স্কন্দপুরাণ অধ্যায় ০৮

স্কন্দপুরাণ অধ্যায় ০৮
SP0080010বায়ুরুবাচ |
SP0080011এবমেষা ভগবতী ব্রহ্মলোকানুসারিণী |
SP0080012যুষ্মাকং ধর্মসিদ্ধ্যর্থং বেদীমধ্যাদ্ব্যবর্তত ||
SP0080020সনৎকুমার উবাচ |
SP0080021এবং তেষাং সমাপ্তেঽথ সত্ত্রে বর্ষসহস্রিকে |
SP0080022প্রবৃত্তায়াং সরস্বত্যামগাত্তত্র পিতামহঃ ||
SP0080030ব্রহ্মোবাচ |
SP0080031ভূয়োঽন্যেন হ সত্ত্রেণ যজধ্বং দেবমীশ্বরম্ |
SP0080032যদা বো ভবিতা বিঘ্নং তদা নিষ্কল্মষং তপঃ ||
SP0080041বিঘ্নং তচ্চৈব সংতীর্য তপস্তপ্ত্বা চ ভাস্বরম্ |
SP0080042যোগং প্রাপ্য মহদ্যুক্তাস্ততো দ্রক্ষ্যথ শংকরম্ ||
SP0080051তথেত্যুক্ত্বা গতে তস্মিন্সত্ত্রাণ্যাজহ্রিরে তদা |
SP0080052বহূনি বিবিধাকারাণ্যভিয়ুক্তা মহাব্রতাঃ ||
SP0080061নিঃসোমাং পৃথিবীং কৃৎবা কৃৎস্নামেতাং ততো দ্বিজাঃ |
SP0080062রাজানং সোমমানায়্য অভিষেক্তুমিয়েষিরে ||
SP0080071অথ সোঽপি কৃতাতিথ্যঃ অদৃশ্যেন দুরাত্মনা |
SP0080072স্বর্ভানুনা হৃতঃ সোমস্ততস্তে দুঃখিতাভবন্ ||
SP0080081তে গৎবা মুনয়ঃ সর্বে কলাপগ্রামবাসিনঃ |
SP0080082পুরূরবসমানীয় রাজানং তেঽভ্যষেচয়ন্ ||
SP0080091ঊচুশ্চৈনং মহাভাগা হৃতঃ সোমো হি নঃ প্রভো |
SP0080092কেনাপি তদ্ভবান্ক্ষিপ্রমিহানয়তু মা চিরম্ ||
SP0080101স এবমুক্তো মৃগয়ন্ন তমাসাদয়ৎপ্রভুঃ |
SP0080102উবাচ স তদা বিপ্রান্প্রণম্য ভয়পীডিতঃ ||
SP0080111পরমং যত্নমাস্থায় ময়া সোমোঽভিমার্গিতঃ |
SP0080112ন চ তং বেদ্মি কেনাসৌ ক্ব বা নীত ইতি প্রভুঃ ||
SP0080121তমেবংবাদিনং ক্রুদ্ধা ঋষয়ঃ সংশিতব্রতাঃ |
SP0080122ঊচুঃ সর্বে সুসংরব্ধা ইলাপুত্রং মহামতিম্ ||
SP0080131ভবান্রাজা কুতস্ত্রাতা কৃতোঽস্মাভির্ভয়ার্দিতৈঃ |
SP0080132ন চ নস্তদ্ভয়ং শক্তো বিনাশয়িতুমাশ্বপি ||
SP0080141বিষয়েষ্বতিসক্তাত্মা যোগাত্তং নানুপশ্যসি |
SP0080142তস্মাদ্বিরোধমাস্থায় দ্বিজেভ্যো বধমাপ্স্যসি ||
SP0080151বয়মেব হি রাজানমানয়িষ্যাম দুর্বিদম্ |
SP0080152তপসা স্বেন রাজেন্দ্র পশ্য নো বলমুত্তমম্ ||
SP0080161ততস্তে ঋষয়ঃ সর্বে তপসা দগ্ধকিল্বিষাঃ |
SP0080162অস্তুবন্বাগ্ভিরিষ্টাভির্গায়ত্রীং বেদভাবিনীম্ ||
SP0080171স্তুবতাং তু ততস্তেষাং গায়ত্রী বেদভাবিনী |
SP0080172রূপিণী দর্শনং প্রাদাদুবাচেদং চ তান্দ্বিজান্ ||
SP0080181তুষ্টাস্মি বৎসাঃ কিং বোঽদ্য করোমি বরদাস্মি বঃ |
SP0080182ব্রূত তৎকৃতমেবেহ ভবিষ্যতি ন সংশয়ঃ ||
SP0080190ঋষয় ঊচুঃ |
SP0080191সোমো নোঽপহৃতো দেবি কেনাপি সুদুরাত্মনা |
