কুমারসম্ভবম্ সর্গঃ ০৫

কুমারসম্ভবম্ সর্গঃ ০৫

তথা সমক্ষং দহতা মনোভবং পিনাকিনা ভগ্নমনোরথা সতী |
নিনিন্দ রূপং হৃদয়েন পার্বতী প্রিয়েষু সৌভাগ্যফলা হি চারুতা || ৫.১||
ইয়েষ সা কর্তুমবন্ধ্যরূপতাং সমাধিমাস্থায় তপোভিরাত্মনঃ |
অবাপ্যতে বা কথমন্যথা দ্বয়ং তথাবিধং প্রেম পতিশ্চ তাদৃশঃ || ৫.২||
নিশম্য চৈনাং তপসে কৃতোদ্যমাং সুতাং গিরীশপ্রতিসক্তমানসাম্ |
উবাচ মেনা পরিরভ্য বক্ষসা নিবারয়ন্তী মহতো মুনিব্রতাৎ || ৫.৩||
মনীষিতাঃ সন্তি গৃহে | অপি দেবতাস্তপঃ ক্ব বৎসে ক্ব চ তাবকং বপুঃ |
পদং সহেত ভ্রমরস্য পেলবং শিরীশপুষ্পং ন পুনঃ পতত্রিণঃ || ৫.৪||
ইতি ধ্রুবেচ্ছামনুশাসতী সুতাং শশাক মেনা ন নিয়ন্তুমুদ্যমাৎ |
ক ঈপ্সিতার্থস্থিরনিশ্চয়ং মনঃ পয়শ্চ নিম্নাভিমুখং প্রতীপয়েৎ || ৫.৫||
কদা চিদাসন্নসখীমুখেন সা মনোরথজ্ঞং পিতরং মনস্বিনী |
অয়াচতারণ্যনিবাসমাত্মনঃ ফলোদয়ান্তায় তপঃসমাধয়ে || ৫.৬||
অথানুরূপাভিনিবেশতোষিণা কৃতাভ্যনুজ্ঞা গুরুণা গরীয়সা |
প্রজাসু পশ্চাৎপ্রথিতং তদাখ্যয়া জগাম গৌরী শিখরং শিখণ্ডিমৎ || ৫.৭||
বিমুচ্য সা হারমহার্যনিশ্চয়া বিলোলয়ষ্টিপ্রবিলুপ্তচন্দনম্ |
ববন্ধ বালারুণবভ্রু বল্কলং পয়োধরোৎসেধবিশীর্ণসংহতি || ৫.৮||
যথা প্রসিদ্ধৈর্মধুরং শিরোরুহৈর্জটাভিরপ্যেবমভূত্তদাননম্ |
ন শট্পদশ্রেণিভিরেব পঙ্কজং সশৈবলাসঙ্গমপি প্রকাশতে || ৫.৯||
প্রতিক্ষণং সা কৃতরোমবিক্রিয়াং ব্রতায় মৌঞ্জীং ত্রিগুণাং বভার যাম্ |
অকারি তৎপূর্বনিবদ্ধয়া তয়া সরাগমস্যা রসনাগুণাস্পদম্ || ৫.১০||
বিসৃষ্টরাগাদধরান্নিবর্তিতঃ স্তনাঙ্গরাগারুণিতাচ্চ কন্দুকাৎ |
কুশাঙ্কুরাদানপরিক্ষতাঙ্গুলিঃ কৃতো | অক্ষসূত্রপ্রণয়ী তয়া করঃ || ৫.১১||
মহার্হশয়্যাপরিবর্তনচ্যুতৈঃ স্বকেশপুষ্পৈরপি যা স্ম দূয়তে |
অশেত সা বাহুলতোপধায়িনী নিষেদুষী স্থণ্ডিল এব কেবলে || ৫.১২||
