জগন্মাতর্নমোঽস্তু তে |
ভদ্রকাল্যুবাচ
আগ্নেয়াস্ত্রেণ রাজেন্দ্রং সুচন্দ্রং নয় মদ্গৃহম্ || ২. ৩৯. ৪৯||
মমাতিপ্রিয়মদ্যৈব পার্ষদো মে ভবৎবয়ম্ |
বসিষ্ঠ উবাচ
ইত্যুক্তমাকর্ণ্য স ভার্গবেন্দ্রো দেব্যাঃ প্রিয়ং কর্তুমথোদ্যতোঽভূৎ || ২. ৩৯. ৫০||
প্রাণান্নিয়ম্যাচমনং চ কৃৎবা সুচন্দ্রমুদ্দিশ্য চ তৎসমাদধে |
অস্ত্রং প্রয়ুক্তং নৃপতের্বধায় রামেণ রাজন্ প্রসভং তদা তৎ || ২. ৩৯. ৫১||
দগ্ধ্বা বপুর্ভূতময়ং তদীয়ং নিনায় লোকং পরদেবতায়াঃ |
ততস্তু রামেণ কৃতপ্রণামা সা ভদ্রকালো জগদাদিকর্ত্রী || ২. ৩৯. ৫২||
অন্তর্হিতাভূদথ জামদগ্ন্যস্তস্থৌ রণেভূপবধাভিকাঙ্ক্ষী || ২. ৩৯. ৫৩||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যভাগে তৃতীয় উপোদ্ধাতপাদে ভার্গবচরিতে একোনচৎবারিংশত্তমোঽধ্যায়ঃ || ৩৯||

বসিষ্ঠ উবাচ
সুচন্দ্রে পতিতে রাজন্ রাজেন্দ্রাণাং শিরোমণৌ |
তৎপুত্রঃ পুষ্করাক্ষস্তু রামং যোদ্ধুমথাগতঃ || ২. ৪০. ১||
স রথস্থো মহাবীর্যঃ সর্বশস্ত্রাস্ত্রকোবিদঃ |
অভিবীক্ষ্য রণেত্যুগ্রং রামং কালাতকোপমম্ || ২. ৪০. ২||
চকার শরজালং চ ভার্গবেন্দ্রস্য সর্বতঃ |
মুহূর্ত্তং জামদগ্ন্যোঽপি বাণৈঃ সংঝদিতোঽভবৎ || ২. ৪০. ৩||
ততো নিষ্কম্য সহসা ভার্গবেন্দ্রো মহাবলঃ |
শরবন্ধান্মহারাজ সমুদৈক্ষত সর্বতঃ || ২. ৪০. ৪||
দৃষ্ট্বা তং পুষ্কারাক্ষং তু সুচন্দ্রতনয়ং তদা |
ক্রোধমাহারয়ামাস দিধক্ষন্নিব পাবকঃ || ২. ৪০. ৫||
স ক্রোধেন সমাবিষ্টো বারুণং সমবাসৃজৎ |
ততো মেঘাঃ সমুৎপন্না গর্জন্তো ভৈরবান্নবান্ || ২. ৪০. ৬||
ববৃষুর্জলধারাভিঃ প্লাবয়ন্তো ধরাং নৃপ |
পুষ্করাক্ষো মহাবীর্যো বায়ব্যাস্ত্রুমবাসৃজৎ || ২. ৪০. ৭||
তেন তেঽদর্শনং নীতাঃ সদ্য এব বলাহকাঃ |
অথ রামো ভৃশং ক্রুদ্ধো ব্রাহ্মং তত্রাভিসংদধে || ২. ৪০. ৮||
পুষ্করাক্ষোঽপি তেনৈব বিচকর্ষ মহাবলঃ |
ব্রাহ্ম সোঽপ্যাহিতং দৃষ্ট্বা দণ্ডাহত ইবারগঃ || ২. ৪০. ৯||
ঘোরং পরশুমাদায় নিঃশ্বসংস্তমধাবত |
