২.০১ ব্রহ্মাণ্ডমহাপুরাণং – মধ্যভাগ (অধ্যায় ০১-০৫)

Brahmanda Purana
Part 2 (74 Adhyayas)
[verses 2.70.3 to 49 not available at present]

শ্রীগণেশায় নমঃ
অথ ব্রহ্মাণ্ডমহাপুরাণমধ্যভাগপ্রারম্ভঃ |
শাংশপায়ন উবাচ
পাদঃ শেক্তো দ্বিতীয়স্তু অনুষঙ্গেন নস্ত্বয়া |
তৃতীয়ং বিস্তরাৎপাদং সোপোদ্ধাতং প্রবর্ত্তয় || ২. ১. ১||
সূত উবাচ
কীর্ত্তয়িষ্যে তৃতীয়ং বঃ সোপোদ্ধাতং সবিস্তরম্ |
পাদং সমুচ্চয়াদ্বিপ্রা গদতো মে নিবোধত || ২. ১. ২||
মনোর্বৈবস্বতস্যেমং সাংপ্রতং তু মহাত্মনঃ |
বিস্তরেণানুপূর্ব্যা চ নিসর্গং শৃণুত দ্বিজাঃ || ২. ১. ৩||
চতুর্যুগৈকস প্তত্যা সংখ্যাতং পূর্বমেব তু |
মহ দেবগণৈশ্চৈব ঋষিভির্দানবৈস্সহ || ২. ১. ৪||
পিতৃগন্ধর্বয়ক্ষৈশ্চ রক্ষোভূতমহোরগৈঃ |
মানুষৈঃ পশুভিশ্চৈব পক্ষিভিঃ স্থাবরৈঃ সহ || ২. ১. ৫||
মন্বাদিকং ভবিষ্যান্তমাখ্যানৈর্বহুভির্যুতম্ |
বক্ষ্যে বৈবস্বতং সর্গং নমস্কৃত্য বিবস্বতে || ২. ১. ৬||
আদ্যে মন্বন্তরেঽতীতাঃ সর্গপ্রাবর্ত্তকাস্তু যে |
স্বায়ংভুবেংঽতরে পূর্বং সপ্তাসন্যে মহর্ষয়ঃ || ২. ১. ৭||
চাক্ষুষস্যান্তরেঽতীতে প্রাপ্তে বৈবস্বতে পুনঃ |
দক্ষস্য চ ঋষীণাং চ ভৃগ্বাদীনাং মহৌজসাম্ || ২. ১. ৮||
শাপান্মহেশ্বরস্যাসীৎপ্রাদুর্ভাবো মহাত্মনাম্ |
ভূয়ঃ সপ্তর্ষয়স্ত্বেবমুৎপন্নাঃ সপ্ত মানসাঃ || ২. ১. ৯||
পুত্রৎবে কল্পিতাশ্চৈব স্বয়মেব স্বয়ংভুবা |
প্রজাসংতানকৃদ্ভিস্তৈরুৎপদদ্ভির্মহাত্মভিঃ || ২. ১. ১০||
পুনঃ প্রবর্ত্তিতঃ সর্গো যথাপূর্বং যথাক্রমম্ |
তেষাং প্রসূতিং বক্ষ্যামি বিশুদ্ধজ্ঞানকর্মণাম্ || ২. ১. ১১||
সমাসব্যাসয়োগাভ্যাং যথাবদনুপূর্বশঃ |
যেষামন্বয়সংভূতৈলর্ একোঽযং সচরাচরঃ |
পুনরাপূরিতঃ সর্বো গ্রহনক্ষত্রমণ্ডিতঃ || ২. ১. ১২||
ঋষয় ঊচুঃ
কথং সপ্তর্ষয়ঃ পূর্বমুৎপন্নাঃ সপ্ত মনসাঃ |
পুত্রৎবে কল্পিতাশ্চৈব তন্নো নিগদ সত্তম || ২. ১. ১৩||
সূত উবাচ
পূর্বং সপ্তর্ষয়ঃ প্রোক্তা যে বৈ স্বায়ংভুবেংঽতরে |
মনোরন্তরমাসাদ্য পুনর্বৈবস্বতং কিল || ২. ১. ১৪||
ভবাভিশাপ সংবিদ্ধা অপ্রাপ্তাস্তে তদা তপঃ |
উপপন্না জনে লোকে সকৃদাগমনাস্তু ত || ২. ১. ১৫||
ঊচুঃ সর্বে সদান্যোন্যং জনলোকে মহার্ষয়ঃ |
এত এব মহাভাগা বরুণে বিততেঽধ্বরে || ২. ১. ১৬||
সর্বে বয়ং প্রসূয়ামশ্চাক্ষুষস্যান্তরে মনোঃ |
পিতামহাত্মজাঃ সর্বে তন্নঃ শ্রেয়ো ভবিষ্যতি || ২. ১. ১৭||
এবমুক্ত্বা তু তে সর্বে চাক্ষুষস্যান্তরে মনোঃ |
স্বায়ংভুবেন্তরে প্রাপ্তাঃ সৃষ্ট্যর্থং তে ভবেন তু || ২. ১. ১৮||
জজ্ঞিরে হ পুনস্তে বৈ জনলোকাদিহাগতাঃ |
দেবস্য মহতো যজ্ঞে বারুণীং বিভ্রতস্তনুম্ || ২. ১. ১৯||
ব্রহ্মণো জুহ্বতঃ শুক্রমগ্রৌ পূর্বং প্রজেপ্সয়া |
ঋষয়ো জজ্ঞিরে দীর্ঘে দ্বিতীয়মিতি নঃ শ্রুতম্ || ২. ১. ২০||
ভৃগ্বঙ্গিরা মরীচিশ্চ পুলস্ত্যঃ পুলহঃ ক্রতুঃ |
অত্রিশ্চৈব বসিষ্ঠশ্চ হ্যষ্টৌ তে ব্রহ্মণঃ সুতাঃ || ২. ১. ২১||
তথাস্য বিততে যজ্ঞে দেবাঃ সর্বে সমাগতাঃ |
যজ্ঞাঙ্গানি চ সর্বাণি বষঠ্কারশ্চ মূর্ত্তিমান্ || ২. ১. ২২||
মূর্ত্তিমন্তি চ সামানি যজূংষি চ সহস্রশঃ |
ঋগ্বেদশ্চাভবত্তত্র যশ্চ ক্রমবিভূষিতঃ || ২. ১. ২৩||
যজুর্বেদশ্চ বৃত্তাঢ্য ওঙ্কারবদনোজ্জ্বলঃ |
স্থিতো যজ্ঞার্থসংপৃক্তঃ সূক্তব্রাহ্মণমন্ত্রবান্ || ২. ১. ২৪||
সামবেদশ্চ বৃত্তাঢ্যঃ সর্বগেয়পুরঃ সরঃ |
বিশ্বাবস্বাদিভিঃ সার্দ্ধং গন্ধর্বৈঃ সংভৃতোঽভবৎ || ২. ১. ২৫||
ব্রহ্মবেদস্তথা ঘোরৈঃ কৃৎবা বিধিভিরন্বিতঃ |
প্রত্যঙ্গিরসয়োগৈশ্চ দ্বিশরীরশিরোঽভবৎ || ২. ১. ২৬||
লক্ষণা বিস্তরাঃ স্তোভা নিরুক্তস্বর ভক্তয়ঃ |
আশ্রয়স্তু বষট্কারো নিগ্রহপ্রগ্রহাবপি || ২. ১. ২৭||
দীপ্তিমূর্ত্তিরিলাদেবী দিশশ্চসদিগীশ্বরাঃ |
দেবকন্যাশ্চ পত্ন্যশ্চ তথা মাতর এব চ || ২. ১. ২৮||
আয়য়ুঃ সর্ব এবৈতে দেবস্য যজতো মখে |
মূর্তিমন্তঃ সুরূপাখ্যা বরুণস্য বপুর্ভৃতঃ || ২. ১. ২৯||
স্বয়ংভু বস্তু তা দৃষ্ট্বা রেতঃ সমপতদ্ভুবি |
ব্রহ্মর্ষিভাবিনোর্ঽথস্য বিধানাচ্চ ন সংশয়ঃ || ২. ১. ৩০||
ধৃৎবা জুহাব হস্তাভ্যাং স্রুবেণ পরিগৃহ্য চ |
আস্রবজ্জুহুয়াং চক্রে মন্ত্রবচ্চ পিতামহঃ || ২. ১. ৩১||
ততঃ স জনয়ামাস ভূতগ্রামং প্রজাপতিঃ |
তস্যার্বাক্তেজসশ্চৈব জজ্ঞে লোকেষু তৈজসম্ || ২. ১. ৩২||
তমসা ভাবি যাপ্যৎবং যথা সত্ত্বং তথা রজঃ |
আজ্যস্থাল্যামুপাদায় স্বশুক্রং হুতবাংশ্চ হ || ২. ১. ৩৩||
শুক্রে হু তেঽথ তস্মিংস্তু প্রাদুর্ভূতা মহর্ষয়ঃ |
জ্বলন্তো বপুষা যুক্তাঃ সপ্রভাবৈঃ স্বকৈর্গুণৈঃ || ২. ১. ৩৪||
হুতে চাগ্নৌ সকৃচ্ছুক্রে জ্বালায়া নিসৃতঃ কবিঃ |
হিরণ্যগর্ভস্তং দৃষ্ট্বা জ্বালাং ভিত্ত্বা বিনির্গতম্ || ২. ১. ৩৫||
ভৃগুস্ত্বমিতি চোবাচ যস্মাত্তস্মাৎস বৈ ভৃগুঃ |
মহাদেবস্তথোদ্ভূতো দৃষ্ট্বা ব্রহ্মাণমব্রবীৎ || ২. ১. ৩৬||
মমৈষ পুত্রকামস্য দীক্ষিতস্য ৎবয়া প্রভো |
বিজজ্ঞে প্রথমং দেব মম পুত্রো ভবৎবয়ম্ || ২. ১. ৩৭||
তথেতি সমনুজ্ঞাতো মহাদেবঃ স্বয়ংভুবা |
পুত্রৎবে কল্পয়ামাস মহাদেব স্তদা ভৃগুম্ || ২. ১. ৩৮||
বারুণা ভৃগবস্তস্মাত্তদপত্যং চ স প্রভুঃ |
দ্বিতীয়ং চ ততঃ শুক্রমঙ্গারেষ্বজুহোৎপ্রভুঃ || ২. ১. ৩৯||
অঙ্গারেষ্বঙ্গিরোঽঙ্গানি সংহতানি ততোঙ্গিরাঃ |
সংভূতিং তস্য তাং দৃষ্ট্বা বহ্নির্ব্রহ্মাণমব্রবীৎ || ২. ১. ৪০||
রেতোধাস্তুভ্যমেবাহং দ্বিতীয়োঽযং মমাস্ত্বিতি |
এবমস্ত্বিতি সোঽপ্যুক্তো ব্রহ্মণা সদসস্পতিঃ || ২. ১. ৪১||
জগ্রা হাগ্নিস্ত্বঙ্গিরস আগ্নেয়া ইতি নঃ শ্রুতম্ |
ষট্ কৃৎবা তু পুনঃ শুক্রে ব্রহ্মণা লোককারিণা || ২. ১. ৪২||
হুতে সমভবংস্তস্মিন্যদ্ ব্রহ্মাণ ইতি শ্রুতিঃ |
মরীচিঃ প্রথমং তত্র মরীচিভ্যঃ সমুত্থিতঃ || ২. ১. ৪৩||
ক্রতৌ তস্মিন্ক্রতুর্জজ্ঞে যতস্তস্মাৎস বৈ ক্রতুঃ |
অহং তৃতীয় ইত্যত্রিস্তস্মাদত্রিঃ স কীর্ত্যতে || ২. ১. ৪৪||
কেশৈস্তু নিচিতৈর্ভূতঃ পুলস্ত্যস্তেন স স্মৃতঃ |
কেশৈর্লংবৈঃ সমুদ্ভূতস্তস্মাৎস পুলহঃ স্মৃতঃ || ২. ১. ৪৫||
বসুমধ্যাৎসমুৎপন্নো বশী চ বসুমান্ স্বয়ম্ |
বসিষ্ঠ ইতি তত্ত্বজ্ঞৈঃ প্রোচ্যতে ব্রহ্মবাদিভিঃ || ২. ১. ৪৬||
ইত্যেতে ব্রহ্মণঃ পুত্রা মানসাঃ ষণ্মহর্ষয়ঃ |
লোকস্য সন্তানকরা যৈরিমা বর্দ্ধিতাঃ প্রজাঃ || ২. ১. ৪৭||
প্রজাপতয় ইত্যেবং পঠ্যন্তে ব্রহ্মণঃসুতাঃ |
অপরে পিতরো নাম এতৈরেব মহর্ষিভিঃ || ২. ১. ৪৮||
উৎপাদিতা দেবগণাঃ সপ্ত লোকেষু বিশ্রুতাঃ |
অজেয়াশ্চ গণাঃ সপ্ত সপ্তলোকেষু বিশ্রুতাঃ || ২. ১. ৪৯||
মারীয়া ভার্গবাশ্চৈব তথৈবাঙ্গিরসোঽপরে |
পৌলস্ত্যাঃ পৌলহাশ্চৈব বাসিষ্ঠাশ্চৈব বিশ্রুতাঃ || ২. ১. ৫০||
আত্রেয়াশ্চ গণাঃ প্রোক্তা পিৎৠণাং লোকবর্দ্ধনাঃ |
এতে সমাসতঃ খ্যাতাঃ পুনরন্যে গণাস্ত্রয়ঃ || ২. ১. ৫১||
অমর্ত্তাশ্চাপ্রকাশাশ্চ জ্যোতিষ্মন্তশ্চ বিশ্রুতাঃ |
তেষাং রাজায়মো দেবো যমৈর্বিহতকল্মষঃ || ২. ১. ৫২||
