০৫০১০০১০ রাজোবাচ
০৫০১০০১১ প্রিয়ব্রতো ভাগবতাঅত্মারামঃ কথং মুনে
০৫০১০০১২ গৃহেঽরমত যন্মূলঃ কর্মবন্ধঃ পরাভবঃ
০৫০১০০২১ ন নূনং মুক্তসঙ্গানাং তাদৃশানাং দ্বিজর্ষভ
০৫০১০০২২ গৃহেষ্বভিনিবেশোঽযং পুংসাং ভবিতুমর্হতি
০৫০১০০৩১ মহতাং খলু বিপ্রর্ষে উত্তমশ্লোকপাদয়োঃ
০৫০১০০৩২ ছায়ানির্বৃতচিত্তানাং ন কুটুম্বে স্পৃহামতিঃ
০৫০১০০৪১ সংশয়োঽযং মহান্ব্রহ্মন্দারাগারসুতাদিষু
০৫০১০০৪২ সক্তস্য যৎসিদ্ধিরভূৎকৃষ্ণে চ মতিরচ্যুতা
০৫০১০০৫০ শ্রীশুক উবাচ
০৫০১০০৫১ বাঢমুক্তং ভগবত উত্তমশ্লোকস্য শ্রীমচ্চরণারবিন্দমকরন্দরস আবেশিতচেতসো
ভাগবতপরমহংসদয়িতকথাং কিঞ্চিদন্তরায়বিহতাং স্বাং শিবতমাং পদবীং ন প্রায়েণ হিন্বন্তি
০৫০১০০৬১ যর্হি বাব হ রাজন্স রাজপুত্রঃ প্রিয়ব্রতঃ পরমভাগবতো নারদস্য
চরণোপসেবয়াঞ্জসাবগতপরমার্থসতত্ত্বো ব্রহ্মসত্রেণ দীক্ষিষ্যমাণোঽবনিতলপরিপালনায়াম্নাত
প্রবরগুণগণৈকান্তভাজনতয়া স্বপিত্রোপামন্ত্রিতো ভগবতি বাসুদেব এবাব্যবধানসমাধিয়োগেন
সমাবেশিতসকলকারকক্রিয়াকলাপো নৈবাভ্যনন্দদ্যদ্যপি তদপ্রত্যাম্নাতব্যং তদধিকরণ
আত্মনোঽন্যস্মাদসতোঽপি পরাভবমন্বীক্ষমাণঃ
০৫০১০০৭১ অথ হ ভগবানাদিদেব এতস্য গুণবিসর্গস্য পরিবৃংহণানুধ্যানব্যবসিতসকলজগদ্
অভিপ্রায় আত্ময়োনিরখিলনিগমনিজগণপরিবেষ্টিতঃ স্বভবনাদবততার
০৫০১০০৮১ স তত্র তত্র গগনতল উডুপতিরিব বিমানাবলিভিরনুপথমমর
পরিবৃঢৈরভিপূজ্যমানঃ পথি পথি চ বরূথশঃ সিদ্ধগন্ধর্বসাধ্যচারণমুনি
গণৈরুপগীয়মানো গন্ধমাদনদ্রোণীমবভাসয়ন্নুপসসর্প
০৫০১০০৯১ তত্র হ বা এনং দেবর্ষির্হংসয়ানেন পিতরং ভগবন্তং হিরণ্যগর্ভমুপলভমানঃ
সহসৈবোত্থায়ার্হণেন সহ পিতাপুত্রাভ্যামবহিতাঞ্জলিরুপতস্থে
০৫০১০১০১ ভগবানপি ভারত তদুপনীতার্হণঃ সূক্তবাকেনাতিতরামুদিতগুণগণাবতারসুজয়ঃ
প্রিয়ব্রতমাদিপুরুষস্তং সদয়হাসাবলোক ইতি হোবাচ
০৫০১০১১০ শ্রীভগবানুবাচ
০৫০১০১১১ নিবোধ তাতেদমৃতং ব্রবীমি মাসূয়িতুং দেবমর্হস্যপ্রমেয়ম্
০৫০১০১১২ বয়ং ভবস্তে তত এষ মহর্ষির্বহাম সর্বে বিবশা যস্য দিষ্টম্
০৫০১০১২১ ন তস্য কশ্চিত্তপসা বিদ্যয়া বা ন যোগবীর্যেণ মনীষয়া বা
০৫০১০১২২ নৈবার্থধর্মৈঃ পরতঃ স্বতো বা কৃতং বিহন্তুং তনুভৃদ্বিভূয়াৎ
০৫০১০১৩১ ভবায় নাশায় চ কর্ম কর্তুং শোকায় মোহায় সদা ভয়ায়
০৫০১০১৩২ সুখায় দুঃখায় চ দেহয়োগমব্যক্তদিষ্টং জনতাঙ্গ ধত্তে
০৫০১০১৪১ যদ্বাচি তন্ত্যাং গুণকর্মদামভিঃ সুদুস্তরৈর্বৎস বয়ং সুয়োজিতাঃ
০৫০১০১৪২ সর্বে বহামো বলিমীশ্বরায় প্রোতা নসীব দ্বিপদে চতুষ্পদঃ
০৫০১০১৫১ ঈশাভিসৃষ্টং হ্যবরুন্ধ্মহেঽঙ্গ দুঃখং সুখং বা গুণকর্মসঙ্গাৎ
০৫০১০১৫২ আস্থায় তত্তদ্যদয়ুঙ্ক্ত নাথশ্চক্ষুষ্মতান্ধা ইব নীয়মানাঃ
০৫০১০১৬১ মুক্তোঽপি তাবদ্বিভৃয়াৎস্বদেহমারব্ধমশ্নন্নভিমানশূন্যঃ
০৫০১০১৬২ যথানুভূতং প্রতিয়াতনিদ্রঃ কিং ৎবন্যদেহায় গুণান্ন বৃঙ্ক্তে
০৫০১০১৭১ ভয়ং প্রমত্তস্য বনেষ্বপি স্যাদ্যতঃ স আস্তে সহষট্সপত্নঃ
০৫০১০১৭২ জিতেন্দ্রিয়স্যাত্মরতের্বুধস্য গৃহাশ্রমঃ কিং নু করোত্যবদ্যম্
০৫০১০১৮১ যঃ ষট্সপত্নান্বিজিগীষমাণো গৃহেষু নির্বিশ্য যতেত পূর্বম্
০৫০১০১৮২ অত্যেতি দুর্গাশ্রিত ঊর্জিতারীন্ক্ষীণেষু কামং বিচরেদ্বিপশ্চিৎ
০৫০১০১৯১ ৎবং ৎবব্জনাভাঙ্ঘ্রিসরোজকোশ দুর্গাশ্রিতো নির্জিতষট্সপত্নঃ
০৫০১০১৯২ ভুঙ্ক্ষ্বেহ ভোগান্পুরুষাতিদিষ্টান্বিমুক্তসঙ্গঃ প্রকৃতিং ভজস্ব
০৫০১০২০০ শ্রীশুক উবাচ
০৫০১০২০১ ইতি সমভিহিতো মহাভাগবতো ভগবতস্ত্রিভুবনগুরোরনুশাসনমাত্মনো লঘুতয়াবনত
শিরোধরো বাঢমিতি সবহুমানমুবাহ
০৫০১০২১১ ভগবানপি মনুনা যথাবদুপকল্পিতাপচিতিঃ প্রিয়ব্রত
নারদয়োরবিষমমভিসমীক্ষমাণয়োরাত্মসমবস্থানমবাঙ্মনসং ক্ষয়মব্যবহৃতং
প্রবর্তয়ন্নগমৎ
০৫০১০২২১ মনুরপি পরেণৈবং প্রতিসন্ধিতমনোরথঃ সুরর্ষিবরানুমতেনাত্মজমখিলধরামণ্ডল
স্থিতিগুপ্তয় আস্থাপ্য স্বয়মতিবিষমবিষয়বিষজলাশয়াশায়া উপররাম
০৫০১০২৩১ ইতি হ বাব স জগতীপতিরীশ্বরেচ্ছয়াধিনিবেশিতকর্মাধিকারোঽখিলজগদ্বন্ধধ্বংসন
পরানুভাবস্য ভগবত আদিপুরুষস্যাঙ্ঘ্রিয়ুগলানবরতধ্যানানুভাবেন পরিরন্ধিতকষায়াশয়ো
ঽবদাতোঽপি মানবর্ধনো মহতাং মহীতলমনুশশাস
০৫০১০২৪১ অথ চ দুহিতরং প্রজাপতের্বিশ্বকর্মণ উপয়েমে বর্হিষ্মতীং নাম তস্যামু হ বাব
আত্মজানাত্মসমানশীলগুণকর্মরূপবীর্যোদারান্দশ ভাবয়াম্বভূব কন্যাং চ
যবীয়সীমূর্জস্বতীং নাম
০৫০১০২৫১ আগ্নীধ্রেধ্মজিহ্বয়জ্ঞবাহুমহাবীরহিরণ্যরেতোঘৃতপৃষ্ঠসবনমেধাতিথিবীতিহোত্রকবয়
ইতি সর্ব এবাগ্নিনামানঃ
০৫০১০২৬১ এতেষাং কবির্মহাবীরঃ সবন ইতি ত্রয় আসন্নূর্ধ্বরেতসস্ত আত্মবিদ্যায়ামর্ভ
ভাবাদারভ্য কৃতপরিচয়াঃ পারমহংস্যমেবাশ্রমমভজন্
০৫০১০২৭১ তস্মিন্নু হ বা উপশমশীলাঃ পরমর্ষয়ঃ সকলজীবনিকায়াবাসস্য ভগবতো বাসুদেবস্য
ভীতানাং শরণভূতস্য শ্রীমচ্চরণারবিন্দাবিরতস্মরণাবিগলিতপরমভক্তিয়োগানুভাবেন
পরিভাবিতান্তর্হৃদয়াধিগতে ভগবতি সর্বেষাং ভূতানামাত্মভূতে প্রত্যগ্
আত্মন্যেবাত্মনস্তাদাত্ম্যমবিশেষেণ সমীয়ুঃ
০৫০১০২৮১ অন্যস্যামপি জায়ায়াং ত্রয়ঃ পুত্রা আসন্নুত্তমস্তামসো রৈবত ইতি মন্বন্তরাধিপতয়ঃ
০৫০১০২৯১ এবমুপশমায়নেষু স্বতনয়েষ্বথ জগতীপতির্জগতীমর্বুদান্যেকাদশ
পরিবৎসরাণামব্যাহতাখিলপুরুষকারসারসম্ভৃতদোর্দণ্ডয়ুগলাপীডিতমৌর্বীগুণস্তনিতবিরমিত
ধর্মপ্রতিপক্ষো বর্হিষ্মত্যাশ্চানুদিনমেধমানপ্রমোদপ্রসরণয়ৌষিণ্যব্রীডাপ্রমুষিত
হাসাবলোকরুচিরক্ষ্বেল্যাদিভিঃ পরাভূয়মানবিবেক ইবানববুধ্যমান ইব মহামনা বুভুজে
০৫০১০৩০১ যাবদবভাসয়তি সুরগিরিমনুপরিক্রামন্ভগবানাদিত্যো বসুধাতলমর্ধেনৈব
প্রতপত্যর্ধেনাবচ্ছাদয়তি তদা হি ভগবদুপাসনোপচিতাতিপুরুষ
প্রভাবস্তদনভিনন্দন্সমজবেন রথেন জ্যোতির্ময়েন রজনীমপি দিনং করিষ্যামীতি সপ্ত
কৃৎবস্তরণিমনুপর্যক্রামদ্দ্বিতীয় ইব পতঙ্গঃ
০৫০১০৩১১ যে বা উ হ তদ্রথচরণনেমিকৃতপরিখাতাস্তে সপ্ত সিন্ধব আসন্যত এব কৃতাঃ সপ্ত ভুবো
দ্বীপাঃ
০৫০১০৩২১ জম্বূপ্লক্ষশাল্মলিকুশক্রৌঞ্চশাকপুষ্করসংজ্ঞাস্তেষাং পরিমাণং
পূর্বস্মাৎপূর্বস্মাদুত্তর উত্তরো যথাসঙ্খ্যং দ্বিগুণমানেন বহিঃ সমন্তত উপকৢপ্তাঃ
০৫০১০৩৩১ দুহিতরং চোর্জস্বতীং নামোশনসে প্রায়চ্ছদ্যস্যামাসীদ্দেবয়ানী নাম কাব্যসুতা
০৫০১০৩৪১ নৈবংবিধঃ পুরুষকার উরুক্রমস্য
০৫০১০৩৪২ পুংসাং তদঙ্ঘ্রিরজসা জিতষড্গুণানাম্
০৫০১০৩৪৩ চিত্রং বিদূরবিগতঃ সকৃদাদদীত
০৫০১০৩৪৪ যন্নামধেয়মধুনা স জহাতি বন্ধম্
০৫০১০৩৫১ স এবমপরিমিতবলপরাক্রম একদা তু দেবর্ষিচরণানুশয়নানুপতিতগুণবিসর্গ
সংসর্গেণানির্বৃতমিবাত্মানং মন্যমান আত্মনির্বেদ ইদমাহ
০৫০১০৩৬১ অহো অসাধ্বনুষ্ঠিতং যদভিনিবেশিতোঽহমিন্দ্রিয়ৈরবিদ্যারচিতবিষমবিষয়ান্ধকূপে
তদলমলমমুষ্যা বনিতায়া বিনোদমৃগং মাং ধিগ্ধিগিতি গর্হয়াং চকার
০৫০১০৩৭১ পরদেবতাপ্রসাদাধিগতাত্মপ্রত্যবমর্শেনানুপ্রবৃত্তেভ্যঃ পুত্রেভ্য ইমাং যথাদায়ং
বিভজ্য ভুক্তভোগাং চ মহিষীং মৃতকমিব সহ মহাবিভূতিমপহায় স্বয়ং নিহিতনির্বেদো হৃদি
গৃহীতহরিবিহারানুভাবো ভগবতো নারদস্য পদবীং পুনরেবানুসসার
০৫০১০৩৮০ তস্য হ বা এতে শ্লোকাঃ
০৫০১০৩৮১ প্রিয়ব্রতকৃতং কর্ম কো নু কুর্যাদ্বিনেশ্বরম্
০৫০১০৩৮২ যো নেমিনিম্নৈরকরোচ্ছায়াং ঘ্নন্সপ্ত বারিধীন্
০৫০১০৩৯১ ভূসংস্থানং কৃতং যেন সরিদ্গিরিবনাদিভিঃ
০৫০১০৩৯২ সীমা চ ভূতনির্বৃত্যৈ দ্বীপে দ্বীপে বিভাগশঃ
০৫০১০৪০১ ভৌমং দিব্যং মানুষং চ মহিৎবং কর্ময়োগজম্
০৫০১০৪০২ যশ্চক্রে নিরয়ৌপম্যং পুরুষানুজনপ্রিয়ঃ
০৫০২০০১০ শ্রীশুক উবাচ
০৫০২০০১১ এবং পিতরি সম্প্রবৃত্তে তদনুশাসনে বর্তমান আগ্নীধ্রো জম্বূদ্বীপৌকসঃ প্রজা
ঔরসবদ্ধর্মাবেক্ষমাণঃ পর্যগোপায়ৎ
০৫০২০০২১ স চ কদাচিৎপিতৃলোককামঃ সুরবরবনিতাক্রীডাচলদ্রোণ্যাং ভগবন্তং বিশ্বসৃজাং
পতিমাভৃতপরিচর্যোপকরণ আত্ম ইকাগ্র্যেণ তপস্ব্যারাধয়াং বভূব
০৫০২০০৩১ তদুপলভ্য ভগবানাদিপুরুষঃ সদসি গায়ন্তীং পূর্বচিত্তিং নামাপ্সরসমভিয়াপয়ামাস
০৫০২০০৪১ সা চ তদাশ্রমোপবনমতিরমণীয়ং বিবিধনিবিডবিটপিবিটপনিকরসংশ্লিষ্টপুরট
লতারূঢস্থলবিহঙ্গমমিথুনৈঃ প্রোচ্যমানশ্রুতিভিঃ প্রতিবোধ্যমানসলিলকুক্কুটকারণ্ডব
কলহংসাদিভির্বিচিত্রমুপকূজিতামলজলাশয়কমলাকরমুপবভ্রাম
০৫০২০০৫১ তস্যাঃ সুললিতগমনপদবিন্যাসগতিবিলাসায়াশ্চানুপদং খণখণায়মানরুচির
চরণাভরণস্বনমুপাকর্ণ্য নরদেবকুমারঃ সমাধিয়োগেনামীলিতনয়ননলিনমুকুল
যুগলমীষদ্বিকচয়্য ব্যচষ্ট
০৫০২০০৬১ তামেবাবিদূরে মধুকরীমিব সুমনস উপজিঘ্রন্তীং দিবিজমনুজমনোনয়নাহ্লাদ
দুঘৈর্গতিবিহারব্রীডাবিনয়াবলোকসুস্বরাক্ষরাবয়বৈর্মনসি নৃণাং কুসুমায়ুধস্য বিদধতীং
বিবরং নিজমুখবিগলিতামৃতাসবসহাসভাষণামোদমদান্ধমধুকরনিকরোপরোধেন দ্রুতপদ
বিন্যাসেন বল্গুস্পন্দনস্তনকলশকবরভাররশনাং দেবীং তদবলোকনেন বিবৃতাবসরস্য
ভগবতো মকরধ্বজস্য বশমুপনীতো জডবদিতি হোবাচ
০৫০২০০৭১ কা ৎবং চিকীর্ষসি চ কিং মুনিবর্য শৈলে
০৫০২০০৭২ মায়াসি কাপি ভগবৎপরদেবতায়াঃ
০৫০২০০৭৩ বিজ্যে বিভর্ষি ধনুষী সুহৃদাত্মনোঽর্থে
০৫০২০০৭৪ কিং বা মৃগান্মৃগয়সে বিপিনে প্রমত্তান্
০৫০২০০৮১ বাণাবিমৌ ভগবতঃ শতপত্রপত্রৌ
০৫০২০০৮২ শান্তাবপুঙ্খরুচিরাবতিতিগ্মদন্তৌ
০৫০২০০৮৩ কস্মৈ যুয়ুঙ্ক্ষসি বনে বিচরন্ন বিদ্মঃ
০৫০২০০৮৪ ক্ষেমায় নো জডধিয়াং তব বিক্রমোঽস্তু
০৫০২০০৯১ শিষ্যা ইমে ভগবতঃ পরিতঃ পঠন্তি
০৫০২০০৯২ গায়ন্তি সাম সরহস্যমজস্রমীশম্
০৫০২০০৯৩ যুষ্মচ্ছিখাবিলুলিতাঃ সুমনোঽভিবৃষ্টীঃ
০৫০২০০৯৪ সর্বে ভজন্ত্যৃষিগণা ইব বেদশাখাঃ
০৫০২০১০১ বাচং পরং চরণপঞ্জরতিত্তিরীণাং
০৫০২০১০২ ব্রহ্মন্নরূপমুখরাং শৃণবাম তুভ্যম্
০৫০২০১০৩ লব্ধা কদম্বরুচিরঙ্কবিটঙ্কবিম্বে
০৫০২০১০৪ যস্যামলাতপরিধিঃ ক্ব চ বল্কলং তে
০৫০২০১১১ কিং সম্ভৃতং রুচিরয়োর্দ্বিজ শৃঙ্গয়োস্তে
০৫০২০১১২ মধ্যে কৃশো বহসি যত্র দৃশিঃ শ্রিতা মে
০৫০২০১১৩ পঙ্কোঽরুণঃ সুরভিরাত্মবিষাণ ঈদৃগ্
০৫০২০১১৪ যেনাশ্রমং সুভগ মে সুরভীকরোষি
০৫০২০১২১ লোকং প্রদর্শয় সুহৃত্তম তাবকং মে
০৫০২০১২২ যত্রত্য ইত্থমুরসাবয়বাবপূর্বৌ
০৫০২০১২৩ অস্মদ্বিধস্য মনৌন্নয়নৌ বিভর্তি
০৫০২০১২৪ বহ্বদ্ভুতং সরসরাসসুধাদি বক্ত্রে
০৫০২০১৩১ কা বাত্মবৃত্তিরদনাদ্ধবিরঙ্গ বাতি
০৫০২০১৩২ বিষ্ণোঃ কলাস্যনিমিষোন্মকরৌ চ কর্ণৌ
০৫০২০১৩৩ উদ্বিগ্নমীনয়ুগলং দ্বিজপঙ্ক্তিশোচির্
০৫০২০১৩৪ আসন্নভৃঙ্গনিকরং সর ইন্মুখং তে
০৫০২০১৪১ যোঽসৌ ৎবয়া করসরোজহতঃ পতঙ্গো
০৫০২০১৪২ দিক্ষু ভ্রমন্ভ্রমত এজয়তেঽক্ষিণী মে
০৫০২০১৪৩ মুক্তং ন তে স্মরসি বক্রজটাবরূথং
০৫০২০১৪৪ কষ্টোঽনিলো হরতি লম্পট এষ নীবীম্
০৫০২০১৫১ রূপং তপোধন তপশ্চরতাং তপোঘ্নং
০৫০২০১৫২ হ্যেতত্তু কেন তপসা ভবতোপলব্ধম্
০৫০২০১৫৩ চর্তুং তপোঽর্হসি ময়া সহ মিত্র মহ্যং
০৫০২০১৫৪ কিং বা প্রসীদতি স বৈ ভবভাবনো মে
০৫০২০১৬১ ন ৎবাং ত্যজামি দয়িতং দ্বিজদেবদত্তং
০৫০২০১৬২ যস্মিন্মনো দৃগপি নো ন বিয়াতি লগ্নম্
০৫০২০১৬৩ মাং চারুশৃঙ্গ্যর্হসি নেতুমনুব্রতং তে
০৫০২০১৬৪ চিত্তং যতঃ প্রতিসরন্তু শিবাঃ সচিব্যঃ
০৫০২০১৭০ শ্রীশুক উবাচ
০৫০২০১৭১ ইতি ললনানুনয়াতিবিশারদো গ্রাম্যবৈদগ্ধ্যয়া পরিভাষয়া তাং বিবুধবধূং বিবুধ
মতিরধিসভাজয়ামাস
০৫০২০১৮১ সা চ ততস্তস্য বীরয়ূথপতের্বুদ্ধিশীলরূপবয়ঃশ্রিয়ৌদার্যেণ পরাক্ষিপ্তমনাস্তেন
সহায়ুতায়ুতপরিবৎসরোপলক্ষণং কালং জম্বূদ্বীপপতিনা ভৌমস্বর্গভোগান্বুভুজে
০৫০২০১৯১ তস্যামু হ বা আত্মজান্স রাজবর আগ্নীধ্রো নাভিকিম্পুরুষহরিবর্ষেলাবৃতরম্যকহিরণ্ময়
কুরুভদ্রাশ্বকেতুমালসংজ্ঞান্নব পুত্রানজনয়ৎ
০৫০২০২০১ সা সূৎবাথ সুতান্নবানুবৎসরং গৃহ এবাপহায় পূর্বচিত্তির্ভূয় এবাজং দেবমুপতস্থে
০৫০২০২১১ আগ্নীধ্রসুতাস্তে মাতুরনুগ্রহাদৌৎপত্তিকেনৈব সংহননবলোপেতাঃ পিত্রা বিভক্তা আত্মতুল্য
নামানি যথাভাগং জম্বূদ্বীপবর্ষাণি বুভুজুঃ
০৫০২০২২১ আগ্নীধ্রো রাজাতৃপ্তঃ কামানামপ্সরসমেবানুদিনমধিমন্যমানস্তস্যাঃ সলোকতাং
শ্রুতিভিরবারুন্ধ যত্র পিতরো মাদয়ন্তে
০৫০২০২৩১ সম্পরেতে পিতরি নব ভ্রাতরো মেরুদুহিত্র্মেরুদেবীং প্রতিরূপামুগ্রদংষ্ট্রীং লতাং রম্যাং
শ্যামাং নারীং ভদ্রাং দেববীতিমিতি সংজ্ঞা নবোদবহন্
০৫০৩০০১০ শ্রীশুক উবাচ
০৫০৩০০১১ নাভিরপত্যকামোঽপ্রজয়া মেরুদেব্যা ভগবন্তং যজ্ঞপুরুষমবহিতাত্মায়জত
০৫০৩০০২১ তস্য হ বাব শ্রদ্ধয়া বিশুদ্ধভাবেন যজতঃ প্রবর্গ্যেষু প্রচরৎসু দ্রব্যদেশকাল
মন্ত্রর্ত্বিগ্দক্ষিণাবিধানয়োগোপপত্ত্যা দুরধিগমোঽপি ভগবান্ভাগবতবাৎসল্যতয়া সুপ্রতীক
আত্মানমপরাজিতং নিজজনাভিপ্রেতার্থবিধিৎসয়া গৃহীতহৃদয়ো হৃদয়ঙ্গমং মনো
নয়নানন্দনাবয়বাভিরামমাবিশ্চকার
০৫০৩০০৩১ অথ হ তমাবিষ্কৃতভুজয়ুগলদ্বয়ং হিরণ্ময়ং পুরুষবিশেষং কপিশকৌশেয়াম্বর
ধরমুরসি বিলসচ্ছ্রীবৎসললামং দরবরবনরুহবনমালাচ্ছূর্যমৃতমণি
গদাদিভিরুপলক্ষিতং স্ফুটকিরণপ্রবরমুকুটকুণ্ডলকটককটিসূত্রহারকেয়ূরনূপুরাদ্যঙ্গ
ভূষণবিভূষিতমৃৎবিক্সদস্যগৃহপতয়োঽধনা ইবোত্তমধনমুপলভ্য সবহু
মানমর্হণেনাবনতশীর্ষাণ উপতস্থুঃ
০৫০৩০০৪০ ঋৎবিজ ঊচুঃ
০৫০৩০০৪১ অর্হসি মুহুরর্হত্তমার্হণমস্মাকমনুপথানাং নমো নম ইত্যেতাবৎসদুপশিক্ষিতং কো
ঽর্হতি পুমান্প্রকৃতিগুণব্যতিকরমতিরনীশ ঈশ্বরস্য পরস্য প্রকৃতিপুরুষয়োরর্বাক্তনাভির্নাম
রূপাকৃতিভী রূপনিরূপণম্সকলজননিকায়বৃজিননিরসনশিবতমপ্রবরগুণগণৈকদেশ
কথনাদৃতে
০৫০৩০০৫১ পরিজনানুরাগবিরচিতশবলসংশব্দসলিলসিতকিসলয়তুলসিকাদূর্বাঙ্কুরৈরপি সম্ভৃতয়া
সপর্যয়া কিল পরম পরিতুষ্যসি
০৫০৩০০৬১ অথানয়াপি ন ভবত ইজ্যয়োরুভারভরয়া সমুচিতমর্থমিহোপলভামহে
০৫০৩০০৭১ আত্মন এবানুসবনমঞ্জসাব্যতিরেকেণ বোভূয়মানাশেষপুরুষার্থস্বরূপস্য কিন্তু নাথাশিষ
আশাসানানামেতদভিসংরাধনমাত্রং ভবিতুমর্হতি
০৫০৩০০৮১ তদ্যথা বালিশানাং স্বয়মাত্মনঃ শ্রেয়ঃ পরমবিদুষাং পরমপরমপুরুষ প্রকর্ষ
করুণয়া স্বমহিমানং চাপবর্গাখ্যমুপকল্পয়িষ্যন্স্বয়ং নাপচিত এবেতরবদিহোপলক্ষিতঃ
০৫০৩০০৯১ অথায়মেব বরো হ্যর্হত্তম যর্হি বর্হিষি রাজর্ষের্বরদর্ষভো ভবান্নিজপুরুষেক্ষণবিষয়
আসীৎ
০৫০৩০১০১ অসঙ্গনিশিতজ্ঞানানলবিধূতাশেষমলানাং ভবৎস্বভাবানামাত্মারামাণাং
মুনীনামনবরতপরিগুণিতগুণগণ পরমমঙ্গলায়নগুণগণকথনোঽসি
০৫০৩০১১১ অথ কথঞ্চিৎস্খলনক্ষুৎপতনজৃম্ভণদুরবস্থানাদিষু বিবশানাং নঃ স্মরণায় জ্বর
মরণদশায়ামপি সকলকশ্মলনিরসনানি তব গুণকৃতনামধেয়ানি বচনগোচরাণি ভবন্তু
০৫০৩০১২১ কিঞ্চায়ং রাজর্ষিরপত্যকামঃ প্রজাং ভবাদৃশীমাশাসান ঈশ্বরমাশিষাং স্বর্গাপবর্গয়োরপি
ভবন্তমুপধাবতি প্রজায়ামর্থপ্রত্যয়ো ধনদমিবাধনঃ ফলীকরণম্
০৫০৩০১৩১ কো বা ইহ তেঽপরাজিতোঽপরাজিতয়া মায়য়ানবসিতপদব্যানাবৃতমতির্বিষয়বিষরয়ানাবৃত
প্রকৃতিরনুপাসিতমহচ্চরণঃ
০৫০৩০১৪১ যদু হ বাব তব পুনরদভ্রকর্তরিহ সমাহূতস্তত্রার্থধিয়াং মন্দানাং
নস্তদ্যদ্দেবহেলনং দেবদেবার্হসি সাম্যেন সর্বান্প্রতিবোঢুমবিদুষাম্
০৫০৩০১৫০ শ্রীশুক উবাচ
০৫০৩০১৫১ ইতি নিগদেনাভিষ্টূয়মানো ভগবাননিমিষর্ষভো বর্ষধরাভিবাদিতাভিবন্দিতচরণঃ
সদয়মিদমাহ
০৫০৩০১৬০ শ্রীভগবানুবাচ
০৫০৩০১৬১ অহো বতাহমৃষয়ো ভবদ্ভিরবিতথগীর্ভির্বরমসুলভমভিয়াচিতো যদমুষ্যাত্মজো ময়া
সদৃশো ভূয়াদিতি মমাহমেবাভিরূপঃ কৈবল্যাদথাপি ব্রহ্মবাদো ন মৃষা ভবিতুমর্হতি মমৈব হি
মুখং যদ্দ্বিজদেবকুলম্
০৫০৩০১৭১ তত আগ্নীধ্রীয়েঽংশকলয়াবতরিষ্যাম্যাত্মতুল্যমনুপলভমানঃ
০৫০৩০১৮০ শ্রীশুক উবাচ
০৫০৩০১৮১ ইতি নিশাময়ন্ত্যা মেরুদেব্যাঃ পতিমভিধায়ান্তর্দধে ভগবান্
০৫০৪০০১০ শ্রীশুক উবাচ
০৫০৪০০১১ অথ হ তমুৎপত্ত্যৈবাভিব্যজ্যমানভগবল্লক্ষণং সাম্যোপশমবৈরাগ্যৈশ্বর্যমহা
বিভূতিভিরনুদিনমেধমানানুভাবং প্রকৃতয়ঃ প্রজা ব্রাহ্মণা দেবতাশ্চাবনিতলসমবনায়াতিতরাং
জগৃধুঃ
০৫০৪০০২১ তস্য হ বা ইত্থং বর্ষ্মণা বরীয়সা বৃহচ্ছ্লোকেন চৌজসা বলেন শ্রিয়া যশসা বীর্যশৌর্যাভ্যাং
চ পিতা ঋষভ ইতীদং নাম চকার
০৫০৪০০৩১ যস্য হীন্দ্রঃ স্পর্ধমানো ভগবান্বর্ষে ন ববর্ষ তদবধার্য ভগবানৃষভদেবো
যোগেশ্বরঃ প্রহস্যাত্ময়োগমায়য়া স্ববর্ষমজনাভং নামাভ্যবর্ষৎ
০৫০৪০০৪১ নাভিস্তু যথাভিলষিতং সুপ্রজস্ত্বমবরুধ্যাতিপ্রমোদভরবিহ্বলো গদ্গদাক্ষরয়া গিরা
স্বৈরং গৃহীতনরলোকসধর্মং ভগবন্তং পুরাণপুরুষং মায়াবিলসিতমতির্বৎস তাতেতি
সানুরাগমুপলালয়ন্পরাং নির্বৃতিমুপগতঃ
