স্কন্দপুরাণ অধ্যায় ০৩

স্কংদপুরাণ অধ্যায় ৩
SP0030010সনৎকুমার উবাচ |
SP0030011শৃণুষ্বেমাং কথাং দিব্যাং সর্বপাপপ্রণাশনীম্ |
SP0030012কথ্যমানাং ময়া চিত্রাং বহ্বর্থাং শ্রুতিসংমিতাম্ |
SP0030013যাং শ্রুৎবা পাপকর্মাপি গচ্ছেচ্চ পরমাং গতিম্ ||
SP0030021ন নাস্তিকাশ্রদ্দধানে শঠে চাপি কথংচন |
SP0030022ইমাং কথামনুব্রূয়াত্তথা চাসূয়কে নরে ||
SP0030031ইদং পুত্রায় শিষ্যায় ধার্মিকায়ানসূয়বে |
SP0030032কথনীয়ং মহাব্রহ্মন্দেবভক্তায় বা ভবেৎ |
SP0030033কুমারভক্তায় তথা শ্রদ্দধানায় চৈব হি ||
SP0030041পুরা ব্রহ্মা প্রজাধ্যক্ষঃ অণ্ডেঽস্মিন্সম্প্রসূয়তে |
SP0030042সোঽজ্ঞানাৎপিতরং ব্রহ্মা ন বেদ তমসাবৃতঃ ||
SP0030051অহমেক ইতি জ্ঞাৎবা সর্বা/ল্লোকানবৈক্ষত |
SP0030052ন চাপশ্যত তত্রান্যং তপোয়োগবলান্বিতঃ ||
SP0030061পুত্র পুত্রেতি চাপ্যুক্তো ব্রহ্মা শর্বেণ ধীমতা |
SP0030062প্রণতঃ প্রাঞ্জলির্ভূৎবা তমেব শরণং গতঃ ||
SP0030071স দত্ত্বা ব্রহ্মণে শম্ভুঃ স্রষ্টৃৎবং জ্ঞানসংহিতম্ |
SP0030072বিভুৎবং চৈব লোকানামন্তর্ধে পরমেশ্বরঃ ||
SP0030081তদেষোপনিষৎপ্রোক্তা ময়া ব্যাস সনাতনা |
SP0030082যাং শ্রুৎবা যোগিনো ধ্যানাৎপ্রপদ্যন্তে মহেশ্বরম্ ||
SP0030091ব্রহ্মং চ যো বিদধে পুত্রমগ্রে জ্ঞানং চ যঃ প্রহিণোতি স্ম তস্মৈ |
SP0030092তমাত্মস্থং যেঽনুপশ্যন্তি ধীরাস্তেষাং শান্তিঃ শাশ্বতী নেতরেষাম্ ||
SP0030101স ব্যাস পিতরং দৃষ্ট্বা স্বদীপ্ত্যা পরয়া যুতম্ |
SP0030102পুত্রকামঃ প্রজাহেতোস্তপস্তীব্রং চকার হ ||
SP0030111মহতা যোগতপসা যুক্তস্য সুমহাত্মনঃ |
SP0030112অচিরেণৈব কালেন পিতা সম্প্রতুতোষ হ ||
SP0030121দর্শনং চাগমত্তস্য বরদোঽস্মীত্যুবাচ হ |
SP0030122স তুষ্টাব নতো ভূৎবা কৃৎবা শিরসি চাঞ্জলিম্ ||
SP0030131নমঃ পরমদেবায় দেবানামপি বেধসে |
SP0030132স্রষ্ট্রে বৈ লোকতন্ত্রায় ব্রহ্মণঃ পতয়ে নমঃ ||
SP0030141একস্মৈ শক্তিয়ুক্তায় অশক্তিরহিতায় চ |
SP0030142অনন্তায়াপ্রমেয়ায় ইন্দ্রিয়াবিষয়ায় চ ||
SP0030151ব্যাপিনে ব্যাপ্তপূর্বায় অধিষ্ঠাত্রে প্রচোদিনে |
SP0030152কৃতপ্রচেতনায়ৈব তত্ত্ববিন্যাসকারিণে ||
SP0030161প্রধানচোদকায়ৈব গুণিনাং শান্তিদায় চ |