অপরং প্রজানাং যতয়স্তাঞ্ছৃমুধ্বমতন্দ্রিতাঃ |
কশ্যপঃ কর্দমঃ শেষো বিক্রান্তঃ সুশ্রবাস্তথা || ২. ১. ৫৩||
বহুপুত্রঃ কুমারশ্চ বিবস্বান্স শুচিব্রতঃ |
প্রচেতসোরিষ্টনেমির্বহুলশ্চ প্রজাপতিঃ || ২. ১. ৫৪||
ইত্যেবমাদয়োঽন্যেঽপি বহবো বৈ প্রজেশ্বরাঃ |
কুশোচ্চয়া বালখিল্যাঃ সভূতাঃ পরমর্ষয়ঃ || ২. ১. ৫৫||
মনোজবাঃ সর্বগতাঃ সর্বভোগাশ্চ তেঽভবন্ |
জাতাশ্চ ভস্মনো হ্যন্যে ব্রহ্মর্ষিগণসংমতাঃ || ২. ১. ৫৬||
বৈখানসা মুনিগণাস্তপঃ শ্রুতপরায়ণাঃ |
নস্তো দ্বাবস্য চোৎপন্নাবশ্বিনৌ রূপসংমতৌ || ২. ১. ৫৭||
বিদুর্জন্মর্ক্ষরজসো তথা তন্নেত্রসংচরাৎ |
অন্যে প্রজানাং পতয়ঃ শ্রোতোভ্যস্তস্য জজ্ঞিরে || ২. ১. ৫৮||
ঋষয়ো রোমকূপেভ্যস্তথা স্বেদমলোদ্ভবাঃ |
অয়নে ঋতবো মাসর্দ্ধমাসাঃ পক্ষসংধয়ঃ || ২. ১. ৫৯||
বৎসরা যে ৎবহোরাত্রাঃ পিত্তং জ্যোতিশ্চ দারুণম্ |
রৌদ্রং লোহিতমিত্যাহুর্লোহিতং কনকং স্মৃতম্ || ২. ১. ৬০||
তত্তৈজসমিতি প্রোক্তং ধূমাশ্চ পশবঃ স্মৃতাঃ |
যেঽর্চিষস্তস্য তে রুদ্রাস্তথাদিত্যাঃ সমৃদ্গতাঃ || ২. ১. ৬১||
অঙ্গারেভ্যঃ সমুৎপন্না অর্চিষো দিব্যমানুষাঃ |
আদিভূতোঽস্য লোকস্য ব্রহ্মা ৎবং ব্রহ্মসংভবঃ || ২. ১. ৬২||
সর্বকামদমিত্যাহুস্তথা বাক্যমুদাহরন্ |
ব্রহ্মা সুরগুরুস্তত্র ত্রিদশৈঃ সংপ্রসাদিতঃ || ২. ১. ৬৩||
ইমেবৈ জনয়িষ্যন্তি প্রজাঃ সর্বাঃ প্রচেশ্বরাঃ |
সর্বে প্রজানাং পতয়ঃ সর্বে চাপি তপস্বিনঃ || ২. ১. ৬৪||
ৎবৎপ্রসাদাদিমাংল্লোকান্ধারয়েয়ুরিমাঃ ক্রিয়াঃ |
ৎবদ্বংশবর্দ্ধনাঃ শশ্বত্তব তেজোবিবর্দ্ধনাঃ || ২. ১. ৬৫||
ভবেয়ুর্বেদবিদ্বাংসঃ সর্বে বাক্পতয়স্তথা |
বেদমন্ত্রধরাঃ সর্বে প্রজাপতিসমুদ্ভবাঃ || ২. ১. ৬৬||
শ্রয়ন্তু ব্রহ্মসত্যং তু তপশ্চ পরমং ভুবি |
সর্বে হি বয়মেতে চ তবৈব প্রসবঃ প্রভো || ২. ১. ৬৭||
ব্রহ্ম চ ব্রহ্মাণাশ্চৈব লোকশ্চৈব চরাচরাঃ |
মরীচিমাদিতঃ কৃৎবা দেবাশ্চ ঋষিভিঃ সহ || ২. ১. ৬৮||
অপত্যানীতি সংচিন্ত্য তেঽপত্যে কাময়ামহে |
তস্মিন্ যজ্ঞে মহাভাগা দেবাশ্চ ঋষয়শ্চ যে || ২. ১. ৬৯||
এতে ৎবদ্বংশসংভূতাঃ স্থানকালাভিমানিনঃ |
তব তেনৈব রূপেণ স্থাপয়েয়ুরিমাঃ প্রজাঃ || ২. ১. ৭০||
যুগাদিনিধনাশ্চাপি স্থাপয়ন্তু ইতি দ্বিজাঃ |
ততোঽব্রবীল্লোকগুরুঃ পরমিত্যভিধার যন্ || ২. ১. ৭১||
এতদেব বিনিশ্চিত্য ময়া সৃষ্টা ন সংশয়ঃ |
ভবতাং বংশসংভূতাঃ পুনরেতে মহর্ষয়ঃ || ২. ১. ৭২||
তেষাং ভৃগোঃ কীর্ত্তয়িষ্যে বংশং পূর্বং মহাত্মনঃ |
বিস্তরেণানুপূর্ব্যা চ প্রথমস্য প্রজাপতেঃ || ২. ১. ৭৩||
ভার্যে ভৃগোরপ্রতিমে উত্তমাভিজনে শুভে |
হিরণ্যকশিপো কন্যা দিব্যা নাম পরিশ্রুতা || ২. ১. ৭৪||
পুলোম্নশ্চব পৌলোমী দুহিতা বরবর্ণিনী |
ভৃগোস্ত্বজনয়দ্দিব্যা পুত্রং ব্রহ্মবিদাং বরম্ || ২. ১. ৭৫||
দেবাসুরাণামাচার্যং শুক্রং কবিবরং গ্রহম্ |
শুক্র এবোশনা নিত্যমতঃ কাব্যোঽপি নামতঃ || ২. ১. ৭৬||
পিৎৠণাং মানসী কন্যা সোমপানাং যশস্বিনী |
শুক্রস্য ভার্যা গৌর্নাম বিজজ্ঞে চতুরঃ সুতান্ || ২. ১. ৭৭||
ৎবষ্টা চৈব বরত্রী চ শণ্ডামকারৈ চ তাবুভৌ |
তেজসাদিত্যসংকাশা ব্রহ্মকল্পাঃ প্রভাবতঃ || ২. ১. ৭৮||
রজতঃ পৃথুরশ্মিশ্চ বিদ্বান্যশ্চ বৃহঙ্গিরাঃ |
বরত্রিণঃ সুতা হ্যেতে ব্রহ্মিষ্ঠা দৈত্যয়াজকাঃ || ২. ১. ৭৯||
ইজ্যাধর্মবিনাশার্থং মনুমেত্যাভ্যয়াজয়ন্ |
নিরস্যমানং বৈ ধর্মং দৃষ্ট্বেন্দ্রো মনুমাব্রবীৎ || ২. ১. ৮০||
এতৈরেব তু কামং ৎবাং প্রাপয়িষ্যামি যাজনম্ |
শ্রুৎবেন্দ্রস্য তু তদ্বাক্যং তস্মাদ্দেশাদপাক্রমন্ || ২. ১. ৮১||
তিরোভূতেষু তেষ্বিন্দ্রো মনুপত্নীমচেতনাম্ |
গ্রহেণ মোচয়িৎবা চ ততশ্চানুসসার তাম্ || ২. ১. ৮২||
তত ইন্দ্রবিনাশায় যতমানান্মুনীংস্তু তান্ |
তানাগতান্পুনর্দৃষ্ট্বা দুষ্টানিন্দ্রো বিহস্য তু || ২. ১. ৮৩||
ততস্তা নদহৎক্রুদ্ধো বেদ্যর্দ্ধে দক্ষিণে ততঃ |
তেষাং তু ধৃষ্যমাণানাং তত্র শালাবৃকৈঃ সহ || ২. ১. ৮৪||
শীর্ষাণি ন্যপতংস্তানি খর্জূরা হ্যভবংস্ততঃ |
এবং বরত্রিণঃ পুত্রা ইন্দ্রেণ নিহতাঃ পুরা || ২. ১. ৮৫||
জয়ন্ত্যাং দেবয়ানী তু শুক্রস্য দুহিতাভবৎ |
ত্রিশিরা বিশ্বরূপস্তু ৎবষ্টুঃ পুত্রোঽভবন্মহান্ || ২. ১. ৮৬||
যশোধরায়ামুৎপন্নো বৈরোচন্যাং মহায়শাঃ |
বিশ্বরূপানুজশ্চৈব বিশ্বকর্মা চ যঃ স্মৃতঃ || ২. ১. ৮৭||
ভৃগোস্তু ভৃগবো দেবা জজ্ঞিরে দ্বাদশাত্মজাঃ |
দিব্যানুসুষুবে কন্যা কাব্যস্যৈবানুজা প্রভোঃ || ২. ১. ৮৮||
ভুবনোভাবনশ্চৈব অন্ত্যশ্চান্ত্যায়নস্তথা |
ক্রতুঃ শুচিঃ স্বমূর্দ্ধা চ ব্যাজশ্চ বসুদশ্চ যঃ || ২. ১. ৮৯||
প্রভবশ্চাব্যয়শ্চৈব দ্বাদশোঽধিপতিঃ স্মৃতঃ |
ইত্যেতে ভৃগবো দেবাঃ স্মৃতা দ্বাদশ যজ্ঞিয়াঃ || ২. ১. ৯০||
পৌলোম্যজনয়ৎপুত্রং ব্রহ্মিষ্ঠং বশিনং দ্বিজম্ |
ব্যাদিতঃ সোঽষ্টমে মাসিগর্ভঃ ক্রূরেণ রক্ষসা || ২. ১. ৯১||
চ্যবনাচ্চ্যবনঃ সোঽথ চেতনাত্তু প্রচেতনঃ |
প্রচেতাঃ শ্চ্যবনঃ ক্রোধাদ্দগ্ধবান্পুরুষাদকান্ || ২. ১. ৯২||
জনয়ামাস পুত্রৌ দ্বৌ সুকন্যায়াং সভার্গবঃ |
আপ্রবানং দধীচং চ তাবুভৌ সাধুসংমতৌ || ২. ১. ৯৩||
সারস্বতঃ সরস্বত্যাং দধীচস্যোদপদ্যত |
ঋচী পত্নী মহাভাগা অপ্রবানস্য নাহুষী || ২. ১. ৯৪||
তস্যামৌর্ব ঋষির্জজ্ঞে ঊরুং ভিত্তবা মহায়শাঃ |
ঔর্বস্যাসীদৃচীকস্তু দীপ্তোঽগ্নিসমতেজসা || ২. ১. ৯৫||
জমদগ্নিরৃচীকস্য সত্যবত্যামজায়ত |
ভৃগোশ্চরুবিপর্যাসে রৌদ্রবৈষ্ণবয়ৌঃ পুরা || ২. ১. ৯৬||
জমনাদ্বৈষ্মবস্যাগ্নের্জমদগ্নিরজায়ত |
রেণুকাজমদগ্নেশ্চ শক্রতুল্যপরাক্রমম্ || ২. ১. ৯৭||
ব্রহ্মক্ষত্রময়ং রামং সুষুবেঽমিততেজসম্ |
ওর্বস্যাসীৎপুত্রশতং জমদগ্নিপুরোগমম্ || ২. ১. ৯৮||
তেষাং পুত্র সহস্রাণি ভার্গবাণাং পরস্পরাৎ |
ঋষ্যতরেষু বৈ বাহ্যা বহবো ভার্গবাঃ স্মৃতাঃ || ২. ১. ৯৯||
বৎসা বিদা আর্ষ্টিষেণা যস্কা বৈন্যাশ্চ শৌনকাঃ |
মিত্রেয়ুঃ সপ্তমা হ্যেতে পক্ষা জ্ঞেয়াস্তু ভার্গবাঃ || ২. ১. ১০০||
শৃণুতাঙ্গিরসো বংশমগ্নেঃ পুত্রস্য ধীমতঃ |
যস্যান্ববায়ে সংভূতা ভারদ্বাজাঃ সগৌতমাঃ || ২. ১. ১০১||
দেবাশ্চাঙ্গিরসো মুখ্যাস্ত্ত্বিষিমন্তো মহৌজসঃ |
সুরূপা চৈব মারীচী কার্দমী চ তথা স্বরাট্ || ২. ১. ১০২||
পথ্যা চ মানবী কন্যা তিস্রো ভার্যা হ্যথর্বণঃ |
অথর্বণস্তু দায়াদাস্তাসু জাতাঃ কুলোদ্বহাঃ || ২. ১. ১০৩||
উৎপন্না মহতা চৈব তপসা ভাবিতাত্মনঃ |
বৃহস্পতিং সুরূপায়াং গৌতমং সুষুবে স্বরাট্ || ২. ১. ১০৪||
অয়াস্যং বামদেবং চ উতথ্যমুশিতিং তথা |
ধৃষ্ণিঃ পুত্রস্তু পথ্যায়াঃ সংবর্ত্তশ্চৈব মানসঃ || ২. ১. ১০৫||
কিতবশ্চাপ্যয়াস্যস্য শরদ্বাংশ্চপ্যুতথ্যজঃ |
অথোশিজো দীর্ঘতমা বৃহদুক্থো বামদেবজঃ || ২. ১. ১০৬||
ধৃষ্ণেঃ পুত্রঃ সুধন্বা তু ঋষভশ্চ সুধন্বনঃ |
রথকারাঃ স্মৃতা দেবা ঋভবো যে পরিশ্রুতাঃ || ২. ১. ১০৭||
বৃহস্পতের্ভরদ্বাজো বিশ্রুতঃ সুমহায়শাঃ |