০৫০৪০০৫১ বিদিতানুরাগমাপৌরপ্রকৃতি জনপদো রাজা নাভিরাত্মজং সময়সেতুরক্ষায়ামভিষিচ্য
ব্রাহ্মণেষূপনিধায় সহ মেরুদেব্যা বিশালায়াং প্রসন্ননিপুণেন তপসা সমাধিয়োগেন নর
নারায়ণাখ্যং ভগবন্তং বাসুদেবমুপাসীনঃ কালেন তন্মহিমানমবাপ
০৫০৪০০৬০ যস্য হ পাণ্ডবেয় শ্লোকাবুদাহরন্তি
০৫০৪০০৬১ কো নু তৎকর্ম রাজর্ষের্নাভেরন্বাচরেৎপুমান্
০৫০৪০০৬২ অপত্যতামগাদ্যস্য হরিঃ শুদ্ধেন কর্মণা
০৫০৪০০৭১ ব্রহ্মণ্যোঽন্যঃ কুতো নাভের্বিপ্রা মঙ্গলপূজিতাঃ
০৫০৪০০৭২ যস্য বর্হিষি যজ্ঞেশং দর্শয়ামাসুরোজসা
০৫০৪০০৮১ অথ হ ভগবানৃষভদেবঃ স্ববর্ষং কর্মক্ষেত্রমনুমন্যমানঃ প্রদর্শিতগুরুকুলবাসো
লব্ধবরৈর্গুরুভিরনুজ্ঞাতো গৃহমেধিনাং ধর্মাননুশিক্ষমাণো জয়ন্ত্যামিন্দ্রদত্তায়ামুভয়
লক্ষণং কর্ম সমাম্নায়াম্নাতমভিয়ুঞ্জন্নাত্মজানামাত্মসমানানাং শতং জনয়ামাস
০৫০৪০০৯১ যেষাং খলু মহায়োগী ভরতো জ্যেষ্ঠঃ শ্রেষ্ঠগুণ আসীদ্যেনেদং
বর্ষং ভারতমিতি ব্যপদিশন্তি
০৫০৪০১০১ তমনু কুশাবর্ত ইলাবর্তো ব্রহ্মাবর্তো মলয়ঃ কেতুর্ভদ্রসেন
ইন্দ্রস্পৃগ্বিদর্ভঃ কীকট ইতি
নব নবতি প্রধানাঃ
০৫০৪০১১১ কবির্হবিরন্তরিক্ষঃ প্রবুদ্ধঃ পিপ্পলায়নঃ
০৫০৪০১১২ আবির্হোত্রোঽথ দ্রুমিলশ্চমসঃ করভাজনঃ
০৫০৪০১২১ ইতি ভাগবতধর্মদর্শনা নব মহাভাগবতাস্তেষাং সুচরিতং
ভগবন্মহিমোপবৃংহিতং
বসুদেবনারদসংবাদমুপশমায়নমুপরিষ্টাদ্বর্ণয়িষ্যামঃ
০৫০৪০১৩১ যবীয়াংস একাশীতির্জায়ন্তেয়াঃ পিতুরাদেশকরা মহাশালীনা
মহাশ্রোত্রিয়া যজ্ঞশীলাঃ কর্মবিশুদ্ধা ব্রাহ্মণা বভূবুঃ
০৫০৪০১৪১ ভগবানৃষভসংজ্ঞ আত্মতন্ত্রঃ স্বয়ং নিত্যনিবৃত্তানর্থপরম্পরঃ কেবলানন্দানুভব
ঈশ্বর এব বিপরীতবৎকর্মাণ্যারভমাণঃ কালেনানুগতং ধর্মমাচরণেনোপশিক্ষয়ন্নতদ্বিদাং
সম উপশান্তো মৈত্রঃ কারুণিকো ধর্মার্থয়শঃপ্রজানন্দামৃতাবরোধেন গৃহেষু লোকং নিয়ময়ৎ
০৫০৪০১৫১ যদ্যচ্ছীর্ষণ্যাচরিতং তত্তদনুবর্ততে লোকঃ
০৫০৪০১৬১ যদ্যপি স্ববিদিতং সকলধর্মং ব্রাহ্মং গুহ্যং ব্রাহ্মণৈর্দর্শিতমার্গেণ
সামাদিভিরুপায়ৈর্জনতামনুশশাস
০৫০৪০১৭১ দ্রব্যদেশকালবয়ঃশ্রদ্ধর্ত্বিগ্বিবিধোদ্দেশোপচিতৈঃ সর্বৈরপি ক্রতুভির্যথোপদেশং শত
কৃৎব ইয়াজ
০৫০৪০১৮১ ভগবতর্ষভেণ পরিরক্ষ্যমাণ এতস্মিন্বর্ষে ন কশ্চন পুরুষো
বাঞ্ছত্যবিদ্যমানমিবাত্মনোঽন্যস্মাৎকথঞ্চন কিমপি কর্হিচিদবেক্ষতে ভর্তর্যনুসবনং
বিজৃম্ভিতস্নেহাতিশয়মন্তরেণ
০৫০৪০১৯১ স কদাচিদটমানো ভগবানৃষভো ব্রহ্মাবর্তগতো ব্রহ্মর্ষিপ্রবরসভায়াং প্রজানাং
নিশাময়ন্তীনামাত্মজানবহিতাত্মনঃ প্রশ্রয়প্রণয়ভরসুয়ন্ত্রিতানপ্যুপশিক্ষয়ন্নিতি হোবাচ
০৫০৫০০১০ ঋষভ উবাচ
০৫০৫০০১১ নায়ং দেহো দেহভাজাং নৃলোকে কষ্টান্কামানর্হতে বিড্ভুজাং যে
০৫০৫০০১২ তপো দিব্যং পুত্রকা যেন সত্ত্বং শুদ্ধ্যেদ্যস্মাদ্ব্রহ্মসৌখ্যং ৎবনন্তম্
০৫০৫০০২১ মহৎসেবাং দ্বারমাহুর্বিমুক্তেস্তমোদ্বারং যোষিতাং সঙ্গিসঙ্গম্
০৫০৫০০২২ মহান্তস্তে সমচিত্তাঃ প্রশান্তা বিমন্যবঃ সুহৃদঃ সাধবো যে
০৫০৫০০৩১ যে বা ময়ীশে কৃতসৌহৃদার্থা জনেষু দেহম্ভরবার্তিকেষু
০৫০৫০০৩২ গৃহেষু জায়াত্মজরাতিমৎসু ন প্রীতিয়ুক্তা যাবদর্থাশ্চ লোকে
০৫০৫০০৪১ নূনং প্রমত্তঃ কুরুতে বিকর্ম যদিন্দ্রিয়প্রীতয় আপৃণোতি
০৫০৫০০৪২ ন সাধু মন্যে যত আত্মনোঽযমসন্নপি ক্লেশদ আস দেহঃ
০৫০৫০০৫১ পরাভবস্তাবদবোধজাতো যাবন্ন জিজ্ঞাসত আত্মতত্ত্বম্
০৫০৫০০৫২ যাবৎক্রিয়াস্তাবদিদং মনো বৈ কর্মাত্মকং যেন শরীরবন্ধঃ
০৫০৫০০৬১ এবং মনঃ কর্মবশং প্রয়ুঙ্ক্তে অবিদ্যয়াত্মন্যুপধীয়মানে
০৫০৫০০৬২ প্রীতির্ন যাবন্ময়ি বাসুদেবে ন মুচ্যতে দেহয়োগেন তাবৎ
০৫০৫০০৭১ যদা ন পশ্যত্যয়থা গুণেহাং স্বার্থে প্রমত্তঃ সহসা বিপশ্চিৎ
০৫০৫০০৭২ গতস্মৃতির্বিন্দতি তত্র তাপানাসাদ্য মৈথুন্যমগারমজ্ঞঃ
০৫০৫০০৮১ পুংসঃ স্ত্রিয়া মিথুনীভাবমেতং তয়োর্মিথো হৃদয়গ্রন্থিমাহুঃ
০৫০৫০০৮২ অতো গৃহক্ষেত্রসুতাপ্তবিত্তৈর্জনস্য মোহোঽযমহং মমেতি
০৫০৫০০৯১ যদা মনোহৃদয়গ্রন্থিরস্য কর্মানুবদ্ধো দৃঢ আশ্লথেত
০৫০৫০০৯২ তদা জনঃ সম্পরিবর্ততেঽস্মাদ্মুক্তঃ পরং যাত্যতিহায় হেতুম্
০৫০৫০১০১ হংসে গুরৌ ময়ি ভক্ত্যানুবৃত্যা বিতৃষ্ণয়া দ্বন্দ্বতিতিক্ষয়া চ
০৫০৫০১০২ সর্বত্র জন্তোর্ব্যসনাবগত্যা জিজ্ঞাসয়া তপসেহানিবৃত্ত্যা
০৫০৫০১১১ মৎকর্মভির্মৎকথয়া চ নিত্যং মদ্দেবসঙ্গাদ্গুণকীর্তনান্মে
০৫০৫০১১২ নির্বৈরসাম্যোপশমেন পুত্রা জিহাসয়া দেহগেহাত্মবুদ্ধেঃ
০৫০৫০১২১ অধ্যাত্ময়োগেন বিবিক্তসেবয়া প্রাণেন্দ্রিয়াত্মাভিজয়েন সধ্র্যক্
০৫০৫০১২২ সচ্ছ্রদ্ধয়া ব্রহ্মচর্যেণ শশ্বদসম্প্রমাদেন যমেন বাচাম্
০৫০৫০১৩১ সর্বত্র মদ্ভাববিচক্ষণেন জ্ঞানেন বিজ্ঞানবিরাজিতেন
০৫০৫০১৩২ যোগেন ধৃত্যুদ্যমসত্ত্বয়ুক্তো লিঙ্গং ব্যপোহেৎকুশলোঽহমাখ্যম্
০৫০৫০১৪১ কর্মাশয়ং হৃদয়গ্রন্থিবন্ধমবিদ্যয়াসাদিতমপ্রমত্তঃ
০৫০৫০১৪২ অনেন যোগেন যথোপদেশং সম্যগ্ব্যপোহ্যোপরমেত যোগাৎ
০৫০৫০১৫১ পুত্রাংশ্চ শিষ্যাংশ্চ নৃপো গুরুর্বা মল্লোককামো মদনুগ্রহার্থঃ
০৫০৫০১৫২ ইত্থং বিমন্যুরনুশিষ্যাদতজ্জ্ঞান্ন যোজয়েৎকর্মসু কর্মমূঢান্
০৫০৫০১৫৩ কং যোজয়ন্মনুজোঽর্থং লভেত নিপাতয়ন্নষ্টদৃশং হি গর্তে
০৫০৫০১৬১ লোকঃ স্বয়ং শ্রেয়সি নষ্টদৃষ্টির্যোঽর্থান্সমীহেত নিকামকামঃ
০৫০৫০১৬২ অন্যোন্যবৈরঃ সুখলেশহেতোরনন্তদুঃখং চ ন বেদ মূঢঃ
০৫০৫০১৭১ কস্তং স্বয়ং তদভিজ্ঞো বিপশ্চিদবিদ্যায়ামন্তরে বর্তমানম্
০৫০৫০১৭২ দৃষ্ট্বা পুনস্তং সঘৃণঃ কুবুদ্ধিং প্রয়োজয়েদুৎপথগং যথান্ধম্
০৫০৫০১৮১ গুরুর্ন স স্যাৎস্বজনো ন স স্যাৎপিতা ন স স্যাজ্জননী ন সা স্যাৎ
০৫০৫০১৮২ দৈবং ন তৎস্যান্ন পতিশ্চ স স্যান্ন মোচয়েদ্যঃ সমুপেতমৃত্যুম্
০৫০৫০১৯১ ইদং শরীরং মম দুর্বিভাব্যং সত্ত্বং হি মে হৃদয়ং যত্র ধর্মঃ
০৫০৫০১৯২ পৃষ্ঠে কৃতো মে যদধর্ম আরাদতো হি মামৃষভং প্রাহুরার্যাঃ
০৫০৫০২০১ তস্মাদ্ভবন্তো হৃদয়েন জাতাঃ সর্বে মহীয়াংসমমুং সনাভম্
০৫০৫০২০২ অক্লিষ্টবুদ্ধ্যা ভরতং ভজধ্বং শুশ্রূষণং তদ্ভরণং প্রজানাম্
০৫০৫০২১১ ভূতেষু বীরুদ্ভ্য উদুত্তমা যে সরীসৃপাস্তেষু সবোধনিষ্ঠাঃ
০৫০৫০২১২ ততো মনুষ্যাঃ প্রমথাস্ততোঽপি গন্ধর্বসিদ্ধা বিবুধানুগা যে
০৫০৫০২২১ দেবাসুরেভ্যো মঘবৎপ্রধানা দক্ষাদয়ো ব্রহ্মসুতাস্তু তেষাম্
০৫০৫০২২২ ভবঃ পরঃ সোঽথ বিরিঞ্চবীর্যঃ স মৎপরোঽহং দ্বিজদেবদেবঃ
০৫০৫০২৩১ ন ব্রাহ্মণৈস্তুলয়ে ভূতমন্যৎপশ্যামি বিপ্রাঃ কিমতঃ পরং তু
০৫০৫০২৩২ যস্মিন্নৃভিঃ প্রহুতং শ্রদ্ধয়াহমশ্নামি কামং ন তথাগ্নিহোত্রে
০৫০৫০২৪১ ধৃতা তনূরুশতী মে পুরাণী যেনেহ সত্ত্বং পরমং পবিত্রম্
০৫০৫০২৪২ শমো দমঃ সত্যমনুগ্রহশ্চ তপস্তিতিক্ষানুভবশ্চ যত্র
০৫০৫০২৫১ মত্তোঽপ্যনন্তাৎপরতঃ পরস্মাৎস্বর্গাপবর্গাধিপতের্ন কিঞ্চিৎ
০৫০৫০২৫২ যেষাং কিমু স্যাদিতরেণ তেষামকিঞ্চনানাং ময়ি ভক্তিভাজাম্
০৫০৫০২৬১ সর্বাণি মদ্ধিষ্ণ্যতয়া ভবদ্ভিশ্চরাণি ভূতানি সুতা ধ্রুবাণি
০৫০৫০২৬২ সম্ভাবিতব্যানি পদে পদে বো বিবিক্তদৃগ্ভিস্তদু হার্হণং মে
০৫০৫০২৭১ মনোবচোদৃক্করণেহিতস্য সাক্ষাৎকৃতং মে পরিবর্হণং হি
০৫০৫০২৭২ বিনা পুমান্যেন মহাবিমোহাৎকৃতান্তপাশান্ন বিমোক্তুমীশেৎ
০৫০৫০২৮০ শ্রীশুক উবাচ
০৫০৫০২৮১ এবমনুশাস্যাত্মজান্স্বয়মনুশিষ্টানপি লোকানুশাসনার্থং মহানুভাবঃ পরম
সুহৃদ্ভগবানৃষভাপদেশ উপশমশীলানামুপরতকর্মণাং মহামুনীনাং ভক্তিজ্ঞানবৈরাগ্য
লক্ষণং পারমহংস্যধর্মমুপশিক্ষমাণঃ স্বতনয়শতজ্যেষ্ঠং পরমভাগবতং ভগবজ্
জনপরায়ণং ভরতং ধরণিপালনায়াভিষিচ্য স্বয়ং ভবন এবোর্বরিতশরীরমাত্রপরিগ্রহ উন্মত্ত
ইব গগনপরিধানঃ প্রকীর্ণকেশ আত্মন্যারোপিতাহবনীয়ো ব্রহ্মাবর্তাৎপ্রবব্রাজ
০৫০৫০২৯১ জডান্ধমূকবধিরপিশাচোন্মাদকবদবধূতবেষোঽভিভাষ্যমাণোঽপি জনানাং গৃহীতমৌন
ব্রতস্তূষ্ণীং বভূব
০৫০৫০৩০১ তত্র তত্র পুরগ্রামাকরখেটবাটখর্বটশিবিরব্রজঘোষসার্থগিরি
বনাশ্রমাদিষ্বনুপথমবনিচরাপসদৈঃ পরিভূয়মানো মক্ষিকাভিরিব বনগজস্তর্জন
তাডনাবমেহনষ্ঠীবনগ্রাবশকৃদ্রজঃপ্রক্ষেপপূতিবাতদুরুক্তৈস্তদবিগণয়ন্নেবাসৎসংস্থান
এতস্মিন্দেহোপলক্ষণে সদপদেশ উভয়ানুভবস্বরূপেণ স্বমহিমাবস্থানেনাসমারোপিতাহং
মমাভিমানৎবাদবিখণ্ডিতমনাঃ পৃথিবীমেকচরঃ পরিবভ্রাম
০৫০৫০৩১১ অতিসুকুমারকরচরণোরঃস্থলবিপুলবাহ্বংসগলবদনাদ্যবয়ববিন্যাসঃ প্রকৃতি
সুন্দরস্বভাবহাসসুমুখো নবনলিনদলায়মানশিশিরতারারুণায়তনয়নরুচিরঃ সদৃশসুভগ
কপোলকর্ণকণ্ঠনাসো বিগূঢস্মিতবদনমহোৎসবেন পুরবনিতানাং মনসি কুসুম
শরাসনমুপদধানঃ পরাগবলম্বমানকুটিলজটিলকপিশকেশভূরিভারোঽবধূতমলিননিজ
শরীরেণ গ্রহগৃহীত ইবাদৃশ্যত
০৫০৫০৩২১ যর্হি বাব স ভগবান্লোকমিমং যোগস্যাদ্ধা প্রতীপমিবাচক্ষাণস্তৎপ্রতিক্রিয়াকর্ম
বীভৎসিতমিতি ব্রতমাজগরমাস্থিতঃ শয়ান এবাশ্নাতি পিবতি খাদত্যবমেহতি হদতি স্ম চেষ্টমান
উচ্চরিত আদিগ্ধোদ্দেশঃ
০৫০৫০৩৩১ তস্য হ যঃ পুরীষসুরভিসৌগন্ধ্যবায়ুস্তং দেশং দশয়োজনং সমন্তাৎসুরভিং চকার
০৫০৫০৩৪১ এবং গোমৃগকাকচর্যয়া ব্রজংস্তিষ্ঠন্নাসীনঃ শয়ানঃ কাকমৃগগোচরিতঃ পিবতি
খাদত্যবমেহতি স্ম
০৫০৫০৩৫১ ইতি নানায়োগচর্যাচরণো ভগবান্কৈবল্যপতিরৃষভোঽবিরতপরমমহানন্দানুভব আত্মনি
সর্বেষাং ভূতানামাত্মভূতে ভগবতি বাসুদেব আত্মনোঽব্যবধানানন্তরোদরভাবেন সিদ্ধ
সমস্তার্থপরিপূর্ণো যোগৈশ্বর্যাণি বৈহায়সমনোজবান্তর্ধানপরকায়প্রবেশদূরগ্রহণাদীনি
যদৃচ্ছয়োপগতানি নাঞ্জসা নৃপ হৃদয়েনাভ্যনন্দৎ
০৫০৬০০১০ রাজোবাচ
০৫০৬০০১১ ন নূনং ভগব আত্মারামাণাং যোগসমীরিতজ্ঞানাবভর্জিতকর্মবীজানামৈশ্বর্যাণি পুনঃ
ক্লেশদানি ভবিতুমর্হন্তি যদৃচ্ছয়োপগতানি
০৫০৬০০২০ ঋষিরুবাচ
০৫০৬০০২১ সত্যমুক্তং কিন্ত্বিহ বা একে ন মনসোঽদ্ধা বিশ্রম্ভমনবস্থানস্য শঠকিরাত ইব
সঙ্গচ্ছন্তে
০৫০৬০০৩০ তথা চোক্তম্
০৫০৬০০৩১ ন কুর্যাৎকর্হিচিৎসখ্যং মনসি হ্যনবস্থিতে
০৫০৬০০৩২ যদ্বিশ্রম্ভাচ্চিরাচ্চীর্ণং চস্কন্দ তপ ঐশ্বরম্
০৫০৬০০৪১ নিত্যং দদাতি কামস্য চ্ছিদ্রং তমনু যেঽরয়ঃ
০৫০৬০০৪২ যোগিনঃ কৃতমৈত্রস্য পত্যুর্জায়েব পুংশ্চলী
০৫০৬০০৫১ কামো মন্যুর্মদো লোভঃ শোকমোহভয়াদয়ঃ
০৫০৬০০৫২ কর্মবন্ধশ্চ যন্মূলঃ স্বীকুর্যাৎকো নু তদ্বুধঃ
০৫০৬০০৬১ অথৈবমখিললোকপালললামোঽপি বিলক্ষণৈর্জডবদবধূতবেষভাষাচরিতৈরবিলক্ষিত
ভগবৎপ্রভাবো যোগিনাং সাম্পরায়বিধিমনুশিক্ষয়ন্স্বকলেবরং
জিহাসুরাত্মন্যাত্মানমসংব্যবহিতমনর্থান্তরভাবেনান্বীক্ষমাণ উপরতানুবৃত্তিরুপররাম
০৫০৬০০৭১ তস্য হ বা এবং মুক্তলিঙ্গস্য ভগবত ঋষভস্য যোগমায়াবাসনয়া দেহ ইমাং
জগতীমভিমানাভাসেন সঙ্ক্রমমাণঃ কোঙ্কবেঙ্ককুটকান্দক্ষিণ
কর্ণাটকান্দেশান্যদৃচ্ছয়োপগতঃ কুটকাচলোপবন আস্য কৃতাশ্মকবল উন্মাদ ইব মুক্তমূর্ধজো
ঽসংবীত এব বিচচার
০৫০৬০০৮১ অথ সমীরবেগবিধূতবেণুবিকর্ষণজাতোগ্রদাবানলস্তদ্বনমালেলিহানঃ সহ তেন দদাহ
০৫০৬০০৯১ যস্য কিলানুচরিতমুপাকর্ণ্য কোঙ্কবেঙ্ককুটকানাং রাজার্হন্নামোপশিক্ষ্য কলাবধর্ম
উৎকৃষ্যমাণে ভবিতব্যেন বিমোহিতঃ স্বধর্মপথমকুতোভয়মপহায় কুপথ
পাখণ্ডমসমঞ্জসং নিজমনীষয়া মন্দঃ সম্প্রবর্তয়িষ্যতে
০৫০৬০১০১ যেন হ বাব কলৌ মনুজাপসদা দেবমায়ামোহিতাঃ স্ববিধিনিয়োগশৌচচারিত্রবিহীনা দেব
হেলনান্যপব্রতানি নিজনিজেচ্ছয়া গৃহ্ণানা অস্নানানাচমনাশৌচকেশোল্লুঞ্চনাদীনি কলিনাধর্ম
বহুলেনোপহতধিয়ো ব্রহ্মব্রাহ্মণয়জ্ঞপুরুষলোকবিদূষকাঃ প্রায়েণ ভবিষ্যন্তি
০৫০৬০১১১ তে চ হ্যর্বাক্তনয়া নিজলোকয়াত্রয়ান্ধপরম্পরয়াশ্বস্তাস্তমস্যন্ধে স্বয়মেব
প্রপতিষ্যন্তি
০৫০৬০১২১ অয়মবতারো রজসোপপ্লুতকৈবল্যোপশিক্ষণার্থঃ
০৫০৬০১৩০ তস্যানুগুণান্শ্লোকান্গায়ন্তি
০৫০৬০১৩১ অহো ভুবঃ সপ্তসমুদ্রবত্যা দ্বীপেষু বর্ষেষ্বধিপুণ্যমেতৎ
০৫০৬০১৩২ গায়ন্তি যত্রত্যজনা মুরারেঃ কর্মাণি ভদ্রাণ্যবতারবন্তি
০৫০৬০১৪১ অহো নু বংশো যশসাবদাতঃ প্রৈয়ব্রতো যত্র পুমান্পুরাণঃ
০৫০৬০১৪২ কৃতাবতারঃ পুরুষঃ স আদ্যশ্চচার ধর্মং যদকর্মহেতুম্
০৫০৬০১৫১ কো ন্বস্য কাষ্ঠামপরোঽনুগচ্ছেন্মনোরথেনাপ্যভবস্য যোগী
০৫০৬০১৫২ যো যোগমায়াঃ স্পৃহয়ত্যুদস্তা হ্যসত্তয়া যেন কৃতপ্রয়ত্নাঃ
০৫০৬০১৬১ ইতি হ স্ম সকলবেদলোকদেবব্রাহ্মণগবাং পরমগুরোর্ভগবত ঋষভাখ্যস্য
বিশুদ্ধাচরিতমীরিতং পুংসাং সমস্তদুশ্চরিতাভিহরণং পরমমহা
মঙ্গলায়নমিদমনুশ্রদ্ধয়োপচিতয়ানুশৃণোত্যাশ্রাবয়তি বাবহিতো ভগবতি তস্মিন্বাসুদেব একান্ততো
ভক্তিরনয়োরপি সমনুবর্ততে
০৫০৬০১৭১ যস্যামেব কবয় আত্মানমবিরতং বিবিধবৃজিনসংসারপরিতাপোপতপ্যমানমনুসবনং
স্নাপয়ন্তস্তয়ৈব পরয়া নির্বৃত্যা হ্যপবর্গমাত্যন্তিকং পরমপুরুষার্থমপি স্বয়মাসাদিতং নো
এবাদ্রিয়ন্তে ভগবদীয়ৎবেনৈব পরিসমাপ্তসর্বার্থাঃ
০৫০৬০১৮১ রাজন্পতির্গুরুরলং ভবতাং যদূনাং
০৫০৬০১৮২ দৈবং প্রিয়ঃ কুলপতিঃ ক্ব চ কিঙ্করো বঃ
০৫০৬০১৮৩ অস্ত্বেবমঙ্গ ভগবান্ভজতাং মুকুন্দো
০৫০৬০১৮৪ মুক্তিং দদাতি কর্হিচিৎস্ম ন ভক্তিয়োগম্
০৫০৬০১৯১ নিত্যানুভূতনিজলাভনিবৃত্ততৃষ্ণঃ
০৫০৬০১৯২ শ্রেয়স্যতদ্রচনয়া চিরসুপ্তবুদ্ধেঃ
০৫০৬০১৯৩ লোকস্য যঃ করুণয়াভয়মাত্মলোকম্
০৫০৬০১৯৪ আখ্যান্নমো ভগবতে ঋষভায় তস্মৈ
০৫০৭০০১০ শ্রীশুক উবাচ
০৫০৭০০১১ ভরতস্তু মহাভাগবতো যদা ভগবতাবনিতলপরিপালনায় সঞ্চিন্তিতস্তদনুশাসনপরঃ
পঞ্চজনীং বিশ্বরূপদুহিতরমুপয়েমে
০৫০৭০০২১ তস্যামু হ বা আত্মজান্কার্ত্স্ন্যেনানুরূপানাত্মনঃ পঞ্চ জনয়ামাস ভূতাদিরিব ভূত
সূক্ষ্মাণি সুমতিং রাষ্ট্রভৃতং সুদর্শনমাবরণং ধূম্রকেতুমিতি
০৫০৭০০৩১ অজনাভং নামৈতদ্বর্ষং ভারতমিতি যত আরভ্য ব্যপদিশন্তি
০৫০৭০০৪১ স বহুবিন্মহীপতিঃ পিতৃপিতামহবদুরুবৎসলতয়া স্বে স্বে কর্মণি বর্তমানাঃ প্রজাঃ স্ব
ধর্মমনুবর্তমানঃ পর্যপালয়ৎ
০৫০৭০০৫১ ঈজে চ ভগবন্তং যজ্ঞক্রতুরূপং ক্রতুভিরুচ্চাবচৈঃ শ্রদ্ধয়াহৃতাগ্নিহোত্রদর্শপূর্ণমাস
চাতুর্মাস্যপশুসোমানাং প্রকৃতিবিকৃতিভিরনুসবনং চাতুর্হোত্রবিধিনা
০৫০৭০০৬১ সম্প্রচরৎসু নানায়াগেষু বিরচিতাঙ্গক্রিয়েষ্বপূর্বং যত্তৎক্রিয়াফলং ধর্মাখ্যং পরে
ব্রহ্মণি যজ্ঞপুরুষে সর্বদেবতালিঙ্গানাং মন্ত্রাণামর্থনিয়ামকতয়া সাক্ষাৎকর্তরি পরদেবতায়াং
ভগবতি বাসুদেব এব ভাবয়মান আত্মনৈপুণ্যমৃদিতকষায়ো হবিঃষ্বধ্বর্যুভির্গৃহ্যমাণেষু স
যজমানো যজ্ঞভাজো দেবাংস্তান্পুরুষাবয়বেষ্বভ্যধ্যায়ৎ
০৫০৭০০৭১ এবং কর্মবিশুদ্ধ্যা বিশুদ্ধসত্ত্বস্যান্তর্হৃদয়াকাশশরীরে ব্রহ্মণি ভগবতি বাসুদেবে মহা
পুরুষরূপোপলক্ষণে শ্রীবৎসকৌস্তুভবনমালারিদরগদাদিভিরুপলক্ষিতে নিজপুরুষহৃল্লিখিতেনাত্মনি
পুরুষরূপেণ বিরোচমান উচ্চৈস্তরাং ভক্তিরনুদিনমেধমানরয়াজায়ত
০৫০৭০০৮১ এবং বর্ষায়ুতসহস্রপর্যন্তাবসিতকর্মনির্বাণাবসরোঽধিভুজ্যমানং স্বতনয়েভ্যো
রিক্থং পিতৃপৈতামহং যথাদায়ং বিভজ্য স্বয়ং সকলসম্পন্নিকেতাৎস্বনিকেতাৎপুলহাশ্রমং
প্রবব্রাজ
০৫০৭০০৯১ যত্র হ বাব ভগবান্হরিরদ্যাপি তত্রত্যানাং নিজজনানাং বাৎসল্যেন সন্নিধাপ্যত ইচ্ছা
রূপেণ
০৫০৭০১০১ যত্রাশ্রমপদান্যুভয়তো নাভিভির্দৃষচ্চক্রৈশ্চক্রনদী নাম সরিৎপ্রবরা সর্বতঃ পবিত্রী
করোতি
০৫০৭০১১১ তস্মিন্বাব কিল স একলঃ পুলহাশ্রমোপবনে বিবিধকুসুমকিসলয়তুলসিকাম্বুভিঃ কন্দমূল
ফলোপহারৈশ্চ সমীহমানো ভগবত আরাধনং বিবিক্ত উপরতবিষয়াভিলাষ উপভৃতোপশমঃ পরাং
নির্বৃতিমবাপ
০৫০৭০১২১ তয়েত্থমবিরতপুরুষপরিচর্যয়া ভগবতি প্রবর্ধমানানুরাগভরদ্রুতহৃদয়শৈথিল্যঃ
প্রহর্ষবেগেনাত্মন্যুদ্ভিদ্যমানরোমপুলককুলক ঔৎকণ্ঠ্যপ্রবৃত্তপ্রণয়বাষ্পনিরুদ্ধাবলোক
নয়ন এবং নিজরমণারুণচরণারবিন্দানুধ্যানপরিচিতভক্তিয়োগেন পরিপ্লুতপরমাহ্লাদগম্ভীর
হৃদয়হ্রদাবগাঢধিষণস্তামপি ক্রিয়মাণাং ভগবৎসপর্যাং ন সস্মার
০৫০৭০১৩১ ইত্থং ধৃতভগবদ্ব্রত ঐণেয়াজিনবাসসানুসবনাভিষেকার্দ্রকপিশকুটিলজটাকলাপেন চ
বিরোচমানঃ সূর্যর্চা ভগবন্তং হিরণ্ময়ং পুরুষমুজ্জিহানে সূর্যমণ্ডলেঽভ্যুপতিষ্ঠন্নেতদু
হোবাচ
০৫০৭০১৪১ পরোরজঃ সবিতুর্জাতবেদো দেবস্য ভর্গো মনসেদং জজান
০৫০৭০১৪২ সুরেতসাদঃ পুনরাবিশ্য চষ্টে হংসং গৃধ্রাণং নৃষদ্রিঙ্গিরামিমঃ
০৫০৮০০১০ শ্রীশুক উবাচ
০৫০৮০০১১ একদা তু মহানদ্যাং কৃতাভিষেকনৈয়মিকাবশ্যকো ব্রহ্মাক্ষরমভিগৃণানো মুহূর্ত
ত্রয়মুদকান্ত উপবিবেশ
০৫০৮০০২১ তত্র তদা রাজন্হরিণী পিপাসয়া জলাশয়াভ্যাশমেকৈবোপজগাম
০৫০৮০০৩১ তয়া পেপীয়মান উদকে তাবদেবাবিদূরেণ নদতো মৃগপতেরুন্নাদো লোকভয়ঙ্কর উদপতৎ
