চাণক্যানি বা কৌটিলীয়ানি নীতিসূত্রাণি – ৭ম অধ্যায়

চাণক্যানি বা কৌটিলীয়ানি নীতিসূত্রাণি – ৭ম অধ্যায়

অথ সপ্তমোঽধ্যায়ঃ ||
তপস্সার ইন্দ্রিয়নিগ্রহঃ || ১||
দুর্লভঃ স্ত্রীবন্ধনান্মোক্ষঃ || ২||
স্ত্রীনাম সর্বাশুভানাং ক্ষেত্রম্ || ৩||
ন চ স্ত্রীণাং পুরুষপরীক্ষা || ৪||
স্ত্রীণাং মনঃ ক্ষণিকম্ || ৫||
অশুভদ্বেষিণঃ স্ত্রীষু ন প্রসক্তা ভবেয়ুঃ || ৬||
যজ্ঞফলজ্ঞাস্ত্রিবেদবিদঃ || ৭||
স্বর্গস্থানং ন শাশ্বতং অপি তু যানৎপুণ্যফলম্ || ৮||
ন চ স্বর্গপতনাৎ পরং দুঃখম্ || ৯||
দেহী দেহং ত্যক্ত্বা ঐন্দ্রপদং ন বাঞ্ছতি || ১০||
দুঃখানামৌষধং নির্বাণম্ || ১১||
অনার্যসম্বন্ধাদ্বরমার্যশত্রুতা || ১২||
নিহন্তি দুর্বচনং কুলম্ || ১৩||
ন পুত্রসংস্পর্শাৎ পরং সুখম্ || ১৪||
বিবাদে ধর্মমনুস্মরেৎ || ১৫||
নিশান্তে কার্যং চিন্তয়েৎ || ১৬||
প্রদোষে ন সংযোগঃ কর্তব্যঃ || ১৭||
উপস্থিতবিনাশঃ দুর্নয়ং শুভং মন্যতে || ১৮||
ক্ষীরার্থিনঃ কিং করিণ্যা || ১৯||
ন দানসমং বশ্যম্ || ২০||
পরায়ত্তেষূৎকণ্ঠাং ন কুর্যাৎ || ২১||
অৎসমৃদ্ধিরসদ্ভরেব ভুজ্যতে || ২২||
নিম্বফলং কাকৈর্হি ভুজ্যতে || ২৩||
নাম্ভোধিস্তৃষ্ণামপোহতি || ২৪||
বালিকা অপি স্বগুণমাশ্রয়ন্তে || ২৫||
সন্তোঽসৎসু ন রমন্তে || ২৬||
হংসঃ প্রতবনে ন রমতে || ২৭||
অর্থার্থং প্রবর্ততে লোকঃ || ২৮||
আশয়া বধ্যতে লোকঃ || ২৯||
ন চ আশাপরৈঃ শ্রী সহ তিষ্ঠতি || ৩০||
আশাপরে ন ধৈর্যম্ || ৩১||
দৈন্যান্মরণমুত্তমম্ || ৩২||
আশালজ্জাং ব্যপোহতি || ৩৩||
ন মাত্রা সহ বাশঃ কর্তব্যঃ || ৩৪||
আত্মা ন স্তোতব্যঃ || ৩৫||
ন দিবা স্বপ্নং কুর্যাৎ || ৩৬||
ন চাসন্নপি পশ্যত্যৈশ্বর্যান্ধঃ নাপি শ্রুণোতীষ্টং বাক্যম্ || ৩৭||
স্ত্রীণাং ন ভরিতুঃ পরং দৈবতম্ তদনুবর্তনং তাসামুভয়সৌখ্যম্ || ৩৮||
অতিথিঅভ্যাগতং চ পূজয়েদ্যথাবিধি || ৩৯||
নাস্তি হব্যস্য ব্যাঘাতঃ || ৪০||
শত্রুর্মিত্রবৎ প্রতিভাতি || ৪১||
মৃগতৃষ্ণা জলবদ্ভাতি হি || ৪২||
ইতি সপ্তমোঽধ্যায়ঃ ||