স্কন্দপুরাণ অধ্যায় ১৮

স্কন্দপুরাণ অধ্যায় ১৮
SP0180010সনৎকুমার উবাচ |
SP0180011ততঃ স রাজা স্বং রাজ্যমুৎসৃজ্য সহ ভার্যয়া |
SP0180012বনং বিবেশ তত্রাভূৎপুরুষাদো মহাবলঃ ||
SP0180021সোঽভক্ষয়ত তত্রাগ্রে শক্তিমেব মহামুনিম্ |
SP0180022ততো ভ্রাতৃশতং তস্য বসিষ্ঠস্যৈব পশ্যতঃ ||
SP0180031ততঃ পুত্রবধং ঘোরং দৃষ্ট্বা ব্রহ্মসুতঃ প্রভুঃ |
SP0180032নোৎসসর্জ তদা ক্রোধং বসিষ্ঠঃ কৌশিকং প্রতি |
SP0180033পুত্রশোকেন মহতা ভৃশমেবান্বকীর্যত ||
SP0180041স বদ্ধ্বা মহতীং কণ্ঠে শিলাং ব্রহ্মসুতঃ প্রভুঃ |
SP0180042নদ্যামাত্মানমুৎসৃজ্য শতধা সাদ্রবদ্ভয়াৎ |
SP0180043শতদ্রূরিতি তাং প্রাহুর্মুনয়ঃ সংশিতব্রতাঃ ||
SP0180051পুনঃ পাশৈর্দৃঢৈর্বদ্ধ্বা অন্যস্যামসৃজদ্বশী |
SP0180052তস্যাং বিপাশঃ সংবৃত্তো বিপাশা সাভবত্ততঃ ||
SP0180061ততোঽটবীং সমাসাদ্য নিরাহারো জিতেন্দ্রিয়ঃ |
SP0180062বায়ুভক্ষস্তদা তস্থৌ স্বং দেহং পরিতাপয়ন্ ||
SP0180071অথ শুশ্রাব বেদানাং ধ্বনিমেকস্য সুস্বরম্ |
SP0180072অধীয়ানস্য তত্রাশু ধ্যানমেবান্বপদ্যত ||
SP0180081অথৈনং চারুসর্বাশ্ণ্গী পীনোন্নতপয়োধরা |
SP0180082উপতস্থেঽগ্রতঃ পত্নী শক্তের্দীনাননেক্ষণা ||
SP0180091তামুবাচ কুতস্ত্বং বৈ কস্যৈষ শ্রূয়তে ধ্বনিঃ |
SP0180092সোবাচ দীনয়া বাচা রুদতী শ্বশুরং তদা ||
SP0180100অদৃশ্যন্ত্যুবাচ |
SP0180101যদৈব সুতদুঃখেন নির্গতোঽস্যাশ্রমাদ্গুরো |
SP0180102তদাপ্রভৃত্যেবাদৃশ্যা ভগবন্তমনুব্রতা ||
SP0180111অধীয়ানস্য চৈবায়ং ধ্বনিঃ পুত্রস্য তে বিভো |
SP0180112উদরস্থস্য তে সূনোর্মা দুঃখে ৎবং মনঃ কৃথাঃ ||
SP0180120সনৎকুমার উবাচ |
SP0180121ইদানীমস্তি মে বৎসে জীবিতাশেতি সোঽব্রবীৎ |
SP0180122ক্ষান্তিং ধৃতিং চ সংস্থিত্য প্রয়য়াবাশ্রমং মুনিঃ ||
SP0180131তদাশ্রমপদং গচ্ছন্পথি রাজানমৈক্ষত |
SP0180132বসারুধিরদিগ্ধাশ্ণ্গং সৌদাসং রক্তলোচনম্ ||
SP0180141অভিদ্রবন্তং বেগেন মন্ত্রৈরস্তম্ভয়ন্মুনিঃ |
SP0180142ততোঽস্য নির্গতঃ কায়াদ্রক্ষঃ পরমদারুণঃ ||
SP0180151উবাচ চৈনং দুষ্টাত্মন্দহেয়ং ৎবাং সবান্ধবম্ |
SP0180152দগ্ধেন চ ৎবয়া কিং মে গচ্ছ মুক্তোঽসি দুর্মতে ||
SP0180161ততঃ স মুক্তো দীনাত্মা রাক্ষসঃ ক্রূরকর্মকৃৎ |
SP0180162প্রণম্য শিরসা ভীতো জগাম কুশিকান্তিকম্ ||
SP0180171গতে নিশাচরে রাজা প্রণম্য শিরসা মুনিম্ |
SP0180172প্রসাদয়ামাস তদা স চোবাচেদমর্থবৎ ||
SP0180181ন দোষস্তব রাজেন্দ্র রক্ষসাধিষ্ঠিতস্য বৈ |
SP0180182কৃতান্তেন হতাঃ পুত্রা নিমিত্তং তত্র রাক্ষসঃ ||
SP0180191প্রশাধি রাজ্যং রাজেন্দ্র পিতৃপৈতামহং বিভো |
SP0180192ব্রূহি কিং বা প্রিয়ং তেঽদ্য করোমি নরপুংগব ||
SP0180200রাজোবাচ |
SP0180201ইচ্ছামি ভগবন্পুত্রং ৎবয়োৎপাদিতমচ্যুত |
SP0180202দেব্যামস্যাং মহাসত্ত্বং তৎকুরুষ্ব মম প্রিয়ম্ ||
SP0180210সনৎকুমার উবাচ |
SP0180211এবমস্ত্বিত্যথোক্ত্বাসৌ তস্যাং পত্ন্যাং মহাব্রতঃ |