পুনর্গ্রহীতুং নিয়মস্থয়া তয়া দ্বয়ে | অপি নিক্ষেপ ইবার্পিতম্দ্বয়ম্ |
লতাসু তন্বীষু বিলাসচেষ্টিতং বিলোলদৃষ্টং হরিণাঙ্গনাসু চ || ৫.১৩||
অতন্দ্রিতা সা স্বয়মেব বৃক্ষকান্ঘটস্তনপ্রস্রবণৈর্ব্যবর্ধয়ৎ |
গুহো | অপি যেষাং প্রথমাপ্তজন্মনাং ন পুত্রবাৎসল্যমপাকরিষ্যতি || ৫.১৪||
অরণ্যবীজাঞ্জলিদানলালিতাস্তথা চ তস্যাং হরিণা বিশশ্বসুঃ |
যথা তদীয়ৈর্নয়নৈঃ কুতূহলাৎপুরঃ সখীনামমিমীত লোচনে || ৫.১৫||
কৃতাভিশেকাং হুতজাতবেদসং ৎবগুত্তরাসঙ্গবতীমধীতিনীম্ |
দিগ্দৃক্ষবস্তামৃষয়ো | অভ্যুপাগমন্ন ধর্মবৃদ্ধেষু বয়ঃ সমীক্ষ্যতে || ৫.১৬||
বিরোধিসত্ত্বোজ্ঝিতপূর্বমৎসরং দ্রুমৈরভীষ্টপ্রসবার্চিতাতিথি |
নবোটজাভ্যন্তরসম্ভৃতানলং তপোবনং তচ্চ বভূব পাবনম্ || ৫.১৭||
যদা ফলং পূর্বতপঃসমাধিনা ন তাবতা লভ্যমমংস্ত কাঙ্ক্ষিতম্ |
তদানপেক্ষ্য স্বশরীরমার্দবং তপো মহৎসা চরিতুং প্রচক্রমে || ৫.১৮||
ক্লমং যয়ৌ কন্দুকলীলয়াপি যা তয়া মুনীনাং চরিতং ব্যগাহ্যত |
ধ্রুবং বপুঃ কাঞ্চনপদ্মনির্মিতং মৃদু প্রকৃত্যা চ সসারমেব চ || ৫.১৯||
শুচৌ চতুর্ণাং জ্বলতাং হবির্ভুজাং শুচিস্মিতা মধ্যগতা সুমধ্যমা |
বিজিত্য নেত্রপ্রতিঘাতিনীং প্রভামনন্যদৃষ্টিঃ সবিতারমৈক্ষত || ৫.২০||
তথাভিতপ্তং সবিতুর্গভস্তিভির্মুখং তদীয়ং কমলশ্রিয়ং দধৌ |
অপাঙ্গয়োঃ কেবলমস্য দীর্ঘয়োঃ শনৈঃ-শনৈঃ শ্যামিকয়া কৃতং পদম্ || ৫.২১||
অয়াচিতোপস্থিতমম্বু কেবলং রসাত্মকস্যোডুপতেশ্চ রশ্ময়ঃ |
বভূব তস্যাঃ কিল পারণাবিধির্ন বৃক্ষবৃত্তিব্যতিরিক্তসাধনঃ || ৫.২২||
নিকামতপ্তা বিবিধেন বহ্নিনা নভশ্চরেণেন্ধনসম্ভৃতেন চ |
তপাত্যয়ে বারিভিরুক্ষিতা নবৈর্ভুবা সহোষ্মাণমমুঞ্চদূর্ধ্বগম্ || ৫.২৩||
স্থিতাঃ ক্ষণং পক্ষ্মসু তাডিতাধরাঃ পয়োধরোৎসেধনিপাতচূর্ণিতাঃ |
বলীষু তস্যাঃ স্খলিতাঃ প্রপেদিরে চিরেণ নাভিং প্রথমোদবিন্দবঃ || ৫.২৪||
শিলাশয়াং তামনিকেতবাসিনীং নিরন্তরাস্বন্তরবাতবৃষ্টিষু |