বৃহস্পতিং সুরূপায়াং গৌতমং সুষুবে স্বরাট্ || ২. ১. ১০৮||
ঔরসাংগিরসঃ পুত্রাঃ সুরূপায়াং বিজজ্ঞিরে |
আধার্যায়ুর্দ্দনুর্দক্ষো দমঃ প্রাণস্ত থৈব চ || ২. ১. ১০৯||
হবিষ্যাংশ্চ হবিষ্ণুশ্চ ঋতঃ সত্যশ্চ তে দশ |
অয়াস্যাশ্চপ্যুতথ্যাশ্চ বামদেবাস্তথৌশিজাঃ || ২. ১. ১১০||
ভারদ্বাজাঃ সাংকৃতয়ো গর্গাঃ কণ্বরথীতরাঃ |
মুদ্গলা বিষ্ণুবৃদ্ধাশ্চ হরিতাঃ কপয়স্তথা || ২. ১. ১১১||
তথা রূক্ষভরদ্বাজা আর্ষভাঃ কিতবস্তথা |
এতে চাঙ্গিরসাং পক্ষা বিজ্ঞেয়া দশ পঞ্চ চ || ২. ১. ১১২||
ঋষ্যন্তরেষু বৈ বাহ্যা বহবোঙ্গিরসঃ স্মৃতাঃ |
মরীচেরপি বক্ষ্যামি ভেদ মুত্তমপূরুষম্ || ২. ১. ১১৩||
যস্যান্ববায়ে সংভূতং জগৎস্থাবরজঙ্গমম্ |
মরীচিরাপশ্চকমে নাভিধ্যায়ন্প্রজেপ্সয়া || ২. ১. ১১৪||
পুত্রঃ সর্বগুণোপেতঃ প্রজাবান্প্রভবেদিতি |
সংযুজ্যাত্মানমেবন্তু তপসা ভাবিতঃ প্রভুঃ || ২. ১. ১১৫||
আহতাশ্চ ততঃ সর্বা আপঃ সমভবংস্তদা |
তাসু প্রণিহিতাত্মানমেকং সোঽজনয়ৎপ্রভুঃ || ২. ১. ১১৬||
পুত্রমপ্রতিমং নাম্নারিষ্টনেমিং প্রজাপতিম্ |
পুত্রং মরীচিস্তপসি নিরতঃ সোঽপ্স্বতীতপৎ || ২. ১. ১১৭||
প্রধ্যায় হি সতীং বাচং পুত্রার্থী সরিরে স্থিতঃ |
সপ্তবর্ষসহস্রাণি ততঃ সোঽপ্রতিমোঽভবৎ || ২. ১. ১১৮||
কশ্যপঃ সবিতুর্বিদ্বাংস্তেজসা ব্রহ্মণা সমঃ |
মন্বন্তরেষু সর্বেষু ব্রহ্মণোংঽশেন জায়তে || ২. ১. ১১৯||
কন্যানিমিত্তমত্যুক্তো দক্ষেণ কুপিতঃ প্রভুঃ |
অপিবৎস তদা কশ্যং কশ্যং মদ্যমিহোচ্যতে || ২. ১. ১২০||
হাস্যে কশির্হি বিজ্ঞেয়ো বাঙ্মনঃ কশ্যমুচ্যতে |
কশ্যং মদ্যং স্মৃতং বিপ্রৈঃ কশ্যপানাং তু কশ্যপঃ || ২. ১. ১২১||
কশেতি নাম যদ্বাচো বাচা ক্রূরমুদাৎদৃতম্ |
দক্ষাভিশপ্তঃ কুপিতঃ কশ্যপস্তেন সোঽভবৎ || ২. ১. ১২২||
তস্মাচ্চ কশ্যপায়োক্তো ব্রহ্মণা পরমেষ্ঠিনা |
তস্মৈ প্রাচেতসো দক্ষঃ কন্যাস্তাঃ প্রত্যপাদয়ৎ || ২. ১. ১২৩||
সর্বাশ্চ ব্রহ্মবাদিন্যঃ সর্বা বৈ লোকমাতরঃ |
ইত্যেতমৃষিসর্গং তু পুণ্যং যো বেদ বারুণম্ || ২. ১. ১২৪||
আয়ুষ্মান্পুণ্যবাঞ্ছুদ্ধঃ সুখমাপ্নোতি শাশ্বতম্ |
ধারণাচ্ছ্রবণাদ্বাপি সর্বপাপৈঃ প্রমুচ্যতে || ২. ১. ১২৫||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যভাগে তৃতীয় উপোদ্ধাতপাদে ঋষিসর্গবর্ণনং নাম প্রথমোঽধ্যায়ঃ

সূত উবাচ
বিনিবৃত্তে প্রজাসর্গে ষষ্ঠে বৈ চাক্ষুষস্য হ |
প্রজাঃ সৃজেতি ব্যদিষ্টঃ স্বয়ং দক্ষঃ স্বয়ংভুবা || ২. ২. ১||
সসর্জ সর্বভূতানি গতিমন্তি ধ্রুবাণি চ |
মানসানি চ ভূতানি স পূর্বমসৃজৎপ্রভুঃ || ২. ২. ২||
ঋষীন্দেবাংশ্চ গন্ধর্বান্মনুষ্যোরগরাক্ষসান্ |
যক্ষভূতপিশাচাংশ্চ বয়ঃ পশুমৃগাংস্তথা || ২. ২. ৩||
যদাস্য মনসা সৃষ্টা ন ব্যবর্দ্ধন্ত তাঃ প্রজাঃ |
অপধ্যাতা ভগবতা মহাদেবেন ধীমতা || ২. ২. ৪||
স মৈথুনেন ভাবেন সিসৃক্ষুর্বিবিধাঃ প্রজাঃ |
অসিক্রীমাবহদ্ভার্যাং বীরণস্য প্রজাপতেঃ || ২. ২. ৫||
সুতাং সুমহতা যুক্তাং তপসা লোক ধারিণীম্ |
যয়া ধৃতমিদং সর্বং জগৎস্থাবরজঙ্গমম্ || ২. ২. ৬||
অত্রাপ্যুদাহরন্তীমৌ শ্লোকৌ প্রাচেতসাং প্রতি |
দক্ষস্যোদ্বহতো ভার্যাংমসিক্রীং বৈরণীং পুরা || ২. ২. ৭||
কৃপানাং নিয়ুতং দক্ষং সর্পিণাং সাভিমানিনাম্ |
নদীগিরিষ্বসজ্জন্তং পৃষ্ঠতোঽনুয়য়ৌ প্রভুম্ || ২. ২. ৮||
তং দৃষ্ট্বা ঋষিভিঃ প্রোক্তং প্রতিষ্ঠাস্যতি বৈ প্রজাঃ |
প্রথমোঽত্র দ্বিতীয়স্তু দক্ষঃ স হি প্রজাপতিঃ || ২. ২. ৯||
অথাগচ্ছদ্যথাকালং প্রহীনাং নিয়ুতং তু যৎ |
অসিক্রীং বৈরণীং তত্র দক্ষঃ প্রাচেতসোঽবহৎ || ২. ২. ১০||
অথ পুত্রসহস্রং স বৈরণ্যামমিতৌজসম্ |
অসিক্ন্যাং জনয়ামাস দক্ষঃ প্রাচে তসঃ প্রভুঃ || ২. ২. ১১||
তাংস্তু দৃষ্ট্বা মহাতেজাঃ স বিবর্দ্ধয়িষুঃ প্রজাঃ |
দেবর্ষিপ্রিয়সংবাদো নারদো ব্রহ্মণঃ সুতঃ || ২. ২. ১২||
নাশায় বচনং তেষাং শাপয়ৈবাত্মনোঽব্রবীৎ |
যঃ কশ্যপসুতস্যাথ পরমেষ্ঠী ব্যজায়ত || ২. ২. ১৩||
মানসঃ কশ্যপস্যাসীদ্দক্ষশাপবশাৎপুনঃ |
তস্মাৎস কাশ্যপস্যাথ দ্বিতীয়ো মানসোঽভবৎ || ২. ২. ১৪||
স হি পূর্বং সমুৎপন্নো নারদঃ পরমেষ্ঠিনঃ |
তেন বৃক্ষস্য পুত্রা বৈ হর্যশ্বা ইতি বিশ্রুতাঃ || ২. ২. ১৫||
ধর্মার্থং নাশিতাঃ সর্বে বিধিনা চ ন সংশয়ঃ |
তস্যোদ্যতস্তদা দক্ষঃ ক্রুদ্ধঃ শাপায় বৈ প্রভুঃ || ২. ২. ১৬||
ব্রহ্মর্ষীন্বৈ পুরস্কৃত্য যাচিতঃ পরমেষ্ঠিনা |
ততোঽভিসংধিং চক্রে বৈ দক্ষশ্চ পরমেষ্ঠিনা || ২. ২. ১৭||
কন্যায়াং নারদো মহ্যং তব পুত্রো ভবেদিতি |
ততো দক্ষঃ সুতাং প্রদাৎ প্রিয়াং বৈ পরমেষ্ঠিনে |
তস্মাৎস নারদো জজ্ঞে ভূয়ঃ শাপভয়দৃষিঃ || ২. ২. ১৮||
শাংশপায়ন উবাচ
কথং বৈ নাশিতাঃ পূর্বং নারদেন সুরর্ষিণা |
প্রজাপতিসুতাস্তে বৈ শ্রোতুমিচ্ছামি তত্ত্বতঃ || ২. ২. ১৯||
সূত উবাচ
দক্ষপুত্রাশ্চ হর্যশ্বা বিবর্ধয়িষবঃ প্রজাঃ |
সমাগতা মহাবীর্যা নারদস্তানুবাচ হ || ২. ২. ২০||
বালিশা বত যূয়ং বৈ ন প্রজানীথ ভূতলম্ |
অন্তরূর্ধ্বমধশ্চৈব কথং স্রক্ষ্যথ বৈ প্রজাঃ || ২. ২. ২১||
তে তু তদ্বচন শ্রুৎবা প্যাতাঃ সর্বতো দিশম্ |
অধাপি ম নিবর্ত্তন্তে সমুদ্রস্থা ইবাপগাঃ || ২. ২. ২২||
অথ তেষু প্রণষ্টেষু দক্ষঃ প্রাচে তসঃ পুনঃ |
বৈরণ্যামেব পুত্রাণাং সহস্রমসৃজৎপ্রভুঃ || ২. ২. ২৩||
প্রজা বিবর্দ্ধয়িষবঃ শবলাশ্বাঃ পুনস্তু তে |
পূর্বমুক্তং বচস্তদ্বৈ শ্রাবিতা নারদেন হ || ২. ২. ২৪||
অন্যোন্যমূচুস্তে সর্বে সম্যগাহ ঋষিঃ স্বয়ম্ |
ভ্রাৎৠণাং পদবীং চৈব গন্তব্যা নাত্র সংশয়ঃ || ২. ২. ২৫||
জ্ঞাৎবা প্রমাণং পৃথ্ব্যা বৈ সুখং স্রক্ষ্যামহে প্রজাঃ |
প্রকাশাঃ স্বস্থমনসা যথাবদনুশাসিতাঃ || ২. ২. ২৬||
তেঽপি তেনৈব মার্গেণ প্রয়াতাঃ সর্বতো দিশম্ |
অদ্যাপি ন নিবর্ত্তন্তে বিস্তারায়মলিপ্সবঃ || ২. ২. ২৭||
ততঃ প্রভৃতি বৈ ভ্রাতা ভ্রাতুরন্বেষণে রতঃ |
প্রয়তো নশ্যতি ক্ষিপ্রং তন্ন কার্যং বিজানতা || ২. ২. ২৮||
নষ্টেষু শবলাশ্বেষু দক্ষঃ ক্রুদ্ধোঽশপদ্বিভুঃ |
নারদং নাশমেহীতি গর্ভবাসং বসেতি চ || ২. ২. ২৯||
তদা তেষ্বপি নষ্টেষু মহাত্মা স প্রভুঃ কিল |
ষষ্টিং দক্ষোঽসৃজৎকন্যা বৈরণ্যামেব বিশ্রুতাঃ || ২. ২. ৩০||
তাস্তদা প্রতিজগ্রাহ পত্ন্যর্থং কশ্যপঃ সুতাঃ |
ধর্মঃ সোমশ্চ ভগবাংস্তথা চান্যে মহর্ষয়ঃ || ২. ২. ৩১||
ইমাং বিসৃষ্টিং দক্ষস্য কৃৎস্নাং যো বেদ তত্ত্বতঃ |
আয়ুষ্মান্কীর্ত্তিমান্ধন্যঃ প্রজাবাশ্চ ভবত্যুত || ২. ২. ৩২||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যভাগে তৃতীয় উপোদ্ধাতপাদে প্রজাপতিবংশানুকীর্ত্তনং নাম দ্বিতীয়োঽধ্যায়ঃ

ঋষয় ঊচু |
দেবানাং দানবানাং চ দৈত্যানাং চৈব সর্বশঃ |
উৎপত্তিং বিস্তরেণৈব গ্রূহি বৈবস্বতেংঽতরে || ২. ৩. ১||
সূত উবাচ
ধর্ম্মস্যৈব প্রবক্ষ্যামি নিসর্গন্তং নিবোধত |
অরুন্ধতীবসুর্জামালংবা ভানুর্মরুৎবতী || ২. ৩. ২||
