১.১ ব্রহ্মাণ্ডমহাপুরাণং – পূর্বভাগ (অধ্যায় ১-১০)

From sansknet project. Not proofread
Part 1 (38 Adhyayas)
Based on the edition Bombay : Venkatesvara Steam Press (or a reprint thereof)

শ্রীগণেশায় নমঃ
শ্রীসরস্বত্যৈ নমঃ
শ্রীরামচন্দ্রায় নমঃ
অথ ব্রহ্মাণ্ডমহাপুরাণং পূর্বভাগপ্রারম্ভঃ |
নমোনমঃ ক্ষয়ে সৃষ্টৌ স্থিতৌ সত্ত্বময়ায় বা |
নমো রজস্তমঃসত্ত্বত্রিরূপায় স্বয়ংভুবে || ১. ১. ১||
জিতং ভগবতা তেন হরিণা লোকধারিণা |
অজেন বিশ্বরূপেণ নির্গুণেন গুণাত্মনা || ১. ১. ২||
ব্রহ্মাণং লোককর্ত্তারং সর্বজ্ঞমপরাজিতম্ |
প্রভুংভূতভবিষ্যস্য সাম্প্রতস্য চ সৎপতিম্ || ১. ১. ৩||
জ্ঞানমব্রতিমং তস্য বৈরাগ্যং চ জগৎপতেঃ |
ঐশ্বর্য্যং চৈব ধর্মশ্চ সদ্ভিঃ সেব্যং চতুষ্টয়ম্ || ১. ১. ৪||
ইমান্নরস্য বৈ ভাবান্নিত্যং সদসদাত্মকান্ |
অবিংশকঃ পুনস্তান্বৈ ক্রিয়াভাবার্থমীশ্বরঃ || ১. ১. ৫||
লোককৃল্লোকতত্ত্বজ্ঞো যোগমাস্থায় যোগবিৎ |
অসৃজৎসর্বভূতানি স্থাবরাণি চরাণি চ || ১. ১. ৬||
তসহং বিশ্বকর্মাণং সৎপতিং লোকসাক্ষিণম্ |
পুরাণাখ্যানজিজ্ঞাসুর্গচ্ছামি শরণং বিভুম্ || ১. ১. ৭||
পুরাণং লোকতত্ত্বার্থমশিলং বেদসংমিতম্ |
প্রশশংস স ভগবান্ বসিষ্ঠায় প্রজাপতিঃ || ১. ১. ৮||
তত্ত্বজ্ঞানামৃতং পুণ্যং বসিষ্ঠো ভগবানৃষিঃ |
পৌত্রমধ্যাপয়ামাস শক্তেঃ পুত্রং পরাশরম্ || ১. ১. ৯||
পরাশরশ্চ ভগবান্ জাতূকর্ণ্যমৃষিং পুরা |
তমধ্যাপিতবান্দিব্যং পুরাণং বেদসংমিতম্ || ১. ১. ১০||
অধিগম্য পুরাণং তু জাতূকর্ণ্যো বিশেষবিৎ |
দ্বৈপায়নায় প্রদদৌ পরং ব্রহ্ম সনাতনম্ || ১. ১. ১১||
দ্বৈপায়নস্ততঃ প্রীতঃশষ্যেভ্যঃপ্রদদৌবশী |
লোকতত্ত্ববিধানার্থং পঞ্চভ্যঃ পরমাদ্ভুতম্ || ১. ১. ১২||
বিখ্যাপনার্থং লোকেষু বহ্বর্থং শ্রুতিসংমতম্ |
জৈমিনিঞ্চ সুমন্তুং চ বৈশংপায়নমেবচ || ১. ১. ১৩||
চতুর্থং পৈলবং তেষাং পঞ্চমং লোমহর্ষণম্ |
সূতমদ্ভুতবৃত্তান্তং বিনীতং ধার্মিকং শ্রুচিম্ || ১. ১. ১৪||
অধীত্য চ পুরাণং চ বিনীতো লোমহর্ষণঃ |
ঋষিণা চ ৎবয়া পৃষ্টঃ কৃতপ্রজ্ঞঃ সুধার্মিকঃ || ১. ১. ১৫||
বসিষ্ঠশ্চাপি মুনিভিঃ প্রণাম্য শিরসা মুনীন্ |
ভক্ত্যা পরময়া যুক্তঃ কৃৎবা চাপি প্রদক্ষিণম্ || ১. ১. ১৬||
অবাপ্তবিদ্যঃ সর্তুষ্টঃ কুরুক্ষেত্রমুপাগমৎ |
সত্রে সবিততে যত্র যজমানানৃষীঞ্শুচীন্ || ১. ১. ১৭||
বিনয়েনোপসংগম্য সত্র্রিণো রোমহর্ষণম্ |
বিধানতো যথাশাস্ত্রং প্রজ্ঞয়াতিজগাম হ || ১. ১. ১৮||
ঋষয়শ্চাপি তে সর্বে তদানীং রোমহর্ষণম্ |
দৃষ্ট্বা পরমসংহৃষ্টাঃ প্রীতাঃ সুমনসস্তথা || ১. ১. ১৯||
সৎকারৈরর্চ্চয়ামাসুরর্ঘ্যপাদ্যাদিভিস্ততঃ |
অভিবাদ্য মুনীন্সর্বান্ রাজাজ্ঞামভিগম্য চ || ১. ১. ২০||
ঋষিভিস্তৈরনুজ্ঞাতঃ পৃষ্টঃ সর্বমনাময়ম্ |
অভিগম্য মুনীন্সর্বাংস্তেজো ব্রহ্ম সনাতনম্ |
সদস্যানুমতে রম্যে স্বাস্তীর্ণে সমুপাবিশৎ || ১. ১. ২১||
উপবিষ্টে তদা তস্মিন্মুনয়ঃ শংসিতব্রতাঃ |
মুদান্বিতা যথান্যায়ং বিনয়স্থাঃ সমাহিতাঃ || ১. ১. ২২||
সর্বে তে ঋষয়শ্চৈনং পরিবার্য মহাব্রতম্ |
পরমপ্রীতিসংযুক্তা ইত্যূচুঃ সূতনন্দনম্ || ১. ১. ২৩||
স্বাগতং তে মহাভাগ দিষ্ট্যা চ ৎবাংনিরাময়ম্ |
পশ্যাম ধীমন্নত্রস্থাঃ সুব্রতং মুনিসত্তমম্ || ১. ১. ২৪||
অশূন্যা মে রসাদ্যৈব ভবতঃ পুণ্যকর্মণঃ |
ভবাংস্তস্য মুনেঃ সূত ব্যাসস্যাপি মহাত্মনঃ || ১. ১. ২৫||
অনুগ্রাহ্যঃ সদা ধীমাত্র্ শিষ্যঃ শিষ্যগুণান্বিতঃ |
কৃতবুদ্ধিশ্চ তে তত্ত্বমনুগ্রাহ্যতয়া প্রভো || ১. ১. ২৬||
অবাপ্য বিপুলং জ্ঞানং সর্বতশ্ছিন্নসংশয়ঃ |
পৃচ্চতাং নঃ সদা প্রাজ্ঞ সর্বমাখ্যাতুমর্হসি || ১. ১. ২৭||
তদিচ্ছামঃ কথাং দিব্যাং পৌরাণীং শ্রুতিসংমিতাম্ |
শ্রোতুং ধর্মার্থয়ুক্তাং তু এতব্দ্যাসাচ্ছ্রুতং ৎবয়া || ১. ১. ২৮||
এবসুক্তস্তদা সূতস্ত্বৃষিভির্বিনয়ান্বিতঃ |
উবাচ পরমাপ্রাক্জ্ঞো বিনীতোত্তর মুত্তমম্ || ১. ১. ২৯||
ঋষেঃ শুশ্রূষণং যচ্চ তস্মাৎপ্রজ্ঞা চ যা মম |
যস্মাচ্ছুশূষণার্থং চ তৎসত্যমিতি নিশ্চয়ঃ || ১. ১. ৩০||
এবং গতের্ঽথে যচ্ছক্যং ময়া বক্তুং দ্বিজোত্তমাঃ |
জিজ্ঞাসা যত্র যুষ্মাকং তদাজ্ঞাতুমিহার্হথ || ১. ১. ৩১||
এতচ্ছ্রুৎবা তু মুনয়ো মধুরং তস্য ভাষিতম্ |
প্রত্যূচুস্তে পুনঃ সূতং বাষ্পপর্যাকুলেক্ষণম্ || ১. ১. ৩২||
ভবান্ বিশেষকুশলো ব্যাসং সাক্ষাত্তু দৃষ্টবান্ |
তস্মাত্ত্বং সংভবং কৃৎস্নং লোকস্যেমং বিদর্শয় || ১. ১. ৩৩||
যস্য যস্যান্বয়ে যে যে তাংস্তানিচ্ছাম বেদিতুম্ |
তেষাং পূর্ববিসৃষ্টিং চ বিচিত্রাং ৎবং প্রজাপতেঃ |
সৎকৃত্য পরিপৃষ্টঃ স মহাত্মা রোমহর্ষণঃ || ১. ১. ৩৪||
বিস্তরেণানুপূর্ব্যা চ কথয়ামাস সত্তমঃ |
সূত উবাচ
যো মে দ্বৈপায়নপ্রীতঃ কথাং বৈ দ্বিজসত্তমাঃ || ১. ১. ৩৫||
পুণ্যামাখ্যাতবান্বিপ্রাস্তাং বৈ বক্ষ্যাম্যনুক্রমাৎ |
পুরাণং সংপ্রবক্ষ্যামি যদুক্তং মাতরিশ্বনা || ১. ১. ৩৬||
পৃষ্টেন মুনিভিঃ পূর্বং নৈমিষীয়ৈর্ম হাত্মভিঃ |
সর্গশ্চ প্রতিসর্গশ্চ বংশো মন্বন্তরাণি চ || ১. ১. ৩৭||
বংশ্যানুচরিতং চৈব পুরাণং পঞ্চলক্ষণম্ |
প্রক্রিয়া প্রথমঃ পাদঃ কথায়াং স্যাৎপরিগ্রহঃ || ১. ১. ৩৮||
অনুষঙ্গ উৎপোদ্ধাত উপসংহার এব চ |
এবং পাদাস্তু চৎবারঃ সমাসাৎকীংর্তিতা ময়া || ১. ১. ৩৯||
বক্ষ্যামি তান্পুরস্তাত্তু বিস্তরেণ যথাক্রমম্ |
প্রথমং সর্বশাস্ত্রাণাং পুরাণং ব্রহ্মণা শ্রুতম্ || ১. ১. ৪০||
অনন্তরং চ বক্ত্রেভ্যো বেদাস্তস্য বিনিঃসৃতাঃ |
অঙ্গানি ধর্মশাস্ত্রং চ ব্রতানি নিয়মাস্তথা || ১. ১. ৪১||
অব্যক্তং কারণং যত্তন্নিত্যং সদসদাত্মকম্ |
মহদাদিবিশেষান্তং সৃজামীতি বিনিশ্চয়ঃ || ১. ১. ৪২||
অণ্ডং হিরণ্ময়ং চৈব ব্রহ্মণঃসূতিরুত্তমা |
অডস্যাবরণং বার্ধিরপামপি চ তেজসা || ১. ১. ৪৩||
বায়ুনা তস্য বায়োশ্চ খেন ভূতাদিনা ততঃ |
ভূতাদির্মহতা চৈব অব্যক্তেনাবৃতো মহান্ || ১. ১. ৪৪||
অন্তর্বর্তি চ ভূতানামণ্ডমেবোপবর্ণিতম্ |
নদীনাং পর্বতানাং চ প্রাদুর্ভাবোঽত্র পঠ্যতে || ১. ১. ৪৫||
মন্বন্তরাণাং সর্বেষাং কল্পানাং চৈব বর্ণনম্ |
কীর্ত্তনং ব্রহ্মবৃক্ষস্য ব্রহ্মজন্ম প্রকীর্ত্যতে || ১. ১. ৪৬||
অতঃ পরং ব্রহ্মণশ্চ প্রজাসর্গোপবর্ণনম্ |
অবস্থাশ্চাত্র কীর্ত্যন্তে ব্রহ্মণোঽব্যক্তজন্মনঃ || ১. ১. ৪৭||
কল্পানাং সংভবশ্চেব জগতঃ স্থাপনং তথা |
শয়নং চ হরেরপ্সু পৃথিব্যুদ্ধরণং তথা || ১. ১. ৪৮||
সবিশেষঃ পুরাদীনাং বর্ণাশ্রমবিভাজনম্ |
ঋক্ষাণাং গ্রহসংস্থানাং সিদ্ধানাং চ নিবেশনম্ || ১. ১. ৪৯||
যোজনানাং যথা চব সংচরো বহুবিস্তরঃ |
স্বর্গস্থানবিভাগশ্চ সর্ত্যানাং শুভচারিণাম্ || ১. ১. ৫০||
বৃক্ষাণামৌষধীনাং চ বীরুধাং চ প্রকীর্ত্তনম্ |
দেবতানামৃষীণাং চ দ্বে সৃতী পরিকীর্তিতে || ১. ১. ৫১||
আম্লাদীনাং তরূণাং চ সর্জনং ব্যঞ্জনং তথা |
পশূনাং পুরুষাণাং চ সংভবঃ পরিকীর্ত্তিতঃ || ১. ১. ৫২||
তথা নির্বচনং প্রোক্তং কল্পস্য চ পরিগ্রহঃ |
নব সর্গাঃ পুনঃ প্রোক্তা ব্রহ্মণো বুদ্ধিপূর্বকাঃ || ১. ১. ৫৩||
ত্রয়ো যে বুদ্ধিপূর্বাস্তু তথা যল্লোককল্পনম্ |
ব্রহ্মণোঽবয়বেভ্যশ্চ ধর্মাদীনাং সমুদ্ভবঃ || ১. ১. ৫৪||
যে দ্বাদশ প্রসূয়ন্তে প্রজাকল্পে পুনঃ পুনঃ |
কল্পয়োরন্তরে প্রোক্তং প্রতিসংধিশ্চ যস্তয়োঃ || ১. ১. ৫৫||
তমোমাত্রা বৃতৎবাত্তু ব্রহ্মণোঽধর্মসংভবঃ |
সত্ত্বোদ্রিক্তাচ্চ দেহাচ্চ পুরুষস্য চ সংভবঃ || ১. ১. ৫৬||
তথৈব শতরূপায়াং তয়োঃ পুত্রাস্ততঃ পরম্ |
প্রিয়ব্রতোত্তানপাদৌ প্রসূত্যাকৃতয়ঃ শুভাঃ || ১. ১. ৫৭||
কীর্ত্যন্তে ধূতপাপ্মানস্ত্রৈলোক্যে যে প্রতিষ্ঠিতাঃ |
রুচেঃ প্রজাপতেশ্চোর্দ্ধমাকূত্যাং মিথুনোদ্ভবঃ || ১. ১. ৫৮||
প্রসূত্যমপি দক্ষস্য কন্যানামুদ্ভবঃ শুভঃ |
দাক্ষায়ণীষু বাপ্যূর্ধ্বংশব্দাদ্যাসু মহাত্মনঃ || ১. ১. ৫৯||
ধর্মস্য কীর্ত্যতে সর্গঃ সাত্ত্বিকস্তু সুখোদয়ঃ |
তথাধর্মস্য হিংসায়াং তমসোঽশুভলক্ষণঃ || ১. ১. ৬০||
ভৃগ্বাদীনামৃষীণাং চ প্রজাসর্গোপবর্ণনম্ |
ব্রহ্মর্ষেশ্চ বসিষ্ঠস্য যত্র গোত্রানুকীর্ত্তনম্ || ১. ১. ৬১||
অগ্নেঃ প্রজায়াঃ সংভূতিঃ স্বাহায়াং যত্র কীর্ত্যতে |
পিৎৠণাং দ্বিপ্রকারাণাং স্বধায়াং তদনন্তরম্ || ১. ১. ৬২||
পিতৃবংশপ্রসংগেন কীর্ত্যতে চ মহেশ্বরাৎ |
দক্ষস্য শাপঃ সত্যাশ্চ ভৃগ্বাদীনাং চ ধীমতাম্ || ১. ১. ৬৩||
প্রতিশাপশ্চ দক্ষস্য রুদ্রাদদ্ভুতকর্মণঃ |
প্রতিষেধশ্চ বৈরস্য কীর্ত্যতে দোষদর্শনাৎ || ১. ১. ৬৪||
মন্বন্তরপ্রসংগেন কালাখ্যানং চ কীর্ত্যতে |
প্রজাপতেঃ কর্দ্দমস্য কন্যায়াঃ শুভলক্ষণম্ || ১. ১. ৬৫||
প্রিয়ব্রতস্য পুত্রাণাং কীর্ত্যতে যত্র বিস্তরঃ |
তেষাং নিয়োগো দ্বীপেষু দেশেষু চ পৃথক্ পৃথক্ || ১. ১. ৬৬||
স্বায়ংভুবস্য সর্গস্য ততশ্চাপ্যনুকীর্ত্তনম্ |
বর্ষাণাং চ নদীনাং চ তদ্ভেদানাং চ সর্বশঃ || ১. ১. ৬৭||
দ্বীপভেদসহস্রাণা মন্তর্ভাবশ্চ সপ্তসু |
বিস্তরান্মণ্ডলং চৈব জংবূদ্বীপসমুদ্রয়োঃ || ১. ১. ৬৮||
প্রমাণং যোজনাগ্রেণ কীর্ত্যন্তে পর্বতৈঃ সহ |
হিমবান্হেমকূটশ্চ নিষধো মেরুরেব চ |
নীলঃ শ্বেতশ্চ শৃঙ্গী চ কীর্ত্যন্তে সপ্ত পর্বতাঃ || ১. ১. ৬৯||
তেষামন্তরবিষ্কংভা উচ্ছ্রায়ায়ামবিস্তরাঃ || ১. ১. ৭০||
কীর্ত্যন্তে যোজনাগ্রেণ যে চ তত্র নিবাসিনঃ |
ভারতাদীনি বর্ষাণি নদীভিঃ পর্বতৈস্তথা || ১. ১. ৭১||
ভূতৈশ্চোপনিবিষ্টানি গতিমদ্ভির্ধুবৈ স্তথা |
জংবূদ্বীপাদয়ো দ্বীপাঃ সমুদ্রৈঃ সপ্তভির্বৃতাঃ || ১. ১. ৭২||
ততঃ স্বর্ণময়ী ভূমির্লোকালোকশ্চ কীর্ত্যতে |
সপ্রমাণা ইমে লোকাঃ সপ্তদ্বীপা চ মেদিনী || ১. ১. ৭৩||
রূপাদয়ঃ প্রকীর্ত্যন্তে করণাৎপ্রাকৃতৈঃ সহ |
সর্বং চৈতৎপ্রধানস্য পরিণামৈকদেশিকম্ || ১. ১. ৭৪||
পর্যায়পরিমাণং চ সংক্ষেপেণাত্র কীর্ত্যতে |
সূর্যাচন্দ্রমসোশ্চৈব পৃথিব্যাশ্চাপ্যশেষতঃ || ১. ১. ৭৫||
প্রমাণং যোজনাগ্রেণ সাংপ্রতৈরভিমানিভিঃ |
মহেন্দ্রাদ্যাঃ শুভাঃ পুণ্যা মানসোত্তরমূর্ধনি || ১. ১. ৭৬||
অত ঊর্ধ্দগতিশ্চোক্তা সূর্যস্যালাতয়ক্রবৎ |
নাগবীথ্যক্ষবীথ্যোশ্চ লক্ষণং চ প্রকীর্ত্যতে || ১. ১. ৭৭||
কোষ্ঠয়োর্লেখয়োশ্চৈব মণ্ডলানাং চ যোজনৈঃ |
লোকালোকস্য সন্ধ্যায়া অহ্নো বিষুবতস্তথা || ১. ১. ৭৮||
লোকপালাঃ স্থিতাশ্চোর্দ্ধং কীর্ত্যন্তে তে চতুর্দ্দিশম্ |
পিৎৠণাং দেবতানাং চ পন্থানৌ দক্ষিণোত্তরৌ || ১. ১. ৭৯||
গৃহিণাং ন্যাসিনাং চোক্তো রজঃসত্ত্বসমাশ্রয়ঃ |
কীর্ত্যতে চ পদং বিষ্ণোর্ধর্মাদ্যা যত্র চ স্থিতাঃ || ১. ১. ৮০||
সূর্যাচন্দ্রমসোশ্চারো গ্রহাণাং জ্যোতিষাং তথা |
কীর্ত্যতে ধৃতসামর্থ্যাৎপ্রজানাং চ শুভাশুভম্ || ১. ১. ৮১||
ব্রহ্মণা নির্মিতঃ সৌরঃ সাদনার্থং চ স স্বয়ম্ |
কীর্ত্যতে ভগবান্যেন প্রসর্প্পতি দিবঃ ক্ষয়ম্ || ১. ১. ৮২||
স রথোঽধিষ্ঠিতো দেবৈর্ আদিত্যৈ ঋষিভিস্তথা |
গন্ধর্বৈরপ্সরোভিশ্চ গ্রামণীসর্পরাক্ষসৈঃ || ১. ১. ৮৩||
অপাং সারময়াৎস্যন্দাৎকথ্যতে চ রসস্তথা |
বৃদ্ধিক্ষয়ৌ চ সোমস্য কীর্ত্যেতে সোমকারিতৌ || ১. ১. ৮৪||
সূর্যাদীনাং স্যন্দনানাং ধ্রুবাদেব প্রবর্ত্তনম্ |
কীর্ত্যতে শিশুমারস্য যস্য পুচ্ছে ধ্রুবঃ স্থিতঃ || ১. ১. ৮৫||
তারারূপাণি সর্বাণি নক্ষত্রাণি গ্রহৈঃ সহ |
নিবাসা যত্র কীর্ত্যন্তে দেবানাং পুণ্যকর্মণাম্ || ১. ১. ৮৬||
সূর্যরশ্মিসহস্রং চ বর্ষশীতোষ্ণবিশ্রবঃ |
প্রবিভাগশ্চরশ্মীনাং নামতঃ কর্মতীর্থতঃ || ১. ১. ৮৭||
পরিমাণং গতিশ্চোক্তা গ্রহাণাং সূর্যসংশ্রয়াৎ |
বেশ্যারূপাৎপ্রধানস্য পরিমাণো মহাদ্ভবঃ || ১. ১. ৮৮||
পুরূরবস ঐলস্য মাহাত্ম্যস্যানুকীর্ত্তনম্ |
পিৎৠণাং দ্বিপ্রকারাণাং মাহাত্ম্যং বা মৃতস্য চ || ১. ১. ৮৯||
ততঃ পর্বাণি কীর্ত্যন্তে পর্বণাং চৈব সংধয়ঃ |
স্বর্গলোকগতানাঞ্চ প্রাপ্তানাঞ্চাপ্যধোগতিম্ || ১. ১. ৯০||
পিৎৠণাং দ্বিপ্রকারাণাং শ্রাদ্ধেনানুগ্রহো মহান্ |
যুগসংখ্যাপ্রমাণং চ কীর্ত্যতে চ কৃতং যুগম্ || ১. ১. ৯১||
ত্রেতায়ুগে চাপকর্ষাদ্বার্ ত্তায়াঃ সংপ্রবর্ত্তনম্ |
বর্ণানামাশ্রমাণাং চ সংস্থিতির্ধর্মতস্তথা || ১. ১. ৯২||
বজ্রপ্রবর্ত্তনং চৈব সংবাদো যত্র কীর্ত্যতে |
ঋষীণাং বসুনা সার্দ্ধং বসোশ্চাধঃ পুনর্গতিঃ |
শব্দৎবং চ প্রধানাত্তু স্বায়ম্ভুবমৃতে মনুম্ || ১. ১. ৯৩||
প্রশংসা তপসশ্চোক্তা যুগাবস্থাশ্চ কৃৎস্নশঃ |
দ্বাপরস্য কলেশ্চাপি সংক্ষেপেণ প্রকীর্ত্তনম্ || ১. ১. ৯৪||
মন্বন্তরং চ সংখ্যা চ মানুষেণ প্রকীর্ত্তিতা |
মন্বন্তরাণাং সর্বেষামেতদেব চ লক্ষণম্ || ১. ১. ৯৫||
অতীতানাগতানাং চ বর্ত্তমানং চ কীর্ত্যতে |
তথা মন্বন্তরাণাং চ প্রতিসংধানলক্ষণম্ || ১. ১. ৯৬||
অতীতানা গতানাং চ প্রোক্তং স্বায়ম্ভুবে ততঃ |
ঋষীণাং চ গতিঃ প্রোক্তা কালজ্ঞানগতিস্তথা || ১. ১. ৯৭||
দুর্গসংখ্যাপ্রমাণং চ যুগবার্তা প্রবর্ত্তনম্ |
ত্রেতায়াং চক্রবর্তীনাং লক্ষণং জন্ম চৈব হি || ১. ১. ৯৮||
প্রমতেশ্চ তথা জন্ম অথো কলিয়ুগস্য বৈ |
অঙ্গুলৈর্হাসনং চৈব ভূতানাং যচ্চ চোচ্যতে || ১. ১. ৯৯||
শাশানাং পরিসংখ্যানং শিষ্যপ্রাধান্যমেব চ |
বাক্যং সপ্তবিধং চৈব ঋষিগোত্রানুকীর্তনম্ || ১. ১. ১০০||
লক্ষণং সূতপুত্রাণাং ব্রহ্মণাস্য চ কৃৎস্নশঃ |
দেদানাং ব্যসনং চৈব বেদব্যাসৈর্মহাত্মভিঃ || ১. ১. ১০১||
মন্বন্তরেষু দেবানাং প্রজেশানাং চ কীর্ত্তনম্ |
মন্বন্তরক্রমশ্চৈব কালজ্ঞানং চ কীর্ত্যতে || ১. ১. ১০২||
দক্ষস্য চাপি দৌহিত্রাঃ প্রিয়ায়া দুহিতুঃ শুভাঃ |
ব্রহ্মাদিভিস্তেজনিতা দক্ষেণৈব চ ধীমতা || ১. ১. ১০৩||
সাবর্ণাশ্চাত্র কীর্ত্যন্তে মনবো মেরুমাশ্রিতাঃ |
ধ্রুবস্যৌত্তানপাদস্য প্রজাসর্গোপবর্ণনম্ || ১. ১. ১০৪||
চাক্ষুষস্য মনোঃ সর্গঃ প্রজানাং বীর্যবর্মনম্ |
প্রভুণা চৈব বৈন্যেন ভূমিদোহপ্রবর্ততা || ১. ১. ১০৫||
পাত্রাণাং পয়সাং চৈব বৎসানাং চ বিশেষণম্ |
ব্রহ্মাদিভিঃ পূর্বমেব দুগ্ধা চৈয়ং বসুংধরা || ১. ১. ১০৬||
দশভ্যশ্চং প্রচেতোভ্যো মারিষায়াং প্রজাপতেঃ |
দক্ষস্য কীর্ত্যত জন্ম সমস্যাংশেন ধীমতঃ || ১. ১. ১০৭||
ভূতভব্যভবেশৎবং মহেন্দ্রাণাং চ কীর্ত্যতে |
মন্বাদিকা ভবিষ্যন্তি আখ্যানৈবর্হুভির্বৃতাঃ || ১. ১. ১০৮||
বৈবস্বতস্য চ মনোঃ কীর্ত্যতে সর্গবিস্তরঃ |
ব্রহ্মাদিকোশ উৎপত্তির্ভৃগ্বদীনাং চ কীর্ত্যতে || ১. ১. ১০৯||
বিনিষ্কৃষ্য প্রজাসর্গে চাক্ষুষস্য মনোঃশুভে |
দক্ষস্য কীর্ত্যতে সর্গো ধ্যানাদ্বৈবস্বতান্তরে || ১. ১. ১১০||
নারদঃ কৃতসংবাদো দক্ষপুত্রান্মহাবলান্ |
নাশয়ামাস শাপায় মানসো ব্রহ্মণঃ সুতঃ || ১. ১. ১১১||
ততো দক্ষোঽসৃজৎকন্যা বৈরিণা নাম বিশ্রুতাঃ |
মরুৎপ্রবাহে মরুতো দিত্যাং দেব্যাং চ সংভবঃ || ১. ১. ১১২||
কীর্ত্যতে মরুতাং চাত্রগণাস্তে সপ্তসপ্তকাঃ |
দেবৎবমিন্দ্রবাসেন বায়ুস্কন্ধেষু চাশ্রমঃ || ১. ১. ১১৩||
দৈত্যানাং দানবানাং চ যক্ষগন্ধর্বরক্ষসাম্ |
সর্বভূতপিশাচানাং যক্ষণাং পক্ষিবীরুধাম্ || ১. ১. ১১৪||
উৎপত্তয়শ্চাপ্সরসাং কীর্ত্যন্তে বহুবিস্তরাৎ |
মার্তণ্ডমণ্ডলং কৃৎস্নং জন্মৈরাবতহস্তিনঃ || ১. ১. ১১৫||
বৈনতেয়সমুৎপত্তিস্তথা রাজ্যা ভিষেচনম্ |
ভৃগূণাং বিস্তরশ্চোক্তস্তথা চাঙ্গিরসামপি || ১. ১. ১১৬||
কশ্যপস্য পুলস্ত্যস্য তথৈবাত্রের্মহাত্মনঃ |
পরাশরস্য চ মুনেঃ প্রজানাং যত্র বিস্তরঃ || ১. ১. ১১৭||
তিস্রঃ কন্যাঃ সুকীর্ত্যন্তে যাসুলোকাঃ প্রতিষ্ঠিতাঃ |
ইচ্ছায়া বিস্তরশ্চোক্ত আদিত্যস্য ততঃ পরম্ || ১. ১. ১১৮||
কিঙ্কুবিচ্চরিতং প্রোক্তং ধ্রুবস্যৈব নিবর্হণম্ |