SP0030162দৃষ্টিদায় চ সর্বেষাং স্বয়ং বৈ দর্শনায় চ ||
SP0030171বিষয়গ্রাহিণে চৈব নিয়মস্য চ কারিণে |
SP0030172মনসঃ করণানাং চ তত্রৈব নিয়মস্য চ ||
SP0030181ভূতানাং গুণকর্ত্রে চ শক্তিদায় তথৈব চ |
SP0030182কর্ত্রে হ্যণ্ডস্য মহ্যং চ অচিন্ত্যায়াগ্রজায় চ |
SP0030183অপ্রমেয় পিতর্নিত্যং প্রীতো নো দিশ শক্বরীম্ ||
SP0030191তস্যৈবং স্তুবতো ব্যাস দেবদেবো মহেশ্বরঃ |
SP0030192তুষ্টোঽব্রবীৎস্বয়ং পুত্রং ব্রহ্মাণং প্রণতং তথা ||
SP0030201যস্মাত্তে বিদিতং বৎস সূক্ষ্মমেতন্মহাদ্যুতে |
SP0030202তস্মাদ্ব্রহ্মেতি লোকেষু নাম্না খ্যাতিং গমিষ্যসি ||
SP0030211যস্মাচ্চাহং পিতেত্যুক্তস্ত্বয়া বুদ্ধিমতাং বর |
SP0030212তস্মাৎপিতামহৎবং তে লোকে খ্যাতিং গমিষ্যতি ||
SP0030221প্রজার্থং যচ্চ তে তপ্তং তপ উগ্রং সুদুশ্চরম্ |
SP0030222তস্মাৎপ্রজাপতিৎবং তে দদানি প্রয়তাত্মনে ||
SP0030231এবমুক্ত্বা স দেবেশো মূর্তিমত্যোঽসৃজৎস্ত্রিয়ঃ |
SP0030232যাস্তাঃ প্রকৃতয়স্ত্বষ্টৌ বিশেষাশ্চেন্দ্রিয়ৈঃ সহ |
SP0030233ভাবাশ্চ সর্বে তে দেবমুপতস্থুঃ স্বরূপিণঃ ||
SP0030241তানুবাচ ততো দেবঃ পতির্যুক্তঃ স্বতেজসা |
SP0030242এতমদ্যাভিষেকেণ সম্পাদয়ত মা চিরম্ ||
SP0030251তাভিঃ স্বং স্বং সমাদায় ভাবং দিব্যমতর্কিতম্ |
SP0030252অভিষিক্তো বভূবেতি প্রজাপতিরতিদ্যুতিঃ ||
SP0030261তত্রৈবং যোগিনঃ সূক্ষ্মং দৃষ্ট্বা দিব্যেন চক্ষুষা |
SP0030262পুরাণং যোগতত্ত্বজ্ঞা গায়ন্তি ত্রিগুণান্বিতম্ ||
SP0030271রুদ্রঃ স্রষ্টা হি সর্বেষাং ভূতানাং তব চ প্রভো |
SP0030272অস্মাভিশ্চ ভবান্সার্ধং জগতঃ সম্প্রবর্তকঃ ||
SP0030281স দেবস্তোষিতঃ সম্যক্পরমৈশ্বর্যয়োগধৃক্ |
SP0030282ব্রহ্মাণমগ্রজং পুত্রং প্রাজাপত্যেঽভ্যষেচয়ৎ ||
SP0030291যঃ কৃৎবা বহুবিধমার্গয়োগয়ুক্তং তত্ত্বাখ্যং জগদিদমাদরাদ্যুয়োজ |
SP0030292দেবানাং পরমমনন্তয়োগয়ুক্তং মায়াভিস্ত্রিভুবনমন্ধমপ্রসাদম্ ||
SP0030301সর্বেষাং মনসি সদাবতিষ্ঠমানো জানানঃ শুভমশুভং চ ভূতনাথঃ |
SP0030302তং দেবং প্রমথপতিং প্রণম্য ভক্ত্যা নিত্যং বৈ শরণমুপৈমি সূক্ষ্মসূক্ষ্মম্ ||
SP0039999ইতি স্কন্দপুরাণে তৃতীয়োঽধ্যায়ঃ ||