ব্যলোকয়ন্নুন্মিষিতৈস্তডিন্ময়ৈর্মহাতপঃসাক্ষ্য ইব স্থিতাঃ ক্ষপাঃ || ৫.২৫||
নিনায় সাত্যন্তহিমোৎকিরানিলাঃ সহস্যরাত্রীরুদবাসতৎপরা |
পরস্পরাক্রন্দিনি চক্রবাকয়োঃ পুরো বিয়ুক্তে মিথুনে কৃপাবতী || ৫.২৬||
মুখেন সা পদ্মসুগন্ধিনা নিশি প্রবেপমানাধরপত্রশোভিনা |
তুষারবৃষ্টিক্ষতপদ্মসম্পদাং সরোজসন্ধানমিবাকরোদপাম্ || ৫.২৭||
স্বয়ংবিশীর্ণদ্রুমপর্ণবৃত্তিতা পরা হি কাষ্ঠা তপসস্তয়া পুনঃ |
তদপ্যপাকীর্ণমতঃ প্রিয়ংবদাং বদন্ত্যপর্ণেতি চ তাং পুরাবিদঃ || ৫.২৮||
মৃণালিকাপেলবমেবমাদিভির্ব্রতৈঃ স্বমঙ্গং গ্লপয়ন্ত্যহর্নিশম্ |
তপঃ শরীরৈঃ কঠিনৈরুপার্জিতং তপস্বিনাং দূরমধশ্চকার সা || ৫.২৯||
অথাজিনাষাঢধরঃ প্রগল্ভবাগ্জ্বলন্নিব ব্রহ্মময়েন তেজসা |
বিবেশ কশ্চিজ্জটিলস্তপোবনং শরীরবদ্ধঃ প্রথমাশ্রমো যথা || ৫.৩০||
তমাতিথেয়ী বহুমানপূর্বয়া সপর্যয়া প্রত্যুদিয়ায় পার্বতী |
ভবন্তি সাম্যে | অপি নিবিষ্টচেতসাং বপুর্বিশেষেষ্বতিগৌরবাঃ ক্রিয়াঃ || ৫.৩১||
বিধিপ্রয়ুক্তাং পরিগৃহ্য সৎক্রিয়াং পরিশ্রমং নাম বিনীয় চ ক্ষণম্ |
উমাং স পশ্যন্নৃজুনৈব চক্ষুষা প্রচক্রমে বক্তুমনুজ্ঝিতক্রমঃ || ৫.৩২||
অপি ক্রিয়ার্থং সুলভং সমিৎকুশং জলান্যপি স্নানবিধিক্ষমাণি তে |
অপি স্বশক্ত্যা তপসি প্রবর্তসে শরীরমাদ্যং খলু ধর্মসাধনম্ || ৫.৩৩||
অপি ৎবদাবর্জিতবারিসম্ভৃতং প্রবালমাসামনুবন্ধি বীরুধাম্ |
চিরোজ্ঝিতালক্তকপাটলেন তে তুলাং যদারোহতি দন্তবাসসা || ৫.৩৪||
অপি প্রসন্নং হরিণেষু তে মনঃ করস্থদর্ভপ্রণয়াপহারিষু |
য উৎপলাক্ষি প্রচলৈর্বিলোচনৈস্তবাক্ষিসাদৃশ্যমিব প্রয়ুঞ্জতে || ৫.৩৫||
যদুচ্যতে পার্বতি পাপবৃত্তয়ে ন রূপমিত্যব্যভিচারি তদ্বচঃ |
তথা হি তে শীলমুদারদর্শনে তপস্বিনামপ্যুপদেশতাং গতম্ || ৫.৩৬||
বিকীর্ণসপ্তর্ষিবলিপ্রহাসিভিস্তথা ন গাঙ্গৈঃ সলিলৈর্দিবশ্চ্যুতৈঃ |
