স্কন্দপুরাণ অধ্যায় ১৩

স্কন্দপুরাণ অধ্যায় ১৩
SP0130010সনৎকুমার উবাচ |
SP0130011বিস্তৃতে হিমবৎপৃষ্ঠে বিমানশতসংকুলে |
SP0130012অভবৎস তু কালেন শৈলপুত্র্যাঃ স্বয়ংবরঃ ||
SP0130021অথ পর্বতরাজোঽসৌ হিমবান্ধ্যানকোবিদঃ |
SP0130022দুহিতুর্দেবদেবেন জ্ঞাৎবা তদভিমন্ত্রিতম্ ||
SP0130031জানন্নপি মহাশৈলঃ সমাচারক্রিয়েপ্সয়া |
SP0130032স্বয়ংবরং ততো দেব্যাঃ সর্বলোকেষ্বঘোষয়ৎ ||
SP0130041দেবদানবসিদ্ধানাং সর্বলোকনিবাসিনাম্ |
SP0130042বৃণুয়াৎপরমেশানং সমক্ষং যেন মে সুতা ||
SP0130051তদেব সুকৃতং শ্লাঘ্যং মমাভ্যুদয়সংমতম্ |
SP0130052ইতি সংচিন্ত্য শৈলেন্দ্রঃ কৃৎবা হৃদি মহেশ্বরম্ ||
SP0130061আব্রহ্মকেষু লোকেষু দেব্যাঃ শৈলেন্দ্রসত্তমঃ |
SP0130062কৃৎবা রত্নাকুলং দেশং স্বয়ংবরমচীকরৎ ||
SP0130071অথৈবমাঘোষিতমাত্র এব স্বয়ংবরে ব্যাস মহীধ্রপুত্র্যাঃ |
SP0130072দেবাদয়ঃ সর্বজগন্নিবাসাঃ সমায়য়ুর্দিব্যগৃহীতবেষাঃ ||
SP0130081প্রফুল্লপদ্মাসনসংনিবিষ্টঃ সিদ্ধৈর্বৃতো যোগিভিরপ্রমেয়ৈঃ |
SP0130082বিজ্ঞাপিতস্তেন মহীধ্ররাজ্ঞা পিতামহস্তত্র সমাজগাম ||
SP0130091অক্ষ্ণাং সহস্রং সুররাট্ স বিভ্রদ্দিব্যাশ্ণ্গহারস্রগুদাত্তরূপঃ |
SP0130092ঐরাবতং সর্বগজেন্দ্রমুখ্যং স্রবন্মদাসারকৃতপ্রবাহম্ |
SP0130093আরুহ্য সর্বামররাট্ স বজ্রং বিভ্রৎসমাগাৎপুরতঃ সুরাণাম্ ||
SP0130101তেজঃপ্রতাপাধিকদিব্যরূপঃ প্রোদ্ভাসয়ন্সর্বদিশো বিবস্বান্ |
SP0130102হৈমং বিমানং সচলৎপতাকমারুহ্য আগাত্ত্বরিতং জবেন ||
SP0130111মণিপ্রদীপ্তোজ্জ্বলকুণ্ডলশ্চ বহ্ন্যর্কতেজঃপ্রতিমে বিমানে |
SP0130112সমভ্যগাৎকশ্যপবিপ্রসূনুরাদিত্য আগাদ্ভগনামধারী ||
SP0130121পীনাশ্ণ্গয়ষ্টিঃ সুকৃতাশ্ণ্গহারস্তেজোবলাজ্ঞাসদৃশপ্রভাবঃ |
SP0130122দণ্ডং সমাদায় কৃতান্ত আগাদারুহ্য ভীমং মহিষং জবেন ||
SP0130131মহামহীধ্রোচ্ছ্রয়পীনগাত্রঃ স্বর্ণাদিরত্নাচিতচারুবেষঃ |
SP0130132সমীরণঃ সর্বজগদ্বিভর্তা বিমানমারুহ্য সমভ্যগাদ্ধি ||
SP0130141সংতাপয়ন্সর্বসুরাসুরেশাংস্তেজোধিকস্তেজসি সংনিবিশ্য |
SP0130142বহ্নিঃ সমভ্যেত্য সুরেন্দ্রমধ্যে জ্বলন্প্রতস্থৌ বরবেষধারী ||
SP0130151নানামণিপ্রজ্বলিতাশ্ণ্গয়ষ্টির্জগচ্চরন্দিব্যবিমানমগ্র্যম্ |
SP0130152আরুহ্য সর্বদ্রবিণাধিপেশঃ স রাজরাজস্ত্বরিতোঽভ্যগাচ্চ ||
SP0130161আপ্যায়য়ন্সর্বসুরাসুরেশান্কান্ত্যা চ বেষেণ চ চারুরূপঃ |
SP0130162জ্বলন্মহারত্নবিচিত্ররূপং বিমানমারুহ্য শশী সমাগাৎ ||
