স্কন্দপুরাণ অধ্যায় ১২

স্কন্দপুরাণ অধ্যায় ১২
SP0120010সনৎকুমার উবাচ |
SP0120011ততঃ স ভগবান্দেবো ব্রহ্মা তামাহ সুস্বরম্ |
SP0120012দেবি যেনৈব সৃষ্টাসি মনসা যস্ত্বয়া বৃতঃ |
SP0120013স ভর্তা তব দেবেশো ভবিতা মা তপঃ কৃথাঃ ||
SP0120021ততঃ প্রদক্ষিণং কৃৎবা ব্রহ্মা ব্যাস গিরেঃ সুতাম্ |
SP0120022জগামাদর্শনং তস্যাঃ সা চাপি বিররাম হ ||
SP0120031সা দেবী যুক্তমিত্যেবমুক্ত্বা স্বস্যাশ্রমস্য হ |
SP0120032দ্বারি জাতমশোকং বৈ সমুপাশ্রিত্য সংস্থিতা ||
SP0120041অথাগাচ্চন্দ্রতিলকস্ত্রিদশার্তিহরো হরঃ |
SP0120042বিকৃতং রূপমাস্থায় হ্রস্বো বাহুক এব চ ||
SP0120051বিভুগ্ননাসিকো ভূৎবা কুব্জঃ কেশান্তপিশ্ণ্গলঃ |
SP0120052উবাচ বিকৃতাস্যশ্চ দেবি ৎবাং বরয়াম্যহম্ ||
SP0120061অথোমা যোগসংসিদ্ধা জ্ঞাৎবা শংকরমাগতম্ |
SP0120062অন্তর্ভাববিশুদ্ধা সা ক্রিয়ানুষ্ঠানলিপ্সয়া ||
SP0120071তমুবাচার্ঘ্যমানায়্য মধুপর্কেণ চৈব হি |
SP0120072সম্পূজ্য সসুখাসীনং ব্রাহ্মণং ব্রাহ্মণপ্রিয়া ||
SP0120080দেব্যুবাচ |
SP0120081ভগবন্নস্বতন্ত্রাস্মি পিতা মেঽস্ত্যরণী তথা |
SP0120082তৌ প্রভূ মম দানে বৈ কন্যাহং দ্বিজপুংগব ||
SP0120091গৎবা যাচস্ব পিতরং মম শৈলেন্দ্রমব্যয়ম্ |
SP0120092স চেদ্দদাতি মাং বিপ্র তুভ্যং তদ্রুচিতং মম ||
SP0120100সনৎকুমার উবাচ |
SP0120101ততঃ স ভগবান্দেবস্তথৈব বিকৃতঃ প্রভুঃ |
SP0120102উবাচ শৈলরাজং তমুমাং মে যচ্ছ শৈলরাট্ ||
SP0120111স তং বিকৃতরূপেণ জ্ঞাৎবা রুদ্রমথাব্যয়ম্ |
SP0120112ভীতঃ শাপাচ্চ বিমনা ইদং বচনমব্রবীৎ ||
SP0120121ভগবন্নাবমন্যামি ব্রাহ্মণান্ভূমিদৈবতান্ |
SP0120122মনীষিতং তু যৎপূর্বং তচ্ছৃণুষ্ব মহাতপঃ ||
SP0120131স্বয়ংবরো মে দুহিতুর্ভবিতা বিপ্রপূজিতঃ |
SP0120132বরয়েদ্যং স্বয়ং তত্র স ভর্তাস্যা ভবেদিতি ||
SP0120140সনৎকুমার উবাচ |
SP0120141তচ্ছ্রুৎবা শৈলবচনং ভগবান্গোবৃষধ্বজঃ |
SP0120142দেব্যাঃ সমীপমাগত্য ইদমাহ মহামনাঃ ||
SP0120151দেবি পিত্রা তবাজ্ঞপ্তঃ স্বয়ংবর ইতি শ্রুতম্ |
SP0120152তত্র ৎবং বরয়িত্রী যং স তে ভর্তা কিলানঘে ||
SP0120161তদাপৃচ্ছে গমিষ্যামি দুর্লভা ৎবং বরাননে |
SP0120162রূপবন্তং সমুৎসৃজ্য বৃণীথা মাদৃশং কথম্ ||
