স্কন্দপুরাণ অধ্যায় ১১

স্কন্দপুরাণ অধ্যায় ১১
SP0110010সনৎকুমার উবাচ |
SP0110011কদাচিৎস্বগৃহং প্রাপ্তং কশ্যপং দ্বিপদাং বরম্ |
SP0110012অপৃচ্ছদ্ধিমবান্প্রশ্নং লোকে খ্যাতিকরং নু কিম্ ||
SP0110021কেনাক্ষয়াশ্চ লোকাঃ স্যুঃ খ্যাতিশ্চ পরমা মুনে |
SP0110022তথৈব চার্চনীয়ৎবং সৎসু তং কথয়স্ব মে ||
SP0110030কশ্যপ উবাচ |
SP0110031অপত্যেন মহাবাহো সর্বমেতদবাপ্যতে |
SP0110032মম খ্যাতিরপত্যেন ব্রহ্মণো ঋষিভিশ্চ হ ||
SP0110041কিং ন পশ্যসি শৈলেন্দ্র যতো মাং পরিপৃচ্ছসি |
SP0110042বর্তয়িষ্যামি তচ্চাপি যন্মে দৃষ্টং পুরাচল ||
SP0110051বারাণসীমহং গচ্ছন্নপশ্যং সংস্থিতং দিবি |
SP0110052বিমানং স্বনবদ্দিব্যমনৌপম্যমনিন্দিতম্ ||
SP0110061তস্যাধস্তাদার্তনাদং গর্তাস্থানে শৃণোম্যহম্ |
SP0110062তানহং তপসা জ্ঞাৎবা তত্রৈবান্তর্হিতঃ স্থিতঃ ||
SP0110071অথাগাত্তত্র শৈলেন্দ্র বিপ্রো নিয়মবাঞ্ছুচিঃ |
SP0110072তীর্থাভিষেকপূতাত্মা পরে তপসি সংস্থিতঃ ||
SP0110081অথ স ব্রজমানস্তু ব্যাঘ্রেণাভীষিতো দ্বিজঃ |
SP0110082বিবেশ তং তদা দেশং সা গর্তা যত্র ভূধর ||
SP0110091গর্তায়াং বীরণস্তম্বে লম্বমানাংস্তদা মুনীন্ |
SP0110092অপশ্যদার্তো দুঃখার্তানপৃচ্ছত্তাংশ্চ স দ্বিজঃ ||
SP0110101কে যূয়ং বীরণস্তম্বে লম্বমানা হ্যধোমুখাঃ |
SP0110102দুঃখিতাঃ কেন মোক্ষশ্চ যুষ্মাকং ভবিতানঘাঃ ||
SP0110110পিতর ঊচুঃ |
SP0110111বয়ং তেঽকৃতপুণ্যস্য পিতরঃ সপিতামহাঃ |
SP0110112প্রপিতামহাশ্চ ক্লিশ্যামস্তব দুষ্টেন কর্মণা ||
SP0110121নরকোঽযং মহাভাগ গর্তারূপং সমাস্থিতঃ |
SP0110122ৎবং চাপি বীরণস্তম্বস্ত্বয়ি লম্বামহে বয়ম্ ||
SP0110131যাবত্ত্বং জীবসে বিপ্র তাবদেব বয়ং স্থিতাঃ |
SP0110132মৃতে ৎবয়ি গমিষ্যামো নরকং পাপচেতসঃ ||
SP0110141যদি ৎবং দারসংযোগং কৃৎবাপত্যং গুণোত্তরম্ |
SP0110142উৎপাদয়সি তেনাস্মান্মুচ্যেম বয়মেকশঃ ||
SP0110151নান্যেন তপসা পুত্র ন তীর্থানাং ফলেন চ |
SP0110152তৎকুরুষ্ব মহাবুদ্ধে তারয়স্ব পিৎ.র়্ন্ভয়াৎ ||
SP0110161স তথেতি প্রতিজ্ঞায় আরাধ্য চ বৃষধ্বজম্ |
SP0110162পিৎ.র়্ন্গর্তাৎসমুদ্ধৃত্য গণপান্প্রচকার হ ||
SP0110171স্বয়ং চ রুদ্রদয়িতঃ সুকেশো নাম নামতঃ |
SP0110172সংমতো বলবাংশ্চৈব রুদ্রস্য গণপোঽভবৎ ||
SP0110181তস্মাৎকৃৎবা তপো ঘোরমপত্যং গুণবত্তরম্ |
SP0110182উৎপাদয়স্ব শৈলেন্দ্র ততঃ কীর্তিমবাপ্স্যসি ||
SP0110190সনৎকুমার উবাচ |
SP0110191স এবমুক্তো ঋষিণা শৈলেন্দ্রো নিয়মে স্থিতঃ |
SP0110192তপশ্চকার বিপুলং যেন ব্রহ্মা তুতোষ হ ||
SP0110201তমাগত্য তদা ব্রহ্মা বরদোঽস্মীত্যভাষত |
SP0110202ব্রূহি তুষ্টোঽস্মি তে শৈল তপসানেন সুব্রত ||
SP0110210হিমবানুবাচ |
SP0110211ভগবন্পুত্রমিচ্ছামি গুণৈঃ সর্বৈরলংকৃতম্ |
SP0110212এতদ্বরং প্রয়চ্ছস্ব যদি তুষ্টোঽসি নঃ প্রভো ||
SP0110220ব্রহ্মোবাচ |
SP0110221কন্যা ভবিত্রী শৈলেন্দ্র সুতা তে বরবর্ণিনী |
SP0110222যস্যাঃ প্রভাবাৎসর্বত্র কীর্তিমাপ্স্যসি পুষ্কলাম্ ||
