স্কন্দপুরাণ অধ্যায় ২৫

স্কন্দপুরাণ অধ্যায় ২৫
SP0250010সনৎকুমার উবাচ |
SP0250011ততস্তত্রাগতান্দেবান্দেবতাধিপতির্ভবঃ |
SP0250012মরুতঃ প্রাহ সম্পূজ্য কন্যার্থং সদসৎপতিঃ ||
SP0250021মরুতো যে মহাবেগা মহাসত্ত্বা মহৌজসঃ |
SP0250022আমন্ত্র্য নাম্না তানীশঃ সশক্রঃ সপিতামহঃ ||
SP0250031যুষ্মাকং সুয়শা কন্যা সুভগা দিব্যরূপিণী |
SP0250032দাতুমর্হথ তাং সুভ্রূং স্নুষাং মহ্যং মহাবলাঃ ||
SP0250040মরুত ঊচুঃ |
SP0250041ৎবমস্মাকং চ তস্যাশ্চ সর্বস্য জগতস্তথা |
SP0250042প্রভবিষ্ণুস্ত্রিলোকেশ ন তু যাচিতুমর্হসি ||
SP0250051ৎবয়ৈব দেয়া গ্রাহ্যা চ ৎবং নো গতিরনুত্তমা |
SP0250052মা নঃ পরানিবেশান যাচনেন বিভাবয় ||
SP0250061পিতা নঃ কশ্যপঃ শ্রীমান্মরীচিশ্চ পিতামহঃ |
SP0250062পিতামহপিতা ব্রহ্মা তস্যাপি ৎবং পিতামহঃ |
SP0250063স ৎবং পিতামহোঽস্মাকং ন পরান্কর্তুমর্হসি ||
SP0250071স এবমুক্তো দেবেশো মরুদ্ভির্দেবসত্তমৈঃ |
SP0250072সুয়শাং মরুতাং কন্যামানয়ামাস তৎক্ষণাৎ ||
SP0250081স্বয়ং হোতাস্য তত্রাসীদ্ব্রহ্মা লোকপিতামহঃ |
SP0250082কশ্যপশ্চ তথোদ্গাতা অত্রিঃ সাম স্বয়ং জগৌ |
SP0250083অথর্বাশ্ণ্গিরসৌ দেবৌ ব্রহ্মৎবমপি চক্রতুঃ ||
SP0250091নারদঃ পর্বতশ্চৈব চিত্রসেনশ্চ গায়নঃ |
SP0250092বিশ্বাবসূ রুচিশ্চৈব হাহা হূহূ তথৈব চ ||
SP0250101তথা শালিশিরা যশ্চ বিশ্রুতো গণ্ডমণ্ডকঃ |
SP0250102ঈতিশ্চৈবেন্দ্রবাহশ্চ যজ্ঞবাহোঽথ দক্ষিণঃ |
SP0250103এতে চান্যে চ গন্ধর্বা জগুর্মধুরকণ্ঠিনঃ ||
SP0250111উর্বশী চৈব রম্ভা চ ঘৃতাচী পূর্বচিত্ত্যপি |
SP0250112তিলোত্তমা চ বিশ্বাচী অন্যাশ্চাপ্সরসঃ শুভাঃ |
SP0250113অনৃত্যন্ত মহাভাগা নৃত্তং সুরমনোহরম্ ||
SP0250120সনৎকুমার উবাচ |
SP0250121স এবমভবদ্ব্যাস বিবাহস্তস্য ধীমতঃ |
SP0250122নন্দিনো গণমুখ্যস্য অনৌপম্যো হ্যনিন্দিতঃ ||
SP0250131ততঃ স তু কৃতোদ্বাহো নন্দী গৎবা মহামনাঃ |
SP0250132পাদান্ববন্দে দেবস্য দেব্যা ব্রহ্মণ এব চ |
SP0250133শিলাদস্য চ লোকেশঃ শ্রিয়া পরময়া যুতঃ ||
SP0250140দেব উবাচ |
SP0250141বরং বৃণীষ্ব পুত্র ৎবং স্নুষা চেয়ং তব প্রিয়া |