SP0120170সনৎকুমার উবাচ |
SP0120171তেনোক্তা সা তদা তত্র ভাবয়ন্তী তদীরিতম্ |
SP0120172ভাবং চ রুদ্রনিহিতং প্রসাদং মনসস্তথা ||
SP0120181সম্প্রাপ্যোবাচ দেবেশং মা তে ভূদ্বুদ্ধিরন্যথা |
SP0120182অহং ৎবাং বরয়িষ্যামি নান্যদ্ভূতং কথংচন ||
SP0120191অথ বা তেঽস্তি সংদেহো ময়ি বিপ্র কথংচন |
SP0120192ইহৈব ৎবাং মহাভাগ বরয়ামি মনোরথম্ ||
SP0120200সনৎকুমার উবাচ |
SP0120201গৃহীৎবা স্তবকং সা তু হস্তাভ্যাং তত্র সংস্থিতম্ |
SP0120202স্কন্ধে শম্ভোঃ সমাদায় দেবী প্রাহ বৃতোঽসি মে ||
SP0120211ততঃ স ভগবান্দেবস্তথা দেব্যা বৃতস্তদা |
SP0120212উবাচ তমশোকং বৈ বাচা সংজীবয়ন্নিব ||
SP0120221যস্মাত্তব সুপুষ্পেণ স্তবকেন বৃতো হ্যহম্ |
SP0120222তস্মাত্ত্বং জরয়া ত্যক্তঃ অমরঃ সম্ভবিষ্যসি ||
SP0120231কামরূপঃ কামপুষ্পঃ কামগো দয়িতো মম |
SP0120232সর্বাভরণপুষ্পাঢ্যঃ সর্ববৃক্ষফলোপগঃ ||
SP0120241সর্বান্নভক্ষদশ্চৈব অমৃতস্রব এব চ |
SP0120242সর্বগন্ধশ্চ দেব্যাস্ত্বং ভবিষ্যসি দৃঢং প্রিয়ঃ |
SP0120243নির্ভয়ঃ সর্বলোকেষু চরিষ্যসি সুনির্বৃতঃ ||
SP0120251আশ্রমং চৈবমত্যর্থং চিত্রকূটেতি বিশ্রুতম্ |
SP0120252যোঽভিয়াস্যতি পুণ্যার্থী সোঽশ্বমেধমবাপ্স্যতি |
SP0120253যত্র তত্র মৃতশ্চাপি ব্রহ্মলোকং গমিষ্যতি ||
SP0120261যশ্চাত্র নিয়মৈর্যুক্তঃ প্রাণান্সম্যক্পরিত্যজেৎ |
SP0120262স দেব্যাস্তপসা যুক্তো মহাগণপতির্ভবেৎ ||
SP0120270সনৎকুমার উবাচ |
SP0120271এবমুক্ত্বা তদা দেব আপৃচ্ছ্য হিমবৎসুতাম্ |
SP0120272অন্তর্দধে জগৎস্রষ্টা সর্বভূতপ ঈশ্বরঃ ||
SP0120281সাপি দেবী গতে তস্মিন্ভগবত্যমিতাত্মনি |
SP0120282তত এবোন্মুখী স্থিৎবা শিলায়াং সংবিবেশ হ ||
SP0120291উন্মুখী সা গতে তস্মিন্মহেষ্বাসে প্রজাপতৌ |
SP0120292নিশেব চন্দ্ররহিতা সা বভৌ বিমনাস্তদা ||
SP0120301অথ শুশ্রাব সা শব্দং বালস্যার্তস্য শৈলজা |
SP0120302সরস্যুদকসম্পূর্ণে সমীপে চাশ্রমস্য হ ||
SP0120311স কৃৎবা বালরূপং তু দেবদেবঃ স্বয়ং শিবঃ |
SP0120312ক্রীডাহেতোঃ সরোমধ্যে গ্রাহগ্রস্তোঽভবত্তদা ||
SP0120321যোগমায়ামথাস্থায় প্রপঞ্চোদ্ভবকারণম্ |
SP0120322তদ্রূপং সরসো মধ্যে কৃৎবেদং সমভাষত |
