স্কন্দপুরাণ অধ্যায় ০৫

স্কংদপুরাণ অধ্যায় ৫
SP0050010সনৎকুমার উবাচ |
SP0050011তন্নৈমিশং সমাসাদ্য ঋষয়ো দীপ্ততেজসঃ |
SP0050012দিব্যং সত্ত্রং সমাসন্ত মহদ্বর্ষসহস্রিকম্ ||
SP0050021একাগ্রমনসঃ সর্বে নির্মমা হ্যনহংকৃতাঃ |
SP0050022ধ্যায়ন্তো নিত্যমীশেশং সদারতনয়াগ্নয়ঃ ||
SP0050031তন্নিষ্ঠাস্তৎপরাঃ সর্বে তদ্যুক্তাস্তদপাশ্রয়াঃ |
SP0050032সর্বক্রিয়াঃ প্রকুর্বাণাস্তমেব মনসা গতাঃ ||
SP0050041তেষাং তং ভাবমালক্ষ্য মাতরিশ্বা মহাতপাঃ |
SP0050042সর্বপ্রাণিচরঃ শ্রীমান্সর্বভূতপ্রবর্তকঃ |
SP0050043দদৌ স রূপী ভগবান্দর্শনং সত্ত্রিণাং শুভঃ ||
SP0050051তং তে দৃষ্ট্বার্চয়িৎবা চ মাতরিশ্বানমব্যয়ম্ |
SP0050052আসীনমাসনে পুণ্যে ঋষয়ঃ সংশিতব্রতাঃ |
SP0050053পপ্রচ্ছুরুদ্ভবং কৃৎস্নং জগতঃ প্রলয়ং তথা ||
SP0050061স্থিতিং চ কৃৎস্নাং বংশাংশ্চ যুগমন্বন্তরাণি চ |
SP0050062বংশানুচরিতং কৃৎস্নং দিব্যমানং তথৈব চ ||
SP0050071অষ্টানাং দেবয়োনীনামুৎপত্তিং প্রলয়ং তথা |
SP0050072পিতৃসর্গং তথাশেষং ব্রহ্মণো মানমেব চ ||
SP0050081চন্দ্রাদিত্যগতিং সর্বাং তারাগ্রহগতিং তথা |
SP0050082স্থিতিং সর্বেশ্বরাণাং চ দ্বীপধর্মমশেষতঃ |
SP0050083বর্ণাশ্রমব্যবস্থানং যজ্ঞানাং চ প্রবর্তনম্ ||
SP0050091এতৎসর্বমশেষেণ কথয়ামাস স প্রভুঃ |
SP0050092দিব্যং বর্ষসহস্রং চ তেষাং তদভিয়াত্তথা ||
SP0050101অথ দিব্যেন রূপেণ সামবাগ্দিশ্ণ্নিরীক্ষণা |
SP0050102যজুর্ঘ্রাণাথর্বশিরাঃ শব্দজিহ্বা শুভা সতী ||
SP0050111ন্যায়শ্রোত্রা নিরুক্তৎবগৃক্পাদপদগামিনী |
SP0050112কালবাহূর্বর্ষকরা দিবসাশ্ণ্গুলিধারিণী ||
SP0050121কলাদিভিঃ পর্বভিশ্চ মাসৈঃ কররুহৈস্তথা |
SP0050122কল্পসাধারণা দিব্যা শিক্ষাবিদ্যোন্নতস্তনী ||
SP0050131ছন্দোবিচিতিমধ্যা চ মীমাংসানাভিরেব চ |
SP0050132পুরাণবিস্তীর্ণকটির্ধর্মশাস্ত্রমনোরথা ||
SP0050141আশ্রমোরূর্বর্ণজানুর্যজ্ঞগুল্ফা ফলাশ্ণ্গুলিঃ |
SP0050142লোকবেদশরীরা চ রোমভিশ্ছান্দসৈঃ শুভৈঃ ||
SP0050151শ্রদ্ধাশুভাচারবস্ত্রা যোগধর্মাভিভাষিণী |
SP0050152বেদীমধ্যাদ্বিনিঃসৃত্য প্রবৃত্তা পরমাম্ভসা ||
SP0050161তস্যান্তেঽবভৃথে প্লুত্য বায়ুনা সহ সংগতাঃ |
SP0050162তামপৃচ্ছন্ত কা ন্বেষা বায়ুং দেবং মহাধিয়ম্ ||
SP0050171উবাচ স মহাতেজা ঋষীন্ধর্মানুভাবিতান্ |
SP0050172শুদ্ধাঃ স্থ তপসা সর্বে মহান্ধর্মশ্চ বঃ কৃতঃ ||
SP0050181যস্মাদিয়ং নদী পুণ্যা ব্রহ্মলোকাদিহাগতা |