SP0250142বরং দদামি তে বৎস অনয়া সহমীপ্সিতম্ ||
SP0250150নন্দ্যুবাচ |
SP0250151ভগবন্যদি তুষ্টোঽসি ৎবয়ি ভক্তির্দৃঢাস্তু মে |
SP0250152সদা চ তুষ্টো ভব মে সাম্বঃ সহ গণেশ্বরৈঃ ||
SP0250161পিতরং চৈব মে দেব উৎপাদকমিমং প্রভো |
SP0250162অনুগ্রহেণ যুক্তেন যোক্তুমর্হসি কামদ ||
SP0250170দেব উবাচ |
SP0250171সদাহং তব নন্দীশ সুতুষ্টঃ সগণেশ্বরঃ |
SP0250172পার্বত্যা সহিতো ধীমন্নিদং চ শৃণু মে বচঃ ||
SP0250181সদেষ্টশ্চ বরিষ্ঠশ্চ পরমৈশ্বর্যসংযুতঃ |
SP0250182মহায়োগী মহেষ্বাসো মহাবলপরাক্রমঃ ||
SP0250191অজয়্যশ্চৈব জেতা চ পূজ্যেজ্যশ্চ সদা ভব |
SP0250192অহং যত্র ভবাংস্তত্র যত্র ৎবং তত্র চাপ্যহম্ ||
SP0250201অয়ং চ তে পিতা বিপ্রঃ পরমৈশ্বর্যসংযুতঃ |
SP0250202ভবিষ্যতি গণাধ্যক্ষো মহাগণপতির্মম ||
SP0250211পর্বতং চাস্য বৈভ্রাজং কামগং সর্বকাঞ্চনম্ |
SP0250212উপেতং ভবনৈর্দিব্যৈঃ প্রয়চ্ছামি জনাবৃতম্ |
SP0250213তেনায়ং সর্বলোকেষু চরিষ্যতি যথেপ্সিতম্ ||
SP0250221স্থানং শ্রীপর্বতে চাস্য ভবিষ্যতি সুপূজিতম্ |
SP0250222ভৃগৌ তস্মিংশ্চ যঃ প্রাণাংস্ত্যক্ষ্যতে বৈ সুধার্মিকঃ |
SP0250223স কামচারী বৈভ্রাজে গণপোঽস্য ভবিষ্যতি ||
SP0250230সনৎকুমার উবাচ |
SP0250231ততো দেবী মহাভাগা শৈলাদেরদদদ্বরম্ |
SP0250232সোঽব্রবীত্ত্বয়ি ভক্তির্মে সদৈবানপগা ভবেৎ ||
SP0250241ততো মরুৎসুতা চৈব উভাভ্যামপি চোদিতা |
SP0250242বরং বৃণু যথেষ্টং বৈ তাবিদং প্রত্যুবাচ হ ||
SP0250251যুবয়োরস্তু ভক্তির্মে তথা ভর্তরি চৈব হি |
SP0250252নিত্যং চানপগা স্যান্মে ধর্মে চ মতিরুত্তমা |
SP0250253এতদিচ্ছামি দেবেশৌ বরং বরসহস্রদৌ ||
SP0250260সনৎকুমার উবাচ |
SP0250261ততস্তাবেবমেতত্তে ভবিতেতি শুচিস্মিতে |
SP0250262ঊচতুর্মুদিতৌ দেবৌ স্নুষাং তাং বরবর্ণিনীম্ ||
SP0250271গণাশ্চাস্য ততোঽভ্যেত্য সর্বে দেবপ্রিয়েপ্সয়া |
SP0250272বরং দদুর্মহাসত্ত্বাঃ স বব্রে কাঞ্চনপ্রভঃ ||
SP0250281যুষ্মাসু মম ভক্তিশ্চ ঐশ্বর্যং চাপি সংমতম্ |
SP0250282বশ্যাশ্চ যূয়ং সর্বে মে প্রিয়ো যুষ্মাকমেব চ ||
SP0250290গণা ঊচুঃ |