যথা ৎবদীয়ৈশ্চরিতৈরনাবিলৈর্মহীধরঃ পাবিত এষ সান্বয়ঃ || ৫.৩৭||
অনেন ধর্মঃ সবিশেষমদ্য মে ত্রিবর্গসারঃ প্রতিভাতি ভাবিনি |
ৎবয়া মনোনির্বিষয়ার্থকাময়া যদেক এব প্রতিগৃহ্য সেব্যতে || ৫.৩৮||
প্রয়ুক্তসৎকারবিশেষমাত্মনা ন মাং পরং সম্প্রতিপত্তুমর্হসি |
যতঃ সতাং সন্নতগাত্রি সঙ্গতং মনীষিভিঃ সাপ্তপদীনমুচ্যতে || ৫.৩৯||
অতো | অত্র কিঞ্চিদ্ভবতীং বহুক্ষমাং দ্বিজাতিভাবাদুপপন্নচাপলঃ |
অয়ং জনঃ প্রষ্টুমনাস্তপোধনে ন চেদ্রহস্যং প্রতিবক্তুমর্হসি || ৫.৪০||
কুলে প্রসূতিঃ প্রথমস্য বেধসস্ত্রিলোকসৌন্দর্যমিবোদিতং বপুঃ |
অমৃগ্যমৈশ্বর্যসুখং নবং বয়স্তপঃফলং স্যাৎকিমতঃ পরং বদ || ৫.৪১||
ভবত্যনিষ্টাদপি নাম দুঃসহান্মনস্বিনীনাং প্রতিপত্তিরীদৃশী |
বিচারমার্গপ্রহিতেন চেতসা ন দৃশ্যতে তচ্চ কৃশোদরি ৎবয়ি || ৫.৪২||
অলভ্যশোকাভিভবেয়মাকৃতির্বিমাননা সুভ্রু কুতঃ পিতুর্গৃহে |
পরাভিমর্শো ন তবাস্তি কঃ করং প্রসারয়েৎপন্নগরত্নসূচয়ে || ৫.৪৩||
কিমিত্যপাস্যাভরণানি যৌবনে ধৃতং ৎবয়া বার্দ্ধকশোভি বল্কলম্ |
বদ প্রদোষে স্ফুটচন্দ্রতারকে বিভাবরী যদ্যরুণায় কল্পতে || ৫.৪৪||
দিবং যদি প্রার্থয়সে বৃথা শ্রমঃ পিতুঃ প্রদেশাস্তব দেবভূময়ঃ |
অথোপয়ন্তারমলং সমাধিনা ন রত্নমন্বিষ্যতি মৃগ্যতে হি তৎ || ৫.৪৫||
নিবেদিতং নিশ্বসিতেন সোষ্মণা মনস্তু মে সংশয়মেব গাহতে |
ন দৃশ্যতে প্রার্থয়িতব্য এব তে ভবিষ্যতি প্রার্থিতদুর্লভঃ কথম্ || ৫.৪৬||
অহো স্থিরঃ কো | অপি তবেপ্সিতো যুবা চিরায় কর্ণোৎপলশূন্যতাং গতে |
উপেক্ষতে যঃ শ্লথলম্বিনীর্জটাঃ কপোলদেশে কলমাগ্রপিঙ্গলাঃ || ৫.৪৭||
মুনিব্রতৈস্ত্বামতিমাত্রকর্শিতাং দিবাকরাপ্লুষ্টবিভূষণাস্পদাম্ |
শশাঙ্কলেখামিব পশ্যতো দিবা সচেতসঃ কস্য মনো ন দূয়তে || ৫.৪৮||
অবৈমি সৌভাগ্যমদেন বঞ্চিতং তব প্রিয়ং যশ্চতুরাবলোকিনঃ |
করোতি লক্ষ্যং চিরমস্য চক্ষুষো ন বক্ত্রমাত্মীয়মরালপক্ষ্মণঃ || ৫.৪৯||