SP0130171শ্যামাশ্ণ্গয়ষ্টিঃ সুবিচিত্রবেষঃ সর্বস্রগাবদ্ধসুগন্ধমালী |
SP0130172তার্ক্ষ্যং সমারুহ্য মহীধ্রকল্পং গদাধরোঽসৌ ৎবরিতং সমেতঃ ||
SP0130181তথাশ্বিনৌ দেবভিষগ্বরৌ তু একং বিমানং ৎবরয়াভিরুহ্য |
SP0130182মনোহরাবুজ্জ্বলচারুবেষাবাজগ্মতুর্দেবসদঃ সুবীরৌ ||
SP0130191শেষঃ সহস্রং স্ফুরদগ্নিবর্ণং বিভ্রৎস্ফটানাং জ্বলনার্কতেজাঃ |
SP0130192সার্ধং স নাগৈরপরৈর্মহাত্মা বিমানমারুহ্য সমভ্যগাচ্চ ||
SP0130201দিতেঃ সুতানাং চ মহাসুরাণাং বহ্ন্যর্কশক্রানিলতুল্যভাসাম্ |
SP0130202বরানুরূপং প্রবিধায় বেষং বৃন্দং সমাগাৎপুরতঃ সুরাণাম্ ||
SP0130211গন্ধর্বরাজঃ স চ চারুরূপী দিব্যশ্ণ্গমো দিব্যবিমানচারী |
SP0130212গন্ধর্বসংঘৈঃ সহিতোঽপ্সরোভিঃ শক্রাজ্ঞয়া তত্র সমাজগাম ||
SP0130221অন্যে চ দেবাস্ত্রিদিবৌকসেশাঃ পৃথক্পৃথক্চারুগৃহীতবেষাঃ |
SP0130222আজগ্মুরারুহ্য বিমানপৃষ্ঠং গন্ধর্বয়ক্ষোরগকিংনরাশ্চ ||
SP0130231শচীপতিস্তত্র সুরেন্দ্রমধ্যে রাজাধিকারাধিকলক্ষ্যমূর্তিঃ |
SP0130232আজ্ঞাবলৈশ্বর্যকৃতপ্রমোহো বৃথাধিকং যত্নমুপাচকার ||
SP0130241হেতুস্ত্রিলোকস্য জগৎপ্রসূতের্মাতা চ তেষাং সসুরাসুরাণাম্ |
SP0130242পত্নী চ শম্ভোঃ পুরুষস্য ধাম্নো গীতা পুরাণে প্রকৃতিঃ পরার্থা |
SP0130243দক্ষস্য কোপাদ্ধিমবদ্গৃহং সা কার্যার্থমাগাৎপরমেশপত্নী ||
SP0130251এবং যতস্তাং ন বিদুঃ সুরেশা মোহস্ততস্তান্পর আবিবেশ |
SP0130252বরার্থমাজগ্মুরতো বিমূঢা ঈশেন যস্মাদ্বৃডিতাঃ কৃতাস্তে ||
SP0130261ততঃ প্রনৃত্তাভিরথাপ্সরোভির্গন্ধর্বসংঘৈশ্চ সুগীতশব্দৈঃ |
SP0130262স্থিতৈশ্চ নানাবিধরূপবেষৈর্দেবাসুরাদিত্রিদিবৌকসংঘৈঃ ||
SP0130271বিমানপৃষ্ঠে মণিহেমচিত্রে স্থিতা চলচ্চামরবীজিতাশ্ণ্গী |
SP0130272সর্বর্তুপুষ্পাং সুসুগন্ধমালাং প্রগৃহ্য দেবী প্রসভং প্রতস্থে ||
SP0130280সনৎকুমার উবাচ |
SP0130281মালাং প্রগৃহ্য দেব্যাং তু স্থিতায়াং দেবসংসদি |
SP0130282শক্রাদ্যৈরাগতৈর্দেবৈঃ স্বয়ংবরমুপাগতৈঃ ||
SP0130291দেব্যা জিজ্ঞাসয়া শম্ভুর্ভূৎবা পঞ্চশিখঃ শিশুঃ |
SP0130292উৎসশ্ণ্গতলসংসুপ্তো বভূব সহসা বিভুঃ ||
SP0130301অকস্মাদথ তং দেবী শিশুং পঞ্চশিখং স্থিতম্ |
SP0130302জ্ঞাৎবা যোগসমাধানাজ্জহৃষে প্রীতিসংযুতা ||
SP0130311অথ সা শুদ্ধসংকল্পা কাশ্ণ্ক্ষিতপ্রাপ্তসৎফলা |
SP0130312নির্বৃতেব তদা তস্থৌ কৃৎবা হৃদি তমেব তু ||
SP0130321ততো দৃষ্ট্বা শিশুং দেবা দেব্যা উৎসশ্ণ্গবর্তিনম্ |