বৃহদ্বলানাং সংক্ষেপাদিক্ষ্বাক্বাদ্যাঃ প্রকীর্ত্তিতাঃ || ১. ১. ১১৯||
নিশ্যাদীনাং ক্ষিতীশানাং পলাণ্ডু হরণাদিভিঃ |
কীর্ত্যতে বিস্তরাৎসর্গে যয়াতেরপি ভূপতেঃ || ১. ১. ১২০||
যদুবংশসমুদ্দেশো হৈহয়স্য চ বিস্তরঃ |
ক্রোধাদনন্তরং চোক্তস্তথা বংশস্য বিস্তরঃ || ১. ১. ১২১||
জ্যামঘস্য চ মাহাত্ম্যং প্রজাসর্গশ্চ কীর্ত্যতে |
দেবাবৃধস্যান্ধকস্য ধৃষ্টেশ্চপি মহাত্মনঃ || ১. ১. ১২২||
অনিমিত্রান্বয়শ্চৈব বিশোর্মিথ্যাভিশংসনম্ |
বিশোধমনুসংপ্রাপ্তির্মণিরত্নস্য ধীমতঃ || ১. ১. ১২৩||
সত্রাজিতঃ প্রজাসর্গে রাজর্ষের্দেবমীঢুষঃ |
শূরস্য জন্ম চাপ্যুক্তং চরিতং চ মাহাত্মনঃ || ১. ১. ১২৪||
কংসস্যাপি চ দৌরাত্ম্যমেকীবংশ্যাৎসমুদ্ভবঃ |
বাসুদেবস্য দেব ক্যাং বিষ্ণোরমিততেজসঃ || ১. ১. ১২৫||
অনন্তরমৃষেঃ সর্গঃ প্রজাসর্গোপবর্ণনম্ |
দেবাসুরে সমুৎপন্নে বিষ্ণুনা স্ত্রীবধে কৃতে || ১. ১. ১২৬||
সংরক্ষতা শক্রবধং শাপঃ প্রাপ্তঃ পুরা ভৃগোঃ |
ভৃগুশ্চোত্থাপয়ামাস দিব্যাং শুক্রস্য মাতরম্ || ১. ১. ১২৭||
দেবানাং চ ঋষীণাং চ সংক্রমা দ্বাদশাৎদৃতাঃ |
নারসিহপ্রভৃতয়ঃ কীর্ত্যন্তে পাপনাশনাঃ || ১. ১. ১২৮||
শুকেণারাধনং স্থাণোর্ঘোরেণ তপসা তথা |
বরপ্রদান কৃত্তেন যত্র শর্বস্তবঃ কৃতঃ || ১. ১. ১২৯||
অনন্তরং চ নির্দিষ্টং দেবাসুরবিচেষ্টিতম্ |
জয়ন্ত্যা সহ শক্রেণ যত্র শুকো মহাত্মনি || ১. ১. ১৩০||
অসুরান্মোহয়ামাস শক্ররূপেণ বুদ্ধিমান্ |
বৃহস্পতিশ্চ তং শুকং শশাপ স মহাদ্যুতিঃ || ১. ১. ১৩১||
উক্ত চ বিষ্ণোর্মাহাত্ম্যং বিষ্ণোর্জন্মনি শব্দ্যতে |
তুর্বসুশ্চাত্র দৌহিত্রো যবীয়ান্যো যদোরভূৎ || ১. ১. ১৩২||
অনুর্দ্রুহ্যাদয়ঃ সর্বে তথা তত্তনয়া নৃপাঃ |
অনুবংশ্যামহাত্মানস্তেষাং পার্থিবসত্তমাঃ || ১. ১. ১৩৩||
কীর্ত্যন্তে যত্র কার্ত্স্ন্যেন ভূরিদ্রবিণতেজসঃ |
আতিথ্যস্য তু বিব্রর্ষেঃ সপ্তধা ধর্মসংশ্রয়াৎ || ১. ১. ১৩৪||
বার্হস্বত্যং সূরিভিশ্চ যত্র শাপমুপাবৃতম্ |
হরবংশয়শঃস্পর্শঃ শন্তনোর্বীর্যশব্দনম্ || ১. ১. ১৩৫||
ভবিষ্যতাং তথা রাজ্ঞামুপসংহারশব্দনম্ |
অনাগতানাংসংঘানাং প্রভূণাং চোপবর্ণনম্ || ১. ১. ১৩৬||
ভৌত্যস্যান্তে কলিয়ুগে ক্ষীণে সংহারবর্ণনম্ |
নৈমিত্তিকাঃ প্রাকৃতিকা যথৈবাত্যন্তিকাঃ স্মৃতাঃ || ১. ১. ১৩৭||
বিবিধঃ সর্বভূতানাং কীর্ত্যতে প্রতিসংচরঃ |
অনাদৃষ্টির্ভাস্করস্য ঘোরঃ সংবর্ত্তকানলঃ || ১. ১. ১৩৮||
সাংখ্যে লক্ষণমুদ্দিষ্টং ততো ব্রহ্ম বিশেষতঃ |
ভুবাদীনাং চ লোকানাং সপ্তানাং চোপবর্ণনম্ || ১. ১. ১৩৯||
অপরার্দ্ধাপরৈশ্চৈব লক্ষণং পরিকীর্ত্যতে |
ব্রহ্মণোয়োজনাগ্রেণ পরিমাণবিনির্ণয়ঃ || ১. ১. ১৪০||
কীর্ত্যন্তে চাত্র নিরয়াঃ পাপানাং রৌরবাদয়ঃ |
সর্বেষাং চৈব সত্ত্বানাং পরিণামবিনির্ণয়ঃ || ১. ১. ১৪১||
ব্রহ্মণঃ প্রতিসংসর্গাৎসর্ব সংসারবর্ণনম্ |
গতিরূর্দ্ধমধশ্চোক্তা ধর্মাধর্মসমাশ্রয়া || ১. ১. ১৪২||
কল্পে কল্পে চ ভূতানাং মহতামপি সংক্ষয়ম্ |
অসংখ্যয়া চ দুঃখানি ব্রহ্মণশ্চাপ্যনিত্যতা || ১. ১. ১৪৩||
দৌরাত্ম্যং চৈব ভোগানাং সংহারস্য চ কষ্টতা |
দুর্লভৎবং চ মোক্ষস্য বৈরাগ্যাদ্দোষদর্শনাৎ || ১. ১. ১৪৪||
ব্যক্তাব্যক্তং পরিত্যজ্য সত্ত্বং ব্রহ্মণি সংস্থিতম্ |
নানাৎবদর্শনাচ্ছুদ্ধস্তবস্তত্র নিবর্ত্ততে || ১. ১. ১৪৫||
ততস্তাপত্রয়াদ্ ভীতো রূপার্থোহি নিরঞ্জনঃ |
আনন্দং ব্রহ্মণঃ প্রাপ্য ন বিভেতি কুতশ্চন || ১. ১. ১৪৬||
কীর্ত্যতে চ পুনঃ সর্গো ব্রহ্মণোঽন্যস্য পূর্ববৎ |
কীর্ত্যতে জগতশ্চত্র সর্গপ্রলয়বিক্রিয়াঃ || ১. ১. ১৪৭||
প্রবৃত্তয়শ্চ ভূতানাং প্রসুতানাং ফলানি চ |
কীর্ত্যতে ঋষিবর্গস্য সর্গঃ পাপপ্রণাশনঃ || ১. ১. ১৪৮||
প্রাদুর্ভাবো বসিষ্ঠস্য শক্তের্জন্ম তথৈব চ |
সৌদাসাস্থিগ্রহশ্চাস্য বিশ্বামিত্রকৃতেন তু || ১. ১. ১৪৯||
পরাশরস্য চোৎপত্তিরদৃশ্যন্ত্যাং তথা বিভোঃ |
সংজজ্ঞে পিতৃকন্যায়াং ব্যাসশ্চাপি মহামুনিঃ || ১. ১. ১৫০||
শুকস্য চ তথা জন্ম সহ পুত্রস্য ধীমপ্তঃ |
পরাশরস্য প্রদ্বেপো বিশ্বামিত্র ঋষিং প্রতি || ১. ১. ১৫১||
বসিষ্ঠসংভৃতিশ্চাগ্নের্বিশ্বামিত্রজিঘাংসয়া |
দেবেন বিধিনা বিপ্র বিশ্বামিত্রহিতৈষিণা || ১. ১. ১৫২||
সংতানহেতোর্বিভুনা গীর্ণস্কন্ধেন ধীমতা |
একং বেদং চতুষ্পাদং চতুর্দ্ধা পুনরীশ্বরঃ || ১. ১. ১৫৩||
তথা বিভেদ ভাগবান্ ব্যাসঃ শার্বাদনুগ্রহাৎ |
তস্য শিষ্যপ্রশিষ্যৈশ্চ শাখা বেদায়ুতাঃ কৃতাঃ || ১. ১. ১৫৪||
প্রয়োগে প্রহ্বলা নৈব যথা দৃষ্টঃ স্বয়ংভুবা |
পৃষ্ট বন্তো বিশিষ্টাস্তে মুনয়ো ধর্মকাঙ্ক্ষিণঃ || ১. ১. ১৫৫||
দেশং পুণ্যমভীপ্সতো বিভুনা তদ্ধিতৈষিণা |
সুনাভং দিব্যরূপাভং সপ্তাঙ্গং শুভশংসনম্ || ১. ১. ১৫৬||
আনৌপম্যমিদং চক্রং বর্ত্তমানমতন্দ্রিতাঃ |
পৃষ্ঠতো যাত নিয়তাস্ততঃ প্রাপ্স্যথ পাটিতম্ || ১. ১. ১৫৭||
গচ্ছতস্তস্য চক্রস্য যত্র নেমির্বিশীর্যতে |
পুণ্যঃ স দেশো মন্তব্যঃ প্রত্যুবাচ তদা প্রভুঃ || ১. ১. ১৫৮||
উক্ত্বা চৈবমৃষীন্সর্বানদৃশ্যৎবমুপাগমৎ |
গঙ্গা গর্ভ যবাহারা নৈমিষেয়াস্তথৈব চ || ১. ১. ১৫৯||
ঈশিরে চৈব সত্রেণ মুনয়ো নৈমিষে তদা || ১. ১. ১৬০||
মৃতেশরদ্বতিতথা তস্য চোত্থাপনঙ্কৃতম্ |
ঋষয়ো নৈমিষেয়াশ্চ দয়য়া পরয়া যুতাঃ || ১. ১. ১৬১||
নিঃসীমাং গামিমাং কৃৎবা কৃষণং রাজানমাহরৎ |
প্রীতিং চৈব কৃতাতিথ্যং রাজানং বিধিবত্তদা || ১. ১. ১৬২||
অন্তঃ সর্গগতঃ ক্রূরঃ স্বর্ভানুরসুরো হরন্ |
দ্রুতে রাজনি রাজানু মদ্রতে মুনয়স্ততঃ || ১. ১. ১৬৩||
গন্ধর্বরক্ষিতং দৃষ্ট্বা কলাপগ্রামকেতনম্ |
সন্নিপাতঃ পুনস্তস্য তথা যজ্ঞে মহর্ষিভিঃ || ১. ১. ১৬৪||
দৃষ্ট্বা হিরণ্ময়ং সর্বং বিবাদস্তস্য তৈরভূৎ |
তদা বৈ নৈমিষেয়ানাং সত্রে দ্বাদশবার্ষিকে || ১. ১. ১৬৫||
তথা বিবদমানৈশ্চ যদুঃ সংস্থাপিতশ্চ তৈঃ |
জনয়িৎবা ৎবরণ্যং বৈ যদুপুত্রমথায়ুতম্ || ১. ১. ১৬৬||
সমাপয়িৎবা তৎসত্রং বায়ুং তে পর্যুপাসত |
ইতি কৃত্যসমুদ্দেশঃ পুরাণাংশোপবর্ণিতঃ || ১. ১. ১৬৭||
অনেনানুক্রমেণৈব পুরাণং সংপ্রকাশতে |
সুখমর্থঃ সমাসেন মহানপ্যুপলক্ষ্যতে || ১. ১. ১৬৮||
তস্মাৎসমাসমুদ্দিশ্য বক্ষ্যামি তব বিস্তরম্ |
পাদমাদ্যমিদং সম্যগ্ যোঽধীতে বিজিতেদ্রিয়ঃ || ১. ১. ১৬৯||
তেনাধীতং পুরাণং স্যাৎসর্বং নাস্ত্যত্রসংশয়ঃ |
যো বিদ্যাচ্চতুরো বেদান্ সাংগোপনিষদান্ দ্বিজাঃ || ১. ১. ১৭০||
ইতিহাসপুরাণাভ্যাং বেদং সমুপবৃংহয়েৎ |
বিভেত্যল্পশ্রুতাদ্বেদো মাময়ং প্রহরিষ্যতি || ১. ১. ১৭১||
অভ্যসন্নিমমধ্যায়ং সাক্ষাৎপ্রোক্তং স্বয়ংভুবা |
নাপদং প্রাপ্য মুহ্যেত যথেষ্টাং প্রাপ্নুয়াদ্গতিম্ || ১. ১. ১৭২||
যস্মাৎপুরা হ্যভূচ্চৈতৎপুরাণং তেন তৎস্মৃতম্ |
নিরুক্তমস্য যো বেদ সর্বপাপৈঃ প্রমুচ্যতে || ১. ১. ১৭৩||
অতশ্চ সংক্ষেপমিমং শৃণুধ্বং নারায়ণঃ সর্বমিদং পুরাণম্ |
সংসর্গকালেঽপি করোতি মর্গ সংহার কালে চ ন বাস্তি ভূয়ঃ || ১. ১. ১৭৪||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে প্রথমে প্রক্রিয়াপাদে কৃত্যসমুদ্দেশো নাম প্রথমোঽধ্যায়ঃ || ১||

প্রত্যবোচন্পুনঃ সূতমৃষয়স্তে তপোধনাঃ |
কুত্র সত্রং সমভত্তেবষামদ্ভুতকর্মণাম্ || ১. ২. ১||
কিয়ন্তং চৈব তৎকালং কথং চ সমবর্ত্তত |
আচচক্ষে পুরাণং চ কথং তৎসপ্রভঞ্জনঃ || ১. ২. ২||
আচখ্যৌ বিস্তরেণৈব পর কৌতূহলং হি নঃ |
ইতি সংচোদিতঃ সূতঃ প্রত্যুবাচ শুভং বচঃ || ১. ২. ৩||
শৃণুধ্বং যত্র তে ধীরা মেনিরে মন্ত্রমুত্তমম্ |
যাবন্তং চাভবৎকালং যথা চ সমবর্তত || ১. ২. ৪||
সিসৃক্ষমাণো বিশ্বং হি যজতে বিসৃজৎপুরা |
সত্রং হি তেঽতিপুণ্যং চ সহস্রপরিবৎসরান্ || ১. ২. ৫||
তপোগৃহপতের্যত্র ব্রহ্মা চৈবাভবৎস্বয়ম্ |
ইডায়া যত্র পত্নীৎবং শামিত্রং যত্র বুদ্ধিমান্ || ১. ২. ৬||
মৃত্যুশ্চকে মহাতেজাস্তস্মিন্সত্রে মহাত্মনাম্ |
বিবুধাশ্চোষিরে তত্র সহস্রপরিবৎসরান্ || ১. ২. ৭||
ভ্রমতো ধর্মচক্রস্য যত্র নেমিরশীর্যত |
কর্মণা তেন বিখ্যাতং নৈমিষং মুনিপূজিতম্ || ১. ২. ৮||
যত্র সা গোমতী পুণ্যা সিদ্ধচারণসেবিতা |
রোহিণী স সুতা তত্র গোমতী সাভবৎ ক্ষণাৎ || ১. ২. ৯||
শক্তির্জ্যেষ্ঠা সমভবদ্বসিষ্ঠস্য মহাত্মনঃ |
রুন্ধত্যাঃ সুতায়াত্রাদানমুত্তমতেজসঃ || ১. ২. ১০||
কল্মাষপাদো নৃপতির্যত্র শক্রশ্চ শক্তিনা |
যত্র বৈরং সমভবদ্বিশ্বামিত্রবসিষ্ঠয়োঃ || ১. ২. ১১||
অদৃশ্যন্ত্যাং সমভবন্মুনির্যত্র পরাশরঃ |
পরাভবো বসিষ্ঠস্য যস্য জ্ঞানে হ্যবর্ত্তয়ৎ || ১. ২. ১২||
তত্র তে মেনিরে শৈলং নৈমিষে ব্রহ্মবাদিনঃ |
নৈমিষং জজ্ঞিরে যস্মান্নৈমিষীয়াস্ততঃ স্মৃতাঃ || ১. ২. ১৩||
তৎসত্রমভবত্তেষাং সমা দ্বাদশ ধীমতাম্ |
পুরূরবসি বিক্রান্তে প্রশাসতি বসুংধরাম্ || ১. ২. ১৪||
অষ্টাদশ সমুদ্রস্য দ্বীপানশ্রন্ পুরূরবাঃ |
তুতোষ নৈব রত্নানাং লোভাদিতি হি নঃ শ্রুতম্ || ১. ২. ১৫||
উর্বশী চকমে তং চ দেবদূতপ্রচোদিতা |
আজহার চ তৎসত্রমুর্বশ্যা সহ সংগতঃ || ১. ২. ১৬||
তস্মিন্নরপতৌ সত্রে নৈমিষীয়াঃ প্রচক্রিরে |
যং গর্ভং সুষুবে গঙ্গা পাবকাদ্দীপ্ততেজসম্ || ১. ২. ১৭||
তত্তুল্যং পর্বতে ন্যস্তং হিরণ্যং সমপদ্যত |
হিরণ্ময়ং ততশ্চকে যজ্ঞবাটং মহাত্মনাম্ || ১. ২. ১৮||
বিশ্বকর্মা স্বয়ন্দেবো ভাবনো লোকভাবনঃ |
স প্রবিশ্য ততঃ সত্রে তেষামমিততেজসাম্ || ১. ২. ১৯||
ঐডঃ পুরূরবা ভেজে তং দেশং মৃগয়াং চরন্ |
তং দৃষ্ট্বা মহাদাশ্বর্যং যজ্ঞবাটং হিরণ্ময়ম্ || ১. ২. ২০||
লোভেন হতবিজ্ঞানস্তদাদাতুমুপাক্রমৎ |
নৈমিষেয়াস্ততস্তস্য চুক্রুধুর্নৃপতিং ভৃশম্ || ১. ২. ২১||
নিজঘ্নুশ্চাপি তং ক্রুদ্ধাঃ কুশবজ্রৈর্মনীষিণঃ |
তপোনিষ্ঠাশ্চ রাজানং মুনয়ো দেবচোদিতাঃ || ১. ২. ২২||
কুশবজ্রৌর্বিনিষ্পিষ্টঃ স রাজা ব্যজহাত্তনুম্ |
ঔর্বশেয়ৈস্ততস্তস্য যুদ্ধং চক্রে নৃপো ভুবি || ১. ২. ২৩||
নহুষস্য মহাত্মানং পিতরং যং প্রচক্ষতে |
স তেষ্ববভৃথেষ্বেব ধর্ম্মশীলো মহীপতিঃ || ১. ২. ২৪||
আয়ুরায়ভবায়াগ্র্যমস্মিন্ সত্রে নরোত্তমঃ |
শান্তয়িৎবা তু রাজানং তদা ব্রহ্মবিদস্তথা || ১. ২. ২৫||
সত্রমারেভিরে কর্ত্তুং পৃথ্বীবৎসা ত্মমূর্তয়ঃ |
বভূব সত্রে তেষাং তু ব্রহ্মচর্যং মহাত্মনাম্ || ১. ২. ২৬||
বিশ্বং সিসৃক্ষমাণানাং পুরা বিস্বসৃজামিব |
বৈখানসৈঃ প্রিয়সখৈর্বাল খিল্যৈর্মরীচিভিঃ || ১. ২. ২৭||
অজৈশ্চ মুনিভির্জাতং সূর্যবৈশ্বানরপ্রভঃ |
বিতৃদেবাপ্সরঃসিদ্ধৈর্গন্ধর্বোরগচারণৈঃ || ১. ২. ২৮||
ভারতৈঃ শুশুভে রাজা দেবৈরিন্দ্রসমো যথা |
স্তোত্রশস্ত্রৈর্গৃহৈর্দেবান্পিৎৠন্পিত্র্যৈশ্চ কর্মভিঃ || ১. ২. ২৯||
আনর্চুঃস্ম যথাজাতি গন্ধর্বাদীন্ যথাবিধি |
আরাধনে স সস্মার ততঃ কর্মান্তরেষু চ || ১. ২. ৩০||
জগুঃ সামানি গন্ধর্বা ননৃতুশ্চাপ্সরোগণাঃ |
ব্যাজহ্রুর্মুনয়ো বাচং চিত্রাক্ষরপদাং শুভাম্ || ১. ২. ৩১||
মন্ত্রাদি তত্র বিদ্বাংসো জজপুশ্চ পরস্পরম্ |
বিতণ্ডাবচনৈশ্চৈব নিজঘ্নুঃ প্রতিবাদিনঃ || ১. ২. ৩২||
ঋষয়শ্চৈব বিদ্বাংসঃ শব্দার্থন্যায়কোবিদাঃ |
ন তত্র হারিতং কিঞ্চিদ্বিবিশুর্ব্রহ্মরাক্ষসাঃ || ১. ২. ৩৩||
নৈব যজ্ঞহরা দৈত্যা নৈব বাজমুখাস্ত্রিণঃ |
প্রায়শ্চিত্তং দরিদ্রং চ ন তত্র সমজায়ত || ১. ২. ৩৪||
শক্তিপ্রজ্ঞাক্রিয়ায়েগৈর্বিধিরাশীষ্বনুষ্টিতঃ |
এবং চ ববৃধে সত্রং দ্বাদশাব্দং মনীষিণাম্ || ১. ২. ৩৫||
ঋষীণাং নৈমিষীয়াণাং তদভূদিব বজ্রিণঃ |
বৃদ্ধাদ্যা ঋৎবিজো বীরা জ্যোতিষ্টোমান্ পৃথক্পৃথক্ || ১. ২. ৩৬||
চক্রিরে পৃষ্ঠগমনাঃ সর্বানয়ুতদক্ষিণান্ |
সমাপ্তয়জ্ঞো যত্রাস্তে বাসুদেবং মহাধিপম্ || ১. ২. ৩৭||
পপ্রচ্ছুরমিতাত্মানং ভবদ্ভির্যদহং দ্বিজঃ |
প্রচোদিতঃ স্ববংশার্থং স চ তানব্রবীৎপ্রভুঃ || ১. ২. ৩৮||
শিষ্যঃস্বয়ংভুবো দেবঃ সর্বং প্রত্যক্ষদৃগ্বশী |
অণিমাদিভিরষ্টাভিঃ সূক্ষ্মৈরঙ্গৈঃ সমন্বিতঃ || ১. ২. ৩৯||
তির্যগ্বাতাদিভির্বর্ষৈঃ সর্বাং ল্লোকান্বিভর্তি যঃ |
সপ্তস্কন্ধা ভৃতাঃ শাখাঃ সর্বতোয়াজরাজরান্ || ১. ২. ৪০||
বিষয়ৈর্ মরুতো যস্য সংস্থিতাঃ সপ্তসপ্তকাঃ |
ব্যূহত্রয়াণাং সূতানাং কুর্বন্ সত্রং মহাবলঃ || ১. ২. ৪১||
তেজসশ্বাপ্যুপায়ানাং দধাতীহ শরীরিণঃ |
প্রাণাদ্যা বৃত্তয়ঃ পঞ্চ ধারণানাং স্ববৃত্তিভিঃ || ১. ২. ৪২||
পূর্যমামঃ শরীরাণাং ধারণং যস্য কুর্বতে |
আকাশয়োনির্দ্বিগুণঃ শাব্দস্পর্শসমন্বিতঃ || ১. ২. ৪৩||
বাচোরণিঃ সমাখ্যাতা শব্দশাস্ত্রবিচক্ষণৈঃ |
ভারত্যারঃ শ্লক্ষ্ণয়া সর্বান্মুনীন্প্রহ্লাদয়ন্নিব || ১. ২. ৪৪||
পুরাণজ্ঞাঃ সুমনসঃ পুরাণাশ্রয়য়ুক্তয়া |
পুরাম নিয়তা বিপ্রাঃ কথামকথয়দ্বিভুঃ || ১. ২. ৪৫||
এতৎসর্বং যথাবৃত্তমাখ্যানং দ্বিজসত্তমাঃ |
ঋষীণাং চ পরং চৈতল্লোকতত্ত্বমনুত্তমম্ || ১. ২. ৪৬||
ব্রহ্মণা যৎপুরা প্রোক্তং পুরাণং জ্ঞানমুত্তমম্ |
দেবতানামৃষীণাং চ সর্বপাপপ্রমোচনম্ || ১. ২. ৪৭||
বিস্তরেণানুপূর্ব্যা চ তস্য বক্ষ্যাম্যনুক্রমম্ || ১. ২. ৪৮||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে প্রথমে প্রক্রিয়াপাদে নৈমিষাখ্যানকথনং নাম দ্বিতীয়োঽধ্যায়ঃ || ২||

সূত উবাচ
শৃণু তেষাং কথাং দিব্যাং সর্বপাপপ্রমোচনীম্ |
কথ্যমানাং ময়া চিত্রাং বহ্বর্থাং শ্রুতিসংমতাম্ || ১. ৩. ১||
য ইমাং ধারয়েন্নিত্যং শৃণুয়াদ্বাপ্যভীক্ষ্ণশঃ |
স্ববংশং ধারণং কৃৎবা স্বর্গলোকে মহীয়তে || ১. ৩. ২||
বিশ্বতারা যা চ পঞ্চ যথাবৃত্তং যথাশ্রুতম্ |
কীর্ত্যমানং নিবোধার্থং পূর্বেষাং কীর্ত্তিবর্দ্ধনম্ || ১. ৩. ৩||
ধন্যং যশস্যমায়ুষ্যং স্বর্গ্যং শত্রুঘ্নমেব চ |
কীর্ত্তনং স্থিরকীর্তীনাং সর্বেষাং পুণ্যকর্মণাম্ || ১. ৩. ৪||
যস্মাৎকল্পায়তে কল্পঃ সমগ্রং শুচয়ে শুচিঃ |
তস্মৈ হিরণ্যগর্ভায় পুরুষায়েশ্বরায় চ || ১. ৩. ৫||
অজায় প্রথমায়ৈব বরিষ্ঠায় প্রজাসৃজে |
ব্রহ্মণে লোকতন্ত্রায় নমস্কৃত্য স্বয়ংভুবে || ১. ৩. ৬||
মহদাদ্যং বিশেষান্তং সবৈরূপ্যং সলক্ষণম্ |
পঞ্চপ্রমাণং ষদ্শ্রান্তঃ পুরুষাধিষ্ঠিতং চ যৎ || ১. ৩. ৭||
আসংযমাৎপ্রবক্ষ্যামি ভূতসর্গমনুত্তমম্ |
অব্যক্তং কারণং যত্তন্নিত্যং সদসদাত্মকম্ || ১. ৩. ৮||
প্রধানং প্রকৃতিং চৈব যমাহুস্তত্ত্বচিন্তকাঃ |
গন্ধরূপরসৈর্হীনং শব্দস্পর্শবিবর্জিতম্ || ১. ৩. ৯||
জগদ্যোনিম্মহাভূতং পরং ব্রহ্মসনাতনম্ |
বিগ্রহং সর্বভূতানামব্যক্তমভবৎকিল || ১. ৩. ১০||
অনাদ্যন্তমজং সূক্ষ্মং ত্রিগুণং প্রভবাপ্যয়ম্ |
অসাংপ্রতিকমজ্ঞেয়ং ব্রহ্ম যৎসদসৎপরম্ || ১. ৩. ১১||
তস্যাত্মনা সর্বমিদং ব্যাপ্তমাসীত্তমোময়ম্ |
গুণসাম্যে তদা তস্মিন্নবিভাতং তমোময়ম্ || ১. ৩. ১২||
সর্গকালে প্রধানস্য ক্ষত্রজ্ঞাধিষ্ঠিতস্য বৈ |
গুণভাবাদ্ভাসমানে মহাতত্ত্ব বভূব হ || ১. ৩. ১৩||
সূক্ষ্মঃ স তু মহানগ্রে অব্যক্তেন সমাবৃতঃ |
সত্ত্বোদ্রেকো মহানগ্রে সত্ত্বমাত্রপ্রকাশকঃ || ১. ৩. ১৪||
সত্ত্বান্মহান্স বিজ্ঞেয় একস্তৎকারণঃ সমৃতঃ |
নিঙ্গমাত্রং সমুৎপন্নং ক্ষেত্রজ্ঞাধিষ্টিতং মহৎ || ১. ৩. ১৫||
সংকল্পোঽধ্যবসায়শ্চ তস্য বৃত্তিদ্বয়ং স্মৃতম্ |
মহাসৃষ্টিং চ কুরুতে বীতমানঃ সিসৃক্ষয়া || ১. ৩. ১৬||
ধর্মাদীনি চ ভূতানি লোকতত্ত্বার্থহেতবঃ |
মনো মহাত্মনি ব্রহ্ম দুর্বুদ্ধিখ্যাতিরীশ্বরাৎ || ১. ৩. ১৭||
প্রজ্ঞাসংধিশ্চ সর্বস্বং সংখ্যায়তনরশ্মিভিঃ |
মনুতে সর্বভূতানাং তস্মাচ্চেষ্টফলো বিভুঃ || ১. ৩. ১৮||
ভোক্তা ত্রাতা বিভক্তাত্মা বর্ত্তনং মন উচ্যতে |
তত্ত্বানাং সংগ্রহে যস্মান্মহাংশ্চ পরিমাণতঃ || ১. ৩. ১৯||