SP0180212পুত্রং চ শোণকং নাম জনয়ামাস নির্বৃতঃ ||
SP0180221তং শোণকং ততো রাজ্যে স্বং পুত্রমভিষিচ্য সঃ |
SP0180222জগাম বনমেবাশু সভার্যস্তপসি স্থিতঃ ||
SP0180231বসিষ্ঠস্যাপি কালেন শক্তেঃ পুত্রঃ প্রতাপবান্ |
SP0180232অদৃশ্যন্ত্যাং সমভবৎপুত্রো নাম্না পরাশরঃ ||
SP0180241বসিষ্ঠং তু তদা ধীমাংস্তাতমেবাভ্যমন্যত |
SP0180242তাত তাতেতি চ মুহুর্ব্যাজহার পিতুর্গুরুম্ ||
SP0180251ততঃ কদাচিদ্বিজ্ঞায় ভক্ষিতং রক্ষসা শুচিম্ |
SP0180252পিতরং তপসা মন্ত্রৈরীজে রক্ষঃক্রতৌ তদা ||
SP0180261তত্র কোটীঃ স পঞ্চাশদ্রক্ষসাং ক্রূরকর্মণাম্ |
SP0180262জুহাবাগ্নৌ মহাতেজাস্ততো ব্রহ্মাভ্যগাদ্দ্রুতম্ ||
SP0180271সুতমভ্যেত্য সম্পূজ্য বসিষ্ঠসহিতঃ প্রভুঃ |
SP0180272ঋষিভির্দৈবতৈশ্চৈব ইদমাহ পরাশরম্ ||
SP0180280ব্রহ্মোবাচ |
SP0180281দেবতাস্তে পতন্তি স্ম যজ্ঞৈর্মন্ত্রপুরস্কৃতৈঃ |
SP0180282অষ্টমং স্থানমেতদ্ধি দেবানামাদ্যমীদৃশম্ ||
SP0180290পরাশর উবাচ |
SP0180291সহ দেবৈরহং সর্বা/ল্লোকান্ধক্ষ্যামি পাবকৈঃ |
SP0180292দগ্ধ্বান্যান্প্রথয়িষ্যামি তত্র লোকান্ন সংশয়ঃ ||
SP0180300সনৎকুমার উবাচ |
SP0180301তস্যৈবং গর্বিতং বাক্যং শ্রুৎবা দেবঃ পিতামহঃ |
SP0180302উবাচ শ্লক্ষ্ণয়া বাচা সান্ত্বয়ংস্তমিদং বচঃ ||
SP0180310পিতামহ উবাচ |
SP0180311কৃতমেতন্ন সংদেহো যথা ব্রূষে মহামতে |
SP0180312ক্ষন্তব্যং সর্বমেতত্তু অস্মৎপ্রিয়চিকীর্ষয়া ||
SP0180321যৈস্তে পিতা মহাভাগ ভক্ষিতঃ সহ সোদরৈঃ |
SP0180322ত এবাগ্নৌ চ হোতব্যা বিশ্বামিত্রস্য পশ্যতঃ |
SP0180323অন্যেষাং স্বস্তি সর্বত্র দেবানাং সহ রাক্ষসৈঃ ||
SP0180331তস্য সংকল্পসংতপ্তো মন্যুমূলমুদাহরৎ |
SP0180332বসিষ্ঠস্য মহাভাগ ৎবং নিবারয় পুত্রক ||
SP0180341দেবাঃ প্রাঞ্জলয়ঃ সর্বে প্রণেমুস্তে মহামুনিম্ |
SP0180342ঋষয়শ্চৈব তে সর্বে বাগ্ভিস্তুষ্টুবিরে তদা ||
SP0180351ততস্তেষাং মহাতেজা বচাংসি প্রত্যপূজয়ৎ |
SP0180352বিশ্বামিত্রস্য মিষত ইদং প্রোবাচ সুস্বরম্ ||
SP0180361য এষাং ব্রাহ্মণো বাপি ক্ষত্রিয়ো বা দুরাত্মবান্ |
SP0180362রক্ষসাং পক্ষমাস্থায় প্রতীকারং করিষ্যতি ||
SP0180371তমপ্যত্রাপি সংক্রুদ্ধস্তপোয়োগবলান্বিতঃ |
SP0180372বিহত্য তপসো যোগাদ্ধোষ্যে দীপ্তে বিভাবসৌ ||
SP0180380সনৎকুমার উবাচ |
SP0180381ততো দেবাঃ সগন্ধর্বাঃ পিতামহপুরঃসরাঃ |
SP0180382প্রভাবং তস্য তং জ্ঞাৎবা পরাশরমপূজয়ন্ ||
SP0180391হুতেষু চ ততস্তেষু রাক্ষসেষু দুরাত্মসু |
SP0180392সংজহার ততঃ সত্ত্রং ব্রহ্মণোঽনুমতে তদা ||
SP0180400সনৎকুমার উবাচ |
SP0180401য ইমং শ্রাদ্ধকালে বা দৈবে কর্মণি বা দ্বিজান্ |
SP0180402শ্রাবয়ীত শুচির্ভূৎবা ন তং হিংসন্তি রাক্ষসাঃ ||
SP0180411পরাশরস্যেদমদীনসম্ভবং বিশুদ্ধবাক্কর্মবিধানসম্ভবম্ |
SP0180412নিশাম্য বিপ্রঃ কুলসিদ্ধিসম্ভবং ন রাক্ষসং গচ্ছতি যোনিসম্ভবম্ ||
SP0189999ইতি স্কন্দপুরাণেঽষ্টাদশমোঽধ্যায়ঃ ||