SP0130322কোঽযমত্রেতি সংমন্ত্র্য চুক্রুধুর্ভৃশমার্দিতাঃ ||
SP0130331বজ্রমাকারয়ত্তস্য বাহুমুৎক্ষিপ্য বৃত্রহা |
SP0130332স বাহুরুত্থিতস্তস্য তথৈব সমতিষ্ঠত ||
SP0130341স্তম্ভিতঃ শিশুরূপেণ দেবদেবেন শম্ভুনা |
SP0130342বজ্রং ক্ষেপ্তুং ন শশাক বাহুং চালয়িতুং ন চ ||
SP0130351ভগো নাম ততো দেব আদিত্যঃ কাশ্যপো বলী |
SP0130352উৎক্ষিপ্য মুশলং দীপ্তং ক্ষেপ্তুমৈচ্ছদ্বিমোহিতঃ |
SP0130353তস্যাপি ভগবান্বাহুং তথৈবাস্তম্ভয়ত্তদা ||
SP0130361শিরঃ প্রকম্পয়ন্বিষ্ণুঃ সক্রোধস্তমবৈক্ষত |
SP0130362তস্যাপি শিরসো দেবঃ খালিত্যং প্রচকার হ ||
SP0130371পূষা দন্তান্দশন্দন্তৈঃ শর্বমৈক্ষত মোহিতঃ |
SP0130372তস্যাপি দশনাঃ পেতুর্দৃষ্টমাত্রস্য শম্ভুনা ||
SP0130381যমস্য স্তম্ভিতো দণ্ডস্তেজো বহ্নেঃ শশেঃ প্রভা |
SP0130382বলং বায়োস্তথান্যেষাং তস্মিন্সর্বদিবৌকসাম্ |
SP0130383বলং তেজশ্চ যোগং চ তথৈবাস্তম্ভয়দ্বিভুঃ ||
SP0130391অথ তেষু স্থিতেষ্বেবং মন্যুমৎসু সুরেষু তু |
SP0130392ব্রহ্মা পরমসংবিগ্নো ধ্যানমাস্থায় সাদরম্ |
SP0130393বুবুধে দেবদেবেশমুমোৎসশ্ণ্গসমাস্থিতম্ ||
SP0130401স বুদ্ধ্বা পরমেশানং শীঘ্রমুত্থায় সাদরম্ |
SP0130402ববন্দে চরণৌ শম্ভোরস্তুবচ্চ পিতামহঃ |
SP0130403পৌরাণৈঃ সামসংগীতৈঃ পুণ্যাখ্যৈর্গুহ্যনামভিঃ ||
SP0130411অজস্ত্বমমরো দেব স্রষ্টা হর্তা বিভুঃ পরঃ |
SP0130412প্রধানপুরুষস্তত্ত্বং ব্রহ্ম ধ্যেয়ং তদক্ষয়ম্ ||
SP0130421অমৃতং পরমাত্মা চ ঈশ্বরঃ কারণং মহৎ |
SP0130422ব্রহ্মকৃৎপ্রকৃতেঃ স্রষ্টা সর্বসৃক্পরমেশ্বরঃ ||
SP0130431ইয়ং চ প্রকৃতির্দেবী সদা তে সৃষ্টিকারণম্ |
SP0130432পত্নীরূপং সমাস্থায় জগৎকারণমাগতা ||
SP0130441নমস্তুভ্যং সদেশান দেব্যাশ্চৈব সদা নমঃ |
SP0130442প্রসাদাত্তব দেবেশ নিয়োগাচ্চ ময়া প্রজাঃ ||
SP0130451দেবাদ্যাস্ত ইমে সৃষ্টা মূঢাস্ত্বদ্যোগমোহিতাঃ |
SP0130452কুরু প্রসাদমেতেষাং যথাপূর্বং ভবন্ত্বিমে ||
SP0130461তত এবং তদা ব্রহ্মা বিজ্ঞাপ্য পরমেশ্বরম্ |
SP0130462স্তম্ভিতান্সর্বদেবাংস্তানিদমাহ মহাদ্যুতিঃ ||
SP0130471মূঢাঃ স্থ দেবতাঃ সর্বে নৈনং বুধ্যত শংকরম্ |
SP0130472দেবদেবমিহায়াতং মমৈবোৎপত্তিকারণম্ ||
SP0130481অয়ং রুদ্রো মহাদেবঃ শর্বো ভীমঃ কপর্দিমান্ |
SP0130482উগ্র ঈশান আত্মা চ অজঃ শংকর এব চ ||
SP0130491দেবদেবঃ পরং ধাম ঈশঃ পশুপতিঃ পতিঃ |
SP0130492জগৎস্রষ্টা জগদ্ধর্তা জগৎসংস্থিতিকারণম্ ||
