স্কন্দপুরাণ অধ্যায় ২৩

স্কন্দপুরাণ অধ্যায় ২৩
SP0240010সনৎকুমার উবাচ |
SP0240011তে গণেশা মহাসত্ত্বাঃ সর্বে দেবেশ্বরেশ্বরাঃ |
SP0240012প্রণম্য দেবং দেবীং চ ইদং বচনমব্রুবন্ ||
SP0240021ভগবন্দেবতারিঘ্ন দেবদেবাম্বিকাপতে |
SP0240022কিমর্থং বয়মাহূতা আজ্ঞাপয় কৃতং হি তৎ ||
SP0240031কিং সাগরাঞ্ছোষয়ামো যমং বা সহ কিংকরৈঃ |
SP0240032হন্মো মৃত্যুমুতামৃত্যুর্ন ভবৎবদ্য পদ্মজঃ ||
SP0240041বদ্ধ্বেন্দ্রং সহ দেবৈশ্চ সবিষ্ণুং সহ বায়ুনা |
SP0240042আনয়ামঃ সুসংক্রুদ্ধা দৈত্যান্বা সহ দানবৈঃ ||
SP0240051কস্যাদ্য ব্যসনং ঘোরং করিষ্যামস্তবাজ্ঞয়া |
SP0240052কস্য বাদ্যোৎসবং দেব সর্বকামসমৃদ্ধিমৎ ||
SP0240061তাংস্তথাবাদিনঃ সর্বান্নমতো ভক্তবৎসলঃ |
SP0240062উবাচ দেবঃ সম্পূজ্য গণান্গণপতির্ভবঃ ||
SP0240070দেব উবাচ |
SP0240071শৃণুধ্বং যৎকৃতে যূয়মিহাহূতা জগদ্ধিতাঃ |
SP0240072শ্রুৎবা চ প্রয়তাত্মানঃ কুরুধ্বং তদশশ্ণ্কিতাঃ ||
SP0240081নন্দীশ্বরোঽযং পুত্রো নঃ সর্বেষামীশ্বরেশ্বরঃ |
SP0240082প্রিয়োঽগ্রনায়কশ্চৈব সেনানীর্বঃ সমাহিতঃ ||
SP0240091তমিমং মম সংদেশাদ্যূয়ং সর্বেঽভিসংমতাঃ |
SP0240092সেনান্যমভিষিঞ্চধ্বং মহায়োগপতিং পতিম্ ||
SP0240101অদ্যপ্রভৃতি যুষ্মাকময়ং নন্দীশ্বরঃ শুভঃ |
SP0240102প্রিয়ো গৌরবয়ুক্তশ্চ সেনানীরমরঃ প্রভুঃ ||
SP0240110সনৎকুমার উবাচ |
SP0240111এবমুক্তে ভগবতা গণপাঃ সর্ব এব তে |
SP0240112এবমস্ত্বিতি সংমন্ত্র্য সম্ভারানাহরংস্ততঃ ||
SP0240121তস্য রূপাশ্রয়ং দিব্যং জাম্বূনদময়ং শুভম্ |
SP0240122আসনং মেরুসংকাশং মনোরমমথাহরন্ ||
SP0240131শাতকুম্ভময়ং চাপি চারুচামীকরপ্রভম্ |
SP0240132মুক্তাদামাবলম্বং চ মণিরত্নাবভাসিতম্ ||
SP0240141স্তম্ভৈশ্চ বৈডূর্যময়ৈঃ কিশ্ণ্কিণীজালসংবৃতম্ |
SP0240142চারুরত্নকসংযুক্তং মণ্ডপং বিশ্বতোমুখম্ |
SP0240143কৃৎবা চক্রুশ্চ তন্মধ্যে তদাসনবরং শুভম্ ||
SP0240151তস্যাগ্রতঃ পাদপীঠং নীলং বজ্রাবভাসিতম্ |
SP0240152চক্রুঃ পাদপ্রতিষ্ঠার্থং কলশৌ চাস্য পার্শ্বগৌ |
SP0240153সম্পূর্ণৌ পরমাম্ভোভিররবিন্দাবৃতাননৌ ||
SP0240161অগ্রতোঽগ্নিং সমাধায় বৃষভং চাপি পার্শ্বতঃ |
