স্কন্দপুরাণ অধ্যায় ২০

স্কন্দপুরাণ অধ্যায় ২০
SP0200010ব্যাস উবাচ |
SP0200011উমাহরৌ তু দেবেশৌ চক্রতুর্যচ্চ সংগতৌ |
SP0200012তন্মে সর্বমশেষেণ কথয়স্ব মহামুনে ||
SP0200020সনৎকুমার উবাচ |
SP0200021উমাহরৌ তু সংগম্য পরস্পরমনিন্দিতৌ |
SP0200022শালশ্ণ্কস্যান্বয়ে বিপ্রং যুয়ুজাতে বরেণ হ ||
SP0200031স চাপ্যয়োনিজঃ পুত্র আরাধ্য পরমেশ্বরম্ |
SP0200032রুদ্রেণ সমতাং লব্ধ্বা মহাগণপতির্বভৌ ||
SP0200040ব্যাস উবাচ |
SP0200041কথং নন্দী সমুৎপন্নঃ কথং চারাধ্য শংকরম্ |
SP0200042সমানৎবমগাচ্ছম্ভোঃ প্রতীহারৎবমেব চ ||
SP0200050সনৎকুমার উবাচ |
SP0200051অভূদৃষিঃ স ধর্মাত্মা শিলাদো নাম বীর্যবান্ |
SP0200052তস্যাভূচ্ছিলকৈর্বৃত্তিঃ শিলাদস্তেন সোঽভবৎ ||
SP0200061অপশ্যল্লম্বমানাংস্তু গর্তায়াং স পিৎ.র়্ন্দ্বিজঃ |
SP0200062বিচ্ছিন্নসংততীন্ঘোরং নিরয়ং বৈ প্রপেতুষঃ ||
SP0200071তৈরুক্তোঽপত্যকামৈস্তু দেবং লোকেশমব্যয়ম্ |
SP0200072আরাধয় মহাদেবং সুতার্থং দ্বিজসত্তম ||
SP0200081তস্য বর্ষসহস্রেণ তপ্যমানস্য শূলধৃক্ |
SP0200082শর্বঃ সোমো গণবৃতো বরদোঽস্মীত্যভাষত ||
SP0200091তং দৃষ্ট্বা সোমমীশেশং প্রণতঃ পাদয়োর্বিভোঃ |
SP0200092হর্ষগদ্গদয়া বাচা তুষ্টাব বিবুধেশ্বরম্ ||
SP0200101নমঃ পরমদেবায় মহেশায় মহাত্মনে |
SP0200102স্রষ্ট্রে সর্বসুরেশানাং ব্রহ্মণঃ পতয়ে নমঃ ||
SP0200111নমঃ কামাশ্ণ্গনাশায় যোগসম্ভবহেতবে |
SP0200112নমঃ পর্বতবাসায় ধ্যানগম্যায় বেধসে ||
SP0200121ঋষীণাং পতয়ে নিত্যং দেবানাং পতয়ে নমঃ |
SP0200122বেদানাং পতয়ে চৈব যোগিনাং পতয়ে নমঃ ||
SP0200131প্রধানায় নমো নিত্যং তত্ত্বায়ামরসংজ্ঞিণে |
SP0200132বরদায় চ ভক্তানাং নমঃ সর্বগতায় চ ||
SP0200141তন্মাত্রেন্দ্রিয়ভূতানাং বিকারাণাং গুণৈঃ সহ |
SP0200142স্রষ্ট্রে চ পতয়ে চৈব নমশ্চ প্রভবিষ্ণবে ||
SP0200151জগতঃ পতয়ে চৈব জগৎস্রষ্ট্রে নমঃ সদা |
SP0200152প্রকৃতেঃ পতয়ে নিত্যং পুরুষাৎপরগামিনে ||
SP0200161ঈশ্বরায় নমো নিত্যং যোগগম্যায় রংহসে |
SP0200162সংসারোৎপত্তিনাশায় সর্বকামপ্রদায় চ ||
SP0200171শরণ্যায় নমো নিত্যং নমো ভস্মাশ্ণ্গরাগিণে |
SP0200172নমস্তেঽযোগ্রহস্তায় তেজসাং পতয়ে নমঃ ||
SP0200181সূর্যানিলহুতাশাম্বুচন্দ্রাকাশধরায় চ |
SP0200182স্থিতায় সর্বদা নিত্যং নমস্ত্রৈলোকবেধসে ||