SP0130501গচ্ছধ্বং শরণং শীঘ্রমেবমেবামরেশ্বরাঃ |
SP0130502সার্ধং ময়ৈব দেবেশং পরমাত্মানমব্যয়ম্ ||
SP0130511ততস্তে স্তম্ভিতাঃ সর্বে তথৈব ত্রিদিবৌকসঃ |
SP0130512প্রণেমুর্মনসা শর্বং ভাবশুদ্ধেন চেতসা ||
SP0130521অথ তেষাং প্রসন্নোঽভূদ্দেবদেবো মহেশ্বরঃ |
SP0130522যথাপূর্বং চকারাশু দেবতানাং তনূস্তদা ||
SP0130531তত এবং প্রবৃত্তে তু সর্বদেবনিবারণে |
SP0130532বপুশ্চকার দেবেশস্ত্র্যক্ষং পরমমদ্ভুতম্ |
SP0130533তেজসা যস্য দেবাস্তে চক্ষুরপ্রার্থয়ন্বিভুম্ ||
SP0130541তেভ্যঃ পরমকং চক্ষুঃ স্ববপুর্দৃষ্টিশক্তিমৎ |
SP0130542প্রাদাৎপরমদেবেশঃ অপশ্যংস্তে তদা প্রভুম্ ||
SP0130551তে দৃষ্ট্বা পরমেশানং তৃতীয়েক্ষণধারিণম্ |
SP0130552ব্রহ্মাদ্যা নেমিরে তূর্ণং সর্ব এব সুরেশ্বরাঃ ||
SP0130561তস্য দেবী তদা হৃষ্টা সমক্ষং ত্রিদিবৌকসাম্ |
SP0130562পাদয়োঃ স্থাপয়ামাস স্রগ্মালামমিতদ্যুতেঃ ||
SP0130571সাধু সাধ্বিতি সম্প্রোচ্য দেবতাস্তে পুনর্বিভুম্ |
SP0130572সহ দেব্যা নমশ্চক্রুঃ শিরোভির্ভূতলাশ্রিতৈঃ ||
SP0130581অথাস্মিন্নন্তরে ব্যাস ব্রহ্মা লোকপিতামহঃ |
SP0130582হিমবন্তং মহাশৈলমিদমাহ মহাদ্যুতিঃ ||
SP0130591শ্লাঘ্যঃ পূজ্যশ্চ বন্দ্যশ্চ সর্বেষাং নস্ত্বমদ্য হি |
SP0130592শর্বেণ সহ সম্বন্ধো যস্য তেঽভূদয়ং মহান্ |
SP0130593ক্রিয়তাং চাশু উদ্বাহঃ কিমর্থং স্থীয়তে পরম্ ||
SP0130601ততঃ প্রণম্য হিমবাংস্তং দেবং প্রত্যভাষত |
SP0130602ৎবমেব কারণং দেব যেন শর্বাদয়ং মম ||
SP0130611প্রসাদঃ সহসোৎপন্নো হেতুশ্চাপি ৎবমেব হি |
SP0130612উদ্বাহং তু যথা যাদৃক্তদ্বিধৎস্ব পিতামহ ||
SP0130621তত এবং বচঃ শ্রুৎবা গিরিরাজ্ঞঃ পিতামহঃ |
SP0130622উদ্বাহঃ ক্রিয়তাং দেব ইতি দেবমুবাচ হ |
SP0130623তমাহ শংকরো দেবং যথেষ্টমিতি লোকপঃ ||
SP0130631তৎক্ষণাচ্চ ততো ব্যাস ব্রহ্মণা কল্পিতং পুরম্ |
SP0130632উদ্বাহার্থং মহেশস্য নানারত্নোপশোভিতম্ ||
SP0130641রত্নানি মণয়শ্চিত্রা হেম মৌক্তিকমেব চ |
SP0130642মূর্তিমন্ত উপাগম্য অলংচক্রুঃ পুরোত্তমম্ ||
SP0130651চিত্রা মারকতী ভূমিঃ সৌবর্ণস্তম্ভশোভিতা |
SP0130652ভাস্বৎস্ফটিকভিত্তীভির্মুক্তাহারপ্রলম্বিতা ||
SP0130661তস্মিঞ্ছিবপুরে রম্যে উদ্বাহার্থং বিনির্মিতে |
SP0130662শুশুভে দেবদেবস্য মহেশস্য মহাত্মনঃ ||
SP0130671সোমাদিত্যৌ সমং তত্র ভাসয়ন্তৌ মহামণী |
SP0130672সৌরভেয়ং মনোরম্যং গন্ধমাঘ্রায় মারুতঃ |
