স্কন্দপুরাণ অধ্যায় ১০

স্কন্দপুরাণ অধ্যায় ১০
SP0100010সনৎকুমার উবাচ |
SP0100011সা দেবী ত্র্যম্বকপ্রোক্তা ততাপ সুচিরং তপঃ |
SP0100012নিরাহারা কদাচিচ্চ একপর্ণাশনা পুনঃ |
SP0100013বায়্বাহারা পুনশ্চাপি অব্ভক্ষা ভূয় এব চ ||
SP0100021তাং তপশ্চরণে যুক্তাং ব্রহ্মা জ্ঞাৎবাতিভাস্বরাম্ |
SP0100022উবাচ ব্রূহি তুষ্টোঽস্মি দেবি কিং করবাণি তে ||
SP0100031সাব্রবীৎ ত্র্যম্বকং দেবং পতিং প্রাপ্যেন্দুবর্চসম্ |
SP0100032বিচরেয়ং সুখং দেব সর্বা/ল্লোকান্নমস্তব ||
SP0100040ব্রহ্মোবাচ |
SP0100041ন হি যেন শরীরেণ ক্রিয়তে পরমং তপঃ |
SP0100042তেনৈব পরমেশোঽসৌ পতিঃ শম্ভুরবাপ্যতে ||
SP0100051তস্মাদ্ধি যোগাদ্ভবতী দক্ষস্যেহ প্রজাপতেঃ |
SP0100052জায়স্ব দুহিতা ভূৎবা পতিং রুদ্রমবাপ্স্যসি ||
SP0100061ততঃ সা তদ্বচঃ শ্রুৎবা যোগাদ্দেবী মনস্বিনী |
SP0100062দক্ষস্য দুহিতা জজ্ঞে সতী নামাতিয়োগিনী ||
SP0100071তাং দক্ষস্ত্র্যম্বকায়ৈব দদৌ ভার্যামনিন্দিতাম্ |
SP0100072ব্রহ্মণো বচনাদ্যস্যাং মানসানসৃজৎসুতান্ ||
SP0100081আত্মতুল্যবলান্দীপ্তাঞ্জরামরণবর্জিতান্ |
SP0100082অনেকানি সহস্রাণি রুদ্রাণামমিতৌজসাম্ ||
SP0100091তান্দৃষ্ট্বা সৃজ্যমানাংশ্চ ব্রহ্মা তং প্রত্যষেধয়ৎ |
SP0100092মা স্রাক্ষীর্দেবদেবেশ প্রজা মৃত্যুবিবর্জিতাঃ ||
SP0100101অন্যাঃ সৃজস্ব ভদ্রং তে প্রজা মৃত্যুসমন্বিতাঃ |
SP0100102তেন চোক্তং স্থিতোঽস্মীতি স্থাণুস্তেন ততঃ স্মৃতঃ ||
SP0100110দেব উবাচ |
SP0100111ন স্রক্ষ্যে মৃত্যুসংযুক্তাঃ প্রজা ব্রহ্মন্কথংচন |
SP0100112স্থিতোঽস্মি বচনাত্তেঽদ্য বক্তব্যো নাস্মি তে পুনঃ ||
SP0100121যে ৎবিমে মানসাঃ সৃষ্টা মহাত্মানো মহাবলাঃ |
SP0100122চরিষ্যন্তি ময়া সার্ধং সর্ব এতে হি যাজ্ঞিকাঃ ||
SP0100130সনৎকুমার উবাচ |
SP0100131অথ কালে গতে ব্যাস স দক্ষঃ শাপকারণাৎ |
SP0100132অন্যানাহূয় জামাৎ.র়্ন্সদারানর্চয়দ্গৃহে ||
SP0100141সতীং সহ ত্র্যম্বকেন নাজুহাব রুষান্বিতঃ |
SP0100142সতী জ্ঞাৎবা তু তৎসর্বং গৎবা পিতরমব্রবীৎ ||