SP0200191স্তোতব্যস্য কুতো দেব বিশ্রামস্তব বিদ্যতে |
SP0200192যদা হেতুস্ত্বমেবাস্য জগতঃ স্থিতিনাশয়োঃ ||
SP0200201অশরণ্যস্য দেবেশ ৎবত্তশ্চ শরণার্থিনঃ |
SP0200202প্রসাদং পরমালম্ব্য বরদো ভব বিশ্বকৃৎ ||
SP0200210সনৎকুমার উবাচ |
SP0200211যঃ স্তোত্রমেতদখিলং পঠতে দ্বিজন্মা প্রাতঃ শুচির্নিয়মবান্পুরতো দ্বিজানাম্ |
SP0200212তং ব্রহ্মরাক্ষসনিশাচরভূতয়ক্ষা হিংসন্তি নো দ্বিপদপন্নগপূতনাশ্চ ||
SP0200221ততঃ স ভগবান্দেবঃ স্তূয়মানঃ সহোময়া |
SP0200222উবাচ বরদোঽস্মীতি ব্রূহি যত্তে মনোগতম্ ||
SP0200231তমেবংবাদিনং দেবং শিলাদোঽভ্যর্চয়ত্তদা |
SP0200232উবাচ চেদং দেবেশং স বাচা সজ্জমানয়া ||
SP0200241ভগবন্যদি তুষ্টোঽসি যদি দেয়ো বরশ্চ মে |
SP0200242ইচ্ছাম্যাত্মসমং পুত্রং মৃত্যুহীনময়োনিজম্ ||
SP0200251এবমুক্তস্ততো দেবঃ প্রীয়মাণস্ত্রিলোচনঃ |
SP0200252এবমস্ত্বিতি তং প্রোচ্য তত্রৈবান্তরধীয়ত ||
SP0200261গতে তস্মিন্মহেষ্বাসে ঋষিঃ পরমপূজিতঃ |
SP0200262স্বমাশ্রমমুপাগম্য ঋষিভ্যোঽকথয়ত্ততঃ ||
SP0200271তৈঃ প্রশস্তস্ততশ্চৈব কালেন মুনিসত্তম |
SP0200272যিয়ক্ষুর্যজ্ঞভূমিং স্বাং লাশ্ণ্গলেন চকর্ষ তাম্ ||
SP0200281তস্যাং তু কৃষ্যমাণায়াং সীতায়াং তৎসমুত্থিতঃ |
SP0200282সংবর্তকানলপ্রখ্যঃ কুমারঃ প্রত্যদৃশ্যত ||
SP0200291স তং দৃষ্ট্বা তথোদ্ভূতং কুমারং দীপ্ততেজসম্ |
SP0200292রাক্ষসোঽযমিতি জ্ঞাৎবা ভয়ান্নোপসসার তম্ ||
SP0200301কুমারোঽপি তথোদ্ভূতঃ পিতরং দীপ্ততেজসম্ |
SP0200302উপাসর্পত দীনাত্মা তাত তাতেতি চাব্রবীৎ ||
SP0200311স তাতেত্যুচ্যমানোঽপি যদা তং নাভ্যনন্দত |
SP0200312ততো বায়ুস্তমাকাশে শিলাদং প্রাহ সুস্বরম্ ||
SP0200320বায়ুরুবাচ |
SP0200321শালশ্ণ্কায়ন পুত্রস্তে যোঽসৌ দেবেন শম্ভুনা |
SP0200322অয়োনিজঃ পুরা দত্তঃ স এষ প্রতিনন্দয় ||
SP0200331যস্মান্নন্দীকরস্তেঽযং সদৈব দ্বিজসত্তম |
SP0200332তস্মান্নন্দীতি নাম্নায়ং ভবিষ্যতি সুতস্তব ||
SP0200340সনৎকুমার উবাচ |
SP0200341ততঃ স বায়ুবচনান্নন্দিনং পরিষস্বজে |
SP0200342গৃহীৎবা চাশ্রমং স্বেন সোঽনয়ত্তুষ্টিবর্ধনম্ |
SP0200343চূডোপনয়নাদীনি কর্মাণ্যস্য চকার সঃ ||
SP0200351কৃৎবা চাধ্যাপয়ামাস বেদান্সাশ্ণ্গানশেষতঃ |
SP0200352আয়ুর্বেদং ধনুর্বেদং গান্ধর্বং শব্দলক্ষণম্ ||
SP0200361হস্তিনাং চরিতং যচ্চ নরনার্যোশ্চ লক্ষণম্ |