০৫০৮০০৪১ তমুপশ্রুত্য সা মৃগবধূঃ প্রকৃতিবিক্লবা চকিতনিরীক্ষণা সুতরামপি হরিভয়াভিনিবেশ
ব্যগ্রহৃদয়া পারিপ্লবদৃষ্টিরগততৃষা ভয়াৎসহসৈবোচ্চক্রাম
০৫০৮০০৫১ তস্যা উৎপতন্ত্যা অন্তর্বত্ন্যা উরুভয়াবগলিতো যোনিনির্গতো গর্ভঃ স্রোতসি নিপপাত
০৫০৮০০৬১ তৎপ্রসবোৎসর্পণভয়খেদাতুরা স্বগণেন বিয়ুজ্যমানা কস্যাঞ্চিদ্দর্যাং কৃষ্ণসারসতী
নিপপাতাথ চ মমার
০৫০৮০০৭১ তং ৎবেণকুণকং কৃপণং স্রোতসানূহ্যমানমভিবীক্ষ্যাপবিদ্ধং বন্ধুরিবানুকম্পয়া
রাজর্ষির্ভরত আদায় মৃতমাতরমিত্যাশ্রমপদমনয়ৎ
০৫০৮০০৮১ তস্য হ বা এণকুণক উচ্চৈরেতস্মিন্কৃতনিজাভিমানস্যাহরহস্তৎপোষণপালনলালন
প্রীণনানুধ্যানেনাত্মনিয়মাঃ সহয়মাঃ পুরুষপরিচর্যাদয় একৈকশঃ কতিপয়েনাহর্গণেন
বিয়ুজ্যমানাঃ কিল সর্ব এবোদবসন্
০৫০৮০০৯১ অহো বতায়ং হরিণকুণকঃ কৃপণ ঈশ্বররথচরণপরিভ্রমণরয়েণ স্বগণসুহৃদ্
বন্ধুভ্যঃ পরিবর্জিতঃ শরণং চ মোপসাদিতো মামেব মাতাপিতরৌ ভ্রাতৃজ্ঞাতীন্যৌথিকাংশ্চৈবোপেয়ায়
নান্যং কঞ্চন বেদ ময়্যতিবিস্রব্ধশ্চাত এব ময়া মৎপরায়ণস্য পোষণপালনপ্রীণন
লালনমনসূয়ুনানুষ্ঠেয়ং শরণ্যোপেক্ষাদোষবিদুষা
০৫০৮০১০১ নূনং হ্যার্যাঃ সাধব উপশমশীলাঃ কৃপণসুহৃদ এবংবিধার্থে স্বার্থানপি
গুরুতরানুপেক্ষন্তে
০৫০৮০১১১ ইতি কৃতানুষঙ্গ আসনশয়নাটনস্নানাশনাদিষু সহ মৃগজহুনা স্নেহানুবদ্ধহৃদয় আসীৎ
০৫০৮০১২১ কুশকুসুমসমিৎপলাশফলমূলোদকান্যাহরিষ্যমাণো বৃকসালাবৃকাদিভ্যো
ভয়মাশংসমানো যদা সহ হরিণকুণকেন বনং সমাবিশতি
০৫০৮০১৩১ পথিষু চ মুগ্ধভাবেন তত্র তত্র বিষক্তমতিপ্রণয়ভরহৃদয়ঃ
কার্পণ্যাৎস্কন্ধেনোদ্বহতি এবমুৎসঙ্গ উরসি চাধায়োপলালয়ন্মুদং পরমামবাপ
০৫০৮০১৪১ ক্রিয়ায়াং নির্বর্ত্যমানায়ামন্তরালেঽপ্যুত্থায়োত্থায় যদৈনমভিচক্ষীত তর্হি বাব স বর্ষ
পতিঃ প্রকৃতিস্থেন মনসা তস্মা আশিষ আশাস্তে স্বস্তি স্তাদ্বৎস তে সর্বত ইতি
০৫০৮০১৫১ অন্যদা ভৃশমুদ্বিগ্নমনা নষ্টদ্রবিণ ইব কৃপণঃ সকরুণমতিতর্ষেণ হরিণকুণকবিরহ
বিহ্বলহৃদয়সন্তাপস্তমেবানুশোচন্কিল কশ্মলং মহদভিরম্ভিত ইতি হোবাচ
০৫০৮০১৬১ অপি বত স বৈ কৃপণ এণবালকো মৃতহরিণীসুতোঽহো মমানার্যস্য শঠকিরাতমতেরকৃত
সুকৃতস্য কৃতবিস্রম্ভ আত্মপ্রত্যয়েন তদবিগণয়ন্সুজন ইবাগমিষ্যতি
০৫০৮০১৭১ অপি ক্ষেমেণাস্মিন্নাশ্রমোপবনে শষ্পাণি চরন্তং দেবগুপ্তং দ্রক্ষ্যামি
০৫০৮০১৮১ অপি চ ন বৃকঃ সালাবৃকোঽন্যতমো বা নৈকচর একচরো বা ভক্ষয়তি
০৫০৮০১৯১ নিম্লোচতি হ ভগবান্সকলজগৎক্ষেমোদয়স্ত্রয়্যাত্মাদ্যাপি মম ন মৃগবধূন্যাস
আগচ্ছতি
০৫০৮০২০১ অপি স্বিদকৃতসুকৃতমাগত্য মাং সুখয়িষ্যতি হরিণরাজকুমারো বিবিধরুচিরদর্শনীয়নিজ
মৃগদারকবিনোদৈরসন্তোষং স্বানামপনুদন্
০৫০৮০২১১ ক্ষ্বেলিকায়াং মাং মৃষাসমাধিনামীলিতদৃশং প্রেমসংরম্ভেণ চকিতচকিত আগত্য পৃষদ্
অপরুষবিষাণাগ্রেণ লুঠতি
০৫০৮০২২১ আসাদিতহবিষি বর্হিষি দূষিতে ময়োপালব্ধো ভীতভীতঃ সপদ্যুপরতরাস ঋষিকুমারবদবহিত
করণকলাপ আস্তে
০৫০৮০২৩১ কিং বা অরে আচরিতং তপস্তপস্বিন্যানয়া যদিয়মবনিঃ সবিনয়কৃষ্ণসারতনয়তনুতর
সুভগশিবতমাখরখুরপদপঙ্ক্তিভির্দ্রবিণবিধুরাতুরস্য কৃপণস্য মম দ্রবিণপদবীং
সূচয়ন্ত্যাত্মানং চ সর্বতঃ কৃতকৌতুকং দ্বিজানাং স্বর্গাপবর্গকামানাং দেবয়জনং করোতি
০৫০৮০২৪১ অপি স্বিদসৌ ভগবানুডুপতিরেনং মৃগপতিভয়ান্মৃতমাতরং মৃগবালকং স্বাশ্রম
পরিভ্রষ্টমনুকম্পয়া কৃপণজনবৎসলঃ পরিপাতি
০৫০৮০২৫১ কিং বাত্মজবিশ্লেষজ্বরদবদহনশিখাভিরুপতপ্যমানহৃদয়স্থলনলিনীকং
মামুপসৃতমৃগীতনয়ং শিশিরশান্তানুরাগগুণিতনিজবদনসলিলামৃতময়গভস্তিভিঃ স্বধয়তীতি চ
০৫০৮০২৬১ এবমঘটমানমনোরথাকুলহৃদয়ো মৃগদারকাভাসেন স্বারব্ধকর্মণা যোগারম্ভণতো
বিভ্রংশিতঃ স যোগতাপসো ভগবদারাধনলক্ষণাচ্চ কথমিতরথা জাত্যন্তর এণকুণক আসঙ্গঃ
সাক্ষান্নিঃশ্রেয়সপ্রতিপক্ষতয়া প্রাক্পরিত্যক্তদুস্ত্যজহৃদয়াভিজাতস্য তস্যৈবমন্তরায়বিহত
যোগারম্ভণস্য রাজর্ষের্ভরতস্য তাবন্মৃগার্ভকপোষণপালনপ্রীণনলালনানুষঙ্গেণাবিগণয়ত
আত্মানমহিরিবাখুবিলং দুরতিক্রমঃ কালঃ করালরভস আপদ্যত
০৫০৮০২৭১ তদানীমপি পার্শ্ববর্তিনমাত্মজমিবানুশোচন্তমভিবীক্ষমাণো মৃগ এবাভিনিবেশিতমনা
বিসৃজ্য লোকমিমং সহ মৃগেণ কলেবরং মৃতমনু ন মৃতজন্মানুস্মৃতিরিতরবন্মৃগশরীরমবাপ
০৫০৮০২৮১ তত্রাপি হ বা আত্মনো মৃগৎবকারণং ভগবদারাধনসমীহানুভাবেনানুস্মৃত্য
ভৃশমনুতপ্যমান আহ
০৫০৮০২৯১ অহো কষ্টং ভ্রষ্টোঽহমাত্মবতামনুপথাদ্যদ্বিমুক্তসমস্তসঙ্গস্য বিবিক্তপুণ্যারণ্য
শরণস্যাত্মবত আত্মনি সর্বেষামাত্মনাং ভগবতি বাসুদেবে তদনুশ্রবণমনন
সঙ্কীর্তনারাধনানুস্মরণাভিয়োগেনাশূন্যসকলয়ামেন কালেন সমাবেশিতং সমাহিতং কার্ত্স্ন্যেন
মনস্তত্তু পুনর্মমাবুধস্যারান্মৃগসুতমনু পরিসুস্রাব
০৫০৮০৩০১ ইত্যেবং নিগূঢনির্বেদো বিসৃজ্য মৃগীং মাতরং পুনর্ভগবৎক্ষেত্রমুপশমশীলমুনিগণ
দয়িতং শালগ্রামং পুলস্ত্যপুলহাশ্রমং কালঞ্জরাৎপ্রত্যাজগাম
০৫০৮০৩১১ তস্মিন্নপি কালং প্রতীক্ষমাণঃ সঙ্গাচ্চ ভৃশমুদ্বিগ্ন আত্মসহচরঃ শুষ্কপর্ণতৃণ
বীরুধা বর্তমানো মৃগৎবনিমিত্তাবসানমেব গণয়ন্মৃগশরীরং তীর্থোদকক্লিন্নমুৎসসর্জ
০৫০৯০০১০ শ্রীশুক উবাচ
০৫০৯০০১১ অথ কস্যচিদ্দ্বিজবরস্যাঙ্গিরঃপ্রবরস্য শমদমতপঃস্বাধ্যায়াধ্যয়নত্যাগসন্তোষ
তিতিক্ষাপ্রশ্রয়বিদ্যানসূয়াত্মজ্ঞানানন্দয়ুক্তস্যাত্মসদৃশশ্রুতশীলাচাররূপৌদার্যগুণা নব সোদর্যা
অঙ্গজা বভূবুর্মিথুনং চ যবীয়স্যাং ভার্যায়াম্যস্তু তত্র পুমাংস্তং পরমভাগবতং রাজর্ষি
প্রবরং ভরতমুৎসৃষ্টমৃগশরীরং চরমশরীরেণ বিপ্রৎবং গতমাহুঃ
০৫০৯০০২১ তত্রাপি স্বজনসঙ্গাচ্চ ভৃশমুদ্বিজমানো ভগবতঃ কর্মবন্ধবিধ্বংসনশ্রবণ
স্মরণগুণবিবরণচরণারবিন্দয়ুগলং মনসা বিদধদাত্মনঃ প্রতিঘাতমাশঙ্কমানো ভগবদ্
অনুগ্রহেণানুস্মৃতস্বপূর্বজন্মাবলিরাত্মানমুন্মত্তজডান্ধবধিরস্বরূপেণ দর্শয়ামাস
লোকস্য
০৫০৯০০৩১ তস্যাপি হ বা আত্মজস্য বিপ্রঃ পুত্রস্নেহানুবদ্ধমনা আসমাবর্তনাৎসংস্কারান্যথোপদেশং
বিদধান উপনীতস্য চ পুনঃ শৌচাচমনাদীন্কর্মনিয়মাননভিপ্রেতানপি সমশিক্ষয়দনুশিষ্টেন হি
ভাব্যং পিতুঃ পুত্রেণেতি
০৫০৯০০৪১ স চাপি তদু হ পিতৃসন্নিধাবেবাসধ্রীচীনমিব স্ম করোতি ছন্দাংস্যধ্যাপয়িষ্যন্সহ
ব্যাহৃতিভিঃ সপ্রণবশিরস্ত্রিপদীং সাবিত্রীং গ্রৈষ্মবাসন্তিকান্মাসানধীয়ানমপ্যসমবেতরূপং
গ্রাহয়ামাস
০৫০৯০০৫১ এবং স্বতনুজ আত্মন্যনুরাগাবেশিতচিত্তঃ শৌচাধ্যয়নব্রতনিয়মগুর্বনলশুশ্রূষণাদ্য্
ঔপকুর্বাণককর্মাণ্যনভিয়ুক্তান্যপি সমনুশিষ্টেন ভাব্যমিত্যসদাগ্রহঃ পুত্রমনুশাস্য
স্বয়ং তাবদনধিগতমনোরথঃ কালেনাপ্রমত্তেন স্বয়ং গৃহ এব প্রমত্ত উপসংহৃতঃ
০৫০৯০০৬১ অথ যবীয়সী দ্বিজসতী স্বগর্ভজাতং মিথুনং সপত্ন্যা উপন্যস্য স্বয়মনুসংস্থয়া
পতিলোকমগাৎ
০৫০৯০০৭১ পিতর্যুপরতে ভ্রাতর এনমতৎপ্রভাববিদস্ত্রয়্যাং বিদ্যায়ামেব পর্যবসিতমতয়ো ন
পরবিদ্যায়াং জডমতিরিতি ভ্রাতুরনুশাসননির্বন্ধান্ন্যবৃৎসন্ত
০৫০৯০০৮১ স চ প্রাকৃতৈর্দ্বিপদপশুভিরুন্মত্তজডবধিরমূকেত্যভিভাষ্যমাণো যদা তদনুরূপাণি
প্রভাষতে কর্মাণি চ কার্যমাণঃ পরেচ্ছয়া করোতি বিষ্টিতো বেতনতো বা যাচ্ঞ্যা যদৃচ্ছয়া বোপসাদিতমল্পং
বহু মৃষ্টং কদন্নং বাভ্যবহরতি পরং নেন্দ্রিয়প্রীতিনিমিত্তম্নিত্যনিবৃত্তনিমিত্তস্বসিদ্ধ
বিশুদ্ধানুভবানন্দস্বাত্মলাভাধিগমঃ সুখদুঃখয়োর্দ্বন্দ্বনিমিত্তয়োরসম্ভাবিত
দেহাভিমানঃ
০৫০৯০১০১ শীতোষ্ণবাতবর্ষেষু বৃষ ইবানাবৃতাঙ্গঃ পীনঃ সংহননাঙ্গঃ স্থণ্ডিল
সংবেশনানুন্মর্দনামজ্জনরজসা মহামণিরিবানভিব্যক্তব্রহ্মবর্চসঃ কুপটাবৃত
কটিরুপবীতেনোরুমষিণা দ্বিজাতিরিতি ব্রহ্মবন্ধুরিতি সংজ্ঞয়াতজ্জ্ঞজনাবমতো বিচচার
০৫০৯০১১১ যদা তু পরত আহারং কর্মবেতনত ঈহমানঃ স্বভ্রাতৃভিরপি কেদারকর্মণি নিরূপিতস্তদপি
করোতি কিন্তু ন সমং বিষমং ন্যূনমধিকমিতি বেদ কণপিণ্যাকফলীকরণকুল্মাষ
স্থালীপুরীষাদীন্যপ্যমৃতবদভ্যবহরতি
০৫০৯০১২১ অথ কদাচিৎকশ্চিদ্বৃষলপতির্ভদ্রকাল্যৈ পুরুষপশুমালভতাপত্যকামঃ
০৫০৯০১৩১ তস্য হ দৈবমুক্তস্য পশোঃ পদবীং তদনুচরাঃ পরিধাবন্তো নিশি নিশীথসময়ে
তমসাবৃতায়ামনধিগতপশব আকস্মিকেন বিধিনা কেদারান্বীরাসনেন মৃগবরাহাদিভ্যঃ
সংরক্ষমাণমঙ্গিরঃপ্রবরসুতমপশ্যন্
০৫০৯০১৪১ অথ ত এনমনবদ্যলক্ষণমবমৃশ্য ভর্তৃকর্মনিষ্পত্তিং মন্যমানা বদ্ধ্বা রশনয়া
চণ্ডিকাগৃহমুপনিন্যুর্মুদা বিকসিতবদনাঃ
০৫০৯০১৫১ অথ পণয়স্তং স্ববিধিনাভিষিচ্যাহতেন বাসসাচ্ছাদ্য ভূষণালেপস্রক্তিলকাদিভিরুপস্কৃতং
ভুক্তবন্তং ধূপদীপমাল্যলাজকিসলয়াঙ্কুরফলোপহারোপেতয়া বৈশসসংস্থয়া মহতা গীতস্তুতি
মৃদঙ্গপণবঘোষেণ চ পুরুষপশুং ভদ্রকাল্যাঃ পুরত উপবেশয়ামাসুঃ
০৫০৯০১৬১ অথ বৃষলরাজপণিঃ পুরুষপশোরসৃগাসবেন দেবীং ভদ্রকালীং যক্ষ্যমাণস্তদ্
অভিমন্ত্রিতমসিমতিকরালনিশিতমুপাদদে
০৫০৯০১৭১ ইতি তেষাং বৃষলানাং রজস্তমঃপ্রকৃতীনাং ধনমদরজৌৎসিক্তমনসাং ভগবৎকলাবীর
কুলং কদর্থীকৃত্যোৎপথেন স্বৈরং বিহরতাং হিংসাবিহারাণাং কর্মাতিদারুণং যদ্ব্রহ্মভূতস্য
সাক্ষাদ্ব্রহ্মর্ষিসুতস্য নির্বৈরস্য সর্বভূতসুহৃদঃ সূনায়ামপ্যননুমতমালম্ভনং
তদুপলভ্য ব্রহ্মতেজসাতিদুর্বিষহেণ দন্দহ্যমানেন বপুষা সহসোচ্চচাট সৈব দেবী ভদ্রকালী
০৫০৯০১৮১ ভৃশমমর্ষরোষাবেশরভসবিলসিতভ্রুকুটিবিটপকুটিলদংষ্ট্রারুণেক্ষণাটোপাতিভয়ানক
বদনা হন্তুকামেবেদং মহাট্টহাসমতিসংরম্ভেণ বিমুঞ্চন্তী তত উৎপত্য পাপীয়সাং দুষ্টানাং
তেনৈবাসিনা বিবৃক্ণশীর্ষ্ণাং গলাৎস্রবন্তমসৃগাসবমত্যুষ্ণং সহ গণেন নিপীয়াতিপানমদ
বিহ্বলোচ্চৈস্তরাং স্বপার্ষদৈঃ সহ জগৌ ননর্ত চ বিজহার চ শিরঃকন্দুকলীলয়া
০৫০৯০১৯১ এবমেব খলু মহদভিচারাতিক্রমঃ কার্ত্স্ন্যেনাত্মনে ফলতি
০৫০৯০২০১ ন বা এতদ্বিষ্ণুদত্ত মহদদ্ভুতং যদসম্ভ্রমঃ স্বশিরশ্ছেদন আপতিতেঽপি বিমুক্ত
দেহাদ্যাত্মভাবসুদৃঢহৃদয়গ্রন্থীনাং সর্বসত্ত্বসুহৃদাত্মনাং নির্বৈরাণাং
সাক্ষাদ্ভগবতানিমিষারিবরায়ুধেনাপ্রমত্তেন তৈস্তৈর্ভাবৈঃ পরিরক্ষ্যমাণানাং তৎপাদ
মূলমকুতশ্চিদ্ভয়মুপসৃতানাং ভাগবতপরমহংসানাম্
০৫১০০০১০ শ্রীশুক উবাচ
০৫১০০০১১ অথ সিন্ধুসৌবীরপতে রহূগণস্য ব্রজত ইক্ষুমত্যাস্তটে তৎকুলপতিনা শিবিকাবাহ
পুরুষান্বেষণসময়ে দৈবেনোপসাদিতঃ স দ্বিজবর উপলব্ধ এষ পীবা যুবা সংহননাঙ্গো গো
খরবদ্ধুরং বোঢুমলমিতি পূর্ববিষ্টিগৃহীতৈঃ সহ গৃহীতঃ প্রসভমতদর্হ উবাহ শিবিকাং স
মহানুভাবঃ
০৫১০০০২১ যদা হি দ্বিজবরস্যেষুমাত্রাবলোকানুগতের্ন সমাহিতা পুরুষগতিস্তদা বিষমগতাং স্বশিবিকাং
রহূগণ উপধার্য পুরুষানধিবহত আহ হে বোঢারঃ সাধ্বতিক্রমত কিমিতি বিষমমুহ্যতে যানমিতি
০৫১০০০৩১ অথ ত ঈশ্বরবচঃ সোপালম্ভমুপাকর্ণ্যোপায়তুরীয়াচ্ছঙ্কিতমনসস্তং বিজ্ঞাপয়াং
বভূবুঃ
০৫১০০০৪১ ন বয়ং নরদেব প্রমত্তা ভবন্নিয়মানুপথাঃ সাধ্বেব বহামঃ অয়মধুনৈব নিয়ুক্তো
ঽপি ন দ্রুতং ব্রজতি নানেন সহ বোঢুমু হ বয়ং পারয়াম ইতি
০৫১০০০৫১ সাংসর্গিকো দোষ এব নূনমেকস্যাপি সর্বেষাং সাংসর্গিকাণাং ভবিতুমর্হতীতি নিশ্চিত্য নিশম্য
কৃপণবচো রাজা রহূগণ উপাসিতবৃদ্ধোঽপি নিসর্গেণ বলাৎকৃত ঈষদুত্থিতমন্যুরবিস্পষ্টব্রহ্ম
তেজসং জাতবেদসমিব রজসাবৃতমতিরাহ
০৫১০০০৬১ অহো কষ্টং ভ্রাতর্ব্যক্তমুরুপরিশ্রান্তো দীর্ঘমধ্বানমেক এব ঊহিবান্সুচিরং নাতিপীবা ন
সংহননাঙ্গো জরসা চোপদ্রুতো ভবান্সখে নো এবাপর এতে সঙ্ঘট্টিন ইতি বহুবিপ্রলব্ধোঽপ্যবিদ্যয়া
রচিতদ্রব্যগুণকর্মাশয়স্বচরমকলেবরেঽবস্তুনি সংস্থানবিশেষেঽহং মমেত্যনধ্যারোপিত
মিথ্যাপ্রত্যয়ো ব্রহ্মভূতস্তূষ্ণীং শিবিকাং পূর্ববদুবাহ
০৫১০০০৭১ অথ পুনঃ স্বশিবিকায়াং বিষমগতায়াং প্রকুপিত উবাচ রহূগণঃ কিমিদমরে ৎবং জীবন্মৃতো
মাং কদর্থীকৃত্য ভর্তৃশাসনমতিচরসি প্রমত্তস্য চ তে করোমি চিকিৎসাং দণ্ডপাণিরিব জনতায়া যথা
প্রকৃতিং স্বাং ভজিষ্যস ইতি
০৫১০০০৮১ এবং বহ্ববদ্ধমপি ভাষমাণং নরদেবাভিমানং রজসা তমসানুবিদ্ধেন মদেন
তিরস্কৃতাশেষভগবৎপ্রিয়নিকেতং পণ্ডিতমানিনং স ভগবান্ব্রাহ্মণো ব্রহ্মভূতসর্বভূত
সুহৃদাত্মা যোগেশ্বরচর্যায়াং নাতিব্যুৎপন্নমতিং স্ময়মান ইব বিগতস্ময় ইদমাহ
০৫১০০০৯০ ব্রাহ্মণ উবাচ
০৫১০০০৯১ ৎবয়োদিতং ব্যক্তমবিপ্রলব্ধং ভর্তুঃ স মে স্যাদ্যদি বীর ভারঃ
০৫১০০০৯২ গন্তুর্যদি স্যাদধিগম্যমধ্বা পীবেতি রাশৌ ন বিদাং প্রবাদঃ
০৫১০০১০১ স্থৌল্যং কার্শ্যং ব্যাধয় আধয়শ্চ ক্ষুত্তৃড্ভয়ং কলিরিচ্ছা জরা চ
০৫১০০১০২ নিদ্রা রতির্মন্যুরহং মদঃ শুচো দেহেন জাতস্য হি মে ন সন্তি
০৫১০০১১১ জীবন্মৃতৎবং নিয়মেন রাজনাদ্যন্তবদ্যদ্বিকৃতস্য দৃষ্টম্
০৫১০০১১২ স্বস্বাম্যভাবো ধ্রুব ঈড্য যত্র তর্হ্যুচ্যতেঽসৌ বিধিকৃত্যয়োগঃ
০৫১০০১২১ বিশেষবুদ্ধের্বিবরং মনাক্চ পশ্যাম যন্ন ব্যবহারতোঽন্যৎ
০৫১০০১২২ ক ঈশ্বরস্তত্র কিমীশিতব্যং তথাপি রাজন্করবাম কিং তে
০৫১০০১৩১ উন্মত্তমত্তজডবৎস্বসংস্থাং গতস্য মে বীর চিকিৎসিতেন
০৫১০০১৩২ অর্থঃ কিয়ান্ভবতা শিক্ষিতেন স্তব্ধপ্রমত্তস্য চ পিষ্টপেষঃ
০৫১০০১৪০ শ্রীশুক উবাচ
০৫১০০১৪১ এতাবদনুবাদপরিভাষয়া প্রত্যুদীর্য মুনিবর উপশমশীল উপরতানাত্ম্যনিমিত্ত উপভোগেন
কর্মারব্ধং ব্যপনয়ন্রাজয়ানমপি তথোবাহ
০৫১০০১৫১ স চাপি পাণ্ডবেয় সিন্ধুসৌবীরপতিস্তত্ত্বজিজ্ঞাসায়াং সম্যক্
শ্রদ্ধয়াধিকৃতাধিকারস্তদ্ধৃদয়গ্রন্থিমোচনং দ্বিজবচ আশ্রুত্য বহুয়োগগ্রন্থসম্মতং
ৎবরয়াবরুহ্য শিরসা পাদমূলমুপসৃতঃ ক্ষমাপয়ন্বিগতনৃপদেবস্ময় উবাচ
০৫১০০১৬১ কস্ত্বং নিগূঢশ্চরসি দ্বিজানাং বিভর্ষি সূত্রং কতমোঽবধূতঃ
০৫১০০১৬২ কস্যাসি কুত্রত্য ইহাপি কস্মাৎক্ষেমায় নশ্চেদসি নোত শুক্লঃ
০৫১০০১৭১ নাহং বিশঙ্কে সুররাজবজ্রান্ন ত্র্যক্ষশূলান্ন যমস্য দণ্ডাৎ
০৫১০০১৭২ নাগ্ন্যর্কসোমানিলবিত্তপাস্ত্রাচ্ছঙ্কে ভৃশং ব্রহ্মকুলাবমানাৎ
০৫১০০১৮১ তদ্ব্রূহ্যসঙ্গো জডবন্নিগূঢ বিজ্ঞানবীর্যো বিচরস্যপারঃ
০৫১০০১৮২ বচাংসি যোগগ্রথিতানি সাধো ন নঃ ক্ষমন্তে মনসাপি ভেত্তুম্
০৫১০০১৯১ অহং চ যোগেশ্বরমাত্মতত্ত্ব বিদাং মুনীনাং পরমং গুরুং বৈ
০৫১০০১৯২ প্রষ্টুং প্রবৃত্তঃ কিমিহারণং তৎসাক্ষাদ্ধরিং জ্ঞানকলাবতীর্ণম্
০৫১০০২০১ স বৈ ভবা লোকনিরীক্ষণার্থমব্যক্তলিঙ্গো বিচরত্যপি স্বিৎ
০৫১০০২০২ যোগেশ্বরাণাং গতিমন্ধবুদ্ধিঃ কথং বিচক্ষীত গৃহানুবন্ধঃ
০৫১০০২১১ দৃষ্টঃ শ্রমঃ কর্মত আত্মনো বৈ ভর্তুর্গন্তুর্ভবতশ্চানুমন্যে
০৫১০০২১২ যথাসতোদানয়নাদ্যভাবাৎসমূল ইষ্টো ব্যবহারমার্গঃ
০৫১০০২২১ স্থাল্যগ্নিতাপাৎপয়সোঽভিতাপস্তত্তাপতস্তণ্ডুলগর্ভরন্ধিঃ
০৫১০০২২২ দেহেন্দ্রিয়াস্বাশয়সন্নিকর্ষাত্তৎসংসৃতিঃ পুরুষস্যানুরোধাৎ
০৫১০০২৩১ শাস্তাভিগোপ্তা নৃপতিঃ প্রজানাং যঃ কিঙ্করো বৈ ন পিনষ্টি পিষ্টম্
০৫১০০২৩২ স্বধর্মমারাধনমচ্যুতস্য যদীহমানো বিজহাত্যঘৌঘম্
০৫১০০২৪১ তন্মে ভবান্নরদেবাভিমান মদেন তুচ্ছীকৃতসত্তমস্য
০৫১০০২৪২ কৃষীষ্ট মৈত্রীদৃশমার্তবন্ধো যথা তরে সদবধ্যানমংহঃ
০৫১০০২৫১ ন বিক্রিয়া বিশ্বসুহৃৎসখস্য সাম্যেন বীতাভিমতেস্তবাপি
০৫১০০২৫২ মহদ্বিমানাৎস্বকৃতাদ্ধি মাদৃঙ্নঙ্ক্ষ্যত্যদূরাদপি শূলপাণিঃ
০৫১১০০১০ ব্রাহ্মণ উবাচ
০৫১১০০১১ অকোবিদঃ কোবিদবাদবাদান্বদস্যথো নাতিবিদাং বরিষ্ঠঃ
০৫১১০০১২ ন সূরয়ো হি ব্যবহারমেনং তত্ত্বাবমর্শেন সহামনন্তি
০৫১১০০২১ তথৈব রাজন্নুরুগার্হমেধ বিতানবিদ্যোরুবিজৃম্ভিতেষু
০৫১১০০২২ ন বেদবাদেষু হি তত্ত্ববাদঃ প্রায়েণ শুদ্ধো নু চকাস্তি সাধুঃ
০৫১১০০৩১ ন তস্য তত্ত্বগ্রহণায় সাক্ষাদ্বরীয়সীরপি বাচঃ সমাসন্
০৫১১০০৩২ স্বপ্নে নিরুক্ত্যা গৃহমেধিসৌখ্যং ন যস্য হেয়ানুমিতং স্বয়ং স্যাৎ
০৫১১০০৪১ যাবন্মনো রজসা পূরুষস্য সত্ত্বেন বা তমসা বানুরুদ্ধম্
০৫১১০০৪২ চেতোভিরাকূতিভিরাতনোতি নিরঙ্কুশং কুশলং চেতরং বা
০৫১১০০৫১ স বাসনাত্মা বিষয়োপরক্তো গুণপ্রবাহো বিকৃতঃ ষোডশাত্মা
০৫১১০০৫২ বিভ্রৎপৃথঙ্নামভি রূপভেদমন্তর্বহিষ্ট্বং চ পুরৈস্তনোতি
০৫১১০০৬১ দুঃখং সুখং ব্যতিরিক্তং চ তীব্রং কালোপপন্নং ফলমাব্যনক্তি
০৫১১০০৬২ আলিঙ্গ্য মায়ারচিতান্তরাত্মা স্বদেহিনং সংসৃতিচক্রকূটঃ
০৫১১০০৭১ তাবানয়ং ব্যবহারঃ সদাবিঃ ক্ষেত্রজ্ঞসাক্ষ্যো ভবতি স্থূলসূক্ষ্মঃ
০৫১১০০৭২ তস্মান্মনো লিঙ্গমদো বদন্তি গুণাগুণৎবস্য পরাবরস্য
০৫১১০০৮১ গুণানুরক্তং ব্যসনায় জন্তোঃ ক্ষেমায় নৈর্গুণ্যমথো মনঃ স্যাৎ
০৫১১০০৮২ যথা প্রদীপো ঘৃতবর্তিমশ্নন্শিখাঃ সধূমা ভজতি হ্যন্যদা স্বম্