SP0250291ভবান্মন্তানুমন্তা চ গতিরাগতিরেব চ |
SP0250292অস্মাকমীশঃ সর্বেষাং দেবানামপি চেশ্বরঃ ||
SP0250301কুষ্মাণ্ডানাং বরিষ্ঠশ্চ রুদ্রাণাং ৎবং মহাবলঃ |
SP0250302ঈতীনাং দ্বারপালশ্চ প্রমথানাং তথৈব চ ||
SP0250311মহাবলো মহায়োগী সেনানীস্ত্বং হি নো মতঃ |
SP0250312ৎবং ভূতো ভূতনেতা চ নায়কোঽথ বিনায়কঃ ||
SP0250321গ্রহাণামধিপশ্চৈব উগ্রদণ্ডধরস্তথা |
SP0250322ৎবমগ্রয়োধী শত্রুঘ্নস্ত্বং বীরস্ত্বং দিবস্পতিঃ ||
SP0250331মহানুভাবস্ত্বং চৈব ক্ষীরোদনিলয়শ্চ হ |
SP0250332জপ্যেশ্বরনিকেতশ্চ জপ্যেশ্বরবিভাবিতঃ ||
SP0250341ভাবনঃ সর্বভূতানাং বরদো বরদার্চিতঃ |
SP0250342অস্মাকং বরদশ্চৈব ভব ভূতেশ্বর প্রভো ||
SP0250350সনৎকুমার উবাচ |
SP0250351স এবং গণপৈঃ সর্বৈঃ স্তুতো নন্দীশ্বরো বিভুঃ |
SP0250352উবাচ প্রণতঃ সর্বান্ব্রূত কিং করবাণি বঃ ||
SP0250361ত এবমুক্তা গণপাঃ সর্ব এব মহাবলাঃ |
SP0250362ঊচুস্তং দিব্যভাবজ্ঞা দেবদেবস্য সংনিধৌ ||
SP0250371ৎবমস্মাকং গণাধ্যক্ষঃ কৃতো দেবেন শম্ভুনা |
SP0250372অস্মাভিশ্চাভিষিক্তস্ত্বং নায়কো ধর্মদায়কঃ ||
SP0250381স ৎবং শিবশ্চ সৌম্যশ্চ গুণবানগুণেষ্বপি |
SP0250382ক্ষমাশৌচদমোপেতো ভব নঃ প্রিয়কৃৎসদা ||
SP0250390সনৎকুমার উবাচ |
SP0250391এবমুক্তস্তদা সর্বান্প্রণম্য বহুমানতঃ |
SP0250392শিরস্যঞ্জলিমাধায় গণপানস্তুবত্তদা ||
SP0250400নন্দ্যুবাচ |
SP0250401নমো বঃ সর্বভূতেভ্যো নমো যোগিভ্য এব চ |
SP0250402নমশ্চাপ্যনিকেতেভ্যো যোগীশেভ্যো নমস্তথা ||
SP0250411নমঃ কামচরেভ্যশ্চ নম উগ্রেভ্য এব চ |
SP0250412মৃত্যুভ্যশ্চ যমেভ্যশ্চ কালেভ্যশ্চ নমো নমঃ ||
SP0250421নমঃ কাঞ্চনমালেভ্যঃ সর্বধর্মিভ্য এব চ |
SP0250422নমো বো বধকেভ্যশ্চ অবধ্যেভ্যস্তথৈব চ ||
SP0250431নমঃ পরময়োগিভ্যো জটিভ্যশ্চ নমো নমঃ |
SP0250432নমো বোঽদৃশ্যরূপেভ্যো বিকৃতেভ্যস্তথৈব চ ||
SP0250441নমো বল্কলবাসেভ্যঃ কৃত্তিবাসেভ্য এব চ |
SP0250442নমঃ শ্বেতাম্বরস্রগ্ভ্যশ্চিত্রস্রগ্ভ্যো নমো নমঃ ||
SP0250451ধাবদ্ভ্যশ্চ দ্রবদ্ভ্যশ্চ প্রস্থিতেভ্যো নমো নমঃ |
SP0250452নমো মুনিভ্যো গায়দ্ভ্যো জপদ্ভ্যশ্চ নমো নমঃ ||