SP0240162সবৎসাং সুরভিং চাপি তস্য পার্শ্বেঽথ দক্ষিণে ||
SP0240171ছত্ত্রং শতশলাকং চ জাম্বূনদময়ং শুভম্ |
SP0240172শশ্ণ্খহারাম্বুগৌরেণ পৃষ্ঠেনাভিবিরাজিতম্ ||
SP0240181ব্যজনং চন্দ্রশুভ্রং চ হেমদণ্ডং সুচারুমৎ |
SP0240182মালাং কুশেশয়ানাং চ ভ্রমরাবলিসেবিতাম্ ||
SP0240191আনিন্যুস্তত্র গণপা নন্দ্যাবর্তাংশ্চ কাঞ্চনান্ |
SP0240192পুনর্বসুং চ পুষ্যং চ দ্বৌ মৎস্যৌ বরুণালয়ৌ ||
SP0240201স্বস্তিকং বর্ধমানং চ শ্রীবৎসং চৈব কাঞ্চনম্ |
SP0240202কীচকা বেণবশ্চৈব কন্যা চৈবাভিপূজিতা ||
SP0240211ঐরাবতং সুপ্রতীকং গজাবেতৌ চ পূজিতৌ |
SP0240212ধ্বজং চ পূজিতং দিব্যং শশ্ণ্খং চৈবেন্দুবর্চসম্ ||
SP0240221কলশানাং সহস্রং চ কাঞ্চনানাং সুবর্চসাম্ |
SP0240222রাজতানাং সহস্রং চ পার্থিবানাং তথৈব চ ||
SP0240231তাম্রাণামথ দিব্যানাং সহস্রমনলৎবিষাম্ |
SP0240232বাসোয়ুগং বৃক্ষজং চ বিরজঃ সূক্ষ্মমেব চ ||
SP0240241মুকুটং কাঞ্চনং চৈব সুকৃতং বিশ্বকর্মণা |
SP0240242কুণ্ডলে চামলে দিব্যে বজ্রং চৈব বরায়ুধম্ ||
SP0240251পট্টিসং চ মহদ্দিব্যং শূলং চাশনিমেব চ |
SP0240252জাম্বূনদময়ং সূত্রং কেয়ূরদ্বয়মেব চ ||
SP0240261হারং চ মণিচিত্রাশ্ণ্গং রোচনারুচকং তথা |
SP0240262_নলভাং পারিয়াত্রং চ বর্ষং কশ্ণ্কণিমেব চ||
SP0240271দর্ভাংশ্চ দিব্যাং সমিধমাজ্যং ধূপমথাপি চ |
SP0240272সমন্তান্নিন্যুরব্যগ্রা গণপা দেবসংমতাঃ ||
SP0240281ততো দিশঃ সমুদ্রাশ্চ বরুণঃ সধনেশ্বরঃ |
SP0240282যমোঽগ্নির্বসবশ্চৈব চন্দ্রাদিত্যৌ গ্রহৈঃ সহ ||
SP0240291তারারূপাণি সর্বাণি নক্ষত্রাণি ধ্রুবস্তথা |
SP0240292রুদ্রা রক্ষাংসি যক্ষাশ্চ অশ্বিনৌ দৈত্যদানবাঃ ||
SP0240301গন্ধর্বাপ্সরসশ্চৈব নারদঃ পর্বতস্তথা |
SP0240302পৃথিবী চ সমুদ্রাশ্চ বর্ষাণি গিরয়স্তথা ||
SP0240311বৃক্ষাশ্চ বীরুধশ্চৈব ওষধ্যশ্চ মহাবলাঃ |
SP0240312নদ্যঃ সর্বাঃ সমাজগ্মুঃ পশবশ্চৈব সর্বশঃ ||
SP0240321লোকস্য মাতরশ্চৈব পৃথিবী স্বর্গ এব চ |
SP0240322ভূতানি প্রকৃতিশ্চৈব ইন্দ্রিয়াণি চ সর্বশঃ ||
SP0240331তীর্থানি চৈব সর্বাণি দানানি বিবিধানি চ |
SP0240332ঋচো যজূংষি সামানি অথর্বাশ্ণ্গিরসাবপি ||