SP0050182ইয়ং সরস্বতী নাম ব্রহ্মলোকবিভূষণা ||
SP0050191প্রথমং মর্ত্যলোকেঽস্মিন্যুষ্মৎসিদ্ধ্যর্থমাগতা |
SP0050192নাস্যাঃ পুণ্যতমা কাচিত্ত্রিষু লোকেষু বিদ্যতে ||
SP0050200ঋষয় ঊচুঃ |
SP0050201কথমেষা মহাপুণ্যা প্রবৃত্তা ব্রহ্মলোকগা |
SP0050202কারণং কিং চ তত্রাসীদেতদিচ্ছাম বেদিতুম্ ||
SP0050210বায়ুরুবাচ |
SP0050211অত্র বো বর্তয়িষ্যামি ইতিহাসং পুরাতনম্ |
SP0050212ব্রহ্মণশ্চৈব সংবাদং পুরা যজ্ঞস্য চৈব হ ||
SP0050221যজ্ঞৈরিষ্ট্বা পুরা দেবো ব্রহ্মা দীপ্তেন তেজসা |
SP0050222অসৃজৎসর্বভূতানি স্থাবরাণি চরাণি চ ||
SP0050231স দৃষ্ট্বা দীপ্তিমান্দেবো দীপ্ত্যা পরময়া যুতঃ |
SP0050232অবেক্ষমাণঃ স্বা/ল্লোকাংশ্চতুর্ভির্মুখপশ্ণ্কজৈঃ ||
SP0050241দেবাদীন্মনুষ্যাদীংশ্চ দৃষ্ট্বা দৃষ্ট্বা মহামনাঃ |
SP0050242অমন্যত ন মেঽন্যোঽস্তি সমো লোকে ন চাধিকঃ ||
SP0050251যোঽহমেতাঃ প্রজাঃ সর্বাঃ সপ্তলোকপ্রতিষ্ঠিতাঃ |
SP0050252দেবমানুষতির্যক্ষু গ্রসামি বিসৃজামি চ ||
SP0050261অহং স্রষ্টা হি ভূতানাং নান্যঃ কশ্চন বিদ্যতে |
SP0050262নিয়ন্তা লোককর্তা চ ন ময়াস্তি সমঃ ক্বচিৎ ||
SP0050271তস্যৈবং মন্যমানস্য যজ্ঞ আগান্মহামনাঃ |
SP0050272উবাচ চৈনং দীপ্তাত্মা মৈবং মংস্থা মহামতে |
SP0050273অয়ং হি তব সংমোহো বিনাশায় ভবিষ্যতি ||
SP0050281ন যুক্তমীদৃশং তেঽদ্য সত্ত্বস্থস্যাত্ময়োনিনঃ |
SP0050282স্রষ্টা ৎবং চৈব নান্যোঽস্তি তথাপি ন যশস্করম্ ||
SP0050291অহং কর্তা হি ভূতানাং ভুবনস্য তথৈব চ |
SP0050292করোমি ন চ সংমোহং যথা ৎবং দেব কত্থসে ||
SP0050301তমুবাচ তদা ব্রহ্মা ন ৎবং ধারয়িতা বিভো |
SP0050302অহমেব হি ভূতানাং ধর্তা ভর্তা তথৈব চ |
SP0050303ময়া সৃষ্টানি ভূতানি ৎবমেবাত্র বিমুহ্যসে ||
SP0050311অথাগাত্তত্র সংবিগ্নো বেদঃ পরমদীপ্তিমান্ |
SP0050312উবাচ চৈব তৌ বেদো নৈতদেবমিতি প্রভুঃ ||
SP0050321অহং শ্রেষ্ঠো মহাভাগৌ ন বদাম্যনৃতং ক্বচিৎ |
SP0050322শৃণুধ্বং মম যঃ কর্তা ভূতানাং যুবয়োশ্চ হ ||
SP0050331পরমেশো মহাদেবো রুদ্রঃ সর্বগতঃ প্রভুঃ |
SP0050332যেনাহং তব দত্তশ্চ কৃতস্ত্বং চ প্রজাপতিঃ ||
SP0050341যজ্ঞোঽযং যৎপ্রসূতিশ্চ অণ্ডং যত্রাস্তি সংস্থিতম্ |
SP0050342সর্বং তস্মাৎপ্রসূতং বৈ নান্যঃ কর্তাস্তি নঃ ক্বচিৎ ||
SP0050351তমেবংবাদিনং দেবো ব্রহ্মা বেদমভাষত |
SP0050352অহং শ্রুতীনাং সর্বাসাং নেতা স্রষ্টা তথৈব চ ||
SP0050361মৎপ্রসাদাদ্ধি বেদস্ত্বং যজ্ঞশ্চায়ং ন সংশয়ঃ |