SP0130673প্রববৌ সুখসংস্পর্শ ঈশে ভক্তিং প্রসাদয়ন্ ||
SP0130681সমুদ্রাস্তত্র চৎবারঃ শক্রাদ্যাশ্চ সুরোত্তমাঃ |
SP0130682দেবনদ্যো মহানদ্যঃ সিদ্ধা মুনয় এব চ ||
SP0130691গন্ধর্বাপ্সরসঃ সর্বে নাগা যক্ষাঃ সরাক্ষসাঃ |
SP0130692গুহ্যকাঃ খেচরাশ্চান্যে কিংনরা দেবচারণাঃ ||
SP0130701তুম্বুরুর্নারদো হাহা হূহূ চৈব তু সামগাঃ |
SP0130702রত্নান্যাদায় বাদ্যাংশ্চ তত্রাজগ্মুস্তদা পুরম্ ||
SP0130711ঋষয়ঃ কৃৎস্নশস্তত্র বেদগীতাংস্তপোধনাঃ |
SP0130712পুণ্যান্বৈবাহিকান্মন্ত্রাঞ্জেপুঃ সংহৃষ্টমানসাঃ ||
SP0130721জগতো মাতরঃ সর্বা দেবকন্যাশ্চ কৃৎস্নশঃ |
SP0130722গায়ন্তি হৃষিতাঃ সর্বা উদ্বাহে পরমেষ্ঠিনঃ ||
SP0130731ঋতবঃ ষট্ সমং তত্র নানাগন্ধসুখাবহাঃ |
SP0130732উদ্বাহঃ শংকরস্যেতি মূর্তিমন্ত উপস্থিতাঃ ||
SP0130741নীলজীমূতসংঘাতমন্দ্রধ্বানপ্রহর্ষিতৈঃ |
SP0130742কেকায়মানৈঃ শিখিভির্নৃত্যমানৈশ্চ সর্বশঃ ||
SP0130751বিলোলপিশ্ণ্গলস্পষ্টবিদ্যুল্লেখাবভাসিতা |
SP0130752কুমুদাপীতশুক্লাভির্বলাকাভিশ্চ শোভিতা ||
SP0130761প্রত্যগ্রসংজাতশিলীন্ধ্রকন্দলা লতাদ্রুমাভ্যুদ্গতচারুপল্লবা |
SP0130762শুভাম্বুধারাপ্রণয়প্রবোধিতৈর্মদালসৈর্ভেকগণৈশ্চ নাদিতা ||
SP0130771প্রিয়েষু মানোন্নতমানসানাং সুনিশ্চিতানামপি কামিনীনাম্ |
SP0130772ময়ূরকেকাভিরুতৈঃ ক্ষণেন মনোহরৈর্মানবিভশ্ণ্গকর্ত্রী ||
SP0130781তথা ত্রিবর্ণোজ্জ্বলচারুমূর্তিনা শশাশ্ণ্কলেখাকুটিলেন সর্বতঃ |
SP0130782পয়োদসংঘাতসমীপবর্তিনা মহেন্দ্রচাপেন ভৃশং বিরাজিতা ||
SP0130791বিচিত্রপুষ্পস্পর্শাৎসুগন্ধিভির্ঘনাম্বুসম্পর্কতয়া সুশীতলৈঃ |
SP0130792বিকম্পয়ন্তী পবনৈর্মনোহরৈঃ সুরাশ্ণ্গনানামলকাবলীঃ শুভাঃ ||
SP0130801গর্জৎপয়োদস্থগিতেন্দুবিম্বা নবাম্বুসেকোদ্গতচারুদূর্বা |
SP0130802নিরীক্ষিতা সাদরমুৎসুকাভির্নিশ্বাসধূম্রং পথিকাশ্ণ্গনাভিঃ ||
SP0130811হংসনূপুরশব্দাঢ্যা সমুন্নতপয়োধরা |
SP0130812চলদ্বিদ্যুল্লতাকাঞ্চী স্পষ্টপদ্মবিলোচনা ||
SP0130821অসিতজলদবৃন্দধ্বানবিত্রস্তহংসা বিমলসলিলধারাপাতনম্রোৎপলাগ্রা |
SP0130822সুরভিকুসুমরেণুক্.ল্প্তসর্বাশ্ণ্গশোভা গিরিদুহিতৃবিবাহে প্রাবৃডাগাদ্বিভূত্যৈ ||
SP0130831মেঘকঞ্চুকনির্মুক্তা পদ্মকোশোদ্গতস্তনী |
SP0130832হংসনূপুরনির্হ্রাদা সর্বরম্যদিগন্তরা ||
SP0130841বিস্তীর্ণপুলিনশ্রোণী কূজৎসারসমেখলা |
SP0130842প্রফুল্লেন্দীবরাভোগবিলোচনমনোহরা ||
SP0130851পক্ববিম্বাধরপুটা কুন্দদন্তপ্রহাসিনী |