SP0200362শিল্পানি চৈব সর্বাণি নিমিত্তজ্ঞানমেব চ ||
SP0200371ভূতগ্রামচিকিৎসাং চ মাৎ.র়্ণাং চরিতং চ যৎ |
SP0200372ভুজংগানাং চ সর্বেষাং যচ্চ কিংচিদ্বিচেষ্টিতম্ |
SP0200373অব্দৈরধীতবান্সর্বং ব্যাস পঞ্চভিরেব চ ||
SP0200381দক্ষঃ শুচিরদীনাত্মা প্রিয়বাগনসূয়কঃ |
SP0200382সর্বলোকপ্রিয়ো নিত্যং মনোনয়ননন্দনঃ ||
SP0200391তস্যাথ সপ্তমে বর্ষে ঋষী দিব্যৌ তপোধনৌ |
SP0200392আশ্রমং সমনুপ্রাপ্তৌ শিলাদস্য মহৌজসৌ ||
SP0200401তাবভ্যর্চ্য যথান্যায়ং শিলাদঃ সুমহাতপাঃ |
SP0200402সুখাসীনৌ সমালক্ষ্য আসনে পরমার্চিতৌ ||
SP0200411মিত্রাবরুণনামানৌ তপোয়োগবলান্বিতৌ |
SP0200412অভিজ্ঞৌ সর্বভূতানাং ত্রৈলোক্যে সচরাচরে ||
SP0200421তাভ্যামনুজ্ঞাতশ্চৈব নিষসাদ বরাসনে |
SP0200422উপবিষ্টস্ততঃ প্রীত ইষ্টাভির্বাগ্ভিরস্তুবৎ ||
SP0200431তাভ্যাং পৃষ্টশ্চ কচ্চিত্তে পুত্রস্তুষ্টিপ্রদঃ শুভঃ |
SP0200432স্বাধ্যায়নিয়তঃ কচ্চিৎকচ্চিদ্ধর্মস্য সংততিঃ ||
SP0200441কচ্চিন্ন বৃদ্ধান্বালো ন গুরূন্বাপ্যবমন্যতে |
SP0200442কচ্চিন্নিয়মবাংশ্চৈব কচ্চিত্তুষ্টিপ্রদঃ সতাম্ ||
SP0200451স এবমুক্তস্তেজস্বী শিলাদঃ পুত্রবৎসলঃ |
SP0200452উবাচ গুণবান্সম্যক্কুলবংশবিবর্ধনঃ ||
SP0200461তমাহূয় স তুষ্ট্যা তু পুত্রং নন্দিনমচ্যুতম্ |
SP0200462তয়োঃ পাদেষু শিরসা অপাতয়ত নন্দিনম্ ||
SP0200471তৌ তু তস্যাশিষং দেবৌ প্রয়ুশ্ণ্ক্তো ধর্মনিত্যতাম্ |
SP0200472গুরুশুশ্রূষণে ভাবং লোকাংশ্চৈব তথাক্ষয়ান্ ||
SP0200480সনৎকুমার উবাচ |
SP0200481শিলাদস্তামথালক্ষ্য আশিষং দেবয়োস্তদা |
SP0200482বিসৃজ্য নন্দিনং ভীতঃ সোঽপৃচ্ছদৃষিসত্তমৌ ||
SP0200490শিলাদ উবাচ |
SP0200491ভগবন্তাবৃষী সত্যৌ গতিজ্ঞৌ সর্বদেহিনাম্ |
SP0200492কিমর্থং মম পুত্রস্য দীর্ঘমায়ুরুভাবপি |
SP0200493প্রয়ুক্তবন্তৌ সম্যক্তু নাশিষং মুনিসত্তমৌ ||
SP0200500মিত্রাবরুণাবূচতুঃ |
SP0200501তবৈষ তনয়স্তাত অল্পায়ুঃ সর্বসংমতঃ |
SP0200502অতোঽন্যদ্বর্ষমেকং বৈ জীবিতং ধারয়িষ্যতি ||
SP0200510সনৎকুমার উবাচ |
SP0200511ততঃ স শোকসংতপ্তো ন্যপতদ্ভুবি দুঃখিতঃ |
SP0200512বিসৃজ্য ঋষিশার্দূলাবেকাকী বিললাপ চ ||
SP0200521তস্য শোকাদ্বিলপতঃ স্বরং শ্রুৎবা সুতঃ শুভঃ |
SP0200522নন্দ্যাগাত্তমথাপশ্যৎপিতরং দুঃখিতং ভৃশম্ ||
SP0200530নন্দ্যুবাচ |
SP0200531কেন ৎবং তাত দুঃখেন দূয়মানঃ প্ররোদিষি |
