স্কন্দপুরাণ অধ্যায় ১৬

স্কন্দপুরাণ অধ্যায় ১৬
SP0160010ব্যাস উবাচ |
SP0160011বরান্স লব্ধ্বা ভগবান্বসিষ্ঠোঽস্মৎপিতামহঃ |
SP0160012কং পুত্রং জনয়ামাস আত্মনঃ সদৃশদ্যুতিম্ ||
SP0160020সনৎকুমার উবাচ |
SP0160021তেনাসৌ বরদানেন দেবদেবস্য শূলিনঃ |
SP0160022অরুন্ধত্যামজনয়ত্তপোয়োগবলান্বিতম্ |
SP0160023ব্রহ্মিষ্ঠং শক্তিনামানং পুত্রং পুত্রশতাগ্রজম্ ||
SP0160031তস্য বাল্যাৎপ্রভৃত্যেব বাসিষ্ঠস্য মহাত্মনঃ |
SP0160032পরেণ চেতসা ভক্তিরভবদ্গোবৃষধ্বজে ||
SP0160041স কদাচিদপত্যার্থমারাধয়দুমাপতিম্ |
SP0160042তস্য তুষ্টো মহাদেবো বরদোঽস্মীত্যভাষত ||
SP0160051অথ দৃষ্ট্বা তমীশানমিদমাহানতাননঃ |
SP0160052কেন স্তোষ্যামি তে দেব যস্ত্বং সর্বজগৎপতিঃ |
SP0160053সর্বান্ধারয়সে লোকানাত্মনা সময়াদ্বিভো ||
SP0160061ৎবমেব ভোক্তা ভোজ্যং চ কর্তা কার্যং তথা ক্রিয়া |
SP0160062উৎপাদকস্তথোৎপাদ্য উৎপত্তিশ্চৈব সর্বশঃ ||
SP0160071আত্মানং পুত্রনামানং মম তুল্যং গুণৈর্বিভো |
SP0160072ইচ্ছামি দত্তং দেবেশ এষ মে দীয়তাং বরঃ ||
SP0160080সনৎকুমার উবাচ |
SP0160081তমেবংবাদিনং দেবঃ প্রহস্য বদতাং বরঃ |
SP0160082উবাচ বচসা ব্যাস দিশঃ সর্বা বিনাদয়ন্ ||
SP0160091ৎবয়াহং যাচিতঃ শক্তে স চ তে সংভবিষ্যতি |
SP0160092ৎবৎসমঃ সর্ববেদজ্ঞস্ত্বদীয়ো মুনিপুংগব ||
SP0160101বীজাত্মা চ তথোদ্ভূতঃ স্বয়মেবাশ্ণ্কুরাত্মনা |
SP0160102বীজাত্মনা ন ভবতি পরিণামান্তরং গতঃ ||
SP0160111এবং স আত্মনাত্মা বঃ সংভূতোঽপত্যসংজ্ঞিতঃ |
SP0160112স্বেনাত্মনা ন ভবিতা পরিণামান্তরং গতঃ ||
SP0160120সনৎকুমার উবাচ |
SP0160121এবমুক্ত্বা তু তং দেবঃ প্রহস্য চ নিরীক্ষ্য চ |
SP0160122জগাম সহসা যোগী অদৃশ্যৎবমতিদ্যুতিঃ ||
SP0160131তস্মিন্গতে মহাদেবে শক্তিস্তব পিতামহঃ |
SP0160132বচস্তৎপরিনিশ্চিন্ত্য এবমেবেত্যমন্যত ||
SP0160141অথ কালেঽতিমহতি সমতীতে শুভব্রতে |
SP0160142তপসা ভাবিতশ্চাপি মহতাগ্নিসমপ্রভঃ |
SP0160143অদৃশ্যন্ত্যাং মহাপ্রজ্ঞ আদধে গর্ভমুত্তমম্ ||
SP0160151তস্যামাপন্নসত্ত্বায়াং রাজা কল্মাষপাদৃষিম্ |
SP0160152ভক্ষয়ামাস সংরব্ধো রক্ষসা হৃতচেতনঃ ||
SP0169999ইতি স্কন্দপুরাণে ষোডশোঽধ্যায়ঃ ||