০৫১১০০৮৩ পদং তথা গুণকর্মানুবদ্ধং বৃত্তীর্মনঃ শ্রয়তেঽন্যত্র তত্ত্বম্
০৫১১০০৯১ একাদশাসন্মনসো হি বৃত্তয় আকূতয়ঃ পঞ্চ ধিয়োঽভিমানঃ
০৫১১০০৯২ মাত্রাণি কর্মাণি পুরং চ তাসাং বদন্তি হৈকাদশ বীর ভূমীঃ
০৫১১০১০১ গন্ধাকৃতিস্পর্শরসশ্রবাংসি বিসর্গরত্যর্ত্যভিজল্পশিল্পাঃ
০৫১১০১০২ একাদশং স্বীকরণং মমেতি শয়্যামহং দ্বাদশমেক আহুঃ
০৫১১০১১১ দ্রব্যস্বভাবাশয়কর্মকালৈরেকাদশামী মনসো বিকারাঃ
০৫১১০১১২ সহস্রশঃ শতশঃ কোটিশশ্চ ক্ষেত্রজ্ঞতো ন মিথো ন স্বতঃ স্যুঃ
০৫১১০১২১ ক্ষেত্রজ্ঞ এতা মনসো বিভূতীর্জীবস্য মায়ারচিতস্য নিত্যাঃ
০৫১১০১২২ আবির্হিতাঃ ক্বাপি তিরোহিতাশ্চ শুদ্ধো বিচষ্টে হ্যবিশুদ্ধকর্তুঃ
০৫১১০১৩১ ক্ষেত্রজ্ঞ আত্মা পুরুষঃ পুরাণঃ সাক্ষাৎস্বয়ং জ্যোতিরজঃ পরেশঃ
০৫১১০১৩২ নারায়ণো ভগবান্বাসুদেবঃ স্বমায়য়াত্মন্যবধীয়মানঃ
০৫১১০১৪১ যথানিলঃ স্থাবরজঙ্গমানামাত্মস্বরূপেণ নিবিষ্ট ঈশেৎ
০৫১১০১৪২ এবং পরো ভগবান্বাসুদেবঃ ক্ষেত্রজ্ঞ আত্মেদমনুপ্রবিষ্টঃ
০৫১১০১৫১ ন যাবদেতাং তনুভৃন্নরেন্দ্র বিধূয় মায়াং বয়ুনোদয়েন
০৫১১০১৫২ বিমুক্তসঙ্গো জিতষট্সপত্নো বেদাত্মতত্ত্বং ভ্রমতীহ তাবৎ
০৫১১০১৬১ ন যাবদেতন্মন আত্মলিঙ্গং সংসারতাপাবপনং জনস্য
০৫১১০১৬২ যচ্ছোকমোহাময়রাগলোভ বৈরানুবন্ধং মমতাং বিধত্তে
০৫১১০১৭১ ভ্রাতৃব্যমেনং তদদভ্রবীর্যমুপেক্ষয়াধ্যেধিতমপ্রমত্তঃ
০৫১১০১৭২ গুরোর্হরেশ্চরণোপাসনাস্ত্রো জহি ব্যলীকং স্বয়মাত্মমোষম্
০৫১২০০১০ রহূগণ উবাচ
০৫১২০০১১ নমো নমঃ কারণবিগ্রহায় স্বরূপতুচ্ছীকৃতবিগ্রহায়
০৫১২০০১২ নমোঽবধূত দ্বিজবন্ধুলিঙ্গ নিগূঢনিত্যানুভবায় তুভ্যম্
০৫১২০০২১ জ্বরাময়ার্তস্য যথাগদং সত্নিদাঘদগ্ধস্য যথা হিমাম্ভঃ
০৫১২০০২২ কুদেহমানাহিবিদষ্টদৃষ্টেঃ ব্রহ্মন্বচস্তেঽমৃতমৌষধং মে
০৫১২০০৩১ তস্মাদ্ভবন্তং মম সংশয়ার্থং প্রক্ষ্যামি পশ্চাদধুনা সুবোধম্
০৫১২০০৩২ অধ্যাত্ময়োগগ্রথিতং তবোক্তমাখ্যাহি কৌতূহলচেতসো মে
০৫১২০০৪১ যদাহ যোগেশ্বর দৃশ্যমানং ক্রিয়াফলং সদ্ব্যবহারমূলম্
০৫১২০০৪২ ন হ্যঞ্জসা তত্ত্ববিমর্শনায় ভবানমুষ্মিন্ভ্রমতে মনো মে
০৫১২০০৫০ ব্রাহ্মণ উবাচ
০৫১২০০৫১ অয়ং জনো নাম চলন্পৃথিব্যাং যঃ পার্থিবঃ পার্থিব কস্য হেতোঃ
০৫১২০০৫২ তস্যাপি চাঙ্ঘ্র্যোরধি গুল্ফজঙ্ঘা জানূরুমধ্যোরশিরোধরাংসাঃ
০৫১২০০৬১ অংসেঽধি দার্বী শিবিকা চ যস্যাং সৌবীররাজেত্যপদেশ আস্তে
০৫১২০০৬২ যস্মিন্ভবান্রূঢনিজাভিমানো রাজাস্মি সিন্ধুষ্বিতি দুর্মদান্ধঃ
০৫১২০০৭১ শোচ্যানিমাংস্ত্বমধিকষ্টদীনান্বিষ্ট্যা নিগৃহ্ণন্নিরনুগ্রহোঽসি
০৫১২০০৭২ জনস্য গোপ্তাস্মি বিকত্থমানো ন শোভসে বৃদ্ধসভাসু ধৃষ্টঃ
০৫১২০০৮১ যদা ক্ষিতাবেব চরাচরস্য বিদাম নিষ্ঠাং প্রভবং চ নিত্যম্
০৫১২০০৮২ তন্নামতোঽন্যদ্ব্যবহারমূলং নিরূপ্যতাং সৎক্রিয়য়ানুমেয়ম্
০৫১২০০৯১ এবং নিরুক্তং ক্ষিতিশব্দবৃত্তমসন্নিধানাৎপরমাণবো যে
০৫১২০০৯২ অবিদ্যয়া মনসা কল্পিতাস্তে যেষাং সমূহেন কৃতো বিশেষঃ
০৫১২০১০১ এবং কৃশং স্থূলমণুর্বৃহদ্যদসচ্চ সজ্জীবমজীবমন্যৎ
০৫১২০১০২ দ্রব্যস্বভাবাশয়কালকর্ম নাম্নাজয়াবেহি কৃতং দ্বিতীয়ম্
০৫১২০১১১ জ্ঞানং বিশুদ্ধং পরমার্থমেকমনন্তরং ৎববহির্ব্রহ্ম সত্যম্
০৫১২০১১২ প্রত্যক্প্রশান্তং ভগবচ্ছব্দসংজ্ঞং যদ্বাসুদেবং কবয়ো বদন্তি
০৫১২০১২১ রহূগণৈতত্তপসা ন যাতি ন চেজ্যয়া নির্বপণাদ্গৃহাদ্বা
০৫১২০১২২ ন চ্ছন্দসা নৈব জলাগ্নিসূর্যৈর্বিনা মহৎপাদরজোঽভিষেকম্
০৫১২০১৩১ যত্রোত্তমশ্লোকগুণানুবাদঃ প্রস্তূয়তে গ্রাম্যকথাবিঘাতঃ
০৫১২০১৩২ নিষেব্যমাণোঽনুদিনং মুমুক্ষোর্মতিং সতীং যচ্ছতি বাসুদেবে
০৫১২০১৪১ অহং পুরা ভরতো নাম রাজা বিমুক্তদৃষ্টশ্রুতসঙ্গবন্ধঃ
০৫১২০১৪২ আরাধনং ভগবত ঈহমানো মৃগোঽভবং মৃগসঙ্গাদ্ধতার্থঃ
০৫১২০১৫১ সা মাং স্মৃতির্মৃগদেহেঽপি বীর কৃষ্ণার্চনপ্রভবা নো জহাতি
০৫১২০১৫২ অথো অহং জনসঙ্গাদসঙ্গো বিশঙ্কমানোঽবিবৃতশ্চরামি
০৫১২০১৬১ তস্মান্নরোঽসঙ্গসুসঙ্গজাত জ্ঞানাসিনেহৈব বিবৃক্ণমোহঃ
০৫১২০১৬২ হরিং তদীহাকথনশ্রুতাভ্যাং লব্ধস্মৃতির্যাত্যতিপারমধ্বনঃ
০৫১৩০০১০ ব্রাহ্মণ উবাচ
০৫১৩০০১১ দুরত্যয়েঽধ্বন্যজয়া নিবেশিতো রজস্তমঃসত্ত্ববিভক্তকর্মদৃক্
০৫১৩০০১২ স এষ সার্থোঽর্থপরঃ পরিভ্রমন্ভবাটবীং যাতি ন শর্ম বিন্দতি
০৫১৩০০২১ যস্যামিমে ষণ্নরদেব দস্যবঃ সার্থং বিলুম্পন্তি কুনায়কং বলাৎ
০৫১৩০০২২ গোমায়বো যত্র হরন্তি সার্থিকং প্রমত্তমাবিশ্য যথোরণং বৃকাঃ
০৫১৩০০৩১ প্রভূতবীরুত্তৃণগুল্মগহ্বরে কঠোরদংশৈর্মশকৈরুপদ্রুতঃ
০৫১৩০০৩২ ক্বচিত্তু গন্ধর্বপুরং প্রপশ্যতি ক্বচিৎক্বচিচ্চাশুরয়োল্মুকগ্রহম্
০৫১৩০০৪১ নিবাসতোয়দ্রবিণাত্মবুদ্ধিস্ততস্ততো ধাবতি ভো অটব্যাম্
০৫১৩০০৪২ ক্বচিচ্চ বাত্যোত্থিতপাংসুধূম্রা দিশো ন জানাতি রজস্বলাক্ষঃ
০৫১৩০০৫১ অদৃশ্যঝিল্লীস্বনকর্ণশূল উলূকবাগ্ভির্ব্যথিতান্তরাত্মা
০৫১৩০০৫২ অপুণ্যবৃক্ষান্শ্রয়তে ক্ষুধার্দিতো মরীচিতোয়ান্যভিধাবতি ক্বচিৎ
০৫১৩০০৬১ ক্বচিদ্বিতোয়াঃ সরিতোঽভিয়াতি পরস্পরং চালষতে নিরন্ধঃ
০৫১৩০০৬২ আসাদ্য দাবং ক্বচিদগ্নিতপ্তো নির্বিদ্যতে ক্ব চ যক্ষৈর্হৃতাসুঃ
০৫১৩০০৭১ শূরৈর্হৃতস্বঃ ক্ব চ নির্বিণ্ণচেতাঃ শোচন্বিমুহ্যন্নুপয়াতি কশ্মলম্
০৫১৩০০৭২ ক্বচিচ্চ গন্ধর্বপুরং প্রবিষ্টঃ প্রমোদতে নির্বৃতবন্মুহূর্তম্
০৫১৩০০৮১ চলন্ক্বচিৎকণ্টকশর্করাঙ্ঘ্রির্নগারুরুক্ষুর্বিমনা ইবাস্তে
০৫১৩০০৮২ পদে পদেঽভ্যন্তরবহ্নিনার্দিতঃ কৌটুম্বিকঃ ক্রুধ্যতি বৈ জনায়
০৫১৩০০৯১ ক্বচিন্নিগীর্ণোঽজগরাহিনা জনো নাবৈতি কিঞ্চিদ্বিপিনেঽপবিদ্ধঃ
০৫১৩০০৯২ দষ্টঃ স্ম শেতে ক্ব চ দন্দশূকৈরন্ধোঽন্ধকূপে পতিতস্তমিস্রে
০৫১৩০১০১ কর্হি স্ম চিৎক্ষুদ্ররসান্বিচিন্বংস্তন্মক্ষিকাভির্ব্যথিতো বিমানঃ
০৫১৩০১০২ তত্রাতিকৃচ্ছ্রাৎপ্রতিলব্ধমানো বলাদ্বিলুম্পন্ত্যথ তং ততোঽন্যে
০৫১৩০১১১ ক্বচিচ্চ শীতাতপবাতবর্ষ প্রতিক্রিয়াং কর্তুমনীশ আস্তে
০৫১৩০১১২ ক্বচিন্মিথো বিপণন্যচ্চ কিঞ্চিদ্বিদ্বেষমৃচ্ছত্যুত বিত্তশাঠ্যাৎ
০৫১৩০১২১ ক্বচিৎক্বচিৎক্ষীণধনস্তু তস্মিন্শয়্যাসনস্থানবিহারহীনঃ
০৫১৩০১২২ যাচন্পরাদপ্রতিলব্ধকামঃ পারক্যদৃষ্টির্লভতেঽবমানম্
০৫১৩০১৩১ অন্যোন্যবিত্তব্যতিষঙ্গবৃদ্ধ বৈরানুবন্ধো বিবহন্মিথশ্চ
০৫১৩০১৩২ অধ্বন্যমুষ্মিন্নুরুকৃচ্ছ্রবিত্ত বাধোপসর্গৈর্বিহরন্বিপন্নঃ
০৫১৩০১৪১ তাংস্তান্বিপন্নান্স হি তত্র তত্র বিহায় জাতং পরিগৃহ্য সার্থঃ
০৫১৩০১৪২ আবর্ততেঽদ্যাপি ন কশ্চিদত্র বীরাধ্বনঃ পারমুপৈতি যোগম্
০৫১৩০১৫১ মনস্বিনো নির্জিতদিগ্গজেন্দ্রা মমেতি সর্বে ভুবি বদ্ধবৈরাঃ
০৫১৩০১৫২ মৃধে শয়ীরন্ন তু তদ্ব্রজন্তি যন্ন্যস্তদণ্ডো গতবৈরোঽভিয়াতি
০৫১৩০১৬১ প্রসজ্জতি ক্বাপি লতাভুজাশ্রয়স্তদাশ্রয়াব্যক্তপদদ্বিজস্পৃহঃ
০৫১৩০১৬২ ক্বচিৎকদাচিদ্ধরিচক্রতস্ত্রসন্সখ্যং বিধত্তে বককঙ্কগৃধ্রৈঃ
০৫১৩০১৭১ তৈর্বঞ্চিতো হংসকুলং সমাবিশন্নরোচয়ন্শীলমুপৈতি বানরান্
০৫১৩০১৭২ তজ্জাতিরাসেন সুনির্বৃতেন্দ্রিয়ঃ পরস্পরোদ্বীক্ষণবিস্মৃতাবধিঃ
০৫১৩০১৮১ দ্রুমেষু রংস্যন্সুতদারবৎসলো ব্যবায়দীনো বিবশঃ স্ববন্ধনে
০৫১৩০১৮২ ক্বচিৎপ্রমাদাদ্গিরিকন্দরে পতন্বল্লীং গৃহীৎবা গজভীত আস্থিতঃ
০৫১৩০১৯১ অতঃ কথঞ্চিৎস বিমুক্ত আপদঃ পুনশ্চ সার্থং প্রবিশত্যরিন্দম
০৫১৩০১৯২ অধ্বন্যমুষ্মিন্নজয়া নিবেশিতো ভ্রমঞ্জনোঽদ্যাপি ন বেদ কশ্চন
০৫১৩০২০১ রহূগণ ৎবমপি হ্যধ্বনোঽস্য সন্ন্যস্তদণ্ডঃ কৃতভূতমৈত্রঃ
০৫১৩০২০২ অসজ্জিতাত্মা হরিসেবয়া শিতং জ্ঞানাসিমাদায় তরাতিপারম্
০৫১৩০২১০ রাজোবাচ
০৫১৩০২১১ অহো নৃজন্মাখিলজন্মশোভনং কিং জন্মভিস্ত্বপরৈরপ্যমুষ্মিন্
০৫১৩০২১২ ন যদ্ধৃষীকেশয়শঃকৃতাত্মনাং মহাত্মনাং বঃ প্রচুরঃ সমাগমঃ
০৫১৩০২২১ ন হ্যদ্ভুতং ৎবচ্চরণাব্জরেণুভির্হতাংহসো ভক্তিরধোক্ষজেঽমলা
০৫১৩০২২২ মৌহূর্তিকাদ্যস্য সমাগমাচ্চ মে দুস্তর্কমূলোঽপহতোঽবিবেকঃ
০৫১৩০২৩১ নমো মহদ্ভ্যোঽস্তু নমঃ শিশুভ্যো নমো যুবভ্যো নম আবটুভ্যঃ
০৫১৩০২৩২ যে ব্রাহ্মণা গামবধূতলিঙ্গাশ্চরন্তি তেভ্যঃ শিবমস্তু রাজ্ঞাম্
০৫১৩০২৪০ শ্রীশুক উবাচ
০৫১৩০২৪১ ইত্যেবমুত্তরামাতঃ স বৈ ব্রহ্মর্ষিসুতঃ সিন্ধুপতয় আত্মসতত্ত্বং বিগণয়তঃ
পরানুভাবঃ পরমকারুণিকতয়োপদিশ্য রহূগণেন সকরুণমভিবন্দিতচরণ আপূর্ণার্ণব ইব
নিভৃতকরণোর্ম্যাশয়ো ধরণিমিমাং বিচচার
০৫১৩০২৫১ সৌবীরপতিরপি সুজনসমবগতপরমাত্মসতত্ত্ব আত্মন্যবিদ্যাধ্যারোপিতাং চ দেহাত্ম
মতিং বিসসর্জ এবং হি নৃপ ভগবদাশ্রিতাশ্রিতানুভাবঃ
০৫১৩০২৬০ রাজোবাচ
০৫১৩০২৬১ যো হ বা ইহ বহুবিদা মহাভাগবত ৎবয়াভিহিতঃ পরোক্ষেণ বচসা জীবলোকভবাধ্বা স
হ্যার্যমনীষয়া কল্পিতবিষয়োনাঞ্জসাব্যুৎপন্নলোকসমধিগমঃ অথ তদেবৈতদ্দুরবগমং
সমবেতানুকল্পেন নির্দিশ্যতামিতি
০৫১৪০০১০ স হোবাচ
০৫১৪০০১১ স এষ দেহাত্মমানিনাং সত্ত্বাদিগুণবিশেষবিকল্পিতকুশলাকুশলসমবহারবিনির্মিতবিবিধ
দেহাবলিভির্বিয়োগসংযোগাদ্যনাদিসংসারানুভবস্য দ্বারভূতেন ষডিন্দ্রিয়বর্গেণ
তস্মিন্দুর্গাধ্ববদসুগমেঽধ্বন্যাপতিত ঈশ্বরস্য ভগবতো বিষ্ণোর্বশবর্তিন্যা মায়য়া জীবলোকো
ঽযং যথা বণিক্সার্থোঽর্থপরঃ স্বদেহনিষ্পাদিতকর্মানুভবঃ শ্মশানবদশিবতমায়াং
সংসারাটব্যাং গতো নাদ্যাপি বিফলবহুপ্রতিয়োগেহস্তত্তাপোপশমনীং হরিগুরুচরণারবিন্দ
মধুকরানুপদবীমবরুন্ধে
০৫১৪০০২১ যস্যামু হ বা এতে ষডিন্দ্রিয়নামানঃ কর্মণা দস্যব এব তে তদ্যথা পুরুষস্য ধনং
যৎকিঞ্চিদ্ধর্মৌপয়িকং বহুকৃচ্ছ্রাধিগতং সাক্ষাৎপরমপুরুষারাধনলক্ষণো যোঽসৌ ধর্মস্তং
তু সাম্পরায় উদাহরন্তি তদ্ধর্ম্যং ধনং দর্শনস্পর্শনশ্রবণাস্বাদনাবঘ্রাণসঙ্কল্প
ব্যবসায়গৃহগ্রাম্যোপভোগেন কুনাথস্যাজিতাত্মনো যথা সার্থস্য বিলুম্পন্তি
০৫১৪০০৩১ অথ চ যত্র কৌটুম্বিকা দারাপত্যাদয়ো নাম্না কর্মণা বৃকসৃগালা এবানিচ্ছতোঽপি কদর্যস্য
কুটুম্বিন উরণকবৎসংরক্ষ্যমাণং মিষতোঽপি হরন্তি
০৫১৪০০৪১ যথা হ্যনুবৎসরং কৃষ্যমাণমপ্যদগ্ধবীজং ক্ষেত্রং পুনরেবাবপনকালে গুল্মতৃণ
বীরুদ্ভির্গহ্বরমিব ভবত্যেবমেব গৃহাশ্রমঃ কর্মক্ষেত্রং যস্মিন্ন হি কর্মাণ্যুৎসীদন্তি
যদয়ং কামকরণ্ড এষ আবসথঃ
০৫১৪০০৫১ তত্র গতো দংশমশকসমাপসদৈর্মনুজৈঃ শলভশকুন্ততস্কর
মূষকাদিভিরুপরুধ্যমানবহিঃপ্রাণঃ ক্বচিৎপরিবর্তমানোঽস্মিন্নধ্বন্যবিদ্যাকাম
কর্মভিরুপরক্তমনসানুপপন্নার্থং নরলোকং গন্ধর্বনগরমুপপন্নমিতি মিথ্যা
দৃষ্টিরনুপশ্যতি
০৫১৪০০৬১ তত্র চ ক্বচিদাতপোদকনিভান্বিষয়ানুপধাবতি পানভোজনব্যবায়াদিব্যসনলোলুপঃ
০৫১৪০০৭১ ক্বচিচ্চাশেষদোষনিষদনং পুরীষবিশেষং তদ্বর্ণগুণনির্মিতমতিঃ
সুবর্ণমুপাদিৎসত্যগ্নিকামকাতর ইবোল্মুকপিশাচম্
০৫১৪০০৮১ অথ কদাচিন্নিবাসপানীয়দ্রবিণাদ্যনেকাত্মোপজীবনাভিনিবেশ এতস্যাং সংসারাটব্যামিতস্ততঃ
পরিধাবতি
০৫১৪০০৯১ ক্বচিচ্চ বাত্যৌপম্যয়া প্রমদয়ারোহমারোপিতস্তৎকালরজসা রজনীভূত ইবাসাধুমর্যাদো
রজস্বলাক্ষোঽপি দিগ্দেবতা অতিরজস্বলমতির্ন বিজানাতি
০৫১৪০১০১ ক্বচিৎসকৃদবগতবিষয়বৈতথ্যঃ স্বয়ং পরাভিধ্যানেন বিভ্রংশিতস্মৃতিস্তয়ৈব মরীচি
তোয়প্রায়াংস্তানেবাভিধাবতি
০৫১৪০১১১ ক্বচিদুলূকঝিল্লীস্বনবদতিপরুষরভসাটোপং প্রত্যক্ষং পরোক্ষং বা রিপুরাজকুল
নির্ভর্ত্সিতেনাতিব্যথিতকর্ণমূলহৃদয়ঃ
০৫১৪০১২১ স যদা দুগ্ধপূর্বসুকৃতস্তদা কারস্করকাকতুণ্ডাদ্যপুণ্যদ্রুমলতাবিষোদ
পানবদুভয়ার্থশূন্যদ্রবিণান্জীবন্মৃতান্স্বয়ং জীবন্ম্রিয়মাণ উপধাবতি
০৫১৪০১৩১ একদাসৎপ্রসঙ্গান্নিকৃতমতির্ব্যুদকস্রোতঃস্খলনবদুভয়তোঽপি দুঃখদং
পাখণ্ডমভিয়াতি
০৫১৪০১৪১ যদা তু পরবাধয়ান্ধ আত্মনে নোপনমতি তদা হি পিতৃপুত্রবর্হিষ্মতঃ পিতৃপুত্রান্বা স খলু
ভক্ষয়তি
০৫১৪০১৫১ ক্বচিদাসাদ্য গৃহং দাববৎপ্রিয়ার্থবিধুরমসুখোদর্কং শোকাগ্নিনা দহ্যমানো ভৃশং
নির্বেদমুপগচ্ছতি
০৫১৪০১৬১ ক্বচিৎকালবিষমিতরাজকুলরক্ষসাপহৃতপ্রিয়তমধনাসুঃ প্রমৃতক ইব বিগতজীবলক্ষণ
আস্তে
০৫১৪০১৭১ কদাচিন্মনোরথোপগতপিতৃপিতামহাদ্যসৎসদিতি স্বপ্ননির্বৃতিলক্ষণমনুভবতি
০৫১৪০১৮১ ক্বচিদ্গৃহাশ্রমকর্মচোদনাতিভরগিরিমারুরুক্ষমাণো লোকব্যসনকর্ষিতমনাঃ কণ্টক
শর্করাক্ষেত্রং প্রবিশন্নিব সীদতি
০৫১৪০১৯১ ক্বচিচ্চ দুঃসহেন কায়াভ্যন্তরবহ্নিনা গৃহীতসারঃ স্বকুটুম্বায় ক্রুধ্যতি
০৫১৪০২০১ স এব পুনর্নিদ্রাজগরগৃহীতোঽন্ধে তমসি মগ্নঃ শূন্যারণ্য ইব শেতে নান্যৎকিঞ্চন বেদ শব
ইবাপবিদ্ধঃ
০৫১৪০২১১ কদাচিদ্ভগ্নমানদংষ্ট্রো দুর্জনদন্দশূকৈরলব্ধনিদ্রাক্ষণো ব্যথিত
হৃদয়েনানুক্ষীয়মাণবিজ্ঞানোঽন্ধকূপেঽন্ধবৎপততি
০৫১৪০২২১ কর্হি স্ম চিৎকামমধুলবান্বিচিন্বন্যদা পরদারপরদ্রব্যাণ্যবরুন্ধানো রাজ্ঞা
স্বামিভির্বা নিহতঃ পতত্যপারে নিরয়ে
০৫১৪০২৩১ অথ চ তস্মাদুভয়থাপি হি কর্মাস্মিন্নাত্মনঃ সংসারাবপনমুদাহরন্তি
০৫১৪০২৪১ মুক্তস্ততো যদি বন্ধাদ্দেবদত্ত উপাচ্ছিনত্তি তস্মাদপি বিষ্ণুমিত্র ইত্যনবস্থিতিঃ
০৫১৪০২৫১ ক্বচিচ্চ শীতবাতাদ্যনেকাধিদৈবিকভৌতিকাত্মীয়ানাং দশানাং প্রতিনিবারণেঽকল্পো দুরন্ত
চিন্তয়া বিষণ্ণ আস্তে
০৫১৪০২৬১ ক্বচিন্মিথো ব্যবহরন্যৎকিঞ্চিদ্ধনমন্যেভ্যো বা কাকিণিকা
মাত্রমপ্যপহরন্যৎকিঞ্চিদ্বা বিদ্বেষমেতি বিত্তশাঠ্যাৎ
০৫১৪০২৭১ অধ্বন্যমুষ্মিন্নিম উপসর্গাস্তথা সুখদুঃখরাগদ্বেষভয়াভিমানপ্রমাদোন্মাদ
শোকমোহলোভমাৎসর্যের্ষ্যাবমানক্ষুৎপিপাসাধিব্যাধিজন্মজরামরণাদয়ঃ
০৫১৪০২৮১ ক্বাপি দেবমায়য়া স্ত্রিয়া ভুজলতোপগূঢঃ প্রস্কন্নবিবেকবিজ্ঞানো যদ্বিহারগৃহারম্ভাকুল
হৃদয়স্তদাশ্রয়াবসক্তসুতদুহিতৃকলত্রভাষিতাবলোকবিচেষ্টিতাপহৃতহৃদয় আত্মানমজিতাত্মাপারে
ঽন্ধে তমসি প্রহিণোতি
০৫১৪০২৯১ কদাচিদীশ্বরস্য ভগবতো বিষ্ণোশ্চক্রাৎপরমাণ্বাদিদ্বিপরার্ধাপবর্গ
কালোপলক্ষণাৎপরিবর্তিতেন বয়সা রংহসা হরত আব্রহ্মতৃণস্তম্বাদীনাং ভূতানামনিমিষতো মিষতাং
বিত্রস্তহৃদয়স্তমেবেশ্বরং কালচক্রনিজায়ুধং সাক্ষাদ্ভগবন্তং যজ্ঞপুরুষমনাদৃত্য
পাখণ্ডদেবতাঃ কঙ্কগৃধ্রবকবটপ্রায়া আর্যসময়পরিহৃতাঃ সাঙ্কেত্যেনাভিধত্তে
০৫১৪০৩০১ যদা পাখণ্ডিভিরাত্মবঞ্চিতৈস্তৈরুরু বঞ্চিতো ব্রহ্মকুলং সমাবসংস্তেষাং
শীলমুপনয়নাদিশ্রৌতস্মার্তকর্মানুষ্ঠানেন ভগবতো যজ্ঞপুরুষস্যারাধনমেব
তদরোচয়ন্শূদ্রকুলং ভজতে নিগমাচারেঽশুদ্ধিতো যস্য মিথুনীভাবঃ কুটুম্বভরণং যথা
বানরজাতেঃ
০৫১৪০৩১১ তত্রাপি নিরবরোধঃ স্বৈরেণ বিহরন্নতিকৃপণবুদ্ধিরন্যোন্যমুখনিরীক্ষণাদিনা গ্রাম্য
কর্মণৈব বিস্মৃতকালাবধিঃ
০৫১৪০৩২১ ক্বচিদ্দ্রুমবদৈহিকার্থেষু গৃহেষু রংস্যন্যথা বানরঃ সুতদারবৎসলো ব্যবায়ক্ষণঃ
০৫১৪০৩৩১ এবমধ্বন্যবরুন্ধানো মৃত্যুগজভয়াত্তমসি গিরিকন্দরপ্রায়ে
০৫১৪০৩৪১ ক্বচিচ্ছীতবাতাদ্যনেকদৈবিকভৌতিকাত্মীয়ানাং দুঃখানাং প্রতিনিবারণেঽকল্পো দুরন্তবিষয়
বিষণ্ণ আস্তে
০৫১৪০৩৫১ ক্বচিন্মিথো ব্যবহরন্যৎকিঞ্চিদ্ধনমুপয়াতি বিত্তশাঠ্যেন
০৫১৪০৩৬১ ক্বচিৎক্ষীণধনঃ শয়্যাসনাশনাদ্যুপভোগবিহীনো যাবদপ্রতিলব্ধমনোরথোপগতাদানে
ঽবসিতমতিস্ততস্ততোঽবমানাদীনি জনাদভিলভতে
০৫১৪০৩৭১ এবং বিত্তব্যতিষঙ্গবিবৃদ্ধবৈরানুবন্ধোঽপি পূর্ববাসনয়া মিথ উদ্বহত্যথাপবহতি
০৫১৪০৩৮১ এতস্মিন্সংসারাধ্বনি নানাক্লেশোপসর্গবাধিত আপন্নবিপন্নো যত্র যস্তমু হ
বাবেতরস্তত্র বিসৃজ্য জাতং জাতমুপাদায় শোচন্মুহ্যন্বিভ্যদ্
বিবদন্ক্রন্দন্সংহৃষ্যন্গায়ন্নহ্যমানঃ সাধুবর্জিতো নৈবাবর্ততেঽদ্যাপি যত আরব্ধ এষ নরলোক
সার্থো যমধ্বনঃ পারমুপদিশন্তি
০৫১৪০৩৯১ যদিদং যোগানুশাসনং ন বা এতদবরুন্ধতে যন্ন্যস্তদণ্ডা মুনয় উপশমশীলা
উপরতাত্মানঃ সমবগচ্ছন্তি
০৫১৪০৪০১ যদপি দিগিভজয়িনো যজ্বিনো যে বৈ রাজর্ষয়ঃ কিং তু পরং মৃধে শয়ীরন্নস্যামেব
মমেয়মিতি কৃতবৈরানুবন্ধায়াং বিসৃজ্য স্বয়মুপসংহৃতাঃ
০৫১৪০৪১১ কর্মবল্লীমবলম্ব্য তত আপদঃ কথঞ্চিন্নরকাদ্বিমুক্তঃ পুনরপ্যেবং সংসারাধ্বনি
বর্তমানো নরলোকসার্থমুপয়াতি এবমুপরি গতোঽপি
০৫১৪০৪২০ তস্যেদমুপগায়ন্তি
০৫১৪০৪২১ আর্ষভস্যেহ রাজর্ষের্মনসাপি মহাত্মনঃ
০৫১৪০৪২২ নানুবর্ত্মার্হতি নৃপো মক্ষিকেব গরুত্মতঃ
০৫১৪০৪৩১ যো দুস্ত্যজান্দারসুতান্সুহৃদ্রাজ্যং হৃদিস্পৃশঃ
০৫১৪০৪৩২ জহৌ যুবৈব মলবদুত্তমশ্লোকলালসঃ
০৫১৪০৪৪১ যো দুস্ত্যজান্ক্ষিতিসুতস্বজনার্থদারান্
০৫১৪০৪৪২ প্রার্থ্যাং শ্রিয়ং সুরবরৈঃ সদয়াবলোকাম্
০৫১৪০৪৪৩ নৈচ্ছন্নৃপস্তদুচিতং মহতাং মধুদ্বিট্
০৫১৪০৪৪৪ সেবানুরক্তমনসামভবোঽপি ফল্গুঃ
