পিতৃগীতম্

 || পিতৃগীতম্ ||

মার্কণ্ডেয় উবাচ
অপি ধন্যঃ কুলে জায়াদস্মাকং মতিমান্নরঃ |
অকুর্বন্ বিত্তশাঢ্যং যঃ পিণ্ডান্নো নির্বপিষ্যতি || ১|| ৫০
রত্নবস্ত্রমহায়ানং সর্বতোয়াদিকং বসু |
বিভবে সতি বিপ্রেভ্যঃ অস্মানুদ্দিশ্য দাস্যতি || ২|| ৫১
অন্নেন বান্যথাশক্ত্যা কালেঽস্মিন্ ভক্তিনম্রধীঃ |
ভোজয়িষ্যতি বিপ্রাগ্র্যাংস্তন্মাত্রবিভবো নরঃ || ৩|| ৫২
অসমর্থোঽন্নদানস্য বন্যশাকং স্বশক্তিতঃ |
প্রদাস্যতি দ্বিজাগ্র্যেভ্যঃ স্বল্পাং যো বাপি দক্ষিণাম্ || ৪|| ৫৩
তত্রাপ্যসামর্থ্যয়ুতঃ করৈর্গৃহ্যাসিতাংস্তিলান্ |
প্রণম্য দ্বিজমুখ্যায় কস্মৈচিদপি দাস্যতি || ৫|| ৫৪
তিলৈস্সপ্তাষ্টভির্বাপি সমবেতং জলাঞ্জলিম্ |
ভক্তিনম্রঃ সমুদ্দিশ্য যোঽস্মাকং সম্প্রদাস্যতি || ৬|| ৫৫
যতঃ কুতশ্চিৎসংপ্রাপ্য গোভ্যো বাপি গবাহ্নিকম্ |
অভাবে প্রীণয়েত্তস্মাদ্ভক্ত্যা যুক্তঃ প্রদাস্যতি || ৭|| ৫৬
সর্বাভাবে বনং গৎবা কক্ষমূলপ্রদর্শকঃ |
সূর্যাদিলোকপালানামিদমুচ্চৈঃ পঠিষ্যতি || ৮|| ৫৭
ন মেঽস্তি বিত্তং ন ধনং ন চান্যচ্ছ্রাদ্ধস্য যোগ্যং স্বপিৎৠন্নতোঽস্মি |
তৃপ্যন্তু ভক্ত্যা পিতরৌ ময়ৈতৌ ভুজৌ ততৌ বর্ত্মনি মারুতস্য || ৯|| ৫৮
ইত্যেবং পিতৃভির্গীতং ভাবাভাবপ্রয়োজনং |
কৃতং তেন ভবেচ্ছ্রাদ্ধং য এবং কুরুতে দ্বিজঃ || ১০|| ৫৯
ইতি বরাহপুরাণে আদিকৃতবৃত্তন্তে শ্রাদ্ধকল্পো নাম ত্রয়োদশোঽধ্যায়ঃ
পিতৃগীতম্ সমাপ্তম্ |