শেষেভ্যো গুণাতত্ত্বেভ্যো মহানিব তনুঃ স্মৃতঃ |
বিভক্তিমানং মনুতে বিভাগং মন্যতেঽপি বা || ১. ৩. ২০||
পুরুষো ভোগসংবন্ধাত্তেন চাসৌ সতি স্মৃতঃ |
বৃহত্ত্বাদ্বৃংহণৎবাচ্চ ভাবানামখিলাশ্রয়াৎ || ১. ৩. ২১||
যস্মাদ্বৃংহয়ত ভাবান্ ব্রহ্মা তেন নিরুচ্যতে |
আপূরয়তি যস্মাচ্চ সর্বান্ দেহাননুগ্রহৈঃ || ১. ৩. ২২||
বুধ্যতে পুরুষশ্চাত্র সর্বান্ ভাবান্পৃথক্ পৃথক্ |
তস্মিংস্তু কার্যকরণং সংসিদ্ধং ব্রহ্মণঃ পুরা || ১. ৩. ২৩||
প্রাকৃতং দেবি বর্তং মাং ক্ষেত্রজ্ঞো ব্রহ্মসংমিতঃ |
স বৈ শরীরী প্রথমঃ পুরা পুরুষ উচ্যতে || ১. ৩. ২৪||
আদিকর্ত্তা স ভূতানাং ব্রহ্মাগ্রে সমবর্ত্তিনাম্ || ১. ৩. ২৫||
হিরণ্যগভঃ সোঽণ্ডেঽস্মিন্প্রাদুর্ভূতশ্চতুর্মুখঃ |
সর্গে চ প্রতিসর্গে চ ক্ষেত্রজ্ঞো ব্রহ্ম সংসিতঃ || ১. ৩. ২৬||
করণৈঃ সহ পৃচ্ছন্তে প্রত্যাহারেস্ত্যজন্তি চ |
ভজন্তে চ পুনর্দেহাংস্তে সমাহারসংধিসু || ১. ৩. ২৭||
হিরণ্ময়স্তু যো মেরুস্তস্যোদ্ধর্তুর্মহাত্মনঃ |
গর্তোদকং সবুদাস্তু হরেয়ুশ্চাপি পঞ্চতাঃ || ১. ৩. ২৮||
যস্মিন্নণ্ড ইমে লোকাঃ সপ্ত বৈ সংপ্রতিষ্ঠিতাঃ |
পৃথিবী সপ্তভির্দ্বীপৈঃ সমুদ্রৈঃ সহ সপ্তভিঃ || ১. ৩. ২৯||
পর্বতৈঃ সুমহদ্ভিশ্চ নদীভিশ্চ সহস্রশঃ |
অন্তঃস্থস্য ৎবিমে লোকা অন্তর্বিশ্বমিদং জগৎ || ১. ৩. ৩০||
চন্দ্রাদিত্যৌ সনক্ষতৌ সংগ্রহঃ সহ বায়ুনা |
লোকালোকং চ যৎ কিঞ্চিদণ্ডে তস্মিন্প্রতিষ্টিতম্ || ১. ৩. ৩১||
আপো দশগুণে নৈব তেজসা বাহ্যতো বৃতাঃ |
তেজো দশগুণেনৈব বাহ্যতো বায়ুনা বৃতম্ || ১. ৩. ৩২||
বায়ুর্দশগুণেনৈব বাহ্যতো নভসা বৃতঃ |
আকাশমাবৃতং সর্বং বহির্ভূতাদিনা তথা || ১. ৩. ৩৩||
ভূতাদির্মহতা চৈব প্রধানেনাবৃতো মহান্ |
এভিরাবরণৈরণ্ডং সপ্তভিঃ প্রাকৃতৈর্বৃতম্ || ১. ৩. ৩৪||
ইচ্ছয়া বৃত্য চান্যোন্যমরণে প্রকৃতয়ঃ স্থিতঃ |
প্রসর্গকালে স্থিৎবা চ গ্রসংতস্চ পরস্পরম্ || ১. ৩. ৩৫||
এবং পরস্পরৈশ্চৈব ধারয়ন্তি পরস্পরম্ |
আধারাধেয়ভাবেন বিকারাস্তে বিকারিষু || ১. ৩. ৩৬||
অব্যক্তং ক্ষেত্রমিত্যুক্তং ব্রহ্ম ক্ষেত্রজ্ঞমুচ্যতে |
ইত্যেবং প্রাকৃতঃ সর্গঃ ক্ষেত্রজ্ঞাধিষ্ঠিতস্তু সঃ || ১. ৩. ৩৭||
অবুদ্ধিপূর্বঃ প্রথমঃ প্রাদুর্ভূতস্তডিদ্যথা |
এতদ্ধিরণ্যগর্ভস্য চন্ম যো বেত্তি তত্ত্বতঃ |
আয়ুষ্মান্কীর্তিমান্ধন্যঃ প্রজ্ঞাবাংশ্চ ন সংশয়ঃ || ১. ৩. ৩৮||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে প্রথমে প্রক্রিয়াপাদে হিরণ্যগর্ভোৎপত্তিবর্ণনং নাম তৃতীয়োঽধ্যায় || ৩||

সুত উবাচ
আত্মন্যবস্থিতে ব্যক্তে বিকারে প্রতিসংহতে |
সাধর্ম্যেণাবতিষ্ঠেতে প্রধানপুরুষৌ তদা || ১. ৪. ১||
তমঃসত্ত্ব গুণাবেতৌ সমৎবেন ব্যবস্থিতৌ |
অনুদ্রিক্তাবনুচরৌ তেন প্রোক্তৌ পরস্পরম্ || ১. ৪. ২||
গুণসাম্যে লয়ো জ্ঞেয় আধিক্যে সৃষ্টিরুচ্যতে |
সত্ত্ববৃদ্ধৌ স্থিতিরভূদ্ ধ্রুবং পদ্ম শিখাস্থিতম্ || ১. ৪. ৩||
যদা তমসি সত্ত্বে চ রজোপ্যনুগতং স্থিতম্ |
রজঃ প্রবর্তকং তচ্চ বীজেষ্বিব যথা জলম্ || ১. ৪. ৪||
গুণা বৈষম্যমাসাদ্য প্রসংগেন প্রতিষ্ঠিতাঃ |
গুণেভ্যঃ ক্ষোভ্যমাণেভ্যস্ত্রয়ো জ্ঞেয়া হি সাদরে || ১. ৪. ৫||
শাশ্বতাঃ পরমা গুহ্যাঃ সর্বাত্মানঃ শরীরিণঃ |
সত্ত্বং বিষ্ণূ রজো ব্রহ্মা তমো রুদ্রঃ প্রজাপতিঃ || ১. ৪. ৬||
রজঃপ্রকাশকোবিষ্ণুর্ব্রহ্মস্রষ্টৃৎবমাপ্নুয়াৎ |
জায়তে চ যতশ্চত্রা লোকসৃষ্টির্মহোজসঃ || ১. ৪. ৭||
তমঃপ্রকাশকো বিষ্ণুঃ কালৎবেন ব্যবস্থিতঃ |
সত্ত্বপ্রকাশকো বিষ্ণুঃ স্থিতিৎবেন ব্যবস্থিতঃ || ১. ৪. ৮||
এত এব ত্রয়ো লোকা এত এব ত্রয়ো গুণাঃ |
এত এব ত্রয়ো বেদা এত এব ত্রজোঽগ্নয়ঃ || ১. ৪. ৯||
পরস্পরান্বয়া হ্যেতে পরস্পরমনুব্রতাঃ |
পরস্পরেণ বর্তন্তে প্রেরয়ন্তি পরস্পরম্ || ১. ৪. ১০||
অন্যোন্যং মিথুনং হ্যেতে অন্যোন্যমুপজীবিনঃ |
ক্ষণং বিয়োগো ন হ্যেষাং ন ত্যজন্তি পরস্পরম্ || ১. ৪. ১১||
প্রধানগুণবৈষম্যাৎসর্গকালে প্রবর্ত্ততে |
অদৃষ্টাধিষ্ঠিতাৎপূর্বে তস্মাৎসদসদাত্মকাৎ || ১. ৪. ১২||
ব্রহ্মা বুদ্ধিৎবমিথুনং যুগপৎসংবভূব হ |
তস্মাত্তমোব্যক্তময়ং ক্ষেত্রজ্ঞো ব্রহ্মসংজ্ঞকঃ || ১. ৪. ১৩||
সংসিদ্ধকার্যকরণো ব্রহ্মগ্রে সমবর্ত্তত |
তেজসাপ্রতিমো ধীমানব্যক্তঃ সংপ্রকাশকঃ || ১. ৪. ১৪||
স বৈ শরীরপ্রথমো ধারণৎবব্যবস্থিতঃ |
জ্ঞানেনাপ্রতিমেনেহ বৈরাগ্যেণ চ সপ্ততিঃ || ১. ৪. ১৫||
অব্যক্তৎবায় তেনাস্য মনসা যদ্যদিচ্ছতি |
বশীকৃতৎবাত্ত্রৈগুণ্যাৎসাপেক্ষৎবাচ্চ ভাবতঃ || ১. ৪. ১৬||
চতুর্মুখস্তু ব্রহ্মৎবে কালৎবে চান্তকৃদ্ভবঃ |
সহস্রমূর্ধা পুরুষস্তিস্রোঽবস্থাঃস্বয়ংভুবঃ || ১. ৪. ১৭||
সর্বং রজশ্চ ব্রহ্মৎবে কালৎবে চরজস্তমঃ |
সাত্ত্বিকঃ পুরুষৎবে চ গুণবৃতং স্বয়ংভুবঃ || ১. ৪. ১৮||
ব্রহ্মৎবে সৃজতে লোকান্ কালৎবে সংক্ষয়ত্যপি |
পুরুষৎবে উদাসীনস্তিস্রোঽবস্থাঃ স্বয়ংভুবঃ || ১. ৪. ১৯||
ব্রহ্মা কমল পত্রাক্ষঃ কালো জাত্যঞ্জনপ্রভঃ |
পুরুষঃ পুণ্ডরীকাক্ষো রূপেণ পরমাত্মনঃ || ১. ৪. ২০||
একধা স দ্বিধা চৈব ত্রিধা চ বহুধা পুনঃ |
যোগীশ্বরঃ শরীরাণি করোতি বিকরোতিচ || ১. ৪. ২১||
নানাকৃতিক্রিয়ারূপমাশ্রয়ন্তিস্বলীলয়া |
ত্রিধা যদ্বর্ততে লোকে তস্মাত্র্রিগুণ উচ্যতে || ১. ৪. ২২||
চতুর্দ্ধা প্রবিভক্তৎবাচ্চতুর্ব্যূহঃ প্রকীর্ত্তিতঃ |
যদা শেতে তদার্ধাতে যদ্ভুঙ্ক্তে বিষয়ান্প্রভুঃ || ১. ৪. ২৩||
যৎস্বস্থাঃ সততং ভাবস্তস্মাদাত্মা নিরূচ্যতে |
ঋষিঃ সর্বগতশ্চাত্র শরীরে সোঽভ্যয়াৎপ্রভুঃ || ১. ৪. ২৪||
স্বামী সর্বস্য যৎসর্বংবিষ্ণুঃ সর্বপ্রবেশনাৎ |
ভগবানগ্রসদ্ভাবান্নাগো নাগস্বসংশ্রয়াৎ || ১. ৪. ২৫||
পরমঃ সংপ্রহৃষ্টৎবাদ্দেবতাদোমিতি স্মৃতিঃ |
সর্বজ্ঞঃ সর্ববিজ্ঞানাৎসর্বঃসর্বংযতস্ততঃ || ১. ৪. ২৬||
নরাণাং স্বাপনং ব্রহ্মা তস্মান্নারায়ণঃ স্মৃতঃ |
ত্রিধা বিভজ্য চাত্মানং সকলঃ সংপ্রবর্ত্ততে || ১. ৪. ২৭||
সৃজতে গ্রসতে চৈব পাল্যতে চ ত্রিভিঃ স্বয়ম্ |
সোঽগ্রে হিরণ্যগর্ভঃ সন্ প্রাদুর্ভূতঃ স্বয়ং প্রভুঃ || ১. ৪. ২৮||
আদ্যো হি স্ববশশ্চৈব অজাতৎবাদজঃ স্মৃতঃ |
তস্মাদ্ধিরণ্যগর্ভশ্চ পুরাণেষু নিরুচ্যতে || ১. ৪. ২৯||
স্বয়ংভুবো নিবৃত্তস্য কালো বর্ণাগ্রতস্তু যঃ |
ন শক্যঃ পরিসংখ্যাতুং মনুবর্ষশতৈরপি || ১. ৪. ৩০||
কল্পসংখ্যানিবৃত্তস্তু পরার্ধো ব্রহ্মণঃ স্মৃতঃ |
তাবত্ত্বে সোঽস্য কালোঽন্যস্তস্যান্তে প্রতিবুদ্ধ্যতে || ১. ৪. ৩১||
কোটিবর্ষসহস্রাণি গৃহভূতানি যানি চ |
সমতীতানি কল্পানাং তাবচ্ছেষাৎপরেতু যে || ১. ৪. ৩২||
যৎস্বয়ং বর্ত্ততে কল্পো বারাহস্তন্নিবোধত |
প্রথমং সাংপ্রতস্তেষাং কল্পো বৈ বর্ত্ততে চ যঃ || ১. ৪. ৩৩||
পূর্ণে যুগসহস্রে তু পরিপাল্যং নরেশ্বরৈঃ || ১. ৪. ৩৪||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে প্রথমে প্রক্রিয়াপদে লোককল্পনং নাম চতুর্থোঽধ্যায়ঃ || ৪||

শ্রীসূত উবাচ
আপোঽগ্রে সর্বগা আসন্নেনসিমন্পৃথিবীতলে |
শান্তবাতৈঃ প্রলীনেঽস্মিন্ন প্রাজ্ঞায়ত কিঞ্চন || ১. ৫. ১||
একার্ণবে তদা তস্মিন্নষ্টে স্থাবরজঙ্গমে |
বিভুর্ভবতি স ব্রহ্মা সহস্রাক্ষঃ সহস্রপাৎ || ১. ৫. ২||
সহস্রশীর্ষা পুরুষো রুক্মবর্ণো হ্যতীন্দ্রিয়ঃ |
ব্রহ্ম নারায়ণাখ্যস্তু সুষ্বাপ সলিলে তদা || ১. ৫. ৩||
সত্ত্বোদ্রেকান্নিষিদ্ধস্তু শূন্যং লোকমবৈক্ষত |
ইমং চোদাহরন্ত্যত্রর্ শ্লোকং নারায়ণং প্রতি || ১. ৫. ৪||
আপো নারা ইতি প্রোক্তা আপো বৈ নরসূনবঃ |
অয়ন তস্য তাঃপ্রোক্তাস্তেন নারায়ণঃ স্মৃতঃ || ১. ৫. ৫||
তুল্য যুগসহস্রস্য বসন্কালমুপাস্যতঃ |
স্বর্ণপত্রেপ্রকুরুতে ব্রহ্মৎবাদর্শকারণাৎ || ১. ৫. ৬||
ব্রহ্ম তু সলিলে তস্মিন্নবাগ্ ভূৎবা তদা চরন্ |
নিশায়ামিব খদ্যোতঃ প্রাপৃট্কালে ততস্ততঃ || ১. ৫. ৭||
ততস্তু সলিলে তস্মিন্ বিজ্ঞায়ান্তর্গতে মহৎ |
অনুমানাদসংমূঢো ভূমেরদ্ধরণং প্রতি || ১. ৫. ৮||
ওঙ্কারাষৃতনুং ৎবন্যাং কল্পাদিষু যথা পুরা |
ততো মহাত্মা মনসা দিব্যরূপম চিন্তয়ৎ || ১. ৫. ৯||
সলিলেঽবপ্লুতাং ভূমিং দৃষ্ট্বা স সমচিন্তয়ৎ |
কিং তু রূপমহং কৃৎবা সলিলাদুদ্ধরে মহীম্ || ১. ৫. ১০||
জলক্রীডাসমুচিতং বারাহং রূপমস্মরৎ |
উদৃশ্যং সর্বভূতানাং বাঙ্ময়ং ব্রহ্মসংজ্ঞিতম্ || ১. ৫. ১১||
দশয়োজনবিস্তীর্ণমায়তংশতয়োজনম্ |
নীলমেঘপ্রতীকাশং মেঘস্তনিতনিঃস্বনম্ || ১. ৫. ১২||
মহাপর্বতবর্ষ্মাণং শ্বেততীক্ষ্ণোগ্রদংষ্ট্রিণাম্ |
বিদ্যুদগ্নিপ্রতিকাশমাদিত্যসমতেজসম্ || ১. ৫. ১৩||
পীনবৃত্তায়তস্কন্ধং বিষ্ণুবিক্রমগামি চ |
পীনোন্নতকটীদেশং বৃষলক্ষণপূজিতম্ || ১. ৫. ১৪||
আস্থায় রূপমতুলং বারাহমমিতং হরিঃ |
পৃথিব্যুদ্ধরণার্থায় প্রবিবেশ রসাতলম্ || ১. ৫. ১৫||
দীক্ষাসমাপ্তীষ্টিদংষ্ট্রঃক্রতুদন্তো জুহূসুখঃ |
অগ্নিজিহ্বো দর্ভরোমা ব্রহ্মশীর্ষো মহাতপাঃ || ১. ৫. ১৬||
বেদস্কন্ধো হবির্গন্ধির্হব্যকব্যাদিবেগবান্ |
প্রাগ্বংশকায়ো দ্যুতিমান্ নানাদীক্ষাভিরন্বিতঃ || ১. ৫. ১৭||
দক্ষিণা ৎদৃদয়ো যোগী শ্রদ্ধাসত্ত্বময়ো বিভুঃ |
উপাকর্মরুচিশ্চৈব প্রবর্গ্যাবর্তভূষণঃ || ১. ৫. ১৮||
নানাছন্দোগতিপথো গুহ্যোপনিষদাসনঃ |
মায়াপত্নীসহায়ো বৈ গিরিশৃঙ্গমিবোচ্ছ্রয়ঃ || ১. ৫. ১৯||
অহোরাত্রেক্ষণাধরো বেদাঙ্গশ্রুতিভূষণঃ |
আজ্যগন্ধঃ স্রুবস্তুণ্ডঃ সামঘোষস্বনো মহান্ || ১. ৫. ২০||
সত্যধর্মময়ঃ শ্রীমান্ কর্মবিক্রমসৎকৃতঃ |
প্রায়শ্চিত্তনখো ঘোরঃ পশুজানুর্মহামখঃ || ১. ৫. ২১||
উদ্গাতাত্রো হোমলিঙ্গঃ ফলবীজমহোষধীঃ |
বাদ্যন্তরাত্মসত্রস্য নাস্মিকাসো মশোণিতঃ || ১. ৫. ২২||
ভক্তা যজ্ঞবরাহান্তাশ্চাপঃ সংপ্রাবিশৎপুনঃ |
অগ্নিসংছাদিতাং ভূমিং সমামিচ্ছন্প্রজাপতিম্ || ১. ৫. ২৩||
উপগম্যা জুহাবৈতা মদ্যশ্চাদ্যসমন্যসৎ |
মামুদ্রাশ্চ সমুদ্রেষু নাদেয়াশ্চ নদীষু চ |
পৃথক্ তাস্তু সমীকৃত্য পৃথিব্যাং সোঽচিনোদ্গিরীন্ || ১. ৫. ২৪||
প্রাক্সর্গে দহ্যমানাস্তু তদা সংবর্তকাগ্নিনা |
দেনাগ্নিনা বিলীনাস্তে পর্বতা ভুবি সর্বশঃ || ১. ৫. ২৫||
সত্যাদেকার্ণবে তস্মিন্ বায়ুনা যত্তু সংহিতাঃ |
নিষিক্তা যত্রয়ত্রাসংস্তত্রতত্রাচলোঽভবৎ || ১. ৫. ২৬||
ততস্তেষু প্রকীর্ণেষু লোকোদধিগিরীংস্তথা |
বিশ্বকর্মা বিভজতে কল্পাদিষু পুনঃ পুনঃ || ১. ৫. ২৭||
সসমুদ্রামিমাং পৃথ্বীং সপ্তদ্বীপাং সপর্বতাম্ |
ভূরাদ্যাংশ্চতুরো লোকান্পুনঃপুনরকল্পয়ৎ || ১. ৫. ২৮||
লাকান্প্রকল্পয়িৎবা চ প্রজাসর্গ সসর্জ হ |
ব্রহ্মা স্বয়ংভূর্ভগবাম্ সিসৃক্ষুর্বিবিধাঃ প্রজাঃ || ১. ৫. ২৯||
সসর্জ সৃষ্টং তদ্রূপং কল্পাদিষু যথা পুরা |
তস্যাভিধ্যায়তঃ সর্গং তদা বৈ বুদ্ধিপূর্বকম্ || ১. ৫. ৩০||
প্রধানসমকালে চ প্রাদুর্ভূতস্তমো ময়ঃ |
তমো মোহো মহামোহস্তামিস্রো হ্যন্ধসংজ্ঞিতঃ || ১. ৫. ৩১||
অবিদ্যা পঞ্চপর্বৈষা প্রাদুর্ভূতা মহাত্মনঃ |
পঞ্চধাবস্থিতঃ সর্গো ধ্যায়ত সাভিমানিনঃ || ১. ৫. ৩২||
সর্বতস্তমসা চৈব বীজকুংভলতাবৃতাঃ |
বহিরন্তশ্চাপ্রকাশস্তথানিঃসংজ্ঞ এব চ || ১. ৫. ৩৩||
যস্মাত্তেষাং কৃতা বুদ্ধির্ দুঃখানি করণানি চ |
তস্মাচ্চ সংবৃতাত্মানো নগা মুখ্যাঃ প্রকীর্তিতাঃ || ১. ৫. ৩৪||
মুখ্যসর্গে তদোদ্ভূতং দৃষ্ট্বা ব্রহ্মাত্মসংভবঃ |
অপ্রতী তমনাঃ সোথ তদোৎপত্তিমমন্যত || ১. ৫. ৩৫||
তস্যাভিধ্যায়তশ্চান্যস্তির্যক্স্রোতোঽভ্যবর্তত |
যস্মাত্তির্যগ্বিবর্ত্তেত তির্যকস্রোতস্ততঃ স্মৃতঃ || ১. ৫. ৩৬||
তমোবহুৎবাত্তে সর্বে হ্যজ্ঞানবহুলাঃ স্মৃতাঃ |
উৎপাদ্যগ্রাহিমশ্চৈব তেঽজ্ঞানে জ্ঞানমানিনঃ || ১. ৫. ৩৭||
অহঙ্কৃতা অহংমানা অষ্টাবিংশদ্দ্বিধাত্মিকাঃ |
একাদশন্দ্রিয়বিধা নবধাত্মাদয়স্তথা || ১. ৫. ৩৮||
অষ্টৌ তু তারকাদ্যাশ্চ তেষাং শক্তিবধাঃ স্মৃতাঃ |
অন্তঃ প্রকাশাস্তে সর্বে আবৃতাশ্চ বহিঃ পুনঃ || ১. ৫. ৩৯||
তির্যক্ স্রোতস উচ্যন্তে বশ্যাত্মানস্ত্রিসংজ্ঞকাঃ || ১. ৫. ৪০||
তির্যক্ স্রোতস্তু সৃষ্ট্বা বৈ দ্বিতীয়ং বিশ্বমীশ্বরঃ |
অভিপ্রায়মথোদ্ভূতং দৃষ্ট্বা সর্গং তথাবিধম্ || ১. ৫. ৪১||
তস্যাভিধ্যায়তো যোন্ত্যঃ সাত্ত্বিকঃ সমজায়ত |
ঊর্দ্ধস্রোতস্তৃতীয়স্তু তদ্বৈ চোর্দ্ধং ব্যবস্থিতম্ || ১. ৫. ৪২||
যস্মাদূর্দ্ধং ন্যবর্তন্ত তদূর্দ্ধস্রোতসংজ্ঞকম্ |
তাঃ সুখং প্রীতিবহুলা বহিরন্তশ্চ বাবৃতাঃ || ১. ৫. ৪৩||
প্রকাশা বহিরন্তশ্চ ঊর্দ্ধস্রোতঃপ্রজাঃ স্মৃতাঃ |
নবধাতাদয়স্তে বৈ তুষ্টাত্মানো বুধাঃ স্মৃতাঃ || ১. ৫. ৪৪||
ঊর্দ্ধস্রোত স্তুতীয়ো যঃ স্মৃতঃ সর্বঃ সদৈবিকঃ |
ঊর্দ্ধস্রোতঃসু সৃষ্টেষু দেবেষু স তদা প্রভুঃ || ১. ৫. ৪৫||
প্রীতিমানভবদ্ব্রহ্মা ততোঽন্যং নাভিমন্যত |
সর্গমন্যং সিমৃক্ষুস্তং সাধকং পুনরীশ্বরঃ || ১. ৫. ৪৬||
তস্যাভিধ্যায়তঃ সর্গং সত্যাভিধ্যায়িনস্তদা |
প্রাদুর্বভৌ ভৌতসর্গঃ সোর্বাক্ স্রোতস্তু সাধকঃ || ১. ৫. ৪৭||
যস্মাত্তের্বাক্প্রবর্তন্তে ততোর্বাকূস্রোতসস্তু তে |
তে চ প্রকাশবহুলাস্তমস্পৃষ্টরজোধিকাঃ || ১. ৫. ৪৮||
তস্মাত্তে দুঃখবহুলা ভূয়োভূয়শ্চ কারিমঃ |
প্রকাশা বহিরন্তশ্চ মনুষ্যাঃ সাধকাশ্চ তে || ১. ৫. ৪৯||
লক্ষণৈর্নারকাদ্যৈস্তৈরষ্টধা চ ব্যবস্থিতাঃ |
সিদ্ধাত্মানো মনুষ্যাস্তে গন্ধর্বৈঃ সহ ধর্মিণঃ || ১. ৫. ৫০||
পঞ্চমোঽনুগ্রহঃ সর্গশ্চতুর্দ্ধা স ব্যবস্থিতঃ |
বিপর্যয়েণ শক্ত্যা চ সিদ্ধ মুখ্যাস্তথৈব চ || ১. ৫. ৫১||
নিবৃত্তা বর্তমানাশ্চ প্রজায়ন্তে পুনঃপুনঃ |
ভূতাদিকানাং সত্ত্বানাং ষষ্ঠঃ সর্গঃ স উচ্যতে || ১. ৫. ৫২||
স্বাদনাশ্চাপ্যশীলাশ্চ জ্ঞেয়া ভূতাদিকাশ্চ তে |
প্রথমো মহতঃ সর্গো বিজ্ঞেয়ো ব্রহ্মণস্তু সঃ || ১. ৫. ৫৩||
তন্মাত্রাণাং দ্বিতীয়স্তু ভূত সর্গঃ স উচ্যতে |
বৈকারিকস্তৃতীয়স্তু চৈদ্রিয়ঃ সর্গ উচ্যতে || ১. ৫. ৫৪||
ইত্যেত প্রাকৃতাঃ সর্গা উৎপন্না বুদ্ধিপূর্বকাঃ |
মুখ্যসর্গশ্চ তুর্থস্তু মুখ্যা বৈ স্থাবরাঃ স্মৃতাঃ || ১. ৫. ৫৫||
তির্যক্স্রোতঃসসর্গস্তু তৈর্যগ্যোন্যস্তু পঞ্চমঃ |
তথোর্দ্ধস্রোতসাং সর্গঃ ষষ্ঠো দেবত উচ্যতে || ১. ৫. ৫৬||
তত্রোর্দ্ধস্রোতসাং সর্গঃ সপ্তমঃ স তু মানুষঃ |
অষ্টমোনুগ্রহঃ সর্গঃ সাত্ত্বিকস্তামসশ্চ সঃ || ১. ৫. ৫৭||
পঞ্চৈতে বৈকৃতাঃ সর্গাঃ প্রাকৃতাদ্যাস্ত্রয়ঃ স্মৃতাঃ |
প্রাকৃতো বৈকৃতশ্চৈব কৌমারো নবমঃ স্মৃতঃ || ১. ৫. ৫৮||
প্রকৃতা বুদ্ধিপূর্বাস্তু ত্রয়ঃ সর্গাস্তু বৈকৃতাঃ |
দুদ্ধিবুর্বাঃ প্রবর্তেয়ুস্তদ্বর্গা ব্রাহ্মণাস্তু বৈ || ১. ৫. ৫৯||
বিস্তরাচ্চ যথা সর্বে কীর্ত্যমানং নিবোধত |
চতুর্দ্ধা চ স্থিতস্সোঽপি সর্বভূতেষু কৃৎস্নশঃ || ১. ৫. ৬০||
বিপর্যয়োণ শত্ত্যা চ বুদ্ধ্যা সিদ্ধ্যা তথৈব চ |
স্থাবরেষু বিপর্যাসস্তির্যগ্যোনিষু শক্তিতঃ || ১. ৫. ৬১||
সিদ্ধাত্মানো মনুষ্যাস্তু পুষ্টির্দেবেষু কৃৎস্নশঃ |
অথো সসর্জ বৈ ব্রহ্মা মানসানাত্মনঃ সমান্ || ১. ৫. ৬২||
বৈবর্ত্যেন তু জ্ঞানেন নিবৃত্তাস্তে মহৌ জসঃ |
সংবুদ্ধ্য চৈব নামাথো অপবৃত্তাস্ত্রয়স্তু তে || ১. ৫. ৬৩||
অসৃষ্ট্বৈব প্রজাসর্গংপ্রতিসর্গং ততস্ততঃ |
ব্রহ্মা তেষু ব্যরক্তেষু ততোঽন্যান্সা ধকান্সৃজন্ || ১. ৫. ৬৪||
স্থানাভিমানিনো দেবাঃ পুনর্ব্রহ্মানুশাসনম্ |
অভূতসৃষ্ট্যবস্থা চে স্থানিনস্তান্নিবোধ মে || ১. ৫. ৬৫||
আপোঽগ্নিঃ পৃথিবী বায়ুরন্তরিক্ষো দিবং তথা |
স্বর্গো দিশঃ সমুদ্রাশ্চ নদ্যশ্চৈব বনস্পতীন্ || ১. ৫. ৬৬||
ঔষধীনাং তথাত্মানো হ্যাত্মনো বৃক্ষবীরুধাম্ |
লতাঃ কাষ্ঠাঃ কলাশ্চৈব মুহূর্তাঃ সংধিরাত্র্যহাঃ || ১. ৫. ৬৭||
অর্দ্ধমাসাশ্চ মাসাশ্চ অয়নাব্দয়ুগানি চ |