কিয়চ্চিরং শ্রাম্যসি গৌরি বিদ্যতে মমাপি পূর্বাশ্রমসঞ্চিতং তপঃ |
তদর্ধভাগেন লভস্ব কাঙ্ক্ষিতং বরং তমিচ্ছামি চ সাধু বেদিতুম্ || ৫.৫০||
ইতি প্রবিশ্যাভিহিতা দ্বিজন্মনা মনোগতং সা ন শশাক শংসিতুম্ |
অথো বয়স্যাং পরিপার্শ্ববর্তিনীং বিবর্তিতানঞ্জননেত্রমৈক্ষত || ৫.৫১||
সখী তদীয়া তমুবাচ বর্ণিনং নিবোধ সাধো তব চেৎকুতূহলম্ |
যদর্থমম্ভোজমিবোষ্ণবারণং কৃতং তপঃসাধনমেতয়া বপুঃ || ৫.৫২||
ইয়ং মহেন্দ্রপ্রভৃতীনধিশ্রিয়শ্চতুর্দিগীশানবমত্য মানিনী |
অরূপহার্যং মদনস্য নিগ্রহাৎপিনাকপাণিং পতিমাপ্তুমিচ্ছতি || ৫.৫৩||
অসহ্যহুঙ্কারনিবর্তিতঃ পুরা পুরারিমপ্রাপ্তমুখঃ শিলীমুখঃ |
ইমাং হৃদি ব্যায়তপাতমক্ষণোদ্বিশীর্ণমূর্তেরপি পুষ্পধন্বনঃ || ৫.৫৪||
তদাপ্রভৃত্যুন্মদনা পিতুর্গৃহে ললাটিকাচন্দনধূসরালকা |
ন জাতু বালা লভতে স্ম নির্বৃতিং তুষারসঙ্ঘাতশিলাতলেষ্বপি || ৫.৫৫||
উপাত্তবর্ণে চরিতে পিনাকিনঃ সবাষ্পকণ্ঠস্খলিতৈঃ পদৈরিয়ম্ |
অনেকশঃ কিন্নররাজকন্যকা বনান্তসঙ্গীতসখীররোদয়ৎ || ৫.৫৬||
ত্রিভাগশেষাসু নিশাসু চ ক্ষণম্নিমীল্য নেত্রে সহসা ব্যবুধ্যত |
ক্ব নীলকণ্ঠ ব্রজসীত্যলক্ষ্যবাগসত্যকণ্ঠার্পিতবাহুবন্ধনা || ৫.৫৭||
যদা বুধৈঃ সর্বগতস্ত্বমুচ্যসে ন বেৎসি ভাবস্থমিমং জনং কথম্ |
ইতি স্বহস্তাল্লিখিতশ্চ মুগ্ধয়া রহস্যুপালভ্যত চন্দ্রশেখরঃ || ৫.৫৮||
যদা চ তস্যাধিগমে জগৎপতেরপশ্যদন্যং ন বিধিং বিচিন্বতী |
তদা সহাস্মাভিরনুজ্ঞয়া গুরোরিয়ং প্রপন্না তপসে তপোবনম্ || ৫.৫৯||
দ্রুমেষু সখ্যা কৃতজন্মসু স্বয়ং ফলং তপঃসাক্ষিষু দৃষ্টমেষ্বপি |
ন চ প্ররোহাভিমুখো | অপি দৃশ্যতে মনোরথো | অস্যাঃ শশিমৌলিসংশ্রয়ঃ || ৫.৬০||
ন বেদ্মি স প্রার্থিতদুর্লভঃ কদা সখীভিরস্রোত্তরমীক্ষিতামিমাম্ |
তপঃকৃশামভ্যুপপৎস্যতে সখীং বৃষেব সীতাং তদবগ্রহক্ষতাম্ || ৫.৬১||
অগূঢসদ্ভাবমিতীঙ্গিতজ্ঞয়া নিবেদিতো নৈষ্ঠিকসুন্দরস্তয়া |