SP0050362মূঢৌ যুবামধর্মো বা ভবদ্ভ্যামন্যথা কৃতঃ |
SP0050363প্রায়শ্চিত্তং চরধ্বং বঃ কিল্বিষান্মোক্ষ্যথস্ততঃ ||
SP0050371এবমুক্তে তদা তেন মহাঞ্ছব্দো বভূব হ |
SP0050372আদিত্যমণ্ডলাকারমদৃশ্যত চ মণ্ডলম্ |
SP0050373মহচ্ছব্দেন মহতা উপরিষ্টাদ্বিয়ৎস্থিতম্ ||
SP0050381স চাপি তস্মাদ্বিভ্রষ্টো ভূতলং সমুপাশ্রিতঃ |
SP0050382হিমবৎকুঞ্জমাসাদ্য নানাবিহগনাদিতম্ |
SP0050383ব্যোমগশ্চ চিরং ভূৎবা ভূমিগঃ সম্বভূব হ ||
SP0050391ততো ব্রহ্মা দিশঃ সর্বা নিরীক্ষ্য মুখপশ্ণ্কজৈঃ |
SP0050392চতুর্ভির্ন বিয়ৎস্থং তমপশ্যৎস পিতামহঃ ||
SP0050401স মুখং পঞ্চমং দীপ্তমসৃজন্মূর্ধ্নি সংস্থিতম্ |
SP0050402তেনাপশ্যদ্বিয়ৎস্থং তং সূর্যায়ুতসমপ্রভম্ |
SP0050403আদিত্যমণ্ডলাকারং শব্দবদ্ঘোরদর্শনম্ ||
SP0050411তং দৃষ্ট্বা পঞ্চমং তস্য শিরো বৈ ক্রোধজং মহৎ |
SP0050412সংবর্তকাগ্নিসদৃশং গ্রসিষ্যত্তমবর্ধত ||
SP0050421বর্ধমানং তদা তত্তু বডবামুখসংনিভম্ |
SP0050422দীপ্তিমচ্ছব্দবচ্চৈব দেবোঽসৌ দীপ্তমণ্ডলঃ ||
SP0050431হস্তাশ্ণ্গুষ্ঠনখেনাশু বামেনাবজ্ঞয়ৈব হি |
SP0050432চকর্ত তন্মহদ্ঘোরং ব্রহ্মণঃ পঞ্চমং শিরঃ ||
SP0050441দীপ্তিকৃত্তশিরাঃ সোঽথ দুঃখেনোস্রেণ চার্দিতঃ |
SP0050442পপাত মূঢচেতা বৈ যোগধর্মবিবর্জিতঃ ||
SP0050451ততঃ সুপ্তোত্থিত ইব সংজ্ঞাং লব্ধ্বা মহাতপাঃ |
SP0050452মণ্ডলস্থং মহাদেবমস্তৌষীদ্দীনয়া গিরা ||
SP0050460ব্রহ্মোবাচ |
SP0050461নমঃ সহস্রনেত্রায় শতনেত্রায় বৈ নমঃ |
SP0050462নমো বিবৃতবক্ত্রায় শতবক্ত্রায় বৈ নমঃ ||
SP0050471নমঃ সহস্রবক্ত্রায় সর্ববক্ত্রায় বৈ নমঃ |
SP0050472নমঃ সহস্রপাদায় সর্বপাদায় বৈ নমঃ ||
SP0050481সহস্রপাণয়ে চৈব সর্বতঃপাণয়ে নমঃ |
SP0050482নমঃ সর্বস্য স্রষ্ট্রে চ দ্রষ্ট্রে সর্বস্য তে নমঃ ||
SP0050491আদিত্যবর্ণায় নমঃ শিরসশ্ছেদনায় চ |
SP0050492সৃষ্টিপ্রলয়কর্ত্রে চ স্থিতিকর্ত্রে তথা নমঃ ||
SP0050501নমঃ সহস্রলিশ্ণ্গায় সহস্রচরণায় চ |
SP0050502সংহারলিশ্ণ্গিনে চৈব জললিশ্ণ্গায় বৈ নমঃ ||
SP0050511অন্তশ্চরায় সর্বায় প্রকৃতেঃ প্রেরণায় চ |
SP0050512ব্যাপিনে সর্বসত্ত্বানাং পুরুষপ্রেরকায় চ ||
SP0050521ইন্দ্রিয়ার্থবিশেষায় তথা নিয়মকারিণে |
SP0050522ভূতভব্যায় শর্বায় নিত্যং সত্ত্ববদায় চ ||
SP0050531ৎবমেব স্রষ্টা লোকানাং মন্তা দাতা তথা বিভো |
SP0050532শরণাগতায় দান্তায় প্রসাদং কর্তুমর্হসি ||