স্থানে স্রোতঃস্বভীমানাঃ স্থানাখ্যাশ্চৈব তে স্মৃতাঃ || ১. ৫. ৬৮||
স্থানাত্মনঃ স সৃষ্ট্বা তু ততোঽন্যান্স তদাসৃজৎ |
দেবাংশ্চৈব পিৎৠংশ্চৈব যৌরিমা বর্দ্ধিতাঃ প্রজাঃ || ১. ৫. ৬৯||
ভৃগ্বঙ্গিরা মরীচিশ্চ পুলস্ত্যঃ পুলহঃ ক্রতুঃ |
দক্ষোঽত্রিশ্চ বসিষ্ঠশ্চ সাসৃজন্নব মানসান্ || ১. ৫. ৭০||
নব ব্রহ্মাণ ইত্যেতে পুরাণে নিশ্চয়ং গতাঃ |
ব্রহ্মা যথাত্মকানাং তু সর্বেষাং ব্রহ্ময়োগিনাম্ || ১. ৫. ৭১||
ততোঽসৃজৎপুনর্ব্রহ্মা রুদ্রং রোষত্মসংভবম্ |
সংকল্পং চৈব ধর্ম চ সর্বেষামেব পর্বতৌ || ১. ৫. ৭২||
সোঽসৃজদ্ব্যবসায়ং তু ব্রহ্মা ভূতং সুখাত্মকম্ |
সংকল্পাচ্চৈব সংকল্পো জজ্ঞে সোঽব্যক্তয়োনিনঃ || ১. ৫. ৭৩||
প্রাণাদ্দক্ষোঽসৃজদ্বাচং চক্ষুর্ভ্যাং চ মরীচিনম্ |
ভৃগুশ্চ হৃদয়াজ্জজ্ঞে ঋষিঃ সলিলয়োনিনঃ || ১. ৫. ৭৪||
শিরসশ্চাঙ্গিরাশ্চৈব শ্রোত্রাদত্রিস্তথৈব চ |
পুলস্ত্যশ্চ তথোদানাদ্ব্যানাত্তু পুলহস্তথা || ১. ৫. ৭৫||
সমানতো বসিষ্ঠশ্চ হ্যপানান্নির্মমে ক্রতুম্ |
ইত্যেতে ব্রহ্মণঃ শ্রেষ্ঠাঃ পুত্রা বৈ দ্বাদশ স্মৃতাঃ || ১. ৫. ৭৬||
ধর্মাদয়ঃ প্রথমজা বিজ্ঞেয়া ব্রহ্মমঃ স্মৃতাঃ |
ভৃগ্বাদয়স্তু যে সৃষ্টা ন চ তে ব্রহ্মবাদিনঃ || ১. ৫. ৭৭||
গৃহমেধিপুরাণাস্তে বিজ্ঞেয়া ব্রহ্মণঃ সুতাঃ |
দ্বাদশৈতে প্রসূয়ন্তে সহ রূদ্রেণ চ দ্বিজাঃ || ১. ৫. ৭৮||
ক্রতুঃ সনৎকুমারশ্চ দ্বাবেতাবূর্দ্ধরেতসৌ |
পূর্বোৎপত্তৌ পুরা হ্যেতৌ সর্বেষামপি পূর্বজৌ || ১. ৫. ৭৯||
ব্যতীতৌ সপ্তমে কল্পে পুরাণৌ লোকসাধকৌ |
বিরজেতেঽত্র বৈ লোকে তেজসাক্ষিপ্য চাত্মনঃ || ১. ৫. ৮০||
তাপুভৌ যোগধর্মাণাবারোপ্যাত্মানমাত্মনা |
প্রজাধর্মং চ কামং চ বর্তয়েতে মহৌজসৌ || ১. ৫. ৮১||
যথোৎপন্নস্তথৈবেহ কুমার ইতি চোচ্যতে |
ততঃ সনৎকুমারেতি নাম তস্য প্রতিষ্ঠিতম্ || ১. ৫. ৮২||
তেষাং দ্বাদশ তে বংশা দিব্যা দেবগাণান্বিতাঃ |
ক্রিয়াবন্তঃ প্রজাবন্তো মহর্ষিভিরলঙ্কৃতাঃ || ১. ৫. ৮৩||
প্রাণজাংস্তু স দৃষ্ট্বা বৈ ব্রহ্মা দ্বাদশ সাত্ত্বিকান্ |
ততোঽসুরান্পিৎৠন্দেবান্মনুষ্যাংশ্চাসৃজৎপ্রভুঃ || ১. ৫. ৮৪||
মুখাদ্দেবানজনয়ৎ পিৎৠংশ্চৈবাথ বক্ষসঃ |
প্রজননান্মনুষ্যান্বৈ জঘনান্নির্মমেঽসুরান্ || ১. ৫. ৮৫||
নক্তং সৃজন্পুনর্ব্রহ্মা জ্যোৎস্নায়া মানুষাত্মনঃ |
সুধায়াশ্চ পিৎৠংশ্চৈব দেবদেবঃ সসর্জহ || ১. ৫. ৮৬||
মুখ্যামুখ্যান্ মৃজন্দেবানসুরাংশ্চ ততঃ পুনঃ |
সনসশ্চ মনুষ্যাংশ্চ পিতৃবন্মহতঃ পিৎৠন্ || ১. ৫. ৮৭||
বিদ্যুতোঽশনিমেঘাংশ্চ লোহিতেন্দ্রধনূংষি চ |
ঋচো যজূংষি সামানি নির্মমে যজ্ঞসিদ্ধয়ে || ১. ৫. ৮৮||
উচ্চাবচানি ভূতানি মহসস্তস্য জজ্ঞিরে |
ব্রহ্মণস্তু প্রজাসর্গং দেবার্ষিপিতৃমানবম্ || ১. ৫. ৮৯||
পুনঃ সৃজতি ভূতানি চরাণি স্থাবরাণি চ |
যক্ষান্পিশাচান্ গন্ধর্বান্সর্বশোঽপ্সরসস্তথা || ১. ৫. ৯০||
নরকিন্নররক্ষাংসি বয়ঃ পশুমৃগোরগান্ |
অব্যয়ং বা ব্যয়ঞ্চৈব দ্বয়ং স্থাবরজঙ্গমম্ || ১. ৫. ৯১||
তেষাং তে যান্তি কর্মাণি প্রাক্ সৃষ্টানি স্বয়ংভুবা |
তান্যেব প্রতিপদ্যন্তে সৃজ্যমানাঃ পুনঃ পুনঃ || ১. ৫. ৯২||
হিংস্রাহিংস্রে মৃদুক্রূরে ধর্মাধর্মৌং কৃতাকৃতে |
তেষামেব পৃথক্ সূতমবিভক্তং ত্রয়ং বিদুঃ || ১. ৫. ৯৩||
এতদেবং চ নৈবং চ ন চোভে নানুভে তথা |
কর্ম স্ববিষয়ং প্রাহুঃ সত্ত্বস্থাঃ সমদর্শিনঃ || ১. ৫. ৯৪||
নামাত্মপঞ্চভূতানাং কৃতানাং চ প্রপঞ্চতাম্ |
দিবশব্দেন পঞ্চৈতে নির্মমে সমহেশ্বরঃ || ১. ৫. ৯৫||
আর্ষাণি চৈব নামানি যাশ্চ দেবেষু সৃষ্টয়ঃ |
শর্বর্যাং ন প্রসূয়ন্তে পুনস্তেভ্যোদধৎপ্রভুঃ || ১. ৫. ৯৬||
ইত্যেবং কারণাদ্ভূতো লোকসর্গঃ স্বয়ংভুবঃ |
মহদাদ্যা বিশেষান্তা বিকারাঃ প্রাকৃতাঃ স্বয়ম্ || ১. ৫. ৯৭||
চন্দ্রসূর্যপ্রভো লোকো গ্রহনক্ষত্রমণ্ডিতঃ |
নদীভিশ্চ সমুদ্রৈশ্চ পর্বতৈশ্চ সহস্রশঃ || ১. ৫. ৯৮||
পুরৈশ্চ বিবিধৈ রম্যৈঃ স্ফীতৈর্জনপদৈস্তথা |
অস্মিন্ ব্রহ্মবনেঽব্যক্তো ব্রহ্মা চরতি সর্ববিৎ || ১. ৫. ৯৯||
অব্যক্তবীজপ্রভবস্তস্যৈবানুগ্রহে স্থিতঃ |
বুদ্ধিস্কন্ধময়শ্চৈব ইন্দ্রিয়ান্তরকোটরঃ || ১. ৫. ১০০||
মহাভূতপ্রকাশশ্চ বিশেষৈঃ পত্রবাংস্তু সঃ |
ধর্মাধর্মসুপুষ্পস্তু সুখদুঃখফলোদয়ঃ || ১. ৫. ১০১||
আজীবঃ সর্বভূতানাং ব্রহ্মবৃক্ষঃ সনাতনঃ |
এতদ্ব্রহ্মবনং চৈব ব্রহ্মবৃক্ষস্য তস্য তৎ || ১. ৫. ১০২||
অব্যক্তং কারণং যত্র নিত্যং সদসদাত্মকম্ |
প্রধানং প্রকৃতিংমায়াং চৈবাহুস্তত্ত্বচিন্তকাঃ || ১. ৫. ১০৩||
ইত্যেষোঽনুগ্রহঃমর্গো ব্রহ্মনৈমিত্তিকঃ স্মৃতঃ |
অবুদ্ধিপূর্বকাঃ সর্গা ব্রহ্মণঃ প্রাকৃতাস্ত্রয়ঃ || ১. ৫. ১০৪||
সুখ্যাদয়স্তু ষট্ সর্গা বৈকৃতা বুদ্ধিপূর্বকাঃ |
বৈকল্পাৎসংপ্রবর্তন্তে ব্রহ্মণস্তেভিমন্যবঃ || ১. ৫. ১০৫||
ইত্যেতে প্রাকৃতাশ্চৈব বৈকৃতাশ্চ নব স্মৃতাঃ |
সর্গাঃ পরস্পরোৎপন্নাঃ কারণং তু বুধৈঃ স্মৃতম্ || ১. ৫. ১০৬||
মূর্দ্ধানং বৈ যস্য বেদা বদন্তি বিয়ন্নাভিশ্চন্দ্রসূর্যৌং চ নেত্রে |
দিশঃ শ্রোত্রে বিদ্ধি পাদৌ ক্ষিতিং চ সোঽচিন্ত্যাত্মা সর্বভূতপ্রণেতা || ১. ৫. ১০৭||
বক্ত্রাদ্যস্য ব্রাহ্মণাঃ সংপ্রসূতা বক্ষসশ্চৈব ক্ষত্রিয়াঃ পূর্বভাগে |
বৈশ্যা ঊরুভ্যাং যস্য পদ্ভ্যাং চ শূদ্রাঃসর্বেবর্ণা গাত্রতঃ সংপ্রসূতাঃ || ১. ৫. ১০৮||
নারায়ণাৎপরোব্যক্তাদণ্ডমব্যক্তসংজ্ঞিতম্ |
অণ্ডজস্তু স্বয়ং ব্রহ্মা লোকাস্তেন কৃতাঃ স্বয়ম্ || ১. ৫. ১০৯||
তত্র কল্পান্ দশস্থিৎবা সত্যং গচ্ছন্তি তে পুনঃ |
তে লোকা ব্রহ্মলোকং বৈ অপরাবর্তিনীং গতিম্ || ১. ৫. ১১০||
আধিপত্যং বিনা তে বৈ ঐশ্বর্যেণ তু তৎসমাঃ |
ভবন্তি ব্রহ্মণা তুল্যা রূপেণ বিষয়েণ চ || ১. ৫. ১১১||
তত্র তে হ্যবতিষ্ঠন্তে প্রীতিয়ুক্তাঃ স্বসংযুতাঃ |
অবশ্যংভাবিনার্থেন প্রাকৃতং তনুতে স্বয়ম্ || ১. ৫. ১১২||
নানাৎবনাভিসংবধ্যাস্তদা তৎকালভাবিতাঃ |
স্বপতোঽবুদ্ধিপূর্ব হি বোধো ভবতি বৈ যথা || ১. ৫. ১১৩||
তৎকালভাবিতে তেষাং তথা জ্ঞানং প্রবর্ত্ততে |
প্রত্যাহারৈস্তু ভেদানাং তেষাং হি ন তু শুষ্মিণাম্ || ১. ৫. ১১৪||
তৈশ্ব সার্ধং প্রবর্তন্তে কার্যাণি কারণানি চ |
নানাৎবদর্শিনাং তেষাং ব্রহ্মলোকনিবাসিনাম্ || ১. ৫. ১১৫||
বিনিবৃত্তবিকারাণাং স্বেন ধর্মেণ তিষ্ঠতাম্ |
তুল্যলক্ষণ সিদ্ধাস্তু শুভাত্মানো নিরঞ্জনাঃ || ১. ৫. ১১৬||
প্রাকৃতে করণোপেতাঃ স্বাত্মন্যেব ব্যবস্থিতাঃ |
প্রস্থাপয়িৎবা চাত্মানং প্রকৃতিস্ত্বেষ তত্তবতঃ || ১. ৫. ১১৭||
পুরুষান্যবহুৎবেন প্রতীতা ন প্রবর্ততে |
প্রবর্ততে পুনঃ সর্গস্তেষাং সাকারণাত্মনাম্ || ১. ৫. ১১৮||
সংযোগঃ প্রকৃতির্জ্ঞেয়া যক্তানাং তত্ত্বদর্শিনাম্ |
তত্রোপবর্গিণী তেষামপুনর্ভারগামিনাম্ || ১. ৫. ১১৯||
অভাবতঃ পুনঃ সত্যং শান্তানামর্চিষামিব |
ততরতেষু গতেষূর্দ্ধং ত্রৈলোক্যাত্তু মুদাত্মসু || ১. ৫. ১২০||
তে সার্দ্ধং চৈর্মহর্ল্লোকস্তদানাসাদিতস্তু বৈ |
তচ্ছিষ্যা যে হ তিষ্ঠন্তি কল্পদাহ উপস্থিতে || ১. ৫. ১২১||
গন্ধর্বাদ্যাঃ পিশাচাশ্চমানুষা ব্রহ্মণাদয়ঃ |
পশবঃ পক্ষিণশ্চৈব স্থাবরাঃ সসরীসৃপাঃ || ১. ৫. ১২২||
তিষ্ঠৎসুতেষু তৎকালং পৃথিবীতলবসিষু |
সহস্রংযত্তু রশ্মীনাং সূর্যস্যেহ বিনশ্যতি || ১. ৫. ১২৩||
তে সপ্ত রশ্ময়ো ভূৎবা একৈকো জায়তে রবিঃ |
ক্রমেণ শতমানাস্তে ত্রীংল্লোকান্প্রদহন্ত্যুত || ১. ৫. ১২৪||
জঙ্গমান্স্থাবরাংশ্চৈব নদীঃ সর্বাশ্চ পর্বতান্ |
শুষ্কে পূর্বমনাবৃষ্ট্যা চৈস্তৈশচৈব প্রতাপিতাঃ || ১. ৫. ১২৫||
তদা তে বিবশাঃ সর্বে নির্দগ্ধাঃ সূর্যরশ্মিভিঃ |
জঙ্গমাঃ স্থাবরাশ্চৈব ধর্মাধর্মাদিকাস্তু বৈ || ১. ৫. ১২৬||
দগ্ধদেহাস্তদা তে তু ধূতপাপা যুগাত্যয়ে |
খ্যাতাতপা বিনির্মুক্তাঃ শুভয়া চাতিবন্ধয়া || ১. ৫. ১২৭||
ততস্তে হ্যুপপদ্যন্তে তুল্যরূপৈর্জনৈর্জনাঃ |
উষিৎবা রজনীং তে চ ব্রহ্মণোঽব্যক্তজন্মনঃ || ১. ৫. ১২৮||
পুনঃ সর্গে ভবন্তীহ মানস্যো ব্রহ্মণঃ প্রজাঃ |
ততস্তেষু প্রপন্নেষু জনৈস্ত্রৈলোক্যবাসিষু || ১. ৫. ১২৯||
নির্দগ্ধেষু চ লোকেষু তদা সূর্যৈস্তু সপ্তভিঃ |
বৃষ্ট্যা ক্ষিতৌ প্লাবিতায়াং বিজনেষ্বর্ণবেষু বা || ১. ৫. ১৩০||
সমুদ্রাশ্চৈব মেঘাশ্চ আপশ্চৈবাথ পার্থিবাঃ |
শরমাণা ব্রজন্ত্যেব সলিলাখ্যাস্তথাচলাঃ || ১. ৫. ১৩১||
আগতাগতিকং চৈব যদা তু সলিলং বহু |
সংছাদ্যেমাং স্থিতাং ভূমিমর্ণবাখ্যং তদাভবত || ১. ৫. ১৩২||
আভাতি যস্মাচ্চাভাসাদ্ভাশব্দঃ কান্তিদীপ্তিষু |
স সর্বঃ সমনুপ্রাপ্তা মাসাং ভাভ্যো বিভাব্যতে || ১. ৫. ১৩৩||
তদন্তস্তনুতে যস্মাৎসর্বাং পৃথ্বীং সমততঃ |
ধাতুস্তনোতি বিস্তারং ততোপতনবঃ স্মৃতাঃ || ১. ৫. ১৩৪||
শার ইত্যেব শীর্ণে তু নানার্থো ধাতু রুচ্যতে |
একার্ণবে ভবন্ত্যাপো ন শীর্ণাস্তেন তা নরাঃ || ১. ৫. ১৩৫||
তস্মিন্ যুগসহস্রান্তে সংস্থিতে ব্রহ্মণোঽহনি |
তাবৎকালং রজন্যাং চ বর্তন্ত্যাং সলিলাত্মনঃ || ১. ৫. ১৩৬||
ততস্তে সলিলে তস্মিন্ নষ্টাগ্নৌ পৃথিবীতলে |
প্রশান্তবাতেঽন্ধকারে নিরালোকে সমন্ততঃ || ১. ৫. ১৩৭||
যেনৈবাধিষ্ঠিতং হীদং ব্রহ্মণঃ পুরুষঃ প্রভুঃ |
বিভাগমস্য লোকস্য প্রকর্তুং পুনরৈচ্ছত || ১. ৫. ১৩৮||
শার ইত্যেব শীর্ণে তু নানার্থো ধাতু রুচ্যতে |
একর্ণবে ততস্তস্মিন্নষ্টে স্থাবর জঙ্গমে |
তদা ভবতি স ব্রহ্মা সহস্রাক্ষঃ সহস্রপাৎ || ১. ৫. ১৩৯||
সহস্রশীর্ষা পুরুষো রুক্মবর্ণো হ্যতীন্দ্রিয়ঃ |
ব্রহ্মা নারায়ণা খ্যস্তু সুষ্বাপ সলিলে তদা || ১. ৫. ১৪০||
সত্ত্বোদ্রেকাৎপ্রবুদ্ধস্তু স শূন্যং লোকমৈক্ষত |
অনেনাদ্যেন পাদেন পুরাণং পরিকীর্তিতম্ || ১. ৫. ১৪১||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে প্রথমে প্রক্রিয়াপাদে লোককল্পনং নাম পঞ্চমোঽধ্যায়ঃ || ৫||

সূত উবাচ
ইত্যেবং প্রথমং পাদং প্রকৃত্যর্থং প্রকীর্তিতম্ |
শ্রুৎবা তু সংহৃষ্টমনাঃ কাপেয়ঃ সংশয়ায়তি || ১. ৬. ১||
আরাধ্য বচসা সূতং তস্যার্থ ৎবপরাং কথাম্ |
অথ প্রবৃতি কল্পজ্ঞঃ প্রতিসংধিঃ প্রচক্ষতে || ১. ৬. ২||
সমতীতস্য কল্পস্য বর্তমানস্য চানয়োঃ |
কল্পয়োরন্তরং যত্র প্রতিসংধিশ্চ যস্তয়োঃ |
এতদ্বেদিতুমিচ্ছামি যথাবৎকুশলো হ্যসি || ১. ৬. ৩||
কাপেয়েনৈবমুক্তস্তু সূতঃ প্রবদতাং বরঃ |
ত্রৈলোক্যস্যোদ্ভবং কৃৎস্নমাখ্যাতুমুপচক্রমে || ১. ৬. ৪||
সূত উবাচ
অত্র বৈ বর্ণয়িষ্যামি যাথাতথ্যেন সুব্রতাঃ |
কল্পং ভূতং ভবিষ্যং চ প্রতিসংধিশ্চ যস্তয়োঃ || ১. ৬. ৫||
মন্বন্তরাণি কল্পেষু যানি যানি চ সুব্রতাঃ |
যশ্চায়ং বর্ততে কল্পো বারাহঃ সাংপ্রতঃ শুভঃ || ১. ৬. ৬||
অস্মাৎকল্পাত্তু যঃ পূর্বঃ কল্পোঽতীতঃ সনাতনঃ |
তস্য চাস্য চ কল্পস্য মধ্যাবস্থাং নিবোধত || ১. ৬. ৭||
প্রত্যাগতে পূর্বকল্পে প্রতিসংধিং বিনানঘাঃ |
অন্যঃ প্রবর্ত্ততে কল্পো জনলোকাদয়ঃ পুনঃ || ১. ৬. ৮||
ব্যুচ্ছিন্নপ্রতিসংধিস্তু কল্পাৎকল্পঃ পরস্পরম্ |
ব্যুচ্ছিদ্যন্তে প্রজাঃ সর্বাঃ কল্পান্তে সর্বশস্তদা || ১. ৬. ৯||
তস্মাৎকল্পাত্তু কল্পস্য প্রতিসংধির্ন বিদ্যতে |
মন্বন্তরে যুগাখ্যানামবিচ্ছিন্নাস্তু সংধয়ঃ || ১. ৬. ১০||
পরস্পরাৎ প্রবর্তন্তে মন্বন্তরয়ুগৈঃ সহ |
উক্তা যে প্রক্রিয়ার্থেন পূর্বকল্পাঃ সমাসতঃ || ১. ৬. ১১||
তেষাং পরার্দ্ধকল্পানাং পূর্বে যস্মাত্তু যঃ পরঃ |
আসীৎকল্পে ব্যতীতে বৈ পরর্দ্ধাৎপরমস্তু যঃ || ১. ৬. ১২||
কল্পাস্ত্বন্যে ভবিষ্যা যে হ্যপরার্দ্ধগুণীকৃতাঃ |
প্রথমঃ সাংপ্রতস্তেষাং কল্পোং যো বর্ততে দ্বিজাঃ || ১. ৬. ১৩||
অস্মিন্পূর্বে পরার্দ্ধে তু দ্বিতীয়ঃ পর উচ্যতে |
এষ সংস্থিতকালস্তু প্রত্যাহারস্ততঃ স্মৃতঃ || ১. ৬. ১৪||
অস্মাৎকল্পাত্ততঃ পূর্বং কল্পোঽতীতঃ পুরাতনঃ |
চতুর্যুগসহস্রতি সহ মন্বন্তরৈঃ পুরা || ১. ৬. ১৫||
ক্ষীণে কল্পে ততস্তস্মিন্ দাহকাল উপস্থিতে |
তস্মিন্কালে তদা দেবা আসন্বৈমানিকাস্তু যে || ১. ৬. ১৬||
নক্ষত্রগ্রহতারাশ্চ চন্দ্রসূর্যাদয়স্তু তে |
অষ্টাবিংশতিরেবৈতাঃ কোট্যস্তু সুকৃতাত্ম নাম্ || ১. ৬. ১৭||
মন্বন্তরে যথৈকস্মিন্ চতুর্দ্দশসু বৈ তথা |
ত্রীণি কোটিশতান্যাসন্ কোট্যো দ্বিনবতিস্তথা || ১. ৬. ১৮||
অথাধিকাসপ্ত তিশ্চ সহস্রাণাং পুরা স্মৃতা |
একৈকস্মিংস্তু কল্পে বৈ দেবা বৈমানিকাঃ স্মৃতাঃ || ১. ৬. ১৯||
অথ মন্বন্তরেষ্বাসংশ্চতুর্দশসু খে দিবি |
দেবাশ্চ পিতরশ্চৈব ঋষয়োঽমৃতপাস্তথা || ১. ৬. ২০||
তেষামনুচরাশ্চৈব পত্ন্যঃ পুত্রাস্তথৈব চ |
বর্ণাশ্রমাতিরিক্তাশ্চ তস্মিন্কালে তু খে সুরাঃ || ১. ৬. ২১||
তৈস্তৈঃ সায়ুজ্যগৈঃ সার্দ্ধ প্রাপ্তে বস্তুময়ে তদা |
তুল্যনিষ্ঠাভবন্সর্বে প্রাপ্তে হ্যাভূতসংপ্লবে || ১. ৬. ২২||
ততস্তেঽবশ্যভাবিৎবাদূ বুদ্ধ্যাঃ পর্যা যমাত্মনঃ |
ত্রৈলোক্যবাসিনো দেবা ইহ তানাভিমানিনঃ || ১. ৬. ২৩||
স্থিতিকালে তদা পূর্ণে আসন্নে পশ্চিমোত্তরে |
কল্পাবসানিকা দেবাস্ত স্মিনপ্রাপ্তে হ্যুপপ্লবে || ১. ৬. ২৪||
তদোৎসুকা বিষাদেংন ত্যক্তস্থানানি ভাগশঃ |
মহর্লোকায় সংবিগ্নাস্ততস্তে দধিরে মনঃ || ১. ৬. ২৫||
তে যুক্তা নুপপদ্যন্তে মহতীং চ শরীরিকে |
বিশুদ্ধিবহুলাঃ সর্বে মানসীং সিদ্ধিমাস্থিতাঃ || ১. ৬. ২৬||
তৈঃ কল্পবাসিভিঃ সার্দ্ধং মহানাসাদিতস্তদা |
ব্রাহ্মণৈঃ ক্ষত্রিয়ৈর্বৈশ্যৈস্তদ্ভবৈশ্চাপরৈর্জনৈঃ || ১. ৬. ২৭||
গৎবা তু তে মহার্লোকং দেবসংঘাশ্চতুর্দ্দশ |
স্ততস্তে জনলোকায় সোদ্বেগা দধিরে মনঃ || ১. ৬. ২৮||
এতেন ক্রময়োগেন যয়ুস্তে কল্পবাসিনঃ |
এবং দেবয়ুগানাং তু সহস্রাণি পরস্পরম্ || ১. ৬. ২৯||
বিশুদ্ধিবহুলাঃ সর্বে মানসীং সিদ্ধিমাস্থিতাঃ |
তৈঃ কল্পবাসিভিঃ সার্দ্ধং জন আসাদিতস্তু বৈ || ১. ৬. ৩০||
তত্র কল্পান্দশ স্থিৎবা সত্যং গচ্ছন্তি বৈ পুনঃ |
গৎবা তে ব্রহ্মলোকং বৈ অপরাবর্ত্তিনীং গতিম্ || ১. ৬. ৩১||
আধিপত্যং বিমানে বৈ ঐশ্বর্যেণ তু তৎসমাঃ |
ভবন্তি ব্রহ্মণা তুল্যা রূপেণ বিষয়েণ চ || ১. ৬. ৩২||
তত্র তে হ্যবতিষ্ঠন্ত প্রীতিয়ুক্তাশ্চ সংযমান্ |
আনন্দং ব্রহ্মণঃ প্রাপ্য মুচ্যন্তে ব্রহ্মণা সহ || ১. ৬. ৩৩||
অবশ্যভাবিনার্থেন প্রাকৃতেনৈব তে স্বয়ম্ |
মানার্চনাভিঃ সংবদ্ধাস্তদা তৎকালভাবিতাঃ || ১. ৬. ৩৪||
স্বপতো বুদ্ধিপূর্বং তু বোধো ভবতি বৈ যথা |
তথাতু ভাবিতে সেবাং তথানন্দঃ প্রবর্ততে || ১. ৬. ৩৫||
প্রত্যাহারৈস্তু ভোদানাং যেষাং ভিন্নানি শুষ্মিণাম্ |
তৈঃ সার্দ্ধ বর্দ্ধতে তেষাং কার্যাণি করণানি চ || ১. ৬. ৩৬||
নানা ৎবদর্শিনাং তেষাং ব্রহ্মলোকনিবাসিনাম্ |
বিনিবৃত্তাধিকারণাং স্বেন ধর্মেণ তিষ্ঠতাম্ || ১. ৬. ৩৭||
তে তুল্যলক্ষণাঃ সিদ্ধাঃ শুদ্ধাত্মানো নিরঞ্জনাঃ |
প্রাকৃতে করণোপেতাঃ স্বাত্মন্যেব ব্যবস্থিতাঃ || ১. ৬. ৩৮||
প্রখ্যাপয়িৎবা চাত্মানং প্রকৃতিস্ত্বেষ তত্ত্বতঃ |
পুরুষান্যবহুৎবেন প্রতীতা তৎপ্রবর্ততে || ১. ৬. ৩৯||
প্রবর্তিতে পুনঃ সর্গে তেষাং সাকারণাত্মনাম্ |
সংযোগে প্রকৃতির্জ্ঞৈয়া মুক্তানাং তত্ত্বদর্শিনাম্ || ১. ৬. ৪০||
তত্রোপবর্গিণাং তেষাং ন পুনর্মার্গগামিনাম্ |
অভাবঃ পুনরুৎপন্নঃ শান্তানামর্চিষামিব || ১. ৬. ৪১||
ততস্তেষু গতেষূর্ধ্বং ত্রৈলোক্যেষু মহাত্মসু |
এতৈঃ সার্ধং মহর্লোকস্তদানাসাদিতস্তু বৈ || ১. ৬. ৪২||
তচ্ছিষ্যা বৈ ভবিষ্যন্তি কল্পদাহ উপস্থিতে |
গন্ধর্বাদ্যাঃ পিশাচাশ্চ মানুষা ব্রাহ্মণাদয়ঃ || ১. ৬. ৪৩||
পশবঃ পক্ষিণস্চৈব স্থাবরাশ্চ সরীসৃপাঃ |
তিষ্ঠৎসু তেষু তৎকালং পৃথিবীতলবাসিষু || ১. ৬. ৪৪||
সহস্রং যত্তু রশ্মীনাং স্বয়মেব বিভাব্যতে |
তৎসপ্তরশ্ময়ো ভূৎবা একৈকো জায়তে রবিঃ || ১. ৬. ৪৫||