সংকল্পা চ মুহূর্ত্তা চ সাধ্যা বিশ্বা তথৈব চ |
ধর্মস্য পত্ন্যো দশ তা দক্ষঃ প্রাচেতসো দদৌ || ২. ৩. ৩||
সাধ্যাপুত্রাস্তু ধর্মস্য সাধ্যা দ্বাদশজজ্ঞিরে |
দেবেভ্যস্তান্পরান্দেবান্দৈবজ্ঞাঃ পরিচক্ষতে || ২. ৩. ৪||
ব্রাহ্মণা বৈ মুখাৎসৃষ্টা জয়া দেবাঃ প্রজেপ্সয়া |
সর্বে মন্ত্রশরীরস্তে সমৃতা মন্বন্তরেষ্বিহ || ২. ৩. ৫||
দর্শশ্চ পৌর্ণমাসশ্চ বৃহদ্যচ্চ রথন্তরম্ |
বিত্তিশ্চৈব বিবিত্তিশ্চ আকূতিঃ কূতিরেব চ || ২. ৩. ৬||
বিজ্ঞাতা চৈব বিজ্ঞাতো মনো যজ্ঞস্তথৈব চ |
নামান্যেতানি তেষাং বৈ যজ্ঞানাং প্রথিতানি চ || ২. ৩. ৭||
ব্রহ্মশাপেন তেজাতাঃ পুনঃ স্বায়ংভুবে জিতাঃ |
স্বারোচিষে বৈ তুষিতাঃ সত্যশ্চৈবোত্তমে পুনঃ || ২. ৩. ৮||
তামসে হরয়ো নাম বৈকুণ্ঠা রেবতান্তরে |
তে সাধ্যাশ্চাক্ষুষে নাম্না ছন্দজা জজ্ঞিরে সুরাঃ || ২. ৩. ৯||
ধর্মপুত্রা মহাভাগাঃ সাধ্যা যে দ্বাদশামরাঃ |
পূর্বং সমনুসূয়ন্তে চাক্ষুষস্যান্তরে মনোঃ || ২. ৩. ১০||
স্বারোচিষেংঽতরেঽতীতা দেবা যে বৈ মহৌজসঃ |
তুষিতা নাম তেঽন্যোন্যমূচুর্বৈ চাক্ষুষেংঽতরে || ২. ৩. ১১||
কিঞ্চিচ্ছিষ্টে তদা তস্মিন্দেবা বৈ তুষিতাব্রুবন্ |
এতামেব মহাভাগাং বয়ং সাধ্যাং প্রবিশ্য বৈ || ২. ৩. ১২||
মন্বন্তরে ভবিষ্যামস্তন্নঃ শ্রেয়ো ভবিষ্যতি |
এবমুক্ত্বা তু তে সর্বে চাক্ষুষস্যান্তরে মনোঃ || ২. ৩. ১৩||
তস্যাং দ্বাদশ সংভূতা ধর্মাৎস্বায়ংভুবাৎপুনঃ |
নরনারায়ণো তত্র জজ্ঞাতে পুনরেব হি || ২. ৩. ১৪||
বিপশ্চিদিন্দ্রো যশ্চাভূত্তথা সত্যো হরিশ্চ তৌ |
স্বারোচিষেংঽতরে পূর্বমাস্তাং তৌ তুষিতাসুতৌ || ২. ৩. ১৫||
তুষিতানাং তু সাধ্যাৎবে নামান্যেতানি চক্ষতে |
মনোঽনুমন্তা প্রাণশ্চ নরোঽপানশ্চ বীর্যবান্ || ২. ৩. ১৬||
বিতির্নয়ো হয়শ্চৈব হংসো নারায়ণস্তথা |
বিভুশ্চাপি প্রভুশ্চাপি সাধ্যা দ্বাদশ জজ্ঞিরে || ২. ৩. ১৭||
স্বায়ংভুবৈংঽতরে পূর্বং ততঃ স্বারো চিষে পুনঃ |
নামান্যাসন্পুনস্তানি তুষিতানাং নিবোধত || ২. ৩. ১৮||
প্রাণাপানাবুদানশ্চ সমানো ব্যান এব চ |
চক্ষুঃ শ্রোত্রং রসো ঘ্রাণং স্পর্শো বুদ্ধির্মনস্তথা || ২. ৩. ১৯||
নামান্যেতানি বৈ পূর্বং তুষিতানাং স্মৃতানি চ |
বসোস্তু বসবঃ পুত্রাঃ সাধ্যানামনুজাঃ স্মৃতাঃ || ২. ৩. ২০||
ধরো ধ্রুবশ্চ সোমশ্চ আয়ুশ্চৈবানলোঽনিলঃ |
প্রত্যূষশ্চ প্রভাসশ্চ বসবোঽষ্টৌ প্রকীর্তিতাঃ || ২. ৩. ২১||
ধরস্য পুত্রো দ্রবিণো হুতহব্যো রজস্ তথা |
ধ্রুবপুত্রোঽভবত্তাত কালো লোকাপ্রকালনঃ || ২. ৩. ২২||
সোমস্য ভগবান্বর্চা বুধশ্চ গ্রহবৌধনঃ |
ধরোর্মী কলিলশ্চৈব পঞ্চ চন্দ্রমসঃ সুতাঃ || ২. ৩. ২৩||
আয়স্য পুত্রো বৈতণ্ড্যঃ শমঃ শান্তস্তথৈব চ |
স্কন্দঃ সনৎকুমারশ্চ জজ্ঞে পাদেন তেজসঃ || ২. ৩. ২৪||
অগ্নেঃ পুত্রং কুমারং তু স্বাহা জজ্ঞে শ্রিয়া ষৃতম্ |
তস্য শাখো বিশাখশ্চ নৈগমেয়শ্চ প্রষ্টজাঃ || ২. ৩. ২৫||
অনিলস্য শিবা ভার্যা তস্যাঃ পুত্রো মনোজবঃ |
অবিজ্ঞান গতিশ্চৈব দ্বৌ পুত্রাবনিলস্য চ || ২. ৩. ২৬||
প্রত্যূষস্য বিদুঃ পুত্রমৃষিং নাম্নাথ দেবলম্ |
দ্বৌ পুত্রৌ দেবলস্যাপি ক্ষমাবন্তৌ মনীষিণৌ || ২. ৩. ২৭||
বৃহস্পতেশ্তু ভগিনী ভুবনা ব্রহ্মবাদিনী |
যোগসিদ্ধা জগৎকৃৎস্নমশক্তা চরতি স্ম হ || ২. ৩. ২৮||
প্রভাসস্য তু ভার্যা সা বসূনামষ্টমস্য হ |
বিশ্বকর্মা সুতস্তস্যাঃ প্রজাপতিপতির্বিভুঃ || ২. ৩. ২৯||
বিশ্বেদেবাস্তু বিশ্বায়া জজ্ঞিরে দশ বিশ্রুতাঃ |
ক্রতুর্দক্ষঃ শ্রবঃ সত্যঃ কালঃ মুনিস্তথা || ২. ৩. ৩০||
পুরূরবো মার্দ্রবসো রোচমানশ্চ তে দশ |
ধর্মপুত্রাঃ সুরা এতে বিশ্বায়াং জজ্ঞিরে শুভাঃ || ২. ৩. ৩১||
মরুৎবত্যাং মরুৎবন্তো ভানবো ভানুজাঃ স্মৃতাঃ |
মুহূর্তাশ্চ মুহূর্তায়া ঘোষলংবা হ্যজায়ত || ২. ৩. ৩২||
সংকল্পায়াং তু সংজজ্ঞে বিদ্বান্সংকল্প এব তু |
নব বীথ্যস্তু জামায়াঃ পথত্রয়মুপাশ্রিতাঃ || ২. ৩. ৩৩||
পৃথিবী বিষয়ং সর্বমরুন্ধত্যামজায়ত |
এষ সর্গঃ সমাখ্যাতো বিদ্বান্ধর্মস্য শাশ্বতঃ || ২. ৩. ৩৪||
মুহূর্তাশ্চৈব তিথ্যাশ্চ প্রতিভিঃ সহ সুব্রতাঃ |
নামতঃ সংপ্রবক্ষ্যামি ব্রুবতো মে নিবোধত || ২. ৩. ৩৫||
অহোরাত্রবিভাগশ্চ নক্ষত্রাণি সমাশ্রিতঃ |
মুহুর্ত্তাঃ সর্বনক্ষত্রা অহোরাত্রভিদস্তথা || ২. ৩. ৩৬||
অহোরাত্রকলানাং তু ষডশীত্যধিকাঃ স্মৃতাঃ |
রবের্গতি বিশেষেণ সর্বর্ত্তুষু চ নিত্যশঃ || ২. ৩. ৩৭||
ততো বেদবিদশ্চৈতাং গতিমিচ্ছন্তি পর্বসু |
অবিশেষেষু কালেষু জ্ঞেয়ঃ সবিতৃমানতঃ || ২. ৩. ৩৮||
রৌদ্রঃ সার্পস্তথা মৈত্রঃ পিত্র্যো বাসব এব চ |
আপ্যোঽথ বৈশ্বদেবশ্চ ব্রাহ্মো মধ্যাহ্নসংশ্রিতঃ || ২. ৩. ৩৯||
প্রাজাপত্যস্তথৈবেন্দ্র ইন্দ্রাগ্নী নিরৃতিস্তথা |
বারুণশ্চ যথার্যম্ণো ভগশ্চাপি দিনশ্রিতাঃ || ২. ৩. ৪০||
এতে দিনমুহূর্তাশ্চ দিবাকরবিনির্মিতাঃ |
শঙ্কুচ্ছায়া বিশেষেণ বেদিতব্যাঃ প্রমাণতঃ || ২. ৩. ৪১||
অজৈকপাদহির্বুধ্ন্যঃ পূষাশ্বিয়মদেবতাঃ |
আগ্নেয়শ্চাপি বিজ্ঞেয়ঃ প্রাজাপত্যস্তথৈব চ || ২. ৩. ৪২||
সৌম্যশ্চাপি তথাদিত্যো বার্হস্পত্যশ্চ বৈষ্মবঃ |
সাবিত্রশ্চ তথা ৎবাষ্ট্রো বায়ব্যশ্চেতি সংগ্রহঃ || ২. ৩. ৪৩||
এতে রাত্রের্মুহূর্ত্তাঃ স্যুঃ ক্রমোক্তা দশ পঞ্চ চ |
ইন্দোর্গত্যুদয়া জ্ঞেয়া নাডিকা আদিতস্তথা || ২. ৩. ৪৪||
কালাবস্থাস্ত্বিমাস্ত্বেতে মুহূর্ত্তা দেবতাঃ স্মৃতাঃ |
সর্বগ্রহাণাং ত্রীণ্যেব স্থানানি বিহিতানি চ || ২. ৩. ৪৫||
দক্ষিণোত্তরমধ্যানি তানি বিদ্যাদ্যথাক্রমম্ |
স্থানং জারদ্গবং সধ্যে তথৈরাবতমুত্তরম্ || ২. ৩. ৪৬||
বৈশ্বানরং দক্ষিণতো নির্দিষ্টমিহ তত্ত্বতঃ |
অশ্বিনী কৃত্তিকা যাম্যং নাগবীথীতি বিশ্রুতা || ২. ৩. ৪৭||
ব্রাহ্মং সৌম্যং তথার্দ্রা চ গজবীথীতি শব্দিতা |
পুষ্যাশ্লেষে তথাদিত্যং বীথী চৈরাবতী মতা || ২. ৩. ৪৮||
তিস্রস্তু বিথয়ো হ্যেতা উত্তরো মার্গ উচ্যতে |
পূর্বোত্তরে চ ফল্গুন্যৌ মঘা চৈবার্ষভী স্মৃতা || ২. ৩. ৪৯||
হস্তশ্চিত্রা তথা স্বাতী গোবীথীতি তু শব্দিতা |
জ্যেষ্ঠা বিশাখানুরাধা বীথী জারদ্গবী মতা || ২. ৩. ৫০||
এতাস্তু বীথয়স্তিস্রো মধ্যমো মার্গ উচ্যতে |
মূলং পূর্বোত্তরাষাঢে অজবীথ্যাভিশব্দিতে || ২. ৩. ৫১||
শ্রবণং চ ধনিষ্ঠা চ মার্গী শতভিষক্তথা |
বৈশ্বানরী ভাদ্রপদে রেবতী চৈব কীর্ত্তিতা || ২. ৩. ৫২||
এতাস্তু বীথয়স্তিস্রো দক্ষিণে মার্গ উচ্যতে |
অষ্টাবিশতি যাঃ কন্যা দক্ষঃ সোমায় তা দদৌ || ২. ৩. ৫৩||
সর্বা নক্ষত্রনাম্ন্যস্তা জ্যৌতিষে পরিকীর্ত্তিতাঃ |
তাসামপত্যান্যভবন্দীপ্তয়োঽমিততেজসঃ || ২. ৩. ৫৪||
যাস্তু শেষাস্তদা কন্যাঃ প্রতিজগ্রাহ কশ্যপঃ |
চতুর্দশা মহাভাগাঃ সর্বাস্তা লোকমাতরঃ || ২. ৩. ৫৫||
অদিতির্দিতির্দনুঃ কাষ্ঠারিষ্টানায়ুঃ খশা তথা |
সুরভির্বিনতা তাম্রা মুনিঃ ক্রোধবশা তথা || ২. ৩. ৫৬||
কদ্রূর্মাতা চ নাগানাং প্রজাস্তাসাং নিবোধত |