অয়ীদমেবং পরিহাস ইত্যুমামপৃচ্ছদব্যঞ্জিতহর্ষলক্ষণঃ || ৫.৬২||
অথাগ্রহস্তে মুকুলীকৃতাঙ্গুলৌ সমর্পয়ন্তী স্ফটিকাক্ষমালিকাম্ |
কথং চিদদ্রেস্তনয়া মিতাক্ষরং চিরব্যবস্থাপিতবাগভাষত || ৫.৬৩||
যথা শ্রুতং বেদবিদাং বর ৎবয়া জনো | অয়মুচ্চৈঃপদলঙ্ঘনোৎসুকঃ |
তপঃ কিলেদং তদবাপ্তিসাধনং মনোরথানামগতির্ন বিদ্যতে || ৫.৬৪||
অথাহ বর্ণী বিদিতো মহেশ্বরস্তদর্থিনী ৎবং পুনরেব বর্তসে |
অমঙ্গলাভ্যাসরতিং বিচিন্ত্য তং তবানুবৃত্তিং ন চ কর্তুমুৎসহে || ৫.৬৫||
অবস্তুনির্বন্ধপরে কথং নু তে করো | অয়মামুক্তবিবাহকৌতুকঃ |
করেণ শম্ভোর্বলয়ীকৃতাহিনা সহিষ্যতে তৎপ্রথমাবলম্বনম্ || ৫.৬৬||
ৎবমেব তাবৎপরিচিন্তয় স্বয়ং কদা চিদেতে যদি যোগমর্হতঃ |
বধূদুকূলং কলহংসলক্ষণং গজাজিনং শোণিতবিন্দুবর্ষি চ || ৫.৬৭||
চতুষ্কপুষ্পপ্রকরাবিকীর্ণয়োঃ পরো | অপি কো নাম তবানুমন্যতে |
অলক্তকাঙ্কানি পদানি পাদয়োর্বিকীর্ণকেশাসু পরেতভূমিষু || ৫.৬৮||
অয়ুক্তরূপং কিমতঃ পরং বদ ত্রিনেত্রবক্ষঃ সুলভং তবাপি যৎ |
স্তনদ্বয়ে | অস্মিন্হরিচন্দনাস্পদে পদং চিতাভস্মরজঃ করিষ্যতি || ৫.৬৯||
ইয়ং চ তে | অন্যা পুরতো বিডম্বনা যদূঢয়া বারণরাজহার্যয়া |
বিলোক্য বৃদ্ধোক্ষমধিষ্ঠিতং ৎবয়া মহাজনঃ স্মেরমুখো ভবিষ্যতি || ৫.৭০||
দ্বয়ং গতং সম্প্রতি শোচনীয়তাং সমাগমপ্রার্থনয়া কপালিনঃ |
কলা চ সা কান্তিমতী কলাবতস্ত্বমস্য লোকস্য চ নেত্রকৌমুদী || ৫.৭১||
বপুর্বিরূপাক্ষমলক্ষ্যজন্মতা দিগম্বরৎবেন নিবেদিতং বসু |
বরেষু যদ্বালমৃগাক্ষি মৃগ্যতে তদস্তি কিং ব্যস্তমপি ত্রিলোচনে || ৫.৭২||
নিবর্তয়াস্মাদসদীপ্সিতান্মনঃ ক্ব তদ্বিধস্ত্বং ক্ব চ পুণ্যলক্ষণা |
অপেক্ষ্যতে সাধুজনেন বৈদিকী শ্মশানশূলস্য ন যূপসৎক্রিয়া || ৫.৭৩||
ইতি দ্বিজাতৌ প্রতিকূলবাদিনি প্রবেপমানাধরলক্ষ্যকোপয়া |
বিকুঞ্চিতভ্রূলতমাহিতে তয়া বিলোচনে তির্যগুপান্তলোহিতে || ৫.৭৪||