SP0080192তমানয় নমস্তেঽস্তু এষ নো বর উত্তমঃ ||
SP0080200সনৎকুমার উবাচ |
SP0080201সা তথোক্তা বিনিশ্চিত্য দৃষ্ট্বা দিব্যেন চক্ষুষা |
SP0080202শ্যেনীভূতা জগামাশু স্বর্ভানুমসুরং প্রতি ||
SP0080211ব্যগ্রাণামসুরাণাং সা গৃহীৎবা সোমমাগতা |
SP0080212আগম্য তানৃষীন্প্রাহ অয়ং সোমোঽভিষূয়তাম্ ||
SP0080221তে তমাসাদ্য ঋষয়ঃ প্রাপ্য যজ্ঞফলং মহৎ |
SP0080222অমন্যন্ত তপোঽস্মাকং নিষ্কল্মষমিতি দ্বিজাঃ ||
SP0080231ততস্তত্র স্বয়ং ব্রহ্মা সহ দেবোরগাদিভিঃ |
SP0080232আগত্য তানৃষীন্প্রাহ তপঃ কুরুত মা চিরম্ ||
SP0080241তে সহ ব্রহ্মণা গৎবা মৈনাকং পর্বতোত্তমম্ |
SP0080242সর্বৈর্দেবগণৈঃ সার্ধং তপশ্চেরুঃ সমাহিতাঃ ||
SP0080251তেষাং কালেন মহতা তপসা ভাবিতাত্মনাম্ |
SP0080252যোগপ্রবৃত্তিরভবৎসূক্ষ্ময়ুক্তাস্ততস্তু তে ||
SP0080261তে যুক্তা ব্রহ্মণা সার্ধমৃষয়ঃ সহ দেবতৈঃ |
SP0080262মহেশ্বরে মনঃ স্থাপ্য নিশ্চলোপলবৎস্থিতাঃ ||
SP0080271অথ তেষাং মহাদেবঃ পিনাকী নীললোহিতঃ |
SP0080272অভ্যগচ্ছত তং দেশং বিমানেনার্কতেজসা ||
SP0080281তদ্ভাবভাবিতাঞ্জ্ঞাৎবা সদ্ভাবেন পরেণ হ |
SP0080282উবাচ মেঘনির্হ্রাদঃ শতদুন্দুভিনিস্বনঃ ||
SP0080291ভো ভো সব্রহ্মকা দেবাঃ সবিষ্ণুঋষিচারণাঃ |
SP0080292দিব্যং চক্ষুঃ প্রয়চ্ছামি পশ্যধ্বং মাং যথেপ্সিতম্ ||
SP0080300সনৎকুমার উবাচ |
SP0080301অপশ্যন্ত ততঃ সর্বে সূর্যায়ুতসমপ্রভম্ |
SP0080302বিমানং মেরুসংকাশং নানারত্নবিভূষিতং ||
SP0080311তস্য মধ্যেঽগ্নিকূটং চ সুমহদ্দীপ্তিমাস্থিতম্ |
SP0080312জ্বালামালাপরিক্ষিপ্তমর্চিভিরুপশোভিতম্ ||
SP0080321দংষ্ট্রাকরালবদনং প্রদীপ্তানললোচনম্ |
SP0080322ত্রেতাগ্নিপিশ্ণ্গলজটং ভুজগাবদ্ধমেখলম্ ||
SP0080331মৃষ্টকুণ্ডলিনং চৈব শূলাসক্তমহাকরম্ |
SP0080332পিনাকিনং দণ্ডহস্তং মুদ্গরাশনিপাণিনম্ ||
SP0080341অসিপট্টিসহস্তং চ চক্রিণং চোর্ধ্বমেহনম্ |
SP0080342অক্ষসূত্রকরং চৈব দুষ্প্রেক্ষ্যমকৃতাত্মভিঃ |
SP0080343চন্দ্রাদিত্যগ্রহৈশ্চৈব কৃতস্রগুপভূষণম্ ||
SP0080351তমপশ্যন্ত তে সর্বে দেবা দিব্যেন চক্ষুষা |
SP0080352যং দৃষ্ট্বা ন ভবেন্মৃত্যুর্মর্ত্যস্যাপি কদাচন ||
SP0080361তপসা বিনিয়োগয়োগিনঃ প্রণমন্তো ভবমিন্দুনির্মলম্ |
SP0080362বিয়তীশ্বরদত্তচক্ষুষঃ সহ দেবৈর্মুনয়ো মুদান্বিতাঃ ||
SP0080371প্রসমীক্ষ্য মহাসুরেশকালং মনসা চাপি বিচার্য দুর্বিসহ্যম্ |
SP0080372প্রণমন্তি গতাত্মভাবচিন্তাঃ সহ দেবৈর্জগদুদ্ভবং স্তুবন্তঃ ||
SP0089999ইতি স্কন্দপুরাণে অষ্টমোঽধ্যায়ঃ ||