স্বায়ংভুবেঽন্তরে তাত যে দ্বাদশ সুরোত্তমাঃ || ২. ৩. ৫৭||
বৈকুণ্ঠা নাম তে সাধ্যা বভূবুশ্চাক্ষুষেংঽতরে |
উপস্থিতেংঽতরে হ্যস্মিন্পুনর্বৈবস্বতস্য হ || ২. ৩. ৫৮||
আরাধিতা আদিত্যা তে সমেত্যোচুঃ পরস্পরম্ |
এতামেব মহাভাগামদিতিং সংপ্রবিশ্য বৈ || ২. ৩. ৫৯||
বৈবস্বতেংঽতরে হ্যস্মিন্যোগাদর্দ্ধেন তেজসা |
গচ্ছেম পুত্রতামস্যাস্তন্নঃ শ্রেয়ো ভবিষ্যতি || ২. ৩. ৬০||
এবমুক্ত্বা তু তে সর্বে বর্ত্তমানেংঽতরে তদা |
জজ্ঞিরে দ্বাদশাদিত্যা মারীয়াৎকশ্যপাৎপুনঃ || ২. ৩. ৬১||
শতক্রতুশ্চ বিষ্ণুশ্চ জজ্ঞাতে পুনরেব হি |
বৈবস্বতেংঽতরে হ্যস্মিন্নরনারায়ণৌ তদা || ২. ৩. ৬২||
তেষামপি হি দেবানাং নিধনোৎপত্তিরুচ্যতে |
যথা সূর্যস্য লোকেঽস্মিন্নুদয়াস্তময়াবুভৌ || ২. ৩. ৬৩||
দৃষ্টানুশ্রবিকে যস্মাৎসক্তাঃ শব্দাদিলক্ষণে |
অষ্টাত্মকেঽণিমাদ্যে চ তস্মাত্তে জজ্ঞিরে সুরাঃ || ২. ৩. ৬৪||
ইত্যেষ বিষয়ে রাগঃ সংভূত্যাঃ কারণং স্মৃতম্ |
ব্রহ্মশাপেন সংভূতা জয়াঃ স্বায়ংভুবে জিতাঃ || ২. ৩. ৬৫||
স্বারোচিষে বৈ তুষিতাঃ সত্যশ্চৈবোত্তমে পুনঃ |
তামসে হরয়ো দেবা জাতাশ্চা রিষ্টবে তু বৈ || ২. ৩. ৬৬||
বৈকুণ্ঠাশ্চাশ্রুষে সাধ্যা আদিত্যাঃ সপ্তমে পুনঃ |
ধাতার্যমা চ মিত্রশ্চ বরুণোংঽশো ভগস্তথা || ২. ৩. ৬৭||
ইন্দ্রো বিবস্বান্পূষা চ পর্জন্যো দশমঃ স্মৃতঃ |
ততস্ত্বষ্টা ততো বিষ্ণুরজঘন্যো জঘন্যজঃ || ২. ৩. ৬৮||
ইত্যেতে দ্বাদশাদিত্যাঃ কশ্যপস্য সুতা বিভোঃ |
সুরভ্যাং কশ্যপাদ্রুদ্রা একাদশ বিজজ্ঞিরে || ২. ৩. ৬৯||
মহাদেবপ্রসাদেন তপসা ভাবিতা সতী |
অঙ্গারকং তথা সর্পং নিরৃতিং সদসৎপতিম্ || ২. ৩. ৭০||
অচৈকপাদহির্বুধ্ন্যৌ দ্বাবেকং চ জ্বরং তথা |
ভুবনং চেশ্বরং মৃত্যুং কপালীতি চ বিশুতম্ || ২. ৩. ৭১||
দেবানেকাদশৈতাংস্তু রুদ্রাংস্ত্রিভুবনেশ্বরান্ |
তপসোগ্রেণ মহাতা সুরভিস্তানজীজনৎ || ২. ৩. ৭২||
ততো দুহিতরাবন্যে সুরভির্দেব্যজায়ত |
রোহিণী চৈব সুভগাং গান্ধবী চ যশস্বিনীম্ || ২. ৩. ৭৩||
রোহিণ্যা জজ্ঞিরে কন্যাশ্চতস্রো লোকবিশ্রুতাঃ |
সুরূপা হংসকালী চ ভদ্রা কামদুঘা তথা || ২. ৩. ৭৪||
সুষুবে গাঃ কামদুঘা সুরূপা তনয়দ্বয়ম্ |
হংসকালী তু মহিষান্ভদ্রায়স্ত্ববিজাতয়ঃ || ২. ৩. ৭৫||
বিশ্রুতাস্তু মহাভাগা গান্ধর্ব্যা বাজিনঃ সুতাঃ |
উচ্চৈঃশ্রবাদয়ো জাতাঃ খেচরাস্তে মনোজবাঃ || ২. ৩. ৭৬||
শ্বেতাঃ শোণাঃ পিশঙ্গাস্চ সারঙ্গা হরি তার্জুনাঃ |
উক্তা দেবোপবাহ্যাস্তে গান্ধর্বিয়োনয়ো হয়াঃ || ২. ৩. ৭৭||
ভূয়ো জজ্ঞে সুরভ্যাস্তু শ্রীমাংশ্চন্দ্রপ্রভো বৃষঃ |
স্রগ্বী ককুদ্মান্দ্যুতিমা নমৃতালয়সংভবঃ || ২. ৩. ৭৮||
সুরভ্যনুমতে দত্তো ধ্বজো মাহেশ্বরস্তু সঃ |
ইত্যেতে কশ্যপসুতা রুদ্রাদিত্যাঃ প্রকীর্ত্তিতাঃ || ২. ৩. ৭৯||
ধর্মপু পুত্রাঃ স্মৃতাঃ সাধ্যা বিশ্বে চ বসবস্তথা |
যথেন্ধনবশাদ্বহ্নিরেকস্তু বহুধা ভবেৎ || ২. ৩. ৮০||
ভবত্যেকস্তথা তদ্বন্মূর্ত্তীনাং স পিতা মহঃ |
একো ব্রহ্মান্তকশ্চৈব পুরুষশ্চৈতি তত্র যঃ || ২. ৩. ৮১||
একস্যৈতাঃ স্মৃতাস্তিস্রস্তনবস্তু স্বয়ংভুবঃ |
ব্রাহ্মী চ পৌরুষী চৈব কালাখ্যা চেতি তাঃ স্মৃতাঃ || ২. ৩. ৮২||
যা তত্র রাজসী তস্য তনুঃ সা বৈ প্রজাকরী |
মতা সা যা তু কালাখ্যা প্রজাক্ষয়করী তু সা || ২. ৩. ৮৩||
সাত্ত্বিকী পৌরুষী যা তু সা তনুঃ পালিকা স্মৃতা |
রাজসী ব্রহ্মণো যা তু মারীচঃ কশ্যপোঽভবৎ || ২. ৩. ৮৪||
তামসী চান্তকৃদ্যা তু তদংশো বিষ্ণুরুচ্যতে || ২. ৩. ৮৫||
ত্রৈলোক্যে তাঃ স্মৃতাস্তিস্রস্তনবো বৈ প্রজাকরী |
মতা সা যা তু কালাখ্যা প্রজাক্ষয়করী তু সা || ২. ৩. ৮৬||
সৃজত্যথানুগৃহ্ণাতি তথা সংহরতি প্রজাঃ |
এবমেতাঃ স্মৃতাস্তিস্রস্তনবো হি স্বয়ংভুবঃ || ২. ৩. ৮৭||
প্রাজাপত্যা চ রৌদ্রা চ বৈষ্ণবী চেতি তাস্ত্রিধা |
এতাস্তন্বঃ স্মৃতা দেবা ধর্মশাস্ত্রে পুরাতনে || ২. ৩. ৮৮||
সাংখ্যয়োগরতৈর্ধীরৈঃ পৃথগেকার্থদর্শিভিঃ |
অভিজাতিপ্রভাবজ্ঞৈর্মুনিভিস্তত্ত্বদর্শিভিঃ || ২. ৩. ৮৯||
একৎবেন পৃথক্ত্বেন তাসু ভিন্নাঃ প্রজাস্ত্বিমাঃ |
ইদং পরমিদং নেতি ব্রুবতে ভিন্নদর্শিনঃ || ২. ৩. ৯০||
ব্রহ্মাণাং কারণং কে চিৎকেচিদাহুঃ প্রজাপতিম্ |
কেচিদ্ভবং পরৎবেন প্রাহুর্বিষ্ণুং তথাপরে || ২. ৩. ৯১||
অভিজ্ঞানেন সংভূতাঃ সক্তারিষ্টবিচেতসঃ |
সত্ত্বং কালং চ দেশং চ কার্যং চাবেক্ষ্য কর্ম চ || ২. ৩. ৯২||
কারণং তু স্মৃতা হ্যেতে নানার্থেষ্বিহ দেবতাঃ |
একং প্রশংসমানস্তু সর্বানেবপ্রশসতি || ২. ৩. ৯৩||
একং নিন্দতি যস্ত্বেষাং সর্বানেব স নিন্দতি |
ন প্রদ্বেষস্ততঃ কার্যো দেবতাসু বিজানতা || ২. ৩. ৯৪||
ন শক্যা ঈশ্বরাজ্ঞাতুমৈশ্বর্যেণ ব্যবস্থিতাঃ |
একৎবাৎস ত্রিধা ভূৎবা সংপ্রমোহয়তি প্রজাঃ || ২. ৩. ৯৫||
এতেষাং বৈ ত্রয়াণাং তু বিচিন্বন্ত্যন্তরং জনাঃ |
জিজ্ঞাসবঃ পরীহন্তে সক্তা দুষ্টা বিচেতসঃ || ২. ৩. ৯৬||
ইদং পরমিদং নেতি সংরংভাদ্ভিন্নদর্শিনঃ |
যাতুধানা বিশেষা যে পিশাচাশ্চৈব নান্তরম্ || ২. ৩. ৯৭||
একঃ স তু পৃথক্ত্বেন স্বয়ং ভূৎবা চ তিষ্ঠতি |
গুণমাত্রাত্মিকাভিস্তু তনুভির্মোহয়ন্প্রজাঃ || ২. ৩. ৯৮||
তেষ্বেকং যজতে যো বৈ স তদা যজতে ত্রয়ম্ |
তস্মাদ্দেবাস্ত্রয়ো হ্যেতে নৈরন্তর্যেণধিষ্টতাঃ || ২. ৩. ৯৯||
তস্মাৎপৃথক্ত্বমেকৎবং সংখ্যা সংখ্যে গতাগতম্ |
অল্পৎবং বা বহুৎবং বা তেষু কো জ্ঞাতুমর্হতি || ২. ৩. ১০০||
তস্মাৎসৃষ্ট্বানুগৃহ্ণতি গ্রসতে চৈব সর্বশঃ |
গুণাত্মকৎববৈ কল্পয়ে তস্মাদেকঃ স উচ্যতে || ২. ৩. ১০১||
রুদ্রং ব্রহ্মাণমিন্দ্রং চ লোকপালানৃষীন্মনূন্ |
দেবং তমেকং বহুধা প্রাহুর্নারায়ণং দ্বিজাঃ || ২. ৩. ১০২||
প্রাজাপত্যা চ রৌদ্রী চ তনুর্যা চৈব বৈষ্ণবী |
মন্বন্তরেষু বৈ তিস্র আবর্ত্তন্তে পুনঃ পুনঃ || ২. ৩. ১০৩||
ক্ষেত্রজ্ঞা অপি চান্যেঽস্য বিভোর্জায়ন্ত্যনুগ্রহাৎ |
তেজসা যশসা বুদ্ধ্যা শ্রুতেন চ বলেন চ || ২. ৩. ১০৪||
জায়ন্তে তৎসমাশ্চৈব তানপীমান্নিবোধত |
রাজস্যা ব্রহ্মণোংঽশেন মারীচঃ কশ্যপোঽভবৎ || ২. ৩. ১০৫||
তামস্যাস্তস্য চাংশেন কালো রুদ্রঃ স উচ্যতে |
সাত্ত্বিক্যাশ্চ তথাংশেন যজ্ঞো বিষ্ণুরজা যত || ২. ৩. ১০৬||
ত্রিষু কালেষু তস্যৈতা ব্রহ্মমস্তনবো দ্বিজাঃ |
মন্বন্তরেষ্বিহ স্রষ্টুমাবর্ত্তন্তে পুনঃ পুনঃ || ২. ৩. ১০৭||
মন্বন্তরেষু সর্বেষু প্রজাঃ স্থাবরজঙ্গমাঃ |
যুগাদৌ সকৃদুৎপন্নাস্তিষ্ঠন্তীহাপ্রসংযমাৎ || ২. ৩. ১০৮||
প্রাপ্তে প্রাপ্তে তু কল্পান্তে রুদ্রঃ সংহরতি প্রজাঃ |
কালো ভূৎবা যুগাত্মাসৌ রুদ্রঃ সংহরতে পুনঃ || ২. ৩. ১০৯||
সংপ্রাপ্তে চৈব কল্পান্তে সপ্তরশিমর্দিবাকরঃ |
ভূৎবা সংবর্ত্তকাদিত্যস্ত্রীংল্লোকাংশ্চ দহত্যুত || ২. ৩. ১১০||
বিষ্ণুঃ প্রজানুগ্রহকৃৎসদা পালয়তি প্রজাঃ |
তস্যাং তস্যামবস্থায়াং তত উৎপাদ্য কারণম্ || ২. ৩. ১১১||
সত্ত্বোদ্রিক্তা তু যা প্রোক্তা ব্রহ্মণঃ পৌরুষী তনুঃ |