উবাচ চৈনং পরমার্থতো হরং ন বেৎসি নূনং যত এবমাত্থ মাম্ |
অলোকসামান্যমচিন্ত্যহেতুকং দ্বিষন্তি মন্দাশ্চরিতং মহাত্মনাম্ || ৫.৭৫||
বিপৎপ্রতীকারপরেণ মঙ্গলং নিষেব্যতে ভূতিসমুৎসুকেন বা |
জগচ্ছরণ্যস্য নিরাশিষঃ সতঃ কিমেভিরাশোপহতাত্মবৃত্তিভিঃ || ৫.৭৬||
অকিঞ্চনঃ সন্প্রভবঃ স সম্পদাং ত্রিলোকনাথঃ পিতৃসদ্মগোচরঃ |
স ভীমরূপঃ শিব ইত্যুদীর্যতে ন সন্তি যাথার্থ্যবিদঃ পিনাকিনঃ || ৫.৭৭||
বিভূষণোদ্ভাসি পিনদ্ধভোগি বা গজাজিনালম্বি দুকূলধারি বা |
কপালি বা স্যাদথ বেন্দুশেখরং ন বিশ্বমূর্তেরবধার্যতে বপুঃ || ৫.৭৮||
তদঙ্গসংসর্গমবাপ্য কল্পতে ধ্রুবং চিতাভস্মরজো বিশুদ্ধয়ে |
তথা হি নৃত্যাভিনয়ক্রিয়াচ্যুতং বিলিপ্যতে মৌলিভিরম্বরৌকসাং || ৫.৭৯||
অসম্পদস্তস্য বৃষেণ গচ্ছতঃ প্রভিন্নদিগ্বারণবাহনো বৃষা |
করোতি পাদাবুপগম্য মৌলিনা বিনিদ্রমন্দাররজোরুণাঙ্গুলী || ৫.৮০||
বিবক্ষতা দোষমপি চ্যুতাত্মনা ৎবয়ৈকমীশং প্রতি সাধু ভাষিতম্ |
যমামনন্ত্যাত্মভুবো | অপি কারণং কথং স লক্ষ্যপ্রভবো ভবিষ্যতি || ৫.৮১||
অলং বিবাদেন যথা শ্রুতস্ত্বয়া তথাবিধস্তাবদশেষমস্তু সঃ |
মমাত্র ভাবৈকরসং মনঃ স্থিতং ন কামবৃত্তির্বচনীয়মীক্ষতে || ৫.৮২||
নিবার্যতামালি কিমপ্যয়ং বটুঃ পুনর্বিবক্ষুঃ স্ফুরিতোত্তরাধরঃ |
ন কেবলং যো মহতো | অপভাষতে শৃণোতি তস্মাদপি যঃ স পাপভাক্ || ৫.৮৩||
ইতো গমিশ্যাম্যথবেতি বাদিনী চচাল বালা স্তনভিন্নবল্কলা |
স্বরূপমাস্থায় চ তাং কৃতস্মিতঃ সমাললম্বে বৃষরাজকেতনঃ || ৫.৮৪||
তং বীক্ষ্য বেপথুমতী সরসাঙ্গয়ষ্টির্নিক্ষেপণায় পদমুদ্ধৃতমুদ্বহন্তী |
মার্গাচলব্যতিকরাকুলিতেব সিন্ধুঃ শৈলাধিরাজতনয়া ন যয়ৌ ন তস্থৌ || ৫.৮৫||
অদ্যপ্রভৃত্যবনতাঙ্গি তবাস্মি দাসঃ ক্রীতস্তপোভিরিতি বাদিনি চন্দ্রমৌলৌ |
অহ্নায় সা নিয়মজং ক্লমমুৎসসর্জ ক্লেশঃ ফলেন হি পুনর্নবতাং বিধত্তে || ৫.৮৬||