ক্রমেণোত্তিষ্টমানাস্তে ত্রীংল্লোকান্প্রদহন্ত্যুত |
জঙ্গমাঃ স্থাবরাশ্চৈবনদ্যঃ সর্বে চ পর্বতাঃ || ১. ৬. ৪৬||
শুষ্কাঃ পূর্বমনাবৃষ্ট্যা সূর্য্যৈস্তে চ প্রধূপিতাঃ |
তদা তু বিবশাঃ সর্বে নির্দগ্ধাঃ সূর্যরশ্মি ভিঃ || ১. ৬. ৪৭||
জঙ্গমাঃ স্থাবরাশ্চৈব ধর্মাধর্মাত্মকাস্তু বৈ |
দগ্ধদেহাস্তদা তে তু ধূতপাপায়ুগান্তরে || ১. ৬. ৪৮||
খ্যাতাতপা বিনির্মুক্তাঃ শুভয় চাতিবন্ধয়া |
ততস্তে হ্যুপপদ্যন্তে তুল্যরূপৈর্জনৈর্জনাঃ || ১. ৬. ৪৯||
উষিৎবা রজনীং তত্র ব্রহ্মণোঽব্যক্তজন্মনঃ |
পুনঃ সর্গে ভবন্তীহ মানসা ব্রহ্মণঃ সুতাঃ || ১. ৬. ৫০||
ততস্তেষূপপন্নেষু জনৈস্ত্রৈলোক্যবাসিষু |
নির্দগ্ধেষু চ লোকেষু তদা সূর্যৈস্তু সপ্তভিঃ || ১. ৬. ৫১||
বৃষ্ট্যা ক্ষিতৌ প্লাবিতায়াং বিজনেষ্বর্ণবেষু চ |
সামুদ্রাশ্চৈব মেঘাশ্চ আপঃ সর্বাশ্চ পার্থিবাঃ || ১. ৬. ৫২||
শরমাণা ব্রজন্ত্যেব সলিলাখ্যাস্তথা নুগাঃ |
আগতাগতিকং চৈব যদা তৎসলিলং বহু || ১. ৬. ৫৩||
সংছাদ্যেমাং স্থিতাং ভমিমর্ণবাখ্যং তদাভবৎ |
আভাতি যস্মাৎ স্বাভাসো ভাশব্দো ব্যাপ্তিদীপ্তিষু || ১. ৬. ৫৪||
সর্বতঃ সমনুপ্রাপ্ত্যা তাসাং চাম্ভো বিভাব্যতে |
তদন্তস্তনুতে যস্মাৎসর্বাং পৃথ্বীং সমন্ত ততঃ || ১. ৬. ৫৫||
ধাতুস্তনোতি বিস্তারে নচৈতাস্তনবঃ স্মৃতাঃ |
শর ইত্যেষ শীর্ণে তু নানার্থো ধাতুরুচ্যতে || ১. ৬. ৫৬||
একার্ণবে ভবত্যাপো ন শীঘ্রাস্তেন তে নরাঃ |
তস্মিন্ যুগসহস্রান্তে সংস্থিতে ব্রহ্মণোঽহনি || ১. ৬. ৫৭||
তাবৎকালে রজন্যাং চ বর্তন্ত্যাং সলিলাত্মনা |
ততস্তু সলিলে তাস্মিন্নষ্টাগ্নৌ পৃথবীতলে || ১. ৬. ৫৮||
প্রশান্তবাতেঽন্ধকারে নিরালোকে সমন্ততঃ |
এতেনাধিষ্ঠিতং হীদং ব্রহ্মা স পুরুষঃ প্রভুঃ || ১. ৬. ৫৯||
বিভাগমস্য লোকস্য প্রকর্তুং পুনরৈচ্ছত |
একার্ণবে তদা তস্মিন্নষ্টে স্থাবরজঙ্গমে || ১. ৬. ৬০||
তদা ভবতি স ব্রহ্মা সহস্রাক্ষঃ সহস্রপাৎ |
সহস্রশীর্ষা পুরুষো রুক্মবর্ণো জিতেন্দ্রিয়ঃ |
ইমং চোদাহরন্ত্যত্রর্ শ্লোকং নারায়ণং প্রতি || ১. ৬. ৬১||
আপো নারাস্তত্তনব ইত্যর্থা ননুশুশ্রুম |
আপূর্যমাণাস্তত্রাস্তে তেন নারায়ণঃ স্মৃতঃ || ১. ৬. ৬২||
সহস্রশীর্ষা সুমনাঃ সহস্রপাৎ সহস্রচক্ষুর্বদনঃ সহস্রকৃৎ |
সহস্রবাহুঃ প্রথমঃ প্রজাপতিস্ত্রয়ীময়োঽযং পুরুষো নিরুচ্যতে || ১. ৬. ৬৩||
আদিত্যবর্ণো ভুবনস্য গোপ্তা একো হ্যমূর্তঃ প্রথমস্ত্বসো বিরাট্ |
হিরণ্য গর্ভঃ পুরুষো মহাত্মা সংপদ্যতে বৈ মনসঃ পরস্তাৎ || ১. ৬. ৬৪||
কল্পাদৌ রজসোদ্রিক্তো ব্রহ্মা ভূস্ত্বাসৃজৎপ্রভুঃ |
কল্পান্তে তমসোদ্রিক্তঃ কালো ভূৎবাগ্রসৎপুনঃ || ১. ৬. ৬৫||
স বৈ নারায়ণো ভূৎবা সত্ত্বোদ্রিক্তো জলাশয়ে |
ত্রিধা বিভজ্য চাত্মানং ত্রৈলোক্যে সংপ্রবর্ত্ততে || ১. ৬. ৬৬||
সৃজতি গ্রসতে চৈব বীক্ষ্যতে চ ত্রিভিঃ স্বয়ম্ |
একার্ণবে তদা তস্মিন্নষ্টে স্থাবরজঙ্গমে || ১. ৬. ৬৭||
চতুর্যুগসহস্রান্তে সর্বতঃ স জলাবৃতে |
ব্রহ্মাং নারায়ণাখ্যস্তু স চকাশে ভবে স্বয়ম্ || ১. ৬. ৬৮||
চতুর্বিধাঃ প্রজাঃ সর্বা ব্রহ্মশক্ত্যা তমোবৃতাঃ |
পশ্যন্তি তং মহর্লোকে কালং সুপ্তং মহর্ষয়ঃ || ১. ৬. ৬৯||
ভৃগ্বাদয়ো যথোদ্দিষ্টাস্তস্মিন্ কালে মহর্ষয়ঃ |
সত্যাদয়স্তথা ৎবষ্টৌ কল্পে লীনে মহর্ষয়ঃ |
তদা বিবর্ত্যমানৈস্তৈর্মহৎপরিগতং পরাম্ || ১. ৬. ৭০||
গত্যর্থাদৃষতের্ধাতোর্নামনিষ্পত্তিরুচ্যতে |
যস্মাদৃষতিসত্ত্বেন মহত্তস্মান্মহর্ষয়ঃ || ১. ৬. ৭১||
মহর্লোকস্থিতৈর্দৃষ্টঃ কালঃ সুপ্তস্তদা চ তৈঃ |
সত্ত্বাদ্যাঃ সপ্ত যে ৎবাসন্কল্পেঽতীতে মহর্ষয়ঃ || ১. ৬. ৭২||
এবং ব্রহ্মা তাসু তাসু রজনীষু সহস্রশঃ |
দৃষ্টবন্তস্তদানীতাঃ কালং সুপ্তং মহর্ষয়ঃ || ১. ৬. ৭৩||
কল্পস্যাদৌ সুবহুলা যস্মাৎসংস্থাশ্চতুর্দ্দশ |
কল্পয়া মাস বৈ ব্রহ্মা তস্মাৎকল্পো নিরুচ্যতে || ১. ৬. ৭৪||
স স্রষ্টা সর্বভূতানাং কল্পাদিষু পুনঃ পুনঃ |
ব্যক্তাব্যকো মহাদেবস্তস্য সর্বমিদং জগৎ || ১. ৬. ৭৫||
ইত্যেষ প্রতিসংবন্ধঃ কীর্তিতঃ কল্পয়োর্দ্বয়োঃ |
সাংপ্রতং হি তয়োর্মধ্যে প্রাগবস্থা বভূব হ || ১. ৬. ৭৬||
কীর্তিতস্তু সমাসেন পূর্বকল্পে যথাতথম্ |
সাংপ্রতং সংপ্রবক্ষ্যামি কল্পমেতং নিবোধত || ১. ৬. ৭৭||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়ে অনুষঙ্গাপাদে কল্পমন্বন্তরাখ্যানবর্ণনং নাম ষষ্ঠোঽধ্যায়ঃ || ৬||

সূত উবাচ
তুল্যং যুগসহস্রং বৈ নৈশং কালমুপাস্য সঃ |
শর্বর্যংতে প্রকুরুতে ব্রহ্মা তূৎসর্গকারণাৎ || ১. ৭. ১||
ব্রহ্মা তু সলিলে তস্মিন্ বায়ুর্ভূৎবা তদাচরৎ |
অন্ধকারার্ণবে তস্মিন্নষ্টে স্থাবরজংগমে || ১. ৭. ২||
জলেন সমনুপ্লাব্য সর্বতঃ পৃথিবীতলে |
প্রবিভাগেন ভূতেষু সত্যমাত্রে স্থিতেষু বা || ১. ৭. ৩||
নিশয়ামিব খদ্যোতঃ প্রাবৃট্ কালে ততস্তদা |
তদা কামেন তরসামন্যামানঃস্বয়ং ধিয়া || ১. ৭. ৪||
সোপ্যুপায়ং প্রতিষ্ঠায়াং মার্গমাণস্তদা ভুবম্ |
ততস্তু সলিলে তস্মিন্ জ্ঞাৎবা ৎবন্তর্গতো মহীম্ || ১. ৭. ৫||
অন্ধমন্যতমং বুদ্ধা ভূমেরুদ্ধরণক্ষমঃ |
চকার তং তু দেবোঽথ পূর্বকল্পাদিষু স্মৃতঃ || ১. ৭. ৬||
সত্যং রূপং বরাহস্য কৃৎবাভোঽনুপ্রবিশ্য চ |
অদ্ভিঃ সংছাদিতামিচ্ছন্ পৃথিবীং স প্রজাপতিঃ || ১. ৭. ৭||
উদ্ধৃত্যোর্বীমথ ন্যস্তা সাপত্যাংতামতিন্যসৎ |
সামুদ্রাশ্চ সমুদ্রেষু নাদেয়াশ্চ নদীষু চ || ১. ৭. ৮||
পৃথক্তাস্তু সমীকৃত্য পৃথিব্যাং সোঽচিনোদ্গিরীন্ |
প্রাক্সর্গে দহ্যমানে তু পুরা সংবর্ত কাগ্নিনা || ১. ৭. ৯||
তেনাগ্নিনা বিলীনাস্তে পর্বতা ভুবি সর্বশঃ |
শৈল্যাদেকার্ণবে তস্মিন্বায়ুনা যে তু সংহিতাঃ || ১. ৭. ১০||
নিষিক্তা যত্র যত্রাসংস্তত্রতত্রাচলোঽভবৎ |
স্কন্ধাচলৎবাদচলাঃ পর্বভিঃ পর্বতাঃ স্মৃতাঃ || ১. ৭. ১১||
গিরয়ো হি নিগীর্ণৎবাদয়নাত্তু শিলোচ্চয়াঃ |
তত স্তাবাসমুদ্ধৃত্য ক্ষিতিমংতর্জলাৎপ্রভুঃ || ১. ৭. ১২||
সপ্তসপ্ত তু বর্ষাণি তস্যা দ্বীপেষু সপ্তসু |
বিষমাণি সমীকৃত্য শিলাভিরভিতো গিরীন্ || ১. ৭. ১৩||
দ্বীপেষু তেষু বর্ষাণি চৎবারিংশত্তথৈব তু |
তাবংতঃ পর্বতাশ্চৈব বর্ষাংতে সমবস্থিতাঃ || ১. ৭. ১৪||
স্বর্গাদৌ কাংতিবিষ্টাস্তে স্বভাবেনৈব নান্যথা |
সপ্তদ্বীপা সমুদ্রাশ্চ অন্যোন্যস্যানুমংডলম্ || ১. ৭. ১৫||
সন্নিবিষ্টাঃ স্বভাবেন সমাবৃত্য পরস্পরম্ |
ভূরাদ্যাশ্চতুরো লোকাশ্চংদ্রাদিত্যৌ গ্রহৈঃ সহ || ১. ৭. ১৬||
পূর্ববন্নির্মমে ব্রহ্মা স্থাবরাণীহ সর্বশঃ |
কল্পস্য চাস্য ব্রহ্মা চাসৃজদ্যঃ স্থানিনঃ সুরান্ || ১. ৭. ১৭||
আপোগ্নিং পৃথিবীং বায়ুমংতরিক্ষং দিবং তথা |
স্বর্গং দিশঃ সমুদ্রাংশ্চ নদীঃ সর্বাংস্তু পর্বতান্ || ১. ৭. ১৮||
ওষধীনামাত্মনশ্চ আত্মনো বৃক্ষবীরুধাম্ |
লবকাষ্ঠাঃ কলাশ্চৈব মুহুর্ত্তান্সংধিরাত্র্যহান্ || ১. ৭. ১৯||
অর্দ্ধমাসাংশ্চ মাসাংশ্চ অয়নাব্দান্ যুগানি চ |
স্থানাভিমানিনশ্চৈব স্থানানিচ পৃথক্পৃথক্ || ১. ৭. ২০||
স্থানাত্মনস্তু সৃষ্ট্বা চ যুগাবস্থা বিনির্মমে |
কৃতং ত্রেতা দ্বাপরং চ তিষ্যং চৈব তথা যুগম্ || ১. ৭. ২১||
কল্পস্যাদৌ কৃতয়ুগে প্রথমং সোঽসৃজৎপ্রজাঃ |
প্রাগুক্তাশ্চ ময়া তুভ্যং পূর্ব্বে কল্পে প্রজাস্তু তাঃ || ১. ৭. ২২||
তস্মিন্সংবর্ত মানে তু কল্পে দগ্ধাস্তদগ্নিনা |
অপ্রাপ্তায়াস্তপোলোকং পৃথিব্যাং যাঃ সমাসত || ১. ৭. ২৩||
আবর্তন্তে পুনঃ সর্গে বীক্ষার্থং তা ভবন্তি হি |
বীক্ষ্যার্থং তাঃ স্থিতাস্তত্র পুনঃ সর্গস্য কারণাৎ || ১. ৭. ২৪||
ততস্তাঃ সৃজ্যমানাস্তু সন্তানার্থং ভবন্তি হি |
ধর্ম্মার্থ কামমোক্ষাণামিহ তাঃ সাধিতাঃ স্মৃতাঃ || ১. ৭. ২৫||
দেবাশ্চ পিতরশ্চৈব ক্রমশো মানবাস্তথা |
ততস্তে তপসা যুক্তাঃ স্থানান্যাপূরয়ন্পুরা || ১. ৭. ২৬||
ব্রাহ্মণো মনবস্তে বৈ সিদ্ধাত্মানো ভবন্তি হি |
আসংগদ্বেষয়ুক্তেন কর্মণা তে দিবং গতাঃ || ১. ৭. ২৭||
আবর্তমানাস্তে দেহে সংভবন্তি যুগে যুগে |
স্বকর্ম্মফলশেষেণ খ্যাতাশ্চৈব তদাত্মকাঃ || ১. ৭. ২৮||
সংভবন্তি জনে লোকাঃ কল্পাগমনিবন্ধনাঃ |
অপ্সু যঃ কারণং তেষাং বোধয়ন্কর্ম্মণা তু সঃ || ১. ৭. ২৯||
কর্ম্মভিস্তৈস্তু জায়ন্তে জনলোকাচ্ছুভাশুভৈঃ |
গৃহ্ণন্তি তে শরীরাণি নানারূপাণি যোনিষু || ১. ৭. ৩০||
দেবাদ্যাঃ স্থাবরাংতাস্তু আপদ্যন্তে পরস্পরম্ |
তেষাং মেধ্যানি কর্ম্মাণি প্রায়শঃ প্রতিপেদিরে || ১. ৭. ৩১||
তস্মাদ্যন্নাংমরূপাণি তান্যেব প্রতিপেদিরে |
পুনঃ পুনস্তে কল্পেষু জায়ন্তে নামরূপেণঃ || ১. ৭. ৩২||
ততঃ সর্গো হ্যুপসৃষ্টিং সিসৃক্ষোর্ব্রহ্মণস্তু বৈ |
তাঃ প্রজা ধ্যায়তস্তস্য সত্যাভিধ্যায়িনস্তদা || ১. ৭. ৩৩||
মিথুনানাং সহস্রং তু মুখাৎসমভবৎকিল |
জনাস্তে হ্যুপপদ্যন্তে সত্ত্বোদ্রিক্তাঃ সুতেজসঃ || ১. ৭. ৩৪||
চক্ষুষোঽন্যৎসহস্রং তু মিথুনানাং সসর্জ্জ হ |
তে সর্বে রজসোদ্রিক্তাঃ শুষ্মিণশ্চাপ্যমর্ষিণঃ || ১. ৭. ৩৫||
সহস্রমন্যদসৃজদ্ বাহূনামসতাং পুনঃ |
রজস্তমোভ্যাসুদ্ধিক্তা গৃহশীলাস্ততঃ স্মৃতাঃ || ১. ৭. ৩৬||
আয়ুষোংঽতে প্রসূয়ংতে মিথুনান্যেব বাসকৃৎ |
কূটকাকূটকাশ্চৈব উৎপদ্যংতে মুমূর্ষুণাম্ || ১. ৭. ৩৭||
কুতঃ কুলমথোৎপাদ্য তাঃ শরীরাণি তত্যজুঃ |
ততঃ প্রভৃতি কল্পেঽস্মিন্মৈথুনানাং চ সংভবঃ || ১. ৭. ৩৮||
ধ্যানেন মনসা তাসাং প্রজানাং জায়তে কৃতে |
শব্দাদিবিষয়ঃ শুদ্ধঃ প্রত্যেকং পঞ্চলক্ষণম্ || ১. ৭. ৩৯||
ইত্যেবং মানসৈর্ভাবৈঃ প্রেষ্ঠং তিষ্ঠংতি চাপ্রজাঃ |
তথান্বয়াস্তু সংভূতা যৈরিদং পূরিতং জগৎ || ১. ৭. ৪০||
সরিৎসরঃসমুদ্রাংশ্চ সেবংতে পর্বতানপি |
তদা তা হ্যল্পসংতোষায়ুদ্ধে তস্মিংশ্চরংতি বৈ || ১. ৭. ৪১||
পৃথ্বী রসবতী নাম আহারং ব্যাহরংতি চ |
তাঃ প্রজাঃ কামচারিণ্যো মানসীং সিদ্ধিমিচ্ছতঃ || ১. ৭. ৪২||
তুল্যমায়ুঃ সুখং রূপং তাসামাসীৎকৃতে যুগে |
ধর্মাধর্মৌং তদা ন স্তঃ কল্পাদৌ প্রথমে যুগে || ১. ৭. ৪৩||
স্বেনস্বেনাধি কারেণ জজ্ঞিরে তু যুগেয়ুগে |
চৎবারি তু সহস্রাণি বর্ষাণাং দিব্যসংখ্যয়া || ১. ৭. ৪৪||
আদৌ কৃতয়ুগং প্রাহুঃ সংধ্যাংশৌ চ চতুঃশতৌ |
ততঃ সহস্রশস্তাস্তু প্রজাসু প্রথিতাস্বিহ || ১. ৭. ৪৫||
ন তাসাং প্রতিঘাতোঽস্তি ন দ্বংদ্বং নাপি চ ক্রমঃ |
পর্বতোদধিবাসিন্যো হ্যনিকেতাশ্রয়াস্তু তাঃ || ১. ৭. ৪৬||
বিশোকাঃ সত্ত্ববহুলা একাংতসুখিনঃ প্রজাঃ |
তাশ্শশ্বৎ কামচরিণ্যো নিত্যং মুদিতমানসাঃ || ১. ৭. ৪৭||
পশবঃ পক্ষিণশ্চৈব ন তদাসন্সরীসৃপাঃ |
নোদ্বিজা নোৎকটাশ্চৈব ধর্মস্য প্রক্রিয়া তু সা || ১. ৭. ৪৮||
সমূল ফলপুষ্পাণি বর্ত্তনায় ৎবশেষতঃ |
সর্বৈকান্তসুখঃ কালো নাত্যর্থং হ্যুষ্ণশীতলঃ || ১. ৭. ৪৯||
মনোঽভিলষিতঃ কাম স্তাসাং সর্বত্র সর্বদা |
উত্তিষ্ঠংতি পৃথিব্যাং বৈ তেষাং ধ্যানৈ রসাতলাৎ || ১. ৭. ৫০||
বলবর্ণকরী তেষাং জরারোগপ্রণাশিনী |
অসংস্কার্যৈঃ শরীরৈস্তু প্রজাস্তাঃ স্থিরয়ৌবনাঃ || ১. ৭. ৫১||
তাসাং বিনা তু সংকল্পাজ্জায়ংতে সিথুনাৎপ্রজাঃ |
সমং জন্ম চ রূপং চ প্রীয়ংতে চৈব তাঃ সমাঃ || ১. ৭. ৫২||
তদা সত্যমলোভশ্চ সংতুষ্টিশ্চ চ সুখং দমঃ |
নির্বিশেষাশ্চ তাঃ সর্বা রূপায়ুঃশিল্পচেষ্টিতৈঃ || ১. ৭. ৫৩||
অবুদ্ধিপূর্বিকা পৃত্তিঃ প্রজানাং ভবতি স্বয়ম্ |
অপ্রবৃত্তিঃ কৃতদ্বারে কর্মণঃ শুভপাপয়োঃ || ১. ৭. ৫৪||
বর্ণাশ্রমব্যবস্থাশ্চ ন তদাসন্ন তৎকরাঃ |
অনিচ্ছাদ্বেষয়ুক্তাস্তা বর্ত্তয়ন্তি পরস্পরম্ || ১. ৭. ৫৫||
তুল্যরূপায়ুষঃ সর্বা অধমোত্তমবর্জিতাঃ |
সুখপ্রায়া বিশোকাশ্চ উৎপদ্যংতে কৃতে যুগে || ১. ৭. ৫৬||
লাভালাভৌ ন বা স্যাতাং মিত্রামিত্রৌ প্রিয়াপ্রিয়ৌ |
মনসা বিষয়স্তাসাং নিরীহাণাং প্রবর্ততে || ১. ৭. ৫৭||
নাতি হিংসতি বান্যোন্যং নানুগৃঙ্ণংতি বৈ তদা || ১. ৭. ৫৮||
জ্ঞানং পরং কৃতয়ুগে ত্রেতায়াং যজ্ঞ উচ্যতে |
পবৃত্তং দ্বাপরে যুদ্ধং স্তেয়মেব কলৌ যুগে || ১. ৭. ৫৯||
সত্ত্বং কৃতং রজস্ত্রেতা দ্বাপরং তু রজস্তমঃ |
কলিস্তমস্তু বিজ্ঞেয়ং গুণবৃত্তং গুমেষু তৎ || ১. ৭. ৬০||
কালঃ কৃতয়ুগে ৎবেষ তস্য সন্ধ্যাং নিবোধত |
চৎবারি তু সহস্রাণি বর্ষাণাং তৎকৃতং যুগম্ || ১. ৭. ৬১||
সাধ্যাংশৌ তস্য দিব্যানি শতান্যষ্টৌ তু সংখ্যয়া |
চৎবার্যৈব সহস্রাণি বর্ষাণাং মোনুষাণি তু || ১. ৭. ৬২||
তদা তাসু ভবংত্যাশু নোৎক্রোশাচ্চ বিপর্যয়াঃ |
ততঃ কৃত্যুগে তস্মিন্ সসংধ্যাংশে গতে তদা || ১. ৭. ৬৩||
পাদাবশিষ্টো ভবতি যুগধর্মস্তু সর্বশঃ |
সন্ধ্যায়াস্তু ব্যতীতায়াঃ সাংধ্যঃ কালো যুগস্য সঃ || ১. ৭. ৬৪||
পাদমিশ্রাবশিষ্টেন সংধ্যাধর্মে পুনঃ পুনঃ |
এবং কৃতয়ুগে তস্মিন্নিশ্শেষেংতর্দধে তদা || ১. ৭. ৬৫||
তস্যাং চ সন্ধৌ নষ্টায়াং মানসী চাভবৎপ্রজা |
সিদ্ধিরন্যয়ুগে তস্মিংস্ত্রেতাখ্যেঽনংতরে কৃতাৎ || ১. ৭. ৬৬||
সর্গাদৌ যা ময়াষ্টৌ তু মানস্যো বৈ প্রকীর্তিতাঃ |
অষ্টৌ তাঃ ক্রময়োগেন সিদ্ধয়ো যাংতি সংক্ষয়ম্ || ১. ৭. ৬৭||
কল্পাদৌ মানসী হ্যেকা সিদ্ধির্ভবতি সা কৃতে |
মন্বংতরেষু সর্বেষু চতুর্যুগবিভাগশঃ || ১. ৭. ৬৮||
বর্ণাশ্রমাচারকৃতঃ কর্মসিদ্ধ্যুদ্ভবঃ কৃতঃ |
সংধ্যা কৃতস্য পাদেন সংক্ষেপেণ বশাত্ততঃ || ১. ৭. ৬৯||
কৃতসংধ্যাংশকা হ্যেতে ত্রীনাদায় পরস্পরম্ |
হীয়ংতে যুগধর্মাস্তে তপঃশ্রুতবলায়ুষঃ || ১. ৭. ৭০||
কৃতে কৃতাশেঽতীতে তু বভূব তদনন্তরম্ |
ত্রেতায়ুগসমুৎপত্তিঃ সাংশা চ ঋষিসত্তমাঃ || ১. ৭. ৭১||
তস্মিন্ ক্ষীণে কৃতাংশে বৈ তাসু শিষ্টাসু সপ্তসু |
কল্পাদৌ সংপ্রবৃত্তায়াস্ত্রেতায়াঃ প্রসুখে তদা || ১. ৭. ৭২||
প্রণশ্যতি তদা সিদ্ধিঃ কালয়োগেন নান্যথা |
তস্যাং সিদ্ধৌ প্রনষ্টায়ামন্যা সিদ্ধিরজায়ত || ১. ৭. ৭৩||
অপাংশৌ তৌ প্রতিগতৌ তদা মেঘাত্মানা তু বৈ |
মেঘেভ্যঃ স্তনয়িতৃভ্যঃ প্রবৃত্তং পৃষ্টিসর্জনম্ || ১. ৭. ৭৪||
সকৃদেব তয়া বৃষ্ট্যা সংসিদ্ধে পৃষিবীতলে |
প্রজা আসংস্ততস্তাসাং বৃক্ষশ্চ গৃহ সংজ্ঞিতাঃ || ১. ৭. ৭৫||
সর্বঃ প্রত্যুপভোগস্তু তাসাং তেভ্যো ব্যজায়ত |
বর্ত্তয়ংতেস্ম তেভ্যস্তাস্ত্রেতায়ুগমুখে প্রজাঃ || ১. ৭. ৭৬||
ততঃ কালেন মহতা তাসামেব বিপর্যয়াৎ |
সংগলোলাত্মকো ভাবস্তদা হ্যাকস্মিকোঽভবৎ || ১. ৭. ৭৭||
যত্তদ্ভবতি নারীণাং জীবিতাংতে তদার্তবম্ |
তদা তদ্বৈ ন ভবতি পুনর্যুগবলেন তু || ১. ৭. ৭৮||
তাসাং পুনঃ প্রবৃত্তং তন্মাসিমাসি তদার্তবম্ |
ততস্তেনৈব যোগেন বর্ত্ততে মৈথুনং তদা || ১. ৭. ৭৯||
তেষাং তৎকা লভাবিৎবান্মাসিমাস্যুপগচ্ছতাম্ |
অকালে চার্তবোৎপত্ত্যা গর্ভোৎপত্তিস্তদাভবৎ || ১. ৭. ৮০||
বিপর্যয়েণ তেষাং তু তেন তৎকাল ভাবিতা |
প্রণশ্যংতি ততঃ সর্বে বৃক্ষাস্তে গৃহসংজ্ঞিতাঃ || ১. ৭. ৮১||
ততস্তেষু প্রনষ্টেষু বিভ্রাংতা ব্যাকুলেন্দ্রিয়াঃ |
অভিধ্যায়ংতি তাঃ সিদ্ধিং সত্যাভিধ্যায়িনস্তদা || ১. ৭. ৮২||
প্রাদুর্বভূবুস্তেষাং তু বৃক্ষাস্তে গৃহসংজ্ঞিতাঃ |
বস্ত্রাণি চ প্রসূয়ংতে ফলান্যাভরণানি চ || ১. ৭. ৮৩||
তথৈব জায়তে তেষাং গন্ধর্বাণাং রসান্বিতম্ |
আন্বীক্ষিকং মহাবীর্যং পুটকে পুটকে মধু || ১. ৭. ৮৪||
তেন তা বর্ত্তয়ন্তি স্মমুখে ত্রেতায়ুগস্য বৈ |
ৎদৃষ্টপুষ্টাস্তয়া সিদ্ধ্যা প্রজাস্তা বিগতজ্বরাঃ || ১. ৭. ৮৫||
ততঃ কালাংতরেপ্যেবং পুনর্লোভাবৃতাঃ প্রজাঃ |
বৃক্ষাংস্তাঃ পর্যগৃহ্ণংত মধু বা মাক্ষিকং বলাৎ || ১. ৭. ৮৬||
তাসাং তেনাপচারেণ পুনর্লোভকৃতেন বৈ |
প্রনষ্টা প্রভুণা সার্দ্ধং কল্পবৃক্ষাঃ ক্বচিৎক্বচিৎ || ১. ৭. ৮৭||
তস্যামেবাল্পশিষ্টায়াং সিদ্ধ্যাং কালবশাত্তদা |