রামস্যাধাবতস্তত্র পুষ্করাক্ষো ধনুর্ধরঃ || ২. ৪০. ১০||
সংদধে পঞ্চবিশিখান্দীপ্তাস্যানুরগানিব |
একৈকেন চ বাণেন হৃদি শীর্ষে ভুজদ্বয়ে || ২. ৪০. ১১||
শিখায়াং চ ক্রমাদ্ভিত্ত্বা তস্তংভ ভৃশ মাতুরম্ |
স চৈবং পীডীতো রামঃ পুষ্করাক্ষেণ সংযুগে || ২. ৪০. ১২||
ক্ষণং স্থিৎবা ভৃশং ধাবন্পরশুং মূর্ধ্ন্যপতয়াৎ |
শিখামারভ্য পাদান্তং পুথ্করাক্ষং দ্বিধাকরোৎ || ২. ৪০. ১৩||
পতিতে শকলে ভূমৌ তৎকালং পশ্যতা নৃণাম্ |
আশ্চর্যং সুমাহজ্জাতং দিবি চৈব দিবৌ কসাম্ || ২. ৪০. ১৪||
বিদার্য রামস্তং ক্রোধাৎপুষ্করাক্ষ মহাবলম্ |
তৎসৈন্যমদহৎক্রুদ্ধঃ পাবকো বিপিনং যথা || ২. ৪০. ১৫||
যতো যতো ধাবতি ভার্গবেন্দ্রো মনোঽনিলৌজাঃ প্রহরন্পরশ্বধম্ |
ততস্ততো বাজিরথেভমানবা নিকৃত্তগাত্রাঃ শতশো নিপেতুঃ || ২. ৪০. ১৬||
রামেণ তত্রা তিবলেন সংগরে নিহন্যমানাস্তু পরশ্বধেন |
হা তাত মাতস্ত্বিতি জল্পমাংনা ভস্মীবভূবুঃ সুবিচূর্ণিতাস্তদা || ২. ৪০. ১৭||
মুহূর্ত্তমাত্রেণ চ ভার্গবেণ তৎপুষ্করাক্ষস্য বলং সমগ্রম্ |
অনেকরাজন্যকুলং হতেশ্বরং ইতং নবাক্ষৌহিণিকং ভৃশাতুরম্ || ২. ৪০. ১৮||
পতিতে পুষ্করাক্ষে তু কার্ত্তবীর্যার্জুনঃ স্বয়ম্ |
আজগাম মহাবীর্যঃ সুবর্ণরথমাস্থিতঃ || ২. ৪০. ১৯||
নানাশস্ত্রসমাকীর্ণং নানারত্নপরিচ্ছদম্ |
দশনল্বপ্রমাণং চ শতবাজিয়ুতং নৃপঃ || ২. ৪০. ২০||
যুতে বাহুসহস্রেণ নানায়ুধধরেণ চ |
বভৌ স্বর্লোকমারোক্ষ্যন্দেহতি সুকৃতী যথা || ২. ৪০. ২১||
পুত্রাস্তস্য মহাবীর্যাঃ শতং যুদ্ধবিশারদাঃ |
সেনাঃ সংব্যূহ্য সংতস্থুঃ সংগ্রামে পিতুরাজ্ঞয়া || ২. ৪০. ২২||
কার্ত্তবীর্যস্তু বলবান্রামং দৃষ্ট্বা রণাজিরে |
কালান্তকয়মপ্রখ্যং যোদ্ধুং সমুপচক্রমে || ২. ৪০. ২৩||
দক্ষে পঞ্চশতং বাণান্বামে পঞ্চশতং ধনুঃ |
জগ্রা হ ভার্গবেন্দ্রস্য সমরে জেতুমুদ্যতঃ || ২. ৪০. ২৪||
বাণবর্ষং চকারাথ রামস্যোপরি ভূপতে |
যথা বলাহকো বীর পর্বতোপরি বর্ষতি || ২. ৪০. ২৫||