SP0250461নমঃ শরভরূপেভ্যঃ শতরূপেভ্য এব চ |
SP0250462নমঃ পর্বতবাসেভ্যো ব্যাঘ্ররূপেভ্য এব চ ||
SP0250471নমো মার্জাররূপেভ্যঃ কাককোকেভ্য এব চ |
SP0250472নমো দৈবতরূপেভ্যঃ পবনেভ্যস্তথৈব চ ||
SP0250481নমোঽগ্নিভ্যস্তথাদ্ভ্যশ্চ বরুণেভ্যস্তথৈব চ |
SP0250482নমো ধনেশরূপেভ্যঃ সর্বরূপিভ্য এব চ ||
SP0250491নমশ্চোদরবক্ত্রেভ্যঃ সর্ববক্ত্রেভ্য এব চ |
SP0250492নমো বামনরূপেভ্যো বামরূপেভ্য এব চ ||
SP0250501দেবাসুরমনুষ্যাণামাপ্যায়িভ্যো নমো নমঃ |
SP0250502নমো বঃ সর্বভূতানাং নমো বঃ সর্বতঃ শুভাঃ ||
SP0250511গ্রহেভ্যশ্চ নমো বোঽস্তু মোক্ষেভ্যশ্চ নমস্তথা |
SP0250512শুভেভ্যশ্চ নমো বোঽস্তু অশুভেভ্যস্তথৈব চ |
SP0250513মম সৌম্যাঃ শিবাশ্চৈব ভবন্তু গণনায়কাঃ ||
SP0250521ইতি স্তুতা গণপতয়ো মহাবলাঃ শুভৈর্বচোভিঃ সুরশত্রুনাশনাঃ |
SP0250522দিশন্তু মে সুখমতুলং সুখপ্রদা বলং চ বীর্যং স্থিরতাং চ সংযুগে ||
SP0250531তপোঽক্ষয়ং স্থানমথাতুলাং গতিং যশস্তথাগ্র্যং বহু ধর্মনিত্যতাম্ |
SP0250532দিশন্তু সর্বং মনসেপ্সিতং চ মে সুরেশ্বরাঃ পুষ্টিমনুত্তমাং তথা ||
SP0250540সনৎকুমার উবাচ |
SP0250541ইমৌ নন্দিগণেন্দ্রাণাং স্তবৌ যোঽধ্যেতি নিত্যশঃ |
SP0250542সোঽশ্বমেধাবভৃথবৎসর্বপাপৈঃ প্রমুচ্যতে ||
SP0250551সন্ধ্যায়ামপরস্যাং তু জপন্পাপং দিবাকৃতম্ |
SP0250552পূর্বস্যাং সংত্যজেদ্বাপি সর্বরাত্রিকৃতং জপন্ ||
SP0250560সনৎকুমার উবাচ |
SP0250561ততস্তে গণপাঃ সর্বে সংস্তুতাস্তেন ধীমতা |
SP0250562নিসৃষ্টাশ্চ তদা জগ্মুঃ প্রণিপত্য বৃষধ্বজম্ ||
SP0250571দেবাশ্চ সর্বলোকাশ্চ ততো দেবঃ স্বয়ং প্রভুঃ |
SP0250572সৃষ্ট্বা নন্দীশ্বরগৃহং প্রদায় চ মহামনাঃ |
SP0250573ঈপ্সিতং সহ দেব্যা বৈ জগাম স্থানমব্যয়ম্ ||
SP0250581য ইমং নন্দিনো জন্ম বরদানং তথৈব চ |
SP0250582অভিষেকং বিবাহং চ পঠেদ্বা শ্রাবয়ীত বা |
SP0250583ব্রাহ্মণঃ স মৃতো যাতি নন্দীশ্বরসলোকতাম্ ||
SP0250591যো নিয়তস্তু পঠেৎপ্রয়তাত্মা সর্বমিমং প্রণতো ভবভক্ত্যা |
SP0250592সোঽপি গতঃ পরলোকবিচারী নন্দিসমোঽনুচরো হি মম স্যাৎ ||
SP0259999ইতি স্কন্দপুরাণে পঞ্চবিংশতিমোঽধ্যায়ঃ ||