স্কন্দপুরাণ অধ্যায় ০৯

স্কন্দপুরাণ অধ্যায় ০৯
SP0090010সনৎকুমার উবাচ |
SP0090011তে দৃষ্ট্বা দেবদেবেশং সর্বে সব্রহ্মকাঃ সুরাঃ |
SP0090012অস্তুবন্বাগ্ভিরিষ্টাভিঃ প্রণম্য বৃষবাহনম্ ||
SP0090020পিতামহ উবাচ |
SP0090021নমঃ শিবায় সোমায় ভক্তানাং ভয়হারিণে |
SP0090022নমঃ শূলাগ্রহস্তায় কমণ্ডলুধরায় চ ||
SP0090031দণ্ডিনে নীলকণ্ঠায় করালদশনায় চ |
SP0090032ত্রেতাগ্নিদীপ্তনেত্রায় ত্রিনেত্রায় হরায় চ ||
SP0090041নমঃ পিনাকিনে চৈব নমোঽস্ত্বশনিধারিণে |
SP0090042ব্যালয়জ্ঞোপবীতায় কুণ্ডলাভরণায় চ ||
SP0090051নমশ্চক্রধরায়ৈব ব্যাঘ্রচর্মধরায় চ |
SP0090052কৃষ্ণাজিনোত্তরীয়ায় সর্পমেখলিনে তথা ||
SP0090061বরদাত্রে চ রুদ্রায় সরস্বতীসৃজে তথা |
SP0090062সোমসূর্যর্ক্ষমালায় অক্ষসূত্রকরায় চ ||
SP0090071জ্বালামালাসহস্রায় ঊর্ধ্বলিশ্ণ্গায় বৈ নমঃ |
SP0090072নমঃ পর্বতবাসায় শিরোহর্ত্রে চ মে পুরা ||
SP0090081হালাহলবিনাশায় কপালবরধারিণে |
SP0090082বিমানবরবাহায় জনকায় মমৈব চ |
SP0090083বরদায় বরিষ্ঠায় শ্মশানরতয়ে নমঃ ||
SP0090091নমো নরস্য কর্ত্রে চ স্থিতিকর্ত্রে নমঃ সদা |
SP0090092উৎপত্তিপ্রলয়ানাং চ কর্ত্রে সর্বসহায় চ ||
SP0090101ঋষিদৈবতনাথায় সর্বভূতাধিপায় চ |
SP0090102শিবঃ সৌম্যশ্চ দেবেশ ভব নো ভক্তবৎসল ||
SP0090110সনৎকুমার উবাচ |
SP0090111ব্রহ্মণ্যথৈবং স্তুবতি দেবদেবঃ স লোকপঃ |
SP0090112উবাচ তুষ্টস্তান্দেবানৃষীংশ্চ তপসৈধিতান্ ||
SP0090121তুষ্টোঽস্ম্যনেন বঃ সম্যক্তপসা ঋষিদেবতাঃ |
SP0090122বরং ব্রূত প্রদাস্যামি সুনিশ্চিন্ত্য স উচ্যতাম্ ||
SP0090130সনৎকুমার উবাচ |
SP0090131অথ সর্বানভিপ্রেক্ষ্য সংতুষ্টাংস্তপসৈধিতান্ |
SP0090132দর্শনেনৈব বিপ্রেন্দ্র ব্রহ্মা বচনমব্রবীৎ ||
SP0090140ব্রহ্মোবাচ |
SP0090141যদি তুষ্টোঽসি দেবেশ যদি দেয়ো বরশ্চ নঃ |
SP0090142তস্মাচ্ছিবশ্চ সৌম্যশ্চ দৃশ্যশ্চৈব ভবস্ব নঃ ||
SP0090151সুখসংব্যবহার্যশ্চ নিত্যং তুষ্টমনাস্তথা |
SP0090152সর্বকার্যেষু চ সদা হিতঃ পথ্যশ্চ শংকরঃ ||
SP0090161সহ দেব্যা সসূনুশ্চ সহ দেবগণৈরপি |
SP0090162এষ নো দীয়তাং দেব বরো বরসহস্রদ ||
SP0090170সনৎকুমার উবাচ |
SP0090171এবমুক্তঃ স ভগবান্ব্রহ্মণা দেবসত্তমঃ |
SP0090172স্বকং তেজো মহদ্দিব্যং ব্যসৃজৎসর্বয়োগবিৎ ||
SP0090181অর্ধেন তেজসঃ স্বস্য মুখাদুল্কাং সসর্জ হ |
SP0090182তামাহ ভব নারীতি ভগবান্বিশ্বরূপধৃক্ ||