বর্ত্তংতে চানয়া তাসাং দ্বংদ্বান্যত্যুত্থিতানি তু || ১. ৭. ৮৮||
শীতবাতাতপাস্তীব্রাস্ততস্তা দুঃখিতা ভৃশম্ |
দ্বংদ্বৈস্তৈঃ পীড্যমানাস্তু চুক্রুশুরাবৃণানি বা || ১. ৭. ৮৯||
কৃৎবা দ্বন্দ্বপ্রতীয়াতং নিকেতানি বিচেতসঃ |
পূর্ব নিকামচারাস্তে হ্যনিকেতা যথাভবন্ || ১. ৭. ৯০||
যথায়োগং যথাপ্রীতি নিকেতেষ্ববসন্পুরা |
মধুধুন্বৎসু নিষ্ঠেষু পর্বতেষু নদীষু চ || ১. ৭. ৯১||
সংশ্রয়ংতি চ দুর্গাণি ধন্বপাবর্তমৌদকম্ |
যথাজোষং যথাকামং সমেষু বিষমেষু চ || ১. ৭. ৯২||
আরব্ধাস্তান্নিকেতান্বৈ কর্তুং শীতোষ্ণবারণাৎ |
ততস্তান্নির্ময়ামাসুঃ খেটানি চ পুরাণি চ || ১. ৭. ৯৩||
গ্রামাংশ্চৈব যথাভাগং তথৈব নগরাণি চ |
তেষামায়ামবিষ্কংভাঃ সন্নিবেশাংতরাণি চ || ১. ৭. ৯৪||
চক্রুস্তদা যথাজ্ঞানং মীৎবামীৎবাত্মনোগুলৈঃ |
মানার্থানি প্রমাণানি তদা প্রভৃতি চক্রিরে || ১. ৭. ৯৫||
যয়াংগুলপ্রদেশাংস্ত্রীন্হস্তঃ কিষ্কুং ধনূংষি চ |
দশ ৎবংগুলপর্বাণি প্রাদেশ ইতি সংজ্ঞিতঃ || ১. ৭. ৯৬||
অংগুষ্ঠস্য প্রদেশিন্যা ব্যাসপ্রাদেশ উচ্যতে |
তালঃ স্মৃতো মধ্যময়া গোকর্ণশ্চাপ্যনাময়া || ১. ৭. ৯৭||
কনিষ্ঠয়া বিতস্তিস্তু দ্বাদশাংগুল উচ্যতে |
রত্নিরংগুলপর্বাণি সংখ্যয়া ৎবেকবিশতিঃ || ১. ৭. ৯৮||
চৎবারি বিংশতিশ্চৈব হস্তঃ স্যাদংগুলানি তু |
কিষ্কুঃ স্মৃতো দ্বিরত্নিস্তু দ্বিচৎবারিংশদংগুলঃ || ১. ৭. ৯৯||
চতুর্হস্তো ধনুর্দ্দংডো নালিকা যুগমেব চ |
ধনুঃসহস্ত্রে দ্বে তত্র গব্যূতিস্তৌঃ কৃতা তদা || ১. ৭. ১০০||
অষ্টৌ ধনুঃসহস্রাণি যোজনং তৈর্বিভাবিতম্ |
এতেন যোজনেনেহ সন্নিবেশাস্ততঃ কৃতাঃ || ১. ৭. ১০১||
চতুর্ণামথ দুর্গাণাং স্বয়মুত্থানি ত্রীণি চ |
চতুর্থ কৃতিমং দুগ তস্য বক্ষ্যামি নির্ণয়ম্ || ১. ৭. ১০২||
সোৎসেধরংধ্রপ্রাকারং সর্বতঃ খাতকাবৃতম্ |
রুচকঃ প্রতিকদ্বারং কুমারীপুরমেব চ || ১. ৭. ১০৩||
দ্বিহস্তঃ স্রোতসাং শ্রেষ্ঠং কুমারীপুরমঞ্চতান্ |
হস্তস্রোতো দশশ্রেষ্ঠো নবহস্তোষ্ট এব চ || ১. ৭. ১০৪||
খেটানাং চ পুরাণাং চ গ্রামাণাং চৈব সর্বশঃ |
ত্রিবিধানাং চ দুর্গাণাং পর্বতোদকধন্বিনাম্ || ১. ৭. ১০৫||
কৃত্রিমাণাং চ দুর্গাণাং বিষ্কম্ভায়ামমেব চ |
যোজনাদর্দ্ধবিষ্কম্ভমষ্টভাগাধিকায়তম্ || ১. ৭. ১০৬||
পরমার্দ্ধার্দ্ধমায়ামং প্রাগুদক্প্লবনং পুরম্ |
ছিন্নকর্ণবিকর্ণং চ ব্যজনাকৃতিসংস্থিতম্ || ১. ৭. ১০৭||
বৃত্তং বজ্রং চ দীর্ঘ চ নগরং ন প্রশস্যতে |
চতুরস্রয়ুতং দিব্যং প্রশস্তং তৈঃ পুরং কৃতম্ || ১. ৭. ১০৮||
চতুর্বিংশৎপরং হ্রস্বং বাস্তু বাষ্টশতং পরম্ |
অত্র মধ্যং প্রশংসংতি হ্রস্বং কাষ্ঠবিবর্জ্জিতম্ || ১. ৭. ১০৯||
অথ কিষ্কুশতান্যষ্টৌ প্রাহুর্মুখ্যং নিবেশনম্ |
নগরাদর্দ্ধবিষকংভঃ খেটং পানং তদূর্দ্ধতঃ || ১. ৭. ১১০||
নগরাদ্যোজনং খেটং খেটাদ্গামোর্দ্ধয়োজনম্ |
দ্বিক্রোশঃ পরমা সীমা ক্ষেত্রসীমা চতুর্দ্ধনুঃ || ১. ৭. ১১১||
বিংশদ্ধনূংষি বিস্তীর্ণো দিশাং মার্গস্তু তৈঃ কৃতঃ |
বিংশদ্ধনুর্গ্রামমার্গঃ সীমামার্গো দশৈব তু || ১. ৭. ১১২||
ধনূংষি দশ বিস্তীর্ণঃ শ্রীমান্ রাজপথঃ কৃতঃ |
নৃবাজিরথনাগানামসংবাধস্তু সংচরঃ || ১. ৭. ১১৩||
ধনূংষি চাপি চৎবারি শাখারথ্যাশ্চ তৈর্মিতাঃ |
ত্রিকা রথ্যোপরথ্যাঃ স্যুর্দ্বিকা শ্চাপ্যুপরত্যকাঃ || ১. ৭. ১১৪||
জংঘাপথশ্চতুষ্পাদস্ত্রিপদং চ গৃহাংতরম্ |
ধৃতিমার্গস্তূর্দ্ধষষ্ঠং ক্রমশঃ পদিকঃ স্মৃতঃ || ১. ৭. ১১৫||
অবস্কারপরীবারঃ পাদমাত্রং সমংততঃ |
কৃতেষু তেষু স্থানেষু পুনর্গেহগৃহাণি বৈ || ১. ৭. ১১৬||
যথা তে পূর্বমাসংশ্চ বৃক্ষাস্তু গৃহ সংস্থিতাঃ |
তথা কর্তুং সমারব্ধাশ্চিংতয়িৎবা পুনঃ পুনঃ || ১. ৭. ১১৭||
বৃক্ষস্যার্বাগ্গতাঃ শাখা ইতশ্চৈবাপরা গতাঃ |
অত ঊর্দ্ধ গতাশ্চান্যা এবং তির্যগ্গতাঃ পরা || ১. ৭. ১১৮||
বুদ্ধ্যান্বিষ্য যথান্যায়ং বৃক্ষশাখা গতা যথা |
যথা কৃতাস্তু তৈঃ শাখাস্ত স্মাচ্ছালাস্তু তাঃ স্মৃতাঃ || ১. ৭. ১১৯||
এবং প্রসিদ্ধাঃ শাখাভ্যঃ শালোশ্চৈব গৃহাণি চ |
তস্মাত্তাশ্চ স্মৃতাঃ শালাঃ শালাৎবং তাসু তৎস্মৃতম্ || ১. ৭. ১২০||
প্রসীদংতি যতস্তেষু ততঃ প্রাসাদসংজ্ঞিতঃ |
তস্মাদ্ গৃহাণি শালাশ্চ প্রাসাদাশ্চৈব সংজ্ঞিতা || ১. ৭. ১২১||
কৃৎবা দ্বংদ্বাভিঘাতাস্তান্ত্বার্তোপায়মচিংতয়ান্ |
নষ্টেষু মধুনা সার্দ্ধং কল্পবৃক্ষেষু বৈ তদা || ১. ৭. ১২২||
বিষাদব্যাকুলাস্তা বৈ প্রজাঃ সৃষ্টাস্তু দর্শিতাঃ |
ততঃ প্রাদুর্বভৌ তাসাং সিদ্ধিস্ত্রেতায়ুগে তদা || ১. ৭. ১২৩||
সর্বার্থসাধকা হ্যন্যা বৃষ্টিস্তাসাং নিকামতঃ |
তাসাং বৃষ্ট্যুদকানীহ যানি মিষ্টগতানি চ || ১. ৭. ১২৪||
এবং নয়ঃ প্রবৃত্তস্তু দ্বিতীয়ে বৃষ্টিসর্জনে |
যে পরস্তাদপাং স্তোকাঃ সংপাতাঃ পুথিবীতলে || ১. ৭. ১২৫||
অপাং ভূমেস্তু সংযোগাদোষধ্যস্তাস্তদাভবন্ |
পুষ্পমূলফলিন্যস্তু ওষধ্যস্তা হি জজ্ঞিরে || ১. ৭. ১২৬||
অফালকৃষ্টাশ্চানুপ্তা গ্রাভ্যারম্যাশ্চতুর্দ্দশ |
ঋতুপুষ্পফলাশ্চৈব বৃক্ষা গুল্মাশ্চ জজ্ঞিরে || ১. ৭. ১২৭||
প্রাদুর্ভূতাস্তু ত্রেতায়াং মায়ায়ামৌষধস্য বা |
তদৌষধেন বর্তংতে প্রজাস্ত্রেতা মুখে তদা || ১. ৭. ১২৮||
ততঃ পুনরভূত্তাসাং রাগো লোভস্তু সর্বদা |
অবশ্যভাবিনার্থেন ত্রেতায়ুগবশেন চ || ১. ৭. ১২৯||
ততস্তে পর্যগৃহ্ণংস্তু নদীক্ষেত্রাণি পর্বতান্ |
বৃক্ষগুল্মৌষধীশ্চৈব প্রসহ্য তু যথাবলম্ || ১. ৭. ১৩০||
সিদ্ধাত্মানস্তু যে পূর্বং ব্যাখ্যাতা বঃ কৃতে ময়া |
ব্রহ্মণো মানসাস্তে বৈ উৎপন্না যে জনাদিহ || ১. ৭. ১৩১||
শাংতা যে শুষ্মিণশ্চৈব কর্মিণো দুঃখিতাস্তথা |
তত আবর্ত্তমানাস্তে ত্রেতায়াং জজ্ঞিরে পুনঃ || ১. ৭. ১৩২||
ব্রাহ্মণাঃ ক্ষত্রিয়া বৈশ্যাঃশূদ্রা দ্রোহজনাস্তথা |
ভাবিতাঃ পূর্বজাতীষু খ্যাত্যা তে শুভপাপয়োঃ || ১. ৭. ১৩৩||
ততস্তে প্রবলা যে তু সত্যশীলা অহিংসকাঃ |
বীতলোভা জিতাত্মানো নিবসংতি স্মৃতেষু বৈ || ১. ৭. ১৩৪||
পরিগ্রহং ন কুর্বংতি বদংতস্তু উপস্থিতাঃ |
তেষাং কর্মাণি কুর্বংতি তেভ্যশ্চৈবাবলাশ্চ যে || ১. ৭. ১৩৫||
পরিচর্যাসু বর্ত্তন্তে তেভ্যশ্চান্যেঽল্পতেজসঃ |
এবং বিপ্রতিপন্নেষু প্রপন্নেষু পরস্পরম্ || ১. ৭. ১৩৬||
তেন দোষেণ বৈ শাংতা ওষধ্যো নিতরাং তদা |
প্রনষ্টা গৃহ্যমাণা বৈ মুষ্টিভ্যাং সিকতা যথা || ১. ৭. ১৩৭||
অথাস্য তু যুগবলাদ্গাম্যারণ্যাশ্চতুর্দ্দশ |
ফলৈর্গৃহ্ণংতি পুষ্পৈশ্চ তথা মূলৈশ্চ তাঃ পুনঃ || ১. ৭. ১৩৮||
ততস্তাসু প্রনষ্টাসু বিভ্রাংতাস্তাঃ প্রজাস্তদা |
ক্ষুধাবিষ্টাস্তদা সর্বা জগ্মুস্তা বৈ স্বয়ম্ভুবম্ || ১. ৭. ১৩৯||
বৃত্ত্যর্থমভিলিপ্সংত্যো হ্যাদৌ ত্রেতায়ুগস্য তাঃ |
ব্রহ্মা স্বয়ংভূর্ভগবান্ জ্ঞাৎবা তাসাং মনীষিতম্ || ১. ৭. ১৪০||
পুষ্টিপ্রত্যক্ষদৃষ্টেন দর্শনেন বিচার্য সঃ |
গ্রস্তাঃ পৃথিব্যা ৎবোষধ্যো জ্ঞাৎবা প্রত্যরূহৎপুনঃ || ১. ৭. ১৪১||
কৃৎবা বৎসং সমেরুং তু দুদোহ পৃথিবীমিমাম্ |
দুগ্ধেয়ং গৌস্তদা তেন বীজানি বসুধাতলে || ১. ৭. ১৪২||
জজ্ঞিরে তানি বীজানি গ্রামারণ্যাস্তু তাঃ প্রভুঃ |
ওষধ্যঃ ফলপাকাতাঃ ক্ষণসপ্তবশাস্তু তাঃ || ১. ৭. ১৪৩||
ব্রীহয়শ্চ যবাশ্চৈব গোধূমাশ্চণকাস্তিলাঃ |
প্রিয়ংগব উদারাস্তে কোরদুষ্টাঃ সবামকাঃ || ১. ৭. ১৪৪||
মাষা মুদ্গা মসূরাস্তু নীবারাঃ সকুলত্থকাঃ |
হরিকাশ্চরকাশ্চৈব গমঃ সপ্তদশ স্মৃতাঃ || ১. ৭. ১৪৫||
ইত্যেতা ওষধীনাং তু গ্রাম্যাণাং জাতয়ঃ স্মৃতাঃ |
শ্যামাকাশ্চৈব নীবারা জর্তিলাঃ সগবেধুকাঃ || ১. ৭. ১৪৬||
কুরুবিংদো বেণুয়বাস্তা মাতীর্কাটকাঃ স্মৃতাঃ |
গ্রামারণ্যাঃ স্মৃতা হ্যেতা ওষধ্যস্তু চতুর্দশ || ১. ৭. ১৪৭||
উৎপন্নাঃ প্রথমস্যৈতা আদৌ ত্রেতায়ুগস্য হ |
অফালকৃষ্টাস্তাঃ সর্বা গ্রাম্যারণ্যশ্চতুর্দ্দশ || ১. ৭. ১৪৮||
বৃক্ষগুল্মলতাবল্ল্যো বীরুধস্তৃণজাতয়ঃ |
মূলৈঃ ফলৈশ্চ রোহৈশ্চগৃহ্ণন্পুষ্টাশ্চ যৎফলম্ || ১. ৭. ১৪৯||
পৃথ্বী দুগ্ধা তু বীজানি যানি পূর্বং স্বয়ংভুবা |
ঋতুপুষ্পফলাস্তা বৈ ওষধ্যো জজ্ঞিরে ৎবিহ || ১. ৭. ১৫০||
যদা প্রসৃষ্টা ওষধ্যো ন প্রথংতীহ যাঃ পুনঃ |
ততস্তাসাং চ পৃত্ত্যর্থৈ বার্তোপায়ং চকার হ || ১. ৭. ১৫১||
তাসাং স্বয়ংভূর্ভগবান্ হস্তসিদ্ধিং স্বকর্মজাম্ |
ততঃ প্রভৃতি চৌষধ্যঃ কৃষ্টপচ্যাস্তু জজ্ঞিরে || ১. ৭. ১৫২||
সংসিদ্ধকায়ো বার্তায়াং ততস্তাসাং প্রজাপতিঃ |
মর্যাদাং স্থাপয়ামাস যয়ারক্ষৎপরস্পরম্ || ১. ৭. ১৫৩||
যে বৈ পরিগ্রহীতারস্তাসামাসন্বলীয়সঃ |
ইতরেষাং কৃতত্রাণান্ স্থাপয়ামাস ক্ষত্রিয়ান্ || ১. ৭. ১৫৪||
উপতিষ্ঠংতি তাবংতো যাবন্তো নির্মিতাস্তথা |
সত্যং বূত যথাভূতং ধ্রুবং বো ব্রহ্মণাস্তু তাঃ || ১. ৭. ১৫৫||
যে চান্যে হ্যবলাস্তেষাং সংরক্ষাকর্ম্মণি স্থিতাঃ |
ক্রীতানি নাশয়ংতি স্ম পৃথিব্যাং তে ব্যবস্থিতাঃ || ১. ৭. ১৫৬||
বৈশ্যানিত্যেব তানাহুঃ কীনাশান্বৃত্তিসাধকান্ |
সেবংতশ্চ দ্রবংতশ্চ পরিচর্যাসু যে রতাঃ || ১. ৭. ১৫৭||
নিস্তেজসোঽল্পবীর্যাশ্চ শূদ্রাংস্তানব্রবীচ্চ সঃ |
তেষাং কর্মাণি ধর্মাংশ্চ ব্রহ্মা তু ব্যদধাৎপ্রভুঃ || ১. ৭. ১৫৮||
সংস্থিত্যাং তু কৃতায়াং হি যাতুর্বর্ণ্যস্য তেন বৈ |
পুনঃ প্রজাস্তু তা মোহাদ্ধর্ম্মং তং নান্বপালয়ন্ || ১. ৭. ১৫৯||
বর্ণধর্মৈশ্চ জীবংত্যো ব্যরুদ্ধ্যংত পরস্পরম্ |
ব্রহ্মা বুদ্ধা তু তৎসর্বং যাথাতথ্যেন স প্রভুঃ || ১. ৭. ১৬০||
ক্ষত্রিয়াণাং বলং দংডং যুদ্ধমাজীব্যমাদিশৎ |
যাজনাধ্যাপনে ব্রহ্মা তথা দানপ্রতিগ্রহম্ || ১. ৭. ১৬১||
ব্রাহ্মণানাং বিভুস্তেষাং কর্মাণ্যেতা ন্যথাদিশৎ |
পাশুপাল্যং চ বাণিজ্যং কৃষিং চৈব বিশাং দদৌ || ১. ৭. ১৬২||
শিল্পাজীবভৃতাং চৈব শূদ্রাণাং ব্যদধাৎপুনঃ |
সামান্যানি চ কর্মাণি ব্রহ্মক্ষত্রবিশাং পুনঃ || ১. ৭. ১৬৩||
যজনাধ্যাপনে দানং সামান্যানীতরেষু চ |
কর্মাজীবং তু বৈ দত্ত্বা তেষামিহ পরস্পরম্ || ১. ৭. ১৬৪||
তেষাং লোকাংতরে মূর্ধ্নি স্থানানি বিদধে পুনঃ |
প্রাজাপত্যং দ্বিজাতীনাং স্মৃতং স্থানং ক্রিয়াবতাম্ || ১. ৭. ১৬৫||
স্থানমৈদ্রং ক্ষত্রিয়াণাং সংগ্রামেষ্বপলায়িনাম্ |
বৈশ্যানাং মারুতং স্থানং স্বস্বকর্মোপজীবিনাম্ || ১. ৭. ১৬৬||
গাংধর্বং শূদ্রজাতীনাং পরিচর্যে চ তিষ্ঠতাম্ |
স্থানান্যেতানি বর্ণানাং যোগ্যাচারবতাং সতাম্ || ১. ৭. ১৬৭||
সংস্থিত্যাং সুকৃতায়াং বৈ চাতুর্বর্ণ্যস্য তস্য তৎ |
বর্ণাস্তু দংডভয়তঃ স্বেস্বে বর্ণ্যে ব্যবস্থিতাঃ |
ততঃ স্থিতেষু বর্ণেষু স্থাপয়ামাস হ্যাশ্রমান্ || ১. ৭. ১৬৮||
গৃহস্থো ব্রহ্মচারী চ বানপ্রস্থো যতিস্তথা |
আশ্রমাশ্চতুরো হ্যেতান্পূর্ববৎস্থাপয়ন্প্রভুঃ || ১. ৭. ১৬৯||
বর্ণকর্মাণি যে কেচিত্তেষামিহ চতুর্ভবঃ |
কৃতকর্ম্ম কৃতাবাসা আশ্রমাদুপভুঞ্জতে || ১. ৭. ১৭০||
ব্রহ্মা তান্স্থাপয়ামাস আশ্রমান্ ভ্রামতামতঃ |
নির্দ্দিদেশ ততস্তেষাং ব্রহ্মা ধর্মান্প্রভা ষতে || ১. ৭. ১৭১||
প্রস্থানানি তু তেষাং চ যমান্সনিয়মাংস্তথা |
চতুর্বর্ণাত্মকঃ পূর্বং গৃহস্থস্যাশ্রমঃ স্থিতঃ || ১. ৭. ১৭২||
ত্রয়াণা মাশ্রমাণাং চ বৃত্তিয়োনীতি চৈব হি |
যথাক্রমং চ বক্ষ্যামি ব্রতৈশ্চ নিয়মৈস্তথা || ১. ৭. ১৭৩||
দারাগ্নয়শ্চাতিথয় ইষ্টাঃ শ্রাদ্ধক্রিয়াঃ প্রজাঃ |
ইত্যেষ বৈ গৃহস্থস্য সমাসাদ্ধর্মসংগ্রহঃ || ১. ৭. ১৭৪||
ঢংডী চ মেখলী চৈব অধঃশায়ী তথাজিনী |
গুরুশুশ্রূষণং ভৈক্ষ্যংবিদ্যার্থী ব্রহ্মচারিণঃ || ১. ৭. ১৭৫||
চীরপত্রাজিনানি স্যুর্বনমূলফলৌষধৈঃ |
উভে সংধ্যে বগাহশ্চ হোমশ্চারণ্যবাসিনাম্ || ১. ৭. ১৭৬||
বিপন্নমুসলে ভৈক্ষ্যমাস্তেয়ং শৌচমেব চ |
অপ্রমাদোঽব্যবায়শ্চ দয়া ভূতেষু চ ক্ষমা || ১. ৭. ১৭৭||
শ্রবণং গুরুশুশ্রূষা সত্যং চ দশমং স্মৃতম্ |
দশলক্ষণকো হ্যেষ ধর্মঃ প্রোক্তঃ স্বয়ংভূবা || ১. ৭. ১৭৮||
ভিক্ষোর্ব্রতানি পংচাত্র ভৈক্ষ্যবেদব্রতানি চ |
তেষাং স্থানান্যশুষ্মিং চ সংস্থিতানা মচষ্ট সঃ || ১. ৭. ১৭৯||
অষ্টাশীতিসহস্রাণি ঋষীণামূর্ধ্বরেতসাম্ |
স্মৃতং তেষাং তু যৎ স্থানং তদেব গুরুবাসিনাম্ || ১. ৭. ১৮০||
সপ্তর্ষীণা তু যৎস্থানং স্মৃতং তদ্বৈ বনৌকসাম্ |
প্রাজাপত্যং গৃহস্থানাং ন্যাসিনাং ব্রহ্মণঃক্ষয়ম্ || ১. ৭. ১৮১||
যোগিনামকৃতং স্থানং তানাজিত্বা ন বিদ্যতে |
স্থানান্যাশ্রমিণস্তানি ব্রহ্মস্থানস্থিতানি তু || ১. ৭. ১৮২||
চৎবার এব পংথানো দেবয়ানানি নির্মিতাঃ |
পংথানঃ পিতৃয়ানাস্তু সমৃতাশ্চৎবার এব তে || ১. ৭. ১৮৩||
ব্রহ্মণাং লোকতন্ত্রেণ আদ্যে মন্বন্তরে পুরা |
পংথানো দেবয়ানা যে তেষাং দ্বারং রংবিঃ স্মৃতঃ |
তথৈব পিতৃয়ানানাং চন্দ্রমা দ্বারমুচ্যতে || ১. ৭. ১৮৪||
এবং বর্ণাশ্রমাণাং চ প্রবিভাগে কৃতে তদা |
যদা প্রজা না বর্দ্ধংত বর্ণধর্মসমাসিকাঃ || ১. ৭. ১৮৫||
ততোঽন্যাং মানসীং স্বাং বৈ ত্রেতামধ্যেঽসৃজৎপ্রজাঃ |
আত্মনস্তু শরীরেভ্যস্তুল্যাশ্চৈবাত্মনা তু তাঃ || ১. ৭. ১৮৬||
তস্মিস্ত্রেতায়ুগে ৎবাদ্যে মধ্যং প্রাপ্তে ক্রমেণ তু |
ততোঽন্যাং মানসীং সোঽথ প্রজাঃ স্রষ্টুং প্রচক্রমে || ১. ৭. ১৮৭||
ততঃ সত্ত্বরজোদ্রিক্তাঃ প্রজাঃ সহ্যসৃজৎপ্রভুঃ |
ধর্মার্থকামমোক্ষাণাং বার্ত্তানাং সাধকাশ্চ যাঃ || ১. ৭. ১৮৮||
দেবাশ্চ পিতরশ্চৈব ঋষয়ো মনবস্তথা |
যুগানুরূপা ধর্মেণ যৈরিমা বর্দ্ধিতাঃ প্রজাঃ || ১. ৭. ১৮৯||
উপস্থিতে তদা তস্মিন্ সৃষ্টিবর্গে স্বয়ংভুবঃ |
অভিধ্যায় প্রজা ব্রহ্মা নানাবীর্যাঃ স্বমানসীঃ || ১. ৭. ১৯০||
পূর্বোক্তা যা ময়া তুভ্যং জনানীকং সমাশ্রিতাঃ |
কল্পেঽতীতে পুরাণ্যাসীদ্দেবাদ্যাস্তু প্রজা ইহ || ১. ৭. ১৯১||
ধ্যায়তস্তস্য তানীহ সংভূত্যর্থমুপস্তিতাঃ |
মন্বংতরক্রমেণেহ কনিষ্ঠাঃ প্রথমেন তাঃ || ১. ৭. ১৯২||
খ্যাতাস্তু বংশ্যৈরেতৈস্তু পূর্বং যৈরিহ ভাবিতাঃ |
কুশলাকুশলৈঃ কংদৈরক্ষীণৈস্তৈস্তদা যুতাঃ || ১. ৭. ১৯৩||
তৎকর্মফলদোষেণ হ্যুপবাধাঃ প্রজজ্ঞিরে |
দেবাসুরপিৎৠংশ্চৈব যক্ষৈর্গন্ধর্বমানুষৈঃ || ১. ৭. ১৯৪||
রাক্ষসৈস্তু পিশাচৈস্তৈঃ পশুপক্ষিসরীসৃপৈঃ |
বৃক্ষনারককীটাদ্যৈস্তৈস্তৈঃ সর্বৈরুপস্থিতাঃ |
আহারার্থং প্রজানাং বৈ বিদাত্মানো বিনির্মমে || ১. ৭. ১৯৫||
ইতি শ্রীব্রহ্মাংডে মহাপুরাণে বায়ুপ্রোক্তে পূর্বভাগে দ্বিতীয়েঽনুষংগপাদে লোকজ্ঞান বর্ণনং নাম সপ্তমোঽধ্যায়ঃ || ৭||

সূত উবাচ
ততোভিধ্যায়তস্তস্য মানস্যো জজ্ঞিরে প্রজাঃ |
তচ্ছরীরসমুৎপন্নৈঃ কার্যৈস্তৈঃ কারণৈঃ সহ || ১. ৮. ১||
ক্ষেত্রজ্ঞাঃ সমবর্ত্তন্ত ক্ষেত্রস্যৈতস্য ধীমতঃ |
ততো দেবাসুরপিৎৠন্মনুষ্যাংশ্চ চতুষৃয়ম্ || ১. ৮. ২||
সিসৃক্ষুরয়ুতাতানি স চাত্মানময়ূয়ুজৎ |
যুক্তাত্মনস্ততস্তস্য তমোমাত্রাসমুদ্ভবঃ || ১. ৮. ৩||
তদাভিধ্যায়তঃ সর্গং প্রয়ত্নোঽভূৎপ্রজাপতেঃ |
ততোঽস্য জঘ নাৎপূর্বমসুরা জজ্ঞির সুতাঃ || ১. ৮. ৪||
অসুঃ প্রাণঃ স্মৃতো বিজ্ঞৈস্তজ্জন্মানস্ততোঽসুরাঃ |
সৃষ্টা যয়া সুরাস্তন্বা তাং তনুং স ব্যপোহত || ১. ৮. ৫||
সাপবিদ্ধা তনুস্তেন সদ্যো রাত্রিরজায়ত |
সা তমোবহুলা যস্মাত্ততো রাত্রিস্ত্রিয়ামিকা || ১. ৮. ৬||
আবৃতাস্তমসা রাত্রৌ প্রজা স্তস্মাৎস্বয়ং পুনঃ |
সৃষ্ট্বাসুরাংস্ততঃ সোঽথ তনুমন্যামপদ্যত || ১. ৮. ৭||
অব্যক্তাং সত্ত্ববহুলাং ততস্তাং সোঽভ্যয়ুঞ্জত |
ততস্তাং যুঞ্জ মানস্য প্রিয়মাসীৎপ্রভোঃ কিল || ১. ৮. ৮||
ততো মুখাৎসমুৎপন্না দীব্যতস্তস্য দেবতাঃ |
যতোঽস্য দীব্যতো জাতাস্তেন দেবাঃ প্রকীর্ত্তিতাঃ || ১. ৮. ৯||
ধাতুর্দিব্যেতি যঃ প্রোক্তঃ ক্রীডায়াং স বিভাব্যতে |
তস্মাত্তন্বাস্তু দিব্যায়া জজ্ঞিরে তেন দেবতাঃ || ১. ৮. ১০||