০৫১৪০৪৫১ যজ্ঞায় ধর্মপতয়ে বিধিনৈপুণায়
০৫১৪০৪৫২ যোগায় সাঙ্খ্যশিরসে প্রকৃতীশ্বরায়
০৫১৪০৪৫৩ নারায়ণায় হরয়ে নম ইত্যুদারং
০৫১৪০৪৫৪ হাস্যন্মৃগৎবমপি যঃ সমুদাজহার
০৫১৪০৪৬১ য ইদং ভাগবতসভাজিতাবদাতগুণকর্মণো রাজর্ষের্ভরতস্যানুচরিতং স্বস্ত্য্
অয়নমায়ুষ্যং ধন্যং যশস্যং স্বর্গ্যাপবর্গ্যং বানুশৃণোত্যাখ্যাস্যত্যভিনন্দতি চ সর্বা এবাশিষ
আত্মন আশাস্তে ন কাঞ্চন পরত ইতি
০৫১৫০০১০ শ্রীশুক উবাচ
০৫১৫০০১১ ভরতস্যাত্মজঃ সুমতির্নামাভিহিতো যমু হ বাব কেচিৎপাখণ্ডিন ঋষভ
পদবীমনুবর্তমানং চানার্যা অবেদসমাম্নাতাং দেবতাং স্বমনীষয়া পাপীয়স্যা কলৌ কল্পয়িষ্যন্তি
০৫১৫০০২১ তস্মাদ্বৃদ্ধসেনায়াং দেবতাজিন্নাম পুত্রোঽভবৎ
০৫১৫০০৩১ অথাসুর্যাং তত্তনয়ো দেবদ্যুম্নস্ততো ধেনুমত্যাং সুতঃ পরমেষ্ঠী তস্য সুবর্চলায়াং প্রতীহ
উপজাতঃ
০৫১৫০০৪১ য আত্মবিদ্যামাখ্যায় স্বয়ং সংশুদ্ধো মহাপুরুষমনুসস্মার
০৫১৫০০৫১ প্রতীহাৎসুবর্চলায়াং প্রতিহর্ত্রাদয়স্ত্রয় আসন্নিজ্যাকোবিদাঃ সূনবঃ প্রতিহর্তুঃ স্তুত্যামজ
ভূমানাবজনিষাতাম্
০৫১৫০০৬১ ভূম্ন ঋষিকুল্যায়ামুদ্গীথস্ততঃ প্রস্তাবো দেবকুল্যায়াং প্রস্তাবান্নিয়ুৎসায়াং হৃদয়জ
আসীদ্বিভুর্বিভো রত্যাং চ পৃথুষেণস্তস্মান্নক্ত আকূত্যাং জজ্ঞে নক্তাদ্দ্রুতিপুত্রো গয়ো রাজর্ষিপ্রবর
উদারশ্রবা অজায়ত সাক্ষাদ্ভগবতো বিষ্ণোর্জগদ্রিরক্ষিষয়া গৃহীতসত্ত্বস্য কলাত্মবত্ত্বাদিলক্ষণেন
মহাপুরুষতাং প্রাপ্তঃ
০৫১৫০০৭১ স বৈ স্বধর্মেণ প্রজাপালনপোষণপ্রীণনোপলালনানুশাসনলক্ষণেনেজ্যাদিনা চ ভগবতি
মহাপুরুষে পরাবরে ব্রহ্মণি সর্বাত্মনার্পিতপরমার্থলক্ষণেন ব্রহ্মবিচ্চরণানুসেবয়াপাদিত
ভগবদ্ভক্তিয়োগেন চাভীক্ষ্ণশঃ পরিভাবিতাতিশুদ্ধমতিরুপরতানাত্ম্য আত্মনি
স্বয়মুপলভ্যমানব্রহ্মাত্মানুভবোঽপি নিরভিমান এবাবনিমজূগুপৎ
০৫১৫০০৮১ তস্যেমাং গাথাং পাণ্ডবেয় পুরাবিদ উপগায়ন্তি
০৫১৫০০৯১ গয়ং নৃপঃ কঃ প্রতিয়াতি কর্মভির্যজ্বাভিমানী বহুবিদ্ধর্মগোপ্তা
০৫১৫০০৯২ সমাগতশ্রীঃ সদসস্পতিঃ সতাং সৎসেবকোঽন্যো ভগবৎকলামৃতে
০৫১৫০১০১ যমভ্যষিঞ্চন্পরয়া মুদা সতীঃ সত্যাশিষো দক্ষকন্যাঃ সরিদ্ভিঃ
০৫১৫০১০২ যস্য প্রজানাং দুদুহে ধরাশিষো নিরাশিষো গুণবৎসস্নুতোধাঃ
০৫১৫০১১১ ছন্দাংস্যকামস্য চ যস্য কামান্দুদূহুরাজহ্রুরথো বলিং নৃপাঃ
০৫১৫০১১২ প্রত্যঞ্চিতা যুধি ধর্মেণ বিপ্রা যদাশিষাং ষষ্ঠমংশং পরেত্য
০৫১৫০১২১ যস্যাধ্বরে ভগবানধ্বরাত্মা মঘোনি মাদ্যত্যুরুসোমপীথে
০৫১৫০১২২ শ্রদ্ধাবিশুদ্ধাচলভক্তিয়োগ সমর্পিতেজ্যাফলমাজহার
০৫১৫০১৩১ যৎপ্রীণনাদ্বর্হিষি দেবতির্যঙ্ মনুষ্যবীরুত্তৃণমাবিরিঞ্চাৎ
০৫১৫০১৩২ প্রীয়েত সদ্যঃ স হ বিশ্বজীবঃ প্রীতঃ স্বয়ং প্রীতিমগাদ্গয়স্য
০৫১৫০১৪১ গয়াদ্গয়ন্ত্যাং চিত্ররথঃ সুগতিরবরোধন ইতি ত্রয়ঃ পুত্রা বভূবুশ্চিত্ররথাদূর্ণায়াং
সম্রাডজনিষ্ট তত উৎকলায়াং মরীচির্মরীচের্বিন্দুমত্যাং বিন্দুমানুদপদ্যত তস্মাৎসরঘায়াং
মধুর্নামাভবন্মধোঃ সুমনসি বীরব্রতস্ততো ভোজায়াং মন্থুপ্রমন্থূ জজ্ঞাতে মন্থোঃ
সত্যায়াং ভৌবনস্ততো দূষণায়াং ৎবষ্টাজনিষ্ট ৎবষ্টুর্বিরোচনায়াং বিরজো বিরজস্য শতজিৎপ্রবরং পুত্র
শতং কন্যা চ বিষূচ্যাং কিল জাতম্
০৫১৫০১৫০ তত্রায়ং শ্লোকঃ
০৫১৫০১৫১ প্রৈয়ব্রতং বংশমিমং বিরজশ্চরমোদ্ভবঃ
০৫১৫০১৫২ অকরোদত্যলং কীর্ত্যা বিষ্ণুঃ সুরগণং যথা
০৫১৬০০১০ রাজোবাচ
০৫১৬০০১১ উক্তস্ত্বয়া ভূমণ্ডলায়ামবিশেষো যাবদাদিত্যস্তপতি যত্র চাসৌ জ্যোতিষাং গণৈশ্চন্দ্রমা বা
সহ দৃশ্যতে
০৫১৬০০২১ তত্রাপি প্রিয়ব্রতরথচরণপরিখাতৈঃ সপ্তভিঃ সপ্ত সিন্ধব উপকৢপ্তা যত এতস্যাঃ সপ্ত
দ্বীপবিশেষবিকল্পস্ত্বয়া ভগবন্খলু সূচিত এতদেবাখিলমহং মানতো লক্ষণতশ্চ সর্বং বি
জিজ্ঞাসামি
০৫১৬০০৩১ ভগবতো গুণময়ে স্থূলরূপ আবেশিতং মনো হ্যগুণেঽপি সূক্ষ্মতম আত্মজ্যোতিষি পরে ব্রহ্মণি
ভগবতি বাসুদেবাখ্যে ক্ষমমাবেশিতুং তদু হৈতদ্গুরোঽর্হস্যনুবর্ণয়িতুমিতি
০৫১৬০০৪০ ঋষিরুবাচ
০৫১৬০০৪১ ন বৈ মহারাজ ভগবতো মায়াগুণবিভূতেঃ কাষ্ঠাং মনসা বচসা বাধিগন্তুমলং
বিবুধায়ুষাপি পুরুষস্তস্মাৎপ্রাধান্যেনৈব ভূগোলকবিশেষং নামরূপমানলক্ষণতো
ব্যাখ্যাস্যামঃ
০৫১৬০০৫১ যো বায়ং দ্বীপঃ কুবলয়কমলকোশাভ্যন্তরকোশো নিয়ুতয়োজনবিশালঃ সমবর্তুলো যথা
পুষ্করপত্রম্
০৫১৬০০৬১ যস্মিন্নব বর্ষাণি নবয়োজনসহস্রায়ামান্যষ্টভির্মর্যাদাগিরিভিঃ সুবিভক্তানি ভবন্তি
০৫১৬০০৭১ এষাং মধ্যে ইলাবৃতং নামাভ্যন্তরবর্ষং যস্য নাভ্যামবস্থিতঃ সর্বতঃ সৌবর্ণঃ কুল
গিরিরাজো মেরুর্দ্বীপায়ামসমুন্নাহঃ কর্ণিকাভূতঃ কুবলয়কমলস্য মূর্ধনি দ্বাত্রিংশৎসহস্র
যোজনবিততো মূলে ষোডশসহস্রং তাবতান্তর্ভূম্যাং প্রবিষ্টঃ
০৫১৬০০৮১ উত্তরোত্তরেণেলাবৃতং নীলঃ শ্বেতঃ শৃঙ্গবানিতি ত্রয়ো রম্যকহিরণ্ময়কুরূণাং বর্ষাণাং মর্যাদা
গিরয়ঃ প্রাগায়তা উভয়তঃ ক্ষারোদাবধয়ো দ্বিসহস্রপৃথব একৈকশঃ পূর্বস্মাৎপূর্বস্মাদুত্তর
উত্তরো দশাংশাধিকাংশেন দৈর্ঘ্য এব হ্রসন্তি
০৫১৬০০৯১ এবং দক্ষিণেনেলাবৃতং নিষধো হেমকূটো হিমালয় ইতি প্রাগায়তা যথা নীলাদয়োঽযুতয়োজনোৎসেধা
হরিবর্ষকিম্পুরুষভারতানাং যথাসঙ্খ্যম্
০৫১৬০১০১ তথৈবেলাবৃতমপরেণ পূর্বেণ চ মাল্যবদ্গন্ধমাদনাবানীলনিষধায়তৌ দ্বিসহস্রং
পপ্রথতুঃ কেতুমালভদ্রাশ্বয়োঃ সীমানং বিদধাতে
০৫১৬০১১১ মন্দরো মেরুমন্দরঃ সুপার্শ্বঃ কুমুদ ইত্যয়ুতয়োজনবিস্তারোন্নাহা মেরোশ্চতুর্
দিশমবষ্টম্ভগিরয় উপকৢপ্তাঃ
০৫১৬০১২১ চতুর্ষ্বেতেষু চূতজম্বূকদম্বন্যগ্রোধাশ্চৎবারঃ পাদপপ্রবরাঃ পর্বতকেতব ইবাধি
সহস্রয়োজনোন্নাহাস্তাবদ্বিটপবিততয়ঃ শতয়োজনপরিণাহাঃ
০৫১৬০১৩১ হ্রদাশ্চৎবারঃ পয়োমধ্বিক্ষুরসমৃষ্টজলা যদুপস্পর্শিন উপদেবগণা যোগৈশ্বর্যাণি
স্বাভাবিকানি ভরতর্ষভ ধারয়ন্তি
০৫১৬০১৪১ দেবোদ্যানানি চ ভবন্তি চৎবারি নন্দনং চৈত্ররথং বৈভ্রাজকং সর্বতোভদ্রমিতি
০৫১৬০১৫১ যেষ্বমরপরিবৃঢাঃ সহ সুরললনাললাময়ূথপতয় উপদেবগণৈরুপগীয়মান
মহিমানঃ কিল বিহরন্তি
০৫১৬০১৬১ মন্দরোৎসঙ্গ একাদশশতয়োজনোত্তুঙ্গদেবচূতশিরসো গিরিশিখরস্থূলানি ফলান্যমৃত
কল্পানি পতন্তি
০৫১৬০১৭১ তেষাং বিশীর্যমাণানামতিমধুরসুরভিসুগন্ধিবহুলারুণরসোদেনারুণোদা নাম নদী
মন্দরগিরিশিখরান্নিপতন্তী পূর্বেণেলাবৃতমুপপ্লাবয়তি
০৫১৬০১৮১ যদুপজোষণাদ্ভবান্যা অনুচরীণাং পুণ্যজনবধূনামবয়বস্পর্শসুগন্ধবাতো দশ
যোজনং সমন্তাদনুবাসয়তি
০৫১৬০১৯১ এবং জম্বূফলানামত্যুচ্চনিপাতবিশীর্ণানামনস্থিপ্রায়াণামিভকায়নিভানাং রসেন
জম্বূ নাম নদী মেরুমন্দরশিখরাদয়ুতয়োজনাদবনিতলে নিপতন্তী দক্ষিণেনাত্মানং
যাবদিলাবৃতমুপস্যন্দয়তি
০৫১৬০২০১ তাবদুভয়োরপি রোধসোর্যা মৃত্তিকা তদ্রসেনানুবিধ্যমানা বায়্বর্কসংযোগবিপাকেন
সদামরলোকাভরণং জাম্বূনদং নাম সুবর্ণং ভবতি
০৫১৬০২১১ যদু হ বাব বিবুধাদয়ঃ সহ যুবতিভির্মুকুটকটককটিসূত্রাদ্যাভরণরূপেণ খলু
ধারয়ন্তি
০৫১৬০২২১ যস্তু মহাকদম্বঃ সুপার্শ্বনিরূঢো যাস্তস্য কোটরেভ্যো বিনিঃসৃতাঃ পঞ্চায়ামপরিণাহাঃ
পঞ্চ মধুধারাঃ সুপার্শ্বশিখরাৎপতন্ত্যোঽপরেণাত্মানমিলাবৃতমনুমোদয়ন্তি
০৫১৬০২৩১ যা হ্যুপয়ুঞ্জানানাং মুখনির্বাসিতো বায়ুঃ সমন্তাচ্ছতয়োজনমনুবাসয়তি
০৫১৬০২৪১ এবং কুমুদনিরূঢো যঃ শতবল্শো নাম বটস্তস্য স্কন্ধেভ্যো নীচীনাঃ পয়োদধিমধুঘৃত
গুডান্নাদ্যম্বরশয়্যাসনাভরণাদয়ঃ সর্ব এব কামদুঘা নদাঃ
কুমুদাগ্রাৎপতন্তস্তমুত্তরেণেলাবৃতমুপয়োজয়ন্তি
০৫১৬০২৫১ যানুপজুষাণানাং ন কদাচিদপি প্রজানাং বলীপলিতক্লমস্বেদদৌর্গন্ধ্যজরাময়মৃত্যু
শীতোষ্ণবৈবর্ণ্যোপসর্গাদয়স্তাপবিশেষা ভবন্তি যাবজ্জীবং সুখং নিরতিশয়মেব
০৫১৬০২৬১ কুরঙ্গকুররকুসুম্ভবৈকঙ্কত্রিকূটশিশিরপতঙ্গরুচকনিষধশিনীবাসকপিলশঙ্খ
বৈদূর্যজারুধিহংসঋষভনাগকালঞ্জরনারদাদয়ো বিংশতিগিরয়ো মেরোঃ কর্ণিকায়া ইব কেসরভূতা
মূলদেশে পরিত উপকৢপ্তাঃ
০৫১৬০২৭১ জঠরদেবকূটৌ মেরুং পূর্বেণাষ্টাদশয়োজনসহস্রমুদগায়তৌ দ্বিসহস্রং পৃথুতুঙ্গৌ
ভবতঃ এবমপরেণ পবনপারিয়াত্রৌ দক্ষিণেন কৈলাসকরবীরৌ প্রাগায়তাবেবমুত্তরতস্ত্রিশৃঙ্গ
মকরাবষ্টভিরেতৈঃ পরিসৃতোঽগ্নিরিব পরিতশ্চকাস্তি কাঞ্চনগিরিঃ
০৫১৬০২৮১ মেরোর্মূর্ধনি ভগবত আত্ময়োনের্মধ্যত উপকৢপ্তাং পুরীময়ুতয়োজনসাহস্রীং সম
চতুরস্রাং শাতকৌম্ভীং বদন্তি
০৫১৬০২৯১ তামনুপরিতো লোকপালানামষ্টানাং যথাদিশং যথারূপং তুরীয়মানেন পুরোঽষ্টাবুপকৢপ্তাঃ
০৫১৭০০১০ শ্রীশুক উবাচ
০৫১৭০০১১ তত্র ভগবতঃ সাক্ষাদ্যজ্ঞলিঙ্গস্য বিষ্ণোর্বিক্রমতো বামপাদাঙ্গুষ্ঠনখ
নির্ভিন্নোর্ধ্বাণ্ডকটাহবিবরেণান্তঃপ্রবিষ্টা যা বাহ্যজলধারা তচ্চরণপঙ্কজাবনেজনারুণ
কিঞ্জল্কোপরঞ্জিতাখিলজগদঘমলাপহোপস্পর্শনামলা সাক্ষাদ্ভগবৎপদীত্যনুপলক্ষিতবচো
ঽভিধীয়মানাতিমহতা কালেন যুগসহস্রোপলক্ষণেন দিবো মূর্ধন্যবততার যত্তদ্বিষ্ণুপদমাহুঃ
০৫১৭০০২১ যত্র হ বাব বীরব্রত ঔত্তানপাদিঃ পরমভাগবতোঽস্মৎকুলদেবতাচরণারবিন্দোদকমিতি
যামনুসবনমুৎকৃষ্যমাণভগবদ্ভক্তিয়োগেন দৃঢং ক্লিদ্যমানান্তর্হৃদয় ঔৎকণ্ঠ্য
বিবশামীলিতলোচনয়ুগলকুড্মলবিগলিতামলবাষ্পকলয়াভিব্যজ্যমানরোমপুলককুলকোঽধুনাপি
পরমাদরেণ শিরসা বিভর্তি
০৫১৭০০৩১ ততঃ সপ্ত ঋষয়স্তৎপ্রভাবাভিজ্ঞা যাং ননু তপস আত্যন্তিকী সিদ্ধিরেতাবতী ভগবতি
সর্বাত্মনি বাসুদেবেঽনুপরতভক্তিয়োগলাভেনৈবোপেক্ষিতান্যার্থাত্মগতয়ো মুক্তিমিবাগতাং মুমুক্ষব
ইব সবহুমানমদ্যাপি জটাজূটৈরুদ্বহন্তি
০৫১৭০০৪১ ততোঽনেকসহস্রকোটিবিমানানীকসঙ্কুলদেবয়ানেনাবতরন্তীন্দু মণ্ডলমাবার্য ব্রহ্ম
সদনে নিপততি
০৫১৭০০৫১ তত্র চতুর্ধা ভিদ্যমানা চতুর্ভির্নামভিশ্চতুর্দিশমভিস্পন্দন্তী নদনদী
পতিমেবাভিনিবিশতি সীতালকনন্দা চক্ষুর্ভদ্রেতি
০৫১৭০০৬১ সীতা তু ব্রহ্মসদনাৎকেসরাচলাদিগিরিশিখরেভ্যোঽধোঽধঃ প্রস্রবন্তী গন্ধমাদনমূর্ধসু
পতিৎবান্তরেণ ভদ্রাশ্ববর্ষং প্রাচ্যাং দিশি ক্ষারসমুদ্রমভিপ্রবিশতি
০৫১৭০০৭১ এবং মাল্যবচ্ছিখরান্নিষ্পতন্তী ততোঽনুপরতবেগা কেতুমালমভি চক্ষুঃ প্রতীচ্যাং দিশি সরিৎ
পতিং প্রবিশতি
০৫১৭০০৮১ ভদ্রা চোত্তরতো মেরুশিরসো নিপতিতা গিরিশিখরাদ্গিরিশিখরমতিহায় শৃঙ্গবতঃ
শৃঙ্গাদবস্যন্দমানা উত্তরাংস্তু কুরূনভিত উদীচ্যাং দিশি জলধিমভিপ্রবিশতি
০৫১৭০০৯১ তথৈবালকনন্দা দক্ষিণেন ব্রহ্মসদনাদ্বহূনি গিরিকূটান্যতিক্রম্য
হেমকূটাদ্ধৈমকূটান্যতিরভসতররংহসা লুঠয়ন্তী ভারতমভিবর্ষং দক্ষিণস্যাং দিশি
জলধিমভিপ্রবিশতি যস্যাং স্নানার্থং চাগচ্ছতঃ পুংসঃ পদে পদেঽশ্বমেধরাজসূয়াদীনাং ফলং
ন দুর্লভমিতি
০৫১৭০১০১ অন্যে চ নদা নদ্যশ্চ বর্ষে বর্ষে সন্তি বহুশো মের্বাদিগিরিদুহিতরঃ শতশঃ
০৫১৭০১১১ তত্রাপি ভারতমেব বর্ষং কর্মক্ষেত্রমন্যান্যষ্ট বর্ষাণি স্বর্গিণাং পুণ্যশেষোপভোগ
স্থানানি ভৌমানি স্বর্গপদানি ব্যপদিশন্তি
০৫১৭০১২১ এষু পুরুষাণাময়ুতপুরুষায়ুর্বর্ষাণাং দেবকল্পানাং নাগায়ুতপ্রাণানাং বজ্রসংহননবল
বয়োমোদপ্রমুদিতমহাসৌরতমিথুনব্যবায়াপবর্গবর্ষধৃতৈকগর্ভকলত্রাণাং তত্র তু ত্রেতা
যুগসমঃ কালো বর্ততে
০৫১৭০১৩১ যত্র হ দেবপতয়ঃ স্বৈঃ স্বৈর্গণনায়কৈর্বিহিতমহার্হণাঃ সর্বর্তুকুসুমস্তবকফল
কিসলয়শ্রিয়ানম্যমানবিটপলতাবিটপিভিরুপশুম্ভমানরুচিরকাননাশ্রমায়তনবর্ষগিরিদ্রোণীষু
তথা চামলজলাশয়েষু বিকচবিবিধনববনরুহামোদমুদিতরাজহংসজলকুক্কুটকারণ্ডবসারস
চক্রবাকাদিভির্মধুকরনিকরাকৃতিভিরুপকূজিতেষু জলক্রীডাদিভির্বিচিত্রবিনোদৈঃ সুললিতসুরসুন্দরীণাং
কামকলিলবিলাসহাসলীলাবলোকাকৃষ্টমনোদৃষ্টয়ঃ স্বৈরং বিহরন্তি
০৫১৭০১৪১ নবস্বপি বর্ষেষু ভগবান্নারায়ণো মহাপুরুষঃ পুরুষাণাং তদনুগ্রহায়াত্মতত্ত্ব
ব্যূহেনাত্মনাদ্যাপি সন্নিধীয়তে
০৫১৭০১৫১ ইলাবৃতে তু ভগবান্ভব এক এব পুমান্ন হ্যন্যস্তত্রাপরো নির্বিশতি ভবান্যাঃ শাপনিমিত্তজ্ঞো
যৎপ্রবেক্ষ্যতঃ স্ত্রীভাবস্তৎপশ্চাদ্বক্ষ্যামি
০৫১৭০১৬১ ভবানীনাথৈঃ স্ত্রীগণার্বুদসহস্রৈরবরুধ্যমানো ভগবতশ্চতুর্মূর্তের্মহাপুরুষস্য
তুরীয়াং তামসীং মূর্তিং প্রকৃতিমাত্মনঃ সঙ্কর্ষণসংজ্ঞামাত্মসমাধিরূপেণ
সন্নিধাপ্যৈতদভিগৃণন্ভব উপধাবতি
০৫১৭০১৭০ শ্রীভগবানুবাচ
০৫১৭০১৭১ ওঁ নমো ভগবতে মহাপুরুষায় সর্বগুণসঙ্খ্যানায়ানন্তায়াব্যক্তায় নম ইতি
০৫১৭০১৭১ ভজে ভজন্যারণপাদপঙ্কজং ভগস্য কৃৎস্নস্য পরং পরায়ণম্
০৫১৭০১৭২ ভক্তেষ্বলং ভাবিতভূতভাবনং ভবাপহং ৎবা ভবভাবমীশ্বরম্
০৫১৭০১৮১ ন যস্য মায়াগুণচিত্তবৃত্তিভির্নিরীক্ষতো হ্যণ্বপি দৃষ্টিরজ্যতে
০৫১৭০১৮২ ঈশে যথা নোঽজিতমন্যুরংহসাং কস্তং ন মন্যেত জিগীষুরাত্মনঃ
০৫১৭০১৯১ অসদ্দৃশো যঃ প্রতিভাতি মায়য়া ক্ষীবেব মধ্বাসবতাম্রলোচনঃ
০৫১৭০১৯২ ন নাগবধ্বোঽর্হণ ঈশিরে হ্রিয়া যৎপাদয়োঃ স্পর্শনধর্ষিতেন্দ্রিয়াঃ
০৫১৭০২০১ যমাহুরস্য স্থিতিজন্মসংযমং ত্রিভির্বিহীনং যমনন্তমৃষয়ঃ
০৫১৭০২০২ ন বেদ সিদ্ধার্থমিব ক্বচিৎস্থিতং ভূমণ্ডলং মূর্ধসহস্রধামসু
০৫১৭০২১১ যস্যাদ্য আসীদ্গুণবিগ্রহো মহান্বিজ্ঞানধিষ্ণ্যো ভগবানজঃ কিল
০৫১৭০২১২ যৎসম্ভবোঽহং ত্রিবৃতা স্বতেজসা বৈকারিকং তামসমৈন্দ্রিয়ং সৃজে
০৫১৭০২২১ এতে বয়ং যস্য বশে মহাত্মনঃ স্থিতাঃ শকুন্তা ইব সূত্রয়ন্ত্রিতাঃ
০৫১৭০২২২ মহানহং বৈকৃততামসেন্দ্রিয়াঃ সৃজাম সর্বে যদনুগ্রহাদিদম্
০৫১৭০২৩১ যন্নির্মিতাং কর্হ্যপি কর্মপর্বণীং মায়াং জনোঽযং গুণসর্গমোহিতঃ
০৫১৭০২৩২ ন বেদ নিস্তারণয়োগমঞ্জসা তস্মৈ নমস্তে বিলয়োদয়াত্মনে
০৫১৮০০১০ শ্রীশুক উবাচ
০৫১৮০০১১ তথা চ ভদ্রশ্রবা নাম ধর্মসুতস্তৎকুলপতয়ঃ পুরুষা ভদ্রাশ্ববর্ষে সাক্ষাদ্ভগবতো
বাসুদেবস্য প্রিয়াং তনুং ধর্মময়ীং হয়শীর্ষাভিধানাং পরমেণ সমাধিনা
সন্নিধাপ্যেদমভিগৃণন্ত উপধাবন্তি
০৫১৮০০২০ ভদ্রশ্রবস ঊচুঃ
০৫১৮০০২১ ওঁ নমো ভগবতে ধর্মায়াত্মবিশোধনায় নম ইতি
০৫১৮০০৩১ অহো বিচিত্রং ভগবদ্বিচেষ্টিতং ঘ্নন্তং জনোঽযং হি মিষন্ন পশ্যতি
০৫১৮০০৩২ ধ্যায়ন্নসদ্যর্হি বিকর্ম সেবিতুং নির্হৃত্য পুত্রং পিতরং জিজীবিষতি
০৫১৮০০৪১ বদন্তি বিশ্বং কবয়ঃ স্ম নশ্বরং পশ্যন্তি চাধ্যাত্মবিদো বিপশ্চিতঃ
০৫১৮০০৪২ তথাপি মুহ্যন্তি তবাজ মায়য়া সুবিস্মিতং কৃত্যমজং নতোঽস্মি তম্
০৫১৮০০৫১ বিশ্বোদ্ভবস্থাননিরোধকর্ম তে হ্যকর্তুরঙ্গীকৃতমপ্যপাবৃতঃ
০৫১৮০০৫২ যুক্তং ন চিত্রং ৎবয়ি কার্যকারণে সর্বাত্মনি ব্যতিরিক্তে চ বস্তুতঃ
০৫১৮০০৬১ বেদান্যুগান্তে তমসা তিরস্কৃতান্রসাতলাদ্যো নৃতুরঙ্গবিগ্রহঃ
০৫১৮০০৬২ প্রত্যাদদে বৈ কবয়েঽভিয়াচতে তস্মৈ নমস্তেঽবিতথেহিতায় ইতি
০৫১৮০০৭১ হরিবর্ষে চাপি ভগবান্নরহরিরূপেণাস্তে তদ্রূপগ্রহণনিমিত্তমুত্তরত্রাভিধাস্যে
তদ্দয়িতং রূপং মহাপুরুষগুণভাজনো মহাভাগবতো দৈত্যদানবকুলতীর্থীকরণশীলাচরিতঃ
প্রহ্লাদোঽব্যবধানানন্যভক্তিয়োগেন সহ তদ্বর্ষপুরুষৈরুপাস্তে ইদং চোদাহরতি
০৫১৮০০৮১ ওঁ নমো ভগবতে নরসিংহায় নমস্তেজস্তেজসে আবিরাবির্ভব বজ্রনখ বজ্রদংষ্ট্র
কর্মাশয়ান্রন্ধয় রন্ধয় তমো গ্রস গ্রস ওঁ স্বাহা অভয়মভয়মাত্মনি ভূয়িষ্ঠা ওঁ ক্ষ্রৌম্
০৫১৮০০৯১ স্বস্ত্যস্তু বিশ্বস্য খলঃ প্রসীদতাং ধ্যায়ন্তু ভূতানি শিবং মিথো ধিয়া
০৫১৮০০৯২ মনশ্চ ভদ্রং ভজতাদধোক্ষজে আবেশ্যতাং নো মতিরপ্যহৈতুকী
০৫১৮০১০১ মাগারদারাত্মজবিত্তবন্ধুষু সঙ্গো যদি স্যাদ্ভগবৎপ্রিয়েষু নঃ
০৫১৮০১০২ যঃ প্রাণবৃত্ত্যা পরিতুষ্ট আত্মবান্সিদ্ধ্যত্যদূরান্ন তথেন্দ্রিয়প্রিয়ঃ
০৫১৮০১১১ যৎসঙ্গলব্ধং নিজবীর্যবৈভবং তীর্থং মুহুঃ সংস্পৃশতাং হি মানসম্
০৫১৮০১১২ হরত্যজোঽন্তঃ শ্রুতিভির্গতোঽঙ্গজং কো বৈ ন সেবেত মুকুন্দবিক্রমম্
০৫১৮০১২১ যস্যাস্তি ভক্তির্ভগবত্যকিঞ্চনা সর্বৈর্গুণৈস্তত্র সমাসতে সুরাঃ
০৫১৮০১২২ হরাবভক্তস্য কুতো মহদ্গুণা মনোরথেনাসতি ধাবতো বহিঃ
০৫১৮০১৩১ হরির্হি সাক্ষাদ্ভগবান্শরীরিণামাত্মা ঝষাণামিব তোয়মীপ্সিতম্
০৫১৮০১৩২ হিৎবা মহাংস্তং যদি সজ্জতে গৃহে তদা মহত্ত্বং বয়সা দম্পতীনাম্
০৫১৮০১৪১ তস্মাদ্রজোরাগবিষাদমন্যু মানস্পৃহাভয়দৈন্যাধিমূলম্
০৫১৮০১৪২ হিৎবা গৃহং সংসৃতিচক্রবালং নৃসিংহপাদং ভজতাকুতোভয়মিতি
০৫১৮০১৫১ কেতুমালেঽপি ভগবান্কামদেবস্বরূপেণ লক্ষ্ম্যাঃ প্রিয়চিকীর্ষয়া প্রজাপতের্দুহিৎণাং পুত্রাণাং
তদ্বর্ষপতীনাং পুরুষায়ুষাহোরাত্রপরিসঙ্খ্যানানাং যাসাং গর্ভা মহাপুরুষমহাস্ত্রতেজসোদ্বেজিত
মনসাং বিধ্বস্তা ব্যসবঃ সংবৎসরান্তে বিনিপতন্তি