SP0050541তস্যৈবং স্তুবতঃ সম্যগ্ভাবেন পরমেণ হ |
SP0050542স তস্মৈ দেবদেবেশো দিব্যং চক্ষুরদাত্তদা ||
SP0050551চক্ষুষা তেন স তদা ব্রহ্মা লোকপিতামহঃ |
SP0050552বিমানে সূর্যসংকাশে তেজোরাশিমপশ্যত ||
SP0050561তস্য মধ্যাত্ততো বাচং মহতীং সমশৃণ্বত |
SP0050562গম্ভীরাং মধুরাং যুক্তামথ সম্পন্নলক্ষণাম্ |
SP0050563বিশদাং পুত্র পুত্রেতি পূর্বং দেবেন চোদিতাম্ ||
SP0050571সংস্বেদাৎপুত্র উৎপন্নো যত্তুভ্যং নীললোহিতঃ |
SP0050572যচ্চ পূর্বং ময়া প্রোক্তস্ত্বং তদা সুতমার্গণে ||
SP0050581মদীয়ো গণপো যস্তে মন্মূর্তিশ্চ ভবিষ্যতি |
SP0050582স প্রাপ্য পরমং জ্ঞানং মূঢ ৎবা বিনয়িষ্যতি ||
SP0050591তস্যেয়ং ফলনিষ্পত্তিঃ শিরসশ্ছেদনং তব |
SP0050592ময়ৈব কারিতা তেন নির্বৃতশ্চাধুনা ভব ||
SP0050601তস্য চৈবোৎপথস্থস্য যজ্ঞস্য তু মহামতে |
SP0050602শিরশ্ছেৎস্যত্যসাবেব কস্মিংশ্চিৎকারণান্তরে |
SP0050603স্তবেনানেন তুষ্টোঽস্মি কিং দদানি চ তেঽনঘ ||
SP0050611বায়ুরুবাচ |
SP0050612ততঃ স ভগবান্হৃষ্টঃ প্রণম্য শুভয়া গিরা |
SP0050613উবাচ প্রাঞ্জলির্ভূৎবা লক্ষ্যালক্ষ্যং তমীশ্বরম্ ||
SP0050621ভগবন্নৈব মে দুঃখং দর্শনাত্তে প্রবাধতে |
SP0050622ইচ্ছামি শিরসো হ্যস্য ধারণং সর্বদা ৎবয়া |
SP0050623ননু স্মরেয়মেতচ্চ শিরসশ্ছেদনং বিভো ||
SP0050631ভূয়শ্চাধর্মকার্যেভ্যস্ত্বয়ৈবেচ্ছে নিবারণম্ |
SP0050632তথা চ কৃত্যমুদ্দিশ্য পশ্যেয়ং ৎবা যথাসুখম্ ||
SP0050641বিজ্ঞপ্তিং ব্রহ্মণঃ শ্রুৎবা প্রোবাচ ভুবনেশ্বরঃ |
SP0050642স এব সুতসংজ্ঞস্তে মন্মূর্তির্নীললোহিতঃ |
SP0050643শিরশ্ছেৎস্যতি যজ্ঞস্য বিভর্ত্স্যতি শিরশ্চ তে ||
SP0050651ইত্যুক্ত্বা দেবদেবেশস্তত্রৈবান্তরধীয়ত |
SP0050652গতে তস্মিন্মহাদেবে ব্রহ্মা লোকপিতামহঃ |
SP0050653সয়জ্ঞঃ সহবেদশ্চ স্বং লোকং প্রত্যপদ্যত ||
SP0050661বায়ুরুবাচ |
SP0050662য ইমং শৃণুয়ান্মর্ত্যো গুহ্যং বেদার্থসংমিতম্ |
SP0050663স দেহভেদমাসাদ্য সায়ুজ্যং ব্রহ্মণো ব্রজেৎ ||
SP0050671যশ্চেমং পঠতে নিত্যং ব্রাহ্মণানাং সমীপতঃ |
SP0050672স সর্বপাপনির্মুক্তো রুদ্রলোকে মহীয়তে ||
SP0050681নাপুত্রশিষ্যয়োগিভ্য ইদমাখ্যানমৈশ্বরম্ |
SP0050682আখ্যেয়ং নাপি চাজ্ঞায় ন শঠায় ন মানিনে ||
SP0050691ইদং মহদ্দিব্যমধর্মশাসনং পঠেৎসদা ব্রাহ্মণবৈদ্যসংসদি |
SP0050692কৃতাবকাশো ভবতীহ মানবঃ শরীরভেদে প্রবিশেৎপিতামহম্ ||
SP0059999ইতি স্কন্দপুরাণে পঞ্চমোঽধ্যায়ঃ ||