তস্যাশেন চ বিজ্ঞেয়ো মনোঃ স্বায়ংভুবেন্তরে || ২. ৩. ১১২||
আকৃত্যাং মনসা দেব উৎপন্নঃ প্রথমং বিভুঃ |
ততঃ পুনঃ স বৈ দেবঃ প্রাপ্তে স্বারোচিষেঽন্তরে || ২. ৩. ১১৩||
তুষিতায়াং সমুৎপন্নো হ্যজিতস্তুষিতৈঃ সহ |
ঔত্তমে হ্যন্তরে বাপি হ্যজিতস্তু পুনঃ প্রভুঃ || ২. ৩. ১১৪||
সত্যায়ামভবৎসত্যঃ সহ সত্যৈঃ সুরোত্তমৈঃ |
তামসস্যাতরে চাপি স দেবঃ পুনরেব হি || ২. ৩. ১১৫||
হরিণ্যাং হরিভিঃ সার্দ্ধং হরিরেব বভূব হ |
বৈবস্বতেন্তরে চাপি হরির্দেবেঃ পুনস্তু সঃ || ২. ৩. ১১৬||
বৈকুণ্ঠো নামতো জজ্ঞে বিধূতরজসৈঃ সহ |
মরীচাৎকশ্যপাদ্বিষ্ণুরদিত্যাং সংবভূব হ || ২. ৩. ১১৭||
ত্রিভিঃ ক্রমৈরিমাংল্লোকঞ্জিৎবা বিষ্ণুস্ত্রিবিক্রমঃ |
প্রত্যপাদয়দিন্দ্রায় দৈবতৈশ্চৈব স প্রভুঃ || ২. ৩. ১১৮||
ইত্যেতাস্তনবো জাতা ব্যতীতাঃ সপ্তসপ্তসু |
মন্বন্তরেষ্বতীতেষু যাভিঃ সংরক্ষিতাঃ প্রজাঃ || ২. ৩. ১১৯||
যস্মাদ্বিশ্বমিদং সর্বং জায়তে লীয়তে পুনঃ |
যস্যাংশেনামরাঃ সর্বে জায়ন্তে ত্রিদিবেশ্বরাঃ || ২. ৩. ১২০||
বর্দ্ধন্তে তেজসা বুদ্ধ্যা শ্রুতেন চ বলেন চ |
যদ্যদ্বিভূতিমৎসত্ত্বং শ্রীমদূর্জিতমেব বা || ২. ৩. ১২১||
তত্তদেবাবগচ্ছধ্বং বিষ্ণোস্তেজোংঽশসংভবম্ |
স এব জায়তেংঽশেন কেচিদিচ্ছন্তি মানবাঃ || ২. ৩. ১২২||
একে বিবদমানাস্তু দৃষ্টান্তাচ্চ ব্রুবন্তি হি |
এষাং ন বিদ্যতে ভেদস্ত্রয়াণাং দ্যুসদামিহ || ২. ৩. ১২৩||
জায়ন্তে পোহয়ন্ত্যং শৈরীশ্বরা যোগমায়য়া || ২. ৩. ১২৪||
তস্মাত্তেষাং প্রচারে তু যুক্তায়ুক্তং ন বিদ্যতে |
ভূতানুবাদিনা মাদ্যা মধ্যস্থা ভূতবাদিনাম্ || ২. ৩. ১২৫||
ভূতানুবাদিনঃ সক্তস্ত্রয়শ্চৈব প্রবাদিনাম্ |
পরীক্ষ্য চানুগৃহ্ণন্তি নিগৃহ্ণন্তি খলান্স্বয়ম্ || ২. ৩. ১২৬||
মত্তঃ পূর্ব্বে চ তে তস্মাৎপ্রভবশ্চ ততোঽধিকাঃ |
তথাধিকরণৈরতৈর্যথা তত্ত্বনিদর্শকাঃ || ২. ৩. ১২৭||
দেবানাং দেবভূতাশ্চ তে বৈ সর্বপ্রবর্ত্তকাঃ |
কর্ম্মণাং মহতাং তে হি কর্ত্তারো জগদীশ্বরাঃ || ২. ৩. ১২৮||
শ্রুতিজ্ঞৈঃ কারণৈরেতৈশ্চতুর্ভিঃ পরিকীর্ত্তিতাঃ |
বালিশাস্তে ন জানন্তি দৈবতানি প্রভাগশঃ || ২. ৩. ১২৯||
ইমং চোদাহরন্ত্যত্র শ্লোকং যোগেশ্বরান্প্রতি |
কুর্যাদ্যোগবলং প্রাপ্য তৈশ্চ সর্বৈর্মহাংশ্চরেৎ || ২. ৩. ১৩০||
প্রাপ্নুয়াদ্বিষয়াংশ্চৈব পুনশ্চোর্দ্ধ্ব তপশ্চরেৎ |
সংহরেত পুনঃ সর্ব্বান্সূর্য্যো জ্যোতির্গণানিব || ২. ৩. ১৩১||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যভাগে তৃতীয় উপোদ্ধাতপাদে স্বয়ংভূত্রৈগুণ্যস্বরূপবর্ণনং নাম তৃতীয়োঽধ্যায়ঃ

সূত উবাচ
ব্রহ্মণা বৈ মুখাৎসৃষ্টা জয়া দেবাঃ প্রজেপ্সয়া |
সর্বে মন্ত্রশরীরাস্তে স্মৃতা মন্বন্তরেষ্বিহ || ২. ৪. ১||
দর্শশ্চ পৌর্ণমাসশ্চ বৃহৎসাম রথন্তরম্ |
চিতিশ্চ সুচিতিশ্চৈব হ্যাকূতিঃ কূতিরেব চ || ২. ৪. ২||
বিজ্ঞাতশ্চৈব বিজ্ঞাতা মনা যজ্ঞশ্চ দ্বাদশঃ |
দারাগ্নিহোত্রসংবন্ধং বিতত্য যজতেতি চ || ২. ৪. ৩||
এবমুক্ত্বা তু তান্ব্রহ্মা তত্রৈবান্তরধাৎপ্রভুঃ |
ততস্তে নাভ্যনন্দন্ত তদ্বাক্যং পরমেষ্ঠিনঃ || ২. ৪. ৪||
সংন্যস্যেহ চ কর্মাণি বাসনাঃ কর্মজাশ্চ বৈ |
যমেষ্বংবাবন্তিষ্ঠন্তে দোষং দৃষ্ট্বা তু কর্মসু || ২. ৪. ৫||
ক্ষয়াতি শয়য়ুক্তং চ তে দৃষ্ট্বা কর্মণাং ফলম্ |
জুগুপ্সংতঃ প্রসূতিং চ নিঃসত্ত্বা নির্মমাভবন্ || ২. ৪. ৬||
অজন্ম কাঙ্ক্ষমাণাস্তে নির্মুক্তা দোষদর্শিনঃ |
অর্থং ধর্মং চ কামং চ হিৎবা তে বৈ ব্যবস্থিতাঃ || ২. ৪. ৭||
পরমং জ্ঞানমাস্থায় তৎসংক্ষিপ্য সুসংস্থিতাঃ |
তেষাং তু তমভিপ্রায়ং জ্ঞাৎবা ব্রহ্মা তু কোপিতঃ || ২. ৪. ৮||
তানব্রবীত্ততো ব্রহ্মা নিরুৎসাহান্সুরানথ |
প্রজার্থমিহ যূয়ং বৈ ময়া সৃষ্টাঃ স্থ নান্যথা || ২. ৪. ৯||
প্রসূয়ধ্বং যজধ্বং চেত্যুক্তবানস্মি বঃ পুরা |
যস্মাদ্বাক্যমনাদৃত্য মম বৈরাগ্যমাস্থিতাঃ || ২. ৪. ১০||
জুগুপ্সমানাঃ স্বং জন্ম সংততিং নাভ্যনন্দত |
কর্মণাং ন কৃতোঽভ্যাসো হ্যমৃতৎবাভিকাঙ্ক্ষয়া || ২. ৪. ১১||
তস্মাদ্যূয়মিহাবৃত্তিং সপ্তকৃৎবো হ্যবাপ্স্যথ |
তে শপ্তা ব্রহ্মণা দেবা জয়াস্তং বৈ প্রসাদয়ন্ || ২. ৪. ১২||
ক্ষমাস্মাকং মহাদেব যদজ্ঞানাত্মকং প্রভো |
প্রণতান্বৈ সানুনয়ং ব্রহ্মা তানব্রবীৎপুনঃ || ২. ৪. ১৩||
লোকেঽপ্যথানুভুঞ্জীত কঃ স্বাতন্ত্র্যমিহার্হতি |
ময়াগতং তু সর্বং হি কথমচ্ছন্দতো মম || ২. ৪. ১৪||
প্রতিপৎস্যন্তি ভূতানি শুভং বা যদি বোত্তরম্ |
লোকে যদপি কিঞ্চিদ্বৈশং বা শং বা ব্যবস্থিতম্ || ২. ৪. ১৫||
বুদ্ধ্যাত্মনা ময়া ব্যাপ্তং কো মাং লোকেঽতিবর্ত্তয়েৎ |
ভূতানা মীহিতং যচ্চ যচ্চাপ্যেষাং বিচিন্তিতম্ || ২. ৪. ১৬||
তথোপচরিতং যচ্চ তৎসর্বং বিদিতং মম |
ময়া বদ্ধমিদং সর্বং চজগৎস্থাবরজঙ্গমম্ || ২. ৪. ১৭||
আশাময়েন বন্ধেন কস্তং ছেত্তুমিহোৎসহেৎ |
যস্মাদ্বহতি দৃপ্তো বৈ সর্বার্থমিহ নান্যথা || ২. ৪. ১৮||
ইতি কর্মাণ্যনারভ্য কামং ছন্দাদ্বিমোক্ষতে |
এবং সংভাষ্য তান্দেবান্ জয়ানধ্যাত্মচেতসঃ || ২. ৪. ১৯||
অথ বীক্ষ্য পুনশ্চাহ ধ্রুবং দড্যান্প্রজাপতিঃ |
যস্মান্মানভিসংধায় সন্যাসাদিঃ কৃতঃ সুরাঃ || ২. ৪. ২০||
তস্মাৎস বিপুলায়ত্তো ব্যাপারস্ত্বথ মৎকৃতঃ |
ভবিতা চ সুখোদর্কে দিব্যভাবেন জায়তাম্ || ২. ৪. ২১||
আত্মচ্ছন্দেন বো জন্ম ভবিষ্যতি সুরোত্তমাঃ |
মন্বন্তরেষু সংসিদ্ধাঃ সপ্তস্বাবির্ভবিষ্যথ || ২. ৪. ২২||
বৈবস্বতান্তেষু সুরাস্তথা স্বায়ংভুবাদিষু |
এবং চ ব্রহ্মণা তত্র শ্লোকো গীতঃ পুরাতনঃ || ২. ৪. ২৩||
ত্রয়ী বিদ্যা ব্রহ্মময়প্রসূতিঃ শ্রাদ্ধং তপো যজ্ঞমনুপ্রদানম্ |
এতানি নিত্যৈঃ মহসা রজোভির্ভূৎবা বিভুর্বসতেঽন্যৎপ্রশস্তম্ || ২. ৪. ২৪||
এবং শ্লোকার্থমুক্ত্বা তু জয়ান্দেবানথাব্রবীৎ |
বৈবস্বতেংঽতরেতীতে মৎসমীপমিহৈষ্যথ || ২. ৪. ২৫||
ততো দেবস্তিরোভূত ঈশ্বরো ঙ্যকুতোভয়ঃ |
প্রপন্নাধারণামাদ্যাং যুক্ত্বা যোগবলান্বিতাম্ || ২. ৪. ২৬||
ততস্তেন রুষা শপ্তাস্তেঽভবন্দ্বাদশাজিতাঃ |
জয়া ইতি সমাখ্যাতাঃ কৃতা এবং বিসন্নিভাঃ || ২. ৪. ২৭||
ততঃ স্বায়ংভুবে তস্মিন্সর্গেঽতীতে তু বৈ সুরাঃ |
পুনস্তে তুষিতা দেবা জাতাঃ স্বারোচিষেংঽতরে || ২. ৪. ২৮||
উত্তমস্য মনোঃ পুত্রাঃ সত্যায়াং জজ্ঞিরে তদা |
ততঃ সত্যাঃ স্মৃতা দেবা ঔত্তমে চান্তরে মনোঃ || ২. ৪. ২৯||
হরিণ্যাং নাম তুষিতা জজ্ঞিরে দ্বাদশেব তু |
হরয়োনাম তে দেবা যজ্ঞভাজস্তদাভবন্ || ২. ৪. ৩০||
ততস্তে হরয়ো দেবাঃ প্রাপ্তে চারিষ্ঠবেন্তরে? ||
বিকুণ্ঠায়াং পুনস্তে বৈ বরিষ্ঠা জজ্ঞিরে সুরাঃ || ২. ৪. ৩১||
বৈকুণ্ঠা নাম তে দেবাঃ পঞ্চমস্যান্তরে মানোঃ |
ততস্তে বৈ পুনর্দেবা বৈকুণ্ঠাঃ প্রাপ্য চাক্ষুষম্ || ২. ৪. ৩২||
ততস্তে বৈ পুনঃ সাধ্যাঃ সংক্ষীণে চাক্ষুষেন্তরে |
উপস্থিতে পুনঃ সর্গে মনোর্বৈবস্বতস্য হ || ২. ৪. ৩৩||