০৫১৮০১৬১ অতীব সুললিতগতিবিলাসবিলসিতরুচিরহাসলেশাবলোকলীলয়া
কিঞ্চিদুত্তম্ভিতসুন্দরভ্রূমণ্ডল
সুভগবদনারবিন্দশ্রিয়া রমাং রময়ন্নিন্দ্রিয়াণি রময়তে
০৫১৮০১৭১ তদ্ভগবতো মায়াময়ং রূপং পরমসমাধিয়োগেন রমা দেবী সংবৎসরস্য রাত্রিষু
প্রজাপতের্দুহিতৃভিরুপেতাহঃসু চ তদ্ভর্তৃভিরুপাস্তে ইদং চোদাহরতি
০৫১৮০১৮১ ওঁ হ্রাং হ্রীং হ্রূং ওঁ নমো ভগবতে হৃষীকেশায় সর্বগুণবিশেষৈর্বিলক্ষিতাত্মনে আকূতীনাং
চিত্তীনাং চেতসাং বিশেষাণাং চাধিপতয়ে ষোডশকলায় চ্ছন্দোময়ায়ান্নময়ায়ামৃতময়ায় সর্বময়ায়
সহসে ওজসে বলায় কান্তায় কামায় নমস্তে উভয়ত্র ভূয়াৎ
০৫১৮০১৯১ স্ত্রিয়ো ব্রতৈস্ত্বা হৃষীকেশ্বরং স্বতো হ্যারাধ্য লোকে পতিমাশাসতেঽন্যম্
০৫১৮০১৯২ তাসাং ন তে বৈ পরিপান্ত্যপত্যং প্রিয়ং ধনায়ূংষি যতোঽস্বতন্ত্রাঃ
০৫১৮০২০১ স বৈ পতিঃ স্যাদকুতোভয়ঃ স্বয়ং সমন্ততঃ পাতি ভয়াতুরং জনম্
০৫১৮০২০২ স এক এবেতরথা মিথো ভয়ং নৈবাত্মলাভাদধি মন্যতে পরম্
০৫১৮০২১১ যা তস্য তে পাদসরোরুহার্হণং নিকাময়েৎসাখিলকামলম্পটা
০৫১৮০২১২ তদেব রাসীপ্সিতমীপ্সিতোঽর্চিতো যদ্ভগ্নয়াচ্ঞা ভগবন্প্রতপ্যতে
০৫১৮০২২১ মৎপ্রাপ্তয়েঽজেশসুরাসুরাদয়স্তপ্যন্ত উগ্রং তপ ঐন্দ্রিয়ে ধিয়ঃ
০৫১৮০২২২ ঋতে ভবৎপাদপরায়ণান্ন মাং বিন্দন্ত্যহং ৎবদ্ধৃদয়া যতোঽজিত
০৫১৮০২৩১ স ৎবং মমাপ্যচ্যুত শীর্ষ্ণি বন্দিতং করাম্বুজং যত্ত্বদধায়ি সাৎবতাম্
০৫১৮০২৩২ বিভর্ষি মাং লক্ষ্ম বরেণ্য মায়য়া ক ঈশ্বরস্যেহিতমূহিতুং বিভুরিতি
০৫১৮০২৪১ রম্যকে চ ভগবতঃ প্রিয়তমং মাৎস্যমবতাররূপং তদ্বর্ষপুরুষস্য মনোঃ প্রাক্
প্রদর্শিতং স ইদানীমপি মহতা ভক্তিয়োগেনারাধয়তীদং চোদাহরতি
০৫১৮০২৫১ ওঁ নমো ভগবতে মুখ্যতমায় নমঃ সত্ত্বায় প্রাণায়ৌজসে সহসে বলায় মহামৎস্যায়
নম ইতি
০৫১৮০২৬১ অন্তর্বহিশ্চাখিললোকপালকৈরদৃষ্টরূপো বিচরস্যুরুস্বনঃ
০৫১৮০২৬২ স ঈশ্বরস্ত্বং য ইদং বশেঽনয়ন্নাম্না যথা দারুময়ীং নরঃ স্ত্রিয়ম্
০৫১৮০২৭১ যং লোকপালাঃ কিল মৎসরজ্বরা হিৎবা যতন্তোঽপি পৃথক্সমেত্য চ
০৫১৮০২৭২ পাতুং ন শেকুর্দ্বিপদশ্চতুষ্পদঃ সরীসৃপং স্থাণু যদত্র দৃশ্যতে
০৫১৮০২৮১ ভবান্যুগান্তার্ণব ঊর্মিমালিনি ক্ষোণীমিমামোষধিবীরুধাং নিধিম্
০৫১৮০২৮২ ময়া সহোরু ক্রমতেঽজ ওজসা তস্মৈ জগৎপ্রাণগণাত্মনে নম ইতি
০৫১৮০২৯১ হিরণ্ময়েঽপি ভগবান্নিবসতি কূর্মতনুং বিভ্রাণস্তস্য তৎপ্রিয়তমাং তনুমর্যমা সহ
বর্ষপুরুষৈঃ পিতৃগণাধিপতিরুপধাবতি মন্ত্রমিমং চানুজপতি
০৫১৮০৩০১ ওঁ নমো ভগবতে অকূপারায় সর্বসত্ত্বগুণবিশেষণায়ানুপলক্ষিতস্থানায় নমো বর্ষ্মণে
নমো ভূম্নে নমো নমোঽবস্থানায় নমস্তে
০৫১৮০৩১১ যদ্রূপমেতন্নিজমায়য়ার্পিতমর্থস্বরূপং বহুরূপরূপিতম্
০৫১৮০৩১২ সঙ্খ্যা ন যস্যাস্ত্যয়থোপলম্ভনাত্তস্মৈ নমস্তেঽব্যপদেশরূপিণে
০৫১৮০৩২১ জরায়ুজং স্বেদজমণ্ডজোদ্ভিদং চরাচরং দেবর্ষিপিতৃভূতমৈন্দ্রিয়ম্
০৫১৮০৩২২ দ্যৌঃ খং ক্ষিতিঃ শৈলসরিৎসমুদ্র দ্বীপগ্রহর্ক্ষেত্যভিধেয় একঃ
০৫১৮০৩৩১ যস্মিন্নসঙ্খ্যেয়বিশেষনাম রূপাকৃতৌ কবিভিঃ কল্পিতেয়ম্
০৫১৮০৩৩২ সঙ্খ্যা যয়া তত্ত্বদৃশাপনীয়তে তস্মৈ নমঃ সাঙ্খ্যনিদর্শনায় তে ইতি
০৫১৮০৩৪১ উত্তরেষু চ কুরুষু ভগবান্যজ্ঞপুরুষঃ কৃতবরাহরূপ আস্তে তং তু দেবী হৈষা ভূঃ সহ
কুরুভিরস্খলিতভক্তিয়োগেনোপধাবতি ইমাং চ পরমামুপনিষদমাবর্তয়তি
০৫১৮০৩৫১ ওঁ নমো ভগবতে মন্ত্রতত্ত্বলিঙ্গায় যজ্ঞক্রতবে মহাধ্বরাবয়বায় মহাপুরুষায় নমঃ
কর্মশুক্লায় ত্রিয়ুগায় নমস্তে
০৫১৮০৩৬১ যস্য স্বরূপং কবয়ো বিপশ্চিতো গুণেষু দারুষ্বিব জাতবেদসম্
০৫১৮০৩৬২ মথ্নন্তি মথ্না মনসা দিদৃক্ষবো গূঢং ক্রিয়ার্থৈর্নম ঈরিতাত্মনে
০৫১৮০৩৭১ দ্রব্যক্রিয়াহেৎবয়নেশকর্তৃভির্মায়াগুণৈর্বস্তুনিরীক্ষিতাত্মনে
০৫১৮০৩৭২ অন্বীক্ষয়াঙ্গাতিশয়াত্মবুদ্ধিভির্নিরস্তমায়াকৃতয়ে নমো নমঃ
০৫১৮০৩৮১ করোতি বিশ্বস্থিতিসংযমোদয়ং যস্যেপ্সিতং নেপ্সিতমীক্ষিতুর্গুণৈঃ
০৫১৮০৩৮২ মায়া যথায়ো ভ্রমতে তদাশ্রয়ং গ্রাব্ণো নমস্তে গুণকর্মসাক্ষিণে
০৫১৮০৩৯১ প্রমথ্য দৈত্যং প্রতিবারণং মৃধে যো মাং রসায়া জগদাদিসূকরঃ
০৫১৮০৩৯২ কৃৎবাগ্রদংষ্ট্রে নিরগাদুদন্বতঃ ক্রীডন্নিবেভঃ প্রণতাস্মি তং বিভুমিতি
০৫১৯০০১০ শ্রীশুক উবাচ
০৫১৯০০১১ কিম্পুরুষে বর্ষে ভগবন্তমাদিপুরুষং লক্ষ্মণাগ্রজং সীতাভিরামং রামং তচ্চরণ
সন্নিকর্ষাভিরতঃ পরমভাগবতো হনুমান্সহ কিম্পুরুষৈরবিরতভক্তিরুপাস্তে
০৫১৯০০২১ আর্ষ্টিষেণেন সহ গন্ধর্বৈরনুগীয়মানাং পরমকল্যাণীং ভর্তৃভগবৎকথাং সমুপশৃণোতি
স্বয়ং চেদং গায়তি
০৫১৯০০৩১ ওঁ নমো ভগবতে উত্তমশ্লোকায় নম আর্যলক্ষণশীলব্রতায় নম উপশিক্ষিতাত্মন উপাসিত
লোকায় নমঃ সাধুবাদনিকষণায় নমো ব্রহ্মণ্যদেবায় মহাপুরুষায় মহারাজায় নম ইতি
০৫১৯০০৪১ যত্তদ্বিশুদ্ধানুভবমাত্রমেকং স্বতেজসা ধ্বস্তগুণব্যবস্থম্
০৫১৯০০৪২ প্রত্যক্প্রশান্তং সুধিয়োপলম্ভনং হ্যনামরূপং নিরহং প্রপদ্যে
০৫১৯০০৫১ মর্ত্যাবতারস্ত্বিহ মর্ত্যশিক্ষণং রক্ষোবধায়ৈব ন কেবলং বিভোঃ
০৫১৯০০৫২ কুতোঽন্যথা স্যাদ্রমতঃ স্ব আত্মনঃ সীতাকৃতানি ব্যসনানীশ্বরস্য
০৫১৯০০৬১ ন বৈ স আত্মাত্মবতাং সুহৃত্তমঃ সক্তস্ত্রিলোক্যাং ভগবান্বাসুদেবঃ
০৫১৯০০৬২ ন স্ত্রীকৃতং কশ্মলমশ্নুবীত ন লক্ষ্মণং চাপি বিহাতুমর্হতি
০৫১৯০০৭১ ন জন্ম নূনং মহতো ন সৌভগং ন বাঙ্ন বুদ্ধির্নাকৃতিস্তোষহেতুঃ
০৫১৯০০৭২ তৈর্যদ্বিসৃষ্টানপি নো বনৌকসশ্চকার সখ্যে বত লক্ষ্মণাগ্রজঃ
০৫১৯০০৮১ সুরোঽসুরো বাপ্যথ বানরো নরঃ সর্বাত্মনা যঃ সুকৃতজ্ঞমুত্তমম্
০৫১৯০০৮২ ভজেত রামং মনুজাকৃতিং হরিং য উত্তরাননয়ৎকোসলান্দিবমিতি
০৫১৯০০৯১ ভারতেঽপি বর্ষে ভগবান্নরনারায়ণাখ্য আকল্পান্তমুপচিতধর্মজ্ঞান
বৈরাগ্যৈশ্বর্যোপশমোপরমাত্মোপলম্ভনমনুগ্রহায়াত্মবতামনুকম্পয়া তপোঽব্যক্তগতিশ্চরতি
০৫১৯০১০১ তং ভগবান্নারদো বর্ণাশ্রমবতীভির্ভারতীভিঃ প্রজাভির্ভগবৎপ্রোক্তাভ্যাং সাঙ্খ্য
যোগাভ্যাং ভগবদনুভাবোপবর্ণনং সাবর্ণেরুপদেক্ষ্যমাণঃ পরমভক্তিভাবেনোপসরতি ইদং
চাভিগৃণাতি
০৫১৯০১১১ ওঁ নমো ভগবতে উপশমশীলায়োপরতানাত্ম্যায় নমোঽকিঞ্চনবিত্তায় ঋষিঋষভায় নর
নারায়ণায় পরমহংসপরমগুরবে আত্মারামাধিপতয়ে নমো নম ইতি
০৫১৯০১২০ গায়তি চেদম্
০৫১৯০১২১ কর্তাস্য সর্গাদিষু যো ন বধ্যতে ন হন্যতে দেহগতোঽপি দৈহিকৈঃ
০৫১৯০১২২ দ্রষ্টুর্ন দৃগ্যস্য গুণৈর্বিদূষ্যতে তস্মৈ নমোঽসক্তবিবিক্তসাক্ষিণে
০৫১৯০১৩১ ইদং হি যোগেশ্বর যোগনৈপুণং হিরণ্যগর্ভো ভগবাঞ্জগাদ যৎ
০৫১৯০১৩২ যদন্তকালে ৎবয়ি নির্গুণে মনো ভক্ত্যা দধীতোজ্ঝিতদুষ্কলেবরঃ
০৫১৯০১৪১ যথৈহিকামুষ্মিককামলম্পটঃ সুতেষু দারেষু ধনেষু চিন্তয়ন্
০৫১৯০১৪২ শঙ্কেত বিদ্বান্কুকলেবরাত্যয়াদ্যস্তস্য যত্নঃ শ্রম এব কেবলম্
০৫১৯০১৫১ তন্নঃ প্রভো ৎবং কুকলেবরার্পিতাং ৎবন্মায়য়াহংমমতামধোক্ষজ
০৫১৯০১৫২ ভিন্দ্যাম যেনাশু বয়ং সুদুর্ভিদাং বিধেহি যোগং ৎবয়ি নঃ স্বভাবমিতি
০৫১৯০১৬১ ভারতেঽপ্যস্মিন্বর্ষে সরিচ্ছৈলাঃ সন্তি বহবো মলয়ো মঙ্গলপ্রস্থো মৈনাকস্ত্রিকূট ঋষভঃ
কূটকঃ কোল্লকঃ সহ্যো দেবগিরিরৃষ্যমূকঃ শ্রীশৈলো বেঙ্কটো মহেন্দ্রো বারিধারো বিন্ধ্যঃ শুক্তিমানৃক্ষগিরিঃ
পারিয়াত্রো দ্রোণশ্চিত্রকূটো গোবর্ধনো রৈবতকঃ ককুভো নীলো গোকামুখ ইন্দ্রকীলঃ কামগিরিরিতি চান্যে চ
শতসহস্রশঃ শৈলাস্তেষাং নিতম্বপ্রভবা নদা নদ্যশ্চ সন্ত্যসঙ্খ্যাতাঃ
০৫১৯০১৭১ এতাসামপো ভারত্যঃ প্রজা নামভিরেব পুনন্তীনামাত্মনা চোপস্পৃশন্তি
০৫১৯০১৮১ চন্দ্রবসা তাম্রপর্ণী অবটোদা কৃতমালা বৈহায়সী কাবেরী বেণী পয়স্বিনী শর্করাবর্তা তুঙ্গভদ্রা
কৃষ্ণাবেণ্যা ভীমরথী গোদাবরী নির্বিন্ধ্যা পয়োষ্ণী তাপী রেবা সুরসা নর্মদা চর্মণ্বতী সিন্ধুরন্ধঃ
শোণশ্চ নদৌ মহানদী বেদস্মৃতিরৃষিকুল্যা ত্রিসামা কৌশিকী মন্দাকিনী যমুনা সরস্বতী দৃষদ্বতী গোমতী
সরয়ূ রোধস্বতী সপ্তবতী সুষোমা শতদ্রূশ্চন্দ্রভাগা মরুদ্বৃধা বিতস্তা অসিক্নী বিশ্বেতি মহানদ্যঃ
০৫১৯০১৯১ অস্মিন্নেব বর্ষে পুরুষৈর্লব্ধজন্মভিঃ শুক্ললোহিতকৃষ্ণবর্ণেন স্বারব্ধেন কর্মণা দিব্য
মানুষনারকগতয়ো বহ্ব্য আত্মন আনুপূর্ব্যেণ সর্বা হ্যেব সর্বেষাং বিধীয়ন্তে যথাবর্ণ
বিধানমপবর্গশ্চাপি ভবতি
০৫১৯০২০১ যোঽসৌ ভগবতি সর্বভূতাত্মন্যনাত্ম্যেঽনিরুক্তেঽনিলয়নে পরমাত্মনি বাসুদেবেঽনন্য
নিমিত্তভক্তিয়োগলক্ষণো নানাগতিনিমিত্তাবিদ্যাগ্রন্থিরন্ধনদ্বারেণ যদা হি মহাপুরুষপুরুষ
প্রসঙ্গঃ
০৫১৯০২১০ এতদেব হি দেবা গায়ন্তি
০৫১৯০২১১ অহো অমীষাং কিমকারি শোভনং প্রসন্ন এষাং স্বিদুত স্বয়ং হরিঃ
০৫১৯০২১২ যৈর্জন্ম লব্ধং নৃষু ভারতাজিরে মুকুন্দসেবৌপয়িকং স্পৃহা হি নঃ
০৫১৯০২২১ কিং দুষ্করৈর্নঃ ক্রতুভিস্তপোব্রতৈর্দানাদিভির্বা দ্যুজয়েন ফল্গুনা
০৫১৯০২২২ ন যত্র নারায়ণপাদপঙ্কজ স্মৃতিঃ প্রমুষ্টাতিশয়েন্দ্রিয়োৎসবাৎ
০৫১৯০২৩১ কল্পায়ুষাং স্থানজয়াৎপুনর্ভবাৎক্ষণায়ুষাং ভারতভূজয়ো বরম্
০৫১৯০২৩২ ক্ষণেন মর্ত্যেন কৃতং মনস্বিনঃ সন্ন্যস্য সংযান্ত্যভয়ং পদং হরেঃ
০৫১৯০২৪১ ন যত্র বৈকুণ্ঠকথাসুধাপগা ন সাধবো ভাগবতাস্তদাশ্রয়াঃ
০৫১৯০২৪২ ন যত্র যজ্ঞেশমখা মহোৎসবাঃ সুরেশলোকোঽপি ন বৈ স সেব্যতাম্
০৫১৯০২৫১ প্রাপ্তা নৃজাতিং ৎবিহ যে চ জন্তবো জ্ঞানক্রিয়াদ্রব্যকলাপসম্ভৃতাম্
০৫১৯০২৫২ ন বৈ যতেরন্নপুনর্ভবায় তে ভূয়ো বনৌকা ইব যান্তি বন্ধনম্
০৫১৯০২৬১ যৈঃ শ্রদ্ধয়া বর্হিষি ভাগশো হবির্নিরুপ্তমিষ্টং বিধিমন্ত্রবস্তুতঃ
০৫১৯০২৬২ একঃ পৃথঙ্নামভিরাহুতো মুদা গৃহ্ণাতি পূর্ণঃ স্বয়মাশিষাং প্রভুঃ
০৫১৯০২৭১ সত্যং দিশত্যর্থিতমর্থিতো নৃণাং নৈবার্থদো যৎপুনরর্থিতা যতঃ
০৫১৯০২৭২ স্বয়ং বিধত্তে ভজতামনিচ্ছতামিচ্ছাপিধানং নিজপাদপল্লবম্
০৫১৯০২৮১ যদ্যত্র নঃ স্বর্গসুখাবশেষিতং স্বিষ্টস্য সূক্তস্য কৃতস্য শোভনম্
০৫১৯০২৮২ তেনাজনাভে স্মৃতিমজ্জন্ম নঃ স্যাদ্বর্ষে হরির্যদ্ভজতাং শং তনোতি
০৫১৯০২৯০ শ্রীশুক উবাচ
০৫১৯০২৯১ জম্বূদ্বীপস্য চ রাজন্নুপদ্বীপানষ্টৌ হৈক উপদিশন্তি সগরাত্মজৈরশ্বান্বেষণ ইমাং মহীং
পরিতো নিখনদ্ভিরুপকল্পিতান্
০৫১৯০৩০১ তদ্যথা স্বর্ণপ্রস্থশ্চন্দ্রশুক্ল আবর্তনো রমণকো মন্দরহরিণঃ পাঞ্চজন্যঃ সিংহলো
লঙ্কেতি
০৫১৯০৩১১ এবং তব ভারতোত্তম জম্বূদ্বীপবর্ষবিভাগো যথোপদেশমুপবর্ণিত ইতি
০৫২০০০১০ শ্রীশুক উবাচ
০৫২০০০১১ অতঃ পরং প্লক্ষাদীনাং প্রমাণলক্ষণসংস্থানতো বর্ষবিভাগ উপবর্ণ্যতে
০৫২০০০২১ জম্বূদ্বীপোঽযং যাবৎপ্রমাণবিস্তারস্তাবতা ক্ষারোদধিনা পরিবেষ্টিতো যথা মেরুর্জম্ব্বাখ্যেন
লবণোদধিরপি ততো দ্বিগুণবিশালেন প্লক্ষাখ্যেন পরিক্ষিপ্তো যথা পরিখা বাহ্যোপবনেন প্লক্ষো জম্বূ
প্রমাণো দ্বীপাখ্যাকরো হিরণ্ময় উত্থিতো যত্রাগ্নিরুপাস্তে সপ্তজিহ্বস্তস্যাধিপতিঃ প্রিয়ব্রতাত্মজ
ইধ্মজিহ্বঃ স্বং দ্বীপং সপ্তবর্ষাণি বিভজ্য সপ্তবর্ষনামভ্য আত্মজেভ্য আকলয়্য স্বয়মাত্ম
যোগেনোপররাম
০৫২০০০৩১ শিবং যবসং সুভদ্রং শান্তং ক্ষেমমমৃতমভয়মিতি বর্ষাণি তেষু গিরয়ো নদ্যশ্চ
সপ্তৈবাভিজ্ঞাতাঃ
০৫২০০০৪১ মণিকূটো বজ্রকূট ইন্দ্রসেনো জ্যোতিষ্মান্সুপর্ণো হিরণ্যষ্ঠীবো মেঘমাল ইতি সেতুশৈলাঃ অরুণা
নৃম্ণাঙ্গিরসী সাবিত্রী সুপ্তভাতা ঋতম্ভরা সত্যম্ভরা ইতি মহানদ্যঃ যাসাং জলোপস্পর্শনবিধূতরজস্
তমসো হংসপতঙ্গোর্ধ্বায়নসত্যাঙ্গসংজ্ঞাশ্চৎবারো বর্ণাঃ সহস্রায়ুষো বিবুধোপমসন্দর্শন
প্রজননাঃ স্বর্গদ্বারং ত্রয়্যা বিদ্যয়া ভগবন্তং ত্রয়ীময়ং সূর্যমাত্মানং যজন্তে
০৫২০০০৫১ প্রত্নস্য বিষ্ণো রূপং যৎসত্যস্যর্তস্য ব্রহ্মণঃ
০৫২০০০৫২ অমৃতস্য চ মৃত্যোশ্চ সূর্যমাত্মানমীমহীতি
০৫২০০০৬১ প্লক্ষাদিষু পঞ্চসু পুরুষাণামায়ুরিন্দ্রিয়মোজঃ সহো বলং বুদ্ধির্বিক্রম ইতি চ
সর্বেষামৌৎপত্তিকী সিদ্ধিরবিশেষেণ বর্ততে
০৫২০০০৭১ প্লক্ষঃ স্বসমানেনেক্ষুরসোদেনাবৃতো যথা তথা দ্বীপোঽপি শাল্মলো দ্বিগুণবিশালঃ সমানেন
সুরোদেনাবৃতঃ পরিবৃঙ্ক্তে
০৫২০০০৮১ যত্র হ বৈ শাল্মলী প্লক্ষায়ামা যস্যাং বাব কিল নিলয়মাহুর্ভগবতশ্ছন্দঃস্তুতঃ পতত্ত্রি
রাজস্য সা দ্বীপহূতয়ে উপলক্ষ্যতে
০৫২০০০৯১ তদ্দ্বীপাধিপতিঃ প্রিয়ব্রতাত্মজো যজ্ঞবাহুঃ স্বসুতেভ্যঃ সপ্তভ্যস্তন্নামানি সপ্তবর্ষাণি
ব্যভজৎসুরোচনং সৌমনস্যং রমণকং দেববর্ষং পারিভদ্রমাপ্যায়নমবিজ্ঞাতমিতি
০৫২০০১০১ তেষু বর্ষাদ্রয়ো নদ্যশ্চ সপ্তৈবাভিজ্ঞাতাঃ স্বরসঃ শতশৃঙ্গো বামদেবঃ কুন্দো মুকুন্দঃ পুষ্প
বর্ষঃ সহস্রশ্রুতিরিতি অনুমতিঃ সিনীবালী সরস্বতী কুহূ রজনী নন্দা রাকেতি
০৫২০০১১১ তদ্বর্ষপুরুষাঃ শ্রুতধরবীর্যধরবসুন্ধরেষন্ধরসংজ্ঞা ভগবন্তং বেদময়ং
সোমমাত্মানং বেদেন যজন্তে
০৫২০০১২১ স্বগোভিঃ পিতৃদেবেভ্যো বিভজন্কৃষ্ণশুক্লয়োঃ
০৫২০০১২২ প্রজানাং সর্বাসাং রাজা ন্ধঃ সোমো ন আস্ত্বিতি
০৫২০০১৩১ এবং সুরোদাদ্বহিস্তদ্দ্বিগুণঃ সমানেনাবৃতো ঘৃতোদেন যথাপূর্বঃ কুশদ্বীপো যস্মিন্কুশ
স্তম্বো দেবকৃতস্তদ্দ্বীপাখ্যাকরো জ্বলন ইবাপরঃ স্বশষ্পরোচিষা দিশো বিরাজয়তি
০৫২০০১৪১ তদ্দ্বীপপতিঃ প্রৈয়ব্রতো রাজন্হিরণ্যরেতা নাম স্বং দ্বীপং সপ্তভ্যঃ স্বপুত্রেভ্যো যথা
ভাগং বিভজ্য স্বয়ং তপ আতিষ্ঠত বসুবসুদানদৃঢরুচিনাভিগুপ্তস্তুত্যব্রতবিবিক্তবামদেব
নামভ্যঃ
০৫২০০১৫১ তেষাং বর্ষেষু সীমাগিরয়ো নদ্যশ্চাভিজ্ঞাতাঃ সপ্ত সপ্তৈব চক্রশ্চতুঃশৃঙ্গঃ কপিলশ্চিত্রকূটো
দেবানীক ঊর্ধ্বরোমা দ্রবিণ ইতি রসকুল্যা মধুকুল্যা মিত্রবিন্দা শ্রুতবিন্দা দেবগর্ভা ঘৃতচ্যুতা
মন্ত্রমালেতি
০৫২০০১৬১ যাসাং পয়োভিঃ কুশদ্বীপৌকসঃ কুশলকোবিদাভিয়ুক্তকুলকসংজ্ঞা ভগবন্তং জাতবেদ
সরূপিণং কর্মকৌশলেন যজন্তে
০৫২০০১৭১ পরস্য ব্রহ্মণঃ সাক্ষাজ্জাতবেদোঽসি হব্যবাট্
০৫২০০১৭২ দেবানাং পুরুষাঙ্গানাং যজ্ঞেন পুরুষং যজেতি
০৫২০০১৮১ তথা ঘৃতোদাদ্বহিঃ ক্রৌঞ্চদ্বীপো দ্বিগুণঃ স্বমানেন ক্ষীরোদেন পরিত উপকৢপ্তো বৃতো যথা
কুশদ্বীপো ঘৃতোদেন যস্মিন্ক্রৌঞ্চো নাম পর্বতরাজো দ্বীপনামনির্বর্তক আস্তে
০৫২০০১৯১ যোঽসৌ গুহপ্রহরণোন্মথিতনিতম্বকুঞ্জোঽপি ক্ষীরোদেনাসিচ্যমানো ভগবতা বরুণেনাভিগুপ্তো
বিভয়ো বভূব
০৫২০০২০১ তস্মিন্নপি প্রৈয়ব্রতো ঘৃতপৃষ্ঠো নামাধিপতিঃ স্বে দ্বীপে বর্ষাণি সপ্ত বিভজ্য তেষু পুত্রনামসু
সপ্ত রিক্থাদান্বর্ষপান্নিবেশ্য স্বয়ং ভগবান্ভগবতঃ পরমকল্যাণয়শস আত্মভূতস্য
হরেশ্চরণারবিন্দমুপজগাম
০৫২০০২১১ আমো মধুরুহো মেঘপৃষ্ঠঃ সুধামা ভ্রাজিষ্ঠো লোহিতার্ণো বনস্পতিরিতি ঘৃতপৃষ্ঠসুতাস্তেষাং
বর্ষগিরয়ঃ সপ্ত সপ্তৈব নদ্যশ্চাভিখ্যাতাঃ শুক্লো বর্ধমানো ভোজন উপবর্হিণো নন্দো নন্দনঃ
সর্বতোভদ্র ইতি অভয়া অমৃতৌঘা আর্যকা তীর্থবতী রূপবতী পবিত্রবতী শুক্লেতি
০৫২০০২২১ যাসামম্ভঃ পবিত্রমমলমুপয়ুঞ্জানাঃ পুরুষঋষভদ্রবিণদেবকসংজ্ঞা বর্ষপুরুষা
আপোময়ং দেবমপাং পূর্ণেনাঞ্জলিনা যজন্তে
০৫২০০২৩১ আপঃ পুরুষবীর্যাঃ স্থ পুনন্তীর্ভূর্ভুবঃসুবঃ
০৫২০০২৩২ তা নঃ পুনীতামীবঘ্নীঃ স্পৃশতামাত্মনা ভুব ইতি
০৫২০০২৪১ এবং পুরস্তাৎক্ষীরোদাৎপরিত উপবেশিতঃ শাকদ্বীপো দ্বাত্রিংশল্লক্ষয়োজনায়ামঃ সমানেন চ
দধিমণ্ডোদেন পরীতো যস্মিন্শাকো নাম মহীরুহঃ স্বক্ষেত্রব্যপদেশকো যস্য হ মহাসুরভি
গন্ধস্তং দ্বীপমনুবাসয়তি
০৫২০০২৫১ তস্যাপি প্রৈয়ব্রত এবাধিপতির্নাম্না মেধাতিথিঃ সোঽপি বিভজ্য সপ্ত বর্ষাণি পুত্রনামানি তেষু
স্বাত্মজান্পুরোজবমনোজবপবমানধূম্রানীকচিত্ররেফবহুরূপবিশ্বধার
সংজ্ঞান্নিধাপ্যাধিপতীন্স্বয়ং ভগবত্যনন্ত আবেশিতমতিস্তপোবনং প্রবিবেশ
০৫২০০২৬১ এতেষাং বর্ষমর্যাদাগিরয়ো নদ্যশ্চ সপ্ত সপ্তৈব ঈশান উরুশৃঙ্গো বলভদ্রঃ শতকেসরঃ
সহস্রস্রোতো দেবপালো মহানস ইতি অনঘায়ুর্দা উভয়স্পৃষ্টিরপরাজিতা পঞ্চপদী সহস্রস্রুতির্নিজধৃতিরিতি
০৫২০০২৭১ তদ্বর্ষপুরুষা ঋতব্রতসত্যব্রতদানব্রতানুব্রতনামানো ভগবন্তং বায়্বাত্মকং
প্রাণায়ামবিধূতরজস্তমসঃ পরমসমাধিনা যজন্তে
০৫২০০২৮১ অন্তঃপ্রবিশ্য ভূতানি যো বিভর্ত্যাত্মকেতুভিঃ
০৫২০০২৮২ অন্তর্যামীশ্বরঃ সাক্ষাৎপাতু নো যদ্বশে স্ফুটম্
০৫২০০২৯১ এবমেব দধিমণ্ডোদাৎপরতঃ পুষ্করদ্বীপস্ততো দ্বিগুণায়ামঃ সমন্তত উপকল্পিতঃ
সমানেন স্বাদূদকেন সমুদ্রেণ বহিরাবৃতো যস্মিন্বৃহৎপুষ্করং জ্বলনশিখামলকনক
পত্রায়ুতায়ুতং ভগবতঃ কমলাসনস্যাধ্যাসনং পরিকল্পিতম্
০৫২০০৩০১ তদ্দ্বীপমধ্যে মানসোত্তরনামৈক এবার্বাচীনপরাচীনবর্ষয়োর্মর্যাদাচলোঽযুত