SP0240341যজ্ঞাশ্চ ক্রতবশ্চৈব ইষ্টয়ো নিয়মাস্তথা |
SP0240342ছন্দাংসি চৈব সর্বাণি পিশাচা দেবয়োনয়ঃ |
SP0240343ব্রহ্মা চ ঋষয়শ্চৈব বিষ্ণুঃ সানুচরস্তথা ||
SP0240351তেষ্বাগতেষু সর্বেষু ভগবান্গোবৃষধ্বজঃ |
SP0240352সর্বকার্যবিধিং কর্তুমাদিদেশ পিতামহম্ ||
SP0240361একৈকং কলশং তত্র সর্বৌষধিসমন্বিতম্ |
SP0240362কৃৎবাদ্ভিঃ পূরয়িৎবা চ কুশেশয়মুখাবৃতম্ ||
SP0240371জয়াং চ বিজয়াং চৈব সিংহীং ব্যাঘ্রীং তথৈব চ |
SP0240372সুবর্চলাং শশ্ণ্খপুষ্পীং বিষ্ণুক্রান্তাং পুনর্নবাম্ ||
SP0240381কুমারীং চন্দ্রকান্তাং চ মৃতসংজীবনীমপি |
SP0240382আদিত্যবর্চসং চৈব অমৃতাং শ্রীনিকেতনাম্ ||
SP0240391তথা কুমুদ্বতীং চৈব প্রাক্ষিপংস্তেষ্বথৌষধীঃ |
SP0240392পার্থিবেষু তদা ব্যাস সর্বেষ্বেব গণেশ্বরাঃ ||
SP0240401সৌবর্ণেষু তু সর্বেষু তীর্থানি বিবিধানি চ |
SP0240402দানানি চৈব সর্বাণি ভগবান্সংন্যবেশয়ৎ ||
SP0240411রাজতেষু চ কুম্ভেষু মন্ত্রাংশ্ছন্দাংসি চৈব হ |
SP0240412ক্রতূনন্যাংশ্চ বিবিধা ইষ্টীঃ কাম্যাংস্তথেতরান্ ||
SP0240421ঔদুম্বরেষু সর্বেষু সরিতঃ সাগরাংস্তথা |
SP0240422তপাংসি নিয়মাংশ্চৈব ভগবানভ্যবিন্যসৎ ||
SP0240431একৈকং কলশং তত্র অভিপূর্যাভিমন্ত্র্য চ |
SP0240432বেষ্টয়িৎবা চ সূত্রেণ দেবেভ্যঃ প্রদদৌ বিভুঃ ||
SP0240441স জগ্রাহ তদা ব্রহ্মা একং কলশমাত্মনা |
SP0240442বিষ্ণবে চ দদাবেকমেকমিন্দ্রায় ধীমতে |
SP0240443গণপেভ্যস্তথা চান্যানৃষিভ্যশ্চ পিতামহঃ ||
SP0240451ততস্তমাসনে তস্মিন্নুপবেশ্য মহামনাঃ |
SP0240452অর্চয়িৎবা ততো ব্রহ্মা স্বয়মেবাভ্যষিঞ্চত ||
SP0240461ততো বিষ্ণুস্ততঃ শক্রো ঋষয়শ্চ সহামরৈঃ |
SP0240462গণাধিপাশ্চ সর্বে তে অভ্যষিঞ্চন্ত নন্দিনম্ ||
SP0240471বাসোয়ুগং চ তদ্দিব্যং গন্ধান্দিব্যাংস্তথৈব চ |
SP0240472কেয়ূরে কুণ্ডলে চৈব মুকুটং হারমেব চ |
SP0240473পট্টিসং শূলবজ্রে চ অশনীং চ দদৌ স্বয়ম্ ||
SP0240481ছত্ত্রং জগ্রাহ দেবেন্দ্রো বায়ুর্ব্যজনমেব চ |
SP0240482ঋষয়স্তুষ্টুবুশ্চৈব পিতামহপুরোগমাঃ ||
SP0240490বিষ্ণুরুবাচ |
SP0240491নমঃ কুষ্মাণ্ডরাজায় বজ্রোদ্যতকরায় চ |