অংশেন সাধ্যাস্তেঽদিত্যাং মারীচাৎকশ্যপাৎপুনঃ |
জজ্ঞিরে দ্বাদশাদিত্যা বর্ত্তমানেন্তরং সুরাঃ || ২. ৪. ৩৪||
যদা চৈতে সমুৎপন্নাশ্চাক্ষুষস্যান্তরে মনোঃ |
শপ্তাঃ স্বয়ংভুবা সাধ্যা জজ্ঞিরে দ্বাদশামরাঃ || ২. ৪. ৩৫||
এবং শৃণোতি যো মর্ত্যোজয়স্তস্য ভবেৎসদা |
জয়ানাং শ্রদ্ধয়া যুক্তঃ প্রত্যধ্যায়ং তু গচ্ছতি || ২. ৪. ৩৬||
ইত্যেতা বৃত্তয়ঃ সপ্ত দেবানাং জন্মলক্ষণাঃ |
পরিক্রান্তা ময়া বোঽদ্যা কিং ভূয়ঃ শ্রোতুমিচ্ছথ || ২. ৪. ৩৭||
ইতি ব্রহ্মাণ্ডে মহাপুরাণে বায়ুপ্রোক্তে মধ্যামভাগে তৃতীয় উপোদ্ধাতপাদে জয়াভিব্যাহারো নাম চতুর্থোঽধ্যায়ঃ

ঋষিরুবাচ
দৈত্যানাং দানবানাং চ গন্ধর্বোরগরক্ষসাম্ |
সর্পভূতাপিশা চানাং বসূনাং পক্ষিবীরুধাম্ || ২. ৫. ১||
উৎপত্তিং নিধনং চৈব বিস্তারাৎকথয়স্ব নঃ |
এবমুক্তস্তদা সূতঃ প্রত্যুবাচর্ষিসত্তমম্ || ২. ৫. ২||
সূত উবাচ
দিতেঃ পুত্রদ্বয়ং জজ্ঞে কন্যা চৈকা মহাবলা |
কশ্যপস্যাত্মজৌ তৌ তু সর্বেভ্যঃ পূর্বজৌ স্মৃতৌ || ২. ৫. ৩||
সৌত্যেঽহন্যতিরা ত্রস্য কশ্যপস্যাশ্বমেধিকাঃ |
হিরণ্যকশিপুর্নাম প্রথিতং পৃথগাসনম্ || ২. ৫. ৪||
দিত্যা গর্ভাদ্বিনিঃ সৃত্য তত্রাসীনঃ সমন্ততঃ |
হিরণ্য কশিপুস্তস্মাৎ কর্মণা তেন স সমৃতঃ || ২. ৫. ৫||
ঋষয় ঊচুঃ
হিরণ্যকশিপোর্জন্ম নাম চৈব মহাত্মনঃ |
প্রভাবং চৈব দৈত্যস্য বিস্তারাদ্ব্রূহি নঃ প্রভো || ২. ৫. ৬||
সূত উবাচ
কশ্যপস্যাশ্বমেধোঽভূৎপুণ্যে বৈ পুষ্করে তদা |
ঋষিভিদেংবতাভিশ্চ গন্ধর্বৈরুপশোভিতঃ || ২. ৫. ৭||
উৎসৃষ্টে স্বে চ বিধিনা আখ্যানাদৌ যথাবিধি |
আসনান্যুপকৢপ্তানি সৌবর্ণানি তু পঞ্চ বৈ || ২. ৫. ৮||
কুলস্পদাপি? ত্রীণ্যত্র কূর্চঃ ফলকমেব চ |
মুখ্যর্ত্বিজস্তু চৎবারস্তেষাং তান্যুপকল্পয়ন্ || ২. ৫. ৯||
কৢপ্ত তত্রাসনং চৈকং হোতুরর্থে হিরণ্যম্ |
নিষসাদ সগর্ভোঽত্র তত্রাসীনঃ শশংস চ || ২. ৫. ১০||
আখ্যানমানুপূর্ব্যেণ মহর্ষিঃ কশ্যপো যথা |
তং দৃষ্ট্বা ঋষয়স্তস্য নাম কুর্বন্তি বর্দ্ধিতম্ || ২. ৫. ১১||
হিরণ্যকশিপুস্তস্মাৎকর্মণা তেন স স্মৃতঃ |
হিরণ্যক্ষোঽনুজস্তস্য সিংহিকা তস্য চানুজা || ২. ৫. ১২||
রাহোঃ সা জননী দেবী বিপ্র চিত্তেঃ পরিগ্রহঃ |
হিরণ্যকশিপুর্দৈত্যশ্চচার পরমং তপঃ || ২. ৫. ১৩||
শতং বর্ষসহস্রাণাং নিরাহারো হ্যধঃশিরাঃ |
বরয়ামাস ব্রহ্মাণং তুষ্টং দৈত্যো বরেণ তু || ২. ৫. ১৪||
সর্বামরৎবমবধং সর্বভূতেভ্য এব হি |
যোগদ্দেবান্ বিনির্জিত্য সর্বদেবৎবমাস্থিতঃ || ২. ৫. ১৫||
কারয়েঽহমিহৈশ্বর্যং বলবীর্যসমন্বিতঃ |
দানবাস্ত্বসুরাশ্চৈব দেবাশ্চ সহ চারণৈঃ || ২. ৫. ১৬||
ভবন্তু বশগাঃ সর্বে মৎসমীপানুভোজনাঃ |
আর্দ্রশুষ্কৈরবধ্যশ্চ দিবা রাত্রৌ তথৈব চ |
এবমুক্তস্তদা ব্রহ্মানুজজ্ঞে সাংতরং বরম্ || ২. ৫. ১৭||
ব্রহ্মোবাচ |
মহানয়ং বরস্তাত বৃতো দিতিসুত ৎবয়া |
এহী দানীং প্রতিজ্ঞানং ভবিষ্যত্যেবমেব তু || ২. ৫. ১৮||
দত্ত্বা চাভিমতং তস্মৈ তত্রেবান্তরধাদথ |
সোঽপি দৈত্যস্তদা সর্বং জগৎস্থাবরজঙ্গমম্ || ২. ৫. ১৯||
মহিম্না ব্যাপ্য সংতস্থে বহুমূর্ত্তিরমিত্রজিৎ |
স এব তপতি ব্যোম্নি চন্দ্রসূর্যৎবমাস্থিতঃ || ২. ৫. ২০||
স এব বায়ুর্ভূৎবা চ ববৌ জগতি সর্বদা |
স গোপালোঽবিপালশ্চ কর্ষকশ্চ স এব হ || ২. ৫. ২১||
স জ্ঞাতা সর্বলোকেষু মন্ত্রব্যাখ্যাকরস্তথা |
নেতা গোপ্তা গোপয়িতা দীক্ষিতো যাজকঃ স তু || ২. ৫. ২২||
তস্য দেবাঃ সুরাঃ সর্বে তদাসন্সোমপায়িনঃ |
এবংপ্রভাবো দৈত্যোঽসাবতো ভূয়ো নিবোধত || ২. ৫. ২৩||
তস্মৈ সর্বে নমস্কারং কুর্বন্তীজ্যঃ স এব চ |
হিরণ্যকশিপোর্দৈত্যৈঃ শ্লোকো গীতঃ পুরা ৎবিহ || ২. ৫. ২৪||
হিরণ্যকশিপূ রাজা যাং যামাশাং নিরৈক্ষত |
তস্যৈ তস্যৈ তদা দেবা নমশ্চক্রুর্মহর্ষিভিঃ || ২. ৫. ২৫||
তস্যাসীন্নরসিংহস্তু মৃত্যুর্বিষ্ণুঃ পুরা কিল |
নরাত্তু যস্মাজ্জন্মাস্য নরমূর্ত্তিশ্চ যৎপ্রভুঃ || ২. ৫. ২৬||
তস্মাৎস নরসিংহো বৈ গীয়তে বেদবাদিভিঃ |
সাগরস্য চ বেলায়ামুচ্ছ্রিত স্তপসো বিভুঃ || ২. ৫. ২৭||
শরীরং তস্য দেবস্য হ্যাসীদ্দেবময়ং প্রভো |
নাম্না সুদর্শনং চৈব বিশ্রুতশ্চ মহাবলঃ || ২. ৫. ২৮||
ততঃ স বাহুয়ুদ্ধেন দৈত্যেন্দ্রং তং মহাবলম্ |
নখৈর্বিভদ সংক্রুদ্ধো নার্দ্রাঃ শুষ্কা নখা ইতি || ২. ৫. ২৯||
হিরণ্যাক্ষসুতাঃ পঞ্চ বিক্রান্তাঃ সুমহাবলাঃ |
শংবরঃ শকুনিশ্চৈব কালনাভস্তথৈব চ || ২. ৫. ৩০||
মহানাভঃ সুবিক্রান্তো সুত সংতাপনস্তথা |
হিরণ্যক্ষসুতা হ্যেতে দেবৈরপি দুরাসদাঃ || ২. ৫. ৩১||
তেষাং পুত্রাশ্চ পৌত্রাশ্চ দৈতেয়াঃ সগণাঃ স্মৃতাঃ |
স শতানি সহস্রাণি নিহতাস্তারকাময়ে || ২. ৫. ৩২||
হিরণ্যকশিপোঃ পুত্রাশ্চৎবারঃ সুমহাবলাঃ |
প্রহ্লাদঃ পূর্বজস্তেষামনুহ্না দস্তথাপরঃ || ২. ৫. ৩৩||
সংহ্রাদশ্চৈব হ্রাদশ্চ হ্রাদপুত্রৌ নিবোধত |
সুংদো নিসুন্দশ্চ তথা হ্রাদপুতৌ বভূবতুঃ || ২. ৫. ৩৪||
ব্রহ্যঘ্নৌ তৌ মহাবীরৌ মূকস্তু হ্রাদদায়কঃ |
মারীচঃ সুন্দপুত্রস্তু তাডকায়ামজায়ত || ২. ৫. ৩৫||
দণ্ডকে নিহতঃ সোঽথ রাঘবেণ বলীয়সা |
মূকো বিনিহতশ্চাপি কৈরাতে সব্যসাচিনা || ২. ৫. ৩৬||
সংহ্রাদস্য তু দৈত্যস্য নিবাতকবচাঃ কুলে |
উৎপন্না মহতা চৈব তপসা ভাবিতাঃ স্বয়ম্ || ২. ৫. ৩৭||
অরয়ো দেবতানাং তে জংভস্য শতদুন্দুভিঃ |
তথা দক্ষো সুরশ্চণ্ডশ্চৎবারো দেত্যনায়কাঃ || ২. ৫. ৩৮||
বাষ্কলস্য সুতা হ্যেতে কাল নেমেঃ সুতাঞ্ছৃণু |
ব্রহ্মজিৎক্রতুজিচ্চৈব দেবান্তকনরান্তকৌ || ২. ৫. ৩৯||
কালনেমিসুতা হ্যেতে শভোস্তু শৃণুত প্রজাঃ |
রাজাজশ্চৈব গোমশ্চ শংভোঃ পুত্রৌ প্রকীর্ত্তিতৌ || ২. ৫. ৪০||
বিরোজনস্য পুত্রশ্চ বলিরেকঃ প্রতাপবান্ |
বলেঃ পুত্রশতং জজ্ঞে রাজানঃ সর্ব এব তে || ২. ৫. ৪১||
তেষাং প্রধানাশ্চৎবারো বিক্রান্তাঃ সুমহাবলাঃ |
সহস্রবাহুঃ শ্রেষ্ঠোঽভূদ্বাণো রাজা প্রতাপবান্ || ২. ৫. ৪২||
কুংভগর্ত্তো দয়ো ভোজঃ কুঞ্চিরিত্যেবমা দয়ঃ |
শকুনী পূতনা চৈব কন্যে দ্বে তু বলেঃ স্মৃতে || ২. ৫. ৪৩||
বলেঃ পুত্রাশ্চ পৌত্রাশ্চ শতশোঽথ সহস্রশঃ |
বালেয়া নাম বিখ্যাতা গণা বিক্রান্তপৌরুষাঃ || ২. ৫. ৪৪||
বাণস্য চৈন্দ্রধন্বা তু লোহিন্যামুদপদ্যত |
দিতির্বিহিতপুত্রা বৈ তোষয়ামাস কশ্যপম্ || ২. ৫. ৪৫||
তাং কশ্যপঃ প্রসন্নাত্মা সম্যগারাধিতস্ত্বথ |
বরেণ ছন্দয়ামাস সা চ বব্রে বরং তত || ২. ৫. ৪৬||
অথ তস্যৈ বরং প্রাদাৎপ্রার্থিতো ভগবান্পুনঃ |
উক্তে বরে তু মা তুষ্টা দিতিস্তং সমভাষত || ২. ৫. ৪৭||
মারীচং কণ্যপং দেবী ভর্ত্তারং প্রাঞ্জলিস্তদা |
হতপুত্রাস্মি ভগবন্নাদিত্যৈস্তব সূনুভিঃ || ২. ৫. ৪৮||
শক্রহন্তারমিচ্ছমি পুত্রং দীর্ঘতপোঽর্জিতম্ |
সাহং তপশ্চরিষ্যামি গর্ভমাধাতুমর্হসি || ২. ৫. ৪৯||
পুত্রমিন্দ্রবধে যুক্তং ৎবং মৈ বৈ দাতুমর্হসি |
তস্যাস্তদ্বচনং শ্রুৎবা মারীচঃ কশ্যপস্তদা || ২. ৫. ৫০||
প্রত্যুবাচ মহাতেজা দিতিং পরমদুঃ খিতঃ |