যোজনোচ্ছ্রায়ায়ামো যত্র তু চতসৃষু দিক্ষু চৎবারি পুরাণি লোকপালানামিন্দ্রাদীনাং যদুপরিষ্টাৎসূর্য
রথস্য মেরুং পরিভ্রমতঃ সংবৎসরাত্মকং চক্রং দেবানামহোরাত্রাভ্যাং পরিভ্রমতি
০৫২০০৩১১ তদ্দ্বীপস্যাপ্যধিপতিঃ প্রৈয়ব্রতো বীতিহোত্রো নামৈতস্যাত্মজৌ রমণকধাতকিনামানৌ বর্ষ
পতী নিয়ুজ্য স স্বয়ং পূর্বজবদ্ভগবৎকর্মশীল এবাস্তে
০৫২০০৩২১ তদ্বর্ষপুরুষা ভগবন্তং ব্রহ্মরূপিণং সকর্মকেণ কর্মণারাধয়ন্তীদং চোদাহরন্তি
০৫২০০৩৩১ যত্তৎকর্মময়ং লিঙ্গং ব্রহ্মলিঙ্গং জনোঽর্চয়েৎ
০৫২০০৩৩২ একান্তমদ্বয়ং শান্তং তস্মৈ ভগবতে নম ইতি
০৫২০০৩৪১ ততঃ পরস্তাল্লোকালোকনামাচলো লোকালোকয়োরন্তরালে পরিত উপক্ষিপ্তঃ
০৫২০০৩৫১ যাবন্মানসোত্তরমের্বোরন্তরং তাবতী ভূমিঃ কাঞ্চন্যন্যাদর্শতলোপমা যস্যাং প্রহিতঃ
পদার্থো ন কথঞ্চিৎপুনঃ প্রত্যুপলভ্যতে তস্মাৎসর্বসত্ত্বপরিহৃতাসীৎ
০৫২০০৩৬১ লোকালোক ইতি সমাখ্যা যদনেনাচলেন লোকালোকস্যান্তর্বর্তিনাবস্থাপ্যতে
০৫২০০৩৭১ স লোকত্রয়ান্তে পরিত ঈশ্বরেণ বিহিতো যস্মাৎসূর্যাদীনাং ধ্রুবাপবর্গাণাং জ্যোতির্গণানাং
গভস্তয়োঽর্বাচীনাংস্ত্রীন্লোকানাবিতন্বানা ন কদাচিৎপরাচীনা ভবিতুমুৎসহন্তে তাবদুন্নহনায়ামঃ
০৫২০০৩৮১ এতাবান্লোকবিন্যাসো মানলক্ষণসংস্থাভির্বিচিন্তিতঃ কবিভিঃ স তু পঞ্চাশৎকোটিগণিতস্য ভূ
গোলস্য তুরীয়ভাগোঽযং লোকালোকাচলঃ
০৫২০০৩৯১ তদুপরিষ্টাচ্চতসৃষ্বাশাস্বাত্ময়োনিনাখিলজগদ্গুরুণাধিনিবেশিতা যে দ্বিরদপতয় ঋষভঃ
পুষ্করচূডো বামনোঽপরাজিত ইতি সকললোকস্থিতিহেতবঃ
০৫২০০৪০১ তেষাং স্ববিভূতীনাং লোকপালানাং চ বিবিধবীর্যোপবৃংহণায় ভগবান্পরমমহাপুরুষো
মহাবিভূতিপতিরন্তর্যাম্যাত্মনো বিশুদ্ধসত্ত্বং ধর্মজ্ঞানবৈরাগ্যৈশ্বর্যাদ্যষ্টমহাসিদ্ধ্য্
উপলক্ষণং বিষ্বক্সেনাদিভিঃ স্বপার্ষদপ্রবরৈঃ পরিবারিতো নিজবরায়ুধোপশোভিতৈর্নিজভুজদণ্ডৈঃ
সন্ধারয়মাণস্তস্মিন্গিরিবরে সমন্তাৎসকললোকস্বস্তয় আস্তে
০৫২০০৪১১ আকল্পমেবং বেষং গত এষ ভগবানাত্ময়োগমায়য়া বিরচিতবিবিধলোকয়াত্রা
গোপীয়ায়েত্যর্থঃ
০৫২০০৪২১ যোঽন্তর্বিস্তার এতেন হ্যলোকপরিমাণং চ ব্যাখ্যাতং যদ্বহির্লোকালোকাচলাত্ততঃ
পরস্তাদ্যোগেশ্বরগতিং বিশুদ্ধামুদাহরন্তি
০৫২০০৪৩১ অণ্ডমধ্যগতঃ সূর্যো দ্যাবাভূম্যোর্যদন্তরম্
০৫২০০৪৩২ সূর্যাণ্ডগোলয়োর্মধ্যে কোট্যঃ স্যুঃ পঞ্চবিংশতিঃ
০৫২০০৪৪১ মৃতেঽণ্ড এষ এতস্মিন্যদভূত্ততো মার্তণ্ড ইতি ব্যপদেশঃ হিরণ্যগর্ভ ইতি যদ্ধিরণ্যাণ্ড
সমুদ্ভবঃ
০৫২০০৪৫১ সূর্যেণ হি বিভজ্যন্তে দিশঃ খং দ্যৌর্মহী ভিদা
০৫২০০৪৫২ স্বর্গাপবর্গৌ নরকা রসৌকাংসি চ সর্বশঃ
০৫২০০৪৬১ দেবতির্যঙ্মনুষ্যাণাং সরীসৃপসবীরুধাম্
০৫২০০৪৬২ সর্বজীবনিকায়ানাং সূর্য আত্মা দৃগীশ্বরঃ
০৫২১০০১০ শ্রীশুক উবাচ
০৫২১০০১১ এতাবানেব ভূবলয়স্য সন্নিবেশঃ প্রমাণলক্ষণতো ব্যাখ্যাতঃ
০৫২১০০২১ এতেন হি দিবো মণ্ডলমানং তদ্বিদ উপদিশন্তি যথা দ্বিদলয়োর্নিষ্পাবাদীনাং তে
অন্তরেণান্তরিক্ষং তদুভয়সন্ধিতম্
০৫২১০০৩১ যন্মধ্যগতো ভগবাংস্তপতাং পতিস্তপন আতপেন ত্রিলোকীং প্রতপত্যবভাসয়ত্যাত্ম
ভাসা স এষ উদগয়নদক্ষিণায়নবৈষুবতসংজ্ঞাভির্মান্দ্যশৈঘ্র্য
সমানাভির্গতিভিরারোহণাবরোহণসমানস্থানেষু যথাসবনমভিপদ্যমানো মকরাদিষু
রাশিষ্বহোরাত্রাণি দীর্ঘহ্রস্বসমানানি বিধত্তে
০৫২১০০৪১ যদা মেষতুলয়োর্বর্ততে তদাহোরাত্রাণি সমানানি ভবন্তি যদা বৃষভাদিষু পঞ্চসু চ রাশিষু
চরতি তদাহান্যেব বর্ধন্তে হ্রসতি চ মাসি মাস্যেকৈকা ঘটিকা রাত্রিষু
০৫২১০০৫১ যদা বৃশ্চিকাদিষু পঞ্চসু বর্ততে তদাহোরাত্রাণি বিপর্যয়াণি ভবন্তি
০৫২১০০৬১ যাবদ্দক্ষিণায়নমহানি বর্ধন্তে যাবদুদগয়নং রাত্রয়ঃ
০৫২১০০৭১ এবং নব কোটয় একপঞ্চাশল্লক্ষাণি যোজনানাং মানসোত্তরগিরিপরিবর্তনস্যোপদিশন্তি
তস্মিন্নৈন্দ্রীং পুরীং পূর্বস্মান্মেরোর্দেবধানীং নাম দক্ষিণতো যাম্যাং সংযমনীং নাম
পশ্চাদ্বারুণীং নিম্লোচনীং নাম উত্তরতঃ সৌম্যাং বিভাবরীং নাম তাসূদয়মধ্যাহ্নাস্তময়
নিশীথানীতি ভূতানাং প্রবৃত্তিনিবৃত্তিনিমিত্তানি সময়বিশেষেণ মেরোশ্চতুর্দিশম্
০৫২১০০৮১ তত্রত্যানাং দিবসমধ্যঙ্গত এব সদাদিত্যস্তপতি সব্যেনাচলং দক্ষিণেন করোতি
০৫২১০০৯১ যত্রোদেতি তস্য হ সমানসূত্রনিপাতে নিম্লোচতি যত্র ক্বচন স্যন্দেনাভিতপতি তস্য হৈষ সমান
সূত্রনিপাতে প্রস্বাপয়তি তত্র গতং ন পশ্যন্তি যে তং সমনুপশ্যেরন্
০৫২১০১০১ যদা চৈন্দ্র্যাঃ পুর্যাঃ প্রচলতে পঞ্চদশঘটিকাভির্যাম্যাং সপাদকোটিদ্বয়ং যোজনানাং
সার্ধদ্বাদশলক্ষাণি সাধিকানি চোপয়াতি
০৫২১০১১১ এবং ততো বারুণীং সৌম্যামৈন্দ্রীং চ পুনস্তথান্যে চ গ্রহাঃ সোমাদয়ো নক্ষত্রৈঃ সহ জ্যোতিশ্
চক্রে সমভ্যুদ্যন্তি সহ বা নিম্লোচন্তি
০৫২১০১২১ এবং মুহূর্তেন চতুস্ত্রিংশল্লক্ষয়োজনান্যষ্টশতাধিকানি সৌরো রথস্ত্রয়ীময়োঽসৌ চতসৃষু
পরিবর্ততে পুরীষু
০৫২১০১৩১ যস্যৈকং চক্রং দ্বাদশারং ষণ্নেমি ত্রিণাভি সংবৎসরাত্মকং সমামনন্তি তস্যাক্ষো
মেরোর্মূর্ধনি কৃতো মানসোত্তরে কৃতেতরভাগো যত্র প্রোতং রবিরথচক্রং তৈলয়ন্ত্র
চক্রবদ্ভ্রমন্মানসোত্তরগিরৌ পরিভ্রমতি
০৫২১০১৪১ তস্মিন্নক্ষে কৃতমূলো দ্বিতীয়োঽক্ষস্তুর্যমানেন সম্মিতস্তৈলয়ন্ত্রাক্ষবদ্ধ্রুবে কৃতোপরি
ভাগঃ
০৫২১০১৫১ রথনীডস্তু ষট্ত্রিংশল্লক্ষয়োজনায়তস্তত্তুরীয়ভাগবিশালস্তাবান্রবিরথয়ুগো যত্র
হয়াশ্ছন্দোনামানঃ সপ্তারুণয়োজিতা বহন্তি দেবমাদিত্যম্
০৫২১০১৬১ পুরস্তাৎসবিতুররুণঃ পশ্চাচ্চ নিয়ুক্তঃ সৌত্যে কর্মণি কিলাস্তে
০৫২১০১৭১ তথা বালিখিল্যা ঋষয়োঽঙ্গুষ্ঠপর্বমাত্রাঃ ষষ্টিসহস্রাণি পুরতঃ সূর্যং সূক্তবাকায় নিয়ুক্তাঃ
সংস্তুবন্তি
০৫২১০১৮১ তথান্যে চ ঋষয়ো গন্ধর্বাপ্সরসো নাগা গ্রামণ্যো যাতুধানা দেবা ইত্যেকৈকশো গণাঃ সপ্ত
চতুর্দশ মাসি মাসি ভগবন্তং সূর্যমাত্মানং নানানামানং পৃথঙ্নানানামানঃ পৃথক্
কর্মভির্দ্বন্দ্বশ উপাসতে
০৫২২০০১০ রাজোবাচ
০৫২২০০১১ যদেতদ্ভগবত আদিত্যস্য মেরুং ধ্রুবং চ প্রদক্ষিণেন পরিক্রামতো রাশীনামভিমুখং
প্রচলিতং চাপ্রদক্ষিণং ভগবতোপবর্ণিতমমুষ্য বয়ং কথমনুমিমীমহীতি
০৫২২০০২০ স হোবাচ
০৫২২০০২১ যথা কুলালচক্রেণ ভ্রমতা সহ ভ্রমতাং তদাশ্রয়াণাং পিপীলিকাদীনাং গতিরন্যৈব
প্রদেশান্তরেষ্বপ্যুপলভ্যমানৎবাদেবং নক্ষত্ররাশিভিরুপলক্ষিতেন কালচক্রেণ ধ্রুবং মেরুং চ
প্রদক্ষিণেন পরিধাবতা সহ পরিধাবমানানাং তদাশ্রয়াণাং সূর্যাদীনাং গ্রহাণাং গতিরন্যৈব
নক্ষত্রান্তরে রাশ্যন্তরে চোপলভ্যমানৎবাৎ
০৫২২০০৩১ স এষ ভগবানাদিপুরুষ এব সাক্ষান্নারায়ণো লোকানাং স্বস্তয় আত্মানং ত্রয়ীময়ং কর্ম
বিশুদ্ধিনিমিত্তং কবিভিরপি চ বেদেন বিজিজ্ঞাস্যমানো দ্বাদশধা বিভজ্য ষট্সু বসন্তাদিষ্বৃতুষু যথোপ
জোষমৃতুগুণান্বিদধাতি
০৫২২০০৪১ তমেতমিহ পুরুষাস্ত্রয়্যা বিদ্যয়া বর্ণাশ্রমাচারানুপথা উচ্চাবচৈঃ কর্মভিরাম্নাতৈর্যোগ
বিতানৈশ্চ শ্রদ্ধয়া যজন্তোঽঞ্জসা শ্রেয়ঃ সমধিগচ্ছন্তি
০৫২২০০৫১ অথ স এষ আত্মা লোকানাং দ্যাবাপৃথিব্যোরন্তরেণ নভোবলয়স্য কালচক্রগতো দ্বাদশ
মাসান্ভুঙ্ক্তে রাশিসংজ্ঞান্সংবৎসরাবয়বান্মাসঃ পক্ষদ্বয়ং দিবা নক্তং চেতি সপাদর্ক্ষ
দ্বয়মুপদিশন্তি যাবতা ষষ্ঠমংশং ভুঞ্জীত স বৈ ঋতুরিত্যুপদিশ্যতে সংবৎসরাবয়বঃ
০৫২২০০৬১ অথ চ যাবতার্ধেন নভোবীথ্যাং প্রচরতি তং কালময়নমাচক্ষতে
০৫২২০০৭১ অথ চ যাবন্নভোমণ্ডলং সহ দ্যাবাপৃথিব্যোর্মণ্ডলাভ্যাং কার্ত্স্ন্যেন স হ ভুঞ্জীত তং
কালং সংবৎসরং পরিবৎসরমিডাবৎসরমনুবৎসরং বৎসরমিতি ভানোর্মান্দ্যশৈঘ্র্যসম
গতিভিঃ সমামনন্তি
০৫২২০০৮১ এবং চন্দ্রমা অর্কগভস্তিভ্য উপরিষ্টাল্লক্ষয়োজনত উপলভ্যমানোঽর্কস্য সংবৎসর
ভুক্তিং পক্ষাভ্যাং মাসভুক্তিং সপাদর্ক্ষাভ্যাং দিনেনৈব পক্ষভুক্তিমগ্রচারী দ্রুততরগমনো
ভুঙ্ক্তে
০৫২২০০৯১ অথ চাপূর্যমাণাভিশ্চ কলাভিরমরাণাং ক্ষীয়মাণাভিশ্চ কলাভিঃ পিৎণামহোরাত্রাণি পূর্ব
পক্ষাপরপক্ষাভ্যাং বিতন্বানঃ সর্বজীবনিবহপ্রাণো জীবশ্চৈকমেকং নক্ষত্রং ত্রিংশতা
মুহূর্তৈর্ভুঙ্ক্তে
০৫২২০১০১ য এষ ষোডশকলঃ পুরুষো ভগবান্মনোময়োঽন্নময়োঽমৃতময়ো দেবপিতৃমনুষ্যভূতপশু
পক্ষিসরীসৃপবীরুধাং প্রাণাপ্যায়নশীলৎবাৎসর্বময় ইতি বর্ণয়ন্তি
০৫২২০১১১ তত উপরিষ্টাদ্দ্বিলক্ষয়োজনতো নক্ষত্রাণি মেরুং দক্ষিণেনৈব কালায়ন ঈশ্বরয়োজিতানি
সহাভিজিতাষ্টাবিংশতিঃ
০৫২২০১২১ তত উপরিষ্টাদুশনা দ্বিলক্ষয়োজনত উপলভ্যতে পুরতঃ পশ্চাৎসহৈব বার্কস্য শৈঘ্র্য
মান্দ্যসাম্যাভির্গতিভিরর্কবচ্চরতি লোকানাং নিত্যদানুকূল এব প্রায়েণ বর্ষয়ংশ্চারেণানুমীয়তে স
বৃষ্টিবিষ্টম্ভগ্রহোপশমনঃ
০৫২২০১৩১ উশনসা বুধো ব্যাখ্যাতস্তত উপরিষ্টাদ্দ্বিলক্ষয়োজনতো বুধঃ সোমসুত উপলভ্যমানঃ
প্রায়েণ শুভকৃদ্যদার্কাদ্ব্যতিরিচ্যেত তদাতিবাতাভ্রপ্রায়ানাবৃষ্ট্যাদিভয়মাশংসতে
০৫২২০১৪১ অত ঊর্ধ্বমঙ্গারকোঽপি যোজনলক্ষদ্বিতয় উপলভ্যমানস্ত্রিভিস্ত্রিভিঃ পক্ষৈরেকৈকশো
রাশীন্দ্বাদশানুভুঙ্ক্তে যদি ন বক্রেণাভিবর্ততে প্রায়েণাশুভগ্রহোঽঘশংসঃ
০৫২২০১৫১ তত উপরিষ্টাদ্দ্বিলক্ষয়োজনান্তরগতা ভগবান্বৃহস্পতিরেকৈকস্মিন্রাশৌ পরিবৎসরং
পরিবৎসরং চরতি যদি ন বক্রঃ স্যাৎপ্রায়েণানুকূলো ব্রাহ্মণকুলস্য
০৫২২০১৬১ তত উপরিষ্টাদ্যোজনলক্ষদ্বয়াৎপ্রতীয়মানঃ শনৈশ্চর একৈকস্মিন্রাশৌ
ত্রিংশন্মাসান্বিলম্বমানঃ সর্বানেবানুপর্যেতি তাবদ্ভিরনুবৎসরৈঃ প্রায়েণ হি সর্বেষামশান্তিকরঃ
০৫২২০১৭১ তত উত্তরস্মাদৃষয় একাদশলক্ষয়োজনান্তর উপলভ্যন্তে য এব লোকানাং শমনুভাবয়ন্তো
ভগবতো বিষ্ণোর্যৎপরমং পদং প্রদক্ষিণং প্রক্রমন্তি
০৫২৩০০১০ শ্রীশুক উবাচ
০৫২৩০০১১ অথ তস্মাৎপরতস্ত্রয়োদশলক্ষয়োজনান্তরতো যত্তদ্বিষ্ণোঃ পরমং পদমভিবদন্তি যত্র
হ মহাভাগবতো ধ্রুব ঔত্তানপাদিরগ্নিনেন্দ্রেণ প্রজাপতিনা কশ্যপেন ধর্মেণ চ সমকালয়ুগ্ভিঃ
সবহুমানং দক্ষিণতঃ ক্রিয়মাণ ইদানীমপি কল্পজীবিনামাজীব্য উপাস্তে তস্যেহানুভাব উপবর্ণিতঃ
০৫২৩০০২১ স হি সর্বেষাং জ্যোতির্গণানাং গ্রহনক্ষত্রাদীনামনিমিষেণাব্যক্তরংহসা ভগবতা কালেন
ভ্রাম্যমাণানাং স্থাণুরিবাবষ্টম্ভ ঈশ্বরেণ বিহিতঃ শশ্বদবভাসতে
০৫২৩০০৩১ যথা মেঢীস্তম্ভ আক্রমণপশবঃ সংযোজিতাস্ত্রিভিস্ত্রিভিঃ সবনৈর্যথাস্থানং মণ্ডলানি
চরন্ত্যেবং ভগণা গ্রহাদয় এতস্মিন্নন্তর্বহির্যোগেন কালচক্র আয়োজিতা ধ্রুবমেবাবলম্ব্য
বায়ুনোদীর্যমাণা আকল্পান্তং পরিচঙ্ক্রমন্তি নভসি যথা মেঘাঃ শ্যেনাদয়ো বায়ুবশাঃ কর্মসারথয়ঃ
পরিবর্তন্তে এবং জ্যোতির্গণাঃ প্রকৃতিপুরুষসংযোগানুগৃহীতাঃ কর্মনির্মিতগতয়ো ভুবি ন পতন্তি
০৫২৩০০৪১ কেচনৈতজ্জ্যোতিরনীকং শিশুমারসংস্থানেন ভগবতো বাসুদেবস্য যোগ
ধারণায়ামনুবর্ণয়ন্তি
০৫২৩০০৫১ যস্য পুচ্ছাগ্রেঽবাক্ষিরসঃ কুণ্ডলীভূতদেহস্য ধ্রুব উপকল্পিতস্তস্য লাঙ্গূলে
প্রজাপতিরগ্নিরিন্দ্রো ধর্ম ইতি পুচ্ছমূলে ধাতা বিধাতা চ কট্যাং সপ্তর্ষয়ঃ তস্য দক্ষিণাবর্তকুণ্ডলী
ভূতশরীরস্য যান্যুদগয়নানি দক্ষিণপার্শ্বে তু নক্ষত্রাণ্যুপকল্পয়ন্তি দক্ষিণায়নানি তু সব্যে যথা
শিশুমারস্য কুণ্ডলাভোগসন্নিবেশস্য পার্শ্বয়োরুভয়োরপ্যবয়বাঃ সমসঙ্খ্যা ভবন্তি পৃষ্ঠে
ৎবজবীথী আকাশগঙ্গা চোদরতঃ
০৫২৩০০৬১ পুনর্বসুপুষ্যৌ দক্ষিণবাময়োঃ শ্রোণ্যোরার্দ্রাশ্লেষে চ দক্ষিণবাময়োঃ পশ্চিময়োঃ
পাদয়োরভিজিদুত্তরাষাঢে দক্ষিণবাময়োর্নাসিকয়োর্যথাসঙ্খ্যং শ্রবণপূর্বাষাঢে দক্ষিণ
বাময়োর্লোচনয়োর্ধনিষ্ঠা মূলং চ দক্ষিণবাময়োঃ কর্ণয়োর্মঘাদীন্যষ্ট নক্ষত্রাণি দক্ষিণায়নানি
বামপার্শ্ববঙ্ক্রিষু যুঞ্জীত তথৈব মৃগশীর্ষাদীন্যুদগয়নানি দক্ষিণপার্শ্ববঙ্ক্রিষু প্রাতিলোম্যেন
প্রয়ুঞ্জীত শতভিষাজ্যেষ্ঠে স্কন্ধয়োর্দক্ষিণবাময়োর্ন্যসেৎ
০৫২৩০০৭১ উত্তরাহনাবগস্তিরধরাহনৌ যমো মুখেষু চাঙ্গারকঃ শনৈশ্চর উপস্থে বৃহস্পতিঃ ককুদি
বক্ষস্যাদিত্যো হৃদয়ে নারায়ণো মনসি চন্দ্রো নাভ্যামুশনা স্তনয়োরশ্বিনৌ বুধঃ প্রাণাপানয়ো
রাহুর্গলে কেতবঃ সর্বাঙ্গেষু রোমসু সর্বে তারাগণাঃ
০৫২৩০০৮১ এতদু হৈব ভগবতো বিষ্ণোঃ সর্বদেবতাময়ং রূপমহরহঃ সন্ধ্যায়াং প্রয়তো বাগ্যতো
নিরীক্ষমাণ উপতিষ্ঠেত নমো জ্যোতির্লোকায় কালায়নায়ানিমিষাং পতয়ে মহাপুরুষায়াভিধীমহীতি
০৫২৩০০৯১ গ্রহর্ক্ষতারাময়মাধিদৈবিকং পাপাপহং মন্ত্রকৃতাং ত্রিকালম্
০৫২৩০০৯২ নমস্যতঃ স্মরতো বা ত্রিকালং নশ্যেত তৎকালজমাশু পাপম্
০৫২৪০০১০ শ্রীশুক উবাচ
০৫২৪০০১১ অধস্তাৎসবিতুর্যোজনায়ুতে স্বর্ভানুর্নক্ষত্রবচ্চরতীত্যেকে যোঽসাবমরৎবং গ্রহৎবং
চালভত ভগবদনুকম্পয়া স্বয়মসুরাপসদঃ সৈংহিকেয়ো হ্যতদর্হস্তস্য তাত জন্ম কর্মাণি
চোপরিষ্টাদ্বক্ষ্যামঃ
০৫২৪০০২১ যদদস্তরণের্মণ্ডলং প্রতপতস্তদ্বিস্তরতো যোজনায়ুতমাচক্ষতে দ্বাদশসহস্রং
সোমস্য ত্রয়োদশসহস্রং রাহোর্যঃ পর্বণি তদ্ব্যবধানকৃদ্বৈরানুবন্ধঃ সূর্যা
চন্দ্রমসাবভিধাবতি
০৫২৪০০৩১ তন্নিশম্যোভয়ত্রাপি ভগবতা রক্ষণায় প্রয়ুক্তং সুদর্শনং নাম ভাগবতং
দয়িতমস্ত্রং তত্তেজসা দুর্বিষহং মুহুঃ পরিবর্তমানমভ্যবস্থিতো মুহূর্তমুদ্বিজমানশ্চকিত
হৃদয় আরাদেব নিবর্ততে তদুপরাগমিতি বদন্তি লোকাঃ
০৫২৪০০৪১ ততোঽধস্তাৎসিদ্ধচারণবিদ্যাধরাণাং সদনানি তাবন্মাত্র এব
০৫২৪০০৫১ ততোঽধস্তাদ্যক্ষরক্ষঃপিশাচপ্রেতভূতগণানাং বিহারাজিরমন্তরিক্ষং যাবদ্বায়ুঃ প্রবাতি
যাবন্মেঘা উপলভ্যন্তে
০৫২৪০০৬১ ততোঽধস্তাচ্ছতয়োজনান্তর ইয়ং পৃথিবী যাবদ্ধংসভাসশ্যেনসুপর্ণাদয়ঃ পতত্ত্রি
প্রবরা উৎপতন্তীতি
০৫২৪০০৭১ উপবর্ণিতং ভূমের্যথাসন্নিবেশাবস্থানমবনেরপ্যধস্তাৎসপ্ত ভূবিবরা একৈকশো
যোজনায়ুতান্তরেণায়ামবিস্তারেণোপকৢপ্তা অতলং বিতলং সুতলং তলাতলং মহাতলং রসাতলং পাতালমিতি
০৫২৪০০৮১ এতেষু হি বিলস্বর্গেষু স্বর্গাদপ্যধিককামভোগৈশ্বর্যানন্দভূতিবিভূতিভিঃ সুসমৃদ্ধ
ভবনোদ্যানাক্রীডবিহারেষু দৈত্যদানবকাদ্রবেয়া নিত্যপ্রমুদিতানুরক্তকলত্রাপত্যবন্ধুসুহৃদ্
অনুচরা গৃহপতয় ঈশ্বরাদপ্যপ্রতিহতকামা মায়াবিনোদা নিবসন্তি
০৫২৪০০৯১ যেষু মহারাজ ময়েন মায়াবিনা বিনির্মিতাঃ পুরো নানামণিপ্রবরপ্রবেকবিরচিতবিচিত্রভবন
প্রাকারগোপুরসভাচৈত্যচৎবরায়তনাদিভির্নাগাসুরমিথুনপারাবতশুকসারিকাকীর্ণকৃত্রিম
ভূমিভির্বিবরেশ্বরগৃহোত্তমৈঃ সমলঙ্কৃতাশ্চকাসতি
০৫২৪০১০১ উদ্যানানি চাতিতরাং মনৈন্দ্রিয়ানন্দিভিঃ কুসুমফলস্তবকসুভগকিসলয়াবনতরুচির
বিটপবিটপিনাং লতাঙ্গালিঙ্গিতানাং শ্রীভিঃ সমিথুনবিবিধবিহঙ্গমজলাশয়ানামমলজলপূর্ণানাং
ঝষকুলোল্লঙ্ঘনক্ষুভিতনীরনীরজকুমুদকুবলয়কহ্লারনীলোৎপললোহিতশতপত্রাদিবনেষু কৃত
নিকেতনানামেকবিহারাকুলমধুরবিবিধস্বনাদিভিরিন্দ্রিয়োৎসবৈরমরলোকশ্রিয়মতিশয়িতানি
০৫২৪০১১১ যত্র হ বাব ন ভয়মহোরাত্রাদিভিঃ কালবিভাগৈরুপলক্ষ্যতে
০৫২৪০১২১ যত্র হি মহাহিপ্রবরশিরোমণয়ঃ সর্বং তমঃ প্রবাধন্তে
০৫২৪০১৩১ ন বা এতেষু বসতাং দিব্যৌষধিরসরসায়নান্নপানস্নানাদিভিরাধয়ো ব্যাধয়ো বলীপলিত
জরাদয়শ্চ দেহবৈবর্ণ্যদৌর্গন্ধ্যস্বেদক্লমগ্লানিরিতি বয়োঽবস্থাশ্চ ভবন্তি
০৫২৪০১৪১ ন হি তেষাং কল্যাণানাং প্রভবতি কুতশ্চন মৃত্যুর্বিনা ভগবত্তেজসশ্চক্রাপদেশাৎ
০৫২৪০১৫১ যস্মিন্প্রবিষ্টেঽসুরবধূনাং প্রায়ঃ পুংসবনানি ভয়াদেব স্রবন্তি পতন্তি চ
০৫২৪০১৬১ অথাতলে ময়পুত্রোঽসুরো বলো নিবসতি যেন হ বা ইহ সৃষ্টাঃ ষণ্ণবতির্মায়াঃ কাশ্চনাদ্যাপি
মায়াবিনো ধারয়ন্তি যস্য চ জৃম্ভমাণস্য মুখতস্ত্রয়ঃ স্ত্রীগণা উদপদ্যন্ত স্বৈরিণ্যঃ কামিন্যঃ
পুংশ্চল্য ইতি যা বৈ বিলায়নং প্রবিষ্টং পুরুষং রসেন হাটকাখ্যেন সাধয়িৎবা স্ববিলাসাবলোকনানুরাগ
স্মিতসংলাপোপগূহনাদিভিঃ স্বৈরং কিল রময়ন্তি যস্মিন্নুপয়ুক্তে পুরুষ ঈশ্বরোঽহং সিদ্ধো
ঽহমিত্যয়ুতমহাগজবলমাত্মানমভিমন্যমানঃ কত্থতে মদান্ধ ইব
০৫২৪০১৭১ ততোঽধস্তাদ্বিতলে হরো ভগবান্হাটকেশ্বরঃ স্বপার্ষদভূতগণাবৃতঃ প্রজাপতি
সর্গোপবৃংহণায় ভবো ভবান্যা সহ মিথুনীভূত আস্তে যতঃ প্রবৃত্তা সরিৎপ্রবরা হাটকী নাম
ভবয়োর্বীর্যেণ যত্র চিত্রভানুর্মাতরিশ্বনা সমিধ্যমান ওজসা পিবতি তন্নিষ্ঠ্যূতং হাটকাখ্যং
সুবর্ণং ভূষণেনাসুরেন্দ্রাবরোধেষু পুরুষাঃ সহ পুরুষীভির্ধারয়ন্তি
০৫২৪০১৮১ ততোঽধস্তাৎসুতলে উদারশ্রবাঃ পুণ্যশ্লোকো বিরোচনাত্মজো বলির্ভগবতা মহেন্দ্রস্য প্রিয়ং
চিকীর্ষমাণেনাদিতের্লব্ধকায়ো ভূৎবা বটুবামনরূপেণ পরাক্ষিপ্তলোকত্রয়ো ভগবদনুকম্পয়ৈব
