স্কন্দপুরাণ অধ্যায় ২২

স্কন্দপুরাণ অধ্যায় ২২
SP0220010সনৎকুমার উবাচ |
SP0220011ততস্তু দেবদেবেশো ভক্ত্যা পরময়া যুতম্ |
SP0220012অশ্রুপূর্ণেক্ষণং দীনং পাদয়োঃ শিরসা নতম্ ||
SP0220021করাভ্যাং সুসুখাভ্যাং তু সংগৃহ্য পরমার্তিহা |
SP0220022উত্থাপ্য নয়নে সোমঃ অশ্রুপূর্ণে মমার্জ হ ||
SP0220031উবাচ চৈনং তুষ্টাত্মা বচসাপ্যায়য়ন্নিব |
SP0220032নিরীক্ষ্য গণপান্সর্বান্দেব্যা সহ তদা প্রভুঃ ||
SP0220040দেব উবাচ |
SP0220041জানে ভক্তিং তব ময়ি জানে চার্তিং তবানঘ |
SP0220042তস্য সর্বস্য শৈলাদে উদর্কং সংনিশাময় ||
SP0220051অমরো জরয়া ত্যক্তো নিত্যং দুঃখবিবর্জিতঃ |
SP0220052অক্ষয়শ্চাব্যয়শ্চৈব সপিতা সসুহৃজ্জনঃ ||
SP0220061মমেষ্টো গণপশ্চৈব মদ্বীর্যো মৎপরাক্রমঃ |
SP0220062ইষ্টো মম সদা চৈব মম পার্শ্বগতঃ সদা |
SP0220063মদ্রূপশ্চৈব ভবিতা মহায়োগবলান্বিতঃ ||
SP0220071ঋদ্ধিমচ্চৈব তে দ্বীপং ক্ষীরোদমমৃতাকরম্ |
SP0220072সংবাসং সম্প্রয়চ্ছামি তত্র রংস্যসি সর্বদা ||
SP0220081কুশেশয়ময়ীং মালামবমুচ্যাত্মনস্ততঃ |
SP0220082আববন্ধ মহাতেজা নন্দিনে দিব্যরূপিণীম্ ||
SP0220091স তয়া মালয়া নন্দী বভৌ কণ্ঠাবসক্তয়া |
SP0220092ত্র্যক্ষো দশভুজঃ শ্রীমান্দ্বিতীয় ইব শংকরঃ ||
SP0220101ততস্তং বৈ সমাদায় হস্তেন ভগবান্হরঃ |
SP0220102উবাচ ব্রূহি কিং তেঽদ্য দদানি বরমুত্তমম্ ||
SP0220111আশ্রমশ্চায়মত্যর্থং তপসা তব ভাবিতঃ |
SP0220112জপ্যেশ্বর ইতি খ্যাতো মম গুহ্যো ভবিষ্যতি ||
SP0220121সমন্তাদ্যোজনং ক্ষেত্রং দিব্যং দেবগণৈর্বৃতম্ |
SP0220122সিদ্ধচারণসংকীর্ণমপ্সরোগণসেবিতম্ |
SP0220123সিদ্ধিক্ষেত্রং পরং গুহ্যং ভবিষ্যতি ন সংশয়ঃ ||
SP0220131কর্মণা মনসা বাচা যৎকিংচিৎকুরুতে নরঃ |
SP0220132শুভং বাপ্যশুভং বাত্র সর্বং ভবিতৃ তচ্ছুভম্ ||
SP0220141জাপ্যং মানসং তুল্যং বৈ রুদ্রাণাং তদ্ভবিষ্যতি |
SP0220142যত্র তত্র মৃতা মর্ত্যা যাস্যন্তি তব লোকতাম্ ||
SP0220151ততো জটাস্রুতং বারি গৃহীৎবা হারনির্মলম্ |
SP0220152উক্ত্বা নদী ভবস্বেতি বিসসর্জ মহাতপাঃ ||
SP0220161সা ততো দিব্যতোয়া চ পুণ্যা মণিজলা শুভা |
SP0220162হংসকারণ্ডবাকীর্ণা চক্রবাকোপশোভিতা |
SP0220163পদ্মোৎপলবনোপেতা প্রাবর্তত মহানদী ||
SP0220171স্ত্রীরূপধারিণী চৈব প্রাঞ্জলিঃ শিরসা নতা |
SP0220172পদ্মোৎপলদলাভাক্ষী মহাদেবমুপস্থিতা ||
SP0220181তামুবাচ ততো দেবো নদীং স্বয়মুপস্থিতাম্ |