SP0240492শালশ্ণ্কায়নপৌত্রায় হলমার্গোত্থিতায় চ ||
SP0240501শিলাদস্য চ পুত্রায় রুদ্রজপ্যকরায় চ |
SP0240502রুদ্রভক্তায় দেবায় নমোঽন্তর্জলশায়িনে ||
SP0240511গণানাং পতয়ে চৈব ভূতানাং পতয়ে নমঃ |
SP0240512উমাপুত্রায় দেবায় পট্টিসায়ুধধারিণে ||
SP0240521নমো দংষ্ট্রাকরালায় ললাটনয়নায় চ |
SP0240522প্রমথায় বরেণ্যায় ঈশানায়ার্পিতায় চ ||
SP0240531দ্বারাধ্যক্ষায় শূরায় সুয়শাপতয়ে নমঃ |
SP0240532নমঃ প্রবরমালায় ক্ষীরোদনিলয়ায় চ ||
SP0240541মহাগণাধিপতয়ে মহায়োগেশ্বরায় চ |
SP0240542দিণ্ডিমুণ্ডায় চণ্ডায় একাক্ষররতায় চ ||
SP0240551অক্ষয়ায়ামৃতায়ৈব অজরায়ামরায় চ |
SP0240552পশূনাং পতয়ে চৈব জেত্রে মৃত্যোস্তথৈব চ ||
SP0240561নমঃ পবনবেগায় সর্বজ্ঞায়াজিতায় চ |
SP0240562অনেকশিরসে চৈব অনেকচরণায় চ ||
SP0240571কিরীটিনে কুণ্ডলিনে মহাপরিঘবাহবে |
SP0240572সর্বান্দেবান্গণাংশ্চৈব পাহি দেব নমোঽস্তু তে ||
SP0240580সনৎকুমার উবাচ |
SP0240581এবং স্তুৎবা ততো দেবস্তস্মৈ ব্যাস মহাত্মনে |
SP0240582প্রাঞ্জলিঃ প্রয়তো ভূৎবা জয়শব্দং চকার হ ||
SP0240591ততো গণা জয়েত্যূচুস্ততো দেবাস্ততোঽসুরাঃ |
SP0240592ততঃ সর্বাণি ভূতানি ব্রহ্মা শক্রস্তথৈব চ ||
SP0240601ততঃ শশ্ণ্খাংশ্চ ভেরীংশ্চ পটহাডম্বরাংস্তথা |
SP0240602বংশাংশ্চ পণবাংশ্চৈব কৃকবান্গোবিষাণিকান্ ||
SP0240611দিণ্ডিমান্বেণুকাংশ্চৈব মর্দলাংশ্চৈব সর্বশঃ |
SP0240612অবাদয়ন্ত গণপা হর্ষয়ন্তো মুদা যুতাঃ ||
SP0240620সনৎকুমার উবাচ |
SP0240621নন্দীশ্বরস্য য ইমং স্তবং দেবাভিনির্মিতম্ |
SP0240622পঠেত সততং মর্ত্যঃ স গচ্ছেন্মম লোকতাম্ ||
SP0240631নমো নন্দীশ্বরায়েতি কৃৎবা যঃ স্বপ্নমাচরেৎ |
SP0240632তস্য কুষ্মাণ্ডরাজেভ্যো ন ভয়ং বিদ্যতে ক্বচিৎ ||
SP0240641যত্রায়ং স্থাপ্যতে নিত্যং স্তবঃ পরমপূজিতঃ |
SP0240642ন ভয়ং তত্র ভবতি গ্রহেভ্যো ব্যাস সর্বদা ||
SP0240651নন্দীশ্বরং যে প্রণমন্তি মর্ত্যা নিত্যং প্রসন্নেন্দ্রিয়শুদ্ধসত্ত্বাঃ |
SP0240652তে দেবদেবস্য সহাদ্রিপুত্র্যা ইষ্টা বরিষ্ঠাশ্চ গণা ভবন্তি ||
SP0249999ইতি স্কন্দপুরাণে চতুর্বিংশতিমোঽধ্যায়ঃ ||