এবং ভবতু গর্ভে তু শুচির্ভব তপোধনে || ২. ৫. ৫১||
জনয়িষ্যসি পুত্রং ৎবং শক্রহন্তারমাহবে |
পূর্ণং বর্ষসহস্রং তু শুচির্যদি ভবিষ্যসি || ২. ৫. ৫২||
পুত্রং ত্রিলোকপ্রবরং মন্মথং জনয়িষ্যসি |
এবমুক্ত্বা মহাতেজাস্তথা সমভাবত্তদা || ২. ৫. ৫৩||
তামালভ্য স্বভবনং জগাম ভগবানৃষিঃ |
গতে ভর্ত্তরি সা দেবী দিতিঃ পরমহর্ষিতা || ২. ৫. ৫৪||
কুশপ্লবনমাসাদ্য তপস্তেপে সুদারুণম্ |
শক্রস্তু সমুপশ্রুত্য সংবাদং তং তয়োঃ প্রভুঃ || ২. ৫. ৫৫||
কুশপ্লবনমাগম্য দিতিং বাক্যমভাষত |
শুশ্রূষাং তে করিষ্যামি মানুজ্ঞাং দাতুমর্হসি || ২. ৫. ৫৬||
সমিধশ্চাহরিষ্যামি পুষ্পাণি চ ফলানি চ |
যথা ৎবং মন্যসে বৎস সুশ্রূষাভিরতো ভব || ২. ৫. ৫৭||
সর্বকর্মসু নিষ্ণাত আত্মনো হিতমাচর |
বরং শ্রুৎবা তু ত দ্বাক্যং মাতুঃ শক্রঃ প্রহর্ষিতঃ || ২. ৫. ৫৮||
শুশ্রূষাভিরতো ভূৎবা কলুষেণান্তরাত্মনা |
শুশ্রূষতে তু তাং শক্রঃ সর্বকালমনুব্রতঃ || ২. ৫. ৫৯||
ফলপুষ্পাণ্যুপাদায় সমিধশ্চ দৃঢব্রতঃ |
গাত্রসংবাহনং কালে শ্রমাপনয়নে তথা || ২. ৫. ৬০||
শক্রঃ সর্বেষু কালেষু দিতিং পরিচচার হ |
কিঞ্চিচ্ছিষ্টে ব্রতে দেবী তুষ্টা শক্রমুবাচ হ || ২. ৫. ৬১||
প্রতীতাহং তে সুরশ্রেষ্ঠ দশবর্ষাণি পুত্রক |
অবশিষ্ঠানি ভদ্রং তে ভ্রাতরং দ্রক্ষ্যসে ততঃ || ২. ৫. ৬২||
তমহং ৎবৎকৃতে পুত্র সহ ধাস্যে জয়ৈষিণম্ |
ত্রৈলোক্যবিজয়ং পুত্র ভোক্ষ্যসে সহ তেন বৈ || ২. ৫. ৬৩||
নাহং পুত্রাভিজানামি মদ্ভক্তিগতমানসম্ |
এবমুক্ত্বা দিতিঃ শক্রং মধ্যং প্রাপ্তে দিবাকরে || ২. ৫. ৬৪||
নিদ্রয়াপহৃতা দবী শিরঃ কৃৎবা তু জানুনি |
কেশান্কৃৎবা তু পাদস্থান্সা সুষ্বাপ চ দেবতা || ২. ৫. ৬৫||
অধস্তাদ্যত্তু নাভের্বৈ সর্বং তদশুচি স্মৃতম্ |
ততস্তামশুচিং জ্ঞাৎবা সোংতরং তদমন্যত || ২. ৫. ৬৬||
দৃষ্ট্বা তু কারণং সর্বং তস্য বুদ্ধিরজায়ত |
গর্ভং নিহন্তু বৈ দেব্যা স হি দোষোঽত্র দৃশ্যতে || ২. ৫. ৬৭||
ততো বিবেশ দিত্যা বৈ হ্যুপস্থেনোদরং বৃষা |
প্রবিশ্য চাপি তং দৃষ্ট্বা গভমিন্দ্রো মহৌজসম্ || ২. ৫. ৬৮||
ভীতস্তং সপ্তধা গভ বিভেদ রিপুমাত্মনঃ |
ম গর্ভো ভিদ্যমানস্তু বজ্রণশতপর্বণা || ২. ৫. ৬৯||
রুরোদ সুস্বরং ভীমং বেপমানঃ পুনঃ পুনঃ |
মারোদ মারোদ ইতি গর্ভং শক্রোঽভ্যভাষত || ২. ৫. ৭০||
তং গর্ভং সপ্তধা কৃৎবা হ্যেকৈকং সপ্তধা পুনঃ |
কুলিশেন বিভেদেন্দ্রস্ততো দিতিরবুধ্যতা || ২. ৫. ৭১||
ন হন্তব্যো ন হন্তব্য ইত্যেবং দিতিরব্রবীৎ |
নিষ্পপাত ততো বজ্রী মাতুর্বচনগৌরবাৎ || ২. ৫. ৭২||
প্রাঞ্জলির্বজ্রসহিতো দিতিং শক্রোঽভ্যভাষত |
অশুচির্দেবি সুপ্তাসি পাদয়োর্গতমূর্দ্ধজা || ২. ৫. ৭৩||
তদং তরমনুপ্রাপ্য গর্ভং হেতারমাহবে |
ভিন্নবানহমেতং তে বহুধা ক্ষন্তুমর্হসি || ২. ৫. ৭৪||
তস্মিংস্তু বিফলে গর্ভে দিতিঃ পরমদুঃখিতা |
সহস্রাক্ষং দুরাধর্ষং বাক্যং সানুনয়াব্রবীৎ || ২. ৫. ৭৫||
মমাপরাধাদ্গর্ভোঽযং যদি তে বিফলীকৃতঃ |
নাপরাধোঽস্তি দেবেশ তব পুত্র মহাবল || ২. ৫. ৭৬||
শত্রোর্বধে ন দোষোঽস্তি ভেতব্যং ন চ তে বিভো |
প্রিয়ং তু কৃতমিচ্ছামি শ্রেয়ো গর্ভস্য মে কুতঃ || ২. ৫. ৭৭||
ভবন্তু মম পুত্রাণাং সপ্ত স্থানানি বৈ দিবি |
বাতস্কন্ধানিমান্সপ্ত চরন্তু মম পুত্রকাঃ || ২. ৫. ৭৮||
মরুতস্তে তু বিখ্যাতা গতাস্তে সপ্তসপ্তকাঃ |
পৃথিব্যাং প্রথমস্কন্ধো দ্বিতীয়শ্চাপি ভাস্করে || ২. ৫. ৭৯||
সোমে তৃতীয়ো বিজ্ঞেয়শ্চতুর্থো জ্যোতিষাং গণে |
গ্রহেষু পঞ্চমস্চৈব ষষ্ঠঃ সপ্তর্ষিমণ্ডলে || ২. ৫. ৮০||
ধ্রুবে তু সপ্তমশ্চৈব বাতস্কন্ধাশ্চসপ্ত যে |
তানেতে বিচরন্ত্বদ্য কালেকালে মমাত্মজাঃ || ২. ৫. ৮১||
বাতস্কন্ধাধিপা ভূৎবা চরন্তু মম পুত্রকাঃ |
পৃথিব্যাং প্রথমস্কন্ধ আ মেঘেব্যো য আবহঃ || ২. ৫. ৮২||
চরন্তু মম পুত্রাস্তে সপ্ত যে প্রথমে গণে |
দ্বিতীয়শ্চাপি মেঘেভ্য আসূর্যাৎপ্রবহস্ততঃ || ২. ৫. ৮৩||
বাতস্কন্ধো হি বিজ্ঞেয়ো দ্বিতীয়শ্চরতাং গণঃ |
সূর্যাদূর্ধ্বমধঃ সোমাদুদ্বহোঽথ স বৈ স্মৃতঃ || ২. ৫. ৮৪||
বাতস্কন্ধস্তৃতীয়শ্চ পুত্রাণাং চরতা গণঃ |
সোমাদূর্দ্ধ্বমধর্ক্ষেভ্যশ্চতুর্থ সংবহস্তু সঃ || ২. ৫. ৮৫||
চতুর্থো মম পুত্রাণাং গণস্তু চরতাং বিভো |
ঋক্ষেভ্যশ্চ তথৈবোর্দ্ধ্বমা গ্রহাদ্বিবহস্তু যঃ || ২. ৫. ৮৬||
বাতস্কন্ধঃ পঞ্চমস্তু পুত্রাণাং চরতাং গণঃ |
গ্রহেভ্য ঊর্দ্ধ্বমার্ষিভ্যঃ ষষ্ঠো হ্যনুবহশ্চ যঃ || ২. ৫. ৮৭||
বাতস্কন্ধস্তত্র মম পুরাণাং চরতা গণঃ |
ঋষিভ্য ঊর্দ্ধ্বমাধ্রৌবং সপ্তমো যঃ প্রকীর্ত্তিতঃ || ২. ৫. ৮৮||
বাতস্কন্ধঃ পরিবহস্তত্র তিষ্ঠন্তু মে সুতাঃ |
এতান্সর্বাশ্চরন্ত্বন্তে কালেকালে মমাত্মজাঃ || ২. ৫. ৮৯||
ৎবৎকৃতেন চ নাম্না বৈ ভবতু মরুতস্ত্বিমে |
ততস্তেষাং তু নামানি মৎপুত্রাণাং শতক্রতো || ২. ৫. ৯০||
তদ্বিধৈঃ কর্মভিশ্চৈব সমবেহি পৃথক্পৃথক্ |
শক্রজ্যোতিস্তথা সত্যঃ সত্যজ্যোতিস্তথাপরঃ || ২. ৫. ৯১||
চিত্রজ্যোতিশ্চ জ্যোতিষ্মান্ সুতপশ্চৈত্য এব চ |
প্রথমোঽযং গণঃ প্রোক্তো দ্বিতীয়ং তু নিবোধত || ২. ৫. ৯২||
ঋতজিৎসত্যজিশ্চৈব সুষেণঃ সেনজিত্তথা |
সুতমিত্রো হ্যমিত্রশ্চ সুরমিত্রস্তথাপরঃ || ২. ৫. ৯৩||
গণ এষ দ্বিতীয়স্তু তৃতীয়ং চ নিবোধত |
ধাতুশ্চ ধনদশ্চৈব হ্যুগ্রো ভীমস্তথৈব চ || ২. ৫. ৯৪||
বরুণশ্চ তৃতীয়ং চ ময়া প্রোক্তং নিবোধত |
অভিয়ুক্তাক্ষিকশ্চৈব সাহ্বায়শ্চ গণঃ স্মৃতঃ || ২. ৫. ৯৫||
ঈদৃক্ চৈব তথান্যাদৃক্ সমরিদ্দ্রুমবৃচক্ষকাঃ |
মিতশ্চ সমিতশ্চৈব পঞ্চমশ্চ তথা গণঃ || ২. ৫. ৯৬||
ঈদৃক্ চ পুরুষশ্চৈব নান্যাদৃক্ সমচেতনঃ |
সংমিতঃ সমবৃত্তিশ্চ প্রতিহর্তা চ ষড্ গণাঃ || ২. ৫. ৯৭||
যজ্ঞৈশ্চিৎবাস্তুবন্সর্বে তথান্যে মানুষা বিশঃ |
দৈত্যদেবাঃ সমাখ্যাতাঃ সপ্তৈতে সপ্তসপ্তকাঃ || ২. ৫. ৯৮||
এতে হ্যেকোনপঞ্চাশন্মরুতো নামতঃ স্মৃতাঃ |
প্রসংখ্যাতাস্তদা তাভ্যাং দিত্যা শক্রেণ চৈব বৈ || ২. ৫. ৯৯||
কৃৎবা চৈতানি নামানি দিতিরিন্দ্রমুবাচ হ |
বাতস্কন্ধাংশ্চরন্ত্বেতে ভ্রতরো মম পুত্রকাঃ || ২. ৫. ১০০||
বিচরন্তু চ ভদ্রং তে দেবৈঃ সহ মমাত্মজাঃ |
তস্যাস্তদ্বচনং শ্রুৎবা মহস্রাক্ষঃ পুরন্দরঃ || ২. ৫. ১০১||
উবাচ প্রাঞ্জলির্ভূৎবা মাতর্ভবতু তত্তথা |
সর্ব মেতদ্যথোক্তং তে ভবিষ্যতি ন সংশয়ঃ || ২. ৫. ১০২||
এবংভূতা মহাত্মানঃ কুমারা লোকসংমতাঃ |
দেবৈঃ সহ ভবিষ্যন্তি যজ্ঞভাজস্তবাত্ম জাঃ || ২. ৫. ১০৩||
তস্মাত্তে মরুতো দেবাঃ সর্বে চেন্দ্রানুজা বরাঃ |
বিজ্ঞেয়াশ্চামরাঃ সর্বে দিতিপুত্রাস্তরস্বিনঃ || ২. ৫. ১০৪||
এবং তৌ নিশ্চয়ং কৃৎবা মাতাপুত্রৌ তপোবনে |
জগ্মতুস্ত্রিদিবং ৎদৃষ্টৌ শক্রমাভূদ্গতজ্বরঃ || ২. ৫. ১০৫||
মরুতাং চ শুভং জন্ম শৃণুয়াদ্যঃ পঠেচ্চ বা |
বাদে বিজয়মাপ্নোতি লব্ধাত্মা চ ভবত্যুত || ২. ৫. ১০৬||
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যমভাগে তৃতীয় উপোদ্ধাতপাদে