SP0100151অহং জ্যেষ্ঠা বরিষ্ঠা চ জামাত্রা সহ সুব্রত |
SP0100152মাং হিৎবা নার্হসে হ্যেতাঃ সহ ভর্তৃভিরর্চিতুম্ ||
SP0100161ক্রোধেনাথ সমাবিষ্টঃ স ক্রোধোপহতেন্দ্রিয়ঃ |
SP0100162নিরীক্ষ্য প্রাব্রবীদ্দক্ষশ্চক্ষুষা নির্দহন্নিব ||
SP0100171মামেতাঃ সতি সস্নেহাঃ পূজয়ন্তি সভর্তৃকাঃ |
SP0100172ন ৎবং তথা পূজয়সে সহ ভর্ত্রা মহাব্রতে ||
SP0100181গৃহাংশ্চ মে সপত্নীকাঃ প্রবিশন্তি তপোধনাঃ |
SP0100182শ্রেষ্ঠাংস্তস্মাৎসদা মন্যে ততস্তানর্চয়াম্যহম্ ||
SP0100191তস্মাদ্যত্তে করোম্যদ্য শুভং বা যদি বাশুভম্ |
SP0100192পূজাং গৃহাণ তাং পুত্রি গচ্ছ বা যত্র রোচতে ||
SP0100200সনৎকুমার উবাচ |
SP0100201ততঃ সা ক্রোধদীপ্তাস্যা ন জগ্রাহাতিকোপিতা |
SP0100202পূজামসংমতাং হীনামিদং চোবাচ তং শুভা ||
SP0100211যস্মাদসংমতামেতাং পূজাং ৎবং কুরুষে ময়ি |
SP0100212শ্লাঘ্যাং চৈবাপ্যদুষ্টাং চ শ্রেষ্ঠাং মাং গর্হসে পিতঃ ||
SP0100221তস্মাদিমং স্বকং দেহং ত্যজাম্যেষা তবাত্মজা |
SP0100222অসৎকৃতায়াঃ কিং মেঽদ্য জীবিতেনাশুভেন হ ||
SP0100230সনৎকুমার উবাচ |
SP0100231ততঃ কৃৎবা নমস্কারং মনসা ত্র্যম্বকায় হ |
SP0100232উবাচেদং সুসংরব্ধা বচনং বচনারণিঃ ||
SP0100241যত্রাহমুপপদ্যেয়ং পুনর্দেহে স্বয়েচ্ছয়া |
SP0100242এবং তত্রাপ্যসংমূঢা সম্ভূতা ধার্মিকা সতী |
SP0100243গচ্ছেয়ং ধর্মপত্নীৎবং ত্র্যম্বকস্যৈব ধীমতঃ ||
SP0100251ততঃ সা ধারণাং কৃৎবা আগ্নেয়ীং সহসা সতী |
SP0100252দদাহ বৈ স্বকং দেহং স্বসমুত্থেন বহ্নিনা ||
SP0100261তাং জ্ঞাৎবা ত্র্যম্বকো দেবীং তথাভূতাং মহায়শাঃ |
SP0100262উবাচ দক্ষং সংগম্য ইদং বচনকোবিদঃ ||
SP0100271যস্মাত্তে নিন্দিতশ্চাহং প্রশস্তাশ্চেতরে পৃথক্ |
SP0100272জামাতরঃ সপত্নীকাস্তস্মাদ্বৈবস্বতেঽন্তরে |
SP0100273উৎপৎস্যন্তে পুনর্যজ্ঞে তব জামাতরস্ত্বিমে ||
SP0100281ৎবং চৈব মম শাপেন ক্ষত্রিয়ো ভবিতা নৃপঃ |
SP0100282প্রচেতসাং সুতশ্চৈব কন্যায়াং শাখিনাং পুনঃ |
