স্কন্দপুরাণ অধ্যায় ০৪

স্কংদপুরাণ অধ্যায় ৪
SP0040010সনৎকুমার উবাচ |
SP0040011প্রাজাপত্যং ততো লব্ধ্বা প্রজাঃ স্রষ্টুং প্রচক্রমে |
SP0040012প্রজাস্তাঃ সৃজ্যমানাশ্চ ন বিবর্ধন্তি তস্য হ ||
SP0040021স কুর্বাণস্তথা সৃষ্টিং শক্তিহীনঃ পিতামহঃ |
SP0040022সৃষ্ট্যর্থং ভূয় এবাথ তপশ্চর্তুং প্রচক্রমে ||
SP0040031সৃষ্টিহেতোস্তপস্তস্য জ্ঞাৎবা ত্রিভুবনেশ্বরঃ |
SP0040032তেজসা জগদাবিশ্য আজগাম তদন্তিকম্ |
SP0040033স্রষ্টা তস্য জগন্নাথোঽদর্শয়ৎস্বতনৌ জগৎ ||
SP0040041স্বয়মাগত্য দেবেশো মহাভূতপতির্হরঃ |
SP0040042ব্যাপ্যেব হি জগৎকৃৎস্নং পরমেণ স্বতেজসা |
SP0040043শম্ভুঃ প্রাহ বরং বৎস যাচস্বেতি পিতামহম্ ||
SP0040051তং ব্রহ্মা লোকসৃষ্ট্যর্থং পুত্রস্ত্বং মনসাব্রবীৎ |
SP0040052স জ্ঞাৎবা তস্য সংকল্পং ব্রহ্মণঃ পরমেশ্বরঃ |
SP0040053মূঢোঽযমিতি সংচিন্ত্য প্রোবাচ বরদঃ স্বয়ম্ ||
SP0040061আগতং পিতরং মা ৎবং যস্মাৎপুত্রং সমীহসে |
SP0040062মন্মূর্তিস্তনয়স্তস্মাদ্ভবিষ্যতি মমাজ্ঞয়া ||
SP0040071স চ তে পুত্রতাং যাৎবা মদীয়ো গণনায়কঃ |
SP0040072রুদ্রো বিগ্রহবান্ভূৎবা মূঢ ৎবাং বিনয়িষ্যতি ||
SP0040081সর্ববিদ্যাধিপত্যং চ যোগানাং চৈব সর্বশঃ |
SP0040082বলস্যাধিপতিৎবং চ অস্ত্রাণাং চ প্রয়োক্তৃতা ||
SP0040091ময়া দত্তানি তস্যাশু উপস্থাস্যন্তি সর্বশঃ |
SP0040092ধনুঃ পিনাকং শূলং চ খড্গং পরশুরেব চ ||
SP0040101কমণ্ডলুস্তথা দণ্ডঃ অস্ত্রং পাশুপতং তথা |
SP0040102সংবর্তকাশনিশ্চৈব চক্রং চ প্রতিসর্গিকম্ |
SP0040103এবং সর্বর্দ্ধিসম্পন্নঃ সুতস্তে স ভবিষ্যতি ||
SP0040111এবমুক্ত্বা গতে তস্মিন্নন্তর্ধানং মহাত্মনি |
SP0040112ব্রহ্মা চক্রে তদা চেষ্টিং পুত্রকামঃ প্রজাপতিঃ ||
SP0040121স জুহ্বঞ্ছ্রমসংযুক্তঃ প্রতিঘাতসমন্বিতঃ |
SP0040122সমিদ্যুক্তেন হস্তেন ললাটং প্রমমার্জ হ ||
SP0040131সমিৎসংযোগজস্তস্য স্বেদবিন্দুর্ললাটজঃ |
SP0040132পপাত জ্বলনে তস্মিন্দ্বিগুণং তস্য তেজসা ||
SP0040141তদ্ধি মাহেশ্বরং তেজঃ সংধিতং ব্রহ্মণি স্রুতম্ |
SP0040142প্রেরিতং দেবদেবেন নিপপাত হবির্ভুজি ||
SP0040151ক্ষণে তস্মিন্মহেশেন স্মৃৎবা তং বরমুত্তমম্ |
SP0040152প্রেষিতো গণপো রুদ্রঃ সদ্য এবাভবত্তদা ||
SP0040161তচ্চ সংস্বেদজং তেজঃ পূর্বং জ্বলনয়োজিতম্ |
SP0040162ভূৎবা লোহিতমাশ্বেব পুনর্নীলমভূত্তদা ||
SP0040171নীললোহিত ইত্যেব তেনাসাবভবৎপ্রভুঃ |
SP0040172ত্র্যক্ষো দশভুজঃ শ্রীমান্ব্রহ্মাণং ছাদয়ন্নিব ||
SP0040181শর্বাদ্যৈর্নামভির্ব্রহ্মা তনূভিশ্চ জলাদিভিঃ |
SP0040182স্তুৎবা তং সর্বগং দেবং নীললোহিতমব্যয়ম্ ||
SP0040191জ্ঞাৎবা সর্বসৃজং পশ্চান্মহাভূতপ্রতিষ্ঠিতম্ |
SP0040192অসৃজদ্বিবিধাস্ত্বন্যাঃ প্রজাঃ স জগতি প্রভুঃ ||
SP0040201সোঽপি যোগং সমাস্থায় ঐশ্বর্যেণ সমন্বিতঃ |
SP0040202লোকান্সর্বান্সমাবিশ্য ধারয়ামাস সর্বদা ||