দেবান্ সৃষ্ট্বা ততঃ সোঽথ তনুং দিব্যামপোহত |
উৎসৃষ্টা সা তনুস্তেন অহঃ সমভবত্তদা || ১. ৮. ১১||
তস্মাদহঃকর্ময়ুক্তা দেবতাঃ সমুপাসতে |
দেবান্সৃষ্ট্বা ততঃ সোঽথ তনুমন্যামপদ্যত || ১. ৮. ১২||
সত্ত্বমাত্রাত্মিকামেব ততোঽন্যামভ্যয়ুঙ্ক্ত বৈ |
পিতেব মন্যমানস্তান্পুত্রান্প্রধ্যায় স প্রভুঃ || ১. ৮. ১৩||
পিতরো হ্যভবংস্তস্যা সধ্যে রাত্র্যহয়োঃ পৃথক্ |
তস্মাত্তে পিতরো দেবাঃ পিতৃৎবং তেষু তৎস্মৃতম্ || ১. ৮. ১৪||
যয়াসৃষ্টাস্তু পিতরস্তাং তনুং স ব্যপোহত |
সাপবিদ্ধা তনুস্তেন সদ্যঃ সংধ্যা ব্যজায়ত || ১. ৮. ১৫||
তস্মাদহর্দেবতানাং রাত্রির্যা সাঽসুরী স্মৃতা |
তয়োর্মধ্যে তু বৈ পৈত্রী যা তনুঃ সা গরীয়সী || ১. ৮. ১৬||
তস্মাদ্দেবাসুরাশ্চৈব ঋষয়ো মানবাস্তথা |
যুক্তাস্তনুমুপাসংতে উষাব্যুষ্ট্যোর্যদন্তরম্ || ১. ৮. ১৭||
তস্মাদ্রাত্র্যহয়োঃ সংধিমুপাসংতে তথা দ্বিজাঃ |
ততোঽন্যস্যাং পুনর্ব্রহ্মা স্বতন্বামুপপদ্যত || ১. ৮. ১৮||
রজোমাত্রাত্মিকা যা তু মনসা সোঽসৃজৎপ্রভুঃ |
মনসা তু সুতাস্তস্য প্রজনাজ্জজ্ঞিরে প্রজাঃ || ১. ৮. ১৯||
মননাচ্চ মনুষয়াস্তে প্রজনাৎপ্রথিতাঃ প্রজাঃ |
সৃষ্ট্বা পুনঃ প্রজাঃ সোঽথ স্বাং তনুং স ব্যপোহত || ১. ৮. ২০||
সাপবিদ্ধা তনুস্তেন জ্যোৎস্না সদ্যস্ত্বজায়ত |
তস্মাদ্ভবন্তি সংহৃষ্টা জ্যোৎস্নায়া উদ্ভবে প্রজাঃ || ১. ৮. ২১||
ইত্যেতাস্তনবস্তেন হ্যপবিদ্ধা মহাত্মনা |
সদ্যো রাত্র্যহনী চৈবসংধ্যা জ্যোৎস্না চ জজ্ঞিরে || ১. ৮. ২২||
জ্যোৎস্না সংধ্যাহনী চৈব সত্ত্বমাত্রাত্মকং ত্রয়ম্ |
তমোমাত্রাত্মিকা রাত্রিঃ সা বৈ তস্মান্নিয়ামিকা || ১. ৮. ২৩||
তস্মাদ্দেবা দিব্যতন্বা তুষ্ট্যা সৃষ্টা সুখাত্তু বৈ |
যস্মাত্তেষাং দিবা জন্ম বলিনস্তেন তে দিবা || ১. ৮. ২৪||
তন্বা যদসুরান্রত্র্যা জঘনাদসৃজৎপ্রভুঃ |
প্রাণেভ্যো রাত্রিজন্মানো হ্যজেয়া নিশি তেন তে || ১. ৮. ২৫||
এতান্যেব ভবিষ্যাণাং দেবানামসুরৈঃ সহ |
পিৎৠণাং মানুষাণাং চ অতীতানা গতেষু বৈ || ১. ৮. ২৬||
মন্বন্তরেষু সর্বেষু নিমিত্তানি ভবন্তি হি |
জ্যোৎস্না রাত্র্যহনী সংধ্যা চৎবার্যেতানি তানি বা || ১. ৮. ২৭||
ভান্তি যস্মাত্ততো ভাতি ভাশব্দো ব্যাপ্তিদীপ্তিষু |
অংভাংস্যেতানি সৃষ্ট্বা তু দেবদানবমানুষান্ || ১. ৮. ২৮||
পিৎৠংশ্চৈব তথা চান্যান্বিবিধান্ব্য সৃজৎপ্রজাঃ |
তামুৎসৃজ্য ততো চ্যোৎস্নাং ততোঽন্যাং প্রাপ্য স প্রভুঃ || ১. ৮. ২৯||
মূর্ত্তিং রজস্তমোদ্রিক্তাং ততস্তাং সোঽভ্যয়ুঞ্জত |
ততোঽন্যাঃ সোংঽধকারে চ ক্ষুধাবিষ্টাঃ প্রজাঃ সৃজন্ || ১. ৮. ৩০||
তাঃ সৃষ্টাস্তু ক্ষুধাবিষ্টা অম্ভাংস্যাদাতুমুদ্যতাঃ |
অম্ভাংস্যেতানি রক্ষাম উক্তবন্তস্তু তেষু যে || ১. ৮. ৩১||
রাক্ষসাস্তে স্মৃতাস্তস্মাৎক্ষুধাত্মানো নিশাচরাঃ |
যেঽব্রুবন্ ক্ষিণুমোঽম্ভাংসি তেষাং ৎদৃষ্টাঃ পরস্পরম্ || ১. ৮. ৩২||
তেন তে কর্মণা যক্ষা গুহ্যকাঃ ক্রূরকর্মিণঃ |
রক্ষেতি পালনে চাপি ধাতুরেষ বিভাব্যতে || ১. ৮. ৩৩||
য এষ ক্ষীতিধাতুর্বৈ ক্ষপণে স নিরুচ্যতে |
রক্ষণাদ্রক্ষ ইত্যুক্তং ক্ষপণাদ্যক্ষ উচ্যত || ১. ৮. ৩৪||
তান্দৃষ্ট্বা ৎবপ্রিয়েণাস্য কেশাঃ শীর্ণাশ্চ ধীমতঃ |
তে শীর্ণা ব্যুত্থিতা হ্যূর্দ্ধমারো হন্তঃ পুনঃ পুনঃ || ১. ৮. ৩৫||
হীনা যে শিরসো বালাঃ পন্নাশ্চৈবাপসর্পিণঃ |
বালাত্মনা স্মৃতা ব্যালা হীনৎবাদহয়ঃ স্মৃতাঃ || ১. ৮. ৩৬||
পন্নৎবাৎপন্নগাশ্চাপি ব্যপসর্পাচ্চ সর্প্পতা |
তেষাং লয়ঃ পৃথিব্যাং যঃ সূর্যাচন্দ্রমসৌ ঘনাঃ || ১. ৮. ৩৭||
তস্য ক্রোধোদ্ভবো যোঽসাবগ্নিগর্ভঃ সুদারুণঃ |
স তান্সর্প্পান্ সহোৎপন্নানাবিবেশ বিষাত্মকঃ || ১. ৮. ৩৮||
সর্প্পান্সৃষ্ট্বা ততঃ ক্রোধাৎ ক্রোধাত্মানো বিনির্মিতাঃ |
বর্ণেন কপিশেনোগ্রাস্তে ভূতাঃ পিশিতাশনাঃ || ১. ৮. ৩৯||
ভূতৎবাত্তে রমৃতা ভূতাঃ পিশাচা পিশিতাশনাৎ |
গায়তো গাং ততস্তস্য গন্ধর্বা জজ্ঞিরে সুতাঃ || ১. ৮. ৪০||
ধয়েতি ধাতুঃ কবিভিঃ পানার্থে পরিপঠ্যতে |
পিবতো জজ্ঞিরে বাচং গন্ধর্বাস্তেন তে স্মৃতাঃ || ১. ৮. ৪১||
অষ্টাস্বেতাসু সৃষ্টাসু দেবয়োনিষু স প্রভুঃ |
ছন্দতশ্চৈব ছন্দাসি বয়াংসি বয়সাসৃজৎ || ১. ৮. ৪২||
পক্ষিণস্তু স সৃষ্ট্বা বৈ ততঃ পশুগণান্সৃজন্ |
মুখতোজাঃ সৃজন্সোঽথ বক্ষসশ্চাপ্যবীঃ সৃজন্ || ১. ৮. ৪৩||
গাবশ্চৈবোদরাদ্ব্রহ্মা পাশ্বীভ্যাং চ বিনির্মমে |
পাদতোঽশ্বান্সমাতঙ্গান্ রাসভান্ গবয়ান্মৃগান্ || ১. ৮. ৪৪||
উষ্ট্রাংশ্চৈব বরাহাংশ্চ শুনোঽন্যাংশ্চৈব জাতয়ঃ |
ওষধ্যঃ ফল মূলিন্যো রোমভ্যস্তস্য জজ্ঞিরে || ১. ৮. ৪৫||
এবং পঞ্চৌষধীঃ সৃষ্ট্বা ব্যয়ুঞ্জৎসোঽধ্বরেষু বৈ |
অস্য ৎবাদৌ তু কল্পস্য ত্রেতায়ুগমুখেপুরা || ১. ৮. ৪৬||
গৌরজঃ পুরুষোঽথাবিরশ্বাশ্বতরগর্দভাঃ |
এতে গ্রাম্যাঃ সমৃতাঃ সপ্ত আরণ্যাঃ সপ্ত চাপরে || ১. ৮. ৪৭||
শ্বাপদো দ্বীপিনো হস্তী বানরঃ পক্ষিপঞ্চমঃ |
ঔদকাঃ পশবঃ ষষ্ঠাঃ সপ্তমাস্তু সরীসৃপাঃ || ১. ৮. ৪৮||
মহিষা গবয়োষ্ট্রাশ্চ দ্বিখুরাঃ শরভো দ্বিষঃ |
মর্কটঃ সপ্তমো হ্যেষাং চারণ্যাঃ পশবস্তু তে || ১. ৮. ৪৯||
গায়ত্রীং চ ঋচং চৈব ত্রিবৃৎসতোমরথন্তরে |
অগ্নিষ্টোমং চ যজ্ঞানাং নির্মমে প্রথমান্মুখাৎ || ১. ৮. ৫০||
যজূংষি ত্রৈষ্টুভং ছন্দঃ স্তোমং পঞ্চদশং তথা |
বৃহৎসাম তথোক্তং চ দক্ষিণাৎসোঽসৃজন্মুখাৎ || ১. ৮. ৫১||
সামানি জগতীং চৈব স্তোমং সপ্তদশং তথা |
বৈরূপ্যমতিরাত্রং চ পশ্চিমাৎসোঽসৃজন্মখাৎ || ১. ৮. ৫২||
একবিংশমথর্বাণমাপ্তোর্যামং তথৈব চ |
অনুষ্টুভং সবৈরাজং চতুর্থাদসৃজন্মুখাৎ || ১. ৮. ৫৩||
বিদ্যুতোঽশনিমেঘাংশ্ব রোহিতেদ্রধনূংষি চ |
সৃষ্ট্বাসৌ ভগবান্দেবঃ পর্জন্যমিতিবিশ্রুতম্ || ১. ৮. ৫৪||
ঋচো যজূংষি সামানি নির্মমে যজ্ঞসিদ্ধয়ে |
উচ্চাবচানি ভূতানি গাত্রেভ্যস্তস্য জজ্ঞিরে || ১. ৮. ৫৫||
ব্রহ্মণাস্তু প্রজাসর্গং সৃজতো হি প্রজাপতেঃ |
সৃষ্ট্বা চতুষ্টয়ং পূর্বং দেবর্ষিপিতৃমানবান্ || ১. ৮. ৫৬||
ততোঽসৃজত ভূতানি চরাণি স্থাবরাণি চ |
সৃষ্ট্বা যক্ষপিশাচাংশ্চ গন্ধর্বপ্সরসস্তদা || ১. ৮. ৫৭||
নরকিন্নররক্ষাংসি বয়ঃপশুমৃগোরগান্ |
অব্যয়ং চ ব্যয়ং চৈব দ্বয়ং স্থাবরজঙ্গমম্ || ১. ৮. ৫৮||
তেষাং যে যানি কর্মাণি প্রাক্ সৃষ্টানি প্রপেদিরে |
তান্যেব প্রতিপদ্যন্তে সৃজ্যমানাঃ পুনঃপুনঃ || ১. ৮. ৫৯||
হিংস্রাহিংস্রে সৃজন্ ক্রূরে ধর্মাধর্মাবৃতানৃতে |
তদ্ভাবিতাঃ প্রপদ্যন্তে তস্মাত্তত্তস্য রোচতে || ১. ৮. ৬০||
মহাভূতেষু নানাৎবমিন্দ্রিয়ার্তেষু মূর্তিষু |
বিনিয়োগং চ ভূতানাং ধাতৈব ব্যদধাৎস্বয়ম্ || ১. ৮. ৬১||
কেচিৎপুরুষকারং তু প্রাহুঃ কর্ম চ মানবাঃ |
দৈবমিত্যপরে বিপ্রাঃ স্বভাবং ভূতচিন্তকাঃ || ১. ৮. ৬২||
পৌরুষং কর্ম দৈবং চ ফলবৃত্তিস্বভাবতঃ |
ন চৈব তু পৃথগ্ভাবমধিকেন ততো বিদুঃ || ১. ৮. ৬৩||
এতদেবং চ নৈবং চ ন চোভে নানুভে ন চ |
স্বকর্মবিষয়ং ব্রূয়ুঃ সত্ত্বস্থাঃ সমদর্শিনঃ || ১. ৮. ৬৪||
নানারূপং চ ভূতানাং কৃতানাং চ প্রপঞ্চনম্ |
বেদশব্দেভ্য এবাদৌ নির্মমে স মহেশ্বরঃ || ১. ৮. ৬৫||
আর্ষাণি চৈব নামানি যাশ্চ দেবেষু দৃষ্টয়ঃ |
শর্বর্যন্তে প্রসূতানাং পুনস্তেভ্যো দধাত্যজঃ || ১. ৮. ৬৬||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদে মানসসৃষ্টিবর্ণনং নামাষ্টমোঽধ্যায়ঃ

সূত উবাচ
রুদ্রং ধর্মং মনশ্চৈব রুচিং চৈবাকৃতিং তথা |
পঞ্চ কর্ত্ৠন্ হি স তদা মনসা ব্যসৃজৎপ্রভুঃ || ১. ৯. ১||
এতে মহাভুজাঃ সর্বে প্রজানাং স্থিতিহেতবঃ |
ঔষধীঃ প্রতিসংধত্তে রুদ্রঃ ক্ষীণঃ পুনঃ পুনঃ || ১. ৯. ২||
প্রাপ্তৌষধিফলৈর্দেবঃ সম্যগিষ্টঃ ফলার্থিভিঃ |
ত্রিভিরেব কপালৈস্তু ত্র্যংবকৈরোষধীক্ষয়ে || ১. ৯. ৩||
ইজ্যতে মুনিভির্যস্মাত্তস্মাত্ত্ত্র্যংবক উচ্যতে |
গায়ত্রীং চৈব ত্রিষ্টুপ্ চ জগতী চৈব তাঃ স্মৃতাঃ || ১. ৯. ৪||
অংবিকানাং ময়া প্রোক্তা যোনয়ঃ স্বনস্পতেঃ |
তাভিরেকৎবভূতা ভিস্ত্রিবিধাভিঃ স্ববীর্যতঃ || ১. ৯. ৫||
ত্রিসাধনঃ পুরোডাশস্ত্রিকপালস্ততঃ স্মৃতঃ |
ত্র্যংবকঃ স পুরোডাশস্তেনেহ ত্র্যংবকঃস্মৃতঃ || ১. ৯. ৬||
ধত্তে ধর্মঃ প্রজাঃ সর্বা মনো জ্ঞানকরং স্মৃতম্ |
আকৃতিঃ সুরুচে রূপং রুচিঃ শ্রদ্ধাকরঃ স্মৃতঃ || ১. ৯. ৭||
এবমেতে প্রজাপালাঃ প্রজানাং স্থিতিহেতবঃ |
অথাস্য সৃজতঃ সর্গং প্রজানাং পরিবৃদ্ধয়ে || ১. ৯. ৮||
ন ব্যবর্দ্ধত তাঃ সৃষ্টাঃ প্রজাঃ কেনাপি হেতুনা |
ততঃ স বিদধে বুদ্ধিমর্থনিশ্চয়গা মিনীম্ || ১. ৯. ৯||
অথাত্মনি সমদ্রাক্ষীত্তমোমাত্রাং তু চারিণীম্ |
রজঃ সত্ত্বং পরিত্যজ্য বর্তমানাং স্বকর্মতঃ || ১. ৯. ১০||
ততঃ স তেন দুখেনশুচং চক্রে জগৎপতিঃ |
তমশ্চ ব্যনুদৎপশ্চাদ্ রজসাতু সমাবৃণোৎ || ১. ৯. ১১||
তত্তমঃ প্রতিনুত্তং বৈ মিথুনং সংপ্রসূয়ত |
অধর্মাচরণা ত্তস্য হিংসা শোকো ব্যজায়ত || ১. ৯. ১২||
ততস্তস্মিন্সমুদ্ভূতে মিথুনে বরণাত্মকে |
ততঃ স ভগবানাসীৎ প্রীতশ্চৈতং হি শিশ্রিয়ে || ১. ৯. ১৩||
এবং প্রীতাত্মনস্তস্য স্বদেহার্দ্ধাদ্বিনিঃসৃতা |
নারী পরমকল্যাণী সর্বভূতমনোহরা || ১. ৯. ১৪||
সা হি কামাত্মনা সৃষ্টা প্রকৃতেঃ সা সুরূপিণী |
শতরূপেতি সা প্রোক্তা সা প্রোক্তৈব পুনঃ পুনঃ || ১. ৯. ১৫||
ততঃ প্রজাঃ সমুদ্ভূতা যথা প্রোক্তা ময়া পুরা |
প্রক্রিয়ায়াং যথা তুভ্যং ত্রেতামধ্যে মহাত্মনঃ || ১. ৯. ১৬||
যদা প্রজাস্তু তাঃ সৃষ্টা ন ব্যবদ্ধত ধীমতঃ |
ততোঽন্যান্মানসান্পুত্রানাত্মনঃ সদৃশোঽসৃজত || ১. ৯. ১৭||
ভৃগ্বঙ্গিরোমরীচীংশ্চ পুলস্ত্যং পুলহং ক্রতুম্ |
দক্ষমত্রিং বসিষ্ঠং চ নির্মমে মানসান্সুতান্ || ১. ৯. ১৮||
নব ব্রহ্মাণ ইত্যেতে পুরাণে নিশ্চয়ং গতাঃ |
ব্রহ্মা যতাত্মকানাং তু সর্বেষামাত্ময়োনিনাম্ || ১. ৯. ১৯||
ততোঽসৃজৎপুনর্ব্রহ্মা ধর্মং ভূতসুখাবহম্ |
প্রজাপতিং রুচিং চৈব পূর্বেষামেব পূর্বজৌ || ১. ৯. ২০||
বুদ্ধিতঃ সসৃজে ধর্মং সর্বভূতসুখাবহম্ |
মনসস্তু রুচির্নাম জজ্ঞে জোঽব্যক্তজন্মনঃ || ১. ৯. ২১||
ভৃগুস্তু ৎদৃদয়াজ্জজ্ঞে ঋষিঃ সাললয়োনিনঃ |
প্রাণাদ্দক্ষং সৃজন্ব্রহ্মা চক্ষুর্ভ্যাং তু মরীচিনম্ || ১. ৯. ২২||
অভিমানাত্মকং রুদ্রং নির্মমে নীললোহিতম্ |
শিরসোংগিরসং চৈব শ্রোত্রাদত্রিং তথৈব চ || ১. ৯. ২৩||
পুলস্ত্যং চ তথোদানাদ্ব্যানাচ্চ পুলহং পুনঃ |
সমানজো বসিষ্ঠশ্চ হ্যপানান্নির্মমে ক্রতুম্ || ১. ৯. ২৪||
ইত্যেতে ব্রহ্মণঃ পুত্রাঃ প্রজাদৌ দ্বাদশ স্মৃতাঃ |
ধর্মস্তেষাং প্রথমজো দেবতানাং স্মৃতস্তু বৈ || ১. ৯. ২৫||
ভৃগ্বাদয়স্তু যে সৃষ্টাস্তে বৈ ব্রহ্মর্ষয়ঃ স্মৃতাঃ |
গৃহমেধিপুরাণাস্তে ধর্মস্তৈঃ প্রাক্ প্রবর্ত্তিতঃ || ১. ৯. ২৬||
দ্বাদশৈতে প্রসূয়ন্তে প্রজাঃ কল্পে পুনঃ পুনঃ |
তেষাং দ্বাদশ তে বংশা দিব্যা দেবগুণান্বিতাঃ || ১. ৯. ২৭||
ক্রিয়াবন্তঃ প্রজাবন্তো মহর্ষিভিরলঙ্কৃতাঃ |
যদা তৈরিহ সৃষ্টৈস্তু ধর্ম্মাদ্যৈশ্চ মহর্ষিভিঃ || ১. ৯. ২৮||
সৃজ্যমানাঃ প্রজাশ্চৈব ন ব্যবর্দ্ধন্ত ধীমতঃ |
তমোমাত্রাবৃতঃ সোঽভূচ্ছোকপ্রতিহতশ্চ বৈ || ১. ৯. ২৯||
যথাঽবৃতঃ স বৈ ব্রহ্মা তমোমাত্রা তু সা পুনঃ |
পুত্রাণাং চ তমোমাত্রা অপরা নিঃসৃতাভবৎ || ১. ৯. ৩০||
প্রতিস্রোতাত্মকোঽধর্মো হিংসা চৈবাশুভাত্মিকা |
ততঃ প্রতিহতে তস্য প্রতীতে বরণাত্মকে || ১. ৯. ৩১||
স্বাং তনুং স তদা ব্রহ্মা সমপোহত ভাস্বরাম্ |
দ্বিধা কৃৎবা স্বকং দেহমর্দ্ধেন পুরুষোঽভবৎ || ১. ৯. ৩২||
অর্ধেন নারী সা তস্য শতরূপা ব্যজায়ত |
প্রকৃতির্ভূতধাত্রী সা কামাদ্বৈ সৃজতঃ প্রভোঃ || ১. ৯. ৩৩||
সা দিবং পৃথিবীং চৈব মহিম্না ব্যাপ্য সুস্থিতা |
ব্রহ্মাণঃ সা তনুঃ পূর্বা দিবমাবৃত্য তিষ্টতঃ || ১. ৯. ৩৪||
যা ৎবর্দ্ধা সৃজ্যতে নারী শতরূপা ব্যজায়ত |
সা দেবী নিয়ুতং তপ্ত্বা তপঃ পরম দুশ্চরম্ || ১. ৯. ৩৫||
ভর্ত্তারং দীপ্তয়শসং পুরুষং প্রত্যপদ্যত |
স বৈ স্বায়ংভুবঃ পূর্বং পুরুষো মনুরুচ্যতে || ১. ৯. ৩৬||
তস্যৈকসপ্ততিয়ুগং মন্বন্তরমিহোচ্যতে |
লব্ধ্বা তু পুরুষঃ পত্নীং শতরূপাময়োনিজাম্ || ১. ৯. ৩৭||
তয়া স রমতে সার্দ্ধং তস্মাৎসা রতিরুচ্যতে |
প্রথমঃ সংপ্রয়োগঃ স কল্পাদৌ সমবর্ত্তত || ১. ৯. ৩৮||
বিরাজমসৃজদ্ব্রহ্মা সোঽভবৎপুরুষো বিরাট্ |
সম্রাট্ সশতরূপস্তু বৈরাজস্তু মনুঃ স্মৃতঃ || ১. ৯. ৩৯||
স বৈরাজঃ প্রজাসর্গং সসর্জ পুরুষো মনুঃ |
বৈরাজাৎপুরুষাদ্বীরৌ শতরূপা ব্যজায়ত || ১. ৯. ৪০||
প্রিয়ব্রতোত্তানপাদৌ পুত্রৌ পুত্রবতাং বরৌ |
কন্যে দ্বে সুমহাভাগে যাভ্যাং জাতা ইমাঃ প্রজাঃ || ১. ৯. ৪১||
দেবী নাম্না তথাকূলিঃ প্রসূতিশ্চৈব তে শুভে |
স্বায়ংভুবঃ প্রসূতিং তু দক্ষায় ব্যসৃজৎপ্রভুঃ || ১. ৯. ৪২||
রুচেঃ প্রজাপতেশ্চৈব আকূতিং প্রত্য পাদয়ৎ |
আকূত্যাং মিথুনং জজ্ঞে মানসস্য রুচেঃ শুভম্ || ১. ৯. ৪৩||
যজ্ঞশ্চ দক্ষিণা চৈব যমলৌ তৌ বভূবতুঃ |
যজ্ঞস্য দক্ষিণায়াং চ পুত্রা দ্বাদশ জজ্ঞিরে || ১. ৯. ৪৪||
যামা ইতি সমাখ্যাতা দেবাঃ স্বায়ংভুবেতরে |
যমস্য পুত্রা যজ্ঞস্য তস্মাদ্যামাস্তু তে স্মৃতাঃ || ১. ৯. ৪৫||
অজিতাশ্চৈব শুক্রাশ্চ দ্বৌ গণৌ ব্রহ্মণঃ স্মৃতৌ |
যামাঃ পূর্বং পরিক্রান্তা যেষাং সংজ্ঞা দিবৌকসঃ || ১. ৯. ৪৬||
স্বায়ংভূব সুতায়াং তু প্রসূত্যাং লোকমাতরঃ |
তস্যাং কন্যাশ্চতুর্বিংশদ্দক্ষস্ত্বজনয়ৎপ্রভুঃ || ১. ৯. ৪৭||
সর্বাস্তাশ্চ মহাভাগাঃ সর্বাঃ কমললোচনাঃ |
যোগপত্ন্যশ্চ তাঃ সর্বাঃ সর্বাস্তা যোগমাতরঃ || ১. ৯. ৪৮||
সর্বাশ্চ ব্রহ্মবাদিন্যঃ সর্বা বিশ্বস্য মাতরঃ |
শ্রদ্ধা লক্ষ্মীর্ধৃতিস্তুষ্টিঃ পুষ্টির্মেধা তথা ক্রিয়া || ১. ৯. ৪৯||
বুদ্ধির্লজ্জা বসুঃ শান্তিঃ সিদ্ধিঃ কীর্ত্তিস্ত্রয়োদশ |
পত্ন্যর্থং প্রতিজগ্রাহ ধর্মো দাক্ষায়ণীঃ প্রভুঃ || ১. ৯. ৫০||
দ্বারাণ্যেতানি চৈবাস্য বিহিতানি স্বয়ংভুবা |
যান্যাঃ শিষ্টা যবীয়স্য একাদশ সুলোচনাঃ || ১. ৯. ৫১||
সতী খ্যাতিশ্চ সংভূতিঃ স্মৃতিঃ প্রীতিঃ ক্ষমা তথা |
সন্নতিশ্চানসূয়া চ ঊর্জা স্বাহা স্বধা তথা || ১. ৯. ৫২||
তাস্তদা প্রত্যগৃহ্ণন্ত পুনরন্যে মহার্ষয়ঃ |
রুদ্রো ভৃগুর্মরীচিশ্চ অঙ্গিরাঃ পুলহঃ ক্রতুঃ || ১. ৯. ৫৩||
পুলস্ত্যোঽত্রির্বসিষ্ঠশ্চ পিতরোঽগ্রিস্তথৈব চ |
সতীং ভবায় প্রায়চ্ছৎখ্যাতিং চ ভৃগবে তথা || ১. ৯. ৫৪||
মরীচয়ে তু সংভূতিং স্মৃতিমঙ্গিরসে দদৌ |
প্রীতিং চৈব পুলস্ত্যায় ক্ষমাং বৈ পুলহায় চ || ১. ৯. ৫৫||
ক্রতবে সংততিং নাম অনসূয়াং তথাত্রয়ে |
ঊর্জাং দদৌ বসিষ্ঠায় স্বাহাং চৈবাগ্নয়ে দদৌ || ১. ৯. ৫৬||
স্বধাং চৈব পিতৃভ্যস্তু তাস্বপত্যানি মে শৃণু |
এতাঃ সর্বা মহাভাগাঃ প্রজাস্ত্বনুসৃতাঃ স্থিতাঃ || ১. ৯. ৫৭||
মন্বন্তরেষু সর্বেষু যাবদাভূতসংপ্লবম্ |
শ্রদ্ধা কামং প্রজজ্ঞেঽথ দর্পো লক্ষ্মী সুতঃ স্মৃতঃ || ১. ৯. ৫৮||
ধৃত্যাস্তু নিয়মঃ পুত্রস্তুষ্ট্যাঃ সংতোষ উচ্যতে |
পুষ্ট্যা লাভঃ সুতশ্চাপি মেধাপুত্রঃ শ্রুতস্তথা || ১. ৯. ৫৯||
ক্রিয়ায়াস্তনয়ৌ প্রোক্তৌ দমশ্চ শম এব চ |
বুদ্ধের্বোধঃ সুতশ্চাপি অপ্রমাদশ্চ তাবুভৌ || ১. ৯. ৬০||
লজ্জায়া বিনয়ঃ পুত্রো ব্যবসায়ো বসোঃ সুতঃ |
ক্ষেমঃ শান্তেঃ সুতশ্চাপি সুখং সিদ্ধের্ব্যজায়ত || ১. ৯. ৬১||
যশঃ কীর্তেঃ সুতশ্চাপি ইত্যেতে ধর্মসূনবঃ |
কামস্য তু সুতো হর্ষো দেব্যাং সিদ্ধ্যাং ব্যজায়ত || ১. ৯. ৬২||
ইত্যেষ বৈ সুখোদর্কঃ সর্গো ধর্মস্য সাত্ত্বিকঃ |
জজ্ঞে হিংসা ৎবধর্মাদ্বৈ নিকৃতিং চানৃতং চ তে || ১. ৯. ৬৩||
নিকৃত্যনৃতয়োর্জজ্ঞ ভয়ং নরক এব চ |