SP0130852নবশ্যামালতাশ্যামরোমরাজীপরিষ্কৃতা ||
SP0130861চন্দ্রাংশুহারবর্যেণ সৌধোরঃস্থলসর্পিণা |
SP0130862প্রহ্লাদয়ন্তী চেতাংসি সর্বেষাং ত্রিদিবৌকসাম্ ||
SP0130871সমদালিকুলোদ্গীতমধুরস্বরভাষিণী |
SP0130872চলৎকুমুদসংঘাতচারুকুণ্ডলশোভিনী ||
SP0130881রক্তাশোকাগ্রশাখোত্থপল্লবাশ্ণ্গুলিধারিণী |
SP0130882তৎপুষ্পসংচয়ময়ৈর্বাসোভিঃ সমলংকৃতা ||
SP0130891রক্তোৎপলাগ্রচরণা জাতীপুষ্পনখাবলী |
SP0130892কদলীস্তম্ভচারূরুঃ শশাশ্ণ্কবদনা তথা ||
SP0130901পদ্মকিঞ্জল্কসম্পৃক্তপবনাগ্রকরৈঃ সুরান্ |
SP0130902প্রেম্ণা স্পৃশন্তী কান্তেব শরদাগান্মনোরমা ||
SP0130911নির্মুক্তাসিতমেঘকঞ্চুকপুটা পূর্ণেন্দুবিম্বাননা
SP0130912নীলাম্ভোজবিলোচনারবিন্দমুকুলপ্রোদ্ভিন্নচারুস্তনী |
SP0130913নানাপুষ্পরজঃসুগন্ধিপবনপ্রহ্লাদনী চেতসাং
SP0130914তত্রাগাৎকলহংসনূপুররবা দেব্যা বিবাহে শরৎ ||
SP0130921অত্যর্থশীতলাম্ভোভিঃ প্লাবয়ন্তৌ গিরেঃ শিলাঃ |
SP0130922ঋতূ শিশিরহেমন্তাবাজগ্মতুরতিদ্যুতী ||
SP0130931তাভ্যামৃতুভ্যাং প্রাপ্তাভ্যাং হিমবান্স নগোত্তমঃ |
SP0130932প্রালেয়চূর্ণবর্ষিভ্যাং ক্ষিপ্রং রৌপ্য ইবাবভৌ ||
SP0130941তেন প্রালেয়বর্ষেণ ঘনেন স হিমাচলঃ |
SP0130942অগাধেন তদা রেজে ক্ষীরোদ ইব সাগরঃ ||
SP0130951হিমস্থানেষু হিমবান্নাশয়ামাস পাদপান্ |
SP0130952সাধূপচারান্সহসা কৃতার্থ ইব দুর্জনঃ ||
SP0130961প্রালেয়পটলচ্ছন্নৈঃ শৃশ্ণ্গৈঃ স শুশুভে নগঃ |
SP0130962ছত্রৈরিব মহাভোগৈঃ পাণ্ডরৈঃ পৃথিবীপতিঃ ||
SP0130971পাণ্ডরাণি বিশালানি শ্রীমন্তি সুভগানি চ |
SP0130972তুশ্ণ্গানি চাদ্রিশৃশ্ণ্গাণি সৌধানীব চকাশিরে ||
SP0130981তস্যাচলেন্দ্রস্য দরীষ্বতীব বিচিত্রসারশ্ণ্গকুলাকুলাসু |
SP0130982প্রালেয়ধারাঃ শশিপাদগৌরা গোক্ষীরধারা ইব সংনিপেতুঃ ||
SP0130991বহুকুসুমরজোভিরুৎকরাশ্ণ্গা হিমকণসশ্ণ্গসুশীতলাঃ সমীরাঃ |
SP0130992ববুরমরগণেশ্বরাম্বরাণি প্রতনুতমানি শনৈর্বিকম্পয়ন্তঃ ||
SP0131001নির্ধূতরূক্ষানিলশীতদোষঃ প্রোদ্ভিন্নচূতাশ্ণ্কুরকর্ণপূরঃ |
SP0131002বসন্তকালশ্চ তমদ্রিপুত্রীসেবার্থমাগাদ্ধিমবন্তমাশু ||
SP0131011তস্মিন্নৃতাবদ্রিসুতাবিবাহসিষেবয়া তং গিরিমভ্যুপেতে |
SP0131012প্রাদুর্বভূবুঃ কুসুমাবতংসাঃ সমন্ততঃ পাদপগুল্মষণ্ডাঃ ||
SP0131021ববুঃ সুগন্ধাঃ সুভগাঃ সুশীতা বিচিত্রপুষ্পাগ্ররজোৎকরাশ্ণ্গাঃ |
SP0131022মনোভবোদ্রেককরাঃ সুরাণাং সুরাশ্ণ্গনানাং চ মুহুঃ সমীরাঃ ||