বাণবর্ষেণ নেনাজৌ সৎকৃতো ভৃগুনন্দনঃ |
জগ্রাহ স্বঘনুর্দিব্যং বাণবর্ষং তথাকরোৎ || ২. ৪০. ২৬||
তাবুভৌরণসংদৃপ্তৌ তদা ভার্গবহৈহয়ৌ |
চক্রতুর্যদ্ধমতুলং তুমুলং লোমহর্ষণম্ || ২. ৪০. ২৭||
ব্রহ্মাস্ত্রং চ সভূপালঃ সংদধে রণমূর্দ্ধনি |
বধায় ভার্গবেন্দ্রস্য সর্বশস্ত্রাস্ত্রধৃগবলী || ২. ৪০. ২৮||
রামোঽপি বার্যুপস্পৃশ্য ব্রহ্মং ব্রাহ্ময় সংদধে |
ততো ব্যোম্নি সদা সক্তে দ্বে চাপ্য স্ত্রে নরাধিপ || ২. ৪০. ২৯||
ববৃধাতে জগৎপ্রান্তে তেজসা জ্বলনার্কবৎ |
ত্রয়ো লোকাঃ সপাতালা দৃষ্ট্বা তন্মহদদ্ভুতম্ || ২. ৪০. ৩০||
জ্বলদস্ত্রয়ুগং তপ্তা মেনিরেঽস্যোপসংযমম্ |
রামস্তদা বীক্ষ্য জগৎপ্রণাশং জগন্নিবাসোক্তমথাস্মরত্তদা || ২. ৪০. ৩১||
রক্ষা বিধেয়াদ্য ময়াস্য সংযমো নিবারণীয়ঃ পরমাংশধারিণা |
ইতি ব্যবস্য প্রভুরুগ্রতেজা নেত্রদ্বয়েনাথ তদস্ত্রয়ুগমম্ || ২. ৪০. ৩২||
পীৎবাতিরামং জগদাকলয়্য তস্থৌ ক্ষণং ধ্যানগতো মহাত্মা |
ধ্যানপ্রভাবেণ ততস্তু তস্য ব্রহ্মাস্ত্রয়ুগ্মং বিগতপ্রভাবম্ || ২. ৪০. ৩৩||
পপাত ভূমৌ সহসাথ তৎক্ষণং সর্বং জগৎস্বাস্থ্যমুপাজগাম |
স জামদগ্ন্যো মহাতাং মহীয়ান্স্রষ্টুং তথা পালয়িতুং নিহন্তুম্ || ২. ৪০. ৩৪||
বিভুস্তথাপীহ নিজংপ্রভাবং গোপায়িতুং লোকবিধিং চকার |
ধনুর্দ্ধরঃ শূরতমো মহস্বান্সদগ্রণীঃ সংসদি তথ্যবক্তা || ২. ৪০. ৩৫||
কলাকলাপেষু কৃতপ্রয়ত্নো বিদ্যাসু শাস্ত্রেষু বুধো বিধিজ্ঞঃ |
এবং নৃলোকে প্রথয়ন্স্বভাবং সর্বাণি কল্যানি করোতি নিত্যম্ || ২. ৪০. ৩৬||
সর্বে তু লোকা বিজিতাস্তু তেন রামেণ রাজন্যনিষূদনেন |
এবং স রামঃ প্রথিতপ্রভাবঃ প্রশাময়িৎবা তু তদস্ত্রয়ুগ্মম্ || ২. ৪০. ৩৭||
পুনঃ প্রবৃত্তো নিধনং প্রকর্তুং রণাগণে হৈহয়বংশকেতোঃ |
তুণীরতঃ পত্রিয়ুগং গৃহীৎবা পুঙ্খে নিধায়াথ ধনুর্জ্যকায়াম্ || ২. ৪০. ৩৮||
আলক্ষ্য লক্ষ্যং নৃপকর্ণয়ুগ্মং চকর্ত্ত চূডামণিহর্তুকামঃ |
স কৃত্তকর্ণো নৃপতির্মহাত্মা বিনির্জিতাশেষজগৎপ্রবীরঃ || ২. ৪০. ৩৯||