SP0100283ধর্মবিঘ্নং চ তে তত্র করিষ্যে ক্রূরকর্মণঃ ||
SP0100290সনৎকুমার উবাচ |
SP0100291তমুবাচ তদা দক্ষো দূয়তা হৃদয়েন বৈ |
SP0100292ময়া যদি সুতা স্বা বৈ প্রোক্তা ত্যক্তাপি বা পুনঃ |
SP0100293কিং তবাত্র কৃতং দেব অহং তস্যাঃ প্রভুঃ সদা ||
SP0100301যস্মাত্ত্বং মামভ্যশপস্তস্মাত্ত্বমপি শংকর |
SP0100302ভূর্লোকে বৎস্যসে নিত্যং ন স্বর্লোকে কদাচন ||
SP0100311ভাগং চ তব যজ্ঞেষু দত্ত্বা সর্বে দ্বিজাতয়ঃ |
SP0100312অপঃ স্প্রক্ষ্যন্তি সর্বত্র মহাদেব মহাদ্যুতে ||
SP0100320সনৎকুমার উবাচ |
SP0100321ততঃ স দেবঃ প্রহসংস্তমুবাচ ত্রিলোচনঃ |
SP0100322সর্বেষামেব লোকানাং মূলং ভূর্লোক উচ্যতে ||
SP0100331তমহং ধারয়াম্যেকো লোকানাং হিতকাম্যয়া |
SP0100332ভূর্লোকে হি ধৃতে লোকাঃ সর্বে তিষ্ঠন্তি শাশ্বতাঃ |
SP0100333তস্মাত্তিষ্ঠাম্যহং নিত্যমিহৈব ন তবাজ্ঞয়া ||
SP0100341ভাগান্দত্ত্বা তথান্যেভ্যো দিৎসবো মে দ্বিজাতয়ঃ |
SP0100342অপঃ স্পৃশন্তি শুদ্ধ্যর্থং ভাগং যচ্ছন্তি মে ততঃ |
SP0100343দত্ত্বা স্পৃশন্তি ভূয়শ্চ ধর্মস্যৈবাভিবৃদ্ধয়ে ||
SP0100351যথা হি দেবনির্মাল্যং শুচয়ো ধারয়ন্ত্যুত |
SP0100352অশুচিং স্প্রষ্টুকামাশ্চ ত্যক্ত্বাপঃ সংস্পৃশন্তি চ ||
SP0100361দেবানামেবমন্যেষাং দিৎসবো ব্রাহ্মণর্ষভাঃ |
SP0100362ভাগানপঃ স্পৃশন্তি স্ম তত্র কা পরিদেবনা ||
SP0100371ৎবং তু মচ্ছাপনির্দগ্ধো বিপরীতো নরাধমঃ |
SP0100372স্বস্যাং সুতায়াং মূঢাত্মা পুত্রমুৎপাদয়িষ্যসি ||
SP0100380সনৎকুমার উবাচ |
SP0100381এবং স ভগবাঞ্ছপ্ত্বা দক্ষং দেবো জগৎপতিঃ |
SP0100382বিররাম মহাতেজা জগাম চ যথাগতম্ ||
SP0100391চন্দ্রদিবাকরবহ্নিসমাক্ষং চন্দ্রনিভাননপদ্মদলাক্ষম্ |
SP0100392গোবৃষবাহমমেয়গুণৌঘং সততমিহেন্দুবহং প্রণতাঃ স্মঃ ||
SP0100401য ইমং দক্ষশাপাশ্ণ্কং দেব্যাশ্চৈবাশরীরতাম্ |
SP0100402শৃণুয়াদ্বাথ বিপ্রান্বা শ্রাবয়ীত যতব্রতঃ |
SP0100403সর্বপাপবিনির্মুক্তো রুদ্রলোকমবাপ্নুয়াৎ ||
SP0109999ইতি স্কন্দপুরাণে দশমোঽধ্যায়ঃ ||