SP0131031স্বচ্ছাম্বুপূর্ণাশ্চ তথা নলিন্যঃ পদ্মোৎপলানাং মুকুলৈরুপেতাঃ |
SP0131032ঈষৎসমুদ্ভিন্নপয়োধরাগ্রা নার্যো যথা রম্যতমা বভূবুঃ ||
SP0131041ঋতোঃ স্বভাবাচ্চ মদোদ্ভবাচ্চ ফুল্লাসু শাখাসু নিলীনপক্ষাঃ |
SP0131042চেতোভিরামং ত্রিদশাশ্ণ্গনানাং পুংস্কোকিলাশ্চাতিকলং বিনেদুঃ ||
SP0131051নাত্যুষ্ণশীতানি সরঃপয়াংসি কিঞ্জল্কচূর্ণৈঃ কপিলীকৃতানি |
SP0131052চক্রাহ্বয়ুগ্মৈরুপনাদিতানি পপুঃ প্রহৃষ্টাঃ সুরদন্তিমুখ্যাঃ ||
SP0131061প্রিয়শ্ণ্গূশ্চূততরবশ্চূতাংশ্চাপি প্রিয়শ্ণ্গবঃ |
SP0131062তর্জয়ন্ত ইবান্যোন্যং মঞ্জরীভিশ্চকাশিরে ||
SP0131071হিমশুক্লেষু শৃশ্ণ্গেষু তিলকাঃ কুসুমোৎকরাঃ |
SP0131072শুশুভুঃ কার্যমুদ্দিশ্য বৃদ্ধা ইব সমাগতাঃ ||
SP0131081ফুল্লাশোকলতাস্তত্র রেজিরে শালসংশ্রিতাঃ |
SP0131082কামিন্য ইব কান্তানাং কণ্ঠালম্বিতমূর্তয়ঃ ||
SP0131091সমদালিকুলোদ্গীতলতাকুসুমসংচয়াঃ |
SP0131092পরস্পরং হি মালত্যো ভাষন্ত্য ইব রেজিরে ||
SP0131101নীলানি নীলাম্বুরুহৈঃ পয়াংসি গৌরাণি গৌরৈশ্চ সনালদণ্ডৈঃ |
SP0131102রক্তৈশ্চ রক্তানি ভৃশং কৃতানি মত্তদ্বিরেফার্ধবিদষ্টপত্রৈঃ ||
SP0131111হৈমানি বিস্তীর্ণজলেষু কেষুচিন্নিরন্তরং মারকতানি কেষুচিৎ |
SP0131112বৈদূর্যনালানি সরঃসু কেষুচিৎপ্রজজ্ঞিরে পদ্মবনানি সর্বতঃ ||
SP0131121বাপ্যস্তত্রাভবন্রম্যাঃ কমলোৎপলভূষিতাঃ |
SP0131122নানাবিহগসংঘুষ্টা হেমসোপানপশ্ণ্ক্তয়ঃ ||
SP0131131শৃশ্ণ্গাণি তস্য তু গিরেঃ কর্ণিকারৈঃ সুপুষ্পিতৈঃ |
SP0131132সমুচ্ছ্রিতান্যবিরলৈর্হৈমানীব বভুর্মুনে ||
SP0131141ঈষদুদ্ভিন্নকুসুমৈঃ পাটলৈশ্চাপি পাটলাঃ |
SP0131142সম্বভূবুর্দিশঃ সর্বাঃ পবনাকম্পিমূর্তিভিঃ ||
SP0131151কৃষ্ণাঞ্জনাদ্রিশৃশ্ণ্গাভা নীলাশোকমহীরুহাঃ |
SP0131152গিরৌ ববৃধিরে ফুল্লাঃ স্পর্ধয়েব পরস্পরম্ ||
SP0131161চীরুবাকবিঘুষ্টানি কিংশুকানাং বনানি চ |
SP0131162পর্বতস্য নিতম্বেষু সর্বেষ্বেবাভিজজ্ঞিরে ||
SP0131171তমালগুল্মৈস্তস্যাসীচ্ছোভা হিমবতস্তদা |
SP0131172নীলজীমূতসংঘাতৈর্নিলীনৈরিব সন্ধিষু ||
SP0131181নিকামপুষ্পৈঃ সুবিশালশাখৈঃ সমুচ্ছ্রিতৈশ্চম্পকপাদপৈশ্চ |
SP0131182প্রমত্তপুংস্কোকিলসম্প্রলাপৈর্হিমাচলোঽতীব তদা ররাজ ||
SP0131191শ্রুৎবা শব্দং ঋতুমদকলং সর্বতঃ কোকিলানাং
SP0131192চঞ্চৎপক্ষাঃ সুমধুররুতং নীলকণ্ঠা বিনেদুঃ |
SP0131193তেষাং শব্দৈরুপচিতবলঃ পুষ্পচাপেষুহস্তঃ