SP0040211ব্রহ্মণোঽপি ততঃ পুত্রা দক্ষধর্মাদয়ঃ শুভাঃ |
SP0040212অসৃজন্ত প্রজাঃ সর্বা দেবমানুষসংকুলাঃ ||
SP0040221অথ কালেন মহতা কল্পেঽতীতে পুনঃ পুনঃ |
SP0040222প্রজা ধারয়তো যোগাদস্মিন্কল্প উপস্থিতে ||
SP0040231প্রতিষ্ঠিতায়াং বার্ত্তায়াং প্রবৃত্তে বৃষ্টিসর্জনে |
SP0040232প্রজাসু চ বিবৃদ্ধাসু প্রয়াগে যজতশ্চ হ ||
SP0040241ব্রহ্মণঃ ষট্কুলীয়াস্তে ঋষয়ঃ সংশিতব্রতাঃ |
SP0040242মরীচয়োঽত্রয়শ্চৈব বসিষ্ঠাঃ ক্রতবস্তথা ||
SP0040251ভৃগবোঽশ্ণ্গিরসশ্চৈব তপসা দগ্ধকিল্বিষাঃ |
SP0040252ঊচুর্ব্রহ্মাণমভ্যেত্য সহিতাঃ কর্মণোঽন্তরে ||
SP0040261ভগবন্নন্ধকারেণ মহতা স্মঃ সমাবৃতাঃ |
SP0040262খিন্না বিবদমানাশ্চ ন চ পশ্যাম যৎপরম্ ||
SP0040271এতং নঃ সংশয়ং দেব চিরং হৃদি সমাস্থিতম্ |
SP0040272ৎবং হি বেত্থ যথাতত্ত্বং কারণং পরমং হি নঃ ||
SP0040281কিং পরং সর্বভূতানাং বলীয়শ্চাপি সর্বতঃ |
SP0040282কেন চাধিষ্ঠিতং বিশ্বং কো নিত্যঃ কশ্চ শাশ্বতঃ ||
SP0040291কঃ স্রষ্টা সর্বভূতানাং প্রকৃতেশ্চ প্রবর্তকঃ |
SP0040292কোঽস্মান্সর্বেষু কার্যেষু প্রয়ুনক্তি মহামনাঃ ||
SP0040301কস্য ভূতানি বশ্যানি কঃ সর্ববিনিয়োজকঃ |
SP0040302কথং পশ্যেম তং চৈব এতন্নঃ শংস সর্বশঃ ||
SP0040311এবমুক্তস্ততো ব্রহ্মা সর্বেষামেব সংনিধৌ |
SP0040312দেবানাং চ ঋষীণাং চ গন্ধর্বোরগরক্ষসাম্ ||
SP0040321যক্ষাণামসুরাণাং চ যে চ কুত্র প্রবর্তকাঃ |
SP0040322পক্ষিণাং সপিশাচানাং যে চান্যে তৎসমীপগাঃ |
SP0040323উত্থায় প্রাঞ্জলিঃ প্রাহ রুদ্রেতি ত্রিঃ প্লুতং বচঃ ||
SP0040331স চাপি তপসা শক্যো দ্রষ্টুং নান্যেন কেনচিৎ |
SP0040332স স্রষ্টা সর্বভূতানাং বলবাংস্তন্ময়ং জগৎ |
SP0040333তস্য বশ্যানি ভূতানি তেনেদং ধার্যতে জগৎ ||
SP0040341ততস্তে সর্বলোকেশা নমশ্চক্রুর্মহাত্মনে ||
SP0040350ঋষয় ঊচুঃ |
SP0040351কিং তন্মহত্তপো দেব যেন দৃশ্যেত স প্রভুঃ |
SP0040352তন্নো বদস্ব দেবেশ বরদং চাভিধৎস্ব নঃ ||
SP0040360পিতামহ উবাচ |
SP0040361সত্ত্রং মহৎসমাসধ্বং বাশ্ণ্মনোদোষবর্জিতাঃ |
SP0040362দেশং চ বঃ প্রবক্ষ্যামি যস্মিন্দেশে চরিষ্যথ ||
SP0040371ততো মনোময়ং চক্রং স সৃষ্ট্বা তানুবাচ হ |
SP0040372ক্ষিপ্তমেতন্ময়া চক্রমনুব্রজত মা চিরম্ ||
SP0040381যত্রাস্য নেমিঃ শীর্যেত স দেশস্তপসঃ শুভঃ |
SP0040382ততো মুমোচ তচ্চক্রং তে চ তৎসমনুব্রজন্ ||
SP0040391তস্য বৈ ব্রজতঃ ক্ষিপ্রং যত্র নেমিরশীর্যত |
SP0040392নৈমিশং তৎস্মৃতং নাম্না পুণ্যং সর্বত্র পূজিতম্ ||
SP0040401তৎপূজিতং দেবমনুষ্যসিদ্ধৈ রক্ষোভিরুগ্রৈরুরগৈশ্চ দিব্যৈঃ |
SP0040402যক্ষৈঃ সগন্ধর্বপিশাচসংঘৈঃ সর্বাপ্সরোভিশ্চ দিতেঃ সুতৈশ্চ ||
SP0040411বিপ্রৈশ্চ দান্তৈঃ শময়োগয়ুক্তৈস্তীর্থৈশ্চ সর্বৈরপি চাবনীধ্রৈঃ |
SP0040412গন্ধর্ববিদ্যাধরচারণৈশ্চ সাধ্যৈশ্চ বিশ্বৈঃ পিতৃভিঃ স্তুতং চ ||
SP0049999ইতি স্কন্দপুরাণে চতুর্থোঽধ্যায়ঃ ||