SP0090191সাকাশং দ্যাং চ ভূমিং চ মহিম্না ব্যাপ্য বিষ্ঠিতা |
SP0090192উপতস্থে চ দেবেশং দীপ্যমানা যথা তডিৎ ||
SP0090201তামাহ প্রহসন্দেবো দেবীং কমললোচনাম্ |
SP0090202ব্রহ্মাণং দেবি বরদমারাধয় শুচিস্মিতে ||
SP0090211সা তথেতি প্রতিজ্ঞায় তপস্তপ্তুং প্রচক্রমে |
SP0090212রুদ্রশ্চ তানৃষীনাহ শৃণুধ্বং মম তোষণে |
SP0090213ফলং ফলবতাং শ্রেষ্ঠা যদ্ব্রবীমি তপোধনাঃ ||
SP0090221অমরা জরয়া ত্যক্তা অরোগা জন্মবর্জিতাঃ |
SP0090222মদ্ভক্তাস্তপসা যুক্তা ইহৈব চ নিবৎস্যথ ||
SP0090231অয়ং চৈবাশ্রমঃ শ্রেষ্ঠঃ স্বর্ণশৃশ্ণ্গোঽচলোত্তমঃ |
SP0090232পুণ্যং পবিত্রং স্থানং বৈ ভবিষ্যতি ন সংশয়ঃ ||
SP0090241মৈনাকে পর্বতে শ্রেষ্ঠে স্বর্ণোঽহমভবং যতঃ |
SP0090242স্বর্ণাক্ষীং চাসৃজং দেবীং স্বর্ণাক্ষং তেন তৎস্মৃতম্ ||
SP0090251স্বর্ণাক্ষে ঋষয়ো যূয়ং ষট্কুলীয়াস্তপোধনাঃ |
SP0090252নিবৎস্যথ ময়াজ্ঞপ্তাঃ স্বর্ণাক্ষং বৈ ততশ্চ হ |
SP0090253সমন্তাদ্যোজনং ক্ষেত্রং পবিত্রং তন্ন সংশয়ঃ ||
SP0090261দেবগন্ধর্বচরিতমপ্সরোগণসেবিতম্ |
SP0090262সিংহেভশরভাকীর্ণং শার্দূলর্ক্ষমৃগাকুলম্ |
SP0090263অনেকবিহগাকীর্ণং লতাবৃক্ষক্ষুপাকুলম্ ||
SP0090271ব্রহ্মচারী নিয়মবাঞ্জিতক্রোধো জিতেন্দ্রিয়ঃ |
SP0090272উপোষ্য ত্রিগুণাং রাত্রিং চরুং কৃৎবা নিবেদ্য চ |
SP0090273যত্র তত্র মৃতঃ সোঽপি ব্রহ্মলোকে নিবৎস্যতি ||
SP0090281যোঽপ্যেবমেব কামাত্মা পশ্যেত্তত্র বৃষধ্বজম্ |
SP0090282গোসহস্রফলং সোঽপি মৎপ্রসাদাদবাপ্স্যতি |
SP0090283নিয়মেন মৃতশ্চাত্র ময়া সহ চরিষ্যতি ||
SP0090291যাবৎস্থাস্যন্তি লোকাশ্চ মৈনাকশ্চাপ্যয়ং গিরিঃ |
SP0090292তাবৎসহ ময়া দেবা মৎপ্রসাদাচ্চরিষ্যথ ||
SP0090301এবং স তানৃষীনুক্ত্বা দৃষ্ট্বা সৌম্যেন চক্ষুষা |
SP0090302পশ্যতামেব সর্বেষাং তত্রৈবান্তরধীয়ত ||
SP0090310সনৎকুমার উবাচ |
SP0090311য ইমং শৃণুয়ান্মর্ত্যো দ্বিজাতীঞ্ছ্রাবয়েত বা |
SP0090312সোঽপি তৎফলমাসাদ্য চরেন্মৃত্যুবিবর্জিতঃ ||
SP0090321জয়তি জলদবাহঃ সর্বভূতান্তকালঃ শমদমনিয়তানাং ক্লেশহর্তা যতীনাম্ |
SP0090322জননমরণহর্তা চেষ্টতাং ধার্মিকাণাং বিবিধকরণয়ুক্তঃ খেচরঃ পাদচারী ||
SP0090331মদনপুরবিদারী নেত্রদন্তাবপাতী বিগতভয়বিষাদঃ সর্বভূতপ্রচেতাঃ |
SP0090332সততমভিদধানশ্চেকিতানাত্মচিত্তঃ করচরণললামঃ সর্বদৃগ্দেবদেবঃ ||
SP0099999ইতি স্কন্দপুরাণে নবমোঽধ্যায়ঃ ||