পুনঃ প্রবেশিত ইন্দ্রাদিষ্ববিদ্যমানয়া সুসমৃদ্ধয়া শ্রিয়াভিজুষ্টঃ স্বধর্মেণারাধয়ংস্তমেব
ভগবন্তমারাধনীয়মপগতসাধ্বস আস্তেঽধুনাপি
০৫২৪০১৯১ নো এবৈতৎসাক্ষাৎকারো ভূমিদানস্য যত্তদ্ভগবত্যশেষজীবনিকায়ানাং জীবভূতাত্মভূতে
পরমাত্মনি বাসুদেবে তীর্থতমে পাত্র উপপন্নে পরয়া শ্রদ্ধয়া পরমাদরসমাহিতমনসা
সম্প্রতিপাদিতস্য সাক্ষাদপবর্গদ্বারস্য যদ্বিলনিলয়ৈশ্বর্যম্
০৫২৪০২০১ যস্য হ বাব ক্ষুতপতনপ্রস্খলনাদিষু বিবশঃ সকৃন্নামাভিগৃণন্পুরুষঃ কর্ম
বন্ধনমঞ্জসা বিধুনোতি যস্য হৈব প্রতিবাধনং মুমুক্ষবোঽন্যথৈবোপলভন্তে
০৫২৪০২১১ তদ্ভক্তানামাত্মবতাং সর্বেষামাত্মন্যাত্মদ আত্মতয়ৈব
০৫২৪০২২১ ন বৈ ভগবান্নূনমমুষ্যানুজগ্রাহ যদুত পুনরাত্মানুস্মৃতিমোষণং মায়াময়
ভোগৈশ্বর্যমেবাতনুতেতি
০৫২৪০২৩১ যত্তদ্ভগবতানধিগতান্যোপায়েন যাচ্ঞাচ্ছলেনাপহৃতস্বশরীরাবশেষিতলোকত্রয়ো বরুণ
পাশৈশ্চ সম্প্রতিমুক্তো গিরিদর্যাং চাপবিদ্ধ ইতি হোবাচ
০৫২৪০২৪১ নূনং বতায়ং ভগবানর্থেষু ন নিষ্ণাতো যোঽসাবিন্দ্রো যস্য সচিবো মন্ত্রায় বৃত একান্ততো
বৃহস্পতিস্তমতিহায় স্বয়মুপেন্দ্রেণাত্মানময়াচতাত্মনশ্চাশিষো নো এব তদ্দাস্যমতিগম্ভীর
বয়সঃ কালস্য মন্বন্তরপরিবৃত্তং কিয়ল্লোকত্রয়মিদম্
০৫২৪০২৫১ যস্যানুদাস্যমেবাস্মৎপিতামহঃ কিল বব্রে ন তু স্বপিত্র্যং যদুতাকুতোভয়ং পদং
দীয়মানং ভগবতঃ পরমিতি ভগবতোপরতে খলু স্বপিতরি
০৫২৪০২৬১ তস্য মহানুভাবস্যানুপথমমৃজিতকষায়ঃ কো বাস্মদ্বিধঃ পরিহীণভগবদনুগ্রহ
উপজিগমিষতীতি
০৫২৪০২৭১ তস্যানুচরিতমুপরিষ্টাদ্বিস্তরিষ্যতে যস্য ভগবান্স্বয়মখিলজগদ্গুরুর্নারায়ণো দ্বারি
গদাপাণিরবতিষ্ঠতে নিজজনানুকম্পিতহৃদয়ো যেনাঙ্গুষ্ঠেন পদা দশকন্ধরো যোজনায়ুতায়ুতং দিগ্
বিজয় উচ্চাটিতঃ
০৫২৪০২৮১ ততোঽধস্তাত্তলাতলে ময়ো নাম দানবেন্দ্রস্ত্রিপুরাধিপতির্ভগবতা পুরারিণা ত্রিলোকীশং
চিকীর্ষুণা নির্দগ্ধস্বপুরত্রয়স্তৎপ্রসাদাল্লব্ধপদো মায়াবিনামাচার্যো মহাদেবেন পরিরক্ষিতো
বিগতসুদর্শনভয়ো মহীয়তে
০৫২৪০২৯১ ততোঽধস্তান্মহাতলে কাদ্রবেয়াণাং সর্পাণাং নৈকশিরসাং ক্রোধবশো নাম গণঃ কুহক
তক্ষককালিয়সুষেণাদিপ্রধানা মহাভোগবন্তঃ পতত্ত্রিরাজাধিপতেঃ পুরুষ
বাহাদনবরতমুদ্বিজমানাঃ স্বকলত্রাপত্যসুহৃৎকুটুম্বসঙ্গেন ক্বচিৎপ্রমত্তা বিহরন্তি
০৫২৪০৩০১ ততোঽধস্তাদ্রসাতলে দৈতেয়া দানবাঃ পণয়ো নাম নিবাতকবচাঃ কালেয়া হিরণ্যপুরবাসিন ইতি
বিবুধপ্রত্যনীকা উৎপত্ত্যা মহৌজসো মহাসাহসিনো ভগবতঃ সকললোকানুভাবস্য হরেরেব তেজসা
প্রতিহতবলাবলেপা বিলেশয়া ইব বসন্তি যে বৈ সরময়েন্দ্রদূত্যা বাগ্ভির্মন্ত্রবর্ণাভিরিন্দ্রাদ্বিভ্যতি
০৫২৪০৩১১ ততোঽধস্তাৎপাতালে নাগলোকপতয়ো বাসুকিপ্রমুখাঃ শঙ্খকুলিকমহাশঙ্খশ্বেত
ধনঞ্জয়ধৃতরাষ্ট্রশঙ্খচূডকম্বলাশ্বতরদেবদত্তাদয়ো মহাভোগিনো মহামর্ষা নিবসন্তি
যেষামু হ বৈ পঞ্চসপ্তদশশতসহস্রশীর্ষাণাং ফণাসু বিরচিতা মহামণয়ো রোচিষ্ণবঃ পাতাল
বিবরতিমিরনিকরং স্বরোচিষা বিধমন্তি
০৫২৫০০১০ শ্রীশুক উবাচ
০৫২৫০০১১ তস্য মূলদেশে ত্রিংশদ্যোজনসহস্রান্তর আস্তে যা বৈ কলা ভগবতস্তামসী সমাখ্যাতানন্ত ইতি
সাৎবতীয়া দ্রষ্টৃদৃশ্যয়োঃ সঙ্কর্ষণমহমিত্যভিমানলক্ষণং যং সঙ্কর্ষণমিত্যাচক্ষতে
০৫২৫০০২১ যস্যেদং ক্ষিতিমণ্ডলং ভগবতোঽনন্তমূর্তেঃ সহস্রশিরস একস্মিন্নেব শীর্ষণি ধ্রিয়মাণং
সিদ্ধার্থ ইব লক্ষ্যতে
০৫২৫০০৩১ যস্য হ বা ইদং কালেনোপসঞ্জিহীর্ষতোঽমর্ষবিরচিতরুচিরভ্রমদ্ভ্রুবোরন্তরেণ সাঙ্কর্ষণো
নাম রুদ্র একাদশব্যূহস্ত্র্যক্ষস্ত্রিশিখং শূলমুত্তম্ভয়ন্নুদতিষ্ঠৎ
০৫২৫০০৪১ যস্যাঙ্ঘ্রিকমলয়ুগলারুণবিশদনখমণিষণ্ডমণ্ডলেষ্বহিপতয়ঃ সহ
সাৎবতর্ষভৈরেকান্তভক্তিয়োগেনাবনমন্তঃ স্ববদনানি পরিস্ফুরৎকুণ্ডলপ্রভামণ্ডিতগণ্ড
স্থলান্যতিমনোহরাণি প্রমুদিতমনসঃ খলু বিলোকয়ন্তি
০৫২৫০০৫১ যস্যৈব হি নাগরাজকুমার্য আশিষ আশাসানাশ্চার্বঙ্গবলয়বিলসিতবিশদবিপুলধবল
সুভগরুচিরভুজরজতস্তম্ভেষ্বগুরুচন্দনকুঙ্কুমপঙ্কানুলেপেনাবলিম্পমানাস্তদ্
অভিমর্শনোন্মথিতহৃদয়মকরধ্বজাবেশরুচিরললিতস্মিতাস্তদনুরাগমদমুদিতমদ
বিঘূর্ণিতারুণকরুণাবলোকনয়নবদনারবিন্দং সব্রীডং কিল বিলোকয়ন্তি
০৫২৫০০৬১ স এব ভগবাননন্তোঽনন্তগুণার্ণব আদিদেব উপসংহৃতামর্ষরোষবেগো লোকানাং স্বস্তয়
আস্তে
০৫২৫০০৭১ ধ্যায়মানঃ সুরাসুরোরগসিদ্ধগন্ধর্ববিদ্যাধরমুনিগণৈরনবরতমদমুদিতবিকৃত
বিহ্বললোচনঃ সুললিতমুখরিকামৃতেনাপ্যায়মানঃ স্বপার্ষদবিবুধয়ূথপতীনপরিম্লানরাগনব
তুলসিকামোদমধ্বাসবেন মাদ্যন্মধুকরব্রাতমধুরগীতশ্রিয়ং বৈজয়ন্তীং স্বাং বনমালাং নীল
বাসা এককুণ্ডলো হলককুদি কৃতসুভগসুন্দরভুজো ভগবান্মহেন্দ্রো বারণেন্দ্র ইব কাঞ্চনীং
কক্ষামুদারলীলো বিভর্তি
০৫২৫০০৮১ য এষ এবমনুশ্রুতো ধ্যায়মানো মুমুক্ষূণামনাদিকালকর্মবাসনাগ্রথিতমবিদ্যাময়ং
হৃদয়গ্রন্থিং সত্ত্বরজস্তমোময়মন্তর্হৃদয়ং গত আশু নির্ভিনত্তি
তস্যানুভাবান্ভগবান্স্বায়ম্ভুবো নারদঃ সহ তুম্বুরুণা সভায়াং ব্রহ্মণঃ সংশ্লোকয়ামাস
০৫২৫০০৯১ উৎপত্তিস্থিতিলয়হেতবোঽস্য কল্পাঃ
০৫২৫০০৯২ সত্ত্বাদ্যাঃ প্রকৃতিগুণা যদীক্ষয়াসন্
০৫২৫০০৯৩ যদ্রূপং ধ্রুবমকৃতং যদেকমাত্মন্
০৫২৫০০৯৪ নানাধাৎকথমু হ বেদ তস্য বর্ত্ম
০৫২৫০১০১ মূর্তিং নঃ পুরুকৃপয়া বভার সত্ত্বং
০৫২৫০১০২ সংশুদ্ধং সদসদিদং বিভাতি তত্র
০৫২৫০১০৩ যল্লীলাং মৃগপতিরাদদেঽনবদ্যাম্
০৫২৫০১০৪ আদাতুং স্বজনমনাংস্যুদারবীর্যঃ
০৫২৫০১১১ যন্নাম শ্রুতমনুকীর্তয়েদকস্মাদ্
০৫২৫০১১২ আর্তো বা যদি পতিতঃ প্রলম্ভনাদ্বা
০৫২৫০১১৩ হন্ত্যংহঃ সপদি নৃণামশেষমন্যং
০৫২৫০১১৪ কং শেষাদ্ভগবত আশ্রয়েন্মুমুক্ষুঃ
০৫২৫০১২১ মূর্ধন্যর্পিতমণুবৎসহস্রমূর্ধ্নো
০৫২৫০১২২ ভূগোলং সগিরিসরিৎসমুদ্রসত্ত্বম্
০৫২৫০১২৩ আনন্ত্যাদনিমিতবিক্রমস্য ভূম্নঃ
০৫২৫০১২৪ কো বীর্যাণ্যধি গণয়েৎসহস্রজিহ্বঃ
০৫২৫০১৩১ এবম্প্রভাবো ভগবাননন্তো
০৫২৫০১৩২ দুরন্তবীর্যোরুগুণানুভাবঃ
০৫২৫০১৩৩ মূলে রসায়াঃ স্থিত আত্মতন্ত্রো
০৫২৫০১৩৪ যো লীলয়া ক্ষ্মাং স্থিতয়ে বিভর্তি
০৫২৫০১৪১ এতা হ্যেবেহ নৃভিরুপগন্তব্যা গতয়ো যথাকর্মবিনির্মিতা যথোপদেশমনুবর্ণিতাঃ
কামান্কাময়মানৈঃ
০৫২৫০১৫১ এতাবতীর্হি রাজন্পুংসঃ প্রবৃত্তিলক্ষণস্য ধর্মস্য বিপাকগতয় উচ্চাবচা বিসদৃশা যথা
প্রশ্নং ব্যাচখ্যে কিমন্যৎকথয়াম ইতি
০৫২৬০০১০ রাজোবাচ
০৫২৬০০১১ মহর্ষ এতদ্বৈচিত্র্যং লোকস্য কথমিতি
০৫২৬০০২০ ঋষিরুবাচ
০৫২৬০০২১ ত্রিগুণৎবাৎকর্তুঃ শ্রদ্ধয়া কর্মগতয়ঃ পৃথগ্বিধাঃ সর্বা এব সর্বস্য তারতম্যেন ভবন্তি
০৫২৬০০২১ অথেদানীং প্রতিষিদ্ধলক্ষণস্যাধর্মস্য তথৈব কর্তুঃ শ্রদ্ধায়া বৈসাদৃশ্যাৎকর্মফলং
বিসদৃশং ভবতি যা হ্যনাদ্যবিদ্যয়া কৃতকামানাং তৎপরিণামলক্ষণাঃ সৃতয়ঃ সহস্রশঃ
প্রবৃত্তাস্তাসাং প্রাচুর্যেণানুবর্ণয়িষ্যামঃ
০৫২৬০০৩০ রাজোবাচ
০৫২৬০০৩১ নরকা নাম ভগবন্কিং দেশবিশেষা অথবা বহিস্ত্রিলোক্যা আহোস্বিদন্তরাল ইতি
০৫২৬০০৪০ ঋষিরুবাচ
০৫২৬০০৪১ অন্তরাল এব ত্রিজগত্যাস্তু দিশি দক্ষিণস্যামধস্তাদ্ভূমেরুপরিষ্টাচ্চ
জলাদ্যস্যামগ্নিষ্বাত্তাদয়ঃ পিতৃগণা দিশি স্বানাং গোত্রাণাং পরমেণ সমাধিনা সত্যা এবাশিষ আশাসানা
নিবসন্তি
০৫২৬০০৫১ যত্র হ বাব ভগবান্পিতৃরাজো বৈবস্বতঃ স্ববিষয়ং প্রাপিতেষু স্বপুরুষৈর্জন্তুষু সম্পরেতেষু
যথাকর্মাবদ্যং দোষমেবানুল্লঙ্ঘিতভগবচ্ছাসনঃ সগণো দমং ধারয়তি
০৫২৬০০৬১ তত্র হৈকে নরকানেকবিংশতিং গণয়ন্তি অথ তাংস্তে রাজন্নামরূপলক্ষণতো
ঽনুক্রমিষ্যামস্তামিস্রোঽন্ধতামিস্রো রৌরবো মহারৌরবঃ কুম্ভীপাকঃ কালসূত্রমসিপত্রবনং
সূকরমুখমন্ধকূপঃ কৃমিভোজনঃ সন্দংশস্তপ্তসূর্মির্বজ্রকণ্টকশাল্মলী বৈতরণী পূয়োদঃ
প্রাণরোধো বিশসনং লালাভক্ষঃ সারমেয়াদনমবীচিরয়ঃপানমিতি কিঞ্চ ক্ষারকর্দমো রক্ষোগণ
ভোজনঃ শূলপ্রোতো দন্দশূকোঽবটনিরোধনঃ পর্যাবর্তনঃ সূচীমুখমিত্যষ্টাবিংশতির্নরকা বিবিধ
যাতনাভূময়ঃ
০৫২৬০০৭১ তত্র যস্তু পরবিত্তাপত্যকলত্রাণ্যপহরতি স হি কালপাশবদ্ধো যমপুরুষৈরতি
ভয়ানকৈস্তামিস্রে নরকে বলান্নিপাত্যতে অনশনানুদপানদণ্ডতাডন
সন্তর্জনাদিভির্যাতনাভির্যাত্যমানো জন্তুর্যত্র কশ্মলমাসাদিত একদৈব মূর্চ্ছামুপয়াতি তামিস্র
প্রায়ে
০৫২৬০০৮১ এবমেবান্ধতামিস্রে যস্তু বঞ্চয়িৎবা পুরুষং দারাদীনুপয়ুঙ্ক্তে যত্র শরীরী নিপাত্যমানো যাতনা
স্থো বেদনয়া নষ্টমতির্নষ্টদৃষ্টিশ্চ ভবতি যথা বনস্পতির্বৃশ্চ্যমানমূলস্তস্মাদন্ধতামিস্রং
তমুপদিশন্তি
০৫২৬০০৯১ যস্ত্বিহ বা এতদহমিতি মমেদমিতি ভূতদ্রোহেণ কেবলং স্বকুটুম্বমেবানুদিনং
প্রপুষ্ণাতি স তদিহ বিহায় স্বয়মেব তদশুভেন রৌরবে নিপততি
০৫২৬০১০১ যে ৎবিহ যথৈবামুনা বিহিংসিতা জন্তবঃ পরত্র যময়াতনামুপগতং ত এব রুরবো ভূৎবা
তথা তমেব বিহিংসন্তি তস্মাদ্রৌরবমিত্যাহূ রুরুরিতি সর্পাদতিক্রূরসত্ত্বস্যাপদেশঃ
০৫২৬০১১১ এবমেব মহারৌরবো যত্র নিপতিতং পুরুষং ক্রব্যাদা নাম রুরবস্তং ক্রব্যেণ ঘাতয়ন্তি যঃ
কেবলং দেহম্ভরঃ
০৫২৬০১২১ যস্ত্বিহ বা উগ্রঃ পশূন্পক্ষিণো বা প্রাণত উপরন্ধয়তি তমপকরুণং পুরুষাদৈরপি
বিগর্হিতমমুত্র যমানুচরাঃ কুম্ভীপাকে তপ্ততৈলে উপরন্ধয়ন্তি
০৫২৬০১৩১ যস্ত্বিহ ব্রহ্মধ্রুক্স কালসূত্রসংজ্ঞকে নরকে অয়ুতয়োজনপরিমণ্ডলে তাম্রময়ে তপ্ত
খলে উপর্যধস্তাদগ্ন্যর্কাভ্যামতিতপ্যমানেঽভিনিবেশিতঃ ক্ষুৎপিপাসাভ্যাং চ দহ্যমানান্তর্বহিঃ
শরীর আস্তে শেতে চেষ্টতেঽবতিষ্ঠতি পরিধাবতি চ যাবন্তি পশুরোমাণি তাবদ্বর্ষসহস্রাণি
০৫২৬০১৪১ যস্ত্বিহ বৈ নিজবেদপথাদনাপদ্যপগতঃ পাখণ্ডং চোপগতস্তমসিপত্রবনং
প্রবেশ্য কশয়া প্রহরন্তি তত্র হাসাবিতস্ততো ধাবমান উভয়তো ধারৈস্তালবনাসিপত্রৈশ্ছিদ্যমান
সর্বাঙ্গো হা হতোঽস্মীতি পরময়া বেদনয়া মূর্চ্ছিতঃ পদে পদে নিপততি স্বধর্মহা পাখণ্ডানুগতং
ফলং ভুঙ্ক্তে
০৫২৬০১৫১ যস্ত্বিহ বৈ রাজা রাজপুরুষো বা অদণ্ড্যে দণ্ডং প্রণয়তি ব্রাহ্মণে বা শরীরদণ্ডং স
পাপীয়ান্নরকেঽমুত্র সূকরমুখে নিপততি তত্রাতিবলৈর্বিনিষ্পিষ্যমাণাবয়বো যথৈবেহেক্ষুখণ্ড আর্ত
স্বরেণ স্বনয়ন্ক্বচিন্মূর্চ্ছিতঃ কশ্মলমুপগতো যথৈবেহাদৃষ্টদোষা উপরুদ্ধাঃ
০৫২৬০১৬১ যস্ত্বিহ বৈ ভূতানামীশ্বরোপকল্পিতবৃত্তীনামবিবিক্তপরব্যথানাং স্বয়ং পুরুষোপকল্পিত
বৃত্তির্বিবিক্তপরব্যথো ব্যথামাচরতি স পরত্রান্ধকূপে তদভিদ্রোহেণ নিপততি তত্র হাসৌ
তৈর্জন্তুভিঃ পশুমৃগপক্ষিসরীসৃপৈর্মশকয়ূকামৎকুণমক্ষিকাদিভির্যে কে চাভিদ্রুগ্ধাস্তৈঃ
সর্বতোঽভিদ্রুহ্যমাণস্তমসি বিহতনিদ্রানির্বৃতিরলব্ধাবস্থানঃ পরিক্রামতি যথা কুশরীরে জীবঃ
০৫২৬০১৭১ যস্ত্বিহ বা অসংবিভজ্যাশ্নাতি যৎকিঞ্চনোপনতমনির্মিতপঞ্চয়জ্ঞো বায়সসংস্তুতঃ স
পরত্র কৃমিভোজনে নরকাধমে নিপততি তত্র শতসহস্রয়োজনে কৃমিকুণ্ডে কৃমিভূতঃ স্বয়ং
কৃমিভিরেব ভক্ষ্যমাণঃ কৃমিভোজনো যাবত্তদপ্রত্তাপ্রহূতাদোঽনির্বেশমাত্মানং যাতয়তে
০৫২৬০১৮১ যস্ত্বিহ বৈ স্তেয়েন বলাদ্বা হিরণ্যরত্নাদীনি ব্রাহ্মণস্য বাপহরত্যন্যস্য বানাপদি
পুরুষস্তমমুত্র রাজন্যমপুরুষা অয়স্ময়ৈরগ্নিপিণ্ডৈঃ সন্দংশৈস্ত্বচি নিষ্কুষন্তি
০৫২৬০১৯১ যস্ত্বিহ বা অগম্যাং স্ত্রিয়মগম্যং বা পুরুষং যোষিদভিগচ্ছতি তাবমুত্র কশয়া
তাডয়ন্তস্তিগ্ময়া সূর্ম্যা লোহময়্যা পুরুষমালিঙ্গয়ন্তি স্ত্রিয়ং চ পুরুষরূপয়া সূর্ম্যা
০৫২৬০২০১ যস্ত্বিহ বৈ সর্বাভিগমস্তমমুত্র নিরয়ে বর্তমানং বজ্রকণ্টকশাল্মলীমারোপ্য
নিষ্কর্ষন্তি
০৫২৬০২১১ যে ৎবিহ বৈ রাজন্যা রাজপুরুষা বা অপাখণ্ডা ধর্মসেতূন্ভিন্দন্তি তে সম্পরেত্য বৈতরণ্যাং
নিপতন্তি ভিন্নমর্যাদাস্তস্যাং নিরয়পরিখাভূতায়াং নদ্যাং যাদোগণৈরিতস্ততো ভক্ষ্যমাণা
আত্মনা ন বিয়ুজ্যমানাশ্চাসুভিরুহ্যমানাঃ স্বাঘেন কর্মপাকমনুস্মরন্তো বিণ্মূত্রপূয়শোণিত
কেশনখাস্থিমেদোমাংসবসাবাহিন্যামুপতপ্যন্তে
০৫২৬০২২১ যে ৎবিহ বৈ বৃষলীপতয়ো নষ্টশৌচাচারনিয়মাস্ত্যক্তলজ্জাঃ পশুচর্যাং চরন্তি তে চাপি প্রেত্য
পূয়বিণ্মূত্রশ্লেষ্মমলাপূর্ণার্ণবে নিপতন্তি তদেবাতিবীভৎসিতমশ্নন্তি
০৫২৬০২৩১ যে ৎবিহ বৈ শ্বগর্দভপতয়ো ব্রাহ্মণাদয়ো মৃগয়া বিহারা অতীর্থে চ মৃগান্নিঘ্নন্তি তানপি
সম্পরেতান্লক্ষ্যভূতান্যমপুরুষা ইষুভির্বিধ্যন্তি
০৫২৬০২৪১ যে ৎবিহ বৈ দাম্ভিকা দম্ভয়জ্ঞেষু পশূন্বিশসন্তি তানমুষ্মিন্লোকে বৈশসে নরকে
পতিতান্নিরয়পতয়ো যাতয়িৎবা বিশসন্তি
০৫২৬০২৫১ যস্ত্বিহ বৈ সবর্ণাং ভার্যাং দ্বিজো রেতঃ পায়য়তি কামমোহিতস্তং পাপকৃতমমুত্র রেতঃ
কুল্যায়াং পাতয়িৎবা রেতঃ সম্পায়য়ন্তি
০৫২৬০২৬১ যে ৎবিহ বৈ দস্যবোঽগ্নিদা গরদা গ্রামান্সার্থান্বা বিলুম্পন্তি রাজানো রাজভটা বা তাংশ্চাপি হি
পরেত্য যমদূতা বজ্রদংষ্ট্রাঃ শ্বানঃ সপ্তশতানি বিংশতিশ্চ সরভসং খাদন্তি
০৫২৬০২৭১ যস্ত্বিহ বা অনৃতং বদতি সাক্ষ্যে দ্রব্যবিনিময়ে দানে বা কথঞ্চিৎস বৈ প্রেত্য নরকে
ঽবীচিমত্যধঃশিরা নিরবকাশে যোজনশতোচ্ছ্রায়াদ্গিরিমূর্ধ্নঃ সম্পাত্যতে যত্র জলমিব স্থলমশ্ম
পৃষ্ঠমবভাসতে তদবীচিমত্তিলশো বিশীর্যমাণশরীরো ন ম্রিয়মাণঃ পুনরারোপিতো নিপততি
০৫২৬০২৮১ যস্ত্বিহ বৈ বিপ্রো রাজন্যো বৈশ্যো বা সোমপীথস্তৎকলত্রং বা সুরাং ব্রতস্থোঽপি বা পিবতি
প্রমাদতস্তেষাং নিরয়ং নীতানামুরসি পদাক্রম্যাস্যে বহ্নিনা দ্রবমাণং কার্ষ্ণায়সং নিষিঞ্চন্তি
০৫২৬০২৯১ অথ চ যস্ত্বিহ বা আত্মসম্ভাবনেন স্বয়মধমো জন্মতপোবিদ্যাচারবর্ণাশ্রমবতো
বরীয়সো ন বহু মন্যেত স মৃতক এব মৃৎবা ক্ষারকর্দমে নিরয়েঽবাক্ষিরা নিপাতিতো দুরন্তা যাতনা হ্যশ্নুতে
০৫২৬০৩০১ যে ৎবিহ বৈ পুরুষাঃ পুরুষমেধেন যজন্তে যাশ্চ স্ত্রিয়ো নৃপশূন্খাদন্তি তাংশ্চ তে পশব ইব
নিহতা যমসদনে যাতয়ন্তো রক্ষোগণাঃ সৌনিকা ইব স্বধিতিনাবদায়াসৃক্পিবন্তি নৃত্যন্তি চ গায়ন্তি চ
হৃষ্যমাণা যথেহ পুরুষাদাঃ
০৫২৬০৩১১ যে ৎবিহ বা অনাগসোঽরণ্যে গ্রামে বা বৈশ্রম্ভকৈরুপসৃতানুপবিশ্রম্ভয়্য জিজীবিষূন্শূল
সূত্রাদিষূপপ্রোতান্ক্রীডনকতয়া যাতয়ন্তি তেঽপি চ প্রেত্য যময়াতনাসু শূলাদিষু প্রোতাত্মানঃ ক্ষুত্তৃড্ভ্যাং
চাভিহতাঃ কঙ্কবটাদিভিশ্চেতস্ততস্তিগ্মতুণ্ডৈরাহন্যমানা আত্মশমলং স্মরন্তি
০৫২৬০৩২১ যে ৎবিহ বৈ ভূতান্যুদ্বেজয়ন্তি নরা উল্বণস্বভাবা যথা দন্দশূকাস্তেঽপি প্রেত্য নরকে
দন্দশূকাখ্যে নিপতন্তি যত্র নৃপ দন্দশূকাঃ পঞ্চমুখাঃ সপ্তমুখা উপসৃত্য গ্রসন্তি যথা বিলেশয়ান্
০৫২৬০৩৩১ যে ৎবিহ বা অন্ধাবটকুসূলগুহাদিষু ভূতানি নিরুন্ধন্তি তথামুত্র তেষ্বেবোপবেশ্য সগরেণ
বহ্নিনা ধূমেন নিরুন্ধন্তি
০৫২৬০৩৪১ যস্ত্বিহ বা অতিথীনভ্যাগতান্বা গৃহপতিরসকৃদুপগতমন্যুর্দিধক্ষুরিব পাপেন
চক্ষুষা নিরীক্ষতে তস্য চাপি নিরয়ে পাপদৃষ্টেরক্ষিণী বজ্রতুণ্ডা গৃধ্রাঃ কঙ্ককাকবটাদয়ঃ প্রসহ্যোরু
বলাদুৎপাটয়ন্তি
০৫২৬০৩৫১ যস্ত্বিহ বা আঢ্যাভিমতিরহঙ্কৃতিস্তির্যক্প্রেক্ষণঃ সর্বতোঽভিবিশঙ্কী অর্থব্যয়নাশচিন্তয়া
পরিশুষ্যমাণহৃদয়বদনো নির্বৃতিমনবগতো গ্রহ ইবার্থমভিরক্ষতি স চাপি প্রেত্য তদ্
উৎপাদনোৎকর্ষণসংরক্ষণশমলগ্রহঃ সূচীমুখে নরকে নিপততি যত্র হ বিত্তগ্রহং পাপপুরুষং
ধর্মরাজপুরুষা বায়কা ইব সর্বতোঽঙ্গেষু সূত্রৈঃ পরিবয়ন্তি
০৫২৬০৩৬১ এবংবিধা নরকা যমালয়ে সন্তি শতশঃ সহস্রশস্তেষু সর্বেষু চ সর্ব এবাধর্মবর্তিনো যে
কেচিদিহোদিতা অনুদিতাশ্চাবনিপতে পর্যায়েণ বিশন্তি তথৈব ধর্মানুবর্তিন ইতরত্র ইহ তু পুনর্ভবে ত
উভয়শেষাভ্যাং নিবিশন্তি
০৫২৬০৩৭১ নিবৃত্তিলক্ষণমার্গ আদাবেব ব্যাখ্যাতঃ এতাবানেবাণ্ডকোশো যশ্চতুর্দশধা পুরাণেষু বিকল্পিত
উপগীয়তে যত্তদ্ভগবতো নারায়ণস্য সাক্ষান্মহাপুরুষস্য স্থবিষ্ঠং রূপমাত্মমায়া
গুণময়মনুবর্ণিতমাদৃতঃ পঠতি শৃণোতি শ্রাবয়তি স উপগেয়ং ভগবতঃ পরমাত্মনোঽগ্রাহ্যমপি
শ্রদ্ধাভক্তিবিশুদ্ধবুদ্ধির্বেদ
০৫২৬০৩৮১ শ্রুৎবা স্থূলং তথা সূক্ষ্মং রূপং ভগবতো যতিঃ
০৫২৬০৩৮২ স্থূলে নির্জিতমাত্মানং শনৈঃ সূক্ষ্মং ধিয়া নয়েদিতি
০৫২৬০৩৯১ ভূদ্বীপবর্ষসরিদদ্রিনভঃসমুদ্র
০৫২৬০৩৯২ পাতালদিঙ্নরকভাগণলোকসংস্থা
০৫২৬০৩৯৩ গীতা ময়া তব নৃপাদ্ভুতমীশ্বরস্য
০৫২৬০৩৯৪ স্থূলং বপুঃ সকলজীবনিকায়ধাম
পূর্ববর্তী:
« শ্রীমদ্ ভাগবত পুরাণ – ০৪
« শ্রীমদ্ ভাগবত পুরাণ – ০৪
পরবর্তী:
শ্রীমদ্ ভাগবত পুরাণ – ০৬ »
শ্রীমদ্ ভাগবত পুরাণ – ০৬ »
Leave a Reply