মেনে নিজং বীর্যমিহ প্রণষ্টং রামেণ ভূমীশতিরস্কৃতাত্মা |
ক্ষণং ধরাধীশতনুর্বিবর্ণা গতানুভাবা নৃপতের্বভূব || ২. ৪০. ৪০||
লেখ্যেব সচ্চিত্রকরপ্রয়ুক্তা সুদীনচিত্তস্য বিলক্ষ্যতেঽগ |
ততঃ স রাজা নিজবীর্যবৈভবং সমস্তলোকাধিকতাং প্রয়াতম্ || ২. ৪০. ৪১||
বিচিন্ত্য পৌলস্ত্যজয়াদিলব্ধং শোচন্নিবাসীৎস জয়াভিকাঙ্ক্ষীং |
দধ্যৌ পুনর্মীলিতলোচনো নৃপৌ দত্তং তমাত্রেয়কুলপ্রদীপম্ || ২. ৪০. ৪২||
যস্য প্রভাবানুগৃহীত ওজসা তিরশ্চকারা খিললোকপালকান্ |
যদাস্য হৃদ্যেষ মহানুভাবো দত্তঃ প্রয়াতো ন হি দর্শনং তদা || ২. ৪০. ৪৩||
খিন্নোঽতিমাত্রং ধরণীপতিস্তদা পুনঃ পুনর্ধ্যানপথং জগাম |
স ধ্যায়মানোঽপি ন চাজগাম দত্তো মনোগোচরমস্য রাজন্ || ২. ৪০. ৪৪||
তপস্বিনো দান্ততমস্য সাধোরনাগসো দুষ্কৃতিকারিণো বিভুঃ |
এবং যদাত্রেস্তনয়ো মহাত্মা দৃষ্টো ন চ ধ্যানপথে নৃপেণ || ২. ৪০. ৪৫||
তদাতিদুঃ খেন বিদূয়মানঃ শোকেন মোহেন যুতো বভূব |
তং শোকমগ্নং নৃপতিং মহাত্মা রামো জগাদাখিলচিত্তদর্শী || ২. ৪০. ৪৬||
মা শোকভাবং নৃপতে প্রয়াহি নৈবানুশোচন্তি মহানুভাবাঃ |
যস্তে বরায়াভবমাদিসর্গে স এব চাহং তংব সাদনায় || ২. ৪০. ৪৭||
সমাগতস্ত্বং ভবধীরচিত্তঃ সংগ্রামকালে ন বিষাদচর্চা |
সর্বো হি লোকঃ স্বকৃতং ভুনক্তি শুভাশুভং দৈবকৃতং বিপাকে || ২. ৪০. ৪৮||
অন্যোনকোঽপ্যস্য শুভাশুভস্য বিপর্যয়ং কর্তুমলং নরেশ |
যত্তে সুপুণ্যং বহুজন্মসংচিতং তেনেহ দত্তস্য বরার্হপাত্রম্ || ২. ৪০. ৪৯||
জাতো ভবানদ্য তু দুষ্কৃতস্য ফলং প্রভুঙ্ক্ষ্ব ৎবমিহার্জিতস্য |
গুরুর্বিমত্যাপকৃতস্ত্বয়া মে যতস্ততঃ কর্ণনিকৃন্তনং তে || ২. ৪০. ৫০||
কৃতং ময়া পশ্য হরন্তমোজসা চূডামণিং মামপৎদৃত্য তে যশঃ |
ইত্যেবমুক্ত্বা স ভৃগুর্মহাত্মা নিয়োজ্য বাণং চ বিকৃষ্য চাপম্ || ২. ৪০. ৫১||
চিক্ষেপ রাজ্ঞঃ স তু লাঘবেন চ্ছিত্ত্বা মণিং রামমমুপাজগাম |
তদ্বীক্ষ্য কর্মাস্য মুনেঃ সুতস্য স চার্জুনো হৈহয়বংশধর্ত্তা || ২. ৪০. ৫২||