SP0200532দুঃখং তে কুত উদ্ভূতং জ্ঞাতুমিচ্ছাম্যহং পিতঃ ||
SP0200540শিলাদ উবাচ |
SP0200541পুত্র ৎবং কিল বর্ষেণ জীবিতং সম্প্রহাস্যসি |
SP0200542ঊচতুস্তাবৃষীত্যেবং ততো মাং কৃচ্ছ্রমাবিশৎ ||
SP0200550নন্দ্যুবাচ |
SP0200551সত্যং দেবঋষী তাত ন তাবনৃতমূচতুঃ |
SP0200552তথাপি তু ন মৃত্যুর্মে প্রভবিষ্যতি মা শুচঃ ||
SP0200560শিলাদ উবাচ |
SP0200561কিং তপঃ কিং পরিজ্ঞানং কো যোগঃ কঃ শ্রমশ্চ তে |
SP0200562যেন ৎবং মৃত্যুমুদ্যুক্তং বঞ্চয়িষ্যসি কথ্যতাম্ ||
SP0200570নন্দ্যুবাচ |
SP0200571ন তাত তপসা মৃত্যুং বঞ্চয়িষ্যে ন বিদ্যয়া |
SP0200572মহাদেবপ্রসাদেন মৃত্যুং জেষ্যামি নান্যথা ||
SP0200581দ্রক্ষ্যামি শংকরং দেবং ততো মৃত্যুর্ন মে ভবেৎ |
SP0200582নষ্টে মৃত্যৌ ৎবয়া সার্ধং চিরং বৎস্যামি নির্বৃতঃ ||
SP0200590শিলাদ উবাচ |
SP0200591ময়া বর্ষসহস্রেণ তপস্তপ্ত্বা সুদুশ্চরম্ |
SP0200592মহাদেবঃ পুরা দৃষ্টো লব্ধস্ত্বং মে যতঃ সুতঃ ||
SP0200601ভবাংস্তু বর্ষেণৈকেন তপসা নাতিভাবিতঃ |
SP0200602কথং দ্রষ্টা মহাদেবমেতদিচ্ছামি বেদিতুম্ ||
SP0200610নন্দ্যুবাচ |
SP0200611ন তাত তপসা দেবো দৃশ্যতে ন চ বিদ্যয়া |
SP0200612শুদ্ধেন মনসা ভক্ত্যা দৃশ্যতে পরমেশ্বরঃ ||
SP0200621ৎবয়া বিসৃষ্টো গৎবাহমচিরেণ ত্রিলোচনম্ |
SP0200622দ্রষ্টা তাত ন সংদেহো বিসৃজাশু ততস্তু মাম্ ||
SP0200631তিষ্ঠন্তং মাং যমোঽভ্যেত্য পশ্যতস্তেঽভিসংমতম্ |
SP0200632ন হিংসতি তথা তস্মাদিতস্তাত ব্রজাম্যহম্ ||
SP0200641তিষ্ঠন্তং বা শয়ানং বা ধাবন্তং পতিতং তথা |
SP0200642ন প্রতীক্ষতি বৈ মৃত্যুরিতি বুদ্ধ্বা শমং ব্রজ ||
SP0200651অবতীর্য জলং দিব্যং ভাবং শুদ্ধং সমাস্থিতঃ |
SP0200652অভ্যস্য রৌদ্রমধ্যায়ং ততো দ্রক্ষ্যামি শংকরম্ ||
SP0200661জপতশ্চাপি যুক্তস্য রুদ্রভাবার্পিতস্য চ |
SP0200662ন মৃত্যুকালা বহবঃ করিষ্যন্তি মম ব্যথাম্ ||
SP0200670সনৎকুমার উবাচ |
SP0200671তমেবংবাদিনং মৎবা ব্রুবাণং শুদ্ধয়া গিরা |
SP0200672ব্যসর্জয়দদীনাত্মা কৃচ্ছ্রাৎপুত্রং মহাতপাঃ ||
SP0200681অভিবন্দ্য পিতুঃ পাদৌ শিরসা স মহায়শাঃ |
SP0200682প্রদক্ষিণং সমাবৃত্য সম্প্রতস্থেঽতিনিশ্চিতঃ ||
SP0200691অভিবাদ্য ঋষীন্সর্বান্স দিদৃক্ষুরুদারধীঃ |
SP0200692মুনিঃ স দেবমগমৎপ্রণতার্তিহরং হরম্ ||
SP0209999ইতি স্কন্দপুরাণে বিংশতিতমোঽধ্যায়ঃ ||