SP0120323ত্রাতু মাং কশ্চিদেত্যেহ গ্রাহেণ হৃতচেতসম্ ||
SP0120331ধিক্কষ্টং বাল এবাহমপ্রাপ্তার্থমনোরথঃ |
SP0120332যাস্যামি নিধনং বক্ত্রে গ্রাহস্যাস্য দুরাত্মনঃ ||
SP0120341শোচামি ন স্বকং দেহং গ্রাহগ্রস্তোঽপি দুঃখিতঃ |
SP0120342যথা শোচামি পিতরং মাতরং চ তপস্বিনীম্ ||
SP0120351মাং শ্রুৎবা গ্রাহবদনে প্রাপ্তং নিধনমুৎসুকৌ |
SP0120352প্রিয়পুত্রাবেকপুত্রৌ প্রাণান্নূনং বিহাস্যতঃ ||
SP0120360সনৎকুমার উবাচ |
SP0120361শ্রুৎবা তু দেবী তং নাদং বিপ্রস্যার্তস্য শোভনা |
SP0120362উত্থায় প্রদ্রুতা তত্র যত্র তিষ্ঠত্যসৌ দ্বিজঃ ||
SP0120371সাপশ্যদিন্দুবদনা বালকং চারুরূপিণম্ |
SP0120372গ্রাহেণ গ্রস্যমানং তং বেপমানমবস্থিতম্ ||
SP0120381সোঽপি গ্রাহবরঃ শ্রীমান্দৃষ্ট্বা দেবীমুপাগতাম্ |
SP0120382তং গৃহীৎবা দ্রুতং যাতো মধ্যং সরস এব হ ||
SP0120391স কৃষ্যমাণস্তেজস্বী নাদমার্তং তদাকরোৎ |
SP0120392অথাহ দেবী দুঃখার্তা বালং দৃষ্ট্বা মহাব্রতা ||
SP0120401গ্রাহরাজ মহাসত্ত্ব বালকং হ্যেকপুত্রকম্ |
SP0120402বিসৃজৈনং মহাদংষ্ট্র ক্ষিপ্রং ভীমপরাক্রম ||
SP0120410গ্রাহ উবাচ |
SP0120411যো দেবি দিবসে ষষ্ঠে প্রথমং সমুপৈতি মাম্ |
SP0120412স আহারো মম পুরা বিহিতো লোককর্তৃভিঃ ||
SP0120421সোঽযং মম মহাভাগে ষষ্ঠেঽহনি গিরীন্দ্রজে |
SP0120422ব্রহ্মণা বিহিতো নূনং নৈনং মোক্ষ্যে কথংচন ||
SP0120430দেব্যুবাচ |
SP0120431যন্ময়া হিমবচ্ছৃশ্ণ্গে চরিতং তপ উত্তমম্ |
SP0120432তেন বালমিমং মুঞ্চ গ্রাহরাজ নমোঽস্তু তে ||
SP0120440গ্রাহ উবাচ |
SP0120441মা ব্যয়ং তপসো দেবি কার্ষীঃ শৈলেন্দ্রনন্দনে |
SP0120442নৈনং মোচয়িতুং শক্তো দেবরাজোঽপি স স্বয়ম্ ||
SP0120451মহ্যমীশেন তুষ্টেন শর্বেণোগ্রেণ শূলিনা |
SP0120452অমরৎবমবধ্যৎবমক্ষয়ং বলমেব চ ||
SP0120461স্বয়ংগ্রহণমোক্ষশ্চ জ্ঞানং চৈবাব্যয়ং পুনঃ |
SP0120462দত্তং ততো ব্রবীমি ৎবাং নায়ং মোক্ষমবাপ্স্যতি ||
SP0120471অথ বা তে কৃপা দেবি ভৃশং বালে শুভাননে |
SP0120472ব্রবীমি যৎকুরু তথা ততো মোক্ষমবাপ্স্যতি ||
SP0120480দেব্যুবাচ |
SP0120481গ্রাহাধিপ বদস্বাশু যৎসতামবিগর্হিতম্ |
SP0120482তৎকৃতং নাত্র সংদেহো মান্যা মে ব্রাহ্মণা দৃঢম্ ||