সমুদ্যতোঽভূৎপুনরপ্যুদায়ুধস্তং হন্তুমাজৌ দ্বিজমাত্মশত্রুম্ |
শূলশক্তিগদাচক্রখঢ্গপট্টিশতোমরৈঃ || ২. ৪০. ৫৩||
নানাপ্রহরণৈশ্চান্যৈরাজঘান দ্বিজাত্মজম্ |
স রামো লাঘবেনৈব সংপ্রক্ষিপ্তান্যনেন চ || ২. ৪০. ৫৪||
শূলাদীনি চকর্ত্তাশু মধ্য এব নিজাশুগৈঃ |
স রাজা বার্যুপস্পৃশ্য সসর্জাগ্নেয়মুত্তমম্ || ২. ৪০. ৫৫||
অস্ত্রং রামো বারুণেন শময়ামাস সৎবরম্ |
গান্ধর্বং বিদধে রাজা বায়ব্যেনাহনদ্বিভুম্ || ২. ৪০. ৫৬||
নাগাস্ত্রং গারুডেনাপি রামশ্চিচ্ছেদ ভূপতে |
দত্তেন দত্তং যচ্ছূলমব্যর্থং মন্ত্রপূর্বকম্ || ২. ৪০. ৫৭||
জগ্রাহ সমরে রাজা ভার্গবস্য বধায় চ |
তচ্ছূলং শতসূর্যাভমনিবার্যং সুরাসুরৈঃ || ২. ৪০. ৫৮||
চিক্ষেপ রামমুদ্দিশ্য সমগ্রেণ বলেন সঃ |
মূর্ধ্নি তদ্ভার্গবস্যাথ নিপপাত মহীপতে || ২. ৪০. ৫৯||
তেন শূলপ্রহারেণ ব্যথিতো ভার্গবস্তদা |
মূর্চ্ছামবাপ রাজেন্দ্র পপাত চ হরিং স্মরন্ || ২. ৪০. ৬০||
পতিতে ভার্গবে তত্র সর্বে দেবা ভয়াকুলাঃ |
সমাজগ্মুঃ পুরস্কৃত্য ব্রহ্মবিষ্ণুমহেশ্বরান্ || ২. ৪০. ৬১||
শঙ্করস্তু মহাজ্ঞানী সাক্ষান্মৃত্যুঞ্জয়ঃ প্রভুঃ |
ভার্গবং জীবয়ামাস সংজীবন্যা স বিদ্যয়া || ২. ৪০. ৬২||
রামস্তু চেতনাং প্রাপ্য দদর্শ পুরতঃ সুরান্ |
প্রণনাম চ রাজেন্দ্র ভক্ত্যা ব্রহ্মাদিকাংস্তু তান্ || ২. ৪০. ৬৩||
তে স্তুতা ভার্গবেন্দ্রেণ সদ্যোঽদর্শনমাগতাঃ |
স রামো বার্যুস্পৃশ্য জজাপ কবচং তু তৎ || ২. ৪০. ৬৪||
উত্থিতশ্চ সুসংরব্ধো নির্দহন্নিব চক্ষুষা |
স্মৃৎবা পাশুপতং চাস্ত্রং শিবদত্তং স ভার্গবঃ || ২. ৪০. ৬৫||
সদ্যঃ সংহৃতবাংস্তত্তু কার্ত্তবীর্যং মহাবলম্ |
স রাজা দত্তভক্তস্তু বিষ্ণোশ্চক্রং সুদর্শনম্ |
প্রবিষ্টো ভস্মসাজ্জাতং শরীরং বাহুনন্দন || ২. ৪০. ৬৬||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয় উপোদ্ধাতপাদে ভার্গবচরিতে কার্ত্তবীর্যবধো নাম চৎবারিংশত্তমোঽধ্যায়ঃ || ৪০||