মায়া চ বেদনা চাপি মিথুনদ্বয়মেতয়োঃ || ১. ৯. ৬৪||
ময়াজ্জজ্ঞেঽথ বৈ মায়া মৃত্যুং ভূতাপহারিণম্ |
বেদনায়াং ততশ্চাপি জেজ্ঞ দুঃখং তু রৌরবাৎ || ১. ৯. ৬৫||
মৃত্যোর্ব্যাধির্জরাশোকক্রোধাসূয়া বিজজ্ঞিরে |
দুঃখোত্তরাঃ স্মৃতা হ্যেতে সর্বে চাধর্মলক্ষণাঃ || ১. ৯. ৬৬||
তেষাং ভার্যাস্তি পুত্রো বা সর্বে হ্যনিধনাঃ স্মৃতাঃ |
ইত্যেষ তামসঃ সর্গো জজ্ঞে ধর্মনিয়া মকঃ || ১. ৯. ৬৭||
প্রজাঃ সৃচেতি ব্যাদিষ্টো ব্রহ্মণা নীললোহিতঃ |
সোঽভিধ্যায় সতীং ভার্যাং নির্মমে চাত্মসংভবান্ || ১. ৯. ৬৮||
নাধিকান্ন চ হীনাস্তান্মানসানাত্মনা সমান্ |
সহস্রং চ সহস্রাণামসৃজৎকৃত্তিবাসসঃ || ১. ৯. ৬৯||
তুল্যানেবাত্মনা সর্বান্ রূপতেজোবল শ্রুতৈঃ |
পিঙ্গলান্সনিষঙ্গাংশ্চ কপর্দী নীললোহিতান্ || ১. ৯. ৭০||
বিশিখান্হীনকেশাংশ্চ দৃষ্টিঘ্নাস্তান্কপালিনঃ |
মহারূপান্বিরূপাংশ্চ বিশ্বরূপাশ্চ রূপিণঃ || ১. ৯. ৭১||
রথিনো বর্মিণশ্চৈব ধন্বিনোঽথ বরূথিনঃ |
সহস্রশতবাহূংশ্চ দিব্যভৌমান্তরিক্ষগান্ || ১. ৯. ৭২||
স্থূল শীর্ষানষ্টদংষ্ট্রান্ দ্বিজিহ্বাংস্তু ত্রিলোচনান্ |
অন্নাদান্পিশিতাদাংশ্চ আজ্যপান্সোমপোস্তথা || ১. ৯. ৭৩||
অতিমেঢ্রোগ্রকায়াংশ্চ শিতিকণ্ঠোগ্রমন্যুকান্ |
সনিষঙ্গতনুত্রাংশ্চ ধন্বিনো হ্যসিচর্মিণঃ || ১. ৯. ৭৪||
আসীনান্ ধাবতশ্চাপি জৃংভতশ্চাপ্যধিষ্ঠিতান্ |
অধীয়ানাশ্চ জপতো যুঞ্জতো ধ্যায়তস্তথা || ১. ৯. ৭৫||
জ্বলতো বর্ষতশ্চৈব দ্যোতমানান্প্রধূপিতান্ |
বুদ্ধান্বুদ্ধতমাংশ্চৈব ব্রহ্মস্বান্ ব্রহ্মদর্শিনঃ || ১. ৯. ৭৬||
নীলগ্রীবান্সহস্রাক্ষান্ সর্বাংশ্চৈব ক্ষমাচরান্ |
অদৃশ্যান্সর্বভূতানাং মহায়োগান্মহৌজসঃ || ১. ৯. ৭৭||
রুদতো দ্রবতশ্চৈব এবং যুক্তান্সহস্রশঃ |
অয়াতয়ামান্ সৃজতং রুদ্রমেতান্সুরোত্তমান্ || ১. ৯. ৭৮||
দৃষ্ট্বা ব্রহ্মাব্রবীদেনং মাস্রাক্ষীরীদৃশীঃ প্রজাঃ |
ন স্রষ্টব্যাত্মন স্তল্যা প্রজা নৈবাধিকা তথা || ১. ৯. ৭৯||
অন্যাঃ সৃজস্ব ভদ্রং তে প্রজাস্ত্বং মৃত্যুসংযুতাঃ |
নারভন্তে হি কর্মাণি প্রজা বিগতমৃত্যবঃ || ১. ৯. ৮০||
এবসুক্তোঽব্রবীদেনং নাহং মৃত্যুজরান্বিতাঃ |
প্রজাঃ স্রক্ষ্যামি ভদ্রং তে স্থিতোঽহং ৎবং সৃজ প্রভো || ১. ৯. ৮১||
এতে যে বৈ ময়া সৃষ্টা বিরূপা নীললোহিতাঃ |
সহস্রং হি সহস্রাণামাত্মনো মম নিঃসৃতাঃ || ১. ৯. ৮২||
এতে দেবা ভবিষ্যন্তি রুদ্রা নাম মহাবলাঃ |
পৃথিব্যামন্তরিক্ষে চ রুদ্রাণ্যস্তাঃ পরিশ্রুতাঃ || ১. ৯. ৮৩||
শতরুদ্রে সমাম্নাতা ভবিষ্যন্তীহ যজ্ঞিয়াঃ |
যজ্ঞভাজো ভবিষ্যন্তি সর্বে দেবগণৈঃ সহ || ১. ৯. ৮৪||
মন্বন্তরেষু যে দেবা ভবিষ্যন্তীহ ছন্দজাঃ |
তৈঃ সার্দ্ধমিজ্যমানাস্তে স্থাস্যন্তীহায়ুগক্ষয়াৎ || ১. ৯. ৮৫||
এবমুক্তস্ততো ব্রহ্মা মহাদেবেন স প্রভুঃ |
প্রত্যুবাচ তথা ভীমং ৎদৃষ্যমাণঃ প্রজাপতিঃ || ১. ৯. ৮৬||
এবং ভবতু ভদ্রং তে যথা তে ব্যাৎদৃতং প্রভো |
ব্রহ্মণা সমনু জ্ঞাতে ততঃ সর্বমভূৎকিল || ১. ৯. ৮৭||
ততঃ প্রভৃতি দেবঃ স ন প্রাসূয়ত বৈ প্রজাঃ |
ঊর্ধ্বরেতাঃ স্থিতঃ স্থাণুর্যাবদাভূতসংপ্লবম্ || ১. ৯. ৮৮||
যস্মাৎপ্রোক্তং স্থিতোঽস্মীতি তস্মাৎস্থাণুর্বুধৈঃ স্মৃতঃ |
জ্ঞানং তপশ্চ সত্যং চ হ্যৈশ্বর্যং ধর্ম এব চ || ১. ৯. ৮৯||
বৈরাগ্যমাত্মসংবোধঃ কৃৎস্নান্যেতানি শঙ্করে |
সর্বান্দেবানৃষীংশ্চৈব সমেতানসুরৈঃ সহ || ১. ৯. ৯০||
অত্যেতি তেজসা দেবো মহাদেবস্ততঃ স্মৃতঃ |
অত্যেতি দেবা নৈশ্বর্যাদ্বলেন চ মহাসুরান্ || ১. ৯. ৯১||
জ্ঞানেন চ মুনীন্সর্বান্যোগাদ্ভূতানি সর্বশঃ |
এবমেব মহাদেবঃ সর্বদেবনমস্কৃতঃ |
প্রজামনু দ্যামাং সৃষ্ট্বা সর্গাদুপররাম হ || ১. ৯. ৯২||
ইতি শ্রী ব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদে রুদ্রপ্রসববর্ণনং নাম নবমোঽধ্যায়ঃ

ঋষিরুবাচ
অস্মিন্কল্পে ৎবয়া নোক্তঃ প্রাদুর্ভাবো মহাত্মনঃ |
মহাদেবস্য রুদ্রস্য সাধকৈরৃষিভিঃ সহ || ১. ১০. ১||
সূত উবাচ
উৎপত্তিরাদিসর্গস্য ময়া প্রোক্তা সমাসতঃ |
বিস্তরেণ প্রবক্ষ্যামি নামানি তনুভিঃ সহ || ১. ১০. ২||
পত্নীষু জনয়ামাস মহাদেবঃ সুতান্বহূন |
কল্পেষ্বন্যেষ্বতীতেষু হ্যস্মিন্কল্পে তু তাঞ্শৃণু || ১. ১০. ৩||
কল্পাদাবাত্মনস্তুল্যং সুতমধ্যায়ত প্রভুঃ |
প্রাদুরা সীত্ততোঙ্কেঽস্য কুমারো নীললোহিতঃ || ১. ১০. ৪||
রুরোদ সুস্বরং ঘোরং নির্দহন্নিব তেজসা |
দৃষ্ট্বা রুদন্তং সহসা কুমারং নীললোহিতম্ || ১. ১০. ৫||
কিং রোদিষি কুমারেতি ব্রহ্মা তং প্রত্যভাষত |
সোঽব্রবীদ্দেহি মে নাম প্রথমং ৎবং পিতামহ || ১. ১০. ৬||
রুদ্রস্ত্বং দেব নামাসি স ইত্যুক্তোঽরুদৎপুনঃ |
কিং রোদিষি কুমারেতি ব্রহ্মা তং প্রত্যভাষত || ১. ১০. ৭||
নাম দেহি দ্বিতীয়ং মে ইত্যুবাচ স্বয়ংভুবম্ |
ভবস্ত্বং দেবনাম্নাসি ইত্যুক্তঃ সোঽরুদৎপুনঃ || ১. ১০. ৮||
কিং রোদিষীতি তং ব্রহ্মা রুদন্তং প্রত্যুবাচ হ |
তৃতীয়ং দেহি মে নাম ইত্যুক্তঃ সোঽব্রবীৎপুনঃ || ১. ১০. ৯||
শর্বস্ত্বং দেব নাম্নাসি ইত্যুক্তঃ সোঽরুদৎপুনঃ |
কিং রোদিষীতি তং ব্রহ্মা রুদন্তং প্রত্যুবাচ হ || ১. ১০. ১০||
চতুর্থ দেহি মে নাম ইত্যুক্তঃ সোঽব্রবীৎপুনঃ |
ঈশানো দেবনাম্নাসি ইত্যুক্তঃ সোঽরুদৎপুনঃ || ১. ১০. ১১||
কিং রোদিষীতি তং ব্রহ্মা রুদন্তং পুনরব্রবীৎ |
পঞ্চমং নাম দেহীতি প্রত্যুবাচ স্বয়ংভুবম্ || ১. ১০. ১২||
পশূনাং ৎবং পতির্দেব ইত্যুক্তঃ সোঽরুদৎপুনঃ |
কিং রোদিষীতি তং ব্রহ্মা রুদন্তং পুনরব্রবীৎ || ১. ১০. ১৩||
ষষ্ঠং বৈ দেহি মে নাম ইত্যুক্তঃ প্রত্যুবাচ তম্ |
ভীমস্ত্বং দেব নাম্নাসি ইত্যুক্তঃ সোঽরুদৎপুনঃ || ১. ১০. ১৪||
কিং রোদিষীতি তং ব্রহ্মা রুদন্তং পুনরব্রবীৎ |
সপ্তমং দেহি মে নাম ইত্যুক্তঃ প্রত্যুবাচ হ || ১. ১০. ১৫||
উগ্রস্ত্বং দেব নাম্নাসি ইত্যুক্তঃ সোঽরুদৎপুনঃ |
তং রুদন্তং কুমারং তু মারোদীরিতি সোঽব্রবীৎ || ১. ১০. ১৬||
সোঽব্রবীদষ্টমং নাম দেহি মে ৎবং বিভো পুনঃ |
ৎবং মহাদেবনামাসি ইত্যুক্তো বিররাম হ || ১. ১০. ১৭||
লব্ধ্বা নামানি চৈতানি ব্রহ্মাণং নীললোহিতঃ |
প্রোবাচ নাম্নামেতেষাং স্থানানি প্রদিশেতি হ || ১. ১০. ১৮||
ততো বিসৃষ্টাস্তনব এষাং নাম্না স্বয়ংভুবা |
সূর্যো জলং মহী বায়ুর্ব হ্নিরাকাশমেব চ || ১. ১০. ১৯||
দীক্ষিতা ব্রাহ্মণশ্চন্দ্র ইত্যেবং তেঽষ্টধা তনুঃ |
তেষু পূজ্যশ্চ বন্দ্যশ্চ নমস্কার্যশ্চ যত্নতঃ || ১. ১০. ২০||
প্রোবাচ তং পুনর্ব্রহ্মা কুমারং নীললোহিতম্ |
যদুক্তং তে ময়া পূর্বং নাম রুদ্রেতি বৈ বিভো || ১. ১০. ২১||
তস্যাদিত্যতনুর্নাম্নঃ প্রথমা প্রথমস্য তে |
ইত্যুক্তে তস্য যত্তেজশ্চক্ষুস্ত্বাসীৎপ্রকাশকম্ || ১. ১০. ২২||
বিবেশ তত্তদাদিত্যং তস্মাদ্রুদ্রো হ্যসৌ স্মৃতঃ |
উদ্যতমস্তং যন্তং চ বর্জয়েদ্দর্শনেরবিম্ || ১. ১০. ২৩||
শশ্বচ্চ জায়তে যস্মাচ্ছশ্বৎসংতিষ্ঠতে তু যৎ |
তস্মাত্মূর্যং ন বীক্ষেত আয়ুষ্কামঃ শুচিঃ সদা || ১. ১০. ২৪||
অতীতানাগতং রুদ্রং বিপ্রা হ্যাপ্যায়য়ন্তি যৎ |
উভে সংধ্যে হ্যুপাসীনা গৃণন্তঃ সামঋগ্যজুঃ || ১. ১০. ২৫||
উদ্যন্স তিষ্ঠতে ঋক্ষু মধ্যাহ্নে চ যজুঃষ্বথ |
সামস্বথাপরাহ্ণে তু রুদ্রঃ সংবিশতি ক্রমাৎ || ১. ১০. ২৬||
তস্মাদ্ভবেন্নাভ্যুদিতো বাহ্যস্তমিত এব চ |
ন রুদ্রম্প্রতি মেহেত সর্বাবস্থং কথং চন || ১. ১০. ২৭||
এবং যুক্তান্ দ্বিজান্ দেবো রুদ্রস্তান্ন হিনস্তি বৈ |
ততোঽপ্রবীৎপুনর্ব্রহ্মা তং দেবং নীললোহিতম্ || ১. ১০. ২৮||
দ্বিতীয়ং নামধেয়ং তে ময়া প্রোক্তং ভবেতি যৎ |
এতস্যাপো দ্বিতীয়া তে তনুর্নাম্না ভবৎবিতি || ১. ১০. ২৯||
ইত্যুক্তে ৎবথ তস্যাসীচ্ছরীরস্থং রসাত্মকম্ |
বিবেশ তত্তদা যস্তু তস্মাদাপো ভবঃ স্মৃতঃ || ১. ১০. ৩০||
যস্মাদ্ভবন্তি ভূতানি তাভ্যস্তা ভাবয়ন্তি চ |
ভবনাদ্রাবনাচ্চৈব ভূতানামুচ্যতে ভবঃ || ১. ১০. ৩১||
তস্মান্মূত্রং পুরীষং চ নাপ্সু কুর্বীত কর্হিচিৎ |
ন নিষ্ঠীবেন্নাবগাহেন্নৈব গচ্ছেচ্চ মৈথুনম্ || ১. ১০. ৩২||
ন চৈতাঃ পরিচক্ষীত বহন্ত্যো বা স্থিতা অপি |
মৈধ্যামেধ্যাস্ত্বপামেতাস্তনবো মুনিভিঃ স্মৃতাঃ || ১. ১০. ৩৩||
বিবর্ণরসগন্ধাশ্চ বর্জ্যা অল্পাশ্চ সর্বশঃ |
অপাং যোনিঃ সমুদ্রস্তু তস্মাত্তং কাময়ন্তি তাঃ || ১. ১০. ৩৪||
মধ্যাশ্চৈবামৃতা হ্যাপো ভবন্তি প্রাপ্য সাগরম্ |
তস্মাদপো ন রুন্ধীত সমুদ্রং কাময়ন্তি তাঃ || ১. ১০. ৩৫||
ন হিনস্তি ভবো দেবো য এবং হ্যপ্সু বর্ততে |
ততোঽব্রবীৎপুনর্ব্রহ্মা কুমারং নীললোহিতম্ || ১. ১০. ৩৬||
শর্বেতি যত্তৃতীয়ং তে নাম প্রোক্তং ময়া বিভো |
তস্য ভূমিস্তৃতীয়স্য তনুর্নাম্না ভবত্ত্বিয়ম্ || ১. ১০. ৩৭||
ইত্যুক্তে যৎস্থিরং তস্য শরীরে হ্যস্থিসংজ্ঞিতম্ |
বিবেশ তত্তদা ভূমিং যস্মাৎসা শর্ব উচ্যতে || ১. ১০. ৩৮||
তস্মাৎকৃষ্টেন কুর্বীত পুরীষং মূত্রমেব চ |
ন চ্ছায়ায়াং তথা মার্গে স্বচ্ছায়ায়াং ন মেহয়েৎ || ১. ১০. ৩৯||
শিরঃ প্রাবৃত্য কুর্বীত অন্তর্ধায় তৃণৈর্মহীম্ |
এবং যো বর্ততে ভূমৌ শর্বস্তং ন হিনস্তি বৈ || ১. ১০. ৪০||
ততোঽব্রবীৎপুনর্ব্রহ্মা কুমারং নীললোহিতম্ |
ঈশানেতি চতুর্থ তে নাম প্রোক্তং ময়েহ যৎ || ১. ১০. ৪১||
চতুর্থস্য চতুর্থী তু বায়ুর্নাম্না তনুস্তব |
ইত্যুক্তে যচ্ছরীরস্থং পঞ্চধা প্রাণসংজ্ঞিতম্ || ১. ১০. ৪২||
বিবেশ তস্য তদ্বায়ুমীশানস্তন মারুতঃ |
তস্মান্নৈনং পরিবদেৎপ্রবান্তং বায়ুমীশ্বরম্ || ১. ১০. ৪৩||
যজ্ঞৈর্ব্যবহরন্ত্যেনং যে বৈ পরিচরন্তি চ |
এবং যুক্তং মহেশানো নৈব দেবো হিনস্তি তম্ || ১. ১০. ৪৪||
ততোঽব্রবীৎপুনর্ব্রহ্মা তং দেবং ধ৫ম্লমীশ্বরম্ |
নাম যদ্বৈ পশুপতিরিত্যুক্তং পঞ্চমং ময়া || ১. ১০. ৪৫||
পঞ্চমী পঞ্চম স্যৈষা তনুর্নাম্নাগ্নিরস্তু তে |
ইত্যুক্তে যচ্ছরীরস্থং তেজস্তস্যোষ্ণসংজ্ঞিতম্ || ১. ১০. ৪৬||
বিবেশ তত্তদা হ্যগ্নিং তস্মাৎপশুপতিস্তু সঃ |
যস্মাদগ্নিঃ পশুশ্চাসীদ্যস্মাৎপাতি পশূংশ্চ সঃ || ১. ১০. ৪৭||
তস্মাৎপশুপতেস্তস্য তনুরগ্নির্নিরুচ্যতে |
তস্মাদমেদ্যং ন দহেন্ন চ পাদৌ প্রতাপয়েৎ || ১. ১০. ৪৮||
অধস্তান্নোপদধ্যাচ্চ ন চৈনমতিলঙ্ঘয়েৎ |
নৈনং পশুপতির্দেব এবং যুক্তং হিনস্তি বৈ || ১. ১০. ৪৯||
ততোঽব্রবীৎপুনর্ব্রহ্মা তং দেবং শ্বেতপিঙ্গলম্ |
ষষ্টং নাম ময়া প্রোক্তং তব ভীমেতি যৎপ্রভো || ১. ১০. ৫০||
আকাশং তস্য নাম্নস্তু তনুঃ ষষ্ঠী ভবৎবিতি |
ইত্যুক্তে সুষিরং তস্য শরীরস্থমভূচ্চ যৎ || ১. ১০. ৫১||
বিবেশ তত্তদাকাশং তস্মাদ্ভীমস্য সা তনুঃ |
যদাকাশে স্মৃতো দেবস্তস্মান্না সংবৃতঃ ক্বচিৎ || ১. ১০. ৫২||
কুর্যান্মূত্রং পুরীষং বা ন ভুঞ্জীত পিবেন্ন বা |
মৈথুনং বাপি ন চরেদুচ্ছিষ্টানি চ নোৎক্ষিপেৎ || ১. ১০. ৫৩||
ন হিনস্তি চ তং দেবো যো ভীমে হ্যেবমাচরেৎ |
ততোঽব্রবীৎপুনর্ব্রহ্মা তং দেবং সবলং প্রভুম্ || ১. ১০. ৫৪||
সপ্তমং যন্ময়া প্রোক্তং নামোগ্রেতি তব প্রভো |
তস্য নাম্নস্তনুস্তুভ্যং দ্বিজো ভবতি দীক্ষিতঃ || ১. ১০. ৫৫||
এবমুক্তে তু যত্তস্য চৈতন্যং বৈ শরীরগম্ |
বিবেশ দীক্ষিতং তদ্বৈ ব্রাহ্মণং সোময়াজিনম্ || ১. ১০. ৫৬||
তাবৎকালং স্মৃতো বিপ্র উগ্রো দেবস্তু দীক্ষিতঃ |
তস্মান্নেমং পরিবদেন্নাশ্লীলং চাস্য কীর্ত্তয়েৎ || ১. ১০. ৫৭||
তে হরন্ত্যস্য পাপ্মানং যে বৈ পরিবদন্তি তম্ |
এবং যুক্তান্ দ্বিজানুগ্রো দেবস্তান্ন হিনস্তি বৈ || ১. ১০. ৫৮||
ততোব্রবীৎপুনর্ব্রহ্মা তং দেবং ভাস্করদ্যুতিম্ |
অষ্টমং নাম যৎ প্রোক্তং মহাদেবেতি তে ময়া || ১. ১০. ৫৯||
তস্য নাম্নোঽষ্টমস্যাস্তু তনুস্তুভ্যং তু চন্দ্রমাঃ |
ইত্যুক্তে যন্মন স্তস্য সংকল্পকমভূৎপ্রভোঃ || ১. ১০. ৬০||
বিবেশ তচ্চন্দ্রমসং মহাদেবস্ততঃ শশী |
তস্মাদ্বিভাব্যতে হ্যেষ মহাদেবস্তু চন্দ্রমাঃ || ১. ১০. ৬১||
অমাবাস্যাং ন বৈ ছিন্দ্যাদ্বৃক্ষগুল্মৌষধীর্দ্বিজঃ |
মহাদেবঃ স্মৃতঃ সোমস্তস্যাত্মা হ্যৌষধীগণঃ || ১. ১০. ৬২||
এবং যো বর্ত্ততে চৈহ সদা পর্বণি পর্বণি |
ন হন্তি তং মহাদেবো য এবং বেদ তং প্রভুম্ || ১. ১০. ৬৩||
গোপায়তি দিবাদিত্যঃ প্রজা নক্তং তু চন্দ্রমাঃ |
একরাত্রৌ সমেয়াতাং সূর্যা চন্দ্রমসাবুভৌ || ১. ১০. ৬৪||
অমাবাস্যানিশায়াং তু তস্যাং যুক্তঃ সাদা ভবেৎ |
রুদ্রাবিষ্টং সর্বমিদং তনুভির্ন্নামভিশ্চ হ || ১. ১০. ৬৫||
একাকী চশ্চরত্যেষ সূর্যোঽসৌ রুদ্র উচ্যতে |
সূর্যস্য যৎপ্রকাশেন বীক্ষন্তে চক্ষুষা প্রজাঃ || ১. ১০. ৬৬||
মুক্তাত্মা সংস্থিতো রুদ্রঃ পিবত্যংভো গভস্তিভিঃ |
অদ্যতে পীয়তে চৈব হ্যন্নপানাদিকাম্যয়া || ১. ১০. ৬৭||
তনুরংবূদ্ভবা সা বৈ দেহেষ্বেবোপচীয়তে |
যয়া ধত্তে প্রজাঃ সর্বাঃ স্থিরীভূতেন তেজসা || ১. ১০. ৬৮||
পার্থিবী সা তনুস্তস্য সাধ্বী ধারয়তে প্রজাঃ |
যা চ স্থিতা শরীরেষু ভূতানাং প্রাণবৃত্তিভিঃ || ১. ১০. ৬৯||
বাতাত্মিকা তু চৈশানী সা প্রাণঃ প্রাণিনামিহ |
পীতাশিতানি পচতি ভূতানাং জঠরেষ্বিহ || ১. ১০. ৭০||
তনুঃ পাশুপতী তস্য পাচকঃ সোঽগ্নিরুচ্যতে |
যানীহ শুষিরাণি স্যুর্দেহেষ্বন্তর্গতানি বৈ || ১. ১০. ৭১||
বায়োঃ সংচরণার্থানি ভীমা সা প্রোচ্যতে তনুঃ |
বৈতান্যাদীক্ষিতানাং তু যা স্থিতির্ব্রহ্মবাদিনাম্ || ১. ১০. ৭২||
তনুরুগ্রাত্মিকা সা তু তেনোগ্রো দীক্ষিতঃ স্মৃতঃ |
যত্তু সংকল্পকং তস্য প্রজাস্বিহ সমাস্থিতম্ || ১. ১০. ৭৩||
সা তনুর্মানসী তস্য চন্দ্রমাঃ প্রাণিষু স্থিতঃ |
নবোনবো যো ভবতি জায়মানঃ পুনঃপুনঃ || ১. ১০. ৭৪||
পীয়তেঽসৌ যথাকালং বিবুধৈঃ পিতৃভিঃ সহ |
মহাদেবোঽমৃতাত্মা স চন্দ্রমা অম্ময়ঃ স্মৃতঃ || ১. ১০. ৭৫||
তস্য যা প্রথমা নাম্না তনূ রৌদ্রী প্রকীর্ত্তিতা |
পত্নী সুবর্চ্চলা তস্যাঃ পুত্রশ্চাস্য শনৈশ্চরঃ || ১. ১০. ৭৬||
ভবস্য যা দ্বিতীয়া তু আপো নাম্না তনুঃ স্মৃতা |
তস্যা ধাত্রী স্মৃতা পত্নী পুত্রশ্চ উশনা স্মৃতঃ || ১. ১০. ৭৭||
শর্বস্য যা তৃতীয়স্য নাম্নো ভূমিস্তনুঃ স্মৃতা |
তস্যাঃ পত্নী বিকেশী তু পুত্রোঽস্যাঙ্গারকঃ স্মৃতঃ || ১. ১০. ৭৮||
ঈশানস্য চতুর্থস্য নাম্না বাতস্তনুস্তু যা |
তস্যাঃ পত্নী শিবা নাম পুত্রশ্চাস্যা মনোজবঃ || ১. ১০. ৭৯||
অবিজ্ঞাতগতিশ্চৈব দ্বৌ পুত্রৌ চানিলস্য তু |
নাম্না পশুপতের্যা তু তনুরগ্নির্দ্বিজৈঃ স্মৃতা || ১. ১০. ৮০||
তস্যাঃ পত্নী স্মৃতা স্বাহা স্কন্দস্তস্যাঃ সুতঃ স্মৃতঃ |
নাম্না ষষ্ঠস্য যা ভীমা তনুরাকাশমুচ্যতে || ১. ১০. ৮১||
দিশঃ পত্ন্যঃ স্মৃতাস্তস্য স্বর্গশ্চাপি সুতঃ স্মৃতঃ |
অগ্রা তনুঃ সপ্তমী যা দীক্ষিতো ব্রাহ্মণঃ স্মৃতঃ || ১. ১০. ৮২||
দীক্ষা পত্নী স্মৃতা তস্যাঃ সংতানঃ পুত্র উচ্যতে |
নাম্নাষ্টমস্য মহস্তনুর্যা চন্দ্রমাঃ স্মৃতঃ || ১. ১০. ৮৩||
তস্য বৈ রোহিণী পত্নী পুত্রস্তস্য বুধঃ স্মৃতঃ |
ইত্যেতাস্তনবস্তস্য নামভিঃ সহ কীর্তিতাঃ || ১. ১০. ৮৪||
তাসু বন্দ্যো নমস্যশ্চ প্রতিনামতনূষু বৈ |
সূর্যেপ্সূর্ব্যাং তথা বায়াবগ্নৌ ব্যোম্ন্যথ দীক্ষিতে || ১. ১০. ৮৫||
ভক্তৈস্তথা চন্দ্রমসি ভত্তয়া বন্দ্যস্তু নামভিঃ |
এবং যো বেত্তি তং দেবং তনুভির্নামভিশ্চ হ || ১. ১০. ৮৬||
প্রজাবানেতি সায়ুজ্যমীশ্বরস্য ভবস্য সঃ |
ইত্যেতদ্বো ময়া প্রোক্তং গুহ্যং ভীমাস্য যদ্যশঃ || ১. ১০. ৮৭||
শন্নোঽস্তু দ্বিপদে বিপ্রাঃ শন্নোঽস্তু চ চতুষ্পদে |
এতৎপ্রোক্তমিদানীং চ তনূনাং নামভি সহ |
মহাদেবস্য দেবস্য ভৃগোস্তু শৃণুত প্রজাঃ || ১. ১০. ৮৮||
ইতি শ্রীব্রহ্মাণ্ডে মহাপুরাণে বায়ুপ্রোক্তে পূর্বভাগে দ্বিতীয়েঽনুষঙ্গপাদে মহাদেববিভূতিবর্ণনং না দশামোঽধ্যোয়ঃ