SP0131194সজ্জীভূতস্ত্রিদশবনিতা বেদ্ধুমশ্ণ্গেষ্বনশ্ণ্গঃ ||
SP0131201পটুসূর্যাতপশ্চাপি প্রায়ঃ সোষ্ণজলাশয়ঃ |
SP0131202দেবীবিবাহসেবার্থং গ্রীষ্ম আগাদ্ধিমাচলম্ ||
SP0131211স চাপি তরুভিস্তত্র বহুভিঃ কুসুমোৎকরৈঃ |
SP0131212শোভয়ামাস শৃশ্ণ্গাণি প্রালেয়াদ্রেঃ সমন্ততঃ ||
SP0131221তস্যাপি চ ঋতোস্তত্র বায়বঃ সুমনোহরাঃ |
SP0131222ববুঃ পাটলবিস্তীর্ণকদম্বার্জুনগন্ধিনঃ ||
SP0131231বাপ্যঃ প্রফুল্লপদ্মৌঘাঃ কেসরারুণমূর্তয়ঃ |
SP0131232অভবংস্তটসংঘুষ্টকলহংসকদম্বকাঃ ||
SP0131241তথা কুরবকাশ্চাপি কুসুমাপাণ্ডুমূর্তয়ঃ |
SP0131242সর্বেষু জজ্ঞুঃ শৃশ্ণ্গেষু ভ্রমরাবলিসেবিতাঃ ||
SP0131251বকুলাশ্চ নিতম্বেষু বিশালেষু মহীভৃতঃ |
SP0131252উৎসসর্জুর্মনোজ্ঞানি কুসুমানি সমন্ততঃ ||
SP0131261ইতি কুসুমবিচিত্রসর্ববৃক্ষা বিবিধবিহংগমনাদরম্যদেশাঃ |
SP0131262হিমগিরিতনয়াবিবাহভূত্যৈ ষডুপয়য়ুরৃতবো মুনিপ্রবীর ||
SP0131271তত এবং প্রবৃত্তে তু সর্বভূতসমাগমে |
SP0131272নানাবাদ্যশতাকীর্ণে ব্রহ্মা মম পিতা স্বয়ম্ ||
SP0131281শৈলপুত্রীমলংকৃত্য যোগ্যাভরণসম্পদা |
SP0131282পুরং প্রবেশয়ামাস স্বয়মাদায় লোকধৃক্ ||
SP0131291ততস্তু পুনরেবেশং ব্রহ্মা ব্যজ্ঞাপয়দ্বিভুম্ |
SP0131292হবির্জুহোমি বহ্নৌ তু উপাধ্যায়পদে স্থিতঃ |
SP0131293দদাসি মহ্যং যদ্যাজ্ঞাং কর্তব্যোঽযং ক্রিয়াবিধিঃ ||
SP0131301তমাহ শংকরো দেবং দেবদেবো জগৎপতিঃ |
SP0131302যদ্যদিষ্টং সুরেশান তৎকুরুষ্ব যথেপ্সিতম্ |
SP0131303কর্তাস্মি বচনং সর্বং ব্রহ্মংস্তব জগদ্বিভো ||
SP0131311ততঃ প্রণম্য হৃষ্টাত্মা ব্রহ্মা লোকপিতামহঃ |
SP0131312হস্তং দেবস্য দেব্যাশ্চ যোগবন্ধে যুয়োজ হ ||
SP0131321জ্বলনং চ স্বয়ং কৃৎবা কৃতাঞ্জলিমুপস্থিতং |
SP0131322শ্রুতিগীতৈর্মহামন্ত্রৈর্মূর্তিমদ্ভিরুপস্থিতৈঃ ||
SP0131331যথোক্তবিধিনা হুৎবা সর্পিস্তদমৃতং চ হি |
SP0131332ত্রিশ্চ তং জ্বলনং দেবং কারয়িৎবা প্রদক্ষিণম্ ||
SP0131341মুক্ত্বা হস্তসমায়োগং সহিতঃ সর্বদেবতৈঃ |
SP0131342সুতৈশ্চ মানসৈঃ সর্বৈঃ প্রহৃষ্টেনান্তরাত্মনা |
SP0131343বৃত্তে উদ্বাহকালে তু প্রণনাম বৃষধ্বজম্ ||
SP0131351যোগেনৈব তয়োর্ব্যাস তদোমাপরমেশয়োঃ |
SP0131352উদ্বাহঃ স পরো বৃত্তো যং দেবা ন বিদুঃ ক্বচিৎ ||
SP0131361ইতি তে সর্বমাখ্যাতং স্বয়ংবরমিদং শুভম্ |
SP0131362উদ্বাহশ্চৈব দেবস্য শৃণ্বতঃ পরমাদ্ভুতম্ ||
SP0139999ইতি স্কন্দপুরাণে নাম ত্রয়োদশোঽধ্যায়ঃ ||