চাণক্যানি বা কৌটিলীয়ানি নীতিসূত্রাণি – ৫ম অধ্যায়

চাণক্যানি বা কৌটিলীয়ানি নীতিসূত্রাণি – ৫ম অধ্যায়

অথ পঞ্চমোঽধ্যায়ঃ ||
বিদ্যা ধনমধনানাম্ || ১||
বিদ্যা চোরৈরপি ন গ্রাহ্যা || ২||
বিদ্যা সুলভা খ্যাতিঃ || ৩||
যশঃ শরীরং ন বিনশ্যতি || ৪||
যঃ পরাথমন্যমুপসর্পতি স সৎপুরুষঃ || ৫||
ইন্দ্রিয়াণাং প্রশমং শাস্ত্রম্ || ৬||
অকার্যপ্রবৃত্তেঃ শাস্ত্রাঙ্কুশং নিবারয়তি || ৭||
নীচস্য বিদ্যা নোপেতব্যা || ৮||
ম্লেচ্ছভাষণং ন শিক্ষেত || ৯||
ম্লেচ্ছানামপি সুবৃত্তং গ্রাহ্যম্ || ১০||
গুণে ন মৎসরঃ কর্তব্যঃ || ১১||
শত্রোরপি সুগুণো গ্রাহ্যঃ || ১২||
বিষাদপ্যমৃতং গ্রাহ্যম্ || ১৩||
অবস্থয়া পুরুষঃ সংমান্যতে || ১৪||
স্থান এব নরাঃ পূজ্যন্তে || ১৫||
আর্যবৃতমনুতিষ্ঠেৎ || ১৬||
কদাপি মর্যাদাং নাতিক্রামেৎ || ১৭||
নাস্ত্যর্ঘঃ ওউরুষরত্নস্য || ১৮||
ন স্ত্রীরত্নসমং রত্নম্ || ১৯||
সুদুর্লভং হি রত্নম্ || ২০||
অয়শো ভয়ং ভয়েষু || ২১||
নাস্ত্যলসস্য শাস্ত্রাধিগমঃ || ২২||
ন স্ত্রৈণস্য স্বর্গাপ্তির্ধর্মকৃত্যং চ || ২৩||
স্ত্রিয়োঽপি স্ত্রৈণমবমন্যন্তে || ২৪||
ন পুষ্পার্থী সিঞ্চতি শুষ্কতরুম্ || ২৫||
অদ্রব্যপ্রয়ত্নো বালিকাক্বাথনাদনন্যঃ || ২৬||
ন মহাজনহাসঃ কর্তব্যঃ || ২৭||
কার্যসম্পদং নিমিত্তানি সূচয়ন্তি || ২৮||
নক্ষত্রাদপি নিমিত্তানি বিশেষয়ন্তি || ২৯||
ন ৎবরিতস্য নক্ষত্রপরীক্ষা || ৩০||
পরিচয়ে দোষা ন ছদ্যন্তে || ৩১ |
স্বয়মশুদ্ধঃ পরানাশঙ্কতে || ৩২||
স্বভাবো দুরতিক্রমঃ || ৩৩||
অপরাধানুরূপো দণ্ডঃ || ৩৪||
প্রশ্নানুরূপং প্রতিবচনম্ || ৩৫||
বিভবানুরূপমাভরণম্ || ৩৬||
কুলানুরূপং বৃতম্ || ৩৭||
কার্যানুরূপঃ প্রয়ত্নঃ || ৩৮||
পাত্রানুরূপং দানম্ || ৩৯||
বয়োঽনুরূপও বেষঃ || ৪০||
স্বাম্যনুকূলো ভৃত্যঃ || ৪১||
ভতৃবশবর্তিনী ভার্যা || ৪২||
গুরুবশানুবর্তী শিষ্যঃ || ৪৩||
পিতৃবশানুবর্তী পুত্রঃ || ৪৪||
অত্যুপচারঃ শঙ্কিতব্যঃ || ৪৫||
স্বামিনি কুপিতে স্বামিনমেবানুবর্তেত || ৪৬||
মাতৃতাডিতো বৎসো মাতরমেবানুরোদিতি || ৪৭||
স্নেহবতঃ স্বল্পো হি রোষঃ || ৪৮||
বালিশঃ আত্মছিদ্রং ন পশ্যতি অপি তু পরচ্ছিদ্রমেব পশ্যতি || ৪৯||
সদোপচারঃ কিতবঃ || ৫০||
কাম্যৈর্বিশেষৈরূপচারমুপচারঃ || ৫১||
চিরপরিচিতানামত্যুপচারঃ শঙ্কিতব্যঃ || ৫২||
শ্বসহস্রাদেকাকিনী গৌঃ শ্রেয়সী || ৫৩||
শ্বো ময়ূরাদদ্য কপোতো বরঃ || ৫৪||
অতিসঙ্গো দোষমুৎপাদয়তি || ৫৫||
সর্বং জয়ত্যক্রোধঃ || ৫৬||
যদ্যপকারিণী কোপঃ কর্তব্যঃ তর্হি স্বকোপে এবকোপঃ কর্তব্যঃ || ৫৭||
মতিমৎসু মূর্খমিত্রগুরুবল্লভেষু বিবাদো ন কর্তব্যঃ || ৫৮||
নাস্ত্যপিশাচমৈশ্বর্যম্ || ৫৯||
নাস্তি ধনবতাং সুকর্মসু শ্রমঃ || ৬০||
নাস্তি গতিশ্রমো যানবতাম্ || ৬১||
অলোহময়ং নিগডং কলত্রম্ || ৬২||
যো যস্মিন্ কর্মণি কুশলঃ স তস্মিন্ যোক্তব্যঃ || ৬৩||
দুষ্কলত্রং মনস্বিনাং শরীরকর্শনম্ || ৬৪||
অপ্রমত্তো দারান্ নিরীক্ষেত || ৬৫||
স্ত্রীষু কিংচিদপি ন বিশ্বসেৎ || ৬৬||
ন সমাধিঃ স্ত্রীষু লোকজ্ঞতা চ || ৬৭||
গুরূণাং মাতা গরীয়সী || ৬৮||
সর্বাবস্থাসু মাতা ভর্তব্যা || ৬৯||
বৈরূপ্যমলঙ্কারেণাঅচ্ছাদ্যতে || ৭০||
স্ত্রীণাং ভূষণং লজ্জা || ৭১||
বিপ্রাণাং ভূষণং বেদঃ || ৭২||
সর্বেষাং ভূষণং ধর্মঃ || ৭৩||
ভূষণানাং ভূষণং সবিনয় বিদ্যা || ৭৪||
ইতি পঞ্চমোঽধ্যায়ঃ ||