SP0120490গ্রাহ উবাচ |
SP0120491যৎকৃতং বৈ তপঃ কিংচিদ্ভবত্যা স্বল্পমন্তশঃ |
SP0120492তৎসর্বং মে প্রয়চ্ছস্ব ততো মোক্ষমবাপ্স্যতি ||
SP0120500দেব্যুবাচ |
SP0120501জন্মপ্রভৃতি যৎপুণ্যং মহাগ্রাহ কৃতং ময়া |
SP0120502তত্তে সর্বং ময়া দত্তং বালং মুঞ্চ মমাগ্রতঃ ||
SP0120510সনৎকুমার উবাচ |
SP0120511প্রজজ্বাল ততো গ্রাহস্তপসা তেন বৃংহিতঃ |
SP0120512আদিত্য ইব মধ্যাহ্নে দুর্নিরীক্ষ্যস্তদাভবৎ ||
SP0120521উবাচ চেদং তুষ্টাত্মা দেবীং লোকস্য ধারিণীম্ |
SP0120522দেবি কিং কৃতমেতত্তে অনিশ্চিত্য মহাব্রতে |
SP0120523তপসো হ্যর্জনং দুঃখং তস্য ত্যাগো ন শস্যতে ||
SP0120531গৃহাণ তপ এতচ্চ বালং চেমং শুচিস্মিতে |
SP0120532তুষ্টোঽস্মি তে বিপ্রভক্ত্যা বরং তস্মাদ্দদামি তে ||
SP0120541সা ৎবেবমুক্তা গ্রাহেণ উবাচেদং মহাব্রতা |
SP0120542সুনিশ্চিত্য মহাগ্রাহ কৃতং বালস্য মোক্ষণম্ |
SP0120543ন বিপ্রেভ্যস্তপঃ শ্রেষ্ঠং শ্রেষ্ঠা মে ব্রাহ্মণা মতাঃ ||
SP0120551দত্ত্বা চাহং ন গৃহ্ণামি গ্রাহেন্দ্র বিদিতং হি তে |
SP0120552ন হি কশ্চিন্নরো গ্রাহ প্রদত্তং পুনরাহরেৎ ||
SP0120561দত্তমেতন্ময়া তুভ্যং নাদদানি হি তৎপুনঃ |
SP0120562ৎবয়্যেব রমতামেতদ্বালশ্চায়ং বিমুচ্যতাম্ ||
SP0120571তথোক্তস্তাং প্রশস্যাথ মুক্ত্বা বালং নমস্য চ |
SP0120572দেবীমাদিত্যসদ্ভাসং তত্রৈবান্তরধীয়ত ||
SP0120581বালোঽপি সরসস্তীরে মুক্তো গ্রাহেণ বৈ তদা |
SP0120582স্বপ্নলব্ধ ইবার্থৌঘস্তত্রৈবান্তরধীয়ত ||
SP0120591তপসোঽথ ব্যয়ং মৎবা দেবী হিমগিরীন্দ্রজা |
SP0120592ভূয় এব তপঃ কর্তুমারেভে যত্নমাস্থিতা ||
SP0120601কর্তুকামাং তপো ভূয়ো জ্ঞাৎবা তাং শংকরঃ স্বয়ম্ |
SP0120602প্রোবাচ বচনং ব্যাস মা কৃথাস্তপ ইত্যুত ||
SP0120611মহ্যমেতত্তপো দেবি ৎবয়া দত্তং মহাব্রতে |
SP0120612তেনৈবমক্ষয়ং তুভ্যং ভবিষ্যতি সহস্রধা ||
SP0120621ইতি লব্ধ্বা বরং দেবী তপসোঽক্ষয়্যমুত্তমম্ |
SP0120622স্বয়ংবরমুদীক্ষন্তী তস্থৌ প্রীতিমুদায়ুতা ||
SP0120631ইদং পঠেদ্যো হি নরঃ সদৈব বালানুভাবাচরণং হি শম্ভোঃ |
SP0120632স দেহভেদং সমবাপ্য পূতো ভবেদ্গণস্তস্য কুমারতুল্যঃ ||
SP0129999ইতি স্কন্দপুরাণে দ্বাদশমোঽধ্যায়ঃ ||