SP0110231অর্চিতঃ সর্বদেবানাং তীর্থকোটীসমাবৃতঃ |
SP0110232পাবনশ্চৈব পুণ্যশ্চ দেবানামপি সর্বতঃ |
SP0110233জ্যেষ্ঠা চ সা ভবিত্রী তে অন্যে চানু ততঃ শুভে ||
SP0110240সনৎকুমার উবাচ |
SP0110241এবমুক্ত্বা ততো ব্রহ্মা তত্রৈবান্তরধীয়ত |
SP0110242সোঽপি কালেন শৈলেন্দ্রো মেনায়ামুপপাদয়ৎ |
SP0110243অপর্ণামেকপর্ণাং চ তথা চাপ্যেকপাটলাম্ ||
SP0110251ন্যগ্রোধমেকপর্ণা তু পাটলং চৈকপাটলা |
SP0110252আশ্রিতে দ্বে অপর্ণা তু অনিকেতা তপোঽচরৎ |
SP0110253শতং বর্ষসহস্রাণাং দুশ্চরং দেবদানবৈঃ ||
SP0110261আহারমেকপর্ণেন সৈকপর্ণা সমাচরৎ |
SP0110262পাটলেন তথৈকেন বিদধাত্যেকপাটলা ||
SP0110271পূর্ণে পূর্ণে সহস্রে তু আহারং তেন চক্রতুঃ |
SP0110272অপর্ণা তু নিরাহারা তাং মাতা প্রত্যভাষত |
SP0110273নিষেধয়ন্তী হ্যু মেতি মাতৃস্নেহেন দুঃখিতা ||
SP0110281সা তথোক্তা তদা মাত্রা দেবী দুশ্চরচারিণী |
SP0110282তেনৈব নাম্না লোকেষু বিখ্যাতা সুরপূজিতা ||
SP0110291এতত্তত্ত্রিকুমারীণাং জগৎস্থাবরজশ্ণ্গমম্ |
SP0110292এতাসাং তপসা লব্ধং যাবদ্ভূমির্ধরিষ্যতি ||
SP0110301তপঃশরীরাস্তাঃ সর্বাস্তিস্রো যোগবলান্বিতাঃ |
SP0110302সর্বাশ্চৈব মহাভাগাঃ সর্বাশ্চ স্থিরয়ৌবনাঃ ||
SP0110311তা লোকমাতরশ্চৈব ব্রহ্মচারিণ্য এব চ |
SP0110312অনুগৃহ্ণন্তি লোকাংশ্চ তপসা স্বেন সর্বদা ||
SP0110321উমা তাসাং বরিষ্ঠা চ শ্রেষ্ঠা চ বরবর্ণিনী |
SP0110322মহায়োগবলোপেতা মহাদেবমুপস্থিতা ||
SP0110331দত্তকশ্চোশনা তস্যাঃ পুত্রঃ স ভৃগুনন্দনঃ |
SP0110332অসিতস্যৈকপর্ণা তু দেবলং সুষুবে সুতম্ ||
SP0110341যা তু তাসাং কুমারীণাং তৃতীয়া হ্যেকপাটলা |
SP0110342পুত্রং শতশলাকস্য জৈগীষব্যমুপস্থিতা |
SP0110343তস্যাপি শশ্ণ্খলিখিতৌ স্মৃতৌ পুত্রাবয়োনিজৌ ||
SP0110351উমা তু যা ময়া তুভ্যং কীর্তিতা বরবর্ণিনী |
SP0110352অথ তস্যাস্তপোয়োগাত্ত্রৈলোক্যমখিলং তদা |
SP0110353প্রধূপিতং সমালক্ষ্য ব্রহ্মা বচনমব্রবীৎ ||
SP0110360ব্রহ্মোবাচ |
SP0110361দেবি কিং তপসা লোকাংস্তাপয়স্যতিশোভনে |
SP0110362ৎবয়া সৃষ্টমিদং বিশ্বং মা কৃৎবা তদ্বিনাশয় ||
SP0110371ৎবং হি ধারয়সে লোকানিমান্সর্বান্স্বতেজসা |
SP0110372ব্রূহি কিং তে জগন্মাতঃ প্রার্থিতং সম্প্রসীদ নঃ ||
SP0110380দেব্যুবাচ |
SP0110381যদর্থং তপসো হ্যস্য চরণং মে পিতামহ |
SP0110382জানীষে তত্ত্বমেতন্মে ততঃ পৃচ্ছসি কিং পুনঃ ||
SP0110390ব্রহ্মোবাচ |
SP0110391যদর্থং দেবি তপসা শ্রাম্যসে লোকভাবনি |
SP0110392স ৎবাং স্বয়ং সমাগম্য ইহৈব বরয়িষ্যতি ||
SP0110401সর্বদেবপতিঃ শ্রেষ্ঠঃ সর্বলোকেশ্বরেশ্বরঃ |
SP0110402বয়ং সদেবা যস্যেশে বশ্যাঃ কিংকরবাদিনঃ ||
SP0110411স দেবদেবঃ পরমেশ্বরেশ্বরঃ স্বয়ং তবায়াস্যতি লোকপোঽন্তিকম্ |
SP0110412উদাররূপো বিকৃতাভিরূপবান্সমানরূপো ন হি যস্য কস্যচিৎ ||
SP0110421মহেশ্বরঃ পর্বতলোকবাসী চরাচরেশঃ প্রথমোঽপ্রমেয়ঃ |
SP0110422বিনেন্দুনা ইন্দুসমানবক্ত্রো বিভীষণং রূপমিহাস্থিতোঽগ্রম্ ||
SP0119999ইতি স্কন্দপুরাণে একাদশোঽধ্যায়ঃ ||