SP0220182যস্মাজ্জটোদকাদ্দেবি প্রবৃত্তা ৎবং শুভাননে |
SP0220183তস্মাজ্জটোদা নাম্না ৎবং ভবিষ্যসি সরিদ্বরা ||
SP0220191ৎবয়ি স্নানং তু যঃ কুর্যাচ্ছুচিঃ প্রয়তমানসঃ |
SP0220192সোঽশ্বমেধফলং প্রাপ্য রুদ্রলোকে মহীয়তে ||
SP0220200সনৎকুমার উবাচ |
SP0220201ততো দেব্যা মহাদেবো নন্দীশ্বরমতিপ্রভম্ |
SP0220202পুত্রস্তেঽযমিতি প্রোচ্য পাদয়োস্তং ব্যনাময়ৎ ||
SP0220211সা তমাঘ্রায় শিরসি পাণিভ্যাং পরিমার্জতী |
SP0220212পুত্রপ্রেম্ণাভ্যষিঞ্চত্তং স্রোতোভিঃ স্তনজৈস্ত্রিভিঃ |
SP0220213পয়সা শশ্ণ্খগৌরেণ দেবী দেবং নিরীক্ষতী ||
SP0220221তানি স্রোতাংসি ত্রীণ্যস্যাঃ স্রুতান্যোঘবতী নদী |
SP0220222নদীং ত্রিস্রোতসীং পুণ্যাং ততস্তামবদদ্ধরঃ ||
SP0220231ত্রিস্রোতসং নদীং দৃষ্ট্বা বৃষঃ পরমহর্ষিতঃ |
SP0220232ননর্দ নাদাত্তস্মাচ্চ সরিদন্যা ততোঽভবৎ ||
SP0220241যস্মাদ্বৃষভনাদেন প্রবৃত্তা সা মহানদী |
SP0220242তস্মাড্ঢিৎকিরিকাং তাং বৈ উবাচ বৃষভধ্বজঃ ||
SP0220251জাম্বূনদময়ং চিত্রং স্বং দেবঃ পরমাদ্ভুতম্ |
SP0220252মুকুটং চাববন্ধাস্মৈ কুণ্ডলে চামৃতোদ্ভবে ||
SP0220261তং তথাভ্যর্চিতং ব্যোম্নি দৃষ্ট্বা মেঘঃ প্রভাকরঃ |
SP0220262দেবোপবাহ্যঃ সিষিচে সনাদঃ সতডিদ্গুণঃ ||
SP0220271তস্যাভিষিক্তস্য তদা প্রবৃত্তে স্রোতসী ভৃশম্ |
SP0220272যস্মাৎসুবর্ণান্নিঃসৃত্য নদ্যেকা সম্প্রবর্তত |
SP0220273স্বর্ণোদকেতি নাম্না তাং মহাদেবোঽভ্যভাষত ||
SP0220281জাম্বূনদময়াদ্যস্মাদ্দ্বিতীয়া মুকুটাচ্ছুভাৎ |
SP0220282প্রাবর্তত নদী পুণ্যা ঊচুর্জম্বূনদীতি তাম্ ||
SP0220291এতৎপঞ্চনদং নাম জপ্যেশ্বরসমীপগম্ |
SP0220292ব্যাখ্যাতং ফলমেতাসাং জটোদায়াং মহাত্মনা ||
SP0220301তচ্চ পঞ্চনদং দিব্যং দেবং জপ্যেশ্বরং চ তম্ |
SP0220302ত্রিরাত্রোপোষিতো গৎবা স্নাৎবাভ্যর্চ্য চ শূলিনম্ ||
SP0220311নন্দীশ্বরস্যানুচরঃ ক্ষীরোদনিলয়ো ভবেৎ ||
SP0220321যস্তু জপ্যেশ্বরে প্রাণান্পরিত্যজতি দুস্ত্যজান্ |
SP0220322নিয়মেনান্যথা বাপি স মে গণপতির্ভবেৎ ||
SP0220331নন্দীশ্বরসমো নিত্যঃ শাশ্বতঃ অক্ষয়োঽব্যয়ঃ |
SP0220332মম পার্শ্বাদনপগঃ প্রিয়ঃ সংমত এব চ ||
SP0220341জপ্যেশ্বরং পঞ্চনদং চ তদ্বৈ যো মানবোঽভ্যেত্য জহাতি দেহম্ |
SP0220342স মে সদা স্যাদ্গণপো বরিষ্ঠস্ত্বয়া সমঃ কান্তিবপুশ্চ নিত্যম্ ||
SP0229999ইতি স্কন্দপুরাণে দ্বাবিংশতিমোঽধ্যায়ঃ ||